എന്‍റെ ഇടം

'കടല്‍ കൊലക്ക്' അവാര്‍ഡ്

2012-04-25T15:03:00.002+03:00

അന്താരാഷ്ട്ര നാടക അക്കാദമിയുടെ 2012 ലെ അവാര്‍ഡുകള്‍ പ്രഖ്യാപിച്ചു.ഇറ്റലി & ഇന്ത്യ ടീമിന്‍റെ സം‌യുക്ത സം‌രംഭമായ 'കടല്‍ കൊല - വിശുദ്ധവെടിയും, വിശുദ്ധപ്രതികളും' ആണ് മികച്ച നാടകം.

അന്താരാഷ്ട്ര ശ്രദ്ധയാകര്‍ഷിച്ച നാടകത്തില്‍ ആദ്യവസാനം തകര്‍ത്തഭിനയിച്ച ഇന്ത്യന്‍ താരങ്ങള്‍ മികച്ച പ്രകടനമാണ് കാഴ്ച വെച്ചത്.ആദ്യ പകുതിയില്‍ രംഗത്ത് വന്ന് കയ്യടി നേടിയ ആലഞ്ചേരി തമ്പ്രാക്കള്‍ ജൂറിയുടെ സ്പെഷ്യല്‍ അവാര്‍ഡിന് അര്‍ഹനായി.സത്യത്തില്‍ തിരശ്ശീല മുന്നിലുണ്ടെന്ന് കരുതി അഭിനയിക്കുകയായിരുന്ന തമ്പ്രാക്കള്‍ അറിയാതെ ഏതോ എരണം കെട്ടവന്‍ തിരശ്ശീല പൊക്കിയതാണെന്നതാണെന്നും ഒരഭിപ്രായമുണ്ട്.നാടകത്തില്‍ ആലഞ്ചേരി അഭിനയിക്കുകയല്ല മറിച്ച് ജീവിക്കുകയായിരുന്നുവെന്ന് ജൂറി അഭിപ്രായപ്പെട്ടു.

'തന്നെ കൂടാതെ തിരശ്ശീലക്ക് പിന്നില്‍ നിന്നും കിടിലന്‍ അഭിനയം കാഴ്ച വെക്കാന്‍ കഴിവുള്ളവരാണ് 11 കെ.വി തോമസച്ചായനും മറ്റു ചില ഇടയന്മാരും.തകര്‍ത്തഭിനയിക്കിന്‍ കുഞ്ഞാടുകളേയെന്ന് നോം അവര്‍ക്ക് നിര്‍ദ്ധേശവും നല്‍കിയിരുന്നു.യവനെങ്കിലും വന്ന് തിരശ്ശീലയൊന്ന് പൊക്കിയിരുന്നെങ്കില്‍ തന്നെപ്പോലെ തന്നെ ജൂറിയുടെ സ്പെഷ്യല്‍ അവാര്‍ഡിന് അവരും അര്‍ഹരായേനെ' എന്നും അവാര്‍ഡ് സ്വീകരിച്ച് കൊണ്ട് ശ്രീ: ആലഞ്ചേരി തമ്പ്രാന്‍ അഭിപ്രായപ്പെട്ടു.

ഒറ്റക്കിങ്ങനെ അവാര്‍ഡ് സ്വീകരിക്കേണ്ടി വന്നതില്‍ തനിക്കിച്ചിരി വിഷമമുണ്ടെന്നും വിഷമം തീര്‍ക്കാന്‍ തിരശ്ശീലക്ക് പിന്നില്‍ കിടു അഭിനയം കാഴ്ച വെച്ച മറ്റുള്ളവരെ പ്രമുഖ കഥാപാത്രങ്ങളാക്കി 'ചോറിവിടെ കൂറവിടെ' എന്ന് പേരിട്ട മറ്റൊരു നാടകം ഉടന്‍ തന്‍റെ കാര്‍മികത്വത്തില്‍ നിര്‍മ്മിക്കുമെന്നും ആലഞ്ചേരി തമ്പ്രാക്കള്‍ കൂട്ടിച്ചേര്‍ത്തു. 'വിശുദ്ധ വെടിയും-വിശുദ്ധ പ്രതികളില്‍' നായകവേഷം ചെയ്ത മാസ്സിമിലാനോയെയും സാല്‍വദോര്‍ ഗിരോനെയും 'ചോറിവിടെ കൂറിവിടെ' യിലേക്ക് ക്ഷണിച്ചിട്ടുണ്ടെന്നും ഇറ്റലിയില്‍ ചില സ്വീകരണങ്ങളുമായി തിരക്കിലായതിനാല്‍ അടുത്ത 'ഇന്ത്യന്‍ പര്യടന' സമയത്ത് ഡേറ്റ് തരാമെന്ന് അവര്‍ ഉറപ്പ് തന്നതായും ആലഞ്ചേരി അറിയിച്ചു.

അഡീഷനല്‍ സോളി ജനറല്‍ ഹരേന്‍ പി.അലവലുവിന് നാടകത്തിലെ 'വിശുദ്ധ രക്തസാക്ഷി' അവാര്‍ഡും കേരളത്തില്‍ നിന്ന് ശ്രീമാന്‍ ചണ്ടിയുള്‍പ്പെടെ സകലഗുലാബി ചണ്ടികളും കേരള പൊല്ലീസ് സേനയും ജൂറിയുടെ പ്രത്യേക പ്രത്യേക പരാമര്‍ശത്തിനും അര്‍ഹരായി.

തങ്ങളേക്കാള്‍ അതിവേഗം ബഹുദൂരം സഞ്ചരിച്ച ഇന്ത്യന്‍ നടന്മാര്‍ തന്നെയാണ് എന്ത് കൊണ്ടും അര്‍ഹര്‍.അതിനാല്‍ അവാര്‍ഡ് ഇന്ത്യക്ക് മാത്രം അവകാശപ്പെട്ടതാണെന്നും ഇച്ചിരി കോടികളല്ലാതെ മറ്റൊന്നും തങ്ങള്‍ക്ക് ഇതില്‍ അവകാശപ്പെടാനില്ലെന്നും ഇറ്റാലിയന്‍ അധികൃതര്‍ വ്യക്തമാക്കി.മികച്ച നാടകത്തിനുള്ള അവാര്‍ഡ് ഏറ്റുവാങ്ങുന്നതിനായി ഇന്ത്യന്‍ പ്രതിനിധി മാത്രമാണ് വേദിയിലെത്തിയത്.ഇന്ത്യന്‍ പ്രതിനിധി ശ്രീ: മദനമോഹന്‍ സിങ്കു സാരി ചുറ്റിക്കൊണ്ട് എത്തിയത് അവാര്‍ഡ് ദാന ചടങ്ങിലെ ഒരു വേറിട്ട കാഴ്ചയായിരുന്നു.തന്നെ ഈ അവാര്‍ഡ് നേട്ടത്തിനു സഹായിച്ച പരാശക്തിയോടുള്ള ആദര സൂചകമായിട്ടാണ് സാരി ചുറ്റി വന്നതെന്ന് ശ്രീ: സിങ്കു പിന്നീട് വെളിപ്പെടുത്തി.

തലപ്പാവ് വെച്ചൊരു കൂറ്റന്‍ ബൊമ്മയെ(പാവക്കുട്ടി) ശ്രീ: സിങ്കുവിന് സമ്മാനിക്കുന്നത് ഹര്‍ഷാരവത്തോടെയാണ് സദസ്സ് എതിരേറ്റത്.സമ്മാനമായി കിട്ടിയ പാവയേയും ഒക്കത്ത് വെച്ച് മന്ദം മന്ദം ഒരു പാവയെപ്പോലെ അദ്ധേഹം വേദി വിടുന്നത് നയനമനോഹരമായ കാഴ്ചയായി.

അതിനിടയില്‍ 'തള്ളേ ഇതില്‍ ഏതാണ് പാവ?' എന്ന ഒരു വിദ്വാന്‍റെ കമന്‍റ് സദസ്സില്‍ ചിരിയുണര്‍ത്തി.

ഇങ്ങനെയൊക്കെ ആണെങ്കിലും നാടകത്തിലെ മികച്ച നടനെ തെരഞ്ഞെടുക്കാന്‍ ജൂറിക്ക് കഴിഞ്ഞില്ല.'ഒപ്പത്തിനൊപ്പം പൊളപ്പന്‍ പ്രകടനം കാഴ്ച വെച്ചവരാണ് എല്ലാവരും.മികച്ച താരത്തെ തെരെഞ്ഞെടുക്കാന്‍ സാക്ഷാല്‍ ഒടയ തമ്പുരാനു പോലും കഴിയില്ലെന്ന്' പ്രമുഖനായ ഒരു ജൂറി അംഗം അഭിപ്രായപ്പെട്ടതായി ഞങ്ങളുടെ ലേഖകന്‍ റിപ്പോര്‍ട്ട് ചെയ്യുന്നു.

' 2012 പൂര്‍ത്തിയാവാന്‍ ഇനിയും എട്ട് മാസം കൂടി ബാക്കി ഉള്ളപ്പോള്‍ ധൃതിയില്‍ അവാര്‍ഡ് പ്രഖ്യാപിച്ചത് വിവാദമാക്കേണ്ടതില്ല. 'കടല്‍ക്കൊല-വിശുദ്ധവെടിയും, വിശുദ്ധപ്രതികളേ' ക്കാള്‍ മികച്ച നാടകം 2012ല്‍ എന്നല്ല ഈയടുത്ത കാലത്തൊന്നും സംഭവിക്കില്ലെന്നും ജനവികാരം കൂടി കണക്കിലെടുത്താണ് തങ്ങള്‍ അവാര്‍ഡ് പ്രഖ്യാപിച്ചതെന്നും അന്താരാഷ്ട്ര നാടക അക്കാദമി തലവന്‍ ശ്രീ: ഗബ്രിയേലോ അല്‍ക്കുല്‍ത്തീറ്‌റ്‌റോ ജിപ്പൂസ് അവാര്‍ഡ് ദാന ചടങ്ങിനു ശേഷമുള്ള പത്രസമ്മേളനത്തില്‍ അറിയിച്ചു.

നാടകാന്ത്യം: പൗരന് പട്ടിയുടെ വില പോലും നല്‍കാത്ത ആണും പെണ്ണും കെട്ട അധികാരി വര്‍ഗ്ഗം സായ്പ്പിന് മുമ്പില്‍ നട്ടെല്ലും ഒടിച്ചു മടക്കി നില്‍ക്കുമ്പോള്‍ 'ഇപ്പോള്‍ കിട്ടുന്നത് കിട്ടി' എന്ന ബോധ്യത്തില്‍ ഒരു കോടി വാങ്ങി രാജിയായ ആ കുടുംബത്തെ, അവരുടെ നിസ്സഹായതയെ കുറ്റം പറയുന്നത് ക്രൂരതയാണ്.

'കൊല്ലപ്പെട്ടവര്‍ ഇന്ത്യക്കാരനാണെന്നത് കേന്ദ്രം ഓര്‍ക്കണം'

നാടകാന്ത്യം ബാക്കിയാവുന്നത് പൗരന്‍റെ അവസാന അഭയകേന്ദ്രത്തില്‍ നിന്നുള്ള ഇത്തരം ചില ഇടപെടലുകള്‍ മാത്രമായേക്കാം.സായ്‌പിനു മുമ്പില്‍ കവാത്ത് മറന്ന് കൊണ്ടേയിരിക്കുന്ന ഭരണകൂട ഷണ്ഡന്മാര്‍ക്കെതിരെയുള്ള ശക്തമായ വാക്കുകള്‍.

വിസ

2012-04-15T13:12:00.005+03:00

കൈപ്പറ്റി.
ഖല്‍ബ് കോരിയൊഴിച്ചൊരു
കുറിമാനം.

പരിഭവങ്ങള്‍,
പൊട്ടിത്തെറികള്‍,
അവസാനം
കണ്ണീരില്‍ കുതിര്‍ന്നൊരു
മുത്തവും.

കണ്ഡമിടറിയതു നേര്.
കരളു പിടഞ്ഞൊന്ന് തേങ്ങിയതും നേര്.
കാഴ്ച മറച്ചു-
കാല്‍ക്കീഴില്‍ വീണുടയാന്‍ വെമ്പിയ
കണ്ണീര്‍ കണങ്ങള്‍,
കൈ വിരലാല്‍ കോരിയെടുത്ത്
കുടഞ്ഞെറിയുമ്പോള്‍...

കണ്മണീ.. .
കെറുവ് അന്നു
കടല്‍ കടന്നെത്തിയ
കവറിനോടായിരുന്നു.

പ്രതീക്ഷിച്ചിരുന്നില്ലെടി പെണ്ണേ...

2012-03-25T23:12:00.007+03:00

ഖുബ്ബൂസ് വലിച്ച് കീറി പീസാക്കി വായില്‍ തിരുകി ഉള്ളിലേക്ക് കുത്തിയിറക്കുന്നതിനിടയിലാണ് ആരവം കേട്ടത്.അകമ്പടിയായി തോഴിമാരുടെ പൊട്ടിച്ചിരിയും കൈവിളക്കിന്‍ വെള്ളിവെളിച്ചവും കൂടിയായപ്പോള്‍ ഉറപ്പിച്ചു.പ്രിയപ്പെട്ടവളുടെ വരവ് തന്നെ.

പിടഞ്ഞെണീറ്റ് കൈ കഴുകി ഓടി വന്ന് ജനല്‍‌പ്പാളി തുറന്ന് നോക്കി.വല്ലാതായിപ്പോയി.ഒരു വാക്ക് മിണ്ടാതെ, ഈയുള്ളവനെ ഒരു നോക്ക് കാണാതെ അവള്‍ പൊയ്പ്പോയിരിക്കുന്നു.മൂന്ന് മാസം മുമ്പ് നാട്ടില്‍ പോയ സമയത്തും പ്രിയപ്പെട്ടവളുടെ സുന്ദരമുഖമൊന്ന് കാണാനോ ആ കൊലുസിന്‍ കിലുക്കമൊന്ന് കേള്‍ക്കാനോ കഴിഞ്ഞിരുന്നില്ല.എന്‍റെ ഹൃദയതാളമായ മഴത്തുള്ളിക്കിലുക്കം.അങ്ങകലെ മാമലനാട്ടില്‍ മഴ പെയ്യുന്നതും പിന്നെ മരം പെയ്യുന്നതും യൂട്യൂബില്‍ കണ്ട് നിര്‍‌വൃതിയടയാറാണ് പതിവ്.

ഒന്ന് വാരിപ്പുണര്‍ന്ന് മരുക്കാട് ചുട്ടുപഴുപ്പിച്ച മനസ്സും ചിന്തകളും തണുപ്പിക്കാനായി ഓടി വന്നതായിരുന്നു.ഒന്ന് തൊട്ടാല്‍, നീ ആര്‍ത്തിരമ്പുന്നതൊന്ന് കണ്ടാല്‍, നിലത്ത് വീണ് നീ പൊട്ടിച്ചിതറുന്നതിനൊപ്പം സര്വ്വം മറന്നിത്തിരി നേരം തുള്ളിച്ചാടിയാല്‍ നീ പെയ്തൊഴിയുന്നതിനൊപ്പം ഉള്ളിലെ കാര്‍മേഖങ്ങളും ഒഴിയുമായിരുന്നു..

അല്ലെങ്കിലും ഈയിടെയായി ഈയുള്ളവനെ ഗൗനിക്കുന്നേ ഇല്ല നീ.നാട്ടില്‍ പോയി കാത്തിരുന്നിട്ടും ഒന്ന് കനിഞ്ഞില്ല.ഇപ്പൊ ഇവിടെയും! നിനച്ചിരുന്നില്ലെടി പെണ്ണേ നിന്‍റെ വരവ്.വരാന്‍ വൈകിയതിലുള്ള പിണക്കമാണോ? ക്ഷമിക്ക് എന്നാല്‍ .എനിക്ക് നീയും നിനക്ക് ഞാനുമല്ലേ ഉള്ളൂ..ഒരു വട്ടം കൂടി വന്നണയൂ കിളിമകളേ...ഒന്നു കണ്ടോട്ടെ ആ പൂമുഖമൊന്ന് !

കാത്തു കാത്തങ്ങിരിക്കട്ടെ ഞാന്.ഇനി വന്നണഞ്ഞില്ലെന്നാലും നിനക്കായുള്ള ഈ കാത്തിരിപ്പിനും ഒരു സുഖമാണ്... :(

വിശുദ്ധ വെടിയും വിശുദ്ധ പ്രതികളും

2012-03-12T23:36:00.002+03:00

ഇറ്റാലിയന്‍ വിശുദ്ധ പ്രതികള്‍ക്ക് ജയിലിനു പകരം ഊട്ടിയിലോ കൊടൈക്കനാലിലോ ചുരുങ്ങിയത് മൂന്നാറിലെങ്കിലും സുഖവാസത്തിന് അനുമതി നല്‍കണമെന്ന് ആവശ്യപ്പെട്ട് കൊണ്ടുള്ള ഇറ്റാലിയന്‍ വിദേശകാര്യ സഹമന്ത്രിയുടെ കത്തിനെക്കുറിച്ചുള്ള പത്ര വാര്‍ത്ത സഹനത്തിന്‍റെ നെല്ലിപ്പലക തകര്‍ത്തത് കൊണ്ടും ഇജ്ജ് ആപ്പീസിലിന്ന് കാര്യമായ പണിയൊന്നും എടുക്കണ്ട മോനേന്ന് മൊയ്‌ലാളി മൊഴിഞ്ഞത് കൊണ്ടും ഇരുന്നതാണ്.ഔട്ട് ഓഫ് ഫാഷനായെന്ന് തോന്നുന്നവര്‍ ചുമ്മാ ഒന്ന് കണ്ണടച്ചേക്കുക.

ഏതെങ്കിലും തരത്തിലുള്ള ക്രിമിനല്‍ കേസില്‍ അറസ്റ്റിലായി കോടതി വ്യവഹാരങ്ങളുടെ ഭാഗമായി റിമാന്‍ഡിലായാല്‍ ഡോ:മന്മോഹനായാലും ലഫ്റ്റനന്‍റ് കേണല്‍ പത്മശ്രീ മോഹന്‍ ലാലായാലും ദപ്പര്‍ത്തെ മൊമ്മദോ കമ്മദോ ജോസപോ ആയാലും അതിനി നമ്മുടെ രായപ്പന്‍ തന്നെയായാലും ജയിലിലേക്ക് സെന്‍ഡലാണ് നാട്ടുനടപ്പ്.ഭാരതത്തിന്‍റെ ടെലികോം മന്ത്രി പുങ്കവനാണെന്നു വെച്ച് ഘഠാഘഠിയനായ രാജയെ സ്വന്തം കുടുമത്തേക്ക് 'റിമാന്‍ഡ്' ചെയ്ത പതിവും നമുക്കില്ല.

പിന്നെ ഈ ഈ പുന്നാര മക്കള്‍ക്കെന്നതാ ഇത്ര പ്രത്യേകത? ഇവന്മാര്‍ക്കെന്നാ കണ്ണോ മൂക്കോ ചെവിയോ ഇനി സുനയോ നുമ്മ ഭാരതീയരേക്കാളും ഒന്ന് കൂടുതലുണ്ടോ?

നിരായുധരും സാധുക്കളുമായ രണ്ട് പച്ച മനുഷ്യരെ ഒരു പ്രകോപനവും കൂടാതെ കൊന്ന് തള്ളിയ കേസില്‍ ജയിലില്‍ കഴിയുന്ന ഇറ്റാലിയന്‍ നാവികരെ ജയിലിനു പുറത്തേക്ക് മാറ്റിപ്പാര്‍പ്പിക്കണമെന്ന് ! ഈ ആവശ്യം ഉന്നയിച്ച് കൊണ്ടുള്ള കത്ത് ജയില്‍ ഡി.ജി.പി തീരുമാനമെടുക്കാനായി ആഭ്യന്തര വകുപ്പിനു കൈമാറിയിട്ടുണ്ടത്രെ.(ഇന്നത്തെ പത്ര വാര്‍ത്ത)

ഈ വെള്ളരിക്കാ പട്ടണം, വെള്ളരിക്കാ പട്ടണം എന്നൊക്കെ പറയുന്നത് അങ്ങു ഉഗാണ്ടയിലൊന്നുമല്ലെന്ന് അടിവരയിടുന്നു പത്ര വാര്‍ത്തകള്‍... . തൊണ്ടി പിടിച്ചെടുക്കല്‍ ഓപ്പറേഷനും അന്വേഷണ മാമാങ്കവും കണ്ട് 'പുളകിതരാ'യിരിക്കുന്ന ജനങ്ങളെ നോക്കി ഗോക്രി കാണിക്കുന്ന മറ്റൊരേര്‍പ്പാട്.

വെടിവെപ്പ് കേസിലെ തൊണ്ടിയായ തോക്ക് ദോണ്ടെ നമ്മുടെ യീ കൊച്ചി കടാപ്പൊറത്തെ തെങ്ങിന്‍മേല്‍ പിടിച്ച് കെട്ടിയിരിക്കുന്ന ലോ ലാ കപ്പലില്‍ പോയൊന്ന് എടുത്തേച്ചും വരാന്‍ നുമ്മടെ ഏമാന്മാര്‍ എടുത്തത് പത്ത് ദിവസം.വെടി വെച്ച തോക്ക് വെടി മരുന്നുമായി അതേ കോലത്തില്‍ ഏമാന്മാര്‍ വരുന്നത് വരെ പട്ടില്‍ പൊതിഞ്ഞ് കാത്ത് സൂക്ഷിക്കാന്‍ മാത്രം വകുന്തന്മാരാണ് ഇറ്റലിക്കാര്‍ എന്നാണ് പുന്നൂസച്ചായന്‍റെ പൊല്ലീസിന്‍റെ പക്ഷം.ഇരിക്കട്ടെ.ബാക്കി വിധി വരുമ്പോള്‍ പറയാം.

അവസാനം ഇറ്റാലിയന്‍ വിശുദ്ധപ്രതികളെ കസ്റ്റഡിയിലെടുത്ത് സുഖവാസ കേന്ദ്രത്തിലെത്തിച്ച് ചോദ്യം ചെയ്ത് 'പീഢിപ്പിക്കുന്ന' കോലവും ചാനലുകളില്‍ കണ്ടു നാം കോള്‍മയിര്‍ കൊണ്ടു.പൊതുനിരത്തില്‍ വെച്ച് ആരെങ്കിലുമൊരു ബീഡിക്കുറ്റി പുകച്ചാല്‍ പുകച്ചവന്‍റെ കരണം പുകയ്പ്പിക്കുന്ന നമ്മുടെ പോലീസ്, ഹെല്‍മെറ്റ് ധരിക്കാതെ ടുവീലറില്‍ കറങ്ങുന്ന പൗരന്മാരുടെ ജീവനില്‍ ആശങ്ക പൂണ്ട് വണ്ടിക്ക് പിറകെ പാഞ്ഞ് ലാത്തി കൊണ്ടവരെ അടിച്ച് വീഴ്ത്തി ബോധവത്ക്കരിക്കുന്ന മ്മ്ടെ പോലീസ്.ഇവരില്‍ മൂത്ത ചേട്ടന്മാരുടെ മൂക്കിലേക്കാണ് മാസ്സിമിലാനോയും സാല്‍വദോര്‍ ഗിരോനും പുകയൂതി വിട്ടിരുന്നത്.

സായിപ്പിനെ കാണുമ്പോള്‍ കവാത്ത് മറക്കുക എന്ന ചൊല്ല് ചുമ്മാ എഴുതാനും പറയാനും മാത്രം ഉണ്ടാക്കിയതല്ലെന്ന് സാരം.തള്ളക്കും തന്തക്കും വിളിച്ചിരുന്നത് പിന്നെ ഇറ്റാലിയന്‍ ഭാഷയിലായിരുന്നതിനാല്‍ ഏമാന്മാര്‍ക്ക് മനസ്സിലായിക്കാണത്തില്ലെന്ന് വെക്കാം.ഇവര്‍ വായ തുറന്ന് നാല് വാക്ക് ഉരിയാടിയാല്‍ അതിലൊന്ന് 'പുത്താന' എന്നായിരിക്കുമെന്നത് കുറഞ്ഞ കാലത്തെ അനുഭവം.motherfucker, son-of-a-bitch എന്നോ മറ്റോ ആണ് ആംഗലേയം :)

നൂറ് കോടി ഭാരതീയന്‍റെ (ആലഞ്ചേരി തമ്പ്രാക്കളെ ഈ കൂട്ടത്തില്‍ എണ്ണിയിട്ടില്ല) ക്ഷമ ഇനിയും പരീക്ഷിക്കല്ലെ സാറന്മാരെ.ശിക്കാരി ശംഭുവിനെ വെച്ച് അന്വേഷിപ്പിച്ച് വിശാരണ ചെയ്ത് ലെവന്മാരുടെ സുനയില്‍ കാന്താരി മൊളക് തേച്ച് കരയിപ്പിക്കുമെന്ന പ്രതീക്ഷയൊന്നും പാവമീ ജനതക്കില്ല.അറ്റ്ലീസ്റ്റ് ആ ഗോതമ്പുണ്ടെയെങ്കിലും അതിനി ഇറ്റാലിയന്‍ വിശുദ്ധ മാവ് കൂട്ടിക്കുഴച്ച് പണ്ടാരടങ്ങിയതാണേലും വേണ്ടില്ല, ഇച്ചിരി ദിവസമെങ്കിലും തീറ്റിക്കടെയ്.

പോയളിയോ..

2012-02-24T22:54:00.008+03:00

അങ്ങനെ എന്‍റെ ഊഴമായി.കാറിനടുത്തെത്തി ഡോറ് പയ്യെ തുറന്നു നീട്ടിയൊരു സലാം പറഞ്ഞു.അസ്സലാമു അലൈക്കും സര്‍.'അലൈക്കും' എന്നതിലെ 'ഐന്‍' എന്ന അക്ഷരം പടച്ചോന്‍ തന്ന ഭവ്യത മുഴുവനും ആവാഹിച്ച് കൂട്ടിക്കുഴച്ച് പുറത്തെത്തിച്ചപ്പോള്‍ 'ഐനിനു' പകരം അത് വേറെന്തൊക്കെയോ ആയി പരിണമിച്ചിരുന്നുവെന്നത് വാസ്തവം.

വ‌‌അലൈകുമുസ്സലാം.താഴ്മയോടെ സീറ്റ് പോലും അറിയാതെ ഞാന്‍ കയറിയിരുന്നു.സീറ്റ് ബെല്‍റ്റ് വലിച്ചിട്ടു.സൈഡ് മിറേര്‍സ് രണ്ടും കിറുകൃത്യം.എങ്കിലും പഠിപ്പിച്ച് വിട്ട പോലെ ഇടത് വശത്തെ മിററൊന്ന് മുകളിലേക്കും താഴേക്കും തിരിച്ചു.വലതു വശത്തെ മിററിനായി കൈനീട്ടി.ഒന്ന് രണ്ട്.ആഞ്ഞെത്തിച്ചിട്ടും പണ്ടാരം നടക്കുന്നില്ല.മൂന്നാമതൊരുവട്ടം കൂടി തുനിഞ്ഞപ്പോള്‍ പോലീസുകാരന്‍ ബ്ലോക്കീട്ട് മൊഴിഞ്ഞു.ആ ബെല്‍റ്റഴിച്ചിട്ട് സര്‍ക്കാസിക്കെട ഗഡീ...

ശ്ശൊ...വെപ്രാളത്തിനിടയില്‍ അതങ്ങു മറന്നു ഞാന്‍.ബെല്‍റ്റ് അഴിച്ച് വലത്തെ സൈഡ് മിറര്‍ മുകളിലേക്കും താഴേക്കും നീക്കുന്ന ആ സുനയില്‍ ആഞ്ഞൊന്ന് പിടിച്ചു.ഡിം...ദാ കിടക്കുന്ന് സുന കയ്യില്‍!മിറര്‍ ആണെങ്കിലോ‍ ഭൂമീദേവിക്ക് സമാന്തരമായി ചെരിഞ്ഞു.ബദ്‌രീങ്ങളെ കെണിഞ്ഞല്ല.മലം കാലിലായ കോലത്തിലായി ഞാന്‍.പൊട്ടിപ്പോന്ന സുന കയ്യില്‍ പിടിച്ച് ശുര്‍ത്തയെ ദയനീയമായൊന്ന് നോക്കി.മാലിഷ് മൈ ശുര്‍ത്താജീ..യീ മൈല്‍‌വാഹനം ജാംബവാന്‍റെ കാലത്തുള്ളതാണ് സാആആര്‍...മാപ്പാക്കണേ എന്ന് കണ്ണു കൊണ്ടു മൊഴിഞ്ഞു.നാട്ടിലാണെങ്കില്‍ ചെകിട് മൂളേണ്ട ടൈം കഴിഞ്ഞു.ഫാഗ്യത്തിന് ശുര്‍ത്തേട്ടന്‍ പൊട്ടിച്ചില്ല.തരിച്ചിരിക്കുന്ന എന്നെ നോക്കി അങ്ങോര്‍ പുറത്തേക്ക് വിരല്‍ ചൂണ്ടി.ഇറങ്ങിപ്പോയി മിറര്‍ നേരെയാക്കെടാ യെന്ന്.

