உள்ளதை சொல்கிறேன்.....

மாணடி சேர்ந்தார்.

noreply@blogger.com (புதுமை பித்தன்) — Fri, 29 May 2020 20:10:00 +0000

மலர்மிசை ஏகினான்.. 

அடைவதற்கரிய பெரும்பேறு என்பது எங்கும் நீக்கமற நிறைந்துள்ள இறைவனை தன்னுள்ளே வாழும் காலத்தில் அறிவதே

உள்ளக் கமலத்தின் கண் வீற்றிருக்கும் இறைவனின் திருவடியை ஒருவர் வாழும் காலத்திலேயே அறிந்து அடைய வேண்டும்!

மாணடி சேர்ந்தார்... 

ஒருவரை பிறவி சுழற்சியிலிருந்து மீட்கும் மாட்சிமை பொருந்திய திருவடியே மாணடி என்பதாகும் !

நிலமிசை நீடுவாழ்வார்...

மாணடி சேர்ந்தவரே இந்த நிலத்தின் மேல் மரணமிலாப் பெருவாழ்வு பெற்றவர் ஆவார். மற்றவருக்கு அது அரிதான செயலாகும்.

அறிவே ஆதியாய் நின்றது .

noreply@blogger.com (புதுமை பித்தன்) — Fri, 29 May 2020 11:01:00 +0000

அறிவே ஆதியாய் நின்றது !

அகரம் என்பது அணு
அணு என்றால் நுண்ணியது என்று பொருள்.

உதலம் { உகரம் } என்றால் விரிவடைகின்ற அல்லது விரிந்து பரந்தது என்று பொருள்

வெளிப்படாது நின்றது அகரம்.
வெளிப்பட்டு நின்றது உகரம்.

தோன்றா நிலை அகரம்.
தோன்றி நிற்பது உகரம்.

ஆதியாய்   நின்ற வறிவு  

முதலெழுத்தோதிய நூலின் பயன் .

அந்த நுண்ணிய அறிவே ஆதியாய் நின்றது .

அகரமும் உகரமும் ஆதியையே முழுமுதலாக கொண்டது. அந்த ஆதியை முதற்றாக கொண்டதே உலகு .

வாலறிவு

noreply@blogger.com (புதுமை பித்தன்) — Fri, 29 May 2020 09:57:00 +0000

வாலறிவு !

கற்றதனால் உண்டாவது நூலறிவு:
இறைவனே வணங்கி அருளநுபவம் பெறுவது வாலறிவு

அறிவில் இரண்டு வகை உண்டு;
நூலறிவு, வாலறிவு என்பன அவை.

பல நூல்களேக் கற்று அதனல் பெறும் அறிவு நூலறிவு;
அது மூளையைச் சார்ந்தது.

அநுபவத்தோடு கூடி இறைவனிடம் ஈடுபடுவது வாலறிவு.
அது இதயத்தோடு ஒட்டியது; ஆன்மலாபத்தைத் தருவது.

கடையிலா அறிவு,
வரம்பற்றஅறிவு,
முழுதுணர்,
வினையின் நீங்கி விளங்கிய அறிவு,
அலகிலா அறிவு,
முற்றறிவு, குற்றமற்ற அறிவு'
எனப் பொருள்படும் எனவும் கூறுவர்.

அளப்பற்கரிய தூய அறிவினை உடையவன் வாலறிவன் ஆவன்.
வாலறிவன் என்று சொல்லப்பட்டதால் கடவுள் அறிவு வடிவினன் ஆகின்றான்.

மணக்குடவர் : "விளங்கிய அடிவினை உடையவன்" என்கிறார்.
பரிமேலழகர் : "மெய்யறிவினை உடையான்" என்கிறார்.
பரிதியார் "மேல் அறிவாளனான சிவன்" என்கிறார்.
காலிங்கர் "மாசற்ற அறிவுருவாகிய இறைவன்" என்கிறார்.

வாவாலறிவை பரை அறிவு என்பாரும் உளர்
கரண அறிவு,
இந்திரிய அறிவு,
ஜீவ அறிவு,
ஆன்ம அறிவு
அதையும் கடந்த
கடவுளின் அறிவை அறிய அருள் வேண்டும்.

அருளால் அறியும் அறிவே வாலறிவு ஆகும்.

அறிதலும் ! புரிதலும் !

noreply@blogger.com (புதுமை பித்தன்) — Fri, 04 Sep 2015 08:45:00 +0000

அறிதலும் ! புரிதலும் !

ஒரு விஷயத்தை அறிந்து கொள்வதற்கும் புரிந்து கொள்வதற்கும் வித்யாசம் உண்டு. அறிந்து கொள்வதற்கு அனுபவம் தேவையில்லை! புரிந்துகொள்வதற்கு அனுபவம் தேவை. ஒரு பழத்தின் சுவையை எப்படியெல்லாம் ஏட்டில் புனைந்தாலும் அதன் சுவையை சுவைத்தாலன்றி அறிய இயலாது! மேலும் பழத்தின் சுவையை கொண்டு அதன் வகையும் ஏராளம். அனுபவித்தவனே இதனை புரிந்துகொள்வான். இதையே ஏட்டு சுரைக்காய் கறிக்குதாவது காண்! என்பர். திருமூலர் ஒரு படி மேலே சென்று பின் வருமாறு உரைகின்றார்...

