தமிழ் அறிவி

This page is under construction

2017-05-12T17:39:00.002-07:00

This page is under construction

This page is under construction

2017-05-12T17:38:00.002-07:00

This page is under construction

This page is under construction

2017-05-12T17:36:00.005-07:00

This page is under construction

தமிழில் ஏன் பெயர் வைக்கவேண்டும்?

2017-05-01T02:01:00.002-07:00

தமிழர்கள் குழந்தைகளுக்குத் தமிழில் ஏன் பெயர் வைக்கவேண்டும்? இந்த கேள்வியே சற்று அபத்தமாக தோன்றலாம். ஆனால், இன்றைய சூழல், இந்தக் கேள்வி அவசியமானது என்பதை உணர்த்துகிறது. ஒரு பக்கம் பெயரில் என்ன இருக்கிறது என்று தோன்றினாலும், இன்னொரு பக்கம் பெயர் என்பது நம் அடையாளம் இல்லையா என்றும் யோசிக்க வேண்டி இருக்கிறது.

உலகின் தொன்மையான மொழி, உலகில் வாழும் செம்மொழி, சங்கம் வைத்து வளர்த்த மொழி, இயல்-இசை-நாடகம் என மூன்றிலும் வளர்ந்த மொழி என மிகப்பெரிய வரலாறு இந்திய மொழிகளில் தமிழுக்கு மட்டுமே உண்டு.

இப்படி நாம் பெருமைப்பட வேண்டிய சூழலில், இன்று நாம் எப்படி இருக்கிறோம் என்று யோசித்துப்பார்த்தால் வேதனையாக தான் இருக்கிறது. தமிழின் சுவை அறியாமல் பிற மொழிகள் மீதான மோகம் இன்னமும் தமிழர்களை விடவில்லை.

குறிப்பாக ஆங்கில மோகமும், வடமொழி மோகமும் இன்னமும் குறையவில்லை. "ஆங்கிலம் என்பது அறிவல்ல, அது மொழி மட்டும் தான்", "இந்தி தெரியாததால் நாம் ஒன்றும் குறைந்து போய்விடவில்லை" என்பதையும் திரும்பத் திரும்ப சொல்லும் அளவுக்கு இங்கே தாழ்வு மனப்பான்மை தமிழர்களிடையே நிலவுகிறதோ என்ற அச்சம் ஏற்படுகிறது.

தமிழர்கள் தங்கள் குழந்தைகளுக்கு பெயர் வைக்கும் வழக்கத்துக்கு வருவோம். குழந்தை பிறக்கப் போகும் சமயத்தில் அல்லது பிறந்தவுடன் உங்கள் நண்பர்களிடம் இருந்து "ஏதாவது நல்ல பெயரா சொல்லுங்களேன்?" என்ற கேள்வியை நீங்கள் கேட்டு இருக்கலாம். நீங்கள் உடனே அவசரப்பட்டு பெயர்களைச் சொல்லிவிட முடியாது. நீங்கள் அடுத்து எந்த எழுத்தில் ஆரம்பிக்கும் பெயர்கள் என்று கேட்கவேண்டும். ஏனென்றால், ஜோசியக்காரர், "இந்தெந்த எழுத்தில் வைத்தால் குழந்தை டாப்பாக வரும்!" என்று சொல்லி இருப்பார். அதனால், அந்த எழுத்தில்தான் நீங்களும் சொல்லவேண்டும். சிலர், ஷ,ஸ்ரீ,ஹ என்று ஆரம்பிக்கிற மாதிரி தமிழ்ப் பெயர் சொல்லுங்க என்று கேட்டு இருக்கிறார்கள். இவை வடமொழி எழுத்துகள் என்ற புரிதல் கூட இங்கே பலருக்கு இருப்பது இல்லை. வடமொழி எழுத்துகளை பெயரில் வைப்பதும், வடமொழி பெயர்களை வைப்பதும் பரவலாக தமிழ்நாட்டில் நடந்துகொண்டு இருக்கிறது. இதற்கு ஜோசியம், நியூமராலஜி, நேமலாஜி போன்ற நம்பிக்கைகள் துணைப் போகிறது.

ஷ, ஸ்ரீ, ஹ மட்டுமல்ல, தமிழில் வடமொழி கலப்பு என்பது இன்னும் அதிகம். என் பெயர் "ராஜராஜன்" என்பது கூட தமிழ் கிடையாது. ராஜராஜ சோழன் தமிழ் மன்னன் என்பதால் அதைத் தமிழ்ப்பெயர் என்று நாம் எண்ணுவது இயல்பு. ஆனால், இதுவும் வடமொழி கலந்த பெயர் தான். ராஜராஜ சோழனின் இயற்பெயர் அருள்மொழி வர்மன். இப்படி, நம்மை அறியாமலே நாம் தமிழ்ப்பெயர்களை விட்டு விலகி இருக்கிறோம்.

கடந்த நூற்றாண்டில் தமிழ்நாட்டில் திராவிட இயக்கங்கள், தனித்தமிழ் இயக்கங்கள் மூலம் தமிழ்ப்பெயர்கள் மீதான கவனம் அதிகரித்தது என்று சொல்லலாம். இந்த இயக்கங்களின் தாக்கத்தால் வீடுகளில் தனித்தமிழ் பெயர்கள் அதிகரித்தது. நம் முந்தைய தலைமுறையில் பல குடும்பங்களில் தேடித்தேடி தமிழ்பெயர்களை வைத்து இருப்பதை பார்க்கலாம். அவர்களுக்கு அதில் ஒரு பெருமிதமும், கர்வமும் கூட இருக்கும். இந்தப் பெயர்களில் கூட இருவகைகளை பார்க்கலாம். மத அடையாளத்துடன் வைக்கப்படும் பெயர்கள், மத அடையாளம் இல்லாமல் வைக்கப்படும் பெயர்கள் என்று. மதங்களைக் கடந்தும் தமிழை நேசித்து தமிழ்ப் பெயர்களை வைத்தார்கள். இன்பன், இனியன், அறிவழகன், தமிழரசி, தமிழரசன், கயல்விழி, மலர்விழி, சுடர்க்கொடி என கவித்துவத்துடன் தனித்தமிழ் பெயர்கள் போன தலைமுறையில் அதிகமாக இருந்தது.

பெயர்களில் தந்தை பெரியார் ஏற்படுத்திய தாக்கமும் குறிப்பிடத்தகுந்தது. அவர் தனித்தமிழ் என்ற பெயர்களைத் தாண்டி, பெயரில் இருக்கும் அரசியலைப் பார்த்தார். பெயருக்கு பின்னால் இருக்கும் சாதியை நீக்க வேண்டும் என்று போராடி வென்றவர் பெரியார். அவர், இந்த பெயர்களில் இருக்கும் புனிதங்களைக்கூட உடைத்தார். ரஸ்யா, மாஸ்க்கோ போன்ற பெயர்களை போன தலைமுறையினரிடம் நீங்கள் நிறைய பார்க்கலாம். இது தந்தை பெரியார் அவர்களின் தாக்கத்தினால் வைக்கப்பட்ட பெயர்கள். தனித்தமிழ் பெயர்கள் என்பதைத் தாண்டி, பெயரிலேயே புரட்சி வேண்டும் என்ற தாக்கத்தை ஏற்படுத்தியவர் தந்தை பெரியார். இந்த வரிசையில், இன்குலாப், இங்கர்சால், கார்கி, லெனின், மார்க்ஸ் போன்ற பெயர்களும், இந்திய சுதந்திர போராட்டத்தின் தாக்கத்தினால் காந்தி, நேரு போன்ற பெயர்களும் அதிகரித்தது. முல்லைப் பெரியாறு அணையை கட்டிய பென்னிகுக் அவர்களுக்கு நன்றி செலுத்தும் வகையில் தேனி மாவட்டத்தில் பலருக்கு பென்னிகுக் என்ற பெயர் வைக்கப்பட்டதும் வரலாறு. தமிழர்கள் நன்றி உணர்வு மிகுந்தவர்கள் என்பதற்கும், மொழியை வெறும் அழகுணர்ச்சியுடன் மட்டும் பார்க்காமல் அறிவு சார்ந்தும் பார்ப்பவர்கள் என்பதற்கும் மேற்சொன்ன பெயர்கள் சில எடுத்துக்காட்டுகளே.

வடமொழி மோகம் அதிகரித்துவிட்ட இந்த காலத்திலும் தனித்தமிழ் பெயர்களை வைக்கவேண்டும் என்ற எண்ணம் இளைஞர்களிடம் இருப்பது ஆரோக்கியமானது. இன்றும், நல்ல தனித்தமிழ் பெயர்களை வைக்கவேண்டும் என்று தேடுபவர்கள் அதிகமாக இருக்கிறார்கள். ஆம்பல், யாழினி, கவின், வெண்பா, நவிரா, ஆதிரை, ஆதிரன் என இனிமையான பெயர்கள் வைப்பவர்கள் அதிகரித்து வருகிறார்கள். ஆனால், எண்ணிக்கை அளவில் வடமொழி பெயர்கள்தான் இன்னமும் அதிகமாக இருக்கிறது.

தனித்தமிழ் பெயர்கள் தரும் இனிமைக்கு மாற்றே இல்லை. ஆனாலும், தமிழ்ப் பெயர்களைச் சொல்லுங்கள் என நண்பர்கள் கேட்கும் போது கொஞ்சம் தடுமாறத்தான் வேண்டி இருக்கிறது. பெயர் தமிழாகவும் இருக்கவேண்டும், அதேவேளையில் புதுமையாகவும் இருக்க வேண்டும் என்று நினைக்கிறார்கள். தனித்தமிழ் பெயர்களுக்கு கொடுக்கும் முக்கியத்துவம் பாராட்டப்படவேண்டியது, முக்கியமானது என்பது ஒருபுறமிருக்க, இதற்கு அடுத்த நிலை ஒன்று இருப்பதாக தோன்றுகிறது. அது என்னவென்றால், நம்மிடையே அறிமுகமான, நாம் படித்த வரலாற்றில் இருந்தும், காப்பியங்களில் இருந்தும், இலக்கியங்களில் இருந்தும் எடுக்கப்படும் பெயர்கள். இவை தூயத்தமிழ்ப் பெயராக இல்லாவிட்டாலும். இந்த பெயர்களுக்கு ஒரு தனி வலிமை இருக்கிறது.

சங்கமித்ரா என்ற பெயர் தூயத்தமிழ் இல்லை. ஆனால், அந்த பெயரில் ஒரு பெரிய ஈர்ப்பு இருக்கிறது. எல்லாவற்றுக்கும் மேல், இந்தப்பெயருக்கும் தமிழின் ஐம்பெரும் காப்பியமான மணிமேகலைக்கும் ஒரு தொடர்பு இருக்கிறது. அதேப்போல, இன்னொரு பெயர் சொல்லவேண்டுமென்றால், சித்தார்த்தன் என்ற பெயரைச் சொல்லலாம். சித்தார்த்தன் என்ற பெயர் வசீகரமானது. அந்தப் பெயர் ஆழமானதும்கூட. புத்தர் நம் நாட்டின் புரட்சிகர ஆன்மிகத் தலைவர். அவரின் இயற்பெயர் என்பதாலே இந்தப் பெயருக்கு ஒரு தனிச் சிறப்பு.

குழந்தைகளுக்கு அர்த்தமே தெரியாத "ஏதோ" ஒரு பெயருக்குப் பதில், தனித்தமிழில் பெயர் வைத்து தமிழின் இனிமையை அடுத்த தலைமுறைக்கு கொண்டு செல்லலாம். அல்லது, இம்மாதிரி உலகப்பெயர்களை, காப்பியப் பெயர்களை, இந்தியப் பெயர்களை வைக்கலாம். பெயரில் என்ன இருக்கிறது? என்று ஒதுக்காமல் அதை நம் அடையாளமாகவும், அதில் இருக்கும் அரசியலையும் புரிந்துகொள்ளவேண்டும்.

- ரா.ராஜராஜன்

தமிழ்ப் புத்தாண்டு – தமிழரின் அறிவியலுக்கு ஓர் சான்று

2017-04-12T08:23:00.000-07:00

உலகிற்கு உயர்வான சிந்தனைகளைக் கொடுத்தவர்கள் தமிழர்கள்; உயர்வான வாழ்வியலைக் கொடுத்தவர்கள் தமிழர்கள்.

உயரிய மொழி இலக்கணத்தைக் கொடுத்தவர்கள்!

உயரிய திருக்குறளைக் கொடுத்தவர்கள்!

உயரிய கலைகளைக் கொடுத்தவர்கள்!

உயரிய பண்பாட்டைக் கொடுத்தவர்கள்!

அவ்வகையில் உலகிற்குச் சரியான ஆண்டுக் கணக்-கீட்டைக் கொடுத்தவர்களும் தமிழர்களேயாவர்!

அதுவும் அறிவியல் அடிப்படையில் இயற்கையோடு இயைந்து கணக்கிட்டுச் சொன்னவர்கள்.

ஒரு நாள் என்பது என்ன?

சூரியன் தோன்றி மீண்டும் சூரியன் தோன்றுவதற்கு ஆகும் காலம்.

ஒருமாதம் என்பது என்ன?

ஒரு முழு நிலவுத் தோன்றி மீண்டும் ஒரு முழு நிலவு தோன்ற ஆகும் காலம். அதனால் தான் மாதம் என்பதற்கு திங்கள் என்ற தமிழ் சொல் உள்ளது. திங்கள் என்றால் நிலவு என்று பொருள். திங்களை (நிலவை) அடிப்-படையாக வைத்துக் கணக்கிடப்படுவதால் மாதம் திங்கள் என்று அழைக்கப்பட்டது.

அதேபோல் ஆண்டு என்பது என்ன?

சூரியன் தென்திசையிலிருந்து வடதிசை நோக்கி நகர்வதாய்த் தோன்றும் நாள் முதல் (உத்ராயணம்) மீண்டும் அதே நிலை (மீண்டும் உத்ராயணம்) தொடங்கும் வரையுள்ள கால அளவு ஓர் ஆண்டு.

அதாவது சூரியன் கிழக்கில் தோன்றி மீண்டும் கிழக்கில் தோன்ற எடுத்துக் கொள்ளும் காலம் ஒருநாள்.

சூரியன் தென் கோடியில் தோன்றி மீண்டும் தென் கோடியில் தோன்றும் வரையிலான காலம் ஓராண்டு.

சுருங்கச் சொன்னால் ஓர் உத்ராயணத் தொடக்கத்திலிருந்து மீண்டும் அடுத்த உத்ராயணத் தொடக்கம் வரும் வரையுள்ள காலம் ஓர் ஆண்டு.

உத்ராயணம் என்றால் வடக்கு நோக்கல் என்று பொருள். தட்சணாயனம் என்றால் தெற்கு நோக்கல் என்று பொருள்.

சூரியன் தை மாதத் தொடக்கத்தில் வடக்கு நோக்கி நகரத் தொடங்கும்; பங்குனி சித்திரையில் உச்சியில் இருக்கும்; பின் ஆடியில் வடகோடியில் இருந்து தென்கோடி நோக்கும்; பின் தென்கோடிக்கு வந்து மீண்டும் வடக்கு நோக்கி நகரும். இவ்வாறு சூரியன் வடக்கு நோக்கி நகரத் தொடங்கியதிலிருந்து மீண்டும் வடக்கு நோக்கி நகரத் தொடங்கும் வரையிலான கால அளவு ஓர் ஆண்டு.

சூரியன் நகர்வதில்லை என்பது அறிவியல் உண்மை. ஆனால் நம் பார்வைக்கு நகர்வதாகத் தெரிவதை வைத்து அவ்வாறு கணித்தனர்.

ஆக காலக் கணக்கீடுகள் என்பவை இயற்கை நிகழ்வுகளை வைத்தே கணக்கிடப்பட்டன. இவ்வாறு முதலில் கணக்கிட்டவர்கள் தமிழர்கள்.

தை முதல் நாள் அன்றுதான் சூரியன் வடதிசை நோக்கி (உத்ராயணம் நோக்கி) நகரத் தொடங்கும். எனவே தை முதல் நாள் ஆண்டின் தொடக்க நாளாகக் கொண்-டாடப்பட்டது. ஆனால் சித்திரை முதல் நாளை ஆண்டின் முதல் நாள் என்பதற்கு எந்தக் காரணமும் அடிப்படையும் இல்லை.

தை முதல் நாளைக் கொண்டு ஆண்டுக் கணக்கீட்டைத் தமிழர்கள் தொடங்கியதை ஓட்டியே ஆங்கில ஆண்டின் கணக்கீடும் பின்பற்றப்பட்டது. தமிழாண்டின் தொடக்கத்தை (தை மாதத் தொடக்கத்தை) ஒட்டியே ஆங்கில ஆண்டின் தொடக்கம் இருப்பதை ஒப்பிட்டுப் பார்த்தால் இந்த உண்மை விளங்கும். 12 நாள்கள் வித்தியாசம் வரும். அந்த வித்தியாசம் கூட ஆங்கில நாட்டின் இருப்பிடம் தமிழ்நாட்டின் இருப்பிடத் திலிருந்து வடமேற்கு நோக்கி 6000 மைல்களுக்கு அப்பால் இருப்பதால் ஏற்பட்டது.

ஏசு பிறப்பை வைத்து ஆங்கில ஆண்டுக் கணக்கீடு என்பது சரியன்று. காரணம், ஏசு பிறந்தது டிசம்பர் 25. மாறாக சனவரி 1ஆம் தேதியல்ல. 2006 ஆண்டுகள் என்பதுதான் ஏசு பிறப்பைக் குறிக்குமே தவிர சனவரி என்ற ஆண்டின் தொடக்கம் ஏசு பிறப்பை ஒட்டி எழுந்தது அல்ல.

எனவே, சூரியச் சுழற்சியை அடிப்படையாக வைத்துத்தான் ஆண்டுக் -கணக்கீடு என்பது உறுதியாவதோடு தை முதல் நாளே தமிழர் புத்தாண்டு என்பதும் உறுதியாகிறது.

தமிழ் ஆண்டு (திருவள்ளுவர் ஆண்டு)

பிரபவ முதல் அட்சய வரை உள்ள 60 ஆண்டுகள் தொடராண்டுக்குப் பயன்படாது. 60 ஆண்டுகளுக்கு மேல் உள்ள காலத்தைக் கணக்கிடுவதற்கு உதவியாக இல்லை. அதற்கு வழங்கும் கதை அறிவு, அறிவியல், தமிழ் மரபு, மாண்பு, பண்பு ஆகியவற்றுக்குப் பொருத்தமாக இல்லை.

அதுமட்டுமல்ல அந்த அறுபது ஆண்டுகளில் எந்தப் பெயரும் தமிழ்ப் பெயர் அல்ல. எல்லாம் சமஸ்கிருதப் பெயர். தமிழாண்டு என்றால் தமிழ்ப் பெயரல்லவா இருக்க வேண்டும்?

எனவே தமிழ் அறிஞர்கள், சான்-றோர்கள், புலவர்கள் 1921-ஆம் ஆண்டு சென்னைப் பச்சையப்பன் கல்லூரியில் தமிழ்க் கடல் மறைமலை அடிகள் தலைமையில் கூடி ஆராய்ந்து, திருவள்ளுவர் பெயரில் தொடர் ஆண்டு பின்பற்றுவது, அதையே தமிழ் ஆண்டு எனக் கொள்வது, திருவள்ளுவர் காலம் கி.மு. 31 தமிழ்ப் புத்தாண்டுத் தொடக்கம் தை முதல் நாள் என்று முடிவு செய்து, 18.1.1935ஆம் நாள் திருவள்ளுவர் திருநாள் கழகத்தினர் நடத்திய திருவிழாவில் தலைமை தாங்கிய தமிழ்க்கடல் மறைமலை அடிகளார் உறுதி செய்து அறிவித்தார். திருவள்ளுவர் ஆண்டு கணக்கிட கிறித்து ஆண்டுடன் 31 கூட்டல் வேண்டும் என்றுகூறி திருவள்ளுவர் ஆண்டைத் தொடங்கி வைத்தார்.

