BIBLIOTECA PÚBLICA MUNICIPAL

Conmemoramos o DÍA INTERNACIONAL DO LIBRO INFANTIL E XUVENIL co contacontos "AS AVENTURAS DE JOE e FONTE. Joe e Fonte múdanse a Mondariz Balneario" aus nos trae a autora Aurora Corbacho e o ilustrador Chimay

2026-04-13T09:00:00.083+02:00

Iniciamos as actividades do Programa de Animación á Lectura e de Dinamización do uso da Lingua Galega de 2026 da Biblioteca Pública Municipal de Pazos de Borbén “BiblioPazos” neste mes de abril cun interesantísimo contacontos baseado no libro “AS AVENTURAS DE JOE & FONTE. Joe & Fonte múdanse a Mondariz Balneario” de Aurora Corbacho, ilustrado por Chimay e editado por Medulia editorial.

O contacontos terá lugar o próximo Venres 17 de Abril de 2026 a partir das 13:00 horas na Biblioteca do CPI “Curros Enríquez” de Pazos e está dirixido ao alumnado de 1º e 2º de Primaria deste centro educativo.

Nesta actividade a autora AURORA CORBACHO e o ilustrador CHIMAY interactuarán coa cativada comentando o contido das páxinas, cantarán con eles un rap composto por Chimay e finalizarán cuns recortes dos deseños para que os asistentes o leven de lembranza para as súas casas.

“O contacontos é unha historia baseada nas vivencias reais da autora por mor da súa mudanza a Mondariz Balneario dende unha grande cidade xunto aos seus gatiños Joe e Fonte. Como consecuencia desta vivencia e de todo o que ven vivindo dende entón nese lugar marabilloso, xurdiu o texto e, grazas a Chimay, as preciosas imaxes que ilustran o libro. Neste pequeno conto os elementos que lle dan sentido son, co marco máxico da vila de Mondariz Balneario, a natureza que conforman os ríos, a vexetación e a fauna do val, o patrimonio arquitectónico e o coidado e respecto aos animais, co obxectivo final e de fondo de divulgar e tomar coñecemento da importancia do seu coidado e protección pola cativada, que será a que collerá o relevo das persoas adultas nun futuro”.

AURORA CORBACHO (Vigo, 1971) é funcionaria de carreira na Administración Local, é Doutora en Dereito Público Pola Universidade de Vigo, e grao en Ciencias Xurídicas das Administracións Públicas con posgrao en Experta Universitaria en Administración Local pola UNED. Tamén ten o título de Xestora Administrativa. Conta con publicacións en revistas xurídicas sobre a temática da organización territorial. No ámbito literario, esta é a súa segunda incursión tras a participación cun poema na publicación de 2024 da Asociación sevillana “Cuadernos de Roldán”, dedicada a Mondariz Balneario.

CHIMAY (Alfonso J. Rodríguez – Pontevedra, 1951) é licenciado en Belas Artes pola Universidade de Vigo. Traballou en diferentes estudios de arquitectura. E tamén na Xerencia de Urbanismo do Concello de Vigo ata a súa xubilación. A súa chegada ao mundo da ilustración foi casual. Fixo ilustracións para uns artigos dun amigo no Faro de Vigo que despois foron recompilados nun libro.

Para calquera información sobre a programación podedes contactar coa Biblioteca por teléfono chamando ao número 986 497 273 ou por correo electrónico a biblioteca@pazosdeborben.org no noso horario habitual de apertura.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA.

20 DE MARZO - DÍA INTERNACIONAL DA NARRACIÓN ORAL

2026-03-18T11:21:00.001+01:00

Dende hai uns anos, o Festival Atlántica e o Festival Sete Falares, organizan a celebración do 20 de marzo, Día Internacional da Narración Oral.

Tamén dende hai uns anos, NOGA, o colectivo de narración oral galega, sumouse a esta festa da palabra e logramos así situar o galego no mapa mundial das celebracións, incorporando a nosa lingua, os nosos artistas e tamén os nosos pensadores, investigadores e escritores que nutren e enriquecen o noso traballo.

Nesta ocasión contan con Camiño Noia, gran investigadora galega e autora das antoloxías máis importantes da narración oral galega, quen será a encargada do pregón.

Desde a Biblioteca Pública Municipal do Concello de Pazos de Borbén queremos sumarnos a esta celebración mediante a difusión do Cartel e o Pregón deste ano.

Grazas ao colectivo NOGA, ao Festival Atlántica e ao Festival Sete Falares por conmemorar esta celebración e por facernos partícipes da súa difusión.

ACTO DE ENTREGA DE PREMIOS DO VII CERTAME DE RELATO CURTO DE PAZOS DE BORBÉN (II)

2026-01-14T09:15:00.027+01:00

Continuamos coa información do acontecido o pasado Xoves 18 de decembro de 2025 ás 13:15 horas na segunda fase da entrega de premios do VII CERTAME DE RELATO CURTO DE PAZOS DE BORBÉN no que participaron 149 escolares do CPI "Curros Enríquez" de Pazos, da EEI "A Galeriña" de Nespereira e usuarios da Asociación ASPAVI.

O acto estivo presidido polo Alcalde do Concello Xosé Luciano Otero Camiña e nel estiveron presentes a Concelleira de Cultura Mª Victoria Couñago Corujeira e os membros do xurado Mª Eugenia Porritt Lueiro, Manuel González Pastoriza, Andrea Barreira Freije, Miguel Angel Alonso Diz e José Manuel Soto Virulegio, incorporándose en representación da Asociación ASPAVI Carolina Fernández Cabaleiro, traballadora social desta institución que actuou en nome da súa directora e membro do xurado ao non poder asistir aquela por motivos laborais.

Deu comezo á segunda parte deste acto cos usuarios das categorías A: Persoas con Diversidade Funcional; E: alumnado de 5º e 6º de Primaria; F: Alumnado de 1º/2º de ESO; e G: alumnado de 3º/4º de ESO.

O Alcalde Xosé Luciano Otero Camiña abrindo a segunda fase de entrega de premios

Iniciado o acto o Sr. Alcalde deulle a benvida aos asistentes felicitándoos por participar neste certame e polos traballos presentados, unha vez rematada a súa intervención, procedeuse á lectura da relación dos galardoados nas categorías seguintes para facerlles entrega dos premios aos seleccionados polo xurado:

CATEGORÍA A: PERSOAS CON DIVERSIDADE FUNCIONAL:

Participantes da Categoría A: Persoas con Diversidade Funcional
cos monitores, xurado e autoridades

O PRIMEIRO premio outorgouse ao traballo titulado “UN BARCO CHAMADO ESPERANZA” e o pseudónimo de “SAGITARIO” presentado por JOSÉ MANUEL BOULLOSA GARCÍA da Asociación ASPAVI.

O 1º Premio da Categoría A outorgado a José Manuel Boullosa García
recolleuno a súa compañeira Mª Rita Ribeiro Durán

O SEGUNDO premio corrspondeu ao traballo titulado “O MELLOR AMIGO DE XOSÉ” e o pseudónimo de “ANDALUZ” presentado por FRANCISCO MARTÍN MUÑOZ da Asociación ASPAVI.

Francisco Martín Muñoz recolle o 2º Premio que lle entregou
a escritora Andrea Barreira Freije

O xurado considerou premiar con accésit nesta categoría ao traballo titulado “A GRANXA PARLANTE” e o pseudónimo de “TIGRE” presentado por RAMÓN ÁNGEL FREAZA FARO da Asociación ASPAVI.

Entrega do accésit a Ramón Angel Freaza Faro
pola concelleira Mª Victoria Couñago Corujeira

Deseguido chamouse un por un ao resto de participantes non premiados desta categoría para entregarlles a cada un deles o Diploma acreditativo da súa participación e un libro de agasallo e entregouse un lote de libros para o centro ao que pertencen as persoas participantes no certame.

Entrega Lote libros á Asociación ASPAVI

CATEGORÍA E: ALUMNADO DE 5º E 6º DE PRIMARIA:

Participantes da categoría E: 5º/6º Primaria co xurado, profesorado e autoridades

O PRIMEIRO premio correspondeu ao traballo presentado baixo o título “A FORZA DOS MUÍÑOS” e o pseudónimo de “PANTUFLAS 73” que presentou MARTÍN BAO GARRIDO, estudante de 6º de Educación Primaria.

A concelleira Mª Victoria Couñago Corujeira entrega o
1º PREMIO a Martín Bao Garrido

O SEGUNDO premio concedeuse ao traballo titulado “O IMPORTANTE É SER FELIZ” e o pseudónimo de “BERNY ARAUJO” presentado por ROSA VEIGA ARAÚJO, estudante de 5º de Educación Primaria.

Rosa Veiga Araújo recibe o 2º PREMIO que lle entrega
o escritor Miguel Angel Alonso Diz

O xurado considerou premiar con accésit nesta categoría aos traballos seguintes:

Traballo titulado “O SILENCIO DA HACHE” e o pseudónimo de “MANGANTE” presetnado por JOEL GIL RODRÍGUEZ, estudante de 5º de Educación Primaria.

Traballo titulado “A FORMIGA SOLITARIA” e o pseudónimo de “PANTASMA” que presentou XOÁN QUINTANA FERNÁNDEZ, estudante de 5º de Educación Primaria.

Traballo titulado “OS SEGREDOS DE VILAVERZA” e o pseudónimo de “ABIÑO” que presentou ABEL FERREIRA MARTÍNEZ, estudante de 6º de Educación Primaria.

Traballo titulado “A AVENTURA DA MEDUSA MARUXA” e o pseudónimo de “EL PEPE” que presentou XOÁN PINTOS MERINO, estudante de 6º de Educación Primaria.

Entrega accésits da categoría E: Alumnado de 5º/6º de Primaria

Finalizada a lectura dos premiados chamouse ao resto de participantes para facerlles entrega dos seus diplomas e libros de agasallo; e entregáronse uns lotes de libros para as aulas que recolleron as súas respectiva mestras.

Entrega lotes libros para as aulas de 5º e 6º de Primaria

CATEGORÍA F: ALUMNADO DE 1º E 2º DE ESO:

Participantes da categoría F: 1º e 2º ESO co profesorado, autoridades e xurado

O PRIMEIRO premio otorgouse ao traballo titulado “O SOLDADIÑO DE CHUMBO” e o pseudónimo de “NOSE” presentado por XIÁN BOUBETA COMESAÑA, estudante de 1º de ESO.

Xián Boubeta Comesaña recolle o 1º PREMIO que lle entrega
a mestra do CPI Mª Eugenia Porritt Lueiro

O SEGUNDO premio correspondeu ao traballo titulado “RECORDOS DE GUERRA” e o pseudónimo de “RENATA” presentado por DANIELA COUÑAGO RODRÍGUEZ, estudante de 1º de ESO.

Daniela Couñago Rodríguez recolle o 2º PREMIO
que lle entrega a escritora Andrea Barreira Freije

O xurado considerou premiar con accésit nesta categoría aos traballos seguintes:

Traballo titulado “A GAITA MALDITA” e o pseudónimo de “ELVISTEK” que presentou ROI RIVAS RODRÍGUEZ, estudante de 2º de ESO.

Traballo titulado “LUNA” e o pseudónimo de “MOKA” que presentou ANTÍA FREIRE FERNÁNDEZ, estudante de 2º de ESO.

Traballo titulado “CHAMADA PERDIDA” e o pseudónimo de “MIMI” presentado por MIREIA LAGO OTERO, estudante de 1º de ESO.

Traballo titulado “O SANTO APARECIDO” e o pseudónimo de “GABRSTE” presentado por GABRIEL CASTRO GARRIDO, estudante de 2º de ESO.