மகட்குத் தாய்தன் மணாளனோடு ஆடிய
சுகத்தைச் சொல்எனில் சொல்லுமாறு எங்கனே.

அனுபவத்தை ஒருவர் விளக்கமுடியாது. அனுபவமே உண்மை புரிதலுக்கு ஏற்புடையதாகும்! அறம் பொருள் இன்பம் மூன்றிக்கும் உரையுண்டாம். வீடுபேறேன்பது அனுபவமாகும்!

ஒன்றாக காண்பதே காட்சி !

noreply@blogger.com (புதுமை பித்தன்) — Wed, 02 Sep 2015 15:53:00 +0000

ஒன்றாக காண்பதே காட்சி !

பொன் அணிகலன்களாக மாறும்போது அதற்கு பல்வேறு பெயர்களும் பயன்பாடுகளும் உண்டு! இருப்பினும் அவை அனைத்தும் மதிப்பிடும் போது தங்கமே!

ஒரு பக்தர் ஒரு விநாயகர் சிலையையும் ஒரு எலி சிலையும் தலா ஒரு கிலோ எடையில் செய்திருந்தார். கஷ்ட காலத்தில் முதலில் எலி சிலையை விற்றார். பின்னர் விநாயகர் சிலையை விற்க வந்தபோது வியாபாரி அதே தொகையை தந்தார்.

அந்த பக்தருக்கு கோபம் வந்து விட்டது. அந்த வியாபாரியிடம் அவர் என்னய்யா நீர் முதலில் அவர் வாகனத்திற்கு தந்த அதே தொகையையே விநாயகருக்கும் தருகிறாய் ! என கேட்டார்.

அதற்கு வியாபாரி இரண்டும் தலா ஒரு கிலோ எடையே கொண்டிருக்கிறது என விளக்கிறார். இங்கே இருவரின் மனோபாவமும் வெவ்வேறு ! உருவங்கள் வெவ்வேறாக இருப்பினும் அவை மதிப்பிலும் தன எடையிலும் ஒன்றே!

அது போன்று காணும் இந்த உலகவும் காண்பவரும் காட்சியும் ஒன்றே ! ( கனவில் காணும் பொருள்களும் காட்சியும் காண்பவனும் ஒருவனே! அது போன்றே விழிப்புற்ற ஒருவருக்கு இந்த உலகமும் கனவே !)

ஒன்றாக காண்பதே காட்சி !

noreply@blogger.com (புதுமை பித்தன்) — Wed, 02 Sep 2015 15:51:00 +0000

ஒன்றாக காண்பதே காட்சி !

ஒரு சமயம் ஜனக மகாராஜன் ஒரு கனவு கண்டான். கனவில் அவன் வறியவனாகவும் நீண்ட நாள் பசியில் வாடுவதாய் கண்டான். தனது பிச்சை பாத்திரத்தை கூட ஏந்தும் வலுவு கூட அவன் கைகளுக்கு இல்லை ! ஒரு மகராசி இட்ட உணவை கைகளிலிருந்து கீழே தவறவிட்டார். அருகில் இருத்த நாய் ஒன்று அந்த உணவில் வாய் வைத்து விட்டது .

இதை கண்ட அவருக்கு ஆற்றொணாத கோபமும் அழுகையும் வந்துவிட்டது ! கதறி அழுதவாறு படுக்கையிலிருந்து கீழே விழுந்தார். திடுக்கிட்டு விழித்தார். தான் ஒரு மன்னனாயும் தன் அருகே அறுசுவை உணவு இருப்பதையும் காண்டார்.

கனவில் அவர் கண்ட காட்சிகளும் காணும் வரை உண்மை என்பதையும் உணர்ந்தார். எது உண்மை? என்ற கேள்வி அவர் மனதில் எழுந்தது ! வசிஷ்டரிடம் தனது நிலையை விளக்கி ஐயனே! கனவு - நினைவு இதில் எது உண்மை என கேட்டார்.

அதற்கு வசிஷ்டர் ஜனகனே ! எந்நிலையிலும் காண்பவன் ஒருபோதும் மாறுவதில்லை!. காட்சிகளே மாறுகின்றன என்பதை அறிந்துகொள். நீ கண்ட கனவிலும் நினைவிலும் அனுபவிப்பவன் ஒருவனே! அவன் ஒருபோதும் மாறுவதில்லை! அனுபவங்கள் மாத்திரமே மாற்றம் அடைகின்றன,

அனுபவிப்பவனாகிய நீ ஒருபோதும் மாறுவதில்லை! எனவே காண்பது ஒருவனே! அந்த மாற்றம் அடையாத தன்மையில் நீ எப்போதும் நிலைதிருப்பாயாக! என ஆசிர்வதித்தார்.

