கெளதம் G.A

அது அப்படித்தான் - 1 (தானே புயல், கனிமொழி)

2012-01-12T10:01:00.000-08:00

"தானே" ஆடிய கோர தாண்டவம்:

தானே ஆடிய கோர தாண்டவம் அனைவரும் அறிந்ததே... இதனால், புத்தாண்டை கொண்டாட முடியவில்லை என்று ஒரு புறமும், லீவுக்கு ஊருக்கு போக முடியவில்லை எனவும் ஒரு சாரர் வருந்திக்கொண்டிருக்க, இந்த புயலால் ஒரு மினி சுனாமியையே வாங்கியது போல தத்தளிப்பில் உள்ளது கடலோர பகுதிகள்.... புயல் செய்த கொடுமையை விட நமது அரசு செய்யும் கொடுமையே அதிகம்...

பாதிக்கப்பட்டவர்களுக்கு உரிய வசதிகள் இன்னும் செய்து தராமல் இழுத்தடிப்பு செய்து கொண்டு இருக்கின்றார்கள்...பார்வை இட வேண்டிய முக்கியமாமான பகுதிகளை பார்க்காமல், ஏதோ ஒரு பேருக்கு பார்த்து சென்று இருக்கிறார் தமிழக முதல்வர்... முழு அளவிடும் தெரியாமல் நிவார தொகை 850 கோடி என அறிவித்து விட்டார்..(அதில் பாதியாச்சும் மக்களுக்கு போய் சேருமா என்றால் சந்தேகம் தான்)

முதல்வரே இப்படியென்றால் மூஞ்சூறுகள் எப்படி இருக்கும் என நீங்களே யூகித்துக்கொள்ளுங்கள்... எந்த அமைச்சரும் நேரில் செல்லாமல், லாட்ஜில் ரூம் போட்டு தங்கி விட்டு, மக்களை சந்தித்து குறை கேட்டதாகவும் நிவாரண உதவிகள் அளித்ததாகவும் சொல்லி இருக்கிறார்கள்...
( எந்த வழியா போனீங்க ன்னு ரூட்டு கேட்டா ஒரு வேளை மாட்டிக்குவாங்களோ???)

தானே புயல் ஓய்ந்தும் இவர்கள் ஓய மாட்டார்கள் போல் இருக்கிறது....

கலைஞர் தொலைக்காட்சியை மிதிக்காத கனிமொழி:

சென்னை விமான நிலையத்தில் கனிமொழிக்கு வரவேற்பு என்று கட்சிக்காரகள் கொடுத்த அலப்பறை கொஞ்ச நஞ்சம் இல்லை.. அடுத்த விமானம் பற்றிய அறிவிப்பை கேட்க முடியாத அளவு மேல தாளங்கள் ஒழிக்க,
அமோக வரவேற்ப்பு.. ஏதோ இந்திய திருநாட்டின் சுதந்திரத்திற்காக ஜெயிலுக்கு போய் வந்தவர் மாதிரி.ரோடெங்கும் வாசகங்கள். சி.ஐ.டி நகர் வீட்டில் விருந்து என செய்யாத செலவுகள் என்று எதுவுமே இல்லை...
( இது எல்லாம் எவன் அப்பன் வீட்டு காசுன்னு இப்படி செலவு பண்ணுறாங்க???)

மகள் செய்த அலப்பறை போதாதென்று, இப்போது தாய்க்குலமும் கிளம்பி விட்டது.. கனிமொழியின் பிறந்தநாள் விழாவில் ராசாத்தி அம்மாள் சொன்னது இதோ...

"என் மகள் கனிமொழி கலைஞர் டிவி வாசலை கூட மிதிச்சது கிடையாது... ராஜாவோட ஆபீசுக்கு போனது கிடையாது
(நோட் பண்ணிக்கோங்க ஆபீஸ் தான்... கெஸ்ட் அவுஸ் னு சொல்லல)...
2ஜி யை பத்தி எதுவுமே தெரியாது... ஆனா அவ தீகார் ஜெயிலில் எவ்ளோ கஷ்டபட்டான்னு தெரியுமா?? உக்கார ஒரு சேர் இல்லை, டேபிள் இல்லை... படுக்க ஒரு பாய் கூட இல்லை.. கனியோட எவ்ளோ மூட்டை பூச்சிகள் இருந்துச்சு.. அவ பட்ட கஷ்டத்த சொல்லணும் னா, ஒரு நாள் போதாது... திடீர்னு ஒரு நாள் கழுத்தில் வீக்கம் இருக்கும், முகத்தில் கறுப்பு கறுப்பா இருந்ததை பாத்து வயிறு எரிஞ்சுது..." என்று அழ ஆரம்பிசுட்டாராம்...
(நீங்க அடிச்ச காசுக்கு இதெல்லாம் ரொம்ப கம்மி)
எல்லோரும் சோற்றில் பூசணியை மறைப்பார்கள்... இவரோ ஓர் தோட்டத்தையே மறைத்து விட்டார்...

ஈழத்தில் அத்தனை உயிர்கள் மடியும் போது வேடிக்கை பார்த்துக் கொண்டு இருந்தீர்களே, அப்போது தெரியவில்லையா பாசம் என்றால் என்னவென்று?? உங்கள் பிள்ளைக்கு ஒரு நியாயம், ஊரான் வீட்டு பிள்ளைக்கு ஒரு நியாயமா??
இதை கேட்டால் என்னை அரசியல்வாதி முத்திரை குத்தி விடுவார்கள்...

நமக்கு ஏதுப்பா வம்பு... நண்பன் படம் நல்லா ஓடுதாம்... எக்ஸ்ட்ரா டிக்கெட் இருந்தா சொல்லுங்க... வாட்டர் பாட்டில் நான் ஸ்பான்சர் பண்றேன்.. :P

JOANNA (உலக சினிமா) - விமர்சனம்

2012-01-04T20:37:00.000-08:00

ஹிட்லர் யூதர்களை களைந்தெடுக்கும் காலம் அது... கொத்து கொத்தாக யூதர்களை கொன்று குவிக்கும் அத்தருணத்தில் படம் தொடங்குகிறது...

முதல் காட்சி, ஹோட்டலில் சிறுமியிடம் பேசிக்கொண்டு இருக்கிறாள் அவள் அம்மா.. அவர்கள் ஆடர் செய்யும் உணவுகளை ஜோனா என்னும் பெண் குறிப்பெடுத்துக்கொள்கிறாள்...திடீரென ஒரு நபர் அவள் அம்மாவை அழைக்க, அந்த குழந்தையை அருகில் உள்ள ஒரு தேவாலயத்துக்கு போகும் படியும், நான் பேசி விட்டு வருவதாக அந்த சிறுமியை அனுப்பி வைக்கிறாள்... திடீரென ஹிட்லரின் படைகள் அந்த ஹோட்டலுக்குள் நுழைந்து அங்கிருந்த யூதர்களை வண்டியில் ஏற்றுகிறது...அதில் அந்த பெண்ணையும் ஏற்றி செல்கிறார்கள்...

சிலர் அந்த படையை பார்த்தவுடன் தேவாலையம் சென்று ஒளிந்து கொள்கின்றனர்... அந்த சிறுமியும் தன் அம்மா வருவாள் என காத்துக்கொண்டு இருக்கிறாள்... படைகள் செல்லும் சத்தம் கேட்டு மற்றவர்கள் எல்லாம் கிளம்பி விட அவள் மட்டும் அங்கேயே இருக்கிறாள்.அன்று முழுதும் அங்கேயே இருக்க, இரவாகி அடுத்த நாளே விடிந்து விடுகிறது... முன்தினம் ஹோட்டலில் குறிப்பெடுத்த ஜோனா அதிகாலையிலேயே அந்த சிறுமியை கண்டேடுக்கிறாள்... யாருக்கும் தெரியாமல் அந்த பெண்ணை வீட்டுக்கு கூட்டி செல்கிறாள்...

அவளை பற்றி விசாரிக்கிறாள்... அவளுக்கு, அவள் பெயர் ரோஸ் என்பதை தவிர வேறு எதுவும் தெரியாது... எப்படியாவது கண்டுபிடித்து அவள் அம்மாவிடம் சேர்ப்பதாக சொல்கிறாள் ஜோனா... தனக்கு தெரிந்த நண்பர்களிடம் இருந்து ஆடைகளை வாங்கி வருகிறாள்... யார் கதவை தட்டினாலும் திறக்காதே, என்று சொல்லிவிட்டு அவள் ஒளிவதற்கு ஒரு இடமும் காட்டுகிறாள்...

நாட்கள் செல்ல செல்ல இருவரும் நெருக்கமாகிறார்கள்... ஜோனா, தனது கணவன் ராணுவத்தில் வேலை செய்வதாகவும் அவருக்காக காத்திருப்பதாகவும் கூறுகிறாள்... அவர்கள் ஒரு மலையில் எடுத்த போட்டோவையும் காட்டுகிறாள்...

இரவு நேரத்தில் அவளை வெளியில் அழைத்து செல்கிறாள்... ரோசை வைத்திருப்பதால் இருக்கும் நெருக்கடிகளை உணர்கிறாள்... செய்து கொண்டிருந்த ஹோட்டல் வேலையை விட்டுவிட்டு வேறு வேலை தேட, தபால் அலுவலகத்தில் சுத்தம் செய்யும் வேலை கிடைக்கிறது...

இதே நேரம் ரோஸ் கடும் காய்ச்சலால் பாதிக்கப்படுகிறாள்...அவளுக்கு சிகிச்சை அளிக்கக்கூட வெளியே கூட்டி போக முடியாத நிலையில் தெரிந்த மருத்துவரிடம் குறிப்புகள் பெற்றுக்கொண்டு அதை தொடர்கிறாள்.

அதே நேரம், சில உளவாளிகள் இதை நோட்டமிட்டு ராணுவத்திடம் சொல்லி விடுகின்றனர்... திடீரென அதிகாரிகள் ஜோனா வீட்டை சோதனையிட, ரோசை மறைத்து விடுகிறாள்... எதுவும் இல்லாமல் திரும்பி செல்லும் தருணம் அவள் ராணுவ வீரனின் மாணவி என்பது அறிந்து மன்னிப்பு கேட்கிறார்கள்... அதில் ஒரு மேஜர், ஒரு புத்தகத்தை எடுத்துக்கொண்டு படித்து விட்டு வந்து தருவதாக சொல்கிறார்...(அப்போதே தெரிந்து விடுகிறது, அவர் ஏதோ எதிர்பார்க்கிறார் என்று)...

சில நாட்கள் கழித்து புத்தகத்தை கொடுக்க வரும் நேரம், ரோஸின் இருமல் சத்தம் கேட்டு அவளை கண்டுபிடித்துவிடுகிறான் மேஜர்... அப்போது, "உனக்கு இது தானே வேணும், இதுக்கு தானே வந்த" என்று சொல்லிவிட்டு ஆடைகளை களைகிறாள் ஜோனா...(நெஞ்சை உலுக்கிய காட்சி அது)....அவளுடன் உறவு கொண்டு விட்டு காலையில் தனது பணியாள் ஒருவனிடம் குழந்தைக்கு தேவையான மருந்துகளை அனுப்புகிறான்...

சரியாக வேலை செய்யவில்லை என்ற காரணத்தால் அவளை பணிநீக்கம் செய்கிறார்கள்... நாட்கள் செல்ல செல்ல, கணவனிடம் இருந்து எந்த கடிதமும் வராததால் கவலை அடைகிறாள்.. மேஜர் தனக்கு தெரிந்த அதிகாரிகளிடம் கேட்டு சொல்வதாக சொல்கிறான்... சில நாட்கள் கழித்து ஜோனாவின் கணவன் இறந்து விட்டதாக மேஜர் வந்து சொல்ல, அவன் தோள் மேல் சாய்ந்து கதறி அழுது மயங்கி விழுகிறாள்...

கணவன் இழந்த சோகத்தில் தத்தளிக்கும் தருணம், வேலை இல்லாததால் பணக்கஷ்டம் வேறு... அவளது பியானோவை விற்க முயற்சி செய்யும் நேரம், பியானோ வேண்டும் என்று ஒரு முகவரி குறிப்பிடப்படுகிறது... ஆனால் அந்த முகவரியில் இருந்த ராணுவ பிரிவோ, அவள் ஒரு யூத பெண்ணை வீட்டில் தங்க வைத்தது, மேஜருடன் கள்ள உறவு வைத்துக்கொண்டது போன்ற குற்றங்களால் அவள் தலை முடி வெட்டப்படுகிறது... கூனிக்குறுகி யாருக்கும் தெரியாமல் வீட்டிற்கு வருகிறாள்...

தபால் அலுவலகத்தில் உடன் வேலை செய்த ஒருவரிடம் பேசி, ரோசை ஒரு விடுதியில் சேர்க்கிறாள்... பின் தன் கணவனுடன் போட்டோ எடுத்த அதே மலைக்கு சென்று உயிரை விடுகிறாள்...

இந்த படத்தில் முக்கியமானவை:

இசை:

டைட்டில் போடும் நேரம் கொஞ்சம் மொக்கையாக இருந்தாலும், போகப்போக படத்துடன் இணைந்து கொள்கிறது... படத்தையும் இசையையும் பிரித்துபார்க்க முடியாது...

காட்சிகள்:

ஜோனாவும் ரோசும் பேசும் காட்சிகள் அழகு...முக்கியமாக வசனங்கள்....
தபால் அலுவலத்தில் வேலைக்கு பதிய ஒரு உயர் அதிகாரியை பார்க்க வேண்டும். அவர் ரொம்ப பிசியாக இருக்க, செக்யுரிட்டியிடம் ஏதோ ஒரு பெயர் சொல்லி அந்த நபர் அதிகாரியின் நண்பர்.... அவர் தான் இந்த நேரத்தில் பார்க்க வர சொன்னார் என சாதூர்யமாக பொய் சொல்லுவார்... அதிகாரியை பார்த்து விட்டு திரும்பும் பொது அவர் "இனிமேல் இல்லாத பெயரை நீயே உருவாக்காதே" என்று சொல்லுவார்...
சோனாவின் வீட்டை சோதனை போடும் பொது அவள் மீது இருக்கும் கோபமும், எதுவும் கிடைக்கவில்லை என்ற பின் அவள் தனியாக இருக்கிறாள் என தெரிந்து அவளை அடைய ஜொள்ளு விடும் மேஜரின் காட்சி... அடுத்து, ரோஸின் உயிரை காக்க மேஜரிடம் தன்னையே கொடுக்கும் காட்சி...

படத்தின் க்ளைமாக்சில் அவளும் ரோசும் ஊரை விட்டு போவது போலவோ, இல்லை அதே ஊரில் போராடி வாழ்வது போலவோ காட்டியிருக்கலாம்... ரோசை விடுதியில் சேர்ப்பது, பின் தற்கொலை என படத்தை ஏன் இப்படி திருப்பினார் என தெரியவில்லை... உலக சினிமா என்றாலே கண்ணீரும் கம்பளியுமாக தான் இருக்க வேண்டுமா என்ன???

இப்படிக்கு,

கெளதம் G.A

2011இன் சில கவனிக்க வேண்டிய படங்கள்

2012-01-02T07:17:00.000-08:00

என்ன தான் நல்ல கதைக்களம் இருந்தாலும் அதை மக்களிடம் கொண்டு சேர்க்கும் வித்தையான மார்க்கெட்டிங் எனும் விளம்பர யுக்தி இல்லாமல் மண்ணை கவ்விய படங்கள் பல உண்டு... அதை பற்றி விரிவாக பேசும் முன் 2011 இல் வெளிவந்த சில முக்கியமான படங்கள் இதோ...

தென்மேற்கு பருவக்காற்று:

2011 இல் தேசிய விருதுகளை அள்ளிய தமிழ் படம்...நல்ல கதைக்களம் இருந்தும் ஏதோ சரியான மார்கெட்டிங் யுக்திகளை கையால் எடுக்காததால் வசூல் அளவில் தோல்வி அடைந்த படம்...இன்னும் சொல்ல போனால் இந்த படம் விருது பெற்ற பிறகு தான் இப்படி ஒரு படமே வந்ததாக நண்பர்கள் சொல்லும் போது "என்ன கொடும டா இது" என தோன்றும்...

ஆடுகளம்:

தனுஷ் நடிப்பில் வெற்றி மாறன் இயக்கத்தில் பொங்கலுக்கு வெளிவந்த படம். ஏற்கனவே இவர்கள் கூட்டணியில் பொல்லாதவன் செம ஹிட்.. ஆனால் இந்த படம் ஏனோ எதிர் பார்த்த அளவுக்கு ஓடாமல் போனது... இருந்தும் தனுஷ், வெற்றி மாறன், கிஷோர், ஜெயபாலன் என விருதுகளை அள்ளினார்கள்... "விருது வாங்கினால் மட்டும் போதுமா கல்லா கட்டலையே"...

காவலன்:

ஏற்கனவே ஓடின அஞ்சும் இழுத்து மூடியதில் இளைய தளபதி செம அப்செட்...
"சுறா" படம் தியேட்டரில் ஓடியதை விட தியேட்டரை விட்டு ஓடியது தான் அதிகம்... இதன் விளைவு சன்னின் கிடுக்கு பிடியில் மாட்டி காவலன் வெளியிட முடியாமல் துவண்டு போனது. இவரும் தந்தையுன் போயஸ் கார்டன் சென்று அம்மாவின் ஆசியுடன் வெளிவந்த படம்...சித்திக் இயக்கத்தில் ஏற்கனவே மலையாளத்தில் கலக்கிய படம் தமிழில் சுப்பர் ஹிட்... இந்த படம் நிச்சயம் விஜய் ரசிகர்களுக்கு ஒரு ஆக்சிஜன்...

சிறுத்தை:

நான் மகான் அல்ல படத்திற்கு பிறகு கார்த்தியின் அடுத்த படம்... ஏற்கனவே தெலுங்கில் ஹிட் அடித்த ரவி தேஜாவின் படத்தின் உல்டா... இருந்தும் சந்தானத்தின் காமெடியால் பூஸ்டாகி படம் சக்கை போடு போட்டது...

யுத்தம் செய்:

மிஷ்கின் இயக்கத்தில் சேரன் நடிப்பில் வெளிவந்த படம்..எப்போதும் அழுத கண்களுடனும் எண்ணெய் வடிந்த முகத்துடனும் இருக்கும் சேரன் இதில் புதிதாக தெரிந்தார்...அவர் மட்டும் அல்ல நடிப்பும் தான்... பெரிய வசூல் என்று சொல்லாவிட்டாலும் ஒரு நல்ல வசூல்....

பயணம்:

மொழி,அபியும் நானும் வரிசையில் ராதா மோகனின் அடுத்த படம்... முக்கியமாக குடும்பத்துடன் சென்று பார்க்கலாம் என்று நம்பி போகும் இயக்குனர்களில் இவரும் ஒருவர்... பாடல்கள் இல்லை... இருந்தும் நல்ல கதைகளம் மற்றும் திரைக்கதை இருந்ததால் ஏதோ ஒரு நல்ல ரிசல்ட் கொடுத்தது...

கோ:

2011 இல் ஒரு பெரிய வசூல் அடித்த படம்...ஜீவா,ராதாவின் மகள் "கார்த்திகா",அஜ்மல் நடிப்பில் அயன் வெற்றிக்கு பிறகு கே.வி.ஆனந்தின் அடுத்த படம்...ஏற்படுத்திய எதிர்ப்பார்ப்பை நிறைவேற்றியது தான் இயக்குனரின் புத்திசாலித்தனம்...தமிழில் மட்டும் அல்லாது தெலுங்கிலும் நல்ல கலெக்சன்...ஏற்கனவே ஹாரிஸின் பாடல்கள் செம ஹிட்... இருந்தும் அஜ்மலை வில்லனாக்கி பிரகாஷ் ராஜை டம்மியாகிய காமெடி அழகான முழு சோற்று பூசணிக்காய்...இந்த படம் அடைந்த வெற்றியை விட இதன் மேல் சிம்பு கொண்ட கோவம் இன்னும் ஜீவாவுடன் வாய்க்கா தகராறில் உள்ளது...

வானம்:

ஒரு நல்ல மெசேஜ் சொன்ன படம்... சிம்பு,பரத்,அனுஷ்கா நடிப்பில் வெளிவந்த ஏற்கனவே தெலுங்கில் அல்லு அர்ஜுன் நடித்த "வேதம்" படத்தின் காப்பி...சிம்புவின் "எவண்டி உன்ன பெத்தான்" பாடல் ஹிட் அடித்தும் "கோ"விற்கு நிகரான ஈடு கொடுக்க முடியாமல் கவ்வியது... இருந்தும் சொல்லிக்கொள்ளும் அளவுக்கு ஒரு நல்ல வசூல்...'கோ" வில் ஒழுங்காக நடிக்காமல் ஹீரோயின் சரியில்லை அத மாத்து இத மாத்து என்று சொன்னதுக்கு கே.வி.ஆனந்த இவரையே மாற்றி விட்டு ஜீவா வை போட, ஜீவாவுக்கு பிடித்தது சனி...இன்னும் விடவில்லை...

அழகர்சாமியின் குதிரை:

நான் மகான் அல்ல காமர்ஷியலுக்கு பிறகு சுசீந்திரனின் அடுத்த படம்... இளையராஜவில் இனிப்பான இசையும் நல்ல கதைக்களமும் இருந்தும் படம் ஏனோ ஓடவில்லை...இந்த படம் கிளவுட் நயனுக்கு பெரிய அடி...

ஆரண்ய காண்டம்:

எந்த படத்தின் பாதிப்பும் இல்லாமல் வெளிவந்த படம்...தியாகராஜா குமாரராஜா வின் இயக்கத்தில், யுவனின் பின்னணி இசையில் படம் அருமை... உலக சினிமா தரத்தில் ஒரு தமிழ்படம் என்றும் கூட இதை சொல்லலாம்...இருந்தும், இந்த படம் நல்லா இருக்கு போய் பாருங்க ன்னு சொல்லி முடிக்கும் முன்னரே தியேட்டரில் இருந்து தூக்கப்பட்டது மிகப்பெரும் கொடுமை...

