நந்தாவிளக்கு

ஒரு கவிதை வார்த்தைகள்

2012-01-14T20:48:00.002+05:30

1

தானியங்கி தாலாட்டு பாடும்
எந்திரத் தொட்டிலில்
மிதந்தபடி
கனவில் எழுதப்படும் கவிதையில்
இவன் வேண்டிக்கொள்கிறான்
விடாமல் தலைகோதும்
எந்திரக் கை வேண்டும் என

2

இரும்பு நூல் தறி ஓட்டம்
குதிக்கும் குதிரை வேகம்
எருமைத் தோல் வானம்
வெண்நாரை மேகம்
மழை பாடும் ஒப்பாரி ராகம்

3

தண்டவாள தாயக் கட்டைகள் உருள
ரயில்காய் நகர்வில்
வேறோர் உலகம்
விழுந்தது தாயம்
வாழ்வே மாயம்

கடவுளாகித் திரியும் மனிதன்

2011-11-17T20:10:00.001+05:30

பின்னே வெடித்தீயெரிய
முன்னே நடக்கும் நாயகனின்
அபத்த உலகிலிருந்து ஓர் அதிசயம் நிகழுமென
கடவுளாகித் திரியும் மனிதன்
ஹெல்மெட் கண்ணாடி மேல்
படர்ந்த மழைத்துளியில்
பதுங்கும் ஹெட்லைட்ஒளி
வெப்பம் சிதைத்த தார்வெளி
மறைக்க
ஏழு மேடு
ஏழு பள்ளம்
ஏழு சிவப்பொளி
தாண்டி
அன்றைய வீடுபேறு அடைய
இரவின் மீது ஏறிச் சென்ற பயணம்
முடிகிறது
முற்றத்தில்
வெளிச்ச வெறி ஏறிய டைல்ஸ் தரை
வழிப் புலரும் காலை மீது
வெடிக்கிறது சூரியன்
மீண்டும்

நான் இப்பொழுது குடிக்கும் பியர்

2011-11-11T17:22:00.000+05:30

உள்ளங்கையில் துள்ளும் கடல் மீது
ததும்பும் நார்சிசப் பிம்பம்
அந்த காலத்தில் பேய்கள் இருந்தன
என்றது
பேயோட்டிய பின்
போய் அமர்ந்த private beach கடற்கரை மணலில்
நட்ட பீர் பாட்டிலை
சைத்தானென்று
நாலு mug குடித்த பின்னும்
நான் இப்பொழுது குடிக்கும் பியர்
பிதுங்கும் கோப்பையில் விழுகிறது
கை நீட்டி உணர்ந்த மழை
ஊதித் தள்ளிய பியர் நுரை
கலக்கிறது கடல் நுரையுடன்
மழை மீது பெய்யும் மழை
கடல் மீதும் பெய்கிறது
என் மீதும் பெய்கிறது
கோபம் வீணடிக்கும்
அன்பின் வழி வந்த வெப்பம்
மேலே எழுந்தது
மஹாஜனங்களின் மீது
மழையாகிப் பொழிந்தது

கனவில் எழுதப்படும் கதை : ‘சவால் சிறுகதை - 2011’

2011-10-28T20:05:00.001+05:30

1

அந்த ஃபோட்டோவைப் பார்த்ததுமே நான் ஆச்சரியப்பட்டேன்.

நேற்று என் கனவில் வந்த அந்த நிகழ்வு போலவே இருந்தது.

அவ்வளவு தத்ரூபமாகவா கிராஃபிக்ஸ் செய்திருப்பார்கள் ...

‘ஒரு செல்போனையும், மேஜையில் கிடக்கும் இரண்டு குறிப்புகள் பிரிண்ட் செய்யப்பட்ட துண்டுத்தாள்களையும் நான் கவனித்துக்கொண்டிருக்கிறேன். அப்போது என் ஃபோனில் விஷ்ணு - இன்ஃபார்மர் என்பவரிடமிருந்து ஒரு அழைப்பு வருகிறது.’

