मृगजळ..एक नसलेलं अस्तित्‍व

How to create new blog step by step guide

2013-07-20T20:07:00.003-07:00

सामान्‍य व्‍यक्‍तीच्‍या हातातील एक जबरदस्‍त आणि अभिनव प्रसारमाध्‍यम असे ब्‍लॉग या संकेतस्‍थळाचे वर्णन करता येईल. समाजाला विविध विषयावरील आपले व्‍यक्तिगत मत कळावे या उद्देशाने व्‍यक्तिने निर्माण केलेले संकेतस्‍थळ अशी ब्‍लॉग या शब्‍दाची व्‍याख्‍या करता येईल. पारंपारीक प्रसारमाध्‍यमांची दादागीरी मोडून काढण्‍याचे सामर्थ्‍य ब्‍लॉगमध्‍ये आहे. मरगळलेल्‍या समाजाला प्रसारमाध्‍यमानी स्‍वातंत्रपूर्व काळात समाजात नवसंजीवनी निर्माण करण्‍याचे कार्य केलेले आहेत तर आजच्‍या काळात समाजात जागृती निर्माण करण्‍यासाठी अनेक प्रसारमाध्‍यम पुढे येत आहेत त्‍यामध्‍ये ब्‍लॉगचे स्‍थानही अन्‍यनसाधारण आहे. त्‍यामूळेच इंटरनेटवरील ब्‍लॉग हा प्रकार झपाट्याने लोक‍प्रीय ठरत आहे.

ब्‍लॉग हे वेबलॉग या शब्‍दाचे लघुरुपांतर आहे. हा संकेतस्‍थळाचाच म्‍हणजे वेबसाईटचाच प्रकार आहे. ब्‍लॉग हे एक व्‍यक्‍ती किंवा व्‍यक्तिंचा समूह ब्‍लॉग निर्माण करतो. ब्‍लॉगमध्‍ये मजकूर, व्हिडीओज, ऑडिओज, चित्रे आणि वेबलिंक्‍स (सांधे) दिलेले असतात. नविन मजकूर ब्‍लॉगवर लिहिणे किंवा प्रकाशित करणे याला 'ब्‍लॉगिंग' असे म्‍हणतात. ब्‍लॉगवरील लेखांना 'ब्‍लॉगपोस्‍ट' 'एन्ट्रिज' म्‍हणतात. ब्‍लॉग लिहीणा-या लेखकांना ब्‍लॉगर म्‍हणून संबोधले जाते. आज ब्‍लॉगवर कोट्यावधी लेख नविन ब्‍लॉग वेबवर झळकत आहेत. चला तर मग आपणही नविन ब्‍लॉग तयार करुया.....

Shut down your pc quickly - Tricks

2013-06-25T10:03:00.013-07:00

संगणक कांही वर्षापूर्वी मोठ मोठ्या कंपनी, इंडस्‍ट्रीयल एरियामध्‍ये उपयोगात आणला जात होता. सर्वसामान्‍य लोकांसाठी परिकथा वाटावी असं संगणकाच्‍या बाबतीत घडत होतं. जस-जस काळ बदल गेला तस संगणकही सर्वसामान्‍यांच्‍या गरजेचा वस्‍तू बनत गेला. आज सर्वत्र संगणकाचा वापर होताना दिसून येते. विकासाच्‍या दृष्टिने अतिशय महत्‍त्‍वपूर्ण पाऊल म्‍हणावे लागेल.

संगणक चालू करण्‍याच्‍या प्रक्रियेला Boot होणे असे संभोधले जाते आणि बंद करण्‍याच्‍या प्रक्रियेला Window Shut down करणे असे म्‍हटले जाते. Boot किंवा Shut down करण्‍यासाठी काही वेळ लागत असते त्‍याला Boot time आणि Shut down time म्‍हणतात. संगणक चालू किंवा बंद होण्‍याच्‍या क्रियेला जास्‍त वेळ लागू लागला की माणूस वैतागतो माणसाचा स्‍वभावच आहे ना - 'शिजेपर्यंत थांबतो मात्र थंड होईपर्यंत थांबत नाही' म्‍हणूनच मी आज झटक्‍यात संगणक कसे बंद करावयाचे तेही कोणत्‍याही सॉफ्टवेअरशिवाय या विषयी सांगणार आहे......जरुर वाचा तुम्‍हाला नक्‍कीच आवडेल

Speed up your computer using most useful software (संगणकाची गती वाढवा)

2013-06-22T20:30:00.007-07:00

जिंदगीने इस तरह मोड लिया जिसने जिस तरफ चाहा उस तरफ मोड दिया

जिसको जितनी थी जरुरत साथ चला, और फिर एक लम्‍हें मे तन्‍हां छोड दिया

आज आपण विज्ञान व तंत्रज्ञानाच्‍या युगात वावरत आहोत आणि नॅनो टेक्‍नॉलॉजीच्‍या युगात पर्दापण करत आहोत. विज्ञान तंत्रज्ञानाच्‍या युगात मानवी जीवन अधिक सुखकर होईल असे वाटत असताना अधिकच गुंतागुतीची बनत चाललेली आहे. दिवसागणिक मानवाचे मानसिक ताणतणाव अधिकच वाढत असल्‍याचे चित्र दिसत आहे. पूर्वी प्रत्‍येक घरात एक तर व्‍यक्‍ती पैलवान असायचा तर आज स्थिती वेगळी आहे आज प्रत्‍येक घरात एक तरी BP सुगरचा पेशंट हमखास सापडतो.

आज माणसाचे जीवनच अधिक धावपळीचे व धकाधकीचे बनलेला आहे. शारिरीक श्रमाची जागा आता माणसाऐवजी यंत्राने घेतलेली आहे. आज प्रत्‍येक काम संगणक नावाच्‍या यंत्राला जणू स्‍वाधिन केल्‍याचे चित्र प्रत्‍येक क्षेत्रात दिसून येते. कामाचा व्‍याप वाढलेले असताना अचानक संगणक संथ (कासवाच्‍या) गतीने चालू लागल्‍यास आपण संतापाशिवाय काही करु शकणार नाही.

आज आपण अतिशय कासवाच्‍या गतिने संथ चालणा-या संगणकाला अत्‍यंत उपयोगी सॉफ्टवेअरच्‍या साहायाने संगणकाची गती वाढविणार आहोत .....

Download USB Security and Folder Locker for free

2013-05-26T03:05:00.000-07:00

संगणक क्षेत्रातील फ्लॉपी डिस्‍कचा जमाना संपला आणि प्रथम 'कॉम्‍पॅक्‍ट डिस्‍क' (CD) व नंतर 'डिजिटल व्‍हर्सटाइल' (DVD) आता तर USB Flash drive चा वापर सर्रासपणे होताना दिसून येते. संगणकाच्‍या अगदी सुरवातीच्‍या काळात प्‍लॉपीचा वापर होत असे.प्‍लॉपी डिस्‍कची मेमरी क्षमता केवळ १.४४ मेगाबाइट होती, तर कॉम्‍पॅक्‍ट डिस्‍कच्‍या आगमनाबरोबर कुठेही नेता येणा-या साधनाची क्षमता ७०० मेगाबाइटपेक्षा जास्‍त झाली. DVD ची मेमरी क्षमता CD पेक्षा १० पटीने वाढून 4.7 GB इतकी झाली. त्‍यात अजून सिंगल लेअर व ड्यूअल लेअरची DVD बाजारात सध्‍या उपलध्‍द आहेत.ड्यूअल लेअर DVD ची मेमरी क्षमता सिंगल लेअर DVD पेक्षा दुप्‍पट आहे.

