जय हो ०१

कौशल्य विकासातून रोजगाराच्या संधी

2026-11-01T18:35:06.867+08:45

कौशल्य विकासातून रोजगाराच्या संधी

'प्रोअस्पायर' उपक्रमांतर्गत राज्यातील २६ हजारांहून अधिक युवक, महिला, आदिवासी आणि दिव्यांग व्यक्तींना कौशल्य प्रशिक्षण देण्यात आले आहे. बँकिंग, वित्तीय सेवा, विमा, उद्योजकता आणि व्यावसायिक कौशल्यांवर भर देत रोजगार, स्वयंरोजगार आणि आर्थिक स्वावलंबनाच्या संधी निर्माण करण्याचा प्रयत्न करण्यात येत आहे.

चारा बँक स्थापन करण्याची शिफारस ; चाऱ्याचे दर निश्चित

2026-11-01T18:25:06.371+08:45

चारा बँक स्थापन करण्याची शिफारस ; चाऱ्याचे दर निश्चित

चाऱ्याची उपलब्धता वाढविण्यासाठी जिल्हानिहाय चारा बँका स्थापन करण्याची शिफारस करण्यात आली आहे. यासाठी शेतकरी उत्पादक संस्था, कंपन्या आणि स्वयंसेवी संस्थांची मदत घेतली जाणार आहे. तसेच चारा कापणी आणि गठ्ठे बांधण्यासाठी कृषी व पशुसंवर्धन विभागाकडील यंत्रसामग्री उपलब्ध करून दिली जाणार आहे. दुष्काळी परिस्थिती लक्षात घेऊन वाहतूक खर्च वगळता सुका चारा प्रतिकिलो कमाल १२ रुपये, तर मुरघास प्रतिकिलो कमाल आठ रुपये अशी आधारभूत किंमत निश्चित करण्यात आली आहे.

चारा साक्षरता अभियान’ राबविणार

पशुपालकांसाठी व्यापक ‘चारा साक्षरता अभियान’ राबविण्यात येणार आहे. या अभियानात उपलब्ध चाऱ्याची योग्य कापणी व साठवणूक, मुरघास निर्मिती, युरिया व एन्झाइम प्रक्रिया तसेच भाताच्या पेंढीचे मूल्यवर्धन याबाबत प्रशिक्षण आणि प्रात्यक्षिके आयोजित केली जातील.

पारंपरिक चाऱ्यावरील अवलंबित्व कमी करण्यासाठी हायड्रोपोनिक्स, अझोला आणि बिनकाटेरी निवडुंग लागवडीसारख्या पर्यायी पद्धतींना प्रोत्साहन दिले जाणार आहे. कमी पाणी आणि कमी जागेत अल्पावधीत सकस चारा उपलब्ध होऊ शकत असल्याने या पद्धतींचे प्रशिक्षण आणि प्रात्यक्षिके पशुपालकांना दिली जाणार आहेत. राज्यातील पशुवैद्यकीय दवाखान्यांमध्ये प्रायोगिक तत्त्वावर हायड्रोपोनिक्स आणि अझोला पद्धतीने चारा उत्पादन करण्याचेही नियोजन आहे.

कामांसाठी चाऱ्याचा वापर करण्यास बंदी

चारा टंचाईच्या काळात उपलब्ध चाऱ्याचा वापर केवळ पशुखाद्यासाठीच व्हावा, यासाठी पॅकिंग, बायोफ्युएल आणि वीजनिर्मितीसारख्या अन्य कामांसाठी चाऱ्याचा वापर करण्यास बंदी घालण्यात येणार आहे. तसेच दुष्काळी परिस्थितीत राज्यातील चारा शेजारील राज्यांमध्ये पाठविण्यास कायदेशीर प्रतिबंध करण्याची जबाबदारी जिल्हाधिकाऱ्यांवर सोपविण्यात आली आहे. एखाद्या जिल्ह्यात पशुधनासाठी आवश्यक चारा उपलब्ध नसल्यास जवळच्या जिल्ह्यातून चारा मिळविण्यासाठी विभागीय आयुक्त, पशुसंवर्धन विभाग आणि जिल्हाधिकारी यांच्यात समन्वय साधण्यात येणार आहे.

अल्पसंख्याक आर्थिक विकास महामंडळ स्थापन करणारे महाराष्ट्र पहिले राज्य,महामंडळाच्या योजनांची १ नोव्हेंबरपासून अंमलबजावणी महिलांना बिनव्याजी कर्ज, युवकांसाठी शैक्षणिक व व्यावसायिक कर्ज; ३५० युवकांना ५१ कोटी रुपयांचे कर्जवितरण

2026-11-01T17:26:15.006+08:45

अल्पसंख्याक आर्थिक विकास महामंडळ स्थापन करणारे महाराष्ट्र पहिले राज्य

-अध्यक्ष ललित गांधी

महामंडळाच्या योजनांची १ नोव्हेंबरपासून अंमलबजावणी
महिलांना बिनव्याजी कर्ज, युवकांसाठी शैक्षणिक व व्यावसायिक कर्ज;
३५० युवकांना ५१ कोटी रुपयांचे कर्जवितरण

मुंबई, दि. ३० : जैन समाजाच्या आर्थिक, शैक्षणिक, सामाजिक आणि धार्मिक विकासाचा सर्वंकष विचार करून स्वतंत्र जैन अल्पसंख्याक आर्थिक विकास महामंडळ स्थापन करणारे महाराष्ट्र हे देशातील पहिले राज्य आहे. या महामंडळाच्या विविध योजनांची प्रत्यक्ष अंमलबजावणीच्या पहिल्या टप्प्यात सुमारे ३५० युवकांना ५१ कोटी रुपयांचे कर्ज वितरित करण्यात येणार आहे. तसेच महिलांना स्वयंरोजगारासाठी व तरूणांना उच्च शिक्षणासाठी बिनव्याजी कर्ज उपलब्ध करून देण्यात येणार असल्याची माहिती महामंडळाचे अध्यक्ष ललित गांधी यांनी मंत्रालय विधिमंडळ वार्ताहर कक्ष येथे घेण्यात आलेल्या पत्रकार परिषदेत दिली.

आराध्य भक्ति पार्क, हॉकी मैदान, घाटकोपर पूर्व येथे आयोजित कार्यक्रमात या योजनांचा प्रारंभ होणार आहे. मुख्यमंत्री देवेंद्र फडणवीस, उपमुख्यमंत्री एकनाथ शिंदे, सुनेत्रा अजित पवार, कौशल्य मंत्री मंगलप्रभात लोढा, सांस्कृतिक कार्यमंत्री आशिष शेलार, मुंबईच्या महापौर रितू तावडे यांच्यासह विविध क्षेत्रांतील मान्यवर उपस्थित राहणार आहेत. आमदार पराग शाह हे कार्यक्रमाचे मुख्य संयोजक असून, राष्ट्रसंत नम्रमुनी यांच्या चातुर्मासानिमित्त त्यांच्या सान्निध्यात हा कार्यक्रम होणार आहे.जैन समाजातील दिगंबर, श्वेतांबर, स्थानकवासी आणि तेरापंथ या चारही संप्रदायांचे धर्मगुरू, विविध सामाजिक संस्थांचे पदाधिकारी आणि देशभरातील मान्यवरही या कार्यक्रमाला उपस्थित राहणार आहेत.

या उपक्रमाबाबत अधिक माहिती देताना अध्यक्ष ललित गांधी म्हणाले की, ५११ लाभार्थ्यांना पहिल्या टप्प्यात योजनांचा लाभ देण्यात येणार आहे. महिलांना स्वयंरोजगाराच्या माध्यमातून आर्थिकदृष्ट्या सक्षम करण्यासाठी ‘चंदनबाला महिला स्वयंरोजगार कर्ज योजना’ सुरू करण्यात येत आहे. या योजनेअंतर्गत कुटीरोद्योग आणि घरगुती व्यवसाय करणाऱ्या महिलांना एक लाख रुपयांपर्यंत बिनव्याजी कर्ज देण्यात येणार आहे. पहिल्या टप्प्यात २०० महिला लाभार्थींना प्रत्येकी एक लाख रुपयांचे कर्ज वितरित करण्यात येणार आहे.

युवकांना उच्च शिक्षण आणि व्यवसाय-उद्योगासाठी आर्थिक सहाय्य देण्याच्या योजनाही राबविण्यात येणार आहेत. उच्च शिक्षणासाठी दहा लाख रुपयांपर्यंत, तर व्यापार व उद्योगासाठी वीस लाख रुपयांपर्यंत कर्ज उपलब्ध करून देण्याचे नियोजन आहे. या योजनांमधून पहिल्या टप्प्यात सुमारे ३५० युवकांना एकूण ५१ कोटी रुपयांचे कर्ज वितरण करण्यात येणार आहे.

