UNMAYIN PAKKAM

Visual Basic - Hello World (பார்வை - 2)

2011-07-24T22:33:00.001+05:30

அனைவருக்கும் வணக்கம்….

சென்ற பதிப்பில் Visual Basic இல் நிரலாக்க குறியீடுகள் (Programming Codings) எழுதும் பகுதியில் இருந்து இயங்குநிலைக்கு எப்படி கொண்டு செல்வது என்று பார்த்தோம். இன்றைய பதிப்பில் அவசரமாக எப்படி நிரலாக்க குறியீடுகள் எழுதுவது என்று பார்க்க முன்னர் சில பகுதிகளை குறிப்புகளாக நோக்கிவிட்டு Programme எழுத போகலாம்.

பொதுவாக எல்லா மொழிகளுக்கும் பலதரப்பட்ட வரையறைகள் இருக்கின்றன. உதாரணமாக….

நாம் நாளை பாடசாலை சென்றேன்.

இந்த வசனத்தில் ஏகப்பட்ட பிழைகள். இப்படி ஒருவர் கூறும் பட்சத்தில் அவர் என்ன கூறவருகிறார் என்று எங்களால் இனங்காணமுடியாத சூழ்நிலைகள் காணப்படுகின்றன. இதே பிரச்சினை தான் இந்த நிரலாக்க மொழி சூழலிலும் காணப்படுகின்றது. கணினி என்று நோக்கும் போது அங்கும் அதனால் விளங்க கூடிய வகையில் நாம் கூறுபவை தான் ஏற்றுக்கொள்ளப்படுகின்றன. ஒவ்வொரு மொழி பயிலும் போதும் ஆரம்பத்தில் பல இடர்பாடுகள் இருப்பது போன்று காணப்படும் மாயை காலம் செல்ல செல்ல இடர்பாடுகள் குறைந்து செல்வது போன்ற தோற்றப்பாட்டை கொண்டு காணப்படும்.

இங்கும் நாம் கணினியால் புரிந்துகொள்ளக்கூடிய வகையில் அதனுடன் வரையறைகளுக்கு உட்பட்ட வண்ணம் உரையாடும் போது அங்கு பிழைகள் அற்ற பல்வேறு செயற்திட்டங்களை உருவாக்கிக்கொள்ளக்கூடியதாக இருக்கிறது.

அந்த வகையில் இப்போது Operators பற்றிய சில தகவல்களை இங்கு குறிப்பிடலாம் என எண்ணுகிறேன்.

1.Relational Operators

1.1 < - less than

1.2 <= - less than or equal to

1.3 > - greater than

1.4 >= - greater than or equal to

1.5 = - equal to

1.6 <> - not equal to

2.Logical Operators

2.1 And

2.2 Or

2.3 Not

2.4 Xor

இங்கு முதல் மூன்றும் தான் அதிகளவில் பயன்படுத்தப்பட்டு வருபவை ஆகும்.

3. Arithmetic Operators

3.1 ^ - Exponentation

3.2 - - Negation

3.3 * - Multiplication

3.4 / - Divison

3.5 \ - Integer Division

3.6 Mod - Modulo

3.7 + - Addition

3.8 - - Substraction.

இவற்றின் உதவியுடன் Visual Basic இல் சில விடயங்களை பார்க்கலாம்.

அடுத்த செயன்முறையாக Visual Basic இல் Form இல் ”Hello World” எனும் வாசகத்தை இடம்பெறச்செய்வோம்.

Form 1

முறை 01….

Tool Box

இடது பக்கமாக காணப்படும் Tool Box இல் Label Tool இனை click செய்து பின்னர் Form click செய்தவண்ணம் cursor ஐ இழுத்துசெல்லும்போது செவ்வக வடிவம் பெறப்படுவதை அவதானிக்கலாம். இந்நிலையில் mouse இலிருந்து கையை எடுத்து Form 1 காட்டியவண்ணம் அதனை நிறுவுங்கள்.

பின்னர் வலது பக்கமாக காணப்படும் Properties Window இல் Caption என்ற பகுதியில் ”Label 1” என்று காணப்படுவதை ”Hello World" என்று மாற்றிவிட்டால் போதும்.

அதற்கான படங்கள் கீழே காட்டப்பட்டுள்ளன.

Properties Window

Form 2

Properties Window இல் காணப்படும் மற்றையவைகளையும் மாற்றி முயற்சி செய்து பார்க்கவும். குறிப்பாக AutoSize, BackStyle, Font, ForeColor....

முறை 02

இது சற்று வித்தியாசமானது. வழமை போல இப்போது Tool Box இலிருந்து Button Tool இனை click செய்து குறித்த Form இல் Button ஒன்றை நிறுவுதல். பின்னர் Properties Window மூலமாக Button என்ற பெயரை Ok என்று மாற்றிகொள்ளுங்கள்(விரும்பிய ஒரு Caption ஐ இட்டுக்கொள்ளுங்கள்). பின்னர் Button இனை Double Click பண்ணும் போது வரும் Page இல் print "Hello World" என்று தட்டச்சு செய்யுங்கள். அதற்கான படங்கள் கீழே காட்டப்பட்டுள்ளன.

படம் 02

படம் 01

படம்03

படம் 04

இங்கு படம் 03 இல் காட்டப்பட்டவாறு Coding இனை எழுதிய பின்னர் முன்னைய பதிவில் காட்டப்பட்ட Start Button இனை Click செய்து இயங்கு நிலைக்கு மாறிய பின்னர் படம் 04 இல் காட்டப்பட்டுள்ளதைப்போன்று Ok Button இனை Click செய்ய படம் 05 இல் காட்டப்பட்டுள்ளதைப்போன்று Form இல் வாசகம் print பண்ணப்படுகிறது.

படம் 05

பார்வைகள் தொடரும்.....

Visual Basic - ஒரு பார்வை (1)

2011-07-22T21:13:00.001+05:30

வாசகப்பெருமக்களுடன் ஏறத்தாழ இரு வருடங்கள் பயணித்துக்கொண்டிருக்கும் உண்மையின் பக்கத்தின் மூலமாக அடுத்த சில மாதங்களுக்கு விஷுவல் பேசிக் (Visual Basic) என்னும் நிரலாக்க மொழி பற்றி நான் அறிந்த தகவல்களை உங்களுடன் பகிர்ந்து கொள்ளலாம் என எண்ணுகிறேன்.

பொதுவாக இந்த நிரலாக்க மொழியில் பயன்படுத்தப்படும் முக்கிய சொற்களுக்கு (Key Words) தமிழ் அர்த்தம் கண்டு அவற்றை வழங்குவது பொருத்தமில்லாத செயன்முறை அல்லாததால் நிரலாக்கத்திற்கு அவசியமான சொற்களை ஆங்கிலத்தில் வழங்கலாம் என எண்ணுகிறேன்.

நேரடியாக Visual Basic கற்கைகளினுள் செல்வதற்கு முன்பாக கணினி வரலாற்றில் நிரலாக்கம் பற்றிய சிறிய அறிமுகத்துடன் உட்செல்லலாம் என எண்ணுகிறேன்.

பொதுவாக கணினி மொழிகள் என்பவை சில விதிமுறைகளுக்கு வரையறுக்கப்பட்டு சில நியமச்சொற்களுடன் உருவாக்கப்படுகிறது. இதுவும் ஒரு வகையில் மென்பொருள் தான். ஆனால் பல்வேறுபட்ட அறிவுறுத்தல்களுக்கேற்றவாறு செயற்பட வேண்டும் என்பதைக்குறித்து நிற்கக்கூடிய மென்பொருள் என்று கூறலாம்.

1957 ம் ஆண்டில் COBOL நிரலாக்க மொழி உருவாக்கப்பட்டதில் இருந்து காலத்திற்கு காலம் பல்வேறுபட்ட வளர்ச்சிகளுடன் ஒவ்வொரு மொழிகளும் உதயமாகத்தொடங்கின. அந்த வகையில் VisualBasic , 1991 ம் ஆண்டு அறிமுகப்படுத்தப்பட்டதாகும்.

இதில் Basic என்ற சொற்பதம் மொழி அபிவிருத்தியை மையமாகக்கொண்டு 1960களிலேயே தோற்றம் பெற்றது. உயர்நிலை நிரலாக்க மொழிகளை கொண்ட குடும்பமாக இதனை கூறலாம். அதற்கான விரிவாக்கம்

B – Beginner’s

A – All-Purpose

S – Symbolic

I – Instruction

C – Code

இதன் அடிப்படையில் ஆரம்பகாலகட்டத்தில் உருவாக்கப்பட்ட மொழிகள் விஞ்ஞானிகளாலும் கணித அறிவில் மேம்பட்டவர்களாலும் மாத்திரம் பயன்படுத்தப்படக்கூடிய நிலை Micro Computers இன் வருகை மூலம் பயன்படுத்துபவர்களின் எண்ணிக்கையும் அதிகரிக்கக்காணப்பட்டது.

Micro Computer இற்கான முதலாவது Basic Language, Bill Gates மற்றும் Paul Allen என்பவர்களால் எழுதப்பட்டது. இவற்றிலும் காலப்போக்கில் பல்வேறுபட்ட மாற்றங்கள் மூலம் 1991ம் ஆண்டளவில் Visual Basic அறிமுகப்படுத்தப்பட்டது.

அத்துடன் Visual Basic இல் GUI அமைப்பு காணப்படுவதால் மற்றைய நிரலாக்க மொழிகளை விட இதனை கையாளுவது மிகவும் இலகுவாக இருக்கும்.

அறிமுகத்திற்கு இவ்வளவு தகவல்களும் போதும் என எண்ணுகிறேன். அத்துடன் இவை சார்ந்ததான மேலதிகமாக தகவல் அல்லது தெளிவின்மைகள் காணப்படுமிடத்து அவற்றை விமர்சனம் மூலமாக கேட்கலாம்.

இப்போது கற்கைகளினுள் செல்ல்லாம் என எண்ணுகிறேன்.

Visual Basic இனை நீங்கள் Start à All Programs à Microsoft Visual Basic 6.0 என சென்று குறித்த மென்பொருளினை திறக்கும் பொழுது

மேற்கண்டவாறு ஒரு Window வில் Standard EXE என்பதை தெரிவுசெய்து அதனை Open செய்யவும்.

Open பண்ணியவுடன் மேற்கண்டது போன்ற ஒரு Window வினை நீங்கள் காணலாம்.

பொதுவாக Visual Basic இல் நாம் குறித்த Coding களை எழுதி வடிவமைத்தவுடன் அவை எவ்வாறு வேலை செய்கிறது என்பதை அறிய கீழ்க்கண்டவாறு செல்லலாம்.

மேலே காட்டப்பட்டுள்ள படத்தில் சிவப்பு மையினால் குறிப்பிட்டு காட்டப்பட்டுள்ள Start Button இனை அழுத்தும் போது

இன்னொரு பகுதிக்கு தாங்கள் அழைத்து செல்லப்பட்டு மேற்கண்ட அமைப்புள்ள ஒரு window வினை அவதானிக்கக்கூடியதாக இருக்கும்.

பின்னர் மீண்டும் பழைய நிலைக்கு

Stop Button இனை அழுத்துவதன் மூலம் திரும்பிடலாம்.

இங்கு முக்கியமாக கவனிக்க வேண்டிய விடயம் Start Button இனை அழுத்தும் போது நாம் எழுதிய Coding களில் ஏதேனும் பிழை காணப்படின் மேற்படி Programme வெற்றிகரமாக செயல் படுத்தப்படாது. (Compile ஆகாது)

இவை சம்பந்தமாக தெளிவின்மைகள் காணப்படுமிடத்து விமர்சனங்கள் வாயிலாக வினாவலாம்.பதிவின் நீளம் கருதி இத்துடன் முடிக்கிறேன். மீண்டும் சந்திப்போம்.

பார்வைகள் தொடரும்.....

??? இந்துமதம் ???

2011-06-05T23:30:00.000+05:30

இந்து மதம்…. நான் ஒரு இந்து மதத்தவன்…. இந்த வார்த்தைகள் எண்ணிலடங்கா தடவைகள் உச்சரிக்கப்பட்டிருக்கும். சைவமதத்தினதும் வைணவ மதத்தினதும் இணைப்பான இந்து மதம் பற்றி இன்று பல்வேறு பட்ட ஆய்வுகள் அலசல்கள் எல்லாம் நடந்தேறிக்கொண்டிருக்க ஒரு நிலையில் இந்து மதம் என்பதே இல்லை என்று உச்சநீதிமன்றம் தீர்ப்பு வழங்கும் அளவிற்கு இந்த இந்து சமயம் பற்றிய எண்ணக்கருக்கள் உலகெங்கும் வாழ்ந்துகொண்டிருக்கின்ற இந்து மதத்தின் தீவிர உணர்வாளர்களை வெகுவாக சீண்டியிருப்பினும் அதற்கான பதில் கருத்துக்களை வெளியிட்டு சர்ச்சைகளுக்கு முற்றுப்புள்ளி வைக்கவேண்டும் என்ற எண்ணம் சிலர் மனதை ஆக்கிரமித்தாலும் பெரும்பாலானவர்கள் மேற்படி சர்ச்சைகள் எல்லாம் வெறுமனே சூரியனைக்கண்ட நாய் குரைப்பது போல தான் என்று எண்ணி தமது மதம் இந்து மதமே என்று எண்ணியவண்ணம் சர்ச்சைகளுக்கு செவிசாய்க்காது தமது நாளாந்த செயற்பாடுகளுடன் ஐக்கியமாகி உள்ளார்கள்.

இவ்வாறு பல்வேறு சர்ச்சைகள் இன்று இந்து மதத்தின் பால் இருந்தாலும் ஒன்று மட்டும் நாம் புரிந்து கொள்ளவேண்டும். சிந்து வெளி நாகரித்திற்கு முன்னரே தட்சணாமூர்த்தி சிவலிங்கம் உள்ளிட்ட பல்வேறு விக்கிரங்கள் காணப்பட்டதாக அகழ்வாராய்வுகள் பலவும் குறிப்பிடுகின்றன. இவ்வாறு மிகவும் தொன்மையான மதம் ஒன்று சரியான அடித்தளம் இன்றி இன்று பல்லாயிரக்கணக்கான பக்தர்களை தன்பக்கம் ஈர்த்திருக்கமுடியாது. தற்கால அமெரிக்க ஜனாதிபதி மங்கல நிகழ்வொன்றை ஆரம்பிக்கும் முகமாக இந்து நெறியின் அடிப்படையில் பல ஆசாரியர்களை அழைத்து பூசை நடாத்ததும் அளவிற்கு எமது மதம் மேலைத்தேய மக்களின் வாழ்வுடன் பின்னிப்பிணைந்து காணப்படுகிறதெனில் அப்படியான ஒரு மதம் ஸ்திரமான ஒரு அடித்தளம் இல்லாது, புரிந்துணர்வு இல்லாது இவ்வளவு காலம் பயணிப்பது என்பது இயலாத காரியம். இந்த மாதிரியான ஒரு எண்ணமே இந்தக்கட்டுரையின் உருவாக்கத்திற்கு காரணமாகியது.

பல்வேறுபட்ட சர்ச்சைகளுக்கு நான் அறிந்த விளக்கங்களை இப்பகுதி மூலம் வழங்கலாமென எண்ணுகிறேன்.

இந்து மதம் என்பது பிராமண மதம். மற்றும் பிராமணர்கள் மத்திய ஆசியாவிலிருந்து இமயமலை கொள்ளும் கைபர் மற்றும் போலன் கணவாய்கள் மூலமாக இந்தியாவில் நுழைந்ததால் இந்தியாவையும் தாண்டி வேறொரு இடத்தில் தான் இந்து மதம் தோற்றம் பெற்றிருக்கவேண்டும். மற்றும் இந்து என்பது பாரசீக சொல். திருடன், வழிப்பறிக்கொள்ளையன் போன்ற பொருளைத்தரவல்ல சொல் தான் இந்து. இந்து மதம் என்று ஒன்று இல்லை என உச்ச நீதிமன்றம் முதற்கொண்டு பல ஆய்வாளர்களும் தமது கருத்துக்களை முன்வைத்திருக்கிறார்கள். இந்து மதத்தின் முதன்மையாமான அம்சம் ஜாதி முறை. “நான்கு வர்ணங்களை நான்தான் படைத்தேன் ஆனால் அவற்றை நான் நினைத்தால்கூட மாற்ற முடியாது” என்று கீதையில் கண்ணன் சொல்கிறான். இதுவரை இந்து மதத்தை ஆராய்ச்சி செய்த ஆராய்ச்சியாளர்களின் முடிவு கீதையும் மனுதர்ம சட்டமும் பிராமணர்களின் உயர்வுக்காகவே படைக்கப்பட்டவை; இந்து மதம் என்று சொல்லப்பட்டது கூட பிராமணர்களால் படைக்கப்பட்டது என்பதாகும்.

இந்துமதம் பற்றிய சர்ச்சைகள் இவைகளே!!!

இவ்வாறான சர்ச்சைகள் இன்று இந்து மதம் என்று ஒன்றில்லை என்ற அளவிற்கே சென்றுவிட்டது.

ஆரம்பகாலகட்டத்தில் இந்தியாவிற்கு தரைவழி மூலமான பயணத்தை மேற்கொள்பவர்கள் மற்றைய மூன்று பகுதிகளும் கடலினால் சூழப்பட்டு இருந்ததால் இமயமலையை கடந்து தான் வரவேண்டியிருந்தது. இவ்வாறு இமயமலையை கடந்து வருபவர்கள் முதலில் காண்பது சிந்து நதியைத்தான். சிந்து என்று உச்சரிக்க முடியாத அந்நிய நாட்டவர்கள் “இந்து” என “சிந்து” நதியை உச்சரிக்கத்தொடங்கினர். இந்தியாவில் இந்து என்ற சொல் துளிர்விட ஆரம்பமாகிய தருணம் இதுவென கூறலாம். அத்துடன் சிந்து நதியை ஒட்டி வாழ்ந்து வந்த திராவிடர்களை அவர்கள் சிந்துக்கள் என அழைப்பதற்கு பதிலாக இந்துக்கள் என்றே அழைத்துவந்தனர். 20ம் நூற்றாண்டில் சிந்து வெளிநாகரிக ஆய்வில் ஈடுபட்டதன் மூலம் மேற்படி தகவல்களை பெற்றுக்கொள்ளக்கூடியதாக இருந்தது. ஆக இந்து என்ற சொற்பதம் எமது சைவசமயத்தினதும் வைணவ சமயத்தினதும் இணைப்பிற்கு கொடுக்கப்பட முன்னரே பயன்படுத்தப்பட்டது என்பது உண்மை.

இங்கு இந்து எனும் பதம் மட்டுமே சர்ச்சைக்குரியதாக காணப்படுகிறதே தவிர இந்து எனும் மதத்தினுள் அடக்கப்பட்ட சைவமும் வைணவமும் சர்ச்சைக்கு உட்படவில்லை என்பதை நாம் அறிந்து கொள்ளவேண்டும். உண்மையில் சைவமதமும் வைணவ மதமும் தமிழருக்கே உரித்தான மதங்கள். சைவ மதத்தின் தலைமைக்கோயிலான நடராசர் கோவில் சிதம்பரத்திலும் வைணவ சமயத்தின் தலைமைக்கோயில் திருவரங்கத்திலும் தான் உள்ளன. இவை இரண்டும் இந்தியாவில் உள்ள தமிழ்நாட்டில் தான் உள்ளன. அது மட்டுமல்லாது இந்தியாவில் உள்ள 280 பழமையான சைவக்கோயில்களில் 274ம் மற்றும் 108 பழமையான வைணவக்கோயில்களில் 96ம் தமிழ்நாட்டில் தான் உள்ளன.

அதுமட்டுமல்லாது சைவ சமயமாகட்டும் வைணவ சமயமாகட்டும் அவை சார்ந்த அனைத்து இலக்கியங்களும் (பன்னிரு திருமுறை, நாலாயிரத் திவ்வியப் பிரபந்தம்) அனைத்தும் தமிழ்மொழியில் தான் காணப்படுகிறது. சைவமதம் வளர்த்த 63 நாயன்மார்களும் தமிழ்நாட்டில் பிறந்த தமிழர்களாக இருக்க இவை வேற்றுமொழிக்குரிய சமயம் என்றிடாகாது. அத்துடன் சைவசமயத்தில் சாதி பற்றி எநதவொரு கருத்துகளும் கூறப்படவில்லை. சைவம் வளர்த்த 63 நாயன்மார்கள் மற்றும் வைணவம் வளர்த்த பன்னிரு ஆழ்வார்களும் தமிழர்களே. அத்துடன் பிராமணர்கள் என்பவர்கள் பூர்வீக இந்திய குடிகளும் அல்லர். மத்திய ஆசியாவிலிருந்து இமயமலை ஊடாக இந்தியாவை அணுகியவர்களே!!!

சாதி வேற்றுமை இல்லாத சைவமதத்திலும் வைணவமதத்திலும் சனாதன தர்மம் புகுத்தப்பட்டு (இந்துத்துவம்) வடமொழி மந்திரங்கள், வேதங்கள், பாராயணங்கள், வடக்கு வழிபாட்டு முறைகள் அனைத்தையும் சேர்த்ததாக ஒரு கலவைச்சமயமாக்கியதைத்தான் இன்று வரை தமிழர்கள் பின்பற்றிக்கொண்டிருக்கிறார்கள் என்றால் அது மறுக்கமுடியாத உண்மையே!!!

அத்துடன் வடமொழியான சமஸ்கிருதம் சங்ககாலத்தில் அதுவும் கி.பி இல் உருவாக்கப்பட்ட ஒரு மொழியாதலால் இம்மொழியின் மூலம் எழுந்த மந்திரங்கள் வேதங்கள் பாராயணங்கள் எல்லாம் பிற்காலத்தில் எழுந்தவை என கூறிடலாம்.

இந்தியாவில் தோன்றிய முக்கிய மதங்களாக சைவம், வைணவம், சமணம், பௌத்தம் மற்றும் சீக்கிய மொழிகள் காணப்படுகிறபோதும் இந்து சமயத்தினுள் சைவம் மற்றும் வைணவம் காணப்படுவதற்கு காரணம் இந்த இரண்டு மதங்களே இந்துத்துவக்கொள்கைக்கு அடிமைப்படுத்தப்பட்டு காணப்படுகின்றன.

இவ்வாறு மேற்படி இரு சமயங்களும் ஆரியப்பிராமணர்களின் இந்துத்துவக்கொள்கைக்கு அடிமைப்படுத்தப்பட்டு இருப்பதன் காரணமாக ஆங்கிலேயர் ஆட்சிக்காலத்தில் இவ்விரு மொழிகளின் இணைப்பினை இந்து மதம் என பொதுப்பெயர் கொண்டு அழைக்கப்பட்டது. ஆக இந்து மதம் என்பது தமிழர் சமயமாம் சைவசமயமும் வைணவசமயமும் ஆரியப்பிராமணர்களின் நிறவெறிக்கொள்கையாகிய வாழ்க்கைமுறையும் வேற்றுமொழி கலப்பும் கண்ட பின்னர் பயன்படுத்தப்பட்ட சொற்பதமாகும்.

ஆதலால் தான் பண்டைய கால சமய நூல்களிலும் இந்து எனும் சொற்பதம் பற்றி எந்தவொரு தடயமும் இருக்கவில்லை. உச்சநீதிமன்றமும் இதைத்தான் கூறியது. அத்துடன் ஆரம்பகாலம் முதல் சமய பழக்கவழக்கங்களும் இருந்தன. சாதி ஏற்றத்தாழ்வுக்கொள்கைகளும் இருந்தன. இவை இரண்டையும் இணைத்து நோக்குவது தவறு. இந்துத்துவக்கொள்கையின் வருகைக்கு பின்னரே இவை இரண்டும் சேர்த்து நோக்கப்படுவது அதிகமானது. மேலும் தற்போது பெரும்பாலான மக்களிடத்தில் தவிர்க்கமுடியாத ஒன்றாகியும் விட்டது.