ஒன்றாக காண்பதே காட்சி.

noreply@blogger.com (புதுமை பித்தன்) — Wed, 02 Sep 2015 15:49:00 +0000

ஒன்றாக காண்பதே காட்சி !

ஒரு பொருளை காணும் போது

அதில் காண்பவன்,

காணப்படும் பொருள் இவ்விரண்டை இணைக்கும் காட்சி

என மூன்று நிலைகள் உண்டு !

தன்னையும், தனது அறிவையும், அறியப்படும் பொருளையும் பகுத்து உணரும்படி நில்லாமல் அறியப்படும் பொருளில் அழுந்தித் தன்னையும் தனது அறிவையும் மறந்து அப்பொருளோடு ஒன்றுபட்டு நிற்கும்போதே இன்ப நுகர்ச்சி உளதாகும். இவ்வுண்மை உலக இன்பத்திற்கும் பொருந்தும்; பேரின்ப நுகர்ச்சிக்கும் பொருந்தும்.

கனவில் பெண்ணிடம் இன்பம் துய்க்கும் நிலையில் இங்கே காண்பவனும் - காட்சியும் - காணப்படும் பொருள் அனைத்தும் (அவனே ) ஒன்றே!

சென்னப் பட்டினத்தின் தொன்மை வரலாறு.

noreply@blogger.com (புதுமை பித்தன்) — Sat, 22 Aug 2015 16:37:00 +0000

சென்னப் பட்டினத்தின் தொன்மை வரலாறு !

கடலும் கரையும் சார்ந்த பகுதிக்கு பட்டினம் என்று பெயர். சென்னப் பட்டினம் என்பதற்கு நல்ல பட்டினம் என்று பொருள்.வேர் சொல் சென்ன கேசவ பெருமாள் என்ற ஆலயம் வழி வந்ததாக இருக்கலாம்! ( சென்னப்ப நாயக்கன் என்பவரின் நினைவாகக் கோட்டைக்கு வடக்கே உள்ள ஊர் சென்னப்பட்டினம் என்று அழைக்கப்பட்டது. ).

2000 ஆயிரம் ஆண்டுகளுக்கு முன்னர் இயேசு நாதரின் பன்னிரு சீடர்களில் ஒருவரான தோமையர் ( Saint Thomas ) கோழிகோடு வழியே வந்து பின்னர் சென்னையில் போதித்த வரலாறு உள்ளது. ( அன்னாரின் அடக்க ஸ்தலம் Saint Thomas Mount யில் உள்ளது ). சமகாலத்திய திருவள்ளுவரின் தோற்ற ஸ்தலமான மைலாப்பூர் உள்ளது. மேலும் திருவள்ளுவரின் பழைய ஆலயம் ஒன்று இங்கு உள்ளது.

பூம்பாவை என்பவர் எழாம் நூற்றாண்டில் மயிலாப்பூரில் வாழ்ந்த பெண்ணாவார். இவர் பாம்பு தீண்டி இறந்து போக, இவரது சாம்பலிலிருந்து திருஞானசம்பந்தர் பதிகம் பாடி உயிர்ப்பித்தார். பூம்பாவை சந்நிதி மயிலாப்பூர் கபாலிசுவரர் சிவாலயத்தில் அமைந்துள்ளது. நெய்தல் நிலம் என்பது ஐந்து வகைத் தமிழர் நிலத்திணைகளில் ஒன்றாகும். கடலும் கடல் சார்ந்த இடங்களும் நெய்தல் என அழைக்கப்படுகின்றன.ஐந்திணைக் கருப்பொருளைக் கூற வந்த இறையனாரின் அகப்பொருள் நூல் ' நெய்தல் திணைக்கு மரம் புன்னையும், ஞாலழும் கண்டலும் " என்று குறிப்பிடுகிறது. கபாலீச்சரம் ஸ்தல விருட்சம் புன்னை மரமாகும்.

இன்றைய கோயில் அண்மைக் காலத்தில் கட்டப்பட்டதாயினும், கபாலீசுவரர் கோயில் மிகவும் பழைமை வாய்ந்தது. மயிலாப்பூர் கடற்கரையோரத்தில் துறைமுகப் பட்டினமாக விளங்கிய காலத்தில் இக் கோயில் புகழ் பெற்று விளங்கியதாகத் தெரிகிறது. பிற்காலத்தில், 16 ஆம் நூற்றாண்டில் போத்துக்கீசர் இப்பகுதியைக் கைப்பற்றி இங்கே ஒரு கோட்டையைக் கட்டியபோது, மயிலாப்பூர் நகரத்தைக் கடற்கரையிலிருந்து உட்பகுதியை நோக்கித் தள்ளிவிட்டதுடன், இக் கோயிலையும் அழித்துவிட்டார்கள். பல பத்தாண்டுகள் கழிந்த பின்னரே இன்றைய கோயில் கட்டப்பட்டது.
(~ தகவல் விக்கிபீடியா.)

