அதிரடி தமிழ் செய்தி

12-12-12

noreply@blogger.com (beer mohamed) — Tue, 11 Dec 2012 17:50:00 +0000

தமிழ் சினிமாவே கொண்டாடும் சூப்பர் ஸ்டார் என்று அழைக்கப்படும் நடிகர் ரஜினிகாந்தின் பிறந்தநாளும்
கூட. பொதுவாகவே ரஜினி பிறந்தநாளை விமரிசையாக கொண்டாடும் அவரது ரசிகர்கள், இந்தாண்டு இப்படியொரு(12.12.12) சிறப்பு தினத்தில் வருவதால் இந்த பிறந்தநாளை வெகு விமரிசையாக கொண்டாட தயாராகி வருகிறார்கள். தமிழ் சினிமாவின் 5 எழுத்து தாரகை மந்திரம்தான் ரஜினிகாந். குழந்தகள் தொடங்கி முதியவர்கள் வரை யாரையும் கவர்ந்திழுக்கும் ஒரு வசீகர நடிகன். அபூர்வமான ஆற்றல், கடும் உழைப்பு, விடா முயற்சி ஆகியவற்றால், “சூப்பர் ஸ்டாராக‌ உயர்ந்து சிகரம் தொட்ட ஓரு அற்புதக்கலைஞர் ரஜினிகாந். இன்று (12.12.2011)இவர் தனது 61வது பிறந்த நாளை கொண்டாடுகின்றார். இவருக்கு 61வது பிறந்தநாளாக இருந்தாலும் இவ் வருட பிறந்தநாளை இவரது ரசிகர்கள் அவரின் முதலாவது பிறந்தநாள் என்றே சொல்கிறார்கள் காரணம் இவர் உடல் நிலை பாதிக்கப்பட்டு வெளிநாடு சென்று சிகிற்சை பெற்று நாடு திரும்பி இவருக்கு இதுதான் முதல் பிறந்தநாள் என்பதே இதற்கு காரணம். இப்படி ஒரு ரசிகர்கள் பட்டாளத்தை இந்தியாவில் மட்டுமல்லாது உலகம் முழுவது கொண்டுள்ள எங்கள் சூப்பர் ஸ்டாருக்கு தமிழ்ஸ்டார் இணையத்தளமும் உலகம்முழுவதும் பரந்து வாழும் எங்கள் ரசிகர்கள் சார்பாக சூப்பர்ஸ்டார் ரஜினிகாந் அவர்களுக்கு எங்களது இனிய பிறந்தநாள் வாந்த்துக்களை தெரிவித்துக் கொள்வதோடு மேன்மேலும் அவரது கலைப்பயண‌ம் தொடர இறைவனை வேண்டுகின்றோம். இன்றைய சூப்பர்ஸ்டாரின் பிறந்தநாள் ஸ்பெஷலாக அவரின் திரையுலக வாழ்க்கையின் வரலாற்று தகவல்கள் சிலவற்றை தமிழ்ஸ்டார் டீம் உங்களுக்காக தொகுத்து வழங்குகின்றது. *பெற்றோர்* ரஜினிகாந்தின் தந்தை பெயர் ரானோஜிராவ் கெய்க்வாட். தாயார் பெயர் ராம்பாய். “கெய்க்வாட்” என்பது, குடும்பப் பெயராகும். மராட்டிய மாமன்னர் சிவாஜியின் பரம்பரையில் வந்தவர்கள் “கெய்க்வாட்” என்று அழைக்கப்பட்டனர். ரஜினியின் முன்னோர்கள் சிவாஜியின் மெய்க்காப்பாளர்களாக பணிபுரிந்துள்ளனர். இவர்களில் சிலர் பிற்காலத்தில் கர்நாடகத்திற்கு குடிபெயர்ந்தனர். மற்றும் சிலர், தமிழ்நாட்டில் கிருஷ்ணகிரிக்கு மூன்று கிலோ மீட்டர் தூரத்தில் உள்ள நாச்சிக்குப்பம் என்ற கிராமத்தில் குடியேறி வாழ்ந்து வந்தனர். ரஜினியின் தந்தையான ரானோஜிராவ் பிறந்தது நாச்சிக்குப்பத்தில்தான். ரஜினியின் தாயார் ராம்பாய், கோவை மாவட்டத்தின் எல்லையில் உள்ள கொள்ளேகால் அருகில் உள்ள ஒரு கிராமத்தில் பிறந்தவர். ரானோஜிராவுக்கு கர்நாடக மாநில போலீஸ் இலாகாவில், போலீஸ் உத்தியோகம் கிடைத்ததால், குடும்பத்தோடு பெங்களூரில் குடியேறினார். ரானோஜிராவ், தெய்வ பக்தி மிக்கவர். நேர்மையானவர். வேலையில் திறமையானவர். அதனால் படிப்படியாக உயர்ந்து “ஹெட் கான்ஸ்டபிள்” ஆனார். *ரஜினி பிறந்தார்* ரானோஜிராவ் – ராம்பாய் தம்பதிகளுக்கு சத்தியநாராயணராவ், நாகேஸ்வரராவ் என்ற இரண்டு ஆண் குழந்தைகள் பிறந்த பிறகு மூன்றாவதாகப் பிறந்தவர் ரஜினிகாந்த். 1950-ம் ஆண்டு டிசம்பர் 12-ந்தேதி இரவு 11-45 மணிக்கு அவர் பிறந்தார். திருவோணம் நட்சத்திரம்; மகர ராசி. ரஜினிக்கு சத்தியநாராயணராவ் 5 வயதும், நாகேஸ்வரராவ் மூன்று வயதும் மூத்தவர்கள். ரஜினிக்கு ஒரு அக்காள். பெயர் அஸ்வத் பாலுபாய். ரஜினிகாந்த் கர்நாடகத்தில் பிறந்து வளர்ந்தாலும், தாய் மொழி மராத்தி. *பள்ளிப்பருவம்* குழந்தையாக இருக்கும்போதே ரஜினி துறுதுறுப்பும், புத்திசாலித்தனமும் மிகுந்தவராக விளங்கினார். ஐந்தாவது வயதில், பசவன்குடியில் உள்ள பிரிமியர் மாடல் ஸ்கூல் என்ற பள்ளியில் சேர்க்கப்பட்டார். படிப்பிலும், விளையாட்டிலும் கெட்டிக்காரராக விளங்கினார். ரஜினிகாந்த் ஒன்பது வயது சிறுவனாக இருந்தபோது, தாயாரை இழந்தார். உடல் நிலை கவலைக்கிடமாகி ஆஸ்பத்திரியில் இருந்த தாயாரைப் பார்க்க, ரஜினியை அவர் அண்ணன் சத்தியநாராயணா அழைத்துச் சென்றார். /*தன் முடிவு நெருங்கிவிட்டதை அறிந்த ராம்பாய், ரஜினியை தன் அருகே அழைத்து தலையைக் கோதி விட்டார். கையை எடுத்து முத்தமிட்டார்*/. அதுதான் மகனுக்கு அவர் கொடுத்த கடைசி முத்தம். மறுநாள் இறந்து விட்டார். விவரம் அறியாத சிறு வயதிலேயே அன்னையை இழந்தார் ரஜினி. தாயார் இறந்து விட்டார், இனி அவரைப் பார்க்க முடியாது என்பதைக்கூட அப்போது அவரால் உணர முடியவில்லை. இவ்வறு மிகவும் உருக்கமாக நெகிழ்சியாக செல்கிறது இவரது இளமைகால வரலாறு.. தந்தையின் விருப்பப்படி கல்லூரியில் சேர்ந்த ரஜினிகாந்த், படிக்கப் பிடிக்காமல் வேலை தேடி சென்னைக்கு ஓடிவந்தார். பல கஷ்டங்களை அனுபவித்தார். கிடைத்த சம்பளத்தில் சினிமா பார்த்து விட்டு, பட்டினி கிடந்தார். பெங்களூர் ராமகிருஷ்ணா மிஷன் பள்ளியில் எஸ்.எஸ்.எல்.சி. படித்து முடித்தபோது ரஜினிக்கு வயது 16. அரும்பு மீசை வளரத் தொடங்கிய பருவம். “சும்மா ஊர் சுற்றிக் கொண்டிருந்தால், பையன் கெட்டுப்போய் விடுவான். கல்லூரியில் சேர்ந்து படிக்கட்டும்” என்று, ரஜினியின் தந்தை முடிவு செய்தார். தந்தையின் வற்புறுத்தல் காரணமாக, வேறு வழியின்றி கல்லூரியில் “பி.யு.சி” வகுப்பில் சேர்ந்தார், ரஜினி. சில மாதங்கள்தான் படித்தார். படிப்பு வேம்பாய்க் கசந்தது. கல்லூரியில் சம்பளம் கட்டுவதற்காகக் கொடுத்த 200 ரூபாயை எடுத்துக்கொண்டு, சென்னைக்கு ரெயில் ஏறிவிட்டார். இந்தக் காலக்கட்டத்தில், ரஜினி சினிமாப் படங்கள் பார்ப்பது உண்டு என்றாலும், சினிமாவில் நடிக்கும் ஆசை வரவில்லை. ஏதாவது வேலை தேடலாம் என்ற எண்ணத்தில்தான் சென்னைக்கு வந்தார். ஆனால், பல இடங்களில் தேடியும் வேலை கிடைக்கவில்லை. பணம் கரையக் கரைய, பயம் ஏற்பட்டது. கடைசியில் ஒரு தச்சுப் பட்டறையில் வேலைக்குச் சேர்ந்தார். அங்கு போதிய வருமானமும் இல்லை; வேலையும் பிடிக்கவில்லை. எனவே, பெங்களூருக்குத் திரும்பிச் சென்றார். *மீண்டும் சென்னை* பெங்களூரில் ஒரு மளிகைக் கடையில் வேலைக்குச் சேர்ந்தார். சில நாட்கள்தான் வேலை பார்த்தார். அதன்பின் வேலை பிடிக்காமல் மீண்டும் சென்னைக்கு வந்தார். சென்னையில் வேலை தேடி அலைந்தார். அப்போது மிட்லண்ட் தியேட்டரில் கே.பாலசந்தர் இயக்கத்தில் நாகேஷ் நடித்த “எதிர்நீச்சல்” படம் ஓடிக்கொண்டிருந்தது. அந்தப் படத்தை போய்ப்பார்த்தார். மறுநாள், ஒரு கட்டிட காண்டிராக்டரிடம் சித்தாள் வேலை கிடைத்தது. அங்கு கிடைக்கும் சம்பளத்தில் நிறைய சினிமா படங்கள் பார்த்தார். சிவாஜிகணேசன், எம்.ஜி.ஆர். நடித்த படங்கள் அவரை வெகுவாகக் கவர்ந்தன. குணச்சித்திர வேடங்களில் சிவாஜியின் நடிப்பையும், வீரதீரச் செயல்கள் நிறைந்த காட்சிகளில் எம்.ஜி.ஆர். நடிப்பையும் கண்டு பிரமித்தார். கையில் கிடைக்கும் காசில் சினிமா பார்த்துவிட்டு, பல நாள் பட்டினி கிடந்திருக்கிறார். ஒருநாள் இப்படி சினிமா பார்த்துவிட்டு, “எல்.ஐ.சி” கட்டிடத்தின் முன், பிளாட்பாரத்தில் படுத்துத் தூங்கினார். இரவில் ரோந்து சுற்றிய போலீசார், சந்தேகக் கேசில் அவரைப் பிடித்து “லாக்-அப்”பில் வைத்துவிட்டனர். மறுநாள் காலை விசாரணை நடத்தியதில், அவர் நிரபராதி என்று தெரிந்தது. உடனடியாக விட்டுவிட்டனர். போதிய வருமானம் இல்லை. பசி – பட்டினியுடன் எத்தனை நாள் காலம் தள்ளமுடியும்? மீண்டும் பெங்களூருக்குத் திரும்ப முடிவு செய்தார், ரஜினி. டிக்கெட் வாங்கக்கூட கையில் பணம் இல்லை. `வருவது வரட்டும்’ என்று தீர்மானித்து, பெங்களூர் ரெயிலில் ஏறி, பெஞ்சுக்கு அடியில் படுத்துக்கொண்டார். நல்லவேளையாக டிக்கெட் பரிசோதகர் எவரும் வரவில்லை. மறுநாள் காலை பத்திரமாக பெங்களூர் போய்ச் சேர்ந்தார். வீட்டுக்குப் போனபோது, யாரும் அவரிடம் முகம் கொடுத்துப் பேசவில்லை. சொல்லிக்கொள்ளாமல் ஊரை விட்டு ஓடியதால், கோபமாக இருந்தார்கள். `ஏதாவது வேலை பார்த்தால்தான் இனி மரியாதை கிடைக்கும்’ என்று தீர்மானித்த ரஜினி, ஒரு தச்சுப் பட்டறையில் வேலைக்குச் சேர்ந்தார். சில நாட்கள் கழித்து, ஒரு ஒர்க்ஷாப்பில் சேர்ந்தார். அந்த வேலையும் பிடிக்கவில்லை. ஒரு அரிசி மண்டியில் உள்ள லாரி ஷெட்டுக்கு போனார். அங்கு வேலை கிடைத்தது. அதாவது மூட்டை தூக்கும் வேலை! அரிசியைச் சுமந்து, லாரியில் ஏற்றவேண்டும். 60 மூட்டையைத் தூக்கினால் 2 ரூபாய் கூலி. ரஜினிகாந்த் 180 மூட்டைகளை தூக்கிப்போட்டு, ஒரு நாளைக்கு 6 ரூபாய் சம்பாதித்து விடுவார். ரஜினி மீது அவர் அண்ணி தாய்ப்பாசம் வைத்திருந்தார். இரவில் நேரம் கழித்து வந்தாலும், அவருக்கு சாப்பாடு போட்டு விட்டுத்தான் தூங்கப்போவார். இப்படி இவர் கன்டக்க்ரககும் முதல் இவரின் வரலாற்றுத்தகவல்கள் இப்படி விரிந்து செல்கின்றது இதன் பின்னர் கன்டக்கராக பணியாற்றும் போதும் ட்ரைவராக பணியாற்றிய இவரின் நண்பன் (ட்ரைவர்) இன் தூண்டுதலில்நடிகராக விரும்பி சென்னைக்கு வந்த ரஜினிகாந்த், ஒரு நண்பரின் உதவியுடன் சென்னை திரைப்படக் கல்லூரியில் சேர்ந்து படித்தார். *சினிமா துறையில் வரலாறு..* 1975ஆம் ஆண்டு புத்தண்ணா கனகால் இயக்கிய 'கதா சங்கமா' என்ற கன்னட படத்தில் முதன் முதலாக நடித்தார். அதே ஆண்டில் தமிழில் கே பாலச்சந்தர் இயக்கிய 'அபூர்வ ராகங்கள்' என்ற திரைப்படத்தில் ஒரு சிறிய வேடத்தில் முதன்முதலாக நடித்தார். அதன் பிறகு அவர் தொடர்ந்து நடித்த மூன்று முடிச்சு, புவனா ஒரு கேள்விக்குறி (1977), அவர்கள் (1977), 16 வயதினிலே (1977), காயத்ரி போன்ற படங்கள் அவரை மிகச்சிறந்த வில்லத்தனமான நடிப்பிற்காக நல்ல பெயரைப் பெற்றுத்தந்தன. பின்னர் புவனா ஒரு கேள்விக்குறி, முள்ளும் மலரும் (1978), ஆறிலிருந்து அறுபது(1979) வரை போன்ற படங்கள் அவர் நாயகனாக நடித்து வெளிவந்து மிகப்பெரிய வெற்றியைப் பெற்றன. பில்லா, போக்கிரி ராஜா, தனிக்காட்டு ராஜா, முரட்டுக்காளை ஆகிய படங்களில் அவர் அதிரடி நாயகனாக நடித்து பெரும் புகழ் பெற்றார். தில்லுமுல்லு படம் இவரை ஒரு சிறந்த நகைச்சுவை நடிகராக உலகுக்கு வெளிக்காட்டியது. பில்லா இந்தியில் அமிதாப்பச்சன் நடித்து மிகப்பெரும் வெற்றி பெற்ற 'டான்' படத்தின் தமிழாக்கம் ஆகும். அமிதாபச்சனின் பிற படங்களான குத்-தார், நமக் ஹலால், லாவாரிஸ், திரிசூல் மற்றும் கஸ்மே வாதே போன்ற படங்கள் முறையே படிக்காதவன், வேலைக்காரன், பணக்காரன், மிஸ்டர் பாரத் மற்றும் தர்மத்தின் தலைவன் போன்ற பெயர்களில் ரஜினிகாந்த் நடிப்பில் வெளிவந்து பெரும் வெற்றி பெற்றன. அவரின் 100 வது படமான ஸ்ரீ ராகவேந்திரர், சமயத்துறவி ராகவேந்திரரின் வாழ்க்கையைப் பற்றிய படமாகும். 90களில் இவர் நடித்து வெளிவந்த அண்ணாமலை, பாட்ஷா, போன்ற படங்கள் இவரை சூப்பர் ஸ்டாராக மாற்றியது. இவ்விரு திரைப்படங்களும் இன்றளவிலும் திரையிடப்படும் இடங்கள் அனைத்திலும் நல்ல வசூலைக் கொடுத்து வருவது குறிப்பிடத்தக்கது. முத்து படம் இந்தியாவில் மட்டுமல்ல ஜப்பானிலும் அமோக வெற்றி பெற்றது. ஜப்பானிய மொழியில் மொழி மாற்றம் செய்யப்பட்ட முதல் தமிழ் படம் முத்து தான். ரஜினிகாந்த் தாமே திரைக்கதை அமைத்த படம் வள்ளி 1993 ஆம் ஆண்டு வெளிவந்தது. நடிகர் திலகம் சிவாஜி கணேசனுடன் இவர் நடித்து வெளிவந்த படம் படையப்பா மிகப்பெரும் வெற்றி பெற்றது. மாபெரும் எதிர்பார்ப்பில் நீண்ட இடைவெளிக்குப் பின் 2002ல் இவர் நடித்து வெளிவந்த பாபா திரைப்படம் எதிர்பார்த்த வெற்றியைத் தரவில்லை. இருந்தாலும் அடுத்து 2005 ஆம் ஆண்டு இவர் நடித்து வெளிவந்த சந்திரமுகி திரைப்படம் வசூலில் பல சாதனைகளை முறியடித்தது. இதன் பின்னர் 2010 ல் எந்திரன் படம் மிகவு அதிக பொருட் செலவில் வெளிவந்து பலசாதனைகளை படத்ததோடு தமிழ் சினிமா வரலாற்றில் புதிய திருப்பத்தையே ஏற்ப்படுத்தியது என்று சொன்னால் மிகையாகது ரஜினிகாந்த், தமிழ் அல்லாமல் தெலுங்கு, ஹிந்தி, கன்னடம், மலையாளம், வங்காளம், ஆங்கிலம் ஆகிய மொழிகளில் சுமார் 170 படங்களில் நடித்துள்ளார். ஆங்கிலத்தில் இவர் நடித்து வெளிவந்த படம் பிலட் ஸ்டோன் (Blood Stone) (1988). *ரஜினிகாந்த் பெற்ற விருதுகள்* படையப்பா, பெத்தராயடு, பாட்ஷா, முத்து, அண்ணாமலை, தளபதி, வேலைக்காரன், ஸ்ரீ ராகவேந்திரா, நல்லவனுக்கு நல்லவன், மூன்று முகம், எங்கேயோ கேட்ட குரல், ஆறிலிருந்து அறுபது வரை, முள்ளும் மலரும், 16 வயதினிலே ஆகிய படங்களுக்காக சிறந்த நடிகர் விருதைப் பெற்றுள்ளார் ரஜினிகாந்த். புவனா ஒரு கேள்விக்குறி நடித்ததற்காக சிறந்த துணை நடிகருக்கான விருதைப் பெற்றுள்ளார். வள்ளி படத்திற்காக சிறந்த திரைக்கதாசிரியர் மற்றும் தயாரிப்பாளர் விருதை வென்றுள்ளார். ரஜினிகாந்த் அவர்கள் 1984 ஆம் ஆண்டு தமிழக அரசின் கலைமாமணி விருதையும், 1989ஆம் ஆண்டு எம்.ஜி.ஆர். விருதையும், 1995 ஆம் ஆண்டு ரஜனீஷ் ஆசிரமத்தின் ஓஷோபிஸ்மிட் விருதையும், 1995ஆம் ஆண்டு நடிகர் சங்கத்தின் கலைச்செல்வன் விருதையும், 2007 ஆம் ஆண்டில் மகாராஷ்டிரா அரசின் ராஜ் கபூர் விருதையும் பெற்றுள்ளார். இந்திய அரசாங்கம் 2000ஆம் ஆண்டில் ரஜினிகாந்த் அவர்களுக்கு பத்ம பூஷன் விருது அளித்து கௌரவித்துள்ளது.
நன்றி : தமிழ் ஸ்டார்

