PINK (ඉවාන් පවුලූෂා)

2025-03-26T20:17:00.000-07:00

පුංචි ඔයාලා මැටිල්ඩා කියවලා තියෙනවද, එහෙමත් නැත්නම් චාලි ඇන්ඩ් ද චොක්ලට් ෆැක්ටරි චිත්‍රපටිය බලල තියෙනවද? අර විනී වොන්කා ඉන්න චිත්‍රපටිය.

ඉතින් අද මේ කියන්න යන්නේ මේ කතා ඔක්කොගේම අයිතිකාරයා ගැන. එයා තමයි රොල්ඩ් ඩාල්…

ඔහු තමයි අදටත් ලෝකයේ ජනප්‍රියම ළමා කතුවරයා හැටියට සැලකෙන්නේ. 1916 වසරේ සැප්තැම්බර් මාසෙ 13 වැනිදා ඉපදුනු ඔහු ළමා කතා, කෙටිකතා සහ කවි රැසක් පුංචි ඔයාලට දායාද කරලා තියෙනවා. ඒ විතරක් නෙමෙයි. එයාගේ සමහර කතාවල පිටපත් මිලියන 300 ඉක්මවා ලෝකය පුරා අලෙවි වෙලා තියෙනවා. ඒ නිසාම රෝල්ඩ් ඩාල් හඳුන්වන්නේ “විසිවන සියවසේ එකම හොඳම ළමා කතා කියන්නා” විදිහටයි.

ඔහුගේ දෙමව්පියන් නොර්වේ ඉඳලා එංගලන්තයට සංක්‍රමණය වුණු නිසා ඩාල්ගේ ජීවිතයේ වැඩි කාලයක් ගෙවුනේ එංගලන්තයේ. ඔහු දෙවන ලෝක යුද්ධයේදී රාජකීය ගුවන් හමුදාවට සම්බන්ධ වෙලා යුද්ධයට ගිහිල්ලත් තියෙනවා. යුද්ධය අවසාන වෙද්දී හමුදාවෙන් ඉවත් වෙන්නේ වින් කමාන්ඩර් කෙනෙක් ලෙස පදවි ප්‍රාප්ත වෙමින්.

එයින් පස්සේ තමයි ඔහු ලේඛකයෙකු බවට පත්වෙන්නේ. ඩාල් තමන්ගේ පළවෙනි පොත ලියන්නේ 1943 වසරේ. ඒ The Gremlins. මේ පොත ඔහු ලියන්නේ ළමයින්ට වගේම වැඩිහිටියන්ට කියවන්නයි. කෘතියේ අලෙවියත් එක්කම ඔහු ලෝකයේ වඩාත් ජනප්‍රියම ළමා කතුවරයා බවට පත්වෙනවා. ඒ වගේම ඔහුගේ කෙටි කතාවල තියෙන විශේෂත්වය වෙන්නේ ඒ හැම කතාවක්ම ඉවර වෙන්නේ හිතා ගන්න බැරි අවසානයක් එක්ක වීමයි.

ඩාල් ලියපු කතා අතර වඩාත් ජනප්‍රියම ළමා කතා ලෙස, මැටිල්ඩා, James and the Giant Peach, Charlie and the Chocolate Factory, The Witches, Fantastic Mr Fox, The BGF, The Twits කියන ළමා කතා අදටත් දරුවන් අතර න් හරිම ජනප්‍රියයි.

මේ තරම් සුන්දර ළමා කතා රැසක් පුංචි ඔයාලට දායාද කළ රෝල්ඩ් ඩාල් වර්ෂ 1990 නොවැම්බර් මාස 23 වැනිදා මිය යනවා. ඒ වයස අවුරුදු 74 දී. එංගලන්තයේ බකින්හැම්ෂයර් හීදී ඔහුගේ අවසාන කටයුතු සිදුවෙනවා.

History of cake.

2024-01-11T03:36:00.000-08:00

As foodies, we all like to try the most delicious foods around the world. The world-famous dessert known as cake cannot be forgotten. There will be a piece of cake for everyone who gathered to celebrat something special. In most of the time, a piece of Cake will be served with both coffee, tea or with cold soft drinks. In the past, cake structures didn't exist, but now we still have different types of cakes to savor.

During the Viking era, they referred to it as ka ka. It was a significant event in the history of Greek Rome. Ancient Greeks made the world's first cake, and the unique aspect is that they had a food-baking system at that time. In the meantime, they added a sweeter flavor to their cakes by using bee honey. Greek ancients made cheesecake for the very first time in the world. But according to history, the world's first fruit and nut cake baked by ancient Romans.

By the time in the 17 century, the Europeans made a complete cake for the first time. They found great ingredients, the proper temperature, and the proper time to bake the cake. As well as various kinds of shapes and icing structures also found by Europeans for the first time in the world.

The cake is now the most popular food in the world, but it was also the most popular in the 19th century. In the early days, it was hard to find the proper ingredients for the production but after the industrial revolution cake was a business. Another market created for the cake ingredients. Since cake ingredients sell at a low price, everyone concerned about baking cakes at home.

Today we will slice the cake for every celebration, but before it sliced only for the birthday. Greeks celebrated their gods with the slice cakes. They celebrated goddess Artemis' birthday and used round-shaped cakes for the symbolic moon and candles for symbolic moonlight.

In the 13th century, German kids sliced cakes for their birthdays. They used candles to illustrate their lives. They keep hope in their hearts when they blow out the candles. But no one exposed it until it came true.

Why does the cake have round shapes?

This shape makes it easy to bake a cake and easy to slice in the same shape. And also it was the traditional shape. The cake created for God, and the round shape represents our life circle. They believed it showed the reality of our lives.

- Chapa -

Food culture in Sri Lanka

2023-05-17T06:30:00.002-07:00

Sri Lanka has a rich and diverse food culture influenced by its history, geography, and various ethnic groups. The cuisine is known for its aromatic spices, vibrant flavors, and a combination of indigenous ingredients with influences from Indian, Arab, Portuguese, Dutch, and British cuisines.

Rice and curry form the staple of Sri Lankan cuisine. Rice is typically served with an array of curries, which can be vegetarian or include meat, fish, or seafood. These curries are made with a variety of spices such as cinnamon, cardamom, cloves, and curry leaves, along with coconut milk and chili for heat.

Coconut plays a significant role in Sri Lankan cuisine and is used in many dishes. Coconut milk, grated coconut, and coconut oil are commonly used in curries, sambols (spicy relishes), and desserts. Seafood is also abundant and features prominently in coastal regions, with dishes like fish ambul thiyal (sour fish curry) being popular.

Hoppers, a type of pancake made from fermented rice flour and coconut milk, are a popular breakfast item. String hoppers, which are steamed rice flour noodles, are often served with coconut sambol or curry. Other notable dishes include kottu roti (chopped roti with vegetables, meat, and spices), lamprais (rice and accompaniments wrapped in a banana leaf), and pittu (steamed cylinders of ground rice and coconut).

Sri Lankan sweets and desserts are also diverse. They include treats like kiri pani (coconut milk pudding), wattalappam (jaggery and coconut custard), kokis (crispy cookies), and a variety of deep-fried sweets.

Tea is an integral part of Sri Lankan culture, and the country is known for producing high-quality tea. Ceylon tea, as it is commonly known, is enjoyed both locally and internationally.

Overall, Sri Lankan food culture is a delightful fusion of flavors, spices, and cooking techniques, reflecting the country's rich heritage and culinary influences.

Dalada Perahara - Symbol of the culture

2023-05-17T05:48:00.004-07:00

The Dalada Perahera is a historical and religious procession that takes place annually in Kandy, Sri Lanka. It is one of the most important cultural events in the country and dates back several centuries.

The history of the Dalada Perahera is closely intertwined with the Sacred Tooth Relic of Lord Buddha, which is believed to be enshrined in the Temple of the Sacred Tooth (Sri Dalada Maligawa) in Kandy. According to tradition, the tooth relic was brought to Sri Lanka in the 4th century AD and has been venerated and protected by successive Sinhalese kings.

The first known Perahera is said to have been held in the 4th century AD during the reign of King Kirti Sri Meghavarna. Over time, the procession grew in grandeur and significance, becoming an annual event that showcases the country's rich cultural heritage.

The Dalada Perahera typically takes place over ten nights during the month of August, coinciding with the Esala Poya, which commemorates the Buddha's first sermon. The procession features elaborately decorated elephants, traditional dancers, drummers, fire performers, and various cultural troupes.

The highlight of the Perahera is the procession of the sacred casket containing the Tooth Relic, which is carried on the back of a magnificently adorned elephant known as the Maligawa Tusker. The casket is accompanied by a large number of other elephants, making it a mesmerizing sight.

The Dalada Perahera attracts thousands of local and international visitors each year who come to witness the grand spectacle and pay their respects to the Sacred Tooth Relic. It is not only a religious event but also a celebration of Sri Lankan culture, art, and tradition.

Today, the Dalada Perahera remains a symbol of

Sri Lanka's rich history and religious heritage, representing the unity and devotion of its people.

ඔෂින්

2022-02-10T05:37:00.002-08:00

1983 සිට 1984 දක්වා කාලය තුල NHK හෙවත් Japan Broadcasting Cooperation මගින් උදෑසන කාලයේ විකාශය කල ටෙලිනාට්‍යයකි ඔෂින්.මිනිත්තු 15 බැගින් වන පරිච්ඡෙද 297කින් යුතු මෙය Shin Tanokura හෙවත් ඔෂින් ගේ ජීවිත කතාව ඇසුරින් ගොඩනැගී ඇති මෙය Sugako Hashida ගේ නිර්මානයකි.එදා මෙදා තුර ජපානයේ වැඩිම පිරිසක් නැරඹු ටෙලිනාට්‍යය මාලාවක් වන ඔෂින් මේ වන විට ලොව පුරා රටවල් 68 ක විකාශය වී තිබේ.මෙම ටෙලිනාටයයට පෙර සජීවීකරණ චිත්‍රපටයක් ලෙස නිර්මාණය කර තිබුණු ළමා කතාවක් ඇසුරින් Sugako Hashida විසින් ඔෂින් ගේ ලමා කාලය ගොඩනගන ලදී.

මෙම ටෙලිනාට්‍යය ඔෂින් ගේ ළමා ,තරුණ හා මහලු විය දක්වා දිවෙයි.දෙවන ලෝක යුද්ධය සදහා ජපානය අවතීර්ණ වූ සමයේ සිටි දිරිය කාන්තාවකගේ සත්‍ය ජීවිත කතාව ඇසුරින් ගොඩනැගුණු මෙම ටෙලිනාට්‍යය ලොව වැඩිම රටවල් ගණනක ප්‍රේක්ෂකයන් ආදරයෙන් වැලදගත් ජපන් ට‍ෙලිනාට්‍යය ලෙසද සදහන් වේ.පසුව 2013 දී ඔෂින් නමින් චිත්‍රපටයක්ද නිකුත් වී තිබේ.

අසීරු බාධක හා අභියෝග හමුවේ ලදැරියක්, තරුණියක් හා මවක් ලෙස ඔෂින් තම ජීවිතය ජයගන්නා අයුරු විටෙක පුදුම සහගතවේ.ඇයට සතුටට වඩා පැමිණියේ දුක් කම්කටොළු වේ.නමුත් සියලු බාධක පරදා ඇය ජයග්‍රහණය කරන්නේ අපගේ නෙතට සතුටු කදුලක් එක් කරමිනි.

1987 දී ජාතික රූපවාහිනිය මගින් ''ඔෂින්'' සිංහලයට හඩකවා විකාශය කල අතර එවක අතිශය ජනප්‍රියත්වයකට පත්වූ මෙන්ම මුලින්ම විකාශය වූ විදෙස් ටෙලිනාට්‍යය වන්නේද මෙයයි.මෙහි මුල් විකාශනයේදී නැරඹීමට නොහැකි වුණත් පසුකාලයේ නැවත විකාශන වලදී ඉතා ආසාවෙන් නැරඹු බව සදහන් කරමි.මුලින්ම ජපානය ගැන එහි සංස්කෘතිය හා ඇදුම් පැලදුම් ගැන දැනගන්නට ලැබුණේ ඔෂින් නිසාවෙනි.එදා පටන්ම බෞද්ධාගමින් පොෂණය වූ රටවල් දෙකක් නිසා ඔවුන්ගේ ඇතැම් සංස්කෘතීන් හා සිරිත් විරිත් ලාංකිකයන්ගේ හිත් ගැනීමටද සමත් විය.ඒ සැමටම වඩා සියලු කාන්තාවන්ට ඇගේ ජීවිතයෙන් ගැනීමටද බොහෝ ආදර්ශ තිබුණි.ඇය Role model එකක් ලෙස ගත හැකි චරිතයකි.

ඔෂින් ගේ ළමා විය නිරපණය කලේ Ayako kobayashi වන අතර ඇය ''කන්දක් සේමා'' සිංහල චිත්‍රපටයෙන් ඉදිරියේදී දකගත හැකිවේ.ඔෂින් ගේ වැඩිම පරාසයක විකාශනය වු තුරුණු විය මෙන්ම මවක ලෙස චරිත නිරූපණය කලේ සම්මානනීය සුරූපි නිලි Yuko Tanaka විසිනි.ඇගේ මහලු විය Nobuko otawa විසින් නිරූපණය කල අතර ඇය දැනට ජීවතුන් අතර නොමැත.

සිංහල හඩකැවීම් ටයිටස් තොටවත්තයන් විසින් අධ්‍යක්ෂණය කල අතර කුඩා ඔෂින් ලෙස පබොදා සන්දීපනී හා තරුණ ඔෂින් ලෙස රසාදරී පීරිස් තම හඩ දායකත්වය ලබා දෙන ලදී.මීට අමතරව පරාක්‍රම පෙරේරා, ග්‍රේස් තෙන්නකෝන්, කුසුම් පීරිස්,විජේරත්න වරකාගොඩ, සමන් ආතාවුදහෙට්ටි ආදී දක්ෂ හඩකැවීම් ශිල්පීන්ද මතක් කල යුතුම වේ. එම හඩකැවීම් නොවන්නට ඔෂින් මෙතරම් අපට සමීප නොවනු ඇත.ඔෂින් නමින් 2013 පැමිණි චිත්‍රපටයද සිංහල හඩකැවීම් සමගින් යූ ටියුබ් හි ඇත.

එදා මෙදා තුර ශ්‍රී ලංකාවේ විකාශය වූ හොදම විදෙස් ටෙලිනාට්‍යය ඔෂින් බව අවිවාදයෙන්ම සදහන් කල හැකිවේ.එහි ඔෂින් ඔෂින් ඔෂින් ලෙස තිස්ස අබේසේකරයන් ගේ හඩින් කියැවෙන කොටස ඔබට මතක ඇති.මෑතකදී ඔෂින් ආපහු බලන්නට සිතී යූ ටියුබය පිරික්සන විටදී ඇස ගැටුණු එම තේමා සංගීතය සහිත වීඩියෝව දැක සොදුරු ලමාවිය සිහිවි මාගේ නෙතට කදුලක් නැගුණේ නිරායාසයෙනි.ඒ සමගම වර්තමානයේ අතැම් නාලිකාවලින් විකාශය වන විදේශීය ටෙලිනාට්‍යය හා ඒවා නරමන ලමා පරපුර ගැනද ඇතිවූයේ මහත් සංවෙිගයකි.එය දරුවන්ගේ වරදක් නොවේ එවන් හරසුන් නාට්‍යය නැරඹීමට ඉඩ නොදීම දෙමාපියන්ගේ වගකීමකි.ඒවා තරුණ පරපුරේ රසාස්වාදය සදහා සැකසුණු ඒවා වේ.නමුත් ජාතික රූපවාහිනියෙන් විකාශය වූ සියලුම විදෙස් ටෙලිනාට්‍යය ආදර්ශමත් හා ළමා මනසට කිසිදු හානියක් නොකරන මෙන්ම එකම ආලින්දයක හිද පවුලේ සැමට නැරඹිය හැකි ඒවා වේ.අවිවාදයෙන්ම ඔෂින් යනු මෙරට විකාශය වූ විශිෂ්ඨතම විදෙස් ටෙලිනාටයයයි.ඔෂින් නැරඹු, ඇයට ආදරය කරන හා ඇයගෙන් තම ජීවිතයට කුඩා හෝ ආදර්ශයක් ප්‍රේක්ෂකයකු නම් ඔබ මා සමග එකග වේවි.

(උපුටා ගැනිමකි ) ස්තුතිය පොත් කියවන අය face book පිටුවට

එදා අපි එතන අද අපි කොතනද

2022-01-07T17:29:00.002-08:00

මීට අවුරුදු කීපයකට කලින් ඒ කියන්නේ ඒ කියන්නෙ හරියටම 1948 අපි නිදහස ලබා ගත්තා. ඒ වුණත් නිදහස ලැබිලා අවුරුදු කීපයක් යනකල් අපි ජීවත් වුණේ බ්‍රිතාන්‍ය යටත් විජිතයක් විදිහටම තමයි. අපි ජනරජයක් බවට පත් වෙන්නේ එක්දහස් නවසිය හැත්තෑ එකේ. ඒ අවුරුද්දෙම සමගි පෙරමුණු ආණ්ඩුව බලයට එනවා. අගමැතිනිය වෙන්නේ සිරිමා බණ්ඩාරනායක මැතිනිය. අපේ අලුත්ම ව්‍යවස්ථාව ඒ කියන්නෙ අපේම ව්‍යවස්ථාව නිර්මාණය වෙන්නේ ඉන් පස්සේ. මේ වන තෙක්ම අපිට තිබුණේ එක එක ආණ්ඩුක්‍රම ව්‍යවස්ථා. ඒ කියන්නේ උදාහරණයක් විදිහට සෝල්බරි ආණ්ඩුක්‍රම ව්‍යවස්ථාව.

ජනරජයක් උනාට පස්සේ අපිට තිබුන ප්‍රධානම අභියෝගය උනේ අලුතෙන් දියුණු වෙන්න පටන් ගැනීම. එතෙක් යටත්විජිතයක් වෙලා වෙලා හිටපු අපිට අලුතෙන් අපේම කියලා රටක් නිර්මාණය කිරීමේ අභියෝගය තිබුණා. සමගි පෙරමුණු ආණ්ඩුව මෙන්න මේ අභියෝගය භාර ගත්තා. ඒ කාල සීමාවේ තමයි ලංකාවේ පළමුවැනි තරුණ කැරැල්ල ඇති වෙන්නේ. ඒ සියලු කරුණු කාරණා මැද්දේ සිරිමා බණ්ඩාරනායක මැතිනිය තමන්ගෙ ඉලක්කය වෙත යනවා. ඒ තමයි නිදහසින් පසු ස්වයං පෝෂිත රටක් බිහිකිරීම.

ඇයගේ දේශපාලන භාවිතාව නිසාම ඒ පිළිබඳව පැහැදීමකට පත් වුණු ලෝකයේ අනෙක් රටවල් විශේෂයෙන්ම සමාජ වාදය විශ්වාස කරන රටවල් ඇයට සහාය දෙනවා. මේ කාලෙ ලෝක දේශපාලනය දැඩි අරගල ඇති වෙනවා. සෝවියට් රුසියාව සහ ඇමරිකාව අතර දැඩි බල අරගලයක් ඇතිවෙන්නේ මේ කාලෙදි. ලෝකයේ හැම රටක්ම මේ රටවල් දෙකෙන් එක් පැත්තක් ගන්නවා. ඒ කියන්නේ ලෝකය දෙකට බෙදිලා සමාජවාදයට හා ප්‍රජාතන්ත්‍රවාදයට තමන්ගෙ සහාය පළ කරනවා. කොටසක් ඇමරිකාවට උදව් කරද්දි තවත් කොටසක් රුසියාවට උදව් කරද්දි ලංකාව ඉන්න නොබැඳි පිළිවෙතක. මේ නොබැඳි පිළිවෙත ට ඉන්දිරා ගාන්ධිගේ සහයත් හිමිවෙනවා. සිරිමා මැතිනිය කාන්තාවක් විදිහට ගන්න ශක්තිමත් තීරණයක් තමයි ඒක.

අපිට අපේම කියලා රටක් නිර්මාණය කිරීම ඇය අතට ගන්නෙ අපේම දේවල් අපේ රටේ නිර්මාණය කරමු කියන සංකල්පය එක්ක. සෙවනගල සීනි කර්මාන්ත ශාලාව, වාලච්චේන කඩදාසි කර්මාන්ත ශාලාව, අත්යන්ත්‍ර රෙදිපිළි නිපදවීම,කන්තලේ උක් කර්මාන්ත ශාලාව, ඛනිජ තෙල් නීතිගත සංස්ථාව, මහජන බැංකුව, ශ්‍රී ලංකා රක්ෂණ සංස්ථාව, රාජ්‍ය ඉංජිනේරු සංස්ථාව, ආයුර්වේද වෛද්‍ය මණ්ඩලය, වී අලෙවි මණ්ඩලය, රාජ්‍ය මිනිරන් සංස්ථාව, රාජ්‍ය ඖෂධ නීතිගත සංස්ථාව, ජාතික ඉතිරිකිරීමේ බැංකුව, රාජ්‍ය මැණික් සංස්ථාව, පොල් සංවර්ධන අධිකාරිය, ලංකා සංස්කෘතික මණ්ඩලය, 1972 ආණ්ඩුක්‍රම ව්‍යවස්ථාව, පුවත්පත් මණ්ඩල පනත, රාජ්‍ය සේවයේ දින පහේ වැඩ සතිය, ලංකා විශ්වවිද්‍යාලය, බණ්ඩාරනායක අනුස්මරණ සම්මන්ත්‍රණ ශාලාව, පාදුක්ක චන්ද්‍රිකා මධ්‍යස්ථානය, මහවැලි යෝජනා ක්‍රමය ඇරඹීම, කච්චතිව් දූපත ශ්‍රී ලංකාවට පවරා ගැනීම, දේශීය කෘෂි නිෂ්පාදන හා කර්මාන්ත පිහිටුවීම, ඉඩම් පනත යටතේ තමන්ගේ ඉඩම නැති කරනොගෙන ඉඩම් සීමා පැනවීම.

