Damdaa

Жинхэнэ ярианы сэдэв

2012-01-31T21:27:00.000-08:00

Гэхдээ би өнөөдөр жинхэнэ хиймээр байсан бичлэг маань "Эмзэглэл" гэдэг энэ сэдэв байлаа гэж.

Өнөө нөгөө хуушуурны гуанзны түүх. Би яриад байсан даа хуушуурны гуанз ажиллуулна гээд гээд. Охин маань үеэл эгч ээ тогоочоор зааж өгөөд Баян гошууны эцэст хуушуурны гуанз ажиллуулав аа бид хоёр чи минь. За за би хуушуур хийнэ ч гэж юу байхав, би хянана ч гэж юу байхав, би өнөө муу галзуу ганц охиндоо л бүх юм аа даатгаад хаялаа. Гэр хороололд чинь нэг ч байгууллага байхгүй, тэгээд ч хотын гэр хороололынхон амьдралын түвшин муу, энэ тэр гээд ер нь л нэг явцгүй санагдаад төв рүү татах болов оо хөөрхий.

Ер нь ажаад байхад өнөө муу тогооч маань хуушуураа бол овоо хийгээд байх шиг байгаа юм, өдөрт юутай ч дор хаяж 130-д хуушуур зарчихаад байсан байхгүй юу, би оройд орлогыг нь мэссэжээр асуухад. Тэгээд гуанзаа төв рүү оруулах гэтэл тогооч маань үнэмлэхгүй болж таарваа хөөрхий.

Тэгэхээр нь би охиндоо "за за, чи наад эгчийгээ тогоочийн курст суулгачих, тэгээд шууд төвд орж гуанзаа нээе" гэлээ. Манай тогооч зайлуул их хэцүү, би дөнгөж 200 мянгаар цалинжуулахад л тэр мөнгө тэр айлд үнэндээ олдохгүй л мөнгө юм билээ л дээ, ингээд нийлбэрээр нь харахаар хуушуурны гуанз гээд надад ашиг олохоосоо тэр хүмүүст цалин төлж байгаа нь том benefit л болж байх шиг байлаа. Хотын гэр хороололын амьдрал үнэндээ гамшиг байна шд дээ, яаааааааг бодит байдал дээр бол. Үнэндээ тэр байдлыг нь ч би мэдэрсэн болохоор би тэр хүүхнийг тогоочийн курст суудгаад өгөе, тэр хугацааны цалинг чинь 50% олгоно энэ тэр гэж санал тавьсан.

Манай өнөө охин ч бөөн баяр, миний муу эгч ёстой бүтэн жилжингээ яриад тэр тогоочийн курст сууж чадахгүй мөнгө нь олдохгүй яваад байсан юм гээд эгчдээ хэлнэ гээд гүйгээд явсан. Гэтэл таг болчихлоо. Би асуулаа Яав? гэж. Гэтэл юу гэж хариу ирсэн гээч, тогоочийн маань нөхөр нь зөвшөөрдөггүй гэнэ ээ. "Чи ажил хийж яах гээд байгаа юм?" гээд хоёр чихээрээ сонсоогүй гэнэ. Тэр нөхөр бас ажилгүй. Ингээд бодохоор нэг ёсондоо 21 мянгаараа л амьдардаг юм шиг байгаа юм.

За одоо тэгээд яах вэ дээ, эр эмийн хооронд илжиг бүү жороолоо гэдэг үг бий дээ. Тэгээд л орихилоо. Бас охиноороо "боломжоо гарахаар тогоочийн курст хэзээ ч ёууж болно оо, тэр үед нь хуушуурны гуанзаа хэдүүлээ эхлүүлэе ээ" гээд хаялаа. Үнэндээ надад өөр тогооч ч олдохгүй юм чинь би яалтай билээ дээ.

Гэтэл өчигдөр өнөө тогооч хүүхэн маань тархиндаа гэмтэл аваад ухаангүй болчихсон байна гэнэ. Манай охин өглөө би ажилдаа очиж чадахгүй, эгч маань тэгээд өвдчихлөө гэсэн мэссэж ирүүлж.

Миний дотор гэхдээ нэг юм бүрхээд ирлээ яг үнэн ээ хэлэхэд. Өнөө авгай нь чи намайг тогоочийн курст явуулаагүй гэж хэрүүл хийгээд өнөөх нь тархи толгойг нь цохьчихсон юм байгаа гэж л бодогдоод ирэх юм. Яагаад гэвэл сураг сонсох нь ээ, авгай нь зайлуул бүр явчих гээд нөхрийгөө бараг өвдөг сөгдөн гуйгаад байгаа сурагтай байсан. Тэр нөхрийн хариу нь үгүй гэж гараад бидний хуушрууны гуанзны асуудал зогссон билээ. Ай яа яа, ингээд бодохоор би одоо шал дэмий айлын амьдралыг бусниулаад хяачихсан юм биш байгаа гэж бодогдох гээл, болих гээл сууж байна.

Гэснээс би өнөө охиноо цалижуулсаар л байгаа, ккк. Бид хоёр хуушуурны гуанз эхлүүлэх гээд тэр муу нөхөр гэдэг тээгнээс болоод амжилтгүй болсон. Өөр одоо тэгээд яалтай ч билээ, манай охин бүр хол нутгийн охин, ажилгүй байгаа өрөвдөөд би худлаа ч гэсэн таван төгрөгийн цалин өгсөн болоол явж байгаа. Ирэх 6 сар хүртэл одоо болж байна, тэр хүрээд юу ч шийдэгдэхгүй бол ёстой уучилаарай, эртхэн ажлаа хай л гэж хэлнэ дээ хө.

Өвдөөд аваад хүн таниад болиод байна гэж байсан. Нөхөр нь хөдөө явчихсан ирээгүй байна гээд байсан сая утасдаад асуутал ирсэн сахиж байна л гэж байна. Ай яа яа яа, Тагурын "Ядуугийн зовлон"-д гардаг сонгодог ядуурлыг би хотын гэр хороололын нэг өрхөөс бас эмэгтэйчүүдийн сонгодог эрх зөрчигдлийг би бас л хотын гэр хороололын нэг өрхөөс харж байна даа гэж. Би анхандаа тэр муу ажилгүй хар юмны гарт орчихоод гэж тэр хүүхнийг бодож байсанаас ингэж тэр муу хүүхний аюулгүй байдалд нь санаа зовж чадаагүйдээ сэтгэл минь ихэд эмзэглэж байна. Хоёр хүүхэдтэй эх хүн шүү дээ зайлуул, тархи толгойны өвчтэй болчихвол яана?

Үгүй тэгээд нөхөр мөхөр нь цохиж зодоогүй ч гэсэн тэр гайтай хуушуурны гуанзнаас болоод өөрийн бодит байдлаа мэдэрээд бас юу ч хийж чадахгүйгээ ойлгоод сэтгэл санааны гүн хямралд орсоор тархинд нь цус харвачихсан байвал яах уу? Тамын амьтан тамдаа жаргалтай гэж үг байдаг биз дээ. Өдийн хүртэл болоод бүтээд явсан айлын амьдралыг би одоо дэлбэлээд хаячихсан юм биш байгаа, өө шээт шээт шээт шэээт . Ийм тийм юм тархинд эргэлдээд жаахан дотор сонин болох гээд л явна.

авгай

2012-01-31T20:50:00.000-08:00

Өчдөр нэг гослол авах гээд гадуур явлаа ажлаа тараад нөхрөө чирээд. Явж барьж сүйд болоогүй ээ, би чинь огт комплексгүй гар л даа. Шууд дэлгүүр гүйж ороод тэр үед юу нүдэнд харагдана тэрийг нь л сонгоод бушуухан гүйгээд харьчихдаг гар байхгүй юу. Тэгээд бид хоёр явж байсан чинь хөөрхөн хөөрхөн моодны хослолууд байна аа байна. Өмсөөд үзлээ би дотор нь багтдаггүй.

Жаахан том байсан бол гээл, тэгсэн нэг тийм эмээ маягийн хослол байгаад байсан байхгүй юу, би ч пүй пай гээл. Тэгсэн чинь энэ хужаа нарын шувуун цээжтэй хүүхнүүдэд зориулсан хувцсанд нь би багтдагггүй өнөө эмээгийн гослолыг заагаад "аягүй бол би энд багтаж нэг ална аа" гэлээ. Худалдагч нь аваад өгтөл би үнэхээрийн багтаад хаявал яах уу? Бүр яг таг таараад, одоо тэгээд яах уу дээ таарч байгаагаар нь тэрийг л авчлаа.Өнөө Гуанжу гэг билүү тэрний нутгаас л ирсэн юм шиг байна лаа, Гуан жугаас ирсэн гэсэн, тэр гослол ха ха ха. Хужаа хослолоор гангардаг хямдхан хүүхэн л дээ, би.

Үнэртэй ус мус би ер түрхэж чаддаггүй шд, үнэрт нь дотор муухайрах нь ч юу юм, гэхдээ л түрхдэггүй юм өө. Гэтэл би бэлгэнд яагаад ч юм үнэтэй ус их авдаг юм. Ноднингийн цагаан сараар би хамаг нарийн гарын бэлгүүдээ дан хүмүүсийн бэлэглэсэн үнэртэй усаар бүрдүүлсэн гээл бод, ха ха ха. "Шанель шүү, үнэтэй шүү" гэж мэгээл бэлэглээд хаяж байгаа юм чинь. Бодвол үнэтэй л байлгүй, брэндийг нь сонсохоор.

Саяхан нэг хүн GUCCI-н ус бэлэглэсэн байсан. Үгүй түрхэхгүй хэвтэж сониучирхаад задлаад хаясан. Манай гэрт хөвгүүд маань спрэй болгоод цацаад гүйж явсан гэсэн, ккк. Эмээ нь "хүүеэ, энэ хайрцаг сав нь сүрхий юм байна" гээд хямгадсан гэсэн. Ээждээ "та авбал ав ав, наадах чинь бэрээнд" гэж хэлээл өнгөрч байгаа юм чинь.

