.....රැල්ලෙන් ඔබ්බට.....

Solution: not connecting mobile broadband modem/ dongle in ubuntu 12.10

2013-06-28T21:56:00.001+05:30

Solution for not connecting mobile broadband modem/ dongle in ubuntu 12.10.

I was using a huawei e153 dongle and it worked fine in several times and then it stopped connecting with giving an error in the modem-manager as following figure.

After that I was trying to use huawei e1750 and end up with same error.

The issue is with the newer version of the modemmanager in ubuntu 12.10. [1]

Replacing the modemmanager_0.6..... by 0.5.2.. version fix the issue and after that I was able to connect both modem/ dongles.[2]

Downgrade also can be achieved using synaptic[3]

Install following packages

modemmanager-dbg

modemmanager

Use following commands to install the packages

sudo dpkg -i modemmanager-dbg_0.5.2.0-0ubuntu2_amd64.deb

sudo dpkg -i modemmanager_0.5.2.0-0ubuntu2_amd64.deb

Important : select the packages based on 32/64 operating system.

After installation it's better it you lock the version in synaptic(synaptic is not included in ubuntu 12.10).

Synaptic can be installed using following command :

sudo apt-get install synaptic

refer this link to lock the version : http://www.ubuntugeek.com/how-to-lock-package-versions-from-synaptic-package-manager.html

references :

[1] http://askubuntu.com/questions/205142/modem-manager-crashing-in-12-10

[2] http://askubuntu.com/questions/202606/broadband-modem-fails-to-get-connected-in-ubuntu-12-10

[3] http://www.howtogeek.com/117929/how-to-downgrade-packages-on-ubuntu/

Cloud Computing - වළාකුලු පරිඝනකකරණය

2011-09-06T12:36:00.002+05:30

මම කර්මාන්ත පුහුණුවට ගියේ AEPONA කියන කොම්පැණියටනෙ. ඉතින් ඒකෙ කරන්නෙ ඔය වළාකුලු පරිඝනකකරණය නැත්නම් cloud computing එක්ක සම්බන්ධ සේවාවන් හදන එක. සිංහල වචනේ නම් වළාකුලු පරිඝනකකරණයද කියල හරියට දන්නෙ නෑ. හොයා ගන්න නැති නිසා වචනයක් දැම්ම මාත් හදල එකක්.

ඇත්තටම cloud computing කියන්නෙ දැනට පවතින දෙයක්. මෙතෙක් කල් බොහෝ දෙනෙක් මෘදුකාංග භාවිතා කරලනෙ පරඝනකයෙන් තමන්ට ඕන කරන දේවල් කරගත්තෙ. අපිට ලිපියක් සකස් කරගන්න ඕන උනොත් අපි මයික්‍රසොෆ්ට් Office හරි openOffice.org හරි නැත්නම් libreOffice හරි වගේ මොකක් හරි මෘදුකාංගයක් භාවිත කරලනෙ කරේ. ඒත් දැන් එහෙම අවශ්‍ය වෙන්නෙ නෑ. මොකද වලාකුලු පරඝනක කරනයෙන් ඒ මෘදුකාංග වලින් සේවාව මෘදුකංගයක් විදියට නෙවෙයි සේවාවක් විදියට අන්තර්ජාලය හරහා ලබා දෙනවා.

වලාකුලු පරිඝනකකරණය සාමාන්‍යයෙන් හදුන්වන්නෙ "Computing as a service" කියල. ඒ කියන්නෙ අපි අපේ සේවා ලබාගන්න තවදුරටත් මෘදුකාංග භාවිතා කරන්න ඕන නෑ. ඒම සේවාවන් අන්තර්ජාලය හරහා ලබා ගන්න අපිට පුලුවන්. උදාහරණයක් විදියට හිතන්න අපි දැනට භාවිතා Office පැකේජ් එකකුයි ගූගල් docs සේවාවයි සසදල. හිතන්න අපි මයික්‍රසොෆ්ට් office භාවිතා කරනව නම් අපිට සිද්ධ වෙනව ඒක අපේ පරිඝනකයේ ස්ථාපනය කරන්න. ඒ වගේම ඒ මෘදුකාංගය නඩත්තුකරන්න. එවගේම අපිට වෙන පරිඝනකයක් හරහා ඒ ලිපිය සකස් කරන්න ඕන උනොත් එම පරිඝනකයටත් අර මෘදුකාංගය ස්ථාපනය කරන්න වෙනව.

ඒත් හිතන්න google docs භාවිතය ගැන. අපිට පුලුවන් ලෝකෙ ඕනම තැනක ඉදන් අපිට අවශ්‍ය ලියකියවිලි සකස් කරගන්න. ඒ වගේම අපිට පුලුවන් අපි හදන ඒ ලියකියවිලි කවුරුන්හෝ සමග බෙදා හදා ගන්න. මෙලෙස මෘදුකාංගමය ‍සේවාවන් ලබා ගැනීම Software as a Service (SaaS) යනුවෙන් හැදින්වෙනව.

ඔය සේවාවන් ලබා දෙනව වගේම අපිට අපේ දත්ත ගබඩා පහසුකම්, දුරකථන පහසුකම් වගේ තවත් බොහෝ සේවාවන් ලබා ගන්න පුලුවන්. ඒ වගේම හිතන්න Gmail, Yahoo වගේ සේවාවන් ගැන. ඔවුන් අපිට ලබාදෙන සේවාවන් අයත් වෙන්නෙ වලාකුලු පරිඝනකකරණයටයි. දුරකථන සේවා ලබා ගැනීම වගේ සේවාවන් හදුන්වන්නෙ Network as a Service (NaaS) කියලයි.

Cloud Computing වල තියෙන හොදම දේ තමා අපිට කිසිදු මෘදුකාංගයක් හරි භාවිතා වෙන දෘඩාංග හරි නඩත්තු කරන්න ඕන වෙන්නෙ නෑ. ඒව එම සේව සපයන ආයතන මගින් නඩත්තුකරන්නෙ. ඒ නිසා වියදම් අඩුකරන්න මෙම තාක්ෂණය උදවු වෙනව. ඒ වගේම තමා මෙමගින් කාර්යක්ෂමතාව, කාලය, ආරක්ෂණ ක්‍රම වගේ අපි සොයන සේවාවක තියෙන අනෙකුත් අත්‍යවශ්‍ය සාධක දියුණුකරල අපිට ලබා දෙනව.

ඔන්න මම මට තේරෙන විදියට Cloud Computing කියන්නෙ මොකද්ද කියල කව්ව....

හරිහෝ වැරදිහෝ කියවල යන ගමන් කොමෙන්ටුවකුත් දාගෙන යනවද?

phone එකේ සල්ලි නැත්ද?

2011-09-05T22:08:00.003+05:30

දවසක් මගේ phone එකේ කෙටි පණිවුඩයක් යවන්නවත් බැරි තරමට සල්ලි ඉවර උනා. ඉවර උනා කියන්නෙ smart loan එකකුත් දාල ඒකත් ඉවරයි.

මට එදා කෙටි පණිවුඩයක් යවන්නම ඕනකම තිබුන. පටගාලා අන්තර්ජාල ගතවෙලා අන්තර්ජාලය හරහා කෙටි පණිවුඩයක් යවන්න බැලුවෙ. විශ්වාස නැති නිසා මට එකක් එවා ගෙන බැලුව. කොහෙද එකක් වත් හරිගියෙ හරිගියෙ නෑ. ඒ පාර ඒ වැඩේ අතෑරිය.

දවසක් කිව්වට අද තමා මේක සිද්ධ වුනේ. කෙටි පණුවඩයක් අනිව ගහන්නම ඕන සීන් එකක් තිබුනෙ. නිකමට වගේ හිතුන යවන්න ඕන නොම්මරේට mms එකක් විදියට email එකක් ගැහුවනම් හරි කියල. කොහොමටත් email forward කරත්දිත් නොම්මරය ඇතුලත් කරල තහවුරු කිරීමක් කරන්න ඕන වෙන්නෙ නෑනෙ.

ඉතින් මම කරපු වැඩේ යැව්ව email එකක් ලිපිනය මෙන්න මේ විදියට දාල.
<මොබිටෙල් නොම්මරය>@mms.mobitel.lk

වැඩේ ගොඩ ලස්සනට කෙටි පණිවුඩේ email එක හරහා යවා ගත්ත. කෙසේ වෙතත් සාර්ථකව අවසානයේදි කෙටි පණිවුඩේ ඕන කෙනා කරා ළගා වුනා.

ආ තව දෙයක් මම ඉස්සෙල්ල email forwaring ගැන කිවුවනෙ. නොදන්න අය ඉන්නව නමු ඒ අයගේ දැන ගැනීම පිණිස කියන්නෙ. අපිට පුලුවන් අපේ email ගිණුමට එන ඊ-ලියුම් අපේ ජංගම දුරකථනයට එවා ගන්න. forwarding address එක විදියට ඉස්සෙල්ල විදියට අපේ ජංගම දුරකථන අංකය දෙන්න.
උදා - 0715294xxx@mms.mobitel.lk

මම ඔය අටපට්ටම විකුණල දානව..

2011-09-05T18:27:00.001+05:30

මාගේ ජීවිතේ ජයගත් එක් සැතපුම් කණුවක්...
මේක ටිකක් කාලයකට ඉස්සෙල්ල සිද්ධ වෙච්චි දෙයක්. ටිකක් කාලයකට කලින් කියන්නෙ හරියටම 2005දී විතර වෙච්ච දෙයක්. මම උසස් පෙළ කරපු හැටි ගැන හිතුන පොඩියක් කියන්න.මම උසස් පෙලට ඉදිරිපත් වුනේ 2007දී. විභාගෙ වෙනකොට මට හොද අවබෝධයක් තිබුන විභාගෙ ගැන.

මට ‍පොඩි කාලෙ ඉදල කොම්පියුටර් පිස්සුවක් තිබුනට අපේ ගෙදර කොම්පියුටරයක් තිබුනෙ නෑ. ඉතින් මගේ වැඩේ කොම්පියුටරයක් ඉල්ලන එක. ඒත් මගේ තියෙන නොසැලකිලිමත්කම නිසාමද කොහෙද අම්ම කොම්පියුටරයක් ගන්න එකට හොදටම උදැල්ල දාගෙන හිටියෙ. ඒත් අන්තිමට තාත්ත කිව්ව පුතේ සාමාත්‍ය පෙළ හොදට කරන්න මම එකක් අරන් දෙන්නම් කියල. ඉතින් කරා කියමුකො සාමාන්‍ය පෙළත්..

ප්‍රශ්ණපත්‍ර ටිකට ලියල ඉවර උනා විතරයි අවෙ නැත්ද මහා විනාසෙ.. සුනාමිය ආවනෙ ලංකාවට. වෙච්ච විනාසෙ කියල නිමකරන්න බෑ. මාතර අපේ නගරයෙත් අපි දන්න කියන ගොඩක් දෙනෙක්ගෙ ජීවිත දේපල හානි වුනා. අපේ තාත්ත, වටේ පිටේ කට්ටිය එකතු වෙලා මිනිස්සුන්ට ආධාර කරන්න ඉදිරිපත් වෙලා සෑහෙන්න මිනිස්සුන්ට උදවු කරා. වෙලා තියෙන දේ අනුව මට තාත්තට කොම්පියුටරයක් මතක් කරන්නත් බෑ. මටත් හිතුන ඒ වෙලාවෙ හැටියට එහෙම එකක් ඕනම නෑ කියල.

