അടിവരകൾ

അനുരാ‍ഗ വതി.

2011-10-11T14:16:00.001+03:00

അനുരാ‍ഗവതീ നിൻ മിഴിയിൽ

അനുവാചകൻ ഞാനിന്നുണ്ടോ..

അനുരാ‍ഗവതീ..

മോഹം നിറയെ മനം കുളിര്‍ക്കാന്‍

ദാഹം നിറയെ മൌനം ഭജിക്കാൻ

നാണം കവിളിൽ വിരിയിക്കും പൂവിൽ

തേൻ നുകരാൻ വന്നോട്ടേ

അനുരാ‍ഗ വതീ...

വിരൽ വിട്ട് വീഴും ഒരു തുള്ളി മഷിയാൽ

ഞാനെൻ പ്രണയം കുറിച്ച് വെച്ചു.

പലവട്ടം നീയതിൻ നിറമറിഞ്ഞിട്ടും

മറുവാക്ക് എനിക്ക് നീ നൽകില്ലയോ..

അനുരാ‍ഗവതീ..

അനുരാ‍ഗവതീ നിൻ മിഴിയിൽ

അനുവാചകൻ ഞാനിന്നുണ്ടോ..

അനുരാ‍ഗവതീ.

കൂതറ ആൻഡ് കൊട്ടോട്ടി

2011-06-13T20:22:00.000+03:00

സമയം രാത്രി എട്ട് മണിയായിക്കാണും..
അന്നത്തെ ജോലിയും ചുറ്റിക്കറങ്ങലുമെല്ലാം കഴിഞ്ഞ് ഞാൻ കൂട്ടുകാരുമൊന്നിച്ച് റോഡ് സൈഡിലുള്ള ഒരു അരമതിലിൽ വെടി വട്ടം പറഞ്ഞ് ഇരിക്കുകയായിരുന്നു..
ഇടക്ക് എന്റെ ഫോൺ റിങ്ങ് ചെയ്തു.

"ഹലോ.."

"എടാ കമ്പറെ.. "
നല്ല പരിചയമുള്ള ശബ്ദം..

"ഹലോ..ആരാ.."

"ഡാ..നിനക്കെന്നെ അറിയില്ലല്ലേ......#$%$#@."
അത് കേട്ടപ്പോ..ആളെ പിടി കിട്ടി..

"അയ്യോ..സോറി, ആദ്യം ആളെ മനസ്സിലായില്ല, പിന്നെ, എന്തൊക്കെ സുഖമല്ലേ.."

"ഓ സുഖം.. നിന്റെ വീട്ടിലേക്ക് ഏത് വഴിയാടാ വരേണ്ടത്.."

"ങേ..എന്റെ വീട്ടിലേക്കോ.." ഒരു നിമിഷം ഞാനൊന്ന് പരുങ്ങി.

"അതേടാ..ഞങ്ങളിപ്പോ മലപ്പുറം ടൌണിലുണ്ട്, ഇവിടുന്ന് ഏത് വഴിയാ വരേണ്ടത്.."

"ഞങ്ങളോ.അതാരാ ..വേറെ."

"അതൊക്കെയുണ്ട്, വന്നിട്ട് കാണാം..നീ വഴി പറഞ്ഞ് താടാ..".

അവിടുന്ന് നേരെ പരപ്പനങ്ങാടി റൂട്ടിൽ ഒരു മൂന്ന് കിലോമീറ്റർ വന്നാൽ ഹാജിയാർ പള്ളി എന്ന ചിന്ന അങ്ങാടി കിട്ടും, അവിടുന്ന്...... ഞാൻ വഴി പറഞ്ഞ് കൊടുത്തു.,ഞാനൊരു ബ്ലോഗിൽ എന്തൊക്കെയോ കുത്തിക്കുറിക്കുന്നു എന്ന ഒരേ ഒരു കാരണം കൊണ്ട് മാത്രം എന്നെ കാണാൻ ആൾക്കാർ വരികയോ..ഞാൻ ആകാംക്ഷാഭരിതനായി..
കുറച്ച് സമയം കൂടി പ്ലക്കേന്ന് കൊഴിഞ്ഞ് വീണു.
വീണ്ടും കോൾ..

"കമ്പറേ ഞങ്ങൾ ഹാജിയാർ പള്ളിയിൽ എത്തി..ഇനി എങ്ങനെയാ...വരേണ്ടത്.."

"ഒക്കെ..അവിടുന്ന് നേരെ മുകളിലോട്ടുള്ള റോഡിലൂടെ ഒരു കിലോമീറ്റർ ദൂരം കൂടി വാ.. റോഡ് സൈഡിൽ ഞാൻ നിൽ‌പ്പുണ്ട്.."

"ഓക്കെ.."
ഏതാനും മിനുട്ടുകൾ.
ഒരു വെളുത്ത മാരുതികാർ പതിയെ പതിയെ വന്ന് നിന്നു. അതിൽ നിന്നും ചുറുചുറുക്കോടെ ഒരാൾ ചാടിയിറങ്ങി, അതാരായിരുന്നു എന്നല്ലേ..മറ്റാരുമല്ല, സാക്ഷാൻ കൊട്ടോട്ടിക്കാരൻ, കൂടെ വന്നയാളെ ഞാൻ എത്തി നോക്കി, ഒറ്റ നോട്ടത്തിലേ എനിക്ക് ആളെ പിടി കിട്ടി, നൈർമല്ല്യം തുളുമ്പുന്ന ഒരു ചിരിയും ഫിറ്റ് ചെയ്ത് ഒരു യുവകോമളൻ, കൂതറയെന്നാണു പേരെങ്കിലും കൂതറത്തരം ഒട്ടും തോന്നിക്കാത്ത ഒരു പാവം..സാക്ഷാൽ കൂതറ ഹാഷിം..

"ഞങ്ങളു നിന്റെ കല്ല്യാണത്തിനു വരണം എന്ന് വിചാരിച്ചതായിരുന്നു, പിന്നെ തോന്നി വേണ്ടാന്ന്, കാരണം അന്ന് വന്നാൽ മര്യാദക്ക് നിന്നെയൊന്ന് കാണാനോ സംസാരിക്കാനോ ഒന്നും കഴിഞ്ഞെന്ന് വരില്ല, അതാ..ഇന്ന് വന്നത്."
ഏതായാലും പെരുത്ത് സന്തോഷമായി,..
അങ്ങനെ ഒത്തിരി നേരം ചില കുശലം പറച്ചിലുകൾ..പിന്നെ നേരെ വീട്ടിലേക്ക്.
പോകുന്ന വഴിക്ക് ബ്ലോഗർ നൌഷാദ് ജി, ഡി യുടെ വീട്ടിലും കയറി..,നൌഷാദ് അവന്റെ ക്യാമറ കൊണ്ട് വന്ന് ഒന്ന് രണ്ട് ഫോട്ടോയെടുക്കാൻ തുനിഞ്ഞപ്പോഴേക്കും ഹാഷിം പുറത്തിറങ്ങി,
അവനു ക്യാമറ കണ്ടാ അലർജിയാ..നിങ്ങളു ഫോട്ടോ എടുത്തോളീ, കൊട്ടോട്ടിക്കാരൻ പോസ് ചെയ്ത് ഇരുന്നു, ഒപ്പം ഞാനും..ശേഷം എന്റെ വീട്ടിലേക്ക്.
ചായയും പലഹാരവും കഴിക്കുമ്പോഴും വീട്ടുകാരെ പരിചയപ്പെടുമ്പോഴുമൊക്കെ പരസ്പരം മുനവെച്ചുള്ള സംസാരവും കുസ്രതിത്തരങ്ങളും ഒക്കെയാ‍യി ശരിക്കും ജ്യേഷ്ഠാനുജന്മാരെന്നാണു കാണുന്ന ആർക്കും തോന്നുക, ഞാനും അവരോടൊപ്പം കൂടി, ഒടുക്കം സമയം വൈകി, പിന്നീടൊരിക്കൽ കാണാം എന്ന് പറഞ്ഞ് പിരിയാൻ തുടങ്ങിയപ്പോഴാ സങ്കടമായത്.,
ആദ്യമായി രണ്ട് ബ്ലോഗർമാർ എന്നെ കാണാൻ വന്നതല്ലേ.. ഞാൻ വിടുമോ
ഞാനും കൂടെ വണ്ടിയിൽ കയറി..

"നീ എങ്ങോട്ടാ.”.കൊട്ടോട്ടി.

"ഞാനും ഉണ്ട്, നിങ്ങളു വണ്ടി വിട്.ഇവിടെ വരെ വന്നിട്ട് നിങ്ങളെ രണ്ട് പേരെയും അങ്ങനെ വെറുംവയറുമായി പറഞ്ഞ് വിടുന്നതെങ്ങനെ.."

"അയ്യോ..അതൊന്നും വേണ്ട കമ്പറെ..ചായ കുടിച്ചല്ലോ..അത് തന്നെ ധാ‍രാളം."

"ഒന്ന് മിണ്ടരുത്, ചുപ്പ് രഹോ..നിങ്ങളു വണ്ടി വിട്, മലപ്പുറം ടൌണിലോട്ട് പോട്ടെ. ഏതെങ്കിലുമൊക്കെ ഹോട്ടലിനു മുന്നിൽ നിർത്തിയാ മതി.."

"എന്നാ പിന്നെ അങ്ങനെയായ്ക്കോട്ടല്ലെ ഹാഷിമേ.".എന്ന് കൊട്ടോട്ടി

"അല്ല പിന്നെ," എന്ന് ഹാഷിമും.
മലപ്പുറം ഹോട്ടൽ ഡലീഷ്യയിലെ അരണ്ട വെളിച്ചത്തിലിരുന്ന് അൽഫാം ചിക്കനും കുഞ്ചിക്കോഴി ഫ്രൈയും കടിച്ച് വലിക്കുമ്പോഴും ആ തമാശകളും കുസ്രതി നിറഞ്ഞ സംസാരങ്ങളുമൊന്നും അവസാനിച്ചിരുന്നില്ല,

"ഇന്ന് ഞാൻ വീട്ടിലോട്ട് പോകുന്നില്ല, ഇന്ന് കൊട്ടോട്ടിയുടെ കൂടെയാ കിടപ്പ് " എന്ന് ഹാഷിം..

"ഇവനെയൊക്കെ വിശ്വസിച്ച് കൂടെ കിടത്താൻ പറ്റുമോടാ കമ്പറെ.".എന്ന് കൊട്ടോട്ടിയുടെ ഉരുളക്കുപ്പേരി..
ശരിക്കും എനിക്ക് അതിശയമായിരുന്നു.
കേവലം ബ്ലോഗെഴുത്തിലൂടെ മാത്രം വ്യത്യസ്ത പ്രദേശക്കാരും ചിന്താഗതിക്കാരുമായ രണ്ട് വ്യക്തികൾ തമ്മിൽ ഇത്രയധികം ആഴത്തിലുള്ള ഒരു സുഹ്രദ് ബന്ധം സാദ്ധ്യമാകുമോ.അവരുടെ കൂടെ ഞാനും കൂടി., ഇന്നും എന്റെ മനസ്സിൽ ആ സുദിനം മായാതെ കിടക്കുന്നു..
പക്ഷേ ഇപ്പോൾ ... തികഞ്ഞ വേദനയോടെ തന്നെ പറയട്ടെ..
ജ്യേഷ്ഠാനുജന്മാരെപ്പോലെ പരസ്പരം ശാസിച്ചും സ്നേഹിച്ചും കഴിഞ്ഞ് പോന്ന ആ നല്ല സുഹ്രത്തുക്കൾ ഇന്ന് രണ്ട് ധ്രുവങ്ങളിലെന്ന പോലെ അകന്നിരിക്കുന്നു,
കേവലം നിസ്സാരമായ ഒരു പ്രശ്നത്തിന്റെ പേരിൽ പരസ്പരം ഇത് വരെ കഴിഞ്ഞ് പോന്നതെല്ലാം മറന്ന് വിഴുപ്പലക്കലുകളും കുറ്റപ്പെടുത്തലുകളുമായി അവർ പരസ്പരം ചെളിവാരിയെറിയുന്നു, ഇപ്പോഴിതാ കൊട്ടോട്ടിക്കാരൻ ബ്ലോഗെഴുത്ത് നിർത്തുന്നു എന്ന് പോസ്റ്റിട്ടിരിക്കുന്നു..
ഗൂഗിൾ ബസ്സിൽ തുടങ്ങിയ ഒരു കമന്റിൽ നിന്നാണു ഈ പ്രശ്നങ്ങളുടെയെല്ലാം തുടക്കം എന്നാണു എനിക്ക് മനസ്സിലായത്, പിന്നീടത് ബ്ലോഗിലേക്കും അവിടുന്നും കടന്ന് വ്യക്തിപരമായ ജീവിതത്തിലേക്കും ഒക്കെ എത്തി എന്നത് ഖേദകരം തന്നെ..,
പ്രശ്നങ്ങളുടെ തുടക്കം തന്നെ ഞാൻ രണ്ട് പേരുമായും ഫോണിൽ സംസാരിച്ചിരുന്നതാണു, രണ്ട് പേർ പറയുന്നതിലും ന്യായമുണ്ട് എന്നാണു എനിക്ക് മനസ്സിലായത്, അത് രണ്ട് പേർക്കുമറിയാം , എന്നാൽ പരസ്പരം രണ്ട് പേരുംതമ്മിൽ സംസാരിച്ച് ഒരു നീക്കു പോക്കിൽ എത്തിയില്ല.., അങ്ങനെ അങ്ങനെ പ്രശ്നം വഷളായി..,ഇന്നിപ്പോൾ ഒരാൾ ഞാൻ ബ്ലോഗെഴുത്ത് നിർത്തുന്നു എന്ന് പ്രഖ്യാപിക്കുകയും ചെയ്തിരിക്കുന്നു..
ഒരാൾ ബ്ലോഗെഴുതണോ അതോ നിർത്തണൊ എന്നൊക്കെ അവരവരുടെ വ്യക്തിപരമായ കാര്യം,
എന്നാൽ തുഞ്ചൻ പറമ്പ് മീറ്റ് സംഘടിപ്പിക്കാൻ വേണ്ടി അഹോരാത്രം ഓടിനടന്ന് പ്രവർത്തിച്ച കൊട്ടോട്ടിക്കാരനെയും അതിനു എല്ലാ പിന്തുണയും അർപ്പിച്ച് കൂടെതന്നെയുണ്ടായിരുന്ന ഹാഷിമിനെയും ഈ ബൂലോകത്തിനു ഇനിയും ആവശ്യമുണ്ട്, അത് കൊണ്ട് തന്നെ അവർ തമ്മിൽ ഉള്ള ഈ പ്രശ്നം നല്ല രീതിയിൽ അവസാനിപ്പിക്കേണ്ടത് ബൂലോകരുടെ കൂടി ആവശ്യകതയാണു എന്നാണു ഞാൻ മനസ്സിലാക്കുന്നത്..

ഹാഷിമിനോട്:
താങ്കളുടെ പേരിൽ വ്യാജപ്രൊഫൈലും ബ്ലോഗും ഉണ്ടാക്കി അപകീർത്തിപ്പെടുത്താൻ ശ്രമിച്ച അനോണിയെ കണ്ട് പിടിക്കാനുള്ള അവകാശം താങ്കൾക്കുണ്ട്, അത് കണ്ട് പിടിക്കുക തന്നെ വേണം, എന്നാൽ ഈ പ്രശ്നങ്ങളുമായി വന്ന ഒരു വിഷയം ആയത് കൊണ്ട് തന്നെ ഈ വിഷയത്തിൽ സംഭവിച്ച് പോയതെല്ലാം മറന്ന് നിങ്ങളുടെ സൌഹ്രദ ബന്ധം പഴയ പോലെ തന്നെ തുടരാൻ ഉപകരിക്കുമെങ്കിൽ താങ്കൾക്ക് ഇവ്വിഷയകരമായുള്ള എല്ലാ കാര്യങ്ങളിൽ നിന്നും പിന്മാറിക്കൂടെ., നിങ്ങളുടെ ആ പഴയ സുഹ്രദ് ബന്ധം ഇനിയും തുടർന്ന് കൂടെ...
( ഞാൻ ഇങ്ങനെ എഴുതി എന്ന് കരുതി ഞാൻ അനോണിയെ ന്യായീകരിക്കുന്നു എന്നല്ല, ഈ പ്രശ്നം ഒന്ന് നല്ല രീതിയിൽ അവസാനിച്ച് കിട്ടാൻ വേണ്ടി എഴുതിയതാ.)

കൊട്ടോട്ടിയോട്:
താങ്കൾക്ക് ഒരു മുഖ്യധാരാ മാധ്യമത്തിൽ ഭാഗഭാക്കാകാനുള്ള ഒരു സുവർണ്ണാവസരം ഈ വിഷയവുമായി ബന്ധപ്പെട്ട് നഷടമായി എന്നതിൽ ഖേദമുണ്ട്, അത് കൊണ്ട് മാത്രം ലോകം അവസാനിക്കുന്നില്ലല്ലോ.,ഒരു അവസരം നഷ്ടമായെന്ന് കരുതി താങ്കളുടെ കഴിവ് വേരറ്റ് പോകുന്നില്ലല്ലോ..ഒരു പക്ഷേ ഇതിനേക്കാ‍ൾ വലിയ അവസരങ്ങൾ താങ്കളെ കാത്തിരിക്കുന്നുണ്ടാവാം.., അതിനാൽ താങ്കൾ എഴുത്ത് നിർത്തുന്നു എന്ന് പറയുന്നത് തികച്ചും ആത്മഹത്യാ പരമല്ലേ.., എഴുത്ത് തുടരണം, അവസരങ്ങൾ ഇനിയും വരും..നമ്മളിൽ കഴിവുണ്ടെങ്കിൽ ലോകം നമ്മെ അറിയുകയും ആദരിക്കുകയും തന്നെചെയ്യും..പ്രതീക്ഷ കൈവിടാതെ എഴുത്ത് തുടരൂ...ഒപ്പം പഴയതെല്ലാം മറന്ന് നിങ്ങളൂടെ ആ പഴയ സൌഹ്രദ ബന്ധവും തുടരൂ..

എന്നെക്കാൾ വിവരവും വിവേകവും ഉള്ള നിങ്ങളോട് രണ്ട് പേരോടും ഇതൊന്നും ഞാൻ പറഞ്ഞ് തരേണ്ട ആവശ്യമില്ല എന്നറിയാം..എന്നിരുന്നാലും ഇത്രയെങ്കിലും പറഞ്ഞില്ലെങ്കിൽ എനിക്ക് സമാധാനം കിട്ടില്ല..അതാ..

പ്രിയ സുഹ്രത്തുക്കളെ., കഴിഞ്ഞ് പോയതെല്ലാം മറന്ന് നിങ്ങളുടെ വഴക്കും പിണക്കവും മാറ്റി നിങ്ങൾ വീണ്ടും ആ പഴയ സുഹ്രത്തുക്കൾ തന്നെയായി കാണാൻ വേണ്ടി പ്രാർത്ഥിക്കുന്നു....

കൂതറ ഹാഷിം Vs കൊട്ടോട്ടിക്കാരൻ എന്നത് കൂതറ ഹാഷിം & കൊട്ടോട്ടിക്കാരൻ എന്നാക്കാൻ ഇനിയും വൈകരുതെന്ന അപേക്ഷയോടെ..

നുണയൻ കള്ളൻ

2011-05-05T10:01:00.000+03:00

ഈയിടെയായി നാട്ടിൽ കള്ളന്മാരുടെ ഭയങ്കര ശല്യം. , സ്വർണ്ണാഭരണങ്ങൾ മിക്കവാറും ഏതെങ്കിലും ബാങ്കിന്റെ ലോക്കറിലോ ബ്ലേഡ് പലിശക്കാരുടെ കയ്യിലോ പണയ വസ്തു ആയിരിക്കും.,അല്ല്ലാതെ ബാക്കിയായവ പെണ്ണുങ്ങളുടെ കയ്യിലോ കഴുത്തിലോ കാണും..,അതെടുക്കുക എന്നത് കള്ളന്മാരെ സംബന്ധിച്ച് ഒരു അഗ്നിപരീക്ഷണം തന്നെയാണു.,ചില പെണ്ണുങ്ങൾ ഉറങ്ങുമ്പോൾ തൊട്ടപ്പുറത്ത് കിടക്കുന്ന കെട്ടിയോനെ പൊക്കിക്കൊണ്ട് പോയാൽ പോലും അറിഞ്ഞ് കൊള്ളണമെന്നില്ല, എന്നിട്ടും കള്ളന്മാരിൽ ചിലർക്ക് അബദ്ധം പറ്റുന്നു , ചിലയവളുമാരുടെ കിടപ്പ് കണ്ട് കണ്ട്രോൾ ഗിയറ് പൊട്ടി തൊടാനും തലോടാനും ഒക്കെ നിന്നാൽ പിന്നെങ്ങനാ...അല്ലാ തൊടാതിരിക്കുന്നതെങ്ങനാ.... അജന്ത , എല്ലോറ ഗുഹകളിലെ ശില്പചാതുരിയോടെയല്ലേ ചിലയവളുമാരുടെ കിടപ്പ് ..എന്തിനു വെറുതെ പുലിവാലു പിടിക്കണം എന്നതിനാലാവാം ചെറുപ്പക്കാരായ കള്ളന്മാർ അമ്മാതിരി പരിപാടികളൊക്കെ വിട്ട് കണ്ണിൽ കാണുന്ന സകലതും ഐ മീൻ ചട്ടി , വട്ടി, കുട്ട ,ചൂൽ എന്നീ റോയൽ വീട്ടുപകരണങ്ങളും മിക്സി, ഫ്രിഡ്ജ്, അലമാരി..എന്ന് തുടങ്ങി കൂട്ടിൽ കിടക്കുന്ന ആട്ടിൻ കുട്ടിയും ആട്ടിൻ കാഷ്ടവും എന്തിനധികം അടുക്കളയിലിരിക്കുന്ന കറിപ്പൊടികളും ഉണ്ടാക്കി വെച്ച മീൻ കറി വരെയും അടിച്ച് മാറ്റുന്ന വിരുതന്മാരുണ്ട്...എന്നാലേ ഇവിടെ അവതരിച്ചിരിക്കുന്നത് ആ സൈസ് കള്ളനൊന്നുമല്ല.., ഇത് ഒരു ന്യൂ ജനറേഷൻ കള്ളൻ..

കാണാൻ കൊള്ളാവുന്ന പെമ്പിള്ളാരും ചേച്ചിമാരും ഒക്കെ ഉള്ള വീടാണു പുള്ളിക്കാരന്റെ പ്രവർത്തന മേഖല., ആളറിയാതെ തക്കം പാർത്ത് ചെന്ന് സൺ ഷേഡിലെ വിടവ് , ജനലിലെ പഴുത്, കുളിമുറിയുടെ എയർ ഹോൾ എന്നിങ്ങനെയുള്ള തന്ത്രപധാ‍നമായ പ്രദേശങ്ങളിൽ അതിവിദഗ്ദമായി നുഴഞ്ഞ് കയറി അലക്കുകയോ , കുളിക്കുകയോ, കുട്ടിക്ക് അമ്മിഞ്ഞ കൊടുക്കുകയോ ഒക്കെ ചെയ്യുന്ന തരുണീമണികളുടെ ചെറിയ ചെറിയ അഡൾട്ട്സ് ഒൺലി കട്ട് പീസുകൾ നഗ്നനേത്രങ്ങൾ കൊണ്ട് കട്ടെടുക്കലാണു ഇവന്റെ പണി..,അതാണു നുണയൻ കള്ളൻ...

ഇങ്ങനെയൊരു കള്ളന്റെ ശല്ല്യം നാട്ടിൽ പതിവായിരിക്കുന്നു.., ഇടക്ക് ഒന്ന് രണ്ട് പ്രാവശ്യം അഭിയുടെ വീട്ടിലും ഇവന്റെ ശല്ല്യമുണ്ടാ‍യി.. , രാത്രി അസമയത്ത് തങ്ങളുടെ എല്ലാ പ്രവർത്തനങ്ങൾക്കും സി,ഐ,ഐ ചാരക്കണ്ണു പോലൊരു കണ്ണ് പിന്തുടരുന്നില്ലേ എന്ന് അഭിയുടെ ഒൻപതിലും പത്തിലും ശരീരപ്രക്രതി വെച്ച് നോക്കിയാൽ എം, എക്കും പഠിക്കുന്ന സഹോദരിമാർ പരാതി പറയുന്നു...കള്ളനെയും കുറ്റം പറയാൻ പറ്റില്ല, ആരായാലും ഒന്ന് നോക്കിപ്പോവും..പറമ്പിലൂടെ ആരൊക്കെയോ മിന്നായം പോലെ ഓടുന്നതും മറയുന്നതും ഒക്കെ ചെയ്യുന്നുണ്ടെന്ന് അയൽ വാസികൾക്കും പരാതി...ആ ഹാ...അങ്ങനെയെങ്കിൽ അവനെ വെറുതേ വിടാൻ പറ്റില്ലല്ലോ..., ഇനി അവനെങ്ങാനും മൊബൈൽ ക്യാമറ, ബ്ലൂ ടൂത്ത് , യു ട്യൂബ്..എന്നിങ്ങനെയുള്ള വെടക്ക് മേഖലകളിൽ ബിരുദമെടുത്തവനാണെങ്കിലോ....മാനം കപ്പലു കയറി ദുബായിക്ക് പോയത് തന്നെ , തീക്കട്ടയിലും ഉറുമ്പരിക്കുകയോ..അഭി സുഹ്രത്തായ ജാസിയോട് കാര്യം പറഞ്ഞു.., ( ആരാ ജാസിയെന്നോ..ദാ ഇവിടെ നോക്കൂ..അപ്പോ പിടികിട്ടും)

ഹോർലിക്സും കോമ്പ്ലാനും ഒന്നും കുടിക്കുന്നില്ലെങ്കിലും മറ്റുള്ളവരേക്കാൾ മൂന്നിരട്ടി വളർച്ചയും ടോള്ളർ ,സ്ട്രോങ്ങർ, ഷാർപ്പർ എന്നിങ്ങനെയൊക്കെയാണ് ജാസി .. പഴങ്കഞ്ഞി ഈസ് സീക്രട്ട് ഓഫ് മൈ എനർജി...ഇങ്ങനെ സ്വയം സർട്ടിഫൈ ചെയ്ത് നടക്കുന്ന ജാസി ആ ദൌത്യം സന്തോഷപൂർവ്വം സ്വീകരിച്ചു.., അതിനു സ്പെഷ്യൽ കാരണമുണ്ട്, ലൈൻ കണക്റ്റ് ചെയ്ത് ചാർജ് ചെയ്യാൻ അങ്ങേലെ അഞ്ചാം ക്ലാസ്സിൽ പഠിക്കുന്ന രമേശിനു ചോക്കോബാർ വാങ്ങിക്കൊടുത്ത് എഴുതിച്ച തന്റെ ജീവിതത്തിലെ ആദ്യത്തെ പ്രണയ ലേഖനം നിഷ്കരുണം പിച്ചിച്ചീന്തി   പുച്ഛത്തോടേ മുഖത്ത് നോക്കി നിലത്തമർത്തിച്ചവിട്ടി അരയും കുലുക്കി നടന്ന് പോയ അഭിയുടെ മൂത്ത പെങ്ങളുടെ മുന്നിൽ ഷൈൻ ചെയ്യാൻ ഇതിലും നല്ലൊരു അവസരമുണ്ടോ...ഒപ്പം പുച്ഛം, പരിഹാസം, എന്നിങ്ങനെയുള്ള ലൊടുക്ക് വാക്കുകൾ തനിക്കെതിരെ പ്രയോഗിക്കാൻ വേണ്ടി മാത്രം കണ്ട് പിടിച്ചതാണെന്നുള്ള മട്ടിൽ എന്ത് നല്ല കാര്യം ചെയ്താലും പ്രതിപക്ഷനേതാവിനെപ്പോലെ തനിക്കിട്ട് ആപ്പ് വെക്കുന്ന വീട്ട്കാർക്കും നാട്ട്കാർക്കും ഇടയിൽ വ്യക്തിത്വം ഒന്ന് മെച്ചപ്പെടുത്തിയെടുക്കുകയും ചെയ്യാം...ജാസി ഉഷാറായി..അങ്ങനെ അവർ രണ്ട് പേരും പ്ലാനിംഗുകളും ചർച്ചകളും അതീവ ഗൌരവമായി തന്നെ നടത്തി, ഒടുവിൽ തീരുമാനം പാസാക്കി..

അന്ന് രാത്രി രണ്ട് പേരും അതീവ രഹസ്യമായി പറമ്പിലൊരിടത്തുള്ള വാഴക്കൂട്ടത്തിൽ മറഞ്ഞിരുന്നു..കള്ളൻ വരുമ്പോൾ കയ്യോടെ പിടിക്കാമല്ലോ....ഹയ്യട, ഹയ്യ, നല്ല ബുത്തി..സോറി ബുദ്ധി...
സമയമങ്ങനെ ഇഴഞ്ഞ് നീങ്ങി.. ദേ കഴിക്കാനുള്ള ഡിന്നർ ചൂടോടെ ഇതാ കയ്യെത്തും ദൂരത്ത് വന്ന് ഇരിക്കുന്നു എന്ന് മൂളിപ്പാട്ടും പാടി കല്ല്യാണത്തിനു വരുന്ന കണക്ക് ഒറ്റക്കും തെറ്റക്കുമായി നൂറ് കണക്കിനു കൊതുകുകൾ വന്നു എന്നല്ലാതെ വേറെ ആരും അത് വഴി വന്നില്ല..,

"ച്ഛേ...കള്ളനുമില്ല , കൊള്ളക്കാരനുമില്ല,നമ്മളിവിടെ ഒളിച്ച് നിൽക്കുന്ന കാര്യം അവനറിഞ്ഞ് കാണുമോ..? നീ ആരോടെങ്കിലും പറഞ്ഞോടേയ്..."

മനം മടുത്ത് ജാസി അഭിയോട് ചോദിച്ചു.

"ഏയ്..ഞാനാരോടും പറഞ്ഞില്ല, അമ്മയാണെ സത്യം..വീട്ടിൽ പോലും ഞാൻ മിണ്ടിയിട്ടില്ല."

"ആ........ഇത്തിരി നേരം കൂടി നോക്കാം..".

ഒന്ന് രണ്ട് മണിക്കൂറുകൾ പ്ലക്കേന്ന് കൊഴിഞ്ഞ് വീണു..

പെട്ടെന്ന് അഭിക്കൊരു മൂത്ര ശങ്ക..

"ജാസി..എനിക്ക് ഒന്നിനു പോകണം"...അവൻ പറഞ്ഞു..

"എടേ....അവിടെ എവിടെയെങ്കിലും ഒഴിയെടേ.."

കഴുകൻ കണ്ണുകളുമായി പരിസരനിരിക്ഷണം നടത്തിക്കൊണ്ടിരിക്കുന്ന ജാസി പറഞ്ഞു..

"അതല്ല..ജാസി ഒന്ന് ചിലപ്പോ രണ്ടാകാൻ ചാൻസുണ്ട്, എനിക്ക് കക്കൂസിൽ പോണം..."

വയറുഴിഞ്ഞ് ഞെളി പിരി കൊണ്ട് അഭി പറഞ്ഞു..

"ഹൌ..നിന്നെക്കൊണ്ട് ഞാൻ തോറ്റു..എന്നാ വേഗം പോയി വാ...അധികം ഒച്ചയനക്കമൊന്നും ഉണ്ടാക്കരുത്, "

"അത് പിന്നേ..... "   അഭി നിന്ന് പരുങ്ങി..

"എന്താടാ...പോകുന്നില്ലേ.".

"ജാസി നീയും കൂടി വാ ..ഒരു കമ്പനിക്ക്..."

"അയ്യേ..വ്രത്തികെട്ടവൻ ഇമ്മാതിരി കാര്യത്തിനാണോ കമ്പനി "

"ശ്ശോ...അതല്ല, എനിക്ക് ഒറ്റക്ക് പോകാൻ പേടിയാ..നീയാ കക്കൂസിന്റെ അടുത്ത് വരെ എന്നെ ഒന്ന് കൊണ്ടാക്കിത്താ."...

"ഹ..ഹ..ഹ ഇത് നല്ല കൂത്ത്, നീയാണൊ കള്ളനെ പിടിക്കാനിറങ്ങിയിരിക്കുന്നത്.കൊള്ളാം,ഹ.ഹ..ഹ"        ജാസി നിന്ന് ചിരിച്ചു.

അങ്ങനെ ഒടുക്കം ജാസി അവനെ കക്കൂസിനടുത്ത് കൊണ്ട് ചെന്നാക്കി , അഭി അകത്ത് കയറി കാര്യപരിപാടികൾ തുടങ്ങി..

ഏതാനും നിമിഷങ്ങൾ....പൊടുന്നനെ ജാസി കണ്ടു, ഇരുട്ടിൽ അവിടവിടെയായി കാല്പെരുമാറ്റം..ആരൊക്കെയൊ പിറു പിറുക്കുന്നു..എന്താണു സംഭവിക്കുന്നതെന്ന് ആലോചിക്കാൻ സമയം കിട്ടിയില്ല അതിനു മുമ്പേ ഇരുട്ടിൽ നിന്നും അതിശക്തമായൊരു അടി ജാസിയുടെ മുതുകിൽ വീണു..,, (((((പ്ടക്)))))...ഷുഐബ് അക്തറിന്റെ നല്ലൊരു   ബൌൺസർ ഡിഫൻഡ് ചെയ്തിട്ട മട്ടിൽ ജാസി നിലത്ത് വീണു.. കണ്ണ് മിഴിച്ച് മുകളിലേക്ക് നോക്കിയ ജാസി കണ്ടു.. അരണ്ട വെളിച്ചത്തിൽ മൂന്ന് നാലു രൂപങ്ങൾ..,അത്രയേ കണ്ടുള്ളൂ...പിന്നെ അടിയെടാ അവനേ...എന്നുള്ള ആക്രോശവും പെരുമഴ പോലെ അടിയുമായിരുന്നു.. ബഹളം കേട്ട് വീട്ട് കാരും കക്കൂസിനകത്ത് നിന്ന് അഭിയും പുറത്ത് വന്നു..

"     എന്താ...എന്താ..    "

" എടാ..അഭീ..നിന്റെ വീട്ടിലു കക്കാൻ വന്ന നുണയൻ കള്ളനെ ഞങ്ങളു പിടിച്ചെടാ...ഇവനീ കക്കൂസിനടുത്ത് പതുങ്ങി നിക്കുവാരുന്നു.."     കൂട്ടത്തിലൊരുത്തൻ വിളിച്ച് പറഞ്ഞു..

"ഞങ്ങളു ഇന്നലേ മുതൽ ഇവനെയും കാത്ത് ഇവിടെ കാവലിരിക്കുവാരുന്നു.".

മറ്റൊരുത്തന്റെ കമന്റ്...

ഒന്നും മനസ്സിലാകാതെ അഭി മിഴിച്ച് നിന്നു..   "   എടാ..ഇങ്ങ് കൊണ്ട് വാ... ഞങ്ങളവന്റെ മുഖമൊന്ന് കാണട്ടെ.."     അഭിയുടെ അമ്മയും പെങ്ങന്മാരും വിളിച്ച് പറഞ്ഞു..

ഇരുട്ടിൽ അടി കൊണ്ട് ചേരട്ട പോലെ ചുരുണ്ട് കിടക്കുന്ന കള്ളനെ എല്ലാവരും കൂടി വെളിച്ചത്തിലേക്ക് കൊണ്ട് വന്നു..

((((((((എടാ..ജാസീ.))))))))).......((((((((അമ്പടാ.))))))))))..

എല്ലാവരുടെയും വാ നൂറ്റി എൻപത് ഡിഗ്രി ഓപ്പണായിപ്പോയി...

പട്ടിക്കേറ് കിട്ടിയ കണക്ക് ജാസി നിന്ന് മോങ്ങി..

എന്ത് ചെയ്യണമെന്നറിയാതെ അഭി മിഴിച്ച് നിന്നു..

വീട്ട് കാരുടെ നിർദ്ദേശ പ്രകാരം അന്നേ ദിവസം മറ്റൊരു ടീം കള്ളനെ പിടിക്കാൻ നിന്ന കാര്യം അറിയാതെ പോയാൽ ഇതല്ല ഇതിലപ്പുറവും സംഭവിക്കും...

ഹീറോ ആകാൻ പോയ ജാസിയുടെ കാര്യം പിന്നെ എന്തായി.....സീ‍ീ‍ീ‍ീ‍ീറോ

ദൈവദൂതൻ..

2011-04-24T11:38:00.000+03:00

പടിഞ്ഞാറിലേക്ക് സൂര്യൻ ചാഞ്ഞ് കൊണ്ടിരിക്കുകയാണു.., എത്രയും പെട്ടെന്ന് പള്ളിയിലെത്തണം.., ആദ്യമേ ചെന്ന് സ്ഥലം പിടിച്ചില്ലെങ്കിൽ പിന്നെ പുകിലാ.., ബംഗാളികളോട് ഇത്തിരി സ്ഥലം ഇരിക്കാൻ ചോദിക്കുക എന്ന് പറഞ്ഞാൽ അവരുടെ ദേഹത്ത് നിന്ന് ഒരു കിലോ ഇറച്ചിയെടുക്കട്ടേ എന്ന് ചോദിക്കുന്ന പോലെയാണു., അവരുമായി കശപിശ ഉറപ്പ്., ഞാൻ ആക്സിലേറ്ററിലേക്ക് കാലമർത്തി.., ഇനി വേഗതെയെടുക്കാൻ എന്നെക്കൊണ്ട് പറ്റില്ല എന്ന് പറയുന്നപോലെ വണ്ടിയൊന്ന് മുരണ്ടു.., പിന്നെ ശക്തിയെടുത്ത് കുതിച്ചു..,

സൌദിയിലെ അൽഖസീം ജില്ലയിലെ ബുറൈദയിൽ നിന്നും ബുകൈരിയയിലേക്കുള്ള റോഡിലൂടെ പറക്കുകയാണു എന്റെ വാഹനം..,ബുറൈദയിൽ ഒരാളെ കൊണ്ട് വിട്ട് തിരിച്ച് വരികയാണു ഞാൻ.., റംസാനിലെ സന്ധ്യകൾ പൊതുവെ നല്ല തിരക്കായിരിക്കും സൌദിയിലെ റോഡുകളിൽ, നോമ്പ് തുറക്കുവാനുള്ള വിഭവങ്ങൾ വാങ്ങുവാനായി എല്ലാ വാഹങ്ങളും നിരത്തിൽ പേ പിടിച്ച നായ്ക്കളെപ്പോലെ പരക്കം പാഞ്ഞ് കൊണ്ടിരിക്കും., ചുറ്റ് പാടും അലയൊലികൾ ഉയർത്തി ബാങ്കിന്റെ വിളിയാളം ഉയരുന്നത് വരെ അത് തുടരും.. ബുറൈദയിൽ ട്രാഫിക് ജാമുകളിൽ കുടുങ്ങിയത് കൊണ്ടാണു ഇത്ര വൈകിയത്.., ഇനി ബാങ്ക് വിളിക്കാൻ അഞ്ച് മിനുട്ട് കൂടി മാത്രമേ ബാക്കിയുള്ളൂ..,റൂമിലേക്കെത്തില്ല, വഴിയിൽ ഒരിടത്ത് നോമ്പുതുറക്ക് സൌകര്യമുള്ള ഒരു പള്ളി കണ്ട് വച്ചിട്ടുണ്ട്, അവിടേക്കെങ്കിലും എത്തണം എന്ന വാശിയിലാണു ഞാൻ..,

പെട്ടെന്ന് എന്റെ മൊബൈൽ ഫോൺ ശബ്ദിച്ചു.., നേരത്തെ ഒരു ഇസ്തിറാഹ (വിശ്രമ കേന്ദ്രം ) യിൽ വെച്ച് പരിചയപ്പെട്ട തമിഴ്നാട് മധുര സ്വദേശി ഇസ്മയിലാണു വിളിക്കുന്നത്.., അവന്റെ റൂം ഈ പരിസരത്തെവിടെയോ ഉള്ള ഒരു മസ് റ ( തോട്ടം ) ക്കുള്ളിലാണെന്നാ അന്ന് പറഞ്ഞത്.,
ഞാൻ ഫോൺ അറ്റൻഡ് ചെയ്തു..,

ഹലോ..

ഇസ്മയിൽ പാതി മലയാളവും തമിഴും മിക്സ് ചെയ്ത് എന്തെല്ലാമോ പറഞ്ഞു.., എനിക്ക് മനസ്സിലായത് ഇതാണു., ഇന്ന് ഞാനവന്റെ റൂമിലേക്ക് നോമ്പ് തുറക്കാ‍നായി ചെല്ലണം.., അടുത്തെങ്ങാണ്ടോ ആണു അവന്റെ റൂം.., ആഹാ... മരുമോൻ ഇച്ഛിച്ചതും അമ്മാവൻ കൽ‌പ്പിച്ചതും ഫ്രീ വിസ, എന്ന് പറഞ്ഞ പോലെയായി ,
എന്നാ പിന്നെ ഇന്ന് അവന്റെ കൂടെ നോമ്പ് തുറക്കാം എന്ന് തീരുമാനിക്കാൻ അധികം ആലോചിക്കണോ...., അവനോട് വഴിയൊക്കെ വിശദമായി ചോദിച്ച് മനസ്സിലാക്കി..(എവടെ, എന്റെ മണ്ടയിലുണ്ടോ ..കയറുന്നു..) ,മെയിൻ റോഡിൽ നിന്നും ഒരു പാട് ഉള്ളിലാണു അവന്റെ റൂം..

