மின்சாரம்

யார் அரசு ஒப்பந்ததாரர்கள் ???

noreply@blogger.com (சிவா) — Sat, 27 May 2023 13:46:00 +0530

தமிழ்நாட்டில் அடுத்தடுத்து செந்தில் பாலாஜி மீதான புகார்கள் வரவும், அவரது உறவினர்கள் வீட்டில் வருமான வரித்துறையினர் சோதனை செய்ய களமிறங்கினர்....! அதை செய்யவிடாமல் தடுத்து அந்த சூழலை தனக்கு சாதகமாக்கி தனக்கு தேவையான கணக்கில் வராத ஆவணங்களை மறைத்து விட்டு சுதாரித்து கொண்டது ஒரு கும்பல்.

சரி, ஊடகங்கள் இதற்கு என்ன பதிவுகளை வெளியிட்டது? அரசு ஒப்பந்ததாரர்கள் வீட்டில் வருமானவரித்துறை அதிரடி சோதனை!

ஒரு சில ஊடகங்கள், சமூக வலைத்தளங்கள் வெளியிட்ட செய்தி என்ன? செந்தில் பாலாஜியின் உறவினர்கள் மற்றும் நெருங்கிய நண்பர்கள் வீட்டில் அதிரடி சோதனை?

இரண்டு செய்தியும் ஒன்றுதான்...உண்மைதான்...

ஆனால் இதில் கவனிக்க வேண்டிய விஷயம் என்னவெனில், யார் இந்த அரசு ஒப்பந்ததாரர்கள், அரசு ஒப்பந்தங்கள் யாவும் யாருக்கு வழங்கப்பட்டுள்ளது என்பதை மக்கள் கவனித்து கொள்ள வேண்டும்,

எப்படி கோபாலபுரத்தில் ஒரு குடும்பம் மட்டுமே தலைமுறை தலைமுறையாக சொத்துக்களை குவித்து வருகின்றதோ, அது போலவே, கரூரில் ஒரு குடும்பம் மட்டும் எந்த கட்சி ஆட்சிக்கு வந்தாலும் அல்லது அதிகாரத்துக்கு வந்தாலும் தனது செல்வாக்கை நிலைநிறுத்தி கரூரில் தனது நிலையை உறுதி செய்து வருகிறது,

பல கிராமங்களில் இந்த வேட்டை நாய்கள் என்று வளர்ப்பார்கள், அந்த நிலையில்தான் இங்கே சில நாய்கள் எலும்புத்துண்டுகளுக்கு ஆசைப்பட்டு கத்தை, கத்தையாக அடுக்கி வைக்கப்பட்டிருக்கும் பணத்திற்காக, ஆவணங்களுக்காக, சொத்துக்காக தனது விசுவாசத்தை வெறும் 200 ரூபாய்க்கும், சாராயத்திற்கும் அடகு வைத்து விட்டு தன்னை அழித்து ஏமாற்றி சம்பாதித்த பணத்தை தன்னையே காக்க வைத்து காவலாளி போல நடத்தி வருவது கூட தெரியாமல் விசுவாசத்தை காண்பிக்கும் கொடுமை வேறு எங்கும் கிடையாது,

இதில் வேடிக்கை என்னவெனில் ஒரு அமைச்சரை பார்த்து பயந்து வெளிநாடு தப்பித்து செல்லும் முதல்வர்கள் என்பது உலகத்திலேயே, இந்தியாவிலேயே, தமிழ்நாட்டிலேயே திராவிட முன்னேற்ற கழகத்திற்கு மட்டுமே அந்த பெருமை உண்டு,

யாரை திருடன், அயோக்கியன் ஊழல்வாதி என்று சொன்னோமோ அவரையே தனது கட்சியில் சேர்த்து கொண்ட கேவலம் திமுகவில் மட்டுமே சாத்தியமான ஒன்று....

ஆக, ஆக அரசு ஒப்பந்ததாரர்கள் அத்தனை பேருமே கரூர் கம்பெனி கபோதிகள்தான் என்பது வெட்ட வெளிச்சமாகி உள்ளது...

விரைவில் இந்த அஞ்சு கட்சி அமாவாசை ஆறாவது கட்சியின் அழைப்பிற்கு காத்திருக்கிறார் என்பதும் குறிப்பிடத்தக்கது.

அட, பணப்பட்டுவாடா செஞ்ச ஒருத்தன் கூட அரெஸ்ட் ஆகலைங்க!

noreply@blogger.com (சிவா) — Wed, 24 Apr 2019 00:00:00 +0530

ஒரு பள்ளியில் முக்கிய தேர்வு நடந்து கொண்டிருந்தது. நூற்றுக்கணக்கான மாணவ, மாணவிகள் தேர்வெழுதிக் கொண்டிருந்தனர். அந்த தேர்வு அவர்களுக்கு முக்கியத்துவம் வாய்ந்தது. அந்த தேர்வில் வெற்றி பெற்றால்தான் அவர்களின் அவர்களை சார்ந்தவர்களின் நம்பிக்கை துளிர்க்கும் என்ற நிலை.

அதனால் அந்த மாணவ, மாணவிகளின் உடனிருப்போர் அந்த தேர்வில் எப்படியாவது தனது மகன் அல்லது மகள் எப்படியாவது வெற்றி பெற்று விட வேண்டும் என்ற முனைப்பினில் ஒரு வருட காலம் பயிற்சி மேற்கொண்டு, அதற்காக தனி வகுப்புகளுக்கு செலவு செய்து படித்து முடித்து விட்டு தற்போது தேர்வு எழுதிக்கொண்டிருந்தனர்.

அதே தேர்வு மையத்தில் பணக்கார மற்றும் ஏழை மாணவ, மாணவிகளும் தேர்வெழுதி கொண்டிருந்தனர். பணக்கார வர்க்கத்தை சேர்ந்த மாணவ, மாணவிகள் பணம் கொடுத்து தனி வகுப்புகள் படித்து, தனக்கு கற்றுக்கொடுத்த ஆசிரிய ஆசிரியைகளை பணத்தால் விலை பேசி முக்கியமான கேள்விகளை எல்லாம் தெரிந்து கொண்டும் தேர்வெழுத வந்திருந்தனர்.

ஏழை மாணவ, மாணவிகள் பணம் செலவழிக்க வழியில்லாததால் இருக்கும் பணத்தில், குருவி சேகரித்த நெல்மணிகள் போல பணத்தை செலவழித்து தேர்வுக்கு வந்திருந்தனர். நமது விடைத்தாளை நல்ல ஆசிரியர், ஆசிரியைகள் திருத்த வேண்டும், நம்முடைய முயற்சிக்கேற்ற பலன் கிடைத்தால் போதும் என்று இயங்கி கொண்டிருந்தனர்.

ஒரு சில மாணவ, மாணவிகள் முடிந்தவரை எழுதுவோம், நிச்சயம் தேர்வில் யாராவது ஒருவன் பிரச்சினை செய்வான், அவனை காட்டிக்கொடுத்து அதன்மூலம் அந்த தேர்வை ரத்து செய்து விட்டால் அடுத்த முறை பார்த்துக்கொள்வோம் என்று காத்துக்கொண்டிருந்தனர்.

இப்படி பலதரப்பட்ட மாணவ, மாணவிகள் தேர்வெழுதி கொண்டிருக்கும் அந்த தேர்வினை கண்காணிக்க சிறப்புக் குழு வந்தது. அந்த சமயத்தில் ஒரு மாணவன் பிட் அடித்து மாட்டிக்கொண்டான்.

எதுவுமே படிக்காமல் எந்த வித முயற்சியும் எடுக்காமல் தேர்வினை எழுத வந்தவர்களுக்கு இந்த தகவல் தெரிந்து, ரகசியமாக கண்காணிப்பு அதிகாரிக்கு தகவல் கொடுத்து அந்த பிட் அடித்த மாணவனை கையும் களவுமாக பிடிக்க அதிகாரிகளுக்கு துப்பு கொடுத்தனர். காரணம், இந்த பிரச்சினையை காரணம் காட்டி தேர்வினை தவிர்த்து விடலாம், அதனை காரணம் காண்பித்து நாம் அந்த தேர்விழி கொள்ளலாம் என்ற எண்ணம் அவர்களுக்குள் இருந்தது.

அதன்படி அவர்களின் கைப்பாவையாக கண்காணிப்பு அதிகாரியை வைத்துக்கொண்டு தேர்வினை தடுத்து நிறுத்த முயற்சி மேற்கொண்டனர். அவர்களின் கனவு பலித்தது. கண்காணிப்பு அதிகாரி அறைக்குள் நுழைந்து தேர்வில் பிட் அடித்த மாணவனை கையும் களவுமாக பிடித்தனர்.

உடனடியாக யாருமே எதிர்பார்க்காத அந்த அறிவிப்பினை வெளியிட்டனர். இந்த தேர்வினில் இந்த மாணவன் பிட் அடித்த காரணத்தால் உடனடியாக இந்த பள்ளியை இழுத்து மூடுங்கள் என்று சொன்னதும் ஒட்டுமொத்த பள்ளி மாணவ,மாணவிகளும் அதிர்ச்சியடைந்தனர். அய்யா, தவறு செய்தவரை ஒன்றும் சொல்லாமல் வெளியில் அனுப்பி விட்டீர்கள், நாங்கள் என்ன பாவம் செய்தோம் எங்களுக்கு என்ன தணடனை என்று கதறியழுதனர்.

வாங்கிய பணத்திற்கு வஞ்சகம் இல்லாமல் பணியாற்ற நினைத்த அதிகாரிகள் உடனடியாக ஆக்சன் எடுத்து ஒட்டு மொத்த பள்ளியையும் டிஸ்மிஸ் செய்தனர். உண்மையில் படித்து எந்தவிதமான டியூசனுக்கு செல்லாமல் தானாகவே கஷ்டப்பட்டு படித்து தன்னை சார்ந்தவர்களுக்கு ஏதாவது செய்ய வேண்டும் என்று ஆர்வமாய் காத்திருந்த மாணவ, மாணவிகளுக்கு விழுந்தது முதல் அடி.

பிட் அடித்த மாணவனை பிட் அடித்தவன் என்று மட்டும் கூறி அவனை வெளியே அனுப்பி விட்டு, இனிமேல் அடுத்த தேர்வில் பிட் அடிக்காதே என்று சொல்லிவிட்டு சென்றனர் கண்காணிப்பு அதிகாரிகள்...தேர்வே வேண்டாம் என்று நினைத்த மாணவர்கள் ஏற்கனவே ரகசியமாக கொண்டு சென்ற கேமிராவில் அவன் பிட் அடித்ததையும் அதை கண்காணிப்பு அதிகாரிகள் கையும் களவுமாக பிடித்து பின்னர் அவனை எச்சரித்து வெளியே அனுப்பியதையும், அதன் பின்னர் ஒட்டுமொத்த பள்ளியையும் டிஸ்மிஸ் செய்ய உத்திரவிட்டதையும் படம் பிடித்து உலகிற்கு வைரலாக பரப்பி விட்டனர்.

ஆனால் இந்த கூறுகெட்ட ஜனங்க, இதையும் வழக்கம் போல கண்டுக்காம, நமக்கென்னன்னு பேசாம இருக்காங்க!

உடனே அந்த பள்ளி எங்கே இருக்குன்னு யோசிக்காதீங்க?

அந்த பள்ளி தான் வேலூர் நாடாளுமன்ற தொகுதி...பிட் அடிச்ச மாணவன் திமுக துரைமுருகன் வீட்டுல நடந்த ரெய்டு, கஷ்டப்பட்டு தேர்வெழுதின இதர மாணவ, மாணவிகள் வேற யாருமில்லை நாம் தமிழர், மக்கள் நீதி மய்யம், அப்புறம் இதர சுயேச்சை கட்சிகள்தான்,

சரி இந்த சரியா படிக்காம தேர்வை எப்படியாவது நிறுத்தணும்னு நினைச்சாங்களே, அவங்க வேற யாருமில்ல, பிஜேபியும், அதிமுக வும்தான், காரணம் அதையும் மீறி அவங்க தேர்தல்ல நின்னுருந்தாலும் மண்ணைத் தான் கவ்வியிருப்பாங்க...

உலகத்திலேயே அதி புத்திசாலித்தனமா தீர்ப்பு கொடுத்தாங்க பாருங்க தேர்தல் ஆணையம், இனிமே ஒருத்தன் பொறந்துதான் வரணும், இப்படி ஒரு மகா தீர்ப்பு கொடுக்கிறதுக்கு! குற்றத்தை தடுத்திட்டாங்களாம்!

ஜனநாயகத்தை கேலிக் கூத்தாக்கியிருக்கும் தேர்தல் ஆணையத்தின் செயல்பாடு, இந்தியர்கள் அனைவரும் வெட்கித் தலைகுனிய வேண்டியதுதான் மிச்சம்!

கடுமையான சட்டம், பணம் பெற்றால் ஓராண்டு தண்டனை, பணம் கொடுத்தால் 10 ஆண்டுகள் அடுத்த தேர்தலில் நிற்க முடியாது, 5 ஆண்டு சிறைத்தண்டனையாம்! வேட்பாளர்களை விட அதிபயங்கரமான வாக்குறுதிகளை வழங்கிய தேர்தல் ஆணையம் எதையுமே நிறைவேற்றவில்லையே!

ஒருத்தன் கூட பணம், பரிசு பொருள் அல்லது டோக்கன் வாங்கலையா? அல்லது ஒருத்தன் கூட கொடுக்கலையா? வார்டு நம்பர் போட்டு பணப்பட்டுவாடா செய்ய விருந்த பணம் கைப்பற்றப்பட்டது தற்போது உலகம் முழுவதும் தெரியும், ஆனால் இந்த தேர்தல் ஆணையத்திற்கு தெரியாதா? எத்தனை வாட்சப் வீடியோக்கள், எத்தனை ஊடகங்களின் பணப்பட்டுவாடா வீடியோக்கள்! என்ன லட்சணத்தில் தேர்தல் ஆணையத்தின் செயல்பாடு இருந்திருக்கும் என்பது இன்னுமா மக்களுக்கு புரியவில்லை!

குமரி மாவட்டத்தில் ஐந்தாறு கிராமங்களில் ஒருவருக்கு கூட வாக்காளர் பெயர் பட்டியலில் பெயர் இல்லையாம், அப்புறம் வருஷம் முழுக்க என்ன கணக்கெடுப்பு எடுத்தாங்களாம்? அப்புறம் என்ன ம******கு வாக்காளர் அடையாள அட்டை, இத்தனை தேர்தல் அதிகாரிகளுக்கு சம்பளம், அதுக்கு ஒரு துறை! வெட்கக்கேடான விஷயம்! ஒரு தேர்தலை உருப்படியா நடத்த துப்பில்லை! முதலில் தேர்தல் ஆணையத்தை வெளிநாட்டில் இருந்து கொண்டு வரணும், அப்போதான் நம்ம அதிகாரிகளோட வேலை லட்சணம் புரியும்!

திருந்த வேண்டியது தேர்தல் ஆணையமே?

noreply@blogger.com (சிவா) — Fri, 19 Apr 2019 14:48:00 +0530

17 வது நாடாளுமன்றத் தேர்தல் அலப்பறைகள் முடிந்து முடிவுகளுக்காக ஒட்டுமொத்த இந்திய தேசமும் காத்திருக்கிறது....

நவீன இந்தியா, வல்லரசு இந்தியா, இன்னும் என்னென்னவோ பெருமைகள்? எந்தெந்த துறைகளில் நாம் சாதித்து விட்டோம்? ஒன்றுமே கிடையாது, வெறும் வசனங்களில் நாம் வாழ்ந்து கொண்டிருக்கின்றோமே தவிர வேறெதுவும் இல்லை....

இந்தியாவை பொறுத்தவரை எந்தெந்த துறைகள் எந்த கட்சியையும் அரசாங்கத்தையும் சாராதிருக்க வேண்டும் தெரியுமா? நீதித்துறை, காவல்துறை, ராணுவத்துறை, ஊடகத்துறை மற்றும் தேர்தல் ஆணையம் இவையனைத்தும் என்று சுதந்திரமாக செயல்படுகிறதோ அன்றுதான் இந்தியா வல்லரசாகும்....

தற்போதைய அவசரத்தேவை என்பது அரசியல் விதிமுறைகள் மாற்றத்திற்கு வர வேண்டும்.

மற்ற துறைகளை அப்புறம் பார்ப்போம், தற்போது நாம் சிந்திக்க வேண்டியது தேர்தல் ஆணையம் மட்டுமே....எந்த அரசியல் சாராத நபர்கள் மட்டுமே தேர்தல் அதிகாரிகளாக வர வேண்டும்...அப்போதுதான் சரியான நியாயம் அனைவருக்கும் சமதர்மமாக கிடைக்கும்...

தேர்தல் விதிமுறைகளை இப்படி கையாண்டால் எல்லோருக்கும் பயம் வரும்!

1) ஒவ்வொரு கட்சிக்கும் தனித் தனி கொள்கைகள் இருக்க வேண்டும்,

2) தேர்தல் பரப்புரையில் வழங்கும் வாக்குறுதியானது ஓராண்டுக்குள் நிறைவேற்றப்பட வேண்டும். குறைந்தது அவர்கள் கூறும் திட்டத்திற்கு அடிக்கல் நாட்டியிருக்க வேண்டும்.

3) ஒவ்வொரு வேட்பாளருக்கும் பதவிக்காலம் என்பது 5 ஆண்டுகள் மட்டுமே. அதன் பிறகு அதே வேட்பாளர் பதவிக்கு வரவோ, போட்டியிடவோ கூடாது.

4) ஓராண்டுக்குள் கூறும் வாக்குறுதியை நிறைவேற்றாவிட்டால் இரண்டாமிடத்தில் வெற்றி பெற்ற நபர் அதே பதவிக்கு பணியமர்த்தப்படுவார்கள். அப்போது சுழற்சி முறையில் புது புது அரசியல் பணியாளர்கள் வருவார்கள்.

5) பிரதமர் வேட்பாளரின் பணிக்காலம் 5 ஆண்டுகள் மட்டுமே. தொடர்ச்சியாக ஒரே பிரதமர் இரண்டாவது முறை வரக்கூடாது.

6) பிரதமரையும் மக்களே தேர்ந்தெடுக்க வேண்டும். வட இந்தியாவிற்கு ஒரு பிரதமர், தென்னிந்தியாவிற்கு ஒரு பிரதமர் என்று அமைக்கப்பட வேண்டும்.

7) இரண்டு பிரதமர்களை நிர்வாகிக்கும் பொறுப்பு ஜனாதிபதிக்கு இருக்க வேண்டும்.

8) நாடாளுமன்ற வேட்பாளர்கள் ஆண்டுக்கொருமுறை தேர்வு எழுத வேண்டும். (தேர்வு என்பது அவர்கள் ஜெயித்து வந்த தொகுதியில் இருந்து கேட்கப்படும், தேர்வில் தோற்றுப்போகும் வேட்பாளர்கள் இடைநீக்கம் செய்யப்படுவர், இடத்திற்கு இரண்டாம் இடத்தில் இருக்கும் வேட்பாளர் பணியமர்த்தப்படுவார் )

9) தேர்தலில் கையூட்டு கொடுக்கும் வேட்பாளரை ஆதாரப்பூர்வமாக நிரூபித்தால் அடுத்த முறை அவர்கள் தேர்தலில் நிற்கும் தகுதி இழப்பார்கள். அந்த தேர்தலில் நிற்கவே முடியாது, அதோடு 5 ஆண்டு சிறைத்தண்டனை உடனடியாக வழங்கப்பட வேண்டும்.

10) முறைகேடாக தேர்தலுக்கு விண்ணப்பிக்கும் வேட்பாளரை உடனடியாக தகுதி நீக்கம் செய்ய வேண்டும்.

11) வாக்கு பதிவு ஒவ்வொரு மாவட்டத்திற்கும் தனித்தனியாக நடத்தப்பட்டு ரிசல்ட் அன்று மாலையே தெரிவிக்கப்பட வேண்டும். (தனித்தனியாக நடத்தினால் வேட்பாளர்கள் ஒவ்வொரு மாவட்டமாக பிரச்சாரம் செய்யவோ, போக்குவரத்திற்கு இடையூறாகவோ இருக்க, நிற்க வேண்டியதில்லை.)

12) அனைவருக்கும் பிரச்சார மேடை பொதுவானதாக இருக்க வேண்டும்,. ஒவ்வொரு வீடாக சென்று வாக்கு சேகரிக்கிறேன் என்ற பெயரில் பணம் கொடுப்பது, போக்குவரத்திற்கு, பொதுமக்களுக்கு இடையூறாக இருப்பதை தவிர்க்க வேண்டும்.

13) வாரிசு அரசியல் கண்டிப்பாக இருக்க கூடாது,

14) தேர்வு மற்றும் திருவிழாக்காலங்களில் தேர்தல் நடத்த கூடாது.

15) எல்லாருமே எங்கே வேண்டுமானாலும் அனைத்து மாவட்டங்களிலும் வாக்கு பதிவு செய்யலாம் என்ற சட்டம் வந்தால், நிச்சயம் ஊருக்கு சென்று வாக்களிக்க வேண்டாம் என்ற நியதி உருவாக வேண்டும்.

இப்படியெல்லாம் செய்தால் மட்டுமே தேர்தல் நேர்மையானதாக அமையும் என்பதில் மாற்றுக்கருத்து இல்லை..எப்போது தேர்தல் ஆணையம் மேற்கூறியவாறு செயல்படுகின்றதோ அப்போதே நாட்டில் நல்லாட்சி மலரும்.

எப்போது தேர்தல் ஆணையம் திருந்துமோ?
அடுத்த பதிவில் 17வது நாடாளுமன்றத் தேர்தல் நாடகத்தில் இந்திய தேர்தல் ஆணையத்தின் நடிப்பு:

நீங்க நாசமா போயிருவீங்கடா.......

noreply@blogger.com (சிவா) — Wed, 4 Jul 2018 10:22:00 +0530

சத்தியமா சொல்றேன், நீங்க நாசமா போயிருவீங்கடா? எங்களை குடும்பத்தோட அழிச்சிட்டீங்களே டா, எங்களை அணு, அணுவாய் சிதைச்சு சின்னா பின்னமாக்கிட்டீங்கலேடா, உங்களுக்கு நாங்க என்னடா பாவம் செஞ்சோம்? உங்க குழந்தை குட்டிக்கெல்லாம் நாங்க நல்லதுதானே டா செஞ்சோம், ஈவு இரக்கமில்லாம எங்களை கொலை செய்யுறீங்களே, என்னோட பாட்டன், முப்பாட்டன், அப்பன், சித்தப்பன், சித்தி, பாட்டி, ஆத்தா, என் மருமகனுங்க, மருமகளுங்க எல்லோருமே உங்களுக்கு சேவகம் செஞ்சிருக்கோமே யடா? உங்க பிள்ளைங்களை, உங்க பொண்டாட்டிய, உங்க அப்பன், ஆத்தாளை, உங்க அக்கா, தங்கச்சிய, உங்க அண்ணன் தம்பியை கைய, காலை வெட்டினா நீங்க சும்மா இருப்பீங்களே டா, வெக்கங்கெட்ட, மானங்கெட்ட அயோக்கியனுன்களா,

ஏண்டா, நீங்க பொறந்ததிலே இருந்து மண்ணுக்குள்ளே போறவரைக்கும் உங்களுக்கு நாங்க ஊழியம் செஞ்சிருக்கோம், அதுக்காவது ஒரு நன்றிக்கடன் இருக்கா? நன்றிண்ணா என்னான்னு தெரியுமா உங்களுக்கு, மரியாதைங்கிற பெயருக்கு அர்த்தம் தெரியுமா உங்களுக்கு, சும்மா மேடை போட்டு வெட்டியா பேசுறதை விட்டுட்டு போட்டோக்கு செல்பி எடுக்கிறத விட்டுட்டு நீங்க மூடிகிட்டு போனாலே போதும்.

நாங்க அழுகுறது உங்க காதுக்கு கேக்கவே இல்லையாடா, செவிட்டு முண்டங்களா, ஒரு காலத்துல உங்க பாட்டன், முப்பாட்டனெல்லாம் எங்களை தெய்வமா கும்பிட்டானுங்க, எவனோ ஒரு நாதாரி பேச்சை கேட்டு தெய்வம் இல்லேன்னு சொன்னதுக்காக, எங்களை தெய்வமா பாக்காம, உங்க பப்ளிசிட்டிக்காகத் தானே பாக்குறீங்க,

உன் ஆத்தா உனக்கு அவளோட ரத்தத்தை பாலா கொடுத்தா, உன் அப்பன் உனக்கு இந்த மினிக்கிகிட்டு திரியுற உடம்பை கொடுத்தான், ஆனா உனக்கு உயிரை கொடுக்கிறதே எங்க வம்சம்தானடா?

உங்க மூச்சு காத்து நாங்க கொடுத்தது, அதை கூட மறந்திட்டீங்களே, நன்றி கெட்ட மடையர்களே, நீங்கல்லாம் டாக்டருக்கு படிச்சு என்ன பிரயோசனம், என்ஜினியருக்கு படிச்சு என்ன பிரயோசனம், என் பிள்ளை குட்டிகளை, பிஞ்சு மலர்களை கொத்து, கொத்தாய் ஆய்ஞ்சு சாறு எடுக்கிறீங்களே, நாங்க திருப்பி அடிக்க மாட்டோம்கிற ஆணவத்துலேதானே இப்படி ஆட்டம் போடுறீங்க, உண்மையிலேயே கடவுள் இருக்கானா இல்லையா ன்னு எங்களுக்கு தெரியலை, உங்களை வாழ வச்ச எங்களையே வெட்டி சாகடிக்கிறீங்களே, உங்களுக்கு மனசாட்சி உறுத்தாது, உங்களோட வாழுற விபச்சாரிய கூட வாழ வச்சு அனுபவிக்கிறீங்க, ஆனா, எங்களை வாழுறதுக்கு முன்னாடியே சீரழிக்கிறீன்களே, சின்னா பின்னமாக்குறீன்களே,

உன் குடும்பத்துலே வம்சம் விருத்தி அடையலேன்னா, கோவில், கோவிலா போறீங்க, டாக்டரை தேடி போறீங்களே, எங்களோட வம்சத்தை வேரோட அறுத்து உயிரோட கொலை செய்யுறீங்களே, இது நியாயமாடா? உங்க பொறப்புல இருந்து இறப்பு வரைக்கும் எங்க வம்சத்துக்காரங்க கூடவே இருக்காங்களே, நீங்க எவனாவது எங்க பிறப்புக்கு கூட வர்றீங்களா? இல்லேன்னா எங்களோட இழவு வீட்டுக்குத்தான் வர்றீங்களா?

எங்க கண்ணு முன்னாடியே எங்க வீட்டு பொம்பளை பிள்ளைங்களை அனுபவிக்கிறீன்களே, எப்படிடா உங்களுக்கு மனசு வருது? நாங்க கிடைச்சத வச்சு வாழுரவங்கடா, உங்களை மாதிரி பேராசை பிடிச்சு, அடுத்தவன் சொத்துக்கு அலையுற சோத்து கூட்டம் நாங்க இல்லேடா? தரையிலே தவழ்ந்துக்கிட்டு தத்தளிக்கிற எங்க இனத்து ஆட்களை கைபிடிச்சு தூக்கி விட்டுத்தாண்டா எங்களுக்கு பழக்கம், உங்களை மாதிரி ரிசார்ட்ல ரூம் போட்டு ஆளையே சோலி முடிக்கிற அரசியல் எங்களுக்குள்ளே கிடையாதுடா? நீங்க எப்படி இந்த பூமிக்கு வந்தீங்களோ, அதே மாதிரிதான் நாங்களும் இந்த பூமிக்கு வந்தோம், உங்களுக்கு பூமி தான் கடவுள்னா, எங்களுக்கும் அவதாண்டா ஆத்தா, உங்களை மாதிரி நாற்காலிக்கு சண்டை போடுற, பதவிக்கு பல்லாக்கு தூக்குற பத்தாம்பசலிங்க நாங்க இல்லை, எங்களை நம்பி வந்தவங்களை நாங்க அரவணைச்சு பாதுகாப்புதான் கொடுத்திருக்கோம், உங்களை மாதிரி இட்லி சாப்பிட்டோம், குழம்பு குடிச்சோம் னு கதை விட்டுகிட்டு இருக்கலை,

எப்பவுமே டாஸ்மாக்ல தண்ணியடிச்சிட்டு தண்ணியிலே இருக்க மாட்டோம், எங்களுக்கு நாகரிகம் தெரியும், எங்க வீட்டு பிஞ்சு பிள்ளைங்க தலையிலே அழகா பூ வச்சு டான்ஸ் ஆடினா உங்களுக்குத்தான் பொறுக்காதே, உடனே பூவையும் பிச்சு போட்டு அவங்க ஆட்டத்தையும் அடக்கிட்டு போவீங்க! ஆனா நாங்க எதையும் தட்டி கேட்க கூடாது, அப்படித்தானே! நாங்க திருப்பி அடிக்க மாட்டோம்கிற தைரியம்,

எங்களை அழிச்சு பேரு வாங்கினவன் ஆயிரம் பேருன்னா, எங்களை வாழ வைக்கிறேன்னு சொல்லி கேவலப்படுத்துறவன் லட்சம் பேரு, நூறு கோடிக்கும் மேல நாங்க கூட்டம், கூட்டமா வாழ்ந்திட்டு இருக்கோம், எங்கயோ ஒரு இடத்துல ஆர்கே நகர்ல கொடுத்த மாதிரி கொடுத்திட்டு ஊருக்கே கொடுத்த மாதிரி எப்படிடா பினாத்த முடியுது உங்களால?

ஒரே ஒரு நாள் எங்களை சுத்தி நின்னுட்டு அந்த பாழாய் போன செல்போன்ல வித, விதமா படம் பிடிச்சிட்டு அப்புறம் கண்டுக்காம போயிருவீங்க, நாங்க என்னை உங்களை நம்பி வந்த ஈழத்து அகதிங்க ன்னு நினைச்சீங்களா? நேத்திக்கு கூட ஒருத்தன் பத்திரிக்கைக்காரன் முன்னாடி அப்படி என்னை ஆகா ஓகோன்னு புகழ்ந்திட்டு வித, விதமா என்னோட தோள் மேல கைய போட்டு போட்டோ எடுத்திட்டு, போயிட்டான், நான் கூட ச்சே நம்மையும் அவனோட ஒருத்தனா பேசுறானே, நம்மையும் மதிச்சு நம்ம கூட எல்லாம் சரி, சமமா நின்னு போட்டோ எடுக்கானே, இவன் நம்ம சாதிக்காரன்னு நினைச்சேன், ஆனா இன்னிக்கு காலையிலே என் கண் முன்னாடியே என்னோட பிள்ளையே கதற, கதற...ச்சே, என்ன மானங்கெட்ட மனுசனுங்கடா நீங்க, இதுக்குத்தான் நேத்து வளைஞ்சி, வளைஞ்சி போட்டோ எடுத்தியாடா?

