தமிழ்ச் செய்திகள்

படிக்கச் சோறிட்டவர் !

noreply@blogger.com (Anonymous) — Tue, 5 Sep 2017 08:57:00 +0530

நமது சமூகத்தில் பிறந்த ஒவ்வொரு பையனையும், ஒவ்வொரு பெண்ணையும் கல்வி கற்கச் செய்ய வேண்டும்.

ஒவ்வொரு கிராமத்திலும், ஒரு திண்ணைப் பள்ளிக் கூடாமாவது இருக்கும் என்றும், நான்கைந்து கிராமங்களுக்கு ஒரு தொடக்கப் பள்ளியாவது இருக்கும் என்ற நம்புகிறேன்.

பள்ளிக்குச் செல்லும்படி, ஒவ்வொரு பையனையும், ஒவ்வொரு பெண்ணையும் கட்டாயப் படுத்துங்கள்.

http://karanthaijayakumar.blogspot.com/2017/09/blog-post.html

வருக வருக

என்றென்றும் பேரன்புடன்,

கரந்தை ஜெயக்குமார்

மரண வலியின் கதறல்கள்!

noreply@blogger.com (Anonymous) — Thu, 1 Jun 2017 01:27:00 +0530

அரசு மனது வைத்தால் பல உயிர்களின் வலியைக் குறைக்கலாம்

இந்தியாவில் ஒவ்வோர் ஆண்டும் 10 லட்சம் பேர் வலியால் துடிதுடித்துச் சாகிறார்கள். வலியால் என்றால் தாள முடியாத மரண வலியால். புற்றுநோய், சிறுநீரக முடக்கம், எச்.ஐ.வி. பாதிப்பு போன்றவற்றால் பாதிக்கப்பட்டவர்களின் இறுதி நாட்களை அருகிலிருந்து பார்த்தவர்களுக்கு இந்தக் கொடுமை கொஞ்சம் புரிந்திருக்கும். தாளமுடியாத வலி.. மரண வலி!

இவர்களில் பெரும்பான்மையானவர்கள் ஏழைகள். ஒரு கட்டிலுக்கோ, ஒற்றை ‘பாரசிட்டமால்’ மாத்திரைக்கோ வழியில்லா தவர்கள். மலஜலத்தைச் சுத்தம் செய்யக் கூட ஆளில்லாமல், ஒரு விலங்கைப் போலக் கிடப்பவர்கள். அதில் சிலர் ஊனமுற்றோராகவும், பார்வையற்றோரா கவும் இருப்பது இன்னும் கொடுமை. உயிருக்கு நெருக்கமானவர்களை இப்படித் துடிதுடிக்கப் பார்த்து தன் இயலாமையை நினைத்து வருந்தும் குடும்பத்தினரும் உண்டு. இதில் சட்டவிரோத கருணைக் கொலைகளும்கூட நடப்பதாகச் சொல்கிறார்கள்.

உதவும் மனங்கள்

இதுபற்றி ஒரு நாள் பேசிக்கொண்டு இருந்தபோது நண்பர் மணிகண்டன் சொன்னார், பார்வையும் சுயநினைவும் இழந்த வயதான பெண் ஒருவரைச் சொந்த மகனே சாலையில் கொண்டுவந்து விட்டுவிட்டுப் போய்விட்டார். அவரை மதுரை கடச்சனேந்தலில் உள்ள ‘நேத்ராவதி வலி நிவாரணம் மற்றும் பராமரிப்பு மையம்’தான் மீட்டுப் பராமரித்தது. தொடர் சிகிச்சையால் கண் பார்வையும், நினைவும் திரும்பிய பிறகு, அந்தப் பெண் வீட்டுக்குப் போக விரும்ப, அந்தப் பையனே பாசத்தோடு தாயை ஏற்றுக்கொண்டிருக்கிறார் என்று சொன்னார். நோயுற்ற ஏழை முதியோருக்குச் சிகிச்சை அளிக்கவும், சாகும் வரையில் வலியின்றிப் பேணவும் எனக்குத் தெரிந்து தென்மாவட்டத்தில் உள்ள ஒரே தனியார் இலவச மையம் இதுதான் என்றார் அவர்.

சில நாட்களிலேயே அந்த மையத்தைப் பார்க்கப் போனேன். கொஞ்சம் பழைய பள்ளிக் கட்டிடம்போல இருந்தது. மொத்தம் நான்கு அறைகள். அதில் மூன்று அறைகளில் படுக்கைகள். ஓர் அறை செவிலியர் நிலையம் மற்றும் சமையலறையாக மாற்றப்பட்டிருந்தது. மருத்துவருக்கெனத் தனி அறை இல்லாததால், நோயாளிகள் படுத்திருக்கும் ஒரு அறையையே பாதியாகப் பிரித்து மேஜை போட்டிருந்தார்கள். பொதுக்கழிப்பறை மட்டும்தான்.

படுக்கையிலேயே மலம் கழித்துவிட்ட ஒரு முதியவரைச் சுத்தம் செய்து, ‘டயாப்பர்’ மாற்றிக்கொண்டிருந்தார் செவிலியர் ஒருவர். வலி நிவாரணம் அளித்தும் தாங்க முடியாத வேதனையில் முணுமுணுத்துக்கொண்டிருந்தார் ஒருவர். நெற்றி நிறைய விபூதி பூசியிருந்த பாட்டி கையெடுத்துக் கும்பிட்டார். 102 வயதுப் பாட்டி ஒருவர், குறுகிப்போய் ஏழு வயதுப் பெண் குழந்தையைப் போல வாசலில் உட்கார்ந்திருந்தார். சேலையோ, நைட்டியோ அணிய மறுத்து, சிறு போர்வையை மட்டும் மடியில் வைத்துக்கொண்டு உட்கார்ந்திருந்தார். “அவர் ஒரு குழந்தை சார். கண்ணுகூடச் சிரிக்கும். ‘அங்கே போ.. இங்கே போ.. டிரஸ் போடு’ என்றால் அவருக்குக் கோபம் வரும் சார். அதனால் நாங்கள் தொந்தரவு செய்வதில்லை” என்றார் ஊழியர் வினோத்.

உண்மையான சேவை

மருத்துவத்துக்குப் படித்தது சம்பாதிப்பதற்கு மட்டுமல்ல என்று உணர்ந்த மனிதநேயமிக்க மருத்துவர்கள் கூட்டாக நடத்துகிற மையம் இது. தினமும் ஒரு மருத்துவர் வீதம் சுழற்சி முறையில் வந்து நோயாளிகளைப் பார்க்கிறார்கள். இரவும் பகலும் செவிலியர்களும் மற்றவர்களும் இருக்கிறார்கள். நோயாளிகளின் பாதிப்புக்கேற்ப கண், எலும்பு, இதயம், சிறுநீரகம், மூளை நரம்பு சிறப்பு மருத்துவர்களும் அவ்வப்போது வருவதுண்டு. பணியில் இருந்த மருத்துவர் பாலகுருசாமியிடம் பேசியபோது, “நம்மை மருத்துவர்களாக்கிய இந்தச் சமுதாயத்துக்கு ஏதாவது செய்ய வேண்டும் என்று யோசித்த இளம் மருத்துவர்களின் யோசனைதான் சார் இது. ஆரம்பத்தில் கிராமங்கள்தோறும் இலவச மருத்துவ முகாம்கள் நடத்தினோம். முகாமுக்குக்கூட வர முடியாத நிலையில் வீட்டில் முடங்கிக் கிடந்தவர்களையும் தேடிப்போய் சிகிச்சை கொடுத்தோம். தீர்க்க முடியாத நோய் உள்ளவர்கள் பலரை அவர்கள் குடும்பத்தினர் அப்படியே கைவிட்டுள்ள சூழல் சகித்துக்கொள்ள முடியாமலிருந்தது. தினமும் போய் சிகிச்சை அளிப்பதும் சிரமம் என்பதால், அவர்களை எல்லாம் ஒரே இடத்தில் வைத்துப் பராமரித்தால் என்ன என்று தோன்றியது. மருத்துவர்கள் எல்லாம் ஒப்புக்கொண்டதும், இந்த மையத்தைத் தொடங்கினோம்” என்றார்.

முன்பு பள்ளியாக இருந்த ஒரு கட்டிடத்தை வாடகைக்கு எடுத்து மருத்துவமனையாக்கி இருக்கிறார்கள். இப்போது நோய் முற்றிய நிலையில் 20 பேர் இங்கு இருக்கிறார்கள். “வலிக்குறைப்பு சிகிச்சை செய்து, ஆற்றுப்படுத்தி சாகும் வரையில் அவர்களைப் பராமரிக்கிறோம். எதற்கும் பணம் வசூலிப்பதில்லை. எங்கள் சேவையை உணர்ந்து, தேவையான பொருட்களை கொடையாளர்களே வாங்கித்தந்து விடுகிறார்கள். கிடைக்காத பொருட்களை நாங்களே வாங்கிக்கொள்கிறோம். பெரும்பாலான நோயாளிகள் படுத்த படுக்கையாக இருப்பதால், ‘டயாப்பர்’கள் அதிகளவில் தேவைப்படுகின்றன. யாராவது வாங்கித்தந்தால் புண்ணியமாக இருக்கும்” என்றார் பாலகுருசாமி.

அரசு கவனிக்குமா?

மதுரை திருநகரைச் சேர்ந்த ஜனார்த்தனன், தொலைத்தொடர்புத் துறையில் உதவிப் பொதுமேலாளராக இருந்து ஓய்வுபெற்றவர். இவரது மனைவி ஜைலஜா. குழந்தைப்பேறு இல்லாததை நேர்மறையாக எடுத்துக்கொண்டு, தங்கள் வருமானத்தை எல்லாம் ஏழைக் குழந்தைகளின் படிப்பு, ஏழை முதியோரின் சிகிச்சை, ஆதரவற்றோரின் ஈமச் சடங்குக்குச் செலவிடுபவர்கள். இவர்கள் முதியோர் இல்லத்துக்கென, தங்களது சேமிப்புப் பணத்திலிருந்து மதுரை விளாச்சேரியில் 27.5 சென்ட் இடம் வாங்கி வைத்திருந்தார்கள். வயதாகிவிட்ட சூழலில், நல்ல நோக்கமுள்ள வேறு யாரிடமாவது இதனை ஒப்படைத்துவிடலாம் என்று நினைத்த இவர்கள், இந்த மையத்தைப் பற்றி அறிந்து நிலத்தை ஒப்படைத்ததுடன், தங்கள் செலவிலேயே பத்திரமும் பதிவுசெய்து கொடுத்திருக்கிறார்கள்.

இப்போது அதில் கட்டிடம் கட்டும் முனைப்பில் இறங்கியிருக்கிறார்கள். யார் உதவியையேனும் பெற்று இதைச் செய்துவிட நினைக்கிறோம். பெரிய உபகாரம் இது என்கிறார்கள். என்னால் இயன்ற ஒரு சிறு தொகையைத் தந்துவிட்டு வந்தேன். ஈரக்குலை நடுங்குவதுபோல் இருக்கிறது.

தனியார் அமைப்புகளால் இப்படி எத்தனை நோயாளிகளைப் பராமரித்து விட முடியும்? அரசாங்கமே ஒவ்வொரு மாவட்டத்திலும் இதுபோன்ற மையங்களைத் தொடங்கி, பொறுப்பான தன்னார்வலர்களுடைய உதவியுடன் நடத்தினால் உண்மையிலேயே தேவையுள்ள அத்தனை பேரையும் சேவை எட்டும். இன்றைய குடும்ப, வாழ்க்கைச் சூழலில் நாளை நமக்கேகூட இந்த மையம் பயன்படலாம்!

மனது வைக்குமா மாநில அரசு?

- கே.கே.மகேஷ், தொடர்புக்கு: magesh.kk@thehindutamil.co.in

தி இந்து

சகாயம் அமைப்பில் சேர்ந்தால் இயல்பாக வரும் பதில் !

noreply@blogger.com (Anonymous) — Sun, 28 May 2017 23:24:00 +0530

More

4 of 73

Print all In new window

Report-64174400948_RAMASAMY_S_27May2017_065147_15987100.pdf

Inbox

Metropolis Healthcare,Chennai

AttachmentsMay 27 (1 day ago)

to me

Dear Sir / Madam,

Thank you for choosing Metropolis Healthcare. Hope you had a great experience.

Please find attached the pdf of your test reports for your recent visit VID No 64174400948 registered on 27-May-2017. If you have any queries about your report, our team of doctors will be happy to discuss with you and your physician.

Your feedback is really important for us to improve our services every day. Kindly share your valuable feedback at support@metropolisindia.com.

(You will need Adobe Acrobat reader to open the attached E-report. Your report is password protected. The password is your Mobile number given at time of registration. To ensure account security, this email does not display your mobile number).

WOW – Online Medical Reports are now available: Access them - Anytime, Anywhere @Amazing Metropolis App

Download the Metropolis mobile app to store and view all your reports in one place. It enables you and your doctor to track small changes in parameters that emerge over time. We believe that these minor changes in your reports will provide you with valuable health insights and also aid in early detection of disease/conditions. You can store details of your family members, schedule home visits and do lots more. Just download the app and take control of your health.For any queries please call us 04442925555 or email us at support@metropolisindia.com, listerchennai@metropolisindia.com

Take Care

Metropolis Healthcare Ltd

Visit our website | Join us on Facebook | Download our mobile app

Conditions of Reporting

Individual laboratory investigations should not be considered as conclusive and should be used along with other relevant clinical examinations to achieve the final diagnosis. Therefore these reported results are for the information of referring clinician only.

The values of a laboratory investigation are dependent on the quality of the samples as well as the assay procedures used. Further all samples collected outside Metropolis labs patient centers are required to be prepared, stored, labeled and brought as per the guidelines of Metropolis. Metropolis cannot be held liable for incorrect results for any samples which are not as per the guidelines issued.

Electronics images in the report are created by electronic processing. Metropolis makes no expressed or implied warranties or representations with respect to it and takes no responsibility for the authenticity, quality and size of the image, affected possibly due to a computer virus or other contamination.

Metropolis confirms that all tests have been carried out with reasonable care, clinical safety & technical integrity

However due to certain factors such as reagent inconsistency, machine breakdown etc. beyond its control which could affect the testing, it does not make any representation or give any warranty about the accuracy of the reported results.

The test results are to be used for help in diagnosing/ treating medical diseases & not for forensic applications. Hence these results cannot be used for medico-legal purposes.

Since Metropolis does not verify the identity or the details of the customer except in case of certain tests, it cannot be held responsible for any misrepresentation or misuse

In case you are not the intended recipient of this report, please immediately return the same to the concerned issuing desk. Any disclosure, copy or distribution of any contents of this report, is unlawful and is strictly prohibited.

Partial reproduction of this report is not valid and should not be resorted to.

All dispute / claims concerning to this report are subject to Mumbai jurisdiction only

Attachments area

புதுக்கவிதை தாத்தா மு.மேத்தாFriday, May 11, 2007

noreply@blogger.com (Anonymous) — Sun, 28 May 2017 22:53:00 +0530

கவிஞர் மு.மேத்தா அவர்களுக்கு பாராட்டுவிழா

அமீரகத் தமிழ்க் கவிஞர் பேரவை
பெருமையுடன் நடத்தும்
கவிதைத் திருவிழா

நாள்; : 15.06.2007 வெள்ளிக்கிழமை மாலை 6.00 மணி
இடம் : இந்திய தூதரக விழா அரங்கு

விழாவை சிறப்பிப்போர்

சாகித்ய அகாதெமி
விருது பெற்ற
புதுக்கவிதையின் தாத்தா
மு.மேத்தா

முனைவர்- கவிஞர்
சேது குமணன்

மும்பை எழுத்தாளர்
சு.குமணராசன்
மற்றும்
தமிழ் உறவுகள்

அனைத்து தமிழ் உறவுகளையும்
அன்புடன் அழைக்கிறோம்
Posted by இ.இசாக் at 4:11 AM 7 comments:
Labels: அழைப்பு
Friday, March 23, 2007

மனச்சிறகு - மு.மேத்தா

மனச்சிறகு - மு.மேத்தா

நூல் - மனச்சிறகு (கவிதை தொகுப்பு)
ஆசிரியர் - மு. மேத்தா
முதற்பதிப்பு - 1978

1978ம் ஆண்டு ‘மனச்சிறகு’ முதற்பதிப்பிற்கு ஆசிரியர் எழுதிய முன்னுரையில் எனை கவர்ந்த வரிகள் :

"கவிதை எப்போதும் கவிதைதான். அதில் புதிது பழையது இல்லை. கவிதையாக இருந்தால் அது ஒரு போதும் பழையதாவதில்லை"

"மரபுக் கவிதையோ புதுக் கவிதையோ எதுவாக இருந்தாலும் அதில் கவிதை இருக்கவேண்டும் என்பதுதான் இன்றியமையாதது.

படகு ஒழுங்காகப் போய்க்கொண்டிருந்தால்தான் - அதில் பயணம் செய்யும் நாம் - விருப்பம் போல வலையை வீசிப் பார்க்கலாம்."

"இறுதியாக நான் சொல்லிக் கொள்வது இதுதான்: என் பழைய வறுகளுக்காக நான் புதிதாக வருத்தப்பட வேண்டியதில்லை - அவை தவறுகளாக இருந்தால். என்னுடைய பழைய சாதனைகளுக்காக நான் புதிதாகவும் மகிழ்ச்சி கொள்ளலாம் - அவை சாதனைகளாக இருந்தால்."

இத்தொகுப்பில் எனக்கு மிகவும் பிடித்த கவிதை ‘வரலாறு’.

வரலாறு

சரித்திரம் என்பது விளம்பர மனிதரின்
சாகச முத்திரைகள் - கடல்
தெறித்திடும் போதினில் புகைப்பட மாகிடும்
சிற்சில நீரலைகள்!

ஆயிரங் கோடி மனிதரில் ஒருசிலர்
அடைகிற பிரபலங்கள் - பல
ஆயிர மாயிரம் பெயரை மறைத்திடும்
அற்புதப் புதைகுழிகள்!

வையத்து மாந்தர் நடந்துசென் றேகிய
வழிகளின் ஓவியங்கள் - சில
பொய்யையும் தூக்கி மெய்யென ஆக்கிப்
புகன்றிடும் மூலங்கள்!

இக்கவிதை முற்றிலும் புதிய கோணமாக தோன்றிற்று. அதனாலேயே பிடித்தும்போயிற்று. கடந்து போன நூற்றாண்டுகளில் நாம் எத்தனை ஆயிரம் மனிதர்களை இப்படி அறியாமல் இழந்தோமோ தெரியவில்லை. ஏடுகளில்
வெளிவந்த சரித்திரம் படைத்த மனிதர்களை பற்றியே நாம் முழுவதுமாக அறிந்திருக்கவில்லை. பெயர்கள் வெளிவராத மனிதர்களை பற்றிச்சொல்லவும் வேணுமா. இப்படி விடுபட்ட உன்னத மனிதர்களை பற்றி யாராவது
விவரங்கள் சேகரிக்க முயற்சி செய்து பின்னாளில் உலகிற்கு அறியத்தந்ததுண்டா. அப்படி வெளிவந்த புத்தகங்களின் விவரங்கள் அறிந்தவர்கள் அறியத்தாருங்கள்.

"ஆயிரங்கோடி மனிதரில் ஒருசிலர் அடைகிற பிரபலங்கல், பல ஆயிரமாயிரம் பெயரை மறைத்திடும் அற்புதப் புதைகுழிகள்" - அவ்வரிகளை முழுமையாக ஒப்புக்கொள்ளமுடிந்தாலும் ‘சரித்திரம் என்பது விளம்பர மனிதரின் சாகச முத்திரைகள்’ என்று மொத்தமாக சாடுவது சரியில்லை என்றே தோன்றுகிறது.

தமிழக அரசு இவருக்கு வழங்கிய விருதுகள் :
இக்குறிப்புகள் ‘மனச்சிறகு’ புத்தகத்தின் பின்னட்டையிலிருந்து சுட்டது
பாவேந்தர் பாரதிதாசன் விருது (1986)
கலைமாமணி விருது (1997)
சிறந்த பாடலாசிரியருக்கான திரைப்பட வித்தகர் விருது - கண்ணதாசன் விருது (1998)

இவருடைய முதல் கவிதை தொகுப்பு - ‘கண்ணீர்ப் பூக்கள்’
- நதியல
Posted by இ.இசாக் at 6:43 AM 2 comments:

http://mumetha.blogspot.in/

அகத்தியர் தேவாரத் ந்திரட்டு 25 திருப்பதிகங்கள் வரலாறு

noreply@blogger.com (Anonymous) — Fri, 19 May 2017 01:05:00 +0530

உ

திருச்சிற்றம்பலம்

திருஞானசம்பந்தர், திருநாவுக்கரசர், சுந்தரர் என்னும் சைவ சமய ஆசிரியர் மூவரும், சுடருருவாகிய சிவ பரம்பொருளே, முழு முதற்கடவுள் என்று உயிர்கல் அறிந்து வழிபட்டு உய்யுமாறு அருளிச்செய்த தமிழ் மறைகளாய தேவாரம் ஓரிலக்கத்து ஈராயிரந் திருப்பதிகங்களை உடையன. அவ இகளுள் 797 பதிகங்கள் ஒழித்து ஒழிந்தன. இறைவன் திருவுளப்பாங்கின்படி இறந்து போயின. எஞ்சி நின்ற இவற்றைத் திருவாரூரிலே அரசாண்ட அபயகுலசேகர சோழ மன்னன் வேண்டுகோளின்படி, திருநாரையூப் பொல்லப் பிள்ளையாரது அருள்பெற்ற , நம்பியாண்டார் நம்பிகள், தில்லையிலே பொற்சபையின் மருங்கிலே திருவறையிலே கண்டெடுத்து ஏழு திருமுறைகளாக வகுத்து உலகிற்கு உதவியருளினார். இவ்வேழு திருமுறைகளை அடங்கன் முறை என்று சொல்லப்பெறும்.