ഊട് വഴികളിലേക്ക് കയറി ഞാനെന്റെ രഥം പായിച്ചു.., ഒരു വശം നിറയെ ഈന്തപ്പനത്തോട്ടങ്ങളും മറുവശം കണ്ണെത്താദൂരത്തോളം പരന്ന് കിടക്കുന്ന മണൽ പ്പരപ്പുമാണു...ഇടക്കിടക്ക് വഴിപിരിഞ്ഞ് പോകുന്ന ഏതൊക്കെയോ റോഡുകളിലൂടെ കുറച്ച് ദൂരം ഓടിക്കാണും..ദേ ..ഞാൻ പോകുന്ന റോഡ് തൊട്ട് മുന്നിൽ ഫുൾ സ്റ്റോപ്പായിരിക്കുന്നു..,.., ശ്ശോ...പുലിവാലായി, ഞാൻ വഴി പിഴച്ചവനായിരിക്കുന്നു.,നേരം ഇരുട്ടിത്തുടങ്ങി, ബാങ്ക് വിളിക്കാൻ ഇനി നിമിഷങ്ങൾ മാത്രം.., ഞാൻ ധ്രതിയിൽ തിരിച്ചെടുക്കവേ റോഡിൽ നിന്നും കുഴഞ്ഞ് കിടക്കുന്ന മണൽ‌പ്പരപ്പിലേക്ക് വണ്ടി ഇറങ്ങിപ്പോയി, ആക്സിലേറ്ററിൽ കാലമർത്തേണ്ട താമസം... ദേ കെടക്കണു..മുണ്ടീം മക്കളൂം... വണ്ടിയുടെ ചക്രങ്ങൾ ഒരു സീൽക്കാരത്തോടേ മണലിൽ പൂണ്ടു..,എന്റെ ദൈവമേ...ഞാനാകെ വിയർത്തു, ഹ്യൂണ്ടായിയുടെ എച്ച് വൺ സീരീസിലുള്ള മിനി വാനാണു.., ഫോർ വീൽ ഡ്രൈവ് ഇല്ലാ‍ത്ത മോഡലാണൂ..ഉണ്ടായിട്ടും വലിയ കാര്യമുണ്ടെന്ന് തോന്നുന്നില്ല.ഞാനല്ലേ സാരഥി,.,

അറിയാവുന്ന സകല അടവുകളും (ഏതൊക്കെയാണെന്ന് ചോദിക്കരുത്) ഞാൻ പയറ്റി നോക്കി, വണ്ടി മണലിൽ നിന്ന് കരകയറുന്നില്ലെന്ന് മാത്രമല്ല, ബാക്കിയുള്ള ചക്രങ്ങൾ കൂടി മണലിൽ ആഴ്ന്നു..,ആ‍ഹാ..ഇപ്പം നിനക്ക ത്രപ്തിയായില്ലേ., ഞാൻ എന്നെതന്നെ ചീത്ത വിളിച്ചു, എന്ത് ചെയ്യണമെന്നറിയാതെ ഞാൻ പുറത്തിറങ്ങി, ചുറ്റ് പാടും ഇരുട്ടിനു കനം വെച്ച് തുടങ്ങി, ഒപ്പം ഭീതിപ്പെടുത്തുന്ന നിശബ്ദതയും.. വേൾഡ് കപ്പ് തോറ്റ സംഗക്കാരെയെപ്പോലെ ഞാൻ നിന്നു.., ഇനി എന്നാ ചെയ്യും...സഹായത്തിനു ആരെയെങ്കിലും കിട്ടുമോന്ന് എന്റെ കണ്ണുകൾ ചുറ്റിലും പരതി, എവടെ, ഈ പട്ടിക്കാട്ടിൽ ... അതും ഈ മോന്തി നേരത്ത് ആരു വരാൻ, പെട്ടെന്ന് ഫോൺ വീണ്ടും ശബ്ദിച്ചു, ഇസ്മായീലാണു...അവനോട് എന്ത് പറയണമെന്നറിയാതെ ഏതാനും നിമിഷം ഞാൻ ചിന്താനിമഗ്ന....ഹൌ.., അങ്ങനെയെന്തോ ഇല്ലേ, ആ .....അങ്ങനെ ഞാൻ നിന്നു,
ഞാൻ ഇവിടെ കുടുങ്ങിക്കിടക്കുയാണെന്ന് പറഞ്ഞ് എന്തിനു ഞാൻ അവനെക്കൂടി വിഷമിപ്പിക്കണം..
സോ..
ഞാൻ പറഞ്ഞു, ഇക്കാ എനിക്ക് ഇന്ന് വേറെ ഒരു ചെറിയ പരിപാടിയുണ്ട്, അതിനാൽ ഞാൻ ഇന്ന് വരുന്നില്ല, നിങ്ങൾ എന്നെ കാത്തിരിക്കേണ്ട,

അത് മുഴുമിപ്പിക്കേണ്ട താമസം അകലെ എവിടെയൊക്കെയോ ബാങ്കിന്റെ അലയൊലികൾ മുഴങ്ങി, ഒരു ബോട്ടിൽ വെള്ളമെങ്കിലും കിട്ടിയിരുന്നെങ്കിൽൽ........ഒന്ന് നോമ്പ് തുറക്കാമായിരുന്നൂ‍ൂ‍ൂ‍ൂ‍ൂ........ഞാൻ നിരാശയോടെ വണ്ടിയും ചാരി നിന്നു..,
കുറച്ച് സമയം പിന്നിട്ട് കാണും... ഇരുട്ടിന്റെ മൂട് പടം വകഞ്ഞ് മാറ്റി കുറച്ചകലേക്കൂടി രണ്ട് പ്രകാശ ഗോളങ്ങൾ അടുത്ത് വരുന്നു, ഏതോ ഒരു വാഹനമാണു, ഞാൻ പ്രതീക്ഷയോടെ നോക്കി, എന്റെ പ്രതീക്ഷയും പ്രാർത്ഥനയും തെറ്റിയില്ല, കുറച്ച് മുന്നോട്ട് പോയ വാഹനം അവിടെ നിന്നു, ഏതാനും നിമിഷം, പിന്നെ അത് തിരിച്ച് ഞാൻ നിൽക്കുന്ന റോഡിലേക്ക് കയറി എന്റെ അടുത്തേക്ക് വന്നു.,
സുമുഖനായ ഒരു അറബിയുവാവ് അതിൽ നിന്നും പുറത്തേക്കിറങ്ങി..

അസ്സലാമു അലൈക്കും..
വ അലൈക്കും അസ്സലാം..
ലേഷ് മുഷ്കിൽ ഹബീബ്ബി..ലേഷ് വഖിഫ് ഹിനാ...
നീയെന്താ ഇവിടെ നിർത്തിയിരിക്കുന്നതെന്ന്..

ഞാൻ അവനോട് ഉണ്ടായ കാര്യമെല്ലാം പറഞ്ഞു,.
എന്തോ..എന്തരോ...എന്റെ വാക്കുകൾ അവന്റെ മനസ്സിൽ തട്ടിക്കാണണം..
അവൻ വണ്ടിയിൽ കയറി കുറച്ച് ഈത്തപ്പഴങ്ങളും വെള്ളവും ഒരു ബോട്ടിൽ ജ്യൂസും കൊണ്ട് എന്റെ അടുത്ത് വന്നു,
അവ്വൽ ഇൻ ത സവ്വി ഫുത്തൂർ സ്വയ..
എന്നോട് നോമ്പ് തുറന്നോളാൻ...സത്യം പറഞ്ഞാൽ എന്റെ കണ്ണ് നിറഞ്ഞ് പോയി..
ഞാനിത്രേം പ്രതീക്ഷിച്ചില്ല, വണ്ടി ഒന്ന് തള്ളിത്തരുമായിരിക്കും എന്നേ ഞാൻ നിരീച്ചുള്ളൂ

അത് വാങ്ങിക്കഴിക്കുമ്പോൾ എന്റെ മനസ്സിൽ ചില തിരുത്തലുകൾ നടക്കുകയായിരുന്നു,ഞാനറിഞ്ഞതും അനുഭവിച്ചതുമായ അറബികൾ സഹജീവി സ്നേഹവും സഹാനുഭൂതിയും ദീനാനുകമ്പയും ഒന്നും തൊട്ട് തീണ്ടിയിട്ടില്ലാത്ത ഒരു വിഭാഗമായിരുന്നു.., സ്വന്തം കാര്യം സിന്ദാബാദ് എന്ന മട്ടിൽ വീടിനോടോ നാടിനോടോ സമൂഹത്തോടോ യാതൊരു ഉത്തരവാദിത്വബോധവുമില്ലാതെ ഏത് നേരവും തിന്ന് കുടിച്ച് ,ഉറങ്ങി, കറങ്ങി നടക്കുന്ന ബ്രോയിലർ മാംസപിണ്ടങ്ങളെ കണ്ട് ശീലിച്ച എനിക്ക് ഈ വ്യക്തി ഒരു അത്ഭുതമായി മാറാതിരിക്കുന്നതെങ്ങനെ..

പിന്നീട് ഞാനും ആ അറബിപ്പയ്യനും കൂടി മരുഭൂമിയിലൂടേ തപ്പിനടന്ന് കുറച്ച് മരക്കഷ്ണങ്ങൾ സംഘടിപ്പിച്ചു, ചക്രത്തിനടിയിലെ മണലെല്ലാം കഴിയാവുന്നത്ര നീക്കി, എന്നിട്ട് ആ വിറക് കഷ്ണങ്ങൾ അവക്കടിയിൽ വെച്ചു,ആയാസപ്പെട്ട് മണൽ നീക്കുന്ന ആ യുവാവിനെ കണ്ടപ്പോൾ ഞാൻ ശരിക്കും വിസ്മയിച്ച് പോയി..

പിന്നെ അവന്റെ വണ്ടി അടുത്ത് കൊണ്ട് വന്ന് അതിന്റ് പുറകിൽ കയർ കെട്ടി അതെന്റെ വണ്ടിയുമായി കൂട്ടിക്കെട്ടി ആ കുഴഞ്ഞ് കിടക്കുന്ന മണലിൽ നിന്നും എന്റെ വണ്ടിയെ മോചിപ്പിച്ചെടുത്തു..

സന്തോഷത്തോടേയും ആശ്വാസത്തോടെയും ഞാൻ പുറത്തിറങ്ങി,

അവന്റെ അടുത്തേക്ക് ചെന്നു..

ഓക്കെ ഹബീബ്ബി, ഷുക്ക് റൻ, അൽഫ് അൽഫ് ഷുക്ക് റൻ, ജസ്സാക്കള്ളാ ഖൈർ
( സുഹ്രത്തെ.. നന്ദി, ആയിരമായിരം നന്ദി, ദൈവം താങ്കളെ അനുഗ്രഹിക്കട്ടെ.)

ആ കൈകൾ കൂട്ടിപ്പിടിച്ച് കൊണ്ട് നിറകണ്ണുകളോടേ ഞാൻ പറഞ്ഞു..

അൽഹീൻ കൈഫ്, ക്വൈസ്....( ഇപ്പോ എങ്ങനെ ഓക്കെയല്ലേ..)
ഉം..ഞാൻ തലയാട്ടി
യാ അള്ളാ മ അസ്സലാമ..
വ അലൈക്കും സലാം..
നിറഞ്ഞ ഒരു പുഞ്ചിരി സമ്മാനിച്ച് അവൻ വണ്ടിയോടിച്ച് പോയി..

അവൻ പോയ വഴിയേ ഞാൻ നിർന്നിമേഷനായി നോക്കി നിന്നു

അധികം പരിചയമില്ലാത്ത ഒരു നാട്ടിൽ വിജനമായ പ്രദേശത്ത് ആരോരും സഹായത്തിനില്ലാതെ എന്തെങ്കിലും വിഷമതകളിൽ ഒറ്റപ്പെട്ട് കിടക്കുമ്പോൾ നമ്മുടെ മുന്നിലേക്ക് പ്രത്യക്ഷപ്പെട്ട് നമ്മളാവശ്യപ്പെടാതെ തന്നെ നമുക്ക് സഹായങ്ങൾ അർപ്പിക്കുന്ന ഇത്തരക്കാരെ ദൈവ ദൂതൻ എന്നല്ലാതെ പിന്നെ എന്ത് വിളിക്കാൻ...

അഭിമാനി..

2011-04-09T13:24:00.002+03:00

അയാൾ ഒരു സ്ത്രീ ലമ്പടനായിരുന്നു., അയാളുടെ ചെയ്തികൾ അറിയാമായിരുന്നിട്ടും അയാളുടെ ഭാര്യ അതെല്ലാം സഹിച്ച് തന്റെ വിധിയിൽ പരിതപിച്ച് കഴിഞ്ഞ് കൂടി.., ഒരു നാൾ അയാൾ വീട്ടിലേക്ക് കടന്ന് വരുന്ന നേരം ടി, വി യുടെ കേബിൾ കണക്ഷൻ ശരിയാക്കാൻ വന്ന അപ്പുറത്തെ വീട്ടിലെ പയ്യനെയും അവളെയും ഒന്നിച്ച് കണ്ടു എന്ന കാരണം പറഞ്ഞ് അയാൾ അവളെ മൊഴി ചൊല്ലി അവളുടെ വീട്ടിൽ കൊണ്ട് ചെന്നാക്കി..

മാതാവ്.

2011-03-24T09:41:00.000+03:00

അയാൾ ഞെട്ടിയുണർന്നു..,പുറത്തെവിടെയോ തെരുവുനായ്ക്കൾ കടിപിടി കൂടുന്നു.., അയാൾ ചുറ്റും നോക്കി, നേരം പുലർന്നിട്ടില്ല, എല്ലാവരും നല്ല ഉറക്കത്തിലാണു.., പല ജാതി മരുന്നുകളുടെ സമ്മിശ്രഗന്ധം മച്ചിൽ ആർക്കോ വേണ്ടി കറങ്ങുന്ന ഫാനിന്റെ കട..കട ശബ്ദത്തിനൊപ്പം കറങ്ങി നടക്കുന്നു.,അകലെ മുനിഞ്ഞ് കത്തുന്ന ഒരു ട്യൂബ് ലൈറ്റിന്റെ വെളിച്ചം ഇടനാഴിയിൽ വ്യത്യസ്ത രൂപങ്ങളായി വീണു ചിതറിക്കിടക്കുന്നു..
അയാൾ പതിയെ എണീറ്റിരിക്കാൻ നോക്കി..ഇല്ല ..ആവുന്നില്ല,
കൈകാലുകളിൽ എന്തോ വലിയ ഭാരം കയറ്റി വെച്ചിരിക്കുന്നത് പോലെ, ശരീരമാസകലം ഭയങ്കരവേദനയും..നിരാശയോടെ അയാൾ ആ ശ്രമം ഉപേക്ഷിച്ചു..,
എന്താണു സംഭവിച്ചത്, അയാൾ ഓർത്തെടുക്കാൻ ശ്രമിച്ചു..
ഉമ്മാനോട് വഴക്കിട്ട് വീട്ടീന്നിറങ്ങിപ്പോയത് ഓർമയുണ്ട്, പിന്നെ കുറച്ച് ദിവസം അവിടെയും ഇവിടെയുമായി കൂട്ടുകാരോടൊത്ത് കറക്കം... രാത്രി ബൈക്കിൽ വരുമ്പോൾ എതിരെ വന്ന രണ്ട് ഹെഡ് ലൈറ്റുകൾകണ്ടത് ഓർമ്മയുണ്ട്.......പിന്നെ കാണുന്നത് പായലു പിടിച്ച മച്ചിൽ കറങ്ങുന്ന പൊടിപിടിച്ച ഫാനും മങ്ങിയ ട്യൂബ് ലൈറ്റും എത്തിനോക്കി പിറു പിറുക്കുന്ന ഏതൊക്കെയോ മുഖങ്ങളുമാണ്..,മനം മടുപ്പിക്കുന്ന ഗന്ധങ്ങൾ മൂക്കിലടിച്ചപ്പോൾ മനസ്സിലായി ഇതൊരാശുപത്രിയാണെന്നും താനൊരു അപകടത്തില്പെട്ടെന്നും..

എന്തിനാണു ഉമ്മാനോട് വഴക്കിട്ടത്....
എന്താണു ഉമ്മാ ചെയ്ത തെറ്റ്, ജോലി ചെയ്ത് കിട്ടുന്ന കാശ് മുഴുവൻ ധൂർത്തടിച്ച് കളയാതെ വീട്ട് ചിലവിലേക്ക് തന്നൂടേന്ന് ചോദിച്ചതിനാണോ ഞാൻ ഉമ്മാനോട് പിണങ്ങിയത്.. ഒരു പാട് ചീത്ത പറഞ്ഞ് ഇറങ്ങിപ്പോയത്..എന്നിട്ടിപ്പോ രണ്ടാഴ്ച കഴിഞ്ഞു... ,വേണ്ടായിരുന്നു, ഒന്നുമില്ലെങ്കിലും ബാപ്പ ഇട്ടേച്ച് പോയിട്ടും ഇത്രയും കാലം എന്നെ യാതൊരു കുറവുമില്ലാതെ നോക്കി വളർത്തിയതല്ലേ...എന്നിട്ടും ഞാൻ.....എന്റെ ഉമ്മാ ..എന്ത് വലിയ പാതകമാണു ഞാൻ ചെയ്തത്, മാപ്പ് ഇല്ലാത്ത തെറ്റാണു ഞാൻ ചെയ്തത്.. .

അയാളിൽ ചിന്തകൾ കൂട് കെട്ടാൻ തുടങ്ങി.

ചെറുതായൊന്ന് പനിച്ച് കിടക്കുമ്പോൾ തന്നെ ഉമ്മാക്ക് വേവലാതിയാണ്.,പിന്നെ ഉറക്കമിളച്ച് കൂട്ടിരിക്കലായി, മരുന്നും മന്ത്രവുമൊക്കെയായി ഏത് നേരവും കട്ടിലിനരികെതന്നെ കാണും.,ചെറു ചൂടുള്ള പൊടിയരിക്കഞ്ഞി ഉമ്മ കോരിക്കുടിപ്പിക്കും, കൂട്ടിനു അച്ചാറും ചുട്ട പപ്പടവും ചേർന്നാൽ പിന്നെ അതിന്റെ സ്വാദ് ഒന്ന് വേറെ തന്നെ..,ആ കഞ്ഞി കിട്ടാൻ വേണ്ടി പലപ്പോഴും അസുഖം വന്ന പോലെ ഭാവിച്ച് കിടന്നിട്ടുണ്ട്, അതറിയാമെങ്കിലും അറിയാത്ത മട്ടിൽ ഉമ്മാ അടുത്തിരുന്ന് കഞ്ഞി കോരിക്കുടിപ്പിക്കും..അയാൾ നെടുവീർപ്പിട്ടു.
ആ സ്നേഹത്തിനു പകരമായി എനിക്ക് എന്തെങ്കിലും തിരിച്ച് നൽകാൻ കഴിഞ്ഞിട്ടുണ്ടോ...

അയാളുടെ മുഖത്ത് കുറ്റബോധം നിഴലിച്ചു, കണ്ണുകൾ സജലങ്ങളായി..,ഉമ്മാ അടുത്തുണ്ടായിരുന്നെങ്കിൽ ..ആ കൈകൾ നെറ്റിയിൽ ഒന്ന് തലോടിയിരുന്നെങ്കിൽ.... ഉമ്മാന്റെ കൈ കൊണ്ട് ആ പൊടിയരിക്കഞ്ഞി കോരിത്തന്നിരുന്നുവെങ്കിൽ.......എന്റെ ഈ വേദനക്ക് എന്ത് മാത്രം ആശ്വാസം കിട്ടുമായിരുന്നു...അയാൾ വെറുതെ ആശിച്ചു, ഇല്ല , വരില്ല, ഞാൻ അത്രമാത്രം വേദനിപ്പിച്ചിട്ടുണ്ട്, പിന്നെ എങ്ങനെ വരാനാ...അയാളിൽ നിരാശ നിറഞ്ഞു, ,അയാൾ ഓരോന്നാലോചിച്ച് കിടന്നു.
ഇടക്കെപ്പോഴോ അയാൾ നിദ്രയുടെ കയങ്ങളിലേക്ക് വഴുതി വീണു..,
എന്തോ ശബ്ദം കേട്ടാണു അയാൾ ഞെട്ടിയുണർന്നത്, നേരം നന്നെ വെളുത്തിരിക്കുന്നു, എവിടെ നിന്നോ അയാൾക്ക് പരിചിതമുള്ള ആ ഗന്ധം അയാളുടെ നാസാരന്ധ്രങ്ങളിൽ വന്നണഞ്ഞു. അയാൾ ആകാംക്ഷയോടെ കണ്ണുകൾ വിടർത്തി..
തന്റെ പുറക് വശത്തൊരു കാല്പെരുമാറ്റം..അയാ‍ൾ ആയാസപ്പെട്ട് തിരിഞ്ഞ് നോക്കി.,താഴെ വെച്ച സ്റ്റീൽ പാത്രത്തിൽ തവി ഇളക്കികൊണ്ട് ഒരു രൂപം ...
പിന്നെ ആ രൂപം കഞ്ഞി നിറച്ച പാത്രവുമായി മുന്നിലേക്ക് വന്ന് നിറഞ്ഞ കണ്ണുകൾ തുടച്ച് ചാരത്തായി ഇരുന്നു.. ..,അയാൾ ആ മുഖത്തേക്ക് നോക്കി..
അയാളുടെ കണ്ണുകൾ നിറഞ്ഞൊഴുകി ..താൻ ഇത്രമാത്രം വേദനിപ്പിച്ചിട്ടും യാതൊരു പരിഭവവുമില്ലാതെ ഇതാ.....എന്റെ ഉമ്മാ...
ഉമ്മാ......എന്റെ ഉമ്മാ‍.....അയാൾ ഉറക്കെ വിളിച്ചു, ..ആ വാക്കുകൾ തൊണ്ടയിലെവിടെയോ കുരുങ്ങി..ആ ശോഷിച്ച കൈകൾ അണച്ച് പിടിച്ച് ഒരു കൊച്ചു കുഞ്ഞിനെപ്പോലെ അയാൾ കരഞ്ഞു.

കല്ലെറിയുന്നവരോട്..

2011-03-11T17:33:00.001+03:00

കറുത്ത കരിമ്പടം വിരിച്ച കണക്കെ റബ്ബറൈസ്ഡ് റോഡ് അങ്ങിനെ നീണ്ട് നിവർന്ന് കിടക്കുകയാണു, ഒരു ലോങ്ങ് ട്രിപ്പ് കൊണ്ട് വിട്ട് നാട്ടിലെങ്ങുമില്ലാത്ത രീതിയിൽ അറുത്ത് കാശും മേടിച്ച് ഞാനെന്റെ ഓട്ടോയിൽ തിരികെ വരികയാണ്., ഒരു ദിവസം മുഴുവൻ പരക്കം പാഞ്ഞാൽ കിട്ടുന്ന തുക ഒരൊറ്റ ട്രിപ്പിൽ കിട്ടിയ സന്തോഷം ഉണ്ടെന്ന് വെച്ചോളൂ.., കൂട്ടിനു സ്റ്റീരിയോയിലെ തട്ട് പൊളിപ്പൻ പാട്ടുമുണ്ട്., അതിനനുസരിച്ച് താളം പിടിച്ചും തുള്ളിക്കളിച്ചും ആടിക്കുഴഞ്ഞ് മലപ്പുറം കോട്ടപ്പടി ടൌൺ ലക്ഷ്യമാക്കി എന്റെ ഓട്ടോ അങ്ങനെ പറപറന്ന് വരികയാണ്..,

ഇടക്ക് ഒന്ന് രണ്ട് പേർ കൈ കാണിച്ചു,."ഓ.. പിന്നെ യാരിക്ക് വേണം.." പിണറായിയെ കണ്ട അച്ചുമാമനെപ്പോലെ ഞാൻ മുഖം തിരിച്ചു.,അത് പിന്നെ അങ്ങിനെയാണ്., ഓട്ടമില്ലാത്ത ദിവസമാണെങ്കിൽ പോകുന്ന പോക്കിൽ റോഡരികിൽ നിന്ന് ആരെങ്കിലും “ ശൂ‍ൂഷ് “ എന്ന് മൂക്ക് ചീറ്റിയാൽ “സ്ര്ര്ര്ര്..” ന്ന് ഭീകര സ്വരത്തിൽ അലറിവിളിപ്പിച്ച് ബ്രേക്ക് ചവിട്ടി നിർത്തുന്നവർ കയ്യിൽ കുറച്ച് കാശ് തടഞ്ഞാൽ പിന്നെ ഓട്ടോയുടെ മൊത്തം വില വാടകയായി തരാ‍ന്ന് പറഞ്ഞാലും ..ങേ..ഹെ, എവിടെ വരാൻ..,

അങ്ങിനെ കുറച്ച് ദൂരം പിന്നിട്ട് കാണും..,
ഒരു സുന്ദരിയായ തരുണീമണി റോഡരികിൽ കയ്യും കാണിച്ച് നിൽക്കുന്നു.. സന്ധ്യക്കെന്തിനു സിന്ദൂരം ,ചന്ദ്രികക്കെന്തിനു വൈഡൂര്യം എന്ന കണക്കിലൊരു സുന്ദരി ഒറ്റക്ക് യാത്ര ചെയ്യാൻ ഓട്ടോക്ക് കൈ കാണിച്ചാൽ ഏതൊരു ചെറുപ്പക്കാരന്റെയും കാലുകൾ അറിയാതെ ബ്രേക്കിലമർന്ന് പോകും.., ഞാനായിട്ടെന്തിനാ ആ പതിവു തെറ്റിക്കുന്നത്,   "സ്ര്ര്ര്ര്."    ഞാനും വണ്ടി നിർത്തി..,

"എങ്ങോട്ടാ..?" .ചോദ്യം എന്റെ വഹ.

"കോട്ടപ്പടി ടൌൺ വരെ."   .കിളി നാദം മൊഴിഞ്ഞു.,

"ഓക്കെ എന്നാൽ കയറിക്കോളൂ.".
എന്റെ കൈകൾ ( അല്ലാതെ ഞാനല്ലാട്ടോ..) തന്ത്ര പരമായി സൈഡ് വ്യൂ മിറർ അവളുടെ മുഖം ഫോക്കസ് ചെയ്യുന്ന രീതിയിൽ അഡ്ജസ്റ്റ് ചെയ്തു..,അവൾ പാട്ടിൽ ലയിച്ച് പുറത്തെ കാഴ്ചകൾ കണ്ടങ്ങനെ യിരുപ്പാണ്..,
എന്തോ...., എന്തെരോ..കൂട്ടിയും ഗുണിച്ചും ഹരിച്ചും നോക്കിയപ്പോൾ എനിക്ക് മൊത്തത്തിൽ ആളെയങ്ങു ഇഷ്ടമായി..,മഞ്ജുവാര്യരെക്കാളും നവ്യാനായരെക്കാളും സുന്ദരിയാണോ.....ഈ മീരാ ജാസ്മിൻ എന്ന മട്ടിലൊരു സുന്ദരി.,എത്രെയോ നാളായി ഞാൻ കാണാൻ കൊതിച്ച് സ്വന്തമാക്കാൻ കൊതിച്ച് കൊണ്ട് നടന്ന ഒരുവൾ ഉണ്ടല്ലോ...( സ്വപ്നത്തിൽ..)..അതിവൾ തന്നെയാണു എന്ന് എനിക്ക് തോന്നി.,പല ജാതി സംഭവങ്ങൾ അനുഭവിക്കാൻ ഭാഗ്യം കിട്ടിയിട്ടുണ്ടെങ്കിലും ഇന്നേ വരെ പ്യാർ, ഇഷ്ക്, മൊഹബ്ബത്ത് എന്നീ സാധനങ്ങളൊന്നും രുചിച്ച് നോക്കാൻ ഒരു അവസരവും കിട്ടിയിട്ടില്ല, അതെങ്ങനെ.., സോഡാക്കുപ്പിന്മേൽ ചെറുനാരങ്ങ കയറ്റി വെച്ച പോലെയുള്ള തലയും ചെമ്പത്തെങ്ങിൻ മേൽ സ്പീക്കർ കെട്ടിയ പോലെയുള്ള ചെവികളും പന്തം കണ്ട പെരുച്ചാഴിയെപ്പോലുള്ള ഹെഡ്ലൈറ്റുകളും ഒക്കെയുള്ള അവിഞ്ഞ മോന്തായം കണ്ടാൽ ഒരു പെണ്ണും തിരിഞ്ഞും മറിഞ്ഞും ഒന്നും നോക്കില്ല, പിന്നെങ്ങനാ....

പരിശ്രമിച്ചാൽ വിജയിക്കും, ഓരോന്നിനും ഓരോ സമയമുണ്ട്, ഓരോ സങ്കടങ്ങൾക്കും ഓരോ സന്തോഷമുണ്ട്, ഉപ്പ് തിന്നാൽ വെള്ളം കുടിക്കും, ഭക്ഷണം കഴിച്ചാൽ വിശപ്പ് മാറും..എന്നിങ്ങനെയൊക്കെ ഇന്നലെ പത്ത് രൂപാ കൊടുത്ത് കൈ നോട്ടക്കാരന്റെയടുത്ത് നിന്ന് ഭാവി പ്രവചിപ്പിച്ചതാണ്., അത് കൊണ്ട് ഒന്നു ശ്രമിച്ച് നോക്കുക തന്നെ....ഞാൻ ഒന്ന് മുട്ടി നോക്കാൻ തീരുമാനിച്ചു..,പോയാൽ ഒരു കല്ല്, അല്ല വാക്ക്, കിട്ടിയാലൊരു മാങ്ങ, സോറി പ്രേമം..ഹയ്യട, ഹയ്യാ‍ാ..
അങ്ങനെ ഞാൻ ധൈര്യം സംഭരിച്ച് ആദ്യത്തെ ബാൾ എറിഞ്ഞു.,
"എന്താ പേറ്..അല്ല പേര്.."
"എന്താ..? "   ന്യൂ ബാൾ ആയത് കൊണ്ടാവണം അവൾ ഡിഫൻസ് ചെയ്തു..,
"പേരെന്താന്നു.." ഞാൻ ക്വസ്റ്റൻ ഒന്ന് തല തിരിച്ചിട്ടു..
"ഓ...എന്റെ പേരു സുലൈഖ.," ( സാങ്കല്പികമാണേ...)
"ഓഹോ...എന്ത് ചെയ്യുന്നു, പഠിക്കുകയാണോ...?" അടുത്തത്
"എന്റെ പഠിത്തമൊക്കെ കഴിഞ്ഞതാ...''
എന്റെ നുഴഞ്ഞ് കയറ്റത്തിന്റെ റൂട്ട് എവിടേക്കാണെന്ന് അവൾക്ക് മനസ്സിലായിക്കാണണം..
അവൾ മനോഹരമായി ചിരിച്ചു..,ഹെന്റമ്മോ...ആ ചിരിയുടെ മാസ്മരിക ശക്തി കൊണ്ട് അവൾ അവിടെ ഒരു വൻ ചുഴി രൂപപ്പെടുത്തി., ആ ചുഴിയിൽ എന്നെ വലിച്ചിട്ട് താഴ്ത്തിക്കളഞ്ഞു..ചുരുക്കിപ്പറഞ്ഞാൽ ഞാൻ വീണു പോയീന്ന്..

അങ്ങനെ അങ്ങനെ ഞങ്ങൾ ഓരോന്നോരോന്ന് സംസാരിച്ച് കൊണ്ടിരുന്നു.,ചോദ്യങ്ങളും ഉത്തരങ്ങളും ഞങ്ങളുടെ മനസ്സുകൾ തമ്മിലുള്ള ഗ്യാപ്പ് ഫില്ല് ചെയ്ത്കൊണ്ടിരുന്നു..,സമയം പോയതറിഞ്ഞില്ല, ദൂരവും..,

കോട്ടപ്പടി ടൌണിൽ തിരക്ക് കുറഞ്ഞ ഒരു ഭാഗത്ത് ഞാൻ ഓട്ടോ നിർത്തി..,പരസ്പരം ഒന്നും ഉരിയാടാതെ ഏതാനും സെക്കൻഡുകൾ ഞങ്ങളെ കളിയാക്കി കടന്ന് പോയി..,പെട്ടെന്ന് പിരിയാൻ മടിച്ചത് കൊണ്ടോ എന്തോ അവളും മൂകമായി ഇരുന്നതേയുള്ളൂ..,
"വിരോധമില്ലെങ്കിൽ നമുക്ക് ഓരോ ഐസ്ക്രീമോ ജ്യൂസോ കഴിച്ചാലോ."..എങ്ങനെയോ ഈ വാക്കുകൾ എന്റെ വായിൽ നിന്നും പുറത്ത് ചാടി അവളുടെ കർണ്ണ പുടത്തിൽ കയറി മുട്ടി വിളിച്ചു..,
"ഓ..എന്ത് വിരോധം.., ഞാനെപ്പെഴോ റെഡി., അവൾ ഉഷാറായി..," ഒരു പക്ഷേ ഞാനത് ചോദിച്ചിരുന്നെങ്കിൽ എന്ന് പ്രതീക്ഷിച്ചിരിക്കുകയായിരുന്നോ അവൾ.., ആ, എന്തെങ്കിലുമാകട്ടെ.,

ഞാൻ ഓട്ടോ സ്റ്റാർട്ട് ചെയ്തു.,ടൌണിൽ നിന്നും കുറച്ച് മാറി ഒരു കൂൾബാറുണ്ട്, അവിടെയാകുമ്പോൾ കണ്ണിൽ കണ്ട വായി നോക്കികളുടെ ശല്യമില്ലാതെ സ്വസ്ഥമായി മിണ്ടിയും പറഞ്ഞും ഇരിക്കാം..ഞാൻ അങ്ങോട്ട് വണ്ടി വിട്ടു.,

എന്റെ പ്രതീക്ഷ ഈസ് വെരി റോങ്ങ്., കൂൾബാറിന്റെ അടുത്ത് ഒരു ബൈക്കും അതിനു ചുറ്റും നാ‍ലഞ്ച് കുരുത്തം കെട്ടവന്മാരും.., കൂട്ടത്തിലൊരുത്തനു എന്നെ അറിയാം..അതവനറിയാമെന്ന് എനിക്കുമറിയാം..,എന്നാ ചെയ്യും,

ഐഡിയാ.!!.ഞാനവളോട് പറഞ്ഞു., “നീയിവിടെ ഇറങ്ങി കൂൾ ബാറിനകത്തേക്ക് കയറിക്കോ..ഞാൻ കുറച്ചപ്പുറത്ത് വണ്ടി കൊണ്ട് നിർത്തിയിട്ട് പതിയെ വരാം..".

"ഓക്കെ..", അവൾ സമ്മതിച്ചു.,അവൾ അവിടെ ഇറങ്ങി..
ഞാൻ കുറച്ചപ്പുറത്ത് വണ്ടി നിർത്തി പുറത്തിറങ്ങി..,

"എന്താടീ...എവിടെ പോകുന്നു.,?"

കൂട്ടം കൂടി നിന്നവരിൽ ഒരുത്തൻ അവളെ തടഞ്ഞ് നിർത്തുന്നു..,

"ഞാനെവിടെ വേണെങ്കിലും പോകും , അനക്കെന്താടാ.".. എന്ന് അവളും..,

ആഹാ...പീഡിപ്പിക്കാൻ വരുന്ന വില്ലന്മാരിൽ നിന്നും നായികയെ രക്ഷിക്കാൻ നായകൻ സാഹസികമായി ചാടി വീഴുന്ന പല പല സിനിമാ രംഗങ്ങളും എന്റെ മനസ്സിൽ മിന്നി മറഞ്ഞു.,ഇത് തന്നെ അവസരം., അവളുടെ മനസ്സിനെ ഒന്ന് ഇമ്പ്രസ്സ് ചെയ്യാൻ ഇതിലും പറ്റിയ ചാൻസ് വേറെയില്ല, ഞാൻ തയ്യാറെടുത്തു...,

"അടങ്ങ് മോനേ...അടങ്ങ് .,കാര്യമറിയാതെ എടുത്ത് ചാടിയാൽ ഇമ്പ്രസ്സ് ഉണ്ടാകുകയുമില്ല, അവന്മാരുടെ കയ്യിൽ പെട്ട് കമ്പ്രസ്സ് ആയിപ്പോവുകയും ചെയ്യും..അത് കൊണ്ട് കുറച്ച് നേരം ഒന്ന് ക്ഷമി.".,
എന്റെ ഉള്ളിൽ നിന്നാരോ എന്നെ തടഞ്ഞു..,ഞാൻ ഓട്ടോയുടെ മറവിലേക്ക് മാറി നിന്നു അവിടം വീക്ഷിച്ചു.., വേണ്ടി വന്നാൽ ഇടപെടാനും റെഡിയായിരുന്നു..,

''ഏതാടാ ഇവളു...    ''    കൂട്ടത്തിലൊരുത്തൻ..

''എടാ..ഇവളെ അനക്കറിയില്ലേ..,ഇവളു മറ്റേ കക്ഷിയാ...നാട്ടിലെ ചെറുപ്പക്കാരെയൊക്കെ ചിരിച്ച് കാണിച്ച് മയക്കിയെടുത്ത് നശിപ്പിക്കാൻ നടക്കുന്നവള്, അശ്രീകരം.''

എന്റെ മനസ്സിലെവിടെയോ ഞാൻ ഭദ്രമായി സൂക്ഷിച്ച് വെച്ചിരുന്ന ഒരു പളുങ്കു പാത്രം വീണു പൊട്ടിച്ചിതറി.., ഞാൻ തരിച്ച് നിന്നു, അപ്പോ...ഇത് വരെ കൊണ്ട് നടന്നത്.,.... അയ്യേ, ആരെങ്കിലും അറിഞ്ഞാൽ...എന്റെ ഇമേജ്, പ്രൊഫൈലു,സ്റ്റാറ്റസ്, എല്ലാം ഡിലീറ്റായിപ്പോകുമല്ലോ....ഞാൻ നിന്ന് വിയർത്തു..,

''അതേടാ..ഞാനെന്റെ ഇഷ്ടം പോലെ നടക്കും., അതൊക്കെ ചോദിക്കാൻ അനക്കാരാ ..അധികാരം തന്നത്..,'' അവളുടെ ശബ്ദം ഉയർന്നു..,

ഇടക്കിടക്ക് അവൾ എന്റെ ഓട്ടോയുടെ നേർക്ക് നോക്കുന്നുണ്ട്., ദൈവമേ, എന്റെ ഉള്ള് കായാൻ തുടങ്ങി.., ഞാൻ ഒട്ടോയുടെ ഓരം പറ്റി മറഞ്ഞ് നിന്നു..

''എന്നാലേ അന്റെ പരിപാടിയൊന്നും ഇവടെ നടക്കൂലാ...മോളു വണ്ടി വിട്ടോ..ഇത് ഏരിയ വേറേ ആണ്, തടികേടാകും.''.( അതൊരു സിനിമാ ഡയലോഗല്ലേ..)
വേറെ ഒരുത്തന്റെ ശബ്ദം അതിനേക്കാൾ ഉയർന്നു..

''നീ എന്നെ എന്തോ ചെയ്യും..ഒന്ന് കാണിച്ച് താടാ,,..അന്നേക്കാളും വല്ല്യവന്മാരെ കണ്ടതാടാ ഞാൻ''.., അവൾ അവന്റെ അടുത്തേക്ക് ചെന്ന് വീമ്പിളക്കി..അലറി..,

''പ്ഠേ....'' പടക്കം പൊട്ടി അല്ല അടി പൊട്ടി.

അതോടെ അപ്പുറത്തും ഇപ്പുറത്തും കാഴ്ചക്കാരായി നിന്ന തലകൾ അടുത്ത് കൂടി..

''അന്നോട് പോകാനാ പറഞ്ഞത്., അന്റെ പരിപാടി ഇബടെ നടക്കൂലാ...ഇഞ്ഞീം ഇജ്ജ് ഇബടെ നിന്നാൽ ഇതല്ല ഇതിലപ്പുറവും കിട്ടും..''
കൂട്ടത്തിലൊരു കാരണവർ അവൾക്ക് താക്കീത് നൽകി..,

''പ്ഫ..നായിന്റെ മക്കളേ..ഇങ്ങളു ബല്ല്യ സദാചാര വാദികളു വന്നേക്കുന്നു.,ആളും മൻഷ്യനും ഇല്ലാത്ത നേരത്ത് ഒറ്റക്ക് ഞാൻ ഇങ്ങളെയൊക്കെ അടുത്ത് വന്നാൽ മനസ്സിലാകും ഇങ്ങളെ സദാചാരത്തിന്റെ വെല..,ഒന്ന് പോയിനെടാ... തക്കം കിട്ടുമ്പോ എന്നെ പ്പോലുള്ള പാവപ്പെട്ട പെങ്കുട്ട്യോളുടെ മടിക്കുത്തഴിച്ച് ജീവിതം തകർത്തിട്ട് നടക്കുന്നോരു ബല്ല്യ മാന്യന്മാരു..,ഒടുക്കം ജീവിക്കാൻ വേറെ വഴിയില്ലാത്തോണ്ട് ഈ പണിക്കിറങ്ങുന്ന ഞങ്ങളു മോശക്കാരും..പോയിനെടാ..പട്ടികളേ.,ഈ കൂട്ടത്തിലുള്ള പല ആൾക്കാരുടെയും കഥകൾ എനിക്കറിയാം..എന്നേക്കൊണ്ടത് പറയിപ്പിക്കണോ...''
അവൾ അലറി.

