AulaTic

MOI BO INICIO DE CURSO E ATA PRONTO

noreply@blogger.com (Ana Martínez) — Sun, 01 Oct 2017 17:52:00 +0000

Como xa víchedes os que de vez en cando vos pasades por aquí, desde finais do curso pasado non hai ningunha entrada nova e seguramente vos preguntaredes por que.

Pois ben, como o curso pasado pechouse UN PROXECTO ENTRE TODOS que tantas alegrías nos deu, e como ademais no cole utilizamos principalmente o blogue de clase e aquí era unha repetición desas entradas, decidín utilizar soamente un blogue. De tódolos xeitos, todas as entradas e recursos permanecerán para que poidades utilizalos todos aqueles que queirades.

Así que os que sigades desexando ver as nosas entradas, podedes atoparnos aquí:

https://terceirociclomacineira.blogspot.com.es

E unha vez que acabe con todo o papeleo de principio de curso (este ano tocoume ser Xefa de Estudos) prometo seguir visitando e deixando comentarios en todos os blogues amigos que tantas cousas me ensinan.

Aproveito tamén, para desexarvos a todos e a todas...

MOI FELIZ INICIO DE CURSO!!!!!!

FELICES VACACIÓNS

noreply@blogger.com (Ana Martínez) — Sun, 20 Aug 2017 09:58:00 +0000

Vémonos en setembro!!!!!!

OBRADOIRO DE CUPCAKES E DE CHAVEIROS

noreply@blogger.com (Ana Martínez) — Wed, 16 Aug 2017 09:42:00 +0000

A derradeira semana antes de rematar as clases, xunto cos nosos compañeir@s de 3º e a súa profe Carmen, fixemos un obradoiro de cupcakes e outro de decoración de chaveiros de madeira e ademais tamén fixemos as caixas para gardar tanto unhas cousiñas como as outras.

Dividímonos en catro grupos. Mentras un grupo decoraba os chaveiros, outro facía as caixas, o terceiro amasaba e o cuarto decoraba as madalenas. Pasámolo fenomenal.

Aquí podedes ver unhas pouquiñas fotos dos obradoiros:

A que teñen moi boa pinta, non si?

SOMOS AUTORAS DE: "SERES MITOLÓXICOS: proxecto Que Ves? TAMBRE EDELVIVES

noreply@blogger.com (Ana Martínez) — Mon, 17 Jul 2017 05:00:00 +0000

POR FIN!!! Que alegría temos de poder compartir con vos que Miren do blog "La clase de Miren" e mais eu, somos autoras do proxecto Que ves? Seres Mitolóxicos" de Tambre Edelvives. Xuntas elaboramos un proxecto específico para Galicia no que investigamos e aprendemos moitas cousas sobre algúns seres mitolóxicos galegos como: MEIGAS, TRASNOS, APALPADOR, etc.

Como podedes ver na imaxe superior, trátase dun proxecto de ciclo polo que hai unha carpeta específica para cada un dos niveis, adaptados os contidos a cada idade correspondente. Foi xenial poder traballar unha vez máis xuntas de novo e seguro que non será a derradeira vez. Queremos dar as grazas a Tambre Edelvives por confiar en nós para levar a cabo este proxecto e ...

ESPERAMOS QUE VOS GUSTE!!!!!!

AS MACIOLIMPIADAS

noreply@blogger.com (Ana Martínez) — Sat, 15 Jul 2017 10:03:00 +0000

Para rematar o proxecto sobre as Olimpiadas, celebramos no cole unhas ... MACIOLIMPIADAS ás que invitamos a todas as familias.

Cada clase, fixo unha exhibición do deporte que estivo a traballar co seu titor/a na aula e a practicar cos seus profes de Educación Física:

E.I. 3 anos:

E.I. 4 e 5 anos:

1º de E.P.

2º de E.P.

3º de E.P.

4º de E.P.

5º de E.P.

6º de E.P.

E como en todas Olimpiadas que se precien, non podía faltar o ACTO DE CLAUSURA que levaron a cabo os nenos e nenas de 1º de Educación Primaria recollendo a CHAMA OLÍMPICA e o alumnado de 2º de Educación Primaria apagando o PEBETERO.

