अ.भा. छावा (मराठा युवा संघटन )

अखिल भारतीय छावा मराठा युवा संघटन

2013-10-12T13:27:00.002-07:00

अखिल भारतीय छावा मराठा युवा संघटन

"भीक नको, हक्क हवा, मिळवणारच छावा "
एकच मिशन "मराठा आरक्षण"

रजि. नं. LTR/12021

# आमची संघटना मराठ्यांच्या & सामाजिक हितांसाठी काम करत असून कुठल्याही राजकीय पक्षाशी निगडीत नाही.आमची संघटना हि कुठल्याही जाती आणि धर्माच्या विरोधात नसून सर्व जाती आणि धर्माला सोबत घेवून कार्य करणारी आहे.आमचे श्रद्धास्थान मराठ्यांचे क्रांतिसूर्य अण्णासाहेब जावळे पाटील आहेत.
जय छावा

# Our Official Website
www.chhawa.com

# Watch our organisation videos on YOUTUBE
http://www.youtube.com/user/abchhava

# छावा संघटनेचे खालील सर्व पेज कृपया लाईक करा
1) छावा (छावा अखिल भारतीय मराठा युवा संघटना)
http://www.facebook.com/AkhilBhartiyChhawa
2) अण्णासाहेब जावळे पाटील
http://www.facebook.com/annasahebjawlepatil
3) छावा
http://www.facebook.com/chhava01
4) मराठा हृदयसम्राट
http://www.facebook.com/marathahrudaysamraat
5) छावा(छावा अखिल भारतीय मराठा युवा संघटना)
www.facebook.com/annasahebanchichhawa
6) मराठ्यांचे क्रांतिसूर्य
http://www.facebook.com/marathyanchekrantisurya
7) सह्याद्रीचा छावा
http://www.facebook.com/SahyadrichaChhawa
8) नानासाहेब जावळे पाटील
https://www.facebook.com/jawlenanasaheb
9) विजय घाडगे पाटील (प्रदेशाध्यक्ष, विद्यार्थी आघाडी)
http://www.facebook.com/vijayghadgepatilchhawa

# Follow Us On Twitter
https://twitter.com/abchhawa

# मराठ्यांचे क्रांतिसूर्य अण्णासाहेब जावळे पाटील यांच्या विषयी उपलब्ध माहिती
www.annasahebjawlepatil.blogspot.in

# JOIN Our Official Facebook Group
1) http://www.facebook.com/groups/chhawa01/
2)http://www.facebook.com/groups/chhava/
3) http://www.facebook.com/groups/abchhawa/
4) छावा रोजगार अभियान
www.facebook.com/groups/chhawaemploymentmission/

# OUR BLOGS
www.abchhawa.blogspot.in
for news
www.chhawa01.blogspot.in
for photos-
www.chhawaphotos.blogspot.in
for videos-
www.chhawavideos.blogspot.in

'सिन्हाच्या जबड्यात घालुनि हात,
मोजीन दात हि जात मराठ्याची.

- इंजि. विश्वजीत जाधव
अध्यक्ष, माहिती तंत्रज्ञान विभाग
abchhawa@gmail.com
9595109594

दिंडी प्रचार गाणे POMPLET DESIGN & BATCHES DESIGN

2012-12-03T00:45:00.002-08:00

आई तुळजा भवानी मराठा आरक्षण दिंडी प्रचार गाणे खालील websitelink वर उपलब्ध आहे तेथून ते download करावे.

http://tindeck.com/dl/yagq

POMPLET DESIGN

BATCH DESIGN

POMP-LET DESIGN

2012-11-20T00:56:00.001-08:00

2012-09-26T01:48:00.004-07:00

आई तुळजा भवानी मराठा आरक्षण दिंडी नशिक ते मुंबई मंत्रालय

आई तुळजा भवानी मराठा आरक्षण दिंडी नशिक ते मुंबई मंत्रालय

RATH YATRA

2012-01-05T02:08:00.000-08:00

गांज्याचे पीक घेण्यास परवानगी द्यावी अन्यथा कांद्यास २००० भाव द्यावा

2011-12-23T09:13:00.000-08:00

शासनाचा जाहीर निषेध करण्यासाठी नाशिक छावा संघटनेच्या वतीने कांद्याला योग्य भाव द्यावा यासाठी "भीक मागो आंदोलन " करण्य्यात आले जय छावा

आई तुळजा भवानी मराठा आरक्षण संघर्ष रथ यात्रा

2011-12-22T19:13:00.000-08:00

विद्यार्थी आघाडी सदस्य नोंदणी form

2011-12-19T02:58:00.000-08:00

विद्यार्थी आघाडीच्या सर्व पदाधिकार्यांनी सदस्य नोंदणी करून घ्यावी-विजयकुमारघाडगे पाटील (प्रदेशाध्यक्ष विद्यार्थी आघाडी)

विद्यार्थी आघाडी सदस्य नोंदणी form विद्यारही आघाडीच्या पदाधिकार्यांनी आवश्यकतो बदल करावा

dont forget the last line

SMS ग्रुप जॉईन व्हा टाईप करा ON CHHAWA01 आणि पाठवा 09870807070

JAMES LANE आणि शासनाच्या विरोधात अ.भा. छावा मराठा युवा संघटनेच्या (लातूर जिल्हा) वतीने जिल्हाधिकार्याच्या विरोद्धात कुलूप ठोकले

2011-12-19T02:54:00.001-08:00

छावाची गांधीगिरी बंधाऱ्याच्या निकृष्ठ कामाचा फोटो संचालक मंडळास भेट

2011-12-19T02:46:00.000-08:00

कापसाच्या हमी भावासाठी छावाचा रस्ता रोको

2011-12-19T02:40:00.000-08:00

2011-12-07T01:03:00.000-08:00

विद्यार्थी आघाडीच्या सर्व पदाधिकार्यांनी सदस्य नोंदणी करून घ्यावी-विजयकुमार घाडगे पाटील (प्रदेशाध्यक्ष विद्यार्थी आघाडी)

dont forget the last line

SMS ग्रुप जॉईन व्हा टाईप करा ON CHHAWA01 आणि पाठवा 09870807070

भुजबळ बंद करा वळवळ

2011-12-04T10:42:00.000-08:00

भुजबळांविरोधात छावाचे आज आंदोलन

प्रतिनिधी । लातूर

सार्वजनिक बांधकाम मंत्री छगन भुजबळ यांनी कुणबी-मराठा जातीविषयी केलेल्या वक्तव्याचा निषेध म्हणून शुक्रवारी राज्यभर त्यांच्या विरोधात आंदोलन करण्यात येणार असल्याचे छावा संघटनेचे अध्यक्ष अण्णासाहेब जावळे यांनी गुरुवारी पत्रकार परिषदेत सांगितले.