நாலாயிரத் திவ்வியப் பிரபந்தங்கள் எனப்படும் வைணவ நூல்களின் தொகுப்பில் நூறு வெண்பாக்களை கொண்டுள்ள மூன்றாம் திருவந்தாதியைப் பாடியவர் பேயாழ்வார். இவரின் தோற்ற ஸ்தலம் மைலாப்பூர் .

பட்டினத்து அடிகள் வழிபட்ட திருஒற்றியூர் கோயில் மிக தொன்மையானது. இவரது காலம் கி.பி. 10 - ஆம் நூற்றாண்டின் தொடக்கமாகும்.

திரு அல்லி கேணி பார்த்தசாரதி கோயில் (பெருமாள் கோயில்) 8ஆம் நூற்றாண்டின் இந்து வைஷ்ணவக் கோயில்களில் ஒன்றாகும். வைணவர்களின் 108 திவ்விய தேசங்களில் ஒன்று. இக்கோயில் முதலில் 8ம் நூற்றாண்டில் பல்லவ மன்னனான ராஜா முதலாம் நரசிம்மவர்மன் மூலம் கட்டப்பட்டது.

காரைக்காலம்மையார் கி.பி. 300-500 ஆகிய காலப்பகுதியில் வாழ்ந்தவர் என அறிஞர்கள் கருதுகிறார்கள். இசைத் தமிழால் பாடியவர்களில் இவரே முதலாமவர். ஒரு பாடலின் இறுதி வார்த்தையை அடுத்த பாடலின் முதல் வார்த்தையாகப் பயன்படுத்தி எழுதும் அந்தாதி முறையை முதன்முதலில் அறிமுகப் படுத்தியவரும் இவரே. இவரின் அடக்க ஸ்தலம் திருவலங்காட்டில் உள்ளது.

திருமுல்லை வாயில் திருக்கோயிலில் சோழமன்னர்களில், பரகேசரிவர்மன் உத்தமசோழன், முதலாம் இராசேந்திர சோழன், மூன்றாங் குலோத்துங்கன், மூன்றாம் இராசராசன் இவர்கள் காலங்களிலும்; பாண்டிய மன்னர்களில் ஜடாவர்மன் திரிபுவனச் சக்கரவர்த்தி பாண்டியதேவன் காலத்திலும்; விசயநகர வேந்தர்களில் ஹரிஹரராயர் II, இரண்டாம் தேவராயருடைய தம்பி பிரதாப தேவராயர், வீரப்பிரதாபபுக்க ராயர், வீரப்பிரதாப மல்லிகார்ச்சுன தேவமகாராயர் இவர்கள் காலங்களிலும் செதுக்கப்பட்ட கல்வெட்டுக்கள் இருக்கின்றன. இவைகளன்றி, பார்த்திவேந்திரவர்மன் காலத்திலும் பொறிக்கப்பட்ட இரண்டு கல்வெட்டுக்கள் உண்டு.

மழவரையர் மகளாரும், கண்டராதித்த பெருமாள் தேவி யாரும், ஆகிய செம்பியன்மாதேவியார், புழற்கோட்டத்து அம்பத்தூர் நாட்டு அம்பத்தூர் ஊராரிடமிருந்து நிலம் வாங்கி, இத் திருமுல்லை வாயில் கோயிலுக்கு உத்தமசோழ தேவரின் பதினான்காம் ஆட்சி யாண்டில் கொடுத்துள்ளனர். மண்டபத்துத் தூணில் உள்ள முதலாம் இராசேந்திரசோழ தேவன் கல்வெட்டு, அந்த மண்டபம் கட்டப் பட்டதைக் குறிப்பிடுகின்றது.

இது போன்றே வியாசர்பாடி திருவான்மியூர் கோயம்பேடு போன்ற இடங்களின் செய்திகள் மிகவும் தொன்மையானது. பல்லவர்கள் கால சிற்பங்களும் கடல் கொண்ட ராயபுரம் விஸ்வநாதர் ஆலயமும் காலத்தை பறை சாற்றுபவை. பற்பல கடற்கோள்களால் ( சுனாமி ) இதன் வரலாறு கிடைக்கவில்லை. இதன் பாதிப்பை உணர்ந்த மன்னர்கள் தங்களின் தலைநகர்களை இக்கரைகளை தவிர்த்தே அமைத்தனர்.

நெய்தல் நிலத்தை சார்ந்த மீனவ குடிகளே இதன் ஆதி மக்கள்!

அழுகை என்பது அவமானமல்ல!

noreply@blogger.com (புதுமை பித்தன்) — Sat, 22 Aug 2015 16:05:00 +0000

அழுகை என்பது அவமானமல்ல...

