வேர்களைத்தேடி........

மொழிபெயர்ப்பு வினாடி வினா

2026-08-11T11:43:12.461+05:30

மொழிபெயர்ப்பியல் வினாடி-வினா

வழங்கப்பட்ட பாடக் குறிப்புகளிலிருந்து 15 கொள்குறி வினாக்கள்

கணினி அறிமுகம் -2 - தட்டச்சு, வலைப்பதிவு, குறுஞ்செயலி, வலைப்பதிவு

2026-07-21T10:04:34.972+05:30

கணினி அறிமுகம் - 2

தமிழ்த்தட்டச்சு, விசைப்பலகை முறைகள், செயலிகள், வலைப்பதிவு & மின்னூல் பற்றிய 30 வினாக்கள்

சீவகசிந்தாமணி - நாமகள் இலம்பகம் - வினாடிவினா

2026-07-16T13:42:05.475+05:30

சீவகசிந்தாமணி - நாமகள் இலம்பகம்

பாடநூல் மற்றும் உரை விளக்கப் பகுதியிலிருந்து 30 கொள்கuறி வினாக்கள்

மணிமேகலை - வஞ்சிமாநகர் புக்க காதை - வினாடி வினா

2026-07-10T10:45:04.122+05:30

மணிமேகலை - வஞ்சி மாநகர் புக்க காதை

பாடநூல் மற்றும் உரை விளக்கப் பகுதியிலிருந்து 25 கொள்குறி வினாக்கள்

கணினி அறிமுகம் -1

2026-07-10T09:55:14.745+05:30

சிலப்பதிகாரம் வினாடி வினா

2026-07-06T11:04:50.354+05:30

சிலப்பதிகாரம் - வினாடிவினா

சூழ்நிலைகள் I சான்றோர் சிந்தனை I வானொலி உரை I

2026-06-22T14:13:08.638+05:30

வாழ்க்கை என்பது நமக்கு நடப்பவற்றில் 10 சதவீதமும், அதற்கு நாம் எப்படி எதிர்வினையாற்றுகிறோம் என்பதில் 90 சதவீதமும் அடங்கியுள்ளது.,

வயது, அனுபவம், இடம், காலம், மனநிலை, சுற்றத்தார் சார்ந்து

சூழ்நிலைகளும் அதை எதிர்கொள்வோர் இயல்புகளும் மாறுகின்றன.

‘வாழ்க்கை மிக எளிமையானது. நாம்தான் அதைச் சிக்கலாக்கிக் கொள்கிறோம் என்பார் கன்பூசியஸ்.

சவாலான சூழ்நிலைகளைத் தங்களுக்குச் சாதகமாக மாற்றுவோர்,

மன உறுதியுடையவர்களாகவும், திட்டமிடும் பண்புள்ளவர்களாகவும் இருப்பார்கள். எதிர்மறையான சூழலில் பதற்றமடையாமல், பொறுமையுடன் செயல்பட்டு, தகுந்த முடிவுகளை எடுத்து, இலக்கை அடைவர்.

இன்பமான சூழல்களில் சிலர் நன்றியுணர்வையும், பணிவையும் வெளிப்படுத்துவர்.

துன்பமான சூழல்களில் சிலர், பொறுமை, துணிவு, விடாமுயற்சி, தன்மானம் ஆகிய பண்புகளை வெளிப்படுத்துவர்.

எல்லா சூழல்களும் நம் வாழ்க்கையில் நம்மை மேம்படுத்துகின்றன.

நம் அறிவைக் கூர்மைப்படுத்துகின்றன. அனுபவத்தை வழங்குகின்றன.

மழை நீர் விழும் இடத்திற்கேற்ப நிறம் பெறுகிறது பெயர்பெறுகிறது.

அதுபோல சூழ்நிலைகளை நாம் எவ்வாறு எதிர்கொள்கிறோம் என்பதைப் பொறுத்து நாம் சகமனிதர்களிடம் பெயர் பெறுகிறோம்.

மலையைவிட உயர்வானது தன் நிலை மாறாமலிருப்பது. திருவள்ளுவர், இதனை,

நிலையில் திரியாது அடங்கியான் தோற்றம்

மலையினும் மாணப் பெரிது (– 124) என உரைத்துள்ளார். மேலும், தன்னறிவுடன், நூலறிவும் கொண்டவருக்கு முன் சூழ்ச்சிகள் நில்லாது என்பதை,

மதிநுட்பம் நூலோடு உடையார்க்கு அதிநுட்பம்

யாவுள முன்நிற் பவை.(-636) என்றார்.

இன்பம், துன்பம் இரண்டையும் இரண்டு மடங்காகப் பார்ப்பது மனித இயல்பு.

உலகம் தழீஇய தொட்பம் மலர்தலும்

கூம்பலும் இல்ல தறிவு. (-425)

உயர்ந்தோரிடம் பழகி, இன்ப, துன்பங்களைச் சமமாகக் காண்பதே அறிவு

இன்பத்துள் இன்பம் விழையாதான் துன்பத்துள்

துன்பம் உறுதல் இலன்.(-629)

இன்பத்தால் மகிழாதவனுக்கு, துன்பத்தில் துயரம் ஏற்படுவதில்லை

அழிவதூஉம் ஆவதூஉம் ஆகி வழிபயக்கும்

ஊதியமும் சூழ்ந்து செயல்.(-461)

ஆக்கத்தையும், அழிவையும் ஆராய்ந்து செயல்படுவோர், வெற்றியோ, தோல்வியோ ஏற்றுக்கொள்ளும் மனப்பக்குவம் உள்ளவர்கள் எந்த சூழ்நிலைகளையும் இயல்பாகக் கடந்துசெல்வார்கள்.

கல்வி என்பது வாழ்க்கையின் சூழ்நிலைகளை எதிர்கொள்ளும் திறனாகும்.

இதனையே,

வெள்ளத் தனைய இடும்பை அறிவுடையான்

உள்ளத்தின் உள்ளக் கெடும்.(-622)

வெள்ளம்போல பெருந்துன்பத்தையும் மனவலிமையால் வெல்லலாம்

இடும்பைக்கு இடும்பை படுப்பர் இடும்பைக்கு

இடும்பை படாஅ தவர்.(-623)

துன்பத்தில் கலங்காதவர், துன்பத்திற்கே துன்பம் கொடுப்பார்கள் என்றும் உரைத்துள்ளார் திருவள்ளுவர்.

சூழ்நிலைகளை சிலர் வசப்படுத்துகிறார்கள், சிலர் சூழ்நிலைகளின் வசப்படுகிறார்கள்.

உருவத்தால் நீண்ட உயர் மரங்களெல்லாம் பருவத்தாலன்றிப் பழுக்காது என்பார் ஔவையார். இதனையே காலம், இடமறிந்து செயல்பட்டால் உலகையே வெல்லலாம் என்றார் வள்ளுவர்.

எல்லா நேரங்களிலும் சூழ்நிலைகளை மாற்றிவிடமுடியாது. அவ்வாறான நிலைகளில், அச்சூழல், நம்மைப் பாதிக்காமல் தடுப்பது மற்றும் ஏற்றுக்கொள்ளுதல் சிறந்த வழியாகும். "இந்தச் சூழல் எனக்குச் சாதகமாக இல்லை" என்பதை முதலில் ஒப்புக்கொள்ள வேண்டும். அப்போதுதான் அதில் இருந்து வெளியேற வழி பிறக்கும்.

சிலர் விளையாட்டில் வெற்றிபெற்றால் தலைகால் புரியாமல் துள்ளுவதும், தோல்வியடைந்தால் சோர்ந்துபோவதும், பிறர் மீது குறைகூறுவதும் இயல்பு.

சிறியவர்களிடமும் தோல்வியை ஒப்புக்கொள்வதே மேன்மையின் உரைகல் என்றார் திருவள்ளுவர்.

வெளிச்சூழ்நிலை எப்படி இருந்தாலும், என் மனநிலை பாதிக்கப்படாது என்ற உறுதி வரும்போது ஒருவர், சூழ்நிலைக் கைதி என்ற நிலையில் இருந்து "சூழ்நிலையை ஆள்பவராக" மாறுகிறார்.

வாழ்வின் எதிர்பாராத ஏற்ற இறக்கங்களை விருப்பு வெறுப்பின்றி ஏற்கும் மனப்பக்குவமே உண்மையான அறிவாகும்.

தனக்குக் கிடைக்க வேண்டிய அரசுரிமை பறிபோகும் நிலையிலும், இராமன் காட்டிய அமைதி மிகச்சிறந்த மனோதிடத்திற்குச் சான்றாகும்.

இன்பத்திலும் துன்பத்திலும் மாற்றமில்லாத ராமனின் முகம், அன்றலர்ந்த செந்தாமரையையும் வெல்லும் பொலிவு கொண்டதாகக் கம்பர் காட்டுவார்.

நாம் பேசும் வார்த்தைகளும், பேசாத வார்த்தைகளும் நம் வாழ்வில் பல சூழ்நிலைகளை மாற்றியமைக்கின்றன. பேசக்கூடாத நேரத்தில் பேசுவதும், பேசவேண்டிய நேரத்தில் அமைதியாக இருப்பதும் ஆபத்தானது.

வார்த்தைகளைச் தனக்கு சாதகமாக்கி, அடுத்தவர்களை ஏற்றுக்கொள்ளச் செய்வது ஒரு கலை. அது வழக்கின் திசையை மட்டுமல்ல, வாழ்க்கையின் திசையைக் கூட மாற்றவல்லது.

விரைந்து தொழில்கேட்கும் ஞாலம் நிரந்தினிது

சொல்லுதல் வல்லார்ப் பெறின். (-648)

சொல்லுபவர் சொன்னால் இவ்வுலகமே அதனை விரைந்து கேட்கும் என்று அறிவுடையோர் சூழ்நிலைகளுக்கேற்ப தாம் பேசும் வார்த்தைகளைச் சொல்லும்விதமாகச் சொல்வார்கள் என்றார் திருவள்ளுவர்.

ஒளைவையார் அதியமானைப் பாடும்போது,

ஊரில் உள்ள சிறுவர்கள் நீர்த்துறையில் படிந்த பெரிய களிற்று யானை மீதேறி விளையாடுவர். அந்த யானைபோன்றவன் அதியமான். எங்களுக்கு எளிமையுடையவனாக விளங்குகிறான்! மாறாக,
அந்தக் களிற்றுயானை மதம் கொண்டால் மிகவும் அச்சமூட்டுவதாகவும், தம் அருகே யாரும் செல்ல இயலாததாகவும் விளங்கும்
அவ்வாறே அவன் தன், பகைவருக்கு இன்னாதவனாக விளங்குகிறான்!
யானையின் எளிமையும், வலிமையும் அதியனின் பண்புக்கு உவமையானது.
ஊர்க்குறு மாக்கள் வெண்கோடு கழாஅலின்,
நீர்த்துறை படியும் பெருங்களிறு போல
இனியை, பெரும ! எமக்கே ; மற்றதன்
துன்னருங் கடாஅம் போல
இன்னாய், பெரும ! நின் ஒன்னா தோர்க்கே.
புறநானூறு 94. பாடியவர்: ஔவையார்.
பாடப்பட்டோன்: அதியமான் நெடுமான் அஞ்சி.
யாரிடம் அன்புகாட்டவேண்டும்? யாரிடம் வலிமையைக் காட்டவேண்டும்?
என்பதை நன்கு அறிந்தவன் என்று அதியனின் புகழை உரைக்கிறார் ஒளவையார்.

இருவேறு தன்மைகளையும் ஒன்றாகப்பெற்றவன் அதியன் மட்டுமல்ல. நாம் ஒவ்வொருவரும்தான். நம் வலிமையை, எளிமையை, அன்பை, அருளை எங்கே, யாரிடம் வெளிப்படுத்துவது என்று தெரியாமலேயே சூழ்நிலைகளை மாற்றிக்கொள்கிறோம்.

வானில் பறக்கும் பட்டம் கற்றை எதிர்த்து உயரமாகப் பறப்பதில்லை..

காற்றைப் பயன்படுத்தியே உயரமாகப் பறக்கிறது.

வறண்ட நிலத்தில் வளரும் தாவரம் மண்ணில் ஈரம் இல்லை என்றவுடன் வாடிவிடாமல், தன் வேர்களைப் பூமிக்கு அடியில் ஆழமாக அனுப்பி நீரைத் தேடுகிறது. அதுபோலவே, தடைகள் வரும்போது துவண்டுவிடாமல், அந்தத் தடையையே ஏணியாக மாற்றிச் சூழ்நிலையை நம் வசப்படுத்த வேண்டும்.

ஏட்டுக்கல்வி கற்றுத் தராத வாழ்வியல் பாடத்தைச் சூழ்நிலைகள் நமக்கு வழங்குகின்றன. சூழ்நிலைகளைக் கண்டு அஞ்சாமல் எதிர்கொள்பவர்கள் மட்டுமே அனுபவம் பெறுகிறார்கள்.

எல்லா சூழ்நிலைகளிலும் நம் உணர்வுகளை உடனே வெளிப்படுத்தவேண்டியதில்லை..

ஆறுவது சினம் என்பதை உணர்ந்து சில நேரங்களில் அமைதியுடனும், சில நேரங்களில் புன்சிரிப்புடனும் அந்த மணித்துளிகளைக் கடந்து செல்வது அறிவுடைமை.
வெளியில் நடப்பவை நம் கட்டுப்பாட்டில் இல்லை; ஆனால், நமக்குள்ளே நடப்பவை நம் கட்டுப்பாட்டிலேயே உள்ளன." சூழ்நிலைகளை ஆள்பவராக மாறுவதே கல்வியின் மற்றும் அனுபவத்தின் உண்மையான பயன் என்பதை உணர்வோம் சூழ்நிலைகளை வசப்படுத்துவோம்.

முனைவர் இரா.குணசீலன்

தமிழ் இணைப்பேராசிரியர்

பி.எஸ்.ஜி கலை அறிவியல் கல்லூரி

கோயம்புத்தூர்

9524439008

திருக்குறள் தொடரடைவும் விரிதரவும்

2026-04-18T19:37:00.008+05:30

திருக்குறள் தொடரடைவும் விரிதரவும் பக்கத்துக்குத் தங்களை அன்புடன் வரவேற்கிறேன்! தேடல் பெட்டியில் திருக்குறள் எண் அல்லது சொற்களை வழங்கி, தேடல் முடிவுகளைப் பெறலாம்.முடிவுகளில் தாங்கள் விரும்பும் சொற்களை சுட்டினால் மேலும் விளக்கங்களைப் பெறலாம். மேலும்.. | திருக்குறள் ஒரு வரி விளக்கம் | திருக்குறள் சொற்பொருள் அகராதி | அதிகாரம் 3 | வள்ளுவம் போற்றுவோம்!

திருக்குறள் எண், சொல் தேடல்

கண்டறியப்பட்ட இடங்கள்: 0

# 1 கடவுள் வாழ்த்து

1.அகர முதல எழுத்து எல்லாம் ஆதி
பகவன் முதற்றே உலகு

2.கற்றதனால் ஆய பயன் என்கொல் வால் அறிவன்
நல் தாள் தொழாஅர் எனின்

3.மலர் மிசை ஏகினான் மாண் அடி சேர்ந்தார்
நில மிசை நீடு வாழ்வார்

4.வேண்டுதல் வேண்டாமை இலான் அடி சேர்ந்தார்க்கு
யாண்டும் இடும்பை இல

5.இருள் சேர் இரு வினையும் சேரா இறைவன்
பொருள் சேர் புகழ் புரிந்தார் மாட்டு

6.பொறி வாயில் ஐந்து அவித்தான் பொய் தீர் ஒழுக்க
நெறி நின்றார் நீடு வாழ்வார்

7.தனக்கு உவமை இல்லாதான் தாள் சேர்ந்தார்க்கு அல்லால்
மன கவலை மாற்றல் அரிது

8.அற ஆழி அந்தணன் தாள் சேர்ந்தார்க்கு அல்லால்
பிற ஆழி நீந்தல் அரிது

9.கோள்_இல் பொறியின் குணம் இலவே எண்_குணத்தான்
தாளை வணங்கா தலை

10.பிறவி பெரும் கடல் நீந்துவர் நீந்தார்
இறைவன் அடி சேராதார்

# 2 வான் சிறப்பு
11.வான் நின்று உலகம் வழங்கி வருதலான்
தான் அமிழ்தம் என்று உணர்தல் பாற்று

12.துப்பார்க்கு துப்பு ஆய துப்பு ஆக்கி துப்பார்க்கு
துப்பு ஆயதூஉம் மழை

13.விண் இன்று பொய்ப்பின் விரி நீர் வியன் உலகத்து
உள் நின்று உடற்றும் பசி

14.ஏரின் உழாஅர் உழவர் புயல் என்னும்
வாரி வளம் குன்றிய-கால்

15.கெடுப்பதூஉம் கெட்டார்க்கு சார்வாய் மற்று ஆங்கே
எடுப்பதூஉம் எல்லாம் மழை

16.விசும்பின் துளி வீழின் அல்லால் மற்று ஆங்கே
பசும் புல் தலை காண்பு அரிது

17.நெடும் கடலும் தன் நீர்மை குன்றும் தடிந்து எழிலி
தான் நல்காது ஆகிவிடின்

18.சிறப்பொடு பூசனை செல்லாது வானம்
வறக்குமேல் வானோர்க்கும் ஈண்டு

19.தானம் தவம் இரண்டும் தங்கா வியன் உலகம்
வானம் வழங்காது எனின்

20.நீர் இன்று அமையாது உலகு எனின் யார் யார்க்கும்
வான் இன்று அமையாது ஒழுக்கு

# 3 நீத்தார் பெருமை
21.ஒழுக்கத்து நீத்தார் பெருமை விழுப்பத்து
வேண்டும் பனுவல் துணிவு

22.துறந்தார் பெருமை துணை கூறின் வையத்து
இறந்தாரை எண்ணிக்கொண்டு அற்று

23.இருமை வகை தெரிந்து ஈண்டு அறம் பூண்டார்
பெருமை பிறங்கிற்று உலகு

24.உரன் என்னும் தோட்டியான் ஓர் ஐந்தும் காப்பான்
வான் என்னும் வைப்பிற்கு ஓர் வித்து

25.ஐந்து அவித்தான் ஆற்றல் அகல் விசும்பு உளார் கோமான்
இந்திரனே சாலும் கரி

26.செயற்கு அரிய செய்வார் பெரியர் சிறியர்
செயற்கு அரிய செய்கலாதார்

27.சுவை ஒளி ஊறு ஓசை நாற்றம் என்று ஐந்தின்
வகை தெரிவான்-கட்டே உலகு

28.நிறைமொழி மாந்தர் பெருமை நிலத்து
மறைமொழி காட்டிவிடும்

29.குணம் என்னும் குன்று ஏறி நின்றார் வெகுளி
கணம் ஏயும் காத்தல் அரிது

30.அந்தணர் என்போர் அறவோர் மற்று எ உயிர்க்கும்
செம் தண்மை பூண்டு ஒழுகலான்

# 4 அறன் வலியுறுத்தல்
31.சிறப்பு ஈனும் செல்வமும் ஈனும் அறத்தின் ஊஉங்கு
ஆக்கம் எவனோ உயிர்க்கு

32.அறத்தின் ஊஉங்கு ஆக்கமும் இல்லை அதனை
மறத்தலின் ஊங்கு இல்லை கேடு

33.ஒல்லும் வகையான் அறவினை ஓவாதே
செல்லும் வாய் எல்லாம் செயல்

34.மனத்து-கண் மாசு இலன் ஆதல் அனைத்து அறன்
ஆகுல நீர பிற

35.அழுக்காறு அவா வெகுளி இன்னா சொல் நான்கும்
இழுக்கா இயன்றது அறம்

36.அன்று அறிவாம் என்னாது அறம் செய்க மற்று அது
பொன்றும்-கால் பொன்றா துணை

37.அறத்து ஆறு இது என வேண்டா சிவிகை
பொறுத்தானொடு ஊர்ந்தான்-இடை

38.வீழ் நாள் படாஅமை நன்று ஆற்றின் அஃது ஒருவன்
வாழ் நாள் வழி அடைக்கும் கல்

39.அறத்தான் வருவதே இன்பம் மற்று எல்லாம்
புறத்த புகழும் இல

40.செயல்-பாலது ஓரும் அறனே ஒருவற்கு
உயல்-பாலது ஓரும் பழி

# 5 இல்வாழ்க்கை
41.இல்வாழ்வான் என்பான் இயல்பு உடைய மூவர்க்கும்
நல் ஆற்றின் நின்ற துணை

42.துறந்தார்க்கும் துவ்வாதவர்க்கும் இறந்தார்க்கும்
இல்வாழ்வான் என்பான் துணை

43.தென்புலத்தார் தெய்வம் விருந்து ஒக்கல் தான் என்று ஆங்கு
ஐம்புலத்து ஆறு ஓம்பல் தலை