என் கனவில் அந்தக் குறிப்புகள் இவ்வளவு தெளிவாக இல்லை.

அனுப்பியவரின் மின்னஞ்சல் முகவரியை கவனித்தேன்.

எனக்கு பழக்கமில்லாத யாரோ.

Cc-இல் இருந்த மற்றொரு முகவரியும் புதிது.

Subject-இல் பார்த்தால் ‘இன்னுமா புரியவில்லை’, என்றிருந்தது.

Message-இல் ‘ஹலோ’ என்று மட்டும் இருந்தது.

Attachment-இல் இருந்த அந்த ஃபோட்டோவை மீண்டும் ஒரு முறை பார்த்தேன். புதிராகவே இருந்தது.

2

S.P.Gokul, Vishnu மற்றும் நான் மூவரும் அந்த அறையில் சந்தித்தோம்.

“கனவில் நீங்கள் எழுதிக் கொண்டிருக்கும் இந்தக் கதை முடிந்து நீங்கள் விழித்துக் கொள்ளத் தான் அந்த ஃபோட்டோவை உருவாக்கினோம்.”, என்றான் S.P.Gokul

“ஆனால் நீங்கள் இன்னும் எங்களுடன் உரையாடிக் கொண்டிருக்கிறீர்கள்.”, என்றான் Vishnu.

“எந்த ஃபோட்டோ”, என்றேன் நான்.

“அதற்குள் மறந்துவிட்டீர்களா. இதோ ...”, என்றனர் இருவருமே.

அந்த ஃபோட்டோவைப் பார்த்ததுமே நான் ஆச்சரியப்பட்டேன்.

நேற்று என் கனவில் வந்த அந்த நிகழ்வு போலவே இருந்தது.

அவ்வளவு தத்ரூபமாகவா கிராஃபிக்ஸ் செய்திருப்பார்கள் ...

கதை விமர்சனம்

போட்டியில் இரண்டாம் இடத்தைப் பிடித்த கதை இது

டிராகுலாவின் காதலி 4

2011-04-28T22:18:00.001+05:30

The blood abused you so much ... it makes me feel thirsty. - Volturi
- The Twilight Saga: New Moon

ஓநாய்களால் துரத்தப்படும்
ஒரு சபிக்கப்பட்ட டிராகுலா நான்
ரத்தருசி கண்ட காட்டேரி
அடங்காது அலையும் மழைக்காடு நீ
ரத்தம் பிளந்த என் வார்த்தைகளை
உன் முத்தங்களால் கோர்த்து
கம்பி மேல் அமரும் சூரியன்
எனைக் காணும் பொழுது
ஆற்றங்கரையில் நான் அஸ்தமனமாகிறேன்
அப்போது உன் உதயம் வரைகிறது
இரவின் மீது ஒரு கோடு
பைன்மரக் காடு தாண்டி
அலைகடல் குளிர் வேண்டி
உன்னுள் எந்த மாயமும் நிகழ்த்தப் போவதில்லை
பிறப்பறுக்க நீ நாடும் இவ்வழி
புதிதாகப் பிறந்தவர்களின் பசி மிகக்குரூரமானது
அதுவே அவர்களைக் கொன்று உடைக்கக் கூடியது
காதலின் மேல் எனக்கிருக்கும் காதல்
என்னை இப்படித் தான் வேட்டையாடிக் கொன்றது

2011இன் நேற்று

2010-12-31T21:58:00.001+05:30

இந்தப் புத்தாண்டில்
எல்லாவற்றிலும் ஒன்றைக் குறைக்கலாம் என்றிருக்கிறேன் தினமும்
காலை ஆகாரத்தில் இட்லியிலோ தோசையிலோ ஒன்று
மதிய உணவில் அரிசி ஒரு கரண்டி
உப்பு சர்கரையில் ஒரு டீஸ்பூன்
இரவு மதுவில் ஒரு பெக்
மாமிசத்தில் மனிதாபிமானத்தில் ஒரு துண்டு
சிகரெட்டில் ஒன்று
கோபத்தில் சோகத்தில் ஒரு மிடறு
எனினும் என் முடிவு பற்றிக் கவலையில்லாமல்
குறையும் என் ஆயுளில் ஒரு நாள் தினமும்
வெந்து தணிந்தது ஆறு
தத்தரிகிட தத்தரிகிட தித்தோம்

