Manussakama

පරිගණකයේ වෙලාව නිතර වරදිනවද?

2019-03-28T22:25:00.000-07:00

පරිගණකයේ ඇති කුඩා බැටරිය දුර්වලවීම නිසා සෑම විටම පරිගණකය විදුලි විසන්දි වීමකදී දිනය වෙලාව වැරදි වේ එය සෑම විටම සකස් කිරීමට බොහෝ දෙනෙක් මැලි කමක් දක්වයි එම නිසා මෙම කුඩා පරිගණක වැඩසටහ මඟින් අන්තර්ජාලය හරහා ස්වංක්‍රීයව දිනය හා වෙලාව නිවැරදි කර ගනී

එම වැඩසටහන බාගත කර ගරනීම සඳහා පහත සබැඳිය ක්ලික් කරන්න

Download

හෙළ වෙදකම හා පච්ච කලාව...

2016-07-26T04:18:00.000-07:00

අද සමාජයේ පච්ච කලාව සාමාන්‍ය අංගයක් බවට පත්වී තිබේ බටහිර සංස්කෘතියට නැඹුරු බොහෝ පිරිස් මෙම පච්ච කලාවට ප්‍රිය තාවයක් දක්වයි. පච්ච කලාවේ ආරම්භ නව ශිලා යුගය තරම් ඈත අතීතය දක්වා දිවයයි ක්‍රි.පූ 3100 පමණ පැරණි අයිස්මෑන් ඔට්සි නැමැති ශරීර කොටස් මත පච්ච වැනි නිර්මාණ කර ඇති ආකාරයක් පුරා විද්‍යාඥයින් සොයාගෙන ඇත. නමුත් ශ්‍රී ලංකාවේ පච්ච කලාව බිහි වූයේ ඉංග්‍රීසින්ගේ ආක්‍ර‍මණ වලින් පසුව බව බොහෝ දෙනාගේ පිළි ගැනීම වුවත් එය ලංකාවේද ඈත අතීතය දක්වා දිව යන්නකි.

හෙළ වෙදකම ප්‍ර‍චලිතව පැවති ලංකාවේ මෙන්ම ඉන්දියාවේද විශ්මිත නිල ශාත්‍ර‍ය හෙවත් නිල අල්ලා ලෙඩ සුව කිරීම පැවතුණි ඒ අනුව එක් නිලයක් එක් වරක් පමණක් ඇල්ලිය හැකි අවස්ථා වෙද මහතුන් විසින් නිර්දේශ කොට තිබුණි දෙවනි වතාවේදීද එම නිලය ඇල්ලුවහොත් ඔහුගේ මරණය සිදුවේ එබැවිණ් එය ඉන්පසුව ඔහු හෝ ඇය පරික්ෂා කරන වෙද මහතුන් දැනගත යුතුය. පුස්කොල වල ලියා තබා හෝ එවැණි දේ ජීවිත කාලයම ආරක්ෂා කිරීම අපහසු බැවිණ් එයට පිළියමක් වශයෙන් නොමැකෙන ලෙස සම මත මෙම නිලය මා පළමුවරට අල්ලා ඇත.... යනුවෙන් සඳහනක් තබන ලදී පසු කාලීනව මෙය කලාවක් බවට පත්වී යම් උපදේශාත්මක වැකි... ගීත කොටස් ..කවි වැනි වදන් නොමැකෙන ලෙස සම මත සටහන් තැබීමට මිනිසුන් පෙළබී ඇත .... ඉන්පසුව පින්තූර පවා සම මත ඇදීම සිදුවිය...

එතැන් පටන් ලංකාවේද පච්ච කලාව ව්‍යාප්ත වීමට පටන් ගෙන ඇත... දැන් ඔබට වැටහෙනවා ඇති පච්ච කලාව සුද්දන්ගෙන් පැමිණි දෙයක් නොවන බව.

ICC Twenty 20 මැච් හිර වෙන්නෙ නැතුව බලන්න

2016-03-20T07:05:00.004-07:00

මෙතන ක්ලික් කරන්න.................

අන්තර්ජාලයෙන් Asia Cup මැච් බලන්න

2016-02-25T20:30:00.003-08:00

Click here..................

බයියන් යනු .....

2015-02-21T03:58:00.000-08:00

හිටපු ජනාධිපති තුමා අයවැය කථාවෙදි කිව්ව කොහොමද බයියන්ගෙ වැඩ... කියල එත් එතුමාවත් බයියො කියන්නෙ කාටද කියල නොදැන වෙන්න ඇති...

මම ටිකක් හොයල බැලුව කවුද මේ බයියෝ කියන්නෙ කියල... කථාව මෙහෙමයි ඌව වෙල්ලස්ස කැරැල්ල සමයෙ සිංහලයින් බොහෝ පිරිසක් පපුව ඉස්සරහට දාලා සටනට ගියා ඒත් සිංහලයින්ගෙන් සුළු පිරිසක් විතරක් සටනට බය වුණා ... ඒ බය වුණ පිරිස බිබිල හරහා මහියංගනය, පොළොන්නරුව වගේ පැති වලට බයේ පැනල ගියා එහෙම පැනල ගියපු පිරිස කැළේ අතරමං වුණා ඊට පස්සෙ අපේ ආදීවාසීන් එක්ක මෙම පිරිස ජීවත්වෙන්න පටන් ගත්ත ආදිවාසීන් වන වැදි ජනතාවත් එයාල බයේ පැනල ආපු නිසා බයියෝ කියල තමයි ආමන්ත්‍රණය කලේ ඒදා පටන් තමයි මේ බයියන් කියන පිරිස ඇති වුණේ අදටත් එම ප්‍රෙද්ශවල ඒ බයියන් ජීවත් වෙනව ... ඔන්න ඔහොම තමයි බයියෝ ඇති වුණේ හැබැයි දකුණු පලාතටත් එහෙම සටනට බයේ පැනල ගියපු පිරිසක් හිටියද කියල නම් දන්නෙ නෑ .......

ඔබේ මනාපය කාටද?

2014-11-22T02:39:00.001-08:00

online surveys

සියඹලා මල් කටට රහට....