44.பழி அஞ்சி பாத்து ஊண் உடைத்து ஆயின் வாழ்க்கை
வழி எஞ்சல் எஞ்ஞான்றும் இல்

45.அன்பும் அறனும் உடைத்து ஆயின் இல்வாழ்க்கை
பண்பும் பயனும் அது

46.அறத்து ஆற்றின் இல்வாழ்க்கை ஆற்றின் புறத்து ஆற்றில்
போஒய் பெறுவது எவன்

47.இயல்பினான் இல்வாழ்க்கை வாழ்பவன் என்பான்
முயல்வாருள் எல்லாம் தலை

48.ஆற்றின் ஒழுக்கி அறன் இழுக்கா இல்வாழ்க்கை
நோற்பாரின் நோன்மை உடைத்து

49.அறன் எனப்பட்டதே இல்வாழ்க்கை அஃதும்
பிறன் பழிப்பது இல் ஆயின் நன்று

50.வையத்துள் வாழ்வாங்கு வாழ்பவன் வான் உறையும்
தெய்வத்துள் வைக்கப்படும்

# 6 வாழ்க்கைத்துணை நலம்
51.மனை தக்க மாண்பு உடையள் ஆகி தன் கொண்டான்
வளத்தக்காள் வாழ்க்கை_துணை

52.மணை மாட்சி இல்லாள்-கண் இல் ஆயின் வாழ்க்கை
எனை மாட்சித்து-ஆயினும் இல்

53.இல்லது என் இல்லவள் மாண்பு ஆனால் உள்ளது என்
இல்லவள் மாணா-கடை

54.பெண்ணின் பெரும் தக்க யா உள கற்பு எனும்
திண்மை உண்டாக பெறின்

55.தெய்வம் தொழாஅள் கொழுநன் தொழுது எழுவாள்
பெய் என பெய்யும் மழை

56.தன் காத்து தன் கொண்டான் பேணி தகை சான்ற
சொல் காத்து சோர்வு இலாள் பெண்

57.சிறை காக்கும் காப்பு எவன் செய்யும் மகளிர்
நிறை காக்கும் காப்பே தலை

58.பெற்றாள் பெறின் பெறுவர் பெண்டிர் பெரும் சிறப்பு
புத்தேளிர் வாழும் உலகு

59.புகழ் புரிந்த இல் இலோர்க்கு இல்லை இகழ்வார் முன்
ஏறு போல் பீடு நடை

60.மங்கலம் என்ப மனை மாட்சி மற்று அதன்
நன் கலம் நன் மக்கள் பேறு

# 7 புதல்வரைப் பெறுதல்
61.பெறுமவற்றுள் யாம் அறிவது இல்லை அறிவு அறிந்த
மக்கள் பேறு அல்ல பிற

62.எழு பிறப்பும் தீயவை தீண்டா பழி பிறங்கா
பண்பு உடை மக்கள் பெறின்

63.தம் பொருள் என்ப தம் மக்கள் அவர் பொருள்
தம்தம் வினையான் வரும்

64.அமிழ்தினும் ஆற்ற இனிதே தம் மக்கள்
சிறு கை அளாவிய கூழ்

65.மக்கள் மெய் தீண்டல் உடற்கு இன்பம் மற்று அவர்
சொல் கேட்டல் இன்பம் செவிக்கு

66.குழல் இனிது யாழ் இனிது என்ப தம் மக்கள்
மழலை சொல் கேளாதவர்

67.தந்தை மகற்கு ஆற்றும் நன்றி அவையத்து
முந்தி இருப்ப செயல்

68.தம்மின் தம் மக்கள் அறிவுடைமை மா நிலத்து
மன் உயிர்க்கு எல்லாம் இனிது

69.ஈன்ற பொழுதின் பெரிது உவக்கும் தன் மகனை
சான்றோன் என கேட்ட தாய்

70.மகன் தந்தைக்கு ஆற்றும் உதவி இவன் தந்தை
என் நோற்றான்-கொல் எனும் சொல்

# 8 அன்புடைமை
71.அன்பிற்கும் உண்டோ அடைக்கும் தாழ் ஆர்வலர்
புன் கணீர் பூசல் தரும்

72.அன்பு இலார் எல்லாம் தமக்கு உரியர் அன்பு உடையார்
என்பும் உரியர் பிறற்கு

73.அன்பொடு இயைந்த வழக்கு என்ப ஆர் உயிர்க்கு
என்பொடு இயைந்த தொடர்பு

74.அன்பு ஈனும் ஆர்வம் உடைமை அது ஈனும்
நண்பு என்னும் நாடா சிறப்பு

75.அன்புற்று அமர்ந்த வழக்கு என்ப வையகத்து
இன்புற்றார் எய்தும் சிறப்பு

76.அறத்திற்கே அன்பு சார்பு என்ப அறியார்
மறத்திற்கும் அஃதே துணை

77.என்பு இலதனை வெயில் போல காயுமே
அன்பு இலதனை அறம்

78.அன்பு அகத்து இல்லா உயிர் வாழ்க்கை வன்பால்-கண்
வற்றல் மரம் தளிர்த்த அற்று

79.புறத்து உறுப்பு எல்லாம் எவன் செய்யும் யாக்கை
அகத்து உறுப்பு அன்பு இலவர்க்கு

80.அன்பின் வழியது உயிர்நிலை அஃது இலார்க்கு
என்பு தோல் போர்த்த உடம்பு

# 9 விருந்தோம்பல்
81.இருந்து ஓம்பி இல் வாழ்வது எல்லாம் விருந்து ஓம்பி
வேளாண்மை செய்தல் பொருட்டு

82.விருந்து புறத்ததா தான் உண்டல் சாவா
மருந்து எனினும் வேண்டல்-பாற்று அன்று

83.வரு விருந்து வைகலும் ஓம்புவான் வாழ்க்கை
பருவந்து பாழ்படுதல் இன்று

84.அகன் அமர்ந்து செய்யாள் உறையும் முகன் அமர்ந்து
நல் விருந்து ஓம்புவான் இல்

85.வித்தும் இடல் வேண்டும்-கொல்லோ விருந்து ஓம்பி
மிச்சில் மிசைவான் புலம்

86.செல் விருந்து ஓம்பி வரு விருந்து பார்த்திருப்பான்
நல் விருந்து வானத்தவர்க்கு

87.இனை துணைத்து என்பது ஒன்று இல்லை விருந்தின்
துணை துணை வேள்வி பயன்

88.பரிந்து ஓம்பி பற்று அற்றேம் என்பர் விருந்து ஓம்பி
வேள்வி தலைப்படாதார்

89.உடைமையுள் இன்மை விருந்து ஓம்பல் ஓம்பா
மடமை மடவார்-கண் உண்டு

90.மோப்ப குழையும் அனிச்சம் முகம் திரிந்து
நோக்க குழையும் விருந்து

# 10 இனியவை கூறல்
91.இன் சொல் ஆல் ஈரம் அளைஇ படிறு இல ஆம்
செம் பொருள் கண்டார் வாய் சொல்

92.அகன் அமர்ந்து ஈதலின் நன்றே முகன் அமர்ந்து
இன் சொலன் ஆக பெறின்

93.முகத்தான் அமர்ந்து இனிது நோக்கி அகத்தான் ஆம்
இன் சொலினதே அறம்

94.துன்புறூஉம் துவ்வாமை இல்லாகும் யார்-மாட்டும்
இன்புறூஉம் இன் சொலவர்க்கு

95.பணிவு உடையன் இன் சொலன் ஆதல் ஒருவற்கு
அணி அல்ல மற்று பிற

96.அல்லவை தேய அறம் பெருகும் நல்லவை
நாடி இனிய சொலின்

97.நயன் ஈன்று நன்றி பயக்கும் பயன் ஈன்று
பண்பின் தலைப்பிரிய சொல்

98.சிறுமையுள் நீங்கிய இன் சொல் மறுமையும்
இம்மையும் இன்பம் தரும்

99.இன் சொல் இனிது ஈன்றல் காண்பான் எவன்-கொலோ
வன் சொல் வழங்குவது

100.இனிய உளவாக இன்னாத கூறல்
கனி இருப்ப காய் கவர்ந்து அற்று

# 11 செய்ந்நன்றியறிதல்
101.செய்யாமல் செய்த உதவிக்கு வையகமும்
வானகமும் ஆற்றல் அரிது

102.காலத்தினால் செய்த நன்றி சிறிது எனினும்
ஞாலத்தின் மாண பெரிது

1 0 3.பயன் தூக்கார் செய்த உதவி நயன் தூக்கின்

நன்மை கடலின் பெரிது

1 0 4.தினை துணை நன்றி செயினும் பனை துணையா

கொள்வர் பயன் தெரிவார்

1 0 5.உதவி வரைத்து அன்று உதவி உதவி

செயப்பட்டார் சால்பின் வரைத்து

1 0 6.மறவற்க மாசு அற்றார் கேண்மை துறவற்க

துன்பத்துள் துப்பு ஆயார் நட்பு

1 0 7.எழுமை எழு பிறப்பும் உள்ளுவர் தம்-கண்

விழுமம் துடைத்தவர் நட்பு

1 0 8.நன்றி மறப்பது நன்று அன்று நன்று அல்லது

அன்றே மறப்பது நன்று

1 0 9.கொன்று அன்ன இன்னா செயினும் அவர் செய்த

ஒன்றும் நன்று உள்ள கெடும்

110.எந்நன்றி கொன்றார்க்கும் உய்வு உண்டாம் உய்வு இல்லை
செய்ந்நன்றி கொன்ற மகற்கு

# 12 நடுவுநிலைமை
111.தகுதி என ஒன்றும் நன்றே பகுதியான்
பாற்பட்டு ஒழுக பெறின்

1 1 2.செப்பம் உடையவன் ஆக்கம் சிதைவு இன்றி

எச்சத்திற்கு ஏமாப்பு உடைத்து

1 1 3.நன்றே தரினும் நடுவு இகந்து ஆம் ஆக்கத்தை

அன்றே ஒழியவிடல்

1 1 4.தக்கார் தகவு இலர் என்பது அவரவர்

எச்சத்தால் காணப்படும்

1 1 5.கேடும் பெருக்கமும் இல் அல்ல நெஞ்சத்து

கோடாமை சான்றோர்க்கு அணி

1 1 6.கெடுவல் யான் என்பது அறிக தன் நெஞ்சம்

ந 1 வு ஒரீஇ அல்ல செயின்

1 1 7.கெடுவாக வையாது உலகம் நடுவாக

நன்றி-கண் தங்கியான் தாழ்வு

1 1 8.சமன் செய்து சீர் தூக்கும் கோல் போல் அமைந்து ஒரு-பால்

கோடாமை சான்றோர்க்கு அணி

1 1 9.சொல் கோட்டம் இல்லது செப்பம் ஒருதலையா

உள் கோட்டம் இன்மை பெறின்

120.வாணிகம் செய்வார்க்கு வாணிகம் பேணி
பிறவும் தம போல் செயின்

# 13 அடக்கமுடைமை
121.அடக்கம் அமரருள் உய்க்கும் அடங்காமை
ஆர் இருள் உய்த்துவிடும்

122.காக்க பொருளா அடக்கத்தை ஆக்கம்
அதனின் ஊங்கி இல்லை உயிர்க்கு

123.செறிவு அறிந்து சீர்மை பயக்கும் அறிவு அறிந்து
ஆற்றின் அடங்க பெறின்

124.நிலையின் திரியாது அடங்கியான் தோற்றம்
மலையினும் மாண பெரிது

125.எல்லார்க்கும் நன்று ஆம் பணிதல் அவருள்ளும்
செல்வர்க்கே செல்வம் தகைத்து

126.ஒருமையுள் ஆமை போல் ஐந்து அடக்கல் ஆற்றின்
எழுமையும் ஏமாப்பு உடைத்து

127.யா காவார்-ஆயினும் நா காக்க காவா-கால்
சோகாப்பர் சொல் இழுக்கு பட்டு

188.ஒன்றானும் தீ சொல் பொருள் பயன் உண்டாயின்
நன்று ஆகாது ஆகிவிடும்

129.தீயினால் சுட்ட புண் உள் ஆறும் ஆறாதே
நாவினால் சுட்ட வடு

130.கதம் காத்து கற்று அடங்கல் ஆற்றுவான் செவ்வி
அறம் பார்க்கும் ஆற்றின் நுழைந்து

# 14 ஒழுக்கமுடைமை
131.ஒழுக்கம் விழுப்பம் தரலான் ஒழுக்கம்
உயிரினும் ஓம்பப்படும்

132.பரிந்து ஓம்பி காக்க ஒழுக்கம் தெரிந்து ஓம்பி
தேரினும் அஃதே துணை

133.ஒழுக்கம் உடைமை குடிமை இழுக்கம்
இழிந்த பிறப்பு ஆய்விடும்

134.மறப்பினும் ஓத்து கொளல் ஆகும் பார்ப்பான்
பிறப்பு ஒழுக்கம் குன்ற கெடும்

135.அழுக்காறு உடையான்-கண் ஆக்கம் போன்று இல்லை
ஒழுக்கம் இலான்-கண் உயர்வு

136.ஒழுக்கத்தின் ஒல்கார் உரவோர் இழுக்கத்தின்
ஏதம் படுபாக்கு அறிந்து

137.ஒழுக்கத்தின் எய்துவர் மேன்மை இழுக்கத்தின்
எய்துவர் எய்தா பழி

138.நன்றிக்கு வித்து ஆகும் நல் ஒழுக்கம் தீ ஒழுக்கம்
என்றும் இடும்பை தரும்

139.ஒழுக்கம் உடையவர்க்கு ஒல்லாவே தீய
வழுக்கியும் வாயால் சொலல்

140.உலகத்தோடு ஒட்ட ஒழுகல் பல கற்றும்
கல்லார் அறிவிலாதார்

# 15 பிறனில் விழையாமை
141.பிறன் பொருளான் பெட்டு ஒழுகும் பேதைமை ஞாலத்து
அறம் பொருள் கண்டார்-கண் இல்

142.அறன் கடை நின்றாருள் எல்லாம் பிறன் கடை
நின்றாரின் பேதையார் இல்

143.விளிந்தாரின் வேறு அல்லர் மன்ற தெளிந்தார் இல்
தீமை புரிந்து ஒழுகுவார்

144.எனை துணையர்-ஆயினும் என்னாம் தினை துணையும்
தேரான் பிறன் இல் புகல்

145.எளிது என இல் இறப்பான் எய்தும் எஞ்ஞான்றும்
விளியாது நிற்கும் பழி

146.பகை பாவம் அச்சம் பழி என நான்கும்
இகவா ஆம் இல் இறப்பான்-கண்

147.அறன் இயலான் இல்வாழ்வான் என்பான் பிறன் இயலாள்
பெண்மை நயவாதவன்

148.பிறன் மனை நோக்காத பேர் ஆண்மை சான்றோர்க்கு
அறன் அன்றோ ஆன்ற ஒழுக்கு

149.நலக்கு உரியார் யார் எனின் நாம நீர் வைப்பில்
பிறற்கு உரியாள் தோள் தோயாதவர்

150.அறன் வரையான் அல்ல செயினும் பிறன் வரையாள்
பெண்மை நயவாமை நன்று

# 16 பொறையுடைமை
151.அகழ்வாரை தாங்கும் நிலம் போல தம்மை
இகழ்வார் பொறுத்தல் தலை

152.பொறுத்தல் இறப்பினை என்றும் அதனை
மறத்தல் அதனினும் நன்று

153.இன்மையுள் இன்மை விருந்து ஒரால் வன்மையுள்
வன்மை மடவார் பொறை

154.நிறை உடைமை நீங்காமை வேண்டின் பொறை உடைமை
போற்றி ஒழுகப்படும்

155.ஒறுத்தாரை ஒன்றாக வையாரே வைப்பர்
பொறுத்தாரை பொன் போல் பொதிந்து

156.ஒறுத்தார்க்கு ஒரு நாளை இன்பம் பொறுத்தார்க்கு
பொன்றும் துணையும் புகழ்

157.திறன் அல்ல தன் பிறர் செய்யினும் நோ நொந்து
அறன் அல்ல செய்யாமை நன்று

158.மிகுதியான் மிக்கவை செய்தாரை தாம் தம்
தகுதியான் வென்றுவிடல்

159.துறந்தாரின் தூய்மை உடையர் இறந்தார் வாய்
இன்னா சொல் நோற்கிற்பவர்

160.உண்ணாது நோற்பார் பெரியர் பிறர் சொல்லும்
இன்னா சொல் நோற்பாரின் பின்

# 17 அழுக்காறாமை
161.ஒழுக்கு ஆறா கொள்க ஒருவன் தன் நெஞ்சத்து
அழுக்காறு இலாத இயல்பு

162.விழு பேற்றின் அஃது ஒப்பது இல்லை யார்-மாட்டும்
அழுக்காற்றின் அன்மை பெறின்

163.அறன் ஆக்கம் வேண்டாதான் என்பான் பிறன் ஆக்கம்
பேணாது அழுக்கறுப்பான்

164.அழுக்காற்றின் அல்லவை செய்யார் இழுக்கு ஆற்றின்
ஏதம் படு பாக்கு அறிந்து

165.அழுக்காறு உடையார்க்கு அது சாலும் ஒன்னார்
வழுக்கியும் கேடு என்பது

166.கொடுப்பது அழுக்கறுப்பான் சுற்றம் உடுப்பதூஉம்
உண்பதூஉம் இன்றி கெடும்

167.அவ்வித்து அழுக்காறு உடையானை செய்யவள்
தவ்வையை காட்டி விடும்

168.அழுக்காறு என ஒரு பாவி திரு செற்று
தீ உழி உய்த்துவிடும்

169.அவ்விய நெஞ்சத்தான் ஆக்கமும் செவ்வியான்
கேடும் நினைக்கப்படும்

170.அழுக்கற்று அகன்றாரும் இல்லை அஃது இல்லார்
பெருக்கத்தின் தீர்ந்தாரும் இல்

# 18 வெஃகாமை
171.நடுவு இன்றி நன் பொருள் வெஃகின் குடி பொன்றி
குற்றமும் ஆங்கே தரும்

172.படு பயன் வெஃகி பழிப்படுவ செய்யார்
நடுவு அன்மை நாணுபவர்

173.சிற்றின்பம் வெஃகி அறன் அல்ல செய்யாரே
மற்று இன்பம் வேண்டுபவர்

174.இலம் என்று வெஃகுதல் செய்யார் புலம் வென்ற
புன்மை இல் காட்சியவர்

175.அஃகி அகன்ற அறிவு என் ஆம் யார் மாட்டும்
வெஃகி வெறிய செயின்

176.அருள் வெஃகி ஆற்றின்-கண் நின்றான் பொருள் வெஃகி
பொல்லாத சூழ கெடும்

177.வேண்டற்க வெஃகி ஆம் ஆக்கம் விளை-வயின்
மாண்டற்கு அரிது ஆம் பயன்

178.அஃகாமை செல்வத்திற்கு யாது எனின் வெஃகாமை
வேண்டும் பிறன் கைப்பொருள்

179.அறன் அறிந்து வெஃகா அறிவுடையார் சேரும்
திறன் அறிந்து ஆங்கே திரு

180.இறல் ஈனும் எண்ணாது வெஃகின் விறல் ஈனும்
வேண்டாமை என்னும் செருக்கு

# 19 புறங்கூறாமை
181.அறம் கூறான் அல்ல செயினும் ஒருவன்
புறம் கூறான் என்றல் இனிது

182.அறன் அழீஇ அல்லவை செய்தலின் தீதே
புறன் அழீஇ பொய்த்து நகை

183.புறம் கூறி பொய்த்து உயிர் வாழ்தலின் சாதல்
அறம் கூறும் ஆக்கம் தரும்

184.கண் நின்று கண் அற சொல்லினும் சொல்லற்க
முன் இன்று பின் நோக்கா சொல்

185.அறம் சொல்லும் நெஞ்சத்தான் அன்மை புறம் சொல்லும்
புன்மையால் காணப்படும்

186.பிறன் பழி கூறுவான் தன் பழியுள்ளும்
திறன் தெரிந்து கூறப்படும்

187.பக சொல்லி கேளிர் பிரிப்பர் நக சொல்லி
நட்பு ஆடல் தேற்றாதவர்

188.துன்னியார் குற்றமும் தூற்றும் மரபினார்
என்னை-கொல் ஏதிலார் மாட்டு

189.அறன் நோக்கி ஆற்றும்-கொல் வையம் புறன் நோக்கி
புன் சொல் உரைப்பான் பொறை

190.ஏதிலார் குற்றம் போல் தம் குற்றம் காண்கிற்பின்
தீது உண்டோ மன்னும் உயிர்க்கு

# 20 பயனில சொல்லாமை
191.பல்லார் முனிய பயன் இல சொல்லுவான்
எல்லாரும் எள்ளப்படும்

192.பயன் இல பல்லார் முன் சொல்லல் நயன் இல
நட்டார்-கண் செய்தலின் தீது

193.நயன் இலன் என்பது சொல்லும் பயன் இல

பாரித்து உரைக்கும் உரை

194.நயன் சாரா நன்மையின் நீக்கும் பயன் சாரா
பண்பு இல் சொல் பல்லார் அகத்து

195.சீர்மை சிறப்பொடு நீங்கும் பயன் இல
நீர்மை உடையார் சொலின்

196.பயன் இல் சொல் பாராட்டுவானை மகன் எனல்
மக்கள் பதடி எனல்

197.நயன் இல சொல்லினும் சொல்லுக சான்றோர்
பயன் இல சொல்லாமை நன்று

198.அரும் பயன் ஆயும் அறிவினார் சொல்லார்
பெரும் பயன் இல்லாத சொல்

199.பொருள் தீர்ந்த பொச்சாந்தும் சொல்லார் மருள் தீர்ந்த
மாசு அறு காட்சியவர்

200.சொல்லுக சொல்லில் பயன் உடைய சொல்லற்க
சொல்லில் பயன் இலா சொல்

# 21 தீவினை அச்சம்
201.தீவினையார் அஞ்சார் விழுமியார் அஞ்சுவர்
தீவினை என்னும் செருக்கு

202.தீயவை தீய பயத்தலான் தீயவை
தீயினும் அஞ்சப்படும்

203.அறிவினுள் எல்லாம் தலை என்ப தீய
செறுவார்க்கும் செய்யா விடல்

204.மறந்தும் பிறன் கேடு சூழற்க சூழின்
அறம் சூழும் சூழ்ந்தவன் கேடு

205.இலன் என்று தீயவை செய்யற்க செய்யின்
இலன் ஆகும் மற்றும் பெயர்த்து

206.தீ பால தான் பிறர்-கண் செய்யற்க நோய் பால
தன்னை அடல் வேண்டாதான்

207.எனை பகை உற்றாரும் உய்வர் வினை பகை
வீயாது பின் சென்று அடும்

208.தீயவை செய்தார் கெடுதல் நிழல் தன்னை
வீயாது அடி உறைந்த அற்று

209.தன்னை தான் காதலன் ஆயின் எனைத்து ஒன்றும்
துன்னற்க தீவினை பால்

210.அரும் கேடன் என்பது அறிக மருங்கு ஓடி
தீவினை செய்யான் எனின்

# 22 ஒப்புரவறிதல்
211.கைம்மாறு வேண்டா கடப்பாடு மாரி மாட்டு
என் ஆற்றும்-கொல்லோ உலகு

212.தாள் ஆற்றி தந்த பொருள் எல்லாம் தக்கார்க்கு
வேளாண்மை செய்தல் பொருட்டு

213.புத்தேள் உலகத்தும் ஈண்டும் பெறல் அரிதே
ஒப்புரவின் நல்ல பிற

214.ஒத்தது அறிவான் உயிர் வாழ்வான் மற்றையான்
செத்தாருள் வைக்கப்படும்

215.ஊருணி நீர் நிறைந்து அற்றே உலகு அவாம்
பேர் அறிவாளன் திரு

216.பயன் மரம் உள்ளூர் பழுத்து அற்றால் செல்வம்
நயன் உடையான்-கண் படின்

217.மருந்து ஆகி தப்பா மரத்த அற்றால் செல்வம்
பெருந்தகையான்-கண் படின்

218.இடன் இல் பருவத்தும் ஒப்புரவிற்கு ஒல்கார்
கடன் அறி காட்சியவர்

219.நயன் உடையான் நல்கூர்ந்தான் ஆதல் செய்யும் நீர
செய்யாது அமைகலா ஆறு

220.ஒப்புரவினால் வரும் கேடு எனின் அஃது ஒருவன்
விற்று கோள் தக்கது உடைத்து

# 23 ஈகை
221.வறியார்க்கு ஒன்று ஈவதே ஈகை மற்று எல்லாம்
குறியெதிர்ப்பை நீரது உடைத்து

222.நல்லாறு எனினும் கொளல் தீது மேல் உலகம்
இல் எனினும் ஈதலே நன்று

223.இலன் என்னும் எவ்வம் உரையாமை ஈதல்
குலன் உடையான்-கண்ணே உள

224.இன்னாது இரக்கப்படுதல் இரந்தவர்
இன் முகம் காணும் அளவு

225.ஆற்றுவார் ஆற்றல் பசி ஆற்றல் அ பசியை
மாற்றுவார் ஆற்றலின் பின்

226.அற்றார் அழி பசி தீர்த்தல் அஃது ஒருவன்
பெற்றான் பொருள் வைப்பு உழி

227.பாத்து ஊண் மரீஇயவனை பசி என்னும்
தீ பிணி தீண்டல் அரிது

228.ஈத்து உவக்கும் இன்பம் அறியார்-கொல் தாம் உடைமை
வைத்து இழக்கும் வன்கணவர்

229.இரத்தலின் இன்னாது மன்ற நிரப்பிய
தாமே தமியர் உணல்

230.சாதலின் இன்னாதது இல்லை இனிது அதூஉம்
ஈதல் இயையா-கடை

# 24 புகழ்
231.ஈதல் இசை பட வாழ்தல் அது அல்லது
ஊதியம் இல்லை உயிர்க்கு

232.உரைப்பார் உரைப்பவை எல்லாம் இரப்பார்க்கு ஒன்று
ஈவார் மேல் நிற்கும் புகழ்

233.ஒன்றா உலகத்து உயர்ந்த புகழ் அல்லால்
பொன்றாது நிற்பது ஒன்று இல்

234.நில வரை நீள் புகழ் ஆற்றின் புலவரை
போற்றாது புத்தேள் உலகு

235.நத்தம் போல் கேடும் உளது ஆகும் சாக்காடும்
வித்தகர்க்கு அல்லால் அரிது

236.தோன்றின் புகழொடு தோன்றுக அஃது இலார்
தோன்றலின் தோன்றாமை நன்று

237.புகழ் பட வாழாதார் தம் நோவார் தம்மை
இகழ்வாரை நோவது எவன்

238.வசை என்ப வையத்தார்க்கு எல்லாம் இசை என்னும்
எச்சம் பெறாஅவிடின்

239.வசை இலா வண் பயன் குன்றும் இசை இலா
யாக்கை பொறுத்த நிலம்

240.வசை ஒழிய வாழ்வாரே வாழ்வார் இசை ஒழிய
வாழ்வாரே வாழாதவர்

# 25 அருளுடைமை
241.அருள் செல்வம் செல்வத்துள் செல்வம் பொருள் செல்வம்
பூரியார்-கண்ணும் உள

242.நல் ஆற்றான் நாடி அருள் ஆள்க பல் ஆற்றான்
தேரினும் அஃதே துணை

243.அருள் சேர்ந்த நெஞ்சினார்க்கு இல்லை இருள் சேர்ந்த
இன்னா உலகம் புகல்

244.மன் உயிர் ஓம்பி அருள் ஆள்வார்க்கு இல் என்ப
தன் உயிர் அஞ்சும் வினை

245.அல்லல் அருள் ஆள்வார்க்கு இல்லை வளி வழங்கும்
மல்லல் மா ஞாலம் கரி

246.பொருள் நீங்கி பொச்சாந்தார் என்பர் அருள் நீங்கி
அல்லவை செய்து ஒழுகுவார்

247.அருள் இல்லார்க்கு அ உலகம் இல்லை பொருள் இல்லார்க்கு
இ உலகம் இல்லாகி ஆங்கு

248.பொருள் அற்றார் பூப்பர் ஒருகால் அருள் அற்றார்
அற்றார் மற்று ஆதல் அரிது

249.தெருளாதான் மெய் பொருள் கண்டு அற்றால் தேரின்
அருளாதான் செய்யும் அறம்

250.வலியார் முன் தன்னை நினைக்க தான் தன்னின்
மெலியார் மேல் செல்லும் இடத்து

# 26 புலால் மறுத்தல்
251.தன் ஊன் பெருக்கற்கு தான் பிறிது ஊன் உண்பான்
எங்ஙனம் ஆளும் அருள்

252.பொருள் ஆட்சி போற்றாதார்க்கு இல்லை அருள் ஆட்சி
ஆங்கு இல்லை ஊன் தின்பவர்க்கு

253.படை கொண்டார் நெஞ்சம் போல் நன்று ஊக்காது ஒன்றன்
உடல் சுவை உண்டார் மனம்

254.அருள் அல்லது யாது எனின் கொல்லாமை கோறல்
பொருள் அல்லது அ ஊன் தினல்

255.உண்ணாமை உள்ளது உயிர்நிலை ஊன் உண்ண
அண்ணாத்தல் செய்யாது அளறு

256.தினல் பொருட்டால் கொல்லாது உலகு எனின் யாரும்
விலை பொருட்டால் ஊன் தருவார் இல்

257.உண்ணாமை வேண்டும் புலாஅல் பிறிது ஒன்றன்
புண் அது உணர்வார் பெறின்

258.செயிரின் தலைப்பிரிந்த காட்சியர் உண்ணார்
உயிரின் தலைப்பிரிந்த ஊன்

259.அவி சொரிந்து ஆயிரம் வேட்டலின் ஒன்றன்
உயிர் செகுத்து உண்ணாமை நன்று

260.கொல்லான் புலாலை மறுத்தானை கைகூப்பி
எல்லா உயிரும் தொழும்

# 27 தவம்
261.உற்ற நோய் நோன்றல் உயிர்க்கு உறுகண் செய்யாமை
அற்றே தவத்திற்கு உரு

262.தவமும் தவம் உடையார்க்கு ஆகும் அவம் அதனை
அஃது இலார் மேற்கொள்வது

263.துறந்தார்க்கு துப்புரவு வேண்டி மறந்தார்-கொல்
மற்றையவர்கள் தவம்

264.ஒன்னார் தெறலும் உவந்தாரை ஆக்கலும்
எண்ணின் தவத்தான் வரும்

265.வேண்டிய வேண்டிய ஆங்கு எய்தலான் செய் தவம்
ஈண்டு முயலப்படும்

266.தவம் செய்வார் தம் கருமம் செய்வார் மற்று அல்லார்
அவம் செய்வார் ஆசையுள் பட்டு

267.சுட சுடரும் பொன் போல் ஒளிவிடும் துன்பம்
சுடச்சுட நோற்கிற்பவர்க்கு

268.தன் உயிர் தான் அற பெற்றானை ஏனைய
மன் உயிர் எல்லாம் தொழும்

269.கூற்றம் குதித்தலும் கைகூடும் நோற்றலின்
ஆற்றல் தலைப்பட்டவர்க்கு

270.இலர் பலர் ஆகிய காரணம் நோற்பார்
சிலர் பலர் நோலாதவர்

# 28 கூடா ஒழுக்கம்
271.வஞ்ச மனத்தான் படிற்று ஒழுக்கம் பூதங்கள்
ஐந்தும் அகத்தே நகும்

272.வான் உயர் தோற்றம் எவன் செய்யும் தன் நெஞ்சம்
தான் அறி குற்றப்படின்

273.வலி இல் நிலைமையான் வல் உருவம் பெற்றம்
புலியின் தோல் போர்த்து மேய்ந்த அற்று

274.தவம் மறைந்து அல்லவை செய்தல் புதல் மறைந்து
வேட்டுவன் புள் சிமிழ்த்த அற்று

275.பற்று அற்றேம் என்பார் படிற்று ஒழுக்கம் எற்றுஎற்று என்று
ஏதம் பலவும் தரும்

276.நெஞ்சின் துறவார் துறந்தார் போல் வஞ்சித்து
வாழ்வாரின் வன்கணார் இல்

277.புறம் குன்றி கண்டு அனையரேனும் அகம் குன்றி
மூக்கின் கரியார் உடைத்து

278.மனத்தது மாசு ஆக மாண்டார் நீர் ஆடி
மறைந்து ஒழுகும் மாந்தர் பலர்

279.கணை கொடிது யாழ் கோடு செவ்விது ஆங்கு அன்ன
வினைபடு பாலால் கொளல்

280.மழித்தலும் நீட்டலும் வேண்டா உலகம்
பழித்தது ஒழித்துவிடின்

# 29 கள்ளாமை
281.எள்ளாமை வேண்டுவான் என்பான் எனைத்து ஒன்றும்
கள்ளாமை காக்க தன் நெஞ்சு

282.உள்ளத்தால் உள்ளலும் தீதே பிறன் பொருளை
கள்ளத்தால் கள்வேம் எனல்

283.களவினால் ஆகிய ஆக்கம் அளவு இறந்து
ஆவது போல கெடும்

284.களவின்-கண் கன்றிய காதல் விளைவின்-கண்
வீயா விழுமம் தரும்

285.அருள் கருதி அன்புடையார் ஆதல் பொருள் கருதி
பொச்சாப்பு பார்ப்பார்-கண் இல்

286.அளவின்-கண் நின்று ஒழுகலாற்றார் களவின்-கண்
கன்றிய காதலவர்

287.களவு என்னும் கார் அறிவு ஆண்மை அளவு என்னும்
ஆற்றல் புரிந்தார்-கண் இல்

288.அளவு அறிந்தார் நெஞ்சத்து அறம் போல நிற்கும்
களவு அறிந்தார் நெஞ்சில் கரவு

289.அளவு அல்ல செய்து ஆங்கே வீவர் களவு அல்ல
மற்றைய தேற்றாதவர்

290.கள்வார்க்கு தள்ளும் உயிர்நிலை கள்ளார்க்கு
தள்ளாது புத்தேள் உலகு

# 30 வாய்மை
291.வாய்மை எனப்படுவது யாது எனின் யாது ஒன்றும்
தீமை இலாத சொலல்

292.பொய்ம்மையும் வாய்மை இடத்த புரை தீர்ந்த
நன்மை பயக்கும் எனின்

293.தன் நெஞ்சு அறிவது பொய்யற்க பொய்த்த பின்
தன் நெஞ்சே தன்னை சுடும்

294.உள்ளத்தால் பொய்யாது ஒழுகின் உலகத்தார்
உள்ளத்துள் எல்லாம் உளன்

295.மனத்தொடு வாய்மை மொழியின் தவத்தொடு
தானம் செய்வாரின் தலை

296.பொய்யாமை அன்ன புகழ் இல்லை எய்யாமை
எல்லா அறமும் தரும்

297.பொய்யாமை பொய்யாமை ஆற்றின் அறம் பிற
செய்யாமை செய்யாமை நன்று

298.புற தூய்மை நீரான் அமையும் அக தூய்மை
வாய்மையான் காணப்படும்

299.எல்லா விளக்கும் விளக்கு அல்ல சான்றோர்க்கு
பொய்யா விளக்கே விளக்கு

300.யாம் மெய்யா கண்டவற்றுள் இல்லை எனைத்து ஒன்றும்
வாய்மையின் நல்ல பிற

# 31 வெகுளாமை
301.செல் இடத்து காப்பான் சினம் காப்பான் அல் இடத்து
காக்கின் என் காவா-கால் என்

302.செல்லா இடத்து சினம் தீது செல் இடத்தும்
இல் அதனின் தீய பிற

303.மறத்தல் வெகுளியை யார் மாட்டும் தீய
பிறத்தல் அதனான் வரும்

304.நகையும் உவகையும் கொல்லும் சினத்தில் தீய
பகையும் உளவோ பிற

305.தன்னை தான் காக்கின் சினம் காக்க காவா-கால்
தன்னையே கொல்லும் சினம்

306.சினம் என்னும் சேர்ந்தாரை கொல்லி இனம் என்னும்
ஏம புணையை சுடும்

307.சினத்தை பொருள் என்று கொண்டவன் கேடு
நிலத்து அறைந்தான் கை பிழையாது அற்று

308.இணர் எரி தோய்வு அன்ன இன்னா செயினும்
புணரின் வெகுளாமை நன்று

309.உள்ளிய எல்லாம் உடன் எய்தும் உள்ளத்தால்
உள்ளான் வெகுளி எனின்

310.இறந்தார் இறந்தார் அனையர் சினத்தை
துறந்தார் துறந்தார் துணை

# 32 இன்னா செய்யாமை
311.சிறப்பு ஈனும் செல்வம் பெறினும் பிறர்க்கு இன்னா
செய்யாமை மாசு அற்றார் கோள்

312.கறுத்து இன்னா செய்த அக்கண்ணும் மறுத்து இன்னா
செய்யாமை மாசு அற்றார் கோள்

313.செய்யாமல் செற்றார்க்கும் இன்னாத செய்த பின்
உய்யா விழுமம் தரும்

314.இன்னா செய்தாரை ஒறுத்தல் அவர் நாண
நன் நயம் செய்து விடல்

315.அறிவினான் ஆவது உண்டோ பிறிதின் நோய்
தம் நோய் போல் போற்றா-கடை

316.இன்னா என தான் உணர்ந்தவை துன்னாமை
வேண்டும் பிறன்-கண் செயல்

317.எனைத்தானும் எஞ்ஞான்றும் யார்க்கும் மனத்தான் ஆம்
மாணா செய்யாமை தலை

318.தன் உயிர்க்கு இன்னாமை தான் அறிவான் என்-கொலோ
மன் உயிர்க்கு இன்னா செயல்

319.பிறர்க்கு இன்னா முற்பகல் செய்யின் தமக்கு இன்னா
பிற்பகல் தாமே வரும்

320.நோய் எல்லாம் நோய் செய்தார் மேலவாம் நோய் செய்யார்
நோய் இன்மை வேண்டுபவர்

# 33 கொல்லாமை
321.அறவினை யாது எனின் கொல்லாமை கோறல்
பிற வினை எல்லாம் தரும்

322.பகுத்து உண்டு பல் உயிர் ஓம்புதல் நூலோர்
தொகுத்தவற்றுள் எல்லாம் தலை

323.ஒன்றாக நல்லது கொல்லாமை மற்று அதன்
பின் சார பொய்யாமை நன்று

324.நல் ஆறு எனப்படுவது யாது எனின் யாது ஒன்றும்
கொல்லாமை சூழும் நெறி

325.நிலை அஞ்சி நீத்தாருள் எல்லாம் கொலை அஞ்சி
கொல்லாமை சூழ்வான் தலை

326.கொல்லாமை மேற்கொண்டு ஒழுகுவான் வாழ்நாள் மேல்
செல்லாது உயிர் உண்ணும் கூற்று

327.தன் உயிர் நீப்பினும் செய்யற்க தான் பிறிது
இன் உயிர் நீக்கும் வினை

328.நன்று ஆகும் ஆக்கம் பெரிது எனினும் சான்றோர்க்கு
கொன்று ஆகும் ஆக்கம் கடை

329.கொலை வினையர் ஆகிய மாக்கள் புலை வினையர்
புன்மை தெரிவார் அகத்து

330.உயிர் உடம்பின் நீக்கியார் என்ப செயிர் உடம்பின்
செல்லா தீ வாழ்க்கையவர்

# 34 நிலையாமை
331.நில்லாதவற்றை நிலையின என்று உணரும்
புல்லறிவு ஆண்மை கடை

332.கூத்தாட்டு அவை குழாத்த அற்றே பெரும் செல்வம்
போக்கும் அது விளிந்து அற்று

333.அற்கா இயல்பிற்று செல்வம் அது பெற்றால்
அற்குப ஆங்கே செயல்

334.நாள் என ஒன்று போல் காட்டி உயிர் ஈரும்
வாளாது உணர்வார் பெறின்

335.நா செற்று விக்குள் மேல்வாரா முன் நல் வினை
மேற்சென்று செய்யப்படும்

336.நெருநல் உளன் ஒருவன் இன்று இல்லை என்னும்
பெருமை உடைத்து இ உலகு

337.ஒருபொழுதும் வாழ்வது அறியார் கருதுப
கோடியும் அல்ல பல

338.குடம்பை தனித்து ஒழிய புள் பறந்த அற்றே
உடம்பொடு உயிர்-இடை நட்பு

339.உறங்குவது போலும் சாக்காடு உறங்கி
விழிப்பது போலும் பிறப்பு

340.புக்கில் அமைந்தின்று-கொல்லோ உடம்பினுள்
துச்சில் இருந்த உயிர்க்கு

# 35 துறவு
341.யாதனின் யாதனின் நீங்கியான் நோதல்
அதனின் அதனின் இலன்

342.வேண்டின் உண்டாக துறக்க துறந்த பின்
ஈண்டு இயற்பால பல

343.அடல் வேண்டும் ஐந்தன் புலத்தை விடல் வேண்டும்
வேண்டிய எல்லாம் ஒருங்கு

344.இயல்பு ஆகும் நோன்பிற்கு ஒன்று இன்மை உடைமை
மயல் ஆகும் மற்றும் பெயர்த்து

345.மற்றும் தொடர்ப்பாடு எவன்-கொல் பிறப்பு அறுக்கல்
உற்றார்க்கு உடம்பும் மிகை

346.யான் எனது என்னும் செருக்கு அறுப்பான் வானோர்க்கு
உயர்ந்த உலகம் புகும்

347.பற்றி விடாஅ இடும்பைகள் பற்றினை
பற்றி விடாஅதவர்க்கு

348.தலைப்பட்டார் தீர துறந்தார் மயங்கி
வலைப்பட்டார் மற்றையவர்

349.பற்று அற்ற-கண்ணே பிறப்பு அறுக்கும் மற்றும்
நிலையாமை காணப்படும்

350.பற்றுக பற்று அற்றான் பற்றினை அ பற்றை
பற்றுக பற்று விடற்கு

# 36 மெய்யுணர்தல்
351.பொருள் அல்லவற்றை பொருள் என்று உணரும்
மருளான் ஆம் மாணா பிறப்பு

352.இருள் நீங்கி இன்பம் பயக்கும் மருள் நீங்கி
மாசு அறு காட்சியவர்க்கு

353.ஐயத்தின் நீங்கி தெளிந்தார்க்கு வையத்தின்
வானம் நணியது உடைத்து

354.ஐ உணர்வு எய்திய-கண்ணும் பயம் இன்றே
மெய் உணர்வு இல்லாதவர்க்கு

355.எ பொருள் எ தன்மைத்து-ஆயினும் அ பொருள்
மெய் பொருள் காண்பது அறிவு

356.கற்று ஈண்டு மெய் பொருள் கண்டார் தலைப்படுவர்
மற்று ஈண்டு வாரா நெறி

357.ஓர்த்து உள்ளம் உள்ளது உணரின் ஒருதலையா
பேர்த்து உள்ள வேண்டா பிறப்பு

358.பிறப்பு என்னும் பேதைமை நீங்க சிறப்பு என்னும்
செம் பொருள் காண்பது அறிவு

359.சார்பு உணர்ந்து சார்பு கெட ஒழுகின் மற்று அழித்து
சார்தரா சார்தரும் நோய்

360.காமம் வெகுளி மயக்கம் இவை மூன்றன்
நாமம் கெட கெடும் நோய்

# 37 அவா அறுத்தல்
361.அவா என்ப எல்லா உயிர்க்கும் எஞ்ஞான்றும்
தவாஅ பிறப்பு ஈனும் வித்து

362.வேண்டும்-கால் வேண்டும் பிறவாமை மற்று அது
வேண்டாமை வேண்ட வரும்

363.வேண்டாமை அன்ன விழு செல்வம் ஈண்டு இல்லை
யாண்டும் அஃது ஒப்பது இல்

364.தூஉய்மை என்பது அவா இன்மை மற்று அது
வாஅய்மை வேண்ட வரும்

365.அற்றவர் என்பார் அவா அற்றார் மற்றையார்
அற்று ஆக அற்றது இலர்

366.அஞ்சுவது ஓரும் அறனே ஒருவனை
வஞ்சிப்பது ஓரும் அவா

367.அவாவினை ஆற்ற அறுப்பின் தவா வினை
தான் வேண்டும் ஆற்றான் வரும்

368.அவா இல்லார்க்கு இல் ஆகும் துன்பம் அஃது உண்டேல்
தவாஅது மேன்மேல் வரும்

369.இன்பம் இடையறாது ஈண்டும் அவா என்னும்
துன்பத்துள் துன்பம் கெடின்

370.ஆரா இயற்கை அவா நீப்பின் அ நிலையே
பேரா இயற்கை தரும்

# 38 ஊழ்
371.ஆகு_ஊழால் தோன்றும் அசைவு இன்மை கைப்பொருள்
போகு_ஊழால் தோன்றும் மடி

372.பேதை படுக்கும் இழவு_ஊழ் அறிவு அகற்றும்
ஆகல்_ஊழ் உற்ற-கடை

373.நுண்ணிய நூல் பல கற்பினும் மற்றும் தன்
உண்மை அறிவே மிகும்

374.இரு வேறு உலகத்து இயற்கை திரு வேறு
தெள்ளியர் ஆதலும் வேறு

375.நல்லவை எல்லாஅம் தீய ஆம் தீயவும்
நல்ல ஆம் செல்வம் செயற்கு

376.பரியினும் ஆகா ஆம் பால் அல்ல உய்த்து
சொரியினும் போகா தம

377.வகுத்தான் வகுத்த வகை அல்லால் கோடி
தொகுத்தார்க்கும் துய்த்தல் அரிது

378.துறப்பார்-மன் துப்புரவு இல்லார் உறல்-பால
ஊட்டா கழியும் எனின்

379.நன்று ஆம்-கால் நல்லவா காண்பவர் அன்று ஆம்-கால்
அல்லற்படுவது எவன்

380.ஊழின் பெரு வலி யா உள மற்று ஒன்று
சூழினும் தான் முந்துறும்

# 39 இறைமாட்சி
381.படை குடி கூழ் அமைச்சு நட்பு அரண் ஆறும்
உடையான் அரசருள் ஏறு

382.அஞ்சாமை ஈகை அறிவு ஊக்கம் இ நான்கும்
எஞ்சாமை வேந்தற்கு இயல்பு

383.தூங்காமை கல்வி துணிவுடைமை இ மூன்றும்
நீங்கா நிலன் ஆள்பவற்கு

384.அறன் இழுக்காது அல்லவை நீக்கி மறன் இழுக்கா
மானம் உடையது அரசு

385.இயற்றலும் ஈட்டலும் காத்தலும் காத்த
வகுத்தலும் வல்லது அரசு

386.காட்சிக்கு எளியன் கடும் சொல்லன் அல்லனேல்
மீக்கூறும் மன்னன் நிலம்

387.இன் சொலால் ஈத்து அளிக்க வல்லாற்கு தன் சொலால்
தான் கண்டனைத்து இ உலகு

388.முறை செய்து காப்பாற்றும் மன்னவன் மக்கட்கு
இறை என்று வைக்கப்படும்

389.செவி கைப்ப சொல் பொறுக்கும் பண்பு உடை வேந்தன்
கவி கை கீழ் தங்கும் உலகு

390.கொடை அளி செங்கோல் குடி ஓம்பல் நான்கும்
உடையான் ஆம் வேந்தர்க்கு ஒளி

# 40 கல்வி
391.கற்க கசடு அற கற்பவை கற்ற பின்
நிற்க அதற்கு தக

392.எண் என்ப ஏனை எழுத்து என்ப இ இரண்டும்
கண் என்ப வாழும் உயிர்க்கு

393.கண் உடையர் என்பவர் கற்றோர் முகத்து இரண்டு
புண் உடையர் கல்லாதவர்

394.உவப்ப தலைக்கூடி உள்ள பிரிதல்
அனைத்தே புலவர் தொழில்

395.உடையார் முன் இல்லார் போல் ஏக்கற்றும் கற்றார்
கடையரே கல்லாதவர்

396.தொட்டு அனைத்து ஊறும் மணல் கேணி மாந்தர்க்கு
கற்று அனைத்து ஊறும் அறிவு

397.யாதானும் நாடு ஆமால் ஊர் ஆமால் என் ஒருவன்
சாம் துணையும் கல்லாதவாறு

398.ஒருமை-கண் தாம் கற்ற கல்வி ஒருவற்கு
எழுமையும் ஏமாப்பு உடைத்து

399.தாம் இன்புறுவது உலகு இன்புற கண்டு
காமுறுவர் கற்று அறிந்தார்

400.கேடு இல் விழு செல்வம் கல்வி ஒருவற்கு
மாடு அல்ல மற்றையவை

# 41 கல்லாமை
401.அரங்கு இன்றி வட்டு ஆடிய அற்றே நிரம்பிய
நூல் இன்றி கோட்டி கொளல்

402.கல்லாதான் சொல் காமுறுதல் முலை இரண்டும்
இல்லாதாள் பெண் காமுற்று அற்று

403.கல்லாதவரும் நனி நல்லர் கற்றார் முன்
சொல்லாது இருக்க பெறின்

404.கல்லாதான் ஒட்பம் கழிய நன்று-ஆயினும்
கொள்ளார் அறிவுடையார்

405.கல்லா ஒருவன் தகைமை தலைப்பெய்து
சொல்லாட சோர்வுபடும்

406.உளர் என்னும் மாத்திரையர் அல்லால் பயவா
களர் அனையர் கல்லாதவர்

407.நுண் மாண் நுழை புலம் இல்லான் எழில் நலம்
மண் மாண் புனை பாவை அற்று

408.நல்லார்-கண் பட்ட வறுமையின் இன்னாதே
கல்லார்-கண் பட்ட திரு

409.மேல் பிறந்தார்-ஆயினும் கல்லாதார் கீழ் பிறந்தும்
கற்றார் அனைத்து இலர் பாடு

410.விலங்கொடு மக்கள் அனையர் இலங்கு நூல்
கற்றாரொடு ஏனையவர்

# 42 கேள்வி
411.செல்வத்துள் செல்வம் செவி செல்வம் அ செல்வம்
செல்வத்துள் எல்லாம் தலை

412.செவிக்கு உணவு இல்லாத போழ்து சிறிது
வயிற்றுக்கும் ஈயப்படும்

413.செவி உணவின் கேள்வி உடையார் அவி உணவின்
ஆன்றாரொடு ஒப்பர் நிலத்து

414.கற்றிலன்-ஆயினும் கேட்க அஃது ஒருவற்கு
ஒற்கத்தின் ஊற்று ஆம் துணை

415.இழுக்கல் உடை உழி ஊற்றுக்கோல் அற்றே
ஒழுக்கம் உடையார் வாய் சொல்

416.எனைத்தானும் நல்லவை கேட்க அனைத்தானும்
ஆன்ற பெருமை தரும்

417.பிழைத்து உணர்ந்தும் பேதைமை சொல்லார் இழைத்து உணர்ந்து
ஈண்டிய கேள்வியவர்

418.கேட்பினும் கேளா தகையவே கேள்வியால்
தோட்கப்படாத செவி

419.நுணங்கிய கேள்வியர் அல்லார் வணங்கிய
வாயினர் ஆதல் அரிது

420.செவியின் சுவை உணரா வாய் உணர்வின் மாக்கள்
அவியினும் வாழினும் என்

# 43 அறிவுடைமை
421.அறிவு அற்றம் காக்கும் கருவி செறுவார்க்கும்
உள் அழிக்கல் ஆகா அரண்

422.சென்ற இடத்தால் செலவிடா தீது ஒரீஇ
நன்றின்-பால் உய்ப்பது அறிவு

423.எ பொருள் யார் யார் வாய் கேட்பினும் அ பொருள்
மெய் பொருள் காண்பது அறிவு

424.எண் பொருள ஆக செல சொல்லி தான் பிறர்வாய்
நுண் பொருள் காண்பது அறிவு

425.உலகம் தழீஇயது ஒட்பம் மலர்தலும்
கூம்பலும் இல்லது அறிவு

426.எவ்வது உறைவது உலகம் உலகத்தொடு
அவ்வது உறைவது அறிவு

427.அறிவுடையார் ஆவது அறிவார் அறிவிலார்
அஃது அறிகல்லாதவர்

428.அஞ்சுவது அஞ்சாமை பேதைமை அஞ்சுவது
அஞ்சல் அறிவார் தொழில்

429.எதிரதா காக்கும் அறிவினார்க்கு இல்லை
அதிர வருவதோர் நோய்

430.அறிவுடையார் எல்லாம் உடையார் அறிவிலார்
என் உடையரேனும் இலர்

# 44 குற்றங்கடிதல்
431.செருக்கும் சினமும் சிறுமையும் இல்லார்
பெருக்கம் பெருமித நீர்த்து

432.இவறலும் மாண்பு இறந்த மானமும் மாணா
உவகையும் ஏதம் இறைக்கு

433.தினை துணையாம் குற்றம் வரினும் பனை துணையா
கொள்வர் பழி நாணுவார்

434.குற்றமே காக்க பொருளாக குற்றமே
அற்றம் தரூஉம் பகை

435.வரும் முன்னர் காவாதான் வாழ்க்கை எரி முன்னர்
வைத்தூறு போல கெடும்

436.தன் குற்றம் நீக்கி பிறர் குற்றம் காண்கிற்பின்
என் குற்றம் ஆகும் இறைக்கு

437.செயல்-பால செய்யாது இவறியான் செல்வம்
உயல்-பாலது அன்றி கெடும்

438.பற்று உள்ளம் என்னும் இவறன்மை எற்றுள்ளும்
எண்ணப்படுவது ஒன்று அன்று

439.வியவற்க எஞ்ஞான்றும் தன்னை நயவற்க
நன்றி பயவா வினை

440.காதல காதல் அறியாமை உய்க்கிற்பின்
ஏதில ஏதிலார் நூல்

# 45 பெரியாரைத் துணைக்கோடல்
441.அறன் அறிந்து மூத்த அறிவுடையார் கேண்மை
திறன் அறிந்து தேர்ந்து கொளல்

442.உற்ற நோய் நீக்கி உறாஅமை முன் காக்கும்
பெற்றியார் பேணி கொளல்

443.அரியவற்றுள் எல்லாம் அரிதே பெரியாரை
பேணி தமரா கொளல்

444.தம்மின் பெரியார் தமரா ஒழுகுதல்
வன்மையுள் எல்லாம் தலை

445.சூழ்வார் கண் ஆக ஒழுகலான் மன்னவன்
சூழ்வாரை சூழ்ந்து கொளல்

446.தக்கார் இனத்தனாய் தான் ஒழுக வல்லனை
செற்றார் செயக்கிடந்தது இல்

447.இடிக்கும் துணையாரை ஆள்வாரை யாரே
கெடுக்கும் தகைமையவர்

448.இடிப்பாரை இல்லாத ஏமரா மன்னன்
கெடுப்பார் இலானும் கெடும்

449.முதல் இலார்க்கு ஊதியம் இல்லை மதலை ஆம்
சார்பு இலார்க்கு இல்லை நிலை

450.பல்லார் பகை கொளலின் பத்து அடுத்த தீமைத்தே
நல்லார் தொடர் கைவிடல்

# 46 சிற்றினம் சேராமை
451.சிற்றினம் அஞ்சும் பெருமை சிறுமை-தான்
சுற்றமா சூழ்ந்துவிடும்

452.நிலத்து இயல்பான் நீர் திரிந்து அற்று ஆகும் மாந்தர்க்கு
இனத்து இயல்பது ஆகும் அறிவு

