जेडी ची वाडी

एव्हरेस्ट

2025-05-20T10:28:00.002+05:30

ज्याचे त्याचे एव्हरेस्ट

एव्हरेस्ट अस शिखर एकच नसतं

प्रत्येक माणसाचं एव्हरेस्ट वेगळं असतं

उंची कमी जास्त असेल समाजात शिखराची

पण सर केल्यावरचं स्पंदन एकच असतं

कष्ट असतात अपार त्यात घामाच्या धारांचं इंधन असतं

कुणाच्या रस्त्यात फुलात काटे तर कधी रान दगड गोट्या चं असतं

शिखर पहाता येतं म्हणतात ड्रोन वरून

पण ते फक्त त्याचं पार्थिव असतं

अथक प्रवास असते खरी चढाई

एव्हरेस्ट तर फक्त त्याचं पारितोषिक असतं

जयदीप भोगले

18 मे 2023

31 डिसेम्बर

2024-01-01T10:24:00.001+05:30

31 डिसेंबर मला भारी अजब वाटते

कधी मागच्या वर्षाचा कॅलिडोस्कोप

तर कधी नवीन वर्षाची दुर्बीण वाटते

तिला पहिल्या भेटीची भाषा कळते

नव्या कामाची आशा वळते

ही सोडलेल्या तीराची नाव बनते

तर कधी नवीन प्रवासचे शीड बनते

कधी हरवलेल्या क्षणाचा अल्बम उलटते

कधी नव्या तराण्याची सरगम छेड़ते

कसेही असो ती एकदम नाइस असते

घडयाळाचे काटे उलटे फिरवायची वेडी आशा बाळगायची

का नवीन वेळेला रोलेक्स मध्ये पहायचे

ही फ़क्त आपली चॉइस असते

जयदीप

31.12.2020

2021-12-11T02:47:00.002+05:30

लहानशी मूर्ती

देई सगळ्यांना स्फूर्ती

दूरदृष्टी जणू आकाशातील घार फणसच जणू

बाहेरून काटे आतून रसाळ

निश्चयाचा जणू गड

मित्रांसाठी पण सुरपारंब्याच्या वड

अजातशत्रू आणि नायकाचा नायक

आयुष्याची सेंच्युरी करावी हीच सदिच्छा

शब्दातून साकारला गुंजारव नायक

वाढदिवसाच्या हार्दिक शुभेच्छा

जयदीप भोगले। a gift on your birthday

मैदान ए जंग

2021-09-26T13:04:00.001+05:30

किताबो का ईल्म काम नही आता

तजुर्बे पे भी आ जाते है सवाल

परछाई भी बदला करती है धूप मे

वक्त के बदलाव का है ये कमाल

खिलाडी को तय्यार होना पडता है हमेशा

जंग मे तलवारे इत्तला नही देती

जितना पडता है हर पलटते वार से

मैदान ए जंग जीत का मौका नही देती

सिपाही हो या राजा सब को मौत का डर होता है

जंग हो या शतरंज हर प्यादे मे वजीर छुपा होता है

सोच से बनते है ताज सोने की जरूरत नही होती

सिकंदर वक्त ही होता है तख्त पलटते देर नही लगती

जयदीप भोगले

26 सप्टेंबर 2021

मंजिल

2021-08-29T07:01:00.002+05:30

मंजिल बदल जाती है

तो रास्ते बनाये जाते है

इंसान वही होता है

किरदार सजाये जाते है

वक्त नही रहता कही टिककर

तभी शक्स आजमाये जाते है

अपनी तिशनगी को काबू मे रख

सेहरा मे मिराज भटकाया करते है

जयदीप

29 ऑगस्ट 2021

हॅप्पी मदर्स डे

2021-05-09T14:04:00.003+05:30

365 दिवसांपैकी मी एक दिवस तिला आराम दिला

हॅपी मदर्स डे म्हणून मी आईला सलाम दिला

माझ्या आईला आणि माझ्या मुलाच्या आईला सुदधा

होम मिनिस्टर असणाऱ्या या दोन राण्यांना एक दिवसाचा लुटीपूटीचा गुलाम दिला

सकाळपासून केली कामाची यादी

म्हटलं आज दोनो मेमसाब को सब से आझादी

पण कामाची यादी कशी वाढतच जाते

जितकी करावी कामे पुन्हा कशी ही नव्याने येते

12 वाजेपर्यंत झाली माझी दमछाक

रोज या कश्या करतात सगळं एका दमात??

रोज आपला टीकाकार कसा एकदम जागा असतो

मीठ जरी कमी असेल तर आईच्या पाककौशल्याचा उद्धार होतो

एक दिवस काही आईसाठी पुरेसा नाही

#share the load हेच सत्य त्याशिवाय पर्याय नाही

तरीही विशेष दिवस म्हणून मी केली कविता खास

आणि माझी आई आणि माझ्या मुलाची दोघीही म्हणाल्या शाब्बास !!