काळाबरोबर बदल होत जाऊन आता सर्वत्र USB Flash drive (Pen drive) चा मोठ्याप्रमाणावर वापर होताना दिसते. पेन ड्राइव्‍ह इतर ठिकाणी वाहून नेण्‍यासाठी अनुकूल असल्‍यामूळे तसेच डाटा (माहिती) संग्रहीत करणे सोइस्‍कर असल्‍यामूळे त्‍याचा वापर जास्‍त प्रमाणात होत आहे. सहजासहजी माहितीचे आदान प्रदान करता येणे शक्‍य झाले आहे. संगण वापरणा-या प्रत्‍येकाजवळ आता USB drive आढळून येतो.

अत्‍यंत बहूपयोगी ठरलेल्‍या पेन ड्राइव्‍हमध्‍ये अनेक महत्‍वपूर्ण माहितीचा संग्रह केला जातो. ते वैयक्तिक किंवा सार्वजनिक हिताच्‍या दृष्‍टीने महत्‍त्‍वपूर्ण असते. अशी माहिती इतरांच्‍या हाती पडल्‍यास त्‍याचा गैरवापर झाल्‍याशिवाय राहिल काय ? मिळालेल्‍या USB साधनाच्‍या आधारे अनेक गुप्‍त माहिती उघड होण्‍यास वेळ लागणार नाही. तेव्‍हा आपली काळजी आपणच योग्‍य वेळी घेतलेली बरी. काळजी करत बसण्‍यापेक्षा काळजी घेणे कधीही चांगले असते. आपल्‍या डाटाची काळजी घेण्‍यासाठी एक बहुमूल्‍य अशी USB Flash drive security software तुमच्‍यासाठी उपलध्‍द करुन देत आहे. जरुर वापरा....

स्‍टायलीश सोशल नेटवर्क बटन तयार करा (Create stylish social networking buttons)

2013-05-20T02:17:00.002-07:00

माणूस हा समाजप्रीय प्राणी असला तरी आज तो समाजात किंवा समाजासाठी जास्‍त वेळ घालवू शकत नाही, त्‍याला अनेक कारणे आहेत. आज माणसाचे एकूण जीवनच गतीमान बनलेला आहे. शेजा-याच्‍या घरात काय घडते याची माहिती शेजारी-शेजारी राहणा-याना समजत नाही. शेरा-याविषयी जाणून घेणेही आजकाल असभ्‍यतेची लक्षण मानली जाते. माणूस माणसापासून खूप खूप लांब जात असल्‍याचे दिसून येते. अशावेळी सोशल नेटवर्कींग सारख्‍या साईट्स आज माणसा माणसातील दरी कांही प्रमाणात कमी करण्‍याचा प्रयत्‍न करत आहेत. माणसांना एकमेकांना जोडणे, त्‍यांच्‍यामध्‍ये मैत्रीचे नाते निर्माण करण्‍याच्‍या उद्देशाने सोशल नेटवर्कींग साईट्स कार्य करताना दिसून येतात.

कवितेच्‍या काही ओळी येते नमूद करावेसे वाटते.....ते असे.....

एकविसाव्‍या शतकातली पिढी भलतीच cute

contact list वाढत गेली मात्र संवाद झाले mute

computer च्‍या chip सारखा माणूस आता खुजा झालाय

अन् mother नावाचा board त्‍यांच्‍या आयुष्‍यातून वजा झालाय

hard disk drive मध्‍ये आता संस्‍कारानाच जागा नाही

अन् फाटकी मनं सांधणारा internet वर धागा नाही

विज्ञानाच्‍या गुलामगीरीत केवढी मोठी चूक घडतयं

रक्‍ताच्‍या नात्‍यानाही आता facebook लागतयं

वरील काव्‍य पंक्‍तीवरुन म्‍हणावेसे वाटते की 'गड्या आपला गाव बरा' खेड्यात अजून परस्थिती चांगली आहे. कार्यक्रम असो, किंवा अंत्‍यविधी असो प्रत्‍येक घरातील माणूस हजर असतो एकूणच खेड्यातील जीवन शहरी जीवनापेक्षा कितीतरी पटीने चांगले आहे.

आज माणूस आधुनिकतेचा ध्‍यास घेतलाच आहे तर त्‍याप्रमाणे वागणे, राहणे भागच आहे. माणूस माणसापासून लांब जाऊ नये म्‍हणून फेसबूक, ऑरकूट, गुगल प्‍लस,व्टिटर सारखे सोशल नेटवर्क काम करत आहेत. सोशल नेटवर्क आपल्‍या वेबसाईट, ब्‍लॉगवर कसे तयार करायचे याविषयी जाणून घेऊया...

सर्च इंजिन आणि आपण.....

2013-05-17T06:55:00.000-07:00

तुम्‍हांला एखाद्या विषयाची माहिती हवी असेल तर तुम्‍ही काय करता ? असे जर प्रश्‍न विचारले तर तुमच्‍याकडून तात्‍काळ उत्‍तर येते - गुगलवर सर्च करतो... १९९८ साली विद्यापीठात शिकणा-या दोन विद्यार्थ्‍यानी स्‍थापन केलेल्‍या या सर्च इंजिनने इतर सर्वांना मागे टाकले आहे. याचे कारण गुगलच्‍या अनेक सर्व्‍हर्समध्‍ये आठ अब्‍जांपेक्षा जास्‍त संकेतस्‍थळे संग्रहित केलेली आहेत. त्‍यातुन तुम्‍हाला हवी असलेली माहिती क्षणार्धात तुमच्‍यासमोर ठेवून गुगल तुमची इच्‍छा पुरविते. गुगल सर्च इंजिन इतक्‍या जलद गतीने संकेतस्‍थळे कसे शोधून काढते याबद्दल आश्‍चर्य वाटल्‍याशिवाय राहत नाही.

गुगलने आपली कार्यक्षमता इतकी विस्‍तृत केली की, जीवनाच्‍या सर्व क्षेत्रांतील माहितीसाठी त्‍याने आपली दारे उघडी केली आहेत. 'अल्‍लाउद्दीन आणि जादूचा दिवा' या गोष्‍टीतील राक्षस ज्‍याप्रमाणे पाहिजे ती गोष्‍ट सादर करते तसेच गुगल सर्च इंजिन तुम्‍हांला जी हवी ती माहिती तात्‍काळ हजर करते.

