未来ガジェット研究所

202606 德國漢堡睇博物館: Day 7 空中巴士工場見學

2026-07-19T12:59:33.058+08:00

今日比較悠閒，剩係諗住去空中巴士既工場見學，
下午一點開始，地點係早幾日渡輪個總站再搭20分鐘巴士。
朝早無plan咩行程，訓到自然醒再去食個早餐。

搭幾個站去左市中心既湖邊公園散下步。

好鍾意呢d「並木道」，尤其係日本呢d四季分明既地方，
日本屋企附近有一條種左櫻花既並木道，
櫻花滿開果陣成條路都係粉紅色，
到落葉果陣一起風d花瓣會好似落雨咁飄落黎，
係日文有個雅稱叫「桜吹雪」。

以前唔明點解d鬼佬放假係搵個海灘或者泳池邊攤係到，
唔係好似我地後生果陣去日本6點起身行幾個景點再食食食食先返黎。
而家我旅行搵到一個公園悠閒地聽下音樂睇下雲望下天鵝就已經好放鬆。

除左訓訓下有個包頭頭咬住支大麻行過之外，
我都唔知原來啊拉係俾對草。

搭車去渡輪碼頭轉船，
連HVV管理既渡輪都同DB一樣會Fällt aus(停駛)。

上岸後轉巴士，簡單易明有個巴士站直接叫Airbus，
隔離有間Moxy平市區我住緊果間大約EUR30，
但每次出入都要搭巴士比較麻煩，同我搭巴士唔望前面會暈車浪...

未夠鐘，去Supermarket行下買杯野飲。
另一間德國常見既超級市場REWE，
無論係酒店定REWE我估計都係主要服務黎出差既Airbus人或者客。

漢堡係空中巴士四個組裝中心之中既一個，

另外三個係法國既圖盧茲，米國既莫比爾同中國天津。

漢堡曾經負責生產A380但停產後主力負責A320，

法國圖盧茲有能力生產哂主力既A320 A330 A350，

因航既新飛機都係直接派人去圖盧茲收貨同揸返亞洲。

空中巴士既生產線分佈各地，
再利用海運或者專用運輸機送到最終組裝工場，
例如機翼係英國生產，機身分段係德國同法國生產，
水平尾翼同垂直尾翼都係分別係專門工場生產。
引擎由客戶選擇既生產商(e.g. CFM)直接送去工場，
所有客戶自己選配既裝置例如座椅都係由客戶負責送去工場。

德國同法國工程師一齊造一個產品算唔算天堂同地獄對撼？

講起，A380一開始生產延誤既其中一個原因係漢堡負責造既機艙，
送到圖盧茲發覺唔岩裝，再睇返先知原來個軟件同圖紙版本都對唔上，
所以有時候Co-location 做野係有佢必要性。

漢堡既空中巴士工場係負責哂整個組裝，測試同移交既工序，
組裝好既飛機會直接由空中巴士既測試機師駕駛進行飛行測試，

當然工場內有自己既跑道同航空管制設施，

工場內總共有18000個空中巴士僱員外加承包商、供應商同客戶，

係漢堡既其中一個主要僱主。

成個工廠Tour都唔俾影相或者用手機，

都幾旺場我weekday去都滿額，大部份都唔係飛機膠純粹當個景點黎參觀。

帶團既係漢堡工場以前負責A380組裝既一個組長，
A380停產左就轉左黎帶Tour。

因為團友大部份都唔係飛機膠既關係，

個講解對我黎講唔算係好深入，E.g. APU都要解釋好耐究竟係咩黎。

工場入面既觀景台離實物又遠，連指都指唔到過去，

又係咩準備d圖或者介紹版，

同個婆仔講「呢個station係裝個垂直尾翼裝上body」然後成班老友記都RR頭咁。

Tour 會行兩個組裝工場同係巴士上睇機身同機翼倉庫，

如果Beluga係到既話會係車上睇埋但可惜岩岩飛走左。

仲有一個幾有趣既係參觀航空公司客戶既Demo中心，

有商務客位同經濟客位唔同座椅既實物可以俾客去試，

逃生滑梯既實物同講解(無彈開俾你睇，彈一次要幾萬蚊整返)，

另外仲有A380既上落梯，而家買少見少嫁啦(意味深)。

空中巴士同波音其中一個好大既分別係空中巴士基本主力係做客機，
甚少有公司全力用空中巴士既貨機機隊，

令某程度上機體既剩余價值比波音機低。

舉個例子，作為客機飛左二十年既747，改裝成貨機仍然可以開始第二人生，

尤其係日本航空公司JAL / ANA既747 / 767特別搶手，
因為保養同機身狀態都有「日本人標準」。

747可以打開機鼻既設計令上落貨效率更高，

四引擎提供更多既最大起飛重量，亦可以勝任特殊運輸例如超長貨物。

空中巴士主要係A320F作為短途快遞同將來既A350F用燃油效率優勢去競爭大型貨機市場。

Werks = BMW個W = 工場

空中巴士用黎運機翼同機身既特殊貨機Beluga XL，

由A330-200F為基礎改造，係原本機身上面重新構建貨倉，
可以將成段A350既機身或者兩組機翼同時運輸，
一共生產左六架，
據負責人所講Beluga XL既生產設施同模具等都完全保留左落黎，

萬一要再生產都可以重用。

波音相對Beluga XL係由747-400F改裝既Dreamlifter，

Dreamlifter個名係由佢主力運輸部件787 Dreamliner而黎
同Beluga甚至同其他747F唔同，Dreamlifter既貨倉門係係機尾同埋係打橫開，

如果想睇Dreamliner既話，去名古屋機場有機會會見到，

因為787既機翼就係係愛知生產。
生產商係SUBARU，無錯就係造車果間「掃把佬」，

前身係二戰時飛機生產商中島飛行機。

btw Tour既集合點本身係間手信舖，我見d團友一人都買返多少，

認真d飛機模型手工同設計都差左少少，

大Scale但details唔夠真係好責洗，連窗都唔勾線。

同埋我係波音fans所以係拒絕消費。

回程果陣見天氣幾好，係碼頭附近既餐廳食飯。

有個搞笑野，我落完單個伙記拎啤酒上黎果陣仲拎左盆貓草，
係泰國既習慣一上座會放一盆九層塔同生菜，可以用黎夾肉一齊食。

我諗緊係咪小菜一部份既時候見個盆有泥，無理由新鮮到咁嫁，

再周圍望下雖然係檯檯都有但無人會去搞盆野，
估計係真盆栽黎唔係拎黎食。

202606 德國漢堡睇博物館: Day 6 不萊梅市區

2026-07-18T23:53:07.370+08:00

返到不萊梅係市區周圍散下步。

係車站附近有個好chill既公園，

攤左陣享受人生。

係車站飲杯野，不過室內都食得煙真係搞唔掂。

奇蹟地架車準時，同樣搵個位check in左先。

開左車無所事事，行去餐車行下，

意外地餐車係幾多staff，
日本就算係觀光列車而家都係自助或者得一個staff控哂成個車內販售。

又係時候整支飲品。

本Menu都做得幾精美，下次有機會想試下d野食。

Offtopic 早排睇新聞話ICE準備取消Currywurst既炸薯條，
原因係餐車既雪櫃入面既制冷劑唔符合歐盟新要求。

睇到我R哂頭，唔係諗下點樣換件設備而係直接cut左佢咁天才都諗得出。

係車站附近食個飯就返去訓。

202606 德國漢堡睇博物館: Day 6 不萊梅 - U-2540

2026-07-17T12:28:15.031+08:00

行完博物館，另一個黎不萊梅既主要目的 - U2540潛艇既技術博物館。
U2540係XXI型潛艇，二次大戰末期先服役，
係第一艘真正意義上既「潛艇」。

係XXI型面世之前既「潛艇」嚴格黎講只係一隻有潛航能力既水面艦，
平時巡航既時候係浮上水面，
只有戰鬥或者避深水炸彈既時候先會潛落水下，
亦都係點解盟軍可以用雷達同飛機瞭望既方法搵到潛艇，
因為佢本身都係浮係水面。

XXI型最革命性既地方係佢能夠係水下長時間航行，
係潛望鏡深度，靠一條排氣管打著柴油機為電池充電，
以前係需要整隻艇浮上水面先可以開柴油機。
對比起舊型既U boot，更新左大容量電池同更大既摩打，
外型上亦都同前期型U boot唔同，
更加流線型既設計令到水下潛航速度大幅提升。

XXI型並無投入實戰，1945年既納粹德國已經係強弩之末，
盟軍同蘇聯兵臨柏林城下，為左避免潛艇落入盟軍，
船員係波羅的海自行將 U-2540鑿沉，
直到1957年打撈修復，一直作為訓練艦服役至1984年，
係不萊梅港保存成為博物館。

元首：

瞭望塔上面有天線，潛望鏡同主動被動雷達各一，防空機槍兩組，
主動雷達係用黎尋找目標，
被動雷達係用黎接收雷達信號睇下有無盟軍驅逐艦係到搜索緊。

潛艇當時主要既任務係攻擊盟軍既商船，
北美出發前往英國既貨船因為護航機既航程問題，
係大西洋中間會有兩至三日航程完全無空中掩護，
U boot用著名既狼群戰術係呢個空白區域用魚雷同艦炮擊沉商船，
盟軍利用驅逐艦組成輪形陣(日文，中文唔太肯定)，
商船係中間，船隊既前後左右都有驅逐艦護航。

係太平洋戰場盟軍用同一個戰略集中攻擊日軍運輸船，
截斷日本本土同東南亞既航路，
令石油、橡膠等既重要物資運唔到返本土。
再者孤立左係馬里亞納群島同新幾內亞上既日本陸軍，
海軍逼於無奈用高速既驅逐艦充當運輸船運送物資去島上。

艇內既結構圖(館入面果張好難影得好)

最右邊艇首係紅色既魚雷艙，三層發射管同儲存倉
白色既係居住區，藍色既係艦橋
居住區同艦橋底下係電池艙
天藍色既係引擎艙，分別係綠色既柴油引擎同紅色既主摩打。

XXI型一共有六支魚雷管，全部係艇首，
亦係一個同舊型好大分別既設計。

舊型U Boot設有艇首四支艇尾一支魚雷管，
設計概念係用艇首魚雷攻擊商船後，
離開戰場既時候如果俾驅逐艦跟蹤既話，
直接用艇尾既魚雷反擊。

但XXI型既設計概念唔同，
與其俾人追上而反擊不如加速逃走，
放棄左艇尾既魚雷艙令到艇體本身更流線型，
提升潛航速度同減低聲納反應。

另一個革命性技術就係魚雷自動裝填裝置，
舊型U Boot填充魚雷，單憑人力同鏈吊係平穩海面都要15分鐘一支，
全部4支魚雷管完成填充可能要30-40分鐘時間。
XXI型既自動裝填裝置可以係10分鐘完成6支魚雷填充，
將裝填效率大大改善。

另外XXI型都比舊型U boot帶更多既魚雷，
由VII型既14枚魚雷到XXI型既23枚，
減少返航補充魚雷既次數，提升作戰效率。

魚雷就係用上面既魚雷艙門打側滑入艇入面，
每一次靠岸除左要補充燃油同食物等既補給品，
補充魚雷都係一個好複雜既工作，要小心輕放，
放好係艇入面仲要用綁帶紮好避免損壞，
唔係打中左但係啞彈就真係喊都無眼淚。

魚雷管出面仲有一個活門，射魚雷前要先打開，
加左壓既魚雷一放開頂槓就會將魚雷射出去。

右邊方型既排放閥Mündungsklappe係艇身同魚雷管中間既活門，
射魚雷前要先用手柄打開。
左邊既冬菇制就係射魚雷既制。

機械式既潛度計

個錶面有幾個有趣既資料

m Wasser 用公制米度水深

über Unterkante Kiel 深度是以艇體龍骨最低點計算
即係成隻艇既最底點而唔係水面艦咁用食水線黎做高度參考

C. WILH. STEIN SOHN HAMBURG 德國漢堡 C. Wilh. Stein Sohn 公司製造

δ = 1,015 較正時係用海水密度1.015 g/cm³做基準
標準密度係1.025 g/cm³，唔同海域會用唔同既基準去較正同換算，
少少似揸Cessna果陣要按metar較高度計既QNH咁。

Kl. 0.6 精度等級Accuracy Class 0.6，最大誤差約為滿刻度的 ±0.6%

400 m * 0.6% = 最大誤差係±2.4米

一般巡航同作戰深度係150m，300m係最大潛航深度，

再深會因為水壓影響船體結構。

當時有兩款主力魚雷，G7a同G7e，
同樣係潛艇用21吋魚雷(533mm)，重量同長度都相似，
因此可以共用魚雷管。

最主要分別係推進方法。

G7a係用蒸汽引擎推進，G7e電動摩打推進，
各有唔同特性，引伸出唔同用途。

G7a速度快射程遠同穩定，缺點係魚雷航跡會有一條白色氣泡，
艦上既瞭望員好容易就可以發現到魚雷甚至反推潛艇位置。

G7e用電摩打推進，航跡無白色氣泡*1，係水聽器*2既嘈音亦較少，
但致命傷係早期既G7e可靠性極差，
電池性能受溫度影響繼而影響射程，
深度控制同引信都有唔同既問題，
一直到改良型出現先逐漸將問題解決，
更發展出第一種聲響追蹤魚雷，會自動向螺旋槳音源攻擊。

IJN：「我地魚雷既導航系統叫預科練」
詳情可以去靖國神社遊就館睇回天既資料。

*1 當時日本既魚雷已經實裝艦用既九三式酸素魚雷同潛艇用既九五式酸素魚雷，
酸素即係氧氣，係魚雷入面除左有燃料缸，仲另外帶一個壓縮純氧缸，
係整個燃燒過程只會有可溶係水既二氧化碳同水蒸氣，
令酸素魚雷幾乎無任何航跡。

實際用果陣有其他問題，下次有機會見到再講，成件產品都好IJN風格。

*2 潛艇入面有兩種唔同既探測系統，
主動發信號去聽回音既聲納同剩係聽聲既水聽器，
聲納因為係自己發聲出去，係探測既同時會暴露自己既位置，
水聽器剩係被動去聽而家係海入面既聲去判斷探測位置。

成支魚雷只有最前紅色既部份係彈頭，
中間大部份空間係燃料缸。

每個隔倉中間都有水密門去隔開，
潛艇兵其中一個訓練就係點樣快速地通過d艙門，

當要緊急下潛果陣，全部非當值既船員都要跑去艇首，
用自已既體重將艇首壓向下以加速下潛。

正確既方法應該係要雙手捉住上面既手柄將個人「盪」入去。

我趁無人試左幾次，差d撞親腰骨，
都唔知d德國佬六呎高點捐入去。

海軍係一個上下階級好分明既地方，
由皇家帆船戰艦時代*3直到而家都係一樣，

主要可以分成上級長官，士官(Petty Officer)同水兵，

士官係最初級既軍官，通常係軍隊學校(等同大學程度，e.g. 日本既防衛大學)畢業，

水兵個要求就低好多，係海軍兵學校完成高中就可以入伍(e.g. 江田島同舞鶴既海軍學校)。

階級可以直接反映係待遇上面，

比香港更寸金尺土既潛艇上面，只有艦長係有獨立既睡房，
士官或以下既都係多人房，甚至係hot bedding。

Hot bedding係指兩個或者三個船員共用床舖，

因為船上一定會有三分一人值班，休息既船員就可以用床舖訓覺。
水兵更多係訓係魚雷倉或者吊床上面。

因為潛艇長期係水下，
通風極差同艇入面長期都有一陣柴油加機油加好多日唔沖涼既味，

生活環境非常惡劣。
所以直到而家，潛艇伙食都係比其他海軍艦種優質，
例如日本海自既潛艇一日係有四餐而水面艦只得三餐，

因為管理層都諗唔到仲有d咩方法可以提升士氣。

*3如果大家有機會行開去Portsmouth睇HMS Victory既話，
可以留意下總共有三個用餐區，
長官係餐廳優雅享受晚餐，
士官係下一層酒吧感覺既食堂食飯，
水兵會分開一個個小組係船底或者工作位置食。

艦長既睡房兼辦公室，
係艦橋隔離，一有咩突發情況只需要幾步就可以返到指揮位置

輪機長既單人房

士官餐廳

係出航果陣會充當貨倉放滿食物同補給品，
亦係管理層既會議室同病人既休息室，
甚至如果要做手術都係係呢間房，

因為係艦上少數有長檯既地方。

士官既睡房，兩層算好，
海自既潛艇到而家都仲有三層床，
中間果層我瘦到一碌竹咁都會卡關入唔到去，

有興趣可以去吳市既海自博物館睇下，
係大和博物館對面果隻大潛艇。

訓呢個位果個人兄應該會每日不停鬧個設計師。

潛艇比水面艦多一個工作就係要時刻掌控各個艙室既重量再調整壓水艙，
因為下潛既時候萬一前後重量唔平衡，
有機會導致整艘艇保持唔到水平，甚至垂直下潛直插海底。

每一日輪機長或者值日官會重新計算，
或者發射魚雷之後亦會重新計算，一枚G7魚雷大約重1500kgs，
一次齊射會係艇首減少9噸既重量，如果無立即注水入艇首既壓水艙，
艇首可能會抬起甚至影響浮力。

生活區底下就係電池艙，
可以講係潛艇上最危險既地方，
尤其係俾深水炸彈攻擊緊果陣，
一有水滴左落電池或者電池包裝破損，
隨時會釋放有毒氣體例如氯氣。

XXI型既電池總量係VII型潛艇既三倍，電池既重量達到230噸，
配合柴油機既換氣管令XXI型潛艇可以長期留係水下。

最大戰速1節可以潛航超過1小時，巡航速度6節可以潛航約 50 小時，

重新充電需要15至20小時。

瞭望塔下低就係艦橋，亦係成隻艦既指揮中心。

呢個區域係控制下潛姿態同方向，

每個控制面都有專屬既水手負責，
係下潛同上浮既操作，大副會直接指揮尾翼舵手同注排水去保持艇體平衡。
右邊兩組紅色同綠色既閥門分別係左舷(紅)同右舷(綠)既注水排水控制。

另一組壓水平衡艙既控制閥

兩組都係控制Auffüllz. Trimmz. 壓水平衡艙

紅色既閥門控制左舷Bb. = Backbord

綠色既閥門控制右舷Stb. = Steuerbord

對應英文係左舷Port同右舷Starboard

Oben = 上

Unten = 下

後水平舵既操控杆，類似飛機既Trim，
調整艇體到中性浮力。

下潛之前最緊要檢查有無艙門未關好，

呢個面板就係用黎檢查艙蓋既狀態。

同時會顯示各個壓水艙既狀態，係排緊水定入緊水。

呢個區域係控制速度，

左舷同右舷既螺旋槳可以分別用唔同既速度去操控轉向，
旁邊既「貓紙」係唔同航速時對應既轉速。

值日官既工作檯，有海圖同值日官會負責填航海日誌，

每一次轉向，下潛上浮，速度改變都要做紀錄。

潛艇上另一個重要設備潛望鏡，

可以俾艦長係唔浮上水面既情況下觀察海面，

根據唔同用途潛艇上有兩支潛望鏡。

搜索潛望鏡用黎廣域瞭望，體積較大，
光學設定亦偏向望遠；

攻擊潛望鏡用黎最終瞄準，體積較細，
對航行穩定性影響較低。

德國工藝

艦橋正上方就係瞭望塔，亦係主要出入口。

全艦60人既伙食就係係呢個廚房仔到煮食，

所有廚具都係用電。
同其他水面艦一樣，出海頭一兩個星期伙食通常都好豐富，
有新鮮肉類、蔬菜、雞蛋甚至牛奶，

慢慢開始新鮮食品食哂，
就會食薯仔同洋蔥呢d根莖類植物配香腸同麵包，

再後期或者延長任務時間就會開始每餐都係罐頭同乾糧。

順帶一提，當時既罐頭工業已經好成熟，

醫學界亦已經理解到大航海時代殺人無數既壞血病，

成因係欠缺維他命C。
所以係食品補給方面已經完全考慮到要足夠維他命C，

維他命C主要來源既蔬果唔易儲存，
所以透過一出發既時候先大量補充，航程中後期以維生素片維持身體所需，

另一個好「德國」既方法係軍需部將發酵酸菜都制成罐頭，
可以長期保存之餘亦保留一定程度既維他命C。

再穿過另一組生活區就係引擎艙，
長官同較高級既士官生活區係艇首，噪音較輕微，
初級士官同水兵既係艇尾既引擎艙隔離。

引擎艙其中一個重要裝置係吸收二氧化碳既空氣淨化系統，

原理亦好簡單，用Calcium Hydroxide去吸收空氣入面既二氧化碳，

即係中學IS實驗果陣吹氣入石灰水個化學反應。

係艦入面既二氧化碳濃度係以1.5%為警戒線，

嚴格黎講去到2％人體都可以正常行動，
但考慮到累積速率同通風系統既效率，
輪機組員會係二氧化碳濃度1.5%就開啟系統。

空氣濾芯係消耗品，每一罐大約可以維持4-5個鐘既運作，
而一次出海大約會帶450個空氣濾芯。

同樣概念既系統而家係太空船上面都會見到。

順帶一提，係船上左架(入左乾船塢)做維修果陣，

船艙尤其底艙係一個極危險既密閉空間，
重油艙係最高危，除左有d好似瀝青咁上下質地既重油結左一舊舊係艙底，
仲有唔同種既氣體E.g. Hydrogen Sulphide會沉係底，

唔郁佢果陣無事，但一搞起底層既油果陣部試氣機會即刻響。

U boat同大部份船都有至少兩台主機，

以防航行果陣突然間完全無哂動力同電力。

同樣螺旋槳同摩打都有兩組。

而家既貨船同客船除左船主機提供動力，
仲會有N+1既發電機做電力供應，

即使船主機出左問題都仲可以保持電力供應，
通訊，操舵，船員生活區，貨艙供電(E.g. 凍櫃)可以維持運作，
凍櫃有溫度紀錄器，到左貨主發覺有一段時間溫度唔岩可以唔收貨好麻煩。

而家既船主機已經好穩定，
好少聽話係海上面突然無左動力行唔到，
真係咁唔好彩出左事，船東會搵人飛零件去最近既機場，
再由代理送去船上做維修，
真係急同船東俾得起錢既坐直昇機飛隊人過去都仲得，

最差情況一定要上乾船塢先處理到但船又無左動力，
船東可以請遠洋拖船拖左架船返港口落貨先再上架做維修。

睇完差唔多兩點幾好肚餓，搭車返車站搵野食，
個巴士既目的地就咁寫「IKEA」好搞野。

快手食個晏晝飯飲個麵包，

食完野碌緊手機果陣，隔離有一group學生同個老師，
個老師突然起身up左幾句然後成班細路跑左出去，

我再一睇APP班車仲有兩分鐘就開車，

再下一班要一個鐘後，即刻拎起野同d細路一齊跑上車。

202606 德國漢堡睇博物館: Day 6 不來梅 - 德國海事博物館

2026-07-16T13:40:58.667+08:00

星期一一大早起身行去Hauptbahnhof。

係漢堡市內玩左咁多日決定出城去不萊梅行下。
係DB 買last min飛，漢堡來回不萊梅只需要EUR 19.9，
正價飛要EUR 43甚至搭RE都唔止。
但呢個優惠只可以買ICE同必須係前一個週末買黎緊一星期一至五既飛，
同埋唔可以轉車次，亦無指定座但可以加EUR 5去加指定席劵。
我都有諗過星期一一早會唔會好多人出張，
但check左班車有餐車同成程都只係一個半鐘，最多都係企車頭車尾。

漢堡係德國北部既大站，S Bahn U Bahn RE RB都會經過，
有ICE揸去德國南部，亦有ECE揸去哥本哈根。

係車站食個早餐，原本想留肚上車食，
但早到得滯仲有成個鐘先上車，搵d野食下先。

去不萊梅坐RB大約兩個鐘，
但係漢堡揸去西邊既ICE都會經過不來梅，班次都算好多。

個月台有幾百米長而唔同車既編成有長有短，
可以睇ABCDEF搵返個車廂，
大部份車都有1st Class 2nd Class，特價飛當然只係可以買2nd Class。

係漢堡咁多日都唔識讀個州名Schleswig-Holstein。

漢堡都市區係HVV，一行到入下薩克森州就係另一間公司負責。

漢堡出發既ICE大部份都唔係係Hauptbahnhof做總站而係附近既Altona，
但會係Hauptbahnhof大約停10分鐘上落客。

雖然成日都笑DB，但佢個APP真係做得唔錯，
查乘換案內，買飛，仲可以bookmark班車有Delay果陣會出push notification，
ICE517會由漢堡，經不萊梅，科隆，法蘭克福，斯圖加特，一路行到去慕尼黑，
全程1076公里，9個鐘車程，其實有機會既話想試一次搭全程。