2014-11-18T05:43:00.000-08:00

සියඹලා මල් කියන්නෙ හොඳ කෑමක් නිකන් වුණත් කන්න පුළුවන් එත් සියඹලා මල් උයල කාලතියෙනවද? මමත් ළඟදි තමා දැනගත්තෙ... අද මම කියන්න හදන්නෙ සියඹලා මල් උයල කන හැටි....

සියඹලා මල් හැදෙන කාලෙට ඒව එකතු කරල මෙන්න මේ විදියට උයල බලන්න පොඩි ඇඹුල් රහක් එක්ක මිහිරි රහක් තමයි එන්නෙ..

අවශ්‍ය ද්‍රව්‍ය-
සියඹලා මල් ටිකක්
බැදපු තුනපහ ටිකක්
ලුණු
කරපිංචා
සුදු ළුණු
ඉඟුරු
සූදුරු
පොල් කිරි
පොල් තෙල්

සාදන ක්‍රමය-

සියඹලා මල් වලට ලුණු,මිරිස්,කහ, තුනපහ දමා කවලම් කර ගන්න පසුව ඒවා පොල් තෙල් ස්වල්පයකට දමා තෙම්පරාදු කරගන්න ඉන් පසු අඹරා ගත් සුදුළුණු,ඉඟුරු,සූදුරු එක්කොට පොල් කිරි (මිටි කිරි) දමා මදක් හින්ඳා ගන්න..අවශ්‍ය නම් සීනි ස්වල්පයකුත් එක්කර ගන්න...

මෙන්න මේ විදියට සියඹලා මල් ටිකක් උයල බලන් කට දිව පිනවන කෑමක් වේවි..........

නොමිලේ සුවඳ විලවුන් සාම්පල් ගෙදරටම ගෙන්න ගමු....(කාන්තාවන් සඳහා පමණයි)

2014-10-26T07:27:00.003-07:00

ESCADA නම් ලෝක ප්‍රකට සුවඳ විලවුන් අද ශ්‍රී ලංකාවේදී ද මිලදී ගත හැකි වුවත් එම සුවඳ විලවුන් මිල අධිකය කාන්තාවන් සඳහාම විශේෂයෙන් සකසන ලද එම විලවුන් වල සුවද කෙසේ දැයි බලන්න ඔබත් ආසද? එක් වරක් භාවිතා කල හැකි සුවද කැවු ටිෂු එකක් ඔබටත් නොමිලයේම ගෙන්වා ගත හැක එසේම කීප වතාවක් වුවත් ඇනවුම් කළ හැක.... එසේ නම් කල යුත්තේ පහත ඇති සබැඳියෙන් ගොස් අදාල පෝරමය පිරිවීමයි සතියකින් දෙකකින් ඔබේ නිවසටම එය ලැබේවි... අධික මිලක් දීල ගන්න බැරි එකේ ඒකෙ සුවඳ හරි දැන ගන්න එක ලොකු දෙයක් නේ....

මේ තියෙන්නෙ මට හම්බවුණ එක

Get Your Free Sample....

නොකියා යන්න ගියා......

2014-10-25T04:04:00.000-07:00

ලෝකප්‍රකට මයික්‍රෝෙසොෆ්ට් සමාගම නොකියා ආයතනයේ වෙලඳ නාමය මිලට ගෙන තිබෙනවා එම ගනුදෙනුව සිදුවී තිබෙන්නෙ ඩොලර් බිලියන 7.2 ට ශ්‍රී ලංකා මුදලින් නම් ඒක මෙන්න මේ ගාන රුපියල් 942120000000.00 මින් ඉදිරියට නොකියා Smart Phones වල වෙළඳ නාමය Microsoft ලෙස වෙනස් වීමට නියමිතයි ලුමියා වෙනුවට මයික්‍රෝෙසොෆ්ට් ලුමියා ලෙස නම් වෙනස් වේවි.....

බබාලා ඉන්න අම්මලාට කෙට්ටු වෙන්න හොඳම ක්‍රමයක්!

2014-08-06T21:26:00.000-07:00

ඔන්න මම කියන්න හදන්නෙ බබාලා ඉන්න අම්මලාට ඉතාම වැදගත් වෙන දෙයක්.. ගොඩක් ගැහැණු බබාල හම්බවුණාම (මල්ටි) බැරල් වගේ මහත් වෙනවා ඉතින් බබාගෙ කිරි වලට අවශ්‍ය විටමින් වර්ග ගැනීමෙන් සහ ව්‍යායාම් නොමැති වීමෙන් තමයි මේ තත්වය ඇති වෙන්නෙ ඉතින් මම කියන මේ ක්‍රමයෙන් තරබාරු බව අඩුකරගන්න වගේම සිහින් සිරුරක් පවත්වාගෙන යන්න හැකියාව ලැබෙනවා ඒ වගේම අද කාලෙ ළමයි අඬන්න පටන් ගත්තම යක්කු වගේ කොක්කු පෙන්නලා වත් ඇඬිල්ල නවත්තන්න බෑ හැබැයි මේ ක්‍රමයෙන් බබාව නලව ගන්නත් ලෙහෙසියෙන්ම පුළුවන් මොකද බබාල ෆන් එකට කැමතියි නේ...පහල තියෙන වීඩියෝ පටය බලන්න... ඒ විදියට කරගෙන යන්න...... තාත්තලාටත් මේ ක්‍රමය අත්හදා බලන්න පුළුවන් .......

විදුහල්පති තුමාගෙ සංවේදී ආදර කථාව...(සත්‍ය සිදුවීමක් ඇසුරෙන්)