மகாபாரத இதிகாசத்தில் காணப்படும் கீதாசாரம் பிராமணர்கள் காணும் இந்துத்துவக்கொள்கைக்கு ஏற்றதாக காணப்படுவதால் அது பின்னர் ஏற்படுத்தப்பட்ட இடைச்செருகலாக அமைந்திருக்கும் என்று பலராலும் கூறுப்பட்டுவருகிறது. ஆனால் அப்படிப்பட்ட ஒரு இதிகாசத்தில் ஒரு இடைச்செருகல் ஏற்படுவது எந்தவொரு வகையிலும் இரண்டிற்கான வேறுபாட்டை காட்டியிருந்திருக்க வேண்டும். ஆனால் அப்படியொரு வேறுபாடு காணப்படாததால் கீதாசாரம் மகாபாரதத்தில் ஓர் இடைச்செருகலாம அமைய வாய்ப்பில்லை. அத்துடன் தொன்று தொட்ட காலம் முதல் குறிப்பிட்ட சமூக வாழ் மக்களிடத்தில் காணப்பட்ட பழக்கவழக்க முறைகளும் வேறுபட நாளடைவில் அவை சாதி ஏற்றத்தாழ்வுகளுக்கு காரணமாயின. இந்த சாதி ஏற்றத்தாழ்வும் பின்பற்றப்படும் மதமும் ஒன்றுக்கொன்று வேறுபட்டது மட்டுமல்லாது எல்லா வகைப்பட்ட மக்களாலும் மத சார் கருமங்கள் மேற்கொள்ளப்பட்டு வந்தன என்பது தான் உண்மை!!!

இந்து மதம் (Hindu Religion) என்பதும் இந்துத்துவம்(Hinduism) என்பதும் முற்றிலும் வேறுபட்ட இரு எண்ணக்கருக்களாகும். இவை இரண்டையும் சேர்த்து நோக்கும் போதுதான் அங்கு சமயத்தினுள் சாதி ஏற்றத்தாழ்வுகள் தலைதூக்குகின்றன.

எமது மதம் நிலையான மற்றும் தெளிவான அடித்தளத்துடன் உருவாகிய ஓர் மதம். ஒவ்வொரு மனிதனுள்ளும் இறைவனை தேடும் மதம். நாகரிகங்களுக்கு முன்னரே உருவாகிய ஓர் மதம். குறித்த ஒரு நபரின் சிந்தனையிலிருந்து தோற்றுவிக்கப்படாது இறைவனை தங்களுக்குள்ளேயே அறிகின்ற அனுபவம் மற்றவர்களுக்கும் இறைவனை அடைவதற்கான ஒரு வழியாக காணப்பட அதுவே சமயமாக மாறியதென்பது திண்ணம். ஆகவே இந்து எனும் சொற்பதத்திற்கு மாத்திரம் சர்ச்சைகள் உருவாக அவற்றின் பக்கம் செவிசாய்த்து எமது முகவரிகளை நாமே தொலைப்பது இருந்துவிடாது தெளிவோம். மற்றவர்களையும் தெளிவுபடுத்துவோம்.

மனிதனும் வெற்றியும் (விம்பம் 02)

2011-05-01T00:40:00.000+05:30

சமூகமும் மனிதனும்

ஆறறிவு கொண்டு அற்புத படைப்பான பூமி தனில் வலம் வரும் மனிதன் தனது ஆறாவது அறிவாகிய பகுத்தறிவு மூலம் அதனை பயன்படுத்தும் தன்மையைப்பொறுத்து அவன் சமூகத்தில் இடம்பிடிக்கம் நிலையானது மாற்றமடைந்து செல்கிறது.

ஒரு மனிதனின் உன்னத நிலையானது கோபம் பொறாமை விரோதம் துரோகம்சந்தேகம் அலட்சியப்போக்கு தற்பெருமை புரிந்துணர்வின்மை சகிப்புத்தன்மை அற்ற நிலை போன்ற காரணிகளால் தகர்க்கப்பட்டு மிகவும் கீழ்த்தரமான நிலையை அடைகிறான். அவன் பல்வேறு பிரச்சினைகளுள் சிக்குவது மட்டுமல்லாது பல்வேறு பிரச்சினைகளின் தோற்றத்திற்கும் விதையாகிறான்.

இவ்வாறான நிலையில் மேற்குறிப்பிட்ட பண்புகளை கொண்ட மனிதன் ஒருவன் தன் கல்வி மூலம் உயர்ந்த நிலையினை அடையும் போது அவன் வாழும் சமூகத்தின் சமநிலை கெடுகிறது. அநீதிகள் அரங்கேற காரணமாகிறது. இதுவே பல்வேறு பிரச்சினைகளின் ஆணிவேராக அமைகிறது.

ஆரம்பத்தில் சமூக பிரச்சினையாக தோற்றம் பெறுவது இவ்வாறான பல்வேறு மனிதர்களின் பிரவேசத்தால் தீவளாவிய பிரச்சினையாகவோ அல்லது சர்வதேச பிரச்சினையாகவோ உருவெடுக்கின்றன. அன்றாட வாழ்வில் எதிர்நோக்கும் நீர்ப்பிரச்சினையில் இருந்து உலகை உலுக்கும் தீவிரவாதம் வரை இவற்றின் அடிப்படையில் இருந்து தான் தோற்றம் பெற்றவை என்பது கசப்பான உண்மையே…

காயம் என்ற சொல்லைப்பயன்படுத்துவதால் தான் மருந்து என்ற சொல்லிற்கு முக்கித்துவம் வருவது போல விரோதம் என்ற சொல்லை பயன்படுத்துவதால் தான் அங்கு சமாதானம் என்ற சொல் முக்கித்துவம் பெறுகிறது.

இவ்வாறு சமூகத்தின் மீதான பார்வையை மனிதன் தன்மீது செலுத்தும் போது அங்கு தான் அவன் தன் நிலையை உணர்ந்து கொள்கிறான்.

மன அழுத்தமும் மனிதனின் நிலையும்

ஒரு மனிதன் தனது வாழ்வில் எதிர்நோக்கும் சவால்களை எவ்வாறு முகங்கொடுக்கிறான் என்பதைப்பொறுத்து தான் மனிதனின் மன அழுத்தமும் மாற்றமடைகிறது. குறித்த ஒரு மனிதனால் சவால்களை தோற்றுவிக்க முடிகிறதெனில் அதனை வெற்றிகரமாக கையாளக்கூடிய வல்லமையும் மனிதனிடத்தே உள்ளது. இவ்வாறு தான் எதிர்நோக்கும் சவால்களை வெற்றிகொள்பவன் தனக்கு ஏற்படும் மனஅழுத்தத்தையும் தன் கட்டுப்பாட்டிலே வைத்திருக்கக்கூடியவனாக இருக்கிறான்.

வாழ்வினை சுவாரசியமாக்கும் சவால்களை வெற்றிகொள்வதற்கான படிகள்

தனது ஆளுமையை அறிந்து கொள்ளல்
தன்னம்பிக்கையை பேணல்
முறையான திட்டமிடலும் இயலுமான முயற்சியும்
முன்னைய சவால்களிலிருந்தான அனுபவங்களை பயன்படுத்தல்
சுதந்திரமாக செயற்படல்.

இவ்வாறான படிகளை கடந்து வருபவன் ஆரோக்கியமான சமூகத்தின் ஒரு அங்கம் ஆகிறான். ஒரு கல்லானது பல்வேறுபட்டதாக உளியின் முற்றுகையால் அழகிய சிலையின் வடிவமைப்பை பெறுவது போல மனிதனானவனும் பல்வேறு சவால்களை எதிர்நோக்கி அவற்றில் தோல்வி கண்டாலும் விடாமுயற்சி மூலம் இறுதியில் நிறைவான வெற்றியை காண்கிறான். நிறைவான மனிதற்குரிய வெற்றியை காண்கிறான். நிறைவான மனிதற்குரிய பண்புகளையும் பெற்றுக்கொள்கிறான்.

குறுக்குவழியில் வெற்றியை பறிக்கும் எண்ணம் கொண்ட மனிதன் நியாயமற்ற முறையில் உன்னத மனிதன் எனும் நிலையில் இருந்து விலகி பல்வேறு பிரச்சினைகள் தோன்றுவதற்கு காரணமாகிறான். ஒரு சவாலை எதிர்கொண்டு அதில் வெற்றியடையவேண்டும் என்று எண்ணி பல்வேறு சவால்களை வரவழைத்த கொள்கிறான். இதுவே அவனது மன அழுத்தத்தின் தன்மை பெருகுவதற்கு ஏதுவாகிறது.

வெற்றிகரமான மனிதன்

வெற்றி தொடர்பான சில எண்ணக்கருக்கள்

வெற்றி என்பது தெரிவு செய்யப்பட்ட சில வழிகளில் மாத்திரம் கிடைப்பது அல்ல.
வாழ்வில் மிகவும் மெச்சக்கத்தக்கதான செயற்கரிய செயல்களை செய்வதால் கிடைக்கும் பேறு அல்ல.
சிறந்த வழிகளில் நாம் செய்யும் ஒவ்வொரு எளிய செயன்முறையும் வெற்றியை முத்தமிடுகிறது.
வாழ்வின் பெரும்பகுதியில் வியாபித்திருக்கும் வெற்றியானது நாம் மேற்கொள்ளும் ஒவ்வொரு எளிய செயன்முறைகளையும் வெற்றியாக்குவதால் பெறப்படுகிறது.

வெற்றி என்பது முடிவிலியைப்போன்றது. வாழ்வினில் ஒரு வெற்றியினை சுவைப்பதன் மூலம் வெற்றி என்ற எண்ணக்கருவிற்கு நிறைவான புள்ளி ஒன்றை இட்டுவிட முடியாது. வாழ்வினில் சுவைக்கும் ஒவ்வொரு வெற்றியும் வாழ்வின் வெற்றி என்ற முடிவிலி எண்ணக்கருவை அணுகிய வண்ணம் இருக்கும். குறித்த ஒரு வெற்றியானது வாழ்வின் வெற்றி என்ற முடிவிலி எண்ணக்கருவினை நிறைவுப்புள்ளி இட்டு நிறைவாக்கி விடாது. ஒவ்வொரு சவாலையும் திடமாக எதிர்கொண்டு எமது ஆளுமையின் பலத்தை பிரயோகித்தவர்களாக இருப்பதன் மூலம் வாழ்வின் வெற்றி என்ற எண்ணக்கருவை இயன்ற அளவிற்கு அணுகிக்கொண்டே செல்லலாம்.

மீண்டும் சந்திப்போம்……

தாய்த்தமிழே!!!

2011-04-29T23:32:00.000+05:30

தாய்த்தமிழே!!!

உலகில் முதல் மாந்தன் எப்போது தோற்றம் பெற்றானோ அப்போதே மொழியின் தோற்றமும் ஆரம்பித்திருக்கவேண்டும். உலகில் ஒவ்வொரு பிரதேசங்களிலும் மாந்தனின் பிரவேசம் ஆரம்பிக்க மொழிகளின் பிரவேசமும் உதயமானது. ஆனால் இவ்வாறு தோன்றிய மொழிகள் அனைத்தும் ஒரே மாதிரியான ஒலியமைப்புக்களை பயன்படுத்தவில்லை. ஒரு மொழியானது எவ்வாறு தோற்றம் பெறுகிறது பெரும்பாலும் ஒரே விதமான அமைப்புகளை மாந்தர்கள் தம்மிடத்தில் கொண்டிருக்கையில் மொழிகள் மாத்திரம் ஏன் பலவகையாக வேறுபட்டு காணப்படுகிறது, மொழிகளுக்கிடையான வேறுபாடுகளின் அடிப்படை என்ன என்பது பற்றி நாங்கள் அறிந்திருக்க கடமைப்பட்டவர்கள் ஆகிறோம்.

பொதுவான ஒலிகள் மொழிகளுக்கிடையில் இருந்தாலும் ஒவ்வொரு மொழிக்குடும்பத்திற்கென்றும் தனித்துவமான ஒலிகளும் ஏராளமாக காணப்படுகிறது. ஒரு மொழியானது எந்த வகையில் தோற்றம் பெறுகிறது என்பது அந்த மொழியினைப்பயன்படுத்துபவர்கள் வாழும் சூழல் அத்துடன் அந்தச்சூழலில் வாழ்ந்த விலங்குகள், பறவைகள் என்று அனைத்துவிதமான உயிரினங்களும் ஏற்படுத்தும் ஒலிகளே மொழியில் காணப்படும் ஒலிகளுக்கு அடிப்படையாயின. இவ்வாறு ஒவ்வொரு பிரதேசமும் தாம் இனங்கண்ட ஒலிகளின் அடிப்படையில் மொழிகளை உருவாக்கினர்.

வேட்டையாடிவந்த குழுக்கள் படிப்படியாக கி.மு 10000 அளவில் வேளாண்மையிலும் நாட்டம் காட்ட தொடங்கினர். சுமேரிய நாகரிகமாகட்டும் அதன் பின் வந்த எகிப்திய, இந்து, கிரேக்க, சீன நாகரிகங்கள் ஆகட்டும் அனைத்தும் ஆற்றுக்கரைகளை அண்டி தமது நாகரிக வளர்ச்சியை மேற்கொண்டது அல்லாது அதுவரை காலமும் பேச்சு ரீதியாக மொழியை வளர்த்த மாந்தர்கள் மொழிகளில் வரி வடிவை பயன்படுத்த தொடங்கினார்கள்.

இந்த மொழிஞாலத்தில் தமிழினை நோக்கும் போது இப்போது நாம் பயன்படுத்தும் தமிழ் மொழிக்கும் தமிழின் ஆரம்பத்தோற்றத்திற்கும் இடையிலான வேறுபாடுகள் அதிகம். இதுவரை மேற்கொண்ட ஆய்வுகளின் அடிப்படையில் சங்க காலத்திற்கு முந்தைய காலப்பகுதியில் தமிழ் மொழிப்பயன்பாடு வளமாக காணப்பட்டது அறியமுடிகிறது. எனினும் கிட்டத்தட்ட 570 மில்லியன் ஆண்டுகளின் முன்னர் காணப்பட்ட லெமூரியா கண்டம்(கோண்டுவானா / குமரிக்கண்டம்) தமிழின் தாயகமாக காணப்பட்டதாகவும் தமிழின் வளர்ச்சி அக்காலகட்டத்தில் மிக உச்சத்தில் காணப்பட்டதாகவும் கூறப்படுகிறது. வேதங்கள் எல்லாம் குமரிகண்டத்தில் வாழ்ந்தவர்களினால் பாடப்பட்டதாகவும் கூறப்படுகிறது. வேதங்களில் சொல்லப்படும் பல்வேறு வகையான இடங்களின் பெயர் லெமூரியா கண்டத்தில் காணப்பட்ட இடங்களின் பெயர்களாக அமைவதாகவும் மேலும் புராணங்கள் வாயிலாகவும் லெமூரியா கண்ட மக்களின் வாழ்க்கை வரலாறுகளை அறியக்கூடியதாக உள்ளது. இப்போது காணப்படும் சுமத்திரா தீவு லெமூரியா காலத்தில் நன்மதுரை என அழைக்கப்பட்டதாகவும் கூறப்படுகிறது.

3000ம் ஆண்டுகளின் முன்னர் எழுதப்பட்ட தொல்காப்பியம் தொடக்கம் சீத்தலை சாத்தனாரின் மணிமேகலை உட்பட பல்வேறு தொன்மை வாய்ந்த நூல்கள் லெமூரியாவின் அழிவையும் அங்கு வாழ்ந்த மக்களின் பண்பாட்டம்சங்களையும் செப்புகின்றன. தமிழின் தொன்மையை செப்ப பெரும்பாலானோர் தொல்காப்பியம் பற்றி தான் கூறுவார்கள். ஆனால் தொல்காப்பியத்திற்கும் முன்னதாக உருவாக்கப்பட்ட ஒரு நூல் தான் அகத்தியம். ஆனால் இந்த நூலின் எப்போது தோற்றம் பெற்றது என்பதற்கான சரியான ஆதாரங்கள் எதுவும் இல்லை. ஆனால் 3500 ஆண்டுகளுக்கும் முன்னதாக உருவாக்கப்பட்டது என்பது திண்ணம். தொடர்ச்சியாக இடம்பெற்ற மூன்று கடற்கோள்களின் விளைவால் அக்காலத்து ஆய்வுகள் எல்லாம் அழிக்கப்பட்டு விட்டன. பிரபலமாக கருதப்படுகின்ற பிராமிய கல்வெட்டுக்களில் காணப்படும் எழுத்துகள் தமிழ் எழுத்துக்களாக காணப்பட்டவை எல்லாம் தமிழின் தொன்மையை பறைசாற்றுகின்றன என்றால் அது மிகையாகாது. பிராமி எழுத்துகளால் எழுதப்பட்டுள்ள கல்வெட்டுகள் தமிழ் நாட்டில், முக்கியமாக மதுரையைச் சுற்றிலும் உள்ள பகுதிகளில், இயற்கையான குகைகளில் பொறிக்கப்பட்டுள்ளன. இவ்வெழுத்துகள் அசோக மன்னரின் புகழ் பெற்ற கல்வெட்டுகளில் காணப்படும் எழுத்துகளைப் பெரும்பாலும் ஒத்திருப்பதால் தமிழ்நாட்டுக் குகைக் கல்வெட்டுகளின் காலம் கி.மு. 3-ம் நூற்றாண்டின் இறுதி அல்லது 2-ம் நூற்றாண்டின் தொடக்கமாக இருக்கலாம் என்று கணிக்கப்பட்டுள்ளது.

பிராகிருத மொழிகளுக்கான மௌரிய காலத்து பிராமி எழுத்துகளைக் கூட்டியும் குறைத்தும், வேறு பல மாற்றங்களைப் புகுத்தியும் தமிழை எழுதுவதற்கு ஏற்ற தமிழ் பிராமி எழுத்து முறை உருவாக்கப்பட்டது. இந்த எழுத்துகளே தமிழ் மொழியை எழுத குகைக் கல்வெட்டுகளிலும் காசுகளிலும் சில்லுகளிலும் பயன்படுத்தப்பட்டு வந்தன அத்துடன் பல்வேறு அகழ்வாய்வுகள் மூலமாக தமிழினை குறிப்பிட்ட காலப்பகுதிகளில் பயன்படுத்தப்பட்டதற்கான ஆதாரங்கள் கிடைக்கப்பெற்றாலும் தமிழின் தொன்மை பற்றி நிலையான கருத்துகளை கூறிய முடியாத வண்ணம் தமிழின் தொன்மை புரியாத புதிராகவே உள்ளது.

இவ்வாறு மலைக்க வைக்கும் தமிழ் திராவிட மொழிகளில் ஒன்றாகிய சமஸ்கிருதத்தில் இருந்து தோன்றியதாக வடநாட்டு நூலாசிரியர்கள் ஆதாரங்களென பலவற்றை காட்டி செப்பினாலும் அவை அனைத்தும் மெய்ப்பதற்கில்லை. அகழ்வாராய்வுகளின் அடிப்படையில் சமஸ்கிருதம் வேத காலத்திலும் தமிழ் சங்க காலத்திலும் பயன்படுத்தப்பட்டிருப்பதால் சமஸ்கிருதம் தமிழினை விட தொன்மையானது என்று கூறமுடியாது. வேதங்கள் தொட்டு புராணங்கள் உள்ளிட்ட பல்வேறு நூல்கள் தமிழ் மொழியின் பயன்பாடு சங்க காலத்திற்கு அப்பாற்பட்டதை உறுதிப்படுத்துகின்றன. தமிழின் தொன்மையாகட்டும் தொன்மை தொட்ட காலத்திலிருந்து இன்று வரை பல்வேறுபட்ட மொழிகள் மொழிக்கலவையினால் தமது தனித்துவத்தன்மையை காக்கத்தவறியபோதும் தமிழ் மீதான மொழிக்கலவை மிக மிக குறைவு என்றே சொல்லலாம். இதற்கு உதாரணமாக :

அரசர்களின் வரலாறுகளை செப்பும் ஹீப்ரு மொழி (Hebrew language) நூல் ஒன்றில் கி.மு. 1000இல் மன்னன் சாலமனின் (Solomon) கலங்கள் ஏற்றிக் கொண்டு வந்த வணிகப் பொருட்களைக் குறிக்கும் பட்டியலில், மயிலைக் குறிக்கும் “ÉA’’ (Tuki) என்னும் சொல்லே, உலகில் எழுத்துருவில் காணப்படும் மிகப் பழைய திராவிடச் சொல் ஆகும். ஹீப்ரு மொழியில் ‘ÉA’ (Tuki) எனப்படும் இச்சொல்லின் தமிழ் வடிவம் தோகை (மயில்) என்பதாகும்.

இவற்றிற்கு மேலாக பள்ளிப்பருவத்தில் கற்பிக்கப்படும் ஆத்திசூடி 1000 ஆண்டுகளுக்கு முன்னரும் திருக்குறள் 2000ம் ஆண்டுகளுக்கு முன்னரும் உருவாக்கப்பட்டு இன்று வரை அதன் தனித்துவம் கெடாமல் பயன்படுத்தப்பட்டு வருகிறது என்றால் அது மிகையாகாது.

தமிழ் எழுத்துகளில் சில அயல்மொழி எழுத்துகள் கலக்கப்பட்டது தொல்காப்பியம் மூலமாகத்தான். ஸ, ஷ, ஜ, ஹ, க்ஷ போன்ற எழுத்துகளை இதற்கு சான்றாக குறிப்பிடலாம். மற்றும் தமிழ் இன்று கொண்டிருக்கும் வடமொழிச்சொற்களில் பெரும்பாலானவை கி.பி 11 முதல் கி.பி 16 ஆம் நூற்றாண்டு வரையான காலப்பகுதியில் ஆதிசங்கரர் மற்றும் இராமானுஜர் உள்ளிட்டோர்களால் வலிந்து திணிக்கப்பட்டதேயன்றி அவை எல்லாம் தமிழ் மொழி இன்னொரு மொழியில் இருந்து உருவாகியதாக கருதப்படமாட்டாது. ஆனால் தெலுங்கு, கன்னடம் மற்றும் மலையாளம் போன்ற மொழிகள் எல்லாம் தமிழில் இருந்து தான் திரிபடைந்தன.

இலக்கிய வளம், தொன்மை காரணமாக செவ்வியல் மொழியாகவும் தொன்மை, தனித்தன்மை, பொதுமைப்பண்பு, நடுவு நிலைமை, தாய்த்தன்மை, பண்பாடு, கலை, பட்டறிவு, பிறமொழித்தாக்கமிலாத்தன்மை, இலக்கியவளம், உயர் சிந்தனை, கலை இலக்கிய தனித்தன்மை வெளிப்பாடு பங்களிப்பு மற்றும் மொழிக்கோட்பாடு காரணமாக செம்மொழியாகவும் தமிழ் மொழியானது காணப்படுகிறது. மற்றும் செம்மொழிக்கான தகுதிப்பாடுகள் அனைத்தும் கொண்டதாக உலகில் தமிழ் மொழி மாத்திரம் தான் காணப்படுகிறது என்பது பலரும் அறியாத மொழியியல் உண்மையாகும். இதனால் தான் ஆங்கிலேயர் கூட தம்மொழியை செய்வியல் மொழி என்றோ அல்லது செம்மொழி என்றோ அழைப்பதில்லை. ஆங்கில மொழியானது தோற்றம் பெற்று 1000 வருடம் அளவில் காணப்படுவது குறிப்பிடத்தக்கது.