जैन समाजातील आर्थिकदृष्ट्या दुर्बल कुटुंबांपर्यंत योजनांचा लाभ पोहोचवत असताना ग्रामीण भागातील विद्यार्थ्यांना उच्च शिक्षणासाठी मोठ्या शहरांमध्ये येताना निवासाची अडचण भासू नये, यासाठी महामंडळाच्या माध्यमातून वसतिगृहे उभारण्यात येणार आहेत. मुंबई, नवी मुंबई, पुणे, नागपूर, छत्रपती संभाजीनगर, नाशिक आणि कोल्हापूरसह आठ जिल्ह्यांमध्ये एकूण १६ वसतिगृहे उभारण्याचे नियोजन आहे. या सुविधांमुळे आर्थिकदृष्ट्या दुर्बल कुटुंबांतील विद्यार्थ्यांना उच्च शिक्षणाच्या संधी उपलब्ध होण्यास मदत होणार आहे.

अध्यक्ष ललित गांधी म्हणाले की, जैन समाजाचा धार्मिक आणि ऐतिहासिक वारसा जतन करण्यासाठी प्राचीन तीर्थक्षेत्रे, मंदिरे आणि लेण्यांचे संरक्षण व संवर्धन करण्यात येणार आहे. जैन धर्मातील प्राचीन हस्तलिखिते, ताम्रपत्रे आणि ताडपत्रांवरील साहित्य यांचे जतन, पुनर्संचयितीकरण आणि डिजिटायझेशन करण्याची जबाबदारीही महामंडळाच्या माध्यमातून पार पाडण्यात येणार आहे.

जैन साधू-संतांच्या विहारासाठी आवश्यक सुविधा उपलब्ध करून देण्याचाही महामंडळाचा उद्देश आहे. महाराष्ट्रात अशा सुविधांची गरज असलेली ३२५ ठिकाणे निश्चित करण्यात आली आहेत.

0000

प्रकल्प उभारताना उजनी जलाशयावर अवलंबून असलेल्या स्थानिक मच्छीमार बांधवांच्या हिताचे संरक्षण

2026-11-01T16:05:54.848+08:45

स्थानिक मच्छीमार बांधवांच्या हिताचे पूर्ण संरक्षण

प्रकल्प उभारताना उजनी जलाशयावर अवलंबून असलेल्या स्थानिक मच्छीमार बांधवांच्या हिताचे संरक्षण करण्यास प्राधान्य देण्यात आले असून, सद्यस्थितीत मत्स्यविकासासाठी काढण्यात आलेली निविदा तात्काळ रद्द करण्याचा निर्णय घेण्यात आला आहे.प्रस्तावित तरंगता सौर प्रकल्प जलाशयाच्या संपूर्ण पृष्ठभागावर कार्यान्वित होणार नसून, माशांचा अधिवास किंवा प्रजननासाठी आवश्यक वातावरण कायम राहाण्याच्या दृष्टीने दक्षता घेण्यात आली आहे.हा प्रकल्प पूर्णपणे स्वच्छ, पर्यावरणपूरक आणि सौर ऊर्जेवर आधारित आहे."

शेतकऱ्यांचा पाण्याचा हक्क अबाधित

2026-11-01T15:16:45.630+08:45

शेतकऱ्यांचा पाण्याचा हक्क अबाधित

प्रकल्पामुळे ५लाख शेतकरी बाधीत होणार ही निर्माण करण्यात आलेली भीती निरर्थक असून,प्रकल्प कार्यान्वित झाल्यानंतरही शेतकऱ्यासाठी सुरू असलेल्या पाणी वितरणामध्ये कोणतीही कपात होणार नाही.सदर प्रकल्पाकरीता अधिकतम ०.५टीएमसी इतक्या पाण्याची आवश्यकता आहे. त्यामुळे पाणी टंचाई होण्याचा कोणताही प्रश्न नाही.

डेटा सेंटर व बॅटरीत कोणतीही उत्पादन प्रक्रिया नसल्याने रसायानाचे पाणी निर्माण होवून धरणात सोडण्याचा प्रश्न नाही.

राज्यातील पहिले ग्रीन डेटा सेंटर उजनी जलाशयावर

2026-11-01T15:09:47.604+08:45

राज्यातील पहिले ग्रीन डेटा सेंटर उजनी जलाशयावर

औद्योगिक विकासाला आणि रोजगार निर्मितीला मिळणार पाठबळ
शेतकरी हिताचा पर्यावरण पूरक प्रकल्प

मुंबई, दि. ३० : महाराष्ट्रात स्वच्छ ऊर्जा, अत्याधुनिक तंत्रज्ञान, डिजिटल पायाभूत सुविधा आणि मोठ्या प्रमाणावरील रोजगार निर्मितीला चालना देणाऱ्या प्रकल्पांना विशेष प्रोत्साहन देण्यात येत असून, याच व्यापक विकास दृष्टीतून उजनी जलाशय परिसरात प्रस्तावित भव्य डेटा सेंटर, तरंगती सौर ऊर्जा, बॅटरी एनर्जी स्टोरेज सिस्टम आणि आर्टिफिशियल इंटेलिजियन्स प्रकल्प कार्यान्वित होत आहे. महाराष्ट्रातील पहिला ग्रीन डेटा सेंटर प्रकल्प पर्यावरणाचे रक्षण करणारा रोजगार निर्मितीला चालना देणारा आणि सिंचनाच्या पायाभूत सुविधा बळकट करण्यासाठी उपयुक्त ठरणार आहे.

२,००० मेगावॅट स्वच्छ ऊर्जा आणि आधुनिक 'एआय डेटा सेंटर'

या प्रस्‍तावित प्रकल्पातून उजनी येथे सुमारे २,००० मेगावॅट क्षमतेचा तरंगता सौर ऊर्जा प्रकल्प कार्यान्वित होणार असून, सौर ऊर्जेच्या शाश्वत व्यवस्थापनासाठी १,८०० मेगावॅट क्षमतेची 'बॅटरी एनर्जी स्टोरेज सिस्टम' उभारली जाईल, ज्यामुळे ग्रीड स्थिरतेस मदत होईल. टप्प्याटप्प्याने १,४०० मेगावॅट क्षमतेचे कृत्रिम बुद्धिमत्ता आधारित डेटा सेंटर' विकसित करण्‍याचे उदिष्ट आहे.

सिंहस्थ कुंभमेळ्याच्या पार्श्वभूमीवर सातिवलीच्या गरम पाण्याच्या कुंडाजवळील महादेव मंदिरात भगवा ध्वजाचे आमदार विलास तरे यांच्या हस्ते ध्वजारोहण..!

2026-11-01T14:55:22.833+08:45

सिंहस्थ कुंभमेळ्याच्या पार्श्वभूमीवर सातिवलीच्या गरम पाण्याच्या कुंडाजवळील महादेव मंदिरात भगवा ध्वजाचे आमदार विलास तरे यांच्या हस्ते ध्वजारोहण..!

# हिंदुत्वाची परंपरा आणि धार्मिक संस्कृतीचा सन्मान; सातिवलीत भगवा ध्वज फडकवत ; धार्मिक वातावरण

सातिवली / पालघर (प्रतिनिधी) – सिंहस्थ कुंभमेळ्याच्या ध्वजारोहणाचे औचित्य साधून बोईसर विधानसभा मतदारसंघाचे आमदार विलास तरे यांच्या हस्ते सातिवली येथील प्रसिद्ध गरम पाण्याच्या कुंडाजवळील श्री महादेव मंदिरात दर्शन घेऊन भगव्या ध्वजाचे ध्वजारोहण करण्यात आले. या धार्मिक उपक्रमातून हिंदू धर्माच्या प्राचीन परंपरा, श्रद्धा आणि सांस्कृतिक वारशाला उजाळा देण्यात आला.

भगवा ध्वज हा हिंदू धर्मातील त्याग, तपस्या, शौर्य, अध्यात्म आणि सनातन संस्कृतीचे प्रतीक मानला जातो. सिंहस्थ कुंभमेळ्यासारख्या पवित्र धार्मिक पर्वाच्या पार्श्वभूमीवर सातिवली येथील महादेव मंदिर परिसरात भगवा ध्वज फडकविण्याच्या उपक्रमाला विशेष धार्मिक महत्त्व प्राप्त झाले. हिंदुत्वाच्या सांस्कृतिक परंपरांशी असलेली बांधिलकी जपत आमदार विलास तरे यांनी या ध्वजारोहण सोहळ्यात सहभाग नोंदविला. धार्मिक स्थळांचे पावित्र्य, ऐतिहासिक वारसा आणि हिंदू संस्कृतीच्या परंपरांचा सन्मान करण्याच्या दृष्टीने हा उपक्रम महत्त्वपूर्ण ठरला. सातिवली येथील गरम पाण्याचे कुंड आणि महादेव मंदिर हे परिसरातील धार्मिक श्रद्धेशी जोडलेले ठिकाण आहे. अशा पवित्र स्थळी सिंहस्थ कुंभमेळ्याच्या निमित्ताने भगवा ध्वज फडकविण्यात आल्याने या सोहळ्याला धार्मिक आणि सांस्कृतिक स्वरूप प्राप्त झाले. विकासकामांसोबतच धार्मिक परंपरा आणि सांस्कृतिक वारशाच्या जतनालाही महत्त्व देणारे आमदार विलास तरे यांचा या उपक्रमातील सहभाग विशेष लक्षवेधी ठरला. हिंदुत्वाच्या विचारांशी निगडित धार्मिक आणि सांस्कृतिक उपक्रमांमध्ये लोकप्रतिनिधींचा सहभाग हा स्थानिक परंपरांच्या संवर्धनाच्या दृष्टीने महत्त्वाचा मानला जात आहे. सिंहस्थ कुंभमेळ्याच्या पार्श्वभूमीवर पार पडलेल्या या भगव्या ध्वजारोहण सोहळ्यामुळे सातिवली येथील महादेव मंदिर परिसरात धार्मिक परंपरा आणि सांस्कृतिक अस्मितेचे प्रतीक असलेला भगवा ध्वज दिमाखात फडकला.

