வானவில்

மின்சார பிரச்சினைக்கு அரசு மட்டும் காரணமா ?

2014-05-30T13:00:00.000+05:30

வணக்கம் நண்பர்களே !

இன்றைய கால கட்டத்தில் மின்சாரம் என்பது நமது வாழ்வில் இன்றியமையாத நமது வாழ்வில் இரண்டற கலந்து விட்ட ஒன்றாகும் ! இந்த மின்சாரத்தை செலவழிப்பதில் காட்டும் அக்கறையை சேமிப்பதில் நாம் காட்டுவத்தில்லை ! ஒரு சின்ன உதாரணம் ! பகலில் இரு சக்கர வாகனத்தில் முகப்பு விளக்கை எரிய விட்டு செல்லக்கூடாது என்ற விழிப்புணர்வை பெற்றிருக்கும் நாம் ! வீட்டில் தேவை இல்லாமல் விரையமாகும் மின்சாரத்தை சேமிக்க வேண்டும் என்ற விழிப்புணர்வை ஏன் பெறவில்லை ! நகரங்களில் மின்சாரத்தை சொகுசாக செலவழித்து வாழும் நாம் கிராமங்களில் உள்ள மக்களை நினைத்து பார்க்கிறோமா? தொடர்ந்து அரசை குறை கூறி கொண்டிருக்கும் நாம் அதை சேமிக்க நாம் என்ன முயற்சி செய்தோம் ! ஆகையால் மின் சிக்கனத்தை கடைப்பிடித்து நாடு தொழில் வளர்ச்சியில் முன்னேற கைகொடுப்போம் !

மின்சாரத்தை சேமிக்கும் சில யோசனைகள் உங்களுக்காக!

1. பகலில் A/C போடுவதை முடிந்தவரை தவிர்க்கவும் !

2. சூரிய ஒளி வீட்டிற்குள் விழும் பட்சத்தில் பகலில் விளக்குக்குகள் எரிய விடுவதை தவிர்க்கவும்

3.இரவு முழுக்க அலைபேசி மற்றும் laptop க்கு charge செய்ய வேண்டாம் ! தேவை படும்போது மட்டும் போடவும்! அதே போல சார்ஜ்
செய்து விட்டு தவறாமல் மின் இணைப்பை துண்டிக்கவும் !

4. தண்ணீர் இறைக்கும் பம்ப் போட்டுவிட்டு தொட்டியில் நிறைந்து வழிந்தோட விடாமல் சரியான நேரத்தில் அணைக்கவும் !

5. டிவி பார்த்து முடித்து விட்டு அதில் உள்ள ON/OFF பட்டனை மட்டும் அணைப்பதோடு மட்டும் இல்லாமல் மெயின் சுவிட்ச்சையும் சேர்த்து அணைக்கவும் !

6. வெயில் காலங்களில் Washing Machine இல் உள்ள Spin மற்றும் Drier வசதியை பயன்படுத்தாமல் வெளியில் உலர்த்தலாம் !

7. சமையல் கூடங்களில் வேலை இல்லாத நேரத்தில் Exhaust Fan ஓடுவதை நிறுத்தி வைக்கவும் !

8. பகலில் வீட்டிற்கு வெளியே எரியும் விளக்குகள் எரிவதை தவிர்க்கவும் !

இது போன்ற மேலும் சில யோசனைகள் உங்களிடம் இருந்தால் கருத்து பெட்டியில் தெரிவிக்கலாம் !

நன்றியுடன் !

இரா.மாடசாமி

வடிவேலுவும் கிங்க்ஸ் லெவன் பஞ்சாபும் !

2014-05-19T12:48:00.000+05:30

வணக்கம் நண்பர்களே !
Face book ல் எனது சுவரில் எழுதிய சில நிலைத்தகவல்கள் உங்களுக்காக !

ஒரு வேளை மின்சார வாரியத்தை ஏர்டெல்,வோடாபோன் போன்ற கம்பனிகளின் கையில் கொடுத்திருந்தால் , நமது சம்பளத்தில் ஒரு பாதி கரைந்திருக்கும்.மேலும் , A/C special package , Fridge & Washing Machine Special Package, Economic pack(Fans& Light, TV), One day validity , thirty day validity , இப்படி எல்லாத்துக்கும் கறந்து நம்ம தாலிய அத்துருப்பங்க !

*************************************************************

IPL ல் இந்த முறை சென்னை அணி இரண்டு முறை பஞ்சாபிடம் பஞ்சரானது ! அப்போது இந்த வடிவேல் காமெடி தான் நினைவுக்கு வந்தது ! இந்த வீடியோவை பார்பதற்க்கு முன் , வடிவேலுவை MS தோனியாகவும் , எதிர்கட்சியினரை கிங்க்ஸ் லெவன் பஞ்சாப் ஆகவும் நினைத்து கொள்ளவும்!
உபயம் : Youtube

என்னா அடி !!!!!!!!!!!!!!!!!!!!!

**********************************************************

உங்கள் மொபைல் நம்பரை தமிழில் சொல்லுங்கள் என யாரேனும் கேட்கும்போது ,ஆங்கிலத்தில் சொல்வதை விட மும்மடங்கு நேரம் அதிகம் எடுத்துக்கொள்கிறது.இதை நினைக்கும்போது கொஞ்சம் தலைகுனிவாகத்தான் இருக்கிறது !

*******************************************************************

உண்மையை விட பொய் பேசுவதற்க்கே அதிகம் பயன்படுத்தியிருக்கிறேன் அலை பேசி !

********************************************************************************

நன்றியுடன் !
இரா.மாடசாமி

தயவு செய்து ஓட்டுப்போடுங்கள் !!!

2014-04-22T17:37:00.000+05:30

வணக்கம் நண்பர்களே !

இந்தப் பதிவு எனக்கு மிகவும் பிடித்த திரு சுஜாதா அவர்களின் கற்றதும் பெற்றதும் புத்தகத்திலிருந்து எடுத்து எழுதப்பட்டது . இன்றைய தேதிக்கு இது கொஞ்சம் outdated ஆக இருந்தாலும், இந்த சமயத்தில் இந்த பதிவை எழுவது பொருத்தமாக இருக்கும்.வீட்டில் படித்து கொண்டிருந்தபோது கண்ணில் பட்டது அது அப்படியே உங்களின் பார்வைக்கு.

ஐ டி கார்டு இல்லை என்றாலும் வோட்டுப் போடலாம் .... போட வேண்டும் . யாருக்கு என்று என்னைக் கேட்டால் , கீழ்காணும் காப்பி ரைட் செய்யப்பட்ட என் சொந்தக் குறிப்புகள் உங்களுக்கு உதவலாம் .-- சுஜாதா

1. இருப்பதற்க்குள் இளைஞர் அல்லது அதிகம் படித்தவருக்கு வோட்டுப் போடுங்கள்.சாதி பார்க்காதீர்கள்.உங்கள் சாதியென்றால் ஒரு பரிவு உணர்ச்சி இருக்கத்தான் செய்யும். ஆனால் அந்த ஆள் முகத்தை எப்போதாவது பார்த்திருக்கிறீர்களா, யோசித்துப் பாருங்கள். டிவி யில் பார்த்தால் போதாது . முதலில் அவர் உங்கள் தொகுதிக்காரரா அல்லது வெளியிலிருந்து விதைக்கப்பட்டவரா என்று பாருங்கள் .

2. உங்கள் தீர்மானம் திடமாக இருந்தால் இன்னாருக்கு இன்ன காரணத்துக்காக போடப்போகிறேன் என்பதை சுற்றுப்பட்டவர்களுக்கும் சொல்லுங்கள் . உங்கள் மனைவி, மக்கள் , டிரைவர்,வேலைக்காரி , அல்சேஷன் என எல்லாருக்கும் சொல்லலாம் .

3.யாருக்கு என தீர்மானித்திருக்காத பட்சத்தில் உங்கள் வீட்டுக்கு முதல் முறையாக வோட்டு கேட்டு வந்தவருக்கு போடுங்கள் ....தலையையாவது காட்டினாரே !

4. உங்கள் தொகுதியில் பெண்கள் போட்டியிட்டால் அவர்களுக்கு போடுங்கள் . முப்பத்துமூன்று விழுக்காடு என்று ஜல்லி அடித்துக்கொண்டிருக்கிறார்கள் . ஆணாதிக்க இந்தியாவில் அது வரவே வராது. பெண்கள் குறைந்த பட்சமாவது ஆதரிக்கப்படவேண்டியவர்கள் . மக்களவையில் கொஞ்சம் வாதிட்டு சண்டை போடும் சுஷ்மா சுவராஜ் , உமாபாரதி ,மாயாவதி போன்றவர்கள் மூலம் சலுகைகள் பெற வாய்ப்புள்ளது .அலங்காரத்திற்கு நிற்கும் சினிமா நடிகைகளை தவிர்க்கவும் .பெண் என்பதால் அனிமல் ஹஸ்பண்டரி இலாகவிலாவது டெபுடி அசிஸ்டன்ட் ஸ்டேட் மினிஸ்டர் பதவியாவது கொடுத்து தொலைப்பார்கள் .