எனவே, தை முதல் நாளே தமிழ்ப் புத்தாண்டு என்ற அறிவியல் சார் தமிழர் மரபை நாம் ஏற்றுக்கொண்டாடுவதோடு, அதையே நடைமுறைப்படுத்த வேண்டும்.

தமிழர்களும் தமிழர் தலைவர்களும் அறிஞர்களும் தமிழ் வரலாற்றாளர்களும் இவற்றைக் கருத்தில் கொண்டு இந்த ஆண்டிலிருந்தாவது தை முதல் நாளை தமிழ்ப் புத்தாண்டாகக் கொண்டாட ஆவன செய்ய வேண்டும்! தமிழக அரசும் அதை அதிகாரப்பூர்மாக அறிவிக்க வேண்டும்!

தமிழறிஞர்கள் ஒன்று சேர்ந்து 1921-இல் எடுத்த இந்த முடிவை இந்த ஆண்டாவது அரசு ஏற்று அறிவிக்க வேண்டும். அதை யாரும் எதிர்க்கப்-போவதில்லை. எதிர்ப்பவன் தமிழனாக இருக்கமாட்டான்!

சிங்கப்பூர் மலேசியா போன்ற நாடுகளில் தை முதல் நாளை தமிழ்ப் புத்தாண்டாகக் கொண்டாடி நமக்கு வழி காட்டுகிறார்கள்; உணர்வூட்டுகிறார்கள்.

தமிழன் ஆண்டு சமஸ்கிருத ஆண்டாய் இருப்பது அதுபோன்ற அவமானத்தின் இழிவின் அடையாளம் அல்லவா?

உலகிற்கு வழிகாட்டிய வாழ்ந்து காட்டிய தமிழன் அடுத்தவனுடையதை இரவல் பெறவேண்டிய இழிவு ஏன்? இழிவு என்று தெரிந்தும் உண்மை என்பது விளங்கியும் இழிவைச் சுமப்பது இந்த இனத்திற்கு அழகாகுமா? எனவே தை முதல் நாளை தமிழ்ப்புத்தாண்டாகக் கொண்டாடி தலை நிமிர்ந்து தமிழனாக வாழ்வோம்!

1971 ஆம் ஆண்டு முதல் தமிழ்நாடு அரசு திருவள்ளுவர் ஆண்டை நடைமுறைப்படுத்தி வருகிறது. அதனால்தான் தமிழனுக்கு ஒரு தொடர் ஆண்டு கிடைத்துள்ளது.

அதேபோல் தமிழனுக்கு உரிய ஓர் ஆண்டுப் பிறப்பு உறுதி செய்யப்பட வேண்டும் அல்லவா?

சல்லிக்கட்டு போல்...தமிழர்கள் இளைஞர்கள் ஒன்று பட்டால் நிச்சயம் நிறைவேறும்.

- சிகரம்

தமிழ்ப் புத்தாண்டு பொங்கல்

2017-01-13T08:24:00.001-08:00

உலகம் முழுவதும் வாழும் தமிழர்கள் கொண்டாடிடும் பண்டிகைகளில் ஒரு பண்டிகையை தன் இனத்தின் பெயராலேயே “தமிழர் திருநாள்” என்று “பொங்கல்”விழாவாக கொண்டாடுகிறார்கள். இந்தச் சிறப்பு வேறு எந்த ஒரு இனத்திற்கும் இல்லாத ஓர் தனிச் சிறப்பு தமிழர்களுக்கே உரித்தான ஒன்று.

இந்நாட்டில் எண்ணற்ற பண்டிகைகள் வருடம் முழுவதும் கொண்டாடுகிறோம். அப்படி கொண்டாடிடும் பண்டிகைகளுக்கு எண்ணில் அடங்கா கதைகள் உண்டு. ஒவ்வொன்றும் அவரவர் நம்பிக்கை சார்ந்து சமய சார்பாக, மதசார்பாக, கடவுள் சார்பாக கூறப்படுகிறது.

அவை அனைத்தும் உண்மையா? பொய்யா? அறிவுக்குப் பொருந்துவதா? இக்கால கட்டத்துக்கு ஏற்புடையதா? என்று யாரும் யோசிப்பதும் கிடையாது. அதனைப் பற்றி கேள்வி எழுப்புவுதும் இல்லை.

ஆனால், மக்கள் அனைவரும் கொண்டாடிக் கொண்டு வருகிறார்கள். காரணம் அது அவர்கள் நம்பிக்கை சார்ந்த செயலை போற்றுவது, மற்றொன்று அதனையொட்டி நடைபெறும் கேளிக்கை, விருந்து, சுயவிளம்பரம் இவை அனைத்தும் அடிப்படையில் மனிதனின் நம்பிக்கையைச் சார்ந்த ஒரு செயலை முன்னெடுத்து செயல்படுகிறது. அதனால் மனித சமூகத்திற்கு பயன் ஏற்படுகிறதா? என்றால் அதற்கு ஒருங்கிணைந்த பதிலை எல்லோரிடமும் பெற முடியாது.. முடிவில் கேள்விக்குறியே மிச்சம்.

எது எப்படி இருப்பினும் அந்த பண்டிகைகளுக்கு பின்னணியில் ஒரு கதை உள்ளது. சரி அப்படியென்றால் பொங்கல் விழாவுக்கும் ஒரு கதை இருக்க வேண்டும்; இல்லாவிட்டால் எப்படி நாம் ஆண்டுதோறும் விழாவாக கொண்டாடுவோம்?

ஆமாம் உண்டு ஆனால் அது கற்பனையான கதையல்ல, அது ஒரு காரணக் காரியம்:

காலம் காலமாக தமிழர் இனத்தின் பண்பாட்டினை பாதுகாத்து வளர்க்கும் வாழ்வியல் முறை.

உலகின் மூத்தக்குடி தமிழர்கள் என்று சொல்வதற்கு உயிரோட்டமாக நம் நாகரிகத்தினை போற்றி பாடிடும் விழா.

எக்காலத்திலும் திராவிடர்-தமிழர் பண்பாட்டை அழியவிடாமல் தற்காத்து நிற்கும் தனித்துவமான பெருநாள்.

தமிழர் இனத்தின் வாழ்வியலையே நாளும் ஒரு விழாவாக கொண்டாடிடும் நன்மை பயக்கும் திருநாள். நன்றி நவிலும் நன்னாள்.

இது ஒரே ஒரு நாளில் முடியக் கூடிய விழா அல்ல.. தொடர்ச்சியாக நாலு நாள்கள் கொண்டாடப்படும் தமிழர் திருநாளாம் “பொங்கல்”.

இவ்வளவு சிறப்பு வாய்ந்த பொங்கல் விழாவை எப்போது கொண்டாடுகிறோம் என்பதில் தான் தமிழர் திருநாளின் சிறப்பே அடங்கியுள்ளது.

அதாவது நாம் கொண்டாடும் விழாக்கள் பொதுவாக சமயம், மதம் சார்ந்து “நட்சத்திரம்”, “திதி” அடிப்படையில் அமையும் அல்லது கடவுளின் பிறந்தநாள், சமய சான்றோர்களின் பிறந்த நாள்களின் அடிப்படையில் அமையும்.

“நட்சத்திரம், “திதி”அடிப்படையில் அமையும் விழா நாட்கள் அந்த ஆண்டின் பஞ்சாங்கப்படி நிர்ணயிக்கப்படும், அதனால் அந்த விழா நாள்கள் ஆண்டுதோறும் ஒரே நாளில் வராமல் மாறிமாறி வரும்.

ஆனால் பொங்கல் விழா மட்டும் மேற்கூறிய அடிப்படையில் அமையவில்லை. பஞ்சாங்கத்தின்படியும் கொண்டாடும் நாள் நிர்ணயிக்கப்படுவது இல்லை. மாறாக “தை” மாதத்தின் முதல் நாளிலேயே எப்போதும் கொண்டாடப்படுகிறது.

ஏன் தை மாதத்தின் முதல் நாளில் கொண்டாடி வருகிறார்கள்; அதற்கு எதுவும் தனி புராண கதைகள் உள்ளதோ? என்றால் கிடையாது, பிறகு என்ன காரணம்?

தமிழர்கள் நாள், மாதம் ஆண்டுக் கணக்கீட்டை இயற்கை நிகழ்வுகளை அடிப்படையாகக் கொண்டு கணக்கிட்டு வாழ்ந்துள்ளார்கள். அதாவது சூரியனை மையமாக வைத்துதான் இந்த உலகமே இயங்குகிறது.

பூமி தன்னைத்தானே ஒருமுறை சுற்றிக் கொள்வதை வைத்து நேரம், நாள் கணக்கு. நிலவைக் கொண்டு மாத கணக்கு, பூமி சூரியனை சுற்றி வருகின்ற கால அளவை ஒருமுறை ஓர் ஆண்டு என்று கணக்கிட்டுள்ளார்கள்.

அப்படி கணக்கீடு செய்யப்பட்ட ஆண்டின் தொடக்க நாள் அதாவது பூமி-சூரியனை ஒருமுறை சுற்றி முடித்து மீண்டும் தொடங்கும் நாள். அந்த நாள் தான் தை மாதத்தின் முதல் நாள். அதுதான் தமிழ் வருடத்தின் முதல் நாள் என்று, அதனை வரவேற்று விழாவாக கொண்டாடுகிறார்கள்.

இப்படி ஓர் ஆண்டிற்கு அச்சாரமாக இருப்பது சூரியன். அந்தச் சூரியன் இல்லையென்றால் இவ்வுலகமே இல்லை என்பதனால், சூரியனுக்கு நன்றி தெரிவிக்கும் வகையில் சூரியனுக்கு முன்பு பொங்கல் பானை வைத்து பொங்கல் பொங்குகிறார்கள்.

அதனால் தான் இன்றும் வீட்டின் முற்றத்திலும், வீட்டின் வெளியே தெருக்களிலும், அல்லது சூரியன் நேராக படும்படி திறந்த வெளிகளிலும் பொங்கலிட்டு கொண்டாடுகிறார்கள். இதனால் சூரியப் பொங்கல் என்றும் அழைப்பார்கள்.

இப்படி ஆண்டின் தொடக்கமாக “தை”மதம் வருவதனால் பண்டைக் கால இலக்கியங்களில், சங்க இலக்கியங்களில் “தை”மாதத்தை சிறப்பாக குறிப்பிட்டுள்ளார்கள். ஏறத்தாழ நாற்பதுக்கும் அதிகமான இடங்கள் தை என்ற சொல்லைப் பெயராகவும் வினையாகவும் (தைஇ எனும் அளபெடை நிலையில்) பயன்படுத்தியுள்ளமை சங்க இலக்கியங்களில் காணலாம் என்று சிங்கப்பூர் தேசிய பல்கலைக் கழகத்தின் பேராசிரியர் தமிழறிஞர் முனைவர் பேரா.சுப.திண்ணப்பன் அவர்கள் “தைப் பொங்கலின் தனித் தன்மைகள்” என்ற கட்டுரையில் குறிப்பிட்டுள்ளார்.

தை முதல் நாளைப் புத்தாண்டின் தொடக்கமாக கொண்டாடி வந்துள்ளதற்கு ஆதாரங்களை வரலாற்றில் தேடும் முன்பு நடைமுறையில் பொங்கல் விழாவை எப்படி கொண்டாடுகிறோம் என்று பார்த்தாலே நன்றாக புரிந்து கொள்ள முடியும்.

தை மாதத்தை வரவேற்க அதற்கு முந்தைய மார்கழி மாதத்திலிருந்து தொடங்கி தை பிறக்கும் வரை தெருக்களில் வீட்டின் வாசலில் வண்ணவண்ண கோலமிட்டு புத்தாண்டு பொங்கல் விழா தொடங்கிய உணர்வை ஏற்படுத்தி விடுவார்கள்.

வீட்டிற்கு சுண்ணாம்பு பூசி, வெள்ளை அடித்து வர்ணம் தீட்டி இல்லத்தை புதுப்பிப்பார்கள்.

வீட்டை சுத்தப்படுத்தி தேவையில்லா பழைய துணிகளை, பொருட்களை தைப் பொங்கலுக்கு முதல் நாள் வீட்டிலிருந்து அப்புறப்படுத்துகிறார்கள்.

தை-1 புத்தாண்டு பொங்கல் அன்று வீட்டை அலங்கரித்து ,புத்தாடை அணிந்து, புதுப் பானை வைத்து, அந்த போகத்தில் விளைந்த புதுநெல் புத்தரிசியைக் கொண்டு வெண்பொங்கல், சர்க்கரைப் பொங்கல் பொங்கி சூரியனுக்கு நன்றி கூறி படைத்து உறவினர்கள், நண்பர்களுடன் ஒன்றுகூடி பகிர்ந்து விருந்து உண்பார்கள்.

பொங்கலின் அடுத்த நாள் உலகுக்கே சோறு போடக் கூடிய விவசாயத்திற்கு பயன்பட்ட மாடுகளை அலங்கரித்து அந்த மாடுகளுக்கு நன்றி தெரிவித்து புத்தரிசியில் பொங்கல் பொங்கி அவைகளுக்கு கொடுத்து “மாட்டுபொங்கல்”விழாவாக கொண்டாடி வருகிறார்கள்.

பொங்கலின் கடைசிநாள் “காணும் பொங்கல்”அன்று ஆண்கள், பெண்கள் எல்லோரும் தமிழர்களின் பாரம்பரிய விளையாட்டுகள், போட்டிகள், ஆடல் பாடல்கள் என்று கூடி- கொண்டாடி வருகிறார்கள். இவையனைத்தும் இன்றும் கிராமங்களில் சூழலுக்கு ஏற்ப நடை முறையில் உள்ளது.

பொங்கலுக்கு வாழ்த்து அட்டை அனுப்புதல் என்ற பழக்கமும் பொங்கல் திருநாளுக்கே உரிய ஒருசிறப்பு. ஓர் ஆண்டின் தொடக்கத்தில் எல்லோருக்கும் வாழ்த்துக் கூறி அன்பான உறவுகளை இணைக்கும் தமிழர்களின் உரிய நல்லபழக்கம். இது மற்ற எந்த பண்டிகைகளுக்கும் இல்லாத ஒரு தனிச் சிறப்பு. இப்போது வாட்ஸ்அப், முகநூலில் மற்ற பண்டிகைகளுக்கு வாழ்த்துக் கூறினாலும் அது தொடங்கிய விழாபொங்கல் திருநாள் என்பது குறிப்பிடத்தக்கது.

தமிழர்களின் அடிப்படைத் தொழில் விவசாயம் அதனை முதன்மைப் படுத்தி பொங்கல் திருநாள் கொண்டாடப்படுவதால் உழவர் திருநாள், அறுவடைத் திருநாள் என்றும் அழைக்கப்படுகிறது.

இவ்வுலகிற்கே அடிப்படையான சூரியன், மழை. உணவு இவை மூன்றையும் முதன்மையாக கருதி அவைகளை போற்றியும், நமக்கு உதவிய மாடுகளுக்கு நன்றி செலுத்தியும், நான்கு நாள் விழாவாக ஓர் ஆண்டின் தொடக்கத்தை கொண்டாடுவது அதில் தமிழர்களின் பண்பாட்டை போற்றுவது என்பது வேறு எந்த பண்டிகைக்கும் இல்லாத ஒரு சிறப்பு. அதனால்தான் பொங்கல் விழா தமிழர் திருநாள் என்று அழைக்கப்படுகிறது.

இவ்வளவு சிறப்புகள் நிறைந்திருந்தும் நாம் ஏன் சித்திரையில் தமிழ் புத்தாண்டு கொண்டாடுகிறோம்? என்ற கேள்வி எழும்

அதற்கு காரணம் ஆரியர்களின் வருகைக்கு பின்பு ஏற்பட்ட ஆரிய பண்பாட்டு கலப்பு. அதனால் தமிழர் பண்பாட்டில் மதம், ஜாதி முறைகள் உருவாக்கப்பட்டு. இன்று இந்து மதத்தின் அடிப்படையில் தமிழ்ப் புத்தாண்டு கொண்டாடப்படும் நிலையில் இருக்கிறோம். இப்படி மத அடிப்படையில் கொண்டாடுவதால் தான் சித்திரை தமிழ்ப் புத்தாண்டுக்கு புராண கதைக் கூறப்படுகிறது.

அதுவும் தமிழ் மொழிக்கு தொடர்பில்லா ஆரிய சமஸ்கிருத மொழியில் 60 ஆண்டுகளின் பெயர்களால் அழைக்கப்படுகிறது. மேலும் தொடர் ஆண்டு முறையும் இல்லாமல் இருக்கிறது. அதனால் தான் சித்திரையை தமிழ்ப் புத்தாண்டு என்று கொண்டாடினாலும் அது ஒரு சம்பிரதாயமாகவே இருந்து வருகிறது. இதனால் தமிழ் மொழிக்கும் தமிழர்களுக்கும் வேறு எந்த வரலாற்று பயனும் கிடைப்பதில்லை.

இப்படி திராவிடர் நாகரிகத்தின் தமிழர்களின் பண்பாடு சீரழிந்து வருவதை கருத்தில் கொண்டு தமிழர் பண்பாட்டை காப்பதற்காக 500க்கும் மேற்பட்ட தமிழ் அறிஞர்கள், தமிழ்ப் புலவர்கள் 1921-ஆம் ஆண்டு சென்னைப் பச்சையப்பன் கல்லூரியில் ஒன்றுக்கூடி மறைமலையடிகள் தலைமையில் கலந்துரையாடி, ஆழமாக விவாதித்து, ஆய்ந்தறிந்து “தை முதல் நாளே”தமிழ்ப் புத்தாண்டு என்றும் மேலும் அதனை தொடர் ஆண்டு கணக்காக கடைப்பிடிக்க வேண்டும் என்று முடிவு எடுத்தார்கள். அதன்படி திருவள்ளுவர் இயேசுகிறிஸ்து பிறப்பதற்கு 31 ஆண்டுகளுக்கு முன்பு பிறந்தவர் என்றும் அவர் பெயரில் தொடர் ஆண்டை பின்பற்றுவது என்றும் அறிவித்தார்கள்.

அதன்படி தமிழ் உணர்வாளர்களும், சுயமரியாதை இயக்கத்தினர்களும் தை முதல் நாளை தான் தமிழ்ப் புத்தாண்டாக கடைப்பிடித்து வருகிறார்கள். யாரும் அரசு ஏற்றுக் கொண்டு செயல்படுத்தியதா என்று பார்ப்பதில்லை.

இந்நிலையில் சுமார் 50 ஆண்டுகளுக்கு பிறகு 1971 முதல் தமிழ்நாடு அரசு திருவள்ளுவர் ஆண்டு முறையை ஏற்றுக் கொண்டு செயல்படுத்தி வருகிறது. இன்றும் நடைமுறையில் இருக்கிறது.

ஆனால் தை முதல் நாள் தான் தமிழ்ப் புத்தாண்டு என்று அறிவிக்கப்படாமல் இருந்தது. அதனை 2009 ஆண்டு தி.மு.க ஆட்சியில் தை முதல் நாளே தமிழ்ப் புத்தாண்டு என்று அரசாணை வெளியிட்டு நடைமுறைப் படுத்தினார்கள்.

ஆனால் மீண்டும் ஆட்சி மாற்றம் ஏற்பட்டதனால் ஆரிய பண்பாட்டை திணிக்க 2011ஆம் ஆண்டில் அ.தி.மு.க ஆட்சி சித்திரை முதல் நாளே தமிழ்ப் புத்தாண்டு என்று மாற்றிவிட்டது அதனால் இன்றும் அதே இழிநிலை தொடர்கிறது.

