دعوت و تبلیغ آن لائن بلاگ

جمعۃ المبارک کی سُنتیں

2012-06-18T23:56:00.003-07:00

جمعۃ المبارک کی سُنتیں

السلام علیکم ورحمۃ اللہ و براکاۃ۔ میرے بھائیوں دوستوں ۔۔۔۔ بزرگوں!
الحمد اللہ! قارئین ہم مسلمان ہیں اور بطور مسلم ہم پر لازم ہے کہ اپنی خواہشات و منشا کو منشائے خداوندی کے تابع کر کے اپنا ہر عمل ادا کریں۔۔۔۔ سنت رسول ﷺ کو دائمی بنائیں۔ جمعہ المبارک کے موقع پر آپ ﷺ کے اعمال کیا تھے ۔۔۔ یہ جانتے ہیں۔

آپ ﷺ کی سنتیں (جمعۃ المبار ک کے حوالے سے)۔
.1 اچھا لباس .

2 غسل کرنا
.3 خوشبو لگانا(عطر) .4

مسواک کرنا
.5 سُرما لگانا .6

سورۃ الکھف کی تلاوت
.7 مسجد جانے کی فکر کرنا .

8 مسجد پیدل جانا
.9 امام کے قریب بیٹھنے کی کوشش کرنا
.10 اگر صفحیں پر ہیں تو لوگوں کی گردنیں پھاند کر آگے نہ جانا۔
.11 نبی اکرم ﷺ ارشاد ہے کہ جمعہ کے دن مجھ پر کثر ت سے درور پھیجا کریں۔
تمام احباب سے گزارش ہے کہ سنت بنوی ﷺ کو اپنے زندگی کا حصہ بنائے ، اور ایمان کی ہر لمحہ حفاظت کریں۔

Follow @dawat_e_tabligh

آپس کے جوڑ کا مذاکرہ

2012-06-15T07:18:00.000-07:00

تشکیل کے دوران جماعت کے ساتھیوں میں آپس کے جوڑ کا مذاکرہ

1۔ ایک دوسرے کو سلام کرنا

۲۔ اچھے نام سے پکارنا

۳۔ ہدیہ دینا
۴۔ نام لے کر دعا کرنا

۵۔ ایصالِ ثواب کرنا

۶۔ صفات کو دیکھنا
۷۔ عیوب پر پردہ ڈالنا

۸۔ پیٹھ پیچھے تعریف کرنا

۹۔ اکرام کرنا
۱۰۔ کسی میں کمی ہو تو فوراً نہ ٹوکنا۔

۱۱۔ بھائی کہ کر پکارنا

۱۲۔ خدمت کرنا
۱۳۔ بے تکلفی سے پرہیز کرنا

۱۴۔ اصول ٹوٹ جائے ساتھی نہ ٹوٹے

۱۵۔ ایک دوسرے کو معاف کرنا
۱۶۔ تنقید اور تجسّس نہ کرنا

۱۷۔ ہر کام مشورہ سے کرنا

۱۸۔ لایعنی سے پرہیز کرنا
۱۹۔ غیبت سے پرہیز کرنا

۲۰۔ دوسروں کی برائی نہ سوچے.

۲۱۔ کینہ نہ رکھے۔
۲۲۔ ہر ایک کی بات کا احترام

۲۳۔ جس عمل کے جوآداب ہیں ان کا لحاظ کریں۔
۲۴۔ بغیر اجازت کسی کی چیز کو استعمال نہ کریں۔