Traballo titulado “A DESAPARICIÓN DE NORA” e o pseudónimo de “CELTIÑA12” que presentou DANIELA COUÑAGO AMOEDO, estudante de 2º de ESO.

Entrega accésits da categoría F: 1º/2º de ESO

Posteriormente entregáronse ao resto de participantes non premiados os seus correspondentes diplomas e agasallos e un lote de libros para as aulas.

Entrega lote libros para as aulas de 1º/2º de ESO

CATEGORÍA G: ALUMNADO DE 3º E 4º DE ESO:

Participantes da categoría G: Alumnado de 3º/4º de ESO
co profesorado, xurado e autoridades.

O PRIMEIRO premio foi para o traballo titulado “A PEDRA DA MULLER” e o pseudónimo de “XELA” que presentou ÁNXELA DOMÍNGUEZ ÁLVAREZ, estudante de 4º de ESO.

Ánxela Domínguez Álvares recibe o 1º PREMIO de mans do
Alcalde Xosé Luciano Otero Camiña

O SEGUNDO premio correspondeu ao traballo titulado “CARTA ÁS AMÉRICAS” e o pseudónimo de “BAHÍA BRANCA” presentado por IRIS GONZÁLEZ RODRÍGUEZ, estudante de 4º de ESO.

Iris González Rodríguez recibe o 2º PREMIO que lle entrega
a concelleira Mª Victoria Couñago Corujeira

O xurado considerou premiar con accésit nesta categoría ao traballo titulado “AS PASAXES PROHIBIDAS DO XADREZ” e o pseudónimo de “INDEFINIDA” que foi presentado por MAIA OTERO GONZÁLEZ, estudante de 4º de ESO.

Maia Otero González recibe o seu accésit entregado
pola escritora Andrea Barreira Freije

Deseguido chamouse un por un ao resto de participantes non premiados para entregarlles o diploma acreditativo da súa participación no certame e un libro de agasallo; así como un lote de libros para as aulas.

O Alcalde Xosé Luciano Otero Camiña entrega un lote de libros
para as aulas de 3º/4º de ESO que recibe o mestre José Penedo

Rematada a entrega de premios o Sr. Alcalde tomou a palabra para agradecer ao responsable da biblioteca o seu traballo para levar adiante esta nova edición do Certame e a todos os presentes pola súa asistencia a este acto e pola participación no certame desexándolles que gozaran das vacacións escolares e felicitándolles o Nadal e un vindeiro ano 2026 cheo de ledicia, paz, amor e moitas lecturas.

Este evento enmárcase no programa de actividades de dinamización da Lingua Galega do ano 2025 "OBRADOIROS DE CREACIÓN LITERARIA E CERTAME DE RELATO CURTO" organizado pola Biblioteca Pública Municipal e que conta coa financiación do Concello de Pazos de Borbén e do Servizo de Normalización Lingüística e Servizos Lingüísticos da Deputación Provincial de Pontevedra.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

ACTO DE ENTREGA DE PREMIOS DO VII CERTAME DE RELATO CURTO DE PAZOS DE BORBÉN (I)

2026-01-13T08:00:00.007+01:00

O pasado Xoves día 18 de decembro de 2025 ás 11:15 e 13:00 horas tivo lugar no Auditorio do Concello o acto de entrega de premios do VII CERTAME DE RELATO CURTO DE PAZOS DE BORBÉN no que participaron 149 persoas, todas elas escolares do CPI "Curros Enríquez" de Pazos, da EEI "A Galeriña" de Nespereira e usuarios da Asociación ASPAVI.

O acto estivo presidido polo Alcalde-Presidente do Concello Xosé Luciano Otero Camiña e nel contouse coa presenza da concelleira de Cultura Mª Victoria Couñago Corujeira e dos membros do xurado Mª Eugenia Porritt Lueiro, Manuel González Pastoriza, Andrea Barreira Freije, Miguel Angel Alonso Diz e José Manuel Soto Virulegio.

Iniciouse a gala ás 11:15 horas coa intervención da mestra do CPI "Curros Enríquez" de membro do xurado Mª Eugenia Porritt Lueiro quen lles deu a benvida aos asistentes agrandecéndolles a súa participación nesta 7ª edición do certame comentándolles ademais que o xurado gozou moitísimo vendo os debuxos e lendo os relatos presentados ao concurso.

Mª Eugenia Porritt Lueiro mestra do CPI "Curros Enríquez"
durante a súa intervención

Finalizada esta intervención iniciouse a lectura polo Secretario do Xurado á lectura da relación de galardoados nesta VII edición do Certame:

CATEGORÍA B: EDUCACIÓN INFANTIL
(Para ver os traballos premiados facer CLIC nos títulos)

Participantes da categoría de Educación Infantil co xurado, profesorado e autoridades

O PRIMEIRO premio foi outorgado ao traballo titulado “AS VOCES DAS PEDRAS” presentado baixo o pseudónimo de “O LOBIÑO” por RAÚL AMOEDO MARTÍNEZ, estudante de 6º de Educación Infantil.

1º Premio categoría Infantil entregado a Raúl Amoedo Martínez
pola escritora Andrea Barreira Freije

O SEGUNDO premio correspondeu ao traballo titulado “MORCEGO DAS HISTORIAS DE MEDO” e o pseudónimo “MOMIA” presentado por ENZO GÓMEZ BOUZÓN, estudante de 6º de Educación Infantil.

A mestra do CPI Mª Eugenia Porritt Lueiro entrega
o 2º Premio a Enzo Gómez Bouzón

O xurado considerou premiar con accésit nesta categoría aos traballos seguintes:

Traballo titulado “FRANKESTEIN E A PANTASMA SE SAÚDAN” e o pseudónimo de “FANTA” presentado por ABEL GIL RODRÍGUEZ, estudante de 6º de Educación Infantil.

Traballo titulado “NON Á VIOLENCIA” e o pseudónimo de “TINTIÑO” presentado por MARTÍN BARRAL MELIO, estudante de 4º de Educación Infantil.

Traballo titulado “PETROGLIFOS DE AMOEDO” e o pseudónimo de “CAPITAN AMIGO” presentado por GAEL COUÑAGO SOMOZA, estudante de 6º de Educación Infantil.

Traballo titulado “COIDANDO A NATUREZA BEN” e o pseudónimo de “LÁPIZ” presentado por DYLAN BOUZÓN DOPAZO, estudante de 6º de Educación Infantil.

Traballo titulado “ARCOIRIS” e o pseudónimo de “ASLY” presentado por KAYLA LÓPEZ RODRÍGUEZ, estudante de 6º de Educación Infantil.

Entrega de premios aos galardoaos con accésits na Categoría de Educación Infantil

Unha vez finalizada a entrega aos premiados chamouse un por un ao resto dos participantes para entregarlles a cada un deles un Diploma acreditativo da súa participación no Certame e un libro de agasallo e tamén varios lotes de libros para as aulas do alumnado participante.

Entrega de lotes de libros ás aulas de Educación Infantil

CATEGORÍA C: 1º E 2º DE PRIMARIA

(Para ver os traballos premiados facer CLIC nos títulos)

Participantes da categoría de 1º/2º de Primaria co xurado, profesorado e autoridades

O PRIMEIRO premio foi outorgado ao traballo titulado “O GATO ESPECIAL” e o pseudónimo de “LUNA” presentado por CINTHIA DOPAZO PÉREZ, estudante de 2º de Educación Primaria.

O Alcalde entrega o 1º Premio da categoría C:
1º/2º de Primariaa Cinthia Dopazo Pérez

O SEGUNDO premio correspondeu ao traballo titulado “A FOLLA VOADORA” e o pseudónimo de “SUPERPOLIÑO” presentado por ANA RODRÍGUEZ IGLESIAS, estudante de 1º de Educación Primaria.

Ana Rodríguez Iglesias recibe o 2º Premio que lle entrega o
mestre Manuel Gonzalez Pastoriza

Nesta categoría o xurado considerou premiar con accésit aos traballos seguintes:

Traballo presentado baixo o título “O OURIZO DE ALGODÓN” e o pseudónimo de “SPIDERMAN” da autoría de ENZO FREAZA GONZÁLEZ, estudante de 1º de Educación Primaria.

Traballo presentado baixo o título “A TORMENTA E O LEOPARDO” e o pseudónimo de “CHARMANDER” da autoría de ROI ÁLVAREZ CASTRO, estudante de 1º de Educación Primaria.

Traballo presentado baixo o título “UNHA XOANIÑA E UN PAXARO” e o pseudónimo de “LARA” da autoría de MELANIA RODRÍGUEZ OLARTE, estudante de 2º de Educación Primaria.

Traballo presentado baixo o título “O NENO QUE SALVOU O MAR” e o pseudónimo de “LEÓN” da autoría de ALEJANDRA CASTRO LUSQUIÑOS, estudante de 2º de Educación Primaria.

Traballo presentado baixo o título “O PORQUIÑO BAIXIÑO” e o pseudónimo de “ROSI” da autoría de EMMA GONZÁLEZ RODRÍGUEZ, estudante de 2º de Educación Primaria.

Entrega accésits Categoría C: 1º/2º Primaria

Ao final da lectura dos premiados chamouse un por un ao resto de participantes non premiados na categoría para facerlles entrega dos seus diplomas e libros de agasallo; e entregouse tamén uns lotes de libros para as aulas correspondentes.

Entrega lotes de libros as aulas de 1º/2º Primaria

CATEGORÍA D: 3º E 4º DE PRIMARIA
(Para ver os traballos premiados facer CLIC nos títulos)

Participantes da categoría D: 3º/4º de Primaria co profesorado, xurado e autoridades

O PRIMEIRO premio correspondeu ao traballo presentado baixo o título “O MISTERIO DA FONTE DE DÚAS CARAS” e o pseudónimo de “RIFO” presentado por LUCAS RIVAS FONTÁN, estudante de 4º de Educación Primaria.

O Alcalde entrega o 1º Premio a Lucas Rivas Fontán

O SEGUNDO premio foi para o traballo presentado baixo o título "A BRUXA E O ESQUELETO" e o pseudónimo de “BRUXA” presentado por ARIADNA RAMÍREZ PÉREZ, estudante de 4º de Educación Primaria.

Entrega do 2º Premio a Ariadna Ramírez Pérez polo
escritor Miguel Anxo Alonso Diz

O xurado premiou con accésit nesta categoría aos traballos seguintes:

Traballo titulado “OS CHICOS PODEN TER FALDA” e o pseudónimo de “GARNACHO” presentado por LUCA DA SILVA JUAN, estudante de 3º de Educación Primaria.

Traballo titulado “A BRUXA BOA” e o pseudónimo de “MARGARITA” presentado por ELENA RODRÍGUEZ MARTÍNEZ, estudante de 4º de Educación Primaria.

Traballo titulado “O TESOURO DO MONTE DE SEQUEIROS” e o pseudónimo de “O GALEGO 18” presentado por RAÚL CARRERO MARTÍN, estudante de 4º de Educación Primaria.

Traballo titulado “O MOUCHO QUE CREÍASE UN CORVO” e o pseudónimo de “CAROL” presentado por CAROLINA LAGO CAMIÑA, estudante de 4º de Educación Primaria.

Traballo titulado “A CUCARACHA PASTELEIRA” e o pseudónimo de “IAGO ASPAS” presentado por ANXO FRAGUEIRO OTERO, estudante de 4º de Educación Primaria.

Entrega de premios aos galardoados con accesits da categoría D: 3º e 4º de Primaria

Unha vez entregados os premios nesta categoría procedeuse a chamar ao resto de participantes non premiados para entregarlles os seus diplomas e agasallos. Entregáronse tamén uns lotes de libros para as aulas.

Entrega de lotes de libros para as aulas de 3º e 4º de Primaria

Nos próximos días seguiremos publicando as novas coa información da entrega de premios do resto de categorías que se presentaron ao certame.