தமிழ் மொழியானது அதன் ஆரம்பகாலகட்டத்தில் இருந்து மொழிக்கலவையில் சிக்கி தனது தனித்துவத்தை இழக்காத ஒரு மொழி என்று ஏற்கனவே கூறியிருந்தேன். திரைகடல் ஓடியும் திரவியம் தேடு என்று சொல்லி கேள்விப்பட்டிருப்போம். ஆரம்ப காலத்தில் தமிழர்கள் வாழ்ந்த பிரதேசமானது அரசாட்சியிலும் வணிகத்திலும் சிறந்து விளங்கியதாக கூறப்படுகிறது. அத்துடன் நாகரிக ஊடுருவல் காரணமாகவும் வர்த்தக நடவடிக்கைகளாலும் தமிழ் மொழியின் ஆதிக்கம் பல்வேறு மொழிகளில் காணப்படுவது தமிழின் சிறப்பை மென்மேலும் எடுத்தியம்புகிறது என்றிடலாம்.

கொரிய மொழிக்கும் தமிழ் மொழிக்கும் மிகவும் நெருங்கிய தொடர்புகள் உண்டு. கிட்டத்தட்ட 500க்கும் மேற்பட்ட தமிழ்சொற்கள் தற்போது வழக்கில் உள்ள கொரிய மொழியில் பயன்படுத்தப்படுகின்றன. இந்தத்தொடர்பு மொழிகளுக்கிடையில் மாத்திரம் இல்லை. கொரிய மக்களின் கலாசார பண்பாட்டு செயன்முறைகளில் சிலதும் தமிழர் கலாசாரத்தினை ஒத்ததாக காணப்படுகிறது. இவ்வாறு கொரிய உச்சரிப்புகள் தமிழுடன் குறிப்பிடத்தக்க ஒற்றுமையை காட்டினாலும் எழுத்து என்று நோக்கும் போது அவை சீன எழுத்துக்களை ஒத்ததாக காணப்படுகிறது. கொரிய மொழியானது தோற்றம் பெற்று கிட்டத்தட்ட 2000 ஆண்டுகள் ஆனாலும் அதற்கான வரிவடிவம் 600 ஆண்டுகள் முன்னதாக தான் தோற்றம் பெற்றது. கொரிய எழுத்துகள் தோற்றம் பெற்ற காலம் சீன ஆட்சி நிலவியதன் காரணமாக கொரிய எழுத்துகள் சீன எழுத்துக்களை ஒத்ததாக காணப்படுகிறது. எனினும் ஒரு மொழி என்று நோக்குமிடத்து வரி வடிவத்தை விட ஒலி வடிவம் தான் முக்கியத்துவம் பெறுகிறது. எனவே கொரிய மொழியின் அடிப்படை தமிழ் என்று கூறுவதில் எவ்வித ஐயப்பாடும் இருக்காது.

சமஸ்கிருதம், சிங்களம், கிரேக்கம், ஹீப்ரு, சீனம், ஜப்பான், ஆங்கிலம் உள்ளிட்ட பல மொழிகளில் தமிழின் கலப்பு காணப்படுகிறது என்பது பண்டைய காலத்தில் காணப்பட்ட தமிழின் ஆதிக்கத்தை புலப்படுத்துகிறது.

ஒரு மொழியானது கற்பதற்கு எளிமையானதாக இருப்பதற்கு எழுத்துகளின் எண்ணிக்கையும் அவை ஒவ்வொன்றும் நிலையான / மாற்றம்பெறாத உச்சரிப்புகளை (ஒலிகளை) கொண்டிருப்பது அவசியமாகிறது. ஒரு மொழிவளர்ச்சிக்கு இவ்வாறான அம்சங்கள் இருப்பது விரும்பத்தக்கது. அத்துடன் சொற்களானவை எழுத்துக்களின் சேர்க்கையாக இருப்பதால் குறித்த எழுத்துக்களின் உச்சரிப்பினை அறியுமிடத்து ஒவ்வொரு எழுத்துக்களுக்கும் நிலையான ஒலிகள் காணப்படுமிடத்து அவை சேர்ந்த சொற்களை உச்சரிப்பது இலகுவாகிவிடும். இதனால் உச்சரிப்புகளுக்கென்று பிரத்தியேக கவனம் எடுப்பது தவிர்க்கப்பட்டு விடும். தமிழ் மொழி இவ்வாறான தன்மை கொண்டுள்ளதை நாம் அறியலாம். தமிழ் மொழியில் காணப்படும் சிறப்பு எழுத்தான “ஃ” மற்றைய எழுத்துகளுடன் சேர்க்கை பெற்று ஒவ்வொரு சேர்க்கைக்கும் ஒவ்வொரு தனித்துவமான உச்சரிப்பினை வழங்குவது தமிழின் சிறப்பே. மேலும் இந்த ஆய்த எழுத்தின் பயன்பாடு பண்டைய காலத்தில் அதிக அளவில் பயன்படுத்தப்பட்டாலும் தற்போதய காலகட்டம் இதன் பயன்பாட்டினை காண்பது அரிதே. ஆயினும் தமிழ் எழுத்துக்கள் ஒவ்வொன்றிற்கும் நிலையான உச்சரிப்புகள் காணப்படுவதால் மொழிக்கற்றலில் உச்சரிப்பு எனும் பரிமாணம் இலகுவாகிறது. இதுவே ஆங்கிலம் உட்பட பல்வேறு மொழிகளில் ஒவ்வொரு சொல்லிற்குமான உச்சரிப்பிற்கென (Pronunciation) பிரத்தியேக கவனம் எடுக்கப்பட வேண்டியுள்ளது. இந்த நிலை வேற்று மொழிகளை விட எம் தாய்மொழியாம் தமிழின் மேன்மையையும் தன்னிகரற்ற நிலையையும் உயர்வாக்கும் ஒரு நிலையாகும்.

அத்துடன் தமிழ் மொழியானது 2000ம் ஆண்டுகளுக்கும் மேலாக தொடர்ச்சி கொண்ட உலகின் சிறந்த இலக்கிய வளம் பெற்றும் திகழ்ந்துவருகிறது. வாழ்வின் பல்வேறு கூறுகளை எடுத்து இயம்புவதில் தமிழ் இலக்கியம் சிறந்து விளங்குகிறது. வெண்பா, குறள், புதுக்கவிதை, கட்டுரை, பழமொழி மற்றும் வாய்வழி இலக்கியங்கள் என பல பரிமாணங்களையும் தொட்டிருக்கிறது நம் தாய் மொழி.

அத்துடன் தற்காலத்தில் மேற்கொள்ளப்பட்ட ஆய்வுகளின் படி தமிழ் வார்த்தைகளை உச்சரிக்கும் முறை ஒரு எளிமையான பிரணாயாமப்பயிற்சியாக காணப்படுகிறது என்று குறிப்பிடப்படுகிறது.

இவ்வாறு பல்வேறு மேலான தன்மைகளால் நிறைந்திருக்கும் நம்மொழி இன்று பல்வேறுபட்ட மொழிகளின் கலவையால் குறிப்பாக ஆங்கில மோகம் காரணமாக தமிழ் பயன்படுத்தப்படும் தன்மை குறைந்து வருகிறது என்ற ஒரு கருத்து நிலவுகிறது. இதனை முற்றிலும் ஏற்றுக்கொள்ள முடியாது.

இன்றைய உலகம் பல்வேறுபட்ட கண்டுபிடிப்புகளினால் அபிவிருத்தியில் பாரிய முன்னேற்றம் கண்டிருந்தாலும் தமிழும் ஒவ்வொரு பரிமாணமாக முன்னேற்றம் கண்டுகொண்டு தான் இருக்கிறது. ஆரம்பத்தில் ஒலி வடிவத்தில் ஆரம்பம் கண்ட எம்மொழி இன்று வரி வடிவத்தை தாண்டி கணனியிலும் மொழிவளம் பெருகும் அளவிற்கு தமிழ் தனது நிலையை உறுதிப்படுத்தியவண்ணம் உள்ளது. தமிழ் மொழிக்கென ஏராளமான மென்பொருட்கள் உருவாக்கப்படுவது மட்டுமல்லாது தமிழர்கள் அநேகமாக எல்லா நாடுகளிலும் வியாபித்திருப்பதன் மூலம் தமிழ் மொழியின் அவசியம் எல்லா நாடுகளிலும் உணரப்படுகிறது. எத்தனை எத்தனை முன்னேற்றங்களை இந்த ஞாலம் கண்டாலும் அத்தனை முன்னேற்றங்களிலும் எம் மொழியாம் தமிழ் மொழி நிலைபெற்று நிற்பதென்பது திண்ணம்.

வாழ்க தமிழ்.

விம்பம்

2011-04-28T00:25:00.000+05:30

விம்பம்

கல் கொண்ட மனிதன் இன்று பிரபஞ்சத்தையும் தாண்டி தனது எண்ண அலைகளை பரவவிட்டுக்கொண்டிருக்கிறான். மனிதனது சிந்தனாசக்தி வியாபித்திருக்கும் தன்மையானது காலத்துடன் அதிகரித்த வண்ணமே செல்கிறது.

இவ்வாறு மனிதன் தனது ஆற்றலைப்பயன்படுத்தி எவ்வளவு தான் உயர்ந்தாலும் அவை அனைத்தும் நன்மைக்குத்தானா என்ற வினாவின் மூலம் மனிதனது கண்டுபிடிப்புகளும் ஆக்கங்களும் சற்றே அச்சுறுத்தலை ஏற்படுத்தவும் தவறவில்லை.

ஒரு மனிதனின் பிறப்பு முதல் அவனது வாழ்வு காலம் நிறைவுறும் வரையான காலப்பகுதியை உற்றுநோக்கும் போது அவனது பண்புகளில் ஏற்பட்ட வளர்ச்சிக்கும் அவனது கல்வியில் ஏற்பட்ட வளர்ச்சிக்கும் இடையிலான வேறுபாட்டைப்பொறுத்தே அவன் காலம் கடந்து வாழ்பவனா அல்லது கால ஒட்டத்தில் அடித்து செல்லப்படும் துரும்பாகிறானா என்பது தீர்மானிக்கப்படுகிறது.

உலகம் காணும் அனைத்து விதமான பிரச்சினைகளையும் நோக்கும் போதும் அவற்றின் தோற்றத்திற்கான அடிப்படைக்காரணம் பண்புகுறைபாடு தான் என்றால் அதனை ஏற்றுக்கொள்ளவேண்டிதான் வருகிறது.

பிரச்சினைகளை தீர்க்கும் பொருட்டு பல்வேறு சமூகங்களாலும் முன்னெடுக்கப்படுகின்ற நடவடிக்கைகள் முள் படர்ந்த மரமொன்றின் கிளைகளை தகர்க்கிறதே தவிர அவற்றின் வேரை அறுப்பதில்லை. வேரறுக்கும் என்ற நம்பிக்கையுடன் எனது எண்ணத்தில் உதித்திருக்கும் கருத்துகளை உங்களுடன் பகிரலாம் என எண்ணுகிறேன்.

நன்றி.

கூர்ப்பினில் மனிதனும் பறக்கும் தட்டு வாசியும் ( யார் ? இவர்கள் 12 )

2010-07-31T14:57:00.000+05:30

கூர்ப்பு

ஒரு இனம் நீண்ட காலத்திற்கு நிலைத்து நிற்கும் போது அது கூர்ப்பு மாற்றங்களுக்கு உட்படும் என்று சாள்ஸ் டார்வின் தனது கொள்கையில் வெளியிட்டு உள்ளார்.

இதன்படி மனிதனுடைய கூர்ப்பு மாற்றத்தை நாம் அவதானிப்பின்

1. நிமிர்ந்த தோற்றம் மேலும் ஒழுங்காக வருகிறது.

2. மூளையின் கனவளவுக்கும் உடலின் கனவளவிற்கும் இடையிலான விகிதம் அதிகரிக்கிறது.

3. பெருவிரலின் எதிரிடை ஆற்றல் அதிகரிக்கிறது.

4. நுட்பப்பிடி முறை ஆற்றல் விருத்தி அடைகிறது.

மேற்கூறப்பட்ட மாற்றங்கள் இதுவரை மனிதனில் நீண்டகால அடிப்படையில் மாற்றமடைந்து வருவதாகும்.

ஆகவே இம்மாற்றங்கள் இனியும் தொடர்ந்து நடைபெறும் என்பது தெளிவாகிறது.

மனிதன் மிகவும் நிமிர்ந்த தோற்றத்தை அடைவான்.

முளையின் கனவளவு அதிகரிக்க தலையின் பருமன் கூடும். அதே நேரத்தில் அவனது உடல் மெலிந்து குறுகிய தோற்றம் உடையதாக மாறும்.

பெரும்பாலும் மனிதனில் பெரும் பயன்பாட்டிற்கு உள்ளாக்கப்படும் அங்கங்கள் வளர்ச்சியடைய மற்றயவை மெதுமெதுவாக மறையத்தொடங்கும்.

ஆகவே எமது எதிர்காலத்தவர்களின் தோற்றத்தை நாம் அனுமானித்து விட்டோம். அந்நிலையில் அவர்களது தொழில்நுட்ப வளர்ச்சியும் உயர்வாகும். (எமது தற்போதைய நிலையுடன் ஒப்பிடுகையில் மிகவும் மேம்பட்டது ) அவர்களின் மொழிகளும் தற்போதையதை விட வேறுபட்டதாக இருக்கும். இவ்வாறான ஒரு தொழில்நுட்ப வளர்ச்சியை பெற்றுள்ள நிலையில் அவர்களுக்கு மிக உயர்வான வேகத்தில் பயணிக்கக்கூடிய வேகத்தைக்கொண்ட அவ்வாகனங்கள் கண்டுபிடிக்கும் போது அவர்கள் தமது இறந்தகாலத்தை நோக்கிய பயணத்தை ஆரம்பிப்பர். இதன்புாது அவர்கள் 20ம் நூற்றாண்டு 21ம் நூற்றாண்டு உள்ள காலப்பகுதிகளுக்கும் வருவது சாத்தியமானது தானே?

நான் கூறவருவது புரிகிறதா?

அதாவது நாம் தற்போது அவதானிக்கின்ற அந்த விசித்திர உடலமைப்பைக் கொண்டவர்கள் தான் எமது எதிர்கால வாரிசுகள். பறக்கும் தட்டுக்கள் என்பது அவர்களின் வாகனங்கள். அவர்கள் தமது மூதாதையர்கள் ஆகிய நம்மை தமது ஆராய்ச்சி நோக்கத்திற்காக தேடி வருவது நியாயமானது தானே?

“ நாம் தற்போது அவதானிக்கும் குறிப்பிட்ட விசித்திரமானவர்கள் எமது எதிர்காலத்தோர் ஆவர் ”

ஆக மொத்தமாக 2 வழிவகையில் நான் எனது ஆய்வினை மேற்கொண்டேன். குறிப்பிட்ட விசித்திரமதனவர்கள்

1. வேற்றுக்கிரகத்தில் இருந்து வருகிறார்கள் என்ற அடிப்படையிலும்

2. எமது எதிர்காலத்தில் இருந்து வருகிறார்கள் என்ற அடிப்படையிலும் ஆராய்ந்தேன்.

எனது முடிவு

இரு கோணங்களிலும் பல சாத்தியப்பாடுகளையும் அலசி ஆராய்ந்திருக்கின்ற நிலையில் எனது முடிவாக வேற்றுக்கிரகத்தில் உயிரினங்கள் நிலவுகின்றன என்பது மறுப்பதற்கில்லை. ஆனால் அவர்கள் மேற்படி தோற்றத்தை கொண்டிருப்பதற்கு சாத்தியம் குறைவு. ஆனால் மனித உருவம் தாண்டிய வேறு பல வடிவங்களில் இருப்பதற்கான வாய்ப்புகளும் உள்ளன. எனவே நாம் பூமியில் அவதானிக்கின்ற இந்த விசித்திர உருவங்கள் வேற்றுக்கிரக வாசிகள் என்கின்ற காரணத்தை விட எமது எதிர்கால வாசிகளாக இருப்பதற்கு வாய்ப்புகள் அதிகம் என கருதுகிறேன். அதாவது அவர்கள் எமது பின்னோர்கள் ஆவர். அவர்கள் எமது வாழ்க்கை தொடர்பான பூரண ஆராய்ச்சியை மேற்கொண்டு முடிக்கின்ற போது எம்முடன் சுமூகமான தொடர்பை ஏற்படுத்த முனைவார்கள்.

நன்றி.

இவ்வண்ணம்,

ரவிகரன் ரணேந்திரன்

இறந்த காலத்தை அடைவோமா? ( யார் ? இவர்கள் 11 )

2010-07-04T15:17:00.000+05:30

இறந்த காலத்தை அடைவது எப்படி?

இங்கு நாம் பயன்படுத்தும் வேகம், ஒளியின் வேகத்தை அணுகும் போது எம்முடைய காலமானது மெதுவாக செல்லும். ஒளியின் வேகம் என்பதை தொடும் போது எமது காலமாற்றம் மற்றவர்களுடன் ஒப்பிடுகையில் 0 எனலாம்.

பெரும்பாலும் எனது கருத்துப்படி இது எக்காலத்திலும் சாத்தியமற்றது எனலாம். ஆயினும் அவ்வாறு எமது வேகம் ஒளியின் வேகத்திற்குச் சமனாயின் அவ்வாறு ஒரு வாகனத்தை இயக்குபவர் காலத்தையே வென்றவராவார். அதாவது அவர் தனது வாழ்வை வாகனத்திற்கு வெளியில் உள்ளோரின் இயல்பான காலத்தின் படி வேண்டுமானவரை அவ்வாகனத்தில் கழிக்கலாம்.

சரி அடுத்ததாக எமது வாகனம் ஒளியின் வேகத்தை மீறும் போதே நாம் எமது இறந்த காலத்திற்குச் செல்வோம். அதாவது நாம் கடந்து வந்த காலத்திற்கு மீண்டும் செல்லலாம். எமக்கு வேண்டுமான காலத்தில் தரையிறங்கி அங்குள்ள எமது சிறு வயதுத்தோற்றங்களை கூட சந்திக்கலாம்.

ஆனால் அவர்கள் ( இறந்தகாலத்திலுள்ளோர் ) தமது காலமே இயல்பான போக்குடையது என உணர்வர். எனவே அவர்களைப்பொறுத்தவரைக்கும் அங்கு செல்லும் நாம் அவர்களின் எதிர்காலத்தோர் ஆவோம்.

இவ்வாறு செயற்படக்கூடிய இயலுமையை எமது மனித குலம் பெறுமாயின் இதன் விளைவாக பாரிய குளறுபடிகள் சமூகவிரோதசெயல்கள் கூட இடம்பெற வாய்ப்பு உண்டு.

சரி, இவ்வாறு இறந்த காலத்தை நோக்கி நாம் பயணிக்கும் போது நினைத்த மாத்திரத்திலேயே நாம் விரும்பிய காலத்திற்குச்செல்லலாம் என எண்ணுவது தவறு.

நாம் சாதாரணமாக ஒரு வீதியில் பயணிக்கும் போது படிப்படியாகவே ஒவ்வொரு இடங்களையும் கடக்கிறோம். அதேபோன்றே காலத்துடன் பயணிக்கும் போதும் மெது மெதுவாக செல்வோம். எனவே குறுகிய நேரங்களில் எமது இறந்தகாலத்தில் உள்ள ஏதாவது ஒரு நிலையை அடையவேண்டுமாயின் எமது வாகனத்தின் வேகம் ஒளியின் வேகத்தை தாண்டினால் மாத்திரம் போதாது. இதையும் விட பெருமளவில் அதிகரிக்கும் போதே சாத்தியமாகும்.

இதுவரை பூரணவிளக்கம் அடைந்தோர் தொடர்ந்து வாசியுங்கள்........

இதுவரை காலத்துடனான இயக்கம் பற்றி நான் விபரித்தது உங்களுக்கு தெளிவாகியிருக்கும் என எண்ணுகிறேன். அப்படியாயின் அடுத்து எனதுஆய்வின் முக்கிய கட்டத்தில் காலம் தொடர்பான இன்னொரு விளக்கத்தை முன்வைக்கலாம் என எண்ணுகிறேன்.

அதாவது காலம் தொடர்பான இயக்கத்தை அடைவதற்கு தேவையான வேகத்தையுடைய வாகனம் இப்போது கிடைப்பது சாத்தியமானதா என்கிற கேள்வி எழும் போது அனைவரும் இல்லை என்ற பதில் கூறுவர்.

இதற்குக்காரணமாக மனிதன் தற்போதைய தொழில்நுட்ப வளர்ச்சியில் இவ்வேகத்தை எட்டமுடியாது என்பதே. இது ஒரு முக்கிய காரணமாகும் .

தற்போது நாம் இயங்கும் வாகனங்களின் வேகத்தைப்போல் பல ஆயிரம் மடங்கு வேகத்தை உடைய வாகனத்தை கண்டுபிடிப்பதற்கு நூற்றுக்கணக்கான ஆண்டுகள் போதாது பல்லாயிரக்கணக்கான ஆண்டுகள் தேவைப்படும். காரணம் நாம் தற்போது வாகனங்களின் வேகத்தை இயந்திரவலுவை அடிப்படையாகக்கொண்டே அதிகரிக்கிறோம். இதன்படி எமது வாகனங்களின் இயந்திரவேகமானது மெதுவாகவே அதிகரிக்கிறது. எனவே தான் அண்மைக்காலத்தில் இது சாத்தியமில்லை என்கிறேன்.

குறிப்பு :- நாம் தற்போது பயன்படுத்தப்படும் அனைத்து வகையான வாகனங்களின் (விண்கல ஏவுகணை உட்பட) வேகமும் ஒளியின் வேகத்துடன் ஒப்பிடும் போது புறக்கணிக்கத்தக்கவை.

அதுவரை என்ன நடக்கும் ?

இதன்போது இன்னொரு விடயமாக கூர்ப்பு என்ற ஒன்றை அறிமுகப்படுத்தலாம் என எண்ணுகிறேன்.

காத்திருங்கள்.......

காலத்துடனான ஓர் பயணம் 03 ( யார் ? இவர்கள் 10 )

2010-06-27T15:09:00.000+05:30

நாம் இயங்குவதால் இறந்தகாலத்தை அடைவோமா?

ஒருவர் ஏதாவது இயக்கத்தில் இருக்கும் போதே அவர் மற்றவர்களை விட காலத்தால் மெதுவாகிறார். ஆனால் இந்தக்கால வித்தியாசம் மிக மிக குறைந்ததாக இருக்கும். அதாவது எம்மால் உணர்ந்து கொள்வது கடினமானது. காரணம் அவரின் வேகம் ஒளியின் வேகத்துடன் ஒப்பிடுகையில் மிக மிகக்குறைவானதாகும்.

உதாரணமாக

நாம் ஒரு சைக்கிளில் இயங்கினால் கூட எமக்கு நேரம் மெதுவாகவே இருக்கும். ஆனால் அந்த நேரம் மிகவும் குறைவானது. எனவே அதைப்பரீட்சித்துப்பார்க்கவேண்டும் எனில்

மிக மிக மிக ............................... குறைந்த நேரங்களையும் அளவிடக்கூடிய கடிகாரம் வேண்டும்.

அல்லாது விடில்

நாம் இயங்கும் வாகனங்களின் கதியை மிகவும் அதிகரித்தால் அந்த நேரவித்தியாசத்தை உணரமுடியும்.