Хумс хураагаа засна гэж огт байхгүй, тожийтол нь аваад аваад хаячихдаг юм. Гэхдээ гоё хумстай хүүхнүүдэд би жинхэнгээсээ атаархдгий шд, ккк. Дээр Гилийн Хатан, Гуталчин хоёр блог дээрээ нүүрээ нууж байгаад зургаа тавьсан байсан юм, нээх гоё гарнууд, би атаархаад ёстой яг шээс гоожих гэж байгаа юм чинь, ккк. За за бүр тэгж ярьвал энэ муу гуан жугийн хослол маань ер нь бараг амьдралдаа анх удаагаа авч үзэх гэж байгаа гослол ч юм уу.

За за тэр мэрээ хүртэл тоочих ямар хэрэг байна аа.

Ер нь тэгээд авгай ч бүр болчижээ болчиж, нэг өдөр л хүн чинь авгай болчихдог юм байна, ха ха ха.

Бас л завгүй

2012-01-28T20:54:00.000-08:00

Аймаар завгүй байна.

Өчигдөр 12 цаг ажилласан, өнөөдөр бүтэн сайнд бас л гурван хүүгээ орхиод ажил дээрээ ирээд сууж байна. Өнөөдөр гэхдээ 10 цаг ажиллана, тэгээд маргааш өглөө эрт 7-н үед ирээд 13 цаг хүртэл ажиллана. Би ганцаараа ингэ суугаагүй, надаас гадна хоёр охин сууж байна. Амжихаагүй болохоор нь дахиад нэг охин дуудлаа, хүч хавсрах гээд.

Тэгж байж энэ нэг юмны ард гарна. За за ийм л байна, бай бай бай,ккк.

Буухгүй нээ

2012-01-22T22:55:00.000-08:00

Сонин юм аа, бензиний үнэ 300 төгрөгөөр хөдөлчихөөд байхад Ганбаатараас өөр хэн ч яадаг ч үгүй гэнэ ээ. Үгүй одоо тэгээд босвол буудчихдаг, бас тэр чигт нь шоронд тарчлаадаг болохоор тэр биз дээ. Үнэ ч тэгж их ганхаж савлаад байгаа юм алга, угаасаа тэгэхгүй л дээ.

Энэ сонгуулийн хууль гэж ёстой бөөлжис цутгам эд болжээ хөөрхий. Балдуушнийх нь порпорционал энэ тэр гэж. МАНАН тэгж новширч байгаа бол Энхбаярт өгдөг ч юм уу? гэж хүртэл бодогдох боллоо гэж.

Ай яа яа яа, Үхэх нь үнэн төрөх нь үнэн гэдэг Бурхан багшийн сургааль юутай гайхамшиг. Эднуусийг үхэж далд орохыг нь л хүлээх үлдэж дээ та бидэнд, хөөрхий.

Өө үхсэн баас

2012-01-18T21:09:00.000-08:00

гэж та амьдралдаа хэзээ бас хэдэн удаа дуу алдаж байсан бэ?

Анх манай нэг найз надад нэг оньсого таалгасан юм.

"Уухай туухай баатар, Ууцан дундуураа тасархай баатар, Хаданд хальтардаггүй баатар, харвасан суманд оногдоггүй баатар тэр юу вэ?" гэж ирээл. Эгч наана нь сансрын хамгаалагч Волтрон маягийн юм л санаад байдаг, танк, буу, баатар, цэрэг гэж мэгээл. Хаданд хальтардаггүй, харвасан суманд оногддоггүй гэхээр чинь одоо бүр тасраад явчихдаг юм байгаа биз дээ, ккк.

Таагаал байсан таагаал байсан, таагаал байсан оногддоггүй, бүр аргаа бараад бууж өгсөн чинь шоргоолж гэдэг байхгүй юу. Би ч бүр шар хөдлөөд "Өө үхсэн баас" гээл нэг их дуу алдаж билээ, ха ха ха.

Манай ардын оньсого бас л үнэн зэвүүн тийм ээ. Нээрээ л шоргоолжийг бодоод байсан чинь хаданд хальтардаггүй, харвасан суманд оногддоггүй гэдэг бүр явын яг үнэн байгаа байхгүй юу, Уухай туухай, ууцан дундуураа тасархай гэдэг нь ч гэсэн дээ ха ха ха, баатар гэдэг нь жаахан "хулхидчихсан" болохоос, ккк.

Манай их сургуулийн нэг найз байсан юм. Найз залуу хайгаал, тэгсэн нэг найз хүүхэн нь "би Завханы залуучуудтай танилцсан, чамайг танилцуулаад өгөх үү" гэж ирээл нэг их уянгалуулж гэнэ ээ. Манай найз яахав дээ бас гайгүй юм байвал танилцчих санаатай "тэгэе тэгэе" гээд их дуртай дуугарч гэнэ.

Тэгээд өнөө хүүхэн нь тэр залуучуудыг баасан эгчийн төрсөн өдрөөр тасагтаа урьж гэнэ. Эгч зүгээр гүйж очоод учиргүй л их тусалж гэнэ, хоол унд юу юу гээд. Тэгээд орой ч болж партидах гээд залуучууд нь хүрч ирж гэнэ дээ. Манай найз аягүй зэхээстэй тэнд суугаастай. Тэгээд ороод иртэл арван жилийн ангийх нь дан муу сурдаг банди нар "нусаа татчихсан" зогсож байсан гэсэн. Манай найз "Өө үхсэн бАААс" гээл буруу хараад суучихсан гэж байгаа, ха ха ха. Дараа нь бид хоёр тэрийг нь ярьж элгээ хөштөл инээж билээ.

Бас байрны хэдэн банди нар тасагтаа цуглаал сайхан хүүхний тухай шөнөжин ярьж гэнэ ээ. Бүгд яриал байж яриал байж яриал байж, хүн бүр л сайхан хүүхнүүдийг магтаал бишрээл, тэгсэн тэгж тэгж сүүлд нь нэг нь "Сайхан хүүхэн гэхээр сайхан л даа, даанч баадаг гэхээр муухай тийм ээ" гэж аягүй бодлогошронгуй дуугарсан гэсэн. Өрөөгөөр дүүрэн баахан залуучууд ха ха ха ха , хэ хэ хэ болсон гэсэн, ха ха ха.

Хэдхэн хоногийн өмнө манай маамуу аавыгаа гарах гэж байхад нь "МӨНЬГӨӨ, МӨНЬГӨӨ" гээд нэхээд, аав нь "өгөөмөр" юм болохоороо түрийвчнээсээ нэг хорьт нэг аравт гаргаж өгчихөөд аягүй хорин сая төгрөг өгсөн царайтайгаар маамуу руугаа хараад өгөөмөр царайлаал нэг баахан олон юм хэлсэн байхгүй юу, өхөөрдөөл . Тэгсэн чинь манай маамуу өөдөөс нь "ДУУУГАЙ БАЙ" гээд том зандардаг байхгүй юу, ха ха ха. Аавынх нь царай тэрхэн үед ёстой үнэн санаандгүй хувирал гараад би үхэтлээ инээсэн. "Орчин үеийн хүүхүүд чинь ийм болчиншд" мэдэж ав гэж баахан инээв.

Нисэх үү нисэе ээ

2012-01-17T21:19:00.000-08:00

Ля ля ля ля ля ля ля ля, нисэх үү нисэе нисэе.

Үүнийг би дуусгалаа, бид яллаа, бид бүгдийг бөмбөрдлөө, гол нь би аймаар их таашааал авлаа, бас бусад хүмүүст их хэрэг болж байна, би бас бид давшиж байна, бүр будаа болгож байна, тэгээд би яах уу мундаг баатар болно гээл мэдрэлтээл үү.

Хааяадаа надад яг нисэж байгаа юм шиг мэдрэмж төрдөг, тэр үедээ ёстой би барын ам руу толгойгоо хийхээс ч буцахгүй болдог, ха ха ха. Дотроос минь эрч хүч оргилон ундарч би биш тэр эрч хүч намайг хөлөглөн хамаг ажлыг маань машаанддаг. Нэг л мэдэхэд өдөр өнгөрдөг, тэгээд нэг баахан цаас үйлдвэрлэдэг, ха ха ха.

Хаа хамаагүй юм мөрөөддөнө, тэрэндээ баясана эрч хүч маань улам оргилно, тэр үедээ бараг таарсан бүх хүнээ үнсээд үнсээд гүйчихмээр, үгүй ээ нисчихмээр. Би хааяадаа нисэж байна гэж зүүдэлдэг бүр давраад мэдэрдэг сэрүүн байхдаа ч , үнэн тасархай, байж боломгүй эрх чөлөөг мэдрээл, улам хурдлаал улам урагшлаал баймаар. Улам л хурдан гүймээр болж онгирдог күүкэн дээ би хааяадаа, үгүй бараг ихэнхдээ л юм шиг байна. Хүмүүс намайг харж гайхаал, чи нээрээ хүнд гар юм аа, юм юм амжуулах юм аа л гээээл. Би бол дотроо зүгээр л нисэж яваа гар байхгүй юу.

Ля ля ля ля ля ля ля ля, нисэх үү нисэе нисэе. Бөмбөрдөх үү бөмбөрдөе өөөөөөөөө. Би лав үүнийг чадах юм шиг байна, санаа сэтгэлд бүр багтаад бяр чадал амтагдаад болох оо байв.