நடிகைக்கு செக்ஸ் டார்ச்சர்; ஆபாச வீடியோவால் அதிர்ச்சி

noreply@blogger.com (beer mohamed) — Tue, 10 Jul 2012 17:44:00 +0000

நடிகையை ரகசியமாக ஆபாச வீடியோ எடுத்து டார்ச்சர் செய்ததாக,
மஹத் மீது பரபரப்பு குற்றச்சாட்டு கிளம்பியுள்ளது.தமிழில் மங்காத்தாவில் நடித்தவர் மஹத். கடந்த சனிக்கிழமை சென்னையில் ஒரு பார்மசூட்டிகல் உரிமையாளர் அளித்த நட்சத்திர விருந்து நிகழ்ச்சியில் இருவரும் கலந்து கொண்டனர். இவர்கள் இருவருமே நடிகை டாப்ஸியை காதலித்திருக்கிறார்கள். மன்சுவுடன் பிரிவு ஏற்பட்ட சமயத்தில் மஹத், காதல் வளர்த்திருக்கிறார். இதுதொடர்பாக நட்சத்திர விருந்தில் மனோஜ் , மஹத் இடையே மோதல் ஏற்பட்டது. இதில் மஹத்தை, மனோஜும் அவரது நண்பர்களும் அடித்து, உதைத்தனர். இதில் காயம் அடைந்த மஹத், ராயப்பேட்டை போலீஸ் நிலையத்தில் புகார் அளித்தார்.

