Urdu

Zia Jalandhari

noreply@blogger.com (SYED ZAKARIYA) — Sat, 30 Oct 2010 16:36:00 +0000

ab ye aa.Nkhe.n kisii taskiin se taabindaa nahii.n

mai.n ne raftaa se ye jaanaa hai ke aa_indaa nahii.n

dil ye viraa.N dam-e-iisaa hai gaye vaqt kii yaad

kaun saa aalam kaa ye raftaa hai ke zindaa nahii.n

tuu bhii chaahe to na aayegii vo biitii hu_ii raat

hai vahii chaa.Nd magar vaisaa daraKhshandaa nahii.n

kabhii Gunche ko mahakane se ko_ii rok sakaa

shauq agar hai to izaaKhaar se sharmindaa nahii.n

@@@@@@@@@@@@@@@@@@@@@@@@@@@@@@@@@@@@@@@@

dil me.n jo kuchh hai abhii us kii paziiraa_ii nahii.n

hamaa Khushbuu huu.N par khilane kii gha.Dii aa_ii nahii.n

ankahii baat ke sau ruup kahii baat kaa ek

kabhii sun vo bhii jo minnat-e-kash-e-goyaa_ii nahii.n

merii nazaro.n me.n hai khilate hue phuulo.n kii tarah

vo namii jo abhii shaaKho.n me.n bhii laharaa_ii nahii.n

kyaa manaazir the ki jo dekhatii aa.Nkho.n ko dekhe

Khvaab bunataa huu.N ki aasuudaa-e-biinaa_ii nahii.n

sabhii daanaa sabhii sar Daal ke chup baiThe rahe

ki yahaa.N ko_ii bhii shaa_istaa-e-rusvaa_ii nahii.n

dil bujhaa ho to gul-e-naGmaa bhii nashtar hai 'Zia'

shiddat-e-Gam kaa ilaaj anjuman-e-aaraa_ii nahii.n

@@@@@@@@@@@@@@@@@@@@@@@@@@@@@@@@@@@@@@@@

har tarannum me.n milii hai terii aavaaz mujhe

ek hii naGmaa sunaataa hai har ek saaz mujhe

ishq kaa bhii ko_ii anjaam huaa karataa hai

ishq me.n yaad hai aaGaaz hii aaGaaz mujhe

jaise viiraane se Takaraa ke palaTatii hai sadaa

dil ke har goshe se aa_ii terii aavaaz mujhe

jo kisii ko bhii na chaahe use chaahanaa

umr bhar apanii muhabbat par rahaa naaz mujhe

@@@@@@@@@@@@@@@@@@@@@@@@@@@@@@@@@@@@@@@@

kyaa sarokaar ab kisii se mujhe

vastaa thaa to thaa tujhii se mujhe

behisii kaa bhii ab nahii.n ehasaas

kyaa huaa terii beruKhii se mujhe

maut kii aarazuu bhii kar dekhuu.N

kyaa ummiide.n thii zindagii se mujhe

phir kisii par na aitabaar aaye

yuu.N utaaro na apane jii se mujhe

tera Gam bhii na ho to kyaa jiinaa

kuchh tasallii hai dard hii se mujhe

kar gaye kis qadar tabaah 'Zia'

dushman, andaaz-e-dostii se mujhe

@@@@@@@@@@@@@@@@@@@@@@@@@@@@@@@@@@@@@@@@

soz-e-dil bhii nahii.n sukuu.N bhii nahii.n

zindagaanii vabaal yuu.N bhii hai

terii Khvaahish aur is qadar Khvaahish

vajah-e-haasil sahii junuu.N bhii hai

Khush bhii hai iltafaat-e-dost se dil

Gairat-e-ishq sar niguu.N bhii hai

jal ke bujh bhii ga_ii 'Zia' aksar

aag siine me.n jyo.n kii tyo.n bhii hai

@@@@@@@@@@@@@@@@@@@@@@@@@@@@@@@@@@@@@@@@

Ibrahim Zauq

noreply@blogger.com (SYED ZAKARIYA) — Sat, 30 Oct 2010 16:29:00 +0000

aa.Nkhe.n merii talavo.n se mal jaaye to achchhaa

hai hasrat-e-paa-bos nikal jaaye to achchhaa

jo chashm ke be-nam ho.n, vo ho kor to bahatar

jo dil ke ho be-daaG, vo jal jaaye to achchhaa

furqat me.n terii taar-e-nafas siine me.n mere

kaa.NTaa saa khaTakataa hai, nikal jaaye to achchhaa

vo subah ko aaye to karuu.N baate.n mai.n do-pahar

aur chaahuu.N ke din tho.Daa sa Dhal jaaye to achchhaa

Dhal jaaye jo din bhii to isii tarah karuu.N shaam

aur chaahuu.N ke gar aaj se kal jaaye to achchhaa

jab kal ho to phir vahii karuu.N kal kii tarah se

gar aaj ka din bhii yuu.N hii Tal jaaye to achchhaa

al-qissaa nahii.n chaahataa mai.n, jaaye vo yaa.N se

dil usakaa yahii.n garache bahal jaaye to achchhaa

@@@@@@@@@@@@@@@@@@@@@@@@@@@@@@@@@@@@@@@@

ab to ghabaraa ke ye kahate hai.n ke mar jaaye.nge

mar ke bhii chain na paayaa to kidhar jaaye.nge

tum ne Thaharaa_ii agar Gair ke ghar jaane kii

to iraade yahaa.N kuchh aur Thahar jaaye.nge

ham nahii.n vo jo kare.n Khuun kaa daavaa tujh par

balqi puuchhegaa Khudaa bhii to mukar jaaye.nge

aag dozaKh kii bhii ho jaayegii paanii paanii

jab ye aasii arq-e-sharm se tar jaaye.nge

sholaa-e-aah ko bijalii kii tarah chamakaauu.N

par mujhe Dar hai, ki vo dekh kar Dar jaaye.nge

laaye jo mast hai.n turbat pe gulaabii aa.Nkhe.n

aur agar kuchh nahii.n, do phuul to dhar jaaye.nge

nahii.n paayegaa nishaa.N ko_ii hamaaraa hargiz

ham jahaa.N se ravish-e-tiir-e-nazar jaaye.nge

pahu.Nche.nge rahaguzar-e-yaar talak ham kyuu.N kar

pahale jab tak na do aalam se guzar jaaye.nge

'Zauq' jo madarase ke biga.De hue hai.n mullaah

unako maiKhaane me.n le aao sa.Nvar jaaye.nge

@@@@@@@@@@@@@@@@@@@@@@@@@@@@@@@@@@@@@@@@

dariyaa-e-ashk chashm se jis aan bah gayaa

sun liijiyo ke arsh kaa aivaan bah gayaa

zaahid sharaab piine se kaafir huaa mai.n kyuu.N

kyaa De.Dh chulluu paanii me.n imaan bah gayaa

yuu.N roye phuuT phuuT ke paa.Nvo.n ke aabale

naalaa saa ek suu-e-biyaabaan bah gayaa

kashtii savaar-e-umr huu.N bahr-e-fanaa me.n mai.n

jis dam bahaa ke le gayaa tuufaan bah gayaa

thaa 'Zauq' pahale dillii me.n panjaab kaa saa husn

par ab vo paanii kahate hai.n multaan bah gayaa

@@@@@@@@@@@@@@@@@@@@@@@@@@@@@@@@@@@@@@@@

hai tere kaan zulf-e-muimbar lagii hu_ii

rakkhegii ye na baal baraabar lagii hu_ii

baiThe bhare hue hai.n Khum-e-mai kii tarah ham

par kyaa kare.n ke muhar hai muu.Nh par lagii hu_ii

mayyat ko Gusal diijo na Khaak_saar kii

hai tan pe Khaak-e-kuchaa-e-dil_bar lagii hu_ii

nikale hai kab kisii se bhii us kii mizhaa kii nok

hai phaa.Ns sii kaleje ke andar lagii hu_ii

ai 'Zauq' dekh duKhtar-e-raz ko na muu.Nh lagaa

chhuTatii nahii.n hai muu.Nh se ye kaafir lagii hu_ii

@@@@@@@@@@@@@@@@@@@@@@@@@@@@@@@@@@@@@@@@

kal gaye the tum jise biimaar-e-hijaraa.N chho.D kar

chal basaa vo aaj sab hastii kaa saamaa.N chho.D kar

tifl-e-ashk aisaa giraa daaman-e-mizshagaa.N chho.D kar

phir na uTThaa kuuchaa-e-chaak-e-garebaa.N chho.D kar

sard-meharii se kisii kii aag se dil sard hai

yaa.N se haT jaa dhuup ai abr-e-bahaaraa.N chho.D kar

gar Khudaa deve qana'at maah-e-yak-haftaa kii tarah

dau.De saarii ko kabhii aadhii na i.nsaa.N chho.D kar

@@@@@@@@@@@@@@@@@@@@@@@@@@@@@@@@@@@@@@@@

laa_ii hayaat aaye qazaa le chalii chale

na apanii Khushii aaye na apanii khushii chale

behatar to hai yahii ke na duniyaa se dil lage

par kyaa kare.n jo kaam na bedillagii chale

ho umr-e-Khizr bhii to kahe.nge ba_vaqt-e-marg

ham kyaa rahe yahaa.N abhii aaye abhii chale

duniyaa ne kis ka raah-e-fanaa me.n diyaa hai saath

tum bhii chale chalo yuu.N hii jab tak chalii chale

naazaa.N na ho Khirad pe jo honaa hai vo hii ho

daanish terii na kuchh merii daanishvarii chale

kam ho.nge is bisaat pe ham jaise bad_qimaar

jo chaal ham chale vo nihaayat burii chale

jaa ki havaa-e-shauq me.n hai.n is chaman se 'Zauq'

apanii balaa se baad-e-sabaa kahii.n chale

@@@@@@@@@@@@@@@@@@@@@@@@@@@@@@@@@@@@@@@@

lete hii dil jo aashiq-e-dil-soz kaa chale

tum aag lene aaye the kyaa aaye kyaa chale

bal be Garuur-e-husn, zamii.n par na rakhe paao.n

maani.nde aaftaab vo be naqashe paa chale

kyaa le chale galii se terii ham ke juu.n nasiim

aaye the sar pe Khaak u.Daane, u.Daa chale

aaluudaa chashm me.n na huii surmaa se nigaah

dekhaa, jahaa.N se saaf hii ahale safaa chale

saath apane le ke tausane umare ravaa.N ko aah

ham is saraaye dahar me.n kyaa aaye kyaa chale

fikare qanaayat unako mayassar huii kahaa.N

duniyaa se dil me.n le ke hirs-o-havaa chale

ai ‘Zauq' hai Gazab nigaahe yaar, alhafeez!

vo kyaa bache ke jis pe ye tiir-e-qazaa chale

@@@@@@@@@@@@@@@@@@@@@@@@@@@@@@@@@@@@@@@@

mai.n vo majanuu.N huu.N jo nikaluu.N ku.nj-e-zi.ndaa.N chho.Dakar

seb-e-jannat tak na khaauu.N sang-e-tiflaa.N chho.Dakar

mai.n huu.N vo gumanaam jab daftar me.n naam aayaa meraa

rah gayaa bas mu.nshii-e-kudarat jagah vaa.N chho.Dakar

ahal-e-jauhar ko vatan me.n rahane detaa gar falak

laal kyuu.N is rang se aataa badaKhshaa.N chho.Dakar

ghar se bhii vaaqif nahii.n us ke ki jis ke vaaste

baiThe hai.n ghar-baar sab ham Khaanaa-viraa.N chho.Dakar

in dino.n garche dakan me.n hai ba.Dii qadr-e-suKhan

kaun jaaye "Zauq" par dillii kii galiyaa.N chho.Dakar

@@@@@@@@@@@@@@@@@@@@@@@@@@@@@@@@@@@@@@@@

marate hai.n tere pyaar se ham aur ziyaadaa

tuu lutf me.n karataa hai sitam aur ziyaadaa

de.n kyo.n ki na vo daaG-e-alam aur ziyaadaa

qiimat me.n ba.Dhe dil ke diram aur ziyaadaa

kyaa hovegaa do-chaar qadah se mujhe saaqii

mai.n luu.Ngaa tere sar kii qasam aur ziyaadaa

vo dil ko churaakar jo lage aa.Nkh churaane

yaaro.n kaa gayaa un pe bharam aur ziyaadaa

kyo.n mai.n ne kahaa tujh saa Khudaa_ii me.n nahii.n aur

maGaruur huaa ab vo sanam aur ziyaadaa

lete hai.n samar shaaKh-e-samaravar ko jhukaakar

jhukate hai.n saKhii vaqt-e-karam aur ziyaadaa

jo kunj-e-qana'at me.n hai.n taqadiir pe shaakir

hai "Zauq" baraabar unhe.n kam aur ziyaadaa

@@@@@@@@@@@@@@@@@@@@@@@@@@@@@@@@@@@@@@@@

na karataa zabt mai.n naalaa to phir aisaa dhuua.N uThataa

ki niiche aasmaa.N ke aur nayaa ik aasmaa.N hotaa

jo rotaa khol kar jii ta.nganaa-e-dahar me.n aashiq

to juu-e-kahakashaa.N me.n bhii falak par Khuu.N ravaa.N hotaa

baguulaa gar na hotaa vaadii-e-vahashat me.n ai majanuu.N

to gumbad hamase saragashto.n kii tubat par kahaa.N hotaa

na karataa zabt mai.n giriyaa to ai "Zauq" ik gha.Dii bhar me.n

kaTore kii tarah gha.Diyaal ke Garq aasmaa.N hotaa

@@@@@@@@@@@@@@@@@@@@@@@@@@@@@@@@@@@@@@@@

niim_chaa yaar ne jis vaqt baGal me.n maaraa

jo cha.Dhaa muu.Nh use maidaan-e-ajal me.n maaraa

us lab-o-chashm se hai zindagii-o-maut apanii

kab-kabhii pal me.n jilaayaa kabhii pal me.n maaraa

ajal aa_ii na shab-e-hijr me.n aur ham ko falak

be-ajal tuu ne tamannaa-e-ajal me.n maaraa

aa.Nkh se aa.Nkh hai la.Datii mujhe Dar hai dil kaa

kahii.n ye jaaye na is joang-o-jadal me.n maaraa

na huaa par na huaa miir kaa andaaz nasiib

'Zauq' yaaro.n ne bahut zor Gazal me.n maaraa

@@@@@@@@@@@@@@@@@@@@@@@@@@@@@@@@@@@@@@@@

phirataa liye chaman me.n hai diivaanaapan mujhe

zanjiir-e-paa hai mauj-e-nasiim-e-chaman mujhe

huu.N shamaa yaa ki sholaa Khabar kuchh nahii.n magar

fanuus ho rahaa hai meraa pairaahan mujhe

kuuche me.n terii kaun thaa letaa bhalaa Khabar

shab chaa.Ndanii ne aake pahanaayaa kafan mujhe

dikhalaataa ik adaa me.n hai sau-sau tarah banaav

kis saadaapan ke saath, teraa baa.Nkapan mujhe

aayaa huu.N nuur leke mai.n bazm-e-suKhan me.n 'Zauq'

aa.Nkho.n pe sab biThaaye.Nge ahal-e-suKhan mujhe

@@@@@@@@@@@@@@@@@@@@@@@@@@@@@@@@@@@@@@@@

Zafar Gorakhpuri

noreply@blogger.com (SYED ZAKARIYA) — Sat, 30 Oct 2010 16:20:00 +0000

dhuup hai kyaa aur saayaa kyaa hai ab maaluum huaa

ye sab khel tamaashaa kyaa hai ab maaluum huaa

ha.Nsate phuul kaa cheharaa dekhuu.N aur bhar aa_ii aa.Nkh

apane saath ye qissaa kyaa hai ab maaluum huaa

ham baraso.n ke baad bhii un ko ab tak bhuul na paaye

dil se un kaa rishtaa kyaa hai ab maaluum huaa

saharaa saharaa pyaase bhaTake saarii umr jale

baadal kaa ik Tuka.Daa kyaa hai ab maaluum huaa

@@@@@@@@@@@@@@@@@@@@@@@@@@@@@@@@@@@@@@@@

din ko bhii itanaa a.Ndheraa hai mere kamare me.n

saayaa aate hue Darataa hai mere kamare me.n

Gam thakaa haaraa musaafir hai chalaa jaayegaa

kuchh dino.n ke liye Thaharaa hai mere kamare me.n

subah tak dekhana afasaanaa banaa Daalegaa

tujh ko ek shaKhs ne dekhaa hai mere kamare me.n

dar_ba_dar din ko bhaTakataa hai tasavvur meraa

haa.N magar raat ko rahataa hai mere kamare me.n

chor baiThaa hai kahaa.N soch rahaa huu.N mai.n 'Zafar'

kyaa ko_ii aur bhii kamaraa hai mere kamare me.n

@@@@@@@@@@@@@@@@@@@@@@@@@@@@@@@@@@@@@@@@

hameshaa hai vasl-o-judaa_ii kaa dhandhaa

buto.n kii hai ulfat Khudaa_ii kaa dhandhaa

agar baiThe rindo.n kii sohabat me.n zaahid

to de.n chho.D sab paarasaa_ii kaa dhandhaa

jo honaa hai aaKhir vo hokar rahegaa

kare kaun baKht_aazamaa_ii kaa dhandhaa

pareshaa.N rahii umr bhar par na chho.Daa

terii zulf ne kaj_adaa_ii kaa dhandhaa

mubaarak ra_iiso.n ko kaar-e-riyaasat

gadaa ko hai kaafii gadaa_ii kaa dhandhaa

nahii.n Khizr ke piichhe gar aur jhaga.De

to hai saath ik rah_numaa_ii kaa dhandhaa

'Zafar' is se bahatar hai naa_aashanaa_ii

ki mushkil hai ye aashanaa_ii kaa dhandhaa

@@@@@@@@@@@@@@@@@@@@@@@@@@@@@@@@@@@@@@@@

jab merii yaad sataaye to mujhe Khat likhanaa

tum ko jab niind na aaye to mujhe Khat likhanaa

niile pe.Do.n kii ghanii chaa.Nv me.n ha.Nsataa saavan

pyaasii dhartii me.n samaane ko tarasataa saavan

raat bhar chhat pe lagaataar barasataa saavan

dil me.n jab aag lagaaye to mujhe Khat likhanaa

jab pha.Dak uThe kisii shaaKh pe pattaa ko_ii

gud_gudaaye tumhe.n biitaa huaa lamhaa ko_ii

jab merii yaad kaa bechain safiinaa ko_ii

jii ko rah rah ke jalaaye to mujhe Khat likhanaa

jab nigaaho.n ke liye ko_ii nazaaraa na rahe

chaa.Nd chhip jaaye gagan par ko_ii sahaaraa na rahe

log ho jaaye.n paraaye to mujhe Khat likhanaa

@@@@@@@@@@@@@@@@@@@@@@@@@@@@@@@@@@@@@@@@

kyaa ummiid kare ham un se jin ko vafaa maaluum nahii.n

Gam denaa maaluum hai lekin Gam kii davaa maaluum nahii.n

jin kii galii me.n umr ga.Nvaa dii jiivan bhar hairaan rahe

paas bhii aake paas na aaye jaan ke bhii a.njaan rahe

kaun sii aaKhir kii thii hamane aisii Khataa maaluum nahii.n

ai mere paagal armaano.n jhuuThe ba.ndhan to.D bhii do

ai merii zaKhmii ummiido.n dil kaa daaman chho.D bhii do

tum ko abhii is nagarii me.n jiine kii sazaa maaluum nahii.n

@@@@@@@@@@@@@@@@@@@@@@@@@@@@@@@@@@@@@@@@

majabuurii ke mausam me.n bhii jiinaa pa.Dataa hai

tho.Daa saa samajhautaa jaanam karanaa pa.Dataa hai

kabhii kabhii kuchh is had tak ba.Dh jaatii hai laachaarii

lagataa hai ye jiivan jaise bojh ho ko_ii bhaarii

dil kahataa hai roye.n lekin ha.Nsanaa pa.Dataa hai

kabhii kabhii itanii dhundhalii ho jaatii hai.n tasviire.n

pataa nahii.n chalataa qadamo.n me.n kitanii hai.n zanjiire.n

paa.Nv ba.Ndhe hote hai.n lekin chalanaa pa.Dataa hai

ruuTh ke jaane vaale baadal TuuTane vaalaa taaraa

kis ko Khabar kin lamho.n me.n ban jaaye kaun sahaaraa

duniyaa jaisii bhii ho rishtaa rakhanaa pa.Dataa hai

@@@@@@@@@@@@@@@@@@@@@@@@@@@@@@@@@@@@@@@@

mausam ko ishaaro.n se bulaa kyuu.N nahii.n lete

ruuThaa hai agar vo to manaa kyuu.N nahii.n lete

diivaanaa tumhaaraa ko_ii Gair nahii.n hai

machalaa bhii to siine se lagaa kyuu.N nahii.n lete

Khat likh kar kabhii aur kabhii Khat ko jalaakar

tanhaa_ii ko rangiin banaa kyuu.N nahii.n lete

tum jaag rahe ho mujh ko achchhaa nahii.n lagataa

chupake se merii niind churaa kyuu.N nahii.n lete

@@@@@@@@@@@@@@@@@@@@@@@@@@@@@@@@@@@@@@@@

mere baad kidhar jaayegii tanhaa_ii

mai.n jo maraa to mar jaayegii tanhaa_ii

mai.n jab ro ro ke dariyaa ban jaa_uu.Ngaa

us din paar utar jaayegii tanhaa_ii

tanhaa_ii ko ghar se ruKhsat kar to do

socho kis ke ghar jaayegii tanhaa_ii

viiraanaa huu.N aabaadii se aayaa huu.N

dekhegii to Dar jaayegii tanhaa_ii

yuu.N aao ki paao.n kii bhii aavaaz na ho

shor huaa to mar jaayegii tanhaa_ii

@@@@@@@@@@@@@@@@@@@@@@@@@@@@@@@@@@@@@@@@

mile kisii se nazar to samajho Gazal hu_ii

rahe apanii Khabar to samajho Gazal hu_ii

milaa ke nazaro.n ko vo hayaa se phir

jhukaa le ko_ii nazar to samajho Gazal hu_ii

idhar machal kar unhe.n pukaare junuu.N meraa

bha.Dak uThe dil udhar to samajho Gazal hu_ii

udaas bistar kii silavaTe jab tumhe.n chubhe.n

na so sako raat bhar to samajho Gazal hu_ii

vo bad_gumaa.N ho to sher suujhe na shaayarii

vo mahar_baa.N ho 'Zafar' to samajho Gazal hu_ii

@@@@@@@@@@@@@@@@@@@@@@@@@@@@@@@@@@@@@@@@

Bahadur Shah Zafar

noreply@blogger.com (SYED ZAKARIYA) — Sat, 30 Oct 2010 16:13:00 +0000

baat karanii mujhe mushkil kabhii aisii to na thii

jaisii ab hai terii mahafil kabhii aisii to na thii

le gayaa chhiin ke kaun aaj teraa sabr-o-qarar

beqaraarii tujhe ai dil kabhii aisii to na thii

chashm-e-qaatil merii dushman thii hameshaa lekin

jaise ab ho ga_ii qaatil kabhii aisii to na thii

un kii aa.Nkho.n ne Khudaa jaane kiyaa kyaa jaaduu

ke tabiiyat merii maa_il kabhii aisii to na thii

aks-e-ruKh-e-yaar ne kis se hai tujhe chamakaayaa

taab tujh me.n maah-e-kaamil kabhii aisii to na thii

kyaa sabab tuu jo biga.Dataa hai "Zafar" se har baar

Khuu terii huur-e-shamaa_il kabhii aisii to na thii

@@@@@@@@@@@@@@@@@@@@@@@@@@@@@@@@@@@@@@@@

biich me.n pardaa du_ii kaa thaa jo haayal uTh gayaa

aisaa kuchh dekhaa ke duniyaa se meraa dil uTh gayaa

shamaa ne ro ro ke kaaTii raat suulii par tamaam

shab ko jo mahafil se terii ai zeb-e-mahafil uTh gayaa

merii aa.Nkho.n me.n samaayaa us kaa aisaa nuur-e-haq

shauq-e-nazzaaraa ai badr-e-kaamil uTh gayaa

ai Zafar kyaa puuchhataa hai begunaah-o-bar-gunah

uTh gayaa ab jidhar ko vaaste qaatil uTh gayaa

@@@@@@@@@@@@@@@@@@@@@@@@@@@@@@@@@@@@@@@@

dil kii merii beqaraarii mujh se kuchh puuchho nahii.n

shab kii merii aah-o-zaarii mujh se kuchh puuchho nahii.n

baar-e-Gam se mujh pe roz-e-hijr me.n ik ik gha.Dii

kyaa kahuu.N hai kaisii bhaarii mujh se kuchh puuchho nahii.n

merii suurat hii se bas maaluum kar lo ham-damo

tum haqiiqat merii saarii mujh se kuchh puuchho nahii.n

shaam se taa-subah jo bistar pe tum bin raat ko

mai.n ne kii aKhtar-shumaarii mujh se kuchh puuchho nahii.n

ai "Zafar" jo haal hai meraa karuu.Ngaa gar bayaa.N

hogii un kii sharm-saarii mujh se kuchh puuchho nahii.n

@@@@@@@@@@@@@@@@@@@@@@@@@@@@@@@@@@@@@@@@

ham to chalate hai.n lo Khudaa haafiz

but_kadaa kaa buto.n Khudaa haafiz

kar chuke tum nasiihate.n ham ko

jaao bas naaseho Khudaa haafiz

aaj kuchh aur tarah par un kii

sunate hai.n guftaguu Khudaa haafiz

bar yahii hai hameshaa zaKhm pe zaKhm

dil kaa chaaraaGaro.n Khudaa haafiz

aaj hai kuchh ziyaadaa betaabii

dil-e-betaab ko Khudaa haafiz

kyo.n hifaazat ham aur kii Dhuu.Ndhe.n

har nafas jab ki hai Khudaa haafiz

chaahe ruKhsat ho raah-e-ishq me.n aql

ai "Zafar" jaane do Khudaa haafiz

@@@@@@@@@@@@@@@@@@@@@@@@@@@@@@@@@@@@@@@@

hamane duniyaa me.n aake kyaa dekhaa

dekhaa jo kuchh so Khvaab-saa dekhaa

hai to insaan Khaak kaa putalaa

lek paanii kaa bul-bulaa dekhaa

Khuub dekhaa jahaa.N ke Khuubaa.N ko

ek tujh saa na duusaraa dekhaa

ek dam par havaa na baa.Ndh habaab

dam ko dam bhar me.n yaa.N havaa dekhaa

na huye terii Khaak-e-paa ham ne

Khaak me.n aap ko milaa dekhaa

ab na diije "Zafar" kisii ko dil

ki jise dekhaa bevafaa dekhaa

@@@@@@@@@@@@@@@@@@@@@@@@@@@@@@@@@@@@@@@@

ja kahiyo un se nasiim-e-sahar meraa chain gayaa merii niind ga_ii

tumhe.n merii na mujh ko tumhaarii Khabar meraa chain gayaa merii niind ga_ii

na haram me.n tumhaare yaar pataa na suraaG dair me.n hai milataa

kahaa.N jaa ke dekhuu.N mai.n jaa_uu.N kidhar meraa chain gayaa merii niind ga_ii

ai baadashaah-e-Khubaa.N-e-jahaa.N terii mohinii surat pe qurbaa.N

kii mai.n ne jo terii jabii.n pe nazar meraa chain gayaa merii niind ga_ii

huii bad-e-bahaarii chaman me.n ayaa.N gul buTii me.n baaqii rahii na fizaa

merii shaaKh-e-ummiid na laa_ii sa.Nvar meraa chain gayaa merii niind ga_ii

ai barq-e-tajalli bahar-e-Khudaa na jalaa mujhe hijr me.n shammaa saa

merii ziist hai misl-e-chiraaG-e-sahar meraa chain gayaa merii niind ga_ii

kahataa hai yahii ro ro ke "Zafar" merii aah-e-rasaa kaa huaa na asar

terii hijr me.n maut na aa_ii abhii meraa chain gayaa merii niind ga_ii

yahii kahanaa thaa shero ke aaj "Zafar" merii aah-e-rasaa me.n huaa na asar

tere hijr me.n maut na aaii magar meraa chain gayaa merii nii.nd gaii

@@@@@@@@@@@@@@@@@@@@@@@@@@@@@@@@@@@@@@@@

khulataa nahii.n hai haal kisii par kahe baGair

par dil kii jaan lete hai.n dil_bar kahe baGair

mai.n kyuu.Nkar kahuu.N tum aao ki dil kii kashish se vo

aaye.Nge dau.De aap mere ghar kahe baGair

kyaa taab kyaa majaal hamaarii ki bosaa le.n

lab ko tumhaare lab se milaakar kahe baGair

bedard tuu sune naa sune lek dard-e-dil

rahataa nahii.n hai aashiq-e-muztar kahe baGair

taqdiir ke sivaa nahii.n milataa kahii.n se bhii

dilavaataa ai "Zafar" hai muqaddar kahe baGair

@@@@@@@@@@@@@@@@@@@@@@@@@@@@@@@@@@@@@@@@

kiije na das me.n baiTh kar aapas kii baat chiit

pahu.Nchegii das hazaar jagaah das kii baat chiit

kab tak rahe.n Khaamosh ke zaahir se aap kii

ham ne bahut sunii kas-o-naakas kii baat chiit

muddat ke baad hazarat-e-naaseh karam kiyaa

farmaa_iiye mizaaj-e-muqaddas kii baat chiit

par tark-e-ishq ke liye izhaar kuchh na ho

mai.n kyaa karuu.N nahii.n ye mere bas kii baat chiit

kyaa yaad aa gayaa hai "Zafar" panjaa-e-nigaar

kuchh ho rahii hai band-o-muKhammas kii baat chiit

@@@@@@@@@@@@@@@@@@@@@@@@@@@@@@@@@@@@@@@@

lagataa nahii.n hai jii meraa uja.De dayaar me.n

kis kii banii hai aalam-e-naa_paayedaar me.n

kah do in hasarato.n se kahii.n aur jaa base.n

itanii jagah kahaa.N hai dil-e-daaG_daar me.n

umr-e-daraaz maa.Ng kar laaye the chaar din

do arazuu me.n kaT gaye do intazaar me.n

kitanaa hai bad_nasiib "Zafar" dafn ke liye

do gaz zamiin bhii na milii kuu-e-yaar me.n

@@@@@@@@@@@@@@@@@@@@@@@@@@@@@@@@@@@@@@@@

na kisii kii aa.Nkh kaa nuur huu.N na kisii ke dil kaa qaraar huu.N

jo kisii ke kaam na aa sake mai.n vo ek musht-e-Gubaar huu.N

na to mai.n kisii kaa habiib huu.N na to mai.n kisii kaa raqiib huu.N

jo biga.D gayaa vo nasiib huu.N jo uja.D gayaa vo dayaar huu.N

meraa rang-ruup biga.D gayaa meraa yaar mujh se bichha.D gayaa

jo chaman fizaa.N me.n uja.D gayaa mai.n usii kii fasl-e-bahaar huu.N

paye faatehaa ko_ii aaye kyuu.N ko_ii chaar phuul cha.Daaye kyuu.N

ko_ii aake shammaa jalaaye kyuu.N mai.n vo bekasii kaa mazaar huu.N

mai.n nahii.n huu.N naGmaa-e-jaa.N_fishaa.N mujhe sun ke ko_ii karegaa kyaa

mai.n ba.De barog kii huu.N sadaa main ba.De dukh kii pukaar huu.N

@@@@@@@@@@@@@@@@@@@@@@@@@@@@@@@@@@@@@@@@

pas-e-marg mere mazaar par jo chiraaG kisii ne jalaa diyaa

use aah daaman-e-baad ne sare shaam hii se bujhaa diyaa

mujhe dafn karanaa tuu jis gha.Dii to ye us se kahanaa ki ai parii

vo jo teraa aashiq-e-zaar thaa tah-e-Khaak use dabaa diyaa

dam-e-Gusl se mere peshtar use ham_damo.n ne ye soch kar

kahii.n jaave us kaa na dil dahal merii laash par se haTaa diyaa

merii aa.Nkh jhapakii thii ek pal mere dil ne chaahaa ki uTh ke chal

dil-e-beqaraar ne o miyaa.N vahii.n chuTakii leke jagaa diyaa

zaraa un kii shoKhii to dekhiye liye zulf-e-Kham_shudaa haath me.n

mere piichhe aaye dabe-dabe mujhe saa.Np kah ke Daraa diyaa

mai.n ne dil diyaa mai.n ne jaa.N dii magar aah! tuune na qadr kii

kisii baat ko jo kahaa kabhii use chuTakiyo.n me.n u.Daa diyaa

@@@@@@@@@@@@@@@@@@@@@@@@@@@@@@@@@@@@@@@@

shamashiir barahanaa maa.Ng Gazab baalo.n kii mahak phir vaisii hai

juu.De kii gundhaavat bahar-e-Khudaa zulfo.n kii laTak phir vaisii hai

har baat me.n us ke garmii hai har naaz me.n us ke shoKhii hai

aamad hai qayaamat chaal bharii chalane kii pha.Dak phir vaisii hai

maharam hai habaab-e-aab-e-ravaa suuraj kii kiran hai us pe lipaT

jaalii kii ye kuratii hai vo balaa goTe kii dhanak phir vaisii hai

vo gaaye to aafat laaye hai sur taal me.n leve jaan nikaal

naach us kaa uThaaye sau fitane ghungharuu kii chhanak phir vaisii hai

@@@@@@@@@@@@@@@@@@@@@@@@@@@@@@@@@@@@@@@@

subah ro ro ke shaam hotii hai

shab ta.Dap kar tamaam hotii hai

saamane chashm-e-mast ke saaqii

kis ko parvaah-e-jaam hotii hai

ko_ii Gunchaa khilaa ke bul-bul ko

bekalii zar-e-daam hotii hai

ham jo kahate hai.n kuchh ishaaro.n se

ye Khataa laa-kalaam hotii hai

@@@@@@@@@@@@@@@@@@@@@@@@@@@@@@@@@@@@@@@@

the kal jo apane ghar me.n vo mahamaa.N kahaa.N hai.n

jo kho gaye hai.n yaa rab vo ausaa.N kahaa.N hai.n

aa.Nkho.n me.n rote rote nam bhii nahii.n ab to

the maujazan jo pahale vo tuufaa.N kahaa.N hai.n

kuchh aur Dhab ab to hame.n log dekhate hai.n

pahale jo ai "Zafar" the vo insaa.N kahaa.N haiN

@@@@@@@@@@@@@@@@@@@@@@@@@@@@@@@@@@@@@@@@

tum na aaye ek din kaa vaadaa kar do din talak

ham pa.De ta.Dapaa kiye do do pahar do din talak

dard-e-dil apanaa sunaataa huu.N kabhii jo ek din

rahataa hai us naazanii.n ko dard-e-sar do din talak

dekhate hai.n Khvaab me.n jis din kisuu kii chashm-e-mast

rahate hai.n ham do jahaa.N se beKhabar do din talak

gar yaqii.n ho ye hame.n aayegaa tuu do din ke baad

to jiye.n ham aur is ummiid par do din talak

kyaa sabab kyaa vaastaa kyaa kaam thaa batalaa_iye

ghar se jo nikale na apane tum "Zafar" do din talak

@@@@@@@@@@@@@@@@@@@@@@@@@@@@@@@@@@@@@@@@

vo behisaab jo pii ke kal sharaab aayaa

agarche mast thaa mai.n par mujhe hijaab aayaa

idhar Khayaal mere dil me.n zulf kaa guzaraa

udhar vo khaataa huaa dil me.n pech-o-taab aayaa

Khayaal kis kaa samaayaa hai diidaa-o-dil me.n

na dil ko chain mujhe aur na shab ko Khvaab aayaa

@@@@@@@@@@@@@@@@@@@@@@@@@@@@@@@@@@@@@@@@

yaa mujhe afsar-e-shaahaa na banaayaa hotaa

yaa meraa taaj gadaayaa na banaayaa hotaa

Khaak_saarii ke liye garache banaayaa thaa mujhe

kaash Khaak-e-dar-e-jaanaa.N na banaayaa hotaa

nashaa-e-ishq kaa gar zarf diyaa thaa mujh ko

umr kaa tang na paimaanaa banaayaa hotaa

apanaa diivaanaa banaayaa mujhe hotaa tuune

kyo.n Khirad_mand banaayaa na banaayaa hotaa

sholaa-e-husn chaman me.n na dikhaayaa us ne

varanaa bul_bul ko bhii paravaanaa banaayaa hotaa

roz-e-mamuuraa-e-duniyaa me.n Kharaabii hai 'Zafar'