गुगल व इतर सर्च इंजिनवर आपला वेब व ब्‍लॉग दिसण्‍यासाठी सर्च इंजिनवर म्‍हणजे वेबमास्‍टर टूलवर नोंदणी करावे लागेल ? त्‍यासाठी काय काय करायचे याविषयी जाणून घेऊया....

मोबाईलसाठी सॉफ्टवेअर डाऊनलोड करा (Download free software for Mobile)

2013-05-09T07:31:00.000-07:00

सध्‍या मोबाइल फोनचा सुकाळ झाला आहे. सर्वसाधारण मिळकत असलेल्‍या व्‍यक्तिच्‍या हातातही मोबाइल खेळू लागला आहे. मोबाइल सर्वसाधारणपणे १००० रुपये पासून ते ५०००० रुपये पर्यंत मोबाइल बाजारामध्‍ये मिळत आहेत. एकमेकांमध्‍ये संवाद साधणे इतकेच काम आता मोबाइलचे राहिले नाही. गाणे ऐकणे, व्हिडीओ क्लिप्‍स पाहणे, इंटरनेटचा वापर करणे असे एक ना अनेक कारणासाठी मोबाइलचा वापर केला जात आहे. सर्वसामान्‍य माणूस सुध्‍दा आता मोबाइलवर गाणे ऐकत ऐकत काम करताना दिसत आहे.

बहुतांश लोक इंटरनेटशी सलगी करतात. इंटरनेटवरील फेसबुक पाहिल्‍याशिवाय अनेकांना चैन पडत नाही आणि गप्‍पा मारल्‍याशिवाय राहवत नाही. इंटरनेटवरील विविध माहिती गोळा करण्‍यासाठी काही जण धडपडत असतात. अख्‍खे इंटरनेट मोबाइल फोनवर उपलध्‍द असेल तर इंटरनेटची चाहते मंडळी खूश झाल्‍याशिवाय राहणार नाहीत. त्‍यांना येता जाता हिंडता फिरता इंटरनेटवरील साईटस् चाळता येईल त्‍याबरोबरच गाणे ऐकता येईल, नेटवरील आवडलेले व्हिडीओ क्लिप्‍स डाऊनलोड करुन पाहिजे त्‍यावेळी पाहता येईल व इतराना दाखविता येईल. असे जरी असले तरी डाऊनलोड केलेली व्हिडीओ किंवा CD व DVD वरील व्हिडीओज जसच्‍या तसे मोबाइलवर कॉपी करुन वापरता येत नाही त्‍यासाठी सॉफ्टवेअरच्‍या माध्‍यमातून सदरील व्हिडीओ कन्‍व्‍हर्ट करुन वापरावे लागते.

कोणत्‍या सॉप्‍टवेअरच्‍या माध्‍यमातून व्हिडीओ कन्‍व्‍हर्ट करायचे ते पाहूया.....

ब्‍लॉग तयार करा आता ऑफलाईनमध्‍येही..(Create Your blog in offline)

2013-05-06T01:20:00.000-07:00

आपण कुठे चाललो आहोत, हा एक मोठा यक्षप्रश्‍नच आहे. बरे! या आपल्‍या प्रवासाचे निश्चित कसे काही ध्‍येय आहे काय? की हे निरुद्देश भ्रमण आहे? संगणकाच्‍या अभूतपूर्व क्रांतीमुळे जगाचे चित्र इतक्‍या झपाट्याने बदलत आहे की भविष्‍यकालीन समाजाचे स्‍वरुप काय राहील, ही मानवजातीची यात्रा कुठे संपेल काही सांगता येत नाही. आज केलेला अंदाज आणि आणखी काही वर्षानी बांधलेले आराखडे यांमध्‍येही जबरदस्‍त तफावत असण्‍याचा संभव आहे.जगातील लोगसंख्‍याचा ज्‍याप्रमाणे स्‍फोट होत आहे, तद्वत मनुष्‍याला होणा-या ज्ञानाचाही विस्‍फोट होत चालला आहे. असे असताना आज अनेक अडचणी निर्माण होत आहेत जेव्‍हा एखादी गोष्‍ट करण्‍यासाठी आपण प्रयत्‍नशिल असतो तेंव्‍हा अनेक तांत्रीक अडचणीना समोर जावे लागते. तेवढे कशाला आपल्‍या डोक्‍यात एक झकास कल्‍पना डोकावत असते त्‍याच वेळेला नेट योग्‍यप्रकारे काम करत नाही सर्व्‍हर जाम किंवा लो अशा प्रकारच्‍या अडचणीना तोंड द्यावे लागते. मग त्‍यावेळी वाटते की ब्‍लॉगसुध्‍दा ऑफलाईनमध्‍ये लिहीता आले तर किती बरे होईल हो की नाही?

त्‍यासाठी मित्रानो एक झकास सॉफ्टवेअर मायक्रोसॉफ्ट या कंपनीने अगदी मोफतमध्‍ये उपलध्‍द करुन दिलेला आहे त्‍या विषयी आज आपण जाणून घेणार आहोत.........

ईमेलव्‍दारे लेख मिळविण्‍यासाठी नोंदणी फॉर्म तयार करा (Create stylish Email Subcription)

2013-05-04T03:22:00.000-07:00

पूर्वी पोस्‍ट ऑफिस हे पत्र पाठविण्‍याचे किंवा मिळण्‍याचे एकमेव माध्‍यम होते. परंतु एकंदरीतच पोस्‍टाचा कारभार संथ गतीने चालतो. आज टाकलेले पत्र नियोजित स्‍थानी केंव्‍हा पोहोचेल याचाही भरवसा नसतो. म्‍हणूनच पोस्‍टखात्‍याव्‍दारे होणा-या पत्रव्‍यवहाराला 'स्‍नेल मेल' असे नाव मिळाले. गोगलगाईच्‍या गतीने चालणारी ती पत्रव्‍यवहाराची पध्‍दत होती. इ मेल आगमनाबरोबर स्‍नेल मेलचे तात्‍काळ 'क्विक मेल' मध्‍ये रुपांतर झाले. आता इ-मेलव्‍दारे तुमचे पत्र सहस्‍त्रावधी किलोमीटर्सचा प्रवास करुन अक्षरश: क्षणार्धात तुमच्‍या मित्राला मिळू शकते. इ-मेल हे सध्‍या संपर्काचे सर्वांत लोकप्रिय साधन आहे. आज दररोज इंटरनेटच्‍या माध्‍यमातून अब्‍जावधी इ-मेलचे आदानप्रदान होत असते.

अशा लोकप्रिय ठरलेल्‍या इ-मेल मग ब्‍लॉगमध्‍ये नसेल तरच नवल. आज प्रत्‍येक ब्‍लॉग, वेबसाईटमध्‍ये इ-मेल नोंदणी फॉर्म असल्‍याचे दिसून येते त्‍यातच स्‍टाईलीश इ-मेल बॉक्‍स असेल तर मग वाचकाचे लक्ष वेधून घेतल्‍याशिवाय राहणार नाही.तर आज आपण स्‍टाईलीश इ-मेल बॉक्‍स कसे तयार करायचे पाहणार आहोत........

नविन टेंपलेट कसे वापराल (How to use new custom template in your Blog ?)

