ஆடுகளம்

குட்டி சுவரிலிருந்து....... - 03

2011-12-23T10:52:00.000+05:30

என் சில நண்பர்கள் அநியாயத்துக்கு நல்லவர்களாக இருப்பதால், என்னையும் அப்படியே பாக்கிறார்கள். #நான்_பொறுப்பல்ல

2011இன் சாதனை - எல்லாவற்றையும் பகிர்ந்து கொள்ளவும், வழிகாட்டவும் நண்பர்கள் கிடைத்தமை......!
சோதனை - சில சாதனைகளை உரியவருக்கு சொல்ல இந்த ஆண்டில் தருணம் அமையாதமை.

இருக்கிறத பத்தி கவலையே இல்லை! புதுசா உருவாகிறது பத்தி சிந்திக்கிறதே இல்லை! #இலங்கை_தமிழன்டா

வாழ்க்கையில் உருப்பட ஒரே வழிதான் இருக்கிறது!!! நான் உருப்படுவேனா? என்று சிந்திக்காமலேயிருப்பது.........!

I HATE YOU - நான் வாழ்க்கையில் உருப்பட போகிறேன்! #மொழிபெயர்ப்பு #ரீமேக்

பெண்களின் மௌனம் நிரந்தரம் அல்ல. அது அவர்கள் பின் நாளில் குமுறுவதற்காக சேமிக்கப் படும் எனர்ஜியே!! #TWEET #சுட்டது

கொலைவெறி போன்ற பாடல்கள் பார்க்கும் பெண்களில் எல்லாம் காதல்(affection) வருவது மாதிரி! கொஞ்ச காலம் போய் திரும்பி பார்த்தால் இவள எல்லாம் காதலிக்க தோணிச்சா ? என்று இருக்கும். இளையாராஜா,ரகுமான் பாடல்கள் முதல் காதல் போல, எப்போதும் நினைக்க நினைக்க இனிப்பாக இருக்கும். #விடியலுக்கு

சில கேள்விகளுக்கு மவுனத்தை விட சிறந்த பதில் வேறு ஏதும் இல்லை!

எல்லா பிரச்சனைகளின் முடிவுக்கு பின்னரும், முதலில் யார்? எதை பேசுவது? என்று சிந்திப்பதிலையே பேசுவது தள்ளி போய் பேசாமலேயே போய் விடுகிறோம்

ஆய்வின்படி ஆண்களின் வெற்றிக்கு பின்னால் பெண்கள் இருக்கிறார்களாம். நிஜத்தில் நிறைய ஆண்களின் பிரிவுக்கு பின்னாலும் பெண்கள் இருக்கிறார்கள்(*)

ஜஸ்வர்யா ராய்க்கு எல்லாம் பொண்ணு பிறக்குது!!! நம்ம நண்பனுக்கு ஒரு பொண்ணு சிக்குது இல்லையே!!! :( #நன்பேண்டா

போராளி சசிகுமாருக்கு சிலோன் பரோட்டா மட்டும்தான் பிடிக்காதா?? இல்ல சிலோன்ல இருக்கிற எங்களையும் பிடிக்காதா??

எதுக்காகவும் எதையும் விக்குற கூட்டத்த பார்த்து இருக்கோம்!!! ஆனா, ஒரு நாட்ட எங்கயும் பார்த்து இருக்கீங்க?? #அளவானவங்க_போட்டுகொங்கோ

வாழ்க்கையும்,முதலீடுகளும்

2011-10-22T10:52:00.000+05:30

பரீட்சைக்கு படிக்க உட்காரும் போதுதான், சில சமயங்களில் வாழ்க்கை பாடங்களை கூட உணர முடிகிறது. என்னடா, DEGREEக்கு படிக்கும் பாடத்தில் நம்ம வாழ்க்கைக்கு உதவுவது போல, ஏதும் வைத்து இருப்பது இல்லையோ? என்று அடிக்கடி யோசிப்பது உண்டு. ஆனாலும், பல விடயங்கள் வாழ்க்கை தத்துவத்தை விளக்குவது போல, அமைந்து இருப்பது எப்போது தெரியுமா? தெரிய வருகிறது. கன்றாவி பரீட்சைக்கு முதல் நாள் அல்லாடி கொண்டு படிக்கும் போதுதான் இப்படியான விடயங்கள் தெளிவாக புரியும். (அப்பதானே! TUTEல என்ன இருக்கிறது எண்டு பாக்கிறது.)

இப்படி பரீட்சைக்கு படித்து கொண்டு இருக்கும் போதுதான், ஒரு பாடம் நிதி உபகாரணங்களில் முதலீடு செய்வது தொடர்பில் பரீட்சைக்கு படிக்க வேண்டி இருந்தது. இந்த பாடத்தின் சாராம்சம் இதுதான்,

நிதி முதலீட்டாளர்கள் குறுங்கால, நீண்டகால நிதிமூலங்களில் முதலீடு செய்வதன் மூலம் வருமானம் பெற முயற்சி செய்கிறார்கள். இதன் போது, குறுங்கால முதலீடு குறுகியகாலத்தில் மீள பெறுவதால் ஆபத்து குறைவாகவும், நீண்டகால முதலீடு நீண்ட காலத்தில் மீள பெறுவதாக அமைவதால், ஆபத்தின் தன்மை அதிகமாகவும் காணபடுகிறது. எனவே, நீண்டகாலத்தில் முதலீடு செய்ய விரும்பும் முதலீட்டாளர்கள் நிதி உபகரணங்களின் மூலமான வருமானத்தை பெறுவதோடு, ஆபத்து (RISK) தன்மை மற்றும் கால அளவுகளின் (MATURITY) மூலம் இழக்கப்படும் வருமானங்களையும்(PREMIUM) இணைத்தே பெற விரும்புகிறார்கள்.

இதிலிருந்து நீண்டகால முதலீட்டாளர்கள் துணிகரமாக முதலீடுகளை செய்பவர்களாக இருப்பதுடன், அவ்வாறு துணிகரமாக முதலிடுவதற்க்கான வருமானத்தையும் எதிர்பாக்கிறார்கள் என்பது தெரிய வருகிறது. இதனை நாங்கள் தவறு என்று சொல்ல முடியாது. அவர்களுடைய முதலீடு, அவர்களுக்கான ஆபத்து, எனவே, அவர்கள் மேலதிக வருமானத்தை எதிர்பார்ப்பதை தவிர்க்க முடியாது.

அதுபோலதான், மனித வாழ்கையும் நீண்டகால முதலீடுகளை வாழ்க்கை முழுவதும் கொண்டு இருக்கிறது. அதற்கான வெகுமதிகளை மனிதர்கள் வெவ்வேறு விதமாக எதிர்பாக்கிறார்கள் அல்லது பெற முயற்சி செய்கிறார்கள். பெரும்பாலான இடங்களில் பெற்றோர்கள் தங்கள் பிள்ளைகளை முதலீட்டு கருவிகளாக பயன்படுத்தி கொள்ளுகிறார்கள். இதை தனியே சுயநலம் என்ற வட்டத்துக்குள் பூட்டி வைத்துவிட முடியாது! சிலர் சுயநலத்துடனும், சிலர் பொதுநலத்துடனும் இத்தகைய முதலீடுகளை செய்கிறார்கள். இதன், வருமதியாக அவர்கள் பிள்ளைகளின் வாழ்க்கை பெறுபேறுகளை எதிர்பார்க்கிறார்கள்.

இது போலதான், மனிதர்கள் வாழ்க்கையில் வந்து போகும் எந்த ஒரு உறவும் கூட, அது உங்கள் வாழ்க்கையில் இணைந்து இருக்கும் காலத்த்தின் அளவை பொறுத்து அதன் ஆபத்தின் தன்மையும் மாறுபடுவதுடன், அதன் பிரதிபலங்களும் வேறுபட்ட அளவில் கிடைக்கிறது!

எந்த பிரதிபலனையும் எதிர்பார்க்காமல் எவ்வாறு சில உறவுகள் எங்களுடன் வாழக்கை முழுதும் பயணிக்கிறதோ, அதே போல வாழ்க்கை முழுவதும் பெரும்பாலான உறவுகள் நிறைவான எதிர்பார்ப்புகளுடன், அதே சமயம் ஆபத்துகளை பிரதிபலங்களுடன் எதிர்கொள்ளவோ, இல்லை ஆபத்துகளே இல்லாத உறவுகளுடன் உங்களை விட்டு இணைந்து கொள்ள கூடியவகையிலும் ஓட்டி உறவாடி கொண்டு இருக்கின்றன. நாங்களும், எதையுமே வாழக்கையில் எதிர்பார்க்காமல், மற்றவர்களுக்காக வாழும் சன்னியாசிகளாக இருக்க விரும்ப போவது இல்லைதானே!!!

எனவே, எங்கள் வாழ்க்கை(MATURITY) என்ற காலத்தை, சிறந்த உறவுகளோடு (INSTRUMENTS) முதலீடு செய்து, ஆபத்துகளை(RISK) தேர்ந்தெடுத்த சரியான உறவுகளுடன் எதிர் கொண்டு பயன் (PREMUPREIMIUM) பெறுவோம்!

குறிப்பு :- இதை அடிப்படையாக கொண்டுதான் ஒரு விடயத்துடன் தொடர்புபடுத்தி கடந்த ஒரு தினத்தில் நான் முக புத்தகத்தில் கீழ் வரும் STATUS போட்டு இருந்தேன்.

Not only the interest rate s determined by the risk but also the dowry s determined by the risk!

குட்டி சுவரிலிருந்து.....02!

2011-07-14T18:34:00.000+05:30

கிரிக்கெட்+ அரசியல் என்று சேர்த்து பார்க்கும் "எம்மவர்களுக்கு" சங்காவின் பேச்சு நிச்சயம் செவிடன் காதில் ஊதிய ...... போலதான்!!

தாமஸ் அல்வா எடிசன் முதல் இன்றைய பில்கேட்ஸ் வரை தங்களை ஒரு சிறந்த வணிகவியலாளராக காட்டி கொள்ளவே மறுக்கிறார்கள்!!! #DamnItsTrue

BRAIN WASH என்பதன் தமிழ் அர்த்தபடுத்தல் புனர்வாழ்வு அழித்தல் என்பது ஆகும்!!! இன்று ஒரு சகோதர மொழி இலங்கை அமைச்சர் சொல்லித்தான் எனக்கே தெரியும்!!!

என்னதான் இங்கிலிசுகாரன் PIZZA கண்டுபிடிச்சாலும், அதை எங்க நாட்டு PIZZA HUTல HSBC CARDல ஓடர் பண்ணி அரை மணிநேரம் கழிச்சு சாப்பிட்டா என்ன ஒரு ருசி தெரியுமா??? ஒரு LARGE PIZZA தனியா சாப்பிடலாம்.

இலங்கை பெண்கள் பெரும்பாலும் விரும்புவது வெளிநாடு என்று முத்திரை குத்திய மாப்பிள்ளைகளையாம்!!!ஹா ஹா ஒழிந்தான் எதிரி!!! வெளிநாடு போய்தான் நீ எல்லாம் சாகணும் என்றது விதிடா!

உலகிலேயே முட்டாள்தனமான செய்திகளை பிரசுரிக்கும் இணையங்களையும், COPY-PASTE இணையங்களையும் வகைபடுத்தின் எங்கள் ஏகபிரதிநிதிகளாக இருக்கும் சில தமிழ் தளங்கள் முதல் 10 இடங்களை பிடித்து கொள்ளும் என்பது எங்கள் எல்லோருக்கும் மகிழ்ச்சியே!!!!! #எதிலும் முதலிடம் முக்கியம்

கோலத்தில் அம்மா புள்ளி போடாட்டி அப்பா கண்டுக்கிறதே இல்ல!! ஆனா, நான் மட்டும் EXAM PAPERல புள்ளி எடுக்காட்டி காண்டு ஆகிடுராறு!!! #என்னடா நியாயம் இது???

நண்பர்கள் என்ற எல்லையில் இருப்பது எப்போதுமே எல்லாவற்றுக்குமே பாதுகாப்பானது!!!!

நீங்க வெளிநாட்டுக்கு களவா போறதுக்கு உங்க அப்பா 40 லட்சம் தந்தா அது தப்பு இல்ல!! இங்க நாங்க வேலைக்கு போக 5 லட்சம் குடுக்க வேண்டி வந்துட்டா மட்டும் உணர்வு பொத்து கொண்டு வந்து பந்தி பந்தியா எழுத வருகுதோ???? #நண்பனின் அனுபவம்

உங்கள் எதிரிகளால் மட்டுமே உங்களை எந்தவித பாரபட்சமுமின்றி விமர்சனம் செய்ய முடியும்!!! அதில் நிறையவே உண்மையும் கொஞ்சமாக பொய்யும் இருக்கும்!!!

பெண்களின் பலவீனமே அவர்களின் பொறாமைதான்!!! இது சில இடங்களில் அவர்களை தலை நிமிர வைக்கிறது பல இடங்களில் தடுமாற வைக்கிறது

நீங்கள் காதலிப்பது தவறு இல்லை!!! உங்களை நாங்கள் குழப்பவும் இல்லை! அது போல நீங்கள் இருவரும் எங்களை குழப்பாமல் காதலியுங்கள்!!! அது கல்விகூடமாக இருந்தாலும் சரி! பொது இடமாக இருந்தாலும் சரி! பொது கழிவறையாக இருந்தாலும் சரி #காதலிக்கும் இருவருக்கு மட்டும்!!!

அவனா இருந்தாலும் இவனா இருந்தாலும் இறுதி என்ன??? பிச்சை எடுத்தாலும் பேரரசனாக இருந்தாலும் புழுவுக்கு இறையாவான் வேறு என்ன?? #அவன்இவன்

சேர்தலும்,பிரிதலும் வாழ்கையில் இல்லாமல் இல்லை. ஆனால், அந்த பிரியும்,சேரும் நேரங்கள் மட்டும் எப்பொழுதும் மறக்க முடியாதவை!!!

உணர்வுகள் ஒன்றோடு ஒன்று முட்டி மோதும் போராட்டத்தின் தோல்வி நிலையே அழுகை!!!!

வாழ்க்கையில் தனிமை போல இனிமையும் இல்லை!!! அது போல துன்பமும் இல்லை!!!

பல கேள்விகளுக்கு சரியான பதில் மவுனம்தான்!!!!

வாழ்க்கையில் அனுபவம் போல வேறு எதுவுமே இல்லை....! அக்கரை மாட்டுக்கு இக்கரை பச்சை

பயணங்களில் பாதித்த ஒன்று..!

2011-07-13T17:57:00.000+05:30

ஒவ்வரு பயணங்களும் எங்கள் ஒவ்வர்வருக்கும் ஏதோ, ஒரு வகையில் எங்கள் எல்லோருக்கும் ஒவ்வரு வகையிலான வித்தியாசமான அனுபவங்களை தந்து கொண்டுதான் இருக்கிறது. சில அனுபவங்கள் மனதுக்கு மகிழ்ச்சியை தர கூடியவை, சில மனதுக்கு பாதிப்பை தர கூடியவை....! இப்படியான ஒரு அனுபவத்தை தந்ததுதான் இறுதியாக நாங்கள் சென்ற பல்கலைகழக சுற்றுலா!!

மகுலு நீர்வீழ்ச்சி

பல்கலைகழக சுற்றுலா என்றாலே, அதில் எவ்வளவு ஜாலியான விடயங்கள் இருக்கும் என்று, சொல்லி தெரியும் அவசியம் இல்லை. அதையும் தாண்டி நாங்கள் பயணித்த சில பாதைகள் , சந்தித்த சில நபர்கள் என்று பலரும் ஆச்சரியபட வைத்ததார்கள். உண்மையில் இப்படியான வித்தியாசமான அனுபவத்தை ஏற்படுத்தி தந்த மனோஜ் அண்ணாவுக்கு நன்றிகள்.

எங்கள் சுற்றுலாவின் இரெண்டாம் பாகம் திட்டமிடபட்டது மகுழு நீர்வீழ்ச்சிக்கு செல்வதுதான்!!! அந்த பயணம் கொஞ்சம் வித்தியாசமானது. குறித்த தூரம் வரை நடைபயணமாக செல்ல வேண்டும் பின்பு, ஒரு 200M வரை ஓடம் ஒன்றின் மூலம் பயணம் செய்ய வேண்டும். பின்பு அட்டைகள் கூடிய பெரிய காடுகளின் ஊடாக சுமார் 900M வரை பயணம் செய்து இந்த நீர்வீழ்ச்சியை அடைய வேண்டும். இதுதான் பயண திட்டம்.

பயண திட்டத்தின் படி, பயணிப்பது என்பது எவ்வளவு சுவாரசியமானது என்பது உங்களுக்கு தெரிந்ததே!!! அதையும் தாண்டி நான் சந்தித்த சிலர் என்னை சிந்திக்க வைத்தார்கள். முதலில் நான் பேச தொடங்கியவர் நாங்கள் பயணபட்ட ஓடகாரர். அவர் அந்த தொழிலை தொடர்ந்து 15 வருடங்களாக செய்து வருகிறேன் என்று அறிமுகம் செய்து கொண்டதுடன், எங்கள் பேச்சு அறிமுகமாகியது!!! ஒருமுறை ஒருகரையிலிருந்து மறுகரைக்கு எடுத்து சென்று, மீளவும் விட்டு செல்ல வெறும் 20/= மட்டுமே அறவிட்டு கொண்டு இருந்தார். இந்த தொகை குறைவானதுதானே? என்று நான் அவரிடம் கேட்ட போது, அவர் என்னை ஆச்சரியமாக நோக்கி போதுமானது என்றார். மேலும், ஒரு நாளுக்கு சராசரியாக 2000-2500 ரூபா வரையில் தன்னால் உழைக்க முடிகிறது என்று கூறினார். ஆச்சர்யமாக இருந்தது. அவ்வளவு உழைக்க வேண்டும் என்றால், அவ்வளவு மனிதர்களை நீங்கள் ஏற்றி செல்லுகிரீர்களா?? அவ்வளவு உல்லாச பயணிகள் வருவார்களா??? என்று, கேட்டேன். அதற்க்கு அவர் சொன்னது இந்த கேகாலை நகருடன் தொடர்புபடாத ஆனால், இந்த மாவட்டத்துடன் தொடர்புடைய மூன்று கிராமங்கள் இந்த ஓட பயணத்தை நம்பியே இருக்கிறது. எனவே, எனக்கு வருமானத்தில் நெருக்கடி எப்போதும் இருப்பது இல்லை என்று கூறினார். ஏன்??? பயணம் செய்ய தரை வழிபாதையாக ஏதும் இல்லையா என்று கேட்டேன். ஆனால், அதை விட இந்த பாதை பாதுகாப்பானதும், இலகுவானதும் என்று சொன்ன போது அந்த தரைவழி பாதை எப்படிபட்டது என்று புரிந்து கொள்ள முடிந்தது.

பயணிக்கும் ஓடம்

அவரை கடந்து நீர்வீழ்ச்சிக்கு சென்று, திரும்பும்போது வியதாச முனிகே என்ற அறுபது வயதுக்கு மேற்பட்டவரை சந்திக்க கிடைத்தது. அவரது அனுபவங்கள் இதை விட ரொம்பவே வித்தியாசமானது....! அவர் சொன்னதன் படி இந்த ஓட பாதைய நம்பி பள்ளிபாகே,கிதுல்கல,பள்ளிபாதன என்ற ஊர்கள இருப்பதாக சொன்னார். எந்த வித மின்சார வசதிகளும் இல்லாமல் இருக்கும் என்னுமொரு ஊரும் இதற்குள் இருப்பதாகவும், அதுவே தனது ஊர் என்றும் சொன்னார்.(அது பெரிய பெயர் என்பதால் என் நினைவில் இல்லை) அப்படியாயின், உங்கள் சிறுவயது காலம் மூலம் இந்த பாதைகளின் வழியேதான் உங்கள் பயணமா? என்று கேட்ட போது, ஆமாம் என்று சொன்னதுடன் இனி வரும் பல தலைமுறைகள் கூட இப்படிதான் பயணபட வேண்டி இருக்கும், எந்த அரசியல்வாதிகளும் கண்டிராத ஊர் என்று சொல்லி கொண்டார். சரி, அந்த வயதான நபர் அந்த ஊர் பற்றி சொல்லி கொண்டே வந்தார். அந்த ஓடத்தை நம்பி இருக்கும் மூன்று ஊர்களிலும் ஆரம்ப பள்ளி கூடங்களே இருப்பதாகவும், பிற்பாடு அனைவரும் இந்த ஆற்றை கடந்து சென்ற படிக்கிறார்கள் என்றும் சொன்னார். பதிலுக்கு அவரிடம் நான், “இப்படி கஷ்டம் இருப்பதால் நீங்கள் படிப்பதிலும் கஷ்டம் இருந்து இருக்கும் இல்லையா?? அதுவும் உங்கள் காலத்தில் படிப்பது கஷ்டம் இல்லையா?? என்று கேட்ட போது, அவர் சொன்ன விடயம் அவரை கொஞ்சம் மரியாதையாகவே பார்க்க வைத்தது.

