URDUNAMA اردو نامہ

منفی سوچ سے کیسے چھٹکارا پائیں ۔ منفی سوچ سے باہر نکلنے کے طریقے

2025-03-13T07:19:00.000-07:00

منفی سوچ سے نکلنے کے لیے آپ کو خود پر کام کرنا ہوگا اور اپنی ذہنی حالت کو بہتر بنانے کے لیے مخصوص حکمت عملیوں کو اپنانا ہوگا۔ یہاں کچھ طریقے ہیں جن سے آپ منفی سوچ سے باہر نکل سکتے ہیں:

اپنی سوچ کو پہچانیں

منفی سوچ کو سمجھنا اور پہچاننا سب سے پہلا قدم ہے۔ جب آپ خود کو منفی خیالات میں گرفتار پائیں، تو رک کر سوچیں کہ آیا یہ خیالات حقیقت پر مبنی ہیں یا صرف آپ کی ذہن کی تخلیقات ہیں۔

موجودہ لمحے پر توجہ مرکوز کریں

زیادہ تر منفی خیالات ماضی کی غلطیوں یا مستقبل کی پریشانیوں پر مرکوز ہوتے ہیں۔ خود کو موجودہ لمحے میں رہنے کی عادت ڈالیں۔ آپ یوگا، مراقبہ یا گہری سانسوں کے ذریعے اپنے ذہن کو آرام دے سکتے ہیں۔

مثبت خود کلامی

اپنی زبان اور سوچ کو مثبت بنائیں۔ جب آپ خود سے منفی باتیں کریں، جیسے "میں کبھی کامیاب نہیں ہو سکتا"، تو ان خیالات کو چیلنج کریں اور ان کی جگہ مثبت، حوصلہ افزا سوچیں رکھیں جیسے "میں اپنی کوششوں سے کامیاب ہو سکتا ہوں۔"

شکرگزاری کی عادت ڈالیں

ہر روز تین اچھی چیزیں لکھیں جن کے لیے آپ شکر گزار ہیں۔ یہ عمل آپ کے دماغ کو مثبت پہلوؤں پر مرکوز کرنے میں مدد کرتا ہے اور منفی خیالات کو کم کرتا ہے۔

حدود مقرر کریں

اگر آپ مسلسل کسی منفی شخص یا صورتحال کا شکار ہیں، تو اپنی حدود مقرر کریں۔ منفی اثرات سے بچنے کے لیے اپنے آپ کو ایسے لوگوں یا ماحول سے دور رکھیں جو آپ کو نیچا دکھاتے ہوں۔

مقاصد اور منصوبے بنائیں

زندگی میں واضح مقصد اور سمت ہونا آپ کو مثبت رکھنے میں مددگار ثابت ہوتا ہے۔ اپنے مقاصد کو چھوٹے حصوں میں تقسیم کریں اور انہیں حاصل کرنے کے لیے ایک عملی منصوبہ بنائیں۔ جب آپ کامیابیاں حاصل کرتے ہیں، تو یہ آپ کی خود اعتمادی بڑھاتا ہے۔

ورزش کریں

ورزش دماغی صحت کے لیے بہت فائدہ مند ہے۔ یہ آپ کی توانائی کو بڑھاتی ہے، ذہنی دباؤ کو کم کرتی ہے اور مثبت خیالات کو فروغ دیتی ہے۔

مدد حاصل کریں

اگر آپ خود کو منفی سوچوں میں الجھا محسوس کرتے ہیں اور خود سے باہر نکلنے میں مشکل محسوس کرتے ہیں، تو کسی مشیر یا تھراپسٹ سے مدد لیں۔ پروفیشنل مدد آپ کو اپنے ذہنی خیالات پر قابو پانے میں مدد فراہم کر سکتی ہے۔

خود کو معاف کریں

اپنی غلطیوں اور کمزوریوں کو تسلیم کریں، اور خود کو معاف کریں۔ خود پر رحم کرنا اور غلطیوں سے سیکھنا آپ کو آگے بڑھنے میں مدد دیتا ہے۔

نئے شوق اپنائیں

نئے تجربات اور سرگرمیوں میں مشغول ہونا آپ کو نئے مواقع اور خوشی کے لمحات فراہم کرتا ہے۔ جب آپ نئے شوق اپناتے ہیں، تو آپ کا دماغ مثبت سرگرمیوں میں مشغول رہتا ہے اور منفی سوچ کم ہو جاتی ہے۔

منفی سوچ سے باہر نکلنے میں وقت لگ سکتا ہے، لیکن مسلسل محنت اور صحیح طریقے سے آپ اسے اپنے ذہن سے دور کر سکتے ہیں اور مثبت سوچ اپنا سکتے ہیں۔

ظل ہما ۔ نام کا مظلب کیا ہے

2021-09-18T19:17:00.001-07:00

ظلِ ہما

ہما ایک پرندے کا نام ہے۔ کہتے ہیں جس شخص پر اس پرندے کا سایہ پڑ جائے اسے بادشاہت مل جاتی ہے

ظل سایہ کو کہتے ہیں

ٹی ٹونٹی میں شكست كی وجہ آپ كی رائے

2016-03-26T08:47:00.000-07:00

خوش کیسے رہا جا سکتا ہے ۔ مفید مشورے

2016-02-20T15:31:00.003-08:00

ذہنی اور دلی سکون کے لیے ضروری ہے کہ آپ اس پر خوش ہوں جو آپ کے پاس ہے اور آپ کے پاس جو کچھ ہے اس کا مقابلہ یا موازنہ دوسروں سے نہ کریں کیوںکہ اس سے آپ کے اندر احساسِ کمتری پیدا ہو گا،
خوش رہنے کے چند مفید مشورے
۔ پریشانیوں کو سوچنے سے پریشانیاں بڑھتی ہیں اس لیے اپنی خوشیوں کو یاد کیا کیجیے، چاہے خوشیاں کتنی چھوٹی
ہی کیوں نہ ہوں
۔ ہمیشہ اپنے جیسے ہم ذہن ہم مزاج اور اپنے برابر کے لوگوں سے دوستی رکھیں، ہمیشہ اپنے جیسے معیارِ زندگی گزارنے والوں یا غریب لوگوں سے دوستی رکھیں
۔ ان لوگوں سے دور رہیں جو بات بات پر طعنہ دیں اور ہمیشہ گلے شکوے دہراتے رہیں