പയ്യെ ഇറങ്ങി മിറര്‍ പൂര്‍‌വ്വസ്ഥിതിയിലാക്കി തിരിച്ച് വന്നിരുന്നു.സീറ്റ് ബെല്‍റ്റിട്ടു ബിസ്മി ചൊല്ലി ഫസ്റ്റ് ഗിയറിട്ടു.തെല്ലൊരു കുലുക്കത്തോടെയും ഞരക്കത്തോടെയും ശകടം മുന്നോട്ട് നീങ്ങി.സെക്കന്‍റ്, തേര്‍ഡ്, ഫോര്‍ത്ത്.ഹോ..എവിടുന്നൊക്കെയോ കുറച്ച് എയര്‍ വലിച്ചെടുത്ത് ദീര്‍ഘമായിത്തന്നെ പുറത്തേക്ക് വിട്ടു.ഓടിയോടി സാധനം ഒരു റൗണ്ട് എബൗട്ടിലെത്തി.സാമാന്യം സ്പീഡൊക്കെ ഉണ്ടേലും മൂന്ന് പോര രണ്ടാം ഗിയറില്‍ തന്നെ ആക്കിയിട്ടേ വണ്ടി എടുക്കാവൂ എന്നാണു പഠിപ്പിച്ച മാസ്റ്ററുടെ ഓര്‍ഡര്‍.

നാലില്‍ നിന്ന് മൂന്ന് പിന്നെ രണ്ട്.ചില്ലറപ്പണിയാപ്പാ യിത്! ബ്രേക്ക് ചവിട്ടി വണ്ടിയുടെ വേഗത കുറച്ചു.രണ്ടാം ഗിയറാക്കിയെന്ന ധാരണയില്‍ വണ്ടി മുന്നോട്ടെടുത്തു.മൂന്നില്‍ നിന്ന് നേരെ നാലിലേക്ക് തന്നെയായിരുന്നെടെയ് സാധനം വീണിരുന്നത്.കൂതറ ഗിയര്‍! ധനുഷിന്‍റെ ഥപ്പാംകൂത്ത് പോലെ കാറ് നാലു തുള്ള് തുള്ളി.കൂടെ ശുര്‍ത്തേട്ടനും.വണ്ടിയുടെ ചലനം നിലച്ചു.കൂടെ എന്‍റെ ഹൃദയമിടിപ്പും.

വണ്ടി സ്റ്റാര്‍ട്ട് ചെയ്തു റൗണ്ട് എബൗട്ടില്‍ നിന്നും ഒരുവിധം പുറത്തെത്തിച്ചു.റൗണ്ട് എബൗട്ട് കഴിഞ്ഞ പാട് തന്നെ റോഡിന് സൈഡിലേക്ക് കൈചൂണ്ടി വണ്ടി പാര്‍ക്കിക്കോളാന്‍ പറഞ്ഞു ശുര്‍ത്ത.പയ്യെ പാര്‍ക്ക് ചെയ്തു പുറത്തിറങ്ങുമ്പോള്‍ പറയണമെന്നുണ്ടായിരുന്നു. 'ചേട്ടാ മ്മ്‌ളു നാല് കൊല്ലമായി നാല് ചക്രത്തില്‍ നാട്ടില്‍ വിലസുന്നു.നാട്ടില്‍ നരിയാണു, ശിങ്കമാണു.' പറയാന്‍ ഗഡി ഒന്ന് നോക്കണ്ടേ ഇഞ്ഞാട്ട്.സര്‍‌വ്വം തകര്‍ന്ന് ഞാന്‍ ഇറങ്ങിപ്പോന്നു.

അങ്ങനെ തിരികെ ഡ്രൈവിങ് സ്കൂളിലെത്തി.ഏറെ കാത്തിരിക്കേണ്ടി വന്നില്ല.ഞങ്ങള്‍ പത്ത് പതിനെട്ട് പേരെ വിളിച്ച് നിരത്തി നിര്‍ത്തി സുഡാനിയൊരുത്തന്‍.ഉടന്‍ പ്രഖ്യാപനം വന്നു. 'യു ഫെയില്‍ദ്.ഗോ ഹോം.' ഓന്‍റെ ഓഞ്ഞ ഇംഗ്ലീഷിലെ ഡയലോഗ് കേട്ടപ്പോ എന്തോ ചൊറിഞ്ഞു വന്നു.തോറ്റത് തോറ്റ്.വീട്ടീ പോവാന്‍ പറയാന്‍ നീയാരാടാ തെണ്ടീ..

അങ്ങനെ കന്നി ടെസ്റ്റ് പോയളിയന്മാരേ..ആ 'ഐന്‍' എന്നക്ഷരം പുറത്തെത്തിക്കാന്‍ ഞാന്‍ പെട്ട പാടെങ്കിലും പരിഗണിച്ചിരുന്നെങ്കില്‍ :(

മോഡീജി കീ ജയ്

2011-09-18T23:03:00.012+03:00

മാറില്‍ പറ്റിച്ചേര്‍ന്നു മയങ്ങിയിരുന്ന

കുഞ്ഞു മകളുടെ

കത്തിക്കരിഞ്ഞ കോലം

ഉറക്കം കളയാതെയല്ല.

പിച്ചിച്ചീന്തിയെറിയുമ്പോള്‍

പ്രിയ മാനസിയുടെ

തൊണ്ടയില്‍ കുരുങ്ങിയ നിലവിളി

കര്‍ണ്ണപുടങ്ങളില്‍ വന്നലക്കാതെയല്ല.

അവളുടെ ജനനേന്ദ്രിയം തുളച്ചിറങ്ങിയ

കത്തിയിലൂടെ ഊര്‍ന്നിറങ്ങിയ

ചോരച്ചാലുകള്‍

ഓര്‍മ്മകളിലൂടെ ഒഴുകുന്നുണ്ടിന്നും.

വിറക്കുന്ന കൈകാലുകള്‍,

കണ്ണുകളിലെ ദയനീയത

ഇന്നും കരളു തകര്‍ക്കുന്നുണ്ട്

നെഞ്ചുരുക്കുന്നുണ്ട്.

പെറ്റുമ്മയുടെ

പിളര്‍ന്ന വയറ്റിലൂടെ

ചാടിയ കുടല്‍മാല,

പിഞ്ചു മകന്‍റെ

പിടക്കുന്ന ഹൃദയം,

പാതി കരിഞ്ഞ മുഖം..

മരിച്ചാലും മറക്കാത്ത

ഓര്‍മ്മകള്‍!

ഓര്‍മ്മയിലുണ്ട് എല്ലാമെല്ലാം.

എങ്കിലും ശേഷിയില്ലെനിക്ക്

ഉള്ളു തുറന്നൊന്ന് കരയാന്‍ പോലും.

ബാക്കിയായ ശ്വാസമെങ്കിലും

നിലനിര്‍ത്തണം.

വാഴ്ത്തട്ടെ ഞാനും

ഭാവി പ്രധാനമന്ത്രിയെ.

വരവേല്‍ക്കട്ടെ

ജനനായകനെ.

മോഡീ ജീകീ ജെയ്

മോഡീ ജീകീ ജെയ്..

എന്നിരുന്നാലും പ്രിയ നായകാ

ഒരേയൊരു ചോദ്യം.

ഓര്‍മ്മയുണ്ടോ ആ ദിനം,

കറുത്തിരുണ്ട ഫെബ്രുവരി?

മിയാന്‍ ഖുത്ത്ബുദ്ധീന്‍,

നരോദ, ഗുജറാത്ത്.

മരണം ഒഴുകിയ വഴി

2011-09-02T17:38:00.009+03:00

വിക്ടറിന്‍റെ അവസാന ക്ലിക്ക്

ഒഴുകി വരുന്നുണ്ടെന്തോ
മലയോ മരമോ!
എന്താകിലുമവര്‍ണ്ണനീയം
നിന്‍ സൗന്ദര്യം.

മതി മറന്നലറി വരുന്നുണ്ട്
മാറില്‍ വന്നലക്കാന്‍.
ഇനിയത് മരണമാകിലും
മനസ്സില്‍ മയിലാടുന്നത്
നിന്‍ നിറ സൗന്ദര്യം മഴമകളേ..

മണ്ണും മരവും കൊണ്ടെന്നെ നീ

മൂടിയാലും

ഈ മഴക്കാട്ടിലെന്‍ സ്വപ്നങ്ങളെ

മറമാടിയാലും

മറക്കില്ല

മഞ്ഞണിഞ്ഞ നിന്‍ മുഖം.

മുടിയില്‍ ഈറനണിഞ്ഞ്

മാമല നാട്ടില്‍ നീ വിരുന്നെത്തുമ്പോള്‍

വന്നണയും ഞാന്‍
മരണം ഒഴുകിയീ വഴിത്താരയില്‍.

കാലം ഏതേത്
ദിക്കിലൊളിപ്പിച്ചാലും
ആവില്ല മറഞ്ഞിരിക്കാന്‍
നിന്നെ പിരിഞ്ഞിരിക്കാന്‍.

(പോട്ടം, കട: ഗൂഗിളിന്)

ഇതെന്‍റെ പട്ടി വിശ്വസിക്കും

2011-05-25T20:26:00.016+03:00

റ..റ..റാങ്കോ! മലപ്പുറത്തോ!

റാ..റാ.. റാങ്കെന്ന് വിക്കല് കൂടാതെ ഒന്ന് മൊഴിയാന്‍ പോലും കഴിയണില്ല എനിക്കിപ്പോള്‍.മലപ്പുറത്തെ ഒരു ഇര്‍.. ഇര്‍.. ഇര്‍ഫാനാണു റാ..റാ റാങ്കെന്ന് കേട്ടപ്പോള്‍ മുതല്‍ തുടങ്ങിയതാ.ഒരസ്കിത.ഒരു ശ്വാസം മുട്ടല്‍.ഒരു വിമ്മിഷ്ടം.ഈ സൂക്കേടിന് എന്തെങ്കിലും പേരുണ്ടോ ആവോ.ഈ മല.. മല..(ശ്ശോ കണ്ടില്ലേ) മലപ്പുറംന്ന് കേള്‍ക്കുമ്പോള്‍ തന്നെ യെന്തോ ഒരു :(

സത്യത്തില്‍ ഇന്നത്തെ പത്ര വാര്‍ത്ത കണ്ടപ്പോഴാണ് സമനില തെറ്റിയത്.അങ്ങ്ട് സഹിക്കണില്ല.അല്ലെങ്കി ഇങ്ങനുണ്ടോ ഒരു റ..റ..റാങ്ക്! മലപ്പുറത്തുകാര് ഒന്നാം റാങ്കില്‍ ജയിക്കുക, അതും ലോട്ടറ് ഭാഗം പഠിക്കാനുള്ള പരൂഷക്ക്.എന്‍റെ പട്ടി വിശ്വസിക്കും.ഇത് കോപിയടി തന്നെ.നോ ഡൗട്ട്.

ചുമ്മാ പറയുന്നതല്ലെടെയ്.നോക്ക്.ആരാണ് റാങ്ക് പ്രഖ്യാപിച്ചത്?നല്ല ഒന്നാന്തരം മല..മല..മ്മല്‍പ്പൊര്‍ത്തുകാരനൊരു കാക്ക.പാണ്ടിക്കടവത്ത് അദ്ദു റബ്ബ്.അതും അധികാരമേറ്റെടുത്ത് മണിക്കൂറുകള്‍ക്കുള്ളില്‍.'അന്‍റെ ഒടുക്കത്തെ പച്ചക്കൊടിയും അതിലെ തീവ്രാദ, ഭീകരാദ സിംബലായ ചന്ദ്രക്കലയും പാക്കിസ്ഥാനെ ഓര്‍മ്മിപ്പിക്കുന്നെടാ ലീഗുകാരാ' യെന്ന് കര്‍ണാടക ജയിലില്‍ കിടക്കുന്ന മൂത്ത തീവ്രാദി മദനി സായ്‌വ് പോലും കുറ്റപ്പെടുത്തിയ പാര്‍ട്ടിയുടെ നേതാവ്.എന്തിനേറെ പറയുന്നു നിങ്ങളും കണ്ടതല്ലെ മലപ്പൊറത്തെ ഇലക്ഷന്‍ വിജയാഘോഷം.പച്ച ലഡു, പച്ച ബിരിയാണി, പച്ച വെള്ളം.ആകെക്കൂടിയൊരു പാക്കിസ്ഥാന്‍ മയം.എനിക്കാണെങ്കി ഈ പച്ച എന്ന് കേള്‍ക്കുന്നത് പണ്ടേ അലര്‍ജിയാ.ഈ തോന്നലുകളൊക്കെ ഇനി അതിന്‍റേയാണോ എന്തോ..!

ഒരു ടീം 20 വര്‍ഷം കൊണ്ട് നാട്ടിലെ അമുസ്ലിം പെണ്ണുങ്ങള്‍ക്കൊക്കെ പള്ളേലാക്കി കാക്കാ കുട്ടികളെ വ്യാവസായികാടിസ്ഥാനത്തില്‍ തന്നെ ഉത്പാദിപ്പിച്ച് കേരളത്തെ ഒരു കാക്കാ കൂട്ടമാക്കാന്‍ കൈ മെയ് മറന്ന് പണിയെടുക്കുന്നു.മറ്റൊരു ടീം ദാ ഇങ്ങനേം.എല്ലാം കാണാന്‍ കേരളീയരുടെ ജന്മം ഇനിയും ബാക്കി.

ഇതിലെന്തൊക്കെയോ കാക്കക്കളിയുണ്ടെന്ന് പണ്ടേ പറഞ്ഞതാ മ്മ്ടെ മാമന്‍.അന്നെല്ലാ ക്ണാപ്പന്മാരും കൂടി ആ കാര്‍ന്നോരുടെ മെക്കിട്ട് കയറി.എല്ലാരും അനുഭവി.മുസ്ലിം മതമൗലിക പാര്‍ട്ടി വിദ്യാഭ്യാസം വിട്ടു കൊടുക്കാതെ അടയിരിക്കുന്നതിനു പിന്നില്‍ ഇത്തരത്തില്‍ എന്തൊക്കെയോ നിഗൂഢ ലക്‌ഷ്യങ്ങളുണ്ടെന്ന് തന്നെ സംശയിക്കേണ്ടിയിരിക്കുന്നു.നോക്കൂ ആ മന്ത്രീടെ പേരില്‍ തന്നെയില്ലേ എന്തോ ഒരു വശപ്പിശക്.'റബ്ബ് റബ്ബ്'! ഒന്നും യാദൃഛികമല്ലെന്ന് കരുതാന്‍ തന്നെയാണ് ന്യായം.

ചോദിക്കാനും പറയാനും ആകെക്കൂടി ഉണ്ടായിരുന്നത് ഒരു മാമനായിരുന്നു.മൂപ്പര്‍ക്കാണേല്‍ ഇപ്പോ വയസ്സായി.കുട്ടിക്കാലത്ത് ഐസ്റൂട്ട് നുണയാന്‍ പറ്റാത്തതിലുള്ള വിഷമമോ എന്തോ വായ തുറന്നാലിപ്പോ ഐസ്റൂട്ട്,ഐസ്ക്രീം എന്ന് മാത്രമേ കേള്‍ക്കാനൊള്ളൂ.

അതിനാല്‍ റ..റ..(പണ്ടാരടങ്ങാനിത് എന്നേം കൊണ്ടേ പോകൂന്നാ തോന്നുന്നത്) റാങ്കിന് പിന്നിലെ മലപ്പുറം കളികളെക്കുറിച്ച് സി.ബി.ഐ യെക്കൊണ്ട് തന്നെ അന്വേഷിപ്പിക്കുക ഇനിയുമിത് ആവര്‍ത്തിക്കാതിരിക്കാന്‍ മന്ത്രി സഭയിലെ മലപ്പൊറം തരംഗം എന്നെന്നേക്കുമായി അവസാനിപ്പിക്കുക (കണ്ടിട്ട് സഹിക്കണില്ലാന്നേ) അതുമല്ലെങ്കില്‍ ഈ റാങ്കിങ് സമ്പ്രദായം തന്നെ അങ്ങു എടുത്ത് കളയുക എന്ന് ഞാന്‍ ജിപ്പൂസ് കേരള മുഖ്യമന്ത്രി ശ്രീ ഊമ്മന്‍ ചാണ്ടിയോട് ഇതിനാല്‍ രേഖാമൂലം ആവശ്യപ്പെടുന്നു.

രഹസ്യം:മ്മ്ടെ ബ്ലോഗര്‍ മലപ്പുറത്തുകാരന്‍ ബഷീര്‍ വള്ളിക്കുന്നിനും കാലിക്കറ്റ് യൂനിവേര്‍സിറ്റിയില്‍ നിന്ന് രണ്ടു റാങ്കുകള്‍ കിട്ടിയതായി കേള്‍ക്കുന്നുണ്ട്.ഇനി അതും !

നീതിയുടെ വിജയം

2011-04-17T05:14:00.007+03:00

രാജ്യദ്രോഹം സംബന്ധിച്ച ഛത്തീസ്ഗഡ് സര്‍ക്കാരിന്‍റെ എല്ലാം വാദങ്ങളും ചവറ്റുകുട്ടയിലേക്കെറിഞ്ഞ് ബിനായക് സെന്നിനു ഉപാധികളില്ലാതെ സുപ്രീം കോടതി ജാമ്യം.പ്രഥമദൃഷ്ട്യാ തെളിവുകളില്ല.മാവോയിസ്റ്റുകളോടുള്ള അനുഭാവം രാജ്യദ്രോഹ കുറ്റവുമല്ല.ബിനായകില്‍ നിന്ന് 'പിടിച്ചെടുത്ത' (ഹാ.ലതന്നെ അത്യന്തം സ്ഫോടകശേഷിയുള്ള) ലഘുലേഖകള്‍ പൊതുസമൂഹത്തില്‍ ലഭ്യമായതാണ്.ഇത് വെച്ച് കേസെടുക്കാനാവില്ല.ഒരാളുടെ വീട്ടില്‍ നിന്ന് ഗാന്ധിയുടെ ആത്മകഥ കണ്ടെടുത്താല്‍ അയാള്‍ ഗാന്ധിയനാണെന്നാണോ അര്‍ഥം?നമ്മുടേത് ഒരു ജനാധിപത്യരാജ്യമാണെന്നത് നിങ്ങള്‍ എപ്പോഴും ഓര്‍ക്കണം.ഇനി നിങ്ങള്‍ ആരോപിക്കുന്ന കുറ്റങ്ങള്‍ ശരിയാണെങ്കില്‍ പോലും ഏതടിസ്ഥാനത്തിലാണ് അദ്ധേഹത്തിന് ജീവപര്യന്തം നല്‍കാനാവുക? (സുപ്രീം കോടതി)

ഇത് നീതിയുടെ വിജയം.ഭരണകൂട ഭീകരതക്ക് മുമ്പില്‍ മുട്ട് മടക്കാതെ പോരാട്ടവീഥിയില്‍ ഉറച്ച് നില്‍ക്കാനും മുന്നേറാനും ബിനായകിനും ഭരണകൂടത്തിന്‍റെ ചാട്ടവാറടി ഏറ്റുവാങ്ങിക്കൊണ്ടിരിക്കുന്ന അരുന്ധതിയെപ്പോലുള്ള മനുഷ്യാവകാശപ്രവര്‍ത്തകര്‍ക്കും ഈ വിജയം ഊര്‍ജ്ജവും പ്രചോദനവും നല്‍കട്ടെ എന്നാശംസിക്കുന്നു.

കോടതി വിധി തെല്ലൊന്നുമല്ല ആഹ്ലാദം നല്‍കുന്നത്.കൂരാ കൂരിരുട്ടിലെ മിന്നാമിനുങ്ങിന്‍ നുറുങ്ങ് വെട്ടം എന്നൊക്കെ പറയും പോലുള്ള ഒരു ഫീല്‍.ഭരണകൂടഭീകരരുടെ കറുത്തകരങ്ങളാല്‍ ജീവിതവും മോഹങ്ങളും ചവിട്ടിയരക്കപ്പെട്ട് കിരാത നിയമങ്ങളാല്‍ ചുറ്റിവരിഞ്ഞ് മരണം മണക്കുന്ന ഇരുട്ടറകളില്‍ അന്ത്യനിമിഷങ്ങളെണ്ണി കഴിയുന്ന നിരപരാധരായ മനുഷ്യമക്കള്‍ക്ക് പ്രതീക്ഷയുടെ വെള്ളി വെളിച്ചം നല്‍കുന്നുണ്ട് സുപ്രീം കോടതി വിധി.

ഭരണകൂടത്തിന്‍റെ കുടില മസ്തിഷ്കങ്ങള്‍ക്ക് നേര്‍ക്കുള്ള കൂര്‍ത്ത ഒരമ്പ് എന്നതോടൊപ്പം നീതി ബോധമുള്ളവരുടെ കുലമിനിയും അറ്റു പോയിട്ടില്ലെന്ന സന്ദേശവും നല്‍കുന്നു കോടതി വിധി.പരമോന്നത നീതിപീഠത്തിന് അഭിവാദ്യങ്ങള്‍.ബിനായകിന്‍റെ മോചനത്തിനായി അഹോരാത്രം പ്രയത്നിച്ച രാജ്യമെങ്ങുമുള്ള മനുഷ്യാവകാശപ്രവര്ത്തകര്‍ക്ക് ആഹ്ലാദിക്കാം, അഭിമാനിക്കാം.

മൊയ്‌ലി മൊഴികള്‍

സ്വാതന്ത്ര്യസമരക്കാലത്ത് സ്വാതന്ത്ര്യസമര സേനാനികള്‍ക്കെതിരേയും ഈ നിയമമാണ് ഉപയോഗിച്ചത്.ഇപ്പോഴത് നാം സ്വന്തം ജനങ്ങള്‍ക്കെതിരെ ഉപയോഗിക്കുന്നു.രാജ്യത്തിനെതിരെ അക്രമം നടത്തുന്നവര്‍ക്കെതിരെ മാത്രമാണ് ഈ നിയമം ഉപയോഗിക്കാന്‍ പാടുള്ളൂവെന്ന 1962-ലെ കേദാര്‍നാദ് സിങ് കേസില്‍ സുപ്രീം കോടതി വ്യക്തമാക്കിയതാണ്.ഈ നിയമത്തെക്കുറിച്ച് ഒട്ടേറെ ചര്‍ച്ചകള്‍ നടന്നിട്ടുണ്ട്.ജനാധിപത്യത്തിന്‍റേയും ഭരണഘടനയുടേയും അന്തസത്തക്ക് നിരക്കാത്ത നിയമമാണത്.(നിയമമന്ത്രി വീരപ്പമൊയ്‌ലി)

സന്തോഷം.എമണ്ടന്‍ അഭിപ്രായ പ്രകടനം തന്നെ.എന്നാല്‍ ബുദ്ധിയുദിക്കാനും തിരുവാ തുറന്ന് ഇതൊന്ന് മൊഴിയാനും ഇദ്ധേഹത്തിന് സുപ്രീം കോടതി വിധി വരുന്നത് വരെ കാത്തിരിക്കേണ്ടി വന്നുവെന്നത് വിഷമകരം.'സ്വന്തം പ്രജ'കാട്ടുനീതിയുടെ ഇരയായി ഇരുമ്പഴിക്കുള്ളില്‍ കിടന്ന് നരകിക്കുമ്പോള്‍ തിരുവായില്‍ നിന്നും ഈ മൊഴി മുത്തുകള്‍ പൊഴിയാതിരുന്നതെന്ത് കൊണ്ട്? 'കോടതിയുടെ പരിഗണനയിലിരിക്കുന്ന കേസില്‍ അഭിപ്രായ പ്രകടനം നടത്തുന്നത് മഹാപാതകം' എന്നൊക്കെയുള്ള പഠിച്ച് വെച്ച ന്യായീകരണങ്ങളുണ്ടാവാം.ഇതൊന്നും സ്വന്തം കുടുംബത്തെ ബാധിക്കുന്ന പ്രശ്നവുമല്ലല്ലോ.കൂടാതെ ഉള്ളിലായവന്‍ നമ്മുടെ അടിത്തറ കൂടി ഇളക്കാന്‍ പോന്നവനും.കിടക്കട്ടെയെന്ന് കരുതിക്കാണും.ഇനി സ്വന്തത്തെ ബാധിക്കുന്നതാണെങ്കിലോ, കോടതിയുമില്ലൊരു കോപ്പുമില്ല.പബ്ലിക്കിലിട്ട് അലക്കും നമ്മള്‍.

ഇരിക്കട്ടെ.രാജ്യത്തിന്‍റെ വിവിധഭാഗങ്ങളില്‍ നൂറുകണക്കിന് വരുന്ന 'സ്വന്തം ജനങ്ങള്‍' ഇപ്പറഞ്ഞ കോലത്തിലുള്ള കരിനിയമങ്ങളുടെ മറവില്‍ പീഢനങ്ങള്‍ക്കിരയായി വിവിധജയിലുകളില്‍ നരകയാതന അനുഭവിക്കുന്നുണ്ടെന്നത്, പൗരന്‍റെ അവസാന അഭയസ്ഥാനവും ഭരണകൂടത്തിന് ഓശാന പാടുന്നത് കാണ്‍കെ നൊന്ത് പെറ്റ മക്കളുടെ ദുരവസ്ഥയോര്ത്ത് ആരാലും അറിയപ്പെടാതെ രാജ്യമൊട്ടുക്കും അനസൂയമാര്‍ നീറിനീറി ഒടുങ്ങിക്കൊണ്ടിരിക്കുന്നത് ബഹുമാനപ്പെട്ട മന്ത്രിക്ക് ഇനിയും അറിയുമോ ആവോ?ബോധോദയം വന്ന സ്ഥിതിക്ക് ഒരു കണക്കെടുപ്പ് നടത്തി ഇത്തരം കരിനിയമങ്ങള്‍ പിന്‍‌വലിക്കാനുള്ള ഏര്‍പ്പാടുകള്‍ ചെയ്യരുതോ ബഹു: മന്ത്രീ..ഡയലോഗുകള്‍ ആത്മാര്‍ഥതയോടെ ആണെങ്കില്‍, അത് തന്നെയാണ് താങ്കളുടെ സ്വന്തം പ്രജകള്‍ ആഗ്രഹിക്കുന്നതും.

കുമ്പസാരം: ഇറോം പത്ത് വര്‍ഷമായി നിരാഹാര സമരത്തിലാണ്.സ്വന്തം ജനതയുടെ ജീവനും മാനത്തിനും വേണ്ടി.വെറും നാലു ദിവസത്തെ പട്ടിണി കൊണ്ട് അന്നാ ഹസാരേ നേടിയ വാര്‍ത്താ പ്രാധാന്യം പത്ത് വര്‍ഷം നിരാഹാരം കിടന്നിട്ടും എന്ത് കൊണ്ട് ഇറോമിനില്ലാതെ പോയി?ചോദ്യങ്ങള്‍ ചോദിച്ച് കൊണ്ടേയിരിക്കുക. വിഡ്ഢികളാക്കപ്പെടാതിരിക്കാനെങ്കിലും!

ഇറോം,

അഭിനവ ഗാന്ധിക്ക്

സ്തുതി പാടുന്നതിനിടയില്‍

ഒരു നിമിഷ മാത്രക്കെങ്കിലും

മറന്നുവോ നിന്നെ ഞങ്ങള്‍!

ഇല്ല പ്രിയപ്പെട്ടവളേ..

നിന്നോളം ഉയരത്തിലല്ല

ഒരു ഗാന്ധിയും.