जावळे पुढे म्हणाले की, छगन भुजबळ यांनी दोन दिवसांपूर्वी पुण्यात कुणबी मराठा समाजाविषयी वक्तव्य केले होते. कुणबी-मराठा समाजातील लोकांना ओबीसी कोट्यातून एकाही पक्षाने तिकीट देऊ नये. खुद्द राष्ट्रवादीने जरी तिकीट दिले तरी ओबीसींनी त्या उमेदवाराचा पराभव करावा असे वक्तव्य भुजबळांनी केले होते. त्याचा निषेध म्हणून त्यांच्या विरोधात सर्व जिल्हा ठिकाणी आंदोलन करण्यात येईल. बापट आयोगाच्या अहवालानंतर तत्कालीन मुख्यमंत्री विलासराव देशमुख मराठा समाजाला आरक्षण द्यायला अनुकूल होते. मात्र, गोपीनाथ मुंडे आणि छगन भुजबळ यांनी त्यावेळी विरोध केला. पुढे येवला मतदारसंघातून भुजबळ स्वत: उभे राहिल्यानंतर आणि समीर भुजबळांच्या निवडणुकीच्या वेळी त्यांनी छावाची माफी मागून मराठा समाजाची मदत घेतली.

मराठा आरक्षणाला विरोध करणार नाही असे त्यांनी सांगितले होते. मात्र, त्यांनी कुणबी-मराठा समाजाविषयीचे वक्तव्य करून उपकाराची फेड अपकाराने केली आहे. भुजबळांना महाराष्ट्रात फिरू देणार नाही असा इशारा देतानाच राष्ट्रवादीने त्यांचे मंत्रिपद काढून घेण्याची मागणी जावळे यांनी केली.

भुजबळ यांचा जाहीर निषेध

छावा चे प्रदेशाध्यक्ष लक्ष्मन बापू शिरसाट यांचे उपमुख्यमंत्री अजित पवार यांना निवेदन

छावाचे ‘जोडे मारो’आंदोलन

लातूर/वार्ताहर

सार्वजनिक बांधकाममंत्री छगन भुजबळांच्या मराठाविरोधी भूमिकेच्या निषेधार्थ लातुरातील शिवाजी चौकात छावा संघटनेच्या वतीने छगन भुजबळ यांच्या प्रतीकात्मक पुतळ्यास जोडे मारो आंदोलन दुपारी एकच्या सुमारास करण्यात आले.

कुणबी मराठा असे जातीचे प्रमाणपत्र असलेल्या कोणत्याही मराठय़ास कुठल्याही पक्षाने ओबीसी कोटय़ातून उमेदवारी देऊ नये. राष्ट्रवादी काँग्रेस पक्षाने जरी ती दिली तरी त्याचा पराभव करावा असे सूतोवाच सार्वजनिक बांधकाममंत्री छगन भुजबळ यांनी केले असून त्यांच्या या भूमिकेच्या निषेधार्थ छावा संघटनेतर्फे शहरातील शिवाजी चौकात दुपारी एकच्या सुमारास छगन भुजबळ यांच्या प्रतीकात्मक पुतळ्यास जोडे मारो आंदोलन करण्यात आले.

या आंदोलनात छावाचे कार्यकर्ते उपस्थित होते. या वेळी प्रदेशाध्यक्ष विजयकुमार घाडगे पाटील, अ‍ॅड. गणेश गोमचाळे, सोनेराव शिंदे, अ‍ॅड. राजाभाऊ गुंजरगे, दत्ता पाटील, बाळासाहेब सपाटे, बालाजी निकम आदींसह १२ कार्यकर्त्यांना शिवाजीनगर पोलिसांनी अटक केली व नंतर सोडून दिले.

http://www.loksatta.com/index.php?option=com_content&view=article&id=197528:2011-12-02-19-09-37&catid=48:2009-07-15-04-02-19&Itemid=59

भुजबळांच्या प्रतीकात्मक पुतळ्याची पळवापळवी! ‘छावा’चे आंदोलन; १२ कार्यकर्त्यांना अटक

व सुटका

लातूर। दि. २ (प्रतिनिधी)

मराठा समाजाच्या आरक्षणाला सार्वजनिक बांधकाम मंत्री छगन भुजबळ यांच्याकडून विरोध होतो, असा आरोप करीत अखिल भारतीय छावा मराठा युवा संघटनेने त्यांच्या प्रतीकात्मक पुतळ्याचे दहन करण्याचा प्रयत्न शुक्रवारी शिवाजी चौकात केला. यावेळी पोलिस आणि छावा कार्यकर्त्यांत प्रतिकात्मक पुतळ्याची पळवापळवीही झाली. दरम्यान, आंदोलनकर्त्या १२ कार्यकर्त्यांना पोलिसांनी अटक करून नंतर सुटका केली.

मराठा समाजाच्या आरक्षणाला कधी विरोध तर कधी बेगडी सर्मथन छगन भुजबळ यांच्याकडून मिळत आहे. शिवाय, त्यांनी स्थानिक स्वराज्य संस्थांच्या निवडणुकीत कुणबी मराठा समाजातील उमेदवारांना कोणत्याही पक्षाने तिकिटे देऊ नयेत, असे आवाहन केले आहे. राष्ट्रवादी पक्षाने दिले, तर त्यांनाही पाडा, असेही छगन भुजबळ यांनी सुचित केले असल्याचा आरोप छावा कार्यकर्त्यांनी यावेळी केला. मराठा समाजाबाबत भुजबळांची ही नकारात्मक भूमिका निषेधार्ह आहे. हा निषेध दर्शविण्यासाठी त्यांच्या प्रतिकात्मक पुतळ्याचे आम्ही दहन करीत असल्याचे विजयकुमार घाडगे-पाटील यांच्यासह छावा कार्यकर्त्यांनी सांगितले.