கல்வி, அறிவு, ஒழுக்கங்களிலே சிறந்து விளங்கிய சிவாய முனிவரென்பார் இவ் அடங்கன் முறையினது பெருமையையும், இதனை நாடோறும் முறையோடு ஓதுபவர் வீடு பேறடைவர் என்பதையும் அறிந்து, நாடோறூம் அவ்வாறு ஓத விழைந்தவர். ஆயினும் அது முற்றுப் பெருமையினாலே, அவர் தில்லையடைந்து பொற்சபையிலே பெருமையினாலே அவர் தில்லையடைந்து பொற்சபையிலே ஐந்த்தொழில் இன்பக்கூத்தியல் இயற்றும் சிவபெருமானை வணங்கித் தமது கருத்து முற்றுப்பெறுமாறு பன்னெடுங்காலந்த் தவஞ்செய்தார்.

அதுகாலை சிவாலய முனிவனே நீ பொதிய மலையிலே உறையும் அகத்திய முனியவனைடையின் உனது கருத்து முற்றுப்பெறும். என்று ஒரு வான் மொழி எழுந்தது. அதனைக்க்கேட்ட அவர் கூத்த பிரானை வணங்கி விடைபெற்றுப் பொதியிலையடைந்து மூவாண்டு அருந்தவஞ்செய்தார். அகத்திய முனிவ்ர் அதற்கிறங்கி வெளிப்பட்டு அடங்கன் முறை அனைத்தையும் அவருக்கு எடுத்தியம்பிப் பொருள் அருளிச் செய்து அதனினின்றும் 25 திருப்பதிகங்களைத் திரட்டி

இவைகளையே முறையே ஓதின் அடங்கன்முறை முழுவதையும் ஓதியதின் ப்யன்கிடைகுமென்று கூறிக்கொடுத்து மறைந்தருளினார். சிவாலய முனிவர் அவ்வாறே அவ்விருபத்தைந்து பதிகங்களையும் நாடோறும் நெட்ங்காலம் ஓதிக் கொண்டிருந்து வீடுபேற்றையடைந்தனர்

தொகுத்து எழுதியவர் :-

கலப்பாக்கம் சதாசிவசெட்டியவர்கள் பி.( 1925 ஆண்டு

திருச்சிற்றம்பலம்

மக்கள் பாதை - முக்கிய அறிவிப்பு

noreply@blogger.com (Anonymous) — Sat, 13 May 2017 04:29:00 +0530

வணக்கம்.

நேர்மையின் சிகரமான உயர்திரு உ.சகாயம் ஐ.ஏ.எஸ். அவர்களின் வழிகாட்டுதலின்படி சமூக அக்கறையுள்ள இளைஞர்களைக் கொண்டு தமிழ்ச் சமூகத்தை உணர்த்த திண்ணை, திடல், தறி, கலப்பை , கூத்து, மக்கள் மருந்தகம், நீரின்றி அமையாது உலகு, குருதி போன்ற தமிழ்ச் சமூகத்திற்கான சிற்ப்புத்திட்டங்கள் மூலம், தமிழகம் மூலம் களப்பணியாற்றிவரும் மக்கள் பாதை இயக்கத்திற்கு சென்னையில் தலைமை அலுவலகம் தேவைப்படுகிறது.

சமூக அக்கறையோடு செயல்படும் நமது மக்கள் பாதைக்கான அலுவலகம் செயல்பட ஏதுவான கட்டிடம் நமது சென்னை வாழ் நண்பர்களிடமோ , வெளிநாடுவாழ் தமிழர்களிடமோ , அல்லது நமக்குத் தெரிந்தவர்களிடமோ இருந்தால் தகவல் தெரிவித்து சமூகப்பணி சிறக்க உதவிடுங்கள். தமிழ்ச் சமூக உறவில் பங்கேற்றிடுங்கள். நன்றி.

தொடர்புக்கு

திரு.சண்முகம்

9962287307

திரு.வில்லியப்பன்

9840776135

திரு.ரா.ரவி

9087868796

wwalpatw.makkhai.org 100000 Morethan . saathanai wikazththivarum sakaayam.

noreply@blogger.com (Anonymous) — Thu, 11 May 2017 06:22:00 +0530

தனிமனித ஒழுக்கத்தைக் கடைப்பிடித்து தலைநிமிர்ந்து நிற்போம்

லஞ்சம் வாங்குவதையும் கொடுப்பதையும் எச்சூழலிலும் தடுப்போம்; தவிர்ப்போம்.

ஊழலின் ஊறுக்கண்ணை வேரறுப்போம்.

தாய் தந்தையை கண்போல் காப்போம்.

இயற்கை வளைத்தைக் காப்போம்.

இயற்கையோடு இணந்து வாழ்வோம்.

நலிந்தோரின் நலன் காக்கப் பாடுபடுவோம்.

உழவுக்கும் உழவுத்தொழிலுக்கும் ஊன்றூகோலாகவும் ஊறுதுணையாகவும் இருப்போம்.

நெசவுத் தொழிலை நெறிபடுத்துவோம்.

மகளிரது உரிமைகளையும்
www.makkalpathai.orgஉணர்வுகளையும் மங்காத வெளிப்பென மதிப்பளிப்போம்.

மாற்றுத் திற்னாளிகளுக்கும் மூன்றாம் பாலினத்தினருக்கும் ஏற்றமிகு வாழ்க்கைக்கு உறுதி செய்வோம்.

சாதி மத சான்றுகளைக் கடந்து சாதிக்கும் சக்தியாய் சங்கமிப்போம்.

100 சதவிகிதம் நேர்மையாகவும் கண்னிமையாகவும் வாக்களிப்போம்.

இந்த உறுதி மொழிகளை வாழ்க்கையில் கடைப்பிடித்து, சிறந்த சமூகத்தையும், அதன்மூலம் சிறந்த அரசியலையும் கொண்டு வருவோம்.

காற்றில் கலந்த தமிழோசை

noreply@blogger.com (Anonymous) — Wed, 3 May 2017 16:41:00 +0530

‘அன்பர்கள் அனைவருக்கும் வணக்கம்’ என்ற சங்கரண்ணாவின் கம்பீரக் குரலுக்குத்தான் எத்தனை எத்தனை ரசிகர்கள்

பிபிசி தமிழோசை ஏப்ரல் 30-ல் தனது 76 ஆண்டு கால சிற்றலை ஒலிபரப்பை நிறுத்தியிருக்கிறது. அதே சமயம், தெலுங்கு மற்றும் குஜராத்தியில் இணைய வழி சேவையைத் தொடங்கவுள்ளது. ஏற்கெனவே, இந்தி மற்றும் வங்காளியில் ஒலிபரப்பிவருகிறது. தமிழ் தொலைக்காட்சி சேவை தவிர, மற்ற அனைத்து சேவைகளையும் தமிழோசையானது லண்டனிலிருந்து புது டெல்லிக்கு மாற்றிக்கொண்டது. பவளவிழா ஆண்டில் சிற்றலை ஒலிபரப்பை பிபிசி தமிழோசை நிறுத்திக்கொள்ள என்ன காரணம்?

பிபிசி உலக சேவை வானொலியானது பிபிசியின் சாம்ராஜ்ய சேவையாக 1932-ல் தொடங்கியது. அந்தக் காலத்தில் புதிதாகக் கண்டுபிடிக்கப்பட்டிருந்த சிற்றலை ஒலிபரப்புத் தொழில்நுட்பத்தைப் பயன்படுத்தி, தொலைதூரப் பிரதேசங்களுக்கு இந்த வானொலி ஒலிபரப்பப்பட்டது. உண்மையில், ‘இந்த வானொலியில் வரும் செய்திகள் சிறப்பாகவோ, சுவாரசியமாகவோ இருக்காது’ என்றே பிபிசியின் அந்நாளைய தலைமை இயக்குநர் ஜான் ரீத் கணித்திருந்தார். அவரது கணிப்பு பொய்யானது, லண்டனின் ‘பிராட்காஸ்டிங் ஹவு’ஸில் இருந்து ஒலிபரப்பப்பட்ட இந்த வானொலிக்கு நல்ல வரவேற்பும் பாராட்டுகளும் கிடைத்தன.

பிபிசி உலக சேவை

பிரிட்டிஷ் மாமன்னரோ மகாராணியோ தமது சாம்ராஜ்யப் பிரஜைகளிடம் பிபிசி உலக சேவையின் சிற்றலை ஒலிபரப்பு மூலமாக கிறிஸ்துமஸ் உரையாற்றுவது என்பது ஒரு பாரம்பரியமாகவே மாறிப்போனது. 1940-ல் ஜெர்மனியின் ஹிட்லர் தலைமையிலான நாஜிப் படைகளிடம் பிரான்ஸ் சரணடைய நேர்ந்தது. அப்போது பிரான்ஸை விட்டு வெளியேறிய பிரெஞ்சு ராணுவத் தளபதி சார்ல் த கோல் லண்டன் ‘பிராட்காஸ்டிங் ஹவு’ஸில் இருந்தபடிதான் பிரெஞ்சு மக்களுக்கு உரையாற்றிவந்தார். ஒவ்வொரு நாளும் ஐந்து நிமிடங்கள் எனத் தொடர்ச்சியாக நான்கு வருடங்களுக்கு அவரது உரை பிபிசி உலக சேவையின் சிற்றலையில் ஒலிபரப்பப்பட்டு வந்தது.

1960-களில் டிரான்ஸிஸ்டர் தொழில்நுட்பத் தின் வரவால் கையில் எடுத்துச் செல்லக்கூடிய அளவுக்குச் சிறியதாகவும், மின்கலங்களின் சக்தியைக்கொண்டே இயங்கக்கூடியதாகவும் வானொலிப் பெட்டிகள் உருமாறின. எல்லோர் கைகளிலும் வானொலி புழங்க ஆரம்பித்தது. உலகெங்கிலும் ஏராளமான புதிய நேயர்கள் கிடைக்க, கடல் கடந்த சேவை பிபிசியின் உலக சேவையாக புதுப் பெயரும் புதுப் பொலிவும் பெற்றது.

பிபிசி உலக சேவையானது (ஆங்கிலப் பிரிவு) தனது 85 வருட சரித்திரத்தில் 68 மொழிகளில் சிற்றலை ஒலிபரப்புகளைச் செய்துள்ளது. இந்த 85 ஆண்டுகளில் நிகழ்ந்த பல வரலாற்றுச் சம்பவங்கள் பற்றியும் அந்தந்த இடங்களிலிருந்து உடனடியாகச் செய்தி வழங்கும் ஒரு சேவையாக பிபிசி உலக சேவை விளங்கிவந்துள்ளது. பெர்லின் சுவர் விழுந்த சமயத்தில் அங்கும் பிபிசி உலக சேவையின் செய்தியாளர் இருந்தார்.

அதிர்வுடன் தொடங்கிய தமிழ்ச் சேவை

இரண்டாம் உலகப் போரின் தாக்கத்தினால் பிபிசி சாம்ராஜ்ய சேவை, பிபிசியின் கடல் கடந்த சிற்றலை வானொலிச் சேவையாகப் புதிய பெயர் பெற்றது. அரபு மொழி, தென் அமெரிக்கர்களுக்கான ஸ்பானிய மொழிச் சேவை, ஜெர்மன், பிரஞ்சு, போர்ச்சுக்கீசியச் சேவை மற்றும் பல புதிய மொழிகளில் ஒலிபரப்புகள் சிற்றலையில் ஆரம்பிக்கப்பட்டன. 1940-ன் இறுதியில் பிபிசி கடல் கடந்த சேவையில் மொத்தம் 34 மொழிச் சேவைகள் இருந்தன.

பிராட்காஸ்டிங் ஹவுஸுக்கு வெளியே 1940 டிசம்பரில் ஒரு நிலக்கண்ணி வெடித்து தீ மூண்டு, கட்டிடம் சேதம் அடைய, பிபிசி கடல் கடந்த சிற்றலை சேவை புஷ் ஹவுஸுக்கு 1941-ல் இடம் மாறியது. அந்த மாற்றத்தை ஒட்டி புதிதாகத் தமிழ்ச் சேவையான தமிழோசையும் சிற்றலையில் ஆரம்பிக்கப்பட்டது. அது முதல் கடந்த 76 வருடங்களாக இந்நிறுவனத்தின் தலைமையகமாக விளங்கிவருவது புஷ் ஹவுஸ்தான்.

வீரர்களுக்கான வானொலி

பிபிசி தமிழோசையின் வரலாறு வித்தியாச மானது. மற்ற வானொலிகள் போன்று இது நேயர்களுக்காகத் தொடங்கப்பட்ட வானொலி அல்ல. பிரிட்டிஷ் ராணுவத்தில் பணியிலிருந்த தமிழகப் படை வீரர்களுக்காகத் தொடங்கப்பட்டது. வானொலிக்குப் பெயர் வைத்தது, வானொலியின் குறியீட்டில் உள்ள தனித்தன்மை போன்றவை அனைத்தும் வானொலி நேயர்களால் என்றைக்குமே மறக்க முடியாதவை.

சங்கர் சங்கரமூர்த்தி (சங்கரண்ணா) பொறுப்பாளராக இருந்த காலகட்டத்தில் தொடங்குகிறது தமிழோசையின் தனித்தன்மை. ‘அன்பர்கள் அனைவருக்கும் வணக்கம்’ என்ற சங்கரண்ணாவின் கம்பீரக் குரலுக்குத்தான் எத்தனை எத்தனை ரசிகர்கள். அதே காலகட்டத்தில் புகழ் பெற்ற சிற்றலைத் தமிழ் வானொலியான வெரித்தாஸில் ‘இனிய இதயங்களே’ எனப் பாசத்தோடு பிலிப்பைன்ஸ் தலைநகர் மணிலாவிலிருந்து அழைத்தார், மாநிலங்களவை முன்னாள் உறுப்பினர் ரபி பெர்னார்டின் தந்தை ஆரோக்கியசாமி. வத்திகான் வானொலியின் தமிழ்ப் பிரிவு ‘அன்புள்ளங்கள் அனைவருக்கும் வணக்கம்’ என்றது. இப்படி, நேயர்கள் வேறு யாருமல்ல, அவர்கள்தான் நம் குடும்பம், அவர்களுக்காகத்தான் நாமே ஒழிய.. நமக்காக அவர்கள் இல்லை என்ற மாதிரியான ஒரு காலகட்டமும் இருந்தது.

குறைந்த நேயர்கள்

சிற்றலை ஒலிபரப்பினை நிறுத்துவதற்கான காரணமாகக் கூறப்படுவது, சிற்றலை ஒலிபரப்புகளை யாரும் கேட்பதில்லை என்பது. ஒரு சில நேயர்களுக்காகப் பல லட்சங்கள் செலவு செய்து ஒலிபரப்பு செய்வது இயலாத ஒன்று. எந்த ஒரு வானொலிக்கும் அதன் நேயர்கள் ஒரு பெரிய பலம்.

பிபிசி தமிழோசைக்கும் ஒரு காலத்தில் அந்தப் பலம் இருந்தது. நாளடைவில் நேயர்களின் எண்ணிக்கை குறைந்தது. இன்றைய காலகட்டத்தில் யாரும் வானொலிகளைக் கேட்கத் தயாராக இல்லை. அதுவும் சிற்றலையில் கேட்க வேண்டுமாயின் மிகவும் பொறுமைசாலியாக இருக்க வேண்டும். அதுமட்டுமல்லாமல், இன்று சிற்றலை வானொலிப் பெட்டிகள் கடைகளில் கிடைப்பதும் இல்லை.

சிற்றலை வானொலி கேட்கும் நேயர்களுக்கு ஒன்று தெரிந்திருக்கும். குறிப்பிட்ட வானொலி அலைவரிசையைத் தேடிக் கண்டுபிடித்துக் கேட்பதற்கே ஐந்து நிமிடங்கள் தேவைப்படும். அடுத்த பத்து நிமிடங்களில் தமிழ் நிகழ்ச்சி நிறைவடைந்துவிடுகிறது. வெளிநாட்டு நேயர்களிடம் இருப்பது போன்ற ‘டிஜிட்டல்’ வானொலிப் பெட்டிகள் எல்லாம் சாதாரண கிராமப்புற நேயர்களிடம் இருப்பதற்கு வாய்ப்பு இல்லை. முன்பு 30 நிமிடங்களாக இருந்த பிபிசி தமிழோசை சிற்றலை, பின்னர் 15 நிமிடங்களாகக் குறைக்கப்பட்டது. இன்றைக்கு முற்றிலும் நிசப்தமாகிவிட்டது!

- தங்க.ஜெய்சக்திவேல்,

பேராசிரியர், இதழியல் மற்றும் தொடர்பியல் துறை,

சென்னைப் பல்கலைக்கழகம்,

தொடர்புக்கு: ardicdxclub@yahoo.co.in.

சயாம் ரயில்பாதை (சயாம் மரண ரயில்பாதை) என்னும் களத்தில் காஞ்சனபுரியில் நடந்த தமிழர் வரலாற்றையும்,

noreply@blogger.com (Anonymous) — Tue, 2 May 2017 11:39:00 +0530

இறையரசன்
Attachments13:35 (21 hours ago)

to Daily, bcc: me
Tamil
English Translate message
Turn off for: Tamil
--
அன்பார்ந்தீர்! வணக்கம்.!

வணக்கம்,

இரண்டாம் உலகப்போர் காலத்தில் (1940 களில்) தமிழக, சிங்கப்பூர், மலையக, பர்மியத் தமிழர்கள் கட்டிய சயாம் ரயில்பாதை (சயாம் மரண ரயில்பாதை) என்னும் களத்தில் காஞ்சனபுரியில் நடந்த தமிழர் வரலாற்றையும், அப்போது நிகழ்ந்த காதல் கதையையும் இணைத்துத் பிரமாண்டமான திரைப்படமாக தமிழ் அமைப்புகள் ஒன்றிணைந்து தயாரிக்க இருக்கிறார்கள்.

இத்திரைப்படத்தில் இந்திய விடுதலை வரலாற்றையும், உலகப் போர்ச்சூழலையும், தமிழர்கள், நேதாஜி உள்ளிட்ட தலைவர்கள், ஜப்பானியர்கள், ஆங்கிலேயர்கள், சீனர்கள், பர்மியர்கள் உள்ளிட்ட தென்கிழக்காசிய தமிழர்களின் வாழ்க்கையைக் கதைக் களமாக, வரலாற்றுப் பின்னணியாகக் கொண்டு தமிழ். சீனம், ஜப்பான், ஆங்கிலம், இந்தி, பர்மிய, இந்தோனேசிய மொழி உள்ளிட்ட அனைத்து மொழிகளிலும் இயக்குநர் யார் கண்ணன் இயக்கத்தில் உருவாக்க இருக்கிறார்கள்.

இத்திரைப்பட உருவாக்கத்தில் இணைய விரும்பும் பன்னாட்டுத் திரைப்பட கலைஞர்கள், முதலீட்டாளர்கள், வரலாற்று விற்பன்னர்கள், உலகத்தமிழர் அமைப்புகள் இணைந்து இத்திரைப்படத்தில் பணியாற்ற, பங்குபெற வாய்ப்பு இருப்பதாக அறிவித்திருக்கிறார்கள். தென்கிழக்காசியத் தமிழ்ச்சங்கம் உள்ளிட்ட பல்வேறு தமிழ் அமைப்புகள் இணைந்து உருவாக்க இருக்கும் இத்திரைப்படத்தில் மேலும் பல்வேறு அமைப்புகள் தயாரிப்பில் இணைய இருக்கின்றதாக அறிவித்திருக்கிறார்கள்.

தொடக்க விழா சித்திரைத் திருநாளான ஏப்ரல் 14 அன்று முகப்பேர் மருதம் அடுக்கக வளாகத்தில் நடைபெற்றது. இந்த நிகழ்ச்சியில் தமிழ் எழுச்சிப் பேரவை செயலாளர் முனைவர் இறையரசன், இயக்குநர், நடிகர் யார் கண்ணன், உலகத் தமிழ் ஊடகவியலாளர்கள் சங்கத் தலைவர் ஜெயதேவன் ஆகியோர் குத்து விளக்கேற்றி தொடங்கி வைத்தனர். இத்திரைப்படம் தொடர்பாக மேலும் தகவல்கள் அறிய விரும்புவோர் 044 - 26203050, 9840416727 என்ற எண்களிலும், iraiarasan@gmail.com, yaarkannan@gmail.com, jayadavan@gmaial.com என்ற மின்னஞ்சல் முகவரிகளிலும் தொடர்பு கொள்ளலாம்.

