مامى لأول مرة - Mamy1st

Les réactions chimique 1ère sec sciences intégrés امى

noreply@blogger.com (مامى لاول مرة) — Thu, 24 Oct 2024 04:24:00 +0000

Les réactions chimique pour 1ère sec

sciences intégrés

Sciences intégrés 1ère sec التقيم الاسبوعى

noreply@blogger.com (مامى لاول مرة) — Tue, 22 Oct 2024 16:19:00 +0000

العلوم المتكاملة للصف الأول الثانوى

Sciences intégrés pour 1ère sec

فصة الاب المنسى

noreply@blogger.com (مامى لاول مرة) — Tue, 22 Oct 2024 00:46:00 +0000

ابنتى نسيت اباها

منذ يومين و بدأ نوم بنتى التوأم فى الارتباك . . ربما لعجزهما كرضيعتين على تفعيل دورهما فى التغيير السياسى و هما من مضى على عمرهما ثمانية أشهر و 12 يوما ً بالتمام و الكمال . . فبعد ان كانتا تنام فى تمام التاسعة مساءا ً ، أصبحت احدهما تنام فى الثالثة صباحا ً و الأخرى تنام فى 12 مساءا ً . . الغريب ان "جى" و هى التى تنام الساعة ثلاثة صباحا ً تغفوا فى تمام العاشرة مساءا لمدة نصف ساعة و قد تصل إلى ساعة لتستيقظ و قد محى من ذاكرتها شكل والدها ، فهى لا تضحك له ، لا تلاعبه ، لا تشير له . . كأنه غريب تماما ً عنها تراه لأول مرة فى عمرها . . أما " هوهوز" عندما تنام الساعة الثانية عشر مساء و هو موعد اختفاء سندريلا عن أمير ؛ تستيقظ الخامسة فجرا ً لتفقد هى الأخرى ذاكرتها و لكن بشكل مختلف ، فهى تتعامل مع والدها على انه شبح ، لا ليس من منطق الرعب و إنما من منطق الوجود الغير مرئى ، ف " هوهوز" لا تعرف أبيها فحسب و انما لا تراه كذلك ، فهو يشير لها لا تتحرك إيجابا أو سلبا ، يمرر يده امام عينيها فلا ترمش ، يحملها لا تنظر له . . رغم انها تتعقبنى مهما بعدت عنها . . ما السبب فى هذا الأمر الغريب . . جارى البحث و الفحص و الملاحظة ، و سنوفيكم بآخر الأنباء فى أقرب فرصة

القصة كتبتها : السيناريست / سمر العزب

. . و لكم تحياتى

" مامى لأول مرة"

http://la3ya3nyno.blogspot.com/

القرآن له تأثير كبير على الأطفال و خاصة الرضع

noreply@blogger.com (مامى لاول مرة) — Tue, 22 Oct 2024 00:44:00 +0000

الرضيع و القرآن الكريم

ــ لقد تأخرت عن موعدها

ــ متخافيش زمنها جاية

ــ لأ أنا مش عيزاها تيجى

ــ أمال مستعجلة عليها ليه ؟!!!!

ــ مش مستعجلة ، انا عايزة أعرف هى متأخرة قد إيه عشان اختبار الحمل

هذا كان حديثى لنفسى قبل اجراء اختبار الحمل . . مبروككككك ، عرفت انى حامل ، بس مش على طريقة الأفلام : " مبروك المدام حامل "

لأ عن طريق الحقنى يا كوكو ــ كوكو ده الإسم الحركى لزوجى داخل المنزل ــ الحلوة اتكلمت و طلعت نونوهات ، قصدى اختبار الحمل قال أنى حامل . . و لأن زوجى رجل حويط قرر اصطحابى إلى الطبيب فهو لن يبدد فرحته هباء ً ، يعنى يفرح و يزقطت و بعدين تطلع كذبة ابريل . . و تأكد زوجى من الطبيب ان هناك كيس حمل فعلا ، لا ليس كيس واحد بل اثنين . . و الحمد لله

" يبقى الحلوة اتكلمت و طلعت ببيهات "

و بدل ما كنا بنقول مافيهاش بيبى ، مافيهاش بيبى ، طلع فيها اتنين

و عندما عرفت اننى حامل أخذت بالبحث عن ما يجب ان تراعيه الحامل تجاهه رضيعها و من أهم ما وجت انه يجب ان أتحدث إلى جنينى من آن لآخر . . و عندما يؤذن الآذان أربطت على بطنى و انا أردد الآذن و عندما أقوم إلى الصلاة ، أقيم الصلاة بصوت مرتفع و أنا أتحسس جنينى بحنان ليربط بين صوت الآذان و حنانى ؛ فيتعلق به . . و كنت حريصة على الأمر بقوة . . و بعد وضع جنينى ــ توأم زى ما انتوا عارفين و العارف لا يعرف ــ مش ح أقولكم ان الحال اتغير ، لأ الحال بقى فى سكة تانية خالص ، بقى مجهد ، مجهد جدا ، مجهد جدا خالص مالص . . تصوروا معايا ولادة قيصرة ، و توأم ، و مافيش أم و لا أخت تساعدنى ، و لا حد اثق فيه . . حاجة أقوى من دراما حسن الإمام

و كأنى نسيت كل إللى قريته و كنت حريصة على تنفيذه إلا حاجة واحدة و هى انى أسمع بناتى القرآن . . فهو أول شئ كنت حريصة على ان يتسلل لمسامعهما بعد عودتى من المستشفى و دخولنا المنزل . . ووجدت انهما تبدوان فى حالة استرخاء شديدة و تنامان بعمق عند سماع الآيات الكريمة. . عشان كدة كنت بأشغل إذاعة القرآن الكريم ، الوكيل الوحيد المعتمد حكوميا ، و بكدة كنت ضامنة ان القرآن ح يفضل فى البيت طول اليوم ، لكن كانت البرامج الاذاعية تزعج بنتى بشدة ؛ مرة لحدة صوت المذيع ، و مرة اخرى لارتفاع الصوت فجأة ، ف مستوى الصوت كان متزبزب بقوة زى قرارات الحكومة حبة فوق و كتير تحت ، و كنت لازم أشتغل مهندس صوت عشان أقدر أظبط اللفل level حفاظا على آذان بناتى .

