Gusot Mayaman

Tiwala lang..

2013-03-23T09:12:00.000+08:00

Maliit man o malaki ang bagyo ay meron pa rin itong SENTRO, (eye of the storm) kung san tahimik at kalmado. Kaya kaibigan, kung may pinagdadaanan ka man ngayon, maliit man o malaki, hanapin mo ang iyong sentro sa iyong puso. Maaaring ang suporta ng iyong mga kaibigan, comfort ng pamilya o tiwala sa Diyos na may likha. - Kuya Keith

HAPPILY EVER AFTER..

2013-03-20T08:39:00.000+08:00

May nagtanong sa akin:

'Bakit daw madaling maka-moveon ang mga lalake kaysa sa mga babae?'- Anonymous

Hindi totoong madaling nakakamove-on ang mga lalake pag natatapos ang relationships nila. Dinadaan nga namin minsan sa inom, lakwartsa at barkada diba? Kaya lang minsan sa tingin ng iba, kapag ginagawa namin ang mga ito ay nakaMOVE-ON na daw kami. E sadyang ito lang naman ang mga natural na paraan para makaMove-on ang mga lalake. Yun paglilipat ng atensyon namin sa ibang bagay para makalimutan ang sakit na nararamdaman. Dahil dito, nagagawa naming makalimot nang napapangalagaan ng pagkalalake namin. Alam naman nang lahat na importante din samin ang imahe namin, "Imaheng tunay na lalake at pagiging brusko". Pero ang hindi nyo alam, kapag mag-isa na lang kami ay naiisip din namin ang panghihinayang. Panghihinayang sa mga oras na nilaan at inalay para sa taong mahal. Panghihinayang sa mga pangarap at planong di natuloy kasama ang dating kasintahan. Panghihinayang na bakit hindi naging 'HAPPILY EVER AFTER' ang ending nang aming istorya.

Maari po kayong magtala sa "Magtanong kay Kuya Keith" tab kung mayroon kayong mga katanungan.

Mapapasayo..

2013-03-18T22:42:00.002+08:00

"Pards, magising ka na sa katotohanan. Hindi lahat ng mahal o gusto mo, MAPAPASAYO! Edi sana syota ko na si Jessica Alba, Scarlett Johansson at Angelina Jolie ngayon. E gusto ko ang mga yun e!"

- Kuya Keith

Pisherman (Fisherman)

2013-03-17T20:13:00.005+08:00

Tsismis ko lang, nakita ko mula sa FB.

Laro

2013-03-15T23:48:00.004+08:00

"Ang Tanga-tangahan ay NILALARO lang, hindi ISINASABUHAY"

-Kuya Keith

Lambing :)

2013-03-15T23:41:00.003+08:00

"Minsan ang mga babae ay nagtatapang-tapangan para lambingin ng lalake. :)"

Gustong gusto naming mga lalake na lambingin ang mga babae. Kaya minsan natutuwa kami na kailangan nang ilang mga babae na magtapang-tapangan o galit-galitan para lambingin naming mga lalake. At satin namang mga lalake, wag po sana tayong maging MANHID.

Si Kuya Keith at Si Cookie

2013-03-13T22:33:00.000+08:00

May mga pagkakataon talaga na sobrang ramdam mo ang pagod. Yun tipong gusto mo na lang humiga sa kama paguwi ng bahay, kahit na hindi ka pa nakapagpalit ng pambahay. Pero ngayon gabi, parang napawi ang pagod ko ng makita ko to. :)

Si Kuya Keith at Si Cookie

Cause & Effect

2013-03-13T22:23:00.003+08:00

Ito pala ang dahilan ng trapik sa EDSA!

source: Skyscrapercity.com

Sabi-sabi..

2013-03-13T22:18:00.005+08:00

"Huwag kang humanap ng taong iintindi sayo. Ang hanapin mo ay ang taong di ka iiwan kahit di ka maintindihan" - Kuya Keith

Sa Bawat Umaga..

