Lianhmingthanga Sailo

Hlimna

noreply@blogger.com (Lianhmingthanga Sailo) — Tue, 28 Feb 2012 06:16:00 +0000

Chang thlan: Thufingte 19:17

Hlim hi ava nuam tak em! Hlimna neih hi a har em mai pawh a! Hlim hi hlu lo chi alo nih loh hi! Khawvela mi tupawh hi hlim duh leh chumi neih tuma nasa taka zawng vek kan ni si!

Hlimna duha kan zawn dan hi a inang lo hle thung! A then chuan hlimna hi khawvel takin kan zawng a, khawvel kan chen a ni. Zu leh ruihtheihthil hmangin kan zawng a. Kan zawn ber hlimna chuan min kiansan telh telh si! Sum leh pai hmangin athen chuan kan zawng a; nasa takin sum neiha hlim kan tum a; sum chu kan nei ta ngei reng; kan duh tak hlimna erawh sum chuan min pe thei em? Hlimna kan duh avanga kan han beih nasat hlawm zia hi aw! Tleirawl leh rawltharte pawh hlimna zawngin zu hmun sa hmun an bel a, zankhaw tairek thleng thlengin kawngkamah bengchheng siamin an thu teuh thin a ni. Eng vang nge? Hlimna an zawng a ni. Chuvangin, 'Hlimna hi khawiah nge a awm?' tiin he zawhna teh ang u.

Hlimna hi pawnlam thil awm dan atang ni lovin, rilru lamin a pai thiam dan a zirin a lo awm a ni. Rilru leh ngaihtuahna thunun theih hi hlimna neih theihna hnar a ni ngei ang.

Nun hlimna kawng hi eng emaw zat a awm. Mipat hmeichhiatna lama hlawhtlinna te, Sum leh pai lama hausakna te, Hriselna te, Larna te, Hmelthatnate hi kan hriatlar pawl tak a ni. Sakhaw tarmit atanga kan thlir chuan Kristaa nunthar neitute hi an hlim hle bawk.

Hlimna chu sawifiah thiam har tak, tawn leh hriatfiah chi a ni. Hlimna chuan mihring min tilawm a, min siamtha a, inngeih lote tan inremna a ni. Mi beidawngte beiseina siamsaktu a ni bawk.

Mi thahnemtak kan hlim theih lohna hi chu: kan duham a; kan neih tawkah kan kan lungawi lova; midang neih kan hmuhin kan awt a; a nih loh vek leh mahni hma kan sial lutuk a, midang ngaihtuah lo lekin kan khawsa thin . Hetiang chung hi chuan Nun Kawngtha chu kan zawh hleithei lova, hlimna tak kan nei thei hauh lovang. Thufing pakhat chuan: 'Tam tak neih chu tam tak duh na a ni,' a ti. A dik kan ti em? In leh lo ram thu ah te, sum leh pai thu ah te, silhfen te thleng hian neihbelh zel kan duh a, tawk tih reng kan nei thei lo. Mi tanpui pawh duh ve thin mah ila, lo let leh tur thlir chung lo chuan harsa tih chang kan nei fo mai.

John D. Rockfeller-a chuan, pek chhuah hlimna ram a thlenhma chuan, 'Maktaduai(h) tam tak ka thawk chhuak na a, hlim na min pe lo,' a ti. Mahse, a inngaihtuah harh a, a hausakna chu midang te thatpuinan a semchhuah tak hnuah a lo hlim ta a ni. Thil pekchhuah reng reng Pathian hnenah a ni emaw, rawngbawlna peng dang emaw, tanpui ngaite hnenah a ni emaw, lokir leh hi a awm tih hre chiang em em tu Estee Lander-a chuan, 'I pek apiang chu i hnenah a lo kir leh thin,' a ti. Pathian malsawmna kan dawnte hi inang lo mahse; mahni chan tawk ang te te atang hian hlim takin pe thei ila mahni tan a tha hle dawn a lo ni. Pe chhuak thin te hi an tlachham ngai lova, tlakchham a hnehin pek tur an nei zel zawk a ni. Harsa zawk leh mirethei zawkte khawngaiha tanpui thin te phei chuan Pathian an puktir thin zu nia. Thufingte 19:17 ah hei hi kan hmu: "Mi rethei khawngaihtu chuan Lalpa a puktir a ni a, a thiltih that chu a rul ang," tiin. Pathian khawngaihna kan chan hi a hluin a ropui a, Amah chu chawimawi ang u. Pu Suakliana'n, 'A hausakna chen ve turin a hnenah thilpek kan hlan thin tur a ni,' alo tihte hi zawmin Lalpa hmangaihna chhanglet ila, chu chu kan hlimna tur a ni. Kan puk tam leh tlem thu ah buai lo ila, kan pekna rilru zawk hi Pathianin min ensak zawk tih i hria ang u.

Hlimna leh lawmna famkim i chan duh tak tak chuan kawng a awm. Isua Krista nei la, hlim takin pe rawh. I nun kaihruaitu atan hmang rawh. I nun leh i thil neih zawng zawng atan hmang rawh. Isua Krista avangin chan rawh, hmingchhiatna, hmuhsitna, tuarnaah pawh tuar mai rawh. I fate enkawl nan leh zilh nan a thu hmang rawh. In chhungkuaah tel tirin a thu anga awmin Lalberah dah rawh. Isua entawnin i nun hmang la, tichuan i faten nangmah an entawn ang che. Pathian duh zawng chuti anga a hriat chian tawh phawt chuan in chhungkua chu Pathian avangin hlimna leh lawmnain a kalsan ngai lovang che u.

Pathian chuan hlim taka petu a ni a hmangaih ni! Lalpan malsawm rawh se. Amen

Kha Tleirawl han hmelthat zia kha aw!

noreply@blogger.com (Lianhmingthanga Sailo) — Thu, 23 Feb 2012 16:40:00 +0000

-By Ngurthansangi Pa

Nia, khami ni: Ka Pu fapa Internal Bleeding avanga a kal tuk khan kha Tleirawl kha ka hmu alawm!

Kha Tleirawl kha ka hmuh phat khan ka ngaihtuahna luangchhe tak pawh lawmna lamin a rawn tlakbuak a. A theih ang chin leh a mawi ang chin atang chuan amah chu ka va hnaihin ka va en leh vawng vawng thin.

Pangpar dahin ruang awmna hmunah a Nu niawm tak nen an rawn kaldun a. Ruang dahna pindanah chuan rei vak lo an thu. Chumi hnu chuan a rawn chhuak a, inhnuai lama zaikhawm ho awmna hmunah a chhukthla. A lokal lai chuan kawngka bulah ka thu a. Mahse, ka lo en ngam lova, a kepen lai chiah ka lo en pek! A hnuah a Nu niawm tak chu a lo chhuak ve leh!

Hunserh kan hmang zo va, thlalak puina hun kan hmang dawn ta a. Thla kan han la sap sap a. Chu Tleirawli chu mitthi Nu laichin leh chhungkhat lokalte lamah thlalakna-ah a tel ve ta mial a! Thla an lakdawn lai chuan ngun fahranin ka lo en reng a. Mahse, ani erawh chuan min en lo!

Chumi hnu-ah mitthi ruang chu Thlanmual lam panin Wheel-Barrow hmangin an nawrkal ta a. Thlanmual lama kal lo ho chu Inah kan inkawm khawm a. Chu Tleirawli pawh chu Thlanmual lama kal ve lovin, nichina a Nu ni awma ka sawi nen khan an thu dun a. Mobile Phone a khawih tlatin ka hria!

Keipawh ka kal loh avangin, ka chhungkhat lainate nena inhmelhriatna hun te kan hmang a. Chu Tleirawli thutna hnung- hnunglehah chuan ka thu a. Reitawk fang ka thut hnuah, a hnungchiaha piah deuhvah ka insawn a. A Nu anga ka sawi khan a bekbawr a, chuvang chuan a rawn hawilet a.

A hnu deuhvah pawn lamah a chhuak a. A rawn kir mai loh avangin, pawnah ka va chhuak ve a. Chumi hnuah chuan Hmawmsawm rawn kengin a rawn let ta hlauh va. A mitmeng han mawizia kha aw!

Ihmaw, a ngova, a pian a nalh bawk a. Mipa-in 'nise' kan tih ang hi amahah chuan a kim biai zu nia! A sam a sei a. A kawrlum hak chu a kawngah a suihna Lace a awm a. A chawn var tha leh no nalh tak chu a lang pawh heu va! A hmui chu a tawk chauhvin a mawm a. Ka va fawp chak tak em aw!

Kei chu kawngka bulah ka lo ding a. A kutah ka lo chelh a: 'Tunge i hming?' : 'Siamtei', Tunge i nu? : 'L...', Khawi vengah nge in awm? : 'E.......'...

Huis... Ka zo lo.. A mi chhanna chuan ka thinlung a khawih a. Khawilai takah nge an In a awm? kan inchhung tih a hriat ta! Engtinnge ka Try ang le?

Chu Tleirawl chu a berah chuan Master Degree a la nei lovang tih ka chiang a. Chutih rualin XII Exam laimek pawh a ni thei tih ka hre thung. A mobile No ka lo dil lo kha aw!

Siamte, i hmingpum ka lo dilin; ka lo zawt lo che a. A va pawi tak! I taksa mawina leh itawmna kha ka tan chuan hlutak a ni. I hmangaihber hnenah pawh IN INNEI ANIH NGAWT LOH CHUAN I THIANGHLIMNA KHA HLAN SUH.

Siamtei., kha Tleirawl duhawmte kha., i hria a nih chuan khawngaih takin ka email-ah min lo mail ta che?

Ama sakruang thianghlim tak, duhawm leh itawm tak kha ka mitthla-ah a chamreng si a!

Ka ngaimawh pakhat

noreply@blogger.com (Lianhmingthanga Sailo) — Mon, 16 Jan 2012 09:59:00 +0000

Zinkawnga Lirthei chunga chuan hian thenkhat tan Zuk leh Hmuam hi tih lohtheih loh thil a ni maithei a. Mahse, mi thahnem zawk hi chuan tih kan chak vang chauhvin kan tithin niin alang. Kan ngaihtuah thui loh avang te, midang kan ngaihsak loh vangte in hetianga Zuk leh Hmuam ti thin hi kan niin ka hria.

Abik takin Mipa lam hian Zinkawnga Lirtheia han chuan hian Zial hi kan zu hreh lo tklangpui a. Hmeicvhhia hian rimchhe em em mai: Tuibur hi an hmuam hreh miah lo. Hei hi mak ve tak a ni! Nutling, paling tena zinkawng Motora Zial an han zu te, Zu rim nam hum humchunga an chuang te, Tuibur hmuam paha an tawng zuah zuah angte hi midangte tan hnawksak leh rimchhia a ni tih an rilru-ah a awmreng tho si!

Mizo te hian he thil hi kan inzirtir nasat a ngai a. Chhungkua atanga kan tan loh chuan khawlai atang chuan a sawt mawhj khawp ang. Lirtheia kan chuan lai hian midang: kan chuanpui midangte tana hnawksak zawnga awmloh hrma tur a ni tihte, midangte rimchhe tih ang thilte reng reng tih miah loh tur tihte hi nu leh pa te hian in fate zirtir fo ula a va tha dawn em!

Lam ang ka lo let e!

noreply@blogger.com (Lianhmingthanga Sailo) — Mon, 16 Jan 2012 09:57:00 +0000

Ka haw:

Pathian venna leh kaihhruaina zarah damtakin Champhai chu Dt. 17th Dec, 2011 Saturday khan ka thlengchho va. Dt. 16th Dec, 2011-a Sumo Ticket ka laklawk avangin buaina dang nei lovin tluang takin ka tum angin ka kalchho. Mahse, ka chuanpui Nu pakhat leh a fa pahnih Hmeichhiate kha chu zep lohvah chuan Motor chuanpui an hreawm khawp mai. A chhan chu: Kan chhuah dawn khan Chanmary to Ramhlun Road lamah kan tlan a. Min lo chang a. An in-load fel hnuah Mobile Phone an theihnghilh an lam avangin Ramhlun Venglaiah kan ding leh reng a. Chumi hnuah Nu ber chuan Tuibur a rawn hmuamta pang pang mai a. Kei chuan ka lo kamkhat hlak a. Mahse, a hmuam lui ta tho. Rei fe hnuah, a fanu pakhat zawk chuan a Phone thar nia a sawi chu a khawih chingpen nge mawni, a phun reng mai a. Siamthatsak theihdan a awm lomaw, tia ka zawh chuan a lo teu hlar a. Pakhat zawki pawh chuan a Mobile Handset chu a Play a, Rap leh Sap hlate an Play a, an ri ta lelu a! Chuanpuite avang hian zinkawng hi a lo tawiin a lo sei thei hle tih ka hrechhuak uar(h) uar(h). Champhaiah hian Sunday chu ka hmang a. Rahsi venga ka thiannu te Inah ka thleng a, min thleng zo hle. Ka chamchhung zawngin duat takin min enkawl a, chawhmeh lah a tui tha tha min hlui bawk a, ka lawm takzet a ni.

Tichuan, Dt. 19th Dec, 2011 ah Hnahlan Sumo: SB Family hmangin Champhai atang chuan mahni seilenna khua: Hnahlan lam panin ka chhuak leh ta a. Thim thet thetah khua kan lut.

Urlawk Zan:

Urlawk Zan-ah chuan mahni Inah awmlovin ka lenna thin pakhat, ka tana inhawng tak, ka Pi leh Pu te: Pu Vungzagova (L) Inah ka riak a. Dar 9 pm velah ka mu. Mahse, hma lamah hiann Ar kan kang thung a. Keiin ka puah a, ka Nu Vungin a lo kang thung.

Krismass vuakvet:
Urlawk Zan tuk chiahah chuan kan Kohhran: Presbyterian Church chuan Ruai an siam lova. Chuvang chuan tuk dang ang lo takin sa chan a ngai lo. A tuk leh zingah erawh chuan Vawk leh Lawi te talh a niin, thalaiten a sa kan chan a. A nuam hle.

Krismass tukah hian kan Kohhran Biak In sakthar, November 2011-a hawntharah ka va inkhawm ve nghe nghe.

Krismass ni tlaiah chuan chaw kan han dawh ngei a. Fatute khan kan duh ang chi an siamkha min lo suah zung zung a, tlai leh puar takin Krismass ruai chu khawpuia in ruaitheh angte tluka changkang leh bawlhlo tam ni lo mahse, ka ei a ni.

Kumhlui Thlah Zan:

Kumhlui Thlah Zan hi keimah te bawkin kan Inah ka hmang a. Zan dar 9 pm velah ka mu. Mut pahin Television ka en a. Hemi tum hian Animated Film: Tango chu ka en. Hmuhnawm ka va ti tak e aw! Sipai Sakawr, a hming Maximus kha a Joker tawp! Chuan a changtunu aw kha a mawi ka ti bawk a. He Film hi ila en ve lo anih chuan en ve ngei ang che, i inchhir ka ring lo bur!

Kumhlui Thlah vuakvet:
Kumhlui Thlah vuakvet ah hian kan khua: Hnahlanah pawh thawm a zawi hle a. Kumthar Ni zingah Vawk leh Lawi sa talhin, kan chan leh a. Chawhma Inkhawmah ka tel. Tlailamah ruai ka theh a, ka Nu nen kan Inah kan ei.

He Krismass leh kumthar chhung hian a tamthei ang ber mahnia hmangin, kan khawchhung te ka fangkual a. A biktakin kan khaw Damdawi In sakthar, a chhehvel khaw dangte laka changkang ve tak chu ka va tlawh a. Thianpa Roluahtua Nuin min lo Welcome tha hle.

Welcome to 2012:
Tichuan, Dt. 9th Jan, 2012 khan SB family Sumo hmangin Champhaia Ni khat cham turin ka phei leh a. Dt. 10th Jan, 2012 chuan ka pa Ni Lalhuzami Sailo(L) pasal,Pu Khuanghluna Ngente, K-89 chu a boral thut avangin ka u Vincent Lalrokima S/o Lalrikhumi Sailo te, ka pu Lallianluauva Sailo S/o Saithuama Sailo: Murlen leh Hnahlan Lal te, ka thiannu Te-i te nen kan pali-in Hnahlan lampanin Wagon R hmangin kan inphurchhuak leh a. Tlailam dar 4: 30 PM-ah kan let leh a. Zan dar 7-8 PM inkarah Champhai kan thleng leh.

Dt. 13th Jan, 2012 ah chuan Aizawlah 'Lam ang ka lo let leh ta' a ni.

Ni 20 chhung chiah!

noreply@blogger.com (Lianhmingthanga Sailo) — Sat, 17 Dec 2011 18:30:00 +0000

Ni e, kha an inkara hmangaihna intanni leh a tawptak ni kha ni 20 chhung chiah a ni.

Dar 2: 30 AM a ni tawh a. Chutih lai chuan ka Phone chu a rawn in-ring a. A tirah chuan ka la duh lo zet a, mahse a hnudeuh vah a rawn in-ring leh ta a. Tahzet chuan, keipawhin tlawmngaih chhuahin chu Phone Call chu ka han picked-up ta a.

Tah aw tuau, mahse insum ru tih hriattak hian ka thian kawmngeih berte zinga mi Siama chuan a rilru nat em avanga a muttheih loh thu leh, a thiantha ber ka nih avanga min rawn phone a nih thu a sawi hmasa te te a. Keipawh chuan, chutia miin an thiantha ber ngaiha min rawn ngaih na na na chuan tiin a rilru natna chungchang thu a sawi chu pawh tak leh tawmpui takin ka lo ngaihthlaksak a. Mahse, ani pawh chuan zanrei hnu, zing khawvar dawnlamhnaih a nihzia hriain, a tuka City Park-a inhmu a, a rilru natnate min ngaihthlaksak tur chuan tihtaktein min sawm a. Keipawh chuan hnatul dang em em ka neih hran loh avangin ka lo 'aw' ve mai a. Tichuan, Siama nen chuan rei vak lo hnuah kan inbe zova. Keipawh chu thinthi diaiin ka mumang lama ka Ngurthansangi Nu hmuh rilruk tum chuan ka muhil leh ta siai siai a.

II
A tuk ni lo chhuak chuan ka thianpa rilru nat chu a tawmpui nimai hian ka hre hnuhnawh! Ni tak pawh chu a tawmim tlat a. Khua lah chu a vawt var mai bawk a. Ni chuan rawn dikdak reng a tum lo.

Dar 10:00 AM a lo rik chuan ka thianpa Siama nena kan intiamna City Park bula Restaurant chhungah chuan ka lo thuvang tawh a. He restaurant hnuaiah hian hman deuh khan mi an awm a. Tleirawl pakhat an nei a. Chu nen chuan Blessed Hostel-a ka awm lai khan ka awmpui Zira chuan a Mobile Motorola Razr khan thla min laksak nghe nghe.

Dar vawtu Sana ban chuan 10:05 AM a kawh thlen meuh chuan ka hriat ngei ngei tura ringin Bike Horn a rawn ri ta tuarh tuarh a. Ka va chhuak a. Siama chu mitbui chuk chungin a Bike atang chuan a lo chhuk mek a. Min hmuh chuan a nui lui deuh sak a.

A Bike R15 Silver Color, Mz01h 0001 a Park fel hnu chuan City Park chhungah kan lut ta a.

Thutna kan remfel h
nu chuan Siama chuan an chanchin chu a nikhatna atanga a tawpber ni thleng leh a tuardan chu min hrilh ta a. Kei chuan uluk takin a changa Siama hmela thinurna lo langte, lungngaihna lo langte, lawmna lo langte chu hmuh hmaih hauh lovin ka lo thlir reng a.

III
Siama chuan a aw han thenfai pahin, 'Ka thian, nang chauh hi ka khawvela thiantha ka neihchhun i ni a, chuvang chuan he ka thusawi tur hi uluk takin min lo ngaihthlaksak la, tul itih chuan Chanchinbu-ah min ziahsak dawn nia! Keimah anga hetianga hun hmangte tan hian i hlan ka duh e,' a ti hmasa te te a.

Siama chuan tihian a huntawn chu min hrilh tan ta a ni.

IV
Facebook ah hian kum 2009 atang khan ka Profile ka dahlut ve a. Rinloh takin Dt 13th Nov, 2011 khan Message pakhat ka Inbox-ah a lo awm a. Chutah chuan ka Contact No hi hmeichhe pakhat hian min dil a.

Kei chuan ka pe ta a. A hnuah a ni chuan min rawn call ta a ni. Tichuan, kan han inhre chho tan ta a.

Hmangaihna lamtluanga vanduai ve ve ka nih avang pawh a ni mahna, ka han try ta a. A ni pawh chuan a LIVE-a ka HMEL a hmuh hma chuan HMANGAIHNA chu MIN HLAN TA a. Ka lawm hle.

Kan hlim tan hle. He kan nih tanni hi Dt. 14th Nov, 2011 kha a ni. Ani chu ka duhdan ang zelin a awmthiam a, ka vannei ka inti hle.

A hmel tak tak thlalak a Facebook-ah a UPLOAD LOH avang chuan a mah tak tak Thlalak Upload turin ka ngen a. Tichuan, a lo Upload ta ngei a..

IV
A hnu deuhvah chuan a thawhna hmun N.E. Khawdungsei-a a thawhna Head in a itsik avanga a hlawh a hrensak avangin Ngopa ah a han kal a ngai a. Mahse, a rawn hlawhchham a. Hemi ni hian min rawn bia a, Phone atang khan a tap tlatin ka hria. Ka theih ang chuan ka hnem ve a ni.

A hnuah, rawn phei turin ka ngen a. Ani pawhin min hmuh a chak em em thin a. Mahse, a rawn phei lawk thei lo. Tichuan, a rawn pheita hlawl a!