പൊറുക്കൂ നീ

കഥയറിയാതെ ആട്ടമാടിയ

പാമരരാമീ ജനതയോട്.

മരം പെയ്യുന്ന നാട്ടില്‍

2011-03-05T11:20:00.018+03:00

കൂടെ നനഞ്ഞൊട്ടി നില്‍ക്കുന്നത് റിയു

കൊടും ചൂടും, മരവും മനവും മരവിപ്പിക്കുന്ന തണുപ്പും വിട്ട് നാട്ടിലെത്തിയിരിക്കുന്നു.മഴ പെയ്യുന്ന പിന്നെ മരം പെയ്യുന്ന എന്‍റെ നാട്.മഴപ്പെയ്ത്തിനൊടുവില്‍ മുറ്റത്തെ മുല്ല പൂത്ത മണവുമായെത്തുന്ന മന്ദമാരുതനുള്ള നാട്.പാതിരാക്ക് പൂക്കുന്ന പാലയും ഒറ്റയാന്മാരായ കരിമ്പനകളും അവക്ക് മുകളില്‍ പാര്‍ക്കുന്ന ചോരയൂറ്റിക്കുടിക്കുന്ന രക്തരക്ഷസ്സുകളും ചെറുപ്പക്കാരെ ചൂണ്ടാനായി നീണ്ട അഴിച്ചിട്ട മുടിയും നിലത്തിഴയുന്ന തൂവെള്ള സാരിയും ധരിച്ച് എത്തുന്ന സുന്ദരികളായ യക്ഷികളുമുള്ള നാട്.

വന്ന പിറ്റേന്ന് ബുള്ളറ്റെന്ന നുമ്മടെ ശകടവുമെടുത്ത് കൊടുങ്ങല്ലൂര്‍ വരെയൊന്ന് പോയതാ.പോയ പണിയും കഴിഞ്ഞ് തിരികെ വരാനിരിക്കുമ്പോഴാണ് അവളുടെ വരവ്.കുളിരു കോരി, മനം കുളിര്‍പ്പിച്ച് തൃശ്ശൂര്‍ പൂരം വെടിക്കെട്ടിനെ വെല്ലുന്ന ഒന്നാന്തരം ഇടിമിന്നലിന്‍റെ അകമ്പടിയോടെ എന്‍റെ കൂട്ടുകാരി.ഹാന്നേ ലവള്‍ തന്നെ.തുള്ളിക്കൊരു കുടം കണക്കെ എന്‍റെ വരവിനെ സ്വാഗതം ചെയ്തെന്നോണം ആര്‍ത്തലച്ച്...

മഴയുടെ യാതൊരു ലാഞ്ജനയുമില്ലാതിരുന്നിട്ടും ഈ അസമയത്ത് അവള്‍ വന്നത്..അതെ എനിക്കുറപ്പാണ് അവളെനിക്ക് വേണ്ടിത്തന്നെ വന്നതാ.ഒന്ന് സാന്ദ്വനിപ്പിക്കാന്‍, മരുക്കാട്ടിലിരുന്ന് തീപിടിച്ച ചിന്തകള്‍ക്കും മനസ്സിനും കുളിരേകാന്‍, കണ്ണീരൊഴുകി കട്ടപിടിച്ച കവിളിലെ പാടുകള്‍ നനുത്ത കൈകള്‍ കൊണ്ട് മായ്ച്ച് കളയാന്‍ എന്‍റെ പ്രിയ കൂട്ടുകാരി.

അനുജന്‍ റിയുവുമായി ശകടത്തില്‍ കയറി സ്റ്റാര്‍ട്ടാക്കി പയ്യെ വീട്ടിലേക്ക് തിരിച്ചു.കൊടുങ്ങലൂര്‍ മുതല്‍ വാടാനപ്പള്ളി റഹ്മത്ത് നഗര്‍ വരെ എന്‍റെ പ്രാര്‍ഥന പോലെത്തന്നെ മഴ നിലച്ചില്ലെന്നു മാത്രമല്ല അടിച്ചു തിമിര്‍ത്തങ്ങ്‌ട് പെയ്തു.ഹാഹ്!! ജീവിതത്തിലെ ആദ്യാനുഭവം.രണ്ട് മണിക്കൂറിലധികം!ഇത്രമേള്‍ മഴ നനഞ്ഞിട്ടില്ല ഞാനിത് വരെ.മഴ നല്‍കുന്ന, മനിതരുടെ മനമറിയുന്ന, അഴലകറ്റുന്ന ദൈവത്തിന് ഒരായിരം സ്തുതി.

ഉമ്മയുടെ വീട്ടിലാണ് രണ്ടു ദിവസമായിട്ട്.അവിടെ മുറ്റത്തെ മാവിലൊരു കുഞ്ഞു കിളിക്കൂടും അതില്‍ മൂന്നാല് കുഞ്ഞു മക്കളുമുണ്ട്.ഉറക്കം വിട്ടവര്‍ എഴുന്നേറ്റാല്‍, ന്‍റെ പടച്ചോനേ വല്ലാത്തൊരു ബഹളം തന്നെയാണേ.കലപില കൂട്ടി കൂക്കി വിളിച്ച് മുറ്റം അവര്‍ നാലു മുറ്റമാക്കും.അതിരാവിലെ എഴുന്നേറ്റ് പ്രഭാത കൃത്യങ്ങളും കഴിഞ്ഞ് വികൃതികള്‍ ഉറക്കമുണരുന്നതും കാത്ത് ഉമ്മറപ്പടിയില്‍ കുത്തിയിരിക്കലാണിപ്പോള്‍ പ്രധാന ജോലി.നാടുണരുന്നതിനും മുമ്പേ അവരുണര്‍ന്ന് കലപില തുടങ്ങും.

ഒന്ന് രണ്ട് ദിവസം ഒരു കള്ളിക്കുയിലമ്മയും വന്ന് സാന്നിധ്യമറിയിച്ചിരുന്നു.അവളെന്നെ മറന്നിട്ടില്ല എന്തായാലും.സന്തോഷായെടി പെണ്ണേ പെരുത്ത് സന്തോഷായി.കൂടെ പാടാത്തത് കൊണ്ടോ എന്തോ അവളെ പിന്നാ വഴിക്ക് കണ്ടില്ല.എന്‍റെ കള്ളിപ്പെണ്ണേ പഴയ പോലെയല്ല കാര്യങ്ങള്‍.ഇച്ചിരി വലുതായിരിക്കുന്നു നമ്മള്‍.കല്യാണപ്രായമായീന്ന് വീട്ടുകാരെക്കൊണ്ട് പറയിപ്പിക്കാന്‍ ഞാന്‍ പെട്ട പാട് വല്ലതുമുണ്ടോ ഇവളറിയുന്നു.ഇനി നിന്‍റെ കൂടെ നിന്ന് കൂവുന്നത് കേട്ടിട്ട് വേണം 'ചെക്കനിപ്പൊഴും ഒരു പക്വതയായിട്ടില്ലെന്നും' പറഞ്ഞ് വീട്ടുകാരെന്‍റെ കല്യാണമോഹങ്ങള്‍ക്ക് തിരശ്ശീലയിടാന്‍.നുമ്മടെ അവസ്ഥ മനസ്സിലാക്കൂ മകളേ പാതിമലരേ.തിരികെ വരൂ..

സത്യം പറയാലോ പ്രിയരേ.'നൊസ്റ്റ്' ഇങ്ങനെ തികട്ടി വന്ന് ചങ്കില്‍ വന്ന് കുത്തീട്ട് നിക്കാനും വയ്യ ഇരിക്കാനും വയ്യെന്ന അവസ്ഥ.അവളുടെ കൂടെക്കൂടി 'കൂഹു കൂഹു' എന്നുച്ചത്തില്‍ കൂവണമെന്നുമുണ്ടായിരുന്നു.ബട്ട്, മുകളില്‍ പറഞ്ഞ സംഗതി തന്നെ.കോപ്പ്‌ന്നേ സത്യായിട്ടും പ്യാടിച്ചിട്ടാ.അല്ലെങ്കിത്തന്നെ ഒന്നു കൂവീന്ന് വെച്ചിപ്പോ ന്തൂട്ട് കോപ്പിലെ പക്വതയാ ഇവിടെ കൊഴിഞ്ഞ് വീഴാന്‍ പോകുന്നേ? ഇന്‍ശാ അള്ളാഹ് പെണ്ണ് കിട്ടട്ടെ.കാണിച്ച് കൊടുക്കുന്നുണ്ട്.ഇവന്മാരുടെയൊക്കെ മുമ്പില്‍ തന്നെ നിന്ന് ലോകം മുഴുവന്‍ കേള്‍ക്കെ സര്‍‌വ്വം മറന്ന് കൂവും ഞാന്‍.ആഹ്.

എന്തോ ആയിപ്പോയി അവളുടെ കൂവല്‍ കേട്ടപ്പോള്‍.എങ്ങോട്ടൊക്കെയോ കൂട്ടിക്കൊണ്ട് പോകുന്നു ആ വശ്യമനോഹര നാദം.തൊടിയിലേക്കൊന്ന് ഇറങ്ങട്ടെ ഞാന്‍.മറ്റമ്മ(ഉമ്മാന്‍റെ ഉമ്മ) കിടപ്പിലാവുന്നതിന് മുമ്പേ പശുക്കളെയെല്ലാം വിറ്റിരുന്നു.അവരുടെ കാലശേഷം തൊഴുത്തും ഇടിച്ചു നിരത്തി.തൊഴുത്തിരുന്ന ഭാഗത്തെത്തി.നല്ല സുന്ദരികളായ കറമ്പിപ്പശുക്കള്‍ നിന്ന് 'ഉമ്പാആആആ' എന്നുച്ചത്തില്‍ നീട്ടി വിളിക്കുന്നുണ്ട്.ഒരു പ്രതിഷേധസ്വരം.വൈക്കോലും കാടിയും കൊടുത്ത് പൂവാലിയോട് കിന്നാരം പറഞ്ഞ് നിക്കാന്‍ മറ്റുമ്മ വൈകുന്നതിന്‍റെയാകാം.

ഇവിടെ കമാല്‍ മാമയെ സ്പര്‍ശിക്കാതെ കടന്ന് പോവാനാവാത്തതിനാല്‍ പറയട്ടെ.വിധി തളര്‍ത്തിയ ശരീരവുമായി കിടക്കുന്നുണ്ട് അദ്ധേഹം.മാമയുടെ മുറിയിലെ ജാലകത്തിലൂടെ കാണാം തൊഴുത്ത്.പൂവാലി അസ്വസ്ഥയാകുമ്പോള്‍ മാമയാണ് 'ഉമ്മാ പശു ദേ ബഹളം വെക്കുന്നു' എന്ന് മറ്റമ്മയെ വിളിച്ചറിയിക്കുക.കമാല്‍ മാമ അവിടെ കിടന്ന് നോക്കുന്നുണ്ട് എന്നതാണ് പൈക്കിടാവിനടുത്തേക്ക് പോകാന്‍ എനിക്കുള്ള ധൈര്യവും.പൂവാലിയെ സമാധാനിപ്പിക്കാനും ഇരുട്ട് നിറഞ്ഞ കൊച്ചുമുറിയില്‍ കിടന്ന് കൊണ്ട് ലോകത്തെ തൊട്ടറിയുവാനും കമാല്‍ മാമയും ഇന്നില്ല.പത്താം തരത്തിലെത്തിയപ്പോള്‍ അരക്ക് താഴെ തളര്‍ത്തിക്കൊണ്ട് തന്നെ തേടിയെത്തിയ വിധിയെ ശാന്തനായി നേരിട്ട കമാല്‍ മാമയും ഇന്നെനിക്ക് ഓര്‍മ്മച്ചെപ്പിലെ തിളങ്ങുന്നൊരു മുത്താണ്.പുസ്തകങ്ങളുടെയും വായനയുടെയും ലോകത്തേക്ക് എന്നെ കൈപിടിച്ച് നടത്തിയതും മാമയാണെന്നത് കൃതാര്‍ഥതയോടെ സ്മരിക്കട്ടെ.നാഥന്‍ അദ്ധേഹത്തെ സ്വര്‍ഗ്ഗസ്ഥരില്‍ പെടുത്തി അനുഗ്രഹിക്കട്ടെ.

തള്ളയുടെ അകിടിലാഞ്ഞിടിച്ച് നല്ല ചൂടുള്ള പാലു മൊത്തികുടിക്കുന്നു പൈക്കിടാവ്.കുറുമ്പനാണവന്‍.തൊഴുത്തിനടുത്ത് മുന്നില്‍ പോയി നിന്ന് കൈകാല്‍ കാണിച്ചും ഒച്ചവെച്ചും തോണ്ടിയും വാലില്‍ പിടിച്ച് വലിച്ചും അവന്‍റെ ശ്രദ്ധയാകര്‍ഷിക്കുന്നു ഷാജുമാമ.പാലുകുടി നിര്‍ത്തി അവന്‍ തിരിയുമ്പോള്‍ മാമ ഒറ്റ ഓട്ടം വെച്ചു കൊടുക്കും.ഇത് കണ്ട് മാമാന്‍റെ പിന്നാലെ അവനും ഓട്ടം തുടങ്ങും.ഹാഹ് എന്ത് രസമാ നാലു കാലും ഉയര്‍ത്തി തുള്ളിക്കളിച്ചുള്ള അവന്‍റെയാ ഓട്ടം കാണാന്‍.പറമ്പ് മുഴുവന്‍ അവനെ ഓടിച്ച് അവസാനം മാമ എന്‍റെ അടുത്തേക്കും ഓടി വരും.പിന്നാലെയുള്ള പൈക്കിടാവിന്‍റെ പാച്ചില്‍ കണ്ട് നിലവിളിച്ച് ഞാന്‍ വീട്ടിനകത്തേക്കും പായും.

പശുക്കള്‍ക്ക് തിന്നാനുള്ള വൈക്കോലിന് തുറു ഇട്ടിരുന്നതും തൊഴുത്തിന് അടുത്ത് തന്നെ.ഓര്‍മ്മകളിലിങ്ങനെ പൂര്‍ണ്ണ ഗര്‍ഭിണിയെപ്പോലെ നിറവയറുമായി നില്‍ക്കുന്നുണ്ട് വൈക്കോല്‍ തുറു.വൈക്കോല്‍ കൂമ്പാരത്തിന് പകരം തുറുവിനായി ഉപയോഗിച്ചിരുന്ന കരസിന്‍ തടി അരയാള്‍ പൊക്കത്തില്‍ മൂകനായി നില്‍ക്കുന്നു.കൈവിരലു കൊണ്ട് ഞാനതിന്‍റെ ശിരസ്സിലൂടെ ഒന്ന് തലോടി.ശിരസ്സില്‍ നിന്നും നിന്നും താഴേക്ക് പശ പോലെ എന്തോ ഒലിച്ചിറങ്ങുന്നല്ലോ.അല്ല അത് പശയല്ല.എന്‍റെ സ്പര്‍ശനം അവനില്‍ ഓര്‍മ്മകളുടെ വേലിയേറ്റങ്ങള്‍ സൃഷ്ടിച്ചിരിക്കുന്നു.ഗതകാല സുന്ദരസ്മരണകള്‍ അവന്‍റെ കണ്ണുകളെ ഈറനണിയിച്ചതാകാം.

ഓര്‍മ്മകളുടെ ഓളം തല്ലലില്‍ ഞാനും ആടിയുലഞ്ഞു.അടുത്ത വീട്ടിലെ ബീഡി ഉമ്മര്‍ക്കാന്‍റെ മകന്‍ റിയാസ് വന്ന് തുറുവില്‍ ചാടിക്കയറുന്നതും 'ഞങ്ങടെ തുറ്‌വില്‍ നീയെന്തിനാടാ കേറുന്നേ' എന്നും ചോദിച്ച് അവനെ തള്ളിതാഴെയിടുന്നതും വൈക്കോല്‍ കൂനയില്‍ കിടന്നുരുണ്ട് ദേഹമാസകലം ചൊറിയുമ്പോള്‍ മാന്തിക്കൊണ്ട് വലിയുമ്മയുടെ അടുത്തേക്കോടുന്നതും അവര്‍ വെളിച്ചെണ്ണ പുരട്ടിത്തരുന്നതും എല്ലാം ഇന്നലെ കഴിഞ്ഞ പോലെ.നനവുള്ള ഓര്‍മ്മകള്‍..

തെങ്ങിന്‍ മടലു വെട്ടി കുഞ്ഞി(കുഞ്ഞുമ്മ) ഊഞ്ഞാലു കെട്ടിത്തന്നിരുന്ന മാവ്.ഊഞ്ഞാലു കെട്ടാനായി മാവ് നീട്ടിത്തന്നിരുന്ന കൈ മാത്രം അവശേഷിപ്പിച്ച് മറ്റു അംഗങ്ങളെല്ലാം ഛേദിക്കപ്പെട്ട് ഒരു വികലാംഗയുടെ കോലത്തില്‍ കഴിഞ്ഞ ലീവിനു വരുമ്പോള്‍ കണ്ടിരുന്നു തൊടിയില്‍.ശേഷിച്ച അവസാനത്തെ ആ കൊമ്പിനൊപ്പം അവളെത്തന്നെയും അറുത്തെറിഞ്ഞിരിക്കുന്നു വീട്ടുകാരിന്ന്.അവളിത് വരെ കായ്ച്ചിട്ടില്ലത്രെ.പ്രതാപകാലത്ത് ഉള്ള ചോരയും നീരും മുഴുവന്‍ ഈയുള്ളവനെ ഊഞ്ഞാലാട്ടാനായി വിനിയോഗിച്ച അവളെങ്ങിനെ പൂക്കും.കായ്ക്കും?പാവം!

തിരിച്ചൊന്നും തരാത്ത ഒരുത്തിയെ എന്തിന് പോറ്റണം.കാല്‍ക്കല്‍ കത്തി വെക്കാനുള്ള വീട്ടുകാരുടെ കാരണം വ്യക്തം.ഭാരമാകുന്നുവെന്ന് തോന്നുമ്പോള്‍ സ്വന്തം മക്കളെ വരെ കൊല്ലുന്ന അഛനമ്മമാരും അഛനമ്മമാരെ വൃദ്ധസദനത്തിലടക്കുന്ന സ്വാര്‍ഥന്മാരായ മക്കളുമുള്ള ഇക്കാലത്ത് ഇതിന്‍റെ പേരില്‍ വീട്ടുകാരോട് ഞാനെങ്ങിനെ തര്‍ക്കിക്കും?വല്ലാത്ത സങ്കടം തോന്നി.മുത്തശ്ശിമാവിനൊപ്പം മണ്ണിലമര്‍ന്നത് റിയാസിനും അവന്‍റെ പെങ്ങള്‍ റെനിക്കും ഒപ്പമുള്ള ഒരുപാട് സുന്ദര നിമിഷങ്ങളും കുളിരും തിളക്കവുമുള്ള എന്‍റെ ബാല്യവുമായിരുന്നു.

കുയിലമ്മയുടെ പാട്ടും കേട്ട് തൊടിയിലേക്കിറങ്ങിയപ്പോഴാണ് ഇത്രയും പറയേണ്ടി വന്നത്.പടച്ചോന്‍ കനിഞ്ഞ് തന്ന കാടുകള്‍ക്കും പച്ചപ്പിനും പകരം കോണ്‍ക്രീറ്റ് കാടുകള്‍ക്കും 'അപ്പെക്സ് അള്‍ട്ടിമയുടെ' കൃത്രിമ പച്ചപ്പുകള്‍ക്കും നാട് വഴിമാറിക്കൊണ്ടിരിക്കുകയാണു ശരവേഗത്തില്‍.ആക്കെക്കൂടി മൂന്നാല് മരങ്ങളേ ഇനി വീട്ടുമുറ്റത്ത് ബാക്കിയൊള്ളൂ.അതിലൊന്നിന്‍റെ കാല്‍ക്കല്‍ അടുത്ത് തന്നെ കോടാലി വീഴുമെന്ന് മാമാജി പറഞ്ഞത് വല്ലാത്തൊരു വ്യസനത്തോടെയാണ് കേട്ടിരുന്നത്.

കുഞ്ഞിക്കുരുവികള്‍ക്ക് പിച്ചവെച്ച് നടക്കണ്ടേ?അണ്ണാറക്കണ്ണന് 'ചില്‍ ചില്‍' മുഴക്കി ചാടിമറിയാന്‍ മരക്കൊമ്പ് വേണ്ടേ? എല്ലാം മറന്നുള്ള നെട്ടോട്ടത്തിനിടയില്‍ കുഞ്ഞാറ്റക്കിളികളുടേയും അണ്ണാറക്കണ്ണന്‍റേയും വിഷമം കാണാന്‍ എവിടുന്നാ നേരം.ആര്‍ക്ക് കേള്‍ക്കണം കുയിലിന്‍റെ പാട്ട്!അടുത്ത ലീവിന് നാട്ടിലെത്തുമ്പോള്‍ കുയിലമ്മയെ കാണലും കൂടെ പാടലുമൊക്കെ വെറും സ്വപ്നമായി അവശേഷിക്കാനാണ് സാധ്യത.

കറിവേപ്പില ജന്മം

2011-01-24T18:09:00.015+03:00

മിനുസമാര്‍ന്ന കൈകളാല്‍

എന്നെ നീ വറചട്ടിയിലെടുത്തിടും.

നനുനനുത്ത മൃദുലമേനിയില്‍

തിളച്ചെണ്ണ കോരിയൊഴിക്കും.

തിരിച്ചും മറിച്ചുമിട്ട് ഹരിതാഭയാര്‍ന്നെന്‍

ശരീരം നീ ചുവപ്പിക്കും.

ഒരു നിമിഷനേരമെങ്കിലും

നിന്നെയാനന്ദിപ്പിക്കാനായാല്‍..

ധന്യമാകുമീ ജന്മം.

അത് തന്നെയല്ലോ

എന്‍ ജീവിത ദൗത്യവും.

കരളുപോലും വെന്തെരിയുന്നു.

പ്രാണവേദനയാല്‍ പിടയുമ്പൊഴും

നിന്‍ മേനി ഒരിക്കലെങ്കിലും

ഞാന്‍ പൊള്ളിച്ചിട്ടുണ്ടോ..

അലമുറകള്‍ക്കൊടുവിലെന്‍

ജീവന്‍ ആവിയായി പൊന്തുമ്പൊഴും

നരകത്തീയില്‍ കിടന്നന്ത്യശ്വാസമെടുക്കുമ്പൊഴും

നിനക്ക് വേണ്ടിയല്ലേ എന്നാശ്വസിക്കും.

അസഹ്യമായ വേദനയാലുള്ള

അലര്‍ച്ചയും ഞരക്കവും

നിന്നെയലോസരപ്പെടുത്തിയോ..

പൊറുക്കൂ ഈയെന്നോട്

മിണ്ടാതെ അനങ്ങാതെ ഒടുങ്ങാം ഞാന്‍.

അവസാനം വാരിക്കൂട്ടി

വലിച്ചെറിയുന്നതിന് മുമ്പൊരു വാക്ക്...

അവജ്ഞയോടിങ്ങനെ

തൊടിയിലെ ചവറ്റുകൂനയിലേക്ക്

എടുത്തെറിയാന്‍ മാത്രം

എന്ത് തെറ്റാണു ഞാന്‍ ചെയ്തത് ?

എന്നാലും എന്‍റെ ഉള്ളീ..

2010-12-22T09:56:00.021+03:00

ഉള്ളി മാഹാത്മ്യം

നീയില്ലാത്ത ഓംലെറ്റ് !

നിന്‍റെ 'വട്ടം' കാണാത്ത സാലഡ് !

കച്ചംബര്‍ വിത്തൗട്ട് യു !!

ഗ്ലും ഗ്ലും.(കണ്ഡമിടറിയ സൗണ്ടാണു പ്രിയരെ)

നീയറിയുന്നോ പൊന്നുള്ളീ..

നീയില്ലാത്ത കിച്ചന്‍

ഞങ്ങള്‍ക്ക്

ഹര്‍ത്താലില്ലാത്ത കേരളം പോലെയെന്ന്.

ഗ്രൂപ്പില്ലാത്ത കോങ്കറസ്സുണ്ടോ ?

കോഴിമുട്ടയില്ലാത്ത സി.ദിവാകരനുണ്ടോ ?

പറ പറ.ഉണ്ടോ ?

ജയരാജന്മാരില്ലാതെയെന്ത് സി.പി.എം.

എന്തിന്ത്യ.

ലത് പോല്‍

നീയില്ലാത്ത ജീവിതവുമചിന്ത്യം

കരകരളേ ഉള്ളീ..

അടുക്കളയിലൊഴിഞ്ഞ നിന്‍ കട്ടിലു

കണ്ടെന്നുള്ളുലയുന്നുള്ളീ..

ഇനിയെന്നാണാ കിലുക്കമൊന്ന് കേള്‍ക്വാ..

ഉള്ളിക്കിലുക്കം ! (താത്താന്‍റെ ഗദ് ഗദ്)

അന്നാ സൈഡ് വലിവുള്ളവന്‍

കയറി 'സവാള കിരികിരി'

മൊഴിഞ്ഞപ്പഴേ ഞാനോര്‍ത്തതാ

നിനക്കീ ഗതി വരുമെന്ന് :(

പെറ്റമ്മതന്‍ വാത്സല്യത്തോടെ

കൈക്കുമ്പിളില്‍ കോരിയെടുത്ത്

അഴുക്ക് പുരണ്ട പട്ടുടവയഴിച്ച്

ദിനം നിന്നെ കുളിപ്പിക്കാറുള്ള

എന്നുമ്മയെപ്പോലും

നീ മറന്ന് കളഞ്ഞല്ലോയെന്‍റുള്ളീ..

നിന്‍റെ ഹാലറിഞ്ഞെന്നുമ്മ

ജലപാനം പോലും വെടിഞ്ഞ്

ഉറക്കവും പോയി തലക്ക് കയ്യും

വെച്ച് കിച്ചനില്‍ കുത്തിരിക്കുന്നത്

നീയറിയാതെയോ അതോ ?

ഒടുക്കത്തെ അപേക്ഷയാണ്.

അടുക്കളയിലെ കട്ടിങ് ബോര്‍ഡിലെത്തി

നിന്‍റെ തുണിയഴിക്കും മുമ്പിങ്ങനെ

മനിതരെ കരയിപ്പിക്കല്ലെന്‍റെ ഉള്ളീ..

ഇനി മസില്‍ പിടിക്കാന്‍ തന്നെയാണു

നിന്‍റെ ഭാവമെങ്കില്‍...

തള്ളയാണേ..

ചന്തയിലെ ചന്തമില്ലാത്ത ചാക്കിലെ

ചൂടിലും പരുപരുപ്പിലും

ഒടുക്കത്തെ നാറ്റത്തിലും കിടന്ന്

അളിഞ്ഞ് പിളിഞ്ഞ് നീ

മുടിഞ്ഞു പോകത്തേയുള്ളൂ

കോപ്പിലെ ഉള്ളീ..

ഇത് നൂറമോള്‍

2010-12-15T15:13:00.015+03:00

ഇത് നൂറ മോള്‍.ചിത്രത്തില്‍ കാണുന്ന പോലെ ദാ ഇത്തിരിയേ ഉള്ളൂവെങ്കിലും ആളു ചില്ലറക്കാരിയല്ല കേട്ടോ.മിടുമിടുക്കിയാണ്.ഒരു വിശ്വാസിയുടെ നിത്യ ജീവിതത്തിന്‍റെ ഭാഗമായ പ്രാര്‍ഥനകളും വിശുദ്ധഖുര്‍‌ആനിലെ അദ്ധ്യായം 'ഫാത്തിഹയും'യും തടസ്സമേതുമില്ലാതെ ആ കുഞ്ഞു വായില്‍ നിന്നും ഒഴുകിവരുന്നത് കേള്‍ക്കുമ്പോള്‍ ആരും അന്തം വിട്ടിരുന്ന് പോകും.