جَمال . JAMAL .. Bachoon ke naam

2016-02-20T15:20:00.000-08:00

جَمال
عربی لفظ
معنی
حسن ، خوبصورتی ،روپ

JAMAL

ARBI LAFZ

MAANI

HUSN, KHOBSORTI, ROOP

وَقار Bachoon ke nam

2016-02-20T15:14:00.001-08:00

وَقار
عربی لفظ
شان عظمت۔ لغوی معی آرام سکون

WAQAR

ARBI LAFZ

SHAAN , AZMAT .LUGHWI MANI ARAM SAKOON

ذیشان Bachon ke naam

2016-02-20T15:08:00.002-08:00

ذیشان
ذی شان
عربی لفظ
شان و شوکت والا ، عظمت والا

Zishan

Arbi lafz

Shan o shokat wala , azmat wala

اَسَد . ASAD . BACHOON KE NAM AOR MANI

2016-02-06T18:10:00.003-08:00

اَسَد
عربی لفظ
معانی
شیر
آسمان کے بارہ برجوں میں سے پانچویں برج کا نام جس کی شکل شیر کی سی ہے
ASAD
ARBI LAFZ
MAANI
SHEER(LOIN)
ASMAN KE BARA 12 BURJOON MAIN SE PANCHWAIN 5 KA NAM JIS KI SHAKAL SHEER KI SI HE

نواز NAWAZ . BACHOON KE NAM AOR MANI

2016-02-06T18:05:00.001-08:00

نواز
فارسی لفظ
نوازنا ، عزت دینا
NAWAZ
FARSI LAFZ
NAWAZNA IZZAT DENA

اَحْسَن .AHSAN . BACHOON KE NAM AOR MANI

2016-02-06T18:01:00.001-08:00

اَحْسَن
عربی لفظ
بہت عمدہ ، اچھا ، بہت خوب
AHSAN
ARBI LAFZ
BUHAT KHOOB ACHA BUHAT UMDA

دانیال .DANIYAAL . BACOON KE NAM AOR MANI

2016-02-06T17:53:00.001-08:00

دانیال
عربی لفظ
بنی اسرائیل کے ایک پیغمبر کا نام جو حضرت داؤد کے بعد اور حضرت عیسٰی سے پہلے ہوئے ہیں۔ وہ خواب کی تعبیر میں بہت مشہور تھے ان سے ایک فالنامہ بھی منسوب ہے۔
UMEER
ARBI LAFZ HE
EK PEGHAMBER KA NAM JO HAZRAT DAOOD AOR HARAT ESA SE PEHLE HOVE HAIN

علی . ALI . BACHOON KE NAM AOR MANI

2016-02-06T17:43:00.004-08:00

علی
اصحابیِ رسول کا نام
بلند بالا و اعلی افضل
ASHABI E RASOL KA NAM
BULAND BALA O AALLA AFZAL

شہر یار . SHAHAR YAR بچوں کے نام اور معنی

2016-02-06T17:20:00.001-08:00

شہر یار
شہر بھر میں مشہور و مقبول ، شہر کا حاکم یا امیر ترین شخص کے لیے بھی استعمال ہوتا ہے

SHAHAR YAR

SHAHAR BHAR MAIN MASHOR O MAQBOOL , SHAHAR KA HAKIM YA AMEER TAREEN SHAKHS KY LIY BHI ISTEMAL HOTA HE

احمد ۔ بچوں کے نام اور ان کے معنی AHMAD

2016-02-06T17:11:00.002-08:00

احمد

بہت زیادہ تعریف کیا گیا ۔ حضرت محمد صلی اللہ علیہ وسلم کا ایک نام

AHMAD

BHAT ZAYADA TAREEF KIYA GAYA

HAZRAT MUHAMMAD SALALLAH HO ALEHE WASALM KA EK NAM

بچوں کے اسلامی نام ان کے معنی کے ساتھ ۔ISLAMI NAM AOR UN KE MATLAB

2016-02-06T17:07:00.001-08:00

بچوں کے اسلامی نام ان کے معنی کے ساتھ
اپنے بچوں کے نام کے مطلب جانیے

یہاں آپ کے بچوں کے نام رکھنے میں آسانی کے لیے بچوں کے دیے جا رہے ہیں امید ہے آپ کو یہ سسلسلہ پسند آئے گااگر آپ کو کوئی نام پسند ہے تو سرچ بار میں اردو یا رومن اردو میں نام لکھ کر سرچ کریں

اَسَد ۔ معنی شیر

اَسجَد ۔ سجدہ کرنے والا

اَکرم ۔ جو بخشش یا مہربانی کرنے کا عادی ہو ۔ جیسے ہم نبی کریم صلی اللہ علیہ وسلم کو رسول اکرم کہتے ہیں

اَحسَن ۔ بہت اچھا سب سے اچھا ، نہایت حسین خوبصورت ، عمدہ

اَمجَد ۔ نہایت عزت والا، صاحبِ عزت ، بزرگ تر

اَنوَر ۔خوبصورت ، روشن ، نورانی ، تابندہ

موبائل فون سے متعلق قیمتی مشورے ۔ پوری دنیا سے آپ کی رائے

2016-02-05T07:26:00.001-08:00

آج کل موبائل ہر فرد کی ضروت بن گیا ہے۔ گلوبل دنیا کو مذید قرب تر کرنے میں موبائل ٹکنالوجی کا بھی بہت بڑا ہاتھ ہے ۔ بوبائل بنانے والی کمپنیوں میں بڑا سخت مقابلہ جاری ہے ۔ موبائل کمپنیاں نت نئے ڈیزائن جدید ترین ٹکنالوجی کے ساتھ متعارف کرواتی رہتی ہیں ۔ ایسے میں لوگوں کا موبائل فون خریدنا مشکل سے مشکل ہوتا جا رہا ہے ، قیمت کے لحاظ سے بھی اور ٹکنالوجی کے لحاظ سے بھی لوگوں کے دلوں میں سوال رہتا ہے کہ کون سا موبائل فون خریدیں ۔

میں آپ کو دعوت دیتا ہوں کہ اگر کسی کے پاس مفید معلومات اور مشورے ہیں تو آپ یہاں کومنٹ بار میں شئیر کریں تاکہ لوگوں کو موبائل فون خریدنے میں آسانی ہو
شکریہ