aisii bastii se to viiraanaa banaayaa hotaa

@@@@@@@@@@@@@@@@@@@@@@@@@@@@@@@@@@@@@@@@

yaar thaa gul_zaar thaa baad-e-sabaa thii mai.n na thaa

laayaq-e-paa-bos-e-jaa.N kyaa hinaa thii mai.n na thaa

haath kyo.n baa.Ndhe mere chhallaa agar chorii huaa

ye saraapaa shoKhii-e-rang-e-hinaa thii mai.n na thaa

mai.n ne puuchhaa kyaa huaa vo aap kaa husn-o-shabaab

ha.Ns ke bolaa vo sanam shaan-e-Khudaa thii mai.n na thaa

mai.n sisakataa rah gayaa aur mar gaye farahaad-o-qais

kyaa unhii.n dono.n ke hisse me.n qazaa thii mai.n na thaa

@@@@@@@@@@@@@@@@@@@@@@@@@@@@@@@@@@@@@@@@

Wasim Barelvi

noreply@blogger.com (SYED ZAKARIYA) — Sat, 30 Oct 2010 16:02:00 +0000

aate aate meraa naam saa rah gayaa

us ke ho.nTho.n pe kuchh kaa.Npataa rah gayaa

vo mere saamane hii gayaa aur mai.n

raaste kii tarah dekhataa rah gayaa

jhuuTh vaale kahii.n se kahii.n ba.Dh gaye

aur mai.n thaa ki sach bolataa rah gayaa

aa.Ndhiyo.n ke iraade to achchhe na the

ye diyaa kaise jalataa huaa rah gayaa

@@@@@@@@@@@@@@@@@@@@@@@@@@@@@@@@@@@@@@@@

apane chehare se jo zaahir hai chhupaaye.n kaise

terii marzii ki mutaabik nazar aaye.n kaise

ghar sajaane kaa tassavur to bahut baad kaa hai

pahale ye tay ho ki is ghar ko bachaaye.n kaise

qah-qahaa aa.Nkh kii barataav badal detaa hai

ha.Nsanevaale tujhe aa.Nsuu nazar aaye.n kaise

ko_ii apanii hii nazar se to hame.n dekhegaa

ek qatare ko samundar nazar aaye.n kaise

@@@@@@@@@@@@@@@@@@@@@@@@@@@@@@@@@@@@@@@@

apane har har lafz kaa Khud aa_iinaa ho jaa_uu.Ngaa

us ko chhoTaa kah ke mai.n kaise ba.Daa ho jaa_uu.Ngaa

tum giraane me.n lage the tum ne sochaa hii nahii.n

mai.n giraa to masalaa ban kar kha.Da ho jaa_uu.Ngaa

mujh ko chalane do akelaa hai abhii meraa safar

raastaa rokaa gayaa to qaafilaa ho jaa_uu.Ngaa

saarii duniyaa kii nazar me.n hai meraa ahad-e-vafaa

ek tere kahane se kyaa mai.n bevafaa ho jaa_uu.Ngaa

@@@@@@@@@@@@@@@@@@@@@@@@@@@@@@@@@@@@@@@@

lahuu na ho to kalaam tarajumaa.N nahii.n hotaa

hamaare daur me.n aa.Nsuu zubaa.N nahii.n hotaa

jahaa.N rahegaa vahii.n raushanii luTaayegaa

kisii charaaG kaa apanaa makaa.N nahii.n hotaa

ye kis maqaam pe laa_ii hai merii tanahaa_ii

ke mujh se aaj ko_ii bad_gumaa.N nahii.n hotaa

mai.n us ko bhuul gayaa huu.N ye kaun maanegaa

kisii charaaG ke bas me.n dhuaa.N nahii.n hotaa

'Wasim' sadiyo.n kii aa.Nkho.n se dekhiye mujh ko

vo lafz huu.N jo kabhii daastaa.N nahii.n hotaa

@@@@@@@@@@@@@@@@@@@@@@@@@@@@@@@@@@@@@@@@

mai.n apane Khvaab se bichha.Daa nazar nahii.n aataa

tuu is sadii me.n akelaa nazar nahii.n aataa

ajab dabaav hai in bahrii havaao.n kaa

gharo.n kaa bojh bhii uThataa nazar nahii.n aataa

mai.n ek sadaa pe hameshaa ko ghar chho.D aayaa thaa

magar pukaarane vaalaa nazar nahii.n aataa

mai.n terii raah se haTane ko haT gayaa lekin

mujh to ko_ii bhii rastaa nazar nahii.n aataa

dhuaa.N bharaa hai yahaa.N sabhii kii aa.Nkho.n me.n

kisii ko ghar meraa jalataa nazar nahii.n aataa

@@@@@@@@@@@@@@@@@@@@@@@@@@@@@@@@@@@@@@@@

mai.n chaahataa bhii yahii thaa vo bevafaa nikale

use samajhane kaa ko_ii to sil_silaa nikale

kitaab-e-maazii ke auraaq ulaT ke dekh zaraa

na jaane kaun saa safaah mu.Daa huaa nikale

jo dekhane me.n bahut hii qariib lagataa hai

usii ke baare me.n socho to faasalaa nikale

@@@@@@@@@@@@@@@@@@@@@@@@@@@@@@@@@@@@@@@@

milii havaao.n me.n u.Dane kii vo sazaa yaaro

ke mai.n zamiin ke rishto.n se kaT gayaa yaaro

vo be-Khayaal musaafir mai.n raastaa yaaro

kahaa.N thaa bas me.n mere us ko rokanaa yaaro

mere qalam pe zamaane kii gard aisii thii

ke apane baare me.n kuchh bhii na likh sakaa yaaro

tamaam shahar hii jis kii talaash me.n gum thaa

mai.n us ke ghar kaa pataa kis se puuchhataa yaaro

@@@@@@@@@@@@@@@@@@@@@@@@@@@@@@@@@@@@@@@@

usuulo.n pe jahaa.N aa.Nch aaye Thakaraanaa zaruurii hai

jo zindaa ho.n to phir zindaa nazar aanaa zaruurii hai

na_ii umro.n kii Khud_muKhtaariyo.n ko kaun samajhaaye

kahaa.N se bach ke chalanaa hai kahaa.N jaanaa zaruurii hai

thake haare parinde jab basere ke liye lauTe

saliiqaamand shaaKho.n kaa lachak jaanaa zaruurii hai

bahut bebaak aa.Nkho.n me.n ta'alluq Tik nahii.n paataa

muhabbat me.n kashish rakhane ko sharmaanaa zaruurii hai

saliiqaa hii nahii.n shaayad use mahasuus karane kaa

jo kahataa hai Khudaa hai to nazar aanaa zaruurii hai

mere ho.nTho.n pe apanii pyaas rakh do aur phir socho

ki is ke baad bhii duniyaa me.n kuchh paanaa zaruurii hai

@@@@@@@@@@@@@@@@@@@@@@@@@@@@@@@@@@@@@@@@

zaraa saa qataraa kahii.n aaj agar ubharataa hai

samandaro.n hii ke lahaje me.n baat karataa hai

Khulii chhato.n ke diye kab ke bujh gaye hote

ko_ii to hai jo havaao.n ke par katarataa hai

sharaafato.n kii yahaa.N ko_ii ahamiyat hii nahii.n

kisii kaa kuchh na bigaa.Do to kaun Darataa hai

zamii.n kii kaisii viqaalat ho phir nahii.n chalatii

jab aasmaan se ko_ii faisalaa utarataa hai

tum aa gaye ho to phir kuchh chaa.Ndanii sii baate.n ho.n

zamii.n pe chaa.Nd kahaa.N roz roz utarataa hai

@@@@@@@@@@@@@@@@@@@@@@@@@@@@@@@@@@@@@@@@

Seemab Akbarabadi

noreply@blogger.com (SYED ZAKARIYA) — Sat, 30 Oct 2010 15:48:00 +0000

ab kyaa bataa_uu.N mai.n tere milane se kyaa milaa
irfaan-e-Gam huaa mujhe dil kaa pataa milaa

jab duur tak na ko_ii fakiir-aashnaa milaa
teraa niyaaz-mand tere dar se jaa milaa

manzil milii muraad milii mudda'a milaa
sab kuchh mujhe milaa jo teraa naqsh-e-paa milaa

yaa zaKhm-e-dil ko chiir ke siine se phe.nk de
yaa aitaraaf kar ki nishaan-e-vafaa milaa

"Seemab" ko shaguftaa na dekhaa tamaam umr
kambaKht jab milaa hame.n kam-aashnaa milaa
@@@@@@@@@@@@@@@@@@@@@@@@@@@@@@@@@@@@@@@@

baqadr-e-shauq iqaraar-e-vafaa kya
hamaare shauq kii hai i.ntahaa kyaa

muhabbat kaa yahii sab shaguul Thaharaa
to phir aah-e-rasaa kyaa naa-rasaa kyaa

duaa dil se jo nikale kaaragar ho
yahaa.N dil hii nahii.n dil se duaa kyaa

dil-e-aafat-zadaa kaa mudd'a kyaa
shikastaa-saaz kyaa us kii sazaa kyaa

salaamat daaman-e-ummiid-e-"Seemab"
muhabbat me.n kisii kaa aasaraa kyaa

@@@@@@@@@@@@@@@@@@@@@@@@@@@@@@@@@@@@@@@@

Gam mujhe hasarat mujhe vahashat mujhe saudaa mujhe
ek dil deke Khudaa ne de diyaa kyaa kyaa mujhe

hai husuul-e-aarazuu kaa raaz tark-e-aarazuu
mai.n ne duniyaaa chho.D dii to mil ga_ii duniyaa mujhe

[husuul-e-aarazuu=the completion/fulfilment of desire]
[tark-e-aarazuu=to discard desire]

kah ke soyaa huu.N ye apane iztaraab-e-shauq se
jab vo aaye.N qabr par fauran jagaa denaa mujhe

subah tak kyaa kyaa terii ummiid ne taane diye
aa gayaa thaa shaam-e-Gam ek nii.nd kaa jho.nkaa mujhe

ye namaaz-e-ishq hai kaisaa adab kisakaa adab
apane paay-e-namaaz par karane do sajdaa mujhe

dekhate hii dekhate duniyaa se mai.n uTh jaauu.Ngaa
dekhatii kii dekhatii rah kjaayegii duniyaa mujhe

@@@@@@@@@@@@@@@@@@@@@@@@@@@@@

jannat jo mile laake maiKhaane me.n rakh denaa
qausar mere chhoTe se paimaane me.n rakh denaa

mayyat na merii jaa ke viiraane me.n rakh denaa
paimaano.n me.n dafnaa ke maiKhaane me.n rakh denaa

vo jis se samajh jaaye.n rudaad mere Gam kii
aisaa bhii ko_ii Tukaraa afsaane me.n rakh denaa

sajdo.n pe naa denaa mujh ko arbaab-e-haram taane
kaabe kaa ko_ii patthar but-Khaane me.n rakh denaa

"Seemab" ye qudrat kaa adanaa saa karishmaa hai
Khaamosh sii ik bijalii paravaane me.n rakh denaa

@@@@@@@@@@@@@@@@@@@@@@@@@@@@@@@@@@@@@@@@

mujhase milane ke vo karataa thaa bahaane kitane
ab guzaaregaa mere saath zamaane kitane

mai.n giraa thaa to bahut log ruke the lekin
sochataa huu.N mujhe aaye the uThaane kitane

jis tarah mai.n ne tujhe apanaa banaa rakhaa hai
sochate ho.nge yahii baat na jaane kitane

tum nayaa zaKhm lagaao tumhe.n is se kyaa hai
bharane vaale hai.n abhii zaKhm puraane kitane

@@@@@@@@@@@@@@@@@@@@@@@@@@@@@@@@@@@@@@@@

na ho gar aashanaa nahii.n hotaa
but kisii kaa Khudaa nahii.n hotaa

tum bhii us vaqt yaad aate ho
jab ko_ii aasaraa nahii.n hotaa

dil me.n kitanaa sukuun hotaa hai
jab ko_ii muddavaa nahii.n hotaa

ho na jab tak shikaar-e-naakaamii
aadamii kaam kaa nahii.n hotaa

zindagii thii shabaab tak "Seemab"
ab ko_ii saanehaa nahii.n hotaa

@@@@@@@@@@@@@@@@@@@@@@@@@@@@@@@@@@@@@@@@

naamaa gayaa ko_ii na ko_ii naamaabar gayaa
terii Khabar na aa_ii zamaanaa guzar gayaa

ha.Nsataa huu.N yuu.N ki hijr kii raate.n guzar ga_ii.n
rotaa huu.N yuu.N ki lutf-e-duaa-e-sahar gayaa

ab mujh ko hai qaraar to sab ko qaraar hai
dil kyaa Thahar gayaa ki zamaanaa guzar gayaa

yaa rab nahii.n mai.n vaaqif-e-rudaad-e-zindagii
itanaa hii yaad hai ki jiyaa aur mar gayaa

@@@@@@@@@@@@@@@@@@@@@@@@@@@@@@@@@@@@@@@@

nasiim-e-subah gulashan me.n gulo.n se khelatii hogii
kisii kii aaKhirii hichakii kisii kii dillagii hogii

tumhe.n daanistaa mahafil me.n jo dekhaa ho to mujarim huu.N
nazar aaKhir nazar hai be-iraadaa uTh ga_ii hogii

mazaa aa jaayegaa mahashar me.n kuchh sunane sunaane kaa
zubaa.N hogii hamaarii aur kahaanii aap kii hogii

sar-e-mahafil bataa duu.Ngaa sar-e-mahashar dikha duu.Ngaa
hamaare saath tum hoge ye duniyaa dekhatii hogii

yahii aalam rahaa pardaanashiino.n kaa to zaahir hai
Khudaa_ii aap se hogii na ham se ba.ndagii hogii

ta'ajjub kyaa lagii jo aag ai 'Seemab' siine me.n
hazaaro.n dil me. a.Ngaare bhare the lag ga_ii hogii

@@@@@@@@@@@@@@@@@@@@@@@@@@@@@@@@@@@@@@@@

shab-e-Gam ai mere allaah basar bhii hogii
raat hii raat rahegii ke sahar bhii hogii

mai.n ye sunataa huu.N ke vo duniyaa kii Khabar rakhate hai.n
jo ye sach hai to u.nhe.n merii Khabar bhii hogii

chain milane se hai un ke na judaa rahane se
aaKhir ai ishq kisii tarah basar bhii hogii

@@@@@@@@@@@@@@@@@@@@@@@@@@@@@@@@@@@@@@@@

tere qadamo.n pe sar hogaa qazaa sar pe kha.Dii hogii
phir us sajde kaa kyaa kahanaa anokhii ba.ndagii hogii

nasiim-e-subah gulashan me.n gulo.n se khelatii hogii
kisii kii aakharii hichakii kisii kii dillagii hogii

dikhaa duu.Ngaa sar-e-mahafil bataa duu.Ngaa sar-e-mahashar
vo mere dil me.n ho.nge aur duniyaa dekhatii hogii

mazaa aa jaayegaa mahashar me.n phir sunane-sunaane kaa
zubaa.N hogii vahaa.N merii kahaanii aap kii hogii

tumhe.n daanistaa mahafil me.n jo dekhaa ho to mujarim
nazar aaKhir nazar hai be-iraadaa uTh ga_ii hogii

@@@@@@@@@@@@@@@@@@@@@@@@@@@@@@@@@@@@@@@@

ye kyaa jaane me.n jaanaa hai, jaate ho Khafaa hokar
mai.n tab jaanuu mere dil se chale jaao judaa hokar

qayaamat tak u.Degii dil se uThakar Khaak aa.Nkho.n tak
isii raaste gayaa hai hasarato.n kaa kaafilaa hokar

tumhii.n ab dard-e-dil ke naam se ghabaraaye jaate ho
tumhii.n to dil me.n shaayad aaye the dard-e-aashiyaa.N hokar

yuu.N hii hamdam gha.Dii bhar ko milaa karate to bahatar thaa
ke dono vaqt jaise roz milate hai.n judaa hokar

@@@@@@@@@@@@@@@@@@@@@@@@@@@@@@@@@@@@@@@@

Saifuddin Saif

noreply@blogger.com (SYED ZAKARIYA) — Fri, 29 Oct 2010 10:17:00 +0000

aaj ashko.n kaa taar TuuT gayaa
rishtaa-e-intazaar TuuT gayaa

yuu.N vo Thukaraa ke chal diye goyaa
ik khilaunaa thaa pyaar TuuT gayaa

roye rah-rah kar hich_kiyaa.N lekar
saaz-e-Gam baar baar TuuT gayaa

aap kii beruKhii kaa shikavaa kyaa
dil thaa naapaa_idaar TuuT gayaa

dekh lii dil ne besabaatii-e-gul
phir tilism-e-bahaar TuuT gayaa

'Saif' kyaa chaar din kii ranjish se
itanii muddat kaa pyaar TuuT gayaa
@@@@@@@@@@@@@@@@@@@@@@@@@@@@@@@@@@@@@@@@

jab tere shahar se guzarataa huu.N

dil bhii karataa hai yaad chhup ke tujhe
naam letii nahii.n zubaa.N teraa

ye bhii nahii.n mujhe maaluum
kis mohalle me.n hai makaa.N teraa
kaun sii shaaKh-e-gul pe raqsaa.N hai
rashk-e-firdaus aashiyaa.N teraa
jaane kin vaadiyo.n me.n Theharaa hai
Girat-e-husn kaaravaa.N teraa
kis se puuchhuu.Ngaa mai.n Khabar terii
kaun batalaayegaa nishaa.N teraa

terii rusvaa_iiyo.n se Darataa huu.N
jab tere shahar se guzarataa huu.N

haal-e-dil bhii na kah sakaa garche
tuu rahii muddato.n qariib mere
kuchh terii azmato.n kaa Dar bhii thaa
kuchh Khayaalaat the ajiib mere
aaKhir kaar vo gha.dii aa_ii
baar-e-dar ho gaye raqiib mere
tuu mujhe chho.D ke chalii bhii ga_ii
Khair qismat merii nasiib mere

ab mai.n kyo.n tujh se pyaar karataa huu.N
jab tere shahar se guzarataa huu.N

vo zamaanaa terii muhabbat kaa
ek bhuulii hu_ii kahaanii hai
tere kuuche me.n umr bhar na gaye
saarii duniyaa kii Khaak chhaanii hai
lazzat-e-qarb ho ke zaKhm-e-firaaq
jo bhii hai terii meharabaanii hai
kis tamannaa se tujh ko chaahaa thaa
kis muhabbat se haar maanii hai

apanii qismat pe naaz karataa huu.N
jab tere shahar se guzarataa huu.N
@@@@@@@@@@@@@@@@@@@@@@@@@@@@@@@@@@@@@@@@

ham ko to gardish-e-haalaat pe ronaa aayaa
rone vaale tujhe kis baat pe ronaa aayaa

kaise mar-mar ke guzaarii hai tumhe.n kyaa maaluum
raat bhar taaro.n bharii raat pe ronaa aayaa

kitane betaab the rim_jhim me.n piiyenge lekin
aa_ii barasaat to barasaat pe ronaa aayaa

kaun rotaa hai kisii aur ke Gham kii Khaatir
sab ko apanii hii kisii baat pe ronaa aayaa

'Saif' ye din to qayaamat kii tarah guzaraa hai
jaane kyaa baat thii har baat pe ronaa aayaa
@@@@@@@@@@@@@@@@@@@@@@@@@@@@@@@@@@@@@@@@

merii daastaan-e-hasarat vo sunaa sunaa ke roye
mere aazamaane vaale mujhe aazamaa ke roye

ko_ii aisaa ahal-e-dil ho ke fasaanaa-e-muhabbat
mai.n use sunaa ke rouu.N vo mujhe sunaa ke roye

merii aarazuu kii duniyaa dil-e-naatavaa.N kii hasarat
jise kho ke shaadamaa.N the use aaj paa ke roye

terii bevafaa_iyo.n par terii kaj_adaa_iyo.n par
kabhii sar jhukaa ke roye kabhii muu.Nh chhupaa ke roye

jo sunaa_ii anjuman me.n shab-e-Gam kii aap_biitii
ka_ii ro ke muskuraaye ka_ii muskuraa ke roye
@@@@@@@@@@@@@@@@@@@@@@@@@@@@@@@@@@@@@@@@

is se pahale ki terii chashm-e-karam maazarat kii nigaah ban jaaye
pyaar Dhal jaaye mere ashko.n me.n aarazuu ek aah ban jaaye
mujh pe aa jaaye ishq kaa ilzaam aur tuu begunaah ban jaaye
mai.n teraa shahar chho.D jaauu.Ngaa

is se pahale ki saadagii terii lab-e-Khaamosh ko gilaa kah de
terii majabuuriyaa.N na dekh sake aur dil tujhako bevafaa kah de
jaane mai.n beKhudii me.n kyaa puuchhuu.N, jaane tuu beruKhii se kyaa kah de
mai.n teraa shahar chho.D jaauu.Ngaa

is se pahale ki tere hoTho.n se Gair hoTho.n ke jaam Takaraaye
is se pahale ke zulf ke baadal ajanabii baazuyo.n pe laharaaye
aur terii bebasii ke nazaare merii aa.Nkho.n pe aag barasaaye
mai.n teraa shahar chho.D jaauu.Ngaa

chho.D kar saahil-e-hayaat chalaa ab safiinaa meraa kahii.n Thahare
zahar piinaa meraa muqaddar hai aur tere ho.nTh dil-nashii.n Thahare
kis tarah tere aastaa.N pe rukuu.N jab na paa.Nv tale zamii.n Thahare
mai.n teraa shahar chho.D jaauu.Ngaa

mujh ko itanaa zaruur kahanaa hai vaqt-e-ruKhsat salaam se pahale
to.D luu.N rishtaa-e-nazar mai.n bhii tuu utar aaye baam se pahale
ye merii jaan meraa vaadaa hai kal kisii vaqt shaam se pahale
mai.n teraa shahar chho.D jaauu.Ngaa
@@@@@@@@@@@@@@@@@@@@@@@@@@@@@@@@@@@@@@@@

qariib maut kha.Dii hai zaraa Thahar jaao
qazaa se aa.Nkh la.Dii hai zaraa Thahar jaao

thakii thakii sii fazaaye.N bujhe bujhe taare
ba.Dii udaas gha.Dii hai zaraa Thahar jaao

nahii.n ummiid ki ham aaj kii sahar dekhe.n
ye raat ham pe ka.Dii hai zaraa Thahar jaao

abhii na jaao ki taaro.n kaa dil dha.Dakataa hai
tamaam raat pa.Dii hai zaraa Thahar jaao

phir is ke baad kabhii ham na tum ko roke.nge
labo.n pe saa.Ns a.Dii hai zaraa Thahar jaao

dam-e-firaaq me.n jii bhar ke tum ko dekh to luu.N
ye faisale kii gha.Dii hai zaraa Thahar jaao
@@@@@@@@@@@@@@@@@@@@@@@@@@@@@@@@@@@@@@@@

raah aasaan ho ga_ii hogii
jaan pahachaan ho ga_ii hogii

phir palaT kar nigaah nahii.n aa_ii
tujh pe qurabaa.N ho ga_ii hogii

terii zulfo.n ko chhe.Datii thii sabaa
Khud pareshaa.N ho ga_ii hogii

maut se tere dard_mando.n kii
mushkil aasaan ho ga_ii hogii

un se bhii chhiin loge yaad apanii
jin kaa imaan ho ga_ii hogii

dil kii taskiin puuchhate hai.n aap
haa.N merii jaan ho ga_ii hogii

marane vaalo pe 'Saif' hairat kyo.n
maut aasaan ho ga_ii hogii
@@@@@@@@@@@@@@@@@@@@@@@@@@@@@@@@@@@@@@@@

raat kii besukuu.N Khamoshii me.n
ro rahaa huu.N ki so nahii.n sakataa
raahato.n ke mahal banaataa hai
dil jo aabaad ho nahii.n sakataa

duur shama-e-Khayaal ke maanind
shama vaadii kii jhil_milaatii hai
yaas ke beqaraa.N andhere me.n
ek umiid muskuraatii hai

duur parabat ke paas char_vaahaa
kho gayaa Gam_fazaa taraano.n me.n
bain karatii hai ruuh-e-zaKhm_aaluud
baa.Nsurii kii nahiif taano.n me.n

tere jaane kaa Gam bhulaataa huu.N
tere aane kii yaad aatii hai
haaye is bebasii ke aalam me.n
kis zamaane kii yaad aatii hai

shab ko viiraan rah_guzaaro.n se
sar jhukaaye hue guzarataa huu.N
qah_qaho.n me.n qaraar khoyaa thaa
aa.Nsuo.n me.n talaash karataa huu.N
@@@@@@@@@@@@@@@@@@@@@@@@@@@@@@@@@@@@@@@@

Sahir Ludhianvi

noreply@blogger.com (SYED ZAKARIYA) — Thu, 28 Oct 2010 17:27:00 +0000

aao ki ko_ii Khvaab bune.n kal ke vaaste
varanaa ye raat aaj ke sangiin daur kii

Das legii jaan-o-dil ko kuchh aise ki jaan-o-dil
taa-umr phir na ko_ii hasii.n Khvaab bun sake.n

go ham se bhaagatii rahii ye tez-gaam umr
Khvaabo.n ke aasare pe kaTii hai tamaam umr

zulfo.n ke Khvaab, ho.nTho.n ke Khvaab, aur badan ke Khvaab
meraaj-e-fan ke Khvaab, kamaal-e-suKhan ke Khvaab

tahaziib-e-zindagii ke, faroG-e-vatan ke Khvaab
zindaa.N ke Khvaab, kuuchaa-e-daar-o-rasan ke Khvaab

ye Khvaab hii to apanii javaanii ke paas the
ye Khvaab hii to apane amal ke asaas the

ye Khvaab mar gaye hai.n to be-rang hai hayaat
yuu.N hai ki jaise dast-e-tah-e-sang hai hayaat

aao ki ko_ii Khvaab bune.n kal ke vaaste
varanaa ye raat aaj ke sangiin daur kii

Das legii jaan-o-dil ko kuchh aise ki jaan-o-dil
taa-umr phir na ko_ii hasii.n Khvaab bun sake.n

@@@@@@@@@@@@@@@@@@@@@@@@@@@@@@@@@@@@@@@@

ab aaye.n yaa na aaye.n idhar puuchhate chalo
kyaa chaahatii hai un kii nazar puuchhate chalo

ham se agar hai tark-e-ta'alluq to kyaa huaa
yaaro ko_ii to un kii Khbabar puuchhate chalo

jo Khud ko kah rahe hai.n ki ma.nzil shanaas hai.n
un ko bhii kyaa Khabar hai magar puuchhate chalo

kis ma.nzil-e-muraad kii jaanib ravaa.N hai.n ham
ai rah-ravaan-e-Khaak-ba-sar puuchhate chalo

@@@@@@@@@@@@@@@@@@@@@@@@@@@@@@@@@@@@@@@@

ahal-e-dil aur bhii hai.n ahal-e-vafaa aur bhii hai.n
ek ham hii nahii.n duniyaa se Khafaa aur bhii hai.n

kyaa huaa gar mere yaaro.n kii zabaane.n chup hai.n
mere shaahid mere yaaro.n ke sivaa aur bhii hai.n

ham pe hii Khatm nahii.n maslak-e-shoriidaa_sarii
chaak-e-dil aur bhii hai chaak-e-qabaa aur bhii hai.n

sar salaamat hai to kyaa sang-e-malaamat kii kamii
jaan baaqii hai to paikaan-e-qazaa aur bhii hai.n

munsif-e-shahar kii vahadat pe na harf aa jaaye
log kahate hai.n ke arabaab-e-jafaa aur bhii hai.n

@@@@@@@@@@@@@@@@@@@@@@@@@@@@@@@@@@@@@@@@

aqaayad vaham hai mazahab Khayaal-e-Khaam hai saaqii
azal se zahan-e-i.nsaa.N bast-e-auhaam hai saaqii

haqiiqat-aashanaa_ii asl me.n gum-kardah-raahii hai
uruus-e-aagahii paravardah-e-abahaam hai saaqii

mubaarak ho za_iifii ko Khirad kii falsafaadaanii
javaanii beniyaaz-e-ibrat-e-a.njaam hai saaqii

abhii tak raaste ke pech-o-Kham se dil dha.Dakataa hai
meraa zauq-e-talab shaayad abhii tak Khaam hai saaqii

vahaa.N bhejaa gayaa huu.N chaak karane pard-e-shab ko
jahaa.N har subah ke daaman pe aks-e-shaam hai saaqii

@@@@@@@@@@@@@@@@@@@@@@@@@@@@@@@@@@@@@@@@

bha.Dakaa rahe hai.n aag lab-e-naGmaagaar se ham
Khaamosh kyaa rahe.nge zamaane ke Dar se ham

kuchh aur ba.D gae a.Ndhere to kyaa huaa
maayuus to nahii.n hai.n tulu-e-sahar se ham

le de ke apane paas faqat ek nazar to hai
kyuu.N dekhe.n zindagii ko kisii kii nazar se ham

maanaa ki is zamii.N ko na gulazaar kar sake
kuchh Khaar kam kar gae guzare jidhar se ham

@@@@@@@@@@@@@@@@@@@@@@@@@@@@@@@@@@@@@@@@

ye kuuche ye niilaam ghar dil_kashii ke
ye luTate hue kaarawaa.N zindagii ke
kahaa.N hai.n, kahaa.N hai.n muhaafiz Khudii ke?

sanaa_Khwaan-e-taqdiis-e-mashriq kahaa.N hai.n?

ye pur_pe.nch galiyaa.N, ye be_Khaab baazaar
ye gumanaam raahii, ye sikko.n kii jha.nkaar
ye ismat ke saude, ye saudo.n pe takaraar

sanaa_Khwaan-e-taqdiis-e-mashriq kahaa.n hai.n?

ta'affun se pur niim_roshan ye galiyaa.N
ye masalii huii adh_khilii zard kaliyaa.N
ye bikatii huii khokalii rang_raliyaa.N

sanaa_Khwaan-e-taqdiis-e-mashriq kahaa.n hai.n?

wo ujale dariicho.n me.n paayal kii chhan-chhan
tanaffus kii ulajhan pe tabale kii dhan-dhan
ye be_ruuh kamaro.n me.n khaa.Nsii kii dhan-dhan

sanaa_Khwaan-e-taqdiis-e-mashriq kahaa.n hai.n?

ye guu.Nje hue qah-qahe raasto.n par
ye chaaro.n taraf bhii.D sii khi.Dakiyo.n par
ye aawaaze.n khii.nchate hue aa.Nchalo.n par

sanaa_Khwaan-e-taqdiis-e-mashriq kahaa.n hai.n?

ye phuulo.n ke gajare, ye piiko.n ke chhii.nTe
ye be_baak nazare.n, ye gustaaKh fiqare
ye dhalake badan aur ye madaquuq chehare

sanaa_Khwaan-e-taqdiis-e-mashriq kahaa.n hai.n?

ye bhuukii nigaahe.n hasiino.n kii jaanib
ye ba.Date hue haath siino.n kii jaanib
lapakate hue paa.Nv ziino.n kii jaanib

sanaa_Khwaan-e-taqdiis-e-mashriq kahaa.n hai.n?

yahaa.n piir bhii aa chuke hai.n jawaa.N bhii
tanuu_mand beTe bhii, abbaa miyaa.N bhii
ye biiwii bhii hai aur bahan bhii hai, maa.N bhii

sanaa_Khwaan-e-taqdiis-e-mashriq kahaa.n hai.n?

madad chaahatii hai ye hawwaa kii beTii
yashodaa kii ham_jins raadhaa kii beTii
payambar kii ummat zulaiKhaa kii beTii

sanaa_Khwaan-e-taqdiis-e-mashriq kahaa.n hai.n?

zaraa mulk ke raah_baro.n ko bulaao
ye kuuche ye galiyaa.N ye ma.nzar dikhaao
sanaa_Khwaan-e-taqdiis-e-mashriq ko laao

sanaa_Khwaan-e-taqdiis-e-mashriq kahaa.n hai.n?