可能因為太早班車無咩人，好容易就搵到位，

有個歐洲車好特別既地方係無論ICE定普通車，
係座位邊都有個垃圾桶。

車入面有行李架同係餐車前後既車掌室附近，有家庭專用個室。

因為係自由席＝「你見到無人坐就可以坐」，

係每個位上面都有個display寫住而家坐緊既乘客會坐到咩站，
所以搵位果陣係可以知道個位有無人坐緊。

無人坐果陣

Check in 左之後

呢個Check in可以用DB APP直接做，
個位上面有個QR Code，Scan左佢會直接連左你張飛同個座位。

咁呢個係DB，自然總係有d問題，
我坐呢個位係 103 104 + 107 108，
個QR Code Scan 左係得103 107，
變左最終都係要手動入。

架車出發前係唔俾Check in，
我估係唔俾人預先霸位。

Check in完會Show係DB APP入面，
仲有一個好處係Check in左之後車掌就唔會問你查飛。

車上有Free WiFi，Landing Page係班車既實時資料，

做得好過好多航空公司，仲可以Order野食野飲。

係我撚緊個Landing Page果陣，竟然會有車內販售，
雖然只得咖啡但仍然好旺場，我同對面個哥仔，
同下一行既乘客都有買，價錢正常無記錯係EUR4一杯。

無驚無險準時到達不萊梅。

今日要去既地方唔係不來梅市內，

係不萊梅以北既不來梅港Bremerhaven。

最初城市發展果陣，不萊梅位於威悉河河口，
係一個天然港口城市，但因為河沙積聚同船既食水愈黎愈深，

係不萊梅以北開始發展一個新城市 - 不萊梅港，作為碼頭用地。
到而家既行政結構，不萊梅港仍然係不萊梅市既一個飛地。

不萊梅港既德文Bremerhaven又係幾有趣，

港口係Hafen，我問德文朋友係咪因為發音所以由Hafen轉成Haven，

佢話唔係，再睇返原來Haven係低地德語既「港口」，
亦即係標準德語港口Hafen既古字，作為地名一直保留至今。

低地德語同英文、荷蘭文相似，
Haven係現代英文都仲係避風港、港灣、避難所既意思。

順帶一提，現代既標準德語係用高地德語為標準。

係不萊梅去不萊梅港係搭VBN Verkehrsverbund Bremen/Niedersachsen，

不萊梅同下薩克森州既交通公司，

問左售票處哥仔，佢話買日飛係平過買兩個單程來回，

剩係呢張飛仔都EUR 28，岩岩係漢堡去不萊梅搭ICE來回先EUR 19。

要打個timestamp去active張飛。

坐NordWestBahn北西鐵，

車上面都有WiFi，個Landing Page又係幾四正，

低地台車，有單車泊位，加減速力度都唔錯。

不萊梅港車站個樓底好高同天然採光好舒服。

再轉巴士去海邊，原本諗住行既但係好大風同毛毛雨，

咁岩又有車就搭巴士算。

一落車已經見到架U-boot。

一陣先返黎睇佢，先去今次黎不萊梅既目標，德國海事博物館。

對比起漢堡海事博物館，
佢有多d講現代既海事技術，
但深度就唔夠漢堡海事博物館好，
比較岩小朋友參觀，

同埋佢有一個部份大規模維修緊，比較起黎就失色左少少。

船廠設計船體果陣用既圖檯，

幸好我學師果陣已經係畫CAD既時代，

無咩試過趴係圖檯畫圖。

用黎做流體動力模擬既船底，

唔知點解呢類型既模型都剩係會造右舷。

而家既造船業由東亞既日本，南韓同中國主導市場，

一隻船既壽命大約三十年，好多時候唔止因為船體老化等保養問題，

更多係因為船主機既達唔到排放標準而需要淘汰。

拆船係一個極危險既行業，係已發展國家根本唔會有公司去做，
船入面既廢油，化學品，隔音隔熱用既石綿，

加上俾海水鏽蝕左幾十年既船體，

基本上係危機處處。

係已發展國家剩係做安全評估同污染物處理，
無返三五七年都唔會完成都前期工作，

所以船東為左避免麻煩，
會將船直接賣俾孟加拉，印度同巴基斯坦既拆船廠進行拆解。

移交左船既擁有權，有咩就搵新既船東 : )

睇國名你就可以想像到成個拆船工序唔會有咩法規可言，

唔會有PPE，工具係得支風煤槍同槌仔，

成艘船會直接用全速衝上拆船廠既沙灘，

工人直接係沙灘上面用風煤切開船體，

廢油同潤滑油直接就倒左落海 : )

船入面可以用既物品全部會回收，由電線，摩打，閥門，
到廚房用品甚至船員用既洗衣機同床舖都可以回收去二手市場賣，

某程度上個回收率係高過已發展國家。

成日俾人dis既連鎖店Nord See

一個幾有趣既展品

蘇聯時代純機械結構既潮汐計算機，

原本德國既潮汐資料係由天文台統一計算，

但東西德分治之後，當然西德既天文台唔會分享資料俾東德，

蘇聯投放左大量資源同人力先研究出「自主研發」既潮汐計算機。

隔遠控制既艦橋控制台。

有個煙灰缸係側邊係真好「昭和感」。

當時既德國係少數同日本一樣仲允許商業捕鯨既國家，

用鯨油生產唔同既脂類產品，鯨魚肉可以做肉食，

我係九州工幹果陣係居酒屋食過一次鯨魚肉，

比牛肉深色同好重血味，我自己就麻麻地岩食。

用鯨魚牙造既黑膠機唱針，據講可以令到音色更柔和。

有時你係船上見到一個個白色圓筒(最頂果款)就係救生艇，
比較舊式同細船用。

係船員學校，Sea survival係其中一個必學既課程。

放果陣要將引導繩綁係船邊再成粒藥丸扔落海，

入面有氣樽，當引導繩拉盡左，

個殼就會好似Louis爆甲咁彈開再自動充氣，

再逐個跳落海游個隻艇到。

艇殼入面有水壓計，當水壓多過十米(定十五米)就會自動deploy，

因為只有一個情況會出現有水壓，就係隻船已經沉左。

有機會打開完發覺隻艇係反轉左，艇底預先綁左d繩，

只要你用岩姿勢一個人都可以將隻艇反返轉，

錯方向既話好易一反果下俾氣樽爆頭，見過有傻佬中招。

隻艇入面有水，高熱量食物(好難食既朱古力)，急救包，
用黎發信號既鏡，煙霧同火炬，一個反射網用黎反射其他船既雷達信號，

補船既工具(同補軚既好似)同氣泵，

仲有魚鈎同手排，但汪洋大海係咪真係釣到魚就下回分解。

用品入面其中一個好重要既物品係量杯，

因為救生艇上既淡水有限，每個人都要按配額飲最低限量既淡水，

當一班人係一個封閉環境中無所事事果陣，爭拗就好容易發生，

細到飲多啖水都可以係引爆點，

為左「公平」分配淡水，一個量杯就係避免紛爭既工具。

新式既艇會有求救信標，
落左海或者手動打著左之後會將GPS地點直接射上衛星，

再由海事服務公司向最近既救難機構求助。

要求高既船公司會用硬式求生艇，

船員可以坐哂入去然後直接成隻艇滑落海，

比起著求生衣跳入海再游去艇安全好多。

二樓大部份位置都維修緊，

觀景台有一整個艦橋。

202606 德國漢堡睇博物館: Day 5 電力博物館

2026-07-12T01:39:14.301+08:00

話咁快去左旅程既一半，又係時候要洗下衫。
EU既Moxy最衰既地方係無in house laundromat，
變左要下下都捧住袋衫出去洗，
習慣左日本果d大堂一定有洗衣乾衣既酒店。

一早起身，體感溫度7度係咩玩法？

搭左兩個站車去搵washpoint，
上個trip用過感覺幾安心安全，
星期日朝早無咩人幾好。

先買洗衣粉，我每次做呢個動作都諗起門徒溝美金果段戲。

洗衫乾衫既payment都係同一個console控制哂，有埋信用卡。

等洗衫既時間去食個早餐飲杯啡。

洗完衫時間尚早，去左Außenalster附近坐下曬下太陽，
可能好多人餵，d雀好肥美。

今日去既博物館位於漢堡南面既哈堡Harburg，
我成日load左佢做「蝦堡」，
地名既來源係Har / Horo意指沼澤、濕地。
由漢堡市區可以搭S Bahn或者RB/RE過去，
嚴格黎講Harburg都係漢堡市區範圍黎。

博物館係Harburg Rathaus行出黎十分鐘咁上下，
公眾參觀只開星期日，其餘時間只接受團體預約，
個博物館本身係當地電力公司支持既設施，
建築物係由變電站改建，同中電果d教育中心咁上下。
但出奇地係好有趣，收藏左好多舊時代既電器，
「舊時代」係指1890年代既街燈同電錶，
最難能可貴係有好多展品仲係動態保存，
館內仲保存緊一套仲可以打電話既模擬訊號電話。

最初既留聲機係由愛迪生係1877年發明，
係第一種可以同時錄音同播放裝置，
35mm電影菲林規格亦都係由愛迪生發明同推廣，
終其一生申請左超過一千項發明品既專利權。

唔知大家細個有無玩過呢種投幣點唱機，

舊式酒吧或者d美國風既餐廳經常出現。

入銀 -> 揀歌 -> 部機會夾隻碟去播

講就好似好容易，但呢部機面世既年代係1960年，
太陽神7號登陸月球先得4KB RAM 同72KB ROM，
唔係而家求其一粒Arduino都4MB programmable space，
當中既電機控制同準確度以純analog設計黎講相當令人佩服。

仲係用緊DM 德國馬克。

另一個舊時代重要電器，收音機，
收音機係舊時代少數可以實時傳播消息既工具，
當時無手機even無電視，有咩重大消息都係透過收音機通知民眾。
E.g. 佐治六世係二戰期間既聖誕節演講，

昭和天皇係日本終戰既玉音放送，

同埋大家一定經歷過既CE英文聆聽播Greensleeves，

頂講起個旋律已經係個腦響起。

成個展區做得好仔細，每個唔同時代既收音機再加每一部機都有獨立介紹，

由最初要幾個月糧先買得起，
再去到一般市民都負擔得到，
演變成愈黎愈多花巧功能，AM/FM兩用，有埋地圖可以調頻等等。

大部份既展品都有個number，可以用佢console去睇details，
另外一個好得意既係佢會標埋年份同當年既售價，
仲有換算表可以俾你睇返而家係咩價位。

佢個console係一個number pad，好似d婆仔係證劵行入number睇報價咁。

另一個展區係電動玩具，我成日都話以前既玩具係好玩d，
E.g. 上次係Deutsches Museum睇到既核能實驗set。

博物館係生產商手上收舊左一整套玩具，
有煮飯仔有熨衫等等唔同種類既迷你版家庭電器，
最特別既地方係插電既話係真係可以用黎煮野食同熨衫。

從後面既宣傳海報亦都體現到個對象係細路囡，
亦呼應到之前係勞動博物館見到既資料，
當時既家庭都係認為女仔係應該以成為家庭主婦為目標，
由細個已經開始「訓練」成為一個家庭主婦。

其中一張海報

---------------------------------------------

Omega - Das schönste Geschenk für Mädchen
Omega - 送給女孩最美好的禮物

「Omega」兒童電爐是大型廚房爐灶的忠實縮小版。
每一台設備均按照德國電氣工程師協會（V.D.E.）的電氣安全規範製造。

我們在製造兒童電爐方面擁有數十年的經驗，
並已有數十萬台設備投入使用，這足以保證其功能完善、絕對安全以及長久耐用。

一台「Omega」兒童電爐，是一件美觀且實用的玩具，
具有教育意義，而且真正具有持久價值。

---------------------------------------------

由8.25馬克既平版去到80馬克，
當時工人家庭半個月人工既豪華版都有，仲有連埋焗爐既版本。

海報最低果句

Kochbuch „Puppenköchin Anna“ … RM 0.40
《娃娃小廚娘安娜》食譜書售價 0.40 帝國馬克。

係1856年初版，德國最具代表性既煮飯仔食譜Puppenkochbuch，
當時德國既中產家庭流行買煮飯仔俾小朋友玩，

因為玩具廚房係真係可以開火煮到野，兒童向既煮食書應運而生。

除左真正可以食既食譜，
書入面仲會教點樣保持廚房清潔同準備食材，
同我好鍾意既蘇聯美食教科書 - 美味與健康飲食之書一樣，
係一本由A-Z教一位家庭主婦點樣去為屋企人準備飯菜既指南。

係網上搵左幾頁黎睇，作者既序(右頁)

---------------------------------------------

序言

獻給收到這本《洋娃娃食譜》作為禮物的小女孩們

這本《洋娃娃食譜》，是特別為那些活潑可愛、喜歡閱讀、學習寫字和編織，
而且十分乖巧的小女孩所編寫的。

我們希望，會有許多小女孩，在聖誕節時由聖誕老人（Christkind）送來，
或是在生日時由媽媽送給她們這本書作為禮物。

首先，親愛的小女孩們必須努力學習，學會如何使用這本食譜。
然後，在遊戲時間裡，只要媽媽允許，就可以開始學習做菜了。

啊，那將會是一件多麼快樂的事情啊！

不過，凡是得到這本食譜的小女孩，
都必須遵照「洋娃娃小廚師安娜（Puppenköchin Anna）」所教導的方法去做；
要仔細留意她是如何操作的。

她從來不會央求媽媽給她各式各樣的零碎東西來做菜；

相反地，她總是親切地接受安娜總是心懷感謝，接受媽媽給她的東西。

如果她想做的料理缺少某些必要材料，她便立刻改做另一道菜，

而不會因此不高興，更不會鬧脾氣。

總之，這位小小的洋娃娃廚師，是個十分知足、容易滿足的小女孩。

即使媽媽拒絕她使用娃娃爐灶做菜，並對她說：

「今天先不要做菜了，親愛的孩子。今天就替洋娃娃做一些不用生火的料理吧！」

安娜也會高高興興地接受。

她會去採集樹葉和花朵，用它們做出各種漂亮的「料理」。

你們稍後在本書第二部分花朵料理（Blumenküche）便會看到這些內容。

啊，我親愛的小女孩們，

你們真難以想像，我們的安娜是一位多麼討人喜愛的小廚師！

她總是衣著整潔，臉和雙手都保持乾淨，她的廚房器具也整理得十分整齊。

她做菜時一定會穿上廚房圍裙和袖套，以免把衣服弄髒。

但她也不會因為穿著圍裙，就不愛惜自己的衣服。

她從不把手擦在圍裙上，也不會在做菜或攪拌時靠在爐子或桌子旁。

做菜時，安娜也十分專心。

她尤其注意保持食譜的整潔，並且留意不要把食物煮得過熟。

如果桌上出現一點污漬，她會立刻用專門的抹布擦乾淨。

她也不像許多玩娃娃廚房的小女孩那樣，把一大堆鍋碗瓢盆弄髒。

凡是用過的器具，她都會洗乾淨、擦乾，再放回原來的位置。

因此，她的娃娃廚房始終保持整潔有序。

如果需要用到一塊糖或幾顆葡萄乾，她不會先偷吃。

即使在試味時，她也只是嘗一、兩次，確認味道即可，不會貪嘴。

她細心的媽媽曾對她說：

「親愛的安娜，在廚房裡，必須養成習慣。

即使要使用糖、葡萄乾、杏仁、水果或其他任何食材，

也不要因為好奇，就不停地試吃*。

即使一開始會覺得困難，也不要順從自己的嘴饞，

否則，妳們的食譜就可能被弄髒、撕破，
那麼，妳們就再也不能帶著自己的食譜到廚房裡去了！」

現在，我們希望，親愛的小女孩們，
妳們能夠經常想起我們的小廚師安娜，並以她作為榜樣。

如果妳們真的這樣做，
那麼無論是聖誕老人、媽媽，還是爸爸，都一定會更加疼愛妳們。

而且，他們看到這本《洋娃娃食譜》確實是為乖巧懂事的小女孩而寫，
也一定會感到十分欣慰與高興。

---------------------------------------------

先強調要學識睇書先可以問准屋企人去玩，
而唔係單純當係一件玩具，
亦到指明係要服從屋企人既指示先可以用爐，
唔應該問屋企人拎呢樣拎果樣，保持自己，用具同環境整潔，

甚至已經係超越左食譜或者玩具書，係一個行為品格既教科書。

係本質上「安娜」就係當時德國家長既理想女兒，

希望自己既小朋友能夠以「安娜」為榜樣學習，

除左煮食教科書，後來仲推出左其他家政系列書。

*老老實實我比較少係屋企煮野食，
通常都係煮d好簡單既野例如烏冬同釜飯果d，
我有個壞習慣係煮飯既等待時間會係飯廳同廚房行黎行去，
然後隻手就會開飯廳檯面d零食食，一路煮就一路食。

其中一頁既食譜

---------------------------------------------

肉湯 Fleischsuppe

前言

親愛的小廚師們，

書中所列的份量，可以依照來作客的小客人（例如洋娃娃茶會或兒童聚會）的人數，

自行增加或減少。

至於該如何調整份量，媽媽最清楚，你們也會慢慢向媽媽學會。

首先，要先在娃娃爐灶裡生火。

接著，小女孩們要先把雙手洗乾淨，再穿上廚房圍裙和袖套。

準備好之後，把煮湯的小鍋拿出來，

再用乾淨的廚房抹布仔細擦拭一次，確定鍋子沒有灰塵。

然後，往鍋裡加入差不多足夠煮湯的水。

不過要注意：

鍋子不能裝得太滿。之後，把鍋子放到火上，蓋好鍋蓋。

接著，請媽媽把要煮湯的肉切成小塊。

最好不要自己切，因為妳們很容易不是切到肉，

而是割傷自己的小手指，到時候就要包紮了。

另外，也可以請肉販事先把肉切成小塊，這樣媽媽就省事多了。

當水煮沸之後，

把肉放進濾網裡，用一點水沖洗一下，再小心地倒進鍋中。

這樣可以避免熱水濺出來燙傷妳們的手，也避免弄髒爐子。

湯還需要加鹽。

由於娃娃鍋很小，只要放幾粒鹽就夠了。

如果盛湯時發現鹽放得不夠，可以稍微再加一點。

但是如果鹽放太多，就沒辦法再拿出來了。

親愛的小女孩們，妳們一定明白這個道理吧？

所以，妳們一定要記住一件事情：

寧可先放少一點，再慢慢增加，也不要一開始就放得太多。

接著，把鍋蓋蓋好，以小火慢慢繼續燉煮。

不過，湯必須一直保持微微沸騰，這樣味道才會更加濃郁可口。

因此，火不能太大，否則湯就會滾得太厲害、甚至溢出鍋外。

等到米粒完全煮軟後，湯就可以盛盤了。

如果想換個口味，也可以不用米，

而改放粗粒小麥粉（Grieß，粗麥粉／西米那粉）。

做法是：在上桌前約 10～15 分鐘，先用兩湯匙冷水把粗麥粉攪拌均勻，再倒入湯中。

不過，由於粗麥粉很容易讓湯滾溢，所以妳們一定要特別留心。

如果希望這道湯更加細緻、美味，上桌時可以拌入一個蛋黃。

至於如何製作香芹湯Kerbelsuppe時加入蛋黃，本書後面會再教妳們。

我建議，把煮過的肉留給家裡的貓吃。

因為那些肉已經煮得太久，營養和味道都流失了，

肉質也變得又老又硬，對妳們並不好。

---------------------------------------------

入面Step by Step教一個小朋友先由衛生習慣開始，

再準備食材開始煮食，中間帶出安全教育同烹飪技巧，

仔細說明調味，火候控制既背後原因，
甚至係煲完湯既肉都唔好浪費，可以餵貓而唔係倒左佢，
好全面既家政教科書。

Source: https://moopenheimer.com/2014/12/24/puppenkochin-anna-1886/

男仔既玩具就遜色好多，我睇哂最有趣果件都只係摩斯密碼既電報機。

電力一開始係俾工廠取代蒸氣機，
直到變電同輸電既基建普及先開始轉為家用，
先係取代蠟燭作為照明，到後來有家庭電器同電氣化既爐具。

當時「用電力照明」甚至係一個綽頭同賣點，
下面係一張1880年代係漢堡一間啤酒館既廣告。

~~放心唔係慕尼黑同無奧地利人演講~~

---------------------------------------------

瑪麗恩塔勒啤酒館Marienthaler Bier-Halle

位於馬市，與塔利亞劇院相對。

（前身為市場大廳／市集大廳）

漢堡最大的啤酒館！

設有：

餐廳和花園啤酒餐廳

採用電力照明

每日皆有音樂會演出。

免費入場。

化學家成名就會有一個制程用佢黎命名，

例如制造氨氣既哈伯法，1908年發明後一直沿用至今，

係化學肥料既主要原材料。

而物理學家成名就會有個單位以佢黎命名。

Volt = 電壓(V)

Ampere = 電流(A)

Ohm = 電阻(Ω)，電學既基礎Ohm's law就係佢發現

Faraday = 電容(F)，摩打同發電機仲有以前CE Physics 三隻手指指黎指去就係佢發現

撥盤電話，日本叫黒電話，
舊時代打電話有個俗稱叫「撥個輪」其中一個原因係入電話號碼真係用手撥，

無電子系統係入面，純粹靠手指轉郁個盤然後回轉果陣線圈產生既電力去發送訊號。

以前講既就算停電都可以打電話就係咁既原因，

同d用料好堅固，個聽筒可以扑死人。

最神奇既事情出現，我玩左兩下個電話突然電話響，

個Staff係counter拎住個聽筒用以下表情望住我，

叫我拎起個電話，同我講話個電話係動態保存，

成套backend拆左返黎博物館入面仲可以用黎打電話。

個staff原來係館長仲係以前電力公司既工程師，

退左休就黎睇博物館同帶tour，佢話weekday好多小朋友團

佢唔太識講英文，我又唔識講德文，些少雞同鴨講。

但工程佬係自己會對岩channel，

我地由50/60Hz 傾到輸電電壓傾到入屋條總線，

仲開左好多隱藏野出黎俾我睇，

佢話weekday黎可以帶我去隔離個運行緊既變電站睇下，

weekend佢入唔到office無匙開唔到門。

係電視台搬返黎全套攝影機同廣播系統，仲要係動態保存。

同大叔企左係個變壓器到講香港輸電用400kV，
日本東西日本範圍用50Hz/60Hz中間點樣做到聯網(轉成DC再逆變成AC)，

討論埋插蘇用BS1363好定EU既Type C插蘇好，獲益良多。

最初既電費係按幾多盞燈同幾多個插座去收費，

而唔係接用電量，因為無一個裝置可以計到你用左幾多電，

引伸出一個可以擰係燈咀既插座，

就可以用照明既電費但用黎做其他用途。

好鍾意呢種有12/24小時文字盤既鐘，

德國基本上係用24小時制，只有寫俾外人睇既時候先會用AM/PM。

AEG (Allgemeine Elektricitäts-Gesellschaft)而家已經併入其他公司，

舊時代整個德國既電力系統，
發電輸電配電都係由AEG同西門子設計同制造。

呢套展品又係舊時代一個好特別既設計，

當時既摩打因為物料同生產問題價格好貴，

工程師諗左個方法，裝摩打同用具分開，

要用既時候先裝個摩打上去。

整個產品系列由廚房用具到吸塵機甚至木工工具都有。

電氣化爐具

中間果支擺到成把Excalibur咁既電器係用黎熨呔既工具。

另一個舊時代力作，熨斗同時可以用黎當加熱板煲咖啡。

竟然無3310

Windows既Main Drive係C開始既原因，

A同B係兩個Floppy Drive。

個博物館唔算好大，二千呎咁上下，行左三個幾個鐘好滿足。
行出黎搵野食，見到有條酒吧街搵左間巴西菜既餐廳食下野。

意外地個set lunch幾好食，煮牛肉配薯仔，

但我最印象深刻既係有蒜味既麵包醬。

食完飯搭車返Hauptbahnhof，

原本諗住係車站d酒吧睇F1 Barcelona GP，

我見佢有Sky Sport同前一日都有播排位賽，
點知原來正賽係唔播(定唔知同世界盃撞左期)，

好在帶左Laptop係身可以見證咸蛇為拉利拎第一冠，

仲要係全英人Podium。

睇完車岩岩好肚餓，

係Google Map碌左一陣決定去食俄國餃子整多杯Vodka，完美。

202606 德國漢堡睇博物館: Day 4 稅關博物館

2026-07-10T22:38:50.339+08:00

食完野碌手機睇下附近有d咩景點，
見到有個「稅關博物館」好似幾有趣，
又正正係附近就行去睇下。

之前提過，漢堡為左方便通商往來，
係市內設立左倉庫區，只要唔運入德國其他範圍，
無論係儲存，轉口同加工都係免關稅。

過左橋之後就係倉庫區，橋兩邊有更亭去檢查出入既車輛，
有柏林圍牆果種分界既感覺。

博物館本身就係以前既稅關。

講起稅關，近年做多左國際生意先發覺香港係「自由港」係一個幾大既優勢。

E.g. 由外國入口零件去日本，要按分類逐件係日本稅關登記，
再由稅關既工作人員評稅，出稅單再交稅先放貨。
總額多過200,000JPY仲一定要搵專業報關公司去處理，
有d常做海外生意既日本公司會叫伙記去考「通関士」，
專責去處理出入口同埋聯絡稅關，
中間既文件同手續非常煩複，加上日本人既認真程度，
基本上無試過邊次係好順利唔洗補文件就放貨。
大貨我通常都係搵Forwarder成批處理，但亦好多時有奇怪甩漏，
我試過入左批Controller係成田落機果陣落大雨成批貨濕哂。