அவன் இவன்:

"நான் கடவுள்" படத்திற்கு பிறகு பாலாவின் இயக்கத்தில் யுவனின் இசையில் வெளிவந்த படம்... எப்போதும் பாலாவின் படத்திற்கு ஒரு எதிர்பார்ப்பு இருக்கும்...அதில் பத்து சதவிகிதம் கூட இந்த படம் பூர்த்தி செய்யாமல் போனது கொடுமையே... ஏற்கனவே பார்த்து பார்த்து சலித்து போன லைலா,சூர்யா கதாபாத்திரம் மீண்டும் மீண்டும் பார்க்க எரிச்சல்... முக்கியமாக ஆர்யாவின் தலைமுடி... இதில் ஒரே ஒரு ஆறுதல் விஷாலின் நடிப்பு... பாலா நன்றாகவே செதுக்கி இருக்கிறார்... இதனால் பீதியான ஆரியா,லிங்குசாமியின் "வேட்டை"யிலும் மாதவனுக்கு முக்கியத்துவம் கொடுத்தால் "ஒய் திஸ் கோல வெறி" னு சூப் சாங் பாடிக்கிட்டு இருக்கார்...

காஞ்சனா (முனி-2):

இந்த ஆண்டின் ஹிட் லிஸ்ட் இல் மூன்றாம் இடத்தில காஞ்சனா... ராகவா லாரன்சின் நடிப்பிலும் இயக்கத்திலும் வெளிவந்த படம்..பெரிதாக சொல்லும் படி இல்லாவிட்டாலும் பேய் கதையை காமெடியாக நகர்த்திய தந்திரத்தில் நன்றாக கல்லா கட்டியது...இந்த படத்தின் இசை தமன் என்று விக்கி பீடியாவில் பார்க்கும் போது தான் தெரியும்... பாடல்கள் அவ்வளவு மொக்கை...

தெய்வத்திருமகள்:

'மதராசப்பட்டினம்" வெற்றிக்கு பிறகு இயக்குனர் விஜய்யும், "ராவணன்" தோல்விக்கு பிறகு சியான் விக்ரமும் இணையும் படம்... UTV இன் முதல் படம்...
"I AM SAM" இன் அட்டர் காப்பி.. இருந்தும் விக்ரமின் நடிப்பு, ஜி.வி.பிரகாஷின் இசை என படத்திற்கு ஒரு நல்ல ஓபனிங் கிடைத்தது... "ப ப பா பா" பாடல் திருடிய விஷயம் ஜி.வி.யின் படியில் ஒரு சிறு சறுக்கல்....

மங்காத்தா:

இந்த வருடத்தின் மிகப்பெறிய ஹிட் படம் என்றால் அது மங்காத்தா மட்டுமே... "கோவா" தோல்விக்கு பிறகு வெங்கட் பிரபு இயக்கத்தில் தல அஜீத் நடிப்பில் வெளிவந்த படம்... அசல் படத்தின் மந்தமான வசூலுக்கு பிறகு வெளிவந்த படம் பல விமர்சனத்தில் சிக்கியது... முக்கியமாக அஜித் நடித்த இந்த வில்லன் கதாபாத்திரம்...அடுத்து அவர் பெரிய "This is my f**king game"வசனம்... எல்லாரும் நல்லவனாக காட்டிக்கொண்டு சமுதாயத்திற்காக சேவை செய்வது போலவே நடிக்கும் இந்த காலகட்டத்தில் இப்படி ஒரு கதாபாத்திரம் நடித்த அஜித் க்கு கண்டிப்பாக ஒரு சல்யூட் போட வேண்டும்...யுவன் இசையில் "விளையாடு மங்காத்தா" ஒரு பாடல் வெள்ளோட்டம் செம ஹிட் அடிக்கவே, எல்லா பாடல்களும் டாப்...

எங்கேயும் எப்போதும்:

மிகுந்த கால இடைவெளிக்கு பிறகு பெரிய நடிகர்கள் இல்லாமல் கதையை மட்டுமே நம்பி எடுத்து வெளிவந்த படம்...நல்ல வேளை நம்பின நம்பிக்கை மோசம் போகாமல் போனது...ஒரு விபத்து அதையும் முதலிலேயே காட்டி விடுவார்கள்...எப்படியும் அதன் பிறகு சுவாரசியம் இருக்காது... ஆனால் அப்படிப்பட்ட சூழ்நிலையை நகர்த்திய விதமே இயக்குனர் சரவணனின் திறமை... சத்யாவின் இசையில் பாடல்கள் நல்ல ஒப்னிங்கை எற்படுத்திக்கொடுத்தன...

வாகை சூடவா:

குழந்தை தொழிலாளர்களை மையமாக வைத்து "களவாணி" சற்குணம் மற்றும் விமல் நடிப்பில் வெளிவந்த படம்... கிப்ரான் இசை கொடுத்த ஓபனிங் படத்தில் இல்லாமல் போனது ஏமாற்றமே... நல்ல படம் என்று சொல்லும் படியாக இருந்தாலும் வசூலில் கோட்டை விட்டது...

சதுரங்கம்:

ஆறு வருடமாக கிடப்பில் கிடந்த கரு.பழனியப்பனின் படம்...ஆறு ஆண்டுக்கு முன் வெளி வந்திருந்தால் அந்த ஆண்டின் சூப்பர் ஹிட் இதுவாக தான் இருந்திருக்கும்... அப்படி ஒரு கதை... இருந்தாலும் ஒரு நல்ல படம்...பத்திரிக்கைகாரனின் தந்திரம் அழகாக காட்டப்பட்டிருக்கும்...முக்கியமாக அந்த ஜெயில் காட்சிகள்...

முரண்:

எப்போதோ ஒரு முறை பார்த்த ஹிட்ச் காக் படத்தின் தழுவல் போல இருந்தாலும் நல்ல கதை அதை அமைத்த விதத்தில் பாஸ் மார்க்...ஆனால் தோற்றது சேரனை அந்த பாத்திரத்தில் போட்டது... போஸ்டரில் சேரன் முகம் பார்த்த உடனே பாதி கூட்டம் ரிவிட் அடித்தது... ஆனால் படத்தில் சேரன் நன்றாகவே நடித்திருந்தார்...

(இதுக்கு தான் ஒரே மாறி அழுதுக்குட்டே நடிக்க கூடாது ன்னு சொல்லுறது)

ஏழாம் அறிவு:

படம் பார்ப்பவனுக்கு அறிவே இல்லை என நினைத்து விட்டார் போல, இயக்குனர் முருகதாஸ்... சூர்யா,ஸ்ருதி ஹாசன் என பெரிய புள்ளிகள் நடித்திருந்தாலும் படம் டல் அடித்தது ஒப்புக்கொள்ள வேண்டிய ஒன்று... இந்த படம் போதி தர்மன் பற்றியா இல்லை அறிவியல் பற்றியா என்று நமக்கு புரியும் முன்னரே படம் முடிந்து விடுகிறது...அதை விட கொடுமை ஹாரிஸ் ஜெயராஜின் இசை... பெரிய மைனஸ்..இம்பேக்ட் கொடுக்க வேண்டிய இடத்தில் கொடுக்க முடியாமல் திணறுகிறது....சீன பாடல், ட்விங்கிள் லிட்டில் ஸ்டார், ரிங்கா ரிங்கா பாடல் டேக்ஸி பாடலின் காப்பி...

இருந்தும் தமிழன் தமிழ் ரத்தம் என தமிழ் உணர்வை உசுப்பேற்றி ஒரு நல்ல கலெக்ஷன் பார்த்து விட்டது...

வேலாயுதம்:

ஒரு படத்தில் வடிவேலு சொல்லுவார் "நான் ஸ்ட்ராங்கா இல்ல அவன் வீக்கா" ன்னு...

அதே தான் இங்கே நடந்திருக்கிறது... ஏற்கனவே ஏழாம் அறிவு,வேலாயுதம் ரிலீசால் மயக்கம் என்ன, ஒஸ்தி பேக் பல்டி அடித்து தேதி மாற்றியது..எனவே ரெண்டில் ஒன்றை தான் பார்க்க வேண்டும் என்னும் நிலையில் கூட்டம் வேலாயுதம் பக்கம் சாய ஆரம்பித்தது....காரணம் கமர்ஷியல் மசாலா..நம் மக்கள் எப்போதுமே எதை கொடுத்தாலும் முழுதாக கொடுத்தால் பச்சை கோடி காட்டி விடுகிறார்கள என்பதற்கு இந்த படம் ஒரு நல்ல உதாரணம்... ஏழாம் அறிவு திரைக்கதையில் அரை வேக்காடு... ஆனால் வேலாயுதம் முழுமையான பக்கா மசாலா... சந்தானம் காமெடி, விஜய் அன்டணி யின் இசை என படத்திற்கு பக்க(கா) பலம்... இருந்தாலும் பழைய படங்களை போலவே விஜய் செய்யும் பக்க பக்க பஞ்ச் டயலாக்குகள், ஏற்கனவே ஹிட் அடித்த திருப்பாச்சியின் காப்பி வாசம் என குறைகள் இருக்கத்தான் செய்கிறது... இருந்தாலும் இரண்டையும் ஒப்பிடும் போது வேலாயுதம் தான் வசூல் கணக்கில் லீடிங்....

மயக்கம் என்ன:

ஆயிரத்தில் ஒருவன் தோல்விக்கு பிறகு செல்வராகவனும், வேங்கை தோல்விக்கு பின் தனுஷும் இணையும் படம்... அண்ணனும் தம்பியும் மாறி மாறி பாடல்கள் எழுதி ஜி.வி.பிரகாஷ் இசையில் செம ஹிட்...ஆனால் படம் கொண்டு சென்ற தொய்வு எல்லார்க்கும் புடிக்கும் வண்ணம் இல்லை... இருந்தாலும் தனுஷின் உழைப்புக்கு நல்ல பெயர் கொடுத்த படம் என்று சொல்லலாம்...தெலுங்கு வரவு ரிச்சாவுக்கு முதல் படத்திலேயே நல்ல

வாய்ப்பு

(நடிப்பதற்கு...இப்போதெல்லாம் நடிப்பதற்கா நாயகிகளை போடுகிறார்கள்??)

போராளி:

ஈசன் படம் மந்தமாக ஓடினாலும், இந்த கூட்டணியில் கல்லா கட்டிவிட்டது போராளி...நல்ல காமேடியால் தப்பித்தது... ஆனால் லாஜிக் வஸ்துவில் மாட்டிக்கொண்டது...எப்போதும் இருக்கும் ஜேம்ஸ் வசந்தன் கூட்டணியில் ஒரு சிறு மாற்றம்... இந்த முறை சுந்தர்.சி.பாபு

பாலை:

இப்போது நாம் இருக்கும் இந்த நிலத்தை பெற நம் முன்னோர்கள் எவ்வளவு போராடினார்கள் என்பதற்கு இந்த படம் ஒரு நல்ல உதாரணம்... பெரிய படங்களின் ஆதிக்கத்தால் தியேட்டர் கிடைக்காமல் துவண்டு போனது கொடுமையிலும் கொடுமை... திரைக்கதை தெளிவு இல்லை, அது இது என குறைகள் எக்கச்சக்கம் இருந்தாலும், பத்தோடு பதினொன்றாக காதல் கதை எடுக்காமல் இப்படி ஒரு கதையை தேர்ந்தெடுத்ததே இயக்குனரின் தைரியம்... படத்திற்கு பாராட்டாமல் விட்டாலும் எடுத்த முயற்சிக்காக கண்டிப்பாக பாராட்ட வேண்டும்... படத்தின் மதிப்பெண்களை தாண்டி கௌரவப்படுதியது ஆனந்த விகடன்... ஜீன்ஸ்,டைட் டி ஷர்ட் அணியும் நமது இளசுகள் கண்டிப்பாக பார்க்க வேண்டிய படம்...இல்லை என்றால் அடுத்த தலைமுறைக்கு நாம் யார் என்பது தெரியாமலே போய் விடும்..,

உச்சிதனை முகர்ந்தால்:

இலங்கை தமிழர் கொடுமையை மையமாக வைத்து எடுக்கப்பட்ட படம்... செய்வோம் செய்வோம் என்று கடைசி வரை வாயில் வடை சுட்டு இலங்கை தமிழரை காப்பாற்ற முடியாமல் போன தமிழகஅரசு, இந்த படம் எடுத்து வெளியிடும் வரை வாயை மூடிக்கொண்டு இருந்ததற்கு கோடானகோடி நன்றிகள்...வசூலில் பெரிதும் சொல்லிக்கொள்ளும் படி இல்லை என்றாலும் கண்டிப்பாக பார்க்க வேண்டிய படம்...

மௌனகுரு:

பேருக்கு ஏற்றார் போல மௌனமாக வந்தே வெற்றி பெற்று விட்டான் மௌனகுரு... முழுதும் திரைக்கதையை மட்டுமே நம்பி அதை நகர்த்திய சாமர்த்தியம் அருமை...அருள்நிதிக்கு இந்த படம் ஒரு பெரிய மயில்கல்... எப்போதும் இசையில் ஹிட் அடிக்கும் தமன் இந்த முறை பாடல்களில் மைனஸ்...ஆனால் பின்னணி இசையில் ட்ரிப்பில் ஷாட்...சரியான கதாப்பாத்திர தேர்வு போன்றவற்றால் முதலில் மந்தமாக போன படம், இரண்டாம் வாரம் நல்ல கலெக்சன் (தகவல் நன்றி: கேபிள் சங்கர்)

.......

ஒட்டு மொத்தமாக பார்த்தால் இந்த ஆண்டின் சிறந்த மூன்று படங்கள்

1. மங்காத்தா

2. கோ

3. காஞ்சனா

இப்படிக்கு,

கெளதம் G.A

சிரிக்க மட்டுமே...

2011-11-07T22:29:00.000-08:00

(இங்கு போடப்பட்டிருக்கும் காமெடி லைன்கள் யார் மனதையும் புண்படுத்துவதற்கு அல்ல...)

வேலாயுதம் பார்த்துவிட்டு நொந்து போன கவுண்டமணி விஜயிடம் கேட்க்கும் சில அதிர்ச்சிக்குரிய கேள்விகள்...

கவுண்டமணி : டே தீக்குச்சி தலையா உன் திருப்பாச்சி கதை என்னடா....

விஜய் : அண்ணா அதுலயயும் எனக்கு ஒரு தங்கச்சினா அத சமுக விரோதிகள் கொன்னுட கூடாதுன்னு அவங்களை பழி வாங்கறேன்னா...

கவுண்டமணி : இதுல என்னடா வித்தியாசம்....

விஜய் : சட்டை கலரை மாற்றி இருக்கேன்னா...

கவுண்டமணி : தெரியுண்டா உன்ன பத்தி...ஆமா இந்த சுறா படத்தோட கதையை சொல்றா...

விஜய் : மீனவ மக்களுக்காக வில்லனை எதிர்த்து போரடுரன்னா...

கவுண்டமணி : டேய் டாக்கால்டி மண்டையா... உன் குருவி படத்தோட கதை என்னடா....

விஜய் : கடப்பால அடிமையாய் இருக்கிற மக்களுக்காக வில்லனை எதிர்த்து போரடுரன்னா...

கவுண்டமணி : இதுல என்னடா வித்தியாசம்....

விஜய் : ??????

கவுண்டமணி : டே டப்பா தலையா உன் வில்லு படத்தோட கதை என்னடா....

விஜய் : என்னோட அப்பாவ தீவிரவாதிகள் கொன்னுடரங்கனா அதுக்காக அவங்களை பழி வாங்கறேன்னா...

கவுண்டமணி : டே அப்ப ஆதி படத்தோட கதை என்னடா....

விஜய் : என்னோட குடும்பத்தையே சமுக விரோதிகள் கொன்னுடரங்கனா அதுக்காக அவங்களை பழி வாங்கறேன்னா...

கவுண்டமணி : இதுல என்னடா வித்தியாசம்....

விஜய் : ஆதில தலைல வெத்தல எச்சி துப்பி இருப்பானுங்கனா...

கவுண்டமணி : டே அத ஓன் மூஞ்சில துப்பி இருக்கனும் டா....ஆமா நீ எல்லா படத்தலையும் பிச்சகாரனா இருந்துகிட்டு பணக்கார பொண்ண லவ் பண்ற

விஜய் : அண்ணா எந்த படத்தனா சொல்லுரிங்க? சிவகாசியா திருமலையா இல்ல வில்லுவானா ?

கவுண்டமணி : இனிமேல் நான் சினிமா வே பாக்க போறதில்ல டா... ஐயோ ராமா என்ன இந்த மாதிரி படமெல்லாம் பாக்க வைக்குற?

நன்றி: முகப்புத்தக நண்பர்கள்...

கொள்ளையடிக்கும் தொ(ல்)லைக்காட்சிகள்

2011-10-04T07:04:00.000-07:00

அவர்களின் நோக்கம் என்ன? இதன் பின்புலம் என்ன?
கலைஞர் தொலைகாட்சி, ராஜ் டிவி, மற்றும் s.s மியூசிக் ஆகிய சேனல்களில் இரவு 10:30 மணிக்கு தொடங்குகிறது அந்த நிகழ்ச்சி.

பாதி ரஜினி முகத்தையும், பாதி கமல் முகத்தையும் ஒன்று சேர்த்து காட்டுகிறார்கள். அந்நிகழ்ச்சியின் தொகுப்பாளர் கேள்வி கேட்கிறார். 'திரையில் காட்டப்பட்டிருக்கிற இரு முன்னணி நட்ச்சத்திரங்கள் யார்?' என்பதுதான் அது.

இது போதாது என்று இந்த இரு நடிகர்களும் பதினாறு வயதினிலே படத்தில் இணைந்து நடித்த நடிகர்கள் என்ற க்ளூவை வேறு தருகிறார்.

உடனே, யாரோ ஒருவருக்கு லைன் (!) கிடைத்துவிட, அவர் 'கவுண்டமணியும் செந்திலும்' என பதில் சொல்கிறார்.ரஜினியையும், கமலையும் பார்ப்பதற்கு கவுண்டமணியும் செந்திலும் போலவா இருக்கிறார்கள்? என்ன கூத்து இது?

தினமும் இரவு 10:30 மணிக்கு தொடங்கும் இந்த நிகழ்ச்சி நள்ளிரவு 12 மணிக்கு முடிவடைகிறது. பரிசுத் தொகையோ ரூ.55,000. என்ன நிகழ்ச்சி இது? ஏன் இவர்கள் இந்தப்பணத்தை நமக்குத் தருவதாய் சொல்கிறார்கள்? உண்மையிலேயே கொடுக்கிறார்களா? அவர்களின் நோக்கம் என்ன? இதன் பின்புலம் என்ன? என்பதை விசாரித்தால் சில திடுக்கிடும் உண்மைகள் கிடைத்தன.

இந்த நிகழ்ச்சிகளில். திரையில் காட்டப்படும் உருவங்கள் இலகுவில் கண்டுபிடிக்கக் கூடியதாகவும், உருவங்கள் குறித்து கேட்கப்படும் கேள்விகளும் மிக எளிதானதாகவுமே அமைகின்றன. அதற்குக் காரணம், பார்ப்பவர்கள் உடனே அதற்கான பதிலை தெரிவித்து பரிசைப் பெற்றுவிட வேண்டும் என்ற உந்துதலை ஏற்படுத்துவதுதான்.

திரையின் மூலையில் மின்னும் தொலைபேசி என், உண்மையில் தொலைபேசி எண் அல்ல. அது ஒரு சர்வர். தமிழகம் முழுவதும் எத்தனை ஆயிரம் பேர் ஃபோன் செய்தாலும் அவர்களை வெயிட்டிங் லிஸ்டில் காக்க வைத்து கால் பேலன்சை அபகரித்துவிடும். ( ஒரு அழைப்புக்கு பத்து ரூபாய்) ஒன்றரை மணிநேரம் நடக்கும் இந்த ஏமாற்றுப் போட்டியில் உலகெல்லாம் உள்ள மக்கள், குறிப்பாக தமிழர்களே ஏமாந்து கொண்டிருக்கிறார்கள்.

இந்த நிகழ்ச்சியிலிருந்து நாம் அறிய வேண்டிய உண்மைகள் சில:

1.இந்த நிகழ்ச்சியில் வெயிட்டிங் லிஸ்டில் இருப்பவர்கள்தான் பொதுமக்கள். பேசுபவர்கள் உண்மையில் ஸ்டுடியோவில் வேலை செய்பவர்கள். பேசுபவரின் செல்போன் நம்பர், ஊர் பெயர் திரையில் காட்டப்படுவது இல்லை. வேண்டுமென்றே தவறான பதிலை சொல்லிக் கொண்டிருப்பதுதான் இவர்கள் பணி.

2. ஒவ்வொரு நாளும் கடைசியில் ஒரே ஒருவர் மூலமாக (அதுவும் ஸ்டுடியோ ஆள்தான் ) நிகழ்ச்சி முடியும் கடைசி நேரத்தில்தான் சரியான பதில் சொல்லப்படுகிறது.இதிலிருந்தே சேனல்கள் திட்டமிட்டு ஏமாற்றுகின்றன என்பதை அறியலாம்.

3.கால் வெயிட்டிங்கிற்குப் பதில், நம்பர் பிசி என்று பதில் வந்தால் கூட நமது பேலன்ஸ் தப்பிக்கும். ஆனால், கால் வெயிட்டிங் ஆப்ஷனில் அனைவரின் பணத்தையும்

பறிப்பதுதான் இவர்களின் நோக்கம்.

4.நாம் நினைப்பது போல் இது நேரலை நிகழ்ச்சி அல்ல. இது முன்பே பதிவு செய்யப்பட நிகழ்க்சி. அதாவது பிணத்துக்கு அறுவை சிகிச்சை.