Follow @dawat_e_tabligh

دعوت کا مقصد

2012-04-05T06:33:00.003-07:00

دعوت کا مقصد

دعوت و تبلیغ ایک عالم گیر اصلاحی جماعت ہے، جس کی بنیاد مولانا محمد الیاس کاندھلوی ؒ نے رکھی ۔ جماعت کا قیام و مقصد لوگوں کی زندگیوں میں عملی اسلام کو لانا ہے، لوگوں کے دلوں پر محنت کر کے ان کے قلوب کو معرفت الٰہی سے روشناس اور سنت نبویﷺ کی پیرو بنایا ہے۔ اللہ سے سب کچھ ہونے کے یقین کی محنت اور غیراللہ سے اللہ کی مرضی اور ارادے کے بغیر کچھ نہ ہونے کی محنت کی صدا بلند کرنا ہے۔اپنے دینی و دنیوی
امورہائے زندگی کو منشائے خداوندی کے تابع کرکے اپنے اعمال کا محاسبہ کرنے کی محنت، اپنی اصلاح اور دوسروں کی اطلاع کی آوازلگاناہے۔۔۔۔ دعوت اللہ کے بول اس قدر بولنا و قلبِ سلیم عشقِ الٰہی سے منور ہو جائے ۔ سنتِ رسول ﷺ کو دائمی بنانا۔۔۔ اپنا ہر عمل حکمِ خداوندی اور پیروی رسول اللہ ﷺ کے تابع کر کے زندگی گزارنا۔سب سے بڑ ھ کر یہ کہ امت مسلمہ کی زندگی کی فکر اور پوری دنیا میں اسلام کو پھیلانے کی محنت۔
اپنے اعمال کا محاسبہ کیجئے۔۔۔۔ اپنی زندگیا ں تبلیغِ دین کے وقف کیجئے۔۔۔ اپنی سوچ و فکر کو اصلاحِ انسانیت کے لئے صدقہ کیجئے۔۔۔ پہلی فرصت میں چار ماہ لگا کر دعوت و تبلیغ کے کام کو سیکھئے اور واپس آ کر اپنے مقام پر مسجد کو آباد کیجئے ۔۔۔ محلہ گلی بازار میں ہر فرد کی فکر میں لگ جائیے۔۔۔۔ آپ کے دعوت چند بول لوگوں کی زندگیاں بدل سکتے ہیں۔۔۔۔ توکیوں نہ ہم اس اصلاح کے اس سفر میں شریک ہوں۔۔۔۔۔۔ آئیے اور اس حکم خداوندی کو ادا کریں۔۔۔ اللہ تعالیٰ عملی کی دولت سے مالا کرے۔

Follow @dawat_e_tabligh

دل کی اقسام

2012-04-05T06:21:00.000-07:00

دل کی اقسام

حضور اقدس ﷺ نے فرمایا :
دل کی چار (4) قسمیں ہیں۔
ایک تو صاف دل جو روشن چراغ کی طرح چمک رہا ہو۔
دوسرے وہ دل جو غلاف آلودہ ہیں۔

تیسرے وہ دل جو الٹے ہیں۔
جو تھے وہ دل جو مخلوط ہیں۔

پہلا دل تو مومن کا ہے جو پوری طرح نورانی ہے۔۔۔دوسرا کافر کا دل ہے جس پر پردے پڑے ہوئے ہیں۔۔۔تیسرا منافق کا دل ہے جس جانتا ہے اور انکار کرتا ہے۔۔۔چوتھادل اس منافق کا ہے جس میں ایمان اور نفاق دونوں جمع ہیں۔

ایمان کی مثال اس سبزے کی طرح ہے جو پاکیزہ پانی سے بڑھ رہا ہے اور نفاق کی مثال پھوڑے کی طرح جس میں پیپ اور خون بڑھاتا ہی جا تا ہے۔۔۔اب جو مادہ بڑھ جائے وہ دوسروں پر غالب آ جاتا ہے۔۔۔۔۔۔۔۔۔(تفسیر ابن کثیر)