தான் ஒரு பட்டதாரி என்று சொல்லி கொண்டவர், தன் பட்டபடிப்பை பேரதனியா பல்கலைகழகத்தில் படித்து முடித்ததாகவும் சொல்லி கொண்டார். அப்படியாயின், நீங்கள் இப்போது ஓய்வில் உங்கள் ஊரில் இருகுறீர்களா??? என்று கேட்ட போது, அவரோ “இல்லை தம்பி, படித்து முடித்த பின்பு, இங்கேயே என் ஊருக்கே வந்துவிட்டேன். எப்படியாவது என் ஊரை முன்னுக்கு கொண்டு வரவே இங்கே வந்து படிப்பிக்க வந்து விட்டேன். என்னால் கணக்க பேர் பல்கலைகழகம் சென்று இப்போது எங்கள் ஊருக்கு உதவியாக இருக்கிறார்கள். உங்கள் கம்பசில் கூட இப்போது படிப்பவர்கள் இருக்கிறார்கள் என்று சொன்னார். ரொம்பவும் பெருமையாக இருந்தது.

நீர்வீழ்ச்சியின் மற்றும் ஒரு காட்சி

சாதரணமாக இயற்கையால் அதிகம் பாதிக்கபட கூடிய அதிக சாத்தியப்பாடுகளை கொண்ட இந்த ஊர். கொஞ்சம் கடும்மழை பெய்தால் கூட அவர்களது ஓட பயணம் தடைபட்டு விடும். இதை எல்லாம் தாண்டி சாதரண மின்சாரம் இல்லாமல், படித்து பல்கலைகழகம் செல்வது என்பது ரொம்பவும் கஷ்ட்டமான காரியமானதுதான். எம்மவர்களும் இந்த கஷ்ட்டம் பட்டு படிக்காமல் இல்லை. ஆனால், அப்படி படித்த பின்பு நிறையவே சம்பாதிக்க கூடிய வாய்ப்புகள் எங்களை விட சகோதர மொழி அன்பருக்கு இருந்த போதிலும், அதை எல்லாம் தவிர்த்து ஊருக்கே சென்று, அதை முன்னேற்ற அவர் படும்பாடு பாராட்ட கூடியது.

நீர்வீழ்ச்சிக்கு செல்லும் பாதை

நாங்கள் செயற்கை காரணிகளால் எல்லாவற்றையும் இழந்து நிற்கின்றோம் அல்லது இழக்க வைக்கபட்டு இருக்கிறோம். அவர்கள் இயற்கையால் கூட வாழ்நாள் முழுவதும் கைவிடபட்டு இருக்கிறார்கள். அவர்களிடமும் எங்களிடமும் மொழி,கலாசாரம்,பிரிவினை என்ற சகலதும் கடந்து ஒரே ஒற்றுமை இருக்கிறது. அதுதான் எது வந்தாலும் வாழ்ந்து விட முடியும். சாதித்து விட முடியும் என்பதுதான் அது!!! என்ன இருந்தாலும் அவர்களும் சரி, நாங்களும் சரி மனிதர்கள்தான் என்றபோதுதான் அவர்களுக்காகவும் என்னால் பரிதாபட முடிந்தது. எல்லாமே இருந்து வாய்ப்புகளை வீணாக்கி கொண்டிருக்கும் என்மீதும் கோபப்பட முடிந்தது.

நீர்வீழ்ச்சி தொடர்பான விபரங்களுக்கு :- http://www.srilankanwaterfalls.net/waterfalls/makulu.htm

எடிசன் - மறுபக்கம்

2011-07-12T20:13:00.000+05:30

“உலகத்துக்கு என்ன தேவை என்று முதலில் கண்டு பிடிக்கிறேன். பிறகு,அந்த தேவையை பூர்த்தி செய்ய கண்டு பிடிக்கிறேன்.”

இந்த பிரபலமான வாசகத்துக்கு சொந்தகாரர் இந்த உலகமே என்றும் மறக்காத தாமஸ் அல்வா எடிசன். எங்களாலும், பலராலும் மின்குமிழை கண்டுபிடித்ததன் மூலம் அறியபட்டவர். என்னமும் இந்த உலகம் இருக்கும்வரை இவரது கண்டுபிடிப்புகளும் இவரும் வாழ்ந்து கொண்டுதான் இருப்பார்கள். ஆனால், எங்களால் ஒரு கண்டுபிடிப்பாளர் என்றும், ஒரு விஞ்ஞானி என்றும் அறியபட்ட தாமஸ் அல்வா எடிசன்....! வாழ்க்கை வரலாறை முழுமையாக வாசித்து பார்த்த பொது, எனக்கு தனித்து அவரை அப்படி மட்டுமே அழைக்க தோணவில்லை.

எடிசன் ஒரு சிறந்த கண்டுபிடிப்பாளர் மற்றும் விஞ்ஞானி என்பதை எல்லாம் தாண்டி, எடிசன் ஒரு சிறந்த தொழில் முனைவர் மற்றும் சிறந்த தொழில் அதிபரும் கூட!!!! வேறு பல விஞ்ஞானிகளிலில் இருந்து இவர் வேறுபடவும் எண்ணில் அடங்காத கண்டுபிடிப்புகளை கண்டுபிடிக்கவும், அவருக்கு உதவி செய்தது இந்த விஞ்ஞான புத்தி என்பதை விடவும், அவரது வணிக மூளையே காரணமாகும்.

எடிசனின் முதல் கண்டுபிடிப்பு யாரும் பெரிதாக அறியாத வாக்கு பதிவு இயந்திரம். இந்த இயந்திரம் நடைமுறைக்கு வர அமெரிக்க அரசியல்வாதிகள் அனுமதித்து இருந்தால், தேர்தல் நடைபெற்று முடிந்தவுடனே முடிவுகளை விரைவாக அறிவதுடன், மேலதிக பல செலவுகளும் தவிர்க்கபடும். ஆனால், இதை எடிசன் கண்டுபிடித்து அமெரிக்க அரசியல்வாதிகள் முன்பு காட்ட்டிய போது, “இதில் எங்களுக்கு சாதகமான மாற்றம் தர கூடிய எதுவுமே இல்லை. எனவே, நீங்கள் வேறு எதையும் கண்டு பிடியுங்கள் என்று சொல்லி விட்டார்கள். அப்போதுதான் எடிசனிடமிருந்த இந்த வணிக மூளை விழித்து கொண்டது...! அப்போது அவர் சொன்ன வாசகம் தான் அவர் வாழ்நாளில் பெரிய மாற்றத்துக்கு வழிகோலியது என்று சொல்லலாம்.

“மனித சமூகத்துக்கு என்ன தேவையோ அதை மட்டுமே நான் கண்டுபிடிப்பேன். மாற்றியதை நான் தொடவும் மாட்டேன்” என்று, கூறினார். தாமஸ் அல்வா எடிசன் இதற்க்கு பிறகுதான் தன் வணிக மூளையையும் பயன்படுத்தி கண்டுபிடிப்புகளை தொடர்ந்தார். அதைவிடவும் சொல்ல கூடியது, எடிசன் தன் கண்டுபிடிப்புகளில் சம்பந்தபடாத கண்டுபிடிப்பாளர்களை தட்டி கொடுத்து ஊக்குவித்ததுடன், தன்னுடன் தனது கண்டுபிடிப்புகளுக்கு போட்டியாளர்களாக இருந்தவர்களுக்கு எதிராக செயல்படவும் தவறவில்லை. இதற்காக அவர் பணம் உழைக்க கூடிய கண்டுபிடிப்புகளையும் கண்டுபிடிக்க தவறவில்லை. அதற்காக அவர் கண்டுபிடித்த கண்டுபிடிபுக்களாக குறிப்பிட்டு சொல்ல கூடியவை,

போனோகிராப் (ஒலிபதிவு செய்யும் கருவி) மற்றும், பேசும்படத்தின் அடிப்படையில் அமைந்த இவரது சில நிமிடங்கள் ஓட கூடிய படங்கள் இவை மூலம் எடிசன் வசூல் சக்கரவர்த்தியாக பணம் மேல் வாழும் ஒரு விஞ்ஞானியாக இருந்தார். மனித குல தேவையை முன்னிலைபடுத்தி கண்டுபிடிப்பை செய்வேன் என்று சொல்லிய எடிசன், பணம் உழைக்க இந்த பேசும் படங்கள் மூலம் கவர்ச்சிபெண்களை பயன்படுத்தி படங்களை எடுத்தார் என்பது உபரிதகவல்.

தனது கண்டுபிடிப்புகளில் தலையீடு செய்யும் கண்டுபிடிப்பாள்ர்களை அவர்களின் வறுமையை பயன்படுத்தி அவர்களை விலைக்கு வாங்கிய எடிசன், பிற்காலங்களில் கண்டுபிடிப்புகளில் தன் கண்டுபிடிப்புக்கு உதவகோரி அவர்களை இணைத்து தன் கண்டுபிடிப்புகளை பூர்த்ஹ்டி செய்த பின்பு, அவர்களுக்கு கிடைக்க வேண்டிய சன்மானம், பெயர் என்பவை கிடைக்க செய்யாமல் செய்த சம்பவங்கள் நிறையவே உண்டு.

அவர் காலத்தில், ஆங்கிலேயே ஆட்சியின் கீழ் இருந்த நாடுகளுக்கு வரும் அமெரிக்க இளம் சமூகத்தின் ஹீரோவாக எடிசன் இருந்தார் என்று அப்போதைய பிரபல எழுத்தாளர் வில்லியம் செக்ஸ்பியர் குறிப்பிடுகிறார். அவர் சொல்லும் போது, எடிசன் அப்போதைய அமெரிக்க இளம் வர்க்கத்திடம் ஒரு விஞ்ஞானியாக பார்க்கபட்டத்தை விட, ஒரு சிறந்த தொழில் முனைவோராக பார்க்கபட்டார். அமெரிக்க இலஞ்சர்களுடன், உரையாடும் போது, அவர்கள் எடிசனை விட சிறந்த தொழில் முனைவர் இந்த உலகத்தில் இல்லை என்ற மனப்பாங்குடன் இருந்ததாக குறிப்பிடுகிறார்.

ஆனால், எந்த தருணத்திலும் தாமஸ் அல்வா எடிசன் தான் ஒரு தொழில் முனைவோனாகவோ அல்லது தொழில் அதிபராகவோ வரலாறுகள் காட்டி விட கூடாது என்பதில் முனைப்பாக செயல்பட்டார். மின்குமிழை கண்டறிந்த எடிசன் மின்சாரம் பற்றி முழுமையாக அறிந்து இருக்கவில்லை. ஆனால், அமெரிக்கா முழுவதும் மின் வழங்க கூடிய மின்சார உற்பத்தி நிலையத்தை கொண்டு நடாத்தினார். அதுவும் மிகவும் தந்திரமாக மின்னை கண்டுபிடித்ததவர்களால் கூட செய்ய முடியாதபடி இதை செய்தார். என்னதான் மின்சாரம் இருந்தாலும் தான் கண்டுபிடித்த மின்குமிழ் மூலம்தான் அந்த மின்சாரம் பயன்படுகிறது என்று அமெரிக்க அரசியல் சபையை நம்பவைத்து, அதன் மூலம், மின் நிலைய அனுமதியை பெற்று சலுகை அடிப்படையில் கட்டணங்களை அறவிட்டு மக்களையும் தன் பக்கம் சேர்த்து கொண்டார்.

விஞ்ஞானி எடிசன் தன் வணிக மூளையின் உச்சத்தை பயன்படுத்தியது, தான் கண்டுபிடித்த சீமேந்து கலவையுடன் கூடிய கான்கிரீட் கட்டுமானத்தில்தான்!!! அப்போது இந்த தொழிலில் அவருக்கு நிறையவே போட்டியாளர்கள் இருந்தார்கள். எடிசன் வேறுமனே இதை கண்டுபிடித்ததுடன், நிறுத்திவிடவில்லை. அவள்ர் இந்த தொழிலில் ஈடுபட்ட நபர்களை வெற்றி கொள்ள நினைத்தார். அதற்க்கு மக்களின் வறுமையை கையில் எடுத்தார். அதாவது, வறுமையில் வாடும் மக்களுக்கு குறைந்த செலவில் தான் கண்டுபிடித்த கலவையை பயன்படுத்தி வீடுகளை குறைந்த செலவில் கட்டி தருவதாக சொல்லி கட்டி குடுத்ததுடன், பெரிய பெரிய கட்டுமான நிறுவகங்களுக்கு தான் இப்படி கட்டிய வீடுகளை அவர்களை கொண்டே வழங்க சொல்லி இருந்தார். இதனால், பெரிய பெரிய கட்டுமான நிறுவகங்கள் தங்களை விளம்பரபடுத்தி கொள்ள சந்தர்ப்பமாக அமைந்ததுடன், தவிர்க்க முடியாது எடிசனின் சீமேந்து கலவையை பயன்படுத்த வேண்டியும் வந்தது. இதன் மூலம், இலகுவாக அவர் போட்டியாளர்களை ஓரம் கட்டினார்.

எடிசன் மட்டுமல்ல இன்றைய காலத்தில் வாழும் பல பிரபலங்கள் பில்கேட்ஸ் வரை தங்களை பிரபல்யம் செய்து கொள்ள இந்த வணிக தந்திரங்களை பயன்படுத்தி கொள்ளுகிறார்கள். ஆனால், யாருமே தங்களை வணிகவியலாளர் என்று சொல்லி கொள்ள ஆசைபடுவது இல்லை!!! இது சாதாரண மனித இயல்பு!!

எப்போதுமே இந்த வணிகம் என்பது சரியான முறையில் பயன்படுத்தபட்டதாக வரலாறுகள் இல்லை. போட்டியாளனாக இருக்கும் ஒருவனை வீழ்த்தவும், தங்களை சரியாக பலடுத்தி கொள்ளவும், ஒருவனை அடக்கி ஆளவும் வரலாறுகளில் வணிகம் சரியாக பயன்பட்டு இருக்கிறது என்று மட்டும் கூற முடியும். அதற்க்கு தாமஸ் அல்வா எடிசன் மட்டும் விதிவிலக்காக இருக்க முடியுமா???

காலம் கடந்த .......மும்,தவறை மறைக்கும் தவறான சொல்லும்!

2011-07-03T13:06:00.000+05:30

எப்பொழுதுமே நாங்கள் செய்யும் பல தவறுகள் எங்களுக்கு அப்பொழுது அந்த தருணத்தில் பார்க்கும் பொழுது மிகசரியாகவே இருக்கும்!!! காலம் கடந்து செல்ல செல்ல அந்த தவறுகள் கொஞ்சம் கொஞ்சமாக எங்கள் அறிவுக்கு எட்டியவகையில் எல்லாம் எங்களுக்கு உறைக்க தொடங்கும். அப்போது எல்லாமே எங்கள் கையை மீறி போய் இருக்கும். அபோதும் நாங்கள் செய்த தவறை மறைக்க மிக பெரிய தவறான வார்த்தை ஒன்றை பயன்படுத்துவோம். அந்த வார்த்தை “மன்னித்து கொள்ளுங்கள்”. சாதாரண மனிதர்கள் நாங்களே இப்படி என்றால், இப்படியான் மனிதர்களால் ஒன்றிணைத்து உருவாக்கபடும் அரசுகள், சாம்ராஜியங்களில் இந்த வார்த்தை எவ்வளவு வலிமையாக பயன்படுத்தபட்டு இருக்கும் அல்லது பயன்படுத்தபட்டு கொண்டு இருக்கும்!!!!

அப்படி தான் வரலாற்றில் மிக சாதரணமாக வாழ்ந்த ஒரு பெண்ணை தவறான முறையில் பிரப்ல்யபடுத்தி, அவளை மரணிக்க செய்த பின்பு 84 வருடங்கள் கழித்து வலிமை மிக்க அந்த “மன்னித்துகொள்ளுங்கள்” என்ற தவறான வார்த்தை சொல்லால் அவளை நல்லவளாக காட்டி கொள்ள ஒரு நாடு செய்த முயற்சியை அல்லது பிரயத்தனத்தையே இந்த பதிவில் பார்க்கபோகிறோம்.

1915களின் பிந்திய காலபகுதி 1ம் உலக போர் நடைபெற்று கொண்டிருக்கும் காலப்பகுதியில் பிரான்சு ராணுவ தலைமையகத்துக்கு ஒரு முக்கிய தகவல் ஜெர்மனில் இருக்கும் பிரான்சு உளவாளிகளால் அனுப்பி வைக்கபடுகிறது. அதில், “பிரான்சின் ராணுவ ரகசியங்கள் அனைத்தும் வெளி உலகுக்கு செல்கிறது ஒரு பெண்ணால், கண்டுபிடிக்க” என்று, மட்டும் மொட்டையாக செய்தி வந்து இருந்தது. இந்த தகவல் பிரான்சு படையை மட்டுமல்ல அதனுடன் நேசக்கரம் கொண்டு இணைத்து இருந்த மற்றைய நாடுகளையும் கொஞ்சம் கதிகலங்க வைக்கிறது. அப்போது உலகின் மிக சிறந்த உளவாளிகளின் குழு பிரான்சு வசமே இருந்த போதிலும், அவர்களது தகவலை கூட வெளியே கொண்டு செல்ல ஒரு உளவாளி இருக்கிறாள் என்பதை பிரான்சு அரசினால் ஜீரணிக்க முடியவில்லை. உடனடியாகவே, அந்த உளவாளியை கண்டறிய படை அமைக்கபட்டு யார் அவள் என்று தேடபடுகிறது.

அப்போது அதிகமான ஜேர்மனிய மேலதிகாரிகளுடன் ஒரு பெண் அதிக நெருக்கத்தை வைத்து இருக்கிறாள்! என்ற செய்தி பிரான்சு ராணுவ தலைமையகத்துக்கு அந்நாட்டின் பிரபல்யமான இரவு விடுதியோன்றிலிருந்து தகவல் வருகிறது. அந்த பெண் யாராக இருக்கும்? அவளுக்கு எப்படி இவ்வளவு தொடர்பு இருக்கும்??? என்று எல்லாம், ஆராய்ச்சி தொடங்கபடுகிறது.

அந்த பெண் யாருமல்ல அவர்தான் அனைவராலும் இந்த நூற்றாண்டின் சிறந்த பெண் ஒற்றர் என அறியபட்ட மாத்தா ஹரி என்ற புனைவு பெயரால் அழைக்கபட்ட மர்டுரைட்டு செலி என்பவர் ஆவார். ஹரி அப்போது இரவுவிடுதிகளில் துகிலுரி நடனத்துக்கு மிக பிரபல்யமான பெண்மணி. இந்த மாத்தா ஹரி என்ற பெயரின் பொருள் “காலையின் கண்” என்பதே ஆகும். இவர் தந்து இரவு விடுதி நடனங்கள் மூலம் சுமார் 20க்கும் மேற்பட்ட ஜேர்மனிய ராணுவ அதிகாரிகளுடன் ரகசிய உறவை பெநியதுடன், அவர்களுக்கு பிரான்சு நாட்டின் அரச தகவல்களை பரிமாற்றினார் என்றும் பிரான்சு அரசு தங்களுக்கு வந்த தகவலின் படி, முடிவு செய்கிறது. இவரை, பிரான்சு அரசு சுமார் 6மாதங்களுக்கு மேலாக தொடர்ந்து கண்கானித்ததுடன், இவருக்கு தெரிய கூடியவகையில், பிரான்சே அரசு ஜேர்மனிய அரசுக்கு தவறான தகவலை வாழ்க கூடியவகையிலான திட்டம் ஒன்றை தீட்டுகிறது. இந்த திட்டம் தொடர்பில் ஜேர்மனிய அரசு தெரிந்து கொண்டு தவறாக வழிநடாத்தபட்டால், இந்த தகவல் மாத்தா ஹரி மூலமாகவே ஜேர்மனிய அரசுக்கு கடத்தபட்டு இருக்கும், என்ற அடிப்படையில் அவரை கைது செய்யவும் முடிவு செய்கிறது.

இந்த இடத்தில் பிரான்சு அரசின் அதிர்ஷ்டம் என்று சொல்லுவதா? இல்லை ஹிட்லர் மற்றும் மாத்தா ஹரியின் துர்அதிர்ஷ்டம் என்று சொல்லுவதா??? அந்த தவறான தகவல் அப்படியே ஜேர்மனிய அரசுக்கு சென்று சேர, அந்த தகவலின் படி ஜேர்மனிய அரசு வழிநடாத்தபட்டு, அவர்களின் தொடர் வெற்றிக்கு முற்றுபுள்ளி வைக்கபட்டது மட்டுமல்லாது, மாத்தா ஹரி தகவலை வேற்று நாட்டுக்கு வழங்கிய துரோகி என்ற அடிப்படையில் 1917ல் கைது செய்யபட்டு உடனடியாகவே துப்பாக்கி குழு ஒன்றினால் மரணதண்டனை விதிக்கபடுகிறார்.

இவை அனைத்தும் நடந்து சுமார் 84 வருடங்களின் பின்பு 1999ம் ஆண்டில் பிரித்தானிய அரசு தன்னிடமிருந்த பிரான்சுக்கும் தனக்குமான சில 48 வருட பழமையான அரச ஆவணங்கள் வெளியீடு செய்கிறது. அதில், கடந்த நூற்றாண்டின் சிறந்த பெண் உளவாளி என்று அழைக்கபட்ட மாத்தா ஹரி உளவாளியாக செயல்பட்டு இருக்க முடியாது என்றும், அவர் சந்தர்ப்ப சூழ்நிலைகளினால் அவர் உளவாளி என்று அடையாளபடுத்தபட்டு பலிகடாவாக்கபட்டு இருக்கிறார் என்றும் தெரிவிக்கபட்டு இருக்கிறது. இதை பிரித்தானிய உளவுப்படையான MI5 என்ற படையும் சிறந்த முறையில் ஆய்வு செய்து அவரது வாழ்க்கை வரலாறுகளை புரட்டி பார்த்து, மாத்தா ஹரி உளவுபெண்ணாக செயல்பட எந்த நிலையிலும் தகுதியானவராக இருந்திருக்க வாய்ப்புகள் இல்லை என்று சொல்லுகிறது. மேலும் பிரான்சு அரசின் தவறான திட்டத்தை காவுகை செய்தவராக அவர் இருந்திருக்க கூடுமே தவிர அவரை எந்த நிலையிலும் உளவாளி அல்லது தகவலை திருடி விற்று இருக்கிறார் என்று சொல்ல முடியாது என்று சொல்லுகிறது MIMI5 படையணி.