காணாமல் போன கதை (“சவால் சிறுகதை”)

2010-10-15T09:02:00.006+05:30

என் கதை ஒன்றைக் காணவில்லை. அதைக் கண்டுபிடித்துக் கொடுப்பவர்களுக்கு குறைந்தபட்சம் என் அன்பும், நன்றியும், வெளிவர இருக்கும் (எப்போது எனத் தெரியாது) என் முதல் சிறுகதைத் தொகுதியும் (ஒரு ரூபாய்க்கு ஒரு கதை) அவசியம் உண்டு.

“காணாமல் போன வைரம்” என்று ஒரு சிறுகதை, ரெண்டாயிரங்களின் ஆரம்பத்தில் எழுதினேன். அந்தக் கதையைத் தான் இப்போது காணவில்லை.

காணவில்லை என்றால் முற்றாகக் காணவில்லை. ரெண்டாவது பத்தியில் சொல்லப்பட்ட தகவல்கள் தவிர வேறெதுவும் என் நினைவில் இல்லை.

மேற்படி விளம்பரம் ஒன்றை நீங்கள் இணையத்தின் ஏதாவது ஒரு மின்-பக்கத்தில் பார்த்திருக்கலாம். இல்லாவிட்டாலும் பரவாயில்லை. இதுவரை என் கோடானு-கோடி வாசகர்களிடமிருந்து வந்த ஒரே பதில் :

இணையவெளிப் பயணம் போதும் போதும் எனத் தேடி அலுத்து யாராவது அதை archive செய்திருப்பார்கள் என்ற நம்பிக்கையையும் இப்போது இழந்துவிட்டேன்.

எனவே வேறு உபாயமாக அந்தத் தனியார் துப்பறியும் நிறுவனத்தை (அணு கண் - Atom Eye) அணுகினேன். இந்த நூற்றாண்டில் இதையெல்லாம் தேடித் தரத் தயாராக இருக்கிறார்கள் பாருங்கள் ... எதையெல்லாம் காணாமல் அடிக்கிறோம் பாருங்கள் ... இந்த நிறுவனத்தின் சிறப்பு காணாமல் போன வைரங்களைக் கண்டுபிடித்தல்.

அவனிடம் விஷயத்தைச் சொன்னேன். கதையின் தலைப்பில் வைரம் இருந்த காரணத்தால் என் பிரச்சனை அவன் தனி கவனத்தைப் பெற்றிருந்தது.

நான் எழுதிய வேறு சில கதைகளைக் கேட்டான் ... Memory Cardஐக் கொடுத்தேன். கணியில் இட்டு ஏதோ ஒரு கதையை அழுத்தி படிக்க ஆரம்பித்தான். நானும் அதைப் பார்த்தேன் ... மேலோட்டமாக அங்கொன்றும் இங்கொன்றுமாக ஒரு சில வரிகளைப் படித்தேன் ...

...

டாக்டர் அகன்றதும் காமினி எழுந்து தன் முகத்தில் இருந்த மாஸ்கை அகற்றிவிட்டு, வயர்களையெல்லாம் பிடுங்கி விட்டு அருகிலிருந்த கண்ணாடி ஜன்னலைத் திறந்து வெளியே குதித்தாள்.

...

“ஸாரி.. எனக்கு வேற வழி தெரியலை” என்று காமினியின் நெற்றிப் பொட்டில் துப்பாக்கியை வைத்தான் சிவா.

...

“காமினி... வெல்டன்.. எப்படியோ போலீஸ் கண்ல மண்ணைத் தூவிட்டு இந்த டைமண்டைக் கொண்டு வந்துட்டியே” என்று பாராட்டினார் பரந்தாமன்.

...