ആൾക്കൂട്ടത്തിന്റെ മുഖം മ്ലാനമായി.,പലരും പിന്നോട്ട് വലിയാൻ ശ്രമിക്കുന്ന പോലെ..,
അവൾ നിർത്താനുള്ള ഭാവമില്ല..,

''കാണാൻ മൊഞ്ചുള്ള ഏതെങ്കിലുമൊരു പെണ്ണ് ഈ റോഡിന്മേൽക്കൂടി നടന്ന് പോയാൽ ഒരു സെക്കൻഡെങ്കിലും ആർത്തിയോടേ നോക്കാത്ത ഏതെങ്കിലുമൊരുത്തൻ ഈ കൂട്ടത്തിലുണ്ടോ..ഉണ്ടെങ്കിൽ അയാൾക്ക് വന്നെന്നെ തല്ലാം..ഉണ്ടോന്ന്...എന്തെടാ..ഉണ്ടോന്ന്.,''

പലരുടേയും ആവേശം ചോർന്ന് പോയ പോലെ.., ഇനി ഇവിടെ നിന്നാൽ ശരിയാവില്ല, മെല്ലെ സ്കൂട്ടാവാം..ഞാൻ പതുങ്ങി വണ്ടിക്കകത്തേക്ക് കയറി., ധ്രതിയിൽ വണ്ടി സ്റ്റാർട്ട് ചെയ്ത് പറപ്പിച്ച് വിട്ടു.. പരുന്തിന്റെ വായിൽ നിന്ന് രക്ഷപ്പെട്ട കോഴിക്കുഞ്ഞിനെ പ്പോലെ   കുതിച്ചും കിതച്ചും വെട്ടിത്തിരിഞ്ഞും പരക്കം പാഞ്ഞും ഞാനും എന്റെ ഓട്ടോയും പറന്നകന്നു..,

ഹാവൂ...ആശ്വാസത്തോടെ ഞാൻ ദീർഘനിശ്വാസം വിട്ടു..,
വലിയ ഒരു വിപത്തിൽ നിന്നു തന്നെയാണു രക്ഷപ്പെട്ടത്,

''കാണാൻ മൊഞ്ചുള്ള ഏതെങ്കിലുമൊരു പെണ്ണ് ഈ റോഡിന്മേൽക്കൂടി നടന്ന് പോയാൽ ഒരു സെക്കൻഡെങ്കിലും ആർത്തിയോടേ നോക്കാത്ത ഏതെങ്കിലുമൊരുത്തൻ ഈ കൂട്ടത്തിലുണ്ടോ..ഉണ്ടെങ്കിൽ അയാൾക്ക് വന്നെന്നെ തല്ലാം..ഉണ്ടോന്ന്...എന്തെടാ..ഉണ്ടോന്ന്.,''

അവളുടെ വാക്കുകൾ ചുറ്റും കിടന്ന് അലയടിക്കുന്ന പോലെ.

അത് ശരിയാണ്..കുറ്റം ചെയ്യാത്തവർ കല്ലെറിയട്ടെ, അങ്ങനെയെങ്കിൽ ആരാണു കുറ്റം ചെയ്യാത്തവരായി ബാക്കിയുള്ളത്.....ഞാൻ എന്നോട് തന്നെ ചോദിച്ചു.

(അ)ശുഭയാത്ര

2011-02-09T11:03:00.010+03:00

പ്രിയ സുഹ്രത്തുക്കളെ.

എല്ലാവർക്കും ക്ഷേമമെന്ന് കരുതുന്നു., ചില സാങ്കേതിക കാരണങ്ങളാൽ കുറച്ച് കാലം ഇത് വഴിയൊന്നും വരാൻ കഴിഞ്ഞില്ല, അതിനിടക്ക് ഈ ബ്ലോഗിന്റെ ഒന്നാം വാർഷികവും കഴിഞ്ഞ് പോയി,അതിനാൽ ഇനി ഒരു വാർഷിക പോസ്റ്റിനു പ്രസക്തിയുമില്ല, എനിക്ക് ഒരു പാട് മാർഗനിർദേശങ്ങളും ഉപദേശങ്ങളും ഒക്കെ തന്ന് എന്നെ സർവ്വ സമയവും പിന്തുണച്ച ഒത്തിരി നല്ല ബ്ലോഗ്ഗേർസ് ഉണ്ട്, പലരെയും ഞാനെന്റെ ഗുരു സ്ഥാനത്താണു കാണുന്നത്,ആരെയും ഞാൻ പേരെടുത്ത് പറയുന്നില്ല, അങ്ങിനെയാണെങ്കിൽ ഈ പോസ്റ്റ് ഇനിയും നീട്ടേണ്ടി വരും, എനിക്ക് എല്ലാഴ്പ്പോഴും പിന്തുണ തന്ന് ഈ ബ്ലോഗിന്റെ വളർച്ചക്ക് ആത്മാർത്ഥമായി സഹകരിച്ച എല്ലാ സുഹ്രത്തുക്കൾക്കും ഗുരുനാഥന്മാർക്കും അഭ്യുദയകാംക്ഷികൾക്കും ഒക്കെ ഹ്രദയത്തിന്റെ ആഴങ്ങളിൽ നിന്നുള്ള നന്ദി രേഖപ്പെടുത്തുന്നു,തുടർന്നും നിങ്ങളുടെയൊക്കെ സഹകരണം ഈ എളിയവനു ഉണ്ടാകും എന്ന പ്രതീക്ഷയോടേ..

നിങ്ങളുടെ സ്വന്തം സുഹ്രത്ത്:

കമ്പർ

*************************************************************************************
ഒരു ചെറിയ അനുഭവ കഥ ഞാനിവിടെ കുറിക്കുന്നു

(അ) ശുഭയാത്ര

                    വിരസമായ ഒരു ദീർഘയാത്രക്കു ശേഷം മദീന എക്സ്പ്രസ്സ്‌ ഹൈവേയിലൂടെ മക്കയിലെ താമസസ്ഥലത്തേക്കു മടങ്ങുകയാണു ഞാൻ..ഇവിടെയൊക്കെ മണിക്കൂറിൽ 90 കിലോമീറ്റർ എന്ന സ്പീഡ്‌ ലിമിറ്റ്‌ ഉണ്ടെങ്കിലും പല ഡ്രൈവർമാരും അതു പാലിക്കാറില്ല...അത്തരക്കാരെ പിടികൂടാൻ റഡാറും മറ്റ്‌ സംവിധാനങ്ങളുമായി പോലീസും വല വിരിച്ച് കാത്ത് നിൽക്കുന്നുണ്ടാകും.. പോരാത്തതിനു റോന്ത് ചുറ്റുന്ന ടീം വേറെയും.
         അങ്ങിനെയൊക്കെയാണെങ്കിലും അവരെയും അവരുടെ റഡാർ കണ്ണുകളേയും തന്ത്രപരമായി കബളിപ്പിച്ചു പലരും നിരത്തിൽ " ഷൂമാക്കർ" മാരാകാറുണ്ട്‌.. കൂടുതലും സ്വദേശികളായ കച്ചറപ്പിള്ളേർ, വീട്ടിലെ ശല്യമൊഴിവാക്കാൻ കയ്യിൽ ഒരു എ.ടി.എം കാർഡും ഒരു വണ്ടിയുടെ താക്കോലും കൊടുത്ത് തന്തയും തള്ളയും പറഞ്ഞ് വിടുന്ന അലവലാതികൾ , വീടിനെക്കുറിച്ചോ കുടുംബത്തെക്കുറിച്ചോ സമൂഹത്തെക്കുറിച്ചോ യാതൊരു ഉത്തർവാദിത്വബോധവുമില്ലാത്ത കുറേ മാംസ പിണ്ഡങ്ങൾ, അവർക്ക് കൂറെ തിന്നണം, പിന്നെ കുറെ ഉറങ്ങണം, പിന്നെ വണ്ടിയുമായി കറങ്ങണം..അത് മാത്രമാണു ജീവിതം.,( എല്ലാവരും അങ്ങനെയല്ലാട്ടോ..)
ഇപ്പോൾ " ഷൂമാക്കർ" മാർക്കു പണി കൊടുക്കാൻ മഫ്ടിയിൽ പ്രൈവറ്റ്‌ വാഹനങ്ങളിലും പോലീസ്‌ നിരത്തിലുണ്ട്‌.. ഇവർ ഇത്തരക്കാരെ ഓടിച്ചിട്ട്‌ പിടിക്കുന്നതു കാണുമ്പോൾ ഡിസ്കവറി ചാനലിൽ കണ്ട ചീറ്റപ്പുലി മാൻപേടക്കൂട്ടത്തിലെ ഏതെങ്കിലുമൊന്നിനെ ഓടിച്ചിട്ട്‌ വേട്ടയാടിപ്പിടിക്കുന്ന രംഗമാണു മനസ്സിൽ തെളിയുക ..
ഇതൊക്കെ മനസ്സിലുണ്ടെങ്കിലും സാമാന്യം നല്ല വേഗത്തിലാണ് ഈയുള്ളവനും പറന്ന് വരുന്നത്‌,
പെട്ടെന്നു പുറകിൽ നീല നിറമുള്ള ഒരു ടൊയോട്ട കാമ്രി കാർ വന്നു ലൈറ്റ്‌ തെളിയിച്ച്‌ നിർത്താതെ ഹോൺ മുഴക്കി...എന്റെ ദൈവമേ...ഇതവൻ തന്നെ.മഫ്ടിപ്പോലീസ് ,..പലപ്പോഴും ഒളിഞ്ഞും തെളിഞ്ഞും നിയമം തെറ്റിച്ചിട്ടുണ്ട്‌ എങ്കിലും ഇതു വരെ പിടിക്കപ്പെട്ടിട്ടില്ലായിരുന്നു... ദേ ഇപ്പോൾ അതും ആയി... ഞാൻ മനസ്സിലുറപ്പിച്ചു..
               നിർത്തണോ വേണ്ടയോ...." ഇവൻ മാരുടെ കയ്യിൽ തോക്കുണ്ട്‌, നിർത്തിയില്ലേൽ ഇവന്മാർ വെടി വെക്കും.. അതിനു നമ്മുടെ നാട്ടിലെ പ്പോലെ എസ്‌, പിയോ മുകളിലോട്ടുള്ളവരുടെയോ ഓർഡറൊന്നും ഇവർക്കു കാത്തിരിക്കേണ്ട "   ഒരു സുഹ്രത്ത്‌ പറഞ്ഞ വാക്കുകൾ തലച്ചോറിൽ മിന്നി.... തൽക്കാലം വെടി കൊള്ളാനുള്ള ആരോഗ്യം ഇല്ലാത്തത്‌ കൊണ്ട്‌ ഞാൻ നിർത്താൻ വേണ്ടി സിഗ്നലിട്ട്‌ ട്രാക്കു മാറ്റി... അവൻ എന്റെ വണ്ടിയുടെ സൈഡിൽ തൊട്ടു തൊട്ടില്ല എന്ന മട്ടിൽ വെട്ടിച്ച് കയറി സമാന്തരമായി വന്ന് ഗ്ലാസ്സ്‌ താഴ്ത്തി എന്തൊക്കെയോ വിളിച്ചു പറഞ്ഞു...ഏതോ കുരുത്തം കെട്ട അറബിപ്പയ്യൻ " ഷൂമാക്കർ" കളിക്കുകയാണ`.. ഞാൻ ഗ്ലാസ്സ്‌ പൊക്കിവെച്ചതു കാരണം എനിക്കൊന്നും കേൾക്കാൻ കഴിഞ്ഞില്ല... എന്തായാലും എന്റെ അപ്പൻ , അപ്പൂപ്പൻ മുതൽ മുകളിലോട്ടുള്ളവരെ തെറി വിളിച്ചതാണ` എന്നു അവന്റെ മുഖത്ത്‌ വിരിഞ്ഞ ഭാവങ്ങളിൽ നിന്നു ഞാൻ മനസ്സിലാക്കി... ഞാൻ ഒന്നും പറഞ്ഞില്ല. പറഞ്ഞിട്ടും വലിയ പ്രയോജനം ഒന്നും ഇല്ല. പോലീസാണെന്നു കരുതി പേടിച്ച ഞാൻ ഒരു ദീർഘനിശ്വാസം വിട്ടു. ഹാവൂ...
                  നമ്മുടെ ഷൂമാക്കർ പാമ്പ് പോകുന്നതു പോലെ വളഞ്ഞും പുളഞ്ഞും പാഞ്ഞു പോയി.
ഏതാണ്ട്‌ ഇരുപതു കിലോമീറ്റർ പിന്നിട്ടു കാണും...റോഡിൽ ട്രാഫിക്ക്‌ ജാം. ചീറ്റപ്പുലികൾപോലെ ഓടിവന്ന വാഹനങ്ങൾ ആമകളെപ്പോലെ നിരങ്ങി നീങ്ങാൻ തുടങ്ങി..ഇതിവിടെ പതിവു കാഴ്ചയാണ് .. മനസ്സു പറക്കുന്നതിലും വേഗത്തിൽ വാഹനം പറക്കണമെന്നു വിചാരിച്ച ഏതെങ്കിലും "ഷൂമാക്കർ" തട്ടിത്തടഞ്ഞു വീണിട്ടുണ്ടാവും....സംഭവം അതു തന്നെ.. നിരങ്ങി നീങ്ങി വന്നു നോക്കുമ്പോൾ ...ദേ.. ഒരു വണ്ടി ടയർ മുകളിലായി കിടക്കുന്നു...പാവം. നല്ല വേഗതയിൽ വാഹനം വെട്ടിച്ചപ്പോൾ നിയന്ത്രണം വിട്ട്‌ ഡിവൈഡറിൽ തട്ടി മറിഞ്ഞതായിരിക്കണം...ഒന്നു കൂടൊന്നു നോക്കിയപ്പോൾ ഞാൻ ഞെട്ടിപ്പോയി..അതേ നീല വണ്ടി..നീല നിറമുള്ള കാമ്രികാർ .എന്റെ ദൈവമേ....എന്റെ സകല നാഡികളും തളർന്നുപോയ പോലെ.., ഇതെന്റെ പുറകിൽ വന്നു ഹോണടിച്ചു പേടിപ്പിച്ച...! അതേ.. ...ഞാൻ ഒന്ന് കൂടി എത്തിനോക്കി ,എന്റെ ഹ്രദയം പിടഞ്ഞ് പോയി.,.മിനുട്ടുകളായില്ല.... എന്റെ മുന്നിലൂടെ കളിച്ചു ചിരിച്ചു പോയ ആ സുമുഖനായ ചെറുപ്പക്കാരൻ ഇതാ തൊട്ടു മുന്നിൽ ചോരയിൽ കുളിച്ചു കിടക്കുന്നു... എനിക്കെന്തോ വല്ലാത്ത അവസ്ഥയായി..തല പെരുക്കുന്നതു പോലേ.... കുറച്ചു മുന്നോട്ട്‌ പോയി ഞാൻ വണ്ടി സൈഡിലൊതുക്കി നിർത്തി.. ഈയവസ്ഥയിൽ വണ്ടിയോടിച്ചാൽ ശരിയാവുമെന്ന് തോന്നുന്നില്ല..മനസ്സിൽ നിന്നു ആ ചെറുപ്പക്കാരന്റെ മുഖം മായുന്നില്ല..ഞാൻ സ്റ്റിയറിംഗിലേക്കു തലചായ്ച്ചു കിടന്നു...ദൈവം അവന്റെ ആത്മാവിനു ശാന്തി കൊടുക്കട്ടെ.,
എല്ലാ മനുഷ്യരും അവസാനം പോകേണ്ട ഒരിടത്തേക്കു അവനും പോയി..പക്ഷേ അതു അവൻ വിചാരിച്ചതിനേക്കാൾ വേഗത്തിലായിപ്പോയോ...?
അങ്ങനെ ഒരു മനുഷ്യന്റെ കൂടെ ജീവിത യാത്ര (അ)ശുഭപര്യവസാനമായി...

സൌഖ്യം..

2010-11-30T22:39:00.001+03:00

തിരുത്തലുകൾക്കിടയിൽ

തേഞ്ഞ് പോയ വാക്കാകുന്നു സൌഖ്യം.

എവിടെയോ..

ജീവിതത്തിനർത്ഥ മുഖങ്ങളിൽ

നാം കണ്ടെത്തുന്ന ആശ്വാസം

സുഖത്തിന്റേതല്ല,

അമ്മക്ക് സ്വപ്നതീർത്ഥങ്ങളിൽ നിന്നോ

പാഴ് വാക്കിലുരിത്തിരിഞ്ഞ പ്രണയത്തിനു

ബലിഷ്ടമായ ചിന്താഗമനങ്ങളിലോ

നിയുക്തമായ സാമ്യരേഖകളുടെ

ക്രയവിന്യാസത്തിലോ അത് ജനിക്കുന്നില്ല,

അത് ജനിക്കുന്നത്

ധർമാധിഷ്ടിത സരണിയിൽ

നന്മക്ക് വേണ്ടിയുഴിഞ്ഞ് വെച്ച

ധന്യമാം ജീവിതത്തിൽ..

പീഡനം..

2010-10-18T21:13:00.001+03:00

അവൾ അയാളെ നോക്കി..,

അയാൾ അവളെയും..

അവളുടെ പുഞ്ചിരി അയാളെ വീഴ്ത്തി.,

നേരമിഴഞ്ഞു നീങ്ങി.,

അവൾ നോട്ടുകൾ എണ്ണി നോക്കി..,

അവളുടെ മുഖം കറുത്തു..,കണ്ണുകൾ ചുവന്നു..,

അയാൾ വക്കീലിനെ തേടി ഓട്ടമാരംഭിച്ചു..,

ജാസി പുരാണം...

2010-06-30T07:23:00.001+03:00

എന്റെ ഒരു സുഹ്രത്തുണ്ട് ,
പേരു ജാസി., നുമ്മടെ ജാസി ഗിഫ്റ്റല്ലാട്ടോ..
യാസ്സിർ എന്നാണു ഒറിജിനൽ നാമധേയം. ,നാട്ടാരും വീട്ടാരും പറഞ്ഞ് പറഞ്ഞ് ഒടുക്കം ജാസി ആയതാ,..
വിക്രതിത്തരങ്ങളും ചില്ലറ തരികിടകളുമൊക്കെയായി ഞങ്ങൾ ഒൻപതാം ക്ലാസ്സിൽ പഠിക്കുന്ന കാലം..,സംഗതി നാലക്ഷരം പഠിക്കാനാണു രക്ഷിതാക്കൾ സ്ക്കൂളിൽ വിടുന്നതെങ്കിലും പഠിപ്പൊഴികെ ബാക്കിയെല്ലാം നടക്കുന്നുണ്ട് എന്നതിനാലും നിന്നെയൊക്കെ വളർത്തണ നേരം കൊണ്ട് രണ്ട വാഴയെങ്കിലും വെച്ചിരുന്നെങ്കിൽ രണ്ട് വാഴക്കൊലയെങ്കിലും കിട്ടിയേനെ എന്ന ആപ്ത വാക്യം സ്ഥിരമായി ബാപ്പായുടെ നാവിൽ നിന്നും കേൾക്കുന്നതിനാലും ജാസി ഒരു കാര്യം തീരുമാനിച്ചു.., എങ്ങനെയെങ്കിലും കാശുണ്ടാക്കാൻ കഴിയുന്ന ഒരു മാർഗ്ഗം കണ്ടെത്തണം.. എന്നിട്ട് നമ്മളും പൈസ ഉണ്ടാക്കാൻ തുടങ്ങിയേ എന്ന മട്ടിൽ ബാപ്പനെ ക്കൊണ്ട് പറഞ്ഞെതെല്ലാം തിരിച്ചെടുപ്പിക്കണം..എന്നിട്ട് നാട്ടാരുടെ മുന്നിൽ ഞെളിഞ്ഞ് നടക്കണം..
അങ്ങിനെ ആരുടെയൊക്കെയോ ഉപദേശപ്രകാരം അവൻ ഒരു വഴി കണ്ടെത്തി,, പത്ര വിതരണം, മലപ്പുറം ടൌണിലെ ഏജന്റിൽ നിന്നും പത്രക്കെട്ടുകൾ ഏറ്റ് വാങ്ങി നാട്ടിലും പരിസരപ്രദേശങ്ങളിലും വിതരണം ചെയ്യുക.., തരക്കേടില്ലാത്ത പണി.., പക്ഷേ ഒരു കുഴപ്പമുണ്ട്, ഈ പണി മര്യാദക്ക് ചെയ്യണമെങ്കിൽ ഒരു സൈക്കിൾ വേണം..,അങ്ങനെ ഒരു സൈക്കിൾ സംഘടിപ്പിക്കാൻ ഒരു പാട് കറങ്ങി നടന്നു.., ഇറയത്ത് തൂക്കിയിട്ട ബാപ്പാന്റെ ഷർട്ടിന്റെ പോക്കറ്റിൽ നിന്നും അടിച്ച് മാറ്റിയതും കടയിൽ സാധനം വാങ്ങാൻ പറഞ്ഞ് വിടുമ്പോൾ ബാക്കി വരുന്നതിൽ നിന്നും ഇസ്ക്കിയതും കൂട്ടുകാരിൽ നിന്നും നിനക്ക് ഞാൻ സൈക്കിൾ ഓടിക്കാൻ പഠിപ്പിച്ച് തരാം എന്ന മോഹന വാഗദാനങ്ങൾ നൽകി വസൂലാക്കിയതും ഒക്കെച്ചേർത്ത് മുന്നൂറ്റമ്പത് രൂപാ മഹറായി കൊടുത്ത് മലപ്പുറം മെറ്റൽ സ് സൈക്കിൾ മാർട്ടിൽ നിന്ന് അവൻ ഒരു സൈക്കിൾ സ്വന്തമാക്കി., ലുട്ടാപ്പിക്ക് കുന്തം പോലെ അന്ന് മുതൽ ജാസിയുടെ കാലുകൾക്കിടയിൽ ഒരു പുതിയ അവയവമായി അതുണ്ടായിരുന്നു.., നല്ല മൊഞ്ചുള്ള ഒരു സൈക്കിൾ,

കന്നിയാത്രയിൽ വളരെ മാന്യമായി സൈക്കിൾ ഓടിച്ച് വരുന്ന അവനെ റോഡരകിലെ കിണറ്റിൽ കരയിൽ നിന്നിരുന്ന ക്ലാസ്സ് മേറ്റ് കൂടിയായ തവളക്കണ്ണുള്ള പെൺകൊടി ചിരിച്ച് കാണിച്ചപ്പോൾ ദേ കെടക്കണു ..തൊട്ട് മുന്നിലെ ടേണിംഗിൽ മതിലിൽ സുഖമായുറങ്ങുകയായിരുന്ന കള്ളിപ്പൂച്ചയുടെയും കുട്ടികളുടെയും ഉറക്കം നശിപ്പിച്ച് മതിലിലേക്ക് ..... (((( പ്ലാ‍ാച്ച്))))

എന്നിട്ടെന്ത് പറ്റി...മതിലിൽ നിന്നും രണ്ട് കല്ലുകൾ അടർന്ന് വീണു അത്രതന്നെ..!!

സ്ക്കൂൾ വിട്ട് വരുന്ന വഴി കൂട്ടുകാരോട് ഞാനാദ്യം മുന്നിലെത്തും എന്ന് ബെറ്റ് വെച്ച് അസാധ്യമായ വേഗത്തിൽ വന്ന് തൊട്ട്മുന്നിലെ ഇറക്കത്തിൽ എവിടെയോ കുരുങ്ങി ഉട്തുണിയും അതോടൊപ്പം നിയന്ത്രണവും നഷ്ടപ്പെട്ട് തൊട്ടടുത്ത പറമ്പിൽ ഒരു മൂളിപ്പാട്ടും പാടി മേയുകയായിരുന്ന രാമേട്ടന്റെ അഞ്ച് ലിറ്റർ പാൽ കറക്കുന്ന പശുവിനെ പേടിപ്പിച്ച് കയറ് പൊട്ടിച്ചോടിപ്പിച്ച് അരികിലെ പൊന്തക്കാട്ടിലുള്ളിലേക്ക് ഡൈവിംഗ് .....((((((ക്രാ‍ാ‍ാഷ്))))))

എന്നിട്ടെന്ത് പറ്റി..എന്തോകണ്ട് പേടിച്ച കാരണം ആ പശു അന്ന് മുതൽ പാൽ ചുരത്തൽ നിർത്തി,. അത്ര തന്നെ !!!

കടയിൽ സാധനങ്ങൾ വാങ്ങാൻ പോകുകയായിരുന്ന ഷുക്കൂറിനെ ഞാൻ കൊണ്ടാക്കാം എന്ന് പറഞ്ഞ് നിർബന്ധിച്ച് സൈക്കിളിൽ കയറ്റി കൊണ്ട് പോയി അടുത്ത വളവിൽ പേ പിടിച്ച പട്ടിയെ പ്പോലെ കുതിച്ച് വന്ന് മുന്നിലേക്ക് ചാടിയ ഓട്ടോറിക്ഷക്ക് നല്ല ഒരു മുത്തം കൊടുത്തു..((((പ്ഠേ))))

എന്നിട്ടെന്ത് പറ്റി... കടയിൽ പോകുകയായിരുന്ന ഷുക്കൂർ റൂട്ട് മാറ്റി ആശുപത്രിയിൽ പോയി അത്ര തന്നെ.!!!

ഷുക്കൂറിന്റെ ബാപ്പാന്റെ കയ്യിൽ നിന്നും നല്ല ഓൾഡ് ഈസ് ഗോൾഡ് തെറികളും പിതാമഹന്മാർക്കുള്ള സ്പെഷ്യൽ നാമകീർത്തനങ്ങളും കേട്ട് വയറ് നിറഞ്ഞ സന്തോഷത്തിൽ ഇരുട്ടത്ത് വീട്ടിലേക്ക് നുഴഞ്ഞ് കയറി വരുമ്പോൾ ഉമ്മറത്ത് നിന്നിരുന്ന ബാപ്പാന്റെ വലത്തേ കൈ ചേട്ടത്തിയുടെ കുട്ടിക്ക് ഇടാൻ വാങ്ങിയ ക്യൂട്ടിക്കൂറ ഇട്ട് മിനുക്കി വെച്ച തന്റെ സുന്ദരമായ കവിളിനു നേരെ ലൈല ചുഴലിക്കാറ്റിന്റെ വേഗത്തിൽ വരുന്നത് കണ്ട് ശടേന്ന് കുനിഞ്ഞു..((((ഹൂഷ്))))

എന്നിട്ടെന്ത് പറ്റി...ഉന്നം തെറ്റിയ ബാപ്പ അടിയും തെറ്റി മൂക്കും കുത്തി താഴെ , അത്ര തന്നെ..,!!!

നൂറ് ശതമാനവും കത്യതയാർന്ന ഒരു അടി അപ്രതീക്ഷിതമായി വേസ്റ്റായ ദേഷ്യത്തിൽ കയ്യിൽ കിട്ടിയ വിറക് കൊള്ളിയുമായി തന്നെ സികസറടിക്കാൻ വരുന്നത് കണ്ട് ഓടിയ ജാസി തൊട്ടുതൊട്ടില്ല എന്ന മട്ടിൽ പുറകെ വരുന്ന ബാപ്പക്ക് തന്റെ പുറം ചെണ്ടപ്പുറമാക്കാൻ കൊടുക്കില്ല എന്ന വാശിയിൽ തൊട്ടപ്പുറത്തെ പള്ളിവളപ്പിലുള്ള വിശാലമായ കുളത്തിലേക്ക് സച്ചിന്റെ സിക്സറിൽ നിന്നും മുരളീധരന്റെ പന്ത് സ്പിൻ ചെയ്യുന്നത് പോലെ വഴുതിമാറി ....(((ബ്ലൂം))

എന്നിട്ടെന്ത് പറ്റി.. മുങ്ങാൻ കുഴിയിട്ട് തൊട്ടപ്പുറത്തെ കടവിൽ ആരും കാണാതെ പൊങ്ങി കയറിപ്പോയി അങ്ങാടിയിലെ ചായക്കടയിലെ ചാരുബെഞ്ചിൽ പോയി ഇരുന്നു അത്ര തന്നെ..!!!

എന്റെ മോൻ വെള്ളത്തിൽ പോയേ എന്നും പറഞ്ഞ് നിലവിളിച്ച് ബാപ്പാ നാട്ടാരെ മുഴുവൻ വിളിച്ച് കൂട്ടി മുങ്ങിത്തപ്പാൻ തുടങ്ങി, അങ്ങാടിയിൽ നിന്ന് സാധനങ്ങളും വാങ്ങിപ്പോകുന്ന നാണുവേട്ടൻ പറഞ്ഞപ്പോഴാണു അവരറിഞ്ഞത്, തപ്പിക്കൊണ്ടിരിക്കുന്ന മുതൽ അങ്ങാടിയിൽ മനോരമയിലെ സ്പോർട്സ് പേജും വായിച്ച് കൊണ്ടിരിക്കുന്നു എന്ന്..,
ചുരുക്കിപ്പറയാലോ പുറത്തിറങ്ങി ഒരു മാ‍സം കൊണ്ട് ഷക്കീലപ്പടം പോലെ ജാസിയുടെ സൈക്കിൾ നാട്ടിൽ സൂപ്പർഹിറ്റായി.,
സംഗതി ഇങ്ങനെയൊക്കെയാണെങ്കിലും ജാസി നാട്ടിൽ എല്ലാവർക്കും വേണ്ടപ്പെട്ടവനായിരുന്നു, കാരണം അപ്പോഴേക്കും നാട്ടിലെ അറിയപ്പെട്ട പത്രപ്രവർത്തകനായി ജാസി മാറിയിരുന്നു..,
ഒരു ദിവസമെങ്ങാനും ജാസി ജോലി ചെയ്തില്ലായെങ്കിൽ മൊത്തം ജനങ്ങളും ലോകവിവരങ്ങളൊന്നുമറിയാതെ നരകിച്ചു നാറാണക്കല്ല് എടുത്ത് പോകും..,,

അങ്ങനെയിരിക്കെ ഒരു ദിവസം അതിരാവിലെ സൂര്യദേവൻ കിഴക്ക് നിന്ന് പ്രസവിക്കപ്പെടുന്നതിനും മുമ്പ് ജാസി പതിവു പോലെ പത്രക്കെട്ടുകളെടുക്കാൻ മലപ്പുറം ടൌണിലേക്ക് പുറപ്പെട്ടു, അരണ്ട വെളിച്ചത്തിൽ ഹെഡ് ലൈറ്റ് പോലുമില്ലാത്ത സൈക്കിളിൽ കുത്തനെയുള്ള ഇറക്കം ഇറങ്ങി വേഗതയിൽ വരികയാണു,സ്ഥിരം പോകുന്ന വഴിയല്ലേ.., കണ്ണടച്ചു സൈക്കിളോടീച്ചാലും തനിക്ക് വഴിതെറ്റില്ല എന്ന അഹങ്കാരവും ഉണ്ടെന്ന് വെച്ചോളൂ...
അങ്ങനെ നല്ല വേഗതയിൽ ഇറക്കം ഇറങ്ങി വരികയാണു..,
ഇറക്കം അവസാനിക്കാറായിക്കാണൂം .., തൊട്ട് മുന്നിൽ റോഡിൽ എന്തോ ഒന്ന് നീളത്തിൽ കിടക്കുന്നു..,
എന്താണത്.., അതേ ..അതു തന്നെ..,
തലേന്നത്തെ കാറ്റിൽ വീണ ഒരു തെങ്ങോല.., എന്ത് ചെയ്യണം , എങ്ങോട്ട് വെട്ടിക്കണം.., എന്തെങ്കിലും തീരുമാനിക്കുന്നതിനു മുന്നേ സൈക്കിൾ ഓലയിലേക്ക് പാഞ്ഞു കയറി..,
ഒരു നിമിഷം.!!
നിയന്ത്രണം വിട്ട സൈക്കിൾ ഇന്ത്യ വിട്ട മിസൈൽ കണക്കെ ലക്ഷ്യമില്ലാതെ പാഞ്ഞു..,
തെറിച്ച് വീണ ജാസി ഉരുണ്ട് മറിഞ്ഞ് തൊട്ടടുത്ത ഓവ് ചാലിലേക്ക് ലാൻഡ് ചെയ്തു..,
എന്നാൽ പിന്നെ വെറുതേയിരിക്കേണ്ടല്ലോ എന്ന് കരുതിയാവണം നക്ഷത്രങ്ങൾ എണ്ണിക്കൊണ്ടിരുന്നു., പൊന്നീച്ചകളെയും..
പാഞ്ഞ് പോയ സൈക്കിൾ ചെന്ന് കയറിയതോ കാലനെപ്പേടിച്ച് കാലത്ത് തന്നെ കയ്യും കാലും വീശി മോണിംഗ് വാക്കിനിറങ്ങിയ മമ്മദ് കാക്കാന്റെ മുതുകത്തും..,
മൂക്കും കുത്തി വീണ മമ്മദ് കാക്ക എണീറ്റ് ചുറ്റും നോക്കുമ്പോൾ ആരെയും കാണുന്നില്ല, ഒരു സൈക്കിൾ തനിയെ ഓടി വന്ന് ഇടിക്കുകയോ...ഒരെത്തും പിടിയും കിട്ടുന്നില്ല, കഷ്ടകാലത്തിനു അപ്പോൾ എവിടെയോ ഒരു കുറുക്കൻ ഓരിയിട്ടു.., അതും പോരാഞ്ഞ് അത് വഴി പോയ ഒരു കാടൻ പൂച്ച വഴിയരികിലുരുന്ന വാഴക്കൂട്ടത്തിനിടയിലേക്ക് മുരണ്ട് കൊണ്ട് പാഞ്ഞുകയറി.
അതും കൂടി കണ്ടതോടേ മമ്മദ് കാക്ക(((( ഡിം))) ബോധം കെട്ട് വീണു..

ഓടിക്കിതച്ച് ഉമ്മറത്തേക്ക് കയറി വന്ന അയലത്തെ വീട്ടിലെ ചെക്കൻ പറഞ്ഞപ്പോഴാണു മമ്മദ് കാക്കാന്റെ കെട്ട്യോളൂ സംഗതി അറിഞ്ഞത് ,.. തടിനന്നാക്കാൻ വ്യാഴാമത്തിനിറങ്ങിയ തന്റെ കെട്ട്യോൻ തടികേടായി ഹോസ്പിറ്റലിൽ കിടക്കുന്നു.., കേട്ടപാടെ കിട്ടിയ തുണിയും വാരിചുറ്റി കിട്ടിയ വണ്ടിപിടിച്ച് ആശുപത്രിയിലേക്കോടി..,ചെന്ന് നോക്കുമ്പോൾ പന്തം കണ്ട പെരുച്ചാഴി കണക്കെ വിളറി വിരണ്ട് മമ്മദ് കാക്ക നീണ്ട് നിവർന്ന് കിടക്കുന്നു .., അരികിൽ ഡോക്ടറും..,

"പേടിക്കാനൊന്നുമില്ല , ഒരു ചെറിയ മുറിവുണ്ട്, എന്തോ കണ്ട് പേടിച്ചതാ.. സാരമില്ല, ഈ ഗ്ലൂക്കോസ് കയറിക്കഴിഞ്ഞാൽ പോകാം..."

.അതും പറഞ്ഞ് ഡോക്ടർ പോയി..,

"എന്താ മനുഷ്യാ ഉണ്ടായത്..", കെട്ട്യോളു ഭീതിയോടേ ചോദിച്ചു..,

"അതേ ഒരു സൈക്കിൾ എന്നെ വന്ന് ഇടിച്ചു.!!".

"ഹെന്റെ മൻഷ്യാ ഒരു സൈക്കിളു ബന്ന് ഇടിച്ചതിനാ നിങ്ങളു ഇവിടെ വന്ന് കിടക്കണത് മൻഷ്യനെ പേടിപ്പിച്ച് കളഞ്ഞല്ലോ." .കെട്ട്യോളു പരിഭവപ്പെട്ടു..

"അതല്ല പെണ്ണേ..ആ സൈക്കിളിൽ ആരുമില്ലായിരുന്നു..",

"ആളില്ലാതെ എങ്ങനാ മൻഷ്യാ സൈക്കിൾ ഓടുക,ഇങ്ങക്ക് തോന്ന്യേതാവും..." കെട്ട്യോളു നെറ്റി ചുളിച്ചു..

"അല്ല സത്യായിട്ടും ആ സൈക്കിളിൽ ആരും ഇല്ലായിരുന്നു..എനിക്ക് സംശയം വല്ല ജിന്നോ ഓടിയനോ ആണു സൈക്കിൾ ബന്നതെന്ന്." മമ്മദ് കാക്ക ഭീതിയോടെ മുഴുമിപ്പിച്ചു..

"എന്റെ റബ്ബേ..."കെട്ട്യോളു മൂക്കത്ത് കൈ വെച്ചു..
പിന്നെ ആശ്വാസത്തോടെ നെടു വീർപ്പിട്ടു..,

"സൈക്കിളിനു പകരം വല്ല ലോറിയിലോ ബസ്സിലോ ആണു ജിന്ന് വന്നിരുന്നതെങ്കിൽ എന്താകുമായിരുന്നു.."

എന്നിട്ടെന്ത് പറ്റി.., ബെഡ് കോഫിക്ക് പകരം ബെഡ് ഊണിനൊപ്പമാണു അന്ന് നാട്ടിൽ പത്രം കിട്ടിയത് , അത്ര തന്നെ..!!!

ഓർമ്മകളെ താലോലിച്ച്..

2010-06-09T12:23:00.003+03:00

സമയം രാത്രി പതിനൊന്ന് മണി..,
മാരത്തോൺ ഓട്ടം മുഴുവൻ ഓടിയിട്ടും സമ്മാനമൊന്നും ലഭിക്കാത്ത അത് ലറ്റിനെപ്പോലെ ക്ഷീണിച്ച മനസ്സും ശരീരവുമായി ഞാൻ മുറിയിലേക്ക് കയറി..,ഹാവൂ... രാവിലെ തുടങ്ങിയ പരക്കം പാച്ചിലാണു..,ഒരു പരുവമായി.., ഇനി ഒന്ന് വിശ്രമിക്കണം..,സുഖമായൊന്നുറങ്ങണം..,
കയ്യിലിരുന്ന കുബ്ബൂസിന്റെ (റൊട്ടിയേ..) കവർ മേശപ്പുറത്തേക്ക് വെച്ച് ഫ്രിഡ്ജ് തുറന്ന് വാട്ടർ ബോട്ടിലെടുത്ത് ഇത്തിരി വെള്ളം കുടിച്ച് ഞാൻ കട്ടിലിലേക്കിരുന്നു.,

നാട്ടിൽ വെച്ച് അത്ര കാര്യമായി ഒരു പണിയും ചെയ്യാത്ത ഞാൻ ഇന്നെത്രെ മാറിയിരിക്കുന്നു.., മറ്റാരുടെയൊക്കെയോ നിർദ്ധേശങ്ങൾക്കനുസരിച്ച് രാവും പകലും ഒരു യന്ത്രത്തെപ്പോലെ ഞാൻ ചലിക്കുന്നു, നിൽക്കുന്നു,പ്രവർത്തിക്കുന്നു.., ചിന്തകൾ മേഘങ്ങൾ പോലെ ഉരുണ്ട് കൂടാൻ തുടങ്ങി..,
ഞാൻ കട്ടിലിലേക്ക് ചാഞ്ഞു.., അതങ്ങനെയാണു.., ഇടക്കെപ്പോഴെങ്കിലും വീണു കിട്ടുന്ന ഇടവേളകളിൽ ഏകാന്തത മാത്രം കൂട്ടിനു വരുമ്പോൾ ഓർമകളുടെ മാറാലകൾ നീക്കി ഞാൻ പരതാൻ തുടങ്ങും..,എന്തെങ്കിലുമൊക്കെ കിട്ടുമെന്നുറപ്പാണു.., പിന്നെ അന്നത്തെ ദിവസം ഉറക്കം വരുവോളം ആ ഓർമ്മകൾ താലോലിച്ചു കൊണ്ടിരിക്കാം..,ചരട് പൊട്ടിയ പട്ടം കണക്കെ ചിന്തകൾ പുറകോട്ട് പാഞ്ഞു..,

"എന്തുവാടാ..ഇരുന്ന് സ്വപ്നം കാണുകാണോ..?"

ഒരു ശബ്ദം എന്നെ വർത്തമാനകാലത്തിലേക്ക് തന്നെ തിരികെയെത്തിച്ചു..
തലയുയർത്തി നോക്കുമ്പോൾ ചാരി വെച്ച വാതിലിനിടയിലൂടെ ഒരു തല..,
തൊട്ടപ്പുറത്തെ റൂമിലെ കണ്ണൂർക്കാരൻ സുലൈമാനാണു.., ഇവിടെ ഞങ്ങൾ രണ്ട് മലയാളികൾ മാത്രമേ ഉള്ളൂ.., ബാക്കിയുള്ള റുമുകളിൽ ഒരു ഒറീസ്സക്കാരനും ഒരു ബംഗാളിയുമാണു.., കിട്ടുന്ന ഇടവേളകളിൽ എന്റെടുത്ത് സൊറ പറഞ്ഞിരിക്കാൻ സുലൈമാൻ വരാറുണ്ട്..,
സുലൈമാൻ വാതിൽ തുറന്ന് അകത്ത് കയറി..,

"എടാ..നീ ഇതൊന്ന് നോക്കൂ.ഞാൻ പുതിയതായി വാങ്ങിയതാ..കൊള്ളാമോ..?"