5.இதற்க்கு முன்பு இருந்தவர் மறு தேர்தலை விரும்பினால் அவர் ஆட்சி காலத்தில் எப்போதாவது ஒரு முறையாவது உங்கள் தெருப்பக்கம் தலையைக் காட்டியிருக்கிறார் என்றால் அவருக்குப் போடலாம்.( நிலா டிவி யில் கிருஷ்ணகிரி தொகுதி மக்களை பேட்டி கண்டபோது ஒரு பெண்மணியை 'இப்ப இருக்கிற எம் பி யாருன்னாவது தெரியுமாம்மா உங்களுக்கு? என்று கேட்டதற்கு, எம். பி யா ... அப்படின்னா ?' என்று வியப்புடன் கேட்டார் .) எனவே போடுவதற்கு முன் முகம் , அவர் கட்சி வேட்பாளராக இருந்தால் அந்த கட்சியின் சென்ற தேர்தல் வாக்குறுதிகளை ஒரு காப்பி வைத்து கொள்வது நலம். அதை காட்டி இதில் என்னென்ன நீங்கள் செய்திருக்கிறீர்கள் ? என்று கேட்டாலே பாதி பேர் மறைந்து விடுவார்கள் . அதே போல இந்த முறை கட்சி வேட்பாளர்களிடம் தேர்தல் வாக்குறுதி என்று குட்டியாக ரேஸ் புக் மாதிரி ஒரு புத்தகம் இருக்கும் அதை ஒரு பிரதி வாங்கி வைத்துகொள்ளுங்கள் . பத்து மாதத்தில் மறுபடி தேர்தல் வந்தால் கேட்பதற்கு , குறிப்பாக நிலையான ஆட்சி அமைக்க போகிறோம்' என்று யாராவது சொல்லிக்கொண்டு வந்தால் நாயை அவிழ்த்து விடுங்கள் . இந்தியாவில் நிலையான ஆட்சி இனி சாத்தியமில்லை . வரும் தேர்தலில் எந்த ஆட்சியாவது ஐந்து வருஷம் தாங்கினால் மொட்டை போட்டு கொள்கிறேன் .

6. சுயேச்சை வேட்பாளர்களுக்கு போடாதீர்கள் . வேஸ்ட் .

7. கொஞ்ச நாள் தையா தக்கா ஆட்டம் பாட்டம் , சிக்கு புக்கு , முக்காபுலா , போன்ற அறிவு சார்ந்த புரோகிராம்களை புறக்கணித்து பிரணாய் ராய் , ரபி பெர்னாட் , மாலன் போன்றவர்கள் நடத்தும் தேர்தல் ப்ரோகிராம்களை பாருங்கள் . தூர்தர்ஷன் கூட பார்க்க்கலாம் . இருப்பதற்குள் பாத்திரத் திருடன் போல திருட்டு முழி முழிக்காதவராக , யாரைப் பார்த்தால் 'இவர் ஏதாவது செய்வார் .... முதல் நாளே உள்ளங்கை அரிக்காது ' என்று உங்கள் உள்ளுணர்வு சொல்கிறதோ அவருக்கு போடலாம் .(அமெரிக்கா இப்படித்தான் தேர்ந்தெடுக்கிறது) அல்லது பத்து வார்த்தை கோர்வையாக பேச தெரிந்திருந்தால் போடலாம் .

இவ்வளவு செய்தும் ஒன்றுமே தீர்மானிக்க முடியவில்லை என்றால் சீட்டு எழுதி வீட்டில் யாரையாவது தேர்ந்தெடுக்க சொல்லுங்கள் . அதிர்ஷ்டமுள்ளவர்கள் வெல்லட்டும் . ஆனால் கட்டாயமாக வோட்டு போடுங்கள் . அது அவசியம். (நோட்டா பயன்பாட்டிற்கு முன் இந்த கட்டுரை வந்ததால் சாருக்கு அதை பற்றி தெரிந்திருக்க வாய்ப்பில்லை வந்திருந்தால் அதனை சொல்லியிருப்பார் என நினைக்கிறேன் ! )

பார்லிமென்ட் தொங்கினாலும் முடங்கினாலும் பரவாயில்லை . சண்டை வந்தால் விட்டு கொடுப்பது இல்லை . மேலும் முதன் முதலாக இந்தக் கோமாளிகள் பரஸ்பரம் கவிழ்த்துக்கொண்டு , மர மேஜைகளைத் தட்டி வெளியேற்ற விளையாட்டு விளையாடி கொண்டிருக்கும்போது நாட்டின் பொருளாதாரம் பாதிக்கப்படாமல் பத்திரமாக இருந்திருக்கிறது . அது முன்னேற்றத்திற்க்கான அறிகுறி . ஜப்பான் , பிரான்ஸ் , இத்தாலி , போன்ற நாடுகளில் ஆறு மாதத்துக்கு ஒரு முறை அரசியல் மாற்றங்கள் இருந்தும் அந்த நாடுகளில் பொருளாதாரம் எந்த விதத்திலும் பாதிக்கப்படுவதில்லை. நம் இந்தியப் பொருளாதாரமும் அந்த நிலைக்கு வந்திருப்பது ஆரோக்கியமான விஷயம்.அது இப்போது மனிதர்களை சாராமல் பருவமழையை சார்ந்துள்ளது.பருவ மழையும் இவ்வளவு பாவாத்மாக்கள் இருந்தும் தவறில்லாமல் பெய்கிறது .

தயவு செய்து வோட்டுப்போடுங்கள் !! டாமினோ எபெக்ட் என்று ஒன்று உள்ளது.அதன் மூலம் உங்கள் ஒற்றை வோட்டை வைத்துக்கொண்டு தேசத்தின் தலைவிதியை படித்தவர்களால் மாற்ற முடியும் .

நன்றி

திரு. சுஜாதா
கற்றதும் பெற்றதும்
விசா பப்ளிகேசன்

நன்றியுடன்
இரா. மாடசாமி

ரஜினியின் அடுத்த படத்தை இயக்குவது யார் ?

2014-03-14T09:21:00.001+05:30

வணக்கம் நண்பர்களே !
இன்றைய சினிமாவில் தினமும் எவ்வளவோ விஷயங்கள் தினம் தினம்  நடந்து கொண்டிருந்தாலும் , குறிப்பிட்ட ஒரு சில நடிகர்களின் வட்டத்துக்குள் அடுத்தது என்ன என எதிர்பார்ப்பு கூடிகொண்டே இருக்கும். இள வயது நடிகர்கள் தொடர்ந்து நடித்து கொண்டிருக்கின்றனர். ஆனால்,சில மூத்த நடிகர்கள் (ஹிட் நடிகர்கள்) படங்கள் சீக்கிரம் வெளிவராது குறிப்பாக சொல்லப்போனால் ரஜினி மற்றும் கமல். இதில் கமல் ஆண்டுக்கு ஒரு படம் கொடுத்து விடுகிறார். இது விஷயமாக சமீபத்தில் நடந்த ரசிகர்கள் பங்குபெற்ற தொலைக்காட்சி நிகழ்ச்சியில் ஒரு ரசிகர் "ஒரு வருடத்தில் மிக குறைந்த எண்ணிக்கையில் (ஒன்று அல்லது இரண்டு படங்களில்) மட்டுமே நடிக்கிறீர்கள் . இது எங்களுக்கு பத்தாது என கூறினார் . அதற்கு கமல்," இது எனக்கே பத்தாது" என அவருக்கே உரிய நகைச்சுவையோடு கூறினார். ஆனால் ரஜினி படங்கள் கேட்கவே வேண்டாம் . எப்போது நடிப்பார் ? யார் இசை ? யார் கதாநாயகி ?என நாளிதழ்கள் , தொலைகாட்சிகளில் எப்போதும் பரபரப்பு, இதை எல்லாம் விட அவரை இயக்குவது யார் என்பததுதான் உச்ச பட்ச எதிர்பார்ப்பாக இருக்கும். அதனை பற்றிய ஒரு சிறிய அலசல் தான் இந்த பதிவு .

