海市蜃樓

2025年蛇年風水佈局

2025-01-28T07:06:00.006+08:00

方海閱2025年蛇年風水佈局

2024年龍年風水佈局

2024-01-27T06:56:00.001+08:00

方海閱2024年龍年風水佈局

2023年兔年風水佈局

2022-12-31T06:59:00.001+08:00

方海閱2023年兔年風水佈局

對不起，是我膚淺了！

2021-12-31T19:59:00.002+08:00

2021年經歷咗生離死別，徹底領悟到乜嘢喺斷捨離。

生：肺炎

離：隔離

死：往生

別：告別

2022 即將來臨，始終我相信當敢戀與敢愛，活著就是完全無可比的精彩！

2022年虎年風水佈局

2021-12-31T19:33:00.007+08:00

方海閱2022風水佈局

歸零

2020-12-31T00:00:00.020+08:00

2020年對全世界嚟講係非常艱苦嘅一年，計劃永遠趕唔上變化，就連呼吸都變做有害。從來冇諗過一個擁抱原來可以係咁奢侈嘅；從來冇諗過人與人之間嘅距離係限制於1.5米。一夜之間可以將24年嘅一切變化為零。既然唔能夠改變動蕩嘅局勢，唯有去改變自己。

從頭開始固然唔係一件容易嘅事，唯有正能量啲去諗，從新出發會有新轉機。既然未知係唯一嘅期待，此刻將一切歸零再來。RESET RESET RESET

所有嘅經歷都係有意義嘅。順其自然，新嘅轉機自然就會出現。我發現不管到咗幾多歲都係咁樣，不管何時給我哋機會嘅，都係喺我哋生命中出現嘅某個人。～中村恆子「日日靜好」

2021年牛年風水佈局

2020-12-10T12:35:00.002+08:00

方海閱2021風水佈局

2020年鼠年風水佈局

2019-12-27T10:58:00.001+08:00

方海閱2020風水佈局

2019年豬年風水佈局

2018-12-31T07:44:00.000+08:00

方海閱2019風水佈局

2018年狗年風水佈局

2018-12-30T07:39:00.003+08:00

方海閱2018風水佈局

2017年雞年風水佈局

2017-01-30T15:57:00.001+08:00

方海閱2017風水佈局

生活越平凡越需要最大的勇敢

2016-08-08T22:48:00.000+08:00

不同的年紀要有不同的經歷，我們的年紀就是沒辦法，一定要拼搏，因爲我們的後面是家人。

我們的拼搏不是為了自己，我們的拼搏是讓家人過得更好。

所以我們就犧牲下短暫的一個幸福，等我們真的是能給家人好日子，能够讓自己站起来，真正做到男人的那一天，我們會把幸福繼續下去，延續下去。

選擇與抉擇之間

2016-05-08T21:41:00.002+08:00

反覆思考多時依然難以抉擇，結果如何冇人會知道，不過可以肯定就喺將會聽到好多閒言閒語。

人言可畏難以接受，抑或長期精神壓力無法承受？連自己都預計唔到，唯有將結果交予現實，讓時間做證。

呢啲所謂「大人」做嘅決定完全冇意義，一啲都唔好受。體力透支，好攰好攰⋯⋯

太陽的後裔

2016-04-24T10:48:00.001+08:00

四月最忙碌嘅事情莫過於追睇呢套韓劇，

原因就喺與時並進; 唔想被時代巨輪捲走。

Dangyeol

朝聖

2016-03-01T22:01:00.002+08:00

期待已久嘅一場一生人必睇一次嘅演唱會，終于於上星期日夢想實現。

呢場演唱會亦喺本人睇演唱會以嚟，門票最貴嘅一次。

為成千蚊馬幣一場2個小時嘅演唱會，結果位置卻完全睇唔到舞台，冇任何視覺效果可言。最後都喺頂唔順，走落去雙倍價錢嘅位坐；結果依然睇唔到女皇嘅五官。有冇搞錯啊，RM2,000++都喺要齋聼聲睇大電視，不如返屋企睇藍光好過。

為咗唔畀自己遺憾，再接再厲排除一切萬難，豁出去邁向RM4,000位置。終于可以由頭high到落尾，盡情放縱咁享受咗一場前所未有，“色、香、味”俱全嘅演唱會。

如果要用文字嚟形容呢場咁hyper嘅叛逆之夜，就只有一句： "Bitches, FXXK U"!!!!!!

發財魚生

2016-02-15T22:00:00.002+08:00

唔記得由幾時開始中意食魚生，每年農曆新年都要撈生；
今年都唔例外，足足八次務求今年發發發！

2016年猴年風水佈局

2016-02-01T21:46:00.001+08:00

方海閱2016風水佈局

怪異

2016-01-27T21:16:00.004+08:00

從臉書上睇到一輯相片，一斑所謂“信徒”將一間教堂佈置到九唔搭八。成間教堂挂滿紅布，貼個福字喺個大門不特止；仲將一顆桃花樹連同幾串大炮仗放置喺聖母聖像前，究竟搞乜鬼啊？