വിശുദ്ധഖുര്‍‌ആനിലെ തന്നെ 'തക്‌വീര്‍' 'അബസ' എന്നീ അദ്ധ്യായങ്ങള്‍ നൂറമോള്‍ കണ്ണുമടച്ച് മണിമണിയായി പാരായണം ചെയ്യുന്നത് കേട്ടപ്പോള്‍ എന്തോ വല്ലാത്ത സന്തോഷം തോന്നി,അത്ഭുതവും.ഇന്ന് വരെ നുമ്മക്കിത് പഠിക്കാന്‍ കഴിഞ്ഞില്ലല്ലോ(മെനക്കെട്ടില്ലല്ലോ എന്നതാണ് ശരി) എന്നോര്‍ത്തപ്പോള്‍ അനുഭവപ്പെട്ട ജാള്യതയും ഞാന്‍ മറച്ച് വെക്കുന്നില്ല.

നിറഞ്ഞ് കവിഞ്ഞ ജിമെയില്‍ ഇന്‍ബോക്സ് തൂത്ത് വാരുമ്പോള്‍ യാദൃഛികമായാണൊരു മെയില്‍ ശ്രദ്ധയില്‍ പെട്ടതും മെയിലിലെ ലിങ്കില്‍ തൂങ്ങി യൂട്യൂബിലെത്തി ഈ മിടുക്കിയെ പരിചയപ്പെടുന്നതും.ഇത്തരത്തില്‍ മിടുക്കികളും മിടുക്കന്മാരുമായ അനേകരെ യുട്യൂബില്‍ കാണാമെങ്കിലും ആദ്യായിട്ടാണൊരു മലയാളിക്കുരുന്നിനെ കണ്ടുകിട്ടുന്നത്.

തിരൂര്‍ സ്വദേശികളായ അന്‍‌വര്‍ ജഫ്ന ദമ്പദികളുടെ അരുമസന്തതിയാണ് നാലു വയസ്സുകാരി നൂറ.കുവെറ്റില്‍ സ്ഥിരതാമസമാണിവര്‍.ഉമ്മ, ബാപ്പ എന്ന് വിളിച്ച് തുടങ്ങുമ്പോഴേക്കും കുഞ്ഞുവായില്‍ കൊള്ളാത്ത വര്‍ത്തമാനങ്ങളും ആഭാസപരിപാടികളും പഠിപ്പിച്ച് മക്കളെ റിയാലിറ്റി ഷോകളുടെ മായികലോകത്തേക്ക് തള്ളിവിടുന്നവര്‍ക്ക് മാതൃകയാണ് നൂറയുടെ ഉമ്മ ബാപ്പമാര്‍.അവര്‍ക്കും നൂറമോള്‍ക്കും നാഥന്‍ അര്‍ഹിച്ച പ്രതിഫലം നല്‍കി അനുഗ്രഹിക്കട്ടെ.

കണ്ടപ്പോള്‍ വല്ലാത്ത കൗതുകം.ഈ കൊച്ചുമിടുക്കിയെ പ്രിയപ്പെട്ട ബൂലോകരെ കൂടി ഒന്നു പരിചയപ്പെടുത്തിയാലോ എന്ന് അപ്പോഴാണ് തോന്നിയത്.കൂടുതല്‍ പറഞ്ഞ് ബോറടിപ്പിക്കുന്നില്ല.നേരിട്ട് തന്നെ പരിചയപ്പെട്ടോളൂ.

നൂറമോളെ മെയില്‍ വഴി മീറ്റിയവരൊക്കെ ഒന്നു മാറി നിക്കിന്‍.മീറ്റാത്തവര്‍ മുന്നോട്ട് കടന്ന് വന്ന് മീറ്റിന്‍.

വിശ്വാസം അതല്ലേ എല്ലാം.

2010-12-06T05:53:00.014+03:00

ഇന്ന് ഡിസംബര്‍ 6.പുകള്‍ പെറ്റ നമ്മുടെ മതേതരസങ്കല്‍‌പത്തിന്‍റെ കടക്കല്‍ ഒരു കൂട്ടം അക്രമികള്‍ കത്തി വെച്ച ദിനം.ഗാന്ധിവധത്തിന് ശേഷം രാജ്യം കണ്ട ഭീകരാക്രമണമെന്ന് മുന്‍ രാഷ്ട്രപതി കെ.ആര്‍ നാരായണന്‍ വിശേഷിപ്പിച്ച ദിനം.ആറു പതിറ്റാണ്ടിന്‍റെ നീണ്ട കാത്തിരിപ്പിനൊടുവില്‍ ബാബരി മസ്ജിദ് ഉടമസ്ഥാവകാശ തര്‍ക്കത്തിന്‍‌മേലുള്ള അലഹബാദ് ഹൈക്കോടതി 'വിധി' പുറത്ത് വന്നതിന് ശേഷമുള്ള ഡിസംബര്‍.

തെളിവുകള്‍ക്കും ചരിത്രയാഥാര്‍ഥ്യങ്ങള്‍ക്കും പകരം ഐതിഹ്യങ്ങളെയും കെട്ടു കഥകളേയും കോടതികള്‍ മുഖവിലക്കെടുക്കുന്നത് നമുക്ക് വേദനയോടെ കണ്ടു നില്‍ക്കേണ്ടി വന്നു.നീതിക്കായി കാത്തിരുന്ന ഇന്ത്യയിലെ മുസ്ലിംകളടക്കമുള്ള മതേതരവിശ്വാസികള്‍ക്ക് മസ്ജിദ് ധ്വംസനത്തിനു 18 ആണ്ടിനു ശേഷമുള്ള ഈ ഡിസംബറും നിരാശയും വേദനയുമല്ലാതെ മറ്റൊന്നും സമ്മാനിക്കുന്നില്ല എന്നതാണ് യാഥാര്‍ഥ്യം.

1992 ഡിസംബര്‍ ആറിനു നരസിംഹറാവുവിന്‍റെ നിഷ് ക്രിയത്വം മുതലെടുത്താണ് ഹിന്ദുത്വശക്തികള്‍ ബാബരി മസ്ജിദ് തകര്‍ത്തത്.തത്‌സ്ഥിതി നിലനിര്‍ത്തണമെന്ന പരമോന്നത നീതിപീഠത്തിന്‍റെ ഉത്തരവിനെ കാറ്റില്‍ പറത്തി ഇന്ത്യയിലെ മുഴുവന്‍ നിയമസം‌വിധാനങ്ങളേയും വെല്ലുവിളിച്ച് നാടിനു തീരാകളങ്കം തീര്‍ത്ത് മസ്ജിദ് തകര്‍ത്തെറിഞ്ഞ ഭീകരന്മാര്‍ ഇന്നും നമുക്ക് മുമ്പില്‍ സ്വതന്ത്രരായി വിഹരിക്കുന്നു.മസ്ജിദ് പുനര്‍ നിര്‍മ്മിച്ച് നല്‍കാമെന്ന് മുസ്ലിം സമുദായത്തിനു വാഗ്ദാനം നല്‍കിയ കോണ്‍ഗ്രസ്സുകാരന്‍റെ ആത്മാര്‍ഥതക്ക് പട്ടിയെ കെട്ടിയ തുടലിന്‍റെ വില പോലുമില്ലെന്ന് നാമിന്നു തിരിച്ചറിയുന്നു.നീരാറാഡിയമാരുടെ കിളിമൊഴിയില്‍ അഭിരമിച്ച് കോര്‍‌പ്പറേറ്റ് മാഫിയകള്‍ എറിഞ്ഞ് കൊടുക്കുന്ന എല്ലിന്‍ കഷണങ്ങള്‍ നിലത്ത് കിടന്ന് നക്കിയെടുത്ത് പകരം നാടിനെത്തന്നെ തൂക്കി വില്‍ക്കുന്ന തിരക്കില്‍ ഇവര്‍ക്ക് വാഗ്ദാനങ്ങള്‍ പാലിക്കാനും ഓര്‍ക്കാനും എവിടുന്ന് നേരം!

മസ്ജിദ് ധ്വംസനം അന്വേഷിക്കാന്‍ സര്‍ക്കാര്‍ തന്നെ നിയോഗിച്ച ലിബര്‍ഹാന്‍ കമ്മീഷന്‍ സര്‍ക്കാര്‍ ഖജനാവില്‍ നിന്നും കോടികള്‍ ചെലവാക്കിയുള്ള 17 വര്‍ഷങ്ങള്‍ നീണ്ട അന്വേഷണങ്ങള്‍ക്കൊടുവില്‍ റിപ്പോര്‍ട്ട് സമര്‍പ്പിക്കുന്നു.ലിബര്‍ഹാന്‍ കമ്മീഷന്‍ സമര്‍പ്പിച്ച ഈ റിപ്പോര്‍ട്ടിന്‍റെ അവസ്ഥ ഇന്നെന്താണ്?മുന്‍ പ്രധാനമന്ത്രി വാജ്പേയിയും അദ്വാനിയും ഉള്‍പ്പെടെ 68 പേര്‍ക്ക് പ്രഥമദൃഷ്ട്യാ തന്നെ മസ്ജിദ് ധ്വംസനത്തില്‍ പങ്കുണ്ടെന്ന് കമ്മീഷന്‍ കണ്ടെത്തുന്നു.എന്നിട്ടും എന്നിട്ടും!!

എവിടെപ്പോയി നമ്മുടെ നിയമ സം‌വിധാനങ്ങള്‍ ?കുറ്റവാളികള്‍ക്കെതിരെ എന്തേ നടപടികളുണ്ടാവുന്നില്ല?മുസ്ലിംകള്‍ ഉള്‍പ്പെടെ നീതി പുലരണമെന്നാഗ്രഹിച്ച വലിയൊരു ജനവിഭാഗത്തിന്‍റെ മനസ്സിന്ന് വൃണിതമാണ്.നീതിയും നിയമവും ഒരു കൂട്ടരെ തൊടാന്‍ മടിക്കുമ്പോള്‍ അതെല്ലാം ഒരു കൂട്ടര്‍ക്ക് വേണ്ടി മാത്രമാകുമ്പോള്‍ അസ്വാതന്ത്ര്യത്തിന്‍റേയും അപമാനത്തിന്‍റേയും അവഗണനയുടേയും കൈപ്പുനീര്‍ കുടിച്ച് മടുത്തവര്‍ ആയുധമെടുത്താല്‍ അതിനാരെയാണ് കുറ്റം പറയാനൊക്കുക? ആരും ജനാധിപത്യ മാര്‍ഗ്ഗങ്ങള്‍ കൈവെടിഞ്ഞ് അക്രമത്തിലേക്ക് തിരിയാതിരിക്കട്ടെ.നാട്ടില്‍ സമാധാനവും സഹവര്‍ത്തിത്വവും നിലനില്‍ക്കണമെന്നാഗ്രഹിക്കുന്ന, രാജ്യത്തിന്‍റെ കെട്ടുറപ്പ് തകരരുതെന്നാഗ്രഹിക്കുന്ന ഏതൊരാളെയും പോലെ അത് തന്നെയാണ് എന്‍റെയും പ്രാര്‍ഥന.

അലഹബാദ് ഹൈക്കോടതി ഒത്തു തീര്‍പ്പ് സൂത്രത്തെക്കുറിച്ച് ചിലത്.

ചില ചാനലുകാരും പത്രങ്ങളും പവിത്രവും പരിപാവനവുമെന്ന് വരെ വിശേഷിപ്പിച്ചു കളഞ്ഞു കോടതിയുടെ ഈ വീതം വെപ്പിനെ.ബാബരിക്ക് ഒരു ചരമഗീതം രചിക്കണമെന്ന് കരുതിയിരുന്നെങ്കിലും തിരക്കിലായിരുന്നതിനാല്‍ അന്നതിനു കഴിഞ്ഞില്ല.ഉള്ളിലെ വിങ്ങല്‍ അന്ന് ബ്ലോഗര്‍ ഡ്രാഫ്റ്റില്‍ കുറിച്ചിട്ടു.ആ വിഷമം ഒന്നു തീര്‍ക്കട്ടെ :)

ആര്‍ക്കെന്ത് നഷ്ടപ്പെട്ടിട്ടാണെങ്കിലും പണ്ടാരം ഇതൊന്ന് അവസാനിച്ച് കിട്ടിയിട്ട് വേണം ചായക്കടയിലിരുന്ന് നാല് ബഡായി വിടാന്‍ എന്ന് ചിന്തിച്ചവര്‍ക്ക് വീതം വെപ്പ് ആശ്വാസം പകരുന്നുണ്ട്.ബാബരിക്ക് പിറകെ കാശിയിലേയും മധുരയിലേതുമടക്കം നാലായിരത്തോളം 'തര്‍ക്കസ്ഥലങ്ങള്‍ ' കര്‍സേവകരുടെ പിക്കാസ് പതിക്കുന്നതും കാതോര്‍ത്ത് കിടക്കുന്നുണ്ടെന്ന കാര്യമൊക്കെ തത്ക്കാലം നമുക്ക് വിസ്മരിക്കാം.ഇത് സമാധാനത്തിന്‍റെ വെള്ളരിപ്രാവുകളെ വാനില്‍ പറത്തേണ്ട സമയമാണ്.കാശിയും മധുരയുമൊക്കെ തകരുമ്പോഴല്ലേ.അതിനിനിയും സമയമുണ്ട്.ഉരുക്കു മനുഷ്യന് ഇനിയൊരു രഥം കൂടെ ഉരുട്ടാനുള്ള ബാല്യമുണ്ടെന്ന് തോന്നുന്നില്ല.അതിനാല്‍ പുതിയൊരു ഉരുക്കുമനുഷ്യന്‍ ഉദയം കൊള്ളണം.അദ്ധേഹം രഥയാത്ര നടത്തണം.യാത്ര കടന്ന് പോകുന്നിടത്തെല്ലാം കാക്കമാരുടെ കബന്ധങ്ങള്‍ കാക്കകള്‍ കൊത്തി വലിക്കണം.തെരുവുകള്‍ ശ്മശാന ഭൂമിയായി മാറണം.സര്‍‌വ്വം നഷ്ടപ്പെട്ട പാവങ്ങളുടെ തേങ്ങലുകള്‍ അവിടങ്ങളില്‍ അലയടിക്കണം.

'ഇത് വിശ്വാസത്തിന്‍റെ പ്രശ്നമാണ്.വിശ്വാസത്തിന്‍റെ പ്രശ്നത്തില്‍ വിധി പറയാന്‍ കോടതിക്കെന്ത് അധികാരം.കോടതി വിധി എന്തായാലും ഞങ്ങള്‍ക്ക് പുല്ലാണെന്നും ക്ഷേത്രനിര്‍‌മ്മാണം ഞങ്ങള്‍ നടത്തിയിരിക്കുമെന്നും' തൊഗാഡിയമാര്‍ പരസ്യമായി വെല്ലുവിളിക്കണം.പോലീസും പട്ടാളവും പുകള്‍പെറ്റ നമ്മുടെ നിയമ സം‌വിധാനങ്ങളും ഇതെല്ലാം കേട്ട് അന്തം വിട്ടിരിക്കണം.ഗര്‍ജ്ജനം രാജ്യത്ത് മാറ്റൊലി കൊള്ളുമ്പോള്‍ ഭരണാധികാരികള്‍ മുട്ടിടിച്ച് സൗസറില്‍ മുള്ളണം.ഭാരതത്തിലെ മൊത്തം സമാധാനത്തിന്‍റെയും സൗഹാര്‍ദ്ധത്തിന്‍റെയും ഖജനാവിന്‍റെ താക്കോല്‍ കയ്യിലിരിക്കുന്ന മുസ്ലിം സമുദായ മുതലാളിമാരുടെ 'സം‌യമനാഹ്വാനങ്ങള്‍ ' ഉടനെത്തന്നെ പത്രത്താളുകളില്‍ നിറയണം.അവസാനമവസാനം പൊളിഞ്ഞ് വീണ കാശി,മധുര സോറി 'തര്‍ക്കസ്ഥലം ' കേസില്‍ വിധി പറയുന്ന ജഡ്ജിയേമാന്മാരുടെ വീടുകളില്‍ കുട്ടിക്കുരങ്ങന്മാര്‍ വിരുന്നിനെത്തണം.വന്നത് വെറും കുരങ്ങന്മാരല്ല.അത് സാക്ഷാല്‍ ഹനുമാന്‍റെ അനന്തിരവാനാണെന്ന് ജഡ്ജിയേമാന്മാര്‍ക്ക് വഹ്‌യ്(ദൈവസന്ദേശം) ഇറങ്ങണം.അങ്ങനെ തെളിവെന്നത് മഷിയിട്ട് നോക്കിയാല്‍ പോലും കാണില്ലെങ്കിലും ചില പ്രത്യേക തരം 'അനുമാനങ്ങളില്‍ ' കോടതികള്‍ വിധി പറയണം.

സമയം ഒരുപാടുണ്ട് ഹേ.അതിനിടയിലെങ്ങാനും ഖിയാമത്ത് നാള് സംഭവിക്കില്ലെന്നാര് കണ്ടു.ഇനിയവിടേയും കര്‍സേവ നടന്നെന്നിരിക്കട്ടെ.ബാബരി കേസില്‍ ചില ബ്ലോഗര്‍മാരുടെ സ്വപ്നവും ആഗ്രഹവുമൊക്കെ പോലെ ഒരു സൈഡില്‍ മന്ദിരവും മറ്റേ സൈഡില്‍ മസ്ജിദും തലയുയര്‍ത്തിപ്പിടിച്ച് നിന്ന് ഭാരത്തത്തിന്‍റെ മഹത്തായ മതേതരത്വം ഉല്‍ഘോഷിക്കുന്നത് കണ്ട് നമുക്ക് കോള്‍മയിര്‍ കൊള്ളാം.അന്യന്‍റെ മുതല് കയ്യിട്ട് വാരിയിട്ടാണെങ്കിലും അഴിമതിയിലും അനീതിയിലും സ്വജനപക്ഷപാതത്തിലും മുങ്ങിക്കുളിച്ചാണെങ്കിലും ആരുടെയൊക്കെ വികാരം വൃണപ്പെട്ടിട്ടാണെങ്കിലും മതേതരത്വം വിജയിക്കട്ടെ.

അതിനാല്‍ ചുമ്മാതിരുന്ന് കാശി,മധുര,വാരാണസി,മാങ്ങാത്തൊലിയെന്നൊക്കെ പുലമ്പി നാട്ടിലെ സമാധാനം തകര്‍ക്കാതെ അലഹാബാദ് ഹൈക്കോടതിയുടെ പരിപാവനമായ, പവിത്രമായ,അതിമഹത്തായ ഒത്തു തീര്‍പ്പ് സൂത്രത്തിന് നാല് മദ്‌ഹ് പാട്ട് പാടൂ മക്കളേ.ഞാന്‍ തുടങ്ങി വെക്കാം.ഇന്ന ബൈത്തന്‍ .........

ശിഷ്ടം:- ചരിത്രത്തില്‍ തങ്കലിപികളാല്‍ കൊത്തിവെക്കപ്പെട്ട ബാബരിമസ്ജിദ് ഒത്തു തീര്‍പ്പ് സൂത്രത്തെ രണ്ട് കയ്യും നീട്ടി(പടച്ചോന്‍ രണ്ട് കൈ കൂടെ തന്നിരുന്നെങ്കിലെന്ന് ചിന്തിച്ച നിമിഷം) സ്വാഗതം ചെയ്യുന്നതോടൊപ്പം ഒരു കാര്യം കൂടെ സൂചിപ്പിക്കാതെ നിര്‍ത്താന്‍ മനസ്സാക്ഷി അനുവദിക്കുന്നില്ല.ജഡ്ജിയേമാന്മാരുടെ ഈ വിഭജനം പൂര്‍ണ്ണമായില്ലെന്നാണ് എന്‍റെ പക്ഷം.സ്കേല് വെച്ച് കിറു കൃത്യമായളന്ന് അഞ്ചോ ആറോ ആയി കീറി മുറിച്ച് ഒരു തുണ്ടം ക്രിസ്ത്യാനികള്‍ക്കും ഒരു തുണ്ടം സിഖ്കാര്‍ക്കും ശേഷിക്കുന്നത് മ്മ്ടെ യുക്തിവാദികള്‍ക്കും കൂടി വീതിച്ച് നല്‍കണമായിരുന്നു.എന്നാലേ കോടതി ഉദ്ധേശിച്ച രീതിയില്‍ മതേതരത്വം ശരിയായ രീതിയില്‍ പൊട്ടി വിടര്‍ന്ന് പരിമളം പരത്തുമായിരുന്നൊള്ളൂ.

മ്മ്ടടുത്താ ഖത്തറീടെ കളി

2010-11-24T06:45:00.009+03:00

(പോട്ടം ഗൂഗിളമ്മച്ചി തന്നതാണേ..)

ഖത്തറില്‍ കാലു കുത്തീട്ട് കന്നിമഴയാണ്.മാമലനാട്ടിലെ പോലെ തുള്ളിക്കൊരു കുടം എന്നൊന്നും പറയാനാവില്ല.എന്തൂട്ടായാലും ഉള്ളതോണ്ട് ഓണം പോലെ.മഴത്തുള്ളിയൊന്ന് തൊടാനും 'ഹല' കാര്‍ഡിന്‍റെ ആവശ്യം തത്ക്കാലം ഇല്ലെങ്കിലും ലതൊന്ന് വാങ്ങാനുമായി ഞാന്‍ പയ്യെ ഫ്ലാറ്റിനു താഴെയിറങ്ങി.ടോപ്പ് ഫോമിന്‍റെ അടുത്തുള്ള ഗ്രോസറിയില്‍ കയറി കാര്‍ഡ് വാങ്ങി.

*127*ഉം പിന്നെ കാര്‍ഡ് നമ്പറും അടിക്കുമ്പോഴും കണ്ണ് റോട്ടിലേക്കായിരുന്നു.മഴപ്പെയ്ത്ത് തുടങ്ങിയിരിക്കുന്നു.കുഞ്ഞു തുള്ളികള്‍ റോട്ടില്‍ വീണ് ചിന്നിച്ചിതറുന്നുണ്ട്.റോടരികില്‍ കുഞ്ഞു തുള്ളികള്‍ തീര്‍ത്ത ജലാശയത്തിനു മുകളിലൂടെ ഒരു പഠാണിയുടെ ക്രസിഡ കാര്‍ പാഞ്ഞു പോയി.ഇതിനിടെ റീച്ചാര്‍ജ് ചെയ്യുന്നത് ഒന്ന് രണ്ട് തവണ തെറ്റി.'താനിത് എവിടെ നോക്കിയാടോ മാഷേ കുത്തുന്നേ.നിന്ന് സ്വപ്പനം കാണാണ്ട് കണ്ണ് തുറന്ന് കുത്തടാ ചെക്കാ' എന്ന് നോക്കിയപ്പെണ്ണിന്‍റെ മുന്നറിയിപ്പ്.ഇതിന്‍റെ പേരിലിനി ഓളെ പിണക്കണ്ടാന്ന് കരുതി കണ്ണുതുറന്ന് നമ്പര്‍ കുത്തി.സസ്കസ് സസ്കസ്.10 ഖത്തര്‍ റിയാല്‍ കയറിയിരിക്കുന്നു.

കടയില്‍ നിന്നും ഞാന്‍ വരാന്തയിലേക്കിറങ്ങി.സോഫിറ്റലിന്‍റെ ഭാഗത്ത് നിന്നും ഒരു കുഞ്ഞിക്കാറ്റ് തുള്ളിക്കളിച്ച് വരുന്നുണ്ട്.കാറ്റിനൊപ്പം ശീതലടിച്ചു രോമകൂപങ്ങളൊക്കെ എഴുന്നേറ്റ് നിന്നു.രോമങ്ങളിലെല്ലാം ചെറു കുമിളകള്‍ .ഹോ!! എന്തൊരു അനുഭൂതിയാണെന്നോ..സ്വയം മറന്ന് ഇച്ചിരി നേരം ഞാനാ നില്‍‌പ്പ് നിന്നു.കയ്യിലിരുന്ന് നോക്കിയപ്പെണ്ണ് കഭി അല്‍‌വിദ നാ കെഹ്നാ മൂളിയപ്പോഴാണ് ചിന്തയില്‍ നിന്നും ഉണര്‍ന്നത്.കൃഷ്ണ കുമാറാണ് ലൈനില്‍ .കൃഷ്ണന്‍ ദുബായിലെ എന്‍റെ പ്രിയ സുഹൃത്താണ്.മാന്ദ്യം തലക്കടിച്ച ഇമാറാത്തി അറബി ഗത്യന്തരമില്ലാതെ കുത്തിനു പിടിച്ച് പുറത്താക്കിയതാണ് അങ്ങോരെ.എന്‍റെ പോലെത്തന്നെ നാട്ടിലൊക്കെ കറങ്ങിപ്പിടിച്ച് അവസാനം മൂപ്പരും ദോഹയില്‍ എത്തിയിരിക്കുന്നു.റിയാല്‍ പൂക്കണ മരമൊന്ന് വാങ്ങിക്കാന്‍ .

*ഡേയ് എവിടെയാഡെയ് ?

ഞാനിവിടെയീ ഖത്തര്‍ മഹാലോകത്ത് തന്നെയുണ്ട് കൃഷ്ണാ..

*ഇവിടെ നല്ല മഴ.മഴ കണ്ടപ്പോള്‍ നിന്നെ ഓര്‍മ്മ വന്നു.അങ്ങനെ വിളിച്ചതാ.

ഞാന്‍ ദാ മഴയത്താണല്ലോ.ഒന്നു കുളിരാനായി റോട്ടിലിറങ്ങി നില്‍‌ക്കുന്നു.

*ഹ ഹ.എന്നാ നീ കുളിരൂ മഹനേ.ശല്യപ്പെടുത്തുന്നില്ല. എന്നും പറഞ്ഞ് സ്വതസിദ്ധമായ ശൈലിയില്‍ പൊട്ടിച്ചിരിച്ചു കൃഷ്ണന്‍ ഫോണ്‍ ഡിസ്കണക്റ്റി.

ഞാന്‍ റോട്ടിലേക്കിറങ്ങി ഫ്ലാറ്റ് ലക്ഷ്യമാക്കി പയ്യെ നടന്നു.മഴ നിലച്ചിരിക്കുന്നു.എന്‍റെ ഫ്ലാറ്റിന്‍റെ മുമ്പിലെത്തിയിട്ടും ആകെക്കൂടി അഞ്ചോ പത്തോ തുള്ളികളേ നെറുകയില്‍ പതിച്ചിട്ടൊള്ളൂ.ശ്ശെടാ ഇത് കൊലച്ചതിയായിപ്പോയി.ലിവളിത്ര പെട്ടെന്ന് സ്കൂട്ടാവുമെന്ന് കരുതിയില്ല.കുറച്ച് നേരം കൂടി അവിടെ തട്ടിമുട്ടി നിന്നു.നോ രക്ഷ.രണ്ട് മിനിറ്റ് കൂടെ നോക്കാം.പയ്യെ മൊബൈല്‍ കയ്യിലെടുത്തു.ക്രിയേറ്റ് മെസേജ് എടുത്ത് ഗൗരവമായെന്തോ ടൈപ്പാനെന്ന വ്യാജേന 'മകളേ പാതിമലരേ.ബ്ലീസേ കനിയണം കെട്ടാ' എന്ന ദുആയോടെ നില്‍‌പ്പ് തുടര്‍ന്നു.ടൈപ്പിത്തുടങ്ങുമ്പോള്‍ ഒരു കുഞ്ഞു തുള്ളി ഇറ്റി മൊബൈലിന്‍റെ ഡിസ്പ്ലേയിലേക്ക്.ഹാഹ്..അവള്‍ വീണ്ടും വരുന്നുണ്ടെന്ന് തോന്നുന്നു.