و لأنى كنت محتاجة كل دقيقة و حريصة على عدم اهدار ثانية واحدة خصوصا اول ثلاثة شهور فكان لازم اعتذر عن وظيفة مهندس الصوت إللى باشتغلها فى بيتنا ، لأنى محتاجة آكل كويس و أشرب كتير ، عشان أقدر أرضع البنات . . طيب أعمل إيه عشان بناتى اتعودت تنام فى هدوء و على صوت القرآن . .

يمكن المشكلة دى كانت محلولة أول الولادة ؛ لأنهم اتولدوا فى شهر شعبان فبعد كام يوم دخل رمضان و الروحانيات فى هذا الشهر و الطقوس المصرية تبعث على السكينة . . فالجوامع تعلو بصوت الآذان و الصلاة و القرآن ، و التلاوة لا تنقطع فى البيت . . و "جى" و هوهوز" كانتا صغيرتان جدا و تحتاجان للنوم بشدة كل ثلاثة ساعات و هى فترات ما بين الرضاعة . . لكن عندما كبروا اكثر و مضى شهر رمضان أصبحت أبحث عن شئ يساعدهم على النوم فى الهدوء ، و لم أجد غير الحمام الدافئ ، و لكنهما تحتاجان للنوم مرتين فى اليوم ، فكيف أساعدهما . . لا يمكن أن أحميهما كل ثلاثة ساعة ، فانا لست بكينج كونج و هما ليستا السندباد البحرى ليعيش فى الماء طوال اليوم

لذلك قررت ان أبحث على النت على موسيقى تساعدهما على استرجاع هدوءهما . . و وجدت مقطوعة موسيقية ساحرة تساعد فعلا ً على تهدئة الأعصاب ، و كانت بناتى تنام عليها .. فى أى وقت و فى كل مكان

http://www.youtube.com/watch?v=sSgPDKG6bB0

و استمريت على هذا المنوال خاصة بعد ان عرفت تأثير الموسيقى على الرضيع فهى :

1. تهدئ الرضع

2. تساعد على تخفيف آلام الرضيع

3. كما ان الاستماع إلى موسيقى جميلة تبعث على الابتهاج يساعد على تدفق الدم فى الجسم بشكل أفضل و بذلك تكون مفيدة للقلب

4. إلا ان بعض الأبحاث أكدت عدم ثبوت تحسين الموسيقى" على الصحة بشكل عام" رغم تأثيرها المحتمل على الجسم والعقل معاً.

5. بينما أثبتت دراسات أخرى ان " للموسيقى" تأثير على الجسم والعقل و لكن بشكل محدود . . فان كانت الموسيقى تبعث على السعادة فهذا نتيجة لتدفق مركبات إندورفين أو تلك التي تشبه من الدماغ عند الشعور بالسعادة". . و هذا الأندورفين يحمي الجسم . . أما " الأوعية الدموية" فتتمدد وتخفض خطر الإصابة بالالتهابات وتمنع الصفائح الدموية من الالتصاق

ووقفت لحظة عند آخر نقطتين لكنى لم اطل الوقوف . . خاصة و قد عرفت أن الإستماع للموسيقى لمدة 30 دقيقة فقط في اليوم يمكن أن تساعد الأطفال الخدّج على الراحة وعدم استعمال الكثير من الطاقة، الامر الذي يساعدهم في النمو بشكل أسرع. . ف 10 دقائق من الإستماع إلى الموسيقى ، تتسبب فى تراجع مستويات الطاقة لدى الأطفال [الخداج] بنسبة 10 إلى 13 بالمائة. . و هذا التأثير على مستويات الطاقة يساعدهم جزئياً، على الاسترخاء وزيادة الوزن، وبالتالي نمو الطفل بشكل أسرع."

بينما الاستماع الى القرآن الكريم لا يفقد الرضيع شئ من الطاقة على العكس قد يمده بطاقة روحانية لها تأثير بليغ المدى . . و مع ذلك لم تؤثر على هذه الدراسة و لم تجعلنى أغير اتجاهى فى جعل بنتى تنام على صوت المقطوعة الكلاسيك التى أخترتها لهما إلا ان جاء يوم غريب و كأن زعبيب أمشير قد قررت ان تلتقى بخماسين الربيع فى بيتنا

و فى هذا اليوم نشبت مشاجرة حادة بينى و بين زوجى ، لا مبرر لها و لا حتى اتذكر سببها ، و تذكرت ان على جهاز الكمبيوتر يوجد سورة البقرة ، و قد علمت ان قراءة البقرة بالمنزل تمنع الشيطان من دخوله ، و إذا قرأت كل ثلاث أيام كان بيتا هادئا ً مريحا ، و قررت ان اشغل الكمبيوتر لأستمع لسورة البقرة ، و هنا لاحظت ان بناتى تنام بعمق شديد و تتمتع بسكينة و هدوء . . فتذكرت اننى كنت أسمعهم القرآن من أول يوم دخلوا فيه للبيت و لا اعرف لما نسيت هذا الأمر و لماذا قررت استبداله . . و قررت ان أسمعهم القرآن بشكل يوم و عرفت أمور هامة يجب أن أذكرها لكم حتى لا تحرموا رضيعكم نعمة الإستماع إلى القرآن الكريم أثناء الرضاعة و أثناء النوم و هى :

ــ ان استماع الرضيع للقرآن من أول يوم الولادة يساعده فى عمر السنة ونصف على النطق و الكلام ، ليكون من بين مفرداته بعض الأدعية البسيطة مثل الله اكبر ..الحمد لله

ــ و للبنات استجابة أسرع للكلام لذلك ستحفظن أجزاء من القرآن في عمر سنتين أوسنتين ونصف . . رغم ان الطفل فى هذا العمر لا يتكلم جيدا ولكن مع الترديد المستمر للقرآن أثناء الرضاعة و النوم و حتى المداعبة فسيتكون لديه حصيلة لغوية ، ويتعلم من خلالها كل سلوك طيب ..وهو موقف ينمي الانتماء والارتباط والطمأنينة

ــ كما سيقوى لديه حدث للسمع والبصر والفؤاد واللسان

لذلك لم يقتصر الأمر على تشغيل الشرائط الصوتية أو فيلات الكمبيوتر ، لكن كنت أقرأ القرأن و أنا أرضع بناتى ، فعندما كانتا فى اولى أيامها كانتا تصمتا و تنصتا انصاتا متأملا يسودها السكينة و الهدوء ثم تنام نوما عميقا . .