எல்லாமே முடிந்து விட்டது. சரித்திரத்தில் ஒரு பெண்ணின் பெயர் தவறான அர்த்தபடுத்தலுடன் வரலாற்றுபடுத்தபட்டும் விட்டது. பிரான்சு அரசும் தங்கள் பக்கம் பிழை இருப்பின் அந்த வரலாற்றில் வலிமை மிக்க அந்த தவறான சொல்லை பயன்படுத்தி இலகுவாக அடுத்த தன வேலைகளை பார்க்க சென்று விட்டது. ஆனால், வரலாறு இன்னமும் தவறான அர்த்தபடுத்தல்களுடனையே அடுததடுத்த சந்ததிக்கு மாற்றம் பெற்று கொண்டு செல்கிறது.

ஒருவேளை, இதே நிலைமை எங்கள் நாட்டுக்கும் எங்களுக்கும் வரலாம். அப்போதும் இப்படிதான் வரலாறு தவறான அர்த்தபடுத்தலுடன் அடுத்த சந்ததியை நோக்கி நகர்வு பெறும், அந்த தவறை மறைக்கும் தவறான சொல்லான “மன்னித்து கொள்ளுங்கள்” என்ற சொல்லுடன்......!

என் குட்டி சுவரிலிருந்து....!

2011-06-24T20:04:00.000+05:30

எல்லோரிடமும் அதிகமாக எதிர்பார்க்காதீர்கள் ...!!! என்னையும் சேர்த்துதான்

எல்லாவற்றையும் உங்களுக்கு சொல்லி கொண்டே இருக்க முடியாது. சிலவற்றை நீங்களே புரிந்து கொள்வதும் அவசியமாகும்......!

ஒவ்வொரு இரவுக்கும், விடியலுக்கும் நடுவே மனங்களுக்கு இடையில் நடக்கும்போராட்டம்தான் உண்மையான யுத்தம் !

எனக்கு பிடித்ததை யாருக்காகவும் மாற்றி கொள்ளமாட்டேன். அதுபோலதான், யாருக்கும் என்னை பிடிக்கவில்லை என்பதற்காக யாரையும் மாற்றவும் முயற்சி செய்யமாட்டேன்.....! என்னுடன் பழக நினைப்பவர்களும் இது போல இருந்தால், நல்லது

உங்கள் எல்லா எதிர்பார்ப்புகளையும் நிறைவேற்றி வைக்க நான் ஒன்றும் கடவுள் இல்லை......!! நானும் உங்களைப்ப் போல் ஒருவன்தான் என்பதை மட்டும் நீங்கள உணர்வதே இல்லை!!!!

சமூகத்தில் ஒருவன் கஸ்ட்டபட்டால் நாலு பேர் சேர்ந்து உதவி பண்ணனும் எண்டு சொல்லிரிங்க...!!! ஆனா, ஒருத்தன் EXAM HALLல கஸ்ட்டப்பட்டா மட்டும் ஏண்டா திரும்பி கூட பாகிரிங்க இல்ல

என்னுடைய வாழ்க்கை திறந்த புத்தகமாக இருக்கவேண்டும் என்று நான் நினைக்கிறேன். அதுக்காக சில பக்கங்களை நீங்கள் எழுத முயற்சி செய்யாதீர்கள்!!!

தாழ்வுமனப்பான்மை உங்களுக்கு இருக்கிறதா?? அந்த புற்றுநோயை நோயை தரும் நண்பர்களாக எனக்கு நீங்கள் இருக்காதீர்கள்!!!

இழந்தவர்களுக்காக கண்ணீர் விட்டு இருப்பவர்களை இழக்க நான் தயாரில்லை... நான்கு சுவர்களுக்குள் நான் வீம்பு பேச பழகி கொள்ளுகிறேன். இந்த சுவரில் வம்பு அளக்க தயாரில்லை. -நான் ஒரு கோழைதான்

அடக்கபடும் கூட்டத்தில் இருந்து முதல் முதல் கேள்வி கேட்பவன் நீயானால் நான் உன் நண்பன்
அடக்கியாளும் கூட்டத்தில் நீ ஒருத்தனாயின் நீ என் முதல் எதிரி...
(via Tharshanth Rajenthrem)

எனக்கு தெரியும் என் பேனாக்கள் மூலம் வீரமுழக்கம் செய்து விட முடியாது என்று!!! சில வேளைகளில் சில முனகல்களையாவது அது வெளிப்படுத்தட்டும்!!!

நன்றிகளும், நாடு கடத்தல் தொடர்பில் சில கேள்விகளும்

2011-06-22T20:08:00.000+05:30

இறுதி பதிவால் நான் அடையாளபடுத்தபட்டு இருக்கிறேன் என்பதை விட நாம் அடையாளபடுத்தபட்டு இருக்கிறோம் என்ற கருத்துக்களையே என் எழுத்துக்களின் பலன்களாக நான் பார்கிறேன்.

இந்த பதிவை எழுத தொடங்கும் போதோ சரி,எழுதிய பின்போ சரி இப்படி எல்லோரின் மனதிலும் தாக்கத்தை தரும் என்று எதிர்பார்க்கவில்லை. வழமையான JUNE - 16ம் திகதியும், தந்தையர் தினமும் எனக்குள் ஏற்படுத்தும் வலியை நான் கொஞ்சம் பகிர்ந்து கொள்ளவே இந்த பதிவை எழுதினேன்.

இந்த பதிவின் மூலம் நானும், என்னை போன்றவர்களும் அடையாளபடுத்த பட்டு இருக்கிறார்கள் எனின், அதை என்னால் முடிந்த சிறு உதவியாகவே பார்க்கிறேன்.

இந்த பதிவை SHARE பண்ணிய TWEET பண்ணிய அனைத்து நண்பர்களுக்கும் நன்றிகள். இதே போல, எனக்கு தனிப்பட்ட கருத்துக்களை வழங்கிய நண்பர்களுக்கும் நன்றிகள். பின்னூட்டம் மூலம் பிரதிபலிப்பை வழங்கிய நண்பர்களுக்கும் நன்றிகள்!

உண்மையில் உங்கள் கருத்துக்களுக்கு எப்படி எனது பிரதிபலிப்பை வழங்குவது என்று சத்தியாமாக தெரியவில்லை. எல்லாவற்றையும் பார்த்தும் கேட்டும் கொண்டும் இருக்கிறேன்!!! அனைவருக்கும் நன்றிகள். (நன்றிகள் என்ற வார்த்தையில் என் சகாக்களாக இருக்கும் உங்களை பிரித்து பார்க்கும் எண்ணம எனக்கு இல்லை)

அது போல என் நண்பர்களுக்கு அன்பான ஒரு வேண்டுகோள் எவராயினும் ஒருவர் இந்த கதையின் பாதிப்புகளில் எந்த மாற்றமும் இல்லாமல் இதை அப்படியே ஆங்கிலத்திற்கு மொழிமாற்றம் செய்ய முடியுமாயின், என்னை தொடர்பு கொள்ளவும்!

இந்த பதிவை எழுத எனக்கு துணையாக இருந்தது. கடந்த கால சம்பவங்களை எனக்கு கண்முன்னே கொண்டு வர கூடியவகையில் என் அம்மா எழுதி வைத்து இருந்த 90களின் குறிப்பேடே, என்னும் எழுதப்படாமல் பல பக்கங்கள் அந்த குறிப்பேட்டிலும், என் உள்ளத்திலும் இருக்கிறது. முடிந்தவரை உங்களுக்கு அதை தர முயற்சி செய்கிறேன்.

சரி விசயத்துக்கு வருவோம்,

என் மனதில் குறித்த சில நாட்களாகவே குறித்த ஒரு செய்தி தொடர்பில் ஒரு சில கேள்விகள் மனதை உறுத்தி கொண்டே இருக்கிறது. நிச்சயமாக, அது புலம்பெயர் தமிழர்களிடம் தான் கேட்க வேண்டியது. ஆனால், எல்லா புலம் பெயர் தமிழர்களுக்குமானதாக இருக்காது. சிலவேளை என் முகபுத்தக நண்பர்களாக இருக்கும் சில நண்பர்களை கூட பாதிக்க கூடும். ஆனால், அதற்காக எனக்குள் இருக்கும் கேள்விகளை கேட்காமலேயே இருக்க முடியுமா? இது என் கேள்விகள் மட்டுமே! ஒரு கூட்டத்தினதோ அல்லது ஒரு இனத்தினதோ கேள்விகள் இல்லை. ஒரு சிலவேளை என் கேள்விகள் தவறான கண்ணோட்டத்தில் உருவாக்கம் பெற்றவையாக கூட இருக்கலாம். அப்படியாயின், உங்கள் கருத்துக்களை சொல்லுங்கள். என் தவறையும், என் மன்னிப்பையும் என் வலைதளத்திலேயே கேட்க நான் தயாராக இருக்கிறேன். என் கேள்வி இது பற்றித்தான்

//பிரித்தானிய அரசிடம் அரசியல் தஞ்சம் கோரி அது நிராகரிக்கபட்ட நிலையில் இலங்கைக்கு அந்த புலம்பெயர் சமூகம் நாடு கடாத்தபடும் நிலை//

உண்மையில் இதில் ஒரு பகுதி தரப்பினர் முன்னரே நாடு கடாத்தபட்ட நிலையில் மற்றுமொரு தொகுதி இலங்கை மக்கள் வரும் 30ம் திகதி இலங்கைக்கு நாடு கடாத்தபட உள்ள நிலையில் நீங்கள் அவர்கள் தொடர்பில் காட்டும் அக்கறை என்ன?

இங்கே வாழ முடியாது,தங்களுக்கு இங்கே பாதுகாப்பு அச்சுறுத்தல் என்று அங்கெ வந்த நம்மவர்கள் மீளவும் இங்கே திருப்பி அனுப்பபட்டு இருக்கிறார்கள். அவர்கள் தொடர்பில் நீங்கள் சிந்தித்து இதை தடுத்து நிறுத்த முயல வில்லையா??

புலம்பெயர் சமூகம் ஏன் இது தொடர்பில் மட்டும் உங்களிடம் அசமந்த போக்கு ஒன்று காணபடுகிறது??? இல்லை அப்படி காட்சிபடுத்தபடுகிரீர்களா?? உங்களுக்கு இலங்கை அரசுக்கும், இங்கிலாந்து அரசுக்குமான வித்தியாசங்கள் தெரியும்!!! மனித தன்மையை மதிக்கும் அந்த அரசிடம் நீங்கள் போராடினால் உண்மையில் இதை தடுத்து நிறுத்த கூட முடியும். அண்மையில் ஒரு செய்தி படித்தேன். புலம்பெயர் சமூகத்திடம் அதிகளவு எதிர்ப்புகள் இல்லாத காரணத்தினால் தான் அடுத்த கட்ட நாடுகடத்தல் நடவடிக்கையை பிரித்தானிய அரசு செய்கிறது என்று, அப்படியாயின் உங்களுக்கு ஆபத்து என்றால் நீங்கள் உங்கள் அருகில் இருப்பவர்களையும் தனித்து விட தயாராகி விட்டீர்களா???

அங்கு இருக்கும் எங்கள் நாட்டு தமிழர்களே உங்களிடம் ஒரு கேள்விதான். இன்று நாடுகடத்த பட்டவர்களும் சரி, நாடு கடாத்தபட இருப்பவர்களும் சரி, உங்களை நம்பி அங்கெ வந்தவர்கள், உங்களால் நடாத்தபட்ட எங்களை காப்பாற்ற என்று சொல்லப்பட்ட போராட்டங்களில் பங்குபற்றியவர்கள்.(பெருமபாலனவர்கள் இணைந்து இருப்பார்கள்) இதில் சிலர் உங்கள் போன்று அங்கு வாழ்பவர்களை பார்த்து சூப்பர் ஹீரோ அவதாரம் எடுத்து முகபுத்தகத்தில் மற்றும் ஏனைய பல சமூக வலைதளங்களில் தங்கள் தமிழ் புலமையை காட்டியவர்கள்(வெளிப்படையாக சொல்ல வேண்டியது இல்லை) இப்படியான பல பல சமூக சேவையில் தாமாக ஈடுபட்டாலும், உங்களை நம்பியே செய்து இருப்பார்கள் என்பது வெளிப்படை. இன்று அவர்கள் எல்லோரும் நாடுகடாத்தபட போகிறார்கள்.

அதில் ஒரு பகுதி நாடுகடாத்தபடும் விட்டது. அவர்களுக்கு இலங்கை அரசு ராஜ மரியாதை வழங்கி அவர்களை அவர்கள் வீட்டுக்கு சொந்த செலவிலேயே அழைத்து சென்று விடும் என்று எண்ணியா? இந்த செயலை அனுமதித்தீர்கள்?

உங்களுக்கு நாங்கள் இருக்கிறோம் இருக்கிறோம் என்று எங்களில் சிலரை உங்களில் சிலர் ஏமாற்றிய கதை இருக்கிறது.இப்போது உங்களுடன் இருந்த சிலரையும் ஏமாற்றி கொண்டு இருக்கிரீர்களா??? அவர்களை காப்பாறலாமே புலம்பெயர் சகோக்களே!!! சில வேளை உங்கள் இந்த செயலால் வேணும் என்றால், சிலபல செய்தி நிறுவகங்கள் இந்த நடப்பாண்டில் முன்னணி நிருவகமாக வர வாய்ப்புகள் உண்டு.

உங்களை நம்பி வந்தவர்களை உங்கள் பக்கத்தில் இருப்பவர்களை உங்களால் காப்பாற முடியாத போது, எங்களுக்காக நீங்கள் குரல் கொடுத்து, அதை நாங்கள் நம்பி???? வேண்டுமா? எங்களுக்கு இந்த நிலைமை???

உண்மையில் என் பதிவுக்கு நிறைய எதிர்மறை விமர்சனங்கள் இருக்கும், நிச்சயமாக அதை பின்னூட்டம் மூலமாகவோ என் தனிப்பட்ட அஞ்சலுக்கோ அனுப்புங்கள். ஒரு வேளை என் புரிதல்கள் உங்களை பற்றி, தவறாக இருக்கலாம். புரிய வையுங்கள். திருத்தி கொள்ளுகிறேன்!!!! இப்பொழுதும் சொல்லுகிறேன், புலத்தில் இருக்கும் எங்கள் சொந்தங்கள் சிலரை பாதிக்கலாம்,பலரை ஆத்திரபடவும் இந்த பதிவு காரணமாக அமையலாம். ஆனால், அங்கிருந்து உங்களால் எங்களுக்கு போராட்டம் நடாத்தி செய்ய முடியாதது போல, இந்த விடயம் இல்லை!!!! கடைசி உங்களை நம்பி வந்தவர்களை காப்பாற்றலாமே????? நாடுகடத்தப்பட்டு மீண்டும் இலங்கை வருபவர்களுக்கு கட்டுநாயக்கா விமான நிலையம் கூட ஒரு முள்ளிவாய்க்கால் என்பதை மறக்காதீர்கள் சகாக்களே!!!

இலங்கை அப்பாக்களுக்கு!!!!

2011-06-19T11:26:00.000+05:30

90களின் காலைப்பொழுது எப்பொழுதுமே ரசிக்க கூடியதாகவோ, அல்லது சேவல் கூவல்களுடனோ திருகோணமலைக்கு விடிவது இல்லை. திருமலைக்கு மட்டுமல்ல பல இடங்களுக்கும் அப்படிதான். இதே போன்ற ஜூன் மாதத்தில் ஒருநாளும் அப்படித்தான் துப்பாக்கி வேட்டுக்களின் அதிரல்களுடன் திருமலை நகரமே திடிரெண்டு விழித்து கொண்டது. ஆனால், ஒருவனுக்கு மட்டும் அன்றைய இரவு தூக்கம் இல்லாமல் வெறும் கனவுகளால் மட்டும் நிரம்பி இருந்தது. அவனது செல்ல குழந்தை அவனை தூங்க விடாது, அவனது கனவுகளை முழுவதுமாக ஆக்கிரமித்து இருந்தது. இந்த குழந்தையை எப்படி வளர்ப்பது? என்ன படிக்க வைப்பது? என்ன என்ன எல்லாம் செய்ய வேண்டும் என்ற கனவுகளுக்கு மத்தியில் அந்த குழந்தையின் சிறு சிறு அழுகை சினுங்கல்களையும், தன் மனைவியின் தாய்மை உணர்வுகளையும் ரசித்தவனாகவும் படுத்திருந்த அவனையும் அந்த வெட்டு சத்தங்கள் கொஞ்சம் அதிரவே வைத்து இருந்தது.

“வழமையா மகன் அழுது எழுப்பி விடுவான்,இண்டைக்கு ஆமிக்காரன்கள் எழுப்பி விட்டுட்டானுகள். இண்டைக்கு என்ன தலைவலி இருக்குதோ!” என்று, மனைவியிடம் குறைபட்டு கொண்டவனாக, எழும்பி வெளியே என்ன நடந்து இருக்கும் என்று பார்ப்பதார்க்கு வீட்டு கதவை திறந்து கொண்டு வந்தவனை, அவன் வீட்டு எதிர் வீட்டுக்காரன்தான் முதலில் எதிர் கொண்டான். “என்னப்பா இண்டைக்கு முதல் முதலா பாதர்ஸ் டே கொண்டாடுறாய் போல, வீட்ல சொல்லி எங்களுக்கு நல்ல சதைக்கோழியா சமைச்சு அனுப்பு என, நக்கலாக சொல்லிவிட்டு அவரும் வெட்டு சத்தங்களின் காரணங்களை அறிய சந்தியை நோக்கி பயனிக்க்கலானார்.”

மறுபடியும் இவனுக்குள் ஒரு பெருமிதம், தன்னை பற்றி அவர் சொன்னதையும், தன் மகனையும் தன் தந்தையின் நினைவுகளையும் மெல்ல அசைபோட்டவனாக கொஞ்சம் தந்தை என்ற இறுமாப்புடன் அவனும் சந்தியை நோக்கி நகர தொடங்கினான்.

சந்தியை அடைந்ததை கூட தெரியாமல் சிந்தையில் மூழ்கி இருந்தவனை மீள உயிர்பித்தது ராணுவத்தின் ஒலிபெருக்கி மூலமான அறிவித்தல் ஒன்றுதான், “திருமலை நரக மகளுக்கு ஒரு நியூஸ், ஊருக்குள்ள கொட்டியா நடமாட்டம் இருப்பதால் எல்லாரையும் ரவுண்டப் பண்ணி சோதனை பண்ண போரம். வீட்ல இருக்கிற ஆம்பிளைகள் எல்லாம் மக்கேசர் கிரவுண்டுக்கு 9 மணிக்கு எல்லாம் வந்துரனும். வரக்குள்ள பாமிலி கார்ட், ஜடேண்டி கார்ட்,ஆர்மி ஜடேண்டி எல்லாம் கொண்டு வரணும்....! வீட்ல யாரும் மறைஞ்சு இருந்தா கொட்டியா எண்டு சுட்டுருவம்!!!!” என்று அரை தமிழில் வந்த ஒலிபெருக்கி அறிவிப்புடன் அவனை வண்டி கடந்து செல்லவும், அவன் தன் மணிகடிகாரத்தில் நேரம் பார்க்கவும் சரியாக இருந்தது.

நேரம் 8.45

சந்தியிலிருந்து வீட்ட வந்து எல்லா வேலைகளையும் செய்து விட்டு, குழந்தையுடன் செல்லமாக விளையாடி விட்டு மெதுவாக கால் முடியாத தன் மாமாவுடன் சைக்கிளில் மெக்கேசர் கிரவுண்டுக்கு ஒரு வித பய உணர்வுடன் பயணிக்கிறான்.

மெகேசர் மைதானம் முழுவதும் ஆண்களால் கிட்டதட்ட நிரம்பியே இருக்கிறது. மைதானத்துக்கு வெளிய சில பெண்கள் தங்கள் கணவர்கள் மீள சோதனை முடிந்து முழுதாய் வர வேண்டும் என்று கடவுளை பிரார்த்திப்பது நன்றாகவே தெரிகிறது. அதில் இவன் மனைவியும்,குழ்ந்தையும் என்னும் சில உறவுகளும் இருப்பதை கண்டு கொண்ட அவன் மீண்டும் ஒரு முறை அந்த பிஞ்சு குழந்தை முகத்தை பார்த்து கொள்ளுகிறான். எதுவும் அறியாத அந்த குழந்தை அம்மாவின் தோளில் தலை சாய்த்து உறங்கி கொண்டு இருக்கிறது இனி தன் தந்தையை பார்க்க முடியாது என்பது கூட தெரியாமல்! விசாரணை வரிசை மெல்ல மெல்ல நகர தொடங்குகிறது.