Para rematar, os nenos e nenas desde 3º a 6º de Educación Primaria, fixeron unha coreografía que practicaron co profe Fernando e a profe Carmen dentro do programa SUMA SAÚDE, ACTÍVATE:

AS NOSAS MÁQUINAS

noreply@blogger.com (Ana Martínez) — Thu, 13 Jul 2017 09:14:00 +0000

No derradeiro temas de Ciencias Naturais estivemos aprendendo cousiñas sobre as máquinas simples e compostas. E como non hai mellor xeito para aprender que coa experimentación e manipulación, cada un de nós fixemos unha máquina utilizando materiais reciclados e despois expuxémolas todas na entrada do cole.

Estas son as nosas maquetas:

- ENMA: Un balancín

- ADRIÁN: Unha tartaruga xiratoria

- ALBA: Dúas versións de norias de auga

- YAGO: Un muíño de vento

- PAZ: Unha balanza

- AINOA: Un tobogán

- CARMEN: Unha catapulta

- AITANA: Un carro

- SHEILA: Unha atracción de canicas:

- MIGUEL: Un pozo

Moitísimas grazas a todas as familias pola súa colaboración

ÉPOCA ROSA DE PICASSO

noreply@blogger.com (Ana Martínez) — Tue, 11 Jul 2017 12:16:00 +0000

Continuando co noso proxecto sobre Picasso, despois da Época Azul, vimos a Época Rosa. Nesta época que vai dende 1904 ata 1907, Picasso que está moi feliz e enamorado de Fernande Olivier, entra nun período máis alegre e pinta esceas de pallasos e circos cun colorido máis brillante.

Estas son algunhas das obras que traballamos, onde podemos ver como cambiaron as cores azuis e frías por cores máis cálidas:

E así é como recreamos nós algunhas delas:

QUE VÓS PARECEN?

OS CORPOS XEOMÉTRICOS

noreply@blogger.com (Ana Martínez) — Mon, 26 Jun 2017 23:32:00 +0000

Fonte

No último tema de matemáticas, estivemos observando e analizando distintos corpos xeométricos e os seus principais elementos como vértices, aristas, caras laterais e bases.

Primeiro utilizamos as figuras que tiñamos na clase. A profe repartiunos un corpo xeométrico a cada un de nós. Mirámolo, remirámolo, apuntamos na libreta cales elas os seus elementos e cando xa o tiñamos dominado, explicámosllelos aos nosos compañeiros. Faltan Yago e Enma porque ese día non viñeron a clase.

Ollade que ben o fixemos.

Na segunda sesión, fixemos e decoramos corpos xeométricos en 3D utilizando cartolina branca:

O desenvolvemento dos corpos sacámolo de AQUÍ

E xa na terceira sesión, utilizamos escarvadentes para facer as aristas e plastilina para facer os vértices. Estas son algunhas das moitas figuras que fixemos.

Para axudarnos, utilizamos unhas plantillas que atopamos na páxina de Mumuchu:

Ollade que ben traballamos:

UN PROXECTO ENTRE TODOS: Colaboración entre blogs amigos

noreply@blogger.com (Ana Martínez) — Sat, 24 Jun 2017 05:00:00 +0000

Un 2 de febreiro de 2012 comezou a aventura deste xenial proxecto que uniu en ocasións a máis de 200 blogs colaborando unidos para recopilar recursos para compartir. E COMPARTIR é precisamente a palabra que mellor define a filosofía que mantivo vivo este proxecto.

Agora, despois de máis de 5 anos en marcha, informámosvos que "botamos o peche". Sopesamos a continuidade ou non deste proxecto e por moitas razóns, a nosa decisión final foi rematar aquí. É moito tempo adicado a construir un gran arquivo de enlaces filtrados, clasificados e organizados por temas para a realización de proxectos nas aulas. O SITE de UN PROXECTO ENTRE TODOS seguirá aberto para poder usalo libremente, ainda que xa non o manteremos actulizado, polo que poderedes atopar en ocasións ligazóns que xa non estean activas.

https://sites.google.com/site/unproyectoentretodos

Queremos darvos as grazas a todos os blogs amigos que nalgún momento destes 5 anos, participaron en Un proxecto entre todos. Sen todos eles, isto non sería posible. E tamén, cada unha de nós, queremos dar as grazas ao resto do claustro-blogue, posto que a coordinación, organización, o bo rollo que existiu en todo momento, fixo que todo rodara dun xeito natural e que o difícil sempre resultara sinxelo.

