පිස්සන් කොටුව

නිල් නෙතූ.......

2013-08-31T22:35:00.000+05:30

දිනෙක අදුරේ නෙත ගැටී ආදරේ මිණි මුතු
සාගරේ දිය තරම් යයි සෙනෙහේ ලෙංගතු
දැනුනේ සිරි දෙව්දුවක් බව වූ පසූ අන්සතු
මොනවා කරන්නද අහිමිව ගියා නිල් නෙතු

පැටලී හඩා වැටුනත් බැදි පෙම් දම් කොනේ
රැවටී මුලා වූවත් නොයිදුල්          ආදරේ
හැරදා ගියේ නෑ පැරදුනාට නොසිතුව    සේ
වරදේ බැදුනේ නෑ ඔබ මා මෙන් කිසිම දිනේ

සද සේ නැගී ආවත් මහදේ යහන්    තලේ
නින්දේ උන්නු මා හට නොදැනී බැස    ගියේ
පෙරදා දිලුන තරු වැල් නෑ අද කොහේ ගියේ
පායන්න සදවතියේ ඔබ ඔහුගේ    ලෝකයේ

                               ගායනය:-ලක්ෂ්මන් හිල්මි

නිරුපමාලා...

2012-07-08T09:43:00.000+05:30

          අහගන්නේ නැති නිසයි
          අර්ථයක් නැහැ කිව්වේ
          විෂ කියල හිතුන මයි
          මිනී මල් විසි කෙරුවේ
          මිනිසුන්ගේ විතරමයි
          පිරු පැතුම් ඉටු වෙන්නේ
          අපට අප නැති වුනොත්
          තමා ලෝකය නවතින්නේ
         බලා ගෙන නොසිටියත්
         මා ඔබවමයි පැතුවේ
         සුබ හීනයක් නැතිද
         ඇසි පියට නතු වන්නේ
         විහිදමින් හිරු කිරණ
         ඝන අදුර දුරලන්නේ
         මිය ගිහින් මගේ ලොවම
         ඉකි ගසා වැලෙපෙන්නේ

         දැන් ආයිත් හැම පේලියෙම දෙවනි අකුර එකතු කරල කියවන්න.එතකොට කථාව තේරෙයි...

ඔබට සැමදා වාසනා..

2012-05-01T11:17:00.000+05:30

කොච්චර කල් ගියත් ඉස්කෝලේ ජීවිතේ නම් අමතක වෙන්නේ ම නෑ.අමතක කරන්නත් බෑ.ඉස්කෝලේ යාලුවෝ සෙට් එක දැන් ලෝකේ හතර වටේට වෙලා.අපේ සෙට් එකේ දෙතුන් දෙනෙක්ව නම් සති අන්තෙට වත් සෙට් වෙනවා.අද සෙට් වෙලා කථා කර කර ඉන්නකොට තමයි දැන ගත්තේ දෙනියාය පැත්තේ සංගීතයක් තියෙනවා කියල.මං ඒක කිව්වා විතරයි චූටි පුතා යන්න කස්ටිය සෙට් කරලත් ඉවරයි.ඒත් හැමදාම වෙන්නේ ගෙදරින් දාන කේස් නිසා කස්ටිය සෙට් කරල මෑන්ට ගෙදර නවතින්න වෙන එනනේ.