രണ്ട് വരി എന്തൊക്കെയോ കുത്തിക്കുറിക്കുമ്പോഴേക്കും മഴത്തുള്ളികളാല്‍ മൊബൈലിന്‍റെ ഡിസ്പ്ലേ നിറഞ്ഞിരുന്നു.കുപ്പായത്തിന്‍റെ തല കൊണ്ട് ഞാന്‍ തുള്ളികള്‍ തുടച്ചു ടൈപ്പിങ് തുടര്‍ന്നു.മഴ കനക്കുന്നുണ്ട്.നെറുകയിലിറ്റിയ മഴത്തുള്ളികള്‍ കവിളിലൂടെ ചെറു ചാലുകള്‍ തീര്‍ത്ത് താഴേക്ക് പതിച്ച് തുടങ്ങി.ഇനിയും ഇവിടെ നിന്നീ പണി തുടര്‍ന്നാല്‍ നോക്കിയപ്പെണ്ണ് എന്നെന്നേക്കുമായി കണ്ണടക്കും.വേറൊന്ന് ചൂണ്ടാനാണെങ്കില്‍ കയ്യിലിപ്പോള്‍ മാഫി ഫുലൂസ്.അങ്ങനെ മൊബൈല്‍ പോക്കറ്റിലിട്ട് അര്‍ദ്ധമനസ്സോടെ ഫ്ലാറ്റിലേക്ക് കയറാന്‍ നേരമാണ് ശ്രദ്ധിച്ചത്.അടുത്തുള്ള പോസ്റ്റ് ഓഫീസില്‍ നിന്നും കറുത്ത വട്ട് തലയില്‍ ധരിച്ച ഒരു വട്ടന്‍ (തലയില്‍ ‍വട്ടുള്ളവന്‍ എന്നേ അര്‍ഥമുള്ളൂ) ഖത്തറിയാകാം കൗതുകത്തോടെ അതോ പുഛത്തോടെയോ എന്നെയും നോക്കി നില്‍ക്കുന്നു.'ഷൂ ഹാദാ മലബാറി.അനക്കൊന്നും ബേറെ പണീല്ലെടാ നാട്ടില്‍' എന്നവന്‍ ചോദിച്ചോ!!ഹേയ്.തോന്ന്യേതാകും. ചുമ്മാ ചുറ്റുപാടും ഒന്ന് കണ്ണോടിച്ചപ്പോള്‍ മനസ്സിലായി ഖത്തറിക്കാക്കാന്‍റെ മാത്രമല്ല അടുത്ത് പുറത്തുള്ള കടകളിലുള്ള മറ്റു ചില ആദ്മികളുടേയും കണ്ണുകള്‍ എന്നിലേക്ക് തന്നെ.ഈ ചെക്കനെന്താ ആദ്യായിട്ടാണോ വെള്ളം കാണുന്നേ എന്ന മട്ടില്‍ .

'ഹ.എന്തൂട്രാ ശവീ ഒരു മാതിരി ഏതാണ്ട് കണ്ട ഏതാണ്ടിനെപ്പോലെ കോപ്പിലെ നോട്ടം നോക്കണേ.എന്‍റെ തല, പടച്ചോന്‍റെ മഴ.അനക്കൊക്കെ യെന്ത് ചേദം!' എന്ന് അവന്മാരോടൊക്കെ നല്ല നാടന്‍ ശൈലിയില്‍ ചോദിക്കാന്‍ വന്നതാ ഞാന്‍ .പിന്നെ ഖത്തറികളായ ഖത്തറികളെല്ലാം 2022വേള്‍ഡ് കപ്പ് ഫുട്ട്ബോള്‍ ഖത്തറിനു ദാ ഇപ്പോ കിട്ടുമെന്ന പ്രതീക്ഷയിലായതിനാല്‍ മുന്നില്‍ കാണുന്നതൊക്കെ ലവന്മാര്‍ക്ക് ഫുട്ബോളായാണത്രെ തോന്നുന്നത്.സോ ഞാനായിട്ടൊരു സീനുണ്ടാക്കണ്ടാന്ന് കരുതി സബൂറായതാ.അല്ലെങ്കി ഇങ്ങളു പറ...ഒരു പ്രവാസിയായെന്ന് കരുതി സ്വസ്ഥമായി ഒരു മഴ നനയാനുള്ള സ്വാതന്ത്ര്യം പോലും ഇല്ലേ ഹേ ഈ നാട്ടില്‍ ?

അവശിഷ്ടം(രഹസ്യമാണു കെട്ടാ):-അവന്മാരോടുള്ള ദേഷ്യത്തിന് ഫ്ലാറ്റിന്‍റെ അപ്പുറത്തെ സൈഡില്‍ പോയി ആരും കാണാതെ നല്ല അന്തസ്സായി മഴയില്‍ കുളിച്ച് കൂത്താടിയിട്ടാ ഞാന്‍ റൂമിലേക്ക് തിരികെ കയറിയത്.ഹല്ല പിന്നെ.മ്മ്ടടുത്താ കളി.

ഇത് കണ്ടില്ലേ ?

2010-11-08T23:31:00.017+03:00

"പ്രിയപ്പെട്ടവരെ, ഏറെ ആശങ്കയോടെയാണ് മാംസ വിപണിയില്‍ ആണ്കുട്ടികള്‍ വില്പ്പനക്ക് എന്ന പരമ്പര തയ്യാറാക്കാന്‍ ഇറങ്ങിത്തിരിച്ചത്.ഓരോ വിവരങ്ങളും ഞെട്ടിപ്പിക്കുന്നതായിരുന്നു. ഒരുസമൂഹം കടന്ന് പോകുന്നവഴിയിലെ വൃത്തികേടുകളെക്കുറിച്ച് വിളിച്ച് പറഞ്ഞപ്പോള്‍ തന്നെ പല കേന്ദ്രങ്ങളും കിടുങ്ങി . സംഘര്‍ഷങ്ങള്‍ എന്റെ മൊബൈല്‍ ത്തുമ്പത്ത് വന്ന് പൊട്ടിത്തെറിച്ചു. ചില അഗ്നിപര്‍‌വ്വതങ്ങള്‍ പത്രഓഫീസിലും നിന്നുകത്തി. ഒടുവില്‍ ഈയുദ്ധത്തില്‍ പരാജയപ്പെട്ടത് ഞാന്‍ തന്നെ.എന്നാല്‍ പരാജയപ്പെട്ടത് ഞാനാണോ....? സ്വന്തം പത്രാധിപത്യത്തില്‍ ഒരുപത്രം ഇറക്കാനുള്ള സാമ്പത്തികശേഷിയില്ലാതെ പോയത് എന്റെ കുറ്റംകൊണ്ടാണോ...? ഞാന്‍ പറഞ്ഞ സത്യങ്ങള്ക്ക് നൂറില്‍ നൂറുമാര്ക്കുമിടുന്നു ചില തത്പരകക്ഷികള്‍ ... ഇത് സാര്‍‌വ്വത്രികമാണെന്നും ഇവിടെ ഇനിയുമിത് തുടരുമെന്നും ഉറക്കെ പ്രഖ്യാപിക്കുന്നു വേറെചിലര്‍ .നല്ലത്. അവരെ ദൈവം രക്ഷിക്കട്ടെ.ഇവിടെ നിരോധനത്തിന്റെ ആക്രോശങ്ങളുമായി ആരും കടന്നുവരില്ലല്ലോ..."

ബ്ലോഗര്‍ ഹംസ ആലുങ്ങലിന്റെ വാക്കുകളാണ് മുകളില്‍ .ഒരുമാതിരി വളിച്ച തമാശയും, ഹാസ്യമെന്ന രീതിയില്‍ (ഹാസ്യമാത്രെ ഹാസ്യം) പറഞ്ഞ് പറഞ്ഞ് ക്ലീഷേ ആയ ചില സ്ഥിരം നമ്പറുകളും പോസ്റ്റാക്കി ചിന്തയും ജാലകവും നിറക്കുന്ന എന്നെപ്പോലുള്ളവരേക്കാളും എത്രയോ മഹത്തരമാണ് ഹംസക്കാന്റെ പോസ്റ്റുകള്‍ .സംസ്ക്കാരത്തെ മുച്ചൂടും നശിപ്പിച്ച് സമൂഹത്തെ ലൈംഗിക അരാജകത്വത്തിലേക്ക് തള്ളിവിട്ട് കൊണ്ട് നമ്മുടെയൊക്കെ മൂക്കിനു താഴെ നടമാടിക്കൊണ്ടിരിക്കുന്ന അപകടകരമായ സ്ഥിതിവിശേഷങ്ങളെക്കുറിച്ച് അദ്ധേഹം നടത്തിയ അന്വേഷണറിപ്പോര്ട്ടുകള്‍ ഉള്ക്കൊള്ളുന്ന കനപ്പെട്ടൊരു പോസ്റ്റ് അദ്ധേഹത്തിന്റെ ബ്ലോഗില്‍ കാണാം.

ജീവന്‍ പോലും പണയം വെച്ച്(ആലങ്കാരികമായി പറഞ്ഞതല്ല കേട്ടോ) തയ്യാറാക്കി നല്‍കിയ റിപ്പോര്ട്ടിനു അദ്ധേഹത്തിന്റെ തന്നെ പത്രം നല്കിയ സപ്പോര്ട്ട് ഹംസക്കയുടെ തന്നെ വാക്കുകളിലൂടെ വായിക്കാം.

"ഇവിടെ എന്തും നടക്കും ആരുണ്ടിവിടെ ചോദിക്കാന് ...അതുതന്നെയാണ് ഞാന് പ്രതിനിധാനം ചെയ്യുന്ന പത്രത്തിന്റെ മാനേജ്മെന്റും എന്നോട് ചോദിച്ചത്. ഈ പരമ്പര ഏഴു ലക്കങ്ങളുണ്ടായിരുന്നു. എന്നാല് ഒന്നാമത്തെ ലക്കം പുറത്തിറങ്ങിയപ്പോള് തന്നെ ഞെട്ടലും എതിര്പ്പിന്റെ അലയൊലികളുമുണ്ടായി. മൂന്നാം ദിവസമായപ്പോഴേക്ക് അത് പൊട്ടിത്തെറിയിലെത്തി. നാലാം ദിനം പരമ്പര നിര്ത്തിവെപ്പിക്കാനാണ് മാനേജ്മെന്റ് നിര്ദേശം നല്കിയത്. അവര് പ്രഖ്യാപിച്ചതും ഇതല്ലാതെ മറ്റെന്താണ്....?~സുഹൃത്തുക്കളെ ഈ സങ്കടങ്ങള്‍ ഞാന്‍ നിങ്ങളോടൊക്കെയല്ലാതെ മറ്റാരോടാണ് പറയുക."

കട്ട തിരക്കിലായതിനാല്‍ എഴുതാനായി ഉദ്ധേശിച്ച പല കാര്യങ്ങളും തൊടാന്‍ പോലും കഴിഞ്ഞിട്ടില്ല.ഇടക്ക് ബൂലോകത്തൊരു ഓട്ടപ്രദക്ഷിണം നടത്താറുണ്ട്.അങ്ങനെ തിരക്കിട്ടുള്ള ഓട്ടത്തിനിടയിലാണ് ഹംസ ആലുങ്ങലിന്റെ പോസ്റ്റ് ശ്രദ്ധയില്‍ പെട്ടത്.അദ്ധേഹത്തിന്റെ ചില വാക്കുകള്‍ എന്തോ ഉള്ളില്‍ തട്ടി.

ഹംസ ആലുങ്ങലിന്റെ സങ്കടങ്ങള്‍ ബൂലോകം വേണ്ടത്ര ശ്രദ്ധിക്കാതെ പോയോ എന്നൊരു തോന്നലാണ് ഈ കുറിപ്പിനാധാരം.മറ്റൊന്നിനും കഴിഞ്ഞില്ലെങ്കിലും ഒരു കമന്റ് കൊണ്ടെങ്കിലും അദ്ധേഹത്തിന്റെ ഈ എളിയ ശ്രമത്തിന് പിന്തുണ അറിയിക്കുമല്ലോ.

ലിങ്ക് ദാ ഇവിടെ :-
1)'മാംസ വിപണിയില്‍ ആണ്‍കുട്ടികള്‍ വില്‍പ്പനക്ക്‌'
2)'ഒരേ പങ്കാളികള്‍ .ഭാര്യക്കും ഭര്‍ത്താവിനും'

ഈ മഴയൊന്ന് നനഞ്ഞിരുന്നെങ്കില്‍ !

2010-09-11T06:42:00.011+03:00

നല്ല ഇടിയും മഴയുമാണത്രെ.

ഉമ്മാന്‍റെ ഒച്ചക്കൊപ്പം
ഫോണിലൂടെ കേട്ടു ചന്നം പിന്നം
അവള്‍ ഇരമ്പിയാര്‍ക്കുന്നത്.

മഴയൊന്ന് നനയണം
ഇടിമുഴക്കം കേള്‍ക്കണം.
മഴപ്പെയ്ത്തിനൊടുവില്‍
അരിച്ചെത്തുന്ന ഈറന്‍ തണുപ്പ്.
മഴത്തുള്ളിക്കിലുക്കം.
ചീവിടിന്‍ മൂളല്‍.
കുഞ്ഞു കാറ്റിന്‍റെ ഇരമ്പവും
മുല്ല പൂത്ത മണവും.

കണ്ണും ഖല്‍ബും തൊടിയിലാ
ശരീരം പുല്‍‌പ്പായിലും.
ഉറങ്ങാതെ കാത് കൂര്‍പ്പിച്ചെന്നും
പ്രകൃതിയുടെ ചിരിയും
കേട്ടുമ്മാന്‍റെ ചൂടില്‍
ചുരുണ്ട് കൂടും.

രംഗം-2 പ്രവാസം

മുറിയിലെ കുന്ത്രാണ്ടം
കാര്‍ക്കിച്ച് തുപ്പുന്നുണ്ടിന്ന്
തണുപ്പ്.
യാന്ത്രികത്തണുപ്പ്.
മനസ്സും മോഹങ്ങളും വരെ
മരവിക്കുന്നു.

ഓര്‍മകളിലാണിന്ന് മഴത്തുള്ളിക്കിലുക്കം.
പാണ്ടിപ്പാടവും താണ്ടിയെത്തുന്ന
കള്ളിക്കാറ്റിന്‍ ഇരമ്പം.
കണ്ണിലുരുണ്ട നീര്‍മുത്തുകളേ
തികട്ടി വന്ന തേങ്ങലേ
നിന്‍റെ പേരോ പ്രവാസം !

(ചിത്രത്തിന് ഗൂഗിളിനോട് കടപ്പാട്)

സ്വ.ലേഖകന്‍

2010-07-19T15:17:00.021+03:00

തൃശ്ശൂരില്‍ ജനങ്ങളെ ആക്രമിക്കുകയും ഒട്ടനവധി വാഹനങ്ങള്‍ തകര്‍ക്കുകയും കേളപ്പന്‍റെ തോട്ടത്തിലെ വാഴക്കൈകളെല്ലാം ചവിട്ടി ചമ്മന്തിയാക്കുകയും ചെയ്ത ചെയ്ത ഭീകരന്മാരായ ആനകളെ ന്യായീകരിച്ചും ആനയുണ്ടാക്കിയ നാശനഷ്ടങ്ങളെ ലഘൂകരിച്ചുമുള്ള വളരെ പ്രകോപനപരമായ മെയിലുകള്‍ പരക്കുന്നു.മെയിലിന്‍റെ ഉറവിടത്തെ കുറിച്ച് സംസ്ഥാന സൈബര്‍ സെല്‍ അന്വേഷണം ഊര്‍ജ്ജിതമാക്കി.ചില മുസ്ലിം തീവ്രവാദ സംഘടനകളാണ് മെയിലിന് പിന്നിലെന്നും ഇത് സംബന്ധമായി സുപ്രധാനമായ ചില വിവരങ്ങള്‍ ലഭിച്ചിട്ടുണ്ടെന്നും പോലീസ് വൃത്തങ്ങള്‍ സൂചിപ്പിച്ചു.

ഇടഞ്ഞ കൊമ്പന്മാര്‍ക്ക് മുസ്ലിം തീവ്രവാദസംഘടനയുമായി ബന്ധമുണ്ടെന്ന കേരള പോലീസിന്‍റെ സംശയം ഇതോടെ ബലപ്പെടുകയാണ്.ആക്രമണങ്ങള്‍ക്കായി ഇവര്‍ ആനകളേയും ഉപയോഗിക്കുന്നുവെന്ന് ഡേഷാഭിമാനി,മരണഭൂമി,കൊങ്കളം,പിതൃഭൂമി,മലയാള രമരമരമ പോലുള്ള 'മുഖ്യധാരാ' പത്രങ്ങളും മുഖ്യധാരയില്‍ അലിഞ്ഞ് ചേരാന്‍ വേണ്ടി കൈമെയ് മറന്ന് പണിയെടുത്തെങ്കിലും മുഖ്യധാരയില്‍ നിന്നും ഒരു രണ്ടടി താഴെ നില്‍ക്കുന്ന മറ്റു ചിലരും മുമ്പ് റിപ്പോര്‍ട്ട് ചെയ്തിരുന്നു.

സ്വ.ലേഖകന്‍റെ അന്വേഷണത്തില്‍ ഞെട്ടിപ്പിക്കുന്ന വിവരങ്ങളാണ് പുറത്ത് വന്നത്.നല്ല പനമ്പട്ടയും കദളിപ്പഴവും കൊടുത്ത് അടുത്ത് കൂടി ആനകളുമായി ചങ്ങാത്തം സ്ഥാപിക്കുകയാണത്രെ ആദ്യപടി.പിന്നീട് തങ്ങള്‍ പീഢിതരാണെന്നും അരക്ഷിതരാണെന്നുമുള്ള ചിന്ത ആനകളിലേക്ക് പയ്യെ പയ്യെ കുത്തിവെക്കുന്നു.ഇത്തരത്തില്‍ സംസ്ഥാനമൊട്ടാകെ വിതരണം ചെയ്യാനായി മഞ്ചേരി ആസ്ഥാനമായുള്ള ഒരു വാലിയില്‍ വ്യാവസായികാടിസ്ഥാനത്തില്‍ തന്നെ വാഴ&പട്ട കൃഷിയിറക്കിയിട്ടുണ്ടെന്ന് വിശ്വസനീയ കേന്ദ്രങ്ങളെ ഉദ്ധരിച്ച് സ്വ.ലേഖകന്‍ റിപ്പോര്‍ട്ട് ചെയ്യുന്നു.പ്രസ്തുത കേന്ദ്രം റെയ്ഡ് ചെയ്ത് പനമ്പട്ടയടക്കമുള്ള 'ദേശവിരുദ്ധ വസ്തുക്കള്‍' പിടിച്ചെടുക്കണമെന്ന് ശ്രീ ആര്യാടന്‍ കമ്മദും അരുമ മകന്‍ സുക്കൂറും ഇന്നലെ നിലമ്പൂരില്‍ ആവശ്യപ്പെട്ടു.

ആനകളെ മസ്തിഷ്കപ്രക്ഷാളനം ചെയ്യാന്‍ വ്യാപകമായിത്തന്നെ സി.ഡികളും ഇവര്‍ വിതരണം ചെയ്യുന്നുണ്ടത്രെ.ആലുവയിലെ തീവ്രവാദ സംഘടന പ്രവര്‍ത്തകന്‍റെ വീട് റെയ്ഡ് ചെയ്തപ്പോള്‍ ലഭിച്ച നീല കവറില്‍ പൊതിഞ്ഞ സി.ഡിയിലെ കാഴ്ചകള്‍ ആരെയും ഞെട്ടിപ്പിക്കുന്നതാണ്.ഗുരുവായൂര്‍ ആനക്കോട്ടയില്‍ 'ആലിബാനികള്‍' എന്നപേരില്‍ അറിയപ്പെടുന്ന ക്രൂരന്മാരായ ചില ആന പാപ്പാന്മാര്‍ ആനകളെ വളരെ ഭീകരമായി പീഢിപ്പിക്കുന്ന ദൃശ്യങ്ങളായിരുന്നു സി.ഡിയില്‍.ഇത്തരം സി.ഡികളും പ്രകോപനപരമായ ക്ലാസുകളും നല്‍കി വമ്പിച്ച പക ഇവറ്റയുടെ മനസ്സില്‍ ബോധപൂര്‍‌വ്വമായി വളര്‍ത്തിയെടുക്കുന്നു.

ആനപ്പക ആനപ്പക എന്നൊക്കെ കേട്ടിട്ടില്ലേ.ലത് തന്നെ.ഇത്തരത്തില്‍ വരുതിയിലാക്കിയാണ് ആനകളെ രക്തമുറയുന്ന ആക്രമണങ്ങള്‍ക്കായി നിയോഗിക്കുന്നത്.

രണ്ട് വര്‍ഷം മുമ്പ് തൃശ്ശൂര്‍ ജില്ലയിലെ ചേറ്റുവ ചന്ദനക്കുടം നേര്‍ച്ചക്ക് ഇടഞ്ഞ് ഒട്ടേറെ നാശനഷ്ടങ്ങളുണ്ടാക്കി പാപ്പാനെ കൊമ്പില്‍ കോര്‍ത്ത് കൊലവിളിച്ച് നടന്ന സുബ്രഹ്മണ്യന്‍ എന്ന ആനക്കും തീവ്രവാദ ബന്ധമുണ്ടെന്ന് ഇന്‍റലിജന്‍സ് കൂറോ കണ്ടെത്തി.ഇതനുസരിച്ച് സുബ്രഹ്മണ്യന് പരിശീലനം നല്‍കിയെന്ന് സംശയിക്കുന്ന ചേറ്റുവ സ്വദേശിയായ തീവ്രവാദ സംഘടനാ പ്രവര്‍ത്തന്‍ നിരീക്ഷണത്തിലാണ്."മുസ്ലിം സമുദായം നടത്തുന്ന നേര്‍ച്ചകള്‍ പോലും ആക്രമണത്തിനായി തെരെഞ്ഞെടുക്കുന്നത് ഇവര്‍ക്ക് സമുദായവുമായി യാതൊരു ബന്ധവുമില്ലെന്നതിന്‍റെ തെളിവാണ്.മുസ്ലിം സമുദായം ഇവരെ ഒറ്റപ്പെടുത്തണമെന്നും പള്ളിവക മൂത്രപ്പുരയില്‍ മൂത്രിക്കാനായി പോലും ഇവന്മാരെ കയറ്റരുതെന്നും" എം.ഐ.പി.സി സംസ്ഥാന സെക്രട്ടറി ശ്രീ പിണങ്ങാറായി അജയന്‍ പ്രസ്താവനയില്‍ ആവശ്യപ്പെട്ടു.

"ഭീകരന്‍ ആന ചവിട്ടിക്കൂട്ടിയ ഒരാള്‍ക്ക് പത്ത് കുപ്പി ചോര നല്‍‌കിയത് കൊണ്ട് നിങ്ങളുടെ ദേഹത്തുള്ള ആനച്ചൂര് മാറില്ല.ഇനി പത്തല്ല പതിനായിരം കുപ്പി ചോര നല്‍കിയാലും മനുഷ്യാവകാശ സംഘടനകളെന്ന പേരില്‍ പുനഃരവതരിച്ചാലും നിങ്ങളെ ജനങ്ങള്‍ തിരിച്ചറിയുമെന്നും ഒറ്റപ്പെടുത്തുമെന്നും" എ.പി ഗ്രൂപ്പുകാരനാണെന്ന് സ്വയം അവകാശപ്പെടുന്നവനും എം.ഐ.പി.സി നേതാവുമായ ശ്രീ ടി.ടി ഹംസക്കോയ സാഹിബ് ഇന്നലെ ഒരു ലേഖനത്തിലൂടെ വ്യക്തമാക്കി.

ചങ്ക് പറിച്ച് കാണിച്ചാലും അത് ചെമ്പരത്തിപ്പൂവാണെന്നേ ഈ പുന്നാര മക്കളൊക്കെ പറയൂ എന്ന് പണ്ടാരോ പറഞ്ഞ ഒരവസ്ഥയിലും ഇനിയെന്ത് സൗസര്‍ ഊരിക്കാണിച്ചാണീ ഒടുക്കത്തെ 'മതേതരത്വം' ഒന്ന് വെളിപ്പെടുത്തുക എന്നുള്ള ചിന്തയിലും അന്തിച്ച് നില്‍ക്കുകയാണീ കൂട്ടരെന്നും സ്വ.ലേ റിപ്പോര്‍ട്ട് ചെയ്യുന്നു.

ആനകളെ ഇത്തരത്തില്‍ ഇറക്കി വിട്ട് നാട്ടിലെ ക്രമസമാധാന നില തകര്‍ക്കാനായുള്ള ശ്രമം ആസൂത്രിതമാണെന്നും മലപ്പുറം ജില്ലയിലെ ചില വീടുകളില്‍ പരിശീലനത്തിനായി എന്തിനും പോന്ന കൊലകൊമ്പന്മാരെ 'ഒളിപ്പിച്ച്' താമസിപ്പിക്കുന്നതായും ഏതാണ്ട് ഒരു പന്ത്രണ്ട് ഒരു മണി സമയത്ത് ഈ വീടുകളില്‍ നിന്നും ആനയുടെ ചിന്നം വിളി കേള്‍ക്കാറുണ്ടെന്ന് അയല്‍ വാസികള്‍ സാക്ഷ്യപ്പെടുത്തിയതായും ബൂത്ത് ലീഗ് സംസ്ഥാന പ്രസിഡന്‍റ് ശ്രീ ശ്രീ അടിവാരം ഷാജി അവര്‍കള്‍ പത്രസമ്മേളനത്തില്‍ വ്യക്തമാക്കി.ഈ വിവരങ്ങള്‍ അന്ന് തന്നെ താന്‍ അടുത്ത ബന്ധമുള്ള 'ഐശീബീ'ടെ കാതില്‍ അടക്കം പറഞ്ഞിരുന്നതായി അദ്ധേഹം പറഞ്ഞു.

കേരളത്തില്‍ ഇതിന് മുമ്പ് ആന വിരണ്ട് പാപ്പാനെ കുത്തിമലര്‍ത്തിയ സംഭവങ്ങളും ഇതോടൊപ്പം കേന്ദ്ര ഏജന്‍സി 'നിയ' യെക്കൊണ്ട് തന്നെ അന്വേഷിപ്പിക്കുക.മുസ്ലിം തീവ്രവാദികള്‍ക്കെതിരെ കൊലക്കുറ്റത്തിന് കേസെടുക്കുക.എന്നിട്ടങ്ങ്ട് നിരോധിക്കുക എന്ന് അഹിംസയെന്ന മഹത്തായ ആശയം നാട്ടില്‍ നടപ്പില്‍ വരുത്താനായി അഹോരാത്രം യഞ്ജിക്കുന്ന എം.ഐ.പി.സി(M.I.P.C) യും പി.ജെ.ബി(P.J.B) യും അടക്കമുള്ള വിവിധ രാഷ്ട്രീയപാര്‍ട്ടികളുടെ നേതാക്കള്‍ സം‌യുക്ത പ്രസ്താവനയില്‍ ആവശ്യപ്പെട്ടു.

ആരാണ് നഞ്ച് കലക്കുന്നത്?

2010-07-05T15:18:00.060+03:00

പ്രവാചകനെ അധിക്ഷേപിച്ച് ചോദ്യപേപ്പര്‍ നിര്‍മ്മിച്ച കേസിലെ പ്രതിയും അദ്ധ്യാപകനും കൂടിയായ ശ്രീ ടി.ജെ ജോസഫിന്‍റെ കൈ വെട്ടിയെടുത്ത കേസിനെച്ചൊല്ലി കേരളം ഇന്ന് വരെ കാണാത്ത തരത്തില്‍ കലങ്ങിമറിയുകയാണ്.ജോസഫിനെതിരെയുള്ള ആക്രമണം ദൗര്‍ഭാഗ്യകരമാണ്.നാട്ടിലെ നിയമവാഴ്ചയെ തകര്‍ക്കുമെന്നതിനാല്‍ എല്ലാ തരത്തിലുള്ള ആക്രമണങ്ങളും ഏത് ഭാഗത്ത് നിന്നായാലും അപലപിക്കപ്പെടേണ്ടതും എതിര്‍ക്കപ്പെടേണ്ടതും തന്നെയെന്നതില്‍ സംശയമില്ല.

പ്രതിഷേധ കോലാഹലങ്ങളില്‍ മുങ്ങി അക്രമത്തിന് നിദാനമായ അക്രമം പോലെത്തന്നെ അപലപിക്കപ്പെടേണ്ട ചില കാര്യങ്ങള്‍ വിസ്മൃതിയിലേക്ക് തള്ളപ്പെടുന്നുവോ എന്നൊരു തോന്നലാണ് ഈ കുറിപ്പിനാധാരം.