2014-08-06T06:04:00.000-07:00

අම්පාර කියන්නෙ යුද්ධයෙන් අධික ලෙස බැට කාපූ ප්‍රදේශයක්.... මේ විදුහල්පති තුමාටත් යුද්ධය එයාගෙ මුලු ජීවිතයටම බලපෑව ඒ කාලෙ නම් තරුණ කඩවසම් ගුරුවරයෙක් වැඩිදුර අධ්‍යාපනයට නුවර දිහා ගියා දවසක් නුවර වීදියකදි ඇහැ ගැටුන සුන්දර යුවතියක් නිසා ආදර හැඟිමක් පහල වුණා... එයාගෙ නම මලිති, දවසක් දෙකක් සිහින දැක දැක ඉඳල අවසානෙට ඒ යුවතිය තමන්ගෙම කරගන්න තීරණයක් ගත්ත.. මුල් දවසෙ සිනා සුනා විතරයිලු ඒත් දෙවෙනි දවසෙ හමු වෙද්දි වුණේ අමුතු සිදුවීමක්.. දෙදෙනාම එදා නෙදැනුවත් කමින් එකම වෙළදසැලකදි අහම්බෙන් හමුවුණා ඒ වගේම දෙදෙනාම ඇවිත් තිබුණෙ මහ වැස්සක් එන නිසා කුඩයක් ගන්න හිතාගෙන ආවෙ එකම කාරණයකට වීමත් පුදුමයි වගේ.. කොහොම හරි දෙන්න එතනදි සුහද කථා බහකට වැටුණ.මලිති කුඩයක් ගත්තත් සර් නම් කුඩයක් ගත්තෙ නැත්තෙ කපටි කමට මොකද දෙන්නම යන්නෙ එකම පැත්තට ඒ වගේම වැස්සක් වැස්සොත් කෙල්ලගෙ කුඩේ යටින් යන්න පුළුවවන් කියල සර් හිතුව.. එහෙම හිතල පොඩි බිස්කට් පැකට් එකක් විතරක් අරගත්ත කොහොම හරි දෙන්නම කථා කර කර එළියට ඇවිත් බස් නැවතුමට යන්න කියල ටික දුරක් එන කොට මලිතිගෙ යාළුවෙක් හම්බ වුණා සර්ට මල.... හිතින් බැණ බැණ සර් දැන් ටිකක් දුරස් වෙලා යනව කෙල්ලො දෙන්න කිචි බිචි ගගා හිනා වෙවී යනව... මලිති තමන්ගෙ යාළුවට සර්ව හදුන්වා දුන්න එයාගෙ යාළුවෙක් කියල.. ඔන්න ඒ එක්කම මහ වැස්සත් පටන් ගත්ත මලිතියි යාළුවයි හනිකට කුඩේ දිග ඇර ගත්තත් සර් ට කර කියා ගන්න දෙයක් නැතුව අතේ තිබුණ ෆයිල් එක ඔළුවට අල්ල ගත්තත් වැස්ස එන්න එන්නම වැඩි වෙන්න ගත්ත.. මලිතිට දුක හිතිල මලිතිගෙ කුඩේ සර් ට දුන්න දීල එයා යාළුවගේ කුඩේ යටින් යන්න උණා සර් ගෙ සිහිනය එදා බොඳ වුණේ එහෙමයි...

සර් සතියකට සැරයක් තමා අම්පාරෙ ඉඳන් නුවර යන්නෙ ඔන්න ඊ ළඟ සතියෙත් සර් ක්ලාස් එකෙන් කලින් පැනල අර කෙල්ල එනකම් මඟ රැකගෙන හිටිය එතකොට කෙල්ල සිංගර් එකේ මැහුම් පාඨමාලාවක් හදාරමින් හිටියෙ.. ඔන්න සර්ගෙ සිහින කිරිල්ලිය එදත් දේදුන්නක් වගේ සිත් අහසට පෑයුව.. සර්ට එදානම් අහන්නමයි හිතුණෙ ඉස්සර නොවුනොත් වෙන කපුටෙක් මේ කේජු කෑල්ල අරන් යයි කියල හිතුණ ඒ නිසාම පුරුෂ දයිරිය හිතට අරන් දකුණු කකුල ඉස්සරහට තියල කෙල්ලට කිට්ටු වෙලා ඇහුව

ඔයාට කොල්ලෙක් ඉන්නවද

ටිකක් හිනාවෙලා.. ඇයි එහෙම ඇහුවෙ?

කියන්නකො ඊට පස්සෙ මම මොකද කියල කියන්නම් ..

නෑ ගෙදරින් කෙනෙක් හොයනව.. ඒත් මට එහෙම හරියන්නෙ නෑ මට හිතට අල්ලන කෙනා තාම හමුවුණේ නෑ

ආ ඇත්තද? මොනවගේ කෙනෙක්ද හොයන්නෙ?

හොඳ කෙනෙක්..

සර් කොහොම කොහොම හරි කථාවෙන් මලිතිව දැලේ දාගත්ත මලිත් සර්ට කැමති වුණා මලිතිත් මේ කඩවසම් ගුරුවරයට දැකපු මුල් දවසෙ ඉඳන් කැමැත්තෙන් ඉඳපු බව සර් දැන ගත්තෙ පස්සෙ.දෙන්නගෙ ලව් එක ඔහොම ටික කාලයක් කෙරීගෙන වැඩේ ටිකක් දුරදිග යන කොට එන පොට හෙඳනෑ කියල තේරුම් ගත් කෙල්ල ඒ බව ගෙදරට කිවුව අම්මයි තාත්තයි කිව්වෙ කොල්ලට ඇවිත් හම්බවෙන්න කියල... කෙල්ල සර්ට මේ බව කිව්වම සර් කිව්වෙ හා මම එන්නම් කියල. කිව්ව වගේම දිනයක් දාගෙන සර් තව යාළුවෙක් එක්ක මෝටර් සයිකලෙන් නුවර ගියා ..මලිතිගෙ අම්මයි තාත්තයි මුලින්ම මේකට ඒ තරම් කැමැත්තක් තිබුණෙ නෑ හේතුව අම්පාර වගේ දුර බැහැරට තමන්ගෙ එකම දුව දෙන්න ලෝභ හිතුණ නිසා එතකොට එයාව හැමදාම දකින්න නෑ නේ කොහොම වුණත් සර් එදා ඇවිත් අම්මයි තාත්තයි එක්ක කතා කළා .. කෙල්ලගෙ අම්මටයි තාත්තටයි මේ කඩවසම් ඉස්කෝ‍ලෙ මහත්තය දැක්කම කොච්චර දුර වුණත් තමන්ගෙ දෝණිව දෙන්න බෑ කියන්න තරම් හයියක් ආවෙ නෑ දැක්ක මුල් දවසෙම ඒ දෙන්නට ඇති වුණේ පැහැදීමක්...දැක්කෙ ප්‍රිය මනාප බවක් කොහොම කොහොම හරි දෙන්නගෙ බලාපොරොත්තු මල්ඵල ගැන්වුණේ එදා මොකද දෙමාපිය ආශිර්වාදය ලැබුණ නිසා ...ඔන්න ටික දවසකින් කෙල්ලගෙ ගෙදර අය සර්ලයි ගෙදරත් ආව.. දෙගොල්ලන්ම වැඩේට කැමති වුණා..