“මු දෙනියායේ යන්න ප්ලෑන් කරන්නේ සංගීතේ බලන්න නෙමේ බං ඩෝරව බලන්න”. එහෙම කිව්වේ තත්තේ.
අපි ඉතින් ඒ කාලේ චූටි පුතාවයි ඩෝරවයි ජෝඩු කරල තිබ්බේ.තාමත් අපි ඒක මතක් කරල බයිට් කරනවා.චුටි පුතයි,ඩෝරයි පාටිනුයි,උසෙනුයි එක වගේමයි.පස්සේ චූටි පුතාගේ බලපැම් නිසා ඒකිට ඉස්කෝලේ සමිතියක සහාපති කෙනෙක්ව ජෝඩු කලා.ඩෝරා දෙනියායේ ඉදල අපේ ඉස්කෝලෙට ආවේ දෙවෙනි ලැජ්ජාව කර ගන්නයි.ආපු මුල් දවස් ටිකේ නම් ඔලුව වත් උස්සල කතා කලේ නෑ.ඒත් ටික කලක් ගියාම නම් පන්තියේ ඇහුනේ ඒකිගේ කට විතරයි.
ඩෝරයි සංජුයි අපිට සෙට් වුන හැටි මම කලින් කතාවෙදි කිව්වනේ.ඩෝරගේ තිබුණ දෙනියායේ වචන සෙට් එකටයි කරපු පිස්සු වැඩ නිසයි ඉක්මනට අපිත් එක්ක සෑහෙන පිට් වුනා.
කස්ටියටම මතක ඇතිනේ චූටි පුතා සංජුගේ සමරු පොතේ ලියපු කවිය.මං ඒක ඉවර කලේ ඩෝරගේ කවියත් පස්සෙ දාන්නම් කියලනේ.අද හිතුනා ඒකත් ඔන්න ඔහේ දානවා කියල.

ඉස්සර දවසක උදෑසනක ඔබ
ශාන්ත ගමනින් පැමිනෙනු දුටු විට
රාස්සියක් යැයි කෙසේ සිතන්නද
සොදුරු සිනහවෙන් මුව සරසා ගෙන
යුද පිටියත් විය අපගේ පන්තිය
රිසි සේ පැතිරුනි ඩෝරගේ සද්දය
යට කරගෙන සංජුගේ බෙල් සද්දය
ඔබ කල කෙරුමන්අප මතකයේ ඇත
බබා වගෙයි ඔබ යනවිට මහ පාරේ
ටකරං ගැලවෙයි සද්දෙට ඔබගේ
සැරසී සිටියත් ඩෙනිමෙන් රිසි සේ
මර බිය ගෙන දෙයි දුටුවන් මනසේ
දාංගලය තව අඩු නැත ඩෝරගේ
වාමන සහා ගැනමයි සිත තුල ඇත්තේ
සරුවී ජීවිතය හැම සැප සම්පත් මත්තේ
නාග ලෝකයේ ඔබ රජ විය යුත්තේ
හොදම කතාව බලන්න නම් මේ කවියේ මුල් අකුරු ටික බලන්නකෝ…

ඇය හට හිමි නැතිද සුභ සිහිනයක සුවේ..

2012-04-14T08:41:00.000+05:30

ඉස්කෝලෙන් පස්සේ මං ගොඩාක් වෙලාවට ඇගලුම් කම්හල් නැතිනම් ගාමන්ට් වලට සම්බන්ධ වුනා.mas group (Bodyline),ක්වන්ටම් ඉන්ටිමේට්ස්,මැලිබන් ටෙක්ස්ටයිල්ස් වගේ ලංකාවේ තියෙන ගොඩක් තැන්වල මම වැඩ කරල තියෙනවා.ඒ තැන් වල ඉන්න අයත් එක්ක කථා බහ කරලත් තියෙනවා.ඒ නිසා ඒ අයගේ ජීවිත ගැන ගොඩක් දේවල් මම දන්නවා.
ඒවයේ තියෙන්නේ අමුතු වෙනස්ම ජීවිතයක්.ගොඩක්ම ඉන්නේ දුර ඈත පැති වලින් ඇවිත් කම්හල ආසන්නයේම බෝඩ් වෙලා වැඩ කරන අය.ගන්න පඩියෙන් මාසයක් කාල බීල බෝඩිමට ගෙවල ගෙදරටත් සල්ලි යවනවා.මාස දෙක තුනකට පාරක් තමයි ගෙදර යන්න වෙන්නේ.සමහරු ඉන්නවා අවුරුදු ගනන් ඉන්න අය.ඒත් ගොඩක් අය ටික කාලයක් ඉන්නවා,මීට වඩා වැඩි පඩියක් දෙන තැනක් හම්බ වුනොත් එතනට යනවා.