Este evento enmárcase no programa de actividades de dinamización da Lingua Galega do ano 2025 "OBRADOIROS DE CREACIÓN LITERARIA E CERTAME DE RELATO CURTO" organizado pola Biblioteca Pública Municipal e que conta coa financiación do Concello de Pazos de Borbén e do Servizo de Normalización Lingüística e Servizos Lingüísticos da Deputación Provincial de Pontevedra.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

A GRAMOLA GOMINOLA visita Pazos de Borbén co seu espectáculo "ESPECIAL NADAL" - Programa "NADAL EN REDE" da Rede de Dinamización Lingüística

2025-12-19T08:00:00.059+01:00

Rematamos a programación de actividades organizadas pola Biblioteca Pública Municipal do Concello de Pazos de Borbén-BiblioPazos neste ano 2025 cunha nova actividade en colaboración coa Rede de Dinamización Lingüística enmarcada no programa "NADAL EN REDE" da Secretaría Xeral da Lingua da Consellería de Cultura, Lingua e Xuventude da Xunta de Galicia.

Esta nova actividade é "ESPECIAL NADAL" que nos traerá a banda "A GRAMOLA GOMINOLA" a Pazos de Borbén o próximo Sábado 27 de Decembro a partir das 19:00 horas no Auditorio do Concello de Pazos de Borbén, con entrada de balde ata completar o aforo.

"ESPECIAL NADAL" é un espectáculo do Nadal de "A GRAMOLA GOMINOLA" o grupo de música infantil máis famoso do momento que chega a Nadal en rede cargado de panxoliñas a ritmo de rock e ofrece un espectáculo onde soarán cancións do seu cuarto disco, "O Nadal coa avoa Fina": "Apalpador", "O rap metal do Nadal", "A Noiteboa sempre é boa coa miña avoa"..., temas para recuperar valores e tradicións e, sobre todo para bailar e para cantar en galego a todo pulmón.

Un Nadal para compartir coas persoas que queremos, para sentir, vivir, reciclar, plantar un piñeiro e, sobre de todo, un Nadal para cantar e bailar ben forte a ritmo de rock&roll, poñendo a todo o público en pe e cornos na man.

A GRAMOLA GOMINOLA é unha banda de auténtico Rock&Roll en galego para público cativo. Eles son Paco Cerdeira (Pakolas, Zenzar), Paula Romero (De Vacas, Coro Encaixe), Anxelo de Xermar (Festicultores Troupe) e Rodrigo Muñoz (Di elas, Lacón con Grelos). O grupo naceu no ano 2015 e dende entón deron centos de concertos poñendo ao público en pé cos cornos en man!

Premio Martin Códax da Música 2018 ao mellor grupo de música infantil. Teñen catro libros-CD no mercado publicados pola Editorial Galaxia.

Informamos que na Biblioteca temos todos os Libros-Cd publicados por "A Gramola Gominola" a disposición de quen solicite o seu préstamo para lelos e escoitar as cancións na súa casa ou onde queiran. Os títulos son "A Gramola Gominola", "Cancións para desafinar", "Bravas, o rexurdir da luz!" e "O Nadal coa avoa Fina".

ENTRADA DE BALDE ATA COMPLETAR O AFORO DO LOCAL

ESPERÁMOSVOS!!! NON FALTEDES!!!

Para calquera información sobre esta programación poden contactar coa Biblioteca chamando por teléfono chamando ao número 986497273 ou por correo electrónico a biblioteca@pazosdeborben.gal no noso horario habitual de apertura.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

A BIBLIOTECA PÚBLICA MUNICIPAL DE PAZOS DE BORBÉN - BIBLIOPAZOS recibe un novo premio da Campaña de animación á lectura "MARÍA MOLINER" do ano 2025

2025-12-15T08:00:00.001+01:00

¡Boas novas para a biblioteca!

O pasado día 1 de decembro foi un día MOI ESPECIAL para a Biblioteca Pública Municipal de Pazos de Borbén-BiblioPazos, para todos os que traballamos na mesma ao longo destes anos, e tamén para todos aqueles usuarios, persoas, entidades, asociacións e fundacións que colaboran coa mesma habitualmente.

Ese día publicouse na páxina web do Ministerio de Cultura a Resolución definitiva da concesión dos premios Maria Moliner deste ano 2025; e a Biblioteca de Pazos de Borbén foi outro ano mais premiada neste concurso de proxectos de animación á lectura que convoca anualmente o Ministerio de Cultura polo seu proxecto "CONTOS, MAXIA, MÚSICA E LITERATURA: CULTURA E SABIDURÍA”.

O Concurso de proxectos de animación á lectura “MARÍA MOLINER” realizase anualmente grazas ao convenio subscrito entre o Ministerio de Cultura e a Federación Española de Municipios e Provincias, vai dirixido a municipios de menos de 50.000 habitantes, e ata un máximo de 370 proxectos son seleccionados para recibir un premio en metálico para adquirir, principalmente, lotes de libros.

Dos 370 proxectos seleccionados os dez proxectos que obteñan mellor puntuación reciben un premio por un importe individual de 10.000 euros; mentres que os 360 proxectos seguintes por orde de puntuación recibirán un premio por un importe individual de 2.777,77 euros.

O premio obtido pola Biblioteca Pública Municipal de Pazos de Borbén-BiblioPazos consiste na concesión dunha subvención en metálico por importe de 2.777,77 euros destinados á compra de libros para mellora das súas coleccións bibliográficas.

En total 14 bibliotecas da Comunidade Autónoma de Galicia foron premiadas.

Entre as catro bibliotecas premiadas da provincia de Pontevedra, ademais da de Pazos de Borbén, recibiron o premio as bibliotecas dos concellos de O Grove, Mos e Pontecesures.

Na provincia de A Coruña foron premiadas as bibliotecas dos concellos de Ares. Cee e Betanzos; na provincia de Lugo as dos concellos de Sarria Sober, Barreiros, Ribadeo e Antas de Ulla; e na provincia de Ourense as de Verín e Ribadavia.

A todas queremos enviarlles os nosos parabéns pola consecución deses premios e polo traballo realizado.

O certo é que en Pazos de Borbén estamos contentísimos pois das seis veces que nos presentamos ata agora a este concurso, nos anos 2017, 2018, 2021 e 2022, 2024 e 2025 fomos premiados en todas as ocasións.

No proxecto levado a cabo entre os meses de xuño de 2024 a o 8 de maio de 2025 realizáronse un total de 28 actividades (Contacontos, obradoiros literarios, certames literarios, conferencias, etc.) nas que participaron Raquel Queizás, Pablísimo, Fernando Saldaña, Leo Leíño, Fran Campos e Fran Ameixeiras (Bandullo Azul), Miguel Alonso Diz, Andrea Barreira Freije, Xavier Alcalá e Manel Cráneo, Iván Davila, Vero Rilo, Peter Punk Pallaso e Brais das Hortas, Samuel Ferro, Juan Duran Alonso e Soledad Felloza. A todas e todos eles grazas polo seu traballo e profesionalidade e por axudarnos a acadar este premio.

O ter conseguido este novo premio e este recoñecemento pola realización deste proxecto non sería posible sen a aportación económica do Concello de Pazos de Borbén; a Deputación Provincial de Pontevedra e a Consellería de Cultura, Lingua e Xuventude da Xunta de Galicia; e da imprescindible colaboración da Asociación de Pais de Persoas con Discapacidade Intelectual de Vigo (ASPAVI); da directiva, persoal docente e persoal non docente do CPI “Curros Enríquez” de Pazos e da EEI “A Galeriña” de Nespereira.

Grazas a todos e todas pola súa colaboración; aos socios e usuarios da biblioteca, persoal do concello, e todas aquelas persoas e institucións que de algunha forma participaron e colaboraron para levar adiante este proxecto premiado.

GRAZAS, GRAZAS, MOITÍSIMAS GRAZAS.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

Celebramos o NADAL co espectáculo "O CASTIÑEIRO DO APALPADOR" de "Fantoches Baj" - Programa +ESCÉNICAS da Deputación Provincial de Pontevedra

2025-12-12T08:00:00.018+01:00

Rematamos coas actividades de animación á lectura e dinamización da Lingua Galega da Biblioteca Pública Municipal; financiadas polo Concello de Pazos de Borbén e pola Deputación Provincial de Pontevedra a través do programa +ÉSCÉNICAS de apoio á programación de artes escénicas en galego nos concellos da provincia de Pontevedra, co espectáculo "O CASTIÑEIRO DO APALPADOR" que nos traerá a Compañía FANTOCHES BAJ o Sábado 20 de Decembro a partir das 17:00 horas no Auditorio do Concello de Pazos de Borbén.

Neste espectáculo, creado a partir da tradición popular, un carboeiro que se alimentaba únicamente dos froitos do seu castiñeiro e que as xentes chaman O Apalpador, conta aos miúdos porque no Nadal reparte castañas aos nenos e nenas que non teñen nada nas súas barriguiñas.

O Apalpador é un carboeiro pobre cuxas únicas propiedades son un castiñeiro e un magosteiro. A súa grande preocupación é conseguir que os cativos non lle rouben as castañas. Ata que un día, se lle presenta na carboaría unha velliña aterecida de frío e de fame. El, compadecido, ofrécelle teito e castañas do seu magosto. A velliña que é unha meiga, ante a súa bondade, ofrece cumprirlle tres desexos e o apalpador, movido pola súa teima máis inmediata, pide que quen toque o seu castiñeiro quede pegado para sempre nel, que quen colla as castañas do chao o engula a terra e quen meta na man no seu magosteiro quede dentro encarcerado. Con estes tres desexos conseguirá sen embargo vencer a Morte. O Gobernador do mundo ao ver os efectos devastadores da desaparición da Morte obrigará ao Apalpador a ceibala. E o Apalpador ceibaraa pero antes asegurarase de que a el non lle toque xamais.

Convetido nun ser inmortal, liberado da necesidade de comer, e vendo que as castañas se lle estragan todos os anos, decide repartirllelas os nenos que pasan fame. Por iso, desde aquela, percorre o mundo apalpando as barrigas dos nenos e deixándolle unha presiña das castañas do seu castiñeiro a aqueles que a teñen valeira.

FANTOCHES BAJ é unha compañía creada inicialmente en Portugal por IGNACIO VILARIÑO no ano 2006. Desde aquela o seu campo de interese céntrase no teatro de monicreques entendidos dunha forma ampla. Desde a proposta máis tradicional dos bonecos de luva e variña do primeiro espectáculo "Tío Miseria" (2007), a unha progresiva apertura a outras formas máis contemporáneas do teatro de obxectos como no seu espectáculo "O Asombro" (2010) ou a utilización do kamishibai xaponés en "As Pombas de Carboeiro". Na actualidade son moitos xa os espectáculos no haber da compañía. Co seu espectáculo "Os Golfiños e o xigante" obtivo o premio Barriga verde de textos para teatro de monicreques na modalidade infantil.

A ENTRADA É DE BALDE ATA COMPLETAR O AFORO DO LOCAL

ESPERÁMOSVOS!!! NON FALTEDES!!!

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

ENTREGA DE PREMIOS DO "VII CERTAME DE RELATO CURTO DE PAZOS DE BORBÉN"

2025-12-10T08:00:00.012+01:00

O día 21 de Setembro pasado informábamos da convocatoria do "VII CERTAME DE RELATO CURTO DE PAZOS DE BORBÉN" no que podía participar todo o alumnado de Educación Infantil, Primaria e Secundaria residente no municipio que estivera ou estea cursando estudos nos colexios públicos do municipio durante os cursos 2024/2025 e 2025/2026; e tamén os usuarios dos Centros de Atención a Persoas con Diversidade Funcional con sede e actividade no Concello de Pazos de Borbén.