எங்க க்ரூப்ல இருக்கிறதுல, நல்லவன் யாரு, கெட்டவன் யாருன்னு நாங்க பார்த்துக்கிறோம், நீங்க முதல்ல உங்ககிட்டே இருக்கிற நல்லவனுங்களை அடையாளம் காமிங்கடா பார்ப்போம், கூட இருந்தே குழி பறிக்குறது, காலை வாரிவிடுறது, நம்பிக்கை துரோகம் செய்யுறது, இதெல்லாம் ஒரு பொழப்பாடா? ஒருத்தன் கூட யோக்கியனில்லை, எவனாவது ஒருத்தன் நாங்க யோக்கியன்னு சொல்லுங்க பாப்போம்,

சட்டைய அழுக்கா போட்டுக்கிட்டு, பங்கர பக்கிரி மாதிரி இருந்திட்டா நீ நல்லவன் கிடையாது, ஊர், உலகம் சொல்லணும், நீ நல்லவன்னு, இன்னிக்கெல்லாம் காசு கொடுத்து நல்லவன்னு சொல்ல சொல்றானுங்க,

நினைச்ச நேரத்துலே நீங்கதானடா பொண்டாட்டியையும் மாத்துவீங்க, புருசனையும் மாத்துவீங்க, ஆனா எங்க வம்சம் என்னிக்கும் அப்படி மாறினது கிடையாது, அப்படி பார்த்தா உங்களை விட நாங்க ஆயிரம் மடங்கு உசந்த சாதிதாண்டா,

கலாச்சாரத்தை பத்தி பேசுறதுக்கு உங்களுக்கு என்னடா தகுதி இருக்கு, எங்களை மரபணுச் சோதனை ன்னு சொல்லி எங்களுக்குள்ளே கேவலமான உறவை உருவாக்கி பாக்குரீங்கலேயடா, த்தூ....இது கூடிக்கொடுக்கிற வேலை மாதிரிலா இருக்கு, நாங்க பாட்டுக்கு சிவனேன்னு போயிகிட்டு இருக்கோம்,

உங்களால எங்களோட அனுமதி இல்லாம ஒரு நொடி கூட வாழ முடியாது, ஆனா, நீங்க எங்களை சாகடிக்க திட்டம் போடுறீங்க, இழவு எடுத்த நாய்களா, அரசியல்வாதி காசு பாக்குறதுக்கு உங்களை மாதிரி படிச்ச முட்டாள்களை கூப்பிட்டு திட்டம் போடுறான், அஞ்சு வருஷம் நாட்டை மேய போற நாய் பேச்சை கேட்டு ஐம்பத்தெட்டு வயசு வரைக்கும் வேலை செய்ய போற நீ அவனுக்கு ஜிங்-ஜாங் போட்டுக்கிட்டு திரியுற?

நவீன உலகம், மின்னணு உலகம்னு உங்களை கனவு காண வைச்சு எங்களோட வம்சத்தை கொஞ்சம் கொஞ்சமா அழிக்கிறீங்க, நாங்க ஏழைங்கதான், நாங்க பீசா, பர்கர் எல்லாம் பார்த்ததே கிடையாது, பலவருஷ காலமா கிடைக்குறத சாப்பிட்டுகிட்டு வாழுறவங்கதான்,

குறைஞ்ச சம்பளத்துக்கு உங்ககிட்டே காலம்பூரா அடிமையா இருக்கோம், இதை விட உங்களுக்கு என்னடா வேணும்? நீங்க எங்களுக்கு உதவி செய்யலேன்னாலும் பரவாயில்லை, உபத்திரவம் செய்யாம இருங்கலேண்டா?

தெரியாமத்தான் கேக்குறேன், ஒரு காலத்துலே ஒத்தையடி பாதையிலே போனீங்க, என்னத்த சாதிச்சீங்க? அப்புறமா ஜல்லிக்கல்லு போட்டு போனீங்க, என்னத்த சாதீச்சீங்க, அப்புறம் தார்ரோடு போட்டு சர், புர் னு பறந்தீங்க, வெறும் அலைச்சல்தான் இருந்துச்சு, ஆனா விஷயம் எதுவும் கிடையாது, அடுத்தது, இரண்டு வழி சாலை போட்டீங்க, அங்கே ஓரமா இருந்த எங்களோட வீடுகளை இடிச்சீங்க, சரி நீங்க நல்லா இருக்கட்டும், ஊருல இருக்கிற பொண்டாட்டி பிள்ளைய பார்க்க சீக்கிரமா போயிட்டு வரட்டும், ஊரு விட்டு ஊரு போயி வியாபாரம் செஞ்சு பெருகி நாட்டை காப்பாத்தட்டும், ஊரை காப்பாத்தட்டும்னு வழி விட்டு உக்காந்தோம், அப்பவும் உங்களுக்கு பேராசை விடலை,

ஏண்டா தருதலைங்களா, இம்புட்டு வேகமா போயி அப்படி என்னதாண்டா சாதிக்க போறீங்க? நாலு வழி சாலை போட்டுட்டா, அப்படி மாசம் நாப்பது லட்சம் சம்பாதிச்சிருவீன்களா? கிழிப்பீங்க? உங்களால ஒரு ம****ம் முடியாதுன்னு எனக்கும் தெரியும்?

வேணும்னா ஒன்னு செய்வீங்க, வேகமா அந்த ஊருல இருக்கிற ஒய்ன்சாப்புல போயி உன் பொண்டாட்டி தாலியை அடகு வச்சு திருப்பி அதே ரோட்ல நடுரோட்ல நாய்கூட சீண்ட முடியாத அளவுக்கு செத்து சுண்ணாம்பா கிடப்பீங்க, ஏன்னு கேக்குறதுக்கு உன் பொண்டாட்டி, பிள்ளைங்க கூட பக்கத்துலே இருக்க மாட்டாங்க,

ரோட்டை விரிவாக்கம் அப்புறமா பண்ணுங்க, முதல்ல உங்க மனச விரிவாக்கம் பண்ணுங்கடா கபோதிகளா? டிஜிட்டல் இன்டியாவாமே, விளங்கிரும், அடப்பரதேசி பக்கி பயலுகளா? நாங்க எல்லோரும் எங்க வேலையை நிப்பாட்டி ஸ்ட்ரைக் செஞ்சோம்னு வைங்களேன், அப்புறம் நீங்க டிஜிட்டல் பொணம்தாண்டா, ஒரு வாட்டி நாங்களும் ஸ்ட்ரைக் செஞ்சு காட்டவா? நாசமா போயிருவீங்க?

ஆனா, நாங்க அதை செய்ய மாட்டோம், ஏன்னா, உங்களை மாதிரி ஈனப்புத்தி எங்களுக்கு கிடையாது, எங்க வம்சம் எப்படி வேரருத்தாலும் சரி, உங்களை காப்பாத்துரதுக்காவே இறைவன் எங்களை படைச்சிருக்கான், அவன் சொன்ன வேலையை நாங்க கண்டிப்பா செய்வோம், உங்களை மாதிரி மனுசங்க ஜாதி கிடையாது, நாங்க "மர" சாதி டா!

ஏண்டா, உன் சாதிக்கு ஒரு பிரச்சினைனா, எங்களை ரோட்ல வெட்டி போடுறியே, எங்க சாதிக்கு ஒரு பிரச்சினைனா, நாங்க ஒரு ஆயிரம் பேரு ஆயிரம் வீட்டுல சாயட்டுமா? நசுங்கி நாறி போயிருவீங்க?

உங்களை மாதிரி ஈனப்பிறவி மனுசப்பிறவி நாங்க கிடையாது, மனுசங்களையும் காப்பாத்துற மானமுள்ள "மர" சாதீ டா!

சமீபத்தில் நான்கு வழிச்சாலை, எட்டு வழிச்சாலை, தங்க நாற்கர சாலை என்று விவாதித்து கொண்டிருக்கிறோம், ஆனால் ஒரே ஒரு நிமிடம் இதை யாருமே சிந்திக்கவில்லையே, நூற்றிஎன்பது கிலோ மீட்டர் வேகத்தில் சென்று அங்கே என்ன புடுங்க போகிறோம் என்று தெரியவில்லை, போகும் வழியில் இயற்கையை, இயற்கை அன்னையின் பிள்ளைகளை ரசித்து கொண்டே மெல்ல சென்றால் என்ன? ஏன் அத்தனை வேகம்? அவ்வளவு பெரிய சாலை? வேகமாக சென்று கடந்த இரண்டு தலைமுறைகளில் நாம் சாதித்தது என்ன? ஒன்றுமே இல்லையே, அரசியல்வாதியின் அவசர தேவைக்கு அகலமான ரோடு? அன்றாடங்காய்ச்சிக்கு அல்வாவா?

மரங்களை வளர்ப்போம், அனைத்து உயிர்களையும் காப்போம்!

சாலைகள் போடுவதற்கு ஐயாயிரம் மரங்களை வெட்டி சாய்க்கின்றோம், இதற்குள் அம்பதாயிரம் மரங்களை உருவாக்கியிருக்க வேண்டுமே? அதை யாருமே செய்யவில்லையே! இனிமேல் ஒவ்வொரு நிறுவனமும் போட்டி போட்டு கொண்டு மரத்தை நட்டு வைத்து விட்டு (அன்று ஒரு நாள் மட்டும் தண்ணீர் ஊற்றி விட்டு) அப்புறம் கண்டு கொள்ளாமல் செல்வதெல்லாம் ஒரு பொழைப்பா? வெட்டுறது ஈசி, ஆனால் வளர்ப்பது கஷ்டம், ஆனால் நமக்காக தானாகவே வளரும் அந்த வம்சத்தை, தலைமுறையை நாமே அழிப்பது நியாயமா?

கீச்! கீச்! கீச்! ஊரின் ஒதுக்குபுறத்தில் தூக்க கலக்கமானதால், வண்டியை புளியமரத்தடியில் நிறுத்தி விட்டு காற்று வாங்கி கொண்டே அசந்து தூங்கி போனேன்! கனவில் மரம் கொடுத்த பேட்டியை தான் மேலே கூறியிருக்கிறேன், என்ன ஒரு தீர்க்கம், என்ன ஒரு கோபம் அந்த "மர" சாதிக்கு? உண்மைதானே!

(இதில் வரும் கதாபாத்திரங்கள் யாவும் கற்பனையே, யாரையும் குறிப்பிடுவன அல்ல )

3 சிறுமிகள், 30 பெண்கள், 300 இரவுகள் - எங்க வீட்டு சாந்தி முகூர்த்தம், விரைவில் உங்கள் உளர்ஸ் டிவியில்......

noreply@blogger.com (சிவா) — Wed, 18 Apr 2018 09:03:00 +0530

இது ஆண்களுக்கு மட்டுமல்ல பெண்களுக்கும் உரிய பதிவு. அந்த சானலுக்கு அந்த ப்ரோகிராமுக்கு தடை சொல்லுங்கள். ஏதாவது ஒரு ஊடகம் துணிவிருந்தால் ஸ்டெர்லைட் ஆலையின் விபரீதங்களை சொல்லுங்கள், காவிரி பிரச்சினையின் கண்றாவிகளை சொல்லுங்கள், மரம் வளர்க்க சொல்லிகொடுங்கள், தண்ணீர் சேகரிக்க சொல்லிக்கொடுங்கள், தான தர்மம் வழங்க சொல்லிக்கொடுங்கள், பெண்கள் பாதுகாப்பு விழிப்புணர்வினை பற்றி சொல்லிக்கொடுங்கள், தயவு செய்து மாமா வேலை பார்க்காதீர்கள்,

தமிழ் நாட்டில் ஆயிரம் ஆயிரம் பிரச்சினைகள் ஓடிக்கொண்டிருக்கிறது, எவன் நாசமாக போனால் நமக்கென்ன என்று பெண்களை கொச்சை படுத்தும் ஒரு கும்பல் தமிழ்நாட்டில் ஊடுருவி கொண்டிருக்கிறது, கல்லூரி பேராசிரியையின் காமலீலைகள், வாட்சப் பில் பரவலாகி கொண்டிருக்கிறது, அது ஒரு பக்கம் எனில், கேவலமான கான்செப்ட்டை ஸ்க்ரிப்ட் தயார் செய்து பெண்களை போகப் பொருளாக மாற்றி ஒரு அண்ணிடம் அடகு வைக்கும் அப்பா, அம்மாக்கள், ஒரு ஆணுக்கு அலையும் பெண்ணாக பெண்ணை கேவலப்படுத்தியிருப்பதும், அதற்கு பொது மக்களிடம் கருத்து கேட்பதும் மிகவும் கேவலமான செயலே, தமிழ்நாட்டு கலாச்சாரம் எங்கே போயிக் கொண்டிருக்கிறது,?

மகளிர் ஆணையமும் தூங்கி கொண்டிருப்பது ஆச்சரியத்தை தருகின்றது, இதை ஒரு பொழுது போக்காக பார்க்க வேண்டும் என்று சொல்பவர்கள், உங்க வீட்டு பெண்ணை ஆர்யா கூட அனுப்பி வைப்பீங்களா?

அந்த கேடுகெட்ட சுயம்வரத்தில் பங்கு கொள்ளும் அந்த பெண்ணை தேர்ந்தெடுக்கும் மாப்பிள்ளையின் பார்வை எப்படி இருக்கும்?

குடும்பமே சேர்ந்து கொண்டாட இது என்ன பிறந்தநாள் விழாவா? கலாச்சார சீர்கேட்டின் உச்ச கட்டம், இதை சொன்னதும், ஒருவர் என்னிடம் உங்களுக்கு பொறாமை வயித்தெரிச்சல் என்று சொன்னார், அதே நபரிடம் திருப்பி கேட்டேன், நாளை உங்கள் பொண்ணை இதே மாதிரி ஒரு பிரபலத்திற்கு ஜோடியாக அனுப்பி வைப்பீர்களா என்று, கல்லூரி பெண்களும், பள்ளி மாணவிகளும், இதைத்தான் விரும்பி பார்க்க வைத்துள்ளது, இந்த சமுதாயம்,

கேட்டால் பெண்ணின் சுதந்திரத்தை கட்டுபடுத்தாதே என்று எகத்தாளம் வேறு, இதுவா பெண்ணின் சுதந்திரம், பெண் சாதிக்க பிறந்தவள், சாக்கடை அல்ல, எல்லா பன்னிகளும் உருண்டு மேய்ந்து செல்ல, பெண் அமைதியானவள் என்று சொல்ல காரணம் தென்றலை போன்றவள், அவள் புயலாகவும் மாறுவாள் என்பதற்காக!

எதிர்காலத்தில் இந்த சமுதாயம் எப்படி மாறிப்போகும்? எந்தளவிற்கு தரம் தாழ்ந்து போகும், பொருளாதார சூழ்நிலைகள் சரியில்லையே, ஒரு நடுத்தர, ஏழை குடும்பங்களை சார்ந்த பெண்களின் மனநிலை எவ்வாறு இருக்கும்? எந்த எதிர்விளைவுகளையும் பற்றி சிந்திக்காத ஒரு தொலைகாட்சி ஊடகம்

ஏதாவது ஒரு ஊடகம் சாதித்த பெண்மணிகள் என்று ப்ரோக்ராம் எடுத்து வெளியிட்டுள்ளதா? சமுதாயத்தில் அவர்கள் பட்ட வேதனைகளை எடுத்து சொல்லுகிறதா? அதை விட்டுட்டு தேவையில்லாத ஆசைகளை வன்மங்களை தூண்டி பெண்களை கில்லுக்கீரையாக்கி இருக்கிறது, ஆர்யாவுக்கு வேண்டுமென்றால் இது டைம் பாசாக இருக்கலாம், ஆனால் எத்தனை பெண்களின் வாழ்க்கையை சீரழிக்கின்றான், நாளை எங்க வீட்டு சாந்தி முகூர்த்தம் என்றும் கூட ஒளிபரப்பு செய்யும், அதையும் வேடிக்கை பார்க்கும், பொது மக்களிடம் கருத்தும் கேட்டு அவர்கள் சேனலின் டிஆர்பி ரேட்டிங்கை ஏற்றிக்கொள்வார்கள், ஆனால் அவமானப்படுவது யார்?

ஸ்டெர்லைட் ஆலையை மூட சொல்லி ஒரு மாவட்டமே போராடி கொண்டிருக்கிறது, மறு பக்கம் காவிரி மேலாண்மை வாரியம் வைக்க கோரி தமிழ்நாடே பற்றி எரிகிறது,

ஆனால் எதை பற்றியும் கவலைப்படாத ஒரு ஊடகம் மாமா வேலை பார்த்து கொண்டிருக்கிறது, பெண்ணை இன்னும் போக பொருளாக அடிமைப்படுத்த நினைக்கிறது ஒரு கும்பல்,

எவ்வளவு வக்கிரமான, கீழ்த்தரமான ஒரு செயல், ஒரு ஆணை தேடி முப்பது பெண்கள் திருமணத்திற்கு அலைவது போல ஒரு ப்ரோக்ராம், அதில் நாயகனாக வரும் ஆர்யா அங்கே பங்கு பெரும் ஒவ்வொரு பெண்ணுடனும் டான்ஸ் ஆடுகிறார், மருதாணி போடுகிறார், அவர்களோடு சேர்ந்து கூத்தடிக்கின்றார்,

நாட்டு பிரச்சனைகளை மறைக்க இந்த மாதிரியான செயற்கைகளை உருவாக்கி பேட்டிஎடுக்கிரார்கள், மானங்கெட்ட தமிழர்களே (இந்த கலாச்சார சீரழிவிற்கு ஆதரவாக பேட்டி கொடுப்பவர்களைத்தான் ) சொல்கின்றேன்,

உங்கள் வீட்டு பெண் இப்படி ஒரே ஆணோடு சுயம்வரம் செய்ய ஏற்றுக்கொள்வீர்களா? அப்படியெனில் இதற்கு ஆதரவு கொடுங்கள், கலர்ஸ் தமிழ் என்றொரு சானல், ஆர்யா மற்றும் 3 பெண்களை தேர்ந்தெடுக்கின்றாராம், இதுவா பெருமை, போதும் பெண்களை இழிவுபடுத்தும் கீழ்த்தரமான செயல், நிறுத்துங்கள்,

ஒரு எட்டு வயது சிறுமி பாலியல் பலாத்காரம் செய்யப்பட்டு கொல்லப்பட்டதற்கு இந்தியாவே பற்றி எரிகிறது, ஆனால் எதை பற்றியும் கண்டுகொள்ளாத ஒரு அரசாங்கம்,

ஆசிபா விற்கு ஆதரவு கொடுப்பதும் இதே இளைஞர்கள்தான், இந்த மாதிரியான அலங்கோலங்களுக்கு ஆதரவு கொடுப்பதும் நீங்கள்தானா? அப்படியெனில் ஆசிபா விற்கு கொடுக்கும் ஆதரவு போலியானதா?

விளம்பர இடைவேளைக்கு பிறகு கலர்ஸ் தமிழ் வழங்கும் முதலிரவு தொடரும், இப்படியும் நாளை போடுவார்கள், சினிமா கதாபாத்திரங்களில் கடவுளின் பெயரில் ஒருத்தி தாசி வேடத்தில் வருகிறாள் என்பதற்காக தியேட்டரையே அடித்து நொறுக்கியவர்கள் தமிழர்கள், இன்று அடுத்தவரின் அந்தரங்கங்களை படம் எடுத்து காசு பார்க்கும் கூட்டத்திற்கு கரகோஷம் வேறா?

மானமுள்ள தமிழர்கள், உடனடியாக இந்த நிகழ்ச்சியை நிறுத்துங்கள், பெண் பிள்ளைகளின் நெஞ்சங்களில் நஞ்சினை விதைக்காதீர்கள், அவளுக்குள் தேவையற்ற கற்பனைகளை வளர்த்து அவளது எதிர்பார்ப்புகளை கொச்சைபடுத்தாதீர்கள், பாரத் மாதா கி "ச்சே" பெண் வழக்கறிஞர்களே, இந்த நிகழ்ச்சி உங்களை காயப்படுத்தவில்லையா? இழிவுபடுத்தவில்லையா?

வாட்டாள் நாகராஜனுக்கு பகிரங்க சவால்!

noreply@blogger.com (சிவா) — Sat, 14 Apr 2018 08:45:00 +0530

தமிழ் நாட்டில் மட்டுமே இந்த கேவல கூத்துக்கள் அரங்கேறும் என்பதற்கு காவிரி மேலாண்மை வாரியம் ஒரு சான்று,

இது எப்படி இருக்கிறது தெரியுமா? சில கிராம வழக்குகளில் பெண்ணை கெடுத்தவரே அவளை திருமணம் செய்து கொள்ளலாம் என்று வழங்கும் தீர்ப்பை போல இருக்கிறது,

அதாவது திமுக ஆட்சியில் இருக்கும் போது காவிரி நதி நீர் பற்றி அந்த பிரச்சினைகள் வரும்போது வாயே திறக்க மாட்டார்கள், எதிர் கட்சியாக இருக்கும் அதிமுக வும் போராட்டம், ஆர்ப்பாட்டம் என்று ஆடுவார்கள், ஆனால் ஒருவருமே இந்த அம்பது ஆண்டுகால ஆட்சியில் ஒரு ஆணியும் புடுங்கலை, இந்த உதவாக்கரை கூட்டணி கட்சிகள், உதிரி கட்சிகள் மட்டும் யோக்கியமா என்ன?

தேர்தல் நெருங்கும் நேரத்தில் அவர்களுடைய கட்சியை காப்பாற்ற இந்த இரண்டு ஜாம்பவான் கட்சிகளுடன் கூட்டு சேர்ந்து கொண்டு, ஓட்டு போட்டுவிட்டு திருப்பி ஒரு கோரிக்கையை வைப்பார்கள், கோரிக்கை என்பது நாட்டிற்காக இருக்காது, கட்சி வளர்ச்சி அல்லது தொகுதிக்குள் போயிட்டு வருவதற்கு) கொஞ்சம் செலவுக்கு காசு என்று கேட்பார்கள், கேட்டது கிடைக்காவிட்டால் நாங்கள் வெளிநடப்பு செய்கின்றோம் என்று மக்களை கூமுட்டை ஆக்கிவிட்டு சட்டசபையில் எதிர்வரிசையில் சென்று உக்காந்து கொண்டு இந்த ஆட்சியை கலையுங்கள், சட்ட ஒழுங்கு சரியில்லை, சட்டை பொத்தான் சரியில்லை என்று லூசுத்தனமாக கூவிக்கொண்டிருப்பார்கள்,

எவனாவது ஒருத்தன், ஒரு கட்சித் தலைவன் இந்த விஷயத்தை மாற்றி அமைச்சிருக்கானா பாருங்க, இந்த வைகோ இருக்காரு பாருங்க, அவர் நிதானமா நடந்து போறாரா, இல்லேன்னா, டாக்டர் தினமும் பத்து கிலோமீட்டர் நடந்து போங்கன்னு சொன்னதுக்கு நடக்குறாரான்னு தெரியலை, அவர் எதுக்கு நடக்குராரான்னு தெரியாமலே சில கூமுட்டைங்க அவர் பின்னாடி நடப்பானுங்க, ஸ்டாலின் ஆட்சியை பிடிக்க மாட்டாரு, முடியாதுன்னு சொன்னாரு, அப்புறம் ஸ்டாலின் என்னோட தம்பின்னு சொல்லிட்டு திரியுறாரு, என்ன கண்றாவி, இதையெல்லாம் கேட்கணும், பார்க்கனும்னு தமிழனுக்கு தலையெழுத்து,

இந்த ஆர்டிஓ ஆபீசுல புதுசா எல்எல்ஆர் போடுறவன் எப்படி திரு, திரு ன்னு முழிப்பான், அப்படி ஒரு முழி முழிக்கிறாங்க தமிழ்நாட்டு முதலமைச்சர்கள், அதுல யாரு முதலமைச்சர்னு அவங்களுக்கே தெரியலை, நாமதான் முதலமைச்சரா இல்லேன்னா வேற யாராவாது நாடோடி முதலமைச்சரான்னு எல்லோருக்குமே டவுட் இருக்கத்தான் செய்யுது,

ஆனா ஒரு விஷயம் கன்பார்ம், திருப்பி காங்கிரஸ் ஆட்சிக்கு கூட தமிழ் நாட்டுல வந்திரும், ஆனா, இந்த பிஜேபி கண்டிப்பா வராதுங்கிறது கன்பார்ம் ஆகிடுச்சு,

தமிழ்நாட்டை விட்டுட்டு அவுங்க வேற எங்கியாவது போயி கூத்து நடத்தி பிழைச்சிக்கலாம், அதுதான் அவனுங்களுக்கு நல்லது, ஸ்டாலின், துரைமுருகன் ஒரு பக்கம் காமெடின்னா, இபிஎஸ்-ஓபிஎஸ் இன்னொரு பக்கம் காமெடி, உதிரில பார்த்தா வைகோவும், பாமகவும், விசிக வும், தனி காமெடி டிராக், இவங்களை நம்பித்தான், தமிழ்நாடு, இன்னும் இந்த விவசாயிங்க இவனுங்களை தலைவர்னு நம்புரானுங்க பாருங்க,

இதுக்கு என்னாங்க சொல்யூசன், கடைசிவரைக்கும் பொது மக்களும் வாட்சப்ப்ள மீம்ஸ் போட்டு ஸ்கோர் ஏத்திகிட்டு இருக்க வேண்டியதுதான், மக்கள் ஒண்ணா சேர்ந்து வேலை பார்த்தாதான் இவனுங்க திருந்துவானுங்க,

இதுல நடிகர்கள் வேற பண்ற அலம்பலை பார்த்தா கன்றாவியா இருக்கு, பாதிக்கு மேல வரி கட்ட மாட்டானுங்க, சினிமாவுல பேசுற வசனம் நிஜத்துல இருக்காது, தமிழ்நாட்டு ரசிகர்கள் கூமுட்டைங்கன்னு நினைச்சு தினம், தினம் ஒரு படம் காமிக்கிரானுங்க,

ஸ்டெர்லைட் பிரச்சினையை கொண்டு வந்தானுங்க, அப்புறமா காவிரி மேலாண்மையை தூக்கிகிட்டானுங்க, முதல்ல ஸ்டாலின் அவர்களுக்கு ஒரு விஷயத்தை நாம சொல்லியே ஆகணும், சும்மா, இந்த சட்டைய கிழிச்சிக்கிறது, வசனம் பேசுறது , இதையெல்லாம் நிறுத்திட்டு,

மான, ரோசம் இருந்தா, உடனே உங்க மருமகன்கிட்டே சொல்லி சன்டீவி குழுமத்துகிட்டே சொல்லி கர்நாடகாவுல ஓடுற நம்ம ஊர் சானல்ல நிறுத்த சொல்லுங்க பார்ப்போம், அதை விட்டுட்டு அஞ்சுக்கும், பத்துக்கும் கந்து வட்டி வாங்கி கடைய போட்டா, உனக்கு உணர்வில்லையா, உயிரில்லையான்னு அப்பாவி ஜனங்களை உசுப்பேத்தி விட்டு கடைய அடைக்க சொல்ல கூடாது, காமெடி பண்ணிக்கிட்டு இருக்க கூடாது, உங்க திமுக காரங்க எத்தனை பேரு கர்நாடகாவுளே வியாபாரம் செய்வான், அவனையெல்லாம் முதல்ல அந்த ஊரை விட்டு அந்த மாநிலத்தை விட்டு வெளியே வர சொல்லு தலிவரே, அப்பால பாக்கலாம்,

உங்களுக்கு வந்தா ரத்தம், எங்களுக்குன்னா தக்காளி சட்னியா?

நம்ம மாநிலம் மாதிரியே வாட்டாள் நாகராஜன் ஒரு காமெடி பீசு, நம்ம ஊரு அப்பாவி தமிழர்களை அடிக்கிராம்ல, உண்மையிலே அவன் ஆம்பளையா இருந்தா, தில் இருந்தா, எங்க தமிழன் உங்க ஊருல ஆரம்பிச்சிருக்கிற சன் குழுமத்தோட சானல் மேல கைய வை பார்ப்போம், வாட்டாள் நாகராஜன் வீரப்பன் இருக்கிற வரைக்கும் வாய திறக்கலை, வீரப்பன் போன பிறகுதான் ஆட்டத்தை ஆரம்பிச்சிருக்கான், மண்ணுக்கு ஒரு நல்லவன் இருந்தா, அவனை இவனுங்க எல்லாவனும் சேர்ந்து மண்ணுக்குள்ளே அனுப்பிருவானுங்க, வாட்டாள் நாகராஜனுக்கு பகிரங்க சவால், எங்க ஊர்க்காரன் ஆரம்பிச்சிருக்கிற சானலை உன்னால நிறுத்த முடியுமா? உனக்கு உண்மையிலேயே அந்த தில் இருக்கா?

ஸ்டாலின் காவிரி மேலாண்மை வாரியத்துக்காக ஊர் ஊரா நடக்கிறாரு, மாட்டு வண்டி ஓட்டுறாரு, எல்லாம் சரிதாங்கோ, ஒரு கட்சித்தலைவனுமே மண்வெட்டியை தூக்கி, விவசாயம் செய்யலை, தலைவன் ஒரு விஷயம் செஞ்சா உடனே ஒட்டுமொத்த தொண்டர்களும் அதையே செய்வானுங்க பார்த்திருக்கீங்களா, தலைவன் தண்ணீர் பந்தல் திறந்தா அதையே செய்வானுங்க, தலைவன் தீக்குளிப்பென்னு சொன்ன உடனே இவனுங்க தீக்குளிச்சிருவானுங்க, ஆனா ஏதாவது ஒரு தலைவன் ஆளும்கட்சி, எதிர்க்கட்சி, உதிரிக்கட்சி, இன்னும் பூக்காத கட்சித் தலைவன் எவனாவது ஒருத்தன், ஒரே ஒருத்தன் விவசாயம் செய்ய போறோம், எங்க ஊரு விவசாயிக்கு ஆதரவா தண்ணி இறக்கி கொடுக்க போறோம்னு சொல்லிருக்கானா? ஒருத்தன் கூட கிடையாது,

ஒருத்தன் டி போடுவான், ஒருத்தன் பக்கோடா விப்பான், ஒருத்தன் பிச்சை எடுப்பான், ஒருத்தன் தெரு, தெருவா வாக்கிங் போவான், ஆனா எவனுமே தமிழ்நாட்டுல இருக்கிற பிரச்சினைக்கு வாய திறக்கல,

எங்கயோ லண்டன்ல, சிங்கப்பூர்ல, மலேசியாவுல இருக்கிற தமிழன் ஸ்டெர்லைட் க்கு எதிரா போராடுரானுங்க, இங்கே உள்ளூர்ல இருக்கிற கீதா ஜீவன் இங்கே களி கிண்டிகிட்டு இருக்கு, இன்னொரு டிக்கெட் என்னடான்னா, ஹனிமூனுக்கு போயிருக்கும் போல, எங்களுக்கும் சொந்த பந்தம் இல்லையா ன்னு ஒரு அமைச்சர் போன்ல கேக்குறான், அப்படீன்னா பதவிய ராஜினாமா செஞ்சிட்டு சொந்த பந்தத்தோட போயிட்டு வா தங்கமே! நீ இங்கே உக்காந்து ஒன்னும் சாதிக்க போறது கிடையாது,

வேதாந்தா நிறுவனம் நம்மளை பார்த்து கேவலமா, எகத்தாளமா சிரிக்குது, பன்னாடை ஊடகங்கள் எது எதுக்கோ நாலு பேரை உக்கார வச்சு பேசுறானுங்க, ஒருத்தன் கூட வேதாந்தாவுல ஊடகங்கள் விலை போனதை நாலு கட்சிக்காரனை வச்சு, தூத்துக்குடி பொது மக்களை வச்சு பேச வேண்டியதுதானே, ஆக இந்த வேசி ஊடகங்கள் செய்யுற கூத்துக்கு பொது மக்கள் சாகத்தான் வேணும், மக்கள் நீதிமன்ற தடையை மீறினா, கடும்தண்டனை கொடுப்பானுங்க, ஆனா மத்திய அரசு நீதிமன்ற உத்திரவை மீறலாம், பாவம் மத்திய அரசு என்னதான் செய்யும், ஸ்கீம் ங்கிற வார்த்தைக்கு அர்த்தத்தை இன்னும் டிக்சனரியிலே தேடிகிட்டுத்தான் இருக்கானுங்க, கிடைக்க மாட்டேங்குதே!