හැබැයි ඒ ජීවිතෙත් අමුතු සුන්දරත්වයක් තියෙනවා.හැබැයි එයාලට දැන්වීම් පුවරු වල දාන පඩියවත් ඒ සුන්දරත්වය වත් නෑ.ගොඩක් අමාරුවෙන් තමයි ජීවත් වෙන්නේ.ඒත්ගොඩක් දෙනා ගාමන්ට් කෙල්ලෝ කිව්වම අමුතු ඇහැකින් බලනවා.ගාමන්ට් යන හැමෝම එහෙම නෑ කියල මතක තියා ගන්න.ගොඩක් ඉන්නේ ගමෙන් ආපු දුප්පත් අහිංසක අය.ඒත් සමහරු ඉන්නවා ගම් වලින් ඇවිත් නගරෙදි එක එක දේ වලට රැවටිලා අනාගතේම අදුරු කරගත්තු අය.ගාමන්ට් ජීවිතේ ගැන මට හිතුන හැටි තමයි මේ.

දවසට පැය අටක් රන් වන් සලු පිලි මැව්ව
සතියට දින හයක් කම් හල තුල දිවි ගෙව්ව
දෙපයට දිරි දෙමින් පවුලක දුක් ගිනි නිව්ව
එඩිතර ඔබ සිතත් වාගෙයි සත් කුලු පව්ව

පැයකට මහන්නට ඕනලු හරියට සීය
සීයට අඩු වුනොත් ඊලග පැය හිර වේය
සමහර දවස් වල වැඩ කරමින් පෝය
හිමිවන සොච්චමින් මාසය ගත වේය

දොළහට කෑ ගසයි බෙල් එක කෑමට යන්න
පැය කාලක්ම පොර කයි බත් එක ගන්න
කාලා දුවන්නේ පැල්ලම් ටික හෝදන්න
දුක් ගිනි තිබේ මහ මෙරකට උහු ලන්න

සුන්දර පෙම් සිහින නිරතුරු හදවතෙහි මැවේ
හදවත සොදුරු මල් මාවත් මතින් දිවේ
සියුමැලි ඇගෙ දෑත මැසිමේ රෝදයට ගෙවේ
ඇය හට හිමි නැතිද සුභ සිහිනයක සුවේ

මිතුරියක ලෙස ඔබ සදා රැදේවා..

2012-04-11T19:31:00.001+05:30

අපි ඉතින් ලැජ්ජ බයට හැදුන කොල්ලොනේ.පලවෙනි ලැජ්ජාව කරන කාලේ වෙනකොටත් එහෙමටම කියල කෙල්ලෝ එක්ක කතාවක් තිබුනේ නෑ.අපේ සෙට් එකේ අට දෙනා පිස්සු කෙලින්න ගත්තම ආයි වෙන කෙනෙක්ට එතන ඉඩක් නෑ.අනික අපි ඒ කාලේ කෙල්ලකන්ගේ කච කචේට ආසම නෑ.පලවෙනි ලැජ්ජාව ගොඩ දාගෙන අපි දෙවනි එකට ලෑස්ති වුනා.

අපි අට දෙනා එක එක පන්ති වලට වැටුනා.මමයි චූටි පුතයි එක පන්තියට වැටුනා.මගේ කලින් පොස්ට් එකක දැම්මා එල කිරි වගේ කවි ලියන යාලුවෙක් ගැන ශ්‍රී නුවන් කියල.පොඩි සිද්ධියක් නිසා මිනිහට පස්සේ චූටි පුතා කියල ම නම සේව් වුනා.මිස්ල සර්ල අපිට බලෙහත්කාරයෙන් උගන්නන්න හැදුවත් මායි චූටි පුතයි ඒවට අහු නොවි ඉන්න පරිස්සම් වුනා.ත්‍රිකෝණමිතිය උගන්නන කොට චූටි පුතයි මායි කතා කලේ සිරසේ විමර්ශන ගැන.පිසික්ස් වලදී අපි මොනව හරි ආතල් එකක් කොලේක ලියල පන්තිය වටේ යවනවා.ඒක වටේ ගිහින් එද්දි අලුතින් කෑලි එහෙම එකතු වෙලා නියම නිර්මානයක් වෙනවා.මැත්ස් පීරියඩ් එකේ තමයි සින්දු හැදුවෙ,නිසදැස් ලිව්වේ.යාලුවෝ චාටර් වෙච්ච සීන් වලට කවි හැදුවේ මේ වෙලාවේ තමයි.මැත්ස් වලදී ගානක් දීල හදන්න ටිකක් වෙලාව දෙනවනේ.ඒකයි ඒක ආර්ට් වලට ගත්තේ.