GRAZAS A TODOS E ESPERAMOS CRUZARNOS CON VÓS NALGÚN OUTRO MOMENTO!!

LAPBOOK OLÍMPICO

noreply@blogger.com (Ana Martínez) — Wed, 14 Jun 2017 22:11:00 +0000

Outra das actividades que fixemos dentro do proxecto "MACIOLIMPIADAS" foi elaborar un lapbook no que recollimos información sobre todos os símbolos olímpicos: a bandeira, os cinco aros, o lema, o himno, o xuramento, a coroa de oliveira, a antorcha e tamén sobre as medallas. Ademais nel, non podía faltar a mascota das nosas Olimpiadas, o can Geruso.

Aquí vos deixamos algunhas fotos do proceso e de como nos quedou:

Por diante e por detrás:

Por dentro:

FROITA UN BOTÍN SABOROSO: DESAFÍO 4

noreply@blogger.com (Ana Martínez) — Mon, 12 Jun 2017 16:12:00 +0000

Fonte

No cuarto desafío, Manuel, propúxonos facer manualidades e decidimos facer un collage de froita e verdura inspirado na obra de ARCIMBOLO.

Fonte

Así que, collimos folletos de distintos supermercados e recortamos, pegamos, compuxemos,...

E así quedaron:

ÉPOCA AZUL DE PICASSO II

noreply@blogger.com (Ana Martínez) — Fri, 02 Jun 2017 22:00:00 +0000

Por fin podemos amosarvos, os fantásticos cadros que recreamos da época azul de Picasso:

GÚSTANVOS?

Estes cadros, xunto aos que fixeron os nosos compañeiros e compañeiras de terceiro, xa están pendurados das paredes onde temos a exposición dos nosos traballos de Picasso:

Así está a quedar a exposición:

QUE VOS PARECE?

PROXECTO ENCARTA2: CONTESTAMOS Á PRIMEIRA CARTA

noreply@blogger.com (Ana Martínez) — Wed, 31 May 2017 22:00:00 +0000

Despois de recibir a carta de Lucía da clase da Eduteca, puxémonos mans a obra e entre todos a contestamos:

E decoramos o sobre acordándonos de deixar un espazo arriba á dereita para poñer o selo:

Tamén lles enviamos unha foto de grupo. Nela non saen nin Enma nin Miguel porque non teñen autorización para saír no proxecto:

Nun correo, Óscar, informounos que na FASE 2 do proxecto, tocounos cartearnos coa clase de 4º A de ... O CPI MONDARIZ de Pontevedra!!!!! Qué ilusión!!!!!

Por certo a estas alturas xa recibimos a súas primeiras cartas e xa as repostamos pero iso... irá nunha próxima entrada.

Estamos ENCARTA2 de participar no proxecto!!!!!

APRENDEMOS EDUCACIÓN VIAL

noreply@blogger.com (Ana Martínez) — Tue, 30 May 2017 21:20:00 +0000

O venres da semana pasada, grazas a ANPA, disfrutamos dunha excursión á CARAVANA DE EDUCACIÓN VIAL DE MAPRE, situada no parque de A Gándara, acompañados dos nosos compañeiros e compañeiras de terceiro e quinto.

Unha vez que chegamos, primeiro entramos dentro da caravana, e alí un monitor ensinounos unhas normas básicas de seguridade vial: o significado e tipos de sinais, como temos que andar pola rúa cando somos peóns,...

A continuación, con outro monitor e uns paneis, seguimos aprendendo máis normas de seguridade:

E por fin, chegou o momento que todos estabamos esperando ... PODER CONDUCIR OS COCHEEEEES!!!!!!

QUE BEN O PASAMOS!!

Facendo clic na imaxe de abaixo, accederedes á páxina de Educación Vial de Mapre, con xogos e videos para nenos e nenas de 6 a 11 anos.