வெளிகாட்ட முடியாத உணர்வுகளின் உண்மை வெளிப்பாடு அது.

உங்கள் கண்ணீர் துளிகளை ஒருபோதும் மறைக்காதீர்கள் ! அவை சிந்தட்டும்....

மேலும் அவை நீங்கள் இயல்பாக மிக எதார்த்தமாக இருப்பதற்கான அடையாளம் !

அன்பின் உண்மை !

noreply@blogger.com (புதுமை பித்தன்) — Sat, 22 Aug 2015 16:00:00 +0000

அன்பின் உண்மை !

மலரின் அழகு உங்களை கவர்த்தால் அதை பறித்து விடாதீர் !

மாறாக அதனை செடியிலேயே விட்டுவிடுங்கள் !

ஒருவேளை அதன் மீது உங்களுக்கு அன்பிருந்தால் ....

ஏனெனில் பறித்தவுடன் அது வாடிவிடும் ! செடியிலில் இருந்தால் இன்னும் சில நாட்களுக்கு அதன் ஜீவிதம் உங்கள் கண்களுக்கு விருந்தளிக்கும்!

உண்மையான அன்பு என்பது எதையும் தனதாக்கிக் கொள்வதல்ல! உண்மையான அன்பு என்பது எதையும் போற்றி பாதுகாப்பதே !

~ அன்பன் ஓஷோ.

கற்றதனால் ஆய பயன்!

noreply@blogger.com (புதுமை பித்தன்) — Fri, 31 Jan 2014 17:43:00 +0000

கற்றதனால் ஆய பயன்!

பார்வை கேள்வி முகர்வு சுவை பரிசம் சிந்தை முதலிய அறிவுகளுக்கு ஆதாரமாய் விளங்கும் தன் சுய சொரூபத்தை அறிந்து ( உணர்ந்து ) கொள்வதே கல்வின் உண்மை பயன். புலன்களின் வழியே பெறுகின்ற அறிவு மாத்திரம் ஒருவனின் பிறவி பயனை அடைய செய்வதில்லை!

"கள்ள புலனைந்தும் காளாமணி விளக்கே!" என திருமந்திரமும்
"கள்ள புலனைந்தும் வஞ்சனையை செய்ய" என மாணிக்கவாசகரும் உரைப்பதை காணலாம்.

ஒருமையின் கண் தான் கற்ற கல்வி என்பது கண்ணுக்கு கண்ணாக காதுக்கு காதாக ஒவ்வொரு அறிவிற்கும் ஆதாரமாய் நிற்கின்ற அந்த ஒருமையின் கண்ணான தூய.அறிவை (வாலறிவை ) அறிவதாம்! கண்ணுக்கு ஆதாரமாய் நின்றாலும் கண்ணால் அதை காண முடியாது.மற்ற அறிவுகளின் நிலையும் அதுவேயாம்.

அறிகின்ற அறிவுகளுக்கு அப்பாலாய் தனித்து நிற்பதே தூய அறிவாம். அதுவே ஒருவனது உண்மை சொரூபம். இதனையே திருமூலர் கல்வியின் அதிகாரத்தில்

"குறிப்பறிந் தேன் உடலோடுயிர் கூடிச்
செறிப்பறிந் தேன்மிகு தேவர் பிரானை
மறிப்பறி யாதுவந் துள்ளம் புகுந்தான்
கறிப்பறி யாமிகுங் கல்விகற் றேனே. "

"நிற்கின்ற போதே நிலையுடை யான்கழல்
கற்கின்ற செய்மின் கழிந்தறும் பாவங்கள்
சொற்குன்றல் இன்றித் தொழுமின் தொழுதபின்
மற்றொன் றிலாத மணிவிளக் காமே."

என்றும் கல்வின் உண்மை நிலையை விளக்குகிறார்.

"கற்றதனால் ஆய பயனென்கொல்
வாலறிவன் நற்றாள் தொழாஅர் எனின்".
என இதனையே வள்ளுவரும் வழிமொழிகின்றார்.

ஒருமையின் கண் தான் கற்ற கல்வி என்பதன் உண்மை பொருளை அறிந்து உணர்ந்து நிற்பதே கல்வியின் உண்மை பயனாம்!

குறளும்! மறைப்பொருளும்!

noreply@blogger.com (புதுமை பித்தன்) — Wed, 29 Jan 2014 17:52:00 +0000

எழுத்துக்கள் அனைத்தும் புள்ளியை ( அகரம் ) ஆரம்பமாகவும் ஆதாரமாகவும் கொண்டது. அனுபவத்திற்கு இடமான இந்த புவனமும் அனுபவிப்பதற்கு ஆதாரமான இந்த உடலும் ஆதியாய் நின்ற வாலறிவையே முதலாக கொண்டது ஆகும்.

அகரமும் உதலமும் முதலான பொருள் ஆதி!

உலகு என்ற சொல் இந்த பிரமாண்டத்தையும் உடலையும் குறிக்கும்.