അവൻ പുതിയതായി വാങ്ങിയ മൊബൈൽ ഫോൺ കാണിച്ച് ചോദിച്ചു.., ഞാനത് വാങ്ങി തിരിച്ചും മറിച്ചും നോക്കി.., പിന്നെ അതിനെക്കുറിച്ച് ഇത്തിരി നേരം അങ്ങൊട്ടും ഇങ്ങോട്ടും പറഞ്ഞിരുന്നു.,ചർച്ചയിൽ എനിക്ക് വേണ്ടത്ര താല്പര്യമില്ല എന്ന് മനസ്സിലാക്കിയതിനാലാവാം സുലൈമാൻ പിന്തിരിഞ്ഞു..,

"എന്നാ നീ കിടന്നോ.., ഞാൻ പിന്നെ വരാം.., ഇത്തിരി പണി കൂടി ബാക്കിയുണ്ട്..,"

എന്നും പറഞ്ഞ് സുലൈമാൻ പോയി..,
ഞാൻ എണീറ്റു.., നല്ല മൂഡായി വന്നതാ..എല്ലാം പോയി.., ഇനി ഒന്നു കുളിക്കാം..,
ഉടയാടകൾ അഴിച്ച് ഒരു തോർത്ത് ചുറ്റി.., റിമോട്ട് കയ്യിലെടുത്ത് ചുമ്മാ ഒന്ന് ടി,വി ഓൺ ചെയ്തു..,

"അതേ..ഞാൻ അതിലേക്ക് വരാം.. ഞാൻ ചോദിക്കുന്നത്., നിങ്ങൾ ഒന്ന് കൂടെ വ്യക്തമാക്കൂ... "

ഇന്ത്യാവിഷനിൽ നികേഷ് കുമാർ ഏതോ ഒരു നേതാവിനെ നിർത്തിപ്പൊരിക്കുകയാണു.., അത്യാവശ്യം നിലവാരമുള്ള കോമഡി ആസ്വദിക്കാൻ താല്പര്യമുള്ളവർക്ക് ഇതോ ഏഷ്യാനെറ്റിലെ ന്യൂസ് അവറോ കണ്ടാൽ മതി..,വാക്കുകൾ കൊണ്ടുള്ള ആ സർക്കസ് കുറച്ച് നേരം ഞാൻ നോക്കി നിന്നു, എന്നിട്ട് ബാത്ത് റൂമിലോട്ട് കയറി..,
ഷവർ തിരിച്ചു.., ഹൌ എന്തൊരു ചൂട്..,
പകൽ മുഴുവൻ സൂര്യതാപത്താൽ കിടന്ന് തിളച്ച വെള്ളത്തിന്റെ ചൂട് രാത്രിയായിട്ടും പോയിട്ടില്ല..,
കണ്ണൊന്ന് ചിമ്മിയപ്പോൾ അറിയാതെ മനസ്സിലേക്കോടിയെത്തിയത് ജോയ് മാഷിന്റെ ക്ലാസുകളാണു.., പുറത്ത് മഴ പെയ്യുമ്പോൾ ജോയ് മാഷിന്റെ മ്രദുല ശബ്ദം ഞങ്ങൾ കുട്ടികൾക്ക് അപ്രാപ്യമായിരുന്നു.., ഇപ്പോൾ
ചന്നം പിന്നം പെയ്യുന്ന മഴ പോലെ ഉതിരുന്ന ഷവറിലെ വെള്ളത്തുള്ളികൾക്കിടയിൽ മുറിഞ്ഞും മുറിയാതയും കേൾക്കുന്ന നികേഷ് കുമാറിന്റെ വായ്ത്താരികൾ പോലെ.., ആഹാ...എന്ത് രസമുള്ള ഓർമ്മകൾ.., വെള്ളത്തിന്റെ ചൂട് ശരീരം പൊള്ളിക്കും എന്ന് തോന്നിയപ്പോൾ ഞാൻ ഷവർ ഓഫ് ചെയ്തു.., ധ്രതിയിൽ സോപ്പ് തേച്ച് കുളി പൂർത്തിയാക്കി പുറത്തിറങ്ങി..,
ജോയി മാഷിന്റെ ഓർമ്മകൾ , എന്റെ പ്രിയ അദ്ധ്യാപകരിൽ ഒരാളായിരുന്നു ജോയ് മാഷ്, ഞങ്ങളെ കണക്കു പഠിപ്പിക്കാൻ വന്ന ഒരു തെക്കൻ കാരൻ..,ക്ലിപ്പിട്ട പല്ലുകൾ കാട്ടി സൌമ്യമായി ചിരിക്കുന്ന ജോയ് മാഷിന്റെ മുഖം മനസ്സിലേക്കാവാഹിച്ച് ഞാൻ വീണ്ടും കട്ടിലിലേക്ക് ചാഞ്ഞു.., എന്റെ പ്രിയ ഗുരു ഇന്നെവിടെയാണാവോ..എവിടെയാണെങ്കിലും ദൈവമേ നീ നല്ലത് മാത്രം വരുത്തണേ..
നാലാം ക്ലാസ്സിൽ എനിക്ക് യുറീക്കാ പരീക്ഷയിൽ നാലാം റാങ്ക് കിട്ടിയപ്പോൾ എന്നെ ചേർത്ത് നിർത്തി.. "ദേ ഇവനെ കണ്ട് പഠിക്കണം".. എന്ന് മറ്റു കുട്ടികളോട് ഉറക്കെ പറഞ്ഞ എന്റെ ജോയ് മാഷ്..,
ഒരു വർഷത്തേക്ക് യുറീക്ക ദ്വൈവാരിക എനിക്ക് സമ്മാനമായി ലഭിച്ചപ്പോൾ ജീവിതത്തിൽ അന്നേ വരെ കത്തെഴുതാത്ത എന്നെപ്പിടിച്ച് കത്തെഴുതിപ്പിച്ച് എന്റെ പേരിൽ വരുത്തിത്തന്ന എന്റെ ജോയ്മാഷ്..,
എന്റെ മുഷിഞ്ഞ നോട്ട് ബുക്കിലൊരിടത്ത് അണ്ണാറക്കണ്ണനെക്കുറിച്ച് ഞാൻ എന്തൊക്കെയോ കുത്തിവരഞ്ഞപ്പോൾ അത് കവിതയാണെന്നും പറഞ്ഞ് ഏതോ ബാലസാഹിത്യമാസികക്ക് അയച്ച് കൊടുത്ത് പ്രസിദ്ധീകരിപ്പിച്ച എന്റെ ജോയ് മാഷ്.., ചിന്തകളുടെ വേലിയേറ്റം എന്നിൽ വിവിധ ഭാവമാറ്റങ്ങൾ വിടർത്തി..,
ഒരിക്കൽ ജോയിമാഷെ കബളിപ്പിക്കേണ്ടി വന്ന കാര്യം ഓർത്തപ്പോൾ വർഷങ്ങൾക്കിപ്പുറവും അറിയാതെ ഞാൻ ചിരിച്ച് പോകുന്നു..,
ക്ലാസ്സിൽ ഞാൻ മാഷിന്റെ ഇഷ്ട വിദ്യാർത്ഥിയായിരുന്നു.., ഞാൻ നല്ല പഠിപ്പിസ്റ്റാണെന്നാണു മാഷിന്റെ ധാരണ,. ഞാനായിട്ട് അത് തിരുത്താനും പോയില്ല.., എന്നെക്കുറിച്ച് മാഷ് അഭിമാനത്തോടെ സംസാരിക്കും.., അത് കേട്ട് ഞാൻ ഞെളിഞ്ഞിരിക്കും.., മാഷിന്റെ ആ വീമ്പ് പറച്ചിലുകൾക്ക് കോട്ടം തട്ടാതിരിക്കാൻ ഞാൻ നന്നായി പഠിക്കുകയും ചെയ്തു..,
ഒരു ദിവസം ഞാൻ എന്തോ ഒരു കാരണം മൂലം ഞാൻ സ്കൂളിൽ പോയില്ല..,
അന്നെ ദിവസം ക്ലാസ്സെടുക്കാൻ വന്ന ജോയിമാഷ് നാളെ എല്ലാവരും ഒൻപതിന്റെ ഗുണന പട്ടിക പഠിച്ച് കൊണ്ട് വരണമെന്നും ഇല്ലെങ്കിൽ നല്ല അടികിട്ടും എന്നൊക്കെ പറഞ്ഞിരുന്നു..,ഞാനതൊട്ട് അറിഞ്ഞതുമില്ല.., മറ്റുള്ള കുട്ടികൾ എന്നോട് പറഞ്ഞതുമില്ല.., അങ്ങനെ പിറ്റെ ദിവസം വന്നെത്തി,. ഉച്ചക്ക ശേഷമാണു കണക്കിന്റെ പിരിയഡ്.., ക്ലാസ്സിൽ കയറി വന്ന ഉടനെ ജോയി മാഷ് ചോദിച്ചു..,

"ഒൻപതിന്റെ ഗുണന പട്ടിക എല്ലാവരും പഠിച്ച് വന്നിട്ടില്ലേ.."

" അതേ." എല്ലാവരും ഉച്ചത്തിൽ പറഞ്ഞു..,
ഞാനൊന്ന് വിരണ്ടു.., ഒൻപതിന്റെ ഗൂണനപ്പട്ടികയോ ,, എനിക്കതറിയില്ലല്ലോ.., ഞാൻ പഠിച്ചിട്ടുമില്ല..,ആരും എന്നോട് അതേക്കുറിച്ച് പറഞ്ഞില്ലല്ലോ...ദുഷ്ടന്മാർ..,
കയ്യിലിരുന്ന ചൂരൽ വടി കറക്കിക്കൊണ്ട് ജോയിമാഷ് മേശമേലിരുന്നു..,

"എന്നാൽ ഓരോരുത്തരായി എണീറ്റ് ചൊല്ലൂ.., തെറ്റിയാൽ നല്ല പെട കിട്ടും.,"

"ഒന്നേ ഗുണം ഒമ്പത് ഒമ്പത്
രണ്ടേ ഗുണം ഒമ്പത് പതിനെട്ട്..
......................"

ഓരോരുത്തരായി എണിറ്റ് പട്ടിക ചൊല്ലാൻ തുടങ്ങി.., മാഷ് അടിക്കും എന്ന് പറഞ്ഞാൽ അതിൽ അപ്പീലില്ല, അത് പേടിച്ചിട്ടാകണം എല്ലാവരും നല്ലവണ്ണം പഠിച്ചിട്ടാണു വന്നിരിക്കുന്നത്.., ഞാൻ മാത്രം.... എന്റെ ദൈവമേ.., എന്ത് ചെയ്യണമെന്നറിയാതെ ഞാൻ കുഴങ്ങി.., എന്റെ ഹീറോ ഇമേജ് ഇന്നിവിടെ പൊളിഞ്ഞ് വീണത് തന്നെ.., ക്ലാസ്സിൽ മോശം വിദ്യാർഥിയെന്ന് കരുതുന്നവർ പോലും മണിമണിയായി പട്ടിക ചൊല്ലുന്നു.., ഓരോരുത്തരായി ചൊല്ലിത്തീർന്നു കൊണ്ടിരിക്കുകയാണു.., മൂന്നാമത്തേ ബെഞ്ചിൽ അറ്റത്തിരിക്കുന്ന എന്റെ ഊഴമിതാ അടുത്ത് വന്ന് കൊണ്ടിരിക്കുന്നു..,
ഞാൻ കണ്ണടച്ച് ദൈവത്തെ മനസ്സിൽ ധ്യാനിച്ച് ഒന്ന് ഉരുവിടുവാൻ നോക്കി..

"ഒന്നേ ഗുണം ഒമ്പത് ഒമ്പത്
രണ്ടേ ഗുണം ഒമ്പത് പതിനെട്ട്
മൂന്നേ ഗുണം ഒമ്പത്....."

അയ്യോ ഒട്ടും ശരിയാകുന്നില്ലല്ലോ.., ഞാൻ ആകെ വല്ലാതായി., ഇന്ന് അടി വാങ്ങിയത് തന്നെ, അടികിട്ടിയാലും കുഴപ്പമില്ല..,ഇത്രേം നാളും ഞാൻ കാത്ത് സൂക്ഷിച്ച വല്ല്യ പഠിപ്പുകാരൻ എന്ന ഇമേജ് ഇന്നിവിടെ പറിച്ചെറിയപ്പെടുമല്ലോ..,അതും എല്ലാഴ്പ്പോഴും എന്നെക്കുറിച്ച് അഭിമാനത്തോടേ സംസാരിക്കുന്ന എന്റെ ജോയിമാഷുടെ മുന്നിൽ..,എന്റെ ഊഴമിതാ അടുത്തെത്തിയിരിക്കുന്നു., ഇനി മൂന്ന് പേർ മാത്രം.., നാലാമതായി പട്ടിക ചൊല്ലാൻ ഞാൻ എണീറ്റ് നിൽക്കുന്നതും ചൊല്ലാൻ കഴിയാതെ വിഷമിക്കുന്നതും.., ജോയിമാഷ് ദേഷ്യത്തോടെ എന്നെ നോക്കുന്നതും അദ്ധേഹത്തിന്റെ ചൂരൽ വായുവിൽ ഉയർന്ന് പൊങ്ങുന്നതും മറ്റ്കുട്ടികൾ എന്നെ കളിയാക്കിച്ചിരിക്കുന്നതുമൊക്കെ ഒരു സിനിമയുടെ ട്രയിലർ കണക്കെ എന്റെ മനസ്സിൽ മിന്നിമറഞ്ഞു..,
നിന്ന നില്പിൽ മായാവിയെപ്പോലെ അദ്രശ്യനാകാൻ കഴിഞ്ഞിരുന്നെങ്കിൽ എന്ന് ഞാൻ വെറുതേ ആശിച്ചു...എന്റെ ഹ്രദയം പട പടാന്ന് മിടിക്കാൻ തുടങ്ങി, തൊണ്ട വറ്റി വരണ്ടു..,
പെട്ടെന്ന് എന്റെ കണ്ണുകൾ അറിയാതെ ജനാലക്കരികിലേക്ക് പാഞ്ഞു.., പുറത്തേ വരാന്തയിലൂടെ ഹെഡ്മാസ്റ്റർ പൈലിസാർ നടന്ന് നീങ്ങുന്നു.., പെട്ടെന്ന് എന്റെ തലയിലൊരു പ്രകാശം മിന്നി.., രക്ഷപ്പെടാൻ ഇതാ ഒരു കച്ചിത്തുരുമ്പ്.., ഞാൻ കൂടുതലൊന്നും ചിന്തിക്കാൻ നിന്നില്ല, അതിനുള്ള സമയവുമില്ല.., ശടേന്ന് എണീറ്റ് പരുങ്ങി പരുങ്ങി ജോയിമാഷുടെ അടുത്തെത്തി..,

"കുറച്ച് കഴിഞ്ഞിട്ട് മൈമ്മാലി കാക്കാന്റെ കടയിൽ നിന്ന് ചായ വാങ്ങിക്കൊണ്ട് വരണം എന്ന് ഹെഡ്മാസ്റ്റർ പറഞ്ഞിരുന്നു.., ഞാൻ പോട്ടേ..,"

എവിടുന്നോ വീണു കിട്ടിയ ആവേശത്തിൽ ഞാനങ്ങ് പറഞ്ഞു.., ഹെഡ്മാസ്റ്ററുടെ പതിവാണത്, സ്കൂളിനു മുന്നിലെ വിശാലമായ ഗ്രൌണ്ടിനപ്പുറത്തുള്ള റോഡ്സൈഡിലെ മൈമ്മാലി കാക്കാന്റെ കടയിൽ നിന്ന് ഞങ്ങൾ കുട്ടികളാരെയെങ്കിലും വിട്ട് ചായ കൊണ്ട് വരാൻ പറയുക.., ഇടക്കൊക്കെ ഞാൻ പോകാറുണ്ട്..,

"ആട്ടെ ..നീ ഗൂണനപ്പട്ടിക പഠിച്ചിട്ടുണ്ടോ..?" എന്നാലും മാഷ് വിടാനുള്ള ഭാവമില്ല..,

"ഓ ...പിന്നെ," ഞാൻ അറിയാമെന്ന ഭാവത്തിൽ തലയാട്ടി ..,

"എനിക്കറിയാം..നീ മിടുക്കനാ..എന്നാ പൊയ്ക്കോ...സൂക്ഷിച്ച് പോകണേ.."

ജോയിമാഷുടെ വക ഉപദേശം വിത്ത് പെർമിഷൻ..അപ്പോഴാണു എനിക്ക് ശ്വാസം നേരെ വീണത്.,
എവിടുന്നോ കളഞ്ഞ് കിട്ടിയ ലോട്ടറി ടിക്കറ്റിനു പ്രൈസടിച്ച പോലെ സന്തോഷത്തോടെ ഞാൻ പുറത്തേക്കോടി..
ഓഫീസ് റൂമിനടുത്തേക്കെത്തുന്തോറും വീണ്ടും പരിഭ്രമമായി.., സത്യത്തിൽ ഹെഡ് മാസ്റ്റർ എന്നോട് ചായ വാങ്ങിക്കൊണ്ട് വരാൻ പറഞ്ഞിട്ടില്ലല്ലോ.. ഗുണന പട്ടിക ചൊല്ലാതിരിക്കാൻ അവിടുന്ന് എസ്കേപ്പാകാൻ വേണ്ടി തട്ടി വിട്ടതല്ലേ.., ഇനിയെങ്ങാനും ഹെഡ്മാസ്റ്റർ ദേഷ്യപ്പെട്ടാലോ...
ഞാൻ വീണ്ടും ധർമ്മസങ്കടത്തിലായി.., ഏതായാലും നനഞ്ഞു, ഇനി കുളിച്ച് കയറുക തന്നെ, മടിച്ച് മടിച്ച് ഓഫീസ് റൂമിനകത്തേക്ക് കയറി..
എന്തോ ഒരു പുസ്തകം വായിക്കുകയാണു പൈലിമാഷ്,

"ഉം ..എന്താ..," എന്നെ കണ്ടതും പൈലിമാഷ് തലയുയർത്തിക്കൊണ്ട് ചോദിച്ചു,,.

"അത്..പിന്നെ..അതേയ്, മാഷിനു ചായ വേണെമെങ്കിൽ വാങ്ങിക്കൊണ്ട് വരാൻ ജോയ് മാഷ് എന്നെ പറഞ്ഞയച്ചതാ..."

ഇത്തിരി ആത്മ വിശ്വാസക്കുറവോടെയാണെങ്കിലും ഒരു പെരും നുണ ഇവിടെ ഞാനങ്ങ് പൊട്ടിച്ചു..,

"ആണോ..അതേതായാലും നന്നായി..," എന്നും പറഞ്ഞ് മാഷ് കീശയിൽ നിന്നും ഇത്തിരി ചില്ലറപ്പൈസ

"എടുത്ത് നീട്ടി.,എന്നാ പോയി വേഗം വാ.....മധുരം കുറച്ച് മതിയെന്ന് പറഞ്ഞേക്ക് കെട്ടോ.."

ദേ കെടക്കണു.., പിന്നേം ലോട്ടറിയടിച്ചു.., സന്തോഷത്തോടെ ഞാൻ പുറത്തേക്കോടി..,
പതിവിൽക്കൂടുതൽ സമയമെടുത്താണു അന്ന് ഞാൻ ചായയുമായി വന്നത്., ചായ ഓഫീസ് റൂമിൽ കൊണ്ട് കൊടുത്ത് തിരികെ ക്ലാസ്സിലെത്തിയപ്പോഴേക്കും എല്ലാരുടെയും പട്ടിക ചൊല്ലൽ അവസാനിച്ചിരുന്നു, ശേഷം മാഷ് ഒരു കഥ പറഞ്ഞ് കൊണ്ടിരിക്കുന്നു..,വലിയ ഒരു വിപത്തിൽ നിന്ന് രക്ഷപ്പെട്ട് ആശ്വാസത്തോടെ മര്യാദരാമനായി ഞാൻ അകത്ത് കയറിയിരുന്നു..,
താളാത്മകമായ ശൈലിയിൽ മാഷ് കഥ പറഞ്ഞ് കൊണ്ടിരിക്കുകയാണു..,

"പ്ഠേ..പ്ഠേ.." ആരാ ഇത്രേം ഒച്ചത്തിൽ ഡെസ്കിലടിക്കുന്നത്,

"പ്ഠേ...പ്ഠേ." "ഓ ഭായ്",

ഛേ..ആരാണു ക്ലാസ്സിൽ അലമ്പുണ്ടാക്കുന്നത്, ഞാൻ ചുറ്റിലും നോക്കി.., യാതൊരു ഭാവഭേദവുമില്ലാതെ മാഷ് കഥ പറഞ്ഞ് കൊണ്ടിരിക്കുകയാണു.കുട്ടികളെല്ലാം അതിൽ ലയിച്ച് മതിമറന്നിരിക്കുന്നു.,
ഇത്രേം ഉച്ചത്തിൽ ശബ്ദമുണ്ടാക്കിയിട്ടും മാഷും മറ്റ് കുട്ടികളും അറിഞ്ഞില്ലെന്നോ.

"പ്ഠേ...പ്ഠേ..." ദേ വീണ്ടും അടിക്കുന്നുവല്ലോ..

പെട്ടെന്ന് ഞാൻ കണ്ണ് തുറന്നു., ക്ലാസ്സ് റൂമുമില്ല, ജോയിമാഷുമില്ല, കുട്ടികളുമില്ല.., അയ്യോ ഞാൻ സ്വപനം കാണുകാരുന്നോ...

"പ്ഠേ...പ്ഠേ." "ഓ... ഭായ്"

പുറത്ത് വാതിലിൽ ആരോ മുട്ടുന്നു, സ്വപ്നത്തിൽ കേട്ട അതേ ശബ്ദം, ഞാൻ കണ്ണ് തിരുമ്മി എണീറ്റു, വാതിൽ തുറന്നു, തൊട്ടപ്പുറത്തെ റൂമിലെ ഒറീസ്സക്കാരൻ മുസ്താക്ക് ആണു..,

"ആപ് സോ രഹാ." ഉറങ്ങുന്ന ആളെ വിളിച്ചുണർത്തി ഉറങ്ങുകാണോന്ന് ., ഇവെനെവിടുത്തുകാരനാടാ..,ഉള്ളിൽ വന്ന ദേഷ്യം പിടിച്ചമർത്തി ഞാൻ ചോദിച്ചു

"ക്യാ ചാഹിയെ ഭായിസാബ്.."

"കുച്ഛ് ഭി നഹി, യെ ലേലോ." കയ്യിലിരുന്ന ഒരു കവർ നീട്ടി മുഷ്താക്ക്,

"യെ ക്യാഹെ..."

" യെ തോഡാ ഓറഞ്ച് ,ആപ് കൊ ചാഹിയെ തൊ ലേലോ.., മേം നഹി കായേഗാ.."

അവൻ കഴിക്കില്ലാന്ന്.,ഞമ്മക്ക് പിന്നെ അങ്ങനെയൊന്നുമില്ലല്ലൊ.., ഓസിക്ക് കിട്ടുന്നത് ആസിഡാണെങ്കിലും ഒരു കൈ നോക്കാം എന്നാണല്ലോ തിയറി..,
അപ്പോൾ അതാണു കാര്യം .., എവിടുന്നോ ഓസിനു കിട്ടിയ ഇത്തിരി ഓറഞ്ച് എനിക്ക് തരാൻ വന്നതാ..
ഞാനത് വാങ്ങി അകത്തേക്ക്,..
ഛേ..നല്ലൊരു സ്വപ്നം കണ്ട് കൊണ്ടിരിക്കുവാരുന്നു, എല്ലാം കുളമാക്കി..,
കണ്ട സ്വപനത്തിന്റെ ഹാങ്ങോവറിൽ രമിച്ച് ഞാൻ വീണ്ടും ബെഡ്ഡിലേക്ക് ചാഞ്ഞു.,
ഒരിക്കൽ കൂടി ആ ക്ലാസ്സ് മുറിയിൽ ഇരിക്കാൻ കൊതിയാവുന്നു., എന്ത് ചെയ്യാം.., സാധ്യമല്ലെന്നറിയുമ്പോൾ മനസ്സിൽ എവിടെയോ ഒരു വിങ്ങൽ,വല്ലാത്ത ഒരു നഷ്ട ബോധം..
എങ്കിലും ഞാൻ ധന്യനാണു.., സ്വപ്നത്തിലെങ്കിലും ആ പഴയകാലത്തേക്ക് ഒരിക്കൽ കൂടി തിരിച്ച് പോകാൻ കഴിഞ്ഞ ഞാനെത്രെ ഭാഗ്യവാൻ...

പുത്തൻ തലമുറ കമ്പ്യൂട്ടറുകൾ.

2010-05-19T00:55:00.004+03:00

ലോകത്തിന്റെ കമ്പ്യൂട്ടിങ്ങ് മേഖലയെ മാറ്റിമറിക്കും എന്ന ശുഭാപ്തിവിശ്വാസത്തോടെ മൈക്രോ സോഫ്റ്റ് അവതരിപ്പിച്ച പുത്തൻ തലമുറ കമ്പ്യൂട്ടറുകളാണു സർഫേസ് കമ്പ്യൂട്ടറുകൾ.,ഈ മേഖലയിലെ പുതിയ അവതാരമാണു കോഫീടേബിൾ കമ്പ്യൂട്ടർ..,പേരു കേട്ട് ഞെറ്റി ചുളിക്കേണ്ട.., ശരിക്കും കോഫീ ടേബിൾ തന്നെ., അത് ഒരു കമ്പ്യൂട്ടർ ആയിക്കൊണ്ടും ഉപയോഗിക്കാം എന്ന് മാത്രം..,(എന്റെ ദൈവമേ..ഇങ്ങനെ പോയാൽ മേശ, കസേര, കട്ടിൽ, അലമാരി....എന്നിങ്ങനെ തുടങ്ങി വീടിന്റെ ചുമരും തറയും വരെ കമ്പ്യൂട്ടർ ആയി മാറുമോ...)

കീബോർഡ്, മൌസ്, പുറത്തേക്കുള്ള കേബിളുകൾ, യു.എസ്.ബികൾ .എന്നിത്യാദി കുണ്ടാമണ്ടികളൊക്കെ സമീപ ഭാവിയിൽ തന്നെ നമുക്ക് മറക്കേണ്ടി വരും ..,
ബ്ലൂടൂത്ത്, വൈഫൈ, റേഡിയോ ഫ്രീക്വൻസി ഐഡന്റിറ്റി( RFIP ) എന്നിങ്ങനെയുള്ള വ്യത്യസ്തമായ ഒട്ടനവധി വയർലെസ്സ് ട്രാൻസ്സീവേർസ് ആണു ഇതിന്റെ സവിശേഷമായ ഭാഗം.., അത് കൊണ്ട് തന്നെ ഇതിന്റെ ഉപരിതലത്തിൽ സ്പർശിക്കപ്പെടുന്ന ഏതൊരു വസ്തുവിനെയും അതിവേഗം തിരിച്ചറിഞ്ഞ് അതിനുതകും വിധം പ്രതികരിക്കാൻ ആവുന്നു.., മൾട്ടി ടച്ച് സ്ക്രീനാണു മറ്റൊരു പ്രത്യേകത.., ഒരേ സമയം ഒരു പാട് വിരലുകൾ ഉപയോഗിച്ചോ അല്ലെങ്കിൽ ഒന്നിലധികം പേർക്കോ ഈ കമ്പ്യൂട്ടർ ഉപയോഗിക്കാൻ ഇത് മൂലം സാധ്യമാകുന്നു.ഒരേ സമയം ഏകദേശം അൻപത്തിരണ്ട് സ്പർശനങ്ങൾക്ക് പ്രതികരിക്കാൻ ഇതിനു കഴിവുണ്ടത്രേ..,ഹെന്റമ്മോ..

കണ്ടല്ലോ..ഇതിനു മുകളിൽ വെച്ച ഒരു ഗ്ലാസ്സ് വീഞ്ഞിന്റെ പോലും പേര`, എവിടെ നിന്ന് വന്നു, എങ്ങനെ ഉണ്ടാക്കി..എന്നിങ്ങനെ തുടങ്ങി എല്ലാ വിവരങ്ങളും ഫോട്ടോകളൂം വീഡിയോയും ആയി നൊടിയിടയിൽ പ്രത്യക്ഷപ്പെട്ടത് കണ്ടോ.. അപ്പോ ആളിവൻ പുലി തന്നെയല്ലേ..

2007 മെയ് ഒൻപതിനു അനൌൺസ് ചെയ്യപ്പെട്ട സർഫേസ് കമ്പ്യൂട്ടർ ആദ്യമായി അവതരിപ്പിക്കപ്പെട്ടത് 2008 ഏപ്രിൽ പതിനേഴിനാണു.., 2008 ലെ യു .എസ് പ്രസിഡന്റ് തിരഞ്ഞെടുപ്പിൽ ഈ കമ്പ്യൂട്ടറിന്റെ സേവനം ഉപയോഗപ്പെടുത്തിയിരുന്നു.., വൻ കിട ഹോട്ടലുകളിലും സ്റ്റോറുകളിലും മാത്രം സ്ഥാനം പിടിച്ചിരുന്ന ഈ കമ്പ്യൂട്ടർ കൂടുതൽ ജനകീയമാകാൻ പോകുകയാണു എന്നാണൂ ഏറ്റവും പുതിയ വാർത്തകൾ സൂചിപ്പിക്കുന്നത്..,

മുപ്പത് ഇഞ്ച് (70cm)വലിപ്പമുള്ള ഒരു ടേബിൾ പോലെയാണു കോഫീടേബിൾ സർഫേസ് കമ്പ്യൂട്ടർ.., 22 ഇഞ്ച് (56cm) ഉയരവും 42 ഇഞ്ച് (107cm) വീതിയുമുള്ള ഇതിന്റെ ഉപരിതലം അക്രിലിക്കിനാൽ നിർമ്മിതമാണ`..,പൌഡർ കോട്ട് ചെയ്ത സ്റ്റീൽ കൊണ്ടാണു ഇതിന്റെ ഇന്റീരിയർ നിർമ്മിച്ചിരിക്കുന്നത്.., കസ്റ്റമൈസ് ചെയ്ത വിൻഡോസ് വിസ്റ്റയാണു ഇപ്പോൾ ഇതിൽ ഉപയോഗിക്കുന്നത്..,
ശ്രീമാൻ ബിൽഗേറ്റ്സ് ജി പറയുന്നത് സർഫേസ് കമ്പ്യൂട്ടറിൽ പരമാവധി സജ്ജീകരണങ്ങൾ ഡെവലപ്പർമാർക്കായി ഒരുക്കും എന്നാണു..,
എന്തൊക്കെയാണു..

* Intel Core Quad Xeon "WoodCrest" @ 2.66GHz with a custom motherboard form factor about the size of two ATX motherboards.
* 4GB DDR2-1066 RAM
* 1TB 7200RPM Hard Drive

കൊമേർസ്യൽ ഉപയോഗത്തിനു വേണ്ടിയുള്ളവയും അത്ര മോശമൊന്നുമല്ല..ദേ ഇത് നോക്കൂ..

* Intel Core 2 Duo @ 2.13GHz
* 2GB DDR2 RAM
* 250GB SATA Hard Drive

ഒരു കൊമേർസ്യൽ സർഫേസ് കമ്പ്യൂട്ടർ യൂണീറ്റിനു ഇപ്പോൾ 12500 ഡോളർ വില വരുമ്പോൾ അഞ്ച് സീറ്റും സപ്പോർട്ടും അടക്കമുള്ള ഡെവലപ്പർമാർക്കുള്ള യൂണീറ്റിനു 15000 ഡോളർ വിലവരും..,
ഇതൊക്കെ കേട്ട് പേടിക്കേണ്ട.., മൈക്രോ സോഫ്റ്റ് പറയുന്നത് 2010 ൽ പുറത്തിറക്കുന്ന വേർഷനു വില താരതമ്യേന കുറവായിരിക്കും എന്നാണു..,(ഹും .ഇറങ്ങട്ടെ..എന്നിട്ട് വേണം എനിക്കൊരു കോഫീ ടേബിൾ വാങ്ങാൻ..എന്നിട്ട് വിശാലമായിരുന്ന് കോഫി കുടിക്കണം..ഹി..ഹി..ഹി)

കൂടുതൽ വിവരങ്ങൾക്ക്: മൈക്രോസോഫ്റ്റ്, വിക്കിപ്പീഡിയ, പോപ്പുലർ മെക്കാനിക്ക്സ് ഇവിടങ്ങളിലൊക്കെ കയറി നിരങ്ങിക്കോളൂ...

മക്ക റോയൽ ക്ലോക്ക് ടവർ

2010-05-09T16:29:00.002+03:00

ഈയിടെ മക്കയിലെ മസ്ജിദുൽ ഹറമിന്റെ മുന്നിലെ അബ്രാജ് അൽ ബൈത്ത് ടവറിനു സമീപത്തു കൂടെ നടന്ന് പോകുന്ന സമയത്ത് എന്റെ കഫീൽ (മുതലാളി ) എന്നോട് ഒരു കാര്യം പറഞ്ഞു.,
"നോക്കൂ..ഈ കെട്ടിടം കേവലം ഒന്നോരണ്ടോ മാസങ്ങൾക്കകം ലോകപ്രശസ്തമായിത്തീരും".
മുന്നിൽ മാനം മുട്ടെ ഉയർന്ന് നിൽക്കുന്ന ഏഴു കെട്ടിടങ്ങളുടെ കൂട്ടമായ ഫുന്ദുഖ് അബ്രാജ് അൽ ബൈത്ത് എന്ന ഹോട്ടൽ സമുച്ചയത്തെ ചൂണ്ടിയാണു അദ്ധേഹം അത് പറഞ്ഞത്.,
"എങ്ങനെ.."എന്നിൽ ജിജ്ഞാസ ഉണർന്നു..,
"യു, എ,ഇ യിലെ ബുർജ് ഖലീഫ കഴിഞ്ഞാൽ ലോകത്തിലെ ഏറ്റവും ഉയരം കൂടിയ കെട്ടിടമായിരിക്കും ഇത്.."എന്നിങ്ങനെ ഒരു പാട് കാര്യങ്ങൾ അദ്ധേഹം വിസ്തരിച്ചു.., എന്തോ ഞാനത് മൈൻഡ് ചെയ്തില്ല., ചുമ്മാ പുളുവടിക്കുക എന്നത് സൌദികളുടെ ഒരു പൊതു സ്വഭാവമാണു.., (മലയാളികളും ഒട്ടും മോശമില്ല) ഇടക്കിടക്ക് കേരളത്തെക്കുറിച്ചും ഇന്ത്യയെക്കുറിച്ചുമൊക്കെ ഞാൻ പൊക്കിപ്പറയാറുണ്ട്., അതിനാൽ എനിക്കിട്ട് ഒരു ആപ്പ് വെക്കാനായിരിക്കും ഇതിയാനിതൊക്കെ വിളമ്പുന്നത്..,
കുറച്ച് ദിവസങ്ങൾക്ക് ശേഷം ബൈലുക്സ് ചാറ്റ് റൂമിൽ വെച്ച് എന്റെ ഒരു സുഹ്രത്ത് എന്നോട് ചോദിച്ചു.., ഞാൻ മക്കയിലാണു ജോലി ചെയ്യുന്നതെന്ന് അവനറിയാം..മക്കയിലെ പുതുതായി പണിയാൻ പോകുന്ന ക്ലോക്ക് ടവറിലെ ക്ലോക്കിന്റെ വലിപ്പം എത്രയാണെന്നറിയാമോ എന്ന്..,
ഞാൻ പറഞ്ഞു..എനിക്കറിയില്ലാന്ന്., പക്ഷേ അതെന്നെ ഈ വിഷയത്തെക്കുറിച്ച് കൂടുതൽ അറിയണമല്ലോ എന്നൊരു താത്പര്യം ഉണർത്തി.., എനിക്ക് കിട്ടിയ വിവരങ്ങൾ ഇവിടെ ഞാൻ മാന്യ വായനക്കാരുമായി പങ്ക് വെക്കുന്നു..,

നിർമ്മാണം പുരോഗമിക്കുന്ന ഫുന്ദുഖ് അബ്രാജ് അൽ ബൈത്ത്.. 2009 ലെ ദ്രശ്യം

മക്കയിലെ മസ്ജിദുൽ ഹറമിന്റെ ഒന്നാം നമ്പർ കവാടമായ ബാബു മലിക്ക് അബ്ദുൽ അസീസിന്റെ മുൻ വശത്തുള്ള വിശാലമായ മുറ്റത്തോട് ചേർന്നാണു ഫുന്ദുഖ് അബ്രാജ് അൽ ബൈത്ത് (മക്ക റോയൽ ക്ലോക്ക് ടവർ ) എന്ന ഏഴ് കെട്ടിടങ്ങളൂടെ സമുച്ചയം നിലകൊള്ളുന്നത്.., അതിലെ ഏറ്റവും നടുവിലുള്ള കെട്ടിടമാണു ഇപ്പോൾ ലോകശ്രദ്ധയാകർഷിച്ച് കൊണ്ടിരിക്കുന്നത്..,പണി പൂർത്തിയായാൽ 817 മീറ്റർ ഉയരം ഉണ്ടാകും ഈ കെട്ടിടത്തിനു.., അതായത് ദുബായിലെ ബുർജ് ഖലീഫയേക്കാൾ വെറും പതിനൊന്ന് മീറ്റർ മാത്രം കുറവ്.., എന്തേ ഞെട്ടിപ്പോയോ..

ക അ ബയുടെ ഭാഗത്ത് നിന്നുള്ള ദ്രശ്യം

തായ്‌വാനിലെ തായ് പേയ് ടവറാണു ഇന്ന് നിലവിൽ ഉയരത്തിൽ രണ്ടാമൻ.., ജൂണിലോ ജൂലൈയിലോ നിർമ്മാണം പൂർത്തിയാക്കുമ്പോൾ ആ റെക്കോർഡ് ഇനി മക്കയിലെ ഫുന്ദുഖ് അബ്രാജ് അൽ ബൈത്തിനു സ്വന്തം.., അറബിയിൽ ഫുന്ദുഖ് എന്നാൽ ഹോട്ടൽ എന്നാണർത്ഥം.., അബ്രാജ് എന്നാൽ ടവറുകൾ എന്നും.., അതായത് ഹോട്ടൽ ആവശ്യത്തിനു മാത്രം നിർമിക്കപ്പെട്ട ലോകത്തിലെ ഏറ്റവും ഉയരം കൂടിയ കെട്ടിടം എന്ന ഖ്യാതിയും വന്ന് ചേരുന്നു..,
ഈ ടവർ 622 മീറ്റർ വരെ കോൺക്രീറ്റിലാണു നിർമിച്ചിരിക്കുന്നത്,ഏകദേശം 530 മീറ്റർ ഉയരത്തിൽ 45 മീറ്റർ നീളവും 43 മീറ്റർ വീതിയുമുള്ള ഒരു പടു കൂറ്റൻ ക്ലോക്ക് സ്ഥാപിക്കുന്നുണ്ട്..,ഏറ്റവും മുകളിലായുള്ള ചന്ദ്രക്കല സ്തൂപം ലോഹ നിർമ്മിതമാണു..അതിനു മാത്രം ഏകദേശം 155 മീറ്റർ ഉയരം ഉണ്ടാകും..,

നിർമ്മാണം പൂർത്തിയായാൽ ദേ ഇങ്ങനിരിക്കും

ഇന്ന് ലോകത്ത് നിലവിലുള്ളതിൽ വെച്ചേറ്റവും വലിയ ക്ലോക്ക് ലണ്ടനിലെ ബിഗ്ബെൻ ടവറിലുള്ള ബിഗ്ബെൻ ക്ലോക്കാണു..അതിനേക്കാൾ ആറു ഇരട്ടി വലുപ്പമുള്ള ക്ലോക്കാണു ഇവിടെ സ്ഥാപിക്കപ്പെടുന്നത്.., ദേ പിന്നേം ഞെട്ടിയോ..
ഈ ക്ലോക്കിനെ പ്രത്യേകത ഗ്രീനിച്ച് സമയത്തിനു പകരം മക്കയിലെ സമയമായിരിക്കും ഇതിൽ കാണിക്കുക എന്നതാണു..,മറ്റൊന്ന് ഈ ക്ലോക്കിലെ സമയം പകൽ സമയങ്ങളിൽ 12 കിലോമീറ്റർ ദൂരെ നിന്നും രാത്രി സമയങ്ങളിൽ പ്രകാശസംവിധാനങ്ങളുടെ സഹായത്താൽ 17 കിലോമീറ്റർ ദൂരെ നിന്നും വരെ കാണാൻ സാധിക്കും എന്നതാണു..,ഇനി മക്കയിലെ വിശുദ്ധക അബായിലേക്ക് വരുന്ന വിശ്വാസികൾക്ക് ഒരു വഴി കാ‍ട്ടിയായി ഈ ടവർ മാറും എന്നർത്ഥം..മാഷാ അള്ളാ......
എഴുപത്തിയാറു നിലകളിലായി ഉയർന്ന് നിൽക്കുന്ന മക്ക റോയൽ ക്ലോക്ക് ടവറിൽ ഏകദേശം 3000 മുറികൾ താമസത്തിനായി ഉണ്ടാകും എന്നാണു കണക്കാക്കപ്പെടുന്നത്..,മറ്റൊരു പ്രത്യേകത എന്താണെന്ന് വെച്ചാൽ എല്ലാ റൂമുകളിൽ നിന്നും പരിശുദ്ധ ക അബയെ നേരിൽ കാണാൻ കഴിയുന്ന വിധമാണു ഇതിന്റെ നിർമ്മിതി എന്നതാണു..,
2004 ൽ നിർമ്മാണം ആരംഭിച്ച ഈ ടവറിന്റെ നിർമ്മാതാക്കൾ ഫെയർമൌണ്ട് ഹോട്ടൽ ഗ്രൂപ്പാണു.., ദർ അൽ ഹന്ദാസ് എന്ന ആർക്കിടെക്റ്റിന്റെ രൂപകല്പനയിൽ സൌദി ബിൻ ലാദിൻ കമ്പനിയാണു ഇതിന്റെ നിർമ്മാണം കരാറെടുത്തിരിക്കുന്നത്..,
ഇതിന്റെ മറ്റൊരു സവിശേഷത എന്താണെന്ന് വെച്ചാൽ ഈ ഹോട്ടലിൽ നിന്നുള്ള വരുമാനം മുഴുവനും മക്കയിലെ മസ്ജിദുൽ ഹറമിന്റെയും ക അബയുടേയും സംരക്ഷണത്തിനായി വഖഫ് ( നേർച്ചയാക്കുക) ചെയ്ത് മാറ്റി വെച്ചിരിക്കുന്നു എന്നതാണു.. മാഷാ അള്ളാ...തബാറക്കള്ളാ...

കൂടുതൽ വിവരങ്ങൾക്ക്:സൌദി ഗസറ്റ്, അറബ് ന്യൂസ്,

യു, എ,ഇ,യിലെ ബുർജ് ഖലീഫയെക്കുറിച്ച് ഞാൻ മുമ്പൊരു പോസ്റ്റ് ഇട്ടിരുന്നു, താല്പര്യമുള്ളവർക്ക് ഇവിടെ കയറി നോക്കാം

നായകൾക്കിട്ടൊരേറ്..