जयदीप भोगले!!

9 मे 2021

महामानव

2021-04-14T07:50:00.005+05:30

महामानव

घटनेचा अविष्कार

मनुचा बहिष्कार

मानवतेचा पुरस्कार

वर्णव्यवस्थेचा तिरस्कार

शिक्षणाचा सुविचार

अर्थशास्त्राचा साक्षात्कार

आधुनिक बिंबिसार

महामानवाला नमस्कार

14 एप्रिल 2019

जयदीप भोगले

महिलादिनी ..पाहिले ना मी तुला...

2021-03-08T09:23:00.003+05:30

"होम मिनिस्टर 'बनून घरची घेते जबाबदारी

"घेतला वसा टाकू नको "म्हणते ती प्रत्येक वारी

सदैव राबतानाच .." पाहिले ना मी तुला"

आणि तरीही .."कारभारी लै भारी "म्हणतेस तू मला

"येऊ कशी तशी मी नांदायला" म्हणून भांबावलीस सुरवातीला...

"अगं बाई सासू बाई "म्हणता म्हणता आपलंसं केलंस कुटुंबाला

फक्त असते अपेक्षा तुझी" माझा होशील ना" राहशील ना??

"लाडाची मी लेक "होते माहेरची मान तरी तू देशील ना ??

महिला दिन वार्षिक नव्हे तर प्रत्येक दिवस तिचा असावा

उत्सव नात्यांचा तेव्हाच होईल हाच विचार मनी ठसावा

जयदीप भोगले

8 मार्च 2021

Wish you a very happy woman's day

विषाची परीक्षा

2020-08-12T19:30:00.001+05:30

जगाला आता मला घाबरायचे नाही

तुझ्याशिवाय आता मला राहायचे नाही

चूक काय आणि बरोबर काय

याचा हिशोब मला लावायचा नाही

प्रेम म्हणू का सवय आहे ही

हाच प्रश्न पडतो सखे तुलाही

स्वर्ग जरी मिळाला मला जरी

एकट्याने तिथे मला जायचे नाही

एवढ्यात तिने तिचा मुखवटा काढला

अचंबित तिचा चेहरा त्याने तो पाहीला

वाहवत गेले होते मी थोड्या वेळासाठी

जोड्या नेहमी असतात साता जन्माच्या गाठी

माझे नाते पहिले असे तुटणार नाही

तोडून सगळे बंध मी येणार नाही

आता त्याच्या आयुष्यात एक वादळ आले

नांगर तुटलेले जहाज भरकटत निघाले

रुसले खरे प्रेम खोट्या आभासासाठी

हातचे सुख सोडले गेला पळत्याच्यापाठी

पुढची गोष्ट मला सांगायची नाही

आणि म्हणुनच ... विषाची परीक्षा कुणी पहायची नाही

जयदीप भोगले

11 ऑगस्ट 2020

मित्रपक्ष

2020-08-02T14:19:00.003+05:30

मित्रच रहा मित्रपक्ष बनू नका

संधी नेहमीच असते संधीसाधू होऊ नका

अडीच अक्षरी बोल हक्कापेक्षा वरचे असतात

झालाच तर दुर्योधनाचा कर्ण बना जुलिअस चे brutas होऊ नका

मैत्री या विषयावर लिहलय पुष्कळ अनभुव घ्यायला कचरू नका

दिवस तर पितरांचे सुद्धा असतात कायमच्या साथी ला हरवू नका

मैत्रिदिनाच्या सर्व मित्रांना हार्दिक शुभेच्छा

आपला नेहमीचा मित्रच

जयदीप भोगले

2 ऑगस्ट 2020

पुण्यतिथी

2020-08-01T10:56:00.000+05:30

आजकाल शेंगा कुणी दुसरेच खातात

आणि टरफले उचलण्याची स्पर्धा लागते

स्वेच्छेने गुलामी करणारी आनंदीत जनता

जन्मसिद्द हक्क विसरून जाते

आमचे "केसरी"आणि #मराठा

वैचारिक विनोद होऊन बसले आहेत

गीतारहस्य वगैरे सर्व काही बहुतेक

मंडाले च्या तुरुंगातच डांबले आहेत.

बाप्पा किती फुटी करायचा ??

एवढंच काय उत्सवात महत्वाचे आहे

चळवळीत भेसळ कमी जास्त

पण जागृती मागेच पडत आहे

आजही तुमचे निर्भय डोळे

पुतळ्यातून दिलगीर वाटतात

माणसाचे डोके ठिकाणावर आहे काय ?