ටික කාලයක් මේ සුන්දර ආදර කථාව අතරෙ කියන්න තරම් සුදුසු නැති දේවලුත් ඇති නොවුණ නෙවෙයි..කාලයාගෙ ඇවෑමෙන් මේ ආදර කථාවට කණ කොකා අඩලපු හැටි කියන්නත් මොකද්ද වගේ ඒ තරමට දුක්මුසු කථාවක්... මාස කිහිපයක් යද්දි අවාසනාවන්ත විදියට මලිතිගෙ තාත්ත රිය අනතුරකින් මලිතිවත් අම්මවත් තනිකරල දාලා යන්න ගියා ...මල ගෙදර වැඩි කාර්යභාරයක් කරන්න වුණේ සර්ට මොකද මලිතිට සහෝදරයෙක් හිටියෙ නැති නිසා හැඬූ කඳුලින් හිටපු මලිතිට තාත්තගෙ ආදරයත් ලබා දෙනව කියල සර් පොරොන්දු වුණා.. ටිකක් හරි මලිති හිත හදාගෙන හිටියෙ සර් නිසා.හෙට අනිද්ද දෙන්නට එක්වෙන්න තිබුණ අවස්ථාව මඟහැරුණෙ ඔන්න ඔය විදියට.. කාලය වේගයෙන් පියඹා ගියා තාත්තගෙ අවුරුද්දෙ දානෙත් ඉවර වෙලා මාසයක් ගිහින් දැන් නම් මේ දෙන්නව එක් කරන්න ඕන කියල මලිතිගෙ අම්මයි නෑදෑයොයි හිතුව දවසක් අම්ම මලිතිට මේ විදියට කිව්ව-

දූ මම හෙට සර්ලයි ගෙදර ගිහින් දූගෙ කේන්දරයත් දීල මංග්‍යයෙට හොඳ දිනයක් බලන්න කියන්නම්...
අම්මෙ මාත් එන්නම් තනියම යන්න එපා...
එපා එපා එහෙම යන සිරිතක් නෑ නේ .. මම හෙට එහේ ගිහින් අනිද්දට එන්නම් ඔයා නැන්දලගෙ ගෙදර ඉන්න
හා හා..හරි එහෙනම් පරෙස්සමෙන් ගිහින් එන්න කෝ...

පැණි වලලු ටිකකුත් හදාගත් අම්ම පහුවදා උදෙන්ම අම්පාරෙ යන්න පිටත් වුණා ඒ කාලෙ කොටි කළබල තිබුණ නිසා මඟින් මඟටම මලිති අම්මට කිව්වෙ අම්මේ පරිස්සමෙන් යන්න කියල අම්ම සර්ලයි ගෙදරට එනකොට හවස දෙක විතර වෙලා කට්ටියම සතුටු සාමිචියේ යෙදිලා වැඩපිලිවෙලත් කථා කරගෙන එදා සර්ලයි ගෙදර නැවතිලා උදේන්ම අම්ම නුවර එන්න පිටත්උණා සර් ත්‍රී වීලර් එකකින් අම්මව අම්පාර බස්ස්ටෑන්ඩ් එකටම ගෙනත් දාලා වැඳලා අම්මගෙන් සමුගත්ත අම්මා සර්ට අන්තිමට කිව්වෙ "පුතේ මං ගිහින් එන්නම් පුතාට බුදුසරණයි" කියල බස් එකත් යනකම් බලන් ඉඳල තමයි සර් ආපහු ගෙදර ආවෙ.. පැය එක හමාරකින් දෙකකින් විතර රේඩියෝ එකේ විශේෂ ප්‍රවෘතියක් විදියට මෙන්න මේ විදියෙ දෙයක් කිව්ව-

"අම්පාර අරන්තලාව ප්‍රදේශයේදී අම්පාර සිට නුවර බලා ධාවනය වෙමින් තිබූ බස්රථයකට කොටි ත්‍රස්තවාදීන් විසින් ප්‍රහාරයක් එල්ල කරළ අතර එහි ගමන් ගත් පිරිසෙන් වැඩි පිරිසක් ජීවිතක්ෂයට පත්වී ඇත.." යන්නයි

මෙය ඇසූ සර්ට හීන් දාඩිය දමන්නට විය මෙම සිදුවීම වූ කාලය සැලකීමේදී මේක නම් අම්මා ගියපු බස් එකම විය යුතු යැයි සර් අනුමාන කළා එසැනින් මෝටර්සයිකලේ නැගුණ ඔහු ටවුමට ගොස් එම බසයැයි සැක හැර දැනගෙන සිද්ධිය වූ ස්ථානය වෙත විනාඩි 40 ක තරම් කාලයක් තුල ළඟා වුණා.. මලිතිගේ අම්මා ජීවත් වෙලා ඉන්න ඕන කියල හිත හිත.. සර් ඒ මේ අත දුවන්න වුණා.. කට්ටිය පිරිල සමහරු හඬාවැලපෙනව ඉටි කොළ වලින් වහල තිබුණ බස් එක ඇතුලෙ තියෙන මිනී ඔක්කොම බැලුව ඒත් එතන අම්ම හිටියෙ නෑ කැළෑව පැත්තට වෙන්න ඉටි කොළ වලින් වහපු මිනී හතක් අටක් විතර තිබුණ එහෙම තිබුණෙ වෙඩි පහර කාගෙන බේරෙන්න හිතාගෙන දුවපු අය කියල තමයි අහල පහළ ඉන්න අය කිව්වෙ.. කළු ඉටිකොළය ඇරල බලද්දී සර් ගෙ හුස්ම හිරවුණා ඇඟ සීතල වුණා මලිතිගෙ එකම සම්පත වුණ අහිංසක අම්මත් ඒ විදියට තිරිසන් කොටි ත්‍රස්ථවාදීන්ගෙ අතින් මැරුම් කාලා..සර් එදා හොඳටම ඇඬුව..ජීවිතයේ ලැබුණු අමිහිරිම අත්දෑකීම එදා ඒ විදියට වින්ද කියල කියන කථාව කියද්දී සර්ගෙ ඇස්වලින් වැටුන කඳුළු බිඳු හොරෙන් සඟව ගන්න උත්සාහ කරත් ඒක මම දැක්ක...

