ఏదో రాయాలని తపన ...

నీతో గడిపిన మధుర క్షణాలు

2016-09-26T19:11:00.004+05:30

ఏమిటి ఆ క్షణాలు అనుకుంటున్నావా ! ఎన్నన్ని చెప్పను చెప్పు ..

ఒకట రెండా రాస్తే పెద్ద గ్రంథం అవుతుందేమో .
ఆ.. కోప్పడకు ఇంతకాలానికి ఇప్పడికి సమయం దొరికింది . ఈ చల్లటి గాలి తగులుతూంటే నువ్వు నన్ను వెనకాలనుంచి వచ్చి ప్రేమ గా హద్దుకున్న క్షణాలు గుర్తుకోస్తున్నాయ్ .
******

మన పెళ్లి జరుగుతున్నప్పుడు గుర్తుందా నీకు ...
చుట్టురా అందరూన్న నేను అవి ఏవి పట్టించుకోకుండా మన మధ్య లో కట్టిన దుప్పటి క్రిందనుంచి నీ కాళ్ళ వేళ్ళు అప్పుడప్పుడు కనిపిస్తూంటే దొంగచూపులు చూసాను . అప్పుడప్పుడు నువ్వు పూజలు చేస్తూ నీ చేతికి తడౌవుతుంటే ఆ తెల్లటి kerchief కు తుడుస్తూ ఉన్నప్పుడు నీ చేతులను చూసేవాణ్ణి . ఆ చేతులేగా నేను జీవితాంతం పట్టుకోవాల్సింది ( పట్టుకోకపోతే చంపేయవు :) )అనుకుంటూ చూస్తూ ఉండేవాణ్ణి ఎప్పుడు ఈ దుప్పటి అడ్డు తీస్తారా అని . జీలకర్ర బెల్లం ఘట్టం ఎలా మరువగలను నీకళ్ళలో కళ్ళు పెట్టి చూస్తుంటే . అందరిలోనూ నువ్వు చూడలేక కాస్త సిగ్గుపడుతూ తల దించుకుని రెండు క్షణాలాగి నువ్వు చూసిన చూపు ఎన్ని జన్మలకు మరువగలను . ఫ్రెండ్స్ అందరు తల పైకి ఎత్తార అంటే నేను తల పైకి ఎత్తబోతుంటే నా తలపై జీలకర్ర బెల్లం దానిపై నీ చెయ్యి .. కనబడవ్ కాని నువ్వు చేత్తో తలపైకి ఎత్తకుండా తలపై నొక్కావ్ చూడు .. అప్పటినుంచి తలపైకి ఎత్తే అవకాసమే రాలేదు :)

తాళి కడుతున్న ఘట్టం ఉంది చూసావు .. ఇంటర్వ్యూ కి వెళ్ళినప్పుడు కూడా ఎప్పుడు అంత టెన్సన్ పడలేదు . ఎవడు లేచి ఆపండి అంటాడేమో అని . ఎవడు ఆపినా నేను ఆగాను అనుకుంటూ తాళి కట్టాను తెలుసా .. ఆ వెనకాల ఉన్నవాళ్లు నువ్వు 4 ముళ్ళు వేసావ్ అంటూంటే .. ఆసలే నా కంగారు లో నేనుంటే వీల్లోకరు మద్యలో అనుకున్నా . కోతికి కొబ్బరికాయ దొరికినట్టు తలంబ్రాలు అని అనగానే ఎక్కడలేని ఉత్సాహం వచ్చింది . దానికితోడు ఫ్రెండ్స్ పోసేయ్ పోసేయ్ అంటూంటే .. ఆహా అప్పుడు తెల్సింది నువ్వు సామాన్యరాలువి కాదని . నాకంటే స్పీడ్ గా పోస్తూంటే నాకు తగ్గ జోడినే అనుకున్నా . నీకో విషియం తేల్సా నువ్వు మీ నాన్నగార్ని వదిలి కార్ ఎక్కుతున్నప్పుడు నువ్వు కన్నీళ్ళు పెట్టుకుంటే మామయ్య గారు నేను ఉన్నాను ఏమి బెంగవద్దు అని చెప్పాలని ముందే question paper లీక్ అయితే ఆన్సర్ తేల్సినట్టు ప్రిపేర్ అయ్యాను . కాని నీ కళ్ళలోంచి కన్నీళ్ళు ముత్యాలు రాలుతున్నట్టు .. శివుడి తలపై నుంచి గంగమ్మ దూకుతున్నట్టు కన్నీళ్ళు వస్తూంటే నాకు ఏమి చెయ్యాలో తేలియలేదు నీ భుజం పై చేయ్యివెయడం తప్ప . అన్నవరం వ్రతానికి వెళ్తున్నాం అప్పుడు నీ అరిచేతిని నా అరిచేతిలో బంధించి నీ దుఖాన్ని ఆపడానికి నా చేతితో మౌన భాషగా చాలానే చెప్తున్నాను నీకు వినిపించాయో లేదో మరి .
కార్ వెళ్తూంది మన తో పాటు వస్తున్నా పెద్దవాళ్ళు నన్ను ఏదో అడుగుతున్నారు నేనేదో చెప్తున్నాను కాని నా ద్యసాంతా నీ పైనే . నీ కళ్ళు బాగా ఎరుపెక్కాయ్.. ఉన్నట్టు ఉండి మా పెద్దమ్మా కు కడుపులో వికారంగా ఉంది అంటే కార్ ఆపుచేసారు ..డ్రింక్ లు టీ లు త్రాగి . నీకో డ్రింక్ ఇస్తే నాకు వద్దు అంటూ సగం తాగి వదిలేసావ్ .. ఆ తరువాత కదా నువ్వు మామోలు మనిషివి అవుతా . నాకు ఏమనిపించిందో చెప్పనా ఈ పెద్దమ్మ కు ఓ అరగంట క్రితమే వికారంగా ఉంటే బాగున్ను అనిపించింది :)
*****
నేనేదో ఆలోచిస్తున్న ఆ రోజు .. ఏవండి ఏవండి అని నువ్వు పిలుస్తున్న వినబడని పిలుపు ఓయ్ అని పిలిచేసరికి ఈ లోకం లోకి వచ్చాను . ఏమిటే .. ఓసారి ఇలా రండి .. ఆ చెప్పు .. నువ్వు చెప్పినది అంత విన్నాక నీవైపు చూస్తున్న ఇంకా ఏదో చెప్తావ్ అని .. నీ మొహం లో భావాలూ మారడం గమనించి తరువాత అన్నాను . నువ్వు కోపంగా నేను చెప్పింది జోక్ అన్నావ్ .. తేరుకున్న నేను నీ కోసం 5 నిమిషాలు ఆగకుండా నవ్వాను .. నాకేంతెలుసు నీకు నవ్విన కోపం వస్తుంది అని .. పక్కన ఉన్న తలగడితో కొట్టి ఆపండి ఇంక .. మీరు రోజు చెప్పే కుళ్ళు జోకిలికి నేను నవ్వడం లేదా అన్నావ్ .. ఓర్ని ఇంకా నయం 30 స॥ తరువాత అంత మీరే చేసారు అని అనలేదు . సరే ఇకపై నేను జోక్స్ చెప్పను .. చెప్పకుండానే నవ్విస్తా .. అన్నాను . నువ్వు కళ్ళు రెండు ఎగరేస్తూ ఎలానో అన్నావ్ . అప్పుడు నేను నిన్ను దగ్గరకు తీస్కుని కితకితలు పెట్టడం స్టార్ట్ చేశాను . 15 ని ॥ తరువాత నీ కళ్ళలో నవ్వలేక ఆనంద భాష్పాలు వస్తుంటే ఆపాను . నువ్వు రెండు నిమిషాలు ఊపిరి పీల్చుకుని నా బుగ్గ కోరికి పారిపోయావ్ .. ఎలా మరువగలను .
****

తాజ్ మహల్

2014-06-09T17:26:00.002+05:30

మనవాళ్ళకి ఎప్పడికప్పుడు ఏదో ఒక సంచలన వార్త కావాలి .. అది నిజమైన అబద్దం అయిన

ముంతాజ్ పై షాజహాన్ కి ప్రేమ ఉందో లేదో అని ఆయన చరిత్ర రాస్తారు ..