(сорри, сэтгэл хөдлөөд, онгод ороод юу хамаагүй юм бичлээ, цаас үйлдвэрлэх онгод гэдэг чинь ингэж л ордог юм байна ха ха ха)

Ай яа яа яа бими бими

2012-01-17T00:15:00.000-08:00

Манай маамуу ай яа яа яа бими бими гэж дуулдаг юм энэ дууг. Сая нэтээр сонсох гээд хартал 219,623,763 сая сонсогдосон байвал яах уу?

http://www.youtube.com/watch?v=SmM0653YvXU

Телевизийн хүн

2012-01-16T21:11:00.000-08:00

Би сая гадаа зүгээр л ингээд алхаад явж байсан байхгүй юу?

Тэгсэн чинь телевизийн хүн надтай таардгийм даа. Бянзиний үнэ нэмэгдсэнийг та юу гэж үзэж байна? гэж мэгж асуух юм гэнэ ээ? Би ч бүрэг ичимхий төрсөн юм болохоороо цүнхээрээ нүүрээ дараад л гүйчихлээ. Араас минь зургийг минь авчихсан юм биш байгаа даа, ккк.

Миний юу гэж бодож байгааг дамдаа блогспотоос минь уншчих гээд томорчдог ч байж уу? ха ха ха. Зурагтаар гарч байна гээд өөрийгөө төсөөлсөн чинь ёстой нэг хамаг биений маань хөлс цутгадаг юм даа. Араасаа ухаан жолоогүй гүйж байгаа минь бас гарчихаад хүн таньчих вий дээ, еэ бурхан базарвааний хум пад, ккк.

Бүтэхгүй гарууд

2012-01-11T22:56:00.000-08:00

Энэ ардчилсан нам "хүүр" ёстой нэг тэнэгтэж өгч байна аа. Хамтарсан ЗГ-с одоо яг яасан гэж гарах гэж байгаа юм бол? Үүний тайлбар логик бол маш энгийн. Зүгээр л сонгууль дөхлөө араа бодоё гэж байна тийм үү?

Ард түмэн 6 сарын дараа бүх юмыг мартана гэж бодоод байгаа юм байх даа. Ер нь эд нар ард түмэнг ер нь хэн гэж бодоод байгаа юм бол? ХУ-гууд үнэхээр азтай азтай, ийм тэнэг тоглогчтой таарсандаа эд нар үнэхээрийн түүхэн азтай хүмүүс. ХУ-гийнхан одоо Энхбаярынхаа асуудлыг л зөв шийдэж чадвал сонгуульд ногоон гэрлээр гарах байх, олон долоон элдэв шалдавын Пи Ар мар огтоосоо хэрэггүй.

Олон нийтийн санал асуулгаар Энхбаяр чинь бас эвгүй өндөр рейтингтэй байна гэж байна шүү. Үгүй яахав дээ өнөөдүүл нь нийлчихээд Энхбаяр руу дайраад байхаар чинь ард түмэнд өрөвдөх хууль үйлчилдэг юм шиг байна. За за юутай ч ардчилсан намыг би анхнаасаа хамтарсан засгийн газар байгуулна гэж зүүдлээгүй байсан шигээ ингэж гарна гэж огт зүүдэлсэнгүй ээ. Тэнэг хүүрнүүд, бүр нэг тээглэж үхэхдээ таарсан хар шаарнууд, гохь нь гохь нь.

Сонгуулиар ХУ-гууд нам ялна харж л байгаарай. Зио зио, АН-ханд би маааааш олон жил их л итгэл найдвар хүлээлгэлээ. Эд нар угаасаа бүтэхгүй гарууд юм байна.

Тэгээд бас энэ бензиний үнэ байна. ХУ-н санхүүжүүлэгч хоёр компани нь 3 хоногийн дараа үнээ нэмж бусад хэд нь дан адрчилсан намын санхүүжүүлэгчид байсан юм биш үү. Эд нар зүгээр л МАН-ын үет та нарын шатхууны үнэ мүнэ нэмэгдээд хэцүү байна дөө гэж ойлгуулах зориогоор шоу хийгээд байгаа юм биш үү.

Энэ тэнэг эрчүүд сөнөөсэй. Ер нь бушуухан үхэж далд ороосой.

Анхны хайрын тухай

2012-01-09T19:20:00.000-08:00

Анхны хайрын тухай бичмээр санагдав.

Энэ надад их хэцүү асуудлаа, ккк. Яагаад гэвэл би цэцэрлэгт байхдаа Амгаа нэг хүүд дурлаж байсан юм, тэгээд нэгдүгээр ангид орохдоо Амгаагаа мартаад Мандахаа гээд нээээээх хөөрхөн хүүд дурлачихсан. Мандахаадаа 3-р анги хүртлээ аягүй сайн явж байсан чинь манай гэр аймгийн төв рүү шилжээд ингээд будаа будаа. Аймаг ороод Мөнхөө гээд нэг хүүд дурлаад тэгсэн ээ дараахан нь Баагий гэж нэг хүүд дурлаад 8-р анги хүртлээ сайн явсан юм. Тэгсэнээ Боогий гээд нэг онц сурлагатан банди байсан юм тэрэнд бас жаахан дурлаж мурлаал Тэгсэнээ дараа нь 9 ангидаа бас өөр нэг хүүд дурлаал түүнийгээ бүр бодоол зүүдэлж бариал, нэг иймэрхүү л, ккк. Бүгдэнтэй нь үерхсэн үү гэвэл үгүй ээ үгүй, би зүгээр л тэднийгээ хараал хайлчихдаг л байсан юм гэхгүй юу ха ха ха.

За тэгээд оюутан боллоо доо хөөрхий.

Оюутан байхдаа би Мөөгий гээд Завханы нэг охинтой их дотно танилцаж бид хоёр үнэхээрийн үй зайгүй үерхлээ. Тэр бас надархуу донгио, час улаан онц сурлагатан байсан, тийм болохоор бид хоёр арван жилдээ хэнээс ч захиа авч үзээгүй хоёр. Тийм болохоор чинь аягүй амар байдаг байхгүй юу, иймэрхүү банди мандийн талаар ярихад. Учиргүй олон захиа авч байсан хөөрхөн охидуудтай ярихад бас л ярих юм олдохгүй хэцүү л дээ. Тэдэнтэй ярихдаа би голдуу өөрсдөөр нь яриулах тахчик хэрэглэдэг байлаа гэж.

Ингээд Мөөгийн бид хоёр нэгэн өдөр тэдний тасагт хонов оо хөөрхий, шөнөжингөө л ярьлаа, бүр сүүлдээ анхны хайрын тухайнэг мэдсэн Мөөгий маань ярьлаа. Тэгсэн она бүр үнэн уянгын түүх ярьдаг байхгүй юу. Бид хоёрын дурлалын ертөнцөд захиа махиа, үерхэл энэ тэр гэдэг ойлголт огт байхгүй шд, зүгээр л түүнийхээ тухай л ярьхад хангалттай тийм охидын шивнээ болдог байхгүй юу.

Мөөгий маань гэтэл яаж байна. 5-р ангидаа л ангийнхаа нэгэн хүүд ухаангүй дурласан байна. Орой хичээлдээ тарахдаа хав харанхуй, хоюулаа тэгээд хавь ойрынхонтойгоо нийлээд гэр рүүгээ харьж явахдаа зөвхөн хоёр биенээ бараадаж бараг бие биенийхээ зүрхний цохилтыг мэдрэн энд тэнд нохой хуцангуут өнөө хүү нь "Айж байна уу" хэмээн чихэнд нь шивнэн гарыг атган Мөөгийгийн маань сэтгэл зүрхийг догдлуулдаг байсан байвал яах уу? Үнэн романтик, ингээд яв явсаар 7-р ангид ортол өнөө анхны хайрын эзэн хүү маань Мөөгийгийн найзад хайрын захиа өгчихсөн байвал яах уу? Энэ нь манай найз охинд үнэн ичгүүргүй бүр доромжлогдсон мэт сэтгэгдэл төрүүлж л дээ. Өнөө хүү нь уучлал эрж баахан гуйсан байгаа юм, сүүлдээ тэр гайтай хар захиаг өмнөөс нь найз нь бичээд өгчихсөн хүртэл болсон байгаа юм, манай найз гэхдээ тэр явдлыг огт өршөөгөөгүй, найз маань хэзээ ч тэгж хичээлээ тараад түүнийгээ бараадан нөмөрт нь орж гараа атгуулж сэтгэл зүрхээ булгилуулаагүй гэж байгаа юм. Өнөө хүү нь ч гэсэн тэр мөчөө санан санан хичнээн Мөөгий рүү маань тэмүүлсэн ч Мөөгий маань огт тоогоогүй тэр чигт нь хаясан байгаа юм.Энэ мөчийг ярьж байхад надад нээрээ ямар муухай гунигтай санагдаж байсан гээч. Гэхдээ би Мөөгийдөө "Хэрэв ээ би та хоёр шиг тийм л ариун нандин холбоотой байсан бол бас тэгээд тэр маань тэгж чиний хамгийн сайн найзад хайрын захиа өгсөн бол Би ч бас чам шиг тэгэх байсан " гэж дуу алдаж билээ хөөрхий.

Тэгээд найз маань цааш ярьлаа, хонхны баяр энэ тэр гээд бүх гол гол үйл явдалууд дээр ТЭР Мөөгийг маань эргүүлж авах гэж байлдсан байгаа юм. Гэхдээ манай найз өршөөгөөгүй. Бүр сүүлдээ их сургуульд ороод 1-р курсэд ороод тасагт нь жаахан халамцуу ирээд манай найзтай уулзах гэсэн юм байна л даа. Тэгсэн манай найз эрүүлжүүлэх дуудаад түүнийг өгчихсөн байвал яах уу, тэрнээс хойш тэр хүү дахиж манай найз дээр нэг ч ирээгүй гэсэн. Тэр түүхийг би сонсож суухад бид хоёр 3-р курс байлаа хөөрхий.