EXPERIMENTANDO COAS PROPIEDADES DA MATERIA

noreply@blogger.com (Ana Martínez) — Wed, 17 May 2017 20:26:00 +0000

Fonte da imaxe

No tema 5 de Ciencias Naturais, estamos estudando as propiedades xerais e particulares da materia. Aprendimos, que todos os materiais teñen unhas PROPIEDADES XERAIS a todos eles como son a MASA (que se mide cunha balanza) e o VOLUME (que se mide cun recipiente graduado) e tamén unhas PROPIEDADES PARTICULARES como a DENSIDADE, FLOTABILIDADE, FLEXIBILIDADE, DUREZA,...

Como nos resultaba un pouco difícil de entender, decidimos experimentar un pouco. Así que fixemos tres experimentos:

1º EXPERIMENTO: Ten a mesma masa medio litro de aceite que medio litro de auga?

2º EXPERIMENTO: Cal dos dous obxectos ocupa máis volume?

3º EXPERIMENTO: Analizamos a flotabilidade dos obxectos.

QUEREDES SABER COMO O FIXEMOS? OLLADE, OLLADE.

Fai clic no centro en Click to read se queres velo a pantalla completa

SEMANA DO LIBRO

noreply@blogger.com (Ana Martínez) — Fri, 12 May 2017 22:00:00 +0000

Fonte da imaxe

O último luns do mes de abril, cando chegamos a clase Miguel atopou unha carta enriba da súa mesa. Era do mago Macín que como xa todos sabedes, é a mascota da nosa biblioteca:

Nela Macín informábanos de que por mor do día do Libro que foi o domingo 23 de abril, durante toda a semana fariamos actividades divertidas relacionadas coa lectura.

A primeira actividade foi o martes coas LECTURAS AO SOL. Na hora de ler, todas as clases saimos ao patio para ler alí todos xuntos:

O mércores tivo lugar a segunda actividade. Os máis peques do cole recibiron a visita de Iago López que lles veu a contar o seu conto: "O COCIÑEIRO MARTIÑO":

Continuamos o xoves co APADRIÑAMENTO LECTOR, no que os alumnos de 4º, 5º e 6º de Educación Primaria leron un conto aos alumnos de Educación Infantil durante a hora de ler e como facía bo día, que mellor que facelo no patio:

E para o venres, estaba prevista a "III FEIRA DO LIBRO DE MACIÑEIRA". que finalmente se trasladou ao mércores da semana pasada porque os alumnos e alumnas de 3º a 4º tiñamos excursión. Os nenos e nenas que quixeron trouxeron libros da súa casa polos que recibirons uns vales para intercambialos por otros:

MOI FELICES LECTURAS PARA TOD@S!!!!!

LETRAS GALEGAS 2017: CARLOS CASARES

noreply@blogger.com (Ana Martínez) — Thu, 11 May 2017 16:56:00 +0000

A semana que vén, celébrase en toda Galicia o Día das Letras Galegas. No cole, estamos a estudar a vida e obra do autor homenaxeado este ano, Carlos Casares, facendo esta unidade didáctica do Seminario Galán:

http://seminariogalan.org/2017/Act_3_4.pdf

E tamén ilustrando e gravando coas nosas voces a súa biografía. Ollade que bonito video nos quedou:

GÚSTAVOS?

FROITA UN BOTÍN SABOROSO: DESAFÍO 3

noreply@blogger.com (Ana Martínez) — Sun, 07 May 2017 22:00:00 +0000

Imaxe de Fruta un Botín Sabroso

Dentro do concurso, "Fruta un botín sabroso", o tercero desafío consistiu en poñer a nosa alimentación baixo lupa. Grazas a Lucas, descubrimos que nos aliementos hai distintas substancias que o noso corpo necesita para funcionar ben e que por iso temos que comer de xeito variado. É dicir, temos que comer alimentos variados e movernos moito.

Primeiro xogamos por grupos, a un xogo de memoria no ordenador porque ese día non nos funcionaba a pizarra táctil:

E despois, coloreamos unhas imaxes seguindo este código:

Imaxe de Futa un Botín Sabroso

Fixémolo todos e todas moi ben:

E TERCEIRO RETO ACADADOOOOOOO!