அதாவது ஒருவர் அவ்வாறு உயர்வேகத்தில் இயங்கினால் அவ்வாறு இயங்குபவர் மற்றவர் கண்களுக்கு புலப்படாமல் போவார். ஏனெனில் அவர் மற்றவர்களை விட காலத்தால் மெதுவானவர்.

நாம் ஒளியின் வேகத்துடன் ஒப்பிடக்கூடிய வகையிலான வேகமுடைய வாகனங்களில் இயங்குவோமாயின் இந்த மாற்றத்தை உணரமுடியும். அதாவது இயங்குகின்ற எமக்கு காலத்தில் ஏற்படும் மாற்றம் வழமையானது போல தென்படினும் அது உண்மையில் வழமையானது அல்ல. எம்மை விட முன்னோக்கிய காலத்தை அனுபவித்தவர்களாக வாகனத்திற்கு வெளியே இருப்பவர்கள் காணப்படுவார்கள்.

கவனிக்கவேண்டியது

நான் கூறுகின்ற வேகமானது ஒளியின் வேகத்துடன் ஒப்பிடக்கூடியதாயினும் ஒளியின் வேகத்தை விட குறைவானது.

சரி, இப்போது ஒரு கேள்வி எழக்கூடும்.

அதாவது மற்றவர்கள் எம்மை விட முந்திச்செல்கின்ற காலத்தில் இருப்பார்கள் எனின் எமது நிலை என்ன?

அவர்களுடன் ஒப்பிடும் போது குறைவான காலத்தில் உள்ள நாம் ஒரு குறிப்பிட்ட நேரத்தின் பின் அவர்களது இயல்பான காலத்தின் இறந்தகாலமாகி விடுவோம். அதாவது நாம் சிறிது நேரத்தின் பின் வாகனத்தில் இருந்து இறங்க நேரிடின் அப்போதும் எம்மால் மற்றவர்களை கணமுடியும். ஆனால் அது தற்போது எமது இயல்பான காலத்தில் இருக்கவேண்டியவர்களின் எதிர்காலத்தோற்றமாகும்.

உதாரணமாக இதனை இரு நபர்களை வைத்து விளக்கலாம் என எண்ணுகிறேன்.

.... கோபு, கோகுல் என்ற இரு சகோதரர்களை கருதுக.

கோகுல் ஆனவர் உயர்வேகத்தில் இயங்கும் வாகனத்தில் இயங்குகிறார் எனின் அவர் சிறிது நேரத்தில் கோபுவிற்கு புலப்படாது போவார். பல மணித்தியாலயங்களின் பின் கோகுல் தனது இயக்கத்தை முடித்து விட்டு மீண்டும் தனது வீட்டிற்கு வருவாராயின் அவரால் கோபுவைக்காணமுடியும். ஆனால் எக்காலத்தில் இருந்து அவர் வந்தாரோ அக்காலத்தில் இருந்த கோபுவினுடைய இயல்பான காலத்திற்குரிய கோகுலை கோபுவால் காணமுடியாது.

ஆனால்ஒளியின் வேகத்தை விட குறைந்த வேகத்தில் இயங்கும் வரை அவர் இயங்கத்தொடங்கிய நிலையின் பின்னரான நிகழ்வுகளையே அவரால் அனுபவிக்க முடியும்.

அதாவது நாம் வாகனத்தில் இயங்க தொடங்கிய பின்னர் வரும் நிகழ்வுகளில் ஏதோ ஒரு நிலையை அனுபவிக்கலாம்.

அப்படியாயின் எமது இறந்தகாலத்தை நாம் அடைவது எப்படி?

அடுத்த பதிவில் காணலாம்....... காத்திருங்கள்......

காலத்துடனான ஓர் பயணம் 02 ( யார் ? இவர்கள் 09 )

2010-06-21T14:47:00.000+05:30

காலம் எனும் பாதையில் மற்றவர்களை விட நாம் விரைவாக பயணிக்க முடியுமா? பாதையில் தவறவிட்டவற்றை மீண்டும் பெற்றுக்கொள்ள முடியுமா?

இக்கேள்வியானது நகைப்பிற்கு இடமாக தோன்றலாம்.

இழந்த நேரத்தை பெற்றுக்கொள்ளவே முடியாது என்பது சிறுபிள்ளையும் அறிந்த விடயமாகும். வாழ்க்கையில் கடந்து வந்த பாதையை நினைத்துப்பார்க்க முடியுமே தவிர மீண்டும் நாம் அங்கு செல்ல முடியாது என அனைவரும் கூறுவது வழக்கமாகும்.

நாம் செல்லவே முடியாத ஒன்றிற்கு எமது நினைவு மாத்திரம் எவ்வாறு செல்கிறது? சிலவேளைகளில் எமது நினைவானது எதிர்காலத்தையும் எண்ண முடிகிறதே... இது எவ்வாறு சாத்தியம்? இக்கேள்விகளுக்குரிய ஒரே பதில் நினைவு விரைவானது. நினைத்துப்பார்க்க முடியாத உயர்வேகத்தை உடையது என்பது தான். அதாவது நாம் இருக்கும் இடத்திலிருந்து எம்மால் அறியப்பட்ட மிக உயர் தூரமுடைய இடத்தையே கணப்பொழுதில் நினைத்து விடுகிறோம்.

உதாரணமாக,

நாம் இலங்கையில் கொழும்பில் இருப்பதாக எண்ணிக்கொள்வோம்.

1. கொழும்பில் உள ரயில் நிலையத்தை நினைக்கிறோம் எனில்,

அதனை எமது சாதாரண வாகனங்களால் அடைந்து கொள்ள முடியும்

உ-ம் சைக்கிள் தரத்திலானவை

2. கண்டி மாநகரை நினைக்கிறோம் எனில்,

எம்மால் அப்பிரதேசத்தை கார், இரயில் போன்றவற்றால் அடையமுடியும்

3. இந்தியா, அமெரிக்கா போன்ற நாடுகளை நினைப்போமாயின்,

அவற்றை விமானம், கப்பல் போன்றவற்றால் அடையமுடியும்.

4. சந்திரன், செவ்வாய் போன்றவற்றை நினைக்கிறோம். அவற்றை விண்கலங்கள் மூலம் அடைய முடிகிறது.

அதாவது எமது நினைவுகள் எவ்வளவிற்கு எவ்வளவு விரிகிறதோ மிகவுடனே செல்கிறதோ அவற்றை எம்மாலும் அடையமுடியும். ஆனாலும் நினைவின் வேகத்தின் அதிகரிப்பைப்போன்று நாம் இயங்கும் வாகனத்தின் கதியும் உயர்வாக வேண்டும்.

நினைவின் வேகத்திற்கும் நினைத்தவற்றை நாம் அடைய உபயோகிக்கும் வாகனத்தின் வேகத்திற்கும் இடையில் நாம் ஒரு வரைபை வரைந்தால்

அதாவது நினைவின் வேகத்துடன் ஒப்பிடும் போது எமது வாகனத்தின் வேகம் மிகவும் சிறிது.

நான் இதுவரை கூறியது நினைவிற்கும் தூரத்திற்குமான மாறல் பற்றியதாகும்.

எனினும் நினைத்ததை காலத்தால் தமது உடலுடன் சேர்ந்து அடைந்தவர்கள் என்று யாரும் இதுவரை இப்பூமியில் நாம் அறிந்தவரைக்கும் இல்லை எனலாம். ஆனாலும் பிரபஞ்சம் முழுவதும் வியாபித்திருக்கும் சக்தியை தமது உடலில் உணர்ந்து கொண்டு அச்சக்தியின் மூலம் தமது மனதை இறந்த காலத்திற்கும் எதிர்காலத்திற்கும் செலுத்தி அச்சம்பவங்களைக்கூறிய பலரை நாம் கேள்விப்பட்டு இருக்கிறோம். இது அவ்வாறு இருக்க நாம் உடலுடன் எவ்வாறு காலத்திற்கு எதிராக பயணம் செய்வது?

அடுத்த பதிவில் காணலாம்.

காலத்துடனான ஓர் பயணம்.. ( யார் ? இவர்கள் 08 )

2010-06-18T16:17:00.001+05:30

எனது ஆய்வின் இரண்டாம் பகுதி

இவ் ஆய்வின் ஆரம்பக்கட்டத்தில் நான் “Unidentified Flying Object” ( பறக்கும் தட்டுக்கள்) வேறு கிரகத்தில் இருந்து வருகின்றது எனும் அடிப்படையில் ஆராய்ந்தேன். அத்துடன் நம்மால் ( பூமியிலுள்ளோரால் ) அவதானிக்கப்பட்ட சில விசித்திர தோற்றம் கொண்ட அடிப்படையில் மனித உருவத்தை ஒத்திருந்த சிலர் வேறு கிரகத்தில் இருந்து வந்திருப்பதற்கான சாத்தியக்கூறுகளையும் அலசி ஆராய்ந்தேன். அக்கருத்துகளை உறுதிப்படுத்தும் வகையில் பெற்றுக்கொண்ட சம்பவங்கள் தொடர்பான ஆதாரங்கள் அவை பற்றிய மக்களின் கருத்துகள் என்பவற்றை உலகளாவிய ரீதியில் அலசி ஆராய்ந்த போது குறிப்பிட்ட விசித்திரமானவர்கள் சம காலத்தில் வேற்றுக்கிரகங்களில் இருந்து வருகிறார்கள் என்பதை உறுதிப்படுத்த முடிந்தது.

ஆனாலும் மேற்குறிப்பிட்ட ஆய்வை இன்னோர் அடிப்படையில் தொடரலாம் என எண்ணுகின்றேன். எனினும் இவ் ஆய்வை தொடர்வதற்கு முன் சில விளக்கங்களை அளிக்க வேண்டிய தேவை ஒன்று காணப்படுகின்றது.

அவையாவன,

1. காலத்துடனான இயக்கம்

2. கூர்ப்பு பற்றிய கொள்ளைகள் ஆகும்.

காலம் என்பது என்ன?

இதுவரை எம்மால் அறியப்பட்ட வரைக்கும் காலம் என்பது வாழ்வில் நாம் கடக்கும் பாதையின் அளவுகோல் எனலாம். காலமாற்றத்தை இலகுவாக அளந்துகொள்வதற்கும் அதனை தெளிவாக உணர்ந்து புரிந்துகொள்வதற்குமாக நாம் அந்தப்பாதையில் சில கற்களை நாட்டியுள்ளோம். அவை பல வகைப்படும்.

வருடம்...... நிமிடம்....செக்கன்..

ஆனால் இந்தப்பாதையில் மனிதர்கள் பயணிப்பது பற்றி நோக்கின் இந்தப்பாதையில் ஓரிடத்தில் மனிதர்கள் இணைந்து கொள்வதும் இன்னோரிடத்தில் பிரிவதுமாக (இறப்பதுமாக) நிகழ்கிறது. இந்தப்பாதையில் இணைகின்ற அந்த உயிரினங்கள் அந்தப்பாதையைப்பற்றி உணர்வதில்லை. உணர முயற்சிப்பினும் அது பாதையின் நீண்ட தூரத்தை கடந்தபின்னரே நிகழ்கிறது. இங்கு நீண்ட தூரம் என நான் குறிப்பிடுவது அவர்களின் வாழ்க்கையின் காலத்துடன் ஒப்பிட்டதாகும். எனினும் அந்தப்பாதையின் நீளம் எவ்வளவு? அந்தப்பாதை எங்கே ஆரம்பிக்கப்பட்டது? என்பவற்றிற்கு யாராலும் பதில் கூறமுடியவில்லை.

இது பற்றி எழுந்த சில கொள்கைககள் நமது விஞ்ஞானத்தை திருப்திப்படுத்த முனைகிறதா என்பதை அடுத்து நோக்குவோம்.

விஞ்ஞான வளர்ச்சியைப்பொறுத்த வரைக்கும் பலரால் ஏற்றுக்கொள்ளப்பட்ட (இன்று வரைக்கும்) கொள்கையாக விளங்குவது “Big Bang Theory” ஆகும். இதில் நாம் இருக்கும் பூமி உள்ளிட்ட கிரகங்கள், நட்சத்திரங்கள், விண்கற்கள் என அனைத்தையும் உள்ளடக்கிய பிரபஞ்சம் ஆனது ஆரம்பத்தில் ஒரு சிறிய புள்ளித்திணிவிலிருந்து தோன்றியதாக கூறப்பட்டுள்ளது. அதாவது பல மில்லியன் ஆண்டுகளுக்கு முன்னர் அச்சிறிய புள்ளித்திணிவானது விரிய ஆரம்பிக்கப்பட்டதாகவும் அதன் தற்போதைய விளைவே நாம் வாழும் இப்பிரபஞ்சம் எனவும் எதிர்காலத்தில் இந்த விரிவு தொடரும் என்றும் குறிப்பிடப்பட்டுள்ளது.

காலம் எனும் பாதையில் மற்றவர்களை விட நாம் விரைவாக பயணிக்க முடியுமா? பாதையில் தவறவிட்டவற்றை மீண்டும் பெற்றுக்கொள்ள முடியுமா?

அடுத்த பதிவில் பார்க்கலாம்.

வேற்றுக்கிரகவாசிகளும் பூமியும் ( யார் ? இவர்கள் 07)

2010-06-01T13:44:00.002+05:30

பொதுவாக எந்த ஒரு போரிலும் சில முக்கியமான அம்சங்கள் உள்ளடக்கப்பட்டிருக்கும்.

அதில் முக்கியமானது தான் “உளவு” ஆகும். போருக்கு முன்னதாக எதிரியின் இயலுமை, ஆயுதவளங்கள், சாதகமான பௌதிகநிலைகள், செயல்வேகம் ஆகியவற்றை அறிந்து கொள்வதன் மூலம் போரின் முடிவை தமது தரப்பிற்கு சாதகமாக்கிக்கொள்வது என்பது “உளவு” இனுடைய அவசியம் ஆகும். ஆகவே பூமி மீதான முற்றுகைக்கான உளவு நடவடிக்கைகள் தான் இப்பொழுது அவதானிக்கப்படும் மேற்படி வேற்றுக்கிரகவாசிகளின் பிரசன்னத்திற்கான அர்த்தமாகுமா? எனும் கேள்வியும் எழத்தானே செய்கிறது.

யுத்தம் உளவு முடிந்தவுடனா? அல்லது ஆரம்பித்துவிட்டதா?

எமது கிரகத்திற்கு ஆக்கிரமிப்பு நோக்கமாக வருகை தரும் வேற்றுக்கிரகவாசிகள் அரங்கேற்றிக்கொண்டிருக்கின்ற உளவு நடவடிக்கைகள் தான் எம்மால் அவதானிக்கப்படும் சம்பவங்களுக்கான காரணம் என்று ஆய்வின் முன்னைய பகுதியில் தெளிவாக ஆராய்ந்து உறுதிப்படுத்தி இருந்தோம்.

அப்படியாயின் அவர்கள் தமது ஆக்கிரமிப்பின் ஓரங்கமாக மனிதர்கள் மீது உயிரிழப்புகளை ஏற்படுத்த்தொடங்கவில்லையா? என்று நோக்குமிடத்து இல்லை என்னும் பதிலை கூறுவதில் பல சிக்கல்கள் தோன்றுகின்றன.

இதன் ஓரம்சமாக தோன்றுவது தான் இப்போது இடம்பெறும் உயிரிழப்புகளுக்கும் அவர்களுக்கும் தொடர்புண்டா என்கிற கேள்வி.

வேற்றுக்கிரகவாசிகள் திடீர் திடீரென தோன்றுவதும் அதே வேகத்தில் மறைந்து போவதற்கும் ஆன காரணங்களாக

1. அவர்கள் எமது கண்ணுக்கு புலப்படாத வேறு பரிமாணங்கள் ஊடாக (Dimensions) இயங்கக்கூடிய ஆற்றலைக்கொள்ளுதல்.

2. அவர்கள் சூழ்நிலைக்கேற்ப உருமாறக்கூடிய ஆற்றலை கொண்டிருத்தல் ஆகியவற்றைக்குறிப்பிடலாம்.

இப்போது பூமியில் ஏற்படுகின்ற சிறு விபத்துக்கள் முதல் பல பாரிய விபத்துக்கள் வரை காரணம் கண்டறிய முடியாத நிலை காணப்படுகிறது. வேற்றுக்கிரக வாசிகள் மேற்குறிப்பிட்ட இயல்புகளை கொண்டிருக்குமிடத்து இவ்விபத்துக்களில் அலகுவாக பங்கேற்க்க்கூடியவர்களாக இருப்பது அவ்வளவு கடினமானதல்ல.

மாறாக இவ்விபத்துக்களில் அவர்கள் தொடர்பைக் கொண்டிக்காவிடின் அவர்கள் உயிரிழப்புக்களை ஏற்படுத்துவது எப்போது?

பொதுவாக ஒரு ஆக்கிரமிப்பானது சில பிரதான நோக்கங்களையே கொண்டிருக்கும்.

1. எதிரி நாட்டு வளத்தை சூறையாடுதல்.

2. தன்னை பலமானவனாக காட்ட முயற்சிப்பது. அதாவது பிராந்தியத்தில் தனது நிலையை உயர்வாக வைத்திருத்தல். ( வல்லரசு )

3. அடிமைப்படுத்தல்.

இதில் 2வது காரணத்தை வேற்றுக்கிரகவாசிகள் கொண்டிருப்பின் ஏற்கனவேயே எம்மீது தாக்குதலை ஆரம்பித்திருக்கவேண்டும். எனினும் இதுவரை அவ்வாறு இடம்பெறாமையானது 2வது காரணத்திற்கான சாத்தியப்பாடுகளை குறைக்கிறது. (Possibilities)

எனவே அவர்களின் தெரிவாக அமையக்கூடியது 1ம் 3ம் காரணங்கள் ஆகும்.

1. எமது பூமியிலுள்ள வளமே அவர்களின் முக்கிய இலக்காக மாறுமென்பதை எம்மால் ஊகிக்கமுடிகிறது. எனினும் இந்த வளங்களுக்கான வேட்டை பூமியில் தொடங்கிவிட்டதா? இல்லையா? இதுவரை நாம் அறிந்த வளங்களில் குறிப்பிடத்தக்க மறைவுகள் இடம்பெறாத்தைக்கொண்டு இன்னும் வளத்திற்கான ஆக்கிரமிப்பு தொடங்கவில்லைஎன்று கூறிவிடமுடியாது.

ஏனெனில் எம்மால் வளங்கள் என்று அடையாளம் காணப்பட்டவை தான் வேற்றுக்கிரகவாசிகளுக்கும் வளங்களாக இருக்கும் என எதிர்பார்ப்பது முட்டாள்தனமானது. எனவே இப்பொழுது ஆரம்பித்திருக்கும் இந்த வளங்கள் சூறையாடப்படாமல் காரணமாக நாம் அடுத்த கட்ட முன்னேற்றத்தை (அவர்களுக்கு இணையாக) அடையவதற்கான அறிவைப்பெறுகின்ற சமயத்தில் கூட வளப்பற்றாக்குறையால் இப்படியே இருக்கவேண்டிய இருக்கவேண்டிய நிலை ஏற்படலாம். அதாவது எமது எதிர்கால வளர்ச்சியின் போது நாம் இனம் காணப்போகும் வளங்கள் இப்போது வேற்றுக்கிரகவாசிகளால் எமது பூமியில் இருந்து கொண்டு செல்லப்படுகின்றன.

இவ்வாறு தங்களுக்குரிய வளங்களை முற்றாக இங்கிருந்து கொண்டு சென்ற பின் தம்முடன் மனிதர்கள் போட்டியிடுவதற்கான போராடுவதற்கான இடிப்படை இயலுமைகள் கூட அற்ற தன்மையையே கொண்டிருக்கிறார்கள் என்பதை உறுதிப்படுத்திய பின்னரே அவர்கள் வெளிப்படையாக பூமிமீது ஆக்கிரமிக்கும் சாத்தியம் ஏற்படும். அப்போது பாரிய போர் நடைபெறாது. பூமி அவர்களுக்கு இலகுவாக அடிபணிக்ன்ற நிலை ஏற்படும். பூமியிலுள்ள அனைவரும் வேற்றுக்கிரக வாசிகளின் அடிமைகளாகும் நிலை உருவாகுவதற்கான சாத்தியப்பாடுகள் இல்லாமலில்லை.

தொடரும்...............

வேற்றுக்கிரக வாசிகளின் வருகை ஆக்கிரமிப்பிற்கா? ஆராய்ச்சியிற்கா? யார் ? இவர்கள் - 06

2010-05-30T08:54:00.000+05:30

வேற்றுக்கிரகவாசிகளின் எமது கிரகத்திற்கான வருகைக்குரிய காரணம்

1.ஆராய்ச்சி

நாம் ஏனைய கிரகங்களைப்பற்றி அறிய முயற்சிப்பது போல் வேற்றுக்கிரகங்களில் நிலவும் பௌதிக அம்சம், உயிர்வாழ்வதற்கான சாதக நிலைகள் ஆகியவற்றை ஆராய்வதற்கான நோக்கத்தை எம்மிடம் தாராளமாக கொண்டுள்ளது போன்று ஏனைய கிரகங்களில் வாழும் வேற்றுக்கிரகவாசிகள் எதிர்பார்ப்பதுவும் இயல்பானதே. ஆகவே ஆராய்ச்சி என்பதை அடிப்படையாகக்கொண்டு அவர்கள் எமது கிரகத்திற்கு வருகைதருகின்றனர் என்பது மிகவும் முதன்மையான காரணமாக அமைகின்றது.

ஆனால் ஆக்கிரமிப்பு தவிர்ந்த ஆராய்ச்சி நோக்கமாக இருப்பின் அவர்கள் ஆரம்பத்திலேயே எம்முடன் ( பூமியிலுள்ளோருடன் ) தமது உறவுகளை ஆரம்பித்திருக்க வேண்டும். பல சந்தர்ப்பங்களிலும் அவர்கள் எம்முடைய உறவுகளை விரும்பவில்லை என்பதை இவ்வாய்வின் முன்னைய பகுதிகளில் குறிப்பிடப்பட்ட உதாரணங்கள் எடுத்துக்காட்டுகின்றன.

ஆகவே இதுவரை பூமியில் அவர்களால் உயிரிழப்புகள் பெருமளவில் இடம்பெறாமைக்கு அவர்கள் நோக்கத்தில் காணப்படும் எம்மீதான சாதகத்தன்மையே காரணம் என்று எண்ணுவது முட்டாள்தனமானது. எனவே அவர்கள் நட்புறவுடன் கூடிய ஆராய்ச்சி நோக்கைக் கொண்டிருக்கவில்லை.

2. ஆக்கிரமிப்பு

2ம் உலகப்போரின்போது விமானப்படை விமானிகள் பறக்கும் போது ஒரு வினோத ஒளியால் ஆன எரிபந்துகளை (Glowing Balls) கண்டார்கள். அப்பந்துகள் விமானங்களைப்பின்தொடர்ந்ததைக் கண்டார்கள். விமானிகள் இவற்றை “Foo Fighters“ என்று குறிப்பிட்டனர்.

”Foo” என்றால் தீ என்று அர்த்தம் ஆகும். முதலில் கூட்டணிப்படைத்தளபதி இந்த ”Foo Fighters” ஜேர்மன் நாட்டின் இரகசிய ஆயுதங்கள் அல்லது கண்காணிப்புக்கருவிகளாக இருக்கலாம் என நம்பினார். ஆனால் போருக்குப்பிறகு தெரிந்தது என்னவெனில் ஜேர்மன் வீரர்களும் இத்தகைய எரிபந்துகளைக்கண்டனர். இவர்களும் இது அமெரிக்க அல்லது பிரிட்டன் கண்காணிப்பு கருவிகள் என நினைத்த்து தான் வேடிக்கை.