මේ ඇය කළ දේවල් වලින් ටිකක් විතරයි.

හැබැයි අද වෙද්දි මේ කිසිම දෙයක් අපිට නෑ. අපි ආයෙමත් දැනුවත්ව හෝ නොදැනුවත්ව ජාත්‍යන්තරය යටත්විජිතයක් බවට පත්වෙමින් යනවා. අපිට අපේම කියලා අනන්‍යතාවයක් නැතිවෙමින් යනවා. එදා මැතිනිගේ ක්‍රමය අපි දිගටම ක්‍රියාත්මක කළානම් අද ලංකාව කියන්නේ ස්වයංපෝෂිත රටක්. එහෙනම් මේ සියලු ගැටලු වලට කොරෝනා නිසා ඇතිවෙලා තියෙන ආර්ථික ගැටලු වලට පවා අපිට ශක්තිමත්ව මුහුණ දෙන්න තිබුණා.

පර්සියාවේ කජාර් කුමරිය - ගල් පැලෙන බොරුවක් නිවැරදි කිරිමයි.

2022-01-04T01:41:00.005-08:00

කජාර් එහෙම නැත්නම් තාජ් අල් සුල්තානා කුමරිය ලංකාවේ ප්‍රසිද්ධ වෙලා තියෙන්නෙ ඇයට පිරිමි 13 දෙනෙක් විවාහ යෝජනා ප්‍රතික්ශේප වීම නිසා දිවි නහගත්තා කියල. හැමදේම හොයල නොබල ප්‍රසිද්ධ කරන පේජ් කාරයොයි ගෲප් ටිකත් ඕක අරන් උඩ දාල ගැහුවට ඕකෙ කතාව ඇත්තටම වෙනස්.

කජාර් කුමරිය නැත්නම් තාජ් අල් සුල්තානා කුමරිය උපදින්නෙම පර්සියාවේ (ඉරානයේ) පාලක නාසර් අල් දීන් ශා රජතුමාගේ දියණියක් විදිහට 1883. ඒ වගේම අවුරුදු 13 දී කජාර් කුමරිය විවාහ වෙනවා සිය පියා වුන පර්සියාවේ රජතුමාගේ ආරකශක ඇමතිගෙ පුතා සමග. එතකොට පිරිමි 13 කතාව ගෙතුවෙ මොකටද කියන කුතුහලය ඉතුරු කරල ඉතිරි ටික කියන්නම්.

ඒ විවාහයෙන් දරුවො හතර දෙනෙකුගෙ ආදරණීය මව බවට කජාර් කුමරිය පත්වෙනව.  කෙසේ නමුත් රාජකිය සම්ප්‍රදායට අභියෝග කල ප්‍රථම රාජකීය කුමරිය ලෙස අකැමැත්තෙන් කෙරෙන ලමා විවාහයන් හා කාන්තා අයිතිවාසිකම් වෙනුවෙන් ඇය ප්‍රසිද්ධියේ පෙනී සිටිනව. ශියා මූලධර්මවාදී පර්ශියාවේ රජුගේ දියණිය විදිහට පෙනීසිටීම ඉස්ලාම් ලෝකයේම කාන්තාවන් සම්බන්ධ වැදගත් අර්ථවත් ප්‍රතිසංස්කරණ වලට   බලපානවා.

ඉනුත් ඔබ්බට ගිහින් ඇය ස්වාමියාගෙන්  දික්කසාදය ප්‍රථම වරට ලබාගත් රාජකීය කාන්තාව වෙනව. ඒ වගේම හිස ආවරණය කරන හිජාබය (ෆර්දාව) ඉවත් කර බටහිර විලාසිතා අනුගමනය කිරීම සඳහා උසාවියේ නඩු කියල දිනනව. 

දික්කසාදයෙන් පසුව ඇය ලේඛිකාවක හා කලා  හා චිත්‍ර ශිල්පිනියක ප්‍රසිද්ධ වෙනව. අරාබි ප්‍රංශ භාශා වගේම වයලීන් වාදනයටත් ඇය දක්ශ වෙනව. 

ඇයගේ පියා වූ කජාර් ශා 1896 රජතුමා අවාසනාවන්ත ලෙස ඝාතනය වෙනව. ඉන් අනතුරුවත් සමාජ ක්‍රියාකාරිනියක් ලෙස කාන්තා අයිතිවාසිකම් වෙනුවෙන්  පෙනී සිටිනව හා ප්‍රතිසංස්කරණ වලට සක්‍රියව දායක වෙනව.  අවුරුදු 52ක් ඇවෑමෙන් 1936 දී ඇය කළුරිය කරනව. 

ඒ වගේම බටහිරට පක්ශ ශා රජ පෙලපත 1978 දී කොමෙයිනිගේ නායකත්වයෙන් වූ විප්ලවයෙන් අවසන් වෙනව. 

මම පොඩ්ඩක් කල්පනා කලා ඇයි මේ වගේ මඩක් ඇයට ගහන්න හේතුවෙන්න ඇත්තෙ කියල. එතකොට තමයි මගේ මොලේටත් ආවේ ඉංග්‍රිසියෙන් බ්ලොග් සටහනකින් ඔය වැරදි පුවත සමාජගත කලේ ඉස්ලාම් සංස්කෘතියට අභියෝග කල ඒ කුමරියගේ වීරත්වය හංගලා ඇය වැනි නවීන රැඩිකල් චින්තනයක් නැවත ඉස්ලාම් සමාජයෙන් මතුවීම සදාකාලිකව අතුගාලා දාන්න ඕන නිසා කියලා. 

ඔන්න ඒකත් හරි හැබැයි ෆේක් නිවුස් පැතිරෙන වේගෙට ඇත්ත සමාජගත නොවේවී.

පහල තියෙන්නෙත් ඇයගෙ සුන්දර ඡායාරූප අන්තර්ජාලයෙන් අරන් ,  තමන්ගෙ තාත්ත රජු  වුණත් පර්ශියාවේ සුන්දර බවේ සංඛේතය විදිහට ඇයව පත් කරන්න ඇත්තෙ ඇයගෙ සුන්දර බව නිසාම වෙන්නැති.

ඇයගෙ අර පිරිමියෙක් වගේ පොටෝවලට හිනාවුන අයට මර්සි හුදාෆිස්...  (දෙවි පිහිටයි)

කසුන් පෙතියාගොඩ

සයිකෝ ඇන්ටිට ගොඳුරු වුණු සුරූපී තරුණිය GRETA

2021-12-22T21:29:00.001-08:00

අද මම ඔබට කියන්න යන්නේ 2018 වසරේ දි තිරගත වුණු චිත්‍රපටයක් ගැනයි. ග්‍රේටා නම් මෙම හොලිවුඩ් චිත්‍රපටය පවුලේ හැමෝම එක්ක එකට එකතු වෙලා නරඹන්න පුළුවන් චිත්‍රපටයක්. මෙය අයිති වෙන්නේ ත්‍රිලර්, හොරර් ශානරයට. කුතුහලය පිරුණු චිත්‍රපටයක් විදියට නම් කරන්න පුළුවන් මේ සිනමා නිර්මාණය ඊළඟට මොකද්ද වෙන්නේ කියන කුතුහලයට ඔබව අරගෙන යනවා විතරක් නෙවෙයි මේ වගේ අවස්ථාවකට ඔබ හසුවුණොත් මොනවද කරන්නේ කියන අවිනිශ්චිත හැඟීමත් ඔබ වෙත අරගෙන එනවා.

අවහන්හලක වේටර්වරියක් විදියට වැඩකරන ෆ්‍රැන්සස් තමයි මෙහි ප්‍රධාන චරිතය වෙන්නේ. ක්ලොයි ග්‍රේස් මෝටර්ස් නම් ප්‍රංශ සම්භවයක් සහිත ඇමරිකානු නිළිය තමයි ෆ්‍රැන්සස් ගේ චරිතයෙන් ඔබ හමුවට එන්නේ. ඉතින් ඇය තමන්ගේ සේවා මුරය ඉවර වෙලා කෝච්චියට නගිනවා තමන්ගේ නවාතැනට යන්න. ඒ කාලවේලාවෙදි ඇය පුරුද්දක් විදියට කරන්නේ පොත් කියවන එක. තමන් බහින තැනට කෝචිචි පෙට්ටිය දිගේ ඉස්සරහට යන ඇයට අමතක වුණු අත් බෑගයක් හමුවෙනවා. මේ අත්බෑගය ඇතුලේ අදාල කාන්තාවගේ ජාතික හැඳුනුම්පතත් තිබෙනවා. කාගේ හරි වටින දෙයක් හමුවුණාම කෙනාව හොයාගන්න පහසු නම් අතටම ගිහින් බාර දෙන එක හොඳ පුරුද්දක් නිසා ෆ්‍රැන්සස් මේ අත් බෑගයත් අරන් යන්නේ අදාල කාන්තාවගේ නිවසට. හැබැයි යන්න කලින් ඇය හිතනවා මේ බෑග් එක ස්ටේෂන් එකේ ඔෆිස් එකට දුන්නා නම් හොඳයි කියලා. හැබැයි ඒ වෙද්දි එතන වහලා. ඒ නිසා මුලින්ම ෆ්‍රැන්ස්ස් බෑග් එකත් අරගෙන ගෙදර යනවා.

එරිකා කියන්නේ ෆ්‍රැන්සස්ගේ හොඳම මිතුරිය. ඉස්කෝලේ යන කාලේ ඉදලම එකටම හිටපු මේ දෙන්නා දැන් ඉන්නෙත් එකම එපාර්ට්මන්ට් එකේ. එරිකා දකිනවා ෆ්‍රැන්සස් ගෙනාපු මේ බෑග් එක. එයා ඒක ඇතුලේ තියෙන දේවල් මේසේ උඩට හැලුවාම සල්ලි ටිකක් තියෙන පසුම්බියක්, හැඳුනුම්පතක්, බෙහෙත් වර්ග කිහිපයක් හා තවත් දේවල් බෑග් එකේ තියෙනවා. එරිකා නම් කියන්නේ බෑග් එකේ තියෙන සල්ලි අරන් බෑග් එක විසි කරල දාමු කියලා. හැබැයි ෆ්‍රෑන්සස් බොහොම හොඳ ගැහැණු ළමයෙක්. එයා තීරණය කරනවා මේ බෑග් එක අදාල අයිතිකාරියටම ලබා දෙන්න. ඉතින් ඇය ඒ අදාල කාන්තාවගේ නිවස හොයාගෙන යනවා.

මුල් වතාවට ඇයට ග්‍රේටා මුණගැහෙන්නේ ඒ නිවසෙදි. ඇය තමයි මේ කාන්තා අත් බෑගය අයිති කාන්තාව. මැදිවියත් පසු කරමින් ඉන්න මේ කරුණාවන්ත මහත්මියගේ සත්කාර නිසා ෆ්‍රැන්සස් ඇයට බොහොම සමීප වෙනවා. චිත්‍රපටය පටන්ගන්නේ එහෙමයි. හුඟක් කරුණාවන්ත සිනහවන් පිටිපස්සේ සැඟවුණු භයානක ආත්මයන් තියෙන්න පුළුවන් කියලා ෆ්‍රෑන්සස් වගේම නරඹන ඔබත් දැනගන්නේ චිත්‍රපටයේ මැද හරියට ගියාමයි. මේ කාන්තාව ෆේස් බුක් හා ට්විටර් වැනි සමාජ ජාලාවලට ගිහින් යම් යම් තරුණියන් තෝරාගන්නවා. ළඟදි අම්මා මියගිය, මව්පිය සෙනෙහස අහිමිවුණ, තනියම ඉන්න ගැහැණු ළමයි තමයි එයාගේ ඉලක්කය වෙන්නේ. ඒ අයගේ දුරකථන අංක හොයාගෙන එයාල පස්සෙන් ගිහින් ඊට පස්සේ හිතාමතාම බෑග් එක අමතක කරලා එන එක ආච්චි කරන්නේ සැලසුම් සහගතවමයි. ඒ සඳහා එයා ගාව එක සමාන බෑග් ගොඩක් තියෙනවා.

ඉතින් තවදුරටත් මේ ගැන කියනවාට වඩා ඔබම මේ චිත්‍රපටය නරඹන එක වඩා හොඳයි කියලා මම හිතනවා. මිනිස්සුන්ට උවමනාවට වඩා සමීප වෙන්න කලින් හුඟක් දේවල් හිතන්න ඕන කියන එක තමයි ග්‍රේටා බැලුවාම අවබෝධ කරගන්න පුලුවන් වෙන්නේ. විශේෂයෙන්ම තමන්ගේ පුද්ගලික ප්‍රශ්න, දුක, අහිමිවීම් ගැන සමාජ මාධ්‍යවල හෑලි ලියන බොහෝ දෙනෙක් මෙවැනි සයිකෝ ආන්ටිලා ගේ ගොඳුරක් වෙන්න පුළුවන් බවත් චිත්‍රපටය අපිට අවබෝධ කරලා දෙනවා.

මිනිසුන් විද්‍යාගාර මීයන් කළ යුනිට් 731

2021-12-20T04:02:00.007-08:00

ඉතාම සාමකාමී ශිෂ්ඨ සම්පන්න මනුෂ්‍යයින් පිරිසක් ජීවත් වෙන රටක් පිළිබඳව ඔබෙන් ඇසුවොත් මුලින්ම මතක් වෙන රට මොකද්ද? නිසැකවම අසල්වැසි ජපානය බව රහසක් නෙවෙයි. ඉතාම ආචාරශීලි, ආගන්තුක සත්කාරයට ලැදි ඔවුන් ශ්‍රි ලාංකික අපේ කිට්ටුම හිතවතුන් බව අපි හොඳින්ම දන්නවා. දේශපාලනික වශයෙන් අපේ රට අස්ථාවර කරන්නට උත්සහ කරන අවස්ථාවල විතරක් නෙවෙයි ජාත්‍යන්තර වශයෙන් අපිව අපකීර්තියට පත් කරන්න බටහිර රටවල් කුමන්ත්‍රණය කරන අවස්ථාවල පවා ජපානය හිටගත්තේ අපේ පැත්තෙන්. ඒ අතින් ජපානය කියන්නේ කෘතඥපූර්වකව මතක් කළ යුතු රටක්. ඒ වගේම ජපානය මහායාන බෞද්ධ රටක්.

හැබැයි මේ තරම් හොඳ ජපානයටත් ඉතාම අපකීර්තිමත් ඉතිහාසගත කතාවක් තියෙනවා. ඒ දෙවනි ලෝක යුද්ධ කාලේ.

ඔබ අහලා ඇති යුනිට් 731 පර්යේෂණ පිළිබඳව. මෙහි ප්‍රධාන චූදිතයා වෙන්නේ ජපානය. මනුෂ්‍ය සංහතිය භිතියෙන් වෙළාගන්න ඒ වගේම මනුෂ්‍යත්වයට නොගැලපෙන, මනුෂ්‍ය වර්ගයාට නිග්‍රහ කරන මට්ටමේ අශීලාචාර පර්යේෂණ ගණනාවක් සිදුකල යුනිට් 731 ඔබව එක් මොහොතකට සලිත කරන බව විශ්වාසයි. ඒ වගේම මෙය මෙතෙක් ලොව සිදුවුණු අමානුශීයම පර්යේෂණය බව ද සඳහන් වනවා.

යුනිට් 731

චීනයේ ෆින්ග් ෆැන්ග් ප්‍රදේශය යටත් කරගැනීමට සමත් වුණු ජපානය ඒ ප්‍රදේශයේ බලය තහවුරු කරගත් පසු තම සැලසුම දියත් කිරීමට පටන් ගත්තා. එහි එක් පියවරක් වුයේ ජෛව අවි නිශ්පාදනයයි. ඒවා බොහෝමයක් වෛරස් වර්ග හා රසායන ද්‍රව්‍යයි. එම ආයුධවල ගුණාත්මක බව හා ක්‍රියාකාරිත්වය පිළිබඳව තහවුරු කරගැනීමේ පර්යේෂණ ආරම්භ වුයේ ඉන්පසුවයි.

රසායන ද්‍රව්‍ය ඇඟට හැලීම හෝ එන්නත් කිරීම මඟින් යම් පුද්ගලයෙක් මිය යාමට ගතවන කාලය, ඒ කාලය තුළ එම පුද්ගලයාට සිදුවන විපර්යාසයන් ආදිය මැන බැලීමට ඔවුන් මිනිසුන් යොදාගත්තා. සමහර වෛරස් වර්ග එන්නත් කිරීම මඟින් පුද්ගලයන් මිය යන ආකාරය, ගතවන කාලය, එයින් සිදුවන හානිය පිළිබඳව පර්යේෂණ සිදුකලේ ත් සාමාන්‍ය මිනිසුන් යොදාගනිමින්. සමහර පිළිස්සෙන සුළු රසායන වර්ග පණ ඇති මිනිසුන්ගේ සිරුරට හැලීම හා පිළිස්සීම ද ඔවුන් සිදුකර තිබුණා.

ජපානයට අයත් පර්යේෂණාගාර තුළ විවිධ ජනවර්ගවලට අයත් මිනිසුන් සිරගත කර තිබුණු අතර චීන, ඇමරිකානු හා බි්‍රතාන්‍ය පුරවැසියන් පවා එහි පර්යේෂණාගාර මීයන් ලෙසින් සිරගත වී සිටියා. මෙම පර්යේෂණ හේතුවෙන් පමණක් පුද්ගලයින් 3000 ක් පමණ ජීවිතයෙන් වන්දි ගෙවා තිබුණා. ඉතාම සීතල පරිසරයක ගල්වුනු මිනිසෙක් ඔසවාගෙන විත් පණපිටින් උණු වතුරට දැමීම, පණ පිටින් සැත්කම්වලට භාජනය කිරීම පවා ඔවුන් මේ පර්යේෂණාගාර තුළ සිදුකර තිබුණා.

ජපන් සොල්දාදුවන්ට ඉලක්කයට වෙඩි තැබීම පුහුණු කිරීම සඳහා ඉලක්ක ලෙස භාවිත කර තිබුණේද මිනිසුන් බව ඇසුවොත් ඔබ පුදුමයට පත්වෙයි. වැරදි ඉලක්ක වලට හසුවීම නිසා මිය නොයාම හා තුවාල වීම, අධික මරණ බියට ලක්වීම වැනි කරුණු නිසා සමහර මිනිසුන් ක්‍ෂණික විශාදයට පවා ගොඳුරු වී තිබුනා.

මෙහි ඛේදවාචකය වන්නේ මෙය පමණක් නෙවෙයි. මෙම පර්යේෂණාගාර අත්පත් කර ගැනීමෙන් පසු මෙහි තිබුණු සියලු පර්යේෂණ අඩංගු ලියකියවිලි අතුරුදහන් වුණා. බොහෝ දෙනෙක් පෙන්වා දෙන්නේ ඒවා තවමත් ඇමරිකානුවන් සතුව තිබෙනවා කියායි. ඒ අනුව ඉදිරි අනාගතයේ නැවත ඇමරිකාවේ ඈත කෙලවරක මෙවැනි පර්යේෂණ ගැන අසන්නට ලැබුණොත් ඔබ පුදුම වෙන්න අවශ්‍ය නැහැ.

ඒ ජපානයේ නතර කළ තැනින් ඊළඟ පියවර වෙන්න පුළුවන්.

ඕලන්ද ඉස්පිරිතාලෙට ගිහින් එමුද

2021-12-15T01:47:00.003-08:00

කොළඹ කොටුව පහුකරලා ඉස්සරහට එද්දි ඈතින් පේන පිට්ටු බම්බුව එහෙමත් නැත්නම් ලංකා බැංකු ගොඩනැගිල්ල පැත්තට මොහොතකට ගියොත් හරි අපූරු පරිසරයක සුවය විදගන්න ඔබට පුලුවන්. එක පැත්තකින් ගෝල් ෆේස් යන පාර, ඒ පාරේ අපේ රටේ ආර්ථිකට සුවිශේෂි මෙහෙවරක් සිදුකරන සංචාරක හෝටල් කලාපය, අනෙක් පසින් ඩච් රෝහල. ඩච් එක ඇතුළට ගියොත් ඔබට විවිධ මාදිලියේ ආහාර අත්දැකීම් විදින්න විතරක් නෙවෙයි, කතා කර කර ඉන්න, ඇවිදින්න, බලන්න බොහෝ දේවල් තියෙනවා. ෂොපින් කරන්න කැමති අයටත් ඩච් හොස්පිටල් එක කියන්නේ බොහොම වැදගත් තැනක්.

ඇත්තටම ඩච් හොස්පිටල් එහෙමත් නැත්තනම් ඩච් රෝහලේ ඉතිහාස කතාව මොකද්ද

මේ ගොඩනැගිල්ල කොළඹ කොටුවේ තියෙන පැරණිතම ගොඩනැගිලිවලින් එකක් විදියට සැලකෙනවා. එය ගොඩනැගෙන්නේ ලන්දේසි පාලන සමයේ. එහෙමත් නැත්නම් නෙදර්ලන්තයට අපි යටත් වෙලා ඉන්න කාලේ. එහි අතීතය 1681 දක්වා කාලයට දිවයනවා කියලා සැලකෙනවා. ක්‍රිස්ටෝෆර් ස්කැවයිටර්ස් නම් පුද්ගලයෙක් මේ පිළිබඳව කතා පුවත් කිහිපයක්ම ලියා තිබෙන බවත් සඳහන්.

මේ රෝහල හැදෙන්නේ ලන්දේසි පෙරදිග ඉන්දියානු වෙළඳ සමාගමේ නිලධාරින්ට ප්‍රතිකාර ගැනීමට වගේම වරායට කිට්ටුව තිබුණු නිසා නාවිකයන්ගේ පහසුව සඳහාත් මේ රෝහල යොදාගෙන තිබෙනවා.