याचे उत्तर शोधत राहतात

अभिवादन तुमच्या शिकवणीला

जयदीप भोगले

1 ऑगस्ट 2020

मला उमजललेले गुरू"

2020-07-05T11:51:00.002+05:30

गुरुपौर्णिमा हा दिवस आपल्या भारतात गुरुबद्दल कृतज्ञ होण्याचा दिवस..

आपण जे काही आहोत ते आपल्याला कुणी तरी केलेल्या संस्कारामुळे ,कधी जाणतेपणाने असतील किंवा कधी नकळत होणाऱ्या अनुभवाने सुदधा असतील ,त्याची एक आठवण ठेवून त्याबद्दल आभार मानायचा दिवस.

' आजकालच्या secret असू देत किंवा बुद्ध धर्माची ' lotus sutra' असू देत " Gratitude" या संकल्पने ला सर्वात जास्त महत्व दिले आहे .या धर्तीवरच की काय आपल्या संस्कृती मध्ये सुदधा व्यासपूजन व गुरुपूजन, त्याबद्दल असणारी कृतज्ञता व्यक्त करावी म्हणून हा दिवस राखून ठेवला आहे.

गुरू म्हणजे शिक्षक जो आपल्याला काहीतरी नवीन शिकवून जातो मग ते पहिले पाऊल टाकायला शिकवणारी आई असेल की, पहिल्यांदाच रस्ता ओलांडायला शिकवणारे बाबा असतील . पहिली बाराखडी शिकवणाऱ्या आपले गुरुवर्य की अगदी आपल्या सध्याच्या व्यावसायिक जीवनात आपले न भावणारे वरिष्ठ असो यांचे अपल्यावर कळत नकळत संस्कार होत असतात त्यातून आपण घडत असतो.
गुरू आपल्या संपर्कात येणारा मूर्त माणूस सुदधा असतो किंवाआपली कर्मभूमी, आपल्या अवतीभवती असणारा समाज, अगदी निसर्ग हा सुदधा आपल्या वर गुरुप्रमाणे संस्कार करतच असतो व तो सुदधा कधी आपल्या गुरूस्थानी जातो हे कळत नाही त्यांना सुदधा धन्यवाद देण्याचा दिवस.

ज्योतिष शास्त्रात सुदधा गुरू ला फार वरचे स्थान दिले आहे आणि असे म्हणतात गुरू ज्या स्थानावर दृष्टी टाकतो ती शुभच असते आणि म्हणूनच गुरु ही व्यक्ती असो की अमूर्त शिकवण, ती वयक्तिक रित्या कशीही असो ती जेव्हा गुरुस्थानी येते ती कायम आपल्याला नवीन काहितरी देऊन जाते . मग कधी काय करावे असेल तर कधी काय करू नये सुदधा..

गुरू शिष्य नात्यात बऱ्याच वेळा किंवा नेहमीच म्हणा शिष्याला जास्त प्रकाशझोत मिळतो मराठीमध्ये "Limelight"... आणि मग लोकांची गाडी वळते अरे याचा गुरू कोण ?? मग काही जण त्याला अमूर्त स्वरूप देतात व काही द्रोणाचार्य रूपी मूर्त व्यक्ती कडे नतमस्तक होतात. सर्व ठिकाणी त्याच्या प्रत्येक वळणावर त्याला असंख्य गुरू भेटतात व या सर्व गुरूस्थानी असणाऱ्या लोकांना स्मरण्याचा हा दिवस.

त्यामुळे आपल्या धकाधकीच्या आयुष्यात जर आपल्याला प्रश्न पडला असेल माझा गुरू कोण ?? आजकाल गुरू शिष्य परंपरा नाहीच उरली .. गुरू असं काही म्हणावं असं काही कुणी मला समोर येत नाही... त्या सर्व जणांना आपला लहानपणापासून ते आत्तापर्यंत डोळे बंद करून तुमच्यात बदल घडवणारे आईवडील असो की अगदी कायम वेळेवर धावून आपल्याला वक्तशीरपणा शिकवणारी मुंबई लोकल असेल ही सुद्धा गुरुस्थानी मानून कृतज्ञ व्हायला हरकत नाही .
आणि ज्यांना आपले प्रमुख गुरू वंदनीय असतील त्यांना वंदन करून काही गुरुवर्य जे तुमच्या आठवणीत मागे पडले असतील त्यांना त्रिवार वंदन करून कृतज्ञ व्हायला हवे

कारण एक कृतज्ञ शिष्यच आपल्या गुरुला सर्वोत्तम बनवतो .