முதலில் ஒரு ஆமிக்காரனிடம் கொண்டு வர சொன்ன பாமிலி கார்ட், ஜடேண்டி கார்ட்,ஆர்மி ஜடேண்டி எல்லாம் காட்டனும். பிறகு, மற்றவர் கேட்கும் அரை குறை சிங்கள கேள்விக்கும் அவருக்கு அடிபோடியாக இருக்கும் தமிழர் சொல்லும் கேள்விகளுக்கும் பதில் அளிக்க வேண்டும். இறுதி சோதனை பெரிய சோதனை அதுதான் “தலையாட்டி சோதனை”. அதாவது, தலையாட்டி என்பவர் அல்கொய்தா தீவிரவாதிகள் போல, கண்கள் மட்டுமே தெரிய கூடியவாறு முகமூடி போட்டு உட்கார வைத்து இருக்கபடுவார். அவர் ஆமிக்காரரிடம் சிக்கிய நம்மவர்.(அவன் சிக்கிய பிறகு படும் கஷ்டம் அவனுக்கு மட்டுமே வெளிச்சம்) அந்த முகமூடிகாரனுக்கு முன்னால், முதல் சொன்ன ரெண்டு சோதனைகளிலும் பாஸ் ஆனவர் நிருத்தபடுவார். அப்படி நிக்கும் போது இவரின் தலை கொஞ்சம் ஆடிவிட்டால், முன்னாள் நிப்பவரை வாழ்கையில் நீங்கள் மறந்து விடலாம். அடுத்து அவர்களுக்கு என்று ஒரு பஸ் வண்டி தயாராக இருக்கும். அதில் ஏற்ற்ப்படும் வரை அந்த அற்ப ஜீவனை நீங்கள் கண்கொள்ள பார்த்து ரசிக்கலாம். அதுக்கு பிறகு அந்த ஜீவனை இந்த உலகின் எந்த மூலையிலும் காண முடியாது. தலையாட்டி ஒன்றும் வேண்டுமென்றே கழுத்தை ஆட்டுவரோ என்று யோசிக்கலாம். இல்லை ஒரு மனுஷன் எவ்வளவு நேரம்தான் கழுத்தில் அடிவாங்கிய பிறகும் தலையை ஆட்டாமல் வைத்து இருக்க முடியும்????

அவனும் மெல்ல மெல்ல சோதனை கூடத்தை அண்மித்து கொண்டு இருக்கிறான். மெல்ல மெல்ல பஸ் வண்டிகளில் கூட்டம் சேர்ந்து கொண்டிருப்பதும், கூடி இருந்த பெண்கள் கூட்டத்தில் அழுகை குரல்கள் கொஞ்சம் கொஞ்சமாக அதிகரித்து கொண்டிருப்பதும், தெளிவாக தெரிகிறது. அதற்க்குளும் அவனுக்கு தன் குழந்தை எண்ணமே! தன் குழந்தையை தேடுகிறான். அந்த குழந்தை எதையும் அறியாமல் அந்த கூட்டத்திடில் அம்மாவின் அரவணைப்பில் தூங்கி கொண்டு இருக்கிறது. இப்போது அடுத்ததாக சோதனை கூடத்துக்குள் அவன் செல்லும் முறை, முதலாவது சோதனையும், இரேண்டாவது சோதனையும் முடிந்தாகிவிட்டது. மூன்றாவது சோதனை, தலையாட்டி முன்னால், அவன் நிறுத்தபடுகிறான். தலையாட்டி தலையை ஆட்ட மாட்டான் என்ற சின்ன நம்பிக்கை அவனுக்கு. காரணம், எதிர் எதிரே நிற்கும் இருவரும் ஒரே இனமல்லவா!!!! ஆனால், நடந்தது எதிராக, தலை சிறிது அசைகிறது. அவனின் நம்பிக்கை உடைகிறது. இரண்டு ராணுவ வீரர்கள் வந்து அவனை மெல்ல அந்த இறுதி ஊர்வல வண்டிக்கு இழுத்து செல்கிறார்கள். அவன் “தலையாட்டி தலையை ஆட்ட இல்லை” என்று தனக்கு தெரிந்த சிங்களத்தில் உளருகிறான், பயனிலை என்பதும் தெரிந்ததுதானே!!!

இறுதியாக, எல்லாம் முடிந்தது. பஸ் வண்டி புறப்பட இருக்கும் நேரத்துக்கு முதல் அதில் இருப்பவர்கள் அனைவருக்கு ஒரு 5 நிமிடம் அங்கு இருக்கும் உறவுகளை இந்த பூவுலகில் இறுதியாக பார்க்கும் சந்தர்ப்பம் வழங்கபடுகிறது. அவன், தன் மனைவியையும், பிள்ளையையும் பார்க்கிறான். யாருமே வார்த்தைகளால் பேசவில்லை. அழுகையும், கண்ணீரும் பேசி கொள்ளுகிறது மிக நீண்ட கதைகளை, தான் இல்லாமல்தான் தன் குழந்தையும் தன் மனைவியும் வாழபோகிறார்கள்? என்பதை நொடிக்கு ஒரு முறை நினைத்து பார்த்து உறுதி செய்து கொள்கிறான்.

இன்னும் அந்த பிஞ்சு குழந்தை எதையும் உணராமல் தன் அம்மாவின் கண்களில் இருந்து வழியும் கண்ணீரில் கோலம போட்டு விளையாடி கொண்டு இருக்கிறது. இறுதியாக தன் தந்தையின் அரவணைப்பில், இருந்தவாறே!!!!

ஆமிக்காரர் எல்லோரையும் ஏறும்படி சொல்லுகிறார். அந்த தந்தை தன் மகனை தாயிடம் ஒப்படைத்துவிட்டு, இறுதி சாசனத்தை தன் வாய்மொழி மூலமாக தன் மனைவிக்கு எழுதி கொடுத்துவிட்டு, செல்கிறார்ன்

“நான் திரும்ப வரபோறது இல்ல எண்டு உனக்கு தெரியும்....! எப்படியும் கஷ்ட்டபட்டாவது எண்ட மகனை வளர்த்து போடு!!!! அவன் எந்த பாவமும் செய்யல நமக்கு பிள்ளையா பிறந்ததை தவிர, அவனுக்கு நாங்க எழுதி வச்ச பெயர் துண்டில நாலாவது பெயரை வை அதுதான் அவனுக்கு சரியான பொருத்தமா இருக்கும்!!! கண்டிச்சு நல்லா வளர்த்து போடு! பிறகு அப்பன் இல்லாம காட்டானா.வளர்த்து போடாத!!! எண்ட ஆசை எல்லாமே அவனை நல்லபடியா வளக்கிறதுதான்!!!! என்று, சொன்னபடியே நகருகிறான்.

தன் மனைவி அழுவதும், கதறுவதும் அவனுக்கு தெரிகிறது. அதை எல்லாம் தாண்டி, தன் மகன் தன்னை பார்த்து சிரித்தபடி இருப்பது மட்டுமே! அவனுக்கு புரிகிறது. இறுதி கணங்களில் அதுதான் அவனின் இறுதி ஆசை என்று தெரிந்துதான் அந்த குழந்தை சிரிக்கிறது போலும்.....! பஸ் வண்டி தனது இறுதி பயணத்தை ஆரம்பிக்கிறது கூடவே, இவனும்!!!!

அந்த குழந்தைக்கு அவன் வைக்க சொன்ன பெயர் “அனுதினன்”

என்னை போல,எத்தனையோ நண்பர்கள் இப்படித்தான் இலங்கையில் தந்தையர் தினத்தை நினைவு கூர்ந்து கொண்டு இருப்பார்கள். அவர்களை போல இல்லாத என் தந்தைக்கும், இருக்கின்ற அணைத்து தந்தையர்க்கும் எனது தந்தையர் தின வாழ்த்துக்கள்!!!

9/11 – அமெரிக்க மறுமுகம்

2011-06-17T08:37:00.000+05:30

அமெரிக்க இரட்டை கோபுர தாக்குதலின் பின்பு வெளியாகி இருக்கும் எரிக்கின் ஆவணங்கள் அமெரிக்க வல்லரசின் இரட்டை முகத்தின் வரலாறுகள் அதிகம் பார்க்காத பகுதியை காட்டுவதாக அமைந்து இருக்கிறது. குறிப்பாக, அமெரிக்க ராணுவதளமான பெண்டகன் தீவிரவாதிகளால் தாக்கபட்ட போது, அதற்க்கு பயன்படுத்தபட்ட விமானம் போஜிங் 757 இல்லை என்பதை இந்த ஆவணங்கள் மற்றும் ஒளிப்படங்கள் மூலம் தெளிவுபடுத்தும் எரிக் அப்படியாயின், எப்படி பெண்டகன் மீதான தாக்குதல் இடம்பெற்று இருக்கும் என்பதையும் சொல்லுகிறார். அத்துடன், முக்கிய விடயம் ஒன்றையும் பெண்டகன் தாக்குதல் தொடர்பில் அவர் கேள்வியாக எழுப்பி இருக்கிறார். சாதாரணமாக, அதியுயர் ராணுவதளம் உள்ள பகுதி ஒன்றின் வான்பரப்பில் ஏதேனும் ஒரு பொருள் தென்பட்டால், விளைவுகள் எப்படி இருக்கும் என்ற அனுபவம் இலங்கையர் எங்களுக்கே தெரியாததா என்ன??? அப்படி இருக்கும் போது, வல்லரசு நாட்டின் பெண்டகனை தாக்க ராணுவ தளம் அமைந்து இருந்த பிரதேசத்துக்குள் ஒரு விமானம் வரும் போது தானியங்கி விமான எதிர்ப்பு பீரங்கிகள் என்ன செய்து கொண்டு இருந்தன? அவை எப்படியும் தானாக மோப்பம் பிடித்து இயங்கி இருக்க வேண்டுமே!!! என்று கேட்கிறார். அவரது கேள்வியின் நியாயம் எங்களுக்கே புரியும் அல்லவா??? (எவ்வளவு சத்தம் கேட்டவங்கடா நாங்க!). அமெரிக்காவின் அதியுயர் தொழில்நுட்பம் அப்பொழுது மட்டும் மவுனித்து போனதா??? என்று எரிக் கேட்கும் கேள்விக்கு அமெரிக்காவிடம் பதில் இல்லை என்பது ஆச்சரியமானது.

குறிப்பாக,செப்டம்பர் தாக்குதலுக்காக கடத்தபட்ட விமானங்களை பயன்படுத்தி மட்டுமே தனித்து இரட்டை கோபுரங்களை முழுமையாக தகர்க்க முடியாது என்று உறுதியாக கூறும் இவர். எப்படி அவை தர்க்கபட்டு இருக்கும் என்பதற்கு வலுவான காரணங்களையும் கூற தவறவில்லை. அதிலும், விமானம் ஒன்று கட்டிடம் மீது மேற்பரப்பில் மோதுகை அடையும் போது, கட்டிடம் ஒன்று, தடுமாறி சாயிந்துதான் விழும். குறிப்பாக உதாரணத்துக்கு உங்கள் மீது ஒருவர் எதிர்பாராமல் தாக்கும் போதும் கூட, நீங்கள் நிலைதடுமாறிதான் விழ சந்தர்ப்பம் உண்டு. அப்படி இருக்கும் போது, இரட்டை கோபுரம் மட்டும் எப்படி அப்படியே நொறுங்கி தரைமட்டமாக முடியும் என்று கேட்பதுடன், அதற்கான விளக்கத்தை ஜெஎப் கிங் என்ற அமெரிக்க விஞ்ஞானியை பயன்படுத்தியே அவர்கள் வழங்கிய CDயில் காணொளி மூலம் விளக்கம் கொடுக்க வைத்து இருக்கிறார்கள். அப்படியாயின் அந்த கட்டிடத்துக்கு என்ன நடந்து இருக்கும்?. அதிர்ச்சிகரமான உண்மையை அவர் சொல்லுகிறார்.

வர்த்தக மைய கட்டிடத்தின் இரண்டு கோபுரங்களிலும் உள்ள ஒவ்வரு தளத்திலும் ஒவ்வரு மூலையிலும் குண்டு வைத்து ஒரே சமயத்தில் வெடிக்க செய்து இருக்கலாம். அப்பொழுது மட்மே இரட்டை கோபுரம் விழுந்தது போல, விழுவதற்கான சாத்தியப்பாடுகள் இருப்பதாக எரிக் தான் எழுதிய புத்தகத்தில் சொல்லி இருக்கிறார். கேட்கும் எங்களுக்கு இந்த விடயம் ஒரு கேலி கூத்தாக இருக்கும். பின்ன, அமெரிக்காவின் பிரபலமான வர்த்தக மையதுள் அவ்வளவு குண்டுகளையும் கொண்டு சென்று பொருத்துவதா? எப்படி சாத்தியம்? இப்படி வாசிப்பவர்கள் கேட்காமல் இருப்பார்களா? அதற்கும் அவரே பதில் சொல்லுகிறார்.

வர்த்தக மைய விபத்தின் போது வீடியோ காட்சிகளை முழுமையாக பார்ப்பின், எழுந்த கரும்புகை,தீப்பிழம்பு என்பன விமானம் மோதுவதற்கு சரியாக 20SEC முன்பதாகவே கட்டடத்தில் தெரிவதாக காணொளியில் ஆதாரமாக காட்டி இருக்கிறார்கள். அத்துடன் கட்டிடத்துக்குள் குறைந்தது 14தொன் வெடிபொருள் இருந்து இருக்க வேண்டும் என்று கூறும் எரிக்கும் அவரது சகாக்களும், கட்டிடத்துக்குள் வெடி பொருள் செல்வதற்கான சாத்தியப்பாடுகள்,அறிகுறிகள் விபத்து நடப்பதற்கு எட்டு நாட்களுக்கு முன்பே தெரிந்ததாக கூறுகிறார்கள். அந்த எட்டு நாட்களில் முன்பு எப்போதும் இல்லாதவாறு வர்த்தக மைய கட்டிடம் அடிக்கடி இருளில் மூழ்கியதாகவும், அதுவரை காலம் இல்லாத அளவுக்கு பராமரிப்பு, பழுதுபார்த்தல் பணிகள் இடம்பெற்றதாகவும், இதற்க்காக காவல் நடைமுறைகள் சற்று தளர்த்தபட்ருந்ததாகவும் கூறுகிறார்கள். அத்துடன், வர்த்தக மைய தாக்குதலுக்கு பின்பு அந்த இடத்திலிருந்து verumவெறும் 200 மாதிரிகளே பரிசோதனைக்கு அனுப்பி வைக்கபட்டதுடன்,மிக வேகமாக யாரும் தேடி எடுக்கக் முடியாதபடி இந்த கட்டிட கழிவுகள் அகற்றபட்டு பல்வேறு நாடுகளுக்கும் விற்பனை செய்யபட்டதாக கூறுகிறார்கள். இவாறு ஒவ்வரு உண்மைகளாக கூறும் இவர்களின் இறுதி கருத்து ஒன்றை மட்டும் சொல்லுகிறது,

செப்டம்பர் தாக்குதல் முழுக்க முழுக்க அல்கொய்தாவினால் பின்லேடன் தலைமையில் நடாத்தபட்டிருந்தாலும், தாக்குதல் முடிவுகளை மட்டும் அமெரிக்கா தனக்கு சாதகமாக மாற்றி கொள்ள பயன்படுத்தி இருக்கிறது என்று, கூறுகிறார்கள். அதாவது, கட்டிடடத்தை விமானம் மோதும் போதே, உள்ளே வைக்கபட்டிருந்த குண்டுகளை பயன்படுத்தி ஒரு துளியும் மீதமில்லாமல் வெடிக்க செய்து இருக்கிறார்கள். அத்துடன், பெண்டகன் தாக்கப்பட கூடும் என்ற நம்பிக்கையும் அமெரிக்காவுக்கு இருந்து இருக்கிறது. பெண்டகன் போன்ற வல்லரசின் ஒரு ராணுவதளம் கூட தாக்கப்ட்டது என்ற செய்தி வெளிவருமானால், உலகமே அதிரும். எனவே, அதற்கான முன்ஏற்பாடுகளை அமேரிக்கா செய்து வைத்து இருந்தது என்கிறார்கள். அதாவது, பெண்டகனை தாக்க பயன்படுத்த இருந்த விமானம்தான் பென்சிலியாவில் தவறி விபத்தில் சிக்கி இருக்கிறது. போஜிங் 757 விமானம் என்ன ஆனது என்று அறிக்கை தயாரிக்கும்வரை என்ன ஆனது? என்று தெரியவில்லை என்ற அதிர்ச்சியை தரும் எரிக் அதற்கும் மேலாக பெண்டகன் மீது சிறியளவில் தாக்கத்தை தர கூடிய விமானத்தை அமெரிக்காவே மோதி உலகத்தை தீவிரவாதிகள் செய்ததாக நம்ப வைத்து இருக்கிறார்கள் என்று அடித்து கூறுகிறார் எரிக். அதை மேலும் அவரது இணையதளத்தில் சென்று முழுமையாக பார்த்து கொள்ளுங்களேன்!

http://www.reopen911.org/

அல்கொய்தாவின் திட்டம் முன்கூட்டியே மோப்பம் பிடித்த புஷ் அரசு முன்கூட்டியே ஆப்கான் மீதும் ஈராக் மீதும் தாக்குதல் நடாத்த தான் போட்டிருந்த திட்டத்துக்கு இதனை சரிவர பயன்படுத்தி இருக்கிறது என்று குற்றம் சாட்டுகிறார்கள் 9/11 குழுவினர். பின்லேடன் போட்ட திட்டம் புஷ் அரசினால் பட்டை தீட்டபட்டு மிக அழகாக உலக அரங்கில் மேடையேற்றபட்டு உலக மக்களின் அனுதாபம் என்கிற பாராட்டை பெற்று கொண்டது. இந்த நாடகத்துக்காக அமெரிக்கா கொடுத்த விலைகள், செப்படபர் தாக்குதலின் போது சில பல அமெரிக்க மக்களின் உயிர்களும், அதற்க்கு பின்பு ஈராக் ஆப்கான் நாடுகளில் பல லட்சகணக்கான மக்களின் உயிர்களையும்தான்!!! தன் கபட நாடகத்துக்கு தன நாட்டு மக்களையே பகடைகாயாக பயன்படுத்தியவர்களிடம் நாங்கள் எதைத்தான் எதிர்பார்க்க முடியும்?

அமெரிக்க வல்லரசின் ஆட்சியில் வேண்டுமானால் மாற்றங்கள் ஏற்பட்டு இருக்கலாம். ஏற்படவும் கூடலாம். ஆனால், அந்த அமெரிக்க வல்லரசுக்கு இருக்கும் சிந்தனைகள் எப்படிபட்டவர் ஆட்சிக்கு வந்தாலும் மாற்றிவிட கூடியது என்பது மட்டும் நிதர்சனமான உண்மை.

9/11 பாகம் 01

2011-06-16T13:01:00.000+05:30

எந்த ஒரு விடயத்திலும் எதிர்மறையான கருத்துக்களும், எதிலாவது ஏதும் இரகசியம் இருப்பின் அதிலும் எதையாவது தெரிந்து கொள்ள வேண்டும் என்கிற ஆர்வமும் எங்களில் பலருக்கு இருப்பது என்னவோ உண்மைதான்!!!! அப்படிபட்ட விடயங்களில் ஒன்றைத்தான் இந்த பதிவில் தருகிறேன்.... நீங்கள் பலர் அறிந்து இருக்ககூடும். ஏன் எனில் இது அதிக காலதாமதமாகிய பதிவு!!!

தலைப்பில் இருக்கும் இலக்கத்தை அவ்வளவு எளிதில் யாருமே மறந்து இருக்க முடியாது. அமெரிக்கா என்ற நாட்டை உலுப்பிய நாள் அல்லது அதற்க்கு பிறகு அமெரிக்கா சில நாடுகள் மீது சுதந்திரமாக கால்பதிக்க எதுவான நாள் என்றும் சொல்ல முடியும். அன்று, அமெரிக்கா தீவிரவாத தாக்குதலால் சந்தித்த அழிவுகள் ஏராளம். அது தொடர்பில், அமெரிக்க விசாரணை கமிஷன் 2004இல் தயாரித்து வழங்கிய சுமார் அறுநூறு பக்க அறிக்கையை லட்சகணக்கில் விற்று பெற்ற பணமும் ஏராளம். அந்த அறிக்கைகள் மூலம் அமெரிக்க மக்களுக்கும்,உலக மக்களுக்கும் அமெரிக்கா சொல்ல நினைத்தது ஒன்றுதான். செப்டம்பர் தாக்குதல் ஒசாமா பின்லேடன் எனும் அதிபயங்கரமான முஸ்லிம் தீவிரவாதி ஒருவனால், ஆப்கானின் பங்களிப்புடன் நடாத்தி முடிக்கபட்டு இருக்கிறது என்று சொல்லி, தனது அடுத்த கட்ட நடவடிக்கைகளுக்கு தூபம் போட்டு கொண்டது தான்.

ஆனால், எல்லோரையும் போல், சிலர் சொல்லும் எல்லாவற்றையும் நம்புவதில்லை. அது போலதான், அமெரிக்கா வழங்கிய அறிக்கை மூலம் சிலரை மட்டும் ஏமாற்றவே முடியவில்லை. அவர்களில் மிக முக்கியமானவர் “எரிக் எப் ஸ்மித்” என்கிற அமெரிக்க புலனாய்வு செய்தியாளர். இவர் “செப்டம்பர் 11 தாக்குதல் – ஓர் ஆய்வு” என்கிற புத்தகத்தை வெளியீடு செய்து, தந்து சந்தேகங்கள் சரியானது என்று நிறுவகம் செய்ய முனைந்தார். அதற்க்கு மேலும் வலு சேர்க்கும் முகமாக 2.45 மணி நேரம் ஓட கூடிய CONFRONTING THE EVIDENCES : A CALL REOPEN 9/11 INVESTIGATION என்கிற CDயும் வழங்கி இருந்தார். இந்த CDயும் புத்தகமும் அமெரிக்க சிந்தனைகளின் மற்றுமொரு முகத்தை காட்டி நிற்கிறது என்று சொல்லலாம். கூடவே, பல திட்டங்களுக்காக பலி கொடுக்கபட்ட அமெரிக்கர்களின் பரிதாப முகங்களையும்!!!!!!!