2013-03-13T08:46:00.000+08:00

Sumipol na sya. Hudyat na handa na siya para dumampi sa aking mga labi. Nagmamadali kong kinagat ang kanyang suot na damit. Napunit ito, bumungad ang mabango, masarap at malapulbos nitong laman. Ihinimlay ko siya sa kanyang malalim na lalagyan at pinaliguan ng mainit na tubig. Dahan-dahan kong inilapit ang aking mga labi. Hindi ko napigilan ang aking sarili, hinigop ito.

Masarap talaga ang mainit na Kape sa umaga. :)

Di kumpleto ang araw ko kapag walang mainit na kape.

Ikaw? Ano ang kumukumpleto sa araw mo?

PAPABLE - 'Papabili'

2013-03-13T08:37:00.002+08:00

Maraming nagsasabi na maaring Pilipino ang susunod na Pope. Di ko masyadong inintindi dahil parang 'hype' lang ito na nagmumula sa kapwa ko Pinoy. Parang yun 'hype' na si JEssica Sanchez ang susunod na American Idol. Pero, biglang nagbago ang ihip ng hangin, nang aksidenteng mapadpad ako sa link na ito mula sa CNN. A look at posible papal contenders.

source: http://edition.cnn.com/interactive/2013/02/world/pope-contenders/index.html?hpt=wo_c1

'Ikaw po ang bahala'

2013-03-12T20:29:00.003+08:00

Sa magkasintahan, ang ibig sabihin ng 'Ikaw po ang bahala' ay 'ayaw ko, bakit di mo ma-gets' - Kuya Keith :)

5 Lugar na Gusto Kong Makita Bago Ito Mawala

2012-11-03T12:32:00.000+08:00

Nitong mga nakaraang araw ay sunod-sunod ang mga balita tungkol sa mga Sakuna. Meron, lindol sa Canada at Tsunami sa Hawaii. Ang huli ay ang malakas na Bagyong tumama sa East Coast ng Estados Unidos.

Bigla kong naisip, paano kung di ko na makita ang ilang mga magagandang lugar dahil sa mga pagbabago sa klima at sunod-sunod na kalamidad? :(

Siguro hindi man ako magiging maswerte na mabisita ang lahat ng ito bago pa ito mawala, pero alam kong meron akong magagawa, maliliit man na paraan, para makatulong sa mabilis na pagbabago ng mundo.

1. Great Barrier Reef

Pinakamalaking Coral Reef System sa mundo. Makikita ito sa Coral Sea sa Queeensland, Australia. Meron itong mahigit-kumulang na 3,000 indibidwal na reefs. Hindi ako marunong mag SCUBA diving pero ang makita ito ang isa sa pinkamagandang karanasan maaaring mangyari. Sana kung magkaroon lang ako ng resources para matuto mag SCUBA at pamasahe makarating lang sa Australia.

2. Antartica

Nuong ako ay nasa elementarya ay naituro na ito bilang isang kontinente na matatagpuaan sa hilagang bahagi ng mundo. Dito matatagpuan ang South Pole. Sa pagkakaalam ko, iilang tao lang ang nakatira dito at halos lahat sila ay naroon para magsagawa ng pag-aaral. Wala akong masyadong alam sa Kontinente na ito, basta ang sigurado ako, gusto kong makita ang mga Penguins na malayang naglalaro sa Antartica.

3. Egyptian Pyramids

Ito ang pinaka-kilalang istraktura ng sinaunang Ehipto. Meron itong mahigit 100 pyramids na karamihan ay tinatayang libingan ng mga Pharaohs ng bansa. Ang pinaka-sikat sa mga ito ay ang mga Pyramids sa Giza ng Cairo. Sana maabutan ko ang mga ito bago pa sila masira. Gusto ko kasing maligaw sa loob nito at makalabas nang may dalang mga kayamanan sakay ng magic carpet ni Alladin. O kahit makalabas lang nang may dalang kayamanan. :)

4. Grand Canyon

Wala akong alam tungkol dito maliban sa napapanuod at nakikitang magagandang larawan. Matatagpuan ito sa Colorado Rivers ng Arizona. Picture taking lang solve na ako.