2010-05-06T17:27:00.001+03:00

എന്റെയൊരു കാര്യം, വല്ല ആവശ്യവുമുണ്ടോ...ഈ നട്ടപ്പാതിര നേരത്ത് കളി കാണാനാണെന്നും പറഞ്ഞ് ഇറങ്ങാൻ, തിരിച്ച് നടക്കുമ്പോൾ ഞാൻ എന്നെ തന്നെ പ്രാകിക്കൊണ്ടിരുന്നു,,.അതങ്ങനെയാണ`.., യൂറോ കപ്പ് ഫുട്ബാൾ കാണാനാണെന്നും പറഞ്ഞ് വീട്ടിൽ നിന്നിറങ്ങുമ്പോൾ നല്ല ആവേശമായിരുന്നു, മറ്റൊന്നും ചിന്തിക്കാൻ ആവേശം സമ്മതിച്ചില്ല..,( ഈ ആവേശത്തിന്റെയൊരു കാര്യം.. )
കളിയും കഴിഞ്ഞ് ഇരുട്ടത്ത് ഒറ്റക്ക് പേടിച്ച് വിറച്ച് തിരിച്ച് വീട്ടിലേക്ക് നടക്കുമ്പോഴാണു വെളിവുദിച്ചത്.., പോകണ്ടായിരുന്നു.,
രാത്രി ഏകദേശം രണ്ടര മണി കഴിഞ്ഞു കാണും..,രാത്രിയുടെ ഭീതിപ്പെടുത്തുന്ന നിശ്ശബ്ദത എന്റെ കാലുകൾക്ക് ആക്സിലറേഷൻ വർദ്ദിപ്പിച്ച് കൊണ്ടിരുന്നു..,ചുറ്റിലും കാണുന്ന ഇരുണ്ട രൂപങ്ങൾ ഏതൊക്കെയോ നോവലുകളിൽ വായിച്ചറിഞ്ഞ പോലെ... നല്ല ഇരുട്ടാണു, കയ്യിലാണെങ്കിൽ വെളിച്ചവുമില്ല.., അരണ്ട നിലാവെളിച്ചത്തിൽ ഒരു കാർപെറ്റ് വിരിച്ച കണക്കെ റോഡ് കാണാം.. ഒരു ചെറിയ മൂളിപ്പാട്ടും പാടി ധ്രതിയിൽ നടക്കുകയാണു ഞാൻ.,(ധൈര്യത്തിനു വേണ്ടിയല്ലാട്ടോ...ഹ..ഹ.ഹ..)
മലപ്പുറത്ത് കാരുടെ സ്വഭാവം ഇങ്ങനെയാണു., ലോകകപ്പ്, യൂറോ കപ്പ്, കോപ്പാ അമേരിക്ക...എന്നിങ്ങനെ തുടങ്ങി എവിടെയെങ്കിലും ഏതെങ്കിലും ഒരു ഫുട്ബാൾ ടൂർണ്ണമെന്റ് നടന്നാൽ മതി, ഉറക്കമിളച്ച് കാത്തിരിക്കാൻ..,സ്വന്തം വീട്ടിൽ ടി,വിയും ചാനലും ഉണ്ടെന്നാലും അവിടെയിരിക്കാതെ എല്ലാവരൂം കൂടി ഏതെങ്കിലുമൊരു വീട്ടിലോ അല്ലെങ്കിൽ വല്ല ക്ലബ്ബിലോ പോയിരുന്നു കളികാണും.ഒച്ചപ്പാടും ബഹളവും ഒന്നും ഉണ്ടാക്കാത്തതിനാൽ ആ പരിസര പ്രദേശത്തുള്ള വീട്ടുകാർ സുഖമായുറങ്ങും..(ങും.എവടെ..)

വീട്ടിലേക്കിനിയും ദൂരമുണ്ട്, ഞാൻ നടത്തത്തിനു വേഗത കൂട്ടി.,കാരണം ഈയിടയായി ഈ ഭാഗങ്ങളിൽ തെരുവുനായ്ക്കളുടെ ശല്യം വല്ലാതെയുണ്ട്. വെറുതെയെന്തിനാ അവരുടെ സ്വൈര്യവിഹാരത്തിനു നമ്മളായിട്ട് തടസ്സം ഉണ്ടാക്കുന്നത്...,വഴിയിൽ കണ്ട ഒരു ശീമക്കൊന്നയിൽ നിന്നും ഒരു മുഴുത്ത കമ്പ് പൊട്ടിച്ചെടുത്ത് കയ്യിൽ കരുതിയിട്ടുണ്ട്.., നായ്ക്കൂട്ടമെങ്ങാനും റാഗ് ചെയ്യാൻ വന്നാൽ അത് വേണ്ട വിധം പ്രയോഗിക്കാൻ കഴിയുമോ എന്നൊരു ആശങ്ക ഇല്ലാതില്ല..,
കുറച്ച് ദൂരം മുന്നോട്ട് പോയിക്കാണണം..,വഴിയിലൊരു ഭാഗത്തെ വീടിനോട് ചേർന്നുള്ള പറമ്പിൽ ഒരു ചെറിയ വാഴക്കൂട്ടമുണ്ട്.,ഒറ്റ നോട്ടത്തിൽ കണ്ടാൽ കൈകൾ വീശി മാടി വിളിച്ച് നിൽക്കുന്ന ഒരു പ്രേതഫാമിലിയെപ്പോലെ തോന്നും.. , അപരിചിതന്മാർക്ക് പേടിക്കാനും പനിക്കാനും ഇത് തന്നെ ധാരാളം..എപ്പോഴും കാണുന്നതാണെങ്കിലും എനിക്കുമൊരു സന്ദേഹം..,“ വാഴയാണെങ്കിലെന്താ വാതുറന്ന് പറഞ്ഞൂടേ“..ഇന്നച്ചന്റെ പ്രശസ്തമായ ഡയലോഗാണു മനസ്സിലേക്കോടി വന്നത്..,നടത്തത്തിനിടയിൽ ഞാനൊരു കാഴ്ച കണ്ടു..,വാഴകൾക്കിടയിൽ എന്തോ ..ഒരു അനക്കം.., ഇരുട്ടിൽ രണ്ട് രൂപങ്ങൾ .., കടിപിടി കൂടുന്ന പോലെ.. ഇടക്ക് തലയുയർത്തുന്നു., പൊങ്ങുന്നു,താഴുന്നു.. എന്താണത്..,
അതേ അതു തന്നെ, രണ്ട് ഗമണ്ടൻ നായകൾ ., ഞാൻ കുറച്ച് നേരം നോക്കി നിന്നു..,അമ്പടാ. ഒരു പണി കൊടുത്താലോ....എന്നിൽ വക്രബുദ്ധി ഉണർന്നു..,
ഞാൻ ഒച്ചയുണ്ടാക്കാതെ നിലത്ത് തപ്പിനടന്ന് ഒന്ന് രണ്ട് മുഴുത്ത കല്ലുകൾ പെറുക്കിയെടുത്തു..,ഇവന്മാരെ ഇന്ന് ഞാൻ കാണിച്ച് കൊടുക്കാം,, ഉന്നം നോക്കി ശക്തിയോടെ ഒരേറ് കൊടുത്തു..,
എവടെ..തൊട്ട് മുന്നിലെ വയ്ക്കോൽ കൂനക്ക് എറിഞ്ഞിട്ട് അതിൽ കൊള്ളിക്കാതെ കുറച്ചകലെ നെല്ല് പരത്തിക്കൊണ്ടിരുന്ന നീലീത്തള്ളയുടെ തലയിൽ വളരെ ക്രത്യമായിത്തന്നെ കൊള്ളിച്ച കക്ഷിയല്ലേ.......മിസ്സായിപ്പോയി..,ഏറ് ചെന്ന് കൊണ്ടത് ഒരു വാഴക്കിട്ട്..,ഒരു നിമിഷം ഇരുട്ടിലെ രൂപങ്ങൾ നിശ്ചലമായി.. അതിലൊന്ന് ഉയർന്ന് ഏറ് വന്ന ഭാഗത്തേക്ക് നോക്കുന്നു., ഇതു തന്നെ തക്കം. ഞാൻ ഒട്ടും അമാന്തിച്ചില്ല.., കൊടുത്തു അടുത്ത ഏറ്..,ഹൌസ് ദാറ്റ്.., വിക്കറ്റ് തെറിച്ചു.., യെസ്, വെരിഗുഡ്, ക്രത്യം തലമണ്ടക്ക് തന്നെ എന്നുറപ്പായതും ഞാൻ ശരം വിട്ട് വേഗതയിൽ ഓടി..,ഏറ് കൊണ്ട വേദനയിൽ നായ് കൂട്ടം പ്രതികാരം ചെയ്യാൻ ഫോളോ ചെയ്താലോ.., പെട്ടെന്ന് തന്നെ വീട്ടിലെത്തി..,ഇനി അവറ്റകളുടെ ശല്യമുണ്ടാവില്ല.. അമ്മാതിരി ഏറല്ലേ കൊടുത്തിരിക്കുന്നത്..,
അങ്ങനെ പിറ്റേന്നും നേരം വെളുത്തു..,
പതിവുപോലെ ഓട്ടോയുമായി ടൌണിലേക്ക്.,,
ഏകദേശം പത്ത് പതിനൊന്ന് മണിയായിക്കാണും..,ഒരു ട്രിപ്പ് കൊണ്ട് പോയി വിട്ട് കാലിയായി സ്റ്റാൻഡിലേക്ക് മടങ്ങുമ്പോൾ കെ.പി.എം.ഹോസ്പിറ്റലിനടുത്ത് നിന്ന് എന്റെ ഒരു പരിചയക്കാരൻ കൈവീശി വിളിക്കുന്നു, ഓട്ടം പോകാനാകണം.., ഞാൻ യുടേൺ തിരിഞ്ഞ് അവനടുത്തെത്തി..,
“എടാ..എന്തെടാ..നീ ഇന്ന് പണിക്ക് പോയില്ലേ..,ലീവെടുത്തോ..അല്ലാ എന്താ ഇവിടെ.."
കണ്ട പാടെ ഞാൻ ഒത്തിരി ചോദ്യങ്ങളങ്ങ് എറിഞ്ഞു..,( അല്ലേലും ഞാനങ്ങനാ..ഒരു കണ്ട്രോളുമില്ല..)
അവൻ ധ്രതിയിൽ വണ്ടിയിലേക്ക് കയറി.., തലയിലിരുന്ന കർച്ചീഫ് മാറ്റിയപ്പോഴാണു ഞാനത് ശ്രദ്ധിച്ചത്.., തലക്ക് ചുറ്റുമൊരു കെട്ട്..,
"എടാ..എന്ത് പറ്റി" .., ആകാംക്ഷയോടേ ഞാൻ.
"എടാ..അതിന്റെ കാര്യമൊന്നും പറയണ്ട.., ബാത്ത് റൂമിൽ കയറുമ്പോൾ തല ഇടിച്ചെന്നാ എല്ലാവരോടും പറഞ്ഞേക്കുന്നേ..,"
"പിന്നെ എന്താ." .എന്റെ ആകാംക്ഷ ഇരട്ടിച്ചു..,
"അതേയ്.. നിന്നോടായത് കൊണ്ട് പറയുവാ..നീയാരോടും പറയല്ലേ..,ഞാനിന്നലെ ആ മറ്റെ കക്ഷിയില്ലേ..,"
"ഏത്.."    എനിക്ക് മിന്നിയില്ല.,
" എട പൊട്ടാ..ബസ് സ്റ്റാന്റിൽ നിൽക്കാറുള്ള ആ ചുറ്റിക്കളിയില്ലേ.. അവളെ ഞാനിന്നലെ പൊക്കി,.., വീട്ടിലേക്ക് കൊണ്ട് വന്നതാ..അപ്പോഴതാ വിരുന്ന് പോയ ഭാര്യ തിരിച്ച് വന്നിരിക്കുന്നു.. മുടിഞ്ഞവൾ,
വേറെ ഒരു വഴിയും കണ്ടില്ല.."
"എന്നിട്ട്.. "   ഞാൻ ഉഷാറായി
"എന്നിട്ടെന്താ ഒരു വാഴക്കൂട്ടത്തിനിടയിൽ വെച്ച് കലാപരിപാടി നടത്തുന്ന നേരം ഒരു നായിന്റെ മോൻ കല്ലെടുത്തെറിഞ്ഞെടാ.., കുരുത്തം കെട്ടവൻ,"
എന്റെമ്മോ...!!! എന്റെ ഉള്ളിൽ ഒരു ഉൽക്ക വീണത് പോലെ.., ഞാൻ പോലുമറീയാതെ എന്റെ വായ നൂറ്റി എൺപത് ഡിഗ്രിയോളം ഓപ്പണായി..,
അപ്പോൾ അത് .യെവനായിരുന്നോ.............ദൈവമേ ആകെ കുഴഞ്ഞല്ലോ..ഞാനാണു എറിഞ്ഞതെന്ന് ഇവനെങ്ങാനും അറിഞ്ഞാൽ ..!
"ആ നായിന്റെ മോനെ കയ്യിൽ കിട്ടട്ടെ..ഞാൻ കാണിച്ച് കൊടുക്കാം..,കഴുവേറി.,.കസ് പിസ് ഗസ്....,....,."   അവൻ എന്തൊക്കെയോ പിറുപിറുക്കുന്നു..,
അന്തം വിടുക, ഞെട്ടുക, ഭയപ്പെടുക എന്നീ കലാപരിപാടികൾ ഇത്തിരി നേരം അവതരിപ്പിച്ച ശേഷം വിക്കി വിക്കിയാണെങ്കിലും ഞാൻ ചോദിച്ചു..
"അതിനു ആരാ എറിഞ്ഞതെന്ന് അറിയാമോ...?"
"പിന്നേ..എനിക്കറിയാം, അവനെന്റെ കയ്യിൽ കിട്ടട്ടെ., അവനു ഞാനൊരു പണി കൊടുക്കുന്നുണ്ട്." എന്ന് പറഞ്ഞ് അവൻ ദേഷ്യത്തോടെ മുഷ്ടി ചുരുട്ടി,
ഹാവൂ, ശബരിമല മുരാ..ഇപ്പോൾ എന്റെയുള്ളിൽ വീണത് ഒരു മഞ്ഞ് കട്ട യായിരുന്നു( ഇതൊക്കെ എവിടെന്ന് വന്ന് വീഴുന്നു എന്ന് ചോദിക്കരുത് )
അപ്പോൾ അതിയാൻ ആളെ ശരിക്കും കണ്ടിട്ടില്ല..,എന്റെ ഫാഗ്യം..ഒരു യുദ്ധവും പിന്നീടുള്ള വിഭജനവും വീണ്ടുമുള്ള യുദ്ധങ്ങളും തൽക്കാലം ഒഴിവായിക്കിട്ടി..,
ഞാൻ നെടു വീർപ്പിട്ടു.., ചിരിക്കണോ കരയണോ എന്നൊരു പ്രതിസന്ധി എന്നിലില്ലാതില്ല..,
ആ‍ എന്തെങ്കിലുമാകട്ടെ..,
ഞാൻ മനപ്പൂർവ്വം എറിഞ്ഞതൊന്നുമല്ലല്ലോ..ഞാൻ എറിഞ്ഞത് നായക്കിട്ടല്ലേ..വേറൊരു അർത്ഥത്തിൽ അത് കൊണ്ടതും ഒരു നായക്കിട്ട് തന്നെയല്ലേ..,അപ്പോൾ എന്റെ ഭാഗത്ത് തെറ്റൊന്നുമില്ല., അങ്ങനെ സ്വയം ന്യായീകരിച്ച് ഞാൻ ആക്സിലേറ്ററിൽ പിടി മുറുക്കി..

നായകളെപ്പോലെ അല്ലെങ്കിൽ അതിനേക്കാൾ അധ:പതിച്ച ജീവിതം നയിക്കുന്നവർക്കായി ഈ ഏറ് ഞാൻ ഡെഡിക്കേറ്റ് ചെയ്യുന്നു..,

മുൻ കൂർ ജാമ്യം : ഈ കഥയും ഇതിലെ പാത്രങ്ങളും തികച്ചും സാങ്കല്പികമാണു, ( ഇനി അഥവാ ഏറു കിട്ടിയ ആൾ ബ്ലോഗ് വായനക്കാരനാണെങ്കിലോ..എന്റമ്മോ..!)

മൊബൈൽ ഫോൺ, രഹസ്യ കോഡുകൾ

2010-05-02T22:24:00.001+03:00

മൊബൈൽ ഫോൺ ഇന്ന് സർവ്വസാധാരണമാണല്ലോ.., മനുഷ്യനു ഒരു അവയവം പോലെ സുപ്രധാനമായ ഒരു സ്ഥാനമാണു അവന്റെ ജീവിതത്തിൽ ഇന്ന് മൊബൈൽ ഫോണിനുള്ളത്,.പുതിയതാകട്ടെ, പഴയതാകട്ടെ., ഒരു നല്ല മൊബൈൽ ഫോൺ എങ്ങനെ വാങ്ങാം എന്നത് പല വ്യക്തികളും അഭിമുഖീകരിക്കുന്ന ഒരു പ്രശ്നമാണ`..,..,ചില ട്രിക്കുകൾ ഉപയോഗിച്ചാൽ നമ്മൾ വാങ്ങുന്ന അല്ലെങ്കിൽ ഉപയോഗിച്ച് കൊണ്ടിരിക്കുന്ന മൊബൈൽ ഫോണിനെ ക്കുറിച്ച് കൂടുതൽ വിവരങ്ങൾ നമുക്ക് മനസ്സിലാക്കിയെടുക്കാവുന്നതേയുള്ളൂ..
ഇവിടെ ഞാൻ നോക്കിയ മൊബൈൽ ഫോണിൽ ഉപയോഗിക്കാവുന്ന ചില രഹസ്യ കോഡുകൾ വിവരിക്കുകയാണു
സീരിയൽ നമ്പർ ചെക്ക് ചെയ്യാൻ: *#06#
ഫാക്ടറി സെറ്റിങ്ങ്സ് റിസ്റ്റോർ ചെയ്യുവാൻ : *#7780#
സോഫ്റ്റ് വെയർ വെർഷൻ, വർഷം എന്നിവ അറിയാൻ : *#0000#
ബ്ലൂടൂത്ത് ഡിവൈസ് അഡ്രസ്സ് അറിയുവാൻ : *#2820#
ലൈഫ് ടൈം, സീരിയൽ നമ്പർ, നിർമിച്ച തിയതി തുടങ്ങിയ കാര്യങ്ങൾ അറിയുവാൻ: *#92702689#
നെറ്റ്വർക്കിൽ നിന്നും വളരെ കുറഞ്ഞ സിഗ്നൽ മാത്രം സ്വീകരിക്കുന്ന രീതിയിൽ മൊബൈലിനെ ഡീ ആക്റ്റീവ് ചെയ്യാൻ: *#3370*
എല്ലാഴ്പ്പോഴും ഡീഫോൾട്ടായി വരുന്ന സെക്യൂരിറ്റി കോഡ് : 12345
നിങ്ങളുടെ മൊബൈൽ ചാർജ്ജ് തീരാൻ പോകുകയാണു, അത്യാവശ്യമായി നിങ്ങൾക്ക് ഒരു കാൾ ചെയ്യാനുണ്ട് താനും, എന്ത് ചെയ്യും, നിങ്ങളുടെ മൊബൈലിൽ തന്നെയുള്ള റിസർവ്വ് ബാറ്ററി അതിനായി ഉപയോഗപ്പെടുത്താം, അതിനായി : *3370#
കുറിപ്പ് : റിസർവ് ബാറ്ററി ഉപയോഗിച്ചാൽ കഴിയുന്നതും വേഗം റീചാർജ്ജ് ചെയ്യേണ്ടതാണു
സിസ്റ്റം ഫോർമാറ്റ് ചെയ്യാൻ : *#7370#
ഇത്രൊയൊക്കെയാണു അത്യാവശ്യം അറിഞ്ഞിരിക്കേണ്ടത് എന്നാണു എന്റെ അഭിപ്രായം, ഇതിലും കൂടുതൽ വിശദമായി അറിയണമോ...താഴെ നോക്കുക.,

*#06# Serial Number/IMEI indicates
*#0000# SW version (e.g. V3.42.1, 16-10-03, NHL-10)
*#2820# Bluetooth (BT) device address

xx# Directory quick access (xx = storage location and afterwards lozenge
e.g. 24 #)

12345 ... is according to be the standard Nokia nokia-securitycode.

Caution - starting from here the codes are "dangerous"

*#7370925538#

*#Res0Wallet#... is to delete the code around the "wallet"

*#7780# - Reset to original settings

*#7370# - Soft format - resets all the telefone Memory (like Formatting a disk

NOTE! Battery should be full up to at least 75%, do not accomplish during the procedure under any circumstances ! The procedure takes some minutes (approx. 3-4)

Green, * 3 - Hard format: If the Mobile (only telephone memory) formats, puts back the attitudes (see * to # 7780 #) and implements a RESET.

NOTE! Battery should be full up to at least 75%, do not accomplish during the procedure under any circumstances ! The procedure takes some minutes (approx. 3-4)

Proceeding: Equipment switch off, keep "green key" (take off) at the same time pressed, "*" and to "3" key and switch the equipment on (the keys thereby keep further pressed)... to "Formatting" on the display appears...

Tip 2 : Shit happens, on a smartphone, its inevitable u do something wrong, and this calls for a format of fone. to format the fone, press *#7370#, then enter the lock code, which is the sec code of the fone. NOTE: batt must b full, else if format is disrupted by low batt, consequences will b disatrous

I heard the code *#7780# works too, pretty much the same i tink.

for 6600 users, to format the fone, theres an alternative way. Press and hold <3>, <*>, and the buttons, then power on fone, keep holding on the 3 buttons, till u come to a format screen. tis method ONLY works on 6600, and need not enter the sec code. BUT sec code wun be reset to default 12345

Tip 7: Operator logos

Use a filemanager like FExplorer or SeleQ to add the folders: "c:/system/Apps/phone/oplogo". Add a .bmp picture to folder "oplogo" and restart your phone! The .bmp picture size needs to be: 97 x 25 pixels

Tip 9: While you are viewing a picture in your phone's gallery, press one of these shortcut keys (definitely works on 6600, not sure about other symbians)

1 - turn image anticlockwise

3 - turn image clockwise

* - toggle on/off of full screen

5 - zoom in

0 - zoom out

A soft and Hard reset

A Soft-reset - the process of resetting all the settings of the phone to the factory default! No applications are deleted! A Hard-reset is like formatting a drive! It does format the memory. Everything that has been installed after the first use of the phone is deleted! It will recover the memory of the phone to the state you purchased it! It is done by inputing the following code: *#7370# NOTE: The battery must be full or the charger has to be connected to the phone so that it does not run out of power and make the phone unusable

Start up in Safe Mode so no 'auto start' apps will be running:

To make sure that no memory-resident programs start when you reboot your phone,

hold down the pencil key when you turn on the phone and hold it on untill you have to enter your PIN code.
(When you have trouble booting up the phone with the MMC in it because it got corrupted for some reason, this trick will
almost always let you boot up the phone so you can remove the latest installed app which might have caused the
problem or if your phone is "unrepairable" you can still back up your important data before you do a format.)[/

>>>>>>>>>>>>>>>
It may happens that a program corrupts the C: drive of your phone. In such case, some data can be lost of course but, more annoying, some applications may not work or work only partially,...

Series 60
On a Series 60 v1 based phone (N-Gage, 3650, 7650), two key sequences will allow to restore your phone to a cleaner state:

Normal Reset (*#7780#) : Restores ini files from rom but preserves user data (photos, 3rd party apps etc)

Deep Reset (*#7370#) : This reformats completely the C: drive. All applications and files stored on this drive will be lost and clean default files will be rewritten.

In both case, the phone will ask you a confirmation and you will have to enter a security code (12345 by default).

Files and applications stored on E: drive are not be affected by these sequences.

On newer Series 60 phones (6600/6620/7610), the sequence is slightly different:
power the phone off,
press and keep down the keeys green/talk + ?3? + ?*?, - power on the phone.
release the keys when the formatting starts.
>>>>>>>>>>>>>>
*3370# This Nokia code activates Enhanced Full Rate Codec (EFR) - Your Nokia cell phone uses the best sound quality but talk time is reduced my approx. 5%
#3370# Deactivate Enhanced Full Rate Codec (EFR)
*#4720# Activate Half Rate Codec - Your phone uses a lower quality sound but you should gain approx 30% more Talk Time
*#4720# With this Nokia code you can deactivate the Half Rate Codec
*#0000# Displays your phones software version, 1st Line : Software Version, 2nd Line : Software Release Date, 3rd Line : Compression Type
*#9999# Phones software version if *#0000# does not work
*#06# For checking the International Mobile Equipment Identity (IMEI Number)
#pw+1234567890+1# Provider Lock Status. (use the "*" button to obtain the "p,w" and "+" symbols)
#pw+1234567890+2# Network Lock Status. (use the "*" button to obtain the "p,w" and "+" symbols)
#pw+1234567890+3# Country Lock Status. (use the "*" button to obtain the "p,w" and "+" symbols)
#pw+1234567890+4# SIM Card Lock Status. (use the "*" button to obtain the "p,w" and "+" symbols)
*#147# This lets you know who called you last (Only vodofone)
*#1471# Last call (Only vodofone)
*#21# This phone code allows you to check the number that "All Calls" are diverted to
*#2640# Displays phone security code in use
*#30# Lets you see the private number
*#43# Allows you to check the "Call Waiting" status of your cell phone.
*#61# Allows you to check the number that "On No Reply" calls are diverted to
*#62# Allows you to check the number that "Divert If Unreachable (no service)" calls are diverted to
*#67# Allows you to check the number that "On Busy Calls" are diverted to
*#67705646# Phone code that removes operator logo on 3310 & 3330
*#73# Reset phone timers and game scores
*#746025625# Displays the SIM Clock status, if your phone supports this power saving feature "SIM Clock Stop Allowed", it means you will get the best standby time possible
*#7760# Manufactures code
*#7780# Restore factory settings
*#8110# Software version for the nokia 8110
*#92702689# Displays - 1.Serial Number, 2.Date Made, 3.Purchase Date, 4.Date of last repair (0000 for no repairs), 5.Transfer User Data. To exit this mode you need to switch your phone off then on again
*#94870345123456789# Deactivate the PWM-Mem
**21*number# Turn on "All Calls" diverting to the phone number entered
**61*number# Turn on "No Reply" diverting to the phone number entered
**67*number# Turn on "On Busy" diverting to the phone number entered
12345 This is the default security code

press and hold # Lets you switch between lines
*#bta0# Display the Bluetooth MAC address (models with build-in Bluetooth radio, activate first to show
address)
*#mac0wlan# Display the WLAN MAC address (models with build-in Wi-fi radio)
*#opr0logo# Clear the operator logo (3310 and 3330 only)
*#pca0# Activate the GPRS PCCCH support (early GPRS models)
*#pcd0# Deactivate the GPRS PCCCH support (early GPRS models)
*#res0wallet# Reset the mobile wallet (models with mobile wallet)
*#res0# Soft-format the memory (Symbian models only)
*#rst0# Reset to factory defaults, confirmation required (DCT4 or newer)
*#sim0clock# Display the SIM clock status (DCT3 only)
*#ssn0# Display the manufacturing serial number (mid-range and premium, non-Symbian models, and those devired from them)
*#war0anty# Display the manufacturing and repair info (no exit on DCT3)
*efr0# Enable EFR encoding (pre-2003 models)
#efr0# Disable EFR encoding (pre-2003 models)
*hra0# Enable HR encoding (pre-2003 models)
#hra0# Disable HR encoding (pre-2003 models)
#pw+1234567890+n# Display the SIM lock status: (pre-2003 models)
n = 1: provider lock
n = 2: network lock
n = 3: country lock
n = 4: SIM lock

ആരോഗ്യ പരമായ മുന്നറിയിപ്പ് ( എനിക്കും നിങ്ങൾക്കും ) : ഇവിടെയുള്ള കോഡുകൾ സ്ഥാനത്തും അസ്ഥാനത്തും പ്രയോഗിച്ച് നിങ്ങൾക്കോ നിങ്ങളുടെ മൊബൈൽ ഫോണിനോ എന്തെങ്കിലും സംഭവിച്ചാൽ എന്റെ കൊങ്ങക്ക് പിടിക്കാൻ വരല്ലേ,...ഹി..ഹി..ഹി

ഇതൊക്കെ നോക്കിയ മൊബൈൽ ഫോണിൽ ഉപയോഗിക്കാവുന്ന കോഡുകളാണു,
ഇനി നിങ്ങളുടെ മൊബൈൽ alcatel , sony, sonyericson , bosch, blackberry,mitsubhishi, motorola,NEC, philips, sagem ,samsung, seimens, panasonic, Iphone, O2,sharp, Tmobile, verizon wireless, എന്നിവയിൽ ഏതെങ്കിലുമാണോ.., അല്ലെങ്കിൽ ചൈനയുടെ ഏതെങ്കിലും ഉത്പന്നമാണോ..ദേ ഇവിടെ ക്ലിക്ക് ചെയ്ത് പരതിക്കോളൂ..

ഇനി വേറൊരു കാര്യം..
നിങ്ങൾക്ക് മൊബൈൽ ഫോണിലേക്ക് ഇമെയിൽ അയക്കണമോ..ഇതൊന്ന് പരീക്ഷിച്ച് നോക്കൂ.
ഐഡിയ വരിക്കാർക്ക്: മൊബൈൽ നമ്പർ@attcell.net
എയർ ടെൽ വരിക്കാർക്ക്: മൊബൈൽ നമ്പർ@airtelmail.com

