ادبستان

ساہیوال میں قسور مبارک بٹ کے ہاں دوستوں کا اکٹھ

noreply@blogger.com (Unknown) — Thu, 15 Sep 2022 22:56:00 +0500

عہدِ حاضر میں اُردو پنجابی کے نمائندہ شاعر جنابِ یونس متین ، جنابِ زعیم رشید کے ہمراہ قسور مبارک بٹ کے ہاں تشریف لائے۔ مُلاقات میں جِس قدر بے تکلّفی ہو اُتنی ہی چاشنی بڑھتی چلی جاتی ہے۔ یہی بے تکلّفی اس نشست کا خاصا تھی۔ جو تھا جیسے تھا کی بنیاد پر مہمان نوازی کے بعد گُفتگو کا سلسلہ چل نِکلا۔ متین صاحب نے ساہیوال سے وابستہ پُرانی یادیں تازہ کیں جِن میں ایزد عزیز صاحب کا خُصوصی ذِکر ہوا۔ پنجابی زبان و ادب اور اصنافِ سُخن پر بات چل نِکلی تو انکشاف ہوا کہ متین صاحب پنجابی میں ایک مُنفرد صِنف متعارف کروا چُکے ہیں۔ جِسے ہم 'ہاڑا' کا نام دیتے ہیں۔ صِنفی اعتبار سے یہ بین یا 'وین' سے مُختلف ہے۔ متین صاحب کے ہاڑے تو غم کی تصویر ہیں لفظوں سے خُون ٹپکتا ہے۔ راقم نے اس پر تفصیلی مضمون لکھنے کا وعدہ کیا۔ غزل اور نظم میں 12 کتابوں کے خالق اور اپنے مُنفرد انداز سے دنیائے ادب میں نیک نامی کمانے والے یونس متین صاحب نے راقم سے کلام سُنانے کو کہا۔ میری ایک غزل کی مُترنّم بحر پر جھوم اُٹھے اور میرا دلِ گویا بلّیوں اُچھلنے لگا۔ بڑا پن ہے جو توجّہ فرمائی۔ قسور بٹ صاحب دانِش نے بڑا محظوظ کیا۔ موقع کی مناسبت سے چُست جُملوں اور لطائف سے قہقہوں کی گونج اُٹھتی۔ پھر زعیم رشید صاحب نے اپنے کلام سے نوازا۔ حاضرین نے بے حد لُطف اُٹھایا۔ یومس متین صاحب کے کلام اور پھر والہانہ انداز نے دِل پر اثر کیا۔ اشعار میں موجود تخیّل نے ہمیں جیسے زمانوں کی سیر کروا دی ہو۔ محفِل میں فاروق بیگ ہوں اور موسیقی نہ ہو؟ ہارمونیم اور ڈھولک کی سنگت میں متین صاحب کا خوبصورت کلام حاضرین کی نذر کیا گیا۔ ایک رات میں شاید کئی سالوں پر مُحیط تفریح کا سامان بہم مُیسّر تھا۔ حاضرین میں عبدالباسط، سیف منظور اور بوریوالہ سے مہمان موسیقار ساغر صاحب بھی موجود تھے۔ احباب کی بے تکلّفی نے اِتنا کُچھ جاننے کا موقع دیا کہ گُمان ہوا جیسے برسوں کی رفاقت ہے۔

پنجابی نظم وچ نفسیات" کتاب پورے پنجاب کی سماجی نفسیات کا احاطہ کرتی ہے: چانڈیو انور عزیز

noreply@blogger.com (Unknown) — Sat, 7 May 2022 15:27:00 +0500

"پنجابی نظم وچ نفسیات
مصنفہ 'ڈاکٹر ثنا مدثر بٹ
تبصرہ:چانڈیو انور عزیز
'پنجابی نظم وچ نفسیات' کتاب میں برصغیر کی تقسیم سے پہلے اور بعد کی پنجابی شاعری میں نفسیات کے موضوع کا احاطہ کیا گیا ہے. پنجابی شاعروں میں صرف مسلمان شاعروں کو ہی شامل کیا گیا ہے جو بادی النظر میں بات سمجھ میں آتی ہے کہ 'گورنمنٹ وومین کالج یونیورسٹی، لاہور کے پنجابی ڈپارٹمنٹ میں پی ایچ ڈی تھیسز کی ایپروول اور کامیابی کے لئے شاید ضروری بھی تھا' ، مگر بعد میں کتاب لکھتے وقت عظیم پنجابی سکھ، عیسائی اور ہندو شعراء کو بھی اضافی طور پر شامل کرنا کتاب کی اہمیت کا سبب بنتا. موضوع کی مناسبت سے جن پنجابی شعراء کی شاعری میں حالات حاضرہ کی نفسیات کا احاطہ کیا گیا ہے ان میں حضرات خواجہ فرید، بابا فرید، سلطان باہو، بلہے شاہ، مادھو لال حسین. میان محمد بخش، حافظ شاہجہان، میاں لطف علی، علی حیدر، شریف کنجاہی، شاہ مراد خانپوری، منیر نیازی، فقیر محمد فقیر، عبدالمجيد بھٹی سمیت بیسیوں شعراء شامل ہیں
پنجابی نظم وچ نفسیات" کتاب کی اہمیت کا اندازہ کتاب کے ٹائیٹل سے کیا جاسکتا ہے. اس سے زیادہ اہمیت کی حامل یہ بات ہے کہ اس کتاب کی مصنفہ ڈاکٹر ثنا مدثر بٹ صاحبہ ہیں جو پنجاب میں پنجابی زبان، ثقافت اور رہتل کے لئے ساری زندگی کام کرنے والے، بھلیکھا اور پنجاب ہاوس کے روح رواں و مشہور شخصیت جناب مدثر اقبال بٹ صاحب کی بیٹی ہیں، اس خاندان کی آواز کو پنجاب کی آواز کہا اور مانا جاتا ہے. مصنفہ نے یہ کتاب بھی اپنے والد محترم کے نام انتساب کی ہے.
کتاب کے ٹائیٹل سے تو یہ کتاب صرف 'پنجابی نظم میں نفسیات' کا احاطہ کرتی ہے مگر سچ یہ ہے کہ 'شاعر اپنے دور کے سیاسی، سماجی، معاشی، معاشرتی، نفسیاتی اور تاریخی مسائل پر عام لوگوں کے جذبات کو اپنے کلام میں پیش کرتا ہے، اس لئے یہ کہنا اضافی نہیں ہوگا کہ اس کتاب میں 'پورے پنجاب کے تقسیم سے پہلے اور بعد کی نفسیات کا احاطہ کیا گیا ہے، جو لوگ پنجاب، پنجابی اور پنجابیت میں دلچسپی رکھتے ہیں ان کو یہ کتاب ضرور پڑھنی چاہیے. "اکھاں کھل جان گیاں، پاجی " ,br> کتاب میں ملک کے سیاسی حالات کے شاعر کی نفسیات اور ادب پر اثرات اور سیاسی تاریخ کا بھی احاطہ کیا گیا ہے. کتاب کے مکھ بند میں مصنفہ لکھتی ہیں کہ "پاکستان نوں غلط پالیسیاں پاروں 1971ع دی جنگ دا سامنا کرنا پیا، جہدی وچ پاکستان اپنی اک بانہہ مشرقی پاکستان کٹوا بیٹھا تے سدا لئی اوس توں محروم ہوگیا.... پاکستان دے معاشی حالات ڈھیر خراب ہوگئے، جہدے پاروں ملک نوں ڈھیر نقصان اپڑیا. بنگلادیش دی تقسیم پاروں 'پٹ سن' دا ستر فیصد حصہ جیہڑا پاکستان لئہ فائدہ مند سی اوس تو محروم ہوگیا..... اس دور دی خرابی وچ اک ہور مسئلہ آمرانہ حکومت دا سی جہدا پاکستان نوں تن واری سامنا کرنا پیا سب توں پہلے ایوب خان نے مارشل لا لایا، فیر یحییٰ خان تے پھر ضیا الحق نے رہندی کسر پوری کردتی. اس دور اچ مہنگائی، لٹ کھسوٹ، آپا دھاپی، نفسانفسی، چور بازاری، ذخیرہ اندوزی، غبن، رشوت، سودخوری، اسمگلنگ، ناحق قتل و غارت، افلاس تے بیروزگاری دا بازار گرم سی...... سارے حالات نوں شاعراں دی اکھ تے دل نے ڈاہڈا محسوس کیتا تے اوہنا دا قلم سارا کجھ بیان کرن بنا نہ رہ سکا.... کئی شاعر اجیہے حالات ویکھ نوں ویکھ ویکھ کے نفسیاتی بیماریاں دا شکار ہوگئے نیں." (صفحہ 11-12-13)