5. Great Wall of China

Ang malaki at mahabang pader na ito ay binuo para protektahan ang chinese empire sa mga nais pumasok at manakop sa bansa. Sinasabing mahigit 20,000 km ang haba ng pader na ito. Ito rin ang tanging likha nang tao na makikita mula sa kalawakan. Makapag-jogging lang sa pathways ng pader na ito, at makapagpicture at ma-post sa FB ay isang pangarap na parang madali naman makamtan dahil sa lapit at madaling puntahan mula sa Pilipinas.

Maliban sa limang ito ay nais ko rin makita ang Puerto Prinsesa Underground River, Rice Terraces, Mayon Volcano at marami pang lugar sa Pilipinas. Ngunit hindi ko na ito sinama sa listahan dahil malaki naman ang pagkakataon na maaari ko itong mapuntahan kumpara sa limang nakalista sa itaas.

Pinagmulan ng mga larawan:

*Great Barrier Reefs - http://www.zmescience.com/ecology/environmental-issues/cryogenics-coral-reef-28112011/
*Antartica -http://travel.nationalgeographic.com/travel/your-antarctica-photos/#/auster-rookery-juvenile-emperor-penguin-antarctica_34418_600x450.jpg
*Egyptian Pyramids-http://www.sciencedaily.com/releases/2008/03/080328104302.htm
*Grand Canyon- http://www.incadventures.com/trips/grandcanyon/grand_canyon_skywalk.php
*Great Wall of China -http://www.crystalinks.com/chinawall.html

BESTs

2012-10-20T01:21:00.003+08:00

Sabi nila kung stress ka at nalulungkot, Mag-shopping ka. Bigla kong naisip. Di ko pala kailangan magShopping dahil masaya akong araw-araw kasama ang pamilya ko, mga kamag-anak, si Cookie, mga kaibigan, at mga katrabaho ko. Higit sa lahat, kaya ko pa rin bilhin ang mga gusto ko. Thank you Lord! Sa mga blessings at pagbibigay ng mga bests sa buhay ko :) Bilang kapalit, ieEnjoy ko ang bawat oras kasama ang mga bests na ito. Minsan lang kaya tayo mabuhay. :)

Kayo? Sino at Ano mga BESTs sa buhay nyo?

Rewards

2012-10-17T10:37:00.001+08:00

Image from rewardsandculture.wordpress.com

Hindi maikakaila sa atin na GUSTO natin ng mga REWARDS. Lahat nang bagay na gagawin natin basta merong Rewards, mas ganadong gawin. Earthly rewards man yan o Eternal rewards.

Pero may nakapagsabi sakin na hindi lang mga Rewards ang bagay na nakatulong na magmotivate sa atin. Meron ding tinatawag na Punishment. Itong dalawang bagay na ito ang pinakamabisang motibasyon sa mundo.

Noong bata pa ako, hindi ko talaga gusto pumasok sa eskwelahan. Ibat-ibang paraan ginagawa ko makaliban lang ako sa klase. Nagtutulog-tulugan sa pagligo sa umaga, tinatagalan ang pagkain ng almusal, kahit sa pagtutoothbrush at pagsusuot ng medyas maiwan lang ako ng school service. Pero mas inagahan lang ni Mama ang paggising sakin para hindi ako malate, sa madaling salita hindi effective. Pero hindi parin dun natatapos ang mga diskarte ko. Kahit papano e lumulusot pa rin ang walang tigil na pag-iyak. Yun tipong akala mo namatayan ako ng kapamilya. Syempre, acting lang lahat yun, Exaggerated lang ba. Naisip ko na din na maglagay ng sibuyas sa kili-kili, kunyari may sakit. Ngunit isang balde pa ng luha at katakutan pa ako ng aswang, hindi hindi pa rin ako manalo-nalo kay mama dahil sa PUNISHMENT. Kung di ako papasok, Walang TV, di pwedeng lumabas ng bahay at kailangang matulog sa tanghali. At dahil sa mga punishments na ito, KAILANGAN kong pumasok.