新加坡既話入口果陣會直接收埋消費稅，
呢d「正常」既國家都算易處理，
最怕係果d要「檯底傾」既國家，
呢d為左避免麻煩我都係直接搵Forwarder或者Fedex果d去負責door to door。

香港無論出口定入口除左特定商品，例如：煙酒、石油制品，之外都唔洗交稅，
出入口剩係需要報關用黎做統計數據多過去評稅。

稅關除左負責管理「正常」商品既出入口，
亦會遇到「唔正常」既物品，毒品就係其中既表表者。
收藏品中無大家熟悉既雙獅地球牌，
金三角應該轉左型做網上生意i.e.詐騙，
毒品由金新月(伊朗、阿富汗、巴基斯坦)去做。

從巴西入口既貨車，內藏左100kgs可卡因。

另一個係亞洲好少聽到既毒品 - 卡特葉。

原產地係東非同阿拉伯地區，當地人會將卡特葉放入口嘴嚼，
佢既汁液有類似安非他命既作用。

講卡特葉就一定要提也門。

也門位於阿拉伯半島，同阿曼，沙特阿拉伯接壤，
海岸線位於紅海同印度洋交界，係石油運輸既主要航道，
同其他阿拉伯國家一樣有石油同天然氣資源，
但唔係石油輸出國組織成員，傾向直接同油公司做出口貿易。
除左石油，亦盛產礦石同咖啡，
之前係交易所見到既Mocha就係位於也門。

咁卡特葉同也門有咩關係呢？
當地有個習慣，從下午開始就會攤係地下圍埋一齊嚼卡特葉，
i.e. 一齊吸毒，
同燒雪茄會口乾一樣，卡特葉一路嚼要一路飲水，
甚至屋企入面會有卡特房Qat Room專門用黎嚼卡特葉。

嚼卡特葉既普及程度係下午兩點鐘所有人都停手唔做野，
一齊去嚼卡特葉嚼到日落，每日會花三五個鐘去嚼卡特葉。
咁你會明白點解明明有石油有天然氣都可以窮到鬼咁。

最難搞既係大量種植卡特葉需要大量水資源，
也門本身亦極度缺乏食水同地下水資源，
而且大量農民種植卡特葉而非糧食或者咖啡等經濟作物，
加劇糧食價格上漲等社會問題。

去到現代歐盟成立之後，整個歐盟成為一個統一既關稅區，
大手商品例如石油同煙酒，用統一的程序、免稅規定同最低稅率。
但每個國家仍然可以開徵獨立消費稅，
例如德國既咖啡稅Kaffeesteuer，據講每年稅收可以去到10億歐元。

另外德國亦都有好多特殊既消費稅，開徵既歷史仲好悠久。

啤酒有啤酒稅Biersteuer，按酒精量同生產量課稅，
最早可以追溯到中世紀就已經有收徵啤酒稅，
由德國稅關徵收再分配俾各邦。

用電都有電力稅Stromsteuer，甚至係德國第三大既消費稅來源，

係1999年開始徵收，對再生能源有稅務減免。

咖啡岩先都提到過既咖啡稅Kaffeesteuer，

無論係入口咖啡豆、咖啡粉、即溶咖啡、甚至係咖啡糖同甜品都要課稅，
只有生咖啡豆唔需要課稅。

氣泡酒獨立有一個氣泡酒稅Schaumweinsteuer，
1902年德國皇帝威廉二世為左籌措海軍艦隊經費*而設立，
所以有個別名叫艦隊稅Flottensteuer，
至今仍然存在係德國既稅制。

葡萄酒則相反，只有1918年至1926年間收取過葡萄酒稅Weinsteuer，
但同樣係葡萄酒基底既氣泡酒就要收稅。

*講起為左軍費而設立既稅項，
日本既遺產稅(相続税)就係為左日露戰爭既軍費而開徵。

烈酒亦有烈酒稅Alkoholsteuer，
1919年立法既時候甚至係將烈酒銷售引入專賣制度，
直到歐盟成立先取消專賣制度。

預調酒稅Alkopopsteuer係近年為左應對便利店出現既預調酒而開徵既消費稅，

預調酒以廉價，用果汁/加糖令到好易入口，包裝五顏六色去吸引年輕人，
類似日本Strong Zero果種一罐500mL有9%酒精，
用果汁同糖掩蓋基底既廉價酒。

Offtopic講少少，黑田都算係一個酒鬼even某程度上已經係アル中(酗酒)，
但我本身就好少好少話會飲醉酒攤係地返唔到屋企果d黎。
我好唔推薦任何人去嘗試呢d預調酒，
因為呢個商品既出現本身只有一個目的，就係令你飲醉，
入面加左既色素同風味劑令你完全唔會飲到入面酒精唔好既味道，
亦好易飲太多然後醉到不省人事。
個人意見係飲酒可以，
但應該揀d優質既酒去「享受」酒既味道而唔係「買醉」，
同埋應該要控制到自己唔好做失禮人既事。

btw 我飲醉左既話係會一口流利既新加坡口音英文然後手會係意大利佬模式。

煙亦都係課稅品，煙草稅Tabaksteuer透過貼係煙盒上面既稅票收取*，
方便執勤人員去辨別係商店入面賣緊既煙係咪已經完稅，
煙草稅係德國稅收第二大來源。

*方式同泰國既酒稅好似，
泰國既入口酒類會有張粉紅色label貼係樽蓋封口去證明完稅。

石油制品既入口亦要徵收能源稅Energiesteuer，
最早可以追溯到1879年已經開徵既石油關稅Petroleumzoll，
無論係汽油柴油燈油(火水)定石油氣都要收稅，
係德國稅收最大來源。

(抱歉個館展版文字比較多，呢個區無咩特別既展品可以show)

另一個區係講冷戰時期，稅關係一個咩既角色。

當時西德係有郵政服務可以寄去東德，
但當然會俾人全部拆開檢查，

除左郵局，東德國家安全部a.k.a.秘密警察既郵政海關調查部門會進行檢查，
所有有文字同資訊相關既產品，例如：雜誌，唱片，書籍等會全部扣起，
甚至會對收件人進行調查。

當時德國邊境管制指示牌
Waffen = 武器

Funk = 無線電通訊設備

係冷戰時代，無線電通信設備係一個好敏感既器材，
even時至今日都係，E.g.船上既衛星電話係「某d國家」隨時引黎官非。

講完現代既稅關，就講下古代既稅關。

之前提到過一個概念，係德意志帝國成立之前，
各個城係有自己獨立既稅制同關稅。

主因係返到去13世紀，神聖羅馬帝國既政治權力分散，
行政權立法權司法權都下放到唔同既地方諸候，
甚至開始成立自己既軍隊、徵稅同發行貨幣。

理論上皇帝是全帝國最高統治者，

但同英格蘭國王、法國國王等君主唔同，
神聖羅馬帝國既皇帝無實質管治既領土，
無論財政定軍事都係依賴地方諸候、貴族、教會支持，
因此國家既方針一直都傾向地方妥協。

領主興建城牆之後，以城牆為行政界線，

亦係以城牆為界徵收關稅。

即係係異世界動畫見到果d排隊入城要交稅既場面，

除左貨物要徵稅，亦都有「人頭稅」按人口流動收稅。

一個商人由漢堡運貨去奧地利，中間經過，

漢堡 -> 不來梅 -> 漢諾威 -> 法蘭克福 -> 紐倫堡 -> 奧地利

可能總共會經過二十個唔同既城邦，剩係關稅都要交幾十次，

一層層疊加既稅項，各地唔同既稅務制度同度量衡，

E.g. A地係收5%，B地係收12%，
C地係收每匹馬2銀幣，D地收每桶酒固定費用等，

可以想像到當時既商業活動非常困難。

過橋要收過橋費Brückenzoll，
過路要過境稅Passierzoll，
入城要收城門稅Torzoll，
係城入面做買賣仲要再收市場稅Marktzoll。

度量衡亦都唔係全德意志地區統一，

普魯士、薩克森同巴伐利亞三個州用緊三個唔同既長度標準。

唔知大家以前有無試過係中國做野，
當時中國既高速公路係分開唔同公司，
可以係A段由A縣政府起，B段由B市政府起，
每段「高速」公路可以係每二三十公里斷開，
出收費站，中間一段既一般道，然後再過收費站，

後生果陣有一次農曆年，有件零件要送去廈門急用，
司機一早就放左假，我同我師傅揸車由廣州去廈門，
臨出發果陣老細講「俾個籃你裝住d飛仔」

當時既構圖大約係咁

然後全程都係

入收費站 -> 行三十公里 -> 落收費站 -> 行一段幾公里既國道或者縣道 -> 入收費站

剩係d飛仔都一大疊

返返去頭先個topic，咁你話「我唔入城咁咪唔洗交稅」，
的確係可以繞開城市，但係城牆外既村莊係無衛兵，
當時路上面亦唔係絕對安全，
入城亦係少數可以做交易同交換資訊既地方。

當時引伸出一個字 Torschlusspanik 城門關閉恐慌，

現化意指「害怕錯過最後機會」或者「年齡焦慮」。

但當時真係同城門開關時間有關，

城門會係夜晚固定時間關閉，
如果商旅或者居民趕唔到入城，就只能夠係城外過夜，

面臨野獸、劫匪等危險。

所以市民會係城門即將關閉果陣趕路，

呢種種恐慌便稱為 Torschlusspanik，
後來再演變成形容人生中既「害怕錯過最後機會」。

當時係認真到有個365日既城門關門時間表。

水路作為當時既主要交通網絡，經過就已經要收過路費，

為左避免商船逃稅，稅關會係河面拉起鐵鏈，
甚至向商船開火逼使佢停船。

再黎就係點解當時既皇帝唔禁止呢d政策，

之前提到過地方諸候既勢力強大，
皇帝亦係靠貴族同地方力量支持擁立，

更甚至去到皇帝查理四世時，
正式確立同承認左選帝侯擁有關稅權同貨幣發行權。

關稅嚴重窒礙物流同商業活動，
亦都係因為咁引申之後漢薩同盟既出現，
以商人行會既力量去同領主談判，
以獲得關稅優待或者通行特權。

16世紀皇帝查理五世曾經想將關稅由地方稅轉成國稅，
係貨品入口神聖羅馬帝國範圍既國境關口收取，
而境內則唔需要再收關稅。
想當然唔會成功因為關稅已經係地方財政既一大來源。

17世紀更開始利用關稅作為貿易保護手段，

提高進口稅以保護本地產業，方法同現代既政策概念相同。

一直去到19世紀，係普魯士主導下建立德意志關稅同盟Zollverein，
德意志各邦之間既內部關稅先逐步取消，
亦到為1871年德國統一奠定經濟基礎。

同盟仲建立左統一的度量衡制度同貨幣體系，
將「德國」由一個封建國家銳變成現代化經濟體。

可以講德國國家統一，
某種程度上係由「關稅統一」開始而唔係政治統一開始。

博物館都有輕輕帶過關於稅關職員係牙希個年代併入德國軍隊，係咁易講下。

行完館出黎散行步，未係好肚餓突然好想飲下湯，
搵左間俄國菜既餐廳整個Solyanka暖下胃。
我本身唔識伏特加，一直都當佢係レモンサワーd廉價酒精，
直到前幾年去波蘭先體驗到伏特加有趣既地方，
我幾鍾意果d奇怪草藥味既伏特加。

係注文果陣我問個staff

黑田「有無咩vodka介紹下」
Staff托左下眼鏡「我地有d homemade既伏特加，你要唔要試下」

佢叫左我埋去counter開左個樽俾我聞下，
係幾過癮既奇怪草藥味非常岩我口味。

食完野又散下步，係車站搵左間酒吧睇波同買左個kebab返去酒店做晚餐。

202606 德國漢堡睇博物館: Day 4 動物學博物館

2026-07-07T22:44:07.509+08:00

睇左兩三日歷史博物館，想搵個第二d主題既活動。
原本係想去動物園 / 水族館，
但一早起身又落大雨唔太想出戶外，
睇睇下google map有個「動物學博物館」好似幾得意，
決定食個早餐就去睇下。

係Berliner Tor附近既麵包舖食早餐，
好少可咁有胃口一口氣食左三個包，
岩岩出爐既包夠軟熟真係好難停口。

係間麵包舖既咖啡機側邊竟然有邱吉爾既格言(in 德文)。

,,Man soll dem Leib etwas Gutes bieten, damit die Seele Lust hat, darin zu wohnen."

「人應該善待自己的身體，這樣靈魂才會樂於居住其中。」

邱吉爾講呢句說話又幾有說服力既...又食雪茄又酗酒...

btw GPT 話呢句「格言」剩係係德文世界流傳，
無證據邱吉爾真係講過。

Niendorf <-

我一開始以為係Neindorf No村，
再查先知係Niendorf 新村，古德語既Nien ＝新 = 而家既Neu

個博物館係大學既附屬機構，仲要免費入場但有捐款箱可以捐錢，
比較小朋友向同埋都幾考驗下英文能力，
好多d動物既英文，Sorry唔好話德文同英文，
我中文都未必講得出。

咪住

係咪教緊我地點樣去食魚

我好鍾意既水族館，青森縣立水族館，
其中一個原因係佢d魚缸會講埋有d咩食法，

青森縣海產案內咁，咩扇貝魷魚吞拿魚etc逐樣介紹，
一路睇一路嘴角流眼淚。

當時作為「珍禽異獸」由印度/非洲入口用黎巡迴演出既動物，
死後制成標本。

一整套長鬚鯨既骨骼標本，長18公尺，4歲，仲係成長中既個體，
係地面仲畫左1:1既鯨魚去俾遊客體驗下鯨魚既真實尺寸，

唔同動物既標本。

個樣勁囂張。

加拉巴哥巨龜，世界上最大既陸龜。

我第一次見到龜殼內側係咩樣

d熊個樣好戇居。

日本近年冬天唔知點解d熊好活躍，連市區都會有熊出現。
上年十一月係青森工幹，「順手」去左淺虫溫泉放左幾日假。
岩岩到埗前一日睇新聞話淺虫溫泉既山區見到有熊，
係旅館check in果陣個前台同我講
「夜晚要出去既話就拎個熊鈴，咁會安心d」

我一頭問號，你俾支手槍我我都唔會覺得安心，你俾個鈴鈴我有咩用。

結果更離奇既事出現，有一晚d酒飲哂，
突然想飲One Cup果種好廉價既日本酒，
於是換衫行去FamilyMart買。
條路本身無咩燈，路上轉角位企左幾個保安，
拎左幾個鈴鈴好似驅鬼咁係咁係到搖，
我行過果陣仲要同我講「最近有熊出現，請多加注意」
我除左「お疲れ様」都唔知可以講咩好。

貓樣

係曼谷成日去果間貓cafe，入面隻緬因貓就係最鐘意咁訓。

流浪貓係市區算係頂級掠食者，
本身無天敵(除左執貓既人)之餘擅長狩獵，
鳥類同囓齒類都輕鬆拿捏。

鳥類有一整個區既標本。

行完出黎岩岩好中午食飯時間，
搭幾個站巴士去左Bier Garden食腸飲麵包，
果陣岩岩開始世界盃，仲係世界盃裝飾，而家就唔知lu (笑)。

202606 德國漢堡睇博物館: Day 3 勞動博物館

2026-07-01T17:20:03.143+08:00

一早起身天陰多雲，
琴晚食完巴伐利亞野突然好想食個巴伐利亞早餐，i.e. Weißwurst + Weissbier，
係Google Map search 下見到有間肉店話有Weißwurst，
隔離仲有個公園可以散下步，就搭車去行下。

明明我係Google Map見到係肉店Mix Cafe。

https://maps.app.goo.gl/6LnxMCZuiFhyEhX47

去到係間自動售賣機，仲係個貨倉區出面。

係的確有Wurst同啤酒但我要既唔係呢d野。

係附近搵左間麵包舖咬個Pretzel飲杯啡。

聽過一個講法係俄佬既「三文治」係得一片包，

米國既「三文治」先有兩片包。

論包黎講我暫時都無係德國食過唔好食既包，

岩岩出爐軟熟既Pretzel真係好正，
除左有時上面d鹽會重手左少少之外。

食完野坐下公園。

唔出去旅行就一日只要係醒住就會對住個Moon，
尤其係在家工作既人，唔落site唔出去開會既話，
每日就係起身由床行去寫字檯開機做野。
有陣時係起身直接開機做野，做做下野先發覺連牙都未刷，起身未出過房門，
久而久之成個人好容易會無左動力。

所以有陣時係日本/泰國屋企就算唔洗出門我都會拎台電腦出去搵間Cafe 坐半日，
日本既話首推コメダ珈琲店Komeda，中京i.e. 名古屋牌子，
早餐500 JPY一杯野飲半份多士一隻蛋，
屋企附近果間除左weekend有人排隊，一般可以坐半日。
遲下起注文住宅既話，想至少要分開睡房書房兩個範圍。

泰國就好盛行出去做野，佢地唔係好鍾意留係屋企，
一來佢地覺得係曼谷既Condo唔係真正既「屋企」，
佢地係偏好住一戶建一家人一齊住先叫屋企，
所以好多都無咩話點佈置間屋同住到好minimum e.g. studio就算。
平時Day time做野就去Cafe，Starbucks / Cafe Amazon基本上唔趕人，
仲有Free WiFi同插座叉電，
我屋企附近果間Starbucks定時定候會切d餅出黎派，
因為雪櫃賣唔去既夠時間都係扔落垃圾桶，
會切開細細餅一人派d咁。

坐係公園唔睇手機(盡量)，散下步吸下新鮮空氣個人都精神d。

坐黃色線U3去Barmbek。

U Bahn用第三軌取電，無架空電纜，
所以有d DB同U Bahn並排既路線要有兩組唔同既軌道。
Barmbek算係一個大站，U3可以轉S1同U3有條盲腸線都係係到出發。

時間尚早，個博物館未開，搭去總站(10min)遊下車河。

博物館由河邊既工廠改建而成，

室外保留左個TBM既前挖掘面。

呢個博物館有個好有趣既主題就係講「工作」呢樣野既文化同歷史。

當社會進入工業化，鄉鎮人口開始移入城市，

第一次出現工作同居住空間分離，

市民唔再只係住係田地同自己既樓，

開始出現工人住宅區繼而貧民區。

係工業革命之前，無論係鄉鎮既農耕社會定城市入面既工匠，

都係按「日出而作日入而息」，亦按季節安排工作，
因為平民根本無負擔得到既照明工具俾佢地係夜間活動。
蠟燭既原材料蜜蠟唔係一個隨處可見既資源，甚至需要係海外入口，

可想而知價格係唔會平，平民係入夜後既照明好多時候都係得煮飯用既壁爐上面既火。

而新科技既引入，例如電力，電報電話，鐵路等等更加係改變左生活既模式。

其一樣對於佢地造成衝擊既就係「返工既紀律」，
唔同以前想做就做想訓就訓，要按照機械流水線既速度去「配合」機器，
當時既勞工保障亦都無現代咁完善，
老闆同管理層只係當員工係機器既一部份，

亦唔介意去請女性或者細路去做工廠既職位。

同樣係咁既原因先發展出工會、勞工集體談判同社會福利。

定時返工定時放工(?)既其中一個體現模式就係「打卡鐘Stechuhr」，

上面既轉盤係代表職員號碼，會自動將時間記錄係紙帶上面做記錄。

呢個展品又係好有趣，係一個「可拆裝式」既白領。

當時既衫全部都係裁縫度身訂造，
白色襯衫清洗同漿熨都好麻煩，亦唔似而家可以買十件輪流著，

但偏偏襯衫領極易污糟，

於是「可拆裝式」既白領令用家只需要換左襯衫領就可以繼續著。

最特別既係呢個襯衫領係早期工業化成衣既產品，

係每件衫都要度身訂造轉化為成衣工業既開始。

順帶一提，而家既XS S M L LL最初係用訂造軍服既數據去搵出尺寸既標準化數據。

「白領」「藍領」亦都係呢個時代發明出黎既字，
戴「白領」文職同著工衣既「藍領」。

呢個展品又係好有趣，我一開始以為係桶定咩黎，
原來係個飯盒Essenträger (Henkelmann)，

朝早屋企人會煮好午餐俾工人拎返工食或者中午由屋企人去送飯。

我相信香港已經好少見呢個形式既飯盒，

係東亞南都仲會見到，多數係印度人*或者馬來人拎飯去公司食。

有d三四層，飯，naan，咖喱，連埋手抽有埋畫花係幾骨子，

亦有d無咁花巧既純不銹鋼版。

* 講起送飯，係印度孟買有個文化係佢地好少出去食午餐，

一來係宗教問題，印度教唔食牛，佛教，伊斯蘭教要求清真屠宰，

所有煮食容器同餐具都要分開，

二來要再分唔同種姓，高種姓既人唔會同其他種姓既人一齊食飯。

印度航空既國內線為左避免麻煩，飛機餐得一個選擇就係素食。

屋企人煮好左擺入飯盒再透過「飯盒傳遞員Dabbawala」

將飯由屋企去到去市區寫字樓。

留意地點係「印度孟買」，唔係由上野買外賣返丸之內搭山手線幾個站，

有一組人每日由客戶屋企收飯盒，收集完踩單車去車站放上火車，

到市區再由另一組人去派飯盒，過左食飯時間再收返個吉盒然後送返去客戶屋企。

當中既過程完全無電子野協助，只係靠飯盒上面幾個記號去分辨，

但送飯非常準確，完全唔係平時印度人既工作印象。

有興趣可以睇下記錄片Dabbawala The Lunchbox Miracle。

係工業化之前，大部份人係屋企附近做野，

農夫直接農地工作，工匠在前舖後居既工場工作。

工業化之後，居住同工作地點分離，

工人每天必須出門口通勤，帶黎交通需求，

午餐唔係返屋企家食，帶黎飯盒同外食既需求。

現代城市既特徵開始成型。

到而家多左WFH之後，又去返以前唔洗通勤，一日三餐係屋企食既模式。

係初初工業化既時代，屋企既女性角色停留係「相夫教子」，

學校會教女學生手工刺繡，女性向既玩具會係廚具，熨斗等等家庭用品，

女性被期待擅長縫紉、管理家務、照顧丈夫與孩子，

而男性負責工作賺錢。

展品係一件廚房裝飾布Spruchtuch，係19世紀好流行掛係廚房做裝飾，

中間既文字「Mit Fleiß und Kraft, wird Alles geschafft 憑藉勤奮與努力，一切都能完成。」

其他同樣既格言仲有

Nadel, Schere, Fingerhut sind das beste Heiratsgut

針、剪刀和頂針是最好的嫁妝。

Ordnung und Sparsamkeit sind der Hausfrau Ehrenkleid

秩序與節儉是家庭主婦的榮譽衣裳。

Der beste Schatz für einen Mann ist eine Frau, die kochen kann

對男人而言，最珍貴的寶藏是一位會做飯的妻子。

當城市開始發展，電燈既出現令人每日可以利用既時間延長，
除左工作，休閒娛樂都開始多元化。

展品係1914年2月17日既娛樂晚會門票，僅限受邀會員，
睇完劇之後仲有舞會，係一整晚既社交聯誼活動。

1914年係一戰爆發直前但漢堡市民仍然有餘裕去參加文娛活動。

下一件展品係由漢堡電力博物館Electrum借出，
之後我都去左參觀，展品好豐富同Staff好Nice，去到再講下。

最初既「電費」係以「幾多盞燈」黎計價，
因為當時無一個準確既裝置可以計到用電量。
於是呢個轉插應運而生，直接擰上燈座就可以分出兩個插座出黎俾電器用。

見證左由蠟燭照明，去到有電燈，再去到可以用電器協助家務。
工廠既動力亦由人力或者蒸氣機轉成電力。

下一個展區，博物館將一間係1989年倒閉既既襟章工廠既設備全部收藏展示，
特別既地方係工廠入面既設備大部份都係1930年代生產，
連倒閉前既運作模式都係沿用人手生產，
似亞洲既「山寨廠」模式，成間廠得十個八個工人，
家庭式經營同無大型機械輔助。