இது எல்லாத்தையும், சும்மா, சும்மா வாட்ஸ்அப் ள படிச்சு பார்த்திட்டு சிரிச்சிட்டு போறானுங்க, நம்ம ஊரு இளசுங்க, எல்லோருமே வாட்டாள் நாகராஜனுக்கு சவால் விடுங்க, தில் இருந்தா கீழே இருக்கிற, உங்க ஊருல ஓடுற ஏதாவது ஒரு சானல இழுத்து மூடு பார்ப்போம், அடிச்சு நொறுக்கு பார்ப்போம்,

பாவம் எங்க தளபதி அவங்க அப்பா ஆட்சி பண்ணப்ப கோமாவுல இருந்தாரு போல, ஆனா இப்போ அவருக்கு சுயநினைவு வந்திருச்சு, இப்போ வாங்கடா, என் தலைவன் சிரிச்சிகிட்டே போராடுவார்டா எங்க தங்க தளபதி, இதுக்கெல்லாம் அசரமாட்டாரு, எங்க தலைவரோட சொந்தக்காரங்க பிள்ளைங்க எவ்வளவு தில்லா உங்க ஊருல இருக்காங்க, உன்னால அவங்கள தூக்க முடியலை, வாட்டாள் நாகராஜனுக்கு தில் இருந்தா, திராணி இருந்தா எங்க ஊரு திமுக காரன் கம்பெனியை, சொந்தக்காரன தேடி கண்டுபிடிச்சு கைய வச்சு பாரு, அப்போ பாரு என்ன நடக்குதுன்னு? எனக்கு தெரிஞ்சு வாட்டாள் நாகராஜன் ஒரு கட்டப்பஞ்சாயத்து ஆளுன்னு நினைக்கிறேன், அவனும் நம்ம தமிழ்நாட்டு சன்டீவி குழுமத்துகிட்டே கையேந்தி பிச்சை எடுத்திருப்பான்னு நினைக்கிறேன், நீங்க என்ன நினைக்கிறீங்க? உதயா க்ரூப் ஆப் சானல் மேல கைய வைக்கவே பயப்படுதானே,

பொழுதுபோக்கு தொலைக்காட்சி	உதயா டி.வி.
திரைப்படத் தொலைக்காட்சி	உதயா மூவீஸ்
இசை தொலைக்காட்சி	உதயா மியூசிக்
செய்திகள் தொலைக்காட்சி	உதயா நியூஸ்
குழந்தைகள் தொலைக்காட்சி	சிண்டூ டி.வி.
சிரிப்பு தொலைக்காட்சி	உதயா காமெடி

அவ்வளவுதாங்க......

அசால்ட் அரசியல், சால்ரா ஊடகங்கள் Vs சாவின் விளிம்பில் தூத்துக்குடி மக்கள்......

noreply@blogger.com (சிவா) — Tue, 27 Mar 2018 09:25:00 +0530

மணமக்களை வாழ்த்திட்டு இழவு வீட்டுக்கு போங்க.......

பிரதான கட்சிகளின் Bad Play - STERLITE!

ஸ்டெர்லைட் விவகாரத்தை இன்று லாப நோக்கினில் அரசியல் நடத்தும் கேவலமான பிரதான கட்சிகள், அதற்கு ஒரு சில ஊடகங்களும் துணை போவதும் வேதனைக்குரியதாகிறது, யாரை காப்பாற்ற இந்த நாடகம்,? இன்று புதியதாய் உருவாகும் பல்வேறு அரசியல் கட்சிகளுக்கு என்ன நடக்கின்றது என்றே தெரியுமா? இன்று பொறுப்பில் இருக்கும் பல்வேறு அமைச்சர்களுக்கு நாட்டு பிரச்சினைகளின் வரலாறு தெரியுமா? மும்பையில் இருந்து விவசாயிகளால் புறந்தள்ளப்பட்ட திட்டத்தை அதிமுகவின் ஜெயலலிதா இருகரம் கூப்பி வரவேற்றார். உடனே ஆர்ப்பாட்டம் செய்து எதிர்க்க வேண்டுமே என்ற கட்டாயத்திற்காக திமுக அதனை கடுமையாக விமர்சனம் செய்தது. முடிந்து விட்டதா? இல்லை, திமுக ஆட்சியில் கலைஞர் தலைமையில் அதற்கு அனுமதி வழங்கி உத்திரவிட்டது. அப்படியெனில் இவர்கள் எதிர்க்கட்சியாக இருக்கும் போது அது தவறு, ஆளும்கட்சியாக இருக்கும்போது அது நியாயம். மாநிலத்தில் இவர்களின் ஆட்டம் அப்படியெனில், மத்தியில் காங்கிரஸ் யும், பாஜக வும் போட்டி போட்டு கொண்டு அனுமதி வழங்கி தமிழர்களை அசிங்கப்படுத்தி அவமானப்படுத்தியது. கடந்த ஆண்டு ஜல்லிக்கட்டுக்கு முக்கியத்துவம் கொடுத்த ஒரு சில பிரபல ஊடகங்கள் இன்று அதனை ஏதோ போனால் போகிறது என்று செய்தி வெளியிட்டதையும் நினைக்கையில் தமிழர்களை எந்தளவிற்கு வஞ்சித்து இருக்கிறார்கள் என்பது தெரிய வருகிறது. இன்றும் பாருங்கள், ஸ்டாலின் தலைமையில் கண்டன தீர்மானம் நிறைவேற்றி இருக்கிறார்கள், நீங்களே அனுமதியும் வழங்கி விட்டு இன்று நீங்களே கண்டன தீர்மானமா? தமிழர்களை இதை விட அவமானப்படுத்த முடியாது என்று இளைஞர்களும், தூத்துக்குடி வாழ் மக்களும் கொந்தளித்து போயிருக்கிறார்கள். யாருக்காக இந்த நடிப்பு, நாடகங்கள், அய்யா கட்சி தலைவர்களே, நீங்கள் உதவி செய்யாவிட்டாலும் பரவாயில்லை, எங்களை இப்படி அவமானப்படுத்தாதீர்கள் என்று கொந்தளித்து போயிருக்கின்றது போராட்ட குழுவினர். மாட்டிற்கு கொடுத்த மரியாதையை கூட மனிதர்களுக்கு கொடுக்காத ஒரு சில ஊடகங்கள்! மக்களின் அன்றாட வாழ்வினை , வாழ்க்கை போராட்டத்தினை "விளம்பர இடைவேளைக்கு பிறகு" என்று கல்லா கட்டும் கயவர்கள்! இவர்களை போன்றவர்களால் உண்மையாக களத்தில் உணர்வுப்பூர்வமாக நிற்பது யார் என்றே மக்களுக்கு தெரியாமல் குழப்பி விடுகின்றார்கள்!

இதுவும் ஒரு கேடு கெட்ட அரசியல் தந்திரமே! இன்று படையெடுக்கும் ஒவ்வொரு குட்டி குட்டி கட்சிகளும் அவர்களின் கட்சி வளர்ப்பிற்கு தகுந்த தலையங்கத்தை தேடி கொண்டிருக்கிறார்கள், பிணங்களின் மீது அரசியல் கேள்விப்பட்டிருக்கலாம், ஆனால் நிஜமாகவே மக்களின் உணர்வுகளை கொஞ்சம் கூட புரிந்து கொள்ளாமல் கட்சி கொடிகளை பறக்கவிட்டு அவர்களின் கேள்விகளை கேலிக்கூத்தாக்கும் வேலைகளை செய்யாதிருக்க வேண்டும், மக்கள் ஒற்றுமை இல்லாததும் இதற்கு காரணம் என்றும் கூட சொல்லலாம், காரணம், ஒரு பக்கம், மக்கள் ஆர்ப்பாட்டம், போராட்டம் என்று போராடிக்கொண்டிருக்கும் போதே மறுபக்கம் சதிகார அரசியல் பேடிகளால் எங்களுக்கு தீர்வு கிடைத்து விட்டது, நாங்கள் வாபஸ் பெற்றுக்கொள்கிறோம், நன்றி என்று ஒரு குழுவினர் சொல்வதை பணவெறி பிடித்த ஒரு சில ஊடகங்களை கொண்டு போராட்டத்தை முறியடிக்க நினைக்கும் கேவலங்கள்தான் அரங்கேறி வருகின்றது. இந்த நிலை மாற வேண்டும், ஸ்டெர்லைட் ஆலை பற்றிய விபரம் எத்தனை பேருக்கு தெரியும், இன்றைய இளைய தலைமுறைக்கு இதன் வரலாறு தெரியுமா? இதோ அந்த வரலாறு...

தூத்துக்குடியில் கடந்த 22 ஆண்டுகளாக நிலத்தையும், நீரையும், காற்றையும் மாசுபடுத்திக் கொண்டு ஆயிரக்கணக்கான மக்களின் உடல் நலத்தை பாதித்துக் கொண்டிருக்கும் ஸ்டெர்லைட் தாமிர உருக்கு ஆலையின் குற்றங்களுக்கெல்லாம் கண்துடைப்பு தண்டனையாக ஐந்து ஆண்டுகளுக்கு முன்னரே ரூ 100 கோடி அபராதம் கட்டும்படி உத்தரவிட்டிருக்கிறது உச்ச நீதிமன்றம்.

2010-ல் ஸ்டெர்லைட் தாமிர ஆலையை மூடும்படி பிறப்பிக்கப்பட்ட சென்னை உயர்நீதிமன்ற உத்தரவை தள்ளுபடி செய்து நீதிபதிகள் ஏ கே பட்னாயக், எச் எல் கோகலே அடங்கிய உச்ச நீதிமன்ற அமர்வு மேற்கண்டபடி தீர்ப்பளித்தது.

‘உயர் நீதிமன்றத் தீர்ப்புக்கு இடைக்கால தடை வாங்குவதற்காக ஸ்டெர்லைட் பொய்யான தகவல்களை தந்ததும், தகவல்களை மறைத்ததும் உண்மைதான். ஆனாலும், அவர்களுக்கு நிவாரணம் வழங்கியிருக்கா விட்டால் அது தொழிற்சாலையை மூடுவதில் முடிந்திருக்கும்’ என்று குறிப்பிட்டு ஸ்டெர்லைட்டின் அந்த குற்றத்தை மன்னித்திருக்கிறார்கள் நீதிபதிகள்.

‘1997 முதல் 2012 வரை ஸ்டெர்லைட் இழைத்த சேதங்களுக்கு நிவாரணமாகவும், உரிய அனுமதிகள் பெறாமல் தொழிற்சாலையை நீண்ட காலம் நடத்தியதற்கு அபராதமாகவும் ரூ 100 கோடி கட்ட வேண்டும். 2010-11ல் கம்பெனியின் லாபமான ரூ 1,043 கோடி முந்தைய நிதி ஆண்டில் கிடைத்த ரூ 744 கோடியை விட 40 சதவீதம் அதிகம். அதனால் ரூ 100 கோடி ரூபாய் அபராதம் என்ற கடும் தண்டனையை விதிக்க வேண்டியிருக்கிறது’ என்று சவடாலாக உறுமியிருக்கிறது உச்சநீதிமன்ற தீர்ப்பு.

‘ஸ்டெர்லைட் ஆலை உருவாக்கும் வேலை வாய்ப்புகள், அரசுக்கு செலுத்தும் வரித் தொகைகள், அது உற்பத்தி செய்து நாட்டுக்கு அளிக்கும் தாமிரத்தின் முக்கியத்துவம் இவற்றைக் கருத்தில் கொண்டு அபராதத்தைக் கட்டி விட்டு அது தனது நடவடிக்கைகளை தொடர அனுமதிக்கிறோம்’ என்று ‘பாலியல் வல்லுறவு செய்த மைனர் அபராதம் செலுத்தி விட்டு பாதிக்கப்பட்ட பெண்ணை திருமணம் செய்து கொள்ளலாம்’ என்ற ஆலமரத்து சொம்பு நாட்டாமையைப் போல தீர்ப்பளித்திருக்கிறது உச்சநீதிமன்றம்.

ஸ்டெர்லைட்2011-12ம் ஆண்டில் ஸ்டெர்லைட் நிறுவனம் விற்பனையின் மூலம் ரூ 19,051 கோடி ஈட்டியிருக்கிறது. அதில் ஊழியர்களுக்கு ஊதியமாக கொடுக்கப்பட்ட தொகையின் மதிப்பு வெறும் ரூ 92 கோடி மட்டுமே. ஸ்டெர்லைட்டின் மொத்த விற்பனை வருமானத்தில் 0.48% பெற்றுத் தரும் வேலை வாய்ப்புகளுக்காக லட்சக்கணக்கான மக்களின் உடல் நலத்தையும், மீனவர்களின் வாழ்வாதாரத்தையும் அழித்துக் கொள்ளலாம் என்கிறது உச்ச நீதிமன்றம்.

சென்ற நிதியாண்டில் ஸ்டெர்லைட் நிறுவனம் அரசுக்கு செலுத்திய ரூ 960 கோடி கலால் வரியையும், சுமார் ரூ 550 கோடி வருமான வரியையும் முழுவதுமாக செலவிட்டால் கூட நிலங்களுக்கும், கடல் வளங்களுக்கும், மக்களின் உடல் நலத்துக்கும் இந்த ஆலை ஏற்படுத்தியுள்ள பாதிப்புகளுக்கு நிவாரணம் செய்வது சாத்தியமில்லை என்பதுதான் நிதர்சனம்.

சமூகத்துக்கு மாபெரும் பாதிப்புகளை ஏற்படுத்தி ஸ்டெர்லைட் நிறுவனம் சென்ற ஆண்டு ஈட்டிய நிகர லாபம் ரூ 1,657 கோடி (விற்பனை மதிப்பில் 8.6%). இந்த லாபத்தில் 56.64% (ரூ 939 கோடி) டுவின் ஸ்டார் என்ற லண்டனைச் சேர்ந்த வேதாந்தா குழும நிறுவனத்துக்கும், 12.45% (ரூ 206 கோடி) சிட்டிபேங்க் நியூயார்க்குக்கும் போகிறது. ஒரு ஆண்டில் ரூ 939 கோடி ரூபாய் லாபம் பெறும் வேதாந்தா, ஸ்டெர்லைட் நிறுவனத்தில் செய்த பங்கு முதலீடு வெறும் 336 கோடி மட்டும். அதாவது 16 ஆண்டுகளில் தனது முதலீட்டுப் பணத்தை பல மடங்கு திருப்பி எடுத்த பிறகு சென்ற ஆண்டு முதலீட்டின் மீது சுமார் 300% லாபம் ஈட்டியிருக்கிறது.

மராட்டிய மாநிலம் இரத்தினகிரியில் ஸ்டெர்லைட்டின் தொழில் வளாகம் அமைக்கும் முயற்சி விவசாயிகளின் கடும் எதிர்ப்பு போராட்டங்களைத் தொடர்ந்து 1.5.1994-ல் தடை செய்யப்பட்டது. அப்போதைய தமிழ்நாடு முதலமைச்சராக இருந்த ஜெயலலிதா ஸ்டெர்லைட்டை இரு கரம் நீட்டி வரவேற்று 30.10.1994 அன்று தூத்துக்குடியில் ஸ்டெர்லைட் தாமிர உருக்கு ஆலைக்கு அடிக்கல் நாட்டினார். ஆரம்பம் முதலே, ஸ்டெர்லைட்டுக்கு எதிராக தூத்துக்குடியைச் சேர்ந்த மீனவர்களும், உழைக்கும் மக்களும், சில கட்சிகளும் தொடர்ந்து போராடி வருகின்றனர்.

ஸ்டெர்லைட் ஆலைக்கு தமிழ்நாடு மாசு கட்டுப்பாட்டு வாரியம் 1.8.1994 அன்று வழங்கிய அனுமதி கடிதத்தில் ‘சுற்றுச் சூழல் பாதுகாக்கப்பட வேண்டிய மன்னார் வளைகுடாவிலிருந்து 25 கிலோமீட்டர் தொலைவிற்கு அப்பால்தான் தொழிற்சாலை அமைக்கப்பட வேண்டும், தொழிற்சாலையைச் சுற்றி 250 மீட்டருக்கு பசுமை வளையம் அமைக்கப்பட வேண்டும்’ என்ற நிபந்தனைகள் விதிக்கப்பட்டிருந்தன.

ஆனால் மக்களின் எதிர்ப்புகளை மீறி 1997-ம் ஆண்டு இயங்க ஆரம்பித்த ஆலை மன்னார் வளைகுடாவிலிருந்து 14 கிமீ தொலைவில் அமைக்கப்பட்டிருந்தது; ஆலையைச் சுற்றி பசுமை வளையமும் ஏற்படுத்தப்படவில்லை.

21.9.2004 முனைவர் தியாகராசன் தலைமையிலான குழு ஸ்டெர்லைட்டின் இயக்கத்தை ஆய்வு செய்து விதிமுறை மீறல்களை பட்டியலிட்டது. இரு உருளைவடிவ தாங்கு உலைகளையும், கழிவுகளை தூய்மை செய்யும் ஓர் உலையையும், ஒரு ஆனோடு உலையையும், ஒரு ஆக்சிஜன் பிரிவையும், ஒரு கந்தக அமிலப் பிரிவையும், ஒரு காஸ்டர் பிரிவையும், ஒரு கன்வெர்டரையும் எவ்வித அனுமதியும் பெறாமல் கட்டியுள்ளனர். இரண்டு பாஸ்பரஸ் அமில பிரிவுகளும், சுத்திகரிப்பு மற்றும் தொடர்ச்சியான காஸ்டர் ராட் உருவாக்கும் பிரிவும் கட்டப்பட்டு வருவதாகவும் அதற்கும் அனுமதி பெறவில்லை என்றும் அந்த அறிக்கையில் சுட்டிக் காட்டப்பட்டது.

28.9.2010 அன்று சென்னை உயர் நீதிமன்றத்தில் நீதியரசர் எலிப் தர்மராவ், பால்வசந்தகுமார் தலைமையிலான அமர்வு ஸ்டெர்லைட் தாமிர உருக்கு ஆலையை நிரந்தரமாக மூட ஆணை பிறப்பித்தது. “ஸ்டெர்லைட் ஆலை வந்தீவு கிராமத்திலிருந்து 6 கி.மீ. தொலைவிலும் கசுவார் கிராமத்திலிருந்து 7 கி.மீ. தொலைவிலும், கரைச்சல்லி, விளங்குசல்லி கிராமங்களிலிருந்து 15 கி.மீ. தொலைவிலும் உள்ளது. இந்த நான்கு கிராமங்களும் மன்னார் வளைகுடாவில் அமைந்துள்ள 21 தீவுகளில் அடங்குபவை. இதனால் 1995-ல் தமிழ்நாடு மாசு கட்டுப்பாட்டு வாரியம் கொடுத்த அனுமதி கடிதத்தின் நிபந்தனைகளை ஸ்டெர்லைட் மீறியிருக்கிறது தெளிவாகிறது.”

“இந்த நான்கு தீவுகளையும் சேர்த்து 21 தீவுகளை கொண்டுள்ள மன்னார் வளைகுடா வனவிலங்குகள் பாதுகாப்பு சட்டத்தின் பிரிவு 35(1)ன் கீழ் பாதுகாக்கப்பட்ட பகுதியாக அறிவிக்கப்பட்டுள்ளது. அந்த சட்டத்தின் பிரிவு 35(4)ன் கீழ் மன்னார் வளைகுடாவை ஒரு கடல்சார் தேசிய பூங்காவாகவும் அறிவிக்கலாம்” என்று நீதிமன்றம் குறிப்பிட்டது.

“மன்னார் வளைகுடா சுற்றுச்சூழல் பாதுகாக்கப்பட வேண்டிய பகுதி என்பதில் சந்தேகமில்லை. எனவே இந்தப் பகுதியில் உயிர்வாழ் ஆதாரங்களை பாதுகாப்பதற்காக தொழிற்சாலைகளை ஒழுங்குபடுத்தும் அதிகாரம் மத்திய அரசுக்கு உள்ளது. மத்திய அரசு அத்தகைய உத்தரவை பிறப்பித்ததும் ஸ்டெர்லைட் தொழிற்சாலையை சிப்காட் தொழில் வளாகத்திலிருந்து இடம் மாற்ற ஏற்பாடுகள் செய்ய வேண்டும்” என்று தீர்ப்பளித்திருந்தது உயர்நீதி மன்றம்.

உயர்நீதி மன்றத் தீர்ப்பை எதிர்த்து ஸ்டெர்லைட் நிர்வாகம் உச்சநீதிமன்றத்தில் மேல் முறையீடு செய்தது. ஸ்டெர்லைட் கொடுத்த பொய்யான தகவல்களையும், உண்மை நிலவரங்களை திரித்து கூறியதையும் அடிப்படையாக வைத்து உச்சநீதிமன்றம் உயர்நீதிமன்றத்தின் ஆணைக்கு உடனடியாக இடைக்காலத் தடை விதித்து ஆலை தொடர்ந்து இயங்க வழி வகுத்தது. தொடர்ந்து 3 ஆண்டுகளாக இழுத்தடித்த வாதங்களுக்குப் பிறகு 2013 ஏப்ரல் முதல் வாரத்தில் வழங்கிய இறுதித் தீர்ப்பில் ஆலையை மூடும் உயர் நீதிமன்றத்தின் தீர்ப்பை தள்ளுபடி செய்துள்ளது உச்சநீதிமன்றம்.

இந்தியாவின் தாமிர தேவைக்காக ஸ்டெர்லைட் தொண்டு செய்கிறது என்பது ஆதாரமற்ற வாதம். 1992-ல் இந்திய தாமிர உற்பத்தித் துறை தனியார் முதலீட்டுக்கு திறந்து விடப்பட்டது. 1996-ல் 62,000 டன்னாக இருந்த தாமிர உற்பத்தி 2007-ல் 9.97 லட்சம் டன்னாக உயர்ந்தது. இப்போது இந்தியாவின் தாமிர தேவை ஆண்டுக்கு 4 லட்சம் டன் மட்டுமே. ஆண்டுக்கு சுமார் 4 லட்சம் டன் தாமிரமும் தாமிரப் பொருட்களும் இந்தியாவிலிருந்து ஏற்றுமதி செய்யப்படுகின்றன. அதனால், ஸ்டெர்லைட் ஆலை மூடப்பட்டு அது உற்பத்தி செய்யும் சுமார் 4 லட்சம் டன் தாமிரம் நின்று போனாலும் நாட்டுக்குத் தேவையான தாமிரத்தின் அளவு எந்த வகையிலும் பாதிக்கப்படப் போவதில்லை.

தாமிர உற்பத்திக்கான தொழிற்சாலைகள் ஏன் இந்தியாவில் இடம் பெயர்ந்தன? வெளிநாடுகளிலிருந்து மூலப் பொருளை இறக்குமதி செய்து, உற்பத்தி பொருளில் பெரும்பகுதி வெளிநாடுகளுக்கே ஏற்றுமதியாகும் தொழில் இங்கு இயங்க வேண்டிய அவசியம் என்ன? 2011-12ல் செய்த ரூ 19,051 கோடி மதிப்பிலான தாமிரப் பொருட்களின் விற்பனைக்கு ரூ 16,094 கோடி மதிப்புள்ள இறக்குமதி செய்யப்பட்ட தாமிர அடர் கரைசலை மூலப்பொருளாக பயன்படுத்தியிருக்கிறது ஸ்டெர்லைட்.

சுற்றுச் சூழலையும் மக்கள் உடல்நலனையும் பாதிக்கும் தொழிற்சாலைகளை வளரும் நாடுகளுக்கு இடம் மாற்றி அவற்றின் உற்பத்தி பொருட்களை இறக்குமதி செய்து பயன்படுத்துவதுதான் அமெரிக்கா, மேற்கு ஐரோப்பா, ஜப்பான் போன்ற சுற்றுச் சூழல் பாதுகாப்பு தந்திரமாக இருக்கிறது. பல பத்தாண்டுகள் முன்னேற்றம் காணாத, பாதுகாப்பற்ற தொழில் நுட்பங்களை பயன்படுத்தி நடத்தப்படும் உற்பத்தியில் வெளியாகும் கழிவுப் பொருட்களை சுத்திகரிக்க செலவழிக்காமல் வெளி விடுவதன் மூலம் ஏற்றுமதி பொருளின் விலை குறைவாக பராமரிக்கப்படுகிறது.

தாமிரம் உற்பத்தி செய்யப்படும்போது கந்தக டை ஆக்சைடுடன், நச்சு வாயுக்களும் வெளியாகின்றன. 1 டன் தாமிரம் உற்பத்தி செய்யப்படும் பொழுது 2 கிலோ கந்தக டை ஆக்சைடு வெளியிடப்படுகிறது. காற்றில் கலக்கும் துகள்கள் காற்றை கடுமையாக மாசுபடுத்துகின்றன. தொழிற்சாலையிலிருந்து வெளியாகும் கழிவுநீரில் உள்ள காரீயம், காட்மியம், துத்தநாகம், ஆர்செனிக், பாதரசம் போன்ற உலோகங்கள் நீரை நேரடியாக நச்சுப்படுத்துகின்றன. ஒரு டன் தாமிரம் உற்பத்தி செய்யப்படும்போது, மூன்று டன் திடக்கழிவு வெளியிடப்படுகிறது. திடக்கழிவுகள் கொட்டப்படும் நிலங்கள் மீட்க முடியாதபடி பாழாகின்றன.

மாசு உருவாவதையும், வெளியாவதையும் தடுப்பதற்கான ஆராய்ச்சிகளுக்கோ, உருவான மாசை தூய்மைப் படுத்துவதற்கோ பணம் செலவழிக்காமல் மலிவு விலையில் பொருட்களை உற்பத்தி செய்யும் உள்ளூர் முதலாளிகளும், வாங்கி பயன்படுத்தும் பன்னாட்டு முதலாளிகளும் கொள்ளை லாபம் ஈட்டுகின்றனர். சுற்றுச் சூழல் மாசுபடுவதை கண்காணிக்க வேண்டிய மாசுக் கட்டுப்பாட்டு வாரிய அதிகாரிகளுக்கு கொடுக்க வேண்டியதைக் கொடுத்து வளி, நீர், நில மாசுகளை தொடர்ந்து வெளியேற்றி தமது சுரண்டலையும் கொள்ளை லாபம் ஈட்டலையும் தொடர்கிறார்கள்.

ஸ்டெர்லைட் ஆலையில் இந்த ஆண்டு மார்ச் மாதம் 23-ம் தேதி ஏற்பட்ட கந்தக டை ஆக்ஸைடு கசிவினால் பகுதி மக்கள் பாதிக்கப்பட்டனர். அதனால் தீவிரமடைந்த எதிர்ப்புப் போராட்டங்களைத் தொடர்ந்து தமிழ்நாடு மாசுக் கட்டுப்பாட்டு வாரியம் ஆலையின் செயல்பாட்டை நிறுத்தும்படி உத்தரவிட்டது. மாசு கட்டுப்பாட்டு வாரியத்தின் மூடல் உத்தரவை ரத்து செய்யக் கோரும் ஸ்டெர்லைட்டின் மேல் முறையீட்டை பசுமை வாரியம் விசாரித்து வருகிறது.

திருப்பூரில் சாயப் பட்டறைகள் அழித்தொழித்த நொய்யல் ஆற்றையும் அவற்றால் பாழாக்கப்பட்ட சார்ந்த விளைநிலங்களையும் வேலூர் மாவட்டத்தில் தோல் பட்டறைகளால் பாழடிக்கப்பட்ட விளைநிலங்களையும் நீர் ஆதாரங்களையும் நாட்டின் பொருளாதார வளர்ச்சி புள்ளி விபரங்கள் காட்டுவதில்லை.

உலகளாவிய உற்பத்திச் சங்கிலிகளை இணைத்து இயக்கும் பன்னாட்டு நிறுவனங்கள், அவர்களுக்கு குறைந்த செலவிலும் மக்களுக்கு அதிக பாதிப்பிலும் மூன்றாம் உலக நாடுகளில் உற்பத்தி செய்த பொருட்களை ஐரோப்பாவிலும், அமெரிக்காவிலும் உயர் விலைக்கு விற்று லாபம் ஈட்டி கொழுக்கின்றனர். நிலத்தையும், நீரையும், காற்றையும் அதன் மூலம் மக்களின் உடல் நலத்தையும் வாழ்வாதாரங்களையும் அழித்து விட்டு பாயைச் சுருட்டிக் கொண்டு அவர்கள் இன்னொரு நாட்டுக்குத் தமது கொள்ளையைத் தொடர நகர்ந்த பிறகு பல நூறு ஆண்டுகளுக்குப் பிறகும் இந்த அழிவுகளின் விளைவுகளை மக்கள் சுமக்கின்றனர்.

மாசு கட்டுப்பாட்டு வாரியம், சுற்றுச் சூழல் அமைச்சகம், உயர் நீதி மன்றம், உச்ச நீதி மன்றம், ம.தி.மு.க.வின் வழக்குகள் போன்ற நீதித்துறை நடவடிக்கைகளை அத்தகைய தொழில் செய்யும் முறையின் சைட் ஷோக்களாகவே கருதி தமது சுரண்டலை தொடர்கின்றன பன்னாட்டு நிறுவனங்கள்.

இதில் ஸ்டெர்லைட்டை கொண்டு வந்த ஜெயலலிதா தற்போதைய இடைக்காலத் தடை மூலம் போற்றப்படுகிறார். போராடும் மக்களை திசைதிருப்பும் இந்த ஏமாற்று நடவடிக்கையை பலரும் ஆதரிக்கின்றனர். புதிய பொருளாதாரக் கொள்கையின் கீழ் நடந்து வரும் மறுகாலனியாக்க நடவடிக்கைகள் மக்களை மட்டுமல்ல, நாட்டின் இயற்கை வளத்தையும் அழிக்கின்றன என்பதற்கு ஸ்டெர்லைட் ஆலை ஒரு துலக்கமான சான்று.

மக்களையும், இயற்கை வளத்தையும் நாசமாக்கும் ஸ்டெர்லைட் ஆலை!