உலகில் உயரமான கட்டடம் சவூதியில்

noreply@blogger.com (beer mohamed) — Wed, 18 Apr 2012 01:10:00 +0000

உலகிலேயே மிக உயரமான கட்டடம் சவூதி ஆரேபியாவின் ஜித்தா நகரில் கட்டப்பட உள்ளது. லகின் தற்போதைய மிக உயர கட்டடமான புரஜ் கலிபா, துபாயில் உள்ளது. இந்த கட்டடத்தின் உயரம், 830 மீட்டர் , இதற்கு போட்டியாக சவூதி அரேபியாவில் உள்ள ஜித்தா நகரில் ஆயிரம் மீட்டர் உயரத்தில் கட்டடம் கட்டப்பட உள்ளது. இதற்கான, அனுமதியை கடந்த பிபரவரி மாதம் ஜித்தா மாநகரசபை வழங்கியுள்ளது.
பல நிறுவனங்களின் முதலீட்டில் இந்த கட்டடம் கட்டப்பட உள்ளது. இந்த கட்டடத்தின் கட்டுமானப் பணிகள், 63 மாதங்களில் நிறைவடையும் என, எதிர்பார்க்கப்படுகிறது

இந்திய பாராளுமன்ற குழுவினர் கொழும்பில் பல தரப்பினருடனும் சந்திப்பு

noreply@blogger.com (beer mohamed) — Wed, 18 Apr 2012 01:06:00 +0000

இந்திய பாராளுமன்ற எதிர்க்கட்சித் தலைவர் ஸ்ரீமதி சுஷ்மா சுவராஜ் தலைமையில் இலங்கை வந்துள்ள
இந்திய பாராளுமன்ற பிரதிநிதிகள் குழுவினர் நேற்றுக் காலை பொருளாதார அபிவிருத்தி அமைச்சர் பசில் ராஜபக்ஷவை அமைச்சில் சந்தித்து பேச்சு நடத்தினர்.
இந்திய பாராளுமன்ற பிரதிநிதிகள் குழுவின் முதலாவது சந்திப்பாக நேற்றுக் காலை இந்த சந்திப்பு அமைச்சு அலுவலகத்தில் நடைபெற்றது.

இந்திய பாராளுமன்றத்தின் எதிர்க்கட்சித் தலைவி ஸ்ரீமதி சுஸ்மா சுவராஜ் தலைமையில் இந்திய லோக் சபா, ராஜ்ய சபா என்பவற்றை பிரதிநிதித்துவப்படுத்தும் வகையில் சகல கட்சிகளையும் சேர்ந்த 12 பேரடங்கிய குழுவினர் இலங்கை வந்துள்ளனர்.
பொருளாதார அபிவிருத்தி அமைச்சு அலுவலகத்தில் நேற்றுக் காலை 9.30க்கு ஆரம்பமான பேச்சுவார்த்தை சுமார் 10.30 மணி வரை நடைபெற்றது.
இச் சந்திப்பின் போது யுத்தம் முடிவடைந்த நாள் முதல் மக்கள் மீளக்குடியமர்த்தப்படுதல், வீடமைப்பு, வாழ்வாதார உதவிகள், விவசாய ஊக்குவிப்பு, மீன்பிடித்துறை மேம்பாடு உள்ளிட்ட விடயங்கள் குறித்தும் அமைச்சர் பசில் விளக்கமளித்தார்.தற்போது 95 சதவீதமான மக்கள் மீளக்குடியமர்த்தப்பட்டுள்ளதுடன் இந்திய அரசின் உதவியுடன் பல அபிவிருத்தி திட்டங்கள் முன்னெடுக்கப்பட்டு வருவதாகவும் 50,000 வீடமைப்புத் திட்டமும் இந்திய அரசின் உதவியுடனேயே முன்னெடுக்கப்பட்டு வருவதாகவும் அமைச்சர் சுட்டிக்காட்டினார்.
கடந்த 30 வருட காலமாக இடம்பெயர்ந்த மக்களை மீளக்குடியமர்த்தும் நடவடிக்கைகள் தொடர்ந்தும் முன்னெடுக்கப்பட்டு வருகின்றன எனக் குறிப்பிட்ட அமைச்சர் பசில், இந்த விடயத்தில் இலங்கைக்கு கூடுதல் அனுபவம் உள்ளதாகவும் குறிப்பிட்டார்.
யுத்தத்தால் பாதிக்கப்பட்ட பகுதிகளின் உட்கடமைப்பு வசதிகள் மற்றும் மக்களின் மீள்குடியேற்றம், வாழ்வாதாரம் போன்ற பாரிய உதவிகளை செய்துள்ளமை குறித்து இந்திய பாராளுமன்ற பிரதிநிதிகள் குழுவின் தலைவர் ஸ்ரீமதி சுஸ்மா சுவராஜ் உள்ளிட்ட பிரதிநிதிகள் தங்களது பாராட்டுக்களையும் தெரிவித்தனர்.
குறிப்பாக இலங்கையிலுள்ள தமிழ் மக்களின் உண்மையான நிலை குறித்து தமிழக மக்களிடையே தெளிவுபடுத்தக் கூடிய விதத்தில் ஒரு பிரசாரமும் விழிப்புணர்வும் ஏற்படுத்தப்பட வேண்டும் என தூதுக் குழுவினர் அமைச்சர் பசிலுடன் நடத்திய பேச்சுவார்த்தையின் போது சுட்டிக்காட்டினர்.
மேலும் இலங்கையில் நிலையான சமாதானத்தை உருவாக்க வேண்டுமாயின் இரு இனங்களுக்கிடையேயும் உள்ள சந்தேகங்கள் களையப்பட வேண்டும் என்றும் தெரிவித்துள்ளனர்.
பாராளுமன்றத்தில் சந்திப்பு
பொருளாதார அபிவிருத்தி அமைச்சருடனான சந்திப்பை அடுத்து இந்திய பாராளுமன்ற பிரதிநிதிகள் குழுவினர் இலங்கை பாராளுமன்றத்திற்கு அழைத்துச் செல்லப்பட்டனர்.
பாராளுமன்றத்தில் சபை முதல்வரும் அமைச்சருமான நிமால் சிறிபால டி சில்வா இந்திய குழுவினரை வரவேற்றார். இதனையடுத்து பாராளுமன்ற கட்டடத் தொகுதியில் அனைத்து கட்சி எம்.பிக்களையும் தூதுக் குழுவினர் சந்தித்தனர்.
வெளிவிவகார அமைச்சருடனான சந்திப்பு
பாராளுமன்றத்தில் நடைபெற்ற சந்திப்பையடுத்து இவர்கள் இலங்கையின் வெளிவிவகார அமைச்சர் பேராசிரியர் ஜீ. எல். பீரிஸை அமைச்சு அலுவலகத்தில் சந்தித்துப் பேசினர்.
இதனையடுத்து வெளிவிவகார அமைச்சருடன் கொழும்பு காலிமுகத் திடலில் அமைந்துள்ள கோல்பேஸ் ஹோட்டலில் மதிய போசன விருந்துபசாரத்திலும் தூதுக் குழுவினர் கலந்துகொண்டனர்.
தமிழ்த் தேசிய கூட்டமைப்புடன் சந்திப்பு
மாலை 4.30 க்கு தமிழ்த் தேசிய கூட்டமைப்பு எம்.பிக்களுடனான சந்திப்பு கொழும்பு தாஜ்சமுத்திரா ஹோட்டலில் நடைபெற்றது.
இரா. சம்பந்தன், மாவை. சேனாதிராஜா உள்ளிட்ட கூட்டமைப்பு எம்.பிக்கள் இச்சந்திப்பின் போது கலந்துகொண்டனர். அரசுக்கும் தமிழ்த் தேசிய கூட்டமைப்புக்கும் இடையேயான பேச்சுவார்த்தைகள் குறித்தும் கூட்டமைப்பு எம்.பிக்கள் விளக்கமளித்தனர்.
இ. தொ. கா.வுடன் சந்திப்பு
நேற்று மாலை தமிழ்த் தேசிய கூட்டமைப்பினருடனான சந்திப்பையடுத்து இலங்கை தொழிலாளர் காங்கிரஸினரையும் இந்திய பாராளுமன்ற பிரதிநிதிகள் குழுவினர் சந்தித்து பேச்சு நடத்தினர்.
கொழும்பு தாஜ் சமுத்ரா ஹோட்டலில் நேற்று மாலை 5.00 மணிக்கு இ. தொ. கா.வுடனான சந்திப்பு இடம்பெற்றது. அமைச்சர் ஆறுமுகன் தொண்டமான், பிரதி அமைச்சர் முத்து சிவலிங்கம் உட்பட இ. தொ. கா. பிரதிநிதிகள் இச்சந்திப்பில் கலந்துகொண்டனர்.
முஸ்லிம் காங்கிரஸ்
முஸ்லிம் காங்கிரஸ் தலைவர் ரவூப் ஹக்கீம் தலைமையிலான குழுவினருடனான சந்திப்பு எதிர்வரும் 21 ,u திகதி நடைபெறும் என அறிவிக்கப்பட்டுள்ளது.
இந்த சந்திப்பு நேற்று இடம்பெறும் என எதிர்பார்க்கப்பட்ட போதிலும் நீதி அமைச்சரும், மு. கா. தலைவருமான அமைச்சர் ரவூப் ஹக்கீம் நாட்டில் இல்லாத காரணத்தினால் இச்சந்திப்பு இடம்பெறவில்லை. எனவே 21 ஆம் திகதி இச்சந்திப்பு இடம்பெறும் என அறிவிக்கப்பட்டுள்ளது.
இலங்கை - இந்திய நட்புறவு கலந்துரையாடல்
முன்னதாக இந்திய பாராளுமன்ற எம்.பிக்கள் குழுவினரை வரவேற்ற அமைச்சர் நிமல் சிறிபால டி சில்வா, இந்திய தூதுக் குழுவின் வருகை இலங்கைக்கும் இந்தியாவுக்குமிடையிலான உறவு மேலும் பலமடைய கூடுதல் பங்களிக்கும் என்றார்.
இதன்போது அவர் இலங்கையின் தற்போதைய அரசியல் நிலை குறித்தும் தெளிவுபடுத்தினார். இலங்கை பாராளுமன்றக் குழு இந்தியா சென்ற போது அங்கு அளிக்கப்பட்ட வரவேற்பு குறித்தும் நன்றி கூறினார்.
இங்கு இந்திய தூதுக் குழுவின் தலைவி சுஷ்மா சுவராஜ் அடங்கலான இந்தியக் குழுவினர் மற்றும் எதிர்க்கட்சி பிரதம கொரடா ஜோன் அமரதுங்க, த. தே. கூட்டமைப்பு தலைவர் இரா. சம்பந்தன், ஐ. தே. க. பிரதித் தலைவர் சஜித் பிரேமதாஸ ஆகியோரும் இங்கு கருத்துத் தெரிவித்தனர்.
இந்த சந்திப்பில் அமைச்சர் தினேஷ் குணவர்தன, பிரதி சபாநாயகர் சந்திம வீரக்கொடி மற்றும் எதிர்க் கட்சி எம்.பிகளும் கலந்துகொண்டனர்.
ந்திய எதிர்க் கட்சித் தலைவி ஸ்ரீமதி சுஸ்மா சுவராஜ் தலைமையிலான குழுவினர் இன்று காலை வவுனியா மனிக் பாமிலுள்ள இடம்பெயர்ந்துள்ள மக்களை சந்திக்கின்றனர்.
இதனையடுத்து அவர்கள் முல்லைத்தீவு பயணமாகின்றன