PROXECTO ENCARTA2

noreply@blogger.com (Ana Martínez) — Sat, 06 May 2017 13:32:00 +0000

Este trimestre, apuntámonos no proxecto "Encarta2"" e tivemos a gran sorte de ser un dos nove centros elexidos.

Este proxecto desenvolvido por Óscar Alonso, mestre de 4º de Primaria do CEIP Lucío García en Cáceres moi coñecido por todos nós por todos os bos recursos que comparte no seu blog "LA EDUTECA", pretende que os nenos e nenas coñezan como se escribe unha carta, o procedemento a seguir e que existen outras vías para facer amigos e descubrir a diversidade cultural do noso país.

O proxecto consistirá no intercambio de correo postal por parte da nosa clase con outras clases da etapa de Educación Primaria de diversos centros educativos de todo o país.

O xoves recibimos a primeira carta, onde Lucía, unha nena da clase de La Eduteca, nos contaba cousas do seu cole e dos seus profes. Ainoa que era a encargada foi a que nola leu a todos:

FÍXONOS MOITÍSIMA ILUSIÓN RECIBILA, LUCÍA

Aquí vos deixamos o video promocional do proxecto:

ÉPOCA AZUL DE PICASSO CON AURASMA

noreply@blogger.com (Ana Martínez) — Wed, 03 May 2017 15:47:00 +0000

Entre 1901 e 1904, Picasso, que estaba moi triste polo suicidio do seu amigo Carlos Casagema, pintou unha serie de obras con figuras humanas alongadas e temas cheos de dor, pobreza e soidade, nas que predomina a cor azul, por iso a este período, chámase a ÉPOCA AZUL.

Nesta presentación que preparou a profe, puidemos ver algúns dos cadros que pintou nesta etapa:

ÉPOCA AZUL DE PICASSO on PhotoPeach

Despois a profe díxonos que tiñamos que averiguar o nome dalgunhas destas obras e que comezariamos por estas seis de aquí abaixo.

Todos quedámonos sorprendidísimos porque nós non veiamos ningún cadro só a Picasso con seis marcos baleiros. A profe, díxonos que para poder ver cales eran os cadros que se agochaban debaixo de cada marco, primeiro debiamos descargar no teléfono ou na tablet, a aplicación AURASMA , abrila e facernos seguidores do noso canal:

http://auras.ma/s/7wUkN

Unha vez feito isto, enfocando a imaxe de Picasso e os cadros coa cámara .... OS CADROS APARECERON POR ARTE DE MAXIAAAAA!!!!!!!!

A continuación, buscamos os cadros nunhas miniaturas que nos deu a profe...

E os pegamos na orde correcta:

O último paso, foi buscar o nome dos seis cadros. Puxémonos por parellas, puxemos no buscador:

ÉPOCA AZUL DE PICASSO, démoslle a imaxes e... ATOPAMOS O NOME DE TODOS!!!!

Por último, cada un elexiu un un cadro da época azul de Picasso para recrealo pero iso... amosarémovolo nunha nova entrada.

UN PROXECTO ENTRE TODOS PRESÉNTASE Á XI EDICIÓN DO PREMIO ESPIRAL EDUBLOGS

noreply@blogger.com (Ana Martínez) — Sat, 22 Apr 2017 05:00:00 +0000

Este ano, a XI Edición do Premio Espiral de Edublogs renovouse, presentando diferentes novedades, entre as que se atopa a posibilidade de presentar espazos virtuais que non sexan en formato de blog. Unha vez que publicaron as novas bases do concurso, animámonos a presentar a nosa candidatura na categoría de:

Espacios virtuais: PROXECTOS COLABORATIVOS

Fainos unha gran ilusión participar neste premio de gran prestixio despois de máis de 5 anos da posta en marcha deste proxecto. Sen dúbida, non poderiamos chegar tan lonxe sen a colaboración desinteresada de máis de 200 blogs que participaron ao longo destes anos. Así que esperamos que chegue a data de publicación dos finalistas, o 6 DE MAIO, "cruzando os dedos" para poder adicarllo a todos eles.

BOA SORTE PARA OS BLOGS AMIGOS!!!!!

MOITÍSIMAS GRAZAS A TODOS!!!!!