ஆரியர்கள் ஆயிரம் ஆஏஎண்டுகளுக்கு மேலாக எல்லா நிலைகளிலும் திராவிடர் தமிழ் பண்பாட்டை மாற்றி ஆரிய பண்பாட்டை கலந்து வருகிறார்கள். ஆனால் இன்றும் முழுமையாக கலக்க முடியாமல் இருப்பது தைப் பொங்கல் தமிழர் திருநாள் மட்டும்தான்.

அந்த சிறப்புக்குரிய தமிழர் திருநாள் மேலும் வலுப்பெற்றுவிட கூடாது என்று தான் ஆரிய சூழ்ச்சியை தொடர்ந்து செய்து “தை முதல் நாளை” தமிழ்ப்புத்தாண்டு என்று தமிழக அரசும் ஏற்று நடைமுறைப் படுத்துவதை பல வழிகளில் தடுத்து வருகிறார்கள்.

இந்த சூழலில் நாம் விழிப்பாக இல்லையென்றால் பிறகு எப்படி தமிழர் பண்பாட்டு நாகரிகத்தை காக்க முடியும்? சற்று சிந்தித்து பாருங்கள்.

தை முதல் நாளை தமிழ்ப் புத்தாண்டு என்று 1921இல் தமிழ் அறிஞர்கள் கூடி அறிவிக்கும் போது இந்தியாவுக்கு சுதந்திரமே வரவில்லை. தமிழ்நாடு என்று தனி மாநிலமும் கிடையாது. இப்போது உள்ள தி.மு.க., அ.தி.மு.க. என்ற அரசியலில் கட்சிகளும் கிடையாது. மேலும் அந்த தமிழ் அறிஞர்கள். புலவர்கள் எல்லோரும் கடவுள் நம்பிக்கை உடையவர்கள்.

அப்படி இருக்கையில் சித்திரையில் கொண்டாடும் தமிழ்ப்புத்தாண்டு ஏற்புடையது அல்ல. தை முதல் நாளே தமிழர்களின் தமிழ்ப்புத்தாண்டு என்று அறிவிக்க வேண்டிய நோக்கம்: தமிழ் மொழி உணர்வு, தமிழர் பண்பாட்டில் ஆரிய பண்பாடு கலக்காமல் தடுப்பது. தமிழர்களின் வரலாற்றை ஒரு தொடர் ஆண்டாக கடைப்பிடிப்பது. இத்தகைய தமிழ் உணர்வுடன் அதனை நாம் கடைப்பிடித்து தமிழர் பண்பாட்டை காத்திட “தை முதல் நாளை” தமிழ் புத்தாண்டு என்று கொண்டாடிட வேண்டும்.

ஆனால் நாம் அவ்வாறு செய்யாமல் இருப்பது எந்த வகையில் நியாயமாகும்?

எல்லா பண்டிகைகளையும் எதிர்க்கும் பெரியார் அவர்கள் தை-1 தமிழ்ப்புத்தாண்டு பொங்கலை மட்டும் ஆதரித்து தமிழர்கள் சிறப்பாக கொண்டாடிட வேண்டும் என்று சொல்லியதை சிந்தித்துப் பார்க்க வேண்டாமா?

மத நம்பிக்கையில் நீங்கள் ஆட்பட்டு இருந்தால் சித்திரையை “சித்திரை திருநாள்” என்று கொண்டாடிக் கொள்ளுங்கள். ஆனால், சித்திரையை தமிழ்புத்தாண்டு என்று இந்து மதத்தின் அடிப்படையில் கொண்டாடினால் தமிழர் இனத்தில் உள்ள இஸ்லாமிய, கிருஸ்துவ மதத்தைச் சார்ந்த தமிழர்களுக்கு எது தமிழ்ப்புத்தாண்டு?

தமிழ்ப்புத்தாண்டு என்பது தமிழ் இனத்தின் பெருமையை, வரலாற்றை குறிக்கக் கூடியது. இனம்வேறு, மதம்வேறு, ஓர் இனத்தில் பல மத நம்பிக்கையாளர்கள் வாழ்வார்கள். அதனால், இனத்தையும் மதத்தையும் ஒன்றாக சேர்த்து குழப்பிக் கொள்ளாதீர்கள்.

தமிழ் மொழி உணர்வுடன், தமிழர் இனஉணர்வு, தமிழர்களின் பண்பாட்டை காத்திடவேண்டும் என்ற உணர்வுடன் தை முதல் நாளே தமிழ்ப்புத்தாண்டு என்றுக்கூறி தமிழர் திருநாள் பொங்கல் விழாவை கொண்டாடுங்கள்.

அனைவருக்கும் வாழ்த்து சொல்லும் போதும் தமிழ்ப்புத்தாண்டு பொங்கல் வாழ்த்துகள் என்று சொல்லுங்கள்.

மாற்றம் என்பது அரசு சட்டம் கொண்டு வந்து மக்கள் கடைப்பிடிப்பார்கள் என்பதை மாற்றி மக்கள் கடைப்பிடிப்பதனால் அரசும் அதனை ஏற்று நடைமுறைப்படுத்த வேண்டும் என்ற நிலையை உருவாக்குவோம்!

அனைவருக்கும் தை-1 தமிழ்ப்புத்தாண்டு பொங்கல் வாழ்த்துகள்! திருவள்ளுவர் ஆண்டு 2048 வாழ்த்துகள்!

- க.பூபாலன்

நாராயண குருவின் சாதி மறுப்பு

2016-08-30T06:54:00.001-07:00

அ. கருணானந்தன்
மேனாள் வரலாற்றுத் துறைத் தலைவர்
விவேகானந்தர் கல்லூரி, சென்னை

1916ஆம் ஆண்டு...
தென்னிந்திய சமூக அரசியல் வரலாற்றில்,

ஏன்? இந்திய வரலாற்றிலேயே, திருப்பு முனைகளை உருவாக்கிய ஆண்டு. உலகப்போர் மும்முரமாக நடை பெற்று வந்த காலமது... போரின் முடிவில், இந்தியர்களுக்கு அதிகமான அரசியல் வாய்ப்புகளை, சலுகைகளை ஆங்கில காலனி அரசு தரக்கூடும் என்று எதிர்பார்க்கப்பட்ட சூழலில், சனாதன சமூகக் கட்டமைப்பையே மாற்ற வேண்டுமென்ற குறிக்கோளுடன் இரண்டு வரலாற்றுப் புகழ்மிக்க நிகழ்வுகள் நடந்தன.

சாதீயத்தை முற்றிலுமாக மறுத்து, சிறீநாரயண குரு என்ற புகழ்பெற்ற ஆன்மீகத்துறவி ஓர் அறிக்கையை வெளியிட்டது, அந்த ஆண்டு மே மாதம் 28ஆம் நாள் நடந்தது.
அதே ஆண்டு நவம்பர் 20ஆம் நாள் சென்னையில் நீதிக்கட்சி உருவானது. ஒரு மாதத்திற்குப் பின் டிசம்பர் 20ஆம் நாள் புகழ்பெற்ற "பிராமணரல்லாதார் அறிக்கை" (ழிஷீஸீ-ஙிக்ஷீணீலீனீவீஸீ விணீஸீவீயீமீstஷீ) வெளியிடப்பட்டது.

இவை இரண்டுமே சாதிக்கும், சாதி ஆதிக்கத்திற்கும் எதிராக எழுந்த வலிமை மிக்க போர்க்குரலாக அமைந்தன.

சமூக சமத்துவம் - சமூக நீதி - சமூக ஒற்றுமை ஆகிய வற்றின் மூலமாகத்தான் சமூக மாற்றம் - சமூக முன்னேற்றம் போன்றவற்றை அடைய முடியும் என்ற சித்தாந்தம் ஆன்மீகமாகவும், அரசியலாகவும் உருமாற்றம் பெற்ற ஆண்டு என 1916அய் நாம் கொண்டாட வேண்டியுள்ளது.

"பிராமணீய" ஆதிக்கம் என்பதுவே சாதி - வருண மரபை அங்கீகரிப்பதன் மூலமாக நடைபெற்று வந்துள்ளது. நாராயண குருவின் சமூகப்புரட்சியும், டி.எம்.நாயர் - பிட்டி தியாகராயர் - நடேச முதலியார் போன்றோரின் சமூக அரசியலும், சனாதன மரபு என்று பூசி மெழுகப்படும் வருண - சாதி முறையை மறுக்க வேண்டும், ஒழிக்க வேண் டும்; சமத்துவ அடிப்படையிலான புதிய சமுதாயத்தை உருவாக்க வேண்டும் என்ற குறிக்கோளுடன் செயல் பட்டவை.

சாதிச் சீர்திருத்தம் பேசியோரை தேசியவாதிகளாகவும், சாதிமறுப்பு - சாதி ஒழிப்பு பேசியோரை வட்டார வாதிகளாகவும் சிறுமைப்படுத்தி இருட்டடைப்பு செய்ய தன்னல சக்திகள் தொடர் முயற்சிகளை மேற்கொண்டு வருகின்றனர். சமூகநீதியிலும், சமூக ஒற்றுமையிலும் அக்கறையுள்ளவர்கள், நாராயண குரு, பெரியார் - அம்பேத்கர் போன்றவர்களது விசாலப் பார்வையைப் புரிந்து கொள்ள வேண்டும். அதன் ஒரு பகுதியாகத்தான் நாராயண குருவின் சாதி மறுப்பு அறிக்கையின் நூற்றாண்டு விழாக் கருத்தரங்கம் ஏற்பாடு செய்யப்பட்டுள்ளது.

நாராயண குரு எந்த மாதத்தில், எந்த நட்சத்திரத்தில் பிறந்தார் என்பது குறித்து எந்த அய்யமும் இருப்பதில்லை.

ஆவணி (சிங்கம்) மாதத்து சதயம் நட்சத்திரத்தில் பிறந்தார் என்பதில் அனைவருக்கும் உடன்பாடு உண்டு. அதனால்தான் ஓணம் பண்டிகையைத் தொடர்ந்து வரும் சதயம் நட்சத்திரத்தன்று ‘குரு ஜெயந்தி'யைக் கொண்டாடு கின்றோம்.

ஆனால், எந்த ஆண்டில் பிறந்தார் என்பது பற்றி வேறுபட்ட கருத்துகள் உள்ளன. கி.பி. 1854 என்போரும், 1855 என்போரும், 1856 என்போரும் உள்ளனர். இன்று நாராயண குரு அமைப்புகள் 1854 என்பதை ஏற்று அதனடிப்படையில் குரு சகாப்தத்தைக் கணக்கிடுகின்றனர், அதன்படி இந்த ஆண்டை (2016) குரு வருடம் 162 என்பதாகக் குறிப்பிடுகின்றனர்.
குரு வாழ்ந்திருந்த காலத்தில் குருவின் சீடர்களாலும், குருவைப் போற்றுபவர்களாலும் அவரது அறுபது ஆண்டு நிறைவு (சஷ்டியப்த பூர்த்தி) வெகு விமரிசையாகக் கொண்டாடப்பட்டது. குருவின் ஆலுவா அத்வைத ஆசிரமத்தில் அதனை ஆடம்பரமாகக் கொண்டாட குரு அனுமதிக்காவிட்டாலும், பிற இடங்களில் அது மிகச் சிறப்பாகவே கொண்டாடப்பட்டது

அறுபதின் சிறப்பு

இந்திய மரபுகள் சிலவற்றில், பஞ்சாங்கங்களின்படி அறுபது ஆண்டுகள் என்பது வாழ்க்கைச் சக்கரத்தின் ஒரு சுழற்சி நிறைவடையும் நிலையைக் குறிப்பதாகும். ஒரு யுகத்தின் நிறைவு. மனித வாழ்க்கையில் அது முதிர்ச்சி யையும், பக்குவப்படுதலையும், நிறைவையும் குறிக்கும். தமிழ் ‘காலண்டர்கள்' அறுபது ஆண்டுகளுக்கும் அறுபது பெயர்களைத் தருகின்றன. பிறகு மறுசுழற்சி. இந்த அறுபது ஆண்டுகளுக்கான பெயர்களின் தோற்றம் பற்றி நாரத ருக்கும், விஷ்ணுவிற்கும் ஏற்பட்ட உடலுறவால் தோன்றிய தான அருவருப்பான புராணங்கள் கற்பிக்கப்பட்டதுண்டு. அதனை தந்தை பெரியார் போன்ற பகுத்தறிவாளர்கள் கடுமையாகக் கண்டணம் செய்து நிராகரித்தும் உள்ளனர். ஆனால் நாம் இங்கே அறுபது (சஷ்டியப்தம்) என்று குறிப் பிடுவது அனுபவத்தாலும், அறிவாலும், சிந்தனையாலும், செயலாலும் ஒரு மனிதன் முதிர்ச்சி என்னும் (உதிர்ச்சி அல்ல) பக்குவ நிறைவைப் பெறும் காலகட்டம். நிறைவான வாழ்க்கையைப் பெற்றுவிட்ட ஒருவரைப் போற்றுகின்ற பண்பாட்டு மரபுதான் அறுபது அகவை நிறைவு நிகழ்ச்சி யாகும்.

ஆதிசங்கரர் அறுபதில் பாதியைத் தான் கடந்தார். ஏசுநாதரும் அவ்வாறே, விவேகானந்தர் நாற்பதோடு நின்றுவிட்டார். புத்தர் எண்பதைக் கடந்தார். மகாவீரரைப் போன்று நாராயண குருவும் 70 ஆண்டுகள் கடந்தும் வாழ்ந்தார். அந்த நாராயண குருவின் அறுபது வயது நிறைவு விழா அவரது வாழ்நாளிலேயே கொண்டாடப்பட்ட ஆண்டு... 1916. அதாவது, இன்றைக்கு நூறு ஆண்டுகளுக்கு முன்னர். அவரது தத்துவங்களும், லட்சியங்களும் மிகத்தெளிவாக உலகிற்கு அவராலேயே அறிவிக்கப்பட்ட ஆண்டு அது. 1916 மே 28 அன்று வெளியிடப்பட்ட அவரது அறிக்கை ‘சாதி மறுப்பு அறிக்கை' எனப் புகழ் பெறுகிறது.

"யாம் சாதி-மத பேதங்களைத் துறந்து பல ஆண்டுகள் கடந்து விட்டன. எனினும் சில குறிப்பிட்ட பிரிவினர் நம்மை அவர்களுடைய இனத்தை (சாதியை)ச் சேர்ந்த வரராக எண்ணியும் பணியாற்றியும் வருவதாகவும், அதன் விளைவாக பலருக்கும் எம்மைப் பற்றி உண்மைக்கு புறம் பான எண்ணங்கள் உருவாகி உள்ளதாகவும் அறிகிறோம்."

"யாம் தனிப்பட்ட ஒரு சாதியிலோ - மதத்திலோ உள்படவில்லை. குறிப்பாக நம்முடைய சீடர் குழுவிற்கும் மேற்படியுள்ளவர்களை (சாதி - மத உணர்வில்லாதவர்களை) மட்டுமே, எம்முடைய வாரிசாக வரத்தக்க வண்ணம் ஆலுவா ஆசிரமத்தில் சேர்த்துள்ளோம் என்றும், இனி மேலும் அந்த அடிப்படையிலேயே சேர்க்க இருக்கிறோம் என்றும் அறிவித்துள்ளோம். இந்த உண்மையை பொது மக்கள் அனைவரும் அறிய வேண்டும் என்பதற்காகவே இந்த பத்திரிகை விளம்பரம் செய்யப்படுகின்றது."

இதனை குருவின் தன்னிலை விளக்கம் என்றும் எடுத்துக் கொள்ளலாம். தம்மை ஒரு (ஈழவ) சாதிக்குருவாகச் சித்தரிப்பதை அவர் ஏற்க மறுக்கிறார். தமக்கு சாதி அடையாளம் தரப்படுவதை அவர் எதிர்க்கிறார். தாம் எந்த ஒரு குறிப்பிட்ட சாதிப் பிரிவினரின் குருவுமல்ல; எந்த குறிப்பிட்ட மதத்தின் (இந்து மதக்) குருவுமல்ல என்று உ.றுதிபடக் கூறுகிறார்.

சாதிகளும் மடங்களும்

குரு தம்மை மட்டுமே சாதி மறுப்பிற்கு, சாதித் துறப்பிற்கு உள்ளாக்கினார் என்று விளக்க முற்படுவது விஷமத்தனமாகிவிடும். அவரது முயற்சியால் உருவான சீடர் அமைப்பு, துறவியர் அமைப்பில் சேர்ப்பதுவும், வாரிசுகளை நியமிப்பதும் சாதி என்ற அடையாளத்தை கருத்தில் கொள்ளாமல் தான் நடைபெற்று வந்தன.

அருவிப்புறத்தில் சிவலிங்கப் பிரதிஷ்டை செய்தபின் அவர் நியமித்த பூசகர் சிவலிங்க சுவாமி ஈழவப் பிரிவினர் அல்லர். 1913இல் ஆலுவா அத்வைத ஆஸ்ரமத்தில் துறவிகளை சேர்க்கும்போதும், 1928இல் தர்ம சங்கத்தை உருவாக்கி அதில் துறவியருக்கு பொறுப்புகளை பகிர்ந்தளித்த போதும் அதில் சாதி என்ற அடிப்படை ஒரு சிறிதும் கூட இருக்கவில்லை. நாயர், "பிராமணர்" போன்ற ‘சாதி' களைக் கொண்டவர்களெல்லாம் இதில் இருந்தனர்.

அத்வைதம் பேசிய சங்கரர் உருவாக்கிய மடங்களில் "பிராமணர்" மட்டுமே வாரிசுகளாக முடியும். சைவ சித்தாந்தம் பேசிய ஆதீனங்களிலும் சாதி அடிப்படையிலேயே வாரிசுகள் நியமனம் நடைபெறுகிறது. உண்மையில் இவையெல்லாம் சாதி மடங்களாகவே இருந்தன, இருக்கின்றன. சாதி மடங்களின் நிறுவனர்கள் மட்டும் எப்படி லோக குருக்களாக முடியும்? ஜகத்குருக்களாக முடியும்? நாராயணகுரு, ஆன்மீகத்தில் சமத்துவ அத்வைதத்தையும், நடைமுறை வாழ்க்கையில் சாதீய சனாதனத்தையும் கடைப்பிடிக்கும் போலித்தனத்தைக் கொள்ளாதவர். அதைத்தான் இந்த அறிக்கையில் - "யாம் தனிப்பட்ட ஒரு சாதியிலோ - மதத்திலோ உள்படவில்லை. குறிப்பாக நமது சீடர் குழுவிற்கும் மேற்படி உள்ளவர்களை (சாதி - மத உணர்வில்லாதவர்களை) மட்டுமே, எம்முடைய வாரிசாக வரத்தக்க வண்ணம் ஆலுவா ஆசிரமத்தில் சேர்த்துள்ளோம் என்றும், இனி மேலும் அந்த அடிப்படையில்தான் சேர்க்க இருக்கிறோம் என்றும் அறிவித்துள்ளோம்." என்று அடிக்கோடிட்டு வலியுறுத்தியுள்ளார்.

ராமகிருஷ்ண மடம் போன்ற ஒரு சில மடங்களில் மட்டுமே சாதி கடந்தும் இளந்துறவியரை சேர்க்கும் நிலை உள்ளது. ஆனாலும் அவை சாதி - மறுப்பு மடங்களாக இருப்பதில்லை. நாராயண குருவால் உருவாக்கப்பட்ட துறவியர் அமைப்புகள்தான் சாதிகடந்து மட்டுமல்ல, சாதி மறுக்கும் தத்துவ அடிப்படையில் அமைந்துள்ளன.