2013-04-21T06:18:00.002-07:00

एखादे आधुनिक तंत्रज्ञान मानवी जीवनात कसे अमूलाग्र परिवर्तन घडवून आणते याचे संगणक हे उत्‍तम उदाहरण आहे. संगणकाच्‍या बरोबरच इंटरनेटने आपल्‍या जीवनशैलीवरही विलक्षण प्रभाव निर्माण केला आहे. महत्‍त्‍वाची गोष्‍ट अशी की, या क्रांतिकारक परिवर्तनाचे आपण साक्षीदार आहोत.आपल्‍या डोळ्यासमोर वर्तमानकाळातच परिवर्तनाचा हा ओघ समाजाच्‍या सर्व थरांत वेगाने पसरत चालला आहे.

आपण मग मागे का राहायचे म्‍हणजेच ब्‍लॉगवर एकच एक टेंपलेट किती दिवस म्‍हणून वापरणार आहोत. आपणही काळाबरोबर एक पाऊल पुढे ठेऊ या. नवनविन टेंपलेट आपल्‍या ब्‍लॉगसाठी कसे वापरायचे आपण आज पाहणार आहोत.........

स्‍वत:चे डोमेन तयार करा अगदी मोफत (How to create your own domain for free)

2013-04-21T01:36:00.000-07:00

WWW म्‍हणजेच 'वर्ल्‍ड वाइड वेब' हा आता जगातील सर्व क्षेत्रातील माहितीचा एक अफाट संग्रह आहे. वेबवरील विशिष्‍ट माहितीच्‍या दस्‍तऐवजाला 'पेज' असे नाव आहे. माहितीची अशी अब्‍जावधी पेजेस् वेबवर उपलब्‍ध आहेत, आणि त्‍यांमध्‍ये दररोज लक्षावधी पेजेसची भर पडत आहे. वर्ल्‍ड वाइड वेबचा प्रारंभिक उद्देश विज्ञान आणि शिक्षण एवढाच होता, परंतु मानवी जीवनाच्‍या समाजकारण,अर्थकारण,राजकारण वगैरे अन्‍य क्षेत्रावरी वेबने आपला प्रभाव निर्माण केला आहे. वर्ल्‍ड वाईड वेब आता WWW या तीन डब्‍ल्‍यू अक्षरांनी ओळखले जाते.

आपण ब्‍लॉगमध्‍ये जे लेख सादर करतो त्‍याचा अड्रेस मात्र http://blogname.blogspot.in असे दर्शविले जाते. प्रत्‍येक ब्‍लॉगरला वाटते की आपले ब्‍लॉग अड्रेसही www.name.com असे असले तर किती चांगले होईल असे वाटत असते. असेच काहीतरी हटके करण्‍याचा प्रयत्‍न प्रत्‍येक ब्‍लॉगर करत असतो. पण असे अनेक डोमेन नेम आहेत की जेणेकरुन त्‍यासाठी प्रत्‍येक वर्षाला प्रचंड पैसे मोजावे लागतात. जे व्‍यावसायिक असतात ते व्‍यवसाय वाढविण्‍यासाठी पैसे मोजण्‍यासाठी तयारही असतात. पण माझ्यासारखे असंख्‍य ब्‍लॉगर आहेत की एक आवड म्‍हणून लेखन करत असतात त्‍याना एवढे पैसे मोजणे शक्‍य नसते.त्‍यासाठीच हे एक प्रयत्‍न....

आज आपण नेट पाहतो की www.name.com, .in .co.in, .gov, .edu, .org अशा स्‍वरुपातील डोमेन नेम पाहतो. वरील डोमेन नावासाठी खूप पैसे खर्च करावे लागते. त्‍याच्‍यासारखा किंवा त्‍याच्‍या जवळपास सारखे वाटणारे डोमेन नेम कसे तयार करायचे तेही अगदी मोफत ते या लेखव्‍दारे पाहणार आहोत.......

ब्‍लॉग पोस्‍टच्‍या खाली फेसबुक लाईक बटन जोडा (How to add facebook like button under blogpost)

2013-04-21T01:34:00.005-07:00

आज प्रत्‍येकाजवळ एवढे वेळ नाही की, वाचन करावे किंवा एखादे छंद जोपासावे तेंव्‍हा फेसबुकमध्‍ये रोज पोस्‍ट होणारे लेख वाचून त्‍यावर आपले प्रतिक्रीया व्‍यक्‍त करण्‍याइतपत वेळच कोणाजवळ नसते. वेळ असले तरी कोणी प्रतिक्रीया व्‍यक्‍त करण्‍यास आनंदाने तयार होत नाही. त्‍याचे अनेक कारणे आहेत आपण दिलेल्‍या प्रतिक्रीये बद्दल लेखक आपल्‍यावर नाराज तर होणार नाही ना? तसेच प्रतिक्रीया द्यायचे तर नेमके काय प्रतिक्रीया द्यायचे? कोणते शब्‍दाचे वापर करावे? असे अनेक प्रश्‍न आपल्‍यासमोर निर्माण होत असतात. माझ्यासमोर तर हेच प्रश्‍न कधी कधी निर्माण होतात.

फेसबुकवर एखादा लेख जास्‍तच आवडल्‍यास आपण एक गोष्‍ट आवर्जून करतो ते म्‍हणजे फेसबूक लाईक. लाईक बटन क्लिक करुन आपण त्‍यातच आनंद मानतो. अशा अनेक सुविधामूळे आज फेसबुक सर्वसामान्‍य माणसापर्यंत पोहचलेला आहे.

तर आज आपण आपल्‍या ब्‍लॉगवर सुध्‍दा फेसबुक लाईक बटन कसे तयार करायचे पाहणार आहोत.

फेसबुक लिंक ब्‍लॉगवर कसे तयार कराल?(How to add facebook link in your Blog?)

2013-04-08T05:44:00.002-07:00

माणूस हा समाजप्रिय प्राणी आहे असा आपण मानतो हे जरी सत्‍य असले तरी आजच्‍या आधुनिेक युगात माणूस माणसापासून खुप दूर जाताना दिसत आहे त्‍याचे अनेक कारणं आहेत. आजचे गतीमान जीवनशैली, विभक्‍त कुटूंब पध्‍दती असे अनेक कारणे जरी असले तरी माणसाचे एकूणच जीवन यांत्रीकपणे होत असल्‍याचे दिसून येते. पारावरच्‍या गप्‍पा कधीच बंद पडले, सणसमारंभातील माणसाचे योगदान दिवसेंदिवस कमी कमी होत आहे. अशाप्रकारे माणसातील माणूस दूर जात असताना माणसांना एकत्रीत आणण्‍यासाठी अनेक संस्‍था,मंडळे पुढे सरसावले त्‍यामध्‍ये अनेक सोशल नेटवर्क मोलाची कामगिरी पार पाडत आहेत. त्‍यामध्‍ये अनेक सोशल नेटवर्क आहेत उदा. ऑर्कूट, गुगल प्‍लस, व्टिटर, फेसबुक,इत्‍यादी अनेक सोशल नेटवर्क माणसा-माणसामध्‍ये संवादाचे माध्‍यम बनत आहेत. अनेक सोशल नेटवर्क असले तरी फेसबुक हा सर्वसामान्‍य माणसापर्यंत पोहचलेला आहे.