බි්‍රතාන්‍යයන් ලංකාව යටත් කරගත්තට පස්සේ මේ ගොඩනැගිල්ල තවදුරටත් දියුණු කරන්න උනන්දු වුණා. 185 දී මෙය භාවිත වුණේ බි්‍රතාන්‍ය හමුදා බැරැක්කයක් විදියට. ඊට පස්සේ කාලේ හමුදා නිළදාරියෙකුගේ කාර්යාලය පවත්වාගෙන යන්නත් මේ ගොඩනැගිල්ල භාවිත කරලා තියෙනවා. මේ රෝහලටම තමයි ඕලන්ද ඉස්පිරිතාලේ කියලා කියන්නෙත්.

ඉතින් කොළඹට එනවා නම් ඕලන්ද ඉස්පිරිතාලේ පැත්තේ රවුමක් යන්නත් අමතක කරන්න එපා. සැලකිය යුතු මුදලක් අතේ තියෙනවා නම් සාමාන්‍ය ආහාර වේලක රස බලන්නත් බැරි වෙන්නේ නැහැ. ආස දෙයක් මිලට ගන්න අපහසු වෙන්නෙත් නැහැ. ඒ කොහොම වුණත් ටිකක් වාඩි වෙලා ගිමන් හරිනකොට, රෝහල ඇතුලේ ඇවිදිනකොට ඒ අතීත ලංකාවේ අපි තාමත් ඉන්නවා වගේ දැනෙන නොස්ටැල්ජියානු හැඟීමෙන් මිදෙන්න නම් ඔබට බැරිවෙයි.

ඔබට ඔබ වෙන්න පුළුවන්ද

2021-12-07T21:34:00.008-08:00

මේක ඕනම කෙනෙක් තමන්ගේ ජීවිතයේ මුහුණ දෙන සුවිශේෂි ගැටළුවක්. අපිට අනුන් වෙන්න හරිම ලේසියි. අනුන් වගේ ඉන්න, අනුන් වගේ අඳින්න, අනුන්ව කොපි කරන්න පහසුයි. හැබැයි තමන් වෙන්න ගියාම ඒක ලොකු අභියෝගයක් වෙනවා. හුඟක් අය කැමති අනිත් අය කරන කරන දේ කරන්න. එයින් ඔවුන් අසීමිත විදියට වෙහෙසට පත්වුණත් ඒක ඇබ්බැහියක් වගේ දිගින් දිගටම කරගෙන යන්න හිතෙනවා. අන්න ඒකයි බුදුන් වහන්සේ කියන්නේ...

“මහණෙනි සැබෑ ජයග්‍රහණය නම් තමා විසින් තමාව දිනාගැනීමයි”

අපිට අනිත් අයව දිනාගන්න පහසුයි. නමුත් තමන්ට තමන්ව තමන් විදියට මේ ඉන්න විදියට බාර ගන්න ඒ තරම් ලේසියෙන් කරන්න පුළුවන්ද?

මේ කතාවට හොඳම උදාහරණය වෙන්නේ සුපිරි පොප් ගායක මයිකල් ජැක්සන්. ඔහු තමයි අදටත් ඇමරිකාවේ පොප් රජු. අදටත් ඇමරිකාවේ පොප් සංස්කෘතිය ඇතුලේ මයිකල් ජැක්සන් කියන නම අභිබවා යන්න පුළුවන් විදියේ කෙනෙක් බිහිවෙලා නැහැ. ඒ වගේම ඔහුගේ ගීත, නර්ථන හැකියාව අනුකරණය කරන්නවත් කිසිම කෙනෙකුට පුලුවන්කමක් නැහැ. කොටින්ම මයිකල් ජැක්සන් කියන්නේ තරු ගුණය ඉහළින්ම තියෙන Icon එකක්.

හැබැයි මේ හැමදේම තිබිලත් තමන්ට තමන් ගැන හිතලා සතුටු වෙන්න බැරි කාරණයක් ඔහුගේ හිතේ තිබුණා.

ඒ තමයි ඔහුගේ හමේ පාට.... සිංදු කිව්වේ සුද්දන්ට වුණාට මයිකල් ජැක්සන් කියන්නේ කල්ලෙක්.....

ඔහු හැමදාම මුළු ජීවිත කාලෙම තමන් කල්ලෙක් වුණු එක ගැන ලැජ්ජා වුණා. ලයනල් රිචී, එකොන්, විට්නි හූස්ටන්, ඔෆ්රා වින්ප්‍රේ විතරක් නෙවෙයි හිටපු ඇමරිකානු ජනාධිපති බැරැක් ඔබාමා පවා තමා කලු ජාතිකයෙක් වීම ගැන ආඩම්බර වෙද්දි මයිකල් ජැක්සන්ට විතරක් තමන්ගේ සමේ පාට අභියෝගයක්, බාධාවක් වුණා. ඒ නිසාම තමයි ඔහු සැත්කම් ගණනාවකට පස්සේ සුද්දෙක් වෙන්නේ. නමුත් එයින් ඔහුගේ තිබුණු පෞර්ෂය හා කඩවසම් පෙනුම නැත්තටම නැතිවුනා.

අසාර්ථක විවාහ ගණනාවක්, ළමා අපචාර චෝදනා රැසක් සහ ගෙවාගත නොහැකි ණය කන්දරාවක හිර කාරයෙක් වුණත් එක් අතකින් මයිකල් ජැක්සන් කියන්නේ බොහොම සුන්දර චරිතයක්. ඔහු නිසා ඔහු ආධාර උපකාර නිසා තමන්ගේ ජීවිතය ආලෝකමත් කරගත් දරුවන් බොහෝමයක් අදටත් ඇමරිකාවේ ජීවත් වෙනවා. ඔවුන් බොහො දෙනෙක් තමන්ගේ උසස් අධ්‍යාපනය නිමාකරලා හොඳ රැකියාවක් හොයාගෙන ස්ථාවර වෙන්න හේතුවුණේ ජැක්සන් ගේ සුන්දර හදවත බව රහසක් නෙවෙයි.

නමුත් ඔහු කුඩා කාලයේ දී දැඩි ලෙස අපයෝජනයට ලක්වීම, ඒ නිසා කාලාන්තරයක් පුරා විදි වේදනාව ඔහු කෙරෙන් තුරන් වුණේ නැහැ. මොනතරම් සාර්ථක තරුවක් වුණත් එයින් සෑහීමකට පත්වෙන්නත් ඔහුට පුළුවන් වුනේ නැහැ. ඒ නිසාම අවසාන කාලයේ විවිධ මානසික හා සමාජීය ගැටළු රාශියකට මුහුණ දුන් මයිකල් ජැක්සන්ට උරුම වෙන්නේ අවාසනාවන්ත මරණයක්. තමන්ටම ප්‍රතිකාර කරන තමන්ගේම වෛiවරයා වැරදීමකින් හෝ හිතාමතාම එන්නත් කළ ඖෂධයක් නිසා ජැක්සන්ට ජීවිතය අහිමි වෙනවා. අඩුම තරමේ ඒක මරණයක් ද මිනී මැරුමක් ද කියලා ඔප්පු කරගන්නවත් ඇමරිකානු රජය සමත් වෙන්නේ නැහැ.

සමහර විට මයිකල් ජැක්සන්ට තමන් තමන් විදියට ජීවිත් වීම හා තිබෙන දෙයින් සතුටු වීම කියන කාරණා දෙක පිළිබඳව අවබෝධයක් තිබුණා නම් ඔහුට මෙවන් ඉරණමක් අත්නොවෙන්නත් තිබුණා. කිසිම කෙනෙකුට කිසිම දවසක අමතක නොවන ලයාන්විත කටහඩක් උරුමක්කාරයෙක් තමන්ගේ රසිකයින්ට අසීමිත වේදනාවක් ඉතිරි කරලා අවාසනාවන්ත විදියට සමුගත්තා.

එක පුංචි සිතුවිල්ලකින් ජීවිතය වෙනස් කරගන්න පුළුවන් වුණා නම් මයිකල් ජැක්සන් කියන්නේ තාමත් දැල්වෙන තරුවක්.

ඒ නිසා ඔබ තේරුම්ගත යුතු එක් සත්‍යයක් තිබෙනවා. ඒ ඔබට ඔබ මිස අනුන් වෙන්නට නොහැකි බව. ඔබ අනුන් වෙන්නට උත්සහ දරන තාක්කල් ඔබට තෘප්තියෙන් ජීවත් වෙන්නට නොහැකි බව.

ජීවිතය ඔබට දෙන්නේ ඔබට සුදුසුම දෙය බව පමණක් පිළිගන්න. ඒ අනුව ජීවත් වෙන්න.

කේක් ගෙඩියේ අතීත කතාවයි මේ

2021-12-06T03:09:00.004-08:00

කේක් කියන්නේ හැම කෙනෙක්ම කන්න කැමති පැණි රස කෑමක්. ප්ලෙන්ටියක් එක්ක, කෝපි එකක් එක්ක විතරක් නෙවෙයි පැණි බීම එකක් එක්ක වුණත් කන්න පුලුවන් රසවත් කෑමක් නිසාම කේක් ගෙඩියේ ඉතිහාසය ගැන කියන්න අපි අද හිතුවා. ඔයාලා හිතනවාට වඩා ඈත අතීතයක් කේක්වලට තියෙනවා. හරියටම කියනවා නම් ඒ ඉතිහාසය ග්‍රීක යුගය දක්වාම පැරණියි.

පළමු කේක් එක

ලෝකයේ පළමු කේක් එකේ නම “කාකා” කියලා තමයි සඳහන් වෙන්නේ. නමුත් ඒ කේක් එක අද අපි කන කේක් වලට වඩා නම් සම්පූර්ණයෙන්ම වෙනස්. ඒ වගේම ඒ සඳහා යොදාගෙන තියෙන අමුද්‍රව්‍යයත් වෙනස් බව තමයි සඳහන් වෙන්නේ. මෙහි වඩාත් සිත් ඇදගන්නා සුළු කතාව වෙන්නේ ඒ කාලේ කේක් පුච්චන්න පුළුවන් තරම් ආහාර පිළිස්සීමේ තාක්‍ෂණයක් ග්‍රීක ජාතිකයන් සතුව තිබීමයි. ඔවුන් මේ සඳහා වැඩියෙන් පැණි රස යොදාගෙන තිබෙනවා. බහුලවම භාවිත කර ඇත්තේ මී පැණී වීම විශේෂත්වයක්. ඒ වගේම ඔවුන් චීස් කේක් කලාවේ ද ආරම්භකයන් වනවා. නමුත් පළතුරු හා නට් වර්ග අඩංගු කේක් නිෂ්පාදනය ආරම්භ කර ඇත්තේ රෝමන්වරු බවත් සඳහන් වනවා.

ඒ අතරම 17 වන සියවසේ දී යුරෝපය අංග සම්පූර්ණ කේක් එකක් නිර්මාණය කරන්නට සමත් වුණා. බේක් කිරීම සඳහා අවශ්‍ය නියම උශ්ණත්වය හා වඩාත් සුදුසු අමුද්‍රව්‍ය යොදා රසවත් ලෙස සැකසීමේ කලාව සොයාගැනීමේ ගෞරවය හිමිවන්නේ යුරෝපීය ජාතිකයන්ටයි. එසේම කේක්වල විවිධ හැඩයන් නිර්මාණය හා අයිසින් කිරීමේ කලාව සොයාගන්නේ ද ඔවුන් විසින්. ඔවුන් වියළි මිදි හා වියළන ලද පළතුරු මිශ්‍ර කල කේක් වර්ග ද ලෝකයට දායාද කරන්නට සමත් වුණා.

අද වෙද්දි කේක් කියන්නේ බොහෝම ජනප්‍රිය ආහාරයක් බව ඔබ දන්නවා. නමුත් කේක් අතිශය ජනප්‍රිය වෙන්න පටන් ගත්තේ 19 වන සියවසෙන් පස්සේ. චොක්ලට් සහ වැනිලා හැරුණු විට තවත් බොහෝ අමුද්‍රව්‍ය යොදා ගනිමින් නිපදවන කේක් ඉතා අඩුම මිල සිට අධික මිළ ගණන් දක්වා වෙළඳපලේ දකින්නට ලැබෙනවා. මුල්ම කාලයේ කේක් නිෂ්පාදනය සඳහා අමුද්‍රව්‍ය සොයා ගැනීම වඩාත් අපහසු වුණු නමුත් කාර්මික විප්ලවයෙන් පස්සේ කේක් වෙළදාමක් බවට පත්වුණු නිසා කේක් අමුද්‍රව්‍ය සඳහා ද පහසු වෙළඳපලක් නිර්මාණය වුණා. ඒ නිසාම ඒවායේ මිල ද අවම මට්ටමකට පත්වුණු බැවින් හැමකෙනෙක්ම වගේ වෙළඳපලෙන් මිල දී ගන්නවාට වඩා කේක් නිවසේ දීම සකස් කරගන්නට යොමු ව තිබෙනවා.

උපන් දින කේක්

දැන් කාලේ විවාහයේ දී, සාදවලදී , විවාහ ගිවිස ගනිද්දි වගේ ඕනම අවස්ථාවක දී කේක් කැපීම සිරිතක් වුණත් මුල්ම කාලේ කේක් යොදාගත්තේ උපන්දින සාද සමරන්න විතරයි. නමුත් ග්‍රීක වැසියන් ඔවුන්ගේ දෙවියන්ගේ උපන්දින සැමරීම සඳහා කේක් කැපීම සිරිතක් කරගෙන තිබෙනවා. ආර්ටිමස් දෙවඟනගේ උපන්දිනය සැමරීම සඳහා යොදාගත් කේක් රවුම් හැඩයට සකසා තිබුණේ සඳ සංකේතවත් කිරීමටයි. ඔවුන් එහි ඉටිපන්දම් දැල්වීම සිදු කලේ සඳ මෙන් එළිය දෙන බව සංකේතවත් කිරීමටයි.

13 වන ශතවර්ෂයේ දී ජර්මන් දරුවන් සිය උපන්දින සැමරීම සඳහා කේක් කැපීම ආරම්භ කළා. ඔවුන් ඉටිපන්දම් භාවිත කළේ ජීවිතය ආලෝකමත් වන බව ඇගවීමටයි. එහිදි ඉටි පන්දම නිවන මොහොතේ ඔවුන් සිය ජීවිතය වෙනුවෙන් යම් ප්‍රාර්ථනාවක් සිතෙහි තබාගත යුතු අතර එය සැබෑවක් බවට පත්වන තුරු කිසිවෙකුටත් පැවසුවේ නැහැ. මේ සිරිත බොහෝ රටවලත් ලංකාවේ සමහර පවුල්වලත් තවමත් ක්‍රියාත්මක වනවා.

කේක් රවුම් වුණේ ඇයි?

පිළිස්සීමට එහෙමත් නැත්නම් බේක් කිරීමට පහසු වීම, සමාන කැබලිවලට කැපීමේ පහසුව, රවුම් බඳුනක් සොයා ගැනීම පහසු වීම, එසේම එය සාම්ප්‍රධායික හැඩයක් වීමත් හේතුවක් වුණා. නමුත් මේ සඳහා බලපාන තවත් හේතුවක් තිබෙනවා. එනම් ග්‍රීක යුගයේ දී කේක් නිර්මාණය වුණේ දෙවියන් සඳහා වන අතර රවුම් හැඩයෙන් නිරූපණය වුණේ ජීවන චක්‍රයයි. එය ජීවිතයේ යථා ස්වභාවය චක්‍රයක් ලෙස පෙන්වන බව ඔවුන් විශ්වාස කර තිබුණා.

කලු හමක් ඇති සුදු මිනිසා

2021-11-30T20:57:00.002-08:00

ජීවිතේ දවසක හැම තැනින්ම ප්‍රතික්‍ෂෙප වුණොත් ඔබට මොනවා හිතෙයි, මැරෙන්න හිතෙයි. එහෙමත් නැත්නම් හැමදේම දාලා කොහාට හරි යන්න හිතෙයි. හැබැයි ඒ අහිමිවීම් ප්‍රතික්‍ෂේප වීම් වැරදි තීරණ මැද්දේ අලු ගසාදාලා නැගිටින්න හිතෙන්නේ එහෙමත් මිනිහෙකුට විතරයි.

මේ අන්න එහෙම මිනිහෙකුගේ කතාවක්.

සෙනගාල් ජාතික මව්පියන් යුවළකගේ දරුවෙක් විදියට 1973 අප්‍රේල් මාසේ 16 වෙනිදා ඉපදුනු දුප්පත් කළු ජාතික කොල්ලෙක් දවසක ඇමරිකාවේ පොප් සංගීතය වෙනස් කරයි කියලා කිසිම ඇමරිකානුවෙක් කවදාවත් හිතන්න නැතුව ඇති. වාහන මංකොල්ල කන තාත්තා කෙනෙකුගේ දරුවෙක්ට අනුකම්පා කරන්න තරම් යහපත් මානසික මට්ටමක තියෙන කවුරුත් මේ කොල්ලා ගේ අවට වටපිටාවේ හිටියෙත් නැහැ. හැමෝටම ඕන වුණේ තාත්තාට වුණු දේම පුතාටත් වෙනවා දකින්නයි. අවසානෙදි ඇත්තටම මේ කොල්ලත් කාර් රථ මංකොල්ලකාරයෙක් වුණා. ඉතාම අඩු වයසක දී.

අවාසනාවට පළමු මංකොල්ලයේ දීම මේ කළු කොල්ලාව පොලීස් අත්අඩංගුවට පත්වෙනවා. ඔබ හිතන්න කල්ලෙක් ඇමරිකන් පොලීසියට අහුවුණාට පස්සේ මොනවා වෙන්න ඇති ද කියලා. හැබැයි ඒ දවස තමයි ඔහුගේ ඉරණම වෙනස් කරන්නේ. හිරගත වෙලා ගෙවුනු මාස ගාණකට පස්සේ ඔහු ආපහු එළියට එන්නේ අලුත්ම මිනිහෙක් විදියට. අතේ සිංදු ලියපු කොළ ගොඩකුත් එක්ක. හිරේට වෙලා හිටපු මාස ගානෙම අහුවෙන හැම කොලේකම ලියපු සිංදු කෑලි ටික පිළිවෙලක් කරගෙන ඔහු සිංදු කියන්න පටන්ගන්නවා.

ලොව සංගීතඥයෙක් හෝ ගායකයෙක් පිදුම් ලබන ඉහළම සම්මානය වන ග්‍රැමි සම්මානයට 2004 වසරෙදි නිර්දේශ වන Smack That කියන්නේ ඔහු ලියපු ගීත අතරින් එකක්. හිරේ ඉදලා ලියපු සියලු ගීත අඩංගු Trouble සීඩී තැටියත් ඒ වසරේ ලොව හොඳම සීඩී තැටිය විදියට ග්‍රැමි සම්මානයට නිර්දේශ වෙනවා.

ඔහු නමින් එකෝන්

දැනට ලෝකයේ බලවත්ම පුද්ගලයන්ගේ ලයිස්තුවේ සිටින එකෝන්ගේ වාර්ෂික ආදායම ඩොලර් බිලියන 180 ක්. ලෝකයේ තනි පුද්ගලයෙකුට අයිති විශාලම සුබ සාධන වැඩසටහන වන Akon lightning Africa ඔහුගේ නිර්මාණයක්. අප්‍රිකාවේ සිටින තරුණ ළමයින්ට වෘත්තීය පුහුණුව ලබාදෙමින් ඔවුන් විවිධ වෘත්තීන් කරා යොමු කිරීම මෙම ව්‍යාපෘතියේ අරමුණ වනවා.

එහි එක් පියවරක් ලෙස සුර්ය බලශක්ති වැඩසටහනක් ආරම්භ කරන්නටත් මෙම ව්‍යාපෘතිය පියවර ගත්තා. එහිදි තරුණ තරුණියන්ට සුර්ය බලශක්තිය සම්බන්ධ පුළුල් අධ්‍යාපනයක් ලබාදීමෙන් අනතුරුව අප්‍රිකාවේ රටවල් 14 ක සූර්ය බලශක්ති ව්‍යාපෘති ආරම්භ කිරීමට පියවර ගත්තා. එයින් එක් රටක අවම වශයෙන් පුද්ගලයින් 5000 කට රැකියා උත්පාදනය කිරීම ඔහුගේ අපේක්‍ෂාව වනවා.

දැනට ලොව ජනප්‍රියම පොප් ගායකයෙක් වන එකෝන් සිය අත්දැකීම් ඇසුරින් ලියන ලද ගීත ගණනාවක් ගායනා කරන බව ප්‍රසිද්ද කරුණක්. can't be, Right now මේ අතරින් වඩාත් ජනප්‍රිය ගීත දෙකක් වනවා. අදටත් ඔහුගේ සෑම ගීතයකටම යූ ටියුබ් නරඹන්නන් ගණන මිලියන නවසියයකට අධිකයි. ඒ වගේම ඒ සෑම ඇමරිකානු ඩොලරයක්ම බැරවෙන්නේ Akon lightning Africa වැඩසටහනට වීමත් විශේෂත්වයක්.

ඉතින් හමේ පාට ගැන ඉපදුනු තැන ගැන වද වෙලා ජීවිතේ දේවල් අතාරිනවා නම් එකොන් දිහා බලන්න..... ඉරණම වෙනස් කරන්න ඒ කිසිම දෙයක් බලපාන්නේ නැතිබව ඔබට තේරුම් ගන්න පුළුවන් වෙයි.

කවුරුත් දන්න ශර්ලොක් හෝම්ස් ගැන නොදන්න කතා හතක්....