Nabago ang lahat ng makilala ko ang mga barkada ko. Si Ryan, Baby at Manille. Lagi kaming magkakasamang apat. Magkakatabi sa upuan pag walang guro, sabay kakain tuwing break at maglalaro ng patintero at black 123.

Matatalino ang tatlo, kahit pa hindi masyadong nag-aaral e para bang lagi silang nasa Honors. at sa aming apat, ako lang ang palaging walang awards. Dito ako nagsimulang magbago. Excited na ako pumasok sa eskwelahan dahil alam kong nandun din silang tatlo at maglalaro kami. Nagsimula na rin akong magseryoso sa pag-aaral dahil nahihiya ako sa kanila. Baka isipin nilang meron silang kaibigan bobo. Yun dating ayaw kong pumasok, nabago nang dahil sa REWARDS. At ang mga kaibigan ko rewards ko.

Gusot Mayaman

2012-10-15T22:12:00.001+08:00

Sa apat na taon ko sa kumpanya, ngayon lang kami nabigyan nang uniporme. Tatlo pa, at puro GUSOT MAYAMAN.

Habang sinusukatan kami ng uniporme ay napagusapan namin ang aming mga prinsipal mula sa Japan. Japanese ophthalmic drugs kasi ang mga produktong ibinebenta namin. Sa ngayon, kami ay nasa ilalim ng isang malaking distribyutor sa ating bansa.

Nagtanong daw ang Regional Manager namin sa salary nang mga medreps. Sinabi ni boss na 10,000. Nagtanong ulit si prinsipal kung kaysa ba talaga sa aming mga medrep ang $10,000 na salary. Sagot ni boss, Php10,000 ang salary namin hindi $10,000.

At dahil dito, nangako ang prinsipal na bibigyan kami ng salary increase nang $10,000 mula sa P10,000 sa susunod na piskal year. Yey! Kung ang palitan ay $1=Php41, magiging Php41,000 na ang basic pay ko mula Abril ng 2013. :)

Hindi ko na mahintay. Masaya pa to sa Christmas bonus. Thank you Lord!!

Libro

2012-08-25T23:19:00.000+08:00

Bakit ang mga lalaki, kapag tumitingin sa mga babae, parang naghahanap nang libro sa bookstore? Kapag hindi nakuha nang atensyon nila ang cover at pamagat, hindi na rin nito pagaaksayahang basahin ang laman. :(

Pero minsan, ganito rin tumingin sa mga lalake ang mga babae. :(

Open 24hrs

2012-08-24T08:04:00.001+08:00

Natakot ako para sa isang kaibigan ni Cookie- si Che. Si Che ay maganda, maputi, may matapang at may kawili-wiling personalidad. Pero may isang ugali si Che ba lubos kong ikinatakot para sa kanya.

***

Alam ni Che na meron siyang kakaibang kagandahan. Kapansin-pansin ito sa paulit-ulit na paguungkat o pagyayabang sa mga reaksyon ng mga lalaking nakakasalamuha niya. At dahil nga naman sa kanyang katangi-tanging pisikal na kagandahan ay maraming nagpaparamdam at nagpapakita ng intensyon kay Che. Gustong-gusto naman niya na binibigyan siya ng importansya. Ginagamit niya ang kanyang kagandahan para makakuha ng pabor mula sa ibang tao. Mula sa mga regalong bag, sapatos at libreng mga pagkain sa mga mamahaling resto galing sa mga lalaking nagyayayang lumabas kasama siya.