आंदोलनात विजयकुमार घाडगे-पाटील, राजाभाऊ गुंजरगे, दत्ता पाटील, सोनेराव शिंदे, बाळासाहेब सपाटे, नागेश मुगळे, गणेश गोमचाळे, आकाश पाटील, बालाजी निकम, राजू नरके, संतोष सूर्यवंशी, शिवाजी माने, परमेश्‍वर राऊत, अमोल सपाटे, सिद्धाजी जगताप आदींसह शेकडो छावा कार्यकर्त्यांनी सहभाग नोंदविला. यावेळी शिवाजी नगर पोलिसांनी १२ कार्यकर्त्यांना अटक केली. त्यानंतर त्यांची सुटकाही केली.

http://onlinenews1.lokmat.com/php/detailednews.php?id=AurangabadEdition-5-5-02-12-2011-876bd&ndate=2011-12-03&editionname=aurangabad

प्रतिनिधी। लातूर

सार्वजनिक बांधकाममंत्री छगन भुजबळ यांनी कुणबी-मराठा समाजाविषयी केलेल्या वक्तव्याच्या निषेधार्थ छावा संघटनेने शुक्रवारी त्यांच्याविरोधात आंदोलन केले. पोलिसांनी मोठा बंदोबस्त ठेवल्यामुळे कार्यकर्ते आणि पोलिसांमध्ये चांगलीच झटापट झाली. त्यानंतर पोलिसांनी पुतळा जप्त करून छावाच्या 12 कार्यकर्त्यांना अटक केली. छावा संघटनेचे संस्थापक अण्णासाहेब जावळे यांनी गुरुवारी केलेल्या घोषणेनुसार कार्यकर्ते शिवाजी चौकात एकत्र आले. त्यांनी काही काळ घोषणाबाजी केली. त्यानंतर तेथे भुजबळांचे नाव असलेला पुतळा आणण्यात आला. मात्र, तो पोलिसांनी ताब्यात घेतला. त्यानंतर दुसरा पुतळा ताब्यात घेताना पोलिसांची कार्यकर्त्यांशी झटापट झाली. तेवढय़ात उड्डाणपुलावरून तिसरा पुतळा खाली सोडला. त्याला दहन करण्याचा प्रयत्न सुरू असतानाच कार्यकर्ते आणि पोलिसांत पुन्हा झटापट झाली. अखेर पोलिसांनी पुतळा ताब्यात घेतला.

http://epaperdivyamarathi.bhaskar.com/Details.aspx?id=13067&boxid=12333918382

भुजबळांच्या विरोधात ‘छावा’ आक्रमक

लातूर/वार्ताहर
राज्याचे बांधकाममंत्री छगन भुजबळ यांनी मराठा समाजाच्या विरोधात भूमिका घेतल्याच्या निषेधार्थ छावा संघटनेच्या वतीने निषेध व्यक्त करण्यात येत असून, १० डिसेंबर रोजी नाशिक येथे छावाच्या वतीने ‘हिसका आंदोलन’ केले जाणार असल्याची माहिती संघटनेचे संस्थापक अध्यक्ष अण्णा जावळे यांनी पत्रकार परिषदेत दिली.
कुणबी मराठा समाजास ओबीसी कोटय़ातून निवडणुकीची उमेदवारी दिली जाऊ नये. जर अशी उमेदवारी राष्ट्रवादीसकट कोणत्याही पक्षाने दिली तर त्यांच्या विरोधात भूमिका घ्या, असे आवाहन छगन भुजबळ यांनी केले आहे. त्याचा निषेध छावा संघटनेच्या वतीने गुरुवारी पत्रकार परिषदेत करण्यात आला.
जातीयवादी भूमिका घेणाऱ्या छगन भुजबळ यांची राज्य मंत्रिमंडळातून हकालपट्टी करण्यात यावी अशी मागणीही त्यांनी केली आहे. मराठा समाजाच्या विरोधात जाणीवपूर्वक भुजबळ यांची भूमिका आहे.
अशा भूमिकेचा निषेध करून राज्यभर त्यांच्याविरोधात आंदोलन करणार असल्याचे जावळे यांनी जाहीर केले आहे.

http://www.loksatta.com/index.php?option=com_content&view=article&id=197285:2011-12-01-20-09-46&catid=48:2009-07-15-04-02-19&Itemid=59

पवारांवरील हल्ल्याचा छावा संघटनेकडून निषेध

2011-12-04T10:26:00.000-08:00

केंद्रीय कृषिमंत्री शरद पवार यांच्यावर हल्ला करणार्‍या हरविंदरसिंगवर कठोर कारवाई करण्यात यावी, या मागणीसाठी अखिल भारतीय छावा मराठा युवा संघटनेतर्फे नवी दिल्लीत निदर्शने करण्यात आली. पवारांवरील हल्ल्याचा 'छावा'कडून निषेध

नवी दिल्ली। दि. २९ (प्रतिनिधी)

केंद्रीय कृषिमंत्री शरद पवार यांच्यावर झालेल्या हल्ल्याचा छावा संघटनेचे अध्यक्ष अण्णासाहेब जावळे पाटील यांनी जंतरमंतर येथे आज निषेध केला.

हल्लेखोरावर खुनाच्या प्रयत्नाचा गुन्हा नोंदविण्यात यावा, तसेच या घटनेची सखोल चौकशी करावी, अशी मागणी त्यांनी केली. गेल्या आठवड्यात दिल्लीतील एका कार्यक्रमादरम्यान पवार यांच्यावर हरविंदरसिंग या माथेफिरू तरुणाने हल्ला केला होता.

या कृत्यामुळे संसदेत, तसेच संसदेबाहेरही संतापाची लाट उसळली होती. देशातील महागाई व भ्रष्टाचाराला पवार एकटे कसे जबाबदार असू शकतात, सरकारचे प्रमुख खर्‍या अर्थाने पंतप्रधान डॉ. मनमोहनसिंग हेच आहेत. पवार यांच्यावर हल्ला करून हल्लेखोराने महाराष्ट्राचा अपमान केला आहे. त्याच्यावर खुनाच्या प्रयत्नाचा गुन्हा दाखल केला जावा, असे जावळे यांनी प्रसिद्धीपत्रकात म्हटले आहे.

LOKMAT 30 NOV PAGE NO 2

सकाळ न्यूज नेटवर्क

Tuesday, November 29, 2011 AT 02:45 AM (IST)

Tags: snn, sharad pawar, assult, chawa,

नवी दिल्ली - केंद्रीय कृषिमंत्री आणि राष्ट्रवादी कॉंग्रेसचे अध्यक्ष शरद पवार यांच्यावर झालेल्या हल्ल्याचा छावा संघटनेचे अध्यक्ष अण्णासाहेब जावळे पाटील यांनी जंतरमंतर येथे आज निषेध केला. हल्लेखोरावर खुनाच्या प्रयत्नाचा गुन्हा नोंदविण्यात यावा, तसेच या घटनेची सखोल चौकशी करावी, अशी मागणी त्यांनी केली.