ముంతాజ్ మొదటి భర్తని షాజహాన్ చేతిలో ఎలా చనిపోయాడు అని .. ఆ తరువాత ఆయన ఎంతమందిని మ్యారేజ్ చేస్కున్నాడో .. అవన్ని రాస్తారు .

అసలు ఆ తాజ్ మహల్ సమాధి కాదు శివాలయం అని తాజ్ మహల్ పైన పూర్ణకుంభం లా ఉన్న సింబల్ చూడండి అని మరో కధనం .

మన దగ్గర అన్ని ఆధారాలు ఉన్నప్పుడు ... నిజాలు ఎందుకు బయటపెట్టారు ? అది నిజంగా శివాలయం ఐతే మనవాళ్ళు ఎందుకు చూస్తూనే ఉన్నారు ? కనీసం ఇప్పుడైనా నిజాలు కోసం అన్వేషించవచ్చు కదా ? ఎంతకాలం యుటూబ్ / పేస్ బుక్ లో పోస్ట్ చేస్కుంటారు ..

సలహాలు ఎవరికి ఇవ్వకూడదు ?

2014-06-09T10:54:00.001+05:30

1) వీళ్ళు మనల్ని సలహాలు అడుగుతారు , మనం సలహా ఇచ్చేలోపే వాళ్ళే ఏది మంచిదో ఎలా చేస్తే బాగుంటుందో చెప్పేస్తారు .
మనం వారి సందేహం , సలహా రెండు విని ఇంటికి వచ్చేయడమే మనకు పెద్దగ పనేం ఉండదు వీళ్ళ దగ్గర :)

2 ) వీళ్ళు సలహాలు అడుగుతారు , పాటిస్తారు కూడా ఎప్పుడంటే వీళ్ళు ఏమి అనుకుంటున్నారో అది మనం చెప్పినప్పుడు

3 ) వీళ్ళు చేయబోయే పని కొంత రిస్క్ తో కూడుకున్న పని , రిస్క్ కూడా వాళ్ళే బరిస్తారు కాకపొతే తేడా వస్తే ఆ పని చేయమన్నది మీరే అని సలహా చెప్పినందుకు నాలుగు అక్షింతలు మీపైనే వేస్తారు .

4) వీళ్ళు కొన్ని సంవత్సరాల క్రితం ఏ సలహా కోసం మీమ్మల్ని సంప్రదించారో అదే విషియం పై మళ్ళి అడుగుతారు .. అప్పుడు సలహా ఏమి ఇచ్చారో మీకు గుర్తుంటుంది కాని వాళ్ళకి ఉండదు .

5) అనుకోకుండా కలిసినప్పుడు , లేదా మీరే వాళ్ళకి కాల్ చేసినప్పుడు పనిలోపనిగా సలహా అడుగుతారు అది చాల ముఖ్యమైనది గా చెప్తారు .
ఏ . సి కోసం atm కి వెళ్ళినప్పుడు బాలన్స్ చెక్ చేస్కున్నట్లు

6) వీళ్ళు సలహా అడుగుతారు .. మీరు చెప్పే సలహా కూడా వింటారు . కాని అప్పడికే ఆపని పూర్తయి చాల కాలం అవుతుంది . మీమ్మల్ని అడిగుంటే ఏమి చెప్పేవారో అని తెల్సుకోవడానికి అడుగుతారు .

7) మీరిచ్చిన సలహాకు వ్యతిరేకంగా అక్కడ పని జరుగుతుంది . ఏమంటే అలా కంటే కూడా ఇలా ఐతే బాగుంటుందాని ఇలా చేశాను అని చెప్తారు .

8) వీళ్ళు ఇంతకముందే పని స్టార్ట్ చేస్తారు . పని స్టార్ట్ చేసాక సలహా అడుగుతారు . మన అభిప్రాయం తిస్కోవడానికి కాదు జస్ట్ వీళ్ళు ఏమి చేయబోతున్నారో తెల్సుకోవడానికి .

అర్ధం కాలేదా ? విజయవాడ వెళ్తున్నా బస్సేక్కి టికెట్ తీస్కుని పక్కనున్నా వాళ్ళను అడుగుతారు ఇది విజయవాడ వెళ్తుందా అని .

9 ) వీళ్ళు మనల్ని సలహాలు అడగరు, మనం కనబడిన సరిగా పలకరించారు . వీళ్ళు తప్పు చేస్తున్నట్టు / అలా చేస్తే వీళ్ళు నష్టపోతారన్నది మనకు బాగా తెలుసు . వీళ్ళు మనకి బాగా కావాల్సిన వాళ్లై ఉంటారు . మనమే పిలుపించుకుని వీర్కి సలహాలు ఇస్తాం . మనం చెప్తున్నాంత సేపు చాల శ్రద్దగా వింటారు . విని వెళ్ళిపోతారు

10 ) వీళ్ళకు మనం సలహాలు ఇంకేప్పుడు ఇవ్వకూడదు అని అనుకుంటాం . మీరు తప్ప నాకేవ్వరు ఉన్నారు అని మళ్ళి తిరిగి వస్తారు . నేను చాల మారిపోయాను ఇంతక ముందులా కాదు అని వాళ్ళకే వారే సర్టిఫికేట్ ఇచ్చేసుకుంటారు . అంత కంటే నాకేం కావాలి అని మరో సలహా ఇస్తాం ..

