JUST NEWS

موسم المتعة.. الامتحانات

2011-05-23T12:35:00.003+03:00

احم احم

موسم الامتحانات.. الوقت الي بنزل علينا فيه الوحي وبنصير كلنا شعراء ورسامين ومبدعين..

أنا نفسي أعرف ليش بصير معنا هيك؟

يعني فوق ما بكون الواحد وضعه زبالة وبالأرض وبشحد النجاح شحدة.. بصير كل اشي بفترة الامتحان ممتع وبتكثر الهوايات.. مثلا:

- بصير في عندك دايما اشي تحكيه مع أهلك مع إنه بدون امتحانات يا دوب تشوفهم.

- بصيروا اخوانك من أقرب أصدقاءك وبتضل قاعد معهم ع حكي ولعب وضحك

- بتتذكر كل اشي صار معك من لما انخلقت وبتصير تفكر فيه

- فاجأة بتكتشف إنك بتحب أو بتصير تحب وكل ما تقرأ كلمة بكون فيها حرف من اسم اللي بتحبها/بتحبيه وخذلك ساعة سرحان

- بتكثر مشاوير عيلتك وصحابك الحلوة وبالعطلة بضلوا مربوطين بالدار

- كل ما بدك تدرس بتتذكر إنك بدك تنزل إشي من الإنترنت وبس تروح تنزل لازم تتطمن عل الفيس بوك وبقص إيدي إذا ما سحبت معك أقل إشي ساعة وبتروح رغبتك بالدراسة

- كل الناس بتكون أون لاين لأنه امتحانات

- إذا كنت من الي ما بحبوا يطلعوا بتصير بدك تطلع وإذا ما بتحب التلفزيون بتصير تعشقه وبصير أتفه مسلسل أو برنامج من الأشياء المفضلة

- بتصير محترف تضييع وقت

- آه، أهم إشي النوم.. بصير هواية..

- بتصير مادة المتحان تتكاثر فجأة بالانشطار الثنائي.. وكل صفحة بتخلص دراستها بتولد 10 صفحات بدهم دراسة.. ياخي متى كاينين ماخذين كل هالحكي.. أو بالأحرى متى لحقنا

- بصير الجو حلو ومغري لطلعة أو رحلة وبس تعطل يا بتكبس ع شتا إذا كان الموسم يا بقلب الجو صحراوي وعواصف رملية وحرارة بالأربعين

- بتحس كل الأمراض معك وبصير كل اشي يوجعك

- بتكثر الأحداث والحفلات والمهرجانات والأشياء الي نفسك تروح عليها

- بيجوا المغتربين من السفر وبسافروا بدون ما تلحق تشوفهم

- بكون إلك ألف سنة بتستنى يجيبوا فيلم وإلا إشي بدك تحضره أو في مباراة بتطلع ليلة الامتحان

- كل ما بدك تتنفس أهلك بحكولك ملحق ع شو مستعجل بعد الامتحان اعمل الي بدكياه.. ما بعرفوا إنه في أشياء إذا راحت عليك خلص بتروح للأبد.. وبعد الامتحانات إذا بتركوك بحالك تعمل الي بدكياه "ابقى قابلني"

- ليلة الامتحان بتكبر 20 سنة

والقائمة ما بتخلص.. وبتضحي بحياتك الاجتماعية وبتحاول تنسى إنه كل إشي بده يروح عليك وبتحاول تقنع حالك إنه دراستك أهم.. لا والأنكى من هيك إنك ما بتزبط بالامتحان وبتروح تحكي لو ما درست أشرفلي كان رسبت بجدارة ولما تتبهدل عل العلامة بتقول لو عملت الي كان بدي أعمله كان استفدت اشي على الأقل وانبسطت شوي..

أخ بس!

المهم، أنا ما بحكي ما تدرسوا! لا ادرسوا أحسن إلكوا لأنه بلاش نكون بنزرع لو وتطلعلنا يا ريت.. وربنا ما بنسى حدا

R.M.Z

اللي استحوا ماتوا

2011-02-02T20:02:00.006+02:00

مبارك!! الله لا يبارك فيك يا رب!! أنا متأكدة إنه يوم ولادتك ما كان مبارك أبدا!!

أنا ما بدي أدخل بسياسة أو ما يحزنون.. بس بدي أحكي من وجهة نظر إنسانية.. خلينا على بر الأمان..

يعني هسا حسني مبارك ، إنه بالله عليه!! إذا مش مشان ال 8 ملايين بني آدم اللي بدهمش خلقتك.. خليها مشان حالك.. 83 سنة عمرك و 30 سنة عمر حكمك وما زهقت السلطة؟ ما زهقت الكرسي؟ ارحم حالك يا زلمة.. ارحم شيبتك (اللي مخبيها).. ارحم صحتك!!

أي قانون دولة بيحكمها رئيس بالانتخاب بقول إنه واحد بيترشح 1000 دورة طول ال 30 سنة.. ويا ريت إنه رئيس محبوب أو جايب فايدة للبلد.. بالعكس..

بدك تعمل فرعون جديد بمصر.. أهلا وسهلا.. بس آخرة فرعون جهنم بعد الموت!!

بدك مصاري.. أي علي ما علي إنك بعد 30 سنة من نهب هالبلد صار معك اللي يعيشك ملك كمان 83 سنة غير اللي عشتهم.. ليش البطر؟ ليش الظلم؟ ليش اللزقة بالكرسي؟

صح ما بطلعلنا نحكي لأنا مش بمصر ولا مصريين.. بس لازم نوصل صوتنا لأنهم إخواننا إذا مش بالعروبة ولا الدين فبكون بالإنسانية.. الإنسانية اللي حسني مبارك ما عنده منها ذرة!! وكلنا مصر يا مبارك!!

قتلوه حلال هالزلمة.. بس عاد الشاطر اللي يوصله..

لا وبعملك خطابات.. وبخلينا نتحمس إنه وأخيرا بجوز بده يستحي ع دمه ويترك هالكرسي.. بصير يحكيلك مصر بلدي وأنا بدي أخلي خاتمة مدة رئاستي "مسك" بالأشهر الجاية.. لا ومشان يعطي أمل قال ما بده يترشح للدورة الجاي.. هههه.. ليش هو ع كيفك يابا؟! كأنه الشعب رح يخليك تتترشح!!