எனக்கு சட்டென்று மண்டைக்குள் தீக்குச்சி பற்றியது. காணாமல் போன என் அந்தக் கதை என்னுடைய “வைரம் பாய்ந்த கதைகள்” seriesஇல் ஒன்று. சொன்னேன்.

அவன் தன் கணினியில் இருந்து தலைமை கணினியின் databaseஐத் தொடர்பு கொண்டு ஒரே ஒரு query அடித்தான் :

FIND * FROM S.DB WHERE TYPE="STORY" AND LANG="TAMIL" AND TITLE="காணாமல் போன வைரம்" AND YEAR BETWEEN 2000 AND 2999 AND CONTENT LIKE "%டைமண்ட்"

திரையில் தெரிந்த முதல் பத்து resultகளில் அந்தக் கதையின் அந்த content overview columnஇல் டைமண்ட் என்ற வார்த்தை highlightஆகி இருந்த அந்த வரிகளைப் பார்த்ததுமே நாங்கள் அதிர்ந்தோம்.

...

“காமினி... வெல்டன்.. எப்படியோ போலீஸ் கண்ல மண்ணைத் தூவிட்டு இந்த டைமண்டைக் கொண்டு வந்துட்டியே” என்று பாராட்டினார் பரந்தாமன்.

...

FIND * FROM S.DB WHERE TYPE="STORY" AND LANG="TAMIL" AND TITLE="காணாமல் போன வைரம்" AND YEAR BETWEEN 2000 AND 2099 AND CONTENT LIKE "%டைமண்ட்"

- நந்தாகுமாரன்

My New Photography Blog

2010-09-06T20:43:00.000+05:30

Camera Games

இலை கொஞ்சும் மழை

2010-08-13T22:42:00.004+05:30

Every time we say goodbye
I die a little
Every time we say goodbye
I wonder why a little
Why the gods above me
Who must be in the know
Think so little of me
...
But how strange the change
...
- The Tournament (A 2009 Movie)

ஒற்றைக்கண் CCTV காட்டும்
மழை திரியும் சாலை பிரதிபலிக்கும்
நட்சத்திரங்கள் பறக்கும் வானில்
பேயின் இரவு
வார்த்த
பிக்சல் கோட்டை
இடிந்து விழப்
புள்ளிகள் தெறிக்கும்
வீடெல்லாம் ஓடித் திரிகிறது
playschooliல் விட்டு வந்த
அவள் குழந்தையின் அழுகுரல்
vaccumஇல் பெய்யும் மழையாகி
ஆயிரத்திற்கு ஆயிரம் மதிப்பெண்கள்
விலைகொடுத்து
தலை அறுபடும் புற்களின் ரத்தவாடை வீசும் மாலை நேரப் பூங்கா திறக்கும் முன்
Exhaust Fan திறப்பு வழி கண்ட செவ்வுலகம்
உதிர
ஒவ்வொரு இரவும் பயணம்
எனும் வாக்கியத்தில்
kingfisherக்குத் தெரியுமா
தான் ஒரு kingfisher என்று
என்ற தத்துவம் தொக்கி நிற்க

பிறகு

என்னை அறிவித்துக் கொள்ளும் பொழுதில் ...

வானம் மிதிபட
மேகச் சருகுகள்
இறங்கும் இந்த பூமி
உன்னுடையதல்ல

மேலும்

செத்த நீர் குடித்து வாழும்
உம்மையா
புணரும் மழை

கவிதை

2010-06-21T17:58:00.004+05:30

என்னுடைய கவிதைகள் எழுதாமல் இருப்பது எப்படி? படைப்பு, ‘உரையாடல் : சமூக கலை இலக்கிய அமைப்பு’ நடத்திய கவிதைப் போட்டியில் வெற்றி பெற்றிருக்கிறது.