Ang tangi lang problema ay meron na siyang kasintahan. Naiinis ako dahil pumapayag siyang makipagDate sa iba para lang sa mga pabor na iyon. NapakaUnfair ito para sa boyfriend niya. Pumapayag siyang halikan pa ng iba. Dumating pa nga sa punto na muntik na siyang magahasa dahil sa ganitong mga kilos. Inakala nang isa niyang katrabaho na easy-to-get sya. Ayun, ikinulong sa bodega ng opisina at muntik nang mapagsamantalahan.

Pero mukhang isang malaking suntok sa kanya ang pagtatapat nang isang kaibigan babae. Habang kami ay nagkwekwentuhan ay nasabi nito na "Alam mo Che, para kang isang Carinderia, bukas para sa kahit sinong gustong kumain". Nagulat ako at hindi napigilan ang sariling magsalita. Di sinasadyang lumabas sa bibig ko ang mga katagang "24/7".

Latang Walang Laman

2012-08-18T03:05:00.000+08:00

Paano ba maging bayani?

Dapat ba akong sumagip ng buhay kapalit nang sa akin? Kailangan ko bang sumulat ng mga nobela, tula, lathalain at maikling kwento tulad ng ginawa ni Dr. Jose Rizal? Kailangan ko bang bumuo ng grupo tulad ng 'Katipunan' para ipaglaban ang bayan?

Ano ba ang nasa isip ng ating mga bayani nang kasaysayan noong panahon nila? Hindi ba gusto nilang magkaroon ng kalayaan ang ating bayan? Hindi ba gusto nilang ibalik sa mga Pilipino ang kanilang mga karapatan?

Ngunit ano ba ang patutunguhan ng mga ito? - Ang kalayaan ng ating henerasyon.

Naisip ko lang: Hindi sila nagpakabayani para sa kanilang mga sarili. Kundi para sa atin- sa kanilang susunod na henersayon.

Siguro nagtagumpay nga sila sa kanilang kabayanihan, naibigay nga sa atin ang kalayaang kanilang pinapangarap. Ngunit hindi natin makakatwa na tayo, ang Piipinas, ay parte pa rin nang tinatawag na 'Third World'. Maraming nagugutom, walang trabaho at walang matirhan. Marahil hindi pa tapos ang laban na ating mga bayani. Hindi ito matatapos hangga't maraming nagugutom, walang hanap-buhay at pakalat-kalat sa lansangan.

Pero ano ba ang aking mgagawa? Di ko pa alam. Ngunit ano man ang gawin ko, alam kong hindi ito para sa akin, kundi para sa ating susunod na henerasyon. Sa ating mga anak, apo, at mga apo ng ating mga apo.

Isa Lang Pala Pwede Na!

2012-08-15T23:00:00.004+08:00

*Hiniram ang larawan mula kay manong FB.

Love is Blind

2012-08-14T08:44:00.001+08:00

Sa ngalan ng pag-ibig, ano nga ba ang dapat pairalin? Ang puso o ang isip?

Maraming nagsasabi na kung ayaw mong masaktan sa pag-ibig, dapat ay gamitin ang isip.Pero pano mong matatawag na ito ay tunay na PAG-IBIG' kong ang pinagmulan nito ay ang isipan. Siguro dapat na lamang natin itong tawaging 'PAG-ISIP'.

"Love is Blind". Ito ang depinisyon ng mga taong nagmamahal gamit ang puso lamang. Hindi sukat ang pisikal na itsura, ugali, at tamang pagkakataon ng kanyang pag-ibig. Ang nararamdaman dito ay puro saya, excited makita at makausap ang minamahal. Gagawin ang lahat, makasama lamang ang taong itinitibok ng kanyang puso.

Pero pano nagiging mali ang "love is blind" o pagmamahal gamit ang puso lamang?