സംഭവം നടക്കുന്നതിന് മുമ്പ് ഹരിതപതാകയുമേന്തി കുതിരപ്പുറത്തേറി പറപറക്കുകയായിരുന്ന മുസ്ലിം സമുദായമിപ്പോള്‍ പ്രതിരോധത്തിലേക്ക് കൂപ്പ് കുത്തിയിരിക്കുന്നു.ഒരു ന്യൂന്യപക്ഷമെന്ന നിലയില്‍ നിയമത്തെ കൂടുതല്‍ മാനിക്കേണ്ടതും നിയമവാഴ്ച്ച നില നില്‍ക്കാന്‍ താത്പര്യപ്പെടേണ്ടതും മുസ്ലിം സമൂഹമാണ് എന്നെല്ലാം വമ്പിച്ച ഒച്ചയില്‍ വിളിച്ച് പറയുന്നു ചിലര്‍.ഇവിടുത്തെ ഒരൊറ്റ മുസ്ലിമിനും നെന്‍റെയൊന്നും ഔദാര്യം വേണ്ട.സമുദായ സം‌രക്ഷണത്തിന് ഇവിടെ ഞങ്ങളൊക്കെയുണ്ടെന്ന് വേറെ ചിലര്‍.

പ്രതിഷേധങ്ങളെല്ലാം ഭംഗിയായി നടക്കട്ടെ.ലോകത്തെ ഒരു പ്രബല ജനവിഭാഗത്തിന്‍റെ കണ്ണിലുണ്ണിയായ പ്രവാചകനെ തെറിവിളിച്ചാക്ഷേപിച്ച ടി.ജെ ജോസഫിന്‍റെ സമുദായത്തില്‍ നിന്നും ഈ കുറിപ്പെഴുതുന്നത് വരെക്കും കാണാത്ത ഒന്നാണിത്(ഒറ്റപ്പെട്ട ചില പ്രതികരണങ്ങളെ വിസ്മരിക്കുന്നില്ല).'രാജാവിനേക്കാള്‍ വലിയ രാജഭക്തി' എന്നൊക്കെ തോന്നിപ്പോകാവുന്ന കോലത്തിലാണെങ്കില്‍ കൂടി രാജ്യത്ത് സമാധാനവും സമുദായങ്ങള്‍ തമ്മിലുള്ള പരസ്പര സഹവര്‍ത്തിത്തവും നിലനില്‍ക്കാനായി യഞ്ജിക്കുന്നവരില്‍ മുന്‍ പന്തിയില്‍ നില്‍ക്കുന്നത് എന്ത് കൊണ്ടും മുസ്ലിം സമുദായം തന്നെയാണെന്ന് ഈ സംഭവം ഒരിക്കല്‍ കൂടി തെളിയിച്ചിരിക്കുന്നു എന്ന് വേണം കരുതാന്‍.

തീവ്രവാദ ക്ലബ്ബിലേക്ക് പുതുതായി അംഗത്വം കിട്ടിയ ചിലര്‍ അപേക്ഷ കൂടാതെ വീട്ടിലേക്കെത്തിയ തങ്ങളുടെ അംഗത്വം റദ്ദ് ചെയ്ത് കിട്ടുന്നതിനായി അഹോരാത്രം പണിയെടുക്കുന്ന കാഴ്ചയും കാണാം ഇതിനിടക്ക്.കഥാന്ത്യം 'ഇനിയെത്ര കുപ്പി ചോര കൂടി കൊടുക്കണം ഈ ഹലാഖിലെ ബാധയൊന്നൊഴിയാന്‍' എന്ന് വിലപിക്കേണ്ടുന്ന അവസ്ഥയില്‍ തന്നെയായിരിക്കും കാര്യങ്ങളെന്ന് വന്ന് കൊണ്ടിരിക്കുന്ന പത്രവാര്‍ത്തകള്‍ അടിവരയിടുന്നു.എല്ലാ ബാധകളും വിട്ടൊഴിയുമെന്ന് പ്രത്യാശിക്കാം.

സ്വന്തം വീട്ടുകുളത്തില്‍ ചാകര കിട്ടിയ മുക്കുവനെപ്പോലെ ആഹ്ലാദത്തിന്‍റെ പരമകോടിയില്‍ മതിമറന്നാഘോഷിക്കുന്നുണ്ട് ചില നികൃഷ്ട ജീവികള്‍.താലിബാന്‍റെ ഹദ്ദടിയുടെ ശബ്ദം മുഴങ്ങുന്നത് കേള്‍ക്കാന്‍ അഫ്ഘാനിലേക്ക് കണ്ണും കാതും തിരിച്ച് പിടിച്ച് ഇരിക്കുന്ന മതമില്ലാത്ത ചില കുലം കുത്തികളും വര്‍ഗ്ഗീയ ഭ്രാന്ധന്മാരും.ചിലതിന്‍റെ സൃഷ്ടിപ്പ് അങ്ങനെയാണല്ലോ.'പന്തീരാണ്ടു കൊല്ലം കുഴലിലിട്ടാലും നേരെയാവാന്‍ പോണില്ല'.

എല്ലാം ഒന്നോടിച്ച് വായിച്ചപ്പോള്‍ എന്തോ എനിക്കൊരു സംശയം.പടച്ചോനേ 'ടി.ജെ ജോസഫ്' എന്ന് കേള്‍ക്കുമ്പോള്‍ റളിയള്ളാഹു അന്‍‌ഹു എന്നാണോ അതോ അലൈഹിസ്സലാം എന്നാണോ ഇനിമുതല്‍ ചൊല്ലേണ്ടത്.അടുത്ത തവണത്തെ മികച്ച അദ്ധ്യാപകര്‍ക്കുള്ള ഇന്ത്യന്‍ പ്രസിഡന്‍റിന്‍റെ അവാര്‍ഡിന് കൊച്ചുകേരളത്തില്‍ നിന്ന് പരിഗണിക്കാവുന്ന ഒരു മാതൃകാദ്ധ്യാപകനായിരുന്നു ശ്രീ ടി.ജെ ജോസഫ് എന്ന് ബ്ലോഗിലും മറ്റും വന്ന് കൊണ്ടിരിക്കുന്ന ചില ലേഖനങ്ങളും ഗവിതകളും കണ്ടാല്‍ ജനങ്ങള്‍ തെറ്റിദ്ധരിക്കാന്‍ സാധ്യതയുള്ളതിനാല്‍ ടിയാന്‍റെ മഹനീയ സൃഷ്ടി ഞാനൊന്ന് അറ്റാച്ച് ചെയ്യുന്നുണ്ട്.

"പി.എം ബിനുലാല്‍ തയ്യാറാക്കിയ ‘തിരക്കഥകളുടെ രീതിശാസ്ത്രം’ എന്ന പുസ്തകത്തില്‍ 'തിരക്കഥ -ഒരു വിശ്വാസിയുടെ കണ്ടെത്തല്‍' എന്ന പേരില്‍ പി.ടി കുഞ്ഞിമുഹമ്മദ് എഴുതിയ ഒരു അനുഭവക്കുറിപ്പില്‍ നിന്നാണ് വിവാദ സംഭാഷണം ഉദ്ധരിച്ചത്.തിരക്കിട്ട് തയ്യാറാക്കിയതിനാല്‍ പെട്ടെന്ന് ഓര്‍മ്മയില്‍ വന്ന ഒന്ന് തെരെഞ്ഞെടുക്കുകയായിരുന്നു.അതില്‍ 'മുഹമ്മദ്' എന്ന പേര് നല്‍കുക മത്രമേ താന്‍ ചെയ്തൊള്ളൂ.ജനങ്ങള്‍ തെറ്റിദ്ധരിക്കുമെന്ന് പ്രതീക്ഷിച്ചതേയില്ല" എന്ന് ശ്രീ ജോസഫിന്‍റെ പ്രസ്താവന ഈയടുത്ത് വായിച്ചിരുന്നു.ബി.കോം കുട്ടികള്‍ക്ക് പരീക്ഷക്ക് കൊടുത്ത ചോദ്യപേപ്പറില്‍ തികച്ചും 'യാദൃഛികമായി' കടന്ന് കൂടിയതാണത്രെ 'മുഹമ്മദ്' എന്ന് പേര്.

ഹിമാലയന്‍ ഗിരിശൃംഗങ്ങളില്‍ ആരാലും അറിയപ്പെടാതെ താമസിക്കുന്ന ഗുഹാവാസികളായ ചില പുരാതന ഗോത്ര വിഭാഗങ്ങളുടെ പുണ്യപുരുഷനും ദൈവവുമൊക്കെയായ ഈ 'പടച്ചോനെയും മുഹമ്മദിനെയും' ശ്രീ ജോസഫ് എങ്ങനെ അറിയാനാ.നോ ചാന്‍സ്!!

ഒരു സഹജീവി എന്ന നിലയില്‍ താങ്കളുടെ ദുഃഖത്തില്‍ പങ്ക് കൊള്ളുന്നതോടൊപ്പം തന്നെ ചോദിക്കട്ടെ സര്‍,

*തിരക്കിട്ട് തയ്യാറാക്കിയപ്പോള്‍ ഈയൊരു ഉദ്ധരണി തന്നെ താങ്കള്‍ തെരെഞ്ഞെടുക്കാനുള്ള കാരണം എന്തായിരുന്നു?

*തികച്ചും മോശമായ പദപ്രയോഗങ്ങളടങ്ങിയ ഈയൊരു ഉദ്ധരണിയില്‍ എന്തിനാണ് താങ്കള്‍ 'മുഹമ്മദ്' എന്ന നാമം തന്നെ നല്‍കിയത്?

*ഇനി പേര് നല്‍കിയത് തികച്ചും യാദൃഛികമാണെന്ന വാദം അംഗീകരിച്ച് കൊണ്ട് തന്നെ ചോദിക്കട്ടെ.സഹപ്രവര്‍ത്തകരില്‍ ചിലരും ചോദ്യം ടൈപ്പ് ചെയ്ത ടൈപ്പിസ്റ്റ് വരെ ചോദ്യപേപ്പറിലെ പ്രസ്തുതഭാഗം തെറ്റിദ്ധാരണക്കിടയാക്കുമെന്നത് ചൂണ്ടിക്കാണിച്ചിട്ടും എന്തേ 'മുഹമ്മദ്' എന്ന പേരെങ്കിലും മാറ്റാനുള്ള സന്മനസ്സ് താങ്കള്‍ കാണിച്ചില്ല?

പോലീസ് ഉദ്യോഗസ്ഥരെ അടിക്കടി സ്ഥലം മാറ്റി ചോദ്യപേപ്പര്‍ തയാറാക്കിയതിന് പിന്നിലെ ഗൂഢാലോചന അന്വേഷിക്കണമെന്ന ജില്ലാ ഭരണകൂടത്തിന്‍റെ റിപ്പോര്‍ട്ടിനെ ചില പൂലീസുകാര്‍ വളരെ സമര്‍ഥമായി അട്ടിമറിച്ചെന്ന വാര്‍ത്തയും ഇതോട് കൂട്ടി വായിക്കുക.

കാര്യങ്ങള്‍ ഇങ്ങനെയൊക്കെ ആണെന്നിരിക്കെ താങ്കളുടെ വാക്കുകളെ എങ്ങനെയാണു പൊതുജനം വിശ്വാസത്തിലെടുക്കേണ്ടത്.എന്തൊക്കെയോ ചീഞ്ഞ് നാറുന്നില്ലേ പ്രിയ ജോസഫ് സര്‍?

തിരക്കഥകളുടെ രീതിശാസ്ത്രത്തെയും പി.ടിയേയും മറ്റുപലരും ഉദ്ധരിക്കുന്നതായി കാണാം.പടച്ചോനേയും മുഹമ്മദിനേയും തെറിവിളിക്കാനായി മാത്രം വായ തുറക്കുന്ന ചില മനോരോഗികളാണവരില്‍ ഭൂരിഭാഗവും എന്നതിനാല്‍ തന്നെ അവര്‍ക്ക് എന്‍റെ കയ്യില്‍ ഉത്തരമില്ല.ബിനുലാലിന്‍റേയും പി.ടിയുടേയും പ്രതികരണം മാധ്യമം പത്രത്തിലുണ്ട്.പോയി നോക്കാം.

120 കോടിയിലധികം വരുന്ന ലോകത്തെ ഒരു സമൂഹം അവരുടെ ജീവനേക്കാല്‍ കൂടുതല്‍ സ്നേഹിക്കുന്ന ഒരു മനുഷ്യനെ മുകളില്‍ പറഞ്ഞ പോലെ അവഹേളിച്ചത് യാദൃഛികമാണെന്ന് ജനങ്ങള്‍ ഇനിയും വിശ്വസിക്കണോ?

നിഷ്പക്ഷമായി കാര്യങ്ങളെ വിശകലനം ചെയ്യുമ്പോള്‍,ചോദ്യപേപ്പര്‍ വിവാദത്തിന് മുമ്പും ശേഷവും മുസ്ലിം സമുദായത്തിനെതിരെ ആസൂത്രിതമായി ചിലര്‍ നടത്തിക്കൊണ്ടിരിക്കുന്ന അസഹിഷ്ണുതാപരമായ കടന്നാക്രമണങ്ങളും കൂട്ടി വായിക്കുമ്പോള്‍ അങ്ങനെ അല്ലെന്ന് കരുതാന്‍ തന്നെയാണ് ന്യായം.

നമുക്ക് പരിശോധിക്കാം.ഇവ്വിഷയവുമായി മെയിലില്‍ കിട്ടിയ ചില സംഭവങ്ങള്‍ സമയം ലാഭിക്കാനായി കോപ്പി ചെയ്യുന്നുണ്ട്.

1, ചോദ്യ പേപ്പര്‍ ഇറങ്ങുന്നതിന് രണ്ട് ദിവസം മുമ്പാണ് അതായത് 22-03-10ന്

പത്തനംതിട്ടയില്‍ പ്രവാചകനെയും ഇസ്ലാമിനെയും ഒരു പരിഷ്കൃതസമൂഹത്തിന് ചേരാത്ത രീതിയില്‍ അധിക്ഷേപിച്ച് കൊണ്ടുള്ള ചിന്‍വാദ് പാലം എന്ന പുസ്തകം ഇറങ്ങിയത്.ഇതുമായി ബന്ധപ്പെട്ട് പാസ്റ്റര്‍ ഉള്‍പ്പെടെ അഞ്ച് പേരെ പോലീസ് അറസ്റ്റ് ചെയ്യുകയും ചെയ്തു.അറസ്റ്റ് വാര്‍ത്ത 23ആം തിയ്യതിയിലെ പത്രങ്ങള്‍ പ്രസിദ്ധീകരിച്ചിട്ടുണ്ട്.ഇതുമായി ബന്ധപ്പെട്ട

പ്രതികളുടെ ജാമ്യം റദ്ദാക്കിക്കൊണ്ടുള്ള വിധിയില്‍ 06-04-10ന് കോടതി

അഭിപ്രായപ്പെട്ടത് അഭിപ്രായ സ്വാതന്ത്ര്യം മതനിന്ദക്കുള്ള സ്വാതന്ത്ര്യമല്ലെന്നാണ്.

(അഭിപ്രായ സ്വാതന്ത്ര്യമെന്നും പറഞ്ഞ് വായില്‍ വന്നത് കോതക്ക് പാട്ടെന്ന രീതിയില്‍ ബൂലോകത്തെ വിഷമയമാക്കുന്ന ചില മാഷന്മാര്‍ക്കുമുള്ള താക്കീതാണ് കോടതിയുടെ ഈ അഭിപ്രായപ്രകടനം)

2, ഇതിനെതിരേ പ്രതിഷേധം കത്തിപ്പടരവേയാണ് ക്രൈസ്തവ സംരക്ഷണ സമിതിയുടെ പേരില്‍ കേരളത്തിലെ എം.എല്‍.എമാര്‍ക്കും മന്ത്രിമാര്‍ക്കും മറ്റും

ചിന്‍വാദ് പാലത്തെ ന്യായീകരിച്ചു കൊണ്ട് കത്തെഴുതിയത്.നിച്ച് ഓഫ്

ട്രൂത്ത് ഡയറക്ടര്‍ എം.എം അക്ബര്‍ എഴുതിയ പുസ്തകങ്ങളില്‍നിന്നു ചില

ഭാഗങ്ങള്‍ അടര്‍ത്തിയെടുത്ത് അവയെല്ലാം അദ്ദേഹം ക്രിസ്തുവിനെ

അപകീര്‍ത്തിപ്പെടുത്തുന്നതിനു വേണ്ടി എഴുതിയതാണെന്നു സമിതി പറയുന്നു.അതിനെതിരേയാണ് പുസ്തകം ഇറക്കിയതെന്നാണ് ന്യായീകരണം.പ്രവാചകനിന്ദയ്‌ക്കെതിരേ മുസ്‌ലിംകള്‍ തുടരെ പ്രതിഷേധയോഗങ്ങള്‍ നടത്തുന്നതിനു പിന്നില്‍ തീവ്രവാദസംഘടനയാവാന്‍ സാധ്യതയുണ്ടെന്നും ജനപ്രതിനിധികള്‍ക്കുള്ള കത്ത് മുന്നറിയിപ്പു നല്‍കുന്നുണ്ട്.

3, ഇതിനു പിന്നാലെയാണ് 25-04-10ന് വീണ്ടും ഇസ്ലാമിനെ വിമര്‍ശിച്ച്

കൊണ്ട് 'ഇസ്‌ലാമികദര്‍ശനം-വിമര്‍ശനങ്ങള്‍ വസ്തുതകള്‍' എന്ന പേരില്‍ മറ്റൊരു പുസ്തകം പുറത്തിറങ്ങിയത്. മുളന്തുരുത്തി വെട്ടിക്കാട്ട് പുന്നക്കുഴി

വീട്ടില്‍ നോബിള്‍ എഴുതി എന്നവകാശപ്പെടുന്ന പുസ്തകത്തിനു നിലമ്പൂര്‍

സ്വദേശി റവ. ഡോ. ജോണ്‍സണ്‍ തേക്കടിയിലിന്‍റേതാണ് ആമുഖം.പുസ്തകത്തില്‍

ആദ്യാവസാനം ഇസ്‌ലാമിനും അല്ലാഹുവിനും പ്രവാചകനും എതിരേ രൂക്ഷമായി അധിക്ഷേപം ചൊരിയുന്നുവെന്നും പത്രങ്ങള്‍ റിപ്പോര്‍ട്ട് ചെയ്യുന്നു.2009 മാര്‍ച്ചില്‍ പുറത്തിറങ്ങിയ ഈ പുസ്തകം

ഇതുവരെ രഹസ്യമാക്കിവച്ചിരിക്കുകയായിരുന്നുവെങ്കിലും തൊടുപുഴ, ചുങ്കപ്പാറ സംഭവങ്ങള്‍ക്കു ശേഷം അവ പുറത്തുവിട്ടതായാണു സൂചന.ആലുവയിലാണ് പുസ്തകം രഹസ്യമായി വില്‍പ്പന നടത്തിയത്.(വാര്‍ത്ത 26-04-10ലെ പത്രങ്ങളില്‍)

4, ആലപ്പുഴ ഗുരുപുരത്തുള്ള ബിലീവേഴ്‌സ് ചര്‍ച്ച് സി.ബി.എസ്.ഇ സ്‌കൂളിലെ

ഒമ്പതാംക്ലാസ് വിദ്യാര്‍ഥിനിയും തലവടി നൂറുല്‍ ഇസ്‌ലാം മദ്‌റസയിലെ ഇമാം

മണ്ണഞ്ചേരി കൊടിയന്താറ്റ് വീട്ടില്‍ നസീര്‍ മുസ്‌ല്യാരുടെ മകളുമായ ടി.എന്‍ നബാലയെ സ്‌കൂളില്‍ ശിരോവസ്ത്രം ധരിച്ചെത്തിയതിനു

പുറത്താക്കി(വാര്‍ത്ത 05-05-10ന്‍റേയും തുടര്‍ന്നുള്ള ദിവസങ്ങളിലെയും

പത്രങ്ങളില്‍)

5, പുതുപ്പറമ്പ് ചുടലപ്പാറയില്‍ ക്രിസ്ത്യന്‍ മാനേജ്‌മെന്റിനു കീഴിലുള്ള

സേക്രഡ് ഹാര്‍ട്ട് ഇംഗ്ലീഷ് മീഡിയം ഹൈസ്‌കൂളില്‍ അറബി അധ്യാപിക മുഖമക്കന ധരിച്ചതിന്‍റെ പേരില്‍ സ്‌കൂള്‍ പ്രിന്‍സിപ്പല്‍ ചീത്ത പറയുകയും ഈ വസ്ത്രം ധരിച്ച് സ്‌കൂളില്‍ വരരുതെന്ന് പറഞ്ഞ് പുറത്താക്കുകയും ചെയ്തു.നാട്ടുകാരുടെ പ്രതിഷേധത്തെ തുടര്‍ന്ന് പ്രിന്‍സിപ്പല്‍ ടെസ്സി ആന്‍റോയെ

പുറത്താക്കാന്‍ തീരുമാനിച്ചു(വാര്‍ത്ത 09-05-10, 06-06-10 തേജസ്

ദിനപത്രത്തില്‍)

6, ഇരിട്ടിയിലെ വള്ളിത്തോടിനടുത്ത ബെന്‍ഹില്‍ ഇംഗ്ലീഷ് മീഡിയം സ്‌കൂളിലും

ഇരിട്ടിയിലെ സി.എം.ഐ ക്രൈസ്റ്റ് ചര്‍ച്ച് സ്‌കൂളിലും ശിരോവസ്ത്രത്തിനും

ജുമുഅ നമസ്‌കാരത്തിനും വിലക്കേര്‍പ്പെടുത്തിയതിനെതിരേ നാട്ടുകാരുടെ

പ്രക്ഷോഭം( വാര്‍ത്ത 09-05-10ലെ പത്രങ്ങളില്‍)

7, മുഹമ്മദ് നബിയെയും ഇസ്ലാംമതത്തെയും അധിക്ഷേപിക്കുന്ന പരാമര്‍ശങ്ങള്‍

ഉള്‍പ്പെട്ട മൂന്ന് കൈപ്പുസ്തകങ്ങള്‍ വിതരണം ചെയ്ത നാല് പൊന്തക്കോസ്ത്

വിശ്വാസികളെ നാട്ടുകാര്‍ പിടികൂടി പൊലീസില്‍ ഏല്പിച്ചു.(വാര്‍ത്ത

27-05-10ലെ പത്രങ്ങളില്‍)

8, കോഴിക്കോട് ജില്ലയിലെ ഫറോക്കിനടുത്ത കുണ്ടായിത്തോട് സെന്റ് ഫ്രാന്‍സിസ് സ്‌കൂളിലെ ശിരോവസ്ത്ര നിരോധനത്തിനെതിരേ ജനങ്ങള്‍ പ്രക്ഷോഭ

രംഗത്തിറങ്ങി(വാര്‍ത്ത 02-06-10ലെ തേജസില്‍.പ്രക്ഷോഭത്തെ തുടര്‍ന്ന്

നിരോധനം പിന്‍വലിക്കാന്‍ സ്‌കൂള്‍ അധികൃതര്‍ നിര്‍ബന്ധിതരായി)

9, പൂന്തുറ സെന്‍റ് ഫിലോമിനാസ് ഗേള്‍സ് ഹൈസ്‌കൂളിലെ അധ്യാപിക മേഴ്‌സി

അഗസ്റ്റിന്‍ 7ആം ക്ലാസ് വിദ്യാര്‍ഥിനിയും ബീമാപള്ളി ആസാദ് നഗറില്‍

മുംതാസിന്‍റെ മകളുമായ ഷമീമയെ മഫ്ത അഴിച്ചുമാറ്റാന്‍ വിസമ്മതിച്ചതിന്‍റെ

പേരില്‍ മര്‍ദ്ദിച്ചു.സംഭവത്തെക്കുറിച്ചന്വേഷിക്കാന്‍ ഡി.പി.ഐ നിര്‍ദ്ദേശം

നല്‍കി(വാര്‍ത്ത 18-06-10, 20-06-10ലെ പത്രങ്ങളില്‍)

10, മുപ്പത് ശതമാനത്തിലധികം മുസ്‌ലിം വിദ്യാര്‍ഥികള്‍ പഠിക്കുന്ന താമരശ്ശേരി

അല്‍ഫോണ്‍സാ സ്‌കൂളില്‍ പെണ്‍കുട്ടികള്‍ക്ക് ശിരോവസ്ത്രത്തിനും

ആണ്‍കുട്ടികള്‍ക്ക് ജുമുഅ നമസ്‌കാരത്തിനും വിലക്ക്.ഇതെ തുടര്‍ന്ന്

രക്ഷിതാക്കള്‍ പ്രക്ഷോഭത്തിനൊരുങ്ങുന്നു.(വാര്‍ത്ത 22-05-10ലെ

പത്രങ്ങളില്‍)

11, തിരുവനന്തപുരം തമ്പാനൂരിലെ ന്യൂജോതി പബ്ലിക്കേഷന്‍സ് ഇംഗ്ലീഷ് മീഡിയം

രണ്ടാംതരം വിദ്യാര്‍ഥികള്‍ക്കായി പ്രസിദ്ധീകരിച്ച സ്റ്റെപിങ് സ്റ്റോണ്‍സ്

(പാര്‍ട്ട് രണ്ട്) എന്ന പാഠപുസ്തകത്തില്‍ പ്രവാചകന്റെ ചിത്രം

പ്രസിദ്ധീകരിച്ചു.പ്രതിഷേധം ഉയര്‍ന്നപ്പോള്‍ പുസ്തകം പിന്‍വലിച്ചു.പ്രസാധകന്‍ വഞ്ചിയൂര്‍ മൂലവിളാകം ജോയ് ചെറിയാനെ പോലിസ് പിന്നീട് അറസ്റ്റ്

ചെയ്തു(വാര്‍ത്ത 24-05-10നും തുടര്‍ന്നുമുള്ള ദിവസങ്ങളിലെ പത്രങ്ങളില്‍)

12, തിരുവനന്തപുരം പൂന്തുറ സെന്‍റ് ഫിലോമിന സ്‌കൂളിലെ വിദ്യാര്‍ഥിനികളുടെ

മഫ്ത അധ്യാപികമാര്‍ നിര്‍ബന്ധപൂര്‍വം അഴിപ്പിച്ചു.രക്ഷിതാക്കളുടെ

പ്രതിഷേധത്തെ തുടര്‍ന്ന് ഡി.ഡി.ഇ അന്വേഷണത്തിനുത്തരവിട്ടു.(വാര്‍ത്ത

03-06-10ലെ പത്രങ്ങളില്‍)

13, കൃസ്ത്യന്‍ മാനേജ്‌മെന്‍റിലുള്ള വെസ്റ്റ്ഹില്‍ സെന്‍റ് മൈക്കിള്‍സ് ഹൈസ്‌കൂളിലും ശിരോവസ്ത്രം വിലക്കിയതായി പരാതി.(വാര്‍ത്ത

13-06-10ലെ പത്രങ്ങളില്‍)

14, എന്‍റെ നാട്ടില്‍ തൃപ്രയാറിനടുത്തുള്ള ഒരു കോണ്‍‌വെന്‍റില്‍ നിന്നും സമാനമായൊരു സംഭവം റിപ്പോര്‍ട്ട് ചെയ്യപ്പെട്ടിട്ടുണ്ട്.

മുഖം മറച്ച കന്യാസ്ത്രീ തട്ടമിട്ട കുരുന്ന് പൈതലിന്‍റെ മുഖത്ത് ആഞ്ഞടിക്കണമെങ്കില്‍ എത്രത്തോളം അസഹിഷ്ണുതയും പരമതനിന്ദയും കുത്തിനിറച്ചതായിരിക്കും അവരുടെ മനസ്സ്.ശിരോവസ്ത്ര വിവാദം ഒറ്റപ്പെട്ട സംഭവമല്ല.കേരളത്തിലങ്ങോളമിങ്ങോളം സംഭവിച്ച് കൊണ്ടിരിക്കുന്നതാണ്.

മുസ്ലിം സമുദായത്തിനെതിരെ ഗുരുതരമായ ആരോപണങ്ങള്‍ ചൊരിഞ്ഞ് കൊണ്ട് ഒരു തെളിവുമില്ലാതെ ലൗ ജിഹാദ് നുണക്കഥകള്‍ പ്രചരിപ്പിക്കാന്‍ സഭയും സംഘ്പരിവാറും കോട്ടയം പത്രങ്ങളും മുന്നിട്ടിറങ്ങിയതും കേരളസമൂഹം മറക്കാറായിട്ടില്ല.