మన రాష్ట్రంలో ఏకగ్రీవంగా ఎన్నికైన శాసన సభ్యులు

2014-03-24T19:00:00.000+05:30

మన రాష్ట్రంలో ఏకగ్రీవంగా ఎన్నికైన శాసన సభ్యులు

* 1952 : షేక్ షాజహాన్ బేగం పరిగి శాసనసభ నియోజకవర్గం
* 1952 : కె.వి.పడల్ పాడేరు శాసనసభ నియోజకవర్గం
* 1952 : ప్రకాశం పంతులు శృంగవరపుకోట శాసనసభా నియోజకవర్గం
* 1952 : కె.వి.పద్మనాభరాజు ఉత్తరపల్లి
* 1952 : శ్రీరంగం చిత్తూరు శాసనసభ నియోజకవర్గం
* 1952 : వీరాస్వామి కొడంగల్ శాసనసభ నియోజకవర్గం
* 1952 : పి.వి.జి.రాజు విజయనగరం శాసనసభా నియోజకవర్గం
* 1952 : గంట్లాన సూర్యనారాయణ విజయనగరం శాసనసభా నియోజకవర్గం
* 1955 : ఎన్.వెంకటరత్నం బూరుగుపూడి
* 1955 : రామారావు కామారెడ్డి
* 1955 : టి.ఎన్.వి.రెడ్డి తంబళ్ళపల్లి
* 1956 : అల్లం కృష్ణయ్య వెంకటగిరి శాసనసభ నియోజకవర్గం
* 1957 : సీతాకుమారి బన్స్ వాడ
* 1957 : పద్మనాభరెడ్డి వనపర్తి అసెంబ్లీ నియోజకవర్గం
* 1957 : పి.మహేంద్రనాద్ నాగర్‌కర్నూల్ అసెంబ్లీ నియోజకవర్గం
* 1957 : భాట్టం శ్రీరామమూర్తి విజయనగరం శాసనసభా నియోజకవర్గం
* 1960 : జి.డి. నాయుడు శృంగవరపుకోట శాసనసభా నియోజకవర్గం
* 1962 ,1972 : బి.వి.సుబ్బారెడ్డి కోయిలకుంట్ల
* 1962 : డి.లక్ష్మీకాంతరెడ్డి ఆలూరు అసెంబ్లీ నియోజకవర్గం
* 1962 : టి.రంగారెడ్డి ఆర్మూరు
* 1962 : కె.పున్నయ్య ఎచ్చెర్ల శాసనసభా నియోజకవర్గం
* 1962 : కె.రాంభూపాల్ గద్వాల అసెంబ్లీ నియోజకవర్గం
* 1962 : కే.వి.రెడ్డి బోదన్
* 1962 : ఎ.రామస్వామి వికారాబాదు అసెంబ్లీ నియోజకవర్గం
* 1967 కె.లక్ష్మీనరసింహరావు జగిత్యాల శాసనసభ నియోజకవర్గం
* 1968 ఎ.సంజీవరెడ్డి రాపూరు
* 1968 కె.రామయ్య బూర్గుంపహాడ్
* 1970 ఎం.ఎస్.సంజీవరావు రామచంద్రాపురం శాసనసభ నియోజకవర్గం
* 1972 ఎస్.భూపాల్ అమరచింత
* 1972 చింతలపాటి వరప్రసాద మూర్తి ఉంగుటూరు శాసనసభ నియోజకవర్గం
* 1972 ఎమ్.రామమోహనరావు చింతలపూడి శాసనసభ నియోజకవర్గం
* 1972 ఎన్.రామచంద్రారెడ్డి డోర్నకల్ శాసనసభ నియోజకవర్గం
* 1972 ఇ.అయ్యపురెడ్డి పాణ్యం అసెంబ్లీ నియోజకవర్గం
* 1972 ఎం.మాణిక్ రావు తాండూర్ అసెంబ్లీ నియోజకవర్గం
* 1972 కళ్యాణ రామచంద్రరావు మక్తల్ అసెంబ్లీ నియోజకవర్గం
* 1972 జి.గడ్డెన్న ముధోల్ అసెంబ్లీ నియోజకవర్గం
* 1972 ఎం.సుబ్బారెడ్డి నందికొట్కూరు అసెంబ్లీ నియోజకవర్గం
* 1972 డి.మునుస్వామి కోడుమూరు అసెంబ్లీ నియోజకవర్గం
* 1972 ఎస్.పి.నాగిరెడ్డి మైదుకూరు శాసనసభ నియోజకవర్గం
* 1972 వి.రామకృష్ణచౌదరి అనపర్తి శాసనసభ నియోజకవర్గం
* 1972 పి.నర్సారెడ్డి నిర్మల్ అసెంబ్లీ నియోజకవర్గం
* 1972 : అవనిగడ్డ శాసనసభ నియోజకవర్గం : మండలి వెంకటకృష్ణారావు
* 1972 : చెన్నూర్ శాసనసభ నియోజకవర్గం (ఆదిలాబాదు జిల్లా) : కోదాటి రాజమల్లు
* 1972 : పెనుమత్స సాంబశివరాజు గజపతినగరం శాసనసభా నియోజకవర్గం
* 1974 ఆర్.సురేందర్ రెడ్డి డోర్నకల్ శాసనసభ నియోజకవర్గం
* 1975 ఎన్.యతిరాజారావు చెన్నూరు
* 1981 టి.అంజయ్య రామాయంపేట
* 2002 : దేవరకొండ శాసనసభ నియోజకవర్గం : రాగ్యానాయక్ భార్య దీరావత్ భారతి

నీవు నన్ను వదిలివెళ్తున్న ఆ క్షణం

2014-02-25T17:29:00.000+05:30

నీవు నన్ను వదిలివెళ్తున్న ఆ క్షణం

ఒంటరినై ఒంటరిగా నీ వైపే చూస్తున్న

గుండె ఎప్పుడు లేని వేగంగా స్పందిస్తూ

నా పెదవుల మూగబోయిన ఆ క్షణం

హృదయం మాత్రం నీకై కేకలు వేస్తూంది

నడుం వంపుల మధ్య అటు ఇటు కదలే

నీ వాలు జడ , సెలవంటూ వెళ్తోంది

నా గొంతు బరువై మూగబోయింది

నీ కోసం ఎదురు చుస్తున్నాను అన్నట్టుగా

నా కన్నీళ్ళు భూమాత పై ఒట్టు వేసాయ్

నీ వెళ్తూ చూసిన ఆ చివరి చూపు

రామబాణమై నా హృదయాన్ని తాకి

కంటికి కునుకు లేకుండా చేసింది

నీ రాకకై వేయికన్నులతో చూస్తున్న

సునామి లాంటి నీ ప్రేమతో నన్ను

ముంచివేయ్ .. నీలో కలిపేయ్

Shakilaa

2014-02-14T12:44:00.002+05:30

తనదగ్గర నుంచి ఎవరికేమి కావాలో అవి తీస్కున్నారు ..

ఇప్పుడు తనకి తానుగా మిగిలింది

http://epaper.andhrajyothy.com/PUBLICATIONS/AJ/AJYOTHY/2014/02/13/ArticleHtmls/13022014101011.shtml?Mode=1

ఓ మీత్రమా ఆగు

2014-02-12T18:03:00.001+05:30

ఓ మీత్రమా ఆగు , ఒకసారి ఇటువైపు చూడు

ఎక్కడికి నీ ప్రయాణం , ఒంటరిగి నింగికి ఏగురుతావ

ఏ కష్టమనే సునామి నిన్ను ఇంతవరకు లాగింది

నీ కష్టాలను పంచుకోవడానికి నేను లేనా మీత్రమా ?

చిన్నప్పటి మన మధుర జ్ఞాపకాలు నాకిచ్చేసి

నీ కుటుంబాన్ని గాలి కోదిలేసి , ఎక్కడికి వెళ్తున్నావ్

మరో జన్మ మన చేతుల్లో లేదు , ఏదైనా ఇక్కడే ఇప్పుడే

చేద్దాం , చేతకాని పిరికివాడు నిందతో వెళ్లి పోతావ ?

ఏం ఉంది కష్టం , ఏం అంత కష్టం , నీకేనే కష్టం

పురిటి నోప్పులు కష్టం అనుకుంటే నువ్వు ఉండేవాడివా ?

కాలం కలిసి రానప్పుడు పాండవులు భిక్షగాళ్ళు కాలేదా ?

కవిసార్వ భౌముడు కోరాడ దేబ్బలు తినలేదా ?