Follow @dawat_e_tabligh

اللہ تعالیٰ کی معرفت

2012-04-05T06:09:00.003-07:00

اللہ تعالیٰ کی معرفت

السلام علیکم قارئینِ دعوت و تبلیغ ۔۔۔ امید ہے احوال بخیریت ہونگے۔ دوستوں اللہ تعالیٰ نے امت کی رہنمائی کے لئے انبیاء اکرام کو مبعوث فرمایا ، انبیاء کی بعثت کا مقصد لوگوں کا تعلق اللہ تعالیٰ کی ذات سے جوڑنا او ر معرفتِ الٰہی کا درس دینا تھا۔۔۔ہر نبی نے لوگوں کے دلوں پر محنت اور ان کو اللہ تعالیٰ کی ذات سے روشناس کرایا۔۔۔جن لوگوں نے اللہ کے نبی کی بات قبول کیا اللہ نے ان کو دنیا میں کامیابی دی اور مرنے کے بعد
شروع ہونے والی ابدی زندگی میں بھی کامیاب کیا۔ نبوت کا سلسلہ حضرت محمد مصطفی ﷺ پر منتج ہوا۔ آپ ﷺ آخری بنی ہیں۔۔۔ ختم نبوت کے سلسلے میں تبلیغِ دین کا کام اللہ نے امت محمدیہ کو عطا کیا ہے۔
قارئین! ایک دین ہے جو کتابی صورت میں ہمارے پاس موجود ہے اور ایک چیز ہے عمل جو دین کی اصل ہے۔۔۔عمل کی بغیر علم ‘ اور علم کے بغیر عمل دونوں گمراہی ہیں۔ اس لئے ہمیں چاہیئے کہ دین کا بنیادی علم حاصل کر کے اپنے اعمال کو علوم دینیہ کو سیکھتے ہوتے زندگی اسلام کے تابع کریں۔ لوگوں کو دین کی دعوت دیں۔۔۔بزرگ فرماتے ہیں کہ دعوت کی مثال اس بال (گیند) کی ہے جس کو آپ دیوار پر مارتے ہیں تو وہ ٹکرا کر واپس پلٹتی ہے، اگر آپ لوگوں کو زیادہ سے زیادہ اچھے کامو ں کی ترغیب کرینگے تو خود کار طور پر وہ بات جس کی ترغیب آپ دے رہے ہیں آپ کی دل پر بھی اثر انداز ہو جائے گی۔۔۔اسی لیے علماء اکرام فرماتے ہیں کہ دین کی محنت (دعوت و تبلیغ) اپنی اصلاح اور لوگوں کی اطلاع ہے۔ اللہ تعالیٰ مجھے بھی عمل کی دولت سے مالا مال کرے اور آپ کو اخلاص کے ساتھ پیروی دین کی توفیق عطا فرمائے۔ آمین

اللہ کے معنی اور اس کے خواص

2012-04-05T05:58:00.005-07:00

"اللہ" کے معنی اور اس کے خواص

یہ ذاتی نام ہے‘ معبود برحق، خدا تعالیٰ، معبود حقیقی
خواص دس ہیں:
۱ روزانہ ایک ہزار(۱۰۰۰) بار پڑھنے سے کمال یقین نصیب ہوتا ہے۔
۲ جمعہ کے دن نماز جمعہ سے پہلے پاک و صاف ہو کر خلوت میں پڑھنے سے مقصود آسان ہو جاتا ہے خواہ کیسا ہی مشکل ہو۔

۳ جس مریض کے علاج سے اطباء عاجز آ گئے ہوں اس پر پڑھا جائے تو اچھا ہو جاتا ہے بشرطیکہ موت کا وقت نہ آگیا ہو۔
۴ ہرنماز کے بعد سو (۱۰۰) بار پڑھنے والا صاحب باطن وصاحبِ کشف ہو جاتا ہے۔
۵ چھیاسٹھ(۶۶)لکھ کر دھو کر مریض کو پلانے سے اللہ تعالیٰ شفا عطا فرماتا ہے‘خواہ آسیب کا اثر ہی کیوں نہ ہو۔
۶ آسیب زدہ کیلئے کسی برتن پر ( ش ) اس برتن کی گنجائش کے بقدر لکھ کر اس کا پانی آسیب زدہ پر چھڑکیں تو اس پر مسلط شیطا ن جل جاتا ہے۔
۷ جو شخص ( ش ) کا محبت الٰہی کی وجہ سے ذکر کرے گا اور شک نہیں کرے گا وہ صدیقین میں سے ہو گا۔
۸ جو ہر نما ز کے بعد سات (۷)بار: ( ھُوَاَللّٰہُ یَا ھُوَ) پڑھتا رہے گا اس کا ایمان سلب نہیں ہو گا اور وہ شیطان کے شر سے محفوظ رہے گا۔
۹ جو شخص ایک ہزار(۱۰۰۰)بار (یَا الَلّٰہُ یَا ھُوَ)پڑھے گا اس کے دل میں ایمان اور معرفت کو مضبوط کر دیا جائیگا۔
۱۰ جو شخص جمعہ کے دن عصر کی نماز پڑھ کر قبلہ رُخ بیٹھ کر مغرب تک (یَا الَلّٰہُ یَارَحْمٰنُ)پڑھتارہے گا‘ پھر اللہ تعالیٰ سے جو چیز مانگے گا اللہ تعالیٰ اس کو عطا فرمائیں گے۔