V
Dar 3:30 PM a ni tawh a, Nilaithawhtanni a ni. Keichu ka thiannu thar rawn zintur chu lo hmuak turin Millenium Center kawtah chuan ka ding vang tawh a.

Ka Handset, Rs. 4100-a Nokia Service Centre, Zion Street chhuahchhohva kawngpui thlanglama thla rukvel kalta-a ka lei, C2 02 ngeimai chu ka han lekkang a. Ka han dial ta a.

'Muallungthu kan rawn la thleng lo deuh', a tih thawm ka hriat chuan a hmalama kan lo inbiakdan nen a inpersan hle. Dar 4 PM velah pawh an lo thlen ka rin takchiah loh avangin keipawh chu ka Inluahna veng lampanin City Bus-ah lunghnur zetin ka haw ta ringawt a!

A hnudeuh lawkah SMS ka dawng a, Ngaizel an rawn luh phei thu a lo in-type a. Ka Inluaha ka chawhmeh ka hunlum laite chu dahthain, ka insiam sawk sawk a. Tichuan, Taxi hmangin Millenium Center lam chu ka pan leh ta a.

Ka va thlen hnu deuhvah chuan ZK Sailo Sumo Service chu Millenium Centre kawtah a rawn ding ta chat a. Ka phone pawh a in ring nghal bawk a. Tichuan, khawvela a hmangaih ber thar nitur chu a taka a vawikhat hmuhna atan Sumo chhung atanga a chhuklai chu ka va en hman hram a. A thla pawh ka laksan hman nghe nghe.

Tichuan, an han inhlangthla a. Ka Chhas (titawh ang) thawmhnaw ilo chu ka ah sak a. A Serthlum min rawn hawnsak pawh chu ka khai bawk a. Taxi hmangin a thlenna tur, a unaute Inluah lam panin Ramhlun South lam pan chuan kan tlanchhuak leh nghal a.

Heta kan tlanchhuah tum hian kan pahnih chauhvin a hnungah kan thu a. Kan kut kan invawnsak nghal chat a. Ka Chhas thar chuan min ngaina ve nghal em emin ka hria a, ka awm pawh a nuam sawt a ni.

Tichuan, a thlanna turah kan indahfel a. A hmalam hian a eiduh zawng Sangha ka lei, ka siamtir chu chawhma lamah ka lo va dah fel tawh nghe nghe. An inchung chiahah a thlenna chu Mipa hlir an awm avangin a chamchhung zawng a awm deuh ta zawk a, hetah hian kan inhmu thin a ni.

VI
A rawn thlenni kha Dt. 1st December, 2011 a ni a. A haw leh ni chu Dt. 4th December, 2011 a ni. A chamchhung hian a rawnthlenni tiamin Dt. 3rd December, 2011 chawhma lamzawng chu kan inkungkaihna derdep hle mahse, a la chatchiah lo va. Dt. 3rd Decmber, 2011 chawhnu lam atang khan a chat ta hmawk a. Tihchuan, he ka thiltawn hi ka hrilh ta chawih mai che a ni.

A rawn thlenni tukah chuan, Bazarah a nau thawmhnaw leipuiin a kal a. Hemi ni hian School lama ka thawhna-ah chawlh ka dil ngam ngang loh avangin ka kal hram a. Tichuan, chawhnu dar 12: 30 PM velah chuan Bazar Puiah kan inhmu ta a ni. Bazar puia kan inhmuh dawn hian a thusawi angin a awm lo nghal phawt mai a. A chhan chu, min lo nghakse ka tihna hmunah a lo awm lova, thawmhnaw a lo enkual a. A hnuah, ka awmna tur lai ka hrilh a, mahse, min rawn pan chuang hlei lova. Tichuan, lungni vak lo chung chuan ka va hmu ta a ni.

Tichuan, Bazar-a atang chuan Zion Street lam panin kan inkai chhova. Damdawi In bula City Bus Stand bul atangin Taxi kan la a. Chumi hmang chuan ka In pan kan tum. Mahse, a remchan avangin Zarkawta ka u te Inah ka kalpui leh ta zawk a. Hetah hian thingpui kan In a. Mahse, a ni chuan a Induh lova, Long chhang a chanve a ei tawk. Tichuan, Chanmari Bazar lamah kan chhukthla a. Bazar-ah chuan Arsa 1/2 Kg kan lei a. Maian tel 1 kan lei tel bawk.

Hemi hnu hian Chanmari Biak In hnuaia tlereuh zawrhan dawrah Zungbun Rs. 800 man Silver kan lei. Tlemin a thawl deuh na a, kan leita tho.
Chumi hnuah, Taxi hmangin DC Workshop peng thleng kan kal leh a. Hemi hnu hian ka In bul lawka dawrah Cold Drinks leh Biscuit ka leikawi a, Inah kan lut nghal a. Inchhung kan luh atang chuan ka Neitu chet tak tak tan ta a.

Kan inkuah a, a vawikhat nan lungchim takin kan inmuah ta ngawng ngawng a. Ka thlahphal lawk lova, reifang kan inmuah hnu chuan ka kuai thu a. Chawchhum tur ka siam a. Tichuan, hlim takin kan thudun a, kan inkuah a, kan inpawm vawng vawng leh thin a.

Nakinah chuan ka khumah ka hruaiphei a. A kut ka laksak a. Bible ka chhawpsa chu ka keuva, Tirhkohte Thiltih inziakna lai kha ka keuva. Zungbun chu a bawm atangin ka phawrh a. A kutchangah ka thiat ta a. Chumi pah chuan a heh fai leh thianghlimsar maiah chuan ka muah bawk a. A lo thaw halh a. A nui deuh sak bawk. Ka meng ru pek a, a lo maimitchhing a..

Chumi zawh chuan Cold Drinks ka lei chu ka hawng a, kan indun ta a ni. Hemi hnu hian tawngtaina ka hmang zet a, thianghlim takin kan inkawm chhova. Eirawng ka bawl pah bawk a, ka hlim kher mai.

Tichuan, zanriah ei a lo hun a. Chawhmeh Arsa kan tih loh ka siam hman loh tak avangin tuisik chu antuiah ka siamchawp a. Chi ka al a. Chawmal ka dah bawk a. Arsa kan tui ka leihbawk a. Tichuan, 'raw' takin kan ei ta a ni. A eitam vak lo.

Hemi hnu hian thleng leh hmun ka tihfel chhungin Maian a lo hik a. Chuan, tlailam dar 6: 00 PM rik hnuah an inlam panin Taxi in kan tlanphei leh ta a.

Reitawk fang ka thut hnuah ka hawsan ta a. Ka haw tur chu kawngka-ah a ding a, kan hmui kan insiktir zeuhva! Khatia ka haw atang khan tihian a tu zawk zawk pawh lungawi tak tak thei lovin, inthinrimkhum rengin kan awm ta a ni.

VII
Chutia lungawi lova insiam rengmai chu tiin, ka va kal thin a. Zankhat phei chu ka mit thip avangin ka mu hma a. Min rawn Call a, mahse ka mut duh avangin ka phone ka Switched Off khanglang a. Zantira ka mut avangin Zan dar 9 PM velah ka harh chuan ka Phone ka on a, Message a lo lut ta teuh va.

A hnuah chuan min rawn Call zui a.

Mahse, rei min be lovin a dah leh nghal a. Min be zui duh lo. Chumi hnuah, Ka lokal dawn nia, ka tih chuan, Lokal la, min lo hruai rawh', a rawn ti a. Dar 9 PM pelhah Taxi hmangin a thlenna In chu ka zu pan ta a. Waiwai bawm 3 leh Frooti bur 3 ka lei pah a. Ka zu leng ta a.

Min lo be lova.

Waiwai chu an siam a, kan ei ta a.

Ka biak pawhin min be tha duh chuang lova.

Ka zak a, ka lai bawk si. Haw ka duh bawk a.

Ka haw duh tih ka sawi pahin ka ding a, ka Chhas chuan min zui nghal a. Mahse, pawnah chuan a thu ta tlat a. A tawngduh lova, ka biakna a chhang duh lo.

Ka lung a awi thei lova, thinrim takin ka haw leh a. Ka haw pah hian ka chuanna Taxi Driver chu a senchi zuar a hriat leh hriat loh ka zawt a, vanneih asiamin a lokawl hlauhva, ka leichhawn sak a. In ka thleng a, ka thil lei chu ka In a, ka mu ta hmiah a ni.

VIII
Khatia Inriini zana ka zukal, ka haw tau kha a tukah ka zu be dawn a. Mahse, ka be fuh thei lova. A hma-a Khatla-a chawei tura insawi khan a ei leh dawn lova, chaw ei an siam mek tihte ka hre leh ta zel a. A hnu feah, inkhawm tura a kal thu min rawn text a.

Kei chuan, chawhma Inkhawm banah zu hruai ka tum thu ka hrilh lawk a. Mahse, min chhang lo.

Chawhma dar 11: 30 PM-ah chuan, 'Inkhawm kan bang chiah a, ka nauvin ka inbual hlanin balance a lo hmang zo vek a, biakna tur che ka nei lo,' a rawn ti a. Kei chuan, a thlenna In lam pana amah hruai tura ka kalmek thu ka hrilh a. Mahse, chhanna dengkhawng tak ka dawng ta: Lo kal suh, ' tih hi.

Mahse, Taxi-a ka chuan lai a nih avangin chu text message chu a thlenna In ka luh rual chiahin ka Phone-ah a rawn lut ve tlat mai!

A thlenna In ka va thlen chuan ka hma lawka a kal chu Step tawp atangin ka hmu a. Ka auva, a ding lo. Ka tlanchova. Mahse, Room-ah a lova lut hman a.

Thutna pindanah chuan a thlennate Tlangvalin Tv a lo en a. WWE ngei mai kha! Tichuan, lo thu rawh ' a tih pawh nghak lovin ka va thu ve hmiah a. Min lo be lo. Ka kalchhan hmel ka hmu bawk lo.

A hnu min 15 velah chuan pindan atangin a Phone khawih chungin ka Chhas chu a lochhuak a. Sitting Room dangah chuan a kalphei a. A phone a charge pah chuan a thu ta daih a.

Darkar 1 dawn chutia la awm hnu chuan ka mangang deuhva. Ka rilru a nain a tawt tawh bawk si a. A phone a khawih reng bawk nen. A hnuah balance nei lo inti khan a pa a va phone a, Top Up thunsak turina va ngen a! Ka thin a sa zak mai.

Ka thova, SMS ka thawn a. 'Ngaihdam dil tur leh ka hmangaihna che lantir tura lokal ka ni. Min hmangaih lo a nih chuan thatakin sawila, ka haw duh', tih hmun leh hmunah ka va thawn a. Min chhang lo.

Pawnah ka chhuak a. Ka mittui a rawn hnam sawk a. Ka ding vang vang a, ka va let leh a. Mahse, ka Chhas kha a thutna-ah a awm tawh lo. Ka rilru ka siam fel ta a.

Ka mittui chu a rawn tla phawk phawk a. Mahse, ka zam lo. Ka Mobile chu ka phelhdarh a. SIM CARD awm chu ka lachhuak a, ka thuaisawm ta a. A thlenna te Inchhunga vawmluh hial ka chak a, mahse Step-ah chuan ka thehthla ta zawk a. Chulai hmun chu thinlunga rum vawng vawng chungin ka kalsan ta a ni.

Tichuan, ke hlirin ka kal a. RRamhlun South atangin ka In thleng chu ke in ka kal. In ka thleng a, ka khumah, kan thutdunna hmunah ngei chuan lungchhe vankaiin ka tap ta a a ni.

Ih.." a sawi pah chuan Siama chu a mittui a biangah a rawn luang a. Mipa pawh hi kan lung a chhiat tak tak chuan mittui pawh a lo tla theiin, aw rawl pawh a chhuahtheih tih chun amah chuan a rawn tilang chhuak chiang hlein ka hria.

IX
Chutia Siama a inhnit hlap hlap lai chuan, kan chhak lawkah thawm a lo ri a. Nula leh Tlangval pakhat hi an rawn inkuah thla a, an inngainat hmel hle mai. Siama chu intipachang turin ka han fuih ve a. A hnu deuhvah ngai a rawn awh leh ta a.

"Hetianga ka awm ta mai hi a pawi ka ti hle mai. Facebook-ah ka No lo pe lo ila a tha tur', a ti tlawk tlawk a.

X
A hnu nithum velah Siama chuan min rawn Phone leh hlawl a. Inhmuh nan hun ka neih theih loh avangin Phone-a sawi mai turin ka ti a. Tichuan, an chanchin la tawp mai lo chu min hrilh chhunzawm leh a:

"Khatia ka SIM CARD ka tihchhiat a, a dang ka lei hnu khan a tukah RUM Um khat Rs. 500 in ka lei a. Chu chu ka thianpa nen ka Inah amah sun nan tiin kan Indun a.

"Chutia kan indun hnu chuan, ka va Phone leh ta pek a! A hnuah kan tha chho leh tan dawn emaw tih turin boruak kan hmangchho tan leh a.

"A chhungte pakhat chu a nawmsam loh avangin an khua atang chuan Sunday niin Sumo hmangin an rawn phur phei a. Chumi tum chuan a rawn zui nghe nghe.

"Keipawh tlawmngaih chhuahin, Sunday zanah an awmna Hospital-ah ka va kal a. Mahse, min lo Wish lem lova, Introduction pawh a pe lo.

"A chhungte nen chuan kan inmelh deuh sek ringawt a. Nakinah phei chuan Damlo chhungte zinga pakhat chu ka kanna pawisa ka hlan ve ta tawp a. Chumi tuma tunge ka nih chu ka Chhass chu an han zawh chuan, a nui tawp ringawt a! Min zahpui tih a langchhuak!

"A hma lawkin a Mobile Phone chu Checksak ngei ka duh a. Ka han ensak ta a. A Inbox-ah chuan Hnuna tih hi a lo intlar dul mai a! Eheu! Hnuna Spare maw ka nih, ka ti rilru a. Ka ensak lai mek chu ka pelet leh a.

"Zan a rei dawn hnai tawh a. Hawtlan a, Taxi hmanga va thlah ka rilruk hle nain, leh a thlenna Ina leng tura min sawm loh avangin dar 8: 30 PM pelhah chu Damdawi In atang chuan Hmangaihna Biahthu reng sawidun tawh ngai lo turin Taxi-ah ka chuansan ta a ni.

"Hemi tuma ka va hmuh hian ka beisei angin Engagement Ring chu ka buntirna-ah a bun ngei a. Mahse, midang hmuhah a tilang ngai meuh lo! A bawp a khawkherh tlat a, chumi-ah chuan a vawzep tlat bawk a. Hmalam a en char char a, min be sawm eih lo!

"Hmeichhia ka tawng ve nual tawh a, a ni anga min ngahsak lo hi ka la tawng lo.

"Ka thianpa ber inih avangin chung chu ka han sawibelh leh a ni. Min hmuhsit phah loh ka beisei a. Chhailai Di dang bel reng chunga a Spare atana min hmang nia a lan avangin ka thinpawh a rim tawh zawk mah a ni", tiin Siama chuan a thiltawn chu min hrilh belh a.

Kei pawh chuan, 'Tunlaiah Hmangaihna der a va tam tawh tak em! Lalpa, hmangaihtu dik leh tha min pe ang che!' ka rilru zui vawng vawng a!

16:49 15-12-2011

C2-02 Hmanga ka thlalak dangte

noreply@blogger.com (Lianhmingthanga Sailo) — Sat, 17 Dec 2011 09:49:00 +0000

Zemabawk Field

Tunge Hmangaih Tlak?

noreply@blogger.com (Lianhmingthanga Sailo) — Thu, 15 Dec 2011 09:08:00 +0000

Thianpa Aduha Renthlei nen chuan, 'Krismas nang nen' tih hla Blue Corn sak hi lo phuah lo tawp mahse, pawi kan ti lo reng reng.

Hmangaih kan nei a. kan hmangaih ten min hmangaih ve tak tak emaw kan ti a. Hlim takin kan awm dawn chauhva, rilru na em emin kan inthen leh thin a.

Hmeichhiain a Pasal turah min ngai a, Mipa in kan Nupui turah kan ngai bawk a. Mahse, engkim mai hi dawt in a hualvel vek a lo ni!

Mihring kan nihchhung hian hian tawnhriat leh hmuhhriat kan ngah viau ang! Khawvel leh a behbawm, a chhunga thil awm zawng zawngte nen lam hian lungawina tur reng a lo awm lo!!

Hlim takin kan hmangaihna bul engeng emaw hmangin leh kanltlangin kan tan kha a ni a. Mahse, chu kan inhmangaihna te chu Setana hmanrua, lungawi lohna chuan a lo thiatfel leh thin.

Heting hunah hian Mipa thahnemtak chu kan rilru hi a na vawng vawng thin a, engmah dang kan ngaihtuah thei lo. Tah pawh kan tap thei lo.

Hmangaihna hi chetzia hian lantir thin tur a ni ngai a nia!

Kan damlai ni kan chhiarchhung hian maw, min HMANGAIH RENG TURIN thu min THLUNPUI tawh a. Mahse, min KALSAN leh si thin.

Hetiang hun kan han tawn a, kan tawnhriat hi NA hle mahse, 'LALPA, kan inhmangaihna kan nemnghehna ni-a kan tawngtaina kha a hlawhchham tih hre mah ila, i lakah VUINA RENG kan NEI LO VE' tihtheih hi a tha ber a ni.

Kan thihni thleng pawhin kan thentakte hi kan hmangaih reng ang. A chhan chu, kan nunah kailawn thar min rahtir avangin!

17:01 15-12-2011

Pangpar thla ka Nokia c2-02 hmanga ka lak ve te

noreply@blogger.com (Lianhmingthanga Sailo) — Fri, 09 Dec 2011 09:11:00 +0000

Anthur Par

Behliang Par

Ka U Saithangvunga Sailo ralin Lawngtlai-ah!

noreply@blogger.com (Lianhmingthanga Sailo) — Tue, 08 Nov 2011 09:58:00 +0000

Thenzawla kan Motor chuanna ke hmalam dinglam Wheel- Bearing a chhiat avanga kan riahna In bula Sangha Dil

With Petra, Who came to attend SAY Territorial Meet at Thenzawl.. She was from Sweden..

Zirtawpni:

Lalbiakliana Petrol Pump atanga kan tlanchhuak, Traffic Jam karaha engti tin emaw kan tlan zel a.

3. 42 PM ah Green Mizoram Signboard intar kan tlanpel a.

3. 45 PM-ah Welcome to Aibawk RD Block Signboard intar kan tlanpel.

3. 49 PM-ah Mel 8 kan thleng a.

3. 51 PM ah kan khua-a awm thin, hmana Inkanga an chhungkaw nuber leh fate 3 (?) dawnlai boralta te khua Kelsih kan thleng.

3. 53 PM-ah Falkawn kan thlengphei a.

3. 57 PM-ah Muallungthu kan thleng.

4. 11 PM ah Sibuta Lung awmna hmun Tachhipa kan thleng a.

4. 14 PM ah Aibawk khua kan thleng. Aibawk khua kan tlanpelh lai hian Tleirawl leh nula engemawzat ka hmu a, an chhe lo hlawm khawp mai!

4. 18 PM-ah Sateek kan thleng a. 4. 26 PM ah Damdiai Veng, Maubuang kan thleng.

4. 49 PM-ah Lungdai veng, Maubuang kan thlengphei leh.

4. 54 PM-ah Thiak kan thleng a.

4. 56 PM-ah Sumsuih kan thleng.

5. 01 PM-ah tunlai Thangtharte zinga lartak Hmuifangtlang awmna khua, Hmuifang kan thleng.

Ding khawmuang lovin kan tlan zel a. 5. 05 PM-ah Lamchhip kan thleng.

5. 10 PM-ah Chamring kan lut.

5. 25 PM-ah Sialsuka Restaurant pakhat, kawngsira lo awmah chuan Chaw te kan ei a. Hetah hian Sialsuk CO Pu Kaste Romalsawma, Vaiphei chuan min rawn fin a. 6. 20 PM-ah kan Motor ke hmalam, dinglam pang ri leh tawt tawt thin an check zawk hnuin kan chhuak.

6. 23 PM-ah Sailam kan thleng.

7. ? PM ah Thenzawl kan thleng a. Hetah hian kan Motor chu tlanzel ngamawma a lan loh avangin a ke hmalam Wheel- Bearing an check a. An lo herh nat deuh avangin a Wheel-Bearing chu a lo eichhe deuh vek a, a sawm barh deuhthaw. A part Aizawla mi kan chah a. Kan chhiat takah chuan Thenzawla ka U Davida Nupui chhungte, Pa Huma te In, kawtchhuah bulah chuan kan riak ta a. Motor pahniha kal kan nih angin pakhat zawka chuangte chu an kaltlang a. Anni hi kaltlang zelin, kan tumram Lawngtlai chu an lo va thleng hmasa zawk fe nghe nghe.

Pathianni:
1. 15 PM-ah kan chhuak a.

1. 25 PM-ah Buangpui kan thleng.

1. 26 PM-ah Welcome to Lunglei District tih intar Signboard kan pel.

1. 34 PM-ah Kanghmun S thlen hmain Damiena Farm kan tlanpel a.

1. 37 PM-ah Welcome to Vanva Group YMA Signboard intar kan tlanpel.

1. 43 PM-ah Ramlaitui, kar kalta lawka kan Kohhranin kan tlawh khua kan thleng a. Hemi khua kan tlanpelh lai hian Pu C. Saithuama, H. No 112 chu ka chhinchhiah hman.

1. 52 PM-ah Sekhum kan thleng a.

2. 02 PM-ah Mualthuam kan thleng.