నీకు తేలియనీవా చెప్పు , తొందరేలా మీత్రమా

సమయం కోసం వేసిచూద్దాం , కాలం తో పోరాడదాం

రా మీత్రమా రానున్న రోజులు మనవే , పోరాడదాం

పోగుట్టుకున్నవి అన్ని పొందేవరకు పోరాడదాం

Tyagaraju swamy

2014-01-22T18:24:00.002+05:30

త్యాగరాజ స్వామి శిష్య పరంపర

tyagaraju swamy
sri akulamalla venkata subbayya
sri susarla dakshainamurthy sastry
sri parupalli ramakrishanaiah pantulu
sri mangalampalli bala murali krishana

ఒకరోజు బాలమురళి కృష్ణ గార్కి ఒక లెటర్ వచ్చిందంట ...
నాన్న మొన్న జరిగిన కచేరిలో నువ్వు బాగా పాడావ్ రా అని , ఈయన కూడా గౌరవంగా తిరిగి లెటర్ రాసారంటా.. అలానే కొనసాగాయ్ అంటా లెటర్ రాయడం .
బాలమురళి కృష్ణ గారు ఈ లెటర్ రాస్తున్నాయన ఏదో పేద్ద విద్వాంసుడు అయివుంటాడు అనుకునే వారంట .. ఫైనల్ గా తెలిసిన విషయం ఏమిటంటే ఆయన ఎవరో కాదు సత్య సాయి బాబా గారంట

--

Temple List

2014-01-21T13:04:00.001+05:30

రూపాంతరం చెందిన వూరి పేర్లు

2014-01-16T17:58:00.002+05:30

కాల క్రమీణా రూపాంతరం చెందిన వూరి పేర్లు మీకు తెలిసినవి కూడా పంచుకోండి.
కోకనదం - కాకినాడ
రాజమహేంద్రవరం - రాజమండ్రి
ఓరుగల్లు - వరంగల్
దక్షారామం - ద్రాక్షారామం
భాగ్యనగరం - హైదరాబాద్
సిమ్హపురి - నెల్లూరు
సిక్కాకోల్ - చికాకోల్ - శ్రీకాకుళం
హేలాపురి -ఏలూరు
పొన్నూరు - స్వర్ణపురి
వంగనవోలు - ఒంగోలు
భీమునిపట్నం - భీమిలి
విశాఖపట్నం-వైజాగ్
హేలాపురి - ఏలూరు
విక్రమసింహపురి - నెల్లూరు
వ్యాసపురి - బాసర
మెతుకు - మెదక్
పాలమూరు - మహబూబ్‌నగర్
ఇందూరు - నిజామాబాద్
క్షీరపురి - చీరాల
పీఠికాపురం - పిఠాపురం
గర్తపురి ----- గుంటూరు
జగన్నాథపురి---- పూరి
( @fb )

బోగిమంట

2014-01-11T12:33:00.002+05:30

ఒరే కుర్రలంతా ఇలారండి .. మీరంతా వేళ్ళి పిడకలు తీస్కునిరండి .. భోజనం చేసారుకదా ? నువ్వు వెళ్లి గోనుసంచి తీస్కునిరా .. మీ నలుగురు ఇటువైపు వెళ్ళండి .. ఓరే మీరు ఇటువైపు వెళ్ళండి .. అందర్నీ అడగండి బోగిమంటలోకని .. కిరోసిన్ కూడా అడగండి పిడకలు లెవ్ అంటే .. మీ ఇంటిదగ్గర టైర్ లు ఉంటే అవికూడా తీస్కునిరండి .. ఎవరేక్కువ తీస్కునివస్తారో చూద్దాం . జాగ్రత్త చీకటి గా ఉంటుంది అటువైపు .. అంటూ పెద్దవాళ్ళు ఎవరోకరు చెప్తూంటే ..

బోగిరేపనగా గోనుసంచులు వేస్కుని పిడకలకు వేల్లినరోజులు ఎలా మర్చిపోగలం ..

అభిమాన భానిసలం

2014-01-07T14:13:00.004+05:30

అభిమాన భానిసలం :

ఊహ తేల్సినప్పటినుంచి ఒక్కో వయసులో ఒక్కొక్కరిని ఇష్టపడుతూ అభిమానిస్తూ ఉంటాం . వయసు పెరుగుతున్నప్పటి నుంచి అలవాటులు కొత్త పరిచియాలతో అభిమానించే వ్యక్తులు కూడా మారుతుంటారు . మొదట్లో ఆయనంటే ఇష్టం అని మమోలుపదజాలలు ఉపయోగిస్తాం . తరువాత చాల ఇష్టం , చివరకి తనకోసం ప్రాణం ఇస్తాను అనే స్తాయివరకు వెళ్తుంది .

ఒక వ్యక్తీ ని అతనిలో టాలెంట్ చూసి ఇష్టపడుతూ వస్తాం .. అదేరంగం లో ఉన్న మరోకవ్యక్తితో ఇష్టపడుతున్న వ్యక్తిని పోలుస్తూ .. మనం ఇష్టపడుతున్న వ్యక్తే గ్రేట్ అని సంబరపడిపోతాం . చివరకి మన అభిమానం అవతలి వ్యక్తిని అభిమానించే వాళ్లతో మాటల పోటిలకు దిగుతూ .. మన అభిమానించేవాళ్ళ వ్యక్తిగత జీవితాల్లోకి వెళ్లి వాటిపైన కూడా సుదీర్ఘ చర్చలు చేసి అవతల అభిమానుల్ని జయించే ప్రయత్నం చేస్తాం .

మొదట్లో ఎవరిననైతే అభిమానిస్తున్నమో వాళ్ళను చూడాలని , వాళ్లతో ఫోటో లో దిగాలని , ఒక్కసారైనా మాట్లాడాలని ఉంటుంది . తనల జీవించాలని తనను ఫాలో అవ్వాలని ప్రయత్నిస్తాం . తరువాత అభిమానం ముదిరి వాళ్ళు ఎలా ప్రవర్తించాలో , ఎలాంటి నిర్ణయాలు తీస్కోవాలో కూడా మనమే డిసైడ్ చేస్తాం . ఇది ఇలా ఉండగా ఆ వ్యక్తీ ఏదైనా తప్పుచేస్తే ఆ తప్పుని కవర్ చేసేపని కూడా తన బాధ్యతగా తీస్కుని మావాడు ఒక్కడే చేశాడా , ఎందుకు చేయకూడదు అంటూ మన కుటుంబ గౌరవం రోడ్ మీద పడుతున్నట్టు ఫీల్ అయిపోయి .. ఎదుటు వాళ్ళమీద దండయాత్ర చేస్తాం .

ఆ అభిమానం నటుడు పైన ఉంటే ఆయన ఎలాంటి సినిమాలు తియ్యాలి , ఎవరితో తియ్యాలి వాళ్ళ ఫ్యామిలి ఎలా ఉండాలి . వాళ్ళ కొడుకు ఎవర్ని పెళ్లి చేస్కోవాలి . కూతుర్ని ఎవర్కివ్వాలి మొత్తం ఫ్యామిలీ నిర్ణయాలు కుటుంబ పెద్దగ చుస్కోవాడం మొదలుపెడతాడు . నాయకుడు మీద ఐతే ఇది కాస్త ఎక్కువమొదాదు లో ఉంటుంది . తను అభిమానించే నాయకుడు తప్ప మీగిలినా వాళ్ళెవరు కూడా ప్రజా సేవకి పనికిరారు . చంద్రుడికైన మచ్చుందేమో కాని తమ నాయకుడికి ఎలాంటి మచ్చలేదని ప్రచార బాద్యతలు తనే స్వీకరిస్తాడు . కనీసం ఒక్కసారికూడా చూడని నాయకుడికోసం సొంత అన్నదమ్ములతోటే తేగదేంపులు చేస్కోవడానికి కూడా వెనకాడడు .