ඉංග්‍රීසි මිස් එද්දී අපි ඒ පන්තියේ නෙමේ වගේ හලියට පනිනවා.අපේ පන්තිය මැත්ස් පන්තියක් නිසා හිටියේ කොල්ලෝ 21යි කෙල්ලෝ 9යි.අනිත් කොල්ලෝ 19දෙනාම පිස්සෝ වගේ ඉගෙන ගන්නවා,ගනන් හදනවා,ටියුෂන් වල ටියුට් හදනවා එක විකාරයයි.සර් කෙනෙක් පේන්න බෑ ගිහින් මොනව හරි ගානක් හදන හැටි අහනවා.අපිත් කසාය බීපු ගොලුවෝ වගේ මේවා බලන් හිටියා.

කොල්ලො එහෙම පොත් වලම හිටියම අපරාදේ කියන්න බෑ කෙල්ලෝ නම් එළ.වැඩත් කලා,අපි කරන පිස්සු වලට උපරිම සප් එක දුන්නා.අපේ නෝට් පවා ලිව්වේ උන්.කුඩ ඇතුලට හීනියට ඉරල කොල දානවා,විකාර ලියල පිටේ එල්ලනවා,නිල් පෑනට රතු පාට බට දානවා වගේ පොඩි පොඩි ආතල් උන් අපිටත් දුන්නා.උන් ගෙන් සංජුයි ඩෝරයි අපේ බුදු පිට් එක වුනා.සංජීවනී එඩිට් කලාම සංජූ වුනා.ඩෝරා වැටුනේ ඒකිගේ පෙන්සිල් කේස් එකේ එහෙම ගහල තිබුන හන්දා.

පදුර වටේ තැලුවේ අපිට සංජුගේ සමරු පොත දුන්නම චූටි පුතා ඒකේ උගෙ ඉට්ටැයිල් එකෙන් ලියපු කවිය ගැන ලියන්න හිතුන නිසයි.අපේ කථාව නොදැන කියෙව්වොත් නම් කවිය ජපන් වගේ වෙයි කියල හිතුන නිසයි පදුර වටේ තැලුවේ.චූටි පුතා අපේ යාලු කමයි අපි කරපු පිස්සු ටිකයි දාල කවිය නියමෙට ගලපලා තිබුන.ඩෝරට ලියපු එක පස්සේ දාන්නම්.

දිනකදි උදෑසන ඔබ මා මුන ගැසුනා
නුවන් සිනා ඔබ දුටු විට කරකැවුනා
ශාන්ත දාන්තව දැල එළලා තිබුනා
මිතුරෙක් ලෙසින් ඒ දැළ උඩ මම වැටුනා
තුන් හිතකවත් නොතිබුනි ඔබෙ කටේ සැර
රිදුනත් දෙකන් සුවපත් වෙයි පැය දෙකින
යන්නට සිතුන මුත් සොනික්ට හා මෙමට
කන්නට හදයි පැනලා අපගේ ඔලුව
ලෙස්සල යන්න දස්සයි දැක්කම අංජු
සත්තම දමයි අපහට සැමදා සංජු
ඔරවන්නන් අතරේ සැමදා නම රැන්දූ
බස්සෙක් සිටීවිද ලොව කොහෙවත් ඇන්දූ
සදකඩ පහනේ ගව රූපය සිතෙහි ඇදී
දාඩිය දානවා බැලු විට ඔබ හිනැහී
රැල්ලට ඩෙනිම ඇන්දත් සතුටින් ඉපිලී
දේදුන්නක් මෙන් ඔබ යයි දෙකට නැමී
වාවන්නේ නැත්තේ ඒකයි අපට යලී

කතාවේ හොදම ටික තියෙන්නේ හැම පදේම මුල අකුරේ කියල දන්නවනේ…

කජු ලෙල්ලට පෙම් කල කුමාරයා..