2021-11-25T03:18:00.006-08:00

ෂර්ලොක් හෝම්ස් කියන්නේ රහස් පරීක්ෂක කතා කියවන අය අතර ජනප්‍රිය චරිතයක්. ඒ වගේ එදා මෙදා තුර බිහිවුණු හොදම රහස් පරීක්ශකයා කිව්වත් වරදක් නෑ. ආතර් කොනන් ඩොයිල් අතින් ලියවුණු හොදම කෘතිය විදියට සැලකෙන ශර්ලොක් හෝම්ස් ජනතාව අතරට පත්වනතුරු පැමිණි ගමන් මගත් ඒතරම් සුන්දර එකක් නෙවෙයි. ප්‍රතික්ශේප වීම් ගණනාවකට මුහුණ දුන්න නමුත් අද වෙද්දි ලෝකයේ අංක එකේ පරිවර්ථනයක් ලෙසත් ශර්ලොක් හෝම්ස් කතා පිලිගැනෙනවා. ස්කොට්ලන්ඩ්යාර්ඩ් රහස් පරීක්ශකයන් අනිවාර්යයෙන් කියවියයුතු පොතක් විදියටත් ශර්ලොක් හෝම්ස් පිළිගැනෙනවා.

කොහොම වුණත් අද මේ කියන්න හදන්නේ ශර්ලොක් හෝම්ස් පොත් ගැන නම් නෙවෙයි. මේ කියන්න හදන්නේ ශර්ලොක් හෝම්ස් කියන චරිතය ගැනයි. ඇත්තම කිව්වොත් ආතර් කොනන් ඩොයිල් මේ චරිතය නිර්මාණය කරද්දි කියවන කෙනා තුල අපූර්ව හැගීමක් ඇතිවන ආකාරයෙන් චරිතය නිර්මාණය කරන්න උත්සහ කරලා තියෙනවා. විශේෂයෙන්ම හෝම්ස් "කාන්තාවන් කෙරෙහි දක්වන ගෞරවාන්විත බව, ඔහු සතු මහත්මා ගුණය, යම් අරමුණක් ඔස්සේ සිදුකරන හබායාම, එක අරමුණක සිත පිහිටුවා ගැනීමේ හැකියාව, බාර ගත් කටයුත්ත සාර්ථකව අවසන් කිරීම, රහස්‍ය භාවය ආර්ක්ශා කිරීම, සාධාරණ අය කිරීම්, නිතර හොද මතකයක් තබා ගැනීම, සෑම විශය ක්ශේත්‍රයක් ගැනම ඇති උනන්දුව සහ දැනුම, අනෙක් මත ඉවසීම" වගේ ධනාත්මක ගුණාංගයන් ඔහු පාඨකයාගේ හදවතේ වීරයෙක් වන්නට හේතුවෙලා තියෙනවා.

ඒ වගේම ශර්ලොක් හෝම්ස් සතු තවත් අපූර්ව ගුණාංග බොහෝමයක් තිබෙනවා. ඉතින් අද අපි කියන්න සූදානම් වෙන්නේ ශර්ලොක් හෝම්ස් ගැන අපූරු කතා දහයක්. මේ සමහර කතා දැනටමත් ඔයා දන්නවා ඇති. ඒ වගේම අලුත් දේවලුත් දන්නවා ඇති. මෙතන නැති අලුත් දේවල් තියෙනවා නම් පහලින් ලියාගෙන යන්න.

01. ෂර්ලොක් හෝම්ස් කියන්නේ එයාගේ ඇත්තම නමද?

ඇත්තටම හෝම්ස් ගේ ඇත්තම නම මේක නෙවෙයි. ඇත්තටම කොනන් ඩොයිල් මුලින්ම හෝම්ස් ට දැම්මේ ශෙරින්ෆීල්ඩ් කියලා නමක්. මේ නම ඒ කාලේ ජනප්‍රිය ක්‍රිකට් ක්‍රීඩකයෙකුගේ නමක්. කොනන් ඩොයිල් කියන්නෙත් හොද ක්‍රිකටර් කෙනෙක් නිසා එයා වැඩියෙන්ම කැමති උනේ මේ නම දාන්න. ඒත් ඒ නම පාඨකයන්ට ඒ තරම් හුරු නොවෙන නිසා තමයි අන්තිමට ශර්ලොක් කියන නම යොදාගන්න සිදුවුණේ.

02. අදහස ආවේ කවදද?

කොනන් ඩොයිල් තමන්ගෙ පළමු රහස් පරීක්ෂක කතාංගය වන ස්කාර්ලෙට් අභිරහස පිළිබද කතාව ලියන්නේ අවුරුදු 27 දී. මේ චරිතය නිර්මාණය කරන්න හේතුවෙන්නේ ඒ කාලේ විශ්වවිද්‍යාලයෙ ඉගැන්වූ මහාචාර්ය ජෝශප් බෙල් ගේ චරිතය. ඔහු රෝගීන්ට ප්‍රතිකාර කරන ආකාරය, ඔවුන් පරික්ශා කරන ආකාරය, නිගමන ලබාගන්න ආකරය අධ්‍යනය ඇසුරෙන් තමයි ශර්ලොක් හෝම්ස් චරිතය නිර්මාණය වෙන්නේ. ඒ වගේම ඒ වෙද්දි වඩාත් ජනප්‍රිය වුණු එඩ්ගා ඇලන් ෆෝ ගේ කතාත් හෝම්ස් නිර්මාණය වෙන්න හේතුවුණා.

03. ඔස්කාර් වයිල්ඩ් හමුව

කොනන් ඩොයිල් තමන්ගේ පළමු කතාංගය ලිව්වට පස්සේ ටික කාලයක් යනකොට ඒ කතාව Lippincots මාසික සගරාවෙ පළකරන්න එහි කතුවරයා කැමති වුණා. මේ කතාව පළවුණාට පස්සෙ සගරාවෙන් සූදානම් කල රාත්‍රි බෝජන සංග්‍රහයකට යන්න අවස්තාව ලැබුණු කොනන් ඩොයිල් එතනදි තමයි මුල්වරට ඔස්කාර් වයිල්ඩ් හදුනාගත්තේ. මේ හමුවීම කොනන් ඩොයිල්ට මොනතරම් බලපෑමක් වුණාද කියනවා නම් ඔහුගේ The Picture of Dorian Gray නවකතාව ප්‍රකාශයට පත්වුණු වසරේම කොනන් ඩොයිල්ගේ සිව්රහස් සලකුණ කෘතියත් ප්‍රකාශයට පත්වුණා.

04. හෝම්ස් ගේ තොප්පිය

ඇත්තම කියනවා නම් ශර්ලොක් හෝම්ස් කවදාවත් තොප්පියක් දාපු කෙනෙක් නෙවෙයි. මේ කතාංගය කාලයත් එක්ක ලොව පුරා ප්‍රචලිත වෙනකොට ඒ කාලේ හිටපු දක්ශ කාර්ටුන් ශිල්පියෙක් වුණු Sidney Paget හෝම්ස් ගේ චිත්‍රයක් නිර්මාණය කලා. මේ චිත්‍රයේ තමයි ප්‍රථම වරට හෝම්ස් තොප්පියක් දාගෙන ඉන්නවා දකින්න ලැබෙන්නේ. ඔහු ඒ විදියට හෝම්ස්ට තොප්පියක් දාන්නේ ඒ කාලේ ග්‍රාමීය ප්‍රදේශවල, ගොවිතැන් කටයුතු කරන සමාජවල හා සාමන්‍ය වැසියන් වැඩියෙන් සිටින රටවල මේ වර්ගයේ තොප්පි ජනප්‍රිය වෙලා තිබුණු නිසා. එයින් ඔහු බලාපොරොත්තු උනේ හෝම්ස් ඉක්මනින් ඒ සමාජයට සමීප කරවීම. නමුත් ඒ චිත්‍රය එතැනින් නැවතුනේ නෑ. රහස් පරීක්ශකයෙක් නම් එයා තොප්පියක් දාන්න ඕන වගේ දේකුත් එයින් සමාජගත වුණා. ඒ කියන්නේ අබිරහසක් විසදනවා නම් තොප්පියක් ඔලුවෙ තියෙන්නම ඕන වගේ මතයක් එයින් සමාජයේ පැළපදියම් වුණා.

05. වැඩිම චිත්‍රපට ගණනාවකටත්

ලෝකයේ වැඩිම චිත්‍රපට ගණනාවක් සදහා යොදාගත් මංකල්පිත චරිත අතර පළමු තැන හිමිවෙන්නේ ඩ්‍රැකියුලා කියන චරිතයට. ඒ අනුව ඩ්‍රැකියුලා චරිතය චිත්‍රපට 239කට යොදාගෙන තිබෙනවා. ඉන් අනතුරුව වැඩිම වාර ගණනක් චිත්‍රපට නිර්මාණය වෙලා තියෙන්නේ හෝම්ස් ගේ චරිතයට. ඒ අනුව ශර්ලොක් හෝම්ස් පිළිබද චිත්‍රපට 232 ක් නිර්මාණය වෙලා තියෙනවා. නමුත් මනුශ්‍ය චරිතයක් විදියට ගත්තාම වැඩිම වාර ගණනක් චිත්‍රපටයට නැගුනු මනංකල්පිත චරිතය වෙන්නේ ශර්ලොක් හෝම්ස් චරිතයයි.

06. ෂර්ලොක් හෝම්ස් කියන්නේ ඇත්තක්ද බොරුවක්ද

එංගලන්තයේ සිටින වැඩිහිටියන් වගේම තරුණ පරම්පරාවත් හිතාගෙන ඉන්නේ ශර්ලොක් හෝම්ස් කියන්නේ ඇත්තටම හිටිය කෙනෙක් කියලයි. ඇත්තම කියනවා නම් දෙවනි ලෝක යුද්ධය නවත්තපු වින්ස්ටන් චර්චිල් කියන්නේ බොරු එහෙමත් නැත්නම් මනංකල්පිත චරිතයක් කියලත් ඒයාලා හිතාගෙන ඉන්නවා.

07. හෝම්ස් හැම විටම සාර්ථකද?

ශර්ලොක් හෝම්ස් කියන්නේ දක්ශ රහස් පරීක්ශකයෙක් බවට කිසිම විවාදයක් නෑ. හැබැයි හෝම්ස්ටත් වැරදුනු තැන් හතරක් පිළිබදව සදහන් වෙනවා. මෙයින් එක් වතාවක ඔහු පරදින්නේ කාන්තාවකට. ඇය නමින් අයිරින් ඇඩ්ලර්. බොහිමියාවේ වංශවතාගේ අභිරහස කියවලා තියෙනවා නම් ඇයව මතක ඇති. "ඇය අපූරු ගැහැණියක්" වොට්සන් අයිරින් ඇඩ්ලර් ගැන කතා කරන හැම වෙලාවකම හෝම්ස් කියන්නේ එහෙම.

හමුදා සෙබළුන් පණපිටින් වැලලූ Operation Tracer මෙහෙයුම

2021-11-25T03:13:00.005-08:00

යුරෝපයේ දකුණු බටහිර කෙළවරේ බ්‍රිතාන්‍ය වෙරල තීරයක උස්ව නැගී සිටින සුවිසල් තනි හුණුගල් පර්වතයක් ඇත. මේ හුණු ගල් පර්වතයේ නම “ජිබ්‍ර්ල්ටාර් පර්වතයයි”. ශත වර්ෂ ගණනාවක් තිස්සේ බ්‍රිතාන්‍යයට තිබුණු ස්වාභාවික ආරක්ෂක බලකොටුව වූයේද මේ “ජිබ්රල්ටාර්” පර්වතයයි. 18 වන සියවසේදී ඇමරිකානු කැරැල්ල අතරතුරදීද, පසු කාලීනව දෙවන ලෝක යුද්ධ සමයේදීද බ්‍රිතාන්‍ය හමුදාව විසින් සතුරු හමුදාවන්ගෙන් එල්ල විය හැකි ප්‍රහාර වලින් ආරක්ෂා වීමට මෙම පර්වතය තුළ සංකීර්ණ උමං ගොඩනැගිලි පද්ධතියක් ඉදි කරන ලදී. ජිබ්‍රල්ටාර්වේ ඇතුලත ඇති කිලෝමීටර් පනහකට වඩා දිග උමං පද්ධතිය කලෙක තුවක්කු, පුපුරණ ද්‍රව්‍ය පමණක් නොව, හමුදා බැරැක්ක හා හමුදා රෝහල් වලින් පවා සමන්විත අංග සම්පූර්ණ හමුදා මූලස්ථානයක්ව තිබිණ.

දෙවන ලෝක යුද්ධය අවසන් වීමෙන් පසු ජිබ්‍රල්ටාව ගැන අමුතු කතාවක් පැතිරෙන්නට විය. මිනිසුන් හය දෙනෙකු රදවා තැබිය හැකි, පිටතින් අගුළු ලන රහස් උමගක් ජිබ්‍රල්ටාර් පර්වතය තුළ ඇති බවයි ඒ. එසේ උමං තුළ රදවන පුද්ගලයින් හය දෙනා බ්‍රිතාන්‍ය නාසි පාලනයට යටත් වන අවස්ථාවක් වේ නම් එතැන් සිට වසරක කාලයක් පුරාවට උමග තුළ වසන් වී සිට ජර්මානුවන්ගේ ක්‍රියාකාරකම් පිළිබදව ඔත්තු බලන්නට නියමිතව තිබුණු බවත් කියවුණු කට කතා පැතිරෙන්නට විය.

මේ රහස් ඔත්තු කාරයින්ගේ උමග ගැන තොරතුරු වසර ගණනාවක් තිස්සේ මිනිසුන්ගේ කටකතා වලටම පමණක් සීමා විය. එහෙත් ගවේෂකයෝ වසර ගණනාවක් තිස්සේ මේ රහස් උමග සොයා ගැනීමේ බලාපොරොත්තුවෙන් ජිබ්‍රල්ටාවේ ඇතුලත උමං මාර්ග වල අහුමුලු නෑර පිරික්සූහ. එහෙත් දෙවන ලෝක යුද්ධය නිමාවට පත්ව වසර පනහක් පමණ ගත වන තුරුම එවන් රහස් උමගක් ගැන හෝඩුවාවක්වත් ජිබ්‍රල්ටාවෙන් හොයා ගන්නට කිසිවෙකු සමත් වූයේ නැත.

1997 අවුරුද්දේ අවසන් මාස කිහිපය තුළ ජිබ්‍රල්ටා උමං ගවේෂණයට ගිය Gibraltar Caving Group නම් ගවේෂක කණ්ඩායමට එක් උමගක් තුළදී කොහෙන්දෝ හමා ආ නැවුම් සුළං රැල්ලක පහස විදින්නට ලැබිණ.

පර්වතය තුළට සැතපුම් ගණනක් ඇවිත් තිබියදී උමග තුළින් එළි මහනක ඇති අන්දමේ සුලං රැල්ලක් හමා ඒම ගැන සැක පහල කළ ගවේෂක කණ්ඩායම එම සුලං රැල්ල ආ දිශාව ඔස්සේ ගවේෂණ කටයුතු මෙහෙයවන්නට වූහ. ඒ ගවේෂණ වල ප්‍රතිඵලය වූයේ ජිබ්‍රල්ටා පර්වතයේ දකුණු කෙළවරට වන්නට පිහිටා තිබුණු විශාල උමං කාමර සංකීර්ණයක් සොයා ගන්නට හැකි වීමය. ගවේෂකයින්ට හමුවූ අමුතු ගඩොල් බිත්තියකින් ගඩොල් ඉවත් කර බැලූ විට ඉන් ඔබ්බෙහි වූයේ නිරීක්ෂණ කුටි කිහිපයකි. සීතලත්, ශබ්ද කම්පනත් මැනවින් පාලනය කරගත හැකි වන අන්දමට මේ නිරීක්ෂණ කුටි වල පොලවත් බිත්තිත් සාදා තිබුණේ ලී පතුරු වලිනි. ගුවන් විදුලි සංඥා කම්බියක හා බයිසිකල් රෝදයක සුන්බුන්ද එහි ඉතිරිව තිබිණ.

මේ අපූරු රහස් ඔත්තු කුටි සමූහය ඊට වසර ගණනාවකට පෙර “Operation Tracer” නම් වූ බ්‍රිතාන්‍ය හමුදාවේ අතිශය රහසිගත මෙහෙයුමක ප්‍රතිඵලයක් විය.
“ඔපරේෂන් ට්‍රේසර්” නිර්මාණය වූයේ දෙවන ලෝක යුධ සමයේ අසීරුතම කාල සීමාවක් තුළදීය. 1940 දී ප්‍රංශය ජර්මානුවන් අතට පත් විය. මධ්‍යධරණී මුහුදේ නාවික මෙහෙයුම් හසුරුවන්නට ජිබ්‍රල්ටාව තමන්ගේ පාලනය යටතට ගන්නට අදහසක්ද හිට්ලර්ට තිබිණ. මේ තර්ජනය ගැන ඉව වැටුණු බ්‍රිතාන්‍ය හමුදාවේ බුද්ධි නිලධාරීන් විසින් Operation Tracer නිර්මාණය කරන ලදී.

බ්‍රිතාන්‍ය නෞකා බලස්ථානයේ නාවුක බුද්ධි අංශයේ අධ්‍යක්ෂක වූ රියර් අද්මිරාල් ජෝන් හෙන්රි ගොඩ්ෆ්‍රි මේ සදහා වෙනස්ම ආකාරයේ යෝජනාවක් ගෙන ආවේය. ජිබ්‍රල්ටාව සතුරු හමුදාවන්ගේ අතට පත් වුවද ජිබ්‍රල්ටාවේම රහස් තැනක සැගවී සිට සතුරු හමුදාවේ ක්‍රියාකාරකම් නිරීක්ෂණය කරන්නටත්, ඒ ක්‍රියාකාරකම් පිළිබදව බ්‍රිතාන්‍ය හමුදාව දැනුවත් කරන්නටත් හැකි ආකාරයේ රහස් කුටි කීපයක් නිර්මාණය කරන්නට ඔහු යෝජනා කළේය.

මේ රහස් කුටි ජිබ්‍රල්ටාවේ කෙළවර, වරාය නිරීක්ෂණය කරන්නට හැකි අන්දමට පර්වතයේ කුඩා විවර දෙකක් ආවරණය වන පරිද්දෙන් නිර්මාණය කරන්නට තීරණය විය. මේ කුටි බාහිරින් සීල් කරන්නට පෙර ඔත්තු බලන නිලධාරීන් හය දෙනෙකු මේ කුටි වලට ඇතුලත් කෙරෙයි.

මෙසේ තමන්ව රහස් ඔත්තු කුටි වලට දමා සීල් තබනවාටත්, එතැන් සිට සතුරු හමුදාවද ලැගුම් ගෙන සිටින පර්වතයේම සැගවී සිට තම මව් රට වෙනුවෙන් ඔත්තු බලන්නටත් කැමැත්තෙන් ඉදිරිපත් වුණු බ්‍රිතාන්‍ය බුද්ධි නිලධාරීන් හය දෙනෙකුත් තෝරා ගැනිණ. ඔවුනට වසරක කාලයක් පුරා දිවි රැකගන්නට ප්‍රමාණවත් ආහාර, බෙහෙත් ජලය හා අත්‍යවශ්‍ය ද්‍රව්‍ය සියල්ල මේ කුටි තුළ තැන්පත් කෙරෙයි. මේ නිලධාරීන් හය දෙනා මේ කුටිය තුළට ඇතුලත් කළ පසුව පිටතින් සීල් තැබෙන බැවින් ඔවුන්ට පිට වීමට කිසිදු අවකාශයක් නැත. එතැන් සිට වසරක කාලයක් තුළ ඔවුන් මේ කුටියේ රැදී සිටිය යුතු අතර, ඒ කාලය තුළ කිසිවෙකු මිය ගියහොත් ඒ මියගිය තැනැත්තාගේ මළ සිරුර මේ කුටිය තුළම පොළවේ වල දැමිය හැකි ආකාරයට බිමද සකස් කෙරෙයි.

වසරක් ඇතුලත ජර්මානු හමුදාවන් පරාජය කරන්නට බ්‍රිතාන්‍ය හමුදාවට හැකි වුවහොත් මේ නිලධාරීන් හය දෙනාට දිවි ගලවා ගන්නට හැකිය. එසේ නොහැකි වුවහොත් ඔවුන්ට සිදුවනුයේ මේ උමං කාමර තුළදීම තම ජීවිතය නිමා කරන්නටය.

සැබවින්ම මෙය දිවි නසා ගැනීමේ මෙහෙයුමක් වැනිය. වෙනත් වචන වලින් කිවහොත් “පණ පිටින් වැලලීමේ” මෙහෙයුමකි. මේ සියදිවි නසා ගැනීමේ මෙහෙයුමට බ්‍රිතාන්‍ය හමුදාවේ නිලධාරීන් හය දෙනෙකු ස්ව කැමැත්තෙන්ම ඉදිරිපත් වූහ. ඒ අතරින් දෙදෙනෙකුම වෛද්‍යවරුන් වූහ. සංඥා නිලධාරීන් තිදෙනෙකුද, එක් ප්‍රධාන විධායක මෙහෙයුම් නිලධාරියෙකුද මෙයට එක් වූහ. ඔවුන් මේ මෙහෙයුමට සහභාගි වෙන්නට පොරොන්දු වන තුරු මෙහෙයුම ගැන වැඩිදුර විස්තර ඔවුන්ටවත් හෙලි කෙරුණේ නැත.

රහස් උමං කුටි වල ඉදි කිරීමේ කටයුතු 1941 දෙසැම්බර් මාසයේදී ඇරඹුණි. 1942 මුල් භාගය වන විට රහස් උමං පද්ධතියේ ඉදිකිරීම් කටයුතු අවසන්ව තිබිණ. අඩි 45ක් දිග, අඩි 16ක් පළල සහ අඩි අටක් උස කුටියක්ද, ජිබ්‍රල්ටාර් වෙරලත්, මධ්‍යධරණී මුහුදත් නිරීක්ෂණය කළ හැකි කුඩා කවුලු සහිත පටු නැරඹුම් තීරු දෙකක්ද, නාන කාමරයක් හා ගුවන්විදුලි සංඥා කුටියක්ද, විශාල ගැලුම් 10,000ක ධාරිතාව ඇති ජල ටැංකියක්ද, ජෙනරේටර් දෙකක්ද ඇතුළුව මෙම රහස් උමං කුටි පද්ධතිය නිර්මාණය විය.