अशा सर्वसामान्‍य माणसांपर्यंत पोहचलेल्‍या सोशल नेटवर्क अर्थात फेसबुक लिंक ब्‍लॉगवर कसे तयार करायचे या विषयी आपण पाहणार आहोत की जेणे करुन ब्‍लॉगला भेट देणा-या मित्र-मैत्रिणींना आपल्‍या फेसबुक अकाऊंट बद्दल माहिती मिळणार आहे.

आपला Gmail अधिक सुरक्षित करा.

2013-04-07T04:00:00.000-07:00

चोरी करणे कोणत्‍याही धर्मात ‘पाप’ मानले जाते. ती चोरी धनाची असो किंवा एखाद्याची गुप्‍त माहिती चोरुन ती इतरांसमोर उघड करणे असो. त्‍याला चोरीच समजले जाते. आजकाल प्रत्‍येक ठिकाणी व प्रत्‍येक क्षेत्रात फसवणूक होत आहे. समाजात जितका शिक्षणाचा प्रसार झाला तितका फसवणूक दिवसेंदिवस वाढू लागली. फसवावे कसे हे सुशिक्षित लोकांनाच कळते अशिक्षित लोकांना एखाद्याला कसे फसवावे हे कळत नाही. जितका शिक्षण जास्‍त तितका फसवणूक जास्‍त याचा अर्थ असा नव्‍हे की शाळेत फसणूक करणे शिकविले जाते तर जे शिक्षण आपण घेतो त्‍या शिक्षणाला नैतिकतेचे अधिष्‍ठान लाभले पाहिजे तरच समाजातील फसवणूक कमी होईल. नैतिक शिक्षण जीवनात खूप महत्‍त्‍वाचे आहे. म्‍हणूनच आज मूल्‍यशिक्षणासारखे अभ्‍यासक्रम शाळा कॉलेजमध्‍ये शिकविला जातो. खरे पाहता या शिक्षणाची गरज का निर्माण झाली ? हे एक खूप मोठे संशोधनाची विषय ठरु शकेल. कारण साधू संताच्‍या या देशात समाजातुन, प्रत्‍येक घराघरातून नैतिक शिक्षण मिळू शकत नाही का ? असो.....................

समाजात जितकी आपली फसवणूक होते त्‍याही पेक्षा कितीतरी पटीने जास्‍त फसवणूक ‘नेट’ नावाच्‍या महाजालावर सतत होत असते. लोकांना कसे फसवायचे किंवा ठगवायचे या साठीच ‘चांडाळ चतुर’ टपलेले असतात. एखाद्याला आपण बुध्‍दीच्‍या जोरावर कसे फसवलो यातच धन्‍यता मानणारे, आणि स्‍वत:ला बुध्‍दीमान समजणारे काही कमी नाहीत या जगात. तेंव्‍हा कोणतेही काम करताना थोडीसी सावधानता बाळगले की आपली जास्‍त फसवणूक होणार नाही.

आज आपण पाहतो नेट वापरणारे आणि त्‍यातल्‍या त्‍यात Email वापरणा-यामध्‍ये ८० ते ९० टक्‍के लोक सर्रासपणे Gmail चा वापर करताना आढळतात. Email हा माणसाचा संदेशवहनाचा एक महत्‍त्‍वाचा दुवा बनलेला आहे. इतकच नाही तर अनेक महत्‍वपूर्ण बाबी आपण Email व्‍दारे करत आहोत. उदा. अनेक आर्थिक व्‍यवहार, व्‍यापार, माहीतीचे देवाण घेवाण, संदेश पोहचविणे असे अनेक कामे आपण मेलव्‍दारे करत आहोत. अशाप्रकारे बहुपयोगी व अत्‍यंत महत्‍त्‍वाचे समजले जाणारे मेल एखाद्याने हॅक करुन त्‍याचा गैरवापर करत असेल तर आपण संकटात सापडतो. आजकाल एखाद्याची गुप्‍त माहिती चोरणे (हॅक करणे) म्‍हणजे बुध्‍दीमत्‍तेचे लक्षण मानले जाते. अशाच हुशारीपोटी संगणकावर असंख्‍य ‘व्‍हॉयरस’ दिवसेंदिवस वाढत असल्‍याचे दिसून येते. दुस-यांना संकटात टाकून स्‍वत:ला हुशार समजणे अशी हुशारी काय कामाची. म्‍हणून अशा ‘चांडाळ चतुरा’ पासून स्‍वत:चा बचाव करण्‍यासाठी आणि आपला Gmail अधिक सुरक्षित करण्‍यासाठी सज्‍ज व्‍हा............

नेट आटोमेशन अॅप्‍स विषयी...(पर्सनल मॅनेंजर)

2013-03-08T06:44:00.000-08:00

आज माणसाचे जीवन अतिशय धकाधकीचे बनलेले आहे. चार गोष्‍टी बोलायला सुध्‍दा कोणाजवळ वेळ नाही.चार गोष्‍टी तर लांबच राहीले नविन आलेला email सुध्‍दा उघडून पहायला वेळ नाही. विज्ञान तंत्रज्ञानाच्‍या युगात माणूस पुरता बाहुली बनलेला आहे.अशा वेळी माणूस प्रत्‍येक काम करताना सॉर्टकट मार्गाचा अवलंब करण्‍याचा प्रयत्‍न करतो आणि आपले काम दर्जेदारपणे करण्‍याकडे लक्ष देतो. आपल्‍या जीवनात अॅटोमेशन आणण्‍यासाठी सतत प्रयत्‍नशिल असतो. म्‍हणजेच अमुक एक काम असे आपोआप घडले तर कसे होईल याचा सतत विचार करत असतो याच कल्‍पनेपोटी अनेक नवनविन यंत्राचा, साधनांचा शोध लागत गेला यामूळे मानवी जीवन अधिक सुखकर बनण्‍याऐवजी अधिक गुंतागुतीची बनत गेली. असे असताना देखील माणूस नाविन्‍याचा ध्‍यास व शोध सोडलेला नाही. नाविन्‍याचा ध्‍यास घेऊन आपले जीवन अधिक सुखकर बनविणा-यांसाठी पर्यायाने सर्वांसाठीच एक अत्‍यंत उपयुक्‍त असे (नेट सेवा) नेट अॅप विषयी मी माहिती देणार आहे. त्‍या अॅप्‍सचे /साईटचे नाव आहे IFTTT. हो खरच IFTTT असेच या साईटचे नाव आहे. IFTTT खरे तर सॉर्ट नाव आहे त्‍याचे पुर्ण नाव IF THIS THEN THAT असे आहे. मराठीतच सांगायचे झाल्‍यास ‘जर असे घडल्‍यास तर तसे करा’

नेटवर आर्थिक व्‍यवहार करताना घ्‍यावयाचे काळजी

2013-03-03T17:11:00.002-08:00

1.नेटवर आर्थिक व्‍यवहार उदा.Net Banking इत्‍यादी वर व्‍यवहार करताना नेहमी दक्ष रहायला पाहिजे. आपले Username व Password कोणासमोर प्रकट करु नये.