另一個特別既地方係佢曾經被選為Nazi既軍工企業，專門生產徽章，
即使係戰爭時間仍然能夠獲取重要既金屬同化學品資源。

戰後工廠主力生產船公司既徽章同其他民用訂單。

樓上講其他行業，有一個部份係講印刷業。
正如之前提過，印刷術既出現其中一個好重要既轉變，
係將書本入面既知識由只有少數人掌握去到平民都負擔得起既程度。
亦都將「編書」既主導權由教會轉移到非宗教機構。

活字印刷術由面世開始一直沿用左五百年，直到被柯式印刷同凹版印刷取代，
1815年開始出現印刷機械化，去到1900年代的排版機械化，
去到傳統活字印刷完全被取代，中間所需人手不停減少。

咁當時既老闆同工人係點樣應對呢d技術同工作模式既改變，
就係呢個展區既主旨。

「當新技術出現既時候，工人點樣面對職業被機械化同淘汰？」

講「活字印刷術」，第一樣野當然係要個「字」，
有專門既工人活字鑄造工Schriftgießer負責生產字粒，
當時係用鉛同錫等等低熔點既金屬鑄造。
書入面每一個字母、數字、標點符號都係咁一個一個鑄造出黎。

有左字粒，下一個工序就係排字粒然後印刷，
由專門工種排字工Setzer按書本既順序去排版，
再交由印刷工Drucker去印刷。

博物館入面講左個好有趣既故事。

"Zween Buchdrucker sind sich selten einig." 兩位印刷師傅很少會意見一致。

意指「專家之間也常常意見不一」

兩個工種之間既工作內容完全唔同，技能亦都唔一樣，
但係整個工序入面缺一不可，經常係工作上出現磨擦同分岐。
甚至互相以熊Bären同猴子Affen互相嘲諷。

猴子Affen係排字工既蔑稱，
因為係字盤前執字粒既動作雙手好似猴子咁兩邊執，
同時排字工既知識水平要求比其他工種高，
除左要識唔同語言既文字同字型，
仲要識計算同設計文章既排版，
學徒訓練期亦比其他工種長一年（共五年）。

熊Bären係印刷工既蔑稱，
因為當時既印刷機係由人力操作，
要用力將模版印落紙上面。
同時要負責係模版上油墨，
整整下就一手一衫都係油墨，
排字工用黑熊黎取笑印刷工又讀得書少(少一年)又污糟又剩係識用力。

當時印刷業行會非常團結，技術亦非常專門，
成功逼使政府限制印刷廠數目，
所以大量學徒即使畢業之後都搵唔到野做，
要去第二d城市做臨時工。

當時漢堡印刷業監督官有句說話

"Der Buchdrucker ist die unlenkbarste Creatur" 印刷工是最難以駕馭的生物

感覺似我後生果陣d supervisor會俾我既評語w
btw 留意呢句，一陣會提到

整套設備係由一間小型印刷廠搬入博物館，
完整咁保留左排字同印刷既設備。

1925年果陣，一個熟練既排字工可以一個鐘完成1700個字既排版，
但實際上排版既工作只佔三分一時間，
其他時間用黎組裝版面同校正。

字粒就係每一行排係排字尺Winkelhaken上面再轉移去一整頁既夾具，
按紙張大小同字型大小設定好尺寸就可以開始放字。

執字粒既排字盤Setzkasten，
上面既大格細格都有講究，同現代既鍵盤一樣。
e / n / i / a 呢d常用既放大格，
q / x / y / z 呢d少用既放細格。

A B C D E F G H I K <- 無J
據ChatGPT所講，係活字字體入面I同J基本上係一樣，所以無特別區分。

細階亦比大階常用，一本書入面基本上95％都係細階。
右下F開頭既特殊字粒，fi / fl / ff / ft / ch / ck，
係為左印刷美觀而特別制造。
E.g. f i 分開排既話，i上面既點好容易就會同f個頂痴埋一齊。

正中下同右下角係空白鉛塊Ausschluß，
排版果陣要左右攝岩個間距同space。
最右角係「雜物格Quadrat」，
有d咩未得閒執返既字粒就扔住落去先。

當排好一整頁，就可以放上印刷機準備印刷。

印刷工通常係兩個人一組，
一個人負責上墨Ballenmeister，一個人負責壓印Preßmeister。

上墨係用墨印將墨點上字模，太多同太少都唔得，
順帶一提，個墨印上面塊皮係狗皮黎，因為夠薄同夠軟，
最緊要係無汗腺，油墨唔會吸收左入去墨印入面。

壓印係用機器上面既橫桿旋轉，將紙壓向字模，
一般印刷機會固定係天花板避免機器翻倒。

另外調配油墨都係由印刷工負責。

一部印刷機一日可以印到200-300份成品，
當時既《漢堡通訊報Hamburgischer Correspondent》，
係1806年每週出版四次，印量達到三萬份，
出版社同時用12台印刷機，同一版面做成6套活字版去印刷。
1830年更加每日發行，讀者遍佈德國、丹麥、瑞典、荷蘭、奧地利、波蘭等，
曾是歐洲發行量最大既德文報紙，亦都係德國歷史最悠久既政治報紙。

以全人手達到呢個規模既印刷量係當時黎講係好革新，
除左新聞既影響力，更加成為官方公佈既渠道。

去到機械既時代，
由全人手操作既印刷機，每人每小時100份，
到1814年引入快速印刷機，每人每小時1100份，
再到1832年引入改良快速印刷機，每人每小時2400份，
短短二三十年時間，生產量急升24倍。

印刷工原本以為機器會令自己失業，
但反而因為書籍同報紙因為生產量上升而售價下跌，
更多人有能力去接觸紙本，甚至有餘力出版宣傳單張。
係需求上升既情況下，反而令到更多印刷廠成立。

之前提過，對老細黎講，
印刷工既行會同印刷工本身都係好難控制既人力資源。
老細有好大誘因去用機器取代難管理既印刷工。
自從有左快速印刷機之後，
工序縮短成準備版面然後放紙就完成，
對體力同技巧既要求比以前少左好多，
老細自然開始諗縮數。

當時出現好嚴重既勞資鬥爭，
印刷工人既立場係「機器應由受過訓練的工人操作」，
老細既立場係「引入左先進既機器，操作比以前簡單，可以請d低技術工人」。

當時老細諗第一個既縮數就係請女性/學徒去做一d非技術工作，
例如：送紙，用更平價既勞動力去取代原本由專業工人擔當既職位。
令到印刷工當時好「敵視」工廠入面既女性工人。
1814年《泰晤士報》甚至要深夜秘密引入印刷機，
因為出現唔少事件係工人怕被機器取代而毀壞機器。

去到科技一路發展，連「送紙」呢d非技術工作都俾機器取代，
後期只需要幾個工人設定好機器，
再用女工甚至係童工將一疊疊既紙送到機器，
再將成品拎走就完成哂整個生產流程。

當時既非技術工種除左作為輔助既勞動力，
仲作為機器既「動力」，因為蒸氣機仲未普及，
機器有個踏板去驅動機器*，亦造成好多危險情況。
1839年同1853年出現童工保護法同蒸氣動力既普及情況先有所改善

* 舊時代啊媽部勝家車衣，唔洗插電，隻腳一路踩部衣車就會行。

有意思既係呢幾部印刷機都係動態保存，
上墨水同擺紙就可以再用黎印刷。

頭先提過既排版用既空白塊。

成品

解決左印刷既生產速度，排字既速度就成為樽頸。

以PM諗法，「十個女人可以係一個月生一個BB」

排字速度慢，除左可以加人落去平行咁做，
工程師一直都係到諗有無咩方法可以將執字粒呢個流程自動化。
中間出現過唔少機器輔助

排字機既生產商更加惡意咁係廣告利用女性職員作為機器操作員，
暗指用左機器之後，女性工人亦都有能力可以取代排字工，

但核心問題仲係無辦法解決。

直到1884年既Linotype排版機面世，
排字呢個工作自真正進入現代化。

排版機無再進行「執字粒」呢個動作，

而係直接鑄造整行文字，用完既文字盤直接回爐重鑄，
從本質上改變左排字工既工作模式。

由全人手排字一小時1500至2000字，
到Linotype係1906年已經可以做到一小時6000字。

一個熟練的 Linotype 操作員，
可以完成三到四名傳統排字工既工作量。

但正如之前提及，當時德國既印刷行會力量非常大，
排字機係1895年已經係美國廣泛使用，
德國要係1907年先成功引入，
工會更加要求只有完成四年學徒訓練既排字工先可以學習同操作排字機，
除此之外，更明文拒絕女性排字工，
同剛才印刷部分有女性廣泛參與唔同，排字工基本係男性。

* 某程度上女性可能會更勝任排字工。

報紙行業係其中一個對時效性好高要求既行業，
亦都係對印刷技術革新既推手。
其中一個出現係報紙行業既技術就係圓筒式印版，
想像佢係一個圓柱體上面有字模，有個刷負責上油墨，
然後將紙係模具上面碌過就可以完成印刷。

下一個要解決既就係捲筒型既紙同紙既張力點去平衡，
到而定調整紙/布/線既張力同當時既技術都係差唔多，
用幾組既捲上下分佈去平衡張力。
當時已經有留意到紙張濕度對紙卷同印刷效果既影響，
印刷紙自帶一個加濕器去調整濕度。

1868年既捲筒型印刷機已經可以做到每小時可以印到12,000至15,000份四頁報紙。

報紙作為當時少數既「即時」信息傳播方式，
整個行業既流程對當時既工人黎講亦好具衝擊性，
星期六日要返工，因為星期日同星期日一既報紙係前一日準備，
要開通頂印刷，因為報紙係朝早返工時間前就要送到去銷售點。
成個工作流程亦到好大壓力，由定稿，排字，鑄板，試印，投印同疊報紙再送貨，
中間有d咩緊急消息要加插既話，成個流程就要重新開始。

當時有句說話

„... bei der Zeitung stirbst du fünf Jahre früher.“
「……在報社工作，你會早死五年。」

工會有見及此，向資方要求額外津貼同更短既工時，
對比起小型印刷廠傾向於降低成本，
報紙行業要求重視規律並且準時生產，亦願意支付較高人工。

調整入紙張力既輪組。

如果對舊時代既印刷業有興趣，
可以去比利時安特衛普既Plantin-Moretus Museum，
建築物本身係16世紀著名印刷商既住宅同工場，完整保留整個生產程序。

url: https://maps.app.goo.gl/s2TWsi26KT6LPmN49

另一個展區係電腦未出現時候既「寫字樓」究竟係點樣，
入面既人係點樣做野。

會計系統出現機械化既契機係1920年美國出現經濟衰退，
為左節省人手引入自動會計機，
關鍵職位例如會計師同審計員仲係由男性擔任，
女性則主要負責向機器輸入數字同文字資料。

廣告甚至係以
「數據輸入既工作可以由人工為正式會計師三分之一既人員完成」
「女性天生更適合從事呢糞單調重複的工作」
為賣點。

雖然遠不如現代電腦強大，但已經大幅提高銀行、保險公司同航運公司既行政效率。

之前提過「漢堡」有一個特殊既經濟地位ー自由港，
包括市區同住宅區在內的整個漢堡城市範圍都屬於關稅境外地區(Zollausland)。
外國商品可以運到漢堡進行交易，儲存甚至加工都係免稅，
只有離開漢堡運去德意志帝國其他地區果陣先需要繳納關稅。

直到 1888年加入德國關稅同盟之後，
|漢堡商人仍要求保留市內既免稅區。
日漸發展既商業活動，原有既基建已經不勝負荷，
漢堡政府興建左新既港口設施同碼頭，
就係早幾日海軍博物館既倉庫城Speicherstadt範圍。

由倉庫城去主城區既橋上設有「稅關」，
進入免稅區亦需要特別通行證。
過兩日去海關博物館可以再講下。

當時亦設立左唔同既交易所俾商人開會同競投，按業務分為

商品交易所（Warenbörse）

Waren Ware既眾數，英文Warehouse同一個語源

Börse = 交易所

航運交易所（Schiffahrtsbörse）

保險交易所（Versicherungsbörse）

證券交易所（Wertpapierbörse）

商品交易所設立於1558 年，
一直運作到1960年代，

保險交易所同證券交易所至今仍然存在。

當時既交易所每日只係開門兩個鐘(下午1點至3點)，

亦有穿著要求

「所有「品行端正的男性人士」，
但以下人士除外：已喪失償債能力者、已申請破產者」

女性直到 1922年先獲准進入交易所，
1884年交易所內更增設電報局方便同其他城市交換資訊。
據統計，漢堡既交易所係1910年代每天有一萬個訪客。

當時既大班房。

簿記員既檯。

機械式計算機

點解「簿記」叫「簿記」係真係有本「簿」，
已經唔記得哂讀書果陣既T account點做。

船東既股票，當時既船係可以當成資產咁分拆集資。

由漢堡去南美既船公司，
岩岩先發現德文係Nord 北 + Amerika 米同Süd 南 + Amerika 米，

南韓同北韓都係Süd同Nord。

單位換算表

之前提到過即使係德意志境內都可以分唔同既貨幣同度量衡，
商業人仕每日既工作其中一樣就係進行單位既換算，
再加上當時既計算工具唔發達，就係靠對數表預先計好既數字去換算。

又係睇到下午兩三點，係博物館出面既空地有市集，
但時間尚早得food truck有開，買左個CurryWurst咬下，
係成個trip之中算係幾好食既CurryWurst。
見佢地d蔬菜同肉都幾正，一直好想試下係肉舖買腸返去煎黎食。

出面又開始落雨，去左車站睇下火車，
其中一個係歐洲先有既特色係有唔同鐵路公司係同一個車站出現。
除左DB同S-bahn，ÖBB奧地利國鐵，DSB丹麥國鐵，
我幾鍾意呢種一邊係牽引機，中間係雙層客車，另一邊係有運轉台既設計，
中間客車因為無電機直接可以用盡成個底盤做客艙，
成本亦可以縮減因為完全無電氣設備，亦可以隨時加中間車。

可以企係到一整日睇火車(同睇DB delay)。

Hea左陣搵左間酒吧飲個液體麵包，
Holsten係漢堡本地既啤酒，
個名同時係漢堡既州名Schleswig-Holstein同初代老細係姓。

飲完麵包凍凍地，突然好想食Pho，
係車站附近搵左間越南舖，總體黎講唔太好食，
春卷尚可，但Pho既湯底唔得，淡到好似水咁。

返去酒店前又去行下超級市場，
咁多慕尼黑啤酒運黎漢堡賣。

一整個貨架既Haribo。

上次係München果陣係Haribo專門店朋友買左包甘草糖，
打開食左一粒就無食過，完全係中伏樣。

我都係最鍾意可樂糖。我一個人可以食一包。

諗左半秒以為係急凍咕嚕肉。

成日都想買隻全脾係日本屋企晚酎果陣切下，
但成日一出去做野就幾個月同一個人好難食得哂，
但包裝既cold cut係日本超級市場買攞命咁貴，
已經唔係去果d貴價城成石井但一千羊先得幾塊。

202606 德國漢堡睇博物館: Day 2 漢堡防空塔

2026-06-29T18:55:02.940+08:00

濕完再乾返之後想搵d地方hea下散下步，
搭車去Altona既書店行下商場同睇下書(i.e. 貓)。
今次去唔到漢堡同不來梅既歷史博物館，
係行程後段搵到阿爾托納Altona既本地歷史博物館，
除左不停咁dis d 漢堡佬a.k.a. Hamburger之外仲有好多有趣既展品。

ICE大部份既終點站都唔係係Hamburg Hauptbahnhof而係係Hamburg Altona，
呢個車站又係好有故事，去到Altona本地歷史博物館果陣再講。

個商場可以話係不值一提，仲衰過香港d屋村商場，
剩係係書店行左陣，好鍾意德國書店有極大量貓既月曆，
火車(蒸氣果d，唔係DB)同花花草草都有，
貓仲有再細分大貓細喵。

行左一陣飲左杯咖啡，起程去行下柏林防空塔。

係1942年開始，盟軍對歐洲本土大規模空襲，
漢堡，基爾，不來梅等等既港口，船塢同工業設施首當其衝，
燃燒彈將漢堡南部既區域幾乎完全摧毀，岩先搭船既漢堡港範圍都係。
不來梅既機械廠同樣受盟軍反覆空襲。
基爾作為U Boat同德軍係波羅的海重要既海軍基地，
空襲將基爾市區夷為平地，大部份建築物都係戰後重建。

雖然牙希無開口承認，但盟軍既空襲嚴重削弱德軍既後勤生產力，
而本土亦唔夠戰機同熟練機師攔截，
Nazi決定係柏林、漢堡同維也納建設大型防空塔，
配以高射炮，防空機炮同探照燈。

防空塔內同柏林既地堡一樣，有獨立發電機，通風，
醫療設施甚至有手術室。
預留左空間俾軍人休息之餘亦都可以作為空襲果陣既避難所。

戰後盟軍曾經想拆哂所有防空塔，
奈何座塔係真正既「德國科技」，用炸藥炸都炸佢唔爛。
翻新左之後轉型做文青設施。

除左漢堡既IV號防空塔，上年年尾Trip果陣去左柏林Humboldthain既III號防空塔。
遲下想去埋維也納既防空塔參觀下。

Feldstraße = Field + Street = 田街

原本得38米高，2024年再加建左最頂既部分，總共58米高。

建築物入面係酒店同d workshop，
上去既樓梯係圍住防空塔外面行，風景唔錯。

免費入場，門口有保安做檢查，
唔肯定係因為地點敏感定咩原因，

只係全部都係樓梯要慢慢行上去。

當年既防空機槍陣地，
戰爭後期適齡男性已經全部係前線，要召集學生做防空士兵。

同日本後期好似，美國燃燒彈扔落去工廠，
燃燒彈燒死既大部份都係中學生。

上到塔頂，視野的確係唔錯。

因為無Lift既關係上同落都幾痛苦下，

同埋應該係有幾間Club定酒吧開行喇叭播音樂嘈到頭都痛埋。

係塔頂留左一陣就行返落去，準備搵野食。

琴日飲完HB Staatliches Hofbräuhaus in München = State Brewery in Munich，

個Logo有皇冠，Royal級，

佢一般大城市都有個Beer Garden，
入面裝修好似Oktoberfest同Staff會著Lederhosen / Dirndl，

氣氛幾好，仲要世界盃時間，成間舖都人山人海睇波。

一黎梗係要整返杯Original Maß。

其中一個好鍾意去HB食野既原因係佢有半隻豬手Schweinshaxe，

一個人既話餓餓地可以食哂。

唔肯定係咪傳統，次次食把餐刀都插到Excalibur咁。

食完飯七點幾都仲係日光日白，去左行下超級市場。

最鍾意買呢d細粒蕃茄，洗左一路睇電腦一路食，

好過食花生果仁。

好多唔同類既Cold Cut，後面有一整櫃既芝士同腸WURST。

第一次去德國果陣覺得好過癮既切麵包機，

但我發覺無咩機會會買一大個sourdough返去食，

一個個Pretzel方便d。

另外一個德國超級市場先有既景象，

係一籃籃既啤酒，可以成籃買走然後退返按金pfand，

膠樽同鋁罐係0.25 EUR，玻璃樽係0.08EUR，連個籃都係有按金可以退。

超市門口有部機可以入樽去退返做現金劵係入面消費。

除左酒，支裝飲品同水都有呢個模式。

202606 德國漢堡睇博物館: Day 2 漢堡港渡輪

2026-06-29T00:00:53.467+08:00

漢堡港內有25 EUR坐一次既「遊船」，
我本身一支公無咩興趣呢類型活動，E.g. 去全摩天輪咁。

但本身港內係有交通用既渡輪，
10-15分鐘一班同埋市內交通係包埋，於是就去游下船河。

＃62 去Finkenwerder，中途會經過幾個站，
最終目的地係Airbus工廠附近既碼頭。

好肥美

等緊船無野做，見我影然後人人都圍住影，好似去左CM影Coser咁

天氣幾好，藍天白雲。(留意呢句說話)

上層係開頂，少少風吹埋黎好舒服。

假U Boat，係蘇聯買返黎。

星期日先開既魚市場，
嚴格黎講舊時代呢個漁市場唔係漢堡範圍，
而係屬於隔離既阿爾托納Altona，
將d貨運入漢堡賣要另外收稅。

傳統既碼頭建築，紅磚，出入貨門同起重機。

然後坐到一半，上面呢一大舊雲，開始落雨。

佢仲要係一落就黃雨既level，變左人人都落返下層。

去到總站又變返天晴，
不過總站其實無咩野睇，
得一間士多一間餐廳同巴士站，Town唔近碼頭要轉巴士。

係等下班船返去果陣，見到空中巴士隻特殊用途貨機Beluga，

專門用黎運機翼或者成個A320 body都可以擺入去。

返程果陣天氣唔錯，今次無伏線回收。

乾船塢

可以成隻船揸上去然後排水，

專門用黎檢查維修船底同尾軸，基本上兩三年就要上一次架，

先剷青口*同磨哂舊漆，用儀器探傷，

船底d陳年裂紋都要補左佢，

再油過哂d底漆面漆，換防銹用既鋅塊，

清左螺旋槳d垃圾同檢查所有密封。

同時船內會做其他保養例如換引擎主要部件。

每次上架都係大修同個工期好趕，

因為每一日上架費除左要租個乾船塢之外，

成隻船做唔到生意，船東個收銀機每日都叮叮叮叮響。

同埋成日都出現天氣天似預期，
我見過有單係拉左支尾軸出黎但套軸密封錯左未到，

卡左係架上面幾日，每日斷十萬USD咁燒。

~~返工做過最錯既事~~

*而家有隻新底漆有毒性可以減少d青口依附。

202606 德國漢堡睇博物館: Day 2 漢堡港區、易北河隧道、博物館船Cap San Diego

2026-06-27T21:37:31.236+08:00

第二日起身做左陣野，八點幾搭車去左Hauptbahnhof食早餐，
唔係太想食包既心情，見到有間燒腸舖開緊就嗌個CurryWurst食下，
點知都係麻麻地好食，個汁同上面既咖喱粉都係奇奇怪怪，
唔通真係要搭ICE落柏林食。

漢堡有一個天然既地理優勢就係位處於易北河河口，
河口闊度夠遠洋船停泊，然後轉內河船運貨入內陸。
個車站名係就咁叫渡輪碼頭Landungsbrücken。

天氣唔錯，藍天白雲。(留意呢句說話)

一陣會去既博物館船Cap San Diego。

好Transport Fever感既駁船，
前面既駁船Barge係無動力，剩係一個載貨位，
後面既推船Push tug會推個駁船向前行。

同大型船入港唔同，大型船入港係用拖船Tugboat，
中間用鋼纜連住大船去拖，可以用一隻體積係100：1既拖船拖郁一架20000 TEU既貨櫃船。

缺點係唔夠靈活，做唔到急煞同急轉向。

駁船加推船既組合好適合內河船既環境，
內河船大部份都係散貨，泥沙石土，貨櫃，橙汁，
上落貨需要時間，推船可以放低隻駁船就走唔洗係碼頭等。

時間尚早，行左去港口區附近一個「景點」，
係1907年建成既「海底隧道」。
當時有大量通勤人口要來往市區同對岸既碼頭區，
渡輪受天氣影響唔足以滿足需求，
最終市議會決定興建一條海底隧道連接市區同港區。
但市區範圍好難去搵到土地造隧道入口，
工程師決定出入口都用大型既油壓Lift取代斜路，
設計一直沿用至今，到而家雖然唔再行車，
但仍然係一個交通要道，好多本地人係經隧道踩單車返工。

有班塞豆窿去對面岸郊遊，亦都有人係踩單車過對岸。

1911年同一個位置。

昇降就係靠呢d大型Lift，近年翻新過由油壓Lift去左鋼纜Lift，

好有Biohazard既感覺。

有四部大Lift同兩部細Lift，基本上只行兩部大Lift。

隧道係十幾年前做過翻新，特別係當古跡咁除左結構用現化技術，
內裝都復刻返當時既設計，加左風機做通風。

話說呢幾日歐洲有熱浪，
d漢堡人 i.e. Hamburger 話可以去Elbtunnel底下避暑，長年15度。

漢堡（#Hamburg）哪裡最適合躲避酷暑？

沒錯！就是舊易北河隧道（#Elbtunnel）！

裡面舒適地維持在 15～16°C。

而且還可以順便體驗一下差點被自行車騎士撞到的刺激！

每當漢堡天氣變得非常炎熱時，直接去舊易北河隧道，那裡一年四季都很涼快。

沿路有展板講歷史，其中有幾個技術係當時最新既，
工作模式直到現化都係同樣，例如隧道加壓，盾構開挖等等，
其中漢堡既醫療機構更加派出醫生駐場專門研究減壓病（i.e. 人體實驗）。

當時設計係可以揸車入去。

行到對岸大約十五分鐘，
除左岩先班塞豆窿一路係隧道大叫d回音彈黎彈去之外係幾適合散步。

對岸望返過去主城區，然後發覺個天好似唔係好對路，
左邊有舊雨雲高速飄緊埋黎，五分鐘之後仲開始落雨。

沿路行左返去市區，已經落到黃雨咁，
係碼頭d舖仔飲下液體麵包睇下海。

hea 左一陣，開始，天晴....