教堂聖地搞到好似大紅燈籠高高挂，撇開宗教/宗族敏感話題唔談論，點都覺得一點兒做多咗囉。試問有冇見過寺廟觀音像前會擺一顆聖誕樹，又或者清真寺裏面擺滿桃花樹啊？

現今啲人究竟喺度唸緊乜？或者佢哋根本冇有腦唸過？

過去似堆火

2016-01-02T07:57:00.001+08:00

2015終於成為過去，我唔喺嗰種喜歡懷緬過去，做啲乜乜回顧檢討嘅人。開心又好唔開心嘅又好，過去咗就過去咗，何必去往後睇然後不斷埋怨或者後悔。

我亦唔會去展望啲乜乜乜，天有不測風雲，太早去計畫好未必會實現。能夠繼續食得瞓得痾得就無欲無求，一切從簡順期自然。煮到嚟就食，既來自、即安之。

呼吸需要

2015-12-31T08:39:00.001+08:00

照顧老人起居飲食確實唔喺一件易事，有時絞盡腦汁卻換嚟一句唔肚餓，咁就擱置。時刻要提高警覺，注意𠳔身體有任何變化，失足跌倒就不可收拾。

不過呢一切都唔及一個非常難熬嘅行經，就喺清晨4-5點起身！！！搞到睡眠質數每況愈下，再咁落去唔喺辨法。難道真喺要出動到安眠藥？

講老實真心唔想活到咁大年紀，冇能力自顧行動不便之餘，如果有病痛就仲麻煩兼頭痛。睇住身邊嘅朋友親人一個一個咁走，自己留喺度為咗啲乜？每日重複起身食飯瞓覺，為嘅只喺呼吸，仲可以做咩？

（唔喺要投訴啲乜，純粹只想喺度發洩吓情緒啫）

成長

2015-12-26T12:55:00.000+08:00

好多嘢無論時間過咗幾耐，都唔會從腦海中消失，永遠都會留喺記憶中。隨住年紀逐漸增長，發生喺自己身上嘅事情亦逐漸繁複。

有啲事情以前一直都以爲喺“大人”至會去做嘅，今時今日好自然咁落喺自己身上。突然間要落好多決定，當中冇人會從旁勸導或指點，一切都由自己去取決，自己去負責。
無形中好似感覺突然長大咗，好多嘢唔可以話想點就點，這就是所謂嘅“大人”。。。。。。

瘋了、累了、痛了、笑了、叫了、走了

2015-12-08T21:49:00.000+08:00

還記得以前每隔一段時間，湊夠大約18-19首歌曲就會拿去唱片鋪到錄歌。有啲歌太長仲要絞盡腦汁唸要揀飛邊首歌，然後就不斷咁打點話去查詢進度，一好咗就第一時間奔往去拿帶。可能以前聼得歌多，慢慢就養成對音樂觸覺特別敏感，一旦聽到有一粒音唔喺咁順，都會好容易被發覺。

通常我都會因應唔同嘅情緒而選擇聼邊一位女歌手嘅歌曲；例如:

心情煩躁到極點嘅時候，我會聼莎莉嘅歌
心情好有mood嘅時候，我會聼王菲嘅歌
心情好靚開心嘅時候，我會聼憶蓮嘅歌
心情好攰眼瞓嘅時候，我會聼鄺美人嘅歌

呢一刻嘅心情我想聼阿菲嘅致青春

一線之差

2015-12-04T21:46:00.000+08:00

好多所為嘅有錢人都會買大屋坐靚車；不過因為生活繁忙應酬多，留喺屋企嘅時間少之又少；自己揸車更加可以講喺機會渺茫。

因此間屋幾大都喺買嚟俾工人住，房車幾舒服都喺買嚟俾司機揸嚟載工人去買餸，接仔女返學放學。

呢個年代似乎做工人都幾唔錯，有大屋住又有靚車坐，仲有司機管接送，何樂而不爲。

通病

2015-12-03T21:45:00.000+08:00

發覺愈來愈多人機不離手，連同人交談中都一直喺度篤篤篤。究竟知唔知乜嘢叫禮貌同尊重？

既然咁唔想講嘢，倒不如唔好約見面，直接互通訊息了事，咪一了百了囉。

當遇到呢種人我會不發言，拿出耳筒全程聽歌，就算對方想交談我都會當𠳔透明，十問十唔回應。你可以篤電話我唔可以聽歌咩？

呢招一出對方通常都會醒目將電話收起。以其人之道還治其人之身就喺咁解啦。

一花一淨土

2015-11-25T22:40:00.001+08:00

2015年11月對我嚟講喺一個又忙又唔開心嘅一個月份。繼月頭啱啱搬完屋，洗咗一大筆之後都仲未安頓好，上個禮拜三就接到噩耗要趕返屋企奔喪。

收拾遺物唔喺一件容易嘅事，一件又一件嘅物件都會勾起好多回憶以及叮囑。喊完又再喊，眼淚抹乾咗又再流，不斷循環。直至今日心情依然未能完全平復；不過離開屋企接觸唔到啲物件，始終感覺好過啲。

無論時間長短，我知道呢種傷痛永遠都唔磨滅，心中不斷呼喚阿彌陀佛帶領到極樂淨土，長埋於彼岸花中安息。

2015年突然間變得好唔一樣。。。。。。