سلام نذرانہءِ عقیدت امام علیہ السلام از مرزا اسد اللہ خاں غالب

2015-10-19T09:47:00.002-07:00

سلام نذرانہءِ عقیدت امام علیہ السلام از مرزا اسد اللہ خاں غالب

سلام اسے کہ اگر بادشا کہیں اُس کو
تو پھر کہیں کہ کچھ اِس سے سوا کہیں اُس کو

نہ بادشاہ نہ سلطاں، یہ کیا ستائش ہے؟
کہو کہ خامسِ آلِ عبا کہیں اُس کو

خدا کی راہ میں شاہی و خسروی کیسی؟
کہو کہ رہبرِ راہِ خدا کہیں اُس کو

خدا کا بندہ، خداوندگار بندوں کا
اگر کہیں نہ خداوند، کیا کہیں اُس کو؟

فروغِ جوہرِ ایماں، حسین ابنِ علی
کہ شمعِ انجمنِ کبریا کہیں اُس کو

کفیلِ بخششِ اُمّت ہے، بن نہیں پڑتی
اگر نہ شافعِ روزِ جزا کہیں اُس کو

مسیح جس سے کرے اخذِ فیضِ جاں بخشی
ستم ہے کُشتۂ تیغِ جفا کہیں اُس کو

وہ جس کے ماتمیوں پر ہے سلسبیل سبیل
شہیدِ تشنہ لبِ کربلا کہیں اُس کو

عدو کے سمعِ رضا میں جگہ نہ پائے وہ بات
کہ جنّ و انس و ملَک سب بجا کہیں اُس کو

بہت ہے پایۂ گردِ رہِ حسین بلند
بہ قدرِ فہم ہے اگر کیمیا کہیں اُس کو

نظارہ سوز ہے یاں تک ہر ایک ذرّۂ خاک
کہ ایک جوہرِ تیغِ قضا کہیں اُس کو

ہمارے درد کی یا رب کہیں دوا نہ ملے
اگر نہ درد کی اپنے دوا کہیں اُس کو

ہمارا منہ ہے کہ دَیں اس کے حُسنِ صبر کی داد؟
مگر نبی و علی مرحبا کہیں اُس کو

زمامِ ناقہ کف اُس کے میں ہے کہ اہلِ یقیں
پس از حسینِ علی پیشوا کہیں اُس کو

وہ ریگِ تفتۂ وادی پہ گام فرسا ہے
کہ طالبانِ خدا رہنما کہیں اُس کو

امامِ وقت کی یہ قدر ہے کہ اہلِ عناد
پیادہ لے چلیں اور ناسزا کہیں اُس کو

یہ اجتہاد عجب ہے کہ ایک دشمنِ دیں
علی سے آکے لڑے اور خطا کہیں اُس کو

یزید کو تو نہ تھا اجتہاد کا پایہ
بُرا نہ مانیئے گر ہم بُرا کہیں اُس کو

علی کے بعد حسن، اور حسن کے بعد حسین
کرے جو ان سے بُرائی، بھلا کہیں اُس کو؟

نبی کا ہو نہ جسے اعتقاد، کافر ہے
رکھے امام سے جو بغض، کیا کہیں اُس کو؟

بھرا ہے غالبِ دل خستہ کے کلام میں درد
غلط نہیں ہے کہ خونیں نوا کہیں اُس کو

بہادر شاہ ظفر کی مشہور زمانہ غزل ۔۔۔ بات کرنی مجھے مشکِل کبھی ایسی تو نہ تھی

2015-10-12T07:25:00.001-07:00

بات کرنی مجھے مشکِل کبھی ایسی تو نہ تھی
جیسی اب ہے تری محفِل کبھی ایسی تو نہ تھی
لے گیا چھین کے کون آج ترا صبر و قرار
بیقراری تجھے اے دِل کبھی ایسی تو نہ تھی
اس کی آنکھوں نے خدا جانے کِیا کیا جادو
کہ طبیعت مری مائِل کبھی ایسی تو نہ تھی
عکسِ رخسار نے کس کے ہے تجھے چمکایا
تاب تجھ میں مہِ کامِل کبھی ایسی تو نہ تھی
اب کی جو راہِ محبّت میں اٹھائی تکلیف
سخت ہوتی ہمیں منزِل کبھی ایسی تو نہ تھی
پائے کُوباں کوئی زنداں میں نیا ہے مجنوں
آتی آوازِ سلاسِل کبھی ایسی تو نہ تھی
نِگَہِ یار کو اب کیوں ہے تغافل اے دل
وہ ترے حال سے غافِل کبھی ایسی تو نہ تھی
چشمِ قاتل مری دشمن تھی ہمیشہ لیکن
جیسی اب ہو گئی قاتِل کبھی ایسی تو نہ تھی
کیا سبب تو جو بگڑتا ہے ظفر سے ہر بار
خُو تری حُورِ شمائِل کبھی ایسی تو نہ تھی

بہادر شاہ ظفر

میر تقی میر کے مشہور زمانہ اشعار

2015-09-17T05:46:00.002-07:00

میر تقی میر کے مشہور زمانہ اشعار

الٹی ہوگئیں سب تدبیریں کچھ نہ دوا نے کام کیا
دیکھا اس بیماریِ دل نے آخر کام تمام کیا

نازکی اُس کے لب کی کیا کہئیے
پنکھڑی اِک گلاب کی سی ہے
میر اُن نیم باز آنکھوں میں
ساری مستی شراب کی سی ہے

ہم فقیروں سے بے ادائی کیا
آن بیٹھے جو تم نے پیار کیا
سخت کافر تھا جن نے پہلے میر
مذہبِ عشق اختیار کیا

قدررکھتی نہ تھی متاعِ دل
سارے عالم میں مَیں دکھا لایا

میرے سنگِ مزار پر فرہاد
رکھ کے تیشہ کہے ہے یا اُستاد
خاک بھی سر پہ ڈالنے کو نہیں
کس خرابہ میں ہم ہوئے آباد

جس سر کو غرور آج ہے یاں تاج وری کا
کل اس پہ یہیں شور ہے پھر نوحہ گری کا

وہ جو پی کر شراب نکلے گا
کس طرح آفتاب نکلے گا

یاد اس کی اتنی خوب نہیں میر باز آ
نادان پھر وہ جی سے بھلایا نہ جائے گا

اب تو جاتے ہیں بت کدے سے میر
پھر ملیں گے اگر خدا لایا

کیا کہوں تم سے میں کہ کیا ہے عشق
جان کا روگ ہے بلا ہے عشق
میر جی زرد ہوتے جاتے ہیں
کیا کہیں تُم نے بھی کیا ہے عشق؟

یارو مجھے معاف رکھو، میں نشے میں ہوں
اب دو تو جام خالی ہی دو، میں نشے میں ہوں

ابتدائے عشق ہے روتا ہے کیا
آگے آگے دیکھیے ہو تا ہے کیا

فقیرانہ آئے صدا کرچلے
میاں خوش رہو ہم دعا کر چلے
دکھائی دیے یوں کہ بے خود کیا
ہمیں آپ سے بھی جدا کر چلے

عشق میں جی کو صبر و تاب کہاں
اُس سے آنکھیں لگیں تو خواب کہاں

دیکھ تو دل کہ جاں سے اُٹھتا ہے
یہ دھواں سا کہاں سے اٹھتا ہے
بیٹھنے کون دے ہے پھر اُس کو
جو ترے آستاں سے اُٹھتا ہے

کبھو جائے گی جو اُدھر صبا تو یہ کہیو اُس سے کہ بے وفا
مگر ایک میر شکستہ پا، ترے باغِ تازہ میں خار تھا

اب تو چپ لگ گئی ہے حیرت سے
پھر کھلے گی زبان، جب کی بات

اس عہد میں‌ الہی محبت کو کیا ہوا
چھوڑا وفا کو ان نے مروت کو کیا ہوا
امیدوارِ وعدہء دیدار مرچلے
آتے ہی آتے یارو قامت کو کیا ہوا