කොහොම හරි තාත්තට අමතක වුනේ නෑ මට ‍වුන පොරොන්දුව. තාත්ත ම‍ට කොම්පියුටරයක් අරන් දුන්න.. ඒක මගේ ජීවිතේ වෙනස් කරපු උපාංගය. P-IV කොම්පියුටරේ. තාම පණගහ ගහ වැඩ. ඒත් දැන් ඒක වැඩිය පාවිච්චි වෙන‍්නෙ නෑ. ඒත් ඒක මගේ ජීවිතේ පට්ටම වෙනසක් කරා.. හොද පැත්තටද නරක පැත්තටද මන්ද??

මට මතකයි උසස් පෙළ පුද්ගලික පන්ති පටන් අරගෙන මාස 4ක් විතර ඇති අපේ ව්‍යාවහාරික ගණිතය පන්තියෙ තිබුන පොඩි පරීක්ෂණයක් දෛශික ගැන(එක්කො ව්‍යවහාරින ගණිතය පටන් ගත්ත තැන හරි නෑ). දෙයියනේ කියල මට තිබුන මුල පිටුවෙම ලියල ලොකුවට ලකුණු 59ක්. පන්තියෙන් හතරෙන් තුනකටම මට වැඩිය ලකුණු තිබුන උත්තර පත්තරෙත් අරන් ගියා ගෙදර. අම්ම ඇහුව ලකුණු දුන්නද කියල(අම්ම පොඩි කාලෙ ඉදලම අපේ අධ්‍යාපනය ගැන හොයපු නිසා තමයි අපි මෙහෙමවත් ඉන්නෙ. සමහර වෙලාවට මට‍ හිතෙනව කැම්පස් එන්න තිබුනෙ මම නෙවෙයි අම්ම කියල). ඒ කාලෙ ගෙදරට බොරු කියල පුරුද්දක් නැති නිසා කෙලින්ම කිව්ව. අහෝ දුකකි.. ඉරකි තිතකි..... මෙන්න අම්ම පටන් ගත්ත...

මට නෙවෙයි බැන්නෙ කොම්පියුටරේට... "මම ඔය අටපට්ටම විකුණල දානව" කිවුව. එහෙම හරි ඒ වගේ එකක් හරි කිව්ව. අම්මට සිරි මට පිස්සු හැදුන වගේ. කිව්ව විදියට නිකන් ඇත්තටම ඒක කරයි වගේ. හැබැයි අම්ම කොච්චර සද්දෙ දැම්මත් කවදාවත් පාඩම් කරන්න කියල බල කරේ නෑ. මට ඕන වෙලාවට විතරයි මම පාඩම් කරේ.

කරන්න දෙයක් නෑ උසස් පෙළ කෙසේ වෙතත් කොම්පියුටරේ බේර ගන්න ඕනනෙ. බැස්ස වැඩේට ඊළග මාසෙ තිබුන සරල රේඛීය චලිතයෙක් පරීක්ෂණයක්. ඒකට හොදට උත්තඑ ලියුව. වෙලාවට ඒකට ළකුණු 94යි. වැඩේ ගොඩ වගේ. ගෙදර ගිහින් කියල අම්මව ෂේප් කරගත්ත. ඒත් ම‍ට ඊටත් වඩා ලොකු දෙයක් වුනේ අම්මගෙ සතුට. ඒක පන්තියෙ මහ ලොකු ලකුණක් නෙවෙයි. 25-30කටම 90ට වැඩිය තිබුන. මම ඒක අම්මට කිව්වෙ නෑ.

ඒ නිසා අම්ම මගේ ලකුණ ගැන සෑහෙන්න ආඩම්බර උනා. මම අහගෙන හිටිය තාත්තටයි ආත්තම්මටයි කියනව කොල්ලනම් කොහොම හරි ඒ ලෙවල් පාස් වෙයි කියල. එදා ඉදල මම හිතා ගත්ත කොහොම හරි වැඩේ ගොඩදානවමයි කියල.

කොහොම හරි ඊට පස්සෙ මට උසස් පෙළ විභාගෙ වෙනකන්ම තිබුන පරීක්ෂණ වලින් එකකට දෙකකට ඇරුණු කොට ලකුණු අඩු වුනේම නෑ. අන්තිමේ විභාගෙ කිට්ටු වෙනකොට මගේ හිතේ තිබුන එකම බලාපොරොත්තුව වුනේ කොහොම හරි ඉංජිනේරු පීඨයට තේරිල අම්මවයි තාත්තවයි සතුටු කරන එක.

විභාගෙ ආව. උත්තරත් ලිව්ව... ඔන්න ඊළගට ප්‍රතිපල එනව කිවුව. සමහරු අදුරන අය මාර්ගයෙන් ප්‍රතිපල හොයාගෙනත් තිබුන. ඒත් මට එච්චර හදිසියක් තිබුනෙ නෑ. කොහොමහරි තාත්තගෙ phone එකෙන් result බැලුව. අම්මට සිරි වැඩේ ගොඩ.. "අම්මේ මම පාස් මාතරින් 2" අම්මගෙයි තාත්තගෙයි මූණ සතුටින් පිරිල. එදා ම‍ට කැම්පස් තේරුනාට වැඩිය සතුටුයි අම්මගෙයි තාත්තගෙයි මූණ දැක්කම. ඔන්න ‍ඔහොම තමා මගේ උසස් පෙළින් කැම්පස් කරා සංක්‍රාන්තිය සිද්ධ උනේ.

තාමත් මට ඕන මටත් වඩා මගේ දියුණුව දිහා බලල සතුටු වෙන අම්මවයි තාත්තවයි සතුටු කරන්න.

ගන්නව නම් laptop charger මේ ගැනත් බලන්න..

2011-09-05T09:34:00.000+05:30

මගේ laptop charger එක වැඩ කරන්නෙ නැතුව වගකීම් කාලසීමාව ඇතුලතදි නිසා ගත්ත තැනට ගියා මාරු කරන්න.

ඒක hp pavillion dv6 එකක්. ගත්තෙ technocity/ laptop.lk එකෙන්. ඉන්න උනුත් ටිකක් අදුරනව. ඉතින් මම ගිහින් දුන්න මගේ කැඩිච්ච charger.ඇදුනුම්කම නිසා වැඩිය හෙවුවෙ බැලුවෙත් තෑ දුන්න එක අරගෙන ආව.

ඊට මාස 2කට විතර පස්සෙ මගේ පරිඝනකයේ බැටරියට වැඩේ හම්බවුනා. ඉතින් මම පොඩ්ඩක් හොයල බැලුව charger එක නිසාද එහෙම උනේ කියල? මම හරියටම දන්නෙ නෑ charger එක නිසාද කියල ඒත් උන් මට දීල තිබුනෙ වැරදි එකක්.

මට ඕන කරල තිබුන charger එකට වඩා අඩු වොට් අගයක එකක් තමා දීල තිබුනෙ.‍ කොහොමත් ඔය technocity/ laptop.lk එකෙන් warranty ඉල්ලන්න ගියාම උන්ට වදින්න ඕන. උන් අපිව ලැප් එක දාල එන්න හිතෙන තරමට රස්තියාදු කරල තමා ඒක දෙන්නෙත්.

මම ඕන කරල තිබුනෙ 90w / 19v / 4.7A කියල සදහන් වෙන charger එකක්. ඒත් මට දීල තිබුනෙ 65w/ 18.5v / 3.5 A එකක්.මේ නිසා වෙන්නත් ඇති සමහර විට මගේ බැටරි එකත් වැඩකරන්නනෙ නැතුව ගියේ.

වමේ තියෙන්නෙ මට ලැබුන charger එක.
දකුණෙ තියෙන්නෙ ගැලපෙන එක.

කොහොමහරි ඒක නිසා මම අලුත් lap charger එකක් ගත්ත. ඒ ගනිද්දි හොයල බලන්න ඕන දේවල් ටිකක් තමා මම කියන්න හදන්නෙ.

(dv6 laptop එකකට අදාලව විස්තර මම මෙතන කියන්නම්)

1. ඇතුල කරන ධාරාව/විභව අන්තරය (input) - 1.5A / 240v ~ 50/60Hz
2. charger එකෙන් ලබා ගන්න ධාරාව - 4.7A
3. charger එකෙන් ලබා ගන්න විභව අන්තරය - 19v
4. charger එකේ වොට් අගය - 90w
5. connector එකේ ප්‍රමාණය.

ඉහත විස්තර වලට අදාලව ඉතා අඩු මිලට ebay එකෙන් laptop charger එකක් ගන්න පුලුවන්

අනික තමා laptop එකක් ගන්න යනව නම් අනිවාර්යයෙන්ම 3pin plug එකක් ඉල්ල ගන්න අමතක කරන්න එපා. technocity/ laptop.lk එකෙන් ගන්නව නම් warranty ඉල්ල ගන්න HP නියෝජිතයො ගාවට කෙලින්ම යන්න.

දන්නවද google Latitude???

2011-09-04T14:14:00.000+05:30

මට ‍මේ ලගදි ආව ඊ - mail එකක්. ඒකෙ කියල තිබුනෙ මගේ යාලුවෙක්ට එයා ඉන්න තැන මට දැනුම් දෙන්න ඕනලු ගූගල් latitude හරහා.ඒ වගේම මටත් පුලුවන්ලු කියන්න මම ඉන්න තැන එයාට.

ඉතින් මං දන්නෙ නෑ නෙ ඒ මොකද්ද කියල. හොයල බැලුව ඒ නිසා පොඩ්ඩක්. ඒකෙ හැටිය‍ට අපිට පුලුවන් දැනට අපි ඉන්න තැන අපේ යාලුවොත් එක්ක share කර ගන්න. හැබැයි මේක ගූගල්ල smart ජංගම දුරකථන ඉලක්ක කරගෙන හදපු එකක්. ඒත් පරිඝනක භාවිතයෙනුත් පුලුවන්.

ගූගල් latitude හරහා අපිට පුලුවන් අපි ඉන්න ස්ථානය ගැන තොරතුරු අපිට ඕන අපි කැමති කිහිප දෙනෙක්ට දැනුම් දෙන්න. හරියටම ඉන්න තැන, නැත්නම් ඉන්න නගරය වගේ විකල්ප තොරගෙන අපේ ස්ථානය දැනුම් දෙන්න පුලුවන්.

පෞද්ගලිකත්වය සුරකින්න ඕන නිසා පාවිච්චි කරන කෙනාට ඕන වෙලාවක ගූගල් latitude ක්‍රියාවිරහිත කරන්න පුලුවන්. නැත්නම් අපිට ඉන්න තැන අපිට ඕන තැනක් දෙන්න පුලුවන්. ඒ නිසා ගූගල් latitude පාවිච්චි කරල කෙනෙක් ඉන්න තැන බලන්න පුලුවන් ඒ කෙනා කැමති නම් විතරයි.

ඉහත රූපයේ මං ඉන්න තැන manually හදල තියෙන්නෙ. ඒ මම ADSL භාවිත කරල ජාල ගත වෙන නිසා මගේ ස්ථානය හරියට පෙන්නන්නෙ නෑ. ඒත් ජංගම smart ජංගම දුරකථනයක් භාවිතා කරන කොට ස්වයංක්‍රීයව අපේ ස්ථානය ගූගල් latitude මගින් පෙන්නනව.

ඔය යටින් තියෙන්නෙ මගේ පිහිටීම පෙන්නන ගූගල් වලින් සපයන ඇබයක් වගේ එකක්. මගේ ‍පිහිටීම ගූගල් latitude වලට ගිහින් වෙනස් කරොත් මෙතනත් ඒක වෙනස් වෙනව.