453.மனத்தான் ஆம் மாந்தர்க்கு உணர்ச்சி இனத்தான் ஆம்
இன்னான் எனப்படும் சொல்

454.மனத்து உளது போல காட்டி ஒருவற்கு
இனத்து உளது ஆகும் அறிவு

455.மன தூய்மை செய்வினை தூய்மை இரண்டும்
இன தூய்மை தூவா வரும்

456.மனம் தூயார்க்கு எச்சம் நன்று ஆகும் இனம் தூயார்க்கு
இல்லை நன்று ஆகா வினை

457.மன நலம் மன் உயிர்க்கு ஆக்கம் இன நலம்
எல்லா புகழும் தரும்

458.மன நலம் நன்கு உடையர்-ஆயினும் சான்றோர்க்கு
இன நலம் ஏமாப்பு உடைத்து

459.மன நலத்தின் ஆகும் மறுமை மற்று அஃதும்
இன நலத்தின் ஏமாப்பு உடைத்து

460.நல் இனத்தின் ஊங்கும் துணை இல்லை தீ இனத்தின்
அல்லற்படுப்பதூஉம் இல்

# 47 தெரிந்து செயல் வகை
461.அழிவதூஉம் ஆவதூஉம் ஆகி வழி பயக்கும்
தியமும் சூழ்ந்து செயல்

462.தெரிந்த இனத்தொடு தேர்ந்து எண்ணி செய்வார்க்கு
அரும் பொருள் யாது ஒன்றும் இல்

463.ஆக்கம் கருதி முதல் இழக்கும் செய் வினை
ஊக்கார் அறிவுடையார்

464.தெளிவு இலதனை தொடங்கார் இளிவு என்னும்
ஏதப்பாடு அஞ்சுபவர்

465.வகை அற சூழாது எழுதல் பகைவரை
பாத்தி படுப்பது ஓர் ஆறு

466.செய் தக்க அல்ல செய கெடும் செய் தக்க
செய்யாமையானும் கெடும்

467.எண்ணி துணிக கருமம் துணிந்த பின்
எண்ணுவம் என்பது இழுக்கு

468.ஆற்றின் வருந்தா வருத்தம் பலர் நின்று
போற்றினும் பொத்துப்படும்

469.நன்று ஆற்றலுள்ளும் தவறு உண்டு அவரவர்
பண்பு அறிந்து ஆற்றா-கடை

470.எள்ளாத எண்ணி செயல் வேண்டும் தம்மொடு
கொள்ளாத கொள்ளாது உலகு

# 48 வலியறிதல்
471.வினை வலியும் தன் வலியும் மாற்றான் வலியும்
துணை வலியும் தூக்கி செயல்

472.ஒல்வது அறிவது அறிந்து அதன்-கண் தங்கி
செல்வார்க்கு செல்லாதது இல்

473.உடை தம் வலி அறியார் ஊக்கத்தின் ஊக்கி
இடை-கண் முரிந்தார் பலர்

474.அமைந்து ஆங்கு ஒழுகான் அளவு அறியான் தன்னை
வியந்தான் விரைந்து கெடும்

475.பீலி பெய் சாகாடும் அச்சு இறும் அ பண்டம்
சால மிகுத்து பெயின்

476.நுனி கொம்பர் ஏறினார் அஃது இறந்து ஊக்கின்
உயிர்க்கு இறுதி ஆகிவிடும்

477.ஆற்றின் அளவு அறிந்து ஈக அது பொருள்
போற்றி வழங்கும் நெறி

478.ஆகு_ஆறு அளவு இட்டிது-ஆயினும் கேடு இல்லை
போகு_ஆறு அகலா-கடை

479.அளவு அறிந்து வாழாதான் வாழ்க்கை உள போல
இல்லாகி தோன்றா கெடும்

480.உள வரை தூக்காத ஒப்புரவு ஆண்மை
வள வரை வல்லை கெடும்

# 49 காலமறிதல்
481.பகல் வெல்லும் கூகையை காக்கை இகல் வெல்லும்
வேந்தர்க்கு வேண்டும் பொழுது

482.பருவத்தொடு ஒட்ட ஒழுகல் திருவினை
தீராமை ஆர்க்கும் கயிறு

483.அரு வினை என்ப உளவோ கருவியான்
காலம் அறிந்து செயின்

484.ஞாலம் கருதினும் கைகூடும் காலம்
கருதி இடத்தான் செயின்

485.காலம் கருதி இருப்பர் கலங்காது
ஞாலம் கருதுபவர்

486.ஊக்கம் உடையான் ஒடுக்கம் பொரு தகர்
தாக்கற்கு பேரும் தகைத்து

487.பொள்ளென ஆங்கே புறம் வேரார் காலம் பார்த்து
உள் வேர்ப்பர் ஒள்ளியவர்

488.செறுநரை காணின் சுமக்க இறுவரை
காணின் கிழக்காம் தலை

489.எய்தற்கு அரியது இயைந்த-கால் அ நிலையே
செய்தற்கு அரிய செயல்

490.கொக்கு ஒக்க கூம்பும் பருவத்து மற்று அதன்
குத்து ஒக்க சீர்த்த இடத்து

# 50 இடனறிதல்
491.தொடங்கற்க எ வினையும் எள்ளற்க முற்றும்
இடம் கண்ட பின் அல்லது

492.முரண் சேர்ந்த மொய்ம்பினவர்க்கும் அரண் சேர்ந்து ஆம்
ஆக்கம் பலவும் தரும்

493.ஆற்றாரும் ஆற்றி அடுப இடன் அறிந்து
போற்றார்-கண் போற்றி செயின்

494.எண்ணியார் எண்ணம் இழப்பர் இடன் அறிந்து
துன்னியார் துன்னி செயின்

495.நெடும் புனலுள் வெல்லும் முதலை அடும் புனலின்
நீங்கின் அதனை பிற

496.கடல் ஓடா கால் வல் நெடு தேர் கடல் ஓடும்
நாவாயும் ஓடா நிலத்து

497.அஞ்சாமை அல்லால் துணை வேண்டா எஞ்சாமை
எண்ணி இடத்தான் செயின்

498.சிறு படையான் செல் இடம் சேரின் உறு படையான்
ஊக்கம் அழிந்து விடும்

499.சிறை நலனும் சீரும் இலர் எனினும் மாந்தர்
உறை நிலத்தொடு ஒட்டல் அரிது

500.கால் ஆழ் களரின் நரி அடும் கண் அஞ்சா
வேல் ஆள் முகத்த களிறு

# 51 தெரிந்து தெளிதல்
501.அறம் பொருள் இன்பம் உயிர் அச்சம் நான்கின்
திறம் தெரிந்து தேறப்படும்

502.குடி பிறந்து குற்றத்தின் நீங்கி வடு பரியும்
நாண் உடையான்-கட்டே தெளிவு

503.அரிய கற்று ஆசு அற்றார்-கண்ணும் தெரியும்-கால்
இன்மை அரிதே வெளிறு

504.குணம் நாடி குற்றமும் நாடி அவற்றுள்
மிகை நாடி மிக்க கொளல்

505.பெருமைக்கும் ஏனை சிறுமைக்கும் தத்தம்
கருமமே கட்டளை கல்

506.அற்றாரை தேறுதல் ஓம்புக மற்று அவர்
பற்று இலர் நாணார் பழி

507.காதன்மை கந்தா அறிவு அறியார் தேறுதல்
பேதைமை எல்லாம் தரும்

508.தேரான் பிறனை தெளிந்தான் வழிமுறை
தீரா இடும்பை தரும்

509.தேறற்க யாரையும் தேராது தேர்ந்த பின்
தேறுக தேறும் பொருள்

510.தேரான் தெளிவும் தெளிந்தான்-கண் ஐயுறவும்
தீரா இடும்பை தரும்

# 52 தெரிந்து வினையாடல்
511.நன்மையும் தீமையும் நாடி நலம் புரிந்த
தன்மையான் ஆளப்படும்

512.வாரி பெருக்கி வளம் படுத்து உற்றவை
ஆராய்வான் செய்க வினை

513.அன்பு அறிவு தேற்றம் அவா இன்மை இ நான்கும்
நன்கு உடையான்-கட்டே தெளிவு

514.எனை வகையான் தேறிய-கண்ணும் வினை வகையான்
வேறு ஆகும் மாந்தர் பலர்

515.அறிந்து ஆற்றி செய்கிற்பாற்கு அல்லால் வினை தான்
சிறந்தான் என்று ஏவல்-பாற்று அன்று