و بالفعل أصبحت أحتفظ بمكتبة صوتية للشيخ عبد الباسط عبد الصمت يتلو بها القرآن كاملا ً ، اسمع بنتى يوميا قرابة الساعة و أكثر . . و تؤكد الأبحاث ان سماع الرضيع للقرأن من أول يوم لولادته حتى سن ثلاثة سنوات تساعده على حفظ القرآن ، و نطق المفردات بشكل سليم و تكون مخارج ألفاظه صحيحة

. . و ده إللى ح أعمله و ح أقولكم عن آخر تطوراته و إللى بيحصل أول بأول بكامل التفصيل . . موعدنا بعد سنتين و أربعة أشهر إلا 13 يوم . . مع اتباع النظام إللى ح تلاقوه فى رسالة نظام الرضيع لسماع القرآن

و لكم تحياتى

مامى لأول مرة

http://la3ya3nyno.blogspot.com

علوم متكاملة للصف الاول الثانوى .. sciences intégrés 1ère sec الفصل الاول

noreply@blogger.com (مامى لاول مرة) — Thu, 17 Oct 2024 21:30:00 +0000

الفصل الأول

Chapitre 1

Sciences intégrés 1ère sec علوم متكاملة للصف الاول الثانوى بالفرنسيه

noreply@blogger.com (مامى لاول مرة) — Wed, 16 Oct 2024 01:57:00 +0000

Sciences intégrés 1ère sec علوم متكاملة بالفرنسيه للصف الأول الثانوى

التقيم الاسبوعى مع الحلول

حكاية بجر البقر .. علموها لولادكم عشان ما ينسوش شكل العدو

noreply@blogger.com (مامى لاول مرة) — Wed, 16 Oct 2024 01:05:00 +0000

أبويا يوميها دب خناقة مع أمي ع الصبح ومزاجه اتعكر، فلما شافني لابس المريلة اتعصب عليا وطلع غله فيا، وحلف طلاق ما أنا رايح المدرسة دي ولياخدني معاه الغيط ويمسكني فاس عندًا في أمي.. كان عارف إن أمي موتها وسمها إن حاجة تعطلني عن المدرسة، كانت عايزة تطلعني مهندس زي خالي.. خالي الحاضر الغايب دايمًا في المناكفات والمعايرات بين أمي وأبويا!

قلعت المريلة، ولبست عباية ملهلطة ومبقعة لايقة ع الذل اللي هشوفه.. الغريبة إني كنت فرحان! كنت مخنوق من المدرسة وعايز أروح أي حتة إن شا الله جهنم..

ركبت الحمار ورا أبويا، ومرينا بطريق المدرسة، شاورت لخالد وصلاح وهم رايحين متكدرين وطلعتلهم لساني ..

وصلنا الغيط ع الساعة تمانية.. نطيت من ع الحمار، ومسكت الفاس، رفعته بالعافية، قبل ما أبويا يناديني بعصبية ويقولي: هات الفاس ده وروح اقعد تحت الشجرة اللي هناك دي، واوعاك تاخد على كدة، مدرستك أهم حاجة، هو النهاردة بس اللي هتريحه.. أتاري رغبته في تعليمي ضعف رغبة أمي.. من ناحية أب ومش عايز ابنه يتبهدل زيه ويضيع عمره في فِلاحة بتبري الإنسان وتمص دمه، ومن ناحية تانية لو أنا اتعلمت هيرتاح من سيرة خالي، وهيكسب بونط من أمي..

قعدت تحت الشجرة ع القناية ودلدلت رجلي في المية، وبصيت للسما، كنت عكس كل العيال بحب شكل قرص الشمس أكتر من القمر، كنت بخاف من النجوم وسواد السما، وبحب النهار وبستنى طلعته، كنت..

عيني زغللت من البص في الشمس، فأخدتها ونزلت على مية القناية، سألت نفسي "ليه مفيش سمك هنا؟ مع إن الترعة مليانة؟ مش دي مية ودي مية؟"

فجأة حصل اللي قطع تفكيري ورجعني أبص للسما تاني، صوت قوي هزني.. رفعت عيني فلقيت سرب طيارات قريبة، فرحت وهللت وقمت من مكاني أتنطط، طلعت الشجرة في ثانية قال يعني كدة هبقى قريب منهم وأشوف اللي جوة!

حسيت الشجرة بتتخلع بيا في نفس الوقت اللي سمعت فيه صوت تكسير وخبط ورزع كان هيصرعني، فغمضت عيني وحطيت صوابعي في وداني لحد ما الصوت راح واختفي وظهر مكانه صوت أبويا..

إنت فين يا عامر؟ عاااااامر..

نطيت من ع الشجرة وأنا مرعوب، قلت هيرميني في الترعة أو هيحدفني بقالب طوب في دماغي، لكن لقيته بيجري عليا بلهفة وبيحضني بعنف، حضن طويل قطعه صوت صويت وصريخ جاي من القرية..

أبويا خدني في إيديه وجرينا ورا مصدر الصوت، لحد ما وصلنا المدرسة..

عمر المنظر اللي شفته ما فارق أحلامي من ساعتها ..

المدرسة متكومة ع الأرض..

رجالة وستات البلد بيجروا من كل حتة في كل اتجاه، الستات كانوا بلبس البيت وبشعرهم عادي..

صوت اللطم ع الخدود أقسملك اخترق وداني أكتر من صوت الطيارات والتكسير والرزع اللي سمعته من شوية!

كل ده وأنا مش فاهم أي حاجة، لحد ما لقيت خالد وصلاح متشالين ع الكتاف ووشهم كله دم! كانوا لا حركة ولا صوت ولا رمشة!