கொற்றவை -கடிதம்‘வெண்முரசு’–நூல் பதின்மூன்று–‘மாமலர்’–89 » கிணறு-ஜெயமோகன்

noreply@blogger.com (Anonymous) — Sun, 30 Apr 2017 02:54:00 +0530

முகப்பு

அறிமுகம்

கதைகள்

நூல்கள்

வெண்முரசு

புகைப்படங்கள்

தொடர்புக்கு

பதிவுகள்

தேடு

« கொற்றவை -கடிதம்‘வெண்முரசு’–நூல் பதின்மூன்று–‘மாமலர்’–89 »

கிணறு

அனுபவம், புகைப்படம் April 29, 2017

Share10

பத்மநாபபுரத்தில் நான் தெற்குத்தெருவில் குடியிருந்தேன். 1997 முதல் 2000 வரை. அரண்மனையின் பெரிய உப்பரிகையில் நின்றால் தெற்குத்தெரு தெரியும். அகலமான கம்பீரமான தெரு அது. அதில் ஒரு ஓய்வுபெற்ற காவலதிகாரியின் பாரம்பரியமான வீடு. 1912 ல் அவரது அம்மாவன் கட்டியது. அவர் தென் திருவிதாங்கூர் நாயர் பிரிகேடில் ஒரு காவலராக இருந்தார்.

பழையான ஆனால் உறுதியான வீடு. அக்காலக் கணக்கில் பங்களா. அகலமான கூடம். உள்கூடம். சாப்பிடும் அறையும் கூடமே. சிறியதோர் பக்கவாட்டு அறையை நான் என் வாசிப்பறையாக வைத்துக்கொண்டேன். குளிர்ச்சியாக சிமிண்ட் போடப்பட்ட தரை. வீட்டைச்சுற்றி தென்னைமரங்கள் அடர்ந்திருந்தமையால் எப்போதும் காற்று. ஓட்டுக்கூரை, கீழே தேக்குமர சீலிங் போடப்பட்டு மிக உயரமாக இருந்ததனால் வெயிலே தெரியாது. பெரிய சன்னல்கள். நான் விரும்பிய வீடுகளில் ஒன்று.

அந்த வீட்டுக்கு தெற்குபக்கமாக குலதெய்வக்கோயில் ஒன்று உண்டு. ஓட்டுக்கூரை போடப்பட்டது. மேலாங்கோட்டு அம்மன். அவள்தான் எனக்கும் குலதெய்வம். பெரும்பாலும் மூடப்பட்டிருக்கும் கருவறைக்குள் சுவரோவியமாக எழுந்தருளியிருந்தாள். அந்த கோயில்முன்னால் அகலமான கரிய சிமிண்ட் திண்ணை உண்டு. அமர்ந்து வாசிக்க படிக்க மிக இனிய இடம் .சுற்றிலும் பூச்செடிகள். அரளி, மந்தாரை,சங்குபுஷ்பம்,செம்பருத்தி…சி.மோகன் அந்த வீட்டுக்குள் நுழைந்ததுமே ”என்ன பெரும் சொத்தெல்லாம் வச்சிருக்கீங்க…ராஜா மாதிரி வாழறீங்க!” என்றார்.

வீட்டுக்கு வந்த அத்தனை பேருமே அந்த வீட்டை புகழ்ந்திருக்கிறார்கள். அந்த கோயில் திண்ணையின் குளிர்ச்சியில் படுத்துக்கொண்டு நானும் பிரேமும் ரமேஷ¤ம் நிறைய உரையாடியிருக்கிறோம். பாவண்ணன் குடும்பத்துடன் வந்து தங்கியிருந்திருக்கிறார். தேவதேவன் பலமுறை வந்திருக்கிறார். நாஞ்சில்நாடன், சூத்ரதாரி வேதசகாயகுமார், அ.கா.பெருமாள், க.பூரணசந்திரன் எல்லாரும் அங்கே வந்திருக்கிறார்கள்.

பதமநாபபுரம் திருவிதாங்கூர் மன்னர்களின் பழைய தலைநகரம். எந்தக்கோடையையும் தாக்குப்பிடிக்கும் வாய்ப்பான இடத்தில்தான் ஊரை அமைத்திருந்தார்கள். இயற்கையான ஊற்றுக்களால் அங்குள்ள குளங்களும் ஏராளமான நீராழிகளும் எப்போதும் நிறைந்து வழிந்துகொண்டிருக்கும். வேளிமலையின் மாபெரும் சுவர் அதன் ஒரு பக்கத்தை முற்றாக சூழ்ந்திருக்கும். முற்றத்துக்கு வந்தாலே மௌனமாக ஓங்கிய மலைச்சிகரங்களைக் காணமுடியும்.

கோட்டைசூழ்ந்த பத்மநாபபுரம் ஒரு அழகிய ஊர். சுற்றுலாப்பயணிகள் வந்து குழுமும் அரண்மனை முற்றம் தவிர்த்தால் எப்போதுமே அமைதியில் மூழ்கிக் கிடக்கும். அகலமான பெரிய தெருக்கள் தினமும் கூட்டப்பட்டு அதிசுத்தமானவை. தோட்டம் சூழ்ந்த பெரிய ஓட்டு வீடுகள். மூன்று பெரிய கோயில்களும் இரு பெரிய குளங்களும் உண்டு. ஊரெங்கும் சின்னச் சின்னக்கோயில்கள்.அவற்றுக்குள் மாபெரும் ஆலமரங்கள். ஊரே மரங்கள் அடர்ந்து பச்சை மூடியிருக்கும். வேளிமலையின் மடிப்பில் இருப்பதனால் தென்றல் ஓடிக்கொண்டிருக்கும். அந்த வீட்டில் நான் மின்விசிறியை போட்டதேயில்லை.

அங்கு குடிநீருக்கு கிணறுதான். நல்ல ஆழமான கிணறு. ஆனால் நான்கு கை ஆழத்தில் தண்ணீர் நிறைந்திருக்கும். தினமும் தண்ணீர் இறைப்பது எனக்கு மிகவும் பிடித்திருந்தது. செடிகளுக்கு தேவையில்லை என்றாலும் தண்ணீர் இறைத்து விடுவேன். பெரிய பித்தளை உருளி ஒன்று இருந்தது. அதற்குள் அன்று ஒருவயதான குட்டிச் சைதன்யாவை அமரச்செய்து நீர் இறைத்து விட்டு உட்கார வைத்தால் நிம்மதியாக வேறு வேலை பார்க்கலாம். ‘னன்னி’ என்றால் அவளுக்கு அவ்வளவு பிடிக்கும். ‘நன்னிக்குள்ர கையி’ என்ற விளையாட்டு அவளுக்கு வாடிக்கை.

கிணற்றடிதான் குளியல். நன்றாக மதில் சூழ்ந்த திறந்த குளியலறை. தண்ணீரை இறைத்து ஊற்றிக்கொண்டே இருக்கலாம். நண்பர்கள் வந்தால் அனேகமாக குளத்துக்குத்தான் கூட்டிச்செல்வேன்.மழையில் குளத்தில் குளிக்க முடியாது. அப்போது கிணற்று நீர்தான், இளஞ்சூடாக இருக்கும் அது. அவர்களுக்காக கிணற்று நீரை இறைத்து நிறைத்து வைப்பேன்.

நீர் இறைப்பது ஓர் உற்சாகமான உடற்பயிற்சியாக இருந்தது. 1998ல் வசந்தகுமார் வீட்டுக்கு வந்திருந்தார். ‘பின் தொடரும் நிழலின் குரல்’ எழுதி அதன் செப்பனிடல் வேலைகள் நடந்துகொண்டிருந்தன. அவருக்காக நான் நீர் நிறைக்கும்போது இந்த புகைபப்டத்தை எடுத்தார். இதில் நான் ஆழ்ந்த கவனத்துடன் நீர் இறைப்பது தெரிகிறது. நீர் ஒளியுடன் சரிந்து விழுவதில் மனம் ஈடுபட்டிருக்கிறது.

சென்றகாலங்களை ஆழமான ஊற்று அறாத ஒரு கிணற்றில் இருந்து ஒளியுடன் இறைத்து ஊற்றிக்கொண்டே இருக்கிறோம்.

மறுபிரசுரம். முதற்பிரசுரம் Jan 31, 2010

Share10

தொடர்புடைய பதிவுகள்

டைரி

சதுரங்க ஆட்டத்தில்

அங்கே அப்பா காத்திருக்கிறார்!

அசைவைக் கைப்பற்றுதல்

மதம்

தன்னறம்

கலைக்கணம்

தோன்றாத்துணை

தெய்வ மிருகம்

பூதம்

வால்

அழிமுகம்

செய்தொழில் பழித்தல்

ஒரு பொருளியல் விபத்து

தாடகைமலையடிவாரத்தில் ஒருவர் – (5)

தாடகைமலையடிவாரத்தில் ஒருவர் – (4)

தாடகைமலையடிவாரத்தில் ஒருவர் – (3)

தாடகைமலையடிவாரத்தில் ஒருவர் – (2)

தாடகைமலையடிவாரத்தில் ஒருவர் – (1)

யாதெனின் யாதெனின்…

Tags: அனுபவம், பத்மனாபபுரம்

9 commentsSkip to comment form ↓

thennarasu

January 31, 2010 at 10:23 am (UTC 5.5)

இப்ப நல்லா சதை போட்டுட்டிங்க :)

ஜெயமோகன்

February 1, 2010 at 8:42 am (UTC 5.5)

உண்மை அது அல்ல… அப்போதும் இப்போதும் 65 – 67 கிலோதான்

Ramachandra Sarma

February 1, 2010 at 9:03 am (UTC 5.5)

இல்லப்பா.. ஆசானுக்கு அப்போ ட்ரஸிங் சென்ஸ் ரொம்ப அதிகமாக இருந்திருக்கிறது. அதுதான் அப்படித்தெரிகிறது. மொத்த ரசிகர் கும்பலுமே அவரது டிஷர்ட்டில் நுழைந்துவிடலாம் போல. :)

perumal

February 1, 2010 at 11:08 am (UTC 5.5)

இந்த புகைப்படத்தில் நீங்கள் கிணற்றில் இருந்து தண்ணீர் இறைத்து பாத்திரத்தில் நிரப்பும் காட்சி “ஞானத்தை இறைத்து எங்களுக்கு (வாசகர்களுக்கு) உற்றுவதைப்போல உள்ளது. மேலும் இந்த வேலை உங்களுக்கு அளிக்கப்பட்டுள்ள கடமையாகவும் அந்தக்கடமையை நீங்கள் மனம் உவந்து செய்வதைப்போலவும் எனக்கு தோன்றுகிறது.

பணிவன்புடன்

பெருமாள்

கரூர்

V.Ganesh

February 1, 2010 at 12:17 pm (UTC 5.5)

“அந்த வீட்டுக்கு தெற்குபக்கமாக குலதெய்வக்கோயில் ஒன்று உண்டு. ஓட்டுக்கூரை போடப்பட்டது. மேலாங்கோட்டு அம்மன். அவள்தான் எனக்கும் குலதெய்வம்.”

சாரு இன்னும் close ஆயிட்டாரு. [ எத்தனை உரிமைகள்…. எனக்கு ஜெயமோகன் நல்லா தெரியும் நம்ம ஊரு தானே. அவருக்க கொலதெய்வம் மேலான்கோடு நம்ம ஊரு புலியூர்குறிச்சி.] ஆயினும் நிதமும் என் ஊர் குளத்தில் குளித்து திண்ணையில் தூங்கி…. கிணற்று குளித்தல்….. அதுவும் இரண்டாம் இடம்தான் …. இன்று எதுவுமில்லை… வடக்குமுகம் நாடகம் போல் நிழல்கள்… ஆனால் ஓட்டம் நிற்கவில்லை.

ஐயா, ஆசான் கிணறை பற்றி எழுத முடியுமா? பத்மனபாபுரத்தில் இருந்து மேலான்கோடு செல்லும் பாதையில் உள்ளது. அங்கு ஒரு சிறிய கிருஷ்ணன் வகை குடியிருப்பு உள்ளது/ இன்னும் இருக்கும் என நம்புகிறேன். அருமையான குடி நீர். இனிக்கும். ஆவலுடன் உங்கள் கை வண்ணத்தில் அக்கிணறு எதிபார்க்கிறேன். ஒரு முறை கோவில் செல்லும் பொழுது பாருங்கள்.

sunil

February 1, 2010 at 1:34 pm (UTC 5.5)

Though I am not from Padmanabapuram, I love to roam around that palace streets during my school & college days, I used to watch each & every home in those streets,I can feel that much peacefulness over there. I wish to live in those old homes, read books in the thinnais and sleep over there during afternoons..

sureshkannan

February 1, 2010 at 6:02 pm (UTC 5.5)

பதின்மத்தில் ஓர் நாள் சென்னை மறைமலையடிகள் நூல்நிலையத்தில் அமர்ந்து வாலியின் கவிதை நூலொன்றை வாசித்துக் கொண்டிருந்தேன். (என்ன கொடுமை பாருங்கள்!) உணர்ச்சிப் பெருக்கில் ‘வாலி, நீ கவிதைகளை அள்ளி அள்ளித் தரும் வாளி’ என்று பின்னட்டையில் எழுதினேன். அதுதான் நினைவுக்கு வருகிறது. :-)

vks

May 24, 2010 at 4:59 pm (UTC 5.5)

பாரம்பரியங்களை நெஞ்சில் சுமக்கின்ற தாய் மனது இருப்பவர்களுக்கு பழைய வீடுகளில் கிடைக்கின்ற திருப்தி வேறு எங்கும் கிடைக்காது.

eraniel senthil

August 11, 2010 at 7:50 pm (UTC 5.5)

yeah i too miss those great homes…

http://www.jeyamohan.in/6119#.WQUET0WGPIV

Comments have been disabled.

வெண்முரசு நூல்கள் வாங்க

பணிக்கர் என்றொரு நடுவர் -தி. பரமேசுவரி

noreply@blogger.com (Anonymous) — Sun, 30 Apr 2017 02:39:00 +0530

மொழி வழி மாநிலம் கோரும் கிளர்ச்சிகள் இந்தியத் துணைக்கண்டம் முழுதும் கொழுந்துவிட்டு எரிந்த பொழுது, ஜஸ்டிஸ் சையத் பசல் அலி என்பவர் தலைமையில் மாநில மறுசீரமைப்புக் கமிஷனை அமைத்தார் பிரதமர் நேரு. இக் குழுவில் சர்தார் கே.எம்.பணிக்கர், பண்டிட் எச்.என்.குன்ஸ்ரு ஆகியோர் உறுப்பினர்கள்.

சர்தார் கே.எம்.பணிக்கர்

தம் மாநிலமான பீகார் (பீகாருக்கும் மேற்கு வங்கம், ஒரிசாவுக்குமான எல்லைகள்) தொடர்பான விவாதங்களின் போது, நடுவர் நிலையில் இருக்கும் தான் இதில் கலந்துகொள்வது தார்மீக நியாயம் இல்லை என்று நகர்ந்தார் பசல் அலி. ஆனால், தமிழக-கேரள எல்லைகள் தொடர்பான விவாதங்களில் பங்கேற்றதோடு அல்லாமல், தேவிகுளம்-பீர்மேடு வட்டங்களைக் கேரளத்துடன்தான் இணைக்க வேண்டும் என்பதில் பிடிவாதமாக இருந்தார் பணிக்கர் (1955).

ம.பொ.சி. "எனது போராட்டம்" என்ற தம் நூலில் பின்வரும் நிகழ்வைக் குறிப்பிடுவார்:

"நான் பசல் அலி கமிஷனைப் பேட்டி கண்ட போது, அக்கமிஷன் அங்கத்தினரான கே.எம்.பணிக்கர் என்னிடம் சுமார் அரைமணி நேரம் உரையாடினார், இல்லை, திரு-கொச்சி ராஜ்யத்திலுள்ள தமிழ்த் தாலுக்காக்கள் பற்றி என்னுடன் வாய்ச் சண்டை நடத்தினார். தேவிகுளம், பீர்மேடு தாலுக்காக்களைத் தமிழகத்துடன் இணைக்குமாறு தமிழரசுக் கழகம் கோருவது அநியாயமென்றும், கமிஷன் அதனை ஏற்கமுடியாது என்றும் ஆவேசமாகக் கூறினார். அவரது போக்கு எனக்கு வியப்பைத் தந்தது.

ம.பொ.சி.

அதனால், நான் "தாங்கள் மலையாளிகள் சார்பில் என்னுடன் வழக்காடுகிறீர்களா? அல்லது கமிஷன் உறுப்பினர் என்ற வகையில் என்னை விசாரணை நடத்துகிறீர்களா?" என்று கேட்டேன். இதன் பின்னர் பணிக்கரின் ஆவேசம் தணிந்தது.

தமக்கு ஏற்பட்ட ஆவேசத்திலே தம்மை மறந்தவராகி, தேவிகுளம் - பீர்மேடு பகுதியிலே தமக்குச் சொந்தமான தோட்டங்கள் இருப்பதாகவும் பணிக்கர் கூறினார். அதை நான் எப்படி தமிழ்நாட்டிடம் விட்டுவிட முடியும் என்றும் கேட்டார்.

அத்துடன் நீலகிரி மாவட்டத்திலுள்ள கூடலூர் தாலுகாவுக்காகவும் பணிக்கர் என்னுடன் வாதாடினார். "

- யுவபாரதி

இடுகை: தி. பரமேசுவரி

Email This

BlogThis!

Share to Twitter

Share to Facebook

Share to Pinterest

மயிலாப்பூர் பொன்னுசாமி சிவஞானம் தி பரமேசுவரி

noreply@blogger.com (Anonymous) — Sun, 30 Apr 2017 02:32:00 +0530

வாழ்க்கைக் குறிப்பு

பிறப்பு

1906ஆம் ஆண்டு ஜூன் 26ஆம் நாள், சென்னை ஆயிரம் விளக்கு. பெற்றோர் பொன்னுசாமி கிராமணியார் - சிவகாமி அம்மாள்.

ம.பொ.சி. - மயிலாப்பூர் பொன்னுசாமி சிவஞானம்

அரசியல்

உறுப்பினர், தமிழ் நாடு காரியக்கமிட்டி (1951-52)

துணைச் செயலாளர், சென்னை மாவட்டக் காங்கிரசுக் கமிட்டி(1936-37)

செயலாளர், சென்னை ஜில்லா காங்கிரசுக் கமிட்டி (1947-48)

தொழிலாளர் இயக்கம்

செயலாளர், சென்னை கள்ளிறக்கும் தொழிலாளர் சங்கம் (1934-38)

துணைத் தலைவர், சென்னை அச்சுத் தொழிலாளர் சங்கம் (1932-34

துணைத் தலைவர், சென்னை இராயபுரம் கணேஷ் அலுமினியம் தொழிலாளர் சங்கம் (1937-38)

தலைவர், சென்னை பட்டன் தொழிலாளர் சங்கம் (1936-37) மற்றும்

பல்வேறு தொழிலாளர் சங்கங்களுடன் தொடர்பு

சமூகப் பணி

செயலாளர், வட சென்னை அரிசன சேவா சங்கம் (1934-35)

பிரசாரகர், சென்னை அரிசன சேவா சங்கம் (1934-35)

செயலாளர், கிராமணிகுல மகாஜன சங்கம் (1934-37)

உறுப்பினர், போலீஸ் கமிஷன் (1976-77)

உறுப்பினர், தமிழ் நாடு அரசு பிற்பட்டோர் நலக் குழு (1968-71)

உறுப்பினர், தமிழ் நாடு அரசு கதர் கைத்தொழில் வாரியம்

எழுத்தாளர்

தலைவர், தமிழ் எழுத்தாளர் சங்கம் (1955-56)

தலைவர், தமிழ்நாடு தமிழ் எழுத்தாளர் மாநாடு, சென்னை (1955)

இது வரை 150 நூல்களை எழுதி வெளியிட்டுள்ளார்.

பட்டங்களும் பட்டயங்களும்

1950இல் பேராசிரியர் இரா.பி. சேதுப்பிள்ளை அவர்களால் ‘சிலம்புச் செல்வர்' என்ற பட்டம் வழங்கப்பட்டது

1966இல் ‘வள்ளலார் கண்ட ஒருமைப்பாடு' என்னும் நூல் சாகித்திய அகாடமியின் பரிசைப் பெற்றுள்ளது

1972இல் ஜனாதிபதியிடம் “பத்மஸ்ரீ” விருது பெற்றார்.

மற்றும் தமிழ் எழுத்தாளர் சங்கம், பாரதி சங்கம் ஆகியவற்றிடம் தமிழ்த் தொண்டிற்காக வெள்ளிக் கேடயங்கள் பெற்றார்.

1976இல் தமிழ்நாடு இயல் இசை நாடக மன்றத்தாரால் ‘கலைமாமணி’ என்ற பட்டமும் விருதும் வழங்கப் பெற்றன.

1976இல் சென்னையில் நடந்த முத்தமிழ் விழாவில் தமிழக முதல்வர் கலைஞர் மு. கருணாநிதி அவர்களால் ‘இயற்றமிழ்ச் செல்வம்' என்ற பட்டம் வழங்கப்பெற்றது.

கல்வித் துறையில் ஆற்றிய பணிகளைப் பாராட்டும் வகையில் “யுனெஸ்கோ” சார்பில் இவருக்கு நற்சான்றிதழ் வழங்கப்பட்டுள்ளது.

‘டாக்டர்’ பட்டம் - சென்னைப் பல்கலைக் கழகத்தாலும் அண்ணாமலைப் பல்கலைக் கழகத்தாலும் வழங்கப் பட்டது (1981-82).

1985இல் மதுரை காமராசர் பல்கலைக் கழகத்தால் ‘பேரவைச் செல்வர்' என்ற பட்டம் வழங்கப் பட்டது.

சிறை வாசம்

1928 முதல் 1947 வரை விடுதலைப் போரில் கலந்து கொண்டு, ஆறு முறை சிறைத் தண்டனை பெற்றார்.

ஒரு முறை மத்தியப் பிரதேசத்திலுள்ள அமராவதிச் சிறையில் ஒரு ஆண்டுக் காலம் அடைக்கப்பட்டார்.