(இந்த அறிக்கையில் குரு தமக்கு ஒரு (இந்து) மத அடையாளம் தரப்படுவதையும் மறுத்துள்ளார். (யாம் தனிப்பட்ட ஒரு சாதியிலோ - மதத்திலோ உள்படவில்லை) மதங்களுக்கிடையில் இணக்கம் என்ற நிலையில், மதங் களுக்கிடையில் ஆரோக்கியமான புரிதல் என்ற நோக்கில் ஆலுவா ஆசிரமத்தில் 1924இல் ‘சர்வமத சம்மேளனம்' நடத்தப்பட்ட பொழுது குருவின் பங்கு ஆழ்ந்த பொருள் கொண்டது. அது அவரால் ஏற்பாடு செய்யப்பட்ட சர்வமத மாநாடு. இஸ்லாம், கிறிஸ்தவம், பவுத்தம், ஜைனம், ஆரிய சமாஜம் என வெவ்வேறு மத அடையாளத்தில் உள்ளவர் களும் தத்தம் மதபோதனை களை, விளக்கி, போற்றிப் பேசினர். இந்து மதத்தை விளக்கி மஞ்சேரி ராமகிருஷ் ணய்யர் பேசினார். குரு மதங்களைக் கடந்த ஆன்மீகவாதி யாக, ஒரு வழிகாட்டியாக உரையாற்றினார். இந்து மதத் தைப் போற்றி அதனை நியாயப் படுத்தும் நிலைப்பாட்டை அவர் மேற்கொள்ளவில்லை. இந்து மதம் என்பது குறித்த அவரது கருத்துக்களை விளக்க இது தருணமல்ல. ஆனா லும் தம்மை ஓர் இந்துமத குரு என்ற நிலையில் அவர் வைத்துக் கொண்டதில்லை. ஏனெனில் அவர் மதங்கடந்த மனிதப் பொதுமையை ஏற்றுக் கொண்டவர், எடுத்துரைத்தவர்)

சாதிபேத மறுப்பு

சாதி - மதம் தொடர்பான நாராயண குருவின் முதல் அறிக்கை 1888இல் அருவிப்புறத்தில் சிவலிங்கம் பிரதிஷ் டைக்குப் பின்னர் அவராலேயே எழுதி வைக்கப்பட்டது..

சாதிபேதம் மதத்துவேஷம்
ஏதுமின்றி அனைவரும்
சோதரராய் வாழ்கின்ற
வழிகாட்டி இடமே இது.
சாதிபேதம் இன்றி என்பதற்கு ‘சாதி இன்றி' என்று பொருள் இல்லை. அவர்ண சாதியினருக்கு ஷண்மத (ஆகம)க் கடவுள் கோயில்களில் நுழைவு உரிமை மறுக்கப் பட்டிருந்த காலகட்டத்தில், அவர்ண சாதியினருக்கும் பேதமின்றி உரிமை என்ற உயரிய நோக்கம், சமூக நோக்கம் குருவின் நோக்கமாக அறிவிக்கப்படுகிறது. அது ஒரு முதல்படி, முதல் அடி மட்டுமே.

அதற்குப் பிறகு 28 ஆண்டுகளில் அவரது ஆன்மீக - சமூகப் பயணம் மேலும் உயர்வான லட்சியங்களை நோக்கி பயணித்தது. சமூகக் கொடுமைகள் என்னும் நோய்நாடி, நோய் முதல் நாடி, அது தணிக்கும் வாய்நாடி என்பதாக சாதி பேதங்களை மறுத்தவர். சாதி என்னும் சமூக நோய் முதல் நாடியை மறுக்கும் அடுத்த கட்டமாக 1916ஆம் ஆண்டு அறிக்கையைக் காண வேண்டும்.

(தொடரும்)

நன்றி: விடுதலை

கொடூர நோய்களை பரப்பும் மரபணு மாற்றப்பட்ட வாழைப்பழம் ஓர் அதிர்ச்சி தகவல்!

2016-08-26T20:55:00.001-07:00

செயற்கையாக மலட்டுத்தன்மை ஆக்கப்பட்ட மரபணு மாற்று காய்கறி பழங்களைத் தொடர்ந்து சாப்பிட்டால் மலட்டுத்தன்மை ஏற்படுவதோடு, கேன்சர், செரிமான கோளாறு, தோல்நோய், சிறுநீரக நோய்கள், அலர்ஜி போன்றவை உண்டாகும். இந்திய அரசிடமோ, விவசாயத்துறையிடமோ, பல்கலைகழ கங்கள், ஆராய்ச்சி சாலைகளிலோ எந்தவித அனுமதியும் பெறாமல் கேவின்டிஷ் மஞ்சள் வாழைப்பழம் பெங்களூரு வாழைப்பழம் என்ற பெயரால் விற்பனை செய்யப்படுகிறது.

முன்பெல்லாம் மருத்துவர்கள் தினமும் ஓரு வாழைப்பழமாவது சாப்பிடுங்கள், உடம்புக்கு மிகவும் நல்லது என்பார்கள்.

ஆனால் தற்போது மரபணு மாற்று பெரிய மஞ்சள் வாழைப்பழத்தை சாப் பிடவே வேண்டாம் என்று எச்சரிக்கிறார்கள்.

இந்த மஞ்சள் வாழைப் பழம் பார்ப்பதற்கு பச்சை வாழைப்பழம் போன்றே சிறிது நீண்டு காணப்படும்,

நிறம் மட்டும் மஞ்சள் நிறமாக இருக்கும்; காரணம் தற்போது சென்னை வாசிகள் பெரும்பாலோர் உடலில் தொண்டையில் அலர்ஜி, சைனஸ், தும்மல், வயிற்றுக் கோளாறு, வயிற்றுவலி, சிறுநீரக கற்கள், அடிக்கடி தலைவலி, புட் பாய்சன் என்று கடுமையாக அவதிப்படுகிறார்கள்.

இவர்களை நோயாளிகளாக மாற்றியது இந்த மரபணு மாற்று மஞ்சள் வாழைப் பழங்கள்தான். இயற்கையான வாழைப்பழம் பழுத்தால், இரண்டொரு நாளில் அழுகி விடும்.

இயற்கையான மஞ்சள், பச்சை வாடன், ரஸ்தாளி, மலைப்பழம், தேன்கதளி, நாட்டுப் பழம், நாட்டுச் சக்கைப்பழம், கற்பூர வள்ளி, ஏலக்கி ஆகிய வாழைப் பழங்கள் மண மாகவும், நல்ல ருசியாகவும் இருக்கும்.

இந்தப் பழங்கள் உடம்புக்கு சத்தாகவும், மற்ற உணவை செரிமானமாக்கவும் பயன் படும். மலச்சிக்கலால் பாதிக்கப்படுவோரும் தினமும் இரவில் வாழைப்பழம் சாப்பிடு வார்கள்.

பொதுவாக இயற்கையான வாழை ரகங்களில் நோய் தொற்று ஏற்படும். இவற்றை பூச்சுக் கொல்லிகளைப் பயன் படுத்தி நோயை கட்டுப்படுத்த வேண்டும். இந்த ரகங்களை பழுத்த உடன் நாம் சாப்பிடுவது வழக்கம்.

பூச்சிக் கொல்லிகளை அழிப்பதற்குப் பதிலாக பூச்சிகளைக் கொல்லும் விஷச் சத்தை வாழை மரத்தின் மரபணுவில் செலுத்தி அமெரிக்க விஞ்ஞானிகள் வெற்றி கண்டுள்ளனர்.

இதைத்தான் நாம் பி.டி. வாழை என்று அழைக்கிறோம்.

கேவின் டிஷ் என்ற பெயருடன் இந்த மரபணு மாற்று வாழைப்பழம் நம்மூரில் விற்கப்படுகிறது.
இப்பழங்களில் விஷத்தன்மை மிக அதிகமாக இருப்பதால் அமெரிக்காவில் இந்த வாழைப்பழம் பயிரிடவோ, விற்கவோ அனுமதிக்கப்படவில்லை

ஏழ்மையிலும் பசிபட்டினியிலும் வாடும் ஆப்பிரிக்க நாடு உகாண்டா.

இங்குதான் முதன் முதலில் 2007 ஆம் ஆண்டு அமெரிக்க அதிபர் ஜார்ஜ் புஷ் உகாண்டா அதிபரை மிரட்டி அந்நாட்டின் நாடாளுமன்றத்தில் சட்டம் கொண்டு வர செய்து, பி.டி. வாழை எனப்படும் கேவின் டிஷ் வாழைப்பழத்தை முதன் முதலில் பயிரிட செய்தார்.

நோய்களை பரப்பும்

உகாண்டாவில் பயிரிடுவதற்கு முன் பாகவே இந்தியாவில் சர்வதேச கம்பெனிகள் இந்திய நிறுவனங்களின் துணையுடன் கள்ளத்தனமாக இவ்வகை மரபணு மாற்று பி.டி. கேவின்டிஷ் வாழைப் பழத்தை பயிரி டவும் விற்பனை செய்யவும் ஆரம்பித்து விட்டனர்.

இந்த கேவின்டிஷ் மரபணு மாற்று மஞ்சள் வாழைப்பழம் பெங்களூரு வாழைப் பழம் என்ற பெயரில் சென்னை உள்பட தமிழகம் முழுவதும் விற்கப்படுகிறது.

முதலில் சென்னையில் சென்ட்ரல், எழும்பூர் ரயில் நிலையத்தில் பெங்களூர் வாழைப்பழம் என்ற பெயரில் இந்த பி.டி. வாழைப்பழம் விற்கப்பட்டது.

மக்களுக்கு, இதன் கொடூரத்தன்மை பற்றி எதுவும் தெரியாததால் சென்னை முழுவதும் இந்த வாழைப்பழ விற்பனை விரிவுபடுத்தப் பட்டது.

மாதக்கணக்கில் வைத்திருந்து விற் றாலும் கெட்டுபோகாது என்ற ஆசை வார்த்தை கூறி வியாபாரிகள் இந்த மரபணு மாற்று கேவின் டிஷ் வாழைப்பழத்தை விற்கும் நிலைக்குத் தள்ளப்பட்டார்கள்.

இதனால் சென்னையில் முக்கிய கம்பெனிகளின் சூப்பர் மார்க்கெட்டுகளில் இந்த வாழைப்பழம் மட்டுமே விற்கும் நிலை ஏற்பட்டுள்ளது.

மதுரை, சேலம், கோவை, நெல்லை போன்ற நகரங்களில் இந்த பி.டி. மரபணு மாற்று வாழைப்பழம் அறிமுகப்படுத்தப் பட்டாலும், இதற்குபோதிய வரவேற்பு இல்லை. இந்த மரபணு மாற்று வாழைப்பழம் இயற்கை வாழைப்பழம் போல் ருசியாக இருக்காது. இதனால் மற்ற நகரங்களில் இதனை யாரும் வாங்கவில்லை.

எனவே, சென்னையில் அறிவிக்கப் படாத தடைபோல வேறு இயற்கையான வாழைப்பழமே விற்காத வண்ணம், சர்வதேச நிறுவனங்கள் கேவின்டிஷ் வாழைப் பழங்களை மட்டுமே விற்கும் வண்ணம் ரகசியமாக சதி செய்துவிட்டன.
இதற்கு கார்ப்பரேட் கம்பெனிகள் பெரிதும் உதவியாக உள்ளன.

பி.டி. கத்தரிக்காய்க்கே இன்னும் இந்திய அரசு முழுமையான அனுமதி வழங்க வில்லை.

பி.டி. ரக மரபணு காய்கறி, பழங்கள், உயிரை மெல்லமெல்ல கொல்லும் விஷ மாகும். ஒருமுறை மட்டும் காய்த்து கனி யாகும்.
மரபணு மாற்று காய்கறி பழங்களைத் தொடர்ந்து சாப்பிட்டால் மலட்டுத்தன்மை ஏற்படுவதோடு, கேன்சர், செரிமான கோளாறு, தோல்நோய், சிறு நீரக நோய்கள், அலர்ஜி போன்றவை உண் டாகும்.

இந்நிலையில் இந்திய அரசிடமோ, விவசாயத்துறையிடமோ, பல்கலைகழ கங்கள், ஆராய்ச்சி சாலைகளிலோ எந்தவித அனுமதியும் பெறாமல் கேவின்டிஷ் மஞ்சள் வாழைப்பழம் பெங்களூரு வாழைப்பழம் என்ற பெயரால் விற்பனை செய்யப்படுகிறது.

எவ்வாறு உற்பத்தி செய்யப்படுகிறது?

பெங்களூரு வாழைப்பழம் என்று விற்பனை செய்யப்படும் மரபணு மாற்று பி.டி. ரக மஞ்சள் வாழைப்பழம் காட்டு கொட்டை வாழையில், மீன் சோளம், காட்டுமொச்சை இவற்றின் மரபணுவை புகுத்தி கண்டு பிடிக்கப்பட்டதாகும்.

இயற்கையான வாழை ரகங்கள் வாழை யடி வாழையாக வாழை மரத்தின் கிழங்கி லிருந்து செடி வளரும். அதனை பிரித்து நட்டாலே புதிய வாழையை பயிர் செய்ய முடியும்.

ஆனால் பி.டி. ரக கேவின்டிஷ் வாழை ஒருமுறை மட்டுமே காய்க்கும் வண்ணம் மரபணுவில் மாற்றம் செய்யப்பட்டு செயற் கையாக மலடாக்கப்பட்டதாகும். எனவே, விவசாயிகள் தாமாகவே மறுதடவை பயிர் செய்ய முடியாது.

திசு வளர்ப்பு முறையில் செடி வாழை சர்வதேச கம்பெனிகளின் ஏஜெண்டுகளால் உற்பத்தி செய்யப்பட்டு விவசாயிகளுக்கு பயிரிட வழங்கப்படுகிறது.

இவ்வகை பி.டி. ரக மரபணு மாற்று வாழையைத் தொடர்ந்து தோட்டத்தில் பயிர் செய்தால் அந்த நிலத்தில் உள்ள நன்மை செய்யும் புழு, பூச்சிகள், பாக்டீரியாக்கள் மொத்தமாக அழிக்கப்பட்டு அந்த நிலம் எந்த பயிரும் வைக்க முடியாத பாலைவனமாக மாறிவிடும்.

நன்றி: விடுதலை ஞாயிறுமலர் 27/08/16

சிந்துவெளி நாகரிகம் திராவிட மொழியைச் சார்ந்தது

2016-08-26T20:50:00.000-07:00

சிந்துவெளி நாகரிகம் திராவிட மொழியைச் சார்ந்தது
- அய்ராவதம் மகாதேவன்

சிந்துவெளி நாகரிகம் திராவிட மொழியைச் சார்ந்தது என்று கல் வெட்டு ஆய்வாளரும், தினமணி முன்னாள் ஆசிரியருமான அய்ராவதம் மகாதேவன் கூறினார்.

தஞ்சாவூர் தமிழ்ப் பல்கலைக்கழகத் தில் கடல்சார் வரலாறு, கடல்சார் தொல் லியல் துறை சார்பில் புதன்கிழமை நடைபெற்ற முனைவர்கள் எ.சுப்ப ராயலு, செ.ராசு அறக்கட்டளைச் சொற்பொழிவு நிகழ்ச்சியில் அவர் பேசியதாவது:

சிந்துவெளி நாகரிகம் திராவிட சமுதாயத்தைச் சார்ந்தது. மொகஞ்ச தாரோவில் கிடைத்த முதுகைக் காட்டி உட்கார்ந்த நிலையிலான விலங்கு, கொக்கி, நாற்சந்தி, குவளை வடிவ முத்திரைகள் ஆய்வு செய்யப்பட்டன.

இவற்றில் விலங்கு வடிவம் பண்டமாற்று முறை, கொக்கி வடிவம் வாங்குதல், எடுத்துக் கொள்வது, நாற்சந்தி வடிவம் தெருக்கள் அடங்கிய நகரம், கிராமம் என்பதை உணர்த்து கிறது. குவளை வடிவம் சிந்துவெளியில் அதிகம் காணப்படுகிறது. சொல்லின் இறுதியில் காணப்படும் இந்த வடிவம் அன், நகரத் தலைவன், பாண்டி, பாண்டியன் போன்றவற்றைக் குறிக் கிறது.

இதற்கு இணையான வார்த் தைகள் பழந்தமிழிலும் உள்ளன. இந்த 4 எழுத்துகளையும் சேர்த்து வாசிக்கும் போது நகர வணிகன் என்ற வாக்கியம் கிடைக்கிறது. இதை, மாற செழிய வழுதிபாண்டியன் எனவும் வாசிக்க முடியும்.

இதையெல்லாம் ஆராய்ந்து பார்க் கும்போது சிந்துவெளியில் பேசியது ஒரு திராவிட மொழி. அங்கு வாழ்ந்த மக்கள் புலம்பெயர்ந்து தென்னகத்துக்கு வந்ததால், சிந்துவெளி மொழிக் கூறுகள் பழந்தமிழ் மொழியில் காணப்படு கின்றன என்பது என் கருத்து.

பாண்டியர்களின் மூதாதையர்கள் சிந்துவெளியில் வணிகத்தில் ஈடு பட்டிருக்கலாம். அவர்கள் தெற்கு நோக்கி நகர்ந்து, திராவிட மொழி பேசியிருக்கலாம். குறிப்பாக, பண்டைய தமிழைப் பேசியிருக்கலாம்.

வெளியிலிருந்து வந்த ஆரியர்கள் சிந்துவெளியில் குடியேறியதால் அங்கு இந்திய- ஆரிய சமுதாயம் உருவாகியி ருக்கலாம். இந்திய ஆரியப் பண் பாட்டில் இருந்த ரிக் வேதத்தில் உள்ள வார்த்தைகள் சிந்துவெளியில் இருந்து கடன் மொழியாகப் பெறப்பட்டிருக் கின்றன. ரிக் வேதத்தில் வரும் பூசன் என்ற கடவுளின் பெயர் சிந்துவெளி மக்களிடம் இருந்து எடுக்கப்பட்டதாக அறிய முடிகிறது.

எனவே, சிந்துவெளி நாகரிகம் வேதப் பண்பாட்டைவிட காலத் தால் மிகப் பழைமையானது. சிந்துவெளிக் குறியீடுகளுக்கும், பண்டைய தமிழ் வார்த்தைகளுக்கு மான தொடர்பு அதிகமாக இருப் பதை சங்க காலத் தமிழ்ச் சொற்கள் மூலம் அறியலாம். எனவே, சிந்துவெளி நாகரிக மொழி தொல் திராவிட வடிவம் கொண்டது என்பது எனது முடிவு என்றார் அய் ராவதம் மகாதேவன்.

(தினமணி, 29.1.2015)

சமூகநீதிக் களத்தின் சரித்திர நாயகர்கள்

2016-08-10T06:53:00.000-07:00

திராவிடர் இயக்கமான - தென்னிந்திய நலஉரிமைச் சங்கம் “நீதிக்கட்சி” ((Justice Party) என்று வெகுமக்களால் அழைக்கப்பட்ட அக்கட்சி அந்நாளில் நடத்திய ஜஸ்டிஸ் ஏட்டினையும், அதன் லட்சியமான சமூக நீதியையுமே முன்னிலைப்படுத்திடும் பெயர் கொண்டது. அந்த அமைப் பின் முழு வரலாற்றையும், அதற்காக அரும்பாடுபட்டு உழைத்து தமது அறிவு, உழைப்பு, அனுபவம், செல்வம் எல்லாவற்றையும் பார்ப்பனரல்லாதார் சமூகத்தின் எழுச்சிக் கும், வளர்ச்சிக்கும், கொடுத்த உத்தமத் தலைவர்கள் வாழ்வையும், வரலாற்றையும், அவர்கள் போராடி நமக்குப் பெற்றுத் தந்த உரிமைகளையும் 100 ஆண்டுகள் ஓடி விட்ட நிலையில், நமது இன்றைய இளைஞர் சமுதாயம் அறிந்து உணர்வு கொள்ள வேண்டும்.