அப்படி அவை என்ன சொல்கிறது தெரியுமா? அமெரிக்க அரசு வேணுமென்றே தனக்கு தெரிந்தும் இந்த தாக்குதல் நடிரட்டும் என்று தன பக்கிள் இருந்து இருக்கிறது என்று ஆணித்தரமாக அடித்து சொல்லுகிறது. அதாவது, மிக பெரிய தாக்குதல் இடம்பெற போகிறது. அது தொடர்பில் பெருமளவு சரியான தகவலே கிடைக்கிறது அத்துடன், வசமாக அல்கொய்தா உறுப்பினர்கள் வேற அமெரிக்காவிடம் சிக்குகிறார்கள். இருந்த போதிலும், இந்த தாக்குதல் தடுத்து நிறுத்தபடவில்லை என்கிறது எரிக்கின் ஆவணங்கள். அமெரிக்கா விட்ட சில லாஜிக் மீறல் பிழைகளை அவர் பட்டியல் படுத்துகிறார்.

அமெரிக்க தாக்குதலுக்கு நான்கு விமானங்கள் கடத்தபடுகின்றன உடனே அமெரிக்க அரசு என்ன செய்து இருக்க வேணும்? அவற்றை பின் தொடர தனது போர் / ஜெட் விமானங்களை உடனே அனுப்பியாக வேண்டுமல்லவா? ஆனால், சொல்லி வைத்தது போல அன்றைய தினம்தான் அனைத்து விமானங்களும் பயிற்சிக்காக கனடா அனுப்பி வைக்கபட்டு இருக்கிறது. ஒரு மிக பெரிய அழிவு இருக்கிறது என்று தெரிந்த பின்பும் இப்படி பயிற்சிக்கு அனுப்ப வேண்டியதன் அவசியம் என்ன??? என்று கேட்கிறது எரிக்கின் ஆவணங்கள்.

அதே போன்று கடத்தபட்ட விமாங்களில் ஒன்றான போஜிங் 747 அமெரிக்கன் – 77 அமெரிக்கா ராணுவ தலமையகம் பெண்டகன் மீது தாக்குதல் மேற்கொள்ளபட்டதாக அறிவிக்கபட்டதுடன், அதற்கான ஆதாரங்களான புகைபடங்களையும் வெளியீடு செய்தது அமெரிக்க அரசு. ஆனால்,எரிக்கின் ஆவணங்கள் சொல்லுகிறது, அவை ஒன்றும் போகிங் 757யை கொண்டு தாக்குதல் நடாத்தபடவில்லை என்று சொல்ல வருகிறது. அதிலும் குறிப்பாக இவ்வகை ரக விமானங்களை கொண்டு தாக்கபட்டு இருப்பின் அமெரிக்கா காட்டிய அழிவை விட மோசமான அழிவை பெண்டகன் சந்தித்து இருக்கும் என்றும் அந்த ஆவணங்கள் சொல்லுகிறது. உண்மையில் போஜிங் விமானத்துக்கு பதில் வேறு ஒரு சிறிய விமானத்தை பயன்படுத்தியே இந்த தாக்குதல் இடம்பெற்றதாக கூறுகிறது. அதுவும் இந்த விமானத்தை அமெரிக்க அரசு பயன்படுத்தி இருக்கிறது என்று மேலும் விளக்கம் தருகிறது. அப்படியாயின் போஜிங் 747 என்ற அல்கொய்தா உறுப்பினர்களால் கடத்தபட்ட விமானம்

எங்கே????

பதிலையும் மீதியையும் அடுத்த பதிவில் பார்ப்போம்!!!

TIN TIN – கார்டூன் ரஜனி

2011-06-15T08:06:00.000+05:30

TIN TIN with SNOVY

என்னுடைய சிறிய வயதுக்காலங்களில் நான் ரசித்த கதாநாயகர்களில் இவரும் ஒருவர். ஏன்? இப்பொழுது கூட நான் ரசித்து கொண்டு இருக்கிறேன் இவரை.......! நினைவு தெரிந்த காலத்தில் எங்கள் ஊரில் இருந்த ஒரே தொலைகாட்சி சேவை ரூபவாகினிதான். அதில் போகும் கார்ட்டூன்களில் இதுவும் ஒன்று. ஆரம்பம் முதலே இதை எனக்கு கார்ட்டூன் என்று பார்க்க தோன்றவில்லை என்றுதான் சொல்ல வேண்டும். கதையின் நாயகன் டின் டின் எங்களில் ஒருவர் போலதான் அப்போது எல்லாம் எனக்கு இருந்தது. அந்த நீளமான ஒரே ஒரு முடி, கார்ட்டூன் கதாபாதிரங்களில் இருக்க கூடிய அந்த ஒற்றை புள்ளி கண் மற்றும் ஜப்பானிய மூக்கு எல்லாம் ஏனோ!!! இந்த டின் டின்க்கு மட்டும்தான் சரியாக பொருத்தமாக இருந்தது. அதிக ஆர்ப்பாட்டம் இல்லாத உடை.... எப்போதும் தன உடனேயே ஒரு நாய் என்று சாதாரண சிறுவனாகவே அவன் வளம் வருவது என்னை ஈர்ப்பதுக்கு ஒரு மிக முக்கிய காரணம்.....!

TIN TIN FAMILY

உண்மையில் டின் டின் கதாபாத்திரம் ஒரு ஊடகவியலாளன். அதுவும் பெல்ஜியம் நாட்டை சேர்ந்த ஒரு ஊடகவியலாளன். ஆனால், அவனுக்கு கதையில் இதுதான் நாடு, இதுதான் வீடு என்று எல்லாம் வரையறை இல்லை. முக்கியமாக லாஜிக் எல்லாம் இங்கே இல்லை. எங்கே தவறு நடந்தாலும், அதை தனியே தனது நாய் ஸ்நோவி மற்றும் அவரது கப்டன் நண்பர் ஹடோக் என்பவர்களுடன் சேர்ந்து வீரதீர செயல் செய்வதன் மூலம் அவற்றுக்கு காரணங்களை கண்டறிந்து இறுதியில் கெட்டவர்களுக்கு தண்டனை வங்கி கொடுக்கும் நேர்மையான ஊடகவியலாளன். கதையில் எப்பொழுதுமே நகைச்சுவைக்காக என்று அந்த கப்டன் காதாபாத்திரம் உருவாக்கபாட்டிருக்கும். அது போல, ஒவ்வரு அத்தியாயத்திலும் டின் டின் ஒவ்வரு மர்மங்களை தேடி கண்டுபிடிக்க பொய் மாடி கொள்ளுவார். அப்போது எல்லாம் ஏதோ ஒரு வகையில் உதவி செய்யவென்று அந்த கப்படன் வருவார். அது போல டின் டினுக்கு உதவி செய்யவும் எங்களை குழப்பவும் என்று, ஒரு gPPROFESSOR மற்றும் இரு போலிஸ் அதிகாரிகள் கதாபாத்திரமும் கதையில் இருக்கும். ஆங்காங்கே நகைச்சுவைக்கும் இந்த கதாபாத்திரங்கள் உதவி இருக்கும்.

Captain HADDOCK

என்னதான் டின் டின் ஒரு ஊடகவியலாளன் என்று, இருந்தாலும் அந்த கதாபாத்திரத்திடம் இருக்கும் ஒரு எளிமை தன்மை, எந்தவித அபார சக்திகளையும் தன்னகத்தே கொண்டிராது சராசரி மனிதன் ஒருவன் எப்படி பிரச்சனைகளை சமாளிப்பனோ? அப்படியே கதையும், அந்த கதாபாத்திரத்தின் செயல்களும் உருவாக்கபட்டிருப்பதுதான், சில இடங்களில் எங்களை போன்று சிறு பிள்ளையாக மகிழ்ச்சியில் துள்ளி குதிப்பதும், சில இடங்களில் எங்களை போலவே மிக பரிதாபகரமாக வாடி போய் உட்காருவதுமாக இந்த டின் டின் கதை செதுக்கியதால்தான், இந்த டின் டின் பலரையும் சென்று அடையவும்,பலருக்கு பிடித்தமான கதாபாதிரமுமாக மாறி இருக்க காரணம் என்று நினைக்கிறேன்.

Hero TIN TIN

மிக முக்கிய விடயமாக சொல்லகூடியது. டின் டினுக்கு என்று கதையில் எப்போதுமே ஒரு பெண் நண்பியோ,காதலியோ இருந்தது இல்லை. எல்லா கதையிலும் ஏதோ ஒரு வகையில் ஹீரோக்கு பெண் நண்பியோ இல்லை காதலியோ இல்லை பெண் வில்லியோ இருப்பார்கள். அப்படி எதுவுமே இல்லாமல் எல்லோரையும் கவர்ந்த சில கார்டூன்களில் இதுவும் ஒன்று. என்னையும் கவர்ந்தது. உண்மையை சொல்ல போனால், படங்களில் கஸ்ட்டபட்டு உழைத்து முன்னுக்கு வரும் நம்ம சூப்பர் ஸ்டார் ரஜனிக்காந்த் போல, கார்ட்டூன்களில் எனக்கு மிக பிடித்தது இந்த டின் டின்.........!

இப்படி எங்களை கார்ட்டூன் மூலமாக வீடுகளில்வந்து கவர்ந்த டின் டின் ஏனோ திரைபடமாக வரும்போது மட்டும் அதிகமாக மக்களை கவருவது இல்லை. அதனால்தான் இறுதியாக 1972 திரைப்படமாக வந்த பிறகு தற்சமயம் இப்போதுஆன் திரைப்படமாக வருகிறது என்றால் பார்த்து கொள்ளுங்களேன். 2011 வருட இறுதியில் ஸ்டீவன் ஸ்பின்பேர்க் தயாரிப்பில் முப்பரிமாண திரைபடமாக வர இருக்கிறது. என்னதான் கார்ட்டூனில் பார்த்து பழகிய அதே டின் டின்னை இயக்குனர் மறுபடியும் கொண்டுவருவரா??? என்று எதிர்பார்த்து காத்து இருக்கிறேன்.

88 - 14

2011-06-12T12:16:00.000+05:30

அக்டோபர் 26,2008 அது ஒரு வார இறுதி நாள். அமெரிக்க பாதைகளில் ஒரு கார் பயணித்து கொண்டு இருக்கிறது. அதில் இரு வெள்ளை இன இரு வாலிபர்கள் பயணித்து கொண்டு இருக்கிறார்கள். வேகதடையை மீறி பயணித்த பொது அந்த வாகனம் தற்செயலாக அமெரிக்க போலீசாரிடம் சிக்கிவிடுகிறது. அவர்களை பற்றி அமெரிக்க போலீசார் விசாரிக்கும் பொது அவர்கள் ஊரும காரணம் ஒரு நிமிடம் அங்கிருந்த அனைத்து பொலிசாரையும் திடுக்கிட வைக்கிறது. அது,

“அமெரிக்க அதிபர் தேர்தலில் போட்டியிடும் பராக் ஒபாமாவையும் 102 கருப்பின மக்களையும் கொலை செய்யவே இங்கே சுற்றி கொண்டு இருக்கிறோம்.”

அதிர்ச்சியில் மீளாத காவல்துறையினர் அவர்களை உடனடியாக கைது செய்து விசாரனைக்காக அழைத்து சென்று, விசாரிக்க தொடங்குகிறார்கள். கருப்பினர் மீது ஏன்? இத்தனை வெறுப்புகள்? ஒபாவை ஏன்? கொலை செய்ய வேண்டும்? என்ற கேள்விகள் அவர்களுக்கு மாறி மாறி கேக்கபட்டு கொண்டே இருக்கிறது.....!

வெள்ளை நிறவெறி என்பது Daniel Cowart மற்றும் Paul Schesselman இவர்கள் இருவர் குருதியிலும், சிறுவயது முதலே கலக்கபட்ட ஒன்று என்று கண்டுபிடிக்கபடுகிறது. இவர்கள் இருவருக்கும் கருப்பர்களை கண்டாலே, அவர்களை ஒழித்துகட்ட வேண்டும் என்று ஆத்திரம் வருமளவுக்கு அவர்கள் வாழ்க்கை முறை இருந்து இருக்கிறது என்ற, கண்டறியபடுகிறது. இதை விட, இவர்களுக்கு மற்றுமொரு கருப்பின தலைவன் எங்களை எங்கே ஆட்சி செய்ய வந்து விடுவானோ? என்ற பயமே ஒபாமாவை கொலை செய்ய நிர்பந்தித்து இருக்கிறது என்பதும் கண்டறியபடுகிறது. அதை விட சுவாரசியம் போலீசாருக்கு அவர்கள் தந்த தகவலில் அடங்கி இருந்தது.

போலீசாரிடம் அவர்கள் பிடிபடுவதற்கு 2வாரத்துக்கு முதல் இவர்கள் இருவரும் முகம் கூட தெரியா இரு வேறு பிராந்தியத்தில் கருப்பின வெறியுடன் வாழும் மனிதர்கள்தான். இவர்கள் இருவரும், ஒரு சமூக வலைத்தளம் மூலம் தொடர்புபடுத்தபட்டு, இருவருமே ஒரே கொள்கையுடன் இருக்கிறோம், என்று, அறிந்த பின்பு கொள்கைக்காக இணைந்த இருவர் என்ற தகவலே அது!!! இதுவரைக்கும் Daniel Cowartக்கோ Paul Schesselmanக்கோ மற்றையவர்கள் பற்றிய எந்த முழுமையான விபரமும் தெரிந்தே இருக்கவில்லை.

இவர்கள் இருவருடையதிட்டமும், முதலில் கருப்பின மனிதர்கள் 88 பேரை முதலிலும், பின்பு 14 போரையும் கொலை செய்ய வேண்டும். பின்பு பராக் ஒபாமா பிரசார கூட்டத்ஹ்டில் இருக்கும் பொது அவருடைய ரகசிய பாதுகாப்பு வளையத்தில் அதிவேகமாக நுழைந்து காரின் ஜன்னல் வழியாக ஒபாமாவை சுட்டு கொல்ல வேண்டும். இதுதான் இவர்கள் இவருடைய திட்டம்.

கட்டாயம் நீங்கள் கூட சிந்திப்பீர்கள் எதற்காக இந்த 88 மற்றும் 14 என்ற எண்ணிக்கையில் கொலை செய்ய ஆசைபடுகிறார்கள் என்று, அதற்கும் காரணம் உண்டு.

வெள்ளை இன அடிப்படைவாத மக்களின் பிரத்தியேக எண்களே இந்த 88 மற்றும் 14. எட்டு என்பது ஆண்கிலத்ஹ்டில் எட்டாவது எழுத்தான H என்பதை குறிக்கிறது. 88 என்பது HH என்பதை குறிக்கும். அதாவது, HEIL HITLER. தமிழ் மொழியில் ஹிட்லருக்கு வணக்கம் என்று பொருள்படும்

14 என்பது ஒரு ஆங்கில வாக்கியம். “we must secure the existence of our people and a future for white children.” 14 சொற்ற்களை கொண்ட ஒரு வாக்கியம். வெள்ளை இனத்தை சேர்ந்த நாம் நம்முடைய இருப்பையும், நம்முடைய குழந்தைகளின் எதிர்காலத்தையும் உறுதி செய்து கொள்ள வேண்டியது அவசிய. என்று சொல்லுகிறது.

வல்லரசு அமெரிக்காவில் 2008இல் கூட சிலர் தங்கள் வெள்ளை கறுப்பின அடிமைத்தனத்தை மாற்றி கொள்ள விரும்பவில்லை என்பது தெளிவாகவே தெரிகிறது. அப்படி இருந்தும் அந்த நாட்டின் தலைவராக தெரிவு செய்யபட்டவர்தான் ஒபாமா!!! இது எல்லா இடங்களிலும் எல்லாவற்றிலும் சாத்தியமாக இருந்து இருந்தால்..............................................!

ஒரு வாரத்துக்கு சேர்த்து...

2011-05-28T22:00:00.000+05:30

இந்த பதிவு பதிவர்களுக்கு தேவையான ஒரு கிரியேட்டிவ் ஐடியாவையும் உள்ளடக்கிய வழமையான எனது பாணியிலான பதிவு ஆகும். எனவ, இதை யாரும் கிரியேட்டிவ் இல்லாத பதிவு என்று பார்க்காமல் செல்ல வேண்டாம். கட்டாயம் பார்க்கணும் எண்டும் இல்லை. பார்த்தா நல்லம்.

முத்தமிழ் விழா - 2011

கொழும்பு பல்கலைக்கழக தமிழ் சங்கம் நடாத்தும் நாடளாவிய தமிழ் கலாசார விழா இவ்வாண்டு எதிர்வரும் மாதம் 4ம்,5ம் திகதிகளில் வெள்ளவத்தை இராமகிருஷ்ண சங்கத்தில் 3.30க்கு இடம்பெற இருக்கிறது. முதல் முறையாக இரு நாட்களாக இடம்பெற இருக்கிறது. இந்நிகழ்வில் முதலாம் நாளில்,

முல்லைத்தீவு மாணவர்கள்,மலையக மாணவர்கள்,மட்டக்களப்பு விபுலானந்தர் நடன இசைக்கல்லூரி மாணவர்கள்,யாழ்ப்பாணம் இராமநாதன் நுண்கலைப்பீட மாணவர்கள்,திருகோணமலை மாணவர்கள்,கொழும்பு மாணவர்கள், வேறு சில பல்கலைக்கழக மாணவர்கள் மற்றும் கொழும்புப்பல்கலைகழக மாணவர்களிடமிருந்து அரங்கேற காத்திருக்கின்றன.

இரண்டாம் நாள் நிகழ்வில்,

கொழும்பு பல்கலைக்கழக மாணவர்களது பல்வேறு கலாசாரத்தை வெளிப்படுத்தும் நிகழ்வுகளும், விருது வழங்கல் நிகழ்வுகளும், மற்றும் “பா.விஜய்” அவர்கள் கலந்து சிறப்பிக்கும் மற்றுமொரு கவியரங்க நிகழ்வும் கொழும்பு பல்கலைகழக மாணவர்களை உள்ளடக்கி நடாத்தபட இருக்கிறது.

முத்தமிழ் விழாவிற்கான கவிப்பேரரசு வைரமுத்துவின் வாழ்த்துச்செய்தி....

ஆதாரம் - http://www.facebook.com/event.php?eid=225591304122386

தலைமைத்துவ பயிற்சி

இவ்வாண்டு பல்கலைகழகத்துக்கு தெரிவாக கூடிய மாணவர்களுக்கு நடாத்தப்படும் தலைமைத்துவ பயிற்சி இன்றுடன் ஒரு வாரத்தை பூர்த்தி செய்து இருக்கிறது. 82% வீதமான வருகையை பதிவு செய்து இந்த பயற்சி நெறி மிக வெற்றிகரமாகவே நடாத்தபட்டு வருகிறது. இது தமிழர் கலாசாரத்துக்கு மிக முரணாக இருக்கிறது? இது சாத்தியமா? என்று பலரும் கேள்வி எழுப்பி இருந்தனர். நானும் எனது முன்னைய பதிவில் ஆதங்கங்களை கொட்டி இருந்தேன். ஆனால், நாங்கள் யாரும் எதிர்பார்த்ததை விட தமிழர் பகுதியிலிருந்து வருகை அதிகமாகவே இருந்து இருக்கிறது. வடக்கு,கிழக்கு பகுதிகளில் பெரும்பாலனோர் வருகையை பதிவு செய்து இருக்கிறார்கள். இம்முறை முதல் முறை என்பதால் பங்குபெறாத தரப்பினருக்கு சலுகை என்று ஒன்று வழங்கபட்டாலும், எதிர்வரும் வருடங்களில் சகலரும் பயற்சி பெற்றே ஆக வேண்டும் என்ற அடிப்படையில் தலைமைத்துவ பயிற்சி வழங்கப்படும். எதை செய்வதாக இருந்தாலும், முதலாம் தடவையிலேயே செய்து இருக்கவேண்டும். அடுத்தடுத்த வுடங்களில் எந்த ஆணையையும் எந்த அரசியல்வாதியாலும் புடுங்க முடியாது. ஆனாலும், இதிலிருந்து, இரண்டு விடயங்கள் மட்டும் நல்லாவே புரிகிறது,

1. எங்களுக்கு எவரும் எதையும் வலிந்து தீத்தினால், அதையும் வாங்கி சாப்பிடும் அளவுக்கு தேர்ச்சி பெற்றுவிட்டோம்.

2. தலைமைத்துவ பயிற்சிக்கு சென்றவர்களுடன் பேசியதில் நன்றாகவே புரிந்தது, நம்மவர்களுக்கு இப்போது இப்படியான ஜோலி தான் அவசியமாக இருக்கிறது என்று......!