அமிதாப் ஒருவர் மட்டுமே 'சூப்பர் ஸ்டார்'

noreply@blogger.com (beer mohamed) — Tue, 03 Apr 2012 13:11:00 +0000

அமிதாப்பச்சன் ஒருவர் மட்டும்தான் சூப்பர் ஸ்டார் என்று ரஜினிகாந்த் கூறி னார்.
'கோச்சடையான்' என்ற 'அனிமேஷன்' படத்தில் நடிப்பதற்காக ரஜினிகாந்த் இங்கி லாந்து தலைநகர் லண்டன் சென்று இருக்கிறார்.
லண்டனில் உள்ள ஹோட்டல் ஒன்றில் அவர் நிருபர்களுக்கு பேட்டி அளித்தார். "சூப்பர் ஸ்டார் என்ற முறையில் நீங்கள் எப்படி உணருகிaர்கள்?" என்ற கேள்விக்குப் பதில் அளித்த ரஜினிகாந்த், "என்னைப் பொறுத்தவரை, அமிதாப்பச்சன் ஒருவர் மட்டும்தான் சூப்பர் ஸ்டார்" என்று கூறினார்.
"ஒவ்வொரு படத்தையுமே எனது முதல் படமாக கருதி நடிப்பதாகவும்" அவர் தெரிவித்தார்.
உடல் நலக்குறைவு காரணமாக மருத்துவமனையில் சிகிச்சை பெற்று வந்ததை குறிப்பிட்ட ரஜினிகாந்த் தற்போது 90 சதவீதம் குணம் அடைந்து விட்டதாகவும், தனக்காக பிரார்த்தனை செய்த ரசிகர்களுக்கு நன்றி என்றும் கூறினார்.
"கோச்சடையான் படம் குழந்தை களை மட்டுமின்றி, அனைத்து தரப்பின ரையும் கவரும் படமாக அமையும். வருகிற நவம்பர் மாதம் 13ம் திகதி தீபாவளிக்கு இந்த படம் வெளிவரும்" என்று ரஜினி கூறினார்.
21 வருடங்களுக் குப்பின் ரஜினி காந்த் தனது சொந்தக்குரலில் இந்த படத்தில் ஒரு பாடலை பாடுகிறார். அது பற்றி குறிப்பிட்ட அவர் இந்த படத்தில் பாடியது புதிய அனுபவமாக இருந்ததாகவும் இந்த பாடல் வித்தியாசமாக இருக்கும் என்றும் தெரிவித்தார்.
அவதார் போன்ற பிரபல ஹொலிவுட் படங்களில் பயன்படுத்தபட்டு இருக்கும் அதி நவீன 'சி.ஜி.ஐ.' தொழிநுட்பத்துடன் 'கோச்சடையான்' படம் தயாராகி வரு கிறது. பேட்டியின் போது இந்த தகவலை தெரிவித்த ரஜிகாந்த், "எந்த வகையிலும் மக்களுக்கு ஏமாற்றம் அளிக்காத புதுமை யான படைப்பாக 'கோச்சடையான்' இருக்கும்" என்

நாட்டுக்கு எதிராக எழுதும் ஊடகவியலாளர்களின் கை, கால் உடைக்கப்படும்

noreply@blogger.com (beer mohamed) — Sat, 24 Mar 2012 17:26:00 +0000

வெளிநாடுகளுக்குச் சென்று எமது நாட்டுக்கு எதிராகக் கருத்துகளைக் கூறும் ஊடகவியலாளர்கள்

நாட்டுக்குள் கால்வைத்தால் அவர்களின் கை, கால்களை உடைப்பேன் என்று பொதுமக்கள் உறவுகள் அமைச்சர் மேர்வின் சில்வா தெரிவித்துள்ளார்.

போத்தல ஜயந்த என்னும் ஊடகவியலாளரை நான் தான் இந்த நாட்டிலிருந்து துரத்தினேன். இத்தகைய ஊடகவியலாளர்கள் நாட்டுக்குள் கால்பதித்தால் அவர்களின் கை, கால்கள் அடித்து உடைக்கப்படும் எனவும் அமைச்சர் மேர்வின் சில்வா எச்சரித்தார்.

ஐ.நா. மனித உரிமைகள் சபையில் நிறைவேற்றப்பட்ட இலங்கை மீதான தீர்மானத்துக்கு எதிர்ப்புத் தெரிவித்து நேற்று கிரிபத்கொடையில் நடைபெற்ற ஆர்ப்பாட்டமொன்றில் உரையாற்றும்போதே அமைச்சர் இவ்வாறு கூறினார்.

அவர் மேலும் தெரிவித்ததாவது:

சிகிரியாவிலிருந்து சுனாமி வந்தாலும் ஜனாதிபதி மஹிந்த ராஜபக்ஷவிடமிருந்து எனக்கெதிராகச் சுனாமி வராது. மஹிந்த ராஜபக்ஷ மாத்திரமே என்னை பதவியிலிருந்து விலக்க முடியும். வேறு எவரும் என்னில் கைவைக்க முடியாது. அது நடக்கும்வரை நான் களினியிலிருந்து செல்ல மாட்டேன்.

டீ.ஏ. ராஜபக்ஷவின் புதல்வர்களை அவர்கள் சிறுபிள்ளைகளாக இருந்த காலத்தில் இருந்தே நான் அறிவேன். நாட்டின் மன்னரை நான் நேசிக்கின்றேன். இந்த நாட்டின் மன்னர் என்னை நம்புவார்.

நான் இறப்பதற்கு அஞ்சவில்லை. கொழும்பிலுள்ள போதைப்பொருள் விற்பனையாளர்கள் இருவர் என்னை துரத்துவதற்கு முயற்சித்தனர். எனது உயிருக்கு ஏதேனும் நடந்தாலும் எனது மனைவியும் இரு பிள்ளைகளும் அங்கேயே இருப்பர். இன்று முதல் எனது மகனை உங்களிடம் ஒப்படைக்கிறேன். என்றார் மேர்வின் சில்வா.

ஆபாசப்பட விவகாரம்: குறுந்தகடை வெளியிட்டது காங்கிரஸ்

noreply@blogger.com (beer mohamed) — Sat, 24 Mar 2012 17:20:00 +0000

கடந்த சில திகதிகளுக்கு முன்பு குஜராத் மாநில சட்டப்பேரவையில் ஆபாசப்படம் பார்த்ததாக பா.ஜ.க உறுப்பினர் இருவர் மீது குற்றம்சாட்டப்பட்டது.

பின்னர் இதுகுறித்த விசாரணைக்கு சட்டப்பேரவை சபாநாயகர் உத்தரவிட்டார்.
விசாரணையின் முடிவில் தடயவியல் நிபுணர்கள், உறுப்பினர் ஆபாசப்படம் பார்க்க வில்லை என்று கூறினர். இதை சபாநாயகரும் உறுதிபடுத்தினார்.
ஆனால், காங்கிரஸ் இந்த விவகாரத்தை துருவ ஆரம்பித்தது. இதன் அடிப்படையில் பா.ஜ.க உறுப்பினர்கள் சட்டப்பேரவையில் ஆபாசப்படம் பார்த்ததாக காங்கிரஸ்குழு தலைவர் அர்ஜுன் மோத்வாயா தெரிவித்துள்ளார்.
இதற்கு ஆதாரமாக பாஜக உறுப்பினர்கள் படம் பார்க்கும் போது எடுத்த குறுந்தகடையும் வெளியிட்டுள்ளார்கள்.
இதுகுறித்து அர்ஜுன் மோத்வாயா கூறியதாவது, குஜராத்தில் பா.ஜ.க ஆளும் கட்சியாக இருப்பதால் இந்த விவகாரத்தை மூடி மறைக்கப்பார்த்தார் அம்மாநில முதல்வர் நரேந்திர மோடி.
இருப்பினும் காங்கிரஸின் விடாமுயற்சியால் நாங்கள் இதை கண்டுபிடித்து விட்டோம் என்றும் குற்றவாளிக்கு விரைவில் தண்டனை வாங்கித்தருவோம் எனவும் தெரிவித்துள்ளார்.

தனி ஈழத்துக்கான பிரபாகரன் போராட்டம் தவறானது என்று கூறும் அளவுக்கு நான் முட்டாள் இல்லை

noreply@blogger.com (beer mohamed) — Sat, 24 Mar 2012 17:19:00 +0000

தனி ஈழத்துக்கான பிரபாகரன் போராட்டம் தவறானது என்று கூறும் அளவுக்கு நான் முட்டாள் இல்லை. அவர் போராட்டம் சரியானதே. ஆனால் சகோதரச் சண்டை தான் தமிழ் ஈழம் அமைவதைக் கெடுத்தது என்று தி.மு.க. தலைவர் கருணாநிதி கூறியுள்ளார். ஐ.நாவில் இலங்கைக்கு எதிரான தீர்மானம் நிறைவேறிய பிறகு செய்தியாளர்களைச் சந்தித்த அவரிடம் கேட்கப்பட்ட முக்கிய கேள்வி, தமிழ் ஈழம் பற்றியதுதான். அதற்கு அவர் அளித்த பதில்களின் தொகுப்பு;
ஈழத்தில் நடந்த சகோதர யுத்தம்தான் தமிழீழம் உருவாவதைத் தடுத்துவிட்டது என்பது என் கருத்து என்றார் கருணாநிதி.
அப்போது, புலிகள் நடத்திய சகோதர யுத்தம் தவறானது என்று சொல்கிறீர்கள். தந்தை செல்வா போன்றோர் அறப்போராட்டத்தில் ஈடுபட்டனர். அப்போதும் தமிழர்கள் மீது அத்துமீறல்கள் நடந்தன. அதனால்தான் நாங்கள் போராடத் தொடங்கினோம் என்று பிரபாகரன் சொல்லியிருந்தாரே? அது தவறா? என்று ஒரு நிருபர் கேட்டார்.
உடனே பதிலளித்த கருணாநிதி, பிரபாகரன் போராட்டத்தைக் குறை கூறும் அளவுக்கு நான் முட்டாள் அல்ல. அவர் முன்னெடுத்த போராட்டம் சரியானதே. அதை தி.மு.க.வும் ஆதரிக்காமலில்லை. புலிகள் நடத்திய சகோதர யுத்தம் என்று நான் சொன்னது அவர்களைப் பற்றி மட்டுமே அல்ல.
ஆனால் பிரபாகரனும் முகுந்தனும், பத்மநாபாவும், ஸ்ரீசபாரத்தினமும் மோதிக் கொண்டு அதில் இரத்த ஆறு ஓடியதைத்தான் நான் மிகுந்த வேதனையோடு அப்போதும் தடுத்தேன். இப்போதும் அந்த நிலை வரக்கூடாது என்று வேண்டுகிறேன்.

திருப்பதி தேவஸ்தான பட்ஜெட் ரூ. 2010 கோடி

noreply@blogger.com (beer mohamed) — Sun, 04 Mar 2012 17:27:00 +0000

திருப்பதி கோயிலில் பல்வேறு இனங்களின் வரவு- செலவுகள் மூலம் இந்தாண்டு ரூ. 2010 கோடி வருவாய்

ஈட்டி சாதனை படைத்துள்ளதாக பட்ஜெட் தாக்கலின் போது அறிவிப்பு வெளியிடப்பட்டுள்ளது.