தமிழக வடக்கெல்லைக் கிளர்ச்சியைத் தொடங்கி, அதிலே, 1953இல் தணிகையில் ஆறு வாரக் கடுங்காவல் தண்டனை பெற்றார்.

1936இல் சென்னைச் சிறையில் ஒரு வாரம் காவலில் வைக்கப்பட்டார்.

காந்தியப் பணி

கதர் வளர்ச்சி, மது விலக்கு, தீண்டாமை ஒழிப்பு ஆகிய ஆக்கவழிப் பணிகளில் ஈடுபட்டு வந்துள்ளார்.

1984 முதல் கிண்டி காந்தி மண்டப நினைவு ஆலோசனைக் குழுவின் தலைவர்.

தமிழரசுக் கழகம்

1946 நவம்பரில் தமிழரசுக் கழகம் நிறுவி அதன் தலைவராகச் செயல்பட்டார்.

மொழிவாரி மாகாணப் பிரிவினைக் கிளர்ச்சியைத் தமிழகத்தில் தொடங்கி 1956இல் தமிழ் மாநிலம் அமையச் செய்தார்.

தமிழக வடக்கு - தெற்கு எல்லைக் கிளர்ச்சிகளை நடத்தி, வடக்கெல்லையில் ஒரு தாலுகாவும் ( தணிகை), தெற்கு எல்லையில் ஐந்து தாலுகாக்களும் (குமரி மாவட்டம் மற்றும் னெல்லை மாவட்டத்தின் செங்கோட்டை வட்டம்) தமிழகத்துடன் இணையக் காரணமானார்.

சென்னை மீது ஆந்திரர் உரிமை கொண்டாடியதை எதிர்த்துப் போராடி, “தலையைக் கொடுத்தேனும் தலைநகரைக் காப்போம்” என்று சென்னை மாநகராட்சிக் கூட்டத்தில் முழக்கம் செய்து, தலைநகரைக் காத்தார்.

உள்ளாட்சி மற்றும் சட்டமன்றப் பணி

ஆல்டர்மேன், சென்னை மாநகராட்சி (1948-55)

உறுப்பினர், சட்டமன்ற மேலவை (1952-54)

உறுப்பினர், சட்டமன்றப் பேரவை (1972-78)

தலைவர், சட்டமன்ற மேலவை (1978-86) (அக்.)

நூலக இயக்கம்

நிர்வாகி, சென்னை இராயபுரம் திருவள்ளுவர் வாசக சாலை (1930-32)

செயலாளர், சென்னை தண்டையார்பேட்டை நூலகம் (1941-42)

தலைவர், தமிழ் எழுத்தாளர் சங்க நூலகம்.

தலைவர், சென்னை மாவட்ட நூலக ஆணைக்குழு (1952-54 மற்றும்1972-74)

உறுப்பினர், தமிழ்நாடுஅரசு நூலக ஆணைக்குழு நூலக இயக்கத்துக்கென தனித் துறையை நிறுவவும் தனி இயக்குநரை நியமிக்கவும் நூலக வரியை 3 காசிலிருந்து 5 காசுகளாக உயர்த்தவும் அரசைத் தூண்டி அதில் வெற்றி கண்டார்.

பல்கலைக்கழகப் பணிகள்

உறுப்பினர், சென்னைப் பல்கலைக் கழக செனட் சபை (1952-54)

உறுப்பினர், சென்னைப் பல்கலைக் கழக ஆட்சிக்குழு (1972-76)

உறுப்பினர், மதுரைப் பல்கலைக்கழக செனட் சபை (1967-69)

உறுப்பினர், அண்ணாமலைப் பல்கலைக்கழக செனட் சபை (1978)

உறுப்பினர், தஞ்சைத் தமிழ்ப் பல்கலைக்கழக செனட் சபை

தலைவர், உறுப்பினர், சென்னைப் பல்கலைக்கழகப் பல்வேறு ஆய்வுக்குழுக்கள்.

சென்னை, மதுரைப் பல்கலைக் கழகங்களின் சார்பில் ஆறு முறை அறக்கட்டளைச் சொற்பொழிவுகள் ஆற்றியுள்ளார்.

தமிழ்ப் பல்கலைக்கழக ஆட்சி மன்ற உறுப்பினர் - தமிழ்ப் பல்கலைக்கழக வல்லுநர் குழு உறுப்பினர் (1983-86)

கல்வித் தொண்டு

தலைவர், சென்னை மாநகராட்சி கல்விக் குழு (1952-53)

ஆசிரியர், வடசென்னை முதியோர் ( கள்ளிறக்கும் தொழிலாளர்) கல்வி இரவுப் பள்ளி (1934-36)

வீர பாண்டிய கட்ட பொம்மன், கப்பலோட்டிய தமிழன், வள்ளலார் கண்ட ஒருமைப்பாடு ஆகிய நூல்கள் தமிழ் நாடு உயர்நிலைப் பள்ளிகளின் மேல் வகுப்புகளில் பாடமாக்கப்பட்டன.

‘கம்பன் கவியின்பம்' என்னும் நூல் மதுரைப் பல்கலைக் கழகத்தைச் சேர்ந்த கல்லூரிகளில் பட்டப் படிப்புக்குப் பாடமாக்கப்பட்டது. பல்கலைக்கழகத்தால் மேல் பட்டப் படிப்புக்குத் தகவல் நூலாக வைக்கப் பட்டது.

‘பாரதியாரின் பாதையிலே' என்னும் நூல் சென்னைப் பல்கலைக் கழகத்தைச் சேர்ந்த சென்னை, செங்கற்பட்டு மாவட்டங்களிலுள்ள கல்லூரிகளில் பட்டப் படிப்புக்குப் பாடமாக வைக்கப் பட்டுள்ளது.

பத்திரிகைப் பணி

கம்பாசிடர், டாக்டர் பி. வரதராஜுலு நாயுடுவின் ‘தமிழ்நாடு' பத்திரிகை அச்சுக்கூடம் (1927-34)

ஆசிரியர், “கிராமணி குலம்” (1934-37) மாதமிருமுறை

ஆசிரியர், தமிழ் எழுத்தாளர் சங்கத்தின் “பாரதி ” மாதப் பத்திரிகை (1955-56)

ஆசிரியர், “தமிழ் முரசு” (1946-51)

ஆசிரியர், “தமிழன் குரல்” (1954-55)

ஆசிரியர், “செங்கோல்” (1950-1995)

அயல்நாட்டுப் பயணம்

இலங்கைக்கு 1948இல் முதன் முதலாகச் சென்று 28 நாட்கள் அந்தத் தீவில் சுற்றுலாச் செய்தார். அதன் பின்னரும் 10க்கு மேற்பட்ட சந்தர்ப்பங்களில் சென்று திரும்பியுள்ளார்.

பர்மாவுக்கு 1956இல் சென்று 18 நாட்கள் சுற்றுலா செய்தார்.

மலேசியா, சிங்கப்பூர் நாடுகளில் 1964-லும், 1966-லும் சுற்றுலாச் செய்தார்.

மேற்கண்ட நாடுகளில் வாழும் தமிழ் மக்களிடையில் கலாச்சாரப் பிரச்சாரம் செய்துள்ளார்.

1965 இல் மலேசியத் தலைநகரான கோலாலம்பூரிலும் 1970இல் பிரான்ஸ் நாட்டின் தலைநகரான பாரிசிலும் நடந்த உலகத் தமிழ் மாநாடுகளில் தமிழக அரசின் பிரதிநிதியாகக் கலந்து கொண்டார்.

1970 இல் சோவியத் யூனியனால் அழைக்கப்பட்டு, அந்நாட்டில் 7 நாட்கள் சுற்றுலா செய்தார்.

1970இல் பாரிசில் உலகத் தமிழ் மாநாட்டில் கலந்துகொண்டு விட்டுத் திரும்புகையில், பிரிட்டனின் தலைநகரான இலண்டனில் 3 நாட்கள் தங்கி, நூலக இயக்கம் – காவல் துறை நிர்வாகம் ஆகியவற்றைப் பற்றி அறிந்து வந்தார்.

1986ஆம் ஆண்டில் இலண்டன், அமெரிக்கச் சுற்றுப் பயணம் செய்து, வெர்ஜீனியா மாகாணத்தில் உலக ஆன்மீக மாநாட்டில் கலந்துகொண்டார். அமெரிக்காவில் பல்வேறு மாநிலங்களில் மூன்று வாரம் சுற்றுப் பயணம் செய்தார்.

தமிழிசைப் பணி

1967 டிசம்பரில், தமிழ்ப்பண் ஆராய்ச்சி மாநாட்டைத் தொடங்கி வைத்துப் பேசினார்.

1978 டிசம்பரில் சென்னையில் தமிழிசை விழாவைத் தொடங்கி வைத்துப் பேசினார்.

1982-83 தமிழ்நாடு அரசால் நியமிக்கப்பட்ட மகாகவி சுப்பிரமணிய பாரதியாரின் நூற்றாண்டு விழாக்குழுத் தலைவராக நியமிக்கப்பட்டார்.

மறைவு

1995ஆம் ஆண்டு அக்டோபர் 3ஆம் நாள், சென்னை மயிலாப்பூர்.

http://www.maposi.com

வாட்ஸ்அப் தகவல்களை வைத்து பேஸ்புக் செய்யும் காரியம் இது தான்.!

noreply@blogger.com (Anonymous) — Sat, 29 Apr 2017 23:06:00 +0530

.
வாட்ஸ்அப் தனியுரிமை கொள்கைகள் மாற்றியமைக்கப்பட்டது வாடிக்கையாளர்களின் தனியுரிமையை மீறுவதாக குற்றச்சாட்டு எழுந்துள்ளது. உண்மையில் வாட்ஸ்அப் எவ்வித தகவல்களை பேஸ்புக்குடன் பகிர்ந்து கொள்கிறது என்பதை இங்கு பார்ப்போம்.

வாட்ஸ்அப் வாடிக்கையாளர்களின் எவ்வித தகவல்களை பேஸ்புக் எடுத்து அவற்றை எவ்வாறு பயன்படுத்துகிறது என்பதில் குழப்பமான நிலை ஏற்பட்டுள்ளது. இந்த விவகாரம் குறித்து இந்திய உச்சநீதிமன்றத்தில் வழக்கு நிலுவையில் உள்ளது. இந்த விவகாரம் குறித்து வாட்ஸ்அப் மற்றும் பேஸ்புக் சார்பில் சொல்லப்படுவது என்ன?

வாட்ஸ்அப் தனியுரிமை கொள்கை மாற்றங்கள் குறித்து அந்நிறுவன வலைப்பக்கத்தில் தகவல் வெளியிடப்பட்டுள்ளது. அதில், “பேஸ்புக்குடன் இணைந்து எங்களது சேவைகளை மேம்படுத்துகிறோம், போலி செயலிகளுக்கு எதிரான நடவடிக்கைகள், சேவை பரிந்துரைகள் மற்றும் சம்பந்தப்பட்ட விளம்பரங்களை பரிந்துரை செய்வது உள்ளிட்டவற்றிற்கு பயன்படுத்துகிறோம்” என தெரிவிக்கப்பட்டுள்ளது.

இதனால் வாட்ஸ்அப்பில் எந்த தகவல்களை கொண்டு பேஸ்புக் விளம்பரங்களை காண்பிக்க பயன்படுத்துகிறது என்ற கேள்வியும் எழுகிறது.

இதற்கு பதில் அளித்துள்ள வாட்ஸ்அப், ‘பேஸ்புக்குடன் இணைந்திருப்பதன் மூலம் அடிப்படை தகவல்களை கொண்டு போலி செயலிகளை எதிர்க்க வாடிக்கையாளர்கள் எந்தளவு எங்களது சேவைகளை பயன்படுத்துகின்றனர் என்பதை அறிந்து கொள்கிறோம்’ என தெரிவிக்கப்பட்டுள்ளது. பேஸ்புக்குடன் மொபைல் நம்பரை இணைத்து கொள்வதன் மூலம் சிறப்பான முறையில் நண்பர்களை பரிந்துரை செய்வது மற்றும் சம்பந்தப்பட்ட விளம்பரங்களை பரிந்துரை செய்ய முடியும் எனவும் தெரிவிக்கப்பட்டுள்ளது.

வாட்ஸ்அப் நம்பர்களை பேஸ்புக்கில் இணைப்பதன் மூலம் எவ்வாறு விளம்பரங்கள் வழங்கப்படுகின்றன?

நீங்கள் வாட்ஸ்அப் மொபைல் நம்பரை கொண்டு, அருகாமையில் இருக்கும் கடையின் மெயிலிங் லிஸ்ட்டிற்கு பதிவு செய்து, அதே கடைக்காரர் பேஸ்புக்கில் விளம்பரம் செய்தால் குறிப்பிட்ட கடையின் விளம்பரம் உங்களுக்கு தெரியும். அதாவது கடைக்காரர் விளம்பரம் செய்யும் போது காண்டாக்ட் பட்டியல் ஒன்றை வழங்குவர், அந்த பட்டியல் கோட்களாக மாற்றப்படும். இதனால் பேஸ்புக் காண்டாக்ட் பட்டியலை விளம்பரம் வழங்குவோரிடம் இருந்து பெறாது.

வாடிக்கையாளர்கள் குறிப்பிட்ட விளம்பரத்தை எவ்வாறு அணுகுகின்றனர் என்பதை மட்டும் விளம்பரதாரர்களுக்கு தெரிவித்து, அவர்களின் எவ்வித விவரத்தையும் வெளிப்படுத்த மாட்டோம் என பேஸ்புக் சார்பில் தெரிவிக்கப்பட்டுள்ளது.

பொதுவாக பேஸ்புக்கில் ஒருவர் விளம்பரம் செய்ய வரும் போது, அவர் தரப்பில் காண்டாக்ட் பட்டியல் ஒன்றை பதிவேற்றம் செய்ய முடியும். பின் இந்த பட்டியல் கோட்களாக மாற்றப்பட்டு அவர்களுக்கு விளம்பரங்களாக வழங்கப்படுகிறது. அந்த வகையில் பேஸ்புக் உங்களது காண்டாக்ட் தகவல்களை பெறாமல், வெறும் கோட்களை மட்டுமே வாட்ஸ்அப்பில் இருந்து பெறுகிறது என தெரிவித்துள்ளது. -மாலைமலர்

கார்ல்மார்க்ஸ் நூலகம் எனும் கண்ணன் அழியாச்சுடர் !

noreply@blogger.com (Anonymous) — Thu, 27 Apr 2017 17:45:00 +0530

காரல் மார்க்ஸ் நூலகம் கண்ணன்’ என்று அன்புடன் அழைக்கப்பட்ட ச.சீ.கண்ணன், கடந்த செவ்வாய்க்கிழமையன்று, தனது 95-வது வயதில் இயற்கை எய்தினார். சில ஆண்டுகளுக்கு முன்பு, சென்னை தியாகராய நகரின் மேற்கு சி.ஐ.டி. நகரில் உள்ள காரல் மார்க்ஸ் நூலகத்துக்குச் சென்றேன். கீழ்த்தளத்திலும் மாடியிலும் இருந்த நூல்களையும் இதழ்களையும் பார்த்த பிறகு, அந்த நூலக நிறுவனர் பெரியவர் கண்ணனைச் சந்தித்தேன். நூலகத்தைப் பற்றி ஆர்வமாக விசாரித்தபோது, உடல்நலம் குன்றியிருந்த அவர் “ஒரு நாளைக்கு ஒரு முறைதான் மாடி ஏற முடியும். இன்று உங்களுக்காக மாடிக்கு வருகிறேன்” என்று மாடிக்கு வந்து, நூலகம் துவங்கிய காலத்திலிருந்து தனது அனுபவத்தை விளக்கியதோடு அவரது கடந்தகால வாழ்க்கையைப் பற்றியும் பகிர்ந்துகொண்டார்.

கண்ணனது குடும்பம் தேசப் பற்றுமிக்க குடும்பம். இவரது தந்தை சீனிவாச ஐயங்கார் பாபநாசம் விக்டோரியா போர்டு ஸ்கூல் தலைமையாசிரியராக இருந்தபோது, தமிழகத்தில் முதன்முதலாக தமிழ்வழிக் கல்வியை அறிமுகப்படுத்தியவர். பள்ளி நிர்வாகம் அன்றைய ஆங்கிலேயர் அரசுக்கு விசுவாசமாக இருந்தது. தலைமையாசிரியர் சீனிவாச ஐயங்கார் தேசியவாத சிந்தனை உள்ளவர். இவருக்கு பள்ளி நிர்வாகம் நெருக்கடி கொடுத்ததால், ஒருகட்டத்தில் தன்னுடைய வேலையை ராஜினாமா செய்துவிட்டார்.

கம்யூனிஸ்ட்டாக மாறிய காங்கிரஸ் ஆர்வலர்

தன்னுடைய பிள்ளைகள் தேசப்பற்று மிக்கவர்களாக வளர வேண்டும் என்ற நோக்கத்தோடு, மூத்த மகன் கண்ணனை மதன்மோகன் மாளவியா, அன்னிபெசன்ட் போன்றோர் முன்முயற்சியால் தொடங்கப்பட்ட காசி இந்துப் பல்கலைக்கழகத்தில் பொறியியல் படிப்பில் 1940-ல் சேர்த்தார். நாடு முழுவதும் சுதந்திரப் போராட்டம் வீறுகொண்டு எழுந்த நிலையில், காசி பல்கலைக்கழக வளாகமும் போராட்டக்களமாகத் திகழ்ந்தது. கண்ணன், அனைத்திந்திய மாணவர் பெருமன்றத்தில் (ஏஐஎஸ்எஃப்) சேர்ந்ததோடு கம்யூனிஸ்ட் கட்சியிலும் உறுப்பினரானார். பல்கலைக்கழகக் கட்சிக் கிளைக் கூட்டங்களில் பி.ராமமூர்த்தி, எஸ்.ராமகிருஷ்ணன், எம்.பி.சீனிவாசன் போன் றோரும் கலந்துகொண்டார்கள். கண்ணன் பொறியியல் நூல்களோடு மார்க்ஸிய நூல் களையும் படித்தார். காங்கிரஸ் ஆர்வலராகக் காசி சென்ற கண்ணன், கம்யூனிஸ்ட்டாக வெளியே வந்தார்.

ஒருகட்டத்தில் பல்கலைக்கழக வளாகத்துக்குள் ராணுவம் சென்று மாணவர் தலைவர்களைக் கைதுசெய்ய முயற்சித்தது. அப்போது பல்கலைக்கழகத் துணைவேந்தராக இருந்த சர்வபள்ளி ராதாகிருஷ்ணன், ராணுவத்தை அனுமதிக்க மறுத்தார். துணைவேந்தரின் ஆட்சேபனையை மீறி ராணுவம் உள்ளே சென்றபோது, சம்பந்தப்பட்ட மாணவர் தலைவர்களிடம் “வளாகத்தைவிட்டு வெளியேறி கிராமங்களுக்குச் செல்லுங்கள். உங்களை மக்கள் பாதுகாப்பார்கள்” என துணைவேந்தர் ஆலோசனை கூறினார். அவரது ஆலோசனையை ஏற்ற மாணவர்களும், மாணவர் தலைவர்களும் கிராமங்களுக்குச் சென்றனர். அப்படிச் சென்றவர்களில் கண்ணனும் ஒருவர். சில காலம் கண்ணன் உள்ளிட்ட சில மாணவர் தலைவர்கள் தலைமறைவாக இருந்தனர். இதனால் நான்காண்டுகளில் முடிக்க வேண்டிய கண்ணனின் படிப்பு ஐந்தாண்டுகளாக நீடித்தது. இந்தப் பல்கலைக்கழகத்தில் பி.ராமமூர்த்தி 1920-களில் பட்டப் படிப்பு படித்தபோது, சைமன் கமிஷனுக்குக் கருப்புக் கொடி காட்டும் போராட்டத்தை நடத்தினார் என்பது குறிப்பிடத்தக்கது.

கடமை தவறாத பொறியாளர்

படிப்பை முடித்து கண்ணன் தமிழ்நாடு திரும்பி, கோயம்புத்தூர் பி.எஸ்.ஜி. பல்தொழில் கல்லூரியில் ஆசிரியராகச் சேர்ந்தார். பிறகு அதை விடுத்து, மாகாண மின்துறையில் பொறியாளர் பணியில் சேர்ந்தார். கடமை தவறாத பொறியாளர் என்ற பாராட்டைப் பெற்றவர். மின் பொறியாளர் சங்கத்தின் தலைவராகவும் செயலாற்றினார். அக்காலத்தில் மின்துறையில் தலையாட்டி பொம்மையாக இல்லாமல், வெளிப்படையாகத் தமது கருத்துகளைக் கூறியதால், அவருக்கு தலைமைப் பொறியாளர் பதவி மறுக்கப்பட்டது. இதைப் பற்றியெல்லாம் அவர் கிஞ்சித்தும் கவலைப்படவில்லை.