بعدين لو سكتولك هالكم شهر اللي ضايلينلاك بالرئاسة، أنا متأكدة بس يهدوا من هون غير تحكمهم إعدام واحد واحد من هون.. وتطلع عيونهم إذا ضل عندهم عيون من ظلمك! بس الشعب المصري مش غبي.. الشعب المصري شعب حر.. شعب بدور على حقه بإنه يعيش كريم وبأمان..

وبكفي خطابات كل يوم والثاني.. الشعب ما بياخذ بخطابات الرؤساء اللي بيعيدوا وبزيدوا فيها بكل مناسبة.. ويا ريت تكون على الأقل إنت اللي كاتبه..

يعني شعبك ما بدوياك.. مش خجلان ع حالك.. لا وبتروح تصبغلي شعراتك.. إنه مثلا بده يبطل عمرك 83 سنة وإلا بده يبطل إلك 30 سنة ظالم هالشعب وبتبطش فيهم!!

أي عن جد اللي استحوا ماتوا..

روح يا مبارك روح.. الله يوخذ منك هالروح!!

R.M.Z

مصر.. البيت بيتك

2011-02-02T19:49:00.006+02:00

مصر...البيت بيتك

شاهدنا خطاب الرئيس حسني مبارك بعد ساعة من الانتظار، ساعة من التكهنات، من الاستماع للمحللين، و أخيرا جاء الخطاب ليؤكد لنا أن الرجل حقا عسكري في النهاية! خطابه كان جافا برغم أن كلمات الخطاب المتقنة كانت مليئة بالمشاعر، خطابه بأفضل الأحوال كان "خيبة" فرغم أنه حاول مخاطبة الشعب المصري كإخوانه إلا أن صوته وبوضوح كان يعاملهم بدونية، المصريون؛ يحتجون يعتصمون ويصرخون "لا!! كفاية ظلم و استعباد" لقد شبعوا وطنية زائفة، كما شبع أهل تونس من قبلهم، هم لا يريدون منك سوى العدل، أنا لا ألومك فلقد شاهدت القناة الوطنية المصرية التي بثت أصوات ووجوه "محبيك" الذين لا يتجاوز عددهم الألف و تناست بث أصوات الملايين! أترى وطنية زائفة مجددا!! أشاهد الأخبار و أحيانا أتعاطف معك، من ظن أنه بعد ثلاثة عقود من "الحب" سينقلب كرها؟ من ظن أن الشعب سيعثر على صوته؟ من ظن أن أحدا سيثور يوما على ابتسامتك الشهيرة الخالية من البهجة أو على شموخك الملوكي؟ عذرا.. لقد نسيت فأنت لم تكن يوما تطلب الجاه أو السلطه!!

كفاية هجوم، سأدافع عنك ربما في وقفتك تلك شيئ من الحكمة، إذا خلعت أنت ستدرك كل الشعوب العربية أنها تملك التغيير، وسنغرق في فوضى الديمقراطية والحرية والتغيير! حقا يا لتلك الغوغائية...

سيدي الرئيس -رغما عن أنوف شعبك- أنا أحييك...فأنا لم أشاهد أحدا أشد حرصا على "مصالحنا" منك و لم أشاهد أحدا أشد "رفضا" للسلطه منك ، رعاك الله و أدامك ذخرا لهذه الأمة! و أقول في الختام أنني معجبة بتمسكك الشديد بشعار الحملة الإعلانية "مصر...البيت بيتك" كما أتمنى وبكل صدق أن تخرج مصر أقوى من هذه الأزمة لأنها فعلا أم الدنيا!

S.S.R

Because I am a real woman...

2010-06-24T11:44:00.005+03:00

I might have wrinkles in my face, I might laugh loud ... and make nonsense sometimes ... but darling, that's because am a real woman! Those wrinkles show you that I’ve been through pain, time, and joy... i.e i have a real life! .... Some say that am emotional, aggressive or even irrational; well, emotions are just like "wild horses" they seem difficult to deal with but they are the most beautiful! aggression accrues not when I think that you are not fighting for me , but when I know that am far away from the stars !... irrational ???!! ... well , let me tell you something about logic and reason ; so many things may not be proved but still can be true , just like miracles ;and that's enough reason for so many of my actions ! That’s how a real woman paves her path through history!

YES , am a real woman ... when I love I give it all and have stars in my eyes ... and when I revenge , I do so with a smile !... it might sound hard to live with , but this is how I discover the world ; through pleasure , through solitude and through scarifies ! My world might look pink to you, but pink is what sky looks before sunrise and before sunset! ... So you might never know what's on the road! ... I believe in giving many chances but I also consider many others alternatives ... you may not be the center of my world, still, once I am by your side you feel like you have it all! YES because am a real woman ... I have the power of ancient tombs, the wisdom of old trees, the purity of wide oceans and the beauty of the sky! ...

Raneem Faisal

المسلسل التركي

2010-06-21T11:26:00.012+03:00

المسلسلات التركية فيها عدة عوامل مشتركة حتى يكون المسلسل ناجح، و أنا حبيت أعددهم في حال إذا حدا حابب يعمل مسلسل تركي!

أول إشي اختيار الاسم: عشان يكون مسلسل تركي ناجح لازم يكون اسم مثير و غريب و بدل على قصة رومانسية أو يكون على اسم وحدة من الشخصيات على أن تكون "شقفة"

ثاني إشي لازم يكون في اتنين بحبو بعض "البطل و البطلة" طبعا بكونو أحلى اتنين و أطيب اتنين و ما في حدا كرموش زيهم،بس بصير سوء تفاهم و بنضلنا ندعيلهم إنو الله يوفقهم و يلمهم عبعض!

ثالثا: بكون في وحده بتكون بتلف على "سبع البرومبه" البطل طبعا هي مش حلوه و لئيمه و أبصر شو مالها و كلنا بنكرهها، المهم إنو البطل ما بكون بحبها فبتعمل خطه خمسية و بتفشل بالنهاية!

رابعا زي ما بكون في واحد بلف على البطل،بكون في واحد بلف عالمزّة "البطلة يعني" –ما في حدا أحسن من حدا حبيبي- و برضو هادا بكون مريض نفسي و بشع و البطلة بتكون مش معبريتو بشلن عأساس إنها بتحب سبع البرومبة!

خامسا بكون في اتنين ختايرة بحبو بعض،واحد بتكون ماتت مرتو من ٢٠ سنه،و واحدة تطلقت من ١5 سنة، بلاقو بعض و بحبو بعض!