5.இதை தன்னுடைய சொந்த நிகழ்ச்சியாக தயாரிக்காமல், வேறு ஒரு நிறுவனத்திடம்

இந்த நிகழ்ச்சியை ஒப்படைத்துவிட்டு தப்பித்துக் கொள்கின்றன டி.வி. சேனல்கள்.

இவர்கள் அடிக்கும் கூட்டுக் கொள்ளைக்கு நாட்டின் அனைத்து தொலைத்தொடர்பு நிறுவனங்களும் உடந்தை.

இதைப் படித்தபிறகாவது, இம்மாதிரியான நிகழ்ச்சிகளை பார்ப்பதைத் தவிருங்கள். உங்களுக்குத் தெரிந்தவர்களிடம் சொல்லுங்கள். நமது பர்சுகளை வேட்டையாடும் இந்த வேட்டை நாய்களுக்கு வேட்டு வையுங்கள்.

நன்றி--சண்முக சுந்தரம் (முகப்புத்தகம்)

செவிக்கினிய செப்டம்பர் - இசை திருவிழா

2011-09-21T14:01:00.000-07:00

இந்த மாதம் முழுதும் படங்களை விட பாடல்கள் தான் அதிக ஆதிக்கம் செலுத்தி வருகின்றன...திரையரங்குகளில் வெற்றிகரமாக ஓடிக்கொண்டிருக்கும் மங்காத்தா பாடல்கள், படத்தின் வெற்றியில் ஒரு முக்கிய பங்கு என்பதில் சந்தேகமில்லை....

"மச்சி ஓபன் த பாட்டில், விளையாடு மங்காத்தா" இதை சூரியன் எப்.எம் இல் போட்டே இன்னும் ஒட்டியிருக்கலாம்...

ஆனால் அதற்குள் பிரபு தேவா இயக்கத்தில் விஷால்,சமீரா ரெட்டி நடிப்பில் வெளிவரவிருக்கும் "வெடி" படத்தை வாங்கி விட்டது...இப்போது அதன் பாடல்களே ஒலித்துகொண்டிருக்கின்றன... அடுத்த படம் எப்ப சிக்க போகுதோ அது வரை நம்மள விடமாட்டாங்க....

விஜய் ஆண்டனி இசையில் பாடல்கள் கேட்கும் ரகம்...அதிலும் "என்ன ஆச்சு" மற்றும் "இப்படி மழை அடித்தால்" பாடல்கள் செம கியூட் ... "நான் பாம்பே பொண்ணு பாடல்" ஹிந்தி "ஓம்காரா" படத்தின் பாடலை நினைவூட்டுகிறது...

அதற்கு முன்னாலே விஜயின் "வேலாயுதம்" பாடல்கள் நல்ல பீக்கில் ஓடிக்கொண்டிருக்கிறது... படத்தை காப்பி அடிப்பது மாறி இப்போது வீடியோ கேம்களை காப்பி அடிக்க துவங்கி விட்டார்கள்... இப்படி ஒரு புது ட்ரெண்டை தமிழுக்கு கொண்டு வந்த பெருமை இயக்குனர் ராஜாவையே சேரும்...

அவர் அப்படி என்றால் இளைய தளபதியோ "ரத்ததின் ரத்தமே,உயிரே உயிர் துடிப்பே, கிட்னியே, கல்லீரலே" என ஓபனிங் சாங் பாடுகிறார்...

இதில் "நீங்க ரொம்ப நாள் நல்லா இருக்கணும் நு எல்லாம் லைன் வச்சிருக்காங்க..." அதை விட "சொன்னா புரியாது சொல்லுக்குள் அடங்காது நீங்க வச்ச பாசம்" நு கேமராவை பார்த்து ஓர் பாடல் வேறு... மக்கள் ரொம்ப பாவம் சார்.... எத்தனை நாள் தான் குழந்தையை கையில் வச்சிகிட்டு, ஆயாக்களை கட்டிப்புடிச்சிட்டு நாட்டுக்காக பீல் பண்ண போறீங்க????

பாஸ், இந்த "சுறா, வில்லு, குருவி, ஆதி, அழகிய தமிழ் மகன், வேட்டைக்காரன்" இந்த படம் எல்லாம் நினைவிருக்கா???

வரலாறு மிக முக்கியம் அமைச்சரே!!!!

எப்படியோ "சிலாக்ஸ்" பாடல் விஜய் ரசிகர்களிடையே சரவெடி போட்டுக்கொண்டிருக்கிறது...அடுத்து நண்பன் வேறு...ஹ்ம்ம்... கிளப்புங்க....

அதற்கு பக்கத்திலேயே சைலண்டாக ஒலிக்கிறது "களவாணி" சற்குணம் இயக்கத்தில் விமல் நடிப்பில் "வாகை சூடவா" படத்தின் பாடல்கள்...

இசை கிப்ரான்... பாடல்கள் அருமை... முக்கியமாக "சர சர சார காத்து' பாடல் தான்... போஸ்டரை பார்த்தால் 1947 காலத்திய படம் போல தெரிகிறது...

ரொம்ப நாளாய் இப்போ வரும் அப்போ வரும் என எதிர்பார்த்திருந்த செல்வராகவனின் "மயக்கம் என்ன" பாடல்கள் ஒரு வழியாய் வெளி வந்து விட்டன... சரி எப்பவும் நா.முத்துக்குமார் தானே எழுதி இருப்பாரு... இந்த முறை எத்தனை பாட்டு எழுதினாருனு பாத்தா செம ஷாக்... எல்லா பாட்டும் அண்ணன்,தம்பி ரெண்டு பெரும் மாறி மாறி எழுதி இருக்கிறாங்க...இசை ஜி.வி பிரகாஷ்....

தனுஷ் இரண்டு பாடல் (அதில் "காதல் என் காதல்" பாடல் செல்வராகவனுடன்) பாடியுள்ளார்... "ஓட ஓட" பாடல் வரிகள் கண்டிப்பாக கொஞ்ச நாளைக்கு டீன் ஏஜ் பசங்க வாயில் மாட்டி தினம் தினம் சாகும்...

தெய்வ திருமகனுக்கு பிறகு ஜி.வி க்கு ஒரு நல்ல கியர்...

("ஜி.வி.பிரகாஷ் அண்ணன் அவர்களுக்கு ஒரு பணிவான வேண்டுகோள்...ஏதேதோ மொழி பாடலில் இருந்து உருவுறீங்க...ஆனா யாரும் கண்டு புடிக்க முடியாத மாதிரி உருவுங்க...அப்டியே உருவினாலும் கொஞ்சம் உருட்டி பிரட்டி டோனை மாத்துங்க...ஆயிரத்தில் ஒருவன் படத்தில் நீங்க சுட்ட "TROY,300..etc" படத்தின் பின்னணி இசை எங்களுக்கு நல்லாவே தெரியும்...

ஏற்கனவே இந்த பிரச்சனையில் உங்களை இரண்டு படத்தில் இருந்து தூக்கி விட்டதா சொல்றாங்க... தெய்வ திருமகன் படத்தில் ஒரு பாடலை ஆங்கில கார்டூன் படத்தில் இருந்தும், ஆடுகளம் படத்தின் ஒரு பாடலை ஹாலிவுட்டில் இருந்தும் லவுட்டியதாக அமெரிக்காவில் இருக்கும் எங்க ரகசிய உளவாளிகள் சொல்லிப்புட்டாங்க...இதோ உங்கள் பார்வைக்காக யவர் ஆனர்...

அதனால தான் விஜயும் செல்வராகவனும் அடுத்த படத்திற்கு ஹாரிஸ் ஜெயராஜை சந்தித்திருப்பதாக ஒரு உள் குத்தும் உண்டு... ஆனால் வேறு மொழியில் இருந்து உருட்டி போடும் திறமைமிகு இசையமைப்பாளர் பட்டியலில் முதல் இடத்தில் இருப்பதே அவர் தானே... எனவே கவலைப்படாதீங்கோ... பெட்டர் லக் நெக்ஸ்ட் டைம்... இதெல்லாம் நமக்குள்ளயே இருக்கட்டும்...")

அய்யய்யோ எல்லாரும் பாத்துட்டீங்களா??? ஷ்ஷ்ஷ்ஷ்.. பப்ளிக் பப்ளிக்...

இப்போது மிச்சம் இருப்பது முருகதாஸ் இயக்கதில் சூர்யாவின் ஏழாம் அறிவு பாடல்களே...இசையமைப்பாளர் ஏற்கனவே "YOUTUBE" இல் "COPYCAT" நம்பர் ஒன்...எப்போதும் ரெண்டு ஆங்கில பாடல், ரெண்டு பிரெஞ்சு பாடல், ரெண்டு சைனீஸ் பாடல் நு உருவி போட்டு விடுவார்... இந்த படத்தில் ஒரு சீன பாடல் வேறு உள்ளது... பாத்து பாஸ்... குரோசிங் டைகர்,ஷாங்காய் நூன் எல்லாமே நாங்க பாத்துட்டோம்... கொஞ்சம் உஷாரு...

வேறு மொழி பாடல் என்றவுடன் "YOUTUBE" இல் சில பாடல்களை தேடும் பொது சிக்கிய இந்த அரேபிய பாடல் நினைவுக்கு வந்தது... இதோ உங்களுக்காக...

இதையாச்சும் விட்டு வைங்க சொந்தமா யோசிக்கும்(?!?!?!?) இ(ம்)சையமைப்பர்களே...

அட சொல்ல மறந்துட்டேன்... கோ, வெப்பம், வந்தான் வென்றான், எங்கேயும் எப்போதும் என இரண்டு நாயகர்கள் வரிசையில் இப்போது வர உள்ளது சேரனும் பிரசன்னாவும் இணையும் "முரண்" திரைப்படம்...இயக்குனர் ராஜன் மாதவ்... இசை சஜன் மாதவ்...பாடல்கள் கேட்கும் ரகம்... மறக்காம கேட்ருங்கோ...

எதிரியை நண்பனாக்கும் அஜித்...தல போல வருமா!!!!!

2011-09-18T10:22:00.000-07:00

ஏ.எம்.ரத்னம், அஜித்துக்கு சுமார் பதினைந்து கோடி கொடுத்திருக்கிறார் என கிசுகிசுக்கிறது கோடம்பாக்கம். ஆனால் பணம் கைமாறவில்லை. வெறும் வார்த்தையளவில்தான் இருக்கிறது இந்த விவகாரம் என்றும் தகவல் வருகிறது.

பல வருடங்களுக்கு முன் நடந்தபெப்ஸி படைப்பாளிகள் பிரச்சினையில் அஜித் பெப்ஸி தொழிலாளர்களுக்கு ஆதரவாக நின்றார். ஆனால் ஏ.எம்.ரத்னம் படைப்பாளிகள் பக்கம். இந்த நேரத்தில் ரத்னம் அஜித்தை வைத்து படம் எடுப்பதாக இருந்தது. பெரும் தொகை ஒன்றை முற்பணமாகவும் கொடுத்திருந்தார். அஜித் எதிரணிக்கு ஆதரவாக நின்றதில் கடுப்பான ரத்னம், நாளை விடிவதற்குள் ரூபாயை எண்ணி மேசையில் வைத்தால் சரி, இல்லையென்றால் நடப்பதே வேறு என்று கூறிவிட்டார்.

கோபத்தின் உச்சிக்கே சென்றார் தல. விடிவதற்குள் பணம் புரட்டலாம் என்றால், அன்றைய திகதியில் அவர் இவ்வளவு பெரிய ஸ்டாரும் இல்லை. எப்படியோ விடிய விடிய அலைந்து போராடி பணத்தை புரட்டிய அஜித், அதை திருப்பி கொடுத்துவிட்டு தன் கொள்கையில் உறுதியாக நின்றார். அதன்பின் அஜித்தின் உயரம் திரையுலகமே அண்ணாந்து பார்க்கிற அளவுக்கு உயர்ந்தது. யாருக்கு வேண்டுமானாலும் கோல்ஷீட் தருவேன். ஆனால் ஏ.எம்.ரத்னம் கம்பெனிக்கு மட்டும் கிடையவே கிடையாது என்றார் தல.

பதிலுக்கு அவரை நம்பி நான் இல்லை என்றார் ரத்னம். ஆனால் காலத்தின் கட்டளைக்கு கருங்கற்கள் கூட புழுதியாக மாறுவதை பார்த்துக் கொண்டுதானே இருக்கிறோம்...

அஜித்தோ, விஜய்யோ(யோகன் அத்தியாம் ஒன்று திரைப்படத்தை முதலில் ஏ.எம். ரத்னம்தான் தயாரிப்பதாக இருந்தது ஆனால் இடையில் புகுந்து குட்டையை குழப்பிவிட்டார் கௌதம் மேனன்.) கைகொடுத்தால்தான் பழைய படி நிமிர முடியும் என்ற நிலையில் இருக்கிறார் ஏ.எம்.ரத்னம். இந்த நேரத்தில்தான் தானே அழைத்து இந்த வாய்ப்பை கொடுத்தாராம் அஜித்.

இதைத் தொடர்ந்து தற்போது ஏ.எம். ரத்னம் தயாரிக்கவுள்ள இந்தப் படம் விஷ்ணுவர்தனுக்கா அல்லது இயக்குநர் விஜய்க்கா என்ற கேள்வி எழுந்துள்ளது.

எப்படியும் வரும் வாரத்தில் இதை தெளிவாக்கிவிடுவார் 'தல' என்கிறது தயாரிப்பாளர் தரப்பு!

தல தல தாம்பா... தல போல வருமா!!!!!

நன்றி--தமிழ் கிரியேஷன்...

ராகிணி எம்.எம்.எஸ் (RAAGINI MMS) (A) - விமர்சனம்...

2011-09-12T12:32:00.000-07:00

பதிமூனாம் நம்பர் வீடு, ஜென்மம் எக்ஸ், யாவரும் நலம் வரிசையில் ஒரு நல்ல திகில் பேய் படம் ராகிணி எம்.எம்.எஸ்....முன்னரே சொல்லி விடுகிறேன் வீட்டில் அம்மா அப்பா இருக்கும் பொது இந்த படத்தை பார்த்து விடாதீர்கள்... செருப்படி நிச்சயம் உண்டு...

எனவே இப்படம் தனியாக அல்லது நண்பர்களுடனோ தான் பார்த்தாக வேண்டும்..அப்படி உள்ளன காட்சிகள்...சரி படத்திற்கு வருவோம்...

நகரத்தில் இருந்து தனக்கு தெரிந்தவரின் பங்களாவிற்கு வார இறுதியில் தனது காதலியை டேட்டிங் க்கு அழைத்து செல்கிறான்... ஒரு கிராமத்தை தாண்டி ஒரு காட்டுக்கு நடுவில் இருண்டு கிடக்கிறது அந்த பங்களா... கொஞ்சம் தூரம் தாண்டி வண்டியை நிறுத்தி விட்டு நடந்து தான் செல்ல வேண்டும்...

ஒரு வழியாக மூன்று மணி நேரம் பயண களைப்பிற்கு பின்னர் பங்களாவிற்கு வருகின்றனர்...கதவை திறந்து லைட்டை தேடும் போதே காதலி தனது லீலையை தொடங்குகிறாள்... நாயகனோ அவசரம் வேண்டாம் என தடுக்கும் பொது பின்னால் வைத்த கவர் தானாக பிரிகிறது... அங்கே இருந்து ஆரம்பிக்கிறது திகில்...

அவள் குளிக்க செல்லும் பொது அவனும் பின்னால் துரத்த கதவை சாத்திக்கொள்கிறாள்... கதவை வேகமாக இழுக்க, "சும்மா இரு டா என கத்துகிறாள் "... ஆனால் அந்த பக்கம் யாருமே இல்லை...வெறும் கதவே தட்டுகிறது...இப்படி அடுக்கடுக்காக திகில் மூட்டை ஏறும் நொடியில்...

டக்கென நாயகியின் தோழியின் ஜோடி வந்து இவர்கள் வேலைக்கு பல்ப்பு கொடுக்கிறது.. எப்படா போய் தொலைப்பாங்க என நொந்து போய் இருக்கும் பொது பாத்ரூம் சென்ற நண்பன் ரத்தத்துடன் வந்து இங்கு ஏற்கனவே இறந்த ஒரு பெண்ணின் ஆவி இருப்பதாக கூறி அவனது காதலியை கூட்டி சென்று விடுகிறான்...

"அவன் கிடக்கிறான் லூசு பய நீ வாடி செல்லம்" நு வந்த வேலையை தொடங்க முற்படும் பொது பின்னால் இருந்து இழுக்கிறது ஆவி... திரும்பி பயப்பட அப்போது தான் உணர்கிறான்...அவள் கைகளோ கட்டப்பட, அப்படியே விட்டு விட்டு தப்பிக்க முயல்கிறான்.. ரத்தத்துடன் திரும்பி வந்து அழுகிறான்... திடீரென அவன் குரல் மாறுகிறது... தன்னை தானே குத்திக் கொள்கிறான்... சாவி இல்லாமல் தப்பிக்க முடியாமல் திண்டாடுகிறாள்... வேறு வழி இன்றி தன் கையை கிழித்து தப்பிக்க முற்படுகிறாள்...

அப்போதும் விடாது கருப்பாய் துரத்துகிறது ஆவி... அவளின் அலறல் கேட்டு காப்பாற்ற வந்த இருவரையும் கொன்று விடுகிறது... அந்த கேப்பில் நாயகி தப்பிக்க முயல தூரத்தில் அவள் தோழி வந்த கார் தெரிகிறது..அதில் ஒரு பிணம் கிடக்கிறது... கார் ஸ்டார்ட் ஆகவும் மறுக்கிறது... பின் ஒரு சிறு குழியில் பதுங்கிக்கொள்ள அங்கே அவள் தோழியின் உடல் கிடக்கிறது...

டக்கென திரும்பி பார்த்தால் அந்த ஆவியின் முகம் க்ளோசப்பில்... யப்பா... (அதென்ன ஐஸ்வர்யா ராயா இப்படி க்ளோஸ் அப் ல காட்ட?)
தர தர வென அவளை பங்களாவிற்கு இழுத்து செல்கிறது.. சிறிது நேரம் கழித்து பார்த்தால் அவள் அருகில் உட்கார்ந்து "நான் அந்த குழந்தையை கொல்லவில்லை..இது ஏன் வீடு...இதை விட்டு நான் போக மாட்டேன்...யாரையும் வெளியே போகவும் விட மாட்டேன்" என டைலாக் பேசுகிறது...அவளின் உடலுக்குள் புகுந்து தற்கொலை செய்ய வைக்கிறது...அவளோ மறுக்க, கன்னத்தில் அறைகிறது... வெய்யில் வர, மறைகிறது...

அதன் பிறகு சில நாட்கள் கழித்து அவளை மன நலம் சரி இல்லாத நிலையில் கண்டெடுத்து ஆறு மாத காலம் சிகிச்சைக்கு பிறகு பழைய மன நிலைக்கு வந்ததும் இந்த கதையெல்லாம் சொல்கிறாள்...

இது உண்மையாக நடந்ததாக சொன்னாலும் இது எந்த அளவுக்கு உண்மை என தெரியவில்லை... மேலும் நாயகனை அந்த ஆவி கொன்றது என்னை கேட்டால் தவறில்லை என்றே கூறுவேன்...தான் ஹீரோ ஆக வேண்டும் என்பதற்காக தன் காதலியுடன் உடலுறவு வைத்ததை படம் பிடிக்க தயாரானவனுக்கு இது ஏற்ற தண்டனை தான்...

தனியா பார்த்து தூக்கத்த விட்டால் என் மேல பலி போடாதீங்க...

மொத்தத்தில் ராகிணி எம்.எம்.எஸ். ஒரு கில்மா ப்ளஸ் டெரர்....

சொகுசுப்பயணம்

2011-09-08T10:22:00.000-07:00

"பயணிகளின் நண்பன்" என்ற போர்டு பேருந்துகளில் நீங்கள் அதிகம் பார்க்கலாம்...ஆனால் நண்பனே சில நேரங்களில்எதிரி ஆகும்தருணமும் உண்டு... அது தான் இந்த அலுவலக நேரம்... காலை7.30 மணிமுதல் 10 மணி மற்றும் மாலை 4 மணி முதல் இரவு 8 மணி ... இந்த நேரத்தில் நீங்கள் எந்த கூட்டமும் இன்றி நிம்மதியாக போனீர்கள் என்றால் நீங்கள் உண்மையிலேயே அதிஷ்டக்காரர் தான்... அந்த அளவுக்கு கூட்டம் நிரம்பி வழியும்... இதில், ஒரு சில எரியாக்களுக்கு மிக குறைந்த பேருந்துகளே என்ற நிலையில் யோசித்து பாருங்கள்...கீழே உள்ள படத்தில் உள்ளது போல தான் இருக்கும்...

சில நாட்கள் முன்பு வடபழனியில் இருந்து பெசன்ட் நகர் செல்லும் பேருந்தில் ஏறினேன்... வடபழனி டிப்போவிலேயே நிற்க முடியாத அளவுக்கு கூட்டம்... ட்ராப்பிக்கில் வேறு அங்கங்கு ஆட்கள் ஏற, கே கே நகர் செல்லும் போதே முழுதும் நிரம்பி வழிய ஆரம்பித்தது... அங்கங்கே நிறுத்தங்கள்... அடுத்து காலை கூட தரையில் வைக்க முடியாத நிலை...கூன் விழுந்த கிழவன் போல திரும்பி ஜன்னல் பக்கம் நின்று செல்ல வேண்டிய நிலை...

இது பத்தாமல் பள்ளி மற்றும் கல்லூரி மாணவிகள் வேறு ஏறி விட அவர்களின் நிலையை பார்த்து பரிதாப படுவதை தவிர வேறு வழி இல்லை... அங்கே இங்கே என சுற்றி அசோக் பில்லர் தொடும் பொது கிட்டத்தட்ட அரை மணி நேரம் தாண்டி விட்டது... இந்த நிலை தான் இப்படி என்றால் கண்டக்டரின் நிலை இன்னும் அதோ கதி தான்...