ഇതര സമൂഹങ്ങള്‍ ഇടകലര്‍ന്ന് പരസ്പര സഹവര്‍ത്തിത്തത്തോടെ ജീവിക്കുന്ന നമ്മുടെ നാട്ടില്‍ വെറുപ്പിന്‍റേയും സംശയത്തിന്‍റെയും വിദ്വേഷത്തിന്‍റെയും വിത്ത് പാകാനുള്ള ഗൂഢശ്രമങ്ങള്‍ വളരെ ആസൂത്രിതമായിത്തന്നെ നടന്ന് കൊണ്ടിരിക്കുന്നു എന്നല്ലേ ഇതില്‍ നിന്നൊക്കെ മനസ്സിലാക്കേണ്ടത്.ഇതൊക്കെ സംഭവിക്കുന്നത് നമ്മുടെയൊക്കെ മൂക്കിന് താഴെത്തന്നെയല്ലേ പ്രിയരെ...

അന്നൊന്നും കാണാത്തത്ര ആവേശമാണ് പലര്‍ക്കും കൈവെട്ടല്‍ കേസില്‍ കാണുന്നത്.ഇരുപത്തഞ്ചിലധികം പോസ്റ്റുകള്‍.ആക്രമണത്തിനെതിരെ പൊട്ടിത്തെറിച്ച് കൊണ്ട് ചെയ്തവന്മാരെ ബാസ്റ്റാര്‍ഡ് പച്ചമലയാളത്തില്‍ പറഞ്ഞാല്‍ ചെയ്തവന്മാരുടെ ഉമ്മമാര്‍ക്ക് പണി വല്ലവന്‍റേയും കൂടെ കിടക്കലാണെന്ന് വരെ അങ്ങാടി ഭാഷയില്‍ പറഞ്ഞ് വെക്കുന്നുണ്ട് ചില 'സമുദായ സ്നേഹികള്‍'.'വികാരവിക്ഷോഭത്താല്‍' ആയുധമെടുത്തവരെ നിലക്ക് നിര്‍ത്താന്‍ കച്ചകെട്ടിയിറങ്ങിയവരുടെ 'വികാരത്തള്ളിച്ച' കണ്ട് മൂക്കത്ത് വിരല്‍ വെക്കാനല്ലാതെ മറ്റെന്ത് ചെയ്യാന്‍!

ആനയുടെ ചെവിയിലെ തോട്ടി പോലെ മതേതരത്വം എന്നത് മുസ്ലിം സമുദായത്തിന്‍റെ മാത്രം ചെവിയില്‍ സ്ഥാപിക്കപ്പെട്ട ഒരു തോട്ടിയല്ല.തങ്ങളുടെ ചെവിയിലുമുണ്ട് ഒരു 'മതേതരത്വ തോട്ടി' എന്ന തിരിച്ചറിവ് എല്ലാവര്‍ക്കും ഉണ്ടാവണം.അത് നിലത്ത് വീഴാതിരിക്കാന്‍ എല്ലാവരും ജാഗ്രത പുലര്‍ത്തേണ്ടതുണ്ട്.തോട്ടി തട്ടിത്തെറിപ്പിക്കുന്നത് അതിനി ഏത് കൊമ്പത്തെ മോനായാലും അപലപിക്കപ്പെടണം.അവന്‍റെ കൈക്ക് പിടിക്കുകയും വേണം.

കയ്യെടുക്കുന്നത് താലിബാനിസമാണെങ്കില്‍ കുട്ടികളുടെ മുന്നിലിട്ട് അദ്ധ്യാപകനെ വെട്ടി നുറുക്കുന്നതും,തലകള്‍ അറുത്തെടുത്ത് കണ്ണൂരിന്‍റെ തെരുവില്‍ കാഴ്ചക്ക് വെക്കുന്നതും,കുഴിമാടങ്ങളില്‍ പോലും ബോംബുകള്‍ അടുക്കി വെച്ച് കണ്ണൂരിനെ ബോംബൂരാക്കുന്നതും,അസ്നമാരുടെ കാലുകളും സ്വപ്നങ്ങളും ബോംബെറിഞ്ഞ് തകര്‍ക്കുന്നതും,പള്ളിയിലേക്ക് പോകുന്നവരെ സ്വന്തം മക്കളുടെ മുമ്പിലിട്ട് കൊത്തിയരിയുന്നതും, നാട്ടുകാര്‍ക്ക് പ്രിയങ്കരനായ ഒരു കുടുംബത്തിന്‍റെ അത്താണിയായ സാധുമനുഷ്യനായ ഒരദ്ധ്യാപകനെ ക്ലസ്റ്റര്‍ യോഗസ്ഥലത്തിട്ട് അകാരണമായി ചവിട്ടിക്കൊല്ലുന്നതും 'തത്താലിബാനിസമാണ്'.

സമാധാനവും ശാന്തിയും പുലരേണ്ടത് നമ്മുടെ ഏവരുടേയും ആവശ്യമാണ്.രാജ്യത്തിന്‍റെ നിലനില്‍‌പ്പിന് അത്യന്താപേക്ഷികമാണ്.സ്വതന്ത്രവും നീതിയുക്തവുമായ അന്വേഷണം നടക്കട്ടെ.കുറ്റവാളികളും കുറ്റം ചെയ്യാന്‍ കാരണക്കാരായവരും മുകളില്‍ പറഞ്ഞ 'തത്താലിബാനിസക്കാരെ' ശിക്ഷിച്ച നമ്മുടെ നിയമങ്ങള്‍ അനുസരിച്ച് തന്നെ ശിക്ഷിക്കട്ടെ.

ഒരു ചാനല്‍ ചര്‍ച്ചയില്‍ കെ.ഇ.എന്നും സിവിക് ചന്ദ്രനും അഭിപ്രായപ്പെട്ടത് പോലെ "പാര്‍ശ്വവത്ക്കരിക്കപ്പെട്ട് കൊണ്ടിരിക്കുന്ന ഒരു സമുദായത്തെ മാത്രം പ്രതിക്കൂട്ടില്‍ നിര്‍ത്തിക്കൊണ്ടുള്ള ഈ കാടിളക്കല്‍ അപകടകരമാണ്".

"തികച്ചും പ്രാദേശികമായ ഒരു സംഭവത്തെ ഊതിപ്പെരുപ്പിച്ച് മുസ്ലിം സമുദായത്തില്‍ നിന്നും ഏതോ ഒരു ഭീകരപ്രസ്ഥാനം പിറവിയെടുക്കുന്നു എന്ന രീതിയിലുള്ള പ്രചാരണത്തില്‍ നിന്നും മാധ്യമങ്ങളും രാഷ്ട്രീയ കക്ഷികളും വിട്ട് നില്‍ക്കണം.അത് ദോഷം ചെയ്യും.മുസ്ലികളെ കൂടുതല്‍ പാര്‍ശ്വവത്ക്കരിക്കാനേ അത് ഉപകരിക്കൂ" എന്ന തിരിച്ചറിവ് എല്ലാവര്‍ക്കും വിശിഷ്യാ മുസ്ലിം സംഘടനകള്‍ക്കും ഉണ്ടാവുമെന്ന് തന്നെ പ്രത്യാശിക്കാം.

ചെന്നായും കുഞ്ഞാടും പിന്നെ മൊഹബ്ബത്തും

ഈ പുകിലുകള്‍ക്കിടയില്‍ നാട്ടില്‍ നടക്കുന്ന ഒരു 'മൊഹബ്ബത്തി'നെക്കുറിച്ച് പരാമര്‍ശിക്കപ്പെടാതെ പോകുന്നതെങ്ങനെ!ലൗ ജിഹാദിന്‍റെ സമയത്ത് പരസ്പരം ഒന്ന് ആലിംഗനം ചെയ്തപ്പോള്‍ തുടങ്ങിയതാണത്രെ സംഘ്പരിവാറിന് സഭയോടീ മൊഹബ്ബത്ത്.സംഗതി എന്തോ ഒരു പൊടി പാലില്‍ കലക്കിക്കൊടുത്തതാണെന്നാ നാട്ടിലൊക്കെ സംസാരം.അല്ലെങ്കി ഇങ്ങനുണ്ടോ ചടപടാന്നൊരു മൊഹബ്ബത്.

ഗ്രഹാം സ്റ്റെയിനിന്‍റേയും പിഞ്ചുമക്കളുടെയും മാംസം കരിഞ്ഞ ആ പച്ചമണം ഇന്നും തങ്ങി നില്‍‌പ്പുണ്ട് ഒറീസയുടെ അന്തരീക്ഷത്തില്‍.കാണ്ഡമാലിന്‍റെ തെരുവില്‍ ഒരു കൂട്ടം സംഘിക്കുട്ടികള്‍ തന്‍റെ മാനം പിച്ചിച്ചീന്തിയെറിയുന്ന സമയത്ത് ആ കന്യാസ്ത്രീ സഹോദരിയുടെ തൊണ്ടയില്‍ കുരുങ്ങിയ നിലവിളിയുടെ പ്രതിധ്വനി ഇത് വരെ നിലച്ചിട്ടില്ല.

ചരിത്രപരമായും സാമൂഹ്യപരമായും തന്‍റെ കൂട്ടായവന്‍റെ ചോരക്ക് വേണ്ടി അറിഞ്ഞോ അറിയാതെയോ സംഘിയുമായി കൈ കോര്‍ക്കുമ്പോള്‍ ചെന്നായ്ക്ക് ആട്ടിന്‍ കുട്ടിയോട് തോന്നുന്ന ഈ മൊഹബ്ബത്തിന്‍റെ കാപട്യത്തെക്കുറിച്ച് ഒരു വട്ടം ആലോചിക്കുക.ഇനി ഓര്‍മ്മകള്‍ മരിച്ചെന്നാണെങ്കില്‍ ഒന്ന് 'കാണ്ഡമാല്‍' സന്ദര്‍ശിക്കാന്‍ അപേക്ഷ.ഓര്‍മ്മകള്‍ പുതുക്കാന്‍ ഉപകരിക്കും.

ഇശലിന്‍ തേന്‍ തുള്ളി

2010-06-30T14:47:00.007+03:00

കുറച്ച് നാളായുള്ള ഒരാഗ്രഹം അങ്ങനെ പൂവണിയുന്നു.ഒരു പാട്ട് ബ്ലോഗ് തുറക്കുന്നു.ക്ഷമ ശ്ശി കുറവായതിനാല്‍ റെക്കോര്‍ഡിങ് സോഫ്റ്റ് വെയറില്‍ കുത്തിപ്പിടിച്ചിരിക്കാന്‍ വയ്യ.ചുമ്മാ അങ്ങു പാടി റെക്കോര്‍ഡി.അതിന് ഇച്ചിരി എക്കോയും കൊടുത്തു.

ചിന്തയും ജാലകവും എന്‍റെ പാട്ട് ബ്ലോഗിലേക്ക് ഇത് വരെ ഒരു മൂന്നടി വഴി പതിച്ച് നല്‍കിയിട്ടില്ല.അവര്‍ വഴി തരുന്നത് വരെ കാത്തിരിക്കാനുള്ള ക്ഷമയുമില്ല.അതിനാല്‍ തത്ക്കാലം എന്‍റെ ഇടത്തിലൂടെ പാട്ട് ബ്ലോഗ് 'മെഹ്ഫില്‍' ലേക്ക് ഒരു കുറുക്ക് വഴി വെട്ടുകയാണ്.പ്രിയവായനക്കാര്‍ സന്ദര്‍ശിക്കുമല്ലോ.

മെഹ്ഫില്‍

ഇശലിന്‍ തേന്‍ തുള്ളികള്‍ക്കായൊരിടം

'ഹെഡ്‌ലിയെ ചോദ്യം ചെയ്യല്‍'. (ആന മയിലൊട്ടകം)

2010-06-06T09:16:00.026+03:00

ചെങ്ങായീന്‍റെ ഒരു പോട്ടോയെങ്കിലും തായോ ഒബാമ സായിപ്പേ.'ജോധ്യം' ചെയ്ത് ഞങ്ങളിന്ത്യക്കാരൊന്ന് വിഷമം തീര്‍ക്കട്ടെ.നമ്മളു കാല്‍ക്കല്‍ വീണു മുറവിളി കൂട്ടാന്‍ തുടങ്ങീട്ട് കാലം കൊറച്ചായിരിക്കുന്നു.ആണവകരാറില്‍ ഒപ്പിട്ടില്ലേ.ഇറാനെതിരെ രക്ഷാസമിതിയില്‍ വോട്ട് ചെയ്തില്ലേ.പണ്ടത്തെ പോലല്ല.ഇങ്ങളെ ഗേള്‍ ഫ്രണ്ട് ഇസ്രായേലിനെ ഞങ്ങക്കിപ്പോ പെരുത്തിഷ്ടാണ്.പോരാത്തേന് ഇടക്കിടക്ക് സുയിപ്പിക്കണുണ്ട്.എണ്ണയിട്ട് കാല് ഞെക്കിത്തരണ്‌ണ്ട്.ഇങ്ങനൊക്കെ ചെയ്തിട്ടും.ഒന്നു മൈന്‍ഡ് ചെയ്യ.ഒരനുകൂല പ്രതികരണം. ആഹ! ഒന്നുല്ല :(

ഓനെ വിട്ട് തരാന്‍ അമേരിക്കയിലെ എന്തോ കോപ്പ് നിയമം അനുവദിക്കുന്നില്ല പോലും.മുംബൈ ആക്രമണത്തില്‍ ഹെഡ്‌ലി ഗൂഢാലോചന നടത്തിയതിന് മതിയായ തെളിവുകളുണ്ടെന്ന് ഇന്ത്യ.ഇന്ത്യയില്‍ വന്ന് ബോംബും പൊട്ടിച്ച് നമ്മുടെ നാട്ടാരേം കൊന്ന് ജനങ്ങളുടെ സമാധാനം തകര്‍ത്ത് രാജ്യത്തിന്‍റെ പരമാധികാരത്തെ വെല്ലുവിളിച്ച്...

കള്ള ഹിമാറ്.അമേരിക്കന്‍ പാസ്സ്പോര്‍ട്ട് ഉണ്ടെന്ന് വെച്ച് പൂ മോനെ ഒരു വാര അകലെ നിന്നെങ്കിലും ഒന്ന് കാണാന്‍ ഇത് വരെ അനുവദിച്ചിട്ടില്ല.ഇത് തിണ്ണബലവും അഹങ്കാരവും മാത്രമല്ലത്രെ.ഗഡി ലശ്ക്കറിന്‍റേം എഫ്.ബി.ഐ യുടേയും സം‌യുക്ത ഏജന്‍റാണ്.ലവനെ വിട്ട് കൊടുത്താല്‍ ബോംബെ പോലുള്ള പൊട്ടലുകള്‍ക്കും ചീറ്റലുകള്‍ക്കും പിന്നിലെ അമേരിക്കന്‍ താത്പര്യം പുറത്താവും.അതിനാലാണ് ഇവനെ വിട്ട് കൊടുക്കാതിരിക്കാനുള്ള അമേരിക്കന്‍ 'നിയമങ്ങള്‍' ഉണ്ടാവുന്നത് എന്നൊക്കെ മാധ്യമങ്ങള്‍ അടക്കം പറയുന്നുണ്ട്.

ഇനി ഈ അനീതിക്കെതിരെയുള്ള നമ്മുടെ നേതാക്കന്മരുടെ പ്രസ്താവന നോക്കാം.

'ഇന്ത്യന്‍ നിയമ സംവിധാനങ്ങളെ യുഎസ് ബഹുമാനിക്കുന്നതുപോലെ യുഎസ് നിയമ സംവിധാനങ്ങള്‍ ഹെഡ്‌ലിക്ക് നല്‍കിയ ആനുകൂല്യങ്ങളെ ഇന്ത്യ അംഗീകരിക്കേണ്ടതുണ്ട്' - എസ്.എം കൃഷ്ണ.

മനസ്സിലായില്ലേ?അയ്ക്കുറപ്പില്ലാന്ന് അന്താരാഷ്ട്ര ഭാഷയില്‍ പറഞ്ഞതാ മൂപ്പര്‍.നിയമ സം‌വിധാനങ്ങളും ഒരു യു.എസ് ബഹുമാനവും..

അങ്ങനെ അവസാനം ആറ്റ്നോറ്റ് കാത്തിരുന്നിട്ട് നമ്മുടെ എന്‍.ഐ.എക്ക് ഹെഡ്‌ലിയെ ഒരു നോക്ക് കാണാനുള്ള ഫാഗ്യം ലഭിച്ചിരിക്കുന്നു.

കൊച്ചിയില്‍ നിന്ന് അണ്‍ഡര്‍വെയര്‍ വാങ്ങിയ കടവരെ ഹെഡ്‌ലി തൊട്ട് കാണിക്കുമെന്നാണ് എന്‍.ഐ.എ പ്രതീക്ഷ.ഒരു വഴിക്ക് പോകുന്നതല്ലേ.പ്രതീക്ഷ നല്ലതാണ്.ഒരു എഫ്.ബി.ഐ ഏജന്‍റിനോട് ഓന്‍റെ കുടീ ചെന്നുള്ള ഈ ഇന്‍റര്‍വ്യൂവില്‍ രഹസ്യങ്ങള്‍ എത്ര കണ്ട് 'ചുരുളഴിയുമെന്ന്' കാത്തിരുന്ന് തന്നെ കാണണം.

ഇന്ത്യയില്‍ താങ്കള്‍ക്ക് ഇഷ്ടപ്പെട്ട പാനീയം.സാത്തുക്കുടി,നാരങ്ങ വെള്ളം ഇനി വല്ല മോരോ സംഭാരമോ?'ചോദ്യാവലിയില്‍' ഇങ്ങനൊരു ചോദ്യം കൂടെ ഉള്‍പ്പെടുത്തിയാല്‍ ഒരു ശരിയുത്തരമെങ്കിലും പഹയനെക്കൊണ്ട് പറയിപ്പിച്ചല്ലോ എന്ന സമാധാനത്തോടെ എന്‍.ഐ.എ ടീംസിനു മടങ്ങാം.

എവിടെയാണിവര്‍ക്ക് പിഴക്കുന്നത് ?

2010-05-21T13:35:00.009+03:00

'കുക്ക് ഇക്ക'

ഞാന്‍ അങ്ങനെയാ മൂപ്പരെ വിളിക്കാറ്.ഫ്ലാറ്റിലെ കുക്ക്.ഒരു കോഴിക്കോട്ടുകാരന്‍ മധ്യവയസ്ക്കന്‍.ഒന്നൊന്നര വയര്‍,കൊഴിഞ്ഞ് തീരാറായ മുടി,പ്രഷര്‍,ഷുഗര്‍,കൊളസ്ട്രോള്‍ സാമാന്യം ഒരു പ്രവാസിക്ക് വേണ്ട ഗുണഗണങ്ങളെല്ലാം തികഞ്ഞ ഒരുത്തന്‍.രണ്ട് മൂന്ന് മാസമായി ഞാന്‍ ഇദ്ധേഹത്തെ കാണുന്നു.പണിയില്ലാതെ ഫ്ലാറ്റില്‍ ഇരിക്കുന്നതിനാല്‍ ഇടക്ക് മൂപ്പരുടെ അടുത്ത് പോയി കോഴിക്കോടന്‍ ബിരിയാണി, മജ്ബൂസ് എന്നിവ ഉണ്ടാക്കുന്നതെങ്ങനെയെന്ന് നോക്കിയിരിക്കും.അങ്ങനെ പെട്ടെന്ന് തന്നെ അങ്ങോരുമായി പെട്ടെന്ന് സൗഹൃദത്തിലായി.

ഖത്തറിലെ ഫ്ലാറ്റിലെത്തി ആദ്യത്തെ മാസം.ദുഫായി വിട്ട് നാട്ടില്‍ ഒരു വര്‍ഷം വെറുതെ ഇരിക്കേണ്ടി വന്നതിന്‍റെ ക്ഷീണം തീര്‍ക്കണ്ടേ.കുക്ക് ഇക്കാന്‍റെ മജ്ബൂസും നെയ്ച്ചോറും കോളിഫ്ലവര്‍+ചിക്കന്‍ മിക്സ് ചെയ്തുണ്ടാക്കുന്ന കോച്ചിയും(ഞാനിട്ട പേരാണ്) മുന്നിലേക്കെത്തേണ്ട താമസമേ ഉണ്ടായിരുന്നൊള്ളൂ.പ്ലേറ്റ് ഇങ്ങനെ അധികനേരം നിറഞ്ഞിരിക്കുന്നത് എനിക്കിഷ്ടല്ല.അത് ഒജീനത്തെ അപമാനിക്കലാത്രെ.പണ്ട് വല്ലിമ്മാന്‍റെ കയ്യീന്ന് കിട്ടിയ ഉപദേശങ്ങളില്‍ ഏറ്റവും ശുഷ്കാന്തിയോടെ അക്ഷരം പ്രതി ഞാന്‍ പാലിക്കുന്നത് ഇത് മാത്രമാണ്.ആദ്യത്തെ മാസം തന്നെ രണ്ട് കിലോ കൂടിക്കിട്ടി.

ഇത്രയും പറഞ്ഞത് റപ്പായി ജൂനിയര്‍ എന്ന പദവി എനിക്ക് പതിച്ച് കിട്ടാന്‍ വേണ്ടിയല്ലെന്നും ഞാനമ്മാതിരി തീറ്റക്കാരനാണെന്ന് നിങ്ങള്‍ തെറ്റിദ്ധരിക്കില്ലെന്നും കരുതട്ടെ.കുക്ക് ഇക്കാന്‍റെ കുക്കിങിനെ കുറിച്ചൊരു ധാരണ വേണമല്ലോ...ഒന്നൊന്നര ഫുഡ് തന്നെ.എന്നാല്‍ ഞാന്‍ വന്ന് രണ്ടാമത്തെ മാസം മുതല്‍ തുടങ്ങി പ്രശ്നങ്ങള്‍.ചിക്കന്‍ മജ്ബൂസ് ഉള്ള ദിവസം വേറെ എന്ത് പരിപാടിയുണ്ടെങ്കിലും അതും മാറ്റി വെച്ച് ഫുഡ്ഡാന്‍ വന്നിരിക്കുന്ന ഞങ്ങളെ വരവേല്‍ക്കുന്നത് ചകിരി നാര് പോലെ മസാല പിടിക്കാത്ത വേവാത്ത ചിക്കന്‍.കിടക്കുന്ന കിടപ്പ് കണ്ടാല്‍ 'വിത്തൗട്ട് കോയീസ് പെര്‍മിഷന്‍' മൂപ്പരെ എടുത്ത് മജ്ബൂസിലിട്ടതാണെന്ന് തോന്നും.ഖത്തറിലെ ഏതോ ഒരു പിശുക്കന്‍ മനസ്സില്ലാ മനസ്സോടെ ദാനം ചെയ്ത അരി കൊണ്ട് വെച്ച പോലോത്തെ ചോറും.ഒരു മാതിരി കോപ്പിലെ ഫുഡ്.കുക്കിനെ മാറ്റണം.ഇത് ശരിയാവില്ല.പരാതികള്‍ ഉയര്‍ന്ന് തുടങ്ങിയപ്പോള്‍ എന്താ പറ്റിയതെന്നറിയാന്‍ ഒരു ദിവസം ഞാന്‍ മൂപ്പരെ സമീപിച്ചു.

"കുക്ക്ക്കാ ഇങ്ങക്ക് സുഖം തന്നെ?തടി ഇത്തിരി കൂടീണ്ട്ട്ടോ.പിന്നേയ് ഒരു കാര്യം ചോയ്ക്കാനുണ്ട്.മജ്ബൂസില് ഇടുമ്പോ കോയീന്‍റെ പെര്‍മിഷന്‍ വാങ്ങിച്ചൂടെ കോയാ ഇങ്ങക്ക്.എന്തിനാ ചുമ്മാ ആള്‍ക്കാരെക്കൊണ്ട് പറയിപ്പിക്കണേ."

എന്‍റെ 'ചൊറിയല്‍' മൂപ്പര്‍ക്ക് മനസ്സിലായില്ല.ഉള്ളി കട്ട് ചെയ്യുന്നത് നിര്‍ത്തി മുഖമുയര്‍ത്തി ഗൗരവത്തില്‍ എന്നെ നോക്കി.ചോദ്യം ഇഷ്ടപ്പെട്ടില്ല/പറഞ്ഞത് മനസ്സിലായില്ല എന്ന മട്ടില്‍.ഒരിടത്ത് ഒരു പോസ്റ്റിട്ടതിന്‍റെ ക്ഷീണം ഇത് വരെ തീര്‍ന്നിട്ടില്ല അതിന്‍റെ കൂടെ വല്ലാതെ തമാശിച്ച് അയാളുടെ വായിലുള്ളതും കൂടി കേള്‍ക്കാന്‍ തീരെ താത്പര്യമില്ലാത്തോണ്ട് നേരിട്ട് കാര്യം പറഞ്ഞു.

'അല്ലിക്കാ ഇങ്ങടെ ഫുഡിനെച്ചൊല്ലി ഫ്ലാറ്റാളികള്‍ പരാതി പറയുന്നുണ്ട്.എന്താ പറ്റിയതെന്നറിയാന്‍ വേണ്ടി ഞാന്‍ ചുമ്മാ...'

'ഹാ.അങ്ങനെ തെളിച്ച് പറ.ഞാങ്കരുതി ഇയ്യെന്നെ ആസാക്കുന്നതാണെന്ന്.'

കാര്യം പിടി കിട്ടിയ കുക്ക് ഇക്ക ഉള്ളിവെട്ട് തുടരുന്നതിനിടെ പറഞ്ഞു.'മോള് ബി.കോം കഴിഞ്ഞ് വീട്ടിലിരിക്യാ.ഒരു കോഴ്സിന് ചേരണന്ന് കൊറച്ചായി പറയണ്.ഫീസ് അന്വേഷിച്ചിട്ട് വിളിക്കാന്‍ പറഞ്ഞിരുന്നു ഞാന്‍.ഓള് വിളിച്ചിരുന്നു.60000 ഉറുപ്യ വേണംത്രെ.കായി ഒപ്പിക്കാനുള്ള ബദ്ധപ്പാടിലാണ് ഞാന്‍.ഗ്രാഫിക് ഡിസൈന്‍ ആണ്.ഇത് പഠിച്ചാല് ജോലിക്കൊക്കെ സാധ്യതയുണ്ടോടാ?

***ഇതിന്‍റെ സാധ്യതയെക്കുറിച്ചൊന്നും എനിക്കറിയില്ല ഇക്കാ.വേറെ കോഴ്സ് ഒന്നുമില്ലേ.ബി.എഡിനു വിടുന്നതല്ലേ കുറച്ച് കൂടെ നല്ലത്.അതാകുമ്പോ ജോലി സാധ്യതയുണ്ടെന്നാ എനിക്ക് തോന്നുന്നേ.അല്ലെങ്കിത്തന്നെ ഇത്ര പെട്ടെന്ന് നിങ്ങളെവിടുന്നാ ഇത്രേം കാശുണ്ടാക്കുന്നേ.ബി.കോം+ഗ്രാഫിക് ഡിസൈന്‍.അതും എന്തോ ഒരു മാച്ചില്ലല്ലോ..ആട്ടെ.എന്താ അവള്‍ ഇത് തന്നെ തെരെഞ്ഞെടുത്തത്.ഗ്രാഫിക്ക് ഡിസൈനിങ്ങില്‍ കമ്പമുണ്ടോ?***

അങ്ങനൊന്നും ഇല്ല.ഈ കോഴ്സിന് ചേര്‍ന്നാല് പഠിക്കുന്നിടത്ത്ന്ന് ലാപ്പ്ടോപ്പ് കിട്ടുമത്രെ.അതാ കാരണം.പിന്നെ കെട്ട് പ്രായം കഴിഞ്ഞ് നില്‍ക്കുന്നോണ്ട് അവളെയിങ്ങനെ വീട്ടില് ഇരുത്താനും പറ്റില്ല.അതോണ്ട് ഞാന്‍ സമ്മതം മൂളിയതാ.