سادسا بكون في "سر خطير" مخفي عن البطل أو عن البطلة،و بس يكتشفوا هادا السر بتنقلب حياتهم (زي اللي عنجد!)
طيب في سؤال بطرح نفسه، إذا كل المسلسلات التركية نفس السولافة،ليش ناجحة؟
ببساطة لأننا شعب مش رومانسي، أصلا لو بتحكي هاي الكلمة في الشارع يمكن ١ من كل ٣ يفكرها طبخة، و هادا إذا متجوز بحكيلك "زيح غاد مش ناقصني قرف"

يعني عنا نقص حاد بالرومانسية، و لازم نعالجو، و بما إنو "رجالنا" (خزاة العين و صلاة النبي عليهم بلاش نطرقهم عين) ما إلهم دخل بالرومانسية فشو المانع نستوردها من تركيا؟ هي وقفت على هاي ما إحنا كل إشي بنستوردو

إحنا كلنا بنعرف إنو الحب عنا مسخرة و حكي فاضي و تضييع وقت، الحب عنا شو؟ يا هي بتضحك عليه، يا هو بضحك عليها، إحنا الحب عنا إجمع و إطرح، نظرية هون و قانون هناك و بنطلع بالأخير مش فاهمين إشي ...إحنا بنحضر تركي لأنا بدنا نحب و تزبط معنا،مشان الله خليها تزبط معنا بدون وجع قلب و بدون ما نضحك على بعض

و لّا أحكيلكوا هاي مستحيلة، خليني أروح أحضر تركي أريحلي

مجتمعاتنا و نصفها

2010-06-16T00:03:00.004+03:00

تزينت وسائل الاعلام والكتب في العقود الأخيرة بعبارة "المرأة نصف المجتمع" وما تفتحه هذه العباراة من ابواب لدراسة الاوضاع النسوية في المنطقة العربية والتي لو اردنا تلخيص اوضاعها للزمنا ليس كتاب واحد بل كتب لما تتميز به هذه الحالة الاجتماعية من كثرة الافكار التي تدور حول علاقة المرأة بكل مجال من مجالات الحياة وبالحال الذي كانت المرأة فيه والذي أصبحت الأن فيه مع ثورة التكنولوجيا الرقمية الأخيرة ومع تأثر وتغير طبيعة المجتمعات العربية بناء على هذه الثورة.لا تزال المرأة العربية تزرح تحت ضغط المتناقضات الاجتماعية فهي في ذات الوقت الأم و الأخت و المربية و هي أيضاً الطبيبة و المحامية والمديرة و المعلمة فبتعدد الوظائف والواجبات تعددت المسؤوليات الاجتماعية الواقعة على هذه السيدة العاملة. بعض المجتمعات لازالت تحتفض بالادوار التقليدية لكل من الرجل والمرأة ومع ذلك فالوضع الاجتماعي النقسي الحالي في مجتمعاتنا ينذر بتغييرات وشيكة على التقسيمات النمطية لكل من الرجل و المرأة في مشروع كل اسرة عربية.المرأة التي تعاني من تعدد المسؤوليات واختلافها بطبيعتها واشكالها لا تزال رغم كل التطورات الضلع القاصر في العملية الانتاجية لمجتمعاتنا فهي مسؤولة بوظيفتها ومسؤولة بابنائها وتربيتهم ومسؤولة عن المحافظة على سمعتها والمسؤولة الاولى والاخيرة عن مجمل العقد المرتبطة بعقولنا العربية من زمن الجهالة بمعاني الشرف والعفة وما إليه من بقايا التراب العالقة بعقولنا العربية المجمدة. المرأة تحت هذه الضغوط اصبحت كقصاصة الورق التي تذهب بها رياح تناقضاتنا العربية في كل جهة .المرأة في السياسة واحضانها شبه غائبة إلا ما رحمه ربي من انظمة الكوتا النسوية العربية التي هي عبارة عن محاولة يائسة لاظهار مجتمعاتنا بمظهر ذلك المجتمع المبني على المساواة بين الجنسين والذي فيه معيار الاختيار هو الكفاءة ولاشيء سواها. فعلياً المرأة في الانظمة التشريعية السياسية العربية مختفية وغالباً ما يأخذ رأي الاقلية النسوية في المجالس التشريعية شكل القرارات الرجولية في ذات البيئة التشريعية من طابع اسلامي أو ليبرالي أو متحفظ أو يساري مع أن مجالسنا بحاجة إلى قرارات ذات طبيعة جديدة تأخذ طابع المميزات الشخصية الانثوية بعيداً عن الانظمة السياسية الرجولية فكم مجتمعاتنا بحاجة لتفعيل الدور الانثوي في صنع القرار فحالياً مجتمعاتنا كلها تتشكل قراراتها المصيرية والسياسية بالطابع الرجولي البحت فمتى الاستيقاظ ياقوم؟المرأة في سوق العمل على الاغلب طبيعة مشاركتها في العملية الانتاجية الوظيفية مرسومة بالمميزات الذكورية نفسها الطاغية على سوق العمل . لم نشعر يوماً بتأثير الماهوية الجنسية الانثوية على السلوك الوظيفي الانتاجي اليومي مع غنى هذه الماهوية بالخصائص النفسية والادارية والفكرية التي تميز الشخصية الانثوية . فكل اشكال المرأة العاملة في البيئة العربية متقنعة ومتقمصة لطبيعة الشخصية الوظيفية الذكورية بكل خصائصها. المرأة في المنزل وظائفها ثابتة منذ بدأ تشكل الهوية الاسرية العربية فلا يوجد حالياً ذاك الاختلاف عن تلك الايام القديمة اللهم أن المرأة اصبحت عدا عن أنها الأم أو الأخت أضحت العاملة خارج منزلها ايضاً وإن لم تصبح هذه الصيغة هي الصيغة الشاملة في كل انظمة الاسرة في مجتمعاتنا العربية. فهل هناك سبيل إلى تحقيق التوازن الطبيعي الذي يجب أن يصبغ كل صيغنا العائلية بذاك التوازن المبني على تبادل الادوار الذكورية والانثوية في الأسرة في محاولة للاستفادة من كل الخصائص الشخصية لكل من الذكر والانثى في كلا الدورين الرئيسيين الاعالة و التربية.وضع المراة لايزال مليء بالتناقضات والتقمص الذكوري فمتى ستعي مجتمعاتنا اهمية الدور الانثوي فيها ومتى ستُفَعِل هذا النصف الثاني للمجتمع بكل صفاته وخصائصه فقوانا الانتاجية العربية تعمل بنصف طاقتها منذ عهد استقلال بلادنا العربية.