जयदीप भोगले
5 जुलै 2020

जोडीदार आणि ड्रेस ची निवड

2020-02-14T17:01:00.000+05:30

मला नेहमी जोडीदार शोधणे आणि ड्रेस घेणे यात साधर्म्य वाटले आहे . हा काही जणांना अगोचर पणा किंवा how mean ?? how insensitive असं वाटू शकतं पण कल्पकतेला मर्यादा असू नयेत… नाही का ?? म्हणून हा शब्दप्रपंच…
ड्रेस घेताना आपण ब्रँड , कलर, कपडा व फील, ट्रेंड,किंमत, कुठे मिळतो आणि फिट व कम्फर्ट या सर्व कंगोऱ्याचा विचार करत असतो . सगळे लोक या गोष्टी उघड बोलत नसतीलही पण जोडीदार निवडताना याचा कळत नकळत विचार होत असतो
: ब्रँड - कुठल्या कॉलेजचा ,शहर ,IIT IIM या गोष्टी ला काहीजण प्राधान्य देतात . गावाकडचा वाटतो... बांद्रा मध्ये राहतो ... पेठेत राहतो ... अरण्येश्वर ला बंगला आहे या गोष्टींना प्राधान्य दिल्यामुळे ऐनवेळी काहीतरी गडबड आहे असं जाणवायला लागते
रंग -हा कपडा व जोडीदार हुडकण्याचे एकदम हुकमी माप .. या मध्ये हा रंग नाही का ?? असे विचारणारे लोक जोडीदार सुद्धा काळा, गोरा ,लक्ख गोरा ,सावळा, उजळ, तरतरीत असले डोक्यात ठेवून आपलं ठरवत असतात
यात बॉयफ्रेंड गर्लफ्रेंड वधू वर या सगळ्या मध्ये हे सर्व मापदंड लागू असतात हे मला इथे विशेष सांगावे वाटते..
कपडा व फील .. जोडीदाराची भाषा , शिक्षण झालेले माध्यम जात धर्म जन्मगाव असले तक्ते म्हणजे कपडा व फील सिलेक्ट केल्यासारखे आहे.. रंग छान आहे पण कपडा 100 टक्के कॉटन नाही असं म्हणण्यासरखं असतं
ट्रेंड आणि किंमत -आता आज valentine day असल्यामुळे हा मापदंड जास्त जवळून हाताळावा असं मला उगीच वाटतंय
वधू किंवा गर्लफ्रेंड हुडकताना ट्रेंड हा लोकांना एकदम नवाच हवा असतो .. जितकं मॉडर्न तितकं महाग असतं .. महाग असलं की परवडत नसतं .. अगदी धाडस केलं तरी हे मॉडर्न प्रकरण आपल्या एरियात कसं वागवायचं हा एक मोठा प्रश्न असतो .. एकदम हटके हे तितकंच हटलेलं सुद्धा असू शकतं तरी एकदम चम्या दिसतो .. एकदम काकुबाई वाटते... बाबा आजम के जमानेकीं वगैरे असल्या उपाधी आपण ऐकल्या असतीलच ...
: कुठे मिळतो - हा प्रकार जरा नवीन वाटला तरी सुदधा तितकाच महत्वाचा निकष ठरवला जातो
आपल्याला आवडणारा पॅटर्न आपल्याला परवडेल अशा किमतीत निवडणंयाचं कसब प्रत्येकाला अवगत नसतं तसं आपल्या कोष्टकात बसणार जोडीदार कुठं मिळतो हे सुदधा हुडकण्याच एक तंत्र असतं
फर्ग्युसन पेक्षा SP बरे .. मिठीभाई व जेवीयर्स पेक्षा रूपारेल किंवा साठे म्हणजे हुशार असेल असल्या गोष्टी आपल्या आपल्या गावप्रमाणे आपण केल्या असतीलच...

: कम्फर्ट आणि फिट- प्रत्येक माणूस वरच्या निकषा मध्ये इतका गुरफटून जातो की घेतल्यावर कळते अरे याचं फिट गडबड आहे फिट वाटतंय पण मी कम्फर्टेबल नाही
आणि सगळ्या मध्ये इथं नडतं
बरेच लोक वाचताना हे म्हणत असतील सुदधा…” मी फिट ला जास्त महत्व देते कम्फर्ट महत्वाचा आहे हे मला माहीत आहेच”
पण विचार केला तर लक्षात येईल ब्रँड कलर ट्रेंड या सर्व गोष्टी मध्ये दिवसेंदिवस लोक फिट आणि कम्फर्ट विसरत चालले आहेत .. यालाच अंतरंग असं काहीतरी म्हणतात . म्हणुन आपल्याला पूर्वी एखादा खुजा आणि एक उंच काळी व गोरी आनंदाने सहजीवनाची 50 वर्ष पूर्ण केलेली दिसतील व ट्रेंडी आणि ब्रँड वाली लोकं something is missing म्हणून नाक मुरडताना दिसतात.
: त्यामुळं प्रत्येक जोडीदाराने निवड करताना बाकी सगळं सोडून आपण कसे आहोत आपलं कुटूंब कसं आहे हे विचारात घेऊन बेस्ट फिट निवडलं की ते कायम हवं हवं वाटतं आणि
जोडा लक्ष्मीनारायणासारखा दिसण्यापेक्षा असणं जास्त समाधानाचं असतं चिरकाल टिकणारं राहतं
Valentine Day च्या हार्दिक शुभेच्छा