అంతగా అభిమానించి తన స్థాయిని కూడా మరిచి అన్నివదులుకుని .. తను అబద్దం చెబుతున్నాని .. ఎన్నోసార్లు పక్కవాళ్ళని కూడా అనకూడని మాటలడానని .. ఇతరులపై బలవంతంగా తన అభిప్రాయాలను రుద్దడానికి కూడా చూశానని .. తన మన సాక్షి చెప్తే కాని తెల్సుకోరు . ఏమి సాధించం అంటే ఏమి ఉండదు . సొంతవాళ్ళకి దూరం అవ్వడం తప్ప ..

లోకంతీరు

2014-01-06T15:18:00.001+05:30

లోకంతీరే అంత ..
బ్రతికుండగా బ్రతకనివ్వరు ..
చేయడానికి చేయూతనివ్వారు ..
పలకరించడానికి తీరికుండదు ..
కష్టాల్లో కరుణించే నాదుడుండడు ..
నువ్వు పొతే .. జాలి వర్షం కురిపిస్తారు

Happy New Year

2013-12-31T18:18:00.000+05:30

తాగుతూ తూలుతూ చెప్పేవికాదు ..
మధ్యం మత్తులో మాట్లాడేవికాదు ..
దీపాలు ఆర్పే వేడుకకానేకాదు ..

గత పొరపాట్లు సరిద్దికుంటూ ..
కొత్త ఆశయాలతో సరికొత్త ఆలోచనలతో ..
మనకంటూ ఒక గుర్తింపుకోసం ..
మనసునేరిగి మసులుకొంటు ....

కోపతాపాలు వదిలి .. చెలిమికోసం
సాటిమనిషికి సహాయ పడుతూ ..
గెలుపుకోసం ప్రతిక్షణం తపనపడుతూ ..

నూతన సంవత్సరానికి ఘనంగా స్వాగతం పలుకుదాం ..

5 వ తరగతి చదువుతున్న రోజులు

2011-12-30T12:28:00.000+05:30

మేము అందరం ఎలిమెంటరి స్కూల్ లో ఐదో తరగతి చదువుతున్న రోజులు... నేను ఎప్పడికి మర్చిపోలేను. జనవరి ఒకటో తేది వస్తుందీ అంటే ఏదో తేలియని ఉత్సాహం . ఒక వారం ముందునుంచే మా స్కూల్లో సందడి స్టార్ట్ అవుతుంది... కాదు కాదు స్టార్ట్ చేస్తాం...! ఏప్పుడూ జనవరి ఒకటో తారిఖు మా స్కూల్ కి సెలవుండదని తెల్సినా, ఒకటో తారీఖున సెలవు ఉందో లేదో చెప్పేవరకు మా H .M గారిని వదిలే వాళ్ళం కాదు. ఆయన ఉంది అని చెప్పినా మిగిలిన టీచర్ల చుట్టూ ఒక రౌండ్ వేసి వచ్చేవాళ్ళం. ఎవరెవరకి ఎంతమంది ఫ్రెండ్స్ ఉన్నారో లిస్టు ప్రిపేర్ చేసుకునేవాళ్ళం. ఎందుకంటే వాళ్ళకి గ్రీటింగ్ వేయడానికి. లిస్టు చూసుకున్నాక, గ్రీటింగ్స్ ఎక్కడకోనాలి అని చర్చ జరిగేది. ఇంటి బెల్ ఎప్పుడు కొడతారా అని ఎదురుచూసి... బెల్ కొట్టగానే మా నాన్నమ్మ కుట్టిన సంచి భుజాన వేసుకుని ఎగురుకుంటూ ఇంటికి వెళ్ళి కాళ్ళు కూడా కడగకుండా సంచి ఇంటిలో పెట్టి అమ్మ ఒరే ఒరేయ్ అని పిలుస్తున్నా వెనక్కి చూడకుండా “అమ్మా వెంటనే వచ్చేస్తాను... సీత గారి కొట్టి దగ్గరకు వెళ్తున్నా...” అని అమ్మకి వినబడిందో లేదో కూడా పట్టించుకోకుండా పరుగు పరుగున వెళ్ళి గ్రీటింగ్ లు ఏం వచ్చాయో చూసి, అక్కడ ఉన్న గ్రీటింగ్ అట్టలను అటు ఇటు తిరగేసి చూసి ఆనందించి... ఇంటికి వచ్చేవాణ్ణి.

ఈ సారి లిస్టు లో అమ్మాయ్ లు ఎంతమంది ఉన్నారు, అబ్బాయ్ లు ఎంతమంది ఉన్నారు? టీచర్స్ ఎంతమంది ? లెక్కపెట్టుకోవాలి. విషయం ఏమిటంటే అబ్బాయ్ లు అందరికి హీరో గ్రీటింగ్స్, అమ్మాయ్ లు అందరికి హీరొయిన్ గ్రీటింగ్స్ కొనాలి. టీచర్స్ కి ఫ్లవేర్స్ ఉన్న గ్రీటింగ్స్ కొనాలి అనుకుంటూ నిద్ర పోయేవాణ్ణి.

మర్నాడు ఇంట్రవెల్ టైం లో మా ఫ్రెండ్ అందరిని లైన్ లో నిలబడమన్నాడు. అందరూ నిలబడ్డం ఎందుకంటే వాడు గ్రీటింగ్స్ కొనేసాడు. అందరు లైన్ లో నిలబడి ఎవరెవరికి ఏ గ్రీటింగ్ కావాలో సెలెక్ట్ చేసుకోవాలంట...! వాడికి ఆ గ్రీటింగ్ వేస్తాడు. ఆ రోజు సాయంత్రం సీతగారి కొట్టిదగ్గరకు వెళ్ళి, అమ్మాయిలందరికి సౌందర్య గ్రీటింగ్స్, అబ్బాయిలకి ఎవరేవరకి ఏ హీరో నచ్చుతాడో ముందే తెసుకుని కోనేవాణ్ణి. టీచర్స్ దగ్గరకు వచ్చేసరికి పెద్ద ఇబ్బంది ఉండేది కాదు. వాళ్లకి హీరో, హీరొయిన్ గ్రీటింగ్స్ వేయకూడదు. కాబట్టి పువ్వులు ఎక్కువగా ఉన్న గ్రీటింగ్స్ చూసి సెలెక్ట్ చేసేవాళ్ళం.

మా మాస్టర్ గోవిందరాజులు గారు మీరందరూ 5 వ తరగతికి వచ్చారు, ఇంకా గ్రీటింగ్స్ తెలుగు లో రాసి ఇవ్వకూడదు. మీరు ఇంగ్లీష్ లో రాయండి అని బ్లాకు బోర్డు పై ఎలా రాయాలో రాసి చూపించారు.

అందరం నోట్స్ లో రాసుకుని ఇంక ఆఖరి ఘట్టానికి చేరుకొని, గ్రీటింగ్స్ పై పేర్లు రాయడం మొదలు పెట్టాం.

మా అందరికి ఇంగ్లీష్ లో రాయడం అదే ఫస్ట్ టైం కావడం వల్ల From అంటే ఏమిటో, To అంటే ఏమిటో తెలియక ఒక్కొక్కరం ఒకోలా రాసుకుని పంచిపెట్టుకున్నాం. గ్రీటింగ్స్ తో పాటు చాకలెట్స్ కూడా ఇచ్చుకునేవాళ్ళం. మనకి బాగా నచ్చిన ఫ్రెండ్ అంటే రెండేసి చాకలెట్లు, ఫ్రెండ్ అంటే ఒక చాకలెట్టే...!

అలాంటి రోజులను ఎప్పడికి మర్చిపోలేను..