سورۃ واقعہ کی فضیلت

2012-03-15T00:53:00.000-07:00

سورۃ واقعہ کی فضیلت

حضرت ابن مسعودؓ نے حضور اقدس (ﷺ) کا یہ ارشاد نقل کیا ہے جو شخص ہر رات سورۃ واقعہ پڑھے اس کو کبھی فاقہ نہیں ہو گا اور ابن مسعودؓ اپنی بیٹیوں کو حکم فرمایا کرتے تھے کہ ہر شب میں اس سورۃ کو پڑھیں۔ (بحوالہ رواۃہ البقیہی فی الشعب۔۔۔فضائل اعمال صفحہ نمبر 263)۔
فائدہ:-سورۃ واقعہ کے فضائل بھی متعدد روایات میں وارد ہوا ہیں ایک روایت میں آیا ہے کہ جو شخص سورۃ الحدید اور سورۃ الواقعہ اور سورۃ رحمنٰ پڑھتا ہے وہ جنت الفردوس کے رہنے والوں میں پکارا جاتا ہے۔ ایک روایت میں ہے کہ سورۃ واقعہ ‘سورۃ الغنیٰ ہے اس کو پڑھو اور اپنی اولادکوسکھاؤ۔ ایک روایت میں ہے کہ اس کو اپنی بیبیوں کو سیکھاؤ اور حضرت عائشہؓ سے بھی اس کے پڑھنے کی تاکیدمنقول ہے۔۔۔ مگر بہت ہی پست خیالی ہے کہ چار پیسے کے لئے اس کو پڑھا یا جاوے البتہ غنائے قلب اور آخرت کی نیت سے پڑھے تو دنیا خود بخودہاتھ جوڑ کر حاضر ہوگی۔

نماز کا چھوڑنا

2012-03-15T00:30:00.001-07:00

نماز کا چھوڑنا

حضرت عبادہؓ کہتے ہیں کہ مجھے میرے محبوب حضور اقدس ﷺ نے سات نصیحتیں کی ہیں جن میں سے چار یہ ہیں اول یہ کہ اللہ کا شریک کسی کو نہ بناؤ چاہے تمھارے ٹکڑے ٹکڑے کر دئیے جاویںیا تم جلا دیئے جاؤ۔ دوسری یہ کہ جان بوجھ نماز نہ چھوڑوں ، جو جان بوجھ کر نماز چھوڑ دے یہ مذہب سے نکل جاتا ہے، تیسری یہ کہ اللہ
تعالیٰ کی نافرمانی نہ کرنا کہ اس سے اللہ تعالیٰ ناراض ہو جاتے ہیں، چوتھی یہ کہ شراب نہ پیو کہ وہ ساری خطاوں کی جڑ ہے۔
فائدہ:
ایک دوسری حدیث میں حضرت ابوالدروا ءؓ بھی اسی قسم کا مضمون نقل فرماتے ہیں کہ مجھے میرے محبوب (ﷺ) نے وصیت فرمائی کہ اللہ کا شریک کسی کو نہ کرنا خواہ تیرے ٹکڑے ٹکڑے کر دیے جاویں یا آگ میں جلا دیا جائے۔ دوسری نماز جان بوجھ کر نہ چھوڑنا، جوشخص جان بوجھ کر نماز چھوڑتا ہے اللہ تعالیٰ اس سے بَری الذّمہَّ ہیں۔ تیسری شراب نہ پینا کہ یہ ہر برائی کی جڑ ہے۔