या शुभप्रसंगी आमदार विलास तरे, माजी आमदार आमित घोडा, ज्येष्ठ नेते प्रभाकर विचारे, माजी जिल्हा परिषद सदस्य जयवंत गरुडा, माजी सभापती संतोष बुकले, कृषी उत्पन्न बाजात समिती माजी उप सभापती दिलीप मरले, सातिवली ग्रामपंचायत सरपंच तथा सातिवली मंदिर ट्रस्ट अध्यक्ष कृष्णा जाधव, उपसरपंच गंगाराम करपट, सुभाष लहांगे, रमेश डवला, राहुल श्रावणे, संदीप उराडे, रमेश पाटील, आकाश जाधव, रमेश शेळके, जयेश लहांगे, गणपत लोहार, नाना सांबरे, सुलक्षण पाटील व मंदिर समितीचे पदाधिकारी आणि ग्रामस्थ मोठ्या संखेने उपस्थित होते.

अकरावीतील ऑफलाइन प्रवेशित विद्यार्थ्यांचे प्रवेश नियमित करुन राज्य मंडळाच्या बारावीच्या परीक्षेस मान्यता

2026-11-01T13:37:24.369+08:45

अकरावीतील ऑफलाइन प्रवेशित विद्यार्थ्यांचे प्रवेश नियमित करुन

राज्य मंडळाच्या बारावीच्या परीक्षेस मान्यता

–शिक्षण संचालक डॉ. महेश पालकर

नियमबाह्य प्रवेश देणाऱ्या संस्थांना प्रति विद्यार्थी पाच हजार रुपये दंड

मुंबई, दि. ३० : शैक्षणिक वर्ष २०२५-२६ मध्ये इयत्ता अकरावीत ऑफलाइन पद्धतीने प्रवेश घेतलेल्या विद्यार्थ्यांचे शैक्षणिक नुकसान टाळण्यासाठी त्यांना शैक्षणिक वर्ष २०२६-२७ मध्ये इयत्ता बारावीत ऑनलाइन पद्धतीने प्रवेश देऊन नियमित करावे. तसेच त्यांना बारावीच्या राज्य मंडळाच्या परीक्षेस प्रविष्ट होण्यास मान्यता द्यावी. ही कार्यवाही सात दिवसांत पूर्ण करून अहवाल सादर करावा, असे निर्देश शिक्षण संचालक (माध्यमिक व उच्च माध्यमिक) डॉ. महेश पालकर यांनी सर्व विभागीय शिक्षण उपसंचालकांना दिले आहेत.

राज्य शासनाने निश्चित केलेल्या केंद्रीय प्रवेश पद्धतीचे उल्लंघन करून इयत्ता अकरावीत ऑफलाइन प्रवेश देणाऱ्या संबंधित शाळा व कनिष्ठ महाविद्यालयांकडून लेखी खुलासा मागवावा. या संस्थांमधील विद्यार्थ्यांची नियमित उपस्थिती, भौतिक सुविधा, वर्गखोल्या आणि शिक्षण हक्क कायद्यानुसार आवश्यक बाबींची पडताळणी करून शिक्षण संचालनालयाला अहवाल सादर करण्याचे निर्देशही डॉ. पालकर यांनी दिले.

ऑफलाइन प्रवेश घेतलेल्या विद्यार्थ्यांना संबंधित शाळेच्या नियमित परीक्षा केंद्राऐवजी अन्य परीक्षा केंद्रावर परीक्षेस बसवावे. नियमबाह्य ऑफलाइन प्रवेश देणाऱ्या शाळा व कनिष्ठ महाविद्यालयांकडून प्रति विद्यार्थी पाच हजार रुपये दंड आकारावा. हा दंड कोणत्याही विद्यार्थ्याकडून वसूल करू नये; तसे आढळल्यास संबंधित संस्थेवर गंभीर कारवाई करावी, असे निर्देश देण्यात आले आहेत.

शासन निर्णयाचे उल्लंघन करून ऑफलाइन प्रवेश दिल्याप्रकरणी संबंधित मुख्याध्यापक अथवा प्राचार्यांची जबाबदारी निश्चित करुन आवश्यक कारवाई करण्याचे निर्देश संस्थाचालकांना द्यावेत. तसेच शैक्षणिक वर्ष २०२५-२६ मध्ये ऑफलाइन प्रवेश दिलेल्या शाळा किंवा कनिष्ठ महाविद्यालयांनी शैक्षणिक वर्ष २०२६-२७ मध्येही इयत्ता अकरावीसाठी ऑफलाइन प्रवेश दिले असल्यास, अशा संस्था आणि संबंधित शाळा व कनिष्ठ महाविद्यालयांवर गंभीर कारवाई करण्याचा स्वतंत्र प्रस्ताव शिक्षण संचालनालयाला सादर करावा, असेही कळविण्यात आले आहे.

०००००

लेक लाडकी योजनेसाठी आता महाडीबीटी २.० पोर्टलवरून अर्ज –महिला व बालविकास मंत्री आदिती तटकरे · अर्ज प्रक्रिया अधिक सुलभ करत कागदपत्रांची संख्या झाली कमी

2026-11-01T09:54:22.613+08:45

लेक लाडकी योजनेसाठी आता महाडीबीटी २.० पोर्टलवरून अर्ज –महिला व बालविकास मंत्री आदिती तटकरे

· अर्ज प्रक्रिया अधिक सुलभ करत कागदपत्रांची संख्या झाली कमी

मुंबई,दि.31: लेक लाडकी योजनेच्या लाभासाठी आता अर्जदारांना महाडीबीटी २.० पोर्टलवरून थेट ऑनलाइन अर्ज सादर करता येणार आहे.शासकीय योजनांच्या प्रक्रिया पुनर्रचने अंतर्गत कागदपत्रांची संख्या कमी करून अर्ज नोंदणी ते अर्जाची सद्यस्थिती पाहण्यापर्यंतची सर्व प्रक्रिया ऑनलाइन करण्यात आली असल्याची माहिती महिला व बालविकास मंत्री आदिती तटकरे यांनी पत्रकाद्वारे दिली.

शासनाच्या विविध योजनांच्या सुसूत्रीकरणाबाबतच्या सूचनांच्या अनुषंगाने लेक लाडकी योजनेच्या प्रक्रियेत सुधारणा करण्यात आली आहे. यासाठी नवीनशासकीय प्रक्रियांची पुनर्रचना (जीपीआर) तयार करण्यात आली असून, त्याअंतर्गत अर्जदारांना स्वतः ऑनलाइन अर्ज सादर करण्याची सुविधा उपलब्ध करून देण्यात आली आहे. अर्ज नोंदणी, छाननी, अर्ज मंजुरी आणि लाभ मंजुरी या प्रक्रियांमध्ये सुसूत्रीकरण करण्यात आले आहे. तसेच अर्जदारांना सादर करावयाच्या कागदपत्रांची संख्याही कमी

मुंबईत १ ते ५ नोव्हेंबरदरम्यान १४ वर्षांखालील मुलींच्या राज्यस्तरीय शालेय कबड्डी स्पर्धेचे आयोजन · राष्ट्रीय स्पर्धेसाठी महाराष्ट्राच्या संघाची निवड होणार

2026-11-01T09:49:30.329+08:45

मुंबईत १ ते ५ नोव्हेंबरदरम्यान १४ वर्षांखालील मुलींच्या राज्यस्तरीय शालेय कबड्डी स्पर्धेचे आयोजन

· राष्ट्रीय स्पर्धेसाठी महाराष्ट्राच्या संघाची निवड होणार

मुंबई, दि. : क्रीडा व युवक सेवा संचालनालय, अंतर्गत जिल्हा क्रीडा परिषद आणि जिल्हा क्रीडा अधिकारी कार्यालय, मुंबई शहर यांच्या संयुक्त विद्यमाने १४ वर्षांखालील मुलींच्या राज्यस्तरीय शालेय कबड्डी स्पर्धा २०२६-२७ चे आयोजन १ ते ५ नोव्हेंबर २०२६ या कालावधीत करण्यात येणार असल्याची माहिती मुंबई शहर जिल्हा क्रीडा अधिकारी नीलिमा अडसूळ यांनी दिली आहे.