మీ అందరికి ఇలాంటి జ్ఞాపకాలు చాలానే ఉండి ఉంటాయ్ కాదా...! ఒక్కసారి వాటిని గుర్తు తెచ్చుకోండి.

మీ అందరికి నూతన సంవత్సర శుభాకాంక్షలుతో...

------------------------------------------------
జనవరి ఒకటో తేది వస్తుంది అంటే ఏదో తేలియని ఉత్సాహం , , ఒక్కసారి ఈ365 రోజుల లో చేసిన- జరిగిన సంగతులను ఒక్కసారి గుర్తుకు తెచ్చుకుని,కొత్త సంవత్సరంలో చేయవలసిన లిస్టు తయారుచేసోకుని సిద్దమౌతం, అందరినాయకుల వాగ్దానాలు ప్రజలు ఉద్దరించడానికి అయినప్పటికీ .. వాళ్ళ వాగ్దానాలు వేరు వేరు గా ఉంటాయ్.. క్షమించండి మీ లిస్టు ను రాయకియనాయకుల వాగ్దానాలతో పోల్చినందుకు. ఒక్కోక్కరి లిస్టు రాయడం వరకే సరిపెట్టడం మనకు తెలియనది కాదు. కొత్త సంవత్సరం లో ఎవరెవరు ఏల లిస్టు తయారుచేసుకుంటారో చూద్దాం.. చేయవలసిన పనులు ఒకటా రెండా .. కొత్తగా కట్టవాల్సిన LIC పాలసీని లిస్టు లో చేర్చిన కొత్త పెళ్ళికొడుకు , నగ నట్రా కొందాం అంటే వాటి ధర చూసి పేపర్ పై పెన్ కదలక పోయిన ఎదిగిన కూతురి పెళ్ళికి తప్పనిసరి కదా అని దేవుడుపై భారం వేసి రాయక తప్పదు, అల్లుడుగారికి ఈ సంవత్సరం అయిన బైక్ కొనకపోతే అయిన మొఖం ఏల పెట్టుకున్న ... చుట్టాలు మాటలు తట్టుకోలేక బైక్ ని కూడా లిస్టు లోకి ఎక్కించాక తప్పదు, పిల్లల పైచదువులకు కావాల్సిన కోచేంగ్ సెంటర్ లు వెతగడం కూడా లిస్టు లో భాగమే.... ఈ సంవత్సరం అధికార పార్టివాల్లని కొట్టగా తిట్టవాల్సిన లిస్టు , ప్రజలపై వాళ్ళకే తెలియకుండా పన్ను వేసే విధానం కోసం ఆలోచిస్తున్న..........

Devudaa

2011-10-25T12:21:00.000+05:30

me: Devuda.. salary saripovadam ledu.. kochem money evanna sardagalava please.

god: Niku telusu kada nayana kosaadikaram lakshmi de ani..

me: ayite ma amma ne adigi ivvandi swamy..

god: tana kante nenu bhaktulane ekkuvuga chustunnani aligindi nayana..

me: hmm.. swamy ite ma amma nidra potunnappudu dongatanam chesi ivvandi.

god: nena dongatanama?

me: em swamy dongatanam miku kotta annattu chebutaru.. mi intilo boledu majjiga,venna undaga. mi friends kosam andari intloki velli dongatanam chesi tisukuni vallaki pettina vishayam marchhipoyara?

god: maree ibbandi pedutunnay ra?

me: em chestam cheppu swamy.. memu bholokalam unte.. kuragala dharalu mi lokam lo unnay..bus charges perigayani monne bike konukunnanu swamy.. bike konna taruvata varusaga 3times petrol rate pencharu swamy..kanisam nenu love chesina papaki oka nokia cell kuda konalekapotunnanu..company valle salary penchaledu.. aligi vere company ki veldama ante english lo interview chestaranta. naku english enta vachho niku telusu kada swamy.. call cheyadaniki balance leka message cheddam ante pandagalo message offer ledantu ...

god: chalu nayana nee daridranni vinaleka potunnanu..

me: ardam chesukunnara swamy..

god: alo chinchanu nayana

me: em alo chincharu swamy..

god: niku money ichhina waste ga karchupedatav..andeke niku facebook lo friends istunnanu..

me: facebook lo friends na..nenu emchesukonu swamy..vallani

god: ni daridranni vallato panchuko.. ni daridraniki enni comments vachhayo.. enni likes vachhay count chesi.. nenu next time vachhinappudu cheppu..

మాస్టర్ గారి అమ్మాయ్

2011-08-10T16:56:00.004+05:30

నేను ఆఫీసు కి వెళ్తున్నాను కాని నిన్న రాత్రి అమ్మ నాతో "ఒరే వినబడుతుందా నేను చెప్పేది. మీ నాన్నగార్కి , మీ మామయ్యా ఫ్రెండ్ భాస్కర్ గారు ఫోన్ చేసారాంటా. వాళ్ళ అమ్మాయ్ నీకు గుర్తు ఉందా ఉమ? తనకి నిన్ను అడిగారంట... మీ నాన్నగారు నిన్ను అడగమన్నారు నీ అభిప్రాయం ". దేనికమ్మ ఆడగటం అన్నాను నేను .. ఎందుకేమిటిరా నువ్వు పెళ్లి చేసుకోవా? అన్నది అమ్మ. నిజం చెప్పాలంటే ఉమ నాకు ఎవరో పూర్తిగా గుర్తులేదు. నా చిన్నప్పుడు మేము మా తాతయ్య గారి ఇంటిదగ్గర ఉండేవాళ్ళం. నా 10th తరువాత నాన్న బిజినెస్ పనిమీద మేము హైదరాబాద్ లో సెటిల్ అయ్యాం. ఆలోచిస్తూ ఉండగానే ఆఫీసు కి వచ్చాను. మా బాస్ నాకు బాగా క్లోజ్.. తను మా కాలేజీ లో నా సీనియర్.. ఆఫీసు విషయాలు నాతో షేర్ చేసుకోవడం మా బాస్ కి అలవాటు. తనకి లాస్ట్ ఇయర్ మ్యారేజ్ అయ్యింది. లంచ్ టైం లో అడిగాడు ఏరా ని మ్యారేజ్ ఏప్పుడు అని. అమ్మ చెప్పింది చెప్పాను తనకి. మరీ నువ్వు ఏం చెప్పావ్ రా మీ అమ్మగారితో అన్నాడు. ఏం చెప్పలేదు ఇంకా..చూడాలి. నీకో విషయం చెప్పనా నా చిన్నప్పుడు మా మాస్టర్ గారి అమ్మాయ్ అంటే ఇష్టం నాకు ఇప్పుడు ఎలాఉందో ? ఎక్కడుందో ? కూడా తెలియదు. నా 10 th తరవాత మళ్ళి మా తాతయ్య గారి ఇంటికి వెళ్ళలేదు సో నాకు తన గురించి ఏం తెలియదు అన్నాను. మా బాస్ వెంటనే నాతో ఒక పని చేయరా ఐతే ఎలాగో అమ్మాయ్ ని చూడాలి అంటున్నావ్ గా ...ఆ ఆమ్మాయ్ ని చూస్తానని చెప్పి మీ తాతయ్య గారి ఇంటికి వెళ్లి .. మీ మాస్టర్ గారి అమ్మాయ్ ని చూసి రా..అని ఐడియా ఇచ్చాడు. నా ఐడియా తో నీ జీవితం మారిపోతుంది అని ఆశ్విరిదించాడు.