அமெரிக்காவில், 1890 ஆம் ஆண்டு, வாஷிங்டனுக்கு அருகில் அமைக்கப்பட்ட அசார்கோ (Asarco) எனும் தாமிர ஆலை, மக்கள் எதிர்ப்பால், 1984 இல் மூடப்பட்டது. கொள்ளை இலாபம் இந்த ஆலையில் கிடைக்கிறது என்பதால், அமெரிக்காவிலும், சிலியிலும் பயனற்றது என்று தூக்கி எறியப்பட்ட பழைய இயந்திரங்களையும், 70 ஆண்டுகளுக்கு முற்பட்ட பழைய தொழில்நுட்பத்தையும் கொண்டு, தமிழ்நாட்டில் இந்த ஸ்டெர்லைட் ஆலை அமைக்கப்பட்டுள்ளது.

தாமிரபரணியில் இருந்து முறைகேடாக, திருவைகுண்டம் அணைக்கட்டிற்கு முன்னதாகவே ஸ்டெர்லைட் ஆலை குழாய் மூலம் தண்ணீர் எடுத்து வருகின்றது. தமிழகத்தில் புற்றுநோயால் பாதிக்கப்படும் நபர்கள் அதிகம் சிகிச்சை பெறுவது தூத்துக்குடி அரசு மருத்துவக் கல்லூரி மருத்துவமனையில்தான். சிறுநீரக கோளாறால் பாதிக்கப்படுபவர்கள் எண்ணிக்கையிலும் தூத்துக்குடி மாவட்டம்தான் தமிழகத்தில் முதலிடம் வகிக்கின்றது.

தூத்துக்குடி மாநகரிலும், சுற்றியுள்ள பகுதியிலும் குழந்தைகளுக்கு நோய் தாக்குதல் அதிகரித்து வருகின்றது. சுவாசக் கோளாறு, புற்று நோய், கண் எரிச்சல், நுரையீரல் சார்ந்த வியாதிகள், மலட்டுத் தன்மை மற்றும் சிறுநீரகம் சார்ந்த நோய்கள் தூத்துக்குடியில் அதிகரித்து வருவதற்கு காரணகர்த்தாவாக ஸ்டெர்லைட் தொழிற்சாலைதான் உள்ளது.

ஸ்டெர்லைட் ஆலையின் ஸ்லாக் எனப்படும் கருப்பு கழிவுகள், வெள்ளைநிற ஜிப்சம் ஆகிய கழிவுகள் அகற்றப்படாமல் குவிக்கப்பட்டு வருவதோடு, கழிவுகளைக் கொண்டு சாலைகள் அமைத்து வருவது, கிராமங்களில் கொட்டுவது, நீர் நிலைகளில் கொட்டுவது என்று சூழல் சீர்கேட்டினை ஏற்படுத்தி வருகின்றது ஸ்டெர்லைட் ஆலை. இந்தக் கழிவுகளால் பொதுமக்கள் நேரடியாக பாதிக்கப்படுகின்றனர்.

தெற்கு வீரபாண்டியபுரம் மற்றும் அதைச் சார்ந்த அ.குமாரரெட்டியார்புரம், காயலூரணி ஆகிய கிராமங்களில் நிலத்தடிநீர் விஷ நீராக மாறிவிட்டது. இதுகுறித்து மஞ்சள் நீர் காயலில் உள்ள தமிழ்நாடு குடிநீர் வடிகால் வாரியம் சான்றிதழ் மூலம் தெரியபடுத்தியுள்ளது.

மத்திய அரசின் நகர்புற மேம்பாட்டு அமைச்சகம் ஆய்வின்படி சுற்று சூழலிலும், நிலத்தடி நீர் மாசுபாட்டிலும் இந்தியாவில் தொழில் நகரமான தூத்துக்குடி மிக மோசமான நகரம் என்றும், ஆபத்தான நகரம் என்றும் அறிவிக்கப்பட்டுள்ளது. இதற்கு மூல காரணம் ஸ்டெர்லைட் தொழிற்சாலை. அதனால் தங்களது உயிர் காக்க, தலைமுறைகள் தழைக்க, மக்கள் தொடர் போராட்டங்களில் ஈடுபட்டு வருகின்றனர்.

தூத்துக்குடியில் ஸ்டெர்லைட், சத்திஸ்கரில் பால்கோ, ஒரிசாவில் வேதாந்தா அலுமினியம் கோவாவில் சேசா கோவா என்று இந்தியாவையே வளைத்துப் போட்டிருக்கும் வேதாந்தா குழுமம் இந்திய அரசியல் கட்சிகளுக்கு 2011 ஆம் ஆண்டில் $2.01 மில்லியனும் (சுமார் ரூ 11 கோடி), கடந்த (2010 -2012) மூன்று ஆண்டுகளில் மொத்தம் $5.69 மில்லியனும் (சுமார் ரூ 28 கோடி) நன்கொடையாக கொடுத்திருக்கிறது. நாடாளுமன்ற தேர்தல் நடந்த 2009-10-ம் ஆண்டில் வேதாந்தாவிடமிருந்து $3.66 மில்லியன் பணத்தை பெற்றிருக்கின்றன இந்திய அரசியல் கட்சிகள்.

ஆளும் காங்கிரஸ் கட்சிக்கும், எதிர்க் கட்சியான பாரதீய ஜனதா கட்சிக்கும் வேதாந்தா தொடர்ந்து நன்கொடைகளை வழங்கி வந்திருக்கிறது. இந்துத்துவா குழுக்களால் நடத்தப்படும் லண்டனில் இருக்கும் கிருஷ்ணா அவந்தி தொடக்கப் பள்ளிக்கும் வேதாந்தா நிதி அளிக்கிறது. வேதாந்தாவின் ஸ்டெர்லைட் நிர்வாக இயக்குநராக கடந்த 2004 ஆம் ஆண்டு வரை ப.சிதம்பரம் பதவி வகித்து வந்தார். அதனால் பெரிய அளவில் அரசியல் நெருக்கடி ஏதுமின்றி தொடர்ந்து தப்பித்து வருகின்றது ஸ்டெர்லைட் ஆலை.

எனினும் மக்கள் மன்றத்தில் தீர்ப்புகள் எழுதப்படும் போது பதில் சொல்லித்தானே ஆக வேண்டும்.

அமைதி பூங்கா தமிழகம்-இபிஎஸ் காமெடி!

noreply@blogger.com (சிவா) — Thu, 8 Mar 2018 01:15:00 +0530

காவல்துறையின் மீது தொடர்ந்து அவப்பெயர்கள், அவ்வப்போது எப்போதாவது காவல்துறையின் சாதனைகள், எல்லாவற்றையும் தாண்டி, போக்குவரத்து காவல்துறையின் அடாவடி வசூல் வேட்டை என்று நாளுக்கு நாள் ஒவ்வொரு புகார்கள்.

திருச்சி -தஞ்சாவூர் தேசிய நெடுஞ்சாலையில் தலைக்கவசம் அணியாமல் சென்ற இளம் தம்பதியினரை காவல்துறை விரட்டி பிடித்து எட்டி உதைத்து கீழே தள்ளி அந்த பெண் மரணித்து போனாள், அப்பாவி பெண்மணி உஷா, வெட்கக்கேடான விஷயம் என்ன தெரியுமா? பெண்களை போற்றும் மகளிர் தினத்தினை நாளை கொண்டாடப்போகின்றோம். ஒரு விஷயம் எங்களுக்கு புரியவில்லை? அவர்கள் என்ன கொலைக்குற்றவாளிகளா? ஏன் விரட்டி பிடிக்க வேண்டும், வண்டி எண்ணை குறித்து வைத்து கொண்டு நீதிமன்றம் மூலமாக நடவடிக்கை எடுக்கலாமே!

அப்படி என்ன வசூல் வேட்டை வேண்டிக்கிடக்கிறது? இப்போது காவல்துறை ஆய்வாளர் காமராஜால் இறந்து போன சகோதரி உஷாவை, இன்னும் உலகத்தையே பார்க்காத அந்த சிசுவின் உயிரினை திருப்பி தர முடியுமா? தலைக்கவசம் அணியாததால் அவர்கள் அபராதம் கட்ட தயார், இறந்து போன உயிரை காவல்துறை திருப்பி தர முடியுமா?

இரண்டு விஷயங்கள் புலப்பட வில்லை. யாருக்காக இந்த வசூல் வேட்டை? இந்த வசூல் வேட்டையால் தமிழக நிதி சுமை குறைந்து விட போகின்றதா? தலைக்கவசம் அணியாமல் பயணம் செய்வது தவறுதான், அதில் மாற்றுக்கருத்து இல்லை, ஆனால் சாலையின் குறுக்கே நுழைந்தோ அல்லது விரட்டி பிடித்தோ அவர்களுக்கு தண்டனை கொடுக்க வேண்டுமா? அவ்வளவு ஒழுக்கமானவர்களா? அந்த ஒரு சில காவல்துறை அதிகாரிகள்?

நாளை இதற்கு அனைத்து ஊடகங்களும் விவாத களம். விவாத மேடை எல்லாம் வைப்பார்கள்? எங்கள் சகோதரி உஷாவை யார் திருப்பி தருவார்கள்? காவல்துறையிடம் பதில் இருக்கிறதா? நீதி கேட்டு போராடுகிறார்கள் இளைஞர்கள், பொதுமக்கள்.

இறந்து போனவளுக்காக கொஞ்சம் கூட வருந்தாமல், அந்த பொதுமக்கள் கூட்டத்திற்குள் நுழைந்த கருப்பு ஆடுகள், சமூக விரோதிகள் காவல்துறையின் மீது தாக்குதல் நடத்த, விளைவு தடியடி!

அமைதிப்பூங்காவாம் தமிழகம் முதல்வர் செய்தி வாசிக்கின்றார். வேடிக்கையாக இருக்கிறது?

சாலையின் குறுக்கே வண்டியை நிறுத்த கூடாது, வழிமறிக்க கூடாது என்று நீதிமன்றமும் உத்திரவு கொடுத்துள்ளதே! அந்த நீதியை காப்பாற்ற வேண்டிய காவல்துறையே, நீதியை, சட்டத்தை மீறி விட்டு பொதுமக்களை மட்டும் சட்டத்தை பின் பற்ற வேண்டும் என்று சொல்வது எந்த விதத்தில் நியாயம் என்று தெரியவில்லை.

இன்றும் போக்குவரத்து துறை ஆய்வாளர்களுக்கு துணையாக ஹோம் கார்ட் என்ற போர்வையில் உள்ள இளைஞர்கள் அடாவடியாக வாகனங்களை நிறுத்தி, வாகனங்களுக்கு இடையே புகுந்து பயம் காட்டுவது, வாகன சாவிகளை பறிமுதல் செய்வது? எதற்கு இந்த அவசரத்தனம் என்று தெரியவில்லை.

வெளிப்படையாக சொல்லுங்கள் காவல்துறை அதிகாரிகளே, உங்களை கட்டாய வசூல் நடத்த சொல்வது யார்? யாருக்காக இந்த அதிரடி, அடாவடி வசூல் வேட்டை? சட்டம், ஒழுங்கை காப்பாற்ற துடிக்கிண்றீர்களா? மணல் கொள்ளையை தடுத்து நிறுத்துங்களேன், மதுக்கடைகளில் இருந்து குடித்து விட்டு வெளியே வந்து வாகனங்களை எடுக்கும் போதே பிடித்து விடலாமே? ஏன் அப்போது பிடிப்பதில்லை.

இன்று உசாவிற்கு நேர்ந்த கொடுமை நாளை உங்கள் வீடுகளிலும் நடக்கலாம். பொதுமக்களின் கோரிக்கையை நிறைவேற்றுவதுதான் காவல்துறை மற்றும் அரசாங்கத்தின் வேலை. செய்யுமா? உஷாவையும் அவரது வயிற்றில் வளர்ந்த பிள்ளையையும் கொன்ற காவல்துறை அதிகாரி காமராஜ் கு தூக்கு தண்டனை வழங்க வேண்டும். அவரோடு பணியில் இருந்த அனைவரையும் பணி நீக்கம் செய்ய வேண்டும்? நியாயம் வழங்க வேண்டும் அரசாங்கம், இதை செய்யுமா?

விசாரணை, வழக்கு என்று இழுத்தடித்து விட்டு வேறு ஊருக்கு மாற்றல் வழங்கி காப்பாற்றத்தான் துடிக்கும். இந்த காவல்துறை.

தமிழர்களின் அடையாளம்தான் பெரியார். அவரது சிலையை அவமானப்படுத்துகிறது ஒரு கூட்டம், அதற்கு எதிர்ப்பு தெரிவிக்கிறது ஒரு கூட்டம். இரண்டையும் சண்டை மூட்டி தூண்டி விட்டு வசனங்கள் பேச வைத்து கல்லா காட்டுகிறது ஒரு கூட்டம்.

நீங்கள் பேசியது தவறு என்று சுட்டிக்காட்ட கூட தைரியமில்லாத ஒரு முதலமைச்சர். துணை முதல்வர். இவர்கள் யாருக்கு பயப்படுகின்றார்கள், பல முதல்வர்கள் அரசியல் கட்சி தலைவர்களால் போற்றப்பட்டவர், பெரியார். அந்த பெரியாருக்கே ஒரு அவமானம். அதையும் ஏன் என்று கேட்க துணிவில்லாத ஒரு முதல்வர்.

ஹெச்.ராஜா ஒரு மாபெரும் இயக்கத்தின், கட்சியின் பிரதிநிதி. என்ன தைரியத்தில் அவர் இப்படி பேசுகின்றார்? தனக்கு எதுவும் தெரியாது, தன்னுடைய அட்மின் தான் இந்த காரியத்தை செய்தார் என்று சொல்கின்றார், அதையும் ஊடகங்கள் கேட்டுக்கொண்டு வருகின்றது. ஏன் இதை வாசித்தவுடனே தகவல் தெரிவிக்க வில்லை, டெல்லி சென்று விட்டு திரும்பிய பிறகு இந்த பதில்?

ஒரு மாபெரும் வன்முறையை தூண்டியவர் மீது எந்தவித நடவடிக்கையும் இல்லை, ராஜாவின் வலைப்பக்கத்தில் அவரது அனுமதி இல்லாமல் போட்ட அட்மின் அவர்களின் பெயரை ஏன் குறிப்பிடவில்லை, ஏன் ஊடகங்களும் அதை உடனடியாக கேட்கவில்லை?

உங்களுடைய அனுமதி இல்லாமல் உங்களிடம் காம்பிக்காமல் அவரே தகவல்களை வெளியிடும் உரிமையை அவருக்கு அளித்தது யார்? இப்படி பல, பல கேள்விகள்? உங்கள் பக்கத்தை மற்றொருவர் பயன்படுத்துகிறார், அந்த உரிமையை அவருக்கு வழங்கியது யார்? அவரின் பெயர் என்ன?

செய்வதையெல்லாம் செய்து விட்டு பழியை தூக்கி இன்னொருவர் மீது போடுவது, ராஜா மற்றும் பிஜேபியின் பயத்தை காட்டுகிறது. தவறு செய்த ராஜா மீது ஏன் மத்தியில் ஆளும் பாரதிய ஜனதா நடவடிக்கை எடுக்க வில்லை. வெறும் விளக்கம் மட்டும் கேட்டு விட்டு விட்டதாக சொல்வது கூட நம்பும்படியாக இல்லையே.

தமிழ்நாட்டில் எந்தவித அசம்பாவிதங்களும் நடக்கவில்லை என்பது போன்ற மாய தோற்றத்தை முதல்வர் உருவாக்க முயற்சி செய்கிறாரா?

முதல்வரின் தொடர் மவுனம் காரணம் என்ன? பாஜக வுக்கு பயப்படுகிறாரா? அம்மாவின் ஆன்மா இவர்களை மன்னிக்காது....

சிறந்த மாநகராட்சியாக திருநெல்வேலி???உண்மையா?

noreply@blogger.com (சிவா) — Tue, 24 Oct 2017 09:24:00 +0530

23.10.2017 திங்கள்கிழமை, வழக்கம் போல விடிந்தது, திங்கள்கிழமை பரபரப்பு மக்களிடையே ஒட்டிக்கொள்ள, மாவட்ட ஆட்சித்தலைவர் அலுவலகம் பரபரப்போடு இயங்கி வருகின்றது. சிறு சிறு குழுக்களாக, தங்களின் ஏக்கங்கள், கனவுகள், லட்சியங்களை நெஞ்சில் சுமந்து கொண்டும், பலத்த எதிர்பார்ப்புகளோடும் கனத்த இதயங்களோடும் அலுவலக வளாகத்திற்குள் பொது மக்கள் கொஞ்சம், கொஞ்சமாக கூடத் தொடங்குகின்றார்கள். குறை தீர்க்கும் நாள் ஒவ்வொரு திங்கள்கிழமையும் நெல்லை மாவட்டத்தில் நடைபெறும், இதில் மாவட்ட ஆட்சியர் கலந்து கொண்டு பொது மக்களிடம் இருந்து மனுக்களை பெற்றுக்கொள்வார். அந்த மனுக்கள் எல்லாம் முறையாக பரிசீலிக்கப்பட்டதா என்று ஆட்சியர் திரும்ப கவனத்தில் கொண்டு வருவாரா என்பது நேற்றைய சம்பவத்தில் இருந்து கேள்விக்குறிதான். மனுக்கள் பெறப்படுகின்றன. ஒரு சில மனுக்கள் விசாரிக்கப்படுகின்றன. அந்த ஒரு சில மனுக்களில் ஒரு சில மனுக்கள் தள்ளுபடி செய்யப்படுகின்றன.

அதே வகையில் வழக்கமான பலத்த எதிர்பார்ப்புகளோடு நெல்லை மாவட்டம் காசிதர்மம் பகுதியைச் சேர்ந்த இசக்கிமுத்து குடும்பத்தோடு வந்து ஏமாற்றத்தோடு கூடியிருந்த மக்களை ரத்த கண்ணீரை தந்து விட்டு சென்றார். இசக்கிமுத்து (28). இவரது மனைவி (25), மகள்கள் மதி (5) அட்சயா (1). இவர்கள் 4 பேரும் நெல்லை மாவட்ட ஆட்சியர் அலுவலக வளாகத்தில் திங்கள்கிழமை தீக்குளித்தனர். கந்துவட்டிக் கொடுமையால் நால்வரும் தீக்குளித்ததாக அவரது சகோதரர் கோபி தெரிவித்தார்.

70% மேலான தீக்காயங்களுடன் நெல்லை அரசு பொது மருத்துவமனையில் அனுமதிக்கப்பட்ட 4 பேரில் சுப்புலட்சுமி, குழந்தைகள் மதி காருண்யா, அட்சயா பரணிகா சிகிச்சை பலனின்றி பரிதாபமாக பலியாகினர். இசக்கிமுத்து மட்டும் உயிருக்குப் போராடி வருகிறார்.

முன்னதாக, தீக்குளிப்பு சம்பவம் குறித்து இசக்கிமுத்துவின் சகோதரர் கோபி கூறும்போது, "என்னுடைய அண்ணன் இசக்கிமுத்துவின் மனைவி சுப்புலட்சுமி காசிதர்மத்தைச் சேர்ந்த முத்துலட்சுமி என்பவரிடம் ரூ.1.45 லட்சம் கடன் வாங்கியிருந்தார். அதை தங்கம்மா என்பவரிடம் கொடுத்திருந்தார். 8 மாதங்களுக்கு முன் வாங்கிய இந்தக் கடன் தொகைக்காக தங்கம்மா ரூ.2,34,000 வட்டி செலுத்தியிருக்கிறார். இந்நிலையில் அசல் தொகை ரூ.1.45 லட்சத்தை தருமாறு முத்துலட்சுமி என் அண்ணிக்கு நெருக்கடி கொடுத்தார். மிரட்டல் விடுத்துவந்தார்.

இதுதொடர்பாக மாவட்ட ஆட்சியரிடம் குறைதீர் முகாமின்போது 6 முறை மனு கொடுத்தோம். மனுவை எஸ்.பி., அலுவலகத்துக்கு அவர்கள் மாற்றிவிட்டனர். எஸ்.பி. அலுவலகத்திலிருந்து அச்சன்புதூர் காவல்நிலையத்துக்கு புகார் மனு அனுப்பப்பட்டது. ஆனால், அச்சன்புதூர் காவல்துறையினர் முத்துலட்சுமி தரப்புக்கு ஆதரவாக செயல்படுகின்றனர். எனவே, மிகுந்த மன உளைச்சலோடு மீண்டும் ஆட்சியரிடம் மனு கொடுக்க வந்தோம். நான் கழிவறை சென்று திரும்புவதற்குள் என்னுடைய சகோதரர் குடும்பத்தினர் இந்தக் கோர முடிவை எடுத்துள்ளனர். என் சகோதரர் குடும்பத்தினர் உயிரிழந்தால் அதற்கு மாவட்ட ஆட்சியரேப் பொறுப்பேற்க வேண்டும்" எனக் கூறியிருந்தார். இந்நிலையில், தீக்குளித்த 4 பேரில் 3 பேர் பலியாகினர்.

இது மிகத் துயரமான, கோரச் சம்பவம், இது சம்பந்தமாக பலரிடம் பல விஷயங்களை கேட்டறிந்தோம். கந்து வட்டிக்காரனுக்கு காசு எங்கே இருந்து வரும், பணத்தை வாங்குறப்ப பம்மியிருப்பான், பணத்தை வாங்கிட்டு கடனையோ, வட்டியையோ கேட்டால் கந்து வட்டி கொடுமை அது இதுவென்று எகத்தாளம் வேறு என்று கூறினார்கள். அப்படி கடன் வாங்கிட்டு கொடுக்காமல் ஏமாற்றி விட்டான் என்று எத்தனை வழக்குகள் இருக்கிறது என்று சொல்லட்டும் பார்க்கலாம். ஒரே ஒரு வழக்குதான் அதுவும் விஜய் மல்லையா மட்டும்தான், அந்த வழக்கும் நிலுவையில் இருக்கு, அதை பற்றி நாம பேச முடியாது? அவ்வளவுதானே?

எங்கள் சிறுவயதுகளில் நாங்கள் கண்ட காட்சிகள் இன்னும் எனது மனதிற்குள் ரணமாய் ஓடிக்கொண்டுதான் இருக்கின்றது. நான்காயிரம் ரூபாய் கடன் வாங்கினார் எனக்கு தெரிந்த நண்பர் ஒருவரின் அப்பா. அந்த நான்காயிரம் ரூபாய்க்கு ஸ்பீட் வட்டி என்று சொன்னார்கள். நண்பரின் அப்பாவோ ஐஸ் வியாபாரி. ஐஸ் வியாபாரம் இல்லை, போராடிப்பார்த்தார், வட்டி மட்டும் ஏறிக்கொண்டே இருக்கிறது, அசல் அடைக்க முடியவில்லை என்றும் கடைசியில் ஐஸ் வியாபாரியின் மனைவி வட்டிக்காரனுக்கு ஆசை நாயகியாக வேண்டும் என்பது அவனது உத்திரவு. இதுவும் நடந்த வரலாறு உண்டு. இப்போது அவர்கள் அந்த ஊரை விட்டே வெளியேறி விட்டார்கள். மான ரோஷத்திற்கு பயந்து நிறைய பேர் தற்கொலை செய்து கொண்டதாகவும் நாம் நாளிதழ்களில் படித்திருப்போம்.

இது வழக்கம் போல ஒன்றுதான் என்று சொன்னாலும், 23.10.2017 அன்று அந்த பிஞ்சின் கைகளில் தின்பண்டத்தோடு எரிந்து நிற்பது என்பது பார்ப்பவர்களை உலுக்கும் செயல் என்று நினைக்கின்றேன். அன்புச்சுவற்றை உருவாக்கிய ஆட்சித்தலைவருக்கு முதல் அடி, அவர் வாங்கும் மனுக்களை அசாதாரணமாக தூக்கியெறிந்த காவல்துறையினரை என்ன வென்று சொல்வது?

காவல்துறையில் எத்தனையோ நேர்மையான அதிகாரிகள் இருக்க, இந்த மாதிரியான போலிகளால் காவல்துறையின் கண்ணியம் கலைந்து தான் போகின்றது. என்ன செய்வது?

இப்போது விசயத்துக்கு வருவோம், இந்த துயரச் சம்பவம் அனைத்து மக்களுக்கும் காணொளியிலும், புகைப்படங்களில் அனைவருக்கும் சென்று சேர்ந்து விட்டது. நெல்லையில் கடந்த இரண்டு வருடங்களாக செயல்படுத்திய திட்டங்களுக்காக சிறந்த மாநகராட்சி விருது வாங்கி இருக்கிறது என்று பாராட்டு தெரிவித்தோம். ஆனால் இந்த சம்பவத்தில் ஐந்து விஷயங்கள் மாவட்ட ஆட்சியர் அலுவலகத்தில் செயல்படுத்தப்படவில்லை, அச்சன்புதூர் காவல்நிலைய அதிகாரிகள் மீது நடவடிக்கை எடுப்பது இருக்கட்டும், மாவட்ட ஆட்சியர் அலுவலகத்தில் சோதனை செய்ய வேண்டிய காவல்துறை அதிகாரிகள் எங்கே சென்றார்கள்?

காவல்துறை சோதனை மிஸ்ஸிங்?????

1. ஒரு குடும்பம் மாவட்ட ஆட்சித்தலைவர் அலுவலத்திற்குள்ளே எரிபொருளோடு நுழைந்ததை சோதனை போட ஆளில்லையே, அனைவருமே காணொளிகளை பாருங்கள், தீக்குளிக்கும் வரை எந்த காவல்துறை அதிகாரிகளையும் காணவில்லையே,

தீ விபத்து தடுப்பு உபகரணங்கள் மிஸ்ஸிங்.??????

2. தீ விபத்து ஏற்பட்டால் அதை அணைக்க கூடிய பாதுகாப்பு உபகரணங்கள் எங்கே? பொதுமக்கள் தண்ணீரையும், மணலையும் தூக்கி எறிந்து தீயை அணைக்க போராடிக்கொண்டிருக்கிறார்கள். பல ஆயிரம் மக்கள் கூடுமிடங்களில் பாதுகாப்பு உபகரணங்கள் ஏன் பொருத்தி வைக்கப்படவில்லை? ஒரு சிறிய கண்காட்சி நடத்த வேண்டுமென்றாலும் ஒரு தீயணைக்கும் வண்டியை நிறுத்தவும், அதற்கு கட்டணம் வசூலிக்கவும் கவனம் செலுத்தும் அரசு, ஏன் பொது மக்கள் கூடும், மாவட்ட ஆட்சியர் அலுவலகத்தில் வைக்கவில்லை?

ஆம்புலன்ஸ் வாகனத்தை காணோம்????????

3. எல்லாவற்றிலும் கொடுமையான விஷயம், ஆம்புலன்ஸ் வண்டி உள்ளே இல்லை,. அவசர ஊர்தி வாகனமும் இல்லாமல், கடைசியில் காவல்துறை வாகனத்தில் தீயில் எரிந்து கரிக்கட்டையாக இருந்தவர் ஒரு மருத்துவரும் அருகில் துணைக்கு இல்லாமல் இவங்களை நம்பினால் அவ்வளவுதான் என்பது போல முடிவெடுத்து அவராகவே எழுந்து நடந்து சென்று வாகனத்தில் ஏறிய காட்சி காணக் கண்கோடி வேண்டுமம்மா?

அவசர சிகிச்சை மையத்தையும் காணோம்?????

4. மாவட்ட ஆட்சித் தலைவர் அலுவலகம் என்பது பல துறைகளை உள்ளடக்கியது, அங்கே நிரந்தரமாக ஏன் ஒரு மருத்துவத் துறை செயல்பட வில்லை? முதலுதவி செய்யக்கூட ஆள் கிடையாது, பிஞ்சு குழந்தை மண்ணில் குப்புற விழுந்து கிடக்கின்றது? ஆனால் முதலுதவி செய்வதற்கு எந்த ஆட்களும் இல்லை,

ஒத்திகை மட்டும் போதுமா????

5. யாருமே இல்லாத இடத்தினில் தீ விபத்து ஏற்பட்டால் எப்படி தடுப்பது என்று ஒத்திகை செய்து காண்பிக்கவும், புகைப்பட கண்காட்சி நடத்துவதற்கா இந்த தீயணைக்கும் படை இருக்கிறது?

23.10.2017 நெல்லையின் கருப்பு தினம்? இன்னும் அடுத்த இரண்டு மாதங்களுக்கு கந்து வட்டி தொடர்பான வழக்குகள், விசாரணைகள் எல்லாம் தடபுடலாக இருக்கும்? அதன் பிறகு அடுத்த சம்பவம்?

சிறந்த மாநகராட்சி விருது திருநெல்வேலிக்கு கண்துடைப்பா?

அப்போல்லோவில்தான் அம்மா இருந்தாரா................??????

noreply@blogger.com (சிவா) — Thu, 5 Oct 2017 09:22:00 +0530

ஒரு மாபெரும் இயக்கத்தை வழிநடத்தி சென்றவர், இந்தியாவையே ஆளப்போகும் பதவிக்கும் தன்னை தயார்படுத்தியவர் இன்று தன்னுடைய மரணத்தை உலகிற்கே கேள்விக்குறியாக்கி விட்டு சென்றிருக்கின்றார்,

அம்மா இட்லி சாப்பிட்டார்கள், ஆப்பிள் பழம் சாப்பிட்டார்கள், இன்று நன்றாக பேசினார்கள், சிரித்தார்கள், என்று எத்தனை எத்தனையோ விபரங்கள் ஒவ்வொரு நாளும் அப்டேட் செய்யப்பட்டது, மாநிலத்தின் ஆளுநர் முதல் எதிர்க்கட்சி தலைவர்கள், ஆளுங்கட்சி எம்எல்ஏக்கள், இந்திய பிரதமர் என்று யாருமே பார்க்க முடியாத சூழல், ஒரு 50 அடி இடைவெளியில் சிறிய துவாரம் வழியாக கூட காண்பித்திருக்கலாமே! என்ன நடந்தது?

அன்று சசிகலா சொன்னதைத்தான் நாங்கள் சொன்னோம், நாங்கள் யாருமே பார்க்கவில்லை என்று திண்டுக்கல் சீனிவாசன் மன்னிப்பு கூறியிருக்கிறார். திருப்பரங்குன்றம் இடைத்தேர்தலுக்கு ஆதரவு குரல் கொடுத்ததாக செய்தி வந்தது, தொண்டர்கள் அம்மா மீண்டும் வந்து விட்டார்கள், வந்து விடுவார்கள் என்று மகிழ்ச்சியோடு தேர்தல் பணியாற்றினார்கள்,

ஆனால் கடைசி வரை வரவே இல்லை, என்ன நடந்தது? உண்மையிலே அப்போல்லோ மருத்துவமனையில்தான் இருந்தார்களா? அப்படியெனில் நடந்தது என்ன?

போயஸ் இல்லத்தில் இருந்து அப்போல்லோ மருத்துவமனைக்கு எடுத்து சென்றவர்கள் யார்? அந்த ஊழியர்களும் பார்க்க வில்லையா? ஒருவருமே குரல் எழுப்பவில்லை, இதுவரை எந்த ஊடகமும் அதற்கு முன்மொழியவில்லை, கடைசி வரை யார் யார் பார்த்தார்கள், அவ்வளவு பெரிய அம்மாவை சசிகலா அம்மாவே தூக்கி சென்று ஆஸ்பத்திரியில் போட்டார்களா? ஆம்புலன்சில் எடுத்து சென்றது யார்? ஸ்ட்ரெச்சரில் தூக்கி சென்றது யார்?