ركنوهم على جنب، وراحوا يجيبوا غيرهم من تحت المدرسة المتساوية بالأرض..

كوموا جنبهم عيال كتير على نفس وضعهم، لا صوت ولا حركة ولا رمشة، واللي كان بيطلع حي كانوا بيركبوه على الجرارات الزراعية ويجروا بيه على الصالحية عشان يلحقوه.

شفت تلاتين طفل من زمايلي ميتين، وشفت إصابات تخلع القلب، ومع كل ده ما عيطش، ما صرختش، الموقف كان أكبر من استيعابي!

أمي ظهرت من اللامكان وحضنتني هي كمان بعنف، وأنا ولا داري، سحبتني من إيديا ع البيت، وقعدت أدامي تبصلي مستغربة حالة الصمت دي، غريبة على طفل شاف الهول!

ساد الصمت كل حاجة، حتى صويت الستات المكلومة على عيالها انقطع، حسيت بصداع من فرط الصمت، كان لازم أنفجر عشان أرتاح، لكن إزاي؟ مش قادر ومش عارف!

كنت مستني أول حرف يتنطق من أمي أو أي صوت من الشارع عشان أنفجر، فجِه من الراديو..

أيها الإخوة المواطنون جاءنا البيان التالي..

أقدم العدو في تمام الساعة التاسعة وعشرين دقيقة على جريمة جديدة تفوق حد التصور، عندما أغار بطائراته الفانتوم الأمريكية على مدرسة بحر البقر الابتدائية المشتركة بمحافظة الشرقية، وسقط الأطفال بين سن السادسة والثانية عشر تحت جحيم من النيران"

فانفجرت وانفجرت مصر بالكامل.

noreply@blogger.com (مامى لاول مرة) — Sun, 13 Oct 2024 19:49:00 +0000

تربية طفلك تبدأ من الحمل

تعتقد الكثير من الأمهات و الآباء ان تربية الأبناء تبدأ مع سن المدرسة ، حيث يكون الطفل جاهز لتلقى الأوامر و النواهى و معرفة القواعد و المبادئ ، بينما يعتقد آخرون ان التربية تبدأ من عمر مبكر عن هذا . . لكن ما يغفله الغالب الأعظم ان التربية تبدأ من أول لحظة فى الحمل ، و هو ما يعرف بالتربية المباشرة . . أما التربية الغير مباشرة فهى تبدأ مع الحظة الأولى لإختيار الزوج
خلينا فى التربية المباشرة ، فاختيار الحامل للجو التى تعيش فيه فى تلك الفترة يوثر عليها و على جنين اليوم و رضيع الغد
فمثلا إيه إللى يقعدك مع حد بينرفزك و يستفزك و كل آماله و احلامه فى الحياة انه يغيظك . . انا عن نفسى كانت بأحاول ابعد عن اى توترات و مشاحنات من هذا النوع ، لدرجة انه كان بيجى فى بالى صورة واحدة من نسايبنا كنت بتنرفز و اتعفرت كأنها قصادى ، لدرجة انى كنت بتأخيل كلامها إللى يحرق الدم و يتحرق دمى فعلا ً ، كل ده و انا حريصة جدا انى ما أقبلهاش عشان أحافظ على الصحة النفسية لجنينى . . و فى يوم جت قريبتنا دى و قرت تزورنا ، قال يعنى بتسأل عليا و بتطمن على حملى . . و كان جوزى حذر لكل كلمة بتقولها ، كان مقرر انه ينبها لأى خلط ممكن يحصل . . و فعلا الست كانت ملتزمة فى النص الأولانى من الجلسة ، و كانت قد جاءت و معها كيس مليئ بالهلاهيل ، عفوا بعض ملابس ابناءها القديمة التى احتفظت بها قرابة ستة عشرة عاما ً لتعطهم لنا . . حب بقى ، و رغم ان الأمر لم يروق لى ، لكن افترض حسن النية فى السيدة ، و قبلت الهدية و قد قررت عدم استخدمها فأنا بامكانى شراء ملابس جديدة لبنائى . . و بالفعل كان أبى قد بدأ فى شراء ملابس للجنين دون ان نعرف ان كان ولد ام بنت
و فجأة قررت السيدة القريبة البعيدة اثناء زيارتها لن دخول الحمام . . ثم خرجت و هى تقول " و باب حمامكم ما بيقفلش ليه " و اندهشت من السؤال و لم أجد ردا ً ، و كررت السؤال عدة مرات بنفس الإيقاع الهادئ الرتيب ، لدرجة انى اجبتها احنا إللى ما بنقفلو ش
و كأن السيدة اغتاظت من اجابتى و اغتاظت من قبولى الهلاليل و قالت ان شاء الله البيبى يجى شعره تقيل زى باباه . . تقريبا قصدها انى قارعة ، فبلعت غيظى و نظرت لشعر زوجى و هو شعر كثيف فعلا لكن آثار مقص الحلاق تركت بيه الكثير من التقصيف الغير مبرر . . فشعرت السيدة اللقيمة و قالت ، ولا بلاش شعر باباه يطلع زى شعر عمته ، فقمت انا بادارة وجهى عنها ، فقالت فى عجل
ــ إيه هو شعر عمته وحش
ــ يا ستى لا وحش و لا حلو ، احنا مش عايزين منها حاجة
و بدأت تسألنى أسألة متخصصة
ــ انتى بتحسى بحموضة
ــ لا ابدا انا الحمد لله كويسة
فامتعضت شفتيها و قالت ان شاء الله يتولدوا قرع . . أصل الدكتور قال انى حامل فى توأم
و اتغظت بشدة ، لا لشئ غير انها تلقى بكلامها على ، مصرة توصلى فكرة انى قارعة . . فلم أجد غير ان ألهى نفسى عنها شيئا فشيئا ، و هى تحدثنى و انا لا أجيب ، حتى تظاهرت بالنوم ، و هنا هبت السيدة و قررت الانصراف . . و فور ان خرجت قفزت من فوق الكنبة لأهب فى وجه زوجى . . و ما حدش يقولى ذنبه إيه ؟ ما أعرفش ؟ أهو ده إللى حصل .
و قررنا عدم دخول هذه القريبة لبيتنا ، لا ليس لأنها تشبه السيدة التى يعيش توم فى بيتها ، توم من ؟ توم عدو جيرى و صديقه فى اوقات قليلة