ఈ ఐడియా ఏదో బాగానే ఉంది అని పించింది. అమ్మ తో చెప్పి చూద్దాం అనుకున్నాను తాతయ్య గారి ఇంటికి వెళ్తాను అని . ఆఫీసు అయింది ఇంటికి వెళ్ళగానే అమ్మ నాతో "ఏరా.. నాన్న గారు అడిగారు వాడు ఏం చెప్పాడు అని నువ్వు ఏం చెప్పకుండా వెళ్ళిపోతే ఏమిటిరా అర్ధం. మీ నాన్నగారికి ఏం చెప్పాలి నేను. ఏదో ఒకటి చెప్పరా ". అమ్మ నేను ఒకసారి తాతయ్య గారి ఇంటికి వెళ్తాను అన్నాను.. అమ్మాయ్ నీ చుస్తావా? అని డైరెక్ట్ గా అడిగింది అమ్మ. అమ్మ కి నా స్టొరీ అంత ఇప్పుడు ఎందుకు చెప్పడం అని పించింది. హా ఒకసారి అమ్మాయ్ నీ చూస్తాను అమ్మ అని చెప్పను. ఓకే నాన్న గారితో చెప్తాను ఐతే అంది. సరే కాని రా భోజనం చేద్దువ్ గాని అని భోజనం పెట్టింది. నైట్ నాన్న గారితో అమ్మ చెప్తూ ఉండగానే .. నాన్న.. ఏం చూసి మాట్లాడితే కాని పేళ్ళి చేసుకోడా వాడు . ఫోటో పంపుతాను అన్నాడు భాస్కర్ .. సెల్ నెంబర్ కూడా ఇస్తాను అన్నాడు. వీడిని ఫోటో చూసి సెల్ లో మాట్లాడమని చెప్పు. విడు వెళ్లి ఏం చేసు మాట్లాడవలిసిన అవసరం ఏం లేదు. అమ్మ నాన్న తో వాడు ఏం అడిగాడండి . ప్రత్యేకంగా అమ్మాయ్ ఇంటికి వెళ్తాను అనలేదు కదా తాతయ్య గారి ఇంటికి వెళ్లి .. అమ్మాయ్ నీ చూసి వస్తాను అన్నాడు. వాడు వేరే అమ్మాయ్ నీ లవ్ చేశాను.. పేళ్ళి చేసుకుంటాను అనలేదు కాదా. ఒప్పుకొండి ఎందుకు కోప్పడతారు. నాన్న "సరేలే నువ్వు నిర్ణయం తీసుకున్నావ్ గా వెళ్లి రామ్మను ఐతే . నేను భాస్కర్ గాడికి కూడా చెప్తాను.

అమ్మ వచ్చి నాకు గ్రీన్ సిగ్నల్ ఇవ్వడం. మా బాస్ నాకు పర్మిషన్ ఇవ్వడం వెంట వెంటనే జరిగిపోయాయ్. కాని రైల్వే వాళ్ళే పర్మిషన్ ఇవ్వలేదు నాకు. సో ప్రయాణం బస్సు లో అన్నమాట . నాకు ట్రైన్ ప్రయాణం అంటే పెద్దగ ఇష్టం ఉండదు. ఎందుకంటే ఇప్పడివరకూ ఒక్క అమ్మాయ్ కూడా పరిచయం అవ్వలేదు నాకు. మొత్తానికి బస్సు టికెట్ దొరికింది. మా ఇంట్లో వాళ్ళకి నేను ఎందుకు వెళ్తున్నానో తెలియదు. అందరికి బాయ్ చెప్పి బస్సు ఎక్కాను. నా పక్క సీట్ లోకి ఒక అమ్మాయ్ అలసిపోయినట్టు వచ్చినట్టు కూర్చుంది. చెమటలు బాగా పట్టాయ్ తనకి వాటర్ బాటుల్ కూడా తీసుకు రాలేదు అనుకుంటా. తనే వాటర్ అడిగింది నాన్ను. మహేష్ బాబు thums up ఆడ్ లో డ్రింక్ ఇచ్చినట్టు వాటర్ ఇచ్చాను. తనే మాట్లాడ్డం స్టార్ట్ చేసింది.. ట్రైన్ టికెట్ ఉన్న .. ట్రైన్ మిస్ చేసిందంట.. ఫ్రెండ్ పేళ్ళి కి విజయవాడ బయలుదేరింది. బస్సు ప్రయాణం అల అలా సాగుతుంది.

మీరు ఎక్కడిదాకా అని అడిగింది తను.. నేను మా తాతయ్య గారి ఇంటికి వెళ్తున్నాను. మా అమ్ముమ్మ గారికి ఆరోగ్యం బాలేదు అనిచేప్పను. ఇంకా ఏమిటి మీ గురించి చెప్పండి అన్నాను.. ఇంతలోపే తనకి కాల్ వచ్చింది ఇంటి దగ్గరనుంచి .. ట్రైన్ మిస్ అయింది అమ్మ .. బస్సు లో వెళ్తున్నాను అని చెప్పింది.. తరువాత మాట్లాడ్డం స్టార్ట్ చేసాం తను పర్సనల్ విషయాలు ఏం మాట్లాడకుండా ... సరదా ఉంటాను అందరితో, ఫ్రెండ్ తో చాట్ చేస్తాను.. సాంగ్స్ వింటాను.. నాకు మహేష్ బాబు అంటే ఇష్టం.. క్రికెట్ చూస్తాను.. అని పెద్ద లిస్టు చెప్పింది.. నాన్ను పర్సనల్ విషయాలు అడగకండి అని చెప్పినట్టు నాకు అర్ధం అయింది. నేను కూడా అలాగా మాట్లాడ్డం స్టార్ట్ చేశాను తనతో..అవునులే పక్క సీట్ లో కుర్చున్నాంత మాత్రాన మనకి అన్ని చెప్తారా ఏమిటి అని పించింది.. ఇంతలో నాన్నగారు ఫోన్ చేసారు..బస్సు ఎక్కడ ఉంది.?. తిన్నావా లేదా?.. .. ఆడగటం అయ్యాక.. నువ్వు బస్సు దిగిన వెంటనే మీ మామయ్యా కి కాల్ చెయ్ అని చెప్పారు. అలాగే అన్నాను. నాన్నగారు అంటే నాకు భయం పెద్దగ ఏప్పుడు నేను నాన్న గారితో మాట్లాడలేదు. అన్ని అమ్మ తోనే చెప్తాను నేను... అప్పుడే టైం 10 pm అవుతుంది . గుడ్ నైట్ చెప్పుకున్నాం ఒకరికి ఒకరం..