@@@@@@@@@@@@@@@@@@@@@@@@@@@@@@@@@@@@@@@@

dekhaa hai zindagii ko kuchh itanaa qariib se
chehare tamaam lagane lage hai.n ajiib se

is re.ngatii hayaat kaa kab tak uThaaye.n baar
biimaar ab ulajhane lage hai.n tabiib se

har gaam par hai majamaa-e-ushshaaq muntazir
maqtal kii raah milatii hai kuu-e-habiib se

is tarah zindagii ne diyaa hai hamaaraa saath
jaise ko_ii nibaah rahaa ho raqiib se

ai ruuh-e-asar jaag kahaa.N so rahii hai tuu
aavaaz de rahe hai.n payambar saliib se

@@@@@@@@@@@@@@@@@@@@@@@@@@@@@@@@@@@@@@@@

dekhaa to thaa yuu.N hii kisii Gafalat-shi'ar ne
diivaanaa kar diyaa dil-e-be-iKhtiyaar ne

ai aarazuu ke dhu.ndale Khvaabo.n javaab do
phir kis kii yaad aa_ii thii mujh ko pukaarane

tum ko Khabar nahii.n magar ik saadaalauh ko
barbaad kar diyaa tere do din ke pyaar ne

mai.n aur tum se tark-e-mohabbat kii aarazuu
diivaanaa kar diyaa hai Gam-e-rozagaar ne

ab ai dil-e-tabaah teraa kyaa Khayaal hai
ham to chale the kaakul-e-getii sa.Nvaarane

@@@@@@@@@@@@@@@@@@@@@@@@@@@@@@@@@@@@@@@@

apane maazii ke tasavvur se hiraasaa huu.N mai.n
apane guzare hue ayyam se nafarat hai mujhe
apanii bekaar tamannao.n pe sharmi.ndaa huu.N mai.n
apanii besud ummiido.n pe nidaamat hai mujhe

mere maazii ko a.Ndhere me.n dabaa rahane do
meraa maazii merii zillat ke sivaa kuchh bhii nahii.n
merii ummiido.n kaa haasil merii kaavish kaa silaa
ek benaam aziiyat ke sivaa kuchh bhii nahii.n

kitanii bekaar ummiido.n kaa sahaaraa lekar
mai.n ne aiwaan sajaaye they kisii kii Khaatir
kitanii berabt tamannaazo.n ke maabham Khaake
apane Khwaabo.n me.m basaaye the kisii kii Khaatir

mujhase ab merii mohabbat ke fasaane na puuchho
mujhako kahane do ke mai.n ne u.nhe.n chaahaa hii nahii.n
aur vo mast nigaahe.n jo mujhe bhuul gaii.n
mai.n ne un mast nigaaho.n ko saraahaa hii nahii.n

mujhako kahane do ki mai.n aaj bhii jii sakataa huu.N
ishq naakaam sahii zindagii naakaam nahii.n
unako apanaane kii Khvaahish u.nhe.n paane kii talab
shauq bekaar sahii sai-Gam a.njaam nahii.n

vahii gesuu vahii nazar vahii aarid vahii jism
mai.n jo chaahuu.N ki mujhe aur bhii mil sakate hai.n
vo ka.Nval jinako kabhii munake liye khilanaa thaa
unakii nazaron se bahut duur bhii khil sakate hai.n

@@@@@@@@@@@@@@@@@@@@@@@@@@@@@@@@@@@@@@@@

mai.n ne jo giit tere pyaar kii Khaatir likkhe
aaj un giito.n ko baazaar me.n le aayaa huu.N

aaj dukaan pe niilaam uThegaa un kaa
tuune jin giito.n pe rakkhii thii muhabbat kii asaas
aaj chaa.Ndii kii taraazuu me.n tulegii har chiiz
mere afakaar merii shaayarii meraa ehasaas

jo terii zaat se manasuub the un giito.n ko
muflisii jins banaane pe utar aa_ii hai
bhuuk tere ruKh-e-rangii.n ke fasaano.n ke ivaz
cha.nd aashiyaa-e-zaruurat kii tamannaa_ii hai

dekh is arsaagah-e-mehanat-o-sarmaayaa me.n
mere naGme.n bhii mere paas nahii.n rah sakate
tere jalve kisii zaradaar kii miiraas sahii
tere Khaake bhii mere paas nahii.n rah sakate

aaj un giito.n ko baazaar me.n le aayaa huu.N
mai.n ne jo giit tere pyaar kii Khaatir likkhe

@@@@@@@@@@@@@@@@@@@@@@@@@@@@@@@@@@@@@@@@

havas-nasiib nazar ko kahii.n qaraar nahii.n
mai.n mu.ntazir huu.N magar teraa intazaar nahii.n

hamii.n se rang-e-gulistaa.N hamii.n se rang-e-bahaar
hamii.n ko nazm-e-gulistaa.N pe iKhtiyaar nahii.n

abhii na chhe.D mohabbat ke giit ae mutarib
abhii hayaat kaa mahaul Khush_gavaar nahii.n

tumhaare ahd-e-wafaa ko ahad mai.n kyaa samajhuu.N
mujhe Khud apanii mohabbat kaa aitabaar nahii.n

na jaane kitane gile is me.n muztarib hai nadiim
wo ek dil jo kisii kaa gilaa_gusaar nahii.n

gurez kaa nahii.n qaayal hayaat se lekin
jo soz kahuu.N to mujhe maut naagavaar nahii.n

ye kis maqaam pe pahu.Nchaa diyaa zamaane ne
ki ab hayaat pe teraa bhii iKhtiyaar nahii.n

@@@@@@@@@@@@@@@@@@@@@@@@@@@@@@@@@@@@@@@@

chaa.Nd maddham hai aasmaa.N chup hai
nii.nd kii god me.n jahaa.N chup hai

duur vaadii me.n duudhiyaa baadaal
jhuk ke parbatko pyaar karate hai.n
dil me.n naakaam hasarate.n lekar
ham teraa i.ntazaar karate hai.n

in bahaaro.n ke saaye me.n aa jaa
phir mohabbat javaa.N rahe na rahe
zindagii tere naa-muraado.n par
kal talak meharabaa.N rahe na rahe

roz kii tarah aaj bhii taare
subah kii gard me.n na kho jaaye.N
aa tere Gam me.n jaagatii aa.Nkhe.n
kam se kam ek raat so jaaye.N

chaa.Nd maddham hai aasmaa.N chup hai
nii.nd kii god me.n jahaa.N chup hai

@@@@@@@@@@@@@@@@@@@@@@@@@@@@@@@@@@@@@@@@

jab kabhii un ke tavajjo me.n kamii paa_ii ga_ii
az sar-e-nava-e-daastaan-e-shauq doharaa_ii ga_ii

bik chuke jab tere lab phir tujh ko kyaa shikavaa agar
zi.ndagaanii baadaa-o-saaGar se bahalaa_ii ga_ii

ai Gam-e-duniyaa tujhe kyaa ilm tere vaaste
kin bahaano.n se tabiyat raah par laa_ii ga_ii

ham kare.n tark-e-vafaa achchhaa chalo yuu.n hii sahii
aur agar tark-e-vafaa se bhii na rusvaa_ii ga_ii

kaise kaise chashm-o-aariz gard-e-Gam se bujh gaye
kaise kaise paikaro.n kii shaan-e-zebaa_ii ga_ii

dil kii dha.Dakan me.n tavazzun aa chalaa hai Khair ho
merii nazare.n bujh ga_ii.n yaa terii raanaa_ii ga_ii

un kaa Gam un kaa tasavvur un ke shikave ab kahaa.N
ab to ye baate.n bhii ai dil ho ga_ii.n aa_ii ga_ii

@@@@@@@@@@@@@@@@@@@@@@@@@@@@@@@@@@@@@@@@

kabhii kabhii mere dil me.n Khayaal aataa hai...

ke zindagii terii zulfo.n kii narm chaao.n me.n
guzarane paatii to shaadaab ho bhii sakatii thii
ye tiirgii jo merii ziist kaa muqaddar hai
terii nazar kii shuaao.n me.n kho bhii sakatii thii

ajab na thaa ke mai.n begaanaa-e-alam ho kar
tere jamaal kii raanaaiiyo.n me.n kho rahataa
teraa gudaaz badan terii niim-baar aa.Nkhe.n
i.nhii.n hasiin fasaano.n me.n maaho rahataa

pukaaratii.n mujhe jab talKhiyaa.N zamaane kii
tere labo.n se halaawat ke ghuu.NT pii letaa
hayaat chiikhatii phiratii barahanaa-sar, aur mai.n
ghanerii zulfo.n ke saaye me.n chhup ke jii letaa

magar ye ho na sakaa aur ab ye aalam hai
ke tuu nahii.n, teraa Gam, terii justajuu bhii nahii.n
guzar rahii hai kuchh is tarah zi.ndahii jaise
ise kisii ke sahaare kii aarazuu bhii nahii.n

zamaane bhar ke dukho.n ko lagaa chukaa huu.N gale
guzar rahaa huu.N kuchh a.njaanii guzar_gaaho.n se
muhiib saaye merii simt ba.Date aate hai.n
hayaat-o-maut ke pur_haul Khaarazaaro.n se

na koii jaadaa na manzil na roshanii kaa suraaG
bhaTak rahii hai Khaalaao.n me.n zindagii merii
i.nhii.n Khalaao.n me.n rah jaauu.Ngaa kabhii khokar
mai.n jaanataa huu.N merii ham-nafas magar yuu.N hii

kabhii kabhii mere dil me.n Khayaal aataa hai

@@@@@@@@@@@@@@@@@@@@@@@@@@@@@@@@@@@@@@@@

Khuddaariyo.n ke Khuun ko arzaa.N na kar sake
ham apane jauharo.n ko numaayaa.N na kar sake

hokar Kharaab-e-may tere Gam to bhulaa diye
lekin Gam-e-hayaat kaa daramaa.N na kar sake

TuuTaa talism-e-ahad-e-mohabbat kuchh is tarah
phir aarazuu kii shamaa furezaa.N na kar sake

har shay qariib aake kashish apanii kho ga_ii
vo bhii ilaaj-e-shauq-e-gurezaa.N na kar sake

kis darjaa dil-shikan the mohabbat ke haadase
ham zindagii me.n phir ko_ii aramaa.N na kar sake

maayuusiiyo.n ne chhiin liye dil ke val-vale
vo bhii nishaat-e-ruuh kaa saamaa.N na kar sake

@@@@@@@@@@@@@@@@@@@@@@@@@@@@@@@@@@@@@@@@

chalo ik baar phir se ajanabii ban jaaye.N ham dono.n

na mai.n tum se ko_ii ummiid rakhuu.N dil navaazii kii
na tum merii taraf dekho Galat a.ndaaz nazaro.n se
na mere dil kii dha.Dakan la.Dakha.Daaye merii baato.n me.n
na zaahir ho tumhaarii kashmakash kaa raaz nazaro.n se

ta'arruf rog ho jaaye to us ko bhuulanaa behatar
ta'alluq bojh ban jaaye to us ko to.Danaa achchhaa
vo afsaanaa jise takamiil tak laanaa na ho mumakin
use ek Khuubasuurat mo.D dekar chho.Danaa achchhaa

chalo ik baar phir se ajanabii ban jaaye.N ham dono.n

tumhe.n bhii ko_ii ulajhan rokatii hai peshakadamii se
mujhe bhii log kahate hai.n ki ye jalave paraaye hai.n
mere hamaraah bhii rusavaaiyaa.N hai.n mere maazii kii
tumhaare saath bhii guzarii huii raato.n ke saaye hai.n

@@@@@@@@@@@@@@@@@@@@@@@@@@@@@@@@@@@@@@@@

tumhe.n udaas saa paataa huu.N mai.n kaa_ii din se
naa jaane kaun se sadame uThaa rahii ho tum

vo shoKhiyaa.N, vo tabassum, vo kah_kahe na rahe
har ek chiiz ko hasrat se dekhatii ho tum

chhupaa chhupaa ke Khamoshii me.n apanii bechainii
Khud apane raaz kii taashiir ban gaii ho tum

merii ummiid agar miT gaii to miTane do
ummiid kyaa hai bas ek paas-o-pesh hai kuchh bhii nahii.n

merii hayaat kii Gam_Giii.nio.n kaa Gam na karo
Gam hayaat-e-Gam yak naqs hai kuchh bhii nahii.n

tum apane husn kii raanaaiio.n par raham karo
vafaa fareb tul havas hai kuchh bhii nahii.n

mujhe tumhaare taGaaful se kyuu.n shikaayat ho
merii fanaa meer ehasaas kaa taqaazaa hai

main jaanataa huu.N ke duniyaa kaa Khauf hai tum ko
mujhe Khabar hai ye duniyaa ajiib duniyaa hai

yahaa.N hayaat ke parde me.n maut chalatii hai
shikast saaz kii aawaaz me.n ruu naGmaa hai

mujhe tumhaarii judaaii kaa koii ra.nj nahii.n
mere Khayaal kii duniyaa me.n mere paas ho tum

ye tum ne Thiik kaha hai tumhe.n milaa na karuu.N
magar mujhe bataa do ki kyuu.N udaas ho tum

hafaa na ho merii jurrat-e-taKhtab par
tumhe.n Khabar hai merii zi.ndagii kii aas ho tum

meraa to kuchh bhii nahii.n hai mai.n ro ke jii luu.Ngaa
magar Khudaa ke liye tum asiir-e-Gam na raho

huaa hii kyaa jo zamaane ne tum ko chhiin liyaa
yahaa.N par kaun huaa hai kisii kaa socho to

mujhe qasam hai merii dukh bharii jawaanii kii
mai.n Khush huu.N merii mohabbat ke phuul Thukaraa do

mai.n apanii ruuh kii har ek Khushii miTaa luu.Ngaa
magar tumhaarii masarrat miTaa nahii.n sakataa

mai.n Khuud ko maut ke haatho.n me.n sau.Np sakataa huu.N
magar ye bar-e-musaaib uThaa nahii.n sakataa

tumhaare Gam ke sivaa aur bhii to Gam hai.n mujhe
nijaat jin se mai.n ek lahaza paa nahii.n sakataa

ye uu.Nche uu.Nche makaano.n kii deva.Diiyo.n ke tale
har kaam pe bhuuke bhikaariiyo.n kii sadaa

har ek ghar me.n aflaas aur bhuuk kaa shor
har ek simt ye insaaniyat kii aah-o-bukaa

ye karaKhaano.n me.n lohe kaa shor-o-gul jis me.n
hai dafn laakho.n Gariibo.n kii ruuh kaa naGmaa

ye sharaho.n pe ra.ngiin saa.Diio.n kii jhalak
ye jho.Npa.Diyo.n me.n Gariibo.n ke be-kafan laashe.n

ye maal road pe karo.n kii rail pail kaa shor
ye paTariyo.n pe Gariibo.n ke zard_ruu bachtche

galii galii me.n bikate hue javaa.N chehare
hasiin aa.Nkho.n me.n afsurdagii sii chhaii huii

ye jang aur ye mere vatan ke shoKh javaa.N
khariidii jaatii hai.n uThatii javaaniyaa.N jinakii

ye baat baat pe kanuun aur zabte kii giraft
ye ziisq ye Gulaamii ye daur-e-majabuurii

ye Gam hai.n bahot merii zi.ndagii miTaane ko
udaas rah ke mere dil ko aur ranj na do

@@@@@@@@@@@@@@@@@@@@@@@@@@@@@@@@@@@@@@@@

lab pe paabandii nahii.n ehasaas pe paharaa to hai
phir bhii ahal-e-dil ko ahavaal-e-bashar kahanaa to hai

apanii Gairat bech Daale.n apanaa masalaq chho.D de.n
rah_numaao.n me.n bhii kuchh logo.n ko ye manshaa to hai

hai jinhe.n sab se zyaadaa daavaa-e-hubb-e-vatan
aaj un kii vajah se hubb-e-vatan rusavaa to hai

bujh rahe hai.n ek ek kar ke aqiido.n ke diye
is andhere kaa bhii lekin saamanaa karanaa to hai

jhuuTh kyuu.N bole.n faroG-e-maslahat ke naam par
zindagii pyaarii sahii lekin hame.n maranaa to hai

@@@@@@@@@@@@@@@@@@@@@@@@@@@@@@@@@@@@@@@@

aap bevajah pareshaan-sii kyo.n hai.n maadaam
log kahate hai.n to phir Thiik hii kahate ho.nge
mere ehabaab ne tahaziib na siikhii hogii
mere maahaul me.n i.nsaan na rahate ho.nge

nuur-e-saramaayaa se hai ruu-e-tamaddun kii jilaa
ham jahaa.N hai.n vahaa.N tahaziib nahii.n pal sakatii
mufalisii hiss-e-lataafat ko miTaa detii hai
bhuuk aadaab ke saa.Nche me.n nahii.n Dhal sakatii

log kahate hai.n to logo.n pe t’ajjub kaisaa
sach to kahate hai.n ki naadaaro.n kii izzat kaisii
log kahate hai.n – magar aap abhii tak chup hai.n
aap bhii kahiye Gariibo.n me.n sharaafat kaisii

nek maadaam! Bahut jald vo daur aayegaa
jab hame.n ziist ke adavaar parakhane ho.nge
apanii zillat kii qasam, aap kii azamat kii qasam
hamako taa’ziim ke me_aar parakhane ho.nge

hamane har daur me.n tazaliil sahii hai lekin
hamane har daur ke chehare ko ziyaa baKhshii hai
hamane har daur me.n mehanat ke sitam jhele hai.n
hamane har daur ke haatho.n ko hinaa baKhshii hai

lekin in talKh mubaahis se bhalaa kyaa haasil
log kahate hai.n to phir Thiik hii kahate ho.nge
mere ehabaab ne tahaziib na siikhii hogii
mere maahaul me.n i.nsaan na rahate ho.nge

@@@@@@@@@@@@@@@@@@@@@@@@@@@@@@@@@@@@@@@@

mai.n zi.ndaa huu.N ye mushtahar kiijiye
mere qaatilo.n ko Khabar kiijiye

zamiin saKht hai aasamaa.N duur
basar ho sake to basar kiijiye

sitam ke bahut se hai.n radd-e-amal
zaruurii nahii.n chashm-e-tar kiijiye

vahii zulm baar-e-digar hai to phir
vahii zulm baar-e-digar kiijiye

qafas to.Danaa baad kii baat hai
abhii Khvaahish-e-baal-o-par kiijiye

@@@@@@@@@@@@@@@@@@@@@@@@@@@@@@@@@@@@@@@@

mere Khwaabo.n ke jharoko.n ko sajaane waalii
tere Khwaabo.n me.n kahii.n meraa guzar hai ki nahii.n
puuchhakar apanii nigaaho.n se bataade mujhako
merii raato.n kii muqaddar me.n sahar hai kii nahii.N

chaar din kii ye rafaaqat jo rafaaqat bhii nahii.n
umr bhar ke liye aazaar huii jaatii hai
zindagii yuu.n to hameshaa se pareshaan-sii thii
ab to har saa.Ns giraa.N_baar huii jaatii hai

merii uja.Dii huii nii.ndo.n ke shabistaano.n me.n
tuu kisii Khwaab ke paikar kii tarah aaii hai
kabhii apanii sii kabhii Gair nazar aatii hai
kabhii iKhalaas kii muurat kabhii harajaaii hai

pyaar par bas to nahii.n haimeraa lekin phir bhii
tuu bataa de ki tujhe pyaar karuu.N yaa na karuu.N
tuune Khud apane tabassum se jagaayaa hai ji.nhe.n
un tamannaao.n ka izahaar karuu.N yaa na karuu.N

tuu kisii aur ke daaman kii kalii hai lekin
merii raate.n terii Khushbuu se basii rahatii hai.n
tuu kahii.n bhii ho tere phuul se aariz kii qasam
terii palake.n merii aa.nkho.n pe jhukii rahatii hai.n

tere haatho.n kii haraarat tere saa.Nso.n kii mahak
tairatii rahatii hai ehasaas kii pahanaa_ii me.n
Dhuu.NDhatii rahatii hai.n taKha_iil kii baa.Nhe.n tujhako
sard raato.n kii sulagatii hu_ii tanahaa_ii me.n

teraa altaaf-o-karam ek haqiiqat hai magar
ye haqiiqat bhii haqiiqat me.n fasaanaa hii na ho
terii maanuus nigaaho.n kaa ye mohataat payaam
dil ke Khuu.N karane kaa ek aur bahaanaa hii na ho

kaun jaane merii imroz kaa fardaa kyaa hai
qurbate.n baD ke pashemaan bhii ho jaatii hai
dil ke daaman se lipaTatii hu_ii rangii.n nazare.n
dekhate dekhate a.njaan bhii ho jaatii hai

merii daramaa.Ndaa javaanii kii tamannaao.n ke
muzmahil Khvaab kii taabiir bataa de mujhako
tere daaman me.n gulistaa.N bhii hai, viiraane bhii
meraa haasil merii taqdiir bataa de mujhako

@@@@@@@@@@@@@@@@@@@@@@@@@@@@@@@@@@@@@@@@

mere sarakash taraane sun ke duniyaa ye samajhatii hai
ki shaayad mere dil ko ishq ke naGmo.n se nafarat hai

mujhe ha.ngaamaa-e-ja.ng-o-jadal me.n kaif milataa hai
merii fitarat ko Khuu.Nrezii ke afasaano.n se raGbat hai

merii duniyaa me.n kuchh vaq’at nahii.n hai raqs-o-naGme.n kii
meraa mahabuub NaGmaa shor-e-aaha.ng-e-baGaavat hai

magar ai kaash! dekhe.n vo merii purasoz raato.n ko
mai.n jab taaro.n pe nazare.n gaa.Dakar aasuu.N bahaataa huu.N

tasavvur banake bhuulii vaaradaate.n yaad aatii hai.n
to soz-o-dard kii shiddat se paharo.n tilmilaataa huu.N

ko_ii Khvaabo.n me.n Khvaabiidaa uma.ngo.n ko jagaatii hai
to apanii zindagii ko maut ke pahaluu me.n paataa huu.N

mai.n shaayar huu.N mujhe fitarat ke nazzaaro.n se ulfat hai
meraa dil dushman-e-naGmaa-saraa_ii ho nahii.n sakataa

mujhe insaaniyat kaa dard bhii baKhshaa hai qudarat ne
meraa maqasad faqat sholaa navaa_ii ho nahii.n sakataa

javaa.N huu.N mai.n javaanii laGzisho.n kaa ek tuufaa.N hai
merii baato.n me.n rang-e-paarasaa_ii ho nahii.n sakataa

mere sarakash taraano.n kii haqiiqat hai to itanii hai
ki jab mai.n dekhataa huu.N bhuuk ke maare kisaano.n ko
Gariibo.n ko, mufliso.n ko, bekaso.n ko, besahaaro.n ko
sisakatii naazaniino.n ko, ta.Dapate naujavaano.n ko
hukuumat ke tashaddud ko, amaarat ke takabbur ko
kisii ke chitha.Do.n ko aur shahanshaahii Khazaano.n ko

to dil taab-e-nishaat-e-bazm-e-ishrat laa nahii.n sakataa
mai.n chaahuu.N bhii to Khvaab-aavaar taraane gaa nahii.n sakataa

@@@@@@@@@@@@@@@@@@@@@@@@@@@@@@@@@@@@@@@@

mohabbat tark kii mai.n ne garebaa.N sii liyaa mai.n ne
zamaane ab to Khush ho zahar ye bhii pii liyaa mai.n ne

abhii zi.ndaa huu.N lekin sochataa rahataa huu.N Khalvat me.n
ki ab tak kis tamannaa ke sahaare jii liyaa mai.n ne

u.nhe.n apanaa nahii.n sakataa magar itanaa bhii kyaa kam hai
ki kuchh muddat hasii.n Khvaabo.n me.n kho kar jii liyaa mai.n ne

bas ab to daaman-e-dil chho.D do bekaar ummiido
bahut dukh sah liye mai.n ne bahut din jii liyaa mai.n ne

@@@@@@@@@@@@@@@@@@@@@@@@@@@@@@@@@@@@@@@@

pahaluu-e-shaah me.n ye duKhtar-e-jamahuur kii qabar
kitane gum_gushtaa fasaano.n kaa pataa detii hai

kitane Khuurez haqaayaq se uThaatii hai naqaab
kitanii kuchalii hu_i jaano.n kaa pataa detii hai

kaise maGruur shahanshaaho.n kii taskii.n ke liye
saal_haa_saal hasiinaao.n ke baazaar lage

kaise bahakii hu_ii nazaro.n kii taa_ish ke liye
surKh mahalo.n me.n javaa.N jismo.n ke anbaar lage

sahamii sahamii sii fizaao.n me.n ye viraa.N marqad
itanaa Khaamosh hai fariyaad_kunaa ho jaise

sard shaaKho.n me.n havaa chiiKh rahii hai aise
ruuh-e-taqadiis-o-vafaa marsiyaa_Khvaa.N ho jaise

tuu merii jaa.N hairat-o-hasarat se na dekh
ham me.n ko_ii bhii jahaa.N nuur-o-jahaangiir nahii.n

tuu mujhe chho.D ke Thukaraa ke bhii jaa sakatii hai
tere haatho.n me.n meraa saat hai zanjiir nahii.n

@@@@@@@@@@@@@@@@@@@@@@@@@@@@@@@@@@@@@@@@

cha.nd kaliyaa.N nashaat kii chunakar
muddato.n mahv-e-yaas rahataa huu.N
teraa milanaa Khushii kii baat sahii
tujhase mil kar udaas rahataa huu.N

@@@@@@@@@@@@@@@@@@@@@@@@@@@@@@@@@@@@@@@@

sazaa kaa haal sunaaye jazaa kii baat kare.n
Khudaa milaa ho jinhe.n vo Khudaa kii baat kare.n

unhe.n pataa bhii chale.n aur vo Khafaa bhii na ho
is ehatiyaat se kyaa mazaa kii baat kare.n

hamaare ahad kii tahaziib me.n qabaa hii nahii.n
agar qabaa ho to band-e-qabaa kii baat kare.n

har ek daur kaa mazahab nayaa Khudaa laataa
kare.n to ham bhii magar kis Khudaa kii baat kare.n

vafaa_shiyaar ka_ii hai.n ko_ii hasii.n bhii to ho
chalo phir aaj usii bevafaa kii baat kare.n

@@@@@@@@@@@@@@@@@@@@@@@@@@@@@@@@@@@@@@@@

musavvir mai.n teraa shahakaar vaapas karane aayaa huu.N

ab in rangiin ruKhasaaro.n me.n tho.Dii zardiyaa.N bhar de
hijaab aaluud nazaro.n me.n zaraa bebaakiyaa.N bhar de
labo.n kii bhiigii bhiigii silvaTo.n ko muzamahil kar de
numaayaa.N rag-e-peshaanii pe aks-e-soz-e-dil kar de
tabassum aafrii.N chehare me.n kuchh sa.njiidaapan bhar de
javaa.N siine ke makhruutii uThaane.n sar_niguu.N kar de
ghane baalo.n ko kam kar de, magar raKhsha.ndagii de de
nazar se tamkanat le kar mizaaj-e-aajizii de de
magar haa.N bench ke badale ise sofe pe biThalaa de
yahaa.N mere bajaaye ik chamakatii car dikhalaa de

@@@@@@@@@@@@@@@@@@@@@@@@@@@@@@@@@@@@@@@@

apane siine se lagaaye huye ummiid kii laash
muddato.n ziist ko naashaad kiyaa hai mai.n ne

tuu ne to ek hii sadame se kiyaa thaa do chaar
dil ko har tarah se barbaad kiyaa hai mai.n ne

jab bhii raaho.n me.n nazar aaye hariirii malabuus
sard aaho.n se tujhe yaad kiyaa hai mai.n ne

aur ab jab ki merii ruuh kii pahanaa_ii me.n
ek sunasaan sii maGmuum ghaTaa chhaa_ii hai

tuu damakate hu_e aariz kii shuaaye.N lekar
gul_shudaa shamm_e.N jalaane ko chalii aa_ii hai

merii mahabuub ye hangaamaa-e-tajadiid-e-vafaa
merii afasurdaa javaanii ke liye raas nahii.n

mai.n ne jo phuul chune the tere qadamo.n ke liye
un kaa dhu.ndhalaa-saa tasavvur bhii mere paas nahii.n

ek yaKh_bastaa udaasii hai dil-o-jaa.N pe muhiit
ab merii ruuh me.n baaqii hai na ummiid na josh

rah gayaa dab ke giraa.N_baar salaasil ke tale
merii daramaandaa javaanii kii umango.n kaa Kharosh

@@@@@@@@@@@@@@@@@@@@@@@@@@@@@@@@@@@@@@@@

sochataa huu.N ki muhabbat se kinaaraa kart luu.N
dil ko begaanaa-e-taraGiib-o-tamannaa kar luu.N

sochataa huu.N ki muhabbat hai junuun-e-rasavaa
cha.nd bekaar-se behuudaa Khayaalo.n kaa hujuum
ek aazaad ko paaba.nd banaane kii havas
ek begaane ko apanaane kii sa_i-e-mauhuum

sochataa huu.N ki muhabbat hai suruur-e-mastii
isakii tanviir me.n raushan hai fazaa-e-hastii

sochataa huu.N ki muhabbat hai bashar kii fitarat
isakaa miT jaanaa, miTaa denaa bahut mushkil hai
sochataa huu.N ki muhabbat se hai taabi.ndaa hayaat
aap ye shamaa bujhaa denaa bahut mushkil hai

sochataa huu.N ki muhabbat pe ka.Dii sharte.n hai.n
ik tamaddun me.n masarrat pe ba.Dii shart.en hai.n

sochataa huu.N ki muhabbat hai ik afasurdaa sii laash
chaadar-e-izzat-o-naamuus me.n kafanaa_ii hu_ii
daur-e-sarmaayaa kii rau.ndii hu_ii rusavaa hastii
daragah-e-mazahab-o-iKhlaaq se Thukaraa_ii hu_ii

sochataa huu.N ki bashar aur muhabbat kaa junuu.N
aisii bosiidaa tamaddun se hai ik kaar-e-zabuu.N

sochataa huu.N ki muhabbat na bachegii zi.ndaa
pesh-az-vaqt kii sa.D jaaye ye galatii hu_ii laash
yahii behatar hai ki begaanaa-e-ulfat hokar
apane siine me.n karuu.N jazb-e-nafarat kii talaash

aur saudaa-e-muhabbat se kinaaraa kar luu.N
dil ko begaanaa-e-taraGiib-o-tamannaa kar luu.N

@@@@@@@@@@@@@@@@@@@@@@@@@@@@@@@@@@@@@@@@

taaj tere liye ik mazahar-e-ulfat hii sahii
tum ko is vaadii-e-rangii.n se aqiidat hii sahii

mere mahabuub kahii.n aur milaa kar mujh se!

bazm-e-shaahii me.n Gariibo.n kaa guzar kyaa maanii
sabt jis raah pe ho.n satavat-e-shaahii ke nishaa.N
us pe ulfat bharii ruuho.n kaa safar kyaa maanii

merii mahabuub pas-e-pardaa-e-tashhiir-e-vafaa
tuu ne satavat ke nishaano.n ko to dekhaa hotaa
murdaa shaaho.n ke maqaabir se bahalevaalii
apane taariik makaano.n ko to dekhaa hotaa

anaginat logo.n ne duniyaa me.n muhabbat kii hai
kaun kahataa hai ki saadiq na the jazbe un ke
lekin un ke liye tashhiir kaa saamaan nahii.n
kyuu.N ke vo log bhii apanii hii tarah mufalis the

ye imaaraat-o-maqaabir ye fasiile.n, ye hisaar
mutal-qulhukm shahanashaaho.n kii azamat ke sutuu.N
daaman-e-dahar pe us rang kii gulakaarii hai
jis me.n shaamil hai tere aur mere ajadaad kaa Khuu.N

merii mahabuub! u.nhe.n bhii to muhabbat hogii
jinakii sannaa_ii ne baKhshii hai ise shakl-e-jamiil
un ke pyaaro.n ke maqaabir rahe benaam-o-namuud
aaj tak un pe jalaa_ii na kisii ne qa.ndiil

ye chamanazaar ye jamunaa kaa kinaaraa ye mahal
ye munaqqash dar-o-diivaar, ye maharaab ye taaq
ik shahanashaah ne daulat kaa sahaaraa le kar
ham Gariibo.n kii muhabbat kaa u.Daayaa hai mazaak

mere mahabuub kahii.n aur milaa kar mujhase!