2. 18 PM-ah Haulawng kan tlanlut a. Kan tlan lai hian kan hmalawkah MZ03- 3773, Truck chu kan hma-ah a tlan a. Min Side duh lawk lo nghe nghe. A hnufe, 2 Kms velah min Side hram a. Ka han enchhoh chuan a Driver chiah ka hmu.

2. 38 PM-ah Mausen kan thleng a.

2. 46 PM-ah Tlawng Bridge kan thleng.

2. 53 PM-ah R. Zirchhunga Teak Huan kan thleng a. Henglai vel hi a kawng a chhiain, a khua hle a ni.

2. 56 PM-ah chuan Lunglei Radio Service Signboard intar kan tlanpel a.

3. 08 PM-ah Pukpui kan thleng.

3. 15 PM-ah Kikawn kan thleng a.

3. 11 PM-ah Zotlang, Lunglei khaw tawntirh, Sipai hmunpui kan thleng.

Lunglei ah hian 3. 20 PM-ah khan MIZOFED Pump-ah Oil beiseiin kan ding a. Mahse, Chawlhni hian 12 PM-3 PM thlengchiah an hawn avangin kan la thei lova. 3. 33 PM-ah Kan tlanchhuak leh a.

3. 46 PM-ah Theiriat kan pel a.

3. 49 PM-ah Hrangchalkawn kan thleng.

4. 08 PM-ah Thaizawl kan thleng.

4. 12 PM-ah Bualte kan thleng a.

4. 15 PM-ah Lalthuama Sapthei Huan kan tlanpel.

4. 27 PM-ah Tawipui Group YMA i lo thleng ta tih Signboard intar kan tlanpel a.

4. 42 PM-ah Thualthu kan tlan thleng.

4. 46 PM-ah Tawipui N kan thleng a.

4. 48 PM-ah Tawipui N-I kan thleng.

5. 03 PM-ah Tawipui S kan thleng leh a.

5. 11 PM-ah Tawipui Tourist Lodge kan thleng.

Thingfal 5.29 pm

5.35 pm Welcome to Lairam Area Signboard.

Thingkah 5.51 pm

5.55pm Aoc veng, Lunglei kan thleng.

5.58pm Lawngtlai-III

6. 02 PM ah Lawngtlai-IV, Chandmary-a ka u Saithangvunga Sailo (L) ruang thlahliamna Inah kan lut.

Thawhtanni:

7 am ah kan chhuak.

7.39 am ah Thingfal

8.00 am ah kan Motor ke hnunglam dinglam a Puncture. 15 am ah kan kal leh.

8.23 am ah Tawipui S

8.52 am Tawipui N

9.08 am Tawipui N-I. Tawipui N-I chuan TT HALL, Pu ZH Ropuia hunlaia mi an nei.

9.18 am Tawipui N II

9.19 am Thrualthru

9.53 am Bualte kan thleng. Ka u Manuna (Lalnunsanga Sailo) S/o Lalsangluaia Sailo (L) nupui Lily te Inah kan lut zawk.

10.04 am Thraizawl

Moses Farm Vawngzawl 10.13 am

10.25 am Hrangchalkawn

10.29 am Theiriat

10.36 Sethlun

11. ? velah Lunglei kan lut phei a. Chandmary venga ka u Lalthani of Patea (L) te Inah Chaw kan ei.

12.54 pm Liandala Lungphun kan tlanpel leh a.

1. 01pm ah Serkawn

1. 12 pm Zotlang

1. 19 pm Pukpui

1. 16pm VLR FARM, HAPPY HILL

1. 32 pm Tlawng Lei kan thleng.

1. 39 pm Mausen

2.31 pm Sekhum

2.34 pm Ramlaitui

2.50 pm Kanghmun S

2.57 pm Buangpui

3.35 pm Thenzawl kan lut. Tah hian Tleirawl Mizo Traditional Custume zuar thilzawrh pakhat ka leisak.

4.43 pm Chamring

5.08 pm Sumsuih

A bak hi chu ka muthlu zeuh zeuh va, ka chhinchhiah thei lo. Tin, ka Pen leh Paper ka dahna ka hre lova, ka Mobile Handset Battery a low bawk nen. Zan lam dar 7 pm-ah chuan Aizawl kan rawn lut in ka hria. A theih chin chinah a hun leh hmun hi a dik thei ang berin ka chhinchhiah a ni e.

---------------------

A Chanchin tawi:
Kum 1994-ah Shillong atangin BA a zo. 1995-ah Lalhlimpuii (Matehlimi) nen inneiin, Lalhmingthanga leh Lalhriatrenga te an nei a. A hma hian Hnahlan khua-a Taithuama fanu Biaksangi nen Lalzawmliani chu an lo nei tawh bawk.

September 2001 atangin Lawngtlai DRDA hnuaiah UDC hna a thawk.

4.11.2011 khan LCMC, Lawngtlai-ah Lungphuchawlin, zinglam 9.30 Am ah a boral. LIKBK Peniel Local Church a lawi a ni.

Pianni: 15th Jan, 1970

A unaute:
-Vanhnuailiana
-Lalthanpuii
-(Amah)
-Chinngaihmanga
-Hrangchhuana
-Lalramdinliana
-Manvungi
-Vanlalnunsanga
-Remsangpuii of Shillong
-Zaliani of Kolasib
-Saidingliana
-Phairomawia

U Mavunga Sailo (L) S/o Lalsangluaia Sailo (L) Nupui U Materemi Nu

at Lawngtlai Chandmary Veng (L-IV)

YMA GENERAL CONFERENCE 2011 KA KAL VE!

noreply@blogger.com (Lianhmingthanga Sailo) — Mon, 31 Oct 2011 18:30:00 +0000

With College Veng Tleirawls

Zaipawl

Near Diakkawn Traffic Point

Kan veng Tleirawl Lalhmangaihzuali

Rengtekawn Tlang

Hnunglam saw Serlui B

Kolasib-ah hian ka u Hrangchhuana Sailo, S/o Lalsangluaia Sailo (L) chuan Venglaiah In a nei a. Tah chuan Conference chhung hian ka thleng.

PHULLEN-AH KA ZIN VE A!

noreply@blogger.com (Lianhmingthanga Sailo) — Sat, 29 Oct 2011 10:06:00 +0000

Kallam:
9.25 am: Ruah a sur avangin tunah hian 24 mins in kalhun atana huntiam kan pel tawh.

10.00 am: Kan chhuak tan a. 12 pm pelhah Seling kan pel (Selingah hian rei vak lo kan chawl). 1.48 pm velah Saitual kan pel leh (Saitualah Thingpui kan in). 2.10 pm velah Dilkhan kan thleng. Thanglailung khua, hmanni lawka Golden Jubilee lawm chu tlailam dar 3.33 pm velah kan tlanpel a. 3.45 pm ah Phullen ramri kan lut. 4.00 pm velah min hmuahna Counter-ah kan inhlang thla. Kal lamah hian City Bus Tukverh bulah U Johny-a nen kan thutlang a. Ka hnung Veilamah Dinpuii leh, Dinglamah Irene-i te an thu. Ka hma-ah Ruatzeli leh midang an thu bawk.

Thlen In:
Kei chu Vengthar-ah Pu PB Lalramthara Inah ka mal-thlen a. A hlattham deuh avangin min hruaitu, ka Bedding min putsaktu chuan, kawng a nawm vak loh bawk avangin, 'Ka Bike lokeng ila aw!' a tichhuak nghe nghe. I hriatthiamtheih dan tur chuan Presbyterian Church Biak In atanga Vengthara Supply Godown bul a ni.

Ka Thlen Inte

Thlenzan / Zan-1 na:
Dar khatna (Dar hmasa) chu dar 6.15 pm-ah a ri a. 6.24 pm-ah ka thlenna In neitu nau Pa Zela nen Biak In-ah kan lut. 6. 26 pm-ah 'Chhandamtu Isua ka nei..' tih hla kan sa. Zaihruaina hi kan Branch kutah a awm.

6.45 pm: Inkhawm kan tan a. 6. 47 pm-ah Chairman Tv. PC Lalhmachhuana, Leader, KTP, Phullen Branch chuan Ephesi 2: 5 a chhiar. KTP, Phullen Branch Secretary inlawmna thu saiwturin a sawm a. Ani hian thiam takin inlawmna thu a sawi. A dawtah kan Branch KTP Secretary chu a ding ve leh a. hemi hnuah Phullen Kohhran Secretary a ding ve bawk.

6.59 pm: Tantu-in tanna hun a hmang. Thuhriltute 11:9, 12: 1, 13 te a chhiar a, a tawngtai.

7.05 pm- ah inlawmnan KHB: 22- na sak ho a ni.

7. 07 pm- ah Introduction kan Branch KTP Secretary-in a hmang a. 7. 14 pm-ah Phullen Branch KTP Secretary-in a hmang zui.

7: 18 pm- ah Kohhran Represent Upa Ramzauva'n inlawmna thu a sawi bawk.

7:20 pm- ah Phullen Branch KTP Secretary- in Reports a pe.

Phullen Branch KTP OBs (2011-2012) ka chhinchhiah hmante:
Leader: Tv. PC Lalhmachhuana
Asst. leader: B. Lalhriatpuia
Asst Secretary: PC Lallawmzuala

An Branch hi Group 3: Sari, Ruthi leh Estheri Group-ah te an inthen. Nupui/ pasal nei hi 6 an nei a. Committee hi vawi 45 an nei tawh. Committee Members hi 27 an ni. Members hi 281 (Mipa= 171, Hmeichhia=103) an awm.

7. 21 PM: Phullen Kohhran Zaipawl an zai. Hemi zawhah hian KHB: 178 kan sa ho.

7. 30 pm- Kan Branch KTP Secretary-in Report a pe ve bawk.
7. 46 pm- ah Banna hla atan KTP Gen Conf 2010 Hlabu: 43- na 'Pathian Hmel' kan sa.

Inrinni at Phullen
10.10 am ah Kohhran Represent Upa Ramzauva a tawngtai a. Hemi hnu hian Intihhlimna tan niin, Mipa Football hmangin infiamna neih tan a ni. Hetah hian Phullen lam chu an chak ta zawk. 12.45 pm ah Thingpui In Break a ni. 12.56 pm ah Bible Race kan nei a. Hmeichhe Football pawh khelh niin kan Branch an chak a. Kan Branch atangin Lalngaihawmi chuan Hart-trick a siam vel! Shotput Mipa ah- kan Branch kan chak a. Hmeichhia-ah kan Branch bawk kan chak. Deathball ah hian Phullen Branch an chak a. Huntiam chhungin 5 kan vawmhlum hman lo. 2.16 pm ah Relay Race (Mized) kan nei leh a. Phullen an chak ta zawk. 3.38 pm ah Branch 2 OB te Football hmanga inkhelin, kan chak ta zawk a. Tin, inkhel zo chiahte hian Branch 2 aiawhin Inhruipawh an nei nghal bawk. Chirhdiak leh ruahsur hnuaiah, an Branch member dangte aiawhin an inhnuk ta hrep a. Hetah hian kan Branch kan chak. Henga an infiamna-ah hian tumah intipalh leh intithinrim an awm lova, tlailam 4. 30 pm velah Biak In kawta Ruai an siam chu inthlak hmasa lovin kan theh nghal. Hemi nileng hian Ruah a sur a, a hreawm ang reng hle. Tlailamahg phei chuan vawt ve tak a ni.

Inrinni Zan 6. 24 PM-ah Biak Inah ka thu fel a. 6. 25 PM- ah KHB: 513-na ka thlang. 6. 23 PM-ah 515-na kan sa a. 6.32 PM-ah 518 kan sa. 6.36 PM-ah Khuanghnihin KHB: 57 kan sa a. Vawi hnih nawn a ni. He hla phei hi chu an sa tui hle a. Khuangpu pahnih pawhin dingchungin Khuang an vaw hial a ni.

Hetia hla kan sak ho hnu hian tan a lo hun a. Thupuan ngai awmte puanga an din hnuah, kan Branch Leader leh Chairman chuan thupuan ngai a puang a. Chawlhni chawhma chu kan Branch lam atanga 'khaitu' an awm tur thu a sawi. Kan nui deuh huk a. Keinin 'Khaikhawmtu' kan tih hi an ni lam chuan 'Khaitu' an lo ti a lo ni a. Mahse, a dik tho mai.

7. 14 PM-ah Tanna hun hmangtu lo dingin, II Chro 7: 14 leh, Rom 13: 11 te chhiarin Rom 13: 11 hi ama thuin a rawn MODIFY ve ngawt pek a, hetiangin: 'Inthuam zawk ulang' tih kha, 'Inthuam zawk rawh u' tiin.

Tawngtai rualna hun hman niin, a hnu ah Kan Branch Zaipawl zai kan tum a. Mahse, a vawikhatna-ah hian 7 Mins vel kan ding renrawn a, a that theih mai loh avangin kan thu leh a. Thisen Hlu, Thisen Hlu tih hla vawi-3 kan nawn hnuah zai turin kan ding leh a. Rei lo te hnuah kan zai tan a. Mahse, chang tawpna ah Track a play theih lohva. Mahse, kei leh midang thenkhatten kan la sakzawm zel avangin kan za zo thei ta hram a ni.

7. 25 PM Thuhriltu, Pu Zoduha, kan Branch Treasurer chu lo dingin anin hun a hmang chhova. Galatia 4: 26, 5: 16, 5: 24, Rom 7: 21, 8: 12 te chang tlawhchhana hmangin 'Thlarauvah awm rawh u' tih thupuia hmangin, thiam takin Darkar 1 tling lo hret a sawi.

'A hmangaihna-a ka chawlhin' tih hla chu vawi-3 nawn meuhva kan sak hnuah 9: 00 PM velah kan inkhawm kan bang a. Kohhran Centenary Hall-ah Fellowship Programme hman chhunzawm a ni.

Inrinni Zan Fellowship:
He hun hi 9: 30 PM-ah tan niin, ka sirah hian Ruattei of Phullen leh a dawtah Dini an thu a. Ka dinglamah Zualtei of Phullen leh a dawtah kan Branch-a mi pakhat a thu.

Hruaitu-in Sam 100-na a chhiar. Hemi zanah hian a Lane lane-in hla kan sa a. A dinglam sira mi hovin KHB: 189 an sa a. A veilama mi hovin KHB: 475 kan sa. A laia miten an duhzawk zawk an sa thei. A nuam khawp mai. Hemi hnu hian KHB: 121 kan sa hova. A dawtah Phullen Treasurer te, kan Branch Treasurer te, kan Branch C/M Pu OP-a ten Mawngtam hmangin thu an ziak. An dawtah hian Group Singing a awwm a. An zaizawhah, a huhovin KHB: 149 sak ho a ni. Hemi zawhah hian Nl. Ramdinthari, Phullen Branch chuan 'I tlai ang e' tih hla chu mawi leh thiam takin a sa a. Mipuiin an lo tawiawm bawk a. kan zai dual dual mai. A nuam khawp mai. A dawtah hian 'Hlimin Zuang rawh' tih Drama, Intodelhna lam hawi chu Phullen Branch te chuan awlsam takin an rawn chang a. A hmuhnawm phian.

11. 00 PM-ah kan Inkhawm kan tin.

Day: 2 Pathianni
Chawhma:
Sunday Sikul chhim a ni a. Kal ho zinga Naupang Department hrang hranga Zirtirtute chu anmahni department awmna-ah an kal. Kei leh midang 36 chu Biak Inpuiah kan inkhawm a. Kan Branch Asst. Leader Pu Lalrosanga Kawlni chuan a khaikhawm.

Chawhnu:
Pu Lalrosanga Kawlni chuan Pathian thu a sawi. He hunah hian Gallery-ah ka thu.

Tlai:
Programme hmasa zawkah chuan Fellowship-a hun hman tura an duan chu remchan zawkna avangin zan-ah sawn a ni a. Hemi hunah hian Bethel Tlang, Mizo Kristian Hmasa berte Martarna hmunah Tawngtairualna kan nei. 4. 00 PM velah a hmunah hian kan kim.

Zan 3- na leh a tawpzan:
5. 57 PM-ah Biak Inah Hla kan sa tan a. 6. 15 PM-ah Inkhawm tan niin, tantu in Joel 2: 12 PM, Rom 6: 9-11 te a chhiar.

Hemi hnuah hian Branch pahnihte hnen atangin thupuan awmte ngaihthlak niin, a thusawi ang chu ziak ta lo mai ila. An kohhran Secretary a lawmawm hle. Ama thuin, Dec 10-15 inkara na khua-a kal leh turin 'thu min pe'!

Combined Choir kan zai a. Hemi nuah 'A hmangaihna-a ka chawlhin' tih vawi-3 kan nawn. Lily Veng Branch Leader Pu F. Vanlalliana chuan Pathian thuchah a sawi a. A sawizawhah Combined Choir te kan zai nawn leh. A hnu 8 PM-ah an Kohhran Bialtu Pastor chuan Malsawm Tawngtaina-in min tin.

Variety:
8: 45 PM ah kan tan a. 11.37 pm ah dangdai takin, ding chunga hla thlangtu thlan sa lovin thu chunga thlangtu hlathlan sa in kan bang. Kei erawh chuan a tlar pakhat mah ka sa lo.

Hemi zanah hian kan Branch a tangin Items 4 leh tihnawn 1 a awm a. Phullen Branch atangin Items 5 a awm bawk. Ka tel ve na, kan Branchin Drama kan chan: Isaua neih ka duh zawk tihah chuan Lal Chhiahhlawh angin ka tel ve. Ruah a si deuhva, lei a huh si, ke lawngin, kawr ha lovin, Puan vengin ka chang ve a, a vawt duh khawp mai.

He hunah hian Phullen Branch an che thiam hle a. Mi han chawhphur dante lah an thiam khawp mai. Bible Race-a min hneh loh chu dangdai leh nuihzatthlak takin min rawn thungrul thiam a, an thluak an vawrh thiam hlein ka hria.

Hlim taka an zai ho hnuah, 12: 12 AM velah kan inkhawm kan tin ta a ni.

TLANGKAWMNA:
Phullen atang chuan chawhma lam zing dar 10: 30 am-ah Aizawl panin kan chhuak leh ta a. Kan chuah dawn hian Biak In kawta Senior Department ho inkhawmna thin Inte, Receiption Counter atan a anhman thin bawkah chuan Kohhran Represent-in Tawngtaina-in min thlah nghe nghe.

Tluang taka kan tlan char char hnu, tlailam dar 4: 00 pm velah chuan Aizawl kan lut a. Mahni Bedding leh Bag te hlangthlain mahni In lam kan pan dial a. Thenkhatin Sound System an lo Unload bawk.

Tichuan, keipawh ka Inkawt lawka ka Nu Tlani te chu tlailam chaw min lo chhumkep tura ka ngenlawk avangin, ka inbualfai hnuah an Ina chawei tur chuan ka chhukthla a. Ka duhzawng tak chawhmeh min lo hlui a, ka lawm takzet a ni.

Tlaichaw kan eikham chuan a zan chu KTP Inkhawm Zan a nih avang leh, Zin Report leh Review-na hun hmantur a nih avangin Inkhawm tur induhthawhna a nasa a. Chuvang chuan Inkhawm tur chuan ka insiam a, ka inkhawm ta a ni.

Phullen-ah chuan:
Ka thlenna chu Pu PB Lalramthara te In a ni a. Ka thlenna-ah hian keimahin ka duhvangin ka thleng a ni.

Ka va thlen dawn hian Phullen Branch KTP Meber zinga min hmuaktu Tlangval pakhat chuan ka Bedding a pu a. Keiin ka Bag ka ak a. Tichuan, an Biak In atanga Mel chanve vel zeta hla-ah chuan ke ngatin kan kal ta a. Kan va thlen chuan naupang leh Puitling pathum an lo awm a. Puitling pathum chu Nutling vek an ni.

Introduction te kan han nei a. Kut thingin chibai kan inbuk hlawm a. Rei vak lo hnuah chuan inbual ka duh leh duh loh min zawt a. Ka duhthu ka sawi chuan Inbual tur chuan ka insiam a. Ka inbual ta sar sar a.

Ka inbual zawh chuan Inneitupa nau chiah Mipa Pa Zela chu a hnathawk rawn hawin, kan han inchibai a. Chawei dawn hnaihah chuan In neitupa pawh a rawn haw ve a. Tichuan, kan inhmelhriat tawh hlawm hnuah, an fate pawl sawm zirlai pahnih, Tleirawl School bang chu an rawn haw a. Chaw akn ei nghal deuh mai.

Inkhawm a lo hun dawn hnai a. Pa Zela nen chuan Inkhawm turin kan chhuak a. Hlabu hming la ziah loh leh Torchlight min kentir a. Tichuan, a zan hmasa ber chu ka sawitak angin kan hmang ral ta a. Ka haw chuan an Tleirawl pakhat chuan a Khum min lo kian reng mai a. Tichuan, lawm takin, tlangnel takin an Inah chuan ka khawsa chho ta a ni. Chawhni Zingkar-ah keiman hun ka hmang nghe nghe.

Pa Thara (PB Lalramthara) hi High School Zirtirtu niin, Pa Zela hian Motor a khalh thin a. Anni unau hian Nupui fanau neiin, an Nu leh pa ten mual an liamsan tawh a. Mahse, inngeih takin an khawsa hova. An zinga awm a nuam takzet a ni.

Ka chamchhung hian Sa kan hmeh char char a. Ka hnathawh pawh an remti lova. Ka awl khawp nia! Mahse, an Broiler vulh te chu chaw leh tui ka peksak hram a. Vawikhat hmun ka phiat hram bawk.