Como en edicións anteriores coa convocatoria desta 7ª edición do certame o Concello pretende seguir animando á creación literaria, á escrita e á lectura en lingua galega; fomentar a creatividade e potenciar a expresión e a comprensión escritas, estimulando o uso da lingua galega entre os escolares e os mais mozos, así como tamén entre o colectivo de persoas con diversidade funcional.

Igual que nos últimos anos o número de categorías para participar foron sete (7) e o prazo para presentar os traballos estableceuse entre os días 1 de outubro e o 14 de novembro de 2025.

Presentáronse un total de 149 traballos, co que seguimos contando cunha moi alta participación desde a existencia deste pequeno certame literario:

Ano 2025: 149 participantes.
Ano 2024: 160 participantes.
Ano 2023: 149 participantes.
Ano 2022: 58 participantes.
Ano 2021: 67 participantes.
Ano 2019: 77 participantes.
Ano 2018: 64 participantes.

Os participantes podían presentar un único debuxo ou relato que tiña que ser orixinal, inédito, escrito en lingua galega e non premiado dentro do prazo estipulado nas bases do certame e entregalo na Biblioteca.

Na Categoría A: Persoas con diversidade funcional presentáronse 5 traballos, todos eles pertencentes a usuarios da Asociación ASPAVI que entregaron cada un o seu relato.

Na Categoría B: Alumnado de Educación Infantil, coa presentación dun debuxo cada un, participaron 30 criaturas do CPI "Curros Enríquez" de Pazos e da EEI A Galeriña de Nespereira.

Na Categoría C: Alumnado de 1º e 2º de Primaria foron 28 rapazas e rapaces do CPI "Curros Enríquez" os que participaron cun debuxo cada un con algunha frase alusiva aos traballos presentados.

Na Categoría C: Alumnado de 3º e 4º de Primaria presentáronse 27 traballos doutros tantos alumnos e alumnas deses cursos do CPI "Curros Enríquez".

Na Categoría D: Alumnado de 5º e 6º de Primaria foron presentados 23 traballos participando o 100% do alumnado destes cursos que estuda no CPI "Curros Enríquez" de Pazos.

Nas categorías de Educación Secundaria Obrigatoria presentáronse un total de 28 trabalos na Categoría F: Alumnado de 1º e 2º de ESO e na Categoría G: Alumnado de 3º e 4º de ESO foron 8 os participantes no certame.

Nas Bases do certame establecérase que a temática dos traballos era libre valorándose que incidiran preferentemente nas materias de igualdade, a diversidade, a tolerancia, o respecto e a prevención da violencia de xénero como valores esenciais para a convivencia entre homes e mulleres; na recollida de historias e lendas locais transmitidas oralmente de avós/avoas a pais/nais, a fillos/as e a netos/as que favorezan o coñecemento do patrimonio inmaterial de Pazos de Borbén; e na recollida de toponimia e microtoponimia dos lugares, barrios e parroquias do concello.

Desde que convocamos esta 7ª edición do certame, animamos ao profesorado, pais, nais e demais familiares do alumnado e á dirección e persoal dos centros educativos e de atención a persoas con diversidade funcional para que estimularan a participar nesta nova edición a todo o alumnado e usuarios destes centros; e parece que, de novo, o resultado foi moi satisfactorio.

Para motivar a participación foron realizados 13 sesións de dous Obradoiros de Creación Literaria denominados "ESCRIBIR PARA SOÑAR" e "OS FÍOS DA HISTORIA. COMO CONSTRUÍR UN RELATO" que foron impartidos, respectivamente, polos escritores Miguel Anxo Alonso Diz e Andrea Barreira Freije; e aos que asistiron os usuarios da Asociación ASPAVI e todo o alumnado de Infantil, Primaria e Secundaria do CPI "Curros Enríquez" de Pazos e da EEI "A Galeriña" de Nespereira; un total de 193 escolares e uns 40 usuarios da Asociación ASPAVI.

O xurado do Certame reuniuse o día 1 de Decembro e xa ten decidido ás premiadas e premiados desta 7ª edición do certame que daránse a coñecer o próximo Xoves 18 de Decembro nun acto que se celebrará no Auditorio do Concello ás 11:00 horas e ás 13:00 horas, e nos que participarán tamén as mestras e mestres, monitoras e monitores, etc., o Alcalde do Concello e outros membros da Corporación, e representación da Deputación Provincial de Pontevedra.

Por último comentar que estes eventos enmárcanse no programa de actividades de dinamización da Lingua Galega do ano 2025 "OBRADOIROS DE CREACIÓN LITERARIA E CERTAME DE RELATO CURTO" organizado pola Biblioteca Pública Municipal e que conta coa financiación do Concello de Pazos de Borbén e do Servizo de Normalización Lingüística e Servizos Lingüísticos da Deputación Provincial de Pontevedra.

Para calquera información sobre a programación podedes contactar co a Biblioteca por Teléfono chamando ao número 986497273 ou por correo electrónico a biblioteca@pazosdeborbén.gal no noso horario habitual de apertura.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

Nadal con Contos en BiblioPazos

2025-12-01T08:00:00.001+01:00

Festexa o Nadal coa nosa selección de contos e panxoliñas:

Fai Clic nas imaxes

Achégate a BiblioPazos para descubrir moitos máis.

NOVEMBRO - MES DA TRADICIÓN ORAL

2025-11-03T16:39:00.000+01:00

Celebra o MES DA TRADICIÓN ORAL coa nosa selección de libros:

Fai clic nas imaxes

Infantil e Xuvenil

Adultos

Achégate á BiblioPazos, temos moitos máis!!!

Novembro Mes da CIENCIA en BiblioPazos

2025-10-29T08:28:00.030+01:00

Descobre a nosa selección de libros para conmemorar o MES DA CIENCIA:

Fai clic nas imaxes

Ahégate a Biblioteca para descubrir moitos máis¡

Libros dispoñibles na Biblioteca de Pazos para celebrar o SAMAÍN

2025-10-17T19:43:00.017+02:00

Fai clic nas imaxes para obter máis información!

Temos moitos máis, achégate á Biblioteca para comprobalo.

TARABELA CREATIVA achega a Pazos de Borbén o seu espectáculo "BOA SORTE, MALA FAMA" para contar a historia máis "incómoda" da emigración galega - Programa +ESCÉNICAS da Deputación de Pontevedra

2025-10-10T08:00:00.050+02:00

Informámosvos da próxima actividade incluida no programa de animación á lectura e dinamización da Lingua Galega da Biblioteca Pública Municipal; unha actividade financiada polo Concello de Pazos de Borbén e pola Deputación Provincial de Pontevedra a través do programa +ÉSCÉNICAS de apoio á programación de artes escénicas en galego nos concellos da provincia de Pontevedra.

TARABELA CREATIVA SC ofrecerános o seu espectáculo "BOA SORTE, MALA FAMA" o Sábado 18 de Outubro a partir das 19:00 horas na CASA DA CULTURA DE NESPEREIRA con entrada será libre e gratuíta ata completar o aforo do local.

Sempre se soubo, claro está, que as anduriñas son aves de bo agoiro, que alí onde aniñan traen fortuna, que anuncian a primavera e que os mariñeiros as tatuaban na pel por cada travesía da que lograban retornar. Pouco se fala, en cambio, do molestas que se lle fan a moita xente co seu canto agudo e de que enchen todo de excrementos. Por iso estas aves dan boa sorte, pero teñen mala fama. Ningún outro animal se parece tanto aos emigrantes galegos: estamos en cada continente, vivimos facendo colonias, temos na cabeza o camiño de volta a casa e marchamos por necesidade. E, igual que as anduriñas, gañamos mala fama, aló onde fomos buscar a nosa boa sorte.

Este espectáculo nace da necesidade de contar, precisamente, aquelo do que pouco se fala.

Trátase dunha traxicomedia en tres actos: Acto primeiro, os tratos; acto segundo, os maltratos e acto terceiro, os retratos. Nos que facendo unha cartografía e un percorrido a través de diferentes épocas e persoas se contará a historia máis “incómoda” da nosa emigración.

Empregando para isto tres disciplinas: a narración oral (que será o fío condutor), a música ao vivo (que fará que o público se ubique naquelas outras realidades e sensacións que atravesamos) e na interpretación actoral (coa que se poñerá corpo ás palabras e coa que se traballará na metáfora do espello e do reflexo como leit motiv.) Tres mulleres en escena para representar cada unha dende a súa disciplina o rostro menos institucional da emigración galega.

Tarabela Creativa

Carmen Conde - Diego Gallego

é unha compañía asentada en Lugo e fundada por Diego Gallego e por Carmen Conde que reúne sendas traxectorias profesionais en distintos ámbitos: Diego, procedente do mundo da produción e da xestión comercial; Carmen, guionista, narradora e dramaturga.

Perseguen dúas vocacións: a primeira, contar historias a través das artes escénicas e do audiovisual...A segunda, un fundamental labor de plantar a semente dos futuros contadores e contadoras en diverso formato a través da formación.

Baixo o seu selo teñen escrito e producido varios espectáculos de narración oral para público adulto e infantil, con grande presencia tanto en teatros e auditorios de Galicia, coma en festivais de diverso corte: “Elas Son Artistas”, “Agrocuir”, “Deperto”, “A boca chea”, "Sete falares", "Oikonomos", “Festival Escena Muller”... A base de todo o traballo de Tarabela Creativa fundaméntase nas recollidas, que despois supoñen un arquivo e un repositorio dos que parten toda a escrita e a posta en escena.

Crearon a miniserie web “Premios Darwin”, así como a serie dixital sobre a historia da música en Galicia "Quéreme soar!" para a Secretaría Xeral de Política Lingüística. Así mesmo, ocupáronse da dirección artística, guión e presentación dos IX Premios Martín Códax da Música Galega.

Teñen como eixos fundamentais a ruralidade, o silenciado e as disidencias.Deste xeito, Tarabela Creativa completa a súa filosofía de achegar relatos que, tendo a súa orixe no común e corrente, alcanzan altas cotas de extraordinario.

ESPERÁMOSVOS!!! NON FALTEDES!!!

Para calquera información sobre esta programación poden contactar coa Biblioteca chamando por teléfono chamando ao número 986 497 273 ou por correo electrónico a biblioteca@pazosdeborben.gal no noso horario habitual de apertura.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

OBRADOIRO DE CREACIÓN LITERARIA "OS FÍOS DA HISTORIA. COMO CONSTRUÍR UN RELATO" PARA O ALUMNADO DE ESO.

2025-09-29T08:00:00.000+02:00

Continuamos coas actividades incluídas no programa de actividades de dinamización da Lingua Galega do ano 2025 "OBRADOIROS DE CREACIÓN LITERARIA E CERTAME DE RELATO CURTO" financiado polo Concello de Pazos de Borbén e o Servizo de Normalización Lingüística e Servizos Lingüísticos da Deputación Provincial de Pontevedra, cuxos principais obxectivos son os de promover e dinamizar o uso da lingua galega no municipio, sobre todo entre a poboación infantil, a mocidade e as persoas con diversidade funcional; animar á creación literaria e á lectura a través da realización de diversos obradoiros e da convocatoria dunha nova edición dun certame literario en lingua galega; ademais tamén se pretende promover e facilitar a plena integración na sociedade dos colectivos en risco de exclusión social e con diversidade funcional, a través do emprego da expresión artística e literaria en lingua galega.

Agora informamos do Obradoiro de Creación Literaria "OS FÍOS DA HISTORIA. COMO CONSTRUÍR UN RELATO” que será impartido pola escritora, xornalista e docente ANDREA BARREIRA FREIJE para todo o alumnado de ESO do CPI “Curros Enríquez” de Pazos.