जयदीप भोगले
14 02 2020

या विषयाला हलकं फुलक मानानु कपडे व जोडीदार यांची निवड याची तुलना केल्यामुळे राग मानू नये Tangent मध्ये तर नक्कीच जाऊ नये

रॅट रेस

2020-01-30T18:57:00.000+05:30

विंचू आणि इंगळी
चावली की कळते
नादी नका लागू
हे चावल्यावरच वळते
तरीही विषाची परीक्षा
मन करत राहते नेहमी
अमृत मिळेल म्हणून
गाडी त्याच वाटेवर पळते
कुणी म्हणते स्पर्धा
कुणी म्हणते रॅट रेस
नावं असतात निराळी
एकाला विंचू दुसऱ्याला इंगळीच मिळते

जयदीप भोगले
30 जानेवारी

पत्रकाराचे मनोगत

2020-01-22T19:59:00.003+05:30

जपून लिहू जपून लिहू
तावून आणि सुलाखून मोजके पण कसून लिहू
ताबा नाही सोडायचा आणि शब्द नाही खोडायचा
शब्द जरी सापडला अर्थ तपासून लिहू
जपून लिहू जपून लिहू

: अंधाराची भीती तुम्हा पण उजेडाचाही नको ताप
तुमच्या स्वैर वागण्याला नसे कधी मोजमाप
वाचा नाही फोडत आता मूकपणाने लिहू
जपून लिहू जपून लिहू

जपून तुम्ही म्हणायचे आणि झोकून आम्ही द्यायचे
शब्दछल हवा कुणा सत्य जगा द्यायचे
शब्द जरी जपले.. रान पेटवून लिहू
जपून लिहू जपून लिहू

जयदीप भोगले
22 जानेवारी 2020

दर्यादिली

2019-10-29T19:30:00.001+05:30

रफ्तार की दहलीज पे हवा ने कहा

ठहर जाने पे भी मिलता है ये जहाँ

खामोश लब्जो से भी कही जाती है कहानी

जलजले मे सोच डुबाने की महारथ कहां

आंधियो का वजुद बस कुछ पलो का होता है

दर्यादिली के ठहराव की उनको सोहबत कहा

तबाही और खोफ मिटा सकते है लेकिन

साहिल का साथ निभाने की उसमे कुरबत कहां

जयदीप भोगले

29 ऑक्टोबर 2019

हक्क

2019-10-21T19:45:00.003+05:30

बजावला आज हक्क
पुन्हा एकदा ठेवला विश्वास लोकशाहीवर
एकदम कुंभ मध्ये शाही स्नान केल्यासारखं
मॉब सायकॉलॉजी म्हणा की अंधश्रद्ध आशा ग्वाहीवर
दाखविली बोटं सेल्फीमध्ये ...हो मी पण धृतराष्ट्र!!! म्हणून
आणि म्हणालो दूध तरी आम्हाला द्या ताव मारा तुम्ही सायी वर

मग आठवलं आपल्याला असलीच सवय झालीय
सहनशक्ती सुदधा आता एकदम कोडगी झालीय
सामान्य जनता म्हणून आपल्याला पाणी सुदधा विकत घायचं असतं
पक्ष कुठलाही आला तरी आपण असच झापड लावून जगायचं असतं

जयदीप भोगले
21 ऑक्टोबर 2019

व्हाट्सआप

2019-09-24T08:41:00.001+05:30

ग्रुप कसा कॉलेज कट्ट्यासारखा असावा
सगळे जरी नसले एकत्र तरी भरल्यासारखा दिसावा
कट्टयावर कसा म्होरक्या कोणीच नसतो
कधी असतो हीरो कधी तोच बकरा बनतो
टेन्शनच्या आयुष्यात एखाद्या स्माईलसारखा दिसावा
ग्रुप कसा नेहमी कॉलेज कट्यासारखा दिसावा
जेव्हा नेहमी नेहमी काहीच मित्र कट्ट्यावर सारखे दिसू लागतात
संशयाचे ढग नेहमी वरती दिसू लागतात
त्याला दूर करायला सगळ्यांचा सहभाग असावा
ग्रुप कसा कॉलेज कट्ट्यासारखा असावा