Ka thlennate chhungkua:
Pa ber Pa Thara nupui hi Nu Juliet-i a ni a. Pa Zela nupui hi Nu Ivy-i a ni. Kawm an nuam khawp mai. Mipa naupang pakhat Rema chu Pa Thara fapa a ni a. Mipa dang pakhat an neih chuan Class- XII, Synod HSS-ah a zirmek. Hmeichhe naupang Hriati te, Hming Hmingi te leh Sentei te pawh Pa Thara fanute an ni. Tin, Pa Zela hian fanu pakhat Feli a nei. (Ka chiang ltk tawh lova, ka tihsual palh chuan min ngaidam u la).

An fapa Upa ber ka ni:
Nia, an fapa Upa ber ka ni-ah ka thlentirh atangin ka inngai a. Chhungtea siam ngei ka tum a. Kan inhre pawh tha hle turah ka ngai.

Ka hriat loh:
Ka u Machhuana nupui, Lallawmzuali (Mami) hi Phullen khawchhuak lo niin, ka thlennate hi a lo hre em em mai a lo ni a. Lo hresa chu ni ila, a aia tlangnel leh zualin ka thleng ngei ang.

Lawmthu:
Ka thlennate chhungkua hi Kristian Chhungkua diktak an niin ka hria. An hriat ngai loh Khualtha thlenin min thleng a, ka lawm takzet a ni. Damtaka kan intawn nawn leh ngei ka beisei.

Chuap TB leh Kei

noreply@blogger.com (Lianhmingthanga Sailo) — Fri, 14 Oct 2011 22:32:00 +0000

Kum 2009 khan ka nak hi a na a, engemaw natna vang a nih ringin leh, Chuap Tb ka nei tih inhre lovin Civil Hospital, Aizawl a Opd ah ka inentir a. Doctor chuan ka chuapah tui a tling tih a hrenghal. A hnuah ka nutei te, ka pi te, ka nu Tlani telin Casualty ah kan kal a. Doctor mipa pakhat, a hmel ena la naupang tih hriat, internship ti mek chuan min lo check a. Ka kawr a hlim a, a lawngin tui awmna awm chu a zawng risk ta a. Syringe pangngai ang hi hmangin a awmna awma a ngaih laiah chuan a vit ta a. Hmun hrang hrangah a vit a. A na hle. A thi nasa hle bawk. A tawpah chu Doctor-inti-zira chu a beidawng a. Civil thlanga clinic pakhatah chuan Ultrasound ti leh turin kan kal a. Ka huphurh hle. Ka vawikhatna a ni a, ka zuam lo khawp mai. Ka u Hrangchhuana Sailo leh a nupui U Mami an lo thleng bawk a, ka thla a muang sawt. Chutah, X- Ray kan ti hmasa a. A hnuah Ultrasound. Doctor chuan ka Chuapa tui awm chu siakchhuahsak min duhpui thu a sawi. Keichuan ka huphurh takzet a ni.

Doctor chuan a nat vak loh tur thute a sawi hnu chuan, tap chungin, Mipa fa na na na chu tiin, ka in ngaihtuah a. Tichuan, mutna tura an siam Khumah chuan a saisir zawngin min muttir ta a. Ka bul lawkah chuan Monitor a awm bawk a. Doctor chuan Siai ang deuh hi ka taksa ah chuan a tat a. Khawla a han deh khan Monitorah ka pumpui chhung chu a lo lang thei a. Tichuan tui awmna hmun chu Penin ka taksa-ah chuan a chhinchhiahna zel a. A chhinchhiahna zawnah tak chuan Hriau pangngai aia lianfe hi a rawn vitlut ta mai a! A rawn lut tur chu a na a, a luhchiah erawh chuan ka nak hi a thawl hawkin ka hria. Tichuan a han siak chhuak a, Saidawiumte khat dawn lai mai tui fim tle rel mai, Zun ang deuh chu a siakchhuak ta a. A hriau a han phawi chuan a kua a ni awm e, ka hnungzang vun chu!

Tichuan, hemi hnu hian Thisen Test turin a piahdeuhvah kan kal leh a. Anni chuan ka thisen chu Syringe khat an lo la a. Phaia an thawn tur thu leh a hnu nihnih-khat hnua a Result lam turin min hrilh a. Kan haw ta a.

A hnu ni hnih-khat ral hnua ka thisen Test result kan va lam chuan ka Chuapah TB hrik a lo awm ngei tih a chiang ta a. OPD lamah chhovin TB Damdawi lachhuak tur chuan kan chhova. Registration te tiin kan buai hle. Tichuan TB Damdawi, Damdawi azawnga ei nuam lo ber pawl chu a Case a Case-in min lo pe ta a. Ka eina hmun atan Chaltlang Sub- Centre ka thlang a. Hemi hmunah hian ka damdawi chu dahin, nitin a eiturin ka kalziah a ni.

Ka Chuap TB chu kan hriatchhuah hma avangin a lo la nasa lova. Chuvang chuan a Stage anga an thenah pawh a First Stage ka ni. Tichuan, thla ruk Course chu ka han ei ta tlauh tlauhva. A changin ka luak a, a changin ka lute a hai thin. Chuvang chuan ka chhungten Bawnghnute min laksak a. Chu chu nitin ka In thin.

Hetia ka Chuap a TB avang hian Mizorama MCA (Master of Computer Applications) zir theihna hmun hmasa bera tling ve a, kal ve chu ka chawlh a lo ngai ta a. Ka hriselna a that vak loh takah chuan ka chhuak ta a. Mahni In lamah ka inenkawl ta a ni.

Thla ruk chhung tling lo deuh hlek Damdawi chu ka ei a. Pathianin mal min sawm a, ka tha chak hle. Chuvang chuan a Course kim taka ka eizawh chuan ka damtha ta hle. Hun engemawchhung chu ka Nu in min awmpui. He ka Chuap TB inenkawl chhung hian thenrual thate leh Chhungkhat hnaivaiten min ngaihsak viauva, ka lawm takzet a ni.

TB natna i vei a nih ve hlauh chuan a Damdawi kha ei tha la, a hun takah, a nih dan tur ang thlapin i ei dawn nia. Chu chu damna bulpui pakhat a ni e.

Lammual Exploration

noreply@blogger.com (Lianhmingthanga Sailo) — Fri, 14 Oct 2011 05:35:00 +0000

Kohhran mite tana Thurin pawimawhna

noreply@blogger.com (Lianhmingthanga Sailo) — Thu, 13 Oct 2011 07:45:00 +0000

Kohhran chu engnge?

    Khawvêla Pathian kutke, A duhzâwng ti tûra Pathianin Khawvel mawina leh khawvel nawmsakna/ nawmchenna te leh Amah min hlattir theitu thildangte lak ata inthiarfihlim tura A tihte leh A kohte tana din a ni.


Thurin chu engnge?

Thurin hi Sap tawnga ‘Doctrine’ kan tih hi a ni a, Grik tawngin ‘Dogma’ an ti thung a. Thu dik leh rin tlâk, Kristiante nun dan kaihhruaina leh Bible thu tum fel tak, mi tin pawmtlat tur ziak chhuah chu Thurin a ni. Thurin ziak chhuah chu hlawm hrang hranga ziak a ni a, hlawm hrang hrangtechuan inrem takin tum thuhmun an nei si a ni. Thurin ziak chhuah chu tawi fel tak, kimchang si a khaikhawm theih a ni a, chu chu Thuvawn an vuah a, Sap tawnga ‘Creed’ an tih hi a ni a, chu chu Grik tawnga ‘Credo’ tih atanga lak a ni a, a awmzia chu ‘Ka ring’ tihna a ni. Apostol-te Thuvawn kan tih ang chi hi a ni.

Thurin lo pianchhuah dan:

Apostol-te hun lai khan Kohhran Thurin ziak chhuah a la awm lo va, Tirhkohten Pathian thu an zirtir apiang kha hnial lovin Kohhran hmasate khan an pawm hmiah hmiah mai a ni. Chutih lai chuan Thurin an nei lo a ni lo va, mumal taka ziak chhuah an la nei lo mai zawk a ni. Innghahna fel tak chu a tir atangin an nei sa reng a, chumi nena inrem chuan Tirhkohten thuchah an puang chhuak thin a ni. Hun a lo kal zel a, zirtirna dik lovin Kohhran chu a chîm na tial tial a, Tirhkohte zirtir dan ang ni lova zirtir dan a lo chhuak tam tial tial a. Zirtirna dik zawk sawifiahtu an indaih ta lo va. Chu vang chuan Kohhranhote hriat leh vawnngheh tlat tur thurin ziak chhuah pawimawhzia an hre ta a.Chutichuan Bible thu leh Tirhkohte zirtirna behchhanin Kohhran Thurin chu ziakin an siam ta a ni. Chuvangin Kohhran thurin chu mi mal duh dan a ni emaw ni lo emaw, Bible leh Tirhkohte zirtirna nena inhmeh a nih avangin Kohhran mite chuan kan pawm vek tur a ni ang. Kohhran hmasaten Thurin an siam chhuah dawna an innghahna lai pui ber chu ‘Isua Krista chu Lal a ni’ tih hi a ni a. Thuthlung Hlui hunah chuan Zawlnei, Puithiam leh Lal an awm a, Thuthlung Thar hunah chuan chung mi pathumte hna zawng zawng chu a tawp zo va, ‘Isua Krista chu Lal a ni’ tih hian a keng ta vek a. Lal Isua Lalna hi thurin innghahna a nih angin thurin pum pui hi Lal Isua Lalzia pawmna leh tichiangtu a ni chho ta zel a ni. Thurin tawngkam lar tak chu ‘Ka ring’ tih hi a ni a, a awmzia chu ‘Ka innghat, ka pawm’ tihna a ni a, ringtute inpuanna tawngkam mawi tak a ni.

Kohhran mite tana Thurin pawimawhnate:

1) Pathian rin dandik min kawhhmuhtu :
Mi mal malin Lal Isua hi chhandamtu a nihzia kan pawm a, nimahsela thurin innghahna fel tak kan neih loh chuan zirtirna dik lova luh a awl em em a ni. Thurin chuan Lal Isua rin dan kawng min kawhhmuh a, a ringtute nun dan tur min hrilh bawk a ni. Tunlaia zirtirna thenkhatte hi thurin nei mumal lo a tam avangin Kohhran mite tan Thurin nghet neih hi a pawimawh.

2) Krista anna lamah min tithang lian :
Thurin chuan thlen tum fel tak a nei a, chumi panna atan chuan kawng pui fel tak a nei bawk a. Chuvangin Kohhran Thurin vuan tlattute chuan van kalkawng an bo ngai lo va, Krista anna kawnga an than len dan a fuh bawk thin a ni. Krista hnungzui a, a duhzawngte kan tihve a, a duh loh zawngte kan hnualsuat ve ngam theihnan Kohhran mite tan Thurin hi a pawimawh.

3) Thawhho dan tha min hrilh :
Mi tam tak ni mah ila, thurin pakhat kan vawn ngheh tlân chuan thawhhona kawngah kan inlungrual a, hrui khat vuanin ke kan pen ho thei thin. Amaherawhchu, Kohhran Thurin ngaihsak lo, mahni duh ang anga kalte chuan mi dang an rem ve thei lo va, an tan leh Kohhran tan a pawi thin. Hemi avang hian Kohhran engemawzat inthen/ kehdarhin Court hial thlen ngaite an awm. Hei hi a fuh lo takzet.

4) Kohhran mi dik leh rawngbawltu tha nihna a ni :
Mahni lawina Kohhran Thurin ngai pawimawh lo mite hi Kohhran mi dik tak an ni duh lo khawp mai. Rawngbawltu, mahni Kohhran thurin ngai pawimawh lote phei chu an thusawi dan a him lo va, an rawngbawlna pawh pawm tlâk a ni lo thuai mai thin. Mahni lawina Kohhran Thurina tui lote hian midangte rilru an lakpensak fo thin. Chuvang chuan Kohhran thirin hi hriatchian a, zawm a pawimawh.

Presbyterian Church of India thurinte:

Thurin No. 1 :
Thuthlung Hlui leh Thuthlung Thar bute hi Pathian thu a ni a, heng chauh hi rinna leh thiltih tehna dik lo thei lo a ni.

Pathianin a thâwk khum avangin Pathian thu an ni. Pathianin a ziaktute a pâwl a, an hnenah a inpuang a, annin mihring famkim lo an nihna ang angin an ziak a. Hun hrang hrangah mi hrang hrangte ziak ni mah se, a thuchah lai pui chu a inmil vek a ni

Thurin No. II :

Pathian pakhat chauh a awm a, Amah chauh chu biak tur a ni. Amah chu Thlarau, mahnia awm a, hmun tina awm, thlarau dang zawng zawng leh thil dang ręng ręng laka hrang si a ni a. A miziaah te, finnaah te, thiltihtheihnaah te, thianghlimnaah te, diknaah te, thatnaah te, taknaah te leh hmangaihnaah te tâwp chin nei lo, chatuan mi, danglam ngai lo a ni.

Pathian pakhat chauh a awm a, amah chauh chu biak tur a nihzia a puang chhuak a ni. Pathian chu Thlarau, mahnia awm a ni a, sakhaw dangte Pathian nen sawi zawm chi a ni lo. Hmun tinah a awm thei a, awm tan ni leh tawp ni nei lo, chatuan mi a ni bawk. A thuneihna chu engmahin a dal thei lo va, Lalber leh khawvel roreltu, thuneitu ber a ni.

Thurin No. III :

Pathianah chuan mi nung pathum – Pa leh Fapa leh Thlarau Thianghlim an awm a, an pathum hian Pathian pakhat an ni a, nihna thuhmun, thiltihtheihna leh ropuinaa intluk an ni.

Pathian pakhata minung pathumte hi sawi hran theih chin awm mah se lak hran theih a ni lo.

Thurin No. IV :

Lei leh van leh a chhunga thil awm zawng zawng siamtu Pathian chuan mihring hi, hriatna leh felna leh thianghlimnaa Ama anpuiin mipaah leh hmeichhiaah a siam a. Mi zawng zawng hi bul thuhmun leh chhungkaw khata unau anga inthui khawm vek kan ni.

Pathian chuan ama anpuiin mipaah leh hmeichhiaah mihringte hi min siam. Thlarau neia siam kan nih chhan chu amah Pathianin a pawl theih tura min duh vang a ni.

Thurin No. V :

Mihringte chuan anmahni duhthu ngeiin Pathian dân an bawhchhia a, thiam lohna leh chhiatnaah chuan anmahni an inbarh lut ta a. Chu thiam lohna leh chhiatna leh sual hremna ata chu anmahni chhan chhuak tur leh chatuan nunna pe turin hmangaihna tâwp nei lo Pathian chuan, A chatuan Fapa neih chhun Lal Isua Krista chu khawvęlah a rawn tîr a; Ama zârah chauh chuan mihringte hi chhandamin an awm thei a. Chu chatuan Fapa chu mihring takah a lo chang a, mi nung pakhat mize pahnih nei, Pathian tak leh mihring tak a ni kumkhua ta a ni. Thlarau Thianghlim thiltihtheihnain nula thianghlim Mari chuan a pai a, a hring a; mahse, sual a nei lo. Mi sualte tân Pathian dân chu a zâwm famkim a, Pathianin dikna a phűt hlen chhuak tur leh mihringte Pathian remtir turin, inthawina tak leh famkim atân a inhlân a, kraws-ah a thi a, phumin a awm a, ni thum niah mitthi zing ata a tho leh a. Pathian ding lamah a han chho va, chutah chuan a mite tân a dilsak reng a, chuta tang chuan mitthite kai tho tur leh khawvel rorel turin a lo kal leh ang.

Mihringte chuan anmahni duhthu ngeiin Pathian dan an bawhchhia. Chumite chhandam turin Pathianin Lal Isua chu a rawn tir. Lal Isua chu mihring tak leh Pathian tak a ni. Isua chu Thlarau Thianghlim paitir a, hrin a ni a, sual a nei lo. Isuan mihringte chhandam turin Pathian dan a hlen chhuak. Kraws-ah a thi a, phum a ni a, nithum ni-ah a tho leh. Tho leh Isua chu vanah a lawn a, Pathian ding lamah a thu a, khawvel rorel turin a lo kal leh dawn.tho tur leh khawvel rorel turin a lo kal leh ang.

Thurin No. VI :
Thlarau Thianghlim, Pa leh Fapa ata lo chhuak chuan mihringte chu chhandamna changtuah a siam a, an sualzia leh chungpikziate a hriat chiantir a. Krista hriatna kawngah an rilru a tivâr a, an duhthlannate chawk thovin, Isua Krista chu an Lalpa leh chhandamtua pawm tura ngęnin, pawm thei turin a pui a, anmahniah felna rah chi tinręng a thawk chhuak thin.h khawvel rorel turin a lo kal leh ang.

Thlarau Thianghlim chuan mite an sualzia leh an chungpikzia a hriattir a. Chutichuan miin chhandamna a mamawh ngawih ngawih tih inhriain Lal Isua a pan ta a. Thlarau Thianghlim chuan kan duhthlanna chu tinghetin, Lal Isua pawm turin min tanpui a, chhandamna chu keimahniah famkimin min thawh chhuahsak ta a ni.

Thurin No. VII :

Pathianin Kristaah chuan mi zawng zawng hnęnah chhandamna famkim chu a thlâwnin a rawn hlân a, an sualte sim tur leh Lal Isua Krista chu an chhandamtu atâna ring tur te, Amah entawn a, Pathian duh ang taka inngaitlâwm leh thianghlima nung tur tein thu a pe a. Krista chu ringa a thu zâwmtute chu chhandam an ni a, sual ngaihdamna te, thiam chantirna te, Pathian fa nihna te, Thlarau Thianghl im chęnpuina azâra tihthianghlimna te, chatuan ropuina te an chang a. Ringtute chuan tűn dam chhűng pawhin chhandam nih inhriat chianna lâwmawm tak chu an chang thei a. Thlarau Thianghlim chuan khawngaihna hna a thawhin, Thu te,Sakramen te, Tawngtaina te hi hmanruaah a hmang deuh bik thin a ni.

Thurin No. VIII :

Krista din chhuah Sakramen te chu Baptisma leh Lalpa Zanriah te hi an ni. Baptisma chu Pa leh Fapa leh Thlarau Thianghlim hminga tuia sil a ni. Hei hi Krista nena kan inzawmna te, Thlarau Thianghlim zâra piantharna leh tihnunna chhinchhiahna leh nemnghehna a ni a, Lalpa hnęna kan inhlanna thiltih a ni bawk. An sualte sim a, Krista chu an chhandamtu atân an ring tih puangtute leh an fate chantir tur a ni.

Lalpa Zanriah chu Krista thihna hriat reng nâna chhang leh uain chan ho hi a ni a, ringtuten Krista thihnaa hlâwkna an chan chhinchhiahna leh nemnghehna a ni. Ama mite chuan Amah leh a inhlanna an pawmzia te, an hlâwkpuizia te, a rawngbâwl tura an inpek zelna te, Amah an pâwlna leh mi dang nena an inpâwlna te entir nân, A lo kal leh hma loh chuan an chang ho thin tur a ni. Sakramen hlâwknate chu Krista malsâwmna avâng leh rinnaa changtuah Thlarauvin a thawh avânga lo awm a ni.

Sakramen pahnihte hi Kohhran siam chawp ni lovin, Lal Isua din chhuahte an ni. Lal Isuan, “Ti rawh u,” a tih Baptisma leh Lalpa Zanriah hi Sakramen-ah kan neih zui ta a ni.

Thurin IX :
Ringtu zawng zawng tih tur chu Kohhran inpâwl honaa tel te, Krista Sakramen leh a thil serh dang vawn that te, A dân zawm te, tawngtai zel te, Lalpa Ni serh thianghlim te, Amah be ho tura inkhâwm te, A thu hril ngun taka ngaihthlâk te, Pathian malsâwmna an dawn ang zela hlim taka pek ve thung te, anmahniho zingah leh mi zawng zawng zingah Krista nungchang ang tihlan te, khawvel puma Krista ram tizau tura beih te, ropui taka a lo kal lehna hun nghah te hi a ni.

Thurin No. X :
Ni hnuhnungah chuan mitthite chu kaihthawhin an awm ang a, mi zawng zawng Krista rorelna thutphah hmaah an lang ang a, he dam chhunga an thiltih that leh that loh ang zelin relsak an ni ang. Ringlote leh mi sualte chuan thiam loh changin an sual hremna an tuar ang; Krista ring a, a thu zâwmtute erawh chu a langchanga thiam chantirin an awm ang a, ropuinaa lawm luhin an awm ang.

A chunga kan ziahtak Thurin sawm te khi India ram Presbyterian Kohhran chuan a mite zawm ngei ngei tura a duan leh hman mek a ni. Kan ni tin nunah hengte hi hre renga kan nun phawt chuan ram tiam pana kan kalna kawngah hian kan bo dawn lo a ni. Mahni awmna Kohhran Thurin ngaipawimawh mi chuan Kohhran a ngaihsak a, Kohhran tan a tangkai thin. Kohhran a hlatsan ngai lova, a nunkawngah harsatna a tawh chang pawhin a awmna Kohhran Thurin a vawn tlat avangin engnge a hmalamah lawman hmuh tur a neih a hria a, a beidawng mai ngai lo.

Kohhran a nun a, Kohhranin hma a sawn theihnan Kohhran mite hian kan Kohhran Thurin hi kan hriatchian a tul a, kan ngaihpawimawh a hun takzet a ni.