***അത് ശരി.അപ്പോ അതാണ് കാര്യം.നിങ്ങള്‍ ഓള്‍ക്ക് വിളിച്ചിട്ട് ഓളോട് ഇതിന് പോകണ്ടാന്ന് പറ.ബി.എഡ് സെന്‍റര്‍ അടുത്തുണ്ടാവും.അത് അന്വേഷിക്കാനും പറ.ചുമ്മാ നിങ്ങള്‍ നിലയറിയാതെ പെരുമാറല്ലേ ചങ്ങാതീ.കുട്ടികള്‍ക്ക് കാര്യങ്ങള്‍ അറിയില്ലെങ്കില്‍ പറഞ്ഞ് കൊടുക്കേണ്ട നിങ്ങള്‍ അവരുടെ താളത്തിനൊത്ത് തുള്ളുകയാണോ വേണ്ടത്.എന്നിട്ട് അനാവശ്യ കാര്യങ്ങള്‍ക്കായി കിടന്ന് ടെന്‍ഷനടിക്കുന്നു.ചുമ്മാ...(ഇത്തിരി ചൂടായിത്തന്നെ ഞാന്‍ പറഞ്ഞു)

ആ സാധു ദയനീയമായി എന്നെയൊന്ന് നോക്കി.അങ്ങനെയല്ലെടാ നിനക്കറിയില്ല എന്‍റെ പ്രശ്നങ്ങള്‍.

വളരെ ചുരുക്കിപ്പറയട്ടെ മൂപ്പരുടെ കഥ.മൂന്ന് പെണ്മക്കള്‍.മൂത്തവള്‍ക്ക് മൊഞ്ച് ഇത്തിരി കുറവാണ്.കൂടെ തടിച്ച ശരീരപ്രകൃതിയും.കല്യാണപ്രായം കഴിഞ്ഞിരിക്കുന്നു.വരുന്നവര്‍ താങ്ങാന്‍ കഴിയാത്ത സ്ത്രീധനവുമാണ് ചോദിക്കുന്നത്.ഇക്കാരണങ്ങളെക്കൊണ്ട് തന്നെ നിക്കാഹ് വൈകി.താഴെയുള്ളവര്‍ക്കും കെട്ട് പ്രായം ആയിരിക്കുന്നു.അങ്ങനെ നിവൃത്തിയില്ലാതെ മൂത്തവളെ നിര്‍ത്തി തൊട്ട് താഴെയുള്ള കാണാന്‍ വലിയ കുഴപ്പമില്ലാത്ത കുട്ടിയെ കെട്ടിച്ചയച്ചു.അതും അയാളെക്കൊണ്ട് കഴിയാത്ത സ്ത്രീധനവും കൊടുത്ത്.

ഗതികേട് നോക്കണേ കെട്ടിയവനോ ഒരു മുഴുക്കുടിയനും.കുടിക്കാന്‍ കാശില്ലാതാകുമ്പോള്‍ ആ കുട്ടിയെ അവന്‍ വീട്ടില്‍ കൊണ്ട് വന്നാക്കും.എന്നിട്ട് ബാപ്പാക്ക് വിളിപ്പിക്കും.'ഉപ്പാ കാശ് വേണം.ഇല്ലെങ്കി ഇയാള് ന്നെ മൊഴി ചൊല്ലും ഉപ്പാ'.അമര്‍ത്തിപ്പിടിച്ച വിതുമ്പല്‍ ബാപ്പാടെ ശബ്ദം കേള്‍ക്കുമ്പോഴേക്കും കൈവിടും.കുഞ്ഞുമോളുടെ തേങ്ങിക്കരച്ചില്‍ കേട്ട് ചങ്ക് തകര്‍ന്ന് ആ സാധു ഓടി നടന്ന് കാശ് ഒപ്പിച്ചയക്കും.കല്യാണം കഴിഞ്ഞ് ഏതാനും ആഴ്ചകള്‍ക്ക് ശേഷം തുടങ്ങിയതാണത്രെ മരുമകന്‍റെ ഈ ഗുണ്ടാ പിരിവ്.അതിനിടെ ആഭരണങ്ങള്‍ വാങ്ങിയിടത്ത് പറഞ്ഞ അവധി തീര്‍ന്നു.മോളെ കെട്ടിച്ച് കൊടുത്ത വീട്ടില്‍ പോയി ആഭരണങ്ങള്‍ ഊരിയെടുക്കുമെന്ന് വരെ ഭീഷണിപ്പെടുത്തിയിരിക്കുന്നു ജ്വല്ലറിക്കാര്‍.

ഇളയ മോള്‍ നന്നായി പഠിക്കും.അവളെ ബി.ടെക്കിന് വിടണം.മൂത്ത മകളുടെ വലിയ ആഗ്രഹമാണ് ഒരു ലാപ്പ് ടോപ്പ്.കൂടെ ഒരു നെറ്റ് കണക്ഷനും.നാട്ടില്‍ പോകുന്നതിന് മുമ്പ് ലാപ്പ്ടോപ്പ് എങ്ങനെയെങ്കിലും വാങ്ങിക്കണം.അതില്ലാതെ അങ്ങോട്ട് ചെന്നാല്‍ മനസ്സമാധാനം തരില്ല.ഇത് മുകളില്‍ പറഞ്ഞ പ്രശ്നങ്ങള്‍ക്ക് പുറമെയുള്ള കുക്ക് ഇക്കാന്‍റെ ആഗ്രഹങ്ങള്‍.

ഇനി മൂപ്പരുടെ വരുമാനം എത്രയാന്ന് അറിയണ്ടേ..1500 റിയാല്‍(19000 RS.)രണ്ട് ഫ്ലാറ്റിലെ കുക്കിങിന് കിട്ടുന്ന ശമ്പളം.റൂമും ചിലവും കഴിഞ്ഞാല്‍ ബാക്കി 12000 ക.അതില്‍ ഒരു ഫ്ലാറ്റുകാര്‍ അദ്ധേഹത്തിന്‍റെ സര്‍‌വ്വീസ് ടെര്‍മിനേറ്റ് ചെയ്തു.ഇപ്പോഴത്തെ ശമ്പളം അങ്ങനെ 750 ഖത്തര്‍ റിയാല്‍ ആയി ചുരുങ്ങി.വിസയില്ല.ഏത് സമയവും പോലീസ് പൊക്കാം.അങ്ങനെയിരിക്കുമ്പോഴാണ് പെട്ടെന്നൊരു ദിവസം മൂപ്പര്‍ അപ്രത്യക്ഷനായത്.എവിടെയാണെന്ന് ആര്‍ക്കും ഒരു വിവരവുമില്ല.മൊബൈല്‍ സ്വിച്ഡ് ഓഫ്.കഴിഞ്ഞ ആഴ്ച മുതല്‍ ചിലര്‍ തിരഞ്ഞ് വരാനും തുടങ്ങി.വന്‍ സംഖ്യയുടെ സ്വന്തം കടങ്ങള്‍ക്ക് പുറമെ ഫ്ലാറ്റിലെ ചിലര്‍ക്കെന്ന് പറഞ്ഞും പലരില്‍ നിന്നും കാശ് വാങ്ങിയിരിക്കുന്നു.അങ്ങനെ നാടന്‍ ഭാഷയില്‍ പറഞ്ഞാല്‍ 'കുക്ക് ഇക്ക' മുങ്ങി.

*കള്ളന്‍.

*ഇയാള് ഇത്തരക്കാരനെന്ന് കരുതിയില്ല.

*എനിക്ക് പണ്ടേ അറിയാരുന്നു കള്ളനാണെന്ന്.ഞാനിത്തിരി ഡിസ്റ്റന്‍സ് ഇട്ടാണു നിന്നത്.അതിനാല്‍ കാശ് പോയില്ല.

*എത്രയൊക്കെ പ്രശ്നങ്ങളുണ്ടായാലും ഇമ്മാതിരി ചതിക്കാന്‍ പാടുണ്ടോ.

*എന്നാലും പോകുന്നതിന് മുമ്പ് അയാക്കൊന്ന് പറയാരുന്നു.

*ഇയാളിനി ജയിലിലാകാനും സാധ്യതയുണ്ട്.

കുക്ക് ഇക്കാനെ ചുറ്റിപ്പറ്റി ഫ്ലാറ്റിലെ ചര്‍ച്ചകള്‍ ദാ ഇങ്ങനെ പോകുന്നു.

ആരെയാ കുറ്റം പറയേണ്ടത് ?

എവിടെയാ 'കുക്ക് ഇക്കമാര്‍ക്ക്' പിഴക്കുന്നത് ?

നന്ദിഗ്രാം മണക്കുന്നു.നിങ്ങള്‍ക്കോ ?

2010-05-07T02:01:00.013+03:00

വികസനമാണത്രെ വികസനം.(എന്‍റെ ഇടമായത് കൊണ്ട് ഇവിടെ തുപ്പുന്നില്ല)ആരുടെ കീശേം പള്ളേം വികസിപ്പിക്കാനാണാവോ?ജനങ്ങള്‍ക്ക് വേണ്ടാത്ത ജനഹിതം മാനിക്കാതെ ഇല്ലാത്ത വ്യവസായമേഖലയിലേക്ക് ഇത്ര 'ധിടുക്കത്തില്‍' നാലുവരിപ്പാത വെട്ടാന്‍ എളമരം ചേട്ടന്‍ ഇറങ്ങിത്തിരിച്ചതിന് പിന്നിലെ ചേതോവികാരം എന്തായിരിക്കും.മാലോകര്‍ എന്തൊക്കെയോ അടക്കം പറയുന്നുണ്ട്.സംഗതി ഉള്ളതാണേലും ഇല്ലാത്തതാണേലും തെളിച്ച് ഇവിടെ എഴുതാന്‍ നിക്കിത്തിരി പേടിണ്ടേ.സര്‍ സി.പീടെ കാലമാണത്രെ.

മന്ത്രി കൊണ്ട് വരുന്ന വികസനം എന്ത് കോപ്പാന്ന് കിനാലൂര്‍കാര്‍ക്ക് അറിയില്ല.നാട്ടുകാര്‍ ചേര്‍ന്ന് സൂപീകരിച്ച ജാഗ്രതാ സമിതിക്ക് അറിയില്ല.എന്തിനേറെ സ്ഥലം എം.പി പോലും കൈ മലര്‍ത്തി പറയുന്നു മാഫീ മാലൂം.ചോദിച്ചോട്ടെ.ഏത് ഉമ്മാന്‍റെ മോന്‍റെ വീട്ടീ കുത്തിരുന്ന് പടച്ചുണ്ടാക്യേതാണപ്പാ ഇത്.

മലേഷ്യന്‍ കമ്പനി ഉപഗ്രഹനഗരം ആന മയിലൊട്ടകം എന്നൊക്കെ പെറുമ്പറ മുഴക്കി തുടങ്ങിയ പദ്ധതി ഇപ്പോ ചെരിപ്പ് വ്യവസായത്തില്‍ എത്തി നില്‍ക്കുന്നുവെന്നാ കേള്‍ക്കണേ.ഈ ചെരിപ്പ് കമ്പനിയിലേക്കാണത്രെ നാലുവരിപ്പാത വെട്ടാനായി പോലീസും സഖാക്കളും സംഘടിച്ചെത്തിയത്.കേവലം ഒരു ചെരിപ്പ് കമ്പനിയിലേക്ക് നാലു വരിപ്പാത!ഹോ പാവങ്ങളുടെ പാര്‍ട്ടിക്ക് വികസനത്തോടുള്ള ഒരു ശുഷ്കാന്തി നോക്കണേ.നന്ദി ഗ്രാം മണക്കുന്നില്ലേ പ്രിയരേ...

മക്കളേ കുട്ടിസഖാക്കളേ ഇത് പശ്ചിമബംഗാളല്ല നന്ദിഗ്രാമല്ല സിംഗൂരുമല്ല.ഇളമരത്തുള്ള കരീം മുതലാളിക്ക് തോന്നുമ്പോ വെട്ടിയെടുത്ത് കൊണ്ട് പോകാന്‍ കിനാലൂര്‍ അങ്ങോര്‍ക്ക് സ്ത്രീധനം കിട്ടിയതുമല്ല.നിരപരാധികളായ സ്ത്രീകളും കുട്ടികളും വൃദ്ധന്മാരും അടങ്ങുന്നവരെ ചട്ടിത്തൊപ്പിക്കാരായ ക്രിമിനലുകളെ വിട്ട് നിര്‍ദ്ദാക്ഷിണ്യം ഭീകരമായി തല്ലിയൊതുക്കി ജനകീയ സമരങ്ങളെ ചോരയില്‍ മുക്കി ഇല്ലാതാക്കി അങ്ങു ഞെളിഞ്ഞ് നടക്കാമെന്ന് കരുതിയോ പ്രമാണിമാരേ കുത്തക മുതലാളിമാരേ.ചെങ്ങറ, ബീമാപള്ളി, വര്‍ക്കലയിലെ ദളിത് വേട്ടയും സുജയുടെ ഗര്‍ഭം അടിച്ച് കലക്കലും, ഇപ്പോഴിതാ കിനാലൂരും.

ഹല്ല.അറിയാന്‍ മേലാഞ്ഞിട്ട് ചോദിക്കുവാ.എങ്ങോട്ടായിത്.വന്ന വഴികളെല്ലാം മറന്ന് കൊടി വെച്ച കാറിനുള്ളിലേക്ക് സഖാക്കന്മാരെ പിടിച്ചിരുത്തിയ പാവം ജനങ്ങളേയും വിസ്മരിച്ച് എങ്ങോട്ടാ കുതി കുത്തിയുള്ള ഈ പാച്ചില്‍ ?

ഒരു ഫെബ്രുവരിയുടെ ഓര്‍മ്മക്ക്

2010-02-28T15:39:00.007+03:00

ജീവനും കയ്യില്‍ പിടി

ച്ചോടുമ്പോള്‍ കണ്ടുഞാനാ കാഴ്ച.

ഇടവഴിയിലുണ്ട് കൗസര്‍.

നൂല്‍ബന്ധമില്ലാതെ മണ്ണിലമര്‍ന്ന്.

മുഴുത്ത മാമ്പഴം കണ്ടാലൊന്ന്

സ്വാദ്നോക്കാത്തോരുണ്ടോ നാട്ടില്‍.

സത്ത് ഊറ്റിയെടുക്കുന്ന തിരക്കിലൊ

രാള്‍ക്കൂട്ടവുമുണ്ടവള്‍ക്ക് ചുറ്റിലും.

എട്ട് മാസമുള്ളില്‍ സ്പന്ദിച്ച ജീവന്‍

പുറത്തെടുക്കുന്നൊരു ഡോക്ടര്‍.

വിട്ട്പിരിയാന്‍ വിസമ്മതിച്ച

പൊക്കിള്‍ കൊടിബന്ധം.

കയ്യില്‍ ചുറ്റി വലിച്ച്

വേര്‍പെടുത്തുന്നു നരാധമനൊരുവന്‍.

തൃശൂലമുനയില്‍ കുരുങ്ങിയ

ചോരപ്പൈതല്‍ കിടന്ന് പിടച്ചൂ

ഒരിറ്റ് കനിവിനായ്.

എന്തിനോ തേടുന്നുണ്ടാ

കുഞ്ഞു വിരലുകളിടക്ക്.

അര്‍ദ്ധബോധാവസ്ഥയിലും

കൗസറിന്‍റെ ഞരക്കം.

പൊന്നോമനേ...

നീയെന്ത് തെറ്റ് ചെയ്തിവരോട്!

നരോദയുടെ തെരുവ്.

വരിയൊപ്പിച്ച് നില്‍ക്കുന്നു

കതിനകള്‍ പോലെ മനുഷ്യ മക്കള്‍.

പാല്‍മണം മാറാത്ത വായില്‍

വെടിമരുന്നിന്‍ ചവര്‍പ്പ്.

അയലത്തെ ഏട്ടന്‍ വായില്‍ തന്നത്

വെല്ലമിഠായിയല്ലെന്നും തോട്ടയാണെന്നും

തിരിച്ചറിയാത്തവര്‍.

പൊട്ടിച്ചിതറിയ കുഞ്ഞുശരീരങ്ങള്‍.

ചിതറിത്തെറിച്ച ചോരയില്‍

ചെഞ്ചായമണിഞ്ഞ് നരോദ.

പാതികരിഞ്ഞ് കാലിലെ ചുവപ്പിനിയും

മായാത്ത നിഷ്കളങ്ക ജന്മങ്ങള്‍.

മരക്കൊമ്പില്‍ തൂങ്ങിയാടുന്നു

മിടിപ്പ് നിലക്കാതെ

ഒരു പിഞ്ചു ഹൃദയം.

ഇറുക്കിയടച്ചു ഞാന്‍

കണ്ണുകള്‍.

പശിയടക്കാന്‍ ഭയം

മാത്രമാണടുപ്പത്ത്.

ഇനിയുമെത്രയകലെയാണ് രക്ഷകന്‍ ?

നാളേറെയായീ നിലവിളി.

ഇന്നും കേള്‍ക്കാം

നാമഭേദങ്ങളോടെ.

ഭീവണ്ടി ബോംബെ

ഗുജറാത്ത്.

കഴുത്തും നീട്ടി കാത്തിരിക്കുന്നിവര്‍

വോട്ട് പെട്ടികള്‍.

'മുഖ്യധാരയില്‍' ലയിച്ച്

'സം‌യമനം' പാലിച്ച്.

രക്ഷകന്‍ വന്നണയുമായിരിക്കും.

തൃശൂലമേന്തിയ കൈകള്‍

പിടിക്കാനാവില്ലെനിക്ക്.

മുറിയടച്ചിരുന്നീ ആത്മാക്കള്‍ക്കായി

രണ്ട് വരിയെങ്കിലുമെഴുതട്ടെ.

സമൂഹമേ ദയവ് ചെയ്തെന്നെ

ഭീകരവാദിയാക്കരുതേ....

ഗീബത്സിയോ മീറ്റര്‍

2009-12-11T09:59:00.009+03:00

പ്രണയത്തിനു കണ്ണില്ല മൂക്കില്ല എന്നൊക്കെ എഴുതിവിട്ടവിട്ടവനാരെടാ..ആ ചെങ്ങായി ഇന്നുണ്ടായിരുന്നെങ്കില്‍ മാധ്യമങ്ങളും സംഘികളും ചില ജഡ്ജിയേമാന്മാരും ചേര്‍ന്ന് എടുത്തിട്ടടിച്ചേനെ.പ്രണയത്തിനു കണ്ണും മൂക്കും പല്ലും നഖവും മതവും എല്ലാമുണ്ട് കൂട്ടരേ.ചുമ്മാ പറഞ്ഞതല്ല കേട്ടാ.ദാണ്ടെ ഇത് കണ്ടോ.കണക്കുകള്‍ സംസാരിക്കുന്നു...

'ഇരുന്നൂറ്റിപയ്നാറ്,എയ്പത്തെട്ട്,നൂറ്റിപ്പൈനൊന്ന്'.ഹൊ എത്ര കണിശം എത്ര വ്യക്തം.ഇത്ര കൃത്യവും വ്യക്തവുമായി സംഗതി കാണിച്ചിട്ടും പിന്നെയും കണക്കിന്‍റെ ആധികാരികത മാങ്ങാത്തൊലി എന്നൊക്കെപ്പറഞ്ഞ് ചിലര്‍ അലറിവിളിക്കുന്നത് കാണുമ്പോള്‍ സത്യായിട്ടും സങ്കടം തോന്നുന്നു.നോ ഡൗട്ട്, ഇവര്‍ മൊഞ്ചന്‍ ജിഹാദീ ഫീകരന്മാര്‍ക്ക് കഞ്ഞി വെക്കുന്നവര്‍ തന്നെ.ഈ കശ്മല്‍സിനറിയുമോ കാര്യങ്ങളുടെ കിടപ്പ്.സംഗതികള്‍ ഇത്രത്തോളമെത്തിയ നിലക്ക് കഷ്ടപ്പെട്ട് നുമ്മടെ പുള്ളാര്‍ 'കണ്ടെത്തിയ' ഈ കണക്കുകളെ പൊതുജനം അവിശ്വസിക്കുന്ന അവസ്ഥ സംജാതമായതിനാല്‍ ഞങ്ങള്‍ രഹസ്യം പുറത്ത് വിടാന്‍ നിര്‍ബന്ധിതരായിരിക്കുകയാണ്.

തുടര്‍ന്ന് വായിക്കുക...

കേരളമാകെ വേരു പടര്‍ത്തിയ ലൗ ജിഹാദികളുടെ പ്രവര്‍ത്തനം നിരീക്ഷിക്കുന്നതിനായി കേരളത്തില്‍ എല്ലാ ജില്ലകളിലേയും ആര്‍.എസ്.എസ് കേന്ദ്രങ്ങളില്‍ ഒരു അത്യാധുനിക ഉപകരണം സ്ഥാപിച്ചിട്ടുണ്ട്.മ്മ്ടെ നേതാക്കള്‍ പണ്ട് ജര്‍മ്മനിയില്‍ ഹിറ്റ്ലറെ സന്ദര്‍ശിക്കാന്‍ പോയ സമയത്ത് 'ഹ ഇന്ത്യയിലും നമ്മന്‍റെ ആശയങ്ങളോ' എന്നും പറഞ്ഞ് സന്തോഷത്താല്‍ പുള്ളി സമ്മാനമായി കൊടുത്തതാണത്രെ ഇതിന്‍റെ സാങ്കേതിക വിദ്യ.ഇത് വെച്ച് നാളുകളായുള്ള പരീക്ഷണങ്ങള്‍ക്കൊടുവില്‍ സംഘീ ചുണക്കുട്ടികള്‍ തന്നെ വികസിപ്പിച്ചെടുത്തതാണ് 'ഗീബത്സിയോ മീറ്റര്‍' എന്ന് പേരിട്ടിട്ടുള്ള ഈ പൊളപ്പന്‍ സാധനം.ഈ ജിഹാദിപ്പരിഷകള്‍ക്കും റോമിയോമാര്‍ക്ക് കഞ്ഞിവെക്കുന്നവര്‍ക്കും അറിയില്ല ഈ കുന്ത്രാണ്ടം വികസിപ്പിച്ചെടുക്കാനും വിവിധ സ്ഥലങ്ങളില്‍ സ്ഥാപിക്കാനും നുമ്മ പെട്ട പാട്.

ഗീബത്സിയോ മീറ്ററിന്‍റെ പ്രവര്‍ത്തന രീതി...

ജില്ലയില്‍ എവിടെയെങ്കിലും പ്രണയം മൊട്ടിട്ട് അവസാനം ടീംസ് വേലി ചാടുന്ന സമയത്ത് കാമുകന്‍റെ ശരീരത്തില്‍ ഉല്പാദിപ്പിക്കപ്പെടുന്ന ഒരു ഹോര്‍മോണിന്‍റെ പ്രവര്‍ത്തനഫലമായി ഒരു പ്രത്യേക തരത്തിലുള്ള ഗന്ധം അന്തരീക്ഷത്തിലേക്ക് പുറന്തള്ളപ്പെടും.ചെക്കന്‍ ഇനി മേത്തനാണെങ്കില്‍ അതിന് ഏതാണ്ട് അത്തറിന്‍റെ ഗന്ധമായിരിക്കും.ഇനി മേത്തനല്ലെങ്കില്‍ വല്ല ഭസ്മത്തിന്‍റേയോ മറ്റോ ഗന്ധമായിരിക്കും.

ഇനീപ്പോ ഗീബത്സിയോ മീറ്റര്‍ കൂടുതലായി ഡിറ്റക്ടുന്നത് ഭസ്മത്തിന്‍റെ ഗന്ധമാണെന്ന് ആരേലും പറഞ്ഞാലും സംഗതി ശരിയാണെങ്കിത്തന്നെയും ഇങ്ങളു കാര്യമാക്കേണ്ട.കാരണം അത് സനാതനമൂല്യത്തിലേക്കുള്ള തിരിച്ച് വരവാണ്.അതിനെ സ്വാഗതം ചെയ്യുകയാണ് വേണ്ടത്.നമുക്ക് ഇല്ലാതാക്കേണ്ടത് ലോകം മുഴുവനും ആഞ്ഞടിച്ച് കൊണ്ടിരിക്കുന്ന ഇങ്ങ് നമ്മുടെ നാലപ്പാട്ടെ തറവാട്ടില്‍ വരെ അതിക്രമിച്ച് കയറിയ ഈ അത്തറിന്‍റെ രൂക്ഷഗന്ധം തന്നെയാണ്.

ഉപകരണം അങ്ങനെ അന്തരീക്ഷത്തിലെ മേല്‍‌പ്പറഞ്ഞ രീതിയിലുള്ള ഗന്ധംസ് ഡിറ്റക്ട് ചെയ്ത് തിരോന്തോരത്തെ നമ്മുടെ മെയിന്‍ ഓഫീസിലേക്ക് അയക്കുന്നു.ഇങ്ങനെ അയക്കുന്ന ഗന്ധത്തിനനുസരിച്ചുള്ള വ്യക്തമായ കണക്കുകള്‍ എണ്ണിത്തിട്ടപ്പെടുത്തി കാണിക്കാന്‍ അത്തര്‍,ഭസ്മം എന്നീ പേരുകളില്‍ രണ്ട് തരത്തിലുള്ള ഡിസ്പ്ലെ ബോര്‍ഡുകള്‍ അവിടുത്തെ ഗീബത്സിയോ മീറ്ററില്‍ ഘടിപ്പിച്ചിട്ടുണ്ട്..കണക്കുകളുടെ ആധികാരികതക്ക് ഇതില്‍‌പ്പരം മറ്റെന്ത് വേണം..!

ഇനിയും സംശയമുള്ളവര്‍ക്ക് കുമ്മനം രാജശേഖരന്‍റെ സ്പെഷ്യല്‍ പെര്‍മിഷനുണ്ടെങ്കില്‍ സാധനം പോയി തൊട്ട് നോക്കാവുന്നതാണ്.കേരളാ കൗമുദി,കലാകൗമുദി,മലയാള മനോരമ എന്നിവയുടെ ലേഖകന്‍മാര്‍ കെ.സി.ബി.സി സോഷ്യല്‍ ഹാര്‍മണി & വിജിലന്‍സ് കമ്മീഷന്‍ സെക്രട്ടറി ഫാ:ജോണി കൊച്ചുപറമ്പിലിനെ പോലുള്ള ചില കുഞ്ഞാടുകള്‍ കേരളത്തിലെ തലമുതിര്‍ന്ന ഒരു ജഡ്ജിയേമാന്‍(ന്നെ കൊന്നാലും മൂപ്പര്‍ടെ പേരു ഞാന്‍ പറയൂല്ല.ഉപകാരസ്മരണ,ഉപകാരസ്മരണ) എന്നിങ്ങനെ തിരഞ്ഞെടുത്ത വളരെക്കുറച്ച് മഹാന്മാര്‍ക്ക് മാത്രമേ ഇത് വരെ 'ഗീബത്സിയോ മീറ്റര്‍' വീക്ഷിക്കുവാനുള്ള ഭാഗ്യം ലഭിച്ചിട്ടൊള്ളൂ.ശൂദ്ര ജന്മമായതിനാല്‍ മ്മ്ടെ വെള്ളാപ്പള്ളി ചേട്ടനെ സുനാപ്പി യന്ത്രമിരിക്കുന്ന മുറിയില്‍ കയറ്റാനോ തൊട്ട് നോക്കാനോ അനുവദിച്ചില്ല.ആ ദേഷ്യം കാരണാ ഗഡി ആദ്യം കൂടെ നിന്നിട്ടും പിന്നീട് വാക്ക് മാറ്റിക്കളഞ്ഞത്.

ഇപ്പറഞ്ഞ സംഗതികള്‍ ഇനീം മനസ്സിലാവാത്ത ഏതെങ്കിലും മതേതര ഏഭ്യന്മാരോ കണക്കിന്‍റെ ആധികാരികതയില്‍ പിടിച്ച് തൂങ്ങുന്ന മേത്തന്മാരോ ഉണ്ടെങ്കില്‍ ലവന്മാരെയെല്ലാം പിടിച്ച് കോടതിയലക്ഷ്യത്തിന് ശിക്ഷിക്കുമെന്നും അല്ലെങ്കില്‍ ആര്യസമാജം,ഹിന്ദു മിഷന്‍,അയ്യപ്പ സേവാസംഘം,(ഹി ഹീ കണ്ടില്ലേ.മ്മ്‌ളോട് കളി വേണ്ട മക്കളേ) ഇതിലേതിലെങ്കിലും കൊണ്ട് പോയി കുറി തൊടീപ്പിക്കുമെന്നും ഏറ്റവും ചുരുങ്ങിയത് ഒരു കഷണം റൊട്ടിയും തന്ന് മാമോദീസ വെള്ളത്തില്‍ മുക്കിത്താഴ്ത്തി കുഞ്ഞാടായി പരിവര്‍ത്തിപ്പിക്കുമെന്നും ഇതിനാല്‍ മുന്നറിയിപ്പ് നല്‍കുന്നു.