गेल्या आठवड्यात दिल्लीतील एका कार्यक्रमादरम्यान पवार यांच्यावर हरविंदरसिंग या माथेफिरू तरुणाने हल्ला केला होता. या कृत्यामुळे संसदेत, तसेच संसदेबाहेरही संतापाची लाट उसळली होती. त्या पार्श्‍वभूमीवर छावा संघटनेने जंतरमंतर येथे निदर्शने केली. देशातील महागाई व भ्रष्टाचाराला पवार एकटे कसे जबाबदार असू शकतात, सरकारचे प्रमुख खऱ्या अर्थाने पंतप्रधान डॉ. मनमोहनसिंग हेच आहेत. पवार यांच्यावर हल्ला करून हल्लेखोराने महाराष्ट्राचा अपमान केला आहे. त्याच्यावर खुनाच्या प्रयत्नाचा गुन्हा दाखल केला जावा, असे जावळे यांनी प्रसिद्धीस दिलेल्या पत्रकात म्हटले आहे.

आई तुळजाभवानी मराठा संघर्ष रथयात्रा

2011-11-17T21:04:00.000-08:00

जय भवानी!! जय शिवराय!! जय छावा!!

सस्नेह जय छावा !

अ.भा. छावा मराठा युवा संघटना हि कोणत्याही राजकीय पक्षाशी संबंधित नसलेली क्रांतिकारी युवकांची ज्वलंत सामाजिक चळवळ म्हणून महाराष्ट्रासह पाच-सहा राज्यात मोठ्या जोमाने वाढत आहे.आज पर्यंत मराठा समाजाने प्रत्येक जातीधार्माला आधार देवून मोठ्या भावाची भूमिका बजावली आहे.तोच मराठा समाज आज निराधार बनला आहे.मराठ्यांना कोणीही वाली राहिला नाही.प्रत्येक पक्षातील मराठा पुढार्याने मराठा समाजाचा स्वतःची खुर्ची टिकवण्यासाठी वापर करून घेतला आहे.महाराष्ट्रातील सत्ता मराठा पुढार्यांच्या हातात असूनही मराठा समाजाला आरक्षण मिळत नाही.त्यामुळे मराठा समाजाने संघटीत होणे हि काळाची गरज बनली आहे. अ.भा. छावा संघटनेच्या माध्यमातून संस्थापक अध्यक्ष मराठ्यांचे क्रांतिसूर्य अण्णासाहेब जावळे-पाटील यांच्या समर्थ नेतृत्वाखाली दुभंगलेल्या मराठ्यांना एकत्रित करून मराठ्यांवर होणार्या अन्याय अत्याचाराला वाचा फोडण्याचे कार्य करून न्याय मिळून देण्याचे काम केले जात आहे.

अ.भा. छावा संघटना गेल्या कित्येक वर्षापासून भ्रष्टाचाराच्या विरोधात लढा देत आहे.शेतकऱ्यांच्या, कष्ट्कारांच्या, विद्यार्थ्यांच्या प्रश्नासाठी वेळोवेळी आंदोलने केली वेळ प्रसंगी लाठ्या खाल्या शेतकऱ्यांच्या वीज कनेक्शन तोडायला आलेल्या अधिकार्याला बांधून मारले.वीज माफीसाठी मुंबईला मोर्चा काढला. सोयाबीनच्या अनुदानासाठी,पीक विम्यासाठी वेगवेगळी आंदोलने केली रास्ता रोको,लाक्षणिक उपोषण,जैल भरो,धरणे आंदोलने अशा विविध प्रकारची आंदोलने करून सर्व सामान्य जनतेचे प्रश्न सोडवून देण्याचे काम केले.

मराठा व खुल्या प्रवर्गातील विद्यार्थ्याला शासनाच्या कोणत्याही सवलती नाहीत.आरक्षण,शिष्यवृत्ती याचा कोणताही लाभ मिळत नाही.कितीही गुणवंत असला तरी त्याला फक्त आरक्षणामुळे प्रवेश नाकारला जातो.नोकरी मिळत नाही त्यामुळे विद्यर्थी आत्महत्या करीत आहेत.शेतकरी आपल्या मुलांना आर्थिक अडचणीमुळे योग्य शिक्षण देवू शकत नाही.शेतकऱ्याचा मालालाल उत्पादन ख्राचावर आधारित भाव मिळत नाही,विजेचे भारनियम ,नकली बियाणे,खते व कीटकनाश्कांचे प्रचंड भाव यामुळे शेतकरी कर्ज बाजरी होवून आत्महत्या करीत आहे यासाठी आत्ता मराठ्यांनी पुन्हा एकदा संघटीत होवून या शासनाच्या लुटारू व्यापार्यांच्या भ्रष्ट सरकारी अधिकार्यांच्या विरोधात प्रचंड लढा उभारणे आवश्यक आहे.प्रचंड संखेने उपस्थित राहून या मराठा आरक्षण संघर्षात सहभागी व्हावे.

प्रमुख मागण्या

१)मराठा समाजाचा ओबीसी मध्ये समावेश करावा.

२)शेत्कायांवर उत्पादन खर्चावर आधारित हमी भाव द्यावा.

३)शेतकर्यांना भारनियमन न करता मोफत विज देण्यात यावी

4)साठ वर्षापेक्षा जास्त वयांच्या शेतकर्यांना पेन्शन देण्यात यावी

5)ATROCITY कायद्याचा दुरुपयोग करून मराठा समाजावर होणारा अन्याय दूर करावा.

६)कै. अण्णासाहेब पाटील आर्थिक मागास विकास महामंडळाला १००० कोटी रुपये निधी द्यावा

७)इतर आणि स्थानिक मागण्या.