ही स्पर्धा भारतरत्न राजीव गांधी जिल्हा क्रीडा संकुल, धारावी, सायन पश्चिम, मुंबई येथे होणार असून, सर्व सामने मॅटवर खेळविण्यात येतील.

या स्पर्धेत महाराष्ट्रातील आठ विभागांतील अंदाजे १५० खेळाडू सहभागी होणार आहेत. स्पर्धेच्या अनुषंगाने ३ नोव्हेंबर २०२६ रोजी दुपारी ३ वाजता निवड चाचणी घेण्यात येणार आहे. या निवड चाचणीतून हरियाणा येथे होणाऱ्या राष्ट्रीय शालेय कबड्डी स्पर्धेसाठी महाराष्ट्राच्या संघाची निवड करण्यात येणार आहे.

मुंबई शहरात राज्यस्तरीय स्पर्धेचे आयोजन होत असल्याने कबड्डीप्रेमी आणि क्रीडाक्षेत्रातील मान्यवरांमध्ये उत्साहाचे वातावरण आहे. स्पर्धेचे यशस्वी आयोजन करण्यासाठी जिल्हा क्रीडा अधिकारी कार्यालयामार्फत जिल्हाधिकाऱ्यांच्या मार्गदर्शनाखाली आवश्यक नियोजन करण्यात येत आहे.

000

सिंहस्थ धर्मध्वजावरील शुभचिन्हांना विशेष महत्त्व

2026-11-01T01:09:14.168+08:45

सिंहस्थ धर्मध्वजावरील शुभचिन्हांना विशेष महत्त्व

सिंहस्थ धर्मध्वजावर सूर्य, चंद्र, बृहस्पती, सिंह, मगर, ॐकार, स्वस्तिक, घंटा आदी धार्मिक आणि ज्योतिषीय प्रतीकांचा समावेश आहे. या प्रत्येक प्रतीकामागे धार्मिक श्रद्धा आणि पौराणिक संदर्भ आहेत.

सूर्य आणि चंद्र ही प्रतीके अमृतकुंभाच्या रक्षणाशी संबंधित मानली जातात. बृहस्पती आणि सिंह ही प्रतीके सिंहस्थाच्या ज्योतिषीय कालगणनेशी जोडलेली आहेत. मगर हे गोदावरीच्या तीर्थपरंपरेचे प्रतीक आहे. ॐकार आणि स्वस्तिक ही चिन्हे आध्यात्मिकता, मांगल्य आणि कल्याणाचा संदेश देतात. धर्मध्वजावरील बारा घंटा, दहा दिशा आणि 'ह्रीं' हे बीजाक्षर यांनाही विशेष धार्मिक व प्रतीकात्मक महत्त्व आहे.

अशा विविध प्रतीकांनी युक्त धर्मध्वज सिंहस्थ कुंभमेळ्याच्या प्राचीन परंपरेचे आणि त्र्यंबकेश्वरच्या सांस्कृतिक व आध्यात्मिक वारशाचे दर्शन घडवितो.

शंखनाद, मंत्रोच्चार आणि जयघोषात धर्मध्वजारोहण

धर्मध्वज पूजनानंतर शंखनाद करून ध्वजाची आरती करण्यात आली. त्यानंतर जगद्गुरू शंकराचार्य आणि मुख्यमंत्री फडणवीस यांनी धर्मध्वजाची प्रदक्षिणा केली. यावेळी भगवान त्र्यंबकेश्वराची प्रार्थना करण्यात आली.

पुरोहितवृंदांच्या मंत्रोच्चारांत, शंखनाद आणि धार्मिक जयघोषात धर्मध्वजारोहणाचा सोहळा उत्साहपूर्ण व मंगलमय वातावरणात संपन्न झाला. उपस्थित साधू-महंत आणि भाविकांनी या पवित्र सोहळ्याचा अनुभव घेतला.

धर्मध्वजारोहणानंतर पवित्र गोदावरीची आरती करण्यात आली. त्र्यंबकेश्वरच्या धार्मिक परंपरेत विशेष स्थान असलेल्या या धर्मध्वजारोहण सोहळ्याने सिंहस्थ कुंभमेळ्याच्या आध्यात्मिक आणि सांस्कृतिक वैभवाचे दर्शन घडविले.

पैठणीच्या समृद्ध विणकाम परंपरेची घेतली माहिती; महाराष्ट्राच्या कला, संस्कृती आणि पर्यटनवैभवाचे सादरीकरण

2026-10-31T21:31:32.592+08:45

· पैठणीच्या समृद्ध विणकाम परंपरेची घेतली माहिती; महाराष्ट्राच्या कला, संस्कृती आणि पर्यटनवैभवाचे सादरीकरण

मुंबई, दि. 31 महाराष्ट्र पर्यटन विभागाच्या वतीने गुजरातमधील केवडिया (एकतानगर) येथे राष्ट्रीय एकता दिन आणि भारत पर्व 2026 च्या निमित्ताने आयोजित उपक्रमात पर्यटन मंत्री शंभूराज देसाई यांच्या नेतृत्वाखाली महाराष्ट्राचे विशेष पर्यटन दालन उभारण्यात आले आहे. या दालनाला प्रधानमंत्री नरेंद्र मोदी यांनी भेट दिली.

या भेटीदरम्यान प्रधानमंत्री नरेंद्र मोदी यांनी महाराष्ट्राच्या पारंपरिक हातमागावरील देखण्या पैठणी साड्यांची पाहणी केली. पैठणी विणकामामागील कलाकुसर, पारंपरिक तंत्र, त्यातील बारकावे आणि महाराष्ट्राच्या समृद्ध वस्त्रपरंपरेची त्यांनी माहिती जाणून घेतली. या माध्यमातून महाराष्ट्राच्या पारंपरिक कला, हस्तकला, सांस्कृतिक वारसा आणि कारागिरांच्या कौशल्याचे दर्शन त्यांना घडले. पर्यटन संचालनालयाचे उपसंचालक विजय जाधव आणि त्यांच्या टीमने प्रधानमंत्री नरेंद्र मोदी यांचे स्वागत केले.

राष्ट्रीय एकता दिन आणि भारत पर्व 2026 च्या निमित्ताने गुजरातमधील केवडिया (एकतानगर) येथे 1 ते 15 नोव्हेंबर 2026 या कालावधीत आयोजित या उपक्रमात महाराष्ट्र पर्यटन विभाग सहभागी होत आहे. पर्यटन मंत्री शंभूराज देसाई यांच्या मार्गदर्शनाखाली विभागाच्या वतीने उभारण्यात आलेल्या या विशेष दालनाच्या माध्यमातून महाराष्ट्रातील वैविध्यपूर्ण पर्यटनस्थळे, समृद्ध सांस्कृतिक वारसा, पारंपरिक कला, खाद्यसंस्कृती आणि हस्तकलेचे दर्शन देशभरातील पर्यटकांना घडविण्यात येत आहे.

या उपक्रमासाठी महाराष्ट्र पर्यटन विभागाचे प्रतिनिधी म्हणून छत्रपती संभाजीनगरचे विभागीय उपसंचालक विजय जाधव उपस्थित आहेत. दालनात महाराष्ट्रातील प्रमुख पर्यटनस्थळांची माहिती देणारी माहितीपत्रके आणि पर्यटनविषयक साहित्य उपलब्ध करून देण्यात आले आहे. तसेच पैठणी विणकामाचे प्रत्यक्ष प्रात्यक्षिक, महाराष्ट्रीय खाद्यपदार्थांचे स्टॉल, पारंपरिक खाद्यसंस्कृती आणि हस्तकलेच्या विविध वस्तू ही दालनाची प्रमुख आकर्षणे आहेत. इन्स्टिट्यूट ऑफ हॉटेल मॅनेजमेंट (आयएचएम), दादर येथील किचन स्टुडिओच्या माध्यमातून महाराष्ट्राच्या वैशिष्ट्यपूर्ण खाद्यसंस्कृतीचेही सादरीकरण करण्यात येत आहे. याशिवाय, महाराष्ट्राच्या समृद्ध लोककला आणि सांस्कृतिक परंपरांचे दर्शन घडविण्यासाठी विविध सांस्कृतिक कार्यक्रमांचे आयोजन करण्यात आले आहे.

असा आहे सिंहस्थ कुंभ धर्मध्वज

2026-10-31T20:47:22.180+08:45

असा आहे सिंहस्थ कुंभ धर्मध्वज

सिंहस्थ धर्मध्वजावर श्री गंगा-गोदावरी धर्मध्वज शुभचिन्हे आणि त्यांचा अर्थ देण्यात आला आहे. त्यावरील अमृतकुंभ अमरत्व, मुक्ती आणि देवी शक्ती यांचे प्रतीक आहे. ओमकार सकारात्मकता, संपूर्ण विश्वाचे आणि सर्वव्यापकतेचे प्रतीक आहे. श्री हे अक्षर विजयाचे आणि मांगल्याचे प्रतीक म्हणून देण्यात आले आहे. ध्वजावरील १२ रेशमी गोंडे सामाजिक एकतेचे आणि संघशक्तीचे तर १ घंटा व ३ घुंगरू नादाचे आणि ब्रह्मनादाचे प्रतीक मानले आहे. ध्वजाच्या दुसऱ्या बाजूस गोदवारीचे वाहन असलेले मगर आणि सुर्य-चंद्राची शुभचिन्हे अंकित करण्यात आली आहेत.