මල ගෙදර බර වැඩි කොටසක් කරට ගත්තු සර් හත් දවසෙ දානෙත් දෙනකම් මලිතිලයි ගෙදර හිටියෙ ඒත් මලිති නෙවෙයි සර් එක්ක එක වචනයක් වත් කථා කලේ මලිති ඒ දවස් ටිකේම හිටියෙ උමතුවෙන් වගේ මොකද තමන්ට කියල හිටපු එකම වස්තුව තමන්ගෙ අම්මට මේ විපැත්තිය වුණේ එයාගෙ වැඩකට ගිහින් නේ කියන හැඟීම ඇයට දැනෙන්න ඇති... ඇය ඒ නිසාම මේ ආදරයට වෛර කළාද කියලත් හිතෙනව.මානසික තත්වය තේරුම් ගත්තු සර් ටික දවසක් යනකම් මලිති එක්ක කථා කරන්න ගියේ නෑ ඒත් මාසයක් විතර යද්දි මලිතිගෙ නෑදෑයො සර්ට එන්න කියල පණිවිඩයක් එවල තිබුණ ඒ නිසා සර් මලිතිලයි ගෙදරට ගියා එදා එහේ නෑදෑයො ගොඩක් ඇවිත හිටිය.. එයාල සර් ට කථා කළා ..

සර්.. තරහ වෙන්න එපා අපි මෙහෙම කියනවට.. අඩුම ගානෙ අම්පාර තියෙන පැත්ත බලාගෙන වැසිකිළි යන්නවත් අපි කැමති නෑ සර් හිත හදාගන්න අපි මේ මඟුලට කැමති නෑ දුවත්දැන් හිත හදාගෙන ඉන්නෙ..

කියල මලිතිගෙ මාමා (අම්මගෙ මල්ලි) කියා ගෙන ගියා අනිත් අයත් ඒක අනුමත කරමින් කථා කළා.. සර් ට එදා මුළු ලෝකයම නැති වුණා වගේ දැනුන.. කර කියා ගන්න දෙයක් නැතුව බිම බලාගෙන කල්පනා කළා..එහෙම ඉඳල සර් ටිකක් තදින් වගේ-

මේව මම කරපු දේවල් නෙවෙයි නේ ඇයි ඔයාල මේ විදියට අසාධාරණ තීරණ ගන්නෙ ඕනනම් මම නුවරට මාරුවක් හදාගෙන එන්නම්

එතනට ආපු මලිති "නෑ නෑ ඕන නෑ මට වෙන්න තියෙන දේවල් ඔක්කොම වුණා මට දැන් බලාපොරොත්තු නෑ මම දැන් හිත හදාගෙන ඉවරයි මට සමාවෙන්න සර්... සර්ට මට වඩා හොඳ කෙනෙක් ලැබෙයි ආයෙ මං ගැන හිතන්න එපා මාව අමතක කරන්න Please......"

අකමැත්තෙන් හරි සර්ටත් හිත හදිගන්න වුණා හැබැයි පස්සෙ හරි හිත හැදෙයි කියල සර් කාලයක් මලිති වෙනුවෙන් බලන් හිටිය ඒත් මලිතිට වෙන කෙනෙක් කථා කරල තියෙන්නෙ කියල දැනගත්තම සර්ට ඒ පුංචි බලාපොරොත්තුවත් අතහඅරගන්න වුණා... විදුහල්පතිතුමාගෙ අමිහිර ආදර අත්දැකීම අවසන් වුණේ ඒ විදියට. යුද්ධයෙන් තමන්ගෙ ආදරයට වුණ බලපෑම ගැන අදටත් සර් කණගාටු වෙනව අවසානෙට සර් කිව්වෙ මේ යුද්ධය නවත්තන්න ක්‍රියා කළ අති ගරු ජනාධිපති තුමාට තමන්ගෙ ජීවිතය තියෙන කම් ඡන්දය දෙනව කියල.. ඒත් එදා ඒ අහිංසක අම්මට වෙඩි තියන්න අණ දීපු නැගෙනහිර පළාත භාරව සිටි කොටි නායක හැත්ත අදටත් රජ ගෙදර සුර සැප විඳින එක ගැන මොකද හිතෙන්නෙ කියල සර්ගෙන් අහන්න මට අමතක වුණා.. මේ තිරිසන් හැත්තට කවද හරි කරපු පවු ඵල දෙන්න කියල ප්‍රාර්ථනා කරනව ඇරෙන්න අපි වගේ සොක්කන්ට කරන්න පුළුවන් කෙන් ගෙඩියක් නැහැ නේ..

කටු අනෝදා තේ... (සීනි වැඩි අයට හා පිළිකා රෝගීන්ට විශේෂයි)

2014-07-04T02:08:00.000-07:00

හැමෝම දන්නා වියළි කළාපයේ බහුලව වැවෙන කටු අනෝදා (soursop) ඖෂධීය අතින් ඉතාම ගුණ දායක පළතුරක් මෙන්ම ඖෂධ ගසක් ... ඉතින් මම අද කියන්න හදන්නෙ කටු අනෝදා වලින් හදා ගන්න පුළුවන් ඖෂධීය ගුණයෙන් සපිරි ස්වාභාවික තේ කෝපපයක් ගැන...

මුලින්ම කරන්න ඕන කටු අනෝදා කොළ කිහිපයක් ගෙන හොදින් පිරිසිදු කර ගැනීමයි (මෙහි දී දළු බාවිතය සුදුසු නැති අතර වඩාත් වියලි කොළද සුදුසු නොවේ) ඉන්පසු වතුර භාජනයක් ලිප තබා හොදින් වතුර උතුරන්නට හරින්න වතුර ඉතිරවූ විගස මෙම කටු අනොදා කොළ එම බඳුනට දමා අඩු රස්නයක් යටතේ විනාඩි 20 පමණ කාලයක් ලිප මත තබන්න එවිට එම ජලය ක්‍රමයෙන් රන්වන් පාට එසේ නැත්නම් සාමාන්‍ය තේ පැහැයට පැමිණි පසු කොළ ටික පෙරා තරමක් සිසිල් වූ පසු පානයට ගන්න...