எல்லாவற்றையும் சரிவர புரிந்து சமமாக தீத்தும் அரசு இருக்கும் வரை நாங்களும் சாப்பிட்டு சாப்பிட்டு கடமைகளை சரியாக முடித்து கொண்டுதான் இருப்போம். இப்போது பல்கலைகழகத்தில் இருக்கும் நம்மவர்கள் உட்பட பலரும் தங்களுக்கு இந்த பயற்சி வழங்கப்பட இல்லை என்று ஆதங்கபட்டு கொண்டு இருக்கிறார்கள். நான் மட்டும் விதி விலக்கா என்ன???

வடக்கு-கிழக்கு

அண்மைக்காலமாக வட-கிழக்கு இளஞ்சர்கள் மத்தியில் போதை பொருள்கள் மிக அதிக அளவில் புழக்கம் அடைந்து இருக்கிறதாம். காடாற்று அணையை கொஞ்சம் அதிகமாகவே கட்டி போட்டதன் விளைவு ஆறு சும்மா பாய்ந்து உள்ள கரடு முரடு எல்லாம் ஓடி கொண்டு இருக்கிறது. இது எங்க? இறுதியில் பொய் முடியும் என்பது, இதை விநியோகம் செய்யும் எம்மவர்களுக்கே (எம்மவர் means விளங்கணும் விளங்கலையா? அத படிக்காலமே போய்கிட்டு இருக்கணும்) தெரியாதாம்.

பதிவு போடுவதற்கான கிரியேட்டிவ் ஐடியா

பதிவர்கள் எவரும் இனிமேல் பதிவுகளை உங்கள் வலைதளத்தின் வழமையான NEW POST பகுதியில் சென்று போடாமல், NEW POST பகுதியில் தலைப்பை மட்டும் விசித்திரமாக இட்டு விட்டு திரட்டிகளில் இணைத்து விட்டு, பின்னூட்ட பகுதியில் உங்கள் பதிவின் அளவை பொறுத்து, அதை 10 தொடக்கம் 20 பகுதிகளாக பிரித்து பின்னூட்டம் செய்து விட்டால், உங்கள் பதிவும், திரட்டிகளில் முன்னிலை பிடிக்கும், பதிவை பலரும் வாசிக்க கூடிய வகையில் நீங்களும் பிரபலம் ஆவீர்கள், உங்கள் பதிவை ஒரு வரியாக படித்து அதை 20 பகுதிகளாக பிரித்து பின்னூட்ட வேண்டிய தேவை வாசிப்பவருக்கும் இருக்காது.

இது சாத்தியமா???

2011-05-20T21:04:00.000+05:30

உயர்தர பரீட்சை முடிந்து பல்கலைக்கழகம் தெரிவான பின்பு ஒருநாள் ஒரு கடிதம் வருகிறது. உங்கள் தலைமைத்துவ திறனை விருத்தி செய்வதற்காக ஒரு பயிற்சி வழங்கப்பட இருக்கிறது. அதை பெற்று சான்றிதழ் பெறும்போதே, நீங்கள் பல்கலைகழகம் செல்லமுடியும் என்றும், இருக்கிறது....! இப்படி இருந்தால், இவ்வளவு காலம் கஷ்டப்பட்டு படித்த உங்களுக்கு எப்படி இருக்கும்????

அப்படி ஒரு நிலைமையைத்தான் இம்முறை பல்கலைக்கழக தெரிவுக்கு ஆளான மாணவர்கள் எதிர் கொள்ளுகிறார்கள். “தலைமைத்துவ ஆற்றல் மற்றும் காத்திரமான மனோபாவ விருத்தி” என்ற, தலைப்பில் ராணுவ அல்லது போலீஸ் பயிற்சி முகாம்களில் இடம்பெற இருக்கும் பயற்சி நெறிக்கு அழைக்கபட்டு இருக்கிறார்கள். இது எவ்வளவு தூரம் சாத்தியபட போகிறது?

முதலில், இந்த பயிற்சிநெறி மே23 முதல் ஜூன் 12 வரையில் இடம்பெற இருக்கிறது. கிட்டதட்ட 20நாட்களுக்கு மேலாக இந்த பயிற்சி நெறிகள் நடைபெற இருக்கிறது. அதுவும், பயற்சிநெறி வழங்கப்படும் இடமானது ஒருவர் வசிக்கும் இடத்திலிருந்து மிக அதிகமான தொலைவில் அமைந்து இருக்கிறது. குறிப்பாக, திருகோணமலையில் இருக்கும் மாணவர் பய்ர்சியை பெற்று கொள்ள ரன்தேனிகல வரை பயணபட வேண்டியிருக்கும். அதிலும், குறிப்பாக, அவர்கள் செல்வதற்கான ஒழுங்குகள் எதுவும் செய்யப்படாமல், குரித்த தினத்தில் கட்டாயம் சமூகம் அளிக்கவேண்டும் என்று மட்டும் கொட்டை எழுத்துகளில் அச்சிடபட்டிருக்கிறது. அப்படியாயின், எப்படி ஒரு மாணவனால் அங்கு சமூகம் அளிப்பது சாத்தியமாகிறது? இதிலிருக்கும் அசொகரியங்கள் இதை ஒழுங்குபடுத்தும் அதிகாரிகளுக்கு தெரிவது இல்லையா???

அடுத்து, மிக பெரிய விடயம், இந்த பயிற்சிநெறி நடைபெறும் காலத்தில் ஆண்,பெண் பிள்ளைகள் வீட்டை விட்டு பெரும்பாலான காலப்பகுதியில் தனியாக இருக்கவேண்டி இருக்கும். ஆண் பிள்ளைகளை விட இது பெண் பிள்ளைகளுக்கு பெரிதும் சவாலான விடயமாகும். அதிலும் குறிப்பாக, தமிழ் கலாசார முறைக்கு புரம்பாகவே இருக்கிறது. எந்த பெற்றோரும், சுமார் 20 நாட்களுக்கு மேல், இப்படி ஒரு பயற்சி பட்டறையில் தங்கள் பெண்பிள்ளைகளை தனியாக விடுவார்களா??? இது கஷ்டபட்டு படித்து பல்கலைகழகம் செல்ல இருக்கும் பென்பிளைகளின் எதிர்காலத்தை கேள்விகுறியாக மாற்றிவிடுகிறது!!! சாதரணமாக, பாடசாலை காலத்ஹ்டில் அதிகமான பெண் பிள்ளைகள் எப்படியானவர்கள்??? அவர்களது சூழல்,அணுகுமுறை என்பன எப்படியானவை என்பது உங்கள் அனைவருக்கும் சொல்லி தெரிய வேண்டியது இல்லை. அவர்களுக்கு இப்படி திடிரென வேறு மிக மிக வித்தியாசமான சூழலில் தனித்து விடபடுவார்கள் ஆனால், அவர்கள் நிலை என்னாவது????

பல்கலைக்கழக வெட்டுப்புள்ளிகள் வெளியிடப்படாத, தாங்கள் எந்த பல்கலைக்கழகத்துக்கு தேர்வு செய்யபட்டு உள்ளோம்??? என்று கூட தெரியாமல், எப்படி இவர்களை தேர்வு செய்து இருக்கிறார்கள்???? வழங்க பட்டுள்ள விண்ணப்பபடிவத்தில் கூட, இந்த பயிற்சி நெறிக்கு நீங்கள் தெரிவு செய்யபட்டு இருப்பதால் மட்டும் நீங்கள் பல்கலைகழக அனுமதி பெற்று இருக்றீர்கள் என்று சொல்லி விட முடியாது. என்று, சொல்லபட்டுள்ளது. அப்படியாயின், இந்த பயற்சிநெறியை பல்கலைக்கழக கல்வி பெறுபவர்கள் யார் யார்??? என்று தெரியாமல் ஒழுன்குபடுத்த காரணம் என்ன????

இதைவிட, பெரிய கேள்வி, எப்படி பல்கலைக்கழகம் தெரிவு செய்யபட்டவர்கள் மட்டும் இதற்க்கு தெரிவு செய்யபடுகிறார்கள்??? அப்படியாயின் பல்கலைக்கழகம் தெரிவு செய்யபடாத மாணவர்களை இந்த அரசு கணக்கில் கொள்ளவில்லையா???? எப்படியும் பல்கலைக்கழகம் தெரிவு செய்யபட்ட மாணவன் ஒருவன் அவனது பல்கலைக்கழக வாழ்வில் இப்போது வழங்க இருக்கும் தலைமைத்துவ பயிற்சிக்கு மேலாக 100% வீத அனுபவத்தையும், தலைமைத்துவ ஆற்றலையும் பெற்று கொள்ள போகிறான் என்பது முழு உண்மை!!!! அப்படி இருக்க அவர்களுக்கு இப்படி ஒரு பயிற்சி அவசியமா???????

தற்போது இந்த பயிற்சி வளங்களை எதிர்த்து நீதிமன்றத்தில் வழக்கு தொடரபட்டு உள்ளது. அது எந்த நிலையில் இல்லை என்று தெரியாவிட்டாலும் கூட, சாத்தியப்பாடுகள் குறைந்த இந்த பயற்சி வழங்கல் மூலமாக எங்களுக்கும், உங்களுக்கும் சொல்ல வரும் உண்மைகள் என்ன??? அது நிச்சயமாக, இங்கு பதிவிட்டு உங்களுக்கு நான் விளக்க வேண்டிய அவசியமும், தேவைப்பாடும் இல்லை. எதையும் மவுனமாக ஏற்று பழகி கொண்ட எங்களுக்கு இதுவும்..... சிறிய காலத்தில் பழகி விடும் அல்லவா?????

நடந்த ஒரு சம்பவம்

2011-04-24T20:26:00.000+05:30

இது எனது பழைய வலைதலத்திலிருந்து மீளவும் பதிவிடபடுகிறது!!!!

கடந்த சில காலங்களில் நானும் கொழும்பில் இருக்கும் வைத்தியசாலைகளும் பட்டது பாடாகவே இருக்கிறது.ஆனாலும் ஒவ்வொரு நாளும் வைத்தியசாலை சென்று வரும் போது ஒவ்வொரு அனுபவங்கள்! அதில் ஒரு நெஞ்சை நெகிழ வைத்த அனுபவம் ஒன்று இது!

அன்று காலை வழமைபோல அந்த வைத்தியசாலையில் (வெள்ளவத்தையில் உள்ளது) கூட்டம் அதிகமாகவே இருந்தது. அந்த கூட்டத்தினரிடையே வரிசையில் அமர்ந்து இருந்த ஒரு முதியவர் நிலை கொள்ளாமல் அமர்ந்திருந்தார். நிமிடத்துக்கு ஒருமுறை கடிகாரத்தை பார்ப்பதும், டாக்டர் அறையை எட்டி பார்ப்பதும் என்று நிலை கொள்ளாமல் தவித்து கொண்டு இருந்தார். இதையெல்லாம் கவனித்து கொண்டிருந்த ஒரு தாதி அவரை சற்று காரமாகவே திட்டி விட்டு செல்ல, அவரோ அதை பொருட்படுத்தாமல் மீண்டும் அதையே செய்து கொண்டு இருந்தார்.அப்போது வேலை நேரத்தை முடித்துகொண்டு சென்று கொண்டு இருந்த தாதி ஒருவர் அன்பாக அவரிடம் வந்து, “வரிசையில் அமருங்கள் முதியவரே! உங்கள் முறை வந்ததும், கூப்பிடுவாங்க!” என்றார்.

“அவரோ அதுக்கு ரொம்ப நேரம் ஆகும் போல இருக்கே மகள்! நான் கெதியா என்னொரு ஹோஸ்பிட்டலுக்கு போகணும்” என்று சொன்னார்.

அதுக்கு தாதி, “நீங்கள் வேறு ஒரு வைத்தியரையும் நீங்கள் சந்திக்க வேண்டுமா?” என்று கேட்டார்.

“இல்லை அம்மா! என் மனைவி வேறு வைத்தியசாலையில் அனுமதிக்கபட்டு இருக்கிறாள். அவளுடன் நான் காலை உணவை அருந்த வேண்டும். அதுதான்!” என்றார் பவ்யமாக!!!

அவரின் அவசரம் தாதிக்கு புரிந்தது போலும். அவரை தனியே நான் இருந்த இடத்துக்கு அருகில் இருந்த அறைக்கு அழைத்து சென்றார். அந்த அறை பெரிதாக பூட்டபடாமல் இருந்ததால் உள்ளே நடப்பதை அவதானிக்க கூடியதாக இருந்தது.

உள்ளே அந்த தாதி அந்த பெரியவரின் காலில் இருந்த காயத்துக்கு மருந்தை கட்டி கொண்டு இருந்தார். அதிலும் சிறிது நேரம் செல்ல, அந்த தாதி அந்த பெரியவரிடம், “இப்பவும் நீங்க உங்க மனைவியுடன் உட்கார்ந்து சாப்பிடணும் நினைகிறின்களா?” என்று நக்கலா கேட்டார்.

அவரோ, “அவளுக்கு ஒண்டும் தெரியாது மகள். அவளுக்கு 5 வருஷமா அல்சைமர் நோய் இருக்கு. அவளுக்கு நான் யாருனே தெரியாது” என்றார்.

மீண்டும் தாதி, கொஞ்சம் ஆச்சரியத்துடன் “ அப்போ அவங்களோடுதான் சாப்பிடனும் என்று ஏன் அவசரபடுரிங்க? அவங்களுக்குதானே நீங்க யாரு என்று தெரியாதே?” என்று சொன்னார்.

அவர் சொன்ன பதில் கேள்வி கேட்ட தாதியை மட்டுமல்ல, என்னை கூட சிந்திக்கவும், நெகிழவும் வைத்தது. அவர் “ஆனா எனக்கு தெரியும் மகள் அவள் என் மனைவி என்றது, அவளுடன் சேர்ந்து அன்பாக உணவருந்தனும் எனக்கு தெரியுமே! என்று சொன்னார்.

வயதான அந்த கணவரின் நிஜமான அன்பு என்னை புல்லரிக்க வைத்தது. இன்று இப்படியான எத்தனை உள்ளங்களை பார்க்க முடியும்? என்று, எனக்கு தெரியவில்லை. அவருக்காக என் கண்களிலிருந்து இரு சொட்டு கண்ணீரை மட்டுமே பரிசாக அளித்து விட முடியும் அவரின் இந்த அன்புக்காக!!!இந்த சம்பவம் நடந்து பல நாட்கள். ஆனால் இந்த உரையாடல் எல்லாம் சிங்கள மொழியில் இடம்பெற்றதாலும் அந்த நோய் தொடர்பில் அறிய நாள் எடுத்ததாலும் இந்த பதிவுக்கு நாள் சென்று விட்டது. தற்செயலாக, இன்று இதே சாயலில் ஒரு கதையை கண்டதுமே இதை போட எனக்கு தோன்றியது.

கோ – GO GO GO

2011-04-23T11:04:00.000+05:30

கே.வி. ஆனந்த் மற்றும் ஹாரிஸ் ஜெயராஜ் கூட்டணியில் மற்றுமொரு வெற்றி படம் என்று சொல்ல கூடிய திரைப்படமாக வந்திருக்கிறது “கோ”. உலகக்கிண்ண கிரிக்கெட் போட்டிகளுக்கு பின்பு வெளிவந்து இருக்கும் ஜீவாவின் இரேண்டாவது படம். அவருக்கு புதிய பாதையை வழிவகுத்து வெற்றி நாயகனாக வலம் வர வைக்கபோகிறது என்பது மட்டும் இப்போதைக்கு உறுதி.

கே.வி ஆனந்த்தின் அயன் பாதிப்புகள் நிறையவே உள்ளடக்கி கோ திரைப்படம் வெளிவந்து இருக்கிறது. ஒரு பத்திரிக்கையின் நிருபராக இருக்கும் ஜீவா, இந்திய அரசியல் சாக்கடையினை சுத்தம் செய்ய முயற்சி செய்து தனது கல்லூரி நண்பர்களான அஜ்மல் முதலியோரை தேர்தலில் நிற்க வைத்து ஆட்சிக்கு கொண்டு வருகிறார். அதில் எப்படி அஜ்மல் மட்டும் நக்சலைட்டுகளுக்கு விலை போகிறார்? ஆட்சிக்கு வந்த அந்த இளம் கூட்டணி அஜ்மல் போன்ற ஒரு துரோகியால் அழிந்து போய்விட கூடாது என்று, ஜீவா என்ன செய்ய முயல்கிறார்? என்ற கதையை சுவாரசியமாக பிரகாஷ்ராஜ்,கோட்டா சீனிவாசராவ்,பியா,கார்த்திகா என்று பலரையும் உள்ளடக்கி வெற்றிகரமாக தர முயற்சி செய்து அதை பெரும்பாலும் வெற்றிகரமாக தந்து இருக்கிறார் கே.வி.ஆனந்த்.

ஜீவா பத்திரிக்கையின் களநிருபராக அதாவது படப்பிடிப்பாளராகவும்,செய்திகளை சேகரிப்பவராகவும் அதகளம் பண்ணி இருக்கிறார். சூரியாவுக்கு பிறகு பொருத்தமான தேர்வு ஜீவா என்று சொல்ல முடியும். ஆரம்ப காட்சிகளிலிருந்து, அவர் காட்சிகளுடன் இயல்பாகவே பொருந்தி போகிறார். வங்கி கொள்ளையை படம்படிப்பதிலிருந்து, கோட்டா சீனிவாசராவ், பிரகாஷ்ராஜ் போன்ற இந்திய அரசியல்வாதிகளை துகில்உரித்து காட்டுமிடங்களில் எல்லாம் ஜீவாவும், அவரது காமிராவும் மிளிர்கின்றன. ஜீவா காதல் காட்சிகளிலும், கார்த்திகாவுக்கும், பியாவுக்கும் இடையில் சிக்கும் போதும், நடிப்பால பாராட்டு பெறுகிறார். நகைச்சுவையிலும் தூள்தான்! ஆக மொத்தத்தில் ஜீவாவின் நடிப்பு பசிக்கு தீனி போட்ட படங்களில் இதுவும் ஒன்று என்று சொல்ல முடியும்.அதை போலவே, அஜ்மலும் சரியான தேர்வு!!! பல இடங்களில் நடிப்பால் மிரட்டுகிறார்.

கார்த்திகா ராதாவின் மகள். அவரை விடவும் உயரமாக, எடுப்பான தோற்றத்தில் படத்தில் கலக்கி இருக்கிறார். நடிப்பதுக்கான சந்தர்ப்பங்கள் குறைவு என்ற போதும், கிடைத்த இடங்களில் எல்லாம் சிக்ஸ்சர்தான்!! கார்த்திகா இனி வரும் படங்களில் தன்னை நிருபித்து முன்னணிக்கு வர வாழ்த்து சொல்லலாம். கார்த்திகாவை அவரகளது பத்திரிகை நிருபர் “இவர்தான் இலங்கை செய்தியை கடந்தகாலங்களில் ஈடுபாட்டுடன் cover செய்தவர்”, என்று சொல்லுமிடத்தில் இலங்கை ரசிகர்களிடம் கே.வி.ஆனந்த் மூக்குடைபட்டு போனார் என்பது, திரையரங்கில் இருக்கும் அனைவருக்குமே தெரியும். அடுத்தவர், முதல் பாதியை கலகல என வைத்து விட்டு, இடைவேளையுடன் மனதில் பதிந்து செல்லும் பியாவின் கதாபாத்திரம். ஜீவாவை காதலிக்கும் இடமாக இருந்தாலும் சரி, கார்திகாவுடன் முட்டி மோதுவதாக இருந்தாலும் சரி, பாடலில் கவர்ச்சி காட்டுவதாக இருந்தாலும் சரி, தனது பணியை செவ்வனே செய்து இருக்கிறார் பியா.

படத்தில் வரும் பிரகாஷ்ராஜ்,கோட்டாசீனிவாசராவ் இந்திய அரசியலின் குறியீட்டு பாத்திரங்கள் என்று சொல்ல முடியும். முடிந்த வரை, இந்த படத்தை உதயநிதி ஸ்டாலின் தேர்தல் முடிந்த பின்பு, வெளியீடு செய்து இருப்பதுக்கு இந்த படத்தின் ஆழமான சில உண்மைககள் தாத்தாவை பாதித்து விட கூடாது என்ற காரணமாகவும், இருக்கலாம். ஒருவேளை, படம் தேர்தலுக்கு முதல் வந்து இருந்தால், ஆட்சி மாற்றம் வந்தாலும், வந்து இருக்கும், படம் பார்த்து ஓட்டு போடுபவர்கள் எல்லா இடத்திலும் இருக்கிறார்கள் தானே!!!!

ஹாரிஸ் ஜெயராஜ், இசையை சுட்டாரோ?, அப்படியே எடுத்தாரோ? அது பற்றி எல்லாம் எனக்கு தெரியாது. ஆனால், “என்னமோ ஏதோ” பாடல் மூலம் அவரது ரசிகர்களை பைத்தியமாக மாற்றி வைத்து இருக்கிறார். படத்ஹ்டில் என்னை அடுத்து மிகவும் கவர்ந்த பாடல், “நெற்றி பொட்டில்” அருமையான சந்தர்ப்பத்ஹ்டில் படமாக்கபட்டிருக்கிறது. கேவி.ஆனந்த் படத்ஹ்டில் பாடல்காட்சிகளை பற்றி சொல்லவும் வேண்டுமா? கலக்கி இருக்கிறார். படத்தை போலவே, பாடல் காட்சிகளுக்கும் நிறையவே ரிஸ்க் எடுத்து இருக்கிறார் என்று சொல்லலாம். பின்னணி இசையிலும், ஹாரிஸ் தனியாக தெரிகிறார். ஆனால், அந்த பின்னணி இசைகளை எங்கோ கேட்ட நினைவு!!!! எடிட்டிங் ஆண்டனி என்றால் சொல்லவும் வேண்டுமா? படம் முழுவதும் தனி முத்திரை பதித்து இருக்கிறார். அதிலும், இறுதி காட்சிகளில் காட்சிகளை எட்டிட் செய்த விதமும், இடைவேளையில் குண்டு வெடிப்பு சம்பவம் காட்சியாக்க பட்ட விதமும், சூப்பர்!!!