STARTING ON 27 NOV FROM TULJAPUR

बाभळी बंधारा प्रश्नासाठी जेष्ठ समाजसेवक अन्न हजारे यांना निवेदन

2011-10-05T01:09:00.001-07:00

बाभळी प्रश्नामुळे राज्यातील जनतेवर अन्याय होत आहे. याप्रकरणात ज्येष्ठ समाजसेवक अण्णा हजारे यांनी लक्ष घालून यावर पंतप्रधानांशी चर्चा करावी अशी विनंती करण्यासाठी छावा संघटनेचे शिष्त्मान्दालाने केली

बाभळीचे दरवाजे कोणत्याही क्षणी बंद करू

2011-10-04T01:55:00.000-07:00

नांदेड। दि. ३ (प्रतिनिधी)

महात्मा गांधी जयंतीदिनी बाभळीच्या आंदोलनाचे फक्त रणशिंग फुंकले होते. हे आंदोलन सुरूच राहणार असून आधुनिक गनिमी काव्याने बाभळीचे दरवाजे कोणत्याही क्षणी बंद करू, असा इशारा अखिल भारतीय छावा संघटनेचे संस्थापक अध्यक्ष अण्णासाहेब जावळे यांनी दिला.
शासकीय विश्रामगृहात त्यांनी सोमवारी पत्रकारांशी संवाद साधला. २ ऑक्टोबर रोजीचे आंदोलन शंभर टक्के यशस्वी झाले असून गनिमी काव्याने दरवाजे बंद करण्यासाठी पोहून जाणारे कार्यकर्ते पोलिसांच्या हाती लागले. त्यामुळे दरवाजे बंद करता आले नाही.. यापुढे छावाचे कार्यकर्ते जलसमाधी, पंचायत समिती, जिल्हाधिकारी कार्यालयासमोर धरणे आंदोलने करतील. गांधी जयंतीपासून सुरू झालेले हे आंदोलन बाभळीचे दरवाजे बंद करण्यापर्यंत थांबणार नसल्याचे जावळे म्हणाले. शिष्टमंडळ अण्णांच्या भेटीला रवाना
बाभळी प्रश्नामुळे राज्यातील जनतेवर अन्याय होत आहे. याप्रकरणात ज्येष्ठ समाजसेवक अण्णा हजारे यांनी लक्ष घालून यावर पंतप्रधानांशी चर्चा करावी अशी विनंती करण्यासाठी छावा संघटनेचे शिष्टमंडळ अण्णांच्या भेटीसाठी राळेगणसिद्धीकडे रवाना झाले आहे.

बाभळी पाण्यासाठी छावा चे आंदोलन

2011-10-02T20:35:00.000-07:00

बाभळीचे पाणी पेटले बंधार्‍याचे दरवाजे बंद करण्याचा प्रयत्न; कार्यकर्त्यांना अटक व सुटका

2011-10-02T20:32:00.000-07:00

(03-10-2011 : 2:05:23)

धर्माबाद। दि. २ (वार्ताहर)
‘छावा’चे अण्णासाहेब जावळे व इतरांना बाभळी बंधार्‍याकडे जाण्यापूर्वीच पोलिसांनी ताब्यात घेतले.
महात्मा गांधी जयंतीदिनी बाभळी बंधार्‍याचे दरवाजे बंद करण्याचा इशारा देऊन आंदोलन करणार्‍या ‘छावा’च्या ४७५ कार्यकर्त्यांना बंधार्‍यावर पोहोचण्यापूर्वीच अटक करून त्यांची सुटका करण्यात आली.

पोलिसांनी इळेगाव, बाभळी, मोकली येथे नाकेबंदी केली. चार पोलीस उपअधीक्षक, दहा पोलिस निरीक्षक व ५00 ते ६00 पोलिसांचा ताफा बंदोबस्ताला होता. नदीपात्रात दोन बोटींवर सशस्त्र जवानही तैनात होते. सर्वोच्च न्यायालयाच्या निर्देशांचा आंदोलनामुळे भंग होऊ नये म्हणून मध्यरात्रीपासूनच बाभळी परिसरात प्रशासनाने संचारबंदी लागू केली होती. आंदोलनापूर्वी आयोजित शेतकरी मेळाव्यात ‘छावा’चे संस्थापक अण्णासाहेब जावळे म्हणाले, २00 कोटी रुपये खर्च करून हा प्रकल्प उभारला आहे. हे पैसे वाया जाऊ देणार नाही. कोणत्याही परिस्थितीत आमच्या हक्काचे पाणी मिळाले पाहिजे, असा इशाराही त्यांनी दिला. तर हे काही राजकीय आंदोलन नसून शेतकर्‍यांच्या भावना शासनापर्यंत पोहोचविण्यासाठी अहिंसक लढा आहे. मेळाव्यानंतर बाभळी बंधार्‍याकडे कूच करणार्‍या जावळे यांच्यासह लक्षमण शिरसाठ, अप्पासाहेब कोरे, भीमराव पाटील, पंजाबराव काळे, विजय घाडगे, सतीश शिंदे, सुनील बाभळीकर, शिवराज चोळाखेकर आदी कार्यकर्त्यांना अटक केली. त्यांनाही चंद्राबाबू नायडू यांच्याप्रमाणे आयटीआयमध्येच ठेवण्यात आले होते.

गनिमी कावा फसला

‘छावा’च्या कार्यकर्त्यांना पोलीस सहज बाभळीपर्यंत जाऊ देतील, अशी स्थिती नव्हती, त्यामुळे काही कार्यकर्ते ७ ते ८ कि.मी. अंतरावरून नदीपात्राने पोहत जाऊन बाभळीचे बंधारे बंद करण्यास निघाले होते; मात्र नदीपात्रात बोटींवर सशस्त्र जवान तैनात करून ठेवल्याने हा प्रयत्न फसला.
http://onlinenews1.lokmat.com/php/detailednews.php?id=AurangabadEdition-5-1-03-10-2011-cfdb0&ndate=2011-10-03&editionname=aurangabad

बाभळी परिसराला पोलिस छावणीचे स्वरूप

2011-10-02T08:07:00.000-07:00

Sunday, October 02, 2011 AT 01:30 AM (IST)

Tags: bhabli, dam, water, police, marathwada,

धर्माबाद - बाभळी बंधारा प्रकल्पाचे दरवाजे बंद करण्याचा इशारा छावा संघटनेचे संस्थापक अण्णासाहेब जावळे पाटील यांनी प्रशासनाला दिल्यामुळे बाभळी प्रकल्पापासून पाच किलोमीटरपर्यंत संचारबंदीचे आदेश जिल्हाधिकारी डॉ. श्रीकर परदेशी यांनी शनिवारी (ता. एक) दिले आहेत.