දියවැඩියා රෝගීන් සීනි භාවිතා නොකොට මෙම තේ පානය කළ යුතු අතර අනෙක් පුද්ගලයිනට තම මතය පරිදි සීනි හෝ හකුරු සමඟ මෙම තේ පානය කළ හැක එසේම සෑම දිනකම කෑමට පෙර මෙම පානය ගැනීමෙන් ගුණදායක ප්‍රතිඵළ ලබාගත හැක

අන්තර්ජාලයේ විශ්වාස කටයුතු සෞඛ්‍යය අඩවි මඟින් උපුටා ගන්නා ලදී

Internet Download Manager (IDM) හැමදාම තියාගන්න......

2014-05-30T00:45:00.000-07:00

Internet Download Manager (IDM) කියල කියන්නෙ අන්තර්ජාලයෙන් යමක් ඩවුන්ලෝර්ඩ් කරගනිද්දි ඉතාවේගයෙන් ඩවුන්ලෝර්ඩ් කරගන්න තියෙන වැඩසටහන් අතර හොඳම වැඩසටහන ඒත් බොහෝ දෙනෙකුට තියෙන ගැටලුවක් තමයි Internet Download Manager (IDM) එක ටික දවසකින් ක්‍රියා විරහිත වෙන එක ඉතින් මේ වැඩසටහනේ හොර කොපි භාවිතා කරන නිසා තමයි මේ කරදරය ඒත් ඔරිජිනල් ඒව සල්ලි දීල ගන්න තරම් අපිට වත්කමක් නැති නිසා වැරදි වැඩේ බව දැන දැනම හොර කොපි පාවිච්චි කරනව අපි එහෙම පාවිච්චි කලා කියලා ලෝක ආර්ථිකයට ඒක බල පෑමක් වෙන්නෙ නෑ නේ... හොර කොපිය වුණත් පාවිච්චි කරන පිළිවෙලක් තියෙනව ඒකෙ අප්ඩේට් කරන්න කියල මැසේජ් එක ආවම කැනසල් කරනවා මිසක් අප්ඩේට් කරනවා එහෙම නෙවෙයි එහෙම කලොත් හොරේ අහුවෙනව...

මම දීලා තියෙන සොෆ්ට්වෙයාර් එක අරගෙන පහත තියෙන පිලිවෙලට වැඩ ටික කරන්න....

මෙතනින් ගන්න-

1) මුලින්ම ඩවුන්ලෝර්ඩ් කරගත්තු වැඩසටහන Extract කර ගන්න පාස්වර්ඩ් එක විදියට manussakama දෙන්න

2) idman619.exe කියන File එක Double Click කරල වැඩසටහන Install කරගන්න

3) Crack + Keygen කියන ෆයිල් එකත් Extract කර ගන්න

4) එහි ඇති IDMGrHlp.exe හා Keygen.and.Patch.exe ෆයිල් දෙක කොපිකරල පහල සදහන් ස්ථානයේ Paste කරගන්න

C:\Program Files (x86)\Internet Download Manager

C:\Program Files\Internet Download Manager

5) Keygen.and.Patch.exe එක ඩබල් ක්ලික් කරල පහළ තියෙන විදියට උපදෙස් තෝරගන්න

a. Click on Generate

b. Click on Patch and select idman.exe

c. Click on Auto Reg

දැන් ඉතින් මේක හැමදාටම තියාගන්න පුළුවන්.... හැබැයි අප්ඩේට් නොකර

ප්ලාස්ටික බෝතලයෙන් මී උගුලක් හදමු....

2014-05-23T06:05:00.002-07:00

ඉවත ලන ප්ලාස්ටික් බෝතලයෙන් අපූරුවට මී උගුලක් හදාගන්න පුළුවන් පහත තියෙන වීඩියෝම නරඹලා කරන්න පුළුවන්ද කියල බලන්න...

ෆෝල්ඩර් වලට පාස්වර්ඩ් දාලා ආරක්ෂා කරගන්නෙ කොහොමද? (1 කොටස Folder Lock)

2014-05-22T23:08:00.001-07:00

ෆෝල්ඩර් ආරක්ෂා කරගැනීම සම්බන්ධව ලෝකයේ ජනප්‍රියම වැඩසටහන තමයි ෆෝල්ඩර් ලොක් කියල කියන්නෙ ඉතින් මේ වැඩසටහන පරිගණකයට දාගෙන පහසුවෙන්ම අපේ පරිගණක ලේඛණයන් ආරක්ෂා කරගන්න පුළුවන්... පහත තියෙන සබැඳියෙන් වැඩසටහන ගන්න.. ඒකෙ තියෙන විදියට කරලා පාවිච්චි කරල බලන්න ගැටලුවක් නම් මේ විද්‍යුත් ලිපිනයට දන්වන්න. thisaraps@gmail.com

Extract Password- manussakama

මහඇමති දයාසිරි පොල්ල වනා වැඩ පෙන්වයි...

2014-05-02T01:18:00.002-07:00

මෙවර 2014 ලෝක කම්කරු දිනයට සමගාවීව පොදුජන එක්සත් පෙරමුණ මඟින් පැවැත්වුණු මැයි පෙළපාලියේ කාගෙත් සිත්ගත් අංගය වූයේ වයඹ මහඇමති ගරු දයාසිරි ජයසේකර මැතිතුමන් පෙළපාලිය පුරාවටම පොළු හරඹ,කඩු හරඹ.බෙර වැයුම් ආදියෙන් ඒකපුද්ගල දක්ශතා ප්‍රදර්ශනයක් (Talent Show) පවත්වමින් ගමන් කිරීමයි...විශේෂයෙන් නැටුම් ගැයුම් වැයුම් වලට හපන් කම් දක්වන ඇමතිතුමා ඉදිරියේදී රංගන ශිල්පියකු ලෙස ද දස්කම් දක්වන්නට බලාපොරොත්තු වන බවට වටින් ගොඩින් ආරංචි කටකථා ගලා යමින් පවතී ......අහුලා ගත් පින්තූර කිහිපයක් සහ වීඩියෝවක් පහතින්

වීඩියෝව සඳහා....මෙතන ක්ලික් කරන්න

එ ජා ප මැයි පෙළපාලියේ සෙල්ලං පිස්තෝල.....