நிலா நகரும் பாதை

2010-06-07T20:26:00.002+05:30

என்னுடைய நிலா நகரும் பாதை, ஸ்தலபுராணம் III, அபார்ட்மெண்ட் முண்டமும் சூரியத்தலையும் ஆகிய 3 கவிதைகள் இம்மாத (ஜூன் 2010) அகநாழிகை இதழில் வெளியாகியிருக்கின்றன. இக்கவிதைகளைப் படித்தே ஆக வேண்டும் என நினைப்பவர்கள் அகநாழிகையைத் தொடர்பு கொள்ளவும்.

இலை கொஞ்சும் மழை

2010-06-03T21:39:00.002+05:30

நாயைப் போல் குரைக்கும் இருட்டு

2010-04-17T22:30:00.001+05:30

ஒளிரும் இந்த Bulb-ஐ
உடைத்தால் கிடைக்கும்
கொஞ்சம் இருள்
ஒரு கவிதையையாவது
எழுதப்படுவதிலிருந்து
தற்காலிகமாகத் தடுக்கலாம்

ஒரு மலர்ந்த சிவப்பு ரோஜாப் பூவின்
மைய்ய இருள் போதும்
நான் துயில்வதற்கு

மூடிய ஒரு புத்தகத்தினுள்
இருக்கும் இருளை
வெளிச்சமாக்கும் போது
அந்தப் புத்தகத்திலுள்ள
எழுத்துகளின் இருளை
என்னால் எதுவும் செய்ய முடிந்ததில்லை

அமைதியில் விழுந்த சொல்
சதுர அலைகளை எழுப்புகிறது
ஒரு விஞ்ஞானப் புனைவு போல
அப்போது இருட்டாக இருந்ததால்
அதைக் கேட்க மட்டுமே முடிந்தது

இருளின் விஸ்வரூபமாக வானம்
அதில் 1280-க்கு 800 புள்ளி அளவு மட்டுமே
இடம் கேட்டும் கிடைக்கவில்லை

வானம் தன் பூனைக் கண்களைத் திறந்து
என்னைப் பார்த்தது
நான் அதைப் பார்த்தேன்
இருவரும் ஒருவரையொருவர்
பார்த்துக் கொண்டேயிருந்தோம்
அதிகாலையில் தூங்கப் போனேன்

இருட்டு குரைக்கத் தொடங்கியது
கட்டிப் போட்ட ஒரு நாயைப் போல்
என் கனவுகள் ஊளையிடத் தொடங்கியதும்
அது நின்று போனது
அல்லது
எனக்குக் கேட்கவில்லை

உயிரோசை
06.10.2008
Issue No. - 6

மழை: ஒரு மறுபார்வை

2010-04-17T22:27:00.001+05:30

காலையிலிருந்தே தன் வரவை அறிவித்துக் கொண்டிருந்தது
எதிர்பார்த்தபடியே மதியம் வந்தது
பூமியின் கொள்ளளவை மீறி வானம் கொட்டியது
வலுத்த காற்றும் பலத்த மழையும் நிலத்தைப் புரட்டின
இடி மின்னல் தொடர்ந்து மின்-தடை
ஒவ்வொரு வீட்டிற்குள்ளும் வெள்ளம் உருவெடுத்தது
அடித்த மழையில் மயக்கம் அடைந்தன சில மலர்கள்
மரணம் வாய்த்தது சில மரங்களுக்கு
மண்ணை அரித்து கண்ணில் தெறித்து
சிறிது நேரமானாலும் சிதறடித்துவிட்டது
புல்லுக்கும் காளானுக்கும் கொண்டாட்டமாகிவிட்டது
பிறகு மெல்ல அடங்கத் தொடங்கியது
வீட்டைச் சுற்றிலும் அதன் ஞாபகங்களாக சின்னக் குளங்கள்
சிதைந்த பொருட்களின் மீதியுற்ற அடையாளங்கள்
வீட்டின் ஓர் ஓரத்தில் நீர் தேங்கி வழியும் குடையுடன்
அந்த நிகழ்ச்சி ஒரு நிறுத்தத்திற்கு வந்தது
போராட்டங்களையும் யுத்தங்களையும் நினைவு கூறும் மழை