@@@@@@@@@@@@@@@@@@@@@@@@@@@@@@@@@@@@@@@@

ta.ng aa chuke hai.n kash-ma-kash-e-zindagii se ham
Thukaraa naa de.n jahaa.N ko kahii.n bedilii se ham

maayuusii-e-ma'al-e-mohabbat naa puuchhiye
apano.n se pesh aaye hai.n begaanagii se ham

lo aaj hamane to.D diyaa rishtaa-e-ummiid
lo ab kabhii gilaa naa kare.nge kisii se ham

ubhare.nge ek baar abhii dil ke val-vale
go dab gaye hai.n baar-e-Gam-e-zindagii se ham

gar zindagii me.n mil gaye phir ittafaaq se
puuchhe.nge apanaa haal terii bebasii se ham

allaah re fareb-e-masahiiyat ke aaj tak
duniyaa ke zulm sahate rahe Khaamoshii se ham

ham Gam-zadaa hai.n laaye kahaa.N se Khushii ke giit
de.nge wahii jo paaye.nge is zindagii se ham

@@@@@@@@@@@@@@@@@@@@@@@@@@@@@@@@@@@@@@@@

teraa Khayaal dil se miTaayaa nahii.n abhii
bedard mai.n ne tujh ko bhulaayaa nahii.n abhii

kal tuune muskuraa ke jalaayaa thaa Khud jise
siine aa vo charaaG bujhaayaa nahii.n abhii

gardaan ko aaj bhii tere baaho.n kii yaad hai
chaukhaT se terii sar ko uThaayaa nahii.n abhii

behosh hoke jald tujhe hosh aa gaayaa
mai.n badanasiib hosh me.n aayaa nahii.n abhii

@@@@@@@@@@@@@@@@@@@@@@@@@@@@@@@@@@@@@@@@

tumhaarii mast nazar agar idhar nahii.n hotii
nashe me.n chuur fizaa is kadar nahii.n hotii

tumhii.n ko dekhane kii dil me.n aarazuue.n hai.n
tamhaare aage hii aur uu.Nchii nazar nahii.n hotii

Khafaa na honaa agar ba.D ke thaam luu.N daaman
ye dil fareb Khataa jaan kar nahii.n hotii

tumhaare aane talak ham ko hosh rahataa hai
phir usake baad hame.n kuchh Khabar nahii.n hotii

@@@@@@@@@@@@@@@@@@@@@@@@@@@@@@@@@@@@@@@@

vo subah kabhii to aayegii

in kaalii sadiyo.n ke sar se jab raat kaa aa.Nchal dhalakegaa
jab dukh ke baadal pighale.nge jab sukh kaa saagar jhalakegaa
jab ambar jhuum ke naachegaa jab dharatii naGme gaayegii

vo subah kabhii to aayegii

jis subah kii Khaatir jug jug se ham sab mar mar ke jiite hai.n
jis subah ke amrit kii dhun me.n ham zahar ke pyaale piite hai.n
in bhuukii pyaasii ruuho.n par ik din to karam faramaayegii

vo subah kabhii to aayegii

maanaa ke abhii tere mere aramaano.n kii qiimat kuchh bhii nahii.n
miTTii kaa bhii hai kuchh mol magar insaano.n kii qiimat kuchh bhii nahii.n
insaano.n kii izzat jab jhuuThe sikko.n me.n na tolii jaayegii

vo subah kabhii to aayegii

daulat ke liye jab aurat kii ismat ko naa bechaa jaayegaa
chaahat ko naa kuchalaa jaayegaa, izzat ko naa bechaa jaayegaa
apanii kaalii karatuuto.n par jab ye duniyaa sharmaayegii

vo subah kabhii to aayegii

biite.nge kabhii to din aaKhir ye bhuuk ke aur bekaarii ke
TuuTe.nge kabhii to but aaKhir daulat kii ijaaraadaarii ke
jab ek anokhii duniyaa kii buniyaad uThaaii jaayegii

vo subah kabhii to aayegii

majabuur bu.Daapaa jab suunii raaho.n kii dhuul na pha.Nkegaa
maasuum la.Dakapan jab ga.ndii galiyo.n me.n bhiik na maa.Ngegaa
haq maa.Ngane waalo.n ko jis din sulii na dikhaaii jaayegii

vo subah kabhii to aayegii

faaaqo.n kii chitaao.n par jis din insaa.N na jalaaye jaaye.nge
siine ke dahakate dozakh me.n aramaa.N na jalaaye jaaye.nge
ye narak se bhii ga.ndii duniyaa, jab swarg banaaii jaayegii

vo subah kabhii to aayegii

jis subah kii Khaatir jug jug se ham sab mar mar ke jiite hai.n
jis subah ke amrit kii dhun me.n ham zahar ke pyaale piite hai.n
vo subah na aaye aaj magar, vo subah kabhii to aayegii

vo subah kabhii to aayegii

@@@@@@@@@@@@@@@@@@@@@@@@@@@@@@@@@@@@@@@@

ye husn teraa ye ishq meraa
rangiin to hai bad_naam sahii

mujh par to ka_ii ilzaam lage
tujh par bhii ko_ii ilzaam sahii

is raat kii nikharii rangat ko
kuchh aur nikhar jaane de zaraa

nazaro.n ko bahak jaane de zaraa
zulfo.n ko bikhar jaane de zaraa

kuchh der kii hii taskiin sahii
kuchh der kaa hii aaraam sahii

jazbaat kii kaliyaa.N chunanaa hai
aur pyaar kaa tohfaa denaa hai

logo.n kii nigaahe.n kuchh bhii kahe.n
logo.n se hame.n kyaa lenaa hai

ye Khaas ta'alluq aapas kaa
duniyaa kii nazar me.n aam sahii

rusavaa_ii ke Dar se ghabaraa kar
ham tark-e-vafaa kab karate hai.n

jis dil ko basaa le.n pahaluu me.n
us dil ko judaa kab karate hai.n

jo hashr huaa hai laakho.n kaa
apanaa bhii vahii anjaam sahii

ye husn teraa ye ishq meraa
rangiin to hai bad_naam sahii

mujh par to ka_ii ilzaam lage
tujh par bhii ko_ii ilzaam sahii
@@@@@@@@@@@@@@@@@@@@@@@@@@@@@@@@@@@@@@@@

Sagar Khaiyyami

noreply@blogger.com (SYED ZAKARIYA) — Thu, 28 Oct 2010 17:01:00 +0000

ek roz ham se kahane lagii ek gul_badan
ainak se baa.Ndh rakhii hai kyo.n aap ne rasan

miltaa hai kyaa isii se ye andaaz-e-fikr-o-fan
ham ne kahaa ki aisaa nahii.n hai janaab-e-man

baiThe jahaa.N hasiin ho.n ek bazm-e-aam me.n
rakhate hai.n ham nigaah koapanii lagaam me.n

@@@@@@@@@@@@@@@@@@@@@@@@@@@@@@@@@@@@@@@@

bolaa dukaan_daar ke kyaa chaahiye tumhe.n
jo bhii kahoge merii dukaan par vo paa_oge

mai.n ne kahaa ke kutte ke khaane kaa 'cake' hai
bolaa yahii.n pe khaa_oge yaa.N leke jaaoge?

@@@@@@@@@@@@@@@@@@@@@@@@@@@@@@@@@@@@@@@@

ek shaam kisii bazm me.n juute jo kho gaye
ham ne kahaa bataa_iiye ghar kaise jaaye.nge

kahane lage ke sher sunaate raho yuu.N hii
ginate nahii.n banenge abhii itane aaye.nge

@@@@@@@@@@@@@@@@@@@@@@@@@@@@@@@@@@@@@@@@

Qateel Shifai

noreply@blogger.com (SYED ZAKARIYA) — Thu, 28 Oct 2010 16:51:00 +0000

a.nga.Daaii par a.nga.Daaii letii hai raat judaaii kii
tum kyaa samajho tum kyaa jaano baat merii tanahaaii kii

kaun siyaahii ghol rahaa thaa vaqt ke bahate dariyaa me.n
mai.n ne aa.Nkh jhukii dekhii hai aaj kisii harajaaii kii

vasl kii raat na jaane kyuu.N israar thaa unako jaane par
vaqt se pahale Duub gae taaro.n ne ba.Dii daanaaii kii

u.Date u.Date aas kaa paa.Nchhii duur ufaq me.n Duub gayaa
rote rote baiTh gaii aavaaz kisii saudaaii kii

@@@@@@@@@@@@@@@@@@@@@@@@@@@@@@@@@@@@@@@@@@@

apane haatho.n kii lakiiro.n me.n basaale mujhako
mai.n huu.N teraa nasiib apanaa banaa le mujhako

mujhase tuu puuchhane aayaa hai vafaa ke maanii
ye terii sadaadilii maar na Daale mujhako

mai.n sama.ndar bhii huu.N motii bhii huu.N Gotaazan bhii
koii bhii naam meraa leke bulaale mujhako

tuune dekhaa nahii.n aaiine se aage kuchh bhii
Khudaparastii me.n kahii.n tuu na ga.Nvaale mujhako

kal kii baat aur hai mai.n ab saa rahuu.N yaa na rahuu.N
jitanaa jii chaahe teraa aaj sataale mujhako

Khud ko mai.n baa.NT na Daaluu.N kahii.n daaman-daaman
kar diyaa tuune agar mere havaale mujhako

mai.n jo kaa.NTaa huu.N to chal mujh se bachaakar daaman
mai.n huu.N gar phuul to juu.De me.n sajaale mujhako

mai.n khule dar ke kisii ghar kaa huu.N saamaa.N pyaare
tuu dabe paa.Nv kabhii aake churaale mujhako

tark-e-ulfat kii qasam bhii ko_ii hotii hai qasam
tuu kabhii yaad to kar bhuulanevaale mujhako

baadaa phir baadaa hai mai.n zahar bhii pii jaauu.N "Qateel"
shart ye hai koii baaho.n mei.n sambhale mujhako

@@@@@@@@@@@@@@@@@@@@@@@@@@@@@@@@@@@@@@@@

apane hoTho.n par sajaanaa chaahataa huu.N
aa tujhe mai.n gunagunaanaa chaahataa huu.N

koii aa.Nsuu tere daaman par giraakar
buu.Nd ko motii banaanaa chaahataa huu.N

thak gayaa mai.n karate-karate yaad tujhako
ab tujhe mai.n yaad aanaa chaahataa huu.N

chhaa rahaa hai saarii bastii me.n a.Ndheraa
raushanii ho ghar jalaanaa chaahataa huu.N

aaKharii hichakii tere zaano.n pe aaye
maut bhi mai.n shaayaraanaa chaahataa huu.N

@@@@@@@@@@@@@@@@@@@@@@@@@@@@@@@@@@@@@@@@

bechain bahaaro.n me.n kyaa-kyaa hai jaan kii Khushbuu aatii hai
jo phuul mahakataa hai usase tuufaan kii Khushbuu aatii hai

kal raat dikhaa ke Khvaab-e-tarab so sej ko suunaa chho.D gayaa
har silavaT se phir aaj usii mehamaan kii Khushbuu aatii hai

talkiin-e-ibaadat kii hai mujhe yuu.N terii muqaddas aa.Nkho.n ne
ma.ndir ke dariicho.n se jaise lobaan kii Khushbuu aatii hai

kuchh aur bhii saa.Nse.n lene par majabuur-saa mai.n ho jaataa huu.N
jab itane ba.De ja.ngal me.n kisii insaan kii Khushbuu aatii hai

kuchh tuu hii mujhe ab samajhaa de ai kufr duhaa_ii hai terii
kyuu.N sheKh ke daaman se mujhako imaan kii Khushbuu aatii hai

Darataa huu.N kahii.n is aalam me.n jiine se na munakir ho jaauu.N
ahabaab kii baato.n se mujhako ehasaan kii Khushbuu aatii hai

@@@@@@@@@@@@@@@@@@@@@@@@@@@@@@@@@@@@@@@@

charaaG dil ke jalaao ki iid ka din hai
taraane jhuum ke gaao ki iid kaa din hai

Gamo.n ko dil se bhulaao ki iid kaa din hai
Khushii se bazm sajaao ki iid kaa din hai

huzuur us kii karo ab salaamtii kii duaa
sar-e-namaaz jhukaao ki iid kaa din hai

sabhii muraad ho puuriihar ek savaalii kii
duaa ko haath uThaao ki iid kaa din hai

@@@@@@@@@@@@@@@@@@@@@@@@@@@@@@@@@@@@@@@@

dard se meraa daaman bhar de yaa allaah
phir chaahe diivaanaa kar de yaa allaah

mai.n ne tujhase chaa.Nd sitaare kab maa.Nge
raushan dil bedaar nazar de yaa allaah

suuraj sii ik chiiz to ham sab dekh chuke
sach-much kii ab koii sahar de yaa allaah

yaa dhartii ke zaKhmo.n par maraham rakh de
yaa meraa dil patthar kar de yaa allaah

@@@@@@@@@@@@@@@@@@@@@@@@@@@@@@@@@@@@@@@@

dil ko Gam-e-hayaat gavaaraa hai in dino.n
pahale jo dard thaa vahii chaaraa hai in dino.n

ye dil zaraa saa dil terii yaado.n me.n kho gayaa
zarre ko aa.Ndhiyo.n kaa sahaaraa hai in dino.n

har sail-e-ashk saahil-e-taskii.n hai aaj kal
dariyaa kii mauj-mauj kinaaraa hai in dino.n

shamo.n me.n ab nahii.n hai vo pahale sii roshanii
shaayad vo chaa.Nd anjuman_aaraa hai in dino.n

tum aa sako to shab ko ba.Dhaa duu.N kuchh aur bhii
apane kahe me.n subah kaa taaraa hai in dino.n

qurbaa.N ho.n jis ke husn pe sau jannate.n 'Qateel'
nazaro.n ke saamane vo nazaaraa hai in dino.n

@@@@@@@@@@@@@@@@@@@@@@@@@@@@@@@@@@@@@@@@

duniyaa ne ham pe jab ko_ii ilzaam rakh diyaa
ham ne muqaabil us ke teraa naam rakh diyaa

ik Khaas had pe aa ga_ii jab terii beruKhii
naam us kaa ham ne gardish-e-ayyaam rakh diyaa

mai.n la.D_kha.Daa rahaa huu.N tujhe dekh-dekh kar
tuune to mere saamane ik jaam rakh diyaa

kitanaa sitam_zariif hai vo saahib-e-jamaal
us ne diyaa jalaa ke lab-e-baam rakh diyaa

insaan aur dekhe baGair us ko maan le
ik Khauf kaa bashar ne Khudaa naam rakh diyaa

ab jis ke jii me.n aaye vahii paaye raushanii
ham ne to dil jalaa ke sar-e-aam rakh diyaa

kyaa masalahat_shanaas thaa vo aadamii 'Qateel'
majabuuriyo.n kaa jis ne vafaa naam rakh diyaa

@@@@@@@@@@@@@@@@@@@@@@@@@@@@@@@@@@@@@@@@

garmii-e-hasarat-e-naakaam se jal jaate hai.n
ham charaaGo.n kii tarah shaam se jal jaate hai.n

bach nikalate hai.n agar aatih-e-sayyaad se ham
sholaa-e-aatish-e-gulafaam se jal jaate hai.n

Khudanumaa_ii to nahii.n shevaa-e-arabaab-e-vafaa
jin ko jalanaa ho vo aaraaam se jal jaate hai.n

shamaa jis aag me.n jalatii hai numaa_ish ke liye
ham usii aag me.n gumanaam se jal jaate hai.n

jab bhii aataa hai meraa naam tere naam ke saath
jaane kyuu.N log mere naam se jal jaate hai.n

rabtaa baaham pe hame.n kyaa na nahe.nge dushman
aashanaa jab tere paiGaam se jal jaataa hai

@@@@@@@@@@@@@@@@@@@@@@@@@@@@@@@@@@@@@@@@

guzare dino.n kii yaad barasatii ghaTaa lage
guzaruu.N jo us galii se to Tha.nDii havaa lage

mehamaan banke aaye kisii roz agar vo shaKhs
us roz bin sajaaye meraa ghar sajaa lage

mai.n is liye manaataa nahii.n vasl kii Khushii
mere raqiib kii na mujhe bad_duaa lage

vo qahat dostii kaa pa.Daa hai ki in dino.n
jo muskuraa ke baat kare aashnaa lage

tark-e-vafaa ke baad ye us kii adaa 'Qateel'
mujhako sataaye ko_ii to us ko buraa lage

@@@@@@@@@@@@@@@@@@@@@@@@@@@@@@@@@@@@@@@@

har bezabaa.N ko sholaa_navaa kah liyaa karo
yaaro sukuut hii ko sadaa kah liyaa karo

Khud ko fareb do ki na ho talKh zindagii
har sangdil ko jaane-e-vafaa kah liyaa karo

gar chaahate ho Khush rahe.n kuchh bandagaan-e-Khaas
jitane sanam hai.n un ko Khudaa kah liyaa karo

insaan kaa agar qad-o-qaamat na ba.Dh sake
tum is ko nuqs-e-aab-o-havaa kah liyaa karo

apane liye ab ek hii raah-e-nijaat hai
har zulm ko razaa-e-Khudaa kah liyaa karo

le de ke ab yahii hai nishaan-e-ziyaa "Qateel"
jab dil jale to us ko diyaa kah liyaa karo

@@@@@@@@@@@@@@@@@@@@@@@@@@@@@@@@@@@@@@@@

hijr kii pahalii shaam ke saaye duur ufaq tak chhaaye the
ham jab us ke shahar se nikale sab raaste sa.Nvalaaye the

jaane vo kyaa soch rahaa thaa apane dil me.n saarii raat
pyaar kii baate.n karate karate us ke nain bhar aaye the

mere andar chalii thii aa.Ndhii Thiik usii din patajha.D kii
jis din apane juu.De me.n usane kuchh phuul sajaaye the

usane kitane pyaar se apanaa kufr diyaa nazaraane me.n
ham apane iimaan kaa saudaa jis se karane aaye the

kaise jaatii mere badan se biite lamho.n kii Khushbuu
Khvaabo.n kii us bastii me.n kuchh phuul mere ham-saaye the

kaisaa pyaaraa manzar thaa jab dekh ke apane saathii ko
pe.D pe baiThii ik chi.Diyaa ne apane par phailaaye the

ruKhsat ke din bhiigii aa.Nkho.n us kaa vo kahanaa haa_e "Qateel"
tum ko lauT hii jaanaa thaa to is nagarii kyuu.N aaye the

@@@@@@@@@@@@@@@@@@@@@@@@@@@@@@@@@@@@@@@@

ik-ik patthar jo.D ke mai.n ne jo diivaar banaa_ii hai
jhaa.Nkhuu us ke piichhe to rusvaa_ii hii rusvaa_ii hai

yo.n lagataa hai sote jaagate auro.n kaa mohataaj huu.N mai.n
aa.Nkhe.n merii apanii hai.n par un me.n niind paraa_ii hai

dekh rahe hai.n sab hairat se niile-niile paanii ko
puuchhe kaun samandar se tujh me.n kitanii gahara_ii hai

sab kahate hai.n ik jannat utarii hai merii dharatii par
mai.n dil me.n sochuu.N shaayad kam_zor merii biinaa_ii hai

baahar sahan me.n pe.Do.n par kuchh jalate bujhate juganuu the
hairat hai phir ghar ke andar kis ne aag lagaa_ii hai

aaj huaa maaluum mujhe is shahar ke chand sayaano.n se
apanii raah badalate rahanaa sabase ba.Dii daanaa_ii hai

to.D gaye paimaan-e-vafaa is daur me.n kaise kaise log
ye mat soch 'Qateel' ki bas ik yaar teraa harajaa_ii hai

@@@@@@@@@@@@@@@@@@@@@@@@@@@@@@@@@@@@@@@@

jo bhii gu.nchaa tere hoTho.n par khilaa karataa hai
vo merii ta.ngii-e-daamaa.N kaa gilaa karataa hai

der se aaj meraa sar hai tere zaano.n par
ye vo rutbaa hai jo shaaho.n ko milaa karataa hai

mai.n to baiThaa huu.N dabaaye huye tuufaano.n ko
tuu mere dil ke dha.Dakane kaa gilaa karataa hai

raat yo.n chaa.Nd ko dekhaa hai nadii me.n raksaa.N
jaise jhuumar tere maathe pe hilaa karataa hai

kaun kaafir tujhe ilzaam-e-taGaaful degaa
jo bhii karataa hai muhabbat kaa gilaa karataa hai

@@@@@@@@@@@@@@@@@@@@@@@@@@@@@@@@@@@@@@@@

kiyaa hai pyaar jise hamane zindagii kii tarah
vo aashanaa bhii milaa hamase ajanabii kii tarah

ba.Daa ke pyaas merii us ne haath chho.D diyaa
vo kar rahaa thaa muravvat bhii dillagii kii tarah

kise Khabar thii ba.Degii kuchh aur taariikii
chhupegaa vo kisii badalii me.n chaa.Ndanii kii tarah

kabhii na sochaa thaa hamane "Qateel" us ke liye
karegaa ham pe sitam vo bhii har kisii kii tarah

@@@@@@@@@@@@@@@@@@@@@@@@@@@@@@@@@@@@@@@@

mai.n ne puuchaa pahalaa patthar mujh par kaun uThaayegaa
aa_ii ik aavaaz ki tuu jis kaa mohasin kahalaayegaa

puuchh sake to puuchhe ko_ii ruuTh ke jaane vaalo.n se
roshaniyo.n ko mere ghar kaa rastaa kaun bataayegaa

logo mere saath chalo tum jo kuchh hai vo aage hai
piichhe mu.D kar dekhane vaalaa patthar kaa ho jaayegaa

din me.n ha.Nsakar milane vaale chehare saaf bataate hai.n
ek bhayaanak sapanaa mujh ko saarii raat Daraayegaa

mere baad vafaa kaa dhokaa aur kisii se mat karanaa
gaalii degii duniyaa tujh ko sar meraa jhuk jaayegaa

suukh ga_ii jab in aa.Nkho.n me.n pyaar kii niilii jhiil 'Qateel'
tere dard kaa zard samandar kaahe shor machaayegaa

@@@@@@@@@@@@@@@@@@@@@@@@@@@@@@@@@@@@@@@@

milakar judaa hue to na soyaa kare.nge ham
ek duusare kii yaad me.n royaa kare.nge ham

aa.Nsuu chhalak chhalak ke sataaye.nge raat bhar
motii palak palak me.n piroyaa kare.nge ham

jab duuriyo.n kii aag dilo.n ko jalaayegii
jismo.n ko chaa.Ndanii me.n bhigoyaa kare.nge ham

gar de gayaa daGaa hame.n tuufaan bhii 'Qateel'
saahil pe kashtiyo.n ko Duuboyaa kare.nge ham

@@@@@@@@@@@@@@@@@@@@@@@@@@@@@@@@@@@@@@@@

pahale to apane dil kii razaa jaan jaa_iye
phir jo nigaah-e-yaar kahe maan jaa_iye

pahale mizaaj-e-raahaguzar jaan jaa_iye
phir gard-e-raah jo bhii kahe maan jaa_iye

kuchh kah rahii hai aap ke siine kii dha.Dakane
merii sune.n to dil kaa kahaa maan jaa_iye

ik dhuup sii jamii hai nigaaho.n ke aas paas
ye aap hai.n to aap pe qurbaan jaa_iye

shaayad huzuur se ko_ii nisbat hame.n bhii ho
aa.Nkho.n me.n jhaa.Nk kar hame.n pahachaan jaa_iye

@@@@@@@@@@@@@@@@@@@@@@@@@@@@@@@@@@@@@@@@

pareshaa.N raat saarii hai sitaaro.n tum to so jaao
sukuut-e-marg taarii hai sitaaro.n tum to so jaao

ha.Nso.n aur ha.Nsate-ha.Nsate Duubate jaao Khalaao.n me.n
hame.n ye raat bhaarii hai sitaaro.n tum to so jaao

tumhe.n kyaa aaj bhii koii agar milane nahii.n aayaa
ye baazii ham ne haarii hai sitaaro.n tum to so jaao

kahe jaate ho ro-roke hamaaraa haal duniyaa se
ye kaisii raazadaarii hai sitaaro.n tum to so jaa

hame.n to aaj kii shab pau phaTe tak jaaganaa hogaa
yahii qismat hamaarii hai sitaaro.n tum to so jaao

hame.n bhii nii.nd aa jaayegii ham bhii so hii jaaye.nge
abhii kuchh beqaraarii hai sitaaro.n tum to so jaao

@@@@@@@@@@@@@@@@@@@@@@@@@@@@@@@@@@@@@@@@

pyaas vo dil kii bujhaane kabhii aayaa bhii nahii.n
kaisaa baadal hai jisakaa ko_ii saayaa bhii nahii.n

beruKhii is se ba.Dii aur bhalaa kyaa hogii
ek muddat se hame.n us ne sataayaa bhii nahii.n

roz aataa hai dar-e-dil pe vo dastak dene
aaj tak hamane jise paas bulaayaa bhii nahii.n

sun liyaa kaise Khudaa jaane zamaane bhar ne
vo fasaanaa jo kabhii hamane sunaayaa bhii nahii.n

tum to shaayar ho 'Qateel' aur vo ik aam saa shaKhs
us ne chaahaa bhii tujhe aur jataayaa bhii nahii.n

@@@@@@@@@@@@@@@@@@@@@@@@@@@@@@@@@@@@@@@@

rachii hai rat_jago kii chaa.Ndanii jin kii jabiino.n me.n
'Qateel' ek umr guzarii hai hamaarii un hasiino.n me.n

vo jin ke aa.Nchalo.n se zindagii taKhaliik hotii hai
Dha.Daakataa hai hamaaraa dil abhii tak un hasiino.n me.n

zamaanaa paarasaa_ii kii hado.n se ham ko le aayaa
magar ham aaj tak rusvaa hai.n apane ham_nashiino.n me.n

talaash un ko hamaarii to nahii.n puuchh zaraa un se
vo qaatil jo liye phirate hai.n Khanjar aastiino.n me.n

@@@@@@@@@@@@@@@@@@@@@@@@@@@@@@@@@@@@@@@@

raqs karane kaa milaa hukm jo dariyaao.n me.n
ham ne Khush hoke bha.Nvar baa.Ndh liye paon me.n

un ko bhii hai kisii bhiige hue manzar kii talaash
buu.Nd tak bo na sake jo kabhii saharaao.n me.n

ai mere ham-safaro.n tum bhii thaake-haare ho
dhuup kii tum to milaavaT na karo chaao.n me.n

jo bhii aataa hai bataataa hai nayaa ko_ii ilaaj
baT na jaaye teraa biimaar masiihaao.n me.n

hausalaa kis me.n hai yusuf kii Khariidaarii kaa
ab to maha.ngaa_ii ke charche hai zulaiKhaao.n me.n

jis barahaman ne kahaa hai ke ye saal achchhaa hai
us ko dafnaao mere haath kii rekhaao.n me.n

vo Khudaa hai kisii TuuTe hue dil me.n hogaa
masjido.n me.n use Dhuu.NDho na kaliisaao.n me.n

ham ko aapas me.n muhabbat nahii.n karane dete
ik yahii aib hai is shahar ke daanaao.n me.n

mujh se karate hai.n "Qateel" is liye kuch log hasad
kyo.n mere sher hai.n maqabuul hasiinaao.n me.n

@@@@@@@@@@@@@@@@@@@@@@@@@@@@@@@@@@@@@@@@

sadamaa to hai mujhe bhii ki tujhase judaa huu.N mai.n
lekin ye sochataa huu.N ki ab teraa kyaa huu.N mai.n

bikharaa pa.Daa hai tere hii ghar me.n teraa vajuud
bekaar mahafilo.n me.n tujhe Dhuu.NDhataa huu.N mai.n

mai.n Khudakashii ke jurm kaa karataa huu.n aitaraaf
apane badan kii qabr me.n kabase ga.Daa huu.N mai.n

kis-kisakaa naam lauu.N zabaa.N par ki tere saath
har roz ek shaKhs nayaa dekhataa huu.N mai.n

naa jaane kis adaa se liyaa tuune mera naam
duniyaa samajh rahii hai ke sab kuchh teraa huu.N mai.n

le mere tajurbo.n se sabak ae mere raqiib
do chaar saal umr me.n tujhase ba.Daa huu.N mai.n

jaagaa huaa zamiir vo aaiinaa hai "Qateel"
sone se pahale roz jise dekhataa huu.N mai.n

@@@@@@@@@@@@@@@@@@@@@@@@@@@@@@@@@@@@@@@@

shaam ke saa.Nvale chehare ko nikhaaraa jaaye
kyo.n na saagar se ko_ii chaa.Nd ubhaaraa jaaye

raas aayaa nahii.n taskii.n kaa saahil ko_ii
phir mujhe pyaas ke dariyaa me.n utaaraa jaaye

meharabaa.N terii nazar, terii adaaye.n qaatil
tujhako kis naam se ai dost pukaaraa jaye

mujhako Dar hai tere vaade pe bharosaa karake
muft me.n ye dil-e-Khushafaham na maaraa jaaye

jisake dam se tere din-raat daraKhshaa.N the "Qateel"
kaise ab us ke binaa vaqt guzaaraa jaaye

@@@@@@@@@@@@@@@@@@@@@@@@@@@@@@@@@@@@@@@@

tum puuchho aur mai.n na bataauu.N aise to haalaat nahii.n
ek zaraa saa dil TuuTaa hai aur to ko_ii baat nahii.n

kis ko Khabar thii sa.Nvale baadal bin barase u.D jaate hai.n
saavan aayaa lekin apanii qismat me.n barasaat nahii.n

maanaa jiivan me.n aurat ek baar mohabbat karatii hai
lekin mujhako ye to bataa de kyaa tuu aurat zaat nahii.n

Khatm huaa meraa afasaanaa ab ye aa.Nsuu po.Nchh bhii lo
jis me.n ko_ii taaraa chamake aaj kii raat vo raat nahii.n

mere Gam-gii.n hone par ahabaab hai.n yo.n hairaan "Qateel"
jaise mai.n patthar huu.N mere siine me.n jazbaat nahii.n