हॅपी ग्रुप बर्थडे

सिनेमा आणि देशभक्ती

2019-08-15T13:26:00.001+05:30

देशभक्ती ही भावना लोकांच्या मनात ठेवायची ,वाढवायची ,आठवण करुन द्यायचं काम भारतीय सिनेमा ने केले आहे . हा विषय नुसता काढला तरी किमान दहा सिनेमे आपल्या प्रत्येकाला आठवल्या शिवाय राहणार नाहीत
सिनेमा हा या भावनेचा वापर प्रसिद्दी व व्यावसाईक यश यासाठी करत जरी असेल तरी त्यांच्या या कामातून नकळत का होईना देशभक्ती हा विचार रंजक पद्धतिने का होईना लोकांपर्यंत पोहचतो या बद्दल सिनेमासृष्टी व सिनेमा वाहिन्या यांचे अभिनंदन करावं असं मला वाटतं
समाजाचा सांस्कृतिक सहभागाचा स्वातंत्र्यपूर्व काळा पासून देशभक्ती वाढवण्यासाठी नक्कीचं खूप उपयोग झाला आहे.
पोवाडे समर गीते मेळे संगीत नाटकं ते आता असणाऱ्या भव्य 3D सिनेमा यापर्यंत त्यांचे योगदान प्रत्येकाला विसरून चालणार नाही.

चीन च्या युद्धावर प्रकाश टाकणारा हकिकत
जय जवान जय किसान वर प्रकाश टाकणारा 'उपकार' असो विविध लक्षवेधी सिनेमातून हिंदी सिनेमा 1942 A love स्टोरी... ते 'उरी' व 'केसरी' यापर्यंत फुलत आला आहे.
देशभक्ती व सामाजिक जाणिव याची बाजू सर्वात सुंदर पद्धतीने मनोज कुमार यांनी आपल्या चित्रपटातून मांडली असं मला नेहमी वाटतं । आता यात काही टीकाकार त्यांच्या चित्रपटात असलेले व्यावसायिक कंगोरे यावर टीका करू शकतील पण 50 वर्षांनंतर सुद्धा जर देशभक्तीपर सिनेमा असं आठवायचं असेल तर त्यांच्या सिनेमाचा वरचा क्रमांक कुणी नाकारू शकणार नाही

मराठी सिनेमा पण देशभक्ती पेक्षा सामाजिक प्रबोधन करण्याऱ्या चित्रपटात जास्त लक्षात राहिला असं मला नेहमी जाणवतं । लोकमान्य , फर्जंद , सावरकर असे काही तुरळक प्रयत्न सोडले तर मराठी सिनेमा मधलं खड्ग छत्रपतीकालीन काळात जास्त यशस्वी व रममाण झालं असं मला नमूद करावं वाटतं। आद्य क्रांतिकारक वासुदेव फडके, चाफेकर बंधू ,आणि कितीतरी मोठे क्रांतीप्रणते महाराष्ट्रात होऊन गेले तरी व्यावसायिक यश मराठी देशभक्तीपर सिनेमाला मिळालं नाही .
याला कुठली कारणं आहेत व होती हा शोधनिबंधाचा विषय असू शकतो पण हा विचार तुम्ही एक मराठी म्हणून केला तर तुम्हाला ते जाणवून जाईल.
या दिनानिमित्त केलेल्या उहपोहातून चित्रपट हे माध्यम नेहमी आपल्याला क्षणिक का होईना देशभक्ती च्या जवळ घेऊन जाते याबद्दल मला सर्व चित्रपट सृष्टी चे अभिनंदन करावे वाटते.
आपल्याला देशभक्ती म्हटलं की कुठले चित्रपट आठवतात याचा विचार एक भारतीय एक सिनेमा चाहते म्हणून नक्की करा
व बाटला हाऊस च तिकीट बुक करा नाही मिळाले...

नाहीतर झी सिनेमा वर केसरी आहेच तो पाहून सिनेमाच्या माध्यमातून थोडे देशभक्त होऊ या

73 व्या स्वातंत्र्य दिनाच्या हार्दिक शुभेच्छा

जयदीप भोगले
15 ऑगस्ट 2019

#रंपाट#

2019-05-15T14:53:00.000+05:30

....

शिट्टी वाजवा ..पॉपकॉर्न मागवा
टॉकीजवर जाऊन तिकीट दाखवा
रंपाट सिनेमा येतोय गावात
थंडीच आणतोय उन्हा तान्हात
3 तास जगाला विसरून जावा
डोकं लावा की बाहेर ठेवून जावा
रंपाट सिनेमा येतोय गावात
हसू नका नुसते गालातल्या गालात
मतदान आता झालं ना भावा
आय पी एल सुदधा मुंबईच्या नावा
रंपाट सिनेमा येतोय गावात
टाईमपास पेक्षा डबल जोमात
सिनेमा तुम्ही टॉकीज ला पहावा
आवडला तर दहादा जावा
रंपाट सिनेमा येतोय गावात
सुपर हिटच असतंय झी च्या नावात