516.செய்வானை நாடி வினை நாடி காலத்தொடு
எய்த உணர்ந்து செயல்

517.இதனை இதனால் இவன் முடிக்கும் என்று ஆய்ந்து
அதனை அவன்-கண் விடல்

518.வினைக்கு உரிமை நாடிய பின்றை அவனை
அதற்கு உரியன் ஆக செயல்

519.வினை-கண் வினை உடையான் கேண்மை வேறு ஆக
நினைப்பானை நீங்கும் திரு

520.நாள்-தோறும் நாடுக மன்னன் வினை செய்வான்
கோடாமை கோடாது உலகு

# 53 சுற்றம் தழால்
521.பற்று அற்ற-கண்ணும் பழமை பாராட்டுதல்
ச1ற்றத்தார்-கண்ணே உள

522.விருப்பு அறா சுற்றம் இயையின் அருப்பு அறா
ஆக்கம் பலவும் தரும்

523.அளவளாவு இல்லாதான் வாழ்க்கை குள வளா
கோடு இன்றி நீர் நிறைந்து அற்று

524.சுற்றத்தால் சுற்றப்பட ஒழுகல் செல்வம் தான்
பெற்றத்தால் பெற்ற பயன்

525.கொடுத்தலும் இன் சொலும் ஆற்றின் அடுக்கிய
சுற்றத்தால் சுற்றப்படும்

526.பெரும் கொடையான் பேணான் வெகுளி அவனின்
மருங்கு உடையார் மா நிலத்து இல்

527.காக்கை கரவா கரைந்து உண்ணும் ஆக்கமும்
அன்ன நீரார்க்கே உள

528.பொது நோக்கான் வேந்தன் வரிசையா நோக்கின்
அது நோக்கி வாழ்வார் பலர்

529.தமர் ஆகி தன் துறந்தார் சுற்றம் அமராமை
காரணம் இன்றி வரும்

530.உழை பிரிந்து காரணத்தின் வந்தானை வேந்தன்
இழைத்து இருந்து எண்ணி கொளல்

# 54 பொச்சாமை
531.இறந்த வெகுளியின் தீதே சிறந்த
உவகை மகிழ்ச்சியின் சோர்வு

532.பொச்சாப்பு கொல்லும் புகழை அறிவினை
நிச்சம் நிரப்பு கொன்று ஆங்கு

533.பொச்சாப்பார்க்கு இல்லை புகழ்மை அது உலகத்து
எ பால் நூலோர்க்கும் துணிவு

534.அச்சம் உடையார்க்கு அரண் இல்லை ஆங்கு இல்லை
பொச்சாப்பு உடையார்க்கு நன்கு

535.முன்னுற காவாது இழுக்கியான் தன் பிழை
பின் ஊறு இரங்கிவிடும்

536.இழுக்காமை யார் மாட்டும் என்றும் வழுக்காமை
வாயின் அஃது ஒப்பது இல்

537.அரிய என்று ஆகாத இல்லை பொச்சாவா
கருவியான் போற்றி செயின்

538.புகழ்ந்தவை போற்றி செயல் வேண்டும் செய்யாது
இகழ்ந்தார்க்கு எழுமையும் இல்

539.இகழ்ச்சியின் கெட்டாரை உள்ளுக தாம் தம்
மகிழ்ச்சியின் மைந்துறும் போழ்து

540.உள்ளியது எய்தல் எளிது-மன் மற்றும் தான்
உள்ளியது உள்ள பெறின்

# 55 செங்கோன்மை
541.ஓர்ந்து கண்ணோடாது இறை புரிந்து யார் மாட்டும்
தேர்ந்து செய்வஃதே முறை

542.வான் நோக்கி வாழும் உலகு எல்லாம் மன்னவன்
கோல் நோக்கி வாழும் குடி

543.அந்தணர் நூற்கும் அறத்திற்கும் ஆதியாய்
நின்றது மன்னவன் கோல்

544.குடி தழீஇ கோல் ஓச்சும் மா நில மன்னன்
அடி தழீஇ நிற்கும் உலகு

545.இயல்பு உளி கோல் ஓச்சும் மன்னவன் நாட்ட
பெயலும் விளையுளும் தொக்கு

546.வேல் அன்று வென்றி தருவது மன்னவன்
கோல் அதூஉம் கோடாது எனின்

547.இறை காக்கும் வையகம் எல்லாம் அவனை
முறை காக்கும் முட்டா செயின்

548.எண் பதத்தான் ஓரா முறை செய்யா மன்னவன்
தண் பதத்தான் தானே கெடும்

549.குடி புறங்காத்து ஓம்பி குற்றம் கடிதல்
வடு அன்று வேந்தன் தொழில்

550.கொலையின் கொடியாரை வேந்து ஒறுத்தல் பைம் கூழ்
களை கட்டதனொடு நேர்

# 56 கொடுங்கோன்மை
551.கொலை மேற்கொண்டாரின் கொடிதே அலை மேற்கொண்டு
அல்லவை செய்து ஒழுகும் வேந்து

552.வேலொடு நின்றான் இடு என்றது போலும்
கோலொடு நின்றான் இரவு

553.நாள்-தொறும் நாடி முறைசெய்யா மன்னவன்
நாள்-தொறும் நாடு கெடும்

554.கூழும் குடியும் ஒருங்கு இழக்கும் கோல் கோடி
சூழாது செய்யும் அரசு

555.அல்லற்பட்டு ஆற்றாது அழுத கண்ணீர் அன்றே
செல்வத்தை தேய்க்கும் படை

556.மன்னர்க்கு மன்னுதல் செங்கோன்மை அஃது இன்றேல்
மன்னாவாம் மன்னர்க்கு ஒளி

557.துளி இன்மை ஞாலத்திற்கு எற்று அற்றே வேந்தன்
அளி இன்மை வாழும் உயிர்க்கு

558.இன்மையின் இன்னாது உடைமை முறை செய்யா
மன்னவன் கோல் கீழ் படின்

559.முறை கோடி மன்னவன் செய்யின் உறை கோடி
ஒல்லாது வானம் பெயல்

560.ஆ பயன் குன்றும் அறு_தொழிலோர் நூல் மறப்பர்
காவலன் காவான் எனின்

# 57 வெருவந்த செய்யாமை
561.தக்க ஆங்கு நாடி தலைச்செல்லா வண்ணத்தால்
ஒத்து ஆங்கு ஒறுப்பது வேந்து

562.கடிது ஓச்சி மெல்ல எறிக நெடிது ஆக்கம்
நீங்காமை வேண்டுபவர்

563.வெருவந்த செய்து ஒழுகும் வெம் கோலன் ஆயின்
ஒருவந்தம் ஒல்லை கெடும்

564.இறை கடியன் என்று உரைக்கும் இன்னா சொல் வேந்தன்
உறை கடுகி ஒல்லை கெடும்

565.அரும் செவ்வி இன்னா முகத்தான் பெரும் செல்வம்
பேஎய் கண்ட அன்னது உடைத்து

566.கடும் சொல்லன் கண் இலன் ஆயின் நெடும் செல்வம்
நீடு இன்றி ஆங்கே கெடும்

567.கடு மொழியும் கையிகந்த தண்டமும் வேந்தன்
அடு முரண் தேய்க்கும் அரம்

568.இனத்து ஆற்றி எண்ணாத வேந்தன் சினத்து ஆற்றி
சீறின் சிறுகும் திரு

569.செரு வந்த போழ்தில் சிறை செய்யா வேந்தன்
வெருவந்து வெய்து கெடும்

570.கல்லார் பிணிக்கும் கடும் கோல் அது அல்லது
இல்லை நிலக்கு பொறை

# 58 கண்ணோட்டம்
571.கண்ணோட்டம் என்னும் கழி பெரும் காரிகை
உண்மையான் உண்டு இ உலகு

572.கண்ணோட்டத்து உள்ளது உலகியல் அஃது இலார்
உண்மை நிலைக்கு பொறை

573.பண் என் ஆம் பாடற்கு இயைபு இன்றேல் கண் என் ஆம்
கண்ணோட்டம் இல்லாத கண்

574.உள போல் முகத்து எவன் செய்யும் அளவினால்
கண்ணோட்டம் இல்லாத கண்

575.கண்ணிற்கு அணிகலம் கண்ணோட்டம் அஃது இன்றேல்
புண் என்று உணரப்படும்

576.மண்ணோடு இயைந்த மரத்து அனையர் கண்ணொடு
இயைந்து கண்ணோடாதவர்

577.கண்ணோட்டம் இல்லவர் கண் இலர் கண் உடையார்
கண்ணோட்டம் இன்மையும் இல்

578.கருமம் சிதையாமல் கண்ணோட வல்லார்க்கு
உரிமை உடைத்து இ உலகு

579.ஒறுத்தாற்றும் பண்பினார்-கண்ணும் கண்ணோடி
பொறுத்தாற்றும் பண்பே தலை

580.பெய கண்டும் நஞ்சு உண்டு அமைவர் நயத்தக்க
நாகரிகம் வேண்டுபவர்

# 59 ஒற்றாடல்
581.ஒற்றும் உரை சான்ற நூலும் இவை இரண்டும்
தெற்று என்க மன்னவன் கண்

582.எல்லார்க்கும் எல்லாம் நிகழ்பவை எஞ்ஞான்றும்
வல்லறிதல் வேந்தன் தொழில்

583.ஒற்றினான் ஒற்றி பொருள் தெரியா மன்னவன்
கொற்றம் கொள கிடந்தது இல்

584.வினை செய்வார் தம் சுற்றம் வேண்டாதார் என்று ஆங்கு
அனைவரையும் ஆராய்வது ஒற்று

585.கடாஅ உருவொடு கண் அஞ்சாது யாண்டும்
உகாஅமை வல்லதே ஒற்று

586.துறந்தார் படிவத்தர் ஆகி இறந்து ஆராய்ந்து
என் செயினும் சோர்வு இலது ஒற்று

587.மறைந்தவை கேட்க வற்று ஆகி அறிந்தவை
ஐயப்பாடு இல்லதே ஒற்று

588.ஒற்று ஒற்றி தந்த பொருளையும் மற்றும் ஓர்
ஒற்றினால் ஒற்றி கொளல்

589.ஒற்று ஒற்று உணராமை ஆள்க உடன் மூவர்
சொல் தொக்க தேறப்படும்

590.சிறப்பு அறிய ஒற்றின்-கண் செய்யற்க செய்யின்
புறப்படுத்தான் ஆகும் மறை

# 60 ஊக்கமுடைமை
591.உடையர் எனப்படுவது ஊக்கம் அஃது இலார்
உடையது உடையரோ மற்று

592.உள்ளம் உடைமை உடைமை பொருள் உடைமை
நில்லாது நீங்கிவிடும்

593.ஆக்கம் இழந்தேம் என்று அல்லாவார் ஊக்கம்
ஒருவந்தம் கைத்து உடையார்

594.ஆக்கம் அதர் வினாய் செல்லும் அசைவு இலா
ஊக்கம் உடையான் உழை

595.வெள்ளத்து அனைய மலர் நீட்டம் மாந்தர்-தம்
உள்ளத்து அனையது உயர்வு

596.உள்ளுவது எல்லாம் உயர்வு உள்ளல் மற்று அது
தள்ளினும் தள்ளாமை நீர்த்து

597.சிதைவிடத்து ஒல்கார் உரவோர் புதை அம்பின்
பட்டு பாடு ஊன்றும் களிறு

598.உள்ளம் இலாதவர் எய்தார் உலகத்து
வள்ளியம் என்னும் செருக்கு

599.பரியது கூர் கோட்டது-ஆயினும் யானை
வெரூஉம் புலி தாக்குறின்

600.உரம் ஒருவற்கு உள்ள வெறுக்கை அஃது இல்லர்
மரம் மக்கள் ஆதலே வேறு

# 61 மடியின்மை
601.குடி என்னும் குன்றா விளக்கம் மடி என்னும்
மா ஊர மாய்ந்து கெடும்

602.மடியை மடியா ஒழுகல் குடியை
குடியாக வேண்டுபவர்

603.மடி மடி கொண்டு ஒழுகும் பேதை பிறந்த
குடி மடியும் தன்னினும் முந்து

604.குடி மடிந்து குற்றம் பெருகும் மடி மடிந்து
மாண்ட உஞற்று இலவர்க்கு

605.நெடு நீர் மறவி மடி துயில் நான்கும்
கெடும் நீரார் காம கலன்

606.படி உடையார் பற்று அமைந்த-கண்ணும் மடி உடையார்
மாண் பயன் எய்தல் அரிது

607.இடி புரிந்து எள்ளும் சொல் கேட்பர் மடி புரிந்து
மாண்ட உஞற்று இலர்

608.மடிமை குடிமை-கண் தங்கின் தன் ஒன்னார்க்கு
அடிமை புகுத்திவிடும்

609.குடி ஆண்மையுள் வந்த குற்றம் ஒருவன்
மடி ஆண்மை மாற்ற கெடும்

610.மடி இலா மன்னவன் எய்தும் அடி அளந்தான்
தாஅயது எல்லாம் ஒருங்கு

# 62 ஆள்வினையுடைமை
611.அருமை உடைத்து என்று அசாவாமை வேண்டும்
பெருமை முயற்சி தரும்

612.வினை-கண் வினை கெடல் ஓம்பல் வினை குறை
தீர்ந்தாரின் தீர்ந்தன்று உலகு

613.தாளாண்மை என்னும் தகைமை-கண் தங்கிற்றே
வேளாண்மை என்னும் செருக்கு

614.தாளாண்மை இல்லாதான் வேளாண்மை பேடி கை
வாள் ஆண்மை போல கெடும்

615.இன்பம் விழையான் வினை விழைவான் தன் கேளிர்
துன்பம் துடைத்து ஊன்றும் தூண்

616.முயற்சி திருவினை ஆக்கும் முயற்று இன்மை
இன்மை புகுத்திவிடும்

617.மடி உளான் மா முகடி என்ப மடி இலான்
தாள் உளான் தாமரையினாள்

618.பொறி இன்மை யார்க்கும் பழி அன்று அறிவு அறிந்து
ஆள்வினை இன்மை பழி

619.தெய்வத்தான் ஆகாது எனினும் முயற்சி தன்
மெய் வருத்த கூலி தரும்

620.ஊழையும் உப்பக்கம் காண்பர் உலைவு இன்றி
தாழாது உஞற்றுபவர்

# 63 இடுக்கண் அழியாமை
621.இடுக்கண் வரும்-கால் நகுக அதனை
அடுத்து ஊர்வது அஃது ஒப்பது இல்

622.வெள்ளத்து அனைய இடும்பை அறிவுடையான்
உள்ளத்தின் உள்ள கெடும்

623.இடும்பைக்கு இடும்பை படுப்பர் இடும்பைக்கு
இடும்பை படாஅதவர்

624.மடுத்த வாய் எல்லாம் பகடு அன்னான் உற்ற
இடுக்கண் இடர்ப்பாடு உடைத்து

625.அடுக்கி வரினும் அழிவு இலான் உற்ற
இடுக்கண் இடுக்கண் படும்

626.அற்றேம் என்று அல்லற்படுபவோ பெற்றேம் என்று
ஓம்புதல் தேற்றாதவர்

627.இலக்கம் உடம்பு இடும்பைக்கு என்று கலக்கத்தை
கையாறா கொள்ளாதாம் மேல்

628.இன்பம் விழையான் இடும்பை இயல்பு என்பான்
துன்பம் உறுதல் இலன்

629.இன்பத்துள் இன்பம் விழையாதான் துன்பத்துள்
துன்பம் உறுதல் இலன்

630.இன்னாமை இன்பம் என கொளின் ஆகும் தன்
ஒன்னார் விழையும் சிறப்பு

# 64 அமைச்சு
631.கருவியும் காலமும் செய்கையும் செய்யும்
அருவினையும் மாண்டது அமைச்சு

632.வன்கண் குடிகாத்தல் கற்று அறிதல் ஆள்வினையோடு
ஐந்துடன் மாண்டது அமைச்சு

633.பிரித்தலும் பேணிக்கொளலும் பிரிந்தார்
பொருத்தலும் வல்லது அமைச்சு

634.தெரிதலும் தேர்ந்து செயலும் ஒருதலையா
சொல்லலும் வல்லது அமைச்சு

635.அறன் அறிந்து ஆன்று அமைந்த சொல்லான் எஞ்ஞான்றும்
திறன் அறிந்தான் தேர்ச்சி துணை

636.மதிநுட்பம் நூலொடு உடையார்க்கு அதி நுட்பம்
யா உள முன் நிற்பவை

637.செயற்கை அறிந்த கடைத்தும் உலகத்து
இயற்கை அறிந்து செயல்

638.அறி கொன்று அறியான் எனினும் உறுதி
உழை இருந்தான் கூறல் கடன்

639.பழுது எண்ணும் மந்திரியின் பக்கத்துள் தெவ் ஓர்
எழுபது கோடி உறும்

640.முறைப்பட சூழ்ந்தும் முடிவு இலவே செய்வர்
திறப்படு இலாஅதவர்

# 65 சொல்வன்மை
641.நா நலம் என்னும் நலன் உடைமை அ நலம்
யா நலத்து உள்ளதூஉம் அன்று

642.ஆக்கமும் கேடும் அதனால் வருதலால்
காத்து ஓம்பல் சொல்லின்-கண் சோர்வு

643.கேட்டார் பிணிக்கும் தகை அவாய் கேளாரும்
வேட்ப மொழிவது ஆம் சொல்

644.திறன் அறிந்து சொல்லுக சொல்லை அறனும்
பொருளும் அதனின் ஊங்கு இல்

645.சொல்லுக சொல்லை பிறிது ஓர் சொல் அ சொல்லை
வெல்லும் சொல் இன்மை அறிந்து

646.வேட்ப தாம் சொல்லி பிறர் சொல் பயன் கோடல்
மாட்சியின் மாசு அற்றார் கோள்

647.சொலல் வல்லன் சோர்வு இலன் அஞ்சான் அவனை
இகல் வெல்லல் யார்க்கும் அரிது

648.விரைந்து தொழில் கேட்கும் ஞாலம் நிரந்து இனிது
சொல்லுதல் வல்லார் பெறின்

649.பல சொல்ல காமுறுவர் மன்ற மாசு அற்ற
சில சொல்லல் தேற்றாதவர்

650.இணர் ஊழ்த்தும் நாறா மலர் அனையர் கற்றது
உணர விரித்து உரையாதார்

# 66 வினைத்தூய்மை
651.துணை நலம் ஆக்கம் தரூஉம் வினை நலம்
வேண்டிய எல்லாம் தரும்

652.என்றும் ஒருவுதல் வேண்டும் புகழொடு
நன்றி பயவா வினை

653.ஓஒதல் வேண்டும் ஒளி மாழ்கும் செய்வினை
ஆஅதும் என்னுமவர்

654.இடுக்கண் படினும் இளிவந்த செய்யார்
நடுக்கு அற்ற காட்சியவர்

655.எற்று என்று இரங்குவ செய்யற்க செய்வானேல்
மற்று அன்ன செய்யாமை நன்று

656.ஈன்றாள் பசி காண்பான்-ஆயினும் செய்யற்க
சான்றோர் பழிக்கும் வினை

657.பழி மலைந்து எய்திய ஆக்கத்தின் சான்றோர்
கழி நல்குரவே தலை

658.கடிந்த கடிந்து ஒரார் செய்தார்க்கு அவை தாம்
முடிந்தாலும் பீழை தரும்

659.அழ கொண்ட எல்லாம் அழ போம் இழப்பினும்
பின் பயக்கும் நல்-பாலவை

660.சலத்தால் பொருள் செய்து ஏமாக்கல் பசு மண்
கலத்துள் நீர் பெய்து இரீஇய அற்று

# 67 வினைத்திட்பம்
661.வினை திட்பம் என்பது ஒருவன் மன திட்பம்
மற்றைய எல்லாம் பிற

662.ஊறு ஒரால் உற்ற பின் ஒல்காமை இ இரண்டின்
ஆறு என்பர் ஆய்ந்தவர் கோள்

663.கடை கொட்க செய் தக்கது ஆண்மை இடை கொட்கின்
எற்றா விழுமம் தரும்

664.சொல்லுதல் யார்க்கும் எளிய அரிய ஆம்
சொல்லிய வண்ணம் செயல்

665.வீறு எய்தி மாண்டார் வினை திட்பம் வேந்தன்-கண்
ஊறு எய்தி உள்ளப்படும்

666.எண்ணிய எண்ணிய ஆங்கு எய்துப எண்ணியார்
திண்ணியர் ஆக பெறின்

667.உருவு கண்டு எள்ளாமை வேண்டும் உருள் பெரும் தேர்க்கு
அச்சு_ஆணி அன்னார் உடைத்து

668.கலங்காது கண்ட வினை-கண் துளங்காது
தூக்கம் கடிந்து செயல்

669.துன்பம் உறவரினும் செய்க துணிவு ஆற்றி
இன்பம் பயக்கும் வினை

670.எனை திட்பம் எய்திய-கண்ணும் வினை திட்பம்
வேண்டாரை வேண்டாது உலகு

# 68 வினை செயல் வகை
671.சூழ்ச்சி முடிவு துணிவு எய்தல் அ துணிவு
தாழ்ச்சியுள் செய்யும் வினை

672.தூங்குக தூங்கி செயல்-பால தூங்கற்க
தூங்காது செய்யும் வினை

673.ஒல்லும் வாய் எல்லாம் வினை நன்றே ஒல்லா-கால்
செல்லும் வாய் நோக்கி செயல்

674.வினை பகை என்று இரண்டின் எச்சம் நினையும்-கால்
தீ எச்சம் போல தெறும்

675.பொருள் கருவி காலம் வினை இடனொடு ஐந்தும்
இருள் தீர எண்ணி செயல்

676.முடிவும் இடையூறும் முற்றிய ஆங்கு எய்தும்
படுபயனும் பார்த்து செயல்

677.செய்வினை செய்வான் செயல் முறை அ வினை
உள் அறிவான் உள்ளம் கொளல்

678.வினையான் வினை ஆக்கி கோடல் நனை கவுள்
யானையால் யானை யாத்து அற்று

679.நட்டார்க்கு நல்ல செயலின் விரைந்ததே
ஒட்டாரை ஒட்டி கொளல்

680.உறை சிறியார் உள் நடுங்கல் அஞ்சி குறை பெறின்
கொள்வர் பெரியார் பணிந்து

# 69 தூது
681.அன்பு உடைமை ஆன்ற குடி பிறத்தல் வேந்து அவாம்
பண்பு உடைமை தூது உரைப்பான் பண்பு

682.அன்பு அறிவு ஆராய்ந்த சொல்வன்மை தூது உரைப்பார்க்கு
இன்றியமையாத மூன்று

683.நூலாருள் நூல் வல்லான் ஆகுதல் வேலாருள்
வென்றி வினை உரைப்பான் பண்பு

684.அறிவு உரு ஆராய்ந்த கல்வி இ மூன்றன்
செறிவு உடையான் செல்க வினைக்கு

685.தொக சொல்லி தூவாத நீக்கி நக சொல்லி
நன்றி பயப்பது ஆம் தூது

686.கற்று கண் அஞ்சான் செல சொல்லி காலத்தால்
தக்கது அறிவது ஆம் தூது

687.கடன் அறிந்து காலம் கருதி இடன் அறிந்து
எண்ணி உரைப்பான் தலை

688.தூய்மை துணைமை துணிவு உடைமை இ மூன்றும்
வாய்மை வழி உரைப்பான் பண்பு

689.விடு மாற்றம் வேந்தர்க்கு உரைப்பான் வடு மாற்றம்
வாய் சோரா வன்கணவன்

690.இறுதி பயப்பினும் எஞ்சாது இறைவற்கு
உறுதி பயப்பது ஆம் தூது

# 70 மன்னரைச் சேர்ந்தொழுகல்
691.அகலாது அணுகாது தீ காய்வார் போல்க
இகல் வேந்தர் சேர்ந்து ஒழுகுவார்

692.மன்னர் விழைப விழையாமை மன்னரான்
மன்னிய ஆக்கம் தரும்

693.போற்றின் அரியவை போற்றல் கடுத்த பின்
தேற்றுதல் யார்க்கும் அரிது

694.செவி சொல்லும் சேர்ந்த நகையும் அவித்து ஒழுகல்
ஆன்ற பெரியார் அகத்து

695.எ பொருளும் ஓரார் தொடரார் மற்று அ பொருளை
விட்ட-கால் கேட்க மறை

696.குறிப்பு அறிந்து காலம் கருதி வெறுப்பு இல
வேண்டுப வேட்ப சொலல்

697.வேட்பன சொல்லி வினை இல எஞ்ஞான்றும்
கேட்பினும் சொல்லா விடல்

698.இளையர் இன முறையர் என்று இகழார் நின்ற
ஒளியொடு ஒழுகப்படும்

699.கொளப்பட்டேம் என்று எண்ணி கொள்ளாத செய்யார்
துளக்கு அற்ற காட்சியவர்

700.பழையம் என கருதி பண்பு அல்ல செய்யும்
கெழு தகைமை கேடு தரும்

# 71 குறிப்பறிதல்
701.கூறாமை நோக்கி குறிப்பு அறிவான் எஞ்ஞான்றும்
மாறா நீர் வையக்கு அணி

702.ஐயப்படாஅது அகத்தது உணர்வானை
தெய்வத்தொடு ஒப்ப கொளல்

703.குறிப்பின் குறிப்பு உணர்வாரை உறுப்பினுள்
யாது கொடுத்தும் கொளல்

704.குறித்தது கூறாமை கொள்வாரொடு ஏனை
உறுப்பு ஓர் அனையரால் வேறு

705.குறிப்பின் குறிப்பு உணரா ஆயின் உறுப்பினுள்
என்ன பயத்தவோ கண்

706.அடுத்தது காட்டும் பளிங்கு போல் நெஞ்சம்
கடுத்தது காட்டும் முகம்

707.முகத்தின் முதுக்குறைந்தது உண்டோ உவப்பினும்
காயினும் தான் முந்துறும்

708.முகம் நோக்கி நிற்க அமையும் அகம் நோக்கி
உற்றது உணர்வார் பெறின்

709.பகைமையும் கேண்மையும் கண் உரைக்கும் கண்ணின்
வகைமை உணர்வார் பெறின்

710.நுண்ணியம் என்பார் அளக்கும் கோல் காணும்-கால்
கண் அல்லது இல்லை பிற

# 72 அவையறிதல்
711.அவை அறிந்து ஆராய்ந்து சொல்லுக சொல்லின்
தொகை அறிந்த தூய்மையவர்

712.இடை தெரிந்து நன்கு உணர்ந்து சொல்லுக சொல்லின்
நடை தெரிந்த நன்மையவர்

713.அவை அறியார் சொல்லல் மேற்கொள்பவர் சொல்லின்
வகை அறியார் வல்லதூஉம் இல்

714.ஒளியார் முன் ஒள்ளியர் ஆதல் வெளியார் முன்
வான் சுதை வண்ணம் கொளல்

715.நன்று என்றவற்றுள்ளும் நன்றே முதுவருள்
முந்து கிளவா செறிவு

716.ஆற்றின் நிலை தளர்ந்து அற்றே வியன் புலம்
ஏற்று உணர்வார் முன்னர் இழுக்கு

717.கற்று அறிந்தார் கல்வி விளங்கும் கசடு அற
சொல் தெரிதல் வல்லார் அகத்து

718.உணர்வது உடையார் முன் சொல்லல் வளர்வதன்
பாத்தியுள் நீர் சொரிந்த அற்று

719.புல் அவையுள் பொச்சாந்தும் சொல்லற்க நல் அவையுள்
நன்கு செல சொல்லுவார்

720.அங்கணத்துள் உக்க அமிழ்து அற்றால் தம் கணத்தர்
அல்லார் முன் கோட்டி கொளல்

# 73 அவை அஞ்சாமை
721.வகை அறிந்து வல் அவை வாய்சோரார் சொல்லின்
தொகை அறிந்த தூய்மையவர்

722.கற்றாருள் கற்றார் எனப்படுவர் கற்றார் முன்
கற்ற செல சொல்லுவார்

723.பகையகத்து சாவார் எளியர் அரியர்
அவையகத்து அஞ்சாதவர்

724.கற்றார் முன் கற்ற செல சொல்லி தாம் கற்ற
மிக்காருள் மிக்க கொளல்

725.ஆற்றின் அளவு அறிந்து கற்க அவை அஞ்சா
மாற்றம் கொடுத்தல் பொருட்டு

726.வாளொடு என் வன்கண்ணர் அல்லார்க்கு நூலொடு என்
நுண் அவை அஞ்சுபவர்க்கு

727.பகையகத்து பேடி கை ஒள் வாள் அவையகத்து
அஞ்சுமவன் கற்ற நூல்

728.பல்லவை கற்றும் பயம் இலரே நல் அவையுள்
நன்கு செல சொல்லாதார்

729.கல்லாதவரின் கடை என்ப கற்று அறிந்தும்
நல்லார் அவை அஞ்சுவார்

730.உளர் எனினும் இல்லாரொடு ஒப்பர் களன் அஞ்சி
கற்ற செல சொல்லாதார்

# 74 நாடு
731.தள்ளா விளையுளும் தக்காரும் தாழ்வு இலா
செல்வரும் சேர்வது நாடு

732.பெரும் பொருளான் பெட்டக்கது ஆகி அரும் கேட்டால்
ஆற்ற விளைவது நாடு

733.பொறை ஒருங்கு மேல்வருங்கால் தாங்கி இறைவற்கு
இறை ஒருங்கு நேர்வது நாடு

734.உறு பசியும் ஓவா பிணியும் செறு பகையும்
சேராது இயல்வது நாடு

735.பல் குழுவும் பாழ் செய்யும் உட்பகையும் வேந்து அலைக்கும்
கொல் குறும்பும் இல்லது நாடு

736.கேடு அறியா கெட்ட இடத்தும் வளம் குன்றா
நாடு என்ப நாட்டின் தலை

737.இரு புனலும் வாய்ந்த மலையும் வரு புனலும்
வல் அரணும் நாட்டிற்கு உறுப்பு

738.பிணி இன்மை செல்வம் விளைவு இன்பம் ஏமம்
அணி என்ப நாட்டிற்கு இ ஐந்து

739.நாடு என்ப நாடா வளத்தன நாடு அல்ல
நாட வளம் தரும் நாடு

740.ஆங்கு அமைவு எய்திய-கண்ணும் பயம் இன்றே
வேந்து அமைவு இல்லாத நாடு

# 75 அரண்
741.ஆற்றுபவர்க்கும் அரண் பொருள் அஞ்சி தன்
போற்றுபவர்க்கும் பொருள்

742.மணி நீரும் மண்ணும் மலையும் அணி நிழல்
காடும் உடையது அரண்

743.உயர்வு அகலம் திண்மை அருமை இ நான்கின்
அமைவு அரண் என்று உரைக்கும் நூல்

744.சிறு காப்பின் பேர் இடத்தது ஆகி உறு பகை
ஊக்கம் அழிப்பது அரண்

745.கொளற்கு அரிதாய் கொண்ட கூழ்த்து ஆகி அகத்தார்
நிலைக்கு எளிது ஆம் நீரது அரண்

746.எல்லா பொருளும் உடைத்தாய் இடத்து உதவும்
நல் ஆள் உடையது அரண்

747.முற்றியும் முற்றாது எறிந்தும் அறைப்படுத்தும்
பற்றற்கு அரியது அரண்

748.முற்று ஆற்றி முற்றியவரையும் பற்று ஆற்றி
பற்றியார் வெல்வது அரண்

749.முனை முகத்து மாற்றலர் சாய வினை முகத்து
வீறு எய்தி மாண்டது அரண்

750.எனை மாட்சித்து ஆகிய-கண்ணும் வினை மாட்சி
இல்லார்-கண் இல்லது அரண்

# 76 பொருள் செயல் வகை
751.பொருள் அல்லவரை பொருளாக செய்யும்
பொருள் அல்லது இல்லை பொருள்

752.இல்லாரை எல்லாரும் எள்ளுவர் செல்வரை
எல்லாரும் செய்வர் சிறப்பு

753.பொருள் என்னும் பொய்யா விளக்கம் இருள் அறுக்கும்
எண்ணிய தேயத்து சென்று

754.அறன் ஈனும் இன்பமும் ஈனும் திறன் அறிந்து
தீது இன்றி வந்த பொருள்

755.அருளொடும் அன்பொடும் வாரா பொருள் ஆக்கம்
புல்லார் புரள விடல்

756.உறு பொருளும் உல்கு பொருளும் தன் ஒன்னார்
தெறு பொருளும் வேந்தன் பொருள்

757.அருள் என்னும் அன்பு ஈன் குழவி பொருள் என்னும்
செல்வ செவிலியால் உண்டு

758.குன்று ஏறி யானை போர் கண்ட அற்றால் தன் கைத்து ஒன்று
உண்டாக செய்வான் வினை

759.செய்க பொருளை செறுநர் செருக்கு அறுக்கும்
எஃகு அதனின் கூரியது இல்

760.ஒண் பொருள் காழ்ப்ப இயற்றியார்க்கு எண் பொருள்
ஏனை இரண்டும் ஒருங்கு

# 77 படை மாட்சி
761.உறுப்பு அமைந்து ஊறு அஞ்சா வெல் படை வேந்தன்
வெறுக்கையுள் எல்லாம் தலை

762.உலைவு இடத்து ஊறு அஞ்சா வன்கண் தொலைவு இடத்து
தொல் படைக்கு அல்லால் அரிது

763.ஒலித்த-கால் என் ஆம் உவரி எலி பகை
நாகம் உயிர்ப்ப கெடும்

764.அழிவு இன்று அறைபோகாது ஆகி வழிவந்த
வன்கணதுவே படை

765.கூற்று உடன்று மேல்வரினும் கூடி எதிர் நிற்கும்
ஆற்றலதுவே படை

766.மறம் மானம் மாண்ட வழி செலவு தேற்றம்
என நான்கே ஏமம் படைக்கு

767.தார் தாங்கி செல்வது தானை தலைவந்த
போர் தாங்கும் தன்மை அறிந்து

768.அடல் தகையும் ஆற்றலும் இல் எனினும் தானை
படை தகையான் பாடு பெறும்

769.சிறுமையும் செல்லா துனியும் வறுமையும்
இல் ஆயின் வெல்லும் படை

770.நிலை மக்கள் சால உடைத்து எனினும் தானை
தலைமக்கள் இல்வழி இல்

# 78 படைச் செருக்கு
771.என்னை முன் நில்லன்-மின் தெவ்விர் பலர் என்னை
முன் நின்று கல் நின்றவர்

772.கான முயல் எய்த அம்பினில் யானை
பிழைத்த வேல் ஏந்தல் இனிது

773.பேர் ஆண்மை என்ப தறுகண் ஒன்று உற்ற-கால்
ஊராண்மை மற்று அதன் எஃகு

774.கை வேல் களிற்றொடு போக்கி வருபவன்
மெய் வேல் பறியா நகும்

775.விழித்த கண் வேல் கொண்டு எறிய அழித்து இமைப்பின்
ஓட்டு அன்றோ வன்கணவர்க்கு

776.விழுப்புண் படாத நாள் எல்லாம் வழுக்கினுள்
வைக்கும் தன் நாளை எடுத்து

777.சுழலும் இசை வேண்டி வேண்டா உயிரார்
கழல் யாப்பு காரிகை நீர்த்து

778.உறின் உயிர் அஞ்சா மறவர் இறைவன்
செறினும் சீர் குன்றல் இலர்

779.இழைத்தது இகவாமை சாவாரை யாரே
பிழைத்தது ஒறுக்கிற்பவர்

780.புரந்தார் கண் நீர் மல்க சாகில் பின் சாக்காடு
இரந்து கோள் தக்கது உடைத்து

# 79 நட்பு
781.செயற்கு அரிய யா உள நட்பின் அது போல்
வினைக்கு அரிய யா உள காப்பு

782.நிறை நீர நீரவர் கேண்மை பிறை மதி
பின் நீர பேதையார் நட்பு

783.நவில்-தொறும் நூல் நயம் போலும் பயில்-தொறும்
பண்பு உடையாளர் தொடர்பு

784.நகுதல் பொருட்டு அன்று நட்டல் மிகுதி-கண்
மேற்சென்று இடித்தல் பொருட்டு

785.புணர்ச்சி பழகுதல் வேண்டா உணர்ச்சி தான்
நட்பு ஆம் கிழமை தரும்

786.முகம் நக நட்பது நட்பு அன்று நெஞ்சத்து
அகம் நக நட்பது நட்பு

787.அழிவினவை நீக்கி ஆறு உய்த்து அழிவின்-கண்
அல்லல் உழப்பது ஆம் நட்பு

788.உடுக்கை இழந்தவன் கை போல ஆங்கே
இடுக்கண் களைவதாம் நட்பு

789.நட்பிற்கு வீற்றிருக்கை யாது எனின் கொட்பு இன்றி
ஒல்லும் வாய் ஊன்றும் நிலை

790.இனையர் இவர் எமக்கு இன்னம் யாம் என்று
புனையினும் புல்லென்னும் நட்பு

# 80 நட்பாராய்தல்
791.நாடாது நட்டலின் கேடு இல்லை நட்ட பின்
வீடு இல்லை நட்பு ஆள்பவர்க்கு

792.ஆய்ந்து ஆய்ந்து கொள்ளாதான் கேண்மை கடைமுறை
தான் சாம் துயரம் தரும்

793.குணனும் குடிமையும் குற்றமும் குன்றா
இனனும் அரிந்து யாக்க நட்பு

794.குடி பிறந்து தன்-கண் பழி நாணுவானை
கொடுத்தும் கொளல் வேண்டும் நட்பு

795.அழ சொல்லி அல்லது இடித்து வழக்கு அறிய
வல்லார் நட்பு ஆய்ந்து கொளல்

796.கேட்டினும் உண்டு ஓர் உறுதி கிளைஞரை
நீட்டி அளப்பது ஓர் கோல்

797.ஊதியம் என்பது ஒருவற்கு பேதையார்
கேண்மை ஒரீஇ விடல்

798.உள்ளற்க உள்ளம் சிறுகுவ கொள்ளற்க
அல்லல்-கண் ஆற்றறுப்பார் நட்பு

799.கெடும் காலை கைவிடுவார் கேண்மை அடும் காலை
உள்ளினும் உள்ளம் சுடும்

800.மருவுக மாசு அற்றார் கேண்மை ஒன்று ஈத்தும்
ஒருவுக ஒப்பு இலார் நட்பு

# 81 பழமை
801.பழமை எனப்படுவது யாது எனின் யாதும்
கிழமையை கீழ்ந்திடா நட்பு

802.நட்பிற்கு உறுப்பு கெழுதகைமை மற்று அதற்கு
உப்பு ஆதல் சான்றோர் கடன்

803.பழகிய நட்பு எவன் செய்யும் கெழுதகைமை
செய்த ஆங்கு அமையா-கடை

804.விழை தகையான் வேண்டியிருப்பர் கெழுதகையான்
கேளாது நட்டார் செயின்

805.பேதைமை ஒன்றோ பெரும் கிழமை என்று உணர்க
நோ தக்க நட்டார் செயின்

806.எல்லை-கண் நின்றார் துறவார் தொலைவிடத்தும்
தொல்லை-கண் நின்றார் தொடர்பு

807.அழிவந்த செய்யினும் அன்பு அறார் அன்பின்
வழிவந்த கேண்மையவர்

808.கேள் இழுக்கம் கேளா கெழுதகைமை வல்லார்க்கு
நாள் இழுக்கம் நட்டார் செயின்

809.கெடாஅர் வழிவந்த கேண்மையார் கேண்மை
விடாஅர் விழையும் உலகு

810.விழையார் விழையப்படுப பழையார்-கண்
பண்பின் தலைப்பிரியாதார்

# 82 தீ நட்பு
811.பருகுவார் போலினும் பண்பு இலார் கேண்மை
பெருகலின் குன்றல் இனிது

812.உறின் நட்டு அறின் ஒரூஉம் ஒப்பு இலார் கேண்மை
பெறினும் இழப்பினும் என்

813.உறுவது சீர்தூக்கும் நட்பும் பெறுவது
கொள்வாரும் கள்வரும் நேர்

814.அமரகத்து ஆற்றறுக்கும் கல்லா மா அன்னார்
தமரின் தனிமை தலை

815.செய்து ஏமம் சாரா சிறியவர் புன் கேண்மை
எய்தலின் எய்தாமை நன்று

816.பேதை பெரும் கெழீஇ நட்பின் அறிவுடையார்
ஏது இன்மை கோடி உறும்

817.நகை வகையர் ஆகிய நட்பின் பகைவரான்
பத்து அடுத்த கோடி உறும்

818.ஒல்லும் கருமம் உடற்றுபவர் கேண்மை
சொல்லாடார் சோரவிடல்

819.கனவினும் இன்னாது மன்னோ வினை வேறு
சொல் வேறு பட்டார் தொடர்பு

820.எனைத்தும் குறுகுதல் ஓம்பல் மனை கெழீஇ
மன்றில் பழிப்பார் தொடர்பு

# 83 கூடா நட்பு
821.சீர் இடம் காணின் எறிதற்கு பட்டடை
நேரா நிறந்தவர் நட்பு

822.இனம் போன்று இனம் அல்லார் கேண்மை மகளிர்
மனம் போல வேறுபடும்

823.பல நல்ல கற்ற கடைத்தும் மனம் நல்லர்
ஆகுதல் மாணார்க்கு அரிது

824.முகத்தின் இனிய நகாஅ அகத்து இன்னா
வஞ்சரை அஞ்சப்படும்

825.மனத்தின் அமையாதவரை எனைத்து ஒன்றும்
சொல்லினான் தேறற்பாற்று அன்று

826.நட்டார் போல் நல்லவை சொல்லினும் ஒட்டார் சொல்
ஒல்லை உணரப்படும்

827.சொல் வணக்கம் ஒன்னார்-கண் கொள்ளற்க வில் வணக்கம்
தீங்கு குறித்தமையான்

828.தொழுத கையுள்ளும் படை ஒடுங்கும் ஒன்னார்
அழுத கண்ணீரும் அனைத்து

829.மிக செய்து தம் எள்ளுவாரை நக செய்து
நட்பினுள் சா புல்லல்-பாற்று

830.பகை நட்பு ஆம் காலம் வரும்-கால் முகம் நட்டு
அகம் நட்பு ஒரீஇவிடல்

# 84 பேதைமை
831.பேதைமை என்பது ஒன்று யாது எனின் ஏதம் கொண்டு
ஊதியம் போகவிடல்

832.பேதைமையுள் எல்லாம் பேதைமை காதன்மை
கை அல்லதன்-கண் செயல்

833.நாணாமை நாடாமை நார் இன்மை யாது ஒன்றும்
பேணாமை பேதை தொழில்

834.ஓதி உணர்ந்தும் பிறர்க்கு உரைத்தும் தான் அடங்கா
பேதையின் பேதையார் இல்

835.ஒருமை செயல் ஆற்றும் பேதை எழுமையும்
தான் புக்கு அழுந்தும் அளறு

836.பொய்படும் ஒன்றோ புனை பூணும் கை அறியா
பேதை வினை மேற்கொளின்

837.ஏதிலார் ஆர தமர் பசிப்பர் பேதை
பெரும் செல்வம் உற்ற-கடை

838.மையல் ஒருவன் களித்து அற்றால் பேதை தன்
கை ஒன்று உடைமை பெறின்

839.பெரிது இனிது பேதையார் கேண்மை பிரிவின்-கண்
பீழை தருவது ஒன்று இல்

840.கழாஅ கால் பள்ளியுள் வைத்து அற்றால் சான்றோர்
குழாஅத்து பேதை புகல்

# 85 புல்லறிவாண்மை
841.அறிவின்மை இன்மையுள் இன்மை பிறிது இன்மை
இன்மையா வையாது உலகு

842.அறிவிலான் நெஞ்சு உவந்து ஈதல் பிறிது யாதும்
இல்லை பெறுவான் தவம்

843.அறிவிலார் தாம் தம்மை பீழிக்கும் பீழை
செறுவார்க்கும் செய்தல் அரிது

844.வெண்மை எனப்படுவது யாது எனின் ஒண்மை
உடையம் யாம் என்னும் செருக்கு

845.கல்லாத மேற்கொண்டு ஒழுகல் கசடு அற
வல்லதூஉம் ஐயம் தரும்

846.அற்றம் மறைத்தலோ புல்லறிவு தம்-வயின்
குற்றம் மறையா வழி

847.அரு மறை சோரும் அறிவிலான் செய்யும்
பெரு மிறை தானே தமக்கு

848.ஏவவும் செய்கலான் தான் தேறான் அ உயிர்
போஒம் அளவும் ஓர் நோய்

849.காணாதான் காட்டுவான் தான் காணான் காணாதான்
கண்டான் ஆம் தான் கண்ட ஆறு

850.உலகத்தார் உண்டு என்பது இல் என்பான் வையத்து
அலகையா வைக்கப்படும்

# 86 இகல்
851.இகல் என்ப எல்லா உயிர்க்கும் பகல் என்னும்
பண்பு இன்மை பாரிக்கும் நோய்

852.பகல் கருதி பற்றா செயினும் இகல் கருதி
இன்னா செய்யாமை தலை

853.இகல் என்னும் எவ்வ நோய் நீக்கின் தவல் இல்லா
தா இல் விளக்கம் தரும்

854.இன்பத்துள் இன்பம் பயக்கும் இகல் என்னும்
துன்பத்துள் துன்பம் கெடின்

855.இகல் எதிர் சாய்ந்து ஒழுக வல்லாரை யாரே
மிகல் ஊக்கும் தன்மையவர்

856.இகலின் மிக இனிது என்பவன் வாழ்க்கை
தவலும் கெடலும் நணித்து

857.மிகல் மேவல் மெய் பொருள் காணார் இகல் மேவல்
இன்னா அறிவினவர்

858.இகலிற்கு எதிர் சாய்தல் ஆக்கம் அதனை
மிகல் ஊக்கின் ஊக்குமாம் கேடு

859.இகல் காணான் ஆக்கம் வரும்-கால் அதனை
மிகல் காணும் கேடு தரற்கு

860.இகலான் ஆம் இன்னாத எல்லம் நகலான் ஆம்
நன் நயம் என்னும் செருக்கு

# 87 பகை மாட்சி
861.வலியார்க்கு மாறு ஏற்றல் ஓம்புக ஓம்பா
மெலியார் மேல் மேக பகை

862.அன்பு இலன் ஆன்ற துணை இலன் தான் துவ்வான்
என் பரியும் ஏதிலான் துப்பு

863.அஞ்சும் அறியான் அமைவு இலன் ஈகலான்
தஞ்சம் எளியன் பகைக்கு

864.நீங்கான் வெகுளி நிறை இலன் எஞ்ஞான்றும்
யாங்கணும் யார்க்கும் எளிது

865.வழி நோக்கான் வாய்ப்பன செய்யான் பழி நோக்கான்
பண்பு இலன் பற்றார்க்கு இனிது

866.காணா சினத்தான் கழி பெரும் காமத்தான்
பேணாமை பேணப்படும்

867.கொடுத்தும் கொளல் வேண்டும்-மன்ற அடுத்து இருந்து
மாணாத செய்வான் பகை

868.குணம் இலனாய் குற்றம் பல் ஆயின் மாற்றார்க்கு
இனன் இலன் ஆம் ஏமாப்பு உடைத்து

869.செறுவார்க்கு சேண் இகவா இன்பம் அறிவிலா
அஞ்சும் பகைவர் பெறின்

870.கல்லான் வெகுளும் சிறு பொருள் எஞ்ஞான்றும்
ஒல்லானை ஒல்லாது ஒளி

# 88 பகைத்திறம் தெரிதல்
871.பகை என்னும் பண்பு இலதனை ஒருவன்
நகையேயும் வேண்டல்-பாற்று அன்று

872.வில் ஏர் உழவர் பகை கொளினும் கொள்ளற்க
சொல் ஏர் உழவர் பகை

873.ஏமுற்றவரினும் ஏழை தமியனாய்
பல்லார் பகை கொள்பவன்

874.பகை நட்பா கொண்டு ஒழுகும் பண்பு உடையாளன்
தகைமை-கண் தங்கிற்று உலகு

875.தன் துணை இன்றால் பகை இரண்டால் தான் ஒருவன்
இன் துணையா கொள்க அவற்றின் ஒன்று

876.தேறினும் தேறாவிடினும் அழிவின்-கண்
தேறான் பகாஅன் விடல்

877.நோவற்க நொந்தது அறியார்க்கு மேவற்க
மென்மை பகைவர் அகத்து

878.வகை அறிந்து தன் செய்து தன் காப்ப மாயும்
பகைவர்-கண் பட்ட செருக்கு

879.இளைது ஆக முள் மரம் கொல்க களையுநர்
கை கொல்லும் காழ்த்த இடத்து

880.உயிர்ப்ப உளர் அல்லர் மன்ற செயிர்ப்பவர்
செம்மல் சிதைக்கலாதார்

# 89 உட்பகை
881.நிழல் நீரும் இன்னாத இன்னா தமர் நீரும்
இன்னா ஆம் இன்னா செயின்

882.வாள் போல் பகைவரை அஞ்சற்க அஞ்சுக
கேள் போல் பகைவர் தொடர்பு

883.உள் பகை அஞ்சி தன் காக்க உலைவு இடத்து
மண் பகையின் மாண தெறும்

884.மனம் மாணா உள் பகை தோன்றின் இனம் மாணா
ஏதம் பலவும் தரும்

885.உறல் முறையான் உள் பகை தோன்றின் இறல் முறையான்
ஏதம் பலவும் தரும்

886.ஒன்றாமை ஒன்றியார்-கண் படின் எஞ்ஞான்றும்
பொன்றாமை ஒன்றல் அரிது

887.செப்பின் புணர்ச்சி போல் கூடினும் கூடாதே
உள் பகை உற்ற குடி

888.அரம் பொருத பொன் போல தேயும் உரம் பொருது
உள் பகை உற்ற குடி

889.எள் பகவு அன்ன சிறுமைத்தே-ஆயினும்
உள் பகை உள்ளது ஆம் கேடு

890.உடம்பாடு இலாதவர் வாழ்க்கை குடங்கருள்
பாம்பொடு உடன் உறைந்த அற்று

# 90 பெரியாரைப் பிழையாமை
891.ஆற்றுவார் ஆற்றல் இகழாமை போற்றுவார்
போற்றலுள் எல்லாம் தலை

892.பெரியாரை பேணாது ஒழுகின் பெரியாரால்
பேரா இடும்பை தரும்

893.கெடல் வேண்டின் கேளாது செய்க அடல் வேண்டின்
ஆற்றுபவர்-கண் இழுக்கு

894.கூற்றத்தை கையால் விளித்து அற்றால் ஆற்றுவார்க்கு
ஆற்றாதார் இன்னா செயல்

895.யாண்டு சென்று யாண்டும் உளர் ஆகார் வெம் துப்பின்
வேந்து செறப்பட்டவர்

896.எரியான் சுடப்படினும் உய்வு உண்டாம் உய்யார்
பெரியார் பிழைத்து ஒழுகுவார்

897.வகை மாண்ட வாழ்க்கையும் வான் பொருளும் என் ஆம்
தகை மாண்ட தக்கார் செறின்

898.குன்று அன்னார் குன்ற மதிப்பின் குடியொடு
நின்று அன்னார் மாய்வர் நிலத்து

899.ஏந்திய கொள்கையர் சீறின் இடை முரிந்து
வேந்தனும் வேந்து கெடும்

900.இறந்து அமைந்த சார்பு உடையர்-ஆயினும் உய்யார்
சிறந்து அமைந்த சீரார் செறின்

# 91 பெண்வழிச் சேறல்
901.மனை விழைவார் மாண் பயன் எய்தார் வினை விழைவார்
வேண்டா பொருளும் அது

902.பேணாது பெண் விழைவான் ஆக்கம் பெரியதோர்
நாணாக நாணும் தரும்

903.இல்லாள்-கண் தாழ்ந்த இயல்பு இன்மை எஞ்ஞான்றும்
நல்லாருள் நாணு தரும்

904.மனையாளை அஞ்சும் மறுமை இலாளன்
வினை ஆண்மை வீறு எய்தல் இன்று

905.இல்லாளை அஞ்சுவான் அஞ்சும் மற்று எஞ்ஞான்றும்
நல்லார்க்கு நல்ல செயல்

906.இமையாரின் வாழினும் பாடு இலரே இல்லாள்
அமை ஆர் தோள் அஞ்சுபவர்

907.பெண் ஏவல் செய்து ஒழுகும் ஆண்மையின் நாண் உடை
பெண்ணே பெருமை உடைத்து

908.நட்டார் குறை முடியார் நன்று ஆற்றார் நன் நுதலாள்
பெட்டு ஆங்கு ஒழுகுபவர்

909.அற வினையும் ஆன்ற பொருளும் பிற வினையும்
பெண் ஏவல் செய்வார்-கண் இல்

910.எண் சேர்ந்த நெஞ்சத்து இடன் உடையார்க்கு எஞ்ஞான்றும்
பெண் சேர்ந்து ஆம் பேதைமை இல்

# 92 வரைவில் மகளிர்
911.அன்பின் விழையார் பொருள் விழையும் ஆய்_தொடியார்
இன் சொல் இழுக்கு தரும்

912.பயன் தூக்கி பண்பு உரைக்கும் பண்பு இல் மகளிர்
நயன் தூக்கி நள்ளா விடல்

913.பொருள்_பெண்டிர் பொய்மை முயக்கம் இருட்டு அறையில்
ஏதில் பிணம் தழீஇ அற்று

914.பொருள்_பொருளார் புன் நலம் தோயார் அருள் பொருள்
ஆயும் அறிவினவர்

915.பொது நலத்தார் புன் நலம் தோயார் மதி நலத்தின்
மாண்ட அறிவினவர்

916.தம் நலம் பாரிப்பார் தோயார் தகை செருக்கி
புன் நலம் பாரிப்பார் தோள்

917.நிறை நெஞ்சம் இல்லவர் தோய்வர் பிற நெஞ்சில்
பேணி புணர்பவர் தோள்

918.ஆயும் அறிவினர் அல்லார்க்கு அணங்கு என்ப
மாய மகளிர் முயக்கு

919.வரைவு இலா மாண் இழையார் மென் தோள் புரை இலா
பூரியர்கள் ஆழும் அளறு

920.இரு மன பெண்டிரும் கள்ளும் கவறும்
திரு நீக்கப்பட்டார் தொடர்பு

# 93 கள்ளுண்ணாமை
921.உட்க படாஅர் ஒளி இழப்பர் எஞ்ஞான்றும்
கள் காதல் கொண்டு ஒழுகுவார்

922.உண்ணற்க கள்ளை உணில் உண்க சான்றோரான்
எண்ணப்பட வேண்டாதார்

923.ஈன்றாள் முகத்தேயும் இன்னாதால் என் மற்று
சான்றோர் முகத்து களி

924.நாண் என்னும் நல்லாள் புறங்கொடுக்கும் கள் என்னும்
பேணா பெரும் குற்றத்தார்க்கு

925.கை அறியாமை உடைத்தே பொருள் கொடுத்து
மெய் அறியாமை கொளல்

926.துஞ்சினார் செத்தாரின் வேறு அல்லர் எஞ்ஞான்றும்
நஞ்சு உண்பார் கள் உண்பவர்

927.உள் ஒற்றி உள்ளூர் நகப்படுவர் எஞ்ஞான்றும்
கள் ஒற்றி கண் சாய்பவர்

928.களித்து அறியேன் என்பது கைவிடுக நெஞ்சத்து
ஒளித்ததூஉம் ஆங்கே மிகும்

929.களித்தானை காரணம் காட்டுதல் கீழ் நீர்
குளித்தானை தீ துரீஇ அற்று

930.கள் உண்ணா போழ்தில் களித்தானை காணும்-கால்
உள்ளான்-கொல் உண்டதன் சோர்வு

# 94 சூது
931.வேண்டற்க வென்றிடினும் சூதினை வென்றதூஉம்
தூண்டில் பொன் மீன் விழுங்கி அற்று

932.ஒன்று எய்தி நூறு இழக்கும் சூதர்க்கும் உண்டாம்-கொல்
நன்று எய்தி வாழ்வதோர் ஆறு

933.உருள் ஆயம் ஓவாது கூறின் பொருள் ஆயம்
போஒய் புறமே படும்

934.சிறுமை பல செய்து சீர் அழிக்கும் சூதின்
வறுமை தருவது ஒன்று இல்

935.கவறும் கழகமும் கையும் தருக்கி
இவறியார் இல்லாகியார்

936.அகடு ஆரார் அல்லல் உழப்பர் சூது என்னும்
முகடியான் மூடப்பட்டார்

937.பழகிய செல்வமும் பண்பும் கெடுக்கும்
கழகத்து-காலை புகின்

938.பொருள் கெடுத்து பொய் மேற்கொளீஇ அருள் கெடுத்து
அல்லல் உழப்பிக்கும் சூது

939.உடை செல்வம் ஊண் ஒளி கல்வி என்று ஐந்தும்
அடையாவாம் ஆயம் கொளின்

940.இழ-தொறூஉம் காதலிக்கும் சூதே போல் துன்பம்
உழ-தொறூஉம் காது அற்று உயிர்

# 95 மருந்து
941.மிகினும் குறையினும் நோய் செய்யும் நூலோர்
வளி முதலா எண்ணிய மூன்று

942.மருந்து என வேண்டாவாம் யாக்கைக்கு அருந்தியது
அற்றது போற்றி உணின்

943.அற்றால் அளவு அறிந்து உண்க அஃது உடம்பு
பெற்றான் நெடிது உய்க்கும் ஆறு

944.அற்றது அறிந்து கடைப்பிடித்து மாறு அல்ல
துய்க்க துவர பசித்து

945.மாறுபாடு இல்லாத உண்டி மறுத்து உண்ணின்
ஊறுபாடு இல்லை உயிர்க்கு

946.இழிவு அறிந்து உண்பான்-கண் இன்பம் போல் நிற்கும்
கழி பேர் இரையான்-கண் நோய்

947.தீ அளவு அன்றி தெரியான் பெரிது உண்ணின்
நோய் அளவு இன்றி படும்

948.நோய் நாடி நோய் முதல் நாடி அது தணிக்கும்
வாய் நாடி வாய்ப்ப செயல்

949.உற்றான் அளவும் பிணி அளவும் காலமும்
கற்றான் கருதி செயல்

950.உற்றவன் தீர்ப்பான் மருந்து உழைச்செல்வான் என்று
அ பால் நால் கூற்றே மருந்து

# 96 குடிமை
951.இல் பிறந்தார்-கண் அல்லது இல்லை இயல்பாக
செப்பமும் நாணும் ஒருங்கு

952.ஒழுக்கமும் வாய்மையும் நாணும் இ மூன்றும்
இழுக்கார் குடி பிறந்தார்

953.நகை ஈகை இன் சொல் இகழாமை நான்கும்
வகை என்ப வாய்மை குடிக்கு

954.அடுக்கிய கோடி பெறினும் குடி பிறந்தார்
குன்றுவ செய்தல் இலர்

955.வழங்குவது உள் வீழ்ந்த-கண்ணும் பழங்குடி
பண்பின் தலைப்பிரிதல் இன்று

956.சலம் பற்றி சால்பு இல செய்யார் மாசு அற்ற
குலம் பற்றி வாழ்தும் என்பார்

957.குடி பிறந்தார்-கண் விளங்கும் குற்றம் விசும்பின்
மதி-கண் மறு போல் உயர்ந்து

958.நலத்தின்-கண் நார் இன்மை தோன்றின் அவனை
குலத்தின்-கண் ஐயப்படும்

959.நிலத்தில் கிடந்தமை கால் காட்டும் காட்டும்
குலத்தில் பிறந்தார் வாய் சொல்

960.நலம் வேண்டின் நாண் உடைமை வேண்டும் குலம் வேண்டின்
வேண்டுக யார்க்கும் பணிவு

# 97 மானம்
961.இன்றியமையா சிறப்பின-ஆயினும்
குன்ற வருப விடல்

962.சீரினும் சீர் அல்ல செய்யாரே சீரொடு
பேராண்மை வேண்டுபவர்

963.பெருக்கத்து வேண்டும் பணிதல் சிறிய
சுருக்கத்து வேண்டும் உயர்வு

964.தலையின் இழிந்த மயிர் அனையர் மாந்தர்
நிலையின் இழிந்த-கடை

965.குன்றின் அனையாரும் குன்றுவர் குன்றுவ
குன்றி அனைய செயின்

966.புகழ் இன்றால் புத்தேள் நாட்டு உய்யாதால் என் மற்று
இகழ்வார் பின் சென்று நிலை

967.ஒட்டார் பின் சென்று ஒருவன் வாழ்தலின் அ நிலையே
கெட்டான் எனப்படுதல் நன்று

968.மருந்தோ மற்று ஊன் ஓம்பும் வாழ்க்கை பெருந்தகைமை
பீடு அழிய வந்த இடத்து

969.மயிர் நீப்பின் வாழா கவரிமா அன்னார்
உயிர் நீப்பர் மானம் வரின்

970.இளி வரின் வாழாத மானம் உடையார்
ஒளி தொழுது ஏத்தும் உலகு

# 98 பெருமை
971.ஒளி ஒருவற்கு உள்ள வெறுக்கை இளி ஒருவற்கு
அஃது இறந்து வாழ்தும் எனல்

972.பிறப்பு ஒக்கும் எல்லா உயிர்க்கும் சிறப்பு ஒவ்வா
செய் தொழில் வேற்றுமையான்

973.மேல் இருந்தும் மேல் அல்லார் மேல் அல்லர் கீழ் இருந்தும்
கீழ் அல்லார் கீழ் அல்லவர்