لا ما منعناش دخولها لبيتنا عشان شكلها المنفر و لكن عشان قلبها الأسود ، فلم نخشى أن ينعكس هذا الشبه على الأجنة خاصة و قد عرفنا ان احدهما انثى . . لكن لكى أحافظ على هدوئى الذى ينعكس على أجنتى . . أبدا نحن لا ننتقد الخلقة الشريفة و لكننا نرفض طباع اصحابها ؛ فهى التى تجعلنا ننتقص من قدرهم بسببها . . . ف الأشياء الذين لا حكم لهم عليها مثل لون البشرة لا دخل لها فى تحاشى بعض الأشخاص ، لكن عدم ثقتهم بأنفسهم تدفعهم دائما لتحقير كل ما هو جيد .

و هنا احب اديكم فكرة عن ست نسيبتنا القريبة البعيدة دى ، فهى سمراء ، مش سمراء فاتح لأ سمراء غامق أقرب للون الأزرق . . و سمينة جدا ، ليست جدا واحدة بل عشرين جدا جدا جدا لذلك تسقط حقدها على الرشيقات ، و لأنها متواضعة التعليم على ما أعتقد ليس معها الشهادة الابتدائية فقد توقفت عن مرحلة خمسة ابتدائى و يمكن من هنا قررت الحكومة الإكتفاء بسنة خامسة فى المرحلة الإبتدائية تحت بند ان الست دى عايشة أهيه و بتنجد على خلق الله ، يبقى كويس ابتدائية لحد سنة خامسة .
حادثة قريبتنا السمينة او سيدة توم كما اراها فى خيالى لم يعكر على صفوى ، فهى مرة و عدت خلال التسعة أشهر حمل لكنها تضخمت داخلى لعلمى بغلظة هذه السيدة و قسوة قلبها ، و ده إللى خلانى أعمل من الحبة قبة . . و الموقف عدى بعد ان أخدله يومين عكننة ، و عدت إلى صفوى و بدأت اسمع أجنتى القرآن بوضع الهد فون على بطنى بحيث يكون الصوت الخارج من السماعة هادئ جدا ، و عدت لسماع البرامج المتخصصة عن رعاية الجنين ، و أمتنعت عن سماع أى أخبار سيئة و خاصة التى تصيب الحوامل حتى أحافظ على مزاجى و راحة بالى
و عند بلوغى الشهر الرابع ، كانت ارد د مع الآذان و الإقامة و أنا اربطت على بطنى . . و عندما أقوم إلى الصلاة أقيم الصلاة بصوت عال و انا واضعة يدى على بطنى حتى اشركهم معى فى صلاتى ، و اشعرهم ان تلك اللحظات الطيبة يجب ان تجمعنا معا
. . كثيرا ما كنت أتحدث إلى اجنتى حتى اوجد لغة من التواصل بيننا ، و أبعد عنها ما أشك انه قد يؤثر عليها و يزعجها مثل الأصوات الصاخبة ، حتى يعتادوا الهدوء و يشبوا على السكينة
و لذلك كنت حريصة على التواجد مع الأشخاص الذين احبهم من أقارب و أصدقاء ، فأنا لم أنعزل عن الناس ، بل تواجدت فى العزومات و المناسبات ، و تجولت مع زوجى بالمحلات بحثا ً عن ملابس البيبيهات و البانيو و الشايلة و اللعب و البيبرونات . .
كما اننى اهتميت بالامتناع عن الأطعمة التى تؤثر على ذكاء طفلى ، مثل التونة الغنية بالزئبق و هو ضار جدا ً على الأجنة ، رغم ان السمك مفيد جدا ً لهم . . لذلك حرصت على أكل السمك مرة أو مرتين فى الأسبوع . . حرصت عن الإمتناع عن استخدام أدوات المكياج لأن بعضها به مواد ضارة تؤثر على الجنين من الناحية العقلية ، و العقل هو أو أدوات التربية ، فكيف سيتفهم طفلك أساليب التربية و عقله غير سليم
. . و أهم شئ ابتعدت عنه هو التليفون المحمول ،. . الموبيل ما شفش أودة نومى ابدا طول فترة الحمل ، و انا قاعدة فى الليفنج كان بيبقى هو فى الرسبشن ، و ما اتكلمش فيه أكتر من دقية بالكتير ؛ و بحد أقصى دقتيتن . . و عرفت مؤخرا ان فى دراسة بتقول
النساء الحوامل اللواتي يستعملن الهاتف النقال سيلدن على الغالب اطفال يعانون من مشاكل سلوكية . . فقد يؤدي استخدام الهاتف النقال 3مرات في اليوم الى ازدياد النشاط المفرط والمشاكل العاطفية عند الاطفال..فاستخدام الهاتف للحوامل لا يقل ضررا عن التدخين.........
كما حذر العلماء من استخدام الهاتف النقال للأطفال اقل من 7 سنين

أما عن الكمبيوتر ، كنت بأقعد عليه لكن ربع المدة إللى كنت بأقضيها و انا مش حامل
و ظل بى الحال على هذا المنوال حتى أخر شهر يوليو ، و اخبرت الطبيب انى بدأت أشعر بضيق و تعبت ، و هنا قرر الطبيب ان نتظر يتم الأسبوع الـ38 من الحمل . . و بالفعل دخلت المستشفى فى 3 أغسطس لأضع مولودى
عايزين مغامرات الولادة . . دى نقولها فى رسائل جديدة
و لكم تحياتى