ഈ വിവരങ്ങൾക്കെല്ലാം കടപ്പാട്: ഗൂഗിൾ അമ്മായി, വിക്കി അമ്മാവൻ, പിന്നെ ഈ ഞ്യാൻ

ലജ്ജാവതിയുടെ കള്ളക്കടക്കണ്ണ്

2010-04-27T07:34:00.002+03:00

“ലജ്ജാവതിയേ നിന്റെ കള്ളക്കടക്കണ്ണിൽ..
താഴമ്പൂവോ താമരപ്പൂവോ തേനോ......... ......”
വണ്ടിയുടെ കുടു കുടു ശബ്ദത്തേക്കാൾ ഉയരത്തിൽ പാട്ട് കേൾക്കണം എന്ന വാശിയിൽ എന്റെ കൈകൾ സ്റ്റീരിയോയുടെ വോളിയം കണ്ട്രോളിൽ തെരുപ്പിടിച്ചു.., ഇനിയും തിരിച്ചാൽ അത് പൊട്ടിപ്പോകും എന്നറിയാമായിരുന്നിട്ടും വഴി വക്കിൽ കൂട്ടം കൂടി നിൽക്കുന്ന പയ്യൻസിനെ കാണുമ്പോൾ അല്ലെങ്കിൽ സ്കൂൾ വിട്ട് പോകുന്ന വായാടിപ്പെൺകുട്ടികളെ ക്കാണുമ്പോൾ എന്റെ കൈകൾ അടങ്ങി നിൽക്കുന്നില്ല..,(ഈ കൈയ്യിന്റെ ഒരു കാര്യം )
വളവുകളിൽ വെട്ടിത്തിരിഞ്ഞ് സ്പീഡ് ബ്രേക്കറുകൾക്ക് മേലെ പറന്ന് ഗട്ടറുകൾക്ക് മേലെ ലോങ്ങ് ജമ്പ് ചെയ്ത് കുതിച്ചും കിതച്ചും എന്റെ ഓട്ടോ അങ്ങനെ പറപറക്കുകയാണ`.., ഒപ്പം സമയവും..,
കടന്ന് പോകുന്ന വഴികളിലെല്ലാം സംഗീതം വാരിവിതറി ജാസിഗിഫ്റ്റ് വീണ്ടും വീണ്ടും പാടിക്കൊണ്ടേയിരുന്നു.,
മലപ്പുറം കോട്ടപ്പടി ടൌൺ..,
ഓട്ടോക്കാർ അപൂർവ്വമായി മാത്രം യൂസ് ചെയ്യാറുള്ള ഒരു വസ്തു..,ഏതാ..സിഗ്നൽ ഇൻഡിക്കേറ്റർ.,അതു തന്നെ, ലതുണ്ടായിരുന്നിട്ടും അതുപയോഗിക്കാതെ പുറകെ വരുന്ന മാരുതിക്കാറിനു കുറുകെ പൂച്ച ചാടുന്ന പോലെ ചാടി യു ടേൺ തിരിഞ്ഞു..,( മനുഷ്യൻ എപ്പോഴാ മരിക്കുക, ഓട്ടോ എപ്പോഴാ‍ യു ടേൺ തിരിക്കുക, രണ്ടും നമുക്ക് പ്രവചിക്കാൻ സാധ്യമല്ല. ) ഭീകരമായ ശബ്ദത്തിൽ സഡൻ ബ്രേക്കിട്ട് എന്റെയും ഓട്ടോയുടെയും ആരോഗ്യത്തിനു ഭംഗം വരുത്താതെ കാത്ത കാർഡ്രൈവറോട് “ എവിടെ നോക്കിയാടാ വണ്ടിയോടിക്കുന്നത്.. തനിക്കൊന്നും കണ്ണ് കണ്ട് കൂടേ.. .“.എന്ന് തുടങ്ങി അവസാനം അവന്റെ തന്തക്കും വിളിച്ച് നന്ദി പ്രകടിപ്പിച്ചു..,
ത്രിശ്ശൂർ പൂരത്തിനു ആനകളെ നിർത്തിയ കണക്ക് സ്റ്റാന്റിൽ ഓട്ടോകൾ നിരന്ന് കിടക്കുകയാണു..,അതിനിടയിലേക്ക് ഞാനും എന്റെ ഓട്ടോ കുത്തിത്തിരുകി..,ഇന്ന് നല്ല ഓട്ടമായിരുന്നു..,പതിവിൽ ക്കൂടുതൽ കാശ് കൈയ്യിൽ വന്നത് കൊണ്ടാകണം നല്ല സന്തോഷത്തിലുമാണു..,എന്റെ സന്തോഷത്തിൽ പങ്ക് ചേർന്ന് വഴിനീളെ എന്നെ പാട്ട് പാടി സുഖിപ്പിച്ച ജാസിഗിഫ്റ്റ് ഇതിനിടക്കെപ്പോഴോ പാട്ട് നിർത്തിപ്പോയിരുന്നു..,സ്റ്റീരിയോക്കിട്ട് രണ്ട് തട്ട് കൊടുത്തു..,ഇല്ല , ഇവൻ ഉണരുന്ന ലക്ഷണമില്ല .ഇവനീയിടയായിട്ടിങ്ങനെയാ...,ഇനി സാരംഗ് ഇലക്ട്രോണിക്സിലെ ഡോക്ടർ വിളിച്ചെങ്കിലേ ഉണരൂ..,ഇവനെന്റെ ഗാന്ധിത്തലകൾ തിന്ന് തീർക്കും.., എത്രെയും പെട്ടെന്ന് ഇവനെ വിറ്റ് പുതിയ ഒരെണ്ണം സ്വന്തമാക്കണം..,എന്ന ബുദ്ധി തലയിൽ വരാൻ ഡാഷ്ബോർഡ് തുറന്ന് ഇത്തിരി ഹാൻസ് എടുത്ത് കൈവെള്ളയിലിട്ട് തിരുമ്മി കീഴ്ചുണ്ടിനടിയിൽ വെക്കേണ്ടി വന്നു..,
“അളിയാ..ഇന്ന് കണ്ടേയില്ലല്ലോ..ഇന്ന് നല്ല ഓട്ടമാല്ലേ..,“
പുറത്തിറങ്ങിയതേയുള്ളൂ..,മുന്നിലെ ഓട്ടോക്ക് താങ്ങ് കൊടുത്ത കണക്കെയെന്നവണ്ണം നിൽക്കുന്ന ഉണ്ണി ആദ്യത്തെ കമന്റിട്ടു..,(അതിനു മോഡറേഷൻ ഇല്ലല്ലോ..) അവന്റെ കൂടെ സ്റ്റാൻഡിൽ ഓട്ടമൊന്നുമില്ലാതെ ഈച്ചയെയും ആട്ടി ഇരിക്കാൻ കാണാത്തത് കൊണ്ട് ചോദിക്കുകയാണു പഹയൻ..,
“അതേടാ..ഇന്ന് നല്ല കൊയ്ത്തായിരുന്നു..,എണ്ണൂറ് രൂപാക്ക് ഓടി..“,ഞാൻ വെച്ച് കാച്ചി.., കൂട്ടിയാലും ഗുണിച്ചാലും അതിന്റെ പകുതി മാത്രമേ പോക്കറ്റിൽ കിടപ്പൂള്ളൂ എന്ന് എനിക്കല്ലേ അറിയൂ.., വെളുക്കെ ചിരിച്ചിരുന്ന ഉണ്ണിയുടെ തേങ്ങാപ്പൂൾ പോലൊത്ത ചിരി കാക്കകൊത്തിക്കൊണ്ടു പോയോ , പവർകട്ടായ പോലെ മുഖം ഇരുണ്ടുവോ .., ആ എന്തെങ്കിലുമാവട്ടെ..
ഒരുത്തനു ഒരു ദിവസം ഇത്തിരി ഓട്ടം തടഞ്ഞാൽ ഇവെന്മാർക്കെന്താ .....,അസൂയയാ..നല്ല മുഴുത്ത അസൂയ ..,അവനെ വെറുതെ വിട്ട് ഞാൻ തിരിച്ച് വണ്ടിയിലേക്ക് കയറി.. നേരം എട്ട് മണിയായി..,സാധാരണ രാത്രി ഇത്ര വൈകുവാൻ നിൽക്കാറില്ല., ഇന്ന് നല്ല ഓട്ടമായത് കൊണ്ട് സമയം പോയത് അറിഞ്ഞില്ല.., തൽക്കാലം ഇന്നത്തേക്ക് മതിയാക്കാം..,എന്ന് കരുതിയതേയുള്ളൂ.., ദേ വരുന്നു അടുത്ത ട്രിപ്പ്..,“ഒന്ന് പൊന്മള വരെ പോകണം.“.,
“ഓക്കെ.,അതിനെന്താ,.“. കലാശക്കൊട്ടായി ഈ ട്രിപ്പ് കൂടി എടുത്തിട്ട് നിർത്താം എന്ന് കരുതി ഞാൻ സന്തോഷത്തോടെ മറുപടി പറഞ്ഞു..,ഇന്ന് കണി കണ്ട ആളെത്തന്നെ എന്നും കണികാണണേ എന്ന് അറിയാവുന്ന ദൈവങ്ങളോട് പ്രത്യേകം പ്രാർത്ഥിച്ചു..,
ടൌണിൽ നിന്നും എട്ടോ പത്തോ കിലോമീറ്റർ മാത്രമേയുള്ളൂ പൊന്മളയിലേക്ക്..ശരം വിട്ട പോലെ പൊന്മളയിലേക്ക് ,അങ്ങനെ അവിടെയെത്തി യാത്രക്കാരെ ഇറക്കി സന്തോഷത്തോടെ ഒരു മൂളിപ്പാട്ടും പാടി തിരിച്ച് വരികയാണു ഞാൻ.., ഊട് വഴികളിലൂടെ ചീറിപ്പാഞ്ഞ് വരുന്ന നേരം ഇരുൾ പരന്ന് കിടക്കുന്ന ഒരു വളവിൽ നിന്നും ഒരു രൂപം എന്റെ വണ്ടിക്ക് കൈ കാണിച്ചു..,ഞാൻ റിവേഴ്സെടുത്തു അടുത്ത് ചെന്നു..,
ഏകദേശം ഒരു ഇരുപത് വയസ്സ് തോ‍ന്നിക്കുന്ന സ്ത്രീ രൂപം
ഞാൻ എന്തെങ്കിലും ചോദിക്കുന്നതിനു മുമ്പേ അവർ പറഞ്ഞ് തുടങ്ങി..,“എന്നെ ഒന്ന് പൂവ്വാട് വരെ കൊണ്ട് വിടാമോ.., എന്റെ കയ്യിലാണെങ്കിൽ പൈസയൊന്നുമില്ല.., അവിടെയെത്തിയിട്ട് ഞാൻ എടുത്ത് തരാം..,“ അവർ ദയനീയ ഭാവത്തിൽ മുഴുമിപ്പിച്ചു.., ..,ഞാൻ അവരെയൊന്ന് സൂക്ഷിച്ച് നോക്കി..,.(തെറ്റിദ്ധരിക്കരുത് ഞാനാ‍ ടൈപ്പല്ല) രാത്രി അസമയത്ത് സ്വന്തം വീട്ടിലെത്തിച്ചേരാൻ നിർവ്വാഹമില്ലാതെ വിഷമിച്ച് നിൽക്കുന്ന ഒരു പാവം സ്ത്രീ..
എന്നിലെവിടെയോ സഹതാപത്തിന്റെയോ അനുതാപത്തിന്റെയോ ഏതോ ഒരു വിത്ത് മുളച്ചു.
“ഓക്കെ കയറിക്കോളൂ“ ...ഞാൻ അവരെ ക്കൊണ്ട് വിടാമെന്നേറ്റു.., ഇരുളും വെളിച്ചവും മാറി മാറി വീണു കിടക്കുന്ന വഴികളിലൂടെ കുറെ ദൂരം ഓടി..,
“ഇവിടെ നിർത്തിക്കോളൂ“ .. റോഡ് സൈഡിൽ തന്നെയുള്ള സാമാന്യം ഭേദപ്പെട്ട ഒരു വീടിനു മുന്നിലെത്തിയപ്പോൾ ആ സ്ത്രീ പറഞ്ഞു..,
ഞാനവിടെ നിർത്തി.,“ഒരു മിനിട്ട് ഞാനിപ്പോൾ വരാം.“.,എന്ന് പറഞ്ഞ് അവർ പുറത്തിറങ്ങി.. പാവം പൈസ എടുത്ത് കൊണ്ട് വരാനായിരിക്കും..,ഞാൻ അവർ പോയ വഴിയെ നോക്കി നിന്നു.. അവർ മുറ്റത്തേക്ക് കയറി..,വാതിലിനടുത്തെത്തി..,കോളിംഗ് ബെല്ല് അമർത്തി..,ഏതാനും നീമിഷങ്ങൾ കഴിഞ്ഞ് ഒരു മദ്ധ്യവയസ്കൻ വാതിൽക്കൽ അവതരിച്ചു..,
“ഉം ആരാ....എന്താ നിനക്കിവിടെ കാര്യം..“, ഗാംഭീര്യമുള്ള സ്വരം
“നിങ്ങളുടെ മോൻ എവിടെ..ഞാൻ അവനെ കാണാൻ വന്നതാ“ ..യാതൊരു കൂസലുമില്ലാതെ യുവതിയും.
“ഉം എന്തിനാ എന്റെ മോനെ ക്കാണുന്നത്..“..,ഗ്രഹനാഥന്റെ ശബ്ദം ഉയർന്നു..,
“നിങ്ങളെ മോനെ വിളിക്ക് ..എന്നിട്ട് ചോദിക്ക് ..അപ്പോ മനസ്സിലാവും.“ .യുവതിയും വിട്ട് കൊടുത്തില്ല..,
ശബ്ദം കേട്ട് അകത്ത് നിന്ന് ഒന്ന് രണ്ട് മുഖങ്ങൾ പുറത്തേക്ക് വന്നു..
അതിലൊരു മുഖം കണ്ടപ്പോൾ യുവതിക്ക് കലി കയറി..
“എടുക്കെടാ..എന്റെ കാശ്..ഇന്ന് തരാം നാളെ തരാം എന്നൊക്കെ പറഞ്ഞ് ഇപ്പോൾ എന്നെ ക്കാണൂമ്പോൾ മുങ്ങി നടക്കുവാണല്ലേ.“.
“പെണ്ണേ അനാവശ്യം പറയരുത്.., ഞാൻ ഏത് വകയിലാ നിനക്ക് കാശ് തരാനുള്ളത്.“.,യുവാവ് അലറി..,
അപ്പുറത്തും ഇപ്പുറത്തുമുള്ള വീടുകളുടെ പല ഭാഗങ്ങളിൽ ഏന്തി വലിഞ്ഞ് നോക്കുന്ന തലകൾ പ്രത്യക്ഷപ്പെട്ടു.. പുരുഷ കേസരികൾ പുറത്തിറങ്ങി വട്ടം കൂടി കുശുകുശുക്കാൻ തുടങ്ങി..,
“പ്ഫ ..നിനക്കറിയില്ല അല്ലേ..മാനേ തേനേന്ന് വിളിച്ച് ഒരു രാത്രി മുഴുവൻ കൊണ്ട് നടന്നതും അനക്ക് ഞാൻ കിടന്ന് തന്നതും ഒന്നും അനക്കറീല്ലല്ലേ“ ..യുവതിയുടെ ശബ്ദം ഇത്തിരി ഉച്ചത്തിലായിപ്പോയോ..
റോഡിനപ്പുറത്ത് ഒരു മുറിയൻ പോസ്റ്റ് ഉയരത്തിൽ വെച്ച് അതിന്മേൽ ഇരുന്ന് നാട്ട് വിശേഷം ഇഴകീറിപ്പരിശോധിച്ച് ചർച്ച ചെയ്യുന്ന ചെറുപ്പക്കാർ ഒച്ച കേട്ട ഭാഗത്തേക്ക് നീങ്ങി വന്നു..,( ദേ ഡാ..ഒരു പുതിയ കോള`..)
അപ്പോ അതാണു കാര്യം..യുവതിയെ യെവൻ ഏതാണ്ടോ കാര്യത്തിനു ഉപയോഗിച്ചു കാശ് കൊടുക്കാതെ മുങ്ങിയതാ..,ഇപ്പോൾ കൈയ്യോടെ കാശ് മേടിക്കാൻ വന്നതാ..
“ഞാൻ അന്നെ അങ്ങനെ ചെയ്തതിനു നിന്റെ അടുത്ത് തെളിവുണ്ടോ “..യുവാവ് ലോ പോയിന്റെടുത്തിട്ടു..
യുവതിക്ക് ഉത്തരം മുട്ടിയോ..
“ അന്റെ മാതിരി. കണ്ണിൽക്കണ്ട തേവിടിശ്ശികൾക്ക് കയറിയിറങ്ങാനുള്ളതല്ല ഈ വീട്.“.
പുറകിൽ നിന്നിരുന്ന ഗ്രഹനാഥൻ മുന്നോട്ട് വന്നു..
“ അത് പിന്നെ ഇങ്ങളെ മോൻ.....”..
യുവതി എന്തോ പറയാൻ ശ്രമിച്ചു..
“പ്ഠേ.“ ആരാ അവിടെ പടക്കം പൊട്ടിക്കുന്നത്.., ഇന്നെന്താ വിഷുവാണോ....യുവതി അലറിക്കൊണ്ട് മുഖം പൊത്തി..,പടക്കം പൊട്ടിയതല്ല, യുവതിക്കിട്ട് പൊട്ടിയതാണു..,
“അനക്ക് എന്തെങ്കിലും എടപാട് ഉണ്ടെങ്കിൽ അതിവിടെ വെച്ചല്ല തീർക്കലു .(നല്ല അഛൻ).
നിന്നെപ്പോലുള്ള തേവിടിശ്ശികൾക്ക് കയറിയിറങ്ങാനുള്ളതല്ല ഈ വീട് ,ഇവിടെ മാനം മര്യാദയായി ജീവിക്കുന്നോരാ...“ (കൊള്ളാം..)
ഇത്രയും ആയപ്പോൾ സംഗതി പന്തിയല്ലെന്ന് എനിക്ക് തോന്നി..,അവരായി അവരുടെ പാടായി .. വാടക കിട്ടിയില്ലെങ്കിലും വേണ്ടീല്ല.,മെല്ലെ ഇവിടുന്ന് സ്കൂട്ടാവാം എന്ന് കരുതി വണ്ടി സ്റ്റാർട്ട് ചെയ്തതേയുള്ളൂ..,
നേരത്തേ പോസ്റ്റിലിരുന്നതിലെ രണ്ട് കുരുത്തം കെട്ടവന്മാർ വണ്ടിയുടെ മുന്നിലേക്ക് ചാടി..,
“നിക്കവടെ,..എവിടെ പോണൂ..“
“അവനെ വിടരുത്..,ഇത് മാതിരിയുള്ള സാധനങ്ങളെ കൊണ്ട് നടക്കുന്ന അവന്മാർക്കിട്ടാ പൊട്ടിക്കേണ്ടത്..“ ,മുറ്റത്ത് നിന്ന ഗ്രഹനാഥൻ ഒച്ചയെടുത്തു..,
എന്റെമ്മോ..ഇത് എന്നെ ഉദ്ദേശിച്ചാണല്ലോ..എന്നെ മാത്രം ഉദ്ദേശിച്ച്
ആളുകൾ എന്റെ ചുറ്റും കൂടി..,ഒരു വിചിത്ര ജീവിയെ കാണുന്ന പോലെ പലരും എന്നെ തുറിച്ച് നോക്കുന്നു.,“ എടാ...പു............നിനക്കൊന്നും വേറേ പണിയൊന്നുമില്ലേ..,ഇമ്മാതിരി പെണ്ണുങ്ങളുമായി കറങ്ങാൻ നിനക്കൊന്നും.................................ഇല്ലേ, ...................,..........മോനേ.. , (വിട്ട് പോയ ഭാഗം നിങ്ങൾതന്നെ പൂരിപ്പിച്ചെടുക്കുക..)
ഞാനാകെ വിയർത്തു..,എന്റെ ഷർട്ടിന്റെ കോളറിൽ പിടിച്ച മാന്യനോട് ഞാൻ നടന്ന സംഭവങ്ങളെല്ലാം ഒറ്റ ശ്വാസത്തിൽ പറഞ്ഞു..,എവെടെ...ആരു വിശ്വസിക്കാൻ..,
“അത് നിന്റെ അടവല്ലേ.....മോനേ..,ഇതു പോലെ ഒരു പാട് ആൾക്കാരെ നമ്മൾ കണ്ടിട്ടുള്ളതാ“..അത് ശരി നിങ്ങൾക്കിത് സ്ഥിരം പരിപാടിയാണല്ലേ ..എനിക്കിത് ആദ്യമായിട്ടാ എന്ന് പറഞ്ഞാലോ അല്ലെങ്കിൽ വേണ്ട.., ഇത്തരം സന്ദർഭങ്ങളിൽ തമാശ ഈസ് ഇഞ്ചൂറിയസ് ടു ഹെൽത്ത്.
അവർ ചിരിക്കുന്നു.., എന്ത് ചെയ്യാം..,ചിലർ മുഷ്ടി ചുരുട്ടാൻ തുടങ്ങിക്കഴിഞ്ഞു..,അവർക്കെന്റെ ഇത്തിരിപ്പോന്ന ശരീരത്തിൽ കലാപരിപാടി നടത്തണം..,ചിലർ എന്നെ പ്രകോപിപ്പിക്കാനെന്നവണ്ണം ഓരോന്ന് പറഞ്ഞ് എന്റെ മുഖത്ത് തോണ്ടുന്നുണ്ട്..,എനിക്കാകെ കലികയറുന്നു..എന്ത് ചെയ്യാം.., ഇത്രേം ആൾക്കാരോട് പൊരുതുക എന്നതും രാജധാനി എക്സ്പ്രസ്സിനു തല വെക്കുക എന്നതും സമം., പീസ് പീസ് ആയിപ്പോകും .., അതിനാൽ അവന്മാർ ചെയ്യുന്നത് ചെയ്യട്ടെ നമുക്ക് തൽക്കാലം സഹകരിച്ചു കൊടുക്കാം..,
“നിങ്ങൾ എന്നെ എന്തു വേണമെങ്കിലും ചെയ്തോളൂ..,പക്ഷേ ഞാനും അവളും തമ്മിൽ ഒരു ബന്ധവുമില്ല.., എനിക്ക് ആ സ്ത്രീയെ അറിയുക പോലുമില്ല“.., ഞാൻ താണു കേണു പറഞ്ഞു..,(അടവ് നമ്പർ :പത്തൊൻപത് )
എന്റെ നിസ്സഹായാവസ്ഥ കണ്ട് അവരുടെ മനസ്സലിഞ്ഞുവോ എന്തോ.., അവരെന്നെ ഉപദ്രവിച്ചില്ല..,.“ ഇക്കാ ഞമ്മൾ ഇവനെ എന്താ ചെയ്യേണ്ടത്.‘., കൂട്ടത്തിലൊരുത്തൻ ഗ്രഹനാഥനോട്.., എന്റെ ഷർട്ട് അവനു നന്നായി പിടിച്ചെന്ന് തോന്നുന്നു.., എന്റെ കോളറിൽ നിന്ന് വിടുന്നില്ല..,
ഗ്രഹനാ‍ഥൻ എന്റെ അടുത്ത് വന്നു..,
“നിന്നെ ഇവിടെയൊന്നും കണ്ടിട്ടില്ലല്ലോ..നീ എവിടത്തുകാരനാ.“.
ഒരു വക്കീലിനെ പ്പോലെ അദ്ധേഹം വിചാരണ തുടങ്ങി..,നടന്ന സംഭവങ്ങളെല്ലാം ഒരിക്കൽ കൂടി ഞാൻ അവതരിപ്പിച്ചു.., എന്തോ അദ്ധേഹത്തിനു അത് വിശ്വാസമായി എന്ന് തോന്നുന്നു..,
“ഉം എന്നാ പൊയ്ക്കോ..മേലിൽ ഇമ്മാതിരി പെണ്ണുങ്ങളുമായി നടക്കരുത്.., നടന്നാൽ എപ്പോൾ തല്ല് കിട്ടി എന്ന് ചോദിച്ചാൽ മതി..,“
“അവനെ വിട്ടേക്ക് “ അയാൾ എന്റെ ചുറ്റും നിന്ന യുവാക്കളോട് ഉത്തരവിട്ടു..,
“വിടല്ലേ..അവനെ അങ്ങനെ വിട്ടാൽ പറ്റില്ല“..,വേറൊരുത്തന്റെ കമന്റ്..,
“അവന്റെ പേരും അഡ്രസ്സും വണ്ടി നമ്പറും ഒക്കെ എഴുതി വെച്ചിട്ട് വിട്ടാൽ മതി.., പിന്നീട് എന്തെങ്കിലും പ്രശ്നമുണ്ടായാലോ“ ദുഷ്ടൻ, കാലമാടൻ..,അവന്റെയൊരു മുടിഞ്ഞ ബുദ്ധി..,
ഒരുത്തൻ പോയി പേനയും പേപ്പറുമായി വന്നു..,ഞാൻ തത്ത പറയുന്ന പോലെ ഓരോന്നായി ഉത്തരം പറഞ്ഞു,
ഏതൊക്കെയോ ആളുകളുടെ പേരും വിലാസവും എന്റേതാണെന്ന് കരുതി അവർ കുറിച്ചെടുത്തു ( ഞ്യാനാരാ മ്യോൻ).,അങ്ങനെ ഒടുക്കം ഞാൻ മോചിതനായി..,ഒരിക്കൽ കൂടി ഞാനാ മുറ്റത്തേക്ക് നോക്കി..,യൂവതിയെ ക്കാണുന്നില്ല..,
ആളുകൾ എന്നെ വിചാരണ ചെയ്യുന്ന തക്കത്തിൽ അവൾ മെല്ലെ തടി സലാമത്താക്കിയിരിക്കുന്നു.
( ഒരു സത്രീയല്ലേ..തൊട്ടാൽ വകൂപ്പ് മാറിപ്പോയാലോ എന്ന് കരുതി എല്ലാവരും എന്റെ നേർക്ക് തിരിഞ്ഞതാണ`..).
കള്ളി, തേവിടിശ്ശി.., എന്നെ ഈ കാല മാടന്മാരുടെ വായിലേക്കിട്ട് കൊടുത്ത് അവൾ ..........നീയൊന്നും ഒരു കാലത്തും ഗുണം പിടിക്കില്ലെടീ.., മനസ്സിൽ ഒരായിരം തെറികളും ശാപവാക്കുകളും ചൊരിഞ്ഞ് വായു വേഗത്തിൽ ഞാൻ അവിടെ നിന്നും വണ്ടിയുമായി പറന്നു..,
ഛേ..ആകെ നാറി., ഓട്ടം പോയതിനു വാടക കിട്ടിയതുമില്ല, മാനം പോകുകയും ചെയ്തു..,
മേലാൽ രാത്രി ഒറ്റക്ക് നിൽക്കുന്ന ഒരു പെണ്ണിനെയും വണ്ടിയിൽ കയറ്റില്ല എന്ന് ഞാൻ ഉടനെ തന്നെ ദ്രഡപ്രതിജ്ഞയെടുത്തു.., ദേഷ്യം തീർക്കാൻ ഡാഷ് ബോർഡിൽ അമർത്തിയൊന്നിടിച്ചു.. ഒരു കര കര ശബ്ദം. എന്തായിത്.. പിന്നെ മധുരമായ സംഗീതം ... ദേ ലവൻ നമ്മുടെ സ്റ്റീരിയോ ഉറക്കമുണർന്നിരിക്കുന്നു., ഹമ്പടാ.....കഥയേതുമറിയാതെ ജാസി ഗിഫ്റ്റ് വീണ്ടും പാടാൻ തുടങ്ങി..
ലജ്ജാവതിയേ...നിന്റെ കള്ളക്കടക്കണ്ണിൽ..
താഴമ്പൂവോ താമരപ്പൂവോ..തേനോ...

ഒരു പൊതിച്ചോറിന്റെ സ്മരണയിൽ

2010-04-09T15:37:00.002+03:00

കുസ്രതികളും മണ്ടത്തരങ്ങളും ഒക്കെ ക്കാണിച്ച് കുട്ടിട്രൌസറുമിട്ട് വിദ്യ അഭ്യസിക്കാൻ പോയ ആ പഴയ കാലം.., ഓർമ്മകളുടെ ഇതളുകൾ മറിച്ച് നോക്കുമ്പോൾ കണ്ണിൽ നനവ് പടർത്തുന്ന ചില ചിത്രങ്ങൾ..,നഷ്ടപ്പെടലിന്റെ നൊമ്പരങ്ങൾ..,ഹാവൂ...എത്രപെട്ടെന്നാണു ആ വസന്തകാലം ഇനിയൊരിക്കലും തിരിച്ച് വരാത്ത അകലത്തിലേക്ക് നമ്മെ ഇട്ടേച്ച് പോയത്..,ആ കാലം എന്നിൽ ബാക്കി വെച്ച ഓർമ്മകളിൽ നിന്ന് ഒരു ചെറിയ ചീന്ത് വായനക്കാരുമായി ഇവിടെ പങ്ക് വെക്കുന്നു..,

                     മലപ്പുറം ജില്ലയിലെ ഹാജിയാർ പള്ളി , മുതുവത്തുമ്മൽ എ,എൽ,പി സ്ക്കൂൾ..., എന്റെ പ്രാഥമിക വിദ്യാഭ്യാസ കളരി..,അന്നും ഇന്നും എനിക്ക് ഏറ്റവും പ്രിയപ്പെട്ടവരായിരുന്ന ഒത്തിരി അദ്ധ്യാപകർ ഉണ്ടായിരുന്നു ഈ സ്കൂളിൽ..,വിടർന്ന് നിൽക്കുന്ന മുല്ലപ്പൂക്കൾക്ക് നടുവിലെ റോസാപ്പൂക്കൾ പോലേ ഒരുപാട് മുഖങ്ങൾ... .,എന്നിൽ വിദ്യയുടെ തിരിനാളം കൊളുത്തിയ ഞാനേറെ ഇഷ്ടപ്പെടുന്ന എന്റെ പ്രിയ അദ്ധ്യാപകർ..,അവിടെ എന്നെ അറിവിന്റെ ലോകത്തേക്ക് കൈപിടിച്ചുയർത്താൻ തൊണ്ടയിലെ നീരു വറ്റിച്ച എല്ലാ ഗുരുക്കന്മാർക്കും നല്ലത് വരുത്തണേ എന്ന് പ്രാർത്ഥിച്ച് കൊണ്ട്......

                          ഞാൻ നാലാം ക്ലാസ്സിൽ പഠിക്കുന്ന കാലം..,ആയിടക്ക` കേരള ശാസ്ത്ര സാഹിത്യ പരിഷത്തിന്റെ ആഭിമുഖ്യത്തിൽ നടക്കുന്ന യുറീക്ക വിഞ്ജാന പരീക്ഷ മലപ്പുറം മുണ്ട് പറമ്പിലുള്ള ഗവണ്മെന്റ് കോളേജിൽ വെച്ച് നടക്കുകയുണ്ടായി..,വിവിധ സ്കൂളുകളിൽ നിന്നുള്ള കുട്ടികൾക്കൊപ്പം പരീക്ഷ എഴുതാൻ ഞങ്ങളുടെ സ്കൂളിൽ നിന്നും മിടുക്കന്മാരും മിടുക്കികളുമായ ഒത്തിരി കുട്ടികളും പോയി..,എങ്ങനെയൊക്കെയോ ആ കൂട്ടത്തിൽ ഈയുള്ളവനും ഉൾപ്പെട്ടു.., പരീക്ഷയുടെ അന്ന് അതിരാവിലെ തന്നെ കുളിച്ചൊരുങ്ങി സ്കൂളിലെത്താനായിരുന്നു അറിയിപ്പ്..,ചിലപ്പോൾ വൈകുന്നേരം വരെ പരീക്ഷ ഉണ്ടാകാം എന്നുള്ളത് കൊണ്ട് ഉച്ച ക്കുള്ള ഭക്ഷണം കയ്യിൽ കരുതണം എന്ന് പ്രത്യേകം പറഞ്ഞിരുന്നു..,

                            അങ്ങനെ ആ ദിവസം വന്നെത്തി.., ആഹ്ലാദത്തോടെ കുളിച്ചൊരുങ്ങി റെഡിയായി..,അതിരാവിലെ തന്നെ ആയത് കൊണ്ടാവാം കൊണ്ട് പോകാനുള്ള ഭക്ഷണം വീട്ടിൽ ഉണ്ടാക്കി വരുന്നതേയുള്ളൂ..,അത് തയ്യാറാകുന്നത് വരെ കാത്തിരിക്കാനും സമയമില്ല..,അവസാനം എന്റെ സ്നേഹനിധിയായ ഉമ്മ ഒരു പോംവഴി കണ്ടെത്തി..കുറച്ച് പൈസ എന്റെ കയ്യിൽ തന്നു.,ഏതായാലും ടൌണിലോട്ടല്ലേ പോകുന്നത്..,ഉച്ചക്ക് ഏതെങ്കിലുമൊരു ഹോട്ടലിൽ നിന്നു ഭക്ഷണം വാങ്ങിക്കഴിച്ചാൽ മതിയല്ലോ..സംഗതി കൊള്ളാമെന്നെനിക്കും തോന്നി..,

                           അങ്ങനെ ഞങ്ങൾ മുണ്ട് പറമ്പ് കോളേജിലെത്തി.,രണ്ടോ മൂന്നോ നിലകളിലായി ഉയർന്നു നിൽക്കുന്ന ഒരു കൂറ്റൻ കെട്ടിടം,,ഞാനാദ്യമായാണു ഇത്രയും വലിയ കെട്ടിടം കാണുന്നത് തന്നെ..,നീണ്ട് കിടക്കുന്ന ഇടനാഴികളും വിശാലമായ ക്ലാസ്സ് മുറികളും എന്നിൽ അത്ഭുതം നിറച്ചു..,അവിടത്തെ ചേച്ചിമാരും ചേട്ടന്മാരും ഞങ്ങളെ സന്തോഷത്തോടെ സ്വീകരിച്ചു..,പലരും പല വിശേഷങ്ങളും ചോദിച്ച് അടുത്ത് കൂടി..,ഏറേത്താമസിയാതെ പരീക്ഷ തുടങ്ങി..വളരെ രസകരവും വിഞ്ജാനപ്രദവുമായിരുന്ന അനുഭവമായിരുന്നു അത്.,ഞങ്ങളെല്ലാവരും ആവേശത്തോടേ അതിൽ പങ്ക് കൊണ്ടു...,അങ്ങനെ നേരം ഉച്ചയോടടുത്തു..,ചെറിയ ഇടവേളക്ക് ശേഷം വീണ്ടും പരീക്ഷയുണ്ട്..,

                            എല്ല്ലാവരും പുറത്തിറങ്ങി കൈ കഴുകി വന്ന് ഭക്ഷണം കഴിക്കാനുള്ള തയ്യാറെടുപ്പിലാണ`....,എന്ത് ചെയ്യണമെന്നറിയാതെ ഞാൻ വരാന്തയിലേക്കിറങ്ങി..,എല്ലാവരും ഭക്ഷണം കൊണ്ട് വന്നിട്ടുണ്ട്..ഞാൻ മാത്രം......ഒരു ഹോട്ടൽ അന്വേഷിച്ച് കണ്ട് പിടിക്കാൻ ഒരാളെയെങ്കിലും കൂട്ടിനു കിട്ടിയെങ്കിൽ..,കോളെജിനു ചുറ്റും വിശാലമായ മൈതാനമാണു..അവിടെ ഉച്ച വെയിൽ നിന്നു തിളക്കുന്നു..,അതും കടന്ന് റോഡിലേക്ക് പോയാൽ ഹോട്ടൽ കാണാതിരിക്കില്ല..,പക്ഷേ ഒറ്റക്ക് പോകാൻ പേടി..,വല്ല കൊള്ളക്കാരും വന്ന് തട്ടിക്കൊണ്ട് പോയാലോ..( അന്ന് ഞങ്ങൾ കുട്ടികൾ ക്കിടയിൽ വെളുത്ത കാറുകളിൽ കയറി വരുന്നവർ കൊള്ളക്കാരാണെന്നും അവർ കുട്ടികളെ തട്ടിക്കൊണ്ട് പോകാൻ നടക്കുന്നവരാണെന്നും ഉള്ള സംസാരമുണ്ടായിരുന്നു....) എന്ത് ചെയ്യണമെന്നറിയാതെ ഞാൻ വരാന്തയിൽ അങ്ങോട്ടും ഇങ്ങോട്ടും നടന്നു..,പരീക്ഷക്ക് പോകുന്ന ഉത്സാഹത്തിൽ രാവിലെ വീട്ടിൽ നിന്നും അത്രകാര്യമായൊന്നും കഴിച്ചിട്ടുമില്ല..അതിനാൽ നല്ല വിശപ്പുമുണ്ട്.., വരാന്തയിലെ ഒരു തൂണിനു ഓരം പറ്റി ഞാൻ നിന്നു..,വിശപ്പും സങ്കടവും ഒക്കെയായി ഞാൻ ഇപ്പോ കരയും എന്ന അവസ്ഥയിലായി..അതോ കരഞ്ഞോ...ആ എനിക്കോർമ്മയില്ല..,

                         കുറെ നേരം അങ്ങനെ നിന്നു കാണും..,പെട്ടെന്ന് എന്റെ തോളിൽ ഒരു മാർദ്ദവവുള്ള കൈ സ്പർശിച്ചു..,ഞാൻ തിരിഞ്ഞ് നോക്കി.. ഗീത ടീച്ചർ..,
“എന്താ മോനേ ഭക്ഷണം കഴിച്ചില്ലേ..“ സ്നേഹ സമ്രണമായ വാക്കുകൾ..
ഞാൻ നിറഞ്ഞ കണ്ണുകളോടേ ഒറ്റ ശ്വാസത്തിൽ കാര്യമങ്ങ് പറഞ്ഞ് തീർത്തു..,അവസാനം ഞാനൊന്ന് വിങ്ങിപ്പൊട്ടിയോ..
“സാരമില്ലാട്ടോ.“   .ടീച്ചർ എന്നെ സമാശ്വസിപ്പിച്ചു..
“ദേ ഇവിടെ നിൽക്ക് ഞാനിപ്പൊ വരാം കേട്ടോ     .“..
എന്നും പറഞ്ഞ് ടിച്ചർ വേഗത്തിൽ നടന്ന് പോയി..,
ഞാൻ ടീച്ചർ പോയ വഴിയേ നോക്കി നിന്നു..,അധികം വൈകിയില്ല ..,കയ്യിൽ ഒരു ചോറ്റുപാത്രവുമായി ടീച്ചർ എന്റെ മുന്നിലേക്കവതരിച്ചു..,
സജലങ്ങലായ കണ്ണുകളോടെ ഞാൻ ടീച്ചറെ നോക്കി..
“അയ്യേ.....എന്തായിത് ...നല്ല കുട്ടികളിങ്ങനെ കരയാൻ പാടുണ്ടോ..ഇന്നാ ഇത് പിടിക്ക് ..വേഗം പോയി കൈ കഴുകി വന്ന് ഇത് കഴിച്ചേക്ക്..“,
ടീച്ചറുടെ വാക്കുകൾ എന്റെ കാതിൽ തേന്മഴയായി പെയ്തു..,
ഉത്സാഹത്തോടേ കണ്ണുകൾ തുടച്ച് ഞാൻ കൈ കഴുകാനോടി,..,മറ്റുള്ളവർക്കിടയിൽ ചെന്നിരുന്ന് ഞാൻ സന്തോഷത്തോടെ ഭക്ഷണം കഴിക്കാനാരംഭിച്ചു..,ഇടക്ക് എന്തിനെന്നറിയാതെ കണ്ണുകൾ നിറയുന്നു..,നല്ല രുചികരമായ ഭക്ഷണം..അന്ന് വരെ ഞാൻ അത്ര രുചികരമായ ഭക്ഷണം കഴിച്ചിട്ടില്ല.., ഇടക്കെപ്പോഴൊ എന്റെ കണ്ണുകൾ വാതിലിനടുത്തേക്ക് നീണ്ടു..എന്നെത്തന്നെ നോക്കിക്കൊണ്ട് ടീച്ചർ അവിടെ നിൽക്കുന്നുണ്ട്..,ആ കണ്ണുകൾ നിറഞ്ഞിരുന്നുവോ..,ഉണ്ടെങ്കിൽ എന്തിനു വേണ്ടി.... പിന്നീടൊരിക്കൽ കൂടി നോക്കി..,ടീച്ചർ അവിടെ നിന്നും പോയ്ക്കഴിഞ്ഞിരുന്നു..,

                    വയറുനിറഞ്ഞു..,പാത്രം കഴുകുന്ന വേളയിൽ മറ്റ് കുട്ടികൾ പറഞ്ഞപ്പോഴാണു ഞാനത് ശ്രദ്ധിച്ചത്..,ടീച്ചർക്ക് കഴിക്കാൻ കൊണ്ട് വന്ന ഭക്ഷണമാണു ടീച്ചർ എനിക്ക് തന്നത്..,പാവം ടീച്ചർ ഭക്ഷണം കഴിച്ച് കാണുമൊ..എന്തോ..,പാത്രം തിരിച്ച് കൊടുക്കുന്ന വേളയിൽ മടിച്ച് മടിച്ചാണെങ്കിലും ഞാനത് ചോദിച്ചു..,
“അതിനെന്താ മോനൂ..എനിക്കിവിടെ നിന്നും ഭക്ഷണം കിട്ടിയിരുന്നു..“
, അതും പറഞ്ഞ് ടീച്ചർ മനോഹരമായി ചിരിച്ചു..,
എനിക്കതെന്തോ വിശ്വാസം വരുന്നില്ല..,ഇവിടെ നിന്നും ഭക്ഷണം കിട്ടുമെന്നുണ്ടെങ്കിൽ ഒരു ടീച്ചേഴ്സും ഭക്ഷണം കൊണ്ട് വരില്ലല്ലോ.., എനിക്കറിയാം ടീച്ചർ ഒന്നും കഴിച്ചിട്ടുണ്ടാവില്ല.., എന്റെ കണ്ണുകൾ വീണ്ടും നിറഞ്ഞു..,പാവം ടീച്ചർ ഉള്ള ഭക്ഷണം എനിക്ക് തന്ന് പട്ടിണി കിടക്കുന്നു..,ഈ സ്നേഹത്തിനു എന്ത് നൽകിയാലാണു പകരമാവുക..,
ഭാഗ്യമെന്ന് പറയട്ടെ..അന്ന് അവിടെ നടന്ന പരീക്ഷയിൽ ഈയുള്ളവനു നാലാം റാങ്ക് കിട്ടി.., തീർച്ചയായും ആ റാങ്ക് കിട്ടിയപ്പോൾ എന്നോടൊപ്പം എന്റെ പ്രിയ ഗീത ടീച്ചറും ഉള്ളം തുറന്ന് സന്തോഷിച്ചിരിക്കണം..

പിൽക്കാലത്ത് വിവിധങ്ങളായ ഭക്ഷണങ്ങൾ കഴിക്കാൻ ഭാഗ്യം സിദ്ധിച്ചിട്ടും അന്നത്തെ ആ ഭക്ഷണത്തിന്റെ സ്വാദ് അനുഭവപ്പെടാത്തത് പോലെ...കണ്ണുനീരിൽ കുതിർന്ന ആ രുചി ഇന്നും നാവിൽ ഓർത്തെടുക്കാൻ സാധിക്കുന്നു..,ആ .ഗീത ടീച്ചർ ഇന്നെവിടെയാണാവോ..എവിടെയായാലും ആ മുഖം എന്നും എന്റെ മനസ്സിൽ ഉണ്ടാകും., അവർക്ക് ദൈവം നന്മ വരുത്തട്ടേ...,എന്റെ പ്രാർത്ഥനകളിൽ ഞാൻ എപ്പോഴും ഉരുവിടുന്ന ഒരു വാക്കുണ്ട്..
        “, ദൈവമേ..എന്നെ സ്നേഹിച്ചവരെ ഒരിക്കലും നീ കഷ്ടപ്പെടുത്തല്ലേ.“.

മരുഭൂമിയിലെ പ്രേതം..

2010-03-04T15:29:00.006+03:00

അബൂദാബി ഡെയ്സ്‌: ആറ`..

അബൂദാബി ഡെയ്സ്‌ ഒന്ന്, രണ്ട്‌, മൂന്ന്, നാല`, അഞ്ച്‌, ഭാഗങ്ങൾക്കായി ക്ലിക്ക ചെയ്യുക..

പതിവു പോലെ അന്നും സൂര്യൻ കിഴക്കുദിച്ചു..,(ആണോ..ആർക്കറിയാം.),വാതിലു തന്നെ തകർക്കുമാറുച്ചത്തിൽ അടിച്ച്‌ ഒച്ചപ്പെടുത്തി "ഡ്യൂട്ടി ബായ്‌.ഡ്യൂട്ടി.. ഉഡോ.." എന്നു പറഞ്ഞു പോയ ചാച്ചായുടെ പിതാമഹന്മാർക്ക്‌ സുതുതി വചനങ്ങൾ അർപ്പിച്ച്‌ ഞാനെണീറ്റു..,
കാരണം ഇന്ന്‌ ഡ്യൂട്ടി ഡേ ആണ`..,

മനമില്ലാ മനമോടെ ബ്രഷിന്റെ തുമ്പത്ത്‌ ഇത്തിരി പേസ്റ്റും തേച്ച്‌ ബാത്ത്‌ റൂമിലേക്ക്‌ നടക്കുമ്പോൾ എതിരെ വന്ന മട്ടാഞ്ചേരിക്കാരൻ സഹീർ ആണു കാര്യം പറഞ്ഞത്‌..

"എടേ..കമ്പറേ.. നിന്റെ നാട്ടുകാരനൊരുത്തൻ ഇന്നലെ രാത്രി എന്തോ കണ്ട്‌ പേടിച്ചത്രേ..നീയറിഞ്ഞില്ലേ..?"

എങ്ങനെയെങ്ങനെ..

ഒരു വശത്ത്‌ പാരാവാരം പോലെ കിടക്കുന്ന മരുഭൂമി.,മറുവശത്താണെങ്കിലോ നിറയെ ഈത്തപ്പഴത്തോട്ടങ്ങൽ..,പോരാത്തതിനു ക്യാമ്പിൽ പലരാജ്യക്കാരുമായി മുന്നൂറോളം വരുന്ന മനുഷ്യ ജന്മങ്ങൾ...,ഇതിനിടക്ക്‌ അവൻ മാത്രം എന്ത്‌ കണ്ട്‌ പേടീച്ചെന്നാ..,

എനിക്കൊന്നും മനസ്സിലായില്ല..,

ഉറക്ക ദേവത എന്നെ പൂർണ്ണമായി വിട്ടൊഴിയാത്തത്‌ കൊണ്ട്‌ ഞാനത്‌ മൈൻഡ്‌ ചെയ്തില്ല..,

വേണൊ.. വേണ്ടേ... എന്ന രീതിയിൽ പല്ല്‌ തേക്കുന്നതിനിടയിൽ വാഷ്ബേസിനിലെ കണ്ണാടിക്കു മുന്നിൽ നവരസങ്ങളുടെ ഒരു ചെറിയ സാധകം..,എല്ലാ ഭാവങ്ങളും വന്നിട്ടും അത്ഭുത ഭാവം മാത്രം കറക്ടാവുന്നില്ല..,എന്ത്‌ ചെയ്യും.. പെട്ടെന്ന്‌ എന്റെ മുഖത്ത്‌ അത്ഭുതം വിരിഞ്ഞു..
ആ..ഹാ...
കാരണമുണ്ട്‌..,

രാവിലെ ആറുമണിക്ക്‌ ആരംഭിക്കുന്ന ഡ്യൂട്ടിക്ക്‌ വളരെ കൃത്യനിഷ്ഠയോടെ ഏഴ്‌ ഏഴര മണിക്ക്‌ ഹാജരായി മിസ്‌രിയേമാന്മാരുടെ വായിലിരിക്കുന്നത്‌ മൊത്തമായി കേൾക്കാൻ കരാറെടുത്തിരിക്കുന്ന ആലപ്പുഴക്കാരൻ അഭിയാണു അഞ്ചരക്ക്‌ തന്നെ കുളിച്ച്‌ കുട്ടപ്പനായി വരുന്നത്‌..,എങ്ങെനെ അത്ഭുതം വിരിയാതിരിക്കും..(വിരിയാനിതെന്താ മുട്ടയോ..!)

എങ്ങോട്ടാടാ...അത്ഭുതം ആകാംക്ഷയായി..

"അളിയാ..ഇന്ന്‌ ഞാൻ സുഖമില്ലാന്ന്‌ പറഞ്ഞ്‌ ലീവെടുത്തു.., ഞാൻ ബർ ദുബായിയിലോട്ട്‌ പോകുന്നു..ഒരു സുഹ്രത്തിനെ കാണണം...."(അതുശരി ,ചുമ്മാ കറങ്ങി നടക്കാനാണെങ്കിൽ എത്ര നേരത്തെ വേണെമെങ്കിലും എണീക്കും അല്ലേ.....എന്തൊരു ആത്മാർത്ഥത)

ദേണ്ടേ പിറകെ വരുന്നു വേറൊരുത്തൻ.., കണ്ണൂർക്കാരൻ സക്കറിയ..,നേരത്തേ കേട്ടതിന്റെ ഫിൽ ഇൻ ദ ബ്ലാങ്ക്സ്‌ വിത്ത്‌ സ്യൂട്ടബിൾ വേർഡ്സ്‌ പൂരിപ്പിക്കാൻ അവൻ അടുത്ത്‌ കൂടി..,

"നോക്ക്‌ കമ്പറേ.. സെക്കൻഡ്‌ ബാച്ചിലെ പുതിയ പയ്യൻ ഇന്നലെ രാത്രി ടി,വി, ർറൂമിൽ നിന്നും മടങ്ങുന്ന വഴി വേലിക്കരികിൽ ഒരു പ്രേതത്തെ കണ്ട്‌ പേടിച്ചെന്ന്‌..,"

എന്താന്ന്‌.

മ്മ്‌`മ്മ്‌ .... ഒരു നിമിഷം വായിലിരുന്ന പേസ്റ്റിന്റെ പത ഉമിനീരിനോടൊപ്പം അന്നനാളം വഴി മാർച്ച്‌ ചെയ്തോന്നൊരു സംശയം.

പ്ഫു......,ബാക്കി വന്ന പത ബേസിനിലേക്ക്‌ തുപ്പി ഞാൻ ചോദിച്ചു..,

"പ്രേതമോ..? ഒന്ന്‌ പോടാപ്പാ..ഈ മരുഭൂമിയിലെവിടുന്നാ പ്രേതം..,?"

കൂരാകൂരിരുട്ടത്ത്‌ ഇടവഴികളിലും പാലമരച്ചുവട്ടിലുമൊക്കെ അലക്കി ഉജാല മുക്കിയ നല്ല വെളുത്ത ഉടയാടകൾ ധരിച്ച്‌ പ്രത്യക്ഷപ്പെട്ട്‌ സെക്കന്റ്‌ ഷോ കഴിഞ്ഞ്‌ പോകുന്നവന്മാരോട്‌ ചുണ്ണാമ്പോ തീപ്പെട്ടിയോ ചോദിച്ച്‌ പീഡിപ്പിക്കുന്ന നാടൻ പ്രേതങ്ങളെ മാത്രം അറിയാവുന്ന ഞാനോലോചിച്ചതു പാലമരമോ ഇടവഴിയോ ഇല്ലാത്ത ഈ മരുഭൂമിയിലെവിടൂന്ന്‌ പ്രേതം വരാനാ...
അതും പകൽ പോലെ വെളിച്ചം വിതറുന്ന ഹൈമാറ്റ്സ്‌ ലൈറ്റുകൾക്ക്‌ ചുവട്ടിൽ..,

"ഛേയ്‌... ഒരിക്കലുമില്ല..," "അല്ല കമ്പറേ.. അവൻ ശരിക്കും കണ്ടെന്നാ പറയണെ.. അവൻ പേടിച്ച്‌ പനിപിടിച്ച്‌ കിടക്കുവാ."

ഞാൻ നെറ്റി ചുളീച്ചു.. ഇനി നാട്ടിൽ മന്ത്രവാദികളെപ്പേടിച്ച്‌ നിൽക്കക്കള്ളിയില്ലാതെ ഇവറ്റകെളൊക്കെ വിസയെടുത്ത്‌ ഇങ്ങോട്ട്‌ കെട്ടിയെടുത്തോ..?

".ദാ..അവിടെയാ..അവൻ പ്രേതത്തെ കണ്ടെന്ന്‌ പറഞ്ഞത്‌..", എന്ന്‌ പറഞ്ഞ്‌ സക്കറിയ വേലിക്കപ്പുറത്തെ മണൽ പ്പരപ്പിലേക്ക്‌ വിരൽ ചൂണ്ടി..,

ജെയിസ്‌ ബോണ്ട്‌ സിനിമയിൽ നായകൻ ഒറ്റപ്പിരികം ഉയർത്തി നോക്കുന്ന പോലെ ഞാനും ഒന്ന്‌ നോക്കി..,

ഇവിടെയോ .... രാത്രികാലങ്ങളിൽ ഞങ്ങൾ പലപ്പോഴും സൊറസമ്മേളനങ്ങൾ നടത്തുന്ന സ്ഥലമാണത്‌..രാവായാൽ പകൽ പോലെ ഹൈമാറ്റ്സ്‌ ലൈറ്റുകൾ വെളിച്ചം വിതറുന്നയിടം..

ആഹാ..അത്രക്കായോ..`

ഇവിടെ വരാൻ മാത്രം ധൈര്യമുള്ള പ്രേതമോ....

പല്ല്‌ തേപ്പും കുളീം കഴിഞ്ഞ്‌ റൂമിലേക്ക്‌ മടങ്ങുമ്പോൾ അങ്ങനെയെങ്കിൽ പ്രേതത്തെ നേരിൽ കാണാൻ ഭാഗ്യം സിദ്ധിച്ച ആ മാന്യദേഹത്തെ കണ്ട്‌ വിവരങ്ങൾ ആരായണമെന്ന്‌ തീരുമാനിച്ചു.., ധൃതിയിൽ യൂണിഫോമിനുള്ളിലേക്ക്‌ നുഴഞ്ഞു കയറി എങ്ങാണ്ടോ നിന്ന്‌ വഴിതെറ്റി വന്ന അന്യഗ്രഹജീവിയെ കാണാൻ പോകുന്ന ഉത്സാഹത്തോടെ ഞാനും എന്റെ റൂമിലെ മംഗലാപുരം ബോയ്സും വെച്ച്‌ പിടിച്ചു..,

ഒരു മരണവീട്ടിലേക്കെന്ന പോലെ ആളുകൾ വരികയും പോകുകയും ചെയ്തു കൊണ്ടിരുന്ന ഒരു റൂമിനു മുന്നിലേക്ക്‌ ഞങ്ങൾ എത്തിച്ചേർന്നു.., റിലീസ്‌ പടത്തിനു ടിക്കറ്റെടുക്കാൻ കയറുന്ന പോലെ ആളുകൾ ഇടിച്ച്‌ കയറുകയാണു..ഞാനും അവരിലൊരാളായി..(അല്ലെങ്കിലും ആരാന്റുമ്മാക്ക്‌ ഭ്രാന്തായാൽ കാണാൻ നല്ല ചേലാണല്ലോ..)