जयदीप भोगले
15 मे 2019

चहाचा चाहता

2019-05-13T19:01:00.001+05:30

जगात भारी जगात भारी

हिच्या चहाची लज्जत न्यारी
चहा तोच आणि दूध तेच
पण हीच्या चहाची नवीन स्टोरी
अमृततुल्य आणि येवले काका
मी म्हणत नाही हिच्याकडून शिका
शिकून सगळं येत नाही दादा
Exclusivity ची असते मजाच न्यारी
कोणी म्हणेल याला स्तुती
कोणी म्हणेल माज
कोणी म्हणेल बायकोच्या गुलामीचा हा नवीनच अंदाज..
कोब्रा नवरे करत नसतात कौतुक असे घरी
तेव्हाच समजा चहाची गोष्ट आहे एकदम खरीखुरी
खारी असो की बशीत मारी
हिच्या चहाची नवीन स्टोरी

अरे हुजूर वाह ! बोलीये

जयदीप भोगले
13 मे 2019

नजरिया

2019-04-30T07:34:00.000+05:30

काश ये आसमां हमारा होता
तो जमीं का नजारा कूछ और होता

हमारे मकाम के रास्ते हम उपर से ही खोज लेते
इस गली कुचे मे शायद गुमशुदा नही होता

जमीं की खूबसुरती उपर से ही देख लेते
यूँ बुतों के बाजार मे बेजार नही होता

इस सोच को पल भर एक बादल ने तोडा
जोरो से बरस के जमीं पे ला छोडा

जब टूटा तो जमीन के इंसां से जुडा
नही तो आस्मान का खुदा बन गया होता

जयदीप भोगले
30 एप्रिल 2018
नेरुळ 2200

एक असतं पुस्तक...

2019-04-23T21:51:00.000+05:30

अभ्यासू होतं वाचनालयात
कोऱ करकरीत हॉलमध्ये
होतं धडधडतं हृदय कॉफी टेबलवर
कधी रेंगाळत बुक स्टॉल मध्ये

विद्रोह करतं कवितां करून
वनिता बनतं नियतकालिकांमध्ये
न परवडणारा शब्दकोश होतं
स्वप्न रंगवतं प्रवासवर्णनामध्ये

सेकंड हँड असो वा फर्स्ट एडिशन
पालिकेच्या दिव्यात असो की थंडगार एअरकंडिशन
फर्स्ट असो की थर्ड डिव्हिजन
याचं नेहमी समतोल व्हिजन

उघडा किंवा बंद ठेवा
याचं मंदीर सर्वांना खुलं असतं
याची किंमत लोक पाहतात
आणि हे लोकांचे मोल ठरवतं

जयदीप भोगले
23 एप्रिल 2019

ध्यासपर्वाची विलक्षण अनुभूती -आनंदी गोपाळ

2019-02-17T19:34:00.001+05:30

निर्मिती -फ्रेश लाईम फिल्म्स, झी स्टुडिओज
दिग्दर्शक- समीर विद्वंस
कलाकार - ललित प्रभाकर ,अंकिता गोस्वामी आणि भाग्यश्री मिलिंद आणि गीतांजली कुलकर्णी
संवाद -इरावती कर्णिक
गीते- वैभव जोशी संगीत -हृषीकेश दातार जसराज जोशी

प्रत्येकाने पहावा व दुसऱ्यांना दाखवावा असा

डॉ आंनदी बाई जोशी पहिल्या महिला डॉक्टर असं हुशार मुले ,सामान्य ज्ञान असणारी जिद्यांसू मुले , यांना हे नाव कदाचित परिचित असेलच..

पण एखादं नाव नावारूपाला येण्याआधी त्यामागचा संघर्ष ,तिच्या आयुष्यातील खडतर प्रवास, प्रतिकूल परिस्थिती असून त्यावर केलेली मात आणि ही ज्ञानगंगा चित्रलोकी आणण्याचं काम करणारा भगीरथ म्हणजे गोपाळराव जोशी ( आनंदी बाईंचे पती ) या सर्वाचं सिंहावलोकन करून 2 तास 14 मिनिटात त्याचा एक बायोपिक पाहुन जेव्हा नतमस्तक व्हाव वाटतं ती कलाकृती म्हणजे "आनंदी गोपाळ "
प्रत्येक यशस्वी पुरुषा मागे असणाऱ्या अगणित माता पत्नी शिक्षक यांची मोठी यादी आपल्याकडे नक्कीच असते पण 150 वर्षांपूर्वी आपण शिकू शकतो हे मनाला शिवत सुद्धा नाही अशा स्त्री ला आपल्या काहीशा जिद्दी हेकेखोर टोकाच्या आणि तऱ्हेवाईक दृष्टीकोन ठेवुन डॉक्टर बनवणारे वल्ली भगीरथ म्हणजे गोपाळराव जोशी . या जोडप्याच्या ध्यासाची आणि त्यांच्या प्रवासाची अत्यंत प्रभावशाली गोष्ट म्हणजे चित्रपट ..आंनदी गोपाळ