ரஜினி என்றாலே ரசிகர்கள் அல்லாமல் குழந்தைகள் , பெண்கள்,முதியவர், என அனைத்து தரப்பினரும் பார்ப்பார்கள் என திரை உலகில் ஒரு கருத்து உண்டு. அதே போல ரஜினியின் படம்  மாநகரம், நகரம், கிராமம் என அனைத்து வித மக்களையும் திருப்தி படுத்தும் விதமாக இருக்கும்! படமும் மிகப்பெரிய வெற்றி அடையும் .ஆனால்,ரஜினி நடித்து தற்போது விரைவில் வெளிவர உள்ள கோச்சடையான்  எந்த அளவுக்கு வெற்றி பெரும் என்று சொல்ல முடியாது!காரணம் அவர் ஒரு மாஸ் ஹீரோ ! மாஸ் ஹீரோவின் அசல் உருவத்திற்கும்,3டி உருவத்திற்கும் மிகப்பெரிய வேறுபாடு உள்ளது ! இந்த படத்தின் Making எனப்படும் உருவாக்கும் முறை ரஜினிக்கு முற்றிலும் புதிது.இதனை ரசிகர்கள் எந்த அளவு வரவேற்ப்பார்கள் என தெரியவில்லை ? இந்தப்படம் வெற்றி பெற்றால் பரவாயில்லை. அப்படி வெற்றி பெறாமல் போகும் பட்சத்தில் ரஜினியின் அடுத்த படம் கட்டாய வெற்றியை நோக்கி என ஒரு வித நெருக்கடிக்கு ஆளாகும் ! அதனால் இப்போதே  ரஜினியின் அடுத்த படத்தை பற்றிய செய்திகள் வெளிவர ஆரம்பித்துள்ளன .

ரஜினியின்  அடுத்த படத்தை  இயக்குவது  யார் ?

ரஜினி எப்போதுமே வெற்றிபெறும் குதிரையின் மீதே சவாரி செய்து பழக்கம்! ஆதலால் !புதிய இயக்குனர்களுக்கு வாய்ப்பு என்ன என்பதை உங்களின் கற்பனைக்கே விட்டு விடுகிறேன் !

அவரை வைத்து ஏற்கனவே இரண்டு  படங்களை  இயக்கிய K S ரவிக்குமார்

இயக்குவாரா ? அதற்கு 25 % வாய்ப்புகள் இருந்தாலும் அவரின் படங்கள் இன்றைய Corporate உலக மக்களுக்கு பிடிக்குமா என்பது தெரியவில்லை ! ஏன் என்றால் இன்றைய நிலையில் தியேட்டரின் முதல் வார வசூல் இவர்களை நம்பியே இருக்கிறது !அதனால் ரஜினியே கொஞ்சம் யோசிப்பார் !

அடுத்தது K V ஆனந்த் ! இவர் இயக்குவதற்கு 75% வாய்ப்பு உள்ளது ! ஏன் என்றால் இவர் ஒரு வெற்றிப்பட இயக்குனர் !மேலும் ஷங்கரை போல தொழில்நுட்பத்திலும் திறமைசாலி ! இவரின் அயன் மற்றும் கோ போன்ற திரைப்படங்கள் வெற்றிப்படங்கள் !

கடைசியாக ஷங்கர் ! படத்தின் வெற்றிக்கு 100 சதவீத உத்திரவாதம் இவர் தருகிறாரோ இல்லையோ ரசிகர்கள் தந்து விடுகிறார்கள் ! படம் எடுப்பதற்கு கொஞ்சம் முன்னோ பின்னோ ஆகலாம் ! ஆனால் நிச்சய வெற்றி! ஏற்கனவே ரஜினியை வைத்து இரண்டு மெகாஹிட் படத்தை கொடுத்திருக்கிறார். தயாரிப்பாளர், விநியோகஸ்தர், தியேட்டர் அதிபர் போன்ற அனைத்து பிரிவினருக்கும் லாபம் சம்பாதித்து கொடுக்கும் தமிழ் சினிமாவின் ATM ! ரஜினி படத்தின் தயாரிப்பு செலவுகுகளை மீறி லாபம் பார்க்க வேண்டுமானால் இது போன்ற கூட்டணி வைத்தால் மட்டுமே முடியும் என ரஜினிக்கே தெரியும் ! மேலும் தமிழ் திரை உலகில் தனது மாஸ் ஹீரோ இமேஜை தக்க வைத்துகொள்ளவும் ரஜினிக்கு இந்த கூட்டணி அவசியம்!

இன்னும் கொஞ்ச நாளில் தெரிந்து விடத்தான் போகிறது !

ரஜினி புதிய குதிரையில் பயணித்து வெற்றி பெற போகிறாரா ? அல்லது வெற்றி பெற்ற குதிரையில் பயணம் செய்ய போகிறாரா என்று ? பொறுத்திருந்து பார்ப்போம் !

நன்றியுடன்
இரா.மாடசாமி

பாட்டி சுட்ட வடையை காக்கா சுட்டது சரியா? தவறா ? விவாத மேடை !

2014-02-14T14:46:00.000+05:30

வணக்கம் நண்பர்களே !
எனது கற்பனையில் உதித்த மற்றுமொரு படைப்பு ! இந்த படைப்புக்கு தூண்டுதல் இமயம் தொலைகாட்சியில் வரும் காமெடி பஜார் ! அவர்களுக்கு எனது நன்றிகள் ! சரி ! என்ன படைப்பு ? நாம் தினந்தோறும் செய்தி சேனல்களில் காணும் விவாத மேடையே !அதை நமது பழங்கதையுடன் இணைத்துள்ளேன் ! பிடித்திருந்தால் கருத்துரைக்கவும் !

நிருபர் :வணக்கம் நேயர்களே ! இது எதிர்பட பேசு ! விவாதமேடை ! இன்றைய விவாத மேடையின் தலைப்பு , இன்று காலை கடற்கரை அருகே ஒரு பாட்டி வடை சுட்டுகொண்டிருக்கும் போது அடையாளம் தெரியாத ஒரு காக்கை அவர் சுட்டு கொண்டிருந்த வடையை சுட்டு கொண்டு போய் விட்டது ! இதை பற்றி விவாதிக்க நமது அரங்கிற்கு வந்துள்ள எதிர்கட்சியை சேர்ந்த திரு W,ஆளுங்கட்சியை சேர்ந்த திரு X , மற்றும் சமூக ஆர்வலர் திரு Y, மற்றும் ப்ளூ க்ராஸ்அமைப்பை சேர்ந்த Z வந்திருக்கின்றனர். அவர்களுக்கு நிலையத்தின் சார்பில் வணக்கத்தை தெரிவித்து கொண்டு விவாதத்தை தொடங்கலாம் ! முதலில் எதிர்கட்சியை சேர்ந்த W ! சொல்லுங்க இந்த நிகழ்வ நீங்க எப்படி பார்க்குறீங்க !

W :அதாவது இந்த நிகழ்வை பார்த்தோமேயானால் தமிழகத்தில் உள்ள சட்டம் மற்றும் ஒழுங்கின் நிலைமையை காண்பிக்கிறது ! அந்த பாட்டிக்கு உளுந்து மற்றும் அரிசி கடந்த ஆட்சியில் துவங்கப்பட்ட இலவச விநியோக திட்டத்தில் கொடுக்கப்பட்டது ! அதன் மூலம் அவர் சுயமாக சம்பாத்தித்து வந்துள்ளார் . இன்று அதற்க்கு முட்டு கட்டை போடும் விதமாக திருடர்கள் நகரத்தில் பெருகி விட்டார்கள் என்பதை இது காட்டுகிறது.

நிருபர்: திரு X இதற்கு உங்கள் பதில் என்ன ?

X : நண்பர் W சொன்னார் உளுந்து மற்றும் அரிசி அவர்கள் ஆட்சியில் கொடுத்தது என்று ! அதை மட்டும் கொடுத்துவிட்டால் தீர்ந்து விடாது பிரச்சினை ! அவர்களுக்கு எங்களது ஆட்சியிலே தான் வடைக்கு மாவரைக்க இலவச கிரைண்டர் , மிக்ஸ்சி கொடுக்கப்பட்டுள்ளது என்று கூற கடமைபட்டுள்ளேன் .

நிருபர் : இல்லங்க சட்டம் ஒழுங்க பத்தி என்ன சொல்ல வரீங்க ?

X : தற்போதய நிலவரப்படி அந்த காக்கையை பிடிக்க ஏழு தனிப்படை அமைக்கப்பட்டுள்ளது ! மேலும் கலங்கரை விளக்கம் அருகே ஒருவர் அந்த காக்கையை பார்த்துள்ளார் ! அவர் கொடுத்த அடையாளங்களுடன் கணினி உதவியோடு அதன் உருவத்தை வரைய நடவடிக்கை எடுக்கப்பட்டுள்ளது . அடுத்தபடியாக காக்கையின் கால் தடம் வடை வைத்திருந்த தட்டிலே உள்ளது . அதை தடயவியல் ஆய்வாளர்கள் சோதனை செய்து கொண்டிருக்கிறார்கள் . இதை எல்லாம் நான் எதற்கு சொல்கிறேன் என்றால் . இவ்வளவு நடவடிக்கை எடுத்தபின்பும் எதிர் கட்சியினர் குறை கூறுகிறார்கள் என்றால் , அது காழ்ப்புணர்ச்சியே அன்றி அந்த பாட்டியின் மீது உள்ள அனுதாபத்தில் அல்ல!