അകത്തൊരാൾ കട്ടിലിൽ മൂടിപ്പുതച്ച്‌ കിടക്കുന്നുണ്ട്‌.. കോഴിക്കോട്ടുകാരൻ നൗഷാദ്‌..,അവനെന്തൊക്കെയോ പിറുപിറുക്കുന്നു..,പാവം നന്നായി പേടിച്ചിട്ടുണ്ട്‌..പനിയും ഉണ്ട്‌
എന്ന്‌ തോന്നുന്നു..,

അടുത്ത്‌ തന്നെ മസിലും പെരുപ്പിച്ച്‌ നിൽക്കുന്ന കണ്ണൂർക്കാരൻ രാജേഷിനോട്‌ ഞാൻ കാര്യം തിരക്കി..,

"ഇന്നലെ രാത്രി രണ്ട്‌ മണിയോടെ അവൻ ടി,വി, ർറൂമിൽ നിന്നു മടങ്ങി വരുമ്പോൾ വേലിക്കപ്പുറത്ത്‌ നിന്ന്‌ ഒരാൾ മാടി വിളിച്ചത്രേ..ഏകദേശം രണ്ടാൾ പൊക്കമുള്ള ഒരാൾ..,വേറെ ആരും ആ പരിസരത്ത്‌ ഉണ്ടായിരുന്നില്ല..അതു കൊണ്ട്‌ അവൻ റൂമിലേക്ക്‌ ഓടിപ്പോയത്രേ..റൂമിന്റെ പടിവാതിൽക്കലെത്തി അകത്തോട്ട്‌ കയറാൻ നേരം ചുമ്മാ ഒന്നു തിരിഞ്ഞു നോക്കിയതാ..അവന്റെ തൊട്ടുപുറകിൽ വന്ന്‌ നിൽക്കുന്നത്രേ അത്‌..ചുറ്റിലും നല്ല വെളിച്ചം ഉണ്ടായിരുന്നത്‌ കൊണ്ട്‌ അവൻ ശരിക്കും കണ്ടെന്നാ പറയുന്നത്‌..,"

എന്റെ ദൈവമേ..എന്റെ ഉള്ളിലെവിടെയോ ഭീതിയുടെ മിന്നലാട്ടം.. സംഗതി സത്യമെന്ന്‌ തോന്നിക്കുമാറാണു നൗഷാദിന്റെ കിടപ്പ്‌..,ഞാനവനെ സൂക്ഷിച്ച്‌ നോക്കി..,കഴുത്തറ്റം ബ്ലാങ്കറ്റ്‌ കൊണ്ട്‌ മൂടിപ്പുതച്ചിട്ടുണ്ടെങ്കിലും അവൻ തണുത്ത്‌ വിറക്കുന്ന പോലെ..,ഇടക്കെന്തൊക്കെയോ പിറുപിറുക്കുന്നു..,

നട്ടപ്പതിര നേരത്ത്‌ ഒറ്റക്ക്‌ നടന്ന്‌ പോകുമ്പോൾ രണ്ടാളുടെ പൊക്കമുള്ള ഒരുത്തൻ വന്ന്‌ മാടിവിളിച്ചാൽ ധീരന്മാരിൽ ധീരനായ സാക്ഷാൽ നെപ്പോളിയൻ ചക്രവർത്തി വരെ പേടിച്ച്‌ പോകും..,പിന്നെയല്ലേ ഈ പീക്കിരിപ്പയ്യൻ..,

സംഗതി സത്യമാണെന്ന്‌ എനിക്കും തോന്നി..,പ്രേതമാണെങ്കിലും അല്ലെങ്കിലും അവൻ എന്തോ കണ്ട്‌ നന്നായി പേടിച്ചിട്ടുണ്ട്‌..,

ഒരു കാട്ടുതീ പോലെ ക്യാമ്പ്‌ മുഴുവൻ ഈ വാർത്ത പരന്നു.(കാട്ട്‌ തീക്ക്‌ പോലും ഇത്രേം വേഗത കാണില്ല..മനുഷ്യന്മാരുടെ നാവല്ലേ..).,ക്യാമ്പിലെ മിസ്‌രികളും പാകിസ്ഥാനികളും തുടങ്ങി എല്ലാവരും വന്ന്‌ കണ്ട്‌ സംഗതിയുടെ സത്യാവസ്ഥ നിജപ്പെടുത്തി..,എല്ലാവരും അവരവരുടേതായ രീതിയിൽ വ്യാഖ്യാനിച്ചും വിശദീകരിച്ചും മത്സരിച്ചു...., ചാനലുകളുടെ ഇലക്ഷൻ പ്രത്യേക ബുള്ളറ്റിൻ പോലെ ആവശ്യത്തിനു എരിവും പുളിയും കൂട്ടി പല പല പ്രദേശത്ത്‌ നിന്ന്‌ വന്നവർ വിവിധങ്ങളായ രീതിയിൽ ഇത്‌ വിളമ്പിക്കൊണ്ടിരുന്നു..,

അങ്ങനെ മൊത്തം പ്രേതമയം, ആ സംഭവത്തിനു ശേഷം ക്യാമ്പിൽ ചില പരിഷ്കാരങ്ങൾ നിലവിൽ വന്നു .,

ഇപ്പോൾ ആടിനെ അങ്ങാടിയിലേക്ക്‌ വിട്ട പോലെ രാത്രി മുഴുവൻ ആർക്കും അലഞ്ഞു തിരിഞ്ഞു നടക്കേണ്ട..,..സ്വന്തമായി ടി,വി,കാണാൻ സൗകര്യം ഒരുക്കിക്കൊടുത്തിട്ടും അവിടേയിരിക്കാതെ വെറുതെ വഴക്കടിക്കാൻ മിസ്‌രികളുടേ ടി,വി റൂമിൽ പോയി ഇരിക്കുന്നത്‌ നിർത്തി..,..,പാകിസ്താനികളുമായി ആവശ്യത്തിനും അനാവശ്യത്തിനുമുള്ള അടിപിടികൾ നിർത്തി..,രാത്രിയായാൽ എവിടുന്നോ സംഘടിപ്പിക്കുന്ന മറ്റവൻ രണ്ട്‌ പേഗ്ഗും മണപ്പിച്ച്‌ കാണിക്കുന്ന തോന്ന്യാസങ്ങൾ, തെറിപ്പാട്ടു ഗാനമേളകൾ, ഉടുതുണിയഴിച്ച്‌ കൊണ്ടുള്ള ഫാഷൻ പരേഡുകൾ.എന്നിങ്ങനെയുള്ളതെല്ലാം പൊടുന്നനെ അപ്രത്യക്ഷമായി..
എന്നല്ല രാത്രി ഏഴു മണി കഴിഞ്ഞാൽ പുറത്തിറങ്ങുന്നത്‌ പോലും നിർത്തി..,,എസ്കോർട്ടായി രണ്ടോ മൂന്നോ പേർ ഉണ്ടെങ്കിലേ മൂത്രമൊഴിക്കാൻ പോലും പോകൂ എന്ന നിലയിലായി ചിലർ..,..,

ആഹാ..എന്തൊരു ശാന്തത..,

പ്രേതമായാലും മനുഷ്യനായാലും പേടിപ്പിച്ച്‌ നിർത്തിയാലേ ജനങ്ങൾക്കിടയിൽ അച്ചടക്കവും ശാന്തത യും വരുമെന്നാണോ..?എങ്ങനെയാണു ഹിറ്റ്ലറും മുസ്സോളിനിയുമൊക്കെ ജനങ്ങളെ മെരുക്കിയെടുത്തതെന്ന്‌ ഇപ്പോൾ എനിക്ക്‌ ശരിക്കും മനസ്സിലായി..,

അങ്ങനെ അങ്ങനെ ദിവസങ്ങൾ കടന്ന്‌ പോയി..,നൗഷാദ്‌ കമ്പനിയെ സോപ്പിട്ടോ കാലുപിടിച്ചോ എങ്ങനെയൊക്കെയോ നാട്ടിലേക്ക്‌ മടങ്ങി..പുതിയ സംഭവവികാസങ്ങളൊന്നും റിപ്പോർട്ട്‌ ചെയ്യാത്തതിനാൽ ആളുകൾ പ്രേതത്തെ മറന്നു തുടങ്ങി..,

എല്ലാവരും പ്രേതഭയത്തിൽ നിന്നും പതിയെ മോചിതരായിത്തുടങ്ങി.., എന്നാലും ഉള്ളിലെവിടെയോ ഒരു ഭീതി ഇല്ലാതില്ല..,

ആകെക്കൂടി മനം മടുത്ത ദിവസങ്ങൾ.., ജോലിസ്ഥലത്ത്‌ ഞങ്ങളുടെ അഴിമതികൾ നടക്കാത്തതിലുള്ള വിഷമം..റൂമിലെത്തിയാലോ പ്രേതത്തെക്കുറിച്ചുള്ള ഭീതിയും..,ഞങ്ങളുടെ കുംഭകോണിക്കലുകൾ മുദീറിനു ഒറ്റിക്കൊടുത്ത മിസ്‌രിക്കിട്ട്‌ ഒരു പണികൊടുക്കണം..എങ്ങനെ..? ഒരു പിടിയും കിട്ടുന്നില്ല.... അവർ ഞങ്ങളുടെ മേലധികാരികളും കമ്പനി മുദീറിന്റെ ഇഷ്ട ദാസന്മാരുമാണ`....,സൂക്ഷിച്ച്‌ കൈകാര്യം ചെയ്തില്ലേൽ വേലിയിരിക്കുന്ന പാമ്പിനെ തോളത്ത്‌ കയറ്റി വെച്ച പോലാവും..

ഞങ്ങൾ മൂന്നോ നാലോ പേർ കുത്തിയിരുന്ന്‌ ചിന്തിച്ചു.., അങ്ങനെയിരിക്കേ ഒരു ദിവസം ഒരു ഐഡിയ കിട്ടി...., ഞങ്ങൾ ഈ വിഷയം കൂലങ്കഷമായി ചർച്ച ചെയ്തു..,നല്ല ഐഡിയ..,ഇലക്ക്‌ ഇത്തിരി കേട്‌ പറ്റിയാലും മുള്ളിനു തൽക്കാലം കേടൊന്നും പറ്റില്ല.. കൂട്ടത്തിൽ നല്ല കായിക ശക്തിയുള്ള ഒരാളെ ഞങ്ങൾ കൃത്യം നടപ്പാക്കാൻ ചുമതലപ്പെടുത്തി.., (ഈ ഓപ്പറേഷനിലെ കലാകാരന്മാർ ആരായിരുന്നു എന്നത്‌ സസ്പെൻസ്‌..)

അങ്ങനെ പിറ്റേന്നും നേരം വെളുത്തു..,..,

അതിരാവിലെ തന്നെ ഒരു നരച്ച ടീ ഷർട്ടും ബർമുഡയും ധരിച്ച്‌ കൊണ്ട്‌ വായിൽ ബ്രഷും കടിച്ച്‌ പിടിച്ച്‌ പാതിയുറങ്ങിക്കൊണ്ട്‌ മിസ്‌രിയണ്ണൻ ദേ നടന്ന്‌ വരുന്നു.., നിരനിരയായി കിടക്കുന്ന ഏകദേശം നാൽപതോളം വരുന്ന ബാത്ത്‌ റൂമുകളുടെ കവാടത്തിൽ തന്നെയുള്ള വാഷ്ബേസിനിൽ നിന്നും വെള്ളമെടുത്ത്‌ നോക്കെത്താ ദൂരത്ത്‌ പരന്ന്‌ കിടക്കുന്ന മരുഭൂമിയിലേക്ക്‌ കണ്ണും നട്ട്‌ ആളങ്ങനെ സുഖമായി പല്ല്‌ തേച്ച്‌ കൊണ്ടിരിക്കുകയാണ`.., മറ്റൊരു വാതിലിലൂടെ കടന്ന്‌ വന്ന നമ്മുടെ കക്ഷി ഒച്ചയുണ്ടാക്കാതെ അങ്ങേരുടെ പുറകിലെത്തി..,

ആളങ്ങനെ ചെറിയൊരു മൂളിപ്പാട്ടും പാടി പല്ല്‌ തേച്ച്‌ കൊണ്ടിരിക്കുകയാണ` ആ പരിസരത്തെങ്ങും വേറെയാരുമില്ല..,

ഒരു നിമിഷം.., ഒന്ന്‌, രണ്ട്‌,മൂന്ന്‌, ഠാ‍ആ‍ആഷ്‌........!! സർവ്വശക്തിയുമെടുത്ത്‌ മിസ്‌രി യുടെ നടുവിനു തന്നെ കൊടുത്തു ഒറ്റ ച്ച വിട്ട്‌..,

ശൂ....ഒരു മരത്തവള പാറുന്ന കണക്കെ തൊട്ട്‌ മുമ്പിലുള്ള വേലിയിലേക്ക്‌ പറന്ന്‌ പ്‌ത്തോം..... ന്ന്‌ പുറകിലേക്ക്‌ മലർന്നടിച്ച്‌ വീണൂ........

ദേ കെടക്കണു ഒറ്റുകാരൻ ജൂതാസ്‌ മണലിൽകുഴഞ്ഞ്‌ നാശകൊശമായി...,നമ്മുടെ കക്ഷി പുറകിലെ വാതിലിലൂടെ എപ്പഴേ റൂമിലെത്തിച്ചേർന്നു..,

ഹാഹൂഹൗ.......വാട്ടീസ്‌ ദിസ്‌.., ഒരു നിമിഷത്തെ മന്ദതക്ക്‌ ശേഷം മിസ്‌രി ചാടിയെണീറ്റു..,ഹൗ എമ്മാതിരി ചവിട്ടാ...നട്ടെല്ല്‌ വളഞ്ഞോ ആവോ..? ചുറ്റുപാടും നോക്കി..,ആരുമില്ല.കൈയ്യിലെ മണൽ തട്ടിക്കളഞ്ഞ്‌ ബാത്ത്‌ റൂമിനകത്ത്‌ കേറി നോക്കി..ആരുമില്ല..പുറത്തിറങ്ങി വെപ്രാളത്തോടെ അങ്ങോട്ടും ഇങ്ങോട്ടും തലവെട്ടിച്ച്‌ നോക്കി...ആരുമില്ല...ഒരു നിമിഷം..എന്തോ ആലോചിച്ച്‌ നിന്നു..പിന്നെ ഒരൊറ്റ ഓട്ടമായിരുന്നു റൂമിലേക്ക്‌..,..എന്റെ പൊന്നൂ..എന്നാ ഓട്ടമായിരുന്നു..,,ഒളിമ്പിക്സിലായിരുന്നെങ്കിൽ ആ ഓട്ടത്തിനു സ്വണ്ണ മെഡൽ ഉറപ്പ്‌..

റൂമിലെത്തിയ ഞങ്ങൾ തല തല്ലി ച്ചിരിച്ചു..എങ്ങനെ ചിരിക്കാതിരിക്കും,, ഇവിടെ നടന്ന സംഭവങ്ങളൊന്നുമറിയാതെ ഉറങ്ങുകയായിരുന്ന ചിലർ ഞങ്ങളുടെ ചിരികേട്ട്‌ ഞെട്ടിയുണർന്ന്‌ ചെറു നാരങ്ങാ വലിപ്പത്തിൽ കണ്ണു പുറത്തേക്ക്‌ തള്ളിപ്പിടിച്ച്‌ മിഴിച്ചിരുന്നു..,ഇവന്മാർക്കെന്താ വട്ടായോ...

പതിവിൽ കൂടുതൽ സന്തോഷത്തോടെ ജോലിയിലേക്ക്‌.. നമ്മ മിസ്‌രിയണ്ണൻ ജോലിക്ക്‌ വന്നിട്ടില്ല..എന്തു പറ്റി., മറ്റുള്ള മിസ്‌രികളോട്‌ ചോദിച്ചപ്പോൾ അവർ പറഞ്ഞതോ......,
ജിന്നിന്റെ (പ്രേതം) ശല്യം വീണ്ടുമുണ്ടായെന്നും..,ഇന്ന്‌ ഞങ്ങളിലൊരുവനെ ജിന്ന്‌ ആക്രമിച്ചെന്നും..,അവനിപ്പോൾ സുഖമില്ലാതെ കിടപ്പിലാണെന്നും ഒക്കെ അവർ ഭീതിയോടെ വിശദീകരിച്ചു..,..എല്ലാരും സൂക്ഷിച്ച്‌ കൊള്ളുക..,ഒറ്റക്ക്‌ ആരും പുറത്തിറങ്ങരുത്‌ എന്നിങ്ങനെയുള്ള ഉപദേശങ്ങളും അവർ വാരിച്ചൊരിഞ്ഞു..

വീണ്ടും പ്രേതശല്യമോ... കഥയറിയാതെ ആട്ടം കാണുന്ന പലരും പേടിച്ചരണ്ടു..പ്രേതം വിടാതെ പിന്തുടരുകയാണല്ലോ..ദൈവമേ..ചിലർ കുരിശു വരച്ചു..,ചിലർ അമ്പലത്തിലേക്ക്‌ വഴിപാട്‌ നേർന്നു,മറ്റു ചിലർ പുണ്യാത്മാക്കളുടെ ജാറം മൂടാൻ നേർച്ചയാക്കി..,

ചുരുക്കം പറഞ്ഞാൽ വീണ്ടും ക്യാമ്പിൽ ശ്മശാന മൂകത പരന്നു.., ഞങ്ങളാവട്ടെ ചിരിക്കാനും വയ്യ..കരയാനും വയ്യ എന്ന അവസ്ഥയിലും.. സംഗതിയുടെ കിടപ്പു വശം ഞങ്ങൾ എട്ടോ പത്തോ പേർക്ക്‌ മാത്രമല്ലേ അറിയൂ..അതു മറ്റാരോടെങ്കിലും പങ്കുവെച്ചാൽ ഒരു പക്ഷേ ക്യാമ്പ്‌ മുഴുവൻ ലീക്കാവും. .ഉറപ്പ്‌..പിന്നത്തെ കാര്യം പറയണൊ..എല്ലാം ചളകൊളമാകും..,അതിനാൽ ഞങ്ങൾ രഹസ്യമായി യോഗം കൂടി ആരോടും പറയില്ലെന്ന്‌ ദ്രഡപ്രതിജ്ഞയെടുത്തു...

അതിനു ശേഷം നമ്മുടെ മിസ്‌രിയണ്ണൻ ബാത്ത്‌ റൂമിലോട്ട്‌ വരുന്നത്‌ കണ്ടവരില്ല..അതോ അത്തരം കാര്യങ്ങളൊക്കെ വേണ്ടെന്നു വെച്ചോ.....

ഇനി അഥവാ ആദ്യം പ്രത്യക്ഷപ്പെട്ട പ്രേതവും ഇതു പോലെ മറ്റാരുടെയെങ്കിലും
സ്രഷ്ടിയായിരുന്നോ...ആവോ....ആർക്കറിയാം..

എന്റെ അബൂദാബി വാസക്കാലത്തെ സുന്ദരനിമിഷങ്ങളുടെ ചില ചിത്രങ്ങൾ പരസ്യത്തിനിടയിലെ സീരിയൽ പോലെ ഇടക്കൊക്കെ പ്രതീക്ഷിക്കാം..

ദിവ്യമന്ത്രവും കുംഭകോണിക്കലും..

2010-02-23T23:29:00.001+03:00

അബൂദാബി ഡെയ്സ്‌: അഞ്ച്‌

അബൂദാബിഡെയ്സ്‌ ഒന്ന്, രണ്ട്‌, മൂന്ന്, നാല` ഭാഗങ്ങൾക്കായി ക്ലിക്ക്‌ ചെയ്യുക..

ദിനരാത്രങ്ങളങ്ങനെ കടന്ന് പോയ്ക്കൊണ്ടിരുന്നു..,ഒപ്പം ചൂടിന്റെ ശക്തിയും കൂടി വരുന്നു..,ഇപ്പോൾ ചൂടൊന്നും എനിക്കു വലിയ പ്രശ്നമായി തോന്നുന്നില്ല...,ഒരു രണ്ടാഴ്ച ഇവിടെയങ്ങു കഴിഞ്ഞു കൂടിയപ്പോൾ ഈ കാലാവസ്ഥയുമായി പൊരുത്തപ്പെടാൻ എന്റെ ശരീരത്തിനു കഴിഞ്ഞെങ്കിൽ അങ്ങ്‌ നരകത്തിൽ ചെന്ന് കിടന്നാലും കുറച്ച്‌ ദിവസം കഴിഞ്ഞാൽ അതുമൊരു ശീലമായിക്കൊള്ളുമോ എന്ന് എനിക്ക്‌ തോന്നാതിരുന്നില്ല..,

ഏകദേശം പതിനാറു ദിവസം കഴിഞ്ഞു കാണും..

ഫാക്ടറി പ്രവർത്തനം ആരംഭിച്ചു..എല്ലാവരും നാളെ ഡ്യൂട്ടിക്കെത്തണമെന്ന് അറിയിപ്പ്‌ വന്നു..,

ഇത്രേം ദിവസം "ഖാനാ..പീനാ..സോനാ"..നടത്തി കൊഴുത്ത്‌ കുട്ടപ്പന്മാരായി നിന്നതല്ലേ..ഇനിയത്തെ കഥ കണ്ടറിയാം.. എലിമിനേഷൻ റൗണ്ടിൽ ഡേഞ്ചർ സോണിൽ പെട്ട സ്റ്റാർ സിങ്ങർ കുട്ടികളെപ്പോലെ എല്ലാവരുടെ മുഖവും മ്ലാനമായി..,

പിറ്റേന്ന് അതിരാവിലെ തന്നെ ഒന്നാം ക്ലാസ്സിൽ ചേർക്കാൻ കൊണ്ട്‌ പോകുന്ന കുട്ടികളെപ്പോലെ മനമില്ലാ മനമോടെ എല്ലാവരും പുതിയ യൂണീഫോമും ചുറ്റി റോഡ്‌ പണിക്കാർ ഇടുന്ന തരത്തിലുള്ള ഷൂവും കാലിൽ ഫിറ്റ്‌ ചെയ്ത്‌ ഒരുങ്ങി റെഡിയായി..,

ഇതു വരെ ജോലിയെന്താണെന്നു ഒരാൾക്കും ഒരു തിട്ടവുമില്ല..,

പുല്ലു തീറ്റിക്കാനാണോ..അറവുശാലയിലേക്കാണോ. എന്നറിയാതെ നീങ്ങുന്ന കന്നുകാലിക്കൂട്ടമായി ഞങ്ങളും പിറകിൽ സൂപ്പർ വൈസർ ചാച്ചായും ഫാക്ടറിക്ക്‌ മുന്നിലെ വിശാലമായ വരാന്തയിലേക്ക്‌ കയറി..,

അവിടെ കൃത്യമായ അകലം വിട്ട്‌ STD ബൂത്ത്‌ പോലെ 14 കൗണ്ടറുകൾ..അതിലോരോന്നിനു മുന്നിലും ഓരോ വലിയ മീസാനുകൾ (ത്രാസേ..) ,

സ്ഫടികം ജോർജ്ജിനെപ്പോലെ തീരെ തടിയില്ലാത്ത(!) ഒരു സൂരിയും(സിറിയക്കാരൻ) കൂടെ ഇന്ദ്രൻസിനെപ്പോലെ ഭയങ്കരതടിയനായ ഒരു അറബിയും ഞങ്ങളുടെ മുന്നിലേക്കവതരിച്ചു.. സൂരിയെക്കാണാൻ നല്ല ചന്തമുണ്ട്‌..മൊത്തത്തിലൊരു ചാമ്പക്ക നിറം..,കൂടെയുള്ള അവതാരത്തെ എനികങ്ങോട്ട്‌ ദഹിക്കുന്നില്ല..,മൂപ്പർ അമർത്തിച്ചവിട്ടി നടക്കുന്നത്‌ കൊണ്ടാണു ഭൂമിയിളകാതെ നമ്മളൊക്കെ മറിഞ്ഞു വീഴാതെ നിൽക്കുന്നതെന്ന് തോന്നിപ്പോകും വിധമാണു മൂപ്പരുടെ നടപ്പ്‌..,,ഹൗ എന്തൊരു തലയെടൂപ്പ്‌ .., കോലിന്മേൽ വെള്ളത്തുണി ചുറ്റിയ പോലെ..

പരേഡിനു നിർത്തുന്ന പോലെ വരാന്തയിൽ എല്ലാവരെയും നിരത്തി നിർത്തി..,

ചാമ്പക്ക നിറമുള്ള സൂരി മുന്നോട്ട്‌ വന്ന് ഞങ്ങളുടെ ജോലിയെക്കുറിച്ച്‌ " എന്ത്‌..? എങ്ങനെ..? എപ്പോൾ ..?" എന്നീ മൂന്ന് കാര്യങ്ങൾ വിശദമാക്കി ക്ലാസ്സെടുത്തു...,

അയാൾ പറഞ്ഞത്‌ അറബിയിലായിരുന്നത്‌ കൊണ്ടൂം ഞങ്ങൾക്കാകെ അറിയുന്നത്‌ മലയാളം ആയത്‌ കൊണ്ടും എല്ലാം മനസ്സിലായി എന്ന് എല്ലാവരും തലയാട്ടി സമ്മതിച്ചു..,( അതിനു പ്രത്യേക ഭാഷ വേണ്ടല്ലോ..!)

പിന്നീട്‌ കൂട്ടത്തിലുള്ള ഒരു മുൻപ്രവാസി ഇതിന്റെ പരിഭാഷയുടെ സംഗ്രഹം പറഞ്ഞു തന്നില്ലായിരുന്നെങ്കിൽ സുകുമാർ അഴീക്കോടിന്റെ പ്രസംഗം കേട്ട സ്കൂൾ കുട്ടികളുടെ അവസ്ഥയായിപ്പോയേനേ...യേത്‌ .. "ഒന്നുമേ തെരിയാത്‌"

സംഗതി ലളിതം..,(ആ ധാരണ പിന്നീട്‌ തിരുത്തേണ്ടി വന്നു)

ഇവിടെ ഘടിപ്പിച്ചിട്ടുള്ള ഓരോ കൗണ്ടറിനു മുന്നിലും ഈത്തപ്പഴം നിറച്ച ലോറികൾ വന്നു നിൽക്കും..,കൂടെ വരുന്ന തൊഴിലാളികൾ അതെല്ലാം താഴെ ഇറക്കി വെക്കും...,അതിന്റെ ജാതി,മതം, വർഗ്ഗം,എന്നിങ്ങനെ തരം തിരീച്ച്‌ ത്രാസിൽ വെച്ച്‌ തൂക്കാൻ വിധിക്കണം

എന്നിട്ടതിൽ നിന്നും ഇത്തിരി സാമ്പിളെടുത്ത്‌ കൗണ്ടറിനകത്ത്‌ കമ്പ്യൂട്ടറിനു മുന്നിൽ അടയിരിക്കുന്ന മിസ്‌രി ഉദ്യോഗസ്ഥനു കൈമാറണം..അവനത്‌ പ്രത്യേകം സജ്ജമാക്കിയ തട്ടിൽ കവടി നിരത്തുന്നത്‌ പോലെ നിരത്തി കൂട്ടിയും ഗുണീച്ചും പരിശോധിച്ച്‌ "ഗുഡ്‌," "മീഡിയം", "ലോ" എന്നിങ്ങനെ പറഞ്ഞ്‌ വില കണക്കാക്കും..,കമ്പ്യൂട്ടർ പ്രസവിക്കുന്ന സ്റ്റിക്കറെടുത്ത്പതിക്കപ്പെടൂന്നതോടേ ഈത്തപ്പഴ ട്രേകൾ ഫോർക്ക്‌ ലിഫ്റ്റിൽ കയറീ അകത്തെ ഫ്രീസർ റൂമിലേക്കും അവിടൂന്നങ്ങോട്ട്‌ ഫാക്ടറീക്കുള്ളിലേക്ക്‌ പോയി ജാം ,സിറപ്പ്‌, പേസ്റ്റ്‌ ....എന്ന് തുടങ്ങി എന്തൊക്കെയോ കുണ്ടാമണ്ടീകൾ ആയി രൂപാന്തരം പ്രാപിച്ചോളും..

ഹാവൂ...ഇത്രയുള്ളോ...പൊതുവെ മടിയന്മാരായ ചിലരുടെ മനസ്സിൽ മേടത്തിൽ പുതുമഴ പെയ്ത പ്രതീതി..,

ഒരോ കൗണ്ടറിലും നാലു പേരെയാണു നിശ്ചയിച്ചിരുന്നത്‌..,എന്റെ കൂടെ മംഗലാപുരക്കാരൻ ഉസ്മാനും ഇടപ്പള്ളിക്കാരൻ സാജു അച്ചായനും എന്റെ തന്നെ നാട്ടുകാരനായ മുഹമ്മദിക്കയും..,പിന്നെ കൗണ്ടറിനകത്ത്‌ പൂച്ചക്കണ്ണൻ മിസ്‌രി അയ്മനും..

താലികെട്ടിനു വരന്റെ സംഘത്തെ കാത്തുനിൽക്കുന്ന വധൂവീട്ടുകാരെപ്പോലെ കുറേ നേരം കാത്തിരുന്നിട്ടും (ഹൗ ജോലിയെടുക്കാനുള്ള ഉത്സാഹമേ...)അന്ന് ഞങ്ങൾക്ക്‌ ലോഡൊന്നും വന്നില്ല..,വന്ന വണ്ടികൾ തന്നെ അപ്പുറത്തും ഇപ്പുറത്തുമുള്ള കൗണ്ടറിൽ കയറി ലോഡിറക്കി മടങ്ങിപ്പോയി....,

പിന്നെയെതു ചെയ്യാൻ..സൊറപറഞ്ഞിരുന്നു..അത്ര തന്നെ..,

ഇത്തിരി അറബി ഭാഷ പഠിക്കാമല്ലോ എന്ന് കരുതി "നാരി നാരി......... നാരി മിൻ ക ലേലോ" പാടിയ ഹിസ്സാം അബ്ബാസിനെക്കുറിച്ചും (അങ്ങോരു മിസ്‌രിയാണ`..) പിരമിഡുകളെക്കുറിച്ചും ഒക്കെ ചോദിച്ചും പറഞ്ഞും ഒടുക്കം മിസ്‌രിയെ മലയാളം പഠിപ്പിക്കും എന്ന അവസ്ഥയിലായി ...

രണ്ട്‌ മണിയായതോടേ അന്നത്തെ ഡ്യൂട്ടി കഴിഞ്ഞു..,പിന്നെ വീണ്ടും പഴയ ജോലി തന്നെ..യേത്‌..,ഉറക്കം..,

അങ്ങനെ അങ്ങനെ ദിവസങ്ങൾ കടന്ന് പോയി..,

ചിലദിവസങ്ങളിൽ ഒന്നോ രണ്ടോ ലോഡുകൾ വരും..,

ഗ്രഹണി പിടിച്ച പിള്ളേരു ചക്കക്കൂട്ടാൻ കണ്ട പോലെ ഞങ്ങളതിൽ കയ്യിട്ട്‌ വാരി കുറച്ച്‌ പോക്കറ്റിലും കുറച്ച്‌ വായിലും ബാക്കിവരുന്നത്‌ ത്രാസിലും വെച്ച്‌ തൂക്കി ഞങ്ങളുടെ ജോലിയങ്ങനെ തകൃതിയായി നടന്ന് പോന്നു..,

ഏകദേശം ഒരാഴ്ച്ച കഴിഞ്ഞതോടേ സംഗതിയുടെ കിടപ്പു വശം ആകെ മാറി മറിഞ്ഞു..,

ചൂട്‌ കൂടുകയും ഈത്തപ്പഴ സീസൺ ആരംഭിക്കുകയും ചെയ്തതോടെ ലോഡും കൊണ്ട്‌ വാഹനങ്ങൾ നിരനിരയായി പ്രവഹിക്കാൻ തുടങ്ങി..,

സീസൺ ചൂട്‌ പിടിച്ചതോടെ ദേശീയ സമ്മേളനത്തിനു പ്രവർത്തകരെ വഹിച്ച്‌ കൊണ്ട്‌ വരുന്ന പോലെ ആയിരക്കണക്കിനു വാഹനങ്ങൾ വന്ന് കാത്തു കെട്ടിക്കിടക്കാൻ തുടങ്ങി..,അതോടെ ഞങ്ങൾക്ക്‌ ഒരു നിമിഷം പോലും വിശ്രമമില്ലാത്ത ജോലിയായി...,(ശരിക്കും പണി കിട്ടി എന്നർത്ഥം..)

ഒരു വണ്ടിയെങ്കിലും വന്നിരുന്നെങ്കിൽ ഇത്തിരി ഈത്തപ്പഴം കഴിക്കാമായിരുന്നു എന്നാശിച്ച ഞങ്ങൾ ഇപ്പോൾ പൊടുന്നനെ ആ ആശകൾ തല്ലിക്കെടുത്തി വേറെ ചില ആശകൾ കാണാൻ തുടങ്ങി.(ചിലപ്പോൾ പ്രാർത്ഥനയുമായി..)

ഈ ത്രാസ്‌ ഒന്ന് കേടായെങ്കിൽ..അല്ലെങ്കിൽ ആ കമ്പ്യൂട്ടറൊന്ന് കേടായെങ്കിൽ...

വാഹനങ്ങളുടേ എണ്ണം ദിനം പ്രതി വർദ്ധിച്ച്‌ കൊണ്ടിരുന്നു..,ഒപ്പം ഞങ്ങളുടെ ജോലിഭാരവും..,

ഇത്രയും കാലം വെറുതെയിട്ട്‌ മൂന്ന് നേരം മ്രഷ്ടാന്ന ഭോജനവും തന്ന് സുഖിപ്പിച്ച്‌ കിടത്തിയ കമ്പനി പകരമായി ആകെ ഇത്തിരിയുള്ള ചോരയും നീരും മൊത്തമായി ഊറ്റിയെടുത്തിട്ടേ വിടൂ..എന്ന് സാജു അച്ചായൻ ഇടക്കിടക്ക്‌ പിറുപിറുക്കുന്നുണ്ട്‌..(അച്ചായാ..പിണങ്ങല്ലേ..)
എനിക്കും അങ്ങനെ തോന്നാതിരുന്നില്ല..,എങ്ങനെ തോന്നാതിരിക്കും..,

ചിരിച്ച്‌ കളിച്ച്‌ തുള്ളിച്ചാടി ജോലിക്ക്‌ വന്നിരുന്നവർ ഇപ്പോൾ ഊരയും താങ്ങിപ്പിടിച്ച്‌ കൊക്കിച്ചാടിയല്ലേ ജോലിക്ക്‌ വരുന്നത്‌..,

ആയിടക്കാണു മട്ടാഞ്ചേരിക്കാരനായ ഒരു സുഹൃത്ത്‌ (പേരു ഓർമയിൽ വരുന്നില്ല..)പുതിയ ഒരു കണ്ടു പിടുത്തം നടത്തുന്നത്‌..,

ഐസക്‌ ന്യൂട്ടന്റെ തലയിൽ ആപ്പിൾ വീണപ്പോൾ ഭൂഗുരുത്വാകർഷണബലം കണ്ട്‌ പിടിച്ചെങ്കിൽ ഇതിയാന്റെ കാലേൽ ഈത്തപ്പഴം നിറച്ച ട്രേ വീഴേണ്ടി വന്നു എന്ന് മാത്രം..,

യുറേക്കാ..യുറേക്കാ..എന്ന് വിളീച്ച്‌ നഗ്നനായി തെരുവിലൂടെ ഓടുന്നതിനു പകരം ഗുരു തന്റെ ഇഷ്ട ശിഷ്യനു ദിവ്യ മന്ത്രം ചൊല്ലിക്കൊടൂക്കുന്നത്‌ പോലെ അങ്ങേരുടെ പരിചയക്കാരുടെ ചെവിയിൽ അവൻ ഈ ദിവ്യമന്ത്രമോതി..,ആരിലൂടൊക്കെയോ കടന്ന് ആ ദിവ്യമന്ത്രങ്ങൾ എന്റെ ചെവിയിലുമെത്തി..,ജോലിയിൽ ഉണർവ്വ്വും ഉന്മേഷവും പ്രധാനം ചെയ്യുന്ന അത്ഭുതകരമായ ദിവ്യമന്ത്രം..,

ഗുഡ്‌ സർട്ടിഫിക്കറ്റ്‌ കിട്ടാൻ വേണ്ടി ട്രേയുടെ മുകൾ വശത്ത്‌ മാത്രം നല്ല ക്വാളീറ്റിയുള്ള ഈത്തപ്പഴവും താഴെ ചവറു ഈത്തപ്പഴവും നിറച്ച ഒരു ട്രേയാണു ലവന്റെ കാലിലോട്ട്‌ മറിഞ്ഞത്‌..,കാലു ഇത്തിരി നൊന്തു..,എന്നാലെന്താ..കള്ളത്തരം കയ്യോടെ പിടിച്ചില്ലേ..ഞാനിപ്പോൾ കൗണ്ടറിനകത്തിരിക്കുന്ന മിസ്‌രിയോട്‌ പറയുമെന്ന് അവൻ.,
പറയരുത്‌..നിനക്ക്‌ എന്തു വേണമെങ്കിലും തരാം..എന്ന് ലോറിക്കാരൻ..,എന്നാൽ എന്ത്‌ തരും എന്നായി..അവൻ...,ലോറിക്കാരൻ രഹസ്യമായി ഒരു നൂറൂ ദിർഹത്തിന്റെ നോട്ടെടുത്ത്‌ ചുരുട്ടി അവന്റെ കയ്യിൽ വെച്ച്‌ കൊടൂത്തു..,

ഹെന്റെ പൊന്നോ...നൂറു ദിർഹം എന്ന് വെച്ചാൽ ആയിരത്തി ഇരുന്നൂറു ഉരുവ..

അന്ന് തള്ളിയ കണ്ണ` പിന്നെ രണ്ട്‌ ദിവസം കഴിഞ്ഞാണത്രേ അകത്തോട്ട്‌ പോയത്‌..,

അതിനു ശേഷം ദിവ്യമന്ത്രങ്ങൾ അറിഞ്ഞ എല്ലാവരും മുന്നിലേക്ക്‌ വരുന്ന ഓരോ ട്രേയും കയ്യിട്ടും കാലിട്ടും ഇളക്കി മറിച്ച്‌ പരിശോധന തുടങ്ങി..,നിരവധി പെരുങ്കള്ളന്മാർ പലരുടേയും വലയിൽ കുടുങ്ങി..,പിന്നെ അവരോട്‌ വിലപേശലായി..,

ഒരുകിലോ ഗുഡ്‌ ക്വാളിട്ടി അടിക്കുന്ന ഈത്തപ്പഴത്തിനു 14 ദിർഹം വിലയിടൂന്നുവെങ്കിൽ ഒരു കിലോ ലോ ക്വാളിറ്റി ഈത്തപ്പഴത്തിനു വെരും ഒന്നര ദിർഹം മാത്രമാണു വിലയിടുന്നത്‌..,ഭീമാകാരങ്ങളായ ലോറികളിൽ വരുന്ന ടൺ കണക്കിനു ചവറു ഈത്തപ്പഴങ്ങൾ ഒറ്റയടിക്ക്‌ ഗുഡ്‌ ആക്കി വിടൂമ്പോൾ ലോറിക്കാരനു കിട്ടുന്നത്‌ ആയിരങ്ങളൂടെ ലാഭം..,അതിൽ നിന്നും വെറൂം തുച്ഛമായ മുന്നൂറോ അഞ്ഞൂറോ അല്ലേ ഞങ്ങൾ ചോദിക്കുന്നുള്ളൂ..സംഗതി ന്യായം..,ലോഡൂമായി വരുന്നവർക്കും പരാതിയില്ല..,പിന്നെ ആകെയുള്ള ദോഷം എന്താന്ന് വെച്ചാൽ കമ്പനി കുത്തുപാളയെടുക്കും..അതിനു കമ്പനി ഞമ്മന്റെ തറവാട്ടു വഹയൊന്നുമല്ലല്ലോ..!!..

അല്ലേലും നാലു കുരുത്തം കെട്ട മലയാളീസ്‌ കയറീയാൽ ഏതു കമ്പനിയാണൂ കുത്തുപാളയെടുക്കാത്തത്‌..,ഞമ്മന്റെ നാട്ടിലു ഒട്ടുമിക്ക ഫാക്ടറികളിലും ജോലിചെയ്യാൻ വല്ല തമിഴന്മാരെയോ ആന്ധ്രക്കാരെയോ നിർത്തുന്നത്‌ എന്തിനാന്നാ നിങ്ങൾ കരുത്തിയത്‌..,അവർക്കാണെങ്കിൽ സമരവുമില്ല..ധർണ്ണയുമില്ല..,പാർട്ടി പ്രവർത്തനവുമില്ല..കിട്ടുന്ന ശമ്പളം കൊണ്ട്‌ തൃപ്തിപ്പെട്ട്‌ മാനം മര്യാദയായി പണീയെടുത്തോളും..

പിന്നെ പിന്നെ ലോഡുമായി കൗണ്ടറീലേക്ക്‌ കടന്ന് വരുന്ന തൊഴിലാളികളോട്‌ ആദ്യത്തെ ചോദ്യം ഇതാണ`..,ഇതിലെ ഈത്തപ്പഴം മൊത്തം ഗുഡ്‌ ആക്കണോ..?

സ്വാഭാവികമായും അവർ പറയും ഗുഡ്‌ ആക്കണം..,

ഓകെ..എങ്കിൽ എത്ര തരും..

ചോദിച്ച പണം തരുന്നുവെങ്കിൽ എത്ര ചവറു ഈത്തപ്പഴമാണേങ്കിലും (ഇനി വല്ല കല്ലും മണ്ണും ആണെങ്കിൽ തന്നെയും..)നേരത്തെ കരുതി വെച്ച നല്ല ഈത്തപ്പഴം സാമ്പിൾ കോടുത്ത്‌ ഗുഡ്‌ സർട്ടിഫിക്കറ്റ്‌ അടിപ്പിക്കും..,ഞങ്ങളുടെ വിലപേശലിൽ വഴങ്ങുന്നില്ലെങ്കിൽ പിന്നെ എത്രെ നല്ല ഈത്തപ്പഴമാണെങ്കിലും ഒരു പക്ഷേ ലോ സർട്ടിഫിക്കറ്റ്‌ അടിച്ചെന്നുമിരിക്കും..

ആഹാ എന്തൊരു അഴിമതി. സർവ്വത്ര അഴിമതി...,ദൈവത്തിന്റെ സ്വന്തം നാട്ടുകാർക്ക്‌ ജന്മനാ കിട്ടുന്ന വരദാനമാണോ ഇത്‌..