@@@@@@@@@@@@@@@@@@@@@@@@@@@@@@@@@@@@@@@@

tuune ye phuul jo zulfo.n me.n lagaa rakhaa hai
ik diyaa hai jo a.Ndhero.n me.n jalaa rakhaa hai

jiit le jaaye ko_ii mujhako nasiibo.n vaalaa
zindagii ne mujhe daa o pe lagaa rakhaa hai

jaane kab aaye ko_ii dil me.n jhaa.Nkane vaalaa
is liye mai.n ne Girebaa.N ko khulaa rakhaa hai

imtehaa.N aur merii zabt kaa tum kyaa loge
mai.n ne dha.Dakan ko bhii siine me.n chhupaa rakhaa hai

@@@@@@@@@@@@@@@@@@@@@@@@@@@@@@@@@@@@@@@@

tumhaarii a.njuman se uTh ke diivaane kahaa.N jaate
jo vaabastaa hu_e tum se vo afasaane kahaa.N jaate

nikal kar dair-o-kaabaa se agar milataa na maiKhaanaa
to Thukaraaye hu_e i.nsaa.N Khudaa jaane kahaa.N jaate

tumhaarii beruKhii ne laaj rakh lii baadaaKhaane kii
tum aa.Nkho.n se pilaa dete to paimaane kahaa.N jaate

chalo achchhaa huaa kaam aa ga_ii diivaanagii apanii
vagarnaa ham zamaane bhar ko samajhaane kahaa.N jaate

'Qateel' apanaa muqaddar Gam se begaanaa agar hotaa
phir to apane-paraaye hamase pahachaane kahaa.N jaate

@@@@@@@@@@@@@@@@@@@@@@@@@@@@@@@@@@@@@@@@

ulfat kii na_ii ma.nzil ko chalaa, tuu baa.Nhe.n Daal ke baa.Nho.n me.n
dil to.Dane vaale dekh ke chal, ham bhii to pa.De hai.n raaho.n me.n

kyaa kyaa na jafaaye.N dil pe sahii.n, par tum se ko_ii shikavaa na kiyaa
is jurm ko bhii shaamil kar lo, mere maasuum gunaaho.n me.n

jahaa.N chaa.Ndanii raato.n me.n tum ne Khud hamase kiyaa iqaraar-e-vafaa
phir aaj hai.n ham kyo.n begaane, terii beraham nigaaho.n me.n

ham bhii hai.n vahii.n, tum bhii ho vahii, ye apanii-apanii qismat hai tum khel rahe ho Khushiyo.n se, ham Duub gaye hai.n aaho.n me.n

@@@@@@@@@@@@@@@@@@@@@@@@@@@@@@@@@@@@@@@@

vafaa ke shiish mahal me.n sajaa liyaa mai.n ne
vo ek dil jise patthar banaa liyaa mai.n ne

ye soch kar ki na ho taak me.n Khushii ko_ii
Gamo.n ki oT me.n Khud ko chhupaa liyaa mai.n ne

kabhii na Khatm kiyaa mai.n ne roshanii kaa muhaaz
agar chiraaG bujhaa, dil jalaa liyaa mai.n ne

kamaal ye hai ki jo dushman pe chalaanaa thaa
vo tiir apane kaleje pe khaa liyaa mai.n ne

'Qateel' jisakii adaavat me.n ek pyaar bhii thaa
us aadamii ko gale se lagaa liyaa mai.n ne

@@@@@@@@@@@@@@@@@@@@@@@@@@@@@@@@@@@@@@@@

vo dil hii kyaa tere milane kii jo duaa na kare
mai.n tujh ko bhuul ke zi.ndaa rahuu.N Khudaa na kare

rahegaa saath teraa pyaar zindagii banakar
ye aur baat merii zindagii vafaa na kare

ye Thiik hai nahii.n marataa koii judaaii me.n
Khudaa kisii se kisii ko magar judaa na kare

sunaa hai usako mohabbat duuaaye.N detii hai
jo dil pe choT to khaaye magar gilaa na kare

zamaanaa dekh chukaa hai parakh chukaa hai use
"Qateel" jaan se jaaye par iltajaa na kare

@@@@@@@@@@@@@@@@@@@@@@@@@@@@@@@@@@@@@@@@

yaaro kisii qaatil se kabhii pyaar na maa.Ngo
apane hii gale ke liye talavaar na maa.Ngo

gir jaaoge tum apane masiihaa kii nazar se
mar kar bhii ilaaj-e-dil-e-biimaar na maa.Ngo

khul jaayegaa is tarah nigaaho.n kaa bharam bii
kaa.NTo.n se kabhii phuul kii mahakaar na maa.Ngo

sach baat pe milataa hai sadaa zahar kaa pyaalaa
jiinaa hai to phir jiine ke izahaar na maa.Ngo

us chiiz kaa kyaa zikr jo mumkin hii nahii.n hai
seharaa me.n kabhii saayaa-e-diivaar naa maa.Ngo

@@@@@@@@@@@@@@@@@@@@@@@@@@@@@@@@@@@@@@@@

ye mojazaa bhii muhabbat kabhii dikhaaye mujhe
ki sang tujhape gire aur zaKhm aaye mujhe

vo maharabaa.N hai top iqaraar kyuu.N nahii.n karataa
vo badagumaa.N hai to sau baar aazamaaye mujhe

mai.n apane paa.Nv tale rau.ndataa huu.N saaye ko
badan meraa hii sahii dopahar na bhaaye mujhe

mai.n ghar se terii tamannaa pahan ke jab nikaluu.N
barahanaa shahar me.n koii nazar na aaye mujhe

vo meraa dost hai saare jahaa.N ko hai maaluum
daGaa kare vo kisii se to sharm aaye mujhe

mai.n apanii zaat me.n niilaam ho rahaa huu.N 'Qateel'
Gam-e-hayaat se kah do Khariid laaye mujhe

@@@@@@@@@@@@@@@@@@@@@@@@@@@@@@@@@@@@@@@@

yo.n lage dost teraa mujhase Khafaa ho jaanaa
jis tarah phuul se Khushbuu kaa judaa ho jaanaa

ahal-e-dil se ye teraa tark-e-ta'alluq
vaqt se pahale asiiro.n kaa rihaa ho jaanaa

yo.n agar ho to jahaa.N me.n ko_ii kaafir na rahe
mo'ajuzaa tere vaade kaa vafaa ho jaanaa

zindagii mai.n bhii chaluu.Ngaa tere piichhe-piichhe
tuu mere dost kaa naqsh-e-kaf-e-paa ho jaanaa

jaane vo kaun sii kaifiyat-e-Gam_Khvaarii hai
mere piite hii "Qateel" us ko nashaa ho jaanaa

@@@@@@@@@@@@@@@@@@@@@@@@@@@@@@@@@@@@@@@@

yuu.N chup rahanaa Thiik nahii.n ko_ii miiThii baat karo
mor chakor papihaa koyal sab ko maat karo

saavan to man bagiyaa se bin barase biit gayaa
ras me.n Duube naGme kii ab tum barasaat karo

hijr kii ik lambii ma.nzil ko jaanevaalaa huu.N
apanii yaado.n ke kuchh saaye mere saath karo

mai.n kirano.n kii kaliyaa.N chunakar sej banaa luu.Ngaa
tum mukha.De kaa chaa.Nd jalaao raushan raat karo

pyaar burii shay nahii.n hai lekin phir bhii yaar "Qateel"
galii-galii taqasiim na tum apane jazabaat karo

@@@@@@@@@@@@@@@@@@@@@@@@@@@@@@@@@@@@@@@@

zindagii me.n to sabhii pyaar kiyaa karate hai.n
mai.n to mar kar bhii merii jaan tujhe chaahuu.Ngaa

tuu milaa hai to ye ehasaas huaa hai mujhako
ye merii umr mohabbat ke liye tho.Dii hai
ik zaraa saa Gam-e-dauraa.N kaa bhii haq hai jis par
mai.n ne wo saa.Ns bhii tere liye rakh chho.Dii hai
tujh pe ho jaauu.Ngaa qurabaan tujhe chaahuu.ngaa

apane jazbaat me.n naGmaat rachaane ke liye
mai.n ne dha.Dakan kii tarah dil me.n basaayaa hai tujhe
mai.n tasavvur bhii judaaii kaa bhalaa kaise karuu.N
mai.n ne qismat kii lakiiro.n se churaayaa hai tujhe
pyaar kaa ban ke nigehabaan tujhe chaahuu.ngaa

terii har chaap se jalate hai.n Khayaalo.n me.n chiraaG
jab bhii tuu aaye jagaataa huaa jaaduu aaye
tujhako chhuu luu.N to phir ae jaan-e-tamannaa mujhako
der tak apane badan se terii Khushbuu aaye
tuu bahaaro.n kaa hai unawaan tujhe chaahuu.Ngaa `
@@@@@@@@@@@@@@@@@@@@@@@@@@@@@@@@@@@@@@@@

Qamar Jalalwi

noreply@blogger.com (SYED ZAKARIYA) — Thu, 28 Oct 2010 16:29:00 +0000

ai mere ham-nashii.n chal kahii.n aur chal is chaman me.n ab apanaa guzaaraa nahii.n
baat hotii gulo.n tak to sah lete ham ab to kaa.NTo.n pe bhii haq hamaaraa nahii.n

aaj aaye ho tum kal chale jaaoge ye muhabbat ko apanii gavaaraa nahii.n
umr bhar kaa sahaaraa bano to bano do gha.Dii kaa sahaaraa sahaaraa nahii.n

de sadaa daar par aur kabhii tuur par kis jagah mai.n ne tum ko pukaaraa nahii.n
Thokare.n yuu.N khilaane se kyaa faayedaa saaf kah do ke milanaa gavaaraa nahii.n

gulasitaa.N ko lahuu kii zaruurat pa.Dii sab se pahale hii gardan hamaarii kaTii
phir bhii kahate hai.n mujh se ye ahal-e-chaman ye chaman hai hamaaraa tumhaaraa nahii.n

zaalimo.n apanii qismat pe naazaa.N na ho daur badalegaa ye vaqt kii baat hai
vo yaqiinan sunegaa sadaaye.N merii kyaa tumhaaraa Khudaa hai hamaaraa nahii.n

apanii zulfo.n ko rukh se haTaa liijiye meraa zauq-e-nazar aazamaa liijiye
aaj ghar se chalaa huu.N yahii soch kar yaa to nazare.n nahii.n yaa nazaaraa nahii.n

jaane kis kii lagan kis ke dhun me.n magan ham ko jaat ehu_e mu.D ke dekhaa nahii.n
ham ne aavaaz par tum ko aavaaz dii phir bhii kahate hai.n ham ne pukaaraa nahii.n

@@@@@@@@@@@@@@@@@@@@@@@@@@@@@@@@@@@@@@@@@@@

chaman kii bahaaro.n me.n thaa aashiyaanaa
na jaane kahaa.N kho gayaa vo zamaanaa

tumhe.n bhuulane kii mai.n koshish karuu.Ngaa
ye vaadaa karo ke na tum yaad aanaa

mujhe mere miTane kaa Gam hai to ye hai
tumhe.n bevafaa kah rahaa hai zamaanaa

Khudaaraa merii qabr pe tum na aanaa
tumhe.n dekh kar shaq karegaa zamaanaa

@@@@@@@@@@@@@@@@@@@@@@@@@@@@@@@@@@@@@@@@@@@
chaman roye ha.Nse shabanam biyaabaa.N par nikhaar aaye
ek aisaa bhii nayaa mausam mere paravar-digaar aaye

vo sar khole hamaarii laash par diivaanaavaar aaye
isii ko maut kahate hai.n to yaa rab baar baar aaye

sar-e-gor-e-Gariibaa.N aao lekin ye guzaarish hai
vahaa.N muu.Nh pher kar ronaa jahaa.N meraa mazaar aaye

bahaa ai chashm-e-tar aisaa bhii ek aa.Nsuu nadaamat kaa
jise daaman pe lene rahamat-e-paravar-digaar aaye

qafas ke ho liye ham to magar ai ahal-e-gulashan tum
hame.n bhii yaad kar lenaa chaman me.n jab bahaar aaye

na jaane kyaa samajh kar chup huu.N ai sayyaad mai.n varnaa
vo qaidii huu.N agar chaahuu.N qafas me.n bhii bahaar aaye

"Qamar" dil kyaa hai mai.n to un kii Khaatir jaan bhii de duu.N
merii qismat agar un ko na phir bhii aitabaar aaye

@@@@@@@@@@@@@@@@@@@@@@@@@@@@@@@@@@@@@@@@@@@
is me.n ko_ii fareb to ai aasmaa.N nahii.n
bijalii vahaa.N girii hai jahaa.N aashiyaa.N nahii.n

sayyaad mai.n asiir kahuu.N kis se haal-e-dil
sirf ek tuu hai vo bhii meraa ham-zubaa.N nahii.n

tum ne diyaa hamaarii vafaao.n kaa kyaa javaab
ye ham vahaa.N bataaye.Ngetum ko yahaa.N nahii.n

sajde jo but-kade me.n kiye merii kyaa Khataa
tum ne kabhii kahaa ye meraa aastaa.N nahii.n

gum-karadaa raah kii miTTii na ho Kharaab
gard us taraf u.Dii hai jidhar kaaravaa.n nahii.n

kyuu.N shama-e-i.ntazaar bujhaate ho ai "Qamar"
naale hain ye kisii ke sahar kii azaa.N nahii.n

@@@@@@@@@@@@@@@@@@@@@@@@@@@@@@@@@@@@@@@@@@@
kabhii kahaa na kisii se tere fasaane ko
na jaane kaise Khabar ho ga_ii zamaane ko

chaman me.n barq nahii.n chho.Datii kisii suurat
tarah tarah se banaataa huu.N aashiyaane ko

sunaa hai Gair kii mahafil me.n tum na jaaoge
kaho to aaj sajaa luu.N Gariib-Khaane ko

duaa bahaar kii maa.Ngii to itane phuul khile
kahii.n jagah na milii mere aashiyaane ko

chaman me.n jaanaa to sayyaad dekh kar jaanaa
akelaa chho.D kar aayaa huu.N aashiyaane ko

merii lahad pe pata.ngo.n kaa Khuu.N hotaa hai
huzuur shammaa na laayaa kare.n jalaane ko

dabaa ke chal diye sab qabr me.n duaa na salaam
zaraa sii der me.n kyaa ho gayaa zamaane ko

ab aage is me.n tumhaaraa bhii naam aayegaa
jo hukm ho to yahii.n chho.D duu.N fasaane ko

'Qamar' zaraa bhii nahii.n tujhako Khauf-e-rusavaa_ii
chale ho chaa.Ndanii shab me.n u.nhe.n manaane ko

@@@@@@@@@@@@@@@@@@@@@@@@@@@@@@@@@@@@@@@@@@@
kahate hai.n mujhase ishq kaa afasaanaa chaahiye
rusavaaii ho gaii tumhe.n sharmaanaa chaahiye

Khuddar itanii fitarat-e-rindaa.N naa chaahiye
saaqii ye Khud kahe tujhe paimaanaa chaahiye

aashiq baGair husn-o-javaanii fizuul hai
jab shammaa jal rahii hai to paravaanaa chaahiye

aankho.n me.n dam rukaa hai kis ke liye zaruur
varnaa mariize hijr ko mar jaanaa chahiye

vaada thaa unake raat ke aane kaa ae "Qamar"
ab chaa.Nd chhup gayaa u.nhe.n aa jaana chaahiye

@@@@@@@@@@@@@@@@@@@@@@@@@@@@@@@@@@@@@@@@@@@
Khatm shab-e-qissaa-e-muKhtasir na hu_ii
shamaa gul ho ga_ii sahar na hu_ii

ro_ii shabanam jalaa jo ghar meraa
phuul ke kam ha.Nsii magar na hu_ii

hashr me.n bhii vo kyaa mile.nge mujhe
jab mulaaqaat umr bhar na hu_ii

aa_iinaa dekh kar ye kiijiye shukr
aap ko aap kii nazar na hu_ii

sab the mahafil me.n un kii mahv-e-jamaal
ek ko ek kii Khabar na hu_ii

sai.Nka.Do.n raat ke kiye vaade
un kii raat aaj tak "Qamar" na hu_ii

@@@@@@@@@@@@@@@@@@@@@@@@@@@@@@@@@@@@@@@@@@@

mariiz-e-muhabbat u.nhii.n kaa fasaanaa
sunaataa rahaa dam nikalate nikalate
magar zikr-e-shaam-e-alam jab bhii aayaa
chiraaG-e-sahar bujh gayaa jalate jalate

iraadaa thaa tark-e-muhabbat kaa lekin
fareb-e-tabassum me.n phir aa gaye ham
abhii khaake Thokar sambhalane na paaye
ki phir khaa_ii Thokar sambhalate sambhalate

u.nhe.n Khat me.n likhaa thaa dil muztarib hai
javaab un kaa aayaa muhabbat na karate
tumhe.n dil lagaane ko kisane kahaa thaa
bahal jaayegaa dil bahalate bahalate

vo mehamaa.N rahe bhii to kab tak hamaare
hu_ii shammaa gul aur Duube sitaare
"Qamar" is qadar un ko jaldii thii ghar kii
vo ghar chal diye chaa.Ndanii Dhalate Dhalate

@@@@@@@@@@@@@@@@@@@@@@@@@@@@@@@@@@@@@@@@@@@
meraa Khaamosh rah kar bhii u.nhe.n sab kuchh sunaa denaa
zabaa.N se kuchh na kahanaa dekh akr a.Nsuu bahaa denaa

nasheman ho na ho ye to falak kaa mashGalaa Thaharaa
ki do tinake jahaa.N par dekhanaa bijalii giraa denaa

ijaazat ho to kah duu.Nqissaa-e-ulfat sar-e-mahafil
mujhe kuchh to fasaanaa yaad hai kuchh tum sunaa denaa

mai.n mujarim huu.N mujhe iqaraar hai jurm-e-muhabbat kaa
magar pahale Khataa par Gaur kar lo phir sazaa denaa

mai.n is haalat me.n pahu.Nchaa hashravaale Khud pukaar uThe
koii fariyaad karane a rahaa hai raastaa denaa

@@@@@@@@@@@@@@@@@@@@@@@@@@@@@@@@@@@@@@@@@@@
phir kahoge tum muqaabil ko sazaa ke vaaste
aa_iine ko haath se rakh do Khudaa ke vaaste

kaabaa-e-dil ko na taakotum jafaa ke vaaste
ai buto ye ghar Khudaa kaa hai Khudaa ke vaaste

yaa ilaahii kis taraf se pas hai baab-e-asar
kaun saa nazadiik hai raastaa duaa ke vaaste

kah gaye kyaa dekh kar nabzo.n ko kyaa jaane tabiib
haath uThaaye hai.n aziizo.n ne duaa ke vaaste

tum bhii naam-e-Khudaa ho mashq-e-zulm-o-jor ho
aasmaaN se mashvaraa kar lo jafaa ke vaaste

mujh ko us miTTii se Khaaliq ne banaayaa hai "Qamar"
rah ga_ii.n thii jo azal ke din vafaa ke vaaste

@@@@@@@@@@@@@@@@@@@@@@@@@@@@@@@@@@@@@@@@@@@
ye kah kar diye merii qismat me.n naale
tumhaarii amaanat tumhaare havaale

bas itaanii hai duurii ye ma.nzil hai ye mai.n huu.N
kahaa.N aake phuuTe hai.n paao.n ke chhaale

karuu.n aisaa sajdaa vo ghabaraa ke kah de.n
Khudaa ke liye ab to sar ko uThaa le

mariiz-e-shab-e-Gam kii saa.Ns aaKhirii hai
charaaG-e-sahar le rahaa hai sambhaale

kabhii mar bhii chuk ai mariiz-e-muhabbat
pareshaan baiThe hai.n ghar jaane vaale

qayaamat hai.n zaalim kii niichii nigaahe.n
Khudaa jaane kyaa ho jo nazare.n uThaa le

"Qamar main huu.N muKhtar ta.nziim-e-shab kaa
hai.n mere hii bas me.n a.ndhere ujaale @@@@@@@@@@@@@@@@@@@@@@@@@@@@@@@@@@@@@@@@@@@

Obaidullah Aleem

noreply@blogger.com (SYED ZAKARIYA) — Thu, 28 Oct 2010 16:22:00 +0000

aziiz itanaa hii rakho ke jii sa.Nbhal jaaye

ab is qadar bhii na chaaho ke dam nikal jaaye

mile hai.n yuu.N to bahut aao ab mile.n yuu.N bhii

ke ruuh garmii-e-a.nfaas se pighal jaaye

muhabbato.n me.n ajab hai dilo.n ko dha.Dakaa saa

ke jaane kaun kahaa.N raastaa badal jaaye

rahe vo dil jo tamannaa-e-taazaa tar me.n rahe

Khushaa vo umr jo Khvaabo.n hii me.n bahal jaaye

mai.n vo charaaG-e-sar-e-rahaguzaar-e-duniyaa huu.N

jo apanii zaat kii tanhaaiiyo.n me.n jal jaaye

har ek lahajaa yahii aarazuu yahii hasarat

jo aag dil me.n hai vo sher me.n bhii Dhal jaaye

@@@@@@@@@@@@@@@@@@@@@@@@@@@@@@@@@@@@@@@@@@@

banaa gulaab to kaa.NTe.n chubhaa gayaa ik shaKhs

huaa chiraaG to ghar hii jalaa gayaa ik shaKhs

tamaam rang mere aur saare Khvaab mere

fasaanaa kah ke fasaanaa banaa gayaa ik shaKhs

mai.n kis havaa me.n u.Duu.N kis fazaa me.n laharaa_uu.N

dukho.n ke jaal har-suu bichhaa gayaa ik shaKhs

palaT sakuu.N mai.n na aage ba.Dh sakuu.N jis par

mujhe ye kaun se raaste lagaa gayaa ik shaKhs

muhabbate.n bhii ajiib us kii nafarate.n bhii kamaal

merii tarah kaa hii mujh me.n samaa gayaa ik shaKhs

vo mahataab thaa marham-ba-dast aayaa thaa

magar kuchh aur sivaa dil dukhaa gayaa ik shaKhs

khulaa ye raaz ke aa_iinaa-Khaanaa hai duniyaa

aur is me.n mujh ko tamaashaa banaa gayaa ik shaKhs

@@@@@@@@@@@@@@@@@@@@@@@@@@@@@@@@@@@@@@@@@@@

Khayaal-o-Khvaab hue hai.n muhabbate.n kaisii

lahuu me.n naach rahii.n hai.n ye vahashate.n kaisii

na shab ko chaa.Nd hai achchhaa na din ko mehar achchhaa

ye ham pe biit rahii hai.n qayaamate.n kaisii

azaab jin kaa tabassum savaab jin kii nigaah

khi.nchii hu_ii hai.n pas-e-jaanaa.N suurate.n kaisii

havaa ke dosh pe rakkhe hue charaaG hai.n ham

jo bujh gaye to havaa se shikaayate.n kaisii

jo beKhabar ko_ii guzaraa to sadaa ye dii hai

mai.n sang-e-raah huu.N mujh par inaayate.n kaisii

jo aa rahe so vo bhii ab sang-o-Khisht laataa hai

fazaa ye ho to dilo.n kii nazakate.n kaisii

@@@@@@@@@@@@@@@@@@@@@@@@@@@@@@@@@@@@@@@@@@@

kuchh din to baso merii aa.Nkho.n me.n

phir Khvaab agar ho jaao to kyaa

koii rang to do mere chehare ko

phir zaKhm agar mahakaao to kyaa

ik aaiinaa thaa so TuuT gayaa

ab Khud se agar sharmaao to kyaa

mai.n tanahaa thaa mai.n tanahaa huu.N

tum aao to kyaa na aao to kyaa

jab ham hii na mahake phir saahib

tum baad-e-sabaa kahalaao to kyaa

jab dekhane vaalaa koii nahii.n

bujh jaao to kyaa jal jaao to kyaa

@@@@@@@@@@@@@@@@@@@@@@@@@@@@@@@@@@@@@@@@@@@

kuchh ishq thaa kuchh majabuurii thii so mai.n ne jiivan vaar diyaa

mai.n kaisaa zindaa aadamii thaa ik shaKhs ne mujh ko maar diyaa

ye sajaa sajaayaa ghar saaqii merii zaat nahii.n meraa haal nahii.n

ai kaash kabhii tum jaan sako jo us sukh ne aazaar diyaa

mai.n Khulii hu_ii ik sachchaa_ii mujhe jaanane vaale jaanate hai.n

mai.n ne kin logo.n se nafrat kii aur kin logo.n se pyaar kiyaa

vo ishq bahut mushkil thaa magar aasaan na thaa yuu.N jiinaa bhii

us ishq ne zindaa rahane kaa mujhe zarf diyaa pindaar diyaa

ik sabz shaaKh gulaab kii thaa ik duniyaa apane pyaar kii thaa

vo ek bahaar jo aa_ii nahii.n us ke liye sab kuchh haar diyaa

mai.n rotaa huu.N aur aasmaan se taare TuuTate dekhataa huu.N

un logo.n par jin logo.n ne mere logo.n ko aazaar diyaa

vo yaar ho.n yaa mahabuub mere yaa kabhii kabhii milane vaale

ik lazzat sab ke milane me.n vo zaKhm diyaa yaa pyaar diyaa

@@@@@@@@@@@@@@@@@@@@@@@@@@@@@@@@@@@@@@@@@@@

tere pyaar me.n rusavaa hokar jaaye kahaa.N diivaane log

jaane kyaa kyaa puuchh rahe.n hai.n ye jaane pahachaane log

jaise tumhe.n hamane chaahaa thaa kaun bhalaa yuu.N chaahegaa

maanaa aur bahut aaye.nge tum se pyaar jataane log

kaise dukho.n ke mausam aaye kaisii aag lagii yaaro

ab saharaao.n se laate hai.n phuulo.n ke nazaraane log

kal maatam beqiimat hogaa aaj inakii tauqiir karo

dekho Khuun-e-jigar se kyaa kyaa likhate hai.n afasaane log

jaanate hai.n ye ishq musalasal rog hai aah-o-zaarii kaa

phir bhii usake kuuche me.n jaate hai.n umr gavaane log

@@@@@@@@@@@@@@@@@@@@@@@@@@@@@@@@@@@@@@@@@@@

Nida Fazli

noreply@blogger.com (SYED ZAKARIYA) — Wed, 27 Oct 2010 17:22:00 +0000

ab Khushii hai na ko_ii Gam rulaane vaalaa
hamane apanaa liyaa har rang zamaane vaalaa

us ko ruKhsat to kiyaa thaa mujhe maaluum na thaa
saaraa ghar le gayaa, ghar chho.D ke jaane vaalaa

ik musaafir ke safar jaisii hai sab kii duniyaa
ko_ii jaldii me.n ko_ii der se jaane vaalaa

ek be-cheharaa sii ummiid hai cheharaa-cheharaa
jis taraf dekhiye aane ko hai aane vaalaa

@@@@@@@@@@@@@@@@@@@@@@@@@@@@@@@@@@@@@@@@@@@

apanaa Gam leke kahii.n aur na jaayaa jaaye
ghar me.n bikharii huii chiizo.n ko sajaayaa jaaye

jin chiraaGo.n ko havaao.n kaa koii Khauf nahii.n
un chiraaGo.n ko havaao.n se bachaayaa jaaye

baag me.n jaane ke aadaab huaa karate hai.n
kisii titalii ko na phuulo.n se u.Daayaa jaaye

Khudakushii karane kii himmat nahii.n hotii sab me.n
aur kuchh din yuu.N hii auro.n ko sataayaa jaaye

ghar se masjid hai bahut duur chalo yuu.N kar le.n
kisii rote hue bachche ko ha.Nsaaya jaaye

@@@@@@@@@@@@@@@@@@@@@@@@@@@@@@@@@@@@@@@@@@@

apanii marzii se kahaa.N apane safar ke ham hai.n
ruKh havaao.n kaa jidhar kaa hai udhar ke ham hai.n

pahale har chiiz thii apanii magar ab lagataa hai
apane hii ghar me.n kisii duusare ghar ke ham hai.n

vaqt ke saath hai miTTii kaa safar sadiyo.n tak
kisako maaluum kahaa.N ke hai.n kidhar ke ham hai.n

chalate rahate hai.n ki chalanaa hai musaafir kaa nasiib
sochate rahate hai.n ki kis raahaguzar ke ham hai.n

ginatiyo.n me.n hii gine jaate hai.n har daur me.n ham
har qalamakaar kii benaam khabar ke ham hai.n

@@@@@@@@@@@@@@@@@@@@@@@@@@@@@@@@@@@@@@@@@@@

badalaa na apane aap ko jo the vahii rahe
milate rahe sabhii se magar ajanabii rahe

duniyaa na jiit paao to haaro na Khud ko tum
Tho.Dii bahut to zahan me.n naaraazagii rahe

apanii tarah sabhii ko kisii kii talaash thii
ham jisake bhii qariib rahe duur hii rahe

guzaro jo baaG se to duaa maa.Ngate chalo
jisame.n khile hai.n phuul vo Daalii harii rahe

@@@@@@@@@@@@@@@@@@@@@@@@@@@@@@@@@@@@@@@@@@@

chaa.Nd se phuul se yaa merii zubaa.N se suniye
har taraf aap kaa qisaa jahaa.N se suniye

sab ko aataa hai duniyaa ko sataa kar jiinaa
zindagii kyaa muhabbat kii duaa se suniye

merii aavaaz pardaa mere chehare kaa
mai.n huu.N Khaamosh jahaa.N mujhako vahaa.N se suniye

kyaa zaruurii hai ki har pardaa uThaayaa jaaye
mere haalaat apane apane makaa.N se suniye

@@@@@@@@@@@@@@@@@@@@@@@@@@@@@@@@@@@@@@@@@@@

dekhaa huaa saa kuchh hai to sochaa huaa saa kuchh
har vaqt mere saath hai ulajhaa huaa saa kuchh

hotaa hai yuu.N bhii raastaa khulataa nahii.n kahii.n
ja.ngal-saa phail jaataa hai khoyaa huaa saa kuchh

saahil kii gilii ret par bachcho.n ke khel-saa
har lamhaa mujh me.n banataa bikharataa huaa saa kuchh

fursat ne aaj ghar ko sajaayaa kuchh is tarah
har shay se muskuraataa hai rotaa huaa saa kuchh

dhu.Ndhalii sii ek yaad kisii qabr kaa diyaa
aur mere aas-paas chamkataa huaa saa kuchh

@@@@@@@@@@@@@@@@@@@@@@@@@@@@@@@@@@@@@@@@@@@

dil me.n na ho jurrat to muhabbat nahii.n milatii
Khairaat me.n itanii ba.Dii daulat nahii.n milatii

kuchh log yuu.N hii shahar me.n ham se bhii Khafaa hai.n
har ek se apanii bhii tabiiyat nahii.n milatii

dekhaa thaa jise mai.n ne ko_ii aur thaa shaayad
vo kaun hai jis se terii suurat nahii.n milatii

ha.Nsate huye cheharo.n se hai baazaar kii ziinat
rone ko yahaa.N vaise bhii fursat nahii.n milatii

@@@@@@@@@@@@@@@@@@@@@@@@@@@@@@@@@@@@@@@@@@@

din saliiqe se ugaa, raat Thikaane se rahii
dostii apanii bhii kuchh roz zamaane se rahii

cha.nd lamho.n ko hii banatii hai.n musavvir aa.Nkhe.n
zindagii roz to tasviir banaane se rahii

is a.Ndhere me.n to Thokar hii ujaalaa degii
raat ja.ngal me.n koii shammaa jalaane se rahii

faasalaa chaa.Nd banaa detaa hai har patthar ko
duur kii raushanii nazadiik to aane se rahii

shahar me.n sab ko kahaa.N milatii hai rone kii furasat
apanii izzat bhii yahaa.N ha.Nsane-ha.Nsaane se rahii

@@@@@@@@@@@@@@@@@@@@@@@@@@@@@@@@@@@@@@@@@@@

diivaar-o-dar se utar ke parachhaa_iyaa.N bolatii hai.n
ko_ii nahii.n bolataa jab tanahaa_iyaa.N bolatii hai.n

pardes ke raaste me.n luTate kahaa.N hai.n musaafir
har pe.D kahataa hai qissaa purvaa_iyaa.N bolatii hai.n

mausam kahaa.N maanataa hai tahaziib kii bandhisho.n ko
jismo.n se baahar nikal ke anga.Daa_iyaa.N bolatii hai.n

sun ne kii mohalat mile to aavaaz hai patajharo.n me.n
uja.Dii hu_ii bastiyo.n me.n aabaadiyaa.N bolatii hai.n