我都估唔到係EU可以體驗到香港式變幻天氣。

漢堡港內既水上交通好發達，渡輪係包埋係HVV既交通入面，

有日飛既話唔洗額外買飛，剩係班次時間唔太準。

有Hamburg Card既話同樣係包埋船，對比起25 EUR坐一次「遊船」，

我見無咩人就會去坐下渡輪遊免費(?)船河。

船身係唔同船公司賣廣告，ONE Ocean Network Express，
三間日本海運巨頭，三菱既日本郵船，三井既商船三井同川崎既川崎汽船合組營運，
公司配色係洋紅色magenta，印刷色CYMK個M，話櫻花既顏色咁講。

另一個係業界聽返黎既故事係，d老細覺得傳統既顏色一係藍一係橙一係紅，
想搵一隻從來未有公司用過既色又好易認，離遠就望到既，就揀左洋紅色，

佢地既船同貨櫃都係全隻係洋紅色，乾櫃就洋紅色底白字，凍櫃就白底洋紅色字。

我發覺呢到d雀都係好肥，行多過飛，

連HauptBahnhof d雀都係。

Hea左一陣就行去博物館，其實先夠十點佢地岩岩先開門仲掃緊地。

Cap San Diego係傳統海運公司Hamburg Süd既客船，
專門行歐洲來回美洲既航線，

係貨櫃船轉型既年代，因為船隻狀況良好，

政府同船公司出資將佢轉型成博物館船兼動態保存，

即係引擎同所有設備都按航行標準保養，只要有船員然後入油上補給就可以揸出港。

船尾既係國旗，代表船既註冊國家，

有d國家既旗係好需要多留幾支，e.g. 法國同荷蘭，
詳情請參考Lord of War。

上左船藍天白雲，岩岩仲係黃雨咁。

由船隻上自帶既起降設備就知係舊時代既船，
現化船無論係貨櫃船定散貨，大部份都係無上落貨設備，
由港口負責上落貨，係舊時代既港口設施唔夠齊全先要貨自帶吊臂。

係貨艙會分左唔同層，
下層擺低價值貨同重貨，上層擺食物或者易碎品，
當時好多乘客都係移民，傢俬甚至架車可以一齊運上船。

上面就係貨艙門，出海之前要加蓋帆有擋雨。

船係上貨之前要先按順序，重量同體積去判斷次序同艙位，
到現代係用電腦做但係個核心概念都係無變。

船員基本上係分兩個部門，Deck同Engineer，
Service係得客船會有同大部份都係合約工，

做Engineer最頂係Chief Engineer，俗稱大偈，
收入唔錯但叫做到管理層都係著住工衣落手做，
同通常係全個Engineer部都係同一個國籍，
舊時代係菲律賓佬為主，而家多左印度佬，
外人既Chief Engineer好難管理呢d人。

做Deck最頂係船長或者大副First Office，當然要再讀書同睇能力際遇，

國籍都係其中一個，E.g.你係日本人去跑日籍船係易好多晉升。

Cap San Diego除左係貨船，有一個客艙部份兼任載客，
無郵輪咁豪華但有d傳統亦都有保留。
係總廚既辦公室有展示當時既餐單。

1968 年 6 月 12 日，星期三

(左頁)

早餐 Frühstück，由八點到九點

第二早餐 2. Frühstück，十二點半

呢個係德國既航海文化既一部份，無一般既午餐咁豐富，
似係上午工作後休息既簡單餐食，
某程度上係同而家既歐洲飲食好似，
中午剩係食個包幾條草菜加杯咖啡就當一餐，
無我地咁認真又食飯又肉又菜又湯。

再講遠少少，其實「午餐」係工業革命後先出現係平民階級，

一來以前既食物未富足到可以俾你一日食三餐，
二來午餐係伴隨住午休出現，

亦都係工業化之後定時返工放工先體現到出黎既制度

下午咖啡 Kaffee，下午四點

下午茶點時間，德文有個字Kaffee und Kuchen咖啡和蛋糕就係指下午既休息時間，

據講德國家庭星期日下午既家庭聚會仲有保留呢個文化，
飲杯咖啡食個蛋糕。

晚餐 Abendessen，下午六點半

酒吧關閉 Barschluß* (Last Order)，下午十一點

* 題外話
我本身唔識德文，全部都係靠ChatGPT。
一開始我俾哂成份文件ChatGPT，
佢講Barschluß係酒吧Bar + 打烊Schluß，
但另一個意思係Barschluss = 現金 + 結算，
語義上黎講兩個都岩，幾德意。

留意德國係用二十四小時制，

佢地用AM PM果陣通常係寫俾d外人i.e. 英文人睇。

(右頁)

右頁係晚餐既Full Course Menu，

拎到現代都唔會失禮。

法式小餐包（附奶油）

濃牛肉清湯配小泡芙

番茄醬義大利餃（Ravioli），佐帕瑪森起司

Colbert 法式雙份牛里脊牛排，搭配嫩四季豆與香煎馬鈴薯

香草冰淇淋配熱巧克力醬

芝士拼盤

摩卡咖啡

係船上有雪糕食都可以話係一大享受，
同有跟Full Course傳統正餐完有芝士拼盤再飲唔同類型酒吹下水。
Between 係EU國既芝士文化之中，

我就無法國佬咁食唔同芝士要配唔同芝士咁講究，
係澳門果陣跟左葡佬飲杯甜口既port wine再整杯espresso收尾。

就會係酒精加咖啡因既作用下成晚想訓但訓唔到 : )

另一份第二早餐 2. Frühstück i.e. 午餐既Menu，

比想像中豐富之餘係一個Mixed Service，

沙律、Cold Cut同芝士係出面Buffet Table拎，返埋位再上熱食。

1968 年 6 月 24 日，星期一

冷盤自助區

－餐廳特製沙律

－德國馬鈴薯沙律

－橄欖、醃甜菜根、法式小酸黃瓜

－番茄醬鯡魚柳、葡萄牙油浸沙丁魚

－綜合冷切肉盤

湯品

－濃牛肉清湯配星星麵

－奶油玉米濃湯

德國傳統小食

－馬鈴薯煎餅配越橘醬及蘋果泥

主菜

－水煮牛胸肉配奶油辣根醬

－奶油球莖甘藍

－高湯煮馬鈴薯

－冷配菜

甜點

－巧克力布丁配香草醬

餐後飲品

－摩卡咖啡

我寫寫下都覺得流口水，

突然諗緊如果航程十幾日，日日都係咁食仲飲埋酒，

船上又無咩空間可以活動(除左你想跑甲板)，

落船隨時肥廿磅。

另一份第二早餐 2. Frühstück i.e. 午餐既Menu，

特別既地方係呢份係星期日Menu，菜式特別豐富。

冷盤自助餐（Cold Buffet）

- 早餐沙律

- 德式馬鈴薯沙律

- 橄欖、醃甜菜根、德式香料酸黃瓜

- 咖喱醬漬肥鯡魚柳

- 肉凍鰻魚Aal in Gelee

- 綜合冷切肉盤

湯

- 法式蛋皮清高湯

中間菜

- 番茄法式奄列

- 水煮馬鈴薯

主菜

- 洋蔥牛西冷排（Rumpsteak）

- 法式嫩四季豆

- 香煎馬鈴薯

甜點

- 櫻桃糖漬水果

餐後

- 摩卡咖啡

話說，肉凍鰻魚Aal in Gelee我一直以為係英國菜，

以前食過一次除左唔岩口味之外我無咩方法可以描述到佢，
當時既心情大約係咁。

據講當時既易北河同其他德國北部既河流都盛產鰻魚，

因此算係德國本地食材。

餐後同樣係一杯摩卡咖啡。

另一份好有趣既Menu，係慶祝航行穿過赤道，
船長主辦赤道慶典（Äquator-Festtage）既餐單，
呢個傳統係現代既郵輪上都有保留。

唔知仲有無發一張赤道證書，

搭AY飛過北極既話會出一張北極航線證書，如果由日本出發就係向北行。

1968 年 4 月 19 日（星期五）

迎賓雞尾酒

- 龍蝦雞尾酒

- 「藍色尖峰」特調雞尾酒

湯品

- 陳年雪莉酒龜湯

魚料理

- 德式藍式虹鱒魚

- 融化奶油

- 鹽水煮馬鈴薯

主菜

- 金雉雞胸肉

- 鳳梨風味酸菜

- 馬鈴薯泥

甜點

- 法式驚喜奄列

起司

- 起司拼盤

餐後

- 摩卡咖啡

整個Menu都係偏向豪華食材，龍蝦鱒魚都有，

龜湯有機會當年真係用海龜，但而家就一定唔會。

最後一份係告別晚宴Abschieds-Essen，亦都係由船長主持晚宴，
餐點好精緻同餐單有特別設計。

船長同船員雖然未可以完全放鬆，入港同上落貨都係複雜作業，

停船時各樣機器亦要檢查同安排維修，
但至少航程中平安無事入港。

1968 年 6 月 26 日，星期三

迎賓小點 Gruß aus Hamburg

- 來自漢堡的問候（主廚迎賓小品）

湯品

- 正宗清牛尾湯

魚料理

- 清蒸龍脷魚卷（大使館風味）

主菜

- 華盛頓風味嫩肥育鴨胸

甜點

- Victoria 風味釀橘子

起司

- 起司拼盤

餐後

- 摩卡咖啡

畫風一轉去左入機房，主引擎係9氣缸二衝程引擎，

到而家都係可以啟動航行。

生產商係重型機器制造商MAN，造貨車同巴士果間。

講起MAN既全名，Maschinenfabrik Augsburg-Nürnberg，

本身係由Maschinenfabrik Augsburg AG同Maschinenbau-AG Nürnberg兩間公司係1898年合併而成，

兩間都係巴伐利亞公司，但有樣德文好有趣既係，

E.g. 最出名既巴伐利亞引擎工廠BMW

Bayerische Motoren Werke

但MAN係用Maschinenfabrik同Maschinenbau，

Maschinenfabrik ＝機械 Maschinen + 制造 Fabrik (Fabricate)

Maschinenbau = 機械 Maschinen + 制造 Bau

問左ChatGPT佢話
Werke係大型d i.e. Production Plant，
Fabrik係指小型，一間工廠咁

Bau好似好少係制造業公司名見到，因為大部份都係Construction Site個im bau (in build)。

佢地一開始合併果陣個全名係

Vereinigte Maschinenfabrik Augsburg und Maschinenbaugesellschaft Nürnberg AG

長到d德文Meme咁，之後先改名簡稱做MAN。

成個引擎有三四層樓高，差唔多可以由頂到底行哂。

其中一個我做唔到船Engineer既原因，

我隻手20cm，粒絲母既扳手剩係拎起都幾公斤，莫講話要擰哂咁多粒。

去返我擅長既控制系統，
我一直有個迷思係，學師果陣有個師傅同我講，

佢話西德*既機唔用綠燈，Safe係用白燈。

睇返今日見到既呢個盤面。

Aus = Off / Out E.g. Ausgang 出口

Ein = On / In E.g. Eingang 入口

同日本漢字既入切好似。

Bereit = Ready

in Betrieb = Running

Ausgelöst = Tripped

Überlastschalter = Über 超過 + Last 負載 + Schalter 斷路器 = Overload Breaker

Leistungsschalter = Leistung 電力 + Schalter 斷路器 = MCB

我終於都明點解德文成日俾人笑水蛇春咁長，將幾隻字硬係咁擰埋一齊。

我成日覺得呢個風格好牙希個年代。

引擎既控制中心，
係無電腦控制個年代係靠人手調整輸出，
全部都係針錶要睇住個錶去較，

所以成日都話舊時代揸機係好「感覺流」，靠手感去行。

Duty officer 既工作位，
引擎行緊車果陣嘈到拆天好難聽到人地講野，

現代船有個隔音貨櫃office有埋冷氣，果陣時係得個電話亭。

估唔到可以行到去尾軸倉，
引擎位於船中間，動力就係透過尾軸一路傳去螺旋槳。

呢個隔艙出面就係海水同螺旋槳。

企緊係橙色箭咀，藍色係由引擎去螺旋槳既長度。

行完船底，上返去生活區，
Cap San Diego而家有做埋酒店所以有d客房係真係有人住緊，

會客廳同宴會廳範圍，有個露台吹下海風。

上埋艦橋睇下風景。

行完去左碼頭附近既餐廳食野，
NordSee係食魚既快餐店，補充下d蛋白質，

加杯液體麵包睇下海。
天氣幾好，藍天白雲。(留意呢句說話)

除左戶外位有人食煙之外係幾舒服。

202606 德國漢堡睇博物館: Day 1 漢堡海事博物館 International Maritime Museum Hamburg Part 3

2026-06-27T14:46:53.375+08:00

下一個展區係講德國海軍歴史，
話說「德國」其實係一個好近代既概念，
一直都係唔同既獨立邦國之外再有分係王國公國同自由市，
你講得出名既德國城市係果陣都係一個個獨立國家，
柏林(普魯士王國)，慕尼黑(巴伐利亞王國)，斯徒加特(符騰堡王國)，
相反，漢堡、呂貝克同不來梅係「漢薩自由市」，
不受地方諸侯（公爵、伯爵、主教）統治，只直接效忠皇帝，
到而家漢堡既全名仍然保留「自由」同「漢薩」兩個稱號，Freie und Hansestadt Hamburg，
呂貝克同不來梅同樣。

1848年三月革命之後，選舉產生出第一屆德意志國民議會。
之前提到過德國北部係當時同丹麥有領土糾紛，
以致丹麥對德國沿海進行貿易封鎖。
為左擺脫圍困，議伯係1848年6月撥款籌建帝國艦隊Reichsflotte，
是為德國海軍既始祖。

對比其他海事強國，英國，法國，西班牙，荷蘭等，
德國海軍既起步算係好遲，但憑藉優秀既工程能力，
僅僅四個月後就已經有三艘蒸汽護衛艦下水。

正所謂

In Heaven,
the Germans are the engineers,
the French are the cooks and the English are the policemen.

有一整層係d玻璃櫃擺d刀刀槍槍咁，
一開始都正常常係d燧發槍同軍刀，
後尾出現左波波莎同MP MG，最後連G3都有支。

另一個區係擺艦模，後生果陣砌艦剩係夠能力砌1:700，
1:350真係要對隻艦好有愛先會做，戰艦既話砌完都成一米長。
呢邊習慣係1:100 1:200

U Boot 既潛望鏡，德國蔡司生產。
一般U boot上面都有兩支潛望鏡，
無講係航行潛望鏡定攻擊潛望鏡。

舊時代既魚雷同深水炸彈。

好多人都以為打潛艇係潛艇同潛艇用魚雷對射，
但事實上大部份既攻擊都係由艦上或者飛機扔深水炸彈落去炸潛艇，
潛艇除左深潛去避開之外無其他防御方法。

估唔到呢到都有保存得好好既Enigma。

最頂果層係全層，留意係全層，都係船模，

逼到好似劏房咁。

行到差唔多五點半個人好攰，
勉強叫行哂但要認真每個展品去「聞」既話要多半日至一日，
有d帆船同現代船相關既部份我都係行過就算無話好仔細睇。

搭車去八掛下漢堡總站順手搵下野食，
Hamburg Hauptbahnhof有分北Hauptbahnhof Nord同南Hauptbahnhof Süd俾U Bahn(地下鐵)，

S Bahn同DB既ICE / RE / RB就停Hauptbahnhof，
兩邊都係兩三分鐘步行距離。

個車站生活機能都幾齊全，有超級市場Edeka，
"屈臣氏"DM(唔係藥房，藥房有另一d專門店)，
有個Food Court同極大量麵包店。
奇就奇在佢有間吧係可以食煙但DB車站範圍by right 係唔俾食煙。

between個站既鐘好多都係壞既，已經俾佢fake 過幾次。

個站都幾人山人海，無柏林果種有幾層樓都係發著線，
或者好似慕尼黑咁平面有好多番線。
因為ICE大部份都唔係以Hauptbahnhof做總站，好多都係去左Altona做總站，
呢個星期主要都係市內行程，下星期先有機會去坐DB。

係Food Court見到有HB Logo，
見佢咁有誠意由巴伐利亞黎到漢堡賣啤酒，
唔飲返個Maß都講唔過去。

好鍾意呢種同日本一樣等車飲杯啤酒Chill下既文化。

Hea完都差唔多八點，係酒店附近超級市場行左陣買左d水果返去食就大覺訓。

202606 德國漢堡睇博物館: Day 1 漢堡海事博物館 International Maritime Museum Hamburg Part 2

2026-06-26T16:12:35.814+08:00

食飽飽繼續行，漢堡係港口城市之餘造船業亦好發達，
而家新造船有一半以上都係CKJ國家造，
韓國專門造LPG船，
日本既新造船大部份都係日資船公司既訂單，貨櫃船為主，
中國係造所有大大細細既貨船。
北歐廠大部份都係做特殊船種同某d只適合佢地用途既船，
例如去風電站維修既人員駁船，船上面有一條機械臂有個雲台，
可以係北海既風浪上面平穩地送人上去海上風車上面。

風力發電環保（笑）

舊時代無電焊，要用燒熱粒釘鉚接。

蒸氣同帆雙動力船，因為當時既蒸氣機輸出唔夠，用風力黎做輔助。

鍋爐Boiler，日文叫汽缶，一直到二戰都係咁既設計，
只係唔同佈區同輸出。

大和博物館既金剛型戰艦艦本式缶。

船上面既銘牌 i.e. 引擎上面個鐵牌，
有齊哂工廠，出廠年份同識別號碼。

Schiffswerft = 船Schiff + 連接詞 s + 船廠Werft
我一開始以為係工廠Werk*，但Werft呢個字係專指船廠。

*BMW個W，巴伐利亞引擎製造廠 Bayerische Motoren Werke

到左我最鍾意睇既舊海報同文件。

展品係一張1833年造船工匠公會既學徒畢業證，當時既學徒制度有三個階段，
4年學徙Lehrling，

出師成為工匠Geselle，會到處遊歷*吸收經驗同見識世界，
再經過工會考核成為師匠Meister。

* 遊歷修行Walz/Wanderschaft係對一個工匠黎講好特別既傳統，
出師之後會帶埋行李出去遠離家鄉既城市搵野做，
因為唔同地方專門既技術亦有唔同，
e.g. 某d城市會專門做貨船，某d城市會專門做戰艦，

透過工作去學習新技術同增長見識，
亦都可以將技術係整個歐洲交流。

估唔到「仔係俾人地教既」呢樣野係EU都有。

到今時今日都仲有人會遵從呢個傳統，
佢地衣著有個特別既風格（成個摩門教配色咁），
我係車站見過一次。

但話分兩頭，你做老闆都好難請一個三唔識七既人，
所以公會就出一張證書去證明呢個人係係我地工會出左師，
夠資格去做野，同現代讀書既畢業證書同推薦信一樣。

仲寫左個工匠係邊到出世同佢師傅係邊個。

~~有d咩要投訴你自己搵佢師匠~~

另外一樣值得留意既係，
文件既簽發地係阿爾托納Altona，而家漢堡入面既一個區，
係Hauptbahnhof搭20分鐘車就到，或者由Berliner Tor搭S Bahn都到。
正上方既徽章係丹麥王國腓特烈六世既徽章，

當時德國北部範圍仍然係丹麥既範圍。

1914年既造船廠長期服務獎狀，

F. Schichau係專門做軍艦既造船廠，
上面兩座煙囪兩座雙聯裝主砲塔既特徵應該係無畏艦，
左邊既女神形象係「德國」，手持帝國旗將代表榮耀既月桂冠頒俾工人一家。

幾特別既係1914年係一戰前夕，歐洲各國劍拔弩張，
但海報中無話好強調戰時狀態同作為戰爭既宣傳工具。

仲有一樣，F. Schichau造船廠有兩間工廠，
分別係Elbing同但澤Danzig，當時都屬於德國，應該講係普魯士既領土，
當時係「毫無波蘭」既狀態。
係波蘭1945年復國之後，Elbing同但澤Danzig都返到波蘭，
但澤既名亦由德文Danzig改成波蘭文Gdańsk。

另一個非常有趣既展品，
係電報同電話未出現既時代，船運擔任埋郵政同資訊傳播既任務。

呢張係1830年10月8日既商業市場行情公報，
相當於今日既Bloomberg / 日本経済新聞呢d商業向既報紙。

專門俾大宗交易同批發商睇商業行情。

我同Chatgpt搏鬥左一陣終於睇明哂成篇報道亦好有趣。

第一段既前言係一段說明，由呢段文字已經透露出好多基礎資料。

Alle Preise sind in Banco ohne Rabatt, Zucker ausgenommen, von welchem bey rohem 8⅔ pCt. Rabatt (8⅔ von 108½) und bey raffinirten 4½ pCt. Rabatt (4½ von 104⅔) abgezogen werden, ferner ausgenommen: Sirup, Feigen, Leine, Rapp- und Kleesamen, alle Getränke, Essig, Butter, Getraide, Oelkuchen, Graupen, Amidam, Anis, Kümmel, Fenchel, Cichorien, Eichenbork, Schinken, Speck, Käse, Steinkohlen, Citronen, deren Preise in Courant gelten. Alle Waaren, deren Preise per 100 ℔ notirt sind, geben 1 Ct. gut Gewicht, alle per 1 ℔ notirten ½ pCt.; Zucker und hiesiges Fabricat ausgenommen.

--------------------------------------------------------------------------------------------------------------

Alle Preise sind in Banco ohne Rabatt

除特別說明者外，所有商品價格均以 Banco（漢堡銀行帳面貨幣）表示，
而且尚未扣除交易折扣（Rabatt）。

Banco係漢堡銀行既交易貨幣，因為當時既漢堡係國際交易既中心，
買家同賣家都來自唔同國家，貨幣亦需要大量換算，
e.g. 英國商人想買西班牙人既商品，每一次計價都要計算英鎊兌西班牙銀元，
所以漢堡銀行用一個獨立貨幣為基準，用佢做基準去兌唔同貨幣令到流程簡化統一。

扣除交易折扣係指個報價係List Price唔係Sales Price。

Zucker ausgenommen, von welchem bey rohem 8⅔ pCt. Rabatt (8⅔ von 108½) und bey raffinirten 4½ pCt. Rabatt (4½ von 104⅔) abgezogen werden, ferner

糖分為粗糖Roher Zucker和精製糖Raffinirter Zucker，
粗糖須扣除 8⅔% 折扣，而精製糖則扣除 4½%。

糖係大宗商品但質數好參差，特別分左做粗糖同精製糖以分辨價格。

ausgenommen: Sirup, Feigen, Leine, Rapp- und Kleesamen, alle Getränke, Essig, Butter, Getraide, Oelkuchen, Graupen, Amidam, Anis, Kümmel, Fenchel, Cichorien, Eichenbork, Schinken, Speck, Käse, Steinkohlen, Citronen, deren Preise in Courant gelten.

除左

糖漿

無花果

亞麻

油菜籽

三葉草種子

飲料

醋

奶油

穀物

油餅

大麥粒

澱粉

茴香

葛縷子

茴香籽

菊苣

橡樹皮

火腿

培根

起司

煤炭

檸檬

之外，呢d商品係用流通貨幣Courant去計價。

原因係呢d商品都係日常用品或者本地有生產或者消費目標係本地市場，
用本地貨幣計價比較方便。

Alle Waaren, deren Preise per 100 ℔ notirt sind, geben 1 Ct. gut Gewicht, alle per 1 ℔ notirten ½ pCt.; Zucker und hiesiges Fabricat ausgenommen.

凡是以「每一百磅」報價的商品，都按照標準重量交貨。

凡是以「每一磅」報價的商品，也都有固定的重量修正規則。

糖與本地製品除外。

除左貨幣，度量衡標準亦都無一個統一，

所以要定一個標準既單位出黎，避免出現問題。

第二部份開始係唔同商品既報價，

咖啡

CAFFE,

℔ in Banco.