००००००

त्र्यंबकेश्वर येथे मुख्यमंत्री फडणवीस यांच्या हस्ते ध्वजारोहणाने सिंहस्थ कुंभमेळा पर्वाचा मंगलारंभ शृंगेरीपीठाचे जगद्गुरू शंकराचार्य यांची व संत महंतांची उपस्थिती गोदावरी पूजन, मंत्रोच्चार आणि शंखनादाने कुशावर्त तीर्थक्षेत्रात भक्तिचा निनाद

2026-10-31T20:22:00.558+08:45

त्र्यंबकेश्वर येथे मुख्यमंत्री फडणवीस यांच्या हस्ते ध्वजारोहणाने सिंहस्थ कुंभमेळा पर्वाचा मंगलारंभ

शृंगेरीपीठाचे जगद्गुरू शंकराचार्य यांची व संत महंतांची उपस्थिती
गोदावरी पूजन, मंत्रोच्चार आणि शंखनादाने कुशावर्त तीर्थक्षेत्रात भक्तिचा निनाद

त्र्यंबकेश्वर दि. 31 (जिमाका वृत्तसेवा) : पवित्र कुशावर्त तीर्थ, गोदावरीच्या सान्निध्यात, मंत्रोच्चार, शंखनाद आणि साधू-महंतांच्या उपस्थितीत त्र्यंबकेश्वर येथे सिंहस्थ कुंभमेळा ध्वजारोहणाचा मंगलमय सोहळा संपन्न झाला. मुख्यमंत्री देवेंद्र फडणवीस आणि शृंगेरीपीठाचे जगद्गुरू शंकराचार्य विधुशेखर भारती यांची यावेळी प्रमुख उपस्थिती होती. ध्वजारोहण करून सिंहस्थ कुंभमेळा पर्वाचा मंगलारंभ झाला.

मुख्यमंत्री फडणवीस यांचे सकाळी कुशावर्त तीर्थ येथे आगमन झाल्यानंतर त्यांच्या हस्ते उपस्थित साधू-महंतांचे स्वागत करण्यात आले. त्यानंतर शृंगेरीपीठाचे जगद्गुरू शंकराचार्य विधुशेखर भारती यांचेही यावेळी स्वागत करण्यात आले.

सोहळ्याच्या प्रारंभी पवित्र गोदावरीचे विधिवत पूजन करण्यात आले. पुरोहितवृंदांनी मंत्रोच्चारांतून गोदावरीचे स्तवन केले. त्यानंतर संकल्पविधी करण्यात आला. सर्व प्राणिमात्रांना सुख, शांती, समृद्धी आणि कल्याण लाभावे, अशी प्रार्थना करण्यात आली.

गणेशपूजनाने पूजाविधीचा प्रारंभ झाला. सिंहस्थ कुंभमेळ्याचे सर्व धार्मिक विधी आणि आयोजन निर्विघ्नपणे पार पडावे, यासाठी श्रीगणेशाला आवाहन करण्यात आले. पुरोहितवृंदांनी मंत्रोच्चारांतून देवतांचे आवाहन केले. त्यानंतर ध्वजारोहणासाठी देवतांची अनुज्ञा मागण्यात आली. गोदावरी गंगा प्रार्थना आणि सामूहिक प्रार्थनेने संपूर्ण परिसर भक्तिमय झाला.

या सोहळ्यास आमदार हिरामण खोसकर, त्र्यंबकेश्वरच्या नगराध्यक्ष त्रिवेणी तुंगार, विशेष पोलीस महानिरीक्षक संजय ऐनपुरे, जिल्हाधिकारी आयुष प्रसाद,मुख्य कार्यकारी अधिकारी ओमकार पवार, पोलीस अधीक्षक डॉ. एस. स्वामी, उपविभागीय अधिकारी पवनदत्ता, तहसीलदार गणेश जाधव, मुख्याधिकारी गोविंद जाधव, अमोल चौधरी यांच्यासह विविध संत महंत उपस्थित होते.

ध्वजस्तंभ व धर्मध्वजाचे विधिवत पूजन

मुख्यमंत्री फडणवीस यांच्या हस्ते ध्वजस्तंभाचे पूजन करण्यात आले. त्यानंतर धर्मध्वज आणि ध्वजपताकेचे विधिवत पूजन झाले. जगद्गुरू शंकराचार्य विधुशेखर भारती यांनीही धर्मध्वजाचे पूजन केले.

सिंहस्थ पर्वाचा प्रारंभ

बृहस्पतीचा सिंह राशीत प्रवेश हा सिंहस्थ कुंभमेळ्याच्या ज्योतिषीय परंपरेतील महत्त्वाचा योग मानला जातो. या पार्श्वभूमीवर धर्मध्वजारोहणाला विशेष धार्मिक महत्त्व आहे. धर्मध्वजारोहण करून सिंहस्थ पर्वाचा प्रारंभ होतो. धर्मध्वज हा सिंहस्थाच्या पौराणिक परंपरेचे, गोदावरीच्या पावित्र्याचे आणि धार्मिक श्रद्धेचे प्रतीक मानला जातो.

सिंहस्थ धर्मध्वजावरील शुभचिन्हांना विशेष महत्त्व

शंखनाद, मंत्रोच्चार आणि जयघोषात धर्मध्वजारोहण

0000000

गोदातीरावर सिंहस्थाचा शंखनाद; राष्ट्रपती द्रौपदी मुर्मू यांच्या हस्ते धर्मध्वजारोहण! · नाशिक-त्र्यंबकेश्वर सिंहस्थ कुंभपर्वाची मंगलमय नांदी · वैदिक मंत्रांचा घोष, शंखनादाचा निनाद अन् गोदावरीच्या साक्षीने अवतरले श्रद्धा, भक्ती आणि अध्यात्माचे वैभव!

2026-10-31T19:37:12.890+08:45

गोदातीरावर सिंहस्थाचा शंखनाद; राष्ट्रपती द्रौपदी मुर्मू यांच्या हस्ते धर्मध्वजारोहण!

· नाशिक-त्र्यंबकेश्वर सिंहस्थ कुंभपर्वाची मंगलमय नांदी

· वैदिक मंत्रांचा घोष, शंखनादाचा निनाद अन् गोदावरीच्या साक्षीने अवतरले श्रद्धा, भक्ती आणि अध्यात्माचे वैभव!

नाशिक, दि. ३१ (जिमाका वृत्तसेवा) : गोदावरीचा पावन तीर… वैदिक मंत्रांचा मंगलघोष… शंखनादाने दुमदुमलेला आसमंत… भगव्या धर्मध्वजेच्या स्वागतासाठी एकवटलेला संतसमुदाय अन् श्रद्धेच्या अपार भावनेने भारावलेले वातावरण! जणू हजारो वर्षांच्या भारतीय आध्यात्मिक परंपरेने आज नाशिक येथील रामतीर्थावर पुन्हा एकदा सजीव रूप धारण केले. गोदामाईच्या साक्षीने राष्ट्रपती द्रौपदी मुर्मू यांच्या हस्ते भगवी धर्मध्वजा आकाशात फडकली आणि नाशिक-त्र्यंबकेश्वर सिंहस्थ कुंभपर्वाच्या मंगलमय प्रारंभाचा ऐतिहासिक शंखनाद झाला. वैदिक ऋचांच्या पवित्र स्वरांत, साधू-संतांच्या सान्निध्यात आणि गोदावरीच्या अखंड प्रवाहाच्या साक्षीने साकारलेल्या या अलौकिक क्षणाने अवघी नाशिकनगरी भक्तिरसात न्हाऊन निघाली. बारा वर्षांच्या प्रतीक्षेनंतर येणाऱ्या श्रद्धेच्या महापर्वाची चाहूल देणारा हा सोहळा नाशिकच्या धार्मिक आणि सांस्कृतिक इतिहासातील एक अविस्मरणीय सुवर्णक्षण ठरला.

गोदावरीच्या लाटालाटांत जणू मंगलस्वर उमटत होते… मंदिरांच्या पावन परिसरात भक्तीचा सुगंध दरवळत होता… अन् रामतीर्थावर उपस्थित प्रत्येकाच्या अंतःकरणात सिंहस्थाच्या स्वागताची अनामिक ओढ दाटून आली होती. राष्ट्रपती द्रौपदी मुर्मू यांच्या हस्ते झालेले धर्मध्वजारोहण हे केवळ एका धार्मिक विधीचे आयोजन नव्हते; तो भारतीय संस्कृतीच्या अखंड प्रवाहाचा, संतपरंपरेच्या चिरंतन वारशाचा आणि कोट्यवधी भाविकांच्या अढळ श्रद्धेचा मंगलमय आविष्कार होता. धर्मध्वजा आकाशात डौलाने फडकताच शंखनादाचा निनाद दशदिशांत घुमला. त्या क्षणी जणू गोदातीरावरील प्राचीन श्रद्धेला नव्या युगातील सिंहस्थाच्या स्वागताचे पवित्र अधिष्ठान लाभले.