வேர்களின் வரலாறு, விழுதுகள் அறிய வேண்டும்

அந்த அரும் உழவர்கள் இந்த மண்ணை சமூகநீதிக்காக பக்குவப்படுத்திட, பெரும்பான்மையான மக்களுக்கு, வெகு சிறுபான்மையோர் மனுஸ்மிருதி, வேதங்கள் என்பவை களை மூளைக்குச் சாயமாக ஏற்றியதனால் ஏற்பட்ட தற்குறித்தனம், கல்வி உரிமை மறுப்பு - அறியாமை - வறுமை - இவைகளிலிருந்து பெரும்பான்மையினரான நம் மக்க ளைக் காப்பாற்றிட பிறந்ததே பார்ப்பனரல்லாதார் கட்சியான நீதிக்கட்சி. அதன் முன் னோடிகள் தனித்தனியே தம் முயற்சிகளை மேற்கொண்டனர். 1912 முதலே, டாக்டர் சி.நடேசன் அவர்கள் கல்வி கற்றுக் கொடுக்க போராடிய பல்வேறு சாதனைகளும், 1916ல் சர்.பிட்டி தியாகராயரும், டாக்டர் டி.எம். நாயரும் அவரோடு இணைந்த பல பார்ப்ப னரல்லாத தலைவர்களும் ஆற்றிய அருந்தொண்டு களும், வரலாற்று பாடங்களாக்கி வழி வழியாக அறிந்து கொள்ள ஏனோ நாம் தவறிவிட்டோம்.

1967இல் அறிஞர் அண்ணாவைப் பார்த்து,
செய்தியாளர்கள் ஒரு கேள்வி கேட்டனர்:

1957இல் தேர்தலில் போட்டியிட்டு 1967இல் - பத்தே ஆண்டுகளில் ஆட்சியைப் பிடித்த பெருமை உங்கள் கட்சியின் (திமுகவின்) தனிப்பெரும் சாதனை அல்லவா? என்று அண்ணாவிடம் கேட்க, அறிஞர் அண்ணா மிகுந்த பெருமிதத்துடனும் அதே நேரத்தில் தன்னடக்கத்துடனும் சொன்ன பதில் என்ன தெரியுமா?

“எங்களுடைய வெற்றி ஏதோ 10 ஆண்டுகளில் கிடைத்த வெற்றி அல்ல; எங்கள் பாட்டன் - நீதிக்கட்சி இட்ட அஸ்திவாரத்தின் மீது ஏற்பட்ட வெற்றி. நீதிக்கட்சி அப்போது தோல்வி அடைந்த பின், காங்கிரஸ் கட்சியின் சத்தியமூர்த்தி அய்யர் ‘நீதிக்கட்சியை 500 அடி ஆழக் குழிதோண்டிப் புதைத்து விட்டோம்’ என்று கூறியது உண்மை அல்ல; இதோ நாங்கள் அதன் தொடர்ச்சியாகவே இந்த வெற்றிக் கனியைப் பறித்துள்ளோம்” என்றார்.

நீதிக்கட்சிக்கு தலைவராக தேர்ந்தெடுக்கப்பட்ட பின் அக்கட்சிக்குப் புது ரத்தம் பாய்ச்சிய தந்தை பெரியார் அவர்கள் “அதென்ன அல்லாதார்?” 100க்கு 3 பேர்களாக உள்ளவர்களை வைத்து எஞ்சிய 97 பேர்களை அல்லா தார்கள் என்று அடையாளப்படுத்திக் கொள்ளுதல், மிகவும் இழிவு - கேவலம் அல்லவா? நாம் 97 சதவிகிதத்தினர் திராவிடர்கள் என்று வரலாற்றுப் பெருமை தரும் பெய ரையே வைத்துக் கொள்ளலாமே” என்று கூறிய பின்னர் திராவிடர் என்ற வரலாற்று பெருமை தரும் அடையாளமும், திராவிடரின் மீது ஆதிக்கம் செலுத்தியவர்கள் ஆரியர்கள் என்ற உணர்வும் பரவ ஆரம்பித்தது.

திராவிடர் இயக்கத்திற்கு அடிக்கல் நாட்டி, கட்டடம் எழுப்பி, ஆட்சிக் கட்டிலும் அமைத்து ஒரு மாபெரும் அரசியல், சமுதாய (கல்வி, உத்தியோக) எழுச்சியை - ஏற்படுத்திய கர்த்தாக்களை நாம் மறக்கலாமா? வரலாறு நம்மை மன்னிக்குமா? என்ற உணர்வோடு அந்தத் தலை வர்களைப் பற்றி அறிந்து கொள்ள 50 ஆண்டுகளுக்கு முன்பே முயற்சி எடுத்த திராவிடர் இயக்க எழுத் தாளர்களில் குறிப்பிடத் தகுந்தவர், போற்றுதலுக்கு உரியவர், தலை சிறந்த திராவிடர் இயக்க எழுத் தாளர், அதிக விளம்பரம் பெறாத - விரும்பாத ஒரு பேனா மன்னர் தோழர் கோ.குமாரசாமி என்ற மயிலாடுதுறைக்காரர். இவர் மத்திய அரசின்

இரயில்வே துறையில் பணியாற்றியதால் தான் ‘திராவிடப்பித்தன்’ என்ற பெயரில் எழுதியவர். தோழர் என்.வி.நடராசன் அந்நாளில் நடத்திய திராவிடன் வார ஏட்டில் வெளியிடச் செய்தார்.

தோழர் என்.வி.நடராசன் அவர்கள் நடத்திய வாரப் பத்திரிகை - நீதிக்கட்சியின் - துவக்கத்தில் வெளிவந்த தமிழ்நாளேடான ‘திராவிடன்’ ஏட்டினை நினைவுபடுத்தவும், இன உணர்வூட்டும் வகையிலும் அப்பெயரில் அவரால் நடத்தப்பட்டது. திராவிடன் வார ஏட்டின் மலரில் மாணவ நிலையிலே கட்டுரை எழுதிடும் வாய்ப்பை தோழர் என்.வி.என். அவர்கள் என்னை போன்ற மாணவ, இளைஞர்களை ஊக்குவிக்கும் வகையில் தந்துள்ளார்.

அப்படி அதில் எழுதிய வரலாறும், பிறகு தனியே அவை நூல்களாக வரவேண்டும், திராவிடர் இயக்க முன்னோடி களின் வரலாறு இளைய தலைமுறையைச் சேரவேண்டும் என்ற சிறந்த நோக்கத்திலும் பல்வேறு நூலகர்கள், பழகிய அறிஞர்கள், நண்பர்களை எல்லாம் சந்தித்துத் தேனீ, தேனை பல பூக்களிலிருந்து திரட்டி தேன்கூடு கட்டிட உதவுவதுபோல அரும்பணியாற்றிவர் தோழர் கோ.குமாரசாமி. (1985 மயிலாடு துறையில் 22, செங்கமேட்டுத் தெருவில் குடியிருந்தார் என்பதை மட்டுமே அறிய முடிகிறது நம்மால்). அவர்கள் மிகவும் கடினமாக உழைத்து அவர் எழுதிய நூல். 1967இல் அறிஞர் அண்ணா முதல் அமைச்சர் ஆன நிலையில் அவருக்கு ஆலோசகராக நியமிக்கப்பட்ட “இராவ் சாகிப்” நல். முருகேச முதலியார் (இவர் ஓய்வு பெற்ற அதிகாரி மற்றும் நீதிக்கட்சி பிரமுகர்) அவர்களது முயற்சியால் 1984இல் டாக்டர் சி.நடேசனார் பற்றிய முழுதகவல்களைக் கொண்ட களஞ்சியமாக அவரது நூற்றாண்டு வெளியீடாக - தோழர் குமாரசாமி எழுதிய நூல் வெளிவந்தது!
இது போலவே சர்பிட்டி தியாகராயர் பற்றியும், டாக்டர் டி.எம்.நாயர் பற்றியும் தோழர் குமாரசாமி அவர்கள் பல்வேறு நூல்களிலிருந்து பல அரிய தகவல்களைத் திரட்டி தோழர் குமாரசாமி அவர்கள் “திராவிடப் பெருந்தகை தியாகராயர்” என்ற தலைப்பில் 1985இல் எழுதி அதை திருநெல்வேலி, தென்னிந்திய சைவ சித்தாந்த நூல் பதிப்புக் கழகம் லிமிடெட், வெளியிட்டுள்ளது (அந்நூல் மீள் பதிப்பாக நம்மால் விரைவில் வெளிக் கொணரப்பட விருக்கிறது)

இப்படி நமது தலைவர்களின் வரலாற்றை புதைபொருள் ஆராய்ச்சிபோல் தேடித்தேடி கண்டு பிடிக்க வேண்டியுள்ளது. சிந்துவெளி நாகரிகத்தினை - திராவிடர் நாகரிகத்தை எப்படி சர்ஜான்மார்ஷல் (பாதர்) ஈராஸ் பாதிரியார் போன்றவர்கள் தொல்பொருள் ஆய்வு மூலம் தந்தார்களோ, அது போல நம் குமாரசாமி நமக்கு தந்துள்ள அரிய கருவூலம் ஆகும் இது. அதிலிருந்த பலவற்றையும், வேறு பல நூல்களிலிருந்து திரட்டியவைகளையும், இன்றைய தலைமுறையினர் வர லாற்றை மறந்தவர்களாகக் கூடாது என்ற நோக்கத்துடன் தொடர் கட்டுரைகளாக எழுதிட முனைந்துள்ளோம்.

வாசகர்கள் வரவேற்றுப் பயன் அடைவார்கள் என்று நம்புகிறோம்.

அடுத்த இதழ் முதல் திராவிடர் கல்வித் தந்தை டாக்டர் சி.நடேசனாரின் தியாக வாழ்வின் பல்வேறு படலங்கள் தொடரும்.

தொடரும்.....

நன்றி: விடுதலை

பி.கே. படத்தின் சாதனை

2016-07-12T05:48:00.001-07:00

2012ஆம் ஆண்டில் படப்பதிவு தொடங்கப்பட்டு 2014ஆம் ஆண்டில் முடிந்தது.

6.6.2014இல் வெளியிட திட்டமிடப்பட்டு, ஜூலை 2014இல் வெளியிடப்பட்டு வழக்கை எதிர்கொண்டது.

ராஜஸ்தான் நீதிமன்றத்தில் (போஸ்டரில் நிர்வாணம், வக்கிரம் என்றுகூறி) தடைகோரி பொதுநல வழக்கு உச்சநீதிமன்றம் படத்துக்குத் தடைவிதிக்க மறுத்ததுடன் படத்தை வெளியிடலாம் என்று தீர்ப்பளித்தது..

உச்ச நீதிமன்றத்தின் தீர்ப்பையடுத்து டிசம்பர் 2014இல் வெளியிடப்பட்டது.

தொடக்கத்தில் 4844, பிறகு இந்தியாவில் 5200, அயல்நாடுகளில் 844, திரையரங்குகளில் இங்கிலாந்து, பாகிஸ்தான் உள்ளிட்ட பல நாடுகளில் வெளியானது. இந்தியாவில் உ.பி., பிகார் மாநிலங்களில் வரிவிலக்கு அளிக்கப்பட்டது. ஜூலை 2014ஆம் ஆண்டில் வெளியிடப்பட்ட பிகே படம் பன்னாட்டளவில் 11கோடி அமெரிக்க டாலர் (இந்திய ரூபாய் மதிப்பில் 741.18 கோடி) இலாபத்தைக் கொடுத்த படமாக பிகே படம் வலம் வந்தது குறிப்பிடத்தக்கது.

இந்தத் திரைப்படம் கடவுள் மதம் மூடநம்பிக்கைகளைச் சாடு சாடு என்று சாடி, கிண்டலும் கேலியும் செய்தது என்பது குறிப்பிடத் தக்கதாகும். இத்தகு படம் 741 கோடி ரூபாய் இலாபம் ஈட்டியது குறிப்பிடத்தக்க தாகும். பி.கே. திரைப் படத்தில் ஒருகாட்சி!

“கடவுளே உன்னை எல்லா மத அடிப்படையிலும் பிரார்த் திக்கிறேன். நான் முட்டி போட வேண்டுமா? சலாம் போட வேண்டுமா? நமஸ்காரம் செய்ய வேண் டுமா? எல்லாவற்றையும் செய்கிறேன். மாலையில் விரதம் இருக்கிறேன். காலையில் விரதம் இருக்கிறேன். உடம்பை சாட்டையால் அடித்துக் கொள்கிறேன்.

இத்தனையும் செய்து ஏன் எனது கோரிக்கையைக் கேட்க மறுக்கிறாய்? வாழ வழியின்றித் தவிக்கிறேன் நண்பர்கள் இல்லை. நான் எந்த வகையில் தொழ வேண்டும்? யாரைத் தொழ வேண்டும் என்று நீதான் கூற வேண்டும்” என்று நடிகர் அமிர்கான் பி.கே. திரைப்படத்தில் கதறும் காட்சியில் கடவுள் வழிபாட்டின் அர்த்தமற்ற சங்கதியைப் படம் பிடித்துக் காட்டி பக்தர்களையும் சிந்திக்க வைக்கிறார்.

நன்றி: விடுதலை ஞாயிறு மலர் 10/07/2016

அமெரிக்காவில் தமிழ் வளர்ச்சி!

2016-07-09T07:30:00.000-07:00

வட அமெரிக்காவில் ஆண்டு தோறும் சூலை 4 (அமெரிக்கா விடுதலை நாள்) விடுமுறையை ஒட்டி வட அமெரிக்கத் தமிழ்ச் சங்கப் பேரவை பெரும் விழா எடுக்கும். அதில் அமெரிக்கா, கனடா நாட்டுத் தமிழர்கள் ஆர்வத்துடன் பங்கேற்றுக் குடும்பங் களாக வந்து மகிழ்வர். இந்த ஆண்டு 29ஆவது ஆண்டு விழாவைப் புரட்சிக் கவிஞர் பாரதி தாசன் 125ஆவது பிறந்த நாள் விழா, தனித்தமிழ் இயக்கத்தின் நூற்றாண்டு விழா என்று சிறப்பாக மூன்று நாட்கள் கொண்டாடி மகிழ்ந்தனர்.

விழாவின் மய்யக் கருத்தே " தமிழ்ப் பள்ளி... தமிழ்க் கல்வி..." என்பதாகும். சுமார் 30 ஆண்டுகட்கு முன்பிருந்தே அமெரிக்காவின் பல நகரங்களிலே சனி,ஞாயிறு நாட்களில் தமிழ்ப் பள்ளிகள் தொடங்கப் பட்டன. இன்று அமெரிக்காவின் முக்கிய நகரங்களிலே தமிழ்ப் பள்ளி இல்லாத நகரங்களே இல்லை எனும் அளவிற்குச் சிகாகோ போன்ற நகரங்களிலே 7 தமிழ்ப் பள்ளிகள் 200க்கும் மேற்பட்டக் குழந்தைகளுடன் நடக்கின்றன. அழகான தமிழ் பேசி மேடைகளில் நடிக்கும் அளவிற்கு வளர்ந்துள்ளனர். திருக்குறள் போட்டிகள், சங்க இலக் கியப் பாடல்கள் இசைத்தல் என்று வளம் பெற்றுள்ளனர்.

1330 குறள்களையும் எண், அதிகாரம், பொருள், ஆரம்பம், முடிவு என்று பல விதங்களில் சொல்லும் 5 குழந்தைகள் இறுதிப் போட்டியில் கலந்து கொண் டனர். அய்ந்தாம் வகுப்பே படிக்கும் மின்னிசோட்டா சிவாநந்தனின் மகள் முதல் பரிசைப் பெற்றார் ! அதைவிடச் சிறப்பு அவருக்குக் கிடைத்த 500 டாலர் பரிசை ஹார்வேர்ட் பல்கலைக் கழகத் தமிழ்த்துறை நிறுவும் முயற்சிக்கு அன்பளிப்பாகக் கொடுத்தார். அவரது அன்னையார், அவரும் 1330 குறள் களையும் அறிந்தவர். ஒரு இரண்டு வய துப் பெண் அருமையாகத் திருக்குறள் சொன்னது அனைவரையும் மகிழ்வித்தது.

விழாவிற்கு வந்திருந்த தமிழ்ப் பள்ளி ஆசிரியப் பெருமக்கள் நூற்றுக்கும் மேற்பட்ட அனைவரும் மேடைக்கு வரவழைக்கப்பட்டுப் பாராட்டப் பெற்றனர்.

பேரவைத் தலைவர் தந்தை பெரியார் பற்றாளர் நாஞ்சில் பீற்றர் அவர்கள் ஒரு உண்மைச் செயல் வீரர். பத்தாவது ஆண்டாக இலக்கிய வினாடி வினா என்று மிகச் சிறப்பான நிகழ்ச்சியை நடத்தினார்.

ஒவ்வொரு அணியிலும் 50 பேர் ஆண்,பெண் சிறுவர் என்று. அவர் களுக்கு முன்பே சங்க இலக்கியம், திருக்குறள், பாரதிதாசன் போன்ற கவிஞர்கள், இலக்கிய சமுதாயப் படைப்புகள் என்று குறிப்பிட்டுக் கொடுத்து மூன்று மாதங்கட்கு மேல் குழுவாகப் படித்து வந்திருந்தனர். ஒரு மணித்துளியில் பதில் சொல்ல வேண்டும். இசையுடன், தமிழகக் காட்சிகளுடன் கூடிய கேள்வி திரையில் தெரியும். அதற்குத் தமிழண்ணல் அணியும், வ.சு.ப. மாணிக்கனார் அணியினரும் பதில் சொன்னார்கள்.

கேள்விகள் முனைவர்களுக்கே கடினமானவை என்று வந்திருந்த தமிழறிஞர்களே சொன்னார்கள். 50 வினாக்களுக்கும் போட்டி கடுமையாகிக் கடைசியில் இரு அணிகளும் ஒரே மதிப்பெண் பெற்றனர் என்று பேரா சிரியர் இராமசாமி (முன்னாள் மனோன்மணி, வார்சா பல்கலை) தலை மையிலான குழு அறிவித்தது.

குழந்தைகட்குத் திருக்குறள் தேனீ சிறப்பாக நடந்தது. சிறுவர் சிறுமியர் பட்டி மன்றம் "தனித்தமிழ் குழந்தை களிடம் போய்ச் சேராதிருக்க முக்கிய காரணம் பெற்றோரா? சமுதாயமா?" என்று கடுமையாகவும், சிரிப்பும் சிந்தனையுமாகவும் அழகு தமிழில் குறுகிய நேரத்தில் சிறப்பாகக் கருத்துக்களை வழங்கினர். பெற்றோர் தமிழ் பேசாமை, ஆங்கில மம்மி, டாடி மோகம், தமிழ்ப் புத்தாண்டு தையா, சித்திரையா குழப்பம், தமிழின் பெருமை இலக்கிய வளம் சொல்லித் தராமை என்று அடுக்கினர். சமுதாயம் -_ முக்கிய மாகத் தொல்லைக் காட்சி பத்து மணித் துளி பார்த்தாலே தமிழ் பேசுபவரும் தமில் பேசும் தமிங்கலர் ஆகி விடும் அவலம், அரசு தமிழுக்கும், தமிழில் படிப்போர்க்கும் ஆதரவு தராமை, ஊடகங்களின் அநியாயத் தமிழ்ப் படுகொலை என்று அடுக்கினர்.

மதுரை பேராசியர் இரா.மோகன் அவர்கள் இரண்டு கண்களாக பெற்றோரும், சமுதாயமும் செயல் பட வேண்டும் என்று’’ தீர்ப்பளித்தார்.