Reference:
1. Saiaithanga, Rev., Thurin Zirna,
North West Presbytery, 1965

2. Kristian Thurin,
Aizawl : Aizawl Theological College, 1998

3. Sacrament Department Zirlaibu,
MSSU, Aizawl, 7th Edition, 2010



-END-

Sermon: RINNA

noreply@blogger.com (Lianhmingthanga Sailo) — Wed, 12 Oct 2011 10:45:00 +0000

Bible chang chhiarturte: Hebrai 11:1, Heb. 12:2, Jak 2:17, Sam 37, Eph. 2:8-10

Awle, Bible-a thu mal pawimawh ber berte thlang dawn ta ila ‘rinna’ tih hi kan thlang tel ngei ang. He thu mal hi la bo ta vek ila, Bible hian awmzia a nei lo mai dawn a ni. Rinna chu thil eng emaw a hrana neih nawlh ang chi a ni lo va, ringtu nun pum pui nen inzawm tlat a ni (Eph. 2:8-10). Rinna chu thil pahnih, mihring chet chhuahna leh Pathian hnathawh hi a ni fo. Ni tin nun leh chetzia pawh hi rinnain a ni zel. Pathianin ringtu nun chhunga thlarauva a thawh ang zelin a tak a lan chhuahtîr thîn a ni .

Rinna chu ringtu mihring tan kawngro su tak, rin tur Pathian lam thlengphak lova a mala neih theih hauh loh si a ni. Rinna tak zet chu Thlarau Thianghlim hnathawh nena inkawp zel, then hran har tak a ni. Hebrai ziaktu pawh hian kan rin tur leh kan rinna siamtu leh tifamkimtu chu Isua a ni tih a tarlang a, en tlat turin min fuih a ni (Heb. 12:2).

Pathianin mihringte min siamchhan hi ngaihtuah chian a ngai hle in a hriat. Amah ring a, Ama tana nung tura min duh avang chauhva he khawvela awm ve kan nih hi ringtu, Amah ringtu, Amaha rinna neitute chuan kan hriatchian a ngai hle. Rinna chungchang hi vawi tamtak mi thahnemtakin an lo sawiin Pulpit tlangah an lo auchhuahpui tawh a. A awmzia pawh hi kan hre fu tawh ngei ang. Mahse, rinna awmzia hria a, amah zuitu intite hian Amah kan rinna a nep thin em avangin hlawhchham ta angah kan inngai fo thin.

Kan Pathian Lehkhabu Thianghlimah ‘Tin, rinna hi thil beiseite awm ngeia hriatna, thil hmuh lohte hriatfiahna a ni’ tih inziak kan hmu a (Hebrai 11:1). Mihringin beisei kan neih chuan kha kan thil beisei kha a awm ngei anga kan ngaih thin bakah, mit ngeiin hmu lo mah ila, engnge a nih kan hrechiang hle thin. ‘Chutiang bawkin rinna chu thiltih nei lovin amah chauhvin a awm chuan thi a ni’ tih kan hmu bawk (Jak 2:17). Rinna chu thiltih nena inkawptlat, lakhran theih loh a ni. Tehkhin nan: Zirlai chuan a zirlaia a Pass a inrin hle chuan, chutianga inring tur khawp chuan a lo zir nasa tawh a. Thiltiha bultanin, rinna chuan a hmalama hun lola thleng tur chu a hriat lawktir thei a ni.

Pathian Lehkhabu Thianghlim ah hian ‘I awmdan tur chu Lalpa chungah nghat la, Amah chu ring la, Aman a then then a ti ang’ tih inziak a awm lo. ‘I awmdan tur chu Lalpa chungah nghat la, Amah chu ring la, Aman a ti vek ang’ tih inziak a awm (Sam 37). Pathian chuan a then then emaw, a zatve lekin emaw, hlen chhuak lovin emaw, min thawh sak dawn lo; kim tak leh felfai takin a hlen chhuak dawn. Chuvangin A duhtaka A siam mihringte hian Pathian hi ring mai tur kan ni.

Pathian Lehkhabu Thianghlimah hian rinna chungchanga mi thahnemtakin Pathian Malsawmna an lo dawn tawh dante, an thiltihna leh hmalakna kawng hrang hranga rinna an neih tlat avanga a puih dante a inziak nasa hle. Kan hriat angin Jeriko Kulhte pawh Josua hovin ni sarih an hual hnuin a chim a (Hebrai 11:30). Mite nuihzat pawh pawisa lovin Pathian thu angin Nova chuan Lawng a tu a. Pathian a rin avanga A thu a awihna chuan tuilet lak ata amah leh a chhungte chu a humhim tih kan hria (Hebrai 11:7). Abrahama chuan Pathian thupek chu a rin tlat avangin mahni Inlum ngei kalsanin Pathianin ram a pek tur lam panin a chhuak a (Hebrai 11: 8). A nupui Sari ngei pawhin rinawm taka a hnena thutiamtu Pathian chu a rintlat avangin mihring ngaiha upa a nih hnuah fa a nei nghe nghe (Hebrai 11: 11).

Pathian Lehkhabu Thianghlim ah hian Rinna thu pawh mi rinawm kalta tam takte hming tarlangin a pho chhuak a. Rinna avanga an tuarzia te, thilmak leh ropui an tih te, fak an hlawhzia te ngaihnawm takin a ziak bawk. Rinna thiltihtheihzia hi C. H. Spurgeon pawhin a sawi uar hle, “Rinna te tak te pawhin i thlarau vanah a hruai ang a, rinna ropui tak phei chuan i nunah vanram a rawn hruai lut ang,” a ti.

‘Rinna avanga khawngaihnaa chhandam’ thu Tirhkoh Paula’n a sawi uar a, Jakoba’n ‘Rinna chu a takin a lang chhuak tur a ni’ tih a sawi fiah ve thung. Lak hran chi loh, inkawp zel tur a ni. Rinna lovin eng mah tih theih a ni lo va, thiltih tel lovin rinna ringawt chu eng mah a ni lo bawk. Tumna ringawt phei chu tihzui a awm loh chuan a tlaktlai lo vang. Patti Labellea chuan, “Thiltih te tham ber pawh tumna ringawt lian ber aiin a la lian zawk,” a ti.

Thenkhat chuan Pathian hnenah chuan rinna kan nghat thin tak na a, mahse kan rin angin Pathian chu A lo che leh si lova, kan vui a, Pathian zawk hi kan thiam lo zawk lek lek thin. Pathiana rinna nghat tak tak chuan an chungah an duh loh zawng tak pawh thleng se Pathianin an thatna tura a remruat a ni ang tih an ring nghet tlat a, nun hahdam takin thil tha lo ni a kan ngaih pawh an tuar thin. Pathian a rinna nei tak tak mite chuan engkim chan huam leh thih huamin Pathianah rinna an nghat. He khawvela an thil neih hlu ber chan mahse, a let tam tak aia ropui zawk an hmu let dawn tih rinna nghet tak an neih avangin he khawvel ropuina leh nawmna te hi ngainepin hrehawm tuar an hlau lo fo. Mosia khan Pathian hre lova reilote atana ropuina leh nawmsakna chen ai chuan Pathian mite nen tihduhdah tuar a thlang zawk anih kha. Kha tawrhna kha rosum tam takah a chhiar zawk a ni. Nakina chatuan atana a ropuina leh a lawmman tur a awm a ni tih rinna a neih vang a ni.

Tunlai Mizorama Ringtu intite hian kan rin nia kan sawi thin Pathian hi kan ring tak meuh em? Kan nunah kan lanchhuah tir em? Kan bula mitten enganginnge Pathian kan ring tih an lo hriat theih ang le? Ringtu chuan a nunah a rinzia a tilang tur a ni dawn lawm ni? Ringtu chuan a rin chu a rinngheh viau chuan a rinna kawngah humsual a dai ngai loving. Kan hmangaih takte pawh kan rinngam tlat chuan engmah sawi lem lovin kan ngaih a tha veng veng thin a ni lawm ni?

Hawh the u, kan rin kan Pathian hi kan tihbeidawn hma ngei hian tun aia nghet leh tak zawk, uluk zawk hian amah i ring ang u. Nakina kan lawman tur min siamtu a ni si a. ‘Ringla i nung ang’ tiin hla siamtuin a sawi nghe nghe kha. Kan nun theih nan rinna dikin Pathian ring ila, kan chantuan hmun tur Vanram kan chan theihnan Pathian tan i inhlan thar leh ang u. Lalpa’n a thu malsawm rawh se. Amen.

-END-

Chhiar suh!

noreply@blogger.com (Lianhmingthanga Sailo) — Thu, 06 Oct 2011 09:47:00 +0000

I
Tlangau a rawn lauh lauh thawmah chuan Lala muhil lai chu a harhzawk mai a. A mumang lamah Khamah a lo zuangthla a, chutia a zuanthlak lai tak chuan a harh a ni. A thin chu a phu deuh dawt dawtin a hre nghe nghe a. Chu Tlangau authawm chu YMA Information Centre atanga puan a nih avangin leh, an puanna Mike Horn pawh an inchunga an vuah avangin a hrechiang hle mai. Tlangau aw chuan, 'Nichin lawk khan Pi Zachhingi te kawmthlang Step-ah Mihring Beng niawm tak chhar a ni a. Mitinte fimkhur turin kan inhriattir a ni e. Thil danglam leh thawm danglam hria chu YMA President emaw, Police Out Post-a hrilhhre vat tura ngen kan ni', a rawn ti lauh lauh mai a. Pi Zachhingi te chu an awmna kawmthlang lawk a nih avangin leh, an In chu a Room atanga a hmuh theih avangin Lala chuan chulam chu Tukverh-ah Parda keuvin a zu bih a. Pi Zachhingi te inbul velah chuan mipui an lo pungkhawm nasa mai a! Police Van leh Motor te pawh a inhung phe vut vut hlawm bawk a. An thawm a hre lo chu mutui a inti hle mai! A insiam sawk sawk a, Pi Zachhingi te In lam pan chuan a chhukthla ve nghal a.

Pi Zachhingi te In bul a zu thlen chuan a mi hmuh hmasak ber chu thil chinchang a han zawt nghal a. Chumi chuan, 'Step engin a chhun loh laiah chuan Saranga intuam, Mihring Beng' naupang dawr kalin a chhar thute, chu a thil chhar a hmuh a a te vak thu leh, nikhaw hre lova a awm mek thute a lo hrilh a. Lala chuan rapawm a ti hle. Chu beng chu 'tu beng nge ni ta ang?' tih chu a rilru-a zawhna lianber a ni.

Chumi zan chuan Beng tlahlang chhar thuin Aizawl khawpui a fanchhuak nghal a. Beng tlahlang an chharna hmun bulhnai velah chuan a taksa peng dang hmuh inbeisei takin mipuite chuan an zawng nasa hle a. Police pawh an phi buai khawp mai. Chutihlai vel hma kar kalta kha Saron vengah Hmeichhe pakhat a bo laitak a ni bawk si!

II
Nia, Saron venga Nula hmeltha leh piannalh, mipa ten an Star rawn luai luai, ama hmeichhiatpuite ngei pawhin hmeltha an tihthu an sawi ve sep sep thin, mahse Kohhran lama inhmang tak mai, YMA lamah pawh mi inhmang, MHIP ah pawh a kul a taia nulat chhuah hlimhlawt atanga inhmang a nih avanga 'Aizawl khawpui chhung na na na-ah chuan a aia hmeichhe hming lar a awm lovang' an tih thin 'Zothanmawii', 'Mawite' tia an koh chu mak tak maiin an zanriah chawei kham thleng silzo- dawra thil lei tura a chhuak chu a bo thut mai a. A kalchhuahna tur pawh sawi thlap thin, a chhuahvah nikhua pawha a haw tlai dawn emaw a nih pawha amah an ngaihtuah loh nana SMS emaw Phone Call emaw pe ziah thin anih avangin a Zankhatna a tangin a chhungte leh an vengchhung chu an buai nghal titih deuh va. A ni hnihna-ah pawh an la hmuh tak loh avangin Aizawl khaw mipuite chuan Media kaltlangin an hre ta hlawm a. A ni sarihna ah phei chuan Mizo Dana a huhova mibo zawn tawpna a nih avangin a chhungte phei chu an mangang lutuk hi sawi ngaihna a awm tawh lo zawk! Mahse, a ni sarihna thleng chuan a thawm riva takngial pawh tuman sawitur an hre lo. Mahse, khawtlangin tlawmngaih chhuahin an la zawng zel a ni. Mawitei hian Bialpa a neih loh lai tak a ni nghe nghe a. Kan sawi tak angin Khawtlanga a inhman nasat avangin a nun pawh a tha a, faktlakin a nung a ni. Chuvang chuan mitin rilru-ah a bo hian hmun a luah kan ti thei ang.

Chutia 'Beng tlahlang an chhar chu Mawitei beng a ni thei ang em le?' Chu chu zawhna awm thei a ni. Mawitei pa Er. Rosanga chuan, a fanu beng ni thei awma a hriat loh thu a va hmuh chuan a sawi ri a. Mahse, chu beng chu a la tharlam em avang leh, a hmel ala chhiat vak loh avang te, a hmeichhe beng riauva a lan avang te leh, a ngo lam rawng a kai avangte chuan, bakah, bengbeh behna hnuhma a awm avang chuan mi thahnem tak chuan Mawitei beng ni theiah an ngai. Nia, kan sawi hmaih palh a awm: Mawitei hian Make Up leh tlereuh hi a ngaina lutuk lova. Mahse, a naupang laia a beng an lo verhsak ve avangin a nulat hnu hian, a pan kum 18 a tlin lawmpui nana a leisak Rangkachak Bengbeh chu a beh ve a. Ngaih titha lo zual tur tingin an bengchhar hian bengbeh behna hnuhma a lo nei leh nghal!

Mawitei bo atanga ni sawmna, beng them an chhar atanga a ni hnihna ah chuan Bawngkawn Police Station ah chuan mi pakhat hi thlaphang em em hian a rawn tlan lut a. Chu a thusawi chu Bawngkawn OC chuan a lo ngai pawimawh khawp mai. A Staff te a kova, Motor in chu thu rawn thlentu nen chuan an tlanchhuak nghal a. Thil va report tu in 'din a hun ta' a tih chuan an ding a. An zavai chuan an chu mi hmun sawi lam pan chuan an kal ta a. A sawina hmun an va thlen chuan thil hmuh hreawm tak mai pakhat an hmu ta tlat mai! Chu an thil hmuh chu Ban veilam bung a ni. A rei hmel tawh na a, a rim a la chhe lova, hmuh chu a hreawm khawp mai! OC chuan a Staff te zinga Camera kengtu chu thla la turin a tir nghal a. Engmah khawihsawn a phal lova. Police Station lam a Talkie-Talkie chuan a be pawp nghal a.

Chutia Ban veilam an hmuh chu hmeichhe ban ni ngeiin a lang. A chhan chu: A kut zungtang tin chu a tawk chauhvin a sei a. Kut zunglaiah chuan Zungbun a lo la awm a. Chu chu enkawl ngun a ni tih hriat takin a tle hlarh mai. Tin, a vun a pan deuh hlek bawk. Mahse, a rei deuh tawh avangin a lo duk deuh tan tawh. He thil an chhar hian Aizawl chu a dengchhuak rang hle. Mipui an thlaphang a. Thenkhatin Sawrkar an dem a. Hmeichhiate phei chu an thlabar zual emaw tih mai tur a ni. A hma ang bawk khan a bul vel chu an han dap leh chiam na a, an chharna hmun hi Brigade ramchhung a nih avangin a khawkrawk ang reng a, taksa peng dang an hmuh belh leh ta lem lo.

Mawitei chinchang chu a nu leh pa te chuan an ngaihven ve reng a. A theih angin Aizawl khawpawn leh Mizoram pawn lamte pawh an hrilhdarh a. Media kaltlangin a thlalak an phochhuak a. A hmute tan chuan lawmman te pawh an siam ta hial a! Mahse, ni sawmhnih chhung chu taksa them chhar emaw, Mawitei chanchin emaw tumahin an hriatbelh lo.

III
Mawitei bo atanga ni sawmhnih pakhatna-ah chuan thuthar danglam tak, a hma lama mi kaihhnawih zel ni thei awm takin Aizawl khawpui a dengchhuak leh ta. Chu chu Beng tlahlang dang, a hma-a mi kawppui niawma ngaihtheih chu Thakthing Bazar-ah Inrinni bazar tura kal Nu pakhatin Sazu thi an tuam emaw tiin a kalna kawnga thil awm a pal na lamah a chhar/hmu a lo ni a. Mipui chu an ngawi mai mai thei tawh lo. Chumi ni atang chuan, taksa peng hrang hrang an chharna venga Hmeichhia twh phawt chu pawna chhuak lo hram tura ngenna siam a ni ta hial.

A tuk lehah chuan Kulikawn kawngpui dungphei, Indoor Stadium panna tura penna laitakah sawn Silpoline-a tuam Bawp dinglam an chhar leh ta. A hnuah, Durtlang Field sira Inte chhungah Bawp veilam an hmu leh.. A va rapthlak tak em!

Mawitei taksa peng hrang hrang ni anga mipuiin an ngaih avangin chung taksa peng hrang hrangte chu Magistrate rem tihpuina in Mawitei Nu leh Pa te chuan Fridge-ah an dahtha hrih zel a. Nakin-ah a taksa dang an la hmuh leh chuan, hmuh kim an inbeisei deuh avangin an hmuhkim huna a ruala phum a tan an ti a ni. Chu taksa peng hrang hrangte chu Civil Hospital-a Morgue Room-ah Police te venna hnuaiah, Fridge chhungah dahthat a ni.

IV
Ni sawmhnih pariat lai mai Mawitei bo ni atang khan a ral ta. Chumi ni chu Aizawl khawpui tana nidanga thil thleng ngai lo thlenna ni a nih avangin mipui an chiai hle. Mizoram Sawrkar pawhin venhimna khauh leh zualin a kalpui phah a. Hemi ni atanga thlakhat chhung dawn chu veng tinah chhun-zan zawmin Police ten khawlai an fang thin nghe nghe.

Hemi ni hian Hmeichhe Lu bung, 'tu hmel nge?' tih hriat theih tawk tawk chu Salem Veng Field sirah tlailam Rawlthar rual Football petin an hmu a ni. Mahse....

Website Design Launch tur

noreply@blogger.com (Lianhmingthanga Sailo) — Wed, 28 Sep 2011 05:06:00 +0000

Govt. Republic HSS, Aizawl chuan Golden Jubillee 2011, October 13 khian ropui takin lawm kan tum a. Hemi ni zinglamah hian Webiste tlangzarh kan tum. Hei hi ka Design fel thawkhat tawh a. Launch a nih hma hian Vocational Stream-a Lecturers te leh Heads of Institution ten kan ennawn ho leh ang.

Website Address tur: http://www.grhss.in

Design by: This Blog Owner

Design Based: Wordpress

Golden Jubillee website Logo tur

Govt. Republic HSS, Aizawl-a i lo kaltawh emaw, ilo thawk ve tawh emaw a nih chuan hemi ni hian School-a rawn kal ve a, tlailama ruai theh ve ngei turin ka Blog kaltlang hian kan sawm che a ni e.

Tv. C. Lalmuanpuia (Fam) leh Kei

noreply@blogger.com (Lianhmingthanga Sailo) — Thu, 22 Sep 2011 06:46:00 +0000

Kum 2002 ah khan Pu K. Zaluta thuneihna hmangin, a duhsakna zarah leh, a duhsak theih tura min buaipuitu ka Nutei pasal Zoduha Pautu te vangin leh, chumi chu lo pawm a, mahni School naupang anga ngaia min lo lawmtu Science Lecturers te zarah Govt. Mizo HSS ah Science chu 12 ah ka zir ve a. Hemi kuma ka zirpuite zingah hian Tv. C. Lalmuanpuia deuh chiah hian mual min la liamsan niin ka hria. Ka ui em em a ni. Chumi avang chuan amah nena kan inkar leh kan lo inhriattawn dante khawvel hma-ah ka rawn puangzar a ni e:

Tv. C. Lalmuanpuia hi Chanmary- ah a awm a. Lower Zarkawt pheiah sawn Dawr an neih thu ka hria a. Mahse, he thu ka ziahdawn ah chiah hian a hmuna chu ka hreve chiah!

Amah hi tlangval sang tha zeihzawih a ni a. Chuti takin a muk lem lo. Tunhnuah khan Tarmit a vuah ve nghe nghe.

Tv. C. Lalmuanpuia (Fam) leh Kei hi ka sawitak Govt. Mizo HSS ah khan Class khatah kan awm hova. A tir lamah chuan kan inhre pawh em em lo. Kum tir lamah ka Cousin Mipa pakhat nen Lily Veng, Chaltlang, tunhma-a A-III Section of Chaltlang ni thinah khan mi Inhnuai a chanve luahin ka awm a. Kum chanve vel hnuah Grace Hostel, Chanmary, Chaltlang Road, Dr. Lallunghnema Building bulah ka awm zui a. Hetah hian Tv. C. Lalmuanpuia (Fam) hi kum chanve pelhah a rawn awm ve a ni. Chutihlai chuan Mapuia of Ramhlun North te, Thanmawia of Sihphir te (ka Classmates) nen kan awm ho. Midang pawh ka Classmate kha an awm nual a, mahse an hming ka hrechhuak thei lo!

Tv. C. Lalmuanpuia (Fam) hi tun atang chuan mitinin kan kohdan Mp-a tiin ka ziaktawh ang.

Grace Hostel ah chuan Mp-a hi a rawn lut ve hlawl mai a. A nungchang a zawi viau mai a. Ruihtheihthil a khawih bawk lova. Zial takngial pawh a zulai ka la hmu lo.

Room khatah kan awm dun lova. Mahse, kan inhmu in kan inkawm ve fo thin.

An Inah ka leng:
Mp-a te In hi ka sawitawh ang khan Chanmary-a awm a ni a. An In awmna hi a bir tha viau mai! An Inah vawikhat chu kan kaldun a. Engnge kan tihtak kha aw?

A camera ka hawh:
Mp-a te hian Camera pangngai, Roll Film thun ngai ang chi hi an nei a. Hostel-ah a rawn keng a. Kei chuan hman hawh ka dil a. Min phalsak ve mai bawk a. Chutah ka han hmansak a. Mahse, ka hmeh zawng chuan a Rewind ta tlat mai a. Roll Film awmsa chu ka tichhe ta a ni. A pawi ka tihzia chu aw!