திருமலை திருப்பதி வெங்கடாஜலபதி கோயிலில், திருமலை திருப்பதி தேவஸ்தான வாரியத்தின் சார்பில் 2012-2013-ம் ஆண்டிற்கான வருடாந்திர பட்ஜெட் தாக்கல் செய்யப்பட்டது. இந்த பட்‌ஜெட்டில் முதல்முறையாக ரூ. 2010 கோடி வருவாய் ஈட்டியுள்ளது. இதற்கான ஒப்புதலை தேவஸ்தான வாரியம் அளித்தது. திருமலை திருப்பதி தேவஸ்தான வாரியத்தின் கூட்டம் இன்று நடந்தது. கூட்டத்திற்கு பின்னர் ‌தேவஸ்தான தலைவர் கே. பப்பிராஜூ,நிர்வாக அதிகாரி எல்.வி. சுப்ரமணியம் ஆகியோர் கூட்டாக செய்தியாளர்களிடம் கூறியதாவது:

திருப்பதி கோயிலில் உண்டியல் காணிக்கையாக ரூ. 800 கோடியும், இதனை வங்கியில் டிபாசிட் வைத்ததன் மூலம் வட்டியாக ரூ. 475 கோடியும், கிடைத்துள்ளது. இது கடந்த ஆண்டை (2010-2011) விட ரூ. 70 கோடி அதிகமாகும். பக்தர்கள் அளித்த தலைமுடி காணிக்கை விற்பனை மூலம் ரூ. 145 கோடியும், ஆர்ஜிதசேவை டிக்கெட்டுகள் விற்பனை மூலம் ரூ. 43 கோடி மற்றும் இதர வருவாய் இனங்கள் மூலம் ரூ.72.50 கோடியும் வசூலாகியுள்ளது. மேலும் பிரசாதம் விற்பனையில், முக்கியமாக லட்டு விற்பனையில் இந்தாண்டு ரூ.137.5 கோடி வருவாய் கிடைக்கும் என எதிர்பார்க்கப்படுகிறது. இவற்றை தவிர இந்தாண்டு வி.‌ஐ..பி.கள் சிறப்பு தரிசன டிக்கெட் சிறப்பு தரிசனம் உள்ளிட்ட பல்வேறு தரிசனங்கள் வாயிலாக டிக்கெட்டுகள் விற்பனை மூலம் ரூ.169 கோடியும், வருவாய் ஈட்ட இலக்கு நிர்ணயிக்கப்பட்டுள்ளது. மேலும் டோல்கேட் வரி, மற்றும் ஷாப்பிங் கடைகள், ‌ஹோட்டல்கள் ஆகியவற்றின் மூலம் 92.56 கோடியும் வருவாய் கிடைத்துள்ளது.

செலவினங்களாக , ‌கோயிலின் உள்கட்டமைப்பு முதலீடுகளாக ரூ.533.7 கோடியும், ஊழியர்கள் சம்பளம் உள்ளிட்டவைகளுக்காக ரூ.336 கோடியும் செலவிடப்பட்டுள்ளது. இவ்வாறு அதில் கூறப்பட்டுள்ளது.

கூடங்குளம் அணு மின் நிலையம் மீது பொது மக்கள் முற்றுகை

noreply@blogger.com (beer mohamed) — Mon, 20 Feb 2012 04:36:00 +0000

அசம்பாவிதங்கள் ஏற்படாமல் தடுக்க ஆயிரத்துக்கும் மேற்பட்ட பொலிஸார் குவிப்பு

கூடங்குளம் அணு மின் நிலையத்துக்கு நேற்று முன்தினம் காலை 11 மணி அளவில் அணு மின் நிலைய வளாக இயக்குனர் காசிநாத் பாலாஜி மற்றொரு இயக்குனர் செல்லப்பா மற்றும் சில அதிகாரிகள் 4 கார்களில் வந்தனர்.
இதைக் கண்ட அந்தப் பகுதி மக்கள் அணு மின் நிலையத்திற்குள், அணுசக்தி ஒழுங்கு முறை ஆணைய அதிகாரிகள் நுழைந்துவிட்டதாக கருதினார்கள். தமிழக அரசு குழு வருவதற்காக கதவுகளை திறந்து வைத்திருக்கும் நேரத்தில் அணு சக்தி அதிகாரிகள் உள்ளே நுழைந்து வேலையை தொடங்கி விட்டதாக அவர்கள் எண்ணினார்கள்.
இதனால் ஆத்திரமடைந்த அவர்கள் காலை 11.30 மணிக்கு ஆலய மணியை அடித்து ஒலி எழுப்பி மக்களை திரட்டினார்கள். சுமார் 2 ஆயிரம் பேர் அங்கு திரண்டு வந்து கூடங்குளம் அணு மின் நிலையத்தை முற்றுகையிட்டனர்.
அவர்கள் மெயின்கேட் முன்பு ரோட்டில் அமர்ந்து போராட்டம் நடத்தினார்கள். அங்கு அசம்பாவித சம்பவங்கள் ஏற்படாமல் தடுக்க ஆயிரத்துக்கும் மேற்பட்ட பொலிஸார் குவிக்கப்பட்டனர்.
கூடங்குளம் அணு மின் நிலையத்துக்குள் சென்ற அதிகாரி காசிநாத் பாலாஜி மற்றும் அதிகாரிகளை பொலிஸார் பாதுகாப்பாக வெளியே அழைத்து வந்தனர். இதற்கிடையே நெல்லையில் இருந்து புறப்பட்ட தமிழக நிபுணர் குழுவினர் செட்டிகுளத்தில் உள்ள அணு விஜய் நகரியத்திற்கு மாலை 4.15 மணிக்கு வந்தனர்.
ஆனால் அணு மின் நிலையம் முன்பு ஏராளமான மக்கள் கூடி இருந்ததால் உடனடியாக நிபுணர் குழுவினர் அங்கு செல்ல முடியவில்லை. இந்த நேரத்தில் பொலிஸ் டி. ஐ. ஜி. வரதராஜு, கலெக்டர் இரா. செல்வராஜ் கூடங்குளம் பொலிஸ் நிலையத்துக்கு வந்தனர். உடனடியாக அங்கு கூடங்குளம் போராட்டக் குழு ஒருங்கிணைப்பாளர் உதயகுமார், நிர்வாகிகள் புஷ்பராயன், மை. பா. ஜேசுராஜ், சிவசுப்பிரமணியம் ஆகியோர் வரவழைக்கப்பட்டனர்.
அங்கு கலெக்டர், போராட்டக் குழுவினருடன் பேச்சுவார்த்தை நடத்தினர். மாலை 5 மணி வரை பேச்சுவார்த்தை நீடித்தது. தமிழக அரசின் நிபுணர் குழுவை நாங்கள் வரவேற்கிறோம். அவர்களை தடுக்கும் எண்ணம் எங்களிடம் இல்லை என்று போராட்டக் குழுவினர் தெரிவித்தனர்.
இதனால் அணு விஜய் நகரியத்தில் தங்கி இருந்த நிபுணர் குழுவினர் கூடங்குளம் பொலிஸ் நிலையத்துக்கு வந்தனர். பின்னர் நிபுணர் குழுவினர் கூடங்குளம் அணு மின் நிலையத்துக்குள் மாலை 5.10 மணிக்குச் சென்று ஆய்வுகளை மேற்கொண்டனர். இந்த சமரசத்தை தொடர்ந்து அணு மின் நிலைய இயக்குனர் காசிநாத் பாலாஜி உட்பட 3 அதிகாரிகளை, மாவட்ட வருவாய் அதிகாரி உமா மகேஸ்வரி, அணு மின் நிலையத்துக்குள் அழைத்துச் சென்றார்.

சினிமாவை விட்டுட்டு, தெரியாத அரசியல் :ரஜினி -அஜீத்

noreply@blogger.com (beer mohamed) — Wed, 15 Feb 2012 01:12:00 +0000

தெரிஞ்ச சினிமாவை விட்டுவிட்டு தெரியாத அரசியலில் எதற்காக இறங்க வேண்டும் என நடிகர் ரஜினிகாந்த் கூறியுள்ளார்.

சூப்பர் ஸ்டார் ரஜினிக்குப் பிறகு அரசியரஜினிலில் இறங்குவார் என பெரிய எதிர்ப்பார்ப்போடு கிசுகிசுக்கப்படுபவர்களில் ஒருவர்தான் அஜீத். அதற்கான அடையாளங்கள் அனைத்தும் கடந்த காலங்களில் அவரிடம் தென்பட்டன.

ஆனால், அஜீத்தோ நீண்ட வரிசையானாலும் நின்று ஓட்டுப்போடுவதோடு தன் அரசியல் ஈடுபாட்டை நிறுத்திக்கொள்வதை வழக்கமாக்கிக் கொண்டுள்ளார்.

“ஏற்கெனவே தமிழ்நாட்டுல எக்கச்சக்க அரசியல் கட்சிகள் இருக்கு. அடிமட்டத் தொண்டனா வாழ்க்கையை ஆரம்பிச்சு, உண்மையா உழைச்சு, இன்னைக்கு நல்ல அந்தஸ்துல இருக்கிற அரசியல் தலைவர்களை நான் மதிக்கி றேன். அரசியல்னா என்னன்னே தெரியாம, முழுசாப் புரிஞ்சுக்காம வெறும் சினிமா பாப்புலாரிட்டியை வெச்சு அரசியல்ல நான் இறங்க மாட்டேன்.

எனக்கு சினிமா தெரியும். அரசியல் தெரியாது. தெரிஞ்ச சினிமாவை விட்டுட்டு, தெரியாத அரசியல்ல இறங்கி நானும் குழம்பி, மக்களையும் குழப்ப மாட்டேன். சுருக்கமாச் சொல்லணும்னா, அரசியல்வாதி ஆகிறதுக்கான அருகதை எனக்குக் கொஞ்சமும் கிடையாது!'' என அரசியல் ஈடுபாடு குறித்து வினவியபோது அஜீத்குமார் இவ்வாறு பதிலளித்தார்.

விஜயகாந்த் - ஸ்டாலின் அரசியல் பேசவில்லை

noreply@blogger.com (beer mohamed) — Wed, 15 Feb 2012 01:04:00 +0000

விருதுநகரில் இருந்து சென்னை திரும்பும் வழியில் மதுரை விமான நிலையத்தில் சந்தித்துக் கொண்ட தே.
மு. தி. க. தலைவர் விஜயகாந்த், தி. மு. க. பொருளாளர் ஸ்டாலின் பரஸ்பர நலம் விசாரித்துக் கொண்டனர்; அரசியல் பேசவில்லை.
அருப்புக்கோட்டையில் பெப். 12ல் நடந்த கட்சி நிர்வாகி இல்லத் திருமணத்தில் பங்கேற்க முதல் நாளே மதுரை வந்தார் விஜயகாந்த். திருமண நிகழ்ச்சியை முடித்துக் கொணடு, அன்றிரவு சென்னை செல்ல விமான நிலையத்திற்குச்சென்றார்.
தலைமை நிலையச்செயலர் பார்த்தசாரதி, சுந்தர்ராஜன் எம். எல். ஏ. உடன் சென்றனர். விருதுநகரில் நடந்த இளைஞரணி நேர்காணல் நிகழ்ச்சியை முடித்துக் கொண்டு சென்னை செல்வதற்காக தி. மு. க. பொருளாளர் ஸ்டாலின், விமான நிலைய வி. ஐ. பி. அறையில் தங்கியிருந்தார். அவருடன் மனைவி துர்கா, முன்னாள் அமைச்சர்கள் இருந்தனர்.
முன்கூட்டியே சென்ற தே. மு. தி. க. நிர்வாகிகள் ஸ்டாலின் இருக்கும் தகவலை தொலைபேசியில் விஜயகாந்திற்கு தெரிவித்தனர். விமான நிலையத்திற்குள் நுழைந்த விஜயகாந்திடம் ஸ்டாலின் அறையில் இருப்பதாக தங்கம் தென்னரசு தெரிவித்தார்.
அறையில் நுழைந்த விஜயகாந்தை ஸ்டாலின், அவரது மனைவி எழுந்து வரவேற்றனர். ஸ்டாலினிடம் நலம் விசாரித்த விஜயகாந்த், உடம்பை கவனித்துக் கொள்ளும்படி கூறிவிட்டு, சற்று தள்ளி கட்சியினருடன் அமர்ந்தார். அரை மணி நேரம் வரை இருவரும் ஒரே அறையில் இருந்த போதும் வேறு எதுவும் பேசவில்லை என கட்சியினர் தெரிவித்தனர். பின், ஒரே விமானத்தில் சென்னை சென்றனர்.
தே. மு. தி. க. நிர்வாகி ஒருவர் கூறுகையில் :
‘விமான நிலையத்தில் சந்தித்துக் கொண்டதால், இருவரும் நலம் விசாரித்துக் கொண்டனர். சட்ட சபை கூட்டத் தொடர்களின் போது இருவரும் சந்தித்தால், வணக்கம் தெரிவித்துக் கொள்வதில்லையா. அது போன்று தான் இதுவும். மற்றபடி அரசியல் குறித்து பேச்சு எழவில்லை’ என்றார்.
விமான நிலைய சந்திப்புக்கு பின் மதுரையிலிருந்து சென்னைக்கு ஒரே விமானத்தில் ஸ்டாலின், விஜயகாந்த், அகில இந்திய காங்கிரஸ் உறுப்பினர் கார்த்தி சிதம்பரம் பயணம் செய்தனர். மூவரும் விமானத்தில் பரஸ்பரம் பேசிக் கொண்டுள்ளனர். மூவரும் விமானத்தில் பேசிக்கொண்ட நிகழ்வை மற்ற பயணிகளும் வேடிக்கை பார்த்துள்ளனர்.