මෙකී කුටි වල සිට බ්‍රිතාන්‍ය නාවික හමුදාවට සතුරු හමුදාවේ ක්‍රියාකාරකම් පිළිබදවද, වසරක කාලයක් තුළ මෙම කුටි වලට සීමා වී රැදී සිටින අයුරු පිළිබදවද දීර්ඝ පුහුණුවක් තෝරාගත් නිලධාරීන් හය දෙනෙකුටද දෙනු ලැබිණ.

1942 වසරේ මැද වන විට මේ “පණපිටින් වැලලීමේ මෙහෙයුම”ට අවශ්‍ය සියලු භෞතික හා මිනිස් සම්පත් සූදානම් ව තිබිණ. එමෙන්ම ඒ වන විටත් බ්‍රිතාන්‍ය හමුදාව විසින් තීරණය කොට තිබුණේ ඉදිරියේදී ඇති වන යුද්ධයකදී වුවත් භාවිතයට ගැනීමට හැකි වන පරිදි අනාගතයේදී මෙම රහස් කුටි සංවර්ධනය කොට නිර්මාණය කරන්නටය.
වාසනාවකට මෙන් මේ පණපිටින් වැලලීමේ මෙහෙයුම ක්‍රියාත්මක කරන්නට අවකාශයක් ලැබුණේ නැත. ඇඩොල්ෆ් හිට්ලර්ගේ අවධානය ජිබ්‍රල්ටාවෙන් ඉවතට යොමු විය. මෙහෙයුමට සූදානම් කොට ස්ථාන ගත කල ද්‍රව්‍ය එතැනින් ඉවත් කර ගැනිණ.

දෙවන ලෝක යුද්ධයත් ඉවර වී වසර පනහකට පසුව 1997 දී මෙම උමං කුටි සොයා ගැනීමෙන් පසුව මේ උමං කුටි බලන්නට තවත් විශේෂ අමුත්තෙකුද ආවේය. ඒ Operation Tracer මෙහෙයුමට සහභාගි වෙන්නට නියමිතව සිටි නිලධාරින් අතරින් එක් අයෙකු වූ ලුතිනන් කොමාන්ඩර් බෲස් කූපර්ය. ඒ වන විට ඉතිරි නිලධාරින් පස් දෙනා ජීවතුන් අතර නොවූහ. ලුතිනන් බෲස් කූපර් ඒ වසර පනහක කාලය තුළම Operation Tracer රහසක්ව තබා ගෙන උන්නේය. 2008 වසරේදී ලුතිනන් බෲස් කූපර්ද මෙලොව හැර ගියේය. එහෙත් Operation Tracer හි නටඹුන් ජිබ්‍රල්ටා පර්වතය තුළට අදටත් සංචාරකයින් අද්දවන කාන්දමකි.

Ranjith P Bandara

දෙවනි ලෝක යුද්ධයේ අදුරුම දින දහය

2021-11-25T03:09:00.000-08:00

දෙවන ලෝක යුද්ධය පිළිබදව ඔබ දැනටමත් බොහෝ තොරතුරු දැනගෙන අවසානයි. මේ ගැන ලියවුණු පොත් පත්, ලිපි, නවකතා, චිත්‍රපට, කෙටි චිත්‍රපට, වාර්තා වැඩසටහන් වගේම තොරතුරු ලබාගත හැකි තවත් මූලාශ්‍ර උවමනා තරම් සොයාගන්න පුලුවන්. ඉතින් අද මේ කියන්න යන්නේ එවැනි මූලාශ්‍ර මගින් සොයාගත් තොරතුරු කිහිපයක්. යුධ ඉතිහාසය හා මානව ඉතිහාසයේ සිදු වූ සිදුවීම් පිළිබදව උනන්දුවක් දක්වන ඔබට මේ තොරතුරු ප්‍රයෝජනවත් වෙයි.

වර්ෂ 1939 සැප්තැම්බර් මාසයේ පළමුවැනිදා ආරම්භ වුණු දෙවන ලෝක යුද්ධය, 1945 වසරේ සැප්තැම්බර් දෙවනිදා දක්වා පුරා වසර හයක් ඇදී ගිය බව ඔබ දන්නවා. නමුත් දෙවනී ලෝක යුද්ධයේ අමිහිරි සිදුවීම් පිළිබදව කතා කරන විට ඒ ඒ වසරවල සුවිශේෂී ප්‍රහාර මාලාවන් සිදුව තිබෙන බව හදුනාගන්න පුලුවන්. ඒ වගේම 1939 ට පෙර සිටම දෙවනි ලෝක යුද්ධයට සම්බන්ධ රටවල් ඒ සදහා පිඹුරුපත් සැකසු ආකාරයත් මෙයින් අවබෝධ කරගත හැකියි. මහාචාර්ය ජෙරමි බ්ලැක් ට අනුව දෙවන ලෝක යුද්ධයේ ප්‍රධාන සිදුවීම් වලට අදාල දින වකවානු මේ විදියට වර්ග කරන්න හැකියාව තිබෙනවා.

01. 1937 ජූලී 07 - මාර්කෝ පෝලෝ ප්‍රහාරය

දෙවන ලෝක යුද්ධය ආරම්භ වෙන්නේ 1939 වුණත් ඒ හා සම්බන්ධ පළමු ප්‍රහාරය සිදුවෙන්නෙ 1937 දී. එය සුප්‍රකට මාර්කෝ පෝලෝ ප්‍රහාරය කියලත් හදුන්වනවා. ජපානය විසින් මේ වසරේ ජූලී 7 සහ 8 දින දෙකෙහි චීනයේ මාර්කෝ පෝලෝ පාලම කිට්ටුවට පැමිණ තිබුණා. යුදමය කාරණාවලට වඩා "ජාතිකත්වය" යන්න ඉස්මතු කරගෙන තිබුණු නිසාම දෙරට අතර ජාතිය හා අධිරාජ්‍යවාදය පිළිබදව ඝට්ටනයක් පැවතුනා. මාර්කෝ පෝලෝ පාලම අසල සටනට මූලික වූයෙත් මෙයයි. එයින් සෙබලුන් හතර දෙනෙකු මියගිය අතර දේපල හානි රැසක් සිදුවුණා.

02. 1940 මැයි 10 - බෙල්ජියම් නෙදර්ලන්ත ආක්‍රමණය.

1939 - 1940 කාලවකවානුවේ අධික සීතල දේශගුණයක ජර්මනිය බෙල්ජියමට හා නෙදර්ලන්තයට ප්‍රහාර මාලාවක් දියත් කලා. මේ වෙද්දි ජර්මනියේ ප්‍රධාන අරමුණ වූයේ සම්පූර්ණ යුරෝපයම සිය අණසකට යටත් කරගැනීමයි. නමුත් මිත්‍ර පාර්ශවයේ රටවල් වූ බ්‍රිතාන්‍ය සහ ප්‍රංශය මේ පිළිබදව කලකිරීමෙන් පසුවුණා. එයට හේතුව වුණේ ජර්මනියේ තේරුමක් නැති ආක්‍රමණ නිසා නිරපරාදේ හමුද නිලධාරින් මරණයට පත්වීමයි.

03. 1940 අගෝස්තු 12 - බ්‍රිතාන්‍ය සටනට පිවිසීම

ජර්මන් එයාර් බස් කිහිපයක් සිය මව් රට ආක්‍රමණයට පැමිණෙන බව සැලවීමත් සමග බ්‍රිතානය RAF (Royal Air Force) හෙවත් රාජකීය ගුවන් හමුදාව ඒ සදහා සූදානම් වුණා. මෙම ප්‍රහාරය පෙර දැනුම් දීමක් මගින් සිදුකල පලමු ගුවන් ප්‍රහාරය ලෙස ඉතිහාස ගත වෙනවා. The Luftwaff හෙවත් ජර්මානු ගුවන් හමුදාවේ මූලික අරමුණ වූයේ බ්‍රිතානය සිවිල් වැසියන් ඉලක්ක කර ගුවනින් බෝම්බ හෙලීමයි.

04. 1941 ජූනි 22 - බාර්බරෝසා මෙහෙයුම

මේ වනවිට හිට්ලර් ප්‍රමුඛ ඔහුගේ නාසී හමුදාව සිය සාර්ථකත්වය පිළිබදව උවමනාවටත් වඩා උද්දාමයට පත්ව සිටියා. මේ නිසාම ලගින් ලග රටවල් කිහිපයක් ආක්‍රමණය කිරීමට ඔවුන්ට තිබුණේ දැඩි උනන්දුවක්. එහි ප්‍රතිපලයක් ලෙස ඔවුන් බාර්බරෝසා ආක්‍රමණය සදහා සූදානම් වුණා. සේනාංක 151ක්, සහයට පැමිණි පින්ලන්ත හමුදා බලඇණි 14ක්, රුමේනියානු බලඇණි 13ක්, මිලියන 3.6 ක හමුදාවක්, යුධ ටැංකි 3350ක් හා ගුවන් යානා 1950ක් සමග ඔවුන් බාබරෝසා වෙත පැමිණියා.

05. 1941 දෙසැම්බර් 07 - පර්ල් වරායට එල්ල කල ප්‍රහාරය.

ජපානය විසින් ඇමරිකාව වෙත සිදුකල පළමු ප්‍රහාරය වන්නේ මෙයයි. ඇමරිකාවේ සුවිශේෂීම නාවික කේන්ද්‍රස්ථානයක් වූ පර්ල් වරායට එල්ල කල ප්‍රහාරය ඇමරිකාවට දරාගත නොහැකි මට්ටමේ ආක්‍රමණයක් වුණා. ඒ වගේම එය කිසිසේත්ම බලාපොරොත්තු නොවුනු ප්‍රහාරයක් මෙන්ම එය ඇමරිකානු යුධ ශක්තිය හෑල්ලුවට ලක්කිරීමක්ද වුණා. මෙම ප්‍රහාරයෙන් ඇමරිකාවේ වටිනා නාවුක යාත්‍රා රැසක්ද විනාශ වුණා.

06. 1942 ජුනී 02 - ඇමරිකාවේ ජපාන ප්‍රහාරය

තමන්ට එල්ල කල ප්‍රහාරයට පිළිතුරක් ලෙස එයින් හරියටම මාස හයකට පසුව ඇමරිකාව සිය පළමු ගුවන් ප්‍රහාරය එල්ල කලා. ඔබ Midway චිත්‍රපටය නරඹලා තිබෙනවා නම් මේ ගුවන් ප්‍රහාර මාලාව පිළිබද සිදුවීම ඔබට නරඹන්න පුලුවන්. ප්‍රහාරයෙන් ජපාන යුධ නෞකාවක් වුණු මිකුමා නෞකාව සම්පූර්ණයෙන්ම විනාශ වුණා.

07. 1943 ජූලී 05 -

සීත සමයේ සෝවියට දේශයට පහර දීමට තීරණය කල ජර්මනිය ඒ සදහා අවශය සියලුම යුධ කටයුතු සම්පාදනය කලා. මේ වනවිට සියලුම යුද ආක්‍රමණවලින් ජයගෙන තිබුණු නිසා ජර්මනියට තමන් පිළිබදව තිබුනේ අහේතුක උද්දාමයක්. නමුත් ඔවුන්ගේ මෙම ආක්‍රමණය සාර්ථක වුණේ නැහැ. ඒ විතරක් නෙවෙයි මෙයින් ඔවුන්ට සෑහෙන යුධ සෙබලුන් ප්‍රමාණයක් අහිමි වුණා.

08. 1944 ජූනී 06 - D Day

සුප්‍රකට D Day ලෙස හදුන්වන දිනය යෙදෙන්නේ මෙදිනටයි. එය ජර්මනිය විසින් ප්‍රංශයේ නෝර්මැන්ඩ් ප්‍රදේශය ආක්‍රණය කිරීම ලෙසත් හදුන්වන්න පුලුවන්. බ්‍රිතාන්‍යයට සමීප නිසාත් යුරෝපයේ අනෙක් කෙලවරට යාමට හැකිවීමත් නිසා ජර්මනියට මෙම ආක්‍රමණය ඉතාම වැදගත් වුණා.

09. 1944 ඔක්තෝබර් 23 26 - පිලිපීන ප්‍රහාරය

ඇමරිකාවට නැවත ජපානය ඇතුලු පෙරදිග රටවල් ආක්‍රමණය කිරීමට අවශ්‍ය වුණු අතර එහි පලමු පියවර වුණේ පිලිපීන ආක්‍රමණයයි. පිලිපීනය යටත් කරගැනීම මගින් ජපානයට ප්‍රහාර එල්ල කිරීම ඔවුන්ගේ අරමුණ වුණා.

10. 1945 අගෝස්තු 09 - නාගසාකි ප්‍රහාරය

ලොව පළමු න්‍යශ්ටික ප්‍රහාරය වන්නේ මෙයයි. එසේම එය මානව ඉතිහාසයේ කලු පැල්ලමක් ඉතිරි කල කෲරතර හා අමානුශීයම ප්‍රහාරයද වනවා.

ඔබත් මිලේච්ඡ මෝඩයෙක් ද

2021-11-22T22:51:00.006-08:00

ස්පාඥ්ඥ ගොන් පොර ගැන අහලා තියෙනවා නේද? හොඳින් වැඩුණු ''බුල්" ගවයින් යොදාගෙන කරන මේ ක්‍රිඩාව ක්‍රිස්තු වර්ෂ 722 ක දක්වා කාලයට දිවයනවා. ඒ කාලේ ස්පාඥ්ඥයේ රජ කරපු අල්ෆොන්සෝ කියන රජතුමාගේ අඥ්ඥාවක් පරිදි තමයි මේ ක්‍රිඩාව පටන් අරගෙන තියෙන්නේ. ඒ වගේම ස්පාඥ්ඥයට යටත් වුණු මෙක්සිකෝව, කොලොම්බියා, ඉක්වදෝරය වගේ රටවලටත් ගොන් පොර ක්‍රිඩාව පැතිර ගියා. මෙය අයත් වෙන්නේ මළල ක්‍රිඩා කාණ්ඩයට. මෙහිදී ගවයන් ඇවිස්සීම මඟින් කෝප ගන්වා ඔවුන් සමඟ තරගයට දිව යාම, සටන් කිරීම ආදිය සිදුවෙනවා. මෙයින් මිනිසුන්ටත් හානි සිදුවෙන්න පුළුවන්. නමුත් අවසාන තරගයේ දී ගවයා සමඟ සටන් කරන පුද්ගලයා විසින් ගවයා මරාදැමීම තමයි සිදුවෙන්නේ. ඒ සඳහාම නම ගිය ගොන්පොර ක්‍රිඩකයන් ඉන්නවා. ඒ වගේම මේක ප්‍රසයිඩන් නම් දෙවියාට කරන ගෞරවයක් ලෙස නිර්මාණය වුණු ක්‍රිඩාවක් බවත් අන්තර්ජාලයේ සඳහන්. මෙයින් වීරයා හා දුබලයා හඳුනාගැනීමත් අරමුණු කරනවා.

කොහොම වුණත් ගොන් පොර කියන්නේ ඇත්තටම ශිෂ්ඨ සම්පන්න සමාජයට හෝ මනුෂ්‍යත්වයට ගැලපෙන ක්‍රීඩාවක් නෙවෙයි. සත්ව හිංසනය අප කොහොමත් අනුමත කරන්න බැහැ. ඒ නිසාම ලොව පුරා වෙසෙන සත්ව සංවිධාන බොහෝමයක් මෙම ක්‍රිඩාවට විරුද්ධව කාලයෙන් කාලයට විවිධ වැඩසටහන්, විරෝධතා ආදිය සංවිධානය කළා. ඒ අතරතුර ලෝක සිනමාව, වේදිකාව හා කලාව ද මේ වෙනුවෙන් තමන්ට හැකි පමණින් දායක වුණා. අන්න එහි ප්‍රථිපලයක් තමයි ඔබ අපි කවුරුත් ආදරයෙන් වැළඳ ගත් ෆර්ඩිනැන්ඩ් චිත්‍රපටය.

හොලිවුඩයේ දී 2017 වසරේ උපන් ෆර්ඩිනැන්ඩ් චිත්‍රපටය පරිගණක සජීවිකරණ නිර්මාණයක්. මෙය බ්ලු ස්කයි ස්ටුඩියෝ හී නිෂ්පාදනයක් වගේම එය ප්‍රේක්‍ෂකයන් සඳහා බෙදාහැරීම සිදුකලේ 20 සෙන්චරි ෆොක්ස් ආයතනයෙන්. මේ චිත්‍රපයට සඳහා පාදක වුණේ 1936 දී රොබර්ට් එල් බර්ඩ් විසින් ලියන ලද ''ද ස්ටෝරි ඔෆ් ෆර්ඩිනැන්ඩ්'' නම් ළමා කතාවයි. මෙහි ෆර්ඩිනැන්ඩ් ගේ චරිතය සඳහා හඬ කැවීමෙන් දායක වෙන්නේ වෘත්තීමය රෙස්ලින් ක්‍රීඩකයෙක් වන ජෝන් සීනා යි.

චිත්‍රපටයේ පසුබිම් කතාව

පුංචි ෆර්ඩිනැන්ඩ් ඉපදෙන්නේ ගවපොර සඳහා නම් දරාපු ශූරයෙක් වුණු සෙනෝ මරිනෝස් ගේ නිවසේ. මේ නිවසේ තවත් ගොඩක් ගවයන් ඉන්නවා. ඒ අය ගොන් පොර සඳහා නගරයට යනවා. නමුත් ආපහු එන්නේ නැහැ. ෆර්ඩිනැන්ඩ් ගේ තාත්තත් ඒ විදියටම තරගයට යනවා. නමුත් ආපහු එන්නේ නැහැ. ෆර්ඩි ට ඕන වෙනවා මෙතනින් ගැලවෙන්න. පුංචි ෆර්ඩි තනියම බේරිලා යනවා. ෆර්ඩිට මේ ගමනෙදී හරිම අපූරු පවුලක් මුණගැසෙනවා. පුංචි ගැහැණු දරුවෙක් සහ එයාගේ තාත්තා වගේම එයාලා හුරතලයට ඇති කරන බලු පැටියා සහ එලිච්චියෙක් තමයි අවසානෙදි ෆර්ඩිගේ පවුලේ අය වෙන්නේ. නමුත් දවසක් සිදුවන අත්වැරදීමක් නිසා ෆර්ඩි ව ආයෙමත් සෙනෝ මරිනෝස් ට හසුවෙනවා. කතාව පටන් ගන්නේ එතනින්.

මිනිස්සු මිලේච්ඡයන් විදියට දකින මේ “බුල්” වර්ගයේ ගවයින් වුණත් ආදරය සෙනෙහස තිබෙන තැන්වල පුංචි දරුවන් තරම්ම අහිංසකයන් බව ෆර්ඩිනැන්ඩිගේ චරිතය තුළින් පෙන්වා දෙනවා. සතුන්ටත් මිනිස්සුන්ට වගේම ආදරය කරුණාව, නිදහස, ජීවත් වීමේ අයිතිය ලැබියයුතු බව තමයි මේ චිත්‍රපටය තවදුරටත් කියා දෙන්නේ. එ නිසාම මේ චිත්‍රපටය අැකඩමි සම්මානය සදහාත් නිර්දේශ වෙනවා. එ වගේම හියුමනිටි සම්මානය දිනාගන්නත් සමත් වෙනවා. මේ සම්මානය හිමිවෙන්නේ මනුෂ්‍යත්වය, අාදරය හා නිදහස උදෙසා නිර්මාණය වන චිත්‍රපට වෙනුවෙන්. අමතරව තවත් සිනමා සම්මාන නවයක් සදහාත් නිර්දේශ වුණා.

ටිකට් එකක් අරන් සත්තු වත්තට ගිහින් හිරකරලා ඉන්න සත්තුන්ට කෑම විසිකරලා කොලොප්පම් කරලා සතුටු වෙන මිනිස්සු වගේම, තමන්ගේ පාඩුවේ පැත්තකට වෙලා ඉන්න හරකෙක් අවුස්සලා මෝඩ විදියට සතුටු වෙන මිනිස්සු අතරෙත් ලොකු වෙනසක් නැහැ. මේ චිත්‍රපටය කුඩා දරුවන් වගේම වැඩිහිටි ඔබත් අනිවාර්යයෙන්ම නැරඹිය යුතු චිත්‍රපටයක්.

මොකද “මෝඩකම සහ මිලේච්ඡත්වය අතර තියෙන්නේ කෙස් ගහක වෙනසක්”

''අදියුරුවම ටයිටස් තොටවත්තගෙනි''

2021-11-19T03:32:00.004-08:00

“කවුරුද කවුරුද දැන් ලොක්කෝ

අපිමයි අපිමයි දැන් ලොක්කෝ”

ඒ කුඩා දරුවන් අතර කවදත් ජනප්‍රිය වුණු “හඳයා” චිත්‍රපටයේ තේමා ගීතයයි.

වර්ෂ 1929 අප්‍රේල් මස 17 වන දින මෙලොව එළිය දුටු තොටවත්තගේ දොන් එම්මානුවෙල් ටයිටස් ද සිල්වා මහතා මෙරට කුඩා දරුවන් අතර මෙන්ම වැඩිහිටියන් අතරත් ජනාදරයට පත්වුයේ ටයිටස් තොටවත්ත හෙවත් ටයි මාමා යන ආදරණීය නාමයෙනි. එකල අති මහත් ආදරයට හා ගෞරවයට පාත්‍ර වුණු “ඔෂින්” මාලා නාටකය ඇතුළු ඇමරිකානු හා ජපන් ටෙලි නාට්‍ය මෙන්ම කාර්ටූන් සඳහා ද හඬ කැවීම් අධ්‍යක්‍ෂණය සිදුවුයේ ටයිටස් තොටවත්තයන් අතිනි. එවක ඔහු ජාතික රූපවාහිණීයේ හඬ කැවීම් එකකයේ අධ්‍යක්‍ෂකවරයා වශයෙන් සේවය කලේ ය.