"عالمی یوم خواتین " کے حوالے سے ثروت زہرہ کی نظم

noreply@blogger.com (Unknown) — Tue, 8 Mar 2022 15:53:00 +0500

بے پروں کی تتلی
یہ جھاڑن کی مٹی سے
میں گر رہی ہوں
یہ پنکھے کی گھو ں گھوں میں
میں گھومتی ہوں
یہ سالن کی خوش بو پہ
میں جھومتی ہوں
میں بیلن سے چکلے پہ
بیلی گئی ہوں
توے پر پڑی ہوں
ابھی جل رہی ہوں
یہ ککر کی سیٹی میں
میں چیختی ہوں
کسی دیگچی میں پڑی گل رہی ہوں
مگر جی رہی ہوں
مسلسل مسلسل

کیا یہ پاک پولیٹیکل لیگ ٹٰی ٹونٹی میچ کا آخری اوور ہے؟ لیگ (پی پی ایل)۔ ٹرافی کون جیتے گا؟

noreply@blogger.com (Unknown) — Tue, 8 Mar 2022 01:47:00 +0500

لطافت علی صدیقی
ایڈیٹر کینیڈ ین ایشین نیوز، کینیڈا
اسلام آباد اور لاہور میں ہر گھنٹہ ڈرامائی سیاسی واقعات رونما ہو رہے ہیں۔
گزشتہ چند گھنٹوں میں ہونے والی چند اہم پیش رفتوں اور واقعات کی فہرست یہ ہے۔
اخباری رپورٹس کے مطابق، پاک فوج کے سربراہ جنرل قمر جاوید باجوہ نے آج اسلام آباد میں وزیر اعظم عمران خان سے ملاقات کی جس میں سیکیورٹی امور پر تبادلہ خیال کیا گیا۔
پی پی پی چیئرمین کا کہنا ہے کہ ’’وزیراعظم کے پاس مستعفی ہونے کے لیے 24 گھنٹے ہیں۔
علیم خان نے پاکستان کے سیاسی مرکز لاہور میں سیاسی دھماکہ کر دیا۔ انہوں نے اپنے گروپ کو جہانگیر ترین گروپ میں ضم کرنے کا اعلان کیا۔
ترین جلد سے جلد اسلام آباد واپس آنے کے لیے اپنا لندن کا دورہ مختصر کر رہے ہیں۔
آج صبح وزیر اعظم نے گورنر سندھ عمران اسماعیل اور وزیر دفاع پرویز خٹک سے کہا کہ وہ ناراض اراکین کو پارٹی میں واپس لائیں۔ – جہانگیر، علیم خان گروپس کے ارکان وزیراعظم سے وسیم اکرم پلس عثمان بزدار وزیراعلیٰ پنجاب کو برطرف کرنے کا کہہ رہے ہیں
۔ پی ٹی آئی کی مذاکراتی ٹیم نے گیند واپس وزیراعظم کے کورٹ میں ڈال دی ہے۔
خورشید شاہ نے اشارہ دیا کہ پیپلز پارٹی کا لانگ مارچ اسلام آباد میں داخل ہونے پر پارلیمنٹ میں تحریک عدم اعتماد پیش کی جائے گی۔
پی پی ایل فائنل کا آخری اوور کرنے کے لیے اب گیند کپتان عمران خان کے ہاتھ میں ہے۔

سابق صدر پاکستان رفیق تارڑ انتقال کر گئے

noreply@blogger.com (Unknown) — Mon, 7 Mar 2022 13:57:00 +0500

سابق صدر پاکستان رفیق تارڑ انتقال کر گئے۔
رفیق تارڑ عرصہ دراز سے علیل تھے
انہیں صبح دل کی تکلیف ہوئی، رفیق تارڈ کو اسپتال لے جایا گیا لیکن جانبر نہ ہوسکے۔
خیال رہے محمد رفیق تارڑ 1997 سپریم کورٹ کے جج کے طور پر ریٹائر ہونے کے بعد پاکستان مسلم لیگ نواز کے ٹکٹ پر سینیٹ کے رکن منتخب ہوئے اور پھر اسی سال ملک کے صدر بنے۔ ان کے دور میں صدر کے اختیارات کو بتدریج کم کیا گیا اور بالآخر تیرھویں ترمیم کے ذریعے صدر کے اختیارات میں آئین کی روح کے مطابق مکمل طور پر کمی کر دی گئی۔ 1999 میں جنرل پرویز مشرف کی طرف سے میاں نواز شریف کی حکومت کی برطرفی کے بعد انہیں عہدے سے نہیں ہٹایا گیا اور وہ 2001 تک صدر رہے۔

پیپلزپارٹی کا 8 یا 9 مارچ کو تحریک عدم اعتماد لانے کا اعلان

noreply@blogger.com (Unknown) — Mon, 7 Mar 2022 00:34:00 +0500

لاہور میں صحافیوں سے غیر رسمی بات کرتے ہوئے پیپلز پارٹی کے مرکزی رہنما خورشید شاہ کا کہنا تھا کہ ریاست کو بچانے کے لئے اب عمران خان کو گھر جانا ہوگا، ہمارے نمبر پورے ہیں تبھی تو میدان میں آئے ہیں، ہماری کوشش ہوگی ایمپائر نیوٹرل ہو جائے۔
خورشید شاہ نے انکشاف کیا کہ ہمارے پاس نمبرز پورے ہوگئے ہیں، 8 یا 9 مارچ کو وزیراعظم کے خلاف تحریک عدم اعتماد لا رہے ہیں، اسپیکر قومی اسمبلی کے خلاف بھی عدم اعتماد پیش کریں گے، اور ہم جس کے خلاف بھی تحریک عدم اعتماد پیش کریں گے وہ کامیاب ہوگی۔

تحریک عدم اعتماد ناکام ہونے پر چوروں کیساتھ جو کروں گا اس کیلیے وہ تیار ہوجائیں، وزیراعظم