2014-05-01T07:53:00.000-07:00

අද දින එක්සත් ජාතික පක්ෂයේ මැයි පෙළපාලිය අම්පාර නගරයේදී පැවැත්වුණා කරු ජයසූරිය මහතාගේ නායකත්වයෙන් සහ දයා ගමගේ මහතාගේ සංවිධානයෙන් තමයි රැලළිය පැවැත්වුනේ ඒ වගේම එහිදී විශාල ජනතාවක් දිවයිනේ විවිධ ප්‍රෙද්ශ වලින් සහභාගි වී තිබුණා මෙහි දී විශේෂ සිදුවීම වන්නේ බොහෝ දෙනෙකු සෙල්ලං පිස්තෝල අතැතිව සහභාගි වීමයි එහි රෑලියේ ඡායාරූප කිහිපයක් පහතින්.....

සෙල්ලං පිස්තෝල අතැතිව

සෙල්ලම් පොලිස්.....

2014-04-23T03:53:00.000-07:00

අපි ඉස්සර හින්දි-දෙමළ ෆිල්ම් බලද්දි ඉන්දියාවෙ පොලිසියේ පජාති වැඩ හොඳට දැකල තියෙනව ඒත් අද ඒ ෆිල්ම් වල තියෙන දේවල් මෙහේ සජීවීව දැකගන්න අවස්ථාව උදාකරල දීල තියනව මින් පෙර කිසිදු ආණ්ඩුවකින් නොවුණ ආකාරයට අද ඇස් කණාපිටම ඒ දේවල් සිද්ධවෙන්න පටන් අරගෙන ...ඉන්දියාවෙ එහෙම වුණත් ලංකාවෙ එහෙම වෙන්නෙ නෑ කියල අපි ඒ කාලෙ හිතන් හිටියෙ ඒත් දැන්....... !! පක්ෂ පාට කුමක් වුවත් ඇස් කණා පිටම අසාධාරණය පෙනි පෙනි ඒවා ගැන මුකුත් නොකියා නිවටුන් සේ ඉන්න තරම් අපි තවමත් කුජීත වෙලා නැති නිසා මේ විදියෙ පොඩි හරි සටහනක් තියන්න හිතුවෙ....දේශපාලන බලපුළුවන්කාරකම් අද හැම තැනකම රජ කරනවා යකෝ අපට දැන් වෙලා තියෙන්නෙ මේව දැක දැක නොදැක්ක වගේ ඉන්නද? නැත්නම් ඉතින් මුන් සේරම මරාගෙන මැරෙන්න තමයි වෙන්නෙ සාමාන්‍ය මිනිස්සු රකින්න හිටපු ආරක්ෂා කරන්න හිටපු උන් සාමය ආරක්ෂා කරන්න හිටපු උන් අද අපිටම එරෙහි වෙලා.. ඇත්තටම ඉන්නෙ සෙල්ලං පොලිසියක් ,රිමෝට් පොලිසියක් දේශපාලුවන්ගෙ ,ලොක්කන්ගෙ අතේ තියෙන රිමෝට් එකෙන් උන් ටික පාලනය වෙනව ඇත්ත පිස්තෝල පවා අද උන්ට සෙල්ලං ඒව වෙලා... උන්ට නං මේව සෙල්ලං තමයි ....

එක එකා කියන විදියට තම ආත්ම ගෞරවය පවා බල්ලට දමලා මෙහෙම ජෝබ් කරල හම්බකරන් කාලා මොකටද ? තොපේ ඉපදෙන්න ඉන්න ළමයට පවා ඔව පලිසන් දෙනවා යකෝ... තොපිට හෙන ගහනව ..ඒත් තොපිට ඔය ඕඩර් දෙන ලොක්කන්ට එහෙම වෙන්නෙ නෑ ඒක තමයි ආශ්චර්යය..... ඒක තමයි දුක . ඔය කාකි ෂුට් ගලවලා දාලා අමුඩයක් ගහගෙන කුඹුරු කොටාගෙන කාපල්ල .. නැත්තන් හිඟා කාපල්ල ඊට වැඩිය හොඳයි ඒක... නැත්තම් ඒ අභිමනවත් සේවය මහ එකාලාගෙන ඉල්ලගනිල්ලා.... සක්කිලි නොවී....

ඩවුන්ලෝඩ් වේගය වැඩි කරන පහසු කම් සපිරි සුපිරි භාණ්ඩයක්!

2014-04-21T06:06:00.002-07:00

මීට පෙර ඉන්ටර්නෙට් ඩවුන්ලෝඩ් මැනේජර් වෙනුවට භාවිතා කල Eagle Get ගැන කිව්ව. අද කියන්න යන්නෙ ඊටත් වඩා හොඳ නොමිලයේ භාවිතා කළ හැකි සුපිරි සොෆ්ට්වෙයාර් එකක් ගැන මේකෙ නම Flash Get අනිත් ඒවත් එක්ක බලන කොට මේකෙ තියෙන වෙනස තමයි සමාන්‍ය බාගත කිරීම් සඳහා පමණක් නොව ටොරෙන්ට් භාගත කිරීම් සදහාද භාවිතා කල හැකි වීම ඕන්න නොමිලෙ දෙන නිසා දාලාම බලන්න හොඳ නම් හැමදාම තියා ගන්න නැත්නම් ඉතින් Uninstall කරල දාන එකනේ......

මනුස්සකම සපිරි සුභ අලුත් අවුරුද්දක් වේවා!

2014-04-13T09:57:00.001-07:00

ICC World Twenty20 Semi-Final සජීවීව අන්තර්ජාලය ඔස්සේ නරඹන්න.....

2014-04-02T07:23:00.000-07:00

ශ්‍රි ලංකාව සහ බටහිර ඉන්දිය කොදවේ පිල අතර හෙට පැවැත්වෙන තරඟය සජීවීව අන්තර්ජාලය ඔස්සේ නරඹන්න පහත සබැඳියෙන්.....