இந்திய ஜனதா கட்சியின் தலைவர் இலங்கை விஜயம்

noreply@blogger.com (beer mohamed) — Mon, 06 Feb 2012 05:43:00 +0000

இந்திய பாரதிய ஜனதா கட்சியின் தலைவர் சுப்ரமணியம் சுவாமி நாளை இலங்கைக்கு விஜயம் செய்ய உள்ளதாக இந்திய தகவல்கள்
தெரிவிக்கின்றன.இலங்கையின் முக்கிய அரசியல் பிரமுகர்கள் மற்றும் அரசாங்கத்தின் சிரேஸ்ட அதிகாரிகள் ஆகியோருடன் சுப்ரமணியம் சுவாமி பேச்சுவார்த்தை நடத்துவார் என தெரிவிக்கப்படுகிறது.

தமிழ் மக்களுக்கு தனியான நிர்வாக அலகு அவசியம் என கடந்த காலங்களில் சுப்ரமணியம் சுவாமி வலியுறுத்திருந்தார். ஐக்கிய நாடுகள் மனித உரிமை கவுன்சில் அமர்வுகளுக்கு முன்னதாக அவர் இலங்கைக்கு விஜயம் செய்வதனால் பல்வேறு ஊகங்கள் வெளியிடப்பட்டுள்ளன.

எனினும், அவரின் இலங்கை விஜயத்திற்கான சரியான நோக்கம் இதுவரையில் வெளியிடப்படவில்லை என்பது குறிப்பிடத்தக்கது.

ஏர் இந்தியா விமானி போதையில் இருந்தது கண்டுபிடிப்பு

noreply@blogger.com (beer mohamed) — Mon, 06 Feb 2012 05:32:00 +0000

சென்னையிலிருந்து மதுரைக்கு ஏர் இந்தியா விமானத்தை இயக்கயிருந்த விமானி குடிபோதையில் இருந்ததால் பரபரப்பு ஏற்பட்டது.

இன்று காலை சென்னையிலிருந்து மதுரைக்கு பயணமாக இருந்த ஏர் இந்தியா விமானத்தை விமானி செபாஸ்டியன் இயக்க இருந்தார்.

விமானத்தை இயக்கும் முன் நடந்த வழக்கமான உடல் பரிசோதனையின் போது செபாஸ்டியன் போதையில் இருந்தது தெரியவந்தது. இதையடுத்து அவர் விமானத்தை இயக்க தடை விதிக்கப்பட்டது.

பின்னர் அந்த விமானத்தை மற்றொரு விமானி இயக்கிச் சென்றார். பொதுவாக விமானத்தை இயக்கும் முன்பு விமானிகள் மற்றும் சிப்பந்திகள் போதையில் இருந்தால் தண்டனைகளுக்கு உட்படுத்தப்படுவார்கள்.

மேலும் ஏர் இந்தியா நிறுவனம் எண்ணெய் நிறுவனங்களுக்கு கடன்பாக்கியை வைத்துக்கொண்டு விமானத்தை இயக்கிவருவது

தமிழக அரசின் திட்டங்கள் கசிவு யார் காரணம்

noreply@blogger.com (beer mohamed) — Wed, 25 Jan 2012 12:31:00 +0000

தமிழக அரசின் பல்வேறு முக்கிய முடிவுகளில் குழப்பங்கள் ஏற்படுவதற்கு
அது தொடர்பான முக்கியத் தகவல்கள் வெளியில் முன்கூட்டியே கசிவதுதான் என்று கோட்டை வட்டாரத்தில் பேச்சு அடிபடுகிறது.
இந்த முக்கியத் தகவல்களை தலைமைச் செயலகத்தில் முக்கியப் பொறுப்பில் உள்ள மூன்று முக்கிய அதிகாரிகள்தான் கசிய செய்கிறார்கள் என்றும் பரபரப்பாக கிசுகிசுக்கப்படுகிறது.
வ, பெ மற்றும் அ’ என்ற எழுத்துக்களில் ஆரம்பிக்கும் பெயர் கொண்ட இந்த மூன்று முக்கிய அதிகாரிகள்தான் பல முக்கியத் தகவல்களை வெளியில் அதாவது ஒரு முக்கிய கட்சியின் தலைமைக்கு கசியச் செய்வதாகவும் கூறுகிறார்கள் கோட்டை வட்டாரத்தினர்.
இந்த மும்மூர்த்திகளில் இருவர் பெண் அதிகாரிகள் என்பது குறிப்பிடத்தக்கது. இந்த மூன்று பேரும்தான் அமைச்சர்கள், அதிகாரிகளுக்கு பிரத்தியேக உதவியாளர், கார் ஓட்டுனர்கள் உள்ளிட்டோரை நியமிக்கும் பொறுப்பில் இருப்பவர்களாம். இவர்கள் சொல்லும் நபர்கள்தான் பிரத்தியேக உதவியாளர்களாகவோ அல்லது ஓட்டுனர்களாகவோ ஆக முடியுமாம்.
எனவே ஒரு முக்கிய கட்சி இந்த மூன்று பேரையும் தனக்கு சாதகமாக மடக்கியுள்ளதாம். இவர்கள் மூலம் தங்களுக்கு வேண்டப்பட்டவர்களை பிரத்தியேக உதவியாளர் மற்றும் ஓட்டுனர்களாக அது முக்கிய அமைச்சர்கள், அதிகாரிகளிடம் இரகசியமாக நியமனம் செய்துள்ளதாக பரபரப்பாக பேசப்படுகிறது. இதன் மூலம் அரசின் அன்றாட நடவடிக்கைகள், அமைச்சர்களின் நடவடிக்கைகள், அதிகாரிகளின் முக்கிய நடவடிக்கைகளை அவர்கள் உளவு பார்த்துச் சொல்கிறார்களாம்.
இதனால் முதல்வர் ஜெயலலிதாவுக்கு அரசின் செயல்பாடுகள் குறித்து என்னென்ன தகவல் தெரியுமோ அது அத்தனையும் அந்தக் குறிப்பிட்ட கட்சியின் தலைமைக்கும் முன்கூட்டியே போய் விடுகிறதாம். பல முக்கிய தகவல்களையும் முதல்வருக்கு முன்பாகவே அந்தக் கட்சியின் தலைமை வாங்கி விடுகிறதாம்.
அதை விட உளவுத் துறைக்குத் தகவல் கிடைப்பதற்கு முன்பே அந்தக் கட்சியின் தலைமைக்குத் தகவல் போய் விடுகிறது என்கிறார்கள் கோட்டை தரப்பினர். முதல்வருக்கு வெகு அருகே இருந்தபடிதான் இந்த மூன்று உயர் அதிகாரிகளும் பணியாற்றுகிறார்கள். ஆனால் இதுவரை இவர்கள் குறித்து முதல்வருக்குத் தெரியாமல் இருப்பது குறித்து தலைமைச் செயலக ஊழியர்கள் பெரும் ஆச்சரியத்தை வெளிப்படுத்துகி றார்கள்

போடா போடியில் சகீரா

noreply@blogger.com (beer mohamed) — Sun, 22 Jan 2012 13:13:00 +0000

போடா போடி திரைப்படத்திற்கு இசையால் உயிர் கொடுக்க சர்வதேச பாடகியான 'கீராவை பாட அழைக்கவுள்ளதாக தகவல்கள் வெளியாகி
யுள்ளன.
ஒஸ்தி படத்தினை தொடர்ந்து போடா போடி,வேட்டை மன்னன், வட சென்னை என பல்வேறு படங்களில் கவனம் செலுத்தி வருகிறார் சிம்பு.
உலக மக்கள் அனைவருமே பரஸ்பரம் அன்பு செலுத்த வேண்டும் என வலியுறுத்தி ஆல்பம் ஒன்றை தயாரித்து வருகிறார். இப்பாடலை சிம்பு எழுதி இசையமைத்து வருகிறார்.
அமெரிக்காவில் உள்ள எலன் மொரிசனுடன் இணைந்து இதற்கான பணிகளில் மும்முரமாக ஈடுபட்டு வருகிறார்.
தற்போது நடைபெறும் ஆல்பம் பணிகளின் தொடர்புகளால் பல்வேறு வெளிநாட்டு இசை கலைஞர்களுடன் நட்பு பாராட்டி வருகிறார் சிம்பு.
இதனையடுத்து போடா போடி திரைப்படத்திற்கு பாடுவதற்காக சர்வதேச பாடகியான 'கீராவை அழைத்து வர சிம்பு பேச்சுவார்த்தை நடத்தி வருவதாக தகவல்கள் வெளியாகியுள்ளன