چمن میں گل نے جو کل دعویِ جمال کیا
جمالِ یار نے منھ اُس کا خوب لال کیا

شکوہ کروں میں کب تک اُس اپنے مہرباں کا
القصہ رفتہ رفتہ دشمن ہوا ہے جاں کا

ابتدا ہی میں مرگئے سب یار
عشق کی کون انتہا لایا

ہمارے آگے ترا جب کسو نے نام لیا
دلِ ستم زدہ کو ہم نے تھام تھام لیا

گل کو محبوب ہم قیاس کیا
فرق نکلا بہت جو باس کیا

اشک آنکھوں میں کب نہیں‌ آتا
لہو آتا ہے جب نہیں آتا

تیغ ستم سے اس کی مرا سر جدا ہوا
شکر خدا کہ حقِ محبت ادا ہوا

کیا کہیے کیا رکھے ہیں ہم تجھ سے یار خواہش
یک جان و صد تمنّا، یک دل ہزار خواہش

آرزوئیں ہزار رکھتے ہیں
تو بھی ہم دل کو مار رکھتے ہیں

ہم رو رو کے دردِ دلِ دیوانہ کہیں گے
جی‌ میں ہے کہوں حال غریبانہ کہیں گے

میر دریا ہے سنے شعر زبانی اس کی
اللہ اللہ رے طبیعت کی روانی اس کی

موسم ہے ، نکلے شاخوں سے پتّے ہرے ہرے
پودے چمن میں پھولوں سے دیکھے بھرے بھرے

مہر کی تجھ سے توقع تھی ستم گر نکلا
موم سمجھے تھے ترے دل کو سو پتھر نکلا

دل مجھے اُس گلی میں لے جا کر
اور بھی خاک میں ملا لایا

ایسی ہے میر کی بھی مدت سے رونی صورت
چہرے پہ اُس کے کس دن آنسو رواں نہ پایا

جو اس شور سے میر روتا رہے گا
تو ہمسایہ کاہے کو سوتا رہے گا

کام پل میں مرا تمام کیا
غرض اُس شوخ نے بھی کام کیا

کس کی مسجد، کیسے بت خانے ، کہاں کے شیخ و شاب
ایک گردش میں تری چشمِ سیہ کی سب خراب

کیا کہیں اپنی اُس کی شب کی بات
کہیے ہووے جو کچھ بھی ڈھب کی بات

آوے گی میری قبر سے آواز میرے بعد
اُبھریں گے عشق دل سے ترے راز میرے بعد

غیروں سے وے اشارے ہم سے چھپا چھپا کر
پھر دیکھنا اِدھر کو آنکھیں ملا ملا کر

دل وہ نگر نہیں کہ پھر آباد ہو سکے
بچھتاؤگے، سنو ہو، یہ بستی اُجاڑ کر

جی میں تھا اس سے ملیے تو کیا کیا نہ کہیے میر
پر جب ملے تو رہ گئے ناچار دیکھ کر

میر کیا بات اس کے ہونٹوں کی
جینا دوبھر ہوا مسیحا پر

بالیں پہ میری آوے گا تُو گھر سے جب تلک
کرجاؤں گا سفر میں دنیا سے تب تلک

ہم نے اپنی سی کی بہت لیکن
مرضِ عشق کا علاج نہیں

اس کے کُوچے میں نہ کرشورِ قیامت کا ذکر
شیخ! یاں ایسے تو ہنگامے ہوا کرتے ہیں

کیا کہیں میر جی ہم تم سے معاش اپنی غرض
غم کو کھایا کرے ہیں ، لوہو پیا کرتے ہیں

بنی نہ اپنی تو اُس جنگ جُو سے ہرگز میر
لڑائیں جب سے ہم آنکھیں لڑائیاں دیکھیں

ملنے لگے ہو دیر دیر، دیکھے کیا ہے کیا نہیں
تم تو کرو ہو صاحبی، بندے میں کچھ رہا نہیں

عام ہے یار کی تجلی میر
خاص موسیٰ و کوہِ طُور نہیں

موئے سہتے سہتے جفاکاریاں
کوئی ہم سے سیکھے وفاداریاں
نہ بھائی ہماری تو قدرت نہیں!
کھنچیں میر تجھ سے ہی یہ خواریاں

لب ترے لعلِ ناب ہیں دونوں
پر تمامی عتاب ہیں دونوں
رونا آنکھوں کا روئیے کب تک
پھوٹنے ہی کے باب ہیں دونوں

ہستی اپنی حباب کی سی ہے ۔ میر تقی میر کی ایک خوبصورت غزل

2015-09-17T05:41:00.001-07:00

ہستی اپنی حباب کی سی ہے
یہ نمائش سراب کی سی ہے
نازکی اُس کے لب کی کیا کہئیے
پنکھڑی اِک گلاب کی سی ہے
بار بار اُس کے در پہ جاتا ہوں
حالت اب اضطراب کی سی ہے
میں جو بولا، کہا کہ یہ آواز
اُسی خانہ خراب کی سی ہے
میر اُن نیم باز آنکھوں میں
ساری مستی شراب کی سی ہے

میر تقی میر

سحر جیتے گی یا شام ِ غریبَاں دیکھتے رہنا . مصطفی زیدی کا خوبصورت کلام

2015-09-16T13:20:00.000-07:00

سحر جیتے گی یا شام ِ غریبَاں دیکھتے رہنا
یہ سر جھکتے ہیں یا دیوار ِ زنداں دیکھتے رہنا
ہر اک اہل ِ لہو نے بازیِ ایماں لگا دی ہے
جو اب کی بار ہوگا وہ چراغاں دیکھتے رہنا
ادھر سے مدّعی گزریں گے ایقان ِ شریعت کے
نظر آجائے شاید کوئی انساں دیکھتے رہنا
اُسے تم لوگ کیا سمجھو گے جیسا ہم سمجھتے ہیں !
مگر پھر بھی کریں گے اس سے پیماں دیکھتے رہنا
سمجھ میں آگیا تیری نگاہوں کے الجھنے پر !
بھری محفل میں سب کا ہم کو حیراں دیکھتے رہنا
ہزاروں مہرباں اس راستے پر ساتھ آئیں گے
میاں یہ دل ہے یہ جیب و گریباں دیکھتے رہنا
دبا رکھو یہ لہریں ایک دن آہستہ آہستہ
یہی بن جائیں گی ، تمہید ِ طوفاں دیکھتے رہنا
(مصطفیٰ زیدی )

لا پھر اک بار وہی بادہ و جام اے ساقی ۔ کلام اقبال

2015-09-13T14:42:00.001-07:00

علامہ محمد اقبال رحمۃ اللہ علیہ
لا پھر اک بار وہی بادہ و جام اے ساقی
ہاتھ آ جائے مجھے میرا مقام اے ساقی !
تین سو سال سے ہیں ہند کے میخانے بند
اب مناسب ہے ترا فیض ہو عام اے ساقی
مری مینائے غزل میں تھی ذرا سی باقی
شیخ کہتا ہے کہ ہے یہ بھی حرام اے ساقی
شیر مردوں سے ہوا بیشۂ تحقیق تہی
رہ گئے صوفی و ملا کے غلام اے ساقی
عشق کی تیغ جگردار اڑا لی کس نے
علم کے ہاتھ میں خالی ہے نیام اے ساقی
سینہ روشن ہو تو ہے سوز سخن عین حیات
ہو نہ روشن ، تو سخن مرگ دوام اے ساقی
تو مری رات کو مہتاب سے محروم نہ رکھ
ترے پیمانے میں ہے ماہ تمام اے ساقی !