noreply@blogger.com (Unknown) — Mon, 7 Mar 2022 00:20:00 +0500

میلسی: وزیراعظم عمران خان نے جنوبی پنجاب کے لیے مزید 500 ارب روپے مختص کرنے اور اسے الگ صوبہ بنانے کے لیے جلد قومی اسمبلی میں آئینی ترمیم لانے کا اعلان کردیا۔
اس بات کا اعلان انہوں نے میلسی میں تحریک انصاف کے جلسہ عام سے خطاب میں کیا۔ جلسہ گاہ میں کارکنان اور مداحوں کی بہت بڑی تعداد موجود تھی۔
وزیراعظم عمران خان نے کہا کہ عوام کی مشکلات کو دیکھتے ہوئے پٹرول پر 10 روپے اور بجلی پر 5 روپے کم کیے اس لیے کہ اس بار ایف بی آر نے ریکارڈ ٹیکس جمع کیا جس قدر ٹیکس جمع ہوتا رہے گا عوام کو ریلیف فراہم کرتے رہیں گے، لندن میں بیٹھے ہوئے بھگوڑے سے اگر پیسہ واپس آگیا تو پیٹرول ڈیزل کی قیمت آدھی کردوں گا۔
عمران خان نے کہا کہ میں آج تک کسی کے سامنے نہیں جھکا اور جب تک زندگی ہے اپنی قوم کو بھی کسی کے سامنے جھکنے نہیں دوں گا، آج جتنی بھی مہنگائی ہے وہ پیپلز پارٹی کے دور سے کم ہے۔
وزیراعظم نے کہا کہ یورپی یونین کے سفیر نے پاکستان کو خط لکھا کہ روس کے خلاف بیان دیں، میں یورپی یونین کے سفیروں سے پوچھتا ہوں کہ وہ بتائیں کہ کیا آپ نے جو خط ہمیں لکھا ہے کیا آپ نے وہ بھارت کو بھی لکھا؟ کیا ہم غلام ہیں کہ جو آپ کہیں ہم وہ کریں، ہم ایک آزاد اور خود مختار ریاست ہیں، نیٹو کا ساتھ دینے پر ہم نے 80 ہزار سے زائد جانوں کی قربانی دی، یورپی یونین کے سفیر بتائیں کہ ہم نے آپ کی مدد کی کیا آپ نے ہمارا شکریہ ادا کیا
عمران خان نے کہا کہ تاریخ میں کبھی ایسا نہیں ہوا کہ کوئی ملک کسی کے لیے جنگ لڑے اور اس پر وہی ملک ڈرون بمباری شروع کردے جس میں بے گناہ اور معصوم جانیں ضائع ہوں، اس وقت کے حکمرانوں کو شرم نہیں آئی کہ پاکستانی مررہے ہیں وہ کیوں خاموش رہے؟ وہ دو ڈاکو اس لیے نہیں بول رہے تھے کہ ان کا پیسہ باہر کے ملکوں میں موجود تھا۔
انہوں نے کہا کہ قوم بتائے کہ میں جب سے وزیراعظم بنا ہوں کیا ملک پر کوئی ڈرون حملہ ہوا؟ اگر میرے دور حکومت میں ڈرون نے حملے کی کوشش کی تو فضائیہ کو حکم دوں گا کہ ڈرون کو مار گرادے۔
انہوں ںے کہا کہ ہمارے چین، امریکا، روس سمیت سب سے اچھے تعلقات ہیں اور ہم کسی بھی ملک کے کیمپ میں نہیں، ہم جنگ میں کسی کا ساتھ نہیں دیں گے اور امن میں سب کے ساتھ ہیں اور کوشش کریں گے کہ یوکرین جنگ بند ہوجائے۔
تحریک عدم اعتماد پر بات کرتے ہوئے انہوں ںے کہا کہ یہ تحریک لا کون رہا ہے، نواز شریف جو جھوٹ بول کر ملک سے باہر چلے گئے، کبھی گیدڑ بھی لیڈر بن سکتا ہے؟ کبھی سنا ہے کہ لیڈر دم دبا کر بھاگ گیا؟ نواز شریف دوسری بار ملک سے بھاگے اور جھوٹ کہا کہ کوئی معاہدہ کرکے باہر نہیں گیا اور معاہدہ بھی سامنے آگیا۔
عمران خان نے کہا کہ ن لیگ میں اچھے اچھے لوگ بھی ہیں جن سے پوچھنا چاہتا ہوں کہ گوگل پر سرچ کریں کہ کوئی مثال ایسی ہے کہ دو بچے پڑھنے باہر جائیں اور اربوں روپے کے محل میں رہیں اور پیسے پر جواب دیں کہ ہم پاکستانی شہری نہیں اور اس لیے جواب دہ نہیں۔
قائد حزب اختلاف شہباز شریف پر تنقید کرتے ہوئے انہوں نے کہا کہ اگر شہباز شریف کو گرفتار کرنا ہے تو مقصود چپڑاسی کو سامنے لے آئیں جس کے اکاؤنٹ سے شہباز شریف کے اربوں روپے نکلے، نواز شریف اور ان کی بیٹی فوج کے خلاف بیانات دیتے ہیں جب کہ شہباز شریف کو کوئی بھی بوٹ نظر آئے تو وہ اس کی پالش شروع کردیتے ہیں۔
آصف زرداری کو نشانہ بناتے ہوئے انہوں نے کہا کہ آصف زرداری کو نواز شریف نے کرپشن پر دو بار جیل بھیجا، برطانیہ میں موجود سرے محل پر زرداری نے کہا کہ یہ محل میرا نہیں، محل فروخت کرکے پیسہ پاکستان لایا گیا پھر مشرف نے اسے این آر او دے دیا۔
فضل الرحمان کے حوالے سے وزیراعظم کا کہنا تھا کہ مولانا پڑھے لکھے اور معتبر شخص کو کہتے ہیں میں فضل الرحمان کو مولانا نہیں کہوں گا کیوں کہ جو ڈیزل کے پرمٹ کو بیچ کر پیسے بنائے وہ معتبر نہیں، فضل الرحمان کہتے ہیں کہ یہودی ملک کے خلاف سازش کررہے ہیں، فضل الرحمان کے ہوتے ہوئے یہودیوں کو ملک کے خلاف سازش کرنے کی کیا ضرورت ہے؟ فضل الرحمان دین کے نام پر پیسے بناتے ہیں انہیں شرم آنی چاہیے۔
وزیراعظم نے کہا کہ مدرسے کے بچے ملک کا بڑا اثاثہ ہیں جنہیں فضل الرحمان پیسہ بنانے اور بلیک میلنگ کے لیے استعمال کررہے ہیں جس کی میں مذمت کرتا ہوں۔
وزیراعظم نے کہا کہ میڈیا ایک واچ ڈاگ ہوتا ہے، میڈیا کرپٹ لوگوں کے قریب نہیں جاتا، میڈیا میں جو ڈاکوؤں کی حمایت کر رہے ہیں کیا آپ چاہیں گے آپ کا بیٹا فضلو ڈیزل، نواز شہباز چور یا زرداری ڈاکو بن جائے؟
عمران خان نے مزید کہا کہ میں 25 سال قبل ان کا مقابلہ کرنے آیا تھا جب تک جسم میں خون ہے مقابلہ کروں گا، میری پوری تیاری ہے کہ یہ جو بھی کریں ان کا مقابلہ کروں گا، ان کی تحریک عدم اعتماد ناکام ہونے پر میں ان چوروں کے ساتھ جو کروں گا وہ اس کے لیے تیار ہوجائیں۔

ق لیگ مفت میں ووٹ نہیں دے گی، انہیں بہتر پیشکش دینی چاہیے: بلاول بھٹو

noreply@blogger.com (Unknown) — Thu, 3 Mar 2022 14:42:00 +0500

کراچی: (ادبستان نیوز) بلاول بھٹو نے کہا ہے کہ ق لیگ مفت میں ووٹ نہیں دے گی، انہیں بہتر پیشکش دینی چاہیے، کون کون رابطے میں ہیں، مناسب وقت پر نام سامنے لائیں گے۔
چیئرمین پاکستان پیپلزپارٹی بلاول بھٹو زرداری نے اپنے بیان میں کہا ہے کہ حکومت کو ہٹانے کیلئے عدم اعتماد ہی جمہوری طریقہ ہے، عمران خان کے بعد محدود مدت کا سیٹ اپ آئے گا، وزیراعظم کیلئے شہباز شریف کو ووٹ دینا پیپلزپارٹی کیلئے کڑا ٹاسک ہے، ملکی مفاد میں شارٹ ٹرم کیلئے یہ قربانی دینے کو تیار ہیں۔
خیال رہے گزشتہ روز بلاول بھٹو زرداری نے کہا کہ ملک پر کٹھ پتلی حکومت مسلط ہے، الٹی گنتی شروع ہو چکی، جمہوری حقوق پر ڈاکا ڈالنے والوں کو اب جانا ہی پڑے گا۔ انہوں نے کہا کہ تاریخ گواہ ہے حقوق کبھی پلیٹ میں رکھ کر پیش نہیں ہوتے، لڑنا پڑتا ہے اور حقوق چھیننے پڑتے ہیں۔ حقوق کے حصول کے لیے جدوجہد، محنت اور قربانیاں دینا پڑتی ہیں۔ جس وقت پیپلز پارٹی کی رہنما فریال تالپور اسلام آباد کے ایک ہسپتال میں تھیں، وہ گھوٹکی میں قومی اسمبلی کی نشست میں حصہ لے رہی تھیں، مشکل وقت میں گھوٹکی کے عوام نے ان کا ساتھ دیا اور پیپلز پارٹی نے یہ نشست جیتی۔ کچھ لوگ چاہتے تھے عمران خان یہ سیٹ جیتیں اور یہ ضمنی انتخابات میں کٹھ پتلی عمران خان کی پہلی شکست تھی۔
پی پی کا کہنا تھا کہ گھوٹکی کے عوام کو کبھی نہیں بھول سکتا جنہوں نے مشکل وقت میں پیپلز پارٹی کا ساتھ دیا۔ وہ ایک بار پھر ایسے وقت میں گھوٹکی آئے ہیں جب ہر شہری اس سلیکٹڈ اور کٹھ پتلی عمران خان کی پالیسیوں سے پریشان ہے۔ عمران خان تبدیلی کے نام پر پاکستان پر تباہی لے کر آئے ہیں۔
بلاول بھٹو کا کہنا تھا کہ پیپلز پارٹی غریب عوام کے حقوق کے لیے بنائی گئی ہے۔ قائداعظم نے مزدور، کاشتکار، طلباء، خواتین اور معاشرے کے ہر طبقے کو حقوق دیے۔ اس نے پاکستان کو ایٹمی صلاحیت دی۔ شہید بینظیر بھٹو نے دو آمروں جنرل ضیاء اور جنرل مشرف کا مقابلہ کیا۔ ان دہشت گردوں کی مخالفت کی جو پاکستان کو تباہ کرنا چاہتے تھے۔ یہ محنت کا نتیجہ تھا آج پاکستان میں جمہوریت ہے۔ حقوق محنت اور قربانیاں مانگتے ہیں۔