திருக்குறளை மேற்கோள் காட்டி கலாம் உரை

noreply@blogger.com (beer mohamed) — Sun, 22 Jan 2012 12:55:00 +0000

அலரி மாளிகையில் நேற்று இடம்பெற்ற மும்மொழி தொடர்பான விசேட நிகழ்வொன்றில் அவர் பங்கேற்றிருந்தார்
. ஜனாதிபதி மஹிந்த ராஜபக்ஷ தலைமையில் இடம்பெற்ற இந்நிகழ்வில் உரையாற்றிய அவர் மேலும் கூறியதாவது,
மனங்களில் அமைதி நிலவினால் வீட்டில் சந்தோசம் வரும். அது நாட்டுக்கு சந்தோசத்தைத் தரும். அதன் மூலம் உலகத்தில் மகிழ்ச்சி தோன்றும். நாங்கள் யாரையும் பழிவாங்க நினைக்கக் கூடாது. தீமைகள் செய்தவரையும் மன்னிக்கும் மனப்பாங்கு நமக்கு வரவேண்டும்.
இவ்வாறு கூறிய அவர், திருக்குறளில் குறள் ஒன்றையும் எடுத்துக் காட்டினார். இன்னா செய்தாரை ஒறுத்தல் அவர் நாண நன்னயம் செய்துவிடல் என்ற திருக்குறளின் அடியொன்றை நினைவூட்டிய அப்துல் கலாம் மும்மொழிகளிலும் பேசினார்.
ஆயுபோவன், வணக்கம், அஸ்ஸலாமு அலைக்கும் என்று தனது உரையை ஆரம்பித்த அவர் சுமார் அரை மணிநேரம் பேசினார்.
சுமார் ஆயிரத்துக்கும் மேற்பட்ட பாடசாலை மாணவர்கள் இந்த நிகழ்வில் பங்கேற்றிருந்தனர். ஜனாதி பதியின் செயலாளர் லலித் வீரதுங்க வரவேற்புரை நிகழ்த்தினார். சிங்கள மாணவர் ஒருவர் தமிழிலும் தமிழ் மாணவர் ஒருவர் சிங்களத்திலும் முஸ்லிம் மாணவர் ஒருவர் சிங்களத்திலும் உரையாற்றி அனைவரின் பாராட்டுதல்களையும் பெற்றனர்.
இந்த நிகழ்வின் பின்னர் மாணவர்களுடன் தாம் புகைப்படம் எடுக்கப் போவதாகக் கூறிய அப்துல் கலாம் புகைப்படமும் எடுத்துக் கொண்டார். பின்னர் உரைபெயர்ப்பாளர் ராகுலனின் கையைப் பிடித்துக் கொண்ட அவர், அவரது நேர்த்தியான தமிழைப் பாராட்டினார். யாழ்ப்பாணத்தில் தாம் தமிழில் பேசப் போவதாக அங்கு கூறினார்.
இந்நிகழ்வில் அமைச்சர்களான ஜீ. எல். பீரிஸ், ரவூப் ஹக்கீம், ஆளுநர் அலவி மெளலானா, ஏ. எச். எம். அஸ்வர் எம்.பி., வடக்கு – கிழக்கு ஆளுநர்கள், பல்வேறு நாடுகளின் தூதுவர்கள், இந்தியத் தூதுவர், முன்னாள் சபாநாயகர் லொக்குபண்டார மற்றும் பலர் பங்கேற்றனர்.
இந்த நிகழ்வில் முந்தல் தமிழ் வித்தியாலய மாணவி ஆர். சஹானா சிங்களத்திலும் தெல்தெனிய ம.ம.வி. மாணவி டபிள்யூ. லக்மாலி விஜேசூரிய தமிழிலும் அக்கரைப்பற்று முஸ்லிம் ம.வி. மாணவி பாத்திமா ஜமீமா ஆங்கிலத்திலும் நன்றியுரை நிகழ்த்தினர்.

தேர்தல் பிரசாரத்தில் கொலைவெறி பாடல்

noreply@blogger.com (beer mohamed) — Tue, 17 Jan 2012 15:27:00 +0000

தமிழ் சினிமாவில் நடிகர் தனுஷ் பாடியுள்ள கொலை வெறி பாட்டை உத்திர பிரதேச சட்டமன்ற தேர்தலில் பயன்படுத்த
காங்கிரஸ் கட்சி முடிவு செய்துள்ளது.
உத்திர பிரதேச தேர்தலில் கொலைவெறி பாடலை பயன்படுத்த திட்டமிட்டுள்ள காங்கிரஸ் கட்சி பாடலின் உரிமையை வாங்க நடிகர் தனுசுடன் காங்கிரஸ் தலைவர்கள் பேச்சுவார்த்தை நடத்தி வருவதாக வடக்கே உள்ள இந்தி பத்திரிகைகளில் தகவல் வெளியாகி உள்ளது.
முதலில் கொலைவெறி பாடலுக்கான உரிமையை வழங்க தனுஷ் மறுத்ததாகவும் பின்னர் நாடாளுமன்ற உறுப்பினர் ராஜ்பப்பர் தனுசுடன் பேச்சு நடத்தி சம்மதிக்க வைத்ததாகவும் அந்த தகவலில் குறிப்பிடப்பட்டு உள்ளது.
இது குறித்து நடிகர் தனுஷ், கொலைவெறி பாடலின் உரிமையை காங்கிரஸ் வாங்குகிற முயற்சி தனக்கு தெரியாது. சோனி நிறுவனத்திடம் தான் கொலை வெறி பாடல் உரிமை உள்ளது.
அவர்களுடன் பேசினார்களா? என்பது தெரியாது என்றும் அவர் கூறியுள்ளார். அரசியல் கட்சி தேர்தல் பிரசாரத்தில் கொலை வெறி பாட்டை பயன்படுத்துவதில் உங்களுக்கு உடன்பாடு தானா? என்று தனுசிடம் கேட்ட போது, அது அரசியல் பாட்டு அல்ல என்று பதில் அளித்தார்.
இதற்கு முன்பு ஏ.ஆர்.ரஹ்மான் பாடிய ஜெய் ஹோ பாடலை ராகுல் காந்தியை முன்னிறுத்த பயன்படுத்தினர்.
தற்போது கொலை வெறி பாட்டில் நல்லாட்சி, மதசார்பின்மை போன்றவற்றை வலியுறுத்த உள்ளனர். அதற்கான பொருத்தமான வார்த்தைகளை கொலை வெறி மெட்டில் பயன்படுத்துகின்றனர்.

கலைஞர் தொலைக்காட்சியுடனான பணப் பரிமாற்றம்

noreply@blogger.com (beer mohamed) — Thu, 12 Jan 2012 05:30:00 +0000

ஸ்வான் நிறுவனத்துக்கு 2 ஜி ஸ்பெக்ட்ரம் உரிமம், கொடுத்ததற்காக

ஸ்வானின் துணை நிறுவனமான ‘சினியுக்’ மூலம் 200 கோடி ரூபாய் அளவுக்கு கலைஞர் தொலைக்காட் சிக்கு லஞ்சம் கொடுக்கப்பட்டதாக சி.பி. ஐ. புகாரில் தெரிவிக்கப்பட் டுள்ளது. இந்த இலஞ்சப் பணம் நேரிடையாக தராமல் கடன் என்றும், பங்குத் தொகை என்றும் டைனமிக்ஸ் ரியாலிட்டி, கான்வுட் கன்ஸ்டிரக்ஷன் அண்ட் டெவலப்பர்ஸ், நிகார் கன்ஸ்டிரக்ஷன், டி. பி. ரியாலிட்டி, எவர்ஸ்மைல் கன்ஸ்டிரக்ஷன் ஆகிய நிறுவனங்கள் மூலம் தரப்பட்டுள்ளது. ஊழலுக்கு துணையாக இருந்த இந்த நிறுவனங்களின் சொத்துக்களை பறிமுதல் செய்ய வேண்டும் என அமுலாக்கப் பிரிவு, சட்ட விரோத பணப் பரிமாற்ற தடுப்பு நீதிமன்றத்தில் கோரியிருந்தது.

கலைஞர் தொலைகாட்சிக்கு 200 கோடி ரூபாய் லஞ்சம் கொடுத்தது தொடர்பான வழக்கில் ஐந்து நிறுவனங்களின் சொத்துக்கள் பறிமுதல் செய்யப்பட உள்ளன.
இதையடுத்து, அனைத்து தரப்பு வாதத்தை கேட்டபின், இந்த நீதிமன்றம் மேற்கண்ட ஐந்து நிறுவனங்களின் 223 கோடி ரூபாய் மதிப்புள்ள சொத்துக்களை பறிமுதல் செய்ய ஒப்புதல் அளித்துள்ளது. இதையடுத்து டைனமிக்ஸ் ரியாலிட்டியின் 134 கோடி ரூபாய் மதிப்புள்ள அசையா சொத்து, கான்வுட் கன்ஸ்டிரக்ஷன் அண்ட் டெவலப்பர்சின் 22 கோடி ரூபாய் மதிப்புள்ள சொத்து மற்றும் நிகார் கன்ஸ்டிரக்ஷனின் ஒரு கோடியே 10 லட்ச ரூபாய் பெறுமானமுள்ள சொத்துக்களும், டி. பி. ரியாலிட்டியின் 52 கோடி ரூபாய் மதிப்புள்ள சொத்துக்களும், எவர்ஸ்மைல் கன்ஸ்டிரக்ஷனின் 13 கோடி ரூபாய் மதிப்புள்ள சொத்துக்களும் உட்பட 223 கோடி ரூபாய்க்கு பறிமுதல் செய்யப்பட உள்ளன.

சச்சினுக்கு மனோதத்துவ ஆலோசனை தேவையா?

noreply@blogger.com (beer mohamed) — Wed, 11 Jan 2012 01:35:00 +0000

சச்சின் 100 வது சதம் அடிக்க வேண்டும் என்ற நெருக்கடியில் உள்ளார். இதற்கு தீர்வு காண, விளையாட்டு மனோதத்துவ நிபுணரிடம் அறிவுரை
பெறலாம் என பாகிஸ்தான் அணியின் முன்னாள் தலைவர் ரஷித் லத்தீப் ஆலோசனை தெரிவித்துள்ளார்.
இந்திய அணியின் நட்சத்திர துடுப்பாட்ட வீரர் சச்சின் இதுவரை 99 சதங்கள் அடித்துள்ள இவர், சர்வதேச அளவில் 100 வது சதம் அடிக்க காத்திருக்கிறார்.
இந்த மைல்கல்லை எட்ட முடியாமல் மிக நீண்ட காலமாக தவிக்கிறார். தற்போதைய அவுஸ்திரேலிய டெஸ்ட் தொடரில், சதத்தில் சதம் காண்பார் என எதிர்பார்க்கப்பட்டது. ஆனால், முதலிரண்டு டெஸ்டில் இரு முறை அரைச்சதம் கடந்த போதும், சதம் அடிக்க முடியவில்லை.
இது குறித்து லத்தீப் கூறியதாவது:- அவுஸ்திரேலியாவுக்கு எதிரான முதலிரண்டு டெஸ்ட் சேர்த்து, கடந்த 10 மாதங்களாக சச்சின் ஆட்டத்தை பார்த்து வருகிறேன். நல்ல “பார்மில்” இருக்கிறார். சரியான நேரத்தில் பந்தை அடித்து விளையாடுகிறார்.
இவரது “புட்வொர்க்” சிறப்பாக இருக்கிறது. எவ்வித சிரமும் இல்லாமல் ஓட்டம் எடுக்கிறார். ஆனாலும், 100 வது சதம் தான் அடிக்க முடியவில்லை. இதனால் மிகுந்த நெருக்கடியில் உள்ளார். இது மனதளவில் ஒருவிதமான தடங்கலை ஏற்படுத்தியுள்ளது.
இதிலிருந்து விடுபடும் பொருட்டு, ஒரு விளையாட்டு மனோதத்துவ நிபுணரை சந்தித்து ஆலோசனை பெறலாம். உலகின் பிரபல விளையாட்டு வீரர்களுக்கு கூட, மனத்தடை நீங்க, மனோதத்துவ நிபுணர்களின் ஆலோசனை தேவைப்பட்டுள்ளது. இந்த தொடரிலேயே சச்சின் 100 வது சதம் அடிப்பார் என நம்புகிறேன்.
அவுஸ்திரேலிய தொடரில் இந்தியாவின் தோல்விக்கு அனுபவ துடுப்பாட்ட வீரர்களை மட்டும் குறை சொல்கின்றனர். அவுஸ்திரேலிய அணியை இரு முறை சகல விக்கெட்டையும் இழக்கக் கூடிய அளவுக்கு திறமையான பந்து வீச்சாளர்கள் இல்லை என்பதையும் ஏற்றுக் கொள்ள வேண்டும்.
ஜாகீர் கானை தவிர மற்றவர்களின் பந்து வீச்சு சொல்லிக் கொள்ளும்படி இல்லை. ஹர்பஜனை நீக்கியது பெரிய தவறு. அஷ்வின் இன்னும் டெஸ்ட் போட்டிக்கு தயாராகவில்லை என்று தான் சொல்ல வேண்டும். இவ்வாறு லத்தீப் கூறினார்.