جگر مراد آباد کی خوبصورت غزلیں

2015-09-13T14:12:00.000-07:00

طبیعت ان دنوں بیگانۂ غم ہوتی جاتی ہے
مرے حصے کی گویا ہر خوشی کم ہوتی جاتی ہے

سحر ہونے کو ہے، بیدار شبنم ہوتی جاتی ہے
خوشی منجملۂ اسبابِ ماتم ہوتی جاتی ہے

قیامت کیا یہ اے حسنِ دو عالم ہوتی جاتی ہے
کہ محفل تو وہی ہے دل کشی کم ہوتی جاتی ہے

وہی مے خانہ و صہبا، وہی ساغر، وہی شیشہ
مگر آوازِ نوشا نوش مدّھم ہوتی جاتی ہے

وہی ہیں شاہدو ساقی، مگر دل بجھتا جاتا ہے
وہی ہے شمع، لیکن روشنی کم ہوتی جاتی ہے

وہی شورش ہے لیکن جیسے موجِ تہ نشیں کوئی
وہی دل ہے مگر آواز مدّھم ہوتی جاتی ہے

وہی ہے زندگی لیکن جگرؔ یہ حال ہے اپنا
کہ جیسے زندگی سے زندگی کم ہوتی جاتی ہے

(جگرؔ مراد آبادی)
حسنِ کافر شباب کا عالم
ہم سے پا تک شراب کا عالم

عرق آلود چہرہ تاباں
شبنم و آفتاب کا عالم

وہ مری عرض شوقِ بیحد پر
کچھ حیا، کچھ عتاب کا عالم

اللہ اللہ وہ امتزاجِ لطیف
شوخیوں میں حجاب کا عالم

ہمہ نورد سرور کی دُنیا
ہمہ حُسن و شباب کا عالم

وہ لبِ جوئبار و موسمِ گل
وہ شب مہتاب کا عالم

زانوئے شوق پر وہ پچھلے پہر
نرگس نیم خواب کا عالم

دیر تک احتلاطِ راز و نیاز
یک بیک اجتناب کا عالم

لاکھ رنگیں بیانیوں پہ میری
اِک سادہ جواب کا عالم

غم کی ہر موج موجِ طوفاں خیز
دل کا عالم، حباب کا عالم

دلِ مطرب سمجھ سکے شاید
اِک شکستہ رباب کا عالم

وہ سماں آج بھی ہے یاد جگر
ہاں مگر جیسے خواب کا عالم
***
وہ احساسِ شوقِ جواں اوّل اوّل
وہ اِک عالمِ گُل فشاں اوّل اوّل

وہ خود ساختہ اِک طلسمِ تمنّا!
وہ تالیف و تصنیفِ جاں اوّل اوّل

وہ موہوم سا اک جہانِ محبّت
وہ مبہم سی اِک داستاں اوّل اوّل

تخیل میں رنگینیاں، رفتہ رفتہ
تصور میں تصویرِ جاں اوّل اوّل

وہ اِک کلفتِ جاں تازہ تازہ
وہ اِک عشرتِ سرگراں اوّل اوّل

مجسّم وہ تعبیرِ خوابِ محبت
وہ نظارہ ناگہاں اوّل اوّل

وہ اک پیکرِ حسن و معصوم و سادہ
وہ اِک جلوۂ بے اماں اوّل اوّل

تکلم میں بے ربط سا اِک تسلسل
خموشی میں حسنِ بیاں اوّل اوّل

جگرؔ آہ انجام و آغازِ الفت
سکوت آخر آخر، فغاں اوّل اوّل

(جگرؔ مراد آبادی)
جان کر منجملۂ خاصانِ مے خانہ مجھے
مُدّتوں رویا کریں گے جام و پیمانہ مجھے

ننگِ مے خانہ تھا میں ساقی نے یہ کیا کر دیا
پینے والے کہہ اُٹھے "یا پیرِ مے خانہ" مجھے

سبزہ و گل، مو ج و دریا، انجم و خورشید و ماہ
اِک تعلق سب سے ہے لیکن رقیبانہ مجھے

زندگی میں آ گیا جب کوئی وقتِ امتحاں
اس نے دیکھا ہے جگرؔ بے اختیارانہ مجھے

(جگرؔ مراد آبادی)
جگر مراد آبادی کی آواز میں غزل
دنیا کے ستم یاد نہ اپنی ہی وفا یاد
اب مجھ کو نہیں کچھ بھی محبت کے سوا یاد

میں شکوہ بلب تھا مجھے یہ بھی نہ رہا یاد
شاید کہ مرے بھولنے والے نے کیا یاد

کیا جانیے کیا ہو گیا اربابِ جنوں کو
جینے کی ادا یاد نہ مرنے کی ادا یاد

جب کوئی حسیں ہوتا ہے سرگرمِ نوازش
اس وقت وہ کچھ اور بھی آتے ہیں سوا یاد

میں ترکِ رہ و رسمِ جنوں کر ہی چکا تھا
کیوں آ گئی ایسے میں تری لغزشِ پا یاد

مدت ہوئی اک حادثۂ عشق کو لیکن
اب تک ہے ترے دل کے دھڑکنے کی صدا یاد

کیا لطف کہ میں اپنا پتہ آپ بتاؤں
کیجیے کوئی بھولی ہوئی خاص اپنی ادا یاد
***
دِیدہء یار بھی پُرنم ہے، خُدا خیر کرئے!
آج کچھ اور ہی عالم ہے، خُدا خیر کرئے!

اُس طرف غیرتِ خُورشیدِ جمال اور اِدھر
زعم خوددارئ شبنم ہے، خُدا خیر کرئے!

دِل ہے پہلُو میں کہ مچلا ہی چلا جاتا ہے
اور خُود سے بھی وہ برہم ہے، خُدا خیر کرئے!

رازِ بیتابئ دل کچھ نہیں کُھلتا، لیکن
کل سے درد آج بہت کم ہے، خُدا خیر کرئے!

حُسن ہر گام پہ ہے سایہ فگن، دام فگن
عشق آزادِ دو عالم ہے، خُدا خیر کرئے!