Terá lugar tamén nas instalacións do colexio en catro sesións dunha duración de hora e media cada unha e se realizarán durante os próximos días 6 e 7 de Outubro.

Escribir é coma xogar. Primeiro precisas coñecer as normas, as pautas básicas de como se desenvolve a escrita, as técnicas, as estratexias, os elementos narrativos… Despois, toca pulir e practicar unha e outra vez ata conseguir que a nosa historia (o noso xogo) sexa o máis atractiva posible.

Nos obradoiros de narrativa detémonos a reflexionar sobre o punto de vista desde o que contar a historia (o narrador), sobre como construír personaxes sólidas, cribles e coas que sentirnos identificadas, detémonos nos espazos onde transcorre a acción e xogamos cos tempos coma se tiveramos as horas e os días nas nosas mans. Todo isto, tecido nunha trama, onde cada xiro nos leva a un final distinto.

Os fíos da historia. Como construír un relato é un obradoiro de escrita creativa adaptado a cada curso ao que vai dirixido. Nel, a partir das bases do Certame de Relato Curto Pazos de Borbén, abordaremos a construción dunha historia na que serán fundamentais os intereses de cada participante, tanto para facilitar a escrita, como para lograr un texto co que se sintan identificados e orgullosos.

A partir das ideas que vaian xurdindo estruturaremos a narración para facela interesante, atractiva e dinámica. Veremos como mudan as historias en función das personaxes e voces narradoras escollidas. Tiraremos do fío para que o relato flúa de xeito natural, usando cada elemento narrativo ao favor da historia.

Para rematar cada sesión, leremos os relatos escritos ou os fragmentos desenvoltos para, dun xeito construtivo, analizar entre toda a aula o texto. Unha visión allea ao texto sempre axuda a mellorar as creacións e enriquecer o proceso. Cómpre salientar, que durante o obradoiro a rapazada ten o “comodín do público” co que poden pedir axuda a compañeiros e compañeiras. Malia que o proceso sexa individual, contar co apoio da aula, sempre é un bo xeito de evitar bloqueos creativos e ter varias opcións que axuden a avanzar e facer o proxecto o máis interesante e próximo para quen le.

O obradoiro impartirase para a rapazada de 1º a 4º da ESO e nel cada persoa escribirá un relato, no que se mesturarán as temáticas do Certame de Relato Curto de Pazos de Borbén, coas ferramentas máis básicas da creación narrativa e aquelas que lles permitan arriscar nas voces narradoras ou nos xiros das historias.

1º ESO: A través dun xogo, a rapazada aprenderá que é un narrador, como se constrúen as personaxes, como inflúe o espazo na historia que contamos, como o tempo determina a acción. Todo isto ordenarase nunha trama lineal na que a narración resultante será divertida, distendida e extravagante.

2º ESO: Despois da base creada o curso anterior, descubrirán como usar as ferramentas narrativas para levar ao seu terreo as bases do concurso municipal. Isto permitirá descubrir unha variedade máis ampla dentro dos elementos narrativos.

3º ESO: A partir da tradición oral propia do concello e da comarca, a rapazada aprenderá a adaptar as historias acontecidas no pasado, ao presente. Deste xeito, recupérase, revísase e actualízase a aprendizaxe e a memoria colectiva cunha ollada do presente.

4º ESO: Neste curso profundaremos en como podemos xogar coas estruturas (inversa e circular principalmente, aínda que tamén in media res) e variar principios e finais, para poder experimentar cos xiros e descubrir outras formas de contar.na de setembro ou outubro.

Para calquera información sobre a programación podedes contactar coa Biblioteca por teléfono chamando ao número 986497273 ou por correo electrónico a biblioteca@pazosdeborben.gal no noso horario habitual de apertura.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

"A HISTORIA DE RATA O PIRRATA" teatro familiar coa Compañía OLIVAS NEGRAS para conmemorar o DÍA MUNDIAL DO SORRISO

2025-09-26T08:00:00.028+02:00

Na Biblioteca Pública Municipal do Concello de Pazos de Borbén "BiblioPazos" seguimos traballando pola educación, pola cultura e polo fomento da lectura entre a poboación do concello; e nesta ocasión, o facemos a través do teatro cun novo espectáculo para público infantil e familiar que forma parte do programa de animación á lectura e de dinamización da Lingua Galega de 2025 da Biblioteca promovido polo Concello.

O proximo Venres 3 de outubro de 2025 teremos con nós á Compañia de Teatro "OLIVAS NEGRAS" co seu espectáculo "A HISTORIA DE RATA O PIRRATA" na Casa Cultural de Pazos en dúas funcións cunha duración aproximada de 45 minutos cada unha delas. Aproveitaremos esta actividade para conmemorar o DÍA MUNDIAL DO SORRISO que se conmemora en todo o mundo o primeiro venres de outubro de cada ano desde o 2015.

A primeira función ás 13:00 horas vai destinada para o alumnado de 3º a 6º de Primaria do CPI "Curros Enríquez" de Pazos e os usuarios da Asociación ASPAVI e á función das 18:00 horas poderá asistir todo o público en xeral que queira con entrada libre ata completar o aforo do local.

O público será a tripulación que se embarque nunha emocionante e divertida aventura neste espectáculo de teatro infantil "A Historia de Rata o Pirrata".
Nesta enérxica representación, seguiranse os pasos de Nazario, un buscavidas coa mirada posta no tesouro, e Rata, un rapaz valente cun soño: ser un auténtico pirata dos mares.
Con risas aseguradas e momentos emocionantes, os protagonistas embarcaranse nunha misión para atopar o tesouro do temido pirata Bocachancla. Pero ao longo do camiño, descubrirán que o verdadeiro tesouro non se atopa en ouro e xoias, senón na forza da amizade e na aventura compartida.
Dirixido a nenos e nenas de todas as idades, "A Historia de Rata o Pirrata" é un espectáculo que cautivará tanto aos máis pequenos como aos adultos. Coa súa combinación de humor, emoción e valores positivos, é a elección perfecta para unha xornada de diversión.

ESPERÁMOSVOS!!! NON FALTEDES!!!

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

Ponse en marcha o Obradoiro de Creación Literaria "ESCRIBIR PARA SOÑAR" que impartirá o escritor MIGUEL ALONSO DIZ ao alumnado de Infantil e Primaria e aos usuarios da Asociación ASPAVI

2025-09-22T08:00:00.000+02:00

Continuando coas actividades organizadas incluídas no programa de actividades de dinamización da Lingua Galega do ano 2025 "OBRADOIROS DE CREACIÓN LITERARIA E CERTAME DE RELATO CURTO" financiado polo Concello de Pazos de Borbén e polo Servizo de Normalización Lingüística e Servizos Lingüísticos da Deputación Provincial de Pontevedra, o próximo Xoves 25 de setembro comezarán as sesións do Obradoiro de Creación Literaria "ESCRIBIR PARA SOÑAR" que será impartido polo escritor, poeta, docente e contacontos MIGUEL ALONSO DIZ e no que participará todo o alumnado de Infantil e Primaria do CPI "Curros Enríquez" de Pazos; o alumnado de Educación Infantil da EEI "A Galeriña" de Nespereira; e os usuarios da Asociación ASPAVI.

Realizarase nas instalacións escolares e da Asociación ASPAVI en 9 sesións de entre 50 e 90 minutos cada unha delas entre os días 25 de Setembro e 23 de Outubro.

Dando continuidade aos obradoiros “ESCRIBIR PARA CONTAR” realizados en anos anteriores, neste novo obradoiro ensínase ao alumnado participante os procesos de creación. Camiñando pola palabra, tanto escrita como oral, a imaxe e mesmo a expresión teatral para dotar dunha visión o máis completa posible; sempre adaptándose ao nivel da rapazada participante e dando resposta ás necesidades de cada grupo e de cada persoa.

Búscase fomentar a creatividade, o amor pola arte en xeral e pola nosa lingua. Todas estas variables xogan un papel relevante no intre de pórse diante da folla en branco.

Dende os ciclos de Infantil ata 6º de primaria, pasando polas usuarios dos colectivos de persoas con diversidade funcional, achegámonos a un colectivo de persoas máis amplo o labor desenvolto a través de obradoiros adaptados a cada idade e circunstancia.

Os obxectivos que se pretende conseguir son os seguintes:

Incentivar a creatividade e o valor da orixinalidade.
Estimular a creación de historias vencelladas co noso entorno, sementando neles o aprecio e valoración do propio, tanto na súa vertente material (patrimonio histórico), como inmaterial.
Asociar a escrita ao xogo, e non só a escrita, senón tamén o propio proceso de aprendizaxe.
Enlazar elementos escritos e de narración visual e conectar a escrita e a narración oral. Incentivar a transmisión oral de historias no seu entorno familiar.
Incentivar a lectura como motor da escrita. Iniciar no xogo de palabras.
Escribir como ferramenta de expresión dun mesmo.
Fomentar o uso da lingua galega.
O emprego da expresión artística galega como un elemento de expresión integradora na sociedade e de fomento do respecto á diversidade.

Os obradoiros están estruturados en cinco niveis:

- Primeiro nivel: Ciclo de Infantil

O soño de Esther.
Narrar a través da imaxe.

- Segundo nivel: 1º e 2º de Primaria

O soño de Emma.
Que é o protagonista?
A nosa propia historia. Debuxamos.

- Terceiro nivel: 3º e 4º de Primaria

Soñamos en grupo. (Escrita, debuxo e teatro).
O relato máis curto do mundo.

- Cuarto nivel: 5º e 6º de Primaria

Soñamos en grupo.
Estimularase a creación literaria a través do uso de diferentes técnicas de expresión artística.

-Quinto nivel: Colectivos de persoas con diversidade funcional

Unha sesión de soños.
Dos contos ao papel.

Para calquera información sobre a programación podedes contactar coa Biblioteca por teléfono chamando ao número 986497273 ou por correo electrónico a biblioteca@pazosdeborben.gal no noso horario habitual de apertura.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA.

O CONCELLO CONVOCA A TRAVÉS DA BIBLIOTECA PÚBLICA MUNICIPAL O " "VII CERTAME DE RELATO CURTO DE PAZOS DE BORBÉN"

2025-09-21T08:00:00.005+02:00

Ola de novo seguidoras/es, usuarias/os e socias/os da Biblioteca Pública Municipal do Concello de Pazos de Borbén "BIBLIOPAZOS".

O pasado venres 19 de setembro informbamos a través deste Blog e das Rede Sociais da Biblioteca das actividades que se vamos a levar a cabo en Setembro e de Outubro incluídas no programa de actividades de dinamización da Lingua Galega do ano 2025 "OBRADOIROS DE CREACIÓN LITERARIA E CERTAME DE RELATO CURTO"; financiadas polo Concello e polo Sevizo de Normalización Lingüística e Servizos Lingüísticos da Deputación Provincial de Pontevedra.

E como comentabamos nesa noticia temos organizadas novas actividades para as vindeiras semanas nas que poderá participar todo o alumnado de Educación Infantil, Primaria e Secundaria residente no municipio que estivera ou estea cursando estudos de Infantil, Primaria ou Secundaria nos colexios públicos do concello durante os cursos 2024/2025 e/ou 2025/2026; e tamén os usuarios dos Centros de Atención a Persoas con Diversidade Funcional que teñan a súa sede e actividade en de Pazos de Borbén.

Agora publicamos a CONVOCATORIA do “VII CERTAME DE RELATO CURTO DE PAZOS DE BORBÉN" no que, como en anos anteriores, haberá sete (7) categorías para poder participar:

Categoría A: Persoas con diversidade funcional
Categoría B: Alumnado de Educación Infantil
Categoría C: Alumnado de 1º e 2º de Primaria
Categoría D: Alumnado de 3º e 4º de Primaria
Categoría E: Alumnado de 5º e 6º de Primaria
Categoría F: Alumnado de 1º e 2º de ESO
Categoría G: Alumnado de 3º e 4º de ESO

O Prazo de presentación dos traballos abrirase o 1 de Outubro e rematará o 14 de Novembro de 2025.