दरम्यान, या पार्श्‍वभूमीवर बाभळी परिसरात पोलिस बंदोबस्त वाढविण्यात आल्याने शनिवारपासूनच परिसराला छावणीचे स्वरूप आले आहे. "छावा'ने या आंदोलनास शेतकरी मेळाव्याचे स्वरूप देऊन बाभळीपासून पाच किलोमीटर अंतरावर सभामंडप उभारला आहे. या सभेला पोलिस प्रशासनाने परवानगी दिली; पण प्रकल्प स्थळापर्यंत जाता येणार नाही. यासाठी दहा पदाधिकाऱ्यांना पोलिसांनी नोटिसा बजावल्या आहेत.

बाभळी प्रकल्पाजवळ मोठा बंदोबस्त उभारण्यात आला आहे. गोदावदी नदीपात्रात पाणी अधिक असल्यामुळे आंदोलक जलमार्गाने येऊ नयेत, यासाठी दोन बोटी ठेवण्यात आल्या आहेत. आंध्र प्रदेश सीमेलगतच्या गोदावरी पात्राच्या दोन्ही बाजूंनाही बंदोबस्त वाढविला आहे. बासर येथील नदी पात्रावर आंध्र प्रदेशने बंदोबस्त ठेवला आहे. कुठल्याही गनिमी काव्याने बंधारा परिसरापर्यंत स्थळावर पोचता येणार नाही, यासाठी पोलिस प्रशासन सज्ज आहे. चार उपविभागीय पोलिस अधिकारी, 15 पोलिस निरीक्षक, 40 उपनिरीक्षक, चारशे जवान, एआरपीची एक कंपनी असा मोठा फोर्स मागविण्यात आला आहे, अशी माहिती पोलिस निरीक्षक गोवर्धन कोळेकर यांनी दिली.

अण्णासाहेब जावळे पाटील यांच्या नेतृत्वाखाली रविवारी (ता. दोन) सकाळी कारेगाव येथून मोटारसायकल फेरी काढण्यात येणार अशून बाभळी फाटा येथे शेतकरी मेळाव्यात रूपांतर होणार आहे. शेतकरी, कार्यकर्त्यांना ते मार्गदर्शन करतील.

नांदेड जिल्ह्यातील शेतकरी, पदाधिकारी मोठ्या संख्येने येत असून, नाकाबंदी करण्यात येत आहे. बाभळी प्रकरणाची अंतिम सुनावणी वारंवार पुढे ढकलत असल्यामुळे हक्काचे पाणी वाहून जाते. आमची मागणी रास्त आहे, असे मत उपजिल्हाप्रमुख सतीश पाटील, तालुकाध्यक्ष सुनील पाटील यांनी व्यक्त केले. या सभेचे नियोजन आता निश्‍चित असून, पदाधिकारी परिश्रम घेत आहेत, असेही त्यांनी सांगितले. मोकली, बाभळी, विळेगाव शिवारातही आजपासूनच बंदोबस्त वाढविण्यात आला आहे.

http://www.esakal.com/esakal/20111002/5555460636011394655.htm

गनिमी काव्याने बाभळीचे दरवाजे बंद करणार

2011-10-02T08:06:00.000-07:00

सकाळ वृत्तसेवा

Saturday, October 01, 2011 AT 01:45 AM (IST)

Tags: babhali bandhara, water, nanded, marathwada

नांदेड - महाराष्ट्रातील शेतकऱ्यांना शेतीसाठी आणि ग्रामीण भागातील जनतेला पिण्यासाठी गोदावरी नदीचे हक्काचे पाणी मिळालेच पाहिजे, या भूमिकेतून गांधी जयंतीच्या दिवशी रविवारी (ता. दोन) गनिमी काव्याने आणि अहिंसक मार्गाने बाभळी बंधाऱ्यावरील दरवाजे बंद करण्यात येतील, अशी माहिती छावा संघटनेचे अध्यक्ष अण्णासाहेब जावळे पाटील यांनी दिली.

अखिल भारतीय छावा युवक संघटनेच्या वतीने बाभळी बंधाऱ्याचे महाराष्ट्राचे हक्काचे पाणी मिळण्यासाठी आंदोलन करण्याच्या इशारा देण्यात आला आहे. त्याची माहिती जावळे पाटील यांनी शुक्रवारी (ता.30) येथे पत्रकारांना दिली. केंद्रीय जल आयोगाने जायकवाडी धरणाच्या खालील भागात गोदावरी नदीवरील साठ टीएमसी पाणी अडविण्याची परवानगी दिली आहे. असे असताना आंध्र प्रदेश सरकार विरोधात भूमिका घेत आहे. महाराष्ट्राची बाजू खरी असताना आणि हक्काचे पाणी असतानाही ते मिळत नाही. त्यामुळे महाराष्ट्रातील शेतकऱ्यांचे आणि जनतेचे नुकसान होत आहे. बाभळी बंधाऱ्यासाठी नांदेड जिल्ह्यातील विविध राजकीय आणि सामाजिक संस्थांनी एकत्र येऊन कृती समिती स्थापन केली व आंदोलन केले; मात्र त्यांना यश मिळाले नाही कारण राजकीय पक्ष आणि त्यांचे पुढाऱ्यांना "बाभळी'चे फक्त राजकारण करून निवडणुका जिंकायच्या आहेत. त्यांना हा प्रश्‍न सोडवायचा नाही, आ आरोप जावळे यांनी केला.

आंध्र प्रदेश सरकार आणि नागरिक बाभळी बंधाऱ्याच्या विरोधात आक्रमक भूमिका घेत असतील तर महाराष्ट्रातील जनतेने मागे का राहावे? त्यामुळे आता आम्ही आक्रमक भूमिका घेणार आहोत, असे सांगून श्री. जावळे म्हणाले की, जनतेच्या भावना विचारात घेऊन अहिंसक मार्गाने आंदोलन करण्यात येईल. या आंदोलनाची कल्पना पोलिस आणि पाटबंधारे विभागालाही देण्यात आली आहे. माजी मुख्यमंत्री अशोक चव्हाण यांना निवेदन देण्याची आमची इच्छा होती; पण त्यांनी आम्हाला वेळही दिला नाही. जिल्ह्यातील खासदार, आमदार, विविध राजकीय पक्षांना आम्ही आमची भूमिका सांगितली असून या आंदोलनात सहभागी होण्याचे व पाठिंबा देण्याचे आवाहन केले आहे. पत्रकार परिषदेला "छावा'चे प्रदेशाध्यक्ष लक्ष्मणबापू शिरसाठ, कार्याध्यक्ष राजेश मोरे, संघटक अण्णासाहेब कुडेकर, छावा विद्यार्थी आघाडीचे प्रदेशाध्यक्ष विजय घाडगे, जिल्हाध्यक्ष पंजाबराव काळे पाटील, शिवा पवार यांच्यासह पदाधिकारी आणि कार्यकर्ते उपस्थित होते.