මයික්‍රෝෙසොෆ්ට් එක්සෙල් සඳහා කදිම ටූල් එකක්! (Powerful toolbox for Microsoft Excel )

2014-04-01T22:22:00.001-07:00

Ms Excel භාවිතා කිරීමේදී අපට ලබා දී ඇති පහසුකම් වලට අමතරව තවත් පහසුකම් භාවිතා කිරීමට අවශ්‍ය වන අවස්ථා එමටයි උදාහරණයක් වශයෙන් MS Word වල ඇති Change Case පහසුකම එක්සෙල් වලදී අවශ්‍ය වීම වැනි දේවල්...ඉතින් ඒවගේ අඩුපාඩු රැසක් මෙම ටූල් බොක්ස් එකෙන් කරගන්න පුළුවන් මෙම මෙවලම් කට්ටලයේ නම Kutools සම්පුර්ණ නෙමිලයේ බාගතකරගෙන භාවිතා කිරීමට හැකියාව තියෙනව මෙම Tool Box එක Install කර ගැනීමෙන් පසුව පහත ආකාරයේ මෙනුවක් එක්සෙල් වෙත ලැබෙනව

එමගින් අපට අවශ්‍යය වැඩ කටුයුතු සිදු කරගන්න පුළුවන් උදාහරණයක් ලෙස සිම්පල් කැපිටල් මාරු කරගැනීම සඳහා එහි ඇති Text Tool--> Change Case ලෙස උපදෙස් තෝරාගත යුතුය. පහත සබැඳියෙන් Download කරල Install කරගන්න

ගාල්ලෙ ගොං හරක් සහ මාතර හරක්......

2014-03-31T02:56:00.002-07:00

2014 මාර්තු 29 වෙනිදා පැවති ඡන්ද ප්‍රථිපල අනුව ගාල්ල සහ මාතර ගැන අන්තර් ජාලයේ බොහෝ සෙයින් කථා බහට ලක් වුණේ මෙලෝ රහක් නැති අශීලාචාර ගති පැවතුම් ඇති ගොං බාන් පිටින් පළාත් සභා ඡන්දයට ඉදිරිපත් වීම නිසායි... කෙසේ හෝ මනාප ඡන්ද ප්‍රතිඵල අවසානයේ ගාල්ල දිස්ත්‍රික්කයෙන් අහන්ට ලැබුණේ ගිය වර පළාත් සභා ඡන්දයේදී එළියේ දාගෙන රඟන සිංහල වත් කථාකරගන්නට බැරි නළඟනක් වෙත ඡන්දය ලබා දී ජයග්‍රහණය කරවූ පරිද්දෙන්ම එවැනිම තවත් ගොං බඩ්ඩක් මෙවරද ජයග්‍රහණය කරවීමට ගාල්ලෙ ගොං බඳින කණු වැනි 26,932 ජනතාවක් ඉදිරිපත් වීමයි... ඇත්තටම මෙවන් අශීලාචාර ගැහැණුන් ඡන්දයක් ජයග්‍රහණය කරවීම එසේ නැත්නම් නායකත්වක් සඳහා සුදුසු යැයි අනුමත කිරීමට තරම් මෝඩ මිනිසුන් තවමත් සිටිනවාය යන්න සිතන විටත් ඇති වන්නෙ කණගාටුවකි... කිසිදු වැඩගැම්මකට නැති නළු බට්ටන් පත් කිරීම අනුමත කළ නොහැක ... කෙසේ වෙතත් ගාල්ලෙන් ගොං බානක් ඉල්ලුව හොත් ඡන්ද බානට සමානව බෙදී යන හෙයින් මාතරින් තරඟ වැද දිනන්නට සිතා මෙවර පළාත් සභාවට මාතරින් තරග වැදුනු ඇය උදළු තල බෙදමින් මිනිසුන් රවටා ගැනීමට අපමණ වෙහෙසක් දැරුවද මාතර මිනිසුන් ගාල්ලෙ ගොං හරක් මෙන් නොවන බව කියා පාමින් ඇය ගේ තලය ගෙන ඇය ගෙදර යැවීමට ක්‍රියා කළේය.. එක්සත් ජාතික පක්ෂයේ පක්ෂ නායකත්වය විසින් ද එවැනිම ගොං භාණ්ඩයක් ඉදිරිපත් කර තිබුණේ ප්‍රසිද්ධිය නිසා පක්ෂයට වැඩි ජයග්‍රහණයක් ගෙනේ යැයි සිතාය ... සිතුවා මදිය මාතර ගාල්ලේ තරම් ගොං වස්සන් වැස්සියන් නැති බැවිණ් ඇයටද අත් වූ ඉරණම පරාජයයි කෙසේ වෙතත් සංසන්ධනාත්වකව බැලුව හොත් ගාල්ලේ සිටින ඡන්දදායක ගොං හරකුත් සහ මාතර ඇති ගොං හරකුන් ගනන අනුව මාතර ප්‍රමාණය ටිකක් අඩුය.. ගාල්ල 26 932 කි මාතර 19 848 කි වෙනස 7084 කි

අප්‍රේල් පළවෙනිදාට ක්‍රියාත්මක කරන්න අදහස් 100 ක්.......

2014-03-31T01:20:00.001-07:00

අප්‍රේල් පළවෙනිදා (01) කියන්නෙ ඉතින් කාට කාටත් වැදගත් දවසක් ලෝක මෝඩයාගේ දිනය නිසා.....ඒ දවසට ඉතින් බොරු කියල කට්ටිය අන්දවන එක අපේ සිරිත නේ දැන් දැන් එහෙම බොරු කිව්වට පිළිගන්නෙ නෑ ඒත් ඒකට මොකද කරන්න ඕන .....? ඔන්න හැම අවුරුද්දෙම වගේ මේ අවුරුද්දෙත් අප්‍රේල් පළමුවෙනිදාට ක්‍රියාත්මක කරන්න පුළුවන් හොඳ අදහස් සීයක (100) පොඩි පොත් පිංචක් මනුස්සකම වෙතින් තෑගි කරන්නයි මේ හදන්නෙ. කරන්න තියෙන්නෙ පහළ තියෙන සබැඳියෙන් ගිහින් ඒ පොත් පිංච බාගත කර ගැනීම .....

ICC T20 Cricket World Cup 2014 Official Theme Song Video & MP3 (Download Now)

2014-03-30T23:15:00.000-07:00

මෙවර විස්සයි විස්ස ලොක කුසලාන තරඟාවලිය සඳහා නිර්මාණය කෙරුණ තේමා ගීතය අවශ්‍යය අය පහත සඳහන් සබැඳියෙන් බාගත කරගන්න.....

Download Link-