974.ஒருமை மகளிரே போல பெருமையும்
தன்னை தான் கொண்டு ஒழுகின் உண்டு

975.பெருமை உடையவர் ஆற்றுவார் ஆற்றின்
அருமை உடைய செயல்

976.சிறியார் உணர்ச்சியுள் இல்லை பெரியாரை
பேணி கொள்வேம் என்னும் நோக்கு

977.இறப்பே புரிந்த தொழிற்று ஆம் சிறப்பும் தான்
சீர்_அல்லவர்-கண் படின்

978.பணியுமாம் என்றும் பெருமை சிறுமை
அணியுமாம் தன்னை வியந்து

979.பெருமை பெருமிதம் இன்மை சிறுமை
பெருமிதம் ஊர்ந்துவிடல்

980.அற்றம் மறைக்கும் பெருமை சிறுமை-தான்
குற்றமே கூறிவிடும்

# 99 சான்றாண்மை
981.கடன் என்ப நல்லவை எல்லாம் கடன் அறிந்து
சான்றாண்மை மேற்கொள்பவற்கு

982.குண நலம் சான்றோர் நலனே பிற நலம்
எ நலத்து உள்ளதூஉம் அன்று

983.அன்பு நாண் ஒப்புரவு கண்ணோட்டம் வாய்மையொடு
ஐந்து சால்பு ஊன்றிய தூண்

984.கொல்லா நலத்தது நோன்மை பிறர் தீமை
சொல்லா நலத்தது சால்பு

985.ஆற்றுவார் ஆற்றல் பணிதல் அது சான்றோர்
மாற்றாரை மாற்றும் படை

986.சால்பிற்கு கட்டளை யாது எனின் தோல்வி
துலை அல்லார்-கண்ணும் கொளல்

987.இன்னா செய்தார்க்கும் இனியவே செய்யா-கால்
என்ன பயத்ததோ சால்பு

988.இன்மை ஒருவற்கு இளிவு அன்று சால்பு என்னும்
திண்மை உண்டாக பெறின்

989.ஊழி பெயரினும் தாம் பெயரார் சான்றாண்மைக்கு
ஆழி எனப்படுவார்

990.சான்றவர் சான்றாண்மை குன்றின் இரு நிலம் தான்
தாங்காது மன்னோ பொறை

# 100 பண்புடைமை
991.எண் பதத்தால் எய்தல் எளிது என்ப யார் மாட்டும்
பண்பு உடைமை என்னும் வழக்கு

992.அன்பு உடைமை ஆன்ற குடி பிறத்தல் இ இரண்டும்
பண்பு உடைமை என்னும் வழக்கு

993.உறுப்பு ஒத்தல் மக்கள் ஒப்பு அன்றால் வெறுத்தக்க
பண்பு ஒத்தல் ஒப்பது ஆம் ஒப்பு

994.நயனொடு நன்றி புரிந்த பயன் உடையார்
பண்பு பாராட்டும் உலகு

995.நகையுள்ளும் இன்னாது இகழ்ச்சி பகையுள்ளும்
பண்பு உள பாடு அறிவார் மாட்டு

996.பண்பு உடையார் பட்டு உண்டு உலகம் அது இன்றேல்
மண் புக்கு மாய்வது மன்

997.அரம் போலும் கூர்மையரேனும் மரம் போல்வர்
மக்கள் பண்பு இல்லாதவர்

998.நண்பு ஆற்றார் ஆகி நயம் இல செய்வார்க்கும்
பண்பு ஆற்றார் ஆதல் கடை

999.நகல் வல்லர் அல்லார்க்கு மா இரு ஞாலம்
பகலும் பால் பட்டன்று இருள்

1000.பண்பு இலான் பெற்ற பெரும் செல்வம் நன் பால்
கலம் தீமையால் திரிந்த அற்று

# 101 நன்றியில் செல்வம்
1001.வைத்தான்-வாய் சான்ற பெரும் பொருள் அஃது உண்ணான்
செத்தான் செயக்கிடந்தது இல்

1002.பொருளான் ஆம் எல்லாம் என்று ஈயாது இவறும்
மருளான் ஆம் மாணா பிறப்பு

1003.ஈட்டம் இவறி இசை வேண்டா ஆடவர்
தோற்றம் நிலக்கு பொறை

1004.எச்சம் என்று என் எண்ணும்-கொல்லோ ஒருவரால்
நச்சப்படாஅதவன்

1005.கொடுப்பதூஉம் துய்ப்பதூஉம் இல்லார்க்கு அடுக்கிய
கோடி உண்டாயினும் இல்

1006.ஏதம் பெரும் செல்வம் தான் துவ்வான் தக்கார்க்கு ஒன்று
ஈதல் இயல்பு இலாதான்

1007.அற்றார்க்கு ஒன்று ஆற்றாதான் செல்வம் மிகு நலம்
பெற்றாள் தமியள் மூத்து அற்று

1008.நச்சப்படாதவன் செல்வம் நடு ஊருள்
நச்சு மரம் பழுத்து அற்று

1009.அன்பு ஒரீஇ தன் செற்று அறம் நோக்காது ஈட்டிய
ஒண் பொருள் கொள்வார் பிறர்

1010.சீர் உடை செல்வர் சிறு துனி மாரி
வறம் கூர்ந்த அனையது உடைத்து

# 102 நாணுடைமை
1011.கருமத்தான் நாணுதல் நாணு திரு_நுதல்
நல்லவர் நாணு பிற

1012.ஊண் உடை எச்சம் உயிர்க்கு எல்லாம் வேறு அல்ல
நாண் உடைமை மாந்தர் சிறப்பு

1013.ஊனை குறித்த உயிர் எல்லாம் நாண் என்னும்
நன்மை குறித்தது சால்பு

1014.அணி அன்றோ நாண் உடைமை சான்றோர்க்கு அஃது இன்றேல்
பிணி அன்றோ பீடு நடை

1015.பிறர் பழியும் தம் பழியும் நாணுவார் நாணுக்கு
உறை_பதி என்னும் வழக்கு

1016.நாண் வேலி கொள்ளாது-மன்னோ வியல் ஞாலம்
பேணலர் மேலாயவர்

1017.நாணால் உயிரை துறப்பர் உயிர் பொருட்டால்
நாண் துறவார் நாண் ஆள்பவர்

1018.பிறர் நாண தக்கது தான் நாணான் ஆயின்
அறம் நாண தக்கது உடைத்து

1019.குலம் சுடும் கொள்கை பிழைப்பின் நலம் சுடும்
நாண் இன்மை நின்ற கடை

1020.நாண் அகத்து இல்லார் இயக்கம் மர_பாவை
நாணால் உயிர் மருட்டி அற்று

# 103 குடிசெயல் வகை
1021.கருமம் செய ஒருவன் கைதூவேன் என்னும்
பெருமையின் பீடு உடையது இல்

1022.ஆள்வினையும் ஆன்ற அறிவும் என இரண்டின்
நீள் வினையான் நீளும் குடி

1023.குடி செய்வல் என்னும் ஒருவற்கு தெய்வம்
மடி தற்று தான் முந்துறும்

1024.சூழாமல் தானே முடிவு எய்தும் தம் குடியை
தாழாது உஞற்றுபவர்க்கு

1025.குற்றம் இலனாய் குடி செய்து வாழ்வானை
சுற்றமா சுற்றும் உலகு

1026.நல் ஆண்மை என்பது ஒருவற்கு தான் பிறந்த
இல் ஆண்மை ஆக்கி கொளல்

1027.அமர் அகத்து வன்கண்ணர் போல தமர் அகத்தும்
ஆற்றுவார் மேற்றே பொறை

1028.குடி செய்வார்க்கு இல்லை பருவம் மடி செய்து
மானம் கருத கெடும்

1029.இடும்பைக்கே கொள்கலம்-கொல்லோ குடும்பத்தை
குற்றம் மறைப்பான் உடம்பு

1030.இடுக்கண் கால் கொன்றிட வீழும் அடுத்து ஊன்றும்
நல் ஆள் இலாத குடி

# 104 உழவு
1031.சுழன்றும் ஏர் பின்னது உலகம் அதனால்
உழந்தும் உழவே தலை

1032.உழுவார் உலகத்தார்க்கு ஆணி அஃது ஆற்றாது
எழுவாரை எல்லாம் பொறுத்து

1033.உழுது உண்டு வாழ்வாரே வாழ்வார் மற்று எல்லாம்
தொழுது உண்டு பின் செல்பவர்

1034.பல குடை நீழலும் தம் குடை கீழ் காண்பர்
அலகு உடை நீழலவர்

1035.இரவார் இரப்பார்க்கு ஒன்று ஈவர் கரவாது
கை செய்து ஊண் மாலையவர்

1036.உழவினார் கைம்மடங்கின் இல்லை விழைவதூஉம்
விட்டேம் என்பார்க்கு நிலை

1037.தொடி புழுதி கஃசா உணக்கின் பிடித்து எருவும்
வேண்டாது சால படும்

1038.ஏரினும் நன்றால் எரு இடுதல் இட்ட பின்
நீரினும் நன்று அதன் காப்பு

1039.செல்லான் கிழவன் இருப்பின் நிலம் புலந்து
இல்லாளின் ஊடிவிடும்

1040.இலம் என்று அசைஇ இருப்பாரை காணின்
நிலம் என்னும் நல்லாள் நகும்

# 105 நல்குரவு
1041.இன்மையின் இன்னாதது யாது எனின் இன்மையின்
இன்மையே இன்னாதது

1042.இன்மை என ஒரு பாவி மறுமையும்
இம்மையும் இன்றி வரும்

1043.தொல் வரவும் தோலும் கெடுக்கும் தொகையாக
நல்குரவு என்னும் நசை

1044.இற்பிறந்தோர்-கண்ணேயும் இன்மை இளி வந்த
சொல் பிறக்கும் சோர்வு தரும்

1045.நல்குரவு என்னும் இடும்பையுள் பல்கு உரை
துன்பங்கள் சென்று படும்

1046.நன் பொருள் நன்கு உணர்ந்து சொல்லினும் நல்கூர்ந்தார்
சொல் பொருள் சோர்வு படும்

1047.அறம் சாரா நல்குரவு ஈன்ற தாயானும்
பிறன் போல நோக்கப்படும்

1048.இன்றும் வருவது-கொல்லோ நெருநலும்
கொன்றது போலும் நிரப்பு

1049.நெருப்பினுள் துஞ்சலும் ஆகும் நிரப்பினுள்
யாது ஒன்றும் கண்பாடு அரிது

1050.துப்புரவு இல்லார் துவர துறவாமை
உப்பிற்கும் காடிக்கும் கூற்று

# 106 இரவு
1051.இரக்க இரத்தக்கார் காணின் கரப்பின்
அவர் பழி தம் பழி அன்று

1052.இன்பம் ஒருவற்கு இரத்தல் இரந்தவை
துன்பம் உறாஅ வரின்

1053.கரப்பு இலா நெஞ்சின் கடன் அறிவார் முன் நின்று
இரப்பும் ஓர் ஏஎர் உடைத்து

1054.இரத்தலும் ஈதலே போலும் கரத்தல்
கனவினும் தேற்றாதார் மாட்டு

1055.கரப்பு இலார் வையகத்து உண்மையான் கண் நின்று
இரப்பவர் மேற்கொள்வது

1056.கரப்பு இடும்பை இல்லாரை காணின் நிரப்பு இடும்பை
எல்லாம் ஒருங்கு கெடும்

1057.இகழ்ந்து எள்ளாது ஈவாரை காணின் மகிழ்ந்து உள்ளம்
உள்ளுள் உவப்பது உடைத்து

1058.இரப்பாரை இல் ஆயின் ஈர் கண் மா ஞாலம்
மர_பாவை சென்று வந்த அற்று

1059.ஈவார்-கண் என் உண்டாம் தோற்றம் இரந்து கோள்
மேவார் இலாஅ-கடை

1060.இரப்பான் வெகுளாமை வேண்டும் நிரப்பு இடும்பை
தானேயும் சாலும் கரி

# 107 இரவச்சம்
1061.கரவாது உவந்து ஈயும் கண் அன்னார்-கண்ணும்
இரவாமை கோடி உறும்

1062.இரந்தும் உயிர் வாழ்தல் வேண்டின் பரந்து
கெடுக உலகு இயற்றியான்

1063.இன்மை இடும்பை இரந்து தீர்வாம் என்னும்
வன்மையின் வன்பாட்டது இல்

1064.இடம் எல்லாம் கொள்ளா தகைத்தே இடம் இல்லா
காலும் இரவு ஒல்லா சால்பு

1065.தெள் நீர் அடு புற்கை-ஆயினும் தாள் தந்தது
உண்ணலின் ஊங்கு இனியது இல்

1066.ஆவிற்கு நீர் என்று இரப்பினும் நாவிற்கு
இரவின் இளிவந்தது இல்

1067.இரப்பன் இரப்பாரை எல்லாம் இரப்பின்
கரப்பார் இரவன்-மின் என்று

1068.இரவு என்னும் ஏமாப்பு இல் தோணி கரவு என்னும்
பார் தாக்க பக்கு விடும்

1069.இரவு உள்ள உள்ளம் உருகும் கரவு உள்ள
உள்ளதூஉம் இன்றி கெடும்

1070.கரப்பவர்க்கு யாங்கு ஒளிக்கும்-கொல்லோ இரப்பவர்
சொல்லாட போஒம் உயிர்

# 108 கயமை
1071.மக்களே போல்வர் கயவர் அவர் அன்ன
ஒப்பாரி யாம் கண்டது இல்

1072.நன்று அறிவாரின் கயவர் திரு உடையர்
நெஞ்சத்து அவலம் இலர்

1073.தேவர் அனையர் கயவர் அவரும் தாம்
மேவன செய்து ஒழுகலான்

1074.அக பட்டி ஆவாரை காணின் அவரின்
மிகப்பட்டு செம்மாக்கும் கீழ்

1075.அச்சமே கீழ்களது ஆசாரம் எச்சம்
அவா உண்டேல் உண்டாம் சிறிது

1076.அறை பறை அன்னர் கயவர் தாம் கேட்ட
மறை பிறர்க்கு உய்த்து உரைக்கலான்

1077.ஈர் கை விதிரார் கயவர் கொடிறு உடைக்கும்
கூன் கையர் அல்லாதவர்க்கு

1078.சொல்ல பயன்படுவர் சான்றோர் கரும்பு போல்
கொல்ல பயன்படும் கீழ்

1079.உடுப்பதூஉம் உண்பதூஉம் காணின் பிறர் மேல்
வடு காண வற்று ஆகும் கீழ்

1080.எற்றிற்கு உரியர் கயவர் ஒன்று உற்ற-கால்
விற்றற்கு உரியர் விரைந்து

# 109 தகையணங்குறுத்தல்
1081.அணங்கு-கொல் ஆய் மயில்-கொல்லோ கனம் குழை
மாதர்-கொல் மாலும் என் நெஞ்சு

1082.ஓக்கினாள் நோக்கு எதிர் நோக்குதல் தாக்கு அணங்கு
தானை கொண்ட அன்னது உடைத்து

1083.பண்டு அறியேன் கூற்று என்பதனை இனி அறிந்தேன்
பெண் தகையான் பேர் அமர் கட்டு

1084.கண்டார் உயிர் உண்ணும் தோற்றத்தான் பெண் தகை
பேதைக்கு அமர்த்தன கண்

1085.கூற்றமோ கண்ணோ பிணையோ மடவரல்
நோக்கம் இ மூன்றும் உடைத்து

1086.கொடும் புருவம் கோடா மறைப்பின் நடுங்கு அஞர்
செய்யல-மன் இவள் கண்

1087.கடாஅ களிற்றின் மேல் கண் படாம் மாதர்
படாஅ முலை மேல் துகில்

1088.ஒள் நுதற்கு ஓஒ உடைந்ததே ஞாட்பினுள்
நண்ணாரும் உட்கும் என் பீடு

1089.பிணை ஏர் மட நோக்கும் நாணும் உடையாட்கு
அணி எவனோ ஏதில தந்து

1090.உண்டார்-கண் அல்லது அடு நறா காமம் போல்
கண்டார் மகிழ் செய்தல் இன்று

# 110 குறிப்பறிதல்
1091.இரு நோக்கு இவள் உண்கண் உள்ளது ஒரு நோக்கு
நோய் நோக்கு ஒன்று அ நோய் மருந்து

1092.கண் களவு கொள்ளும் சிறு நோக்கம் காமத்தின்
செம்பாகம் அன்று பெரிது

1093.நோக்கினாள் நோக்கி இறைஞ்சினாள் அஃது அவள்
யாப்பினுள் அட்டிய நீர்

1094.யான் நோக்கும் காலை நிலன் நோக்கும் நோக்கா-கால்
தான் நோக்கி மெல்ல நகும்

1095.குறிக்கொண்டு நோக்காமை அல்லால் ஒரு கண்
சிறக்கணித்தான் போல நகும்

1096.உறாஅதவர் போல் சொலினும் செறாஅர் சொல்
ஒல்லை உணரப்படும்

1097.செறாஅ சிறு சொல்லும் செற்றார் போல் நோக்கும்
உறாஅர் போன்று உற்றார் குறிப்பு

1098.அசையியற்கு உண்டு ஆண்டு ஓர் ஏஎர் யான் நோக்க
பசையினள் பைய நகும்

1099.ஏதிலார் போல பொது நோக்கு நோக்குதல்
காதலார் கண்ணே உள

1100.கண்ணொடு கண் இணை நோக்கு ஒக்கின் வாய் சொற்கள்
என்ன பயனும் இல

# 111 புணர்ச்சி மகிழ்தல்
1101.கண்டு கேட்டு உண்டு உயிர்த்து உற்று அறியும் ஐம்புலனும்
ஒண்_தொடி கண்ணே உள

1102.பிணிக்கு மருந்து பிற-மன் அணி_இழை
தன் நோய்க்கு தானே மருந்து

1103.தாம் வீழ்வார் மென் தோள் துயிலின் இனிது-கொல்
தாமரைக்கண்ணான்_உலகு

1104.நீங்கின் தெறூஉம் குறுகும்-கால் தண் என்னும்
தீ யாண்டு பெற்றாள் இவள்

1105.வேட்ட பொழுதின் அவை அவை போலுமே
தோட்டார் கதுப்பினாள் தோள்

1106.உறு-தொறு உயிர் தளிர்ப்ப தீண்டலான் பேதைக்கு
அமிழ்தின் இயன்றன தோள்

1107.தம் இல் இருந்து தமது பார்த்து உண்டு அற்றால்
அ மா அரிவை முயக்கு

1108.வீழும் இருவர்க்கு இனிதே வளி-இடை
போழ படாஅ முயக்கு

1109.ஊடல் உணர்தல் புணர்தல் இவை காமம்
கூடியார் பெற்ற பயன்

1110.அறி-தொறு அறியாமை கண்டு அற்றால் காமம்
செறி-தோறும் சே_இழை மாட்டு

# 112 நலம் புனைந்துரைத்தல்
1111.நன் நிரை வாழி அனிச்சமே நின்னினும்
மெல் நீரள் யாம் வீழ்பவள்

1112.மலர் காணின் மையாத்தி நெஞ்சே இவள் கண்
பலர் காணும் பூ ஒக்கும் என்று

1113.முறி மேனி முத்தம் முறுவல் வெறி நாற்றம்
வேல் உண்கண் வேத்தோள் அவட்கு

1114.காணின் குவளை கவிழ்ந்து நிலன் நோகும்
மாண்_இழை கண் ஒவ்வேம் என்று

1115.அனிச்ச பூ கால் களையாள் பெய்தாள் நுசுப்பிற்கு
நல்ல படாஅ பறை

1116.மதியும் மடந்தை முகனும் அறியா
பதியின் கலங்கிய மீன்

1117.அறுவாய் நிறைந்த அவிர் மதிக்கு போல
மறு உண்டோ மாதர் முகத்து

1118.மாதர் முகம் போல் ஒளிவிட வல்லையேல்
காதலை வாழி மதி

1119.மலர் அன்ன கண்ணாள் முகம் ஒத்தி ஆயின்
பலர் காண தோன்றல் மதி

1120.அனிச்சமும் அன்னத்தின் தூவியும் மாதர்
அடிக்கு நெருஞ்சி பழம்

# 113 காதல் சிறப்புரைத்தல்
1121.பாலொடு தேன் கலந்து அற்றே பணி_மொழி
வால் எயிறு ஊறிய நீர்

1122.உடம்பொடு உயிர்-இடை என்ன மற்று அன்ன
மடந்தையொடு எம்-இடை நட்பு

1123.கருமணியின் பாவாய் நீ போதாய் யாம் வீழும்
திரு_நுதற்கு இல்லை இடம்

1124.வாழ்தல் உயிர்க்கு அன்னள் ஆய்_இழை சாதல்
அதற்கு அன்னள் நீங்கும் இடத்து

1125.உள்ளுவன்-மன் யான் மறப்பின் மறப்பு அறியேன்
ஒள் அமர் கண்ணாள் குணம்

1126.கண்ணுள்ளின் போகார் இமைப்பின் பருவரார்
நுண்ணியர் எம் காதலவர்

1127.கண் உள்ளார் காதலவராக கண்ணும்
எழுதேம் கரப்பாக்கு அறிந்து

1128.நெஞ்சத்தார் காதலவராக வெய்து உண்டல்
அஞ்சுதும் வேபாக்கு அறிந்து

1129.இமைப்பின் கரப்பாக்கு அறிவல் அனைத்திற்கே
ஏதிலர் என்னும் இ ஊர்

1130.உவந்து உறைவர் உள்ளத்துள் என்றும் இகந்து உறைவர்
ஏதிலர் என்னும் இ ஊர்

# 114 நாணுத் துறவுரைத்தல்
1131.காமம் உழந்து வருந்தினார்க்கு ஏம
மடல் அல்லது இல்லை வலி

1132.நோனா உடம்பும் உயிரும் மடல் ஏறும்
நாணினை நீக்கி நிறுத்து

1133.நாணொடு நல் ஆண்மை பண்டு உடையேன் இன்று உடையேன்
காமுற்றார் ஏறும் மடல்

1134.காம கடும் புனல் உய்க்குமே நாணொடு
நல் ஆண்மை என்னும் புணை

1135.தொடலை குறும்_தொடி தந்தாள் மடலொடு
மாலை உழக்கும் துயர்

1136.மடல் ஊர்தல் யாமத்தும் உள்ளுவேன்-மன்ற
படல் ஒல்லா பேதைக்கு என் கண்

1137.கடல் அன்ன காமம் உழந்தும் மடல் ஏறா
பெண்ணின் பெரும் தக்கது இல்

1138.நிறை அரியர்-மன் அளியர் என்னாது காமம்
மறை இறந்து மன்று படும்

1139.அறிகிலார் எல்லாரும் என்றே என் காமம்
மறுகில் மறுகும் மருண்டு

1140.யாம் கண்ணின் காண நகுப அறிவில்லார்
யாம் பட்ட தாம் படாவாறு

# 115 அலை அறிவுறுத்தல்
1141.அலர் எழ ஆர் உயிர் நிற்கும் அதனை
பலர் அறியார் பாக்கியத்தால்

1142.மலர் அன்ன கண்ணாள் அருமை அறியாது
அலர் எமக்கு ஈந்தது இ ஊர்

1143.உறாஅதோ ஊர் அறிந்த கௌவை அதனை
பெறாஅது பெற்று அன்ன நீர்த்து

1144.கவ்வையான் கவ்விது காமம் அது இன்றேல்
தவ்வென்னும் தன்மை இழந்து

1145.களி-தொறும் கள் உண்டல் வேட்ட அற்றால் காமம்
வெளிப்படும்-தோறும் இனிது

1146.கண்டது மன்னும் ஒரு நாள் அலர் மன்னும்
திங்களை பாம்பு கொண்டு அற்று

1147.ஊரவர் கௌவை எரு ஆக அன்னை சொல்
நீர் ஆக நீளும் இ நோய்

1148.நெய்யால் எரி நுதுப்பும் என்ற அற்றால் கௌவையான்
காமம் நுதுப்பேம் எனல்

1149.அலர் நாண ஒல்வதோ அஞ்சல் ஓம்பு என்றார்
பலர் நாண நீத்த கடை

1150.தாம் வேண்டின் நல்குவர் காதலர் யாம் வேண்டும்
கௌவை எடுக்கும் இ ஊர்

# 116 பிரிவாற்றாமை
1151.செல்லாமை உண்டேல் எனக்கு உரை மற்று நின்
வல் வரவு வாழ்வார்க்கு உரை

1152.இன் கண் உடைத்து அவர் பார்வல் பிரிவு அஞ்சும்
புன்கண் உடைத்தால் புணர்வு

1153.அரிதரோ தேற்றம் அறிவுடையார் கண்ணும்
பிரிவு ஓர் இடத்து உண்மையான்

1154.அளித்து அஞ்சல் என்றவர் நீப்பின் தெளித்த சொல்
தேறியாக்கு உண்டோ தவறு

1155.ஓம்பின் அமைந்தார் பிரிவு ஓம்பல் மற்று அவர்
நீங்கின் அரிதால் புணர்வு

1156.பிரிவு உரைக்கும் வன்கண்ணர் ஆயின் அரிது அவர்
நல்குவர் என்னும் நசை

1157.துறைவன் துறந்தமை தூற்றா-கொல் முன்கை
இறை இறவாநின்ற வளை

1158.இன்னாது இனன் இல் ஊர் வாழ்தல் அதனினும்
இன்னாது இனியார் பிரிவு

1159.தொடின் சுடின் அல்லது காம நோய் போல
விடின் சுடல் ஆற்றுமோ தீ

1160அரிது ஆற்றி அல்லல் நோய் நீக்கி பிரிவு ஆற்றி
பின் இருந்து வாழ்வார் பலர்

# 117 படர்மெலிந்திரங்கல்
1161.மறைப்பேன்-மன் யான் இஃதோ நோயை இறைப்பவர்க்கு
ஊற்று நீர் போல மிகும்

1162.கரத்தலும் ஆற்றேன் இ நோயை நோய் செய்தார்க்கு
உரைத்தலும் நாணு தரும்

1163.காமமும் நாணும் உயிர் காவா தூங்கும் என்
நோனா உடம்பின் அகத்து

1164.காம கடல்-மன்னும் உண்டே அது நீந்தும்
ஏம புணை-மன்னும் இல்

1165.துப்பின் எவன் ஆவர்-மன்-கொல் துயர் வரவு
நட்பினுள் ஆற்றுபவர்

1166.இன்பம் கடல் மற்று காமம் அஃது அடும்-கால்
துன்பம் அதனின் பெரிது

1167.காம கடும் புனல் நீந்தி கரை காணேன்
யாமத்தும் யானே உளேன்

1168.மன் உயிர் எல்லாம் துயிற்றி அளித்து இரா
என் அல்லது இல்லை துணை

1169.கொடியார் கொடுமையின் தாம் கொடிய இ நாள்
நெடிய கழியும் இரா

1170.உள்ளம் போன்று உள்வழி செல்கிற்பின் வெள்ள நீர்
நீந்தல-மன்னோ என் கண்

# 118 கண் விதுப்பழிதல்
1171.கண் தாம் கலுழ்வது எவன்-கொலோ தண்டா நோய்
தாம் காட்ட யாம் கண்டது

1172.தெரிந்து உணரா நோக்கிய உண்கண் பரிந்து உணரா
பைதல் உழப்பது எவன்

1173.கதுமென தாம் நோக்கி தாமே கலுழும்
இது நக தக்கது உடைத்து

1174.பெயல் ஆற்றா நீர் உலந்த உண்கண் உயல் ஆற்றா
உய்வு இல் நோய் என் கண் நிறுத்து

1175.படல் ஆற்றா பைதல் உழக்கும் கடல் ஆற்றா
காம நோய் செய்த என் கண்

1176.ஓஒ இனிதே எமக்கு இ நோய் செய்த கண்
தாஅம் இதற்பட்டது

1177.உழந்துஉழந்து உள் நீர் அறுக விழைந்து இழைந்து
வேண்டி அவர் கண்ட கண்

1178.பேணாது பெட்டார் உளர்-மன்னோ மற்று அவர்
காணாது அமைவு இல கண்

1179.வாரா-கால் துஞ்சா வரின் துஞ்சா ஆயிடை
ஆர் அஞர் உற்றன கண்

1180.மறை பெறல் ஊரார்க்கு அரிது அன்றால் எம் போல்
அறை பறை கண்ணார் அகத்து

# 119 பசப்புறு பருவரல்
1181.நயந்தவர்க்கு நல்காமை நேர்ந்தேன் பசந்த என்
பண்பு யார்க்கு உரைக்க பிற

1182.அவர் தந்தார் என்னும் தகையால் இவர்தந்து என்
மேனி மேல் ஊரும் பசப்பு

1183.சாயலும் நாணும் அவர் கொண்டார் கைம்மாறா
நோயும் பசலையும் தந்து

1184.உள்ளுவன்-மன் யான் உரைப்பது அவர் திறமால்
கள்ளம் பிறவோ பசப்பு

1185.உவக்காண் எம் காதலர் செல்வார் இவக்காண் என்
மேனி பசப்பு ஊர்வது

1186.விளக்கு அற்றம் பார்க்கும் இருளே போல் கொண்கன்
முயக்கு அற்றம் பார்க்கும் பசப்பு

1187.புல்லி கிடந்தேன் புடைபெயர்ந்தேன் அ அளவில்
அள்ளி கொள்வு அற்றே பசப்பு

1188.பசந்தாள் இவள் என்பது அல்லால் இவளை
துறந்தார் அவர் என்பார் இல்

1189.பசக்க-மன் பட்டு ஆங்கு என் மேனி நயப்பித்தார்
நன் நிலையர் ஆவர் எனின்

1190.பசப்பு என பேர் பெறுதல் நன்றே நயப்பித்தார்
நல்காமை தூற்றார் எனின்

# 120 தனிப்படர் மிகுதி
1191.தாம் வீழ்வார் தம் வீழப்பெற்றவர் பெற்றாரே
காமத்து காழ்_இல் கனி

1192.வாழ்வார்க்கு வானம் பயந்து அற்றால் வீழ்வார்க்கு
வீழ்வார் அளிக்கும் அளி

1193.வீழுநர் வீழப்படுவர்க்கு அமையுமே
வாழுநம் என்னும் செருக்கு

1194.வீழப்படுவார் கெழீஇயிலர் தாம் வீழ்வார்
வீழப்படாஅர் எனின்

1195.நாம் காதல் கொண்டார் நமக்கு எவன் செய்பவோ
தாம் காதல் கொள்ளா-கடை

1196.ஒருதலையான் இன்னாது காமம் கா போல
இருதலையானும் இனிது

1197.பருவரலும் பைதலும் காணான்-கொல் காமன்
ஒருவர்-கண் நின்று ஒழுகுவான்

1198.வீழ்வாரின் இன் சொல் பெறாஅது உலகத்து
வாழ்வாரின் வன்கணார் இல்

1199.நசைஇயார் நல்கார் எனினும் அவர் மாட்டு
இசையும் இனிய செவிக்கு

1200.உறாஅர்க்கு உறு நோய் உரைப்பாய் கடலை
செறாஅய் வாழிய நெஞ்சு

# 121 நினைந்தவர் புலம்பல்
1201.உள்ளினும் தீரா பெரு மகிழ் செய்தலால்
கள்ளினும் காமம் இனிது

1202.எனைத்து ஒன்று இனிதே காண் காமம் தாம் வீழ்வார்
நினைப்ப வருவது ஒன்று இல்

1203.நினைப்பவர் போன்று நினையார்-கொல் தும்மல்
சினைப்பது போன்று கெடும்

1204.யாமும் உளேம்-கொல் அவர் நெஞ்சத்து எம் நெஞ்சத்து
ஓஒ உளரே அவர்

1205.தம் நெஞ்சத்து எம்மை கடி கொண்டார் நாணார்-கொல்
எம் நெஞ்சத்து ஓவா வரல்

1206.மற்று யான் என் உளேன் மன்னோ அவரொடு யான்
உற்ற நாள் உள்ள உளேன்

1207.மறப்பின் எவன் ஆவன்-மன்-கொல் மறப்பு அறியேன்
உள்ளினும் உள்ளம் சுடும்

1208.எனைத்தும் நினைப்பினும் காயார் அனைத்து அன்றோ
காதலர் செய்யும் சிறப்பு

1209.விளியும் என் இன் உயிர் வேறு அல்லேம் என்பார்
அளி இன்மை ஆற்ற நினைந்து

1210.விடாஅது சென்றாரை கண்ணினால் காண
படாஅதி வாழி மதி

# 122 கனவுநிலை உரைத்தல்
1211.காதலர் தூதொடு வந்த கனவினுக்கு
யாது செய்வேன்-கொல் விருந்து

1212.கயல் உண்கண் யான் இரப்ப துஞ்சின் கலந்தார்க்கு
உயல் உண்மை சாற்றுவேன்-மன்

1213.நனவினான் நல்காதவரை கனவினான்
காண்டலின் உண்டு என் உயிர்

1214.கனவினான் உண்டாகும் காமம் நனவினான்
நல்காரை நாடி தரற்கு

1215.நனவினான் கண்டதூஉம் ஆங்கே கனவும் தான்
கண்ட பொழுதே இனிது

1216.நனவு என ஒன்று இல்லை ஆயின் கனவினான்
காதலர் நீங்கலர்-மன்

1217.நனவினான் நல்கா கொடியார் கனவினான்
என் எம்மை பீழிப்பது

1218.துஞ்சும்-கால் தோள் மேலர் ஆகி விழிக்கும்-கால்
நெஞ்சத்தர் ஆவர் விரைந்து

1219.நனவினான் நல்காரை நோவர் கனவினான்
காதலர் காணாதவர்

1220.நனவினான் நம் நீத்தார் என்ப கனவினான்
காணார்-கொல் இ ஊரவர்

# 123 பொழுது கண்டிரங்கல்
1221.மாலையோ அல்லை மணந்தார் உயிர் உண்ணும்
வேலை நீ வாழி பொழுது

1222.புன்கண்ணை வாழி மருள் மலை எம் கேள் போல்
வன்கண்ணதோ நின் துணை

1223.பனி அரும்பி பைதல் கொள் மாலை துனி அரும்பி
துன்பம் வளர வரும்

1224.காதலர் இல் வழி மாலை கொலை_களத்து
ஏதிலர் போல வரும்

1225.காலைக்கு செய்த நன்று என்-கொல் எவன்-கொல் யான்
மாலைக்கு செய்த பகை

1226.மாலை நோய் செய்தல் மணந்தார் அகலாத
காலை அறிந்தது இலேன்

1227.காலை அரும்பி பகல் எல்லாம் போது ஆகி
மாலை மலரும் இ நோய்

1228.அழல் போலும் மாலைக்கு தூது ஆகி ஆயன்
குழல் போலும் கொல்லும் படை

1229.பதி மருண்டு பைதல் உழக்கும் மதி மருண்டு
மாலை படர்தரும் போழ்து

1230.பொருள் மாலையாளரை உள்ளி மருள் மாலை
மாயும் என் மாயா உயிர்

# 124 உறுப்புநலன் அழிதல்
1231.சிறுமை நமக்கு ஒழிய சேண் சென்றார் உள்ளி
நறு மலர் நாணின கண்

1232.நயந்தவர் நல்காமை சொல்லுவ போலும்
பசந்து பனி வாரும் கண்

1233.தணந்தமை சால அறிவிப்ப போலும்
மணந்த நாள் வீங்கிய தோள்

1234.பணை நீங்கி பைம் தொடி சோரும் துணை நீங்கி
தொல் கவின் வாடிய தோள்

1235.கொடியார் கொடுமை உரைக்கும் தொடியொடு
தொல் கவின் வாடிய தோள்

1236.தொடியொடு தோள் நெகிழ நோவல் அவரை
கொடியர் என கூறல் நொந்து

1237.பாடு பெறுதியோ நெஞ்சே கொடியார்க்கு என்
வாடூ தோள் பூசல் உரைத்து

1238.முயங்கிய கைகளை ஊக்க பசந்தது
பைம் தொடி பேதை நுதல்

1239.முயக்கு-இடை தண் வளி போழ பசப்பு உற்ற
பேதை பெரு மழை கண்

1240.கண்ணின் பசப்போ பருவரல் எய்தின்றே
ஒள்_நுதல் செய்தது கண்டு

# 125 நெஞ்சொடு கிளத்தல்
1241.நினைத்து ஒன்று சொல்லாயோ நெஞ்சே எனைத்து ஒன்றும்
எவ்வ நோய் தீர்க்கும் மருந்து

1242.காதல் அவர் இலர் ஆக நீ நோவது
பேதைமை வாழி என் நெஞ்சு

1243.இருந்து உள்ளி என் பரிதல் நெஞ்சே பரிந்து உள்ளல்
பைதல் நோய் செய்தார்-கண் இல்

1244.கண்ணும் கொள சேறி நெஞ்சே இவை என்னை
தின்னும் அவர் காணல் உற்று

1245.செற்றார் என கைவிடல் உண்டோ நெஞ்சே யாம்
உற்றால் உறாஅதவர்

1246.கலந்து உணர்த்தும் காதலர் கண்டால் புலந்து உணராய்
பொய் காய்வு காய்தி என் நெஞ்சு