PARTICIPAMOS NO PREMIO ESPIRAL EDUBLOGS

noreply@blogger.com (Ana Martínez) — Thu, 13 Apr 2017 12:03:00 +0000

Este ano participamos con noso blog de aula: ESTAMOS EN CUARTO, na XI Edición do Premio Espiral de Edublogs, na categoría de Alumnos de Primaria que constrúen:

Se queredes deixarnos un comentario de apoio, só tedes que facer clic na imaxe de abaixo e rexistrarvos:

O vindeiro 6 de maio, saberemos se estamos ou non entre os tres finalistas.

QUE NERVIOOOOOOOOS!

MINILAPBOOK DOS 5 SENTIDOS

noreply@blogger.com (Ana Martínez) — Mon, 10 Apr 2017 22:00:00 +0000

No tema da función de relación, ademais da maqueta do ollo e do estudo dos músculos e os ósos, tamén estivemos aprendendo o nome e as partes dos órganos dos sentidos, e que mellor xeito de facelo que con este minilapbook:

Para facelo utilizamos distintas imaxes que atopamos en Internet:

- Para o sentido da vista:

Fonte

- Para o sentido do oído:

Actiludis

- Para o sentido do gusto:

Fonte

- Para o sentido do tacto:

Fonte

- Para o sentido do olfacto:

Fonte

- E para finalizar, na portada:

Fonte

ESPERAMOS QUE VOS RESULTEN ÚTILES

APRENDEMOS OS ÓSOS CON RA

noreply@blogger.com (Ana Martínez) — Sat, 08 Apr 2017 22:33:00 +0000

No último tema de naturais do trimestre, ademais dos sentidos, tamén estudamos os ósos e os músculos.

Para aprender os ósos, fixemos un esqueleto articulado que vimos na web de ACTILUDIS:

Ademais copiando unha idea que vimos no blog de Óscar, La eduteca, coa aplicación AUGMENT, sacámonos unha foto cun esqueleto:

A continuación, con moito coidado, etiquetamos os ósos. Aquí podedes ver algún exemplo:

En canto aos músculos, practicamos a colocalos e tamén o seu nome, con esta ficha que tamén atopamos na web de ACTILUDIS:

Pero iso non foi todo, coa aplicación ANATOMY 4D e o seu marcador, na tablet vimos o esqueleto, os músculos e repasamos algúns dos aparatos que estudamos no tema anterior:

E con estes recursos que recopilamos no noso google sites seguimos aprendendo e practicando:

CREAMOS UNHA ESTACIÓN METEREOLÓXICA

noreply@blogger.com (Ana Martínez) — Wed, 05 Apr 2017 22:00:00 +0000

No tema 3 de Sociais estivemos aprendendo conceptos relacionados co tempo e o clima. Aprendimos cales eran os seus elementos e tamén con que aparatos se medían: barómetro, termómetro, pluviómetro, anemómetro, viraventos e higrómetro.

A profe, mercou unha pequena estación metereolóxica pero só indica a temperatura que hai dentro da clase e fóra:

O profe Antonio, díxonos que hai moitos anos, no cole tiñan unha estación metereolóxica que visitaban todos os días pero que agora xa nos funciona. Quixemos vela para comprobar como eran os aparatos que estudamos:

QUÉ MAGOA QUE NON FUNCIONE!

Así que como non funcionaba, decidimos facer a nosa propia ESTACIÓN METEREOLÓXICA.

1º: Organizámonos en grupos de dous para facer cada grupo un aparato. Cada grupo tivemos que apuntar nun papel os materiais que necesitabamos e facer un carteliño co nome do noso aparato:

2º. A profe puxo nunha mesa todos os materiais para facer os distintos intrumentos e nós tiñamos que ir collendo os que necesitabamos mirando pola lista:

3º Cada grupo, construímos o instrumento que nos tocou facer:

- TERMÓMETRO:

- VIRAVENTOS:

- BARÓMETRO:

- PLUVIÓMETRO:

- ANEMÓMETRO:

4º. Cando rematamos de facelos, cubrimos unha ficha de cada instrumento cos materiais que necesitamos para facelos e como o fixemos:

Agora, os temos expostos na clase e só nos falta comprobar se funcionan.

FUNCIONARÁN?