تحریک عدم اعتماد کا مسودہ تیار ، 80 سے زائد اراکین کے دستخط

noreply@blogger.com (Unknown) — Thu, 3 Mar 2022 14:38:00 +0500

اسلام آباد: (ادبستان نیوز) اپوزیشن نے تحریک عدم اعتماد کا مسودہ تیار کرلیا۔ تحریک پر 80 سے زائد اپوزیشن اراکین کے دستخط ہیں۔
ذرائع کے مطابق پیپلزپارٹی، ن لیگ، جے یو آئی ف، اے این پی، بی این پی مینگل اور دیگر کے دستخط ہیں۔ ملک اقتصادی زبوں حالی کا شکار ہے۔ ملک کو معاشی بحرانوں سے نکالنے کا کوئی روڈ میپ نہیں۔ مجوزہ مسودے کے مطابق ملک میں سیاسی عدم استحکام اور غیر یقینی صورتحال ہے، خارجہ پالیسی مکمل طور پر ناکام ہوچکی ہے۔
مجوزہ مسودے میں کہا گیا کہ قائد ایوان اس ایوان کی اکثریت کا اعتماد کھو چکے ہیں، مذکورہ بالا صورتحال کے تناظر میں قائد ایوان کے خلاف عدم اعتماد کی تحریک پیش کی جاتی ہے۔ اپوزیشن نے اسمبلی اجلاس بلانے کی ریکوزیشن بھی تیار کر رکھی ہے۔ اپوزیشن لیڈر شہباز شریف کے چیمبر کو الرٹ کر دیا گیا۔ تحریک عدم اعتماد اور ریکوزیشن کسی بھی وقت جمع کروائی جا سکتی ہے۔

وزیراعظم عمران خان نے سیکیورٹی صورتحال پر اہم اجلاس طلب کرلیا

noreply@blogger.com (Unknown) — Wed, 2 Mar 2022 16:34:00 +0500

اسلام آباد : وزیراعظم عمران خان نے سیکیورٹی صورتحال پر اہم اجلاس طلب کرلیا، جس میں خطے کی صورتحال کے پیش نظر عالمی سطح پر حکمت عملی پر غور کیا جائے گا۔
تفصیلات کے مطابق وزیراعظم عمران خان کی زیرصدارت سیکیورٹی امور سے متعلق اہم اجلاس آج سہ پہر ہوگا، جس میں سول اور عسکری حکام شریک ہوں گے۔
ذرائع نے بتایا کہ اجلاس میں قومی سلامتی امور سمیت خطے کی صورتحال کے پیش نظر عالمی سطح پر حکمت عملی پر مشاورت ہو گی اور ملک کی سیکورٹی صورتحال کا جائزہ لیا جائے گا۔
یاد رہے 2 روز قبل وزیراعظم سے آرمی چیف کی ملاقات پرائم منسٹر ہاؤس میں ہوئی تھی ، جس میں پاک فوج کے پیشہ ورانہ امور پر تبادلہ خیال کیا گیا جب کہ ملکی سلامتی، سیکیورٹی اور امن و امان کی صورتحال پر بھی گفتگو کی گئی تھی۔
اس سے قبل وزیراعظم نے قوم سے خطاب میں کہا تھا کہ زو دنیا میں بڑی تیزی سےصورتحال بدل رہی ہے پاکستان پر بھی دنیاکی تیزی سے بدلتی صورتحال کے اثرات پڑ رہے ہیں۔

ٹک ٹاک نے دس منٹ طوالت کی ویڈیو کا اعلان کردیا

noreply@blogger.com (Unknown) — Wed, 2 Mar 2022 16:09:00 +0500

بیجنگ: ٹک ٹاک نے اپنے حریف ویڈیو پلیٹ فارم کے انقلابی اقدامات کےبعد اب ویڈیو طوالت کو بڑھانے کا فیصلہ کیا ہے جو پہلے تین منٹ تک محدود تھا لیکن اب دس منٹ کی ٹک ٹاک ویڈیو بنائی اور پوسٹ کی جاسکتی ہے۔ چینی ویڈیو پلیٹ فارم کے ترجمان نےایک بیان میں کہا ہے کہ ہم ہمیشہ ہی اپنی کمیونٹی کے لیے بہترین تجربات پیش کرتے ہیں تاکہ اسے تفریح کا بہتر پلیٹ فارم بنایا جائے۔ اب پلیٹ فارم پر دس منٹ کی ویڈیو بنائی اور پوسٹ کی جاسکتی ہے تاکہ عالمی صارفین کے لئے تخلیقی عمل کو بڑھا جاسکے۔‘ بعض صارفین نے ایپ کے اندر ہی اس نئے فیچر کی تصدیق بھی کی ہے۔ واضح رہے کہ ٹک ٹاک ایک عرصے سے اپنی ویڈیو کا دورانیہ بڑھانے پر غور کررہا ہے۔ گزشتہ برس ایک منٹ سے تین منٹ تک کی ویڈیو کا اعلان کیا گیا تھا اور اب یہ دس منٹ تک جاپہنچی ہے۔ اس میں کوئی شک نہیں کہ ٹک ٹاک پلیٹ فارم کی مقبولیت بہت تیزی سے بڑھی ہے لیکن ٹک ٹاک بعض خامیوں کی وجہ سے تنقید کی زد میں تھا۔ اس میں سب سے بڑا مسئلہ خود ٹک ٹاکرز کی آمدنی کا ہے جس پر اسٹار ٹک ٹاکرز نے بھی اعتراض اٹھایا تھا۔ ویڈیو مختصر ہونے کی وجہ سے درمیان میں اشتہار چلانا ایک بڑا چیلنج تھا۔ اس کے مقابلے میں یوٹیوب میں اس کی بھرپور سہولت موجود ہوتی ہے۔ دوسری جانب فیس بک نے بھی 60 سیکنڈ تک کی مختصر ویڈیو ریل کی سہولت کا دس روز پہلے اعلان کیا تھا جسے شاید ٹک ٹاک نے سنجیدگی سے لیا ہے۔ یہی وجہ ہے کہ ایک جانب یوٹیوب مختصر ویڈیو شارٹس پر توجہ دے رہا ہے تو ٹک ٹاک نے یوٹیوب کی طرز پر بڑی ویڈیو کے لیے گنجائش پیدا کی ہے۔