நிருபர் : நீங்க சொல்லுங்க சார்! மனித ஆர்வலராக நீங்க எப்படி பார்க்குறீங்க ?

Y : இது ஒரு தனி மனிதனுக்கு ஏற்ப்பட்ட வாழ்வாதார பிரச்சினயாகத்தான் பாக்கறேன் . ஏன்னா ? அந்த பாட்டி சுட்டது ஒரு வடை !அந்த வடையும் ஒரு காக்கா தூக்கி கிட்டு போச்சுனா அந்த பாட்டி என்ன செய்வாங்க பாவம் ! இந்த ஜனநாயகத்திலே தொழில் செய்யும் உரிமையை அதன் சங்கை நெரிப்பது போல் உள்ளது! இது முழுக்க முழுக்க மனித உரிமை மீறல் மட்டுமே ! ஆளுங்கட்சி மற்றும் எதிர்க்கட்சி இப்படி சண்டை போடுறத விட்டுட்டு அந்த பாட்டிக்கு தேவையான உதவிகள் செய்யணும் !

ஆளுங்கட்சி Y : உதவிகள் செய்யாம இல்லைங்க சார் ! இப்ப கூட அந்த அம்மாவுக்கு முதல்வர் நிவாரண நிதியில் இருந்து 5000 கொடுக்கப்பட்டிருக்கு! சும்மா தெரியாம பேசக்கூடாது !

நிருபர்: திரு .Z இந்த சம்பவம் பத்தி நீங்க என்ன சொல்ல வரீங்க ?

Z : இது கண்டிக்கப்பட வேண்டிய செய்தியே அல்ல ! அந்த காக்கை திருடியது சாதாரண வடை !

X : சாதாரண வடை என்று திருட்டை நியாயபடுத்தாதீர்கள் !அந்த காக்கை சட்டத்தின் முன் நிறுத்த படவேண்டும் !

Z :அப்படி என்றால் , உங்கள் ஆட்சியை சேர்ந்தவர்களும் , கடந்த ஆட்சியை சேர்ந்தவர்களையும் தான் சட்டத்தின் முன் நிறுத்தத் வேண்டும் !

நிருபர் : எப்படி சொல்றீங்க ?

Z : ஆமாங்க !திருடுவதற்கு காரணமானவர்கள் யார் ? தற்போது ஆட்சி செய்துகொண்டிருக்கின்ற , கடந்த முறை ஆட்சி செய்த மத்திய மாநில அரசுகள் தான்!

நிருபர் : புரியவில்லை ?

Z : இன்றைக்கு இருக்கின்ற விலைவாசி ஏற்றத்திலே யாருமே காக்கைக்கு சோறு வைப்பதே இல்லை, அப்புறம் அந்த காக்கா எங்க போய் சாப்பிடும் சொல்லுங்க! நான் மக்களை குறை சொல்ல வில்லை ! விலை வாசி ஏற்றத்துக்கு காரனமனவர்களைத்தான் குறை சொல்கிறேன் ! அதனால இது முழுக்க முழுக்க ஆட்சி செய்து கொண்டிருக்கிற மற்றும் ஆண்ட மத்திய மாநில அரசுகளையே சாரும்!

ஒரு சிறிய இடைவெளிக்கு பின்னர் மீண்டும் இணைவோம் ! எதிர் பட பேசு !

--------------------------------------------------------------------------------

நண்பர்களே ! இடைவேளை நிகழ்ச்சிக்கு மட்டும் இல்ல ! இந்த பதிவுக்கும் தான் ! அடுத்த பகுதிக்கு கொஞ்சம் காத்திருக்கவும் !

பிடித்திருந்தால் வாக்களித்து கருத்துரைக்கவும் !

நன்றியுடன் !

இரா.மாடசாமி

ஆதார் அட்டையும் கொஞ்சம் ஊறுகாயும் !

2014-01-27T12:18:00.002+05:30

வணக்கம் நண்பர்களே ! சமீபத்தில் ஆதார் அட்டை வழங்கும் முகாமிற்கு சென்றிருந்தேன் ! அங்கு ஒரு வரிசையில் அனைவரும் நின்று கொண்டிருந்தனர்.

அங்கு நின்று கொண்டிருந்த ஒருவரிடம், இந்த வரிசை எதற்கு? என கேட்டேன்.

அதற்க்கு அவர், தம்பி ! இதுதான் ஆதார் அட்டை புகைப்படம் எடுக்க டோக்கன் குடுக்குற இடம் ! என சொன்னார் .

நானும் அந்த வரிசையில் நின்று கொண்டேன் ! ஒரு மணி நேரம் கழித்து எனது முறை வந்தது.

டோக்கன் கொடுக்கும் நபர் என்னிடம் , டோக்கன் எங்க? என கேட்டார்.

என்ன சார் ! நீங்க தான் டோக்கன் குடுக்கணும் ! என நான் கேட்டேன் .

தம்பி ! போட்டோ எடுக்க நான்தான் டோக்கன் குடுப்பேன் ! ஆனா இந்த டோக்கன் வாங்க காலைல 5 மணிக்கு ஒரு டோக்கன் குடுப்போமே ! அது எங்கப்பா ? என சொன்னார் .

என்னது ? டோக்கன் வாங்க டோக்கனா ?

அப்புறம் என்ன ? கீழே உள்ள மாதிரி ஒரு லுக் விட்டுட்டு வந்துட்டேன்

----------------------------------------------------------------------------------------------

கொஞ்ச நாள் முன்னாடி உங்க டூத் பேஸ்ட்ல உப்பு இருக்கானு கேட்டாங்க ! இப்போ உங்க டூத் பேஸ்ட்ல எலுமிச்சைசக்தி மற்றும் உப்பு அடங்கி இருக்கான்னு கேட்குறாங்க !! இன்னும் மிளகாய் போடி மட்டும்தான் பாக்கி !
அதுவும் சேத்துட்டாங்கன்னா ஊறுகாய் ரெடி ! அப்புறம் டூத்பேஸ்ட் மற்றும் ஊறுகாய் டூ இன் ஒன் ! சூப்பர் ஐடியாதானே !

-----------------------------------------------------------------------------------------------------------------------

டிவியில ,

பல்லு கறை படிஞ்சா அதை செக் பண்ண ஒரு scanner !

தலையில பொடுகு பார்க்க ஒரு scanner!

கையில கிருமி இருக்கான்னு பார்க்க ஒரு scanner !

தோல் என்ன கலர்னு பார்க்க ஒரு scanner!

இப்படி எல்லாத்துக்கும் scanner இருக்கு ஓகே ! ஆனா இந்த scanner எங்க கிடைக்குதுன்னு சொன்னா நல்லா இருக்கும் ! சொல்லுங்க பாஸ் !

நன்றியுடன்
இரா.மாடசாமி

அப்பாவும் நானும்! தொடர்பதிவு-3!

2013-12-30T12:34:00.000+05:30

வணக்கம் நண்பர்களே !
இதற்க்கு முன் நான் எழுதிய அப்பாவும் நானும் பகுதியை படித்திருப்பீர்கள் என நினைக்கிறேன் . படிக்காதவர்கள் கீழே உள்ள இணைப்பை சொடுக்கவும் .

மேலும் படிக்க

இந்த கடையில மொபைல் வாங்குறீங்களா ! கொஞ்சம் யோசிங்க !

2013-12-17T15:01:00.002+05:30

வணக்கம் நண்பர்களே !
இது ஒரு விழிப்புணர்வு பதிவாக எழுதுகிறேன் ! இன்றைய வாழ்வில் அனைவருக்கும் அத்தியாவசியமான ஒரு கருவி அலைபேசி. இந்த அலைபேசி வாங்க சென்ற இடத்தில் நான் பட்ட வேதனையை உங்களுடன் பகிர்கிறேன் !

மேலும் படிக்க

பதிவர் சந்திப்பில் சிறப்பு அழைப்பாளர்கள் நடிகர் கமல் மற்றும் ரஜினி !!!!

2013-09-10T10:11:00.002+05:30

வணக்கம் நண்பர்களே !

பதிவர் சந்திப்பு தொடர்பாக நிறைய கருத்துகளும், சர்ச்சைகளும் இன்னும் பதிவுலகில் ஓய்ந்த பாடில்லை ! இதை பற்றிய சிறு அபிப்ராயம் சொல்ல வேண்டும் என நினைக்கிறேன் !

மேலும் படிக்க

2ஆம் ஆண்டு பதிவர் சந்திப்பு ! என் பார்வையில்!