1247.காமம் விடு ஒன்றோ நாண் விடு நன் நெஞ்சே
யானோ பொறேன் இ இரண்டு

1248.பரிந்து அவர் நல்கார் என்று ஏங்கி பிரிந்தவர்
பின் செல்வாய் பேதை என் நெஞ்சு

1249.உள்ளத்தார் காதலவர் ஆக உள்ளி நீ
யார் உழை சேறி என் நெஞ்சு

1250.துன்னா துறந்தாரை நெஞ்சத்து உடையேமோ
இன்னும் இழத்தும் கவின்

# 126 நிறையழிதல்
1251.காம கணிச்சி உடைக்கும் நிறை என்னும்
நாணு தாழ் வீழ்த்த கதவு

1252.காமம் என ஒன்றோ கண் இன்று என் நெஞ்சத்தை
யாமத்தும் ஆளும் தொழில்

1253.மறைப்பேன்-மன் காமத்தை யானோ குறிப்பு இன்றி
தும்மல் போல் தோன்றிவிடும்

1254.நிறை உடையேன் என்பேன்-மன் யானோ என் காமம்
மறை இறந்து மன்றுபடும்

1255.செற்றார் பின் செல்லா பெருந்தகைமை காம நோய்
உற்றார் அறிவது ஒன்று அன்று

1256.செற்றவர் பின் சேறல் வேண்டி அளித்தரோ
எற்று என்னை உற்ற துயர்

1257.நாண் என ஒன்றோ அறியலம் காமத்தான்
பேணியார் பெட்ப செயின்

1258.பல மாய கள்வன் பணி மொழி அன்றோ நம்
பெண்மை உடைக்கும் படை

1259.புலப்பல் என சென்றேன் புல்லினேன் நெஞ்சம்
கலத்தல் உறுவது கண்டு

1260.நிணம் தீயில் இட்ட அன்ன நெஞ்சினார்க்கு உண்டோ
புணர்ந்து ஊடி நிற்பேம் எனல்

# 127 அவர்வயின் விதும்பல்
1261.வாள் அற்று புற்கென்ற கண்ணும் அவர் சென்ற
நாள் ஒற்றி தேய்த்த விரல்

1262.இலங்கு_இழாய் இன்று மறப்பின் என் தோள் மேல்
கலம் கழியும் காரிகை நீத்து

1263.உரன் நசைஇ உள்ளம் துணை அக சென்றார்
வரல் நசைஇ இன்னும் உளேன்

1264.கூடிய காமம் பிரிந்தார் வரவு உள்ளி
கோடு கொடு ஏறும் என் நெஞ்சு

1265.காண்க-மன் கொண்கனை கண் ஆர கண்ட பின்
நீங்கும் என் மென் தோள் பசப்பு

1266.வருக-மன் கொண்கன் ஒரு நாள் பருகுவன்
பைதல் நோய் எல்லாம் கெட

1267.புலப்பேன்-கொல் புல்லுவேன்-கொல்லோ கலப்பேன்-கொல்
கண் அன்ன கேளிர் வரின்

1268.வினை கலந்து வென்று ஈக வேந்தன் மனை கலந்து
மாலை அயர்கம் விருந்து

1269.ஒரு நாள் எழு நாள் போல் செல்லும் சேண் சென்றார்
வரு நாள் வைத்து ஏங்குபவர்க்கு

1270.பெறின் என் ஆம் பெற்ற-கால் என் ஆம் உறின் என் ஆம்
உள்ளம் உடைந்து உக்க-கால்

# 128 குறிப்பறிவுறுத்தல்
1271.கரப்பினும் கையிகந்து ஒல்லா நின் உண்கண்
உரைக்கல் உருவது ஒன்று உண்டு

1272.கண் நிறைந்த காரிகை காம்பு ஏர் தோள் பேதைக்கு
பெண் நிறைந்த நீர்மை பெரிது

1273.மணியுள் திகழ்தரும் நூல் போல் மடந்தை
அணியுள் திகழ்வது ஒன்று உண்டு

1274.முகை மொக்குள் உள்ளது நாற்றம் போல் பேதை
நகை மொக்குள் உள்ளது ஒன்று உண்டு

1275.செறி_தொடி செய்து இறந்த கள்ளம் உறு துயர்
தீர்க்கும் மருந்து ஒன்று உடைத்து

1276.பெரிது ஆற்றி பெட்ப கலத்தல் அரிது ஆற்றி
அன்பு இன்மை சூழ்வது உடைத்து

1277.தண்ணம்துறைவன் தணந்தமை நம்மினும்
முன்னம் உணர்ந்த வளை

1278.நெருநற்று சென்றார் எம் காதலர் யாமும்
எழு நாளேம் மேனி பசந்து

1279.தொடி நோக்கி மென் தோளும் நோக்கி அடி நோக்கி
அஃது ஆண்டு அவள் செய்தது

1280.பெண்ணினான் பெண்மை உடைத்து என்ப கண்ணினான்
காம நோய் சொல்லி இரவு

# 129 புணர்ச்சி விதும்பல்
1281.உள்ள களித்தலும் காண மகிழ்தலும்
கள்ளுக்கு இல் காமத்திற்கு உண்டு

1282.தினை துணையும் ஊடாமை வேண்டும் பனை துணையும்
காமம் நிறைய வரின்

1283.பேணாது பெட்பவே செய்யினும் கொண்கனை
காணாது அமையல கண்

1284.ஊடல்-கண் சென்றேன்-மன் தோழி அது மறந்து
கூடல்-கண் சென்றது என் நெஞ்சு

1285.எழுதும்-கால் கோல் காணா கண்ணே போல் கொண்கன்
பழி காணேன் கண்ட இடத்து

1286.காணும்-கால் காணேன் தவறு ஆய காணா-கால்
காணேன் தவறு அல்லவை

1287.உய்த்தல் அறிந்து புனல் பாய்பவரே போல்
பொய்த்தல் அறிந்து என் புலந்து

1288.இளித்தக்க இன்னா செயினும் களித்தார்க்கு
கள் அற்றே கள்வ நின் மார்பு

1289.மலரினும் மெல்லிது காமம் சிலர் அதன்
செவ்வி தலைப்படுவார்

1290.கண்ணின் துனித்தே கலங்கினாள் புல்லுதல்
என்னினும் தான் விதுப்பு உற்று

# 130 நெஞ்சொடு புலத்தல்
1291.அவர் நெஞ்சு அவர்க்கு ஆதல் கண்டும் எவன் நெஞ்சே
நீ எமக்கு ஆகாதது

1292.உறாஅதவர் கண்ட கண்ணும் அவரை
செறாஅர் என சேறி என் நெஞ்சு

1293.கெட்டார்க்கு நட்டார் இல் என்பதோ நெஞ்சே நீ
பெட்டு ஆங்கு அவர் பின் செலல்

1294.இனி அன்ன நின்னொடு சூழ்வார் யார் நெஞ்சே
துனி செய்து துவ்வாய் காண் மற்று

1295.பெறாஅமை அஞ்சும் பெறின் பிரிவு அஞ்சும்
அறாஅ இடும்பைத்து என் நெஞ்சு

1296.தனியே இருந்து நினைத்த-கால் என்னை
தினிய இருந்தது என் நெஞ்சு

1297.நாணும் மறந்தேன் அவர் மறக்கல்லா என்
மாணா மட நெஞ்சின் பட்டு

1298.எள்ளின் இளிவாம் என்று எண்ணி அவர் திறம்
உள்ளும் உயிர் காதல் நெஞ்சு

1299.துன்பத்திற்கு யாரே துணை ஆவார் தாம் உடைய
நெஞ்சம் துணை அல்வழி

1300.தஞ்சம் தமர் அல்லர் ஏதிலார் தாம் உடைய
நெஞ்சம் தமர் அல்வழி

# 131 புலவி
1301.புல்லாது இராஅ புலத்தை அவர் உறும்
அல்லல் நோய் காண்கம் சிறிது

1302.உப்பு அமைந்து அற்றால் புலவி அது சிறிது
மிக்கு அற்றால் நீள விடல்

1303.அலந்தாரை அல்லல் நோய் செய்து அற்றால் தம்மை
புலந்தாரை புல்லா விடல்

1304.ஊடியவரை உணராமை வாடிய
வள்ளி முதல் அரிந்து அற்று

1305.நலத்தகை நல்லவர்க்கு ஏஎர் புல தகை
பூ அன்ன கண்ணார் அகத்து

1306.துனியும் புலவியும் இல்லாயின் காமம்
கனியும் கருக்காயும் அற்று

1307.ஊடலின் உண்டு ஆங்கு ஓர் இன்பம் புணர்வது
நீடுவது அன்று-கொல் என்று

1308.நோதல் எவன் மற்று நொந்தார் என்று அஃது அறியும்
காதலர் இல்லா வழி

1309.நீரும் நிழலது இனிதே புலவியும்
வீழுநர்-கண்ணே இனிது

1310.ஊடல் உணங்க விடுவாரோடு என் நெஞ்சம்

கூடுவேம் என்பது அவா

# 132 புலவி நுணுக்கம்
1311.பெண் இயலார் எல்லாரும் கண்ணின் பொது உண்பர்
நண்ணேன் பரத்த நின் மார்பு

1312.ஊடி இருந்தேமா தும்மினார் யாம் தம்மை
நீடு வாழ்க என்பார்க்கு அறிந்து

1313.கோட்டு பூ சூடினும் காயும் ஒருத்தியை
காட்டிய சூட்டினீர் என்று

1314.யாரினும் காதலம் என்றேனா ஊடினாள்
யாரினும் யாரினும் என்று

1315.இம்மை பிறப்பில் பிரியலம் என்றேனா
கண் நிறை நீர் கொண்டனள்

1316.உள்ளினேன் என்றேன் மற்று என் மறந்தீர் என்று என்னை
புல்லாள் புல தக்கனள்

1317.வழுத்தினாள் தும்மினேன் ஆக அழித்து அழுதாள்
யார் உள்ளி தும்மினீர் என்று

1318.தும்மு செறுப்ப அழுதாள் நுமர் உள்ளல்
எம்மை மறைத்திரோ என்று

1319.தன்னை உணர்த்தியும் காயும் பிறர்க்கும் நீர்
இ நீரர் ஆகுதிர் என்று

1320.நினைத்திருந்து நோக்கினும் காயும் அனைத்தும் நீர்
யார் உள்ளி நோக்கினீர் என்று

# 133 ஊடலுவகை
1321.இல்லை தவறு அவர்க்கு-ஆயினும் ஊடுதல்
வல்லது அவர் அளிக்குமாறு

1322.ஊடலின் தோன்றும் சிறு துனி நல் அளி
வாடினும் பாடு பெறும்

1323.புலத்தலின் புத்தேள் நாடு உண்டோ நிலத்தொடு
நீர் இயைந்து அன்னார் அகத்து

1324.புல்லி விடாஅ புலவியுள் தோன்றும் என்
உள்ளம் உடைக்கும் படை

1325.தவறு இலர்-ஆயினும் தாம் வீழ்வார் மென் தோள்
அகறலின் ஆங்கு ஒன்று உடைத்து

1326.உணலினும் உண்டது அறல் இனிது காமம்
புணர்தலின் ஊடல் இனிது

1327.ஊடலின் தோற்றவர் வென்றார் அது மன்னும்
கூடலின் காணப்படும்

1328.ஊடி பெறுகுவம்-கொல்லோ நுதல் வெயர்ப்ப
கூடலின் தோன்றிய உப்பு

1329.ஊடுக-மன்னோ ஒளி_இழை யாம் இரப்ப
நீடுக-மன்னோ இரா

1330.ஊடுதல் காமத்திற்கு இன்பம் அதற்கு இன்பம்
கூடி முயங்க பெறின்
*

தற்புகழ்ச்சி- சான்றோர் சிந்தனை - வானொலி உரை

2026-03-24T18:38:00.003+05:30

புகழ் பெற வாழவேண்டும் என்பது மனித இயல்பு.

ஈதல் இசைபட வாழ்தல், தோன்றின் புகழொடு தோன்றுக என்றெல்லாம் திருவள்ளுவர் உரைத்துள்ளார்.

என்றாலும் எல்லோரும் புகழ்பெற வாழ்வதில்லை.

புகழைத் தேடிச்செல்வோர் பலர், ஆனால் புகழ் சிலரை மட்டுமே தேடிச்செல்வதுண்டு.

அவ்வாறு புகழ் பெறாதவர்கள் தங்களைத் தாங்களே புகழ்ந்துகொள்வதுண்டு.

தற்புகழ்ச்சி, தற்பெருமை, சுயதம்பட்டம் என பலவாறு அழைத்தாலும்.

சில நேரங்களில் இதனால் நன்மையும் பலநேரங்களில் தீமையும் விளைகிறது.

உடையது விளம்பேல் என்பது ஔவையார் வாக்கு

கற்க வேண்டிய நூல்களைக் கற்று அறிவுடையவர்கள் கண்ட அடக்கமே உண்மையான அடக்கமாகும். கற்று அறியாதவர்களோ, தங்களுடைய அறியாமையான தன்மையை மறந்துவிட்டுத் தம்மைப் புகழ்ந்து பேசிக் கொண்டிருப்பர். நீர் நிறைந்த குடம் தளும்பாது; குறை குடமே தளும்பும் என உரைக்கிறது பழமாழி நானூறு.

(கற்று அறிந்தார் கண்ட அடக்கம் அறியாதார்

பொச்சாந்து தம்மைப் புகழ்ந்துரைப்பார்; - தெற்ற

அறைகல் அருவி அணிமலை நாட!

நிறைகுடம் நீர்தளும்பல் இல். -பழமொழி நானூறு.)

பலவற்றையும் கற்றுள்ளோம் என்று உன்னை நீயே புகழ்ந்துகொள்ளாதே. எவ்வளவு பெரிய வெயில்! கையில் இருக்கும் குடை அதனை மறைக்கவில்லையா? சிலவற்றைக் கற்றவரிடமும்

நீ கற்றவற்றிற்கெல்லாம் அச்சாணி போன்றதொரு சொல் இருக்கும் என இயம்புகிறது அறநெறிச்சாரம்

(பலகற்றோம் யாமென்று தற்புகழ வேண்டா

அலர்கதிர் ஞாயிற்றைக் கைக்குடையும் காக்கும்

சிலகற்றார் கண்ணும் உளவாம் பலகற்றார்க்

அச்சாணி யன்னதோர் சொல். அறநெறிச்சாரம்- 79 (முனைப்பாடியார்)

தற்புகழ்ச்சி என்பது ஒருவர், தம் இயல்பான தகுதியை மீறி, தன்னை உயர்வாகக் காட்டிக்கொள்ளும் ஒரு வீண் முயற்சி.

மயில் ஆடுவதைப் பார்த்து வான்கோழி தன்னையும் மயில் என்று எண்ணிக்கொண்டு, தன் அழகில்லாத சிறகை விரித்து ஆடினால் எப்படி இருக்குமோ, அப்படி இருக்கிறது, தமிழ் இலக்கணம் கல்லாத ஒருவன் சொல்லும் கவிதை என்று மயிலைப் பார்த்து ஆடிய வான்கோழியைக் காட்சிப்படுத்துகிறார் ஔவையார். மயில் இயற்கையிலேயே அழகுடையது; வான்கோழி செயற்கையாக முயன்றாலும் மயிலாக முடியாது. அதுபோல, உண்மையான தகுதி இல்லாத ஒருவன் தன்னைத் தானே புகழ்ந்து கொள்வது கேலிக்குரியதாகவே முடியும்.

கான மயில் ஆடக் கண்டிருந்த வான் கோழி

தானும் அதுவாகப் பாவித்துத் - தானும் தன்

பொல்லாச் சிறகை விரித்து ஆடினால் போலுமே

கல்லாதான் கற்ற கவி. 14 ஔவையார் பாடிய வாக்குண்டாம் (மூதுரை)

உயர உயரப் பறந்தாலும் ஊர்க்குருவி பருந்தாகாது என்ற பழமொழியும் இக்கருத்தையே உரைக்கிறது. பருந்து உயரத்தில் பறப்பது அதன் இயல்பு. ஊர்க்குருவி அவ்வாறு உயரமாகப் பறந்தாலும் பருந்தாகாது, அதனால் பருந்தின் வலிமையை, இயல்பைப் பெற முடியாது. "தற்புகழ்ச்சி என்பது ஒருவரை தற்காலிகமாக உயரத்தில் வைத்திருப்பது போன்ற உணர்வைத் தரலாம், ஆனால் அது தகுதியை உயர்த்திவிடாது" உண்மையான உழைப்பு, நற்செயல்களால் மட்டுமே உண்மையான புகழ் கிடைக்கும்.

மயிலோ, வான்கோழியோ, பருந்தோ, ஊர்க்குருவியோ, மனிதனோ பிறப்பால் பெருமை இல்லை செய்யும் செயலால் தான் பெருமை தோன்றும் என்றார் திருவள்ளுவர்,

தன்னை வியப்பிப்பான் தற்புகழ்தல் தீச்சுடர்

நன்னீர் சொரிந்து வளர்த்து அற்றால், -– தன்னை

வியவாமை அன்றே வியப்பு ஆவது, இன்பம்

நயவாமை அன்றே நலம். - நீதிநெறி விளக்கம்

எரியும் தீயில், நீர் விட்டால் முன்னிருந்த தீயும் எப்படி வளராது அவிந்தே போகுமோ, அதுபோலவே, தனக்கு மதிப்பு மிகும் என்று தன்னைத் தானே புகழ்ந்து கொண்டால் இதற்கு முன்னிருந்த மதிப்பும் அழிந்தே போகும் என்பது நீதிநெறி விளக்கம் கூறும் கருத்து.

வியவற்க எஞ்ஞான்றும் தன்னை நயவற்க

நன்றி பயவா வினை. -439

தற்பெருமை கொள்ளாதே, தீய செயல்களைச் செய்யாதே என்று திருவள்ளுவர் அறிவுறுத்துகிறார்.

ஒரு குடம் நீரால் நிறைந்த பிறகு அதில் மேற்கொண்டு நீரை நிரப்ப முடியாது. அதுபோல, 'எனக்கு எல்லாம் தெரியும்' என்ற தற்பெருமை கொண்ட மனதில் புதிய அறிவோ, வளர்ச்சியோ சேர்வதில்லை. அதனால் தான்,

பெருக்கத்து வேண்டும் பணிதல் சிறிய

சுருக்கத்து வேண்டும் உயர்வு. -963

உயர்வில் பணிவும், வறுமையில் உயர்வும் வேண்டும்

பணிவுடையன் இன்சொலன் ஆதல் ஒருவற்கு

அணியல்ல மற்றுப் பிற.- 95

பணிவுடன், இனிய சொல்லுடையவர்க்கு வேறு அணி வேண்டாம்

பணியுமாம் என்றும் பெருமை சிறுமை

அணியுமாம் தன்னை வியந்து.-978

பணிவதே பெருமை, தற்பெருமை கொள்வது சிறுமையின் அடையாளம் என்றார் திருவள்ளுவர்.

தற்பெருமை கொள்ளும் மனிதனுக்கு வேறு எதிரிகளே தேவையில்லை என்றார் ஃபிராங்கிளின்

செம்மாந்து செல்லும் செறுநரை அட்டவர்,
தம்மேல் புகழ்பிறர் பாராட்டத் தம்மேல்தாம்
வீரம்சொல் லாமையே வீழ்க களிப்பினும்
சோரப் பொதியாத வாறு.

போரில் பகைவரை வென்றபின், பிறர் தம்மைப் பாராட்டும்போது தம் வீரம் பற்றித் தான் ஒன்றும் சொல்லாமல் விட்டுவிட வேண்டும். பிறர் பாராட்டில் களிப்புற்றாலும் அவரது வீரத்துக்குப் பெருமையில்லை என்ற முன்றுறை அரையனார்,

தமரேயும் தம்மைப் புகழ்ந்துரைக்கும் போழ்தில்
அமரா ததனை அகற்றலே வேண்டும்
அமையாரும் வெற்ப! அணியாரே தம்மைத்
தமவேனும் கொள்ளாக் கலம். (முன்றுறையரையனார், பழமொழி நானூறு)

தனது சுற்றத்தாராகவே இருப்பினும், தன்னைப் புகழ்ந்து பேசும் பொழுதில், அவை பொருத்தமற்ற புகழுரைகளாக இருக்கும் பொழுது தடுத்துவிடல் வேண்டும். தன்னுடையதாகவே இருப்பினும் பொருந்தாத அணிகலன்களை ஒருவரும் அணிய விரும்புவதில்லை என்றுரைத்துள்ளார்.

தற்புகழ்ச்சி என்பது நம் கண்களை மறைக்கும் ஒரு திரை. அது நம்மிடம் இருக்கும் குறைகளைக் காணவிடாமல் செய்துவிடும்.

தற்பெருமை என்பது எதிர்மறையான குணமாகத் தெரிந்தாலும், உளவியல் அடிப்படையில், அது ஒருவரின் அக ஆற்றலைத் தூண்டும் ஒரு கருவியாகவும் அமைகிறது.

கடினமான சூழலில் ஒருவன் தனக்குள் பேசிக்கொள்ளும் "தற்புகழ்ச்சி" அவனது மூளையில் ஊக்கத்தை சுரக்கச் செய்து, சவால்களை எதிர்கொள்ளும் மன உறுதியை அளிக்கிறது. பேச்சுப்போட்டியிலோ அல்லது பெரும் கூட்டத்திலோ பேசத் தயங்கும் ஒருவன் என்னால் முடியும் நான்தான் அறிவாளி என எண்ணிகொள்வதில் தவறில்லை. அப்போதுதான் அவனுக்கு பேசுவதற்கான மன உறுதி பிறக்கும். ஆனால் தான் பேசுவதை பிறர் காதுகொடுத்து கேட்கிறார்கள் என்பதை உணர்ந்த உடன் இங்கு நாம் தான் முட்டாள் யாவரும் அறிவாளிகள் என்ற உணர்வு தோன்ற வேண்டும். அப்போது தான் அவன் பேச்சை அவர்கள் தொடர்ந்து கேட்பார்கள்.

பேச்சுப்போட்டிக்கு மட்டுமல்ல வாழ்வின் தாழ்வுமனப்பான்மை தோன்றும் சூழ்நிலைகளிலெல்லாம் தற்புகழ்ச்சி தேவைப்படுகிறது. ஒருவர் தனது முந்தைய வெற்றிகளைத் தானே புகழ்ந்து கொள்வது அல்லது நினைவுகூர்வது, தோல்வியுற்ற நேரங்களில் அவருக்கு ஒரு பிடிமானத்தைக் கொடுக்கிறது. "இவ்வளவு செய்த என்னால் இதையும் செய்ய முடியும்" என்கிற அந்த ஒரு சிறு தற்பெருமை, தாழ்வு மனப்பான்மை என்னும் மனச்சோர்வில் விழாமல் அவரைக் காக்கிறது.

"தற்பெருமை என்பது அடர்ந்த காட்டில் கையில் ஏந்திய சிறுவிளக்கு போன்றது; அது காட்டின் பெரும்இருளை விரட்டாது, ஆனால் நம்மை முடக்கிப் போட்டிருக்கும் அச்சத்தை விரட்டி அடுத்த அடி எடுத்து வைக்கும் துணிவைத் தரும்."

ஒருவர் தன்னைத் தானே செதுக்கிக் கொள்ளும் உளியாக 'தற்புகழ்ச்சி' இருக்கலாம். ஆனால், அதுவே பிறரை குத்திக் காயப்படுத்தும் ஈட்டியாக மாறிவிடக் கூடாது."

தற்புகழ்ச்சி தவறென்று உணர்வோம். அதே நேரம் தாழ்வு மனப்பான்மையை நீக்கும் ஊக்கம் தரும், விதையே தற்புகழ்ச்சி என்பதை நினைவில்கொள்வோம்.

முனைவர் இரா.குணசீலன்

தமிழ் இணைப்பேராசிரியர்

பி.எஸ்.ஜி கலை அறிவியல் கல்லூரி

கோயம்புத்தூர்

9524439008

மக்களே போல்வர் - சான்றோர் சிந்தனை - வானொலி உரை

2026-03-13T19:13:00.007+05:30

மக்களே போல்வர்

மின்னுவதெல்லாம் பொன்னல்ல, ஆளைப் பார்த்து எடை போடாதே.

என்றெல்லாம் பழமாழிகள் உண்டு.

கடைகளில் காய்கறி வாங்கும்போதோ ஏதாவதொரு பொருள் வாங்கும்போதோ..

பார்த்துப் பார்த்து வாங்குவோம். அவ்வாறு வாங்கியும் சில நேரங்களில் நாம் தரமற்ற பொருளை விலைகொடுத்து வாங்கிவிட்டோமே என வருந்துவதுண்டு.

அதுபோல, எல்லா மனிதர்களும் நல்லவர்கள் என்றோ எல்லோரும் தீயவர்கள் என்றோ முடிவுசெய்துவிடமுடியாது.

மாற்றானை உறவென்று நம்ப வேண்டாம் என உரைக்கிறது உலகநீதி.

உள்ளொன்று வைத்துப் புறம்பொன்று பேசுவார்
உறவு கலவாமை வேண்டும் என்றார் வள்ளலார்.

உருவத்தைப் பார்த்து யாரையும் குறைத்து மதிப்பிடாதே பெரிய தேருக்கும் சிறிய அச்சாணி தேவை என உரைத்த திருவள்ளுவர்,

மக்கள் என்று மனிதர்களையும் மாக்கள் என்று மனிதப் பண்பற்றவர்களையும் சுட்டியுள்ளார்.

மனிதர்களின் அகப்பண்பிற்கும் புறத்தோற்றத்திற்கும் நிறைய வேறுபாடுகள் உண்டு.

புறம்தூய்மை நீரான் அமையும் அகம்தூய்மை
வாய்மையான் காணப் படும்.-298
உண்மையால் அகத்தூய்மையும், நீரால் புறத்தூய்மையும் தோன்றும்

என்ற திருவள்ளுவர்,

உறுப்பொத்தல் மக்களொப்பு அன்றால் வெறுத்தக்க

பண்பொத்தல் ஒப்பதாம் ஒப்பு. -993

உறுப்புகள் ஒத்து இருப்பதால் மக்கள் என்ற கருதமுடியாது. மனிதப் பண்பின் சிறப்பே ஒப்பிடத்தக்கது என்றார்.

செவியிற் சுவையுணரா வாயுணர்வின் மாக்கள்
அவியினும் வாழினும் என். -420

செவியின் சுவையறியாமல் வாழ்பவர்களை மாக்கள் என உரைத்த திருவள்ளுவர்,

மக்களே போல்வர் கயவர் அவரன்ன
ஒப்பாரி யாங்கண்ட தில். -1071
கயவருக்கென தனிஉருவமில்லை! மனிதரைப் போலவே அவர்களின் தோற்றம் இருக்கும் என்றார்.

பயனில் சொல் பாராட்டு வானை மகன்எனல்

மக்கட் பதடி யெனல்.-196

பயனில்லாத சொற்களைப் பேசுவோர் மனிதருள் பதர் போன்றவர் என்றவர்,

அரம்போலும் கூர்மைய ரேனும் மரம்போல்வர்

மக்கட்பண்பு இல்லா தவர்.-997

அரம்போன்ற கூர்மையான அறிவிருந்தாலும், மக்கட் பண்பில்லாதவர்கள் மரம்போன்றவர் என்றார். மரங்களுள்,

பயன்மரம் உள்ளூர்ப் பழுத்தற்றால் செல்வம்

நயனுடை யான்கண் படின். -216

பயன்தரும் பழமரம் பழுத்தது போன்றது நல்லவனின் செல்வம்,

மருந்தாகித் தப்பா மரத்தற்றால் செல்வம்

பெருந்தகை யான்கண் படின்.-217

பெருந்தன்மையாளனின் செல்வம், மருந்துமரம் போன்றது,

நச்சப் படாதவன் செல்வம் நடுவூருள்

நச்சு மரம்பழுத் தற்று. -1008

கஞ்சனின் செல்வம், ஊர் நடுவே நச்சுமரம் பழுத்தது போன்றது என்றார். மரங்களுள் எல்லா மரங்களும் மனிதர்களுக்குப் பயன்தராது, தன்மையால் வேறுபடுவன என்பதை உணரவேண்டும்.

மனிதர்களும் தோற்றத்தால் ஒன்றுபட்டிருந்தாலும், பண்புகளால் வேறுபடுகின்றனர். பலநேரங்களில் முகமூடி அணிந்துள்ளனர். பண்புகளாலும், தேவைகளாலும் வேறுபடுகின்றனர்.

முகத்தின் முதுக்குறைந்தது உண்டோ உவப்பினும்

காயினும் தான்முந் துறும். -707

முகம், இன்ப, துன்பங்களை விரைந்து வெளிப்படுத்தும் என்றாலும், அந்த உணர்வுகளும் மிக விரைவாக மறைந்துவிடும்.

சில நேரங்களில் தேன்கலந்த வார்த்தைகளில் விசம் தோய்ந்திருக்கும்,

சில நேரங்களில் அலங்காரமில்லாத வார்தைகளில் அன்பு தோய்ந்திருக்கும்,

வார்த்தைகளையும், மனிதர்களின் தோற்றத்தையும் கண்டு நம்பினால் பலநேரங்களில் ஏமாற்றமே மிஞ்சும். அதனால்தான்,

விலங்கொடு மக்கள் அனையர் இலங்குநூல்
கற்றாரோடு ஏனை யவர்.-410

கல்லாதவரும் விலங்குகளும் ஒன்றாகவே கருதப்படுவர் என்ற திருவள்ளுவர்,

வலியில் நிலைமையான் வல்லுருவம் பெற்றம்

புலியின் தோல் போர்த்துமேய்ந் தற்று.-273

தீயவர், நல்லவர் போல நடிப்பது, பசு புலியின் தோலைப் போர்த்திக் கொண்டு மேய்ந்தது போலாகும் என்றும்,

கணைகொடிது யாழ்கோடு செவ்விதுஆங்கு அன்ன

வினைபடு பாலால் கொளல். 279

தோற்றத்தைவிட, செயலால் ஒருவரை இனம்காண்பதே சிறந்தது என்பதை,

நேராகத் தோன்றினும் அம்பு கொடியது; வளைவுடன் தோன்றினாலும் யாழின் கொம்பு நன்மையானது என உரைத்துள்ளார். அதனால்,

நம்முடன் பேசுபவர்கள் மனிதப்பண்புள்ள மனிதர்களா? விலங்கின் பண்புள்ளவர்களா? சுயநலவாதிகளா? நேர்மையானவர்களா? முகமூடி அணிந்துள்ளனரா? என பலவாறு மதிப்பாய்வு செய்த பின்னரே அவர்களை நம்புவதும், பழகுவதும் அறிவுடைமை.

நல்லறிவு பெற்றவர்கள் தான், மக்கள் என்ற சொல்லுக்கு உரியவர்களாவர். எளிமை, அன்பு, பண்பு, பணிவு, இன்னா செய்யாமை, இன்சொல், ஈகை போன்ற நற்பண்புகளைப் பெற்றவர்களே மக்கள் என்ற தகுதிக்குரியவராவர் என்பது திருவள்ளுவர் கருத்து. அதே நேரம் மக்கட் பண்பில்லாதவர்களை எவ்வாறு இனம் காண்பது என்றும் பல சிந்தனைகளைத் தந்துள்ளார்.

சொல்வணக்கம் ஒன்றார்கண் கொள்ளற்க வில்வணக்கம்
தீங்கு குறித்தமை யான். -827
வில் வளைவது தீங்குசெய்யவே, அதுபோல பணிவோரையும் ஆராய்ந்தறிக,

தொழுதகை யுள்ளும் படையொடுங்கும் ஒன்னார்
அழுதகண் ணீரும் அனைத்து. -828

எதிரி வணக்கத்தையும், கண்ணீரையும் நம்பாதே தீமை மறைந்திருக்கும்,

தேறற்க யாரையும் தேராதுதேர்ந்தபின்
தேறுக தேறும் பொருள். -509
ஆராயாமல் ஒருவரை நம்பாதே, நம்பியவரை என்றும் ஆராயாதே என ஏமாற்றுவோரிடம் எச்சரிக்கையாக இருக்கவேண்டும் என்றார்.