2012-04-05T21:04:00.001+05:30

නිරතුරු ඔබේ රුව දුටුවා මුහුනු පොතේ
හිමි කර ගන්න ඇති විය අදහසක් සිතේ
මද වපරයක් තිබුනත් ඔබේ දකුනු නෙතේ
ම..ම ම..ම ආදරෙයි කියමින් ගසති ගොතේ

ලස්සන කරයි ඔබේ රූපය මුහුනු පොත

මගුල් බෙරය වාගෙයි ඔබේ වදුරු ගත

පන්ඩිත වදන් දැම්මත් මට කමක් නැත

කජු ලෙල්ලකට පෙම් කල කුමරෙක්ද ඇත

බූට් කාපු කොල්ලන් හට මම වැන්දා...

2012-04-02T21:11:00.000+05:30

සැමදා ලගින් ඉන්නව කියමින් දිව්රා
ගන්නව අපේ සියලුම නිදහස පවරා
සුන්දර හීන මාලිග අපගෙන් උදුරා
යන කෙල්ලන්ය නවදැලි හේනේ වදුරා

නිදහස අපේ නැති වෙන්නට මග පෑදූ

හදවත අපේ නිරතුරු කදුලින් සේදූ

පෙන්වා අහස් මාලිග අප නෙත් බැන්දූ
කෙල්ලන් නිසා වෙයි අපගේ අන් මෝදූ

ඇහි බැමි හදන්නට නියපොතු කපන්නට
කොන්ඩය හදන්නට පේෂල් දමන්නට
එක එත වැඩය කාලය කා දමන්නට
අපහට සිදුවන්නේ එල්ලී මැරෙන්නට

අපිව දාල යයි වෙන කොල්ලෙක් හින්දා
යන්නෙත් අපේ හද තුල දුක් ගිනි රන්දා
මාත් කෑවේ ඒ වගේ කට්ටක් හින්දා
බූට් කාපු කොල්ලන් හට මම වැන්දා

තාමත් ආදරේ ඔබටයි මගෙ සීදේවී

2012-04-02T19:59:00.000+05:30

සිහිනෙන් දැනේ එන බව ඔබ සිතට මගේ
අතැගිලි දිවේ මගේ නිසසල සිරුර දිගේ
ඔබ ගැන පැතූ පැතුමන් මතකයට නැගේ
සිහිනෙන් මිසක හැබැහින් හිමි නැතිද නගේ

ඔබ ගැන මතක ඇත මගෙ ජීවිතය පුරා
ඇස් වල කදුලු මම තවමත් සිටිමි දරා
ඔබ ගෙන ගිය නමුත් මගේ ආදරය සොරා
පණ වගෙ ආදරෙයි මගෙ නෙතු පියෙන තුරා

කුඩයක ගුලිවෙලා සීතල සිරිපොද වැස්සේ
පියමන් කලෙමු නගරේ මාවත් ඔස්සේ
නෙතගින් වැටෙන කදුලැලි ඔබමයි පිස්සේ
සිහිනෙන් ඔබව දුටු විට හදවත ගැස්සේ

බොද කර දමා මා ලියු කවි පද පේලී
හදවත කඩා දැම්මත් දෙකකට කෑලී
මා හැර දමා ඇදුනත් සුළගේ පාවී
තාමත් ආදරේ ඔබටයි මගෙ සීදේවී

දෑස තෙමිලා.. හීන පෙගුනා..

2012-03-19T22:19:00.000+05:30

දෑස තෙමිලා හීන පෙගුනා.. ඔබට තිබු ආදරේ හින්දා..
ඔබම පතලා සිතැගි ගලපා..ආදරේ ටජ් මහලක් බැන්දා..
සුවද හමනා සුළගකට මා..ඔබෙන් ලද සියල්ල දන් දුන්නා..
හිතද හැදුනා දුකද දැනෙනා..වෙනතකට ජීවිතේ දුන් දා..

නිකැළල් වු ආදරේ..උනුසුමෙන් ඈත් නොවේ..
අමතක කළත් මෙසේ..මතකේ හෙටත් තියේ..
පිලිගන්න බෑ ළදේ..පලි ගන්න නම් නොවේ..
එහෙනම් වෙනස් වුනේ..දෛවයයි වෙන් කලේ..