لاہور قلندرز نے پہلی بار پی ایس ایل کا ٹائٹل اپنے نام کرلیا۔

noreply@blogger.com (Unknown) — Mon, 28 Feb 2022 00:04:00 +0500

لاہور: پاکستان سپر لیگ(پی ایس ایل) سیزن 7 کے فائنل میچ میں لاہور قلندرز نے ملتان سلطان کو 42 رنز سے شکست دے کر پہلی بار پی ایس ایل کا ٹائٹل اپنے نام کرلیا۔
ایچ بی ایل پی ایس ایل 7 کے فائنل میں لاہور قلندرز کے کپتان شاہین شاہ آفریدی نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 5 وکٹوں کے نقصان پر 180 رنز بنائے اور ملتان سلطانز کو جیت کے لیے 181 رنز کا ہدف دیا، اننگز کے آخر پانچ اوورز میں ہیری بروک اور ڈیوڈ ویز نے دھواں دھار بیٹنگ کر کے اسکور بورڈ پر بڑا مجموعہ سجایا۔
ملتان سلطانز کی اننگز
ہدف کے تعاقب میں ملتان سلطانز کی اننگز کا آغاز مایوس کن رہا، شان مسعود 19 رنز بنا کر رن آؤٹ ہوئے اور کپتان محمد رضوان کو محمد حفیظ نے چلتا کیا، عامر عظمت 6 اور آصف آفریدی صرف ایک رن بنا کر پویلین لوٹ گئے، رلی روسو 15 رنز کے انفرادی اسکور پر حفیظ کی بال پر اسد شفیق کو کیچ دے بیٹھے، ٹم ڈیوڈ بھی 17 گیندوں پر 27 رنز بنا کر کیچ آؤٹ ہوئے۔ بعد ازاں سلطانز کے خوش دل شاہ 33 رنز اور ڈیوڈ ویلے بغیر کھاتہ کھولے کلین بولڈ ہوئے۔
اس کے بعد رومان رئیس اور عمران طاہر 138 کے مجموعی اسکور پر آؤٹ ہوکر پویلین لوٹے۔ 181 رنز ہدف کے تعاقب میں سلطانز کی ٹیم 19.3 اوورز میں 138 پر ڈھیر ہوگئی۔
ملتان کے خوش دل شاہ 32 اور ٹم ڈیوڈ 27 رنز بنا کر نمایاں بلے باز رہے جبکہ لاہور قلندرز کے شاہین شاہ آفریدی نے تین جبکہ محمد حفیظ اور زمان خان نے دو ، دو وکٹیں حاصل کیں، اسی طرح حارث رؤف اور ڈیوڈ ویزے کے حصے میں ایک ایک وکٹ آئی۔
لاہور قلندرز کی اننگز
لاہور قلندرز کا فائنل میچ میں ٹاس جیت کر آغاز اچھا نہ رہا، اوپنر فخر زمان صرف 3 رنز بنا کر آصف آفریدی کی بال پر آؤٹ ہوئے، لاہور کی پہلی وکٹ 12 رنز کے مجموعی اسکور پر گری، بعد ازاں ذیشان اشرف 7 رنز بنا کر چلتے بنے، عبداللہ شفیق 14 رنز بنا کر پویلین لوٹے، کامران غلام اور محمد حفیظ نے لڑکھڑاتی ٹیم کو سہارا دینے کی کوشش کی۔ بعد ازاں کامران غلام بھی 15 رنز بنا کر آصف آفریدی کا شکار بن گئے تاہم محمد حفیظ نے ذمے دارانہ اننگز کھیلی اور 46 گیندوں پر 69 رنز بنا کر نمایاں رہے۔ پہلی اننگز کے آخر میں ہیری بروک اور ڈیوڈ ویز نے جارحانہ بیٹنگ کی، ویز صرف 8 بولوں پر 28 جبکہ ہیری بروک 41 رنز بنا کر ناقابل شکست رہے۔ اس طرح مقررہ 20 اوورز میں لاہور قلندرز نے 5 وکٹوں کے نقصان پر 180 رنز بنائے اور ملتان سلطانز کو جیت کے لیے 181 رنز کا ہدف دیا۔ ملتان سلطانز کے آصف آفریدی نے 3 جبکہ ڈیوڈ ویلے اور شاہ نواز داہانی نے ایک ایک کھلاڑی کو آؤٹ کیا۔

مضمحل اجنبی اندھیرں میں / کھو گئی تھی شبِ شناسائی / اشفاق حسین

noreply@blogger.com (Unknown) — Sat, 26 Feb 2022 15:05:00 +0500

شب کسی مہرباں کی یاد آئی
صبح تک جاگتی تھی تنہائی
روشنی تھی چراغ چہروں کی
تیرگی کھو چکی تھی بینائی
نیند ناراحتی کے گجرے میں
رتجگوں کے کنول پرولائی
آنسوؤں کی پھوار کے نیچے
خامشی لے رہی تھی انگڑائی
منتظر رقصِ نوحہ گر کی تھی
درد کی بے قرار انگناائی
مضمحل اجنبی اندھیرں میں
کھو گئی تھی شبِ شناسائی
دل کو اشفاقؔ یوں جو دکھنا تھا
کیوں پھر اُس مہرباں کی یاد آئی

یہ میں جو خاک پہ کچھ صورتیں بناتا ہوں / انہیں بھی آپ عطا خال و خد کریں صاحب/ قمر رضاشہزاد

noreply@blogger.com (Unknown) — Fri, 25 Feb 2022 19:02:00 +0500

مرے لکھے ہوئے لفظوں کو رد کریں صاحب
دعا انہیں بھی جو مجھ سے حسد کریں صاحب
میں اپنے بعد بھی دنیا میں جگمگاتا رہوں
مرے چراغ کی لو تا ابد کریں صاحب
یہاں میں شہر محبت بسانا چاہتا ہوں
سو آپ تھوڑی سی میری مدد کریں صاحب
سنا ہے دشت کو مسند نشین چاہیے ہے
مجھے بھی اس کے لئے نامزد کریں صاحب
مجھے بھی آپ سا دنیا پرست ہونا ہے
میں نیک ہوں مجھے تھوڑا سا بد کریں صاحب
یہ میں جو خاک پہ کچھ صورتیں بناتا ہوں
انہیں بھی آپ عطا خال و خد کریں صاحب

وزیراعظم عمران خان کی ماسکو میں روسی صدر سے ملاقات، اہم امور پر بات چیت

noreply@blogger.com (Unknown) — Thu, 24 Feb 2022 18:22:00 +0500

ماسکو: وزیر اعظم عمران خان کی ماسکو میں روسی صدر ولادی میر پیوٹن کے ساتھ اہم ملاقات جاری ہے جس میں مختلف امور پر بات چیت کی جارہی ہے۔
ملاقات میں دو طرفہ امور، خطے کی صورتحال اور خصوصاً افغانستان میں رونما ہونے والی سیاسی صورتحال پر غور ہوگا۔ ملاقات کے بعد وفود کی سطح کے مذاکرات ہوں گے، جن میں مختلف شعبوں میں تعاون پر باہمی یادداشت کے معاہدے کئے جائیں گے۔
قبل ازیں آج صبح وزیراعظم نے دوسری جنگ عظیم میں ہلاک ہونے والے فوجیوں کی یادگار پر بھی حاضری دی۔ یادگار کریمیلین کے الیگزینڈر گارڈن میں تعمیر کی گئی۔ وزیراعظم نے یادگار پر پھول بھی رکھے۔
وزیراعظم عمران خان گزشتہ روز روس کے دو روزہ سرکاری دورے پر ماسکو پہنچے تھے
عمران خان 2 دہائیوں بعد روس کا دورہ کرنے والے پہلے پاکستانی وزیرِ اعظم ہیں۔
وفاقی وزراء شاہ محمود قریشی، چوہدری فواد حسین، اسد عمر، حماد اظہر، مشیرِ تجارت عبدالرزاق داؤد، مشیرِ قومی سلامتی ڈاکٹر معید یوسف اور عامر محمود کیانی بھی وزیرِ اعظم عمران خان کے ہمراہ روس پہنچے ہیں۔