ඒ වගේම අපිට පුලුවන් gtalk වල අපේ පිහිටීම පෙන්වන විදියෙ app එකක් දාගන්නත්. වැඩි විස්තර සදහා වීඩියෝව බලන්න - මෙතැනින්

අන්තර්ජාලයේදීම ඔබේ ලිපි සකස්කරගන්න....

2011-09-03T18:55:00.000+05:30

දැන් අපිට අපේ පරිඝනකයේ ලිපි සකසනයක්(processor) ඕන වෙන්නෙ නෑ. අපිට පුලුවන් අන්තර්ජාලයේදී ලිපි සකස් කරල බාගත කරගන්න. ඒව අනිත් අය එක්ක බෙදා හදා ගන්න. අනික අපිට ඕන තැනක ඉදන් අපේ ලිපි සංස්කරණය කරන්න පිලුවන් අන්තර්ජාල පහසුකම් තියේනම්..

ඒ සදහා තියෙන වෙබ් පිටු දෙකක් ගැන පොඩි සදහනක් කරන්න මේ සූජානම...එකක් තමයි Google docs අනික Zoho Docs. තව ඕන තරම් ඇති මේ දෙක තමා මට ටිකක් අල්ලල ගියේ.

Google Docs

ගූගල් මෙම සේවාව ලබා දෙන්නෙ සම්පූර්ණයෙන්ම නොමිලේ. අපිට පුලුවන් ලිපි වගේම මයික්‍රසොෆ්ට් සපයන office package එකේ වගේ spreadsheet(ගොනු), presentation(ඉදිරිපත් කිරීම්), forms වගේම drawings වගේ ඒවත් හදන්න.

ඒ වගේම තමා ලිපියක් හදලා ඉවරවෙලා අපිට ඒක format කිහිපයකින් බාගත කරගන්න පුලුවන්.

පහත දැක්වෙන්නෙ මං කිව්ව වගේ අපේ ලිපියයි, ගූගල් සපයල තියෙන ඒක save කරගන්න පුලුවන් formats ටිකයි. ඔය විදියට අනිකුත් ලිපි, ගොනු හෝ ඉදිරිපත් කිරීම්නුත් කරගන්න පුලුවන්.

ZOHO Docs

මෙම සේවා සපයන්නත් ගූගල් වගේම තමා හැබැයි නොමිලේ ලබා දෙන සංස්කාරකයේ ගොඩක් විකල්ප ලබාදෙන්නෙ නෑ ඒ නැතත් නොමිලේ ලබා දෙන විකල්ප ප්‍රමාණයෙන් අපිට අපේ ලිපි ලේඛන සකස් කරගන්න පුලුවන්. පිවිසෙන්න zoho docs >> මෙතැනින්

ඒ වගේම තමා ගූගල් ආකාරයටම සංස්කරණය කරපු ලිපි save කරගන්න පුලුවන් formats ගොඩකුත් සපයල තියෙනවා.

මේ ආකාරයට අපිට පුලුවන් අපේ ලිපි අන්තර්ජාලයේදීම සකස් කරගන්න....

යන ගමන් කොමෙන්ටුවකුත් දාගෙන පලකො නිකක්ම කියවල යන්නෙ...

Facebook chat box අලුත් එකද හොද? නැත්නම් පරණ එකද හොද?

2011-09-03T13:42:00.000+05:30

Facebook chat box එක අලුත් කරාට පස්සෙ අලුත් chat box එක නිසා chat කරන එක එපා වෙනව. ඉතින් මට හිතුන ආයෙ පරණ chat box ගන්න තිබුන නම් හොන්දයි කියල. පස්සෙ පොඩි සෙවිල්ලක් හෙම දාල හොයාගත්ත ක්‍රමයක් හැබැයි ඒක වෙන්නෙ අපි පාවිච්චි කරන Browser එක නිසා නැතුව අපිට FB එකේ වෙනස් කරන්න බෑ. ඒ නිසා චා වැඩේ කියන්නෙ අපි වෙන කොම්පියුටරේකින් Facebook ඇතුල් වුනොත් අපිට අලුත් chat box එකම තමා ලැබෙන්නෙ. ඒත් ඉතින් ගොඩක් අය තමන්ගෙ කොම්පියුටරේනෙ සාමාන්‍යයෙන් පාවිච්චි කරන්නෙ. ඒ නිසා අවුලක් නෑ..

‍අලුත් එකෙන් පරණ එකට......

ඉතින් මේක Browser එකට දාන නිසා එකින් එකට වෙනස් විදිවලට තමා එකිනෙකාව හැඩගස්වන්න(configure) වෙන්නෙ. අපි ඉතින් සාමාන්‍යයෙන් පාචිච්චි කරන්නෙ firefox හරි chrome හරිනේ.. එහෙම නැත්නම් ඉතින් ඒයින් එකකට මාරු වෙන්න.. මං ඉතින් ඔය browser දෙක හැඩගස්වන හැටි කියන්නම්... ආ.. ඊට ඉස්සෙල්ල කියන්න ඕන මේක මම හදපු දෙයක් නෙවෙයි.. ඉන්ටර්නෙට්ටුවෙ සෙවිල්ලක් දාල හොයාගත්තෙ...

Mozilla Firefox

මේක ‍හැඩගස්සවගන්න අපි මුලින් ගිනිනරියට ඇබයක්(ඇඩෝනයක් - Addon) ගහන්න ඕන.. අහල තියෙනවද grease monkey ගැන. මුලින්ම ඒක firefox ඔබා ගන්න වෙනව.

ඒ ඇබේ ගැහුවට පස්සෙ මෙන්න මේ link එකෙන් ගිහින් පරණ Facebook chat box install කරන්න ඕන. පහත පෙන්නල තියෙන install බොත්තම ඔබන්න තියෙන්නෙ.

දැන් ඉතින් දෙයියනේ කියල වැඩේ හරි.... දැන් firefox වලින් facebook ගිහින් බලන්නකො... පරණ chat box එක අපූරුවට ඇති.

Google Chrome

chrome වලට නම් firefox වලට වගේ අමුතුවෙන් මුකුත් දාන්න ඕන නෑ. කෙලින්ම උඩ තියෙන link එකට ගිහින් රූපෙ තියෙන හැටියට install ඔබන්න.

එතකොට පහළ රූපෙ වගේ dialog box එකක් එනව.. එකෙනුත් install ඔබන්න..

එච්චරයි... දැන් යන්න FB, පරණ chat box එක ඇති. ඔන්න ඔහොමයි ඉතින් මම පරණ chat box එක දාගත්තෙ.

Sinhala Google Transliteration

2011-09-01T13:38:00.000+05:30

සිංහලෙන් ටයිප් කරන එක දැන් ගේමක්ම නැති වැඩක්... මටනම් කෙලින්ම ටයිප් කරන Wijesekara key board එක තරම් මොකවත් ලේසි නෑ... ඒත් එච්චරටම සිංහල භාවිතා නොකල ඒත් භාවිතයට කැමැත්තෙන් ඉන්න අයට සිරා භාණ්ඩයක් තමා සිංහල ගූගල් transliteration කියන්නෙ.

මොකද මේක භාවිත හරිම ලේසියි වගේම සිංහල වචන යෝජනාත් කරනවා... භාවිතය ඉතාම පහසුයි. ඒ වගේම වැඩකෑලි දාල ටයිප් කරන්නත් පුලුවන්. පහල පින්තූ‍රෙ බැලුවම පේනව නේද ඒකෙ තියෙන tool bar එක. ඒකෙ ගොඩක් විකල්ප සදහන් වෙලා තියෙනව..

මෙහෙමයි කරන්න තියෙන්නෙ.. අපිට ඕන වචනෙ සිංග්ලිෂ් වලින් ගහල space එක ඔබන්න තියෙන්නෙ. එතකොට සිංහල වචනෙ එනවා ඉංග්‍රීසි වචනෙ වෙනුවට.

යෝජනා කරන වචන ගන්න තියෙන්නෙ මෙහෙමයි. මුලින් ඉස්සෙල්ල විදියටම සිංහල වචනෙ ගන්නව.. වචනෙ වැරදිනම් backspace එක ඔබන්න. එතකොට ඔය පේනව වගේ චවනෙට තියෙන යෝජනා පෙන්නවා....

සිංහලෙන් ලියුමක් වගේ දෙයක් ටයිප් කරගන්න යන කෙනෙක්ට ලොකු මුදලක් වැය කරන්න වෙනව ලියුම ටයිප් කරගන්න.. මේ වගේ ගැජමැටික් තියෙනවනම් භාවිතයට දන්නවනම් කිසි ප්‍රශ්ණයක් නැතුව ඒ සල්ලි ටික ඉතිරි කරගන්න පුලුවන්.

දැනගන්න දෙයක් තියෙනවා නම් කොමෙන්ටුවක් දාන්න..................... උදව් කරන්න මම සූජානම්.. ඔබේ සැප මගේ සතුටයි..!!

ම‍ගේ AEPONA ගමනය.......................

2011-09-01T09:21:00.000+05:30

මම කර්මාන්ත පුහුණුවට යනකන්ම හිතාගෙන හිටියෙ කොම්පියුටර් මැවිසුරෝ කියන්නෙ.. නිකන් හරියට පුහුණු කරපු පොලිස් බල්ලො වගේ ඇති... උන්ට තියෙන්නෙ target ජීවිත... ඒව කවදාවත් විදින්න පුලුවන් ජීවිත නෙවෙයි විදවන්න තියෙන ජීවිත කියල. ඒත් මම මේ කොම්පැණියට ආවට පස්සෙ ඒ හැම දේම වෙනස් උනා....

මෙන්න මෙහෙමයි කතාව පටන් ගන්නෙ.... මම කොම්පියුටර් පටන් ගත්ත දවසෙ ඉදලම මට ඕන උනේ කාගෙ හරි ජාලයකට රිංගල ජංජාලයක් කරන්න.. ඉතින් ම‍ට ඕන උනා කොහොමහරි ජාල ඉගෙනගන්න..ජාල කිව්වෙ මේ Network නෙ. ඉතින් කොහොම කොහොමහරි කර්මාන්ත පුහුණුවත් ආව කියමුකො... ඉතින් මම මට තෝරගන්න තිබුන කම්පැණි වලින් තෝර ගත්තෙ AEPONAයි තව ජාල කොම්පැණියකුයි.. මම ඉතින් දෙකේම සම්මුඛ පරීක්ෂණ වලට ගියා.. AEPONA එකට යද්දි ඇත්තම කියනවනම් මට මෘදුකාංග විෂය ගැන හොද දැනුමක් තිබුනෙ නෑ.. හොද දැනුමක් තියා දැනුමක් තිබුනෙම නැත්ද මන්ද?? යද්දි හිතාගෙන හිටියෙ AEPONA කියන්නෙ පොඩි මෘදුකාංග දැනුමක්වත් තිබුනෙ නෑ..

සම්මුඛ පරීක්ෂ‍ණේදි දෙයියනේ කියල ඇහුවෙ කලින් දවසෙ ගොඩදාපු ටික.. පරීක්ෂණේදි හිතල කරන්න දීපු වැඩ නිසා කොහොමහරි වැඩේ ගොඩ දාගත්ත. ඉතින් මම තේරුනා කියමුකො.