දෑස තෙමිලා හීන පෙගුනා.. ඔබට තිබු ආදරේ හින්දා..//

ජීවිත පොතේ ඇයි පිටු වෙන් කලේ..
ඔබේ ආදරේ..වෙනුවෙන් ළදේ..
සැමරුම් තබා ඇයි පිටු පා ගියේ..
අදහන්න බෑ...සත්තයි..ප්‍රියේ..

දෑස තෙමිලා හීන පෙගුනා.. ඔබට තිබු ආදරේ හින්දා..
හිතද හැදුනා දුකද දැනෙනා..වෙනතකට ජීවිතේ දුන් දා...

Composed and produced by Iraj weeraratne
Lyrics - Kelum Srimal
Mixed & Mastered by Ranga D
Flute - Nuwan Baalasooriya
Violin - Dr. Eugene Draw
Recorded at - ILL NOIZE STUDIO's Sri Lanka
Studio Engineer - G.O.A.
Guitar - Yohan Rajapaksha

සදාදර මාලිනියේ..

2012-03-18T22:42:00.000+05:30

සදවන් මුහුනේ පුරවාගෙන සිනහ තරු
දා බිදු හෙලයි කරනට මගේ දිවිය සරු
දළදා සමිදු මගෙ රට වැඩ වසන තුරු
රන් මිණි වැට නුඹයි මගේ දිවි එලිය කෙරු

මාලිගයකට සම පින්බර නිවස පුරා
ළතැවුල් නිවාලයි ඔබේ ආදරය නුරා
නිරතුරැ දිරි දෙමින් මා ලග සිටින තුරා
යෙහෙලිය ඔබයි අම්මේ දිවි තිබෙන තුරා

ඔබගේ සොදුරු සිනහව නම් නැත නිම්මා
බස් හසුරවයි ආදර වැස්සෙන් තෙම්මා
සමනල තටු වලට වැඩියෙන් මුදු ඔබේ පෙම්මා
දාහය නිවන සිහිලැල් සුළගයි අම්මා

          මල්පෙති වලට ඔබේ මුදු ගුණ සුවද කවා
          ගේ දොර හැඩ කරයි මුදු වදනකින් පවා
          මම කල සියලු වරදට කදුලකින් තවා
          වදිනෙමි පාද යුග අම්මේ ඔබේ සිරස නමා

වී සෙවනැල්ල මා හට දුන් අමිල පෙම
මා හට දුන්නු ඔවදන් මුතු මැණික් සම
ඔය ඇස්වලට පෙනුනත් මගේ තරුණ කම
බහ තෝරපු වියේ දියණියමයි අදත් මම

දුව ගෙන ඇවිත් දැවටෙන්නද අතේ සුදූ
වන මල් වලින් සරසමි ඔබේ වරල මුදූ
වේවා කියන්නට බැහැ ඔබ මතු සසරෙ බුදූ
වාවනු නොහැක මව නොවුනොත් දුවට සුදූ

මේකේ හොදම කතාව තියෙන්නේ හැම පදේම මුල් අකුරු වල

හසිනි සදරේකා..ඔබ සිහිනයකි සැමදා..

2012-03-14T00:22:00.001+05:30

හදවතට දැනුන වෙනසක්
සිත පුරා වෙලුන රහසක්
නිම් නැති නිම්නයේ
සක්මන් කරලූ
දයාබරිත සුවදක්
රේඛාවන් ඇදි පත් ඉරුවක ලියූ
කාටත් නොකියු පෙම් පුවතක්
ඔබට කියන්නට බැරිව ගියත් මට
බලා සිටින්නෙමි තව දුරටත්
සිනහ වෙන්න සදේ පෙර මෙන් ඔබ
හිත මාගේ සන්සිදෙන තුරා
නාවත් කම් නැත මා සිටිනා මග
යන්න ඔබේ ලොවකට පියඹා
කියන්න තිබුනත් දහසක් දේ මට
සැලෙන හදින් හදකට මුමුනා
මට මා ව්තරද මේ ලෝකය තුල
දාහක් ඇස් තිබුනත් විහිදා

         හැම පදේම මුල් අකුරු ටික බලන්නකෝ
          අපිට මේක එව්වේ : Chandima Lakmal Mannaperuma
                     CLM Creations