Amah a rilru a lo tha hlauhva. A chhia chu a tharin ka thlaksak a. Mahse, thla a lo lak tawh leh hmehtawh erawh kha chu a chheta vek thung. A va zia lo tak em. Mahse, min ngaidam a, ka lawm takzet a ni. Mp, ka lawm takzet.

Hosteller:
Hostel-ah chuan intihhlimna kan nei thin a. Advance Krismass pawh kan hmang ho nghe nghe. Hemi tum hian Miss lemah kan chang hova! A sangtha si... Huis, ka nuih a la za tawps...

A nungchang:
A nungchang ah hian sawisel tur ka hre hauh lo zu nia! Zuk leh hmuam a ti lova. Ruihtheihthil a khawih bawk lova. A tawngtam lova. A lerh lo bawk. Ngaihsan awm tak, mize entawntlak a nei in ka hria.

Lehkha erawh a thiamthei lutuk lo na a, khami Session-ah khan ka tluk ta lo niin ka hria. A thiltihna-ah a sincere a, a rilru a pe thin. Mi a tihbuai ka hre ngai hek lo.

Engtinnge:
Tun thleng hian an Inah ka la kal hman ngang lova, engvanga mual minsan nge tih ka la hre lo. Natna a neih thin awm ka hre bawk silo! Min barakhaih tak zet a ni.

Facebook-ah ka Classmate Estheri, Alana, Nunpuii etc., ten amah thlahna thu an ziak a. Mahse, tu Mp-a nge tih reng an sawichiang hlawm si lo. Mahse, Mp-a kha kan hunlai khan amah chiah a ni bawk si!

Vawiin 9/21/2011 ah hian Internet hmang turin NIC ah kal turin City Bus-ah ka chuang a. An dawr zawn kan thlen chuan a thlalak lo intarin, a hming a lo inziak a. Ka phuzawk mai! Mp, ka ngai ngawt mai che. Ka mittui hi nangmah avang hian a lo far ve tih min lo hriatsak ang che.

Mp:
Mp...Mp... Lo kir leh la ka ti.. I Classmate te hi nangmag ngai lo che kan awm lo. I bialnu hming hria ila ka zawngchhuak tur a ni a le!

A tawp nan:
Mp-a nen hian thian inkawmngawih lutuk kan ni lo na in, Hostel-a kan lo awm dun tawh avang te, ka Classmate a nih avang te in ka ngaina a. A mizia-ah zirtur tamtak min hnutchhiah a. La dam se, nupui tha tak neiin fa te han nei se ka tih laiin mual minliam san ta mai si a, a pawi ka ti.

Muanpui, Mizoten kan ngahhlelh PIALRAL chu i thleng tawh bik si a. Min lo nghak la, kan la lengho leh dawn nia. Mangtha. ka Lei hringchan chhungzawng atan.. Mp, ka thian, Mangtha..

Review: Senior Department Meet

noreply@blogger.com (Lianhmingthanga Sailo) — Mon, 19 Sep 2011 06:51:00 +0000

Senior Department Meet chu Pathian zarah dam takin Chawhma lam chaih ka va chhim ve a. A hlimawm thawkhat viau mai. He Meet ah hian Chaltlang {astor Bial huamchhunga Kohhran 4- Chaltlang, Chaltlang South, Laipuitlang leh Lily Veng Kohhran-a Senior Department ten Meet hi an hmang/ nei a ni.

Thla ka la nasa lutuk a, khaw lum nen ka thlan nasa khawp mai!

Ka hawi vel a, kil tinah mi fanute an awm a. An incheina chu a mawi hlawmin an tisa nen a inrem hlawm hle. A tlangpui thuin a rawng da lampang an ha nasa a. Rawng eng lam ha pawh pahnih thum chu an awm awm e. A tlangpui thuin an pumrua a lian a. Ft 5+ an ni deuhvek ang. Tarmit vuah an awm pheuh pheuhva. Zungbun bun pawh an awm nual. Kut tin hnawih rang an awm lem lova. A tlangpui thuin +2 zirlai leh 1st Semester zirlai an nih hlawm ka ring. A tlangpui thuin ka mitah chuan an hmuhnawm vek a ni. An fengchhing tlangpui a. A chhing uchuak chu ka hmu lem lo. Chutih rualin tun aiin la fual ta deuh zawk se chu ka ti hle.

An Item neih/ hman/ tihte a hmuhnawm a, ngaihthlak a nuam bawk. Sound lamah buaina te tham (a ri kiu etc) ang chi a awm lehzauh thin leh, Item nei/ hmang turte inbuatsaih chhung nghahdeuh ngai leh zauh thin a awm tih lohvah chuan he Senior Department Meet hi a hlimawm khawp mai. Kan vanglaite pawh min ngaihtir zual hle mai (ti ve khanglang ila!)

Zaipawl (Solfa) a ngaihnawm a. Sound Track in a zir hle thin bawk. Solo pangngai pawh a zai pakhat kha a incheina a Sexy deuh hlek tih lohvah chuan a zaitha a, a zaimawi khawp mai. Lengkhawm zai intihsiakna ah Hla hriltu dinhmun pawimawhzia an tilang chiang a, a thiam pawh an thiam hlawm hle. Tunhma-a Zirtirtuten an Zirlaite zawhna an zawt thin kha awm tawh lovin anmahni atangin pakhatin zawhna a zawt (ti mai ila) a, Programme a tihlu zual hle.

Kohhran mipuiin kan hlut a. Biak Inchhunga leng lo, Gallery a leng lo khawpa thahnem Kohhran Mipuite kan inkhawm a, a nuam dangdai hle mai.

Thil pakhat, ka thailan duh chu Tleirawlte tiin Kohhran hian Thangtharte sawinan kan hmang ta fo hi a ni. Mipa leh Hmeichhia hi kan sawikawp ta mai a. Tleirawl hi Common gender atan kan lalut ta hi a pawi ka ti a ni. Tleirawl han tih hian Hmeichhia bika hman hi a mawi ka ti em em a. Rawlthar han tih pawh hian Mipa sawi nan hian a inhmeh thlawt a ni. Hemi hi ngaihthahin Kohhran hian Tleirawl tiin kan Rawltharte pawh kan Tleirawlte zingah a senglut ta mai a. Tleirawl han tih ngawt hian kan tawng pakhat kha a tithi thei dawn niin a lang a, heihi a pawi a ni. Keichuan ka damchhungin Rawlthar hi Mipa sawinan, Tleirawl hi Hmeichhe sawinan ka hmang zel dawn a ni.

Pu C. Lalawmpuia (Lalawmpuia Chaltlang of Facebook) chuan a Camera phal takin thimgpui lum a a tan vangte pawh a ni mahna, min kentir a. Ka lawm hle. Ka Handset- Nokia, C2-02 hian thla a lak fiah lutuk theih loh avang leh Zoom a ngam vak loh avang hian Thlalakna thazawk ka er mek a. Ka la nei thei a nih chuan, Tunlaia Nikon D500 aia tha hi la lei ngei ka tum a ni. Chutih hunah chuan a thla ka lak chak em em te pawh a la dam a nih a, ka la theite a nih chuan ka la la mawlh mawlh ngei ang.

Tleirawl rual, tisa mam, tituai nalh, tlawn tha zuaih mai rual kara han awm meuh chuan zah pawh ka zak zo tawh lova, ka Camera ken pawh a Battery ral thak thlengin ka hmeh tak kha.

Ka ngaih em em, tunlaia ka mumang lama ka hmuh deuh reng, ka hmuh chiah loh pawha a thiante leh a chhungte tal ka hmuh thin chu a rawn inkhawm ve hlauh mai a. A inkhawm lovang tih ka hlau teh asin aw! Mahse, a thla erawh ka duh anga chiangin ka laksak thei ta lo.

Tuna he a Review- na ka type lai mek hian 1:15 PM a ni tawh a. Chawhnu Pathian Biak Inkhawm pawh an tan leh tep tawh. Thalai kalkhawm an zai dial dial a. Chung zingah chuan inhaw miah lo te pawh an awm ve ngei ang le! Mahse, kei erawh chu mahni Inah ka haw ta zawk.

Diktak chuan hetianga thil han tih nikhua hian ka hlim viau dawn thin a, mahse ka hlim lo tlat zel. Mak ve deuh a ni! Engpawhnise, vawiina Senior Department Meet ka chhim chu ka hlawkpui ve hrim hrim e.

Aizawl North High School leh Kei

noreply@blogger.com (Lianhmingthanga Sailo) — Mon, 19 Sep 2011 06:05:00 +0000

Aizawl North High School hi Bawngkawn Chhim venga awm thin a ni a. Tuna he thu ka ziahlai hi chuan Zangena Petrol Pump thlen hma deuh kual chhaklamah khian a awm ta thung. Hetih lai hi alawm, World Trade Center sutchhiat a nih kum kha! He School-a ka luhdan chu ka Post dangah ka ziak tawh hlawm a. Ziaknawn fo lo ila a tha awm e (Chapo min totute in lo awm hlauh takin!). Hemi School-a ka luh chhunga ka hun tawn ka la hriatreng theihte ka ziak dawn a ni. Thenkhatah chuan nuihna tur pawh a awm ang. Thenkhatah erawh chuan 'e he' tih tur pawh a awm mahna. Khaile, chhiar rawh le:

U Sangtei:
A ni hi ka sawi lang duh. Amah avanga he School-a lut hi ka ni miau si a. School Session tan a nih hma in an Inah ka awm hrih a. An inhmun chu tuna Pu Rammawia of Industry Department-a thawkin Building a sak mekna leh a piaha Building awm inkar, tunhma-a In chim, chu mi Inchimin mi pakhat a chhilhhlumna hmuna In awm thin, Mizo chhiara Chhawng 2 ni thin kha a ni. Tin, Assam Type In pakhat, U Mama (tia ka koh) Room a awm tel bawk. Hemi Room-ah hian ka awm deuh chawt nghe nghe. U Sangtei te unau hi an hmeichhe rual angreng a. U Ruattei hi ka ngaina deuh ber a. Midangte kha ka hre ta vak lo. U Sangtei of Miss Sangtei chuan min duat thiam hle. Tichuan, anmahni In atang chuan Aizawl North High School ah chuan Class- X zirturin ka lut ta a. Hostel-ah a vawikhat nan ka awm ta a ni.

RM-i:
A ni hi Miss Sangtei te Inhnuai luahtute nau, an Nula a ni a. A ni nen hian kan inkawmngeih ve hman hle. A ni pawh he School ah hian Class- VIII a rawn zir ve.

Hostel:
Hostel-ah chuan Bedding nen, Bucket leh Thleng 1, fian 1 nen, Zirlaibu leh Bible, etc nen ka invawmlut ve ta a. Hetih laia kan Warden chu MZP President hlui, UPC of Mizoram Evangelist nibawk Pu K. Vanlalvena a ni a. A ni hian min enkawldan a thiam hle a. A khirh em em chungin kei chuan ka ngeina tlat a. Min enkawldanah sawisel tur ka hre lo. 'Ka Pa' ang tluk deuhthaw in ka en hman a ni. A ni hian vawikhat ka mitmu a nat tumin Rasgulla a ma Pocket Money atangin min leisak a. Ka la hrereng.

He Hostel-a ka awm lai hian kan Warden hovin UPC Kohhranah kan inkhawm ve fo thin a. Hemi kum hian Republic veng kawrah sawn 'Baptisma' ka chang ve nghe nghe. Inthlakna tur mumal kha lokeng hek lo, ka chak ve bakah, inlak thlarau ve hunte kha a ni a, Pastor in tui an khuap tlinah chuan min han hnim bawrh mai chu ka hak tep alawm le. Kha pawh kha ka tan chuan chhinchhiahtlak tak pakhat chu a ni.

Aizawl North High School a ka luh ve lai hian ka hma a lolut tawhte ah First Division pakhat chiah a la awm a. Distinction an la awm lo. Kei kha Disticntion tura min duh avangin an tang nasa a. Mahse, ka lo lerh ve deuh bawk nen, ka mit na thin bawk nen, ka Distinction zo ta lova. Keimah ang bawka an enkawl Lianchhunga, Khuangthing Khua (Fam) chu Second-ah a passed thung. A ni nen hian kan School ah chuan kan inel tawk hle a. First Term-ah ka phak lova. A bakah chuan ka lehpel vek thung. Zirtirtuten Zirlai, an mahni zirlaia tithate chawimawina hun hmangin Dictionary leh Lehkhabu te an sem thin a. Chutiang chu ka dawng ve nghe nghe. Ka la hriattheih chinah chuan Zorini nu kha kan English Teacher a ni a. Sir Duha Sailo kha kan Mathematics -I la tu a ni. Sir Mawitea kan tih thau deuh, Ramhlun North- a awm chuan Social Studies-II a la a. Kan Sir ? chuan Social Studies- I (History leh Civics) a la thung. Anni hian Aquarium an nei a. A subject-a Letter ka hmuh chuan chu Aquarium chu min pek a tiam a. Mahse, 3 Marks in ka hmu pha ta lova, ka chan ta a ni. Hnamdang pakhat khan Science, Biology part kha a la a. Sir Mareman Science- Physics part a la thung. Sir Mavena chuan Mathematics- II a la thung. Ama Part kha Area vel chawhtur awm teuhna lam kha a ni a. A har thei talh talh khawp mai. A ni khan a veiziah tlatin ka hria.

Kan Mizo Subject kha kan Principal Pi ? khan a la a. Hlathu te kan By-heart thin.

Tawngvaih der ka ching/ hmang:
Aizawl North High School a ka luh lai khan tawngvaih der kha ka ching a. Ka ti thang viau nghe nghe. Mahse, ka tihchhan kha chu thil pakhat vang a ni. Tunah chuan fa pawh neitawh Nula tituai nalh deuh, hmeltha deuh, Lunglei Road-a mi chu Class-X a rawn zir ve a. Ka duh reuh khawp a. Ka try ve ngei a. A hmelthat em avang chuan Luck pawh a Luck. Hosteller zinga mi Ricky-a nen chuan an inngaizawng a. An thudun ka hmu fo. Chu ka try Nula nen chuan kei aiin an inhretlai zawk daih nghe nghe. School banah intitheitakin Ricky-a chuan a va thlahthu a sawi fo thin a. ka thik lutuk chuan tihngaihna ka hre bawk si lo. Chuvang chuan tawngvaihah ka tlak ta ringawt mai a ni. Chu ka tawngvaih thu chu Principal ten an lo hria a. Mahse, midang kha chuan, 'Thelma-i ka Star', a ti ti zawngin an lo sawi daih a. (Hemi-a ka sawi Thelma-i hi kan Classmate a ni ve tho. Mahse, ka sawi zawk tak, ka try tak hi chu mi Nupui a nih tawh avangin a hming chu ka thinlungah la tho lo mahse, ziah loh ka thlang ta zawk a ni). Vawikhat pawh, kan Ka tawngvaih thin (a der) chungchangah chuan kan Principal thusawi ka la hrereng: 'A ni hi chu mi danglam a ni ve hrim hrim a. Enliam mai mai rawh u', a ti.

Faktea:

Faktea a rawn larchho va. Khawihthluk theihna a dawng a. School ah te Pathian thu kan sawi a. Hlim-lamna a lo intan a. Keipawh keima ngaihdanah ka piangthar ve! Tichuan, Bawngkawn Chhimvengin tun thlenga ka hming an la hriatrengna turin thil pakhat tih thin ka nei: Pathian thu zanreiah ka sawi thin. School Tukverh-ah Zan dar 11: 00 PM vel atangin Bible chhiarin ka'n Sermon mai thin a nih kha. Kan awmna Building thlang lawkah chuan Putar pakhat a awm niawm a ni. Chu chu a lo muhil thei lo thin nghe nghe. Hetih hunlai hian Kohhran Upa mahni ramri aia zau ram neih tuma thenawm khawvengte ram nek ching ka ngaimawh thute ka sawi a. Tunlai (a hunlai) a Hmangaihna khawiah pawh engtikawng zawng pawha a tlakhniam takzia te ka sawi thin bawk. Thenkhat tan chuan a nuihzat thlak viau ang a, thenkhat tan chuan a bengchheng viau ta ve ang. Tunhnu-ah hian khatih laia ka tihbuai Bawngkawn Chhimveng mipuite hnenah khan ka Blog kaltlangin ngaihdam ka dil nghal ni teh se. Bengchheng hi ka ngaina bik hauh lova, midangin ka nin zawnga bawngchheng an siam hi ka duh bik si lova.

Vawikhat chu Ramhlun South Presbyterian Kohhran-ah Faktea chuan thu a sawi dawn a. School naupang ho chu kan va kal ve a. Kan inkhawihtir ve ngei a nih kha. Engvangnge phei chu ka hre lova. Faktean ka chala min rawn nemvak khan ka tlu niberin ka hria. Tunhnuah hian khatih laia inkhawihtlukna thlarau vanga khawihtluk nia inngai thahnem takte kha tluk tumsa ve hrim hrim tho an nih ve hlawm ka ring. Tluk loh kha hlau viau hek i!

Khatih hunlai vek khan Mualpuia Vantirhkoh inlar thute kha a rawn richhuak a. School atangin Mualpui lam hawia kan thlek chang kha a awm ve thin. Engpawhnise, he Class- X ka zirkum hian Pathian lamah pawh mahni tui tui chuan ka tui ve khawp mai. Intithlarau chang nafam chuan Thawhtan Zan KTP inkhawmna- ah Testimony ka va sawi ve roh pek a. Ka va tap vel! Tunhnua ka ngaihtuah hian ka zak deuh thin. Ka che Over mah mah thinin ka hre hnuhnawh.

Tuichawi/ Insuk:
Aizawl North High School a ka kal lai khan Tui hi kan hnianghnar vak lova. mi pakhatin tui Bucket 1 vel chiah nikhat atan kan dawng a. Tlai School banah hian insu turin kan thlang lawka Tuikhurah kan kal thin. Inrinni hian a huhovin kan insu thin bawk. A chang chuan ka Nutei te In, Lily Veng, Chaltlangah khian ka han insu thin. Tin, a chang chuan tuna PHE tui Bill pekna, Bawngkawn Chhimveng, Transformer awmna bul tuikhurah hian kan insu thin bawk. Hetianga insu-a kan kalchhuah nikhua hian a nuam ka ti ve em em thin. A chang chuan tui kan chawi thin. Tui a harsat lai phei chuan Ramhlun North Presbyterian Biak In thlen hma deuh kawngchhak lama Tuikhurah sawn tui kan chawi thin bawk. Sir Vena kan Warden a nih loh hnuah Ramhlun North-a mi Sir Vala kan tih chu Warden ah a rawn tang a. A ho hian a chang chuan midang an insu thin. Mahse, kei erawh tlemin kum chanve dawn hnaihah chuan ka inlahrang ta deuhva.

Room hranah ka awm:
Ka awmna Dormitory ah chuan bengchheng ka ngaihtheih loh avangin ka tlangnel vak lova. Chuvang chuan Office atana an hman thin Room bul lawka Room tetakte pakhat ruak, chumi ruak Bungraw dahnana an hman chu ka Room atan kan Principal te ka dil a. An remtih hnuah ka insawn ta a. Ka insawn hnu hian tlemin zanah pawh ka mutha thei ta deuh hlek a. Tin, keimahin ka zir hrang thei ta deuh bawk. Mahse, midangte nen chuan mess leh thildang chu kan tiho vek thung. Zinga tlan erawh ka tlan ve zeuh zeuh chauh.

Zantirah a chang chuan ka mitnat thin avangin ka mu a. Zanlai dawnah ka tho va. lehkha ka zir thin. Zanreh tawhah Chite Lui lam hawia Lehkha han zir chu rilru hi a khawhar ve thei ngawt asin. Fam Lalzova kha la dam se, ka awm ang chuan han awm ve se, hla lungkuai thahnem tak a phuahchhuah ka ring.

Tiranga:
Tiranga kha khami kum atang khan ka eitan a. A hnu kum 4 velah ka nghei chauh. Ka ei thin lai chuan ka zawh loh chang, hreaem ti chung chunga School ka kal chang a tam khawp mai. Ka thisen a ei hnem lutuk hman lo hlauhva, a tihzia hle. Ka ei nasat lai chuan bawmkhat hi ka vawikhat hmawm a ni thin. Mahse, taksa ngeih loh chu tihreng ka duh lova, Pathian zarah kum 10 dawn chu ka la ngei zel chu a ni. A hma-a hmai bawl ngai lo kha ka ei taklohvah a effect pakhat lo langchhuakin, ka hmai a bawl phah deuh nghe nghe.

Chite Luidung Zawh Expedition:
Vawikhat chu MZP in Total Bandh an huaihawt a. Keini naupang ho chu Duty tur nia insawiin kan Sir Vena hovin Bethlehem Vengthlang thleng rawk kan kal. Hemi ni hian Chite lui dung kan zawhthla a. Ka mitthle-ah kan kal thliai thliai lai ka la hmu reng. kan zirpui pakhatte Inah thingpui kan in a. Chumi hnuah mahni kaldan hriat ang angin Hostel-a let leh turin kan kal. Mahse, keimahin kei chu ka kal thung. Khatih hunlai khan ka tan chuan khawi hmun pawh ka la mikhual em em vek a ni.

Mobile Phone a?
Hetih hun lai hian Mizoram ah Mobile Phone hian sawirik a la hlawh lo. Internet pawh an sawiri ve tan mahna.

Duty:
Hosteller te khan Duty kan nei hlawm a. Toilet tihfai, Hmunphiahfai etc. Devotion-a tan., etc. Chung chu kan ti ve thin. Vawikhat chu kan Sir Vena thusawi laiin ka lo awm tha duh lo deuh nge, zak lutuk tak maiin min siam nghe nghe.