ஆனாலும், அயன் போன்ற படத்தை எதிர்பார்த்து வந்த ரசிகர்களுக்கு சில இடங்கள் ஏமாற்றம்தான்!! என்னை போன்ற ரசிகர்களால் கூட, இரெண்டாம் பாதி கதையை ஊகிக்க முடிந்தது. கே.வி.ஆனந்த்க்கு ஒரு தோல்விதான். அதிலும் படத்தின் கதையில் எனக்கு சில சந்தேகங்கள் ரசிகர்கள் இருந்தால் தீர்த்து வையுங்கள். ஒரு நிருபரின் கேள்விக்காக முதலமைச்சர் இப்படி தெருவில் இரங்கி நடப்பாரா? என்னதான் நிருபராக இருந்தாலும், எல்லா சந்தர்ப்பங்களிலும் இப்படி படமெடுத்து கொண்டுதான் இருப்பார்களோ? இப்படி பல பல சந்தேகங்கள்???? அணைத்து நட்சத்திரங்களையும் ஒரே பாடலில் கொண்டு வர எடுக்கபட்ட முயற்சியும் சற்று சருக்களாக மைந்து போனது!!! அந்த காட்சிகள் பெரிதாக படத்திற்கு வலுவும் சேர்க்க வில்லை. கடைசி கிளைமாக்ஸ் காட்சிகளில் அழுத்தம் குறைவாகவே இருக்கிறது. இரெண்டாம் பாதியில் இயக்குனர் கொஞ்சம் தாராளமாகவே சறுக்கி இருக்கிறார்.

கோ இம்முறை வந்து இருக்கும் படங்களில் சமூகம் மீதான அக்கறை கொண்ட ஒரு படமாக வந்து இருக்கிறது. பலரையும் பல்வேறு வகையில் சிந்திக்க வைத்து இருக்கும் என்று சொல்லலாம். அதிலும், பிரகாஷ்ராஜ் இறுதியில் சொல்லும் வசனங்கள் சாட்டையடி!!! என்ன இந்த படத்ஹ்டையும் உதயநிதி வாங்கி வெளியிட்டு இருக்கிறார் என்பதுதான் எனக்கு கொஞ்சம் படத்தை பார்த்த பிறகு இருக்கும் அதிர்ச்சியும், சஸ்பென்ஸ்சும்!!!! படத்தை பார்த்தால் ஏன்? அப்படி என்று உங்களுக்கு தெரியும்!!!

கோ – தூர்வாரி இருக்காங்க“கோ”

முதல் காலிறுதி பாகிஸ்தான் Vs மே.தீவுகள்

2011-03-23T07:26:00.000+05:30

அணைத்து முதல் கட்ட சுற்று போட்டிகளும் முடிவுக்கு வந்துள்ள நிலையில் நாளை முதல் சுவாரசியதுக்கு பஞ்சம் இல்லாத காலிறுதி போட்டிகள் ஆரம்பிக்க இருக்கின்றன. எதிர்பார்க்காத பல மாற்றங்களை தந்த முதல் சுற்று போட்டிகளின் முடிவில், யாரும் எதிர்பார்க்காத வகையில் தெரிவான இரு அணிகள் நாளை முதலாவது காலிறுதி போட்டியில் களம் காணுகின்றன. குழு Aஇல தெரிவாகும் என்ற போதிலும், முதலாம் இடத்தை பிடிக்காது என்று கருதபட்ட பாகிஸ்தானும், தெரிவாக கூடிய வாய்ப்புகளை அதிகளவில் கொண்டிருக்காத மேற்கிந்தியதீவுகள் அணியும் நாளை ஒன்றை ஒன்று சந்தித்து கொள்ள போகின்றன.

நாளைய போட்டி வங்கதேசத்தின் மேர்பூர் மைதானத்தில் பகலிரவு போட்டியாக இடம்பெறவுள்ளது. பாகிஸ்தான் அணி தனது குழுவில் இலங்கை, ஆஸ்திரேலியா ஆகிய இரு பலமான அணிகளை வென்ற திருப்தியுடனும், மேற்கிந்திய தீவுகள் அதிர்ச்சி வைதியன்களை அழைத்து எதிர்வு கூற முடியாத அணி என்ற ரீதியிலும் களம் காணுகின்றன. அண்மைக்காலத்தில் எப்படி வெல்லும் , எப்படி தோற்கும் என்று கூற முடியாத அணிகள் இவையிரேண்டும் எனவே, நாளை எந்த அணி எப்படி விளையாட போகிறது என்று பார்க்கலாம்.

அணிகளின் அண்மைக்கால வெற்றி விபரம்

பாகிஸ்தான் - WWLWW

மே.தீவுகள் - LLWWW

அணிகளின் உத்தேச வீரர்கள் விபரம்

நாளைய போட்டியில் மேற்கிந்திய தீவுகள் அணிக்கு மீளவும் கிறிஸ் கெயில் மற்றும் கெமர் ரோச் ஆகியோர் திரும்புவார்கள் என்று எதிர்பார்க்கலாம். அதை விடவும், இறுதி நேர ஆட்டங்களில் தடுமாறும் சர்வானுக்கு பதில் அனுபவீரர் சந்தர்போல் அணிக்குள் வரக்கூடிய வாய்ப்புகள் அதிகமாக இருக்கிறது. சில வேளைகளில் நாளை அணியின் விக்கெட் காப்பாளர் சுமையை தரேன் பிராவோ சுமக்க தொமசுக்கு பதில் மேலதிக வீரர் ஒருவரும் உள்நுழையும் வாய்ப்புகள் இருக்கிறது. கரணம், தோமஸ் துடுப்பாட்டத்தில் அவ்வளவாக சிறப்பாக செயல்படாத போதிலும், இறுதி போட்டியில் காயதுக்கும் உள்ளாகி இருந்தார். எனவே, இந்த மாற்றம் சில வேளைகளில் அவர்கள் துடுப்பாட்ட வரிசையை பலபடுத்த உதவும். இதனடிப்படையில்,

West Indies (possible) 1 Chris Gayle, 2 Devon Smith, 3 Darren Bravo, 4 Shivnarine Chanderpaul, 5 Kieron Pollard, 6 Darren Sammy (capt.), 7 Devon Thomas (wk), 8 Andre Russell, 9 Sulieman Benn, 10 Kemar Roach, 11 Devendra Bishoo.

நாளைய போட்டியில் பாகிஸ்தான் அணி சார்பாக மீளவும் அக்தருக்கு வாய்ப்பு மறுக்கபட்டு, ஓரளவு சிறப்பாக செயல்படும் வஹாப் ரியாசுக்கு வாய்ப்பு வழங்க படலாம். அதே வேளை, நாளைய மேற்கிந்திய தீவுகள் அணியில் குறைந்தது நான்கு இடதுகை துடுப்பாட்ட வீரர்கள் இருப்பதன் காரணமாக, ரேஹுமான் எனும் இடதுகை சுழல்பந்து வீசாலருக்கு பதில், அனுபவமிக்க அஜ்மல் அணியில் உள்வாங்கபடும் வாய்ப்புகள் அதிகமாகவே இருக்கிறது. தொடர்ந்து நாளையும் அக்மல் தொடக்க வீரரர்க வருவார் என்றே, எதிர்பார்க்கபடுகிறது.

Pakistan (possible) 1 Kamran Akmal (wk), 2 Mohammad Hafeez, 3 Asad Shafiq, 4 Younis Khan, 5 Misbah-ul-Haq, 6 Umar Akmal, 7 Shahid Afridi (capt), 8 Abdul Razzaq, 9 Saeed Ajmal, 10 Umar Gul, 11 Wahab Riaz.

மைதான நிலைமைகள்

நாளைய போட்டி இடம்பெற இருக்கும் மேர்பூர் மைதானம் ஆரம்ப துடுப்பாட்ட அணிக்கு சாதகமாக இருக்ககூடும் என்று எதிர்பார்க்கபடுகிறது. இதே மைதானத்தில்தான் சேவாக் 175 ஓட்டங்களை பெற்றும் இருக்கிறார். இதே மைதானத்தில்தான் மேற்கிந்திய தீவுகள் அணி வங்காள அணியை 58 ஓட்டங்களுக்குள் சுருட்டி எடுத்தும் இருக்கிறது. எனவே, மைதான அனுகூலம் ஓரளவுக்கு மே.தீவுகள் அணி பக்கம் இருக்கிறது. ஆயினும், நாளைய நிலவரம் எப்படி என்று உறுதியாக கூற முடியாது.

நாளைய போட்டியின் முக்கிய வீரர்கள், பலம்+பலவீனம்

மேற்கிந்திய னைகளை பொறுத்தவரையில் அவர்களின் முக்கிய வீரர்களாக கெமர் ரோச், கெயில் மற்றும் பிராவோ ஆகியோரை குறிபிட்டு சொல்ல முடியும்.இவர்கள் அணியின் பலமும் கூட. சில சமயங்களில் போலார்ட்,ரஸ்ஸல் ஆகியோரும் விஸ்வரூபம் எடுக்க கூடும். சந்தர்போல் பற்றி கூற முடியாது உள்ளது. எனினும், இவர்களை தவிர்த்து அணியின் துடுப்பாட வரிசை மிகவும் பலவீனமாக இருப்பதும், சிறந்த தொடர்ச்சியான இணைப்பாட்டங்களை பெற முடியாது இருப்பதும் இவர்கள் போட்டிகளை தோற்க காரணமாக அமைகிறது.

அது போல, பாகிஸ்தான் அணியில் உமர் அக்மல், உமர குல்,அப்பிடி,மிஸ்பா மற்றும் அசாத் சபிக் ஆகியோரை குறிபிட்டு சொல்ல முடியும். ஆப்பிரிடியின் பந்துவீச்சும், உமர அக்மல்-மிஸ்பா-யூனுஸ்கான் ஆகியோரின் மத்திய வரிசை இணைப்பாட்டங்களும் அவர்களின் மிக பெரிய பலமாகும். அதை விடவும், விஸ்வரூபம் எடுக்கும் சகலதுறை வீரர் ரசாக் மற்றுமொரு பலமாகும். இவர்களை தவிர்த்து, அணியின் பலவீனம் மேலே சொல்லியவர்கள்தான். எப்போது எப்படி சொதப்புவார்கள் என்று அவர்களுக்கே தெரியாது.

சுவாரசியங்கள் சில

இதுவரை இரு அணிகளும் 119 போட்டிகளில் சந்தித்து கொண்ட போதிலும், மேற்கிந்திய தீவுகள் அணி 64 போட்டிகளில் வெற்றி பெற்று இருக்கிறது. ஆயினும், கடந்த இறுதி பதின்மூன்று போட்டிகளில இரேண்டில் மட்டுமே பாகிஸ்தான் தோற்று இருக்கிறது.

மேற்கிந்திய தீவுகள் 1996க்கு பின்னும், பாகிஸ்தான் 1999க்கு பின்னும் அரையிறுதியில் எட்டி பார்க்கவில்லை என்பது குறிப்பிடத்தக்கது.

எப்படி பார்க்கினும் இறுதியில் நாணய சுழற்சி நாளை போட்டியில் அதிக தாக்கம் தருவதுடன், பாக்கிஸ்தானின் வெற்றி வாய்ப்புகள் அதிகம் உள்ளதாக சொல்ல முடியும்.

ஆதங்கங்களும் சில மகிழ்ச்சிகளும்

2011-03-18T13:37:00.000+05:30

கடந்த சில வாரங்கள் கிரிக்கெட் மற்றும் பரீட்சையுடனையே நகருகிறது. இடைக்கிடையில், கிரிக்கெட் பதிவுகள் என்ற வாறு பதிவுலகில் எனது நிலைஇருந்து வருகிறது. நண்பர்கள் யாரேனும் பதிவு போட்டால், தொலைபேசியில் வாசிப்பதுடன் சரி, பின்னூட்டம் எல்லாம் போடுவது இல்லை. காரணம், தனியாக நேரம் ஒதுக்கி கணணி முன்பிருந்து இணையத்தில் உலா வரா முடியாமையே!!! இவ்வாறு விடுபட்ட நாட்களில் எனது மனதை தொட்ட சில ஆதங்கங்களும்,மகிழ்ச்சியுமே இந்த பதிவு

ஜப்பான்

8.9 என்ற ரிச்ட்டர் அளவிலான பூகம்பத்துக்கு பின்பு ஒரே நாளில் ஜப்பான் எனும் செல்வந்த நாடு வறுமை சுடுகாடாக மாறிப்போயுள்ளது. பூமியதிர்சிக்கு பின்பு, வந்த சுனாமி அனர்த்தம் அந்த நாட்டின் பெரும் பகுதியை துவசம் செய்து விட்டு போக, மீதமிருக்கும் பகுதியை அவர்களால் உருவாக்கபட்ட அணுவுலைகள் மெல்ல மெல்ல துவசம் செய்யும் போல இருக்கிறது. எதுவுமே இந்த உலகில் நிரந்தரமில்லை என்பதற்கு ஜப்பான் சிறந்த ஒரு எடுத்துக்காட்டு. சரி அழிவிலிருந்து மீண்டு வருவோம் என்று, ஜப்பான் மீட்பு பணிகளை தொடங்கினால், அதற்கும் காலநிலை பனிவடிவில் வந்து வில்லனாக நிற்கிறது. இதனால், மீட்புபணிகளையும் நிவாரண பணிகளையும் துரிதகதியில் மேற்கொள்ளுவது கடினமாகிறது.

உயரிழந்தோர் மற்றும் காணாமல் போனோர் தொகை அண்ணளவாக் 15,000 என்று உத்தியோகபூர்வ அறிக்கைகள் சொன்னாலும், இழப்புகள் பல மடங்காக இருக்கலாம் என்ற அச்சம் நிலவுகிறது. ஜப்பான் மீளகட்டமைக்கபடுவது தற்சமயம் சற்று சிரமம் ஆனாலும், வெகுவிரைவாக ஜப்பானியர்கள் மீண்டு வருவார்கள் என்ற, நம்பிக்கை எனக்கு நிறையவே இருக்கிறது. இல்லாவிட்டால், அமெரிக்க அணுவாயுத தாக்குதலுக்கு பின்பு, இவ்வளவு விரைவாக அவர்கள் மீண்டெழுந்து வந்து இருக்கமாட்டார்கள். எனவே, எனக்கு ஜப்பானியர்களின் உழைப்பின் மீது நம்பிக்கை இருப்பதால், அவர்கள் மீது எனக்கு பரிதாபம் வருவதுக்கு பதில் ஒரு வித மரியாதைதான் வருகிறது. எங்களுக்கும், அவர்களுக்கு ஒரு வித்தியாசம்தான்!!

நாங்கள் எப்படி பிழைப்பது என்று சிந்திக்கின்றோம். ஜப்பானியர்கள் எப்படி உழைப்பது என்று சிந்திக்கின்றனர்... அவ்வளவுதான்...!

குட்டி தேர்தல்

இலங்கையில் நேற்று நடந்த குட்டி தேர்தலுக்கு இன்று இதுவரை பெரும்பாலான முடிவுகள் வந்து விட்டன. பெரும்பான்மையான இடங்களை ஆளும் தரப்பு மீளவும் கைபற்றி இருக்கிறது. வழமை போல இந்த தேர்தலை ஏற்று கொள்ள முடியாது என்று, எதிர் கட்சி அறிக்கை விட்டு இருக்கிறது. தமிழரசு கட்சி சில இடங்களில் தனது இடங்களை பலருக்கும் இழந்து ஏனையவற்றை பெற்று இருக்கிறது. இம்முறை 3036 பேரை தெரிவு செய்வதற்கு, 20,000க்கும் மேற்பட்டோர் தேர்தலில் நின்று இருக்கிறார்கள். எங்கள் ஊரில் ஒழுங்கைக்கு இருவர் வீதம் தேர்தலில் பலர் நிட்ரார்கள் என்று சொல்லபடுகிறது. இதில் பலருக்கு தாங்கள் எந்த கட்சி? என்ன சின்னம்? என்று கூறுவதில் கூட பிரசாரத்தின் பொது குழப்பபாம். அவர்களுக்கே இப்படி என்றால், வாக்களிக்கும் நம்மவர்கள் நிலை என்னாவது? குட்டி தேர்தல் குட்டி தேர்தலாகவே, முடிந்து விட்டது என்று நினைக்கிறேன். இதில் என்ன ஆதங்கம் என்றால், வாக்களிக்க முடியவில்லை என்பதுதான். இது எனது இரேண்டாவது வாக்களிக்கும் சந்தர்ப்பம். தவற விட்டு விட்டேன். அது சரி, இலங்கையில் தேர்தலுக்கா பஞ்சம் என நீங்கள் கேட்பது புரிகிறது? எங்கள் ஊரில் ஒருவருக்கு இரண்டு வாக்குகள் மட்டும் கிடைத்த நகைச்சுவையான சம்பவமும் இடம்பெற்று இருக்கிறதாம். அவர் இப்போ தன்னை தவிர தனக்கு வாக்கு போட்ட புண்ணியவானை தேடி கொண்டு இருப்பார் என்று நினைக்கிறேன்.

சூரியனும் “மழை விழியில்”பாடலும்

சில காலங்களாகவே, இந்த “மழை விழியில்..” என்ற பாடல், இலங்கையில் பரபரப்பாக பேசபட்டு கொண்டு இருக்கிறது. ஒரு காரணம், உண்மையில் இந்த படைப்பின் தரம். இந்திய தரத்துடன் போட்டி போட கூடியவகையில் உருவாக்கபட்டு இருந்தமை. மற்றையது, அந்த பாடல் ஒலிபரப்பு உரிமை தொடர்பில், சூரியனின் பணிப்பாளர் நவா அண்ணா முகபுத்தகத்தில் பகிர்ந்து கொண்ட கொஞ்சம் காட்டமான விடயங்கள். நேற்று இது மீளவும், முகபுத்தகத்தில் அதிகம் பேசபட்டதை நான் அவதானித்து கொண்டு இருந்தேன். பலரும் கருத்து தெரிவித்து கொண்டு இருந்தார்கள்/ இருக்கிறார்கள். ஆனாலும், என்னை பொருத்தவரை இது சரியானதாக படவில்லை. இப்படி செய்வதால், ஒரு விதத்தில் எம்மவர்கள் திறமைகள் மழுங்கடிக்கபடுகிறது என்று சொன்னாலும், இப்படி ஒரு விடயம் பரபரப்பாக பேசப்படும் போது, அதுவும் ஒரு விளம்பரமாக அனைவரையும் சென்றடைந்து கொண்டு இருக்கிறது என்றும் சொல்லலாம்.

திறமையானவர்கள் பலரை உருவாக்கிய சூரியனிடமிருந்து அதுவும் அவர்களது பிரதான நபரான நவா அவர்களிடமிருந்து இவ்வளவு காட்டமான இடுகை/gSTATUSSTATUSஜ எதிர்பார்க்கவில்லை. திறமையானவர்கள் இருக்கும் போது என்னுமொரு திறமையான படைப்பு ஒன்றை உருவாக்கி திறமைகளுக்கு திறமைகள் மூலமாகவே பதிலடி தர முயற்சி செய்து இருக்கலாம். அதை விடவும், இதுவரை காலமும் சூரியனிடமிருந்த அந்த தனித்துவம் இல்லாது போவதாகவே நான் கருதுகிறேன். அதற்காக, சூரியன் பக்கம் நியாயம் இல்லை என்று சொல்வதற்கு இல்லை. உள் வீடு சண்டையை சந்தியில் கொண்டு வந்து வைத்து, தங்களை தாங்களே தாழ்த்தி கொள்ளுவது சரியல்ல. இரு சாராருக்கும் இருக்க கூடிய பிரச்னை தீர்க்க முடியாத ஒன்று அல்லவே? நவா அண்ணா உங்களுக்கு முன்பு இருந்தவர்களால் கட்டியெழுப்பபட்ட சூரியனின் தனித்துவ தன்மையை காப்பற்ற வேடியவர்களில் முக்கியமானவர்களில் ஒருவர் நீங்கள். நீங்கள் இப்படி செய்வது சரியாக படவில்லை. (இது என் கருத்து மட்டுமே!)

சூரியனில் இப்போதும் இந்த பாடல் ஒலிக்கிறதா? என்று எனக்கு தெரியவில்லை. அப்படி ஒலித்தால், இசையமைப்பாளர் பெயரை சொல்லாமலே பாடலை ஒலிபரப்புவார்களாயின் எப்படி இருக்கும்??. சரி எப்படியிருந்தாலும், நம்மவர்கள் திறமை ஏதோ ஒருவகையில் வெளிகொண்டு வரபட்டு மக்களை சென்று அடையப்பட வேண்டும். இப்போது இப்படியான இலவச விளம்பரம் மூலம் நம்மவர்கள் திறமை மக்களை சென்றடைந்தது மகிழ்ச்சியே!!!!