உயிரோசை
06.10.2008
Issue No. - 6

வேண்டத்தகாதவன்

2010-04-17T22:24:00.001+05:30

நடுவில் வைத்து விளையாடுகிறாய் நாத விநோதா
குடுவையில் பாதி காலியென்றால் மீதியெங்கே
தடுத்துப் பார்த்தேன் மனதை தாங்கவில்லை
கெடுத்து விட்டேன் இப்போது அது என் சொல்பேச்சு கேட்பதில்லை
விடு எனை விட்டுவிடு சாகும் போது சாப விமோசனம் தேவையில்லை

உயிரோசை
06.10.2008
Issue No. - 6

அறிக்கை

2010-04-15T21:32:00.000+05:30

வானத்தின் ஒரு பிரமாண்டப் பேச்சில்
தெறிக்கும் எச்சில் துளிகளாக இந்த மழை
பாம்பு போல் ஊர்ந்து செல்லும் அதன் தடம்
கழுவப்பட்ட ப்ளம்ஸ் பழங்கள் காத்திருக்கின்றன
நம் நிழல்கள் மட்டுமே சங்கமிக்கின்றன
அறையெங்கும் சிகரெட் புகையின் நடனம்

உயிரோசை
16.03.2009
Issue No. - 29

ரசிகன்

2010-04-15T21:27:00.000+05:30

வெய்யிலடித்து சூடாகும் நிலத்தில்
உடன் அடிக்கும் மழை ஆவியாகி நெளியும்
காற்றில் நீர்த் துகள்கள் சுழலும்
மண்ணின் தண்ணீர்த் தேக்கத்தில் குருவிகள் குளிக்கும்
பனிப்புகை சிகரெட் ஊதி பரவசப்படும் மனம்
கனவிலும் குளிர் மிதக்கும்
உள்ளே மௌனம் ஒலிக்கும்
வயலெட் நிறப் பூக்களின்
சாக்லெட் நறுமணத்தில்
ஆழ்ந்து போவேன்
அமிழ்ந்து போவேன்
அழிந்து போவேன்

உயிரோசை
16.03.2009
Issue No. - 29

மழை பார்த்தல்

2010-04-15T21:26:00.000+05:30

நேற்று மழை மிதித்த மண்ணை
இன்று நான் மிதிக்கிறேன்
மழை ஓடிய தடத்தில்
மெதுவாக நான் நடக்கிறேன்
சாக்கடையில் வந்த வெள்ளம்
சாலையை நிரப்பியிருக்கிறது
குப்பை சுதந்திரமாக
நடு ரோட்டில் நீந்துகின்றது
மழை - ஆகாயத்தின் Orgasm
என் Shoe-க்களுக்குள் புகுந்து கொண்டது கொஞ்சம்
ரெண்டு பாத்திரங்களில் சும்மா சேமிக்கப்பட்டது கொஞ்சம்
போகக் கவிதையில் விழுந்ததும் மிஞ்சும்

உயிரோசை
16.03.2009
Issue No. - 29

கவிதைத் தொகுதி

2010-04-15T21:19:00.002+05:30

மழையும் வெய்யிலுமாகப் போய்க் கொண்டிருக்கிறது உலகம்
காற்றில் எப்போதுமிருக்கிறது யூகலிப்டஸ் வாசனை
ராஜா பட்டாம்பூச்சியும் ராணி பட்டாம்பூச்சியும் காதலிக்கின்றன
சுயயின்பம் செய்துகொள்கிறது காக்கை
தரையோடு ஒன்றுகிறது காக்கி நிறக் காவலாளிப் பட்டாம்பூச்சி
கொய்யாக் கிளைகளிடையே தெரிகிறது அற்புத வானம்
புற்களில் தேங்கியிருக்கின்றன மழையின் அணுக்கள்
சாலையெங்கும் வைரங்களைப் பெய்திருக்கிறது வானம்
என் பட்டாம்பூச்சியின் நிழல்களை உன் சூரியன் தாண்டிச் செல்கிறது
நம் நதிக்கரையில் ஒரு அந்திப் பொழுது
இந்த ஒளிப்படத்தில் யாரோ குறுக்கிடுகிறார்கள்
மழையும் வெய்யிலுமாகப் போய்க் கொண்டிருக்கிறது உலகம்