അങ്ങനെ ഒരോ കൗണ്ടറിലും അതിഭയങ്കരങ്ങളായ കുംഭകോണിക്കലുകൾ, തിരിമറികൾ എന്നിവ പതിവായി..,(തിരിച്ച്‌ നാട്ടിൽ ചെന്നിട്ട്‌ രാഷ്ട്രീയത്തിൽ ഒരു കൈ നോക്കണമെന്ന് ഞാൻ ചിന്തിക്കാതിരുന്നില്ല)

ഓരോ ദിവസവും പതിവിലും ഉഷാറായി ഓരോരുത്തരും ജോലിക്കെത്താൻ തുടങ്ങി..,ഭൂമികുലുക്കമുണ്ടായാൽ പോലും എട്ടുമണിക്ക്‌ മുന്നേ എഴുന്നേറ്റ്‌ ശീലിക്കാത്തവർ ആറുമണിക്ക്‌ മുന്നേ എഴുന്നെറ്റ്‌ ജോലിക്ക്‌ പോകുന്നു..എന്റെ ദൈവമേ..ഇക്കണക്കിനു പോയാൽ കൊന്ന് കുഴിച്ച്‌ മൂടിയാലും ഇവന്മാരു കൃത്യസമയത്ത്‌ എണീറ്റ്‌ ജോലിക്ക്‌ പോകുമല്ലോ...

ഞങ്ങളുടെ ജോലിയിലെ ആത്മാർത്ഥതയും കൃത്യനിഷ്ഠയും കമ്പനി മുദീറീനു (മാനേജറെന്നോ.. എം,ഡിയെന്നോ പറയാം) വരേ നന്നേ ബോധിച്ചു..അങ്ങനെ അദ്ധേഹത്തിന്റെ വകയായി ഓരോ ദിവസവും പത്ത്‌ ദിർഹം വീതം ബോണസ്സായും കിട്ടാൻ തുടങ്ങി..,"ഫൂ പത്തിന്റെ ദിർഹം യാരിക്ക്‌ വേണം.".ഇവിടെ നൂറിന്റെ പെടക്കണ നോട്ടുകളല്ലേ കയ്യിൽ.. കൈനീട്ടി വാങ്ങുമ്പോൾ ഓരോരുത്തരുടെ മുഖത്ത്‌ വിരിയുന്ന ചിരിയുടെ അർത്ഥം ഇതാണെന്ന് മുദീറുണ്ടോ അറീയുന്നു...

പക്ഷേ പലനാൾ കള്ളൻ ഒരു നാൾ പിടിയിൽ എന്നാണല്ലോ പ്രണാമം...ഛേ തെറ്റിപ്പോയി .. പ്രമാണം

പിടിക്കപ്പെടുക തന്നെ ചെയ്തു..ഏതൊ ഒരു കുരുത്തം കെട്ടവൻ പരസ്യമായി പണം വാങ്ങുന്നത്‌ വേറൊരു കുരുത്തം കെട്ട മിസ്‌രി കണ്ട്‌ പിടിച്ചു..,രക്ഷപ്പെടാൻ വേണ്ടി അവനു ഷെയർ കൊടുക്കാമെന്നു അവൻ പറഞ്ഞത്രേ..അതോടെ തീയിൽ മണ്ണെണ്ണ ഒഴിച്ച കണക്കായിപ്പോയി..മിസ്‌രി അവനെ തൊണ്ടിസഹിതം മുദീറിനു മുന്നിൽ ഹാജരാക്കി..നീ എന്തിനു പണം വാങ്ങി..,? മുദീറിന്റെ വിചാരണ,..അയാൾ എനിക്കു വെറുതേ തന്നതാണൂ.. അവൻ നിന്നു വിറച്ചു..,

വെറുതേ തരാൻ അയാൾ നിന്റെ ആരാ..? (അമ്മായിയപ്പനാണോന്ന്..)
അയാൾ എനിക്കു "ഹദിയ" (ദാനം..) തന്നതാണു..,

,ഒന്നാമതേ അഴിമതിയെന്ന ലൂസ്‌ ബോള`...പോരത്തതിനു തോണ്ടിസഹിതം ഫുൾടോസുമായി..മുദീറവനെ സ്ഥാവരോം ജംഗമോം ചുരുട്ടിക്കൂട്ടി നാട്ടിലേക്ക്‌ സിക്സറടിക്കുമെന്ന് ഞങ്ങളേല്ലാവരും കരുതി..

"ഹദിയ" എന്ന ഒരൊറ്റ വാക്ക്‌ അവന്റെ നാവിൽ നിന്ന് വീണത്‌ കാരണം ആ ബോളിൽ മുദീർ ബൗൾഡായിപ്പോയി..,ഇസ്ലാം മത പ്രകാരം ഹദിയ(ദാനം..) കൊടുക്കുന്നതും വാങ്ങുന്നതും കുറ്റകരമല്ല..മാത്രമല്ല അത്‌ പ്രോത്സാഹിക്കപ്പെടുന്നതുമാണ`..

ഇനിമേലാൽ ഡ്യൂട്ടിസമയത്ത്‌ ആരിൽ നിന്നും പണം വാങ്ങരുത്‌ എന്ന വാണിംഗ്‌ കൊടുത്ത്‌ അവനെ വിട്ടയച്ചു..,

കഷ്ടകാലം വരുമ്പോൾ കൂട്ടത്തോടെ എന്ന് പറഞ്ഞപോലെ അന്ന് വേറൊരു സംഭവം കൂടി നടന്നു..,വേറൊരു കുരുത്തം കെട്ടവന്റെ ഫോർക്ക്‌ ലിഫ്റ്റ്‌ അട്ടിയായി അടുക്കി വെച്ചിരിക്കുന്ന ഈത്തപ്പഴ ട്രേകൾ തട്ടി മറിച്ചിട്ടു.പൂത്തിരി കത്തുന്നപോലെ ഈത്തപ്പഴങ്ങൾ ചിതറി ത്തെറിച്ചു..,.,അതു വഴി പോയ മുദീർ ഇതു കാണുവാനിടയായി..വന്ന് നോക്കുമ്പോൾ ഗുഡ്‌ സർട്ടിഫിക്കറ്റ്‌ അടിച്ച ഈത്തപ്പഴങ്ങൾക്കിടയിൽ ദേ കിടക്കുന്നു........ഒന്നിനും കൊള്ളാത്ത ചപ്പു ചവറു ഈത്തപ്പഴങ്ങൾ..,അതെങനെ വന്നു..,അദ്ധേഹം കൂടൂതൽ തലപുകക്കാൻ നിന്നില്ല..

ഉടൻ തന്നെ സകല കൗണ്ടറിലും പണിയെടുക്കുന്ന മിസ്‌രികളെ വിളിച്ച്‌ വട്ടത്തിൽ നിർത്തി ഒരു "തിരുവാതിര" അങ്ങ്‌ അരങ്ങേറി..തലകുനിച്ച്‌ നിൽക്കുന്ന മിസ്‌രികളെ കണ്ടാലറിയാം അഭിനന്ദനവർഷങ്ങളല്ല..നല്ല മുഴുത്ത്‌ പാകമായ ചീത്തകളും പച്ചത്തെറികളുമാണു ആ വട്ടനിർത്തി സമ്മേളനത്തിൽ അവതരിപ്പിക്കപ്പെടുന്നതെന്ന്..

ഇനിയെന്തും സംഭവിക്കും..,ഒന്നുകിൽ എല്ലാവരും ജയിലിൽ അല്ലെങ്കിൽ നാട്ടിൽ.., എല്ലാവരുടെ മുഖവും കർക്കിടകമാസത്തിലെ ആകാശം പോലെ ഇരുണ്ടു..,

പക്ഷേ അന്ന് പ്രത്യേകിച്ചൊന്നും സംഭവിച്ചില്ല..തിരുവാതിര കഴിഞ്ഞു ക്ഷീണീച്ച്‌ വന്ന അയ്മൻ മിസ്‌രി കൗണ്ടറിനകത്ത്‌ തലക്ക്‌ കൈയ്യും കൊടുത്ത്‌ ഇരിക്കുന്നത്‌ കണ്ടപ്പോൾ പാവം തോന്നി..,അങ്ങോരെന്ത്‌ പിഴച്ചു..(,പ്രശ്നക്കാർ ഞങ്ങളല്ലേ...)

പിറ്റേന്ന് ഡ്യൂട്ടിക്കെത്തിയ ഞങ്ങളെ എതിരേറ്റത്‌ മിന്നലേറ്റ്‌ കരിഞ്ഞു പോയ കവുങ്ങ്‌ കണക്കെയുള്ള എട്ട്‌ സുഡാനി സെക്യൂരിറ്റിക്കാരായിരുന്നു..,

ഞങ്ങളെ വാച്ച്‌ ചെയ്യാൻ ഓരോ രണ്ട്‌ കൗണ്ടറിനും ഓരോ സെക്യൂരിറ്റി വീതം.ഞങ്ങളുടെ കരുനീക്കങ്ങൾക്ക്‌ മുദീറിന്റെ വക സമർത്ഥമായ മറു നീക്കം..   "ചെക്ക്‌."
.വെച്ചത്‌ കാലാൾ പട കൊണ്ടും..

.,സേതു രാമയ്യർ സി,ബി,ഐ പോലെ അവരങ്ങനെ അങ്ങോട്ടും ഇങ്ങോട്ടും നടന്ന് വരാന്തയുടെ അളവെടുക്കുന്നു..അങ്ങനെ ഞങ്ങൾക്ക്‌ കുംഭകോണിക്കാനുള്ള എല്ലാ വഴികളും അതി സമർത്ഥമായി അടയ്ക്കപ്പെട്ടു.. ,പണം വാങ്ങുന്നത്‌ പോയിട്ട്‌ എന്തെങ്കിലും ചുമ്മാ ഒന്ന് സം സാരിക്കാൻ ശ്രമിച്ചാൽ തന്നെ ഇവന്മാരു കണ്ണുരുട്ടിക്കാണിക്കാൻ തുടങ്ങും..ആ ഉണ്ടക്കണ്ണുകൾ പിന്നീട്‌ പലരുടെയും സ്വപ്നങ്ങളിൽ പോലും കടന്ന് വന്നുവത്രേ..

പണം വാങ്ങുന്നത്‌ കണ്ട്‌ പിടിച്ച്‌ മുദീറിനോട്‌ ഒറ്റിക്കൊടുത്ത മിസ്‌രിയെ കടിച്ച്‌ കീറാനുള്ള ദേഷ്യമുണ്ട്‌ എല്ലാവർക്കും..പക്ഷെ എന്തു ചെയ്യാം..ഇപ്പോൾ അങ്ങനെ എന്തെങ്കിലും സംഭവിച്ചാൽ എരിതീയിൽ എണ്ണ ഒഴിക്കുന്നത്‌ പോലാവും..

അങ്ങനെയിരിക്കെ അതിനൊരു വഴി തെളിഞ്ഞു വന്നു..

അതെന്താണെന്ന് അടുത്ത ഭാഗത്തിൽ വിവരിക്കാം..


                                                                                                            തുടരും

ഇതൊക്കെ വെളിപ്പെടുത്തിയിട്ട്‌ ഇനിയെങ്ങാനും അബൂദാബിയിൽ ചെന്നിറങ്ങുമ്പോൾ എന്നോട്‌ സ്നേഹം കൂടിയിട്ട്‌ പിടിച്ച്‌ ജെയിലിനകത്ത്‌ ജോലി തന്ന് പെർമനന്റാക്കുമോ..എന്തോ..?

"ഈത്തപ്പഴങ്ങൾ" ചില മനോഹരമായ ദ്രശ്യങ്ങൾ കാണാൻ ഇവിടെ ക്ലിക്ക്‌ ചെയ്യുക...

....................................................................................................................................................................

ഈത്തപ്പഴക്കുലകൾ ചിത്രങ്ങൾ

2010-02-23T23:24:00.003+03:00

കണ്ണിനു കുളിർമ്മയേകുന്ന ഈത്തപ്പഴക്കുലകൾ...

അബൂദാബി ഡെയ്സ്‌ ഒന്ന്, രണ്ട്‌, മൂന്ന്, നാല`, അഞ്ച്‌ , എന്നീ ഭാഗങ്ങൾ വായിക്കാൻ ക്ലിക്ക്‌ ചെയ്യുക...

ഉറക്ക വിസ...

2010-02-16T21:49:00.001+03:00

അബൂദാബി ഡെയ്സ്‌: നാല`

അബൂദാബി ഡെയ്സ്‌ ഒന്ന്, രണ്ട്‌, മൂന്ന്, ഭാഗങ്ങൾക്ക്‌ ക്ലിക്ക്‌ ചെയ്യുക..

എന്തൊക്കെയോ ആലോചിച്ച്‌ കിടന്നതേ എനിക്കോർമയുള്ളൂ...ഇതിനിടയിലേപ്പോഴോ ഉറക്ക ദേവത എന്നെ പിടികൂടിയിരുന്നു..,പ്ഠേ...പ്ഠേ...വാതിലിൽ ആരോ മുട്ടുന്നത്‌ കേട്ടാണു കണ്ണു തുറന്നത്‌..,എ,സി യുടെ സൈഡിലെ വിടവിലൂടെ സൂര്യദേവൻ മുഖത്തേക്ക്‌ ടോർച്ചടിക്കുന്നുണ്ട്‌..,ഇങ്ങേർക്ക്‌ ഉറക്കവുമില്ലേ..,

പ്ഠേ...പ്ഠേ..വതിലിൽ പിന്നെയും മുട്ട്‌..,ആരാണ്ടപ്പാ വാതിലിൽ ചെണ്ട കൊട്ടിപ്പഠിക്കുന്നത്‌..,എനിക്കാകെ ചൊറിഞ്ഞ്‌ കയറി..,..,എല്ലാരും നല്ല ഉറക്കിലാണ`... പ്ഠേ...അടി കൊണ്ട്‌ വാതിൽ വീണ്ടും കരഞ്ഞു.., ഇവനെ ഞാനിന്നു. ....കസ്‌ പിസ്‌...ഗ്സ്‌...,..ദേഷ്യം ഞാൻ പോലുമറിയാതെ എന്നെ ഒറ്റക്കുതിപ്പിനങ്ങ` എണീപ്പിച്ചു..,
വാതിലങ്ങ്‌ വലിച്ചു തുറന്നു..,

കാത്തിരുന്ന ഇരയെ കിട്ടിയ സന്തോഷത്തിൽ ആയിരം സൂര്യന്മാർ ഒരുമിച്ചെന്റെ കണ്ണിലേക്ക്‌ ടോർച്ചടിച്ചു..,എന്റെമ്മോ...അറിയാതെ ഞാനങ്ങ്‌ വിളിച്ച്‌ പോയോ....?സൂര്യ ദേവാ ഈ യുള്ളവനെ ഇങ്ങനെ റാഗ്‌ ചെയ്യല്ലേ..

ചുറ്റും നല്ല വെയിൽ പരന്നിരിക്കുന്നു.., ഹൗ ഇത്ര പെട്ടെന്ന് നേരം വെളുത്തോ..?

"ഫുഡ്‌ വേണെങ്കിൽ വന്ന് മേടിച്ചോ.."

എന്നും പറഞ്ഞ്‌ വാതിൽക്കൽ ചെണ്ട കൊട്ടി പ്പഠിച്ച വിദ്വാൻ അപ്രത്യക്ഷ നായി..,അപ്പോൾ അതാണു കാര്യം..,

അർശ്ശസിന്റെ അസ്കിതയുള്ളവൻ ബാത്ത്‌ റൂമിൽ ഇരുന്ന് കാണിക്കുന്ന മുഖ ഭാവത്തോടെ ഞാൻ പുറത്തേക്ക്‌ നോക്കി..നേരം ഒൻപത്‌ മണിയെങ്കിലും കഴിഞ്ഞു കാണും..നല്ല ചുടു കാറ്റ്‌ വീശുന്നു..,
ഒരു വശത്ത്‌ വേലിക്കെട്ടിനപ്പുറം നോക്കെത്താ ദൂരത്ത്‌ മരുഭൂമിയങ്ങനെ പരന്ന് കിടക്കുകയാണ`..അവിടെ കടലിലെ ഓളങ്ങൾ കണക്കെ മണൽതിട്ടകൾ പറന്ന് നടക്കുന്നു..,ചെവിയോർത്തു നിന്നാൽ കേൾക്കാം അതിന്റെ മുരളൽ ..,അതിന്റെ പൊട്ടിച്ചിരികൾ.. എന്റെ ദൈവമേ..

,ഇതൊരുമാതിരി പന്ന ഏർപ്പാടായിപ്പോയി...എന്റെ സങ്കൽപത്തിലെ ഗൾഫ്‌ ഇതായിരുന്നോ..? ഞാൻ തലച്ചോറിൽ സെർച്ച്‌ ചെയ്തു നോക്കി....ഉറങ്ങി എണീറ്റ ഉടനെയായത്‌ കൊണ്ടോ.. എന്തോ..സെർച്ച്‌ എഞ്ചിൻ ശരിക്ക്‌ വർക്കൗട്ടാകുന്നില്ല.. ..ഏയ്‌ ..,അല്ല..ആകാശം മുട്ടി നിൽക്കുന്ന കെട്ടിടങ്ങളൂം അസ്ത്രവേഗത്തിൽ പായുന്ന വാഹനങ്ങളും അതിസുന്ദരന്മാരും സുന്ദരികളുമായ തദ്ദേശ വാശികളും ഒക്കെയായിരുന്നല്ലോ....

ഇതിപ്പോൾ ആകാശം മുട്ടെ ഉയരുന്ന പൊടിക്കാറ്റും.. അഗ്നിയുടെ അസ്ത്രങ്ങൾ എയ്യുന്ന പകലവനും അതിസുന്ദരന്മാരായ (?)ഞങ്ങളുടെ അതിസുന്ദരങ്ങളായ സ്വപ്നങ്ങൾ തന്നെ കരിച്ച്‌ കളയുമെന്നാ തോന്നുന്നേ...

ഞാൻ ചിന്തകളേ കൂടുതലായി കയറൂരി വിടാൻ നിന്നില്ല..,

"ദേണ്ടേ...എണീക്കെടാ..."

പൊറോട്ടക്ക്‌ മൈദ ഉരുട്ടുന്നത്‌ പോലെ രണ്ട്‌ ഉരുട്ടങ്ങ്‌ കൊടുത്തപ്പോൾ റഷീദ്‌ കണ്ണു തുറന്നു...,ഒച്ചയും ബഹളവും കേട്ട്‌ മംഗലാപുരക്കാരൻ ഇർഫാൻ കണ്ണു തുറന്നു..,
"ജാവ്‌ വന്ത്‌ ഏന്തിട്ടാ,," അവൻ മുറു മുറുത്തു..,

ഇതെന്തോന്ന് ഭാഷ..,ഞാൻ കണ്ണു മിഴിച്ചു..,(ഹിന്ദി,മലയാളം, തമിഴ്‌ എന്നിവയുടെ ഒരു മിക്സ്ചർ രൂപം ആണു ഇവർ സം സാരിക്കുന്നതെന്ന് എനിക്കു പിന്നീട്‌ പലപ്പോഴും തോന്നിയിട്ടുണ്ട്‌..ഒരു പക്ഷേ തുളു ആയിരിക്കാം..)

ഖാനാ..ഖാനാ..ഞാൻ കൈ കൊണ്ട്‌ ആംഗ്യം കാണീച്ചു.., വേണെൽ വന്ന് ഞണ്ണിക്കോ..

റാണി തേനീച്ചക്ക്‌ ചുറ്റും തേനീച്ചകൾ കൂട്ടം കൂടി നിൽക്കുന്നത്‌ പോലെ പുറത്ത്‌ ഒരു മിനി വാനും അതിനു ചുറ്റും പത്തുനൂറു ആളുകളും..,

കോഴിക്കോട്ടുകാരൻ അലിഭായി ആണു ഭക്ഷണം വിതരണം ചെയ്യുന്നത്‌..,

മൂപ്പർ ഇവിടെ ഒരു ഹോട്ടൽ നടത്തുന്നു..ഞങ്ങളെ ഇനിയങ്ങോട്ട്‌ തീറ്റിപ്പോറ്റാനുള്ള ചുമതല ഇയാളെയാണു ഞങ്ങളുടെ കമ്പനി ഏൽപിച്ചിരിക്കുന്നത്‌...

അബൂദാബിയിലെ മദീനത്ത്‌ സൈദ്‌ (ബദാ സൈദ്‌ ) എന്ന പ്രദേശത്തിനും ലിവ എന്ന പ്രദേശത്തിനും ഇടയിലുള്ള താണത്രേ വാദിൽഖൈർ എന്ന് പേരുള്ള ഈ സ്ഥലം..,
ഇവിടെ മസ്‌റകൾ (കൃഷിയിടങ്ങൾ...) മാത്രമേയുള്ളൂ..ആദ്യമായാണു ഇവിടെ ഒരു കമ്പനി തുടങ്ങുന്നത്‌..,എന്നൊക്കെ ഞങ്ങളോട്‌ അയാൾ വാചാലനായി..,എല്ലാവരും ആകാംക്ഷയോടേ കേട്ടിരുന്നു..,

തൊട്ടടുത്ത്‌ ഒരു കടയുള്ളത്‌ 20 കിലോമീറ്റർ അകലെ ലിവ ടൗണിൽ..അതു കൂടി കേട്ടതോടേ വാഴത്തണ്ടിനു ചൂട്‌ വെള്ളമൊഴിച്ച കണക്കെ എല്ലാവരുടെയും മുഖങ്ങൾ വാടിക്കരിഞ്ഞു..,

വരേണ്ടായിരുന്നു.....ഞാനപ്പഴേ പറഞ്ഞതാ...പലരും പലതും പറഞ്ഞ്‌ പിറു പിറുക്കുന്നു..

എനിക്കും അങ്ങനെ തോന്നതിരുന്നില്ല..,

ഏതായാലും വന്ന് പെട്ടു..ഇനിയിപ്പോൾ പറഞ്ഞിട്ടെന്തു കാര്യം...,
അല്ലെങ്കിലും പോയ ബസ്സിനു കൈ കാണിച്ചിട്ടെന്തു പ്രയോജനം..അതു പോയിക്കഴിഞ്ഞില്ലേ..

പാകിസ്ഥാനിൽ നിന്നും ഈജിപ്തിൽ നിന്നും ഇന്ത്യയിൽ നിന്നുമൊക്കെയായി ഏതാണ്ട്‌ മുന്നൂറോളം ആളുകളെ ഒന്നും കാണാതെ കമ്പനി കാശ്‌ മുടക്കി ഇവിടെ കൊണ്ട്‌ വന്ന് താമസിപ്പിക്കില്ലല്ലോ...? എല്ലാവരെയും ഒറ്റയടിക്കങ്ങ്‌ കളിപ്പിക്കാൻ പറ്റില്ലല്ലോ..എന്നൊക്കെയായിരുന്നു എന്റെ സമാധാനം.

കമ്പനിയുടേത്‌ നല്ല മാനേജ്‌മന്റാണെന്നും ഒരു ബുദ്ധിമുട്ടും നിങ്ങൾക്കുണ്ടാവില്ലെന്നും ഞങ്ങളൊക്കെയിവിടില്ലേയെന്നുമൊക്കെയുള്ള അലിഭായിയുടേ വാക്കുകൾ കൊടും ചൂടത്ത്‌ ഐസ്‌ വാട്ടർ കുടിക്കുന്നത്‌ പോലെ എല്ലാവരുടെയും ചിന്തകളെ തണുപ്പിച്ചു..,

ഏതായാലും വരുന്നിടത്ത്‌ വെച്ച്‌ കാണാം..എന്നും പറഞ്ഞ്‌ റൂമിലേക്ക്‌..,ഭക്ഷണപ്പൊതി തുറന്ന് നോക്കിയപ്പോയല്ലേ..ദേ............കെടക്കണു..

ലവൻ .........പൊറോട്ട ,ഈ ഗൾ ഫിലെത്തിയാലെങ്കിലും ഒരു മാറ്റം ഉണ്ടാകുമെന്നു കരുതി...,

ഇങ്ങേർക്ക്‌ വല്ല ഒട്ടകം പുഴുങ്ങിയതോ....അല്ലെങ്കിൽ .ആടിനെ നിർത്തിപ്പൊരിച്ചതോ കൊണ്ട്‌ തന്നൂടേ..... എനിക്ക്‌ ചൊറിഞ്ഞു കയറുന്നു..(ഈ യിടയായി എനിക്ക്‌ ചൊറിച്ചിൽ ഇത്തിരി കൂടുതലാണ`..)

എന്ത്‌ ചെയ്യാം....കൊച്ച്‌ കുഞ്ഞിനെപ്പോലെ വാശി പിടിച്ചോണ്ടിരിക്കാൻ ഇതെന്റെ വീടും അയാൾ തന്റെ അമ്മയുമല്ലല്ലോ..? എന്ന് സ്വയം ആശ്വസിപ്പിച്ചു..,

കൂടുതൽ വളാ വളാന്ന് ചിലച്ചോണ്ടിരുന്നാൽ ഉള്ളതും കൂടി ഇല്ലാതാവും ..കുടിക്കണ വെള്ളത്തിൽ പ്രഷ്ടം കഴുകാൻ തൽക്കാലം ഞാനില്ല..,

കിട്ടിയതായി...ഞാൻ കൂടുതലൊന്നും ചിന്തിക്കാനും പറയാനും പോയില്ല..ആക്രമണം തുടങ്ങി..,,നല്ല വിശപ്പുണ്ടായിരുന്നത്‌ കൊണ്ട്‌ മൂപ്പർ യാതൊരു പരാതിയും കൂടാതെ വേഗത്തിലങ്ങ്‌ കയറിപ്പോയി..,

പൊറോട്ടയും മുന്നിൽ വെച്ച്‌ എവിടെ തുടങ്ങണം എങ്ങനെ തുടങ്ങണം എന്ന് ആലോചിച്ച്‌ കൊണ്ടിരുന്ന മംഗലാപുരം ബോയ്സ്‌ എന്റെ തീറ്റ കണ്ട്‌ കണ്ണ` മിഴിച്ചു..(ഇനിയെത്ര കണ്ണു മിഴിയാൻ ബാക്കി കിടക്കുന്നു..)

അല്ലെങ്കിലും പൊറോട്ട തിന്നാൻ മലപ്പുറം കാർക്ക്‌ പ്രത്യക കഴിവുണ്ട്‌..,കാരണം അവരുടെ ദേശീയ ഭക്ഷണമാണല്ലോ പൊറോട്ട എന്ന മൈദ ഷീറ്റ്‌..,രണ്ട്‌ പൊറോട്ടയും ബീഫ്‌ കറിയും ചേർത്ത്‌ ഒരു പിടി പിടിച്ച്‌ ഇത്തിരി വെള്ളവും കൂടിയങ്ങ്‌ കുടിച്ചാൽ വയറ്റിനകത്ത്‌ കോൺക്രീറ്റ്‌ വർത്തിട്ട പോലങ്ങ്‌ കിടന്നോളൂം..,പിന്നെ സമീപകാലത്ത്‌ വയറ്റിനകത്തേക്കൊന്നും ചെല്ലേണ്ട കാര്യമില്ല..പുറത്തോട്ടും പോവുമെന്ന് പേടിക്കേണ്ട.. ഇടക്കിടക്ക്‌ ഒന്നു നനച്ചു കൊടുത്താൽ മതി..

ഈ വിദ്യ അവന്മാർക്കറിയില്ലല്ലോ.....

അബൂദാബിയിലെ എന്റെ ആദ്യ ദിനം..

പൊറോട്ട കൊണ്ടുള്ള വാർക്കപ്പണികഴിഞ്ഞതോടെ എന്റെ ഉറക്കം എരുമേലി വഴി പമ്പ കടന്നു..,

പുറത്ത്‌ വെയിലിനു ശക്തിയാർജിച്ചു വരുന്നു..,ഒപ്പം ചൂടിനും..,

വയറു നിറഞ്ഞ സന്തോഷത്തിൽ റഷീദ്‌ പോയി കുളിച്ച്‌ ഉഷാറായി വരുന്നു..,
"ഹൗ വെള്ളത്തിനെന്തൊരു ചൂടിഷ്ടാ..." അതു നന്നായി .നാട്ടിൽ കുളിക്കാൻ വെള്ളം ചൂടാക്കിക്കൊടുക്കാത്തതിനു ഭാര്യമാരോട്‌ പിണങ്ങി കുളിക്കാതെ നടക്കുന്നവർ ഇനിയെങ്കിലുമൊന്ന് കുളിച്ചോട്ടേ...

ഉണ്ടിട്ട്‌ കുളിക്കുന്നവനെ കണ്ടാൽ കുളിക്കണം എന്നാണല്ലോ ചൊല്ല്..,അതു കൊണ്ട്‌ ഞാനും കുളിക്കാൻ പോയി..,

വഴിയിൽ വെച്ച്‌ പല പല മുഖങ്ങളെ പരിചയപ്പെട്ടു..

കണ്ണൂർ സ്വദേശികളായ രാജേഷ്‌, ശ്രീജിത്തേട്ടൻ, സക്കറിയ,അലിക്ക... .

കോഴിക്കോട്ടുകാരായ കുട്ടൻ, രതീഷ്‌, റഹ്‌ മത്ത്‌,

മട്ടാഞ്ചേരിക്കാരനായ സഹീർ, എന്നിങ്ങനെ ഒരു പാട്‌ പുതിയ സുഹ്രത്തുക്കളെ ബാത്ത്‌ റൂമിലേക്കുള്ള ആ ഒരൊറ്റ യാത്രയിൽ എനിക്കു കിട്ടി..

കുളിച്ച്‌ ഫ്രഷായി..,

പിന്നെയങ്ങോട്ട്‌ പല പല റുമുകളിൽ കയറിയിറങ്ങി വെടികൾ പറഞ്ഞ്‌ സമയത്തെ നിഷക്കരുണം കൊന്നു തള്ളിക്കൊണ്ടിരിക്കലായിരുന്നു ഞങ്ങളുടെ പ്രധാന ജോലി..

അങ്ങനെ അങ്ങനെ ഓരോരോ ദിനങ്ങൾ കൊഴിഞ്ഞു പോയ്‌ കൊണ്ടിരുന്നു..,

കമ്പനി പ്രവർത്തനം ആരംഭിക്കാത്തത്‌ കൊണ്ട്‌ ഇങ്ങനെയൊക്കെ തന്നെയായിരുന്നു ഓരോ ദിവസത്തെയും ദിനചര്യകൾ..,

എന്നും രാവിലേയും വൈകുന്നേരവും രാത്രിയും ഹെയ്തിയിലേക്ക്‌ യു.എൻ. സഹായം വഹിച്ച്‌ കൊണ്ട്‌ വരുന്ന വാഹനം പോലെ അലി ഭായിയുടെ മിനിവാൻ പൊടി പറത്തി വന്നു നിൽക്കും..അഭയാർത്ഥികളെപ്പോലെ ഞങ്ങൾ ഓടിച്ചെന്ന് ചുറ്റിലും വളഞ്ഞ്‌ കിട്ടുന്നതും വാങ്ങിക്കൊണ്ട്‌ വന്ന് ഞണ്ണും.(ഐമീൻ... തിന്നുക, കഴിക്കുക).എന്നിട്ട്‌ പോയി കിടന്നുറങ്ങും ,വൈകുന്നേരങ്ങളീൽ മരുഭൂമിയിലൂടെ സാഹസികവും സാഹസികമല്ലാത്തതുമായ യത്രകൾ നടത്തും.., എന്നു വെച്ചാൽ തെണ്ടി നടക്കും , ചുറ്റു വട്ടത്തുള്ള തോട്ടങ്ങളീൽ പണീയെടുക്കുന്നവന്മാരുടെ വിശ്രമവേളകളിലേക്ക്‌ പൊടുന്നനെ വീട്ടിലേക്ക്‌ കക്കൂസ്‌ കഴുകാൻ വാതിൽ തുറന്ന് ഹാർപ്പിക്കുമായി കടന്ന് വരുന്ന സിനിമാ നടനെ പ്പോലെ കടന്ന് ചെന്ന് ഞങ്ങൾ അലങ്കോലമാക്കും.... വഴിയെ പോകുന്ന സകല വാഹനത്തിനും കൈ കാണിച്ച്‌ തൊട്ടടുത്ത്‌ ടൗണിലേക്ക്‌ കറങ്ങാൻ പോകും..മാനം മര്യാദയയി ആ പരിസര പ്രദേശങ്ങളീൽ ജീവിച്ച്‌ വന്നിരുന്ന സകല ഇന്ത്യക്കാർക്കും ഞങ്ങളാൽ കഴിയും വിധം ബുദ്ധിമുട്ടുകളൂം ചീത്തപ്പേരും ഉണ്ടാക്കിക്കൊടുത്തും .....രാത്രി കാലങ്ങളിൽ ക്യാമ്പിലെ പാകിസ്താനി തൊഴിലാളികളുമായി ചേർന്ന് ഇരു രാജ്യത്തെയും ക്രിക്കറ്റ്‌ ബോർഡുകൾ പോലുമറിയാത്ത ഇന്ത്യ -പാക്‌ ക്രിക്കറ്റ്‌ പരമ്പര കളിക്കും......അങ്ങനെ അങ്ങനെ തിന്നു കുടിച്ച്‌ ഉറങ്ങി അർമാദിച്ച്‌ കൊണ്ട്‌ ഓരോ ദിവസങ്ങളും കൊഴിഞ്ഞ്‌ പോയ്‌ കൊണ്ടിരുന്നു..,

സാക്ഷാൽ കുംഭകർണ്ണനെ പ്പോലും നാണിപ്പിക്കുന്ന രീതിയിൽ ആരോടോ ഉള്ള വാശി തീർക്കാനെന്ന വണ്ണം ഉറങ്ങുന്ന ചിലർക്ക്‌ സമയാ സമയങ്ങളിൽ എണീറ്റ്‌ ഭക്ഷണം കഴിക്കുക എന്നത്‌ തന്നെ വലിയ ബുദ്ധിമുട്ടുള്ള ജോലിയാണു എന്ന് അഭിപ്രായമില്ലാതില്ല..,

ഇതൊക്കെ കാണൂമ്പോൾ തോന്നും ഞങ്ങളുടേ വിസയടിച്ച വിദ്വാനു പിഴച്ചതായിരിക്കുമോ..?.. "ലേബർ വിസ "എന്നടിക്കേണ്ടയിടത്ത്‌ അങ്ങേരു "ഉറക്ക വിസ " എന്നെങ്ങാനും അടിച്ചോ..?

ഒരു ദിവസം..അതിരാവിലെ തന്നെ വാതിക്കൽ ആരോ മുട്ടുന്നു..മുട്ടലിന്റെ ഇടവേളകളിൽ "ഭായ്‌ സാബ്‌ "എന്ന വിളിയും..,ഈ മരുഭൂമിയിലും പിച്ചക്കാരോ.. ഇവിടൊന്നുമില്ല... ഞാൻ എണീറ്റ്‌ വാതിൽ തുറന്നു..,ഞങ്ങളുടെ പാകിസ്താനി സൂപ്പർ വൈസർ ചാച്ചായാണ`.., "ആ ഒ‍ാ ഭായിസാബ്‌.,തോഡാ മദദ കരോ.".എന്താന്ന് എനിക്ക്‌ മിന്നിയില്ല..(അല്ലെങ്കിലും ട്യൂബ്‌ ലൈറ്റിനെപ്പോലെയാണ`..മിന്നിത്തെളിയാൻ സമയമെടുക്കും..)

..ചാച്ചാ മുകളിലേക്ക്‌ നോക്കി എന്തോ പറഞ്ഞു..ഞാൻ പുറത്തിറങ്ങി നോക്കി..

എന്റെ ഉള്ളൊന്നു കാളി..എന്റെ ദൈവമേ...ഞങ്ങളുടെ റൂമിനു മുകളീൽ വായുവിൽ വേറൊരു റൂം പൊങ്ങി നിൽക്കുന്നു.., വായുവിൽ പൊങ്ങി നിൽക്കുന്ന വീടോ..വല്ലാത്ത അതിശയം തന്നെ.. അദ്ഭുതങ്ങൾ സൃഷ്ടിക്കുന്ന നിർമ്മാണ പ്രവർത്തനങ്ങൾ ദുബായിലും യു.എ,ഇ.യിലും നടക്കാറുണ്ട്‌ എന്ന് കേട്ടിട്ടുണ്ട്‌..ഇത്രേം പ്രതീക്ഷിച്ചില്ല...,സൂക്ഷിച്ച്‌ നോക്കിയപ്പൊഴാണു മനസ്സിലായത്‌..,അതു വായുവിൽ പൊങ്ങി നിൽക്കുകയല്ല.. ഭീമാകാരനായ ഒരു ക്രയിൻ അതെടുത്തുയർത്തി നിൽക്കുകയാണ`. അതു ഞങ്ങളുടേ റൂമിനു തൊട്ട്‌ മുകളീൽ .
എന്റെ കളരി പരമ്പരദൈവങ്ങളേ ..അതിന്റെ വടമെങ്ങാനും പൊട്ടിയാൽ താഴെ കിടക്കുന്ന ആറു ശരീരങ്ങൾ ചോറിൽ പപ്പടം കുഴച്ച പോലെ ഈ മണലിൽ കുഴഞ്ഞു പോകുമല്ലോ..

ഇങ്ങോർക്കതൊന്ന് മാറ്റിപ്പിടിച്ചൂടേ.., ചാച്ചാ എന്നോടെന്തൊക്കെയോ പറഞ്ഞു.., അ.. ആ..അത്രയുള്ളൂ..,ഞാൻ എല്ലാം മനസ്സിലായി എന്ന ഭാവത്തിൽ തലകുലുക്കി..സത്യത്തിൽ എനിക്കൊന്നും മനസ്സിലായില്ല ,ഇന്ത്യക്കാരനാണെന്ന് പറഞ്ഞിട്ടെന്താ എനിക്കുണ്ടോ ഹിന്ദി (ഉർദ്ദു..പറയുമ്പോൾ രണ്ടും ഒരു പോലെ തന്നെയല്ലേ..) അറിയുന്നു..,

ഞാൻ റൂമിലേക്ക്‌ കയറി ഇർഫാനെ രണ്ട്‌ ഉരുട്ടങ്ങ്‌ കൊടുത്തപ്പോൾ അവനുണർന്നു,അവനു ഹിന്ദി അറിയാം.. ഒച്ചയും ബഹളവും കേട്ട്‌ മറ്റുള്ളവരും..,

കണ്ണും തിരുമ്മി പുറത്തേക്ക്‌.., ഞങ്ങളുടെ റൂമിനു മുന്നിൽ ഒഴിഞ്ഞു കിടക്കുന്ന സ്ഥലത്ത്‌ പുതിയ റൂം ഫിറ്റ്‌ ചെയ്യണം..,അതിനു തറ എന്ന പേരിന` നാലു ഭാഗത്തും രണ്ടോ മൂന്നോ ഹോളോബ്രിക്സ്‌ കല്ലുകൾ കൃത്യമായി വെക്കണം ..,അതിനാണ` ചാച്ചാ ഞങ്ങളുടെ ഉറക്കമെന്ന ജോലിക്കിടയിൽ ശല്യമുണ്ടാക്കിയത്‌..,

അങ്ങനെ ഞങ്ങളെല്ലാവരും കൂടി കല്ലുകൾ പെറുക്കി ക്കൊണ്ട്‌ വന്നു.. വെറും അഞ്ചേ അഞ്ച്‌ മിനുട്ട്‌.. ഞങ്ങളുടെ റൂമിനു മുന്നിൽ മറ്റൊരു അതിമനോഹരമായ കെട്ടിടം ഉയർന്നു.. എന്നാ ഫാസ്റ്റാ കാര്യങ്ങൾ.. പൊടിയും തട്ടി വീണ്ടും...ജോലിയിലേക്ക്‌...ഉറക്ക വിസയിൽ വന്നവർ പിന്നെന്തു ചെയ്യാൻ....

മരുഭൂമിയിലെ ചിത്രങ്ങൾ, ലിവ ചിത്രങ്ങൾ, മദീനത്ത്‌ സായ്ദ്‌ ചിത്രങ്ങൾ എന്നിവ കാണുന്നതിനായി ക്ലിക്ക്‌ ചെയ്യുക

തുടരും.....

ഡെസർട്ട്‌ ചിത്രങ്ങൾ

2010-02-16T21:28:00.002+03:00

മരുഭൂമിയിലെ ചില ദ്രശ്യങ്ങൾ.....

അബൂ ദാബി ഡെയ്സ്‌ ഒന്ന്, രണ്ട്‌, മൂന്ന്, നാല` , ഭാഗങ്ങൾ വായിക്കാൻ ക്ലിക്ക്‌ ചെയ്യുക..

ഒട്ടകങ്ങൾ വരി വരി വരിയായ്‌.....

മണൽ കൊട്ടാരം

നിങ്ങൾക്കെന്താ ഇവിടെ കാര്യം..+

മണൽ തിരമാലകൾ

അറ്റമില്ലാത്ത യാത്രകൾക്കായ്‌..

ഞങ്ങളിവിടുണ്ടേ...

മദീനത്ത്‌ സായ്ദ്‌ ചിത്രങ്ങൾ

2010-02-16T21:27:00.002+03:00

മദീനത്ത്‌ സായ്ദ്‌ ചിത്രങ്ങൾ

അബൂദാബി ഡെയ്സ്‌ ഒന്ന്, രണ്ട്‌, മൂന്ന്, നാല`.ഭാഗങ്ങൾക്കായി ക്ലിക്ക്‌ ചെയ്യുക

ലിവ ചില ചിത്രങ്ങൾ

2010-02-16T21:26:00.002+03:00

ലിവ ചില ചിത്രങ്ങൾ

അബൂദാബിയിലെ ലിവ ടൗണിൽ നിന്നും പരിസര പ്രദേശങ്ങളിൽ നിന്നുമുള്ള ചില കാഴ്ചകൾ..

അബൂദാബി ഡെയ്സ്‌ ഒന്ന്, രണ്ട്‌, മൂന്ന്, നാല` ഭാഗങ്ങൾക്കായി ക്ലിക്ക്‌ ചെയ്യുക..