Хамгийн гол нь тэр үедээ манай найз одоо ч түүнийгээ үргэлж бодоостой байсан байвал яах уу? Мөөгий маань түүнийгээ байнга боддог гэнэ ээ, аль 5-р ангиасаа хойш. Би тэр үед нээрээ юу ч гэж хэлэхээ мэдэхгүй, гэхдээ бүр 1-р курст орсон хойно оо хүртэл ирсэн гэдгийг нь сонсоод "Чи түүнд арай л хатуурхсан юм биш үү?" гэж л дуу алдаж билээ. Найз маань тэр үед хүртэл тэгж хамгийн сайн найзад нь хайран захиа өгсөн явдлыг уучилж чадахгүй байгаа байхгүй юу. Гэхдээ л түүндээ ухаангүй хайртай. Галзуу юу, галзуу. Бид хоёр ингээд тэр талаар нь баахан ярьж ярьж байтал Мөөгий маань чи одоо өөрийнхийгөө ярь гэдэг байхгүй юу.

Эгч гэтэл яасан байна уу, нэг настайдаа Нэмэхээд, хоёр настайдаа Хорголоо, гурван настайдаа Гунгаад дурлаж явсан хүн чинь ийм гүн, ийм ариун нандин хайрын хажууд зэрэгцүүлээд ярина гэдэг үнннннэн тэнэг байхгүй юу. Би ч ээрч муураад хачин юм болсон л даа, ямар хамгийн сайн найздаа худлаа хэлэлтэй нь биш, бас тэгэхдээ харсан бүхэндээ дурлаж явсан гэлтэй нь биш, үнэхээрийн бажгидаж байж билээ. Ерөнхийдөө тэгээд нэг юм миний ээлж өнгөрч эргээд бид хоёр зөвхөн түүний тухай ярьж билээ гэж.

Дараа нь бид хоёр тээр хойно, би хоёр хүүхэдтэй, тэр маань нэг хүүхэдтэй болсон хойно уулзахдаа бас тэднийд шөнөжингөө ярьж хоносон юм. Тэр үедээ л бид хоёр баахан инээлдэж билээ. Тэр муу захиа одоо юу вэ, тэрний төлөө тэр мууг тэгж их хатуу шийтгэдэг нээрээ гэж ирэээл айлын авгай нар нэг баахан инээлдэж билээ хөөрхий. Найзын маань зүрх сэтгэл түүнийг бүрэн уучилсан байсан гэхдээ тэр их нандин хайр бүр мөсөн хайлсан байж билээ хөөрхий. Үгүй одоо яаж ч байх вэ дээ, айлын авгай болоод үр хүүхэд гээд жинхэнэ "хайрын" амьдралаар амьдарч яваа түүнд яаж тэр анхны хайрыг багтаах зай зүрх сэтгэлд нь олдох билээ дээ, хөөрхий.

Бага байж дээ хөөрхийс, ккк.

Адын бодол

2012-01-05T19:43:00.000-08:00

Бүгдэд нь Шинэ Оны Мэнд!

Маамуу маань хатгаа тусаад тэгээд бид хоёр шинэ оноо эмнэлэгт гаргалаа, дөнгөж өчигдөр л гаргалаа бид хоёрыг. Шинэ жилдээ ч орж чадсангүй, үнэн шокинг зүйл болов, гэхдээ одоо дажгүй ээ, өвөө эмээ нь эргээд хүүг маань харахаар болсон. Цэцэрлэгт өгсөн биш хатгаа тусгаад баллахаа шахлаа.

Бичмээр юм аймаар их байна. Яг алинаас нь эхэлдэг юм билээ дээ. Эмнэлэгт хэвтэж байсан тэмдэглэлүүдээ хиймээр гэхдээ эхний бичлэгээ эмнэлэгт хэвтсэн эмнэлэгт хэвтсэн гээд байх ч хаашаа юм, ккк. Тэр талаараа дараа л ярихаас даа.

Сүүлийн үед миний тархинд сүн сүн гэж харваж орж ирээд байгаа нэгэн адын бодлын талаараа бичдэг юм билүү.

Би Хараа!, намд элсэж байгаад ирэх оны сонгуульд нэр дэвшиж байгаад энэ Монгол Улсад хариуцлагатай уул уурхай, ер нь болж өгвөл энэ уул уурхайн сектороос хэт хамааралтай байдлыг чадах чинээгээрээ зогсоодог юм билүү гэж ирээээээээээээээээээээээээл бодогдоод байх юм, энэ одоо нээрээ аль насны минь үйлийн үр минь юм бол??????????

Энэ тухай бодлоо үүрийн таван жингээр сэрээд нөхөртөө хэллээ, "чамд дэвших тойрог олдохгүй ээ" гэнэ ээ. Би дэмий л хуга томорлоо, ха ха ха. Над шиг ийм супер үзүүлэлттэй хүүхэн тоож намд нь элсэж байгаад тэр элсүүлсэн нам баярлах хэрэгтэй. Над шиг эмэгтэйг нэр дэвшүүлэхгүй бол тэдний азын тэнгэр нь харина гэж мэгээд ха ха ха.

За яахав намд элслээ, ингэлээ тэглээ гэж бодоё, тойрог олдлоо нэрх дэвших боллоо гэж бодоё, бүр сонгуульд яллаа гэж бодоё. Миний энэ байгаа амьдрал надаас үүрд баяртай гээд холдоно шд. Би нэр дэвшлээ л бол энэ муу блогоо хүртэл нам устгана шд. Нууцалж байгаад хүн уриад уригдсан хүн нь ордог байх ч боломжгүй, зүгээр л бүх бичлэгүүдээ уйлж байгаад нам дэлийтлэнэ шд, адгийн наад зах нь. Энэ ажил маань, энэ элдэв долоон нэмэлт захиалгууд маань бүгд будаа болно. Тэгээд их хурлын гишүүний сарын сая төгрөгийн цалинг харж амьдрах хэрэг үү? Эсвэл тойрогтоо хуваарилдаг тэрбум төгрөгийг нь "хулгайлах" хэрэг үү?????? Би өөрөө хулгай хийчихээр чинь би яаж гурван хүүдээ битгий хулгай хий гэж заах болж байна тэгэхээр, ккккк. За яахав мөнгө төгрөгний асуудлыг мартая. Нөхөр гуай тэжээх биз ээ гэж бодоё.

Би энэ тэрбум тэрбумаар яригддаг уул уурхайн бизнесийг лантуугаар тонших гэж байна шд, тэд намайг зүгээр орхих уу? Энэ муу ядаргааны хүүхэнд ганц ширхэг сум л хангалттай шд? Арррррр, ар нуруугаар минь хүйт даачихлаа.

Тэгэхдээ л шээт, энэ муу уул уурхайн салбар ингэж эх нутгийг минь эвдэж сүйтгээгүй бол би энд ингэж төрийн төлөө боож үхэж суухгүй л дээ. Одоо цаана нь манай газар нутгийг төнхөх мянгаад лиценз олгогдсон байна гээд бод доо. Тэд одоо хөрөнгөө босгох гээд энэ дэлхийн хөрөнгөний зах зээлийг нүхэлж байгаа. Мөнгө чинь энэ хорвоо дээр уул овоо шиг байдаг юм болохоороо тэр лиценз эзэмшигчдэд эрт орой хэзээ нэгэн цагт мөнгө олдож л таараа. Тэр цагт та бид гишгэх газаргүй болох гээд байдаг. Аррррррр, би үүнийг чинь л тэвчихгүй байгаа юм даа хөөрхий. Тэгээд л бодохоор л үхсэн баас, үзэж тарая энэ муусайчуулаас үхсэнийг нь айдаг юм гэж бодогдоод байх юм.

Мэдээж УУ-г нам хаана гээд Эрдэнэтэ мэрдэнэтээ хаана гэж би мэдрэлтэхгүй л дээ, гэхдээ л та бид нүднээ бэлэхнээ харж байгаа биз дээ, дурын хүн нь хүрз бариад газар шороо руугаа дайрдаг болсон энэ муухай массчлагдсан байдлыг үнэн халмаар байна. Монгол улсад ерөнхийдээ бол 1200 уурхай байх юм гэнэ ээ, эх нутгийн маань бараг хэдэн хувь нь байлаа даа, ёстой гайгүй байлгүй дээ "76 эрчүүд минь". Бүсгүйчүүд бид та нараар тэгж ч юм аа сүйтгүүлэхгүй шүү гэж мэгж бодогдооол болох оо байлаа хө.

Тэгээд ч энэ үеийн монгол эрчүүдийн улс орныг хөгжүүлэх үндсэн санаа бол нэг иймэрхүү л юм байна шд. "Бид бол юу ч чадахгүй (сул дорой, маанагууд болохоороо), тийм болохоор нутгаа зараад роаялитигаа аваааааааааал дээшээ хараад гэдсээ илээд гэвтэж байяа" л юм байна шд. Үнэхээр тийм бол та муусайчуулаар төр бариулах ямар хэрэгтэй юм. Зарахаа хүрвэл энэ газар нутгийг хэн ч зарсан яадаг юм, бүр ёстой шал дургүй хүрч байна. Эрчүүд нь ингэж улс орноо авч явах юм бол нээрээ хүүхнүүд нь хөдлөх хэрэгтэй ш дээ, үнэхээр би тоглооогүй байна.

Суурь эрхзүйн харилцаандаа газар бол төрийн өмч гээд заачихсан, тэгээд нэг ёсондоо Монголын Төр түүхэн бас ЭЭЛЖИТ гэмт хэргээ өдүүлээд1200 лиценз олгочихсон байхад энэ муу төрийн савраас ард түмэн үндсэн өмчөө салгаж авах хэрэгтэй гэж би бодож байна. Тэрэнд л би одоо улсын их хурлын гишүүн болж байгаад л хичээнгүйлэн зүтгэнэ гэж л өөртөө мааааш их найдлага тавиад байгаа гар юм байна л даа, кккк.