तर परवानगी दिलीच कशाला?
महाराष्ट्र सरकारने गोदावरी नदीवर बाभळी येथे सुमारे 200 कोटी रुपये खर्चून बंधारा बांधला. जर या बंधाऱ्यात पाणीच अडवायचे नव्हते तर न्यायालयाने बाभळी बंधारा बांधायची परवानगी दिलीच कशाला? असा प्रश्‍न अण्णासाहेब जावळे यांनी या वेळी उपस्थित केला. आता न्यायालयात प्रकरण आहे, तुम्ही आंदोलन करू नका असे आम्हाला सांगण्यात आले असले तरी जनतेच्या हितासाठी दहा हजार कार्यकर्त्यांच्या उपस्थितीत आंदोलन करण्यात येणार असल्याचे जावळे यांनी सांगितले.

http://www.esakal.com/esakal/20111001/4832494641719925067.htm

SAKAL AURANGABAD

2011-08-03T21:04:00.000-07:00

बुलढाणा येथील सत्य परिस्थिती जाणून घेण्यासाठी जरूर वाचा "छावा चा पराक्रम "

2011-08-03T18:11:00.000-07:00

उपमुख्य कार्यकारी अधिकाऱ्यांना पेटविण्याचा प्रयत्न!

2011-08-02T19:38:00.000-07:00

सकाळ वृत्तसेवा

Tuesday, August 02, 2011 AT 01:00 AM (IST)

Tags: buldhana, crime, vidarbha

बुलडाणा - जिल्हापरिषद उपमुख्य कार्यकारी अधिकारी (सामान्य प्रशासन) अशोक राऊत यांच्या कक्षात घुसून त्यांना जाळण्याचा प्रयत्न सोमवारी दुपारी फसला. या प्रकारानंतर सर्वत्र एकच खळबळ उडाली असून, अखिल भारतीय छावा मराठा युवा संघटनेच्या कार्यकर्त्यांचे हे कृत्य असल्याचे सांगितले जात आहे. पोलिसांनी सर्व संशयितांना ताब्यात घेत तपास सुरू केला आहे.

सोमवारी दुपारी साडेबाराच्या सुमारास उपमुख्य कार्यकारी अधिकारी अशोक राऊत हे संपूर्ण स्वच्छता कक्षातील कर्मचाऱ्यांची बैठक घेत होते. यावेळी विस्तार अधिकारी घाईट, संदीप पाटील, समीर बेग यांच्यासह पाच ते सहा कर्मचारी उपस्थित होते. दरम्यान, या ठिकाणी शेलसूर येथील छावा संघटनेचे जिल्हाध्यक्ष भारत रिंढे व आणखी पाच ते सहा जण कक्षात घुसले.

"मुख्य कार्यकारी अधिकारी कुठे आहेत, तुमचे येथे काय सुरू आहे असे म्हणत कक्षातील या कर्मचाऱ्यांना बाहेर काढा' असे श्री. राऊत यांना ते म्हणाले. यावेळी भारत रिंढे व इतरांच्या हातात काठ्या तसेच एका पिशवीत पेट्रोल व रॉकेल भरलेल्या बॉटल्या होत्या. संबंधितांचा हेतू लक्षात येताच राऊत यांनी, "तुम्ही आपले काम सांगा, कर्मचारी बाहेर जाणार नाहीत', असे सांगितले. यानंतर बॉटलचे झाकण उघडण्याचा प्रयत्न करीत असताना कर्मचाऱ्यांनी या सर्वांना पकडण्याचा प्रयत्न केला. त्यामुळे हे ज्वलनशील पदार्थ या झटपटीत सांडले. राऊत यांच्या कक्षात सुरू असलेली आरडाओरड ऐकूण इतर कक्षातील कर्मचारी तिकडे धावले. त्यामुळे भारत रिंढे व त्यांच्या सहकाऱ्यांनी बॉटल व काठ्या तेथेच टाकून पळ काढला. हा प्रकार श्री. राऊत यांनी तातडीने लोकशाहीदिनासाठी जिल्हाधिकारी कार्यालयात गेलेले जिल्हापरिषद मुख्य कार्यकारी अधिकारी प्रकाश ठुबे, प्रकल्प संचालक संजय कापडणीस यांना दूरध्वनीवरून कळविला.

या प्रकाराची माहिती जिल्हापरिषदेसह शहरात सर्वत्र पसरली. तातडीने शहर पोलिसांचा ताफा श्री. राऊत यांच्या कक्षात दाखल झाला. श्री. राऊत यांच्या तक्रारीनंतर शहर पोलिसांनी तपासाची चक्रे फिरवली. आरोपी भारत रिंढे, दत्ता जाधव, देवानंद विचारे, सुनील घेवंदे, शकील खॉं अनीस खॉं, संतोष गंडे या सहा जणांना चिखली मार्गावरील गोलांडे लॉन परिसरातून नाईक पोलिस कॉन्स्टेबल विलास काकड, पोलिस कॉन्स्टेबल नीलसिंग चव्हाण यांनी शिताफीने ताब्यात घेतले.

यानंतर जिल्हा पोलिस अधीक्षक लखमी गौतम यांनी घटनेची माहिती घेत पोलिस कर्मचाऱ्यांना तपासासाठी मार्गदर्शन केले. घटनेच्यावेळी श्री. राऊत यांच्या कक्षात उपस्थित असलेल्या कर्मचाऱ्यांच्याही जबानी घेण्याचे काम उशिरापर्यंत सुरू होते. या घटनेचे जिल्ह्यात एकच पडसाद उमटले असून, सर्व कर्मचारी संघटनांनी कामबंद आंदोलन केले