அதான் அந்த அம்மா போயிருச்சுல்ல, இப்போ இதை பற்றி பேசினா மட்டும் அந்த அம்மா வந்திருமா என்ன? என்று சில மேதாவிகள் கேள்வி எழுப்பிக்கொண்டு தன்னைத்தானே சமாதானம் செய்து கொண்டிருக்கிறார்கள். அந்த அம்மா வராது, ஆனால் உண்மை வெளிவர வேண்டும்...

இயற்கை மரணமா? இந்த கேள்விகளை எல்லாம் நீதிமன்றமோ அல்லது எந்தவித பொதுநல வழக்கோ இதுவரை பதிவு செய்யப்படாதது ஏன்? நீதிமன்றத்திற்க்கே விருப்பம் இல்லையா?

அம்மாவின் விசுவாசிகள் என்று வால்போஸ்டர் அடித்து ஒட்டியவர்கள், இப்போது காணாமலே போய் விட்டார்கள்...வேதா இல்லத்தில் வேலை பார்த்தவர்கள் எங்கே போனார்கள்? கொடநாடு காவலாளி கொலை செய்யப்பட வழக்கு என்னவானது? ஒவ்வொரு நாளும் ஒவ்வொரு அமைச்சர்களின் கோமாளித்தனமான பேச்சுக்கள்?

அம்மாவின் மருத்துவ ரிப்போர்ட்டை இதுவரை அப்போல்லோ சமர்ப்பிக்காதது ஏன்?

ஒரு நோயாளி அட்மிட் செய்யப்பட்டால் அவரது நோயின் தன்மை குறித்த முழு அறிக்கை வெளிவரவேண்டும், ஆனால் இதுவரை பைனல் ரிப்போர்ட் மட்டுமே சமர்ப்பிக்கப்பட்டுள்ளதே!

நீதியும், நியாயமும் செத்து போய் விட்டதோ, ஒரு முதலமைச்சருக்கே இந்த கதியெனில், சாமானியனின் நிலை என்னவாகும்? பதவி ஆசையில் மாறி மாறி பேசி வரும் அமைச்சர்கள், தினகரனை, சசிகலாவை ஆதரித்தவர்கள், இன்று எடப்பாடியையும், ஓபிஎஸ் சை ஆதரித்து பேச காரணம் என்ன? இது அத்தனையும் வாட்சப்பில் வலம் வந்து கொண்டுதானே இருக்கிறது? பொதுமக்களும் இதை பார்த்து கொண்டுதானே இருக்கிறார்கள்?

உலகம் முழுவதும் சுற்றும் மோடிக்கு இதை விட அவமானம் இருக்க முடியாது, நாட்டில் இருக்கும் அப்போல்லோ மருத்துவமனைக்குள் நுழைய முடியவில்லை, இதற்கு எய்ம்ஸ் மருத்துவமனை மருத்துவர்களும் வந்து சென்றிருக்கிறார்கள், அப்படி என்ன தீராத வியாதி?

அத்தனை நாட்கள் பலம் பெற்றிருந்த துக்ளக் ஆசிரியர் சோ அடுத்த நாளே மரணித்து போனார், தோழியின் மரணத்தை சகிக்க முடியாத சோ வும் மரணமடைந்தார் என்று சொல்லப்பட்டது. நட்பிற்கு அடையாளம் என்று புகழாரம் சூட்டினார்கள். என்னதான் நடந்தது? அப்போல்லோ ஆஸ்பத்திரியில் அம்மா இல்லை என்று அவர் உலகிற்கு சொல்லிவிடுவாரோ என்ற அச்சம் காரணமாக அவரும் முடித்து வைக்கப்பட்டாரா?

இந்த சந்தேகங்களுக்கு முக்கிய காரணம், உள்ளே என்ன நடந்தது என்ற முழு விபரம் தெரியவில்லை, நாங்கள் அம்மாவை பார்க்கவே இல்லை என்ற அமைச்சர்களின் முன்னுக்கு பின் முரணான கருத்துக்களே இத்தனை கேள்விகளுக்கும், சந்தேகங்களுக்கும் மூல காரணம், உனக்கென்ன அதிகாரம் இருக்கிறது, இது அப்போல்லோவை அவமானப்படுத்தும் செயல் என்று அப்போல்லோ நிர்வாகிகள் கூறினால் மகிழ்ச்சி, அப்படியெனில் விளக்கம் கொடுங்கள், சிசிடிவி கேமிராக்களில் பதிவு செய்த காட்சிகளை மக்களுக்கு ஒளிபரப்புங்கள், செப்டம்பர் 5 முதல் டிசம்பர் 5 வரை நடந்த சம்பவங்களின், கொடுத்த மருத்துவத்தின் ரிப்போர்ட்களை மக்களுக்கு தெரிவியுங்கள் பார்க்கலாம்,

இத்தனை எதிர்க்கட்சிகள் கேள்விகள் கேட்ட பிறகும், மவுனம் சாதிப்பது எதற்கு? அம்மா மருத்துவமனையில் எடுத்து கொண்ட டிரீட்மென்ட்டை நாங்கள் வீடியோ எடுத்து வைத்திருக்கின்றோம் என்று தினகரன் இப்போது கூறக்காரணம் என்ன? இதை ஏன் ஆரம்பத்திலேயே வெளியிடவில்லை! இதை ஏன் ஜெயா தொலைக்காட்சியில் ஒளிபரப்பு செய்யவில்லை?

இது மக்கள் ஆட்சிதானே, மக்களிடம் ஒளிபரப்பு செய்து காட்டலாமே! தேர்தல் வரும்போது அதை போட்டுக்காட்டி அனுதாப ஓட்டுக்கள் பெற எடுக்கும் முயற்சியா இது? எதிர்வரும் தேர்தலில் வாக்குவாதங்கள் இருக்கிறதோ இல்லையோ, தீவிர பிரச்சாரங்கள் இருக்கிறதோ இல்லையோ நிச்சயம் பண மழை கொட்டும் என்பதில் துளியும் ஐயமில்லை,

அதிமுக 1, அதிமுக 2, அதிமுக 3, க்குள் இருக்கும் போட்டியில் திமுக கூட்டணியும், பாஜக கூட்டணியும், தேமுதிக கட்சியும் போட்டி போட உள்ளது, இதில் புது கட்சியாக கமல்முக வும் புதிதாய் வருமென்றால் மக்களின் வாக்கு எங்கிருக்கும்?

சின்னம்மா நாட்டுக்காக தியாகம் செய்து சிறைக்கு சென்றது நிச்சயம் ஒரு மிகப்பெரிய அனுதாப ஓட்டாக இருக்கும்! ஆக மொத்தம் ஊழல் செய்தவர்கள் சிறைக்கு சென்று திரும்பி அதையே தியாகி போல அடையாளம் காட்டி வாக்குகள் பெறுவது என்பது நாகரீகமாகி விட்டது, 2ஜி ஸ்பெக்ட்ரம் ஊழல், ஏர்செல்-மேக்சிஸ் வழக்குகள் இன்னமும் தள்ளிப்போய்க்கொண்டேதான் இருக்கிறது,

திகார் செயிலோ, பார்ப்பன அக்ரஹாரா சிறையாகட்டும், தியாகிகளின் எண்ணிக்கை அதிகரித்து கொண்டுதானே இருக்கிறது? மம்தா, மாயாவதி, அத்வானி, மன்மோகன்சிங், சோனியா காந்தி என்று மத்தியில் யாருமே குரல் எழுப்பவில்லை, இந்த மரணத்தை அவர்கள் விரும்பினார்களா? அல்லது ஏற்றுக்கொள்கிறார்களா? குறைந்தது, தமிழ்நாட்டிற்கு வந்து ஒரு கண்டனக்குரல் கூட எழுப்பவில்லையே!

கலைஞருக்கு மட்டும் திராணியிருந்திருந்தால் இன்று தமிழ்நாட்டில் புரட்சி வெடித்திருக்கும், அதிமுக அணியும் சின்னாபின்னமாயிருக்கும் என்பது ஊடகவியலாளர்களின் கூற்று! உண்மைதானே, ஆனால் திமுகவும் தற்போது பலமிழந்து போயிருப்பது நிதர்சன உண்மை! அவ்வப்போது குரல் கொடுத்து நான் இங்கே இருக்கிறேன் என்பது போல அட்டெண்டன்ஸ் போட்டு கொண்டிருக்கும் திமுக!

அப்போல்லோ முதல் ஐநா சபை வரை அனைத்துமே மர்மமாக இருக்கிறது.....

234 கேமிரா, 234 தொகுதி, பிக் பாஸ் மோடி வழங்கும் கமல் CM, ஓவியா கொபசெ......

noreply@blogger.com (சிவா) — Thu, 28 Sep 2017 09:26:00 +0530

ஆற்றினை தெர்மோகோலை வச்சு மூடுறானுங்க! துணிய துவைச்சிட்டே இருக்காதீங்க, நொய்யல் ஆத்துல சோப்பு நுரையா வருதிலே, என்னடா நடக்குது தமிழ்நாட்டுலே, இப்படியெல்லாம் உள்ள அறிவு மேதாவிகளை தமிழ் நாட்டு அமைச்சர்களாக்கி இருக்கிறோமே! எல்லாம் உங்களை சொல்லணும்!

ஆக்கப்பூர்வமான அமைச்சர்களை நாம் ஆட்சி கட்டிலில் அமரவைத்திருக்கின்றோம் என்று நினைக்கும் போது உடம்பெல்லாம் பூரித்து போகின்றது. ஒரு வார்த்தை கூட கோர்வையாக பேசத் தெரியாத கட்சி எம்எல்ஏக்களை கட்டுப்படுத்த முடியாத ஒரு முதலமைச்சர்,

தமிழ்நாட்டு அரசியல் தகிடுதத்தம் போட்டு கொண்டிருக்கிறது! நாட்டு பிரச்சினைகள் தலைக்கு மேல் குவிந்து கிடக்க சீரழிந்து போனது தமிழகம்!

மீண்டும் தலைதூக்கும் வழிப்பறி கொள்ளைகள், திருட்டு சம்பவங்கள், லைசன்ஸ் அசலை கொண்டு வாங்க, இதனால் நாடு பொருளாதாரம் உயர்ந்து விடும் என்று சொல்லும் அதிமேதாவிகள், காவல்துறைக்கும், பொதுமக்களுக்கும் இடையே உள்ள உறவு தினமும் சீரழிந்து வருகின்றது,

இதுவரை எத்தனையோ விளக்கம் கேட்டும் விளக்கம் அளிக்க முடியாமல் தவிக்கும் அப்போல்லோ, மக்கள் தினமும் கேட்டுக்கொண்டிருக்கிறார்கள், ஹாஸ்பத்திரியில் என்ன நடந்தது என்று உங்கள் ஜெயா தொலைக்காட்சியிலேயே போடலாமே? மக்கள்தானே உங்கள் கடவுள், மக்களுக்கு இதை போட்டு காட்ட வேண்டியதுதானே, தேவைப்படும் நேரத்தில் தேவையான இடத்தில் போட்டுக்காட்டுவோம் என்று சொல்கின்றீர்களே?

ஏன் இன்னும் வீடியோ எடிட்டிங் செய்யபடவில்லையா? ஏதோ ஒரு மோசமான விவகாரம் நடந்தேறி இருக்கிறது? அது மட்டும் உறுதி! முன்னுக்கு பின் முரணான தகவல்கள், ஒரு நோயாளியாகத்தான் இருந்தாரா? அல்லது நோயாளி ஆக்கப்பட்டாரா? என்ன நடந்தது?

நாட்டு பிரச்சினைகள் நாலா பக்கமும் நாறி கொண்டிருக்க இங்கே கேமிராக்கள் இருந்ததா இல்லையா, என்று விவாதக் களம் ஓடிக்கொண்டிருக்கிறது. கேமிரா தட்டுப்பாடு என்றால் கமலஹாசனிடம் சொல்லி பிக் பாஸ் கேமிராவை வாடகைக்கு எடுத்திருக்கலாம்! ஒரு வீட்டிற்கு 30 கேமிராக்கள் தேவையா?

அதுவும் கூத்தாடிகளை வைத்து கூத்தடித்து கொண்டிருப்பதையும் மக்கள் பார்த்து கொண்டுதானே இருக்கிறார்கள். கமல் ஆட்சிக்கு வந்தால் தெருவுக்கு 300 கேமிராக்கள் வைத்து சோதனை செய்வாரோ?

ரஜினிக்கு பிஜேபி சரியாக இருக்கும், என்னோடு வராதீங்க என்று அவர் சொல்ல, ரஜினி வழக்கம் போல மவுனம் சாதிக்கின்றார், ஏதோ அடுத்த வாரமே கட்சியை ஸ்டார்ட் செய்யுற மாதிரி போட்டோவுக்கு போசெல்லாம் கொடுத்தாரு,

ஆனா 30 கேமிரா வச்சு ஆட்சியை பிடிச்சிருவாரு போல கமலஹாசன், மக்களை சிந்திக்க விடாமல் செயல்பட்டு வருகிறது ஒரு குழு, கமல் வந்தா நல்லா செய்வாரு, என்று மக்களை பேச வைக்க முயற்சிகள் நடக்கிறது. அவர் பாயிண்ட்டா பேசுறாருன்னு ஒரு பில்ட்அப் வேற, தமிழ்மணத்திலே ஆயிரக்கணக்கில் வலைப்பூ வச்சிக்கிட்டு அருமையா பேசுறவங்க இருக்காங்க,

மக்கள்தான் விழித்தெழனும், இழவு காத்த கிளி மாதிரி ஏகப்பட்ட கட்சிகள், காட்சிகள், ஈழத்தமிழன் பிரபாகரன் செத்த போதும் இப்படித்தான் இருந்தோம், ஈழத்தமிழர்கள் லட்சக்கணக்கில் செத்த போதும் இப்படித்தான் இருந்தோம், இன்னிக்கு அம்மா செத்திட்டா, அனிதா செத்திட்டா, விஷ்ணுபிரியா செத்திட்டான்னு சொன்னா மட்டும் விழிச்சிடவா போறோம்!

நீட் தேர்வுக்கு பரிந்துரைச்சவங்க, மீத்தேன் திட்டத்துக்கு பரிந்துரைச்சவங்களே அப்படி ஒரு சம்பவம் நடக்காத மாதிரி அவங்களே போராடுறாங்க பாருங்க, கலக்குறாங்க போங்க! சாமானியனை சட்டினியாக்காம விட மாட்டாங்க....

கேஸையும் போட்டுட்டு திருப்பி அதே கேஸுக்கு எதிராவே போராடுறதும் இருக்குது பாருங்க, அருமை, அருமை....

அந்த அம்மா இருக்கிறப்ப ஒருத்தன் கூட ஊருக்குள்ளே எட்டி பார்க்க முடியாது, அந்த அம்மா போயிருச்சானு கன்பார்ம் பண்ண பிறகுதான், சமாதிக்குள்ளே இருந்து வந்திருவாங்களோன்னு ஒரு பயம் இருந்துகிட்டுத்தான் இருந்துச்சு,

அம்மா வாழும்போது ஆணவக்காரி, திமிர் பிடித்தவள் என்று சொன்னவர்கள் எல்லாம் இன்று அந்த அம்மா இல்லாததை நினைத்து கண்ணீர் விட்டிருப்பார்கள் என்று நாங்கள் நம்புகின்றோம்.

அவள் சரியான தலைமையை அடையாளம் காட்டாமல் மரணமடைந்து விட்டார்கள் என்று சொல்லும் நபர்கள் ஒன்று தெரிந்து கொள்ள வேண்டும், அவர்கள் மரணமடைய வில்லை, மரணமடைய செய்து விட்டார்கள். தங்க முட்டையிடும் வாத்து ஒவ்வொரு முட்டையாக இட்டு கொண்டிருந்தது, அதை ஒட்டுமொத்தமாக அறுத்து வாத்தையும் கொன்று விட்டார்கள், தங்க முட்டையையும் விட்டு விட்டார்கள்.

சாதாரண காய்ச்சலை கூட குணப்படுத்த முடியாத உலகத்தரம் வாய்ந்த அப்பொல்லா மருத்துவமனையா?

கூத்தாடிகளை இனிமேல் கழட்டி விட்டுவிட்டு புதிய மன்னர்களை உருவாக்குவோம், தமிழ்நாடு கூத்தாடிகளின் பின்னால் நிற்பதற்கு முற்றுப்புள்ளி வைப்போம்! 30 கேமிராக்கள் வேண்டாம், ஒரு மனசாட்சி இருந்தால் போதும்!

அம்மா இட்லிக்கு வச்சு சாப்பிட்டது சட்னியா, சாம்பாரா?

noreply@blogger.com (சிவா) — Mon, 25 Sep 2017 09:52:00 +0530

ஜெயலலிதா யாருமே அசைக்க முடியாத ஒரு கம்பீரம், வானத்தில் அவர் பறந்தாலும் தரையில் சாஷ்டாங்கமாக விழுந்து கும்பிட்டவர்கள், அவர் சிறையில் இருக்கும் போது கூட அவர் எப்போது வேண்டுமானாலும் மீண்டும் வரலாம் என்று அச்சம் இருந்ததால் கோவில் கோவிலாக சென்று மொட்டை போட்டு, மண் சோறு சாப்பிட்டு, காவடி தூக்கி களேபரம் செய்தவர்கள் இன்று அவர் இட்லி சட்னி வச்சு சாப்பிட்டாரா என்று கொச்சைப்படுத்தி வருவதும் மிகவும் வேதனையைத் தருகிறது.

ஆக மொத்தத்தில் ஜெயலலிதாவின் மரணம் உண்மையிலேயே மிகப்பெரிய கேள்விக்குறிதான், ஒரு வரலாற்று சரித்திரம் படைத்த தங்கத்தாரகையின் மரணம் சாமானியனையும் அச்சுறுத்தலுக்கு உள்ளாக்கி இருக்கிறது. உள்ளுக்குள் அவரது மரணத்தில் பேரானந்தம் அடைந்தவர்கள் போல காட்சியளிக்கிறது. ஊடகங்களும் அவரவர் டிஆர்பி ரேட்டிங்கிற்கு வசதியாக ஜெயலலிதாவின் மரணத்தில் அவரது பிணத்தை நடுவீதியில் வைத்து வர்த்தகம் செய்து கொண்டிருக்கிறது. நடந்தது என்ன? என்று எந்த நீதிமன்றமும் பொது வழக்காக வைத்து வாதாடத் தயாரில்லை, அதிமுக என்றாலே அலறியவர்கள் இன்று அதிமுக என்றாலே அருவறுக்கப்படும் ஒரு கட்சியாக மாறிவிட்டது என்பது நிதர்சன உண்மை. யார் எப்படி போனால் என்ன? தனக்கு பாதுகாப்பான பதவி கிடைத்து விட்டது, அது போதும் என்பது போல இருக்கும் அதிமுக எம்எல்ஏக்கள், அம்மா இல்லாத இந்த பதவி தேவையில்லை, என்று யாராவது ஒரு அமைச்சர் கூறியிருப்பாரா?

அம்மா இல்லாத அந்த கார் தேவையில்லை என்று திருப்பி அனுப்பிய நாஞ்சில் சம்பத், சசிகலாவை தலைமையாக ஏற்க மாட்டோம் என்று கூறிய நாஞ்சில் சம்பத் இன்று சசிகலாவின் தீவிர விசுவாசியாக மாறிய பின்னணி என்ன? அதிமுக தொண்டர்கள் தற்போது தான் எந்த கட்சியில், எந்த தலைமையின் கீழ் இருக்கிறோம் என்று புரியாத குழப்பத்தில் இருக்கிறார்கள், பதவி சுகம் கண்டவர்களுக்கு, பதவியை விட மனதில்லை, எடப்பாடி தலைமை அணியை மிக கேவலமாக விமர்சித்தவர்கள், ஜெயலலிதாவின் மரணத்தை விசாரிக்க போவதாகஅறைகூவல் விடுத்தவர்கள் இரண்டு பேரும் முதலமைச்சர், துணை முதலமைச்சர் என்ற பட்டம் வாங்கிய பிறகு மவுனம் சாதிப்பது எதற்கு? தனக்கு பதவி கிடைக்கவில்லையே என்ற கோபத்தில் இருக்கும் தினகரன், தீபா அடுத்து என்ன செய்யபோகின்றார்கள்? என்ன நடக்கின்றது தமிழகத்தில், நாம் எந்த அதிமுக தலைமையில் நாட்டில் வாழுகின்றோம் என்று தெரியாமல் வாழும் தமிழக மக்கள்....

எப்படி பார்த்தாலும் நமக்கு முதல்வர் பதவி என்பது கானல் நீர்தானோ என்ற கவலையில் திமுக, திமுக தலைவரின் உடல்நிலை பற்றிய தகவலும் நமக்கு இல்லை, அவர் நன்றாக இருக்கின்றார் என்ற ஒரு தகவலை தவிர வேறு எந்த தகவலும் இல்லை, ஒருவேளை தமிழகத்தில் ஆட்சி மாற்றம் வரும்போது மீண்டும் துளிர்த்தெழுவாரா கலைஞர், அம்மா இல்லாத அதிமுகவும், அய்யா இல்லாத திமுகவும்,

அடுத்த தலைமுறையில் அதிமுக, திமுக நிலை என்ன? மீண்டும் அழகிரி போர்க்கொடி தூக்குவாரா? கனிமொழி கட்சிக்குள் நுழைவாரா? ஸ்டாலினுடன் இருக்கும் திமுக மூத்த தலைவர்கள் என்ன செய்வார்கள்?

இரண்டு கட்சிகளை விட்டு விட்டு மூன்றாவது கட்சி தலைதூக்குமா? இந்த தேர்தலில் எப்படியாவது பாஜக தமிழகத்தில் இடம் பிடிக்குமா? தேமுதிக என்னவாகும்? கமலஹாசன் படையெடுப்பாரா? ரஜினிகாந்தும் அரசியலில் கமலுக்கு ஜாலரா அடிப்பாரா? விசிக, பாமக, மதிமுக நிலை என்ன? கம்யூனிஸ்ட்டுகள் இனி யாரோடு தேர்தல் நேரத்தில் கூட்டு சேர்வார்கள்? நாம் தமிழர் கட்சிக்கு பிரபாகரனின் மரணம் முக்கிய பாயிண்ட்டாக இருந்தது, இந்த அம்மாவின் மரணம் அவரது கண்களுக்கு தெரியவில்லையா? காங்கிரஸ் காமராஜர் ஆட்சி என்று இன்னமும் பேசிக்கொண்டிருக்கிறது,

இப்படியாக ஓடுகிறது கட்சிகளின் நிலவரம்? இதற்கிடையில் நீட் தேர்வு பிரச்சினை, மாணவர்களின் எதிர்காலம், மீண்டும் டாஸ்மாக் , ஜிஎஸ்டி வரி பிரச்சினை, மீத்தேன் திட்டம், நெடுவாசல் போராட்டம், ரேஷன் கடையை மூடிருவாங்களா, கேஸ் கு மானியம் கிடைக்குமா? பெட்ரோல் விலையை எப்போ குறைப்பாங்க, கல்வியின் நிலை என்னவாகும்? ஒரிஜினல் லைசன்ஸ கொண்டு வந்திட்டா ஆக்சிடென்ட் குறைஞ்சிருமா? இப்படி மீண்டும் மீண்டும் ஏகப்பட்ட குளறுபடிகள், என்னவாக போகிறது தமிழகம்?

வேலையில்லா திண்டாட்டம் அப்படியேதான் இருக்கிறது, இளைஞர்களின் வாழ்விற்கு என்ன எதிர்காலம், ஊழல் செய்த அரசியல் தலைவர்களுக்கு யார் தண்டனை கொடுப்பார்கள்? கருப்பு பணம் மக்களிடம் எப்போது வெள்ளைப்பணமாக மாறும்? ஆதார் அட்டையில் இந்த இளைய தலைமுறை, ஒவ்வொருவருக்கும் ஒரு எண்ணை கொடுத்து அழைக்க போகின்றார்களா? யோவ் 420 என்று அழைக்கும் காலத்தில் மக்கள் இருக்கிறார்களே! மீண்டும் தொடங்குவோம், அம்மா இட்லிக்கு வச்சு சாப்பிட்டது சட்னியா, சாம்பாரா? இந்த கேள்விக்கு விடையை சொல்லி விட்டு அடுத்த தலைப்புக்கு செல்லுங்கள்....ஹலோ ஊடகங்களே, உங்களுக்கு இந்த வார விவாத தலைப்பு கிடைத்து விட்டது, அம்மா இட்லிக்கு வச்சு சாப்பிட்டது சட்னியா, சாம்பாரா? ம்ம்ம்..எதுக்கு வெயிட்டிங், ஸ்டார்ட் பண்ணுங்க....

ஜாக்டோ-ஜியோ வீட்டுக்கு அனுப்புங்கள், வி ஆர் வெயிட்டிங்!!!

noreply@blogger.com (சிவா) — Mon, 18 Sep 2017 10:00:00 +0530

ஜாக்டோ-ஜியோ - JACTO-GEO - Joint Action Committee of Tamil Nadu Organisations and Government Teachers and Employees Organisations

நீங்கள் எல்லோரும் என்ன சாதித்து விட்டீர்கள் என்று சம்பள உயர்வு கேட்க்கின்றீர்கள் என்று தெரியவில்லை. அரசு இயந்திரங்கள் செயல் இழந்து நிற்பதாக ஆங்காங்கே தகவல்கள் வருகின்றது. யார் குடும்பம் எப்படி சீரழிந்தால் என்ன? எனக்கு என் குடும்பமே பெரியது என்று போராடிக்கொண்டிருக்கும் உங்களது தியாக உணர்வினை நாங்கள் பாராட்டுகின்றோம்.

உங்கள் இயக்கம் வேண்டுமானால் மிக பெரியதாக இருக்கலாம். வகுப்பறையில் பாடங்கள், பாடத்திட்டங்கள் எல்லாம் ஒழுங்காக இருக்கிறதா? செயல்படுகிறதா? தனியார் நிறுவனத்தில் வேலை செய்யும் ஒருவர் வாங்கும் சம்பளத்தை விட மூன்றில் இருந்து நான்கு மடங்குகள் அதிகமாக வாங்குகிண்றீர்கள்? இன்னும் உங்களுக்கு போதவில்லையா?

உங்களுக்கு நீங்கள் கேட்ட சம்பளங்களை வழங்க நாங்கள் மறுக்கவில்லை, தனியார் நிறுவனங்களில் நடப்பது போல ப்ரோமோஷனல் டெஸ்ட் வருடம்தோறும் வைத்தால் அதை எழுத நீங்கள் தயாரா?

ஒவ்வொரு வருடமும் பள்ளி ஆண்டுத்தேர்வு முடிந்த பிறகு அந்தந்த மாவட்டங்களில் அந்த வகுப்புகள் நடத்திய ஆசிரியர்களுக்கு ஒரு தேர்வு நடத்தப்படவேண்டும். ப்ரோமோஷனல் நுழைவுத் தேர்வு நடத்தப்பட வேண்டும். அதாவது (PET), Promotional Entrance Test இல் தேர்ச்சி பெறுபவர்கள் மட்டுமே அடுத்த ஆண்டு கல்வி எடுக்க அனுமதி வழங்கப்படுவார்கள் என்ற விதி அமலுக்கு வர வேண்டும்.

ஒவ்வொரு ஆசிரியருக்கும் 30 மாணவ, மாணவிகள் கொடுக்கப்பட வேண்டும். அந்த 30 மாணவ, மாணவியரும், அவர்கள் பாடங்கள் அனைத்திலும் 75% மேலாக மதிப்பெண்கள் எடுத்து தேர்ச்சி பெற்றிருக்க வேண்டும். அப்படி எடுத்திருந்தால், அவர்களுக்கு அந்த மாத சம்பளம் வழங்கப்பட வேண்டும். இந்த விதிகளை அவர்கள் ஏற்க தயாரா?

ஒருவர் கூட முன்வரமாட்டார்கள். எந்த ஒரு அரசு நிறுவனமாக இருந்தாலும் சரி, அவர்களின் நேர்மையான பணி என்பது நூற்றில் பத்து முதல் 30 விழுக்காடு வரையே நேர்மையாக பணியாற்றுகின்றார்கள், மீதமுள்ள அனைவருமே வாங்கும் சம்பளத்திற்கு கூட வேலை பார்ப்பதில்லை.

அப்படி அவர்கள் பணியாற்றி இருந்தால், என்றைக்கோ அரசுப்பள்ளி மாணவ, மாணவிகள் கல்வியில் பலத்த வளர்ச்சி பெற்றிருப்பார்கள். அரசுப்பணியில் மந்தமாகி இருக்காதே!

நீட் தேர்வில் நீட் பாடப்பிரிவில் அனிதா பெற்ற மதிப்பெண்கள் மிக குறைவு! பனிரெண்டாம் வகுப்பில் 1200க்கு 1176 மதிப்பெண்கள் பெற்ற ஒரு மாணவியால் என்சிஇஆர்டி குழுவினரால் நடத்தப்பட்ட பாடத்திட்டத்தில் உள்ள பாடத்தில் மிக குறைந்த மதிப்பெண்கள் பெற்று அவமானப்பட்டு உயிரை மாய்த்தாலே, அது அரசு பள்ளி ஆசிரியர்களுக்கு ஒரு சவுக்கடி என்றுதானே சொல்ல வேண்டும். உங்களால் அந்த மாணவியின் தேவைகளை பூர்த்தி செய்ய முடியாத போது, யாராவது ஒரு ஆசிரியர் அரசு பாடத்திட்டங்களை சிபிஎஸ்இ அளவிற்கு பாடத்திட்டங்களை மாற்றுங்கள் என்று குரல் கொடுத்து வீதியில் இறங்கி போராடியிருந்தால், உங்களுடைய சம்பள உயர்வுக்கு ஒட்டுமொத்த தமிழகமும் களமிறங்கி இருக்குமே!

மிக கேவலமான விஷயம் என்னவெனில், எங்கோ ஒரு இடத்தில் ஒரு அரசு ஆசிரியரோ, ஊழியரோ சிறப்பாக பணியாற்றிவிட்டால் அவர்களை வெற்றி நாயகனாக, நாயகியாக கொண்டாட வேண்டிய அவல நிலைக்கு நாம் தள்ளப்பட்டிருக்கின்றோம். இது அவர்கள் சம்பளத்திற்கு அவர்கள் செய்ய வேண்டிய வேலை இது, ஆனால் அதையே நாம் மிகப்பெரிய விழாவாக கொண்டாடிய வேண்டிய இடத்தில் இருக்கின்றோம்.

காலணாவாக இருந்தாலும் அரசு உத்தியோகம் வேண்டும் என்ற காலம் மலையேறிவிட்டது. எப்போது கேட்டாலும், பஞ்ச பாட்டு பாடுவதே அவர்களின் வேலையாக இருக்கும். ஒரு அரசு அலுவலகம் மிக சுத்தமாக இருந்து விட்டால் ஏதோ அருங்காட்சியகத்தை பார்ப்பது போல பார்க்கின்றார்கள்.

உண்மையில் சுத்தமாக இருக்க வேண்டிய சுகாதாரத்துறை அலுவலகம் கூட சுற்றி குப்பைகளோடுதான் இருக்கின்றன. ஏன் இந்த அவலம்? அதைப்பற்றி எல்லாம் கவலை இல்லை, அவர்களுக்கு தேவை சம்பளம், ஊதிய உயர்வு முதலியவையே!