या ऐतिहासिक सोहळ्याला उपमुख्यमंत्री एकनाथ शिंदे, उपमुख्यमंत्री सुनेत्राताई अजित पवार, केंद्रीय आयुष तसेच आरोग्य व कुटुंब कल्याण राज्यमंत्री प्रतापराव जाधव, पालकमंत्री गिरीश महाजन, अन्न, नागरी पुरवठा व ग्राहक संरक्षण मंत्री छगन भुजबळ, पाणीपुरवठा व स्वच्छता मंत्री गुलाबराव पाटील, शालेय शिक्षण मंत्री दादाजी भुसे, पणन व राजशिष्टाचार मंत्री जयकुमार रावल, वस्त्रोद्योग मंत्री संजय सावकारे, अन्न व औषध प्रशासन तथा विशेष सहाय्य मंत्री नरहरी झिरवाळ, मत्स्यव्यवसाय व बंदरे मंत्री नितेश राणे, महापौर हिमगौरी आडके-आहेर, खासदार राजाभाऊ वाजे, खासदार भास्कर भगरे खासदार डाॅ. शोभा बच्छाव आदी उपस्थित होते.

धर्मध्वजारोहणाच्या पवित्र विधींनी सिंहस्थाच्या आगमनाला धार्मिक परंपरेचे अधिष्ठान

भारतीय धार्मिक परंपरेचे पावित्र्य आणि वैदिक संस्कृतीचे मांगल्य जपत या सोहळ्यातील प्रत्येक विधी अत्यंत श्रद्धाभावाने पार पडला. राष्ट्रपती द्रौपदी मुर्मू यांनी प्रथम यज्ञकुंडात आहुती अर्पण केली. यज्ञकुंडातील पवित्र अग्निज्वाला आणि वैदिक मंत्रोच्चारांनी वातावरणात मंगलमय चेतना निर्माण झाली. त्यानंतर राष्ट्रपतींनी जीवनदायिनी गोदावरीचे विधिवत पूजन करून धर्मध्वजेला वंदन केले. पुरोहितांच्या मंत्रघोषात त्यांच्या हस्ते धर्मध्वजारोहणाचा परममंगल क्षण साकारला. धर्मध्वजा आकाशात फडकताच शंखनादाने रामतीर्थाचा आसमंत दुमदुमला. मंगलवाद्यांच्या निनादात मंत्रपुष्पांजली अर्पण करण्यात आली. यज्ञाहुती, गोदापूजन, ध्वजपूजन आणि धर्मध्वजारोहणाच्या पवित्र विधींनी सिंहस्थाच्या आगमनाला धार्मिक परंपरेचे अधिष्ठान लाभले. गोदावरीच्या तीरावर फडकलेली धर्मध्वजा जणू देश-विदेशातील भाविकांना या श्रद्धामहोत्सवाचे मंगलमय निमंत्रण देत होती.

या पवित्र सोहळ्याला विविध आखाड्यांचे महंत, धर्माचार्य आणि साधू-संतांच्या उपस्थितीने विलक्षण आध्यात्मिक उंची प्राप्त झाली. जगद्गुरू

मुख्यमंत्री देवेंद्र फडणवीस यांची आर्यन पंप्सच्या ग्लोबल डिझाइन आणि इनोव्हेशन सेंटरला भेट ‘मेड इन महाराष्ट्र, मेड फॉर द वर्ल्ड’ अभिप्रायासह उद्योजक आणि अभियंत्यांच्या कौशल्याचे केले कौतुक

2026-10-31T16:46:43.022+08:45

मुख्यमंत्री देवेंद्र फडणवीस यांची आर्यन पंप्सच्या

ग्लोबल डिझाइन आणि इनोव्हेशन सेंटरला भेट

‘मेड इन महाराष्ट्र, मेड फॉर द वर्ल्ड’ अभिप्रायासह उद्योजक आणि अभियंत्यांच्या कौशल्याचे केले कौतुक

पुणे, दि. ३० : मुख्यमंत्री देवेंद्र फडणवीस यांनी सेनापती बापट रस्त्यावरील आर्यन हाऊस येथे कार्यरत असलेल्या आर्यन पंप्स अँड एन्व्हायरो सोल्युशन्स प्रा. लि. यांच्या ग्लोबल डिझाइन आणि इनोव्हेशन सेंटरला भेट देऊन तेथील संशोधन व तंत्रज्ञानविषयक कामकाजाची माहिती घेतली. मुख्यमंत्र्यांनी 'मेड इन महाराष्ट्र, मेड फॉर द वर्ल्ड’ अभिप्रायासह उद्योजक आणि अभियंत्यांच्या कौशल्याचे कौतुक केले.

या केंद्रामार्फत कंपनीच्या जागतिक गरजा पूर्ण करण्यासाठी तंत्रज्ञान आणि अभियांत्रिकी क्षेत्रात संशोधन व विकासाचे काम केले जाते. या केंद्रात विकसित करण्यात आलेले अत्याधुनिक हायड्रॉलिक पंप, विशेष उपयोगासाठीचे इंजिनचलित पंप संच, जेटिंग रिसायकलर्स तसेच आपत्कालीन सेवांसाठी आवश्यक असलेल्या ‘फर्स्ट रिस्पॉन्स वाहनां’च्या डिझाइन व संशोधन प्रक्रियेची माहिती मुख्यमंत्री फडणवीस यांनी घेतली.

तत्पूर्वी कंपनीने तयार केलेल्या अत्याधुनिक भव्य पंप यंत्रणा बसविण्यात आलेल्या वाहनाचीही त्यांनी पाहणी केली. या वाहनावर ‘मेड इन महाराष्ट्र, मेड फॉर द वर्ल्ड’ असा अभिप्राय नोंदवत मुख्यमंत्री फडणवीस यांनी महाराष्ट्रातील उद्योजक आणि अभियंत्यांच्या कौशल्याचे विशेष कौतुक केले. महाराष्ट्रात विकसित होणारे तंत्रज्ञान आणि अभियांत्रिकी कौशल्य जागतिक स्तरावर पोहोचत असल्याचे या उपक्रमातून अधोरेखित झाले.

आर्यन पंप्स अँड एनवेरो सोलुशन प्रा. लि. व्यवस्थापकीय संचालक प्रशांत सुतार यांनी कंपनीकडून विकसित केल्या जाणाऱ्या संशोधनाची माहिती दिली. मुख्यमंत्र्यांनी यावेळी कंपनीला आणि अभियंत्यांना शुभेच्छा दिल्या.

यावेळी 'मित्रा' चे मुख्य कार्यकारी अधिकारी प्रवीण परदेशी, मेट्रोचे व्यवस्थापकी संचालक श्रावण हर्डीकर, पिंपरी चिंचवड महानगरपालिकेचे आयुक्त विजय सूर्यवंशी उपस्थित होते.

0000

विशेष घटक व मुख्यमंत्री रोजगारनिर्मिती योजनांचा लाभ देणार

2026-10-31T14:30:18.943+08:45

विशेष घटक व मुख्यमंत्री रोजगारनिर्मिती योजनांचा लाभ देणार

-मुख्य कार्यकारी अधिकारी लक्ष्मण राऊत

बलुतेदार सहकारी संस्था तळागाळातील गरजू, वंचित आणि मागास कारागिरांसाठी महत्वाचे काम करतात. या संस्थांना सक्षम करण्यासाठी त्यांच्या समस्या शासनस्तरावर मांडून त्या मार्गी लावण्याचा प्रयत्न करण्यात येईल, असे मंडळाचे मुख्य कार्यकारी अधिकारी लक्ष्मण राऊत यांनी सांगितले.

कारागिरांसाठी रोजगारनिर्मितीच्या संधी वाढविण्याकरिता मंडळाच्या विशेष घटक योजना आणि मुख्यमंत्री रोजगारनिर्मिती योजनेच्या माध्यमातून संस्थांना पुन्हा सक्षम करण्यावर भर देण्यात येईल. तसेच संस्थांच्या कामकाजावर देखरेख ठेवण्यासाठी मंडळातील उद्योग पर्यवेक्षकांना सहकार्य करण्याबाबत आवश्यक निर्देश देण्यात येतील, असेही त्यांनी स्पष्ट केले.

राज्यातील बलुतेदार सहकारी संस्थांना भेडसावणाऱ्या विविध अडचणी, त्यांच्या कामकाजातील अडथळे आणि संस्थांच्या विकासासाठी आवश्यक उपाययोजनांवर बैठकीत चर्चा करण्यात आली.

बैठकीस मंडळाचे उपमुख्य कार्यकारी अधिकारी राजकुमार डांगर, जिल्हा ग्रामोद्योग अधिकारी रमेश सुरुंग, हातकागद विभागाचे अमर राऊत तसेच महाराष्ट्र बलुतेदार सहकारी फेडरेशनचे पदाधिकारी उपस्थित होते. राज्यातील विविध जिल्ह्यांमधून आलेल्या बलुतेदार सहकारी संघांच्या अध्यक्षांनी आणि पदाधिकाऱ्यांनी चर्चेत सहभाग घेतला.