... चित्रपट म्हणून एक उत्कृष्ट कथा, त्यामागची भूमिका जाणून केलेलं जाणतं दिग्दर्शन ,ते घडताना तोच दृष्टीकोन दाखवणारं डोळस छायाचित्रण, या छायाचित्रणाला 150 वर्षापूर्वी घेऊन जाणारे अत्यंत प्रभावी असे कला दिग्दर्शन आणि वेशभूषा, या सर्व गोष्टीला साजेसे हृदया व मनाला हलवणारे संवादलेखन व गीतलेखन

व या पंचमहाभूतातून बनलेले व्यक्तिचित्र आणि त्या भूमिका जगणारे ललित प्रभाकर ,भाग्यश्री मिलिंद, गौरी कुलकर्णी
या मुळे अतिशय उत्कृष्ट चित्रनिर्मिती म्हणजे… आनंदी गोपाळ

उंच माझा झोका सारखी सारखी उत्कृष्ट मालिका सासू सून झंझावात असताना सुद्धा झी मराठीने प्रवाहाविरुद्ध निर्माण केली आणि त्याच सोनं केलं या झी समूहाने या विषयाला भक्कम निर्मिती साथदिली हेंसुद्धा त्यांनी गोपाळराव जोशी यांच्या प्रयत्नांना साथ दिल्यासारखं आहे असं मला इथं म्हणावं वाटतं

हा सिनेमा हा फक्त त्या काळाचं दर्शन व जाणीव किंवा डॉ आनंदीबाई जोशी यांना वंदन करून थांबणारा नक्कीच नाही तर अजूनही प्रत्येक पुरुषाला महिलांना समान संधीच्या वाटा निर्माण करून देण्याची गरज आहे हे सांगणारा सुदधा आहे.
अजून सुद्धा आपली संस्कृती “पंचकन्या स्मरे नित्यम” म्हणणारी जरी असली तरी काचेचं छप्पर देऊन तिला रोखणारी सुद्धा तितकीच आहे हे सगळ्या पुरुषांना कळत नकळत माहीत असेलचं..
कदाचित म्हणूनच चित्रपताशेवटी असणाऱ्या काही वेधक छायाचित्रात अजूनही पहिली महाराष्ट्राची मुख्यमंत्री स्त्री नाही हे कुठतरी जाणवून जातेच..
पण हा सिनेमा पाहून आल्यावर उद्या जर आपल्या घरातील स्त्री ची कुठलीही महत्वाची मीटिंग काम असेल तर तिचा डबा जरी घरच्या पुरुषाने भरून दिला तर चित्रपट निर्मितीचा सर्व खर्च कारणी लागला असं निर्मात्यांना म्हणावं लागेल..

हे सर्व वाचल्यावर आणि आनंदी गोपाळ सिनेमागृहात पाहिल्यावर कदाचित तुमच्या मधला सकारात्मक गोपाळ जागा होईल व तुमच्या जवळच्या आनंदीला पुढे जाण्यासाठी प्रोत्साहन देईल ही ईश्वर चरणी प्रार्थना...

जयदीप भोगले
17 फेब्रुवारी 2019

बिझी

2019-01-21T19:13:00.001+05:30

सध्या मी खूप बिझी आहे..

एकदम झापड लावलेल्या घोड्यासारखं
आणि ओझे वाहणाऱ्या गाढवागत सुद्धा
घोडा आहे म्हणून आनंद नाही
आणि गाढव म्हणून घ्यायचं दुःख नाही

...कारण सध्या मी खूप बिझी आहे

एकदम नाकासमोर चालणाऱ्या पांढरपेश्या सारखं
आणि एकदम नव्या कोऱ्या स्मार्टफोन सारखं सुद्धा
स्मार्ट असल्याचा कसला उपयोग नाही
आणि ठोंब्या असल्याची शिक्षा सुदधा नाही

....कारण सध्या मी खूप बिझी आहे

एकदम देवाच्या पेड रांगेत असलेल्या भक्तांसारखं
आणि टॅक्स बुडवणाऱ्या श्रीमंत चोरासारखं सुदधा
दर्शन मिळवायचे समाधान नाही
आणी चोर म्हणून प्रायश्चित्त सुद्धा नाही
..
.कारण सध्या मी खूप बिझी आहे

एकदम जन्मणाऱ्या बाळासारखं
आणि अखेरच्या श्वासाचा धनी
वृद्धागत सुद्धा
एकटं जगायचं आत्ताच कळत नाही
आणि मिळवलेलं घेऊन मरायला कधीच मिळत नाही..

जयदीप भोगले
21 जानेवारी 2019