మార్నింగ్ లేచే టైం కి కాకినాడలో ఉన్నాను నేను, పక్క సీట్ లో అమ్మాయ్ కూడా లేదు.. విజయవాడ వరకే కదా తను మరిచాను . తన నెంబర్ అడిగితె బాగున్ను అనుకున్నాను ..మాది కాకినాడ దగ్గర ఒక పల్లెటూరు.. ఇంతలో మామయ్యా ఫోన్ ఏరా అల్లుడు వచ్చావ లేదా ఇంకా..అని.. మా మామయ్యా చందమామ సినిమా లో ఆహుతి ప్రసాద్ క్యారెక్టర్ ఆయనది. నన్ను ఇంటికి తీసుకువెళ్ళడానికి మా మాయ్యగారి పంపిన ఒక అతను వచ్చాడు.. కాకినాడ నుంచి రెండు గంటల ప్రయాణం మావూరు కి ..అసలు తను ఏల ఉందో? ఏమన్నా చదువు తుందా? ఒకవేళ మ్యారేజ్ కూడా అయిపోయిందా ? లేదులే మ్యారేజ్ చేసి ఉండి ఉండరు.. ఒకటి కాదు రెండు కాదు .. ఒకదాని తరువాత ఒకటి ఆలోచనలు వస్తూనే ఉన్నాయ్ .తనని ఎప్పుడు చూస్తాను .. ఎలా మాట్లాడాలి తనతో ..ఆలోచిస్తూ ఉండగానే మా ఊరికి చేరుకున్నాను .. గుండెల్లో ఏదో తెలియని అనుభూతి నా 10th తరవాత మళ్ళి రాలేదు.. ఊరు బాగా మారిపోయింది. తాటాకు ఇల్లు అన్ని పెంకేటు ఇల్లు అయ్యాయి ఇప్పుడు.. అందరు నాన్ను కొత్తగా చూస్తున్నారు.. ఇంటికి వెళ్ళకుండా పరిచయాలు దారిలోనే అయిపోతున్నాయ్ .. అదిగో మా తాతయ్య గారి ఇల్లు కొంచెం మార్పు వచ్చింది కాని అలానే ఉంది.

తాతయ్య గారి గేటు తిస్తుంటేనే గుండెల్లో ఏదో అలజడి .. తాతయ్యని చూసి చాలారోజులు అయ్యింది. అడిగో తాతయ్య కుర్చీలో కుర్చుని పేపర్ చదువుతున్నాడు.. నేను ఇంటిలోకి వెళ్తుండగానే తాతయ్యకు నాకు ఎదురు వచ్చారు.. ఏరా ప్రయాణం బాగా జరిగిందా ? అమ్మానాన్న ఎలాఉన్నారు ? తాతయ్య గారే నా బాగ్ తీసుకుని లోపలికి వెళ్తుండగా ఏం చెప్పాలో తెలియక సిగ్గుతో వెనకాల నడిచాను.. ఏరా ఇంతకాలానికి గుర్తువచ్చానా అన్నాడు తాతయ్య ఏం చెప్పాలో తెలియలేదు. ఇంతలోపే మామయ్య ..

మధ్య తరగతి జీవితం .. నీ అబ్బ... జీవితం.. కాని !

2009-11-25T08:47:00.002+05:30

నీ అబ్బ... జీవితం.. కాని !

నాకు మధ్యతరగతి జీవితం అంటే ఇష్టం , ఎందుకంటే నేను మధ్యతరగతి మనిషినే కాబట్టి. ఎప్పడివరకు సుఖం ఉంటుందో ... ఎప్పుడు కష్టం వస్తుందో తెలియకుండానే సంవత్సరంలో రోజులు వస్తుపోతున్నాయ్ ... "అదృష్టం -నేను" రైల్వే పట్టాలగా పక్కపక్కనే ఉంటాం. ఎదేమి జరిగిన పెదవుల మీద చిరునవ్వు అరువు తెచ్చుకుని మరీ నవ్వడం నాకు అలవాటే ...

నేను మా ఆఫీసు వాచ్మెన్ ను అడిగాను మీకు జీతం ఎంత అని ? ఆయన 3,500 అని చెప్పి O.T చేస్తే 4 ,000 - 4 ,500 వస్తుంది అన్నారు . అయన చేసేది నైట్ షిఫ్ట్ పైగా O .T లా అనిపించిది. ఆ జీతం లోనే ఇంటి అద్దె , తిండి , పిల్లల చదువులు .... చిన్న చిన్న కోర్కేలకే భగిరద ప్రయత్నం చెయ్యాలి కదా అనిపించింది . మనిషి జీవితం అంత డబ్బు మీదే ఆదారపడిఉన్నట్ట అనే ఆలోచన వచ్చింది.

జీవితం లో సుఖపడాలంటే డబ్బు కావాలి .... డబ్బు కావాలంటే సుఖాన్ని వదులుకోవాలా ..ఏమిటిది... అందుకేనేమో .. వేదం సినిమాలో .. రూపాయ్ అనే పాటలో

"kotalu medalu kattalanna

katiki naluguru moyalanna

guppedu metukulu puttalanna

pranam teeyalanna

rupaayi rupaayi."

.--- డబ్బు విలువను సింపుల్ గా వివరించాడు .. ఈ రోజుల్లో పెరిగిన ధరలకి వచ్చే జీతాలకి మధ్యతరగతి వాడి జీవితం రోజు రావణ కాష్టే ... ఇవన్ని ఆలోచిస్తుంటే ఎవరికైనా నీ అబ్బ జీవితం కాని అనిపించకుండా ఉంటుందా !

మన జీవితాలు ఇలా ఉండటానికి కారణం ఏమిటని ఆ.. లోచిస్తే వెంటనే గుర్తుకు వచ్చేది . రాజకీయ నాయకులే ఎప్పుడో 5 సంవత్సరాలకు ఒకసారి ఏమిటి తమ్ముడు అని లేదా అన్నయ్య అని పలకరించి పదవికాలం ముగిసేదాకా వాళ్ళకు మనం ఏలా ఉన్న ఒకటే .. మార్కెట్ కి వెళ్లి కూరగాయలు ధరలు అడగాలంటేనే భయం వేస్తుంది.. మోజుతో అత్తగారిని బెదిరించి కొనుకున్న బైక్ కి బయటకు తిద్దామాంటే పెట్రోల్ లేక బైక్ నావంక అదోల చూస్తుంది. సరేలే ఏదోవిధంగా జీవితం నడుస్తుంది అంటే మధ్యలో ఈ ఉద్యమాలు ఒకటి, దానికి తోడూ బంద్ లు .. ఎవిరితోనైనా మాట్లాడాదం అంటే నువ్వు ఏ పార్టీ కి సపోర్ట్ చేస్తున్నావ్ అని ప్రశ్న ఒకటి .. ఎవడితో ఏంచెప్పిన ఏదో ఒకటి తంటా వాళ్లతో.

మన రాజకీయనాయకులకు ఉన్నట్టు ఉండి. అక్కడెక్కడో దాచిన నల్ల డబ్బు గుర్తుకు వస్తుంది వాటిపైన ప్రతివోడు మైకు ఇచ్చుకుని నల్లడబ్బును తెచ్చేస్తాం పేదలకు పచ్చేస్తాం అంటే పిచ్చిమనస్సు ఎక్కడికో ఒకసారి ఉహలలోకి వేల్లివచ్చేసరికి .. న్యూస్ చానెల్ లో విరామం తరువాత అని చెప్పేసరికి మనస్సు తిరిగి వచ్చేస్తుంది. నిజంగా వాళ్ళు డబ్బు పంచిపెడితే బలే ఉంటుంది కాదా అనుకుంటాను. ఐన మన పిచ్చికాని ఎవరిదో ఒకరిదో ఇద్దరిదో రాజకియనాకులది ఉంటె తెస్తారుకాని అందరి డబ్బులు అక్కడే ఉంటె ఎవరుతేస్తారు నా పిచ్చికాని.

షాజహాన్ చనిపోయిన భార్యకోసం తాజ్ మహల్ కట్టిస్తే ..... మరి మధ్యతరగతి వాడు బ్రతికున్న భార్యకోసం ఏమి చేయలేక.. ఆమె ఇచ్చిన "టీ " త్రాగుతూ .. టీవీ 9 లో న్యూస్ చూస్తూ.. మనస్సు లో అనుష్క లాగా "ఎగిరిపోతే ఎంతబాగుంటుంది ....." అని తన భార్యకు వినపించకుండా మనస్సులో పాడుకొంటున్నాడు .......

----

బాగానే ఉందా?