இச்சம்பவமானது அக்காலகட்டத்தில் பரபரப்பை ஏற்படுத்தியது. இது தொடர்பாக பல்வேறு விசாரணைகளும் முடுக்கிவிடப்பட்டன. எனினும் இதில் ஒரு வெற்றிகரமான முன்னேற்றத்தையும் அடையவில்லை.

இதன்காரணமாக மக்கள் மத்தியில் அயற்கிரகவாசிகள் தொடர்பில் சந்தேகம் ஏற்பட்டது. இதுபோன்ற ஆயுதங்கள் ஒரு போரில் இருதரப்பாலும் அவதானிக்கப்பட்டமையானது இருதரப்பிற்குமிடையேயான முரண்பாடுகளை அதிகரிக்கச்செய்யும் உத்தியாகும். ஆகவே பூமியில் போர்நடந்து அதன்மூலம் அழிவுகள் தொடர்வதை விரும்பும் சக்தி ஒன்று வேற்றுக்கிரகத்தில் இயங்குகிறதா?

ஏற்கனவே இவ் ஆய்வில் குறிப்பிடப்பட்ட ஒரு சம்பவத்தை மீள ஆராய்வோம்.

அமெரிக்காவில் ஒரு பெண்மணி திடீரென கர்ப்பமுற்றது பின்னர் கர்ப்பம் திடீரென காணாமல் போனது போன்ற சம்பவங்களை ஆய்வின் தொடக்கத்தில் ஆராய்ந்தோம். அக்கர்ப்பம் மூலம் உண்டான அக்குழந்தை குறிப்பிட்ட வேற்றுக்கிரகத்திற்கு கொண்டுசெல்லப்பட்டதா? அல்லது இப்பூமியில் வேறு ஒரு இடத்தில் வளர்கிறதா? எம்மால் அறியப்பட்டது இந்த ஓர் சம்பவமே. இவ்வாறு எத்தனை சம்பவங்கள் நடந்துள்ளனவோ?

மனித குலத்தில் திடீர் திடீரென நிகழும் சில விசித்திர பிறப்புகளுக்கும் இச்சம்பவங்களுக்குமிடையே ஏதாவது தொடர்பு இருக்குமா? பூமியில் உள்ளோரிடம் நல்லுறவுகளை கட்டியெழுப்பும் நோக்கம் அவர்களிம் இருந்தால் மேற்கூறப்பட்டவற்றை ஏன் மர்மமான முறையில் மேற்கொள்ளவேண்டும்?

தொடரும்......

பேய் என்று யார் சொன்னது? (மாய இராஜ்ஜியம் - 21)

2010-05-28T14:43:00.000+05:30

இந்தப்பதிப்பும் வாசகர்களின் சந்தேகங்களுக்கான எனது கருத்துகளாக வெளிவருகிறது.....

நிச்சயமாக கருந்துளையானது தனது நிகழ்வெல்லைக்குட்பட்ட ஒளியின் வேகத்திலும் பார்க்க விடுதலை வேகம் குறைந்த துணிக்கைகளை உள்ளெடுக்கும். மேலும் பெர்முடா முக்கோணத்தில் கருந்துளைகளின் உருவாக்கம் ஒன்றோ பலவோ நிகழ்கின்றபோது அது அல்லது அவை தமது நிகழ்வெல்லைக்குட்பட்ட பகுதியில் காணப்படுகின்ற நீர் உள்ளிட்ட பதார்த்தங்களை நிச்சயமாக உள்ளெடுக்கும். இவ் உள்ளெடுக்கும் நிகழ்வானது கருந்துளையினுடைய ஆயுள் நீடிப்பு வரை நிகழும். பூமியில் நீரின் இராட்சத அளவு நீங்கள் அறிந்ததே. பெர்முடா முக்கோணத்தில் கருந்துளை உருவாக்கம் அல்லது உருவாக்கங்கள் மிகச்சிறிய பரப்பளவுள்ள பகுதியில் தோன்றுகின்ற போது, அங்கே உள்ளிழுக்கப்படுகின்ற நீரின் அளவானது ஒட்டுமொத்த உலகின் நீருடன் ஒப்பிடுகையில் மிகக்குறைவானதே. நீரானது பாய்ம இயல்பை தாராளமாகவே கொண்டிருக்கின்ற ஒரு திரவம். அங்கே குறைவாக்கம் ஏற்படுகின்ற நீரின் அளவானது மிக விரைவாக மீள்நிரப்பாக்கம் செய்யப்பட்டுவிடும். இன்னும் சொல்லப்போனால் ஒரு ஏரியில் நாம் ஒரு குவளை நீரை அள்ளுவதால் அவ்வேரிக்கு ஏற்படுகின்ற நீரிழப்பின் தோற்றப்பாடு எவ்வாறு வெளித்தெரியாமல் இருக்கின்றதோ அவ்வாறே இதுவும்.

அடுத்து இவ்வாறு உள்ளிழுக்கப்படுகின்ற நீர் மற்றும் ஏனைய பொருட்கள் தொடர்பான விடயத்திற்கு வருகின்றேன். அண்டவெளியில் எங்கும் வியாபித்திருக்கின்ற கருந்துளைகளால் உள்ளிழுக்கப்படுகின்ற பதார்த்தங்கள் மற்றும் கதிர்ப்புக்கள் ஆகியவற்றிற்கு நடைபெறும் விளைவை ஹவ்கிங் அவர்களுடைய கருத்துக்களின் படி பலராலும் ஏற்றுக்கொள்ளப்பட்ட ஹவ்கிங் வெப்பக்கதிர்ப்புக்கள் மூலமாக கூறியிருந்தேன். இது பற்றி மேலும் விளக்குகையில், இவ்வாறு கருந்துளைகளால் வெளியிடப்படுகின்ற கதிர்ப்புக்கள் இது வரை வெற்றிகரமாக அவதானிக்கப்படவில்லை என்பதுவும் அதற்கான காரணங்களாக கருந்துளைகளின் அமைவிடங்களின் பூமியிலிருந்தான மிகவும் அதிகூடிய தூரமும் இதன் விளைவாக ஏற்படும் செறிவிழப்பினால் அது அடையும் பலவீனத்தன்மையும் முன்வைக்கப்பட்டிருக்கின்றன. ஆனாலும் பிரபஞ்சத்தில் மிகவும் இராட்சத அளவில் திணிவை உள்ளடக்கியிருக்கும் பல கருந்துளைகள் இருந்தும் அவற்றின் விளைவாக மேற்குறிப்பிட்ட கதிர்ப்புக்களைப்பெறமுடியாமை அக்கதிர்ப்புக்களின் செறிவிழப்பு தூரத்துடன் மிகவும் அதிகளவில் ஏற்படுவதை உணர்த்தி நிற்கின்றது. இது சாதனங்களில் பதியப்படத்தக்க சமிக்ஞையின் பருமனை விட குறைவான பருமனுடைய கதிர்ப்புக்களின் நிலவுகையை காட்டிநிற்கின்றது. மிகப்பாரிய திணிவைக்கொண்ட கருந்துளைகளின் கதிர்ப்புக்களுக்கே இவ்வாறான சவால்களை நாம் எதிர்கொள்ளவேண்டி நிற்கின்றபோது, பெர்முடா முக்கோணத்தில் தோன்றுகின்ற மிகச்சிறிய கருந்துளைகளின் கதிர்ப்புக்களின் செறிவிழப்புக்கள் தூரத்துடன் அதிகளவில் ஏற்படுகின்ற போது எமது சாதனங்களால் நிச்சயமாக பதிவுகொள்ளப்படும் என எவ்வாறு எதிர்பார்க்க முடியும்? அதையும் தாண்டி ஹவ்கிங் இனுடைய கதிர்ப்புக்கள் தொடர்பான ஆராய்ச்சிகள் தொடர்பில் இன்னும் நீண்ட தூரத்திற்கு எமது விஞ்ஞான உலகம் பயணம் செய்யவேண்டியுள்ளது . அவை தொடர்பான ஆராய்ச்சிகளின் நிறைவான முடிவே அக்கதிர்ப்புக்கள் தொடர்பாகவும் சமகாலத்தில் எமது கருவிகள் அக்கதிர்ப்புக்களை பதிவு செய்யும் ஆற்றலில் எவ்வளவு தூரம் தொழில்நுட்பத்தைக்கொண்டு காணப்படுகின்றன என்பது பற்றியும் கூறமுடியும். எனினும் தற்போது நான் எனது முடிவாக குறிப்பிடுவது யாதெனில் கருந்துளைகளின் காலவெளிச்சாய்வு என்கின்ற பண்பின் விளைவாக ஏற்படும் கதிர்ப்புக்கள் வெளியில் அவதானிக்கப்படமுடியாமல் போதல் மற்றும் கதிர்ப்புக்களில் ஏற்படுகின்ற பாரிய செறிவிழப்புக்கள் ஆகியவையே பெர்முடா முக்கோணத்தில் கதிர்ப்புக்களின் விளைவாக மக்களின் பாதிப்பின்மை அல்லது மிகவும் புறக்கணிக்கக் கூடியளவிற்கான பாதிப்பு மற்றும் எமது சாதனங்களால் கதிர்ப்புக்கள் பதிவு செய்யப்படமுடியாமல் போதல் ஆகியவற்றிற்கான காரணங்களாகும்.

அடுத்து பெர்முடா முக்கோணப்பகுதியில் ஏற்படுகின்ற படகுகள் மட்டும் இருக்க மனிதர்கள் உள்ளிட்ட நிறைகுறைவான பொருட்கள் உள்ளெடுக்கப்படல் நிகழ்வினைப்பற்றி எனது முடிவில் விளக்கியிருந்தேன். இதில் ஒரு முக்கியமான விடயம் என்னவென்றால் நண்பர் தனது பின்னூட்டத்தில் குறிப்பிட்டதன்படி நான் எனது ஆய்வின் எந்த ஒரு கட்டத்திலும் இந்நிகழ்வு நிகழ்வெல்லைக்கு உள்ளே இடம்பெறுவதாக தெரிவிக்கவில்லை. நிகழ்வெல்லைக்கு வெளியே உள்ளபோது நடைபெறுவதாகவே கூறினேன். சில கருந்துளைகளின் பண்பானது நிகழ்வெல்லையையும் தாண்டி பல நட்சத்திரங்களில் இருந்து நிறைகுறைவான வாயுக்கள் மற்றும் சடப்பொருட்களை உள்ளெடுக்கப்படத்தக்கவாறு அமைந்துள்ளது தாங்கள் அறிந்ததே.

இது பற்றி மேலும் குறிப்பிடுகையில் , கருந்துளைகளானவை தமது நிகழ்வெல்லையையும் தாண்டி ஈர்ப்பெல்லைக்குட்பட்ட அயல் நட்சத்திரங்களிலிருந்தும் அருகிலுள்ள நட்சத்திரகூட்டங்களுக்கும் பால்வீதிகளுக்கும் இடைப்பட்ட பிரதேசத்தில் காணப்படக்கூடிய சடத்துவப்பொருட்கள், வாயுக்கள் மற்றும் கதிர்ப்புக்கள் ஆகியவற்றையும் கவர்ந்திழுக்கக்கூடியவை. இவ்வாறான ஈர்ப்புக்குள்ளாகும் பதார்த்தங்கள் தாம் சார்ந்திருக்கின்ற ஈர்ப்பு மற்றும் ஏனைய புலங்களின் விசையின் பருமனை விட கருந்துளையால் ஆட்படுகின்ற ஈர்ப்புவிசையின் அளவு அதிகரிக்கின்ற போது கருந்துளை நோக்கி அசைய ஆரம்பிக்கின்றன. பின்பு இவை கோண உந்தத்தின் விளைவாக கருந்துளையைச்சுற்றி தட்டுப்போன்ற வடிவத்தில் சுற்றுகைக்குள்ளாகின்றன. ஆயினும் வேறுபட்ட பருமனுடைய உராய்வு விசைகளை அனுபவிக்க வேண்டி ஏற்படுகின்ற சடத்துவப்பொருட்கள் தமது கோண உந்தத்தினை இழந்து கருந்துளையின் நிகழ்வெல்லையினுள் நுழைந்து , கருந்துளையின் திணிவு அதிகரிப்பிற்கு காரணமாகி கருந்துளை வளர்தல் எனும் நிகழ்விற்கு வழிகோலுகின்றன. இது போன்றே இங்கு ஏற்படுகின்ற மனிதர்கள் உள்ளிட்ட நிறைகுறைவான பொருட்களின் உள்ளெடுப்பும் சாத்தியமாகின்றது. இது அவ்விடத்தில் கருந்துளைகளின் ஈர்ப்பானது மனிதர்கள் உள்ளிட்ட நிறைகுறைவான பொருட்களை இழுப்பதற்குப் போதுமானதாக உள்ளமையால் ஏற்படும் விளைவாக நான் கூறுகின்றேன். இதையே மனிதர்கள் மற்றும் ஏனைய நிறைகுறைந்த பொருட்கள் காணாமல் போவதற்கான காரணங்களாக நான் முன்வைக்கிறேன்.ஆயினும் நிறை குறைவான பொருட்களும் இருக்க மனிதர்கள் மட்டும் காணாமல் போவது போன்று கிடைக்கப்பெற்றதாக கூறப்படும் சம்பவங்கள் பெர்முடா முக்கோணம் பற்றிய மர்மங்களை அதிகப்படுத்துவதற்காக கூறப்படுகின்ற தனிமனித கருத்துகளாகவோ அல்லது வேறு காரணங்களுக்காக நடத்தப்பட்ட சம்பவங்களிற்கான காரணத்தை பெர்முடா முக்கோணம் பால் திருப்பிவிட்டு மர்மமாக்க முயற்சிப்பதன் விளைவாகவோ இருக்கும் என்பது எனது கருத்தாகும்.

பெர்முடாவும் கருந்துளையும் ( மாய இராஜ்ஜியம் 20 )

2010-05-26T13:40:00.000+05:30

பெர்முடா மர்மம் பற்றிய ஆய்வுத்தொடர் (மாய ராஜ்ஜியம்) 19 பகுதிகளுடன் நிறைவடைந்து விட்டது.

இந்த ஆய்வு தொடர்பாக வாசகர் ஒருவரின் கருத்துகளிற்குரிய பதில் கருத்துகளாக இப்பகுதி வெளிவருகிறது.

அவ்வாசகரின் கருத்துக்களை பார்வையிட கீழுள்ள தொடர்பினை அணுகவும்.

http://unmayinpakkam.blogspot.com/2010/05/05_22.html#comments

என்னுடைய ஆய்வு முடிவை நான் இரண்டு படிகளில் தெரிவித்திருந்தேன். முதலாவதாக அண்டவெளியில் ஆங்காங்கே தோன்றுகின்ற காலத்தால் வேறுபட்ட இடங்களை ஒத்த இடங்கள் பூமியில் தோன்றுவதன் சாத்தியமும் , இரண்டாவதாக இதன் விளைவாக கருந்துளை அவ்விடத்தில் உருவாகுவதற்கான வாய்ப்பும் ஆகும்.

1.சடத்துவ மற்றும் சடத்துவமல்லாத சார்புச்சட்டங்களின் சார்பியக்கத்தின் விளைவாக ஏற்படும் கால வேறுபாடு பற்றி ஐன்ஸ்டீன் உள்ளிட்ட பல விஞ்ஞானிகள் ஆராய்ந்திருக்கிறார்கள். இச்சார்பு விளைவு காரணமாக பிரபஞ்சத்தின் நடுவில் ஒரு பொதுக்கடிகாரம் பயன்படுத்தப்படுவது என்பது சாத்தியமற்றதாகின்றது.

மேலும் விளக்குகையில்,

விரியும் பிரபஞ்சம், அதன் தாக்கத்தை தமக்குள் வெளிப்படுத்தும் பால்வீதிகள், அவை கொண்டுள்ள நட்சத்திரக்கூட்டங்களின் பிரபஞ்சம் சார்ந்தும் மற்றும் சாராமலும் வெளிக்காட்டும் அசைவுகள், விலகிப்போதல்கள் போன்ற நிகழ்வுகளுக்கிடையில் காணப்படுகின்ற பாரிய வேக வேறுபாடுகளின் விளைவாக உருவானதாக கருதப்படும் காலத்தால் வேறுபட்ட அண்டவெளியில் காணப்படும் இடங்களுக்கான வேறுபட்ட காரணங்களின் சாத்தியம் பற்றிய ஆய்வுகள் இன்னும் முழுமையாக நிறைவேறவில்லை. இதையே நான் "அண்டவெளியில் இவ்வாறான இடங்கள் காணப்படுகின்றன. இவை தொடர்பாக இன்னும் முழுமையாக கண்டறியப்படவில்லை” என்று குறிப்பிட்டிருந்தேனே தவிர அது கருந்துளைகளைப்பற்றியல்ல. இவ்வாறான நிலைமைகளுக்கு வேறுபட்ட அதீத புலச்சுழற்சிச்சார்பியக்கங்கள் விளைவாக ஏற்படும் காலவெளிச்சிதைவு ஒரு காரணமாக அமைய வாய்ப்புள்ளதைக்கூட மறுப்பதற்கில்லை. இதுபோன்ற, மற்றும் அப்பிரதேசதங்களின் இந்நிலைமை தொடர்பான உண்மையான இயற்கைக்காரணிகள், பூமியிலும் ஓரிடத்தில் குறிப்பாக பெர்முடா முக்கோனப்பகுதியில் அவ்விடத்தின் இயற்கைச்சாதக நிலைமைகளின் விளைவாகவும், நாம் அறிந்த மற்றும் அறியாத திடீர்கால நிலைமாற்றங்களின் விளைவாகவும் ஒருமித்துவருக்கின்ற போது காலத்தால் வேறுபட்ட இடம் அல்லது இடங்கள் அப்பகுதியில் தோன்றுவது சாத்தியமானதே.இப்படிப்பட்ட இடங்களின் தோற்றமானது அப்பகுதியின் கேந்திர நிலைகளில் மட்டும் தங்கியிராது, அப்பிரதேசத்தின் திடீர் காலநிலைமற்றங்களிலும் நிறைவாக தங்கியிருக்குமிடத்து அங்கு தோன்றுகின்ற அவ்விடங்களின் தோற்றமானது விட்டு விட்டு தொடருகின்ற இயல்பைக்கொண்டிருக்கும். எனவே கால வெளிச்சாய்வுள்ள இடங்களின் இடைவிட்டுத்தொடர்கின்ற தோற்றமும் மறைவும் என்கின்ற நிகழ்வே அவ்வப்போது தோன்றுகின்ற மர்ம முடிச்சுக்களாகிய சம்பவங்களுக்குரிய அவிழ்ப்புக்களாக விளங்குகின்றன. எனினும் இன்னும் நிறைவான அவிழ்ப்புக்களின் சாத்தியமாகவே நான் கருந்துளை பற்றிய தீர்வை முன்வைத்தேன்.அடுத்து கருந்துளை பற்றிய விடயத்துக்கு வருகின்றேன்.

கருந்துளை தொடர்பான விடயத்தில் கருந்துளை வளர்தல், மற்றும் பிரிந்தழிதல் போன்ற விடயங்களை பற்றி நோக்கவேண்டும். கருந்துளை பிரிந்தழிதல் என்கின்றவிடயம் ஹவ்கிங் என்கின்ற விஞ்ஞானியால் விளக்கப்பட்டிருக்கின்றது. வெப்பக்கதிர்ப்புக்களாக அதன் திணிவு குறைந்து போகின்ற இப்பிரிந்தழிவு நிகழ்வானது அண்ணளவாக சந்திரனை விட திணிவு குறைவான திணிவு கொண்ட கருந்துளைகளுக்கு மாத்திரமே பொருந்தக்கூடியது. அதைவிட கூடிய திணிவுள்ள கருந்துளைகள் பிரிந்தழிவினை விட "வளர்தல்" நிகழ்வை அதிகமாக கொண்டிருப்பதால் இறுதி விளைவாக வளர்தலே இடம்பெறுகின்றது. இப்பிரிந்தழிவு நிகழ்வு தொடர்பாக பல விஞ்ஞானிகள் வாய்ப்புப்பார்த்தல்கள் மேற்கொண்டு உறுதிப்படுத்தியிருக்கிறார்கள். அத்துடன் ஒரு கருந்துளை அடக்கியிருக்கக்கூடிய மிகக்குறைந்த திணிவு ப்லாங்கினுடைய திணிவால் (2.17644(11)×10−8 kg) தரப்படுகின்றது.

மேலும் விஞ்ஞானக்கொள்கைகளின்படி கருந்துளையினுடைய உருவாக்கம் என்பது தனியாக நட்சத்திர ஈர்ப்பொடுக்கம் என்பது மட்டுமல்லாது அதி சக்திவாய்ந்த மோதல்களின் விளைவும் காரணமாக முன்வைக்கப்பட்டிருக்கின்றது. உதாரணமாக பிரபஞ்சப்பெருவெடிப்பின்போது தொன்றியிருக்கக்கூடியன எனவும் தற்போது தமது இறுதிக்கட்ட திணிவை (ப்லாங்கினுடை திணிவு) எட்டியிருக்கக் கூடியனவேனவும் கருதப்படுகின்ற நீடித்திருக்கின்ற கருந்துளைகள் பற்றிய பல்வேறு ஆய்வுகள் மேற்கொள்ளப்படுகின்றன. இதன் உயர் கட்டமாக, 2008 ஜூன் மாதத்தில் அமெரிக்க நாசா நிறுவனம் GLAST என்கின்ற செய்மதியை அனுப்பியிருக்கின்றது. எனவே, தற்போதைய தற்போதைய விஞ்ஞான உலகானது மிகக்குறைவான திணிவில் கருந்துளை நிலவுகையை ஏற்றுக்கொண்டவாறு தனது ஆய்வுகளை மேற்கொள்கின்றது என்பது நிதர்சனமாகின்றது.

காலவெளிச்சாய்வு தொடர்பான எனது தீர்ப்பினை முன்னர் தெரிவித்திருந்தேன். அடுத்து நான் கருந்துளை தொடர்பான எனது பகுதிக்கு வருகின்றேன்.

காலவெளிச் சாய்வுடைய இடங்கள் பல தோன்றுவதற்கான சாத்தியங்கள் பற்றித் தெளிவாக அலசியிருந்தேன். இங்கு நான் கொடுக்கின்ற முடிவு யாதெனில் , காலவெளி சாய்வு அதிகமாக நிகழக்கூடிய ஓரிடத்தில் ஏதேனும் ஒரு தொடர்பாக்க வடிவின் அடிப்படையில் , உதாரணமாக ஒரு மையத்தை சுற்றி சுழலும் வகையில் அமையக்கூடிய அதீத காலவெளிச் சிதைவுச் சக்கரத்தின் உள்ளே ஒரு கருந்துளை உருவாகும்.இது சுயாதீனமாக நான் வைக்கின்ற தீர்வாகும். கால வெளிச் சாய்வுகளின் இடைவிட்டுத் தோன்றுகின்ற ஒழுங்கமைவுக்கேற்ப கருந்துளைகளும் ஒன்றோ பலவோ இடைவிட்டுத் தோன்றுகின்ற இயல்பைக் கொண்டிருக்கலாம். கருந்துளை மிகக்குறைவான திணிவில் நிலவக்கூடிய தன்மை கொண்டிருக்குமிடத்து இவ்வாறான கருந்துளைகளின் உருவாக்கம் பூமியில் நிறை அதிகரிப்பை பெரிதாக விளைவிக்கும் வாய்ப்பு இல்லை.