Cada participante poderá presentar un único traballo que deberá ser orixinal, inédito, ESCRITO EN LINGUA GALEGA e non premiado.

Na Categoría A: Persoas con diversidade funcional poderán presentar un debuxo nunha folla tamaño A4 por unha soa cara que inclúa unha ou máis frases alusivas ao mesmo; ou un relato escrito que se entregará en formato A4 por unha soa cara, manuscrito en letra clara ou ben impreso en tipo de letra Arial, tamaño 14 puntos e entreliñado 1,5 liñas. A extensión mínima será dunha (1) páxina e máxima de dúas (2) páxinas.

Na Categoría B: Alumnado de Educación Infantil poderán presentar un debuxo nunha folla tamaño A4 por unha soa cara.

As persoas participantes na Categoría C: Alumnado de 1º e 2º de Primaria poderán presentar un debuxo nunha folla tamaño A4 por unha soa cara que inclúa unha ou dúas frases alusivas ao debuxo presentado.

E nas restantes categorías deberán presentar os traballos en papel e entregaranse en formato A4 por unha soa cara, manuscritos en letra clara ou ben impresos en tipo de letra Arial, tamaño 14 puntos e entreliñado 1,5 liñas. A extensión mínima será dunha (1) páxina e máxima de catro (4) páxinas.

A temática dos relatos será LIBRE se ben valorarase que incida preferentemente nas seguintes materias:

A igualdade, a diversidade, a tolerancia, o respecto e a prevención da violencia de xénero como valores esenciais para a convivencia entre homes e mulleres.
A recollida de historias e lendas locais transmitidas oralmente de avós/avoas, a pais/nais, a fillos/as e a netos/as que favorezan o coñecemento do patrimonio inmaterial de Pazos de Borbén.
A recollida de toponimia e microtoponimia dos lugares, barrios e parroquias do concello.

Haberá dous premios por cada categoría que consistirán en:

Categoría A: Persoas con diversidade funcional

1º premio: Unha tableta electrónica + un lote de libros.
2º premio: Un lote de libros.

Categoría B: Alumnado de Educación Infantil

1º premio: Un lote de libros
2º premio: Un lote de libros.

Resto das categorías (C, D, E, F e G):

1º premio: Unha tableta electrónica + un lote de libros.
2º premio: Un lote de libros.

Co obxecto de fomentar a lectura en lingua galega e o traballo cooperativo entregarase tamén un lote de libros a cada unha das aulas do colexio e aos centros de atención a persoas con diversidade funcional que presenten máis de catro participantes ao certame. Todos os participantes non premiados recibirán un libro de agasallo.

Para mais información sobre o "VII CERTAME DE RELATO CURTO DE PAZOS DE BORBÉN" podes descargar as BASES do certame facendo click AQUÍ.

Desde BIBLIOPAZOS animamos a todo o profesorado, aos pais, nais e demais familiares do alumnado e dos usuarios da Asociación ASPAVI para que os estimulen a escribir e e a debuxar para participar neste nova convocatoria do certame que chega a súa 7º edición.

Co obxecto de facilitar a participación no VII CERTAME DE RELATO CURTO DE PAZOS DE BORBÉN, temos organizado varios Obradoiros de Creación Literaria que se desenrolarán entre os meses de setembro e outubro e dos que iremos informando nos vindeiros días.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA.

PROGRAMACIÓN DE ACTIVIDADES DE ANIMACIÓN Á LECTURA (OBRADOIROS DE CREACIÓN LITERARIA e VII CERTAME DE RELATO CURTO DE PAZOS DE BORBÉN)

2025-09-20T08:00:00.032+02:00

Ola de novo seguidoras/es, usuarias/os e socias/os da Biblioteca Pública Municipal do Concello de Pazos de Borbén "BIBLIOPAZOS".

Fai uns días iniciamos a programación das actividades de outono-inverno coa actuación de PAKOLAS co seu espectáculo “ECORALIA, A LAMBONA ECOLÓXICA” o pasado venres 12 de setembro; e continuamos coas mesmas o próximo día 19 de setembro co espectáculo “O CONTO DE BARRIGA VERDE" a cargo de FRAN REI de Culturactiva, incluídas no programa de dinamización da lectura LER CONTA MOITO que promove a Xunta de Galicia a través de Dirección Xeral de Cultura, da Consellería de Cultura, Educación, Formación Profesional e Universidades xunto cos concellos galegos que teñen bibliotecas integradas na Rede de Bibliotecas Públicas de Galicia.

Temos organizadas novas actividades para as vindeiras semanas a través do programa de actividades de dinamización da Lingua Galega do ano 2025 "OBRADOIROS DE CREACIÓN LITERARIA E CERTAME DE RELATO CURTO" que conta co patrocinio do Servizo de Normalización Lingüística e Servizos Lingüísticos da Deputación Provincial de Pontevedra.

Os principais obxectivos deste programa son os de promover e dinamizar o uso da lingua galega no municipio, sobre todo entre a poboación infantil, a mocidade e as persoas con diversidade funcional; animar á creación literaria e á lectura a través da realización de diversos obradoiros e da convocatoria dunha nova edición dun certame literario en lingua galega; ademais tamén se pretende promover e facilitar a plena integración na sociedade dos colectivos en risco de exclusión social e con diversidade funcional, a través do emprego da expresión artística e literaria en lingua galega.

Poderá participar todo o alumnado de Educación Infantil, Primaria e Secundaria residente no municipio que estivera ou estea cursando estudos de Infantil, Primaria ou Secundaria nos colexios públicos do concello durante os cursos 2024/2025 e/ou 2025/2026; e tamén os usuarios dos Centros de Atención a Persoas con Diversidade Funcional que teñan a súa sede e actividade en de Pazos de Borbén.

Nos próximos días publicaremos a convocatoria do “VII CERTAME DE RELATO CURTO DE PAZOS DE BORBÉN" no que, como en anos anteriores, haberá 7 categorías para poder participar:

Categoría A: Persoas con diversidade funcional
Categoría B: Alumnado de Educación Infantil
Categoría C: Alumnado de 1º e 2º de Primaria
Categoría D: Alumnado de 3º e 4º de Primaria
Categoría E: Alumnado de 5º e 6º de Primaria
Categoría F: Alumnado de 1º e 2º de ESO
Categoría G: Alumnado de 3º e 4º de ESO

O Prazo de presentación dos traballos abrirase do 1 de Outubro ao 14 de Novembro de 2025.

E para axudar aos posibles participantes no VII CERTAME DE RELATO CURTO DE PAZOS DE BORBÉN, temos organizado, como dixemos antes, varias actividades que se desenrolarán entre os meses de setembro e outubro próximos e que describimos a continuación.

A primeira comezará o próximo Xoves 25 de setembro co Obradoiro de Creación Literaria "ESCRIBIR PARA SOÑAR" que será impartido polo escritor, poeta, docente e contacontos MIGUEL ALONSO DIZ e nel participará todo o alumnado de Infantil e Primaria do CPI "Curros Enríquez" de Pazos; o alumnado de Educación Infantil da EEI "A Galeriña" de Nespereira; e os usuarios da Asociación ASPAVI.

Realizarase nas instalacións escolares e da Asociación ASPAVI en 9 sesións de entre 50 e 90 minutos cada unha delas entre os días 25 de Setembro e 23 de Outubro.

Búscase fomentar a creatividade, o amor pola arte en xeral e pola nosa lingua. Todas estas variables xogan un papel relevante no intre de pórse diante da folla en branco.

Os obxectivos que se pretende conseguir son os seguintes:

Incentivar a creatividade e o valor da orixinalidade.
Estimular a creación de historias vencelladas co noso entorno, sementando neles o aprecio e valoración do propio, tanto na súa vertente material (patrimonio histórico), como inmaterial.
Asociar a escrita ao xogo, e non só a escrita, senón tamén o propio proceso de aprendizaxe.
Enlazar elementos escritos e de narración visual e conectar a escrita e a narración oral. Incentivar a transmisión oral de historias no seu entorno familiar.
Incentivar a lectura como motor da escrita. Iniciar no xogo de palabras.
Escribir como ferramenta de expresión dun mesmo.
Fomentar o uso da lingua galega.
O emprego da expresión artística galega como un elemento de expresión integradora na sociedade e de fomento do respecto á diversidade.

Os obradoiros están estruturados en cinco niveis:

- Primeiro nivel: Ciclo de Infantil

O soño de Esther.
Narrar a través da imaxe.

- Segundo nivel: 1º e 2º de Primaria

O soño de Emma.
Que é o protagonista?
A nosa propia historia. Debuxamos.

- Terceiro nivel: 3º e 4º de Primaria

Soñamos en grupo. (Escrita, debuxo e teatro).
O relato máis curto do mundo.

- Cuarto nivel: 5º e 6º de Primaria

Soñamos en grupo.
Estimularase a creación literaria a través do uso de diferentes técnicas de expresión artística.

-Quinto nivel: Colectivos de persoas con diversidade funcional

Unha sesión de soños.
Dos contos ao papel.

O segundo obradoiro de creación literaria "OS FÍOS DA HISTORIA. COMO CONSTRUÍR UN RELATO” será impartido pola escritora, xornalista e docente ANDREA BARREIRA FREIJE para todo o alumnado de ESO do CPI “Curros Enríquez” de Pazos. Terá lugar tamén nas instalacións do colexio en catro sesións dunha duración de hora e media cada unha e se realizarán durante os días 6 e 7 de Outubro de 10:20 a 11:50 - 3 de 12:20 a 13:50 horas.

Escribir é coma xogar. Primeiro precisas coñecer as normas, as pautas básicas de como se desenvolve a escrita, as técnicas, as estratexias, os elementos narrativos… Despois, toca pulir e practicar unha e outra vez ata conseguir que a nosa historia (o noso xogo) sexa o máis atractiva posible.

Nos obradoiros de narrativa detémonos a reflexionar sobre o punto de vista desde o que contar a historia (o narrador), sobre como construír personaxes sólidas, cribles e coas que sentirnos identificadas, detémonos nos espazos onde transcorre a acción e xogamos cos tempos coma se tiveramos as horas e os días nas nosas mans. Todo isto, tecido nunha trama, onde cada xiro nos leva a un final distinto.

Os fíos da historia. Como construír un relato é un obradoiro de escrita creativa adaptado a cada curso ao que vai dirixido. Nel, a partir das bases do Certame de Relato Curto Pazos de Borbén, abordaremos a construción dunha historia na que serán fundamentais os intereses de cada participante, tanto para facilitar a escrita, como para lograr un texto co que se sintan identificados e orgullosos.

O obradoiro impartirase para a rapazada de 1º a 4º da ESO e nel cada persoa escribirá un relato, no que se mesturarán as temáticas do concurso de Relato Breve de Pazos de Borbén, coas ferramentas máis básicas da creación narrativa e aquelas que lles permitan arriscar nas voces narradoras ou nos xiros das historias.

1º ESO: A través dun xogo, a rapazada aprenderá que é un narrador, como se constrúen as personaxes, como inflúe o espazo na historia que contamos, como o tempo determina a acción. Todo isto ordenarase nunha trama lineal na que a narración resultante será divertida, distendida e extravagante.