مامى لأول مرة

كيف ننجب أطفال اصحاء .. ازاى تولدى طفل سليم

noreply@blogger.com (مامى لاول مرة) — Sun, 13 Oct 2024 19:40:00 +0000

الحمل الصحيح = أطفال اصحاء

بعد ان أنشأت المدونة حاولت ان أدخل لأنام ، و فجأة طار النوم ، فانا مدونة !! كيف لى ان أنام مثل العامة ؟!! لا ، لا هناك اشياء هامة يجب القيام بها و البحث عنها . . قبل النوم يجب تحديد الموضوع إللى ح أكتبه بكرة . . و قفزت من السرير الى المطبخ لأجد زوجى مشعل سيجارة و تذكرت ايام الحمل و الاجراءات الصارمة التى سادت المنزل حفاظا على صحة أجنتى ـ حيث اننى كنت حامل فى توأم ــ ، فنحن نرغب فى انجاب أطفال سليمة صحيا و قوية بدنيا ً. . لذلك قرر زوجى ان لا يدخن داخل المنزل أبدا ، و بالفعل إلتزم بالتدخين فى البلاكونة بعد اغلاق الباب عليه حتى لا يتسلل الدخان لداخل الشقة ، لكن ماذا عن أيام الشتاء قارسة البرودة ، ربما قد يقلع زوجى عن التدخين فى الشتاء . . ربما ؟؟!!!

لكنه قرر ان يدخن بالمطبخ و تحديدا ً امام الشفاط . . و هذا الإجراء توافق مع عدم قدرتى على دخول المطبخ و شم رائحة الطبيخ ، فكان الموضوع مظبط نفسه تمام . . و فضلنا على نفس الحال لحد النهاردة و بناتى عنهم تمن شهور . . فيما بعد حدث خلل فى بعض الأيام ، فقد كان زوج يكسل دخول المطبخ ، فيقف أمام شباك الليفينج living و يبدأ فى اشعال سيجارته ، و لكن هذه المرات لم تتكرر أكثر من عدد اصابع اليد الواحدة حتى الآن ، و عمر بناتى 16 شهرا ً
و جاء إجراء تحديد مكان التدخين فى البيت منذ اللحظات الأولى لحملى ، فقد كنا حريصين على انجاح هذا الحمل خصوصا بعد ما حصلى سقوط مرتين . . و لن أخفيكم سرا موضوع الأطفال ما كانش فى بالى أوى شايفة انه رزق ، و كنت فاكرة انه بيجى لواحده ، نسيت ان أى رزق لازمله سعى . . عشان كدة إتأخر حملى . . و لما حملت سقطت ، ليست مرة واحدة و لكن مرتين ، و كان للسقوط ده فضل كبير عليا و على تحريك مشاعر الأمومة جوايا ، فلقد تعلقت بالجنين الأول الذى لم يتم أسبوعه الثامن ثم فارق النبض نتيجة لقطع بالمشيمة . . و عرفت انى شلت حاجة تقيلة منعت وصول الغذاء للجنين الذى كان ينبض بقوة على جهاز السونار . . و دمعت عينى زوجى ، و بكيت ليس فقط لفقدان جنينى و لكن لتحرك مشاعر الأمومة بداخلى . . و دخلت المستشفى فى نفس اليوم و عملت عملية تنضيف إ ما خدتش عشر دقايق و مع ذلك لم أخرج من المستشفى إلا بعد ست ساعات ، و السبب انى اليوم إللى قبلها ما كنتش نايمة من القلق ، و مع البنج و قلة الأكل و قلة النوم ما كنتش قادرة اقوم أروح لدرجة ان جوزى اضطر يحطنى على كرسى متحرك تدفعه احدى المرضات لحد باب السيارة و شالنى دخلنى . . و مع حركة العربية و هوا شهر مايو المنعش قدرت أنام و صحيت على جوزى بيضحك و هو بيقدملى شربة الخضار . . بعد ما كلت سألته عن سببه ضحكه ، قالى اصلك اول ما فقتى من البنج ما قلتيش غير جملة واحدة و فضلتى تكرريها " عايزة آكل فرخة ، عايزة آكل فرخة "
مرت المرحلة دى و بعد ستة أشهر بعد ان ارتاح الرحم قررت اعادة الكرة ، و بالفعل و لله الحمد تم الحمل ، و قررت التغذية السليمة للحفاظ على الحمل هذه المرة ، و أصبحت أكل طبق صلطة كبير يشمل كل الخصروات إللى ممكن تتخيلوها فى الصلاد (salade) و طبعا باتابع مع الدكتور عشان أضمن حمل سليم و للمرة الثانية ضاع الحمل يا ولدى ، بس المرة دى مافيش نبض أصلا ، البيبى ما كانش بينبض ، و تانى مرة عشان البيه يفهم على قده أماااااااااااال إيه

و تانى مرة دخلت المستشفى بس المرة دى غير مرة الفرخة إللى كنت عايزة أقولها ، المرة دى الجنين مش عايز ينزل ، قاعد ، عجبته القاعدة ، طيب مدام الحال كدة ما تشغل العداد و دق ، مش راضى ، و فضلت أروح المستشفى على أمل انه يحصلى نزيف و اعمل عملية التنضيف . . لكن لا النزيف راضى ينزل و لا البيبى راضى ينبض ، رغم انى واخدة أدوية خاصة بالموضوع ده لكن برضه ــ زى ما قال سعد زغلول ــ مافيش فايدة . . و رغم ان المستشفى فى الجيزة و انا ساكنة فى مدينة نصر ، رحت و جيت تلت مرات ، و قالولى ابات قلتلهم أبات فى بيتى مدام ده سرير و ده سرير

و فعلا روحت البيت و انا مقررة أنى أول ما أحس بأى حاجة ح أكلم الدكتور و أنزل أروح المستشفى فورا على طول . . هى صحيح المستشفى فى الجيزة و المشوار كبير ، بس ح أعمل إيه ؟؟ هى دى المستشفى إللى الدكتور بيتعامل معاها ، و طبيعى جدا ؛ لأن الدكتور عيادته فى الدقى . . المهم حصل إيه ، اكملكم الرسالة الجاية

لكن الشعار إللى لازم ترفعه كل حامل هو " لا للتدخين ، لا للموالح ، لا للفسيخ ، لا للأدوية . . فيتامينات و بس و اللحمة تكون مستوية كويس جدا عشان نقضى على ميكروباتها الضارة على البيبى . . لا للبيض الناى و المايونيز .