பல செயல் வீரர்கள் தமிழுக்காக இணையத்தில் செய்துவரும் பணிகள், தமிழ் பிழை திருத்தி, தமிழ் நூல்கள், இணையத் தொகுப்பு, தமிழ் விக்கிப் பீடியா நிறுவனரின் சொற்பொழிவு, தமிழ் இசைப் பயிற்சி, பயிலரங்கம், என்றும் மற்றும் மாதந்தோறும் நடக்கும்’’ தொலைப்பேசியில் தமிழ் இலக்கிய கருத்தரங்கங்கள் பற்றிய செய்திகளும் பகிர்ந்து கொள்ளப் பட்டன.

அந்தந்தத் தமிழ்ச் சங்கங்களின் திறமைகள் பறை இசையாகவும், சிலம்பாட்டம், கும்மி,கோலாட்டம், மயிலாட்டம், நடனங்கள், நாட்டிய நாடகங்கள் என்றும் காட்டப்பட்டன. சங்கங்களின் சங்கமம் என்று ஒவ்வொரு சங்கமும் ஆட்ட பாட்டங்களுடனும், இசைக் கருவிகளுடன் பறை அடித்தும் நடந்த ஊர்வலம் மக்களை மகிழ்ச்சி வெள்ளத்திலும், ஒரு பெரிய தமிழ்க் குடும்பம் என்றும் புளகாங்கிதம் அடையச் செய்தது.

கவியரங்கம், கருத்தரங்கங்கள் எப்போதும் போல. இந்த ஆண்டு தனித் தமிழ் இயக்கத் தலைவர்கள் மறைமலை அடிகள், பாவாணர், பரிதிமாற் கலைஞர், பாரதிதாசன், பெருஞ்சித்திரனார், கி.ஆ.பெ. தந்தை பெரியார் முயற்சிகள் எடுத்துரைக்கப் பட்டன. தமிழ்மண் பதிப்பக இளவழகனார் பாராட்டப் பட்டார். அவரது மறைமலை அடி களார் முழுத் தொகுப்பு வெளியிடப் பட்டது.

முனைவர் பிரபாகரன் தமிழக மன்னர்கள் ஒருவருக்கொருவர் போரிட் டுக் கடைசியில் வேற்றார் உள் நுழையக் காரணமாயினர். மன்னர்களை மயக்கி வடமொழி திணிக்கப்பட்டது. தனித் தமிழ் இயக்கம் விழிப்புணர்ச்சியைக் கொண்டு வந்தது, தந்தை பெரியாரும், திராவிட இயக்கமும் தமிழ் மறு மலர்ச்சியைக் கொண்டு வந்தனர் என்றார்.

பேராசிரியர் இராமசாமி, பேரா சிரியர்கள் இரா.மோகன், இராதா மோகன், பெருங்கவிக்கோ வா.மு. சேதுராமன், ஆசிரியர்கள் முத்துசாமி (முன்னாள் மேலவை உறுப் பினர்),அன்பில் நாகராசன் ,அனைவரும் தமிழர்களின் மீது திணிக்கப்படும் சமஸ்கிருதத்தை எதிர்க்க வேண்டிய கட்டாயம், பெரியார் அவர்களின் கொள்கையின் தேவை பற்றி எடுத்துரைத்தனர்.

ஹார்வே பல்கலைக் கழகத் தமிழ் இருக்கை பற்றிய அறிவிப்பும், பொருள் சேர்த்தலும் நடந்தது.

அமெரிக்காவில் இளைய தலை முறை தமிழ் கற்று வருவதும், ஏனையோர் தமிழ் இலக்கியம் கற்று வருவதும், உலகத் தமிழாராய்ச்சி மாநாடு 2018 ஆம் ஆண்டு சிகாகோ பல் கலைக் கழகத்துடன் இணைந்து சிகாகோவில் தமிழ்ச் சங்கமும், பேரவையும் நடத்தும் என்ற அறிவிப்பும் அமெரிக்காவில் தமிழ் வளர்ச்சியின் நல்ல அறிகுறிகள் !

வாழ்க தமிழ் ! வளர்க பகுத்தறிவும், தனித் தமிழும்!

- செய்தி: டாக்டர் சோம.இளங்கோவன் நன்றி: விடுதலை 09/07/16

கடவுளின் கொள்கையை பின்பற்றினால் ஓட்டுக்கு பணம் கொடுக்கும் பழக்கத்தை தடுக்க முடியும்

2016-05-23T20:16:00.000-07:00

வாக்காளர்கள் ஓட்டுக்கு பணம் வாங்கி கொண்டு ஓட்டுளிப்பது இப்போது பெரும் பிரச்சினையாக உள்ளது.

வெற்றிபெறுவதற்கு வாய்ப்புள்ள வசதியுள்ள வேட்பாளர்கள் கண்டிப்பாக ஓட்டுக்கு பணம் கொடுப்பார்கள் அதை எந்த தேர்தல் ஆணையமும் தடுக்க முடியாது. (தேர்தல் ஆணையமே ஒரு சார்பு நிலையாக இருப்பது வருந்ததக்க செய்தி) காரணம் வேட்பாளர்களின் பணத்தை கொடுப்பதே அந்த பகுதியில் உள்ள மக்கள்தான் (கட்சி உறுப்பினர்கள்). எந்த வேட்பாளரும் நேரடியாக வாக்காளாரிடம் பணம் கொடுப்பது கிடையாது (ஒரு சில இடங்களை தவிர).

இப்படி பணம் கொடுப்பது கட்சி பாகுபாடின்றி நடைபெறும் அது எல்லா கட்சிக்கும் பொருந்தும். சில கட்சிகளில் தலைமையின் உத்தரவின் பெயரில் பணம் கொடுக்கப்படும், சில கட்சிகளில் தலைமை உத்தரவு இல்லாமலேயே வேட்பாளர்களே கொடுப்பார்கள். காரணம் அவர்கள் போட்டியிட சீட் வாங்கும்போதே அந்த தொகுதியில் எனக்கு செல்வாக்கு உள்ளது நான் ஜெயித்துவிடுவேன் என்ற உத்தரவாதம் கொடுக்கிறார்கள். அவர்கள் போட்டியிடுவது பதவிக்காக என்பதை யாரும் மறந்துவிட முடியாது. ( ஒரு சில வேட்பாளர்களுக்கு விதிவிலக்கு உண்டு).

நாம் அனைவரும் நமக்கு வேண்டியதை பணம் கொடுத்து கேட்க வேண்டும் என்ற மனநிலையில்தான் வளர்கிறோம். அதனால் எந்த செயலை நாம் செய்யும்போதும் நாம் பணம் கொடுப்பதை வாடிக்கையாக வைத்துள்ளோம் அதன் பெயர்கள்தான் வித்தியாசம்(அதை பற்றி தனி கட்டுரை பிறகு இணைக்கப்படும்)

கோயிலில் உள்ள கடவுளிடம் கோரிக்கையை வைத்து வேண்டிக்கொள்ளும் போதே உண்டியலில் காசு போடுகிறேம். அர்ச்சனை தட்டில் அய்யருக்கு பணம் கொடுக்கிறோம். கடவுளுக்கு பால்/சந்தனம்/பட்டா அபிஷேகம், தேங்காய் உடைத்தல்..etc…, etc…, என்று பல காணிக்கை செலுத்திதான் நாம் எடுக்கும் முயற்சி வெற்றிபெற கடவுள் உதவவேண்டும் என்று வேண்டிக்கொள்கிறோம்.

எந்த ஒரு கடவுளும் தனக்கு பணம் காணிக்கை செலுத்தினால்தான் உங்களுக்கு ஆசிர்வதிப்பேன் என்றும், உதவுவேன் என்றும் கூறவில்லை. ஆனால் நாம் தான் நம்முடைய சக்திக்கு ஏற்ப தொடர்ந்து செய்கிறோம்.

ஆனால் கடவுளின் கொள்கை ரொம்ப தெளிவு அதாவது நீங்கள் எவ்வளவுதான் பணம் கொடுத்தாலும், காணிக்கை செலுத்தினாலும் கடவுள் அமைதியாக அனைத்தையும் வாங்கிக்கொண்டு அமைதியாகதான் இருப்பார்.

பிறகு எப்படி வெற்றிபெறுவோம் என்றால் நாம் எடுத்துக்கொண்ட காரியத்தில் நாம் உண்மையாக உழைத்தால் மட்டும்தான் வெற்றி அடைவோம்.

அதனால் ஓட்டுக்கு பணம் கொடுத்தாலும், கொடுக்கவில்லையென்றாலும் நல்லது செய்யும், நல்ல திட்டங்களை செயல்படுத்தும் (10% கமிஷன் வாங்கினாலும் பராயில்லை)வேட்பாளர்களுக்கு மட்டும்தான் ஓட்டுப்போடுவோம் என்று மக்கள் முடிவு எடுத்து ஓட்டுப்போட்டால் கண்டிப்பாக நம் நாட்டில் ஓட்டுக்கு பணம் கொடுக்கும் பழக்கத்தை ஒழித்துவிடலாம். [இது யதர்த்தமான கட்சி சார்பற்ற சிந்தனை/ யோசனை].

அல்லது.

தேர்தலை நடத்தும் தேர்தல் ஆணையமே வாக்குசாவடிக்கு வந்து ஓட்டு அளித்தால் ஓட்டு போடுபவர்களுக்கு பணம் கொடுப்போம் என்ற ஒரு திட்டத்தை செயல்படுத்தினால். 100% மக்களும் ஓட்டு போடுவார்கள் அதனால் வேட்பாளர்கள் ஓட்டுக்கு பணம் கொடுக்கும் பழக்கத்தையும் தடுக்க / குறைக்க முடியும்.

-கபூ-

குறிப்பு: வாக்காளர்கள் பெரும்பாலானோர் கடவுள் நம்பிக்கையுடைவர்கள் என்பதால் இந்த பதிவில் கடவுள் உதாரணம் பயன்படுத்தப் பட்டுள்ளது]

கள்ளுக்கடை திறப்பது சீமானின் மதுஒழிப்பு!

2016-04-29T01:28:00.002-07:00

மது போதைப்பொருள் ஓழிப்பு!

இது நாம் தமிழர் கட்சி தேர்தல் துண்டறிக்கையில் அச்சிடப்பட்டுள்ளது.

கள்ளுக்கடையை திறப்போம்! மதுவை ஒழிப்போம்!

இது நாம் தமிழர் ஆட்சி செயற்பாட்டு வரைவில் குறிப்பிடப்பட்டுள்ளது.

என்ன ஒரே குழப்பமாக இருக்கா...
எனக்கும் அதே குழப்பம் தான்!

சரி சீமான் மதுவை ஒழிப்பாரா? மாட்டாரா?

அவர் வெளியிட்ட வரைவு அறிக்கையை பார்ப்போம்..

பக்கம் 59-ல்

பனங்களையும், தென்னங்களையும் பெயர் மாற்றி பனம்பால், தென்னம்பால் என்ற பெயரில்

தமிழ்த் தேசிய மதுபானமாக அறிவிக்கிறார்.

ஒவ்வொரு ஊரிலும் கள்ளுக்கடைகள் திறக்கப்படும்.

பக்கம் 180 & 183-ல்

மதுவையும், புகையிலைப் பொருட்களையும் முற்றாகத் தடை செய்வோம் என்று குறிப்பிட்டுள்ளார்.

சரி இறுதியாக என்ன சொல்கிறார் சீமான்?

வெளிநாட்டு மதுபானங்களை தடை செய்வோம்.

உள்நாட்டு மதுபானத்தை விற்பனை செய்வோம்

அதாவது டாஸ்மார்க்கிற்கு பதில்

கள்ளுக்கடையை திறப்போம்.

ஆனால் இப்படி நேரடியாக கள்ளுக்கடையை திறப்போம் என்று கூறினால்.
பெண்கள் ஓட்டுப் போட மாட்டார்கள்.

அதனால் “கள்” என்று சொல்வதற்கு பதிலாக பனம்பால், தென்னம்பால் என்ற பெயரில் கடைகளையை திறப்போம் என்று கூறுகிறார்.

இதுதான் சீமான் கூறும் “மாற்று அரசியல்” அதாவது

“கள்” என்ற சொல்லை மட்டும் மாற்ற மாட்டோம்!

கள்ளுக்கடையை திறந்து செயலும் படுத்துவோம்!

எச்சரிக்கை தமிழர்களே!

மாற்று அரசியல் என்பது நேர்மையான அரசியலாக இருக்க வேண்டும்.

மதுவையும் ஒழிப்போம், கள்ளுக்கடையையும் திறப்போம்! என்று கூறி

மக்களை ஏமாற்றும் அரசியலாக இருக்கக் கூடாது.

-தஅ-

இவர்களை வைத்து அரசியல் செய்யும் சீமான் - எப்படி?

2016-04-25T00:06:00.001-07:00

நடப்பது அ.தி.மு.க ஆட்சி.

ஏன் அ.தி.மு.க ஆட்சி இந்த ஏழு பேரையும் விடுதலை செய்யவில்லை ? என்று சீமானின் நாம் தமிழர் கட்சி குற்றம் சாட்டி எழுதவில்லை?

நடிகர் சஞ்சை தத்-யை பா.ஜ.க (BJP) ஆட்சிதான் விடுதலை செய்தார்கள் என்று குறிப்பிடவில்லையே ஏன்?

பா.ஜ.க மீது தனி பாசம் ஏன்?

பா.ஜ.க (BJP) ஆட்சிதான் எழுவரையும் விடுவிக்க தடை போட்டுள்ளார்கள் என்று ஏன் குறிப்பிடவில்லை?

பா.ஜ.க-வின் பெயரை மறைப்பதன் மர்மம் என்ன?

அ.தி.மு.க அரசு; மாநில அரசுக்கு உள்ள அதிகாரத்தை வைத்து எழுவரையும் ஏன் விடுதலை செய்யவில்லை என்று குறிப்பிடவில்லை?

அதனை எதிர்த்து, ஜெ.அரசை கண்டித்து சீமான் ஏன் போராடவில்லை?

நாம் தமிழர் கட்சி சட்டப்போரட்டத்தை நடத்தவில்லையே ஏன்?

நாம் தமிழர் கட்சி ஆட்சிக்கு வந்தால் தான் சட்டப்போரட்டத்தை நடத்துவார்கள் என்றால் அது ஏமாற்றும் செயல்?

எழுவரையும் விடுவிக்க மறுத்த பா.ஜ.க-வையும் மோடி அரசையும் எதிர்த்து கண்டித்து ஒரு அறிக்கைக்கூட சீமான் வெளியிடவில்லையே ஏன்?

இப்போது நடக்கும் அ.தி.மு.க, பா.ஜ.க அரசை குற்றம்சாட்டாமல் அதற்கு முந்தைய தி.மு.க அரசை மட்டும் திட்டமிட்டு குற்றம் சாட்டுவது ஏன்?

சீமானும், நாம் தமிழர் கட்சியும் இப்பிரச்சினையில் உள்நோக்கத்துடன் செயல்படுவதை பார்க்கும் போது தெளிவாக தெரிகிறது. இவர்கள் ஈழ தமிழர்களுக்காகவோ, தமிழக தமிழர்களுக்காகவோ சீமான் போராடவில்லை. மாறாக இப்பிரச்சினைகளை பயன்படுத்தி தி.மு.க-வை அழிக்க வேண்டும். மக்கள் மனதில் தி.மு.க எதிர்ப்பினை உருவாக்க வேண்டும்.

ஏன் தி.மு.க-வை அழிக்க வேண்டும்?

தி.மு.க-வை அழித்தால் மட்டும் தான் தமிழ் நாட்டில் ஆர்.எஸ்.எஸ், பா.ஜ.க மற்றும் சாதிக் கட்சிகள் தமிழ் நாட்டில் நன்றாக வேர்பிடித்து வளர முடியும்.

அதனால் தான் சீமான் திராவிடர்கள் வேறு, தமிழர்கள் வேறு என்று வரலாற்றை திரித்து பொய் கூறுகிறார்.

தமிழன் மட்டும் நாட்டை ஆள வேண்டும் என்று கூறி மற்ற எந்த குடிமகனும் நாட்டை ஆள உரிமை கிடையாது என்று சொல்லி இனவெறியை வளர்க்கிறார்.

இவைதான் பிரித்தாலும் சூழ்ச்சி என்பதாகும் அதை பயன்படுத்தினால் மட்டும் தான் ஆர்.எஸ்.எஸ், பா.ஜ.க தமிழ் நாட்டில் வளர முடியும்.

அதற்குதான் சீமான் துணை நிற்கிறார். சில நேரங்களில் பொதுவாக சில வார்த்தைகள் பா.ஜ.க வை திட்டுவார். அது வெறும் கண் துடைப்பு. அதற்கு உதாராணம்தான் இந்த எழுவர் விடுதலை பிரச்சினையில் அ.தி.மு.க பா.ஜ.கவை எதிர்த்து போராடாமல் மவுனமாக இருப்பது.

இப்படி ஏமாற்றும் சீமானின் போலி அரசியலை புரிந்துக் கொள்ளுங்கள்.

தமிழர்களின் உண்மை உணர்வுகளை அழிக்க புதிதாக தோன்றியுள்ள நோய் கிருமிதான் சீமான்

தமிழகத்தில் தமிழர்களின் ஒற்றுமையை சீர்குலைக்க உரக்க பேசுபவர்தான் சீமான்; எளிதில் கண்டுபிடிக்க முடியாத ஒரு கொடிய நோய் கிருமி.

எச்சரிக்கை தமிழர்களே!

சீமான் போன்ற போலிகளை கண்டு ஏமாறாதீர்கள்!

-தஅ-

தமிழ்மொழியை அவமானப் படுத்தாதீர்கள்!

2016-04-14T02:58:00.001-07:00

இன்று தமிழர்கள் சித்திரை-1 தமிழ்ப் புத்தாண்டு என்று தமிழர்கள் வாழ்த்துகளை கூறி வருகிறார்கள் அவர்களின் சிந்தனைக்கு:

இந்துமத கதைப்படி தமிழர் ஆண்டுகளை 60 ஆகப் பிரித்து ஒவ்வொரு ஆண்டுக்கும் ஒவ்வொரு பெயரிட்டு அழைத்தார்கள்.

முதல் வருடமான பிரபவ வருடத்தில் தொடங்கி 60 ஆவது வருடமான அட்சயவருடத்தில் நிறைவடைகிறது. இன்று பிறக்கும் 30ஆவது வருடத்தின் பெயர் “துர்முகி” என்பதாகும். இந்த 60 ஆண்டுகளின் பெயர்கள் அனைத்தும் சமஸ்கிரதத்தின் பெயர்கள்.

தமிழ் வருடத்தின் பெயர்கள் எப்படி சமஸ்கிரதத்தின் பெயரில் அழைக்கலாம்? என்று சிந்தித்ததுண்டா? ?

இந்துமத அடிப்படையில் கொண்டாடப்படும் சித்திரைப் புத்தாண்டு எப்படி இஸ்லாமிய, கிருஸ்துவ தமிழர்களுக்கு ஏற்புடையதாக இருக்கும்?

இந்த 60 ஆண்டு கணக்குப்படி எப்படி தமிழர்களின் வரலாற்றை குறிப்பிட முடியும்? எப்படி உங்கள் வயதை கணக்கிட முடியும்? என்றாவது சிந்தித்ததுண்டா??

தமிழ்ப் புத்தாண்டு தமிழர்களின் பண்பாட்டை, வரலாற்றை உலகுக்கு எடுத்துக்கூறும் வகையில் தொடர்ஆண்டு கணக்காக இருந்தால், தமிழர்களின் வரலாறு உலகம் முழுவதும் தெரிவதற்கும், தமிழினம் உலகின் மூத்தகுடிமக்கள் வாழ்ந்த இனம் என்ற வரலாற்றுக்கு ஒரு ஆதாரமாக இருக்குமே! அதை பற்றி சிந்தித்ததுண்டா??