Mocca 9½–10 ß,

Manilla — ß,

Batavia & Cheribon 4¼–4⅜ ß,

Sumatra & Ceylon 3½–3¾ ß,

Surinam, Demerara & Berb. — ß,

Brasil 3⅝–4⅜ ß,

Jamaica 4½–8 ß,

Havanna & Cuba 3⅝–7⅜ ß,

La Guayra 3⅜–4⅜ ß,

Portorico 4¼–5⅜ ß,

Domingo 3½–4⅜ ß.

Triage 2⅝–3⅜ ß,

ordinair 3⅝–3½ ß,

gut ord. 3¾–4 ß,

fein ord. 4¼–4⅜ ß,

klein mittel 4⅜–5 ß,

mittel 5¼–5½ ß,

gut mittel 6–7 ß,

fein mittel 7¼–8 ß,

fein 8½ ß.

Der Caffee-Handel hat wieder eine andere Gestalt angenommen.

Schon Sonnabend voriger Woche wurde viel auf Speculation gekauft

und das hat, wenn gleich minder rasch als an jenem Tage,

bis heute fortgedauert.

Sonnabend eingetroffene Nachrichten über das Verhältniss Belgiens

mögen wohl die Meinung einer möglichen Unterbrechung des Friedens

angeregt haben.

Wie nun daraus direct eine Erwartung höherer Caffee Preise

sich ableiten lässt, sehen wir nicht ein;

wir meinen vielmehr eine Bestätigung unserer neulich

geäußerten Vermuthung,

dass dem elenden Papierhandel jetzt bei jeder ihn als gefährlich

ausweisenden Veranlassung Capitalien entzogen und dafür

im Waarenhandel vortheil verheissendes Unterkommen gesucht wird,

in diesen neuen Käufen zu finden.

Es lässt sich wohl mit Grund behaupten,

dass nur der gänzliche Mangel aller Speculation

Caffee so weit unter Werth hat sinken lassen,

woraus denn bei Einschreiten derselben

die bisherige wie eine fernere mässige Preisbesserung

als Selbstfolge hervorgeht.

Das seit den 1. d. zu ⅛ ß höheren Preisen gekaufte Quantum

ord. und gut ord. Domingo & Brasil

ist sehr bedeutend gewesen,

desgleichen auch bis 5⅛ ß für mittel Portorico.

600 Ballen Brasil wurden mit 4⅜ ß bezahlt.

Bis ult. Sept. sind 54½ Millionen ℔ eingeführt,

1829 gleichzeitig eben so viel.

--------------------------------------------------------------------------------------------------------------

p ℔ in Banco

同前言提過一樣，每樣商品都先講明係用咩單位，
咖啡係每一漢堡磅Hamburg Pfund做單位同Banco漢堡銀行既交易貨幣做計價。

下面一大串既就係唔同產地咖啡豆既報價，

不乏到而家都係好出名既產地。

Mocca 9½–10 ß, <- 摩卡，也門既港口城市，曾經係一個重要既咖啡貿易中心

Manilla — ß, <- 馬尼拉，當時係西班牙既殖民地

Batavia & Cheribon 4¼–4⅜ ß, <- 巴達維亞，即係而家既雅加達

Sumatra & Ceylon 3½–3¾ ß, <- 蘇門答臘，同巴達維亞一樣當時係荷屬東印度

Surinam, Demerara & Berb. — ß, <- 蘇利南，圭亞那，南美洲荷屬殖民地

Brasil 3⅝–4⅜ ß, <- 巴西

Jamaica 4½–8 ß, <- 牙買加，英國殖民地

Havanna & Cuba 3⅝–7⅜ ß, <- 古巴，西班牙殖民地

La Guayra 3⅜–4⅜ ß, ＜－委內瑞拉

Portorico 4¼–5⅜ ß, ＜－波多黎各，西班牙殖民地

Domingo 3½–4⅜ ß. ＜－聖多明哥

有幾樣野可以由呢個資料睇到

- Mocca最貴，曾經係優質咖啡既代名詞，運輸距離亦長要行哂成個非洲繞過好望角

- 巴西最平，當時已經大量出口以廉價咖啡見稱

- 當時東亞既咖啡已經運到歐洲出售

- 南美由唔同既歐洲國家殖民，從非洲輸入黑奴營運咖啡園，各個產地亦分得好仔細

Triage 2⅝–3⅜ ß,

ordinair 3⅝–3½ ß,

gut ord. 3¾–4 ß,

fein ord. 4¼–4⅜ ß,

klein mittel 4⅜–5 ß,

mittel 5¼–5½ ß,

gut mittel 6–7 ß,

fein mittel 7¼–8 ß,

fein 8½ ß.

再黎係唔同等級，上品普通精選等等，
證明當時已經有按品質進行分級，有專人去做評級同驗貨。

再下一段係市場分析，

近期咖啡市場「再次呈現新的局面」，自前一週星期六起，市場上已出現大量基於投機目的的買盤，雖然之後的購買速度不如當日猛烈，但此一趨勢一直延續至報告刊印之時。作者認為，造成市場氣氛改變的原因，在於當日傳來有關比利時局勢**的消息。1830年正值比利時革命爆發，各界擔憂荷蘭與比利時之間的衝突可能擴大，甚至破壞歐洲來之不易的和平，因此促使部分商人開始提前購買咖啡，以防未來戰爭影響海上貿易及供應。

然而，作者並不認同市場上普遍流傳「比利時局勢將直接導致咖啡價格大幅上漲」的看法。他指出，真正推動市場變化的原因，並非咖啡本身供應出現問題，而是資本流向發生改變。當證券市場前景不佳時，投資者便會將資金撤出金融市場，轉而投入咖啡等實體商品貿易，尋找較為安全且有利可圖的投資機會，因此近期市場上的大量買盤，其實反映的是資本由金融商品流向大宗商品，而不是咖啡即將短缺。

文章最後進一步指出，咖啡價格之所以長期低迷，並非因為市場供應過剩，而是因為長時間缺乏投機資金與交易活動，導致價格跌至低於其真正價值。如今隨著投資者重新進場，價格自然會恢復至較合理的水準，因此未來市場較可能出現的是溫和而持續的價格回升，而非因政治事件所引發的劇烈暴漲。

--------------------------------------------------------------------------------------------------------------

當時既市場已經好成熟，大宗商品已經成為左一個投機工具。

糖

ZUCKER, roher p ℔ in Q.Vl. (2/3 Banco) mit 8⅔ pCt. Rabatt.

咖啡係每一漢堡磅Hamburg Pfund做單位，
Courant流通貨幣(大約2/3 Banco漢堡銀行既交易貨幣)既交易貨幣做計價。
再扣減交 8⅔% 的商業折扣。

同埋交易既係黃糖唔係白糖，要係歐洲工廠再加工成白糖。

產地來自於古巴，巴西，聖多明哥，牙買加，馬丁尼克，
聖克羅伊（即係而家既英屬處女島）同孟加拉，
其中巴西有仔細再分唔同港口，唔同城市報價亦再細分唔同等級既糖。

大部份都係南美洲熱帶殖民地生產，同咖啡一樣。

市場分析

In weissen und braunen Bahia und in braunen Rio war der Umsatz sehr bedeutend. In Havana ging weniger um und war mitunter recht preiswürdig fertig zu werden.

巴伊亞產的白糖與褐糖，以及里約產的褐糖，近期成交量都十分可觀。

相較之下，哈瓦那糖的交易則較為冷清。

部分哈瓦那糖甚至必須降價出售，才能順利完成交易。

= 去哈瓦那有機會可以執平貨

茶葉

茶葉係每一漢堡磅Hamburg Pfund做單位同Banco漢堡銀行既交易貨幣做計價。
茶既發音係Thee係其中一個證明茶葉係用海運入口。

茶葉幾乎全部來自中國，並依照產地、製法與品質分為不同等級，

顯示當時歐洲對中國茶已有極為細緻的分類制度。

當時仲未有斯里蘭卡既錫蘭紅茶同印度阿薩姆紅茶，

由平既武夷岩茶Bohea ~11 Banco到頂級白毫茶Pekoe ~60 Banco，

同樣一磅茶最平既都貴過頂級既Mocca咖啡，
係市場評論仲話高級茶銷情好好兼無貨。

除左食品，仲有染料例如靛藍 Indigo、胭脂蟲 Cochineille、染料木 Dyewoods、棉花、香料等等。

1858年由美國紐約去德國漢堡既二等艙船票，價值55美金，

19世紀德國與美國之間有大規模移民潮，
當時數十萬德國移民就係搭呢類定期船橫渡大西洋。

船公司HAPAG係Hapag-Lloyd未合併前既Hapag，世界第五大航運公司。

當時船運亦擔當郵政工作，尤其係歐美之間既郵件。

呢個展品係張名信片，幾樣野好有趣。

最頂既紅字Deutschland. - Allemagne.分別用德文同法文寫德國，下面既
Postkarte - Carte postale 明信片
Weltpostverein - Union postale universelle 萬國郵政聯盟

同樣係德文法文並列。

唔知大家有無留意，寄信既"By Air Mail"貼紙下低既"Par avion"就係法文，
係萬國郵政聯盟係瑞士成立既時候，法文係官方語言，傳統一直保留至今。

畫左當時航線既紀念郵票

東亞有香港，曼谷，檳城，新加坡，西貢，
日本有長崎，神戶(佢英文係寫兵庫Hiogo / 現代拼Hyogo)同橫濱。

香港係認到香港既感覺。

新加坡既插圖唔太認到係畫緊邊到，新加坡都無高山。

長崎都似似地而家中華街對出個港口位置。

又黎睇下另一張明信片，

1907年由漢堡寄海上郵局寄出，
郵戳係DEUTSCHE SEEPOST HAMBURG–NEW YORK。

當時同鐵路一樣，郵輪上都設有由郵政局派遣既正式郵務員駐船，
專門負責處理船上寄出既信件同到港口既時候同當地郵局交接。

同樣既郵政系統係軍艦上面都有，
係艦上寄去威廉港既掛號信，

因為係軍用郵件所以唔需要郵票。

係船運通常都會為件貨買保險，

有個展品好特別係一戰期間由德國柏林寄去紐約華爾街既文件上既保險書，
1916年已經係一戰既第三年，雖然美國尚未向德國宣戰，

但海上運輸仍然受阻，有好大機會要經由中立國轉運，增加風險。
文件既保費係125馬克而保額係500馬克，125馬克相當於一個熟練工人一個月人工。

202606 德國漢堡睇博物館: Day 1 漢堡海事博物館 International Maritime Museum Hamburg Part 1

2026-06-25T20:24:53.241+08:00

係酒店放低行李就去搵個早餐食，時間仲係好早九點都未夠。
Berliner Tor 係個好方便既站，有S Bahn有U2 U3 U4基本上包哂市區要搭既線，
再唔係就搭一個站去Hauptbahnhof就真係所有線都齊哂。

又係呢個英文人好易會搞錯既not系列，成日會load左做「唔係」，
Ausgang = 出口，Notausgang = 緊急出口，
Ruf = Call，Notruf = Emergency Call。

呢個係舊design，新design既牌轉哂做SOS。

估唔到既係漢堡既鐵路同巴士係星期六日同祝日既前一晚開始會行通宵，
柏林既公共交通係假期會成九點十點先有頭班車。
呢張時刻表有個好得意既地方，平時既星期一至日係
Montag / Dienstag / Mittwoch / Donnerstag / Freitag / Samstag / Sonntag + Feiertag

[From朋友]
Sonnabend係東部同北部先用既「星期六」，意思係「星期日前一日」
Sunday = Sonntag 既Sonne = 太陽
Abend = 傍晚

Chatgpt 補充話係因為日耳曼人係用日落開始計為之一日，
星期日既前一日＝星期五日落到星期六日落。
係德國其他地方或者官方文件會用返標準Samstag。

Freitag = 星期五
Feiertag = 祝日，Feiern = 慶祝 + Tag = 慶祝既日子 i.e. 放假，又係同日文既「祝日」好似。

個站牌好認真咁寫Minute(單數)同Minuten(眾數)

漢堡海事博物館位於Überseequartier，字面直譯就係「海外區」，
以前係漢堡既倉庫同碼頭區。
d街名又係好騎呢，又大阪街(Osakaallee)又海外街(Überseeallee)，
又New Orleans Straße又San Francisco Straße。

個黑白色既地板好似廁所w

係月台擺隻船鎮下宅，後尾先知好多船模係附近d船廠同船公司捐出黎擺博物館，
有d 1：100 1：50既五米長巨型船模。

天氣幾好，一出站見到有架Food Truck賣CurryWurst先醒起漢堡應該係屬於柏林果邊，
一於早餐食個CurryWurst整多支Apfelschorle。

點知係唔太好食，呢次係漢堡我食左幾次CurryWurst都麻麻地，
始終係柏林街邊檔好食d，我再望真d架車寫Since 2022，日本果d「創業令和4年」。

漢堡／德國北部好多紅磚建築，因為無中南部咁多石材資源，
沿海邊搵到優質黏土整成紅磚仲平過係內陸運石出黎。
博物館個建築本身都係一個好標準既商行設計，
通常地面層樓有大門，樓底高作為出入貨通道同寫字樓，
上層會放谷物類散貨，一包／一桶用吊車吊入大樓入面儲存，
外面綠色既打直既大門就係每個樓層既出入貨口，
上面突出黎既支撐會有個滑輪，直接將貨吊上去樓層。

門既入面。

用Hamburg Card買博物館飛可以平幾蚊，
我買左5日連AB區火車飛，盛惠EUR54.9。
話說Berlin果個叫Berlin WelcomeCard，
我成日好順口咁叫左做Hamburg WelcomeCard。

EU既博物館有個好處係有cloakroom可以擺低野同d衫，
唔好既地方係通常都要1 EUR硬幣，EUR銀仔放哂係日本屋企無係身，
唯有問reception換幾個銀，而家有d先進左係會有一個dummy既膠幣係入面。

個博物館睇落唔大，但認真睇足足由十點佢開館一路行到五點幾佢收館先走，
中途剩係落左樓下cafe 食左個飯。
你想像到同船有關既野佢都有講，由技術，歷史，運用，到今時今日既船係咩樣都有，
仲有兩三層船模收藏，展品勁豐富。

繩結已經忘記左九成。

導航由最初觀星去辨別方向，去到利用推算航法*判船既現在位置，
到後黎指南針經阿拉伯地區傳入地中海，再有六分儀同八分儀既引入，
直到而家有GPS，技術係不停咁更新。

推算航法係利用出港時既座標，
一路記錄船既方向，速度同時間就可以推算出而家既位置。
係未有GPS既時代，例如零戰既機師，都係靠呢個方法去判斷方位。
到而家既飛機上面都仲有利用推算航法引申出黎既系統INS，

用加速度計、陀螺儀同先前既位置推算，但誤差會累積，
一收到GPS果陣就會自動修正。
INS既起始座標係出發前check list 上面其一個事項，
會自動較正GPS或者手動輸入座標，
所以停機坪有陣時係Gate Number 下低會有一個好準確既GPS讀數俾機師參考，
睇機場Chart亦都會有。

用六分儀度左角度，仲要靠航海曆同天文鐘，
航海曆係一本字典咁厚既書記錄左唔同天體係一年入面唔同日子時間既角度，
加埋天文鐘俾一個UTC時間（果陣係GMT）就可以計數去搵到而家既位置。

複雜既天文鐘好容易受波浪影響出現誤差甚至損壞，
工程師設計左一個機械裝置去對抗船上面既搖擺，
同樣既結構到今時今日既機械羅盤都仲用緊。

有個六分儀既模型教你點樣開鏡去睇同計數。

航海曆

Större Fixstjerners Middelsteder den 1. Januar 1856. <- 丹麥文
1856 年 1 月 1 日主要恆星的平均位置

因為總唔可能每年去買一本新既航海曆，
通常會每十年做一個基準然後透過offset去推算而家既數據。

古時一出左海基本上無方法接收到新資訊，

一直要到電話同無線電既出現先有方法係陸地同船上面既人溝通。

而係船對船或者船就到港口果陣，除左派架小艇落去搵人傳話之外，
仲可以靠船旗或者手旗信號，或者用燈號打摩斯密碼，
同樣標準一直留存到現代，亦係每個學員必學既課程。

講起信號旗，每支旗係代表一個英文字母之外仲代表一個信息，

A - Alfa係有潛水員在水下，要求其他船慢駛同離開，

O - Oscar係man over board有人跌左落水，要求其他船慢駛同注意求援，

全黃色既Q - Quebec就係要求檢疫，係泊港之後如果貨物中有生物* 就需要掛出黎，
等港口檢疫上船檢查完，簽齊文件先可以俾港口既人上船同上落貨。

* 有個船種叫牲畜船Livestock Carrier，可以將d牛羊活生生咁放上船運去第二個國家，
係澳洲同新西蘭去印尼同中東既航線經常會見到，
主要係穆斯林國家既Halal需求，同穆斯林有d節日係要屠宰牛羊拜神，
所以唔係出口凍肉而係出口活生生既動物。

順帶一提，隔離既英文Quarantine既語源Quaranta giorni，意大利文既「四十日」，
就係講緊14 世紀黑死病流行期間，
由疫區到達既貨船要係外港停留40日證明無傳染病先可以入港。

東鄉長官既Z (Zulu)旗，講起日本既手旗信號係日本自創，
用一紅一白旗同イロハ順序去傳片假名，摩斯密碼都有和式摩斯版本。

另一樣講船旗好有趣既展品，
當時資訊唔發達即使係船長都未必識得到哂所有國旗，
呢個時候就要靠圖鑑去分辨對方國家同身份，
我都係靠Chatgpt去幫手認。

第二排最左兩支106 107係「教皇國」，梵蒂岡既前身，統治一部份既意大利半島中部。
106係教皇在位既時間用，107係教皇過世，新教宗未選出既時候用。

第三排中間128 129係瑞典—挪威旗，128係商船129係官方/軍隊，
當時兩個國家都加入左「反法拉利同盟」成為左一個聯合王國。

第三排最右131同第四排第三個都係里加既旗，而家拉脫維亞既首都，
當時係北海一個好重要既港口，出口俄國皮草去其他國家。

第四排第三個149 Revel就係而家既塔林Tallinn，而家愛沙尼亞既首都。

RPG，講錯，測距儀黎。
係目視時代望遠鏡既船員必備既工具。

上面提過既信號旗，其中一個好重要既信息係同領港服務有關，
例如：G- Golf 係要求提供領港，H - Hotel 係領港在船上。
領港係指外國船隻到左本地港口，因為每個港口既海流同水底狀況都唔同，
要靠當地既領港員，俗稱帶水，去指示船隻泊岸。
領港員靠一隻好細隻既引港船用爬梯上船，風浪大果陣非常危險，
你想像棟IFC放平左係浪上面浮下浮下，靠浪頭果下跳果去捉住條繩梯先上到船，
跌落水都還好，通常艙口有幾個船員拎齊勾桿準備，
最怕係後面隻引港船俾浪一下撞你埋去架大船船身到。
領港員通常係好資深既遠洋船長退左唔做船公司先去做，
係船上好受尊重，出入港基本係佢全程負責控制，船長都係聽佢支笛。
上到船會有船員帶佢上艦橋，通常標準係要包佢一餐飯。

展品係貨船Aurora係1895年兩張出港入港既領港服務收費，
領港員既收費係按船噸位計算，有d港口係強制引港例如Aurora進入既利物浦港，
引水艇亦另外收費，遇到惡劣天氣或突發情況，
領港員要留係船上面既話亦另外收費。

兩張收據都貼左1便士印花稅票，
同今時今日既印花稅英文Stamp Duty個模式真係一個Stamp黎，

除左係印花稅票仲可以當郵票用，貼左上文件再簽名或者蓋章先叫完成。
而家既日本都仲保留住呢個制度，去政府交文件係無繳費處，
佢會叫你去買「收入印紙」再貼係文件上面。
普通Invoice過左一定數額都要交印花稅。

航海其中一個好重要既工具就係海圖，詳細既經緯度，岸邊既水深，
港口，港口既設備(E.g. 乾船塢，上落貨工具)，河口同河道既水深，
都係對航行好重要既工具。

地圖由一開始既宗教取向描寫到實用化既地圖係一個好大既轉變，

因為最初既書/圖既複制技術都係靠手抄，而知識係大部份掌握係宗教機構，
教士其中一個工作就係每日手抄聖經~~新約！加舊約！一次！~~，

亦代表要點樣去「表達」、「陳述」一件事既主導權掌握左係一班唔客觀既人身上。

直到印刷術既出現，知識先有機會大規模傳播。

中世紀既地圖，唔係用黎導航而係去表達「世界觀」，別名叫T型地圖，
外圍紅線係「無盡既海洋」，中間綠色係海，
左係歐洲、亞洲同非洲，右邊係「未知地域」，
中間書頁既分隔線係指灼熱帶 i.e. 赤道。

當時既歐洲航行，如果要去印度洋，要係非洲西海岸南下，
中途會經過最近世界盃好hit既佛得角，我一直都係叫開葡文意譯既「綠角」，
穿過赤道，繞過南非好望角，再沿非洲東海岸北上。
以中世紀既航海技術基本上係無可能完成，尤其係非洲海岸無大型既港口同城市，
連補給糧食同淡水都有問題，赤道既酷熱天氣亦對歐洲人黎講好痛苦，
所以先會描述為「灼熱帶」，當左係地獄既另一邊。

下一代既地圖已經有唔少進步，基本上已經準確描述各大洲既位置。

再去到近代化既制圖，未有電腦plotter之前係用人手鑿銅板去做個印模再印，

一個模隨時要一年時間先造到出黎。

銅板上面既地圖亦好有意思，係基爾運河既航行圖，
連接基爾同易北河河口，航線可以直接繞過日德蘭半島，
最初係叫威廉皇帝運河Kaiser-Wilhelm-Kanal，紀念普魯士國王威廉二世主持開幕儀式，
而家叫北海-波羅的海運河Nord-Ostsee-Kanal，
Ostsee中文叫波羅的海但德文直譯係Ost東 + See海。

地圖既版本係1915年，當時已經有好科學化既制圖標準，
比例尺1:50000，

經緯度(Östliche Länge 10° von Greenwich 東經 10°以格林威治為基準)，
長度單位(Höhen und Tiefen in Metern高程與水深單位為公尺)。

至於點解有牙希個logo，展板無講我估亦唔可以講，
問Chatgpt佢話大概係因為張圖唔係初版，係牙希果期翻印既。

地圖上既手mark，我個年代係唔可以直接係圖上mark野，

全部圖都有個膠袋，剩係可以係上面寫野，寫完可以用酒精刷返走。

係西邊既入海口就係基爾，德國北部一個好重要既港口城市，

仲有個海軍基地係到，過幾日會去行下。

海面上面既數字係水深。

因為係人工開鑿既運河，航行上總會遇到有對頭船，
沿住運河有幾個「避船處」可以容許兩艘船錯開然後繼續航行。
截面圖寫左唔同段既水深同寬度用黎泊船。

仲有交通燈可以按情況放船。

d展品真係好豐富，睇一層半樓已經十一點半，
上一層係講再遠古d既造船。

佢認真地想由帆船101開始教識你咩係帆船，
由船底設計，唔同既帆種，點樣組合，順風逆風既時候要點放帆，

維京大戰船

行到好肚餓，落左博物館間Cafe食個晏休息下。
燉牛肉捲同麵包團Semmelknödel，據講係德國傳統菜，

用牛肉攤開再捲一條酸黃瓜，點講呢...舊肉柴左少少

我鍾意波蘭果種椰菜捲牛肉多d。

飲多杯咖啡醒下個人，我本身有些少乳糖過敏，
但發作係好「地域性」，
E.g. 我係日本屋企係唔想飲啤酒飲梳打水既凍野＝飲牛奶，

係泰國/EU飲奶我都無咩事，但剩係係香港飲就算只係飲杯凍奶茶我都可以清腸胃。

另一個我發覺係佢地既無Latte，連menu都無，全部都係Latte Macchiato。

202606 德國漢堡睇博物館: Day 0 HKG-PVG-HEL-HAM

2026-06-22T23:51:34.615+08:00

之前搭過AY既HKG-HEL，因為地勤係out-source既關係個Check in剩係三個鐘前先開，
習慣左係因航果d 7*24有得Check in 可以擺低野入Lounge食下野沖個涼會費回收既人黎，
今轉第一班機係CX380 HKG-PVG，張飛係Finnair俾我但呢班直頭唔係AY既Codeshare，
直接係用CX380同直接可以係因航Counter Check in。

但奇怪既係因航個地勤妹仔同我講上海浦東係無得行李直掛轉機，
一定要係上海拎左行李再係Finnair counter check in一次，
麻煩到癲，落地出入境再加check in再過機足足搞左我一個鐘。