තවමත් මතකයට නඟා ගත හැකි දොස්තර හොඳ හිත කාර්ටූනයේ “මුහුද මගේ ගොඩබිමයි, නැව මගෙ නිවසට සමයි” අදටත් ඒ ළමා කාලය වෙත අප කැදවාගෙන යයි. එසේම ගලිවර්ගේ සුවසැරිය, පිස්සු පූසා, හා හා හරි හාවා” වැනි කාර්ටූන් නිර්මාණ එදා ළමා විය ගෙවු අද වැඩිහිටියන් අතර ද ජනප්‍රිය නිර්මාණයන් ය.

ළමා වැඩසටහන් ගණනාවක් මෙහෙය වු අති සාර්ථක නිර්මාණ ශිල්පියෙක් සේම සංස්කරණ ශිල්පියෙක් ද වුණු ටයිටස් තොටවත්ත මහතා අතින් සංස්කරණය වුණු චිත්‍රපට ගණන 24 කි. මෙරට පළමුවරට ජාත්‍යන්තර සම්මාන උළෙලක් නියෝජනය කළ “රේඛාව” චිත්‍රපටය ද ඔහු හා ප්‍රවීණ සිනමාවේදි ලෙස්ටර් ජේම්ස් පීරිස් මහතාගේ එකතුවෙන් කළ නිර්මාණයකි. එය එතෙක් “ඉන්දියානු කොපියේ ශ්‍රි ලාංකික සිනමාවේ” හැරවුම් ලක්ෂය වුණු චිත්‍රපටය බව විචාරක මතයයි.

එයට අමතරව “හාර ලක්‍ෂය, සාගරිකා, සිහසුන, මංගලා, මරුවා සමඟ වාසේ, මෙන්ම හඳයා ළමා චිත්‍රපටය ද ඔහුගේ නිර්මාණයන්ට උදාහරණ සපයයි. එසේම සිනමාවේ ප්‍රථම වරට දුෂ්ඨයාගේ චරිතය රඟ පෑ ගාමිණි ෆොන්සේකා මහතා රඟ පෑ චණ්ඩියා චිත්‍රපටය ටයිටස් තොටවත්තයන්ගේ පළමු අධ්‍යක්‍ෂණයයි. රූකඩ කලාව රූපවාහිණියට ගෙන ආ ඔහු ජනවාර්ගික අර්බුධය පැවති කාලයේ සිංහල, දෙමළ, ඉංග්‍රිසි භාෂා ත්‍රිත්වයෙන්ම වැඩසටහනක් ඉදිරිපත් කලේ ය. ජාතික රූපවාහිණියට හඬ දෙකැවීමේ මැදිරියක් ලබාගැනීමට ද ඔහු සමත් විය.

ටයි මාමාගේ දිවියෙන් බිඳක්

දරුවන් පස් දෙනෙකුගෙන් යුත් පවුලේ පස්වැනියා ලෙසින් උපන් ටයිටස් තොටවත්ත මහතා ආනන්ද විද්‍යාලයේ ආදී ශිෂ්‍යයෙකි. ඔහු කලාව උගත්තේ ජේ.ඒ.ඩි පෙරේරා සහ ස්ටැන්ලි අබේසේකරයන්ගෙනි. එයින් පසු ඔහු මරදාන කාර්මික විද්‍යාලයට ඇතුළු විය. එයින් පසු චිත්‍රපටකරණයට ඇති කැමැත්ත නිසාම පුවත්පත් දැන්වීමකට අනුව අයදුම්පතක් යොමු කර රජයේ චිත්‍රපට සංස්ථාවට සම්බන්ධ විය. ඉන් පසු මිය යනතුරුම ඔහු අතින් නිර්මාණ වුනු ළමා කතාංග හා ටෙලි නිර්මාණ ගණන සුවිශාලය. එයින් වසර 82 ක් ආයු වළදා 2011 වසරේ ඔක්තෝබර් මස 15 වන දින කොළඹ පෞද්ගලික රෝහලක දී ඔහු සිය ජීවිතයෙන් සමුගත්තේ ළමා ලොවට බොහෝ වටිනාකම් ඉතිරි කර තබමිනි.

අදටත් කියවීමේ රුචියෙන් පෙළෙන ඔබත් ලිවීමේ රුචියෙන් පෙළෙන අපත් නිර්මාණය කරන්නට ටයිටස් තොටවත්තයන් කල නිහඬ මෙහෙය අප්‍රමාණය. ඔහු විසින් හඬ කවා අපට දායාද කළ බොහෝ නිර්මාණ ළමා වියේ අපගේ පරිකල්පන හැකියාව ඔපමට්ටම් කරන්නට සමත් වු බව ද අවිවාදිතය. එම නිර්මාණවල ගීතයකින් පවා අප බොහෝ දෑ ඉගෙන ගත් බව රහසක් නොවේ. වාණිජකරනය වුණු සමාජයක ළමා රසවින්දනය මුදලට විකුණන ළමා මනසටවත් නොගැලපෙන කාර්ටූන් නිර්මාණ ගෙන එන මාධ්‍ය ආයතනවලට ටයි මාමා පාඩම් පොතකි.

ඔහු මෙරට රූපවාහිණි ඉතිහාසයේ නොමැකෙන රන් සළකුණක් වන්නේ ද එබැවිනි.

ලෝකය වෙනස් කළ කාර්මික විප්ලවය

2021-11-18T23:18:00.005-08:00

අතීතයේ මිනිසුන් සිය ශ්‍රමය යොදාගනිමින් භාණ්ඩ නිෂ්පාදනයට හුරු වුණු අතර අවශ්‍ය ප්‍රමාණයට හා අවශ්‍යතාවයට අනුව පමණක් නිශ්පාදනයන් සිදුවිය. මේ තත්ත්වය වෙනස් වුයේ කාර්මික විප්ලවයත් සමගය. එතෙක් යොදාගත් මිනිස් ශ්‍රමය වෙනුවට යන්ත්‍ර සූත්‍ර යොදාගැනීම සිදුවුයේ කාර්මික විප්ලවයේ ප්‍රථිපලයක් ලෙසිනි. එය කාර්මික හා තාක්‍ෂණික ක්‍ෂත්‍රයේ සිදුවුණු අති සුවිශේෂි විජයග්‍රහණයකි.

කාර්මික විප්ලවය එංගලන්තයේ ඇතිවීමට හේතුව

එතෙක් ලොව බලවත්ම රටවල් බවට පත්ව සිටියේ ස්පාඥ්ඥය, පෘතුගාලය, නෙදර්ලන්තය වැනි රටවල්ය. ඒ විදෙස් වෙළඳාම හා යටත්විජිතකරණයෙනි. එයින් පසු එංගලන්තය විදෙස් වෙළදාමට හා යටත්විජිතකරණයට යොමුවුණු අතර එයින් ඔවුන් සියලු රටවල් පරදා ඉදිරියට පැමිණියේය. එමඟින් සිදුවුයේ එංගලන්තයේ කර්මාන්තකරණය සඳහා ආයෝජනය කළ හැකි මට්ටමේ ධනවතුන් පිරිසක් බිහිවීමයි. එසේම 18 වන සියවසේ දී එංගලන්තයේ ජනගහණය අධික වීම නිසා භාණ්ඩ සඳහා වන ඉල්ලුම ද වැඩි වී තිබේ.

සියලු වැසියන්ට ප්‍රමාණවත් තරම් භාණ්ඩ නිපදවීමට මිනිස් ශ්‍රමය පමණක් යොදා ගැනීම අභියෝගයක් වුයේ එයින් අනතුරුවයි. එය කාර්මික යන්ත්‍ර සූත්‍ර නිපදවීමට හේතුවක් විය. එසේම 14 වන හා 15 වන සියවස් දෙකේ දි සිදුවුණු පුනරුදය විද්‍යාවේ දියුණුවට හේතුවිය. එම වි ද්‍යාත්මක දැනුම යන්ත්‍ර සූත්‍ර නිර්මාණය සඳහා යොදාගැනීමට ද අවධානය යොමු වී තිබුණි. මෙම යන්ත්‍ර සූත්‍ර නිපදවීම සඳහා අවශ්‍ය අමුද්‍රව්‍ය සපයාගැනීමේ පහසුව එංගලන්තයට තිබුණු අතර බලශක්තිය සඳහා අවශ්‍ය ගල් අඟුරු ද සපයා ගැනීම පහසු විය.

එංගලන්තය සිය නීති පද්ධතිය ආශ්‍රයෙන් යටත් විජිතවලට වෙනත් රටවල් සමඟ සබධතා පැවැත්වීම අසුරා තිබුණි. මේ නිසා එම රටවල් සඳහා අවශ්‍ය භාණ්ඩ නිපදවූයේ ද එංගලන්තයමය. එමඟින් ඔවුන් සිය සියලු යටත් විජිත සඳහා අවශ්‍ය භාණ්ඩ සැපයීම සිදු කලේය. එකළ එංගලන්තයේ කපු රෙදිවලට යටත් විජිතවලින් වැඩි ඉල්ලුමක් තිබුණත් අවශ්‍ය පමණට රෙදි නිෂ්පාදනය කළ නොහැකි විය. එමනිසා ඔවුන් රෙදි හා නිමි ඇඳුම් නිෂ්පාදනය සඳහා අවශ්‍ය යන්ත්‍ර සූත්‍ර නිපදවීම සිදුකලේය.

මෙයට සමකාලීනව එංගලන්තයේ ධනවතුන් හා වංශාධිපතිනයන් ගම්බද ගොවියන්ගේ ඉඩම් පැහැරගෙන ඒවා එක්කර විශාල ගොවිපලවල් සකස් කරන ලදී. එයින් ඉඩම් අහිමි පුද්ගලයන් රැකියා සොයාගෙන නගරයට සංක්‍රමණය වීම ද සිදුවිය. එසේම එරට පැවති නිදහස හා දේශපාලන මැදිහත්වීම ද ව්‍යාපාර සිදුකිරීම සඳහා මහත් රුකුලක් විය. බැංකු ක්‍ෂෙත්‍රය දියුණු වීමෙන් වඩාත් වැඩි ප්‍රථිලාභ ලබාගැනීමට ව්‍යාපාරිකයාට අවස්ථාව ලැබුණි.

කාර්මික විප්ලවයේ ප්‍රබෝධය

එක්සත් රාජධානියේ කාර්මික විප්ලවය සිදුවුයේ කර්මාන්ත තුනක් ආශ්‍රයෙනි. ඒ

01. පේශ කර්මාන්තය

02. යකඩ හා වානේ කර්මාන්තය

03. ගල් අඟුරු කර්මාන්තය

වශයෙනි.

මේ යටතේ ලොවට දායාද වුණු කාර්මික උපකරණ මෙසේය.

1774 දී ජේම්ස් හාග්‍රීව් කපු කැටීම සඳහා ජෙනී යන්ත්‍රය සොයා ගැනීම

රිචඩ් ආක්‍රයිට්ස් විසින් ජල බලයෙන් ක්‍රියාකරන නූල් කටින යන්ත්‍රය සොයාගැනීම

හෙන්රි බෙසමර් ගේ වානේ නිපදවීමේ උඳුන

එබ්‍රහම් ඩර්බි විසින් යපස් උණු කර වානේ නිපදවිය හැකි බව සොයා ගැනීම. මෙයින් යකඩ නිෂ්පාදනය ආරම්භ විය.

1784 දී හේන්රි කෝට් රෝලර් යන්ත්‍රය නිපදවීම. මෙමගින් යකඩ තැලීම හා පදම් කිරීම සිදුකල හැකිවිය.

1856 දී හෙන්රි බෙසමර් විසින් යකඩවල ඇති අපද්‍රව්‍ය ඉවත්කර වානේ නිපදවීමේ තාක්‍ෂණය සොයාගැනීම.

ජේම්ස් වොට් ගේ වාෂ්ප එන්ජිම

හම්ප්‍රි ඩේව් විසින් ආරක්‍ෂක ලාම්පුව සොයා ගැනීම. මේ සොයාගැනීම අනතුරුදායක ලෙස පතල් කර්මාන්තයේ නිරතවුණු පතල් කරුවන්ට මහත් අස්වැසිල්ලක් විය.

1839 දී යකඩ කේබල් මඟින් ගල් අඟුරු පිටතට ගෙන ඒමේ ක්‍රමය යොදාගැනීම. එතෙක් ගල් අඟුරු පිටතට ගෙන ආවේ දරුවන් විසින් ඉතාම අනාරක්‍ෂිත ආකාරයෙනි. මේ සඳහා කුඩා ගැහැණු දරුවන් පවා යොදාගෙන තිබේ.

කාර්මික විප්ලවය වෙනත් ක්‍ෂෙත්‍ර කරා ව්‍යාප්ත වීම

එහිදී ප්‍රවාහන ක්‍ෂෙත්‍රය, සන්නිවේදන ක්‍ෂෙත්‍රය, කෘෂි කර්මාන්තය දියුණුවට පත්විය.

ප්‍රවාහන ක්‍ෂෙත්‍රය

මැකඩම් ක්‍රමය හෙවත් ගල් කැබලි කුඩා කොටස්වලට කඩා මාර්ගවල අතුරා මට්ටම් කිරීම මඟින් මාර්ග පිළිසකර කිරීම

ජෝර්ජ් ස්ටීවන්ගේ දුම්රිය එන්ජිම

ඩෙම්ලර්ගේ මෝටර් රථය

රයිට් සහෝදරයන් විසින් ගුවන් යානය සොයාගැනීම

සන්නිවේදන ක්‍ෂෙත්‍රය

පෙනී තැපැල් සේවය ආරම්භ වීම. මෙමඟින් එංගලන්තයේ සිට ලෝකයේ ඕනෑම රටකට පැන්සයක් ගෙවා ලිපියක් යැවීමට හැකිවිය.

1844 දී සැමුවෙල් මෝස් විසින් විදුලි පණිවිඩ ක්‍රමය සොයාගැනීම

ඇලෙක්සැන්ඩර් ග්‍රැහැම්බෙල් විසින් දුරකථනය සොයා ගැනීම

1895 දී ගුග්ලි එල්මෝ මාර්කෝනි විසින් ගුවන් විදුලි තරංග සොයාගැනීම

කෘෂි කර්මාන්තය

මහා පරිමාණ ගොවිබිම් ආරම්භ වීම

ශෂ්‍ය මාරු ක්‍රමය

සත්ව පාලනය සඳහා නව තාක්‍ෂණය යොදාගැනීම

නව කෘෂිකාර්මික උපකරණ බිහිවීම

කාර්මික විප්ලවය අනෙක් රටවල් කරා ව්‍යාප්ත වීම නිසා එම රටවල ද සමාජ ආර්ථික හා දේශපාලන ක්‍ෂෙත්‍ර දියුණුවට පත්විය. එහි යහපත් හා අයහපත් ප්‍රථිපල රැසකි. එමඟින් මිනිස් ශ්‍රමට අඩු වටිනාකමක් ලැබුණු අතර යන්ත්‍ර සූත්‍ර සඳහා වැඩි වටිනාකමක් හිමිවිය. වඩාත් දරුණුම ඛේදවාචකය වූයේ ළමා ශ්‍රමය යොදාගැනීම හා ශ්‍රමය සූරා කෑමයි.

චීනා කෑම කන කූරු දෙකේ කතාව

2021-11-18T05:46:00.003-08:00

අතින් ආහාර ගැනීමේ සංස්කෘතියකට හිමිකම් කියන අපි ඉංග්‍රිසීන්ගේ පාලනයට නතුවීමෙන් අනතුරුව හැදි ගෑරුප්පු සංස්කෘතියට හුරුවිය. සුද්දා හැන්දෙන් සහ ගෑරුප්පුවෙන් ආහාර ගත්තේ සීත රටවල අත සේදීමට ඇති අපහසුව නිසයි. ඒ හැරෙන්නට ඔවුන් ගන්නා ආහාර වඩත් පහසුවෙන් හැන්දෙන් හා ගෑරුප්පුවෙන් ආහාරයට ගත හැකි නිසායි. නමුත් අප සුද්දා අනුකරණයට ඇති රුචිය නිසා හැන්ද හා ගෑරුප්පුව අතට ගෙන කෑම මේසයේ සටන් කරන්නේ අතින් කෑ හැකි ආහාර සමග වීම අරුමයකි.

කෙසේ වෙතත් හැන්ද හා ගෑරුප්පුව ගැන කතා කරන විට අමතක කල නොහැකි තවත් උපකරණයක් තිබේ. ඒ ලොව හත් දෙනෙකුගෙන් එක් අයෙක් ආහාර ගැනීම්ට භාවිත කරන චොප්ස්ටික් උපකරණයයි. චීනය, ජපානය, කොරියාව, වියට්නාමය ඇතුලු දකුණු ආසියානු රටවල් බහුලව භාවිතයට ගන්නා චොප්ස්ටික්වලට ඇත්තේ දීර්ඝ ඉතිහසයකි. ආහාර එතීම සදහා පත්‍ර හා බට පතුරු භාවිතය මුලින්ම ආරම්භ කල මොවුන් එවැනි ආහාර ඇල්ලීම සදහා මුලින්ම මෙවැනි පතුරු ආධාර කරගෙන ඇත්තේ මීට වසර 2000 කට පමණ පෙර සිටයි. ඒ කාලයේදීම අහාර ගැනීම සදහාත් ඔවුන් මෙවැනි පතුරු විශේෂයක් යොදාගෙන තිබේ. නමුත් මෙයට වසර 500 කට පමණ එපිට දී පමණ මෙහි හැඩය වෙනස් කර පෙනුමෙන් හා හැඩයෙන් සිහින් මටසිලුටු බවක් ලබාදී ඇත. වර්ථමානයේ දක්නට ලැබෙන්නේ එම වෙනස්ට පසුව භාවිත කරන චොප්ස්ටික් උපකරණයයි.

මුල් කාලයේ ඔවුන් ඉවුම් පිහිම් කිරීම සදහා ද චොප්ස්ටික් භාවිත කර තිබේ. මෙයට වසර 400කට පමණ පෙර කාලයේදී ඔවුන් ආහාර ගැනීම සදහා මෙය භාවිතා කල බවට සාක්ශි හමුවී ඇති අතර ආහාර ගැනීමට මෙවැනි යමක් භාවිත කරන්නට ඇත්තේ ඇයිද යන්න ගැන පර්‍යේශකයන් පලකරන්නේ විස්මිත අදහසකි. එනම් චීනය ඇතුලු මෙම රටවල් මීට වසර 400 - 500 කට එපිට කාලයේ දැඩි දරිද්‍රතාවයෙන් පෙලුනු රටවල් වන අතර එක් අයෙක් ගන්නා ආහාර ප්‍රමාණය පාලනය කිරීම මගින් ආහාර ඉතිරි කර ගැනීමට හා වියදම් අඩු කරගැනීමට ඔවුන් මෙම ක්‍රමය භාවිත කර ඇත. ඉතා අපහසුවෙන් ආහාර ගැනීම සිදුවීම හා ඉතා අඩු ආහාර ප්‍රමාණය වරකට අල්ලාගත හැකිවීම නිසා ආහාර ගැනීමෙ රුචිය අවම කරවීම මෙයින් අපේක්ශා කර තිබෙනවා විය හැකිය.

චොප්ස්ටික් භාවිතයත් සමගම ආහාර සංස්කෘතියේ වෙනසක් ද සිදුවී තිබෙන බව කියවේ. ඒ අනුව කුඩාවට කපන ලද ආහාර, හොදින් අල්ලාගත හැකි පරිදි සකසන ලද ආහාර, තැම්බූ ආහාර ආදිය ඔවුන්ගේ ආහාර සංස්කෘතියට එක්විය. විශේෂයෙන් පත්‍රවල ඔතන ලද බත් හා මාලු මිශ්‍ර සුශි රෝල් එක්වී ඇත්තේ චොප්ස්ටික් මගින් ආහාර ගැනීමේ පහසුව සදහායි. මස් හා මාලු වර්ග කපා ගැනීමට මුල් කාලයේ පිහියක් ද කෑම මේසයේ තබා ගත් අතර පසුව එය කෑම මේසයෙන් ඉවත් විය. ඒ කැපෙන උපකරණ ආහාර ගන්නා විට ලග තබා ගැනීම සුදුසු නොවන බව ඔවුන් තුල පැවති විශ්වාසය නිසයි.

එසේම පසු කාලයේ දී චොප්ස්ටික්වල ද විවිධ වෙනස්කම් සිදුව තිබේ. චීනයේ චොප්ස්ටික් ඉතා තුනි උල් හැඩයක් ගනී. ජපානයේ චොප්ස්ටික් ප්‍රමාණ දෙකකි. එනම් පිරිමින් සදහා අගල් අට ප්‍රමාණ වන අතර කාන්තාවන් සදහා ඇත්තේ අගල් 7 ප්‍රමාණයෙනි. 1878 දී ජපානය දීර්ඝ කාලයක් භාවිත කල හැකි මුල්ම චොප්ස්ටික් යුගල නිපදවා ඇත. ඒ ලී ආධාරයෙනි. එයින් පසු උණ බම්බු හා ලී ආධාරයෙන් මේවා නිපදවීම ආරම්භ කර ඇත. මේ වන විට පොහොසත් පුද්ගලයන් සදහා වඩාත් මිල අධික ඇත් දල, කොරල්, පිත්තල, අගස්ති, ජේඩ් වැනි අමුද්‍රව්‍ය මගින් චොප්ස්ටික් නිපද වේ. සමහර පුද්ගලයන් රිදීයෙන් සැකසූ චොප්ස්ටික් වලට කැමති වුවත් කල්ගත වන විට අව පැහැ වීමත් රිදී මිශ්‍ර වීම නිසා ආහාර විශ වේ යැයි ඇති සැකය නිසාත් රිදි චොප්ස්ටික් එතරම් භාවිත නොවේ.