அடுத்து கருந்துளையினுடைய ஈர்ப்பு தொடர்பாக நோக்குவோம். கருந்துளையின் ஈர்ப்பெல்லையின் அளவு அதனுள் அடங்கியிருக்கின்ற திணிவிலேயே தங்கியிருக்கின்றது. ஆயினும் ஈர்ப்பெல்லையின் வடிவமானது பொதுச் சார்புக் கோட்பாட்டின்படி வேறுபட்ட ஆரைகளைத் தொடர்ச்சியாகக் கொண்டிருக்குமென கூறப்பட்டிருக்கின்றது. நியூட்டன் அவர்களின் தரவுகள் நீள்வட்டப்பதையை பிரேரித்திருந்தலும், அக்கொள்கையில் ஒளியின் வேகத்தைத்தாண்டி துணிக்கை கருந்துளையை சுற்றிவலம் வரும் போன்று குறிப்பிடப்பட்ட தரவுகள் சார்புக் கோட்பாட்டின்படி தவறென நிரூபிக்கப்பட்டு , மாறுபட்ட ஆரையைக் கொண்டதாக இருக்குமென தெளிவாக ஆராய்ந்தறியப்பட்டிருக்கின்றது. மேலும், அண்டவெளியில் காணப்படுகின்ற பல கருந்துளைகளும் தம்முள் உள்ளடக்கியிருக்கின்ற இராட்சத திணிவின் விளைவாகவே பல ஒளியாண்டுகள் தூரத்திற்கு தமது ஈர்ப்பெல்லையைக் கொண்டு காணப்படுகின்றன. ஆக அவற்றின் திணிவு உள்ளடக்கம் பாரியளவில் குறைந்து காணப்படுகின்ற போது, அயற் கிரகங்களையோ, அல்லது எமது பூமியிலுள்ள பல நாடுகளையோ உள்ளிழுக்கும் மற்றும் சுற்றுகைக்கு உள்ளாக்கும் ஈர்ப்பாற்றல் அற்றவையாகவே அவை அமையும்.

யார் ? இவர்கள் 05

2010-05-22T10:24:00.000+05:30

பறக்கும் தட்டை மக்கள் பார்த்து சில மணிநேரம் கழித்து இன்னோர் தகவலும் வெளியானது. நியூ மெக்சிகோ அருகே உள்ள ரோஸ்வேல் என்ற இடத்தில் வட்டவடிவமான (பறக்கும் தட்டு) பெரிய பொருள் ஒன்று நொறுங்கிக்கிடப்பதாக கூறப்பட்டது. நிறைகுறைந்த அதேநேரத்தில் உறுதியான உலோகத்தில் அந்த பறக்கும் தட்டு தயாரிக்கப்பட்டு இருந்தது. எனினும் அரசு தரப்பில் ஆரம்பத்தில் இச்சம்பவம் மூடி மறைக்கப்பட்டது. அதேநேரம் அமெரிக்க விமானப்படை இது தொடர்பாக இரகசிய விசாரணை ஒன்றையும் உடனடியாக நடாத்தியது. அப்போது பறக்கும் தட்டுகள் வானில் பறந்தது உண்மைதான் என்று தகவல் வெளியானது.

இங்கு பெறப்பட்ட அவ்வுலோகமானது மிகவும் நிறைகுறைந்ததாகவும் ஆனால் மிகவும் உறுதி கூடியதாகவும் இருந்ததாக குறிப்பிடப்பட்டுள்ளது. இவ்வுலோக இயல்பு பூமியில் உள்ள உலோகங்களின் இயல்புகளிலிருந்து முற்றிலும் வேறுபடுவதாகவும் குறிப்பிடப்பட்டது.

ஆனாலும் உடனடியாக ஏற்பட்ட பரபரப்பையும் பதற்றத்தையும் தணிப்பதாக அரசு கூறிய கருத்து

“ விமானப்படையினர் தட்பவெப்பநிலை மாற்றங்களை அறிய அனுப்பிய வானிலை ஆய்வு பலூன் தான் தரையில் வீழ்ந்து நொருங்கியது ’’

மேற்கூறப்பட்ட அனைத்து சாத்தியப்பாடுகளுக்குமான சில உதாரணசம்பவங்களை அடுத்து நோக்குவோம்.

ஆண்டு :- 2006

இடம் :- இலங்கை (தேவேந்திரமுனையை அண்டிய கிராமம்)

இப்பிரதேசத்தில் சில வேற்றுக்கிரகவாசிகளை அவதானித்து பின்தொடர்ந்த கிராமவாசிகள் வேற்றுக்கிரகவாசிகள் தம்மை திரும்பிப்பார்த்த போது தாம் மயக்கமுற்றதாக கூறினர்.

இச்சம்பவம் வேற்றுக்கிரகவாசிகளின் உயர் ஆற்றலை பரிணாம வளர்ச்சி காரணமாக கொண்டிருப்பதை உறுதிப்படுத்தியது.

(பூமியிலுள்ளோரின் மொழியில் கூறினால் மந்திரம், மாயம்)

2.பல சந்தர்ப்பங்களின் போதும் மக்களால் வேற்றுக்கிரகவாசிகள் பின் தொடரப்பட்டபோது அவர்கள் திடீரென மறைந்து போனமை.

இச்சம்பவங்கள் வேறுபட்ட பரிமாணங்கள் ஊடாக இயங்கும் தகவைக் கொண்டிருக்ககூடும் என்ற ஐயப்பாட்டை மேலும் உறுதிப்படுத்துகிறது.

அத்துடன் அவர்கள் சூழலுக்கேற்ப உடலமைப்பை மாற்றுகின்ற திறனைக்கொண்டிருக்க்க் கூடும் என்பதற்கும் வலுச்சேர்க்கிறது.

அவர்கள் திடீரென மாயமாக மறைவதும் பறக்கும் தட்டுக்கள் பூமியின் அதியுயர் தொழில்நுட்பக்கருவிகளில் சிக்காமையும்.

இச்சம்பவங்கள் குறிப்பிட்ட வேற்றுக்கிரக வாசிகள் பயன்படுத்தும் மூலகங்கள், பொருட்கள் ஒளியை உறிஞ்சும் தகவுடையதாக இருக்கலாம் என்கிற கருத்தை உறுதிப்படுத்துகிறது.

குறிப்பு :- ஒரு பொருளானது பூமியிலுள்ளோரின் பார்வைப்புலத்தால் உணரப்பட வேண்டுமானால் அப்பொருளில் பட்டுத்தெறிக்கும் ஒளிக்கதிர் எம் கண்ணை அடைய வேண்டும். தெறிப்பு நடைபெறாமலோ அல்லது தெறித்த கதிர் எம் கண்ணை அடையாவிட்டாலோ எம்மால் அப்பொருளை அவதானிக்கமுடியாது.

ஆகவே ஒளியை உறிஞ்சக்கூடிய பொருட்கள் இல்லாவிடினும் குறிப்பிட்ட வேற்றுக்கிரக வாசிகள் தெறித்த ஒளியை திசைதிருப்பக்கூடிய ஆற்றலையாவது கொண்டிருக்கலாம்.

ஏற்கனவே அவதானிக்கப்பட்ட பல சந்தர்ப்பங்களில் வேற்றுக்கிரகவாசிகள் தாம் பின்தொடரப்படுவதை விரும்பவில்லை. இச்சந்தர்ப்பங்களில் அவர்கள் பின்தொடர்ந்தவர்களை தமது விசித்திரமான இயலுமைகள் மூலம் மயங்கச்செய்துள்ளனர். எனவே இச்சம்பவங்கள் மூலம் அவர்களின் நோக்கம் எமக்கு சாதகமானதாக இருக்காது என்றே எண்ணத்தோன்றுகிறது.

அப்படியென்றால் ஏன் அவர்கள் எமது கிரகத்தில் இன்னும் உயிரிழப்புக்களை ஏற்படுத்தத்தொடங்கவில்லை? என்ற கேள்வியும் எழத்தானே செய்கிறது.

1. நாம் வேறு கிரகங்களை ஆய்வுசெய்ய முயற்சி செய்வது போல் அவர்களும் தமது ஆய்வின் ஒரு பகுதியாக எமது கிரகத்திற்கு வருகைதரக்கூடும்.

2. மாறாக ஆக்கிரமிப்பு நோக்கத்தை கொண்டிருப்பின் தமது உளவு நடவடிக்கைகளை முடிக்காமலேயே இங்கு உயிரிழப்புக்களை ஏற்படுத்த விரும்பாமல் இருக்க்க்கூடும்.

3. ஏற்கனவே இப்பூமியில் இடம்பெறும் மர்ம உயிரிழப்புக்களுக்கும் இவர்களுக்கும் தொடர்பு இருக்கலாம்.

4. எம்மீது அழிவுகளை ஏற்படுத்தாது எதிர்காலத்தில் எம்மை முழுமையாக தமது அடிமைகளாக மாற்றுவதற்குரிய திட்டங்கள் தற்போது அரங்கேறிக்கொண்டிருகக்கூடும்.

அடுத்து மேற்கூறப்பட்ட ஒவ்வோர் சாத்தியப்பாடுகளையும் ஆராய்வோம்.....

தொடரும்........

யார் ? இவர்கள் 04

2010-05-18T16:53:00.001+05:30

3.குறிப்பிட்ட வேற்றுக்கிரகவாசிகளின் கிரகங்கள் வேறுபட்ட பௌதிக இயல்புகளை கொண்டிருத்தல்.

எமது பூமியிலுள்ள கருவிகள், உலோகங்கள் ஆகியவற்றிலிருந்து முற்றிலும் வேறுபட்ட வகையிலான கருவிகளை அவர்களுடைய விஞ்ஞானிகள் பயன்படுத்துவதன் மூலம் அவை எமது அவதானிப்பு சாதனங்களை தோற்கடிக்கக்கூடிய சாத்தியம் உண்டு என்று அமெரிக்காவின் பிரபல ஆய்வாளர்கள் எதிர்வு கூறியுள்ளார்கள்.

இதுவரை எமது விஞ்ஞானிகளால் மேற்படி வேற்றுக்கிரகவாசிகள் தொடர்பான பாரிய தடயங்கள் எதனையும் பெற்றுக்கொள்ள முடியாமை இச்சந்தேகத்தை மேலும் உறுதிப்படுத்துகிறது.

அவ் ஆய்வாளர்களின் கருத்திலிருந்து ஆராய்ந்து பார்க்கையில் சில விளக்கங்களை பெற்றுக்கொள்ளலாமென எண்ணுகிறேன்.

1. அவர்களின் கிரகத்தில் உள்ள உலோகங்கள் உள்ளடங்கலான மூலகங்கள் உறுதி, அடர்த்தி, உருகுநிலை, கொதிநிலை ஆகியவற்றை இயல்பாக மாற்றி அமைக்கக்கூடியதாக இருக்குமிடத்து அவர்களின் ஏனைய கிரகங்கள் மீதான பிரவேசம் சவால்கள், பிரச்சினைகளை குறைவாகவே உள்ளடக்கியிருக்கும்.

2. சூழலுக்கேற்ப ( பௌதிக நிலை மாற்றங்களுக்கு ஏற்ப ) உடலமைப்பை மாற்றக்கூடிய பரிமாண வளர்ச்சியை வேற்றுக்கிரகவாசிகள் தங்களுடைய கிரகத்தின் பௌதிக நிலையில் காணப்படும் வித்தியாசமான தன்மை காரணமாக கொண்டிருக்கலாம். எமது பூமியில் வேற்றுக்கிரகவாசிகள் எமது மக்களுக்கு திடீர் திடீரென தோற்றமளிப்பதும் அதேவேகத்தில் மறைந்து போவதும் இக்கருத்தை மேலும் வலியுறுத்துகின்றன.

3. எமது பூமியில் நாம் மூன்றுவகைப்பரிமாணங்களை மாத்திரமே கொண்டு இயங்குகிறோம். ஆனால் பூமியில் வசிப்பவர்களுக்கு புலப்படாத பல பரிமாணங்களை உள்ளடக்கியதாக வேற்றுக்கிரகவாசிகள் தமது இயக்கத்தை மேற்கொள்ளக்கூடிய திறனை கொண்டிருக்கக்கூடும். இவ்வாறான நிலை இருப்பதுவும் இவர்கள் எமது கண்களுக்கு திடீரென தோற்றமளித்தல், மறைதல் ஆகியவற்றிற்குரிய விளக்கமாக இருக்கும்.

4. பூமியலுள்ள எமக்கு

புலன்கள் :- கேட்டல், பார்த்தல், சுவைத்தல், உணர்தல், மணத்தல்

பொறிகள் :- காது, மூக்கு, கண், நாக்கு, தோல்

ஆனால் அவ்வேற்றுக்கிரக வாசிகள் இவற்றில் மேலும் பலவற்றைக்கொண்டிருந்தால் எம்மால் அவற்றைக்கண்டுபிடிக்க முடியுமா? அவை எவை என்று ஊகிக்கவே முடியவில்லையே? எவ்வாறு தான் கண்டுபிடிப்பது?

அவர்களின் இனப்பெருக்க முறையானது மேற்குறிப்பிட்ட ஏனைய புலன்களின் ஒன்றை அடிப்படையாக்க்கொண்டு கூட அமையலாம்.

பறக்கும் தட்டுக்களை ஆக்கப்பயன்படும் உலோகங்களின் வேறுபட்ட இயல்புகளின் சாத்தியம்

1947ம் ஆண்டு தொழில் அதிபரும் விஞ்ஞானியுமான கென்னத் ஆர்னல்ட் என்பவர் தனது சொந்தவிமானத்தில் பறந்து சென்றார். வொஷிங்டன் அருகே ''காஸ்கட்'' மலைப்பகுதியில் அவர்விமானத்தை ஓட்டிச்சென்ற போது பறக்கும் தட்டு போன்ற பொருளை அவர் கண்டார். அது மணிக்கு சுமார் 1700 மைல் வேகத்தில் பறந்துசென்றதாகவும் குறிப்பிட்டார். விமானி கென்னத் மட்டுமன்றி தரைக்கட்டுப்பாட்டு நிலையத்தினரும் இதை ரேடார் கருவி மூலம் பார்த்தனர். இது தவிர பொதுமக்கள் பலரும் பறக்கும் தட்டைப்பார்த்தனர்.

இச்சம்பவம் சார்ந்த படங்களே இப்பதிவில் இடப்பட்டுள்ளன.

தொடரும்..........

யார் ? இவர்கள் 03

2010-05-16T10:25:00.000+05:30

வேற்றுக்கிரகவாசிகளை கைது செய்ய முடியாமல் போனது ஏன்? பறக்கும் தட்டுக்களை கைப்பற்றமுடியாமல் போனது ஏன்?

1. உயர் தொழில்நுட்பவிருத்தி

உயர்வேகம்

ஏற்கனவே ஆய்வின் முற்பகுதியில் குறிப்பிட்டபடி பல அவதானிப்புகளிலும் பறக்கும் தட்டுகள் உயர்வேகம் கொண்டவை என்று குறிப்பிடப்பட்டது. வேகம் தொடர்பான அறிக்கைகள் அவதானிப்புகளை மேற்கொண்ட அனைத்து தரப்பானோர்களிடம் இருந்தும் பெறப்பட்டுள்ளமையானது பூமியில் உள்ள சாதனங்களின் வேகத்தை விட மேம்பட்டவை என்பது தெரிகிறது.

பறக்கும் தட்டுக்கள் மட்டுமல்லாது வேற்றுக்கிரக வாசிகளும் மிகவும் வேகம் கூடியவர்கள் என்பது மக்களின் கருத்துக்களிலிருந்து புலப்படுகின்றமை குறிப்பிடத்தக்கது.

1963ம் ஆண்டும் 1965ம் ஆண்டும் “வர்கர்“ மற்றும் “ஜெமினி“ ஆகிய விண்கலங்கள் ஊடாக விண்வெளிக்குச் சென்று வந்த “கோர்டன் குபர்“ தான் ஜேர்மனிய இராணுவத்தில் பணியாற்றியபோது ஏற்பட்ட அனுபவத்தை விபரிக்கிறார்.

“ நான் அது ஒரு மிக் ரக வாகனம் என்று கருதி அதைப்பின்தொடர்ந்து சென்றபோதும் அது 45000 அடி உயரத்தில் பறந்து கண்ணில் படாமல் மறைந்து விட்டது. பூமியில் தயாரிக்கப்படுகின்ற எத்தகைய நவீன கருவிகளாலும் அது போன்ற வேகத்தில் பறக்க ( இயங்க ) முடியாது என்று எண்ணுகிறேன். அது எனக்கு ஓர் வித்தியாசமான அனுபவமாக இருந்தது”

பெயர் :- மார்கிரட்டர் புல்

தொழில் :- விஞ்ஞானி கானக ஆய்வு நிலையம், வொஷிங்டன்

கருத்து :-பீடா என்ற கோளில் உயிரினங்கள் வாழமுடியும் என எனது ஆய்வுகள் கூறுகின்றன. அங்கு ஏதேனும் கலாசாரங்கள் நிலவக்கூடும் என்பது எனது கருத்து.

இவரின் கூற்றிலுள்ள ஆச்சரியம் என்னவென்றால் இவரால் கூறப்பட்ட பீடா வானது பூமியிலிருந்து 26 ஒளியாண்டுகள் தொலைவில் அமைந்துள்ளது. இங்கிருந்து தான் பறக்கும் தட்டுகள் வருகின்றனவெனின் அவற்றின் வேகத்தை நினைக்கவே தலை சுற்றுகிறதே…….

2.அறிவு வளர்ச்சி கூடியவர்களாக இருத்தல்

எமது பூமியை எடுத்துக்கொண்டால் இப்பூமியில் வாழ்கின்ற மனிதர்கள் பகுத்தறிவு என்னும் ஆறாவது அறிவை ஏனைய விலங்குகளை விட வித்தியாசமாக கொண்டிருக்கின்றனர். மனிதர்களை விலங்குகளிடம் இருந்து வேறுபடுத்திக்காட்டும் இந்த ஆறாவது அறிவைக்கொண்டு மனிதர்கள் அடைந்திருக்கும் வளர்ச்சி மிகப்பெரியது.

இதேபோன்று வேற்றுக்கிரகவாசிகள் பூமியிலுள்ள மனிதர்கள் கொண்டிருக்கின்ற அறிவை விட மேலதிகமாக ஏதாவது அறிவைக்கொண்டிருக்கக்கூடும். இதன் காரணமாக பூமியிலுள்ளோர் கூறுகின்ற மந்திரம் மாயம் போன்றவற்றை தமது இயல்பால் இலகுவாக அரங்கேற்றக்கூடியவர்களாக அந்த வேற்றுக்கிரகவாசிகள் இருக்கமுடியும்.

உதாரண சம்பவம் :-

அமெரிக்காவில் ஒரு பெண் திடீரென கர்ப்பமுற்றிருந்தாள். வேடிக்கை என்னவென்றால் இதற்கான காரணம் அவளுக்கே புரியவில்லை. விடயம் முற்றிப்போய் வைத்தியர்களிடம் சென்றது. உண்மையை அறிவதற்கு அப்பெண் ஆழ்நிலை உறக்கத்திற்கு உட்படுத்தப்பட்டாள். அப்போது அவள்,

"குறிப்பிட்ட நாளில் நான் வீட்டில் தனியாக இருந்தேன். அப்போது வானிலிருந்து கோளவடிவான ஒரு வாகனம் எம் வீட்டுத்தோட்டத்தில் வந்திறங்கியது. நான் பயத்தில் அறைக்குச்சென்று கதவை தாழிட்டுக்கொண்டேன். ஆனால் கதவு மூடியிருக்கும் போதே சிலர் அறைக்குள் மாயாவி போல உள்நுளைந்தார்கள். அவர்களை உற்றுப்பார்க்கையில் நான் மயக்கமுற்றிருந்தேன்" என்றாள்.

கதவு மூடியிருக்கும் போதே உள்நுளைவது அவர்களின் அறிவின் வளர்ச்சியை எடுத்துக்காட்டுகிறது.

மேற்படி சம்பவத்தை அவளின் நினைவிலிருந்து மறக்கச்செய்தமையும் அவர்களின் வித்தியாசமான அறிவுவளர்ச்சியை எடுத்துக்காட்டுகிறது.

ஆனாலும் மனிதர்கள் எப்படியாயினும் ஆழ்நிலை உறக்கத்திற்கு உட்படுத்தி இவ்விடயத்தை தெரிந்துவிடுவார்கள் என்பதை அவர்கள் அறியவில்லையா? அல்லது தமது வருகையை இவ்வகையில் அறிவித்து விட்டனரா?

குறிப்பிட்ட காலம் கழித்து அந்தப்பெண்ணை ஒருநாள் காலை அவதானித்தபோது அவர் கர்ப்பமுற்றிருப்பதற்கான எதுவித அறிகுறிகளும் அவதானிக்கப்படவில்லை. மீண்டும் வைத்தியர்கள் அவளை ஆழ்நிலைஉறக்கத்திற்கு கொண்டு செல்ல அவள் 2வது முறையும் அந்த விசித்திரமான உருவங்கள் வந்ததாக கூறினாள்.

தொடரும்............

யார் ? இவர்கள் 02

2010-05-14T20:52:00.001+05:30

சமீபத்தில் நிகழ்ந்த ஒரு பறக்கும் தட்டு சம்பவம் மேற்கத்தைய நாடுகளை கதிகலங்கச் செய்துள்ளது. கண்காணிப்புப்பணியில் ஈடுபட்டிருந்த விமானப்படை விமானிகளால் படம் பிடிக்கப்பட்டு தொலைக்காட்சி வாயிலாக செய்திகளாக உலகெங்கும் காண்பிக்கப்பட்டது.

இச்சம்பவமானது 2004/03/05 இல் இடம்பெற்றது. வழக்கமாக விமானப்படை விமானங்கள் மூலம் ரோந்துப்பணியில் ஈடுபட்டிருந்தவர்களுக்கு வினோதமான பதினொரு ஒளிரும் பொருட்கள் வானில் தென்படுவதை பார்த்தவுடன் கண்காணிப்பு சாதனத்தில் பதிவு செய்யப்பட்டது. இதை அந்நாட்டு பாதுகாப்புத்துறையின் செய்தித்தொடர்பு அதிகாரி ஒருவர் உறுதிசெய்தார். மே 10ம் திகதி செய்தி நிறுவனங்களுக்காக இந்த பறக்கும் தட்டு பற்றிய வீடியோக்கள் வெளியிடப்பட்டது. வினோதமான ஒளிரும் பொருட்களாக தென்பட்டவற்றில் சில கூரிய ஒளிரும் விளக்குகள் போலவும் இருந்தன. பொழுது சாயும் வேளையில் ஆகாயத்தில் தென்பட்ட இந்த பறக்கும் தட்டின் வேகம் திகைப்பூட்டும் விதமாக அதிவிரைவாக சென்று மறைந்தன. குறிப்பிட்ட நாளில் விமானம் மூலம் போதைப்பொருள் கடத்தல் காரர்களை பிடிப்பதற்காக கண்காணிப்பு மற்றும் ரோந்துப்பணியில் ஈடுபட்டிருந்த போது விமானப்படை விமானிகளால் இந்த பறக்கும் தட்டு அகச்சிவப்பு சாதனங்கள் மூலம் படம் எடுக்கப்பட்டது.

2. வேற்றுக்கிரக வாசிகள் பற்றியவை

2006

இடம் :- ஃகொரண இலங்கை

அவதானித்தவர்கள் :- கிராமவாசி

கருத்து :- “நான் அந்தத்தெருவால் வந்தபோது 2 குள்ள உருவமானவர்களைக்கண்டேன். அருகில் வர அவர்களின் தோற்றம் இன்னும் தெளிவாக தெரிந்தது. ஒல்லிய உடம்பும் பெரிய தலையும் உடைய அவர்களுக்கு அருகில் செல்ல முயற்சித்தேன். ஆனால் அவர்கள் காட்டுப்பகுதியினுள் ஒடி தப்பிவிட்டனர். அவர்களின் உடல் நிறம் பொன் போன்று இருந்தது.”