The Wing First岩岩翻新完，老實講無論軟件定硬件都未係去到真係酒店級，
行開食個Mott32，今季Menu個份量勁多，個椒鹽鮮魷我幾推薦送下啤酒咁，
但留意一凍左就唔好食，呢個係其中一個因航飯堂(The Pier都係)我覺得做得幾差既地方，
你睇相都見到係成個set唔分前菜主菜一野對哂出黎，
（其實個主菜既麻婆豆腐仲要黎先）
變左食得呢樣黎果樣就凍左，完全蹝左d野食。

本Menu係骨子過The Pier塊木板。

食完野最緊要去沖個涼刷個牙，
失禮講句黑田都可以話係一個業餘既Lounge沖涼房品評家，
The Wing 沖涼房都算係中等至差果堆，係First Lounge就要有First Lounge既期望，
d 鏡燈唔岩位同筒燈唔岩focus真係唔得，
個雨淋花灑亦做唔到真係「雨淋」既效果，頂多都係噴霧淋花，
更唔好提d水壓真係唔得，細水長流咁，
唯一幾欣賞係佢個風筒轉左Dyson。

between真係正既沖涼房可以參考Qatar BKK既Lounge，
個企身既Jacuzzi係我遲下買注文住宅果陣其中一個想買既item，
果種企係到但有浸浴感既享受，仲要水電費唔洗俾，爽到彈起。

未夠鐘上機，搵個位hea下做下野。

去中國既機坐走廊位既話我一直都係等到Final Call先上機，
d白板行過會用個背囊不停撞鳩你，同去中國既機我唔會擺袋上Overhead，太危險。
Gate 49由The Wing 過去好遠，好在有車仔坐。

因航330無咩特別，岩岩係Lounge食飽左唔想食野，飲罐啤酒就算。

講起除左廣州同青島（去飲啤酒），好似真係無咩試過旅行目的而去中國，
上海飛過好多次但全部都係工幹或者係轉機，市內真係無咩行過。

快手寄完行李入禁區個Lounge繼續hea，因航係浦東有自家Lounge，
設計係跟返「標準因航」設計，就係同The Pier既木質同墨綠色，認真隻色水係唔錯。

浦東機場個冷氣唔夠，因航Lounge係開頂設計無獨立冷氣，下午曬起好鬼熱。
搵d凍野飲下，見佢支Chivas得返少少，
我本住細個做童軍~~是鳩彈彈~~日行一善既精神幫佢飲埋等佢可以開過支新。

因航Lounge剩係開到七點，我成日都以為PVG-HKG好夜都仲有機，
之後行左去CA Lounge hea下，就算係First Lounge區都係裝修一般，
野食有少量自助同a la carte menu，
我叫左一個牛肉麵同小籠包，個牛肉麵都係一般，
小籠包唔錯，咬落去有湯汁爆出黎。

Finnair 既長途線全部都係用A359去飛，只有EU線用A320 / E190 / ATR72去飛，
第二次坐Finnair既PEY，第一次係幾年前係波蘭旅行返黎，

因為全員滿座同半機係台灣旅行團個體驗都幾差。
今次架機好低載客率，PEY成個區得八個位有客坐，基本人人都可以搵到吉位。

上機已經擺好一大堆用品，頸枕，毛毯同牙刷袋，
頸枕我自己就唔係好岩用，毛毯係過夜機好需要但Econ果張普遍都太細張。

牙刷袋有牙刷眼罩耳塞，都係d一般野唔算太好用。

我幾欣賞AY個IFE，尤其係呢個出發地同目的地並排既時間表。

A359個cam 係幾好J

好鍾意呢d風筒視角。

上到去先派零食同野飲，未到德國已經有Pretzels食。

正餐係牛肉配薯蓉，我成日都話因航飯餵狗都踢開個兜既話，
AY既機內食係要AY社員向農夫下跪，

都好少見個牛又乾又硬，我連咬完第一啖既意欲都無。
我唔肯定係咪AY特登叫空廚整到咁難食，
我食過係東京，香港，連埋今次上海既飛機餐都係一致地難食。

睇左陣書訓左陣已經天光，
話說坐長途機係少數可以集中睇下書既時間，
AY架機有WiFi但得Business / AY自己會員係免費，
買一程機要25 EUR我唔太捨得，同深夜又唔係有咩急事要on call。

早餐既情況係慘不忍睹，唯一食得落口既係得d水果。

無驚無險落地，今次係第三次係HEL轉機，都算行慣行熟。
去到先要行去申根區，先過左安檢然後入境EU。
今次land既時間岩岩撞正有一團韓國旅行團，

一班啊叔啊嬸「寵寵寵寵寵」嘈到頭都痛埋。

本身個connection都係短時間，
出入境櫃台又剩係開左兩個之餘仲要俾幾個奇怪人卡死左，
條隊愈黎愈長，AY等唔到搵左兩個staff逐班機捉人出黎插隊。

死又死在AY同一個航點可以朝早有幾班機接住落，
E.g. 去哥本哈根CPH，6:20有AY951 07:25有AY953，
明明個staff都嗌左係「有無人係AY951去哥本哈根」都可以有十萬人舉手，
然後一check 大部份都係AY953，見個staff就黎俾人激到爆血管。

係個蛇餅卡左差唔多20分鐘都無咩郁動過，終於等到我班機都入左Boarding Soon，

Staff問「有無人係去漢堡」，我左手襟緊手機好自然咁舉高右手攤直手板，
半秒後發覺好似有問題即刻縮返舉左手，隊頭有個哥仔係到騎騎笑。

過完關仲有少少時間，
原本想搵果部芬蘭水機斟支水點知搵極都搵唔到，
認真芬蘭既水係幾好飲。

坐巴士出gate，意外地同機有好多日本人似去工幹。

細細隻E190，無論J定Y都係2-2位，
J有熱食，Y得AY牌藍莓汁同果汁或者水，咖啡同茶都係付費項目。

當年B17都飛過既天空，
不來梅、基爾同漢堡都係德國北部既軍工重地，基爾更係U boot既基地同母港。
B17曾經多次進行日間空襲以圖破壞工業生產力，
其中有幾次就係經由北海南下進行空襲。

無穿無爛到達漢堡，拎左行李去搭S Bahn出市區，
跟住個S Bahn線色Logo行就無死。

講起拎行李，Baggage Claim個字都幾複雜。

Gepäckausgabe = Ge päck aus gabe

Päck = Package

aus = 出，E.g. Ausgang出口
gaben = 俾

aus + gaben + 名詞化＝出野俾你 (n.)

柏林有BVG，慕尼黑有MVV，漢堡有HVV做市區廣域交通既營運商。

搭S1出市區，我住係Berliner Tor i.e. 柏林佬閘，門係Tür，
呢到明明係漢堡但我影俾老母睇同佢講「岩岩到左柏林」。
漢堡機場好近市區，Berliner Tor下一個站已經係漢堡總站Hauptbahnhof，
另一個長途車／ICE出發既Altona都係係S1，非常方便。

S1向北方向會係Onlsdorf拆車，車頭方向前三卡去機場，後三卡去Poppenbüttel，
但亦有d班次係唔拆車就咁6卡直到總站，上車記得睇清楚行先指示。

Between Onlsdorf個Dorf係指村，搭RE既中途站好多都係呢d XXdorf XX村。

機場係少數英文為主德文為輔既車站名，
Flug = Flight + Hafen = Harbour
飛機既港口＝機場，日文漢字既「空港」

如果船既港口係就咁用Hafen。

酒店係Berliner Tor既Moxy Hamburg City，
歐洲旅行仲要自己一個酒店錢係好重皮，今次除返開差唔多成120 EUR一晚。
正正常常一間Moxy，但歐洲既Moxy係無洗衣機唔係咁開心。

今次唔驚襟錯lift

202606 德國漢堡睇博物館: 簡介

2026-06-22T22:28:20.175+08:00

上個Trip返黎由三月係日本一直踩趕Project趕到個人就發癲，
連續幾個星期係個客到訓埋，朝早六時一醒就去開工做到夜晚11點先返房訓，
做到連每年一定要去EU既生日trip今年都斷左纜。
好在都叫係GW期間交左貨，拎左兩個禮拜假去曼谷休息玩下貓，
再返左office一星期，見手頭唔係好忙就索性再拎兩個禮拜假去EU行下。

本身係想去波蘭南部，但搵極d飛都唔係好岩，一係就要經中東最憎，
睇睇下Google Map不如就去德國，反正北部我未去過，
漢堡周邊亦有幾個博物館係Bookmark左好耐想去既。
咁岩俾我搵到張好奇怪既AY PEY係經上海飛HEL而回程係經BKK，
兩程駁腳都係CX，無咩大懸念就篤左張飛過去漢堡。

行程去左幾個城市，主要係漢堡，不來梅Bremen，基爾Kiel，呂貝克Lübeck，
交通都係靠DB，今次試坐左短途既ICE仲係餐車飲下液體麵包係幾Chill。

上次係啤酒節個post有個巴打話唔好四月／冬天去漢堡，
的確上年12月果陣一個人去左柏林，每日都天陰陰又無太陽又大風仲要4點就落山。
今次六月中去漢堡，一落機果幾日係10至15度，未去到要著大褸但好大風，
之後開始落雨，一落就黃雨咁上下程度，我都無諗過係EU體驗到濕凍同橫風橫雨。
有一日係朝早四點幾開始行雷閃電，閃到我醒左起身睇手機，
Twitter講到世界末日咁而的確係大雨到DB都停埋。

Wait DB出「Fahrt fällt aus」應該唔一定關天氣事。

而更離奇既係，落完雨之後，氣溫升左上三十度有熱浪~~薯片我燒粟米咁橋~~，
德國大部份既屋都係無冷氣，得d商場同酒店入面有，
Even我酒店房入面個FCU都係極細cooling power，開足一晚都唔凍果d，
更更更更離奇既係，地鐵U-Bahn ／市內火車S-Bahn都係無冷氣（某幾條新線有），
係戶外曬熱左既車廂只係靠果個細細個既氣窗通風，
我見有司機係開住門揸車，唔係中暑都似，
最後果日直頭係熱到我有d頭痛，要不停搵野凍飲~~液體麵包~~降溫。

德式幽默

An alle, die sich fragen, warum es so heiß ist.
Das ist der Sommer vom letzten Jahr.
Er kam mit der deutschen Bahn.

致所有正在疑惑為什麼這麼熱的人：
這是去年的夏天。
它是搭德國鐵路（DB）來的。

我本身係好鍾意睇船同船既博物館，
有個Uncle係做遠洋船，細個有諗過去讀航海學校去行船，
覺得可以周圍去旅行見識下個世界，又可以離開屋企，
但個Uncle同我講一樣好現實既野就係做Engineer升到頂都係大副Chief，
唔會有機會行到去船頭個位，同船上面大部份都係機器佬野，唔太岩我既專長。

我最初接觸「漢堡」呢個地方係係一隻好舊既PC game叫「大航海時代4」，唔知有無巴打玩過。

細個果陣係未有「威力加強版」，得4個主角可以揀，我通常都係用葡萄牙佬（中間果個）。右邊綠色衫個妹仔係荷蘭商會，經營阿姆斯特丹同布魯日既航線，
布魯日對於果陣時既我係一個好陌生既地方，
睇新聞講盧荷比既大城市講得出名既阿姆斯特丹，海牙，鹿特丹，布魯塞爾，安特衛普都好少會提到布魯日，
今次去左呂貝克一個講「漢薩同盟」歴史既博物館，收獲好豐富，
遊戲入面既城市同地標都幾有考究，寫到去可以詳細講下。

Between 我係成功「爆機」，全地圖探索同金錢99999999。

今次參觀左兩隻U Boat，位於不來梅港既U-2540同位於基爾既U-995，
係漢堡市內都有一隻潛艇博物館但佢本身唔係一隻二戰既"U Boat"，
而係從蘇聯買返黎既。
漢堡市內都停泊左好多博物館船，參觀左大西洋航線既客貨兩用船Cap San Diego，
最鐘意呢d可以由船底行到艦橋既博物館船。

漢堡係空中巴士除左法國圖盧茲Toulouse之外既最終組裝基地，
我作為一個波音Fans都要去睇下既，
雖然參觀果日見唔到Beluga，但早幾日坐船果陣岩岩見到佢Land，係好遠同佢Say左個Hi。

唔多廢話，下個post入正題。

德國旅行資訊可以睇以下url

202510 作為酒鬼一生人要去一次既慕尼黑啤酒節：簡介

https://miraigajettokenkyujo.blogspot.com/2025/09/202510.html

202602 去左杜拜玩貓兼工幹： Day 6 工作日 DXB -> HKG CX738

2026-02-16T15:57:00.004+08:00

晏晝同老細食飯，五點鐘準時搭Uber鬆人，
唔係又又又俾老細拉住傾野，
上車果陣Uber話ETA 6點，到果陣已經6點半，
好少坐Lexus都暈車浪，個司機手車真係唔太得。

經過好多次但未入過去。

用mobile boarding pass入去lounge hea 下食野沖個涼，
杜拜機場係3rd party lounge黎就無咩預有好野食，
First Lounge 個A la carte只係order 完佢拎俾你，d野食同出面自助既差唔多。

嗌左個Butter Chicken同沙嗲，
講起Lounge既沙嗲黎講MH Golden Lounge認真係唔錯。

食完野去沖個涼換套衫，一陣上機就訓。

上到機一覺訓到香港。

202602 去左杜拜玩貓兼工幹： Day 5 工作日

2026-02-16T15:27:00.001+08:00

又又又到食晏時間但back to back有會，
去左公司樓下快手食個Shawarma。

夜晚公司活動去左沙漠燒野食，係杜拜市區揸一個鐘車先到，
同事話係個「湖區」但d水係係低地用電泵上黎。
夜晚個氣溫得返10度咁上下同幾大風下，
意想唔到既係同事們既露營裝備都幾齊，
有燈有叉電有檯櫈，佢地話杜拜weekend其實無咩野做，
就係揸車黎呢d地方hea下或者行商場。

當同事們係到準備緊野既時候，竟然係沙漠中間有隻貓係到。

同事見到我係到逗緊貓，竟然係車拎左袋貓糧出黎。

食食下野有第二隻貓行左過黎，唔知佢地一開始係點黎呢到。

燒肉擔當係阿拉伯佬Operation部經理同佢幾個伙記，
賓仔同事負責播歌同開啤酒，我負責食 : )

202602 去左杜拜玩貓兼工幹： Day 3 - 4 工作日

2026-02-16T13:30:00.003+08:00

又到食晏時間，去左附近既越南Pho，
Lunch set AED50有Pho有春卷有野飲幾唔錯。
個老細既家庭係南越出身，越戰果陣走左澳洲再一直去第二到打工。

我成日都話好食既Pho都唔係越南，
個人排名最好食既Pho係關島，個老細既老豆以前幫美軍做野駐紮係關島，
退左役就係關島開間Pho，墨爾本既Pho都唔錯，
反而EU既Pho暫時我都未搵到有好食既。

行過見到三毛貓攤左係一邊，
逗佢又唔係好郁但呼吸又好似要好用力咁，
好在放工返黎見佢識行識走識食野，可能岩先食飽想訓姐。

隻白黒貓照舊黎拎野食。

食完野洗個面。

餵完貓到餵自己，求其行左入間南美菜既餐廳。
用Chatgpt 睇完都唔知有咩食，決定問staff叫佢推介，
嗌左個Empanada個感覺似大隻餃子包餡再去炸。

第四日繼續工作，話咁快就到食晏時間，
我朝早返工前已經睇定今日想再食果間蘇聯菜餐廳。

之前係波蘭同德國都試過Pelmeni，細粒既餃子，
今次想試下Manti，個樣似小籠包even有個講法係「饅頭」既語源就係Manti。
但出奇地「美味與健康食品之書」無收錄有關Manti既食譜，
我嘗試過用唔同俄文字配搭都搵唔到。

個湯係雞湯配長意粉，同係波蘭第一次食果陣一樣用叉食彈到一面都係。
係「美味與健康食品之書」有詳細記載雞湯同意粉既做法。

－－－－－－－－－－－－－－－－－－－－

雞湯

將雞擦乾並用毛巾抹乾，最好用酒精燈或火燒去絨毛，
剁去脖子和爪子，取出內臟，徹底清洗。

將胃切開、清理並去除表層膜；將心切開；
雞爪燙一下，去皮並剪掉指甲；
雞頭剝皮；從肝臟上小心切下膽囊。內臟全部徹底清洗乾淨。

在雞胸部下方做兩個切口，把雞腿折進去，翅膀靠攏於背部——
這能使雞的外形更美觀且便於煮制。

將準備好的雞和洗淨的內臟與去皮切好的胡蘿蔔、香菜根、洋蔥一起放入鍋中，
倒入冷水，加蓋加熱至沸騰，然後轉小火煮。
雞的煮制時間為1至2小時，具體取決於其大小和年齡。

用叉子判斷雞肉熟度，如果叉能輕鬆刺穿雞腿，就表示雞煮熟了。
將雞和內臟取出，放入另一個鍋中加蓋，將湯過濾即可。

一隻中等大小的雞（約1公斤）配1根胡蘿蔔、香菜和洋蔥各一根，以及2½至3升水。

－－－－－－－－－－－－－－－－－－－－

放工未太肚餓，周圍去玩下貓先，
係草叢見到有隻貓訓緊覺，
係我未企定影佢既時候已經起左身仲行埋黎坐埋上我大脾。

而家d貓咁主動既咩

真係幾靚仔，爬上黎果陣仲識縮爪。

周圍既花圃都有d小屋，花王會定時定候補糧同補水俾佢地。

睇下佢幾chill

隻橙貓肥到逼爆左件衫

好開心咁棟高左條尾

夜晚唔算話好有胃口，去左同一間越南舖食Pho。

202602 去左杜拜玩貓兼工幹： Day 2 工作日

2026-02-16T11:21:00.001+08:00

返工日子全部都係4點起身飲杯咖啡就返office，
中午食飯係其中一個每日期待既事，
去左公司附近一間「新加坡」餐廳食雞飯，
我影俾SG同事同佢「wa lao eh 你食間Michelin star ga」

AED 40 ~= SGD13.75

話雖如此SG既雞飯都貴左好多，
以前（差唔多廿年前）係SG讀書果陣，
雞飯係兩溝二，加個Kopi八角，三溝就食到個晏晝。
而家食個晏晝係Hawker center都要至少5溝。

btw 個老細係filipino黎

樓下BOH範圍有隻坐得好標準既縞三毛（三毛mix虎斑），
好似個石Q咁有人行過就望實。

夜晚去返同一間「拉丁美州菜」餐廳，
係Google Map睇到除左有拉丁美州菜仲有蘇聯菜，咁一定要試下。

第一頁係沙律，其中一係蘇聯人過年必備既королевский салат 直譯就係「冬季沙律」，
用冬天容易搵到既植物，例如：醃青瓜、薯仔，烚蛋，同罐頭豆罐頭肉或者香腸，
全部切粒再用大量蛋黃醬撈，有d似細個開生日會啊媽會整一大盒俾你帶返學校果d。

講起蛋黃醬，亦都係米高揚係米國引入，
主打就係一個百搭食材，沙律，肉類，甚至酸忌廉無哂既時候都可以用蛋黃醬黎代替。

第二頁係冷盤同湯，其中一個我近排鍾意食蘇聯菜既原因係我本身個人好鍾意飲湯，
老母既老火湯當然，泰式既Tom Yum、排骨湯同苦瓜湯，
到西式（蘇聯式？）既紅菜頭湯同Soljanka我都好鍾意。

右上角既肉凍（？）都係平時係香港唔會見到既菜式，似肴肉（？），
我係柏林既東德餐廳食過一次用豬手造既，唔算話十分岩口味。

講到蘇聯既湯，最出名一定係羅宋湯，
用大量紅菜頭同根莖類植物例如紅蘿蔔同洋蔥煮成，
紅菜頭即係細個做實驗果個DIY既pH試劑。

係「美味與健康食品之書」入面，除左有OG羅宋湯，
仲有夏季版雪凍左飲同烏克蘭版。

官方做法既記載係咁

－－－－－－－－－－－－－－－－－－－－

羅宋湯

煮肉湯。甜菜、紅蘿蔔、香芹和洋蔥切絲，放入湯鍋中，
加入番茄或番茄醬、醋、糖和一些帶油的高湯（或加入1-2湯匙油），
蓋上蓋子將蔬菜燜煮。蔬菜要攪拌，以防燒焦，如果需要可以加一些高湯。

15-20分鐘後，加入切細的高麗菜，全部拌勻再燜煮20分鐘。
然後將蔬菜倒入事先準備好的肉湯中，加入胡椒、月桂葉、鹽，根據喜好加入少許醋，
再煮到蔬菜完全熟透。上桌時，羅宋湯裡面可以加半湯匙的酸奶油。

煮的時候可以加入整顆或切塊的馬鈴薯，以及新鮮番茄。
它們也要切塊放入羅宋湯中，開鍋前5-10分鐘加入。
做好的羅宋湯裡面可以加入熏肉、火腿或香腸。

為了讓羅宋湯味道更好，可以做甜菜汁調料。
將甜菜切片，加水煮沸或發酵。然後瀝出汁液，
做湯時加入。這個調料可以提升湯的酸味。
如果用發酵的甜菜汁，倒入羅宋湯裡時要加熱至沸騰。

原料比例：300克甜菜、200克新鮮高麗菜、200克馬鈴薯、
1或2根紅蘿蔔、2根香芹或洋蔥、2湯匙番茄醬或100克番茄、1湯匙醋和糖。

－－－－－－－－－－－－－－－－－－－－

「美味與健康食品之書」除左係一本食譜，
佢亦都有教你點配搭日常飲食，當中就有唔少地方提到羅宋湯。
當中好多部份放到今時今日都一樣適用。

－－－－－－－－－－－－－－－－－－－－

早餐、午餐及晚餐菜餚的選擇

正確分配食材並在一天中選擇合適的菜餚，是合理飲食最重要的條件之一。

在分配早餐、午餐和晚餐所用食材時，
要考慮到家庭成員根據年齡和職業對各類食物的需求及數量。

早上不吃早餐就出門的人，很快在工作時會感到疲勞，
並且在中午休息前會明顯感到乏力。
午餐過於豐盛也會導致食後疲倦，影響工作效率。
成年人應該每天三至四餐，兒童和青少年則應四至五餐。

所有這些都促使人們思考：如何合理安排日常食物，為早餐、午餐和晚餐選擇哪些菜餚。

早餐通常適合進食一些能快速消化並能提供能量的食品，
可以包括麵包、蛋類、熱粥（燕麥、蕎麥、小米等）配牛奶或奶油，也可以吃水果。
飲料則推薦喝茶、咖啡或牛奶。

第二份早餐（即上午點心）可在開始工作後三到四小時食用，
可以包括一道熱菜（最好是蔬菜類，如烘蛋、燉菜、丸子等）以及三明治和茶（或咖啡、牛奶）等。
有時也可選用香腸類食品。

午餐最好在工作結束後不久進食，這時身體已經得到充分休息，有了良好的食慾。
午餐可分為三道菜：第一道為肉湯或魚湯；第二道為燉菜或配菜（以蔬菜為主）；
第三道可吃些甜品，如果凍、烘焙品、水果。

為了增加食慾，餐前可提供涼菜如沙拉、冰鎮小菜、醃魚等。

午餐湯品如果是肉湯（如羅宋湯、鹹菜湯配肉等），那麼主菜應該選擇較清淡的配菜。

以蔬菜、穀物或魚為主；相反地，如果選擇的是較為清淡的第一道菜（如蔬菜高湯或蔬菜泥湯），那麼第二道菜會準備較為豐盛的食物——例如肉類或搭配配菜的魚類料理。

晚餐總是建議以清淡為主，並且建議不要在睡前兩小時進食。
晚餐可以推薦如沙拉、酸奶、煎蛋、三明治、蔬菜烤菜、牛奶、茶、蔬菜或水果汁等。

如果工作條件或其他因素不允許每天吃四餐，可以僅在上班前吃一頓豐盛的早餐，
第二餐則放在工作間歇和午餐之後進行。

每日總食量（全天飲食）則需根據身高、體重、年齡、氣候條件、工作性質和季節來決定。
不要過量食用肉類。
合理飲食的日常膳食中必須包含植物性食品——蔬菜、新鮮綠葉、果實與水果。

菜單一定要多樣化。在家庭生活中，對飲食品種多樣化通常重視不夠。
不是每位家庭主婦每天都會編排不同的菜單，製作不同的早餐、午餐和晚餐，
也就是所謂的「三餐菜單」，甚至不根據季節購置不同的產品。
在日常生活中，家庭主婦通常有10~12道拿手家常菜，
經常輪流做，年復一年。結果就是家庭成員經常沒有均衡和多樣化的飲食。