அவருடைய பணிக்காலத்தில் மிக முக்கிய நிகழ்வு, அவர் பிரான்ஸ் சென்றது. இங்கிலாந்து, பிரான்ஸுக்கு மேற்கே இருப்பதால் மாலை நேரம் தள்ளிப்போகும். அதனால், உச்சகட்ட மின்பயன்பாடு நேரம் மாறுபடும். இங்கிலாந்தில் உச்சகட்டத் தேவையின்போது பிரான்ஸின் பயன்பாடு குறைவாக இருக்கும். இந்த இரண்டு நாடுகளுக்கும் இடையில் மின்சாரத்தை வழங்கிட - பெற்றுக்கொள்ள அந்த நாடுகளின் இணைப்புகளில் வசதிகள் ஏற்படுத்தப்பட்டிருந்தன. இத்தகைய இணைப்பு வசதியைத் தமிழகத்திலும் உருவாக்க வேண்டும் என்று வாரியத்துக்கு அறிக்கை அளித்தார். இது ஏற்றுச் செயல்படுத்தப்பட்டு, தமிழகம் பயன் பெற்றுவருவது குறிப்பிடத்தக்கது. மேலும், மின்வாரியத் தொழிலாளர்களுக்குப் பல்வேறு பொருள் குறித்து வகுப்பும் எடுத்திருக்கிறார்.

ஆய்வு மாணவர்களின் கருவூலம்

மின்வாரியத்திலிருந்து ஓய்வுபெற்ற பிறகு, 1978-ல் காரல் மார்க்ஸ் பெயரில் நூலகத்தைத் துவக்கினார். மார்க்ஸிய - லெனினிய மூல நூல்களின் முழுமையான தொகுப்பு, கம்யூனிஸ்ட் கட்சிகளின் ஆவணங்கள், சோஷலிச நாடுகளின் வரலாற்று நூல்கள், இந்திய, தமிழக வரலாற்று நூல்கள், இந்தியாவிலும், உலக அளவிலும் வெளியிடப்பட்டு வந்த இடதுசாரி இதழ்கள், இலக்கிய நூல்கள் என்று இடதுசாரி ஆய்வாளர்களுக்கும், கல்லூரி மாணவர்களுக்கும் ஆய்வுக்கான கருவூலமாக அந்த நூலகம் திகழ்ந்தது. இந்நூலகத்தை இடதுசாரி ஆய்வாளர்களும் பல கல்லூரி மாணவர்களும் ஆய்வுகள் மேற்கொள்ளப் பயன்படுத்தினார்கள். இந்த நூல்கள் தொடர்ந்து பாதுகாக்கப்பட வேண்டும் என்பதற்காக, இவற்றை மார்க்ஸிஸ்ட் கட்சியின் மாநிலக் குழு நூலகத்துக்கும், வேறு சில நூலகங்களுக்கும் சமீபத்தில் அளித்துவிட்டார்.

இவருடைய மற்றொரு பெரும் பணி, பார்வையற்றோருக்குத் தொடர்ச்சியாக அவர் செய்த உதவிகளாகும். நூலகத்துக்கு வரும் பார்வையற்றோருக்கு நூல்களை கண்ணன் படித்துக்காட்டி உதவிசெய்தார். இவர் படிக்க, அதைக் கேட்டு பார்வையற்ற வீரராகவன் டாக்டர் பட்டம் பெற்று சென்னை ஐஐடி-யில் பேராசிரியராகவும் பணியாற்றினார். வீரராகவனின் முனைவர் பட்டத்துக்கான ‘சென்னை மாநகரில் தொழிலாளி வர்க்கத்தின் வளர்ச்சி’ என்ற அற்புதமான நூலை சில ஆண்டுகளுக்கு முன் மார்க்ஸிஸ்ட் கம்யூனிஸ்ட் கட்சியின் அன்றைய பொதுச்செயலாளர் பிரகாஷ் காரத் வெளியிட்டது குறிப்பிடத்தக்கது.

கண்ணனின் இறுதி ஊர்வலத்தில், பார்வையற்றோர் பலர் கலந்துகொண்டு பேசினார்கள். “கண் இல்லாத எங்களுக்குக் கண்ணாக அவர் விளங்கினார். எங்களைக் கல்லூரியில் சேர்ப்பித்துப் படிக்க வைத்தார். அவரும் அவரது நண்பர்களும், உறவினர்களும் எங்களுக்குப் படித்துக் காட்டி உதவிவந்தார்கள். அதுமட்டுமல்ல; எங்களுக்கு அரசுப் பணியும் பெற்றுக் கொடுத்தார். இதற்காக அமைச்சர் ஒருவருடன் சூடான வாக்குவாதத்தில் ஈடுபடவும் அவர் தயங்கவில்லை. எங்களது இதயத்தில் எப்போதும் அவர் வாழ்வார்” என்று அவர்கள் உருக்கமாகப் பேசினார்கள்.

கண்ணனுடைய அனைத்துப் பணிகளுக்கும் உற்ற துணையாக உதவியவர் அவருடைய மனைவி மைதிலி. கண்ணனின் தம்பி ச.சீ.இராஜகோபாலன் சிறந்த கல்வியாளர். கண்ணனின் சகோதரர்கள் அனைவரும் அவருடைய தந்தையைப் போல் சமூகப் பார்வையோடு சேவை செய்திருக்கிறார்கள். கண்ணனின் வாழ்க்கையும், அவருடைய குடும்பத்தாரின் வாழ்க்கையும் அர்த்தமுள்ள வாழ்க்கை!

ஜி.ராமகிருஷ்ணன்,

மார்க்ஸிஸ்ட் கம்யூனிஸ்ட் கட்சியின் மாநிலச் செயலாளர்.

தொடர்புக்கு: gr@tncpim.org

மோடி உலகமயமாக்கலின் ஏக பிரதிநிதியானதில் கம்யூனிஸ்ட்டுகளின் பங்கு என்ன?

noreply@blogger.com (Anonymous) — Thu, 27 Apr 2017 17:35:00 +0530

சென்னையிலுள்ள இந்திய கம்யூனிஸ்ட் கட்சியின் மாநிலத் தலைமையகத்தைக் கடக்கும்போதெல்லாம் நினைத்துக்கொள்வேன். எவ்வளவு பேருடைய உழைப்பும், தியாகமும் இன்று அர்த்தமற்ற ஒரு வெளிக்கூடாக உருமாறிவிட்டன! நடிகர் சிவாஜி கணேசன் வீட்டிற்குப் போகும் வழியில் உள்ள அந்தக் கட்டிடத்துக்கு, “கம்யூனிஸ்ட் கட்சியின் அலுவலகம்” என்று வழி கேட்டு எங்கிருந்தேனும் ஒரு கிராமத்து விவசாயி வந்தால், அந்தக் கட்டிடத்தைப் பார்த்த மாத்திரத்தில் குழம்பிப்போவார். முழுக்க கார்ப்பரேட் அலுவலகப் பாணியில் கட்டப்பட்ட கட்டிடம். வெளியே கட்சியின் பெயர்ப் பலகைகூடக் கிடையாது. மாறாக, சர்வதேச சுற்றுலாக்களை ஏற்பாடு செய்யும் கார்ப்பரேட் நிறுவனமான ‘தாமஸ் குக்’ நிறுவனத்தின் பெயர்ப் பலகை இருக்கும். அந்த ஏழு மாடிக் கட்டிடத்தில் வாடகைக்கு இயங்கும் நிறுவனங்களில் அதுவும் ஒன்று. காந்திய அறிஞரும் நண்பருமான அண்ணாமலையிடம் இந்தியாவில் கம்யூனிஸ்ட்டுகளின் வீழ்ச்சி தொடர்பில் ஒருநாள் பேசிக்கொண்டிருக்கையில், அவர் கேட்டார், “இந்திய கம்யூனிஸ்ட் கட்சியின் கட்டிடத்திற்கும் ரிலையன்ஸ் அலுவலகத்தின் கட்டிடத்திற்கும் என்ன வேறுபாட்டை வெளியே மக்கள் உணருவார்கள்?”

இந்தியாவில் கம்யூனிஸ்ட்டுகள் இன்று வந்தடைந்திருக்கும் முட்டுச்சந்து நிலைக்கான ஒரு பூடகக் குறியீடு என்று அந்தக் கட்டிடத்தைச் சொல்லலாம். சுதந்திரத்திற்குப் பின் தேர்தல் அரசியலில் பங்கேற்பது என்று இந்திய கம்யூனிஸ்ட்டுகள் முடிவெடுத்தது ஒரு வரலாற்றுத் தருணம். 1957-ல் கேரளத்தில் இ.எம்.எஸ்.நம்பூதிரிபாடு தலைமையில் அமைந்த அரசாங்கம், உலகில் மக்களால் தேர்ந்தெடுக்கப்பட்ட முதல் கம்யூனிஸ்ட் அரசாங்கம் என்பது இந்திய பாணி கம்யூனிஸத்துக்கான மகத்தான அடிக்கல். அந்த சமரசம் - நெகிழ்வு ஒரு புரட்சிகர முடிவு.

அந்த சமரசத்தை ஆத்மார்த்தமாக அங்கீகரித்து, காலத்துக்கு ஏற்ப மாற்றங்களுக்கும், சமரசங்களுக்கும் கம்யூனிஸ்ட்டுகள் முகங்கொடுத்திருந்தால் இந்திய பாணி கம்யூனிஸம் இன்று சர்வதேசத்துக்கான முன்னுதாரணங்களில் ஒன்றாக இருந்திருக்கும். மாறாக, இங்கு நடந்த புரட்சிகளையும் இந்த மண்ணில் நடந்த சாதனைகளையும் பொருட்படுத்தாத அவர்களது மனம் ரஷ்யாவைப் பார்த்தும் சீனாவைப் பார்த்தும் குழம்பிக்கொண்டே இருந்தது. தீவிரத்தன்மையை முன்மொழியும் மாவோயிஸ இயக்கங்களின் எழுச்சியும் விமர்சனங்களும் அவர்களை மேலும் குழப்பத்துக்குள்ளாக்கின. உலகமயமாக்கலுக்குப் பிந்தைய காலகட்டத்தில் உறைந்தேபோனார்கள்.

உலகமயமாக்கல் ஒரு மாபெரும் வரலாற்றுப்போக்கு. சோஷலிஸ ஆதரவாளனாக எனக்குக் கடுமையான விமர்சனங்கள் அதன் மீது உண்டு. முன்னெப்போதும் இல்லாத அளவுக்கு ஏற்றத்தாழ்வுகளை அது கடுமையாகத் தீவிரப்படுத்தியிருக்கிறது என்று குற்றஞ்சாட்டும் அதே நிலையில், மறுபுறம் முன்னெப்போதும் இல்லாத அளவுக்குப் பெருந்தொகையிலான மக்களைப் பசியிலிருந்தும் அது மீட்டெடுத்திருக்கிறது என்ற பார்வையுடனேயே அதை அணுக முயற்சிக்கிறேன். சமத்துவத்துக்கு எதிரான பெரும் சுவராக அது உருவெடுத்திருக்கிறது என்று குற்றஞ்சாட்டும் அதே நிலையில், மறுபுறம் வாய்ப்புகளைப் பெரிய அளவில் பரவலாக்கியிருக்கிறது என்ற பார்வையுடனேயே அதை அணுக முயற்சிக்கிறேன்.

பொருளியல் அறிஞர் எஸ்.நீலகண்டன் சொல்வார், “பல்லாயிரம் ஆண்டு காலப் பழம்பெருமை பேசுகிறோம். ஆனால், ரயிலின் வருகைக்கு முன் உலகின் எந்த நாட்டிலும், யாருடைய அரசிலும் ஒரு ஆட்சியாளனும் மக்களும் ஒரே வேகத்தில் பயணித்தது கிடையாது. ஒரு யுத்தம் நடக்கிறது என்றால், அரசனும் ஒரு சிறு பகுதி படையும்தான் குதிரைகளில் சென்றார்கள். படையின் பெரும் பகுதியினர் கால்நடையாகத்தான் சென்றார்கள். மனித குல வரலாற்றில் முதன் முதலில் ஒரு ராஜாவும், ஒரு சாமானியனும் ஒரே நேரத்தில், ஒரே வேகத்தில் பயணிக்க முடிந்தது என்றால், ரயிலால் நிகழ்ந்த புரட்சி அது. ஒரு பிரதமர் சொகுசான வசதியோடு முதல் வகுப்பில் பயணிக்கலாம், ஒரு குடியானவர் இரண்டாம் வகுப்பில் கழிப்பறை அருகில் நிற்க இடமில்லாமல் நெரிசலில் நின்றுகொண்டிருக்கலாம். ஆனால், வரலாற்றில் அவர்கள் இருவரும் ஒரே நேரத்தில் ஒரே வேகத்தில் இன்று சென்றுகொண்டிருக்கிறார்கள். முதலாளித்துவம் சாமானியர்களுக்காக ரயிலைக் கொண்டுவரவில்லை. ஆனால், சாமானியர்களும் அதில் பயணித்துக்கொண்டிருக்கிறார்கள் என்ற உண்மையினூடாகத்தான் நாம் ரயிலை அணுக வேண்டும்.”

நமக்கு ரயில் வேண்டும். அதேசமயம், இரண்டாம் வகுப்பில் கழிப்பறை அருகில் நிற்பவரும் கண்ணியமான இடத்தில் அமர்ந்து பயணிக்கும் நிலையும் வேண்டும். அதற்கேற்றபடி நம் கொள்கைகள் அமைய வேண்டும். நாம் வேறு ஒரு வாகனத்தை உருவாக்காத நிலையில், ரயில் எனும் அமைப்புக்கு நேர்மறையாக முகங்கொடுத்தால்தான், அதன் குறைகளைப் போக்குவதுபற்றி ஆக்கபூர்வமாக நாம் உரையாட முடியும். இன்று உலகின் பல கம்யூனிஸ நாடுகள் இந்தப் புள்ளியை நோக்கி நகர்ந்திருக்கின்றன. இந்தக் கட்டுரையை எழுதும் தருணத்தில் சீன அதிபர் ஜின் பிங் சமீபத்தில் டாவோஸில் நடந்த உலக வர்த்தக அமைப்புக் கூட்டத்தில் பேசிய உரை என் கையில் இருக்கிறது. அமெரிக்க நலன்களை முன்னிறுத்தி உலகமயமாக்கலுக்கு எதிராக அமெரிக்க அதிபர் ட்ரம்ப் பேசியிருக்கும் நிலையில், அதை நிராகரித்து, உலகமயமாக்கல் பாதையிலேயே உலகம் செல்ல வேண்டியதன் அவசியத்தை வலியுறுத்தி, தொடர்ந்தும் உலகமயமாக்கலை முன்னெடுக்க சீனா பொறுப்பேற்கும் எனும் சமிக்ஞையையும் வெளியிட்டிருக்கிறார் ஜின் பிங்.

மீண்டும் கூறுகிறேன். உலகமயமாக்கல் வெறும் எண்களில் மட்டும் இல்லை. பொருளாதாரத் தளத்திலிருந்து மட்டுமே அதைப் பார்ப்பவர்கள் கலாச்சாரத் தளத்தில் அது உண்டாக்கியிருக்கும் மாற்றங்களைப் பொருட்படுத்துவதில்லை. பாகுபாடு நிறுவனமயமாக்கப்பட்ட இந்தியாவைப் போன்ற ஒரு நாட்டில் கிராமங்களில் வாய்ப்புகள் மறுக்கப்பட்டு, இருளில் முடங்கிக் கிடக்கும் கோடிக்கணக்கான அடித்தட்டு மக்கள், முக்கியமாக பெண்கள் நவீன வாழ்க்கையில் அடியெடுத்து வைப்பதற்கான பாதையை அது இன்று திறந்துவிட்டிருக்கிறது.

எந்த இயக்கமும் காலத்திற்கேற்ப தன்னை மாற்றிக்கொள்ள வேண்டும். பாஜகவின் வளர்ச்சியை இதனூடாகவும் பார்க்க வேண்டும். காலங்காலமாக சுதேசியம் பேசிவந்த ஆர்எஸ்எஸ் வழிவந்த பாஜக எப்படி இன்று உலகமயமாக்கல் பொருளாதாரத்தின் பிரதிநிதியாகத் தம்மை முன்னிறுத்திக்கொள்கிறது? நவீன வாழ்க்கை நோக்கி வேட்கையோடு வரும் இந்திய இளைய சமூகத்தை அவர்கள் புரிந்துகொண்டிருக்கின்றனர்.

எளிய மக்களைப் பரிவுணர்வோடு அணுகும் கம்யூனிஸ்ட்டுகள் உலகமயமாக்கல் சட்டகத்துக்குள் வந்து, ஒரு சோஷலிஸ மாற்றை முன்வைத்திருந்தால் இந்தியாவில் உலகமயமாக்கலின் இன்றைய கோரங்களை எவ்வளவோ கட்டுப்படுத்தியிருக்க முடியும் என்றே நம்புகிறேன்.

ஒரு அமைப்புக்கு வெளியிலிருப்பதைக் காட்டிலும் உள்ளிருந்தால் அவர்களால் என்ன செய்ய முடியும் என்பதற்கு சுதந்திர இந்தியாவின் முதல் 70 ஆண்டுகளில் அதிகபட்ச வளர்ச்சியைக் கொடுத்த ஆட்சி என்று பலராலும் மெச்சப்படும் மன்மோகன் சிங்கின் முதல் 5 ஆண்டு கால (2004-2009) ஆட்சியை ஓரளவுக்கு இதற்கு உதாரணப்படுத்தலாம். கம்யூனிஸ்ட்டுகள் வெளியிலிருந்து ஆதரவு தந்து, கட்டுப்படுத்திய தாராளமய ஆட்சி அது.

உலகமயமாக்கலைப் பொருளாதாரரீதியாக வரித்துக் கொள்வதில் காங்கிரஸோடு, திமுக, அதிமுக உள்ளிட்ட மாநிலக் கட்சிகள் பாஜகவைக் காட்டிலும் ஒருபடி முன்னே நின்றன. விமர்சனப் பார்வையினூடாக அவற்றால் உலகமயமாக்கலைப் பார்க்க முடியவில்லை; எல்லோருக்குமான வளர்ச்சி, நீடித்த வளர்ச்சி எனும் நிலை நோக்கி அவர்களால் செல்ல முடியவில்லை என்றாலும், பாஜகவைக் காட்டிலும் அவர்கள் சாதித்தவை ஏராளம். தனித்து நின்ற கம்யூனிஸ்ட்டுகள் தங்கள் அதீத எதிர் பிரச்சாரத்தால் சாதித்தது என்னவென்றால், எல்லோரையும் பொதுமைப்படுத்தியதும், இடது பக்கமிருந்தவர்களின் சாதனைகளை அவர்களே பேச முடியாதபடி, குற்றவுணர்வை நோக்கி அவர்களைத் தள்ளியதும்தான். நரசிம்ம ராவ் தொடங்கி கருணாநிதி, ஜெயலலிதா வரை உலகமயமாக்கலை முன்வைத்து தாம் கொண்டுவந்த கொஞ்ச நஞ்ச வளர்ச்சிக்கும் உரிமை கோராமலேயே மௌனித்திருந்தார்கள். மௌனச் சூழலில் எதிரே உலகமயமாக்கலின் ஏக பிரதிநிதியாக ‘வளர்ச்சியின் நாயகன்’ என்று மோடி தனக்குத்தானே முடிசூட்டிக்கொண்டு நிற்கிறார்!

(உணர்வோம்)

- சமஸ்,

தொடர்புக்கு:samas@thehindutamil.co.in

the hindt tamil

Tour of Tiruvottriyur for Tyagaraja 250

noreply@blogger.com (Anonymous) — Fri, 21 Apr 2017 10:50:00 +0530

1 of 175

Chennai Pastforward

17:44 (17 hours ago)

to Sriram, bcc: me

Hi,

Tiruvottriyur is one of the ancient villages that today make up Madras that is Chennai. The heart of this settlement is the temple to Adipuriswara/Tripurasundari. The Sivalinga here is an anthill that has a kavacham on it, which is removed only on certain occasions of the year.

In literature and music, Tiruvottriyur has great historic significance. It is a Padal Petra Sthalam, receiving verses in its praise from Sambandar, Appar and Sundarar. The Goddess, also known as Vadivudaiamman, has been sung of by Pattinathu Adigal, Ramalinga Swamigal and Tyagaraja, who composed five songs on her, collectively known as the Tiruvottiyur Pancharatnams. This is also where Kamban composed his Ramayanam.

There is a lot more to Tiruvottriyur, including its Tyagesa cult, which links it to Tiruvarur, its tradition of Devadasis, and its role in colonial history. Come join historian Sriram V on a tour of this temple at 5.45 am on Sunday May 7. This being the 250^thyear of Tyagaraja the composer, the focus will be on his Pancharatnams. Singing these and some other songs associated with the temple will be Bharati Ramasubban.

It will be hot, but you need Vitamin D as well, so just brave the sun. And don’t worry; we travel by AC coach to and from Tiruvottriyur. We will as usual conclude with breakfast, at (where else?) New Prakash Bhavan. We should be done with tour and breakfast by 9.30 am.

Date: May 7

Time: 5.45 am

Charges per head – Rs 1000

As it is a tour by bus, we have limited seats. So hurry if you are interested.

You can register by clicking on the link below and making the payment:

http://pastforward.in/admin/Products/product_purchase.php?productGUID=77d18b1f-25d1-11e7-810a-4399384cd547

You can otherwise pay directly into our bank account by NEFT. Details are below. If you are doing that, you need to send proof of transfer by email to walks@chennaipastforward.com so that we know who had booked.

Account Name : Past Forward

Account Type: Current 

Bank Name: The Federal Bank Ltd 

A/c No: 12820200104237 

Branch: Royapettah

IFSC CODE: FDRL0001282

If you still prefer paying the heritage way, do drop in at our office between 9.30 am and 5.30 pm Monday to Friday and pay by cheque (payable to Past Forward) or cash. Address is given below:

c/o HVK Systems, 

2&3, Bhattad Tower 

30, Westcott Road,

Royapettah, Chennai 600014

ஹரிலால் காந்தி - அப்துல்லா காந்தி - ஹரிலால் காந்தி

noreply@blogger.com (Anonymous) — Fri, 21 Apr 2017 10:43:00 +0530

ஹரிலால் காந்தி (Harilal Mohandas Gandhi) (தேவநாகரி: हरीलाल गांधी), (பிறப்பு:1888 –இறப்பு: 18 சூன் 1948), மகாத்மா காந்தியின் மூத்த மகன் ஆவார்.