AEPONA අපේ කැම්පස් ‍එකේ ලමයි අතර එච්චර ප්‍රසිද්ධියක් තිබුන තැනක් නෙවෙයි. මාත් හිතුවෙ ඒක ‍පොඩි කොම්පැණියක් වෙන්න ඇති කියල... ගියාට පස්සෙ තේරුනේ මම කොහොම හරි ඇවිත් තියෙන්නෙ සිරාම පොට් එකකට කියල. මුලු කොම්පැණියටම 120 විතර සෙට් එකක් හිටිය.. අපේ තට්ටුවෙ ඒ කිවුවෙ NaaS Floor එකේ 30-40ක් විතර හිටිය. ඒක ලංකාවෙ තියෙන ලොකුම මෘදුකාංග කොම්පැණියක්. අපි වගේ අන්ඩර්graduateල නොදන්නව උනාට ඒක Industryයෙ සෑහෙන්න ප්‍රසිද්ධ ලොකු එකක්. මම තමා එකම අභ්‍යාසලාභියා ඒ තට්ටුවේ හිටිය.. ගියපු දවස් වල ඇඩිල හිටියෙ මොකෙක් වත් නැති වෙයි කියල සෙට් වෙන්න....

සතියයි දෙකයි ගියේ උන් ඔක්කොම මගේ ස‍හෝදරයො වගේ උනා..... මෙලෝ හසරක දැනුමක් නැතිව ගියපු මම අ... ආ... ඉදලම ඉගෙන ගත්ත... ඇත්තටම ඒකෙ ඉන්න උන් ඩයල්... ගන්නෙත් පට්ට සම්මුඛ පරීක්ෂණයක් තියලනෙ.. ඉතින් ඉගෙනගන්නනම් කියාපු තැන. කැම්පස් එකේදි ඉතින් පොඩි පොඩි code කෑලි ගහගෙන හිටපු අපිට කොම්පැණියෙ තියෙන ලොකු project දැක්කම ඔලුවට පෙට්‍රල් දාල ගිනි තිවුව වගේ... ඒ තියෙන දේවල් ඔක්කොම මට මාස 6නුත් ඉගෙන ගන්න බැරි වුනා. ඒත් ඉතින් දන්න වැඩකිඩ දාල කොහොම කොහොම හරි මං අම්භානෙක දේවල් ඔලුවට දාගත්ත..

කොම්පැණියෙ නෑස් එකේ කට්ටියනම් සිරාවටම හොදයි.. සමහර සමහර කට්ටිය අතරෙ පොඩි පොඩි technical අවුලක් වත් එහේ නෑ. තිබුනත් ඔක්කොමල ඉන්නෙ එක පවුලක් වගේ. හැමෝ අතරෙම හොද සහයෝගයක් තිබුන.. හැමෝම එකිනෙකාට පුදුම ලෙන්ගතුකමකින් සැලකුවෙ තමන්ගෙ සහෝදරයන්ට වගේ.. අපි කාටවත් ඒකෙ නොදන්න දෙයක් තිබුනෙ නෑ. මොකද ඉන්න අයගෙන් කවුරුහරි ඒක දන්නව.. මං වගේ පොඩි ඩයල් එකකට නෙවෙයි ලොකු ලොකු අයටත් ඒ කොම්පැණියෙන් ඉගෙන ගන්න ගොඩාක් දේවල් තියෙනව.. ‍‍

තව දෙයක් ඒකෙ ඉන්න හැමෝම හොදට හිනා වෙලා ඉන්නෙ... හැම තිස්සෙම කාටහරි මඩත් ගිහින් ඒක කොම්පැණියම හිනස්සනවා... (මම එන්න කිට්ටුවෙලා කොම්පැණියට ආපු අක්ක නිසා මුලු නෑස් එකෙන් භාගයක්ම හොදට මඩ නෑව.. ඒව දාලා වෙනම බ්ලොග් එකක් ලියන්න පුලුවන්).. හැබැයි ඔක්කොටම විහිලු තේරෙන නිසා කවුරුවත් ඇස් රතු කරගත්තෙ නම් නෑ.

මට කම්පැණියෙන් එද්දි හිතට සෑහෙන්න අවුල් අඩන්නත් හිතුන ඒත් නොන්ඩිනෙ... කට්ටියටම ඉක්මනට කියල එලියට ඇවිත් අමාරුවෙන් ෂේප් උනා... මම හිතුවටත් වඩා කොම්පැණියේ සෙට් එකට මම සැට් වෙලානෙ. කියන්නනම් දේවල් තව ගොඩක් තියෙනව.. ඒත් ඔය ඇති වගේ....

ආ............... තව දෙයක් තියෙනවා... මට දැන් සිරාවට pool ගහන්නත් පුලුවන්....

රැල්ලෙන් ඔබ්බට......................

2011-09-01T07:42:00.000+05:30

මම බ්ලොග් එකට දාල තිබුන නම ....... විත්තිනේ. මට නිකන් හිතුන ඒක බ්ලොග් එකක නමක් විදියට හරියන්නෙ නෑ වගේ කියල. ඉතින් වෙන නමක් හිතල ඒක දාන්න හදනකොටම මෙන්න ඒක කවුරු හරි ඒගොල්ලොන්ගෙ ‍බ්ලොග් වලට දාල................ ඉතින් අන්තිමේ මේ නම තමයි මගේ හිතට ආවෙ....

මම මේක පටන් ගන්න කොටනම් ටිකක් කයිය දීල පටන් ගත්ත. ඒත් බ්ලොග් එකට ලිපියයි දෙකයි දැම්මෙ...

ඇත්තටම වෙලාව නැතුවමත් නෙවෙයි. වෙලාව නෑ කියල හිතපු නිසා....... කොහොම කොහොම හරි මගේ අදහස ටිකක් විතර අලුත් වෙලා වැඩේ පටන් ගන්න....... කියන්න ගොඩක් දේවල් තියෙනවා...... ලොකු නිවාඩු කාලෙකුත් හම්බ වුනා....... ඒ නිසා ලියන්න පුලුවන් වෙයි කියල හිතෙනවා.

ප්‍රශ්ණෙ තියෙන්නෙ පටන් ගන්නෙ මොකෙන්ද කියල.... ලියන්න ගොඩාක් දේවල් තියෙන කොට එක්ක හිතාගන්න බෑනෙ.. හරියට නිකන් මගුල් ගෙදරක කෑම මේසෙ තියෙන ඔක්කොම ජාති බෙදාගන්න පිගාන ඉඩ මදි උනාම මොනවද බෙදාගන්නෙ කියල හිතාගන්න බෑ වගේ............

ඒත් මොනව හරි ලියල පටන් ගන්නත් එපැයි.... ඒ නිසා හිතුව මම මගේ ජීවිතේ එක කඩඉමක් නවත්තපු තැනකින් පටන් ගන්න..... ලියන්න ඕන AEPONA ගැන....... මොකද ඉංජිනේරු කාලකන්ණි ජීවිතයක් ටිකක් හරි හදපු තැනක් ඒක.

ඔන්න එහෙනම් මගේ බ්ලොග් කෙරුවාව ආයෙ පටන් ගත්ත......................

Cruncher 2011 පරිඝනක ක්‍රීඩා නිර්මාණ තරගාවලිය

2011-06-19T10:07:00.001+05:30

පරිඝනක ක්‍රීඩා කිව්වම ඔබේ මතකයට නිතැතින්ම නැගෙන්නෙ මොන වගේ හැඟීමක්ද? සමහරවිට ඔබ වැඩිහිටියෙක් නම් හිතේවි තමන්ගෙ දරුවට විභාග වලදි ලැබෙන ලකුණු අඩු වෙන්නෙ මේ ක්‍රීඩා වලට ඇබ්බැහි වුණු නිසා කියල. ඔබ තරුණයෙක් නම් ඔබේ මතකයට ඒවි ඔබ මෑතකදි ක්‍රීඩා කරපු ඔබ ආසම කරන පරිඝනක ක්‍රීඩාවෙ දර්ශනයක්. බුද්ධිය මෙහෙයවා ජයගත යුතු තීරණාත්මක අවස්ථා, ලොමු දැහැගැන්වෙන ත්‍රිමාණ සජීවීකරණ අත්දැකීම්, අති නවීන පරිඝනක මෙවලම් ඔබේ මතකයට නැගේවි. කොහොම නමුත් මේ ක්‍රීඩාවලට පවතින ආකර්ෂණය නම් දවසින් දවස එන්න එන්නම වැඩි වන බව නම් පැහැදිලියි.

ඉතින් මෙන්න මේ වැඩිවන ආකර්ශණය සහ ක්‍රීඩාවල නිරත වෙන්න අපේ අයගෙ තිබෙන උනන්දුව වෙනත් මානයක් වෙත ‍රැගෙන ගොස් අපේ රටේ තරුණ බුද්ධිමත් පරපුරටත්, රටටත් නව මාවතක් එළි කරල දෙන්න ශ්‍රී ලංකා ඉංජිනේරු ආයතනයේ (IESL) තරුණ සාමාජිකයන්ගේ අංශය(YMS) කල්පනා කළා. එම සංකල්පනාවේ ප්‍රථිඵලය බවට පත් වුණේ Cruncher 2011 පරිඝණක ක්‍රීඩා නිර්මානය කිරීමේ තරගාවලියයි. ශ්‍රී ලාංකේය පරිඝනක ක්‍රීඩා නිර්මාණය කර ඒවා ලෝක මට්ටමට ‍රැගෙන යාම තමයි ඔවුන්ගේ මූලික අභිප්‍රාය. ඒ හින්දම තමයි ඔවුන්ගෙ තේමාව විදියට make games-make global කියල යොදාගෙන තිබෙන්නෙ. ඒ වගේම තමයි මෙවැනි තරගාවලියක් අපේ රටේ පැවැත්වෙන පළමු වතාවත් මේකයි.

කෙනෙකුට හිතෙන්න පුලුවන් ඇයි මේ වගේ දෙයක් මේ අවස්ථාවෙදි කරන්න ඔවුන් හිතුවෙ කියල. අපේ රටට විදේශ විනිමය ගේන්න පුළුවන් රන් දොර‍ටුවක් විදිහට ඔවුන්(YMS) පරිඝණක ක්‍රීඩා නිර්මාණය කිරීමේ ක්ෂේත්‍රය හඳුනාගෙන තියනවා.. ඔබ විශ්වාස කරනවද ඇමරිකා එක්සත් ජනපදය හොලිවුඩය නැමැති ඔවුන්ගේ අතිශය ජනප්‍රිය සිනමා කලාවට වඩා ආදායමක් ඔවුන් ඔවුන්ගේ පරිඝණක ක්‍රීඩා කලාව තුලින් උපයන බව... ඒ වගෙම 2003 වසරේ සිට 2006 වසර දක්වා සැලකීමේදී පරිඝණක ක්‍රීඩා වල වර්ධන වේගය 17% කටත් වඩා වැඩි ප්‍රමාණයකට පත් වෙලා. මේ වනවිට එය තවත් ඉහල ගිහිල්ලා.. ඔන්න ඕකයි ලෝකය තුල මේවාට තිබෙන ඉල්ලුම... YMS එක කියන්නේ මේ ඉල්ලුම සපුරාලන්න අපිටත් අපේ සම්පත් වලින් දායක වෙන්න පුලුවන් බවයි... ඉතින් ඔවුන්ට අනුව මේක තමයි හොඳම අවස්ථාව මෙවැනි තරගයක් සංවිධානය කරන්න.