அதனை கருத்தில்கொண்டு மறைமலை அடிகளார் போன்ற தமிழறிஞர்கள் தை-1 தமிழ் புத்தாண்டாக தமிழர் திருநாளாக கொண்டாட சொல்லி திருவள்ளுவர் ஆண்டு கணக்கை பின்பற்ற சொன்னார்கள். அவர்களின் கணக்குப்படி இப்போது நடப்பது திருவள்ளுவர் ஆண்டு 2047 (கி.பி 2016+31 : அதாவது கிருஸ்து பிறப்புக்கு 31 ஆண்டுகளுக்கு முன்பு திருவள்ளுவர் பிறந்துள்ளார்)

அப்படி பின்பற்றும் போது தமிழ்ப் புத்தாண்டு எல்லா மதத்துக்கும் பொதுவாக இருக்கும் மேலும் எல்லா தமிழர்களும் ஏற்றுக்கொண்டு பின்பற்றுவார்களே!

தமிழ்ப் புத்தாண்டு என்பது எல்லா தமிழர்களுக்கும் ஏற்புடையதாக இருக்க வேண்டும் அப்படியிருந்தால் அது தமிழ்ப் புத்தாண்டு இல்லையென்றால் அது ஒரு மதத்தின் பண்டிகை.

சிந்தியுங்கள்!

சமஸ்கிரத பெயர் கொண்ட ஆண்டுகளை தமிழ்ப் புத்தாண்டு என்று சொல்லி தமிழ்மொழியை அவமானப் படுத்தாதீர்கள்.

60 ஆண்டுகள் தான் தமிழ் ஆண்டுகள் என்று கூறி தமிழர்களின் வரலாற்றை மறைக்கும் வேலையை அறிவுக்கு பொருந்தாத வகையில் செய்யாதீர்கள்!

ஒரு மத நம்பிக்கையின் அடிப்படையில் தமிழ்ப் புத்தாண்டு என்றுகூறி மற்ற மதத்தை நம்பும் தமிழர்களை பிரிக்காதீர்கள்!

தமிழர்களின் பண்பாடு மனிதர்களை பிரித்து ஆளுவதல்ல! ஒன்றுபடுத்தி மதித்து ஆளுதல்! அதனால் தை-1யை தமிழ்ப் புத்தாண்டாக கொண்டாடுங்கள்! திருவள்ளுவர் ஆண்டு கணக்கை பின்பற்றுங்கள்!

மத நம்பிக்கையின்படி சித்திரை-1 யை கொண்டாட வேண்டும் என்று நினைத்தால், சித்திரை திருநாள் என்று கொண்டாடுங்கள்!

ஆனால் சித்திரை-1 தமிழ்ப் புத்தாண்டு என்று கூறி கொண்டாடி தமிழ்மொழியை அசிங்கப்படுத்தி அவமானப் படுத்தாதீர்கள்!

-தஅ-

வந்தவர் மொழியா? செந்தமிழ்ச் செல்வமா.? புரட்சிக்கவிஞர் பாரதிதாசன்

2016-04-09T17:13:00.002-07:00

கழிவறையைவிட அசுத்தமான கைபேசிகள்

2016-04-08T19:32:00.003-07:00

மற்ற வயதினரைக் காட்டிலும் இளையர்களே கைபேசியை கழிவறையில் அதிகம் பயன்படுத்துகின்றனர். அத்துடன், இருவரில் ஒருவர்தான் கழிவறையை பயன்படுத்திய பின் கைகளைச் சுத்தம் செய்கின்றார். ஆயினும் கைபேசியைச் சுத்தம் செய்வதில்லை எனும் திடுக் கிடும் தகவல்களை வெளியிட்டுள்ளது நன்யாங் தொழில்நுட்பப் பல்கலைக்கழகம் மேற்கொண்ட ஆய்வு ஒன்று. 305 பேரிடம் நடத்திய ஆய்வில் 10ல் ஒன்பது சிங்கப்பூரர்கள் கைபேசிகளைக் கழிவறையில் பயன்படுத்துகின்றனர் என்றும் அவர்களில் 10ல் ஒருவர் தான் அதைச் சுத்தம் செய்கிறார் என்றும் கண்டறியப்பட்டுள்ளது. இப்போக்கு சிங்கப்பூர் இந்தியச் சமுதாயத்திலும் பரவலாகக் காணப்பட்டாலும் ஆய்வு முடிவுகளைக் காட்டிலும் கைபேசியைக் கழிவறையில் பயன்படுத்தும் இந்தியச் சமூகத்தினரின் எண்ணிக்கை சற்றுக் குறைவாகவே உள்ளது.

ஆறில் ஒரு கைபேசியில் மலம் தொடர்பான கிருமி இருப்பதாகவும் கழிவறைகளில் இருப்பதைப் போல 18 மடங்கு கிருமிகள் கைபேசிகளில் இருப்பதாகவும் வேறு சில ஆய்வுகள் உறுதிப் படுத்தியுள்ளன. கழிவறையில் கைபேசியைப் பயன்படுத்துவதாக ஒப்புக் கொண்ட நவின், 15, அதை அடிக் கடி சுத்தம் செய்ய சோம்பேரித்தனப்படுவதாகக் குறிப்பிட்டார். முக்கியமான அழைப்புகளை உடனடியாக ஏற்பது தவிர பாடல் கள் கேட்பது குறுஞ்செய்தி அனுப்புவது போன்றவற்றுக்கும் கழிவறையில் கைபேசியைப் பயன்படுத்துவதாகச் சிலர் கூறினர்.

கைபேசிகளைச் சுத்தப்படுத்தக் கோரும் பதாகையைச் சுமந்தபடி சாதிக்கினும் குறிப்பேடுகளை வழங்கியபடி ஆயிஷாவும் மக்களிடையே விழிப்புணர்வை ஏற்படுத்தினர். படம்: நன்யாங் தொழில்நுட்பப் பல்கலைக்கழகம்

நன்றி: தமிழ் முரசு சிங்கப்பூர் 06/04/16

“பாரத மாதாஹி ஜே!’’ என்பதும் இந்தியாவை பாரதம் என்பதும் தப்பு! சாஸ்திர விரோதம்!

2016-04-05T07:22:00.001-07:00

மனுஸ்மிருதி ஆதாரம் இதோ!

பொய்யை மெய்யாய் காட்டுவதும்; இல்லாததை இருப்பதாய்க் காட்டுவதும்; பிறருடையதைத் தன்னுடையது என்பதும்; பலதை ஒன்று என்பதும் ஒன்றை பலதாக்குவதும் ஆரிய பார்ப்பனர்களின் சூழ்ச்சியாகும். இந்துமதம் என்று ஒரு மதமே இல்லை. இந்தியாவிலிருந்த பல கடவுள் நம்பிக்கைகளை ஒன்றாக்கி அதுதான் இந்துமதம் என்று பித்தலாட்டம் செய்து பிழைப்பபதோடு, அதை வைத்தே ஆதிக்கம் செலுத்தி வருகின்றனர்.

காலஞ்சென்ற காஞ்சி சங்கராச்சாரி யாரே, இதை ஒத்துக்கொண்டு கீழ்க் கண்டவாறு கூறுகிறார்: “இப்போது ‘ஹிந்து மதம்’ என்று ஒன்றைச் சொல்கிறோம். இதற்கு உண்மையில் இந்தப் பெயர் கிடையாது. ‘ஹிந்து’ என்றால் ‘அன்பு’ என்று அர்த்தம்; ஹிம்சையைத் தூஷிப்பவன் ஹிந்தூ என்று சிலர் சொல்கிறார்கள். இது சமத்காரமாகச் சொல்வதேயாகும். நம்முடைய பழைய சாஸ்திரம் எதிலும் ‘ஹிந்து மதம்’ என்கிற வார்த்தையே கிடையாது. ஹிந்துக்கள் என்பது அந்நிய நாட்டினர் நமக்கு வைத்த பெயர்தான்.” தெய்வத்தின் குரல், பாகம்-1, பக்கம் 125

கற்பனைகளையெல்லாம் புராணங்களாக்கி, அவை நடந்தவை என்று மக்களை நம்பச் செய்து முட்டாளாக்கி, பொழுதையும், பொரு ளையும் பாழாக்கச் செய்தனர். பிறருடைய கலை, மருத்துவம், மொழி, நாடு, பொருள் இவற்றைத் தன்னுடையது என்றனர். பிச்சையெடுத்துப் பிழைக்க வந்தவர்கள், மண்ணின் மக்களை இழிமக்கள் என்று தாழ்த்தி தாங்களே உயர்ந்தவர்கள், தங்களுக்கு அடிபணிந்தே மற்றவர்கள் வாழவேண்டும் என்றனர்.

அதேபோல் பல நாடுகளாக இருந்த இந்தியப் பகுதியை ஒன்று என்றனர். ஒன்றாக இருந்த திராவிடர்களைப் பல வருணங்களாகப் பல ஜாதிகளாகப் பிரித்தனர். இந்தியா என்று ஒரு நாடே இல்லை. இப்பகுதி பல குறு, சிறு, பெரு நாடுகளாய் இருந்தது. 54 தேசங்களாய் இருந்ததாய் பல்வேறு கதைகளில் சொல்லப்படுகின்றன. அரிச்சந்திரன் மயானத் தில் நின்று கலங்கியபோதுகூட இந்த 54 தேசங்களையும் வரிசையாய் சொல்வதை அரிச்சந்திரன் நாடகத்தில் கேட்கலாம்.

ஆரிய பார்ப்பனர்களின் உயிர்நாடியாய் விளங்கும் மனுதர்ம சாஸ்திரமே இந்தியா இல்லை என்கிறது. இது பல நாடுகளாய் (தேசங்களாய்) இருந்தது என்கிறது. பாரதம் என்பது பல தேசங்களுள் ஒன்று என்கிறது. இந்திய தேசங்களுள் ஒன்றான பாரதம் என்ற பகுதியை இந்தியா முழுமைக்கும், அதையும் தாண்டி பாகிஸ்தானையும் சேர்த்து பாரதம் என்பது அடாவடிச் செயல், அயோக்கியச் செயல் அல்லவா?

ஆர்.எஸ்.எஸ். தலைவர் பகவத் அண்மை யில் பாரதத்தை ஏற்காதவர்கள் பாகிஸ்தானைப் பிரித்தனர் என்கிறார். பகவத்தும், ஆர்.எஸ்.எஸ்.ம், அவர்களின் பரிவாரங்களான பி.ஜே.பி. உள்ளிட்ட அமைப்பைச் சேர்ந்தவர்களும் ஏற்றிப் போற்றும், நடைமுறைப்படுத்தத் துடிக்கும் மனுஸ்மிருதி என்ன சொல்கிறது? கீழே படியுங்கள், “பௌண்டாம், ஔண்டரம், திராவிடம், காம்போசம், யவநம், சகம், பாரதம், பால்ஹீகம், சீநம், கிராதம், தரதம், கசம். இந்தத் தேசங்களை ஆண்டவர்களனைவரும் மேற்சொன்னபடி சூத்திரனாய் விட்டார்கள்.
(மனுஸ்மிருதி 10ஆம் அத்தியாயம்-44)

மனுஸ்மிருதியின்படி பாரதம் என்பது ஒரு சிறு பகுதி மட்டுமே. திராவிடம் போல, யவநம் போல, சகம் போல, தரதம் போல அது ஒரு தேசம். அப்படியிருக்க பல தேசங்களையும் ஒருங்கிணைத்து உருவாக்கப்பட்டு இந்தியா என்று பெயர் சூட்டப்பட்ட ஒரு நாட்டைப் பாரதம் என்பதும், அதை அகண்ட பாரதம் ஆக் குவோம் என்பதும், மனுஸ்மிருதிக்கும், உண்மைக்கும் எதிரானதல்லவா? சாஸ் திரத்திற்கு புறம்பான சாஸ்திரத்தில் சொல்லப்பட்டதற்கு எதிரான உண்மைக்கு மாறான ஒரு கொள்கையை அடையத் துடிப்பது அநியாயம் அல்லவா?

இதில், “பாரத மாதா’’ என்பதும், “பாரத மாதாஹி ஜே!’’ என்பதும், அதைச் சொல்லாதவர்கள் தேச விரோதிகள் என்பதும் இந்திய அரசியல் அமைப்பிற்கும், மனுஸ்மிருதிக்கும் எதிரானதல்லவா? எனவே, “பாரதம்’’ என்பவர்களும், “பாரத மாதா’’ என்பவர்களும், “பாரத மாதாஹி ஜே!’’ என்பவர்களுமே தேசத் துரோகிகள் என்றாகிறது! மனுஸ்மிருதிபடி இதுதானே சரி! ஆக, பாரதம், அகண்ட பாரதம், பாரத மாதாஹி ஜே! என்பதெல்லாம் தேச விரோம், சாஸ்திர விரோதம் என்பது உறுதியாகிறது!

-மஞ்சை வசந்தன்

அரிய நோயோடு போராடி வரும் கோவைப் பெண்.. சிகிச்சைக்கு உதவுங்கள்!

2016-03-29T06:13:00.001-07:00

சிஏபிஎஸ் எனப்படும் அரிய வகை நோயால் அவதிப்பட்டு வருகிறார் கோவையைச் சேர்ந்த பெண் ஒருவர். தொடர்ந்து மருத்துவமனையில் சிகிச்சைப் பெற்று வரும் அவர், மருத்துவச் செலவிற்கு கையில் பணமின்றி அவதிப்பட்டு வருகிறார். கடந்த சில ஆண்டுகளுக்கு முன்பு வரை மற்றவர்களைப் போல் சாதாரணமாக கணவர், 13 வயது மகன் என மகிழ்ச்சியாகத் தான் வாழ்ந்து வந்துள்ளார் குமாரபாளையத்தைச் சேர்ந்த தேவி (38). ஆனால், திடீரென அவரது வாழ்க்கையில் அடுத்தடுத்து நடந்த துயரமான நிகழ்வு..

மூளைக் காய்ச்சலில் அவதிப்பட்ட தேவியின் கணவர், படுத்த படுக்கையாகி சில ஆண்டுகளில் காலமானார். அதனைத் தொடர்ந்து சிறு சிறு உடல் உபாதைகள் ஏற்படத் தொடங்கியுள்ளது தேவிக்கு. முதலில் அதனை பெரிதாக எடுத்துக் கொள்ளாத தேவி, பின் மருத்துவரிடம் சென்றுள்ளார். தீவிர பரிசோதனைகளுக்குப் பின் அவருக்கு ‘கட்டோஸ்ட்ரோப்பிக் ஆண்டிபாஸ்போலிபிட் சிண்ட்ரோம்' எனப்படும் அரிய வகை நோய் இருப்பதை மருத்துவர்கள் கண்டறிந்தனர்.

இந்த நோயின் தாக்கத்தால் அடிக்கடி ரத்தம் செல்லும் பாதையில் கட்டிகள் உருவாகத் தொடங்கின. இதனால், உடல் உறுப்புகளுக்கு தடைபட்டு, கீதாவின் உடல்நிலை மோசமானது. அதனைத் தொடர்ந்து கோவை கே.எம்.சி. மருத்துவமனையில் சிகிச்சைக்காக அனுமதிக்கப்பட்டார் தேவி. கூலி வேலை செய்யும் தேவியின் பெற்றோர், கையில் இருந்த நகை, பணம் முழுவதையும் செலவழித்தும், கடன் வாங்கியும் அவருக்கு சிகிச்சைப் பார்த்து வருகின்றனர். ஆனால், தொடர்ந்து மருத்துவமனையிலேயே தங்கி சிகிச்சைப் பெற வேண்டிய நிலையில் தேவி இருக்கிறார். இதுவரை 50 பாட்டிலுக்கும் அதிகமாக ரத்தம் ஏற்றி அவருக்கு சிகிச்சை அளித்துள்ளார்களாம். இனியும் தொடர்ந்து புதிய ரத்தம் செலுத்தினால் மட்டுமே அவரது உயிரைக் காப்பாற்ற முடியுமாம்.

எப்படியும் மகளின் உயிரைக் காப்பாற்றியே தீருவது என பாடுபட்டு வருகின்றனர் தேவியின் பெற்றோர். தேவியின் சிகிச்சைக்கு முதல்வரின் காப்பீட்டுத் திட்டத்தைப் பயன்படுத்த முடியவில்லை. காரணம் அரசு அளித்துள்ள நோய்கள் பட்டியலில் இந்த அரிய வகை நோய் இடம்பெறவில்லையாம். இதனால் மகளின் மருத்துவச் செலவிற்கு மேற்கொண்டு என்ன செய்வது என்ற கவலையில் உள்ளனர் தேவியின் பெற்றோர். நம்மால் முடிந்த உதவிகளை நாமும் செய்யலாம்... உதவ விரும்பும் நல் உள்ளங்கள் இந்த முகவரியில் தொடர்பு கொள்ளலாம்:

தேவி த/பெ. கிருஷ்ணராஜ்
55/8, ஆலன் காடு, ( சத்திய நாராயணன் மருத்துவமனை பின்புறம்) குமாரபாளையம் - 638183.

தொலைபேசி எண்: 9262041837

Email முகவரி: devikpm78@gmail.com வங்கி

Account Number : 34594106451

IFSC code: SBIN0007041

நன்றி: Oneindiatamil

நுங்கில் உள்ள மருத்துவ குணங்கள்

2016-03-28T07:13:00.000-07:00

தாகத்தை தணித்து மோகத்தை தூண்டும் இயற்கையாக கிடைக்கும் நுங்கு கோடை காலத்தில் மனிதர்களைப் பாதுகாக்க இயற்கை அளித்த நல் வாய்ப்பாகும். எவ்வளவு தண்ணீர் குடித்தாலும் அடங்காத தாகம் நுங்கு சாப் பிட்டால் அடங்கும். உடலும் புத்துணர்ச்சி பெறும்.

நுங்கில் வைட்டமின் பி, சி மற்றும் இரும்புச்சத்து, கால்சியம், துத்தநாகம், சோடியம், மக்னீசியம், பொட்டாசியம், தயாமின், புரத சத்துகள் அதிகம் உள்ளது. உடல் எடையை குறைக்க வேண்டும் என்போருக்கு நுங்கு சிறந்த மருந்து.உடலிலுள்ள கொழுப்பைக் கட்டுப்படுத்துவதோடு, எடையைக் குறைக்கும் தன்மையும் கொண்டது.

நுங்கு நீர் பசியை தூண்டும். மேலும் மலச்சிக்கல் மற்றும் வயிற்றுப் போக்கு இரண்டுக்குமே சிறந்த மருந்தாக உள்ளது. ரத்தசோகை உள்ளவர்கள் நுங்கை தொடர்ந்து சாப்பிட்டு வந்தால் குணமாகும்.

கொளுத்தும் வெயிலைத் தாங்க முடியாதோருக்கு அம்மைநோய் தாக்குதல் ஏற்படுவது வழக்கம். நுங்கை சாப்பிட்டால் அம்மை வராமல் தடுக்கலாம். மேலும், ஆண்மையைத் தூண்டக்கூடியதாகவும், பெண்களுக்கு வெள்ளைப்படுதலுக்கு சிறந்த மருந்தாகவும் உள்ளது.

சிறுநீர் கடுப்பு, சிறுநீர் எரிச்சலைத் தணிப்பதோடு, உடலில் உள்ள ஏழு தாதுக்களில் ஏற்படக்கூடிய சூட்டைக் குறைத்து குளிர்ச்சியை அளிக்கும்.

குற்றப் பத்திரிகையில் பகத்சிங் பெயர் கிடையாது

2016-03-26T19:15:00.001-07:00

பகத்சிங் தூக்கிலிடப்பட்டு எண்பது ஆண்டுகள் கழிந்தபின்னர், லாகூர் காவல்துறை யினர் அனார்கலி காவல்நிலையத்தின் பதிவு களை ஆராய்ந்து, பகத்சிங் வழக்கு தொடர்பான முதல் தகவல் அறிக்கையைக் கண்டறிந்தார்கள் அதில் பகத்சிங் பெயர் இல்லை.