За дараагийн асуудал аль намд элсэх вэ гэдэг асуудал??????? Одоо аль нь хоммунист байсан бэ гэдэг настолги дээр үндэслэж сонголт хийнэ гэдэг бол үнэндээ утгагүй болжээ. Хэн нь юу чадах вэ? аль нь юуг үнэт зүйлээ болгон эрхэмлэн дээдэлж байна гэдгийг нь харах цаг болжээ хөөрхий.

Гэснээс дээр Алтай гишүүний төрсөн эхчүүдэд мөнгө олгох хуулийн төсөлд эгдүүцэж бараг орилж бахирч байгаа нь хараад миний үнэн эгдүү минь хөдлөв. Он хэрэв "энүүхэний төлөө л та бид эх нутгаа сүйдэлж, үр хойчоо хоосолж байгаа юм байна тийм үү?" гэдэг аргументийн лайнийг барьсан бол би алгаа ташаад дэмжих байлаа гэтэл муу баас чинь юу юу гэнэ вэ айн. Монголчуудыг бэлэнчилэх сэтгэлгээнд сургаж байна ч гэх шиг ёстой аааааааааааймаар олон юм хэлдэг байна шд. Тэрэндээ тулвал ардчилсан нийгэмд төр засаг ард түмнийг "хүмүүжүүлэх" үүрэггүй байх шүү.

Ер нь бол алтаа ухаад оронд нь хэвлэмэл цаас болгоод ард түмэндээ тарааж өгдөг өнөөдүүл нь Бээжин явж бараа авчирдаг бодлого бол аягүй тийм хэцүү бодлого л доо, бид ингэх нь зөв үү гэдэг асуудал ярих юм бол. Аа харин ард түмнийг уруу татлаа, ажил хийхээ байчихна энэ тэр ч гэх шиг, тэгвэл тэр ардын хувьсгалын он жилүүдэд чинь ард түмэн хамгийн мөнгөгүй хамгийн гуйлгачин л байсан биз дээ, тэр хоммунизм социализсаа өдөр шөнөгүй ажиллаж байгаад "барих" чинь яасийн? Мөнгө өгчихвөл ард түмэн ажил хийхээ байчихна гэж эд нарт одоо Ленин багш нь л зааж өгсөн юм байх даа, сардаа нэг муу хорьхон мянган төгрөг шидчихээд шүү.

Нэээг сайхан бичлэг хиймээр өдөр

2011-12-26T01:39:00.000-08:00

байх чинь. Гэхдээ л манай маамууг хатгаатай гэсээн эмч нар. Эмнэлэгт хэвт гэсэн боловч эмнэлэгт оргүй гээд хэвтээгүй, гэрээр эмчилж байгаа. Цэцэрлэгт ганц өдөр аваачиж өгөөд хатгаа тусаасаг.

Энэ жил хурдан гараасай гэж хүртэл их бодогдож байна. Угаасаа л жил эхлэхэд миний зурхай дээр энэ жил эрүүл мэнддээ их анхаар гэж бууж байсан юм. Тэр нь үнэн болох гээд байна аа хө. 10 сараас хойш үргэлж л эмнэлэг домнолог ярив аа хөөрхий.

Өчигдөр бүр шөнө маамуугаа тэврээд эмнэлэгт хэвтэх гээд хамаг юм аа аваад гараад явав. Гэтэл эмч нь гэрээрээ эмчилж болно гээд, нэгэн бодлын аз, нэгэн бодлын бас л "цаг цагаараа байдаггүй, цахилдаг хөхөөрөө байдаггүй" гэдэг байх аа гэж дотроо бодож суув. За за гэхдээ энэ бүхэн тэгээд пасс болох байлгүй дээ, гэж. Хатгаа зэргийг ч гэхдээ илгасий л гэж бодож байна. энэ байтугай өвчний оноштой гарч бас дарж явна аа гээд байвал яах уу.

Дайны хажуугаар дажин гэж, энэ манай хүн!!!!!!!. Хадам дүү хөдөөнөөс манай идэш уушийг яг таг бэлдээд сайхан шуудайлаад авчирч. Нөхөр бид хоёр чинь хүү хаа гээд гүйгээд очдог юм байгаа биз дээ. Гэтэл яав? Өнөө шуудайтай махнуудаа машиныхаа арын багаж руу хийдэг юм байгаа биз дээ. Бас л баахан хүүхдүүдийг уг нь дайчилсан юм. Манай хүн нэг шуудайны булан өргөж байгаад багаж руугаа тонгойсон чинь л нуруу нь татчиж гэнэ, ха ха ха. Марзан байна уу? Би бүр хэлэх үг олдохгүй л сууж байна. "Үгүй чи одоо өөрөө очоод идэшээ хийж ирсэн бол яана ?" л гэж асууж сууна. Хоёр өдөр л ёо ёох болоод байна. Аягүй бол Сонгдо монгдо, MRI л болох юм шиг байна.

За за одоо өөр юу ч байхав дээ. Энэ жилийн хувьд олз олбор чамлахааргүй байлаа чамлахааргүй байлаа. Эрүүл мэндийн асуудал гэхдээ үнэхээр анхаарлын төвд орж ирэв. Өөрөө хамрын ханиад хүрдэггүй шахуу хүн чинь анх эрүүл мэнд энэ тэр гэж сонсоход нээг их сансрын юм сонсогдоод байгаа юм шиг санагдаж байсан, яг тулаад ирэхээр "аа ингэж бас болох юм байна шүү" л гэж бодогдож байна аа гэж.

Гэхдээ л нэг их айдагаа авдрандаа хийчихсэн хүний мэдрэмж төрөөд байх чинь, ккк.

Мөдхөн шинэ жил болох гэж байна. Би нээрээ шинэ жилийн палаажаа Гранд Плазагаас хорин мянган төгрөгөөр авсан гээд бод доо, ха ха ха. Манай том хүү надтай хамт явсан юм. Хажуунаас "Ээжээ, та хүний гологдол юм аваад байхдаа яадаг юм? Наадах чинь л хорин мянган төгрөгний үнэтэй байгаа биз дээ?" гээд салдаггүй. Би "Чи дуугай байгаад өгөөч, ганцхан орой би үүнийг чинь өмсөнө, тэгээд өөр хэзээ ч өмсөхгүй за юу?" гэж хэрэлдээл явлаа, кккк. Гэхдээ л та хүний гологдол авч байна шд дээ гээд салдаггүй, би ч "чи дуугай байгаад өгнө үү, үгүй юу" гээл явлаа, ккк. Тэгж байгаал тэр хорин мянган төгрөгний палааж урьд өмнө хаана ч байгаагүй, супер сайхан гоё моё ёстой хэлэх үггүй болтлоо магтагдаж байгаал шууд надаар авагдаж байгаа юм чинь, ккк. Хүн харахад хорин мянга гэж хэн ч хэлэхээргүй, би ажлын газрын хүүхнүүддээ 180-р авсан гэж хэлэх гэж байгаа. Гэхдээ би тэсэхгүй дээ, би үүнийг хорин мянгаар авсан гээл хаях байх, миний энэ ам уу.

ккк

2011-12-23T02:31:00.000-08:00

Би маамуугийнхаа хамранд нус харагдахаар нь угийн хоббитойг хэлэх үү харангуутаа хүү хаа гээд л шууд л аваад хаяхгүй юу, тэгсэн чинь өнөөх чинь араас "Нуж өгөө, нуж өгөө" гээд араас заргалдаад бахираад гүйвэл яах уу, ха ха ха. "Үгүй энэ чинь одоо баа баа" гэж ээж наана нь тэгж байгаа боловч дотроо "Нээрээ яс юман дээрээ, хичнээн муу ""нуж" ч гэсэн "нийтийн өмч" биш л дээ, би тэгж дур мэдэх бас болохгүй л дээ, тийм гэж бодов, ккк.

Аргагүй л , шинэ хүн, шинэ хандлага, шинэ мэдрэмж төрж байлаа гэж, ккк.

Амьдрал үргэлж сайхнаараа

2011-12-21T02:29:00.000-08:00

алтан нар мандсан хэвээрээ ашдын гэрэлтэй болоод ирлээ, ккк.

Зио зио, би ер нь зэрэг ахичих шиг боллоо. Ах дүү нь ч байна уу, амраг садан нь байна уу хэн хүн юу гэж бодох нь зүгээр л тэдний хэрэг. Би тэрэнд нь уурлаад багтраад бачимдаад, нус нулимс болж гүйгээд байх нь ерөөсөө утгагүй эд байна. Бас тэгж бодсонийх нь төлөө тэдэнтэйгээ там тангараг болох нь ч утга алга аа хө. Би өмнө нь тэгдэг хүн байсан байна. Би одоо тэгэхгүй, би одоо өөр хүн болсон. Би өөрчлөгдөж төрөл арилжиж зэрэг нэмсэн, ккк.

Би элдэв сахиусны хатгалганд дахиж автахгүй байх аа гэж найдаж байна. Хүний итгэл үнэмшил ээ гэж. Үхэхээрээ ч би тэдэнд алуулах байх аа, ккк. Алж л байг би тэртээ тэргүй үхчихсэн байх юм чинь гээд мэдрэлтээд байвал яах уу, ккк. Гэхдээ л би тэдэнд оюун санааныхаа эрх чөлөөг оосорлуулж чадашгүй нь. Архичин удгануудад бол бүр ч үгүй. Ер нь энэ бөөгийн сахиуснууд архинаас гармаар юм. Там там , аюул осол, аймаар аймаар гэж ирээд л нэг их хүн айлгана. Тэднээс айж явахаар тэр тамд нь шатаад, аймаараас айгаад зовчоё л доо, яшиг зүгээр. Үгүй айхгүй ч юм билүү хэн мэдлээ.