महाराष्ट्र बलुतेदार सहकारी फेडरेशनचे अध्यक्ष सुभाष पाटोळे यांनी प्रास्ताविक केले. सूत्रसंचालन श्री. कुंभार यांनी केले, तर अंकुश आंबेकर यांनी आभार मानले.

बलुतेदार सहकारी संस्थांना सक्षम करण्यावर भर

2026-10-31T13:12:50.404+08:45

बलुतेदार सहकारी संस्थांना सक्षम करण्यावर भर

-खादी व ग्रामोद्योग मंडळाचे सभापती रवींद्र साठे

· संस्थांच्या प्रश्नांवर पुण्यात राज्यस्तरीय बैठक

मुंबई, दि.३० : राज्यातील बलुतेदार सहकारी संस्थांना सक्षम करणे, त्यांच्या समस्या सोडविणे आणि कारागिरांसाठी रोजगारनिर्मितीला चालना देण्यासाठी शासनस्तरावर प्रयत्न करण्यात येत असल्याचे महाराष्ट्र राज्य खादी व ग्रामोद्योग मंडळाचे सभापती रवींद्र साठे यांनी सांगितले.

महाराष्ट्र राज्य सहकारी प्रशिक्षण संस्था, पुणे येथे महाराष्ट्र बलुतेदार सहकारी फेडरेशन आणि महाराष्ट्र राज्य खादी व ग्रामोद्योग मंडळ यांच्या संयुक्त विद्यमाने आयोजित राज्यस्तरीय बैठकीच्या अध्यक्षस्थानावरून ते बोलत होते.

सभापती रवींद्र साठे म्हणाले, की महाराष्ट्र राज्य खादी व ग्रामोद्योग मंडळाच्या कार्यात बलुतेदार सहकारी संस्था या मंडळाचा कणा असून, त्या मंडळाचा अविभाज्य भाग आहेत. संस्थांनी आर्थिक विकासापासून वंचित असलेल्या घटकांच्या उन्नतीसाठी एकत्रितपणे काम करावे.

माजी विधान परिषद सभापती वि. स. पागे यांच्या पुढाकारातून कारागीर रोजगार हमी योजनेची संकल्पना पुढे आली. या योजनेच्या माध्यमातून राज्यात १९७२ पासून तालुका आणि ग्रामीण स्तरावर बलुतेदार सहकारी संस्थांच्या माध्यमातून कारागिरांना रोजगाराच्या संधी उपलब्ध करून देण्याचे काम करण्यात येत आहे. या संस्थांचे कार्य अधिक सक्षम करण्यासाठी मंडळाच्या स्तरावर प्रयत्न करण्यात येतील. राज्यातील सर्व बलुतेदार सहकारी संस्थांची परिपूर्ण माहिती मंडळाकडे सादर करावी. तसेच संस्थांची सद्यःस्थिती, अडचणी आणि आवश्यक सहकार्य याबाबतचा अहवाल सादर करावा, असे आवाहन सभापती रवींद्र साठे यांनी केले.

१ते ३० नोव्हेंबर दरम्यान पाचवी राष्ट्रव्यापी डिजिटल जीवन प्रमाणपत्र मोहीम

2026-10-31T12:55:49.623+08:45

१ ते ३० नोव्हेंबर दरम्यान पाचवी राष्ट्रव्यापी डिजिटल जीवन प्रमाणपत्र मोहीम

· अभियानाच्या पूर्वतयारीचा अधिदान व लेखा कार्यालयात आढावा

· केंद्र शासनाचे अवर सचिव दीपक गुप्ता यांची भेट

· निवृत्तीवेतनधारकांना डिजिटल जीवन प्रमाणपत्र सादरीकरणाचे प्रात्यक्षिक

मुंबई, दि. ३० : केंद्र शासनाच्या पेन्शन आणि पेन्शनधारक कल्याण विभागामार्फत देशभरातील २,००० शहरे व जिल्ह्यांमध्ये १ ते ३० नोव्हेंबर २०२६ या कालावधीत पाचवी राष्ट्रव्यापी डिजिटल जीवन प्रमाणपत्र (डीएलसी) मोहीम राबविण्यात येणार आहे. या मोहिमेच्या पूर्वतयारीचा आढावा घेण्यासाठी केंद्र शासनाच्या पेन्शन आणि पेन्शनधारक कल्याण विभागाचे अवर सचिव दीपक गुप्ता यांनी मुंबई येथील अधिदान व लेखा कार्यालयास भेट दिली.

राज्य शासनाच्या निवृत्तीवेतनधारक आणि कुटुंब निवृत्तीवेतनधारकांना निवृत्तीवेतनाचे वितरण नियमित सुरू राहण्यासाठी दरवर्षी नोव्हेंबर महिन्यात हयातीचा सादर करणे आवश्यक असते. ही प्रक्रिया सुलभ करण्यासाठी केंद्र शासनाच्या ‘जीवन प्रमाण’ प्रणालीद्वारे डिजिटल जीवन प्रमाणपत्र सादर करण्याची सुविधा उपलब्ध करून देण्यात आली आहे. या सुविधेमुळे पात्र निवृत्तीवेतनधारकांना आधार आधारित बायोमेट्रिक किंवा फेस ऑथेंटिकेशनद्वारे मोबाईलच्या माध्यमातून डिजिटल जीवन प्रमाणपत्र तयार करून सादर करता येते.

या भेटीदरम्यान अवर सचिव गुप्ता यांनी अधिदान व लेखा अधिकारी प्रगती धनावडे तसेच संचालनालय, लेखा व कोषागारे आणि अधिदान व लेखा कार्यालयातील वरिष्ठ अधिकारी व कर्मचाऱ्यांशी चर्चा करून नोव्हेंबर महिन्यात राबविण्यात येणाऱ्या मोहिमेच्या पूर्वतयारीचा आढावा घेतला. त्यानंतर त्यांनी कार्यालयातील निवृत्तीवेतन शाखा आणि निवृत्तीवेतन मदत कक्षाला भेट दिली.

यावेळी उपस्थित निवृत्तीवेतनधारकांना ‘जीवन प्रमाण’ पोर्टल व मोबाईल ॲपच्या माध्यमातून डिजिटल जीवन प्रमाणपत्र तयार करून सादर करण्याच्या प्रक्रियेचे प्रात्यक्षिक दाखविण्यात आले. तसेच या सुविधेचा वापर करून प्रत्यक्ष बँक किंवा कोषागार कार्यालयात उपस्थित न राहता हयातीचा दाखला सादर करण्याबाबत मार्गदर्शन करण्यात आले.

यावेळी अधिदान व लेखा अधिकारी प्रगती धनावडे यांनी राज्यातील सर्व निवृत्तीवेतनधारक आणि कुटुंब निवृत्तीवेतनधारकांनी डिजिटल जीवन प्रमाणपत्र सुविधेचा लाभ घेऊन ‘जीवन प्रमाण’ प्रणालीद्वारे हयातीचा दाखला सादर करावा, असे आवाहन केले.

0000

वृत्त क्र

अकरावीतील ऑफलाइन प्रवेशित विद्यार्थ्यांचे प्रवेश नियमित करुन राज्य मंडळाच्या बारावीच्या परीक्षेस मान्यता

2026-10-31T00:22:59.476+08:45

अकरावीतील ऑफलाइन प्रवेशित विद्यार्थ्यांचे प्रवेश नियमित करुन

राज्य मंडळाच्या बारावीच्या परीक्षेस मान्यता

–शिक्षण संचालक डॉ. महेश पालकर

नियमबाह्य प्रवेश देणाऱ्या संस्थांना प्रति विद्यार्थी पाच हजार रुपये दंड

०००००

मुख्यमंत्री देवेंद्र फडणवीस यांची आर्यन पंप्सच्या ग्लोबल डिझाइन आणि इनोव्हेशन सेंटरला भेट

2026-10-31T00:00:24.264+08:45

मुख्यमंत्री देवेंद्र फडणवीस यांची आर्यन पंप्सच्या

ग्लोबल डिझाइन आणि इनोव्हेशन सेंटरला भेट

‘मेड इन महाराष्ट्र, मेड फॉर द वर्ल्ड’ अभिप्रायासह उद्योजक आणि अभियंत्यांच्या कौशल्याचे केले कौतुक

प्रधानमंत्री किसान सन्मान निधी योजनेअंतर्गत २४ व्या हप्त्यापोटी गुजरात मधील

2026-10-30T23:09:18.574+08:45

मुख्यमंत्री देवेंद्र फडणवीस यांचा दूरदृश्य संवाद प्रणालीद्वारे सहभाग

मुंबई, दि. ३० : प्रधानमंत्री किसान सन्मान निधी योजनेअंतर्गत २४ व्या हप्त्यापोटी गुजरात मधील बनासकांठा येथे आयोजित कार्यक्रमात प्रधानमंत्री नरेंद्र मोदी यांनी महाराष्ट्रातील ९१ लाख १२ हजार ७६५ शेतकऱ्यांच्या बँक खात्यांत १ हजार ८३५ कोटी रुपयांचा निधी थेट जमा केला. शेतकऱ्यांचे उत्पन्न वाढविण्यासाठी केंद्र सरकारने आर्थिक सहाय्याबरोबरच विज्ञान, तंत्रज्ञान, सिंचन, पशुपालन आणि पूरक व्यवसायांना प्राधान्य देत असल्याचे प्रधानमंत्री नरेंद्र मोदी यांनी यावेळी सांगितले.