ඔවුන් මෙම තරගය සංවිධානය කරන්නෙ IESL මගින් සංවිධානය කරන Techno 2011 කියන වාර්ෂික අධ්‍යාපනික සහ තාක්ෂණික ප්‍රදර්ශනයට සමගාමීවයි. තරගාවලිය පිළිබඳ සියළු තොරතුරු ලබාගන්න පුලුවන් www.cruncher.lk කියන වෙබ් අඩවියට ගියොත්. ඒ වගේම IESL Cruncher 2011 කියන Facebook මිතුරු සමාජයට සම්බන්ධ වෙල තරගය පිළිබඳ නවතම තතු විත්ති දැන ගන්න ඔබට පුලුවන්.

පාසල්(school), විශ්ව විද්‍යාල(undergraduate) සහ විවෘත(open) වශයෙන් තරගකරුවන් මූලික වශයෙන් කොටස් 3ක් යටතේ වර්ගීකරණය කෙරෙනවා. එයින් පසුව ඔවුන් ක්‍රීඩා නිර්මාණකරණයට යොදාගන්න පරිඝනක මෘදුකාංග සහ තාක්ෂණය අනුවත් යම් වර්ගීකරණයක් කෙරෙනවා. ඒ වගේම, පරිඝනක ක්‍රීඩාවක් නිර්මාණය කිරීමට දැනුම නැති, නමුත් නිර්මාණශීලී අදහස් ඇති අයට story board යනුවෙන් තවත් තරගයක් පැවැත්වීමටත් කටයුතු කෙරෙනු ඇති. අපේ රටේ පරිඝනක මෘදුකාංග ඉංජිනේරු ක්ෂේත්‍රයේ ප්‍රමුඛයින් ‍රැසකගේ අධීක්ෂණයට යටත්ව විධිමත් නීති රීති පද්ධතියකින් සමන්විතවයි තරගය ක්‍රියාත්මක වන්නේ. කලින් සඳහන් කළ පරිදි සියලු විස්තර නිල වෙබ් අඩවියෙන් ලබාගන්න පුලුවන්. ලියාපදිංචි වෙන්නෙ කොහොමද, ඉන් අනතුරුව කළයුතු දෑ මොනවාද වැනි අවශ්‍ය කරන සියලු තොරතුරු ඔබට එමඟින් ලබාගත හැකියි.

ඉදිරිපත්වන සියල්ලන්ට වටිනා සහතිකපතක් පිරිනැමීමටත්, ජයග්‍රාහකයන්ට ආකර්ශණීය මුදල් ත්‍යාග පිරිනැමීමටත් කටයුතු සංවිධානය කර හමාරයි. ඒ වගේම සහභාගි වන්නන්ට මෙම ක්ෂේත්‍රය පිළිබඳවත්, නව තාක්ෂණයන් සහ මෘදුකාංග පිළිබඳවත් නව දැනුම ගෙන දෙන වැඩමුළු පැවැත්වීමටත් සංවිධායක මණ්ඩලය අදහස් කරනවා. ත්‍යාග සහ සහතිකපත්‍ර පසෙකට දැමූවත් අපේ රටේ ප්‍රමුඛ මෘදුකාංග ඉන්ජිනේරුවන් සමග කටයුතු කිරීමට ලැබීමම කොතරම් වරප්‍රසාදයක්ද? ඒ වගේම මෙය අති විශිෂ්ට දක්ෂතා ඇති අයෙකුට තම අනාගතය තීරණය වන අවස්ථාවක් වන්නටත් පුලුවන්.

ඒ වගේම ඔබ නිර්මාණය කරන පරිඝනක ක්‍රීඩා අතුරින් යම් ‍තෝරාගත් ප්‍රමාණයක් www.cruncher.lk නිල වෙබ් අඩවිය ඔස්සේ සාමාන්‍ය ජනතාවට බාගත(download) කිරීමට අවස්ථාව ලබා දී එමගින් ජනප්‍රියම ක්‍රීඩාව ‍තෝරා ගැනීමේ තරගයක් පැවැත්වීමටත් අදහස් කර තිබෙනවා. ශ්‍රී ලාංකේය ආරකින් (Sri Lankan touch) නිර්මාණය කෙරෙන අපේ ක්‍රීඩා සඳහා ගෝලීය අවධානයක් ලබාදීමේ පළමු පියවර මෙය වනු ඇති.

ඔබ මීට පෙර ක්‍රීඩා නිර්මාණය කර තිබීම අනිවාර්ය වන්නේ නැහැ. වඩා වැදගත් වන්නේ ඔබ කොතරම් නිර්මාණශීලීද යන්න පමණයි. ඉතින් ශ්‍රී ලංකා නාමය පෙරට ගෙන ගොස් "make games-make global" යන තේමාව අරුත් ගන්වන්නට ඔබත් කැමති නම් නොපමාව Cruncher 2011 සඳහා ලියාපදිංචි වන්න. මේ ඔබේ අවස්ථාවයි...

වැඩි විස්තර සඳහා : ieslcruncher2011@gmail.com
www.cruncher.lk
Lakshitha : 0718359944 Bhathiya : 0772975634 Aabid : 0716390321

සෙනෙහසේ අරුණැල්ල....

2011-01-31T11:43:00.000+05:30

ජාතියක, දේශයක ප්‍රගමනය, සංවර්ධනය උදෙසා තබනු ලබන ප්‍රථම පියවර වනුයේ එම රටවැසියන්ගේ චිත්ත සන්තානයේ, සිතුම් පැතුම් සමුදායේ ඇතිවන්නා වූ සුභවාදි පරිවර්තනයි.දැනුම පුපුරා යන තාක්ෂණික ලෝකයක ඒ දැනුමෙන් මිනිසුන් හුදෙකලා කෙරුණු කුරිරැ යුද්ධයක අපමණ සාහසිකකම්වලින් ඉරිතැලුණු මේ ලක් දෙරණේ අපේම සහෝදරයන්ගේ ජීවිතවලට සාහිත්‍යයේ ගුණ සුවද ලගා කරමින්,මිනිසත් කමේ ගුණ උණුහුම හදුනන ආදරණීය මතු පරපුරක් බිහි කරන්නට සෙනෙහසේ අරුණැල්ල....

අහස පුරා සැරිසරන කුරුල්ලන් විදින නිදහස, කොලපාට යායෙන් ඔබ්බෙහි ඇති නිල් පාට කදු පන්තියේ සැගවී ගිය මල් ගොමුවක සුන්දරත්වය, ඒ මල් වටේ මුකුළු වන මී මැස්සන්ගේ ගුම් ගුම් නාදය විදිනවා වෙනුවට, තුවක්කුවකුත් කරේ එල්ලගෙන ජීවිතේ විදවන්න සිද්ද කළ රුදුරු ත්‍රස්තවාදය නිමා කරමින් සාමයේ හිරු කිරණ වැව් බැඳි රාජ්ජයට, දිගාමඩුල්ලේ ඉන්න අහිංසක දරු පැටවුන්ටත් වැටිලා තියෙනවා. නමුත් තවමත් ලෝකය ගැන ප්‍රචණ්ඩත්වයෙන්, සාහසික ඇහැකින් බලන්න පුරුදු කරපු මේ ළමයි, ඊට හාත්පසින් වෙනස්, සෞම්‍ය සිනාවෙන් පිරුණු, මනුස්සකම උතුරන ලෝකයක් ඇති බව දන්නෙවත් නැතුව ඇති.... සිදාදියේ ගාමන්ට් එකක දණහිස් පොල්කටු දෙක ගෙවෙනකන් මැෂින් පාගන්න, ලොකු බංගලාවක සිකුරිටි කමක් ගන්න ඇරුණම වෙන ජීවිත උරුමයක් ඔවුන්ට ඇති බව ඔවුන් නොදන්නවා වෙන්න ඇති ......

කුරිරු ත්‍රස්තවාදයෙන් බැට කාපු මේ ජීවිත, දුක්ඛ දෝමනස්සයන් එක්කම සැඟවෙන්න්න ඕනෙද? මාර්ටින් වික්‍රමසිංහල, ජයන්ත ධනපාලලා වෙන්න ඕන අය අහස දිහා බලාගෙන හුල්ල හූල්ල බලාගෙන ඉන්න ඕනෙද???

ලෝකෙ කොහෙවත් නැති, අනුන්ගේ කදුලක පිරුණු වේදනාව දැනෙන, උණුවන හදවත් ඇති අපේ රටේ මිනිස්සුන්ගේ කරුණාව මේ මිනිස්සුන්ට ලබා දෙන්න පුළුවන් අවස්ථාව උදා වෙලා තියෙනවා. එදා වේල පිරිමහ ගන්න කෑමක් බීමක්‌ දෙනවට වඩා හැමදාම එකම තැන පල්වෙන ඒ ජීවිත වල වෙනසක් කරන්න පුළුවන් වෙන්නේ පානම්පත්තුව දක්වා ඈතට විහිදෙන ඒ ගම්වල අහිංසක දරු පැටවුන්ගේ හදවත ශක්තිමත් කළොත් විතරයි....ලෝකෙ වෙනස් කරන්න පුළුවන් අපුර්ව ශක්තියක් තමන් තුළම සැගවී තියෙන බවත්, බුද්ධිය හා දැනුමට විශාල වටිනාකමක් ඇති බවත්, දඩු වැටෙන් ඔබ්බෙහි ඇති මහා ලෝකය ජය ගන්න මේවා යොදා ගන්න පුළුවන් බවත් මොවුන්ට වටහල දෙන්න පුළුවන් නම්.....තාරුණ්‍යය කියන්නේ තුවක්කුවක් අරගෙන හතරවටේට වෙඩි තියන එකවත්, නැති වුන පෙම්වතිය වෙනුවෙන් කෘමිනාශක බොන එකවත්, TV එකේ හරි Fm නාලිකාවක හරි කියන එක රැයෙන් ප්‍රසිද්ධ උන සුපිරි තරුවක් වීමවත් නොවෙයි, ලෝකෙට ලොකු දෙයක්, වෙනසක් කරන්න පුළුවන් වගකීමක් ඇති ජීවිතයක් කියල ඔවුන්ට ඒත්තු ගන්නවන්න පුළුවන් නම්.....

ඔය කියන ජීවිත අවබෝධය, ඔවුන් තුල සැගවුණු මහා ශක්තිය අවදි කරන්න පුළුවන් පොත පතට විතරයි. මවු කිරේ රසය ඇති වෙච්ච කථාව, පීදෙන ගොයමක මුහු වෙච්ච දහදිය සුවද, හදවත හා ආත්මයේ ඇති අමිල බව, ඔවුන්ට ඒත්තු ගන්වන්න පුළුවන් සාහිත්‍යයට විතරයි. මේ වටිනාකම ඔවුන්ට වටහල දීල ඔවුන් කියවන්න ඇබ්බැහි කරන්න පුලුවන්නම්...

එත්......කියවන්න පොත් ඕනෙ,පුස්තකාලයක් තියෙන්න ඕනෙ,පුරුද්දක් නැති නිසා පොඩි අභිප්‍රේරණයක්, මඟපෙන්වීමක් ඕනෙ...කියවන්න, කියවන්න දිරිමත් කරන්න ඕනෙ...මේ දේවල් සාර්ථක උනොත් අපේ රටේ හෙට දවස ගැන සැකයක් නැහැ..මොකද, මහා පොලොවේ පන්නරය ලබන ඔවුන් පොත්පත්වල අපුර්වත්වය දැක, දැනුමින් පොහොසත්ව පිරිච්ච මිනිසුන් උනොතින් අනිවාර්යෙන්ම අපිට ලැබෙන්නේ ලෝකයේ හොදම මානව සම්පතයි....