இதுவரை நீங்கள் வாங்கிய சம்பளத்திற்கு உங்களின் சாதனைகள் என்ன? என்று கேட்டுப்பாருங்கள், அவர்கள் அன்றாடம் செய்யும் வேலையை மிகப்பெரிய சாதனையாக பட்டியலிடுவார்கள். இவர்களது வாக்கு வங்கிக்காக, தபால் ஓட்டுக்காக ஒருவர் செய்த கேவலமான காரியம், இன்று அவர்கள் வேலைகளை விட்டு விட்டு வீதியில் இறங்கி போராடிக்கொண்டிருக்கிறார்கள். அவர்கள் கேட்பது நியாயமானதா? என்று ஒவ்வொரு தனியார் ஊழியரிடமும் கேட்டு பாருங்கள். தனியாரில் ஒருவர் செய்யும் வேலையை அரசுத்துறையில் 30 பேர் செய்து கொண்டிருப்பார்கள். ஆனால் கடைசி வரை அந்த வேலை முடியவும் செய்யாது.

அதுதான் அரசிற்கு, தனியாருக்கும் உள்ள மாறுபாடு! இனிமேல் அரசுத்துறையில் இருப்பவர்கள் வருடத்திற்கு இவ்வளவு டார்கெட்டை முடித்து விட்டு போராடுங்கள் என்று சொல்லிப்பாருங்கள். ஒருவர் கூட வீதிக்கு வரமாட்டார்கள். அதுதான் உண்மை.

ஆண்டுதோறும், அரசுத்துறை ஊழியர்கள் மற்றும் ஆசிரியர்களுக்கு தகுதி தேர்வு வைக்கப்படும் என்று ஏதாவது ஒரு அரசியல்வாதி சொல்லட்டும் பார்க்கலாம், அவர்களும் சொல்ல மாட்டார்கள், காரணம் வாக்கு வங்கி போய் விடுமே! என்ற அச்சமே!

தனியார் நிறுவனத்தில் வேலை பார்க்கும் சராசரி ஊழியனின் நூற்றில் ஒரு பங்கு வேலையை கூட அரசு ஊழியர்கள் செய்வதில்லை என்ற குற்றச்சாட்டு எழுகின்றது.

மின்சார கட்டணம் கட்ட பெரிய கியூ நின்று கொண்டிருக்கிறது. சிஸ்டத்தில் F1 அடித்தால் உள்ளே செல்லலாம் என்று சொல்லி பாதியிலே நிற்கின்றது. ஆனால் அதை அடிக்காமல், சர்வர் டவுன் என்று சொல்லி அட்டையை தொங்கவிட்டுட்டு போனில் அரட்டை அடித்து கொண்டிருக்கிறது மின்வாரியம்.

ஒரு தவறு நடந்தால் அதை செய்ய கூடாது என்று இருக்கிறார்கள், எத்தனை அரசு ஊழியர்களுக்கு இன்று மின்னஞ்சல் அனுப்ப தெரியாது தெரியுமா? @ இந்த சிம்பலை சொல்லத் தெரியாத எத்தனை அரசு ஊழியர்கள் இன்று ஊதிய உயர்வை கேட்டுக்கொண்டிருக்கிறார்கள் என்று நாங்கள் பட்டியலிடட்டுமா?

தொழில்நுட்பம் எத்தனை வளர்ந்தாலும் இன்னும் டாட்மேட்ரிக்ஸ் பிரிண்டரில் பிரிண்ட் எடுத்து கொண்டிருக்கும் அலுவலகங்களை அடையாளம் காட்டட்டுமா? காரணம் கேட்டால் மேலதிகாரிகள் இதைத்தான் கொடுத்திருக்கிறார்கள் என்று சொல்வார்கள். மேலதிகாரிகள் சம்பளம் கொடுக்க வில்லை, சம்பளம் பிடித்தம் செய்து விட்டார்கள் என்று சொன்னால் மட்டும் வீணாய் போன யூனியனை கைகளில் வைத்து கொண்டு போராடத் தெரியும் உங்களுக்கு மேலதிகாரிகளிடம் மக்களுக்கு தேவையானவற்றை வழங்க மட்டும் எரிச்சல் வருகின்றதா?

அரசுப்பேருந்துகள் ஓட்டை ஒடிசலாக இருந்தாலும் எடுத்து இயக்கும் ஓட்டுநர், நடத்துனர்கள், உங்களுக்கு வழங்கப்பட்ட கிழிந்த செல்லாத நோட்டுக்களை சம்பளமாக பெற்றுக்கொள்வீர்களா? மக்களால்தான் நீங்கள், மக்கள் உங்களை நாடி வராவிட்டால், உங்களால் மக்கள் சேவகனாக பணியாற்ற முடியாது என்பதை மறக்காதீர்கள், அரசு என்றாலே அதை இளக்ககாரமாக பார்க்கும் நிலை மாற வேண்டும். அதற்கு நீங்கள் எப்போது போராட்டம் செய்வீர்கள் என்று காத்துக்கொண்டிருக்கின்றோம் நாங்கள்.

இன்றைய தலைமுறை காத்துக்கொண்டிருக்கிறது, அரசு இயந்திரங்களை, பதவிகளை கைகளில் எடுக்க, ஜாக்டோ-ஜியோவை வீட்டுக்கு அனுப்புங்கள். தமிழகத்தில் ஆட்சியே நடக்கவில்லை, தமிழகம் அதள பாதாளத்தில் சென்று கொண்டிருக்கிறது, இந்த நேரத்தில் நீங்கள் போராட்டம் செய்யுங்கள், அப்போதுதான் ஆட்சி கவிழும், நமக்கு நடக்க வேண்டியது நடக்கும் என்று யாரோ தூண்டி விட்டதை நம்பி, வெட்டியாய் போராட்டம் நடத்துபவர்களை வீட்டுக்கு அனுப்புங்கள்,

இளைஞர்களை அந்த பதவிகளுக்கு களமிறக்குங்கள், இன்னொரு அனிதா மரிக்க மாட்டாள், நாடும், நாட்டு மக்களும் சுபீட்சமாவார்கள்.

அனிதா காட்டிக்கொடுத்த அக்கியூஸ்ட் நம்பர் 1

noreply@blogger.com (சிவா) — Thu, 7 Sep 2017 18:21:00 +0530

தமிழர்கள், தமிழ் மாணவ, மாணவிகள் சகோதரி அனிதாவின் மரணத்திற்கு நியாயம் கிடைக்க போராடிக்கொண்டிருக்க, இது ஒரு உணர்வுபூர்வமான போராட்டமாக அமைந்த வேளையில், அந்த நேரத்திலும் சுகம் தேட அலையும் ஒரு ஆண் வர்க்கம், செயலற்று போய் இருக்கும் பெண் வர்க்கம்,

கூட்ட நெரிசலை தடுக்க வேண்டிய நேரத்தில் இவனது கைகள் எங்கே செல்கிறது, கொடுமையிலும் கொடுமை, இளைஞர்கள் தெளிவாக இருக்கிறார்கள், அவர்களது இலக்கு போராட்டக்களம், அதே நேரத்தில் இந்த உதவி ஆணையர் ஜெயராமனும் இலக்கை நிர்ணயித்து விட்டான், தவறு என்று மன்னிப்பு கேட்டு விட்டால் நீதிமன்றமும், காவல்துறையும் மன்னித்து விடுமோ! அந்த உடையின் மதிப்பு தெரியாத இவன், இவனது பணிக்காலத்தில் இவன் எப்படி கற்பழிப்பு வழக்குகளை கையாண்டிருப்பான், இவன் எப்படி பெண்களுக்கெதிரான வழக்குகளில் வழக்குகளை கையாண்டிருப்பான் என்பதற்கு இது ஒன்றே சாட்சியாக அமைகின்றது.

இதை விட கேவலமான விஷயம் வேறு என்னவாக இருந்திருக்க முடியும்? நாடே பற்றி எரிந்தாலும் பரவாயில்லை, தனக்கு ஒரு ஐந்து நிமிட சுகம் வேண்டும் என்று காத்திருக்கும் பொறுக்கிகளுக்கு இன்னமும் காவல்துறை பதவி எதற்கு என்றுதான் புரியவில்லை, அவனை பணியிலிருந்து டிஸ்மிஸ் செய்தாலும் தவறில்லையே!

எவ்வளவு கீழ்த்தரமான விஷயம் இது, நம்மை சுற்றி ஆயிரம் கேமிராக்கள் இருக்கிறது என்று தெரியாமல் சேட்டை செய்யும் காமுகர்கள் இவர்கள்!

இவருக்கு ஒரு பெண் மகள் இருந்தால் அவளது நிலைமை என்னவாகும் என்பது அந்த தாயிற்கே வெளிச்சம்...தான் ஒரு உயரதிகாரி என்பதால் அவ்வாறு நடந்து கொண்டாரா அல்லது பலநாள் ஆசையை அன்று தீர்த்து கொண்டாரா, சமயம் பார்த்து காத்திருந்தாரா? அது அவரது மனசாட்சிக்கே வெளிச்சம்.

இவர் மட்டுமல்ல இன்றும் பெண்கள் பணி செய்யும் இடங்களில் பல்லை இளித்து வேலை பார்த்தால் ஒரு கவனிப்பு, முகத்தை இறுக்கமாக வைத்துக் கொண்டு வேலை பார்த்தால் ஒரு கவனிப்பு என்றுதான் உலகம் நகர்கிறது. எல்லா பெண்களையும் சொல்லவில்லை, எல்லா ஆண்களையும் சொல்லவில்லை,

ஒரு சில கார்பொரேட் நிறுவனங்களின் முதலாளிகள் கண்ணுக்கு லட்சணமாய் மனைவி இருந்தாலும், அலுவலகத்தில் தனது இச்சைகளை தீர்த்துக்கொள்ள ஒரு பெண்ணை தேர்ந்தெடுத்து கொள்கின்றார்கள். அவள் சொன்னால் அலுவலகத்தில் எதுவும் நடக்கும் என்பது போல ஒரு மாயை தோன்ற, அன்றிலிருந்து மற்ற ஊழியர்களிடம் இருந்து அந்த பெண் மட்டும் ஒதுக்கி வைக்கப்படுகின்றாள். தானும் ஒரு சராசரி பெண்ணே, தனக்கும் ஆசாபாசங்கள் இருக்கும் என்பதை மறந்து அவளை மட்டும் சமுதாயமும், அவர்களை சுற்றியுள்ள அலுவலக ஊழியர்களும் அந்த பெண்ணை ஒதுக்கியே விடுவார்கள்.

குடும்ப சூழ்நிலை, முதலாளிகளின் இச்சைகளுக்கு தன்னை பலிகடா ஆக்கி கொள்கின்றார்கள். அதன் பின்னர் அவர்கள் வாழ்வில் வெளிச்சம் என்பதே இல்லாமல் ஒளியற்று போய் நிர்கதியாகி நிற்கின்றார்கள்.

கடைசிவரை அவள் அந்த அலுவலகத்தை விட்டு வெளியேற முடியாத சூழ்நிலையில், உள்ளேயும் சக ஊழியர்களோடு வேலை செய்ய முடியாமல் கூனிக்குறுகி போகின்றாள், அனுபவித்தவன் சந்தோசமாக திரிவான், ஆனால் அனுபவிக்கப்பட்டவள் கடைசி வரை களங்கத்தோடு அவதிப்பட்டு செல்வாள்.

நம்மை நம்பி வந்தவளை நாம் சீரழித்து விட்டோமே என்ற வருத்தம் கொஞ்சம் கூட இல்லாத, கவலைப்படாத ஜென்மங்கள் இருப்பதால்தான் இந்த மாதிரியான பெண்களுக்கெதிரான அநீதிகள் நடந்தேறி கொண்டிருக்கிறது.

சென்னை போன்ற பெருநகரங்களில் இந்த மாதிரியான ஒரு சில கார்பொரேட் நிறுவனங்களின் அதிபர்கள் ஏழை பெண்கள், விதவைகள், அனாதைகள், விவாகரத்து பெற்றவர்கள் என்று தேடிப்பிடித்து வேலைக்கமர்த்துகின்றார்கள். வெளியே இருப்பவர்களின் பார்வைக்கு, மிக நல்லவர்கள், பாவப்பட்ட ஜென்மங்களுக்கு மறுவாழ்வு அளிக்கின்றார் என்று சொல்வார்கள், சொல்ல வைப்பார்கள், ஆனால் உள்ளுக்குள் நடக்கும் பெண்களுக்கெதிரான அநீதிகள் தொடர்ந்து கொண்டுதானே இருக்கின்றது.

ஏன், இப்படி செயகிண்றீர்கள் என்று சக ஊழியர்கள் கேட்டால், எனக்கு திராணி இருக்கிறது, செய்கின்றேன், என்று சொல்வார்கள். எது திராணி, கையாலாகாத பெண்களிடம் உங்கள் ஆண்மையை காட்டுவதா திராணி? இன்னும் பெண்களுக்கு எதிரான பாலியல் வன்கொடுமைகள் தீர்ந்தபாடில்லை என்றுதான் சொல்ல வேண்டும். தற்போது வேலியே வேலியை மேய்ந்திருக்கிறது என்பதற்கு உதாரணம்தான் அந்த காணொளி! வாட்ஸ்அப்பில் பரவுகிறது....காவல்துறையும், நீதித்துறையும் இன்னும் ஏன் அவரை காத்திருப்போர் பட்டியலில் வைத்திருக்கிறது, எதற்கு தயக்கம் காட்டுகின்றது என்று தெரியவில்லை!

அனிதா என்ற சகோதரி ஒரு காமுகனை சமுதாயத்திற்கு காட்டி விட்டு சென்றிருக்கிறாள்!

என்றுதான் எங்கள் சகோதரிகளுக்கு விடுதலை கிடைக்குமோ!

அம்மாவின் சமாதிக்கருகே உனக்கு ஒரு சமாதி வைத்தாலும் தவறில்லை,

நீட் தேர்விற்கு அனுமதி மறுத்து எதிர்ப்பு தெரிவித்தவரும் மண்ணுக்குள்ளே,

நீட் தேர்வினால் பாதிக்கப்பட்டவருக்கும் இன்று மண்ணுக்குள்ளே!

நீட் என்னும் கூர்மையான ஆயுதத்தால் குத்தி கொலை செய்தது யார் என்று நான் இனி சொல்லித்தெரிய வேண்டாம்!

நீங்களே சிந்தித்து கொள்ளுங்கள்...

ஏக்கத்துடன் உங்களில் ஒருவன்!

அறிவுக்கெட்ட அனிதாவே,

noreply@blogger.com (சிவா) — Sat, 2 Sep 2017 09:30:00 +0530

அறிவுக்கெட்ட அனிதாவே,

"அம்மா" மரணத்திற்க்கே இதுவரை பதில் சொல்ல வக்கில்லாத, விசாரணை நடத்த துணிவில்லாத அரசு, அனிதாவின் மரணத்திற்க்கா, பதில் அளித்துவிடப்போகிறது?

அறிவுக்கெட்ட அனிதாவே,

அரசியல்வாதிகளுக்கும், அகோர பசியில் காத்திருக்கும் டிஆர்பி யை விரும்பும் சானல்களுக்கும் அருமையான விருந்து அனிதா கொடுத்து விட்டு சென்றிருக்கிறாள், நாசமாக போகிறவர்கள் இனிமேல் அவள் ஆன்மா சொர்க்கம் செல்லும் வரை, அவளைப்பற்றி, பேசிவிட்டு அடுத்தது ஒரு குமுதா மரணத்திற்காக காத்துக்கொண்டிருக்கும் கழுகுகள் இவர்கள்...

அறிவுக்கெட்ட அனிதாவே,

ஒரு சிறுமி, மாணவி தனியாக உச்சநீதிமன்றம் நாடியிருக்கிறாள் என்றால் என்ன அர்த்தம்? வெட்கங்கெட்ட அரசியல்வாதிகளை நம்பி பிரயோசனமில்லை என்றுதானே தன்னந்தனியே சாவினை சந்தித்திருக்கிறாள்,

அறிவுக்கெட்ட அனிதாவே,
ஏழைப்பிள்ளைகள் மருத்துவம் படிக்க கூடாது என்ற பாசிச உணர்வு தலைதூக்கிறதோ என்ற அச்சம் எழுந்து கொண்டுதானே இருக்கிறது. தரமற்ற கல்வியை தமிழகம் படித்து கொண்டிருக்க, கேள்விகள் மட்டும் சர்வதேச அளவில் இருந்தால் எப்படி மாணவ, மாணவிகள் தேர்வுக்கு தயாராவார்கள்? விடைகள் தெரியாத கேள்விகள் பல?

மக்களே சிந்திப்பீர், ஒருவேளை இவளின் மரணத்தை புளூவேல் தற்கொலை என்று கூட சொல்வார்கள், கொச்சைப்படுத்துவார்கள், இதற்கு முன்னர் எத்தனை, எத்தனை வழக்குகளை இப்படித்தான் முடித்திருக்கிறார்கள், இதுவென்றும் புதிதல்ல, 1200 க்கு 1176 மதிப்பெண்கள் பெற்ற மாணவிக்கு எத்தனை எத்தனை ஆசைகள் இருந்திருக்க வேண்டும்? தனியே, தன்னந்தனியே தைரியமாக உச்சநீதிமன்றம் போனவள், எப்படி மரணத்தை தழுவினாள், எந்த சம்பவம் அவளை பாதித்தது? ஒருவேளை அவள் தற்கொலை செய்யாமல் இருந்திருந்தால் என்னவாகி இருக்கும், யாருமே குழுமூர் கிராமம் பக்கம் திரும்பி பார்த்திருக்க மாட்டார்களே!

எங்கள் சகோதரி இறந்து விட்டாளே, என்று குமுறும் மாணவ இயக்கங்களுக்கும், அவளது உறவினர்களுக்கும், பெற்றோருக்கும் எங்களது கண்ணீர் அஞ்சலியை காணிக்கையாக்குகின்றோம்.

அறிவுக்கெட்ட அனிதாவே, காவல்துறை விஷ்னுபிரியா தற்கொலை, சுவாதி வழக்கு, இளவரசன், இளவரசி வழக்கு இப்படி எத்தனை, எத்தனையோ விடைகள் தெரியாமலேயே சீரழிந்து போயிற்று!

அறிவுக்கெட்ட அனிதாவே, இந்த நாசமாய் போன அரசியல்வாதிகளை நம்பி அவசரப்பட்டு உன் உயிரை விட்டு விட்டாயே! ஒருவேளை இவர்கள் ஆட்சியில் வாழ்வதை விட, சாவதே மேல் என்று புரிந்து கொண்டு விட்டாயா?

அறிவுக்கெட்ட அனிதாவே,

ஒரு கல்வி இல்லை என்றால் வேறு கல்வி என்று ஏன் உன்னால் கொள்கையை மாற்றிக்கொள்ள முடியவில்லை, நம்ம ஊரு கட்சிக்காரர்களை பார்த்தும் உனக்கு அறிவில்லையா, ஒரு கட்சி, பதவி இல்லையென்றால் அடுத்த கட்சிக்கு கூச்சமே இல்லாமல் தாவுகின்றார்களே தவிர யாராவது தற்கொலை செய்து கொள்கின்றார்களா?

அறிவுக்கெட்ட அனிதாவே,
அவசரப்பட்டு தற்கொலை செய்யும் முட்டாள்களே, கட்சி விட்டு கட்சி தாவுங்கள், அதை விட்டு விட்டு தற்கொலை செய்யாதீர்கள், கூடா நட்பு என்று சொல்வார்கள், கடைசி வரை அவர்களோடே கூட்டு வைப்பார்கள், பெற்ற மகளை திகார் செயிலுக்கே அனுப்பினாலும் பணமும், பதவியும் கொடுத்து விட்டால் அவர்களோடே கூட்டு வைப்பார்கள், கேட்டால் கொள்கை என்று சொல்வார்கள், என்ன கண்ராவி கொள்கை என்று அந்த ஆண்டவனுக்குத்தான் வெளிச்சம்,

அறிவுக்கெட்ட அனிதாவே,
சகோதரி அனிதா, இன்றிலிருந்து அடுத்த பிணம் இந்த மண்ணில் விழும் வரை நீதான் எங்களின் ஊடகங்களுக்கு தீனியாக இருக்கப்போகின்றாய்,

விவாத மேடை, நேர்பட பேசு, ஒரு ஆளுங்கட்சி, ஒரு எதிர்க்கட்சி, ஒரு நெறியாளர், ஒரு நடுநிலையாளர் எல்லோரும் இணைந்து உன்னை விமர்சித்து பேசுவார்கள், சம்பந்தமே இல்லாமல் ஒருவர் பேசிக்கொண்டிருப்பார், அவர்தான் ஆளும்கட்சி என்பதை எடுத்து கொள், இதெல்லாம் நடந்து என்ன பயன்? நீ எங்களிடம் திருப்பி வரவா போகின்றாய்? வெட்டி பேச்சுக்கள், இதோ எனது எழுத்து போல!

வழக்கம் போல வலைப்பூவினில் மனக்குமுறலை வெளியிடுவதை தவிர எங்களுக்கு எதுவுமே தோன்றவில்லை! வெட்கித் தலைகுனிகின்றோம்....அறிவுக்கெட்ட அனிதாவே,

தரைமட்டமான அதிமுக!

noreply@blogger.com (சிவா) — Tue, 29 Aug 2017 09:36:00 +0530

எம்ஜிஆர் தொடங்கிய மாபெரும் இயக்கம், இன்று தரைமட்டமானது!

ஒரு மாபெரும் இமயம் சரிந்து போனது, சரிந்து போன மாதம் யாருக்குமே தெரியாது! இந்த நாளில் இறந்தார் என்று யாரோ சொன்னார்கள், கேட்டுவிட்டு அதையே இறந்த நாளாக துக்கம் அனுஷ்டித்து வருகிறது, தமிழகம்....

அம்மாவிற்கு பிறகு அதிமுகவில் இருக்கும் ஒருவனுக்கு கூட கட்சியை காப்பாற்ற வேண்டும் என்ற எண்ணம் இல்லை, பதவியை தக்க வைத்து கொள்ள ஒவ்வொரு லாட்ஜாக, ஒவ்வொரு ரிசார்ட்டாக சென்று கொண்டிருக்கிறான் என்பதே நிதர்சன உண்மை...

இந்திய பிரதமரில் இருந்து, தமிழக ஆளுநர் வரை யாருமே பார்க்க முடியாத அளவிற்கு அப்படி என்ன வியாதி அந்தம்மாவிற்கு! எதுவுமே நம்ப முடியாத தகவலாகி போய் விட்டதே!

அந்த அம்மா உயிரோடு இருக்கும் வரை, திரையுலகில் சத்தமே இல்லாமல் பஞ்ச் டயலாக் பேசியவர்கள் எல்லோரும் இன்று சமூக வலைத்தளங்களில் பஞ்ச் டயலாக் பேசி வருகின்றார்கள்.

அந்த அம்மா, பூரண குணமடைந்து விட்டார்கள் என்று திருப்பரங்குன்றம் இடைத்தேர்தலில் வாய்ஸ் மட்டும் வந்தது, இதுவரை பதில் இல்லை, உன்னை ஆள வேண்டாம் என்றுதானே சொன்னோம், வாழ வேண்டாம் என்று சொல்லவில்லையே என்ற வசனத்தின் மூலம் தம்மை நல்லவர் என்று அடையாள படுத்திக்கொண்டு விட்டது எதிர்க்கட்சி.

தமிழ் நாட்டில் இதுவரை ஐந்தாவது அணியாக வந்தவர்கள் இன்று வீதிக்கு வீதி உலா வருகின்றார்கள், ஒரு மாநிலத்திற்குள் நுழைய முடியாத ஒரு பிரதமர் இந்த நாட்டிற்கு தேவையா? அவருக்கு துணிச்சல் இல்லையா? அம்மாவின் மரணத்தின் உண்மை கதை பின்னணி என்ன?

யார் பார்த்தாலும் தொற்று பரவி விடும் என்று சொன்னார்கள், இன்று யாரும் பார்க்காமல் எப்படி தொற்று பரவியது? மருத்துவமனையில் நுழைந்த நாளில் இருந்து இன்று வரை உள்ள ரிப்போர்ட்டை இன்னும் வெளியிடாதது ஏன்? என்று பல, பல கேள்விகள் மக்களிடையே இருக்கத்தான் செய்கின்றது?

மருத்துவமனை கொடுத்த பதில்களை ஏற்க முடியவில்லையே! ஒரு முதலமைச்சருக்கே இந்த கதி எனில் பாமரனின், சாமானியனின் வாழ்க்கைக்கு என்ன உத்திரவாதம் கொடுத்திட முடியும்?

நாற்காலிக்கு சண்டை போட்டுக்கொண்டு கேவலப்பட்ட ஜென்மங்களாய் நம் முன்னாடி நிற்கின்றார்கள், தெர்மோகோலால் தண்ணீரை மூடும் அதிமேதாவிகள் அமைச்சர்களாய் உலா வரும் தமிழகம்! வெட்கக்கேடான விஷயம்...

எடப்பாடி முதலமைச்சர் ஆனதும், ஓபிஎஸ் ஜெயலலிதா மரணத்தில் நீதி விசாரணை வைக்கப்படும் என்கிறார், இப்போதும் அதில் மாற்று கருத்து இருக்கிறதா? நீதி விசாரணை இருக்குமா?

இத்தனை ஆண்டு காலமாய் நாங்கள் பதவிக்கு ஆசைப்படவில்லை, நாங்கள் நினைத்திருந்தால் அம்மாவுடன் இருந்த அன்றே எங்களது செல்வாக்கை பயன்படுத்தி அதிமுகவில் பதவிகள் பெற்று இருப்போம் என்று சசிகலா சொல்கிறார்,

ஏன் அன்றே பெற்று இருக்க வேண்டியதுதானே, அன்று பதவி பெறப்படவில்லையா? அல்லது பதவி கொடுக்கப்படவில்லையா? எது நிஜம்? அந்த பதவிகள் பெறப்படாமலே இவ்வளவு செல்வாக்கு எப்படி வந்தது?

இன்றும் ஒரு சிலர் தமிழகத்தில் அதிமுக விசுவாசிகள் என்று சொல்பவர்கள், அம்மா, இருந்தவரை அம்மா, அம்மா என்று நடித்தார்கள், அவரின் மறைவிற்கு பிறகு சின்னம்மா, சின்னம்மா என்று அழைத்தார்கள், சின்னம்மா ஜெயிலுக்குள் போனதும் இப்போது டிடிவி தினகரன் என்று அழைக்கிறார்கள்?

ஒரு கோடி தொண்டர்களில் இவர்களை விட்டால் அதிமுகவில் இவர்கள் நால்வரைத் தவிர வேறு தகுதியான ஆளே இல்லையா? எத்தனை, எத்தனையோ வழக்குகள்? எத்தனை, எத்தனையோ விவாதங்கள்?

ஒவ்வொரு ஊடகமும் தனது டிஆர்பி ரேட்டிங்கை ஏற்றிக் கொள்ள நடத்தும் விவாதங்கள், அசிங்கங்கள் அரங்கேறி வருகின்றன...

ஜிஎஸ்டி கொள்கையை எதிர்த்து அந்த சட்டம் நிறைவேறாமல் தடுத்து வைத்திருந்தவர் அம்மா, ஆனால் அந்த சட்டம் நிறைவேறுவதற்கு உடன்கட்டை ஏறியவர்கள் அம்மாவின் விசுவாசத்தையும் சேர்த்து அம்மாவோடு குழி தோண்டி புதைத்து விட்டார்கள்,.

சரியான தலைமை இல்லாமல் தகிடுதத்தம் போடும் அரசாங்கம், எதிர்க்கட்சி சட்டையை கிழித்து கொண்டு நடத்தும் அசிங்கங்கள், அருவருப்பாய் உள்ளது தமிழக அரசியல்....

யாரும் எக்கேடு கெட்டு போங்கள், நாங்கள் நடத்துகிறோம் பிக் பாஸ் என்ற கேலிக்கூத்து, அடுத்தவர் அந்தரங்க அறைக்குள் 30 கேமிராக்கள் வைத்து படம் பிடிக்கும் கூத்துக்கள்...

அவர்களின் ஆடைகள் கலாச்சார சீர்கேடுகள் என்று தமிழகத்தை எல்லோராலும் எள்ளி நகையாட ச் செய்யும் அசிங்கங்கள்...இதுதான் இன்றைய தமிழகம்!

இது எல்லாவற்றிற்கும் ஒரே தீர்வு, மக்களின் புரட்சி, சகிக்க முடியவில்லை இவர்களது கூத்துக்கள்! ஏதாவது ஒன்று ஏற்று கொள்ள முடிகின்றதா?

போட்டிபோட்டு கொண்டு நடத்தும் நகைச்சுவை அரசியல் கலாட்டாக்கள்! அனைத்திந்திய அண்ணா திராவிட முன்னேற்ற கழகம் இன்று அசிங்கப்பட்டு அலைக்கழிக்கப்படும் திருடர்கள் முன்னேற்ற கழகமாக மாறி உள்ளது வெட்கக்கேடானது!

உண்மை உலகிற்கு தெரியுமா? அல்லது அம்மாவின் மரணத்தை போலவே அனைத்து நீதிகளும் குழிதோண்டி புதைக்கப்படுமா?

அம்மாவின் பிணத்தின் மீது நாடகம், பிணத்தை வைத்து நாடகம் அரங்கேற்றப்படுகின்றது! வெட்கக்கேடானது தமிழகம்! தலைகுனிந்து நிற்கிறது, தமிழகம்!

புஷ்பா சசிகலா வின் பிரச்சினைகளில் தொடங்கியது, இன்று அம்மாவின் சமாதியில் முடிந்துள்ளது, முதன்முதலில் ஒரு பெண் எதிர்க்க தொடங்க, அம்மாவின் வேதா இல்லத்தில் என்ன நடந்தது? அப்பல்லோவில் என்ன நடந்தது?

அம்மாவின் போயஸ் தோட்டத்து காவலாளி கொலை செய்யப்பட்டு விட்டார், விசாரணை என்னவாயிற்று? அம்மாவிடம் பணிபுரிந்த பெண்கள் எங்கே சென்றார்கள்? உடல்நலம் சரியில்லை என்று மருத்துவமனையில் அட்மிட் செய்யப்பட்டவர் பிணமாகத்தானே வீடு திரும்பினார்? எம்பால்மிங் ஏன் செய்யப்பட்டது, இப்படி அடுக்கடுக்கான கேள்விகள்? எதற்குமே பதில் இல்லையே!

அம்மாவின் புகைப்படத்தை வைத்து கொண்டும், அம்மாவின் சமாதியை வைத்து கொண்டும் அரசியல் செய்யும் கீழ்த்தர அரசியல்வாதிகள், அதிமுகவை வைத்து அரசியல் செய்யும் கீழ்த்தர ஊடகங்கள்!

தமிழக மக்களின் வாழ்வாதாரம், அடிப்படை உரிமைகள் என்னவாயிற்று?

அய்யகோ! இமயம் சரிந்ததே! ஒன்று மட்டும் உறுதி! டாஸ்மாக் கடைகளை மூடிய வேகத்தில் திறந்திருக்கிறார்கள்..