2.Password तयार करत असताना फक्‍त अक्षर किंवा फक्‍त अंकाचा वापर करणे कटाक्षाने टाळावेत. Password तयार करत असताना अक्ष‍र, अंक आणि विशेष चिंन्‍हांचा वापर करावे उदा. Rntog368back?/rd अशा स्‍वरुपाचे सशक्‍त पासवर्ड देणे कधिही चांगले.

3.नेटवर Password टाईप करताना किबोर्डचा वापर शक्‍यतो टाळावेत बाजूला असलेले Virtual Keyboard चा वापर करावे. कारण कीबोर्डवरील प्रत्‍येक कीला एक विशिष्‍ट कोड असतो त्‍यामूळे तुम्‍ही कीबोर्डवरुन दिलेला Password हॅकर सहज ओळखू शकतो.

4.काही काळानंतर Password सतत बदलत राहणे कधिही उत्‍तम. एकच Password वर्षानुवर्षे वापरणे टाळा.

5.सहजासहजी हॅक होणा-या Browser वापरु नका. उदा. Internet Explorer इतर अनेक Browser नेट वर मुक्‍तपणे मिळतात त्‍याचा वापर करा.

6.Gmail Account नेट कॅपेवर व इतर अन्‍य ठिकाणी Log in करताना Log in च्‍या शेजारी असलेल्‍या Stay Singed in च्‍या समोरील रखान्‍यात चेक मार्क असेल तर काढूनच Log in करा.

नेटवर व Email , SMS, किंवा अन्‍य माध्‍यमाद्वारे Username व Password विचारले गेल्‍यास ते कोणत्‍याही परस्थितीत देवू नका अगर सांगू नका.

7.बक्षिसाचे आमिष दाखवून किंवा अन्‍य मार्गाने Username व Password मिळविण्‍यासाठी हॅकर प्रयत्‍नशिल असतात तर कोणत्‍याही आमिषाला बळी पडू नका.

ATM अगर DEBIT CARD चा नंबर व Pin code कोठेही लिहून ठेऊ नका किंवा कोणाला सांगु नका.

वरील काळजी घेतल्‍यास आपली कधीच फसवणूक होणार नाही.

उत्‍तम व्हिडिओ कन्‍व्‍हर्टर सॉप्‍टवेअर

2013-03-02T21:40:00.002-08:00

iWisoft Free Video Converter

आज मोबाईल ज्‍याच्‍या जवळ नाही असा माणूस शोधूनसुध्‍दा सापडत नाही. माणसाच्‍या जीवनांत मोबाईल एक अविभाज्‍य अंग बनलेला आहे. हायस्‍कूल, कॉलेज, शेतकरी,व्‍यापरी पासून ते थेट शेतमजूराजवळ सुध्‍दा मोबाईल आढळून येतो. १००० रु पासून ते ३०००० रु पर्यंत मोबाईल वापरला जातो.फक्‍त Call करणे इतकाच मोबाईलचा महत्‍त्‍व आता राहीलेला नाही. अनेक कारणासाठी मोबाईल वापरतात त्‍यामध्‍ये प्रामुख्‍याने मनोरंजनासाठी मोबाईलचा वापर सर्रास केला जातो. गाणी ऐकणे व्हिडीओ पाहणे इत्‍यादी साठी मोबाईलचा वापर जास्‍त केला जातो. शेतकरीसुध्‍दा काम करताना गाणी ऐकत काम करताना दिसतो. अशा बहुपयोगी मोबाईलसाठी आज आपण एक अत्‍त्‍यंत महत्‍त्‍वाचे Software बददल माहिती घेणार आहोत. बाजाराज मिळणा-या CD व DVD मधून गाणी जसेच्‍या तसे Coppy करुन वापरता येत नाही. त्‍यासाठी ती गाणी प्रथम आपल्‍या मोबाईलच्‍या अनुरुप convert करुन घ्‍यावे लागते.
iwisoft converter हे एक बहुपयोगी व उपयुक्‍त असे video converter आहे त्‍याच्‍या वापर कसे करावे या विषयी सविस्‍तर जाणून घेऊ या ......

शिक्षकांसाठी उपयुक्‍त वेबसाईट्स

2013-02-26T17:53:00.000-08:00

शिक्षकांसाठी उपयुक्‍त वेबसाईट्स

"आई वडिलांबरोबर ज्‍याना 'आचार्य देवो भव' म्‍हणून मान दिला जातो तो शिक्षकी पेशा वर वर दिसतो तेवढा साधा नाही. दिलेला विषय,आणि त्‍यातला दिलेला अभ्‍यासक्रम शिकविण्‍याची पाऊण/ अर्धा तासांची पाठी टाकला की झाला पगार लागू असं म्‍हणून कार्य करण्‍याचे हे क्षेत्रच नव्‍हे. आपल्‍या हातुन आजचे लहानगे विद्यार्थी शिकताहेत आपण त्‍याना उद्याचे देशकर्ते म्‍हणून उभे करीत आहोत ही जाणीव मनात ठेवून जे शिक्षक मित्र सतत धडपड करत असतात अशांसाठी काही उपयूक्‍त वेबसाईट्स ......."

http://www.education-world.com

वर्गात शि‍कवित असताना अनंत अडचणी सतत येत असतात. एखादा घटक कसा शिकवावा म्‍हणजे विद्यार्थ्‍याना लवकर समजेल? कोणते शैक्षणिक साहित्‍य वापरावे म्‍हणजे अध्‍यापन प्रभावीपणे होईल? असे अनेक प्रश्‍न कृतिशिल शिक्ष्‍ाकाना सतत भेडसावत असतात. अशावेळी जर आपण Education world या सारख्‍या वेबसाईटचा उपयोग करुन घेतला तर अध्‍यापन करताना खूपच मदत होणार आहे.
ही साईट शिक्षकांसाठी अत्‍यंत उपयुक्‍त असे साईट आहे. यावर पाठनियोजन, अभ्‍यासक्रम, अध्‍यापनाचे विविध तंत्रज्ञान उत्‍कृष्‍टपणे मांडलेले आहे. असे हे बहुपयोगी वेबसाईटला एखदा आवश्‍य भेट द्याच.

सॉप्‍टवेअर

2013-01-02T18:33:00.000-08:00

Internet Download Manager 6.14 full

अतिशय बहुपयोगी असा हा सॉप्‍टवेअर आहे.

उपयोग-

१. कोणतेही गाणे डाऊनलोड केला जाऊ शकते.

२. YouTube वरील व्हिडीओ सुध्‍दा यावरुन चांगले डाऊनलोड होतात.

३. या सॉप्‍टवेअरमध्‍ये Resume करताही येते.

४. कोणतेही सॉप्‍टवेअर अतिशय जलदगतीने डाऊनलोड IDM व्‍दारे करता येते.