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

"O CONTO DE BARRIGA VERDE" de Manuel María con FRAN REI de Culturactiva - Programa LER CONTA MOITO de 2025

2025-09-12T08:00:00.025+02:00

Continuamos coas actividades do mes de Setembro e nesta ocasión presentamos o espectáculo de narración oral "O CONTO DE BARRIGA VERDE" de Manuel María que nos traerá FRAN REI de Culturactiva e que terá lugar o Venres 19 de Setembro a partir das 13:00 horas nas instalacións do CPI "Curros Enríquez" de Pazos e co que aproveitaremos para conmemorar a chegada do Equinoccio de Outono e inicio do curso escolar 2025/2026.

Fran Rei presenta un novo espectáculo unipersoal que mestura narración oral, humor e maxia: O conto de Barriga Verde, escrito por Avelino González a partir de tres obras de Manuel María (Barriga Verde, Os soños na gaiola e Aventuras e desventuras dunha espiña de toxo chamada Berenguela).

Os Contos de Barriga Verde pretende ser un achegamento á poesía, prosa e teatro do autor lucense a quen lle dedicaron o Día das Letras Galegas no ano 2016.

Un contacontos que mestura a narración coa maxia e os monicreques con Fran Rei en escena.

Nesta sinxela historia, Fiz, un mozo labrego galego, terá que enfrontarse ao Serrador e ao Demo polo namoramento da sempre belida Moza.

Coa axuda da maxia do seu padriño Barriga Verde, vello e neno demostrarán ao mesmo tempo que nada é máis forte que o amor verdadeiro.

"Aquí sigo: ledo, ufano, satisfeito de estar vivo. Mentras o tempo me gasta: paseo, leo e escribo...!"
(Manuel María, Os Soños na Gaiola, 1968)

Están convidados a participar nesta actividade os escolares de Infantil e 1º e 2º de Primaria do CPI "Curros Enríquez" de Pazos e Infantil da EEI "A Galeriña" de Nespereira.

Fran Rei é un nome fundamental do clown en Galicia. Cofundador, pallaso en activo e coordinador da compañía oficial do Festival Internacional de Clown de Galicia (Festiclown), Os Sete Magníficos Máis Un, ten participado con ela nun total de doce espectáculos teatrais desde o ano 2001. En paralelo, ten traballado noutras compañías de teatro galegas, como Bagunça Teatro, Produccións Desaqueloutradas, Acontrabutaca e Culturactiva SCG, e tamén ten experiencia no mundo televisivo. Xunto a Pedro Brandariz, formou as parellas cómicas O Gordo e o Calvo e Os ramistas, que participaron regularmente no programa Luar da TVG entre 2012 e 2016.

Na súa formación escénica destacan numerosos cursos de teatro, clown e bufón con algúns dos mellores mestres do panorama internacional, como Good Idea Company, Carlo Colombaioni, Leo Bassi, Eric de Bont, Iván Prado ou Antón Valén. Igualmente, tamén el exerce de profesor, xa que traballa como monitor de dramatización, dirixe varias aulas de formación teatral desde 2001 e desenvolve regularmente obradoiros de iniciación e perfeccionamento da técnica do clown.

Nos últimos anos está especializándose na dirección de espectáculos cómicos e de pequeño formato. Así, é director dos espectáculos Supergalácticos, de Código Morsa, Volta á maxia, de Dani García, Ritmo refugallo, de Trío Refugallo e Concerto singular (e plural) de Píscore. Ademais, é membro fundador da organización galega de cooperación internacional a través das artes Pallasos en Rebeldía e, con esta entidade, ten participado en diversas caravanas de pallasos por comunidades indíxenas de Chiapas (México).

Esta actividade atópase incluída no programa de dinamización da lectura LER CONTA MOITO que promove a Secretaría Xeral de Cultura da Consellería de Cultura, Lingua e Universidade da Xunta de Galicia a través da Rede de Bibliotecas Públicas de Galicia, en colaboración cos concellos e coas súas bibliotecas.

EN BIBLIOPAZOS, A BIBLIOTECA PÚBLICA MUNICIPAL DO CONCELLO DE PAZOS DE BORBÉN, SEGUIMOS TRABALLANDO POLA EDUCACIÓN E A CULTURA

"ECORALIA, A LAMBONA ECOLÓXICA" de PAKOLAS para conmemorar a chegada do Equinocio de Outono e o inicio do Curso Escolar.

2025-09-05T08:00:00.004+02:00

Comezamos as actividades do mes de Setembro cun espectáculo musical dirixido ao público infanti que terá lugar nas instalacións do CPI "Curros Enríquez" de Pazos o próximo Venres 12 de setembro a partir das 13:00 horas e co que conmemoraremos a chegada do Equinocio de Outono e o inicio do Curso Escolar 2025/2026. Recibiremos a visita, outro ano máis, de PACO CERDEIRA “PAKOLAS" co seu espectáculo musical “ECORALIA, A LAMBONA ECOLÓXICA” baseado no seu último libro-disco editado polo CRAEGA en Decembro de 2024 e que está dispoñible na Biblioteca Pública Municipal de Pazos de Borbén e no resto das Bibliotecas de Galicia desde este ano 2025.

Pakolas presenta unha proposta musical-narrativa que conta e canta a historia da meiga Ecoralia, que nos ensinará a través das súas cancións e contos a importancia de consumir alimentos ecolóxicos, para coidar o medio ambiente, combater o cambio climático e garantir o benestar animal. Unha nova aventura didáctica e rockeira rebordante de imaxinación e aprendizaxe.

Así, a través das cancións e a narración, adentrámonos nas entrañas da carballeira máis extensa de toda Galicia, onde a vexetación é máis mesta e verde, vivía Ecoralia. Sempre vestía da cor do musgo e levaba unha trenza longa e roxa recollida cun estalote. Ecoralia era unha meiga moi nova e boa coñecedora de conxuros ancestrais aprendidos das súas avoas. Pero ela non era coma as demais.

De Ecoralia, moitas personaxes poderedes coñecer neste novo traballo musical, como o seu compañeiro Mistín, o lucecú, que vivía no medio das flores amarelas de xestas empregadas para os os seus conxuros. E, se Ecoralia era diferente ás demais meigas, Mistín era diferente aos demais lucecús, xa que tiña un semáforo no traseiro! Ramón o teixugo dispoñía do ultramarinos da vila. Sempre había alimentos coa etiqueta ECO de CRAEGA: froitas e legumes, leite, carne, ovos, mel e mesmo alimentos do mar. Os alimentos ecolóxicos sempre sentaban ben!. Tamén as tías Rosa e Mónica, dúas irmás xemelgas que coidaban das súas hortas coma ninguén. E por último Don Arsenio, que recollía unhas enormes mazás todo o ano!

Como podía ser? Todas estas personaxes e historias poderás coñecer neste novo espectáculo rockeiro, e desvelar este misterio.

"Pakolas", rockeiro e guitarreiro, é o nome co que Paco Cerdeira se presenta ante o público infantil, eido no que o músico conta con longa traxectoria. Neste concerto, Pakolas guiaranos coa súa forza interpretativa e o seu humor por todo un universo musical, a través da súa voz e a guitarra, nun espectáculo individual creado polo propio autor, onde a interacción e participación coas nenas e nenos, a animación, as súas caracterizacións e a súa música son o principal atractivo para o público.

Están convidados a participar nesta actividade os escolares de 3º a 6º de Primaria do CPI “Curros Enríquez” de Pazos.

EN BIBLIOPAZOS, A BIBLIOTECA PÚBLICA MUNICIPAL DO CONCELLO DE PAZOS DE BORBÉN, SEGUIMOS TRABALLANDO POLA EDUCACIÓN E A CULTURA

TÍTERES CACHIRULO achega o seu "O CACHIMOBIL" a Pazos de Borbén para representar o espectáculo "Xela e o dragón Traga-verbas" - Programa +ESCÉNICAS da Deputación de Pontevedra

2025-07-24T09:00:00.146+02:00

O próximo Domingo, 17 de Agosto ás 19:00 horas na Praza do Concello de Pazos de Pazos de Borbén terá lugar a próxima actividade incluída no programa de animación á lectura e dinamización da Lingua Galega da Biblioteca Pública Municipal; unha actividade subvencionada pola Deputación Provincial de Pontevedra dentro do seu programa +ESCÉNICAS de apoio á programación de artes escénicas en galego nos concellos da provincia de Pontevedra.

O espectáculo “O CACHIMÓBIL” de TITERES CACHIRULO é unha actividade de Teatro familiar dirixida a todos os públicos, dunha duración aproximada de 55 minutos, no que unha barraca rodante leva os monicreques e a ilusión a calquera recuncho.

As aventuras do Príncipe Verdemar, de Don Gaiferos ou mesmo de Xela, unha nena que terá que enfrontarse ao malvado Dragón Traga-verbas para rescatar as palabras e frases esquecidas do galego, chegarán ate a vosa vila dende este teatriño autosuficiente, axeitado para espazos exteriores, que inclúe cadeiras e bancos para acomodar ao público.

TÍTERES CACHIRULO co seu CACHIMÓBIL representará o espectáculo “XELA E O DRAGÓN TRAGA-VERBAS”, un espectáculo de aventuras no que a súa protagonista Xela, unha nena de 9 anos, ten que liberar aos seus compañeiros de escola atrapados polo malvado Demo Luciferino que, valéndose do Dragón Dracus traba-verbas, os ten escondidos na cova do trasno. Alí permanecerán ata que esquezan o galego, a súa lingua nai, e se convertan nos seus secuaces.

Para iso Xela e os seus compañeiros de escola, teñen que enfrontarse ao Luciferino e convencer a Dracus Cus Cus do teirible mal que está causando.
Un espectáculo que trata a importancia do uso cotián da lingua galega e da conservación da nosa identidade.

A compañía TÍTERES CACHIRULO inicia a súa actividade no ámbito do teatro de monicreques no ano 1985 e, dende entón, leva realizados máis de 35 montaxes de teatro de bonecos combinando textos clásicos con autorías propias dunha gran variedade técnica: marionetas de fío, luva chinesa, bunraku, guiñol, sombras, obxectos e teatro de rúa, destacando espectáculos como "Pinocho", "O libro da selva" ou "Do, re, mi, Mozart xoga aquí", Premio ao Mellor Espectáculo de Marionetas no 4° Festival Iberoamericano de Teatro "Cumbre de las Américas" (Arxentina, 2008).

Ademais desta actividade de creación e representación de espectáculos, os membros da compañía participaron en diferentes publicacións dentro do ámbito da animación á lectura, destacando as obras "Educación a la lectura para adolescentes ¿Cuántos cuentos cuentas tú?” ou "Te trueco un cuento. Animación a la lectura e interculturalidad", entre outras, e participando en distintas ocasións en campañas de dinamización lectora para o Ministerio de Educación e distintas autonomías.

Títeres Cachirulo imparte periodicamente obradoiros creativos de elaboración de textos e dramaturxia, e de construción e manipulación de monicreques e marionetas de diversas técnicas. Por outra banda, a compañía organiza sesións de contacontos e narración oral en bibliotecas, concellos, centros culturais, etc. acompañadas de actividades de dinamización con teatro e música, dirixidas tanto a centros de ensino como público familiar.

Cachirulo caracterízase por ter realizado un importante traballo de creación e investigación con mestres do teatro de monicreques como Francisco Peralta, Yang Feng, Guaira Castilla ou Chris Geris, da compañía belga Plansjet.

A compañía abre en 1997 a Sala Yago de Santiago de Compostela, que permanece en funcionamento ata o 2007, cunha programación estable de teatro de monicreques e marionetas, á que posteriormente se incorporaron o teatro e as proxeccións cinematográficas. Así mesmo, a Sala Yago, galardoada co Premio Max de las Artes Escénicas 2003 na categoría de Teatro Alternativo, serviu como plataforma para o desenvolvemento de diferentes proxectos de formación e difusión, entre eles a edición da revista Bululú, da que se chegaron a editar 7 números, sendo unha das poucas publicacións especializadas en teatro de monicreques. Actualmente, Títeres Cachirulo alterna as súas representacións de monicreques coa participación en numerosas programacións e festivais internacionais de Europa e América, obtendo importantes premios.