Гэхдээ ер нь зовлон гэж яг юу юм бэ?????????????? Магадгүй хэний хувьд гэж асуугдах ч байж мэднэ.

Би дээр Холливудийн лаг гоё хино үзсэн шд. Нэг нөхөр үхэж байгаа юм. Гэхдээ мэдээж үхээгүй, аймаар гоё диваажин шиг газар гүйгээд л. Гэснээ шууд тэнгэр нурж газар доргиод л , энэ яаж байгаа нь энэ вэ гэтэл түүний хойноос эхнэр нь уй гашуунд автаж байгаа байхгүй юу гэж мэгээд үргэлжилдэг юм. Буддизм баруунд хүчтэй дэлгэрч байна даа гэж. За за залхуу залхуу, гарч сайхан гэрийнхэнтэйгээ хоолонд орох минь.

Сахиусны хэрүүл

2011-12-18T06:50:00.000-08:00

Ёо ёо, энэ жилийг ёстой дэлийт хиймээр жил үү үгүй юу?

Дайны хажуугаар дажин. Ахан дүүстэйгээ маргалдаж муудалцаад ёстой аюул гээч нь болов оо хөөрхий.

Аав маань өвдөөд гээд бүгд л аахилж уухилаад гүйж байтал ахын болоод надаас бусад манайханы бүгд шүтдэг бөө нь танай дүүгийн нөхрийн ээж нь нас бараад тэгээд та нарт үхээрийн бузар болцгоож гэж хэлж гэнэ ээ.Миний дотор аймаар сонин оргиод явчихсан.

Ээж аав маань манайд ирж манай хүүхдийг харж өгөх гэж байгаад бузартчихсан маягийн юм хуцаад. Аррррррррррр, ёстой нээрээ арай ч дээ. Хадмын ажил явдал манайд огт болоогүй. Манай хадам эмнэлэгт хэвтээд, өч төчнөөн өвдөж хавдаж байхад манайхан эргэж нэг нь ч уг нь очоогүй. Манай хадмын ажил дээр хүртэл манайхан очоогүй, хэдэн төгрөг л дансаараа гуйвуулсан. Бараг тэд манай хадмын царайг нь тоотойхон харсан хүмүүс, яахаараа ийм утгагүй тэнэг гаргалгаа хийдэг байна аа энэ сахиуснууд.

Би бүр уурлаад чарлаад уйлаад "Наад бөө нэртэй архичин хар авгайг чинь хараал идэг" гээд хэлчихсэн, манайхан миний тэнэгийг, миний мунхарсаныг, миний юу ч хэлээд ойлгодоггүйг гайхаад гайхаад олсонгүй. Намайг битгий гай бол гэнэ ээ, би одоо тэгээд маргааш аавынхаа хагалгаанд очихгүй. Бөөн асуудал болж болж гэртээ иртэл ээж маань арай хариагүй байж байна. Тэгэхээр нь "Ээжийгээ та одоо харьж үз" гээд хэлчихсэн чинь ээж маань чи намайг хөөлөө гэж хэлээд уйлаад гараад явсан.

Ангиог нь хэцүү л гэх юм, маргааш аав маань байхгүй болчуул бүгд над руу хуруугаа чичилэх юм шиг байна. Гэхдээ чичлэхгүй л дээ тэд, бүгд "тэнгэр" шиг аугаа хүмүүс болохоор над шиг газрын хар гайг тэд уучилж, эгнээндээ багтаах уудам сэтгэлтэй бөлгөө. Гэхдээ сонголт хийх нь би биз дээ, тэдний эгнээнд би өөрөө багтахгүй ч байж болно шд.

За за, газрын гаваар ороод далд ороод өгөх минь, зүгээр. Тэр сахиус буулгадаг гэдэг хав хар царайтай, сахиус орсон гэх үедээ нэг суудал дээр хэд хэдэн шил архи хөнтөрдөг, харваас хүн амьтанд хараал жатга хийдэг байрын сэтгэл сэрхийлгэмээр тэр хар авгайг нь би үхтэл нь доош нь хийгээд хаясан. Ахыгаа ч гэсэн чи чинь одоо шинжлэх ухааны доктор хүн шүү дээ, чи нээрээ арай ч дээ, бараг 10 төгсөөгүй хав хар битүү тархитай авгайн үгэнд ингэтлээ ховсдуулах ч гэж дээ гээд бас баахан үгээр идэв. Чи ийм болсон чинь чиний эргүү эхнэртэй чинь шууд холбоотой гээд хүртэл хэлээд хаях шиг болсон. Ах маань бас аймаар уурласан. Би ч бас аймаар уурласан.

Зио зио, ахан дүүс ингэж эвдрэлцдэг л юм байна.

Ёо ёо, энэ бичлэг дээр би ямарч коммент авч чадашгүй нь, зүрх минь дэлбэрэх байх.

Амьдрах нээг хэцүү санагдаад байх чинь.

2011-12-12T04:27:00.000-08:00

Амьдрах нээг хэцүү санагдаад байх чинь.

Ажлаа барахгүй, хүүхэд харах хүнгүй, аав маань эмнэлэгт шаал мияа байна өө. Он гаргаад би одоо ямарч илүү дутуу ажил хийнэ гэж навсагнаж гүйхгүй. Би ер нь үхсэнээ хийж тэгж илүү дутуу юманд савсагнаж байдаг байна аа. Түй чёрт.

Гадны төсөлд би чинь одоо ажиллахын түүс л гүйж явлаа нэг хэсэг. Одоо ч үнэндээ бөөлжис цутгаж байна. Ер нь хүний хүсэл хэзээ ч төгс байдаггүй билээ. Хүссэн юм хүзүүгээр татна аа гэж.

Энэ төслүүд ер нь Монгол Улсад яг юу бүтээж байгаа юм бэ? Гадныхан нээг ухаантай царайлж бидний амьдралыг сайжруулах зөвлөгөө өгөөд л бид тэд нарыг нь" ааан мөн мөн мөн" яг бурханы зарлиг дагаж байгаа мэт эргүүтэж толгой дохиод л, үнэн утга алга. Ингэхэд бид бурхан багшдаа олон долоон юм илүү дутуу үг донгосолгүй залбирч чаддаг билүү та бид?

Одоо үндсэн ажлаа л үнэн кайфтай хийх минь, нэмэлт кайф авах гэж ингэж мэдрэлтэж гүйнэ гэдэг үнэн утга алга.

Гэснээс энэ манай аавын эмч нар зөрөлдөөд бид нар энд толгой маань эргээд ирлээ.

Ангиографийн шинжилгээ хийнэ гэж эмчлэгч эмч тэгсэн юм. Тэгтэл яг тэр ангиографийн эмч нь юугаа хийдэг юм, ямарч шаардлага алга энэ хүнд гэх юм. Одоо бүү мэд л байна. Хар ухаанаар бодоход тэр шинжилгээ нь уг нь 500 мянган төгрөг гэсэн юм. Тэгэхээр ямарч хүн болсон болоогүй тэр шинжилгээг нь хийсэн болоод тэр мөнгийг нь авах сан гэж бодох магадлал өндөр байх л гэж бодогдож байна. Гэтэл тэр эмч татгалзаж байхыг бодохоор тэр эмч үнэхээр тэгж бодож байгаа ч юм шиг.

Бидний хувьд үнэндээ чөтгөр бүү мэд л байна. Бид хэд угаасаа яагаад хэн нь ч эмч болоогүй юм болоо? Аав намайг уг нь эмч бол гэж их хэлдэг байсан юм. Би арав төгсөхдөө эмч болно болно гэж гэж эдийн засагч болсон хүн дээ хөөрхий. Аавынхаа мэргэжлийг өвлөөгүйдээ би дотроо хааяа хааяа харамсах сэтгэл төрдөг өө төрдөг. Бас маааааш их баян болохоороо би Соросын сан гэдэг шиг аавынхаа нэрээр сан байгуулаад дан анагаахын оюутануудыг тэтгэдэг болно, эмнэлэг байгуулна гэж хүртэл мөрөөддөг.

Одоо аав хүүхэд шуухадтай ойр байж болохгүй. Ээж аавыг харах ёстой. Тийм болохоор манайх одоо хүүхэд асрагч л хайж таарах юм шиг байна. За тэр ч яах уу, өвчин зовлон биш арга учир нь олдох байх л гэж бодогдож байна.

Яа яа гэхдээ л бөөн проблем. Зүрх рүү ч хатгаад байх шиг. Ноён. Үхэл гуай, та зүгээр байхад зүү шидээд байюал зөрүүлээд жад шиднэ гэж мэдээрэй гээд мэдрэлтээд байвал яах уу.

Зовлон

2011-12-11T19:13:00.000-08:00

Яана аа, аав маань зүрхний шигдээс болж гэнэ. Тав дахь өдөр өвдөж бид сандралдаж баахан гүйлдэв. Эмч нар маш хүнд, маш аюултай л гээд байна. Аавыгаа харахаар зүв зүгээр, аав маань ч эмнэлгийн орноосоо босож гүйчих гээд, аавынхаа царай зүсийг харахаар сэтгэл нэг их гийгээд явчих юм. Эмчтэй нь уулзахаар л маш хүнд маш аюултай гээд байх юм. Тэгэхээр дотор нэг их сонин болоол. Яана аа яасан хэцүү юм бэ?

Уг нь бол аавынхаа удамшил, угшил гаршлыг нь харахаар бид хэд аавыгаа ерэн нас лав баттай хүрнэ гэж бүр бат боддог байхгүй юу. Гэтэл ингээд өвдчихлөө. Энэ жил ер нь ямар хэцүү жил вэ? хурдан өнгөрөөсэй.