جِگر مُراد آبادی

محسن نقوی کی شاعری

2015-09-13T13:00:00.001-07:00

اک دیا دل میں جلانا بھی، بجھا بھی دینا
یاد کرنا بھی اسے روز، بھلا بھی دینا
کیا کہوں میری چاہت ہے یا نفرت اس کی
نام لکھنا بھی میرا، لکھ کے مٹا بھی دینا
پھر نہ ملنے کو بچھڑتا ہوں تجھ سے لیکن
مڑ کے دیکھوں تو پلٹنے کی دعا بھی دینا
خط بھی لکھنا اسے مایوس بھی رہنا اس سے
جرم کرنا بھی مگر خود کو سزا بھی دینا
مجھ کو رسموں کا تکلف بھی گوارا لیکن
جی میں آئے تو یہ دیوار گرا بھی دینا
اس سے منسوب بھی کر لینا پرانے قصے
اس کے بالوں میں نیا پھول سجا بھی دینا
صورتِ نقش ِ قدم، دشت میں رہنا محسن
اپنے ہونے سے نہ ہونے کا پتہ بھی دینا
محسن نقوی
طے کر نہ سکا زیست کے زخموں کا سفر بھی
حالانکہ مرا دل تھا شگوفہ بھی شرر بھی
اترا نہ گریباں میں مقدر کا ستارا
ہم لوگ لٹاتے رہے اشکوں کے گہر بھی
حق بات پہ کٹتی ہیں تو کٹنے دو زبانیں
جی لیں گے مرے یار باندازِ دگر بھی
حیراں نہ ہو آئینہ کی تابندہ فضا پر
آ دیکھ ذرا زخمِ کفِ آئینہ گر بھی
سوکھے ہوئے پتوں کو اُڑانے کی ہوس میں
آندھی نے گرائے کئی سر سبز شجر بھی
وہ آگ جو پھیلی مرے دامن کو جلا کر
اس آگ نے پھونکا میرے احباب کا گھر بھی
محسن یونہی بدنام ہوا شام کا ملبوس
حالانکہ لہو رنگ تھا دامانِ سحر بھی
محسن نقوی
اب کے اس طور سے آنچل کی ہوا دے مجھ کو
جاگتے ذہن کی میراث بنا دے مجھ کو
میں نے سمجھا ہے تجھے منصفِ دوراں اکثر
میری ناکردہ گناہی کی سزا دے مجھ کو
میں تری راہ میں اک سنگ سبک وزن تو ہوں
دیر کیا لگتی ہے ٹھوکر سے ہٹا دے مجھ کو
یہ الگ بات کہ اوجھل ہوں نظر سے ورنہ
میں تیرے پاس ہی رہتا ہوں صدا دے مجھ کو
میں دھڑکتا ہوں تیرے سینے میں دل کی صورت
اے مرے دشمنِ جاں اور دعا دے مجھ کو
اف شبِ غم کا وہ ٹھہرا ہوا لمحہ محسن
جب مرے وہم کی آہٹ بھی جگا دے مجھ کو
محسن نقوی
پھیلے گی بہر طور شفق نیلی تہوں میں
قطرے کا لہو بھی ہے سمندر کی رگوں میں
مقتل کی زمیں صاف تھی آئینہ کی صورت
عکسِ رخِ قاتل تھا ہر اک قطرہءِ خوں میں
مت پوچھ مری چشمِ تحیر سے کہ مجھ کو
کیا لوگ نظر آئے ہیں دشمن کی صفوں میں
کچھ وہ بھی کم آمیز تھا، تنہا تھا، حسیں تھا
کچھ میں بھی مخل ہو نہ سکا اس کے سکوں میں
ہر صبح کا سورج تھا میرے سائے کا دشمن
ہر شب نے چھپایا ہے مجھے اپنے پروں میں
اب اہل خرد بھی ہیں لہو سنگِ جنوں سے
کیا رسم چلی شہر کے آشفتہ سروں سے
جو سجدہ گہِ ظلمت ِ دوراں رہے محسن
اتری نہ کوئی اندھی کرن ایسے گھروں میں
محسن نقوی
چراغ خود سے بجھا ہے کہ رات بیت گئی
یہ راکھ راکھ رتیں اپنی رات کی قسمت
تم اپنی نیند بچھاؤ تم اپنے خواب چنو
بکھرتی ڈوبتی نبضوں پہ دھیان کیا دینا
تم اپنےدل میں دھڑکتے ہوئے حروف سنو
تمہارے شہر کی گلیوں میں سیل رنگ بخیر
تمہارے نقش قدم پھول پھول کھلتےر ہیں
وہ رہگزر جہاں تم لمحہ بھر ٹھہر کے چلو
وہاں پہ ابر جھکیں آسمان ملتے رہیں
نہیں ضروری کہ ہر اجنبی کی بات سنو
ہر اک صدا پہ دھڑکنا بھی دل پہ فرض نہیں
سکوتِ حلقہء زنجیرِ در بھی کیوں ٹوٹے
صبا کا ساتھ نبھانا جنوں پہ قرض نہیں
ہم ایسے لوگ بہت ہیں جو سوچتے ہی نہیں
کہ عمر کیسے کٹی کس کے ساتھ بیت گئ
ہماری تشنہ لبی کا مزاج کیا جانے ؟
کہ فصل بخشش موج فرات بیت گئ
یہ ایک پل تھا جسے تم نے نوچ ڈالا تھا
وہ اک صدی تھی جو بے التفات بیت گئ
ہماری آنکھ لہو ہے تمہیں خبر ہو گی
چراغ خود سے بجھا ہے کہ رات بیت گئی
محسن نقوی
لہو کی موج ہوں‌ اور جسم کے حصار میں ہوں
رواں رہوں بھی تو کیسے کہ برف زار میں ہوں
جہانِ شامِ الم کے اداس ہمسفرو
مجھے تلاش کرو، میں اسی دیار میں ہوں
میں پھول بھی ہوں میرے پیرہن میں‌رنگ بھی ہے
مگر ستم یہ ہوا ہے کہ ریگ زار میں ہوں
چراغِ راہ سہی خود فریب ہوں اتنا
کہ شب کی آخری ہچکی کے انتظار میں ہوں
ہر ایک پل مجھے خوفِ شکست ہے محسن
میں آئینہ ہوں مگر دستِ سنگبار میں ہوں
محسن نقوی
اب کے یوں بھی تیری زلفوں کی شکن ٹوٹی ہے
رنگ پھوٹے، کہیں‌ خوشبو کی رسن ٹوٹی ہے
موت آئی ہے کہ تسکین کی ساعت آئی
سانس ٹوٹی ہے کہ صدیوں کی تھکن ٹوٹی ہے
دل شکستہ تو کئی بار ہوئے تھے لیکن
اب کے یوں ہے کہ ہر شاخِ بدن ٹوٹی ہے
ایک شعلہ کہ تہہِ خیمہءِ جاں لپکا تھا
ایک بجلی کہ سرِ صحنِ چمن ٹوٹی ہے
میرے یاروں کے تبسم کی کرن مقتل میں
نوکِ نیزہ کی طرح زیرِ کفن ٹوٹی ہے
ریزہ ریزہ میں بکھرتا گیا ہر سو محسن
شیشہ شیشہ میری سنگینیءِ فن ٹوٹی ہے
محسن نقوی
شام کے سر پر آنچل دیکھا
ہم نے جلتا جنگل دیکھا
اپنی آنکھ میں آنسو پائے
اُن کی آنکھ میں کاجَل دیکھا
پھول نظر میں رقصاں رقصاں
جانے کِس کا آنچل دیکھا
من کے بَن میں خاک اُڑتی تھی
آج وہاں پر جل تھَل دیکھا
جب بھی دیکھا ہے محسن کو
تیرے پیار میں پاگل دیکھا
محسن نقوی
میں دل پہ جبر کروں گا، تجھے بھلا دوں گا
مروں گا خود بھی تجھے بھی کڑی سزا دوں گا
یہ تیرگی میرے گھر کا ہی کیوں‌ مقدر ہو ؟
میں تیرے شہر کے سارے دیئے بجھا دوں گا
ہوا کا ہاتھ بٹاؤں گا ہر تباہی میں
ہرے شجر سے پرندے میں خود اڑا دوں گا
وفا کروں گا کسی سوگوار چہرے سے
پرانی قبر پہ کتبہ نیا سجا دوں گا
اسی خیال میں گزری ہے شامِ درد اکثر
کہ درد حد سے بڑھے گا تو مسکرا دوں گا
تو آسماں کی صورت ہے گر پڑے گا کبھی
زمیں ہوں بھی مگر تجھ کو آسرا دوں گا
بڑھا رہی ہیں میرے دکھ، نشانیاں تیری
میں تیرے خط، تری تصویر تک جلا دوں گا
بہت دنوں سے مرا دل اداس ہے محسن
اس آئینے کو کوئی عکس اب نیا دوں گا
محسن نقوی