ඉතින් මේ අරමුණ වෙනුවෙන් තමයි සෙනහසේ අරුණැල්ල කැපවෙන්නෙ....තරුණයන් පිරිසක් එකතු වෙලා නිර්මාණය කරපු සංකල්පයක් තමයි සෙනහසේ අරුණැල්ල කියන්නේ ...ඇත්තටම ඔවුන්ට තියෙන්නේ අධිශ්ටානය විතරයි. එත් හෙට දවස වෙනුවෙන් තමන්ගේ රට වෙනුවෙන් තමන්ගේ යුතුකම කොහොමහරි ඉටු කරන්න කැපවෙන්න ඔවුන් අදිටන් කළා.... ඒ අරමුණ යථාර්තයක් කරන්න පුළුවන් සැබෑ මිනිසුන් වෙච්ච ඔබට විතරයි....මොකද සෙනහසේ අරුණැල්ල කියන්නේ එක කොටසයකට අයිති දෙයක් නොවන නිසා...

උපන් බිමට මනුෂත්වයට ආදරේ කරන කාගේත් දෙයක් "සෙනහසේ අරුණැල්ල ".අනිත් අයගේ අඩුපාඩු හොයා හොයා ඒවාට බැන බැන සාප නොකර හෙට රට වෙනුවෙන් පොඩි හරි දෙයක් කරන්න ඔබත් කැමති නම් "සෙනහසේ අරුණැල්ල " වෙනුවෙන් ඔබත් එකතු වන්න...

පෙර දවසක කියවා රස විදපු, ඔබේ ජීවිතයේ වෙනසක් ඇති කරපු, හොද තත්වයේ තිබෙන ළමා කෙටිකථා, ප්‍රබන්ධ, පරිවර්ථන, චරිතකථා ඉතිහාස පොත් ආදිය අපට දෙන්න...ඒ පොත් හෙට දවසේ දී තවත් ජීවිත ගණනාවක පරිවර්තනයක් ඇති කරාවි. සෙනහසේ අරුණැල්ලට ඔබේ සහය නැතිනම් එය යථාර්තයක් වෙන්න නෑ. අපේ රටේ ඉන්න මනුස්සකමට ආදරය කරන ඔබ ගැන විශ්වාසයෙන් තමයි අපි ව්‍යාපෘතිය ආරම්භ කලේ....ඔබ ලබාදෙන පොත් නිසි පරිදි බෙදා දීල ඒ ළමයින්ට කියවීමට පෙලබවීමක් ඇති කරන්න අපි සුදානම්..

ඉතින්...කැමති නම් ඔබේ ආයතනයේ, පාසලේ, පන්සලේ, ගමේ, පවුලේ මිතුරන් මේ කටයුත්තට එක් කර ගන්න ඔබ පෙරමුණ ගන්න,,,අහිංසක ජීවිත වෙනුවෙන් ඒ දෙය මහා පිනක් වේවි.පොත් වලට කාලගුණ සැලකීමක් වේවි.ඔබටත් ඔබේ දරුවන්ටත් මහා ආශීර්වාදයක් වේවි.....ඉතින් ....මේ සෙනෙහෙබර ඇරයුම අප හා එක් වන්න.ඔබ කව්රු උනත් ඔබට මේ වෙනුවෙන් පුංචි හරි උදව්වක් කරන්න පුලුවන්නම් ඒ දෙය අපිට ලොකු හයියියක්‌ වේවි......සැබවින්ම ඔබ අපිට විශ්වාසයි....

තමන් ලැබූ දිවි පෙවතේ

කොටසක් රට සමය වෙතේ

පුද නොකලොත් නුබෙන්පුතේ

මෙලොවට කිසි එලක් නැතේ

වැඩි විස්තර සදහා

senahasearunella@gmail.com

අමතන්න..

අමිල 0716315399

නවින්ද 0714476276

උපුටාගැනීම - http://navifantasy.blogspot.com/2011/01/blog-post_3347.html

සමනලවැව විදුලි බලාගාර ව්‍යාපෘතිය.......

2010-07-31T10:44:00.001+05:30

සමනළවැව ජලාශය

ගිය සතියෙ අපි අපේ ‍ක්ෂේත්‍ර අධ්‍යයනයකට සමනලවැව ව්‍යාපෘතිය බලන්න ගියානෙ. තියෙන්නෙ නම් කොළඹින් සෑහෙන්න දුර. සෑහෙන්න දුර කිවුවට කි.මී. 160ක් විතර. ඒක ඉතා දියුණු විදියට‍ නිම කරපු ව්‍යාපෘතියක්. ඒත් ඒක බලාපොරොත්තු වුන තරම් සාර්ථක වුනේ නෑ කියලයි එහි විදුලි ඉංජිනේරු තුමාගෙ කථාවෙන් පැහැදිලි වුනේ. මොකද ඒක ජලාශය‍ට අලුතින් ලැබුනු ලෝක වාර්ථාවක් නිසා. සමනලවැව ජලාශයේලු තියෙන්නෙ ලොකෙ ලොකුම ජල කාන්දුව. හැබැයි ඒක වේල්ලෙ බැම්මෙන් සිද්දවෙන එකක් නෙමෙයි. වැවේ දකුණු ඉවුරෙන් තමයි ජල කාන්දුව සිද්දවෙන්නෙ.

හරි එහෙනම් මම මුල ඉදලම ව්‍යාපෘතිය ගැන පොඩි විස්තරයක් කියන්නම්කො...........

සමනලවැව ජලාශය පිහිටල තියෙන්නෙ බලන්ගොඩින් බෙලිහුල ඔය පාරෙ හැරිල ටිකක් යන්න ඕන. මේක ලංකාවේ දෙවැනියට විශාලම ජල විදුලි බලාගාර ව්‍යාපෘතිය. හදල තියෙන්නෙ වලවේ ගගයි බෙලිහුල් ඔය යන ගංගා දෙක ආශ්‍රිතවයි. මුහුදු මට්ටමේ ඉදල මී.400ක් විතර ඉහලින් තමයි පිහිටල තියෙන්නෙ. බොහෝ අය කියන්නෙ මේක අසාර්ථක ව්‍යාපෘතියක් කියල. ඒ මේක ජනනය කරන්න බලාපොරොත්තු වුන විදුලි ප්‍රමානය ජනනය කරන්න බැරිවුන නිසා ඒත් මේකෙන් සාර්ථකව මෙ. වො. 120 විදුලියක් ජනනය කරනව.

මේ ව්‍යාපෘතිය පටන් අරන් තියෙන්නේ අසූව දශකයේ අග භාගයේ (1986-1987) මූලිකවම ජල විදුලිය නිෂ්පාදනය පදනම් කරගෙන. ජාතික විදුලිබල පද්ධතියත් එක්ක සම්බන්ධ වෙලා අනූව දශකයේ මුල් භාගයේදී (1991-1992). ලංකාව තුන්වෙනි ලෝකෙ දියුණු වෙන රටක් නෙ. ඉතින් මේකත් හදල තියෙන්නෙ විදේශ ආධාර අරගෙන තමයි. ව්‍යාපෘතියෙ මුලු වියදම ජපාන යෙන් මිලියන 74,313ක් (පටන් ගනිද්ද ව්‍යාපෘති ඇස්තමේන්තුව තිබිල තියෙන්නෙ යෙන් මිලියන 60,176 ඒ වුනාට හදන්නෙ ලංකාවෙනෙ......) මූලිකව මේ ව්‍යාපෘතියට ආධාර කරල තියෙන්නෙ ජපානය, එක්සත් රාජධානිය(එංගලන්ත‍ය) රටවල් දෙක තමයි. ආරම්භයේදී සැලසුම වෙලා තිබිග තියෙන්නෙ මෙ. වො. 240 ක ප්‍රමාණයක් ජනනය කරන්න ඒකට ජලාශයෙන් නල දෙකකින් ජලය ගන්න තමයි සැලැසුම් කරල තිබිල තියෙන්නෙ. ඒත් වේල්ල හදල ඉවර උනාට පස්සෙ තමයි දැනගෙන තියෙන්නෙ දකුණු ඉවුර නිසා විශාල ජල කාන්දුවක් වෙන බව. ඒ හින්ද එක නලයයි යොදා ගෙන තියෙන්නෙ. විදුලි බලාගාරය ඇතුල තට්ටු 3ක් විතර පොලොව මට්ටමෙන් යටට තියෙනව. යටම තට්ටුවෙ තමයි දැතිරෝද - ටබයින් දෙක තියෙන්නෙ ඊට උඩ තට්ටුවෙ විදුලි ජනක දෙක තියෙනව.

වේල්ල සම්පූර්ණයෙන්ම හදල තියෙන්නෙ ගල් පුරවල තලල ගියාම පේනව,වේල්ල ඇතුලත මී.500කට වඩා දිග උමගකුත් තියෙනවලු. ඒවනම් බලන්න යන්න අපිට අවසර ලැබුනෙ නෑ. වේල්ල සම්පූර්ණයෙන්ම මී. 530 ක් දිගයි, ඒ වගේම මී 110ක් උසයි. පිටවාන් දොරටු 3ක් තියෙනව, 3න්ම තත්.කට ඝන මී. 3600ක් පිට කරන්න පුලුවන්ලු. වේල්ල නිසා සෑදුනු ජලාශයෙන් ඝන මීටර් මිලියන 218කට ආසන්න ජල ප්‍රමාණයක් ගබඩා කරල තියාගන්න පුලුවන් කියල තමයි අපට දැනගන්න ලැබුනෙ. ඒ කියන ඝන මීටර මිලියන 218 කියන්නෙ ජලාශයේ ජීවී ධාරිතාව, ඒත් සියල්ලෙම එකතුව ගත්තම ඝන මීටර මිලියන 278ක ධාරිතාවක් රදවා ගැනීමේ හැකියාවක් සමනල වැව ජලාශයට තියෙනව.

මුලු විදුලි බලාගාරය සහ ජලාශය පාලනය වන්නෙ ජාතික විදුලි බල මන්ඩලය මගින් තමයි. මම ඉස්සෙල්ල කිවුව වගේ විදුලි ජනන මධ්‍යස්ථා‍නයේ තියෙනව ටබයින දෙකක් එකක ධාරිතාව මෙ. වො.60-62 ක් විතර වෙනව. එතකොට අවුරැද්දකට ශක්ති ජනනය ගිගා වො. පැය 405ක්ලු.

ජල කාන්දුව

ඊට පස්සෙ අපිට කතා කරන්න වෙන්නෙ කාන්දුව ගැන තමයි. මේ කාන්දුව නිසා තත්.කට ලීටර් 1800ක් විතර කාන්දු වෙනව. මේක නවත්වන්න රජය එක එක විදියෙ උපක්‍රම භාවිත කරල උත්සාහ ගත්තත් අපි යන වෙලාවෙත් කාන්දු වෙනව. ජලාශය පහල ගොවිතැනින් ජීවත් වන මිනිස්සු කියන්නෙ කාන්දුව ඔවුන්ට දේව ආශිර්වාදයක් කියල. නැතිනම් ඔවුන්ට සිද්දවෙනවලු ජලාශයෙන් වතුර නිදහස් කරනකම් බලාගෙන ඉන්න. කියන හැටියට ජලාශයෙන් නිදහස් කරන ජල පරිමා එකතුවෙන් 2/3ක් කාන්දුව නිසා ජලය පහල ජල මාර්ගයට එකතු වෙනවලු. කොහොම වුනත් ඒ කාන්දුව නිසා ජාතික විදුලි බල පද්ධතියට මෙ. වො. 120ක පමණ පාඩුවක් වෙනව.