يوسف حداد

WE ARE ALL AFRICA

2010-06-14T00:47:00.003+03:00

"WE ARE ALL AFRICA"

A whole 30 days of joy, enthusiasm, pride, spontaneity, competition and FREEDOM -if I may add -! YUP, its WORLD CUP am talking about here.

It’s the most passionately ceremony in the world where every nation in our world represent itself in a loveable and close-to-heart way , it’s the time when we all forget about our daily over-helmed life , it’s the right time when we forget our enmities … our wars ! Some call it fever … I call it unity!

The whole idea amazes me every four years … GENUISE! How come we never use it in other global situations or even daily life situations? Isn't that what leaders around the world are trying to reach; one family, one world?

It is just breath-taking that moment when the team that defines you is about to win; the moment when time stops, you just feel it, believe it! At that point every one becomes Spanish, Brazilian, or South-African etc… well, Algerian in our case! ;)

This belongingness that comes unconsciously just to give you that quirky feeling of "I am a winner". my call for the soldiers that are playing over their, get up champions we are all watching it's time for you to shine , this is your day …this is your moment to meet your people high expectations , make us feel proud … this is the time of your lives so dust yourselves off and PLAY!

So all am going to do this month is celebrating these graceful moments of life … cheering … dancing to that harmonic African song … coz we are all winners, "we are all Africa" …. And just like the song goes:

"When I get older, I will be stronger
they’ll call me freedom, just like a Waving Flag

So wave your flag

Wave your flag"

Raneem Faisal

Girl’s World vs. Guy’s world!!

2010-06-03T22:36:00.002+03:00

We all know that guys and girls are different, when we were younger we liked to play with different toys, we read different things. And as we grew older we developed different hobbies, we developed different interests, and somewhere along the years we created different "worlds" and so I decided to make a comparison between a "guy’s world" and a "girl’s world".

In a "guy’s world”: when he is having a problem with another guy, they don’t have a long talk about it, they don’t discuss their "feelings"; the closest thing to that is when one guy yells "You pissed me off you A**Hole!" probably they may get into a fight and never talk to each other again! SIMPLE!!!

While in a "Girl’s World" : she has a problem, everyone she knows will know about the problem because she keeps "talking" about it, she will talk to everyone and probably cry a little, then one day she will talk to the "OTHER" girl and definitely one girl will say "you've hurt my feelings!" a lot of "feeling" talk at the end they will start plan B; Plan B is fairly simple, dig up some dirt on that girl, and then trash her in front of EVERYONE she knows!! But keep some friends with her, so that you could always find out some juicy dark disgusting secrets to spread around.

It’s a very delicate "balance!"

in a "guy’s world": he meets a "nice girl", he really likes her...he acts all romantic until one day she says "I get upset when you don’t call me when we aren’t together!" and what is he thinking IMPROSINMENT that’s right, he'll start thinking "SHE is stealing my freedom away!!" so he dumps her!

Worst is when she says "I’d like to get married and have kids within a year!" I’ll seriously Doubt her seeing him ever again!

While in "Girl’s World”: she meets a guy and really likes him...if he says something like "I’d love it if you'd let me know where you are when you're not with me...it’s just common courtesy!"

A girl will think both of those things:

1) AWWWW he loves me :") when she has known him for a year at least!

2) STALKER!!!! When he has known her for a week!

So you may wanna have some balance!

In a "guy’s world”: he meets another girl. He doesn’t like her; she is stalking him like crazy!

What does he do? He acts like a complete JERK! Saying things on the phone like "HAY I must hang up my dad has just entered the room" or changes his voice and pretend to be "sick!"

In a "Girl’s World" she meets a guy who she doesn’t like, she wishes he stops calling, so she says one day "BABIES!! I love babies!! My clock is ticking so I wanna them SOON....REAL SOON!! Perhaps 6 in the next 3 years or something! I already have a wedding dress and reservations for a ball room!"

keep talking about kids and just to seal the deal; talk about diapers and poop, and he'll NEVER EVER call again!

In a "guy’s world" he sees a girl walking down the street, she has a TON of make up on her face, he can smell her from down the street because she "drenched herself in perfume!" and wearing something that forces you to wonder "how the hell did SHE manage to fit into THAT!" what’s he thinking is it’s easy catch, actually it’s TOO easy so he doesn't bother!

In a "Girl’s World": “she wakes up at dawn, works at herself from the early hours, pull here tuck there! And then the fashion show begins, she has to choose what to wear, and probably get depressed because she doesn’t have the latest "fashion" on the market! When she walks out the door though, she doesn’t have a clue that all of this effort is a waste, because people can feel that she worked "too hard" and she doesn’t appear natural, so even when she is being sincere and honest people will honestly always doubt her, because she doesn’t seem to be secure!

In a "guy’s world": he hears a girl -ANY girl- saying to him "you look tired...get some rest" and she is immediately turned into a MAMA in his head! anything a girl says can put a guy off, if you say "eat now we won’t have time later" or "call me when you get in" or "don’t stay out late" a GIRL is then immediately turned in to a MAMA, simply if a girl ask him to "explain" himself or check in with her, SHE becomes "mothering him!" and he will Dump her!

While in a "Girl’s World" she feels safer when a guy says these things to her, all girls wanna feel safe! So when he is concerned about her she becomes super happy! :)

Its really complicated but it is TRUE!! God, don’t you love the difference!

بس تفتح الكتاب

2010-06-02T09:29:00.004+03:00

شو ممكن يصير معك بس تنوي تفتح الكتاب ؟ ؟

واحد : بقدرة قادر ما بتشوف حالك الا وفاتح الفيسبوك.. و بتبلش تعليق هوون وتعليق هناك ..او بتنزل صوره ما الها علاقة .. وبتكون حاطط ستيتس .. " مش عارف ادرس " مشااااااااان الله كيف بدك تدرس و انت فاتح الفيسبوك ..

تنين : فجاءة بينزل عليك شيطان الشعر , وبتبلش تحكي عن الموضوع بطريقه شعريه بحته"" وعندما فتحت الكتاب ما لقيت حالي الا فاتح الفيس بوك و بكتب شعراٌ " و هاكذا تستمر الحياة ..