محسن نقوی ۔ انتخاب

2015-09-13T12:51:00.001-07:00

وفا میں اب یہ ہنر اختیار کرنا ہے
وہ سچ کہے نہ کہے اعتبار کرنا ہے
یہ تجھکوجاگتےرہنےکا شوق کب سےہوا
مجھے تو خیر تیرا انتظار کرنا ہے
ہوا کی زد میں جلانے ہیں آنسوؤں کے چراغ
کبھی یہ جشن بھی سرِ راہ گزار کرنا ہے
وہ مسکرا کے نئے وسوسوں میں ڈال گیا
خیال تھا کہ اسے شرمسار کرنا ہے
چلو یہ اشک ہی موتی سمجھ کے بیچ آئیں
کسی طرح تو ہمیں روزگار کرنا ہے
خدا خبر یہ کوئ ضد ہے کہ شوق ہے محسن
خود اپنی جان کے دشمن سے پیار کرنا ہے
محسن نقوی
کبھی جو عہدِ وفا میری جاں تیرے میرے درمیان ٹوٹے
میں چاہتا ہوں کہ اس سے پہلے زمیں پہ یہ آسمان ٹوٹے
تیری جدائی میں‌ حوصلوں کی شکست دل پر عذاب ٹھہری
کہ جیسے منہ زور زلزلوں کی دھمک سے کوئی چٹان ٹوٹے
اسے یقیں تھا کہ اس کو مرنا ہے پھر بھی خواہش تھی اس کے دل میں
کہ تیر چلنے سے پیشتر دستِ دشمناں میں کمان ٹوٹے
وہ سنگ ہے تو گرے بھی دل پر وہ آئینہ ہے تو چبھ ہی جائے
کہیں تو میرا یقین بکھرے کہیں‌ تو میرا گمان ٹوٹے
اجاڑ بن کی اداس رت میں غزل تو محسن نے چھیڑ دی ہے
کسے خبر ہے کہ کس کے معصوم دل پہ اب کہ یہ تان ٹوٹے
محسن نقوی
مغرور ہی سہی، مجھے اچھا بہت لگا
وہ اجنبی تو تھا مگر اپنا بہت لگا
روٹھا ہوا تھا ہنس تو پڑا مجھ کو دکھ کر
مجھ کو تو اس قدر بھی دلاسا بہت لگا
صحرا میں جی رہا تھا جو دریا دلی کے ساتھ
دیکھا جو غور سے تو وہ پیاسا بہت لگا
وہ جس کے دم قدم سے تھیں بستی کی رونقیں
بستی اجڑ گئی تو اکیلا بہت لگا
لپٹا ہوا کہر میں جیسے خزاں کا چاند
میلے لباس میں بھی وہ پیارا بہت لگا
ریشم پہن کے بھی میری قیمت نہ بڑھ سکی
کھدر بھی اس کے جسم پہ مہنگا بہت لگا
محسن جب آئینے پہ میری سانس جم گئی
مجھ کو خود اپنا عکس بھی دھندلا بہت لگا
محسن نقوی
اشک اپنا کہ تمہارا نہیں دیکھا جاتا
ابر کی زد میں ستارہ نہیں دیکھا جاتا
اپنی شہ رگ کا لہو تن میں رواں ہے اب تک
زیر خنجر کوئی پیارا نہیں دیکھا جاتا
موج در موج الجھنے کی ہوس بے معنی
ڈوبتا ہو تو سہارا نہیں دیکھا جاتا
تیرے چہرے کی تپش تھی کہ پلٹ کر دیکھا
ورنہ سورج تو دوبارہ نہیں دیکھا جاتا
آگ کی ضد میں نہ جا پھر سے بھڑک سکتی ہے
راکھ کی تہہ میںشرارہ نہیں دیکھا جاتا
زخم آنکھوں کے بھی ملتے تھے کبھی دل والے
اب تو ابرو کا اشارہ نہیں دیکھا جاتا
کیا قیامت ہے کہ دل جس کا نگر ہے محسن
دل پہ اس کا بھی اجارہ نہیں دیکھا جاتا
محسن نقوی
چلو چھوڑو!
محبت جھوٹ ہے
عہدٍ وفا شغل ہے بےکار لوگوں کا
طلب سوکھے ہوئے پتوں کا بے رونق جزیرہ ہے
خلش دیمک زدہ اوراق پر بوسیدہ سطروں کا ذخیرہ ہے
چلو چھوڑو
کب تک میں اندھیروں کی دھمک میں سانسوں کی ضربوں پہ
چاہت کے بنا رکھ کر سفر کرتا رہوں گا
مجھے احساس ہی کب تھا
کہ تم بھی موسم کے ساتھ پیرہن کے رنگ بدلو گے
چلو چھوڑو
میرا ہونا نہ ہونا ایک برابر ہے
تم اپنے خل و خلود کو آئینے میں پھر بکھرنے دو
تم اپنی آنکھ کی بستی میں پھر سے ایک نیا موسم اتار دو
میرے بکھرے خوابوں کو مرنے دو
پھر نیا مکتوب لکھو
پھر نئے موسم، نئے لفظوں سے اپنا سلسلہ جوڑو
میرے ماضی کی چاہت رائیگاں سمجھو
میری یادوں کے کچے رابطے توڑو
چلو چھوڑو
محبت جھوٹی ہے
عہدٍ وفا شغل ہے بیکار لوگوں کا
محسن نقوی
وہ لڑکی بھی ایک عجیب پہیلی تھی
پیاسے ہونٹ تھے آنکھ سمندر جیسی تھی
سورج اس کو دیکھ کر پیلا پرتا تھا
وہ سرما کی دھوپ میں دھل کر نکلی تھی
اسکو اپنے سائے سے ڈر لگتا تھا
سوچ کے صحرا میں وہ تنہا ہرنی تھی
آتے جاتے موسم اس کو ڈستے تھے
ہنستے ہنستے پلکوں سے رو پڑتی تھی
آدھی رات گنوا دیتی تھی چپ رہ کر
آدھی رات کو چاند سے باتیں کرتی تھی
دور سے اجڑے مندر جیسا گھر اس کا
وہ اپنے گھر میں اکلوتی دیوی تھی
موم سے نازک جسم سھر کو دکھتا تھا
دیئے جلا کر شب بھر آپ پگھلتی تھی
تیز ہوا کو روک کر اپنے آنچل پر
سوکھے پھول اکٹھے کرتی پھرتی تھی
سب ظاہر کر دیتی تھی بھید اپنا
سب سے ایک تصویر چھپائے رکھتی تھی
کل شب چکنا چور ہوا تھا دل اس کا
یا پھر پہلی بار وہ دل کھول کر روئی تھی
محسن کیا جانے دھوپ سے بے پروا
وہ اپنے گھر کی دہلیز پر بیٹھی تھی ؟
محسن نقوی
اِتنی مُدّت بعد ملے ہو
کن سوچوں میں گم رہتے ہو؟
اِتنے خائف کیوں رہتے ہو؟
ہر آہٹ سے ڈر جاتے ہو
تیز ہَوا نے مجھ سے پوچھا
ریت پہ کیا لکھتے رہتے ہو؟
کاش کوئی ہم سے بھی پوچھے
رات گئے تک کیوں جاگے ہو؟
میں دریا سے بھی ڈرتا ہوں
تم دریا سے بھی گہرے ہو
کون سی بات ہے تم میں ایسی
اِتنے اچھّے کیوں لگتے ہو؟
پیچھے مڑ کر کیوں دیکھا تھا
ّپتھر بن کر کیا تکتے ہو
جاؤ جیت کا جشن مناؤ
میں جھوٹا ہوں145 تم سچّے ہو
اپنے شہر کے سب لوگوں سے
میری خاطر کیوں اُلجھے ہو؟
کہنے کو رہتے ہو دل میں
پھر بھی کتنے دُور کھڑے ہو
رات ہمیں کچھ یاد نہیں تھا
رات بہت ہی یاد آئے ہو
ہم سے نہ پوچھو ہجر کے قصّے
اپنی کہو اب تم کیسے ہو؟
محسن تم بدنام بہت ہو
جیسے ہو، پھر بھی اچھّے ہو
محسن نقوی