@@@@@@@@@@@@@@@@@@@@@@@@@@@@@@@@@@@@@@@@@@@

dhuup me.n nikalo ghaTaao.n me.n nahaa kar dekho
zindagii kyaa hai kitaabo.n ko haTaa kar dekho

vo sitaaraa hai chamakane do yuu.N hii aa.Nkho.n me.n
kyaa zaruurii hai use jism banaakar dekho

pattharo.n me.n bhii zubaa.N hotii hai dil hote hai.n
apane ghar kii dar-o-diivaar sajaa kar dekho

faasalaa nazaro.n kaa dhokaa bhii to ho sakataa hai
vo mile yaa na mile haath ba.Daa kar dekho

@@@@@@@@@@@@@@@@@@@@@@@@@@@@@@@@@@@@@@@@@@@

duniyaa jise kahate hai.n jaaduu kaa khilonaa hai
mil jaaye to miTTii hai kho jaaye to sonaa hai

achchhaa saa koii mausam tanahaa saa koii aalam
har vaqt aa ronaa to bekaar kaa ronaa hai

barasaat kaa baadal to diivaanaa hai kyaa jaane
kis raah se bachanaa hai kis chhat ko bhigonaa hai

Gam ho ki Khushii dono.n kuchh der ke saathii hai.n
phir rastaa hii rastaa hai ha.Nsanaa hai na ronaa hai

@@@@@@@@@@@@@@@@@@@@@@@@@@@@@@@@@@@@@@@@@@@

garaj baras pyaasii dhartii par phir paanii de maulaa
chi.Diyo.n ko daanaa, bachcho.n ko gu.Dadhaanii de maulaa

do aur do kaa jo.D hameshaa chaar kahaa.N hotaa hai
soch samajhavaalo.n ko tho.Dii naadaanii de maulaa

phir roshan kar zahar kaa pyaalaa chamakaa naii saliibe.n
jhuuTho.n kii duniyaa me.n sach ko taabaanii de maulaa

phir muurat se baahar aakar chaaro.n or bikhar jaa
phir ma.ndir ko koii miiraa diivaanii de maulaa

tere hote koii kisii kii jaan kaa dushman kyo.n ho
jiinevaalo.n ko marane kii aasaanii de maulaa

@@@@@@@@@@@@@@@@@@@@@@@@@@@@@@@@@@@@@@@@@@@

har gha.Dii Khud se ulajhanaa hai muqaddar meraa
mai.n hii kashtii huu.N mujhii me.n hai sama.ndar meraa

kisase puuchhuu.N ki kahaa.N gum huu.N baraso.n se
har jagah Dhuu.Ndhataa phirataa hai mujhe ghar meraa

ek se ho gae mausamo.n ke chehare saare
merii aa.Nkho.n se kahii.n kho gayaa ma.nzar meraa

muddate.n biit gaii Khvaab suhaanaa dekhe
jaagataa rahataa hai har nii.nd me.n bistar meraa

aaiinaa dekhake nikalaa thaa mai.n ghar se baahar
aaj tak haath me.n mahafuus hai patthar meraa

@@@@@@@@@@@@@@@@@@@@@@@@@@@@@@@@@@@@@@@@@@@

har taraf har jagah beshumaar aadamii
phir bhii tanahaaiiyo.n kaa shikaar aadamii

subah se shaam tak bojh Dhotaa huaa
apanii hii laash kaa Khud mazaar aadamii

har taraf bhaagate dauDate raaste
har taraf aadamii kaa shikaar aadamii

roz jiitaa huaa roz marataa huaa
har nae din nayaa intazaar aadamii

zindagii kaa muqaddar safar dar safar
aaKhirii saa.Ns tak beqaraar aadamii

@@@@@@@@@@@@@@@@@@@@@@@@@@@@@@@@@@@@@@@@@@@

hosh vaalo.n ko Khabar kyaa beKhudii kyaa chiiz hai
ishq kiije phir samajhiye zindagii kyaa chiiz hai

un se nazare.n kyaa milii raushan fizaaye.n ho ga_ii.n
aaj jaanaa pyaar kii jaaduugarii kyaa chiiz hai

Khulatii zulfo.n ne sikhaa_ii mausamo.n ko shaayarii
jhukatii aa.Nkho.n ne bataayaa maikashii kyaa chiiz hai

ham labo.n se kah na paaye un se haal-e-dil kabhii
aur vo samajhe nahii.n ye Khaamoshii kyaa chiiz hai

@@@@@@@@@@@@@@@@@@@@@@@@@@@@@@@@@@@@@@@@@@@

jab kisii se koii gilaa rakhanaa
saamane apane aaiiinaa rakhanaa

yuu.N ujaalo.n se vaasta rakhanaa
shammaa ke paas hii hava rakhanaa

ghar kii taamiir chaahe jaisii ho
is me.n rone kii jagah rakhanaa

masjide.n hai.n namaaziyo.n ke liye
apane ghar me.n kahii.n Khudaa rakhanaa

milanaa jhulanaa jahaa.N zaruurii ho
milane-jhulane kaa hausalaa rakhanaa

@@@@@@@@@@@@@@@@@@@@@@@@@@@@@@@@@@@@@@@@@@@

jahaa.N na terii mahak ho udhar na jaa_uu.N mai.n
merii sarisht safar hai guzar na jaa_uu.N mai.n

mere badan me.n khule ja.ngalo.n kii miTTii hai
mujhe sambhaal ke rakhanaa bikhar na jaa_uu.N mai.n

mere mizaaj me.n be-maanii ulajhane.n hai.n bahut
mujhe udhar se bulaanaa jidhar na jaa_uu.N mai.n

kahii.n pukaar na le gaharii vaadiyo.n kaa sabuut
kisii maqaam pe aakar Thahar na jaa_uu.N mai.n

na jaane kaun se lamhe kii bad-duaa hai ye
qariib ghar ke rahuu.N aur ghar na jaa_uu.N mai.n

@@@@@@@@@@@@@@@@@@@@@@@@@@@@@@@@@@@@@@@@@@@

jiivan kyaa hai chalataa phirataa ek khilonaa hai
do aa.Nkho.n me.n ek se ha.Nsanaa ek se ronaa hai

jo jii chaahe vo mil jaaye kab aisaa hotaa hai
har jiivan jiivan jiine kaa samajhautaa hai
ab tak jo hotaa aayaa hai vo hii honaa hai

raat a.Ndherii bhor suhaanii yahii zamaanaa hai
har chaadar me.n dukh kaa taanaa sukha kaa baanaa hai
aatii saa.Ns ko paanaa jaatii saa.Ns ko khonaa hai

@@@@@@@@@@@@@@@@@@@@@@@@@@@@@@@@@@@@@@@@@@@

kabhii kabhii yuu.N bhii hamane apane hii ko bahalaayaa hai
jin baato.n ko Khud nahii.n samajhe auro.n ko samajhaayaa hai

hamase puuchho izzat vaalo.n kii izzat kaa haal kabhii
hamane bhii is shahar me.n rah kar tho.Daa naam kamaayaa hai

usase bichha.De baraso.n biite lekin aaj na jaane kyo.n
aa.Ngan me.n haste bachcho.n ko bekaaran dhamakaayaa hai

koii milaa to haath milaayaa kahii.n gae to baate.n kii
ghar se baahar jab bhii nikale din bhar bhoj uThaayaa hai

@@@@@@@@@@@@@@@@@@@@@@@@@@@@@@@@@@@@@@@@@@@

kahii.n chhat thii diivaar-o-dar the kahii.n
milaa mujhako ghar kaa pataa der se
diyaa to bahut zindagii ne mujhe
magar jo diyaa vo diyaa der se

huaa na ko_ii kaam maamuul se
guzaare shab-o-roz kuchh is tarah
kabhii chaa.Nd chamakaa Galat vaqt par
kabhii ghar me.n suuraj ugaa der se

kabhii ruk gaye raah me.n besabab
kabhii vaqt se pahale ghir aa_ii shab
huye ba.nd daravaaze khul khul ke sab
jahaa.N bhii gayaa mai.n gayaa der se

ye sab ittifaaqaat kaa khel hai
yahii hai judaa_ii yahii mel hai
mai.n mu.D mu.D ke dekhaa kiyaa duur tak
banii vo Khaamoshii sadaa der se

sajaa din bhii raushan hu_ii raat bhii
bhare jaam laharaa_ii barasaat bhii
rahe saath kuchh aise haalaat bhii
jo honaa thaa jaldii huaa der se

bhaTakatii rahii yuu.N hii har ba.ndagii
milii na kahii.n se ko_ii raushanii
chhupaa thaa kahii.n bhii.D me.n aadamii
huaa mujh me.n raushan Khudaa der se

@@@@@@@@@@@@@@@@@@@@@@@@@@@@@@@@@@@@@@@@@@@

kuchh tabiyat hii milii thii aisii chain se jiine kii suurat na hu_ii
jis ko chaahaa use apanaa na sake jo milaa us se muhabbat na hu_ii

jis se jab tak mile dil hii se mile dil jo badalaa to fasaanaa badalaa
rasme.n duniyaa kii nibhaane ke liye hamase rishto.n kii tijaarat na hu_ii

duur se thaa vo ka_ii cheharo.n me.n paas se ko_ii bhii vaisaa na lagaa
bevafaa_ii bhii usii kaa thaa chalan phir kisii se hii shikaayat na hu_ii

vaqt ruuThaa rahaa bachche kii tarah raah me.n ko_ii khilaunaa na milaa
dostii bhii to nibhaa_ii na ga_ii dushmanii me.n bhii adaavat na hu_ii

@@@@@@@@@@@@@@@@@@@@@@@@@@@@@@@@@@@@@@@@@@@

besan kii so.ndhii roTii par
khaTTii chaTanii jaisii maa.N
yaad aatii hai chaukaa-baasan
chimaTaa phukanii jaisii maa.N

baa.Ns kii khurrii khaaT ke uupar
har aahaT par kaan dhare
aadhii so_ii aadhii jaagii
thakii dopaharii jaisii maa.N

chi.Diyo.n ke chahakaar me.n gu.Nje
raadhaa-mohan alii-alii
murGe kii aavaaz se khulatii
ghar kii ku.nDii jaisii maa.N

bivii, beTii, bahan, pa.Dosan
tho.Dii tho.Dii sii sab me.n
din bhar ik rassii ke uupar
chalatii naTanii jaisii maa.N

baa.NT ke apanaa cheharaa, maathaa,
aa.Nkhe.n jaane kahaa.N ga_ii
phaTe puuraane ik alabam me.n
cha.nchal la.Dakii jaisii maa.N

@@@@@@@@@@@@@@@@@@@@@@@@@@@@@@@@@@@@@@@@@@@

mai.n royaa parades me.n bhiigaa maa.N kaa pyaar
dukh ne dukh se baat kii bin chiThThii bin taar
chhoTaa karake dekhiye jiivan kaa vistaar
aa.Nkho.n bhar aakaash hai baaho.n bhar sa.nsaar

leke tan ke naap ko ghuume bastii gaa.Nv
har chaadar ke gher se baahar nikale paa.Nv
sabakii puujaa ek sii alag-alag har riit
masjid jaaye maulvii koyal gaaye giit
puujaa ghar me.n muurtii miira ke sang shyaam
jisakii jitanii chaakarii utane usake daam

saato.n din bhagavaan ke kyaa ma.ngal kyaa piir
jis din soe der tak bhuukaa rahe fakiir
achchhii sangat baiThakar sangii badale ruup
jaise milakar aam se miiThii ho ga_ii dhuup

sapanaa jharnaa nii.nd kaa jaagii aa.Nkhe.n pyaas
paanaa khonaa khojanaa saa.Nso.n kaa itihaas
chaahe giitaa vaachiye yaa pa.Dhiye quraan
meraa teraa pyaar hii har pustak kaa Gyaan

@@@@@@@@@@@@@@@@@@@@@@@@@@@@@@@@@@@@@@@@@@@

masjido.n-mandiro.n kii duniyaa me.n
mujhako pahachaanate kahaa.N hai.n log

roz mai.n chaa.Nd ban ke aataa huu.N
din me.n suuraj saa jagamagaataa huu.N

khan-khanaataa huu.N maa.N ke gahano.n me.n
ha.Nsataa rahataa huu.N chhup ke bahano.n me.n

mai.n hii mazaduur ke pasiine me.n
mai.n hii barasaat ke mahiine me.n

merii tasviir aa.Nkh kaa aa.Nsuu
merii tahariir jism kaa jaduu

masjido.n-mandiro.n kii duniyaa me.n
mujhako pahachaanate nahii.n jab log

mai.n zamiino.n ko be-ziyaa karake
aasamaano.n me.n lauT jaataa huu.N

mai.n Khudaa ban ke qahar Dhaataa huu.N

@@@@@@@@@@@@@@@@@@@@@@@@@@@@@@@@@@@@@@@@@@@

muhabbat me.n vafaadaarii se bachiye
jahaa.N tak ho adaakaarii se bachiye

har ek suurat bhalii lagatii hai kuchh din
lahuu ke shobadaakaarii se bachiye

sharaafat aadamiyat dard-mandii
ba.De shahro.n me.n biimaarii se bachiye

zaruurii kyaa har ek mahafil me.n aanaa
taqalluf kii ravaadaarii se bachiye

binaa pairo.n ke sar chalate nahii.n hai.n
buzurgo.n kii samajhadaarii se bachiye

@@@@@@@@@@@@@@@@@@@@@@@@@@@@@@@@@@@@@@@@@@@

muu.Nh kii baate.n sune har ko_ii, dil kaa dard na jaane kaun
aavaazo.n ke baazaaro.n me.n Khaamoshii pahachaane kaun

sadiyo.n sadiyo.n vahii tamaashaa rastaa rastaa lambii khoy
lekin jab ham mil jaate hai.n, kho jaataa hai jaane kaun

vo meraa aa_iinaa hai mai.n us kii parachhaa_ii huu.N
mere hii ghar me.n rahataa hai, mujh jaisaa hii jaane kaun

kirat kirat halkaa saa suuraj, palal palak khulatii nii.nde.n
yuu.N hii dilpighal rahaa hai, zarraa-zarraa jaane kaun

@@@@@@@@@@@@@@@@@@@@@@@@@@@@@@@@@@@@@@@@@@@

sab kii puujaa ek sii, alag alag har riit
masjid jaaye maulavii, koyal gaaye giit

puujaa ghar me.n muurtii, miiraa ke sang shyaam
jitanii jisakii chaakarii, utane usake daam

siitaa-raava.Nn, raam kaa, kare.n vibhaajan log
ek hii tan me.n dekhiye, tiino.n kaa sa.njog

miTTii se maaTii mile, kho ke sabhii nishaa.N
kis me.n kitanaa kaun hai, kaise ho pahachaan

@@@@@@@@@@@@@@@@@@@@@@@@@@@@@@@@@@@@@@@@@@@

safar me.n dhuup to hogii jo chal sako to chalo
sabhii hai.n bhii.D me.n tum bhii nikal sako to chalo

idhar udhar ka_ii ma.nzil hai.n chal sako to chalo
bane banaaye hai.n saa.Nche jo Dhal sako to chalo

kisii ke vaasate raahe.n kahaa.N badalatii hai.n
tum apane aap ko Khud hii badal sako to chalo

yahaa.N kisii ko koii raastaa nahii.n detaa
mujhe giraake agar tum sambhal sako to chalo

yahii hai zindagii kuchh Khvaab chand ummiide.n
inhii.n khilauno.n se tum bhii bahal sako to chalo

har ik safar ko hai mahafuus raasto.n kii talaash
hifaazato.n kii rivaayat badal sako to chalo

kahii.n nahii.n ko_ii suuraj, dhuaa.N dhuaa.N hai fizaa
Khud apane aap se baahar nikal sako to chalo

@@@@@@@@@@@@@@@@@@@@@@@@@@@@@@@@@@@@@@@@@@@

tanhaa tanhaa ham ro le.nge mahafil mahafil gaaye.nge
jab tak aa.Nsuu paas rahe.nge tab tak giit sunaaye.nge

tum jo socho vo tum jaano ham to apanii kahate hai.n
der na karanaa ghar jaane me.n varanaa ghar kho jaaye.nge

bachcho.n ke chhoTe haatho.n ko chaa.Nd sitaare chhuune do
chaar kitaabe.n pa.Dh kar vo bhii ham jaise ho jaaye.nge

kin raaho.n se duur hai ma.nzil kaun saa rastaa aasaa.N hai
ham jab thak kar ruk jaaye.nge auro.n ko samajhaaye.nge

achchhii suurat vaale saare patthar-dil ho mumkin hai
ham to us din raa_e de.nge jis din dhokaa khaaye.nge

@@@@@@@@@@@@@@@@@@@@@@@@@@@@@@@@@@@@@@@@@@@

teraa hijr meraa nasiib hai teraa Gam hii merii hayaat hai
mujhe terii duurii kaa Gam ho kyo.n tuu kahii.n bhii ho mere saath hai

mere vaaste tere naam par koii harf aaye nahii.n nahii.n
mujhe Khauf-e-duniyaa nahii.n magar mere ruu-ba-ruu terii zaat hai

teraa vasl ai merii dilarubaa nahii.n merii kismat to kyaa huaa
merii mahajabii.n yahii kam hai kyaa terii hasarato.n kaa to saath hai

teraa ishq mujh pe hai maharabaa.N mere dil ko haasil hai do jahaa.N
merii jaan-e-jaa.N isii baat par merii jaan jaaye to baat hai

@@@@@@@@@@@@@@@@@@@@@@@@@@@@@@@@@@@@@@@@@@@

ye zindagii
aaj jo tumhaare
badan kii chhoTii-ba.Dii naso.n me.n
machal rahii hai
tumhaare pairo.n se chal rahii hai
tumhaarii aavaaz me.n Gale se nikal rahii hai
tumhaare lafzo.n me.n Dhal rahii hai

ye zindagii
jaane kitanii sadiyo.n se
yuu.N hii shakle.n
badal rahii hai

badalatii shaklo.n
badalate jismo.n me.n
chalataa-phirataa ye ik sharaaraa
jo is gha.Dii
naam hai tumhaaraa
isii se saarii chahal-pahal hai
isii se roshan hai har nazaaraa

sitaare to.Do yaa ghar basaao
qalam uThaao yaa sar jhukaao

tumhaarii aa.Nkho.n kii roshnii tak
hai khel saaraa

ye khel hogaa nahii.n dubaaraa
ye khel hogaa nahii.n dubaaraa

@@@@@@@@@@@@@@@@@@@@@@@@@@@@@@@@@@@@@@@@@@@

zahaanato.n ko kahaa.N karb se faraar milaa
jise nigaah milii usako intazaar milaa

vo koii raah kaa patthar ho yaa hasii.n ma.nzar
jahaa.N se raastaa Thaharaa vahii.n mazaar milaa

koii pukaar rahaa thaa khulii fizaao.n se
nazar uThaaii to chaaro taraf hisaar milaa

har ek saa.Ns na jaane thii justajuu kisakii
har ek dayaar musaafir ko bedayaar milaa

ye shahar hai ki numaa_ish lagii huii hai koii
jo aadamii bhii milaa banake ishtahaar milaa
@@@@@@@@@@@@@@@@@@@@@@@@@@@@@@@@@@@@@@@@@@@

Momin Khan Momin

noreply@blogger.com (SYED ZAKARIYA) — Wed, 27 Oct 2010 17:08:00 +0000

asar usako zaraa nahii.n hotaa
ra.nj raahat fazaa nahii.n hotaa

tum hamaare kisii tarah na hue
varanaa duniyaa me.n kyaa nahii.n hotaa

naarasaaii se dam ruke to ruke
mai.n kisii se Khafaa nahii.n hotaa

tum mere paas hote ho goyaa
jab koii duusaraa nahii.n hotaa

haal-e-dil yaar ko likhuu.N kyo.n kar
haath dil se judaa nahii.n hotaa

kyo.n sune arz-e-muztarib ae 'Momin'
sanam aaKhir Khudaa nahii.n hotaa

@@@@@@@@@@@@@@@@@@@@@@@@@@@@@@@@@@@@@@@@@@@

Dar to mujhe kiskaa hai ke mai.n kuchh nahii.n kahataa
par haal ye afshaa.N hai ke mai.n kuchh nahii.n kahataa

naaseh ye gilaa hai ke mai.n kuchh nahii.n kahataa
tuu kab merii sunataa hai ke mai.n kuchh nahii.n kahataa

kuchh Gair se ho.nTho.n me.n kahe hai pe jo puuchho
to vahii.n mukarataa hai ke mai.n kuchh nahii.n kahataa

naaseh ko jo chaahuu.N to abhii Thiik banaa duu.N
par Khauf Khudaa kaa hai ke mai.n kuchh nahii.n kahataa

chupake se tere milane kaa ghar vaalo.n me.n tere
is vaaste charchaa hai ke mai.n kuchh nahii.n kahataa

ai chaaraagaro qabil-e-daramaa.N nahii.n ye dard
varnaa mujhe saudaa hai ke mai.n kuchh nahii.n kahataa

har vaqt hai dushnaam har ek baat pe taanaa
phir is pe bhii kahataa hai ke mai.n kuchh nahii.n kahataa

"Momin" baa-Khudaa sihar bayaanii kaa jabhii tak
har ek ko daavaa hai ke mai.n kuchh nahii.n kahataa

@@@@@@@@@@@@@@@@@@@@@@@@@@@@@@@@@@@@@@@@@@@

jalataa huu.N hijr-e-shaahid-o-yaad-e-sharaab me.n
shauq-e-savaab ne mujhe Daalaa azaab me.n

kahate hai.n tum ko hosh nahii.n iztaraab me.n
saare gile tamaam hu_e ek javaab me.n

phailii shamiim-e-yaar mere ashk-e-surKh se
dil ko GAzab fishaar huaa pech-o-taab me.n

rahate hai.n jamaa kuuchaa-e-jaanaa.N me.n Khaas-o-aam
aabaad ek ghar hai jahaan-e-Kharaab me.n

badanaam mere giriyaa-e-rusavaa se ho chuke
ab uzr kyaa rahaa nigaah-e-behijaab me.n

matalab kii justajuu ne ye kyaa haal kar diyaa
hasarat bhii nahii.n dil-e-naakaamayaab me.n

naakaamiyo.n se kaam rahaa umr bhar hame.n
pirii me.n yaas hai jo havas thii shabaab me.n

kyaa jalve yaaad aaye ke apanii Khabar nahii.n
be-baadaa mast huu.N mai.n shab-e-maahataab me.n

paiham sajuud paa-e-sanam par dam-e-vidaa
"Momin" Khudaa ko bhuul gaye iztaraab me.n

@@@@@@@@@@@@@@@@@@@@@@@@@@@@@@@@@@@@@@@@@@@

maar hi Daal mujhe chasm-e-adaa se pahale
apanii ma.nzil ko pahu.Nch jauu.N qazaa se pahale

ik nazar dekh luu.N aa jaao qazaa se pahale
tum se milane kii tamannaa hai Khudaa se pahale

hashr ke roz mai.n puuchhuu.Ngaa Khudaa se pahale
tuu ne rokaa nahii.n kyuu.N mujhako Khataa se pahale

ai merii maut Thahar unako zaraa aane de
zahar ka jaam na de mujhako davaa se pahale

haath pahu.Nche bhii na the zulf dotaa tak "Momin"
hathaka.Dii Daal dii zaalim ne Khataa se pahale

@@@@@@@@@@@@@@@@@@@@@@@@@@@@@@@@@@@@@@@@@@@

mai.n ehavaal-e-dil mar gayaa kahate kahate
thake tum na "bas, bas, sunaa!" kahate kahate

mujhe chup lagii mudd'aa kahate kahate
ruke hai.n vo jaane kyaa kahate kahate

zabaa.N gu.ng hai ishq me.n gosh kar hai
buraa sunate sunate bhalaa kahate kahate

shab-e-hijr me.n kyaa hajuum-e-balaa hai
zabaa.N thak ga_ii marhabaa kahate kahate

gilaa harzaa-gardii kaa bejaa na thaa kuchh
vo kyuu.N muskuraaye bajaa kahate kahate

sad afasos jaatii rahii vasl kii shab
"zaraa Thahar ai bevafaa" kahate kahate

chale tum kahaa.N mai.n ne to dam liyaa thaa
fasaanaa dil-e-zaar kaa kahate kahate

sitam haaye! garduu.N mufassil na puuchho
ke sar phir gayaa maajaraa kahate kahate

nahii.n yaa sanam 'Momin' ab kufr se kuchh
ke Khuu ho ga_ii hai sadaa kahate kahate

@@@@@@@@@@@@@@@@@@@@@@@@@@@@@@@@@@@@@@@@@@@

naavak a.ndaaz jidhar diidaa-e-jaanaa.N ho.nge
niim-bismil ka_ii ho.nge ka_ii bejaa.N ho.nge

taab-e-nazaaraa nahii.n aa_iinaa kyaa dekhane duu.N
aur ban jaaye.nge tasviir jo hairaa.N ho.nge

tuu kahaa.N jaayegii kuchh apanaa Thikaanaa kar le
ham to kal Khvaab-e-adam me.n shab-e-hijaraa.N ho.nge

phir bahaar aa_ii vahii dasht-e-naavardii hogii
phir vahii paao.n vahii Khaar-e-muGelaa.N ho.nge

naasihaa dil me.n tuu itanaa to samajh apane ke ham
laakh naadaa.N huye kyaa tujh se bhii naadaa.N ho.nge

ek ham hai.n ke huye aise pashemaa.N ke bas
ek vo hai.n ke ji.nhe.n chaah ke armaa.N ho.nge

minnat-e-hazarat-e-isaa na uThaaye.Nge kabhii
zindagii ke liye sharmi.ndaa-e-ehasaa.N ho.nge

umr to saarii kaTii ishq-e-butaa.N me.n "Momin"
ab aaKhirii vaqt me.n kyaa Khaak musalamaa.N ho.nge

@@@@@@@@@@@@@@@@@@@@@@@@@@@@@@@@@@@@@@@@@@@

royaa kare.nge aap bhii paharo.n isii tarah
aTakaa kahii.n jo aap kaa dil bhii merii tarah

naa taab hijr me.n hai naa aaraam vasl me.n
kamabaKht dil ko chain nahii.n hai kisii tarah

gar chup rahe.n to Gam-e-hijraa.N se chhuuT jaaye.N
kahate to hai.n bhale kii vo lekin burii tarah

na jaaye vaa.N bane hai na bin jaaye chain hai
kyaa kiijiye hame.n to hai mushkil sabhii tarah

lagatii hai.n gaaliyaa.N bhii terii mujhe kyaa bhalii
qurabaan tere, phir mujhe kah le isii tarah

huu.N jaa.N_balab butaan-e-sitamagar ke haath se
kyaa sab jahaa.N me.n jiite hai.n "Momin" isii tarah

@@@@@@@@@@@@@@@@@@@@@@@@@@@@@@@@@@@@@@@@@@@

shab-e-Gam-e-furqat hame.n kyaa kyaa maze dikhalaa_e thaa
dam ruke thaa siine me.n kambaKht jii ghabaraa_e thaa

bal be ayyaarii aduu ke aage vo paimaan shikan
vaadaa-e-vasl phir karataa thaa aur sharmaa_e thaa

sun ke merii marg bole mar gayaa achchhaa huaa
kyaa buraa lagataa thaa jis dam saamane aa jaa_e thaa

baat shab ko us ke manaa-e-beqaraarii se ba.Dii
ham to samajhe aur kuchh vo aur kuchh samajhaa_e thaa

ko_ii din to us pe kyaa tasviir kaa aalam rahaa
har ko_ii hairat kaa putalaa dekh kar ban jaa_e thaa

suu-e-saharaa le chale us kuu se merii naash haa_e
thaa yahii dar in dino.n talvaa meraa khujalaa_e thaa

ho ga_ii do roz kii ulfat me.n kyaa haalat abhii
"Momin"-e-vahashii ko dekhaa is taraf se jaa_e thaa

@@@@@@@@@@@@@@@@@@@@@@@@@@@@@@@@@@@@@@@@@@@

shab tum jo bazm-e-Gair me.n aa.Nkhe.n churaa gaye
khoye gaye ham aise ke aGyaar paa gaye

majalis me.n us ne paan diyaa apane haath se
aGyaar sabz baKht the ham zahar khaa gaye

Gairo.n se ho vo pardaanashii.n kyo.n na behijaab
dam haay be-asar mere pardaa uThaa gaye

vaa_iz ke zikr-e-mehar-e-qayaamat ko kyaa kahuu.N
aalam shab-e-vasl ke aa.Nkho.n me.n chhaa gaye

duniyaa hii se gayaa mai.n jo nahii.n naaz se kahaa
ab bhii gumaan-e-bad na gaye tere yaa gaye

ai "Momin" aap kab se hue ba.ndaa-e-butaa.N
baare hamaare ??? me.n hazarat bhii aa gaye

@@@@@@@@@@@@@@@@@@@@@@@@@@@@@@@@@@@@@@@@@@@

Thaanii thii dil me.n ab na mile.nge kisii se ham
par kyaa kare ke ho gaye naachaar jii se ham

ham se na bolo tum ise kyaa kahate hai.n bhalaa
insaaf kiije puuchhate hai.n aap hii se ham

kyaa gul khilegaa dekhiye hai fasl-e-gul to duur
aur suu-e-dasht bhaagate hai.n kuchh abhii se ham

kyaa dil ko le gayaa ko_ii begaanaa aashnaa
kyuu.N apane jii ko lagate hai.n kuchh ajanabii se ham

@@@@@@@@@@@@@@@@@@@@@@@@@@@@@@@@@@@@@@@@@@@

vo jo ham me.n tum me.n qaraar thaa tumhe.n yaad ho ke na yaad ho
vahii yaanii vaadaa nibaah kaa tumhe.n yaad ho ke na yaad ho

vo naye gile vo shikaayate.n vo maze maze kii hikaayate.n
vo har ek baat pe ruuThanaa tumhe.n yaad ho ke na yaad ho

ko_ii baat aisii agar hu_ii jo tumhaare jii ko burii lagii
to bayaa.N se pahale hii bhuulanaa tumhe.n yaad ho ke na yaad ho

suno zikr hai ka_ii saal kaa, ko_ii vaadaa mujh se thaa aap kaa
vo nibaahane kaa to zikr kyaa, tumhe.n yaad ho ke na yaad ho

kabhii ham me.n tum me.n bhii chaah thii, kabhii ham se tum se bhii raah thii
kabhii ham bhii tum bhii the aashnaa, tumhe.n yaad ho ke na yaad ho

hue ittefaaq se gar baham, vo vafaa jataane ko dam-ba-dam
gilaa-e-malaamat-e-arqabaa, tumhe.n yaad ho ke na yaad ho

vo jo lutf mujh pe the beshtar, vo karam ke haath mere haath par
mujhe sab hai.n yaad zaraa zaraa, tumhe.n yaad no ki na yaad ho

kabhii baiThe sab hai.n jo ruu-ba-ruu to ishaarato.n hii se guftaguu
vo bayaan shauq kaa baramalaa tumhe.n yaad ho ki na yaad ho

vo biga.Danaa vasl kii raat kaa, vo na maananaa kisii baat kaa
vo nahiii.n nahii.n kii har aan adaa, tumhe.n yaad ho ki na yaad ho

jise aap ginte the aashnaa jise aap kahate the baavafaa
mai.n vahii huu.N "Momin"-e-mubtalaa tumhe.n yaad ho ke na yaad ho
@@@@@@@@@@@@@@@@@@@@@@@@@@@@@@@@@@@@@@@@@@@

Meraj Faizabadi

noreply@blogger.com (SYED ZAKARIYA) — Wed, 27 Oct 2010 17:02:00 +0000

ba.D gayaa thaa pyaas kaa ehasaas dariyaa dekh kar
ham palaT aaye magar paanii ko pyaasaa dekh kar

ham bhii hai.n shaayad kisii bhaTakii huii kashtii ke log
chiikhane lagate hai.n Khvaabo.n me.n jaziiraa dekha kar

jis kii jitanii haisiyat hai usake naam utanaa Khuluus
bhiik dete hai.n yahaa.N ke log kasaa dekh kar

maa.Ngate hai.n bhiik ab apane muhallo.n me.n faqiir
bhuuk bhii muhataat ho jaatii hai khatraa dekh kar

Khud_kushii likhii thii ek bevaa ke chehare par magar
phir vo zi.ndaa ho gayii bachchaa bilakataa dekh kar

@@@@@@@@@@@@@@@@@@@@@@@@@@@@@@@@@@@@@@@@@@@

beKhvaab sa'ato.n kaa parastaar kaun hai
itanii udaas raat me.n bedaar kaun hai

kis ko ye fiqr ke qabiile ko kyaa huaa
sab is pe la.D rahe hai.n ki saradaar kaun hai

diivaar par sajaa to diye baaGiyo.n ke sar
ab ye bhii dekh lo ki pas-e-diivaar kaun hai

sab kashtiyaa.N jalaa ke chale saahilo.n se ham
ab tum se kyaa bataaye.N ke us paar kaun hai

ye faisalaa to shaayad vaqt bhii na kar sake
sach kaun bolataa hai adaakaar kaun hai