NON VOS ESQUEZADES.

ESPERÁMOSVOS!!!

EN BIBLIOPAZOS, A BIBLIOTECA PÚBLICA MUNICIPAL DE PAZOS DE BORBÉN, SEGUIMOS TRABALLANDO POLA EDUCACIÓN E A CULTURA

"PUNTO EN BOCA. Entre fíos anda o lío" un espectáculo de teatro familiar de RAQUEL CRESPO premiado co VI Premio "Luisa Villalta" a proxectos pola igualdade da Deputación de A Coruña

2025-07-24T08:00:00.056+02:00

Continuamos coas actividades de Verán e agóra tócalle a quenda ao TEATRO, dentro da programación de animación á lectura e dinamización da Lingua Galega de 2025 da Biblioteca Pública Municipal dependente da Concellería de Benestar Social, Igualdade e Cultura do Concello de Pazos de Borbén.

Nesta ocasión, o próximo Domingo, 10 de Agosto ás 21:00 horas na Praza do Concello de Pazos de Borbén terá lugar o espectáculo “PUNTO EN BOCA. Entre fíos anda o lío” de RAQUEL CRESPO.

Este proxecto teatral coproducido polo Centro Dramático Galego forma parte dunha iniciativa para levar o teatro a espazos non convenionais e singulares de todo o territorio galego para achegar o teatro á cidadanía.

O Centro Dramático Galego suma un novo título ao seu programa anual de coproducións coa estrea o pasado 27 de Xuño en Culleredo de "Punto en boca: entre fíos anda o lío", espectáculo itinerante da creadora Raquel Crespo que xirará ata finais de agosto por unha trintena de localidades, maioritariamente en núcleos rurais das catro provincias.

O espectáculo é o primeiro resultado dunha iniciativa social pola que a súa autora acadou o VI Premio Luisa Villalta para proxectos pola igualdade da Deputación de A Coruña no ano 2024 e que, durante os pasados meses de febreiro e marzo, desenvolveu no concello de Culleredo unha decena de actividades e obradoiros arredor da costura, o teatro e a súa relación.

Raquel Crespo interpreta nesta peza unha muller, metade actriz e metade costureira, que percorre o mundo co seu carromato: un fogar con rodas que é, ao mesmo tempo, escenario e taller. Viaxa soa, pero sempre acompañada por unha araña discreta e incansable tecedeira de silencios.

Para o desenvolvemento do espectáculo, a súa creadora contou, entre outras achegas, con Susana Crespo na dramaturxia e coa música de Xosé Lois Romero. Ademais do Centro Dramático Galego na coprodución, dispuxo tamén do apoio da compañía El Ruiseñor e do Concello de Culleredo.

PUNTO EN BOCA. Entre fíos anda o lío mergúllanos nun mundo onde a costura é moito máis ca unha tarefa artesanal: é memoria, identidade e un fío invisible que une xeracións.

Entre puntadas e relatos, despregaranse historias esquecidas, cantos que resoan dende o pasado e segredos tecidos en cada pano. A través da música, a narración e o movemento, reconstruiranse mitos e tradicións que fixeron do tecer un acto de resistencia e creación.

Que acontece cando alguén tira dun fío que non debe? Que historias agochan os tapices que levan séculos contando o mundo? Entre mitos, cancións e relatos esquecidos, este espectáculo visual e sensorial convida a descubrir o que realmente se tece entre os fíos.

Este espectáculo está patrocinado pola Deputación Provincial de Pontevedra a través do PLAN +PROVINCIA.

ESPERÁMOSVOS. NON FALTEDES!!!

AH! E A ENTRADA É DE BALDE ATA COMPLETAR O AFORO.

EN BIBLIOPAZOS, A BIBLIOTECA PÚBLICA MUNICIPAL DO CONCELLO DE PAZOS DE BORBÉN, SEGUIMOS TRABALLANDO POLA EDUCACIÓN E A CULTURA.

Contacontos "CANTAREIRAS. Poesía polular das Letras Galegas" na Área Recreativa do Torreiro de Festas de Nespereira

2025-07-07T08:00:00.036+02:00

Desde a Biblioteca Pública Municipal do Concello de Pazos de Borbén continuamos organizando actividades para este verán.

A próxima será o Contacontos "CANTAREIRAS: Poesía popular nas Letras Galegas", que nos traerán Quique Mauricio e Carlos Taboada do colectivo POLO CORREO DO VENTO o proximo Domingo 13 de Xullo a partir das 19:00 horas na Área Recreativa do Torreiro de Festas de Nespereira.

A función está patrocinada pola DEPUTACIÓN PROVINCIAL DE PONTEVEDRA que ofrece de balde aos concellos da provincia esta actividade co fin de divulgar entre a infancia o papel fundamental das cantareiras para a conservación e difusión da lingua galega.

Nela, percorrerase a biografía destas mulleres (personificadas nalgunhas figuras como as de Adolfina e Rosa Casás Rama, de Cerceda, Eva Castiñeira Santos, de Muxía, e Manuela Lema e mais Prudencia e Asunción Garrido Ameixenda, integrantes das Pandeireteiras de Mens, de Malpica) dun xeito ameno e participativo.

Tamén interpretarán as pezas que cantaban estas mulleres, ademais de pezas propias de cada unha das localidades onde se desenvolvan as accións, e o contaconto rematará cun obradoiro de debuxo no que os nenos e nenas terán que realizar unha caricatura dunha pandeireteira.

Convidamos a todas as nenas e nenos a que asistan acompañados das súas nais, pais, avoas, avós... a esta sesión dominical que se realizará no entorno incomparable do Torreiro de Festas de Nespereira durante a celebración das Festas do Carme e como complemento ás actividades organizadas pola Comisión de Festas.

Aconséllase aos interesados que queiran participar nesta actividade a que leven lápices ou ceras de cores e un folio en branco por cada persoa.

EN BIBLIOPAZOS, A BIBLIOTECA PÚBLICA MUNICIPAL DO CONCELLO DE PAZOS DE BORBÉN, SEGUIMOS TRABALLANDO POLA EDUCACIÓN E A CULTURA.

A Casa Cultural de Nespereira (Pazos de Borbén) acollerá o espectáculo "CONTAR PARA VIVILO" de Cándido Pazó incluído na XIII edición do Festival Internacional de Narración Oral "Atlántica" 2025

2025-06-18T10:26:00.008+02:00

Iniciamos as actividades do próximo mes de Xullo co espectáculo para adultos "CONTAR PARA VIVILO" que nos traerá CÁNDIDO PAZÓ o próximo Venres 4 de Xullo ás 21:30 horas na CASA CULTURAL DE NESPEREIRA (Pazos de Borbén); unha función incluída na XIII edición do Festival Internacional de Narración Oral "Atlántica" que se celebra este ano 2025 e que supón a participación neste festival do Concello de Pazos de Borbén por sétimo ano consecutivo.

"CONTAR PARA VIVILO" é unha sesión de historias, contos, lerias e parrafadas sobre outras xentes, outros mundos e outros tempos, nun espectáculo para xente deste mundo e deste tempo.

Humor, emoción e memoria coa palabra como único recurso.

CÁNDIDO PAZÓ

Nado en 1960 na parroquia de San Paio de Navia (Vigo) e veciño desde hai 20 anos de San Xián de Sales (Vedra), gusta dos ámbitos híbridos onde a memoria rural e urbana se mesturan, dando lugar a curiosas historias transmitidas oralmente.

Comezou a contar nos anos 90 e desde entón ten estado presente en todo tipo de espazos de narración oral na xeografía galega e peninsular, así como en festivais e programacións diversas en América Latina, Europa e África lusófona.

De 2000 a 2008 foi profesor visitante na Escola Superior de Música e Artes do Espectáculo de Porto (Portugal), impartindo a materia de “A oralidade como ferramenta do traballo actoral”.

É tamén autor e director teatral, facetas nas que ten recibido cumpridos premios (María Casares, Max) e recoñecementos (Premio Roberto Vidal Bolaño da Mostra de Ribadavia, Premio Xiria da Mostra de Cangas, Xograr de Outono do F.I.O.T. de Carballo, entre outros) e foi Premio da Cultura Galega en 2014.

Convidamos a asistir a este espectáculo para adultos a toda a veciñanza e recordámoslles que a entrada é de balde. Así que non hai escusa para non acudir a este evento a pasar unha horiña estupenda e chea de "humor, emocións e memoria" narradas por CÁNDIDO PAZÓ.

ESPERÁMOSVOS!!! NON FALTEDES!!!

Para calquera información sobre esta programación poden contactar coa Biblioteca chamando por teléfono chamando ao número 986 497 273 ou por correo electrónico a biblioteca@pazosdeborben.gal no noso horario habitual de apertura.

Podedes acceder a toda a información e programación do FESTIVAL ATLÁNTICA a través do seguinte enlace:

FESTIVAL INTERNACIONAL DE NARRACIÓN ORAL "ATLÁNTICA" 2025

EN BIBLIOPAZOS SEGUIMOS TRABALLANDO POLA EDUCACIÓN E A CULTURA

CAMPAMENTO DIGIT@L de Fundación Cibervoluntarios en Pazos de Borbén

2025-06-13T09:56:00.034+02:00

O Concello de Pazos de Borbén solicitou a realización desta actividade á Fundación Cibervoluntarios; e grazas á súa disposición e colaboración ofrecerase esta actividade presencial de balde a nenos, nenas e adolescentes con idades comprendidas entre os 9 e 17 anos para formarse en competencias dixitais.

Os interesados na mesma poderán INSCRIBIRSE nas OFICINAS DO CONCELLO do 13 ao 23 de Xuño, ámbolos dous inclusive, e as formacións terán lugar na Aula de Informática do Centro Público Integrado (CPI) “Curros Enríquez” de Pazos, en horario de 10:00 a 13:00 horas nas seguintes datas:

Do 7 ao 18 de Xullo - Grupo de 9 a 13 anos.
Do 21 de Xullo ao 1 de Agosto - Grupo de 14 a 17 anos.

Campamento Digit@l é un programa de actividades extraescolares gratuítas para nenos, nenas e adolescentes de 9 a 17 anos en competencias dixitais. Son sesións de 30 horas de formación gratuíta máis actividades complementarias en liña guiadas, pola mañá durante o verán. A aprendizaxe está exposto como un xogo a través dunha aventura interactiva, na que deberán completar etapas e cumprir misións para conseguir logros.

A través de Campamento Digit@l o concello contará con todo o necesario para poder ofrecer as actividades ás persoas participantes: soporte na convocatoria e formación dos grupos; unha plataforma de formación con contidos para as distintas idades; e formadores con experiencia pedagóxica e en ensinar habilidades dixitais de forma efectiva a cada neno ou nena, adaptándose ao que necesitan. Os materiais e recursos educativos están adaptados aos diferentes grupos de idade participantes.

CAMPAMENTO DIGIT@AL é unha iniciativa impulsada por Fundación Cibervoluntarios, dentro do Programa de Competencias Dixitais para a Infancia, CODI, posto en marcha polo Ministerio de Mocidade e Infancia, financiado por Fondos Next Generation da Unión Europea.

O Concello de Pazos de Borbén agradece á Fundación Cibervoluntarios as facilidades, información e apoio ofrecido para poder realizar esta actividade .

Podedes obter máis información sobre a Fundación Cibervoluntarios nos seus perfís oficiais das redes sociais:

Twitter – X: @cibervoluntarios
Facebook: @Cibervoluntarios
LinkedIN: Fundación Cibervoluntarios
Instagram: @cibervoluntarios