டாஸ்மாக்கில் தாலி இழந்த பெண்களின் சாபம்தான் கட்சியே இல்லாமல் சீர்குலைந்து நிற்கிறது! தமிழக மக்களுக்கு விடிவு காலம் எப்போது?

- இது ஒரு சாமானியனின் குரல்

மாட்டுக்கு கொடுத்த மரியாதைய விவசாயிக்கும் கொடுங்கப்பா!

noreply@blogger.com (சிவா) — Mon, 21 Aug 2017 09:02:00 +0530

வணக்கம் இணையதள மற்றும் வலைப்பூ நண்பர்களே!

இரண்டு ஆண்டுகளுக்கு பிறகு மீண்டும் உங்களோடு நானும் இணைகின்றேன். காலச்சக்கிரத்தின் கோலம், சில பொருளாதார பிரச்சினைகளில் சிக்கி தவித்து தற்போது மீண்டும் இச்சமுதாயத்தில் எனக்கான அடையாளத்தை உருவாக்கி கொண்டுள்ளேன்.

எத்தனையோ நாட்கள் எனது வலைப்பூவை திறந்து பார்த்து, ச்சே! எப்படியெல்லாமோ காலம் கடந்து விட்டதே என்று எனக்குள் நானே சபித்து கொள்வேன்.

இன்று சமுதாயம், நாடு மற்றும் சட்டம், நீதி அனைத்துமே செத்துப் போய்தான் இருக்கிறது. தமிழ் நாட்டை ஆளுவது யார், மாநிலமா? இல்லை மத்தியமா? என்று ஆயிரமாயிரம் கேள்விகள் மக்களுக்குள் உருவாகித்தான் இருக்கிறது.

மறைந்த முதலமைச்சர் செயலலிதாவின் இழப்பு எவ்வளவு மோசமானது என்பதை மக்கள் இன்று நன்கு உணர்ந்திருப்பார்கள். அவரின் ஆளுமையில் அவரை திமிரு பிடித்தவர், ஆணவம் கொண்டவர், தலைக்கனம் கொண்டவர் என்றெல்லாம் விமர்சித்தவர்கள் இன்று அந்த அம்மா இருந்திருந்தா இவனுங்க இப்படி ஆட்டம் போடுவானுங்களா, வாயைத்திறந்து பேசுவானுங்களா என்று வாய் விட்டே அறைகூவல் விடுத்து கொண்டிருக்கின்றார்கள். தொண்டனுக்கு இன்றும் தெரியவில்லை, யார் உண்மையான அம்மா விசுவாசி என்று, யாரை தலைமையாக ஏற்றுக்கொள்வது என்று தெரியவில்லை,

எதிர்க்கட்சியான திமுகவும் இன்று தலைமை இல்லாமல் சீரழிந்து போயிதான் இருக்கிறது. எத்தனையோ புரட்சிகள், போராட்டங்கள் செய்து கொண்டுதான் இருக்கிறார்கள், இலவு காத்த கிளி போல இங்குமங்கும் போராடிக்கொண்டுதானே இருக்கிறார்கள்.

நாடே நாசமாய் போய்க்கொண்டிருக்கும் இவ்வேளையில் பிக் பாஸ் என்ற டீவி தொடர் ஊடகங்களில் தலைப்பு செய்தியாக வந்து கொண்டிருக்கிறது, வெட்கக்கேடான விஷயம்! ஊடகங்கள் எல்லாமே வெட்கி தலைகுனிய வேண்டிய நேரம் இது, அஜித்தின் திரைப்படமும், விஜயின் திரைப்படமும் ஊடகங்களில் தலைப்பு செய்தியாக இருக்கிறது.

2ஜி, காமன்வெல்த் போட்டி ஊழல், நிலக்கரி ஊழல், கிரானைட் ஊழல், விஜய் மல்லையா ஊழல், கண்டெய்னர் லாரி கோடிக்கணக்கான பணம் விசாரணைகள் என்னவானது?

மக்களை மறக்கடிக்க கொண்டு வந்ததே, 500 ரூவாய், 1000 ரூபாய் பண மாற்றம், ஜிஎஸ்டி ஆகியவையே, சாமானியன் இன்று வரை சாமானியனாகவே இருக்கின்றான், நாட்டை ஆக்கப்பூர்வமான கொண்டு செல்ல ஒருவனும் சிந்திக்கவே இல்லை! அதிமுகவில் உள்ள இரு அணிகள் இணையுமா? என்ற கேள்விகளை தினமும் டிஆர்பி க்காக விசாரிக்கும் ஊடகங்கள், வெட்கக்கேடான விஷயங்கள்!

அம்மாவின் மரணத்திற்கு பிறகு அதிமுக 4 அணிகளாக உருவெடுத்திருப்பது, அந்த அம்மாவின் மரணத்தை வேண்டியிருப்பார்களோ என்ற சந்தேகத்தை மக்களிடம் கிளப்பி வருகிறது.

பணம், பதவி மோகம் இல்லாத ஒரு தலைவனை இனி எப்போது நாம் காணப் போகின்றோம். ஒருவரையொருவர் குறை சொல்லிக்கொண்டு ஆட்சி நடத்தும் கேவலங்கள் எப்போது நாட்டை விட்டு செல்ல போகின்றது?

கதிராமமங்கலம், நெடுவாசல் போராட்டம், விவசாயிகள் போராட்டம் எங்கே போனது? நாடு அழிவை நோக்கி போய் கொண்டிருக்கிறது. மத்தியில் ஆளும் பாஜக வோ ஆட்சியை பிடிக்கும் வரை அவர்களை கைது செய்வேன், இவர்களை கைது செய்வேன் என்று ஊருக்கு ஊர் போய் பிச்சை எடுத்து பதவி பெற்றார்கள். இன்று பலகோடி கொள்ளையடித்த விஜய் மல்லையா கிரிக்கெட் போட்டியை ரசித்து பார்த்து கொண்டிருக்கின்றான். அவனை கைது செய்ய வக்கில்லாமல், அலைந்து கொண்டிருக்கிறது. கார்ப்பொரேட் நிறுவனங்களின் கைக்கூலியாக மத்திய அரசும்,மத்திய அரசின் கைக்கூலியாக மாநில அரசும் இழுபறியில் இருக்கிறது.

திருநெல்வேலி நகரத்தில் பெப்சி, கோக் குளிர்பான ஆலைகளை தண்ணீர் எடுக்க தாரை வார்த்து கொண்டிருக்கும் அன்றைய தமிழக அரசு, இன்று அதற்கு எதிராக போராட்டம் செய்வது வேடிக்கையாக இருக்கிறது.

மீத்தேன் வாயுதிட்டத்தை அறிமுக படுத்தி அவசர சட்டத்தில் கையெழுத்திட்ட இயக்கங்கள்தான் இன்று அதற்கு எதிர்ப்பு தெரிவித்து போராட்டங்கள் நடத்துகிறது. மக்களை இன்னமும் கேனப்பயல் லிஸ்ட்டில் வைத்திருக்கிறார்களே! என்ற கோபம் தலைக்கேறுகிறது.

எத்தனையோ பிரச்சினைகள் நாட்டில் இருக்க, இங்கே நாற்காலிக்கு சண்டை போடும் நாதாரிகளை நினைத்தால் என்னவென்று சொல்ல?

அம்மா இறந்த சந்தேகங்கள் ஆயிரம் இருக்க? ஏன் இளைஞர்கள் போராட்டம் செய்ய வில்லை என்று தெரியவில்லை! ஜல்லிக்கட்டுக்கு ஆதரவாய் குரல் கொடுத்த இளைஞர்கள் ஏன் இந்த அம்மாவின் மரணத்தில் விசாரணைக்கு குரல் கொடுக்க வில்லை!

அந்த அம்மா ஊழல் செய்ததாக இருக்கட்டும், ஆனால் நாட்டு மக்களுக்கு செய்த நலத்திட்டங்கள் எதுவும் குறைவில்லையே! போகும் போது எதுவுமே கொண்டு போகப்போவதில்லை என்பதற்கு பணம் சேர்த்த முதலைகள் தெரிந்து கொள்ள வேண்டுமே!

இது சாதாரண மரணம் அல்ல! கோடி ரூபாய் கையில் பிணமாகத்தான் நம்மை விட்டு பிரிந்தார். மரண விளிம்பில் இருந்த அவரோடு யாருமே பேசவில்லை! யாரையுமே பேச விடவில்லை, ஒரு செய்தியின் உண்மை நிலை தெரியவில்லையெனில் ஆயிரமாயிரம் பொய் செய்திகள் பரவத்தான் செய்யும்! அதற்கு முற்றுப்புள்ளி வைக்க உண்மைநிலை மக்களுக்கு தெரியவேண்டும்!

தெரியுமா? இளைஞர்கள் இனியாவது விழித்து கொள்வார்களா? ஏதாவது ஒரு ஐடி நிறுவனம் விவசாயத்திற்கு, கதிராமமங்கலத்திற்கு, நெடுவாசலுக்கு குரல் கொடுக்குமா? அப்படி கொடுக்கும் போது அனைத்து ஐடி நிறுவனங்களும், இளைஞர்களும், இளைஞகளும் இணைவார்கள்.

சமுதாய பிரச்சனைகளை பேசும் ஊடகங்கள் என்று வெளிவரும் என்று உங்களைப்போலவே நானும் காத்திருக்கின்றேன். தமிழகத்தை சேர்ந்த ராணுவவீரன் வீரமரணம் செய்தி ஏழாவது பக்கத்தில் ஒரு குட்டி பெட்டி செய்தியாக வெளிவந்திருக்கிறது, முதல் பக்கத்தில் விவேகம் படத்தின் டீசரை 1 லட்சம் பேர் பார்த்தார்கள் என்று வெளிவந்திருப்பதே கேவலத்திற்குரிய விஷயமே!

விடைகளே தெரியாத கேள்விகள் ஆயிரமாயிரம் நமக்குள் உருவாகிக்கொண்டிருக்கிறது!

எப்போது கிடைக்கும் விடைகள்! ஜல்லிக்கட்டு மாடுகளுக்கு கிடைத்த விடைகள் கூட மனிதனுக்கு நம் வாழ்வின் உயிர் விவசாயத்திற்கு கிடைக்காதது வேதனையளிக்கிறது...

விவசாயத்தை காப்போம் என்று வாட்சப்பில் லோகோ வைத்து விட்டால் நாம் போராளிகள் என்று அர்த்தம் கிடையாது. விஜய் மல்லையாவிற்கு கடன் கொடுத்த வங்கி அதிகாரிகளிடம் விசாரணை நடத்தி தீர்வு காண வேண்டும். சாமானியன் ஒருவன் வீட்டிற்காக, திருமணத்திற்காக, கல்விக்காக வாங்கிய கடனுக்கு, அவனது வீட்டை ஜப்தி செய்யும் வங்கிகள், கல்வி சான்றிதழை பறிமுதல் செய்யும் வங்கிகள், நகைகளை ஏலத்தில் விற்கும் வங்கிகள், விஜய் மல்லையாவின் கால்களை கழுவி விட்டது எப்படி?

எப்படி அவனை வெளிநாட்டிற்கு தப்ப வைத்தார்கள்? எப்படி இன்று வரை தலைமறைவாக இருக்கின்றான்? மக்கள் சிந்திக்க வேண்டும்?

கலைஞர் அவர்களுக்கு ரிப்ளை கடிதம் !

noreply@blogger.com (சிவா) — Thu, 12 Mar 2015 12:55:00 +0530

தேர்தல் பணிக்காக தாரளமாக நிதி வழங்குமாறு கட்சி தொண்டர்களுக்கு திமுக தலைவர் கருணாநிதி கோரிக்கை விடுத்துள்ளார். இது குறித்து அவர் கட்சி தொண்டர்களுக்கு எழுதியுள்ள கடிதத்தில் கூறியிருப்பதாவது,

வழக்கம் போல கடுதாசி போட்டுட்டாரு, கூரியர் அனுப்புனா செலவு ஆகிடும், அந்த காசுல தேர்தல் செலவுக்கு வச்சிகலாமுனு ஐடியா பண்ணியிருக்காரு போல..

2016-ம் ஆண்டு ஏப்ரல், மே மாதங்களில் தமிழக அரசின் பொதுத்தேர்தல் வரவுள்ளது. 5 ஆண்டு காலம் இந்த நாட்டு மக்கள் பட்ட துன்பங்களுக்கெல்லாம் விடிவு காலம் ஏற்படவிருக்கிறது. மக்கள் படும் வேதனைகளை எண்ணிப்பார்க்கும் போது, ஆளுங்கட்சிக்கு விடை கொடுத்து அனுப்பத் தயாராகி விட்டார்கள் என்ற போதிலும், "அவர்கள் இல்லாவிட்டால் நாம் தானே", என்ற மதமதப்போடு நாம் இருந்து விடக்கூடாது.

இன்னும் அந்த நினைப்பு உங்க கிட்டே இருக்கு னு நினைக்கிறப்ப உங்க தன்னம்பிக்கைய பாராட்டாம இருக்க முடியாது. இந்த தள்ளாத வயசிலும் அவருக்கு இருக்கும் தன்னம்பிக்கையை இளைஞர்கள் பார்த்து கத்துக்கணும் னு சொல்றேன்.

எதிர்க்கட்சிகளிடம் ஒற்றுமை இல்லை என்ற எண்ணம் ஆளுங்கட்சியினரிடம் அதிகமாகவே உள்ளது.

உண்மை அதுதானே..ஒற்றுமையாவா இருக்கீங்க? சொந்த குடும்பத்துக்குள்ளாகவே இல்லையே!

அவர்களை எதிர்த்து போட்டியிட-வாக்குகளுக்கு அவர்களை போல நிதி கொடுக்க-ஆடம்பரச் செலவுகளைச் செய்திட நம்மிடம் நிதியில்லை என்ற போதிலும்,

கடைசி வரைக்கும் உங்கள் திறமைய சொல்லி ஓட்டு கேட்க போறதில்லே, காசு கொடுத்து தான் செயிக்க போறீங்க, அப்படித்தானே

அத்தியாவசியமான, அவசியமான செலவுகளைச் செய்திட ஓரளவு நிதியையாவது நாம் சேர்க்க வேண்டாமா? இன்னும் சரியாக ஓராண்டு தான்-ஆம் பன்னிரண்டே மாதங்கள்.

அத்தியாவசியம் னா யாருக்கு அத்தியாவசியம்? மக்களுக்கா, அல்லது உங்க குடும்பத்துக்கா? அவசியம் னா மக்களுக்கா, அல்லது உங்க தொலைகாட்சி நிறுவனத்துக்கா அது என்னான்னு கொஞ்சம் தெளிவா சொன்னீங்கன்னா, வசதியா இருக்கும் (ஆ)சாமி ?

அதற்குள் நாம் ஆற்ற வேண்டிய ஜனநாயகப் பணிகள் ஏராளம்-அதிலே ஒன்று தான் தேர்தல் நிதி திரட்டும் பணி.

ஜனநாயகப் பணியில் எப்போ தேர்தல் நிதி திரட்டும் பணியை சேர்த்தாங்க ?

இப்பணி மட்டுமல்ல, கட்சி பணி எதுவாயினும் முகம் சுளிக்காமல் அதனை நிறைவேற்ற, கட்சி காளைகள் ஆயிரம் ஆயிரம் பேர் தயாராக இருக்கிறீர்கள் என்பதை நான் நன்கறிவேன்.

இவ்வளவு வருஷ உங்க முயற்சியிலே காளைகள் வெறும் ஆயிரம், ஆயிரம்தான் இருக்காங்களா? லட்சம், கோடி எல்லாம் சேரலையா?

தி.மு.க. சார்பில் 65 மாவட்டங்கள் பிரிக்கப்பட்டு, மாவட்ட செயலாளர்களாக வந்துள்ள அனுபவம் பெற்ற மூத்த தளகர்த்தர்களும்-புதிதாகப் பொறுப்பேற்றுள்ள இளங்காளையரும் இந்த தேர்தல் நிதியளிப்பு நிகழ்ச்சியை போட்டியாகவே ஏற்றுக் கொள்வார்கள் என்பதில் அய்யமில்லை.

தேர்தல் நிதி திரட்டுரதுல அவங்க போட்டியா நினைச்சுக்குவாங்க..நீங்க நிதி திரட்டுரதுல மட்டும் போட்டியா நினைச்சுக்குவீங்க போல,

தேர்தல் நிதிக்கான நன்கொடைச்சீட்டுகள் கட்சி தலைமையகத்தில் முறைப்படி அச்சிடப்பட்டு மாவட்ட செயலாளர்கள் வாயிலாக வழங்கப்படவுள்ளன.

இதுக்கெல்லாம் உடனே நன்கொடை சீட்டு போடுறீங்க, எந்த கவுன்சிலரும், வட்ட செயலாளரும் தனிப்பட்ட முறையிலே கொள்ளையடிச்சிரக் கூடாதுங்கிற தொலைநோக்கு பார்வை...ஐ லைக் தேட் அப்ரோச்?

நானோ, பொதுச்செயலாளரோ, பொருளாளரோ-கலந்து கொள்ளும் கட்சி நிகழ்ச்சிகள் எதிலும் தேர்தல் நிதியளிப்பு அவசியம் இருந்திட வேண்டும்.

நீங்க வாங்க, வராம போங்க ஆனா கண்டிப்பா மொய்ப் பணம் கொண்டு வந்திடனும்...ஆகா நல்ல சிந்தனை,

கட்சி நிகழ்ச்சிகளிலோ அல்லது நேரிலோ எங்களைக் காண வருவோர்-வரும்போது மாலை ஒன்று கொண்டு வருவதற்கு பதிலாக-கைத்தறி ஆடை ஒன்று அணிவிப்பதற்கு பதிலாக-நூறோ, இருநூறோ என்று தேர்தல் நிதி கொண்டு வர வேண்டும்.

மாலை போடாதீங்க, கைத்தறி போர்வை எல்லாம் போடாதீங்க...அப்புறம் மாலை விக்கிறவன், கைத்தறி விக்கிறவன் எல்லாரும் நல்லா வாழ்ந்துட போறாங்க, 100, இருநூறு போதுமா, வெளிப்படையா 500, 1000 கேட்டிரவேண்டியதுதானே..

அதையும் ஒரு கவருக்குள் வைத்து, கவரின் மீது உங்களுடைய முகவரியும், எவ்வளவு ரூபாய் என்பதையும் தெளிவாக எழுதிக் கொண்டு வர வேண்டும்.

கல்யாண வீட்டுல கூட நிறைய பேரு மொய்ப் பணம் வேண்டாமுன்னு சொல்றாங்க, கட்சிக்காக தொண்டர்கள் இவ்வளவு செய்யுறாங்க...நீங்க என்ன செய்யப் போறீங்க? அப்படீன்னு பாமரன் கேட்குறான்?

வரும் தேர்தலில் ஜனநாயகத்திற்கு விரோதமாக சர்வாதிகாரமாக நடைபெறும் ஆட்சியை வீட்டுக்கு அனுப்ப இந்த தேர்தல் நிதி பயன்படும் என்ற எண்ணம் உனக்கு தோன்றிடும்.

சிட் பண்ட் ல பணத்தை போட்டதா நீங்க நினைச்சுகோங்க னு சொல்றாரு...புரிஞ்சிகோங்க..அந்த ஆட்சியை விரட்டுறதுக்கு நினைச்சு நீங்க கொடுத்திடனும்...அப்புறம் கணக்கு எல்லாம் கேட்க கூடாது..இப்பவே சொல்லிட்டேன்..

நான் எத்தனையோ முறை கேட்டிருக்கிறேன். நீங்களும் வாரி வாரி வழங்கியிருக்கிறீர்கள்.

நான் நிறைய கடுதாசி போட்டிருக்கேன்...நீங்களும் ஏமாந்து கொடுத்திருக்கீங்க...தமிழ் நாட்டுல இப்போதைக்கு நம்ம பேருல ஒரு சானல் தான் இருக்கு, கூடிய சீகிரத்துல நம்ம பேருல பஸ் கம்பெனி, டிரைன் கம்பெனி, ஏரோபிளேன், அப்புறம் ரியல் எஸ்டேட் எல்லாம் ஆரம்பிக்கணும்...அது நீங்க கொடுக்கிற 100, 200 ல தான் இருக்கு.

பணக்காரர்களிடம், பல கோடி வைத்திருப்போரிடம் கேட்டுப் பழக்கப்பட்டவனல்ல நான்

அவர்கள் நம்மை விட உசாரானவர்கள்..அவர்களிடம் அமவுண்ட் கேட்டால் உசாராயிடுறாங்க. கட்டுற பணத்துக்கு வீடியோ ஆதாரம் எல்லாம் எடுக்கிறாங்க..ரிசிப்ட் கேட்குறாங்க..

உன்னிடம் தான் திரும்பத் திரும்பக் கேட்கிறேன், நீயும் கொடுத்துக் கொண்டே இருக்கிறாய்;

நீதான் இளிச்சவாயன்...கேட்டவுடனே கொடுக்கிறே...ஏன்னா எதுன்னு திருப்பி கேட்க மாட்டே...அதுனாலதான் உன்னிடமே கேட்கின்றேன்...

இப்போதும் கொடுப்பாய் என்ற நம்பிக்கையோடு தான் இருக்கிறேன்.

இவ்வாறு கருணாநிதி அதில் தெரிவித்துள்ளார்.

இந்த வாட்டியும் கண்டிப்பா கொடுக்கணும்னு கெஞ்சி கேட்டுகிறேன்...இதுதான் என்னோட கடைசி தேர்தல்...

-ஏமாந்த தொண்டன்

நன்றி : http://tamilnadu.indiaeveryday.in/fullnews--------1295-169063.htm

திரு.சகாயத்துக்கு ஓர் எச்சரிக்கை!!!!

noreply@blogger.com (சிவா) — Thu, 29 Jan 2015 13:34:00 +0530

திரு. உ.சகாயம் இந்திய ஆட்சிப்பணி அதிகாரி. தந்தை பெயர் திரு.உபகாரம் பிள்ளை. அவர் தமிழகத்திற்கு தந்த மிகப் பெரிய உபகாரம் திரு. சகாயம். அவர்கள்.

தனது அதிரடி நடவடிக்கைகள் மூலம் தனது பணியை சிறப்பாக செய்து முடிக்கின்றார். தற்போது கனிம வள ஊழலைப் பற்றிய கணக்கெடுப்பினில் பணியாற்றி வருகின்றார். மிகவும் பாராட்டுதலுக்குரிய விஷயம். தவறு செய்தவர்கள் ஒவ்வொருவரும் பதுங்கியும், தலைமறைவாகியும் வருகின்றார்கள். இவரின் இந்த அதிரடி நடவடிக்கைகளுக்கு பாராட்டு தேவையா? சம்பளம் வாங்கி கொண்டுதானே வேலை பார்க்கின்றார் என்று சொல்லலாம்.

ஆனால் மிகப் பெரிய உண்மை என்னவெனில் கிம்பளம் வாங்காமல் வாங்கும் சம்பளத்திற்கு உண்மையாய் நேர்மையாய் வேலை பார்த்து வருவதுதான் அவரின் நேர்மைக்கு அடையாளம். ஊடகங்கள் அவரது சாதனைகளை அன்றாடம் விளக்க வேண்டும். மூன்றாவது பக்கத்தில் ஒரு ஓரத்தில் அவரது செய்தி வெளி வருகின்றது.

சினிமாவில் ஆண்ட்டி - கரப்ஷன் போர்ஸ் என்ற இயக்கத்தை கதாநாயகன் செய்வார். மற்றொரு படத்தினில் ஒரு நாள் முதலமைச்சர் அதிரடியாய் களமிறங்கி ஊழல்வாதிகளை ஆட்டம் காணச் செய்வார். அதற்கெல்லாம் கைதட்டி ஆரவாரம் செய்யும் நம்மூர் ரசிகர்கள் ஒரு உண்மையான, நேர்மையான அதிகாரி பணியாற்றும் போது அவர்களுக்கு ஆதரவாய் என்ன செய்கின்றார்கள்??? உங்களுக்கு தொடங்கப்பட்டுள்ள ஆதரவு இயக்கத்தில் அவர்களுக்கு என்ன ஆதாயம் என்பதைத்தான் வியாபாரமாய் ஒரு சிலர் செய்கின்றார்கள்

அந்த ஆண்ட்டி - கரப்ஷன் போர்ஸ் கருத்தை கொண்ட படத்திற்கு எத்தனை ரசிகர்கள் பிளாக்கில் டிக்கெட் வாங்கி இருப்பார்கள்.? எத்தனை ஊழல் செய்தவர்கள் அந்த ஒரு நாள் முதலமைச்சர் படத்தை குழந்தைகளோடு கைதட்டி படம் பார்த்திருப்பார்கள். அவர்களுக்கு எங்காவது உறுத்தியிருக்குமா? என்றால் எதுவும் கிடையாது. சினிமா வேறு நிச வாழ்க்கை வேறு என்பதை நன்கு தெரிந்தவர்கள்.

அப்படி நிச வாழ்க்கையிலும் ஒரு ஹீரோ உருவாகும் போது எத்தனை பேர் அதனை ஏற்றுக் கொள்வார்கள்? அப்படி ஏற்று கொள்ளாததன் வெளிப்பாடுதான் உ.சகாயம் அவர்களின் செயல்பாடுகள் எப்போதுமே மூன்றாம் பக்கத்தில் வருவதற்கு காரணம். முறையான உரிமம் வாங்காத கிரானைட் குவாரிக்கு யார் முறையாக தார்ச் சாலை போட்டுக் கொடுத்தது என்று கேட்டதாக செய்திகள் வெளி வந்தது! அவ்வளவுதான், அதோடு சரி, அதற்கு என்ன நடவடிக்கை எடுக்கப் பட்டது? என்று எந்த பத்திரிக்கையாவது கேள்விக் கணை எழுப்பியதா? தகவல்கள் இல்லை. ஒரு கை தட்டினால் ஓசை வராது. ஒரு இந்திய ஆட்சிப் பணி அதிகாரி மட்டும் உழைத்தால் போதுமா? நியாயம் கிடைத்து விடுமா? அனைத்து இந்திய ஆட்சிப் பணி அதிகாரிகளும் இதைப் போன்ற நடவடிக்கையில் எப்போது துணிந்து இறங்குவார்கள்? வெறும் கேள்விக் குறிகள் மட்டுமே நமக்கு விடையாக வரும்!

இப்போது மதுரையில் சகாயம் ஆதரவு இயக்கம் என்ற ஒன்று புதிதாய் தொடங்கப் பட்டிருக்கின்றது. வாழ்த்துக்கள். ஆனால் திரு. சகாயம் அவர்களே, உங்களுக்கு அறிவுரை கூறும் அளவிற்கு நான் அதிமேதாவி கிடையாது. ஆனால் உங்களை பாராட்டும், ஆதரவு தெரிவிக்கும் எத்தனை பேர், உண்மையான தொண்டர்கள் என்பதை நீங்கள் கருத்தில் கொள்ள வேண்டும்.

உங்களுக்கு ஆதரவு அளிக்கும் உறுப்பினர்களை நீங்கள் அவ்வப்போது கவனிக்க வேண்டிய சூழலில் நீங்கள் இருக்கின்றீர்கள். ஒரு சிலர் அரசியல் கட்சிகளின் உளவாளிகளாகவும் இருப்பார்கள். இதுவே நாளை உங்களுக்கு பெரிய தலைவலியாய் வந்து முடியும்! கவனம் தேவை.

உங்களுக்கு ஆதரவு அளிக்கும் இளைஞர்கள் எத்தனை பேர் லஞ்சம் கொடுத்து ஓட்டுனர் உரிமம் வாங்கி இருப்பார்கள்? எத்தனை பேர் லஞ்சம் கொடுத்து சாதி சான்றிதழ் வாங்கி இருப்பார்கள். எத்தனை பேர் லஞ்சம் கொடுத்து கல்வித் தகுதியை பெற்றிருப்பார்கள். அப்படி இல்லாத ஒரே ஒரு நபர் உங்களுக்கு ஆதரவாய் இருந்தாலும் அது உங்களுக்கு மிகப் பெரிய வெற்றியே.

சமீபத்தில் ஒரு ஆட்டோ ஓட்டுனர் தனது வாகனத்தில் சகாயம் ஆதரவு இயக்கத்தில் தான் ஒரு உறுப்பினர் என்று சொன்னார். அதற்கு அவருக்கு தகுதி இருக்கின்றதா? என்று கேட்டால் எதுவும் இல்லை. காரணம் அவரிடம் ஓட்டுனர் உரிமம் இல்லை, ஓட்டுனருக்கான சீருடை இல்லை, வாகனத்தில் மீட்டரும் இல்லை. எதற்கு இந்த பந்தா என்று கேட்டால்? அப்பதான்யா டிராபிக் போலிஸ்காரங்கிட்டே இருந்து தப்பிக்க முடியும்? எல்லாம் ஒரு சேப்டிக்காகத்தான் என்று ஒரு போடு போட்டார். நான் வாயடைத்து போனேன்.

தங்களது குற்றங்களில் இருந்து தப்பிப்பதற்கு தனக்கு ஒரு அடையாளம் தேவை என்பதை இம்மாதிரியான உறுப்பினர்கள் பயன்படுத்துகின்றார்கள். உங்களது பெயருக்கு களங்கம் வரும் சூழ்நிலை உருவாகி உள்ளது.

நாட்டை வளப் படுத்த வேண்டும் என்று உண்மையான எண்ணத்தோடு இருப்பவர்களை அணி சேருங்கள். தலைவா, நீ அது செஞ்சிடு, இது செஞ்சிடு என்று குரல் கொடுத்து விட்டு உங்களை உசுப்பேத்தும் சுயநலக் கூட்டம் நம்மை சுற்றி வருகின்றது, கவனத்தில் கொள்ளுங்கள். உங்கள் மீது எந்த நேரத்தில் பழி போடலாம், எப்படி போடலாம் என்று சில அதிகாரிகளும், அரசியல்வாதிகளும் காத்துக் கொண்டிருக்கின்றனர். மிகுந்த கவனம் தேவை!

இது ஒரு உண்மையான குடிமகனின் அன்பான வேண்டுகோள்.! இது எச்சரிக்கை கடிதம் அல்ல, போலி தொண்டர்களிடம் இருந்தும், உளவாளிகளிடம் இருந்தும் சற்று எச்சரிக்கையாக இருங்கள் என்ற அன்பான வேண்டுகோள். உங்களை வாழ்த்த வயதில்லை. வணங்குகின்றேன்.

தடம் மாறும் தாமரை! தத்தளிக்கும் தமிழகம்!

noreply@blogger.com (சிவா) — Thu, 18 Dec 2014 15:59:00 +0530

காங்கிரஸ் தமிழ்நாட்டுக்கு துரோகம் பண்ணுதுன்னு சொல்லி சொல்லித் தான் பாரதிய ஜனதா நம்மகிட்டே பிச்சை கேட்டானுங்க...ஓட்டுக்கு ஊர், ஊரா தெரு தெருவா பிச்சை கேட்டானுங்க, இன்னிக்கு சமஸ்கிருதத்தை கொண்டு வருவேன்...பகவத் கீதையை கொண்டு வருவேன் னு வசனம் பேசிகிட்டு இருக்காங்க...திடீருன்னு ரெண்டு நாளைக்கு முன்னாடி ஒன்னு கேள்வி பட்டது அதிர்ச்சியா இருந்தது, கிறிஸ்துமஸ் கு லீவ் கிடையாதாம். மெல்ல இந்துத்துவா தலை தூக்குதோ ங்கிற அச்சம் எல்லோருக்கும் வருது...