குறிப்பு மேற்படி கிராமவாசி குறிப்பிட்ட நேரத்திற்கு சற்றுப்பின் அத்தோற்றத்தை உடையோரை அவதானித்ததாக காட்டில் விறகு பொறுக்கச் சென்றிருந்தோர் தெரிவித்தனர்.

2006

இடம் :- இலங்கை (தேவேந்திர முனையை அண்டிய கிராமம்)

அவதானித்த்வர்கள் :- பிரதேசவாசிகள் சிலர்

கருத்து :- குள்ளமான ஒல்லிய உடம்பும் பெரிய தலையும் கொண்ட 3 பேரை அவதானித்தோம். பின் தொடர்ந்து சென்ற போது அவர்கள் எம்மை திரும்பிப்பார்த்தார்கள் நாங்கள் மயக்கமுற்றோம்.

1980களில்

இடம் :- கைதடி யாழ்ப்பாணம்

அவதானித்தவர்கள் :- பிரதேசவாசிகள் சிலர்

கருத்து :- ஒளிரும் பொருளிலிருந்து இறங்கிய அந்த உருவங்கள் பார்ப்பதற்கு வித்தியாசமாக இருந்தார்கள். மெல்லிய உடல் உடையவர்களாகவும் பெரிய தலைகள் கொண்டவர்களாகவும் இருந்தனர்.

1954

இடம் :- அமெரிக்கா

அவதானித்தவர் :- கிராமவாசிகள்

கருத்து :- அவர்கள் 3 பேர் இருந்தனர். அருவருப்பான உடலமைப்பை கொண்டிருந்தனர். ஒல்லியாக இருந்தனர்.

பூமியில் உள்ள கருவிகளுக்கு கிடைத்த சமிக்ஞைகள்

“ஆசிசோ“ விண்ணியல் ஆய்வு மையத்தில் இருக்கும் அதிசக்தி வாய்ந்த அன்டனாவுடன் கூடிய பிரமாண்டமான தொலைநோக்கியில் ஒரு வானொலி சமிக்ஞை பதியப்பட்டது. இதே போன்று மேலும் பல தடவைகளும் சமிக்ஞைகள் பதியப்பட்டன.

இவற்றுள் ஒன்று ''SHHGGO2+149 '' எனப் பெயர்சூட்டப்பட்டுள்ளது. இந்த அலைவரிசையானது 1420 MHz வேகத்தில் பூமியை அண்மித்ததாக பதிவு செய்யப்பட்டுள்ளது.

ஆகவே மேற்கூறப்பட்ட சமிக்ஞைகளும் வேற்றுக்கிரகங்களிலும் உயிர்கள் வாழ்கின்றன என்பதை உறுதிப்படுத்துகின்றன.

பிரபஞ்சம் என்பது மிகவும் விரிந்தது. எண்ணில் அடங்காத நட்சத்திரங்களையும் அவற்றிற்குரிய கோள்கள், விண்கற்கள், வால்வெள்ளிகள் என்று வரையறுக்கப்படாத எல்லைகளைக் கொண்டும் காணப்படும் இந்தப்பிரபஞ்சத்தில் பூமியை ஒரு மிகச்சிறிய புள்ளியாக கருதலாம். இப்படிப்பட்ட ஒரு மிகச்சிறிய இடத்தில் வாழ்ந்து கொண்டிருக்கும் நம்மால் நமது அறிவையும் தொழில்நுட்ப வளர்ச்சியையும் கொண்டு அவற்றிலிருந்து வேற்றுக்கிரகவாசிகள் இருக்கமுடியாதென்று கூறுவது கிணற்றுத்தவளைகளின் மனநிலையையே நாம் கொண்டுள்ளோம் என்பதையே உறுதிப்படுத்தும். ஆகவே இவ்வாய்வின் அடுத்த கட்டங்கள் வேற்றுக்கிரகவாசி பறக்கும் தட்டுக்கள் ஆகியவை உண்மையானவை என்ற அடிப்படையிலேயே இருக்கும்.

தொடரும்................

யார் ? இவர்கள் 01

2010-05-09T11:07:00.000+05:30

முன்னுரை

ஏன்? எதற்கு? எப்படி? இந்தக்கேள்விகளுக்கு விடை இல்லாமல் எதுவும் இல்லை என்ற நம்பிக்கையுடன் அறிவியல் வளர்ந்துள்ளது. உலகம் படைக்கப்பட்டது முதல் இன்று வரை அறிவியல் துறையில் ஏற்பட்ட வளர்ச்சி பிரமாண்டமானது; பிரம்மிக்கத்தக்கது. அறிவியல் கண்டுபிடிப்புக்கள் மூலமே இன்றைய நாகரிக மனிதனின் வாழ்வு வளம் பெற்றிருக்கிறது என்று கூறும் வண்ணம் அறிவியலின் ஆக்கிரமிப்பு மனித வாழ்க்கையோடு ஒன்றிவிட்டது. உலகையும் மனிதனையும் அறிவியலும் அதன் படைப்புகளும் ஆக்கிரமித்துக்கொண்டாலும் அவ்வப்போது நிகழும் சில அதிசய சம்பவங்கள் அறிவியல் உலகோடு கண்ணாமூச்சி ஆடுகின்றன. அறிவியலின் கழுத்தை அவ்வப்போது நெரிக்கும் இந்த மர்ம முடிச்சுக்கள் ஏன் நிகழ்கின்றன. என்பன புரியாத புதிர். அவிழ்க்கப்படாத இந்த சிக்கலான முடிவுகள் பல உண்டு. அவற்றுள் ஒன்று தான் U.F.O (UNIDENTIFIED FLYING OBJECTS ) எமக்கு “பறக்கும் தட்டுகள்” என்று பரிச்சயமானவை தான் இந்த “U.F.O” கள்

காலங்காலமாகவே இந்தப்பறக்கும் தட்டுகள் உலகின் பல்வேறு இடங்களிலும் உள்ளோரால் அவதானிக்கப்பட்டு வந்துள்ளன. எனினும் மேற்படி அனைத்து சந்தர்ப்பங்களிலும் அவதானித்தோரால் வெற்றிகரமாக எந்த ஒரு நடவடிக்கையையும் மேற்கொள்ள முடியவில்லை. ஆகவே இதுவரை நடைபெற்ற சம்பவங்களை குறிப்பிட்டு அச்சந்தர்ப்பங்களில் மக்கள் எதிர்கொண்ட சவால்களையும் தெரிவித்து இனிவரும் காலங்களில் பறக்கும் தட்டுகள் தொடர்பாக ஏற்படக்கூடிய அனைத்து சம்பவங்களையும் வெற்றிகரமாக எதிர்கொள்ளத்தேவையான அறிவைப்பெற்றுக்கொடுப்பதே எனது ஆய்வின் முக்கிய நோக்கமாக காணப்படுகிறது.

ரவிகரன் ரணேந்திரன்
தரம்- 13 விஞ்ஞானப்பகுதி ( 2008 )
விஜயரத்தினம் இந்து மத்திய கல்லூரி
நீர்கொழும்பு.

பறக்கும் தட்டுகள் வேற்றுக்கிரக வாசிகள் ஆகிய பதங்களின் உண்மைத்தன்மை

உலகெங்கும் கிடைக்கப்பெற்ற ஆயிரக்கணக்கான முறைப்பாடுகள்

உலகின் அனைத்து பாகங்களிலும் கிடைத்த முறைப்பாடுகள் அனைத்தையும் ஏற்றுக்கொள்வது அர்த்தமற்றது என்றாலும் மேற்படி அனைத்து சந்தர்ப்பங்களிலும் மக்களின் கருத்துகளில் காணப்பட்ட ஒற்றுமையானது உண்மை இருக்கலாமென காட்டுகிறது.

சில உதாரணங்கள்

பறக்கும் தட்டுகள்

1. 1998 / மார்ச்சு / 14, 15, 16

இடம் :- குயின்ஸ்ராந்து கிங்காராய்

அவதானித்தவர் :- பிரதேச மக்கள் பலர்

கருத்து :- மாலை 6.40 அளவில் தொடுவானத்தில் வெள்ளை நிறமான பிரகாசமான விளக்குகள் கொண்ட அடிப்பகுதி அகன்ற வட்டமும் மேற்பகுதி கூம்பியும் இருந்த தட்டுகள் பறந்து சென்றன. ( மிகவும் விரைவாக )

2. 1998 / மார்ச்சு / 17

இடம் :- குயின்ஸ்ராந்து கிங்காராய்

அவதானித்தவர் :- பிரதேச மக்கள் பலர்

கருத்து :- மாலை 6.30 அளவில் கறுப்பு நிறமான வெள்ளை விளக்குகள் கொண்ட வட்ட வடிவமான தட்டுக்கள் பறந்து சென்றன.

3. 1998 / மார்ச்சு / 23

இடம் :- பிந்தூன் மேற்கு ஆசியா

அவதானித்தவர் :- பிரதேச மக்கள் பலர்

கருத்து :- இரவு 9.45 மணிக்கு வெளிர் மஞ்சள் நிறமுடைய தட்டு ஒன்று சிவப்பு பச்சை விளக்குகளை கொண்டு பறந்தது.

4. 1998 / ஏப்ரல் / 23

இடம் :- மெல்போர்ன் அவுஸ்திரேலியா

அவதானித்தவர் :- பாப்வாட்டர் மேன்

கருத்து :- இரவு 7.30 மணிக்கு மொட்டை மாடியில் நின்று அளவளாவிக்கொண்டிருந்த போது பல வர்ண விளக்குகளைக்கொண்ட வட்டத்தட்டு ஒன்று மிக வேகமாக உரத்த சத்த்த்துடன் சென்றது.

குறிப்பு இதன் சத்த்த்தை பிரதேசவாசிகளும் கேட்டுள்ளனர்.

5. 1998 / ஏப்ரல் / 22

இடம் :- அவுஸ்திரேலியா

அவதானித்தவர் :- ஓய்வுபெற்ற விமானக்கப்டன்

கருத்து :- மாலை 6.40 இற்கு நடைப்பயிற்சியிலிருந்த போது மிகப்பெரிய வட்டவடிவமான ஒளிரும் பொருள் மிக வேகமாக எம்மைக்கடந்து சென்றது. இதன் ஒலி மிகவும் உரப்பு கூடியதாக இருந்தது.

6. 1998 / சித்திரை / 30

இடம் :- பண்டாரவளை தியத்தலாவை இலங்கை

அவதானித்தவர் :- பாடசாலை மாணவர்கள்

கருத்து :- அதிகாலை வேளையில் வட்ட வடிவமான தட்டு ஒன்று விளையாட்டு மைதானத்தில் தரையிறங்கியது. இது ஒளிரும் விளக்குகளை கொண்டிருந்தது.

7. 2000 / தை / 1

இடம் :- கண்டி குண்ணப்பன

அவதானித்தவர்கள் :- பல இளைஞர்கள்

கருத்து :- இரவு நேரத்தில் 300 அடி உயரத்தில் சிவப்பு நிற வட்டவடிவமான தட்டு வேகமாக பறந்தது.

பறக்கும் தட்டுக்களின் சில படங்கள்

தொடரும்......

பனாமா கால்வாய் 06

2010-05-06T16:01:00.000+05:30

பனாமா கால்வாயின் தோற்றத்தினை நோக்கும் போது அதில் செயற்கையாக அமைக்கப்பட்ட கட்டூன் வாவியும் குறிப்பிட்டதொரு இடத்தை வகிக்கிறது. சாகிறஸ் ஆற்றிலிருந்து வரும் நீரினை மையப்படுத்தி கட்டூன் வாவி அமைக்கப்பட்டது. காலம் செல்லச்செல்ல சாகிறஸ் ஆற்றிலிருந்து வரும் நீர் கட்டூன் அணைக்கட்டு மூலமாக சேகரிக்கப்பட்டது. அதுமட்டுமல்லாது நாளடைவில் அணைக்கட்டினை அண்டி ஆறு மூலமாக மண்ணும் அடித்து வரப்பட்டு அணைக்கட்டினை அண்டிய பிரதேசத்தில் விடப்படுவதால் ஆணைக்கட்டின் பலமும் அதிகரிக்கப்பட்டது. 1.5 மைல் தூரம் நீளமும் அடிப்பரப்பில் அண்ணளவாக 0.5 மைல் தூரம் அகலமுமாக அமைக்கப்பட்டது. நீளத்தின் வழியே இருவேறுபட்ட சுவர்களுக்கு இடையிலானதாக மேற்படி வாவி அமையும் வண்ணம் அமைக்கப்பட்டிருந்தத்து. மேலும் மேற்படி சுவர்களின் மேற்பரப்பு ஒருவகையான கிளேயினால் உருவாக்கப்பட்டிருந்தது. காலம் செல்லச்செல்ல கிளேயும் காய்ந்து கடினமானதாக மாறி கட்டூனின் அணைக்கட்டு மென்மேலும் உறுதியாகியது. இந்த அணைக்கட்டானது அண்ணளவாக 16.9 மில்லியன் கனமீட்டர் அளவு மண்ணாலும் ( மலையின் பகுதி ) கிளேயினாலும் உருவாக்கப்பட்டதாகும். மற்றும் பனாமா கால்வாயின் மொத்த அளவுடன் ஒப்பிடும் போது மேற்கூறப்பட்ட அணைக்கட்டு மாத்திரம் 1/10 பகுதியாகும்.

கட்டூன் பகுதியில் உள்ள அணைக்கட்டுடன் ஒப்பிடும் போது பெட்ரோ மிகுவெல் மற்றும் மெறாஃப்ளோர் போன்ற பகுதிகளில் உள்ள அணைக்கட்டுகள் மிகவும் சிறியனவாகும்.

பனாமா கால்வாயினூடான ஓர் பயணம்.

பனாமாவினை அண்டியதான அத்திலாந்திக் கடலோரத்தில் இருந்து லைமன் விரிகுடாவை அணுகும் கப்பல்கள் அதனூடாக சுமார் 7மைல் தூரம் பயணம் செய்து பின்னர் அதன் வழியே தொடர்ந்து 11 மைல் தூரம் கடல் பயணத்தினை மேற்கொள்ளும் போது கட்டூன் பகுதிக்கு கப்பல்கள் கொண்டு வரப்படுகின்றன. இரவு நேரத்தில் பொன் எழில் கொஞ்சும் பகுதியாக விளங்கும் இப்பகுதியில் தொடராக மூன்று பாரிய தொட்டிகள் பல்வேறு உயரமட்டங்களில் நீர்மட்டத்தினை கொண்டதாக காணப்படுகின்றன. முதலாவது தொட்டியினுள் முற்றுமுழுதாக கப்பலானது பிரவேசித்தபின்னர் அவற்றிற்குரிய கதவுகள் அடைக்கப்பட்டு நீர்பாய்ச்சப்படும். நீர்பாய்ச்சப்படுவதன் மூலம் கப்பல் மேலெழும். ( தொட்டியினுள்ளேயே ). இரண்டாவது தொட்டியின் நீர்மட்டத்தின் அளவிற்கு முதலாவது தொட்டியின் நீர்மட்டம் வரும் வரை நீர்பாய்ச்சப்பட்டு பின்னர் முதலாவது தொட்டியின் முன்பக்க கதவு திறக்கப்பட்டு இரண்டாவது தொட்டியினுள் செலுத்தப்படும். (இந்நிலையில் முதல் தொட்டியின் நீர்மட்டமும் இரண்டாவது தொட்டியின் நீர்மட்டமும் சம அளவில் உள்ளதால் கப்பல் இரண்டாவது தொட்டியினுள் செலுத்தப்படுவதற்கு பாரிய இடர்பாடுகள் இராது. மீண்டும் இரண்டாவது தொட்டியினுள் கப்பலானது பிரவேசித்த பின்னர் கதவுகள் அடைக்கப்பட்டு நீர்பாய்ச்சப்பட்டு மூன்றாவது தொட்டியின் நீர்மட்டத்தை அடைந்ததும் இரண்டாம் தொட்டியின் முன்பக்க கதவு திறக்கப்பட்டு மூன்றாவது தொட்டியினுள் செலுத்தப்படும். இதிலிருந்து மீண்டும் நீர்பாய்ச்சும் செயன்முறை இடம்பெற்று கட்டூன் வாவியினுள் செலுத்தப்படும். இதிலிருந்து 32மைல் அளவிலான தூரம் மேற்படி வாவியினுடாக பயணித்து கப்பல்கள் கம்போவா எனும் இடத்தை அடைகின்றன. அதிலிருந்து படிப்படியாக முன்று கட்டுக்கள் மூலம் இரண்டு தொட்டிகளினூடாக படிப்படியாக நீர்மட்டம் குறைக்கப்படுவதன் மூலம் கடல் மட்டத்திற்கு கொண்டுவரப்பட்டு பசுபிக் கடலை அடைகின்றன. சுமார் 51 மைல் தூர பயணம் இவ்வாறே நிறைவடைகிறது.

மேலும் பிரமாண்ட அமைப்பில் காணப்படும் கதவுகளை திறப்பதற்கும் மீண்டும் பூட்டுவதற்கும் அணைக்கட்டுகளில் நீர் தேக்கி வைப்பதன் மூலம் பெறப்பட்ட மின்சாரம் காரணமாகிறது. மற்றும் கட்டூன் பகுதிக்கு வரும் கப்பல்களுடன் கழுதை எஞ்சின்கள் (MULE ENGINES) கப்பலுடன் பொருத்தப்பட்டு அவை மூலம் தொட்டிகளில் ஏற்றும் வரையும் பின்னர் ஈற்றில் தொட்டிகளிலிருந்து இறக்கும் வரையும் கப்பல்கள் கொண்டுசெல்லப்படுகின்றன. இச்செயன்முறையில் மேற்படி எஞ்சின்களுக்கு தேவையான மின்சாரமும் அணைக்கட்டுக்களில் இருந்தே பெறப்படுகின்றது.

தற்காலத்தை நோக்குவோமெனில் பனாமா கால்வாயில் தினம் தினம் பல கப்பல்கள் தமது பயணத்தை மேற்கொண்டு வருகின்றன. மற்றும் நாளுக்கு நாள் கப்பல் உருவாக்கத்திலும் பல்வேறுபட்ட தொழில்நுட்பங்கள் பயன்படுத்தப்பட்டு பாரிய அளவுடைய கப்பல்கள் உருவாக்கம் பனாமா கால்வாயினூடு செல்வது சாத்தியமற்றதாக காணப்படுகிறது. இதனால் எதிர்காலத்தில் அத்திலாந்திக் கடலையும் பசுபிக் கடலையும் இணைக்கும் விதமாக வேறு செயற்கைக்கால்வாய்கள் அமைக்கப்படுவதற்கும் சாத்தியக்கூறுகள் காணப்படுகின்றன. அது நடக்காத பட்சத்தில் தற்போது பயன்படுத்தப்படும் பனாமா கால்வாயின் தோற்றத்தில் மாற்றங்களை ஏற்படுத்தி (அகலம், ஆழம் என்பவற்றை கூட்டுதல் ) அதன்மூலம் ஆரோக்கியமான கப்பல் பயண நடவடிக்கைகள் மேற்கொள்ளப்படலாம்.

பனாமாக்கால்வாய் சார்ந்ததாக சுமார் 14000 மனிதர்கள் வேலை புரிவது மட்டுமல்லாது அதிலும் 4000 பேர் பனாமா குடியரசினை சேர்ந்தவர்கள் என்பது குறிப்பிடத்தக்கது. இக் கால்வாய் மூலமாக பிரதான வருவாயை ஈட்டிவரும் பனாமா குடியரசு எதிர்காலத்தில் அனைத்துவிதமான கப்பல்களும் செல்லக்கூடிய விதத்தில் கால்வாயை மாற்றியமைக்குமா இல்லையா என்பது பல்வேறு பட்ட மக்களின் கேள்வியாக இருந்தாலும் பனாமா கால்வாயின் அவசியம் காலம் காலமாக உணரப்படும் என்பது திண்ணமே…….

முற்றும்.......

பனாமா கால்வாய் 05

2010-05-02T11:27:00.000+05:30

பனாமா கால்வாயினை நோக்கும்போது அத்திலாந்திக் கடலோரத்தில் ஆரம்பித்து பசுபிக் கடலோரத்தில் முடிவடையும் வரை மொத்தமாக 3 பிரமாண்டமான பூட்டுக்கள் அமைக்கப்பட்டுள்ளன. முதலாவது பூட்டு கட்டூன் பகுதியிலும் இரண்டாவது பெட்ரோ மிகுவெல் பகுதியிலும் மற்றும் மூன்றாவது மிறோபிளோர் பகுதியிலும் அமைக்கப்பட்டன.

கட்டூன் பகுதியில் இரு சமாந்தரமாக அமைக்கப்பட்ட பூட்டுத்தொகுதியானது பனாமா கால்வாயினூடாக பயணத்தை மேற்கொள்ளும் கப்பல்களை அத்திலாந்திக் கடல் மட்டத்திலிருந்து உயர்த்துவது இப்பகுதி தான். கப்பல்கள் கடல் மட்டத்திலிருந்து சுமார் 90 அடி உயரம் அளவிற்கு உயர்த்தப்படுகிறது. இரு பூட்டுத்தொகுதிகளிலும் மொத்தம் 3 பகுதியாக கப்பல்கள் கடல் மட்டத்திலிருந்து 30 அடி வீதம் உயர்த்தப்படுகின்றன.

குலேபரா மலைப்பகுதியினை பாரிய சவால்களுக்கு மத்தியில் குறிப்பிட்ட அளவு அகழ்ந்து பின்னர் அப்பகுதியில் ( கட்டூன் ) கொங்கிறீட் இனால் கட்டப்பட்டதே இந்த பிரமாண்டமான பூட்டாகும். மேற்படி பூட்டு அமைப்பதற்கு அண்ணளவாக 1.53 மில்லியன் கனமீட்டர் கொங்கிறீட் பயன்படுத்தப்பட்டமை குறிப்பிடத்தக்கது. ஆரம்பத்தில் கட்டூன் பகுதியில் உருவாக்கப்பட்ட பூட்டுப்பகுதியின் அகலம் 28.5 மீட்டர் அளவு என தீர்மானிக்கப்பட்டது. ஆனால் 1908ம் ஆண்டளவில் அமெரிக்க கடற்படையின் வேண்டுகோளுக்கு அமைய அதன் அகலம் 33 மீட்டர் ஆக அதிகரிக்கப்பட்டது. அமைக்கபட்ட பூட்டு ஒவ்வொன்றினதும் நீளம் சுமார் 300 மீட்டர் அளவானதாக காணப்பட்டது. சூழ இருக்கும் சுவரினதும் அடியினதும் தடிப்பு 15மீட்டர் அளவிற்கு உருவாக்கபட்டது. மற்றும் கட்டூனில் உள்ள பூட்டுத்தொகுதிற்கு இடைப்பட்ட சுவரானது 18 மீட்டர் அளவினதாக அமைக்கப்பட்டது. இந்தப்பகுதியில் 24 மீட்டர் அளவு உயரமான சுவரும் எழுப்ப்பட்டது குறிப்பிடத்தக்கது.

மேலும் பூட்டிற்கான கதவுகள் உருக்கினால் ஆக்கப்பட்டன. சராசரி தடிப்பு 2 மீட்டரும் நீளம் 19 மீட்டராகவும் மற்றும் 20 மீட்டர் உயரமாகவும் காணப்பட்டது.