و لكم تحياتى

مامى لأول مرة

اسم الفاعل للصف الثالث الاعدادى

noreply@blogger.com (مامى لاول مرة) — Sat, 17 Feb 2024 10:57:00 +0000

اسم الفاعل للصف الثالث الاعدادى

مافيش ابن جاحد و لا قاسى

noreply@blogger.com (مامى لاول مرة) — Tue, 29 Aug 2023 17:37:00 +0000

ارحمونا من الركنة صف تانى .. استخدموا اللاصق الالكترونى فى التأكد منها و...

noreply@blogger.com (مامى لاول مرة) — Tue, 29 Aug 2023 17:34:00 +0000

خلى بالك منتجات سامسونج كلها خارج الضمان.. ما ترميش فلوسك فى الارض

noreply@blogger.com (مامى لاول مرة) — Tue, 29 Aug 2023 17:02:00 +0000

تجديد رخصة القيادة بقت سحر من غير شعوذة

noreply@blogger.com (مامى لاول مرة) — Tue, 29 Aug 2023 16:59:00 +0000

عايز تعرف سماح انور غلطانة ولا لاء : اسمع الكلمتين دول

noreply@blogger.com (مامى لاول مرة) — Tue, 29 Aug 2023 16:51:00 +0000

تجربة أم راحت تقدم فى مدرسة الراعى الصالح le bon pasteur

noreply@blogger.com (مامى لاول مرة) — Thu, 01 Jun 2023 13:57:00 +0000

تجربة أم

النهارده كنت ف الراعي الصالح العطار أخدوا البنت لوحدها سألوها اسمك ايه وسنك ايه وعامله ايه انجلش طبعاً وبعدين ورتها مجسمات بقره وحصان والتيجر والفيل والأسد وتقول اسمهم بالانجليش وقالت لها اكتبي نمبر 6 وAa و حرف الشين وحلت متاهه توصل البطه للبحيره وشيت توصيل اشكال تعدها وتوصل بالنمبر المناسب وشيت تاني توصل الاشكال الهندسية بالشكل اللي شبهاها وشيت تاني توصل الحواس الخمسه بالحاجه المناسبة ليها مثلا العين توصلها بالنظاره والانف توصلها بالورده واليد توصلها بالجوانتي كده يعني وشيت تاني لوسائل المواصلات بتوصل كل وسيله بالحاجه اللي بتمشي عليها مثلا القطر توصله بالقضبان والسفينه بالبحر والطياره بالسما والباص كده يعني وسألها البلوز اللي لبساها لونها ايه

وبعدين دخلنا مكتب السيستر وكان موجود تيتشر سألتني عرفي نفسك بتشجعيها ازاي بتعقبيها ازاي قدمتي ف مدارس تانيه ولا لأ ليه اختارتي مدرستنا عاوزه بنتك تكون ايه ف المستقبل بتعملوا ايه ف الويك اند وبتعملوا ايه اتكلمي عن بنتك سكنه فين بتروح حضانه ولا لأ وبعدين سألت بنتي اسمك ولون البلوز والجيب والكلون والشوز ايه ويعني ايه قرد وغني ليا اغنيه انجليش وكان ف اديها نظاره لونها بنفسجي سألتها لونها ايه كل ده هي سألته عربي وبنتي رديت انجليش بس قالونا هتروحوا تفتحوا ملف وتدفعوا ٣٠٠ج تمن ابلكيشن وتبعوا التنسيق اول شهر ٧ بس كده بس للاسف نسيت أسأل ع المصاريف ربنا معاكم وبالتوفيق يارب❤️

تجربة ام .. صعوبات التعلم

noreply@blogger.com (مامى لاول مرة) — Tue, 30 May 2023 05:37:00 +0000

فى ام بعت تقول لنا

عن تجربنها ... تجربة_ام

وانا صغيره كنت فاشله جدا في الدراسه كنت بحاول افهم لكن مافيش فايده . كنت بكره المدرسه جدا وكانت ماما الله يرحمها بتحاول معايا كتير ورغم انها متعلمه كويس لكن ماجاش في بالها انها تشوف موضوع صعوبات التعلم ده واتكرر نفس الموضوع في بنتي .

كنت بحاول معاها كتير قوى وكمان ماكنش في فايده وكمان مجاش في بالي اني اشوف موضوع صعوبات التعلم رغم ان اختي نبهتني بس ماكنتش مقتنعه لحد ما مُدرسة في مدرسة بنتي قالتلي لازم اكشف عليها ويا قلبي طلعت بنتي بتعاني قوى وانا مش دريانه وأول الدكتور ما عمل لها الاختبار قالي اد ايه البنت بتعاني

😔 ونظام التعليم التقليدى ده مينفعهاش خالص وعمل لها خطه جديده طبعا ماكنتش الخطه دي ناجحه قوى في البلاد العربيه لكن هنا في امريكا التحول كان عجيب اهتموا بيها جدا وعملوا plan ليها ونظام معين تمشي عليه .

كل حياه بنتي اتغيرت تماما وأهمها مبقاش عندنا رعب اسمه الدراسه ولا بقيت اهتم خالص سيبتلهم البنت تماما وبصراحه النتيجه روعه

اللي نفسه اقوله مش لازم نقسي علي عيالنا لازم نعرف السبب

ونعالجه . وعلي فكره الدراسه مش كل حاجه

انا كنت فاشله جدا في المدرسه لكن كنت شاطره في الكليه وفي شغلي وشخصيتي قويه جدا وبتحمل مصاعب يمكن ستات كتير ماتقدرش تتحملها

اللي كان يشوفني زمان كان مستحيل يتخيل اني ممكن اعمل اي حاجه مفيده في حياتي

انا نفسي ماكنتش اعرف اني اقدر اعمل حاجه بس ربنا وقف جانبي قوى وخلاني اعرف ان ممكن اعمل حاجات كتير جدا ماكنتش اتخيل في يوم اني اقدر اعملها ،

الرحمه بالأطفال مش كل طفل غبي ولا كسلان اوقات كتير بتبقي قدرتهم اخرها كده ولازم نساعدهم.

*منقول من جروب المصريات في امريكا .