எல்லோரையும் ஆராய்ந்துகொண்டே இருந்தால் யாரை நம்புவது என்ற கேள்விக்கு,

இதனை இதனான் இவன்முடிக்கும் என்றாய்ந்து
அதனை அவன்கண் விடல். -517
இதனை இவர்தான் முடிப்பார் என ஆராய்ந்து வேலையை வழங்கு,

வினைக் குரிமை நாடிய பின்றை அவனை
அதற்குரிய னாகச் செயல். -518
நம்பிய ஒருவனுக்கு வழங்கிய பணியில் குறுக்கிடாதே என்ற திருவள்ளுவரின் அறிவுரை, இன்றும் தேவையானதாக அமைகிறது.

பருகுவார் போலினும் பண்பிலார் கேண்மை

பெருகலின் குன்றல் இனிது. -811

அன்பானவர் போல நடிப்போரின் நட்பு, வளர்வதைவிட நீங்குவதே இனிது

மனத்தது மாசுஆக மாண்டார்நீர் ஆடி

மறைந்துஒழுகு மாந்தர் பலர். -278

மனதில் மாசுடன், புறத்தே மெய்யான துறவிகளாக நடிப்பார் பலர் என தோற்றத்தையும், முகமூடிகளையும் நம்பி ஏமாறாதீர் என்று அறிவுறுத்துகிறார் திருவள்ளுவர்.

ஊன்பொதி பசுங்குடையார் என்னும் புலவர் சோழனின் நீதிவழங்கும் தன்மையைப் பாடும்போது,
உன்னை வழிபடுவோரை நீ விரைவில் அறிந்துகொள்கிறாய்!
அறிந்து அவர்களின் குறையையும் போக்குகிறாய்!
உன்னிடம் வந்து பிறரைப் பற்றிப் பழிகூறுபவர்களின் சொற்களின் தன்மையை நன்கு அறிந்து தெளிவாய்!
தீமைகளை ஒருவனிடம் கண்ட அளவில் அறநூல்களுக்கு ஒப்ப ஆராய்ந்து அதற்குரிய தண்டனைகளை வழங்குவாய்!
அவர், உன்னடி வணங்கி முன் நின்றால்,

அவர் தீமைபுரியும் முன் அவரிடம் கொண்ட அருளினும் மிகுதியான அருளால் அவருடைய தண்டனையைக் குறைக்கவும் செய்வாய்! என்று பாடியுள்ளார்.

இந்த சோழ மன்னனைப் போல ஆராய்ந்தறிந்து முடிவெடுப்பவர்களை யாரும் ஏமாற்றமுடியாது.
வழிபடு வோரை வல்லறி தீயே!
பிறர்பழி கூறுவோர் மொழிதே றலையே;
நீமெய் கண்ட தீமை காணின்,
ஒப்ப நாடி அத்தக ஒறுத்தி;
வந்து, அடி பொருந்தி, முந்தை நிற்பின்,
தண்டமும் தணிதி, நீ பண்டையிற் பெரிதே;
அமிழ்துஅட்டு ஆனாக் கமழ்குய் அடிசில்
வருநர்க்கு வரையா வசையில் வாழ்க்கை
மகளிர் மலைத்தல் அல்லது, மள்ளர்
மலைத்தல் போகிய, சிலைத்தார் மார்ப!
செய்து இரங்காவினைச், சேண்விளங் கும்புகழ்,
நெய்தருங் கானல் நெடியோய்!
எய்த வந்தனம்யாம்; ஏத்துகம் பலவே! புறநானூறு -10 -பாடியோர் : ஊன் பொதி பசுங் குடையார்.

ஒருநாள் கபிலர், திருமுடிக்காரியைக் காணச் சென்றார். எல்லாப் புலவர்களையும் ஒரே மாதிரிப் பார்க்கும் வழக்கம் கொண்ட காரியும் பிற புலவர்களைப் போலவே கபிலரையும் மதித்துப் பொருள் வழங்கினான். அப்போது கபிலர்..
மன்னா!! யாவருக்கும் கொடுத்தல் எளிது!
ஒவ்வொருவரும் ஒவ்வொரு தகுதியுடையவராவர். அவர்தம் தகுதியை உணர்ந்து அதற்குத்தகப் பொருள் வழங்குதல் அரிது!
அதனால் புலவர்களைப் பொதுவாகக் காணும் வழக்கத்தை நிறுத்துவாயாக.! என்றார்.

நாம் பல நேரங்களில் சில மனிதர்களைப் பொதுவாகவே பார்த்துவிடுகிறோம். ஆழ்ந்து நோக்கும்போதுதான் ஒவ்வொருவரின் திறனையும், பண்பையும், நோக்கத்தையும் முழுமையாக உணரமுடியும்.
(ஒருதிசை யொருவனை யுள்ளி நாற்றிசைப்
பலரும் வருவர் பரிசின் மாக்கள்
வரிசை யறிதலோ வரிதே பெரிதும்
ஈத லெளிதே மாவண் டோன்றல்
5 அதுநற் கறிந்தனை யாயிற்
பொதுநோக் கொழிமதி புலவர் மாட்டே. புறநானூறு (121) மலையமான் திருமுடிக் காரியைக் கபிலர் பாடியது.)

மனித வாழ்வு என்பது வெறும் உடல் வளர்ச்சியால் மட்டும் அமைவது அல்ல; அறிவாலும் உணர்வுகளாலும், உயர் பண்புகளாலும் செதுக்கப்பட வேண்டிய ஒன்று. மாக்களிடமிருந்து மக்களை எவ்வாறு பிரித்தறிவது என்ற திருவள்ளுவரின் வழிகாட்டுதலைப் பின்பற்றி, கபிலரின் அறிவுரையும், ஊன்பொதி பசுங்குடையாரின் பாடலும் உணர்த்துவது போல, ஒருவரைப் பொதுவாகப் பார்ப்பதை விடுத்து, அவர் தம் தகுதியையும், சொல்லையும், செயலையும் சீர்தூக்கிப் பார்த்துப் பழகுவதே அறிவுடைமையாகும். போலி முகமூடிகளுடன் வாழும் மக்கள் பலர், நிறைந்த இவ்வுலகில், நற்பண்புகள் உடையோரை இனம் கண்டு நட்பு கொள்வதே வாழ்க்கையை அர்த்தமுள்ளதாக்கும். அதே நேரம் பிறர் நம்மை எவ்வாறு காண்பார்கள். நாம் மனிதப் பண்புடன் வாழ்கிறோமா நம்மை அறியாமல் ஏதும் முகமூடிகளை அணிந்துள்ளோமா என்பதையும் சிந்திக்கவேண்டும். வள்ளுவர் காட்டிய வழியில் பண்புடையவர்களைப் பற்றிக்கொண்டு, பயனிலா மாக்களிடம் எச்சரிக்கையாக இருப்போம் மண்ணில் நல்லவண்ணம் வாழ்வோம்.

தமிழ் கற்றல் கற்பித்தலில் இயற்றறிவு நுட்பங்கள்

2026-03-10T05:23:00.002+05:30

மதிப்புகள் - சான்றோர் சிந்தனை - வானொலி உரை

2026-03-07T13:29:00.004+05:30

காலம் பொன்போன்றது என்று சொல்வதுண்டு.

காலம் மட்டும்தான் பொன்போன்றதா, என்றால், காலத்தைக் காட்டிலும் மதிப்புமிக்கவை பல உண்டு.

காலத்தின் மதிப்பை உணர்ந்தவர்கள் தங்கத்தை விட மதிப்பு மிக்கது காலம் என்பார்கள். ஆம் யாவருக்கும் 24 மணிநேரம் பொதுவானதாக இருந்தாலும் எல்லோரும் அதை ஒரே மாதிரி பயன்படுத்துவதில்லை.

பெற்றோர்கள், தம் பிள்ளைகளுக்கு கல்வியின் மதிப்பை, வாழ்க்கையின் மதிப்பை, உழைப்பின் மதிப்பை, நேரத்தின் மதிப்பை, பணத்தின் மதிப்பை இப்படி பல்வேறு மதிப்புகளையும் உணர்த்துகிறார்கள். பெற்றோர்களே எல்லா மதிப்புகளையும் உணர்த்த முடியாது என்பதால்தான் கல்வி நிலையங்களில் மேலும் இம்மதிப்புகள் கற்பிக்கப்படுகின்றன.

பெற்றோரிடமும் கல்வி நிலையங்களிலும் இம்மதிப்பை உணராதவர்கள் வாழ்க்கையில் அனுபவம் வழியாக இம்மதிப்பை உணர்கிறார்கள். ஆனால் அனுபவம் பாடம் நடத்திய பிறகு தேர்வு வைக்காது. தேர்வு வைத்தபின்தான் பாடம் நடத்தும்.

பழைய புத்தகங்கள், பழைய நாணயங்கள், பழைய ஓவியங்கள், பழைய பானை ஓடுகள் என இவை பயன்படாதவை, மதிப்பில்லாதவை என நாம் ஒதுக்குபவை கூட சில நேரங்களில் பெரு மதிப்புடையவையாக மாறிவிடுவதுண்டு.

ஆம் மதிப்புகள் நிலையானவை அல்ல சில நேரங்களில் மாறக்கூடியவை,

படித்தால் கிடைக்கும் மதிப்பு அதைப் பின்பற்றாவிட்டால் கிடைப்பதில்லை,

பதவியால் கிடைக்கும் மதிப்பு சிலருக்கு அந்தப் பதவியில்லாதபோது கிடைப்பதில்லை.

சிலர் அணியும் சீருடையில் கிடைக்கும் மதிப்பு அவர்கள் இயல்பான ஆடை அணியும்போது கிடைப்பதில்லை.

அதனால்தான் திருவள்ளுவர்,

பொருளல் லவரைப் பொருளாகச் செய்யும்

பொருளல்லது இல்லை பொருள். (751) என்றார்.

மதிப்பில்லாதவர்களும் பொருளால் மதிப்படைவர். அதனால் பொருள் மட்டும்தான் மதிப்புடையது என்று நினைத்துவிடக்கூடாது.

யாதானும் நாடாமல் ஊராமால் என்னொருவன்

சாந்துணையுங் கல்லாத வாறு. (397)

கற்றவருக்கு எந்த நாட்டிலும், எந்த ஊரிலும் மதிப்பு என்பதையும் நினைவில் கொள்ளவேண்டும்.

சங்க காலத்தில்,

யவனர்கள் பெரிய மரக்கலங்கள் நிறைய தங்கத்தைக் கொண்டு வந்து தமிழகத்தில் கொட்டிவிட்டு அதற்கு இணையாக நம் நாட்டில் விளைந்த மிளகை அள்ளிச் சென்றமையை அகநானூறு வழியாக அறியமுடிகிறது.

தங்கத்தைவிட மிளகு மதிப்புமிக்கது என்று அவர்களுக்குத் தெரிந்திருக்கிறது.

“யவனர் தந்த வினைமாண் நன்கலம்

பொன்னொடு வந்து கறியொடு பெயரும்“ (அகநானூறு – 149 : 9-10)

முல்லை நிலத்து ஆயர்குலப் பெண் தான் விற்கும் நெய்யின் விலையாகக் கட்டித் தங்கத்தைக் கொடுத்தாலும் பெறாமல். அவர்களிடமே சேமித்து வைத்து நல்ல பால் தரும் எருமையையே வாங்கினாள் என்பதை,

“நெய்விலை கட்டிப் பசும்பொன் கொள்ளாள்

எருமை நல்லான் கரு நாகு பெறும்“

பெரும்பாணாற்றுப்படை (164-165) குறிப்பிடுகிறது.

யானை இருந்தாலும் ஆயிரம் பொன் இறந்தாலும் ஆயிரம் பொன் என்பது பழமொழி.

மதிப்புடன் திகழ்வதையை யாவரும் விரும்புவோம்.

பேச்சின் ஒலி அளவை அதிகரிப்பதைவிட,

பேச்சின் ஆழத்தை அதிகப்படுத்தினால் பேச்சின் மதிப்பு உயரும்.

பயனில்லாத சொல் பேசுவோரை மக்கட் பதடி என உரைத்த வள்ளுவர்,

சொல்லுக சொல்லைப் பிறிதோர்சொல் அச்சொல்லை

வெல்லுஞ்சொல் இன்மை அறிந்து.- 645

ஒவ்வாரு சொல்லையும் ஒன்றை ஒன்று வெல்வதாகப் பேசு என்றார்.

அவ்வாறு பேசும்போது சொல் மதிப்புப் பெறுகிறது என்றார்.

மேலிருந்தும் மேலல்லார் மேலல்லர் கீழிருந்தும்

கீழல்லார் கீழல் லவர். - 973

மேலானவர், கீழானவர் என்பது பண்பாலேயே மதிப்பிடப்படுகிறது

சால்பிற்குக் கட்டளை யாதெனில் தோல்வி

துலையல்லார் கண்ணும் கொளல். - 986

சிறியோரிடமும் தோல்வியை ஒப்புக்கொள்வதே பெரியவர்கள் மீது மதிப்பை உருவாக்குகிறது.

காட்சிக் கெளியன் கடுஞ்சொல்லன் அல்லனேல்

மீக்கூறும் மன்னன் நிலம் -386

எளிமையும், இன்சொல்லும் கொண்ட அரசனால் பதவி மதிப்புப் பெறுகிறது

சூழ்ச்சி முடிவு துணிவெய்தல் அத்துணிவு

தாழ்ச்சியுள் தங்குதல் தீது. (671)

ஆராய்வது துணிவடையவே, துணிந்தபின் காலந்தாழ்த்தக்கூடாது அவ்வாறு செயல்படும்போது செயல் மதிப்புப் பெறுகிறது.

தெண்ணீர் அடுபுற்கை ஆயினும் தாள்தந்தது

உண்ணிலின் ஊங்கினிய தில்.- 1065

தெளிந்த நீர்போன்ற கூழானாலும் உழைத்து உண்பதே இனியது. அவ்வாறு உழைத்து உண்ணும்போது உழைப்பு மதிப்புப் பெறுகிறது.

உதவி வரைத்தன்று உதவி உதவி

செயப்பட்டார் சால்பின் வரைத்து.- 105

உதவியின் அளவு பெற்றவரின் மனநிலை சார்ந்தது, சிறு உதவியையும், பேருதவியாகக் கருதுவோருக்கு உதவும்போது உதவி மதிப்புப் பெறுகிறது.

பயன்மரம் உள்ளூர்ப் பழுத்தற்றால் செல்வம்

நயனுடை யான்கண் படின்.-216

நல்லவனிடம் செல்வம் சேர்வது பயன்தரும் பழமரம் ஊர்நடுவில் பழுத்தது போன்றது அப்போதுதான் செல்வம் மதிப்புப் பெறுகிறது

நிலத்தியல்பால் நீர்திரி தற்றாகும் மாந்தர்க்கு

இனத்தியல்ப தாகும் அறிவு – 452

அறிவானது நீரைப்போல, சேரும் இடத்தைப் பொறுத்தே அதன் மதிப்பு.

நல்ல நட்பால் அறிவின் மதிப்பு உயரும்.

மனத்தானாம் மாந்தர்க் குணர்ச்சி இனத்தானாம்

இன்னான் எனப்படுஞ் சொல்.-453

உணர்ச்சி மனதளவிலும், மதிப்பு நல்ல சுற்றதாலும் தோன்றும் என்றும் வாழ்வில் மதிப்புடன் வாழ பல்வேறு சிந்தனைகளைத் திருக்குறள் வழங்கியுள்ளது.

பொன்னும், துகிரும், முத்தும், மன்னிய

மா மலை பயந்த காமரு மணியும்,

இடை படச் சேய ஆயினும் தொடை புணர்ந்து

அரு விலை நன் கலம் அமைக்கும் காலை

ஒரு வழித் தோன்றியாங்கு, என்றும் சான்றோர் . . . . (218)

சான்றோர் பாலர் ஆப,

சாலார் சாலார் பாலர் ஆகுபவே. -புறநானூறு 218

பொன், பவளம், முத்து, நீலமணி, ஆகியவை ஒன்றுக்கொன்று தொலைவான இடத்தில் தோன்றினாலும், பெருமதிப்புடைய நல்ல அணிகலன்களில் தொடுக்கும் பொழுது, ஒரே இடத்தில் சேர்ந்திருக்கின்றன. அதைப் போல், எப்பொழுதும் சான்றோர்கள் சான்றோருடன் சேர்வர். சான்றாண்மை இல்லாதவர்கள், சான்றாண்மை இல்லாதவர்களையே சேர்ந்திருப்பர் என்ற புறநானூற்றுச் சிந்தனையும் நாம் சேருமிடம் சார்ந்தே நாம் மதிப்புப் பெறுகிறோம் என்பதை உணர்த்துகிறது.

மதிப்பு, நாம் ஈட்டும் பொருள், தோற்றம், பதவிகளால் மட்டும் கிடைப்பதில்லை. கல்வி, பண்பு, இனிய சொல், சரியான கால மேலாண்மை, நற்செயல்களாலும் கிடைக்கும்.

வேடிக்கை மனிதரைப்போல வாழக்கூடாது அது மதிப்பில்லை என்று உணர்ந்த மகாகவி பாரதி, நல்லதோர் வீணை செய்தே – அதை நலங்கெடப் புழுதியில் எறிவதுண்டோ? என்று பாடினார். ஒரு வீணை எவ்வளவு அழகாகச் செய்யப்பட்டிருந்தாலும், அது மீட்டினால் தான் மதிப்பு. அது புழுதியில் எறியப்பட்டால் பயன்படாது. அதுபோல ஒரு மனிதன் எவ்வளவு தகுதியுடையவனாக இருந்தாலும் சுயநலமுடன் வாழ்ந்தால் மதிப்பில்லை. மண்பயனுற வாழ்ந்தால் மதிப்பை அவன்தேடவேண்டியதில்லை. மதிப்பு அவனைத் தேடி வரும் என்பதே சான்றோர் வாக்கு.

முனைவர் இரா.குணசீலன்

தமிழ் இணைப்பேராசிரியர்

பி.எஸ்.ஜி கலை அறிவியல் கல்லூரி

கோயம்புத்தூர்

9524439008

கற்றது ஒழுகு - சான்றோர் சிந்தனை - வானொலி உரை

2026-03-04T15:52:00.002+05:30

கற்றலும் கடைப்பிடித்தலும், வாழ்வில் உயர்வதற்கான திறவுகோல்களாகும். கல்வியின் நோக்கம், தேர்வில் மதிப்பெண் பெறுவது, பட்டம் பெறுவதுமட்டும் அல்ல. கற்ற கல்வியானது ஒரு மனிதனின் ஒழுக்கத்திலும், அவன் எடுக்கும் முடிவுகளிலும் பிரதிபலிக்க வேண்டும்.

திருவள்ளுவர்,

கற்க கசடறக் கற்பவை கற்றபின்

நிற்க அதற்குத் தக. (391) என்றார்.

எதையும் தெளிவாகக் கற்க வேண்டும். அதோடு நின்றுவிடக் கூடாது; கற்ற அறநெறிகளின் வழியில், வாழ்க்கை அமைய வேண்டும். அறிவு என்பது வழிகாட்டும் ஒளி என்றால், அந்த ஒளியில் நடப்பதே உண்மையான அறம். எல்லா நேரமும் கற்ற கல்வியை வாழ்க்கையில் கடைபிடிக்க இயலுமா என்று சிந்தித்த வள்ளுவர் நிற்க அதற்குத் தக என்றார். சூழல்களுக்குத் தக சரியாக நிற்பதே அறிவின் வெளிப்பாடு.

பொய்யாமை பொய்யாமை ஆற்றின் அறம்பிற

செய்யாமை செய்யாமை நன்று. (297)

உண்மை பேசுவது அறம் செய்வதைவிட உயர்ந்தது என்று சொன்ன வள்ளுவர்,

பொய்ம்மையும் வாய்மை இடத்த புரைதீர்ந்த

நன்மை பயக்கும் எனின். (292)

நன்மைக்காகப் பேசும் பொய்களும் வாய்மை எனக் கருதப்படும் என்றார். அதனால் நாம் வாழ்வில் எந்த சூழலில் உண்மை பேசவேண்டும், எந்த சூழலில் பொய்பேசவேண்டும் என்று சிந்தித்துப் பேசவேண்டும்.

இதே கருத்தை இன்னும் சுருக்கமாகவும், வலிமையாகவும் கற்றது ஒழுகு என்றார் பாரதியார்.

"கற்றதுவுங் கற்றொருபால் நிற்பக் கடைப்பிடியும் மற்றொருபால் போக..."

நாம் கற்ற கல்வியானது ஒருபுறம் நம் அறிவை வளர்த்துக் கொண்டிருக்க, நாம் கற்றுக்கொண்ட நல்லொழுக்கங்களைச் செயல்பாட்டில் (Practice) கொண்டுவருவது மறுபுறம் நிகழ வேண்டும் என அறிவுத்துகிறது அறநெறிச்சாரம்,

கற்றதோடு அதைக் 'கடைப்பிடித்தல்' (Action) சமமாகச் செல்லும்போதுதான் ஒரு மனிதன் முழுமையடைகிறான்.

நல்ல கல்வி என்பது உடல், உள்ளம், ஆன்மா ஆகிய மூன்றையும் ஒருமித்து வளர்க்கவேண்டும் என்றார் காந்தியடிகள். ஆம் இம்மூன்றையும் வளர்க்கும் ஆற்றல் கல்விக்கு மட்டுமே உண்டு. அதே நேரம், கற்க கற்க நாம் அறிவாளியாகிறோம் என்ற எண்ணம் தலைதூக்கக்கூடாது.

முற்றும் உணர்ந்தவர் இல்லை முழுவதூஉங்

கற்றனம் என்று களியற்க –14 என உரைத்துள்ளது நீதிநெறி விளக்கம்.

ஆளும் வளரணும் அறிவும் வளரணும்
அதுதான் வளர்ச்சி என்றார் பட்டுக்கோட்டை கல்யாணசுந்தரம்.

அறிவு வளர்ச்சி என்பது நம் சொல்லிலும் செயலிலும் வெளிப்படுகிறது. நாம் முழுமையாகக் கற்றுவிட்டோம் என்பது அறியாமை. அதனால்

கற்றார்முன் கற்ற செலச்சொல்லித் தாம்கற்ற

மிக்காருள் மிக்க கொளல் – 724

அறிந்ததைக் கூறி, அறியாததை அறிந்துகொள்க,

அரியகற்று ஆசற்றார் கண்ணும் தெரியுங்கால்

இன்மை அரிதே வெளிறு.- 503

அரியவை கற்ற, குற்றமற்றவரிடமும் அறியாமை இருக்கும்,

கற்றாருள் கற்றார் என்படுவர் கற்றார் முன்

கற்றச் செலச் சொல்லுவார் – 722

கற்றோர் மனதில் பதியுமாறு பேசுவோர் கற்றோருள் கற்றோர் என்படுவார் என்று கற்றோரின் இயல்புகளாக உரைத்தார் திருவள்ளுவர்,

தம்மின் மெலியாரை நோக்கித் தமதுடைமை

அம்மா பெரிதென் றகமகிழ்க - தம்மினுங்

கற்றாரை நோக்கிக் கருத்தழிக கற்றதெல்லாம்

எற்றே இவர்க்குநாம் என்று 15-நீதிநெறி விளக்கம்- குமரகுருபரர்

நம்மை விட செல்வத்தில் குறைந்து உள்ளவர்களைப் பார்க்கும் போது நாம் போதுமான செல்வம் பெற்றுள்ளோம் என உள்ளத்திலே மகிழ்ச்சி கொள்ள வேண்டும். நம்மைவிட கற்றவர்களைக் காணும் போது “நாம் இன்னும் அதிகமாகக் கற்கவேண்டும், இவர் இவ்வளவு படித்துள்ளாரே. வாழ்க்கையை வீணாக்காமல் படித்து அறிவைப் பெருக்கிக்கொள்ள வேண்டும்” என்று நாம் எண்ண வேண்டும் என்பார் குமரகுருபரர்.

நவில்தொறும் நூல்நயம் போலும் பயில்தொறும்

பண்புடை யாளர் தொடர்பு.-783

கற்றல் என்பது கல்வி நிலையங்களிலும், நூலகத்திலும் மட்டும் நிகழ்வதல்ல கற்றறிந்த, பண்பறிந்த சான்றோரிடமும் நாளும் கற்கலாம். நல்ல நூல்கள், ஒவ்வொரு முறை படிக்கும்போதும் புதிய புதிய சிந்தனைகளைத்தரும் அதுபோலத்தான் நல்ல பண்புடையவர்களை ஒவ்வொருமுறை சந்திக்கும்போது அவர்களிடமிருந்த பல நற்பண்புகளைக் கற்கலாம் என்பார் திருவள்ளுவர்.

நாம் கற்ற கல்வியும், வளர்த்த அறிவும், கடைப்பிடிக்கும் ஒழுக்கமும் எங்கே போய் முடிய வேண்டும் என்பதை,

பகுத்துஉண்டு பல்உயிர் ஓம்புதல் நூலோர்

தொகுத்தவற்றுள் எல்லாம் தலை.(322)

நூல்களில் தொகுத்துரைக்கப்பட்ட அறக்கருத்துகளைவிட மேலானது பகிர்ந்து உண்டு வாழ்தல் என்றார் திருவள்ளுவர்.

கற்றதை வாழ்க்கையில் பின்பற்றாதபோதும், தவறான வழிகளில் நாம் முதல் அடி எடுத்துவைக்கும்போதும் இந்தச் சமூகம் நம்மைப் பார்த்துக்கேட்கும் முதல் கேள்வி, நீ படித்த படிப்பு உனக்கு இதைத்தான் சொல்லிக்கொடுத்ததா? என்பதே. இந்தச் சமூகம் இந்தக் கேள்வியைக் கேட்கும் முன் நம் மனமே நம்மைக் கேட்கும்.

தன்நெஞ்சு அறிவது பொய்யற்க பொய்த்தபின்

தன்நெஞ்சே தன்னைச் சுடும். -293

அதனால், பல்வேறு படிப்புகளைப் படித்தவராயினும், பட்டங்கள் பெற்றவராயினும் ஒழுக்கமானவர்கள் வாழும் வழியிலே வாழவேண்டும். இதனை

உலகத்தோடு ஒட்ட ஒழுகல் பலகற்றும்

கல்லார் அறிவிலா தார்.(140) என்றார் திருவள்ளுவர்.

கல்வி கற்பதால் கிடைக்கும் அறிவு, நாம் எந்த முடிவெடுக்கிறோம் என்பதில் வெளிப்படுகிறது. சிலநேரம் அறிவு சொல்வதையும் சில நேரம் உணர்வு சொல்வதையும் சூழல்களுக்குத் தக, கேட்பதே சரியாக அமையும்.

அறிவினான் ஆகுவ துண்டோ பிறிதின்நோய்

தம்நோய்போல் போற்றாக் கடை. 315

பிறர் துன்பத்தையும் தன்துன்பமாக நினைப்பதே அறிவின் பயன் என்று சொன்ன திருவள்ளுவர்,

கருமம் சிதையாமல் கண்ணோட வல்லார்க்கு

உரிமை உடைத்திவ் வுலகு. (578 ) என்றார்

கடமைக்கும், அன்புக்கும் இடைவெளி அறிந்தவர் உலகை வெல்வர் என்பது இக்குறளின் பொருள். கடமைக்காக அன்பும், அன்புக்காகக் கடமையும் பாதிக்கப்படாமல் வாழ்வது நல்ல கல்வியின் பயனாகிறது.

அறிவை எங்கு பயன்படுத்தவேண்டும், உணர்வை எங்கு பயன்படுத்தவேண்டும் என்று தெளிந்த முடிவெடுக்கும் திறன் கற்றதைப் பின்பற்றும்போது வெளிப்படுகிறது. கல்வி நல்ல ஒழுக்கமாகவும், பிறர் துன்பத்தை உணர்வதாகவும் மாறும்போது மாநிலம் பயன்பெறுகிறது.

எப்பிறப் பாயினும் ஏமாப் பொருவற்கு
மக்கட் பிறப்பிற் பிறிதில்லை-அப்பிறப்பில்
கற்றலும் கற்றவை கேட்டலும் கேட்டதன்கண்
நிற்றலும் கூடப் பெறின், அறநெறிச்சாரம் -72

கற்றலும், கற்றவற்றைக் கேட்டலும், கேட்ட வழியில் வாழ்ந்து நிற்றலும் வாய்க்கப் பெற்றால், மக்கள் பிறப்பிலும் சிறந்தது வேறொன்றும் இல்லை என உரைக்கிறது அறநெறிச்சரம்.

அறிஞர்க் கழகு கற்றுணர்ந் தடங்கல் என்றார் அதிவீர ராம பாண்டியர்.

அறிவுடையோர்க்கு அழகாவது நூல்களைக் கற்றுணர்ந்து அடங்கியிருத்தல்.

நூல் எவ்வளவுதான் சிறப்புடையதாக இருந்தாலும். அச்சடித்த எழுத்துக்களால் எந்தப் பயன் ஏதுமில்லை. நடைமுறைப்படுத்தினால் தான் பயன்!

வருந்தித்தாம் கற்றன ஓம்பாது, மற்றும்
பரிந்துசில கற்பான் தொடங்கல் - கருந்தனம்
கைத்தலத்த உய்த்துச் சொரிந்திட்டு, அரிப்புஅரித்து
ஆங்குஎய்த்துப் பொருள்செய் திடல் (8)

ஒருவன் தான் கற்ற கல்வியைப் பயன்படுத்தாமல் மேலும் கற்கத் தொடங்குவது, தனது கையில் உள்ள செல்வத்தை மண்ணில் சிதறிவிட்டு, மண்ணிலிருந்து எடுத்து, சல்லடையில் போட்டு அரித்து எடுப்பதைப் போன்றது என்று உரைப்பார் குமரகுருபரர்.

கற்றுப் பிறர்க்குரைத்துத் தாநில்லார் வாய்ப்படூஉம்

வெற்றுரைக் குண்டோர் வலியுடைமை - சொற்றநீர்

நில்லாத தென்னென்று நாணுறைப்ப நேர்ந்தொருவன்

சொல்லாமே சூழ்ந்து சொலல். 20

கற்பார், பிறருக்கு எடுத்துச் சொல்லுவார், கற்றபடியோ, சொல்கிறபடியோ தாம் நிற்கமாட்டார். இவர் வாயிலிருந்து வரும் வெற்றுரைக்கும் ஒரு வலிமை உண்டு. “சொன்னபடி நீ நிற்கவில்லையே” என்று அவரது நாணம் அவரைக் கேட்டுக்கொண்டே இருக்கும். இதனை வேறொருவன் சொல்லாமலேயே அவருக்கு அவர் நாணம் சொல்லும். இதுதான் அவர் சொல்லுக்கு வலிமை என கற்றதை வாழ்க்கையில் பின்பற்றாதவர்களைக் சுட்டிக்காட்டுகிறார் குமரகுருபரர்.

இதே கருத்தை திருவள்ளுவர்,

வஞ்ச மனத்தான் படிற்றொழுக்கம் பூதங்கள்

ஐந்தும் அகத்தே நகும். 271

வஞ்சகரை அவர் உடலில் கலந்த ஐம்பூதங்களும் தம்முள் நகும் என்றார்.

உண்மையான கல்வி ஒருவனுக்குத் தன்னம்பிக்கையோடு சேர்த்துத் தலைக்கனம் இல்லாத 'அடக்கத்தையும்' தர வேண்டும்.

நாம் கற்கவில்லை, நாம் கற்றல் என்று அழைப்பது நினைவுகூறும் செயல் மட்டுமே என்றார் பிளேட்டோ. ஆம் நாம் கற்றவை மனதில் நிற்கவேண்டும். தக்க நேரத்தில் அதைப் பின்பற்றவேண்டும் அப்போதுதான் கற்ற கல்வி முழுமையாகிறது.

கற்றல் என்பது அறிவாகவும், அறிவு செயலாகவும், செயல், அனுபவமாகவும், அனுபவம் பிறருக்கு முன்மாதிரியாகவும் மாறவேண்டும்.

நிறையப் புத்தகங்களைப் படிப்பது மட்டும் வெற்றியல்ல. படித்தவற்றுள் நாம் எதைப் பின்பற்றுகிறோம் என்பதே நம்மை ஒரு வெற்றியாளராகவும், மனிதராகவும் காட்டும் என்பதை உணர்வோம்.

கற்றபடி நிற்போம் வாழ்வாங்கு வாழ்வோம்.

முனைவர் இரா.குணசீலன்

தமிழ் இணைப்பேராசிரியர்

பி.எஸ்.ஜி கலை அறிவியல் கல்லூரி

கோயம்புத்தூர்

9524439008

திருக்குறள் – மருந்து அதிகாரம் நோட்புக் எல்.எம் வழி ஓர் ஆய்வு

2026-01-23T14:31:00.009+05:30

(கோபி,பி.கே.ஆர் மகளிர் கலை அறிவியல் கல்லூரியில் 22.01.2026 அன்று நடைபெற்ற இலக்கியங்களில் தொழில்நுட்பம் என்ற தலைப்பிலான பன்னாட்டுக் கருத்தரங்கில் வழங்கிய ஆய்வுக்கட்டுரை)

Abstract

Thirukkural is a book full of wisdom. People gain knowledge by reading Thirukkural. Depending on the level of knowledge of the readers of this book, new ideas can be gained. This article explores the techniques of converting the subtle messages of Thiruvalluvar's medicinal power into media files suitable for learning and teaching using the Google Notebook LM tool.

குறிச்சொற்கள்

திருக்குறள், Google Notebook LM tool. செய்யறிவுக் கருவி, செயற்கை நுண்ணறிவு, மருந்து,

முன்னுரை

நவில்தொறும் நயம்தரும் நூல் திருக்குறள். எல்லாப் பொருளும் இதன்பால் உள அதனால் தொட்டனைத் தூறும் மணற்கேணிபோல படிக்கப் படிக்க மனிதகுலம் திருக்குறளால் அறிவுபெறுகிறது. இந்நூலைப் படிப்பவர்களின் அறிவுநிலைகளுக்கேற்ப புதிய புதிய சிந்தனைகளைப் பெறமுடிகிறது. திருவள்ளுவர் கூறும் மருந்து அதிகாரத்தின் நுட்பமான செய்திகளை கூகுள் நோட்புக் எல்.எம் என்ற செய்யறிவுக் கருவி வழி, கற்றல் கற்பித்தலுக்கு ஏற்ற ஊடகக்கோப்புகளாக மாற்றும் நுட்பங்களை ஆராய்வதாக இக்கட்டுரை அமைகிறது.

கூகுள் நோட்புக் எல்.எம்

கூகுள் வழங்கும் செய்யறிவுக்கருவிகளுள் குறிப்பிடத்தக்கது நோட்புக் எல்.எம். இது ”ஒரு ஆராய்ச்சி மற்றும் குறிப்பு எடுக்கும் இணையவழிக் கருவியாகும், இது பயனர்கள் தங்கள் ஆவணங்களுடன் தொடர்பு கொள்ள உதவுவதற்காக செயற்கை நுண்ணறிவை (AI), குறிப்பாக கூகிள் ஜெமினியைப் பயன்படுத்துகிறது.“1 இதில், “PDFகள், வலைத்தளங்கள், YouTube வீடியோக்கள், ஆடியோ கோப்புகள், Google டாக்ஸ், Google ஸ்லைடுகள் மற்றும் பலவற்றைப் பதிவேற்றி, NotebookLM வழியாக அவற்றைச் சுருக்கி, தலைப்புகளுக்கு இடையே இணைப்புகளை உருவாக்கும், இவை அனைத்தும் ஜெமினியின் மல்டிமாடல் புரிந்துகொள்ளும் திறன்களின் சமீபத்திய பதிப்பால் இயக்கப்படுகின்றன.“2

இதில் திருக்குறளில் இடம்பெற்ற மருந்து அதிகாரத்தின் ஒரு வரி விளக்கத்தை இணையத்தில் பதிவேற்றி, அந்த இணையபக்கத்தின் இணைப்பை நோட்புக் எல்.எம் பக்கத்தில் கொடுத்து இந்த ஆய்வு மேற்கொள்ளப்பட்டது. பிறகு நாம் விரும்பும் வடிவத்தில் கோப்புகளைப் பெற ஸ்டுடியோ பகுதியில் தேர்வு செய்யலாம். சான்றாக திருக்குறளின் மருந்து அதிகாரத்தில் இடம்பெற்ற கருத்துகளை ஒலிக் கோப்பாக இரண்டு மனிதர்கள் கலந்துரையாடுவதுபோல பெறமுடியும், காணொலியாக உருவாக்கமுடியும், மைன்ட் மேப் எனப்படும் மனவரைபடமாகவும், ரிப்போர்ட்ஸ் என்ற பிரிவில் மேலும் வடிவத்தில் தேவையான மாற்றங்களுடன் கருத்தை மேம்படுத்தமுடியும், ப்ளாஸ் கார்ட் பிரிவில் விளையாட்டு அட்டைகள் போல கேள்வி பதில்களை உருவாக்குதல், வினாடி வினா உருவாக்குதல், இன்போ கிராபிக் முறையில் ஒரே படத்தில் முழுமையான கருத்துகளையும் உருவாக்கமுடியும். ஸ்லைட் பிரிவில் பவர் பாய்ண்ட் போல பல குறிப்புப் பக்கங்களை உருவாக்கிக்கொள்ளமுடியும்.