نور مقدم قتل: ظاہر جعفر کو سزائے موت سنا دی گئی

noreply@blogger.com (Unknown) — Thu, 24 Feb 2022 14:07:00 +0500

نور مقدم قتل کیس میں ظاہر جعفر کو سزائے موت سنا دی گئی
اسلام آباد کی ڈسٹرکٹ اینڈ سیشن کورٹ کے ایڈیشنل اینڈ سیشن جج عطاء ربانی نے نور مقدم قتل کیس کا محفوظ کیا گیا فیصلہ سنایا۔
عدالت نے شریک ملزمان خانساماں جمیل اور چوکیدار افتخار کو 10، 10 سال قید کی سزا سنائی۔
ڈسٹرکٹ اینڈ سیشن کورٹ اسلام آباد نے مجرم ظاہر جعفر کے والدین ذاکر جعفر اور عصمت آدم جی اور تھراپی ورکس کے ملازم تمام ملزمان کو بری کر دیا۔
دورانِ سماعت ملزم ظاہر جعفر، اس کے والد ذاکر جعفر اور گھریلو ملازمین کو عدالت میں پیش کیا گیا، ملزمان کو جیل کی وین میں اڈیالہ جیل سے ایف ایٹ کچہری لایا گیا۔ جج عطاء ربانی نے پولیس کو حکم دیا کہ میں نے ملزمان سے بات کرنی ہے، سب باہر چلے جائیں۔ جج کے حکم پر کمرۂ عدالت سے میڈیا، وکلاء اور غیر متعلقہ افراد کو باہر نکال دیا گیا۔ عدالت پہنچنے پر مقتولہ نور مقدم کے والد شوکت مقدم نے میڈیا سے گفتگو کرتے ہوئے کہا کہ سب پُرامید ہیں کہ نور مقدم قتل کیس میں آج انصاف ملے گا۔ انہوں نے یہ بھی کہا کہ پُر امید ہوں کہ قاتل اور جرم کرنے والوں کو سزائیں ملیں گی اور قانون کی بالا دستی ہو گی، دعا ہے کہ نور مقدم قتل کیس میں فیصلہ انصاف پر مبنی ہو۔ نور مقدم قتل، کب کیا ہوا؟ گزشتہ برس 20 جولائی2021ء کو عیدالاضحیٰ کے روز اسلام آباد کے سیکٹر ایف سیون میں نور مقدم کے بہیمانہ قتل نے انسانیت کو جھنجھوڑ کر رکھ دیا۔ پولیس نے تفتیش شروع کی تو معلوم ہوا کہ مرکزی ملزم ظاہرجعفر واقعے سے قبل اپنے والدین ذاکر جعفر اور عصمت آدم جی سے مسلسل رابطے میں رہا۔ پولیس کے مطابق ملزم کے والدین نے پولیس کو اطلاع دینے کی بجائے تھراپی ورکس سے رابطہ کیا، تھراپی ورکس کی ٹیم جائے وقوع پر پہنچی تو ملزم ظاہر جعفر نے مبینہ طور پر تھراپی ورکس کے ملازم امجد کو چاقو کے وار کر کے زخمی کر دیا، پولیس کے پہنچنے تک نور مقدم کا قتل ہو چکا تھا اور مقتولہ کی سربریدہ لاش وہاں موجود تھی۔ پولیس نے ملزم کو خون آلودہ قمیض میں گرفتار کر کے جائے وقوع سے آلۂ قتل بھی برآمد کیا۔ شواہد چھپانے اور جرم میں معاونت کے الزام میں پولیس نے قتل کے 5 روز بعد 25 جولائی کو ظاہر جعفر کے والدین ذاکر جعفر اور عصمت آدم جی سمیت دیگر ملزمان کو بھی گرفتار کر لیا۔ واقعے کی سی سی ٹی وی فوٹیج میں نورمقدم کو پہلی منزل سے چھلانگ لگا کر زخمی حالت میں گھر سے نکلنے کی کوشش کرتے اور ظاہر جعفر کو دست درازی کرتے دیکھا گیا۔ فوٹیج میں ملزم کے ملازمین بھی نظر آئے جنہوں نے کسی موقع پر ملزم کو روکنے یا نور مقدم کو بچانے کی کوشش نہیں کی۔ کیس کا باقاعدہ ٹرائل 20 اکتوبر 2021ء سے شروع ہوا اور 25 سماعتوں پر مشتمل رہا۔ نور مقدم قتل کیس کا اسپیڈی ٹرائل 4 ماہ 8 دن جاری رہا،جس کے دوران 19 گواہان کے بیانات قلم بند ہوئے۔ پہلی پیشی سے ہی ملزم کبھی پولیس اور کبھی عدالت کے جج سے الجھتا اور کمرۂ عدالت میں عجیب و غریب حرکتیں کرتا رہا۔ دورانِ سماعت مرکزی ملزم نے خود کو ذہنی مریض ثابت کرنے کے لیے ہر حربہ آزمایا، پولیس بھی ملزم کو کبھی اسٹریچر تو کبھی وہیل چیئر پر عدالت لاتی رہی۔ ملزم کے وکیل نے طبی معائنے کے لیے درخواست بھی دائرکی جسے عدالت نے مسترد کر دیا، تاہم جیل کی میڈیکل ٹیم نے ظاہر جعفر کو جسمانی اور ذہنی طور پر مکمل فٹ قرار دے دیا۔ 19 گواہوں پر جرح مکمل ہونے کے بعد ملزمان کو ضابطۂ فوجداری کی دفعہ 342 کے تحت سوالنامہ جاری کیا گیا جس میں ظاہر جعفر اپنے ہی اعترافِ جرم سے مکر گیا۔ ظاہر جعفر نے ٹرائل کے دوران کیس کو غیرت کے نام پر قتل کا رخ دینے کی بھی کوشش کی، پھر مقتولہ پر منشیات کی پارٹی کا اہتمام کرنے کا الزام لگایا۔ مدعی وکیل شاہ خاور نے عدالت کو بتایا کہ نور مقدم قتل کیس میں سی ڈی آر، ڈی وی آر، فارنزک اور ڈی این اے پر مبنی ٹھوس شواہد سائنسی ٹیکنالوجی سے تصدیق شدہ ہیں۔ پراسیکیوٹر رانا حسن نے کہا کہ ظاہر جعفر جائے وقوع سے آلۂ قتل کے ساتھ گرفتار ہوا، اس کی قمیض خون آلود تھی، عدالت اسے مثالی کیس بنانے کے لیے سخت سزا دے۔ عدالت نے 1روز قبل (22 فروری کو) نور مقدم کیس کا محفوظ فیصلہ کر لیا تھا جو آج سنایا گیا

تحریکِ عدم اعتماد؛ چوہدری برادران نے اپوزیشن سے حتمی لائحہ عمل کے لیے 48 گھنٹے مانگ لیے

noreply@blogger.com (Unknown) — Wed, 23 Feb 2022 23:50:00 +0500

لاہور: مسلم لیگ ق کے قائدین چوہدری برادران نے وزیراعظم عمران خان کے خلاف تحریک عدم اعتماد کے حوالے سے اپوزیشن سے حتمی لائحہ عمل کے لیے 48 گھنٹے کا وقت مانگ لیا۔
ذرائع کے مطابق جمیعت علما اسلام اور پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمان کی چوہدری برادران سے اُن کی رہائش گاہ پر ملاقات ہوئی۔
ذرائع کے مطابق مولانا فضل الرحمان نے لیگی قائدین کو یقین دہانی کرائی کہ اپوزیشن جماعتوں کے قائدین نے جو معاملات طے کیے اُن وعدوں پر عمل کیا جائے گا۔ ,
اس پیش کش پر چوہدری برادران نے واضح کیا کہ آج سابق صدر اور پاکستان پیپلزپارٹی کے شریک چیئرمین آصف علی زرداری سے ملاقات کی جائے گی جس میں فیصلوں کو حتمی شکل دیں گے۔
چوہدری برادران نے مولانا فضل الرحمان سے حتمی لائحہ عمل کے لیے ایک دو روز (48 گھنٹے) کا وقت مانگا اور بتایا کہ پارٹی مشاورت کے بعد حتمی جواب دیا جائے گا۔
چوہدری برادران نے مولانا فضل الرحمان کو آگاہ کیا کہ گیارہ اراکین قومی اسمبلی سے رابطہ ہے ان کو بھی اعتماد میں لیں گے