За за гарч эмнэлэг явлаа. Цаг цагаараа байдаггүй цахилдаг хөхөөрөө байдаггүй ээ гэдэг байх аа.

Өөхөн бөмбөөхэй, араг сэгсээхэй

2011-12-04T23:55:00.000-08:00

Ямар чөтгөр нь намайг үсчин рүү өчигдөр одоо аваад явчив аа. Үсээ халимаг болгуулая гэтэл үсчин охин нь үгүй ээ үгүй, та зүгээр л богиносгуулчих гээд. Тээд хэлсэнийг нь дагаад богинсгуулах гэж сууж байсан аа гэв гэнэт үсэндээ хими хийлгэх супер санаа төрөөд. Үсээ угаалгуулж суусан аа, би ер нь хими хийлгүүлчдэг юм уу? гээд асуутал өнөө охин чинь таны үсэнд яг тохирно энэ тэр гэж намайг хошгоруулаад. Эгч одоо яах уу дээ, хошгироод л хаялаа. Одоо ингээд нэг арвайсан юм сууж байна даа гэж. Зуз зуззззззз, том толгойтой, тэгээд үс нь арзайгаад ирэхээр дахиад дээр нь нэг том толгой ингээд одоо ер нь их л хэцүү болчихлоо.

Би ер нь чин үнэнгээ хэлэхэд өөртөө таалагдсан үстэй байж нэг ч удаа үзээгүй гээд бод доо өдий дөч шахам наслахад, энэ бол миний чин үнэн үг билээ, хөөрхий. Бүр сүүлдээ тэсрээд, болиё оо, бүр хусуулаад хаясан ч яах уу гээд гараад гүйдэг юм, тэгээд бүр арвайчихаад хүрээд ирдэг юм, ха ха ха.

Бужгар хими чинь одоо тэгээд 6 сар үсэндээ байдаг гэж байна шд, 6 сар арзайж явах юм байна л даа. Түй чёрт.

Гилийн хатанд

2011-11-30T20:39:00.000-08:00

Та зүгээр бага маяглана шүү, гал шиг цогтой галзуу улаан бүсгүй минь!!!!!! Дэмий шүү, ккк. Орох гэхээр орж болохгүй, ямар нээрээ сонин бүсгүй вэ? (Толгойгоо баахан наашаа цаашаагаа сэгсэрч байгаа яахоогийн шар дүрс).

Гэхдээ ашгүй хүрээд иржээ, хүрээд ирж. Яамай яамай, баяр хүргэе. Яахав дээ, үхсэн, бид хэд энэхэн зайдаа "лаагаа иднэ үү, луувангаа иднэ үү?" ёстой хэнд хүртээлтэй билээ дээ хө гэж.

Шушмаа хэлний толь

2011-11-29T21:27:00.000-08:00

Манай маамуу шулганах гээд шулганах гээд хөөхөн байна аа хөөхөн байна. Ямартай ч ээжтэйгээ ойлголцдог хэлтэй болчихсон. Ээж нь хэл хэлийг үзэж сурсан мундаг юм болохоороо шушмаа хэлийг тэр дор нь эзэмшилгүй дээ.Жаахан жаахан сийрүүлбэл:

Аавааа- гэдэг нь аав л гэсэн үг
Ээээээж, ээээээээж гэдэг нь ээж л гэсэн үг
Имаа гэдэг нь эмээ л гэсэн үг
Өвөө гэдэг нь өвөө л гэсэн үг, ккк
Наба - гэдэг нь том ахаа дуудаж байгаа юм.
Жаажуу- гэдэг нь бага ахыгаа дуудаж байна.
Чаа чаа уухийн уухийн - цай ууя гэсэн үг
Та та - тараг ууя
Боожии боожий гэдэг гэрийн боорцог идэе гэсэн үг, ккк. Худалдааны боов энэ тэр биш, яг гэрийн улаан боорцог нэхэж байгаа юм.
Баажийна- бааяа бас шээеэ гэсэн үг
Нүү гэдэг нь сүү гэсэн үг
Мажийна мажийна - машаан гэсэн үг
Толой гэдэг нь толгой гэсэн үг
Нүүдээ - гэдэг нь хамар гэсэн үг, ккк
Нээчин- гэдэг нь өмдөндөө аваад хаясан гэсэн үг
Дүүдэөгөө дүүдэөгөө гэдэг нь надад өгөө л гэсэн үг
нуж гэдэг нь нус гэсэн үг
найхан уний гэдэг нь сайхан унтая даа гэсэн үг
бос бос гэдэг нь бос л гэсэн үг, ккк.
нааши нааши гэдэг нь нааш ир нааш ир гэсэн үг
Хамраа хамаг байдгаараа үрчилйгэж байгаад ай яа яа яа яа ба ба ба - гэдэг нь ямар муухай юм бэ гэсэн үг.
Махьаа -гэдэг мах гэсэн үг
гоогүй гэж горигүй гэсэн үг
Өмөө, өмөө гэдэг нь өрөм идэе гэсэн үг
Гошоо гэдэг нь горшоок гэсэн үг.
Баялаа - гэдэг нь мэдээж баярлалаа гэсэн үг, ккк

За за нэг иймэрхүү.

Зүгээр нэг амьдрах сан

2011-11-29T05:42:00.000-08:00

Олон Улсын зөвлөхдөө "гуц" гээд хэлээд хаясан, өчигдөр уур хүрээд, ккк. Монголчуудыг бас л мангартуулж байна дөө, дөрөвхөн эксэл хүснэгт холбож өгчихөөд тэгээд тэрийгээ бидэнд зааж өгөх юм гэнэ, бид тэрийг нь сурж сурж байгаад яам тамгийн бодлого боловсруулагчидадаа бас зааж өгөх юм гэнэ, ккк. Өнөөдүүл нь ч гэсэн дээ, танай судалгаа хэзээ дуусах уу? Бидэнд сургалт явуулж өгөөч гэж мэгж мангартаал, ккк.
Яг өөрийнх нь түүхийг яриулахаар яг үнэндээ бол гадаадаа ажилгүй гар л байгаа байхгүй юу. Зүгээр л Монголын нэгэн төслийн олон улсын багийн ахлагч болоод хаясан гар, ккк.

Зиө зиө нэг иймэрхүү, мияа царайлсан өдөр л байна. Үхсэн амь биш заяа биш болохгүй бол больж орхино дог, тийм хүн чинь сайхан юм өө, танд юу хэрэгтэй таны таалалд нийцсэнгүй юу гэж мэгж өмнө нь бөхийж аргадахын оронд зүгээр л "гуц" гэх маягийн юм хэлчихээд тэгээд ойлгохгүй бол цаашаагаа чинь би гомдол мэдүүлнэ маягийн юм яричоол, энд блогоо бичээл нэг иймэрхүү, ккк.

Орой 6 цагаас хойш гэр орондоо хатуу байх минь бүр ёстой өнгөрөөд байна аа. Яадаг юм билээ. Тэгээд бодохоор ер нь энэ "мөнгө төгрөг" гэдэг асуудлыг таг мартаад зүгээр л нэг амьдраад гүймээр ч юм шиг. Надад одоо мөнгө тийм л их хэрэгтэй байгаа юм байх лаа зайлуул? Өнгөрсөн сарын цалингаа би хэд хоногт үрлээ?????? Нэг цагийн дотор л үрсэн байна шүү. Түйгийн түйгийн түй чёрт. Юу авлаа? Санахгүй байх чинь. Дахиад түй чёрт, ккк.

Ийм гэвтэж би одоо мөнгөөр яадаг байна аа?

Бухимдал

2011-11-27T18:02:00.000-08:00

Завгүй гүйсэн өдрүүд арай дээр болж бас ард хоцорч би нь энд овоо нэг амьсгаа авахтайгаа болов. Гэхдээ хийх ажил маш их байна аа, түй чёрт. Хэд хэдэн дэдлайнтай ажлынхаа тэн хагасыг гялс мялс өнөөдөр сууж байгаад нугалах санаатай байна.

Гадаа дулаараад байна уу, эсвэл манай гэр сайн халдаг болоод байна уу, эсвэл нөхөр гуай хаалга цонхондоо сайн порлон наачив уу, ёстой бөө мэд. Юутай ч дулаан болжээ. За тэрч яах уу.

Уг нь бичмээр юм маааш их байна. Гэхдээ яг юунаас эхлэхээ мэдэхгүй ер нь блог бичих ажлаас хөндийрчижээ. Нөгөө хуушуурны гуанз будаа будаа, ккк. Үгүй одоо бас яг ч будаа биш л дээ, гэхдээ тэнд бас нүр их ажил байна аа, тэр талаар дараа тухтай бичнэ ээ.

Өө тэгээд энэ улс эх орны байдал, уул уурхайн салбар энэ тэрийн талаар хэлэх үг маааш их байна, ер нь бараг хөдөө орон нутгаа хараад энэ муу саарал ордонг газарт оруулаад доорх алтлыг нь ухаж авах юм сан гэж хүртэл бодогдов. Үгүй ээ, энэ улсын их хурлын бүх гишүүдийн хаусыг нь газарт оруулж дорх алтыг нь ухаж авмаар, бас тэр газрын лиценз оргодог хулгайч нарын хаусыг нь бас газарт оруулж дорх алтыг нь ухмаар бас төнхмөөр, ер нь тэднийг гишгэх газаргүй болтол ньгазарт оруулж газрыг нь лицензийн нутагт хамруулмаар санагдав.

Аймаар болжээ газар шороо, ард иргэд минү. Энэ муу үхэж байсан гятадууд үхэж далд ороосой, би тэднийг ёстой жинхэнээсээ үзэн ядаж байна. Яахаараа тэр муусайн хүүрнүүд манай газар нутгийг минь ингэж хон хэрээ шиг энд тэндээс нь цөмчинө вэ. Өмхий хужаа нарын гар бологсод ч гэсэн өмхий гятад руугаа тонилоосой.