இதையே தாயுமானவரும்

"தன் அருள் வெளிக்குள்ளே
அகிலாண்ட கோடி எல்லாம்
தங்கும்படி இச்சை வைத்து உயிர்க்கு உயிராய்த்
தழைத்தது எது? "

என அகிலமாகவும் உயிருக்கு உயிராய் நின்று தழைத்தது "ஆதியாய் நின்ற அறிவு" என சுட்டுகிறார்.

அறிவை வணங்குவதே ஆயுத பூஜை!

noreply@blogger.com (புதுமை பித்தன்) — Mon, 14 Oct 2013 07:30:00 +0000

தமிழும் ஆய்த எழுத்தும்!
தமிழ் எழுத்துக்களில் உயிர் எனவும் மெய் எனவும் உயிர்மெய் மற்றும் ஆய்தம் என எழுத்து வகைகள் உண்டு. இதில் ஆயுத எழுத்து என்பது மூன்று புள்ளிகள் மாத்திரமே! இந்த மூன்று புள்ளிகளை ஏன் ஆயுத எழுத்து என்று அழைத்தனர்? ஆயுதம் என்றால் காப்பது என்று பொருள். இந்த மூன்று புள்ளிகள் எதை காக்கிறது?

அகரம் உதல எழுத்தெல்லாம் ஆதி
பகவன் முதற்றே உலகு.

அகரம் என்ற சொல்லிற்கு புள்ளி (ஆதியாய் நின்ற அறிவு) என்று பொருள். அதுவே விரிந்து உகரமாகவும் மகரமாகவும் உள்ளது. மூன்றும் ஏகமாய் நின்ற நிலை ஓங்காரமாகும். இந்த மூன்று புள்ளிகளும் சூரிய,சந்திர அக்னி கலைகளை குறிக்கிறது. இந்த அக்னி கலையில் உதித்தவனே வேலாயுத தமிழ் கடவுள்.

பதினாறும் பெற்று பெருவாழ்வு வாழ்க! என்பது தமிழ் மரபு. உகரமாகிய சந்திர கலை பதினாறாகும். உகரமாகிய அருளில் நின்றதால் குமரன் சக்தி வேலவனானான். எச்செயலையும் தொடங்குவதற்கு முன் பிள்ளையார் சுழியாய் இந்த உகரத்தை இடுவதுண்டு. மேலும் இந்த கலைகளை பற்றிய அறிவே கலாசாரம் எனப்பட்டது.

இந்த மூன்று புள்ளிகளும் ஆதியாய் நின்ற அறிவின் குறியீடுகள் ஆகும். அறிவே கலைகளின் இருப்பிடம். மனிதனை ஞானத்தின் எல்லைக்கு அழைத்து செல்லும் வாயில். ஆயுத பூஜை என்பது ஆயுதங்களை வணக்குவதல்ல! அவற்றை செயல்படுத்தும் அறிவை வணங்குவதே!

தெரியாததைப் பேச வேண்டாம்!

noreply@blogger.com (புதுமை பித்தன்) — Fri, 04 Oct 2013 17:35:00 +0000

புத்தர் வாழ்ந்த காலத்தில் சாரிபுத்தர் என்ற துறவி இருந்தார்.

ஒருமுறை புத்தரைக் காண வந்த சாரிபுத்தர், உங்களைப் போல ஒரு புத்தரை இதுவரை நான் கண்டதில்லை. உங்களைப் போல அறிவிலும் ஞானத்திலும் சிறந்தவர் வேறொருவர் உலகில் இல்லை.'' என்று புகழ்ந்தார்.

புத்தரும் அவரிடம், ""அருமையாகச் சொன்னீர். இதற்கு முன் வாழ்ந்த புத்தர்களைப் பற்றியும், அவர்கள் வாழ்ந்த விதம் பற்றியும் கொஞ்சம் சொல்லுங்களேன்,'' என்று கேட்டார். மறுமொழி ஏதும்பேச முடியாமல் சாரிபுத்தர் தயங்கி நின்றார்.

""அது சரி! பரவாயில்லை! என்னைப் பற்றியாவது சொல்லுங்களேன். நான் எப்படி வாழ்கிறேன் என்றாவது சொல்லுங்கள்?'' என்றார். அதற்கும் சாரிபுத்தர் அமைதி காத்தார்.

அப்போது புத்தர் தெரிந்ததைப் பற்றி பேசுவதும், தெரியாத விஷயத்தில் மவுனம் காப்பதும் தான் சிறந்தது. அறிவிலும் ஞானத்திலும் சிறந்த சாரிபுத்தரும் புத்தரின் அறிவுரையை ஒரு நண்பரைப் போல ஏற்றார்.