شعبہِ صحافت کے پروفیسرڈاکٹر مہدی حسن طویل علالت کے بعد انتقال کر گئے

noreply@blogger.com (Unknown) — Wed, 23 Feb 2022 17:50:00 +0500

شعبہِ صحافت کے پروفیسرڈاکٹر مہدی حسن ستارہ امتیاز طویل علالت کے بعد انتقال کر گئے۔ ان کی عمر 85 سال تھی۔
وہ بائیں بازو کے صحافی، میڈیا مورخ، بیکن ہاؤس نیشنل یونیورسٹی میں صحافت اور ابلاغ عامہ کے ڈین اور پنجاب یونیورسٹی میں ماس کمیونیکیشن کے پروفیسر تھے۔ ان کا تدریسی کیریئر 50 سال پر محیط تھا۔
انہوں نے انسانی حقوق کمیشن آف پاکستان کے چیئرپرسن کے طور پر خدمات انجام دیں۔ وہ پاکستان کے ممتاز مواصلاتی ماہرین میں سے ایک تھے جو سیاسی تجزیہ میں مہارت رکھتے تھے۔ پاکستان کے چند میڈیا تاریخ دانوں میں سے ایک، ڈاکٹر مہدی حسن ٹی وی نیوز چینلز اور ریڈیو اسٹیشنوں کے باقاعدہ مبصر اور پینلسٹ تھے۔ انہوں نے تاریخ، صحافت، ابلاغ عامہ اور سیاسی جماعتوں پر بہت سی کتابیں تصنیف کیں۔ ان کی کتاب دی پولیٹیکل ہسٹری آف پاکستان صحافیوں اور پروڈیوسروں کے حوالے سے ایک وسیع پیمانے پر استعمال شدہ ذریعہ ہے۔ ان کا دیرینہ ذاتی خیال تھا کہ نیوز میڈیا کے ذریعے حقائق کو مسخ کرنا ہماری تاریخ کو مسخ کر رہا ہے۔ ایک طویل عرصے سے انسانی حقوق کے کارکن اور پاکستان کی گورننگ کونسل کے انسانی حقوق کمیشن کے رکن ڈاکٹر مہدی حسن نے اس موضوع پر بہت سے مقالے لکھے، اور متعدد سیمینارز میں شرکت کی۔ اس کی اہلیت میں پی ایچ ڈی کرنا شامل تھا۔ پنجاب یونیورسٹی سے ماس کمیونیکیشن میں، "Public Opinion 1857-1947 میں فارمیشن میں پریس کا کردار" اور صحافت میں M.A، پنجاب یونیورسٹی سے کیا۔ وہ بولڈر کی یونیورسٹی آف کولوراڈو میں فلبرائٹ اسکالر (1990) تھے، جہاں انہوں نے "امریکی ماس میڈیا میں تیسری دنیا کے ممالک کی کوریج" پر تحقیق کی۔ انہوں نے امریکہ اور پاکستان میں تحقیقی مقالے شائع کیے۔ بطور صحافی انہوں نے 1961-67 کے درمیان پاکستان پریس انٹرنیشنل کے سب ایڈیٹر اور رپورٹر کے طور پر خدمات انجام دیں۔ اس عرصے میں وہ پانچ مرتبہ پاکستان فیڈرل یونین آف جرنلسٹس کے عہدے دار منتخب ہوئے۔ وہ 1962 سے ریڈیو پاکستان کے لیے 1964 سے پاکستانی ٹیلی ویژن کے نیوز مبصر اور تجزیہ کار بھی رہے۔ وائس آف امریکہ، بی بی سی نیوز، ڈوئچے ویلے سمیت قومی اور بین الاقوامی ذرائع ابلاغ باقاعدگی سے پاکستان میں سیاسی پیش رفت پر ان کی رائے مانگتے رہے۔ انہوں نے پاکستان کے تمام بڑے اخبارات میں مضامین لکھے۔ فوٹوگرافی ان کا مشغلہ اور جنون تھا۔ اس کے دنیاوی املاک میں بہت سے 35 ملی میٹر کیمرے شامل تھے جن میں دو رولیفیکس کیمرے بھی شامل تھے۔ فوٹو گرافی کا شوق انہیں 1965 میں لاہور کے جنگی زون میں صف اول پر لے گیا، حالانکہ وہ پیشہ ور فوٹوگرافر نہیں تھے۔ پاکستان میں صحافت کے لیے ان کی خدمات کے صلے میں انہیں 2012 میں صدر پاکستان نے ستارہ امتیاز سے نوازا۔

وزیراعظم عمران خان ماسکو کےدورے پر روانہ

noreply@blogger.com (Unknown) — Wed, 23 Feb 2022 17:26:00 +0500

اسلام آباد: وزیراعظم عمران خان نور خان ائیر بیس سے روس کے دو روزہ دورہ پر روانہ ہوگئے۔ طویل عرصہ کے بعد کوئی پاکستانی وزیراعظم روس کا دورہ کر رہے ہیں۔ روسی وزیر خارجہ ایئر پورٹ پر ان کا استقبال کریں گے۔ عمران خان کل ماسکو میں گمنام سپاہیوں کی یاد گار پر جائیں گے جہاں انہیں گارڈ آف آنر پیش کیا جائے گا۔ دورہ کے دوران اہم وفاقی وزراء بھی وفد کا حصہ ہیں جن میں شاہ محمود قریشی ، حماد اظہر ، فواد چوہدری اور معید یوسف شامل ہیں۔ کل 24 فروری کو وزیراعظم عمران خان اور روسی صدر پیوٹن کے درمیان دوبدو ملاقات ہوگی، جس میں دو طرفہ امور ، خطے کی صورتحال اور خصوصاً افغانستان کی صورتحال پر غور ہوگا۔ ملاقات کے بعد وفود کی سطح کے مذاکرات ہوں گے، جن میں مختلف شعبوں میں تعاون پر باہمی یادداشت کے معاہدے کئے جائیں گے۔ وزیراعظم ماسکو میں پاکستانی بزنس مین اور تاجروں سے ملاقات کریں گے جبکہ روس کی گرینڈ مسجد کا دورہ بھی کریں گے۔

آصف زرداری اور مولانا فضل الرحمان کی شہبازشریف سے ان کے گھر پر ملاقات

noreply@blogger.com (Unknown) — Wed, 23 Feb 2022 17:23:00 +0500

لاہور: شہبازشریف کی رہائش گاہ پر اپوزیشن کے بڑوں کی بیٹھک ہورہی ہے جس میں حکومت مخالف تحریک کے حوالے سے اہم مشاورت کی جارہی ہے۔ ادبستان نیوز کے مطابق پی ڈی ایم کے سربراہ مولانا فضل الرحمان شہبازشریف کی رہائش گاہ ماڈل ٹاؤن وفد کے ہمراہ پہنچے، وفد میں اکرم درانی، مولانا اسد الرحمان اور مولانا امجد سمیت دیگر شامل ہیں۔ ان کے بعد سابق صدر آصف علی زرداری بھی وفد کے ہمراہ ماڈل ٹاؤن پہنچے، ان کے وفد میں پیپلزپارٹی کے چئیرمین بلاول بھٹو زرداری، سابق وزیراعظم سید یوسف رضا گیلانی، پارلیمانی لیڈر سید حسن مرتضی سمیت دیگر شامل ہیں۔ آصف علی زرداری کی آمد سے قبل مولانا فضل الرحمان اور شہبازشریف کی ملاقات ہوئی، جس میں شہبازشریف نے سربراہ پی ڈی ایم کو گزشتہ روز پیپلزپارٹی سے ہونے والی ملاقات میں اعتماد میں لیا۔ دونوں رہنماؤں نے تحریک عدم اعتماد سمیت حکومت کے خلاف مختلف امور پر غور کیا۔

سابق وزیر داخلہ رحمان ملک کرونا کے باعث انتقال کر گئے

noreply@blogger.com (Unknown) — Wed, 23 Feb 2022 14:25:00 +0500

اسلام آباد: سابق وزیر داخلہ و سینیٹر رحمان ملک 70 سال کی عمر میں کرونا کے باعث انتقال کر گئے۔ ادبستان نیوز کے مطابق سابق وزیر داخلہ و سینیٹر رحمان ملک کا 70 سال کی عمر میں انتقال ہو گیا، انتقال کی اطلاع ان کے بھائی خالد ملک نے دی، انہوں نے بھائی کی وفات پر گہرے رنج و غم اور افسوس کا اظہار کرتے ہوئے بتایا کہ رحمان ملک اسلام آباد کے نجی اسپتال میں کورونا کے باعث وینٹی لیٹر پر تھے اور صحتیاب نہ ہوسکے، انہیں پھیپڑوں کا عارضہ بھی لاحق تھا۔ مرحوم رحمان ملک نے سوگواران میں بیوہ اور 2 بیٹے چھوڑے ہیں، وہ 1951 میں سیالکوٹ میں پیدا ہوئے، انہوں نے کراچی یونیورسٹی سے ایم ایس سی شماریات کی ڈگری حاصل کی اور انہیں کراچی یونیورسٹی نے پی ایچ ڈی کی اعزازی ڈگری بھی دی۔ رحمان ملک پیپلز پارٹی کی طرف سے 2018 سے سینیٹ کے رکن تھے، وہ 2008 سے 2013 تک پاکستان کے وزیر داخلہ رہے، سیاست میں آنے والے قبل وہ ایف آئی اے کے سربراہ بھی رہے۔ سینیٹر رحمان ملک کو ان کے بہترین کارکردگی کے بنیاد پر حکومت پاکستان کی جانب سے ستارہ شجاعت اور نشان امتیاز سے نوازا گیا۔ سینیٹر رحمان ملک کا شمار محترمہ بینظیر بھٹو شہید کے با اعتماد اور وفادار ساتھیوں میں ہوتا ہے۔ ان کی وفات پر پیپلز پارٹی کی قیادت اور دیگر سیاسی و سماجی شخصیات نے گہرے دکھ و غم کا اظہار کیا اور ان کی مغفرت کے لیے دعا کی ہے۔