இது போன்ற நேரங்களில் எட்டு ருபாய் டிக்கெட்டுக்கு பத்து ரூபாய் கொடுத்தால் மிச்சம் காந்தி கணக்கு தான்...அசோக் பில்லரில் ஏறியவர்கள்கூறியதேன்னவேன்றால் "இங்கிருந்து பெசன்ட் நகர் செல்ல இந்த என் பேருந்துகள் மட்டுமே...அரை மணி நேரமாக இந்த பேருந்திற்காக காத்திருக்கிறோம்...சைதாப்பேட்டை வந்துவிட்டால் கூட்டம் கொஞ்சம் குறைந்து விடும்"...

அசோக் நகரில் இருந்து மேற்கு மாம்பலம் வழியாக சி.ஐ.டி நகர் வந்து உஸ்மான் சாலை வழியாக அண்ணா சாலையை தொட்டது... அப்புறம் எப்போதும் போல அங்கங்கு சிக்னலில் ஒவோருவராக கழன்று கொண்டிருக்க, அவர்களை திட்டி தீர்த்து விட்டார்கள் அம்மணிகள் "இடிக்குரதுக்குன்னே வரானுங்க சனியன் புடிச்சவனுங்க ..... etc" இவங்களுக்கெல்லாம் அறிவே இல்லைங்க ன்னு ஒத்து ஊதிக்கொண்டே அடுத்த சைதாபேட்டை சிக்னலில் இறங்கி விட்டேன்... அதன் பிறகு தான் நிம்மதியாக கொஞ்சம் மூச்சு விட விட முடிந்தது...

ஏற்கனவே அதிகமாக பேருந்துகளை விட்டிருகிரார்கள்... அப்புறம் ஏன் இப்படி என யோசித்தால் ஒரே பதில் தான்.... எத்தனை பஸ் டிப்போவிர்க்கு போனாலும் குறிப்பிட்ட பஸ் தான் வெளியே வருகிறது...சரியான நேரத்தில் அதிகமான பேருந்துகளை குறிப்பிட்ட சாலைகளில் (முக்கியமாக 18K செல்லும் மேற்கு சைதாபேட்டை,பெசன்ட் நகர் செல்லும் 5E சாலைகளில்) கொண்டுவந்தால் நன்றாக இருக்கும்....

டல் அடித்த தீபாவளி

2010-11-10T12:30:00.000-08:00

பொதுவாக தீபாவளியன்று பெரிய ஹீரோக்களின் படங்கள் வெளிவரும்...சொந்த ஊருக்கு செல்பவர்கள் காலை எண்ணெய் தேய்த்து குளித்து புது ஆடைகள் உடுத்தி பட்டாசுகள் வெடித்த பின் காலை உணவை முடித்து விட்டு செய்யும் முதல் காரியம் நரபர்களுக்கு போன் செய்து எந்த அரங்கில் எந்த படம் என்பது தான்...சிலர் முந்தைய நாளே விசாரித்து வைத்துகொள்வார்கள்...

உடனே வண்டியை எடுத்துக்கொண்டு திரை அரங்கிருக்கு செல்வோம்...அங்கே நமக்கு முன்னாலே நண்பர்கள் கைகளில் டிக்கெட்டுடன் நின்று கொண்டிருப்பார்கள்...ஆனால் இப்போது தலைகீழாகிவிட்டது...இந்த முறை நண்பர்களுக்கு போன் செய்தால் "போடா மச்சான் பெருசா எந்த படமும் வரல டா...வந்ததும் மொக்க டா " என்று புலம்புகிறார்கள்...

சென்ற தீபாவளி அன்று நிரம்பும் கூட்டம் கூட இந்த முறை இல்லை...
இந்த தீபாவளிக்கு திரைக்கு வந்த படங்கள் :

1.வ - குவாட்டர் கட்டிங்
2.உத்தம புத்திரன்
3.வல்லக்கோட்டை
4.மைனா

வெளிவந்த படங்களில் திரையில் நல்ல ஓட்டம் காண்பிப்பது பிரபு சாலமனின் "மைனா" மட்டுமே...மற்ற படங்கள் எல்லாமே சுமார் ரகமே...

(ஏற்கனவே மைனா விமர்சனம் பதித்துவிட்டேன்...கீழ் இடுக்கையில் பார்க்கவும்)

"வ" - பாடல்கள்,விளம்பரம் என பெரிய எதிர்பார்ப்பை ஏற்படுத்தி அதை திரையில் தக்க வைத்துக்கொள்ள தவறி விட்டது...திரைக்கதையில் அப்படி ஒரு சொதப்பல்...

பல இடங்களில் கதை எங்கு செல்கிறது எதற்கு செல்கிறது என இயக்குனருக்கு தெரியவில்லை போல ...நிரவ் ஷாவின் கேமிரா,ஆண்டனியின் எடிட்டிங்,ஜி.வி.பிரகாஷின் இசை என நல்ல டீமை வைத்துக்கொண்டு சொதப்புவது தான் மனதுக்கு வருத்தமாக உள்ளது...

"உத்தம புத்திரன்" - விஜய் ஆண்டனி இசை மட்டுமே பலம்...ஆனால் "யாரடி நீ மோகினி,குட்டி" தந்த மித்திரன் ஜவகர் இந்த முறை திரைக்கதையில் தவற விட்டு விட்டு விட்டார்...கதையை பார்த்தால் நான்கைந்து விக்ரமன் படங்களின் கலவை போலவே உள்ளது...

பல இடங்களில் சொதப்பல்... "செதுக்கி எடுத்த சிலைய " பாடல் கேட்கும் பொது இருந்த விறுவிறுப்பு திரையில் சொம்பேறியாகிவிட்டது...

வல்லக்கோட்டை - அர்ஜூன் படத்தில் பெரிதாக என்ன கதை இருக்க போகிறது???ஒண்ணா நாட்டுக்காக சண்டை,இல்லை நண்பனுக்காக சண்டை...மொத்தத்தில் சண்டை மட்டும் இருந்தால் போதும்...சார் கொஞ்சம் வெரைட்டி ரோல் பண்ணுங்க...இப்படி பார்த்து பார்த்தே போர் அடிக்குது...நீங்க ஆக்சன் கிங் தான்...அதுக்காக 24 மணி நேரமும் சண்டை போடலாமா???

கஞ்சா கருப்பு சத்யன் ஷகிலா(மேடம்) என இருந்தும் சிரிப்பு தான் வரவே மாட்டேன் என்கிறது....

மொத்தத்தில் "மைனா" வால் இந்த தீபாவளியில் ஓரளவு சந்தோஷப்பட்டுக் கொள்ளலாம்...

மைனா - விமர்சனம்

2010-11-09T11:38:00.000-08:00

இதெல்லாம் ஏன்பா ரிலீஸ் ஆச்சுனு யோசிக்கும் படங்களுக்கு இடையில் ,பெரிய ஹீரோ ஹீரோயின் இல்லாமாமல் கதையை மட்டும் வைத்து இயக்கப்படும் படங்கள் சமீப காலங்களில் நல்ல வரவேற்ப்பை பெற்று வருகிறது...

அந்த வகையில் இப்போது சேர்ந்திருப்பது மைனா...

நாயகன் விதார்த் "தொட்டுப்பார்" படத்தில் தொடாத நாயகன் இதில் செம டச்...நாயகி அமலா பால். "சிந்து சமவெளி" பார்த்தவர்கள் யாரும் இவரை அவ்ளோ சீக்கிரம் மறக்க மாட்டாங்க... ;) (நான் படத்தை மட்டும் தான் சொன்னேன்.தப்பா நெனசுக்காதீங்க)

தீபாவளிக்கு முந்தைய தினத்தில் இருந்து நகர்கிறது கதை...15 நாள் ரிமாண்டில் வைக்கப்படும் நாயகன் ஒரு நாள் முன்னதாகவே தப்பிக்கிறான்...

தலை தீபாவளிக்காக தயாராகும் போலீஸ்கும்பல் இவனால் பிரச்சனையில் சிக்க,அவனை தேடி ஊருக்கு செல்கிறார்கள் சேதுவும் ராமையாவும்...அந்த நேரத்தில் மைனாவுக்கு கல்யாணம் முடிவு செய்ய அடிதடியில் அவனை பிடித்து மீண்டும் திரும்பி ஜெயில் வரும் வரை நடக்கும் விஷயங்கள் தான் இப்படத்தின் கதை...

நாயகி மைனாவும் நாயகன் சுருளியும் சிறு வயதில் இருந்தே ஒன்றாய் திரிபவர்கள்...நாயகியும் அவளது அம்மாவும் நாடு தெருவில் நிற்கும் பொது உதவுகிறான்...நாயகி நன்றாய் படிக்கிறாள்...மற்ற படத்தில் வருவது போலவே நம்ம நாயகனுக்கும் படிப்பு பெரிதாய் ஏறவில்லை....எனவே வேலைக்கு செல்கிறான்...காலம் நகர நாயகி பூப்படைந்த பின் வேறு ஒருவனுக்கு திருமணம் நிச்சயம் செய்கிறாள் மைனாவின் அம்மா இதனால் சண்டை ஏற்ப்பட நாயகன் ரிமாண்ட் ஆகிறான்...

படத்தின் பாதி நேரம் இந்த நான்கு பேருடன் கரைகிறது...மேலும் அதிகமான கேரக்டர்கள்.ஆனால் பயன்படுத்தி இருக்கும் நேரம் கொஞ்சமே...மைனாவின் அம்மா,சுருளியின் சீட்டாடும் அப்பா,லுங்கிகட்டின பையன்,ராமையாவுடன் போனில் பேசும் முகம் கட்டாத மனைவி,ரியல் எஸ்டேட் நபர்,வணக்கம் வைக்கும் ஆசாமி,மூணார் ஹோட்டலில் மிரட்டும் நபர்,போலீசின் மனைவி என படி நீளுகிறது....

காமெடிக்கு பஞ்சமில்லை...தொடக்கத்தில் லுங்கி கட்டின சின்ன பையன் பேசும் பேச்சு அப்பப்பா....நாயகனும் ராமையாவும் செய்யும் அலும்பல்கள்...

நாயகி ஒரு பாட்டில் செட்டில் ஆனா எப்படி இருக்கும் என கேட்கும் பொது ஜட்டியை வைத்து விளக்கம் சொல்லும் போதும்,வழி சொல்கிறேன் பேர்வழி என்று வழி மாறி கூட்டி செல்லும் போதும்,லட்டுக்கு ஆசைப்பட்டு கோட்டை விடும் போதும்,இதற்கும் மேலாக மலையில் கவிழ்ந்த பேருந்து நடத்துனரிடம்,ஒருவர் மீதி சில்லறை கேட்க்கும் போதும் யப்பா முடியல டா சாமி...

படத்தில் முதலில் பாராட்டப்பட வேண்டியவர் கேமிரா மேன் சுகுமார்... மனுஷன் வெளுத்து கட்டியிருக்கிறார்...மூனாரின் அழகை கேமிராவில் கொட்டி தீர்த்திருக்கிறார்...முக்கியமாய் அந்த டாப் ஆங்கிள் ஷாட்..போதிய வெளிச்சத்தை மட்டும் வைத்து அதிகம் லைட் உபயோகம் இல்லாமல் எடுத்திருக்கும் விதம் நிச்சயம் பாராட்டத்தக்கது...

நாயகனின் உழைப்பு மைனாவை தூக்கிகொண்டு சுற்றும் போதும்,மைனா படிக்க சைக்கிள் லைட் சுற்றும் போதும்,மைனா வயது வந்ததும் ஒளிந்து பார்க்கும் தருணத்திலும் பாராட்டத்தக்கது...நாயகியும் தன் பங்கை தெளிவாக நிரப்பியுள்ளார்...ராமையா முதலில் குறிப்பிட்டது போலவே காமேடிக்கென முக்கியதுவமாய் செர்க்கப்படிருக்கிறார் போல..ஆனால் இறுதியில் பேருந்தில் காப்பாற்றிய பிறகு இணையும் தருணத்திலும் மனைவிக்கு போன் செய்து சுருளியிடம் பேச சொல்லும் தருணத்திலும்,குழந்தை இல்லை என சொல்லி அழும் காட்சியிலும் நெஞ்சில் ஸ்டூல் போட்டு நிற்கிறார்...இன்ஸ்பெக்டர் சேது நான்காம் ரேன்க் தான்...க்ளைமாக்சில் அதையும் நிரப்பி விடுகிறார்...அதுக்காகவே அவருக்கு சல்யூட் அடிக்கலாம்...

இமானின் இசையும் பின்னணி இசையும் அழகாய் செவிகளை நிரப்புகிறது...ஒவ்வொரு பாடலுக்கும் அவரில் உழைப்பு தெரிகிறது...முக்கியமாக ஜிங்கி ஜிங்கி மற்றும் கைய புடி பாடல்கள்...

குறைகள் உள்ளதா என்றால் உண்டு....
1.சிறு வயதில் காப்பாற்றி உதவும் நாயகன் மேல் மைனாவின் அம்மாவுக்கு எப்படி அன்பு இல்லாமல் போனது???
2.கதைக்கு காமெடி வேண்டும் என்பதற்காக ராமையாவை வடிவேலாக்கி கும்மியைப்பது ஏன்???
3.சிறு வயதில் இருந்தே ஜீப் ட்ரிப் அடிக்கும் நாயகனுக்கு தெரியாதா ஈசியான வழி???

இந்த குறைகள் படத்தை பெரிதும் பாதிக்க வில்லை என்று தான் சொல்ல வேண்டும்...படத்தின் ஒவ்வொரு FRAME லும் அனைவரின் உழைப்பும் தெரிகிறது...

கல்பாத்தி அகோரம் மற்றும் ரெட் ஜெயன்ட் மூவிஸை நிச்சயம் பாராட்ட வேண்டும்...இது போன்ற சிறிய படங்களை மார்கெட் செய்து விரைவில் மக்களுக்கு சென்றடைய இவர்கள் முக்கிய பங்கு வகித்துள்ளனர்...

பிரபு சாலமன் பற்றி சொல்லவே வேண்டாம்...கொக்கி,லீ,லாடம்,கிங் என அனைத்துமே சொல்லிக்கொள்ளும் விதம் தான்...முக்கியமாக கொக்கி படத்தின் சேசிங் காட்சிகள் யாரும் மறந்திருக்க மாடீர்கள்...நல்ல படத்தை கொடுத்திருக்கிறீர்கள் வாழ்த்துக்கள்....

"யாரு என்ன விமர்சனம் பன்றான்களோ,அதா பத்தி எனக்கு கவலை இல்லை...எனக்கு இந்த படம் பிடிச்சு இருக்கு" என்று கமல் சாரே சான்றிதழ் கொடுத்துட்டார்...இதுக்கு மேல என்ன வேணும்????

தீபாவளிக்கு வந்த படங்கள் ஏதும் பெரிதாக சோபிக்காத வேளையில்,மைனா மட்டும் ஆறுதல்...எனவே போட்டிக்கு ஆளில்லை...போட்டுத்தாக்கு மாப்ள...

மொத்தத்தில் : மைனா - அழகாய் பறக்கிறது....

குறிப்பு : படம் பார்த்து வெளி வரும் நேரத்தில் நாயகன் விதார்த் என்ட்ரி கொடுக்க கூட்டம்மொச்சிக்கொண்டது...பார்த்து விட்டு திரும்பினால் அருகில் நிரவ் ஷா மற்றும் களவாணி விமல்...அனைவரும் நல்ல ரிசல்ட் கொடுத்து விட்டு தான் சென்றார்கள்...

சென்னை FILM FESTIVAL

2010-10-31T13:40:00.000-07:00

சென்னை பிலிம் சேம்பர் மற்றும் செவன்த் சேனல் இணைந்து நடத்திய அக்டோபர் 28 முதல் 31 வரையிலான திரைதிருவிழா இனிதேநிறைவு பெற்றது.இத்திருவிழாவில் முழுமையாக என்னால் பங்களிப்பு கொள்ள முடியாதது சற்றே மனவருத்தம் தான்...எனினும் கோவா பிலிம் பெஸ்டிவல்,திருவனந்தபுரம் பிலிம் பெஸ்டிவல் ,சென்னை இன்டர்நேஷனல் பிலிம் பெஸ்டிவல் என அடுக்கடுக்காய் குவிந்து கிடப்பதால் விடு மச்சி பாத்துக்கலாம் என மனதை தேற்றிக்கொண்டேன்..

நான் பார்த்ததில் முக்கியமான படங்கள் இரண்டு...இப்படியுமா யோசிப்பாங்க என்று நம்மை என்னும் அளவு இருந்தன...

ஒன்று STRAYED மற்றொன்று POLYGAMY.

STRAYED :

இது ஒரு ரஷிய மொழிப்படம்...இயக்கியவர் "Akan Satayev".இப்படத்தில் மொத்த கதாபாத்திரமே மூன்று நபர்கள் தான்...நாயகன் வழி மாறி மனைவி மற்றும் குழந்தை யுடன் வேறு இடத்திற்கு செல்ல வண்டி பளுதாகிறது...இரவு முழுதும் அங்கேயே செல்ல காலையில் மனைவி,குழந்தை காணமல் போக,அதே சமயம் சற்று தூரத்தில் ஒரே ஒரு வீடு அதில் அப்பா மகள் என இருவர்.அவர்கள் உதவியுடன் இந்த இடத்தை விட்டு சென்றானா? குடும்பத்தை கண்டுபிடித்தானா என்பது தான் இந்த மூன்று பேருக்குள் நடக்கும் கதையான "STRAYED" படம்...

படத்தின் துவக்கம் முதல் இறுதி வரை கொஞ்சம் கூட விறுவிறுப்பு குறையாமல் நகர்த்தி சென்றிருக்கிறார் இயக்குனர்...ஒரு நொடி கூட போர் அடிக்கவில்லை...இங்கே தான் இயக்குனரின் Perfection தெளிவாக உள்ளது...

KhasanKydyraliev அவர்களின் கேமிரா,RenatGaissin அவர்களின் பின்னணி இசை கதைக்கு நச்சென பொருந்துகிறது...கதையுடன் விலகாமல் தெளிவாக நகர்வது அருமை....

எடிட்டிங் சொல்ல வேண்டிய அவசியமே இல்லை... கேமிரா,பின்னணி இசை பின்னிப்பினைய அதனுள் ஒரு கலவையாய் ஒவ்வொரு FRAME உம் தெளிவாக நகர்த்தி இருக்கிறார்...

கட்டாயம் எல்லோரும் பார்க்க வேண்டிய படம்...

POLYGAMY :

ஒரே மனைவியை பார்த்து போர் அடித்து விட்டது என்று நினைப்பவர்களுக்கு ஒவ்வொரு நாளும் வேறு ஒரு பெண்ணாய் மனைவி இருந்தால் எப்படி இருக்கும்????இது தான் PALYGAMY படத்தின் கதை....

கதையின்படி நாயகன் ஆண்ட்ராஸ் ஒரு எழுத்தாளன்.மனைவி லீலா டீச்சர்.காலங்கள் நகர திடீரென வேறு ஒரு பெண் வீட்டு வேலைகள் செய்துகொண்டு இருக்கிறாள்...நான் தான் லீலா என்கிறாள்...குழம்பி பொய் திருமண போட்டோ,வீடியோ எடுத்து பார்க்கிறான்... அதிலும் அதே போட்டோ இருக்க,இன்னும் குழம்பி தவிக்கிறான்...பிறகு இதையே தனக்கு சாதகமாக்கி தினம் தினம் ஒவ்வொரு பெண்ணுடன் குஜாலாக இருக்கிறான்...இறுதியில் இதற்கு என்ன தீர்வு என்பது தான் கதை...

திடீரென்று வேறொரு உருவத்தில் மனைவியை பார்த்து குழம்பி விழி பிதுங்கி நிற்கும் சமையத்தில் "நீ நடிகன் டா உனக்கு த்ரிஷா கிடைப்பாடா என்று நாமே டையலாக் பேசலாம்"...அப்படி ஒரு நடிப்பு...நாயகிக்கு நடிப்பு துவக்கத்திலும் இறுதியிலும் மட்டுமே எனினும் அதையும் செம்மையாய் பூர்த்தி செய்துவிட்டார்...

துவக்கம் முதல் இறுதி வரை நாயகனுக்கு அடுத்தபடியாக அவனது தோழன்...அவனுடன் சேர்ந்து அடிக்கும் டைமிங் காமெடிகள் மினி கவுண்டமணி செந்தில்.சில இடங்களில் காட்சி தொய்வுகள் இருந்தாலும் அதையெல்லாம் சரிகட்டி விட்டது கதை நகர்வு...

குறிப்பு : (இப்படி நமக்கும் நடந்தால் எப்படி இருக்கும் என்று திருமணம் ஆனவர்கள் எண்ணி பார்க்க வேண்டாம்...கிணத்துல குதிச்சாச்சு எந்த கிணத்தில் குதிச்சா என்ன???? :P )

இந்த பிலிம் பெஸ்டிவல் முடிவுக்கு வரவே, அடுத்து கோவா பிலிம் பெஸ்டிவல்க்கு தயாராகி வருகிறேன்...அதில் திரையிடும் படங்களின் விபரங்கள் விரைவில்...

சிலம்பம்

2010-10-18T09:29:00.000-07:00

தமிழர்களின் தற்காப்புக்கலை, வீரவிளையாட்டு, பெருமை "சிலம்பம்" உலகின் தலை சிறந்த தற்காப்புக்கலைகளில் ஒன்று, நம்மால் அந்த கலையை கத்துக்க முடியலாட்டினாலும்,ஏன் அந்த கலையின் வகைகள் , அருமை பெருமைகள தெரிஞ்சுக்ககூடாதுன்னு ஒரு ஆர்வம் வந்துடுச்சு.

எல்லாம் வல்ல நம் நண்பன் "கூகிள்" உதவியோட முடிஞ்ச அளவு தகவல்கள் திரட்டி இருக்கேன்.