म्‍हणून नेट वापरणारे प्रत्‍येकाजवळ IDM असणे अत्‍यंत गरजेचे आहे.

IDM सॉप्‍टवेअर विकत घ्‍यावे लागते, खाली दिलेल्‍या लिंकवरुन आपण डाऊनलोड करुन ते मुक्‍तपणे वापरु शकतो सदरील सॉप्‍टवेअरचे Key and Patch सुध्‍दा उपलध्‍द करुन देत आहे.

Download Links

IDM 2.14 FULL (4.3 MB) RAR FILE

वरील फाईल डाऊनलोड केल्‍यानंतर Winrar मधून Extract करा त्‍यावेळी तुम्‍हाला Password विचारले जाईल त्‍या ठिकाणी Password -inam असा टाईप करा.

IDM 2.14 PATCH AND KEY

Patch File Extract करताना anti virus ऑफ ठेवणे गरजेचे आहे .

वरील सॉप्‍टवेअर Install कल्‍यानंतर Patch file open करा त्‍यावेळी तुम्‍हाला पहिले नाव व शेवटचे नाव विचारले जाईल त्‍या ठिकाणी नाव द्या बस झाला तुमचा IDM तयार वापण्‍यासाठी सज्‍ज.
वापरा आणि आनंदी रहा...........................

मनाचा स्‍टॉक टेकिंग

2012-12-21T17:57:00.003-08:00

“मनाचा स्‍टॉक टेकिंग”

आपल्‍या मनाचा कोपरान् कोपरा आपण कधी पिंजून काढत नाही. प्रत्‍येक दुकानदार आपलं दुकान वर्षातून एकदा ‘स्‍टॉक टेकिंग’ साठी बंद ठेवतो. माणसानेही मनाचे सगळे दरवाजे बंद करुन ‘स्‍टॉक टेकिंग’ करायला हवं. राखेचं आवरण पांघरलेले किती तरी निखारे सापडतील. एखाद्या प्रसंगाने, व्‍यक्‍तीमूळे ती राख उडते आणि त्‍या निखा-याचा चटका समोरच्‍या माणसाला बसतो. आपल्‍याच तोंडून ते शब्‍द निसटतात, तेव्‍हा त्‍याची धग आपल्‍यालाही जाणवल्‍याशिवाय राहत नाही.

-----------------------------------------------------------------------------------------------------------------------

युध्‍दाच्‍या प्रसंगी मन जास्‍तीत जास्‍त शांत ठेवावं लागतं. संघर्ष आणि क्रोध ह्याही वेळेला मन शांत हवं. हे विधान विनोदी वाटेल, पण त्‍यात एक गर्भितार्थ आहे. विलक्षण संताप आला की, त्‍याचा निरीक्षणशक्‍तीवर परिणाम होतो. हवी असलेली वस्‍तू समोर असून दिसत नाही. लहान मुलांना मारताना आपण त्‍याच्‍या शरीरावर कुठं हात उगारीत आहोत, ह्याचं भान राहत नाही. डोळे, कान अशी नाजूक इंद्रियं जवळ असलेला मुलांचा गालच जवळचा वाटतो. कारण तेव्‍हा स्‍वत:ला वाकायचेही श्रम घ्‍यावे लागत नाहीत. काही मुलं एका कानाने बहिरी झालेली माझ्या ऐकिवात आहे. आपला हात किती लागतो, हे मारणा-या माणसाला कळत नाही. पण निरीक्षण आणि क्रोध एकाच वेळी संभवत नाही.

आपत्‍ती पण अशी यावी की, त्‍याचाही इतरांना हेवा वाटावा, व्‍यक्‍तीचा कस लागावा. पडून पडायचं तर ठेच लागून पडू नये. चांगलं दोन हजार फुटांवरुन पडावं. माणूस किती उंचावर पोचला होता, हे तरी जगाला समजेल.

टॅलण्‍टेड माणसं

2012-12-21T17:41:00.000-08:00

दु:ख

न मावणारं दु:ख नेहमीच जीवघेणं असतं. कारण तुमचा जीवच तेव्‍हा दु:खापेक्षा लहान झालेला असतो. तेव्‍हा माणसाने नेहमीच दु:खापेक्षा मोठं व्‍हायचं ध्‍येय ठेवावं. दु:ख मावल्‍यावर भांड्यात वर रिकामी जागा राहील इतकं मोठं व्‍हावं. अर्थात हे झालं स्‍वत:च्‍या बाबतीत. आपल्‍याला होणा-या यातनांसाठी मोठं भांडं वापरायचं पण इतरांच्‍या संदर्भात एका अश्रूनेही भांडं ओसंडून जाईल इतकं छोटं ठेवायचं.

टॅलण्‍टेड माणसं

टॅलण्‍टेड माणसं तर फार उपद्रवी होऊ शकतात. बुध्‍दी हे एक प्रचंड शस्‍त्र आहे. मी तर अस्‍त्रच म्‍हणतो. आणि ते स्‍वयंचलित असतं, हा मोठा धोका. बुध्‍दीला विशाल मनाचं मैदान लाभलं तर आयुष्‍य एखाद्या खेळासारखं रंगवता येतं. तेच मन जर कुरुक्षेत्रासारखं झालं तर मग किती अक्षौहिणी जीव बरबाद झाले हे मोजायचं नाही. हत्‍या ही हत्‍याच. ती एका मानवी मनाची केली काय किंवा असंख्‍यांची काय, सारखंच. वृती हीच शक्‍ती. भरडले किती जातात हे गौण.

विचारशक्‍ती

ज्‍या माणसाला विचारांची सोबत आहे त्‍याला कोणतंही अंतर लांब वाटत नाही. एकदा विचारांची साखळी सुरु झाली की, त्‍या साखळीपेक्षा रस्‍ता कधीच लांब नसतो.

सुरक्षा

सुरक्षेची जेवढी मागणी वाढवत न्‍याल तेवढं असुरक्षित वाटत राहतं.मुळातच आयुष्‍य असुरक्षित असतं, हे मान्‍य करावं.रक्षण कुणापासून करणार? कोण करणार? रक्षक ठेवून कुणाचे प्राण वाचले आहेत ? म्‍हणूनच अस्तित्‍वाच्‍या हातात सगळं द्यायचं आणि मस्‍तीत जगायचं. आपण ठरवलं होतं, त्‍यापैकी बालपणापासून काय काय घडवू शकलो? मागून किती आणि न मागता किती मिळालं, हे फक्‍त प्रत्‍येकाने आठवून पाहावं.