Sir K. Vanlalvena:
A ni hi ka sawitawh ang khan min ngaihsak em em tu a ni. Tunhnu thleng pawh hian ka ngai thin. A President nih laia Marching an neihte min hrilh a. A chetchhiat deuhna te min hrilh thin. Vawikhat pawh, khawi emawa an Lenna-ah, Inchunga Ceiling Fan awm chu Light nia a ngaih avangin, ' A va eng dawn em em!', a tichhuak niawm tak a ni. Sofa-ah pawh a thut tin-ul tawh thu a sawi.

Stars:
Chaltlang Lily venga ka Nutei pasal chhungte hnaivai tak pakhat chu Lehkhapuan pakhat ka pe a. A laitakah chuan Love Letter ka ziak a. A hnuah ka Nutei ten an hre leh a. Tun thleng hian ka la zak! Hman deuh lawk khan a ni hian Pasal a nei.

Ramhlun South-a awm Tleirawl pakhat, ka awmna Hostel-a awm ve pakhat chu ka Star bawk a. Mahse, min duh lo (Lol!)

Thla 12 chhung chuan nunhlui hi chhiar tur a lo awm ve nilnial zel nia! Bawngkawn Chhimveng-a mi, ka Sailo hnampui Tleirawl ngo, sa tha, duhawm deuh mai, hman deuh lawka Pastor fapa neita kha ka Star bawk a. A ni pawh hi ka Fly a. Mahse, a flopped.

Kimkimi/ Buangi:
Kimkimi leh Buangi te khi engnge nia i rin? Ui (Dog) an ni. Kan Principal te hian Ui te chi pakhat Kimkim tia an koh chu kawlh zet mai a ni a. Mahse, kan inhrawn rei a, min ngaina ve hman hle. A hnu kum 3 velah a boral ta niawm tak a ni. Buangi leh pakhat dang an nei tel bawk a. Buangi hian min ngaina hle a. Naute te a nei a. A note te hi Class-ah ka keng thin a. Buangi pawh chuan min zui ve chawt thin.

U Mama:

U Mama (Fam) hi tlangval ngo, sa tha lampang a ni a. A tawngtam vak lo. Tv hi a en peih angreng a. A ho hian Inkhel hi Hosteller hovin an en thin. Keipawhin Movie ka en ve zeuh theuh thin. He Aizawl North High School atanga Class- X ka passed chhuah hnu lawkah hian Chatuan ram min lo pansan ta a ni.

Cosex-a:
Kan Principal te chhungte zinga mi, kan Class- X zirpui pakhat Lalramnghaka? chu kan Classmate ten Cosex tiin an chhaih thin a. A chhan pawh, Sin, Cos, Tan,.etc sawi dawn khan 'Coseco' ti anga a lam vang a ni. A haw thei raps mai mawle.

Ka Class-X zirpui an hming leh Address ka la hriattheih thenkhatte:
a. Lalramnghaka, Durtlang
b. Ld-i, Durtlang
c. vanlalpeki, Sihphir
d. Esther Lalnunringi, Durtlang
e. Hmangaihzuali, Khawzawl
f. Hmangaihzuali, Bawngkawn
g. A-a, Bethlehem
h. Siamtei, Bawngkawn Chhimveng

Chatuan ram min pansan tawhte:
a. Lianchhunga, Khuangthing
b. Dee-a, Khatla

Re- Union:
Aizawl North High School-a kum 2000 kuma lut ve zawng zawng te: He Article/ Diary hi in lo chhiar ve a nih chuan Re- union i nei ang u hmiang?

KAN INCHEINA HI

noreply@blogger.com (Lianhmingthanga Sailo) — Fri, 16 Sep 2011 11:15:00 +0000

Tun \tum chu midangte nena kan chen hona kawnga langsar tak, midangte ngaihtuahna chawk danglam vek thei thil, kan mize lanna pakhat, mi hrang hrangin an sawifo tawh leh kei ngei pawhin ka thai ve fo, he kan taksa khuhbo na tura kan inbel thawmhnaw baka a behbawm, 'incheina' tia kan sawi thin chungchang hi a ngaimawhawm riauva ka hriat avangin tun \umah hian ka rawn ziak a ni. Kan ziah ang ngau ngauva lo inchei kan awm anih chuan 'a ni tak e' tia inhmuhchhuah nan hman theih nise a duhawm hle. Chuti ni lova, 'Its my life', ti zawnga kan la a nih chuan he Article hi ka ziak hahthlawn mai a ni ang.

Awle, 'Incheina' kan tihchuan, kan tisa khuhbo nana a chunga thawmhnaw leh thil chitin kan inbel piahlam- mawi leh nalh kan duhna avanga a chuangliama kan inbel tel hi ka va kawhtir bik a ni. Hei bakah hian kan lu leh kan taksa peng hrang hrang kan sawisak dan hi ka kawhtir bawk. Chuti anih chuan tunah hian thawmhnaw kan inbel thin te, kan lu kan enkawl dan te, kan kut leh ke, kan beng, mit leh hnar te kan enkawldan hi kan sawilang lang dawn a ni.;

a. Lu: Tunlaia Mizo Mipa rawlthar chu in vengchhungah chuan a chunglamah a pirchho vuah mai a. Tutak emaw chu an entawn ni awmtak a ni! Mahse, hmuh chu a nuam vak lo. Pangngai tak chu nise, a pirchho lovang. Melh pawh ka melh peih ngai lo. Hmeichhe thenkhatin an Boys-cut angte hi inhmeh viau mahse, Mipa tamzawk hian an sam an han zuahhnap tawh hi chuan hmuhnawm kan tizawk daih zu nia. A tihkir ang kha tunlaiah chuan an uar ta vak lova, a rawngthlak ang chi pawh an uar ta lo. Heihi a lawmawm khawp mai.

b. Kut/ Ke: Polish (Hnawih) hi Hmeichhe lam hian an hmang nasa. Pathianin a pek ang anga mahni taksa enkawl hi kan tihtur anih rualin, a rawng thlak danglam duhna thinlung kan nei thin hian kan mizia a ti dere tihreng kan hre lo. Hemi avang hian kan rilru ngei pawh a pawnlawi a, mahni taksa hrlah duhna thinlung hial Mizo Hmeichhiaten an nei mek a ni. In veng Nula leh Tleirawl te khan mahni kut leh ke tin cheiran hi an uar vak lo niin ka hria a, lawmawm ka tih rualin, lo ching thin an awm a nih hlauh chuan sim daih chi a ni. Nalh tih lam aiin tenawm lam a pawh zawk mahin ka ngai. Mipa in hetiang lo tih ve kan ching anih phei chuan 'pawnfen fen' nghal a fuh viau ang!

c. Pawnfen/ Kekawr/ puan: Nia, a pangngai kan tih chuan rilru khawih danglam pha lo chin kan sawina a ni. Mahse, a uchuak kan tih erawh chuan, Hmeichhiain a kapkar langpha lek leka chhing pawnfen a feng emaw, mipa in a ngum lang lek leka thawl Kekawr a ha emaw tihna a ni. Hetiang hi Pathian Biak In kan panna ah phei chuan chin loh tawp tur a ni. Veng thenkhatah phei chuan an buaina a ni nghe nghe. Nakin lawkah kan thangtharte hian an rawn la uar maithei. Chuvang chuan hetianga incheina hian midangte Moral a tidanglam thei tih hriat tur a ni. Mipa chuan hmeichhe taksa a lantam poh leh an duhthusam a hnai a ni tih hriat mai tur. Pawngsual hi kan incheina hian a nawrchhuah anga ngaihtheih a nihna chen hi a awm ve a ni. Chuvang chuan kan vengchhunga Nula leh Tleirawl tuai tirte hian kan incheina i uluk ang u. Taksa langtam thei pawnfen fen hi kan khawtlang nun hian a la zo lo tih i hre teh ang u. Puan kan bih pawhin emaw, pawnfen kan fen pawhin, nithlara taksa ruangam lantheihna ang chite hi inbel loh a tha khawp nai! Puanbih pawhin chhing lutuka bih te pawh a hurherh zawnga ngaihtuahna hman a thlirtu tan a awlsam zawk viau nghe nghe.

d. Thi/ Bengbeh/ Hnarbeh/ Ngun/ Zungbun: Heng zingah hian Zungbun hi Mipa ten an bun ve theih niin ka hria. Tunhma chuan kan Pi leh pu te khan bengbeh an lo beh tuarh thin pawh ni mahse, tunlaiah erawh chuan Bengbeh beh Mipa chu Tuai angah ngaihna kan nei ta a. Heihi a tha ka ti khawp mai. Mipa, bengbeh beh te, hnar beh behte hi chu kei chuan ka ten deuh tlat zu nia!! Hmeichhia chuan Bengbeh beh se, thi pawh awrh se, an inhmeh lohna ka hre lo. Mipa in a Thi han awrh ang chi te hi 'pawnfen fen chak lantirna' hmanrua angah ka ngai. Mipa bengbeh beh phei chu khulam Sapram leh Nawhchi zawrhna hmuna an chin thin, anmahni an ve chak vanga kan lo tihve niah ka ngai. Mi tamtakin hetiang hi kan ngaihdan anih avangin huai takin ka ziak ngam a ni e. Tunlaiah chuan Bengbeh beh Mipa chu tumahin kan ngaisang miah lo.

e. Kawnghren: Mipa thenkhat, rawlthar leh Tlangval thenkhat chuan kawnghren cheiran, Chain uai duah duah awmna hren kan hmang thin. Mahse, in vengchhungah khan ka hmukhat khawp mai. Mahse, Aizawl hi a lo zau ve ta viauva, mi chi hrang hrang inawmpawlh kan nih avang hian hetianga lo tithin hi chu ka hmu leh fo thin. Hei hian nalhna a pawhpha lova, tul lova mahni tana rit phur insiam belhna thil a ni. A tulna pakhatmah a awm lo. A hnawksak a, a chuangliam bakah a la chuangliam mah mah a ni.

Engpawhnise, khati chinah khan \huaibung phawt ila a \ha awm e. Mizo chuan Mizo taka kan incheina hi mawi kan ti fo. Mizo tak han tih hian Pathianin mi a siamdan ang anga lanchhuah hi a ni ber. I incheina khan i pawnlam mizia a lantir tih hria la. I pawnfen fenchhin khan Mipaten min it se i tihzia a tilang a. I lu i enkawl dan, i sam i tihphirsi, tih din vel khan 'Hmeichhiaten, hepa hi a va pa ve min tise' i tihna a ni. Mahse maw, tuman chutiangin an ngai lovang che. I hnunglamah, 'Uak' an tihkhum che tih hria ang che. In vengchhungah chuan hetiang kawnga incheina uchuak hmang hi in awm lo niin ka hria.

Pasal neia i liamni a herchhuah thlengin!

noreply@blogger.com (Lianhmingthanga Sailo) — Thu, 15 Sep 2011 05:14:00 +0000

Zing ni a lochhuak a,

Kawlah ni a lo lang;

Mahse, nang erawh lan tihni nei lovin,

Thehhmeh angin i reh hmak si!

Khawiah awm che maw aw?

Hmuh che tuma pheikhai vawrin,

Kiltin hmuntin fang velin;

Mahse, khawnge i bihruk a,

Khawiah tuanzai rel che maw?

Lamtluang pui dungah i awm lawng maw tiin,

Ding leh vei, hmalam leh hnunglam te;

Ka melh ruai a, ka zawng thin che,

Mahse, khawiah awm thin che maw?

I awmna awm tak chu ka hria a,

I laikhum zalna hmun pawh ka hria;

Mahse, hringchan lai chuan ka rawnkal hi,

A rem ve meuh si lova!

Ka tan i rem si lo maw?

Fam ka chan ni a thlen hma zawngin,

Keichuan ka hrereng thin ang che;

Nang chuan min hrereng lo mahla,

Ka rawn hrereng fo ang che.

Pasal neia i liamni a herchhuah thlengin!

(Dedicated to: Angelina Lalfakawmi)

Kan intawng har lua?

noreply@blogger.com (Lianhmingthanga Sailo) — Wed, 14 Sep 2011 05:21:00 +0000

BUNG- 1 NA

Ruah a si seng seng a. A assignment pawh a ziakzo tep tawh. A ziahlai chuan a Mobile chu beisei nei tih hriat takin a enleh thin.

Chutia a nghah renglai chuan Sms pakhat a rawn thlengtih hriat takin a Mobile chu a rawn vibrate ta a. A la vat a, a han en a.

Chu Sms ah chuan, 'Lo lengla? Keimah chauhvin ka awm', tih a lo inziak a. A chhiarpah chuan a khi deuhsak a!

A insiam sawk sawk a, a chhungte hnenah a kalna tur a hrilh hnu chuan a chhuak ta a.

A kalduhna zawn a thlen chuan a Motor chu a hungrem te te a. A kalna Inbula dawrte a mi Waiwai bawm 3 a lei phawt a. Cold drinks Cocacola a lei tel a. A kalna tur In ah chuan a lutdawn hnai ta. Kawngka chu a han kik a. Chutah, kawngka a rawn inhawng ta a.

A changtupa, a hming kan la sawilan loh chu- chu a changtunu, a hming pawh kan la sawibik lohte Inah chuan a vawikhat nan a lut ve ta hlawl a. An pahniha an inhriatdan hi tunlai tawng takin 'Sms Chhas' ang deuhva inhrechho an ni. Mahse, a tu ve ve pawh an frank dun a, an lerhkawh lo bawk. Hemi Ni hma hian inhmuh hi an lo rawt fo tawh thin.

Kawngka ah chuan Nula han tihdawn a, la nula lutuk lo, mahse Tleirawl zahlai leh nuihduh hun peltawh tih hriattheih, a kut mam leh fai, no nalh tak, a khup khuhtawka chhing pawnfen feng, lace hmaphel ha, Rosary awrh, bengbeh beh lo, mithmul pawt lo, hnawihdum lo, zungbun pawh Zunglaia bun chu a rawn hawi paw heu mai a!

'Hawi paw heu' tih lemah, Powder inhnawih chu a ni lo, amah kha a ngovin a vun kha a mam tha em a! Sangsangi Hlawnchhing te, Irene Zodinsangi te, Babie Rualhleng te, Nunui Rualh;eng te, Fiona Pachuau te anga hmeltha a ni. Chutihlai chuan a hmaa ding Nula chu a lo en ngawih ngawih tih hre miah lovin a dingreng tih a hminga rawnko tu aw a hriat chuan a hrechhuak ve chiah a. Chu a lo hmuaktu, kawngka rawn hawngtu chu a hmel a nungsarh mai a, an In a rawn lengtura avang nge a nih phei chu hriat nisuh i!

Mahse, tunhma atang tawha inhmuh tum thin tawh kha tunhma khan an inhmufuh thei lo. Tihian, vawiin hi an pahnihin a hring a hrana an inhmuh hmasakna ber a ni.

Nula chuan an inchhungah a inleng pa chu a hruailut ta a. Sitting Room-a an Tv chu han On pah chuan, a Remote chu a pe a. Sawitur an vanhmel khawp mai.

'Khawnge i chhungte? Leng turin min rawn sawm duh a, ka lawm tak tak', a han tizui nghal a. Nula chuan, 'Sawlama kan chhungten chhiat an tawk a, chutah chuan an kal', a ti a. A kut chu a khawih pah niap niap bawk a.

Tlangval chuan chu Nula hawiher leh awmdan, tawngdan leh awphawi, a mizia awm anga a hriat te chu a duhin tha a tithlawt a. Mahse, a tak tak thlengta rau rau, engtinnge chu Nula chuan a lo ngaih ve ang le?

Mahse, engtinnge hma a lak zel ang? A lungphu a rawn rang ta sauh mai.. Vawikhat hmuh na ah, a duh tih a hrilh nghal dawn a mi? Nge, a enthla leh phawt ang? Vawikhat hmuh na a chutiang han sawi dawt chu a tlawmla ve si, mahse a chang lovang tih a hlau bawk..Hmm.. Nidangah ni mai rawh se. Mahse, a easy ang em? Chu chu a fiahthei tur a ni.

Nakin deuhvah chuan Nula zawk chu rawn tawngin, 'U.., i va tawngduh lo ve? I rin aiin ka hmelchhia ang tiraw?' a han ti deuh sap a. Tlangval pawh lo tawng ve in, 'E.. Ka rin phak let za in i tha zawk.. Ka loleng pawh hi ka tih loh tur ka ti a nihial lo maw aw? Nang te chu i hmeltha thlawt.. Kei hi ka hmelchhe ltk a, Darthlalang hma ah pawh ka dingngam vak lo', a ti ve a.

Hmeichhe rilru hi hriat a har a tihzawng tak a nih avangin, Tlangval chuan chu a Nula rim a thinlai rùka chåm reng mai, a bula awmreng si chu a hmangaih a ni tih hrilh a duhtawh hle. Mahse, a la hun lo. Naktukah emaw, karlehah emaw nizawk rawh se, tiin amah a inkhap a. 'Min lokawp maithei asin', a ti rilru a.. Mahse, chu Nula nuimawi tak kut tala vawn loh chu nitheiin a hre lo..

An Tv enlaiah chuan tihfuh thilthu in chu Nula rimtu Tlangval chuan Vanlalsailova rawn larna hla- Hmeltha tih a rawn hmetchhuak hlauh mai a. Nula chuan, 'He hla phuahtu hi ka lainat e, a phuahchhan lahin Pasal a neitawh si a', a ti sap a. Tlangval pawh chuan, 'Nia tiraw. Chan loh tur zúna uai zawng a hreawm kan tuarthlawn zel chu a nih hi', a lo ti ve a.

Chu nula bula va thutphei ngei chu a duh. Tun tut tutah a hmangaih tih hre hrih chiah lo mahse a awmdan chuan a hnar miau loh avangin a ngaina ve tih a hria.

A thutna chu sawn a chak hle mai!

Chutia an titi melh melh lai chuan Tlangval chu Nula bulah a zah lohtheihna zawng zawng nen a va thuphei ta rawih a. Nula pawh chuan a thutna a lo siamrem a, a zuamawm tur zawnga awm lovin Thutthlengsei hmawr lehlam hnaihah a tawlhphei a. A han thut that zawng chuan a pawnfen chu a pawt deuh reng a. Mipa oh, chu Tlangval pawh chuan a zah ru hle.

Tlangval chuan, 'I nu te an lo haw hnaitawh awm si a.. Ka haw dawn hnai teh ang. E, taka, Wai Wai kha han siam la, i ei tawh ang hmiang? A chhum loh hian a tui ka ti.. Nang?' a ti a. Nula chuan, 'I la leng rei lo si. Nakin deuhvah kan eidawn nia', a ti a.

Nula chuan a inleng Tlangval chu a va melh leh zeuh thin a. A chang chuan an mit leh mit a intawng thin a. An pahnih inkarah chuan engemaw a awm a ni mahna.

Tichuan, a thut muan chhunga dar a lo tam tak avangin haw a tum hnai a. A Wai Wai ken chu a Nula rim hnenah chuan kheh turin a han ti a.

Tichuan, Nula chuan Wai Wai chu a va kheh a, an eidun ta a.

An Wai Wai eipah chuan Tlangval chuan Nula chu a melh leh zauh thin a.. Nula mit leh a mit chu a intawk leh zauh thin... An pahnih inkarah chuan engemaw tak a awm a ni tih a langthei tan..

An Wai wai ei chu nidang zawng aiin chu Tlangval chuan a eitawh chinah a tui danglam riauvin a hria a. An eizo va. Kut te sil turin an thodun a.

Chutia WAI WAI a hlanga an eizawh hnu, an in silfai hnu ah chuan titi khawmuang tawh lovin Tlangval chuan haw a duhthu a sawi a. Nula pawhin a ui ngam lo. Kawngka thleng a thlah a. A mipa in thlah thui a duh lo tih a hriat tawh avangin a ban vaiin a thlirliam ta a.

Chutia a haw ta chu a tu ve ve pawh an in ngai tlang ngang a ni ang- Sms hmangin an inrim chhunzawm a. Mahse, zan a reitawh deuhva, rei lutuk lo hnuah, a tuka inhmu tura an intiam hnu ah an in mangtha ta a. A tukah chuan?

A tuk zing nichhuak chu chu kan Tlangvala tan chuan a mawi danglam bik riau hian a hriat a. A chhan pawh i hriat ve tho kha.

Tukthuan an eikham chuan, Holiday a nih avang leh, In lama hnathawhtur a awm lem loh avang te, a Nu leh Pa, a chhungte pawhin a duhna hmuna leng tura an phalsak avangin a lo tumlawk angin Nula chu hmuh tumin an Inlam panin a kalta a.

A kalpah chuan a Mobile chuan a kalna tur chu a han phone dawn a, mahse a ring quit thak a. 'A inbual emaw, a charge emaw, emgemaw a ti a niang', tiin Sms pakhat, 'Hi. Hmeltha, ka lokal mek', tih a thawn a. A in deliver tih a hriat chuan ngaìhtha takin a kalzel a.

Nula te In a va thleng ta a. A va thlen chuan an kawtah R15 Dum tlezar mai, uluk taka enkawllai tih hriat tak mai hi a lo inhung a. A bulah chuan a len tumna Nula leh Tlangval chhe zawk zawk lo hi an lo inbe mawlh mawlh a..

Chutia a tum loh deuhva a Nula rim tum leh Mipa dang inbia a hmuh chuan a rilru a hnualrawih a. Mahse, a kalzel a. An bul ava thlen chuan, chu a Nula rim tum, aman a thinlunga 'DUAT' ti a a koh reng, midang- a thianten 'Seraf' tia an koh, a chhungten 'Mami' tia an koh chuan a lo hmu a. A bula ding Mipa dang nen chuan lo inhmelhriattirin, 'U Puia a nih hi.. U Pui, hei hi ka thianpa U Jojo-a a nih hi', a lo ti var a..