2013-09-03T11:39:00.002+05:30

வணக்கம் நண்பர்களே !

பதிவர் திருவிழாவுக்கு முதல் நாள் இரவு 9 மணியில் இருந்தே விழா ஜுரம் என்னை தொற்றி கொண்டது! மெதுவாக என் மனைவியிடம் இந்த விஷயத்தை சொல்லி மேலும் எனது உடைகளை துவைத்து இஸ்திரி பண்ண கேட்டுக்கொண்டேன் !

மேலும் படிக்க

தேமுதிக அதிருப்தி MLA க்கள் செய்தது சரியா? ஒரு அலசல்!

2013-07-15T10:42:00.000+05:30

வணக்கம் நண்பர்களே !
இன்றைய தமிழக அரசியலில் மிகவும் சூடான செய்தி தேமுதிக அதிருப்தி M L A க்கள் கட்சி மாறி வாக்களித்தது பற்றித்தான்.அதைபற்றிய அலசல்தான் இந்த பதிவு !

மேலும் படிக்க

நாட்டாமை ! தீர்ப்பை மாத்தி சொல்லு !லொள்ளு சபா!!

2013-07-10T10:24:00.001+05:30

வணக்கம் நண்பர்களே!
விஜய் டிவியில எல்லாரும் லொள்ளு சபா
பார்த்திருப்பீங்க! அது மாதிரி நானும் ஒரு script ரெடி பண்ணியிருக்கேன்! என்ன படம் எழுதலாம்னு யோசிச்சப்போ நம்ம சரத்குமார் நடிச்சு கே.எஸ் ரவிக்குமார் இயக்குன நாட்டாமை படம்தான் ஞாபகம் வந்துச்சு!அதுல இருந்து ஒரே ஒரு சீன் மட்டும் என் கற்பனைக்கு எட்டிய வரைக்கும் மாத்தி எழுதியிருக்கேன் !படிச்சு ரசிங்க!!

மேலும் படிக்க

இனிமே குடிக்க மாட்டேன்!!

2013-07-03T10:13:00.003+05:30

இதுவரை யாருக்கும் தெரியாமல் குடித்தது இன்று மனைவிக்கு தெரிந்து விட்டது ! காலையில் படுக்கை அறையில் மறைத்து வைத்து பாட்டிலோடு குடித்ததை பார்த்து விட்டாள். என்னுடைய அப்பாவிடம், அம்மாவிடமும் சொல்லிவிடுவாளோ என பயந்தபடியே அவளிடம் ப்ளீஸ் என கெஞ்சினேன் ! ஒரு முறைப்புடன் அறையை விட்டு வெளியேறினாள்! நானும் அலுவலகம் கிளம்ப தயார் ஆனேன் ! மீண்டும் குளித்து முடித்து சாப்பாடு வைக்கும்போது பேசாமல் இருந்தாலும் கண்களால் என்னை தீயாக எரித்து விடுவது போல என்னை பார்த்தாள்.

மேலும் படிக்க

வானவில்லின் 50 வது பதிவு !எமனுக்கு டார்கெட்டு !

2013-04-13T09:53:00.000+05:30

வணக்கம் நண்பர்களே !
அனைவருக்கும் இனிய தமிழ்ப்புத்தாண்டு வாழ்த்துக்கள் ! இது வானவில்லின் 50 வது பதிவு! மேலும் வானவில் நேற்றுடன் ஒரு வருடத்தினை நிறைவு செய்தது .இதுவரை தொடர்ந்து தளத்திற்கு வந்து கருத்தளித்து ஊக்கமளித்த அனைத்து நல்ல உள்ளங்களுக்கும் வானவில் தனது இதய பூர்வமான நன்றியை தெரிவித்து கொள்கிறது! என்னுடைய அனைத்து பதிவுகளுக்கும் தவறாது கருத்தளிக்கும் நண்பர் திரு .திண்டுக்கல் தனபாலன் அவர்களுக்கும் நண்பர் திரு.ஜெயதேவ் அவர்களுக்கும் நன்றிகள் பல.

மேலும் படிக்க

பரதேசி படத்தில் ஏன் இல்லை இளையராஜா ?

2013-04-03T09:56:00.000+05:30

வணக்கம் நண்பர்களே !

சமீபத்தில் வெளிவந்திருக்கும் பரதேசி படம் மக்களிடையே நல்ல வரவேற்ப்பை பெற்றுள்ளதாக பத்திரிக்கை வழியாகவும் பதிவுகளின் வழியாகவும் படித்து தெரிந்து கொண்டேன்.ஆடை வடிவமைப்புக்கான தேசிய விருதை தட்டி சென்றது மற்றுமொரு சிறப்பம்சம். தொடர்ந்து இயல்பான,மற்றும் தரமான படங்களை கொடுத்து கொண்டிருக்கும் திரு.பாலா அவர்களுக்கு இந்த விருது ஒன்றும் புதிதல்ல! இந்த படமும் அவருக்கு புதிதல்ல!வாழ்த்துக்கள் பாலாசார்!தமிழ் சினிமாவை வாழவைத்துக்கொண்டிருக்கும் சிலரில் நீங்களும் ஒருவர்!

இந்த பதிவு விமர்சன பதிவு அல்ல. இந்த திரைப்படத்தில் இளையராஜா ஏன் பங்கேற்க்கவில்லை? என என் மனதில் ஒரு சிறிய சந்தேகம் இருந்துகொண்டே இருந்தது .அதற்க்கு விடை காணும் முடிவாக சில கருத்துக்களை இங்கே உங்களிடம் முன் மொழிகின்றேன் . இது எனது தனிப்பட்ட கருத்து மட்டுமே! இதை ஏற்றுக்கொள்ளவேண்டும் என எந்த நிர்பந்தமும் கிடையாது !

இதுவரை வெளிவந்த பாலா படங்களில் மிகப்பெரிய வெற்றி என கொண்டாடப்படும் சேது மற்றும் பிதாமகன் இரண்டிலுமே இசை இசைஞானியே ! அப்படி இருக்க ஒரு உழைப்பு சுரண்டலும் , அடிமைகளின் வாழ்க்கை வரலாற்றையும் அடிப்படையாக கொண்ட, கதைக்களம் வலுவாக உள்ள இந்த படத்திற்கு பாலா ஏன் இளையராஜாவை அணுகவில்லை ! அல்லது அணுகி நிராகரிக்கப்பட்டதா? அல்லது வேலைப்பளுவினால (இளையராஜாவிற்கு ) ஒத்துக்கொள்ளமுடியாமல் போனதா என்பதை பாலா மட்டுமே சொல்ல முடியும்.

எத்தனையோ புதிய இயக்குனர்கள் அதுநாள்வரை ஒன்றாக வேலை செய்த இசையமைப்பாளர்களிடம் இருந்து பிரிந்து வந்து இசைஞானியின் இசைமட்டுமே அந்த படத்திற்கு சரியாக இருக்கும் என முடிவில் உறுதியாக இருந்து இசைஞானியிடம் பணியாற்றியிருக்கிறார்கள்(மிஷ்கின்,கௌதம் மேனன்). அப்படியிருக்க இது நாள்வரை இசைஞானியிடமும் ,யுவனிடமும் இணைந்து பணியாற்றிய பாலாவின் இந்த முடிவுக்கு என்ன காரணம் ?

* சற்று ஆராய்ந்து பார்த்தால் ,இளையராஜா எப்படி அவருடைய துறையில் வல்லவரோ ! அதே நிகருக்கு வைரமுத்துவும் அவருடைய துறையில் வல்லவர் என்பதை ஒத்துக்கொண்டே ஆகவேண்டும் .

* இந்த படத்தில் எந்த அளவுக்கு இசைக்கு முக்கியத்துவம் கொடுக்கப்படவேண்டுமோ அதே அளவுக்கு கருத்தாழம் மிக்க பாடல்கள் இடம்பெற வேண்டும் என பாலா கருதியிருக்கலாம்.அதை கருத்தில் கொண்டு வைரமுத்துவுடன் பணியாற்ற விருப்பபட்டிருக்கலாம்!(1980 கால கட்டத்தில் இளையாராஜாவின் பாடல்கள் வெற்றிபெற வைரமுத்துவின் வைர வரிகளும் முக்கிய காரணம் என்பதை யாரும் மறுக்க முடியாது !)