ආසියානු කලාපයේ බත් පිසිමේදි කිරි බත්, බෙරි බත් ආදී වශයෙන් මදක් ඇලෙන සුලු අයුරින් පිසගන්නා නිසා චොප්ස්ටික් මගින් ආහාර ගැනීමේ අපහසුවක් නැත. එය ආහාර ගැනීමේ ක්‍රමය තවත් අලුත් කරන්නට හේතුවකි. ඉතින් ඔබටත් චොප්ස්ටික් මගින් ආහාර ගැනීමට හුරුවිය හැකිය. එසේනම් එය අලුත් සුවිශේෂී අත්දැකීමක් ද වනු ඇත.

සිංහල සිනමාවේ රන් සන්නාමය

2021-11-16T21:32:00.002-08:00

දේශබන්දු ගම්මන්නගේ දොන් ජෝන් අබේවික්‍රම හෙවත් ජෝ අබේවික්‍රම වර්ෂ 1927 ජූනි මස උපත ලබා 2011 සැප්තැම්බර් මස 21 වන දින මෙලොව හැර යන්නේ සිංහල සිනමා වංශ කතාවේ නොමැකෙන සටහන් තබමින් ය. හොඳම නළුවා ලෙස සරසවි සම්මාන 18 කින් පිදුම් ලබා ජනාධිපති සම්මානයෙන් ද පිදුම් ලැබු මේ කෘතහස්ත රංගවේදියා 1999 වසරේ දී සිංගප්පුරු ජාත්‍යන්තර සිනමා සම්මාන උළලේ දී දකුණු ආසියාවේ විශිෂ්ඨතම රංගන ශිල්පියා ලෙසින් රිදී සිනමා සම්මානයෙන් පිදුම් ලැබීය. ඒ ප්‍රසන්න විතානගේ මහතා අධ්‍යක්‍ෂණය කල පුරහඳ කළුවර චිත්‍රපටයේ වන්නිහාමී ගේ චරිතයෙන් ඔහු පෙන් වූ අසහාය රංග පෞර්ෂය වෙනුවෙනි.

වර්ෂ 1950 දී සිය රංගන දිවිය ආරම්භ කළ ජෝ අබේවික්‍රම මහතා සිනමාව, වේදිකාව සේම ටෙලි නාට්‍ය ගණනාවකට රංගනයෙන් දායක වී තිබේ. ඕනෑම චරිතයක් තුළ ඇති ගාම්භීර බව, ප්‍රහසනය හා පෞර්ෂය ඉතාම නාට්‍ය අනුසාරයෙන් ඉදිරිපත් කිරීම ඔහු තුළ දක්නට ලැබෙන වඩාත්ම විශිෂ්ඨ රංග කෞෂල්‍යයි. සිංහල සිනමාවේ නොමැකෙන නාමයන් තැබු සුවිශේෂීම රංගධරයෙක් ලෙස කිරුළු පැළදු ඔහු ගාමිණි ෆොන්සේකා, ටෝනි රණසිංහ යන සිනමාවේ අද්විතීයම කලාකරුවන් දෙපල හා සම මට්ටමේ ලා පිළිගැනෙයි. මෙරට සිනමාවේදීන් ජෝ අබේවික්‍රම මහතා හඳුන්වන්නේ සිංහල සිනමාවේ ඔටුනු පළන් රජු ලෙසයි. එසේම වසරක් පාසා ඉන්දියාවේ පැවැත්වෙන ෆිල්ම් ෆෙයාර් සම්මාන උළෙලට ආරාධනා ලැබු එකම සිංහල සිනමා නළුවා වන්නේ ද ජෝ අබේවික්‍රම මහතායි. ඔහු මෙම සිනමා උළෙලට සහභාගි වුයේ 1966 වසරේ සිටයි.

ඔහුගේ ජීවිතයෙන් බිඳක්

රත්නපුර ලෙල්ලෝපිටිය ප්‍රදේශයේ උපන් ජෝ අබේවික්‍රම මහතා සහෝදර සහෝදරියන් හතරදෙනෙකුගෙන් යුතු පවුලේ පළමු වැන්නායි. ඉතාම ග්‍රාමීය පරිසරයක ජීවත් වු ඔහු ගේ ජීවිතය සකස් වී තිබුණේ කෘෂිකාර්මික ජීවන අත්දැකීම් සහ ග්‍රාමිය අත්දැකීම් සම්මිශ්‍රණයකිනි. ඔහු ගේ පියා එවක මෙරට එංගලන්ත ආණ්ඩුකාරවරයා වුණු ජෝන් ඩොයිලි මහතා සමඟ සමීප සබඳතා පැවැත්වු හෙයින් ජෝ අබේවික්‍රම මහතාට ජෝන් යන නම හිමිව තිබේ.

ඔහු දිප්පිටිගල මිශ්‍ර විද්‍යාලයෙන් ප්‍රාථමික අධ්‍යාපනය ලැබ එයින් අනතුරුව රත්නපුර සීවලි මහා විද්‍යාලයටත් උසස් අධ්‍යාපනය සඳහා රත්නපුර ඇලෝසියස් විද්‍යාලයටත් ඇතුළු විය. සිය අධ්‍යාපන කටයුතු හමාර කිරීමෙන් පසු ලේල්ලපිටිය සමුපකාරයේ කළමණාකරුවෙක් ලෙස හෙතෙම සිය වෘත්තීය ජීවිතය ආරම්භ කලේය. එයින් පසු සිරිසේන විමලවීර මහතාට අයත් නවජීවන ඡායාරූපාගාරයේ සේවය කිරීම සඳහා ජෝ අබේවික්‍රම මහතා කොළඹ ප්‍රදේශයට පැමිණියේ ය. ඒ 1940 වර්ෂයේ දීයි. එමඟින් රත්නපුර ප්‍රදේශයේ සිදුකළ රූගත කිරීමකට සම්බන්ධ වීමට අවස්ථාව ලැබුණු ජෝ අබේවික්‍රම මහතා එයින් අනතුරුව සිනමා ක්‍ෂෙත්‍රය සමඟ සම්බන්ධ විය.

ඔහුගේ පළමු චිත්‍රපටය වන්නේ එම්.එච් මුනාස් මහතා අධ්‍යක්‍ෂණය කළ දේවසුන්දරී ප්‍රහසන චිත්‍රපටයයි. එයින් කෙටි කාලයක් ප්‍රහසන නළුවෙක් ලෙස රංගනයේ නිරත වුණු ජෝ අබේවික්‍රම මහතා එයින් පසු වඩාත් සංවේදි සිනමා නිර්මාණ සඳහා රංගනයෙන් දායක විය. “දීපශිකා, සොල්දාදු උන්නැහේ, චන්ඩියා, ස්වීප් ටිකට්, අල්ලපු ගෙදර, එක්ටැම් ගේ සහ සාරවිට” යන චිත්‍රපට ඔහුගේ අතිවිශිෂ්ඨ රංගන කෞෂල්‍ය පිළිබිඹු කළ සිනමා නිර්මාණ වේ. 1965 දී වසරේ විශිෂ්ඨතම නළුවා ලෙසින් සිය පළමු සරසවි සම්මානය දිනාගැනීමට ඔහු සමත් වන අතර එම සම්මානය හිමි වූයේ සාරවිට චිත්‍රපටයේ සරා අයියාගේ චරිතය වෙනුවෙනි.

(වැලිකතර චිත්‍රපටයේ ගෝරින් මුදලාලි ලෙස)

1971 වසරේ දී එතෙක් මෙතෙක් සිනමා ඉතිහාසයේ නිර්මාණය වුණු විශිෂ්ඨතම සිනමා නිර්මාණය වන ඩී.බී නිහාල් සිංහයන්ගේ වැලිකතර චිත්‍රපටයේ ගෝරිං මුදලාලි ගේ චරිතය ඔහු සිය රංගන දිවිය තුළ රඟ පෑ සුවිශේෂීම චරිතයක් ලෙස ඉතිහාස ගතවී තිබේ. එයට අමතරව තුන්මං හන්දිය, ගැටවරයෝ චිත්‍රපටයේ සෙමනේරිස් ගේ චරිතය, සැඩොල් කඳුළු, සිරි බෝ අයියා, බඹරු ඇවිත් වැනි චිත්‍රපට ඔහු සිය රංගනයෙන් දායක වුණු අති විශිෂ්ඨ චිත්‍රපට වේ. එසේම ලෙස්ටර් ජේම්ස් පීරිස් මහතා අධ්‍යක්‍ෂණය කළ බැද්දේගම චිත්‍රපටයේ සිලිඳු ගේ චරිතයට ද ඔහු රංගනයෙන් දායක විය.

(ගම්පෙරලිය ටෙලි නාට්‍යයේ කයිසාරුවත්තේ මුහන්දිරම් ලෙස)

එසේම ඔහු ඉංග්‍රිසි චිත්‍රපට දෙකකට රංගනයෙන් දායක වුණු අතර ඒ “පීටර් ඔෆ් ද එලිෆන්ට් සහ ත්‍රි යෙලෝ කැට්ස්” යන චිත්‍රපට සඳහායි. මිය යන විට චිත්‍රපට 172 කට රංගනයෙන් දායක වී තිබුණු ජෝ අබේවික්‍රම මහතා එයින් චිත්‍රපට 62 ක ප්‍රධාන චරිත සඳහා රංගනයෙන් දායක වී ඇති අතර තවත් චිත්‍රපට 100 ක් සඳහා සහය නළුවා ලෙසින් රංගනයෙන් දායක වී තිබේ. එයට අමතරව බැරි සිල්, කැලේ මල්, අඳු කොළ, වනස්පති, ගම් පෙරළිය, සකිසඳ එළියස්, ඇසළ කළුවර වැනි ටෙලි නාට්‍ය සඳහාත් රංගනයෙන් දායක වී තිබේ.

එසේම ඔහු “මහබඹා ට මුහුණු දෙකයි” නමින් නවකතාවක් ද රචනා කර ඇති අතර එය 1970 දී ප්‍රකාශයට පත්විය.

දාම ඝාතකයා කියන්නේ කාට ද?

2021-11-16T04:34:00.006-08:00

සීරියල් කිලර් එහෙමත් නැත්නම් දාම මිනිමරුවන් ගැන ඔබ අහලා ඇති. ඇත්තටම මිනිහෙකුට හෝ ගැහැණියකට එකම ආකාරයකින් මිනිස්සු ගොඩක් මරලා දාන්න හිතෙන්නේ ඇයි? දාම ඝාතනයක දී සත්‍ය වශයෙන්ම සිදුවන්නේ එක හා සමාන අයුරින් එක හා සමාන වයස් කාණ්ඩයන් එකම කාලයක දී එක දිගට මරා දැමීමයි. කෙනෙක් මෙය රහසේ සිදුකරන විට තවත් අයෙක් සංකේත ඉතිරි කරමින් ප්‍රසිද්ධියේ සිදු කිරීමටත් පෙළබේ.

මේ තත්ත්වය පිළිබඳව කතා කරන මනෝ විද්‍යාඥයින් කියන්නේ ඉතාම කුඩා අවධියේ දී විදින්න සිදුවුණු තාඩන පීඩන හා කම්කටොලු නිසා ඔවුන් මේ තත්ත්වයට පත්වෙනවා කියලයි. විශේෂයෙන්ම ඉතාම කුඩා වියේ දී තමන්ගේ සමීප ඥාතීන් අතින් ලිංගික අඩන්තේට්ටම්වලට ලක්වෙන දරුවන් වැඩිහිටි වියේ දී සීරියල් කිලර් එහෙමත් නැත්නම් දාම ඝාතකයින් බවට පත්වෙන බව පර්යේෂණයකින් සොයා ගත්තා. තමාට ගොඳුරක් වන පුද්ගලයින් මරා දමා පසුව මළ සිරුර සමඟ ලිංගිකව හැසිරීමටත් ප්‍රිය කරන බව තමයි මේ පර්යේෂණයෙන් වැඩි දුරටත් අනාවරණය වුණේ. FBI එහෙමත් නැත්නම් Fedaral Bureau of Investigation ආයතනය කළ පර්යේෂණයකින් මේ සඳහා බලපාන කරුණු රැසක් පිළිබඳව හෙලිදරව් කළා.

එනම් මංකොල්ල කෑමේ අදහසින් පුද්ගලයින් මරා දැමීම, ලිංගික හිංසනය සිදු කර මරා දැමීම හෝ ලිංගික හිංසන සිදුකිරීම සඳහා මරා දැමීම (මේ සඳහා වැඩි වශයෙන් ගොඳුරු වන්නේ දරුවන් සහ කාන්තාවන්) හා ප්‍රසිද්ධිය හෝ අවධානය දිනාගැනීම සඳහා මරා දැමීම යන හේතු මත පුද්ගලයින් දාම මිනී මැරුම් සඳහා යොමු වන බව ඔවුන් පෙන්වා දුන්නා. මෙයින් වඩාත් භයානකම අවස්ථාව වන්නේ ප්‍රසිද්ධිය සඳහා ඝාතන සිදු කිරීමයි. එය බොහෝ විට ඉතා තදබල මානසික වියරුවක් බව අනුමාන කළ හැකියි.

ලොව පළමු දාම ඝාතකයා

එංගලන්තයේ හැම්ෂයර් පළාතේ ජීවත් වුණු Herman Mudgett නම් පුද්ගලයෙක් ලොව පළමු දාම ඝාතකයා ලෙස වාර්තා වේ. ඔහු 1896 මැයි මස 16 වන දින උපත ලබා ඇති අතර මිය ගොස් ඇත්තේ 1896 මැයි 07 වන දින ඇමරිකාවේ ෆිඩෙල්ෆියා හීදියි. හැම්ෂයර් ප්‍රදේශයේ ඉතාම ධනවත් පවුලක උපන් මෙම පුද්ගලයා කුඩා කල සිය වයසටත් වඩා පැසුණු බුද්ධියකින් යුතු පුද්ගලයකු බව කියවේ. ළමා වියේ සිටම ශල්‍ය වෛiවරයෙක් වීමේ සිහිනයක් තිබුණු Herman Mudgett සතුන් සැත්කමට භාජනය කිරීම, සිරුරේ කොටස් පරීක්‍ෂා කිරීම ආදි කටයුතු වල නිරත විය. ඒ සඳහා මිය ගිය සතුන් නොව තමා විසින්ම මරා දැමු සතුන් යොදාගැනීම ඔහු සිදු කලේ ය. ඔහු පිළිබඳව කතා කරන පුද්ගලයන් පවසන්නේ මේ පුද්ගලයා කුඩා කල පටන්ම දාම ඝාතන කෙරෙහි යොමුවන්නට ඇති බවයි.

වෛද්‍ය විද්‍යා ඉගෙනීම සඳහා මිචිගන් සරසවියට ඇතුළු වුණු Herman Mudgett එයින් පසු වෙෙද්‍යවරයෙක් ලෙස චිකාගෝවේ සිය වෘත්තිය ආරම්භ කලේ ය. ඒ සඳහා නිවසක් යොදාගත් අතර එහි ශබ්ධය නොඇසෙන කාමරයක්, රහස් කුටියක් ඇතුළු නවීන අංග උපාංග එක්කලේය. ඒ වෙත යාම සඳහා රහස් පැසේජයක් ඉදිකළ අතර එහි දොර පිටතින් ලොක් කල හැකි එකකි. ඔහු පුද්ගලයින් මරා දැමීමෙන් පසු ඔවුන් පුළුස්සා දැමීම සඳහා ගෑස් භාවිත කර තිබේ. එයින් පසු ඔවුන්ගේ දේපල කොල්ල කෑම අභිප්‍රාය විය. මරා දැමීම සඳහා තෝරාගත්තේ තමා සමඟ සේවයට පැමිණෙන “ඉස්තරම් රක්‍ෂණ සැලසුමක් ඇති” හෙද සහයකයන් වීම ද විශේෂත්වයක් වුණා. එයින් බලාපොරොත්තු වුයේ අදාල රක්‍ෂණ වන්දිය කොල්ල කෑමයි. ඔහු සමහර මල සිරුරු වෙෙද්‍ය විද්‍යාලවලට ලබා දී තිබුණු බව සඳහන්.

මේ ආකාරයෙන් ඔහු මිනිසුන් 200 ක් පමණ මරා ඇතිබව කියවේ.

.....................................................................................................................................................................

මෙවැනි දාම ඝාතකයින් බොහෝ දෙනෙකු ගැන කලින් කලට අසන්නට ලැබුණ ද ඒ කිසිවකුට හෝ නීතියෙන් නම් ගැලවීමක් ලැබුණේ නැහැ. තනිව ජීවත් වන කාන්තාවන් හා කුඩා දරුවන් ඉලක්ක කළ දාම ඝාතකයින් අදටත් ඇමරිකාව ඇතුළු යුරෝපා රටවලින් නිරන්තරයෙන් වාර්තා වුවත් ඔවුන් අවසානයේ දී නීතියේ රැහැනට හසුව තිබේ. දාම ඝාතකයින් කොතරම් ලොව භීතියෙන් මුසපත් කළා ද යත් ඔවුන් පිළිබඳව නිර්මාණය වුණු චිත්‍රපට ගණන ද අතිවිශාලය. ඒ අතර “ෆොරන්සික්, ද කෝල්, සයිකෝ” වැනි චිත්‍රපට ඉදිරියෙන්ම සිටියි.

කෙසේ වෙතත් දරුවන්ට කුඩා කළ පටන් ආදරය හා කරුණාව පෙරදැරිව යහපත් සමාජ වටපිටාවක් ඔස්සේ හැදෙන්නට වැඩෙන්නට ඉඩ සැලැස්වීමෙන් ඔවුන් මෙවන් දාම ඝාතකයින් බවට පත්වීම හෝ දාම ඝාතකයින්ගේ ගොඳුරක් බවට පත්වීම වළක්වාගත හැකි බව අප අවබෝධ කරගත යුතුය.

බුදු දහම ආගමක් ද දර්ශනයක් ද

2021-11-16T00:39:00.002-08:00

“බුද්ධ දර්ශනය ඒහි පස්සිකය. එය ඔබට කතා කරන්නේ ඇවිත් බලනු කියා මිස ඇවිත් විශ්වාස කරනු කියා නොවේ”

ආගම හා දර්ශනය අතර ඇත්තේ පැහැදිලි හා වඩාත් පුළුල් වෙනස්කම් වේ. ඒවා එකිනෙකට කිසිසේත්ම සමාන කළ නොහැක. දර්ශන ඇත්තේ යමක් බුද්ධියෙන් විමසා දෝලනය කර පිළිගැනීමට හෝ ප්‍රතික්‍ෂෙප කිරීමටයි. නමුත් ආගම් ඇත්තේ ඇදැහීමටය. එහි කිසිඳු විමසීමක් හෝ ප්‍රශ්ණ කිරීමක් ඇත්තේ නැත. එනම් ආගම් ප්‍රශ්ණ කළ නොහැක. එහි ඇත්තේ යම් ශාස්තෘවරයෙක් විසින් කියන ලද්දක් වන අතර එය ඒ ආකාරයෙන්ම පිළිගැනීම ලබ්ධිකයාගේ කාර්යයකි. කවුරුන් විසින් හෝ ලියන ලද හෝ නිර්මාණය කරන ලද පොතක් කටපාඩම් කරගෙන හෝ ඇදහීමෙන් ආගම් නඩත්තු කරගෙන යාමක් මෙයින් සිදුවේ.

බුද්ධ දර්ශනය ද ආගමට හාත්පසින් වෙනස් වේ. එයට නඩත්තු කරගෙන යා යුතු යමක් ඇත්තේ නැත. එහි ඇත්තේ ලෝකයේ යථා ස්වභාවය අවබෝධ කරගෙන සියලු මුලාවන්ගෙන් ඉවත් වීම පිළිබඳව ඉගැන්වීමකි. දර්ශනයක් පිරිසිදුය. එහි කිසිවිටෙක ඇදහීමක්, ආත්ම වාදයක්, දේවවාදයක් හෝ මරණය මතු ජීවිතය සඳහා කරන ආයෝජනයන් පිළිබඳව කතා කරමින් නඩත්තු කිරීමක් සිදු නොවේ. දර්ශනය හොඳින් දකින පුද්ගලයා මුලාවෙන් ඉවත්ව නිවීමට පත්වෙයි. එහි ඇත්තේ ජීවිතයේ ඕනෑම අවස්ථාවක දී මුලාව හඳුනාගෙන නිවීම හෙවත් නිර්වාණය ලබාගැනීම මිස නිර්වාණය නැමති සංකල්පය නඩත්තු කරමින් පවත්වාගෙන යාම නොවේ. ඒ අනුව දර්ශනය වඩාත් සමීප වෙන්නේ විද්‍යාවටයි.

උදාහරණයක් ලෙස විද්‍යුත් කිරණය ධාරාවක් වයරයක් හරහා ගමන් කරන ආකාරය ගැන සිතන්න. විද්‍යාවේ උගන්වන්නේ අදාල ධාරාව වයරයක් හරහා ගමන් කරන බව පමණී. ඒ සඳහා යොදාගෙන ඇති වචනය විද්‍යුතයයි. නමුත් විද්‍යුතය යනු අදාල කරුණ පැහැදිලි කිරීම හා අවබෝධ කරවීම සඳහා යොදාගත් වචනය මිස අදාල කාර්යය හෝ එය සිදුවන ආකාරය නොවේ. අප අවබෝධ කරගත යුත්තේ වයරයකින් විද්‍යුත් ධාරාවක් ගලා යාම සිදුවන්නේ මොන ආකාරයට ද සිදුවන්නේ කෙසේ ද ඒ සඳහා සැපිරිය යුතු අවශ්‍යතා මොනවාද යන්න පමණි. ඒ වෙනුවට විද්‍යුතය යන වචනයේ එල්ලී සිටීමෙන් අපට අදාල ක්‍රියාවලිය අවබෝධ කරගත නොහැක.