@@@@@@@@@@@@@@@@@@@@@@@@@@@@@@@@@@@@@@@@@@@

charaaG apane thakan kii koii safaa_ii na de
vo tiiragii hai ke ab Khvaab tak dhikhaa_ii na de

bahut sataate hai.n rishte jo TuuT jaate hai.n
Khudaa kisii ko bhii taufiiq-e-aashanaa_ii na de

mai.n saarii umr a.Ndhero.n me.n kaaT sakataa huu.N
mere diyo.n ko magar raushanii paraa_ii na de

agar yahii terii duniyaa kaa haal hai maalik
to merii qaid bhalii hai mujhe rihaa_ii na de

duaa ye maa.Ngii hai sahame hue mu'arrik ne
ke ab qalam ho Khudaa surKh raushnaa_ii na de

@@@@@@@@@@@@@@@@@@@@@@@@@@@@@@@@@@@@@@@@@@@

ek TuuTii huii za.njiir kii fariyaad hai.n ham
aur duniyaa ye samajhatii hai ke aazaad hai.n ham

kyo.n hame.n log samajhate hai.n yahaa.N paradesii
ik muddat se isii shahar me.n aabaad hai.n ham

kaahe kaa tark-e-vatan kaahe kii hijaarat baabaa
isii dhartii kii isii desh kii aulaad hai.n ham

ham bhii taamiir-e-vatan me.n hai.n baraabar ke shariik
dar-o-diivaar agar tum ho to buniyaad hai.n ham

ham ko is daur-e-taraqqii ne diyaa kyaa "Meraj"
kal bhii barbaad the aur aaj bhii barbaad hai.n ham

@@@@@@@@@@@@@@@@@@@@@@@@@@@@@@@@@@@@@@@@@@@

ham Gazal me.n teraa charchaa nahii.n hone dete
terii yaado.n ko bhii rusavaa nahii.n hone dete

kuchh to ham Khud bhii nahii.n chaahate shoharat apanii
aur kuchh log bhii aisaa nahii.n hone dete

azamate.n apane charaaGo.n kii bachaane ke liye
ham kisii ghar me.n ujaalaa nahii.n hone dete

mujhako thakane nahii.n detaa ye zarort kaa pahaa.D
mere bachche mujhe buu.Dhaa nahii.n hone dete

@@@@@@@@@@@@@@@@@@@@@@@@@@@@@@@@@@@@@@@@@@@

sar jo mahafuuz ho.n unake, to ridaa bhii maa.Nge.n
haath uThaane kii sakat ho to duaa bhii maa.Nge.n

abhii zaKhmo.n kii numaa_ish kaa hai i.nsaan kaa vajuud
jism ko jism banaale.n to qaabaa bhii maa.Nge.n

ai ke tu tiiragii-e-shab, ke hamarii umiid
koii dahaliiz ataa kar to diyaa bhii maa.Nge.n

maut se bhii koii umiid nahii.n hai "Meraj"
ham jo zi.ndaa ho.n to marane kii duaa bhii maa.Nge.n

@@@@@@@@@@@@@@@@@@@@@@@@@@@@@@@@@@@@@@@@@@@

taviil sadiyo.n ke besadaa ma.nzaro.n se puuchho
merii tabaahii kii daastaa.N pattharo.n se puuchho

tumhaare mahalo.n kii shaan-o-shaukat bhii aarazii hai.n
hamaare maazii kaa kyaa huaa, maqabaro.n se puuchho

zaruurato.n ne zubaa.N par pahare biThaa diye hai.n
jo ham pe guzarii hamaare uja.De gharo.n se puuchho

@@@@@@@@@@@@@@@@@@@@@@@@@@@@@@@@@@@@@@@@@@@

tere baare me.n jab sochaa nahii.n thaa
mai.n tanhaa thaa magar itanaa nahii.n thaa

terii tasviir se karataa thaa baate.n
mere kamare me.n aa_iinaa nahii.n thaa

sama.ndar ne mujhe pyaasaa hii rakhaa
mai.n jab seharaa me.n thaa pyasaa nahii.n thaa

manaane-ruuThane ke khel me.n ham
bichha.D jaaye.nge ye sochaa nahii.n thaa

sunaa hai band kar li us ne aa.Nkhe.n
ka_ii raato.n se vo soyaa nahii.n thaa
@@@@@@@@@@@@@@@@@@@@@@@@@@@@@@@@@@@@@@@@@@@

Meer Taqi Meer

noreply@blogger.com (SYED ZAKARIYA) — Wed, 27 Oct 2010 16:14:00 +0000

aa jaaye.n ham nazar jo koii dam bahut hai yaa.N
mohalat basaa.N-e-barq-o-sharaar kam bahut hai yaa.N

yak lahazaa siinaa kobii se furasat hame.n nahii.n
yaani ki dil ke jaane kaa maatam bahut hai yaa.N

ham raharavaa.N-e-raah-e-fanaa der rah chuke
vaqfaa basaa.N-e-sub_h koii dam bahut hai yaa.N

haasil hai kyaa sivaaye tarai ke dahar me.n
uTh aasmaa.N tale se ke shabanam bahut hai yaa.N

is butakade me.n maanii kaa kis se kare.n savaal
aadam nahii.n suurat-e-adam bahur hai yaa.N

ajaaz-e-isavii se nahii.n bahas ishq me.n
terii hii baat jaan-e-mujassim bahut hai yaa.N

mere hilaak karane kaa Gam hai abas tumhe.n
tum shaad zi.ndagaanii karo Gam bahut hai yaa.N

shaayad ke kaam sub_h tak apanaa khi.nche na 'Meer'
ahavaal aaj shaam se daraham bahut hai yaa.N

@@@@@@@@@@@@@@@@@@@@@@@@@@@@@@@@@@@@@@@@@@@

aa.Nkho.n me.n jii meraa hai idhar yaar dekhanaa
aashiq kaa apane aaKharii diidaar dekhanaa

kaisaa chaman ke ham se asiiro.n ko manaa hai
chaak-e-qafas se baaG kii diivaar dekhanaa

aa.Nkhe.n churaaiio na Tuk abr-e-bahaar se
merii taraf bhii diidah-e-Khuu.N_baar dekhanaa

ae ham-safar na aable ko pahu.Nche chashm-e-tar
lagaa hai mere paao.n me.n aa Khaar dekhanaa

honaa na chaar chashm dik uss zulm-paishaah se
hoshiyaar ziinhaar Khabardaar dekhanaa

sayyad dil hai daaG-e-judaaii se rashk-e-baaG
tujh ko bhii ho nasiib ye gulazaar dekhanaa

gar zam_zamaa yahii hai koii din to ham-safiir
is fasl hii me.n ham ko giriftaar dekhanaa

bul-bul hamaare gul pe na gustaaKh kar nazar
ho jaayegaa gale kaa kahii.n haar dekhanaa

shaayad hamaarii Khaak se kuchh ho bhii ae nasiim
Girbaal kar ke kuuchaa-e-dildaar dekhanaa

us Khush-nigaah ke ishq se parahez kiijio 'Meer'
jaataa hai leke jii hii ye aazaar dekhanaa

@@@@@@@@@@@@@@@@@@@@@@@@@@@@@@@@@@@@@@@@@@@

aarazuue.n hazaar rakhate hai.n
to bhii ham dil ko maar rakhate hai.n

barq kam hausalaa hai ham bhii to
dil ek beqaraar rakhate hai.n

Gair hai muuraad-e-inaayat haa_e
ham bhii to tum se pyaar rakhate hai.n

na nigaah na payaam na vaadaa
naam ko ham bhii yaar rakhate hai.n

ham se Khush zam-zamaa kahaa.N yuu.N to
lab-o-lahajaa hazaar rakhate hai.n

chhoTe dil ke hai.n butaa.N mashhuur
bas yahii aitabaar rakhate hai.n

phir bhii karate hai.n "Meer" saahib ishq
hai.n javaa.N iKhtiyaar rakhate hai.n

@@@@@@@@@@@@@@@@@@@@@@@@@@@@@@@@@@@@@@@@@@@

ab jo ik hasrat-e-javaanii hai
umr-e-raftaa kii ye nishaanii hai

Khaak thii maujazan jahaa.N me.n, aur
ham ko dhokaa ye thaa ke paanii hai

giriyaa har vaqt kaa nahii.n behech
dil me.n ko_ii Gam-e-nihaanii hai

ham qafas zaad qaidii hai.n varanaa
taa chaman parafashaanii hai

yaa.N huye 'Meer' ham baraabar-e-Khaak
vaa.N vahii naaz-o-sargiraanii hai

@@@@@@@@@@@@@@@@@@@@@@@@@@@@@@@@@@@@@@@@@@@

a.ndoh se hu_ii na rihaa_ii tamaam shab
mujh dil-jale ko nii.nd na aa_ii tamaam shab

chamak chalii ga_ii thii sitaaro.n kii subah tak
kii aasmaa.N se diidaa-baraa_ii tamaam shab

jab mai.n ne shuruu qissaa kiyaa aa.Nkhe.n khol dii.n
yaqiinii thii mujh ko chashm-numaa_ii tamaam shab

vaqt-e-siyaah ne der me.n kal yaavarii sii kii
thii dushmano.n se in kii la.Daa_ii tamaam shab

taare se terii palako.n pe qatre the ashk ke
de rahe hai.n "Meer" dikhaa_ii tamaam shab

@@@@@@@@@@@@@@@@@@@@@@@@@@@@@@@@@@@@@@@@@@@

ashk aa.Nkho.n me.n kab nahii.n aataa
lahuu aataa hai jab nahii.n aataa

hosh jaataa nahii.n rahaa lekin
jab vo aataa hai tab nahii.n aataa

dil se ruKhasat huii koii Khvaahish
giriyaa kuchh be-sabab nahii.n aata

ishq kaa hausalaa hai shart varnaa
baat kaa kis ko dhab nahii.n aataa

jii me.n kyaa-kyaa hai apane ae hamdam
har suKhan taa ba-lab nahii.n aataa

@@@@@@@@@@@@@@@@@@@@@@@@@@@@@@@@@@@@@@@@@@@

baarahaa gor dil jhukaa laayaa
ab ke shart-e-wafaa bajaa laayaa

qadar rakhatii na thii mitaa-e-dil
saare aalam ko mai.n dikhaa laayaa

dil ke yak qataraa-e-Khuun nahii.n hai besh
ek aalam ke sar balaa laayaa

sab pe jis baar ne giraanii kii
usako ye naatavaa.N uThaa laayaa

dil mujhe us galii me.n le jaa kar
aur bhii Khaak me.n milaa laayaa

ab to jaate hai.n butakade ae 'Meer'
phir mile.nge agar Khudaa laayaa

@@@@@@@@@@@@@@@@@@@@@@@@@@@@@@@@@@@@@@@@@@@
baat kyaa aadamii kii ban aaii
aasmaa.N se zamiin napavaaii

charakh zan usake vaaste hai madaam
ho gayaa din tamaam raat aaii

maah-o-Khurshiid-o-baad sabhii
usakii Khaatir hue hai.n saudaaii

kaise kaise kiye taraddad jab
rang rang usako chiiz pahu.Nchaaii

usako tarajah sab ke upar de
lutf-e-Haq ne kii izzat afazaaii

hairat aatii hai usakii baate.n dekh
Khud saarii Khud sataaii Khud raaii

shukr ke sajdo.n me.n ye vaajib thaa
ye bhii karataa sajdaa jabii.n saaii

so to usakii tabiiyat-e-sarkash
sar na laaii faro ke tuk laaii

'Meer' naa chiiz musht-e-Khaak Allaah
un ne ye kibariyaa kahaa.N paaii

@@@@@@@@@@@@@@@@@@@@@@@@@@@@@@@@@@@@@@@@@@@
ba-rang-e-buu-e-gul, is baaG ke ham aashnaa hote
ki ham-raah-e-sabaa Tuk sair karate, aur havaa hote

saraapaa aarazuu hone ne ba.ndaa kar diyaa hamako
vagaranaa ham Khudaa the, gar dil-e-bemudda_aa hote

falak, ai kaash! hamako Khaak hii rakhataa, ki us me.n ham
Gubaar-e-raah hote yaa kisii kii Khaak-e-paa hote

ilaahii kaise hote hai.n ji.nhe.n hai ba.ndagii Khvaahish
hame.n to sharm daaman-gaar hotii hai, Khudaa hote

kahe.n jo kuchh malaamatagaar, bajaa hai 'Meer' kyaa jaane
u.nhe.n maaluum tab hotaa, ki vaise se judaa hote

@@@@@@@@@@@@@@@@@@@@@@@@@@@@@@@@@@@@@@@@@@@
be-Khudii le gaii kahaa.N ham ko
der se intazaar hai apanaa

rote phirate hai.n saarii-saarii raat
ab yahii rozagaar hai apanaa

de ke dil ham jo ho gae majabuur
is me.n kyaa iKhtiyaar hai apanaa

kuchh nahii.n ham misaal-e-anqaa lek
shahar-shahar ishtahaar hai apanaa

jis ko tum aasmaan kahate ho
so dilo.n kaa Gubaar hai apanaa

@@@@@@@@@@@@@@@@@@@@@@@@@@@@@@@@@@@@@@@@@@@
chalate ho to chaman ko chaliye
kahatae hai.n ki bahaaraa.N hai

paat hare hai.n phuul khile hai.n
kam kam baad-o-baaraa.N hai

aage maiKhaane ko nikalo
ahad-e-baadaa guzaaraa.N hai

lohu-paanii ek kare ye
ishq-e-laalaa_azaaraa.N hai

ishq me.n hamako "Mee" nihaayat
paas-e-izzat-daataa.N hai

@@@@@@@@@@@@@@@@@@@@@@@@@@@@@@@@@@@@@@@@@@@
dam-e-subah bazm-e-Khush jahaa.N shab-e-Gam se kam na thii meharabaa.N
ki chiraaG thaa so to duud thaa jo pata.ng thaa so Gubaar thaa

dil-e-Khastaa jo lahuu ho gayaa to bhalaa huaa ki kahaa.N talak
kabhii soz-e-siinaa se daaG thaa kabhuu dard-o-Gam se fiGaar thaa

dil-e-muzatarib se guzar gaii shab-e-wasl apanii hii fikr me.n
na dimaaG thaa na faraaG thaa na shakeb thaa na qaraar thaa

ye tumhaarii in dino.n dostaa.N mizhGaa.N jis ke Gam me.n hai Khuu.N-chakaa.N
wahii aafat-e-dil-e-aashiqaa.N kisu waqt hamase bhii yaar thaa

kabhuu jaayegii udhar sabaa to ye kahiyo us se ki bewafaa
magar ek "Meer"-e-shikastaa-paa tere baaG-e-taazaa me.n Khaar thaa

@@@@@@@@@@@@@@@@@@@@@@@@@@@@@@@@@@@@@@@@@@@
dekh to dil ki jaa.N se uThataa hai
ye dhuaa.N saa kahaa.N se uThataa hai

gor kis dil-jale kii hai ye falak
sholaa ik subah yaa.N se uThataa hai

Khaana-e-dil se zi.nhaar na jaa
koii aise makaa.N se uThataa hai

naalaa sar khe.nchataa hai jab meraa
shor ek aasmaa.N se uThataa hai

la.Datii hai us kii chashm-e-shoKh jahaa.N
ek aashob waa.N se uThataa hai

sudh le ghar kii bhii shola-e-aawaaz
duud kuchh aashiyaa.N se uThataa hai

baiThane kaun de hai phir us ko
jo tere aastaa.N se uThataa hai

yuu.N uThe aah us galii se ham
jaise koii jahaa.N se uThataa hai

ishq ik 'Meer' bhaarii paththar hai
bojh kab naatavaa.N se uThataa hai

@@@@@@@@@@@@@@@@@@@@@@@@@@@@@@@@@@@@@@@@@@@
dil-e-pur_Khuu.N kii ik gulaabii se
umr bhar ham rahe sharaabii se

dil dahal jaaye hai sahar se aah
raat guzaregii kis Kharaabii se

khilanaa kam kam kalii ne siikhaa hai
us kii aa.Nkho.n kii niim_Khvaabii se

kaam the ishq me.n bahut se 'Meer'
ham hii faariG hue shitaabii se

@@@@@@@@@@@@@@@@@@@@@@@@@@@@@@@@@@@@@@@@@@@
dil kii baat kahii nahii.n jaatii, chup ke rahanaa Thaanaa hai
haal agar hai aisaa hii to jii se jaanaa jaanaa hai

surKh kabhuu hai aa.Nsuu hoke zard kabhuu hai muu.Nh meraa
kyaa kyaa rang mohabbat ke hai.n, ye bhii ek zamaanaa hai

fursat hai yaa.n kam rahane kii, baat nahii.n kuchh kahane kii
aa.Nkhe.n khol ke kaan jo khole bazm-e-jahaa.n afsaanaa hai

teG tale hii us ke kyuu.N naa gardan Daal ke jaa baiThe.n
sar to aaKhir_kaar hame.n bhii haath kii or jhukaanaa hai

@@@@@@@@@@@@@@@@@@@@@@@@@@@@@@@@@@@@@@@@@@@
dil se shauq-e-ruKh-e-niko na gayaa
jha.Nkanaa taakanaa kabhu na gayaa

har qadam par thii us kii ma.nzil lek
sar se saudaa-e-justajuu na gayaa

sab gaye hosh-o-sabr-o-taab-o-tavaa.N
lekin ai daaG dil se tu na gayaa

ham Khudaa ke kabhii qaayal to na the
un ko dekhaa to Khudaa yaad aa gayaa

dil me.n kitane masaude the vale
ek pesh us ke ruu-ba-ruu na gayaa

subaah gardaan hii 'Meer' ham to rahe
dast-e-kotaah taa sabuu na gayaa

@@@@@@@@@@@@@@@@@@@@@@@@@@@@@@@@@@@@@@@@@@@
dushmani hamase kii zamaane ne
jo jafaakaar tujhasaa yaar kiyaa

ye tavaahum kaa kaaraKhaanaa hai
yaa.N vahii hai jo aitabaar kiyaa

ham faqiiro.n se be-adaa_ii kyaa
aan baiThe jo tumane pyaar kiyaa

sad rag-e-jaa.N ko taab de baaham
terii zulfo.n kaa ek taar kiyaa

saKht kaafir thaa jisane pahale "Meer"
mazahab-e-ishq iKhtiyaar kiyaa

@@@@@@@@@@@@@@@@@@@@@@@@@@@@@@@@@@@@@@@@@@@
faqiraana aaye sadaa kar chale
miyaa.N Khush raho ham duaa kar chale

jo tujh bin na jiine ko kahate the ham
so is ahd ko ab wafaa kar chale

koii naa-ummiidaana karate nigaah
so tum ham se muu.Nh bhii chhipaa kar chale

bahot aarazuu thii galii kii terii
so yaa.N se lahu me.n nahaa kar chale

dikhaaii diye yuu.N ki beKhud kiyaa
hame.n aap se bhii judaa kar chale

jabii.n sajadaa karate hii karate gaii
haq-e-ba.ndagii ham adaa kar chale

parastish kii yaa.N taiin ki ayei but tujhe
nazar me.n sabo.n kii Khudaa kar chale

gaii umr dar ba.nd-e-fikr-e-Gazal
so is fan ko aisas ba.Daa kar chale

kahe.n kyaa jo puuchhe koii ham se "Meer"
jahaa.N me.n tum aaye the, kyaa kar chale

@@@@@@@@@@@@@@@@@@@@@@@@@@@@@@@@@@@@@@@@@@@
Gam rahaa jab tak ki dam me.n dam rahaa
dil ke jaane kaa nihaayat Gam rahaa

husn thaa teraa bahot aalam fareb
Khat ke aane par bhii ik aalam rahaa

mere rone kii haqiiqat jis me.n thii
ek muddat tak vo kaaGaz nam rahaa

jaamaa-e-eharaam-e-zaahid par na jaa
thaa haram me.n lekin naa-maharam rahaa

@@@@@@@@@@@@@@@@@@@@@@@@@@@@@@@@@@@@@@@@@@@
gul ko mahabuub me.n qayaas kiyaa
farq nikalaa bahot jo baas kiyaa

dil ne ham ko misaal-e-aaiinaa
ek aalam se ruu-shinaas kiyaa

kuchh nahii.n suujhataa hame.n us bin
shauq ne ham ko be-havaas kiyaa

subah tak shamaa sar ko Dhu.NDhatii rahii
kyaa pata.nge ne iltemaas kiyaa

aise vahaashii kahaa.N hai.n ae Khubaa.N
'Meer' ko tum ne abas udaas kiyaa

@@@@@@@@@@@@@@@@@@@@@@@@@@@@@@@@@@@@@@@@@@@
hastii apanii hubaab kii sii hai
ye numaaish saraab kii sii hai

naazukii us ke lab kii kyaa kahiye
pa.nkha.Dii ik gulaab kii sii hai

baar baar us ke dar pe jaataa huu.N
haalaat ab iztiraab kii sii hai

mai.n jo bolaa kahaa ke ye aawaaz
usii Khaaana-Kharaab kii sii hai

'Meer' un niim-baaz aa.Nkho.n me.n
saarii mastii sharaab kii sii hai

@@@@@@@@@@@@@@@@@@@@@@@@@@@@@@@@@@@@@@@@@@@
hotii hai agarche kahane se yaaro.n paraaii baat
par ham se to thamii na kabhuu muu.Nh pe aaii baat

kahate the us se milate to kyaa-kyaa na kahate lek
vo aa gayaa to saamane us ke na aaii baat

bul-bul ke bolane me.n sab a.ndaaz hai.n mere
poshiidaa kyaa rahii hai kisu kii u.Daaii baat

ik din kahaa thaa ye ke Khaamoshii me.n hai vaqaar
so mujh se hii suKhan nahii.n mai.n jo bataaii baat

ab mujh zaif-o-zaar ko mat kuchh kahaa karo
jaatii nahii.n hai mujh se kisu kii uThaaii baat

@@@@@@@@@@@@@@@@@@@@@@@@@@@@@@@@@@@@@@@@@@@
ibtidaa-e-ishq hai rotaa hai kyaa
aage aage dekhiye hotaa hai kyaa

qaafile me.n subah ke ik shor hai
yaani Gaafil ham chale sotaa hai kyaa

sabz hotii hii nahii.n ye sar_zamii.n
tuKhm-e-Khvaahish dil me.n tuu botaa hai kyaa

ye nishaan-e-ishq hai.n jaate nahii.n
daaG chhaatii ke abas dhotaa hai kyaa

Gairat-e-yusuf hai ye vaqt-e-aziiz
'Meer' is ko raayegaa.N khotaa hai kyaa

@@@@@@@@@@@@@@@@@@@@@@@@@@@@@@@@@@@@@@@@@@@
idhar se abr uThakar jo gayaa hai
hamaarii Khaak par bhii ro gayaa hai

masaaib aur the par dil kaa jaanaa
ajab ik saanihaa saa ho gayaa hai

muqaamir-Khaanaa-e-aafaaq wo hai
ke jo aayaa hai yaa.N kuchh kho gayaa hai

sarahaane 'Meer' ke aahistaa bolo
abhii Tuk rote rote so gayaa hai

@@@@@@@@@@@@@@@@@@@@@@@@@@@@@@@@@@@@@@@@@@@
is ahad me.n ilaahii mohabbat ko kyaa huaa
chho.Daa vafaa ko unne muravvat ko kyaa huaa

ummiid_vaar vaadaa-e-diidaar mar chale
aate hii aate yaaro.n qayaamat ko kyaa huaa

bakshish ne mujh ko abr-e-karam kii kiyaa Khijal
ae chashm-e-josh ashk-e-nadaamat ko kyaa huaa

jaataa hai yaar teG bakaf Gair kii taraf
ae kushtaa-e-sitam terii Gairat ko kyaa huaa

@@@@@@@@@@@@@@@@@@@@@@@@@@@@@@@@@@@@@@@@@@@

ishq me.n jii ko sabr-o-taab kahaa.N
us se aa.Nkhe.n lagii.n to Khvaab kahaa.N

bekalii dil hii kii tamaashaa hai
barq me.n aise izteraab kahaa.N

hastii apanii hai biichh me.n pardaa
ham na hove.n to phir hijaab kahaa.N

giriyaa-e-shab se surKh hai.n aa.Nkhe.n
mujh balaa nosh ko sharaab kahaa.N

ishq hai aashiqo.n ko jalane ko
ye jahannum me.n hai azaab kahaa.N

mahv hai.n is kitaabii chehare ke
aashiqo.n ko sar-e-kitaab kahaa.N

ishq kaa ghar hai 'Meer' se aabaad
aise phir Khaanaamaa.N_Kharaab kahaa.N

@@@@@@@@@@@@@@@@@@@@@@@@@@@@@@@@@@@@@@@@@@@
jiite-jii kuuchaa-e-dildaar se jaayaa na gayaa
us kii diivaar kaa sar se mere saayaa na gayaa

dil ke taaii.n aatish-e-hijraa.N se bachaayaa na gayaa
ghar jalaa saamane par ham se bujhaayaa na gayaa

kyaa tunak hausalaa the diidaa-o-dil apane aah
ek dam raaz mohabbat kaa chhupaayaa na gayaa

dil jo diidaar kaa qaayel kii bahot bhuukaa thaa
is sitam-kushtaa se yak zaKhm bhii khaayaa na gayaa

shahar-e-dil aah ajab jaaye thii par uske gaye
aisaa uja.Daa ki kisii tarah basaayaa na gayaa

@@@@@@@@@@@@@@@@@@@@@@@@@@@@@@@@@@@@@@@@@@@
jis sar ko Garuur aaj hai yaa.N taajavarii kaa
kal us pe yahii.n shor hai phir nauhaagarii kaa

aafaaq kii ma.nzil se gayaa kaun salaamat
asabaab luTaa raah me.n yaa.N har safarii kaa

zi.ndaa.N me.n bhii shorish na ga_ii apane junuu.N kii
ab sang madaavaa hai is aashuftaasarii kaa

har zaKhm-e-jigar daavar-e-mahashar se hamaaraa
i.nsaaf talab hai terii bedaadagarii kaa

is rang se jhamake hai palak par ke kahe tuu
Tukaraa hai meraa ashk aqiiq-e-jigarii kaa

le saa.Ns bhii naazuk ke aahistaa hai bahut kaam
aafaaq kii is kaaragah-e-shiishaagarii kaa

Tuk miir-e-jigar-soKhtaa kii jald Khabar le
kyaa yaar bharosaa hai chiraaG-e-saharii kaa

@@@@@@@@@@@@@@@@@@@@@@@@@@@@@@@@@@@@@@@@@@@
jo is shor se 'Meer' rotaa rahegaa
to ham-saayaa kaahe ko sotaa rahegaa

mai.n vo ronewaalaa jahaa.N se chalaa huu.N
jise abr har saal rotaa rahegaa

mujhe kaam rone se hardam hai naasih
tuu kab tak mere muu.Nh ko dhotaa rahegaa

base giriyaa aa.Nkhe.n terii kyaa nahii.n hai.n
jahaa.N ko kahaa.N tak Dubotaa rahegaa

mere dil ne vo naalaa paidaa kiyaa hai
jaras ke bhii jo hosh khotaa rahegaa

tuu yuu.N gaaliyaa.N Gair ko shauq se de
hame.n kuchh kahegaa to hotaa rahegaa

bas ae 'Meer' mizhGaa.N se po.nchh aa.Nsuo.n ko
tuu kab tak ye motii pirotaa rahegaa

@@@@@@@@@@@@@@@@@@@@@@@@@@@@@@@@@@@@@@@@@@@
jo tuu hii sanam ham se bezaar hogaa
to jiinaa hame.n apanaa dushawaar hogaa

Gam-e-hijr rakhegaa betaab dil ko
hame.n ku.Dhate-ku.Dhate kuchh aazaar hogaa

jo afraat-e-ulfat hai aisaa to aashiq
koii din me.n baraso.n kaa bimaar hogaa

uchaTatii mulaaqaat kab tak rahegii
kabhuu to tah-e-dil se bhii yaar hogaa

tujhe dekh kar lag gayaa dil na jaanaa
ke is sangdil se hame.n pyaar hogaa

@@@@@@@@@@@@@@@@@@@@@@@@@@@@@@@@@@@@@@@@@@@

kaabe me.n jaa.N_balab the ham duurii-e-butaa.N se
aaye hai.n phir ke yaaro.n ab ke Khudaa ke yaa.N se

jab kau.ndhatii hai bijalii tab jaanib-e-gulistaa.N
rakhatii hai chhe.D mere Khaashaak-e-aashiyaa.N se

kyaa Khuubii us ke muu.Nh kii ae Gunchaa naql kariye
tuu to na bol zaalim buu aatii hai vahaa.N se

Khaamoshii me.n hii ham ne dekhii hai masalahat ab
har ik se haal dil kaa muddat kahaa zabaaN se

itanii bhii bad mizaajii har lahazaa 'Meer tum ko
ulajhaav hai zamiin se, jhaga.Daa hai aasmaa.N se

@@@@@@@@@@@@@@@@@@@@@@@@@@@@@@@@@@@@@@@@@@@
koft se jaan lab par aaii hai
ham ne kyaa choT dil pe khaaii hai

likhate ruqaa, likh gae daftar
shauq ne baat kyaa ba.Daaii hai

diidanii hai shikasgii dil kii
kyaa imaarat Gamo.n ne Dhaaii hai

hai tasannaa ke laal hai.n vo lab
yaani ik baat sii babaaii hai

dil se nazadiik aur itanaa duur
kis se usako aashnaaii hai

jis marz me.n ke jaan jaatii hai
dilabaro.n kii vo judaaii hai

yaa.N hue Khaak se baraabar ham
vaa.N vahii naaz-e-Khud_numaaii hai

marg-e-majanuu.N pe aql gum hai 'Meer'
kyaa diivaane ne maut paaii hai

@@@@@@@@@@@@@@@@@@@@@@@@@@@@@@@@@@@@@@@@@@@
kyaa kahuu.N tum se mai.n ke kyaa hai ishq
jaa.N kaa rog hai, balaa hai ishq

ishq hii ishq hai jahaa.N dekho
saare aalam me.n bhar rahaa hai ishq

ishq maashuuq ishq aashiq hai
yaani apanaa hii mubtalaa hai ishq

ishq hai tarz-o-taur ishq ke taaiin
kahii.n ba.ndaa kahii.n Khudaa hai ishq

kaun maqsad ko ishq bin pahu.Nchaa
aarazuu ishq vaa muddaa hai ishq

koyii Khvaahan nahii.n mohabbat kaa
tuu kahe jins-e-naarawaa hai ishq

Meerji zard hote jaate hai.n
kyaa kahii.n tum ne bhii kiyaa hai ishq?