உயிரோசை
16.03.2009
Issue No. - 29

நான் தான் நார்சிஸ்சஸ் பேசுகிறேன்

2010-04-14T22:10:00.001+05:30

கடலில் எழும் மேகங்களுக்கும்
வானத்தில் வீசும் அலைகளுக்கும்
யார் பொறுப்போ
இனி
பட்டாம்பூச்சிகளின் சிறகுகளுக்கு
வண்ணங்கள் பூசுவது மட்டுமே
நம் பொறுப்பு
புரிந்தும் புரியாமலும் நீ
எனக்குள் விரிகிறாய்
ஒரு இருண்மைக் கவிதையாய்
உலகமே Digitalize ஆகி விட்டது
உன் Roman Numeral கடிகாரத்தைத் தூக்கியெறி

உயிரோசை
06.04.2009
Issue No. - 32

காட்சித் துண்டுகள்

2010-04-14T22:07:00.002+05:30

எதற்குள்ளிருந்தோ எட்டிப் பார்க்கும் உன் முகம்
ரெண்டாம் கருப்பையிலிருந்து மீண்டும் பிறக்கத் துடிக்கிறதோ
உன் விழிகளை இருளால் வரைந்தவன் எவன்
வெளிச்சத்தில் இருப்பவனே
இரவின் குளத்தில் உன் கை எதைத் தேடுகிறது
இந்த அர்த்தமற்ற தேடலை
உன் அடுத்த சந்ததிகளுக்கும் பரப்புகிறாயே
அவர்களை வளைத்து இவர்களை ஏவினீர்களே
இவர்கள் எதற்குள் செலுத்தப்பட்டார்கள்
நிர்வாணமாகக் குளிப்பது சுகம் தான் எனினும்
வெட்ட வெளியில் கொட்டும் அருவியில்
பிணங்களின் மேலா நீராடுவது

உயிரோசை
06.04.2009
Issue No. - 32

புகையும் கவிதை

2010-04-14T21:56:00.002+05:30

ஒரு சிகரெட் தீர்ந்துவிட்டது
அடுத்ததைப் பற்ற வைக்கிறோம்
பிரபஞ்சவெளியோடு கலக்கும் புகை
ஏதோ சொல்கிறது
நாம் கொளுத்தும் தீக்குச்சிகளில் பாதி
சிகரெட்டுகளைப் பற்ற வைப்பதற்காகவே இருக்கிறது
தீபாவளி வருகிறது
பொங்கல் வருகிறது
இந்த சிகரெட்டும் தீர்ந்துவிடும்
இன்னொன்றைப் பற்ற வைப்போம்

உயிரோசை
06.04.2009
Issue No. - 32

சௌம்யா சொல்லும் ‘ஒரு ஊர்ல’ கதைகள் - 1

2010-04-02T12:56:00.008+05:30

ஒரு ஊர்ல ஒரு தாத்தா இருந்தாராம். அந்தத் தாத்தாவுக்கு coffeeன்னா ரொம்ம்ப்ப இஷ்டமாம். Daily ஒரு மூணு நாலு cup coffee குடிப்பாராம். தாத்தி அவர கோவமா திட்டுவாங்களாம், “நீங்க எப்ப பார்தாலும் coffee குடிச்சிட்டே இருக்கீங்க சேச்சேச்சேச்சச்சச்சே”, அப்படின்னு எப்ப பார்த்தாலும் சொல்லிட்டே இருப்பாங்களாம்.

“ம், சொல்லு”. “ம்”.

ஒரு நாளு தாத்தாவுக்கும் தாத்திக்கும் பயங்கர சண்டையாம். “நாளைக்கு நான் உங்களுக்கு coffeeயே போட்டுத் தர மாட்டேன் போங்க” அப்படின்னு தாத்தி கோபமா சொல்லிட்டாங்களாம்.