ثلاثه : اذا كان عندك اي ذكريات حزينه .. فجاءه بتطع كلها براسك وبتبلش تنعرضلك متل كأنك بتحضر فيديو عاليوتوب .. و انت حضرتك بتنكد و بتبلش تسمع مصطفى كامل ..

اربعه: حبيبتك بتطلع بوجهك .. كل ما تفتح صفحه

خمسة: بتنام لو كنت لسا صاحي

ستة : ما بتشوف حالك الا و طالع من البيت انت وصاحبك الي عندو نفس المشكله .. بعدين بتعطوها ارجيله ..و لعبة هاند ..

سبعة : بتكتب هاد الموضوع .. اه انا كنت لسا بحاول ادرس .. ما شفت حالي الا و بقدرة قادر بدي اكتب اشي ..

A.A.A

قافلة الحرية.. أو اللي كانت قافلة حرية .. وا قافلتاه.. وا ويلاتاه.. وا معتصماه

2010-06-01T01:02:00.001+03:00

بما إنه الموضوع سياسي شوي بتمنى اللي بده يقرأ يكون شايف الأخبار قبل ما يتفلسف علي، وأنا بس بعبر عن غضب وثورة في داخلي.. ما عم أعبر عن حزب أو كتلة أو منظمة.. أنا بعبر عن رأي بنت عربية مسلمة بتتمنى عهد صلاح الدين يرجع.. بالأحرى بتمنى كرامتنا وعقلنا يرجعولنا قبل ما نموت وإحنا بنتفرج وبنضحك...

الموضوع مش إنه اسرائيل اعتدت على السفينة وما سمحتلها تمر، يعني ما هي مبينة ما أحلاهم يخلّوها تفوت غزة وهم بيتفرجوا، صح حكوا إنه بدهم يفتشوها ويسمحوا بدخول مواد معينة بس، بس الغدارين معروفين، سيطروا على الست سفن وأجرموا بحقهم، لو بدهم يسمحوا لقافلة تفوت على غزة كان من أول ما حاصروا غزة هيك لو بدهم يرجعوا يسمحوا بدخول المساعدات، المهم، النقطة المهمة بالموضوع، إنه اسرائيل تمادت وتمادت وياما عملت "فجائع" وجرائم حرب وإلهم سنين وسنين بقتلوا بإخوانا بفلسطين، يعني ليش مستغربين منهم إنه يدمروا سفينة مساعدات؟ لأنهم عارفين إنه العالم رح ينهز شوي وبعدين بينسوا؛ لأنهم متعودين إنهم بيعملوا عملتهم، الصحافة والإعلام بيحكوا فيها شوي، الشعوب بتعمل مظاهرات واحتجاجات، وبعد كم أسبوع كل واحد بيرجع يلتهي بحاله.. مش لازم نعتب بس على اسرائيل.. لازم نعتب على حالنا.. إحنا بنعمل زي الأهل اللي بدلعوا ابنهم وبيسكتولوا، أو بيبهدلوه شوي لما يغلط وما بيعاقبه زي العالم.. وبس يرجع يغلط بيعيدوا نفس القصة ونفس البهدلة، طبعا على الفاضي.. يعني الولد رح يضل يغلط ورح يبطل يفرق معه إشي، ما هي بهدلة والسلام.. اسرائيل هيك بالزبط، بتغلط وبترتكب جرائم، وبتحكي "يللا، بيحتجوا وبيتظاهروا وخلصت راحت.. اتعودنا"، لأنه لو في عندهم ذرة شك واحدة إنه العالم أو العرب لحالهم رح يوقفوا ضدهم كان ما عملوا اللي عملوه...

هلأ العالم بيعدوا الضحايا والجرحى.. بالله عليكم؟.. ما خلص اللي مات مات واللي انصاب انصاب وبالله وإنتو تعدوا ما تنسوا تحسبوا المليارات اللي ماتوا قبلهم.. بس فكروا باللي بعدهم عايشين ورح يموتوا نفس الموتة على إيدين الاسرائيلية إذا ضليتوا ساكتينلهم.. وإلا إحنا ما بنتحرك إلا لحتى يوصلوا باب بيتنا.. يعني التركي والفلسطيني والاسباني واللي ما بعرف من وين هدول مش بشر؟ مش بني آدمين؟ يا حيف بس يا حيف.. لا شايفين شهامة العرب.. ولا رحمة المسلمين.. ولا سماحة المسيحيين .. ولا صداقة الشعوب.. كل اللي شايفينه.. اسرائيل بكفة والعالم بكفة.. وكفة اسرائيل راجحة.. إحنا شايفين غدر اسرائيل.. اصحوا يا ناس يا عالم.. قبل ما يوصل الدور عنّا!!

وهينا بنستنى بمجلس الأمن الدولي يطلع معه إشي، اللي على الساعة 9 المسا عقدوا جلستهم ورئيس المجلس اللبناني اللي اليوم بيخلص دوره بالرئاسة الله يساعده ...

هلأ نيجي للمنطق – اللي هو لعبتي –

المنطق بيحكي إنه الدولة اللي كلنا خايفين منها بتقصف سفينة لأنه ما بعرف 2 أو 3 فيها معهم سلاح؟ يا سلااام.. الدولة اللي مخوفة العالم بتخاف من مسدسين..

المنطق بيحكي إنه اسرائيل بتقدر تستعمل السلاح بحجة الدفاع عن النفس – وهي السفينة من أصله رايحة لغزة العربية يعني ما حد جاي باسرائيل– وهي من أصله ما وصلت حدود "دولة" اسرائيل البحرية وكانت بالمياه الدولية

المنطق بيحكي الواحد بدافع عن حاله بالسلاح ضد ناس لا جاية فيهم ولا معهم سلاح من أصله

المنطق بيحكي إنه الاسرائيليين وهم مش على أرضهم ومش ببلدهم يشبعوا ويعيشوا ويناموا وأهل غزة اللي ببيوتهم اللي ورثوها من أجدادهم وتعبوا بأراضيها لا ياكلوا ولا يشربوا ولا يناموا..

المنطق بيحكي إنه إحنا العرب اللي بينا وبين غزة شبرين نستنى تركيا تبعث مساعدات لأهلنا وإخوانا اللي إحنا بنتفرج عليهم وهم بيموتوا

المنطق بيحكي إنه العالم كله ما يقدر على اسرائيل

المنطق بيحكي إنه اسرائيل اللي ما إلها دولة تتحكم بكل دول العالم

احكولي بالله.. ليش إحنا البشر ما بنقتنع بالمنطق؟!