* மேலும் இதுபோன்ற கதை வலுவுள்ள படத்திற்கு வேறு பாடலாசிரியரை அணுகினாலும் வைரமுத்து பாடல்களை போல உயிரோட்டமாக இருக்குமா என்பது சந்தேகமே ! கதைக்களம் கிராமத்து பின்புலத்துடன் அமைந்திருப்பதால் பாடல்களும் கிராமிய வாசனையுடனும் வார்த்தைகளுடனும் அமைய வேண்டும் என அனைத்து பாடல்களையும் வைரமுத்துவுக்கே எழுத வாய்ப்பளித்திருக்கிறார்.தென்மேற்கு பருவக்காற்று என்ற படத்தில் இவர் எழுதிய "கள்ளி காட்டில் பிறந்த தாயே " என்ற பாடல் சில வருடங்களுக்கு  முன் தேசிய விருதை தட்டி சென்றது குறிப்பிடத்தக்கது.

இளையராஜா,வைரமுத்துவுடன் பணியாற்ற எப்படியும் சம்மதிக்க மாட்டார்.அதே நேரம் நல்ல இசை மற்றும் பாடல்களும் வேண்டும். இந்நேரத்தில், சமீபத்தில் வெளியான தெய்வத்திருமகள் ,மதராசபட்டிணம் ஆகிய படங்களில் பாடல்கள் மட்டுமல்லாது பின்னணியிலும் அசத்தியிருப்பார் ஜி.வி.அதனால் இதையும் கவனத்தில் கொண்ட பாலா, இவை அனைத்தையும் அலசி ஆராய்ந்து இவ்வாறு முடிவெடுத்திருக்கலாம் என நான் நினைக்கிறேன் .

MSV -கண்ணதாசன் கூட்டணிக்கு பிறகு ,தமிழ் திரை உலகம் அதிகம் ரசித்தது இசைஞானி -வைரமுத்து கூட்டணி தான் . இந்த கூட்டணி முறிந்ததால் இசை ரசிகர்கள்  இழந்த பாடல்கள் அதிகம் .இதை கருத்தில் கொண்டு மீண்டும் அவர்கள் இணைய வேண்டும் அன்பது எனது விருப்பம் மட்டும் அல்ல ஒட்டுமொத்த இசை ரசிகர்களின் விருப்பம் .

நன்றியுடன்

இரா.மாடசாமி

காதல் கிறுக்கல்!!!!

2013-04-02T09:59:00.000+05:30

வணக்கம் நண்பர்களே !
இந்த பதிவில் எனது கிறுக்கல் ஒன்றினை பகிர்கிறேன் ! என்ன செய்வது ! காலத்தின் கட்டாயம் இதை எல்லாம் படித்து தொலைக்கவேண்டுமே என நீங்கள் மனதுக்குள் முனுமுனுப்பது எனக்கு புரிகிறது ! வேறு வழியே இல்லை நீங்கள் இதை படித்தே ஆகவேண்டும் ! இந்த கிறுக்கலை தமிழில் ஏதோ சொல்வார்களே ! ஆங் ! சிலேடை ! அதான் ! அதுமாதிரி முயற்சி பண்ணியிருக்கிறேன் ! பிடித்திருந்தால் கருத்தளிக்கவும் ! இன்னொரு வைரமுத்து வருவதை தடுக்காதீர்கள் ! சூ ! இந்த காக்கா வேற !

கவனிப்பு !

கோவிலில் கடவுளை

கவனிக்க மறந்த நான்

உன்னையே கவனித்தேன் !என்பதை

நீ கவனித்தாய் ! அதை நானும் கவனித்தேன் !

இருந்தும் நான் கவனித்ததை கவனித்துவிட்டு

நீ கவனிக்காதது போல காட்டிகொண்டதையும்,

யாரேனும் உன்னை கவனிக்கிறார்களா ? என

நன்கு கவனித்துவிட்டு,மீண்டும்

கவனமாக நீ என்னை கவனிப்பதையும்

நான் கவனித்தேன் !

ஒரு பெண்ணின் கவனத்தை பெறுவது என்பது

எவ்வளவு பெரிய விடயம் என

இங்கே கவனத்தில் கொள்ளவேண்டும் !

நம் இருவர் கவனிப்பையும் தற்செயலாக

கோவிலுக்குள் வந்த என் தந்தை

கவனித்துவிட ! அப்புறம் என்ன !!!

வீட்டில் எனக்கு செம கவனிப்புதான் !!!!
*******************************************************************************
அன்பே ! உன்னை வர்ணிக்க வார்த்தைகளே இல்லை !

என்று சொல்லமாட்டேன் ! ஏன் என்றால் !

அதுவும் வார்த்தைகளாவதால் !

*********************************************************************************
சாலையில் இருவரும்

எதிரெதிர் திசையில் கடந்து செல்கிறோம் !

நான் ! திரும்ப திரும்ப திரும்பி பார்க்கிறேன் !

நீ என்னை திரும்பி பார்ப்பாய் என்று !

ஆனாலும் நீ திரும்பாமல் போகிறாய் !

ஒருவேளை நீ திரும்பி பார்ப்பதை

நான் திரும்பி பார்த்துவிடுவேன் என நினைத்தாயோ !

திரும்ப எப்போது இதுபோன்று சந்தர்ப்பம் வரும்

என்று திரும்பியபடியே வீடு வந்தேன் !
**********************************************************************************

உனக்கு என்ன பிடிக்கும் என்று கேட்டாய் !

எனக்கு உன்னை பிடிக்கும் என்றேன் !

பிறகு ? என தொடங்கினாய் !

உன் புன்னகை பிடிக்கும் என்றேன்!

மெல்லிய புன்னகையோடு ! அப்புறம் என அழகாய் கேட்டாய் !

உன்னை கரம் பிடிக்க பிடிக்கும் என்றேன் !

அடுத்து என தொடர்ந்தாய் !

என் வேர்வையில் உன்னை நனைக்க பிடிக்கும் !

நாணத்துடன், கண்ணை மூடிக்கொண்டு ! அப்புறம் என்றாய் !

உன் அம்மாவை பாட்டியாக பார்க்க பிடிக்கும் என்றேன் !

சற்று நிருத்திவிட்டு ! உனக்கு என்ன பிடிக்கும் என நான் கேட்க

நிறுத்தி சொன்னாய்!

எனக்கு உன் தீராக்காதல் பிடிக்கும் என்று !

நன்றியுடன் !

இரா.மாடசாமி

நான் ரசித்த தமிழ் சினிமா!ஒரு பார்வை !!-4

2013-03-25T10:56:00.003+05:30

வணக்கம் நண்பர்களே!
நான் ரசித்த தமிழ் சினிமா ! நீண்ட இடைவெளிக்கு பிறகு தொடர்கிறேன் ! இது வரை பழைய திரைப்படங்களை அதிக அளவில் குறிப்பிட்டு இருந்தேன் . இந்த முறை 2000 பின் வெளிவந்த ஒரு படத்தினை பகிர்கிறேன் !

நான் ரசித்த தமிழ் சினிமா அனைத்து பதிவுகளும் படிக்க கீழே சொடுக்கவும் !

நான் ரசித்த தமிழ் சினிமா!ஒரு பார்வை !!-1

நான் ரசித்த தமிழ் சினிமா!ஒரு பார்வை !!-2

நான் ரசித்த தமிழ் சினிமா!ஒரு பார்வை !!-3

அழகிய தீயே !     இந்த படத்தை எத்தனை பேர் ,எத்தனை முறை பார்த்திருக்கிறீர்களோ!
நான் சுமார் பத்து முறை பார்த்திருக்கிறேன் ! முதலில் இந்த படத்தை தயாரித்ததற்க்காக திரு.பிரகாஷ் ராஜ் அவர்களுக்கு   நன்றியும் , வாழ்த்துக்களும் தெரிவித்து கொள்கிறேன் ! இவர் நடிக்கும் அத்தனை திரைப்படங்களும் மசாலா வாசனை. ஆனாலும் இவர் தயாரிப்பது யதார்த்த திரைப்படங்களை மட்டுமே ! தரமான படங்களை மட்டுமே கொடுப்பேன் என கங்கணம் கட்டிக்கொண்டு எவ்வித மசாலா சமரசமும் செய்து கொள்ளாமல் படம் தயாரிப்பது இவரது தைரியத்தின் உச்சம் .அதற்காகவே தனியாக ஒரு சல்யூட் !

கதையின் கரு

சினிமாவில் சாதிக்க துடிக்கும் நாயகன் மற்றும் அவன் நண்பர்களுக்கும் , வாழ்க்கையில் யாருடைய தயவும் இல்லாமல் சுயமாகவும் சுதந்திரமாகவும் முன்னேற துடிக்கும் நாயகிக்கு இடையிலான ஒரு கதை .

சாதாரண கதைதான்  ஆனாலும் , அதை அருமையாக திரைக்கதை அமைத்து கொஞ்சம் காதல் , நகைச்சுவை, செண்டிமெண்ட் என கோர்வையாக படமாக்கியிருக்கும் திரு. ராதா மோகனுக்கு பூச்செண்டு அல்ல பூந்தொட்டமே கொடுக்கலாம் ! பூம்! என்ற ஒரு வார்த்தை எப்படி காதலின் முகவரி ஆகிறது என்பதை சொன்ன விதம் அருமை !. முக்கியமாக படத்தில் துளியிலும் ஆபாசம் இல்லை என்பது கூடுதல் சிறப்பு!