சிலம்பம் எப்படி வந்துச்சு ? ஏன் வந்துச்சு ?

அந்த காலத்துல மலைவாழ் மக்கள் சிங்கம் புலி போன்ற மிருகங்களிடமிருந்து தங்களை காத்துக்கொள்ள கண்டுபிடிச்ச முறைதான் சிலம்பம்னு நாம இப்ப சொல்லுகிற கலை. அவங்க கையில் எப்போது இருக்க கூடிய சின்ன ஆயுதங்களான கம்பு, சிறு கத்தி, கோடரி போன்ற ஆயுதங்கள பயன்படுத்தி விலங்குகளிடம் இருந்து தற்காத்துக்கொள்ள தான் இந்த கலையை பயன்படுதியிருக்காங்க .

எப்பயுமே இந்த ஆயுத்தங்களை வச்சுக்கிட்டு இருக்கது எப்படி சாத்தியம் ஆகும்னு ஒரு கேள்வி இப்ப உங்க மனசுக்குள்ள வரலாம். அது சரியான கேள்வியே.

“சிலம்பக்கலையோட முக்கியமான பகுதி எந்த ஆயுதமுமே இல்லாமல் , கரங்களைக்கொண்டே தங்களை கொடிய மிருகங்களிடம் தற்காத்துக்கொள்வது.”

(மருதுபாண்டியர் ஒரு முறை வெறும் கரங்கலாலேயே புலி ஒன்றை சமாளித்து தப்பித்தார் என்று பாடநூல்களில் படித்தது ஞாபகம் வருகிறது)

சிலம்பக்கலையின் சிறப்புகளை அறிந்து கொண்ட முனிவர்கள் அதனை தமிழ்நாடு முழுவதும் பரப்பினர். அன்று முதல் சேர சோழ பாண்டிய மன்னர்கள் சிலம்பக்கலையை போற்றி வளர்த்தனர்.

அது சரி, அதென்ன பேரு "சிலம்பம்" ?

சிலம்பம் சுமார் 5000 ஆண்டுகள் பழமையானதாக கருதப்படுகிறது. 2500 ஆண்டுகளுக்கு முன் வாழ்ந்த அகத்திய முனிவர் 64 கலைகளில் ஒன்றாக சிலம்பத்தை குறிப்பிடுகிறார்.

சிலம்பம் என்ற பெயர் "சிலம்பு என்ற வார்த்தையில் இருந்து உருவானது. சிலம்பு என்பதற்கு ஒலித்தல் என்று பொருள். சிலம்பம் ஆடும் பொது உருவாகும் ஒலிகளை குறிக்கும் விதமாக சிலம்பம் என்ற பெயர் சூட்டபட்டதாக சொல்லபடுகிறது.

நம்மக்கு மட்டும் தெரிஞ்சா போதுமா ?

“இதில் வெறும் கரங்களை கொண்டு தற்காத்துகொள்ளும் கலைதான்,
பிறநாடுகள் வரை பரவி , அந்த நாடுகளில் மெருகேற்றபட்டு காரத்தே ஆனது என்று சொல்பவர்களும், அதன் காரணமாக தான் "கராத்தே" என்ற பெயர் கரம் என்ற பொருள் தருவதாக உள்ளது என்று வாதிடுவோரும் உள்ளனர்"

கராத்தே கலையின் முன்னோடி குங்பூ. இக்கலையை கி.பி.522ல் சீனா சென்ற பல்லவ இளவல் புத்திவர் மன், (போதி தர்மன்) புத்த துறவி களுக்கு கற்றுக் கொடுத்தார் . எனவே கராத்தே கலையின் முன்னோடி சிலம்பம் என்ற கருத்தும் உள்ளது.

சிலப்பதிகாரத்தில் சிலம்பம் ஆடுவதற்கான கம்பு,கத்தி போன்றவை ஒரு கடையில் விற்கடுபடுவதாகவும் அவற்றை வெளிநாட்டினர் மிக ஆர்வமுடன் வாங்கி செல்வதாகவும் குறிப்பு ஒன்று உள்ளது.

பிரிட்டனில் உள்ள அருங்காட்சியகம் ஒன்றில் எகிப்திய போர் வீரர்கள் பயன்படுத்திய நான்கு அடி நீளமுள்ள கம்பு வைக்கப்பட்டுள்ளது.அவர்கள் அந்த கம்பினை பயன்படுத்திய முறை சிலம்பத்தை ஒத்திருப்பதால் .தமிழக எகிப்திய கலாச்சார பரிமாற்றத்தின் ஒரு பகுதியாக சிலம்பக்கலையும் பரவியதாக கருதப்படுகிறது.

சிலம்பத்தின் வகைகள் :

சுவடு
தெக்கன் சுவடு
வடக்கன் சுவடு
பொன்னுச் சுவடு
தேங்காய் சுவடு
ஒத்தைச் சுவடு
குதிரைச்சுவடு
கருப்பட்டிச் சுவடு
முக்கோணச் சுவடு
வட்டச் சுவடு
மிச்சைச் சுவடு
சர்சைச் சுவடு
கள்ளர் விளையாட்டு
சக்கர கிண்டி
கிளவி வரிசை
சித்திரச் சிலம்பம்
கதம்ப வரிசை
கருநாடக வரிசை

போன்றவை தான்.

(கராத்தே விளையாட்டின் "கடா' என்ற போர்ப்பிரிவு, தன் பெயரைப் பெற்றதற்கு, கதம்ப வரிசையைக் காரணம் என்றும் சொல்லபடுகிறது. இரண்டின் செயல்பாடுகளும் ஒரே போல் அமைந்தவை.)

மேலும் "குத்து வரிசை" என்ற சிலம்பத்தின் பிரிவு ஆயுதம் ஏதும் இல்லாத வெறும் கைகளை கொண்டு செய்யும் முறை ஆகும்.

சிலம்பத்தில் பயன்படுத்த படும் ஆயுதங்கள் கம்பு, குறுங்கம்பு,மாடு அல்லது கவரி (மான் கொம்பு),வாளும் கேடயமும், பட்டா,சுருள் பட்டா ,செண்டு ,லேசம், கட்டாரி, வளரி ,இடைகட்டி போன்றவையாகும்.

வளரி என்பது இருபக்கமும் கூர்மையான, மிக குறுகிய முனையும் மரத்தினால் ஆன கைபிடியும் கொண்ட ஆயுதம்.இதன் கூறிய பகுதியை பிடித்துகொண்டு தோளுக்கு மேல் தூக்கி எரிவதன் மூலம் 100 மீட்டர் தொலைவில் உள்ளவர்களை கூட தாக்கிவிடலாம்

(சுதந்திர போராட்டத்தின் போது , மருது பாண்டியகளின் வளரி வீசும் திறன் ஆங்கிலேயர்களை திணறடித்தது ஞாபகம் இருக்கலாம்)

ஒருத்தன் கம்பு சுத்துரதுல திறமையானவனா இருந்தா , அவன் கம்பை கொண்டே அவன தாக்க வர எந்த ஆயுதத்தையும் தடுக்க முடியும்,அதுவும் எட்டு திசைகளில் இருந்து வருகிற ஆயுதங்களையும் தடுக்க முடியுனு சொல்ல கேள்விபட்டிருக்கிறேன்.

வழக்கமா சிலம்பம் விளையாட பயன்படுத்தபடுற கம்பின் உயரம் , விளையாடுபவரின் நெற்றி வரையிலான உயரம் ஆகும்.

இங்கே ஒரு சில வீடியோகள சேர்த்திருக்கிறேன். நேரம் இருந்தால் கண்டிப்பாக பார்க்கவும்.

சரி இன்னைக்கு நிலைமை என்ன ?

இன்னைக்கு வெகு சிலரே சிலம்பக்கலையை கற்கின்றனர்.
இந்தியாவில் தமிழ்நாடு , கேரளா மற்றும் மலேசியா,பிரான்ஸ் போன்ற இடங்களில் சிலம்பம் பயிற்றுவிக்கப்படுகிறது.
தமிழக அரசு சிலம்பத்தை பள்ளி விளையாட்டாக அங்கீகரித்துள்ளது.
மனோன்மணியம் சுந்தரனார் பல்கலைக்கழகத்தின் அங்கீகாரத்துடன்
வெங்காடம்பட்டி சமுதாயக் கல்லூரியில் சிலம்பம் பட்டயபடிப்பாக சிலம்பம் நடத்தபடுகிறது

உயிர் , சிந்து சமவெளின்னு மோசமான படங்கள குடுத்த இயக்குனர் சாமி அந்த பாவங்களைலாம் போக்குகிற மாதிரி , அவரோட அடுத்த படம்
“சரித்திரம்" அ சிலம்பக்கலைக்கு ஒரு ஆவணப்படமா கருதுகிற அளவுக்கு எடுத்துக்கிட்டு இருக்கிறதா கேள்விபட்டேன்.எந்த அளவுக்கு உண்மைனு தெரியல...

தெற்காசிய திரைப்பட விழாவில் தமிழ்ப் படம்

2010-09-17T11:56:00.000-07:00

திரைப்பட விழாக்களில் தமிழ்ப் படங்கள் பங்கு பெறுவது அதிக‌ரித்து வருகிறது. சமீபத்தில் நடந்த வெனிஸ் திரைப்பட விழாவில் மணிரத்னம் கௌரவப்படுத்தப்பட்டார்.

பருத்திவீரன், சுப்பிரமணியபுரம், பசங்க போன்ற படங்கள் பல்வேறு திரைப்பட விழாக்களில் கலந்து கொண்டு பார்வையாளர்களின் பாராட்டுகளை‌ப் பெற்றன.

வரும் அக்டோபர் மாதம் தெற்காசிய திரைப்பட விழா நடக்கிறது. இத்திரைப்பட விழாவில் பங்கு பெறுவது ம‌ரியாதைக்குரியதாக கருதப்படுகிறது.

இந்தத் திரைப்பட விழாவில் திரையிட எஸ்.பி.பி.சரண் தயா‌ரித்திருக்கும் ஆரண்ய காண்டம் திரைப்படம் தேர்வாகி‌யிருப்பது தமிழ்‌த் திரையுலகுக்கு மகிழ்ச்சி தரும் செய்தி.

தெற்காசிய திரைப்பட விழாதைத் தொடர்ந்து மேலும் சில தமிழ்ப் படங்கள் திரையிட தேர்வாகும் வாய்ப்பும் உள்ளது.

இனிது இனிது - விமர்சனம்

2010-08-22T07:30:00.001-07:00

மறந்து போன இனிமையான நமது கல்லூரி வாழ்க்கையை நினைவு படுத்தும் ஒரு படம் தான் இனிது இனிது...தெலுங்கில் படுஹிட்டான ஹாப்பி டேஸ் படம் இரண்டு வருடத்திற்கு பிறகு ரீமேக் ஆகியிருக்கிறது...தெலுங்கில் ஹிட் ஆன படங்களில் நாம் எத்தனையோ படங்களை ரீமேக் செய்து அதை தமிழில் ஹிட் செய்திருந்தாலும்,இனிது இனிது தமிழில் ரீமேக் செய்ய அவசியமான படம் தான்...புரியாத மொழியில் பார்த்திருந்தாலும் அந்த படம் கல்லூரி வாழ்க்கையின் ஒரு பகுதியை அழகாய் படம் பிடித்து காத்திருக்கும்...

அந்த வகையில் பாராட்டலாம்...இந்த படமும் தமிழில் ரீமேக் ஆனால் எப்படி இருக்கும் என யோசித்துக்கொண்டிருந்த வேளையில் தான் தமிழில் ஓகே ஆனது பிரகாஷ்ராஜின் டூயட் மூவிஸ் மூலமாக...இப்போது நமக்கு புரிந்த

மொழியில் அதும் திரையில்.....

படத்தில் நான்கு நாயகன்,நாயகிகள் என மொத்தம் எட்டு பேரை களம் இறக்கியுள்ளார் இயக்குனர் மற்றும் கேமராமேன் K.V.குகன்...திரைக்கதை செதுக்கும் பணியில் தெளிவாய் இருந்திருக்கிறார்...மொக்கையான காட்சிகள் என்று சொல்லும் அளவுக்கு அதிகம் இல்லை...

படத்தின் கதை, நாயகன் சித்து (ஆதித்) முதலாம் ஆண்டு கல்லூரி செல்கிறார்...முதல் நாளே நாயகனுக்கும் நாயகி மதுவுக்கும் (ரேஷ்மி) அறிமுகம் ஏற்படுகிறது...நாயகி நன்றாக பாடுவதை பார்த்த ஒரு சீனியர் பின் அலைய ஆரம்பிக்கிறார்...ரேகிங் மூலமாக டைசன்(நாராயண்),விமல்(விமல்),ஷங்கர்(ஷரண்), அபர்ணா(பெனாஸ்),சங்கீதா(ஜியா) என அனைவரும் தோழர்கள் ஆகிறார்கள்....கேலி கிண்டல்கள் என அனைத்தும் குறுகிய காலத்தில் சேர பல ஆண்டுகள் பழகியது போல கல்லூரி முழுதும் திரிகிறார்கள்...எல்லாரும் ஒன்றாக இருந்தாலும் சித்து - மது,அப்பு - விமல்,ஷங்கர் - சங்கீதா என தங்களுக்குள் அதிக நெருக்கமாக இருக்கிறார்கள்...பிறகு எப்போதும் போல சண்டைகள்,மன்னிப்பு கேட்டு அலைதல்,ஈகோ என கதை நகர இவர்களின் ஜோடி சேர்ந்ததா என்பது தான் மீதி கதை...

ஒரு பக்கம் சீனியர்களின் ராகிங்..மறு பக்கம் கேலி கிண்டல்கள் என வாழ்க்கை நகர்கிறது...இதில் சீனியர் மாணவியான ஷ்ரவந்தியை(தெலுங்கில் வந்த அதே சோனியா தீப்பி)பாலோ செய்யும் டைசன்,கதையில் ஒரு விறுவிறுப்பு....பேர் கேட்கும் காட்சியிலும்,கேண்டீன் செல்லும் காட்சியிலும் சரி,நண்பர்கள் ஷங்கர்க்கு நட்போட வேல்யு தெரியாது நு சொல்லும் போது ,"ஆனா எனக்கு தெரியும் டா...அவன் என் தோழன் டா" நு சொல்லி அழும் காட்சிகளில் பின்னி எடுக்கிறார்...

நாயகன் ஆதித் லேசாக வினய் சாயலில் இருக்கிறார்...பாடி லேங்குவேஜில் பட்டையை கிளப்புகிறார்...விமல் அப்பு ரகளைகள் படு உச்சம்....கிராமத்தில் இருந்து வரும் பால்பாண்டி படிக்க முடியாமல் கல்லூரியை விட்டு செல்ல முயலும் போதும்,இறுதி ஆண்டில் தனது கிராமத்தின் நிலையை ஆங்கிலத்தில் பேசி கலக்கும் போதும் நம்மிடம் கைதட்டுகளை பெறுகிறார்....

தொடக்கத்தில் இருந்தே ஜுனியார்களை முறைக்கும் போதும்,கிரிக்கெட்டில் தோற்கும் போதும்,க்ளைமாக்ஸ்சில் ஜுனியர்களை கட்டி தலுவும்போதும் க்யூட்...

டான்மாக்ஸ் எடிட்டிங் தெளிவான பொலிவு....மிக்கி ஜே மேயர் இசையில்

அனைத்து பாடல்களும் தெலுங்கில் இருந்து நேரடி இறக்குமதி...தெலுங்கை விட தமிழில் சற்று தடுமாற்றமே...

மொத்தத்தில் "இனிது இனிது" ஒரு அழகான இனிய கல்லூரி ஆல்பம்...

காதல் சொல்ல வந்தேன் - விமர்சனம்

2010-08-20T11:33:00.000-07:00

தேவதையை கண்டேன்,திருவிளையாடல் ஆரம்பம் மற்றும் மலைக்கோட்டை வெற்றியை தொடர்ந்து பூபதி பாண்டியன் இயக்கும் நான்காவது படம்...எனவே மிகுந்த எதிர்பார்ப்பை ஏற்படுத்தியது என்றே கூறலாம்...

கல்லூரி சென்ற முதல் நாளே நாயகியை பார்த்ததும் காதலில் விழுகிறார் நமது கதையின் நாயகன்....ஆனால் நாயகி FINAL YEAR படிக்கிறார்... ராகிங் மூலம் நண்பர்கள் ஆகிறார்கள்...நாயகன் காதலிப்பது தெரிந்தபின் நாயகி நாயகி நாயகனிடம் இருந்து விலகுகிறாள்...பிறகு இருவரும் சேர்ந்தார்களா இல்லையா என்பது தான் கதை...

நாயகனாக பாலாஜி...கனா காணும் காலங்கள்,பட்டாளம் என ஏற்கனவே பார்த்து பழக்கப்பட்ட முகம் தான்...நாயகி மேக்னா ராஜ் கொழுகொழுவென அழகாக இருக்கிறார்...ஆனால் சிறிதாய் ஒரு முதுமை தெரிகிறது...நாயகனின் தோழனாக குளிர் 100 Degree கார்த்திக் சபேஷ்...

TRAILER,பாடல்கள் என அதிக எதிர்பார்ப்பை ஏற்படுத்தி இருந்தாலும்,அதை நிறைவு செய்ய தவறி இருக்கிறார்...முதல் பாதி முழுதும் கலகலப்பான காட்சிகளால் நகர்ந்தாலும் இரண்டாம் பாதி தொய்வடைந்து விட்டது போலவே தோன்றுகிறது...பல இடங்களில் காட்சி தெய்வுகள் நன்றாகவே தெரிகிறது...

நாயகன் நாயகி ஜோடி சரியாக பொருந்த வில்லை...ஆனால் சீனியர் என காண்பிப்பதால் ஓரளவுக்கு பொருந்துகிறது....முதல் பாதி முழுதும் பாலாஜி,கார்த்திக்,சிங் மற்றும் கஜனி மியூசிக் கொடுத்து பில்டப் காட்டும் சீனியர் போன்றவர்களால் கலகலவென நகர்கிறது...

பல இடங்களில் டைமிங் டைலாக்குகள் தான் படத்தை காப்பாற்றுகின்றன...

சில சாம்பிள்கள் :

1.என்னது ,பார்த்ததுமே லவ்வா?

பின்னே, 15 வருஷம் கழிச்சு லவ் பண்ண சொல்றியா?

2.உனக்கு ஏன் நாநு - நு பெயர் வெச்சாங்க?

குழந்தை பிறந்ததும் ஜோசியர்ட்ட ஐடியா கேட்டாங்க,அவர் நா அல்லது நு அப்படிங்கற எழுத்துல ஆரம்பிக்கற மாதிரி பெயர் வெச்சா நல்லாருக்கும்னாரு,ரொம்ப நல்லாருக்கட்டும்னு 2 எழுத்தையும் சேர்த்தே வெச்சுட்டாங்க.

3.அவளுக்குப்பிடிச்ச இந்த நாயை நான் வீட்டுக்கு எடுத்துட்டு வந்து வளர்த்தா அவளுக்கு லவ் வருமா?

வரும்,உன் மேல இல்ல,நாய் மேல.

4.என்னது,உன் பேரு ஹேப்பி கிங்கா?

அதாங்க ஆனந்தராஜ்

5. டீ குடிக்கலாம் வா

பழக்கமில்லை.காசா குடுத்துடுங்க.செலவுக்கு ஆகும்.

6.நான் உனக்கு மச்சான் வேலை பார்க்கலாம்,நீ எனக்கு மாமா வேலை பார்க்கக்கூடாதா?.....Etc

நாயகியின் அறிமுக காட்சியில் பூ விழும் காட்சியெல்லாம் அப்பப்பா....எப்படி தான் இப்படிலாம் யோசிப்பாங்களோ நு பீல் பண்ண வைத்து விடுகிறது....பாக்யராஜ் படத்தில் வந்த முருங்கைக்காய் போல,இந்த படத்தில் சாக்லேட்...இனிமேல் பசங்க கையில புத்தகம் இருக்கோ இல்லையோ சாக்லேட் இருக்கும்...மனநல டாக்டராக ஆர்யா ஒரு சீனில் வந்தாலும் க்யூட்....

பல இடங்களில் மேக்னா சரியாக பொருந்துகிறார்...ஆனால் ஒரு ஜூனியர் பையன் கிட்ட எப்படி இருக்கணும் நு கூட ஒரு லிமிட் தெரியாமலா பழகுவாங்க???

ஒரு சீனில் நாயகி காரம் சாப்பிட்டு அதை நாயகனின் காலரில் துடைப்பது...யப்பா...நீங்களே சொலுங்க இப்படி லாம் பண்ணினா யாருக்கு தான் லவ் வராது???

யுவன் இசையில் பாடல்கள் அருமை...அதிலும் அன்புள்ள சந்தியா சூப்பர் டச்....

சாமி வருகுது பாடலில் பாலாஜியின் பர்பாமன்ஸ் அருமை...மச்சி பின்னிட்ட...

பிரவீன் ஸ்ரீகாந்தின் எடிட்டிங்...படத்திற்கு ஒரு கூடுதல் பலம்...

திரைக்கதை படு சொதப்பலாக நகர்கிறது...சீனியர் நாயகனிடம் உதவ வேண்டி கேட்கும் இடங்களில்,என்ன கொடும சார் இது...ஒரு சீனியர் இப்படியுமா கேனத்தனமாக இருப்பான்???

இதை விட படு மோசமான இடம் எது என்றால் க்ளைமாக்ஸ் தான்....நாயகன் இறந்த பிறகு எப்படி தான் நண்பர்கள்,தோழன் பஸ் டிரைவர்,அப்பா அம்மா என

எப்படி தான் அனைவருக்கும் செய்தி போனதோ???ஓரிரு நொடிகளில் கூடி விடுகிறார்கள்...

மொத்தத்தில் காதல் சொல்ல வந்தேன் ஒரு கதையை ஒழுங்காக சொல்ல வந்திருக்கலாம்...