Masasabi mong mali na ang iyong pagmamahal kung nabubulag ka na sa pag-ibig. Mali ang pag-ibig kung nawawala na ang iyong pagiging rational. Kung nawawala na ang mga mabuting bagay na itinuro sa iyo ng inyong mga magulang o titser sa GMRC. :) Kung ang iyong pag-ibig ay magdudulot ng sakit o kasawian sa iba. Kung nasasaktan ka na ngunit tinitiis mo dahil ang taong nakakasakit sayo ay ang taong iyong iniibig. Halimbawa nito ay pag-ibig sa taong mayroon nang asawa. Dito dapat pumasok ang 'isip' sa pag-ibig.

Naniniwala akong sa pag-ibig dapat ay 50/50 ang puso at isip. Tamang ang puso mo ang magsabi kung sino ang iyong tunay na minamahal ngunit dapat din naman mag-isip kung tama ba ang iyong pagmamahal. Ang akin lang, sa ngalan ng pag-ibig, mahalin muna natin ang ating mga sarili sa pamamagitan ng paggamit ng pag-iisip sa pag-ibig.

Panawagan

2012-08-09T02:37:00.003+08:00

Sa aking mga kaibigan, iba-iba man ang paniniwala. Magtulong po tayong manalangin para sa kaligtasan ng mga nasalanta at volunteers sa pagbaha. Nawa'y malagpasan natin ang pagsubok na ito at makapagsimula sa mabilis na panahon. Idamay na rin natin sa ating mga panalangin ang kaligtasan ng mga nasalanta ng bagyo sa Shanghai, China. Salamat po.

Puso at Larawan

2012-08-09T02:22:00.000+08:00

Natawa ako sa unang tingin sa mga litrato. Mga turistang nagtatampisaw sa tubig baha ng Maynila.

Hindi tulad nito ang mga litratong ibinabaon ng mga turista sa bansang kanilang pinuntahan. Wala dito ang pinakamagandang view o ang pinakamagandang background ng isang tourist spot. Hindi rin ito ang isa sa mga destinasyon na ipinagmamalaki nang ating bansa.

Pero ano ba ang nakita ng mga turistang ito sa baha ng Maynila? Bakit parang masaya silang naglalaro sa maruming tubig mula sa mga imburnal at ulan?

Maaaring hindi nga ito ang inaasahang makikita ng mga turista sa bansang Pilipinas. Marahil nalungkot din sila sa naabutang sakuna. Pero paano nga kaya sila malulungkot, kung ang nakikita nila ay mga batang nagsasaya sa baha? Paano sila malulungkot kung nakikita nila, na sa kabila ng paghihirap ay nakuha pa ng mga pilipinong ngumiti at magpasalamat? Paano pa ba nila makukuhang malungkot kung nakikita nila na lahat ay nagkakaisa at nagtutulungan?

Ang larawang ito ay hindi maipagmamalaki ng ating bansa. Ang larawang ito ay siyang katibayan ng tunay na kalagayan ng ating bayan, walang maayos na drainage system, maruming kalsada at polusyon. Pero ang larawang ito, nagpapakita ng tunay na puso ng mga Pilipino. Masayahin, may sense of humor at puno ng pag-asa.

Marahil hindi ang larawan ng tubig baha ang ibinaon ng mga turista pauwi sa bayang kanilang pinagmulan, kundi ang puso ng mga Pilipinong bumabaha ng pag-asa, pananampalataya, kasiyahan at pagkakaisa.

Mga larawan mula sa: The Manansala Photography

Maligo

2012-08-06T09:01:00.001+08:00

Isa sa pinakamahirap gawin sa mga ganitong panahon ang 'PAGLIGO'.

Di ko alam kung ano ba ang dapat unahing buhusan ng tubig. Ano ang mas kumportable, ang ulo o ang paa?

Alarm Clock

2012-08-06T08:32:00.002+08:00

Maaga ako nagising ngayon. Maaga pa sa alarm clock ko. Magandang simula ng linggo. :)

Pero may bigla akong naalala , "Binigyan ako ng HTC Sensation ni Cookie para lang gawin alarm clock." :(