மற்ற நாடுகளை விட இந்தியாவில்தான் எல்லா மொழி, மதம் பேசுறவங்களும் இருக்காங்க. அந்த நாட்டோட பெருமைய சீரழிக்கிற மாதிரி பேசிகிட்டு இருக்கிறது கண்ணியமான ஆட்சியா தெரியல...

கடந்த தேர்தல் பிரச்சாரம் அப்போ இப்போ பிரதமரா இருக்கிற மோடி தான் மன்மோகன் சிங் பிரதமரா இருந்த போது அப்போதைய பிரதமரையே ஏக போக வசனத்துல பேசினாரு...ஆனா அதே விஷயத்தை இன்னிக்கு வைகோ செய்யுறதால அவர வீட்டுக்கு பாதுகாப்பா போக முடியாது னு பிஜேபி கட்சிக்காரர் ஒருத்தர் மறந்திட்டு பேசுறாரு...

காங்கிரஸ் செஞ்ச அதே தப்பை இப்போ பிஜேபி யும் செய்யுது....ஆனா இந்த வாட்டி மக்களோட முடிவுகள் ரொம்ப விபரீதமா இருக்கும்...

ஆட்சிக்கு வந்ததும் கருப்பு பணத்தை மீட்டுக் கொண்டு வருவோம் என்று சொன்னது என்னானது? கோர்ட்ல இருக்கு, கடையிலே இருக்கு என்று படம் காண்பிக்கின்றார்கள். அன்று ஆதார் அட்டை வீணானது என்று சொன்னார்கள்..இன்று வரை ஆதார் அட்டைக்கு மக்களை விரட்டி கொண்டுதான் இருக்கின்றார்கள்.

தமிழ்நாட்டினில் காங்கிரஸ் ஐ ஓட ஓட விரட்டியது ஈழத் தமிழர் பிரச்சினையும், தமிழக மீனவர் பிரச்சினையும்தான்...

கட்சத் தீவு மீட்பு இயக்கத்தை சீதையின் மைந்தன் என்பவர் தொடங்கி வைத்தார். அதற்கு தலைமை தாங்கியதே பிஜேபி தலைவர் ஒருவர்தான் இன்று அதைப் பற்றி வாய் திறக்க மறுக்கின்றார் என்பதே வெட்க கேடான செயல்.

தமிழர்களை கழுத்தருப்பவன் ராஜபக்சே , அந்த ராஜபக்சேவிற்கு கொடி பிடித்து கொண்டிருக்கும் எல்லாருமே தமிழர்களின் எதிரிகளே...தமிழர் நலன் காக்க அன்று முதல் இன்று வரை போராடும் வைகோவையே அச்சுறுத்தும் ராஜா அவர்களுக்கு நமது மீனவர்கள் எல்லாம் கிள்ளுக்கீரைதான்...

ஆனால் மக்கள் முட்டாள்கள் அல்ல, நீங்கள் நடத்தும் தூய்மை இந்தியா நாடகத்தை பார்த்துக் கொண்டு இருக்க? மரம், செடி கொடிகளில் இருந்து வரும் இலைகளை குப்பை என்று பெருக்குகின்றார்கள்...இறுதியில் அந்த குப்பையை பெருக்கி பிளாஸ்டிக் கூடைகளில் போடுவார்களாம், முதலில் பிளாஸ்டிக்கை ஒழிக்க நடவடிக்கை எடுங்க காவி சாமியார்களே, எல்லாமுமே தானாகவே நடக்கும்...ஆக்கப் பூர்வமான சிந்தனைகள் , செயல்களை செயல்படுத்தினால் மக்களும் நம்புவார்கள். நாடு அழுக்காகாமல் இருக்கிறதா என்று பார்க்காதீர்கள்? உங்கள் மனது உண்மையும், நம்பிக்கைக்கும், ஏற்றவாறு சுத்தமாக இருக்கிறதா என்று பாருங்கள்?

வந்ததில் இருந்து எதுவுமே உருப்படியான திட்டமாக தெரியவில்லையே... தேர்தல் பிரச்சாரத்தின் போது கருப்பு பண ஊழல், ஸ்பெக்ட்ரம் ஊழல், நிலக்கரி ஊழல் என்று ஊழலை பட்டியல் போட்டார்கள்...இன்று எந்த ஊழலும் வெளியே வர வில்லை...காரணமும் தெரியவில்லை...ஆட்சிக்கு வந்த நாள் முதல் தமிழக மக்களுக்கு, மீனவர்களுக்கு எந்த வித பாதுக்காப்பிற்கும் உத்திரவாதம் அளிக்க வக்கில்லாத அரசுதான் இந்த பிஜேபி என்பதை நிருபித்து வருகின்றது. மோடி வந்தால் நாட்டில் அது மலரும், இது மலரும் என்று தமிழகத்தின் ஒரு பத்திரிகை ஆசிரியர் பினாத்திக் கொண்டு இருந்தார். காங்கிரசிற்கும், பிஜேபி க்கும் எந்த வித்யாசமும் இல்லை என்பதை மீண்டும் மீண்டும் நிருபித்து வருகின்றார்கள்.

தமிழ் நாட்டு மாநகரம் போன்று இருக்கும் சிறிலங்கா நமது தமிழக மீனவர்களை பந்தாடிக் கொண்டிருக்கின்றது. அடுத்த முறை மீனவர்கள் கடலுக்கு செல்லும் போது அந்த ஹெச்.ராஜா அவர்களை படகில் வைத்து கூட்டி செல்லுங்கள்..அவர் கண்டுபிடிக்கட்டும்..கடலில் இந்தியாவின் எல்லையை. காஸ்மீரில் அடித்தால் அது இந்தியா...அதுவே தமிழக மீனவர்களை அடித்தால் அது தமிழ் நாட்டு பிரச்சினையா? உன் மாநிலத்து பிரச்சினைகளையே உன்னால் தீர்க்க முடியவில்லை...உன்னால் உன் தலைமையிடம் பேச முடியவில்லை...நீ இந்தியாவை சுத்தப் படுத்த போகின்றாயா? நம்புவது போல் பேசுங்கள்...அல்லது பேச முயற்சியுங்கள்...

காங்கிரஸ் ஆட்சியில் டெல்லியில் பாலியல் பலாத்காரமா என்று கேட்டார்கள்? இன்று அதே டெல்லியில் மீண்டும் ஒரு பலாத்கார சம்பவம்? வெட்கமாக இல்லையா? உனது ஆட்சியின் லட்சணம் ஒரு வருடத்திற்குள் பல்லை இளித்து விட்டதே...

மக்கள் திட்டம் ஒன்றை செயல்படுத்துங்கள்...வெட்டி பந்தா ஊரை கெடுக்கும் என்பது நிதர்சன உண்மையே! தமிழகத்திற்கு விடிவு காலத்திற்கு மூன்றாம் அணி உருவானால் மட்டுமே முடிவு பெரும். எப்போது அடுத்த தேர்தல் வரும்?

இந்த வார இறுதியில் "அம்மா" விடுதலை?

noreply@blogger.com (சிவா) — Mon, 29 Sep 2014 17:27:00 +0530

சொத்துக்குவிப்பு வழக்கினில் 18 ஆண்டுகளுக்கு பிறகு தீர்ப்பு வழங்கப்பட்டு உள்ளது.

பாரட்டக் கூடிய விசயமே...யாரை பாராட்டுவது?

18 ஆண்டுகளுக்கு பிறகு தீர்ப்பு வழங்கிய நீதிமன்றத்தையா?

அல்லது

வழக்கு போட்ட சுப்ரமணிய சுவாமியையா?

அல்லது

வழக்கம் போல் இடையில் நுழைந்து பெயர் பெற்றுக் கொண்ட கலைஞரையா?

அல்லது

தீர்ப்பு கொடுத்ததும் எந்த வித மறுப்பும் தெரிவிக்காமல் சத்தம் இல்லாமல் சிறைக்கு சென்று அமர்ந்த அம்மாவையா?

அம்மா நினைத்தால் "அய்யோ, என்னை கொலை பண்ண போறாங்க ன்னு ஆர்ப்பாட்டம் செய்திருக்கலாம்", எதுவும் இல்லை.

பொதுவான ஒரு கேள்வி மனதில் எழுகின்றது? 66 கோடி ரூபாய் சொத்துக் குவிப்பிற்கு அவர் மீது இத்தனை நடவடிக்கை....நியாயம்தான்!

இன்று சினிமாவில் ஒரு நடிகை ஒரு படத்திற்கு வாங்கும் சம்பளம் ரூ. 5 கோடி. பத்து படங்கள் நடித்தால் அவள் பெரும் தொகை 50 கோடி. இப்படி இருக்கும் போது ஆரம்ப காலத்தில் இருந்தே சினிமாவில் நடித்து வந்த ஒரு பெண்மணி, அதன் பிறகு தீவிர அரசியலில் இருக்கும் போது இந்த 66 கோடி என்பது மிகச் சாதாரண தொகையே.

ஒரு சாதாரண காவல்துறை அதிகாரி ஒரு இடத்தில் பதவி வகித்தாலே அவருக்கு அந்த ஊரு வியாபாரிகள் அவருக்கு மரியாதை என்ற பெயரில் மாமூல் கொடுக்கின்றார்கள். இது பத்தாது என்று அந்த அதிகாரியும் தனது அதிகாரத்தை பயன்படுத்தி அவ்வப்போது வசூலும் செய்து கொள்வார். அப்படி இருக்கும் தமிழ் நாட்டின் முதலமைச்சர் என்ற போது அவருக்கு மரியாதை எப்படி இருக்கும், எப்படி பணம் வரும் போகும் என்று சாதாரண பாமரனும் அறிவான்.

ஒருவரை பற்றி புகார் தெரிவிக்கும் மற்றொருவர் தான் அப்படிப் பட்ட விசயத்தில் ஒழுங்கா என்பதை முதலில் யோசித்து பார்க்க வேண்டும்....

ஆர்டிகிள் 164 இந்திய அரசியலமைப்பு சட்டத்தின் படி ஒரு முதல்வரின் சம்பளம் 20000 முதல் 30000 வரைதானாம். இதுவரை நம்மை ஆண்ட முதலமைச்சர்களின் சம்பளமும், தற்போது அவர்களுக்கு இருக்கும் வசதி வாய்ப்புகளையும் வைத்து பார்த்தால் யார், யார் எவ்வளவு கொள்ளையடித்திருப்பார்கள் என்று மக்கள் அனைவருக்குமே தெரியும்.

ஒரு சிலர் அந்த முதல்வர் மக்களுக்கு , அரசு ஊழியருக்கும் கொடுப்பார், அவரும் அடித்து கொள்வார்...இன்னொரு முதல்வர் எதுவுமே செய்யமாட்டார் என்று பெருமையாய் பேசிக் கொள்வார்கள்.,

உங்களுக்கு கிள்ளிக் கொடுத்தால் அவர்கள் அள்ளி எடுக்கலாம் என்பது அவர்கள் குறி. நாய்க்கு எலும்புத்துண்டு போடுவது போல் போட்டு அவர்கள் அதிகம் சம்பாதித்து கொள்கின்றார்கள்...

66 கோடி அடிச்சதுக்கே 4 வருஷம் ஜெயில், 100 கோடி அபராதம், அப்படீன்னா 1 லட்சம் கோடி அடிச்சதுக்கு எவ்வளவு வருஷம் ஜெயில், எவ்வளவு கோடி அபராதம் ?

ஒரு விஷயம் கவனிக்கணும்.....சுற்றி எட்டு ஆணாதிக்க கட்சிகள்...ஒற்றைப் பெண்மணி....ஒட்டுமொத்த மாபெரும் கட்சியை ஒன்றிணைத்து கட்டுப்பாட்டுக்குள் வைத்திருக்கின்றார்.

ஆனால் பல வருடங்களாக கட்சியை நடத்தும் கலைஞரால் அண்ணன் தம்பி பிரச்சினையைக் கூட சமாளிக்க முடியவில்லை என்கின்ற போது அம்மாவை தலை வணங்கலாம் தவறில்லை என்றே தோன்றுகின்றது...

ஸ்பெக்ட்ரம் ஊழல், நிலக்கரி ஊழல், மேக்சிஸ் நிறுவனத்தின் பங்கு விவகார ஊழல் என்று அடுக்கிக் கொண்டே செல்லும் போது ஒவ்வொன்றுக்கும் எத்தனை வருடம் என்று கவனித்துக் கொள்ள வேண்டும்.

அதற்காக 66 கோடி நியாயம் என்று சொல்லவில்லை...அதனை களங்கமில்லாத வாயும், கைகளும் சொல்ல வேண்டும், சுட்டிக் காட்ட வேண்டும் என்பதே எண்களின் கோரிக்கை...

அடுத்தவரை ஊழல்வாதி, சொத்து குவித்திருக்கின்றார் என்று சொல்வதற்கு முன்னால் தனக்கு எவ்வளவு நிதி இருக்கின்றது, எப்படி வருமானம் வருகின்றது என்பதையும் சொல்லி விட்டு சொன்னால் நன்றாக இருக்கும். தன்னுடைய ஆண்டு வருமானம் எவ்வளவு...எப்படி தொலைகாட்சி நிறுவனம் தொடங்கினீர்கள், எப்படி இவ்வளவு இடங்கள் வாங்கினீர்கள் என்று சொன்னால் நாங்களும் அப்படியே எங்கள் தொழிலை விருத்தி செய்வோமே...

கதை திரைக்கதை வசனம் எழுதி இவ்வளவு சம்பாதித்தேன் என்று சொல்லி விடாதீர்கள்...அன்றிலிருந்து இன்று வரை கதை, திரைக்கதை, வசனம் எழுதிய எத்தனையோ இயக்குனர்கள் இன்று வரை சாதாரண வருமானத்தில் தான் வாழ்கின்றார்கள்.

யதார்த்தம் எங்களுக்கும் தெரியும்.....நியாயமாக 500 ரூவாய் சம்பாதிப்பவனுக்கு 700 ரூவாய் வரைக்கும் செலவுகள் இருக்கின்றது....

அதுதான் உண்மை....

அம்மையாருக்கு வழங்கப்பட்ட தீர்ப்புக்கு எத்தனையோ எதிர்கட்சித் தலைவர்கள் வாழ்த்தும், அனுதாபமும் தெரிவித்து விட்டார்கள்; ஆனால் ஆரம்பத்தில் இருந்து விரட்டிய திமுக இன்று இந்த தீர்ப்புக்கு ஏன் கருத்து சொல்லவில்லை....

நாளைக்கு நமக்கு எந்த ஜெயிலோ என்ற கவலையா? அல்லது வச்ச குறி எக்குத் தப்பாய் போனதை நினைத்து கவலையோ?

எது எப்படியோ? வழக்கை ஜெயலலிதா அம்மையார் சந்தித்து விட்டார்....இப்போது அவருக்கு வாக்குகள் அதிகமாகி விட்டது....

அடுத்தது 2ஜி க்காக நவம்பர் மாதத்தை எதிர்பார்த்து காத்திருக்கும் ஒரு சராசரி மனிதனாய் நாங்கள்....நீங்களும்?

100 நாளில் என்ன செய்தது பாஜ அரசு?

noreply@blogger.com (சிவா) — Thu, 4 Sep 2014 18:21:00 +0530

காங்கிரஸ் அரசின் கொடூர தாக்குதலில் நிலைகுலைந்த தமிழகம் உள்ளிட்ட மற்ற மாநிலங்கள் அதிலிருந்து விடுதலை பெற்று பாஜ என்ற மற்றொரு வலையில் விழுந்து விட்டார்கள் என்றே சொல்லலாம்.

அரசனும் சரி இல்லை, புருசனும் சரி இல்லை என்ற பழமொழிக்கேற்ப பாஜ பல அதிருப்திகளை சம்பாதித்து வருகின்றது. குறிப்பாக தமிழ் நாட்டு மக்களை பாஜ வும் இணைந்தே வஞ்சித்து வருகின்றது.

ஒரு காலத்தில் தமிழக மீனவர்களுக்காக குரல் கொடுத்த பொன்.ராதா கிருஷ்ணனும், தமிழிசை சவுந்திரராஜனும் தற்போது பதவிக்காக மௌனமாக இருக்கின்றார்கள்.

பதவிக்கு வந்ததுமே இது இலங்கை அரசின் நடவடிக்கை என்றும், அதனை தம்மால் கட்டுப்படுத்த முடியாது என்றும் பிரதமர் கூறினார்...அன்று எப்படி தமிழக காங்கிரஸ் எம் எல் ஏக்கள் மௌனமாக இருந்தார்களோ, அதே நிலையில் தான் இன்று பொன்.ராதா கிருஷ்ணனும், தமிழிசை சவுந்திரராஜனும் இருக்கின்றார்கள்.

சும்மா வெறுமனே மீனவர்களுக்கு நிரந்தர தீர்வு காணப்படும் என்று சொல்கின்றார்கள்....அவர்களை இன்று வரை கைது செய்கின்றது...அவர்களது படகுகளை பறிமுதல் செய்கின்றது....ஏன் என்று கேட்க நாதி இல்லை...முல்லைப் பெரியாறு அணைக்கு கிடைத்த நீதியைப் போன்று என்று சொல்லி இருக்கின்றார். முல்லைப் பெரியாறு அணைக்கு நடவடிக்கை கோரி தமிழக அரசுதான் உச்சநீதி மன்றம் வரை சென்று நடவடிக்கை எடுத்துள்ளது...

கட்சி பொறுப்பில்லாதவர்களின் பொறுப்பற்ற பேச்சுக்கு நாங்கள் விளக்கம் தர முடியாது என்று பொன்.ராதா கிருஷ்ணன் கூறியிருக்கின்றார். மோடி சொன்னதற்க்கே இன்னமும் விளக்கம் கேட்கப்படவில்லை. இலங்கை நாட்டு பிரச்சினையை அன்று தேர்தல் பிரச்சாரத்தின் போது உங்கள் காங்கிரசின் அணுகுமுறை தவறு என்று சொல்லிவிட்டு இன்று உங்கள் அரசு என்ன செய்து கொண்டிருக்கின்றது?

அவர்களாவது நாங்கள் செய்ய மாட்டோம் என்று வெளிப்படையாகவே தெரிவித்தார்கள்? நீங்கள், செய்வேன் என்று நம்பிக்கை வாக்குறுதிகளை அள்ளித் தெளித்தீர்கள்? உங்களால் செய்ய முடிந்ததா? 100 நாளில் வெளியூர் சுற்றுப்பயணம் நடந்தது, எங்களுக்கு வறுமைக் கோட்டுக்கு கீழ் வாழும் எங்களுக்கு, எங்கள் மீனவர்களுக்கு என்ன உத்திரவாதம் வழங்கினீர்கள்...நீங்கள் ஆட்சிக்கு வந்த பிறகுதான் பிரதமருக்கு மாநில முதலமைச்சர் எழுதிய கடிதத்தை கொச்சைப் படுத்தி விமர்சித்தார்கள்...அதற்க்கு அவர் மன்னிப்பு கேட்டு விட்டார் என்று பெருமை கொண்டது மட்டும்தான் உங்கள் சாதனை.

இன்னும் தமிழர்கள் என்னென்ன பாடு படப் போகின்றார்கள் என்று தெரியவில்லை.?

மதுரையா? சில கேள்விகள்???

noreply@blogger.com (சிவா) — Mon, 25 Aug 2014 19:01:00 +0530

மதுரையில் நான் கண்ட பல வித மாற்றங்கள்....மாறாத மாற்றங்கள்....

காலத்திற்கு ஏற்றவாறு மக்கள் தங்களை மாற்றிக் கொண்டார்கள்..ஆனால் இன்னமும் சில பகுதிகளில் தொழிநுட்பத்திற்கு ஏற்றவாறும் தன்னை பக்குவப் படுத்திக் கொண்டிருக்கின்றார்கள்...

ஜெராக்ஸ் , செல் போன் ரீசார்ஜ், செல் போன் இரண்டாம் நிலை விற்பனை, கம்பியூட்டர் என்று இளைஞர்களின் வலை விரிகின்றது....

அதே சமயம்....பெற்றவர்கள் இன்னமும் அதே பழமை மாறாத அணுகுமுறையில் வாழ்ந்துக் கொண்டு வருகின்றார்கள் என்பது எனது முதல் ஆச்சரியம்....

நிறைய பேருக்கு இன்னமும் செல் போன் பற்றிய விவரங்கள் தெரியவில்லை...இணையதளம் பற்றிய விவரங்களும் தெரியவில்லை...

ஈமெயில் என்றால் என்ன என்று பலர் கேட்டது ஆச்சரியமளிக்கின்றது....

அதையும்தாண்டி பழமைகள் என்று நிறைய விஷயங்கள் இன்னமும் இருப்பது மகிழ்ச்சியளிக்கின்றது.....

அந்த பழமைகளில் ஒரு சில.....

மதுரையில் 99 சதவிகிதம் பழமை மாறாத தூய தமிழ் ஊர் பெயர்களே இருப்பது...

திருமண, காதுகுத்து, மற்றும் பூப்புனித விழா என்று பழமை மாறாத குடும்ப விழாக்கள் சிறப்பாய் நடைபெறுவது....

கோவில் திருவிழாக்கள்...

சாஸ்திர சடங்குகள்...

பேச்சு வழக்குகள்...

மரியாதையான உறவுமுறைகள்...

இட்லி, வடை, பொங்கல் என்ற உணவு வகைகள் இப்படி பல பல விஷயங்கள்....

பிரச்சினைக்குரிய விஷயங்கள்...

அடிக்கடி சாதி மோதல்கள்...

போக்குவரத்து பிரச்சினைகள்...

குடிநீர் பிரச்சினைகள்...

சரியான பராமரிப்பின்றி செயலிழந்து நிற்கும் அரசாங்க பணிகள்...

சீரற்ற நிதி நிலை....

காவல்துறையையே அலட்சியப்படுத்தும் அச்சுறுத்தல்கள்....அலட்சியங்கள்...

உதாரணமாக, மதுரை சேர் ஆட்டோக்கள் வெளிப்படையாகவே அதிக பயணிகளை ஏற்றுகின்றனர்....ஆனால் ஆட்டோக்களில் 3 பேர் மட்டுமே என்று எழுதி விட்டு 16 பேரை ஏற்றிக் கொ(ள்)ல்கின்றார்கள்......

அந்த "3 பேர் மட்டுமே" என்ற வசனம் யாரை ஏமாற்றுவதற்கு....பயணிகளையா? போக்குவரத்துதுறை அதிகாரிகளையா ? காவல்துறை அதிகாரிகளும் பார்த்து விட்டு பேசாமல்தான் இருக்கின்றார்கள். வெளியூரிலிருந்து வரும் சுற்றுலாப் பயணிகள் நம்மைப் பார்த்து என்ன ..நினைப்பார்கள்...நமது சட்டத்திற்கு அவ்வளவுதான் நாம் அளிக்கும் மதிப்பா?

மழை இல்லை..மழை இல்லை என்று புலம்பித் தள்ளும் ஒரு சில மதுரை மக்கள்...பெய்து வரும் மழை நீரை பாதுகாக்க என்ன செய்தார்கள் என்றால் எதுவுமே இல்லை,

சிவகங்கை மாவட்டம் மதுரை மாவட்டம் விருதுநகர் மாவட்டம் என்று மூன்றுமே பக்கம் பக்கம் இருக்கின்றது......3 மாவட்ட மக்களும் ஒவ்வொரு நாளும் சந்தித்து வருகின்றார்கள்....இவர்களுக்கு பாலமாய் இருப்பது இன்னமும் அரசுப் பேருந்துகள்தான்...அந்த பேருந்துகளின் நிலையோ மிகவும் பரிதாபம்....

இவ்வளவு பெரிய மாநகரில் பொழுது போக்கு மையங்கள் எதுவும் இல்லாதது வேதனைக்குரிய விசயமே....

கோவில்கள் இருக்கின்றது, இந்த ஊரிலேயே பிறந்தவர்களுக்கு அது பழகி போன விஷயம்...அது தவிர வேறு எந்த பொழுது போக்கு விசயங்களும் இல்லாதது ஆச்சரியமே....

அனைவருக்குமே தமுக்கம் மைதானத்தில் நடைபெறும் கண்காட்சி, பொருட்காட்சிகளே பிரதான பொழுது போக்கு மையங்கள்...இது தவிர வேறு எதுவுமே இல்லை...

அது போல ஞாயிற்று கிழமைகளில் பொதுமக்களுக்கு முன்னரே வியாபாரிகள் விடுமுறை எடுத்துக் கொள்ள அன்றைய தினம் பெரும்பாலான மதுரை மாநகரம் முடங்கித் தான் போகின்றது....

ஒரு காலத்தில் ஒரு சில அரசியல்வாதிகளின் கோரப் பிடியில் இருந்த மதுரை இன்று தப்பி ஓரளவிற்கு நிம்மதியான வாழ்க்கையில் சென்று கொண்டு இருக்கின்றது.

மதுரை என்றாலே வன்முறை, கொடூரம், ரவுடி என்ற போக்கிலேயே சமீப கால சினிமாக்கள் வேறு வந்தது, மதுரையை பயங்கரமாக காட்டியது...

இவை எல்லாம் களைந்தெடுக்கப்படும் போது தானாகவே மதுரை மாநகரம் ஜொலிக்கும் என்பதில் மாற்றுக் கருத்து இல்லை....

சைஸ் சின்னதுதான் ஆனா????

noreply@blogger.com (சிவா) — Sat, 16 Aug 2014 15:33:00 +0530

மூர்த்தி சிறுசுனாலும் கீர்த்தி பெருசு ன்னு சொல்வாங்க....ஆனா இங்கே மூர்த்தியும் சிறுசு, கீர்த்தியும் சிருசாயிடுச்சே....

எப்படி எல்லாம் யோசிக்கிறாங்க?

சுடுவது எனக்கு பழகிப் போச்சு????

noreply@blogger.com (சிவா) — Tue, 29 Jul 2014 11:36:00 +0530

இந்தியாவில் லேண்ட் லைன் போன்களை விட செல் போன் ஆதிக்கம் தற்போது மிக அதிகம்.....

அதனை தற்போது வியாபாரிகளும், சுயதொழில் செய்பவர்களும் தற்போது தனக்கு சாதகமாக்கி கொண்டு விட்டனர்.

பேப்பர் இல்லா உலகத்தை உருவாக்கும் முயற்சியில் டிராய் குழுமம் இறங்கி இருக்கின்றது. ஒவ்வொரு வீடாக, ஒவ்வொரு வீதியாக, ஒவ்வொரு மனிதனாக சென்று விளம்பர நோட்டீஸ் கொடுத்தது அந்தக் காலம்.

செல் போன் இருப்பதால் தற்போது உலகம் உங்கள் கைகளில், எப்போதும் நிரந்தரமாக உங்கள் பைகளில்......

எஸ் எம் எஸ் மூலமாக இரண்டு வரிகளில் தனது வியாபாரத்தை, பொருட்களை விற்பனை செய்வதில் அனைத்து வியாபாரிகளும், முதலாளிகளும் இறங்கி விட்டார்கள்.

எல்லாவற்றிற்கும் தற்போது எஸ் எம் எஸ் என்றாகி விட்டது. ரயிலில் பயணம் செய்ய கொடுக்கப்படும் டிக்கெட் டை கூட எஸ் எம் எஸ் சில் வைத்து கொண்டால் பிரிண்ட் அவுட் தேவையில்லை என்று சொல்லும் காலம் வந்து விட்டது...

நல்ல விசயம்தானே....ஆனால் அது எப்படி எனது போன் நம்பர் வியாபாரிகளின் கைகளுக்கு போகின்றது? என்ற சந்தேகம் எல்லோருக்கும் எழும்...நியாயம்தானே??

பொது மக்களின் செல் போன் அடங்கிய விவரங்களை வரிசையாக அமைத்து அதனை மொத்த எஸ் எம் எஸ் குழுவிற்கு ஒரு குழு தயாரித்து அனுப்புகின்றது...

அந்த எஸ் எம் எஸ் களை ஒன்றாக சேர்த்து ஒட்டுமொத்தமாக அனைத்து மக்களுக்கும் ஒரே பொத்தான் அழுத்தலில் அனுப்புகின்றது....

இதற்க்கு அந்த குழுமம் வியாபாரிகள் அல்லது முதலாளிகளிடம் பணம் வசூலித்துக் கொள்கின்றது.

எல்லாம் சரி, ஆனால் ஒவ்வொரு எஸ் எம் எஸ் சும் ஒவ்வொரு நம்பரில் இருந்தும் சில சமயங்களில் ஒரு சில அடையாள எழுத்துக்களையும் கொண்டு வருகின்றது? அது எப்படி?

டிராய் நிறுவனம் ஒவ்வொரு எஸ் எம் எஸ் சையும் ஒவ்வொரு பிரிவுகளாக பிரித்து ஒவ்வொன்றுக்கும் ஒவ்வொரு குறியீடுகளாய் சில கோட் களை உருவாக்கியுள்ளது....

அது என்ன தெரியுமா?

உதாரணமாக, AT - 644321 என்ற பெயரில் நமக்கு எஸ் எம் எஸ் வரும்...

இதில் A என்பது ஏர்டெல் என்பதை குறிக்கும்....T என்பது தமிழ் நாடு என்பதை குறிக்கும்...முதலில் வரும் 6 என்பது ஏர்டெல் நிறுவனம் போன்ற மொபைல் சர்வீஸ் ஆகியவற்றை குறிப்பிடும்...மீதமிருக்கும் 5 எண்கள் எஸ் எம் எஸ் சர்வீஸ் ஏஜென்ட் டுகளை குறிக்கும் எண்களாகும்.

இப்போது புரிகின்றதா? நமக்கு யார் எப்படி அனுப்புகின்றார்கள் என்று?

அந்த விவரங்களை இதோ பட்டியலிட்டு இருக்கின்றேன்...

Table 1 Service Provider List

Table 2 Service Area List சர்வீஸ் ஏரியா

Table 3 எந்த துறை/பிரிவு என்பதை குறிக்கும் முதல் எண்

மீதமிருக்கும் 5 எண்கள் டெலிமார்க்கெட்டிங் செய்யும் ஏஜென்ட் டுகளை குறிக்கும் எண்களாகும்....

அதெல்லாம் சரி.......

பிள்ளையையும் கிள்ளி விட்டு தொட்டிலையும் ஆட்டுகின்றது டிராய் குழுமம்.

அது என்ன என்று கேட்கின்றீர்களா?

வியாபாரிகளுக்கு இந்த வசதியை கொடுத்து விட்டு மக்களுக்கு DND வசதியை செய்து கொடுத்திருக்கின்றதே....

DND என்பது Do Not Disturb ஆகும்...எப்புடீ நம்ம மாஸ்டர் பிளான்!!!

எல்லோரும் என்னை மன்னிக்கணும்...இன்னொரு இங்கிலீஸ் வலைப்பூவுல இருந்து சுட்டதுதான் இது....