کوئی آواز!
جب تنہا مسافت میں
میرے ہمراہ چلتی ھے
کوئی پرچھائیں
جب میری بجھی آنکھوں میں
چبھتے اشک چنتی ھے
تو لمحہ بھر کو
رک کر سوچتا ھوں میں
کہ اس تنہا مسافت میں
کسی صحرا میں سائے بانٹتے
اشجار کی خوشبو ھے
یا تم ھو۔۔۔ ؟؟
محسن نقوی
سن لیا ہم نے فیصلہ تیرا
اور سن کر' اداس ہو بیٹھے
ذہن چپ چاپ آنکھ خالی ہے
جیسے ہم کائنات کھو بیٹھے
دھندلے دھندلے سے منظروں میں مگر
چھیڑتی ہیں تجلیاں تیری
بھولی بسری ہوئی رتوں سے ادھر
یاد آئیں تسلیاں تیری
دل یہ کہتا ہے ضبط لازم ہے
ہجر کے دن کی دھوپ ڈھلنے تک
اعترافِ شکست کیا کرنا
فیصلے کی گھڑی بدلنے تک
دل یہ کہتا ہے حوصلہ رکھنا
سنگ رستے سے ہٹ بھی سکتے ہیں
اس سے پہلے کہ آنکھ بجھ جائے
جانے والے پلٹ بھی سکتے ہیں
اب چراغاں کریں ہم اشکوں سے
مناظر بجھے بجھے دیکھیں؟
اک طرف تو ہے' اک طرف دل ہے
دل کی مانیں کہ اب تجھے دیکھیں
خود سے بھی کشمکش سی جاری ہے
راہ میں تیرا غم بھی حائل ہے
چاک در چاک ہے قبائے حواس
بے رفو سوچ' روح گھائل ہے
تجھ کو پایا تو چاک سی لیں گے
غم بھی امرت سمجھ کے پی لیں گے
ورنہ یوں ہے کہ دامنِ دل میں
چند سانسیں ہیں' گن کے جی لیں گے
محسن نقوی
پیار کی پہلی سالگرہ
جاناں! اِک پل آنکھیں کھولو
آج کے دن تنہائی کیسی؟
دھوپ کی زردی گوشئہ زنداں میں یُوں اُتری
جیسے ایک اداس مسافر
دشت میں تھک کر بیٹھ گیا ہو
آج ہوا کے ہاتھ میں سوکھتے پتوں کا گلدستہ کیوں ہے؟
آج فضا یخ بستہ کیوں ہے ؟
طوق و سلاسِل مہر بہ لب ہیں
سناٹے کے بوجھل قدموں کی ہر آہٹ
اندیشوں کے سیلِ رواں میں بہتی جائے
پتھر دل کی سہی دھڑکن!
زیرِ زباں کچھ کہتی جائے!
" روزن " اب تک جاگ رہا ہے
جیسے تُو آنے والی ہو
جیسے تیرے نرم لبوں کی ریشم کرنیں
اپنے دامن میں تیری آواز سمیٹے
میری بند آنکھوں پر دونوں ہاتھ رکھیں اور پوچھیں " بوجھو!"
کس کی یاد کا لمس تمہارے گرم لبوں کو چوم رہا ہے ؟
ایک زمانہ گھوم رہا ہے
جاناں ! اِک پل آنکھیں کھولو
دیکھو آج ہمارے پیار کی پہلی سالگرہ کا
پہلا دن ہے
پہلا دن کتنا کم سِن ہے
دیکھو ہر سو گونج رہی ہے
جذبوں کی شہنائی کیسی؟
آج کے دن تنہائی کیسی؟؟
جاناں اک پل آنکھیں کھولو
طوق و سلاسِل مُہر بہ لب ہیں
کچھ تو بولو
محسن نقوی
نصیحت روز بکتی ہے عقیدت روز بکتی ہے
ہمارے شہر میں لوگو! محبت روز بکتی ہے
امیرِ شہر کے ڈر کا ابھی محتاج ہے مذہب
ابھی مُلا کے فتووں میں شریعت روز بکتی ہے
ہمارے خون کو بھی وہ کسی دن بیچ ڈالیں گے
خریداروں کے جُھرمٹ میں عدالت روز بکتی ہے
نجانے لطف کیا ملتا ہے ان کو روز بکنے میں
طوائف کی طرح لوگو! قیادت روز بکتی ہے
کبھی مسجد کے منبر پر، کبھی حجرے میں چھپ چھپ کے
میرے واعظ کے لہجے میں قیامت روز بکتی ہے
بڑی لاچار ہیں محسنؔ جبینیں ان غریبوں کی
کہ مجبوری کی منڈی میں عبادت روز بکتی ہے
محسن نقوی