ஹரிலால் இங்கிலாந்து சென்று வழக்கறிஞர் தொழிலுக்குக் கல்வி பெற விரும்பியதை, மகாத்மா காந்தி ஏற்றுக்கொள்ளவில்லை. எனவே ஹரிலால் குடும்ப உறவுகளை 1911இல் துறந்தார். இஸ்லாம் சமயத்திற்கு மாறித் தன் பெயரை அப்துல்லா காந்தி என்று வைத்துக் கொண்டார். பலரின் வற்புறுத்தலால் மீண்டும் தாய் சமயமான இந்து சமயத்திற்கே திரும்பி விட்டார்.

ஹரிலால் குலாப் என்பரை மணந்து ஐந்து குழந்தைகளுக்கு தந்தையானர். ஹரிலாலின் மூத்த மகளான ரமிபென்னின் மகளான நீலம் பரிக் என்பவர் ஹரிலால் குறித்தான காந்திஜி இழந்த இறுதி அணிகலன்:ஹரிலால் காந்தி என்ற தலைப்பில் வரலாற்று நூலை எழுதியுள்ளார். ஹரிலாலின் வாழ்க்கை குறித்து பகுபாய் தலால் என்பவரும் ஒரு நூலை எழுதியுள்ளார்.

காந்திஜியின் இறுதிச்சடங்கின் போது காணப்பட்ட ஹரிலால், பின்னர் கல்லீரல் நோய் காரணமாக 18 சூன் 1948 அன்று மும்பை நகராட்சி மருத்துவமனையில் மரணமடைந்தார்.

நன்றி :- விக்கிபீடியா

பொள்ளாச்சி நசனுக்கு வருகின்ற சிற்றிதழ்கள் பட்டியல் !

noreply@blogger.com (Anonymous) — Fri, 21 Apr 2017 03:51:00 +0530

அறிவே துணை, (சுமதி பாலகங்காதரன்) கிளிஞ்சல் மேடு, காரைக்கால், 609 605. கைபேசி 98425 19036

அமுதம் ( பிரிட்டோ) அலைபேசி : 99943 52587 519. முதன்மைச்சாலை, கிருத்து நகர், நாகர்கோவில் - 629 003

அந்தமான் முரசு - சுப.கரிகால்வளவன் 9434261086 315 அபர்டீன் பஜார். போர்ட்பிளேயர், அந்தமான் - 7444101

ஆசிரியர் துணைவன், (க.மீனாட்சி சுந்தரம்), 20. சாமித்தெரு, எழும்பூர், சென்னை 8.

இலக்கிய வேல், (சந்தர் சுப்ரமணியன்), 33. வாட்டர்போர்ட் அடுக்ககம், 72/1 கிழக்குக் கடற்கரைச்சாலை, திருவான்மியூர், சென்னை 41. 94440 81696

இளந்தமிழன், (தி.வ.மெய்கண்டார்), 7. கிழக்குமாடவீதி, மயிலை, அ.பெ.எண் 637, சென்னை 4.

இலட்சியப் போராளி (அருள் உயிர்), ஆண்டு நன்கொடை ரூ,30 திருமூலர் இல்லம், 5-664 12ஆவதுதெரு, பாரதிபுரம், கருப்பாயூரணி. மதுரை 20 தொலைபேசி: (0452) 258 38 69, 94432 49791, 94431 79246

உங்கள் பாரதி (சிவா) 77 மூன்றாவது குறுக்குத்தெரு, பாரிசுநகர், மூலைக்குளம், புதுவை. பேச (0413) 229 0507

ஊற்று (பெங்களுர்த் தமிழ்ச் சங்க இதழ் ) 59. அண்ணாசாமி முதலியார் தெரு, பெங்களுர் 560 042, தொலைபேசி:(080) 2551 0062

எழுகதிர் ( அரு.கோபாலன் ) 4/77 சுபேதார் தோட்டம், சென்னை 94 தொலைபேசி:(044) 2472 1009

ஏழைதாசன் (எஸ்.விஜயகுமார்) தொலைபேசி: (04322) 226 426, 26,அடப்பன்வயல் 8 ஆம் வீதி, புதுக்கோட்டை 2. 622 002 - 94427 76868

கண்ணியம் ( ஆ.கோ.குலோத்துங்கன் ) ஆண்டு நன்கொடை ரூ. 150 17/ 93 மூன்றாவது முதன்மைச்சாலை, இராம்நகர், சென்னை 82 - (044) 2671 2773

கவிதை உறவு ( ஏர்வாடி இராதாகிருட்டிணன் ) 420 ஈ மலர் காலனி, அண்ணா நகர் (மேற்கு), சென்னை 40

கற்ப அவிழ்தம் ( பி.மைக்கேல் ஜெயராஜ் ) 27, சிவன் கீழரத வீதி, பாளையங்கோட்டை அகு.எண் 627 002

கடலார் (விஜயா வேலாயுதம்) 20 A J காலனி, 2 வது தெரு, சென்னை 13 பேச: (044) 2595 5857 அலைபேசி : 9444750585, ஆண்டு நன்கொடை ரூ 50

கல்வெட்டுபேசுகிறது (முகவை முனியாண்டி) 924 ஏ, 29 வது வீதி, பக்தவச்சலம் நகர், வியாசர்பாடி, சென்னை 39 - அலைபேசி: 9884404635

கவிதா மண்டலம், (தி.வ.மெய்கண்டார்), 7 கிழக்கு மாடவீதி, மயிலை, சென்னை 4. அ.பெ. எண் 6195

குமரிக் கடல் (த.பீட்டர்தாசு) 142 ஈ முதல்தளம், சிதம்பரநகர் சந்திப்பு, நாகர்கோயில் 629 002, பேச: (04652) 453001, 94432 94198 - kumari_kadal@yahoo.com

கேரளத்தமிழ் (தமிழ்ச்சங்கஇதழ்) தொலைபேசி: 234 2372, கிள்ளிப்பள்ளம், திருவனந்தபுரம், 695 002,

சக்தி (பெ.சிதம்பரநாதன்), தொலைபேசி: 432 2471, 432 2423 69.ஆரோக்கியசாமி சாலை, ஆர்.எசு.புரம், கோவை, 641 002.

சமத்துவக் கல்வி, (ஜெ.சியாம் சுந்தர்), 2/269 லட்சுமிநகர், 4 ஆவது தெரு, வண்டலூர், சென்னை 48, பேசி 97509 66400.

சமூகநீதித் தமிழ்த் தேசம், (தியாகு) அலைபேசி : 92832 22988, 1220 (29/ 36) இராணி அண்ணா நகர், சென்னை 78 - mail : thozharthiagu@yahoo.co.in

சிந்தனையாளன் (வே.ஆனைமுத்து) ஆண்டு நன்கொடை: ரூ 120 19.முருகப்பா தெரு, சேப்பாக்கம், சென்னை 5, தொலைபேசி:(044)2852 2862

சுற்றுச் சூழல் புதிய கல்வி ( ஜே.பால் பாஸ்கர் ) ஆண்டு நன்கொடை: ரூ 75, எச். 2/30 இராணி மங்கம்மாள் காலனி, அங்குநகர் அஞ், திண்டுக்கல் -1, 624 001

செளந்தர சுகன் ( க. செளந்தரவதனா ) தொலைபேசி:(04362) 241 607, அலைபேசி: 94423 46334, சி. 46 இரண்டாம் தெரு, நகராட்சிக் குடியிருப்பு, தஞ்சாவூர் 7, ஆண்டு நன்கொடை: ரூ 120

செங்காத்து, (கோ.மு.சீனிவாசன்), 59/4 கோம்பைக்காடு, 3. கொமாரபாளையம் அஞ், மல்லூர், 636 203.

தமிழ்த் தேசியத் தமிழர் கண்ணோட்டம் ( பெ. மணியரசன் ) ஆண்டு நன்கொடை: ரூ 120 21. முதல் பிரிவு, முதல் தெரு, கலைஞர் கருணாநிதி நகர், சென்னை 600 078 ( பேச 044 2474 2911 ) www.tamizharkannotam.tk, email: tamizhdesiyam@gmail.com

தலித் முரசு ( புனித பாண்டியன் ) ஆண்டு நன்கொடை: ரூ 100 203 ஜெயம் பிரிவு, சித்ரா அடுக்ககம், 9 சூளைமேடு நெடுஞ்சாலை, சென்னை 94 ambedkar@md4.vsnl.net.in, www.dalitmurasu.com, தொலைபேசி: (044) 2374 5473

தமிழர் எழுச்சி ( முருகு. இராசாங்கம் ) எஸ். 9 மருத்துவர்கள் குடியிருப்பு, பூசாகோ மருத்துவமனை வளாகம், பீளமேடு, கோவை, 641 004 கைபேசி: 94435 24166

தமிழர் முழக்கம், (வேதகுமார்), 487 15 ஆவது குறுக்கு, 2 ஆவது நிறுத்தம், இந்திரா நகர், பெங்களூர், அகு.எண் 560 038. thamizharmuzhakkam@yahoo.com

தமிழர் உலகம், (தமிழ் புகழேந்தி), 1/12 த.கி.மகளிர் கல்லூரிச்சாலை, சாய்நாதபுரம், வேலூர், 632 001 பேச 94436 28022

தமிழ் இலெமூரியா (மு.தருமராசன்), திங்களிதழ், 102. B. wing. Dannes Buildings. veer Savarkar Nagar, Thane (W), Maharshtra 400 606. phone: (022) 258 06 298

தெளிதமிழ் (ம,இலெ.தங்கப்பா) 7, 11 ஆம் குறுக்குத்தெரு, அவ்வை நகர், புதுச்சேரி 8, அ.கு.எண் : 605008 தொலைபேசி: (0413) 2252843 web: www.thelithamizh.com

தென்செய்தி (பழ.நெடுமாறன்) ஆண்டு நன்கொடை: ரூ 120 17/1.நரசிம்மபுரம், மயிலை, சென்னை 4. தொலைபேசி: (044) 2464 0575 Web: www.thenseide.com, email: seide@md2.vsnl.net.in, thamizh@thenseide.com

தென்மொழி (பூங்குன்றன்) 24 தொலைபேசி குடியிருப்பு இரண்டாவது முதன்மைச்சாலை, சிஐடி நகர், சென்னை 35. பேசி 94444 40449

தென்றல் (மதுரபாரதி) Thendral., 374 South Mary Avenue. Sunnyvale CA 94086 - North America

தேமதுரத் தமிழோசை (தமிழாலயன்) ஆண்டு நன்கொடை: ரூ 60, 11-1 / 2 பெரியார் நகர், மதுரை 18, தொலைபேசி: (0452) 266 1023, அலைபேசி: 94426 26610

நற்றமிழ் (அரியநாயகி இறைவிழியனார்) தொலைபேசி: (0413) 220 3765, 43 அங்காடித் தெரு, நெல்லித்தோப்பு, புதுச்சேரி 5

நம் வேர்கள் (அரிமா வளவன்) 3. திருத்தாந்தேணி சாலை, உறையூர், திருச்சி 3, பேச 9443363213

நந்தவனம் (த,சந்திரசேகரன்) ஆண்டு நன்கொடை: ரூ 60 5. புதுத்தெரு, CsI மருத்துவமனை எதிரில், உறையூர், திருச்சி 3 அலைபேசி: 94432 84823, nandavanam04@rediffmail.com

நாளை விடியும் (பி. இரெ. அரசெழிலன் ), அலைபேசி: 9443380139 4/7 முருகன் இல்லம், பாரதிபுரம் முதல் தெரு,கைலாசபுரம், திருச்சி 14,

நாடார் குல தீபம், காரங்காடு, குமரி . 629 809 தொலைபேசி: (04651) 222 866, 94867 77536

நற்றிணை (கே.விழியரசு), 628 சிவசக்தி நகர், வந்தவாசி சாலை, ஆரணி, தி.மலை.மாவட்டம் 632 301 தொலைபேசி: 99659 61288

பல்சுவை காவியம், (சி.தீனதயாள பாண்டியன்), 1/62 -14 ரவி காலனி முதல் தெரு, பவுல்வெல்ஸ் சாலை, புனித தோமையர் மலை, சென்னை 600 016. அலைபேசி 96777 41200 web : www.kaviyam.in mail : info@kaviyam.in

பயணம் (சுரா) தொலைபேசி: 936 312 5082 மேலதுலுக்கன்குளம், மல்லாங்கிணர், விருதுநகர் 626 109

பசுமைத் தாயகம் சுற்றுச் சூழல் ( ச.இராமதாசு ) ஆண்டு நன்கொடை: ரூ 120 9/5 லின் வுட் லேன், மகாலிங்கபுரம், சென்னை 34 தொலைபேசி: (044) 2817 2120

புதிய தென்றல் (த.ராசேந்திரன்) 94431 65034, அன்பகம், மூலச்சல், மேக்காமண்டபம் (அஞ்) குமரி மா, 629 166 , தொலைபேசி : (04651) 250343

புதிய தரிசனம் (எஸ்.ஜெபக்குமார்) (044) 42147828, 10/11 அப்துல்ரசாக் இரண்டாம் தெரு, சைதாப்பேட்டை, சென்னை - 600 015

புதுகைத் தென்றல் (மு.தருமராசன்) ஆண்டு நன்கொடை: ரூ 120 13அ/24 திருநகர் முதன்மைச்சாலை, வடபழனி, சென்னை 26

புதுவை பாரதி, (பாரதிவாணர் சிவா), 77. மூன்றாவது குறுக்குத் தெரு, பாரீசு நசர், மூலைக்குளம், புதுவை 10. பேச 99 76 59 65 63

புரட்சிப் பெரியார் முழக்கம், (கே.ராஜேந்திரன்), 29. பத்திரிகையாளர் காலனி, திருவான்மியூர், சென்னை அகு.எண் 600 041

புகழ்ச்செல்வி, (பரணிப்பாவலன்), 80. மேலமாசி வீதி, மதுரை / அகு எண் 625 001. பேச 97906 52850

புதிய ஆசிரியன், (கே.ராசு), 3/டி பாலாஜி பிளாட்ஸ், மார்டர்ன் ஸ்கூல் ரோடு, நங்கநல்லூர், சென்னை 61. web: www.puthiyaaasiriyan.com

புதிய புத்தகம் பேசுது, (இரா. நடராசன்), பாரதி புத்தகாலயம், இளங்கோ சாலை, தேனாம்பேட்டை, சென்னை 18 தொலைபேசி: (044) 243 329 24

பூவுலகு மின்மினி, (கு.சிவராமன்), 106/1 முதல் தளம், கனகதுர்கா வணிக வளாகம், கங்கையம்மன் கோவில்தெரு, வடபழனி. சென்னை 26 தொலைபேசி (044) 4380 9132

பொருளியல் உரிமை, (குமரி மைந்தன்), 2/99. அண்ணாதெரு, மகிழ்வூர், சென்னை 73.

மக்கள் நெஞ்சம், (கலசம்), 4(11) சி.என்.கே. சந்து, சேப்பாக்கம், சென்னை 5 - கைபேசி 94446 07804

மக்கள் செங்கோல், (ஆசிரியர்), சாலையார் இல்லம், 25(11) திருவீதியான் தெரு, கோபாலபுரம், சென்னை 86. கைபேசி 97916 59770

மாணவன், (இரா.க.பிரகாசு), 78 அழகிரி நகர், திருவாரூர் / அகு.எண் 610 001 - கைபேசி 98659 72207

மீண்டும் கவிக்கொண்டல் (மா.செங்குட்டுவன்) தொலைபேசி: (044) 2852 4052, 14,3 பீட்டர்சு குடியிருப்பு, இராயப்பேட்டை, சென்னை 14 / 98841 28931

மீட்சி, (குறிஞ்சிக் கபிலன்), 78/ 116 பெரியார் இல்லம், தெற்கு அக்ரகாரம், வத்ராயிருப்பு, விருதுநகர் மாவ / அகு.எண் 626 132 - கைபேசி 94862 06758

முகம் (மாமணி) தொலைபேசி: (044) 2366 1984, ஆண்டு நன்கொடை: ரூ 60 26. பாரதிதாசன்தெரு, திருநகர், ஜாபர்கான்பேட், சென்னை 83 - 94447 31559

முல்லைச்சரம், (பொன்னடியார்), 58. துரைசாமி சாலை, சென்னை 26. (044) 2483 3178

வளரி ( அருணாசுந்தரராசன் ) அஞ்சல் பெட்டி எண் 05, மானாமதுரை - 630 606 - கைபேசி 78715 48146

ஸ்பைஸ் இந்தியா, phone: (0484) 2333 610, 616, 2347 965 Spices Board, Cochin 25 -

எனக்கு வருகிற இதழ்களின் முகவரிப் பட்டியலை இணைத்துள்ளேன். விடுபட்ட இதழ்கள் இருந்தால் அந்த இதழாளர்கள் தங்களது இதழ்களைத் தொடர்ந்து அனுப்பிவைக்கவும்
பொள்ளாச்சி நசன் அலைபேசி : 9788 55 2061, email: pollachinasan@gmail.com

1903 முதல் உள்ள இதழ்களுக்கு பொள்ளாச்சி நசனைத் தொடர்பு கொள்க !

noreply@blogger.com (Anonymous) — Fri, 21 Apr 2017 03:36:00 +0530

பழைய சிற்றிதழ்கள்

http://www.thamizham.net

தொடர்புக்கு : pollachinasan@gmail.com

- 890 300 2071,

சம்பாரண் சத்தியாகிரகம்

noreply@blogger.com (Anonymous) — Fri, 21 Apr 2017 01:54:00 +0530

Sathish Kumar M

17 ஏப்ரல், 09:45 PM

பிஹாரைக் கடக்கும்போதெல்லாம் ஒருமுறையேனும் சம்பாரண் போய்வர வேண்டும் என்று நினைத்துக்கொள்வேன். சந்தர்ப்பம் வாய்க்கவில்லை. “மத்த ஊர் மாதிரி இல்ல. எல்லாத்துக்கும் தயாரா வரணும். தங்கணும். அப்படி வந்தா, எருமை வண்டிக்குச் சொல்லிடலாம்” என்று சிரிப்பார்கள் நண்பர்கள். நாட்டின் பின்தங்கிய பிராந்தியங்களில் ஒன்று சம்பாரண். நேபாள எல்லையையொட்டி இருக்கிறது. மேற்கு சம்பாரண், கிழக்கு சம்பாரண் என்று இரு மாவட்டங்களாகப் பிரித்திருக்கிறார்கள். அப்படிப் பிரித்தும் பிஹாரில் பாட்னாவுக்கு அடுத்து ஜனத்தொகை மிகுந்த மாவட்டங்கள் அவைதான். ஒவ்வொரு மாவட்டத்திலும் 39 லட்சம் பேர் இருக்கிறார்கள். 90% கிராமவாசிகள். எழுத்தறிவு விகிதம் இன்னும் 60%-ஐத் தொடவில்லை. பெரும்பான்மையோர் பேசும் மொழி போஜ்புரி.

மோசமான அடிப்படைக் கட்டமைப்புகள். ரசாயனம் மிகுந்த நிலத்தடிநீர். தூசு. குப்பை. சாக்கடை. வறுமை.வேலைவாய்ப்பின்மை. எல்லாம் சேர்ந்து இயல்பாக ஆயுததாரிகளை உருவாக்கியிருக்கிறது. இன்றைக்கு மாவோயிஸ்ட்டுகள் ஆதிக்கம் செலுத்தும் சிவப்புப் பிராந்தியத்தில் சம்பாரணும் ஒன்று. ``எருமை வண்டிகளே போக லாயக்கில்லாத சாலைகளில் பயணிக்கும் திராணி இருந்தால்தான் நீங்கள் சம்பாரண் வர முடியும்`` என்பார்கள் நண்பர்கள். இப்படிப்பட்ட பகுதியில் இன்றைக்கு நூறு வருடங்களுக்கு முன் எப்படி காந்தி பயணித்தார்? இங்குள்ள விவசாயிகளை எப்படி ஒருங்கிணைத்தார்? இந்தியாவின் முதல் சத்தியாகிரகப் போராட்டத்தை இங்கே எப்படி வெற்றிகரமாக நடத்தினார்? சம்பாரணை நினைக்கும்போதெல்லாம் இந்தக் கேள்விகள் வந்து போகும். தென்னாப்பிரிக்காவிலிருந்து 1915-ல் இந்தியா திரும்பிய காந்தி, இங்கு நடத்திய முதல் பெரும் சத்தியாகிரகப் போராட்டம் மட்டும் அல்ல அது; ஒரு அசலான அறப்போராட்டத்துக்கான என்றென்றைக்குமான முன்னுதாரணம்.