還需考慮季節影響。秋冬時節應給肉類和魚類湯更多位置，
春夏則多數人偏好冷湯——冷羅宋湯、雜菜冷湯（Okroshka）、甜菜冷湯、
以新鮮漿果和水果製作的湯。魚類製品的種類在春夏和早秋要比冬天更多。
春夏之際，家庭主婦可以獲得大量不同種類的乳製品、蛋、禽肉、蔬菜和綠葉。

在擬定菜單時，一天三餐（早餐、午餐和晚餐）食物組合及不同日子的交替非常重要。
例如，羅宋湯、炸肉排等如果連續吃兩三天就變得乏味，
所以建議約每隔十天甚至一週再吃一次。
建議將十天或一週的菜單預先設計好，並儘量堅持。
不僅如此，每餐的正確蔬菜和配菜組合也很重要：
早餐的馬鈴薯泥可在晚餐用另一種方式烹飪，例如用蔬菜焗烤代替。

如果家中有小孩或病人，就要特別考慮他們的飲食。
從事繁重體力勞動或劇烈運動的人需要安排更大量的食物，
而進行腦力活動的人則可選擇較輕鬆的食品。

家庭主婦應該這麼考慮，以免每天都是那些複雜而費時的菜餚。
製作家庭餐點需要花費時間，主婦要提前規劃，
在早晨能用很短的時間幫全家準備好營養的早餐，之後還要快點把全家的中餐帶上班。

第43-52頁印有春、夏、秋、冬四季每週中餐的範例菜單。

－－－－－－－－－－－－－－－－－－－－

順帶一提當時全彩仲要插圖咁精美既書真係好少見。

決定左要個羅宋湯同抓飯，呢個又係一個好長既故事可以講下。

「抓飯」點睇都唔係一個好「蘇聯」既野，
但佢係蘇聯既飲食文化中有個舉足輕重既地位。
「抓飯」源於中亞烏茲別克，首都係塔什干，
自1873年被俄國入侵戰敗成為附屬國，再係1924年成為蘇聯加盟國。

烏茲別克同哈薩克一樣，擁有大量肥沃既土地，
蘇聯時代大量年青人響應赫魯曉夫既號召去中亞開發農場，
亦興起去中亞渡假既文化，將中亞地區既飲食帶到去全蘇聯。

係「美味與健康食品之書」入面，有一整個段落係介紹抓飯。

－－－－－－－－－－－－－－－－－－－－

抓飯

抓飯是一種用特別方法煮熟的米飯佳餚。
抓飯可以和煎或煮的羊肉、家禽、魚、雞蛋，還有煮熟或乾果、堅果及蔬菜一起食用。

為了烹製大多數抓飯，米飯在煮之前需先清洗，
然後在溫水中浸泡一小時以使其膨脹，之後用濾網或篩子濾乾水分，
有以下幾種做法：

第一種方法。洗淨的米放入加鹽的沸水中煮，
直到米粒外層變軟，內部仍略帶彈性時撈出，
用篩子瀝乾水分，然後冷卻時用冷水沖洗。
隨後，把熟米倒入抹油加熱的鍋底，澆上熬好的羊肉油或其他脂肪，
蓋上鍋蓋，以小火再蒸40～45分鐘。

為防止米飯黏鍋底，可以預先在鍋底鋪上一層用淡麵糰做成的薄餅（如拉什皮），
與抓飯一同蒸煮。

另一種方法，煮米時需用較少水分（每杯米用2杯水），
同時可將部分油脂或肉湯加進去，煮到水分吸收完畢後，
蓋上鍋蓋用小火再燜煮30～40分鐘，使米飯完全熟透。

－－－－－－－－－－－－－－－－－－－－

除左有最普遍既羊肉抓飯ПЛОВ С БАРАНИНОЙ，
仲有古里亞抓飯ГУРИЙСКИЙ ПЛОВ，甜食既食果陣要淋蜂蜜，
南瓜水果抓飯、葡萄乾抓飯等唔同既變種，
烏茲別克抓飯係獨立出黎用一個部分去講。

－－－－－－－－－－－－－－－－－－－－

烏茲別克抓飯

將羊肉切成小塊，在鍋（最好是鑄鐵鍋）中用高溫熱油煎炸。
然後加入切成條狀的洋蔥，隨後加入切成條狀的胡蘿蔔，
和羊肉一起翻炒。然後倒入4杯水，加入鹽和胡椒，煮至沸騰。

將米飯仔細沖洗3~4次，將水瀝乾後和肉一起放入鍋中並抹平。

當水煮沸後，在米飯表面用勺子挖幾個淺坑。
用勺子將1~2杯煮沸的水倒入坑中，蓋上鍋蓋，
將鍋轉到非常小的火力下煮25~30分鐘。

上桌時將抓飯盛成小山狀，羊肉塊放在上面，再撒上一些生洋蔥絲。

－－－－－－－－－－－－－－－－－－－－

更更更更甚至係有罐頭版本，相信唔會好食。。。。
我去Google 搵又真係有，而家都仲有得賣。

－－－－－－－－－－－－－－－－－－－－

東方式抓飯

這是一種罐裝的優質即食抓飯，只需加熱即可食用。
此罐頭由優質羊肉、米飯、洋蔥、紅蘿蔔、葡萄乾、鹽和紅辣椒組成。

將羊肉切成每塊30-10克的小塊，與辣椒一同煎炒。
煎炒時流出的肉汁需過濾，然後與特製的羊骨高湯一起倒入罐中。

另外，分開煸炒洋蔥和紅蘿蔔，煮米飯，準備葡萄乾。

－－－－－－－－－－－－－－－－－－－－

最終決定一個羅宋湯一個羊肉抓飯，
個份量比我想像中多好多同都幾油膩，
佢地OG去食抓飯既時候係會飲d酸口既茶去解膩。

食完飯係附近散下步，見返琴日隻白黒貓，
開左d零食俾佢，我唔肯定佢有無食乾糧／飲水夠唔夠，
唔敢俾太多佢食。

行去搵下靚女i.e.三毛貓

202602 去左杜拜玩貓兼工幹： Day 1 休日

2026-02-16T01:04:00.006+08:00

琴晚同隻みけねこ玩左陣就返宿舍沖涼訓覺，
但訓訓下覺得有d寒，醒左一睇得13度。

Hea左陣做左陣野，落樓搵早餐食，
我以為係我休息唔夠對焦唔到，再睇真d係玩緊Sky Dive，
都幾癲下係市區又大風又多高樓。

個人凍凍地（以為作感冒），我都唔知原來杜拜會凍，
八點半都係14度，落街要著冷衫。

自從上年去完柏林又睇左下蘇聯時期既飲食文化，

愛上左食俄國菜，或者嚴格黎講係「蘇聯菜」。

點解杜拜會有咁多俄佬，本身杜拜個人係入息免稅，
只有入口稅同消費稅，自從俄羅斯入侵烏克蘭之後，
為左逃避兵役好多俄佬走左去杜拜，泰國，越南同印尼。

Even 最近既美烏俄三方會談都係係阿布扎比舉行。

好多耳熟能詳既菜式都唔係「俄國」自己既菜式黎，
正如斯大林係一個格魯吉亞人，
引入現代化食品工業既米高揚係亞美尼亞人（米格個米高揚既啊哥）。

綜觀蘇聯歷史，一開始蘇聯係唔想家庭自己去煮飯，
應該去公共食堂食飯，咁當然事實上係唔太成功，
於是蘇聯政府編制左一本「官方」菜譜，
美其名為「美味與健康食品之書 КНИГА О ВКУСНОЙ И ЗДОРОВОЙ ПИЩЕ」。
教你點樣煮出一道合格既「蘇聯菜」。

網上有1952年*1版本，當年既彩色印刷非常精美。

url: https://stockmagia.ru/wp-content/uploads/2020/11/Kniga-O-Vkusnoj-I-Zdorovoj-Pishche-1952-Pishchepromizdat.pdf

一打開仲有斯大林同志既講話（左頁）

「我們革命的顯著特點在於，它不僅給人民帶來了自由，
還帶來了物質上的福利，並提供了過上富裕和文化生活的可能性。」

—— 斯大林

*1 斯大林係1953年去世

前言（右頁，略）

《美味與健康食品之書》的主要任務在於幫助家庭主婦以最少的勞力和時間，
為家人準備美味又健康的食物。
為此，首先要利用食品工業生產的多樣化和豐富的食品種類。

書中介紹了合理飲食的基本原則，簡要說明了各種食品的知識，
並附有經驗豐富廚師編寫的各種菜餚食譜。

豐富既肉類，水果，當然唔少得有酒。

本身格魯吉亞同亞美尼亞都有悠久既葡萄酒文化，
甚至被視為葡萄酒既發源地。
冰桶仲有支蘇聯香檳。

米高揚引入外國技術，建立現代化既食品工廠同漁業，
到赫魯曉夫時代既粟米，食譜上亦都有因應物資供應而衍生出黎既菜式。

例如係新鮮肉類難以保存同運輸既年代，

米高揚大力支持建立香腸工廠，提供更廉價肉類選擇，
蘇聯人亦直接將香腸替代菜式中既肉類，創造出蘇聯風格既料理，
其中一個代表作就係Solyanka Солянка。

Solyanka係起源於烏克蘭，用醃黃瓜汁同高湯做基底，
加入肉類（火腿／香腸）、橄欖、西餐三寶（洋蔥，紅蘿蔔，西芹）同蔬菜煮成，
飲既時候加酸奶油同食個俄式麵包хлеб，凍凍地係幾唔錯。

係「美味與健康食品之書」入面既描述係咁，

索揚卡肉湯

將去皮的捲心菜切絲，放入鍋中，

加入一湯匙奶油、半杯水或肉湯，加蓋用小火燉40分鐘。

然後加入炒洋蔥、蕃茄醬、醋、糖、鹽、月桂葉和胡椒，

繼續燉至熟，大約10分鐘。當捲心菜煮好後，加入用奶油炒熱的麵粉，攪拌均勻並稍微加熱。

同時，將肉類食材（如熟肉、香腸、火腿、燻肉、牛舌等）切片，

稍微與洋蔥炒熱，加入切片酸黃瓜和刺山柑，再加入2～3湯匙肉湯，加蓋煮幾分鐘即可。

官方教學都係用香腸／火腿作為肉類來源。

食食下野有隻黃貓行埋黎，你見佢毛色唔錯幾靚仔，
平時應該好食好住，食完野行去公園拎左隻Daiso鼠同佢玩。

周圍去逗下貓。

同貓玩左陣，決定返去訓晏覺，
突然好牙痕，係樓下超級市場買左幾個Indomie返去煮，
食完就岩岩好想訓，真係極邪惡。

訓醒差唔多太陽落山，繼續去逗下貓。

呢隻朦豬眼貓。

邊到搵到D咁主動既貓。

夜晚搵左間拉丁美州菜食，半邊雞一個飯一個沙律幾條菜咁，

隻雞用炭烤幾入味，唔肯定南美係咪真係食Basmati米但幾香。

食食下飯，聽到有d喵喵聲，
有隻白黒貓行左過黎趴左係到想拎野食，
呢邊好少見貓咁瘦，但我出黎果陣無帶野食，
食緊既野又好重調味佢唔食得。

見拎野食不果，印左個貓腳印俾我就走左。

我行左返宿舍拎貓糧，兜左一輪都唔見佢，
係長櫈見返琴日隻三毛貓。

202602 去左杜拜玩貓兼工幹： Day 0 HKG -> DXB CX731

2026-02-15T23:24:00.001+08:00

已經有一段時間無去過杜拜本社，對上一次已經差唔多已經係兩年前，
呢段時間一直係亞洲周圍跑，
老細話見就黎過年手頭工作鬆少少，又撞岩有公司活動就去本社行下。

由香港去杜拜大部份人都會諗起EK，
想當年on-boarding第一次去杜拜果陣都係坐EK，
極討厭坐呢間航空公司，主要係周圍d人既問題，
又嘈又盛果8個鐘機都可以又杯麵又呢樣果樣。

自從CX開左HKG-DXB之後都一直係搭CX，
以前個時間係好差，land 果陣已經係杜拜半夜兩點，到公司宿舍已經係凌晨三點，
而家個時間好左，夜晚十點鐘到，十一點半咁上下就到宿舍。

杜拜係UTC+4，對東京係5個鐘時差，對香港係4個鐘，
岩岩好係半日即係你好難好似去左EU果陣咁同人講你放工＝我返工然後miss哂d會，
調整時差係極為難搞，我習慣係完全唔調整，直接用返亞洲時區生活。
每日朝早三四點起身做野，七點出門口去公司樓下食早餐（宿舍隔離棟樓就係公司），
八點打卡，重要既會盡量朝早開完，
下午開始半發吽哣mode，開d同HR / Operation catch up既會，
下午五點鬆人食晚飯，夜晚八點就訓。

12月至2月係杜拜既「冬天」，夜晚入夜可以去到13度，我第一晚凍醒左。
中午有太陽係戶外可以去到25度，體感都係舒服但有沙塵。

香港去杜拜如果係用BNO要預早申請簽證，HKSAR就唔洗，
杜拜／UAE既貨幣係AED，1 AED ~= 2.2 HKD，
基本都係全部用卡，暫時無咩地方見到係cash only。

每次去杜拜其中一個我好期待既事情就係公司樓下有好多流浪貓，
同大部份貓都係好痴人，佢地係公園d花圃有人造左d屋仔同定時有人餵，
我今次去都買左隻Daiso鼠同零食過去。

「杜拜」同「阿布札比」都係阿拉伯聯合酋長國UAE最出名既兩個地方，
「阿布札比（國）」面積最大，阿布札比（市）係首都，
「杜拜（國）」面積第二，最大既城市係杜拜（市）。

係咪好混亂呢～

今次都係經香港轉機，早一日CX521返左香港屋企訓左一晚，
第二日朝返左香港office收下信睇下有無俾人爆格就入左機場hea。
星期六中午有個call，過完關去左The Deck搵個角落入call，
我本身係The Pier fans好少去The Deck，
以前飛JL26果陣就鍾意去The Deck因為近閘口唔洗行餐死。
因為The Wing裝修緊，The Deck而家變左First Lounge，
有a la carte menu 但始終都係Business Lounge底，服務同野食都唔係精緻。

作為參考同樣Chinese set，The Pier First既presentation同選擇都多好多，
我尤其欣賞個辣椒醬，好夾食腸粉同炒麵，有胃口果陣整個擔擔麵倒埋落去真係一流。

但竟然發現左d新野，竟然有Besty仕樣既飛機杯（意味深），
勁想要幾個擺係屋企，但睇左因航網上商店同Gate 61間因航手信舖都無，
希望快d擺上去賣，最好有一箱4個／6個既set。

開完個call搭電車去The Pier食個午餐，
唔太想食Burger都係食個卅二公館 Tasting Menu，
話說好似都有一段時間無轉過，印象中都食過幾次。

小食既豆腐配餐前既cocktail，
個base係凍檸茶加左少少少少Tequila，個配搭幾過癮。
前菜川式口水雞其實雞肉係比較鞋，主菜既炸鱈魚係幾岩送下啤酒。

食完正餐食少少芝士幫助消化，我自己會配port wine，
甜口好岩當餐後酒，配d芝士同果乾休息下。

飲飽食醉，去沖個涼再搵個地方訓兩個鐘等上機，記得要set鬧鐘。

飛DXB大部份情況都係用77W，本身因航都有好多貨機飛去DXB / DWC*1，
佢d機底貨都夠搵食，同入座率比想像中高，好多菲律賓／中國轉機人去杜拜做外勞。

*1 DWC係杜拜第二個機場，主要係貨運。

39K Econ第一行，出入都方便d，仲可以J下隻GE90，
唔係我手震，係架機真係咁污糟。

排隊等起飛仲見到因航架「新塗裝」A359 B-LRJ，CX647飛沙特利雅得。

仲有架747F一齊排。

因航飯一如既往既「餵狗都踢開個兜」，
係Lounge食飽左對個飛機餐僅限於試味。

成程都強勁氣流，一路到過左印度洋先叫平穩返d，
Off topic 搵到個勁搞野既地方名，可能係葡萄牙人命名既。

Tio 讀Diu，葡文Uncle 既意思。

到杜拜由跑道去閘口都成十五分鐘，
落機果陣已經係亞洲時間凌晨三四點，
懵口懵面搭小火車去過關同拎行李。

出到去有Uber機場隊，set好目的地佢有個password俾你，
搵Uber條隧好似的士站咁上車就係，
唔塞車果陣公司離機場大約30分鐘車程，杜拜差唔多係成個城市由零開始開發出黎，
好似玩緊無限金錢既City Skyline咁，一條主幹道加一條鐵路，
兩邊全部都係商業區同酒店商場。

條主幹道係六車線（單程，來回12）但返工放工時間都係會由某d出口倒灌塞返出黎，
所以走果陣我係五點鐘嗌定車即走，
試過有次拖到六點我塞左個半鐘有多先到機場。

到左宿舍放低野落左樓下搵d野宵夜零食同調整下個人，
係長櫈食緊朱古力條果陣有隻三毛貓跳左上黎一齊坐。
貓本身係起源於中東，比較習慣熱既氣候，
呢個時間既夜晚對於佢地黎講係有d凍。

話說我本身同d みけねこ唔係好岩牙，
無論去貓cafe定前幾次黎杜拜都係d みけねこ食完我d糧就唔理我。
不過據朋友所講，係貓既眼中三毛貓係最靚既毛色，
絕大部份既三毛貓都係雌性，平時都係好食好住。
相對橙貓／黃貓（茶トラ）大部份都係雄性。

咁多貓款之中我唯一好驚佢摸既係サビ猫（生銹貓 #23 / #27），
佢係黑色底上面有橙毛，整體個感覺對於人類審美黎講就係唔太welcome。

有一點係大部份既貓都係好乾淨，
貓一日用三成至一半時間舔毛同清潔自己。
所以如果你見到隻貓係污糟既，佢已經係衰弱到連清潔自己都做唔到。

性格黎講我最鍾意係美短，好活潑好百厭咩都搞，
我平時成日去有間曼谷既貓cafe，隻死野只要佢訓醒左就會周圍搞其他貓，
連緬因貓咁大隻佢都照拍人地個頭。

Source: https://x.com/nyanco696/status/2003456098570035670/photo/1

2026年の日本株式市場におけるレアアース（希土類金属）関連動向

2026-01-30T22:57:00.006+08:00

はじめに

近年、日本と中国の間の緊張が続いており、両国間の航空便の削減など、経済面にもその影響が現れています。こうした状況の中で、日中間の摩擦が生じるたびに議論の俎上にあがるのが、レアアース（希土類金属）の供給問題です。

世界全体のレアアース供給量の内訳を見ると、中国が約69%を占めており、これにアメリカ（約12%）とミャンマー（約8%）が続いています（出典：Mineral Commodity Summaries 2025）。日本は、レアアースに限らず多くの天然資源を海外に依存しているため、この分野は日本経済にとって決して小さくないリスクとなっています。

この課題に対処すべく、国内複数の企業で構成されるプロジェクトチームが、日本の最東端である南鳥島沖にて、2度目となる試験採取船を派遣。水深約6000メートルの海底泥からレアアース資源の抽出可能性を本格的に調査しています。成功すれば、日本が従来の「資源欠乏国」から「自給自足の可能性を持つ国」へと転換するターニングポイントとなる可能性もあり、2027年から本格的な採掘を目指す動きが注目されています。

関連銘柄

三井海洋開発（証券コード: 6269）

同社は三井グループの一員であり、深海開発技術を持つ数少ない企業です。南鳥島沖のレアアース採掘プロジェクトにおいても、中核技術を担っています。この1年で株価は大きく上昇しており、現在のPBRは5倍を超えています。一方で、テクニカルチャートにはカップ・アンド・ハンドル型のパターンが見られ、投資家心理として今後の値動きにも期待が寄せられる局面です。

住友金属鉱山（証券コード: 5713）

日本有数の鉱山開発企業であり、レアアースを含む金属資源の確保やリサイクル技術の開発を進めています。しかしながら、直近では金属価格の変動により株価が大きく影響を受けており、現時点では十分な材料が揃わない状況です。今後の市場動向やプロジェクト進展に注視が必要です。

まとめ

資源エネルギー安全保障の観点からレアアースの自給体制構築は、日本にとって極めて重要なテーマとなっています。南鳥島沖での新たな取り組みが本格化すれば、日本株式市場におけるレアアース関連企業への投資妙味も高まるでしょう。今後の技術開発や国策の動向、関連企業の実績に引き続き注目が必要です。

202510 作為酒鬼一生人要去一次既慕尼黑啤酒節：Day 8 MUC -> HKG

2025-12-28T20:34:00.003+08:00

話咁快就去到旅程最後一日，
朝早起身去行下Supermarket順手退左d樽佢，
每個0.25 EUR 都幾係野。

買飛入機場，岩岩先發現原來都成EUR14.3都幾貴，
呢個價夠柏林A-B-C區連機場既24個鐘飛。

搭S8入機場。

我發現係機場買Bier Maß仲平過係市區同Oktoberfest會場入面買。

好快check in 完，因航得一日一班MUC -> HKG所以大部份staff都係外判，
First隊個地勤著因航制服應該係in-house staff黎，
個"Grandma"感好重，慢慢做但你唔會覺得要急果d黎。

入到機場Lounge食個早餐配d液體麵包。

回程都係PEY，少見地三個class 都full book。

餐都係狗飯。

全卷完

202510 作為酒鬼一生人要去一次既慕尼黑啤酒節：Day 7 德意志博物館飛機分館

2025-12-28T19:46:00.008+08:00

起身好在訓一覺就咩事都無，
去左早幾日食早餐果間cafe食個Weißwurst。

飛機分館離市區幾遠下，要搭火車再轉巴士再行，
因為佢真係係個舊機場入面。

Flug <- 飛機
Flughafen <- 飛機場

一入場竟然有個專題展係An-225

講少少背景

本身An-225係用黎將暴風雪號＝蘇聯版既NASA穿梭機，
由工場運去哈薩克（當時既蘇聯加盟國）既發射場，
安東諾夫設計局(An <-)以細一級既An-124做藍本，
加大機翼同增加引擎黎負載暴風雪號。
順帶一提，美國既穿梭機係用747既改版去做運輸。

設計An-225既蘇聯安東諾夫設計局係專門設計大型運輸機，位於烏克蘭，
耳熟能詳既米格（米高揚* -古列維奇設計局）專門設計戰鬥機，
仲有造過大型客機既伊留申同而家仲造緊戰機既蘇愷。

* 蘇聯有兩個米高揚，亞美尼亞人（當時既蘇聯加盟國），
啊哥阿納斯塔斯·米高揚係蘇聯供應委員會主席，跟過斯大林做野，
就係佢將罐頭技術同雪糕引入蘇聯。
細佬阿爾喬姆·米高揚係設計局既工程師。
講起，斯大林出生於俄羅斯帝國既哥里，即係而家既格魯吉亞（前蘇聯加盟國）。

到An-225面世既時候，蘇聯已經瀕臨經濟崩潰，
暴風雪號只係做過一次試飛就永遠放置左係哈薩克，
An-225亦都係基輔既機場停放左十年，
直到1999年烏克蘭決定開放運輸機做民用租賃，
因為無同級既民用運輸機可以做到同樣工作，
An-124同An-225既民用貨運事業非常成功，
亦將好多原本需要幾星期既大件陸運用一日既空運解決。

可惜An-225一號機係俄羅斯入侵烏克蘭時被俄軍摧毀於基輔機場，
雖然有重建計劃，但剩係零件按原設計大部份已經停產，
蘇聯時期亦因為政治原因，唔會將同一個產品既產能放係同一個加盟國，
亦令到計劃更加難去實行。

「揹」住暴風雪號

有set 幾四正既Flight Sim，仲搵左張客機既Econ櫈。

個博物館既舊翼係以前機場既飛機庫，採光好好行起上黎好舒服。

新翼係現代機。

有d機係動態保存，見到班哥仔開門準備拖架機出去。

有d機可以行埋入機身同cockpit睇。

行到心滿意足，係Museum Shop既二手區竟然有香港既介紹VTR，

留意返係錄影帶VTR，好大餅會食帶果d。

係博物館隔離搵野食，個地方好grand但價錢可以，
鴨脾豬手配薯蓉。

食完野行返車站d並木道好舒服。

返左市區行左陣猶太博物館但感覺無咩野睇所以好快行完，
行左去書店睇下野，都幾多日本野。

好多貓月曆，btw 岩岩係柏林返黎，車站d書店有SL月曆。

夜晚搵左間意大利菜食個Pizza飲杯啡。