या कार्यक्रमात मुख्यमंत्री देवेंद्र फडणवीस यांनी वर्षा निवासस्थान येथून दूरदृश्य संवाद प्रणालीद्वारे सहभाग घेतला. कृषी विभागाचे सचिव परिमल सिंग यावेळी उपस्थित होते.

चारा बँक स्थापन करण्याची शिफारस ; चाऱ्याचे दर निश्चित,गायरान, कुरण, नापीक आणि पडीक जमिनीवर चारा पिकांची लागवड करण्यासाठी विविध विभागांच्या योजनांचा समन्वय

2026-10-30T22:32:42.466+08:45

गायरान, कुरण, नापीक आणि पडीक जमिनीवर चारा पिकांची लागवड करण्यासाठी विविध विभागांच्या योजनांचा समन्वय साधण्यात येणार आहे. तसेच जलसंपदा विभागाच्या सहकार्याने गाळपेरा क्षेत्र चारा लागवडीसाठी शेतकरी आणि पशुपालकांना उपलब्ध करून दिले जाणार आहे. वन विभागाच्या जमिनीवर उपलब्ध असलेले गवत वेळेत कापून त्याची साठवणूक केली जाणार असून, आवश्यकतेनुसार ते पशुपालकांना उपलब्ध करून देण्यात येणार आहे.

चारा बँक स्थापन करण्याची शिफारस ; चाऱ्याचे दर निश्चित

भिवंडी-२ प्रकल्पांतर्गत अंगणवाडी सेविकांचा दीपोत्सव उत्साहात साजरा*

2026-10-30T21:18:06.357+08:45

*भिवंडी-२ प्रकल्पांतर्गत अंगणवाडी सेविकांचा दीपोत्सव उत्साहात साजरा*

*अनगाव येथे दाभाड-२ व अनगाव-२ विभागांतील अंगणवाडी सेविकांचा उत्स्फूर्त सहभाग*

ठाणे प्रतिनिधी : एकात्मिक बालविकास सेवा योजना, प्रकल्प भिवंडी-२ अंतर्गत दाभाड-२ व अनगाव-२ विभागांतील अंगणवाडी सेविकांसाठी अनगाव येथे विभागीय सभेच्या निमित्ताने दीपोत्सव कार्यक्रमाचे आयोजन करण्यात आले. हा कार्यक्रम आनंदी, उत्साहपूर्ण आणि आपुलकीच्या वातावरणात संपन्न झाला.

या कार्यक्रमाला बालविकास प्रकल्प अधिकारी वैशाली विठ्ठल दाभाडे, मुख्य सेविका रेखा जगताप (दाभाड-२ बीट), भारती जाधव (वज्रेश्वरी-२ बीट) आणि प्राची पारधी (दाभाड-१ बीट) यांच्यासह सर्व अंगणवाडी सेविका उपस्थित होत्या.

कार्यक्रमाची सुरुवात दीपप्रज्वलनाने करण्यात आली. दीपावली सणाचे सांस्कृतिक व सामाजिक महत्त्व अधोरेखित करत उपस्थित अंगणवाडी सेविकांनी रांगोळी सजावट आणि दिव्यांची आकर्षक मांडणी केली. या उपक्रमातून सणाचा आनंद सामूहिकरीत्या साजरा करण्याबरोबरच भारतीय संस्कृतीतील दीपोत्सवाचे महत्त्वही अधोरेखित करण्यात आले. कार्यक्रमात सर्व अंगणवाडी सेविकांनी उत्स्फूर्त सहभाग नोंदविला.

दीपोत्सवाच्या निमित्ताने स्वच्छता राखणे, पर्यावरणाचे संवर्धन करणे, सामाजिक एकोपा जपणे आणि समाजात सकारात्मक विचारांचा प्रसार करणे, असा सामूहिक संकल्प यावेळी करण्यात आला. सण-उत्सव साजरे करताना सामाजिक जबाबदारी आणि पर्यावरणपूरक दृष्टिकोन जपण्याचा संदेशही या उपक्रमातून देण्यात आला.

अंगणवाडी सेविका या बालकांच्या पोषण, आरोग्य आणि सर्वांगीण विकासासाठी महत्त्वाची भूमिका बजावत असतात. या पार्श्वभूमीवर अंगणवाडीच्या माध्यमातून बालकांना अधिक चांगल्या सेवा देण्यासाठी आणि आपल्या जबाबदाऱ्या अधिक जोमाने पार पाडण्यासाठी सर्वांनी निर्धार व्यक्त केला.

या दीपोत्सव कार्यक्रमामुळे अंगणवाडी सेविकांमध्ये आनंद, उत्साह, परस्पर आपुलकी आणि संघभावना वृद्धिंगत झाली. दैनंदिन कामकाजाच्या व्यतिरिक्त एकत्र येऊन सण साजरा करण्याची संधी या उपक्रमातून उपलब्ध झाली. उत्साहपूर्ण वातावरणात कार्यक्रमाची सांगता झाली.

जिल्हा परिषद, ठाणेच्या एकात्मिक बालविकास सेवा योजना प्रकल्पांतर्गत आयोजित या उपक्रमातून अंगणवाडी सेविकांच्या एकजुटीचा आणि सकारात्मक कार्यभावनेचा प्रत्यय आला.

०००

अधिग्रहित जमिनीवरील वाड्या-वस्त्यांचे पुनर्वसन निश्चित केल्याशिवाय घरे हटवू नयेत

2026-10-30T18:12:54.192+08:45

अधिग्रहित जमिनीवरील वाड्या-वस्त्यांचे पुनर्वसन निश्चित केल्याशिवाय घरे हटवू नयेत

–महसूल मंत्री चंद्रशेखर बावनकुळे

सिडको क्षेत्रातील वाड्या-वस्त्यांच्या पुनर्वसनासाठी कालबद्ध आराखडा

मुंबई, दि. २८ : सिडकोच्या अधिग्रहित क्षेत्रातील शासन निर्णयाच्या निकषांत बसणाऱ्या जुन्या वाड्या-वस्त्या आणि घरांचे सर्वेक्षण करून त्यांची यादी जिल्हाधिकाऱ्यांना सादर करावी. संबंधित कुटुंबांचे पुनर्वसन निश्चित केल्याशिवाय त्यांना बेघर करू नये. त्यासाठी महिनाभरात पुनर्वसन आराखडा तयार करावा, असे निर्देश महसूल मंत्री चंद्रशेखर बावनकुळे यांनी दिले.

नवी मुंबईतील खारघर बेलपाडा येथील कारवाई, स्थानिक आदिवासी व्यक्तीचा मृत्यू यासंदर्भात मंत्री बावनकुळे यांच्या अध्यक्षतेखाली आढावा बैठक झाली. शासकीय जागेवरील घरांबाबत शासन निर्णयाचे काटेकोर पालन करावे. अधिग्रहित जागेवरील वाड्या-वस्त्या हटविण्यापूर्वी पर्यायी पुनर्वसनाची प्रक्रिया राबवावी, असे त्यांनी यावेळी स्पष्ट केले.

जिल्हाधिकाऱ्यांनी कार्यक्षेत्रातील सर्व नियोजन व विकास प्राधिकरणांना सर्वांसाठी घरे योजनेसंदर्भातील शासन निर्णयाचे पालन करण्याचे आदेश द्यावेत. त्याचे उल्लंघन झाल्यास संबंधितांची जबाबदारी निश्चित करावी, असे निर्देशही मंत्री बावनकुळे यांनी दिले. बेलपाड्यातील २४ कुटुंबांच्या पुनर्वसनासाठी जवळच्या उपलब्ध शासकीय जागेचा शोध घ्यावा. या कुटुंबांना भूखंड आणि घरबांधणीसाठी अडीच लाख रुपयांचे सहाय्य देण्याची शक्यता प्रधानमंत्री आवास योजना, सर्वांसाठी घरे योजना किंवा जिल्हा खनिज प्रतिष्ठानच्या उपलब्ध तरतुदींनुसार तपासून प्रस्ताव सादर करावा, असे त्यांनी सांगितले. मृत व्यक्तीच्या कुटुंबाला आर्थिक मदत आणि कुटुंबातील एका सदस्याला नियमानुसार कंत्राटी रोजगार देता येईल का, याचा सिडकोने सहानुभूतीपूर्वक विचार करून प्रस्ताव पाठवावा, असेही महसूल मंत्री बावनकुळे यांनी सांगितले.