@@@@@@@@@@@@@@@@@@@@@@@@@@@@@@@@@@@@@@@@@@@

maani.nd-e-shamaa majalis-e-shab ashkabaar paayaa
al qissaa 'Meer ko hamane beiKhtiyaar paayaa

shahar-e-dil ek muddat uja.Daa basaa Gamo.n me.n
aaKhir ujaa.D denaa usakaa qaraar paayaa

itanaa na dil se milate na dil ko kho ke rahate
jaisaa kiyaa thaa hamane vaisaa hii yaar paayaa

kyaa aitabaar yaa.N kaa phir us ko Khvaar dekhaa
jisane jahaa.N me.n aakar kuchh aitabaar paayaa

aaho.n ke shole jis jaa.N uThe hai.n 'Meer' se shab
vaa.N jaa ke subah dekhaa musht-e-Gubaar paayaa

@@@@@@@@@@@@@@@@@@@@@@@@@@@@@@@@@@@@@@@@@@@
mahar kii tujhase tavaqqo thii sitamagar nikalaa
mom samajahe the tere dil ko so paththar nikalaa

daaG huu.N rashk-e-mohabbat se ke itanaa betaab
kis kii taskii.n ke liye ghar se tuu baahar nikalaa

jiite jii aah tere kuuche se koii na phiraa
jo sitamadiidaa rahaa jaake so mar kar nikalaa

dil kii aabaadii ki is had hai Kharaabii ke na puuchh
jaanaa jaataa hai ki is raah se lashkar nikalaa

ashk-e-tar, qataraa-e-Khuun, laKht-e-jigar, paaraa-e-dil
ek se ek aduu aa.Nkh se bahatar nikalaa

ham ne jaanaa thaa likhegaa tuu koii harf ae 'Meer'
par teraa naamaa to ek shauq kaa daftar nikalaa

@@@@@@@@@@@@@@@@@@@@@@@@@@@@@@@@@@@@@@@@@@@
'Mir' dariyaa hai, sune sher zabaanii us kii
allaah allaah re tabiyat kii ravaanii us kii

mi.nh to bochhaa.D kaa dekhaa hai barasate tumane
isii a.ndaaz se thii ashk-fishaanii us kii

baat kii tarz ko dekho to ko_ii jaduu thaa
par milii Khaak me.n sab sahar bayaanii us kii

marsi-e-dil ke ka_ii kah ke diye logo.n ne
shahar-e-dillii me.n hai sab paas nishaanii us kii

ab gaye us ke jo afasos nahii.n kuchh haasil
haif sad haif ki kuchh qadr na jaanii us kii

@@@@@@@@@@@@@@@@@@@@@@@@@@@@@@@@@@@@@@@@@@@
mere sang-e-mazaar par Farahaad
rakh ke teshaa kahe hai 'yaa ustaad'

ham se bin marg kyaa judaa ho malaal
jaan ke saath hai dil-e-naashaad

fikr-e-taamiir me.n na rah muniim
zindagii kii kuchh bhii hai buniyaad

Khaak bhii sar pe Daalane ko nahii.n
kis Kharaabe me.n ham huye aabaad

sunate ho tuk suno ki phir mujh baad
na sunoge ye naalaa-o-fariyaad

har taraf hai.n asiir ham-aavaaz
baaG hai ghar teraa to ai sayyaad

ham ko maranaa ye hai ke kab hove
apanii qaid-e-hayaat se aazaad

@@@@@@@@@@@@@@@@@@@@@@@@@@@@@@@@@@@@@@@@@@@
milo in dino.n hamase ik raat jaanii
kahaa.N ham, kahaa.N tum, kahaa.N phir javaanii

shikaayat karuu.N huu.N to sone lage hai
merii sar-guzisht ab huii hai kahaanii

adaa khii.nch sakataa hai bahazaad us kii
khii.nche suurat aisii to ye hamane maanii
<> mulaaqaat hotii hai to hai kash-ma-kash se
yahii ham se hai jab na tab khii.nchaa taanii

@@@@@@@@@@@@@@@@@@@@@@@@@@@@@@@@@@@@@@@@@@@
muu.Nh takaa hii kare hai jis-tis kaa
hairatii hai ye aaiinaa kis kaa

shaam se bujhaa bujhaa saa rahataa hai
dil huaa hai chiraaG muflis kaa

the bure muGabacho.n ke tevar lek
shaiKh maiKhaane se bhalaa khisakaa

faiz-e-abr chashm-e-tar se uThaa
aaj daaman vasii hai is kaa

taab kis ko jo haal-e-'Meer' sune
haal hii aur kuchh hai majalis kaa

@@@@@@@@@@@@@@@@@@@@@@@@@@@@@@@@@@@@@@@@@@@

na sochaa na samajhaa na siikhaa na jaanaa
mujhe aa gayaa Khud_ba_Khud dil lagaanaa

zaraa dekh kar apanaa jalwaa dikhaanaa
simaT kar yahii.n aa na jaaye zamaanaa

zubaa.N par lagii hai.n wafaao.n ki muhare.n
Khamoshii merii kah rahii hai fasaanaa

gulo.n tak lagaayii to aasaa.N hai lekin
hai dushwaar kaa.NTo.n se daaman bachaanaa

karo laakh tum maatam-e-naujavaanii
pa 'mir' ab nahii.n aayegaa woh zamaanaa

@@@@@@@@@@@@@@@@@@@@@@@@@@@@@@@@@@@@@@@@@@@

pattaa-pattaa buuTaa-buuTaa haal hamaaraa jaane hai
jaane na jaane gul hii na jaane, baaG to saaraa jaane hai

lagane na de bas ho to us ke gauhar-e-gosh ke baale tak
us ko falak chashm-e-mai-o-Khor kii titalii kaa taaraa jaane hai

aage us mutaqabbar ke ham Khudaa Khudaa kiyaa karate hai.n
kab maujuud Khudaa ko vo maGaruur Khud-aaraa jaane hai

aashiq saa to saadaa koii aur na hogaa duniyaa me.n
jii ke ziaa.N ko ishq me.n us ke apanaa vaaraa jaane hai

chaaraagarii biimaarii-e-dil kii rasm-e-shahar-e-husn nahii.n
varnaa dilabar-e-naadaa.N bhii is dard kaa chaaraa jaane hai

kyaa hii shikaar-farebii par maGaruur hai vo sayyad bachchaa
ta'er u.Date havaa me.n saare apanii usaaraa jaane hai

mehar-o-vafaa-o-lutf-o-inaayat ek se vaaqif in me.n nahii.n
aur to sab kuchh tanz-o-kanaayaa ramz-o-ishaaraa jaane hai

kyaa kyaa fitane sar par usake laataa hai maashuuq apanaa
jis bedil betaab-o-tavaa.N ko ishq kaa maaraa jaane hai

aashiq to murdaa hai hameshaa jii uThataa hai dekhe use
yaar ke aa jaane ko yakaayak umr do baaraa jaane hai

raKhano.n se diiwaar-e-chaman ke muu.Nh ko le hai chhipaa ya'ani
un suraaKho.n ke Tuk rahane ko sau kaa nazaaraa jaane hai

tashnaa-e-Khuu.N hai apanaa kitanaa 'Mir' bhii naadaa.N talKhiikash
dam_daar aab-e-teG ko us ke aab-e-gavaaraa jaane hai

@@@@@@@@@@@@@@@@@@@@@@@@@@@@@@@@@@@@@@@@@@@

rahii naguftaa mere dil me.n daastaa.N merii
na is dayaar me.n samajhaa ko_ii zabaa.N merii

barang-e-saut-e-jaras tujh se duur huu.N tanahaa
Khabar nahii.n hai tujhe aah kaaravaa.N merii

usii se duur rahaa asl-e-muddaa jo thaa
ga_ii ye umr-e-aziiz aah raayagaa.N merii

tere firaaq me.n jaise Khayaal muflis kaa
ga_ii hai fikr-e-pareshaa.N kahaa.N kahaa.N merii

diyaa dikhaaa_ii mujhe to usii kaa jalvaa "Meer"
pa.Dii jahaa.N me.n jaa kar nazar jahaa.N merii

@@@@@@@@@@@@@@@@@@@@@@@@@@@@@@@@@@@@@@@@@@@

sahar gah-e-iid me.n daur-e-subuu thaa
par apane jaam me.n tujh bin lahuu thaa

jahaa.N pur hai fasaane se hamaare
dimaaG-e-ishq ham ko bhii kabhuu thaa

gul-o-aaiinaa kyaa Khurshiid-o-maah kyaa
jidhar dekhaa udhar teraa hii ruu thaa

@@@@@@@@@@@@@@@@@@@@@@@@@@@@@@@@@@@@@@@@@@@
shab ko wo pii_e sharaab nikalaa
jaanaa ye ki aaftaab nikalaa

qurbaa.N pyaalaa-e-mai-naab
jaise ki teraa hijaab nikalaa

mastii me.n sharaab kii jo dekhaa
aalam ye tamaam Khwaab nikalaa

shaiKh aane ko mai-qade me.n aayaa
par ho ke bahot Kharaab nikalaa

thaa Gairat-e-baadaa aks-e-gul se
jis juu-e-chaman se aab nikalaa

@@@@@@@@@@@@@@@@@@@@@@@@@@@@@@@@@@@@@@@@@@@
shikavaa karuu.N mai.n kab tak us apane meharabaa.N kaa
al-qissaa raftaa raftaa dushman huaa hai jaa.N kaa

dii aag rang-e-gul ne vaa.N ai sabaa chaman ko
yaa.N ham jale qafas me.n sun haal aashiyaa.N kaa

har subah mere sar par ik haadisaa nayaa hai
paiva.nd ho zamii.n kaa, shevaa is aasamaa.N kaa

kam-fursatii jahaa.N ke majmaa kii kuchh na puuchho
ahavaal kyaa kahuu.N mai.n, is majlis-e-ravaa.N kaa

yaa roye, yaa rulaaye, apanii to yuu.N hii guzarii
kyaa zikr ham safiiraan yaaraa.N-e-shaadamaa.N kaa

qaid-e-qafas me.n hai.n to Khidmat hai naaligii kii
gulashan me.n the to ham ko ma.nsab thaa rauzaaKhvaa.N kaa

puuchho to 'Mir' se kyaa ko_ii nazar pa.Daa hai
cheharaa utar rahaa hai kuchh aaj us javaa.N kaa

@@@@@@@@@@@@@@@@@@@@@@@@@@@@@@@@@@@@@@@@@@@
sher ke parde me.n mai.n ne Gam sunaayaa hai bahut
marsiye ne dil ko mere bhii rulaayaa hai bahut

vaadii-o-kohasar me.n rotaa huu.N dhaa.De maar-maar
dilbaraan-e-shahar ne mujh ko sataayaa hai bahut

vaa nahii.n hotaa kisii se dil giriftaa ishq kaa
zaahiraa Gam-gii.n use rahanaa Khush aayaa hai bahut

@@@@@@@@@@@@@@@@@@@@@@@@@@@@@@@@@@@@@@@@@@@
thaa musteaar husn se usake jo nuur thaa
Khurshiid me.n bhii us hii kaa zarraa-e-zahuur thaa

pahu.Nchaa jo aap ko to mai.n pahu.Nchaa Khudaa ke taaiin
maaluum ab huaa ki bahot mai.n bhii duur thaa

kal paa.Nv ek kaasaa-e-sar par jo aa gayaa
yak-sar wo istaKhvaan shikasto.n me.n chuur thaa

kahane lagaa ke dekh ke chal raah be-Khabar
mai.n bhii kabhuu kisuu kaa sar-e-pur-Guruur thaa

thaa vo to rashk-e-huur-e-bahishtii hamii.n me.n 'Meer'
samajhe na ham to feham kaa apane qasuur thaa

@@@@@@@@@@@@@@@@@@@@@@@@@@@@@@@@@@@@@@@@@@@
tum nahii.n fitanaa-saaz sach saahab
shahar pur-shor is Gulaam se hai

koii tujhasaa bhii kaash tujh ko mile
muddaa ham ko intaqaam se hai

sher mere hai.n sab Khvaas pasa.nd
par mujhe guftaguu aavaam se hai

sahal hai 'Meer' kaa samajhanaa kyaa
har suKhan usakaa ik maqaam se hai

@@@@@@@@@@@@@@@@@@@@@@@@@@@@@@@@@@@@@@@@@@@
ulaTii ho gaii.n sab tadabiiren, kuchh na davaa ne kaam kiyaa
dekhaa is biimaarii-e-dil ne aaKhir kaam tamaam kiyaa

ahd-e-javaanii ro-ro kaaTaa, piirii me.n lii.n aa.Nkhe.n muu.Nd
yaani raat bahot the jaage subah huii aaraam kiyaa

naahaq ham majabuuro.n par tohamat hai muKhtaarii kii
chaahate hai.n so aap kare hai.n, hamako abas badanaam kiyaa

sarazad ham se be-adabii to wahashat me.n bhii kam hii huii
koso.n us kii or gae par sajdaa har har gaam kiyaa

aise aaho-eharam-Khurdaa kii wahashat khonii mushkil thii
sihar kiyaa, ijaaz kiyaa, jin logo.n ne tujh ko raam kiyaa

yaa.N ke saped-o-syaah me.n hamako daKhal jo hai so itanaa hai
raat ko ro-ro subah kiyaa, din ko jyo.n-tyo.n shaam kiyaa

'Mir' ke diin-o-mazahab ko ab puuchhate kyaa ho un ne to
qashqaa khii.nchaa, dair me.n baiThaa, kab kaa tark islaam kiyaa

@@@@@@@@@@@@@@@@@@@@@@@@@@@@@@@@@@@@@@@@@@@
yaar bin talKh zi.ndaganii thii
dostii mudda_ii-e-jaanii thii

sheb me.n faayadaa ta'mmul kaa
sochanaa tab thaa hab javaanii thii

mere qisse se sab kii nii.nde.n ga_ii.n
kuchh ajab taur kii kahaanii thii

kuu-e-qaatil se bach ke nikalaa Khizr
isii me.n us kii zi.ndaganii thii

fitr par bhii thaa 'Mir' ke ik rang
kafanii pahanii to zaafaraanii thii

@@@@@@@@@@@@@@@@@@@@@@@@@@@@@@@@@@@@@@@@@@@
yaaro mujhe mu'aaf karo mai.n nashe me.n huu.N
ab do to jaam khaalii hii do mai.n nashe me.n huu.N

maazuur huu.N jo paao.n mere betarah pa.De
tum sar-garaa.N to mujh se na ho mai.n nashe me.n huu.N

yaa haatho.n haath lo mujhe jaise ke jaam-e-may
yaa tho.Dii duur saath chalo mai.n nashe me.n huu.N

@@@@@@@@@@@@@@@@@@@@@@@@@@@@@@@@@@@@@@@@@@@

Manzar Bhopali

noreply@blogger.com (SYED ZAKARIYA) — Wed, 27 Oct 2010 15:40:00 +0000

badalate vaqt kaa ik sil_silaa saa lagataa hai

ke jab bhii dekho use duusaraa-saa lagataa hai

tumhaaraa husn kisii aadamii kaa husn nahii.n

kisii buzurg kii sachchii duaa saa lagataa hai

terii nigaah ko tamiiz rang-o-nuur kahaa.N

mujhe to Khuun bhii rang-e-hinaa saa lagataa hai

damaaG-o-dil ho.n agar mutma_ii.n to chhaao.n hai dhuup

thape.Daa luu kaa bhii ThanDii havaa saa lagataa hai

vo chhat pe aa gayaa betaab ho ke aaKhir

Khudaa bhii aaj shariik-e-duaa saa lagataa hai

tumhaaraa haath jo aayaa hai haath me.n mere

ab aitabaar kaa mausam haraa-saa lagataa hai

nikal ke dekho kabhii nafarato.n ke pinjare se

tamaam shahar kaa "Manzar" khulaa saa lagataa hai

@@@@@@@@@@@@@@@@@@@@@@@@@@@@@@@@@@@@@@@@@@@

dil hai hiire kii kaanii jism gulaabo.n vaalaa

meraa mahabuub hai dar_asl kitaabo.n vaalaa

husn hai rang hai shoKhii hai adaa hai us me.n

ek hii jaam magar kitanii sharaabo.n vaalaa

yaar aa_iinaa huaa karate hai.n yaaro.n ke liye

teraa cheharaa to abhii tak hai naqaabo.n vaalaa

mujh se hogii nahii.n duniyaa ye tijaarat dil kii

mai.n karuu.N kyaa ke meraa zahan hai Khvaabo.n vaalaa

tuu rahegaa na tere zulm rahe.nge baaqii

din to aanaa hai kisii roz hisaabo.n vaalaa

husn-e-bebaak se ho jaatii hai.n aa.Nkhe.n roshan

dil me.n utaraa hai magar ruup hijaabo.n vaalaa

jo nazar aataa hai haasil nahii.n hotaa 'Manzar'

zindagaanii kaa safar bhii hai saraabo.n vaalaa

@@@@@@@@@@@@@@@@@@@@@@@@@@@@@@@@@@@@@@@@@@@

judaa_ii ho ke milan har adaa hamaarii hai

tumhaaraa shahar hai lekin fizaa hamaarii hai

shikaayate.n bhii kare.n ham to kis zabaan se kare.n

Khudaa banaayaa ham ne ye Khataa hamaarii hai

hamaare jism kii uriyaanat pe mat ha.Nsanaa

ke tum jo o.Dhe hue ho vo ridaa hamaarii hai

hamaare saamane zebaa nahii.n Guruur tumhe.n

jahaa.N pe baiThe ho tum vo jagaa hamaarii hai

@@@@@@@@@@@@@@@@@@@@@@@@@@@@@@@@@@@@@@@@@@@

sadaa detii hai Khushbuu chaa.Nd taare bol pa.Date hai.n

nazar jaisii nazar ho to nazaare bol pa.Date hai.n

tumhaari hii nigaaho.n ne kahaa hai ham se ye aksar

tumhaare jism par to rang saare bol pa.Date hai.n

mahak jaate hai.n gul jaise sabaa ke chuum lene se

agar lahare.n muKhaatib ho.n kinaare bol pa.Date hai.n

zabaa.N se baat karane me.n jahaa.N rusvaa_ii hotii hai

vahaa.N Khaamosh aa.Nkho.n ke ishaare bol pa.Date hai.n

chhupaanaa chaahate hai.n un se dil ka haal ham lekin

hamaare aa.Nsuo.n me.n gam hamaare bol pa.Date hai.n

terii paabandiyo.n se ruk nahi.n sakatii.n ye fariyaade.n

agar ham chup rahe.n to zaKhm saare bol pa.Date hai.n

@@@@@@@@@@@@@@@@@@@@@@@@@@@@@@@@@@@@@@@@@@@

zabaan-e-hind hai urduu to maathe kii shikan kyuu.N hai

vatan me.n be-vatan kyuu.N hai

merii mazaluum urduu terii saa.Nso.n me.n ghuTan kyuu.N hai

teraa lahajaa mahakataa hai to lafzo.n me.n thakan kyuu.N hai

agar tuu phuul hai to phuul me.n itanii chubhan kyuu.N hai

vatan me.n be-vatan kyuu.N hai

ye naanak kii ye Khusro kii dayaa shankar kii bolii hai

ye diivaalii ye baisaakhii ye iid-ul-fitr holii hai

magar ye dil kii dha.Dakan aaj kal dil kii jalan kyuu.N hai

vatan me.n be-vatan kyuu.N hai

ye naazo.n se palii thii miir ke Gaalib ke aa.Ngan me.n

jo suuraj ban ke chamakii thii kabhii mahalo.n ke daaman me.n

vo shah-zaadii zabaano.n kii yahaa.N be-anjuman kyuu.N hai

vatan me.n be-vatan kyuu.N hai

muhabbat kaa sabhii elaan kar jaate hai.n mahafil me.n

ke is ke vaaste jazbaa hai ham-dardii kaa har dil me.n

magar haq maa.Ngane ke vaqt ye begaanaapan kyuu.N hai

vatan me.n be-vatan kyuu.N hai

ye doshiizaa jo baazaaro.n se iThalaatii guzaratii thii

labo.n kii naazukii jis kii gulaabo.n sii bikharatii thii

jo tahaziibo.n kii sar kii o.Dhanii thii ab kafan kyuu.N hai

vatan me.n be-vatan kyuu.N hai

muhabbat kaa agar daavaa hai to is ko bachaao tum

jo vaadaa kal kiyaa thaa aaj vo vaadaa nibhaao tum

agar tum raam ho to phir ye raavan kaa chalan kyuu.N hai

vatan me.n be-vatan kyuu.N hai

@@@@@@@@@@@@@@@@@@@@@@@@@@@@@@@@@@@@@@@@@@@

Makhdoom Mohiuddin

noreply@blogger.com (SYED ZAKARIYA) — Wed, 27 Oct 2010 15:32:00 +0000

aap kii yaad aatii rahii raat bhar
chashm-e-nam muskuraatii rahii raat bhar

raat bhar dard kii shammaa jalatii rahii
Gam kii lau tharatharaatii rahii raat bhar

baa.Nsurii kii surilii suhaanii sadaa
yaad ban ban ke aatii rahii raat bhar

yaad ke chaa.Nd dil me.n utarate rahe
chaa.Ndanii jagamaatii rahii raat bhar

koii diivaanaa galiyo.n me.n phirataa rahaa
koii aavaaz aatii rahii raat bhar

@@@@@@@@@@@@@@@@@@@@@@@@@@@@@@@@@@@@@@@@@@@

raad huu.N barq huu.N bechain huu.N paaraa huu.N mai.n
Khud-parastaar, Khud-aagaah, Khud-aaraa huu.N mai.n
gardan-e-zulm kaTe jis se vo aaraa huu.N mai.n
Khirman-e-jaur jalaade vah sharaaraa huu.N mai.n

merii fariyaad par ahal-e-davil a.ngusht bagosh
laa tabar Khuun ke dariyaa me.n nahaane de mujhe

sare pur naKhuvat-e-arbaab-e-zamaa.N to.Duu.Ngaa
shor-e-naalaa se dar-e-araz-o-samaa.N to.Duu.Ngaa
zulm paravar ravish-e-ahal-e-jahaa.N to.Duu.Ngaa
isharat aabaad amaarat kaa makaa.N to.Duu.Ngaa

to.D Daaluu.Ngaa mai.n za.njiire asiiraan-e-qafas
dahar ko pa.nj-e-asarat se chhu.Daane de mujhe

barq ban kar but-e-maazii ko giraane de mujhe
rasm-e-kuhanaa ko tah-e-Khaak milaane de mujhe
tafriqe mazahab-o-millat ke miTaane de mujhe
Khvaab-e-fardaa ko bas ab haal banaane de mujhe

aag huu.N aag huu.N haa.N! dahakatii hu_ii aag
aag huu.N aag bas ab aag lagaane de mujhe

@@@@@@@@@@@@@@@@@@@@@@@@@@@@@@@@@@@@@@@@@@@

raat bhar diidaa-e-Gam-naak me.n laharaate rahe
saa.Ns kii tarah se aap aate rahe, jaate rahe

Khush the ham apanii tamannaao.n kaa Khvaab aayegaa
apanaa aramaan bar-afga.ndaa naqaab aayegaa

nazare.n niichii kiye sharmaaye huye aayegaa
kaakule.n chehare pe bikharaaye huye aayegaa

aa ga_ii thii dil-e-muztar me.n shakebaa_ii sii
baj rahii thii mere Gam-khaane me.n shahanaa_ii sii

shab ke jaage huye taaro.n ko bhii nii.nd aane lagii
aap ke aane kii ik aas thii ab jaane lagii

subah ne sej se uThate huye lii a.ngaraa_ii
o sabaa tuu bhii jo aa_ii to akele aa_ii

mere mahabuub merii nii.nd u.Daane vaale
mere masajuud merii ruuh pe chhaane vaale

aa bhii jaa taake mere sajado.n kaa aramaa.N nikale
aa bhii jaa ke tere qadamo.n pe merii jaa.N nikale

@@@@@@@@@@@@@@@@@@@@@@@@@@@@@@@@@@@@@@@@@@@

ishq ke shole ko bha.Dakaao ke kuchh raat kaTe
dil ke a.ngaar ko dahakaao ke kuchh raat kaTe

hijr me.n milane shab-e-maah ke Gam aaye hai.n
chaaraasaazo.n ko bhii bulavaao ke kuchh raat kaTe

chashm-o-ruKhsar ke azagaar ko jaarii rakho
pyaar ke naGme ko doharaao ke kuchh raat kaTe

koh-e-Gam aur garaa.N aur garaa.N aur garaa.N
Gamzaa-o-tesh ko chamakaao ke kuchh raat kaTe

@@@@@@@@@@@@@@@@@@@@@@@@@@@@@@@@@@@@@@@@@@@

phir chhe.Dii raat baat phuulo.n kii
raat hai yaa.N baraat phuulo.n kii

phuul ke haar phuul ke gajare
shaam phuulo.n kii raat phuulo.n kii

aap kaa saath saath phuulo.n kaa
aap kii baat baat phuulo.n kii

phuul khialte rahe.nge duniyaa me.n
roz nikalegii baat phuulo.n kii

nazare.n milatii hai.n jaam milate hai.n
mil rahii hai hayaat phuulo.n kii

ye mahakatii huii Gazal "Makhdoom"
jaise saharaa me.n raat phuulo.n kii

@@@@@@@@@@@@@@@@@@@@@@@@@@@@@@@@@@@@@@@@@@@

yahii.n kii thii mohabbat ke sabaq kii ibtadaa mai.n ne
yahii.n kii jurrat-e-izhaar-e-harf-e-mudd'a mai.n ne
yahii.n dekhe the ishv-e-naaz-o-a.ndaaz-e-haya mai.n ne
yahii.n pahale sunii thii dil dha.Dakane kii sadaa mai.n ne

yahii.n kheto.n me.n paanii ke kiinare yaad hai ab bhii

dilo.n me.n izdaham-e-aarazuu lab ba.nd rahate the
nazar se guftaguu hotii thii dam ulfat kaa bharate the
na maathe par shikan hotii, na jab tevar badalate the
Khudaa bhii muskuraa detaa thaa jab ham pyaar karate the

yahii.n kheto.n me.n paanii ke kiinare yaad hai ab bhii

wo kyaa aataa ke goyaa daur me.n jaam-e-sharaab aataa
wo kyaa aataa rangilii raaganii rangii.n rabaab aataa
mujhe rangiiniyo.n me.n rangane wo rangii.n sahaab aataa
labo.n kii mai pilaane jhuumataa mast-e-shabaab aataa

yahii.n kheto.n me.n paanii ke kiinaro yaad hai ab bhii

hayaa ke bojh se jab har qadam par laGazishe.n hotii.n
fazaa.N me.n mu.ntasar rangii.n badan kii larazishe.n hotii.n
rabaab-e-dil ke taaro.n me.n musalasil jumbishe.n hotii.n
Khifaa-e-raaz kii pur_lutf baham koshishe.n hotii.n

yahii.n kheto.n me.n paanii ke kiinare yaad hai ab bhii

balaa-e-fikr-e-fardaa hamase koso.n duur hotii thii
suruur-e-sarmadii se zindagii maamuur hotii thii
hamaarii Khilwat-e-masuum rashq-e-tuur hotii thii
malak jhuulaa jhulaate the Gazal-Khwaa.N huur hotii thii

yahii.n kheto.n me.n paanii ke kiinare yaad hai ab bhii

na ab wo khet baaqii hai.n na wo aab-e-rawaa.N baaqii
magar us aish-e-raftaa kaa hai ik dhu.ndalaa nishaa.N baaqii
@@@@@@@@@@@@@@@@@@@@@@@@@@@@@@@@@@@@@@@@@@@

Majrooh Sultanpuri

noreply@blogger.com (SYED ZAKARIYA) — Wed, 27 Oct 2010 15:25:00 +0000

ham hai.n mataa-e-kuuchaa-o-baazaar kii tarah
uThatii hai har nigaah Khariidaar kii tarah

is kuu-e-tishnagii me.n bahut hai ke ek jaam
haath aa gayaa hai daulat-e-bedaar kii tarah

vo to hai.n kahii.n aur magar dil ke aas paas
phiratii hai koii shay nigaah-e-yaar kii tarah

siidhii hai raah-e-shauq pa yuu.N hii kabhii kabhii
Kham ho gaii hai gesuu-e-diladaar kii tarah

ab jaa ke kuch khulaa hunar-e-naakhuun-e-junuun
zaKhm-e-jigar hue lab-o-ruKhsaar kii tarah

'Majrooh' likh rahe hai.n vo ahal-e-vafaa kaa naam
ham bhii kha.De hue hai.n gunahagaar kii tarah

@@@@@@@@@@@@@@@@@@@@@@@@@@@@@@@@@@@@@@@@@@@

ham ko junuu.N kyaa sikhalaate ho ham the pareshaa.N tumase ziyaadaa
chaak kiye hai.n hamane aziizo.n chaar garebaa.N tumase ziyaadaa

chaak-e-jigar muhataaj-e-rafuu hai aaj to daaman sirf lahuu hai
ek mausam thaa ham ko rahaa hai shauq-e-bahaaraa.N tumase ziyaadaa

jaao tum apanii baam kii Khaatir saarii lave.n shamo.n kii katar lo
zaKhmo.n ke mahar-o-maah salaamat jashn-e-chiraaGaa.N tumase ziyaadaa

ham bhii hameshaa qatl hue and tum ne bhii dekhaa duur se lekin
ye na samajhe hamako huaa hai jaan kaa nukasaa.N tumase ziyaadaa

za.njiir-o-diivaar hii dekhii tumane to "Majrooh" magar ham
kuuchaa-kuuchaa dekh rahe hai.n aalanm-e-zi.ndaa.N tumase ziyaadaa

@@@@@@@@@@@@@@@@@@@@@@@@@@@@@@@@@@@@@@@@@@@

Khatm-e-shor-e-tuufaa.N thaa duur thii siyaahii bhii
dam ke dam me.n afasaanaa thii merii tabaahii bhii

iltafaat samajhuu.N yaa beruKhii kahuu.N is ko
rah gaii Khalish ban kar usakii kamanigaahii bhii

yaad kar vo din jis din terii saKhtgiirii par
ashk bhar ke uThii thii merii begunaahii bhii

shama bhii ujaalaa bhii mai.n hii apanii mahafil kaa
mai.n hii apanii ma.nzil kaa raahabar bhii raahii bhii

gumbado.n se palaTii hai apanii hii sadaa "Majrooh"
masjido.n me.n kii jaake mai.n ne daadaKhvaahii bhii

@@@@@@@@@@@@@@@@@@@@@@@@@@@@@@@@@@@@@@@@@@@

mujhe sahal ho ga_ii.n ma.nzile.N vo havaa ke ruKh bhii badal gae
teraa haath haath me.n aa gayaa ke chiraaG raah me.n jal gae

vo lajaaye mere savaal par ke uThaa sake na jhukaa ke sar
u.Dii zulf chehare pe is tarah ke shabo.n ke raaz machal gae

vahii baat jo vo na kar sake mere sher-o-naGmaa me.n aa ga_ii
vahii lab na mai.n ji.nhe.n chhuu sakaa qadaah-e-sharaab me.n Dhal gae

unhe.n kab ke raas bhii aa chuke terii bazm-e-naaz ke haadase
ab uThe ke terii nazar phire jo gire the gir ke sa.nbhal gae

mere kaam aa ga_ii.n aaKhirash yahii kaavishe.n yahii garadishe.n
ba.Dahii.n is qadar merii ma.nzile.n ke qadam ke Khaar nikal gae

@@@@@@@@@@@@@@@@@@@@@@@@@@@@@@@@@@@@@@@@@@@

nigaah-e-saaqii-e-naamaharabaa.N ye kyaa jaane
ki TuuT jaate hai.n Khud dil ke saath paimaane

milii jab unase nazar bas rahaa thaa ek jahaa.N
haTii nigaah to chaaro.n taraf the viiraane

hayaat laGzishe-paiham kaa naam hai saaqii
labo.n se jaam lagaa bhii sakuu.N Khudaa jaane

vo tak rahe the hamii.n ha.Ns ke pii gae aa.Nsuu
vo sun rahe the hamii.n kah sake na afasaane

ye aag aur nahii.n dil kii aag hai naadaa.N
chiraaG ho ke na ho jal bujhe.nge paravaane

fareb-e-saaqii-e-mahafil na puuchhiye "Majrooh"
sharaab ek hai badale hue hai.n paimaane @@@@@@@@@@@@@@@@@@@@@@@@@@@@@@@@@@@@@@@@@@@

Majid Deobandi

noreply@blogger.com (SYED ZAKARIYA) — Tue, 26 Oct 2010 17:33:00 +0000

amn kaa jo paiGaam sunaane vaale hai.n

galiyo.n galiyo.n aag lagaane vaale hai.n

tum le jaao nezaa Khanjar aur talvaar

ham maqtal me.n sar le jaane vaale hai.n

zulm ke kaale baadal se Daranaa kaisaa

ye mausam to aane jaane vaale hai.n

biimaaro.n kaa ab to Khudaa hii haafiz hai

saare masiihaa zahar pilaane vaale hai.n

jaan bachaane vaale to sab hai.n lekin

ab kitane imaan bachaane vaale hai.n

ham ko un valiyo.n kii nisbat haasil hai

dasht ko jo gul_zaar banaane vaale hai.n

bhuukaa rah ke saa_il ko Khairaat jo de

ham bhii 'Majid' usii gharaane vaale hai.n

@@@@@@@@@@@@@@@@@@@@@@@@@@@@@@@@@@@@@@@@@@@

saaman-e-tijaarat meraa imaan nahii.n hai

har dar pe jhuke sar ye merii shaan nahii.n hai

har lafz ko siine me.n basaa lo to bane baat

taako.n me.n sajaane ko ye quraan nahii.n hai

allaah merii rizq kii barakat na chalii jaaye

do roz se ghar me.n ko_ii mahamaan nahii.n hai

ham ne to banaaye hai.n samandar me.n bhii raste

yuu.N ham ko miTaana ko_ii aasaan nahii.n hai

jis ko buzurgo.n kii rivaayat na rahe yaad

us shaKhs kii logo.n ko_ii pahachaan nahii.n hai

@@@@@@@@@@@@@@@@@@@@@@@@@@@@@@@@@@@@@@@@@@@

tumhe.n hai shauq agar bijaliyaa.N giraane kaa

hamaaraa kaam bhii hai aashiyaa.N banaane kaa

bhalaa vo kaise samandar ke paar utaregaa

nafas nafas jinhe.n Khadshaa hai Duub jaane kaa

sunaa hai aap hai.n maahir havaa chalaane me.n

magar hame.n bhii hunar hai diye jalaane kaa

@@@@@@@@@@@@@@@@@@@@@@@@@@@@@@@@@@@@@@@@@@@

Majaz

noreply@blogger.com (SYED ZAKARIYA) — Tue, 26 Oct 2010 17:28:00 +0000

shahar kii raat aur mai.n naashaad-o-naakaaraa phiruu.N

jag_magaatii jaagatii sa.Dako.n pe aavaaraa phiruu.N

Gair kii bastii hai kab tak dar badar maraa phiruu.N