குறிப்பு - படம் ஓடுகிறதோ இல்லையோ அடுத்த படமான "வெடி" படத்திற்கு தயாராகி விட்டார் பூபதி பாண்டியன்...கேடி படத்திற்கு பிறகு,விக்ரமுக்கு நாயகியாக ஜோடி சேர்கிறார் இலியானா...(ப்ளஸ்டூ ல State First வந்தா கூட இவ்ளோ சந்தோஷம் இருக்காதுப்பா)....

அன்புள்ள சந்தியா....

2010-08-15T11:24:00.000-07:00

படம்: காதல் சொல்ல வந்தேன்
இசை: யுவன் ஷங்கர் ராஜா
பாடியவர்: கார்த்திக்

வரிகள் : நா.முத்துக்குமார்

அன்புள்ள சந்தியா உன்னை நான் காதலிக்கிறேன்
நீ சொல்லும் ஒரு வார்த்தை
அதற்காக நான் காத்திருப்பேன்
என்னை எனக்கு தருவாயா
இல்லை காற்றில் விடுவாயா
உன் பதிலை எதிர்ப்பார்த்து
இங்கே எனது இதயம்
எங்கே எனது இதயம்
(அன்புள்ள..)

எந்தப்பக்கம் நீ சொல்லும்போதும்
எந்தன் காதல் ஆகாயம் ஆகும்
கண்ணை மூடிக்கொண்டாலும் மறையாதே
தூறல் வந்தால் கோலங்கள் அழியும்
காலம் வந்தால் கல்வெட்டும் அழியும்
என்றும் பென்ணே என் காதல் அழியாதே
அடி கோவில் மூடினால் கூட
கிளி கவலைப்படுவதே இல்லை
அந்த வாசல் கோபுரம் மீது
அதன் காதல் குறைவதே இல்லை
உந்தன் காலடி எந்தன் வாழ்வின் வேரடி
(அன்புள்ள..)

தாயை கண்டால் தன்னாலே ஓடும்
பிள்ளைப்போலே என் காதல் ஆகும்
அன்பே அதை உன் கண்கள் அறியாதா
என்றோ யாரோ உன் கையை தொடுவார்
இன்பம் துன்பம் எல்லாமே அறீவான்
அன்பே அது நானாகக்கூடாதா
உன் காதல் என்னிடம் இல்லை
நான் கரைக்க நினைக்கிறேன் கல்லை
இந்த காதல் என்பதே தொல்லை
உயிரோடு எறிக்குதே என்னை
உன்னை நீங்கினால் எங்கே போவேன் நானடி
(அன்புள்ள..)

இறுகிக்கொண்டிருக்கும் இந்தியாவின் பிடி - 1

2010-08-13T14:11:00.000-07:00

பச்சை பசேல் என்ற புல்வெளி அதில் கலைநயமிக்க வெள்ளைநிற மாளிகை, நீல வான பின்னனி, ஒங்கி வளர்ந்த மரங்களுக்கிடையில் ஒய்யார குதியாட்டம் போடும் முயல்குட்டிகள், அழகான மனைவி, அறிவார்ந்த குழந்தைகள் இப்படி ஒரு ஆனந்த வாழ்வு ஒரு மனிதனுக்கு கிடைத்துவிட்டால் நிம்மதி என்பது தாமாக வந்துவிடுமா?

அதிக ரத்த அழுத்தம் , நானூறை தாண்டும் சக்கரை, நெஞ்சு படபடப்பு, இத்தனை நோய் ஒரு புறம் என்றால் எமன் மாதிரி வந்து உட்கார்ந்து கொண்ட புற்றுநோய் எப்படி வரும் சந்தோஷம். கோட்டை கட்டி வாழ்ந்தாலும் உடல் கூடெல்லாம் நோயால் சூழப்பட்டால் எங்கேயிருந்து மகிழ்ச்சி வரும். ஒட்டை வீட்டில் உறங்கினாலும், அடுத்த வேளைக்கு உணவு இல்லை என்றாலும், மாற்ற கூட துணியில்லையென்றாலும் ஆரோக்கியம் மட்டும் இருந்துவிட்டால் ஆனைகூட்டம் எதிரே வந்தாலும் பூனைகளை போல் தூக்கி போடலாம் அதனால் தான் நமது முன்னோர்கள் நோயற்ற வாழ்வே குறைவற்ற செல்வம் என்றார்கள்.

ஒரு தனிமனித சுகவாழ்வுக்கு ஆரோக்கியம் எவ்வளவு முக்கியமோ ஏன் அதை விட முக்கியமானது ஒரு தேசத்தின் பாதுகாப்பு. வெள்ளி பனிமலையில் தூங்காத இரவுகளை தினசரி ராணுவவீரன் எதிர்கொண்டால் தான் வீட்டு திண்ணையில் நாம் நிம்மதியாக தூங்க முடியும் என்ற வார்த்தை மிகைப்படுத்தப்பட்ட கருத்து அல்ல, கண் முன் நிஜமாக நிற்கும் உண்மையாகும்.

தேச பாதுகாப்பு என்றவுடன் நமது மனக்கண் முன்னால் காஷ்மீர் பள்ளத்தாக்குகளும் குஜராத் கடற்கரைகலும், ராஜஸ்தான் பாலைவனங்கலும் தான் நமக்கு நினைவுக்கு வரும். இந்தியாவின் விரோதி யாரென்று தெருவில் கோலி விளையாடிக் கொண்டிருக்கும் சிறுவனை கூப்பிட்டு கேட்டாலும், திண்ணையில் பல்லாங்குழி ஆடும் பாட்டியிடம் கேட்டாலும் பாகிஸ்தான் என்று பளிச்சென்று பதில் வரும், நிஜமாகவே நமது எதிரி நாடு பாகிஸ்தான் தானா? பாகிஸ்தான் மட்டும் தானா? நேரு காலம் தொடங்கி மன்மோகன்சிங் காலம் வரையில் காங்கிரஸ் அரசாங்கம் அப்படி தான் சொல்லி கொண்டு வருகிறது. அல்கொய்தா தாலிபான் இன்னும் என்னென்னவோ வாயில் நுழையாத அரபு பெயர்களில் உள்ள பயங்கரவாத அமைப்புகள் பாகிஸ்தான் வழியாக தான் இந்தியாவிற்குள் நுழைகின்றன.

நமது நாடெங்கும் குண்டுகளை வைப்பதும், பாரளுமன்றத்துகுள்ளேயே தாக்குதல் நடத்துவதும், மும்பை பெருநகரத்தில் ஆக்கிரமிப்பு செய்வதும் பாகிஸ்தான் உளவு படையின் கைங்கர்யம் தானே. அதனால் காங்கிரஸ் சொல்லுவது சரியாகத் தான் இருக்கும் என்று ஆடு மேய்க்கும் அண்ணாமலையிலிருந்து கணிப்பொறி தட்டும் கவிதா வரையிலும் நம்புகிறார்கள். இந்த நம்பிக்கை உண்மையா?

நம்பிக்கை என்னவோ உண்மைதான் ஆனால் பாகிஸ்தான் மட்டும் தான் எதிரியென்று காங்கிரஸ் சொல்லுவது உண்மையல்ல. வடஎல்லையில் பாகிஸ்தானில் மட்டுமல்ல, ஆப்கானிஸ் தானிலிருந்தும் பயங்கரவாதிகள் உடுருவுகிறார்கள் வடகிழக்கு மாநிலங்கள் முழுவதும் சீனாவின் ஆக்கிரமிப்பு கரம் ரகசியமாக நீண்டு கொண்டுயிருக்கிறது. வங்கதேசத்தில் இருந்து அந்நிய அடிப்படைவாத அமைப்புகள் நாட்டிற்குள் குடியுரிமை பெற்று சுகந்திரமாக நடமாடுகிறார்கள். நேற்றுவரை நேபாளத்தில் இருந்த மன்னராட்சி தூக்கியெறியப்பட்டு பொதுவுடமை தீவிரவாதிகளின் சர்வதிகார அரசு பொறுப்பேற்று ஈரம் காய்வதற்குள்ளே இந்திய நக்சல்பாரி இயக்கங்களோடு கைகோர்க்க ஆரம்பித்துவிட்டது.

இந்திய அரசின் பழிவாங்கும் போக்கால் இலங்கையின் இனவாத அரசு புத்துயிர் பெற்று சீன பங்காளிகளோடு உறவாடி அமைதி பூங்கவான இந்தியாவின் தெற்கு எல்லையில் பீரங்கி முழக்கங்கள் வருங்காலத்தில் கேட்க வழி ஏற்பட்டு இருக்கிறது. மக்மோகன் எல்லை கோட்டை பொருட்படுத்தாத சீனா அருணாச்சல பிரதேச மாநிலத்தையே தனக்கு சொந்தமென உரிமை கொண்டாட ஆரம்பித்துவிட்டது. பக்கத்து நாடான பர்மா கூட இன்று இந்தியாவுக்கு நண்பன் இல்லை. பூடானும், மாலத்தீவும் தொடர்ந்து நண்பர்களாகயிருப்பார்களா என்பதும் சந்தேகமே, ஆக இத்தனை எதிரிகள் நம்மை நாலாபுறமும் சுற்றி நின்று கொத்தி குதற முயற்சிக்கும் போது பாகிஸ்தானை மட்டும் பகையாளியாக காட்டுவது மக்களை திசை திருப்பும் முயற்சி ஆகும்.

ராணுவரீதியில் பார்க்கும் போது பாகிஸ்தான் என்பது நமது பெண்களின் பாவாடை நாடாவுக்கு சமமானது. அமெரிக்க அண்ணா மட்டும் அந்நாட்டை கண்ணெடுத்து பார்க்கவில்லையென்றால் வெறும் ஐந்து மணி நேர தாக்குதலிலே இஸ்லாமாபாத்தை டெல்லியோடு இணைத்து விடலாம். ஆனால் சீனா அப்படியல்ல பரப்பளவிலும், மக்கள் தொகையிலும் நம்மை விட பெரியது , என்று மட்டும் தான் நாம் நினைத்து கொண்டியிருக்கிறோம். உண்மையில் சீனாவின் ராணுவபலம் என்பது தற்போதைய சூழலில் பீம புஷ்டி கொண்டது என்றே சொல்லலாம். இரண்டாயிரத்து இருபதாம் ஆண்டு அதன் ராணுவபலம் அமெரிக்காவுக்கு இணையாகிவிடுமாம்.

கடந்த 2009-தாம் ஆண்டு ஏப்ரல் மாதம் இருபத்தி முன்றாம்தேதியன்று சீனாவில் உள்ள கிங்டாவோ என்ற இடத்தில் முதலாவது சர்வதேச கப்பல் படை அணிவகுப்பு நடந்தது. இந்த அணிவகுப்பில் பங்குபெற இந்தியாவிலிருந்து இரண்டு போர் கப்பல்கள் உட்பட பதினாலு நாடுகளிலிருந்தும் பல போர் கப்பல்கள் வந்து கலந்து கொண்டன. ஒலிம்பிக் போட்டியை நடத்தி முடித்த கையோடு இந்த அணிவகுப்பை நடத்தி சர்வதேச ராணுவ நிபுணர்களின் வியப்பிற்கு உரம் போட்டது, எனது பொருளாதார பலம் என்பது உலகம் நினைப்பது போல சாதாரணமானது அல்ல, ஒரே நேரத்தில் சர்வதேச விளையாட்டையும், சர்வதேச ராணுவ அணிவகுப்பையும் என்னால் நடத்த முடியும் என்று உலகத்தின் முகத்தில் ஒங்கி அறைந்து சொல்வது போல சொல்லி சீனா உலகை அதிர வைத்திருக்கிறது.

தொடரும் -

நன்றி : உஜிலாதேவி....

அவர் ட்ரைலர் - என் கை வண்ணத்தில்

2010-05-23T08:04:00.000-07:00

என் நண்பர் செல்வக்குமார் அவர்களின் "அவர்" திரைப்படத்திற்கு ட்ரைலர் உருவாக்கும் வாய்ப்பு கிடைத்தது...கணினியில் உட்கார்ந்தவுடன் ஆன்டணி, லெனின் ,V.T.விஜயன் என எல்லாரும் உள்ளே ஆதிக்கம் செய்ய துவங்கி கொண்டார்கள்...

கமல் சாரின் "மகாநதி" யில் தொடங்கிய AVID தொழில்நுட்பம் இன்னும் தமிழ் சினிமாவின் கைக்குள் சுழல்கிறது...

கோபி கலை கல்லூரியில் படிக்கும் போதே ADOBE PREMIERE சாப்ட்வேரை பயன்படுத்தி சினிமா பாடல்களை எடிட் செய்து பார்ப்பேன்...கல்லூரி ஆண்டு விழாக்களிலும் என் எடிட்டிங் புகுந்து விளையாடியது இன்னொரு கதை...

அது போக ADOBE AFTER EFFECTS இல் வீடியோக்களுக்கு விஷுவல் எபக்ட்ஸ் (VISUAL EFFECTS) செய்து பார்ப்பேன்...

அதற்க்கான இணைப்பு இதோ....

ADOBE PREMIERE இல் துவங்கிய என் சகாப்தம் இன்று இந்த படம் வரை வந்துள்ளது...கிடைத்த வாய்ப்பை விட முடியுமா என்ன???

ஆன்டணி சாரை மனதில் வேண்டிக்கொண்டு கை வைத்தேன்...என் கைவண்ணத்தில் எப்படியோ ட்ரைலர் எடிட்டிங் முடிந்துவிட்டது...இந்த படத்தின் முக்கிய அம்சம் என்னவென்றால் முற்றிலும் டிஜிட்டல்...இதோ உங்களுக்காக!!!!!

இந்த படத்தில் நடிக்கும் அனைவரும் புது முகங்கள்...ஒரு குடும்பத்தில் நடக்கும் சஸ்பென்ஸ் த்ரில்லர் தான் கதை...ஆனால் கொலையோ கொள்ளையோ இல்லாத சஸ்பென்ஸ் த்ரில்லர். No Skin show!...எனவே குழந்தைகள் மற்றும் குடும்பத்துடன் அமர்ந்து இரசிக்கலாம்.

மிக முக்கியமான அம்சம் விஷிவல் கம்யுனிகேஷன் படிக்கும் மாணவர்கள் படத்தில் ஒளிப்பதிவு, எடிட்டிங் உள்ளிட்ட துறைகளில் பயன்படுத்தப்படுவார்கள்.

இதற்க்கு என்னுடைய எடிட்டிங் ஒரு சிறந்த உதாரணம்...

இந்த படத்தின் கதை, திரைக்கதை, இயக்கம் என்ன அனைத்தும் செல்வக்குமார் அவர்கள்...நல்ல வேலை எடிட்டிங், இசை , கேமரவையாச்சும் விட்டு வைத்துள்ளாரே...

இந்த படத்தின் மற்றொரு சிறப்பம்சம் படத்தின் பூஜையே டிஜிட்டல் சினிமா பற்றிய கருத்தரங்குடன்தான் துவங்கியது...அனாவசிய சினிமா அலட்டல்கள் இல்லாத அமைதியான துவக்கம்...இந்த படம் பெரிய அளவில் வெற்றி பெற என் மனமார்ந்த வாழ்த்துக்கள்...

மேலும் ,

FACEBOOK இல்,

அவர் பக்கத்தில் இணைய http://tinyurl.com/AVAR-in-Facebook

அவர் புகைப்படங்கள் - http://tinyurl.com/avar-Launch-photos

அவர் பாடல் ரெக்கார்டிங் படங்கள் - http://tinyurl.com/AVAR-song-recording

இணையுங்கள் எங்களுடன் ...

உங்கள் கருத்துக்கள் வரவேற்க்கபடுகிறது...

மறக்காமல் படித்து விட்டு உங்கள் கருத்துக்களை பதியுங்கள்...

குருதி பிசுபிசுக்கும் கொலைக்களத்தில் கூத்து, கும்மாளமா? -கவிஞர் தாமரை

2010-05-22T02:06:00.000-07:00

குருதி பிசுபிசுக்கும் கொலைக்களத்தில் கூத்து, கும்மாளமா?
தடுக்கவேண்டும் தமிழ்த் திரையுலகம்!

குப்புறத் தள்ளிய குதிரை குழியும் பறி்த்த கதை பழையது.குழியில் போட்டுப்புதைத்துவிட்டு மேலே ஏறிக் கூத்தாடும் கதை புதியது.வருகின்ற ஜுலை 3,4,5 ஆம் தேதிகளில் இலங்கைத் தலைநகர் கொழும்பில் இதுதான்அரங்கேறப்போகிறது. ஆம். முள்ளிவாய்க்காலில் பல்லாயிரம் தமிழர்களைமொத்தமாகக் கொன்று புதைத்தவர்கள் கும்மாளமிடத்தான் ஐய்ஃபா (IIFA) விருது வழங்கும் விழாவைக் கொழும்புக்கு மாற்றியுள்ளனர்.

தென்கொரியத் தலைநகர் சியோலில் நடப்பதாக இருந்த சர்வதேச இந்தியத்திரைப்படக்கழக விருது விழாவை சந்தடியின்றிக் கொழும்புக்கு மாற்றியதில்இந்திய அரசுக்கு ஒரு நோக்கம் உள்ளது. கொழும்பின் கையில் படிந்துள்ளதமிழனின் இரத்தக்கறையைத் துடைத்து, தன் பாவத்தையும்மறைத்துக்கொள்வதே அது! இந்தியத் தொழில் வணிகக் கூட்டமைப்பான ஃபிக்கி (FICCI) இந்த விழாவில் வைத்து பல ஆதாய வாசல்களைத் திறக்கவும், இலங்கைச் சந்தையில் விரிவாக வலைவீசவும் திட்டமிடப்பட்டுள்ளது. குறிப்பாக, தமிழர் பகுதிகளில் மறுநிர்மாணம் என்ற பெயரில் கிடைக்கப்போகும் பல்லாயிரம் கோடி ரூபாய் மதிப்பிலான 'கன்ட்ராக்டுகள்'மீது குறி வைத்துள்ளது. புதிய செல்பேசி சந்தைக்காகவும் கடும் போட்டி ஏற்பட்டுள்ளது.
மூன்று நாள் விழாவில் ஒருநாள் படங் காட்டுவதற்காம்! ஒருநாள் வணிகஒப்பந்தங்களுக்காம்! ஒருநாள் 20 - 20 கிரிக்கெட் கேளிக்கைக்காம்! எல்லாவற்றிலும் கவர்ச்சிக்குக் குறைவைக்காமல் இந்தியத் திரைப்படத்தாரகைகளின் ஆட்டம் பாட்டம் இருக்குமாம்!

ஐய்ஃபாவின் முதல் விருது விழா 2000-ல் இலண்டனில் நடைபெற்றது. இதுபுகழையும் பணத்தையும் வற்றாமல் அள்ளிக்கொடுக்கும் அட்சயபாத்திரம் என்று அப்போதே தெரிந்துவிட்டது. அதிலிருந்தே கனடா, அயர்லாந்து, தென்கொரியா போன்ற வளர்ந்த நாடுகள் 'இந்நிகழ்ச்சியை எங்கள் நாட்டில் நடத்துங்கள்'என்று கேட்க ஆரம்பித்துவிட்டன. இந்நிகழ்ச்சியின் மூலமாகத் தங்கள் சுற்றுலாத் துறை வளம்கொழிக்கும் என்பது இந்நாடுகளி்ன் கணக்கு. நான்காண்டுகளுக்கு முன்பே ஐஃப்பா விழாவைத் தொலைக்காட்சியில் கண்டுகளித்தவர்கள் 45 கோடிப் பேர். உலக அளவில் ஆஸ்காருக்கு அடுத்த இடம் ஐய்ஃபாவுக்குத்தான்.

இந்த விழாவை நடத்த விரும்பும் ஒவ்வொரு நாடும் அதற்காக ஐய்ஃபாஅமைப்புக்கு 560 கோடி ரூபாய் தரத் தயாராக உள்ளன. ஐய்ஃபா -2010 விழாவைநடத்துவதற்கான போட்டியில் 2009 இறுதிவரை அயர்லாந்துதான் முன்னணியில் நின்றது. பிறகு தென்கொரியா மூக்கை நீட்டி முந்திக்கொண்டது. 2010 ஜனவரி 26 குடியரசு தின விழாவில் சிறப்பு விருந்தினராகக் கலந்துகொண்ட தென்கொரிய அதிபர் லீமியூங்பாக் அவர்களிடம் இதற்கான அறிவிப்பை இந்தியத்தரப்பு அதிகாரப்பூர்வமாக வழங்கியது.

2010 பிப்ரவரி 27 வரை இந்தப் பட்டியலிலேயே கொழும்பு இல்லை. பிறகுதான்கொழும்பின் பெயர் அடிபட்டது. உடனே அதற்குத்தான் என்று உறுதியும்செய்யப்பட்டுவிட்டது. "இது இலங்கையின் மாபெரும் உலக சாதனை"என்றுசொல்லி மகிழ்கிறார் அந்நாட்டின் சுற்றுலாத் துறை அமைச்சர் அச்சாலாஜகோடா.

கொழும்பு ஐய்ஃபா விழாவின் முதன்மைத் தூதர் அமிதாப் பச்சன். அவரும்ஷாருக்கானும் ஐஸ்வர்யாராயும் உலகப் புகழ்பெற்ற பாலிவுட் கலைஞர்களும்மேடையில் தோன்றி, இலங்கையில் 'அழகும் அமைதியும்குடிகொண்டிருப்பதை'உலகமே பார்க்க உதவப்போகிறார்களாம். உலக மக்கள்தீர்ப்பாயம் (people's tribunal) டப்ளினில் வைத்து இலங்கையைப்போர்க்குற்றவாளியாக அறிவித்த இரண்டு மாதங்களில் எப்படி 'அழகும்அமைதியும்' அங்கு குடிகொண்டன என்பதை அவர்கள்தான் விளக்கவேண்டும்.