ரத்தம் தோய்ந்த அவுரி விவசாயம்

காந்தி இங்கு வருவதற்கு அரை நூற்றாண்டுக்கு முன்னரே, சம்பாரணில் அவுரி சாகுபடி விவசாயிகளை கசக்கிப் பிழிந்துகொண்டிருந்தது. அவுரி (இண்டிகோ) என்பது பிரிட்டிஷ்காரர்களால் இந்தியாவுக்கு அறிமுகப்படுத்தப்பட்ட ஒரு பணப் பயிர். ஆடைகளுக்கு வண்ணமூட்டப் பயன்படுத்தப்படுவது. அந்நாட்களில் சம்பாரண் பிராந்தியத்தின் பெருமளவிலான நிலங்கள் பிரிட்டிஷ் பிரபுக்கள் வசம் இருந்தன. இந்திய விவசாயிகள் இந்த நிலத்தில் பயிர் சாகுபடி செய்துகொள்ளலாம்; பதிலீடாக நிலத்தில் 20-ல் 3 பங்கு (15%) அவுரி சாகுபடி செய்து தர வேண்டும். இந்தப் பதிலீட்டு முறை ‘தீன்கதியா’ என்று அழைக்கப்பட்டது.

மூன்று கொடுமைகள் இதன் பின்னணியில் நிகழ்ந்தன. 1.நிலங்கள் முழுமையாகப் பிரபுக்கள் ஆக்கிரமிப்பில் இருந்தன. 2. விவசாயிகள் மீது உள்நாட்டுச் சந்தையோடு தொடர்பில்லாத அவுரி திணிக்கப்பட்டது. ஏனைய பயிர் சாகுபடிக்கான வாய்ப்பு இருக்கிறதோ, இல்லையோ; லாபமோ, நஷ்டமோ ஆங்கிலேயர்களுக்கு வேண்டிய அவுரி போய்ச்சேர வேண்டும். 3.கடும் சுரண்டலுக்கும் அத்துமீறல்களுக்கும் ஆளான விவசாயிகளால் அநீதிக்கு எதிராக ஒன்றும் செய்ய முடியவில்லை. நீதிமன்றங்களை நாட அந்நாட்களிலேயே ஆயிரக்கணக்கில் அவர்கள் வழக்கறிஞர்களுக்குச் செலவிட வேண்டியதிருந்தது. அப்படிச் செலவிட்டும் எதையும் அவர்களால் சாதிக்க முடியவில்லை. அந்நாட்களில் சம்பாரணில் மாஜிஸ்திரேட்டாகப் பணியாற்றிய ஈ.பீ.லட்டூர் பின்னாளில் கூறினார், “மனித ரத்தத்தின் கறை படியாமல் ஒரு அவுரி பெட்டிகூட இங்கிலாந்துக்குப் போனதில்லை... மாஜிஸ்திரேட்டாக இருந்த என்னிடம் கத்தியால் குத்திக்கிழிக்கப்பட்ட, துப்பாக்கியால் சுடப்பட்ட நிலையில்கூட விவசாயிகள் வந்திருக்கிறார்கள்.”

ஜெர்மனியில் ரசாயன சாயம் கண்டுபிடிக்கப்பட்ட பின் நிலைமை இன்னும் மோசமானது. இப்போது, அவுரி சாகுபடி நிபந்தனையிலிருந்து விவசாயிகளை விடுவிக்க பிரபுக்கள் தயாராக இருந்தார்கள். பதிலீடாக ஒரு பெரும் தொகையைக் கேட்டார்கள். அங்கு, இங்கு என ஓடிப் பணத்தைப் புரட்டிக் கொடுத்தார்கள் கொஞ்சம் விவசாயிகள். ஆனால், இம்முறை நீடித்தால் தாங்கள் சாவதைத் தவிர வேறு வழியில்லை எனும் நிலையில் இருந்தார்கள் பெரும்பான்மை விவசாயிகள்.

அண்ணலின் வருகை

தென்னாப்பிரிக்காவிலிருந்து திரும்பிய பின் தன்னுடைய குரு கோகலே சொன்னபடி, இந்தியாவைப் புரிந்துகொள்ளும் பயணத்தில் ஈடுபட்டிருந்தார் காந்தி. கல்கத்தா - ரங்கூன், கான்பூர் ரிஷிகேஷ் என்று சுற்றிக்கொண்டிருந்தவர் 1916 டிசம்பரில், காங்கிரஸ் மாநாட்டில் பங்கேற்பதற்காக லக்னௌ வந்தார். முதன்முதலில் ராஜ்குமார் சுக்லாவை அங்கேதான் அவர் சந்தித்தார். சம்பாரணிலிருந்து தன்னுடைய நண்பருடன் வந்திருந்த இந்த ஏழை விவசாயி, சம்பாரண் விவசாயிகள் அனுபவிக்கும் சித்ரவதையை காந்தியிடம் சொன்னார். காங்கிரஸ் இந்த விவகாரத்தைக் கையில் எடுக்க அவர் கோரினார். விஷயத்தைக் கேட்டறிந்த காந்தி, இது தொடர்பில் தீர்மானம் கொண்டுவர உதவினார். மாநாட்டில் ராஜ்குமார் சுக்லா பேசும் வாய்ப்பையும் உருவாக்கித் தந்தார். அதேசமயம், நேரில் வந்து பார்க்காமல், தான் அதற்கு மேல் செய்வதற்கு ஒன்றும் இல்லை என்று கூறிவிட்டார்.

சுக்லா இந்த மனிதரை விட்டுவிடக் கூடாது என்று புரிந்துகொண்டார். சம்பாரணுக்கு காந்தியை அழைத்துச் சென்றுவிட்டால், விவசாயிகள் பிரச்சினைக்கு விமோசனம் கிடைத்துவிடும் என்று அவர் கருதினார். அப்போது தொடங்கி காந்தியை அவர் பின்தொடரலானார். காந்தி கான்பூர் சென்றால், அங்கு சென்றார். காந்தி அகமதாபாத் திரும்பினால், அங்கும் சென்றார்.

கல்கத்தா பயணத்தின்போது அப்படியே சம்பாரண் வருவதாக சுக்லாவிடம் சொன்னார் காந்தி. சுக்லா நினைவூட்டல் கடிதங்களை எழுதினார். சுக்லாவின் விடாப்பிடியான இந்த முயற்சி காந்தியை ஈர்த்தது. காந்தியின் கல்கத்தா பயணத்தின்போது அங்கு சென்றார் சுக்லா. சொன்னபடி அவருடன் சம்பாரண் நோக்கி ரயிலில் புறப்பட்டார் காந்தி.

துயரப் பிராந்தியம்

சம்பாரணை அறியாமை, ஏழ்மை, வறுமை, கூடவே பஞ்சமும் அப்போது சூழ்ந்திருந்தது. கிராமங்கள் சுகாதாரச் சீர்கேட்டில் சிக்கியிருந்தன. தொற்றுநோய் மரணங்கள் மலிந்திருந்தன. விவசாயிகளின் நிலைமையைக் கேட்டறிந்த மாத்திரத்தில், இதற்காகத் தன்னை அர்ப்பணித்துக்கொள்வது என்ற எண்ணத்துக்கு வந்துவிட்டார் காந்தி. பிரபுக்களிடமும் அரசிடமும் பேசுவது என்ற முடிவுக்கு வந்தார். தோட்ட முதலாளிகள் சங்கத் தலைவர், திர்ஹத் சரக ஆணையர் இருவரையும் சந்தித்தார். இருவருமே மிரட்டல் தொனியில் காந்தியை எதிர்கொண்டார்கள். காந்தி ஒரு விஷயத்தை அவர்களிடம் சுட்டிக்காட்டிவிட்டார். “நான் அமைதியான வழியில் போராடப்போகிறேன். அதேசமயம், தீர்வு கிடைக்கும் வரையில் ஓய மாட்டேன்.”

போராட்டத்தை எதிர்கொள்ள பிரிட்டிஷார் என்னென்ன வியூகங்களைக் கையாள்வார்கள் என்பதை காந்தி உணர்ந்திருந்தார். இது சமமில்லாத இரு தரப்புகள் இடையிலான போராட்டம். இதில் நியாயம் கோரி நிற்கும் பலவீனமான தரப்பு, ஏதாவது ஒரு தவறிழைக்காதா என்ற தருணத்துக்காகவே பலமான தரப்பு காத்திருக்கும். அத்தருணத்தை அவர்களுக்கு அளித்துவிடக் கூடாது என்றால், முன் தயாரிப்பு வேண்டும். விவசாயிகளிடம் காந்தி இதை விவரித்தார். அவர்களிடம் இரு உறுதிகளை அவர் எதிர்பார்த்தார். சிறைக்குச் செல்லவும் தயாராக இருக்க வேண்டும்; கடைசி வரை போராட வேண்டும். விவசாயிகள் உத்வேகமான பதிலைக் கொடுத்தனர். காந்தி அங்கேயே தங்கும் முடிவுக்கு வந்தார்.

இதனிடையிலேயே, காந்தியை நோக்கி பிரிட்டிஷார் காய்களை நகர்த்தத் தொடங்கியிருந்தனர். சம்பாரணை விட்டு காந்தி உடனடியாக வெளியேற வேண்டும் என்று உத்தரவிட்டார் ஜில்லா மாஜிஸ்திரேட்.

“இந்த உத்தரவைப் பின்பற்றப்போவதில்லை. அமைதியான வழியில், இந்த விஷயத்தைக் கையாண்டுவரும் என்னால் எந்தப் பிரச்சினையும் ஏற்படாது. அதேசமயம் மாஜிஸ்திரேட்டின் உத்தரவை மீறுவதால் எந்தத் தண்டனை அளிக்கப்பட்டாலும் அதை ஏற்கத் தயார்’’ என்று பதில் அனுப்பினார் காந்தி.

இதையடுத்து, காந்தியை நீதிமன்றத்தில் ஆஜராகச் சொல்லி சம்மன் அனுப்பினார் மாஜிஸ்திரேட். விவசாயிகளிடத்தில் தீயாகப் பரவியது செய்தி. நீதிமன்றத்தில் ஆயிரக்கணக்கானோர் திரண்டிருந்தார்கள். ஏப்ரல் 16 இரவுக்குள் சம்பாரணை விட்டு, வெளியேறும்படி உத்தரவிட்டதை மீறிய காந்தி, சட்டத்தை மீறியவராகிறார் என்றது அரசு.

“நான் சட்டத்தை மதிக்கும் குடிமகன். ஆனால், விவசாயிகளுக்கு உதவும் நோக்கத்தில் வந்துவிட்டு, பாதியில் அவர்களைக் கைவிட்டுத் திரும்ப மனசாட்சி இடமளிக்கவில்லை. அரசின் உத்தரவுக்குக் கீழ்ப்படியாததன் காரணம் அதிகாரத்தை உதாசீனப்படுத்துவதல்ல; எல்லா சட்டங்களுக்கும் மேலான மனசாட்சியின் சட்டத்தை மதிக்க வேண்டும் என்பதே நோக்கம்’’ என்றார் காந்தி. சம்பாரணைவிட்டு காந்தி வெளியேறுவதோடு, திரும்பி வர மாட்டேன் என்றும் அவர் வாக்குறுதி அளித்தால், வழக்கு திரும்பப் பெற்றுக்கொள்ளப்படும் என்றார் நீதிபதி. “அது நடக்காது. இந்த முறை மட்டுமல்ல, இன்னும் எத்தனை முறை சிறையில் அடைத்தாலும் சிறைவாசம் முடிந்து சம்பாரணுக்குத்தான் வருவேன். இனி இதுதான் என் வசிப்பிடம்” என்றார் காந்தி.

வெளியே கூட்டம் கொந்தளித்தது. தீர்ப்பைத் தள்ளிவைத்தார் நீதிபதி. காந்தியைக் கண்ணீரோடு கட்டித் தழுவிக்கொண்டனர் விவசாயிகள். எங்கிருந்தோ வந்த மனிதர்! எத்தனை ஆண்டுகள் சிறை செல்லவும் தயாராகிவிட்டார். போராட்டம் எவ்வளவு காலம் நீடித்தாலும் அவர்களுடனேயே இருக்கும் முடிவை எடுத்துவிட்டார்!

காந்தி சிறை செல்வதற்கு ஒரு பெரும் படையை அணி அணியாகத் தயார்படுத்தினார். சிறை செல்லத் தயார் என்று நூற்றுக்கணக்கானோர் தங்கள் பெயரை அளித்தனர். கட்டுக்கடங்காத கூட்டம். அரசு பின்வாங்க முடிவெடுத்தது. காந்திக்கு எதிரான வழக்கு திரும்பப்பெறப்பட்டது. எல்லையில்லா உற்சாகத்துக்குச் சென்றார்கள் விவசாயிகள்.

பயத்திலிருந்து விடுதலை

தடையை உடைத்த காந்தி கிராமங்களை நோக்கிப் புறப்பட்டார். ஒவ்வொரு ஊரிலும் பிரபுக்களின் அத்துமீறல்கள், விவசாயிகளின் புகார்கள் கணக்கெடுக்கப்பட்டன. ஆவணங்கள் தயாரிக்கப்பட்டன. பல்லாயிரக்கணக்கில் விவசாயிகள் காந்தி பக்கம் அணிதிரள்வதும், சம்பாரணிலிருந்தபடி சுரண்டலுக்கு எதிராக காந்தி பத்திரிகைகளுக்கு எழுதிவந்ததும் ஆங்கிலேயே அரசைப் பதற்றத்தில் தள்ளியது. தன்னைச் சந்திக்க வருமாறு காந்திக்கு சம்மன் அனுப்பினார் லெப்டினென்ட் கவர்னர் எட்வெர்ட் கெய்ட். காந்தி மீண்டும் சிறைவாசத்துக்குத் தயாரானபடியே விவசாயிகள் நியாயத்தைச் சொல்லும் ஆவணங்களைத் தயாரித்தார். எட்வெர்ட் கெய்டைச் சந்தித்தார். விவசாயிகளின் துயரங்களை அவருக்கே உரிய மென்மையான- தீர்க்கமான மொழியில் பேசினார். விளைவாக, விசாரணைக் குழு அறிவிக்கப்பட்டது. அதன் பரிந்துரையின்படி அடுத்த ஆண்டே சம்பாரண் விவசாயிகள் சட்டம் நிறைவேற்றப்பட்டது.

இதனிடையிலேயே நெருக்கடியின் விளைவாக காந்தியுடன் பேசும் முடிவுக்கு வந்தனர் பிரபுக்கள். காந்தியின் கை ஓங்கியிருந்த நிலையில், விவசாயிகளிடமிருந்து பெற்ற தொகையை முழுமையாக அவர் திரும்பக் கேட்பார் என்ற அச்சத்துடனேயே அவர்கள் வந்திருந்தார்கள். காந்தியோ, 50% தொகை என்ற கோரிக்கையுடன் பேச்சுவார்த்தையைத் தொடங்கினார். பிரபுக்கள் தரப்பு 25% தொகையைத்தான் தர முடியும் என்று இறுதியாகச் சொன்னபோது அதை ஏற்றுக்கொண்டார். ஒப்பந்தம் நிறைவேறியது.

பின்னர் காந்தி சொன்னார், “ஆங்கிலேயர்கள் வாபஸ் கொடுக்கும் பணம் எவ்வளவு என்பது முக்கியம் அல்ல. அவர்கள் வாங்கிய பணத்தின் ஒரு பகுதியையேனும் திரும்பக் கொடுக்கும் நிலை ஏற்பட்டதுதான் முக்கியம். இதோடு அவர்கள் அந்தஸ்தையும் இழந்துவிட்டார்கள். நேற்றுவரை சட்டத்துக்கு அப்பாற்பட்ட ஆண்டைகளாக அவர்கள் நடந்துகொண்டார்கள். இன்று அந்தச் சூழல் மாறிவிட்டது. தனக்கும் உரிமைகள் உண்டு என்பதை இந்தியக் குடியானவர்கள் புரிந்துகொண்டிருக்கிறார்கள். பயத்திலிருந்து அவர்கள் விடுபட்டிருக்கிறார்கள். நியாயமான கோரிக்கையுடன் நின்றால், அவர்களுக்குப் பரிந்து பேசவும் உடன் அணி திரளவும் தமக்கும் ஆட்கள் உண்டு என்பதை அவர்கள் புரிந்துகொண்டிருக்கிறார்கள். இதுதான் முக்கியம்!”

காந்தியின் கணக்கு வென்றது. வெகுவிரைவில் பிரபுக்கள் தங்கள் தோட்டங்களை விட்டு வெளி யேறினார்கள். அவுரி பயிர்வாரி முறை ஒழிந்தது. குடியானவர்களின் கைகளுக்கு நிலம் வந்தது. 22 லட்சம் விவசாயிகள் நேரடியாகப் பயனடைந்த போராட்டம் இது.

பல பரிமாணப் போராட்டம்

போராட்டம் என்கிற வார்த்தையின் இன்றைய அர்த்தத்தில்பார்த்தால், சம்பாரண் போராட்டமே அல்ல. ஆனால், காந்தியைப் பொருத்த அளவில் போராட்டம் என்பது உரையாடல். எதிர்த் தரப்போடு மட்டும் அல்ல; சொந்தத் தரப்போடும் நடத்தும் உரையாடல். காந்தியப் போராட்டங்களின் மிக முக்கியமான அம்சம் அவற்றின் பன்பரிமாணத்தன்மை. சம்பாரணிலேயே அது பிரதிபலித்தது.

விவசாயிகளுக்கான போராட்டத்தை விவசாயிகளைத் தாண்டிய, சாதி, மத, வர்க்க வேறுபாடுகளைக் கடந்த மக்கள் போராட்டமாகக் கட்டமைத்தது, சம்பாரணில் காந்தி செய்த முதல் சாதனை. தலித்துகள், முஸ்லிம்கள், பெண்களைப் பெருமளவில் போராட்டத் தளத்தில் காலடி எடுத்துவைக்க வைத்ததோடு, அரசு ஊழியர்கள், பேராசிரியர்கள், வழக்கறிஞர்கள் எனப் பல்வேறு தரப்புகளையும் இப்போராட்டம் ஒருங்கிணைத்தது. ராஜேந்திர பிரசாத், ஜே.பி.கிருபளானி போன்றவர்களையெல்லாம் முழுநேர அரசியல்வாதிகளாக்கியதோடு மகாதேவ் தேசாய், நரகரி பாரிக், காகா கலேல்கர் போன்றவர்களை வாழ்நாள் சமூக நலச் சேவகர்களாக உருமாற்றியதிலும் இப்போராட்டத்துக்கு முக்கியமான பங்குண்டு.

ஒருமுனையில் சட்டரீதியாக பிரபுக்களை எதிர்கொள்ளும் முயற்சிகளில் ஈடுபட்டபடி மறுமுனையில் மக்களை அணிதிரட்டிய காந்தி, மூன்றாவது முனையில் மிக முக்கியமான இன்னொரு வேலையைச் செய்தார். சம்பாரண் மக்களைச் சமூக மாற்றத்துக்குத் தயார்படுத்தியதே அது. செல்லும் இடங்களிலெல்லாம் தென்பட்ட ஏழ்மை, தீண்டாமை, அறியாமை, சுகாதாரமின்மையை அவரால் தாங்கிக்கொள்ளவே முடியவில்லை. மனைவி கஸ்தூரி பாவையும் நண்பர்களையும் வரவழைத்தவர் இவற்றுக்கு எதிராகப் போராட ஆறு பள்ளிக்கூடங்களை அங்கு தொடங்கினார். 12 வயதுக்குட்பட்ட எல்லோருக்கும் கல்வி போதிக்கும் பணியில் ஈடுபட்டனர் காந்தியின் தோழர்கள்.

போராட்டக் காலம் முழுவதும் பொதுச் சமையலே நடந்தது. இதற்கான பொறுப்பு கஸ்தூரி பாவினுடையது. பள்ளிக்கூடங்களில் மட்டும் அல்லாது, வீடுகளுக்கும் சென்று மக்களிடம் விழிப்புணர்வுப் பிரசாரத்தில் ஈடுபட்டார்கள் காந்தி குழுவினர். நெசவு, தச்சு, தையல் போன்ற மாற்று ஆதாரங்களில் தொடங்கி கொள்ளைநோய்களையும் தொற்றுநோய்களையும் எதிர்கொள்வதற்கான எளிய வைத்திய முறைகளையும்கூட மக்களிடம் அவர்கள் கொண்டுசேர்த்தார்கள்.

இன்றைக்கும் பொருத்தப்பாடு இருக்கிறதா?

அறப் போராட்டங்களில் ஈடுபட்டு இன்றெல்லாம் பெரிய மாற்றங்களைச் சாதிக்க முடியவில்லை என்ற குறையோடு பேசுபவர்களிடம் எப்போதும் சம்பாரண் போராட்டத்தைத்தான் நான் முன்னுதாரணமாகக் கூறுவேன்.

இந்தியா போன்ற ஒரு மாபெரும் நாட்டின் விடுதலையை இலக்காகக் கொண்டு தன் பயணத்தைத் தொடங்கும் ஒரு தேசியத் தலைவரின் நிலையில் நாம் இருந்தால், இன்றைக்கெல்லாம் சம்பாரண் போன்ற யாராலும் கவனிக்கப்படாத ஒரு பகுதியின் விவசாயிகள் போராட்டத்துக்கு எந்த அளவுக்கு முக்கியத்துவம் தருவோம்? ஒரு போராட்டத்துக்காக எத்தனை நாட்கள் ஒப்பளிப்போம்? காந்தி தன் ஆயுளில் கிட்டத்தட்ட ஒரு வருடம் சம்பாரண் போராட்டத்தில் கழித்தார். மனைவி கஸ்தூரி பாவையும் உடன் அழைத்துக்கொண்டார். அதைவிட முக்கியம், சிறையில், அதுவும் எவ்வளவு காலமானாலும் அதற்காகவே செலவிட அவர் தயாராக இருந்தார்.