حضرت ابن عباس ؓ کی نصیحت

2012-03-14T23:42:00.003-07:00

حضرت ابن عباسؓ کی نصیحت

وہبؓ بن مُنَبِہّ کہتے ہیں کہ حضرت عبداللہ بن عباسؓ کی ظاہری بینائی جانے کے بعد میں ان کو لئے جارہا تھا وہ مسجد میں تشریف لے گئے۔ وہاں پہنچ کر ایک مجمع سے کچھ جھگڑے کی آواز آ رہی تھی۔فرمایامجھے اس مجمع کی طرف لے چلو۔میں اس طرف لے گیا۔وہاں پہنچ کر آپؓ نے سلام کیا ۔ان لوگوں نے بیٹھنے کی درخواست کی تو آپؓ نے انکار فرمادیا اور فرمایا کہ تمھیں معلوم نہیں کہ اللہ کے خاص بندوں کی جماعت وہ لوگ ہیں جن
کو اس کے خوف نے چُپ کرا رکھا ہے حالانکہ نہ و ہ عاجز ہیں نہ گونگے بلکہ فصیح لوگ ہیں ، بولنے والے ہیں ، سمجھ دار ہیں۔مگر اللہ تعالیٰ کی بڑائی کے ذکر نے ان کی عقلوں کو اڑ ا رکھا ہے۔ ان کے دل اس کی وجہ سے ٹوٹے رہتے ہیں اور زبانیں چپ رہتی ہیں اور جب اس حالت پر ان کو پختگی میسر ہو جاتی ہے تو اس کی وجہ سے نیک کاموں میں جلدی کرتے ہیں تم لوگ ان سے کہاں ہٹ گئے۔ وَہبْؓ کہتے ہیں کہ اس کے بعد میں نے دو آدمیوں کو بھی ایک جگہ جمع نہیں دیکھا۔ (فضائل اعمال از مولانا الیاس ؒ کاندھلوی۔۔۔32صفحہ)
فائدہ :
حضرت ابن عباسؓ اللہ کے خوف سے اس قدر روتے تھے کہ چہرہ پر آنسوؤں کے ہر وقت بہنے سے دونا لیاں سی بن گئی تھیں ۔اوپر کے قصہ میں حضرت ابن عباسؓ نے نیک کاموں پر اہتمام کا یہ ایک سہل نسخہ بتلایا کہ اللہ کی عظمت اور اس کی بڑائی کا سوچ کیا جائے کہ اس کے بعد ہر قسم کا نیک عمل سہل ہے اور پھر یقیناًاخلاص سے بھرا ہوا ہوگا۔ رات دن کے چوبیس گھنٹوں میں اگر تھوڑا سا وقت بھی ہم لوگ اس سوچنے کی خاطر نکل لیں تو کیا مشکل ہے۔۔۔؟

برائی سے روکنا

2012-02-12T05:45:00.000-08:00

div dir="ltr" style="text-align: left;" trbidi="on">

برائی سے روکنا

نبی کریم ﷺ کا ارشاد ہے کہ جوشخص کسی ناجائز امر کو ہوتے ہوئے دیکھے اگر اس پر قدرت ہو کہ اس کو ہاتھ سے بند کردے تو اس کو بند کر دے۔ اگر اتنی مقدّرت نہ ہو تو زبان سے اس پر انکار کر دے۔ اگر اتنی بھی قدرت نہ ہو تو دل سے اس کو بُرا سمجھے اور یہ ایمان کو بہت یہ کم درجہ ہے۔ (رواہ مسلم والترمذی و ابن ماجہ والنسائی ۔۔۔ فضائل اعمال صفحہ نمبر:603از ۔۔۔مولانا زکریا صاحب کاندھلویؒ)

ایک دوسری حدیث میں وارد ہے کہ اگر اس کو زبان سے بند کرنے کی طاقت ہو تو بند کر دے۔ ورنہ دل سے اس کو برے سمجھے کہ اس صورت میں بھی وہ بری الذمہ ہے۔
ایک اور حدیث میں وارد ہے کہ جوشخص دل سے بھی اس کو برا سمجھے تو وہ بھی مومن ہے مگر اس سے کم درجہ ایمان کو نہیں۔
اس مضمون کے متعلق کئی ارشادات نبی اکرم ﷺ کے مختلف احادیث میں نقل کیے گئے ہیں اب اس کے ساتھ اس ارشاد کی تعمیل پر بھی ایک نظر ڈالتے جائیں کہ کتنے آدمی ہم میں سے ایسے ہیں کہ کسی ناجائز کام کو ہوتے ہوئے دیکھ کر ہاتھ سے روک دیتے ہیں یا فقط زبا ن سے اس کی برائی کو ناجائز ہونے کا اظہار کر دیتے ہیں یا کم از کم اس ایمان کے ضعیف درجے کے موافق دل ہی سے اس کو برا سمجھتے ہیں یا ا سکا م کو ہوتا ہوا دیکھنے سے دل تلملاتاہے ، تنہائی میں بیٹھ کر ذرا تو غور کیجئے کہ کیا ہونا چاھیئے تھا اور کیا ہو رہا ہے۔۔۔۔۔۔
اللہ تعالیٰ اس حدیثِ مبارکہ پر عمل کی توفیق سے مالامال کردے۔ (امین)۔