தமிழர்களின் வேண்டுகோளை ஏற்று அமிதாப் விலகிக்கொண்டதாக ஒரு செய்தி! அது உறுதியானால் மகிழ்ச்சி! மற்றவர்களும் விலகிக்கொண்டு, விழாவை வேறிடத்தில் நடத்த வழி செய்யவேண்டும். (சல்மான்கான் தான் இப்போதைய தூதர் என்பது கடைசிச் செய்தி!)

சர்வதேச இந்தியத் திரைப்பட விழா என்று பெயருக்குச் சொல்லப்பட்டாலும், பெரும்பாலும் இந்தித் திரைப்பட விழாவாகவே இதுவரை நடத்தப்பட்டது. ஆனால், இம்முறை தமிழ்த் திரைக் கலைஞர்களையும் இழுக்கச் சந்தடியின்றிஒரு முயற்சி நடைபெறுகிறது. மணிரத்னத்தின் 'ராவணன்'கொழும்பு விழாவில்திரையேறும் என்று வந்த செய்தியை அவர் மறுத்திருக்கிறார். ஃபிக்கியின் ஊடக/ வணிகக்கேளிக்கைப் பிரிவின் தலைவர் கமலஹாசன் அவர்களையும்ரஜனியையும் ரஹ்மானையும் கொழும்பு ஆட்கள் தனித்தனியாக அணுகிஅழைத்ததாகவும் இவர்கள் மறுத்துவிட்டதாகவும் ஒரு செய்தி. "தமிழன் ரத்தம் படிந்த கொழும்பில் விழா நடத்த நாங்கள்தானா கிடைத்தோம்?"என்று சூடாகக் கேட்டாராம் பிரகாஷ்ராஜ். இந்தச் செய்திகள் எல்லாம் உண்மையாக இருக்கவேண்டும் என்பதே நமது விருப்பம்.

ஆனால், இது போதாது. தமிழ்த் திரைப்பட அமைப்புகள் உடனடியாக களமிறங்கி, இந்திய அளவில் யாரும் கொழும்பு விழாவில் கலந்துகொள்ள விடாமல் செய்ய வேண்டும். முள்ளிவாய்க்கால் படுகொலையைத்தான் நம்மால் தடுக்கமுடியவில்லை. கொலைக்களத்தில் கூத்தடிப்பதையாவதுதடுக்கலாந்தானே? இது நம் தமிழுறவுகளுக்கு ஆறுதலாக மட்டுமல்ல; கொழும்புக்கும் அதன் இந்தியக் கூட்டாளிகளுக்கும் நம் உணர்வுகளைச் சொல்லி எச்சரிப்பதாகவும் அமையும் அல்லவா?

இன அழிப்புப்போரை நிறுத்தக்கோரி தமிழ்த்திரையுலகம் போராடியதை யாரும்மறந்திருக்க முடியாது. இராமேசுவரத்திற்குச் சென்று சிங்களவனுக்குக்கேட்கட்டும் என்று குரல்கொடுத்தோம். நடிகர்கள், தொழிலாளர்கள், சின்னத்திரைக் கலைஞர்கள் என்று அடுத்தடுத்து உண்ணாவிரதப் போராட்டம்செய்தோம். பாரதிராஜா,செல்வமணி, மணிவண்ணன், சீமான், அமீர்போன்றவர்கள் திரையுலகின் முழு வலிமையோடும் தமிழக மக்களைத்தட்டியெழுப்பப் பாடுபட்டதைக் குறிப்பிட்டுச் சொல்லலாம். எல்லாமேமுடிந்துவிட்டது என்று சோர்ந்துவிடவோ ஓய்ந்துவிடவோ கூடாது. ஐய்ஃபா விழா கொழும்பில் நடைபெற முடியாமல் செய்ய நம்மால் முடியும். கோலிவுட்டின் கோரிக்கையை பாலிவுட்டால் அலட்சியப்படுத்த முடியாது.

நிறவெறி தாண்டவமாடிய தென்னாபிரிக்க வெள்ளை அரசைத்தனிமைப்படுத்துவதில் முக்கிய பங்கு வகித்த அதே இந்தியாதான், இப்போதுதமிழர்களை இனப்படுகொலை செய்த சிங்கள அரசு உலகில்தனிமைப்பட்டுவிடாமல் பாதுகாத்து வருகிறது. இந்தியா செய்வது பச்சைஅயோக்கியத்தனம் என்று உணர்த்த இது சரியான தருணம், சரியான வாய்ப்பு! விழிப்புடன் செயற்பட வேண்டிய தருணத்தில் தூங்கிவிட்டுப் பிறகு என்னசெய்யவியலும்?

சீனாவில் நடந்த ஒலிம்பிக் பந்தயத்துக்கான சுடர் இந்தியா வந்தபோது, அதைஏந்தி ஓடிய விளையாட்டு வீரர்கள், வீராங்கனைகள் பெயர்களெல்லாம்மறந்துவிட்டது. திபெத்தின் சீன அரசு நடத்திவரும் அடக்குமுறைக்கு எதிர்ப்புத்தெரிவிக்கும் வகையில் சுடர் ஏந்த மறுத்த இந்தியக் கால்பந்து வீரர் பெய்ச்சுதங்பாட்டியாவின் பெயர் எல்லோருக்கும் நினைவிருக்கிறது.

பாட்டியாவால் சீன ஒலிம்பிக்கைத் தடுக்க முடியவில்லை. ஆனால், தமிழ்த்திரைப்படக் கலைஞர்கள் மனது வைத்தால் ஐய்ஃபா -2010 கொழும்பில்நடைபெறாமல் தடுக்க முடியும்.

செய்தக்க அல்ல செயக்கெடும் - செய்தக்க
செய்யாமை யானும் கெடும்

என்ற குறளை நினைவுபடுத்தி, என் சக திரைப்படக் கலைஞர்களை ஆதரவுதருமாறு அழைக்கிறேன்.

சென்னை -24
15-05-2010

தங்கள் உண்மையுள்ள
தாமரை...

நன்றி கவிஞர் தாமரை,தமிழ் நதி...

8000 பேரை பலி கொண்ட போபால் கொடுமையும் ராஜீவ் மரணமும்

2010-05-07T07:56:00.000-07:00

ஈழத் தேசியத் தலைவர் பிரபாகரன் தாயார் 80 ஆவது வயதில் கடும் நோயால் பாதிக்கப்பட்டு தமிழகத்துக்கு சிகிச்சைக்கு வந்தால் ‘விடமாட்டோம்’ என்கிறார்கள். தமிழ்நாடு என்ன, கண்டவர்கள் நுழையும் ‘தர்ம சத்திரமா’ என்று பார்ப்பனத் திமிரோடு கேள்வி கேட்கிறார், சுப்ரமணியசாமி. இந்த எதிர்ப்புகளுக்கு முன் வைக்கப்படும் காரணம் என்ன? ராஜீவ் கொலை!

ஈழ விடுதலைப் போராட்டத்தையே ராணுவத்தால் ஒடுக்கிட அனைத்து உதவிகளையும் செய்தது சோனியா, மன்மோகன் ஆட்சி! காரணம் என்ன சொல்லப்பட்டது? அதே ராஜீவ் சாவுதான்! 19 ஆண்டுகள் சிறைவாசம் முடிந்த பிறகும் நளினியை விடுதலை செய்யக் கூடாது. அவர் மரணத்தை சந்திக்கும் வரை சிறைக்குள்தான் இருக்க வேண்டும் என்று டெல்லி சோனியா வட்டாரமும், தமிழக போலி கதர்ச்சட்டை ‘கனபாடிகளும்’ கூப்பாடு போடுகிறார்கள். கலைஞர் கருணாநிதியின் தி.மு.க. ஆட்சி அதற்கு தண்டனிட்டு பணிந்து போய் கிடக்கிறது. சொல்லப்படும் காரணம் என்ன? ராஜீவ் கொலை செய்யப்பட்டார் என்பதுதான்!

ராஜீவ் கொலை 1991 ஆம் ஆண்டு நடந்தது. 20 ஆண்டுகள் உருண்டோடி விட்டன. ராஜீவ் ஈழத்துக்கு அனுப்பி வைத்த இந்திய ராணுவம், அங்கே பல்லாயிரக்கணக்கான தமிழர்களை படுகொலை செய்து, தமிழ்ப் பெண்களையும் பாலியல் வன்முறைக்கு உள்ளாக்கியது. ராஜீவ் அனுப்பிய ராணுவத்தால் படுகொலை செய்யப்பட்ட ஆயிரக்கணக்கான தமிழர்களின் உயிர்களும் ராஜீவ் உயிரைப் போல் முக்கியமானதுதான். ராஜீவ் மரணத்துக்குப் பிறகு அவரது மனைவி சோனியா, இந்தியாவின் அதிகாரத்தைக் கைப்பற்றி விட்டார். ராஜீவின் மகனை அடுத்த பிரதமர் பதவிக்கு தயார் செய்து வருகிறார். ராஜீவ் கால காங்கிரசில்கூட அவருக்கு கட்சிக்குள் எதிர்ப்பு அணிகள் இருந்தது உண்டு. சோனியாவோ ராஜீவையும் மிஞ்சி தனது கட்சியை முழுக் கட்டுப்பாட்டுக்குள் கொண்டு வந்துவிட்டார். அமைச்சரவை முடிவுகள் ஏதுமின்றியே தன்னிச்சையாக தனது ஆணைக்குட்பட்ட ‘மலையாள அதிகாரக் கும்பல்’ ஒன்றை அமைத்துக் கொண்டு, அதன் வழியாக ஈழத்தில் இனப்படுகொலைகளுக்கு திட்டம் தீட்டித் தந்து ஒரு விடுதலைப் போராட்டத்தையே சீரழித்து விட்டார். கேட்டால் ராஜீவ் கொலை செய்யப்பட்டாரே என்று கூறுகிறார்கள்.

ஆனால், இதே காங்கிரஸ் ஆட்சியில், போபாலில் என்ன நடந்தது? யூனியன் கார்பைடு என்ற அமெரிக்க நிறுவனத்தின் ரசாயன தொழிற்சாலையிலிருந்து வெளியேறிய விஷவாயுவால் பல்லாயிரம் மக்கள் பிணமானார்களே; லட்சக்கணக்கான மக்கள் உடல் ஊனமானார்களே; அவர்களின் கதி என்ன? ராஜீவ் உயிருக்காக மட்டும் குடம் குடமாக 20 ஆண்டுகளாக கண்ணீர் வடிக்கும் காங்கிரஸ் கட்சி, பாதிக்கப்பட்ட அந்த ஏழை எளிய மக்களுக்கு, 25 ஆண்டுகாலத்துக்குப் பிறகாவது நிவாரண உதவிகளைப் பெற்றுத் தந்ததா? ராஜீவ் உயிர் மட்டும்தான் உயிரா? மற்ற மனித உயிர்கள் எல்லாம் இவர்களுக்கு மயிருக்குச் சமமா?

நாம் இப்போது, இதை எழுதுவதற்கு காரணம் இருக்கிறது. கடந்த ஏப்ரல் 25 ஆம் தேதி, போபால் விஷ வாயுவால் பாதிக்கப்பட்டவர்களுக்கு உரிய நிவாரணம் கோரி, டெல்லியில் ஜந்தர் மந்தர் பகுதியில் பாதிக்கப்பட்ட போபால் மக்கள் கூடினார்கள். போபாலிலிருந்து நியாயம் கேட்டு டெல்லிக்குப் புறப்பட்டு வந்த இந்த மக்களை ஜந்தர் மந்தர் பகுதியில் சில மணி நேரம் மட்டுமே கூடுவதற்கு, டெல்லி போலீசார் அனுமதித்தனர். ஏப். 15 ஆம் தேதி முதல் தொடர்ந்து ஜந்தர் மந்தர் பகுதியில் போராட்டம் நடத்திடும் உறுதியோடு, மக்கள் அங்கே கூடினர். (அது போராட்டம் நடத்துவதற்காக எப்போதும் அனுமதிக்கப்பட்டுவரும் பகுதி தான்) டெல்லி போலீசாரோ, பிற்பகல் 4 மணிக்குள் டெல்லியை விட்டே வெளியேறிட வேண்டும்; கூடாரங்கள் அமைத்தால் கிழித்து எறிந்து விடுவோம் என்று, மிரட்டி, ஆடுமாடுகளைப் போல் அந்த மக்களைத் துரத்தி அடித்துள்ளனர். காரணம் என்ன கூறப்பட்டது என்றால், டெல்லியில் காமன்வெல்த் விளையாட்டுப் போட்டிகள் நடைபெற இருப்பதால் தொடர் போராட்டத்துக்கு அனுமதிக்க முடியாதாம்!

உள்நாட்டு மக்கள் மீது நடத்தப்பட்ட படுகொலைகளுக்கு நிவாரணம் வழங்குவதைவிட, காமன்வெல்த் விளையாட்டுப் போட்டிகள் தான் அவர்களுக்கான முக்கியப் பிரச்சினையாக இருக்கிறது. அலைக்கழிக்கப்படும் இந்த அப்பாவிகளின் சோகக் கதையைப் பாருங்கள்!

25 ஆண்டுகளுக்கு முன்பு போபாலில் விஷவாயுக் கசிவு ஏற்பட்டதால் பலியான மக்கள் 8 ஆயிரம் பேர்; உடல் ஊனமுற்றவர்கள் 5 லட்சம் பேர்; இந்த படுபாதகத்துக்குக் காரணம் - யூனியன் கார்பைடு என்ற அமெரிக்க நிறுவனம். அதன் அலட்சியத்தால் மக்களைப் பாதுகாக்க வேண்டிய பாதுகாப்பு நடவடிக்கைகளை மேற்கொள்ளாமல் நடத்திய ஆபத்து நிறைந்த தொழிற்சாலையில் நடந்த கோளாறால் விஷவாயு வெளியேறி, இத்தனை ஆயிரம் மக்களை பிணமாக்கியது. முதன்மையான குற்றவாளியான அந்த நிறுவனத்தை அதன் தலைவராக இருந்த இராபர்ட் ஆன்டர்சன் என்ற நபரை விசாரணைக்கு உட்படுத்தும் எந்த முயற்சியையும் இந்த ஆட்சி எடுக்கவில்லை. இறந்து போனது 8000 போபால் அப்பாவிகள் தானே ! ‘ராஜீவ் காந்தி’ உயிராக இருந்திருந்தால் இப்படி அலட்சியப்படுத்தியிருக்க மாட்டார்கள் தானே!

போபால் விஷ வாயுவால் பாதிக்கப்பட்டு, உயிர் பிழைத்து, உபாதைகளுடன் வாழ்க்கைப் போராட்டம் நடத்திக் கொண்டிருக்கும் 55 பேர் - 2006 ஆம் ஆண்டில் போபாலிலிருந்து டெல்லி வரை நடைப்பயணம் ஒன்றை மேற்கொண்டனர். 800 கிலோ மீட்டர் தூரம் நடந்து சென்று, பிரதமர் மன்மோகன் சிங்கை சந்தித்து, தங்களது அவலத்தை நேரில் விளக்கினர். தங்களுக்கு உரிய நிவாரணம் தராமல், விசாரணைக்கும் வராமல் இருக்கும் அமெரிக்க நிறுவனத்தின் மீது உரிய நடவடிக்கைகளை மேற்கொள்வதற்கு அதிகாரங்கள் நிறைந்த ஒரு ஆணையத்தை அமைக்க வேண்டும் என்பதே அவர்களின் கோரிக்கை. அதற்கு மன்மோகன் சிங் தயாராக இல்லை. கண் துடைப்புக்காக அரசு அதிகாரிகள், பாதிக்கப்பட்டவர்களின் பிரதிநிதிகளைக் கொண்ட ‘அதிகாரம்’ இல்லாத ஒருங்கிணைப்புக் குழு ஒன்றை நியமித்தார். அந்தக் குழுவும் சில பரிந்துரைகளை, எடுக்கப்பட வேண்டிய நடவடிக்கைகளை அரசுக்கு பரிந்துரைத்தது. ஆனால் ஒரு பரிந்துரையைக்கூட இதுவரை சோனியா, மன்மோகன் ஆட்சி செயல்படுத்த முன்வரவில்லை. 8000 பேர் உயிரும் ராஜீவ் உயிருக்கு இணையாகி விடாதே! போபாலில் போன உயிர் ராஜீவ் காந்தி உயிர் அல்லவே!

விடிவு கிடைக்கும் என்று எதிர்பார்த்து, எதிர்பார்த்து ஏமாந்து போன மக்கள் மீண்டும் 2008 ஆம் ஆண்டு அதே போல் 800 கிலோ மீட்டர் நடைபயணமாக டெல்லிக்கு வந்தனர். அப்போது பிரதமரை சந்திக்கவில்லை. அதிகாரம் கொண்ட ஆணையம் ஒன்றை அமைத்து, தங்களின் வாழ்க்கையைக் காப்பாற்றித் தருமாறு மன்றாடினர். டெல்லி ஜந்தர் மந்தர் பகுதியின் நடைப் பாதையிலேயே (பிளாட்பாரங்களில்) ஆண்களும், பெண்களுமாக முகாமிட்டனர். கொளுத்தும் வெய்யிலிம் கொட்டும் மழையிலும் அவர்கள் நடைபாதைகளிலேயே நடத்திய போராட்டம் நீடித்த காலம் - ஒன்று, இரண்டு நாட்கள் அல்ல. 5 மாதங்கள், அங்கேயே இருந்து போராடினார்கள். “பாதிக்கப்பட்ட மக்களுக்கு உரிய மருத்துவ பாதுகாப்பு வேண்டும்; குடும்பத் தலைவர்களை விபத்தில் பறிகொடுத்த குடும்பத்தினருக்கு, மறு வாழ்வுக்கான நடவடிக்கைகளை மேற்கொள்ள வேண்டும்”என்பதுதான் அவர்களின் கோரிக்கை.

5 மாதம் தொடர்ந்து போராடிய பிறகே 2008 ஆம் ஆண்டு மே29 ஆம் தேதி பிரதமர் அலுவலகத்தின், இணை அமைச்சரான பிரித்திவ்ராஜ் சவான், அந்த மக்களை சந்திக்க வந்தார். அவர்களின் கோரிக்கைகளை ‘கொள்கை அளவில்’ ஏற்றுக் கொள்வதாக உறுதி கூறினார்.

அதற்கு 3 மாதங்களுக்குப் பிறகு, மத்திய ரசாயணம் மற்றும் உரத் தொழல் துறை அமைச்சர் ராம் விலாஸ் பஸ்வான் அதே 2008ஆம் ஆண்டு ஆகஸ்ட் 8 ஆம் தேதி, ‘அதிகாரம் நிறைந்த ஆணையம்’ ஒன்றை அமைப்பதற்கான வரைவு நகலை, தமது அமைச்சகம் தயாரிக்கும் என்றும், அது பிற துறைகளின் கருத்துக்கு அனுப்பி வைக்கப்படும் என்றும் அறிவித்தார். அறிவிப்போடு அதுவும் நின்று போனது.

விஷவாயுவால் பாதிக்கப்பட்ட 10000 பேருக்கு அரசு புனர்வாழ்வு மய்யங்களில், வேலை வாய்ப்புகள் வழங்கப்படும் என்று, இந்திய அரசு தந்த உறுதிமொழியும் கிடப்பில் போடப்பட்டு விட்டது. ஒருவருக்குக்கூட வேலை வழங்கப்படவில்லை.

விஷவாயு பாதிப்பால் போபால் நிலத்தடி நீர் குடிப்பதற்கு தகுதியில்லாமல் கெட்டுப் போனது. இது தொடர்பாக உச்சநீதிமன்றத்தில் சில தொண்டு நிறுவனங்கள் வழக்கு தொடர்ந்தன. 2004 ஆம் ஆண்டு உச்சநீதிமன்றம் பாதிக்கப்பட்ட போபால் பகுதியில் சுத்தமான குடிநீர் கிடைக்க நடவடிக்கைகளை எடுக்க வேண்டும் என்று உத்தரவிட்டது. எந்த நடவடிக்கையும் எடுக்கப்படவில்லை. அப்பகுதியில் வாழும் 20000 மக்களும் இன்று வரை அந்தக் கெட்டுப் போன குடிநீரையே பயன்படுத்தும் நிலக்குத் தள்ளப்பட்டுள்ளனர். விஷவாயுவால் பாதிக்கப்பட்டோருக்கு உரிய மருத்துவ சிகிச்சைகள் வழங்கப்படுகிறதா என்பதைக் கண்டறிய அதே வழக்கில், உச்சநீதிமன்றம் கண்காணிப்புக் குழு ஒன்றை நியமித்தது. அந்தக் குழு போபால் மருத்துவமனையில் பாதிக்கப்பட்டவர்களுக்கு வழங்கப்பட்ட சிகிச்சையைக் கண்காணித்து, 6 முறை அறிக்கைகளை உச்சநீதிமன்றத்துக்கு அனுப்பியது. மருத்துவ சிகிச்சை என்பது பெயரளவில்தான். பாதிக்கப்பட்டவர்கள் அவமானகரமான நிலைக்கு புறக்கணிக்கப்பட்டு வருகிறார்கள் என்பதை பாதிக்கப்பட்டவர்களுக்கான தனித் தனி விவரங்களோடு அந்த அறிக்கை விரிவாக விளக்கியது. எந்த நடவடிக்கையும் எடுக்கப்படாத நிலையில் 7வது அறிக்கையாக “ஒரு பரிந்துரையையும் இதுவரை ஆட்சி செயல்படுத்தவில்லை. எனவே அவர்கள் மீது நடவடிக்கை எடுக்கும் அதிகாரத்தை, உச்சநீதிமன்றம் எங்களுக்குத் தர வேண்டும். இல்லை என்றால், குழுவையே கலைத்து விடலாம்” என்று உச்சநீதிமன்றத்துக்கு எழுதியது.