المنطق بيحكي إنه هاي المقالة المفروض تحكي عن قافلة الحرية.. بس ما حكت عنها

والمنطق بيحكي إنه أنا لازم هلأ اكون عم أدرس بس من الغضب اللي جواتي على العالم عم أكتب هاي المقالة

دمتم بخير أعزائي..

تحية لأبناء غزة الصامدة.. تحية لتركيا.. تحية لاسرائيل – بس لأنها عرفت ترقص العالم على أصابعها العشرة - .. تحية للأنظمة السياسية العظيمة صاحبة الحنكة .. وأهم شي تحية لقافلة الحرية اللي ماتت ضحيتنا كلنا .. وتحية إلكم لأنه تحملتوا المقالة ووصلتوا لهاي الجملة J

R.M.Z

هل انت مواطن اصيل

2010-05-30T21:09:00.010+03:00

بتعرف كيف ممكن تتأكد إنك مواطن أصيل ومن عنا وابن البلد؟ يكون صاير معك إشي من هالأشياء المستحيل ما تيجي مع بعض :
تكون واحد بيضحك من قلبه ومفرفش طبييعي بدون ما تفكره الناس مجنون أو مريض.

تمشي بالشارع وما تشوف حد عم "يبزق"، يعني إذا حظك حلو بتكون "نقية" وإذا حظك أحلى ما بتدعس فيها.

تحاول تقطع الشارع بأمان الله، يعني حتى لوكان الشارع فاضي فجأة بتطلعلك سيارة شكلها كانت بالغلاف الجوي يا إما يتحاول تدعسك أو بتعطيك زمور طويييييييييييييييل إلو معاني عدة أغلبها مصحوبة بكلمات ما بقدر أحكيها بتبلش بـ "يا ابن ...." وما بتخلص إلا بمرور السيارة، والسايق لازم قبل ما يركب السيارة يحمّي أعصابه ويشحذ لسانه.

تروح عالحسبة يوم العطلة أو يوم جمعة، و بتكون مصفي بالك ونيتك ورايق، إي بقص إيدي الثنتين إذا مارجعت عالبيت ضغطك بالسما والسكري ستمية وجيبتك فاضية ومعجمك اللغوي انزاد عليه كلمتين أو ثلاث بتكون أول مرة سامع فيهم، وفوق كل هاد "المدام" مش عاجبها شو جبت معك من السوق.

تروح على واحد من هالمستشفيات الحكومية وانت مريض بدون ما تتبهدل وتوقف ساعتين عالدور، وبعد عناء لما يجي دورك يحكولك انه "الدَكتور خلص شيفته... ارجع على موعد العيادة الثاني" الي بكون بعد اربع أيام، يعني بتكون الفاتحة مقروءة عليك، وإذا حظك من الآخر بكون موجود وبشوفك وبيفحصك وبيعطيك وصفة كمان وبيجي الوقت " تنلطع " قدام الصيدلية كمان ساعتين وأخيرا لما بتوقف عالشباك وبتقدم الوصفة المختومة من الدكتور وموقعة من المحاسب وإلي معها الوصل الزهري وملفك كله تمام فجأة بيطلعك الصيدلي بخلقتك وبكل برودة أعصاب وهدوء بال بيحكيلك " والله يا حجي هسة خلص الدوا من عنا، ارجع الأسبوع الجاي" ... "إي يخلص عمرك ان شا الله" ... وهيك بتروّح عالدار مريض ومبهدل وملعون أمل أبو أبوك وبدون دوا كمان.

تكوني بنت وتمشي بالشارع لمدة 10 دقايق مش أكثر وما يتحركش فيكي أكثر من 20 شب، ان شا الله لابسة خيمة فوق راسك ومغطاية لآخر إنش بجسمك، إلا ما يلاقوا إشي يعلقوا عليه.

تكون شب وكمان تمشي بالشارع وبتحاول تمارس حقك الطبيعي والدستوري بـ "تطقيس" البنات بدون ما يطلعلك مسبة ثقيلة أو بزقة أو أقلها جحرة أخت شلن من وحدة من هالبنات.

يكون يومك مار بسلام؛ بدون مشاكل ولا هوشات ولا أكشن – هاي لحالها صعبة كثير،بعرف! – بدون ما يجي حدا بآخر الليل قبل ما تتوكل عالله و تنام بشوي يقلبك فوقاني تحتاني ويحرق أعصابك ويخليك تلعن الساعة الي انولدت فيها بعدين يتصرف طبيعي ولا كإنه عامل إشي ... "إي يسعدلي القمر ما أحسنه >_< "

تروح على دائرة الأحوال أو التراخيص أو بس مشان تدفع وحدة من هالفواتير الي ما بتنتهي بدون ما تنلطع دور بالخنقة والأزمة والضغط أبو شي ساعتين ولّا ثلاث وبجوز تخلص معاملتك من أول زيارة .. ولَو ثنّي يا ابن الحلال، ثلّث يلّا شو مستني!... يعني هاد إشي من سابع المستحيلات، وإذا صدفت وزبطت معك هلّل لإنه حظك بيفلق الصخر.

تروح عالجامعة الصبح بس بدك تحضر محاضراتك وتروح زي الشطّور بدون ما يجوا ناس يلزقوا فيك ويحمّولك بالك وينقلوا منك الواجب و يتسلبطوا عليك بالكافتيريا ولما أخيرا تروّح بيقعدوا قعدة محترمة ومن ورا ظهرك بشلّوا عرضك ويحكوا عنك طرطور أو هبيلة

والأدهى من هيك إنه كل يوم الصبح بحطولك أغنية "وبحب الناس الرايقة... إلي بتضحك على طول! "... إيه فكوا عنّا انت و إياه

R.M.B

إلى الطنطات من القلب

2010-05-27T22:20:00.005+03:00

الواحد بتصير معو مواقف كتير "غبية" في الحياة.. مرات بكون هو طافي .. مرات بكون صحابو طافيين .. مرات هيك "غباء" وبس

مرة من المرات كان في قعدة "بنات وشباب"، المهم إنو فجأة وبدون أي مقدمات قام فيفي صاحبنا وصار يحكي لبنت "فايعة": "إنتِ شعرك كتير حلو .. بس لو تستخدمي المنتج "كذا" ... شو بتستخدمي لشعرك؟" وبعدين بعد ما حكوا نص ساعة كاملة عن منتجات الشعر وإحنا صافنين "بالأختين" كمل علنا وصار يحكي عن المكياج، عن أحسن أنواع، عن كيف لازم تحط مكياجها ... وعن كتير أشياء تانية ... أحلى إشي لما صار يحكي "أنا بحب الناس المكحلة .. وإنت ما بزبط على عيونك الكحلة هيك حطي شوي أخضر بطلع على هاي اللبسة طائع !!"