#تربيةوتوعية

الاسئلة اللى المدارس بتسألها للاطفال عند التقديم ل kg1

noreply@blogger.com (مامى لاول مرة) — Sun, 21 May 2023 14:30:00 +0000

هنا الجزء الاول من اسئلة اولساء الامور

https://mamy1st.blogspot.com/2023/05/blog-post.html

و اللينك ده للى عايز يقدم فى مظرسة نوتر دام note dame

https://mamy1st.blogspot.com/2023/05/notre-dame-heliopolis.html

و البينك ده للى عايز يقدم فى سان جوزيف saint Joseph

https://mamy1st.blogspot.com/2023/05/2023-2024.html

امتحانات اخر السنة للصف الثانى الاعدادى

noreply@blogger.com (مامى لاول مرة) — Wed, 17 May 2023 18:40:00 +0000

امتحانات اخر السنة للصف الثانى الاعدادى كل المواد

دراسات .. عربى .. فرنسبه .. English.. math .. francais élevée.. francais officiel. . دين كمبيوتر .. رسم

امتحان الاعدادية فى الجرايد لغة عربية

noreply@blogger.com (مامى لاول مرة) — Tue, 16 May 2023 19:14:00 +0000

امتحان الاعدادية فى الجرايد

لغة عربية

للى عايز يقدم فى مدرسة نوتر دم هليوبليس Notre-dame heliopolis

noreply@blogger.com (مامى لاول مرة) — Mon, 15 May 2023 05:07:00 +0000

ياماميز الاسئله اللى اتسالتلى ف نوتوردام هليوبلس هى

١: عرفي نفسك

٢: ازاى بتحفزى بنتك ع حاجه

٣:ليه اختارتى المدرسه

٤:اتكلمى عن طفلك

كل الاسئله بالانجليزى ومفيش فيها عربي خالص

والمصاريف للى سال..

انا بنتى بيبي كلاس ١٧ الف

وامتحنوها ف اوضه لواحدها بس الاطفال سهل جدا ومتفاهمين خااالص معاهم هى الفكره م امتحان الطفل ان ميكونش عنده مشكله زى توحد او كلام م دا

وبيقولك ف وقتها انها اتقبلت او لا لان بيبي كلاس مفهاش تنسيق

اه والاسئله دى كانت نظرى (تحريرى)

بس احيانا بيسالو شفوى ع ف واحده زميلتى امتحنوها شفوى برضوا ع حسب بقي

اتمنى اكون جاوبت ع كل الاسئله 🥰

وربنا يوفقكم جميعا ياااارب 🙏❤

أسئلة انترفيو تقديم المدارس

noreply@blogger.com (مامى لاول مرة) — Sat, 06 May 2023 07:02:00 +0000

كل اولياء الامور اللى بيقدموا لولادهم فى مدارس ناشونال او انترناشونال بيكونوا قلقنين و عايزين يعرفوا شكل الاسئلة اللى بتسأل للأطفال و للأهل عشان المدارس دى توافق على دخول ابنهم المدرسة

النهاردة جبنا لكم الاسئلة اللى تقريبا بتتكرر فى معظم المدارس

فى اللينك ده الاسئلة اللى بتتسأل للطفل نفسه من المدرسة و المدرسين

https://mamy1st.blogspot.com/2023/05/kg1.html

التقديم لمدرسة سان جوزيف للعام الدراسى 2023 /2024

noreply@blogger.com (مامى لاول مرة) — Sat, 06 May 2023 02:05:00 +0000

تقديم #٢٠٢٣

السادة أولياء الأمور الكرام ،

كل عامٍ وحضراتكم بخير .

تعلن إدارة المدرسة عن فتح باب التقديم للصف الأول من رياض الأطفال للقسمين الإنجليزي والفرنسي للعام الدراسي 2023/2024.

ملاحظات هامة :

1 - يتم تسجيل بيانات الطفل على الرابط الموضح بالأسفل بدايةً من اليوم وحتى يوم الخميس الموافق 15 يونيو 2023.

2 - يتم تسجيل البيانات في أحد القسمين إما القسم الفرنسي أو القسم الإنجليزي وفقًا لرغبة ولي أمر الطفل .

3-- سيتم التواصل مع ولي الأمر عن طريق البريد الإلكتروني (الemail) الخاص به بعد تسجيل بيانات الطفل لتحديد ميعاد المقابلة الشخصية للطفل بحضور الوالدين.

4 - سيبدأ إجراء المقابلات وتقديم الأوراق بداية من يوم الخميس الموافق 1 يونيو 2023 م وحتى نهاية الشهر.

5 - سيتم الالتزام بعدد معين من المقابلات يوميًا منعًا للتكدس أو الازدحام .

6 -نرجو إحضار قلم أزرق وقلم رصاص للاستعمال الشخصي.

7 - نرجو التأكد من احضار الأوراق المطلوبة للتقديم والموضحة داخل رابط التسجيل .

8 - القبول يتم وفقًا لقواعد التنسيق.

9 - نرجو تقديم أوراق الطفل في مدارس أخرى وعدم الاكتفاء بمدرسة واحدة تحسبًا لعدم قبوله بالمدرسة بسبب قواعد التنسيق والسن.

- رابط التقديم للصف الأول من رياض الأطفال بالقسم الفرنسي

https://docs.google.com/forms/d/1ZMxT4hDKgxV5GJiLeNREOKHNtSqkMabeIPZ909IEXDA/edit

- رابط التقديم للصف الأول من رياض الأطفال بالقسم الإنجليزي

https://docs.google.com/forms/d/1y2R73LTWiM43XMrXIsmxmYRs4pevmURdSAwUdAYfTxY/edit

إدارة المدرسة

مراجعة كمبيوتر للصف الثانى الإعدادى تيرم التانى

noreply@blogger.com (مامى لاول مرة) — Wed, 26 Apr 2023 22:36:00 +0000

مراجعة كمبيوتر للصف الثانى الإعدادى تيرم التانى

الحاسب الالي

و شكرا

Pratique sciences 2ème préparatoire 2ème terme

noreply@blogger.com (مامى لاول مرة) — Wed, 26 Apr 2023 08:55:00 +0000

Pratique sciences 2ème préparatoire 2ème terme