உனக்கும் அது சாத்தியமே!

noreply@blogger.com (புதுமை பித்தன்) — Fri, 04 Oct 2013 17:31:00 +0000

நீயும் என்னை போன்றவன்.
நான் புத்தனாக முடியும் எனில் உனக்கும் அது சாத்தியமே!
நீ கவலைப்பட தேவை இல்லை. ஞானத்தை பெறுவதென்பது ஒரு சிலருக்கு மட்டும் விதிக்கப்பட்டதல்ல! அது உன்னுடைய பிறப்புரிமை.

இயல்பானதை கற்றுக்கொள்ள வேண்டியதில்லை!

noreply@blogger.com (புதுமை பித்தன்) — Fri, 04 Oct 2013 17:19:00 +0000

இயல்பானது எல்லாம் இயற்கை!
இயல்பற்றது செயற்கை!
இயல்பானதெல்லாம் இறைவனிடமிருந்து வந்தது.
செயற்கையானவை மனிதனிடம் இருந்து வருவது.
நீங்கள் இயல்பானதை கற்றுக்கொள்ள வேண்டியதில்லை!
இயல்பற்றதை கற்றுக் கொள்ளாதிருந்தால் போதும்!

நீங்கள் வாசிக்க வேண்டிய புத்தகம்!

noreply@blogger.com (புதுமை பித்தன்) — Fri, 04 Oct 2013 17:15:00 +0000

நீங்கள் வாசிக்க வேண்டிய புத்தகம்!

உங்கள் வாழ்க்கை என்ற புத்தகம்தான்!
அதை கற்று தெளிவதே உண்மையான அனுபவம் மற்றும் அறிவு.நீங்கள் வேதங்களையும் உபநிடதங்களையும் விட்டு தள்ளுங்கள். அவற்றை பற்றிய கவலை வேண்டாம்! வாழ்க்கையில் புகுந்து பாருங்கள் அதுவே உண்மையான வேதம்!

"நான்" இல்லாது போகட்டும்!

noreply@blogger.com (புதுமை பித்தன்) — Fri, 04 Oct 2013 17:12:00 +0000

அனுபவிப்பனாகிய "நான்" இல்லாது போகட்டும்!

புத்தர் உடைமைகளை விடுங்கள் என்று சொல்லவில்லை. உடைமையாளரை விடுங்கள் போதும் என்கிறார். காரணம் ஒன்றை விட்டால் இன்னொன்றை பெற உடைமையாளனால் முடியும்! எல்லா துன்பங்களுக்கும் இந்த அகந்தையே (நான்) காரணம் எனவே அகந்தையை விட்டு வாழ! என்கிறார். எனவே பொருள்கள் இருக்கட்டும். பொருள்களை அனுபவிப்பவன் இல்லை என்றாகட்டும்!

ஆராயும் இடத்து நான் இல்லாது போகும் என்பதை உன் அனுபவத்தில் ஆராய்ந்து உணர்ந்து கொள்! இது என் அனுபவம்!

~புத்தர்.

குறிக்கோள் என்றும் எதுவும் கிடையாது!

noreply@blogger.com (புதுமை பித்தன்) — Fri, 04 Oct 2013 17:07:00 +0000

குறிக்கோள் என்றும் எதுவும் கிடையாது!

குறிக்கோள் என்பது கற்பனையானது. கற்பித்துக் கொள்வது. நாம்தான் அதனை உருவாக்குகிறோம். ஆனால் அதுவோ துயரத்தையும் அச்சத்தையும் மன இறுக்கத்தையும் நமக்கு ஏற்படுத்தி விடுகிறது. குறிக்கோளை நோக்கி செல்பவர் பண்பாளர் என்றும், குறிக்கோள் அற்றவர் அர்த்தமற்றவர் என்றும் தீர்மானிக்கின்றோம்!

குறிக்கோளை விடுங்கள். புண்ணியாத்மாக்கள் .பாவாத்மாக்கள் என்கிற பேதம் ஒழியும். உயர்ந்தவர் தாழ்ந்தவர் என்கிற வேற்றுமை மறையும். மதிப்பீடுகளை தூக்கி எறியுங்கள். சொர்க்கம்,நரகம் என்று ஏதும் இருக்காது.

போகிற இடமென்று ஏதும் இல்லை. போகிறவர் யாரும் இல்லை! குறிக்கோள் என்பது எதிர்காலம் பற்றியது. எதிர்காலத்தின் மீது நமக்கு எப்போதும் ஆர்வம். அந்த ஆர்வத்தில் நிகழ்காலத்தை இழந்து விடுகிறோம்!