මේ මම කිවුවෙ සාමාන්‍යයෙන් සමනල වැව ව්‍යාපෘතිය ගැන විස්තර ටිකක් පමණයි..... හොද ඡායාරූප ටිකක් දාන්න විදියක් නෑ මොකද ඡායාරූප ගැනීම තහනම්.

මෙය සාමාන්‍ය දැනගැනීම සදහා පමනීනීනී...................................

අන්තර්ජාලයෙන් ‍චිත්‍රපයටක් Direct බාගත කර ගැනීම......

2010-07-16T18:27:00.000+05:30

දැන් කාලෙ අපි ඔක්කොම කොල්ලො කෙල්ලො අන්තර්ජාතික චිත්‍රපටි වලට ඇබ්බැහි වෙලානෙ ඉන්නෙ...... ගොඩක් වෙලාවට කට්ටිය මේව රෙන්ට් එකට ගන්නව නැත්නම් සල්ලිවලට ගන්නව... බම්බලපි‍ටියෙ තැනක් තියෙනව එතන ගොඩක් චිත්‍රපටි ඩීවීඩී වල ගහල විකුණනව, එකක් රැපියල් 90ක් විතර වෙනව.

තවත් සමහරු කරන්නෙ torrent මාර්ගයෙන් බාගත කරනව, ඒත් එහෙම බාගත කරද්දි ඉක්මණට බාගත කරගන්න පුලුවන් වෙන්නෙ දායකයො ගාන වැඩි උනාම විතරයි.

මම මේ කියන්න හදන්නෙ ඉතා පහසු විදියට කෙලින්ම චිත්‍රපටය බාගත කරගන්න පුලුවන් විදියක් ගැන. අන්තර්ජාලයේ සමහර වෙබ් අඩවි තියෙනව ඒවයෙන් පුලුවන් කෙලින්ම චිත්‍රපටය බාගත කර ගන්න.

RapidShare, MegaUpload, fileserve, ifile.it, MegaShare, Mediafire වගේ අඩවි තව විශාල ප්‍රමාණයක් තියෙනව.

ඒත් ඇයි මෙච්චර අඩවි තිබුනත් මිනිස්සු torrent වලින් චිත්‍රපටි බාගත කරගන්නෙ කියල.. ඇත්තටම මේකයි හේතුව මේ අඩවි වලින් බොහෝ ප්‍රමානයක් තමන්ගෙ අඩවියෙන් මොනවහරි බාගන්න දෙන්නෙ සල්ලි වලට. අපිට ඉතින් ඒ අඩවි වලින් මොනවහරි බාගත කරන්න නම් ඉතින් අපිට වෙනව paypal හරි credit card හරි පාවිච්චි කරල ගෙවන්න වෙනව.

ඒත් මම ඉස්සෙල්ල කියපු අඩවි වලින්  Mediafire කියන්නෙ අසීමිතව නිදහස්ව නොමිලේ ඔවුන් සතු චිත්‍රපටි බාගත කර ගන්න පුලුවන් අඩවියක්. ඒත් ඒ අඩවි ගැන ලංකාවෙ අන්තර්ජාල පරිශීලකයන් දැනුවත් වෙලා මදි. මම දැන් මේ කියපු Mediafire අඩවියේ බොහෝ වෙලාවට චිත්‍රපටි ගබඩා කරල තියන්න විතරයි පාවිච්චි කරන්නෙ. ඒ වගේම තමයි ඒ අඩවියෙන් බොහෝ වෙලාවට බාගත කරන්න පුලුවන් වෙන්නෙ 200MB ප්‍රමාණයේ කොටස් විතරයි. මම දැන් කියන්‍න හදන්නෙ මේ ගබඩා කරල තියෙන චිත්‍රපටි ගැන විස්තර, ඒවයෙ links තියෙන අඩවි ගැන..............................

01. mediafiremoviez අඩවිය
02. YourPcMovies අඩවිය
03. MediaFireFilm
04. tinyrip
05. Downloadsnhacks
06. allmediafirelinks-blog
07. Urgrove.com
08. greatestmoviecollection-blog

   මේ වගේ අඩවි තව විශාල ප්‍රමාණයක් තියෙනව. ඒත් ඔය කියපු අඩවි 8න් ඕන කරන ඔනම චිත්‍රපටයක් වගේ බාගත කරගන්න පුලුවන්. හොයන චිත්‍රපටය හොයද්දි ලේසිම විදිය තමයි..... goole සොයන්නා වෙත ගිහිල්ල ඒකෙ සෙවීම් කවුලුවෙ විත්‍රපටයෙ නම ගහල අන්තිමට mediafire links කියල ඉවර කරන්න. පිළිතුරැ ලෙස එන අඩවි වලින් ඉහත අඩවියකට යන්න. ඊට පස්සෙ ඉතින් වැඩේ ගේමක් නෑ. (මතක තිය ගන්න සමහර වෙලාවට ඔය චිත්‍රපටි කොටස් බාගත කරද්දි password එකක් ඉල්ලනව, ඒක අනිව චිත්‍රපටයෙ විස්තර තියෙන තැන පල්ලෙහායින් ඇති......)

දැන් තියෙන ගැටලුව තමයි බාගත කරගන්න චිත්‍රපටි කොටස් ටික එකතු කරන එක..................... චිත්‍රපටය කොටස් වලට කඩද්දි ඒක, එක එක විදි වලට කඩන්න පුලුවන්. ඔය කියන විදිය බලාගන්න ලේසිම විදිය තමයි ඒ කොටසෙ extension එක බලන එක. ඒව තමයි..................
   .001, .002,..... පිලිවෙලට
   .Z01, .Z02,................
   .part1.rar, part2.rar,............
   .9m1,9m2,........
   තව තියෙනව ඒත් දැන් මට මතක නෑ වෙන විදියක එකත් තිබුනොත් මට විද්‍යුත් තැපෑල මගින් මට දැනුමි දෙන්නකො.......

මේ එක එක විදිය ඒව එකතු කරන්න වෙසන් මෘදුකාංග ඕන වෙනව

      .001, .002,.... - FFSJ

.Z01, .Z02,..... - 7-zip - AlZip

.part1.rar, part2.rar,... - 7 - zip

.9m1,9m2,....... - 9M-FileJoiner

ඔය කියන මෘදුකාංග පාවිච්චි කරල වැඩේ කරගන්න පුලුවන්.... මම ඉතින් ඕව පාවිච්චි කරන හැටිත් කියල දෙන්න ඕන නෑනෙ............. ඒත් අවුලක් තියෙයි නමි මට විද්‍යුත් තැපෑලෙන් පණිවුඩයක් එවන්නකො......

එහෙනම් අපි ගියා...............................

Huaweii මොඩමයක අගුල ඉවත් කරන හැටි..........

2010-07-11T19:01:00.000+05:30

මේ දවස් වල ගොඩක් අය තමන් ගාව තියෙන මොඩම් එකේ අගුල ඉවත් කර ගන්න සල්ලි ගෙවනව කියල ආරංචිය. කොහොම උනත් මට පොඩි බඩුවක් හම්බ උනා. නම Huaweii Unlocker, හැබැයි අයිතිකාරය කවුද කියල දන්නෙ නම් නෑ.හැබැයි හිරුෂාන් කියල නම් ගහල තියෙනව. මටත් හම්බ උනේ ‍බිලොග් එකක තිබිල තමයි හම්බ උනේ නම්.....

මේක Unlock code generator එක්ක, පාවිව්චිය අති ලෙහෙසියි. IMEI අංකය ගහල Calculate ඔබන්න විතරයි තියෙන්නෙ. එතකොට Unlock code එක හම්බවෙනව. ඒ මෘදුකාංගය මේක Huaweii Unlocker භාවිතා කරල බාගත කර ගන්න පුලුවන්.

හරි ඒක බාගත කරගත්ත කියමුකො ඊට පස්සෙ IMEI අංකය ගහල Unlock code එක ගණනය කර ගත්ත කියලත් කියමුකො..... දැන් තියෙන අවුල කොහොමද Unlock කරන්නෙ කොතනද මේ Code එක ගහන්නෙ කියලනෙ....

ඒකට තියෙන ලේසිම විදිය තමයි වෙන ජාතියක Sim Card එකක් දාල මොඩම් එක පරිඝනකයට සම්බන්ද කරන එක...... ඒත් තේරෙන්නෙ නැත්නම් මේ පහල තියෙන බ්ලොග් එක කියවල බලන්නකො.....

http://sadeepasepala.blogspot.com/2010/03/huawei-hsdpa-usb-unlock.html

මේකෙ තියෙනව හුගක් විස්තර මොඩම් Unlock කරන හැටි ගැන......

අපිට ලැබුනු කැම්පස් නිවාඩුව........

2010-02-23T19:01:00.000+05:30

අම්මෝ කාලෙකට පස්සෙ බ්ලොග පැත්තට එන්න පුලුවන් උනේ. කරපු වැඩකුත් නෑ. කොහොම හරි බ්ලොග පැත්තට එන්න මාසකට එහා කල් ගියා... අපේ විභාග ටිකත් තිබුනනෙ ඒත තමයි ගොඩක්ම හේතු වුනේ මේතට එන්න බැරි වෙන්න...

කොහොමෙන් කොහොමහරි අපේ exam නුත් ඉවර වෙලා vaccation කියල එකක් පටන්ගත්ත..... Dictionaryයෙ ඒකෙ තේරුම තියෙන්නෙ නිවාඩු කාලය එහෙම නැත්නම් විරාමය කියල..... ඒත් අපේ කැම්පස් එකේ ඒත් නැත්නම් අපේ department එකේ ඒකට කියන්නෙ නම් නිවාඩු කාලය කියල නෙවෙයි....(department එකේ ඒකට කියන එක හරියට නිර්වචනය කරල නෑ).. කොහොම කොහොම හරි අපිට නිවාඩුවක් ලැබුනෙ නෑ......

ඒ කොහොම හරි අපිට කරන්න වෙලා තියෙන වැඩ ටික අපි සිරාවටම කරන්න හිතාගෙන ඉන්නෙ...... ඊයෙ තිබුන welcome එකත් අපි සිරාවටම කියන්නෙ අයෙ සිරාවටම කරා.... අනිත් department වලට ඈඩෙන්නම දුන්න....... ඒත් ඉතින් උන්ට නිවාඩු අපිට වැඩනෙ.....

බ්ලොගට එන්න බැරිවුන දවස් ටිකේ රටේ වුනේ හරි දේවල්නෙ...... ජනාධිපතිවරනෙ තමයි ඉතින් ලොකුම එක..... සුබ අනාගතයක් වෙනුවෙන් ජනතාව ඡන්දෙ දුන්නලුනෙ........... අනේ මන්ද කොහොම හරි අපේ මිනිස්සු රටට ජනාධිපතිවරයෙත් තෝරගත්ත..... එතුම කොහොම හරි රටේ අලුත් වෙනසක් කරොත් ඈති.......

කොහොම වුනත් රටේ යුධ ජයග්‍රහන පිටිපස්සෙ හිටපු ලොකුම හයිය වෙච්ච ජෙනරාල් සරත් ෆොන්සේකා යුධහමුදාපති තුමාට ආණ්ඩුව කරපු දේ නම් කිසිසේත්ම අගය කරන්න බෑ..... කොටින්න කියනවනම් ඒක් බලුම බලු චීත්ත වැඩක්....... මොනව වුනත් රටට අච්චර සේවයක් කරපු එතුමට ඔයට වැඩිය හොදට සලකන්න තිබුන....... අපි මොනව කරන්නද ඉතින.............