http://www.esakal.com/esakal/20110802/5620633934542636123.htm

बुलढाण्यात उपमुख्य कार्यकारी अधिकाऱ्याला जाळण्याचा प्रयत्न

2011-08-02T19:32:00.000-07:00

* छावा संघटनेचे सात कार्यकर्ते अटकेत
* कर्मचाऱ्यांचे उद्या जिल्ह्य़ात ‘कामबंद’ आंदोलन
बुलढाणा, १ ऑगस्ट/ प्रतिनिधी
चिखली तालुक्यातील शेलसूर येथील जलस्वराज्य प्रकल्पात झालेल्या भ्रष्टाचार प्रकरणी योग्य ती कारवाई झाली नाही, असा आरोप करीत अखिल भारतीय छावा संघटनेच्या जिल्हाध्यक्षासह संघटनेच्या त्याच्या सात कार्यकर्त्यांनी संतापाच्या भरात बुलढाणा जिल्हा परिषदेचे उपमुख्य कार्यकारी अधिकारी अशोक राऊत यांच्या अंगावर व कार्यालयात पेट्रोल व रॉकेल टाकून त्यांना जाळण्याचा प्रयत्न केला. आज दुपारी साडेतीन ते चार वाजताच्या दरम्यान घडलेल्या या घटनेने एकच खळबळ उडाली. या घटनेच्या निषेधार्थ उद्या जिल्ह्य़ात कर्मचाऱ्यांनी कामबंद आंदोलन पुकारले आहे.
यावेळी उपमुख्य कार्यकारी अधिकारी राऊत यांच्या कार्यालयातील अधिकारी व कर्मचाऱ्यांच्या सतर्कतेमुळे पुढील अनर्थ टळला. या प्रकरणी बुलढाणा पोलिसांनी अखिल भारतीय छावा संघटनेचे जिल्हाध्यक्ष भारत रामचंद्र रिंढे (३८)(रा. शेलसूर, ता. चिखली), पदाधिकारी दत्ता मधुकर जाधव (२५)(रा. करवंड), सुनील नाना घेवंदे (२४)(रा.चंदनपूर), देवानंद गोविंद विचारे (३०)(रा. बुलढाणा), शकील अनिल पठाण (२३)(रा.शेलसूर), संतोष दत्तात्रय गंडे (२४)(रा.पळसखेड सपकाळ, विश्वास कैलास बोराडे (२४)(रा. शेलसूर) या सात जणांना अटक केली आहे. देवानंद विचारे वगळता इतर सर्व आरोपी चिखली तालुक्यातील आहेत. राऊत यांच्यावरील हल्ल्याच्या निषेधार्थ आज दुपारनंतर सरकारी व जि.प. अधिकारी तसेच, कर्मचाऱ्यांनी स्वयंस्फूर्त बंद पाळला.
या घटनेची हकीकत अशी की, आज साडे तीन वाजताच्या सुमारास जिल्हा परिषदेचे उपमुख्य कार्यकारी अधिकारी अशोक राऊत यांच्या दालनात संपूर्ण स्वच्छता अभियानाच्या अधिकारी व कर्मचाऱ्यांची बैठक सुरू होती. त्याच वेळी अखिल भारतीय छावा संघटनेचे जिल्हाध्यक्ष भारत रामचंद्र रिंढेंसह हे कार्यकर्ते त्यांच्या कक्षात बळजबरीने शिरले. त्यावेळी त्यांच्याजवळ पेट्रोल व रॉकेलने भरलेल्या बाटल्या, हातात लाठय़ाकाठय़ा होत्या. वीस ते चाळीस वयोगटातील या सर्व युवकांनी अतिशय संतापाच्या भरात मुख्य कार्यकारी अधिकारी ठुबे कोठे आहेत, अशी विचारणा केली. राऊत काही बोलण्याच्या आतच भारत रिंढे व त्याच्या सहकाऱ्यांनी राऊत यांच्या अंगावर व कार्यालयात रॉकेल व पेट्रोल फेकले. हे युवक काडीपेटीने राऊत यांना व कार्यालय पेटवण्याच्या बेतात असतांना तेथील अधिकारी व कर्मचाऱ्यांनी त्यांच्याजवळील काडीपेटी हिसकावून त्यांना कार्यालयाबाहेर हाकलले. कर्मचाऱ्यांच्या सतर्कतेमुळे पुढील अनर्थ टळला. उपमुख्य कार्यकारी अधिकारी राऊत यांनी या घटनेची तातडीने माहिती पोलिसांना दिली. त्यानंतर दंगा काबू पथकासह पोलिसांचा ताफा घटनास्थळी हजर झाला. पोलिसांनी सर्व आरोपींना तातडीने अटक केली. पोलीस अधीक्षक लखमी गौतम, अतिरिक्त पोलीस अधीक्षक पाटील, उपअधीक्षक भुसारे, निरीक्षक पाटील यांनी घटनास्थळी जाऊन परिस्थितीची पाहणी केली.
शेलसूर येथील जलस्वराज्य प्रकल्प व ग्रामीण विकासाच्या भ्रष्टाचाराच्या संदर्भात छावा संघटनेचे भारत रिंढे व त्यांच्या सहकाऱ्यांनी अनेक तक्रारी केल्या. मात्र, या तक्रारींची थातूरमातूर चौकशी करून प्रकरणे दडपण्यात आली. त्यामुळे चिडून जाऊन रिंढे व त्यांच्या साथीदारांनी हा अघोरी प्रकार केल्याची या परिसरात चर्चा होती. या घटनेनंतर या परिसरात एकच खळबळ माजली. सर्व कर्मचारी व अधिकाऱ्यांनी जि.प.समोरील पटांगणात गर्दी केली. राऊत यांच्यावरील हल्ल्याच्या निषेधार्थ सरकारी अधिकारी व कर्मचारी, जि.प. अधिकारी व कर्मचाऱ्यांनी दुपारी चार वाजतानंतर दोन तास काम बंद आंदोलन पुकारले. दोषी आरोपींविरुध्द कडक कारवाई करण्याची मागणी अधिकारी व कर्मचारी संघटनांनी केली आहे. उपमुख्य कार्यकारी अधिकारी राऊत यांच्या तक्रारीवरून पोलिसांनी भारत रिंढे व त्यांच्या साथीदाराच्या विरोधात खुनाचा प्रयत्न, सरकारी कामात अडथळा व दंगल घडवण्याचा प्रयत्न या व अन्य कलमान्वये गुन्हे दाखल करून त्यांना पोलीस कोठडीत डांबले. या प्रकरणाची मुख्यमंत्री व गृहमंत्र्यांनी गंभीर दखल घेऊन कडक कारवाईचे आदेश जिल्हा व पोलीस प्रशासनास दिले आहेत.
http://www.loksatta.com/index.php?option=com_content&view=article&id=173939%3A2011-08-01-18-31-11&catid=25%3A2009-07-09-02-01-06&Itemid=2#.TjeRYs1rlMc.facebook