شہباز شریف کی آصف زرداری سے ملاقات کیلئے بلاول ہاؤس لاہورآمد

noreply@blogger.com (Unknown) — Tue, 22 Feb 2022 21:51:00 +0500

مسلم لیگ (ن) کے صدر اور اپوزیشن لیڈر شہباز شریف، سابق صدر اور پیپلز پارٹی کے شریک چیئرمین آصف علی زرداری سے ملاقات کےلیے بلاول ہاؤس لاہور پہنچ گئے۔ شہباز شریف کے وفد میں احسن اقبال، خواجہ سعد رفیق، مریم اورنگزیب اور رانا ثنا اللہ بھی شامل ہیں۔ آصف علی زرداری اور بلاول بھٹو زرداری نے شہباز شریف کا استقبال کیا، رہنماؤں نے ایک دوسرے کی خیریت دریافت کی۔ اپوزیشن کی دونوں بڑی جماعتوں کے وفد کے درمیان ملاقات شروع ہوگئی ہے۔

ن لیگ کی بیرون ملک مقیم ایم این ایز کو وطن پہنچنے کی ہدایت

noreply@blogger.com (Unknown) — Tue, 22 Feb 2022 21:43:00 +0500

پاکستان مسلم لیگ (ن) کی قیادت نے پارٹی کے بیرون ملک مقیم ارکان قومی اسمبلی کو وطن پہنچنے کی ہدایت کردی۔ ذرائع کے مطابق ن لیگ نے بیرون ملک مقیم اپنے ارکان قومی اسمبلی کو 48گھنٹوں میں واپس پہنچنےکی ہدایت کردی ہے۔ ن لیگی قیادت نے پاکستان میں مقیم تمام ارکان قومی اسمبلی کو بیرون ملک سفر نہ کرنے کی ہدایت کی ہے۔ ذرائع کے مطابق ن لیگی قیادت نے یہ بھی کہہ دیا ہے کہ تمام پارٹی ارکان قومی اسمبلی آئندہ 3 روز لاہور اور اسلام آباد میں ہی قیام کریں۔ مسلم لیگ (ن) نے دیگر ہم خیال ارکان قومی اسمبلی سے بھی رابطے تیز کردیے ہیں۔

پاک برٹش آرٹس انٹرنیشنل ساہیوال کے زیرِاہتمام "یونس متین" کے اعزاز میں تقریب

noreply@blogger.com (Unknown) — Tue, 22 Feb 2022 21:24:00 +0500

پاک برٹش آرٹس انٹرنیشنل کے پلیٹ فارم سے ساہی وال میں پہلا پروگرام "ملاقات و مشاعرہ" عالمی شہرت یافتہ شاعر "یونس متین" کے اعزاز میں "تقریب کچھ تو بہرِ ملاقات چاہیے" کے عنوان سے آرٹس کونسل ساہی وال (ادبی بیٹھک) میں منعقد ہوا۔ اس نشست کا آغاز حسب روایت کامل تلاوتِ کلامِ پاک سے ہوا۔ پھر سرورِ کونین کی مدحت سرائی کی گئ۔ اس تنظیم کے صدر علی وارث انصاری نظامت پر معمور ہوئے۔ سینئر نائب صدر پروفیسر خلیل بٹ نے سامعینِ محفل کو اس تنظیم کے اغراض و مقاصد سے آگاہ کیا۔ سیکرٹری محمد اختر خان نے بھی اپنے خیالات کا اظہار فرمایا۔ اس کے بعد مشاعرے کی کار روائی شروع ہوئی۔ ذیشان بلوچ نشتر، رمضان جانی، خضر محسن، پروفیسر محمد علی، خالق آرزو، تحسین گیلانی، فاروق اظہر، شبیر شاہد، مغل جی، اسلم سحاب ہاشمی، واصف سجاد، حکیم شاہ نواز، مہمانِ اعزاز پروفیسر امین انجم، رونقِ بزم یونس متین اور صدرِ محفل سید ریاض حسین زیدی نے اپنا کلام پیش کیا۔ ایک اور مہمانِ اعزاز فاروق بیگ نے " یونس متین " کی غزل ترنم میں پیش کی۔ محفل کے آخر پہ تنظیم کے قائم ہونے کے ساتھ یونس متین کے جنم دن کی خوشی میں کیک کاٹا گیا ۔ اس دل پذیر محفل میں ساہی وال کے نامور نعت گو شاعر علی رضا، پروفسر عمران کمیانہ، نعیم نقوی، عبدالباسط اور دیگر احباب شامل ہوئے۔ پاک برٹش آرٹس (انٹرنیشنل) ساہی وال تنظیم سازی کچھ یوں ہے۔ صدر علی وارث انصاری، سینئر صدر پروفیسر جلیل بٹ، نائب صدر ناز فاطمہ، نائب صدر شبیر شاہد، سیکرٹری محمد اختر خان، جوائنٹ سیکرٹری اشک ناز کھوکھر، فنانس سیکرٹری عاصم اسلم اور انفارمشن سیکرٹری اقبال آشنا۔ -------------- رپورٹ: اقبال آشنا

تمام شہر پہ اتری قبول کی آیت /یہ اور بات ہمی با خبر نہ ہو پائے/ڈاکٹر راشد متین

noreply@blogger.com (Unknown) — Tue, 22 Feb 2022 20:56:00 +0500

ڈاکٹر راشد متین میرے نہایت عزیز دوست۔ہائر ایجوکیشن کمیشن میں شعبۂ تعلقات عامہ کے سربراہ رہے۔ اردو اور پنجابی زبان کے غیر معمولی شاعرہیں۔ حیرت ہے کہ ان کا نام پاکستان کے صف اوّل کے شعرا کے ساتھ کیوں نہیں لیا جاتا ۔یقیناًان کی سادگی اور ان کے مزاج کے دھیمے پن نے انہیں بڑے ادبی حلقوں تک جانے سے روکے رکھا ہو گا۔ راشد متین کی یہ غزل 1980 میں جامعہ کراچی کے سالانہ مجلے الجامعہ میں شائع ہوئی۔آج زمانوں بعد ایک بار پھر آپ کے ادبی اور شعری ذوق کی نظر۔
مرے حروف مرے چارہ گر نہ ہوپائے
مرے خیال مرے ہم سفر نہ ہوپائے
اک اژدھام دعاؤں کا میرے ساتھ چلا
مگر وہ لفظ، وہ لمحے امر نہ ہوپائے
تمام شہر پہ اتری قبول کی آیت
یہ اور بات ہمی با خبر نہ ہوپائے
اسی لئے مرے گھر کے چراغ روشن ہیں
کہیں یہ شامِ الم در بدر نہ ہوپائے
جو برگ قتل ہوئے تھے نئی رتوں کے لئے
وہ فرش ہی پہ رہے معتبر نہ ہوپائے
ترے گذر کے لئے کہکشاں بچھائی گئی
وفورِ شوق میں ذرے قمر نہ ہوپائے
یہ چاند رات ستارے پہن کے نکلی ہے
خدا کرے کہ کئی دن سحر نہ ہوپائے
ؔمتین اب کے یہ موسم عجیب تر گذرا
شبیں اجاڑ رہیں، دن بسر نہ ہوپائے