Ер нь тэгээд монгол хүн л монгол газрыг өмчлөхгүй юм бол монгол нутагт монгол хүн гэж байхын хэрэг алга даа Монгол Улсын Төр гуай минь. Тэмцэнэ ээ гэхдээ, би лав зүгээр харж суугаад газар нутгаа гутадуудад лав май гээд өгөхгүй. Лиценз гаргуулсаны төлбөр хоёр гурван сая доллараа гятадуудад буцаагаад өгчих хоншоор энэ хулгайч нарт байгаа болов уу? Газрын лицензийг хоёр гурван сая доллараар Ашигт малтмалын газрынхан гаргадаг гэж хүн хэлэх юм. Мэдээж манай шүүх үүнийг яаж ч эрж хайгаад олохгүй л дээ. Зоригийн хэрэг, 7 сарын 1 тэдэнд толгой нь хүрдэггүй хэргүүд аймаар олон байдаг юм чинь.

Он цагийн цохилт

2011-11-11T06:17:00.000-08:00

маш түргэн цохилж байна аа бурхан минь.

Би уг нь өдрийн цагаар хүүхдүүдээ харж амждаггүй байсан чинь одоо бүр шөнийн цагаар хүртэл харж чадахаа байлаа. Манай хүн хөдөө явчихаад ирдэггүй. Юу хийгээд ирэхгүй байгааг бурхан л мэднэ. Уг нь ээжийнхээ ажил явдалд л явсан юм, ажил явдал нь аль 1 дэхэд болсон. Бас бусад бүх хүмүүс нь хүрээд ирсэн. Манай хүн хэдэн жаахан оюутан хүүхэдтэй хөдөө үлдчихээд л байна.

Би маргааш өглөө 6 цагт бас хөдөө томилолтоор явах болсон тул хүүхдүүдээ эмээ өвөөгийнд нь аваачиж өгөөд эргэж ирээд ажил дээрээ сууж байна. Одоо 22 цаг 10 минут болж байна. Гялс нэг илтгэл дуусгачихаад харьж 6 цаг хүртэл унтчихаад хөдөө ажиллах нь байна шд. Яа яа, ямар аймаар ачаалалтай гүйж байна аа. Анхандаа даагаад байдаг болохоор тоодоггүй байсан. Одоо гэхдээ жаахан айж эхэлж байна.

Энэ цохилт ямар аймаар хурдан байна аа. За за юм аа хийх минь. Ядахдаа энэ эрдмийн зэргийн бараг бүх цолыг өөртөө наасан мундаг эрдэмтэй хүмүүс судалгааны ажил хийнэ гэж яг юу болохыг ойлгодог болоод өгөөсэй.

Нэг илтгэл өг гэхээр нь нилээд модельтой юм хийсэнээ өгтөл юу гэж байна гээч. Энэ чинь арай өөр юм, одоо өөрийг хийчэх гэж хуцах юм. Нэг 7 хоногийн дотор хийдэг судалгаа гэж юу байдаг юм бол? Үгүй одоо тэгээд би тэрийг нь яг одоо 6 цаг хүртэл халтарлах гээд сууж байна. Яана аа мэдрэл юм аа. Мэдрэл хүмүүст нь зориулж одоо яаж мэдрэлтдэг юм билээ дээ гайхаал сууж байна. Гэхдээ л би нэг юм гарт нь атгуулах ёстой болчихооооол, кккк.

Элдэв шалдавын тухай

2011-11-07T21:49:00.000-08:00

Яана аа, хамаг ажил маань толгой дээр овоорчихсон, бас би ямарч хариу үйлдэл үзүүлэхгүй явж байна. Нойрыг сэрж бардаг бол ажлыг хийж бардаг байхгүй юу уг нь. Би тэрийгээ уг нь бол мэддэг юм. Гэхдээ л юм юм тал талаас овоорчихоод би яг юунаас эхлэхээ сайн мэдэхгүй л явна. Ер нь бол сэлэм гялс толгой бөндөгс гэгч нь болох гээд би гэдэг амьтан энд цайчихсан Царцаа Намжил шиг хүн гэдсээ илээд хэвтэнэ гэдэг нь болох гээд байна. Тэртэй тэргүй цайчихсан гээд Далай багшийн сургаалийг сонсох гээд цагаан хаалга явчихдаг юм билүү гэж бодсон оо арай л боломгүй санагдаад болилоо.

Далай багш тэтгэвэртээ гараад ашгүй нэг Монголын "улс төрчдийн" байнаас овоо салж дээ гэж бодогдож байна. Далай багшийг Монголд залрахаар монголын нөлөө бүхий улс төрчид үргэлж дүргүйцэнэ. Бараг худалч хүнд битгий манай хужаа нарыг уурлуулах гээд бай гэх нь халаг юм болно. Түвд очиж очиж Монголоос тусламж гуйж яалтай ч билээ хөөрхий. Ер нь Монголыг хятадын эсрэг тоглолт хийнэ гэж хэн бодоод байгаа юм бол ч гэмээр эд дээ гятад монгол хоёр улс нь болбоосу.

Бас Монголчуудыг бурханы шашинд ороод доройтсон гэж баталдаг хүмүүстэй би огтоосоо санал нийлдэггүй. Бурханы шашины яг ямар сургаалийн ямар философид монголчууд торлогдсон юм бэ????? Амьтны амь хөнөөж болохгүй, эх болсон хамаг амьтныг хайрла, үйлийн үрийн тухай сургаалийн сонсохоор улс орон доройтдог гэж юу байхав дээ. За тэгээд бурханы шашин бол Монголын шашин биш ч гэх шиг бла бла бла. Бидэнд яг бидний тэгвэл хэдэн малнаас өөр яг юу байгаа юм??? Монголын газар нутаг ч одоо биднийх биш л байгаа биз дээ. Бас "Монгол улсын төлөө" шашин шүтдэг гаруудыг би бас огт ойлгодоггүй. Би бол зөвхөн өөрийнхөө төлөө л шашин шүтдэг, ккк.

Ер нь тэгж ярьвал угаасаа л Чингис хаан чинь эзэнт улсаа ӨӨРӨӨ дөрөв тав хуваасан биз дээ. Үхэхдээ. Тэр үед ингэж ард түмний сонгууль явуулаад дараагийн хүний сонгодог байсан бол тийм ээ. Үеийн үед шүтээд барахгүй Чингис I, Чингис II, Чингис III олон Чингисүүдтэй тэгээд будаа болгохгүй юу тийм ээ. Ер нь дээр үеийн хаадууд төрийг тэгж өмчилнө гэдэг нэгэн бодлын аймаар байсан байгаа биз.

Түүхийн тал дээр тэр Баабарын хэлдэг үг яг үнэн. Манай хойч үе Монголын түүхээ уншихаар хэний тал нь мэдэгдэхгүй баахан ханлиг ноёдуудын тулаан байдаг аа гэж. Энэ угаасаа л яг үнэн шд. Одоо ч гэсэн дээ дээр үеийн тэр феодалуудын тэмцэл гэдэг нь бас болоод байгаа юм биш үү. Тухайлбал, гучин жилийн дараах түүхэнд Энхбаяр Нямдорж хоёрын тулааны тухай уншихдаа алины талд орохоо Монголын хойч үе мэдэхээ байгаад тэгээд будилаад эхлэх байх даа хөөрхий.

Харуусал

2011-11-07T00:02:00.001-08:00

Хадам маань хөөрхий бурханы оронг зорихоор их аяндаа мордлоо хөөрхий. Ай мэдэхгүй хүн үхнэ гэдэг том даваа юм байна аа бурхан минь.

Нэг их өвдөж шаналсангүйгээр бусдыг ч бас зовоолгүйгээр манайханы хэлдэгээр сайн өдрийн сайн цагтаа яваад өглөө хөөрхий. Бас би бодож байна, би цагтаа ийм байж чадах болов уу?

Манай хадам аав бас хэдэн жилийн өмнө өөд болсон юм.

Хадам нь амьд мэнд байгаа хүмүүст зөвлөхөд амьд байгаа дээр нь өөрийн байж чадах сайнаараа хандаж байгаарай. Ялангуяа, хүнээс үг сонсож үзээгүй одоогийн эрх танхи охидуудад бол энэ их хэцүү байдаг юм шиг байгаа юм. Хадам нь ганц зэмлэх үг хэлчихвэл тэгээд бараг өс хонзонгийн дайнд авч үзээд элдэв хоёр болоод нэг нүдээрээ үздэггүй бэрүүд, за даа тэгээд үг ч хэлээгүй ер нь яагаа ч үгүй байхад нь хадмаа "Энэ авгай манайхаас мөнгө гуйх вий" гээд яс нь хавталзаад гүйдэг ч хүүхнүүд зөндөө л байна.

Мөнгө бол олдийшд, дэлхийн ямарч Төв Банкны хэвлэсэн энэ цаасыг овоолоод хаяхад хэдэн арван уул овоо мэт болох билээ. Тийм болохоор мөнгө бол хаанаас ч олдоно.

Хамгийн гол нь үхэлийн ирмэг дээр ирэхэд надад энэ хүмүүсээс илүү мөнгө чухал байж билээ гэдэг бодол тархинд чинь орж ирвэл аймшигтай юм шиг ээ. Миний л хувьд би нэг удаа ч ингэж бодож байгаагүй юм билээ, аз болоход. Тийм болохоор сэтгэл харуусч байгаа боловч шарх сорвигүй л байх шиг санагдаж байна.

Баатарлаг юм аа манай хадам. Хүн ер нь энэ хорвоогоос буцахдаа их баатарлаг, бас их зөв явмаар юм байна. Мундаг юм. Биширч байна.