பெட்ரோ மிகுவெல் பகுதியில் அமைக்கப்பட்ட பூட்டு தான் இம்மூன்று பூட்டுகளிலும் மிகவும் சிறியது. இது 10 மீட்டர் அளவு உயரத்தை குறைக்கும்அதிகரிக்கும் பணியினை மேற்கொள்கிறது. மிறோபுளோர் பூட்டு சுமார் 16மீட்டர் அளவில் இருபகுதியாக உயரத்தை குறைத்து பசுபிக் கடல்மட்டத்தினை அடைய செய்கிறது. கீழே காட்டப்பட்டிருக்கும் படமானது கட்டூன் பகுதியில் பூட்டுத்தொகுதி உருவாக்கத்தின் போது எடுக்கப்பட்டதாகும்.

பனாமா கால்வாய் உருவாக்குவது தொடர்பில் ஆரம்ப காலம் முதலே ஆரம்பிப்பது பின்னர் விடுவது என்று பல ஆண்டுகளாக இருந்து வந்த பிரச்சினைக்கு அமெரிக்க அரசாங்கம் முற்றுப்புள்ளி வைத்தமை வரவேற்கத்தக்கவிடயமே. இருப்பினும் ஆரம்பம் முதலே பல்வேறு சமூக ஆர்வலர்கள் இயற்கையை பாழ்படுத்தும் வேலை என கண்டனம் தெரிவித்தனர். அவர்களது கூற்றும் நிதர்சனமாகும் வகையில் பல்வேறு காலகட்டத்திலும் மழைபெய்யும் வேளைகளில் வெள்ளப்பெருக்குகள் ஏற்பட்டன. அவையே மக்களின் வாழ்க்கைக்கு பாரிய அச்சுறுத்தலாகவும் அமைந்தன. இந்த சவால்கள் பிரான்ஸ் அரசாங்கம் குலேபரா மலைப்பகுதியினை உடைத்துக்கொண்டிருந்த காலங்களிலேயே அதிகமாக ஏற்பட்டது என்பதும் குறிப்பிடத்தக்கது.

கட்டூன் பூட்டுத்தொகுதியின் தற்கால அமைப்பினை கீழுள்ள படத்தின் மூலம் காணலாம்.

தொடரும்............

பனாமா கால்வாய் 04

2010-04-30T13:06:00.000+05:30

பனாமா கால்வாயின் நீளத்தை கருதும் போது அது அண்ணளவாக 51மைல் தூரத்தினைக்கொண்டதாக அமைகின்றது. பனாமா கால்வாயினூடான பயணத்தை நோக்கும் போது முதலில் அத்திலாந்திக் கடலினூடாக நுழைந்து லைமன் விரிகுடாவில் அண்ணளவாக 7மைல் தூரம் கொண்ட கால்வாயினூடாக பயணிக்க வேண்டியிருக்கும். இந்த 7மைல் தூரக்கால்வாய் பனாமாய் கால்வாய் உருவாக்கத்திற்கென அடியில் உள்ள சேறு மற்றும் மண் என்பவற்றை அகழ்ந்து பயணத்திற்கென உருவாக்கப்பட்ட வழியாகும். இது முடிவடையும் இடத்தில் இருந்து அண்ணளவாக 11.5மைல் தூரத்தில் கட்டூன் அணைகள் உள்ளன. 3அணைகளை கொண்ட தொடரையே கட்டூன் அணைக்கட்டுகள் என்கிறோம். செயற்கையாக அமைக்கப்பட்ட இந்த அணைக்கட்டுக்களால் (பாரிய நீர்த்தொட்டிகள்) குறிப்பிட்ட கப்பல்கள் சுமார் 26மீட்டர் உயரத்திற்கு எழுப்பப்பட்டு கட்டூன் வாவியினுள் செலுத்தப்படுகிறது. இதிலிருந்து 32மைல் அளவிலான தூரம் மேற்படி வாவியினுடாக பயணித்து கப்பல்கள் கம்போவா எனும் இடத்தை அடைகின்றன. அதிலிருந்து படிப்படியாக முன்று கட்டுக்கள் மூலம் கப்பல்கள் கடல் மட்டத்திற்கு கொண்டுவரப்பட்டு பசுபிக் கடலை அடைகின்றன.

பனாமாக்கால்வாயினூடான பயணம் பற்றிய ஒரு குறிப்பினை மேலுள்ள பந்தி மூலம் அறியமுடிகிறது. இனி பனாமா கட்டுமானப்பணிகள் பற்றி நோக்குவோம்.

பனாமா கால்வாயின் கட்டுமானப்பணிகள் இரு கட்டங்களில் மேற்கொள்ளப்பட்டன. முதல் கட்டம் 1881 முதல் 1888 வரையிலானதாகும். இந்தக்காலகட்டத்திற்குரிய பணிகள் பிரான்ஸ் நாட்டினால் லெசெப்ஸ் என்பவரின் தலமையின் கீழ் நடைபெற்றதாகும். பின்னர் அடுத்தகட்டம் 1904 தொடக்கம் 1914 வரையிலான காலகட்டத்தை அடிப்படையாக கொண்டது. இது ஒப்பந்த்தின் பின்னர் அமெரிக்க பொறியியலாளர்களினால் மேற்கொள்ளப்பட்ட கட்டுமானப்பணிளின் காலத்தினை குறிப்பதாகும்.

முதல் கட்ட கட்டுமானப்பணிகளின் கைச்சாத்து 1881ம் ஆண்டு மார்ச் மாதம் 12ம் திகதி மேற்கொள்ளப்பட்டது. அத்துடன் மேற்படி செயன்முறைக்கு சுமார் 512 மில்லியன் பிரான்ஸ் பிராங்க் தேவைப்படும் எனவும் மதிப்பிடப்பட்டது. பின்னர் கால்வாய் அமைப்பதற்கான பணிகள் துரித கதியில் இடம்பெறத்தொடங்கின. 1882ம் ஆண்டளவில் குலேபிராவில் மண்ணைத்தோண்டும் பணிகள் ஆரம்பமாகியது. .இந்நிலையில் அத்திலாந்திக்கடலிலிருந்து பசுபிக் கடலை நோக்கி வரும் வழியில் காணப்படும் பௌதிக தோற்றப்பாடுகள் ஆய்வுசெய்யப்பட்டன. வெறுமனே மண்ணைத் தோண்டி அதனூடாக கால்வாய் அமைப்பதன் மூலம் கப்பல்களை பயணிக்க வைக்கமுடியாதெனவும் கப்பல்களை உயர கொண்டுசெல்ல தொட்டிகள் போன்று சில அமைப்புக்களை அமைத்து அதன்மூலமே பாதுகாப்பான பயணத்தை மேற்கொள்ள இயலும் எனவும் உணரப்பட்டது. இதற்கான பொருளாதார செலவுகள் மேலும் அதிகரிக்க காணப்படுவது மட்டுமல்லாது ஒரு பாரிய கப்பலை உயரத்திற்கு கொண்டு செல்ல தேவைப்படும் தொட்டியின் அளவும் மிகவும் இராட்சத அமைப்புடையதாக இருக்கவேண்டுமென்பதால் தீர்மானிக்கப்பட்ட செலவுத்தொகையை விட கட்டுமானச்செலவு மேலும் பன்மடங்கு அதிகரிக்கும் என எதிர்பார்க்கபட்டது.

இது மட்டுமல்லாது பணிக்கு அமர்த்தப்பட்ட பணியாளர்களுக்கான இடவசதி மற்றும் அவர்களுக்கான மருத்துவ வசதிகள் உரிய முறையில் மேற்கொள்ளப்படாமையும் பாரிய குறையாகவே இருந்தது. மற்றும் நிலத்தை அகழ்வதற்கான உபகரணங்கள் பற்றாக்குறையும் கட்டுமானப்பணிகளின் பின்னடைவிற்கு முக்கிய காரணமாகியது. இவ்வாறு ஏற்படும் பாரிய பின்னடைவுகளும் வேலையில் காணப்படும் தொய்வுகளும் பிரான்ஸ் நாட்டின் பொருளாதாரத்தில் பாரிய அடியையும் முதலீட்டாளர்களுக்கு பாரிய இழப்பையும் ஏற்படுத்தும் என்பதால் கட்டுமானப்பணிகள் இடைவிடாது தொடர்ந்தன.

இந்நிலையில் அமெரிக்க அரசு பனாமா கால்வாய் கட்டுவதற்கான முயற்சிகளில் தனது ஈடுபாட்டைக்காட்டவே பிரான்ஸ் அரசு தனது உபகரணங்களையும் பல்வேறு பட்ட வரைபடங்களையும் அமெரிக்க அரசிற்கு விற்றது.

பனாமாக்கால்வாயின் மீள்கட்டுமானப்பணிகள் 1904ம் ஆண்டளவில் ஆரம்பிக்கப்பட்டது. முதல் கட்ட அமெரிக்க பணியாளர்கள் குலேபரா கணவாயினை அண்டிய பிரதேசத்தில் இருந்து தமது பணியினை 1904 நவம்பர் 11ம் திகதி ஆரம்பித்தனர். 1905ம் ஆண்டு டிசம்பர் மாத்த்தில் குலேபரா கணவாயில் வேலைசெய்வோரின் தொகை 2600 இனைத்தாண்டியது. பசுபிக் கரையோரம் அத்திலாந்திக் கரையோரம் என இருபகுதியாலும் கால்வாய் அமைப்பதற்கான பணிகளும் அதேநேரத்தில் இடம்பெற்றுக்கொண்டிருந்தன. குலேபரா உச்சியினை உடைப்பதற்கு பல ஆயிரக்கணக்கான தொன் டைனமெற்றுக்கள் பயன்படுத்தப்பட்டன. இந்தக்காலகட்டத்தில் வேலையாட்களின் எண்ணிக்கை 70000 இனை தாண்டியது. மற்றும் உடைக்கப்பட்ட பகுதிகளினை அகற்றுவதற்கு 4000 இற்கும் மேற்பட்ட வாகனங்கள் பயன்படுத்தப்பட்டு செயன்முறைகள் அனைத்தும் வேகம் வேகமாக மேற்கொள்ளப்பட்டன.

தொடரும்.......

மாய ராஜ்ஜியம் 19

2010-04-29T09:12:00.000+05:30

2. அப்படியென்றால் அப்பகுதியானது எவ்வாறு வெவ்வேறு நேரங்களில் கால மாற்றம் அடையக்கூடியதாக மாற்றம் பெறுகின்றது? இதற்கான உங்கள் விளக்கம் என்ன?

நான் ஏற்கனவே குறிப்ப்பிட்டுள்ளதன் படி அண்ட வெளியில் பல்வேறு இடங்கள் இவ்வாறு காணப்படுகின்றன. அவை அவ்வாறு அங்கே ஏன் தோற்றம் பெறுகின்றன என்று இதுவலை எமது விஞ்ஞான வளர்ச்சிகளால் அறியப்படவில்லை. ஆனாலும் இவ்வாறு தோற்றம் பெறுவதற்கான சூழல் காரணிகள் அங்கே அமைந்து விடுகின்றன என்பது மறுக்கமுடியாத உண்மை. இது போன்ற சூழல் அமைவது தான் எனது ஆய்வுக்களத்தில் இவ்வாறான நிலமை தோன்றுவதற்கான காரணமாகும். அவ்விடத்தை சூழ ஏற்படக்கூடிய காலநிலை மாற்றங்களின் செல்வாக்கு காரணமாக அச்சூழ்நிலைகள் அவ்விடத்தில் உருவாகாத போது அவ்விடத்திலுள்ள கால மாற்றம் மீண்டும் வழமைக்கு திரும்புகிறது. மீண்டும் சூழ்நிலைகள் பொருத்தமாக அமைகின்ற போது அங்கே காலமாற்றம் ஏற்படும். இதன்விளைவாக கருந்துளை தோற்றமும் நடைபெறும். மறைவுகளும் தொடரும்.

3.பெர்முடா மர்மங்களிற்கு கருந்துளை உருவாக்கம் தான் காரணம் என்று கூறினீர்கள். உங்கள் ஆய்வின் முற்பகுதியில் நீங்கள் விவரித்திருந்த FLIGHT 19 என்கின்ற சம்பவம் உள்ளிட்ட சில சம்பவங்களில் காணாமல் போவதற்கு முன் குறிப்பிட்ட விமானம் மற்றும் கப்பலிலிருந்த சிலர் தொடர்பை ஏற்படுத்தியிருக்கிறார்கள். பின்னர் அவர்கள் தொடர்பு துண்டிக்கப்பட்டது. இது எவ்வாறு நடந்தது?

அங்கே தோற்றம் பெறுகின்ற கருந்துளையினுடைய நிகழ்வெல்லை மற்றும் அதற்கு வெளியே இருந்த போது தொடர்பு கொள்ள முடிந்திருக்கிறது. நிகழ்வெல்லை மற்றும் அதை அண்டிய பிரதேசங்களில் அவர்கள் கருந்துளை உருவாக்கத்தின் விளைவாக ஏற்பட்ட காலநிலை மாற்றங்களை அனுபவித்திருக்க கூடியதாக உள்ளது. இதை அவர்களின் உரையாடல்களிலிருந்துபுரிந்து கொள்ளமுடியும். அவ்வெல்லையின் உள்ளே நுழைந்த போது ஏற்பட்ட அதியுயர் சுழற்சி வேகம் கொண்ட மிகை சுழற்சியின் கரணமாக மின்காந்த அலைகளின் தொடர்பினை பெறமுடியாது. அதையும் விட அவ்வுயர் வேகம் காரணமாக அவர்கள் உயிரிழந்திருப்பார்கள். உயிரோடிருந்தாலும் செயலாற்றுவதற்கு அவ்வுயர் வேகம் அனுமதித்திருக்காது.

4. சில சந்தர்ப்பங்களில் கப்பல்கள் மாத்திரம் இருக்கமனிதர்கள்ள் மட்டும் மறைந்து போனது எவ்வாறு?

நான் ஏற்களவே கருந்துளை பற்றிய முன் விளக்கத்தில் கூறியுள்ளதன் படி சில கருந்துளைகளானவை தமது நிகழ்வெல்லைக்கு வெளியே உள்ள நட்சத்திரங்களில் இருந்து வாயுக்கள் மற்றும் சில சடப்பொருட்களை ஈர்க்க்க்கூடிய திறன் வாய்ந்தவை. அதே போன்று இங்கேயும் அதன் நிகழ்வெல்லை அப்பிரதேசத்திலிருந்து தள்ளியதாக இருந்த்தன் காரணமாக கப்பலை விடுத்து மனிதர்களை மட்டும் ஈர்க்க்க்கூடிய அளவு ஈர்ப்பு சக்தியை அவ்விடத்தில் கொண்டிருக்கலாம் அல்லவா?

5. மீண்டும் எப்போது இவ்வாறான கருந்துளைகள் அவ்விடத்தில் தோற்றம் பெறும் என்று எதிர்வு கூறமுடியுமா?

நான் ஏற்கனவே கூறியது போலவே கருந்துளைகளின் தோற்றத்திற்கு காரணம் அங்கு உராகும் காலமாற்றமே. எனினும் அண்டவெளியில் ஆங்காங்கே உண்டாகும் இது போன்ற காலமாற்றத்திற்கு ஏதுவான சூழல்காரணிகள் தொடர்பான ஆராய்ச்சியில் இன்னும் குறிப்பிடத்தக்க முன்னேற்றம் அடையவில்லை. அவை பற்றிய நிறைவான தெளிவான ஆராய்ச்சி முடிவுகள் எமக்கு கிடைக்கின்ற போது தான் பெர்முடா முக்கோணப்பகுதியில் அவை மீளவருகின்ற காலத்தை எதிர்வுகூறமுடியும். அதுவரை சாத்தியமில்லை. ஒருவேளை இதுவரை நடந்த சம்பவங்களின் கால இடைவெளிகளில் உள்ள தொடர்பைக் கண்டறிந்து அதன்மூலம் எதிர்வுகூற முயற்சிக்கலாம். ஆனால் அவ்விதமாக ஒரு சரியான முடிவைப்பெறுவதென்பது கூடுதலான சாத்தியமற்றது.

நன்றி உரை

மாய ராஜ்ஜியம் எனும் தலைப்பின் கீழ் வெற்றிகரமாக எனது ஆய்வை நிறைவு செய்வதில் பெருமகிழ்ச்சி அடைகிறேன். இவ்வாய்வை வெளியிடுவதில் நான் அடைந்த பல்வேறு இடர்பாடுகளையும் என்னுடன் இணைந்து பகிர்ந்து கொண்ட எனது சகோதரன் ரவிகரன் ரணேந்திரன் அவர்களுக்கு எனது மனமார்ந்த நன்றிகளை தெரிவித்துக்கொள்கிறேன்.

உதவிகள்

ஆய்வில் பெர்முடா முக்கோணப்பகுதி தொடர்பான சம்பவங்களைப்பற்றிய தரவுகளை பெற்றுக்கொண்ட இடங்கள்

இணையத்தளம்: www.wikipedia.com

நூல் : ஆழ்கடலில் ஆவி ராஜ்ஜியம்

இம்மூலகங்களை குறிப்பிட்ட சம்பவங்கள் தொடர்பான தரவுகளைப் பெற்றுக்கொள்வதற்காகவே பயன்படுத்தினேன். ஆய்வினை நான் கொண்டு சென்றவிதம் ஆய்வின் முடிவு பற்றிய எண்ணக்கருக்கள் உட்பட அனைத்துவிதமான ஏனைய அம்சங்களும் எனது சொந்த முயற்சியை அடிப்படையாக கொண்டவை.

முற்றும்

மாய ராஜ்ஜியம் 18

2010-04-27T10:42:00.000+05:30

அறிவித்தல் … இது உங்களின் கவனத்திற்கு

இந்தப்பகுதியினை வாசிக்கும் முன்னர் இதற்கு முன்னைய பகுதிகளை வாசிப்பதன் ஊடாக இதனை அணுகுவதன் மூலம் இப்பதிவில் குறிப்பிட்டு இருப்பவை தெளிவாக விளங்குவது திண்ணம்……….

ம்ம்ம்…. எனி வாசியுங்கோ………

எனது ஆய்வின் முடிவு

பல்லாயிரக்கணக்கான மக்கள், பல கோடி ரூபா பெறுமதியான சொத்துக்கள் இழப்பு, பல கப்பல்கள் மற்றும் விமானிகளின் மறைவு, சில இடங்களில் கப்பல்கள் இருக்க பயணகள் மட்டும் மறைவு என்று ஏராளமான பல மர்மங்களை பத்திரிகைகளின் பேனாக்களிற்கும் அறிவிப்பாளர்களின் சொற்களுக்கும் என்று வழங்கிவிட்டு சென்றிருக்கின்ற இந்த பெர்முடா முக்கோணத்தின் மர்மத்திற்கான ( நான் ஆராய்ந்து அறிந்த ) முடிவினை பலம் வாய்ந்த விஞ்ஞான பின்னணிகளின் துணையுடன் இங்கே வழங்கலாம் என எண்ணுகிறேன்.

ஏற்கனவே அண்டத்தில் நிலவும் நிலையற்ற காலத்தன்மை பற்றி தெளிவாக தெரிவித்திருக்கின்றேன். அண்டவெளியில் பல்வேறு இடங்களில் நேரம் வேறுபட்டதாக இருப்பது பற்றி குறிப்பிட்டிருந்தேன். அப்படிப்பட்ட நேரத்தில் வேறுபட்ட ஒரு இடம் பூமியின் உள்ளே குறிப்பிட்ட ஓரிடத்தில் மாத்திரம் அமைந்திருப்பது அறிவியல் உண்மைகளின் படி, அறிவியலாளர்களின் கருத்துக்களின் படி சாத்தியமானது தானே?

கருந்துளை ஒன்றிற்கு அருகாமையில் நேரம் அடையும் சாய்வு பற்றி விவரித்திருந்தேன். கருந்துளை ஒன்றின் நிகழ்வெல்லைக்கு அருகாமையிலும் அதனிலிருந்து மிகவும் தூரமான இடத்திற்கும் இடையில் நேரம் பாரிய அளவில் வேறுபடும் என்பதையும் தெளிவாக்கியிருந்தேன். கருந்துளை என்பது மிகக்குறுகிய பிரதேசத்திலேயே தோற்றம் பெறுகின்றது என்பதை விவரமாக அறியத்தந்திருக்கிறேன். கருந்துளை அதன் நிகழ்வெல்லையுடன் சேர்ந்து அடையக்கூடிய இடம் மிகவும் சிறியது என்பது அறிவியல் ஆராய்ச்சிகளின் படி உண்மையாக இருக்கின்ற போது காலத்தில் வேறுபட்ட ஒரு குறுகிய இடம் தோன்றுகிற சமயத்தில் அங்கே ஒரு கருந்துளை ஏன் தோன்றக்கூடாது? அவ்வாறு தோன்றுகின்ற கருந்துளையானது தனது நிகழ்வெல்லைக்கு உட்பட்ட பிரதேசத்தில் உள்ள துணிக்கைகளினை தனது மையத்தினை நோக்கி ஈர்த்து கட்புலனாகாத படி செய்வதும் சாத்தியம் தானே?

ஆகவே எனது ஆய்வின் முடிவாக நான் தெரிவிப்பது என்னவென்றால் குறிப்பிட்ட பெர்முடா முக்கோணப்பகுதியானது வெவ்வேறு சூழ்நிலைகளின் போது பிரபஞ்சத்தின் மற்றைய ஏராளமான பகுதிகளில் நடைபெறுவது போன்று காலத்தால் மாற்றமடைகின்றது. இது ஒரு குறுகிய பிரதேசமாக இருப்பதாலும் நேரத்தில் சாய்வு ஏற்படுவதாலும் அங்கே கருந்துளை ஒன்றோ அல்லது பலவோ தோற்றம் பெறுகின்றது, பெறுகின்றன. இதன் விளைவாக அதன் நிகழ்வெல்லைக்குள் அகப்படும் துணிக்கைகள் கருந்துளைகளின் மையத்தினுள் சென்று மறைந்து விடுகின்றன.

இம்முடிவில் உங்களுக்கு ஏற்படக்கூடிய சந்தேகங்களும் அதற்கான எனது பதில்களும்.

1.கருந்துளைகளின் தோற்றம் தான் பெர்முடா முக்கோணத்தின் மர்மங்களிற்கான காரணம் என்று கூறியிருக்கின்றீர்கள். அதேவேளை உங்களுடைய முன்னைய பகுதியில் பெர்முடா முக்கோணம் எல்லாவேளையிலும் ஆபத்தான பகுதியல்ல என்றும் தெரிவித்துள்ளீர்கள். ஆகவே கருந்துளை உருவாக்கம் என்பது இங்கு எவ்வாறு சாத்தியம்?

நான் இங்கே கருந்துளை உருவாக்கத்திற்கான அடிப்படைக்காரணமாக அப்பகுதியானது காலத்தினில் மாற்றம் அடைவதே என்று தெரிவித்துள்ளேன். ஆகவே எனது கருத்தின் படி அப்பகுதி காலத்தால் எப்போதெல்லாம் மாற்றம் அடைகின்றதோ அப்போதெல்லாம் கருந்துளை உருவாக்கம் அங்கே நிகழும். எனவே அங்கே உருவாகக்கூடிய கருந்துளை ஒன்றோ பலவோ நிரந்தரமானவையல்ல.

“மாய ராஜ்ஜியம்“ தொடரின் நிறைவுப்பகுதியின் ஊடாக இன்னும் சில விளக்கங்களுடன் உங்களை விரைவில் சந்திக்கிறேன். கொஞ்சம் காத்திருங்கோவேன்………

வரட்டுமா………