'U Pui', tia a sawi oh, koh chu a ner deuh sawk a. Mahse, a han nuilui deuh sak a. Jojo-a chuan a kut dinglam rawn pe in han chibai a tum a, mahse lehlam a hawisan hmak a. Seraf-i chuan, 'U Pui, rawn lut ula. Thingpuite ka lum ang che u', tiin Jojo-a be lo chuan a ti a. U Puia, Puia tia kan sawizel tawh tura chuan, 'Tihtur ka nei a. Office chawlhlai pawh hian keini ang hi chuan hna kan nei reng a, ka leng hman hrih lo' tiin tiel tih hriat taka a Sunglass vuahkara Jojo-a va melh pah chuan a ti a. 'Ka kal mai ang e. I thianpa khan hnawk min tihtakin', tiel tih hriat taka nui deuh pah chuan a ti a. A helmet chu a Sunglass vuah a lakthlak hnuah a han khum a. Tichuan, a Bike chu a han Start a, a ti ri chiam a.. Serafi chuan a beng alo hup a. Jojo-a chuan chu mihringa chu a ngei rilru khawp mai. Nakinah chuan, Serafi lama a three fingers hmuhzauh vin ring lutuk, khu em em maiin a phitchhuak ta rum rum a.

Inchhunga a lut tur chu a hma zan aiin a phur ta lo hle. Mahse, Serafi tana nuam lo tihtheihna tur ang chi a khawsak a tum lo. Tin, engmah ala chiang lo bawk. Serafi chuan a thlirzui vawng vawng a. Jojo-a chuan Serafi chu a lo enchik em avangin thil awm dan awmang chu a hrethiam deuh reiruai in a hria. A beisei loh thil a ni!

An Sitting Room lamah an lut phei a. Serafi pa chu an Quarry a hnathawkte zu kanin Phunchawng lamah a kal a lo ni a. Nuber pawh Millenium Centre-a a Readymade dawr nghak turin a lo chhuak tawh tih, Serafi an awmna a zawh chuan a hrethei a. Serafi te unau hi pathum, pakhat mipa leh hmeichhia pahnih an ni. Serafi hi a naupang ber a ni a. A u te pahnih chuan Bangalore ah Inluah in lehkha an zir a, an lo hawchang chuan thawmhnaw mawi leh nalh tak tak an lo hawn thin. Thawmhnaw hak sen loh a neih avangin vawi thum vel a haktawh hi chu Suitcase ah a dahtha zel a, thlakhata a ni tawp ber ni ah TNT an tlawh thin a, chutah chuan a pe thin.

Jojo-a chuan bultan dan tur a thiam lo hle.

Jojo-a chu Sitting Room ah chuan Cool raihin a thu a. Serafi pawh amah hmachhawn zawngin a side lehlama thutthleng, oh Sofa ah chuan a thu a. A thutpah chuan a bawp chu a han khawkherh deuh ngei a. Mahse, a puanbih chu a fual that tawk avangin engtham mah a lanthui belh lo.

Chutia ngawirenga a thut avang chuan a Nula rim chuan, 'Nizanah khan sawi ka duhviau a. Nakin lama sawi ah ka tita zawk a', a tihchhunzawm a. Chutia ngawi renga Jojo-a a thut lai chuan Serafi chuan a kut khawih niap niap pahin, U Jojo, nichina mi kha ka Chhas a nia', a ti a. Jojo-a chu a inring hman lo. 'A ta nise a tih em em, a huat lohvi' chu 'Midang TA a lo nireng mai'. A hnuk a rawn ulh nghal a.

Inhaw miah lova an thil eidun laite Jojo-a chuan a mitthla ah a hmu nawn a. A Nula rim leh U Puia tia kan sawi han thudun veltur chu a ngaingam lo. Jojo-a chuan nizana inhaw lo taka an awm lai khan engvang in nge a duh tih a lo hrilh mai loh?

Chutia a mah inlainata a awmlai chuan Serafi chuan, 'Ka thiannu Nubawihi te Inah kal ka duh a, mahse i lokal si a. 'Mahse, ilo kal ta sa sa.. Kan inkawm dawn nia.. Keipawh ka chhuak lo mai ang. Puanthui tur ka nei thova, ilo awm ve ang a', a ti a. Jojo-a pawh chuan a hnial lem lo. Mahse, a rilru erawh a na em em thung', a ti deuh sap a. Mahse, engmah a sawithei lo. A tawng dawn a, a awm chu a rawn inhnawh ut ut a. A tawngthei ngang lo.

Jojo-a chuan rilru nat bak chu engmah chan a nei lo tih a hria. Mahse, a hnukulh chu a insum hram hram a.

A rilru chu a ruk takin a na a. Serafi chuan engvanginnge an inhriattirhah a sawi nghal loh?

A aw a han thian te te a.. Zawimuangin, 'Seraf, min thawng hle mai...Ka hmangaih che in ka hria', a ti a. Serafi chu a nui deuh sak a. A nuih zawnga a a hmui che te U PUIA chuan VAWI ENGZAT TAK FAWP tawh ang MAW?

'Nizanah khan han hrilh tlang nghal che kha ka duh viauva, mahse ka ZAK THEI LO i tih ka hlau. Ka TA NILA KA HLIM NGAWT ang. Nizanah pawh khan ka hmangaih che tih chu ka chezia atangin i hriat ka ring. Nang pawhin min haw lo tih chu ka hria..'

Serafi chu a ruk tak chuan a inthiam lo hle...Jojo-a ngaihdan tur awm ang pawh a man thiam tho....Mahse, an lo intawng har deuh a ni...Tin, U Puia te chu an neinung zawk a, Bike a nei bawk nen....Jojo-a erawh a chhungten an la chawmhlawm a ni bawk si...Bike tawngtak pakhat bak a nei bawk si lo.....

'U Jojo, haw mai rawh!'

'Awle'

A tho vut a, kawngka- ah a penchhuak nghal a. A luhai mum mum a. A khawhmuh a fiah lo vek.

Chutia a lenchhan ber Serafin haw tura a tihtak si ah chuan a haw ta kha a ni a. A tan chuan vanpui a chim a ni ringawt. Chuvang chuan a kalna kawng pawh a lo en mumal lova. A piahlawkah chuan chaktaka Truck Full Load lotlan pawh a hmu hman lo. Chu Truck chuan Horn a rawn pe tuarh a, a hawichhuah rual chuan a khawhmuh a thim nghal vek a, engmah a hrezui lo.

Chutia Truck in a rawn sut laitak chuan Serafi pawh Tukverhah a rawn dahchhuah lai mek a ni a. Jojo-a chu a hmangaih tih a hria. U Puia pawh a hmangaih. A duh a thlang thiam meuh lova. A chhungten an duhzawk awm chu a thlangfel ta zawk a ni.

Chutia Jojo-a taksa, Truck in dimna leh lainatna tel miah lova a han su lengdawrh a va hmuh chuan a Tre ta chiam mai a. An tukverh atang chuan a zuangchhuak a.

Chutia a tah lai chuan Ambulance Motora rawn thleng chawpchilh a. Jojoa chu Troller ah an hlang a. Civil Hnspital lamah an tlanpui ta a. Serafi chu rilru mumal pu thei lovin an Inah a lut a, a room ah lutin, a khumah a tlu a, a tap char char a..

Jojo-a chu Truck chuan a lo su na hle mai a. A ngalruh dinglam a chhum hmawk a, a beng veilam a tla lek lek bawk..

Ambulance chu Civil Casualty kawtah a in hung rituarh a. Nurse te chuan Jojoa chu ICU ah an dah nghal a.. Doctor pali rualin an endik nghal a.. Zai a ngaihna ah an zai a.. Darkar 8 chhungin a tul ang chu an tifel hman a. Chutih lai chuan a chhungte pawh an lo thleng tawh a. Mahse, khawnge kha Nula kha?

Nakimah chuan Casualty kawtah chuan Car a rawn inhung a. Pa pakhat hian a fanu ni awmtak hi a rawn kuah chhuak a. Jojoa awmna an han zawt a, chumi lam pan chuan an kal ta a.

Jojo-a taksa, thisenin a bual chu a va pan a. Mahse, a khawih hreh ta tlat.. Amah a inthlahrung a ni. A chhan bulpui chu amah tih a in hria.. A tap ta tawp a. Mahse, rei awm lovin an haw leh ringawt a.

Jojoa chu a lo harh tawh a.. Doctor te an thiam a, Pathian a tha a, a lo harh tha chhoviau va..

Jojo-a chu a hliam te a thachak viau. Rei pawh Damdawi Ina awm lovin a ni thumna-ah a chhuak thei ta mai a. A rilru pawh Seraf-i lamah awm mahse, a taksa na chuan tlemin a delhrit deuh zawk a. Mahse, a Damdawi In awmchhunga a hmel a hmu miah lo chu mak a ti deuh. Mahse... 'A awm ve tho mai', a ti hnuhnawh a: Mi Bialpa neilaiten midangte an va ngaihsak em em kha tha a tibik hauh lo. A thiam tho mai..

Serafi pawh mahni tawkah a inngaihtuah buai ve hle mai... U Puia lah chuan Jojo-a chhiattawh denchhenin a zar reng mai a. Mahse, chetsual erawh an chesual lo.(TAK TAK!)

Thubelh:

Tichuan, BUNGKHATNA KHAR NAN:

Seraf-i chuan Jojo-a chu a be ngai ta lova. Hmuh pawh an inhmu ngai ta lo. Jojo-a pawh a rilru a thuah athipin Seraf-i lakah a na a. A chhante chu- Bialpa nei reng chunga beisei awma a awm avangin. Tin, an In atanga haw turin a ti. Chu lo lehah, a tawhsual tawhin a harhlaiin vawikhatmah amah a rawn kan lo. A hnu zelah pawh a rawn hrezui duh lo.

Chuvang chuan, theihnghilh a tum ruh hle a. A chhungte hnenah pawh a chanchin chu a sawi vek a..anni pawhin mak an ti hle. Tichuan, thla hnih hnu velah Jojo-a chu mi pangngai angin, CHHIARTUTEN LA THI HRIH LOSE INTIH SAP SAP AVANGIN, LAWM TAK CHUNGIN, MI PANGNGAIAH a rawn damchhuak leh a. Tawnthar Di a rawn tawng ang....

HWC leh Keimah

noreply@blogger.com (Lianhmingthanga Sailo) — Sat, 10 Sep 2011 06:20:00 +0000

Hnahlan Welfare Committee (HWC)- ah hian kum 2008 chho vel atang khan ka inhmang ve tan ti ila ka sawisual vak lovang. A hminga thiante leh zirlaipuite duhsakna a zarah General Headquarters thutchilha Lehkha zir ve manah te pawh a niang, OB zingah min thlangtling ve a. HWC Committee Member zinga Ex- Officio Member ah Hnahlan Student's Union (HSU) General Headquarters OB zinga President leh General Secretary (GS) te chu an awm tel avangin kei pawh hemi kum hian GS ka nih avangin HWC Committee Member ah ka tel ve a ni.

Hemi kum hian Agriculture Department Conference Hall-ah HWC hruaitu turte thlanna hun kan hmang a. Tin, inhmelhriat tirna te pawh kan nei bawk a. Ka vawikhat telna a ni a, ka zak ve deuh dawn dawn a. Mahse, pu te ho an lo awm nual a, hlim tak chuan ka tlingtla ve a. A nuam hle mai.

Tichuan, hunte a lokal chho zel a. Kum dang a lo inherchhuak a, a hmingin GS ah bawk min thlang leh a. Tichuan, HWC ah mikhual lo takin ka tel chho ve ta a. Committee na- ah te pawh ka tel ve ta zauh zauh va. Vawikhat pawh Zarkawta Pu ? te Inah Committee kan nei a. Tlaiah chawhlui kan kil ho nghal a, a nuam khawp mai.

HWC a ka tel chhung hian HWC hmingin thiltih pakhat ka nei ve tawh a. Chu chu Hnahlan khawchhuak Aizawl leh hmun hrang hranga awmte awlsam zawka kan inbiakpawh zung zung theihna tura Telephone Directory siamna tur leh Welfare Fund khawnna tur List siam a ni.

HWC hi HSU aiin kumkhatin a upa a. Cuvang chuan HSU lakah hian u chan a changthiam hle. Hruaitute pawh an felin an tha tlang a, a nau zawk HSU hi a dawmthiam hlein ka hria. Tunhma pawhin HSU hian a pawisa leh a neih angte a lo hmansak fo tawh thin a. A chang chuan HSU hian a rulhtheih lo leh zauh thin nain, chungte pawh a chang chuan a ngaidam fo thin.

Tin, HWC hian HSU hi a hmang tangkai ve viau tawh thin a. HWC hminga Pawisa khawn leh thil han puanzarna kawngahte a hmang tangkai thei hle. HSU peng pawimawh ber Hnahlan Entu pawh Sum elh paiin vawitam a lo pui tawh thin bawk a. Hetianga u fel leh tha, naute ngaihsakna chang hria kan nei hi HSU chuan kan chhuang takzet a, he ka Article kaltlang hian lawmthu ka sawi mawlh mawlh bawk a ni.

HWC hian a huam zau hlein ka hria. Tin, hna pawh a thawk nasa tawh hle. Chhiatni Thatni-ah nise HSU tel lo pawhin amahin vawitam Hnahlan khawtlang tan hna a lo thawktawh thin a. A theihna ang angah Hnahlan khaw mi leh sa te tan a tha leh tui a lo hmang tawh thin a ni. Vawitam Hnahlan khawtlang thatna leh hmasan theihna turin Sawrkar lama kan hotute a lo be tawh thin a. A zarah Hnahlan pawhin kawng tamtakin hmasawnna pawh kan hmu reng a ni.

HWC hmalakna avangin tum hnih (ka hriat theih chinah) Hnahlan khaw mi leh sa te tan Picnic/ inhmuhkhawm a huaihawt tawh a. A hmasa zawk chu hman deuh lawka kangchhia Multipurpose Building- ah khan huaihawt a ni. Chumi tum chuan tlaiah ruaite kan theh a, a nuamin kan awmdan vel te pawh ka mitthla- ah a la chamreng mai. Chumi tum chuan Pu B. Lalthlengliana @ Thangkura te pawh an che nasa hle a. A hlimawm takzet a ni. A vawihnihna erawh Sihhmui lamah a ni a, mahse hemi tum hian ka kal ve ta lo.

HWC hi Hnahlan khawtlang tana peng pawimawh tak pakhat, a tul huna HSU, a tul huna YMA ni thin a ni a. A theih angin Hnahlan khua leh tui tanpui ngaite tana tanpuitu Samari mitha a ni thin.

Selam khua- ah i kal tawh em?

noreply@blogger.com (Lianhmingthanga Sailo) — Fri, 09 Sep 2011 06:18:00 +0000

Selam khua ah i zin ve tawh em? Selam khua hi Mizorama Tlangsang hmingthang zinga chhiartel Lengteng Tlangdunga awm a ni a. Ngopa leh Kawlbem te, Vaikhawtlang leh Lungphunlian bakah, Tualcheng te nen a inthenawm. Helai khua ah hian Vaiphei leh Paihte an thahnem hle a. Manipur buai avang khan raltlan engemawzat luh belhin tunah phei chuan In 300 khua laia chhiartheih a ni tawh. A awmna hmun hi a rem lem lo hle. Awihpangah a inchhep thla ti mai ila, hmun thenkhat lai chu han zawl tha ve deuh awm mahse, khaw hmun nuam tak chu a ni hauh lovin ka ngai. He khua hi ka Nu te khua a ni.

Selam khua hi tunhma deuh atang tawh khan Hnahlan nen hian Assembly Constituency pakhat hnuaiah a awm thin a. Tuna Champhai North Assembly Constituency a a awm hma hian Ngopa Constituency-ah a awm thin. A khua ah hian Zirna In tlem a awm a. Chungte chu: Govt. Primary School leh Govt. Middle School te a ni. High School hi mi thahnemngai ten an din a. Kum engemawchen hnuah Mizoram Sawrkar hian a Grand-in-Aid ve ta nitur a ni, tunah hian ka Nu te unau zinga a naupang ber LB. Sanga pawh Zirtirtu niin a thawk mek.

Selam khua ah hian Sub- centre a awm a. Tunhma chuan a tawhktute awmna hmun pawh a lun ve thei hle. Mahse, tunhnai lawkah khan tahwktute awmna tur Quarters sak that a ni a, mahse bungrua a la thleng lo tluk a ni. Thawktu hi a tamberah 2 dah an ni thin. An ni hian khawdang atanga damlo pawh an lo buaipui ve fo thin. He Sub Centre hi tuna an Field laihthar sir chiahah hian a awm.

Selam hi a tlangram angreng viau na a, tui an lakna a that avangin tui lamah erawh chuan an hnianghnar viau thung a. Tlanga Tanky atangin tui an semdarh a. Chu chu zingkarah an hawtir a, chu chu khaw mipuiten an chawi thin. Tin, tuikhur a awm nual bawk.

Field.. A sira Tile bang In var saw Sub-Centre

Selam hi a boruak a dangdai angreng hle a. Thlasikah chuan a vawt ve thei hle. Nipuiah pawh a lum. Tunhma deuh kha chuan Electrict eng la awm hek lo, Solar Plate te Sawrkarin a pe a. Chung hralh lova, mahni chhungkaw tana hmangte erawh chuan an vanneihpui viau thung. Tunhnua Mobile Phone a lar hnuah phei chuan Solar chu an hman nasat ber a lo nita hial mai! Kawngpui tha in a paltlang loh khua a nih avangin Dawr mamawh leh Damdawi mamawh angte puakphur hmangin khawdang atangin an lalut thin a. chuvang chuan he khua-ah hian thilman hi Mizoram hmundang nena tehkhinin a sang fal hle.

Dak pu a awm a, hei hi an chhawr tangkai hle. tin, Library pahnih- Adult Education Wing leh YMA ta a awm bawk. Kohhran hi a awm kim ve angreng a. A mi thahnem ber chu Presbyterian an ni. UPC of Mizoram an awm a. Isua Krista Kohhran (Ori) an awm bawk. Seventh Day hi 2000 velah khan an awm ve tan a. ZBC leh AG te hi 2005 velah an awm tan niin ka hria. ( Kohhran dang pawh an awm mai thei. Tin, an awmtan hun hi ka ziaksual thei bawk a, a dik loh chuan a dikzawk min hrilhhre turin chhiartute ka ngen a che u.)

Tunhma deuh atang hian a khaw hmun hi ramngaw a taht avang leh ramsa awm tamna hmun anih avanginb Forest Department chuan Sanctuary-ah a puanhnan hmiah mai a. Hemi hnu hian khaw mipuite chu khawdanga sawnchhuah tumin an bei tan ta. An sawirik ka hriat dan chuan Chhungkaw khat zelin nuaih 10 an dawng dawn tih a ni. Mahse, hemi chungchang hi tunah hian engchen nge hmalak a nih tawh tuman an sawi thei rih lo thung. Tunah phei chuan Electric Wiring In tin deuhthaw-ah an ti tawh a. Current a lut ve dawn ta. Kawngpui pawh PMGSRY hmangin Tualcheng atangin Truck Road a tlang tawh bawk.

Ka Nu te khua, ka Nu pa lu-nghahna hmun he khua- Selam khua hi ka tan chuan 'ka khua' tia ka chhiar ve tur a ni. vawi engemawzat ka tette atanga vawiin ni thlengin ka kal tawh a. Ka kal tam zawk tum hi Ke-in a ni. Selam atang hian Khuangte te, Uite te Hnahlan ah ka hawn tawh nghe nghe.

Ka pu Gena te In atanga thlanglam lan dan

Tunhma deuh chuan ka nu te unau zinga upa ber V. Thangzagena S/o V. nengzaena (L) te hian Damdawi Dawr an siam thin a. Kan zin chang hian chu Dawr chu ka nghak chawt thin. Kuhva te an zuar tel thin a. Selamah hian ka kut zungchal veilam hmawr hi kuhva ro kawr ka thel dawn tumin ka chep thla hlawk nghe nghe.

Selam khua-ah hian Vaikhawtlang atangin Tuisa kanin ke ngatin ka thleng tawh a. Km 25 vel bawr a ni. V shape ang deuh hian kan kal. Ngopa atangin V shape ang deuh bawkin ke in ka kal tawh bawk a. Hnahlan atangin Lungphunlian paltlangin W shape angin ka kal fo tawh a. Hnahlan atangin Tualcheng paltlangin Bike-in vawikhat ka kal tawh a. Hemi tum hian tuna kawngpui hi an lai mek a. A la tlang chiah lova. Kawng a chhe si, a nal bawk si. Kan tlu zing khawp mai. A chang chuan tuihawk luankawrah an tlulut a. Chuti khawpa kawng hreawm a nihlaite chuan ka kal ve tawh a lo ni! Pickup hmangin Hnahlan-Selam ka kal a, Gypsy Hardtop Savawm bawma mu in Selam-Hnahlan ka thleng zak tawh bawk.

Presbyterian Church

Selam ah hian Aidu-sen-til a tam khawp mai. Vawikhat pawh kan ramvah tumin kan hawn teuh nghe nghe. Selam rama luiah hian Chakai a tam bawk, vawikhat pawh ka nu te unau zinga hmeichhe lama a naupang ber V. Lalsangpuii (W/o Zoduha, Lily veng, Chaltlang) pasal, ka pu te Zoduha te nen, ka nu u Liani of Ngopa pasal te nen Chakai kan khawrh tawh nghe nghe.

Tawngtaina In

Selam hi lui pahnih Dimphai leh Tuisa inkarah a awm.