உயிர் பிழைத்து நோய்க்கும், ஊனத்துக்கும் உள்ளாகியுள்ள போபால் மக்கள், அரசின் உறுதிமொழிகளை நிறைவேற்றக்கோரி, அமைதி வழியில் நடத்தி வரும் போராட்டங்களை ஆட்சியாளர்கள் ஒடுக்குகிறார்கள். அவர்களை கைது செய்து, சிறையில் அடைக்கிறார்கள். டில்லி திகார் சிறைக்குள் மூர்க்கத்தனமாகத் தாக்கப்படுகிறார்கள்.

மீண்டும் டெல்லிக்கு வந்த போபால் மக்கள் - இப்போது ‘காமன் வெல்த்’ விளையாட்டைக் காரணம் கூறி, விரட்டப்பட்டுள்ளனர். ஒரே ஊரில் 8000 மக்களை பலி கொடுத்துவிட்டு, 5 லட்சம் மக்கள் உடல் ஊனமுற்று, பல்லாயிரக்கணக்கான மக்கள் விஷவாயுக் கசிவால் கடும் நோய்க்கு உள்ளாகி தவிக்கும், ஒரு வாழ்வுரிமைப் பிரச்சினையில் 25 ஆண்டு காலம், அலட்சியப்படுத்தி, அமெரிக்கக் கம்பெனிக்காரனிடம் விசுவாசம் காட்டி நிற்கும், இந்தப் பார்ப்பன ஆட்சியையும், அதன் எடுபிடிகளையும் கேட்கிறோம்; ராஜீவ்காந்தி உயிரைப் பற்றி மட்டும் தானா உங்களுக்கு கவலை? ராஜீங்காந்தி மட்டும்தானா இந்தத் தேசம்?

25 ஆண்டுகளாக உயிர் வாழ்க்கைக்குப் போராடும் இந்த மக்களின் அவலங்கள், இந்த ‘டெல்லி சுல்தான்களின் காதுகளில் விழவில்லையா?

(பெரியார் முழக்கம் மே 2010 இதழில் வெளியான கட்டுரை)

அரைச்ச மாவை அரைப்போமா !(ஒரு கற்பனை)

2010-04-16T13:14:00.000-07:00

(இப்பகுதியில் வரும் அனைத்து பெயர்களும், சம்பவங்களும், உரையாடல்களும், நிகழ்வுகளும் கற்பனையே…)

நடிகர் விஜய் அவரது வீட்டில் சோகமாக அமர்ந்திருக்க அவரை சமாதான செய்யச் செல்கிறார் எஸ்.ஏ.சந்திரசேகர் அருகே இயக்குனர் பேரரசு

எஸ்.ஏ.சி : [விஜயிடம் சென்று பாடுகிறார் ] நீ அழுதா தாங்க மாட்டேன் .. நாலு வாரம் தூங்கமாட்டேன்.. வெற்றிப்படம் கொடுக்காம ஓயமாட்டேன்.

விஜய்: நீங்க வேற ஏம்பா கடுப்ப கௌப்பிக்கிட்டு. கொஞ்ச வருஷமா எந்த படமும் ஓட மாட்டேங்குதேங்கிற கோவத்துல இருக்கேன். வந்து பாடுறிங்களே..

[அப்போது சன் நெட்வோர்க்ல் இருந்து கால் வர எஸ்.ஏ.சி எடுத்து பேசி விட்டு வைக்கிறார்]

விஜய் : கோபமுடன் என்னவாம்?

எஸ்.ஏ.சி: உங்களை உடனே தேனி போகச் சொல்றாங்க

விஜய் : நாலு நாள் முன்னாடித்தானே தேனில மூளை மூடுக்கில இருக்கிற எல்லா தியேட்டர் முன்னாடியும் கால் வலிக்க நின்னு எல்லாரையும் வேட்டைகாரன் பார்க்கச் சொன்னேன் !

எஸ்.ஏ.சி:இப்ப தியேட்டர் இல்லையாம்.

விஜய் : வேற எங்கேயாம்?

எஸ்.ஏ.சி: தேனி பஸ் ஸ்டாண்டுல நின்னு வேட்டைகாரனை புரோமோட் பன்ன பிட் நோட்டிஸ் கொடுக்கனுமாம்

விஜய்: எப்படி இருந்த நான்.....

எஸ்.ஏ.சி: வேட்டைக்காரன் வேட்டுவெச்சிடுச்சிங்கிற விஷயம் எனக்கு மட்டும் தெரியாமலா இருக்கும் அதனாலதான் நம்பர் 1 மாவு மிஷினை கூட்டிட்டு வந்திருக்கேன்

விஜய்: புரியாமல் மாவு மிஷினா..?

எஸ்.ஏ.சி: ஆமாம்பா.. அரைச்ச மாவை போட்டாலும் அரைச்சி தள்ளுற மாவு மிஷின்தானே நம்ம பேரரசு, அடுத்த படம் அவர்ட்ட கொடுப்போம்.

பேரரசு : ஆமா சார்..வேலையே இல்லாம வெட்டியா இருக்கேன். ரொம்ப .. ரொம்ப புதுமையான சப்ஜெக்ட். உலகத்துல இப்படி ஒரு கதை யராலும் சொல்ல முடியாது. அதாவது அன்பான உங்க தங்கச்சிக்கு அருமையான மாப்பிள்ளை தேடி கட்டி வைங்கிற்ங்க.

விஜய் : இந்த கதையில் ஏதோ புளிச்ச வாசம் வருதே.. மாவு ரொம்ப.. ஸாரி கதை ரொம்ப பழசா..

பேரரசு: நீங்க திருப்பாச்சிய சொல்றிங்க.. அது வேற..

எஸ்.ஏ.சி: எப்டி சொல்றிங்க...?

பேரரசு: அதுல பட்டிக்காட்ல இருந்துகிட்டு டவுன் மாப்பிள்ளை தேடி கட்டி வைக்கிறிங்க.

எஸ்.ஏ.சி: அப்போ இதுல..?

பேரரசு: டவுன்ல இருக்கிற ஹூரோ கரெண்டே இல்லாத காட்டுல மாப்பிள்ளை பார்த்து தன் தங்கச்சிய கட்டிக்கொடுக்கிறார்.

விஜய் : தங்கச்சிய மேல அண்ணணுக்கு ஓன் இவ்வளவு கொலை வெறி..

பேரரசு: வெறி இல்ல சார் பாசம் அதாவது. தன்னோட தங்கச்சி மூணு வயசா இருக்கும்போது காசு வாங்கிக்கிட்டு கடலை முட்டாய் வாங்க ஓடினப்போ... கரெண்டு கம்பம் தடுக்கி விழுந்து காயமாயிடுச்சி! அப்பதான்..எந்த கரெண்ட்டு கம்பம் தடுக்கி விட்டசோ அந்த கம்பம் முன்னாடி நின்று ஒரு சபதம் போடுறிங்க.. ஏய் கரெண்ட் இருந்தாதானே கம்பம். கரெண்டே இல்லாத ஊர்ல என் தங்கசிய் கட்டிக்கொடுப்பேன்னு. சவால் விட்டுட்டு .. ஹை ஸ்பீடுல குனிஞ்சி தரையில ஒரு கோலம் போட்டுட்டு போறிங்க.

எஸ்.ஏ.சி: வழக்கமா மண்ணை அள்ளி தலையில ஸாரி நெத்தியில தானே பூசனும். அதானே விஜய் ரசிகருங்க விசிலடிக்க வசதியா இருக்கும்.

பேரரசு: இல்ல சார் அதை என்னோட போன படத்துல வெச்சிட்டேன், ஓரு படத்துல வெச்சி சீனை வேறபடத்துல வைக்கக் கூடாதுங்கறது என்னோட லட்சியம்.

எஸ்.ஏ.சி: ஏதோ.. அடிச்சுப் பிடிச்சி சன் டி.வி தலையில கட்டி படத்தை ஓட்டிடலாம் ! அப்புறம் பஞ்ச் டயாலாக் நிறைய வேணும் "வேட்டைக்காரன்" ஓடாமப்போனதுக்கு அதான் காரணம்.

விஜய் அதெல்லாம் அப்புறம் பாத்துக்கலாம். படத்தோட டைட்டில் என்ன.?

பேரரசு: உளுத்தூர்பேட்டை னு வெச்சிருக்கேன் சார்

எஸ்.ஏ.சி: இன்னும் உங்கசிட்டேர்ந்து நிறைய எதிர்பார்க்கிறேன்

பேரரசு: அப்போ.. தண்டையார் பேட்டைனு மாத்திக்கலாம் சார், எனக்கு ஒண்ணும் பிரச்சனை இல்ல.

எஸ்.ஏ.சி: சூப்பர்,, வெரிகுட் டைட்டில் ஓகே. பஞ்ச் டயலாக்..?

பேரரசு : கதை ரெடி பண்றதுக்கு முன்னாடி பஞ்ச் பயலாக் ரெடி பண்ணிட்டுதானே கதைகுள்ள போனேன். சொல்றேன் கேட்டுக்கங்க. சுவத்துல ஓடுறது பல்லி .. சுத்திசுத்தி ஓடுறது கில்லி.. செத்தாக்க போடுறது கொள்ளி.. சாமத்துல வீசுறது மல்லி..

எஸ்.ஏ.சி: வெரிகுட்.. அருமையான இருக்கு அடுத்து..?

பேரரசு: [ குஷியுடன் ] எரிமலையில ஏணியும், பனைமரத்துல பாலும் முடியவே முடியாது,

விஜய்: அசத்துறிங்க பேரரசு இன்னும் வீரமா எதாச்சும்..?

பேரரசு: கட்டபொம்மன் கைலயில கத்தி கார்பெண்டர் கைல சுத்தி ரெண்டையும் மாத்திப்போட்டா "க" சுவாயிடும் , "சு" கவாயிடும்.

எஸ்.ஏ.சி: அடடா,, அடடா தொடைய தட்டிக்கிட்டு இந்த பஞ்ச் டயலாக் விஜய் பேசினான்னா.. தியேட்டரே பத்தி எரியுமே..

பேரரசு : சார் .. ஒரு சின்ன கரெக்ஷன் இந்த டயலாக் எல்லாம் விஜய்க்கு இல்ல..

எஸ்.ஏ.சி: விஜய் இருவரும் கோரஸாக பின்னே.. ?

பேரரசு: இதெல்லாம் படத்துல "INTERVAL" 'இக்கு அப்புறமா நான் தோன்றி பேசுற பஞ்ச் டயலாக் !

என்றதும் இருவரும் கோபமாக பேரரசு மேல் பாய எஸ்கேப் பாகி தலைதெறிக்க ஓடுகிறார் பேரரசு.,

நன்றி : உத்தமபுத்திரன்-தடாகம்...

யார் டாக்டர் ????

2010-04-04T02:42:00.000-07:00

டாக்டர்களை கடவுளாக வழிபடும் நமது இந்திய நாட்டில் டாக்டர்கள் மீதான வழக்குகளும் அதிகரித்த வண்ணமே உள்ளன...எடுத்துக்காட்டாக, நான் அடையாரில சென்று கொண்டு இருந்தபோது சாலையில் திடீரென கூட்டம் நிரம்பி வழிந்தது...ட்ராபிக் ஜாம் ஆகாதது தான் குறை என்னுமளவுக்கு அப்படியொரு கூட்டம்...

என்ன தான் நடக்குது என பார்க்கும் போது தான் தெரிந்தது...அந்த இடம் அடையார் மலர் மருத்துவமனையின் முகப்பு என்று...ஒரு டாக்டரின் கவனக்குறைவால் ஒரு வயதானவர் இறந்துவிட்டார்...முதலில் வந்து இறங்கியது சன் டிவியும்,தமிழன் டிவியும்...கண்மூடி கண்திறக்கும் நேரத்திற்குள் அடுக்கடுக்காய் வந்து கடைவிரித்து விட்டன ஏனைய டிவிகளும் ...

நள்ளிரவு அட்மிட் செய்த ஒரு வயதானவரை மூன்று மணி நேரத்திற்கும் மேலாக எந்த ஒரு மருத்துவ வசதியும் கொடுக்காததால் தான், அவர் இறந்திருப்பதாக இறந்தவரின் உறவினர் டிவியில் பேட்டி அளித்துள்ளார்...ஒரு மருத்துவமனையில் அவசரத்திற்கு கூட ஒரு மருத்துவர் இல்லை என்றால் எந்த அளவில் அந்த நிர்வாகம் செயல்பட்டு வருகிறது என நீங்களே ஊகிதுக்கொல்லுங்கள்...

ஒரு பக்கம் பணத்திற்காக சுகப்ரசவம் செய்ய விடாமல் ஆப்றேஷன் செய்யும் டாக்ரர்கள்,மறு பக்கம் இப்படி நோயாளிகள் மீது கவலை கொள்ளாத நிர்வாகம்...அரசு மருத்துவமனைகளில் சரியாக கவனிக்க மாட்டார்கள் என்றுதான் தனியார் மருத்துவமனைகளில் சேர்க்கிறார்கள்...அங்கும் இப்படி என்றால் சாதாரண மக்கள் வேறு எங்கு தான் போவார்கள்???

மரத்தைத் தாண்டி வருவாயா? (வயிறு குலுங்க ஒரு காமெடி )

2010-03-31T11:28:00.000-07:00

இந்த கட்டுரையில் வரும் எதுவும் யாரையும் குறிப்பிடுவன அல்ல..
(மவனுன்களா இந்த வார்த்தைய போட்டு தானடா எல்லா படத்துல இருந்தும் தப்பிக்கிறீங்க)...
......
மரத்தைத் தாண்டி வருவாயா?
(நீங்கள் பார்த்த லொள்ளு சபாவை போலவே)

உலகத்தில எவ்வளவு பழம் இருந்தும் நானேன் வாழைப்பழத்தை சாப்பிட ட்ரை பண்ணினன்??...

இதுதான் வாழைப்பழம்...

அவ்ளோ அழகு...
yellow ...
இனிப்பானது...
EATABLE...
அவகிட்ட ஒரு SMELL இருக்கு......
AND SWEET TOO...
அவள யாருக்கும் தெரியாம பறிச்சிட்டுப் போய் வாயில வச்சுக் கடிச்சாப் போதும் உடனே ஜீரணமாகிரும்...

ஆனா நான் ஏன் வாழைப்பழத்தை ட்ரை பண்ணினன்?
என்ன பிரச்சினை???

இன்னைக்கு வாழைக்குலையை பறிச்சிட்டுப் போய்ட்டாங்க அதுதான் பிரச்சினை...

ஆனா நாம யார சாப்பிடப்போறோம்னு போறோம்னு முன்னாடியே டிசைட் பண்ண முடியுமா என்ன?

வாழைப்பழத்தை தேடிக்கிட்டு போக முடியாது…
அது வளரணும்… அதுவா பழுக்கணும்…

மத்தவங்க நடமாடுற இடத்தில போடணும்… தலைகீழ வழுக்கி விழுத்தணும்…

எப்பவுமே இனிப்பாவே இருக்கணும்…

அதான் ட்ரூ வாழைப்பழம்…

அது எனக்கு கிடைச்சுது!

SO அட்சுவலா நான் வாழைப்பழத்தை சூஸ் பண்ணினன்,

என்ன கடிக்க வச்சது இந்தப்பழம்...

இதான் நான்

என்னோட பேரு குரங்கு, எதோ சின்ன மரத்திலயெல்லாம் தேடி அப்பறம் பழமே கிடைக்காம பக்கத்து வீட்டில ஆட்டயப்போட ட்ரைபண்ணிக்கிட்டிருந்த பண்ணிக்கிட்டிருந்த நேரம்...

பழம்தான் சாப்பாடே எனக்கு...
MY AMBITION IS TO BE A BANANA EATER...
SO காய்ஞ்சு போய் பசுமையே இல்லாம மரத்தில வாழைப்பழம்
தொங்கிட்டிருந்த டைம்...
அப்பதான் அந்தப்பழத்தை முதன்முதல்ல பாத்தேன்.

பழத்தைப்பறிக்க எவ்வளவோ ட்ரை பண்ணினன்...ஆனா அதைப்பறிச்சு வீட்டுக்காரன் வீட்டுக்குள்ள கொண்டு போய்ட்டான்...அவனவன் வாழைப்பழம் சாப்பிட கல்யாணவீட்டுக்கே போறான் நாம பக்கத்து வீட்டுக்குத்தானே...

ஆனா பக்கத்து வீட்டுக்காரன் பழத்தை எங்கவச்சான்னு தெரியல, I JUST CAN'T BELIEVE THIS, அதத் தேடணும் சட்டி பெட்டி எல்லாத்திலயும் தேடிட்டன் கிடைக்கவே இல்ல,

அப்பவே அம்மா சொன்னாங்க வேணாம்டா மாட்டிக்குவ, பிரச்சனையாகிடும்னு,

ஆனா கிங்கோங் பட காமராமேன் கிங்கோன் சொன்னாரு

உலகத்தில எவ்வளவு பழம் இருந்தும் நான் ஏன் வாழைப்பழத்த ட்ரை பண்ணினன்..

அவ (வாழை) அன்னைக்க CALL பண்ணியிருந்தா, நான் அழுகிப்போகப்போறேன் மங்கி சீக்கிரம் வந்து சாப்பிடுட்டு போன்னு சொன்னா, நானும் உடனே கிளம்பி போனேன், அவங்க வீட்டுக்காரன் பாத்திட்டான்..

உண்மைலயே நான் அவனக் கடிச்சிருக்ககூடாது, வாழைப்ழத்தோட சொந்தக்காரன் அவன், ஆனா அவன் சொன்ன வார்த்தை அப்பிடி(கொறங்கு) ஒரு நிமிசம் யோசிச்சன் நான் அவன தின்ன வரலயே வாழைப்பழத்தைதானே, பாய்ஞ்சு கடிச்சிட்டன்.

நான் கடிச்சதில ஒரு கடிக்கரோட ஸ்டைல் இருக்கும், ஆமா நான்தான் எங்க ஸ்கூல்ல கடிக்கிங் சாம்பியன், JUMPING,RUNNINGகோட சேத்து கடிக்கிங்கையும் கத்துகிட்டேன்.

ஆனா அவ இன்னைக்கு எங்கூட இல்ல, வேற அந்த வீட்டு சொந்தக்காரன் ஒருத்தனுக்க BANANAவ கடிக்க கொடுத்தட்டாங்க...இன்னையோட 2 வருசமாகுது...ஆனா என்னால BANANAவ மறக்க முடியல...1st BANANAங்க எப்பிடி மறக்க முடியும்...

BUT... THANK YOU BANANA உன்னாலதான் இந்தப்படமே...

தன்னம்பிக்கையின் உச்சகட்டம்....

2010-03-29T12:42:00.000-07:00

14 ஆம் நூற்றாண்டில்,கொலம்பஸ் தலைமையிலான 20 பேர் கொண்ட குழு புதிய உலகைக்காணும் ஆவலில் ஸ்பெயின் நாட்டிலிருந்து கடல் வழியே புறப்பட்டது. 24 நாட்களாகத் தொடர்ந்து பயணம் எந்தக் கரையும் தென்படவில்லை. ரொனால்டோ என்பவர் உணவுக்கான பொறுப்பாளர்.

இருக்கக்கூடிய உணவு தற்போது திரும்பிச்சென்றால் மட்டுமே போதுமானது. 24நாட்களில் சொந்த நாட்டை அடையலாம். தொடர்ந்து பயணம் செய்தால் எல்லோரும் உணவுக்கு வழியின்றி கடலிலேயே செத்து மடிய வேண்யது தான். ரொனால்டோ சகபயணிகளிடம் கேட்டபோது அவர்களும் வந்த வழியே திரும்புவது தான் நல்லது என்று விரும்பினர்.

தங்கள் கருத்தை கொலம்பசிடம் தெரிவித்தார்கள்.தம் இலக்குக்கு உணவு தடையாவதா? ஏற்றுக்கொள்ளவில்லை கொலம்பசின் மனது. முடியாது எக்காரணத்தைக்கொண்டும் பின்வாங்கக்கூடாது தொடர்ந்து முன்னோக்கிச் செலுத்துங்கள் என்றார். சிறிது நேரத்தில் ரொனால்டோ தலைமையிலான புதிய குழு கூடி கொலம்பசைக் கைது செய்து கயிற்றில் கட்டியது. கப்பல் பின்னோக்கிச் சென்றது.
வருத்தத்துடன் தன் இலக்குப் பறிபோவதைப் பார்த்த கொலம்பஸ், ரொனால்டோவை அழைத்து, சரி இருக்கும் உணவில் எனக்கும் பங்கு இருக்கிறது தானே என்றார்.
ரொனால்டோ, ஆமாம் அதிலென்ன சந்தேகம், தங்கள் உயிரையும் சேர்த்துக்காக்க வேண்டிய பணி எனக்கு இருக்கிறது என்றார் ரொனால்டோ,

நான் சொல்வதை நன்றாகக் கேளுங்கள்,

எனக்கான 24 நாட்கள் உணவை நான் சாப்பிடாவிட்டால் அது இங்கு இருப்பவர்கள் கூட ஒரு நாள் சாப்பிடப் போதுமானதாக இருக்குமா?

ஆம் இருக்கும் என்றார் ரொனால்டோ.

சரி அப்படியென்றால் எனக்காக 24மணி நேரம் கப்பலை முன்னோக்கிச் செலுத்துங்கள். 24 மணி நேரத்தில் கரை தெரிந்தால் சரி, இல்லையென்றால் அங்கே என்னைக் கடலில் தூக்கி எறிந்து விட்டு நீங்கள் தாய்நாடு திரும்புங்கள் என்றார் .

தம் இலக்கின் மீது கொலம்பசுக்கு இருந்த ஆர்வம் கண்டு தலைவணங்கிய ரொனால்டோ கப்பலை முன்னோக்கிச் செலுத்த கண்டுபிடிக்கப்பட்டது அமெரிக்கா!

தன்னம்பிக்கைக்கும், கொள்கைப் பற்றுதலுக்கும் சிறந்தவொரு பாடமாக இந்த நிகழ்வை எண்ணிப்பார்க்க முடிகிறது.

நன்றி : இரா.குணசீலன்...