சினிமாவில் பெரிய இயக்குனாராக வர நினைக்கும் பிரசன்னா திரைத்துறையின் திடீர் வேலை நிறுத்தத்தால் கஷ்டப்படுகிறார் . நண்பனின் உதவியால் கிடைத்த சின்ன சின்ன வேலையை செய்கிறார்.அப்போது, கல்யாணம் மூலம் தனக்கு பிரச்சினை வருவதை தனது தோழியின் அண்ணன் மூலம் பிரசன்னாவிடம் கூறி நாயகி நவ்யா நாயர் அறிமுகமாகிறார் .பிரசன்னாவும் உதவ முன்வறுகிறார் .ஒரு கட்டத்தில் கல்யாண மாப்பிள்ளையாக வரும் பிரகாஷ் ராஜிடம் பிரசன்னா தானும் நவ்யா நாயரும் ஒருவரை ஒருவர் காதலிப்பதாக பொய் சொல்கிறார்.இதை அறிந்த நவ்யா நாயர் பிரசன்னா மீது கோபம் கொள்கிறார் . இதற்கிடையில் இதை உண்மை என நம்பி அவர்கள் இருவருக்கும் திருமணம் முடித்து வைக்கிறார் பிரகாஷ்ராஜ் . இதற்க்கு பின் இருவருக்கும் ஒரு வீடு ஒன்றை பரிசளித்து வாழ்த்திவிட்டு செல்கிறார் . அதன்பின் அவர்களுக்குள் இருந்த மோதல் எப்படி காதலாக மாறுகிறது ! அவர்கள் எப்படி இணைந்தார்கள் என்பது மீதி கதை .

நாயகனாக வரும் பிரசன்னாவிற்கு இந்த படம் ஒரு திருப்புமுனை என்ற சொல்லலாம் ! நண்பர்களுடனான காட்சியில் சிரிக்க வைக்கிறார். குறிப்பாக   நாய் வாங்க போகும் இடத்தில் இடம் மாறி விபசார விடுதிக்கு செல்லும் காட்சி! வயிறு வலிக்கும் சிரிப்பு! உங்களுக்காக அந்த வீடியோவை இணைத்துள்ளேன் ! கண்டு ரசிக்கவும்! நவ்யா நாயருடனான காதலை சொல்ல போகும் கடைசி கிளைமாக்ஸ் காட்சியிலும் , நண்பன் இறந்தவுடன் அழும் காட்சியிலும் நம்மை நெகிழ வைக்கிறார் !

நவ்யா நாயர் ! தோற்றத்தில் மட்டுமல்ல நடிப்பிலும் அழகு ! பிரசன்னா உடனான மோதல் பின் சமரசம் என நடிப்புக்கு வித்தியாசம் காட்டி நடித்திருக்கிறார் ! அமெரிக்கா return மாப்பிளையாக பிரகாஷ் ராஜ் பின்னி எடுத்திருக்கிறார். பிரசன்னாவின் நண்பர்களாக வரும் குமாரவேல், திலீபன் , மற்றுமொரு நண்பர் !அண்ணாச்சியாக வரும் MS பாஸ்கர் (மனுஷன் ஆஸ்பத்திரி காட்சியில் அழ வைத்துவிடுகிறார் )

இந்த படத்தில் மற்றுமொரு கதாநாயகன்! வசனகர்த்தா விஜி! இவருடைய வசனங்கள் படத்திற்கு வலு சேர்க்கிறது ! குறிப்பாகஹோட்டல் விருந்து நிகழ்ச்சியில் பிரசன்னா தனது காதலியை வர்ணிக்கும் இடம் .

எனக்கு பிடித்த மேலும் சில வசனங்கள்

* தன் தாய் கர்ப்பானவள் அப்படின்னு நீ எந்த அளவுக்கு நம்புறியோ அந்த அளவுக்கு என்னை நம்பலாம் !

* இந்த உலகமே அழிஞ்சு போயி , உலகத்துல இருக்குற கடைசி பொண்ணு நீயா இருந்தா கூட நான் உன்னை திரும்பி பார்க்கமாட்டேன் !

இப்படி படம் முழுக்க ரசிக்க வைக்கும் வசனங்களுடன் காட்சிகள் !

படத்திற்கு இசை ரமேஷ் விநாயகம் ! அனைத்து பாடல்களும் சூப்பர் ! விழிகளின் அருகில் வானம் காலம் கடந்து நிற்கும் !

இந்த படத்தை பற்றி இரண்டு விடயங்கள் சொல்லியே ஆகவேண்டும்

1. சினிமாவிற்குள் சினிமாவின் கதையை எடுத்தால் வெற்றி பெறாது என்ற செண்டிமெண்டை உடைத்த படம்

2. சமூக ஆர்வலர் , ஆசிரியர் திரு . தமிழருவி மணியன் அவர்கள் அவருடைய ஊருக்கு நல்லது சொல்வேன் என்ற புத்தகத்தில் இந்த படத்திற்கு நற்சான்றிதழ் வழங்கியிருக்கிறார் !

உங்களுக்கு நேரம் கிடைக்கும்போது அவசியம் இந்த படத்தை பார்க்கவும் !

நன்றியுடன் !
இரா. மாடசாமி

அரசியல் தலைவர்களுக்கு பிடித்த வர்த்தக விளம்பரங்கள்!!!

2013-03-21T10:25:00.005+05:30

வணக்கம் நண்பர்களே !
தமிழகம் முழுவதும் ஈழ தமிழர்களுக்காக குரல் கொடுத்து போராடி வரும் மாணவ நண்பர்களுக்கு வானவில் சிரம் தாழ்ந்து நன்றியும் பாராட்டுக்களும் தெரிவித்து கொள்கிறது

மேலும் படிக்க

கௌதம் மேனனுக்கும் பாலாவுக்கும் என்ன வித்தியாசம்?

2013-02-01T17:11:00.001+05:30

வணக்கம் நண்பர்களே !
இந்த பதிவு நான் ரசித்த நகைச்சுவை துணுக்குகள் மற்றும் நானே சிந்தித்த ! சரி வேணாம் , குப்புற படுத்து யோசிச்ச ஒரு மேட்டரையும் பற்றியது ! பகிர்கிறேன் ! உங்களுக்காக !!

---------------------------------------------------------------------------------------------------------------

வந்தவர் : சார் ! என் பொண்டாட்டிய காணும் சார் !

டாக்டர் : அதுக்கு போலீஸ் ஸ்டேஷன் போங்க சார் ! இங்க எதுக்கு வந்தீங்க !

வந்தவர்: சாரி சார் ! சந்தோஷத்துல எங்க போறதுன்னு தெரியல! அதான் இங்க வந்துட்டேன் !

--------------------------------------------------------------------------------------------------------------

மகன் : அப்பா அப்ப்ளிகேஷன்ல mother tongue போட்டுருக்கே அங்க என்ன போடணும்

அப்பா: ரொம்ப நீளம்ணு போடு !

-------------------------------------------------------------------------------------------------------------

Interviewer : What is Microsoft Excel !

Candidate : It is new brand of Surf Excel ! ( எந்த கேள்வி கேட்டாலும் சளைக்காம பதில் சொல்வோர் சங்கம் !எப்பூடி !)

-----------------------------------------------------------------------------------------------------------

மனைவி : என்னங்க ! இன்னைக்கு ரசம் வைக்கவா ? சாம்பார் வைக்கவா ?

கணவன் : முதல்ல எதாவது வை!அப்புறம் பேரு வைக்கலாம் !!!

---------------------------------------------------------------------------------------------------------

ஒரு எறும்பும் யானையும் ஒரு நாள் லவ் பண்ணி கல்யாணம் செய்தது . ஆனா அடுத்த நாளே யானை செத்து போச்சு ! உடனே எறும்பு ரொம்ப பீல் பண்ணி சொல்லுச்சாம் , ஒரு நாள் காதலுக்காக ஆயுசு முழுக்க குழி தோண்ட வேண்டியதா போச்சே !
-------------------------------------------------------------------------------------------------------------

இயக்குனர் கௌதம் மேனனுக்கும் பாலாவுக்கும் என்ன வித்தியாசம் ?

முன்னவர் நடிகர்களின் அழகுக்கு அழகு சேர்ப்பவர் !
பின்னவர் நடிகர்களின் அழகுக்கு அழுக்கு சேர்ப்பவர் !

---------------------------------------------------------------------------------------------------------

வாழ்க்கையில முக்கியமான மூணு விஷயம் !