--------------------व.पु.काळे

मृगजळ............. एक नसलेल अस्तित्‍व

2012-12-18T05:59:00.001-08:00

मृगजळामागे पळता पळता

स्‍वत:लाच हरवून बसलो आहे

अस्तित्‍वाच्‍या शोधात आता

मीच एक मृगजळ बनलो आहे

मित्रानो माणसाचे जीवनच एक मृगजळासारखे भासते कारण जे आपल्‍याला सापडत नाही त्‍याच्‍या मागे सतत धावण्‍याचा माणसाचा स्‍वभाव आहे नाही का ? कोणी अपाट संपत्‍ती मिळविण्‍यासाठी वाटेल ते करायला तयार होतात आपल्‍याच माणसाचा प्राण घ्‍यायला सुध्‍दा माणूस मागेपूढे पाहत नाही. इतकच नाही तर आजाराने जर्रजर झालेला माणूससुध्‍दा जगण्‍यासाठी सतत धडपडत असतो त्‍याला माहीत असतं की आपण आज नाही उद्या मरणार आहे तरी सुध्‍दा तो मृत्‍यूला जिंकण्‍याचा अयशस्‍वी प्रयत्‍न करतो. तान्‍हेनं व्‍याकूळ झालेला माणूस मृगजळाला पाणी समजून त्‍याच्‍यामागे पळण्‍यासारखाच आहे.

जीवनामध्‍ये प्रत्‍येकजण काहीतरी मिळविण्‍यासाठी सतत धडपडत असतात काहीजण यश मिळवितात, तर काहीजण ऐश्‍वर्य मिळवितात, तर काही जण प्रशिध्‍दी मिळवितात,शेवटी सगळं इ‍थेच सोडून परतीच्‍या वाटेला लागाव लागत हे ज्‍याना कळत, उमगत ते मृगजळामागे न लागता आपल्‍या कर्तूत्‍वानं माणसांच्‍या ह्रदयामध्‍ये कायम घर करुन जातात.

हे जीवनच अंत नसलेल्‍या क्षितीज्‍यासारखा,मृगजळासारखा वाटत असल्‍यामूळे मी माझ्या blog ला मृगजळ..........एक नसलेलं अस्तित्‍व असं नाव दिलं ते तुम्‍हाला कस वाटल जरुर कळवा.

सुवर्ण कण

2012-12-17T06:27:00.001-08:00

पुस्‍तक- द मॅजिक ऑफ थिंकींग बिग

1. तुम्‍हच्‍या वातावरणाबाबत सजग रहा. शारीरिक खाद्य ज्‍याप्रमाणे शरीराला घडवतं, त्‍याचप्रमाणे मानसिेक खाद्य मनाला घडवत असतं.

2. तुमच्‍या वातावरणाला तुमच्‍या विरुध्‍द नव्‍हे तर तुमच्‍या बाजूनं कामाला लावा. दबावशक्‍तींना- नकारात्‍मक, तू हे करु शकणार नाहीस म्‍हणणा-या लोकाना बळी पडून पराभूतासारखा विचार करु नका.

3. खुज्‍या विचाराच्‍या लोकांना तुमचे पाय ओढू देऊ नका.तुमच्‍या पडण्‍यामध्‍ये मत्‍सरी लोकांना आनंद मिळत असतो. त्‍याना असा आनंद मिळू देऊ नका.

4. यशस्‍वी लोकांनाच फक्‍त सल्‍ला विचारा. तुमचं भविष्‍य महत्‍वाचं आहे. स्‍वत: अपयशी असणा-या फुकटच्‍या सल्‍लागारांच्‍या हाती ते सोपवण्‍याचा धोका पत्‍करु नका..

5. भरपूर मानसिक सूर्यप्रकाश मिळवा. नवनव्‍या गटांमध्‍ये सामील व्‍हा. करण्‍यासाठी नव्‍या नव्‍या आणि उत्‍साह वाढवणा-या गोष्‍टींचा शोध घ्‍या.

6. तुमच्‍या वातावरणातून विचार – विषाला हद्दपार करा. नकारात्‍मक गप्‍पांपासून दूर रहा. इतर लाकांबद्दल बोला, पण सकारात्‍मकच.

7. तुमच्‍या प्रत्‍येक गोष्‍टीत उच्‍च दर्जाची कास धरा. दुस-या कुठल्‍याही मार्गानं जाणं तुम्‍हाला परवडणारं नाही.

मला आवडलेली पुस्‍तक – बिनभिंतीची उघडी शाळा

2012-12-15T22:13:00.005-08:00

मला आवडलेली पुस्‍तक – बिनभिंतीची उघडी शाळा

लेखक- राजा मंगळवेढेकर

शिक्षण, मुलांची दृष्‍टी व्‍यापक बनविणारे, त्‍यांच्‍या जीवनातील शुचिता जोपासणारे व वाढविणारे, अभिरुचीला वळण लावणारे असावे असे आपण मानतो. परंतु शाळा तर आज ठराविक ठशांचेच विद्यार्थी बाहेर पडावेत अशा कारखान्‍यासारख्‍या चालवितो. आता तर कायदा विद्यापीठ व शिक्षणसंस्‍था यानांही उद्योगच मानतो. आपण हे विसरतो की, सोवळे अगर मुकटा नेसून, गंगाजळ शिंपडून ‘आम्‍लेट’ खाल्‍ले तरी त्‍याचे थालीपीठ होत नसते. शेवटी आस्तिकता माणसे, जनावरे, झाडे यांवरील प्रेम व इतर जीवांशी तादात्‍म्‍य यातच दडलेली आहे हे या पुस्‍तकामुळे उमगेल. आधुनिक शिक्षणाचे अधिष्‍ठान व स्‍वरुप काय असावे हे या पुस्‍तकावरुन समजू शकेल. म्‍हणून हे पुस्‍तक पालक, शिक्षक, शिक्षणतज्ञ यांनी एकदा तरी जरुर वाचलेच पाहिजे.

आम्‍ही अनेकदा नकळत अपघाताने आईबाप होतो. ‘पालक’ म्‍हणून घेतो आणि मालकासारखे वागतो. आपला मुलगा आपली ‘कार्बन कॉपी’ अगर ‘पॉकेट एडिशन’ व्‍हावा अशी दुष्‍ट इच्‍छा बाळगतो. राजाभाऊनी ह्या आपल्‍या मनोवृत्‍तीचे सुरेख विश्‍लेषण करुन असे सुचविले आहे की, एक ‘बालकवर्ष’ साजरे करण्‍यापूर्वी किमान पाच ‘पालकवर्षे’ तरी पाळले पाहिजे.

मागच्‍या पिढीच्‍या अपु-या आकांक्षा पु-या करण्‍यासाठी नव्‍या पिढीचा जन्‍म होतो. म्‍हणून बालके म्‍हणजे पुढे जाणा-या जीवनाचे प्रतिनिधी होत. पालकानी आपले प्रेम त्‍यांना द्यावे, पण आपल्‍या जीर्ण विचारांच्‍या शृखंला त्‍यांच्‍या पायात अडकविण्‍याचे पाप करु नये. हीच भूमिका ‘बीन भिंतीच्‍या उघड्या शाळेची आहे. संस्‍कार करण्‍याच्‍या नावाखाली आपली सोय बघून मालकी हक्‍क गाजविणारे पालक, शिक्षक मुलांचे बाल्‍य दगडी भिंतीच्‍या इमारतीत नेस्‍तनाबूत करीत असतात.हे आपण विसरतो. याचे सुंदर विवेचन उदाहरणांसहीत या पुस्‍तकात आढळते.