காஷ்மீர் இமாச்சலில் கடும் பனிப் பொழிவு

noreply@blogger.com (beer mohamed) — Wed, 11 Jan 2012 01:27:00 +0000

வடமாநிலங்களில் நேற்று முன்தினம் கடும் குளிர் வாட்டியது. காஷ்மீர் இமாச்சல் பிரதேசத்தில் பனிப்பொழிவு காரணமாக
மக்களின் இயல்பு வாழ்க்கை பாதிக்கப்பட்டது.
வட மாநிலங்களில் கடந்த சில நாட்களாக குளிர் வாட்டி வருகிறது. காஷ்மீர், மாச்சலப் பிரதேசத்தில் நேற்று முன்தினமும் தொடர்ந்து பனிப்பொழிவு காணப்பட்டது. காஷ்மீரில் உள்ள குல்மார்கில் மறை 14.5 பாகை குளிர் பதிவானது.
பனிப்பொழிவு காரணமாக மின் கம்பிகள் அறுந்து விழுந்ததால் 3 நாட்களாக மின்சாரம் இல்லாமல் காஷ்மீர் மக்கள் அவதிப்பட்டனர். நேற்று முன்தினம் ஸ்ரீநகர் உட்பட வடக்கு காஷ்மீரின் சில பகுதிகளில் மின்சார விநியோகம் சீரானது.
இமாச்சலப் பிரதேசத்தில் பனிப்பொழிவு காரணமாக சிம்லா உள்ளிட்ட நகரங்களில் போக்குவரத்து தடைப்பட்டது. மாநிலத்தின் பல பகுதிகளில் 1000 செ.மீ. பனிப்பொழிவு பதிவானது. இதனால் இரு மாநில மக்களின் இயல்பு வாழ்க்கை பாதிக்கப்பட்டது. டில்லியிலும் குளிர் நிலவியது.
அங்கு குறைந்தபட்ச வெப்ப நிலை 8.4 பாகையாக பதிவானது. உ.பி.யிலும் கடும் குளிர் காற்று வீசியது. பஞ்சாபிலும் கடும் குளிர் வாட்டியது. அமிர்தசரசில் 0.4 பாகை குளிர் பதிவானது. வடமாநிலங்களில் இன்னும் ஒரு சில நாட்களுக்கு குளிர் அதிகமாக இருக்கும் என்று வானிலை ஆய்வு மையம் தெரிவித்துள்ளது.

துக்ளக் இதழின் 43வது ஆண்டு விழாவில் அத்வானி, மோடி

noreply@blogger.com (beer mohamed) — Sun, 08 Jan 2012 04:19:00 +0000

தமிழக கூட்டணி அரசியலில் பெரும் மாற்றங்கள் ஏற்படுகின்றன என்பதற்கு அறிகுறிகள் தெளிவாகத் தெரியத்
தொடங்கி இருக்கின்றன.
தமிழக முதல்வர் ஜெயலலிதாவின் திடீர் அரசியல் குரு என்று வர்ணிக்கப்படும் அரசியல் விமர்சகர் சோ, தன்னுடைய துக்ளக் இதழின் 43வது ஆண்டு விழாவை இதுவரை இல்லாத அளவுக்கு மிகவும் கோலாகலமாக தைப் பொங்கல் அன்று நடத்துகிறார்.
பாஜகவின் முன்னாள் மேலவை உறுப்பினராகவும் பணியாற்றிய திரு சோ, சென்னை வள்ளுவர் கோட்டத்தில் வரும் 14ம் தேதி நடத்தும் அந்த விழாவில், பாஜக மூத்த தலைவர் அத்வானியும் பாஜக பெரும் புள்ளியும் குஜராத் முதல்வருமான மோடியும் கலந்துகொள்கிறார்கள் என்று அறிவிக்கப்பட்டுள்ளது.
அத்வானி, நரேந்திர மோடி இருவருக்கும் பயங்கரவாதிகளின் மிரட்டல் இருப்பதால் அவர்களுக்கு இசட் பிளஸ் பாதுகாப்பு வழங்கப் பட்டு உள்ளது. தமிழக அரசின் முழு ஆதரவுடன் பெரும் பாது காப்பு ஏற்பாடுகள் இப்போதே தொடங்கிவிட்டன.
அந்த வள்ளுவர் கோட்டத்து விழா வெறும் வார இதழ் நிகழ்ச்சியாக மட்டும் இராது என்றும் தமிழக அரசியலிலும் இந்திய அரசியலிலும் தலைகீழ் மாற்றத்தை ஏற்படுத்துவதற்கான அரங்கமாக அந்த விழா மேடை இருக்கக்கூடும் என்றும் அரசியல் நோக்கர்கள் கருதுகிறார்கள்.
தமிழ்நாட்டை ஆளும் அதிமுக முதல்வருக்கு மிகவும் அணுக்கமாக இருக்கும் துக்ளக் சோ, அதிமுக-பாஜக கூட்டணிக்கு இந்த விழாவில் அஸ்திவாரம் போடப் போகிறார் என்று கருதப் படுகிறது.
அண்மையில் நடந்த அதிமுக பொதுக் குழுக் கூட்டத்தில் பேசிய முதல்வர் ஜெயலலிதா, வாஜ்பாய் தலைமையிலான பாஜக ஆட்சியை பொற்காலம் என்று வர்ணித்த தையும் அத்தகைய பொற்காலம் கனிய அரும்பாடுபடும்படி தன் கட்சியினருக்குக் கோரிக்கை விடுத்ததையும் கவனிப்பாளர்கள் சுட்டிக்காட்டுகிறார்கள்.
இன்னும் சில ஆண்டுகளில் நடக்க இருக்கும் நாடாளுமன்றத் தேர்தலில் அதிமுக-பாஜக கூட்டணி வென்றால் ஜெயலலிதாவுக்குப் பிரதமர் பதவி கூட கைகூடி வர வழி இருக்கிறது என்பது துக்ளக் சோவின் கணக்கீடாகத் தெரிகிறது

கச்சா எண்ணெய் விலை உயருகிறது

noreply@blogger.com (beer mohamed) — Thu, 05 Jan 2012 13:18:00 +0000

வளைகுடாவில் உள்ள ஓமன் கடல் பகுதியில் உள்ள ஹேர்முஸ் கடற்படை தளத்தில் 10 நாள் போர் பயிற்சி ஒத்திகை நடத்தியது. அப்போது ஈரான் போர்க் கப்பலில் இருந்த குறைந்த தூரம், நீண்ட தூரம் சென்று தாக்கும் ஏவுகணைகளை வெற்றிகரமாக ஏவி சோதனை நடத்தியது. போர் ஒத்திகை நடந்ததால் அமெரிக்க போர்க் கப்பல்கள் அந்த வழியாக செல்ல விரும்பவில்லை. இந்த நிலையில் அமெரிக்க போர்க் கப்பல்கள் திரும்பவும் நுழையக் கூடாது. மீறினால் கடும் விளைவுகளை சந்திக்க நேரிடும் என ஈரான் கடும் எச்சரிக்கை விடுத்தது. இந்த பிரச்சினையால் சர்வதேச அளவில் கச்சா எண்ணெய்யின் விலை உயரும் அபாயம் உள்ளது. ஏனெனில் ஹேர்முஸ் துறைமுகம் வழியாக நாள் ஒன்றுக்கு ஒரு கோடியே 70 லட்சம் பேரல்கள் கச்சா எண்ணெய் கப்பல்கள் மூலம் கொண்டு செல்லப்படுகிறது. தற்போது இந்த வழி அடைக்கப்பட்டுள்ளதால் கச்சா எண்ணெய் எடுத்து செல்வதில் சிக்கல் ஏற்பட்டுள்ளது. அதனால் எண்ணெய் தட்டுப்பாடு ஏற்பட்டு அதன் மூலம் விலை உயர்வு ஏற்படும் அபாயம் உள்ளது.

விமானிகளின் தூக்கத்தால் மும்பை செல்ல வேண்டிய விமானம் கோவா சென்றது

noreply@blogger.com (beer mohamed) — Wed, 04 Jan 2012 16:42:00 +0000

துபாயிலிருந்து மும்பைக்கு வந்து கொண்டிருந்த ஏர் இந்தியா விமானத்தின் இரு விமானிகளும் தூங்கி விட்டதால் விமானம் மும்பையைத் தாண்டி கோவா அருகே சென்ற அதிர்ச்சிகரமான சம்பவம் நடந்து 15 நாட்களுக்குப் பின்னர் தற்போது வெளியே கசிய ஆரம்பித்துள்ளது. கடந்த 15 நாட்களுக்கு முன்பு, துபாயிலிருந்து 100 பயணிகளுடன் மிசி 612 என்ற ஏர் இந்தியா விமானம் மும்பை கிளம்பியது. துபாய் நேரப்படி இரவு1.35 மணிக்கு இந்த விமானம் கிளம்பி இந்திய நேரப்படி காலை 7 மணிக்கு ராஜஸ்தான் மாநிலம் ஜெய்ப்பூரில் தரையிறங்கியது.
பின்னர் ஜெய்ப்பூரிலிருந்து மும்பை கிளம்பியது. ஆனால் கிளம்பிய சிறிது நேரத்தில் ஆட்டோ பைலட்டை இயக்கி விட்டு முதலில் ஒரு விமானி தூக்கத்தில் ஆழ்ந்தார். இதைத் தொடர்ந்து துணை விமானியும் தூங்கி விட்டார்.
இதையடுத்து மும்பை விமான கட்டுப்பாட்டு நிலையம் விமானத்தைத் தொடர்பு கொண்டதும் விமானத்திலுள்ள அலாரம் ஒலிக்க ஆரம்பித்துள்ளது. அதைக் கேட்டு திடுக்கிட்டு இரு விமானிகளும் விழித்துள்ளனர்.
இதற்கிடையே ஏர் இந்தியா விமானம் மும்பை வான்வெளியைத் தாண்டி கோவாவுக்குப் பாதி தூரம் வரை போய் விட்டது. இதையடுத்து இரு விமானிகளும் விமானத்தை திருப்பி மும்பையில் தரையிறக்கியுள்ளதாக தகவல் வெளியாகியுள்ளது.
கடந்த 2010 ம் ஆண்டு 158 உயிர்களை பலி கொடுத்த மங்களூர் விமான விபத்து விமானிகளின் தூக்கத்தால் ஏற்பட்டது குறிப்பிடத்தக்கது

தானே புயலால் பாதிக்கப்பட்ட மக்களுக்கு விஜயகாந்த் ஆறுதல்

noreply@blogger.com (beer mohamed) — Wed, 04 Jan 2012 16:41:00 +0000

தானே புயலால் பாதிக்கப்பட்ட கடலூர், புதுவை மக்களுக்கு
தேமுதிக தலைவர் விஜயகாந்த் நேற்று நேரில் ஆறுதல் கூறினார். 1,000 பேருக்கு வேட்டி, சேலை, உணவு உள்ளிட்ட உதவிகளை வழங்கினார். அப்போது நிவாரணப் பொருட்களை வாங்குவதற்கு கூட்டம் முண்டியடித்ததால் பெரும் தள்ளுமுள்ளு ஏற்பட்டு 15 பேர் படுகாயம் அடைய நேரிட்டது.
தானே புயலால் தமிழகத்தில் கடலோர மாவட்டங்கள் பெரும் பாதிப்புக்குள்ளாகி உள்ளன. வீடுகளும் பயிர் செய்கைகளும் பெருத்த சேதத்துக்கு உள்ளாகி உள்ளன. குறிப்பாக விவசாயிகள் பெரும் பாதிப்புக்கு உள்ளாகியுள்ளனர்