~ கௌதம புத்தர்

வரமா! சாபமா!

noreply@blogger.com (புதுமை பித்தன்) — Tue, 20 Nov 2012 19:15:00 +0000

மனிதனுக்கு அளிக்கப்பட்ட மாபெரும் கொடையே அவனது மனம்! அதை வரமாக்கி கொள்வதோ அல்லது சாபமாக்கி கொள்வதோ அவரவரது செய்கையை பொறுத்தது! செயலுக்கு ஆதாரமான எண்ணமே அனைத்திற்கும் காரணமாக அமைகிறது. நன்றும் தீதும் பிறன் தர வாரா என்பது ஆன்றோர் வாக்கு. நன்மை அளிக்கும் எண்ணமும்,சொல்லும் செயலையுமே பெரியோர்கள் அறம் என்றழைத்தனர். செய்வன செய்தலும் செய்யாதன செய்யாதிருத்தலுமே அறம் என தொல்காப்பியமும் சான்று பகர்கின்றது. புலனின்பத்தால் மனதில் தோன்றும் காமம் வெகுளி மயக்கமுமே அதை மாசுபடுத்துகிறது. மாசற்ற மனமே அறத்திற்கேல்லாம் தலையாயது என்பதை வள்ளுவமும் வழிமொழிகிறது! அத்தகைய அறத்தை தானே உவந்து மேற்கொள்வதே சிறப்பு என்பதை அவ்வையும் ஒற்றை வரியில் அறம் செய்ய விரும்பு என்கிறார். ஆக மனதை வரமாகிக்கொள்ள வழி இதுவே!

உள்ளதை சொல்கிறேன்.....: விஷய அறிவே ஞானத்திற்கு தடை

noreply@blogger.com (புதுமை பித்தன்) — Mon, 22 Oct 2012 16:38:00 +0000

உள்ளதை சொல்கிறேன்.....: விஷய அறிவே ஞானத்திற்கு தடை

இதுதான் அன்பின் வெளிப்பாடு!

noreply@blogger.com (புதுமை பித்தன்) — Sun, 30 Sep 2012 18:07:00 +0000

அன்பை பற்றி போதித்த குரு தன் சிடர்களுக்கு அது எவ்வாறு விளங்கியுள்ளது என்பதை அறிய அந்த நான்கு பேரையும் அன்பின் வெளிப்பாடாக ஏதேனும் கொண்டு வாருங்கள் என்று அனுப்பினார். ஒரு மாணவர் கையில் மலருடன் வந்தார். இரண்டாவது மாணவர் ஒரு வண்ணத்துப் பூச்சியுடன்வந்தார். மூன்றாவது மாணவர் சிறு பறவையின் குஞ்சுடன் வந்தார். நான்காவது மாணவர் வெறுங்கையுடன் வந்தார். நீ மட்டும் எதுவும் கொண்டு வரவில்லையே ஏன்? என்று கேட்டார் அந்த குரு

அந்த மாணவர் சொன்னார். நானும் மலரைப் பார்த்தேன்பறிக்கவேண்டும் என்றுதான் தோன்றியது ஆனால் மலர்செடியில் இருப்பதுதான் அழகு என்றும் தோன்றியதுஅதனால் விட்டுவிட்டேன். வண்ணத்து பூச்சியையும் பார்த்தேன். அதன் சுதந்திரமானவாழ்க்கையைப் பறித்துவிடக்கூடாது என்றுவிட்டுவிட்டேன். பறவையின் சிறுகுஞ்சையும் பார்த்தேன். அந்தக் குஞ்சை எடுத்து அதற்கு என்ன கொடுத்தாலும் அதற்கான தாயன்பை யாராலும் கொடுக்கமுடியாது என்று விட்டுவிட்டேன் என்றார்.

குரு மற்ற மூன்று மாணவர்களிடமும் சொன்னார் இதுதான் அன்பின் வெளிப்பாடு!

அடுத்தவர் சுதந்திரத்தில் தலையிடாமல் இருப்பதே உண்மையில் அன்பின் வெளிப்பாடு!

noreply@blogger.com (புதுமை பித்தன்) — Thu, 21 Jun 2012 03:54:00 +0000

ஒ! இறைவனே!
ஒரு முறை என்னிடம் ஆயிரம் விருப்பங்கள் இருந்தன.
ஆனால் உன்னை உள்ளது உள்ளபடி அறியவேண்டும் என்ற
ஒரே ஆசையில் மற்ற அனைத்து விருப்பங்களும் கரைந்துவிட்டன. ~ரூமி

வெளிப்பாடு!

noreply@blogger.com (புதுமை பித்தன்) — Thu, 21 Jun 2012 03:48:00 +0000

மனிதன் அறியாமையில் இருப்பதை
விரும்புவதால் தான் அறியாமையில் இருக்கிறான்.
மேலும் அவனிடமிருந்து அதுவே வெளிப்படும்.

உண்மையை விரும்புபவனே உண்மையை அடைகிறான்.
மேலும் அவனிடமிருத்து உண்மையின் அறிவே பிரகாசிக்கிறது!

எல்லாம் எண்ணங்களே!

noreply@blogger.com (புதுமை பித்தன்) — Thu, 21 Jun 2012 03:45:00 +0000

எல்லாம் எண்ணங்களே!

உங்களின் தற்போதைய நிலை
உங்களின் எண்ணங்களால் ஏற்பட்டது.
மேலும் உங்களின் வருங்கால நிலையையும்
உங்கள் எண்ணங்களே நிர்மாணிக்கும்.