ஆயுதம் கையில் இல்லை என்பதாலேயே ஒரு போராட்டம் அறப் போராட்டம் ஆகிவிடுவதில்லை. மனமெல்லாம் வெறுப்பு பொங்க வார்த்தைகளில் நெருப்பைக் கக்குவது எப்படி அறப் போராட்டம் ஆகும்? காந்தியப் போராட்டத்தின் அடிப்படை அன்பு. எதிர்த் தரப்பின் நம்பகத்தன்மையையும் மதிப்பையும் முதலில் பெறுவது. அவர்களுடைய பேச்சுக்கும் முக்கியத்துவம் அளிப்பது. சமரசமும் விட்டுக்கொடுத்தலும் இங்கே இழிவு அல்ல. அதுவே நெகிழ்வு. அதுவே இரு தரப்பு நெருக்கத்துக்கான பாலம்.

இந்திய மக்களின் மனதில் எப்போதுமே அறச் செயல்பாடுகளுக்கு என்று உயரிய ஒரு இடம் இருக்கிறது. முக்கியமாக, தனிப்பட்ட மனிதர்களின் வாழ்க்கை யின் வாயிலாகவே ஆளுமைகளின் அரசியலையும் நம் மக்கள் தொடர்புபடுத்திக்கொள்கிறார்கள். காந்தி தன்னுடைய நல்லெண்ணச் செயல்பாடுகளாலேயே இந்த அரசியல் ஒருங்கிணைப்பைச் சாத்தியப்படுத்தினார். சம்பாரண் வெற்றிக்குப் பின் அதுவே விவசாயிகள் நாடான இந்தியா முழுமைக்கும் அவர் பெயரைக் கொண்டுசெல்லும் ஊடகமானது.

நீங்கள் ஆத்மசுத்தியோடு ஒரு காரியத்தைத் தொடர்ந்து செய்யும்போது, இந்நாடு உங்களைப் போற்றும் என்பதற்கான சம்பாரண் மரபின் சமீபத்திய உதாரணங்கள்தான் ஒரு சின்ன கிராமத்தில் வேளாண் மாற்றங்களுக்கு வித்திட்ட அண்ணா ஹசாரே முதல் முறை உண்ணாவிரதத்தில் உட்கார்ந்தபோது நாடு முழுக்க அவருக்குக் கிடைத்த பிரம்மாண்ட மரியாதை. தமிழகத்தில் மக்களிடம் தொடர்ந்து பயணித்த நம்மாழ்வாருக்கு விவசாயிகளிடம் கிடைத்த பெரும் மரியாதை!

காந்தி சொன்னார், “சம்பாரணில் நான் செய்த காரியம் சாதாரணமானது. ஆனால், என் நாட்டிலே பிரிட்டிஷார் ‘இப்படி நட, அப்படி நட’ என்று எனக்கு உத்தரவு போட முடியாது என்பதை அந்தப் போராட்டத்தின் மூலமாகப் பகிரங்கமாக அறிவித்தேன்.’’

சாதாரண காரியம். ஆனால், ஆத்மசுத்தியுடன் மேற்கொள்ளப்பட்ட அந்த சத்தியாகிரகமே பல்லாயிரம் ஆண்டுகளாக சாதிய, நிலவுடைமை ஆதிக்கச் சமூகமாக இருந்த இந்த நாட்டை அடுத்த முப்பதே ஆண்டுகளில் ஜனநாயகத்தில் காலடி எடுத்துவைக்க வழிவகுத்த மாபெரும் இந்தியப் புரட்சியாக உருவெடுத்தது. அதுவே இன்னும் ஆயிரமாயிரம் ஆண்டுகளுக்கு மனித குலத்தின் பூர்வ விடுதலைக்கு ஒளி காட்டுகிறது.

வாழீ நீ எம்மான்!

- சமஸ், தொடர்புக்கு: samas@thehindutamil.co.in

https://www.facebook.com/Rowthiram

தினகரன் நீக்கம், சசிகலா குடும்பத்தின் நாடகம் என ஓ.பி.எஸ். தரப்பு குற்றச்சாட்டு

noreply@blogger.com (Anonymous) — Fri, 21 Apr 2017 01:22:00 +0530

எடப்பாடி பழனிச்சாமி சசிகலா tயவால் முதலமைச்சர் ஆனவர் என்று சுட்டிக்காட்டிய முனுசாமி, சசிகலா குடும்பத்திற்குள் நிலவும் மோதலில் தினகரன் முன்னணிக்கு வருவதை விரும்பாத சசிகலா, திவாகரன், நடராஜன் ஆகியோர் இணைந்து இப்படி ஒரு நாடகமாடுவதாக தெரிவித்தார்.

6 மணி நேரங்களுக்கு முன்னர் நன்றி :- பி..பி.சி.

ஜெயலலிதா மறைவும் தமிழக அரசியலில் திருப்பங்களும்

noreply@blogger.com (Anonymous) — Fri, 21 Apr 2017 01:15:00 +0530

ஜெயலலிதா மறைவை அடுத்து, தமிழகத்தின் ஆளும் அதிமுகவில் ஏற்பட்ட குழப்ப நிலை தொடர்கிறது. இந்த சூழலில், ஜெயலலிதா இறந்ததிலிருந்து தற்போது வரை அதிமுகவிலும், தமிழக அரசியலிலும் ஏற்பட்ட முக்கிய திருப்பங்களைக் காட்டும் பட்டியல் இது.

Image captionஜெ.மறைவும், அதிமுகவில் தொடரும் குழப்பமும் - ஒரு காலவரிசை

டிசம்பர் 5, 2016: இரவு 11.30 மணிக்கு முதலமைச்சராக இருந்த ஜெயலலிதா மரணமடைந்ததாக அறிவிக்கப்பட்டது.

டிசம்பர் 6, 2016: இரவு 1.30 மணியளவில் முதலமைச்சராகப் பதவியேற்றார் ஓ. பன்னீர்செல்வம்.

டிசம்பர் 10, 2016: அ.தி.மு.கவை ஒரு ராணுவ அமைப்பு போல் தொடர்ந்து கொண்டுசெல்ல சசிகலா இந்த இயக்கத்தின் பொதுச் செயலாளராக வேண்டும் என்றார் ஓ. பன்னீர்செல்வம்.

டிசம்பர் 29, 2016: அ.தி.மு.கவின் பொதுக்குழு கூட்டத்தில் சசிகலா அக்கட்சியின் பொதுச் செயலாளராக நியமனம் செய்யப்படுகிறார்.

படத்தின் காப்புரிமைAIADMK

Image captionபொதுச் செயலாளராக பொறுப்பேற்ற சசிகலா

ஜனவரி 2, 2017: கட்சி ஒருவரிடமும் ஆட்சி ஒருவரிடமும் இருந்தால், சரியாக இயங்க முடியாது என்பதால் சசிகலா முதலமைச்சராகப் பதவியேற்க வேண்டுமென அ.தி.மு.கவின் நாடாளுமன்ற உறுப்பினரான தம்பிதுரை தனது துணை சபாநாயகர் பதவிக்கான லெட்டர் பேடில் அறிக்கை விடுத்தார்.

பிப்ரவரி 5, 2017: அ.தி.மு.கவின் சட்டமன்றக் கட்சித் தலைவராக சசிகலா தேர்வுசெய்யப்பட்டார்.

பிப்ரவரி 6, 2017: சொத்துக்குவிப்பு வழக்கில் ஒரு வாரத்தில் தீர்ப்பு வெளியாகலாம் என உச்ச நீதிமன்றம் அறிவித்தது.

பிப்ரவரி 7, 2017: ஜெயலலிதாவின் சமாதியில் தியானம் செய்த ஓ. பன்னீர்செல்வம் தன்னை நிர்பந்தப்படுத்தி ராஜினாமா கடிதத்தைப் பெற்றதாகக் கூறினார்.

Image captionதியானம் செய்த ஓ. பன்னீர்செல்வம்

பிப்ரவரி 11, 2017: தனது ஆதரவு சட்டமன்ற உறுப்பினர்களுடன் ஆளுனரைச் சந்திக்க நேரம் கேட்கிறார் சசிகலா. அவர் தரப்பு எம்.எல்.ஏக்கள் கூவத்தூரில் உள்ள தனியார் விடுதியில் தங்கவைக்கப்படுகின்றனர்.

பிப்ரவரி 14, 2017: சொத்துக் குவிப்பு வழக்கில் சசிகலா குற்றவாளியென உச்சநீதிமன்றம் உறுதிசெய்கிறது.

பிப்ரவரி 14, 2017: அ.தி.மு.கவின் சட்டமன்றக் கட்சித் தலைவராக எடப்பாடி கே. பழனிச்சாமி தேர்வுசெய்யப்படுகிறார்.

பிப்ரவரி 15, 2017: ஜெயலலிதாவால் கட்சியை விட்டு நீக்கப்பட்டிருந்த டிடிவி தினகரனும் டாக்டர் வெங்கடேஷும் மீண்டும் கட்சியில் சேர்க்கப்படுகின்றனர். டிடிவி தினகரன் உடனடியாக துணைப் பொதுச் செயலாளராக நியமிக்கப்படுகிறார்.

பிப்ரவரி 15, 2017: ஜெயலலிதாவின் சமாதியில் சபதம் செய்த பிறகு பெங்களூரில் உள்ள நீதிமன்றத்தில் சரணடைகிறார் சசிகலா.

மார்ச் 15, 2017: ராதாகிருஷ்ணன் நகர் இடைத் தேர்தலில் போட்டியிடுவதாக தினகரன் அறிவிப்பு.

படத்தின் காப்புரிமைAIADMK

Image captionடிடிவி தினகரன்

மார்ச் 28, 2017: சென்னை ராதாகிருஷ்ணன் நகர் தொகுதி இடைத் தேர்தலில் அ.தி.மு.கவின் இரு பிரிவுகளும் இரட்டை இலை சின்னத்தையோ, கட்சிப் பெயரையோ பயன்படுத்த முடியாது என அறிவிக்கிறது தேர்தல் ஆணையம்.

ஏப்ரல் 7, 2017: அமைச்சர் விஜயபாஸ்கர் உள்பட பலரது இல்லங்களில் வருமான வரித்துறை சோதனை நடத்துகிறது.

ஏப்ரல் 10, 2017: ராதாகிருஷ்ணன் நகர் தொகுதிக்கான இடைத்தேர்தலை ரத்துசெய்கிறது தேர்தல் ஆணையம்.

ஏப்ரல் 14, 2017: டிடிவி தினகரன் இல்லத்தில் அமைச்சர்கள் டிடிவி தினகரனுடன் வாக்குவாதம்.

ஏப்ரல் 17, 2017: அமைச்சர் தங்கமணி இல்லத்தில் அனைத்து அமைச்சர்களும்கூடி ஆலோசனை. இரு அணிகளையும் இணைப்பது குறித்துப் பேசியதாக தெரிவிக்கின்றனர்.

ஏப்ரல் 18, 2017: டிடிவி தினகரனையும் அவரது குடும்பத்தினரையும் ஒதுக்கிவைத்துவிட்டு கட்சியையும் ஆட்சியையும் வழிநடத்தப்போவதாக அமைச்சர்கள் தெரிவிக்கின்றனர்.

ஏப்ரல் 19, 2017: அ.தி.மு.கவிலிருந்து ஒதுங்கிக் கொள்வதாக அறிவிக்கிறார் டிடிவி தினகரன்.

சமூக ஊடகங்களில் பிபிசி தமிழ் : நன்றி பிபிசி

ஃபேஸ்புக்கில் படித்து கருத்துகள் தெரிவிக்க : பிபிசி தமிழ் முகநூல்

டிவிட்டரில் பிபிசி தமிழை பின்தொடர : பிபிசி தமிழ் ட்விட்டர்

இன்ஸ்டாகிராமில் விருப்பம் தெரிவிக்க : பிபிசி தமிழ் இன்ஸ்டாகிராம்

யு டியூப் பக்கத்தில் காணொளிகளை காண : பிபிசி தமிழ் யு டியூப்

தலாய் லாமா வருகை சர்ச்சை- அருணாசல பிரதேசத்தின் 6 மாவட்டப்பெயர்களை மாற்றியது சீனா!

noreply@blogger.com (Anonymous) — Fri, 21 Apr 2017 01:07:00 +0530

நன்றி :_ பி/பி.சி. செய்திகள்

தலாய் லாமா இந்தியாவில் விஜயம் மேற்கொண்டதற்கு "பதிலடி கொடுக்கும்" விதத்தில் இமாலய எல்லைப் பகுதிகளில் இந்தியாவுடன் சர்ச்சைக்குரிய ஆறு மாவட்டங்களுக்கு சீனா பெயர் மாற்றம் செய்துள்ளது.

ஏப்ரல் மாதத் தொடக்கத்தில் இந்தியாவின் வட கிழக்கு மாநிலங்களில் ஒன்றான அருணாச்சல பிரதேசத்திற்கு, 81 வயது திபத்திய ஆன்மீக தலைவரான தலாய் லாமா விஜயம் செய்தார்.

தலாய் லாமாவின் விஜயம் இருதரப்பு உறவுகளிலும் "எதிர்மறையான விளைவுகளை" ஏற்படுத்துவதாகவும், சீனாவின் விருப்பதை இந்தியா நிராகரிப்பதாக போல் உள்ளதாகவும் சீனா தெரிவித்துள்ளது

செவ்வாய்க்கிழமையன்று சீனா வெளியிட்டுள்ள இந்த அறிவிப்புக்கு இந்தியா இதுவரை எந்த கருத்தும் தெரிவிக்கவில்லை.

இருப்பினும், தலாய் லாமாவின் வருகை முற்றிலும் மத ரீதியானது என தெரிவிக்கப்பட்டது. மேலும் இது அருணாச்சல பிரதேசிற்கான தலாய் லாமாவின் முதல் விஜயம் அல்ல; அவர் ஏற்கனவே 1983, 1997, 2003-ல் இரண்டு முறை மற்றும் 2009-ஆம் ஆண்டுகளில் விஜயம் மேற்கொண்டுள்ளார்.

கிழக்கு திபத்தில் சீனாவிற்கு உட்பட்ட பகுதிகள் மற்றும் இந்திய கட்டுப்பாட்டிற்குள்ள சில பகுதிகளில் உள்ள ஆறு இடங்களின் பெயரை சீனா மாற்றியுள்ளது என சீன அரசு ஊடகம் ஒன்று தெரிவிக்கிறது.

அருணாச்சல பிரதேசத்திற்கான தனது விஜயத்தை தலாய் லாமா, நிறைவு செய்த அடுத்த நாளின் தேதி அந்த அறிக்கையில் குறிப்பிடப்பட்டுள்ளது.

சர்ச்சைக்குரிய பகுதிகளில் உள்ள பிராந்தியங்களில் அதிகாரபூர்வ பெயர்களை சீனா மாற்றுவது இதுவே

இதற்கு முன்னதாக, திபத் சீனாவிற்கு உட்பட்டது என்ற இந்தியாவின் நிலையில் மாறுதல் இல்லை என இந்திய வெளியுறவுத் துறை அமைச்சகத்தின் செய்தி தொடர்பாளர் கோபால் பாக்லே தெரிவித்திருந்தார்.

இது குறித்த பிற

அருணாச்சல பிரதேசத்திற்கு தலாய் லாமா வருவதற்கு சீனா எதிர்ப்பு

தன்னைக் காப்பாற்றிய சிப்பாயை 60 ஆண்டுகளுக்கு பிறகு சந்தித்தார் தலாய் லாமா

இந்தியக் குடியரசுத் தலைவர் நிகழ்ச்சியில் தலாய் லாமா - சீனா கண்டனம்

சமூக ஊடகங்களில் பிபிசி தமிழ் :

ஃபேஸ்புக்கில் படித்து கருத்துகள் தெரிவிக்க : பிபிசி தமிழ் முகநூல்

டிவிட்டரில் பிபிசி தமிழை பின்தொடர : பிபிசி தமிழ் ட்விட்டர்

இன்ஸ்டாகிராமில் விருப்பம் தெரிவிக்க : பிபிசி தமிழ் இன்ஸ்டாகிராம்

யு டியூப் பக்கத்தில் காணொளிகளை காண : பிபிசி தமிழ் யு டியூப்

தொடர்புடைய தலைப்புகள்

ஈரோடு மக்கள் சிந்தனைப் பேரவை புத்தகக் கண்காட்சி 23-04-2007 முதல்!

noreply@blogger.com (Anonymous) — Thu, 20 Apr 2017 15:27:00 +0530

சீர் கொடுத்து அசத்திய ஊர் மக்கள் :நாகை அரசுப் பள்ளிக்கு ஐ.எஸ்.ஓ. தரச்சான்று: !

noreply@blogger.com (Anonymous) — Thu, 20 Apr 2017 13:27:00 +0530

கோடிக்கணக்கான ரூபாய் மதிப் பீட்டில், பிரம்மாண்டமாக தனியார் நடத்தும் கல்விச் சாலைகளுக்கே கிடைக்காத ஐ.எஸ்.ஓ. தரச்சான்று நாகை மாவட்டம் கீச்சாங்குப்பத்தில் உள்ள ஊராட்சி ஒன்றிய நடுநிலைப் பள்ளிக்கு கிடைத்துள்ளது. சுனாமியால் மிகக் கடுமையாக பாதிக்கப்பட்ட இப்பள்ளி, அதன் தலைமையாசிரியரும் தேசிய நல்லாசிரியருமான பாலுவால் மிக விரைவாக மீண்டு வந்து, தற்போது பல பெருமைகளுக்கு உரியதாக விளங்குகிறது.

அனைத்து வகுப்பறைகளும் டைல்ஸ் பதிக்கப்பட்டும், வண்ண மயமாகவும், மடிக்கணினி, வெண் திரை, ஒலி அமைப்புகளைக் கொண்டதாகவும் திகழும் இப்பள்ளிதான் மாநிலத்தில் ஸ்மார்ட் கிளாஸ் தொடங்கப்பட்ட முதல் அரசுப் பள்ளி என்ற பெருமைக்கு உரியது.

யோகா, கராத்தே வகுப்புகள், ஆங்கில உச்சரிப்புப் பயிற்சி, கையெழுத்துப் பயிற்சி, கணினி பயிற்சி, இந்தி வகுப்பு, ஓவியம், உடற்கல்வி வகுப்புகள் என பல்வேறு சிறப்புகளைக்கொண்ட இப்பள்ளி தற்போது ஐ.எஸ்.ஓ. தரச்சான்றும் பெற்றுள்ளதற்கு அப்பகுதி மக்கள் பெரிதும் மகிழ்கின்றனர்.

இப்பள்ளியில் கடந்த 17-ம் தேதி நடைபெற்ற விழாவில் ஆட்சியர் பழனிசாமியிடம் கெஸ்ட் சர்ட்டிபிகேஷன் நிறுவன இயக்குநர் கார்த்திகேயன் ஐ,எஸ்.ஓ. தரச்சான்றை வழங்கினார். பள்ளிக்கு தரச்சான்று கிடைத்திருக் கும் மகிழ்ச்சியை அவ்வூர் பொது மக்கள் கொண்டாடிய விதமும் முன்னுதாரணம்தான். தங்கள் ஊர்பள்ளிக்கு தங்களால் முடிந்த பொருட்களைச் சீர் அளித்து அசத்தி விட்டார்கள். பீரோ, மேஜை, மின் விசிறி, டியூப் லைட், மின்சார மணி உள்ளிட்ட சுமார் 2 லட்சம் ரூபாய்க்கான பொருட்களைச் சீராக எடுத்துக்கொண்டு, மேளதாளத் துடன் ஊர்வலமாக வந்து பள்ளி யில் ஒப்படைத்தனர்.

பள்ளியில் மாடித் தோட்டம்

ஐ.எஸ்.ஓ. தரச்சான்று பெறும் விழாவுக்கு வந்த ஆட்சியருக்கு அடுத்த ஆச்சரியத்தையும் இப்பள்ளி அளித்தது. கடற்கரை ஓரம் உள்ள இப்பள்ளியின் மண்ணில் சிலவகை செடிகள் வளராது என்ப தால், பள்ளியின் மாடியில் ஷெட் அமைத்து மாடித் தோட்டத்துக்கும் வித்திட்டிருக்கின்றனர். மாடித் தோட் டத்தில் விதைகளைத் தூவியும், சில வகை கன்றுகளை நட்டும் தோட்டத்தைத் திறந்துவைத்தார் ஆட்சியர். பள்ளியின் முன்னாள் மாணவர்கள் பன்னீர்செல்வம், குமரன், நேதாஜி நற்பணி மன்றம், ஜூமான்ஜீ நண்பர்கள் ஆகியோரின் உதவியுடன் சுமார் ரூ.50 ஆயிரம் மதிப்பீட்டில் அமைக்கப்பட்டுள்ள இந்த மாடித்தோட்டத்தில் மூலிகைகள், காய்கறிகள் மற்றும் பூச்செடிகளை வளர்க்க திட்டமிட்டி ருக்கிறார்கள்.

இவ்வளவு சிறப்புகளுக்கும் காரணமாக விளங்கும் தலைமையாசிரியர் பாலுவுக்கு தேசிய நல்லாசிரியர் விருது கிடைத் தமைக்கு ஆட்சியர் பழனிசாமி உள்ளிட்டவர்கள் விழாவில் பாராட்டி வாழ்த்து தெரிவித்தனர். ஆசிரியர்கள் நினைத்தால் அரசுப் பள்ளியிலும் பல சாதனைகளைச் செய்ய லாம் என்பதற்கு உதாரணமாக விளங்குகிறது கீச்சாங்குப்பம் ஊராட்சி ஒன்றிய நடுநிலைப் பள்ளி என்கின்றனர் சமூக ஆர்வலர்கள்.