இந்தியா Vs தென்னாபிரிக்கா

2011-03-11T23:58:00.000+05:30

2011ம் ஆண்டு ஏனைய உலகக்கிண்ண போட்டிகளை விட அதிகமாக முடிவுகளில் மாற்றங்களை தரும் உலகக்கிண்ண போட்டியாக மாறியுள்ளது. இதுவரை இடம்பெற்ற போட்டிகளில் பல போட்டியின் முடிவுகள் மாற்றங்களை தந்து உள்ளன. இம்முறை உலகக் கிண்ண போட்டிகள்தான் யார் கிண்ணத்தை வெல்ல போகும் சாம்பியன் என்பதை உறுதி செய்து கொள்ள முடியாத அளவுக்கு போட்டி தன்மை நிரம்பியதாக இருப்பது, எனக்கு ஆரோக்கியமான கிரிக்கெட்டாக தெரிகிறது. தனித்துவமான சாம்பியன்கள் எதுவும் இல்லாமல், சம்பியன் கிண்ணத்தை பெற, சிறிய அணிகள் என்று கூறபட்ட அணிகளும் போட்டி போட்டு கொண்டு தங்கள் தங்கள் திறமைகளை நிருபித்து கொண்டு இருப்பது பார்க்கும் ரசிகர்களுக்கு அதிக ஆச்சரியங்களை தரும் உலகக்கிண்ணமாக இதனை மாற்றி இருக்கிறது. இன்றைய வங்காள புலிகளின் மீள் வருகையும் என்னும் காலிறுதிக்கு யார் யார் தெரிவாவார்கள் என்று சரியாக எதிர்வு கூறுவதை கடினமாக்கி இருக்கிறது.

சரி... நாளை நடக்க இருக்கும் இரு தர வரிசையில் இருக்க கூடிய முதல்நிலை அணிகளுக்கிடையிலான போட்டியை பார்க்கலாம்.

இரு அணிகளுமே இந்த உலகக்கிண்ணத்தில் போதுமான அளவுக்கு ஆச்சரியங்களையும், கேள்வி குறிகளையும் உருவாக்கி கொண்டுதான் நாளைய போட்டியை சந்திக்கின்றன. பலம் பொருந்திய இந்தியா அணி எதிர்பாராத வகையில் இங்கிலாந்துஹிதம் போட்டியை சமநிலையாக முடித்து கொண்டதும், நெதர்லாந்து,அயர்லாந்து அணிகளை தடுமாறி வெற்றி கொண்டு தங்களது நிகர ஓட்ட பெறுமதியை தாங்களே குறைத்து கொண்டதும், உலகக்கிண்ண போட்டிகளுக்கு முன்பு இருந்த அணியா? இது என்று அதிகம் சிந்திக்க வைத்து இருக்கிறது. அதை விடவும், தென் ஆபிரிக்கா எதிர்பாராத போட்டி முடிவை இங்கிலாந்திடம் பெற்று எப்போதுமே தாங்கள் உலகக்கிண்ணத்தில் ஒரு சொக்கர்ஸ் தான் என்பதை நிருபித்து இருக்கிறது. பிரிவு போட்டியிலேயே இந்த அதிர்ச்சியை தென்ஆபிரிக்கா அணி தந்து விட்டதால், இனி வரும் போட்டிகளில் அது தனது பாதையில் உறுதியாக முன்னேறும் என்று எதிர்பார்க்கலாம்.

அணிகளின் வெற்றி விபரம்

இந்தியா – WWTWL

தென்ஆபிரிக்கா – LWWWW

அணிகளின் வீரர்கள் பற்றி.....

இந்தியா அணியில் எங்கே பிரச்னை இருக்கிறது என்பதை சரியாக சொல்ல முடியாமல் இருக்கிறது. தலை சிறந்த பந்து வீச்சாளர்களை கொண்டு இருந்தும் அவர்களால் எதிரணியை அவர்கள் எதிர்பார்த்த அளவுக்கேனும் கட்டுபடுத்துவது கடினம் என்பதை இன்க்லாந்து போட்டியில் காட்டினார்கள். சரி, அடுத்த போட்டிகளில் சிறப்பாக செயல்பட்டால், துடுப்பாட்ட வரிசை ஆட்டம் காணும் போல இருக்கிறது. மத்திய வரிசையில் தற்போது யுவராஜ்,தோணி நம்பிக்கை தருகிறார்கள். சேவாக் முதல் போட்டிக்கு பின்பு போட்டியொன்றில் ஆதிக்கம் தரும் அளவுக்கு துடுப்பாட்டம் இல்லை. கம்பீர்,கோலி ஆகியோர் அணியில் இருக்கிறார்கள். சச்சின் முடிந்த அளவு அணிக்காக சிறப்பாக செயல்படுகிறார். ஹர்பஜன் இதுவரை சிறப்பாக பந்து வீசி ஓட்டங்களை கட்டுபடுத்தி இருந்தாலும்,விக்கெட்டுகளை கைபற்ற தவறி இருக்கிறார். தொடர்ந்து அணியில் அடிவாங்கும் சாவ்லாவுக்கு இடம் வழங்கபட்டு வருகிறது. எப்படி இருந்தாலும், இந்திய அணி அணி என்ற ஒற்றுமையுடன் விளையாடி வெற்றிகளை பெற்று வருவது. அவர்களது பலவீனங்களை வெளிக்காட்டாமல் இருந்தாலும், பெரிய அணிகளை சந்திக்கும் போதும், அடுத்த அடுத்த கட்டங்களுக்கு நகரும் போது, இது பெரிய பாதிப்பாக அமையும் என்பது எனது எதிர்பார்ப்பு.

தென்னாபிரிக்கா அணி பற்றி எப்படி சொல்ல முடியும்? நிஜமான சொக்கர்ஸ் இவர்கள்தான். பலமான துடுப்பாட்ட வீரர்கள் இருந்தாலும், அம்லா எதோ இப்போதுதான் போர்முக்கு திரும்பி இருக்கிறார் போல கொஞ்சம் கொஞ்சமாக, தனது துடுப்பாட்ட திறமையை வலுபடுத்தி கொண்டு வருகிறார்.. இது ஆரோக்கியமானது, ஆயினும் கல்லிஸ் தொடர்ந்தும் துடுப்பாட்டத்தில் சொதப்புவது கவலைக்குரியது. இப்போதைய அணியின் TURNING POINT PLAYERS என்று சொல்ல போனால், கடந்த சில போட்டிகளின் அடிப்படையில் இம்ரான் தாகிர், ராபின் பீட்டர்சன், வில்லியர்ஸ் ஆகியோரை சொல்லலாம். ஆனால், தாகிர் நாளைய போட்டியில் விளையாடுவது சந்தேகத்துக்குரியது. இது பெரிய பாதிப்பாக தென்ஆபிரிக்காவுக்கு அமையலாம். மறுபடியும் அணிக்குள் போத்தா சுழல்பந்து வீச்சில் அதிக சுமையுடன் பந்து வீச வேண்டி இருக்கும்.

மைதானம் பற்றி...

நாளைய போட்டி இந்தியாவின் நாக்பூர் மைதானத்தில்தான் நடைபெற இருக்கிறது. இது அதிகம் துடுப்பாட்ட சாதக தன்மையான ஆடுகளமாக இருக்கும் என்று எதிர்பார்க்கலாம். எனவே, நாளைய போட்டியில் நாணய சுழற்சியும் அதிக பங்கு வகிக்க சந்தர்ப்பம் இருக்கிறது.

அணியின் உத்தேச வீரர்கள் விபரம்

தென் ஆபிரிக்கா அணியில் தாகிர் விளையாடுவது சந்தேகத்துக்குரியது என்பதன் காரணமாக, மீண்டும் போத்தா வருகை உறுதியாகிறது. அது மட்டுமில்லாது நாளைய போட்டியில் வில்லியர்சை விக்கெட் காப்பாளராக பயன்படுத்தி கொண்டு, ஒரு மேலதிக சகலதுறை வீரரை அல்லது பந்து வீச்சாளரை தென்ஆபிரிக்கா அணியில், கொண்டு வர கூடும். அது சில வேளைகளில் சொட்சொபே யாகவும் இருக்க கூடும்.

தென்னாபிரிக்கா அணி - 1 Graeme Smith (capt), 2 Hashim Amla, 3 Jacques Kallis, 4 AB de Villiers (wk), 5 JP Duminy, 6 Faf du Plessis, 7 Morne van Wyk/ Johan Botha, 8 Robin Peterson, 9 Dale Steyn, 10 Morne Morkel, 11 Lonwabo Tsotsobe

இந்தியா அணியில் நாளை முனாப் பட்டேல் மீளவும் அணிக்குள் வருவார். சில வேளைகளில் அணிக்குள் இருக்கும் அஸ்வின் சாவ்லாவுக்கு பதிலாக உள்நுழையலாம். இல்லை சாவ்லா நெகிராவுக்கு பதிலாக வெளியே போகவும் கூடும். சில சமயம் ரெய்னா அணிக்குள் எட்டிபார்க்கவும் கூடும்.

இந்திய அணி - 1 Virender Sehwag, 2 Sachin Tendulkar, 3 Gautam Gambhir, 4 Virat Kohli, 5 Yuvraj Singh, 6 MS Dhoni (wk/capt), 7 Yusuf Pathan, 8 Harbhajan Singh, 9 Zaheer Khan, 10 Ashish Nehra/Piyush Chawla/R Ashwin, 11 Munaf Patel

சுவாரசியங்கள் சில .....

இந்தியா – தென்னாபிரிக்கா அணிகள் இதுவரை 65 ஒருநாள் போட்டிகளில விளையாடி இருக்கிறது. இதில் 39 போட்டிகளில் வெற்றியை பதிவு செய்து இருக்கிறது.

அதை விடவும், இந்தியாவில் இரு அணிகளும், 22 போட்டிகளில் விளையாடி இருக்கின்றன. இதில் இந்தியா 13 போட்டிகளில் வெற்றியை பெற்று இருக்கிறது.

நாளைய போட்டியில் விளையாட இருக்கும் சச்சின் இதுவரை காலமும் ஒருநாள் போட்டிகளில் LBW முறையில் 38 தடவை ஆட்டமிழந்து இருக்கிறார். நாளையும் இவ்வாறு ஆட்டமிலப்பின், அவர் இன்சாம் உல் ஹக்கை சமன் செய்வார். இந்த வரிசையில் சனத் ஜெயசூர்யா (47) முன்னிலை வகிக்கிறார்.

நாளைய போட்டியை தென்னாபிரிக்கா வெல்லுவதன் மூலமே குழுநிலையில் தனது நான்காம் இடத்தை தக்க வைத்து முன்னேற முடியும்.

எதிர்பார்ப்பு – நாளைய போட்டியை தென் ஆபிரிக்கா வெற்றி கொள்ள வாய்ப்புகள் அதிகமில்லை என்று சொல்லுவதற்கு இல்லை என்ற போதிலும், நாணய சுழற்சியின் பின்பு, கருத்துகளில் மாற்றம் நிகழலாம்.

பாகிஸ்தான் Vs நியூசிலாந்து

2011-03-07T23:58:00.000+05:30

நாளை பல்லேகல மைதானம் இலங்கையின் என்னுமொரு சர்வதேச கிரிக்கெட் மைதானமாக தன்னை பதிவு செய்து கொள்ளப்போகிறது. நாளை மறுதினம் பரீட்சை இருக்கும் காரணத்தினால், இந்த போட்டியையும், இந்த மைதானத்தையும் பார்வையிடும் சந்தர்ப்பங்களை தவறவிடுகிறேன். இந்த மைதானம் இன்றுவரை முரளிதரன் பெயர் சூட்டப்படும் என்று சொல்லபாடு கொண்டு இருக்கிறதே தவிர, பெயர் சூட்டியபாடாக இல்லை. அது சரி, எப்போதுமே எங்களுக்கு OUTGOING மட்டும்தான் என்பது மறந்து போச்சு!!!

நாளை இந்த மைதானம் சர்வதேச அங்கீகாரத்தை பெரும் பொது இரு வேற்று நாட்டு அணிகளின் போட்டிதான் இந்த மைதானத்தை இடம்பெற இருக்கிறது. இந்த மைதானம் தொடர்பில எவருக்கும் எதுவும், அதிகம் தெரியாது. மிஸ்பா கூறும் பொது அதிகமாக பவுன்சர் தன்மையை மைதானம் கொண்டிருப்பதை பயிற்சி பெறும்போது காண கூடியதாக இருப்பதாக சொல்லி இருக்கிறார். ஆடுகளம் வேகபந்துவீச்சாளர்களுக்கு சாதகமான ஆடுகளமாக இருந்து விட்டால், பாகிஸ்தான் பாடு கொஞ்சம் திண்டாட்டம்தான். அவர்களின் தற்போதைய பந்து வீச்சாளர் அப்ரிடிக்கு இந்த மைதானம் எப்படி ராசியோ??? ஆனால், இந்த போட்டி நாளை சுவாரசியதுக்கு பஞ்சம் இல்லாத போட்டியாக இருக்கும் என்று நம்புகிறேன்.

பாகிஸ்தானை இப்போது நியூசிலாந்து கிட்டதட்ட பரமஎதிரியாகத்தான் பார்க்கும் என்று நினைக்கிறேன். காரணம், இதே அணிதான் சிறிது காலத்துக்கு முன்பு நியூசிலாந்தின் சொந்த மண்ணில் வைத்து அவர்களை தோற்கடித்த பாகிஸ்தான் அணி. எனவே, கிட்டதட்ட நாளை நியூசிலாந்தில் உள்ளது போன்ற, மலைகளால் சூழப்பட கிட்டதட்ட குளிரான ஒரு மைதானத்தில் இரு அணிகளும் சந்தித்து கொள்ளும் போது, நிச்சயம் பலி தீர்த்து கொள்ள கிடைக்கும் இந்த சந்தர்ப்பத்தை நியூசிலாந்து கைவிடாது என்றே சொல்ல முடியும்.

மறுபக்கம், பாகிஸ்தான் உலகக்கிண்ணத்தில் அதிக ஆச்சரியங்கள், வியப்புகளை தந்து பலமான அணியை பலமாகவும், பலவீனமான அணியிடம் பலவீனமாகவும் வென்று இதுவரை நடைபெற்ற உலகக்கிண்ண போட்டிகளில் தோல்வி அடையாத அணியாக இருந்து வருகிறது. ஆனாலும், அவர்கள் அணியின் வெற்றியில் தனி ஒரு மனிதராக அவ்ரிடி தெரிந்தாலும் மறைமுகமாக சில வீரர்கள் போர்மாகி கொண்டிருப்பதை மறுக்க முடியாது. அதிலும் யூனுஸ்கான்,மிஸ்பா,அக்மல் சகோதரர்கள் கவனிக்கபட வேண்டியவர்கள். நாளைய போட்டியை பாகிஸ்தான் வென்று விட்டால், ஆஸ்திரேலியாவின் பாண்டிங் தலைமயிலான அணிக்கு முதல் உலகக்கிண்ண தோல்வியை பாகிஸ்தான் பரிசளிக்கும் என்று நிச்சயமாக கூறலாம்.

கடந்த கால அடிப்படையில் அணிகளின் வெற்றி விபரங்கள்

பாகிஸ்தான் – WWWLW

நியூசிலாந்து – WLWWL

அணி உத்தேச விபரம்

பாகிஸ்தான் – 1 Ahmed Shehzad, 2 Mohammad Hafeez, 3 Kamran Akmal (wk), 4 Younis Khan, 5 Misbah-ul-Haq, 6 Umar Akmal, 7 Abdul Razzaq, 8 Shahid Afridi, 9 Shoaib Akhtar, 10 Saeed Ajmal, 11 Umar Gul.

நியூசிலாந்து – 1 Martin Guptill, 2 Brendon McCullum (wk), 3 Jesse Ryder, 4 Ross Taylor, 5 James Franklin, 6 Scott Styris, 7 Nathan McCullum, 8 Daniel Vettori, 9 Kyle Mills, 10 Tim Southee, 11 Hamish Bennett.

அணி வீரர்கள் பற்றி....

நியூசிலாந்தின் தற்போதைய நம்பகமான பந்து வீச்சாளர்கள் என்று கூறினால் சௌதி மற்றும் பென்னட் ஆகியோரை சொல்ல முடியும். இதுவரையான போட்டிகளில் சௌதி எழு விக்கட்டுகளை 12.42 என்ற சராசரியிலும் 3.43 என்ற economyயிலும் பெற்று இருக்கிறார். ஆரம்ப வேகபந்துவீச்சாளராக இவரும்,பென்னட்ட்டும் பந்தை திருப்ப கூடிய வகையில் ஸ்விங் மற்றும் யோக்கர் பந்தை வீச கூடியவர்களாக இருப்பது நியூசிலாந்து அணியின் சாதகமே!!! அது போல, நாளைய போட்டியில் நியூசிலாந்து அணியின் தலைவர் ஆரம்ப ஓவர்களில் நாதன் மக்க்லத்தை பந்து வீச அழைப்பர் என்றே தோனுகிறது.பார்க்கலாம் இது எவ்வளவு தூரம் சாத்தியமாகிறது என்று பார்க்கலாம்!! அது தவிரவும், இந்த அணியில் பிரெண்டன் மக்கலம், குப்டில் ஆகியோர் சிறந்த துடுப்பாட்ட சராசரிகளை கொண்டு இருக்கும் நபர்கள் ஆவார்கள். மத்திய வரிசையும் கொஞ்சம் தற்போது பலமாக இருப்பது நாளைய போட்டியில் பாகிஸ்தானிய பந்து வீச்சாளர்களுக்கு அச்சுறுத்தலாக அமையும்.

பாகிஸ்தானை பொறுத்தவரையில், அவர்களின் பந்துவீச்சு நம்பிக்கையாக அணித்தலைவர் ஆப்பிரிடியை சொல்ல முடியும். இதுவரை விளையாடிய மூன்று போட்டிகளில் 14 விக்கெட்டுகள். இதில் இரண்டு போட்டி ஒரே மைதானமாமான பிரேமதாச மைதானம். இப்போது அப்பிரிடி புதிய மைதானத்ஹ்டில் பந்து வீச போகிறார். இந்த மைதானம் எவ்வளவு தூரம் இவரது பந்து வீச்சுக்கு உதவும் என்று பார்க்கலாம். அவ்ரிடியின் பலமாக தான் வீசும் சுழல் பந்துகளுக்கு நடுவே வேகமாக வீச கூடிய சராசரியாக 130Kph அளவில் வரும் பந்து வீச்சுகள் இறுதி போட்டியில் அதிக விக்கெட்டுகளை அவருக்கு வாங்கி தந்து இருக்கிறது. எனவே, நியூசிலாந்து என்ன செய்ய போகிறது என்று பார்க்கலாம். பாகிஸ்தான் துடுப்பாட்ட வரிசையானது அநேகமாக யூனுஸ்கான்,மிஸ்பா,உமர் அக்மல் இவர்களால் கட்டி எழுப்பபடுகிறது. எனவே, இந்த தூண்களை தாண்டினால் எதிரணிக்கு வெற்றி வாய்ப்பு அதிகம்.

இரு அணிகளின் சுவாரசியங்கள்

பாகிஸ்தானும் நியூசிலாந்து 1983 உலகக்கின்னத்ஹ்டில் சந்தித்து கொண்ட போதுதான் நியூசிலாந்திடம் பாகிஸ்தான் தோற்று இருக்கிறது. பிறகு, சந்தித்து கொண்ட ஆறு போட்டிகளிலுமே அவர்களுக்கு வெற்றிதான்.

பாகிஸ்தானின் அப்ரிடிக்கு இன்னும் மெக்ராத் ஒரு உலகக்கின்னத்தில் சுற்று போட்டிகளில் பெற்ற இருபத்து ஆறு விக்கேட்டுகளை முறியடிக்க இன்னமும் பதின்மூன்று விக்கெட்டுகள் தேவை.

உலக கிண்ணம் என்று வரும் பொது பாகிஸ்தானிய வீரர் யூனுஸ்கானின் சராசரி கடந்த இரு உலகக்கின்னங்களிலும் 21,12 ஆக இருந்த போதும், இம்முறை 42.66 என்ற வீதத்தில் இரு அரைசதத்தை உள்ளடக்கி இருக்கிறது.

இதுவரை இலங்கையில் இரு அணிகளும் நான்கு முறை மோதி கொண்ட போதிலும், இரு அணிகளும் தலா இரு வெற்றிகளை பெற்று சம்பலமாக இருக்கின்றன.

வேடிக்கையான விடயம் என்னவெனில், இப்போது விளையாடும் பாகிஸ்தான் அணியில் உள்ள வீரர்களில் இலங்கையில் வைத்து அதிக ஓட்டங்களை நேவ்சிலாந்துக்கு எதிராக பெற்ற வீரர்கள் வரிசையில் யூனுஸ்கானுக்கு அடுத்தபடியாக சொஹைப் அக்தர் இருக்கிறார்.

இலங்கையில் பாகிஸ்தானை நியூசிலாந்து இதுவரை சந்தித்து கொண்ட போட்டிகள் எதிலுமே சஹிட் அப்பிடி விளையாடி இருக்கவில்லை. என்பது ஆச்சரியமே!!!

எப்படி இருந்தாலும், வெற்றி வாய்ப்புகள் நாளை பாகிஸ்தானுக்கு அதிகம். ஆனால், எப்போதுமே, நம்ப முடியாத ஒரே அணி இவர்கள் தான்.பார்க்கலாம். நாளைய போட்டியை வெற்றி பெற்றால், ஆஸ்திரேலியாவின் சாதனை பயணத்தை முடிவுக்கு கொண்டு வருபவர்கள் இவர்களாக இருப்பார்கள்.