නිර්වාණය ද එවැන්නකි. එහි එල්ලී සිටීමෙන් අපිට අවබෝධ කරගත හැකි යමක් නැත. අප තේරුම් ගතයුත්තේ නිර්වාණය හෙවත් නිවීම උදෙසා අප කළ යුතු දේය. එනම් මුලාවෙන් වෙන්ව ආශාවන්ගෙන් ඇලීමෙන් වෙන්ව භෞතික ලෝකයේ යථා ස්වභාවය අවබෝධ කරගෙන එයින් ඈත්ව ඇලි නොගැටි ජීවත් වීමය. එසේ නොමැතිව මරණින් මතු නිවීමක් ගැන කතා කිරීම හෝ ආත්මවාදී සංකල්ප පිළිබඳව තර්ක කරමින් කාලය නාස්ති කරගැනීම නොවේ.

ආගමික සංකල්ප මඟින් මිනිසා තුළ අනියත බියක් ඇති කරයි. එමඟින් බලාපොරොත්තු වන්නේ මිනිසා අදාල ආගම වෙත නතුකර තබාගැනීමයි. නමුත් දර්ශනයට එවන් නතු කරගැනීමක් අවශ්‍ය නැත. මේ බිය එක්තරා ආකාරයක ධක්‍ෘ තත්ත්වයකි. “මේ දේ නොකලොත් මෙහෙම වෙයි, මේක කරපු නැති නිසා තමයි මට මෙතනදී මේ විදියට සිදුවුණේ” ආදී ලෙස යමක් කෙරෙහි අනියත බියක් ඇතිවේ. උදාහරණ ලෙස සමහර කෙටි පණීවිඩ දහ වතාවක් ශෙයාර් නොකලොත් එයින් අනතුරක් සිදුවිය හැකිය යනුවෙන් බියක් ඇතිවීම වැනිය.

නමුත් බුද්ධ දර්ශනයේ එවැනි ගැටළුවක් ඇත්තේ නැත. පන්සල් ගියත් නොගියත්, බුදුන් වැන්දත් නැතත් ඔබ ජීවත් වන්නේ යහපත් ජීවිතයක් නම්, ඔබ ගෙවන්නේ සමාජයට කරදරයක් හෝ හිරිහැරයක් නොවන ආකාරයේ ජීවන විලාසිතාවක් නම්, කොහේ හෝ තිබෙන ප්‍රශ්නයක් ගැටළුවක් බලෙන් අල්ලා තමාගේ ඔඩොක්කුවට දමා නොගැනීමේ බුද්ධිය ඔබ සතු නම්, ඔබ තීරණයක් ගන්නා විට සිය වතාවක් ඒ පිළිබඳව සිතනවා නම්, කටින් වචනයක් කීමට පෙර වඩාත් සැලකිලිමත් වනවා නම් ඔබට ගැටළුවලින් තොර ජීවිතයක් ගත කළ හැකිය. බෞද්ධ දර්ශනයේ ලෝක ධර්මතාවය එයයි.

එබැවින් ඉතා සැහැල්ලුවෙන් අල්ලා ගත යුතු යමක් වඩාත් තදින් අල්ලාගෙන එයින් පීඩාවට පත්වීම වෙනුවට අට ලෝ දහමට නො ඇලි ජීවත් වීමේ අගය බුද්ධ දර්ශනය උගන්වයි. ආර්ථික ලාභ උදෙසා හෝ වෙනත් සාධනීය නොවන හේතු නිසා බුද්ධ දර්ශනය ඇදහීමක් අවශ්‍ය නොවේ. එය ජීවන දැක්මකි. වැළඳ ගැනීමක් අවශ්‍ය නැත. අවශ්‍ය වන්නේ මුලාවෙන් වෙන්වී යහපතෙහි යෙදීම පමණී. බහුතරය යහපතෙහි යෙදෙන විට සමාජය ද නිතැතින්ම යහපතට යොමු වේ. මන්ද යත් බහුතරය අයිති වන්නේ ද සමාජයටම බැවිනි.

තව ද බුද්ධ දර්ශනය තුළ පවු සමාකරගැනීමක් පිළිබඳව කතා නොකරයි. ඔබ යමක් සිදුකරන්නේ ද එහි ප්‍රථිපලය ඔබටය. ඔබ බොරුවක් වංචාවක් සිදුකරන්නේ නම් එයින් ඇතිවන ප්‍රථිපලය අයිති වන්නේ ද ඔබටමය. එහි කර්ම ඵලය හෙවත් ප්‍රථිපලය වෙනත් කිසිවකු සමඟ බෙදාගත නොහැක. වෙනත් කිසිවකුට පැවරිය නොහැක.

“මහණෙනි උඳු වපුරා තල නෙලිය නොහැක” යනුවෙන් බුදුන් වහන්සේ පැහැදිලි කරන්නේ එයයි. එනම් ඔබ කරන දෙයට අනුව ප්‍රථිපලය ලැබෙනවා මිස පවු සමාවීමක් සිදු නොවේ. නරක් කරන්නේ ද හොඳක් කරන්නේ ද එහි ප්‍රථිපලය බාර ගැනීමටත් ඔබ සූදානම් විය යුතුය.

(මෙම ලිපියෙන් කියන බුද්ධ දර්ශනය යන වචනය ද එසේමය. අවශ්‍ය කාරණය පැහැදිලි කිරීමට යොදාගත් වචනයක් මිස බුද්ධ දර්ශනය ප්‍රචාරණය කිරීමක් මෙයින් සිදු නොවන බැවින් වචනය අල්ලා ගැනීමෙන් වළකින්න.)

සටන්කාමී තුවක්කුවට ඔලිව් අත්තක් එල්ලු කඩවසම් විප්ලවවාදියා

2021-11-15T01:51:00.005-08:00

(1970 වසරේ දමස්කස් අගනුවරදී සිය සටන්කාමින්ගේ පුහුණුව අවසන් කිරීමට මොහොතකට පෙර. චායාරූපය අල් ජසීරා වෙබ් අඩවියෙන් )

වර්ශ 1972 ජර්මනියෙ මියුනිච් නුවරදි ඊශ්‍රයල් තරගකරුවන් 11 දෙනෙක් මරාදැමු පලස්තීනය එතෙක් දෙරට අතර පැවති යුද්ධයෙන් බැටකෑ පලස්තීනුවන්ට යුක්තිය ඉටු කරන්නට සිතුවේය. එහෙත් එයින් සිදුවුයේ දෙරට අතර ගැටුම තවදුරටත් වර්ධනය වීම පමණි. ගසා තීරයට අයිතිවාසිකම් කියමින් ඇතිවුණු මෙම යුද්ධයේදී ජෝර්දානයේ සහය හිමි වූයේ ද ඊශ්‍රාලයටයි. එයින් මුස්ලිම් ලෝකය මැද පලස්තීනය හුදකලා විය. ගාසා තීරය අවට ඊශ්‍රායල් පලස්තීන මිනිසුන් මැරි වැටෙද්දි දෙපාර්ශවයම ගසා තීරය වෙනුවෙන් තව දුරටත් ඔවුන් ඔවුන් දෙවැනි නොවන සන්නද්ධ අරගලයක නිරත වූයේ කිසිවක් හෝ කිසිවෙක් ගණනට නොගනිමින් ය.

යසර් අර්ෆත්

සුන්නි මුස්ලිම් මාපිය යුවලකට පුතු වී 1929 අගෝස්තු මස 04 වන දින ඊජීප්තුවේ කයිරෝ නුවරදි උපන් ඔහුගේ සම්පූර්ණ නම Mohomada Yasar abdel Rahaman Abdel Raufh Arfath Al Qudwa යි. අධ්‍යාපනය ලබන අවදියේ සිටම විප්ලවවාදී අදහස් දැරු අර්ෆත් සිය උසස් අධ්‍යපන කටයුතු සදහා ඇතුලත් වුණේ කයිරෝවේ කිං ෆුවාද් විශ්වවිද්‍යාලයටයි. එහිදි ඔහුගේ විප්ලවවාදී අදහස් තව දුරටත් මුවහත් වෙමින් වර්ධනය විය. උපතින් යුදෙව් විරෝධි පසුබිමක් ජීවත් වූ අර්ෆත් දැරුවේ යුදෙව් විරෝධි අදහස් මය. ඒ නිසාම පලස්තීන ඊශ්‍රයල් ගැටුමට පිළිතුරු සොයන්නට ද ඔහුට අවශ්‍ය වුණි.

සිවිල් ඉන්ජිනේරු උපාධියක් හදාරා සිය වෘත්තිය තෝරාගන්නට ඉඩක් තිබුණ ද ඔහුගේ හිත තුල තිබුණේ පලස්තීන නිදහස පිළිබද සිහිනයයි. 1956 වසරේ දී ඊජිප්තු හමුදාවට බැදී සේවය කල අර්ෆත් සූවස් ව්‍යාපාරය වෙනුවෙන් සේවය කලේය. එයින් අනතුරුව කුවෙට් හි සිවිල් ඉංජිනේරුවෙක් ලෙසද සේවය කල අතර ඔහුට සිය අරමුණ කරා යන්නට මේ සියලු අත්දැකීම් ඉවහල් විය.

පසුව සිය මව්බිමෙන් ඉවත්ව ඊශ්‍රායලයට පැමිණ එහි සිය දේශපාලන ගමන් මග ආරම්භ කිරීමට මේ විප්ලවවාදියා කල්පනා කලේය. ඒ අනුව තවත් පලස්තීනුවන් කිහිපදෙනෙක් සමග එක්ව ෆාට් ගරිල්ලා සංවිධානය ආරම්භ කරමින් එහි නායකත්වයට පත් විය. ෆාට් ක්‍රමයෙන් විශාල සංවිධානයක් බවට පත්වුණි. අවසානයේ ජෝර්දානය ඇතුලු මුස්ලිම් රටවල් හා ලොව පුරා වෙසෙන බොහෝ දෙනෙක් ෆාට් සංවිධානය සමග එකතු වූයේ මිලියන 6.5 ක පලස්තීනුවන් වෙනුවෙන් ය.

1967 සිදුවූ දින හයේ යුද්ධයෙන් පලස්තීනයට අත්වූයේ විශාල පරාජයකි. ඉන් පසු වර්ශ 1969 දී අර්ෆත් පලස්තීන විමුක්ති සංවිධානයේ නායකයා ලෙස තෝරාගැනුණි. තව දුරටත් යුද්ධයෙන් මේ ගැටලුව විසදන්නට නොහැකි බව තේරුම්ගත් යසර් අර්ෆත් ඒ සදහා සාමයේ මාවත තෝරාගත්තේය. මෙයින් එක්සත් ජාතීන්ගේ සංවිධානය අර්ෆත්ට හා පලස්තීනයට සිය අවධානය යොමු කලේය. අවසානයේ දී සාමයේ මාවත තෝරාගනිමින් 1974 දී සාම සාකච්ඡා හරහා මේ ප්‍රශ්නය විසදාගන්නට ඔහු සූදානම් විය.

එය "සටන්කාමින්ගේ තුවක්කුවට සාමයේ ඔලිව් අත්තක් එල්ලීමක්" ලෙස ලොව පුරා ගෞරවයට පාත්‍ර විය.

1993 දී නෝර්වේ පැවති සාම සාකච්ඡා සදහා ඔහු සහභාගි වුණි. එය හැදින්වෙන්නේ ඔස්ලෝ සාම ගිවිසුම ලෙසයි. අවසානයේ දී ලෝක සාමය උදෙසා කල සේවාව වෙනුවෙන් යසර් අර්ෆත් 1994 වසරේදී නොබෙල් සාම ත්‍යාගයෙන් පිදුම් ලැබීය.

කෙසේ වෙතත් 2004 වසරේ දී අධික ලෙස අසනීප තත්ත්වයට පත්වුණු ඔහු ප්‍රංශයේ පැරිස් නුවර පර්සි හමුදා රෝහලේදී මරණයට පත්විය. පසුව සොයාගත් කරුණු අනුව යසර් අර්ෆත් නම් ශ්‍රේෂ්ඨ මිනිසා විශ එන්නත් කර මරා දැමූ බව අනාවරණය වුණි.

ශ්‍රේෂ්ඨ ජීවන දැක්මක සුන්දරම අවසානය ලුවී විටෝන් (LV)

2021-11-11T04:10:00.014-08:00

බ්‍රෑන්ඩඩ් දේවල් ගැන කතා කරනකොට අපේ ඔලුවට එන ප්‍රකට සන්නාමයක් තමයි ලුවි විටෝන් කියන්නේ. කාන්තා අත් බෑග්, මුදල් පසුම්බි, සෙරෙප්පු ඒ විතරක් නෙවෙයි මේ වෙද්දි ලුවී විටෝන් මාස්ක් පවා වෙළඳපලේ මිලදී ගන්න පුළුවන්. ඉතාම ඉහළ මිල ගණන් වලට තමන්ගේ නිෂ්පාදන වෙළඳපල වෙත සපයන මේ සමාගමේ නිර්මාතෘවරයා වෙන්නේ ලුවී විටෝන් මලේමියර්. ඔහු උපතින් ප්‍රංශ ජාතිකයෙක්. මිල අධික සන්නාම භාවිතා කරන සුන්දර කාන්තාවන්ගේ අංක එකේ තෝරාගැනීම ලුවී විටෝන් වුණත් ලුවී විටෝන් මලේමියර් ගේ ජීවිත කතාව නම් මේ තරම් සුන්දර එකක් නෙවෙයි.

කවුද මේ ලුවී විටෝන්

පැරීසියෙන් බොහොම ඈත අන්ජේ ජුරා කියන ප්‍රදේශයේ තමයි ඔහු ඉපදෙන්නේ. ඒ 1821 අගෝස්තු මාසේ 4 වෙනිදා. ලුවී ගේ අම්මා හිස්වැසුම් නිර්මාණය කළ කාන්තාවක්. තාත්තා වඩු කාර්මිකයෙක්. ඒ වගේම ගොවිතැන් කිරීමත් ඔවුන්ට ආදායමක් ගෙන ආ තවත් කර්මාන්තයක්. යම් යම් අඟහිග කම් තිබුණා වුණත් ලුවී විටෝන් මේ ගම්පළාතේ බොහොම සුන්දර ජීවිතයක් ගත කළා. හැබැයි ඒ එයාට වයස අවුරුදු 10 ක් වෙනකල් විතරයි.

එක දවසක් හදිසියේම ඔහුගේ අම්මා මියගියා. අවාසනාව කියන්නේ වැඩි දවසක් යන්න කලින් ලුවී ගේ තාත්තා ත් අම්මා ගිය දිහාවටම ගියා. අවසානෙදි එයාට ඉතිරි වුණේ මේ පවුල දන්නා හඳුනන කාන්තාවක් පමණයි. නමුත් තත්ත්වය ඒ තරම් හොඳ එකක් වුණේ නැහැ. එ නිසා වයස අවුරුදු 13 දී ලුවී නිවසින් පැන යන්න තීරණය කරනවා.

ඔහු හරිම ශක්තිමත් දරුවෙක්. ඔහුට සැබෑ කරගත යුතු සිහිනයක් තිබුණා. අන්චේ ඉදන් සැතපුම් තුන්සීයක් එපිටින් තිබුණු පැරීසියට ඔහු තනිවම ගමන ඇරඹුවා. පයින්ම. පැරීසියේ දී ඔහුට පුංචි පුංචි වැඩ කරලා කීයක් හරි හොයාගන්න පුළුවන් වුණා. මේ වෙද්දි ප්‍රංශය නැපෝලියන් බොනපාර්ට් ගේ පාලනය යටතේ නිර්මාණය වෙමිනුයි තිබුණේ. ඒ නිසා අලුත් අලුත් දේවල් හදන නිර්මාණකරුවන් වෙත අධිරාජ්‍යයාගේ අවධානය යොමු වෙලා තිබුණා. ඉතින් අවුරුදු 16 වෙද්දි ලුවී විටෝන්ට පුළුවන් වුණා අධිරාජ්‍යයාගේ අවධානය දිනාගන්න.

මලේටියර්

ලුවී මුලින්ම කළේ ට්‍රන්ක පෙට්ටි හදන එක. ඔහු ඒ වැඩේ බොහොම කලාත්මකව කළා. ඒ වගේම ඒවා ඇතුළට යම් දෙයක් අසුරද්දි වුණත් ඔහු ඒක කලේ හරි පිළිවෙලට. ලස්සනට. ඒ නිසා කවුරුත් මේ නිෂ්පාදනවලට ආස කළා. ඒ දවස්වල ඔහු පැරීසියේ ප්‍රසිද්ධ වුණේ ට්‍රන්ක් මේකර් ඇන්ඩ් පැකර් කියන නමින්. ප්‍රංශ භාෂාවෙන් මලේටියර් කියන්නේ ට්‍රන්ක පෙට්ටි හදන කෙනාට. ඒ නිසා තමයි ඔහුගේ නමේ අගට මලේටියර් කෑල්ලක් එකතු වුණේ. තෙවැනි නැපෝලියන් අධිරාජ්‍යයාගේ බිසව මරියා ඉයුජින් ඉග්නේෂියාට ඇඳුම් ආයිත්තම් දාන්න ට්‍රන්ක පෙට්ටියක් නිර්මාණය කරන්න ඔහුට අවස්ථාව ලැබුණා. ඒ වයස අවුරුදු 16 දී. මේ කාර්ය ඔහු බොහොම පිළිවෙලට කළ නිසා මාළිගයේ මෙවැනි කටයුතු සඳහා බඳවා ගන්නා නැපෝලියන් අධිරාජ්‍යයා පියවර ගන්නවා. එයින් ලුවී ට අනෙක් ප්‍රභූ පවුල් වෙත තමන්ගේ සේවාව සපයන්නත් අවස්ථාව ලැබුණා.

අවසානයේ දී සුපිරි පැළැන්තිය වෙනුවෙන් නිෂ්පාදන සපයන LV මුළු පැරීසිය පුරාම ජනප්‍රියත්වයට පත්වුණා.

ඉතාම කුඩා වයසේදී සියල්ල අහිමි වුවත් සිය මඟ වරදා නොගත් ලුවී විටෝන් වයස අවුරුදු 33 දී විවාහ වෙනවා. ඒ 17 හැවිරිදි ක්ලේමන්ස් එමලි නම් නව යොවුන් තරුණිය සමඟ. වයස අවුරුදු හැත්තෑවේ දි සිය ගමන නිමා කරනතුරුම ඔහු ලෝකයට දායාද කළ හැඩකාර නිෂ්පාදන සියල්ලම බිහිවුයේ කුඩා කළ පටන් ඔහු ලද ආත්මීය අත්දැකීම් ඇසුරින්.

ජෝජ්ස් ෆෙරෝල් විටෝන්

සිය පියාගේ ඇවෑමෙන් LV සන්නාමය අතට ගත් ජෝජ්ස් ෆෙරොල් විටෝන් හෙවත් ලුවී විටෝන්ගේ හා ක්ලේමන්ස් එමලි විටෝන්ගේ එකම පුතු සිය පියාගේම අඩිපාරේ යමින් ව්‍යාපාරය තවත් පුළුල් කළා. එය අදවන විට රටවල් 50 ක සාප්පු සංකීර්ණ 50 ක පමණ ව්‍යාප්ත වී තිබෙන්නේ ඒ සාධාරණ උත්සාහයේ ප්‍රථිපයක් විදියට. මේ මොහොත වෙද්දි LV රුසියාව, ජපානය, යුරෝපය පමණක් නොව ඇමරිකාව ද ආක්‍රමණය කර අවසන්.

ලුවී විටෝන් මේ තරම් ජනප්‍රිය ඇයි?

ඔවුන් නිෂ්පාදන සිදුකරන්නේ වසරේ සෘතු වලට ගැලපෙන ආකාරයට. සෘතුව අවසානයේ ඉතිරිය ටික දිනක් අන්තර්ජාලයේ විකිණිම සිදුකරනවා. නැත්නම් සේවකයන් අතර වට්ටම් සහිතව බෙදා දී ඉතිරි විනාශ කරදැමීම ඔවුන්ගේ සිරිතක්. ලුවී විටෝන් නිෂ්පාදන කිසි දිනෙක සේල් පොළවල දකින්න ලැබෙන්නේ නැහැ. ඒ වගේම මේ හැම නිෂ්පාදනයක්ම ජලයෙන් හා ගින්නෙන් ආරක්‍ෂිතයි. හිටපු ඔස්ටේ්‍රලියානු ක්‍රිකට් නායක මයිකල් ක්ලාක් ලුවී විටෝන් රසිකයෙක්. ඒ වගේම ධනවත් පවුල් බොහෝමයක් තමන්ගේ ගෙදර හැමදේම නිර්මාණය කරගන්නේ ලුවී විටෝන් සමාගමෙන්. ඒක ඔවුන්ට ලැබෙන ගෞරවයක් විදියටයි ඔවුන් සලකන්නේ.

සුපිරි ගායිකාවක වන රිහානා සිය ලුවී විටෝන් බෑගය සමග

තමන්ගේ අම්මා තාත්තා දෙදෙනාම නැතිව, හොඳ නරක කියා දෙන්න කිසිම කෙනෙක් නැතිව තමන්ගේ හීනයට ගිය මිනිස්සු කිහිප දෙනා අතර ලුවී විටෝන් ඉදිරියෙන්ම ඉන්නවා. ඒ වගේම ලෝකය උමතුවෙන් වැළඳගන්න තරමටම විලාසිතා ලෝකය අලුත් කළ LV නිෂ්පාදන නිර්මාණය වුණේ නැති දේ ගැන දුක් නොවී දක්‍ෂතාවයට තැන දුන් ඔහුගේම උනන්දුව, විශ්වාසය හා කැපවීම මෙන්ම ශ්‍රේෂ්ඨ ජීවන දැක්මයි.