إنو إحنا صرنا نتطلع عليه من فوق لتحت... ولسان حالنا يقول: يا دي النيلة !!

مرة كانت واحدة "مزّة" ماشية قدامنا، هالكسم والشعرات وها الطول، إجا صاحبي بدو "يطقس" عليها... المشكلة لما لفت الأخت طلعت أخ ومربي لحية كمان !!!

خلينا نحكي عن ألوان البلايز أو البديهات... عنجد إشي بجلط ! بتمشى بهالسوق، بتخربط بين محلات البنات والشباب.. يعني على الألوان "الرائعة، إشي بنفسجي، إشي وردي، إشي ما بعرف إيش ومحطوط عليه خرز، كأنو الشباب بحكوا "مشان الله تطلعو علينا !!

وإلا لما يكون في دبكة شباب، وهالألوان نازلة تدبك أو بالأحرى "تتمايل" على المجوز... أي والله مش زابطة !! روح اقبر حالك

والشورتات.. كلو إلا الشورتات!! بدون ما ندخل في التفاصيل المقرفة.. ارحمونا.. ارحمو حالكم... مشان الله ما تلبسو شورت !! أرجوكم لأجل الإنسانية... تعاونو معنا نتعاون معكم

بالنهاية... الطنطات كثروا مشان الله وين الزلم ؟! لساتهم بالفراش !!

وبما إنو الوضع مستفحل لهالدرجة... نطالب بكوتا "طنطية" تحمي حقوقهم !

واللي مش فاهم شو يعني "كوتا" >> مقاعد بالبرلمان يا ماااان ...

Jordan in our Hearts

2010-05-25T19:00:00.005+03:00

Today we celebrate 64 years of independence, honor and pride. So much blood was shed and so many lives were taken for us to reach this state, to be able to call a place "Home" and to actually mean it and feel it deep down in our hearts.

I will not talk about history, because we all have learned it in schools, and if you are like me you probably sucked in the exams. And we all know the heroic acts that our brave soldiers have put to get the lands back to their truthful owners. Nor will I talk about how great his Majesty King Abdullah the II is, because his actions have always been and still are for the best regarding the future and people of this country. His hands-on treatment for the current struggles that we face is a clear proof of his care and passion for his country and legacy.

On such a day, every one of us acts patriotic; raising flags and pictures, hanging logos and banners all over the city, playing patriotic songs so loudly from cars and music shops that your head feels like a drum, and even changing profile pictures on FaceBook, but do these people even think of doing anything else? Something useful, for example instead of ruining trees to hang lights and banners on them, plant some. Or instead of wasting a lot of money buying and printing flyers and posters that will eventually end up in the trash can, donate it to people who really need it and make them feel as a part of the celebration and a part of this country. Why not visit the orphanages and decorate them and make the kids understand what it means to have a home even if they don't have families instead of painting the sidewalks of streets?

We all say that we are proud to be Jordanians, but what do we do to show it? Dance? Play music really loud? Jordan is a small country and low on resources, but we can make it big, we can make it a better place for us, together, by doing small changes in our daily life that will have tremendous effects on tomorrow, and what a better day to start doing that than the day we gained our nationality, the day we fought and won our independence?

We have to carry on the legacy, the responsibility and future of this country lies on our shoulders, so let’s prove it to our ancestors that they didn’t waste their time, and that when they died for this country we will protect it after them. Let’s make our existence worth the while by taking care of Jordan as it took care of us all this time.

Congratulations on your 64^th annual anniversary of Independence, we are all extremely proud to live on your ground and to breathe your air, May God Bless you.

Rasha M. Bashatweh

الله يسامح اللي كان السبب

2010-05-24T22:25:00.008+03:00

موسم جديد كل شي فيه جديد ما عدا قلّة الحياء و الأدب و مضيعة الوقت و الفلوس اللّي تعودنا عليها.... رجع برنامج الجماهير ستار اكاديمي

ليملأ الفراغ الوهمي الذي ندّعي إنا نعاني منه .... كأنو مش ناقصنا !!!! و الأكثر من هيك , لم يعد ليجذب الفئة الشابة فقط , بل انضم للركب من هم فوق ال 50 و تحت ال 8 سنسن !!!! كأنه شطارة يعني . قبل فترة أعلنت اليابان أن احد روّاد الفضاء اليابانيين سيقوم ببعض العمال غير الاعتيادية في الفضاء بناء على ما أرسله الناس من رسائل بفئات عمرية بين ال80 سنة و من لم يتعدوا ال

هل نلاحظ الفرق ؟؟؟ KG1"
قبل هذه الموجة او حتى بعدها , تلفازاتنا تشهد يوميا ولادة قناة واحدة على الأقل تتباهى و تتفاخر ببث متواصل لاغاني خليعة و مقاطع-تخدش الحياء- من حفلات كلها راقصين يا دوب صاحيين و راقصات يا دوب لابسات ! مبتذل !!!
بل و قد وصلت حدود الابتذال بهم إلى حد بث قنوات مختصّة بالشعوذة و قراءة الطالع او الحظ أو حتى عمل سحر لأي احد بدك إياه ! لا ننسى البث المتواصل 24/24 !!! لهذه المهازل حتى لا نفوّت أي لحظة من حياتهم البائسة.... حتى صاروا القدوة التي واجب علينا كلنا تقليدها أو أننا سوف نتّهم بالتخلف و الرجعية و عدم مواكبة الموضة !! حتى أصبحنا عبارة عن دمى تتحرك و تتصرف و تأكل و تمشي و تلبس, و تفعل أي شيء تراه على التلفزيون كما يفرضه علينا قلة من الناس كل ما يهمهم المكسب المادي فقط لا غير !