உடனே தாத்தாவுக்கு பயங்கரமா கோவம் வந்திருச்சாம். “சரி நான் உன் பேச்சு டூ ... கா ...” அப்படின்னு சொல்லிட்டு போயி சாப்பிட்டுட்டு night 10 O clockகெல்லாம் படுத்து தூங்கிட்டாராம். அப்ப தாத்தியும் கோவிச்சுகிட்டு “போங்க தாத்தா”, அப்படின்னு சொல்லிட்டு போய் 10:30க்கெல்லாம் தூங்கிட்டாங்களாம்.

“ம், சொல்லு”. “ம்”.

தாத்தா நைசா morning 6:30க்கு alarm வெச்சு ‘இந்த தாத்தி நமக்கு காஃபி போட்டுத் தர மாட்டேன்னு சொன்னாள்ல அவளப் பார்த்துக்கலாம்’ அப்படின்னு எந்திருச்சு யாருக்கும் தெரியாம கிளம்பி வெளியே போனாராம். அந்தத் தெருவுல எல்லாரும் கேட்டாங்களாம் “விச்சு தாத்தா ... விச்சு தாத்தா எங்க போறீங்க”னு.

தாத்தா, “நான் வாக்கிங் போறேன்னு”ட்டு ஜிங்குஜிங்குனு நடந்து போனாராம்.

“ம், சொல்லு”. “ம்”.

தாத்தா நேரா நடந்து நடந்து Food Heaven போய் அங்கே ஒரு “ஓம்” போட்ட coffee குடிச்சிட்டு ... “ஹா” அப்படின்னாராம். அப்புறமா திரும்பி நேரா நடந்து நடந்து வீட்டுக்கு வந்து தாத்தியைப் பார்த்து “ஹே தாத்தி, இன்னிக்கி நான் ஒரு சிறந்த coffee குடிச்சேன், போ நீயும் ஆச்சு உன் coffeeயும் ஆச்சு” அப்படின்னு சொன்னாராம்.

“தூக்கம் வருதா விச்சு ...”

“ம், சொல்லு”. “ம்”.

தாத்தி அன்னைக்கு night நிம்மதியா தூங்குனாங்களாம்.

நதி உணரும் பகல்

2010-03-30T22:30:00.003+05:30

கேலிக்கூத்தாகும் மிகுபுனைவின் மஹாசுதந்திரவெளியில்
பயணிக்கிறது
நதி உணரும் பகல்
பாற்கடலைப் புணர விரும்பி
வைன் பாட்டிலின் சிவப்பு விளக்குத் தனிமை கடந்து
பெண்மூச்சு
“ஆ”-என்று விட்ட கொட்டாவிப் பாடலில்
வெளியின் ஒரு புள்ளியை அளந்து செல்லும்
இதழடி போற்றி
ரத்தம் என்ற வார்த்தை விரிக்கும் சிவப்புஅணுக்களின்
இருள்சண்டை விந்துவெளிச்சம்
சிதற
San Francisco செல்லும் ஒரு பெயர்சொல்லின் வினையெச்சம்
நீள்கிறது அதன்
கோவை வரை உறவு
தொடர
San Francisco செல்லும் மற்றொரு பெயர்சொல்லின் வினைத்தொகை
வயலெட் பூத்தொகுதியாகிறது
உன் பனிமரத்தில்
அல்லது
வெண்நுரைக்கடலாகித் ததும்புகிறது
என் கோப்பையில்

T.V. vs Computer - The rise of the new idiot box (அல்லது) முட்டாளின் புதிய பெட்டி

2010-03-29T22:49:00.003+05:30

மின்சாரம் முற்றும் இழந்த ஓர் இரவில்
நான் ஹாலுக்கு வந்து நீட்டிப் படுத்துக் கொண்டு சொன்னேன்
“ஆஹா T.V. இல்லாமல் இருப்பது எவ்வளவு சுகம்”
என் சம்சாரம் சொன்னாள்
“ஆஹா நீ கணினியுடன் கழிக்காத இந்தத் தருணம் எவ்வளவு சுகம்”