නිවාඩු කාලෙ කියල හිතාගෙන කරන්න වැඩ ගොඩක් දාගත්ත දැන් එකක්වත් කරන්න කම්මැලියි ඈත්තටම කියනවනම් එපා වෙලා තියෙන්නෙ මොනව කරන්නද බැදගත්ත බෙරේ ගහනව.....

අයියෝ ආයෙත් වැඩකට යන්න වෙලා............. එහෙනම් ආයෙ හමුවෙනතම් ගිහින් එන්නම්.............................

තවත් අවුරුද්දක ආරම්භය...................

2010-01-01T09:34:00.001+05:30

හප්පේ 2010 ලැබුව එහෙනම් මේ අවුරුද්ද මුලත් ඉතින් මම කලින් කිවුවා වගේ උදේ පාන්දරම semester end එකට මූණ දෙන්න එපැයි..... මොන මොනව හරි කරල ඉතින් ගොඩ යන්න වෙනව මේ විභාගෙනුත්..... අපේ සහෝදර ශිෂ්‍යයන්ගෙ උදවුවෙන් වත් මොකක් හරි කරගන්න බලන්න ඕන..........

කොහොම කොහොම හරි කලින් මම සුභ පැතුවෙ ලබන්න තිබුන අවුරුද්දකට දැන් ඒක ලැබුවනේ........................ ඒක නිසා මම ආයෙත් හැමකෙනාටම සුබ පතනවා..................

ලැබුවා වූ 2010 වසර කිරියෙන් පැනියෙන් ඉතිරෙන විධායක ජනාධිපතිවරයෙක් නැති සෞභාග්‍යයෙන් පිරැණු වසරක් වේවා....!!!

ගිහින් එන්නම්......

තවත් අවුරැද්දක අවසානය..............

2009-12-31T10:37:00.000+05:30

2009 අවුරැද්දත් ගෙවිල ගියා නේද මොනවද ඈත්තටම මම මේ අවුරැද්දෙ කලේ.....

මුලින්ම පටන් ගමුකො ජනවාරි මාසෙන්, මේ අවුරැද්දෙ මුල තමයි අපේ පළවෙනි semester එකේ විබාගය තිබුනේ ඉතින් අවුරුද්ද පටන් ගත්තෙ පාඩම් කර කර තමයි....... මොන පවකටද පිනකටද මන්ද මේ අවුරැද්ද ඉවර වෙන්නෙත් එහෙමම පාඩම් කර කර තමා. මේ අවුරුද්ද ඈත්තමට මම වගේම අපේ විශ්ව විද්‍යාලෙ සහෝදරයන්ටත් අතිශයෙන්ම වැදගත් වුනා. මොකද අපි මොන ක්ෂේත්‍රයට යනවද කියල තීරණය කරන විභාග දෙකක් නෙ තිබුනෙ. මොකද වෙන කැම්පස් වල වගේ උසස්පෙළ විභාගෙ ලකුනු වලින් නෙවෙයිනෙ අපේ අනාගතය තීරණය කරන්නෙ.

ඈත්තටම ඒක එච්චර හොද ක්‍රමයක් නෙමෙයි................ මොකද දිවයිනේ කුසලතාවය 100 වගේ ගත්ත සමහර අයටත් කැම්පස් එකේදි ලැබුනෙ 500 විතර rank එකක් වැඩ බැරැව නෙමෙයි උන්ට එහෙම උනේ ඉංග්‍රීසි වල අවුල තමයි....... මම දන්නව කඩ්ඩ ප්‍රශ්ණය අපේ කැම්පස් එකටම සීමා වෙච්ච එකක් නෙමෙයි කියල. දෙවියන්ගෙ පිහිටෙන්ද මගේ හැකියාවෙන්ද මන්ද කොහොම හරි දිවයිනෙන් 32 වෙලා ගියපු මම අන්තිමට කොහොමහරි 76 න් බේරැන..... ඒක් නිසා ඈත්තටම මට බුදුසරණයි කියල කැමති දෙපාර්තමේන්තුවට යන්න පුලුවන් වුනා.....

ඈත්තමට ගිය අවුරුද්ද නිමා වුනේ ඈත්තටම නිමා වෙන්නෙ වැඩ ගොඩක් තිබුන වැඩ ගොඩක් කරපු අවුරැද්දක් විදියට ඒත් එක්කම කිසිම නිවාඩුවක් නොතිබුන අවුරුද්දක් විදියට. ලබන අවුරුද්දත් එහෙම වෙවිද මන්ද, අනේ දෙවියොවත් බලල මේ අවුරැද්දෙ හරි නිවාඩුවක් දුන්නොත් ඈත්තතටම මේ ලන්නාවු අවුරුද්දෙ අපිට මාස තුනක නිවාඩුවක් තිබුන.... ඒත් අපේ දෙපාර්තමේන්තුවෙ ප්‍රධානී(Department Head) දෙවියන් විසින් දැනට ඒ නිවාඩුව අපේ දෙපාර්තමේන්තුවට අදාල නෑ කියල හිතල අපෙන් දෙපාර්තමේන්තුවෙන් ඒක අයින් කරලලු......අනේ මන්ද තෝර ගත්තෙ වැරදි ක්ෂේත්‍රයක් කියලත් වෙලාවකට හිතෙනව....... දැන් ඉතින් මොනව කරන්නද ????

අපේ රටේ තිබුන යුද්දෙ ඉවර වෙන එක තමයි මම සහ රටක් විදියට අපේ මිනිස්සු පතපු ප්‍රධාන පාර්ථනාවක් වෙන්නෙ....... ඈත්තටම මේ ඈවුරුද්ද තුලදි ඒක ඉවර වුනා...................... මට මතකයි ඈත්තටම ඒක ඉවර වුන දවස අපි විශ්ව විද්‍යාලෙ ශිෂ්‍යයො ඔක්කොම එදා පරට බැහැල නටල රතිඤ්ඤ පත්තු කරල කෑ ගහල හොදට ජයග්‍රහණය සැමරුව...... එදා ඈත්තමට මොරටුව කටුබැද්ද කැම්පස් එකේම කට්ටියන්ගෙ මුහුණු වල තිබුනෙ පුදුම සතුටක්............. ඈත්තටම එදා දවස මතක් වෙන කොටත් තියෙන්නෙ පුදුම සතුටක්.....

ඒත් මේ අවුරුද්ද ඉවර වෙන කොටම ඒ යුද්දය ජයග්‍රහනය කරන්න වැඩියෙන්ම උර දීපු දෙන්න දෙපැත්තකට වෙලා එකිනෙකාට මඩ ගහගන්නව නේද....? ඈත්තටම මම හිතන්නෙ බලය තියෙන එක්කෙනා එනිත් කෙනාට මඩ ගහනව නේද..... අනේ මන්ද අපිට ඉතින් දේශපාලනය ගැන වැඩි දැනුමක් නෑනෙ....ඒ වැරැද්දත් හදා ගන්න ඕන.. අපේ රට පාලනය කරන්නෙ කවුද කරන්න ඔන කවුද කරන්න ඕන කොහොමද කියන එක ගැන අපි මීට වඩා අවදානයෙන් ඉන්න ඕන කියලයි මම හිතන්නෙ.

ඉස්සෙල්ල කිවුව වගේ මේ ලබන අවුරුද්දත් හොදම එකක් වෙන එකක් නැති වෙයිද මන්ද මොකද semester දෙකකම වැරදුන semester තුනකම විභාග මෙ අවුරුද්දෙ තියෙනවනෙ..... මොනව කරන්නද ඕක මට විතරක් වෙන දෙයක් නෙමෙයිනෙ... කොහොම හරි මේ අවුරැද්දෙ මට වෙච්ච හොදම දේ කියල මම හිතන්නෙ පරඝනක ඉංජිනේරැ අංශයට තේරැන එක..... නරකම දේ කියල හිතන්නෙ අවුරුද්දකින් වයසට ගියපු එක තමයි

තව තව දේවල් ඔය අවුරුද්දෙ සිද්ධ වුනා. ඒව ඔක්කොම මේ වෙලාවෙ මට මතක් වෙන්නෙ නෑනෙ මොනව කරන්නද මතක ටික ඔන්න ඔහෙ ලියල දැම්ම....... මට අන්තිමට කියන්න තියෙන්නෙ.... ලබන්නා වූ 2010 වර්ෂය.........

මටත් ඔබ සැමටත් සුභම සුභ අලුත් අවුරැද්දක් වේවා...............!

කට්ටියටම කියන්නෙ එහෙනම් ගිහින් එන්නම්....................

මගේ ආරම්භයද මේ....................................

2009-12-20T08:46:00.000+05:30

අනේ මන්ද මගේ බ්ලොග් එක පටන් අරන් තියෙන්නෙ ගිය අවුරැද්දෙ නොවැම්බර්ලු................. මට මතක් උනෙත් නෑනෙ.

ධනිකයගෙ බ්ලොග් ලිවිල්ල දැක්කට පස්සෙ මටත් හිතුන මාත් බ්ලොග් එකක් ලිව්වනම් හොදයි කියල.....................
මේක ඈත්තටම සාර්ථක වැඩක් වෙයි කියල මම හිතනව හැබැයි බොරැ කියන්න ඕන නෑ මම වැඩක් පටන් ගත්තොත් සිරාවටම කරනවා. ඒත් ඈත්තටම මේක ලියන්න ලැබෙයිද දන්නෑ මොකද මට තව බ්ලොග් එකක් ලියන්න තියෙනවානෙ.

සිංහලෙන් ලියනව කියන එකත් හෙණ ආතල් වැඩේ නේද.....ඈයි ඉතින් එක සුද්දෙක්ටවත් තේරෙන්නෙ නෑනෙ. ඕන බොරැවක් කියන්න පුලුවන්. මේක ඈත්තටම පට්ට සිරා වැඩක් ඈයි කියන්න ඕන කියල හිතෙන ඕන දෙයක් කියන්න පුලුවන්නෙ. මට කියන්න ඕන දේවල් ගොඩක් තියෙනවා හිමින් සීරැවෙ කියන්නම්කො.

ආ................... දැන් තමයි දැක්කෙ TP අයියත් ලියනව නේද එළ එළ අපිත් ලියනවා......................................

අයියෝ මම කවුද කියල කියන්නවත් බැරි වුනානෙ...........................................

මම වෙනෝද් සමීර සේරසිංහ පතිරන. ගෙවල් තියෙනනෙ මාතර හැබැයි දැනට ඉන්නෙ මොරටුවෙ බෝඩිමක. ඉදගෙන කට්ටක් කනව. ඔයගොල්ලො හිතනව ඈති මම මොරටුවෙ මොකද කියල........... සමහරවිට නොහිතන්නත් ඈති. කමක් නෑ මම මොරටුව විශ්ව විද්‍යාලෙ ශිෂ්‍යයෙක්............................................... ඉතිරි ටික පස්සෙ කියන්නම්.

First Post

2008-11-24T16:01:00.000+05:30

මේක මගේ පළවෙනි ලිපිය බ්ලොග් එකකට ලියපු................ වාක්‍ය දෙකයිනෙ ලියල තියෙන්නෙ....විහිලුවක් කරල වගේ.

This is my first post to my life.This our 08th Lab Session in CS1010.