1928இல் பிரிட்டிஷ் போலீஸ் ஆபிசரைக் கொன்றதாகப் பதிவு செய்யப்பட்டிருந்த முதல் தகவல் அறிக்கையில் பகத்சிங் பெயர் குறிப்பிடப்படவில்லை. பகத்சிங் தூக்கிலிடப்பட்டு 83 ஆண்டுகள் கழித்து, பகத்சிங்கிற்கும் இவ்வழக்கிற்கும் தொடர்பில்லை என்பதும், குற்றமற்றவர் என்பதும் கண்டறியப்பட்டுள்ளது..

பகத்சிங் நினைவு ஃபவுண்டேஷன் தலைவர் இம்தியாஸ் ரஷீத் குரேசி என்பவர், பிரிட்டிஷ் காவல் கண்காணிப்பாளர் ஜான் பி சாண்டர்ஸ் கொல்லப்பட்ட வழக்கு சம்பந்தமாக, பகத்சிங், சுகதேவ் மற்றும் ராஜகுரு ஆகியோருக்கு எதிராகப் பதிவு செய்யப்பட்ட முதல் தகவல் அறிக்கையின் சான்றிட்ட நகலைக் கோரி மனுச் செய்திருந்தார்.

பகத்சிங் மேற்படி வழக்கில் மரண தண்டனை விதிக்கப்பட்டு, 23 வயதாக இருக்கும்போதே, 1931இல் லாகூர் சாத்மான் சௌக் சிறையில் தூக்கிலிடப்பட்டார். அவர் தூக்கிலிடப்பட்டு 80 ஆண்டுகள் கழித்து, ஒரு நீதிமன்ற ஆணையின் கீழ் லாகூர் காவல்துறையினர் அனார்கலி காவல்நிலையத்தின் பதிவுருக்களை ஆராய்ந்து பார்த்து, சாண்டர்ஸ் கொல்லப்பட்டது சம்பந்தமாகப் பதிவு செய்யப்பட்ட முதல் தகவல் அறிக்கையைக் கண்டுபிடித்து விட்டார்கள்.

உருது மொழியில் எழுதப்பட்டிருந்த அந்த முதல் தகவல் அறிக்கை அனார்கலி காவல் நிலையத்தில் 1928 டிசம்பர் 17 அன்று மாலை 4.30 மணிக்கு இரு `அடையாளம் தெரியாத துப்பாக்கி வைத்திருந்தவர் (Unknown gunmen)களுக்கு எதிராகப் பதிவு செய்யப்பட் டிருந்தது. அனார்கலி காவல்நிலையத்தைச் சேர்ந்த ஒரு போலீஸ்காரர்தான் இந்த புகாரின் முறையிடுபவரும் கண்ணால் கண்ட சாட்சியு மாவார்.

அவர், சாண்டர்ஸைத் துப்பாக்கியால் சுட்ட நபரை அவர் பின்தொடர்ந்ததாகவும், அவர் 5 அடி 5 அங்குலம் உயரம் உடையவ ராகவும், இந்து முகத்தைக் கொண்டவராகவும், சிறிய மீசையுடன் காணப்பட்டதாகவும், ஒல்லியான மற்றும் வலுவான தேகத்தைப் பெற்றவராகவும், வெள்ளை பைஜாமாவும், சாம்பல் நிற குர்தா அணிந்திருந்ததாகவும், சிறிய கறுப்புநிறத் தொப்பி அணிந்திருந்ததாகவும் கூறியிருக்கிறார்.

நீதிமன்றம் மேற்படி முதல் தகவல் அறிக்கையின் நகலை குரேசிக்குக் கொடுத்திருக்கிறது. குரேசி இது தொடர்பாக, பகத்சிங் மீதான வழக்கை விசாரித்த சிறப்பு நீதிபதிகள் அடங்கிய நடுவர்மன்றம் வழக்கில் 450 சாட்சிகள் பட்டியலிடப்பட்டிருந்த போதிலும் அவர்களை விசாரிக்காமலேயே பகத்சிங்கிற்கும் மற்றவர்களுக்கும் மரண தண்டனை விதித்தது என்றும், பகத்சிங் சார்பில் வாதாடிய வழக்குரைஞருக்கு சாட்சிகளை குறுக்கு விசாரணை செய்ய வாய்ப்பே அளிக்கப்படவில்லை என்றும் கூறினார்.

குரேசி, லாகூர் உயர்நீதிமன்றத்தில் இவ்வழக்கை மீளவும் நடத்தவேண்டும் என்று கோரி மனு தாக்கல் செய்திருக்கிறார். சாண்டர்ஸ் கொலை வழக்கில் பகத்சிங் அப்பழுக்கற்றவர் என்பதை நிறுவிட நான் விரும்புகிறேன், என்று அவர் கூறினார். லாகூர் உயர்நீதிமன்றம், இவ்வழக்கை விசாரிப்பதற்காக ஒரு விரிவான அமர்வாயத்தை அமர்த்தக்கோரி, தலைமை நீதியரசருக்கு அனுப்பி இருக்கிறது.

நன்றி: விடுதலை26/03/16

கைகள் இல்லாத பிள்ளைக்கு உதவுங்கள்

2016-03-25T07:34:00.000-07:00

பார்த்தவர்களை அழ வைக்கும் பரிதாபத்துக்குரிய பிள்ளை.

பார்ப்பதற்கு துரு துரு என்று ஓடும் இந்த 6 வயது அழகு ராஜாவை நேரில் பார்த்ததும் ஆச்சரியம். டவுசரும் சட்டையும் அணிந்து இருந்தான். அவனது கைகளை காணவில்லை.

சட்டையை கழட்டியதும் துக்கமும், துயரமும் தொண்டையை அடைத்துக்கொள்ள நம்மை அறியாமலேயே கண்களில் இருந்து கண்ணீர் பெருக்கெடுத்தது.

வலது கை முற்றிலுமாக இல்லை. இடது கை சுமார் 4 அங்குலம் மட்டும் சதை துண்டமாக தொங்கி கொண்டிருக்கிறது.

வலது காலும் கோணல் மாணலாக மூன்றாக வளைந்து...கடவுளே என்ன இது? இப்படி ஒரு படைப்பா? என்று படைத்தவனை நொந்து கொள்வதை தவிர வேறு வழியில்லை.

புதுக்கோட்டை மாவட்டம் மேலூர் கிராமத்தில் ஒரு சின்னஞ்சிறிய கீற்று குடிசை தான் இந்த பரிதாப சிறுவனின் உலகம்.

தாய் பாண்டியம்மாள். வாழ்க்கையில் வசந்தத்தை அனுபவிக்க வேண்டிய காலத்தில் வறுத்தெடுக்கும் வெயிலிலும், வாட்டும் பனியிலும் நாற்று நட்டு, களை பறித்து, கல், மண் சுமந்து குடும்பத்தை தாங்கி நிற்கும் 36 வயதே நிரம்பிய சுமை தாங்கி.

பாண்டியம்மாள் ஏழை குடும்பத்தில் பிறந்து வறுமையோடு போராடியவர். திருமணத்திற்கு பிறகாவது திருப்பு முனை வராதா என்று ஏங்கியவர்!

ஆனால் அதன்பிறகு தான் சோகமே அவரது வாழ்க்கை என்று முடிவானது.

கணவர் மணியோடு பாண்டியம்மாள் நடத்திய இல்லற வாழ்வின் அடையாளமாக முதலில் பிறந்த பெண் குழந்தைக்கு அழகு மீனா என்று பெயரிட்டு மகிழ்ந்தார்கள்.

அடுத்து பிறந்தவர் தான் இந்த அழகுராஜா. ஆண் குழந்தை என்று மகிழ்ச்சியில் திளைத்தவர்களுக்கு அடுத்த கணமே பேரதிர்ச்சி காத்திருந்தது. உங்கள் பிள்ளைக்கு இரு கைகளும் இல்லை, காலும் ஊனமாக இருக்கிறது என்று டாக்டர் கூறிய வார்த்தையை கேட்டதும் நெருப்பில் தூக்கி போட்டது போல் இருந்தது. வாழ்க்கையின் மொத்த சந்தோசமும் அன்றே எரிந்து சாம்பலாகி போனது.

பிறந்த குழந்தை வாழ்க்கை முழுவதும் முடமாகத்தான் இருக்கப்போகிறது என்பதை உணர்ந்த மணி மனைவியை பிரிந்து சென்றுவிட்டார்.

இப்போது அந்த இரண்டு குழந்தைகளுக்காகவே வாழும் அந்த ஏழைத்தாய் உடைந்து நொறுங்கி அழுவதெல்லாம் ‘என் அழகுராஜாவை எப்படி வளர்ப்பேன்...? என் காலத்துக்கு பிறகு அவனை கவனிப்பது யார்?’ என்று தான்.

அழகு மீனா அந்த பகுதியில் உள்ள பள்ளியில் 3–ம் வகுப்பு படிக்கிறாள். அழகுராஜா இந்த வருடம் 1–ம் வகுப்பு.

காலையில் விவசாய வேலைக்கு புறப்படுவதற்கு முன்பு மகனை தூக்கி சென்று பள்ளியில் விடுகிறார். மாலையில் தூக்கி வருகிறார்.

வீட்டில் தாய் உணவு ஊட்டுகிறார். பகலில் பள்ளியில் அழகு மீனா தன் தம்பிக்கு தாய்போல் அருகில் அமர்ந்து சோறு ஊட்டுகிறார். அதை பார்க்கும் ஒவ்வொருவரது இதயமும் இரங்கும்.

இயற்கை உபாதையை கழிப்பது முதல் கைகள் செய்ய வேண்டிய அனைத்து வேலைகளையும் தாய் பாண்டியம்மாள் தான் செய்து வருகிறார்.

எதிர்காலத்தை பற்றிய சிந்தனை எதுவும் இல்லாமல் பரிதாபமாய் பார்த்த அவனிடம் தம்பி, உன் பெயர் என்னப்பா? என்றதும் ‘அழகு ராஜா’ என்று அழகாக சொல்கிறான். என்ன படிக்கிறே என்றதும் ‘ஒண்ணாம் வகுப்பு’ என்று படு சுட்டியாக பதில் கூறினான்.

இப்போது தான் இடது காலால் எழுத பழகி கொண்டிருக்கிறான். ‘மண்ணுக்கு மரம் பாரமா? மரத்துக்கு கிளை பாரமா? பெற்றெடுத்த குழந்தை தாய்க்கு பாரமா...?’– என்று குறைகள் ஆயிரம் இருந்தாலும் என் பிள்ளை என் பிள்ளை தான் என்று மகனை அணைத்து மகிழ்கிறார் தாய் பாண்டியம்மாள்.

மகனின் வருங்கால வாழ்க்கைக்கு ஏதாவது வழி பிறக்குமா? என்ற ஏக்கத்தோடு இருக்கும் பாண்டியம்மாளுக்கு உதவிக்கரங்கள் நீண்டால் கைகள் இல்லாத அழகு ராஜாவுக்கு கைகொடுத்தது போல் இருக்கும் (தொடர்புக்கு: 7402508264).

நன்றி: மாலைமலர் 25/03/16

சிங்கப்பூரில் தானியக்க (ATM) வங்கி இயந்திரங்களில் தமிழ் மொழியைப் பயன்படுத்தலாம்.

2016-03-24T17:42:00.001-07:00

சிங்கப்பூர் முழுவதும் ஆயிரத்துக்கும் அதிகமான தானியக்க (ATM) இயந்திரங்களில் தமிழிலும் பணப் பரிவர்த்தனைக்கு வசதி செய்யப்படும் என்று DBS அறிவித்துள்ளது.

DBS, POSB தானியக்க வங்கி இயந்திரங்களில் இதுவரை ஆங்கிலம், மலாய், மாண்டரின் மொழிகள் மட்டுமே இருந்து வந்தன. அதனால் தமிழ் மொழி மட்டுமே தெரிந்திருந்தவர்கள் வங்கி இயந்திரங்களை பயன்படுத்த சிரமப்பட்டனர். வங்கி இயந்திரங்களில் தமிழ் வேண்டும் என்ற வேண்டுகோளை அத்தகையோர் பல ஆண்டுகளாக விடுத்து வந்தனர்.

சிங்கப்பூர் முழுவதும் உள்ள தானியக்க வங்கி இயந்திரங்களை DBS, POSB வங்கிகள் மேம்படுத்தி வருகின்றன. அதன் ஒரு பகுதியாக சுமார் 1100 தானியக்க வங்கி இயந்திரங்களில் தமிழிலும் பணப் பரிவர்த்தனைக்கு வசதி செய்யப்படவுள்ளது.

அதற்கான பணிகள் இவ்வாண்டு ஜூனில் பூர்த்தியாகும் என்று DBS இன்று அறிவித்தது.மூத்தவர்கள் தானியக்க வங்கி இயந்திரத்தை பயன்படுத்துவதை எளிமையாக்கவும் மாற்றங்கள் செய்யப்படவுள்ளன. பல மாதங்களாக நடத்தப்பட்ட முன்னோடி ஆய்வின் அடிப்படையில் இந்த முடிவுகள் எடுக்கப்பட்டுள்ளன.

தானியக்க வங்கி இயந்திரங்களில் தமிழைப் புகுத்துவதற்கு இங்குள்ள பல்வேறு அமைப்புகளுடன் அணுக்கமாகச் செயல்பட்டது வங்கி. தமிழாக்கம் சுருக்கமாகவும்,

எளிமையாகவும் இருக்க வேண்டுமென்பதற்காக சுமார் 150 மணி நேரம் செலவிடப்பட்டதாக வங்கி தெரிவித்துள்ளது.

DBS வங்கியைத் தொடர்ந்து மற்ற முக்கிய வங்கிகளும் அதன் தானியக்க இயந்திரங்களில் தமிழை அறிமுகப்படுத்த வேண்டும் என்று வாடிக்கையாளர்கள் எதிர்பார்க்கின்றனர்.

தமிழ் மட்டுமே தெரிந்த மூத்த குடிமக்களுக்கும், வெளிநாட்டு ஊழியர்களுக்கும் அது அனுகூலமாக விளங்கும்.

DBS, POSB தானியக்க வங்கிகளில் தமிழ் (வீடியோ)

நன்றி: செய்தி 21/03/16, சிங்கப்பூர்.

ஒரே செடியில் 3 காய்களை விளை வித்து அதிசயம்

2016-03-24T06:31:00.001-07:00

சுண்டைக்காய் இனத்தைச் சேர்ந்த ஒரே செடியில் கத்தரிக்காய், மிளகாய், தக்காளி ஆகிய 3 காய்களை விளை வித்து புதுச்சேரியைச் சேர்ந்த தந்தை-மகள் சாதனை படைத்துள்ளனர்.

புதுச்சேரியை அடுத்த கூடப்பாக் கத்தைச் சேர்ந்தவர் டி.வெங்கடபதி. இவர், விவசாயத்தில் ஆராய்ச்சி செய்து, கனகாம்பரம் பூ செடிகளில் பல்வேறு ரகங்களை உருவாக்கி உள்ளார்.

இப்போது அனைத்து நிலங்களுக்கும் ஏற்ற வகையிலான சவுக்கு ரகங்களை உருவாக்கிக் கொடுத்து வருகிறார். சாகுபடியில் விவசாயிகள் லாபம் ஈட்டும் வகையில் பல்வேறு புதிய ரகங்களை உருவாக் கிக் கொண்டே இருக்கிறார். இதற்காக நவீன தொழில்நுட்பங் களை கற்றுக் கொண்டு, அதைச் செயல்படுத்துகிறார்.

இவரது சேவைக்காக முன்னாள் குடியரசுத் தலைவர் அப்துல் கலாம், இவரை டில்லிக்கு வரவழைத்து பாராட்டியுள்ளார். இவரது ஆராய்ச்சிகளின் வழிமுறைகளும், ஆராய்ச்சிகளின் முடிவுகளும் பல்வேறு பல்கலைக்கழகங்கள், ஆராய்ச்சி நிறுவனங்களால் ஏற்றுக் கொள்ளப்பட்டவை. இவரது விவசாய சேவையைப் பாராட்டி மத்திய அரசு பத்மசிறீ விருதும் வழங்கி உள்ளது.

ஒரே செடியில் 3 காய்கள்: அணுக்கதிர் வீச்சு மூலம் செடிகளை உருவாக்கி வரும் வெங்கடபதி, இதற்காக கல்பாக்கம் அணுமின் நிலையத்துக்குச் சென்று நவீன ரக செடி வகைகளை உருவாக்கி வருகிறார். தற்போது சுண்டைக்காய் இனத்தைச் சேர்ந்த ஒரே செடியில் கத்தரி, மிளகாய், தக்காளி விளைவித்துள்ளார். கலாம் கத்தரி, மோடி மிளகாய், சோனியா தக்காளி என அவற்றுக்கு பெயரிட்டுள்ளார்.

கத்தரி செடியின் ஆயுள் காலம் 6 மாதம். மழைக்காலங்களில் பல்வேறு நோய்கள் தாக்கி வேர்கள் அழுகி செடிகள் இறக்கின்றன. 6 மாத கத்தரி செடியில் இதன் மகசூல் 4 முதல் 8 கிலோ மட்டும் கிடைக்கும். இதனால் இவற்றை நவீன ரக ஆய்வின் மூலம் உருவாக்கி உள்ளார்.

தந்தைக்கு உதவும் மகள்: இவரது மகள் ஸ்ரீலட்சுமியும் 7 வயது முதலே தந்தைக்கு உதவியாக இருந்து வருகிறார். உயர்தொழில்நுட்பத்தை பயன்படுத்தி கத்தரியை உருவாக்கி உள்ளார். இதுகுறித்து வேங்கடபதி, அவரது மகள் சிறீலட்சுமி ஆகியோர் கூறியதாவது:

சுண்டக்காயில் பல வகைகள் உள்ளன. முதலில் ஜப்பான், கொரியா, நாடுகளில் தான் இதன் தொழில் நுட்பங்கள் கண்டுபிடிக்கப்பட்டன. இதில் காய்க்கும் இனத்தில் வேர்ச் செடியாக வைத்து கத்தரி செடிகளை ஒட்டுமுறையில் வளர்க்கின்றனர்.

இதற்காக சுண்டைக்காய் செடியை கல்பாக்கம் அணுமின் நிலையத்தில் காமா கதிர்வீச்சு செலுத்தி சோதித்தபோது, காய் காய்க்காத இனம் உருவாகியது. இதில் செடிகள் வீரியமாக வளர்கின்றன. அவற்றில் கத்தரி இனத்தை ஒட்டு வைத்து பார்த்த போது, மிக வேகமாக வளர்ந்தன. இதன் மூலம் 6 மாதங்களில் 12 முதல் 18 கிலோ வரை காய்கள் கிடைத்தன.

இவற்றின் ஆயுள் காலம் 3 ஆண்டுகள் ஆகும். வேர்ச் செடி ஆதலால் எந்த நோயும் தாக்காது. மேலும் காய்க்காத சுண்டைக்காய் செடியில் ஒட்டு முறையில் 3 விதமான காய்கள் கத்தரி, மிளகாய், தக்காளி விளைவித்து சோதனை செய்துள்ளோம். இவை மூன்றும் ஒரே வகையான குடும்பம் என்பதால் 3 இனங்களும் சுண்டைக் காயில் ஒட்டி வளர்கிறது.

காய்கள் காய்க்காத சுண்டைக்காய் இனத்தை நாங்கள் வடிவமைத் துள்ளோம். அதன் சக்தி செடிகள் வளர்வதற்கே பயன்படுகிறது எனத் தெரிவித்தனர். நன்றி:விடுதலை ஞாயிறு மலர் 19/03/16