1.Break fast

2.Lunch

3.Dinner

நமக்கு சோறுதான் முக்கியம் !

---------------------------------------------------------------------------------------------------------------

சரி நண்பர்களே ! நகைச்சுவை அனைத்தும் பிடித்திருந்தால் கருத்துரைக்கவும் !

நன்றியுடன் !

இரா.மாடசாமி

அறியாத வயசு ! புரியாத மனசு !

2013-01-18T12:27:00.004+05:30

வணக்கம் நண்பர்களே !
நீண்ட நாட்களுக்கு பிறகு மீண்டும் பதிவெழுதுகிறேன்! உங்கள் அனைவருக்கும் காலம் கடந்த இனிய புத்தாண்டு மற்றும் பொங்கல் நல்வாழ்த்துகள்!!!

மேலும் படிக்க

பின்பற்றவேண்டிய ஆரோக்கிய அட்டவணை !

2012-11-19T11:07:00.002+05:30

வணக்கம் நண்பர்களே ,
இதுவரை நாம் ஆரோக்கியபழக்கங்கள், தவிர்க்க வேண்டிய உணவுகள் பற்றி பார்த்தோம் . அவற்றை அட்டவணைப்படுத்தி உங்களுக்கு பயனுள்ளவாறு போட்டிருக்கிறேன் .படித்து பயன்பெறுங்கள். நண்பர்களுடன் பகிருங்கள் .

மேலும் படிக்க

தவிர்க்கப்படவேண்டிய நோய்த்தன்மை உடைய 10 உணவுகள் -பகுதி -2

2012-11-07T09:36:00.003+05:30

வணக்கம் நண்பர்களே !
தவிர்க்கப்படவேண்டிய நோய்த்தன்மை உடைய 10 உணவுகளில் , சென்ற பதிவில் ஐந்தை பார்த்தோம் . இந்த பதிவில் மீதி ஐந்தை பார்ப்போம் .

மேலும் படிக்க

விருமாண்டி ஸ்டைலில் ஒரு சிறுகதை !

2012-11-02T10:46:00.002+05:30

அவசர அழைப்பு !!!

சாப்பிட்டு கொண்டிருந்த தனசேகரை ஆடி போனா ஆவணி பாட்டு அலைபேசியில் அழைத்தது. அலைபேசி திரையில் யாரென பார்த்தான் . சந்திரன் அழைக்கிறார் என்று காண்பித்தது . வாயில் பரோட்டாவை தினித்தவாறே இயக்கினான் .

தனசேகர் : சொல்லு மச்சி !

சந்திரன் : ________________

தனசேகர் : அய்யயோ ! எப்போ ?

சந்திரன் : ________________

தனசேகர்: பொருளு எடுத்துட்டு போனியா ?

சந்திரன் : _________________

தனசேகர்: போடங்கோ! எத்தனைவாட்டி சொல்றேன் பொருள் இருக்ககான்னு செக் பண்ணிட்டுப்போண்ணு ! இப்படி தனியா போய் மாட்டிகிட்டியேடா !

சந்திரன் :__________________

தனசேகர்: எத்தனை பேரு ?

சந்திரன்:___________________

தனசேகர்: சரி இப்போ எங்க இருக்க நீ ?

சந்திரன் : __________________

தனசேகர் : காஞ்சிபுரம் கவர்மென்ட் ஹாஸ்பிட்டலா ? சரி இரு வரேன் !

பாதி உரையாடலை படித்து முடித்ததும் பலபேருக்கும் இந்த கதை கீழே உள்ளவாறு இருந்திருக்கும் என யூகித்திருக்கலாம் !

தனசேகர் : சொல்லு மச்சி !

சந்திரன் : ஆனந்து ,ஆள வச்சு அடிச்சுட்டாண்டா !

தனசேகர் : அய்யயோ ! எப்போ ?

சந்திரன் : இப்போதான்டா

தனசேகர்: பொருளு எடுத்துட்டு போனியா ?

சந்திரன் : இல்லடா

தனசேகர்: போடங்கோ! எத்தனைவாட்டி சொல்றேன் பொருள் இருக்ககான்னு செக் பண்ணிட்டுப்போண்ணு ! இப்படி தனியா போய் மாட்டிகிட்டியேடா !

சந்திரன் : எதிர்பார்க்கலை மச்சி !

தனசேகர்: எத்தனை பேரு ?

சந்திரன்: நாலஞ்சுபேரு வந்தாங்கடா

தனசேகர்: சரி இப்போ எங்க இருக்க நீ ?

சந்திரன் : காஞ்சிபுரம் கவர்மென்ட் ஹாஸ்பிட்டல் !

தனசேகர் :காஞ்சிபுரம் கவர்மென்ட் ஹாஸ்பிட்டலா ?சரி இரு வரேன் !

ஆனா நான் கதையை மேல உள்ளது மாதிரி நினைச்சு எழுதலைங்க ! கொஞ்சம் கீழே படிங்க!

தனசேகர் : சொல்லு மச்சி !

சந்திரன் : வண்டி பஞ்சர் ஆயிடுச்சு!

தனசேகர் : அய்யயோ ! எப்போ ?

சந்திரன் : இப்போதான்டா

தனசேகர்: பொருளு எடுத்துட்டு போனியா ?

சந்திரன் : லோக்கல் சவாரி அதான் ஜாக்கி லிவரு எதுவும் எடுக்காம கேர்லெஸ்ஸா இருந்துட்டேன் !

தனசேகர்: போடங்கோ! எத்தனைவாட்டி சொல்றேன் பொருள் இருக்ககான்னு செக் பண்ணிட்டுப்போண்ணு ! இப்படி தனியா போய் மாட்டிகிட்டியேடா !

சந்திரன் : சரி மச்சி ! சும்மா உதார் உடாம குய்க்கா கெளம்பி வா ! கஸ்டமர் கார்லயே வெய்ட் பண்றாங்க !

தனசேகர்: எத்தனை பேரு ?

சந்திரன்: நாலு பெருசு ! ரெண்டு சிறுசு !

தனசேகர்: சரி இப்போ எங்க இருக்க நீ ?

சந்திரன் : காஞ்சிபுரம் கவர்மென்ட் ஹாஸ்பிட்டல் பக்கத்துல !

தனசேகர் : காஞ்சிபுரம் கவர்மென்ட் ஹாஸ்பிட்டலா ? சரி இரு வரேன் !

நண்பர்களே ! விருமாண்டி ஸ்டைல்னு சொன்னவுடனே அருவா கதைன்னு நெனச்சீங்களா ! அதான் இல்ல !அந்த படத்துல ஒரே கதையை ரெண்டு பெரும் வேற வேற மாதிரி சொல்லுவாங்க ! இங்க கதை வேற! வசனம் ஒன்னு !
இந்த படைப்பு உங்களுக்கு பிடித்திருக்கிறதா ! எனது யோசனையில் தோன்றிய, நான் முதன் முதலாக எழுதிய இந்த படைப்பை உங்களுடன் பகிர்வதில் மகிழ்ச்சி அடைகிறேன்! பிடித்திருந்தால் கருத்திடவும் .

நன்றியுடன் !
இரா. மாடசாமி

தவிர்க்கப்பட வேண்டிய நோய்த்தன்மை உடைய 10 உணவுகள் !!!

2012-10-30T11:28:00.000+05:30

வணக்கம் நண்பர்களே ,
ஆரோக்கிய வாழ்க்கை என்பது நீங்கள் தேர்வு செய்வது .நமது ஆரோக்கியம் நாம் உண்ணும் உணவை சார்ந்திருக்கிறது . நம் சொந்த ஆரோக்கியமானது ஆழ்ந்த தாக்கம் உடையது . உணவு ,உயிர்ச்சத்து இவற்றின் அடிப்படடைக் கொள்கைகளை புரிந்து கொள்வதன் மூலம் நீங்கள் ஆரோக்கிய வாழ்வின் உச்ச சக்தியை பெறமுடியும் . ஒவ்வொரு நாளும் நம் உடலுக்கு தீங்கு விளைவிக்க கூடிய நம் உணவு பழக்கத்திலுள்ள நோய்த்தன்மை உள்ள உணவுகளை சிறிது கவனத்திற்கு கொண்டுவருவோம் .

மேலும் படிக்க

ஆரோக்கிய பழக்கங்கள் தொடர்பதிவு -2

2012-10-25T11:15:00.001+05:30

வணக்கம் நண்பர்களே !
ஆரோக்கிய பழக்கங்கள் தொடர்பதிவு அனைவருக்கும் மிகுந்த பயனளிக்கும் என நினைக்கிறேன் . இந்த பதிவில் அதையே தொடர்கிறேன் .

ஆரோக்கிய பழக்கங்கள் தொடர்பதிவு-1 படிக்க இங்கே கிளிக் செய்யவும் .

மேலும் படிக்க