هدفي من كل هذا الكلام ؟ أنا لست بموقع لأحكم على أيّ احد و لست أهاجم أي برنامج او قناة او غيره .... كل اللّي بدي احكيه .... ارحمونا و ارحموا حالكم و الله يسامح اللّي كان

السبب

رنيم فيصل

الموظف النائم

2010-05-24T19:57:00.005+03:00

عمركم فتوا على مكتب موظف وتفاجئتوا إنه نايم؟ على المكتب أو تحته! مم، أنا جربت مشان هيك بدي أحكي عن الموضوع

يعني في تسيب بدوائرنا الحكومية ما بنقدر نطنشوا، كيف بدنا نحسن مجتمعنا وبلدنا وقبل كل إشي حالنا، إذا كل واحد مفكر إنه بيشتغل بشركة أبوه، وعلي ما علي لو بيشتغل عند أبوه كان بيشتغل عن جد

يعني لما أكون طالبة جامعة وأروح على موظف ولما أدخل ما ألاقيه، طبعا فكرت إنه ما في حدا وفجأة أكتشف إنه في بني آدم طويل عريض - الموظف- نايم تحت المكتب.. تخيلوا الوضع!

المشكلة مش بس إنه لقينا موظف نايم، المشكلة إنه هاد الإشي بصير كل يوم، ومش موظف أو اثنين وبأكثر من مكان. يا ريت تيجي بس على النوم يمكن نومهم أحسن من صحوتهم.. في موظفين ما بيقعدوا بمكاتبهم، يعني بالجامعة الطالب كيف بده يلاقي موظف إذا كل ما يروحله على المكتب ما بيلاقيه؟ ينصب خيمة قدام المكتب ويعيش هناك على أمل إنه هالموظف يتذكر إنه إله مكتب! وإلا يستأجر فريق بحث وتحري؟

وفي موظفين جايين مشان "طق الحنك"، يعني لو كل واحد التهى بشغله وبعدين حكى، شو رح يخسر؟ بس زرعنا لو طلعت يا ريت!

يعني فوق ما الحكومة مأمنيتلك شغل وبتعطيك راتب، بتيجي على شغلك سياحة وسفر؟! وبتروح على بيتك قبل ما يخلص دوامك! لأنه اللي مشغلينك فاتحينها سبيل!

والأدهى إنه في منهم بحملوا العالم جميلة لأنهم بييجوا يداوموا، يا ناس ارحموني، فوق حقه دقه!!

النقطة الثانية؛ الموظف اللي بيستغل شغله مشان أهداف شخصية"بحتة"، ما عم أحكي عن الرشاوى والواسطات، قصدي عن اللي بجيب الناس على مكتبه مشان يسمسر عليهم – مثلا – وأنا لاحظت هالإشي بالجامعة؛ بعض موظفين بجيبوا طالب خليجي أو مش أردني وبيسمسر عليه حتى يأجره شقة أو إشي، طيب روح افتح مكتب سمسرة أحسنلك!!

في كم موقف صاروا معي أو مع حد بعرفه، لازم أحكي عنهم:

- موظف جامعة بيطلع على مؤتمر مع طلاب الجامعة، ما بخليهم يكملوا المؤتمر وبيروحهم بكير مشان إيش>> مشان يلحق يمر على أرض – يا ريتها على طريقهم كمان – لأنه بده يسمسر عليها.

- نفس الموظف بيطلع مرة ثانية مع الطلاب، كمان ما بخليهم يكملوا المؤتمر وبيطلعوا وبعدين بيتركهم مع شفير الباص وبيروح لحاله..

- موظف المفروض إنه المرشد الأكاديمي، الطالب بيحتاجه ضروري لشغلة بتتعلق بالتسجيل والبرنامج الدراسي، بيروح الطالب تقريبا كل يوم وما بيلاقيه، وبطلوع الروح بيقدر يوصله ويا ريت استفاد، لأنه الموظف اختفى من جديد>> صار "لا يمكن الوصول إليه حاليا، يرجى المراجعة فيما بعد" ، يعني متى؟ بعد ما يخلص التسجيل والطالب تروح عليه؟!!

- موظف بعمر أبوي وإلا ليش، بعمر جدي، بدي أحكي بالمشرمحي>> "نسونجي" .. استحي على شيبتك.. طالبات الجامعة أكبر من أولادك!

في قضايا كثير بتصير والناس بتطلع عليها، بتعلق، ممكن تضحك وتعملها نكتة، ممحن تعصب أو تتضايق وبعدين بيمشوا عنها ولا كأنه في إشي، في ناس بتعطي أعذار للناس، ما في داعي نعطي عذر لكل بني آدم بيغلط، يعني اللي بصير معه ظرف، أو اللي بكون تعبان، وهداك أبصر شو كان عندهم مناسبة الليلة الماضية وهديك ابنها ما بعرف ماله، يعني أنا بعرف إنه الناس بصير عندها ظروف، بس الواحد بصير معه ظرف يوم، يومين، أسبوع.. أحكيلكم وشهر مني زيادة، بس مش طول السنة!!!

برأيي لازم يغيروا المعايير لما بدهم يوظفوا حد، ولازم يطبقوا القوانين مش بس يحطوها، ولازم الكل يتحاسب، وما تنترك الشغلة شوربة!!

ارحمونا يا عالم، لمتى بدنا نضل نتفرج ونسكت؟ لو كلنا سكتنا شو رح نستفيد؟ ليش كل واحد بيستنى الثاني يحكي؟ ع هالحالة ما حد رح يحكي.. هيك رح نضل واقفين مكاننا وما رح نتغير.. وبالأخير بنحط الحق على المجتمع والناس.. طيب إنت مش ناس ومش من المجتمع؟ لازم نتحرك إذا بدنا نطور مجتمعنا.. بنشوف التسيب بالمؤسسات الحكومية وبنضحك عليه.. فرجوني شو رح تفيدكم الضحكة لما تلاقوا كل الموظفين بالمؤسسات نايمين وما في حد يمشيلكم شغلكم.. وبس تصير الشغلة بتوقف ضد مصالحكم بتتذكروا تشتكوا وبتسمعونا صوتكم.. بكير والله!!

موظف نايم.. موظف صاحي.. موظف لا شغل ولا مشغلة.. موظف غايب.. موظف متأخر.. موظف مثالي.. كلها مجرد تسميات لموظف في المجتمع.. المجتمع اللي هو أنا وإنت وهو وهي...

welcome to just news ..

2010-05-21T00:05:00.000+03:00

hey ppl ..

i was thinking about this thing for a long time and it's the first time i think i really can do it

JUST NEWS

thanx to my friends ...