சான்றுகள்.

நோட்புக் எல்.எம் – மருந்து

கூகுளின் நோட்புக் எல்.எம் வழி பல கற்றல், கற்பித்தல், ஆராய்ச்சிக்கான குறிப்புகளை உருவாக்கிகொள்ளமுடியும். அவற்றுள் காணொலி உருவாக்க நுட்பத்தைக் காண்போம்.

திருக்குறள் - அதிகாரம் - 95. மருந்து

மிகினும் குறையினும் நோய்செய்யும் நூலோர்

வளிமுதலா எண்ணிய மூன்று. - 941

வாதம், பித்தம், கபம் என்ற மூன்றே நோயின் தோற்றக் கூறு

மருந்தென வேண்டாவாம் யாக்கைக்கு அருந்தியது

அற்றது போற்றி உணின். - 942

செரித்தபின் உணவு உண்டால், உடலுக்கு மருந்தே தேவையில்லை

அற்றால் அளவறிந்து உண்க அஃதுடம்பு

பெற்றான் நெடிதுய்க்கும் ஆறு. - 943

நீண்டகாலம் வாழ, அளவுடன் உண்பதே மிகச்சிறந்த வழி

அற்றது அறிந்து கடைப்பிடித்து மாறல்ல

துய்க்க துவரப் பசித்து. – 944

செரித்தபின், காலத்துடன், ஏற்ற உணவை உண்ணவேண்டும்

மாறுபாடு இல்லாத உண்டி மறுத்துண்ணின்

ஊறுபாடு இல்லை உயிர்க்கு. - 945

மாறுபாடில்லாத உணவை, அளவுடன் உண்டால் நோயில்லை

இழவறிந்து உண்பான்கண் இன்பம்போல் நிற்கும்

கழிபேர் இரையான்கண் நோய். - 946

அளவுடன் உண்டால் நலம்! அதிகமாக உண்டால் நோய்!

தீயள வன்றித் தெரியான் பெரிதுண்ணின்

நோயள வின்றிப் படும். - 947

பசியின் அளவறியாமல் அதிமாக உண்பவன் நோயாளியாவான்

நோய்நாடி நோய்முதல் நாடி அதுதணிக்கும்

வாய்நாடி வாய்ப்பச் செயல். - 948

நோயின் தன்மை, அதன் காரணம், அதை நீக்கும் வழியறிந்து செய்

உற்றான் அளவும் பிணியளவும் காலமும்

கற்றான் கருதிச் செயல்.- 949

நோயாளி, நோயளவு, காலம் கருதி மருத்துவம் செய்யவேண்டும்

உற்றவன் தீர்ப்பான் மருந்துழைச் செல்வானென்று

அப்பால் நாற் கூற்றே மருந்து. - 950

நோயாளி, மருத்துவர், மருந்து, துணைபுரிபவர் நான்கே மருத்துவம்

இவ்வாறு திருக்குறளின் மூலத்தையும் அக்குறள் உணர்த்தும் கருத்தை, சமகால மொழிநடையில் மிகச்சுருக்கமாக “திருக்குறள் ஒரு வரி“3 உரையிலும் வழங்கியுள்ளேன். அதன் இணைப்பை நோட்புக் எல்.எம் இல் வழங்கி காணொலி உருவாக்கியபோது, 5 நிமிடம் அளவுக்கு தொடர்புடைய படங்களுடன் மிகத்துல்லியமான காணொலி உருவாக்கப்பட்டு பதிவிறக்கும் நிலையில் கிடைத்தது. அவ்வாறு உருவாக்கிய காணெலியின் இணைப்பு “திருக்குறள் சுகாதார வழிகாட்டி“ 4

காணொலி – மாயத்தோற்றம் (Hallucination)

இவ்வாறு செய்யறிவுக் கருவிகள் வழியாக உருவாக்கும் காணொலிகளின் நம்பகத்தன்மை, துல்லியத்தன்மை பெரிதும் கேள்விக்குறியாகவே இருக்கின்றன. காரணம் இவை உருவாக்கும் மாயத்தோற்றங்கள் (Hallucination). ஜெமினி, சாட் ஜி.பி.டி போன்ற செய்யறிவுக் கருவிகள், இயந்திரக்கற்றல் வழியாக பயிற்றுவிப்பதற்காக வழங்கிய “பெரிய மொழி மாதிரிகளை“6 அடிப்படையாகக் கொண்டே செயல்படுகின்றன. அதனால் இக்கருவிகளில் கற்றல் கற்பித்தலுக்கான கோப்புகளை உருவாக்கும் போது அதன் நம்பகத்தன்மை மற்றும் துல்லியத்தன்மையை உருவாக்குநர் சரி பார்த்துக்கொள்ளவேண்டும். தொடர்பில்லாத, தவறான செய்திகளும் படங்களும், கருத்துகளும் இடம்பெற்றுள்ளனவா என்பதை சரிபார்த்துக்கொள்ளவேண்டும். திருக்குறளில் மருந்து குறித்து நோட்புக் எல்.எம் வழி உருவாக்கிய காணொலி எந்தவிதமான தவறான கருத்துகளுமின்றி, நம்பகம் மற்றும் துல்லியமான கருத்துகளை சமகால மொழிநடையில் உருவாக்கப்பட்டுள்ளது. அவ்வாறு, உருவாக்குதற்காக வழங்கிய இணையபக்கம் துல்லியமானதாகவும் மூலமான திருக்குறளுக்கு எளிமையான சுருக்கமான விளக்கம் உதவியாகவும் அமைந்தமை குறிப்பிடத்தக்கது.

முடிவுரை

தமிழ் மொழியின் பெருமை அதன் தொன்மையில் மட்டுமில்லை அதன் தொடர்ச்சியிலும் உண்டு என்பதற்கு சான்று சமகால தொழில்நுட்பத்தை தமிழ் மொழியில் பயன்படுத்துவதில் தான் உள்ளது. செய்யறிவுக் கருவிகளைக் கண்மூடித்தனமாக நம்புவதும், நம்பாமல் இருப்பதும் ஒரே நிலைப்பாடுதான். கற்றல் கற்பித்தல், ஆராய்சி நிலைகளில் இன்று நோட்புக் எல்.எம் போன்ற செய்யறிவுக்கருவிகள் வழங்கும் கருவிகளின் துல்லியத்தன்மை மேம்பட்டு வருகிறது. அதற்கு இக்கட்டுரையில் வழங்கப்பட்டுள்ள திருக்குறள் சுகாதார வழிகாட்டி என்ற காணொலி தக்க சான்றாக அமைகிறது. தவறு செய்யும் மாணவரை நல்ல ஆசிரியர் வழிநடத்தினால் அந்த மாணவர் எதிர்காலத்தில் ஆசிரியராக உயர்வார். அதுபோல செய்யறிவுக் கருவிகளை அதிகமாக பயன்படுத்தவதும். தவறுகளை சுட்டிக்காட்டுவதும் துல்லியமான நம்பகமான முடிவுகளைப் பெறுவதற்கான வழி என்பதை உணர்வோம். தேமதுரத் தமிழோசை உலகமெலாம் பரவும் வகை செய்வோம்.

சான்றெண் விளக்கம்.

1. https://en.wikipedia.org/wiki/NotebookLM

2. https://notebooklm.google.com/

3. https://www.gunathamizh.com/2020/11/95.html (மருந்து)

4. https://www.youtube.com/watch?v=fIsmymsP7fE

5. https://en.wikipedia.org/wiki/Hallucination_(artificial_intelligence)

6. https://en.wikipedia.org/wiki/Large_language_model

திருக்குறள் – உணர்வுப் பகுப்பாய்வு

2026-01-19T09:47:00.003+05:30

(இந்த ஆய்வுக்கட்டுரை அரிமாநோக்கு இதழில்

Volume-20 / Issue-1 / Jan-Mar 2026

வெளியிடப்பட்டது என்பதை நன்றியுடன் தெரிவித்துக்கொள்கிறேன்)

ஆய்வுச் சுருக்கம்

திருக்குறளுக்கு, பல உரைகள், மொழிபெயர்ப்புகள், திறனாய்வுகள் அச்சுவடிவில் உள்ளன. தேடுபொறி நுட்பங்கள், செய்யறிவு நுட்பங்களுக்கேற்ப ஒருங்குறி வடிவிலும், சொல்லடைவு, தொடரடைவு, பெரிய மொழி மாதிரி என பல வடிவங்களில் இணையத்தில் திருக்குறளை தரவாக்கம் செய்வது காலத்தின் தேவை என்பதை உணர்த்துவதுடன், திருக்குறளில் இடம்பெறும் உணர்வுகளை தொல்காப்பியரின் மெய்ப்பாட்டிலை அடிப்படையாகக் கொண்டு பெரிய மொழிமாதிரியாக உருவாக்கும் வழிமுறைகளை ஆராய்வதாக இக்கட்டுரை அமைகிறது.

திறவுச்சொற்கள்

திருக்குறள், உணர்வுப் பகுப்பாய்வு, மெய்ப்பாடு, பெரிய மொழி மாதிரி, Sentiment analysis, LLM,

முன்னுரை

மனித வாழ்வின் வழிகாட்டியாகத் திகழும் நூல் திருக்குறள். இந்நூலுக்குப் பல உரைகள் வந்தாலும் நவில்தொறும் நயம்தரும் நூலாகவும், தொட்டனைத் தூறும் மணற்கேணி போலவும் இந்த நூலை வாசிப்போர் அறிவு நிலைகளுக்கேற்ப புதிய புதிய சிந்தனைகளைப் பெறமுடிகிறது. இன்றைய சூழலில் திருக்குறளுக்கான பொருளை சாட் ஜிபிடி, ஜெமினி போன்ற செய்யறிவுக் கருவிகளில் உரை, படம், ஒலி, காணொலி வடிவில் பெறும் வாய்ப்பு உள்ளது. இருந்தாலும் பதிலின் துல்லியத்தன்மை குறைவாகவே உள்ளது. திருக்குறளுக்கென பெரிய மொழி மாதிரியை (Large Language Model (LLM) உருவாக்கி, அதில் ஒவ்வொரு குறளிலும் இடம்பெற்ற உணர்வுகளை வகைப்படுத்தி அகராதியாக உருவாக்கி, இயந்திரக் கற்றலில் மொழி மாதிரிகளுக்கு நுண்பயிற்சி (Fine-tuning) வழங்கினால் துல்லியமான பதில்களைப் பெறமுடியும். பெரிய மொழி மாதிரி உருவாக்கத்தில், திருக்குறளில் உணர்வுப் பகுப்பாய்வின் (Sentiment analysis) தேவையையும் அதற்கான வழிமுறைகளையும் ஆராய்வதாக இக்கட்டுரை அமைகிறது.

அறிவும் - உணர்வும்

திருக்குறளை நீதி நூல் என்று பொதுவாகக் கருதினாலும். உழவு முதல் மருத்துவம் வரை திருவள்ளுவர், மனித வாழ்வின் பல்வேறு கூறுகளையும் பேசியுள்ளார். வாழ்க்கையில் வெற்றிபெற, மண் பயனுற வாழ, அறிவு மட்டும் போதாது உணர்வுகளைக் கையாளும் திறனும் வேண்டும் என்று, ஆளுமைத் திறன் மேம்பாடு குறித்து (Personality development) நாம் கற்று வருகிறோம். Emotion, Feelings, Sentiment ஆகிய சொற்கள் உணர்வுகளைச் சுட்டும் சொற்களாகப் ஆங்கிலத்தில் பயன்படுகின்றன. உணர்வுப் பகுப்பாய்வு என்பது கருத்துப் பகுப்பாய்வு என அழைக்கப்படுகிறது. “இயற்கை மொழியைப்(NLP)பயன்படுத்தி, கணினிகளுக்கும் மனிதர்களுக்கும் இடையிலான தொடர்புகளைக் கையாளும் இயந்திரக் கற்றலின் (ML)ஒரு கிளையாகும். ஒரு குறிப்பிட்ட உரைக்கு உணர்ச்சி மற்றும் கருத்து உள்ளடக்கம் கொண்ட எந்த வார்த்தைகள் முக்கியம் என்பதைப் புரிந்துகொள்ளவும் உணர்வுப் பகுப்பாய்வு பயன்படுத்தப்படலாம்”1 என்பார் மோட்வாணி.

“கல்லாதவரும் விலங்குகளும் ஒன்றாகவே கருதப்படுவர்“2 என்று சொன்ன வள்ளுவர், ”அரம்போன்ற கூர்மையான அறிவும், பண்பின்றிப் பயனில்லை”3 என்று உரைத்துள்ளார். அறிவுநிலையில் மட்டுமின்றி உணர்வுகளைக் கையாளும் திறனை வளர்த்துக்கொள்ளவும் இந்நூல் உதவும். அதனால். கணினி வளர்ச்சிக்கேற்ப தேடுபொறி நுட்பங்களுக்கு ஏற்ப, செய்யறிவுக் கருவிகளுக்கேற்ப திருக்குறளை, உணர்வு நிலையில் பாகுபடுத்தவேண்டும். திருக்குறள் பற்றிய இன்றைய மின் கருவிகளுக்கு நிறைய தெரியும் என்றாலும், “எவ்வளவு கற்றாலும்

ஒழுக்கமுடையவர்களுடன் சேர்ந்து வாழ்வதே அறிவு”4 என்று திருவள்ளுவர் ஏன் குறிப்பிட்டார் என்பதை நாம் உணரவேண்டும். கணினிக் கருவிகளுக்கு உணர்த்தவேண்டும்.

உணர்வுப் பகுப்பாய்வு (Sentiment analysis)

உணர்வு பகுப்பாய்வு, என்பது “இயற்கையான மொழி செயலாக்கம் (Natural language processing,), உரை பகுப்பாய்வு (Text analysis), கணினி மொழியியல் (Computational linguistics) ஆகியவற்றைப் பயன்படுத்தி உணர்ச்சி நிலைகளை முறையாக அடையாளம் காணவும், பிரித்தெடுக்கவும், அளவிடவும், ஆய்வு செய்யவும் பயன்படுகிறது.“5 அரசியல், வணிகம், சமூக ஊடகங்கள் மக்களின் மதிப்புரைகளைப் பகுப்பாய்வு செய்து தம் வளர்ச்சிக்காகப் பயன்படுத்திக்கொள்வது வழக்கமாக உள்ளது. மனிதர்கள் “ஒரு உரையை வாசிக்கும்போது, நேர்மறையானதா, எதிர்மறையானதா, வியப்பு, அல்லது வெறுப்பு போன்ற நுட்பமான உணர்ச்சிகள் உள்ளனவா என்பதை அறிய சொற்களின் நோக்கத்தைப் புரிந்துகொள்ள முயற்சிக்கிறோம்”6 என்பார் டேவிட் ராபின்சன். இந்த முறை, பொதுவாக நேர்மறை (Positive), எதிர்மறை (Negative) அல்லது நடுநிலை (Neutral) என வகைப்படுத்தப்படுகிறது. ஆனால் திருக்குறள் போன்ற அற நூல்களுக்கு இவை போன்ற உணர்வுப் பகுப்பாய்வு முறை போதுமானதாக அமையாது.

திருக்குறளில் உணர்வு – மெய்ப்பாடு

அறிவுடைமை அதிகாரத்தில், “யாரிடம் கேட்டாலும் உண்மையை ஆராய்ந்து அறிவதே அறிவு“7 என்றும், மெய்யுணர்தல் அதிகாரத்தில், “எப்பொருளையும் தோற்றத்தை மட்டும் காணாமல் உண்மைக் காண்பதே அறிவு“8 என்றும் திருவள்ளுவர் உரைத்துள்ளார். இவ்விரு குறள்களையும் ஆழ்ந்து நோக்கினால் செவிகளால் கேட்பது, கண்களால் காண்பது ஆகிய இரண்டும் உண்மைதானா என ஆராய்ந்து அறியவேண்டும் என்ற கருத்து வெளிப்படுகிறது. அறிவுக்கும் உணர்வுக்குமான நுட்பமான வேறுபாட்டை இக்கருத்து வெளிப்படுத்துகிறது. அதனால் திருக்குறளில் இடம்பெறும் உணர்வுகளை வகைப்படுத்த தொல்காப்பியர் குறிப்பிடும் மெய்ப்பாட்டு மரபுகளையும் பயன்படுத்துவது சிறப்பாக அமையும். உள்ளத்து உணர்ச்சிகள் உடலில் தென்படுவது மெய்ப்பாடு. உடலசைவு மொழிகளை (Body language) என்கிறோம். முகத்தில் தோன்றும் உணர்வுகளை Emoji என்ற குறியீட்டு மொழியில் வெளிப்படுத்தி வருகிறோம். “முகமே மனதைக் காட்டும் கண்ணாடி“ 9 என்ற திருவள்ளுவரின் கருத்து சிந்திக்கத் தக்கது.

நகையும் உவகையும் கொல்லும் சினத்தின்

பகையும் உளவோ பிற. (திருக்குறள்-304)

சிரிப்பையும், மகிழ்ச்சியையும் கொல்வதால் சினமே பெரும்பகை என உணர்வுகளை திருவள்ளுவர் நுட்பமாக உரைத்துள்ளார்.

“நகையே அழுகை இளிவரல் மருட்கை

அச்சம் பெருமிதம் வெகுளி உவகை என்று

அப்பால் எட்டே மெய்ப்பாடு என்ப“10 தொல்காப்பியர்.

நகை (சிரிப்பு), அழுகை, இளிவரல் (இழிவு), மருட்கை (வியப்பு), அச்சம்(பயம்), பெருமிதம் (வீரம்), உவகை, வெகுளி (கோபம்) என இந்த எட்டு மெய்ப்பாடுகளும் திருக்குறளில் இடம்பெறுகின்றன. இந்த எட்டு மெய்ப்பாடுகளும் நான்கு நான்காக உட்பிரிவுகளைக் கொண்டு 32 மெய்பாடுகளாக விரிகின்றன. அவற்றுள் நகை என்ற மெய்ப்பாடு – எள்ளல் - பிறரை ஏளனம் செய்தல்,

இளமை - குழந்தைச் செயல், பேதமை- அறியாமல் செய்யும் பிறரது செயல்,

மடன் - மடத்தனமான செயல்கள் என நான்கு சூழல்களில் தோன்றும்.

”நக-786,927, நகல்-999, நகுக- 621, நகுதல்-784, நகும் -1094, நகுப-1140, நகா-824, நகும்-271, 774, 1040, 1094, 1095, 1098, நகை-182, 304, 694, 817, 871, 953, 995, 1274, எள்ள -191, 491, எள்ளி – 1298, எள்ளாமை -667, 291, எள்ளாத -470, எள்ளுஞ் சொல் -607, பேதமை – 358, 417, 428, 507, பேதை -372, 603”11

என திருக்குறளில் நகை தொடர்பான சொற்கள் நேரடியாக இடம்பெறுகின்றன.

“வஞ்சமனம் கொண்டவனின் பொய்யொழுக்கத்தை அவன் உடலில் உள்ள ஐம்பூதங்களும் கண்டு தம்முள் சிரிக்கும்“12,“நிலம் என்னும் நல்லாள் நகும்“13

ஆகிய திருவள்ளுவரின் கருத்துகளை உவமையாகவே கருதவேண்டும். “போர்க்களத்தில் தன் வேலை யானை மீது எய்தவன், தன்மீது பாய்ந்த வேல்கண்டு சிரித்தான்“14 என்ற குறளை நோக்கும்போது, அச்சமும் அழுகையும் தோன்ற வேண்டிய நிலையில் வீரம் காரணமாக தோன்றிய சிரிப்பு இயல்பான சிரிப்பிலிருந்து நுட்பமான வேறுபாடுடையது. திருவள்ளுவர் குறிப்பிடும் நகை தொடர்பான உணர்வுகளை, இன்பத்தில் தோன்றிய சிரிப்பு, துன்பத்தில் தோன்றிய சிரிப்பு, வீரத்தில் தோன்றிய சிரிப்பு, உவமையில் இடம்பெறும் சிரிப்பு என, பலவாறு பாகுபடுத்த முடிகிறது. திருக்குறளில் இடம்பெறும் நகை என்ற உணர்வு சிரிப்பு என்ற சொல்லால் இன்று அறியப்படுகிறது. எங்கு சிரிக்கவேண்டும், எதற்குச் சிரிக்கவேண்டும் என்றெல்லாம் பல சான்றுகள் உண்டு. அவற்றுள், “பெரியவர்கள் முன்பு, காதோடு பேசுதல், சிரித்தலும் தவிர்ப்பது நலம்“ 15 என்றும் உரைத்துள்ளார்.

திருக்குறளுக்கான உணர்வு அகராதி

திருக்குறளில் இடம்பெறும் உணர்வுகளை, தொல்காப்பிய மெய்பாட்டியலின் அடிப்படையில், நகை என்ற மெய்பாட்டுக்கு மேலே சுட்டிக் காட்டியதுபோல, நேரடியான சொல், இணைச் சொல், உவமையாக இடம்பெறும் சொல் எனப் பகுத்து அச்சொற்களுக்கு இணையான ஆங்கிலச் சொற்களையும் அகராதியாக உருவாக்கவேண்டும்.

தொல்காப்பியர் குறிப்பிடும் மெய்பாடுகளை, திருக்குறளில் முழுமையும் இனம் கண்டு கூகுள் விரிதாள், அல்லது எம்.எஸ். விரிதாளிலில் உருவாக்கி CSV கோப்பு வடிவில் சேமிக்கவேண்டும். பிறகு JSONL வடிவில் மாற்றி நுண்பயிற்சி (Fine-Tuning) செய்து செய்யறிவுக் கருவிகளின் வழியாக மேலும் துல்லியமான பதில்களைப் பெறமுடியும்.

சொல் பகுப்பு (Tokenization) அணுகுமுறைகள்

திருக்குறளின் மூல பாடத்தில் இடம்பெறும் உணர்வுகளைப் பகுத்து விரிதரவு உருவாக்கும்போது, இலக்கண, மொழியியல் அடிப்படையிலான சொல் பகுப்பு நுண்பயிற்சிக்கு ஏற்றதாகும். பெரிய உரைத் தொகுப்பை, சிறிய, தனித்தனி அலகுகளாகப் பிரித்து வழங்குவதால் பெரிய மொழி மாதிரிகள் எளிதில் புரிந்துகொள்ளும். ஒவ்வொரு சொல்லிலும் தனித்தனியாக இடம்பெறும் உணர்வுகளை பாகுபடுத்தினாலும் சுருக்கமாக குறளில் இடம்பெறும் உணர்வை ஒரு வரியில் தமிழ் மற்றும் ஆங்கிலத்தில் வழங்குவது சரியான அணுகுமுறையாக இருக்கும். மேலும் குறள் சார்ந்த உணர்வுகளை அக்குறள் இடம்பெறும் அதிகாரங்களுடன் ஒப்புநோக்கி உணர்த்துவது துல்லியத்தன்மையை மேம்படுத்தும். சான்றாக,

“துன்பம் வரும்போது சிரி, அதுதான் துன்பத்தை வெல்லும் வழி“ என்ற கருத்தை ஆராயும்போது, துன்பத்தில் யாரும் சிரிக்கமுடியுமா? என்ற கேள்வி எழும். இடுக்கண் அழியாமை என்ற அதிகாரத்தில் உரைக்கிறார் என்பதை உணரும்போது. அந்த அதிகாரத்தை முழுவதும் வாசிக்கும்போது, துன்பத்தில் சிரிப்பதே பக்குவத்தின் வெளிப்பாடு என்பது புரியும்.

முடிவுரை

திருக்குறளுக்கான மூல பாடம், உரை, மொழிபெயர்ப்பு, திறனாய்வுகள் பலவும் அச்சுவடிவில் உள்ளன. கணினி வளர்ச்சிக்கேற்ப ஒருங்குறி வடிவில் பெரிதும் இல்லை. அதனால் தேடுபொறிகளுக்கும், செய்யறிவுக் கருவிகளுக்கும் திருக்குறள் தொடர்பான வளங்களை சரியான வடிவத்தில் வழங்கினால் தேடுவோருக்கு துல்லியமான செய்திகள் கிடைக்கும்.

சாட் ஜிபிடி, ஜெமினி போன்ற செய்யறிவுக் கருவிகள் குறள் தொடர்பான படங்களை, கதைகளை, காணொலிகளை உருவாக்கும் திறன்பெற்றுள்ளன. அவை புரிந்துகொள்ளும் வகையில் திருக்குறளுக்கான தரவுகளை பெரிய மொழிமாதிரியாக வழங்கி நுண்பயிற்சி வழங்கினால் பதில் சரியானதாக அமையும். அவ்வகையில் திருக்குறளில் இடம்பெறும் உணர்வுகளை தொல்காப்பியரின் மெய்ப்பாட்டியலை அடிப்படையாகக் கொண்டு தரவாக்கம் செய்தால் எதிர்காலத்தில் செய்யறிவுக் கருவிகள் வழியாக திருக்குறளின் பெருமையை உலகமெலாம் பரவச் செய்ய இயலும்.

சான்றெண் விளக்கம்

1. Bharti Motwani,Machine Learning fo Text and image Data Analysis, Page-115

2. திருக்குறள் – 410

3. திருக்குறள் –997

4. திருக்குறள்- 140

5. https://en.wikipedia.org/wiki/Sentiment_analysis

6. Julia Silge and David Robinson, Text Mining with R,Page-13

7. திருக்குறள் - 423

8. 5.திருக்குறள் – 355

9. திருக்குறள்- 706

10. தொல்காப்பியம்- பொருளதிகாரம் – மெய்ப்பாட்டியல்-247

11. பதிப்பாசிரியர் - கி.வா.ஜகந்நாதன், திருக்குறள் ஆராய்ச்சிப் பதிப்பு, ப-804

12. திருக்குறள் -271

13. திருக்குறள் -1040

14. திருக்குறள் -774

15. திருக்குறள் -694

16. திருக்குறள் -621

இன்னா நாற்பது -கூடா நீதி

2025-12-18T14:05:00.005+05:30

இன்னா நாற்பது என்னும் நூல் கபிலர் என்னும் புலவரால் இயற்றப்பட்டது. நாற்பத்தொரு பாடல்களைக் கொண்ட இது பதினெண் கீழ்க்கணக்கு நூல்கள் என அழைக்கப்படும் சங்கம் மருவிய காலத் தமிழ் நூற்றொகுதியுள் அடங்குவது. உலகத்தில் கூடாதவை என்னென்ன என்பது பற்றிக் கூறி நீதி உரைப்பது இந்நூல். இது கி. பி. நான்காம் நூற்றாண்டைச் சார்ந்த நூலாகும்.

இன்னா என்ற சொல்லுக்கு, துன்பம், தீங்கு, வெறுப்பு, இகழ்ச்சி, அல்லது விரும்பத்தகாதவை

விழுமியம் – கூடா நீதி

கொடுங் கோல் மற மன்னர் கீழ் வாழ்தல் இன்னா;

நெடுநீர் புணை இன்றி நீந்துதல் இன்னா;

கடு மொழியாளர் தொடர்பு இன்னா; இன்னா,

தடுமாறி வாழ்தல் உயிர்க்கு. 3

கொடுங்கோல் மன்னன் ஆட்சியில் வாழ்தல் இன்னாதது.

நீண்ட தொலைவு நீரை மிதவை இல்லாமல் நீந்துதல் துன்பம்.

’கடுகடு’வெனப் பேசுபவர் தொடர்பு துன்பம்.

தட்டுத் தடுமாறிக்கொண்டு வாழும் உயிருக்குத் துன்பம்.

ஆற்றல் இலாதான் பிடித்த படை இன்னா;

நாற்றம் இலாத மலரின் அழகு இன்னா;

தேற்றம் இலாதான் துணிவு இன்னா; ஆங்கு இன்னா,

மாற்றம் அறியான் உரை. 7

ஆற்றல் இல்லாதவன் கையில் போர்க்கருவி வைத்திருத்தல் துன்பம்.

மணம் இல்லாத பூவின் அழகு துன்பம்.

ஆராயும் திறன் இல்லாதவன் துணிச்சல் துன்பம்.

கேள்விகளுக்கு விடை சொல்லத் தெரியாதவன் மேடையில் பேசுதல் துன்பம்.

உரன் உடையான் உள்ளம் மடிந்திருத்தல் இன்னா;

மறன் உடையான் ஆடையால் மார்பு ஆர்த்தல் இன்னா;

சுரம் அரிய கானம் செலவு இன்னா; இன்னா,

மன வறியாளர் தொடர்பு. 18

நெஞ்சில் உரம் மிக்கவன் செயல்படாமல் இருப்பது துன்பம்.

வீரனின் மார்பை (விழுப்புண் தெரியாமல்) ஆடையால் மறைத்தல் துன்பம்.

கடத்தற்கு அரிய காட்டு வழியில் செல்லுதல் துன்பம்.

மனம் வறண்டு கிடப்பவரோடு தொடர்பு வைத்துக்கொள்ளுதல் துன்பம்.

பெருமை உடையாரைப் பீடு அழித்தல் இன்னா;

கிழமை உடையாரைக் கீழ்ந்திடுதல் இன்னா;

வளமை இலாளர் வனப்பு இன்னா; இன்னா,

இளமையுள் மூப்புப் புகல். 27

பெருந்தன்மை உடையவரின் பெருமையைச் சீரழித்தல் துன்பம்.

உரிமை உடையவரை மதிக்காமை துன்பம்.

செல்வம் இல்லாதவரின் அழகு துன்பம்.

இளமைக் காலத்தில் மூத்தோரின் தளர்வு வருதல் துன்பம்.

ஒழுக்கம் இலாளர்க்கு உறவு உரைத்தல் இன்னா;

விழுத்தகு நூலும் விழையாதார்க்கு இன்னா;

இழித்த தொழிலவர் நட்பு இன்னா; இன்னா,

கழிப்பு வாய் மண்டிலம் கொட்பு. 34

ஒழுக்கமே இல்லாதவருக்கு உறவுக்காரர் என்று சொல்லிக்கொள்ளுதல் துன்பம்.

விரும்பாதவர்களுக்கு நூல் எத்தகைய சிறப்புடையதாயினும் தருவது துன்பம்.

இழிதொழில் புரிபவருடன் நட்பு கொள்ளல் துன்பம்.

வயிற்றுப் போக்கு, வாந்தி வரின் துன்பம்.

அடக்கம் உடையவன் மீளிமை இன்னா;

தொடக்கம் இலாதவன் தற்செருக்கு இன்னா;

அடைக்கலம் வவ்வுதல் இன்னா; ஆங்கு இன்னா,

அடக்க, அடங்காதார் சொல். 40

அடக்கம் உள்ளவன் வீரம் கொள்ளல் துன்பம்.

தன்னைப் பற்றிய தொடக்க அறிவே இல்லாதவன் வீறாப்பு துன்பம்.

அடைக்கலாமாக தந்த பொருளைத் திருடிக்கொள்ளுதல் துன்பம்.

அடக்கினால் அடங்காதவரிடம் அறிவுரை சொல்லுதல் துன்பம்.

ஆசிரியர் திறன் மேம்பாட்டு பயிற்சி

2025-12-16T06:01:00.001+05:30

நாலடியார் - நல்லினம் சேர்தல்

2025-12-10T19:01:00.005+05:30

நாலடியார் (Nalatiyar) பதினெண் கீழ்க்கணக்கு நூல் தொகுப்பைச் சேர்ந்த ஒரு தமிழ் நீதி நூல். இது நான்கு அடிகளைக் கொண்ட வெண்பாக்களால் ஆனது. இது சமண முனிவர்களால் இயற்றப்பட்ட நானூறு தனிப்பாடல்களின் தொகுப்பாகக் கருதப்படுகிறது. இதனால் இது நாலடி நானூறு எனவும் பெயர் பெறும். 'வேளாண் வேதம்' என்ற பெயரும் உண்டு.இந்நூலைத் தொகுத்தவர் பதுமனார் என்ற புலவர் ஆவார். ஆலும் வேலும் பல்லுக்குறுதி; நாலும் இரண்டும் சொல்லுக்குறுதி என்னும் பழமொழியில் நாலு என்பது நாலடியாரையும், இரண்டு என்பது திருக்குறளையும் குறிக்கும்.

விழுமியம் – நல்லோர் நட்பு

வாழ்க்கையின் எளிமையான பொருட்களை உவமைகளாகக் கையாண்டு நீதி புகட்டுவதில் நாலடியார் தனித்துவம் பெற்று விளங்குகிறது. இந்நூலினை ஆங்கிலத்தில் ஜி.யூ.போப் மொழி பெயர்த்துள்ளார்.

அறியாப் பருவத் தடங்காரோ டொன்றி

நெறியல்ல செய்தொழுகி யவ்வும் - நெறியறிந்த

நற்சார்வு சாரக் கெடுமே வெயின்முறுகப்

புற்பனிப் பற்றுவிட் டாங்கு. 171

வெயில் காயக் காயப் புல்லில் இருக்கும் பனி மறைந்துவிடும். அதுபோல, ஒருவன் தன் அறியாப் பருவத்தில் அடக்கம் இல்லாதவரோடு சேர்ந்து பழகி, நன்னெறி அல்லாதனவற்றைச் செய்த பிழைகள் எல்லாம் நல்லவர்களோடு சேர்ந்து பழகும்போது போய்விடும்.

அறிமின் அறநெறி; அஞ்சுமின் கூற்றம்:

பொறுமின் பிறர்கடுஞ்சொல்; போற்றுமின் வஞ்சம்;

வெறுமின் வினைதீயார் கேண்மை; எஞ்ஞான்றும்

பெறுமின் பெரியார்வாய்ச் சொல். 172

அறநெறி இன்னதெனத் தெரிந்துகொள்ளுங்கள். உயிரைக் கொண்டுசெல்லும் எமனுக்குப் பயப்படுங்கள். பிறர் கடுஞ்சொல் சொன்னால் பொறுத்துக் கொள்ளுங்கள். பிறர் தனக்குச் செய்யும் வஞ்சகச் செயல்களைப் பொறுத்துக் கொள்ளுங்கள்.செயலில் தீமை செய்பவர் நட்பினை வெறுத்து ஒதுக்குங்கள். எப்போதும் பண்பில் பெரியவர் வாயிலிருந்து வரும் சொற்களைக் கேட்டுப் பின்பற்றுங்கள்.

ஊரங் கணநீர் உரவுநீர் சேர்ந்தக்கால்

பேரும் பிறிதாகித் தீர்த்தமாம்; - ஓருங்

குலமாட்சி யில்லாரும் குன்றுபோல் நிற்பர்

நலமாட்சி நல்லாரைச் சார்ந்து. 175

ஊரில் ஓடும் சாய்கடை (சாக்கடை) நீர் மிகப் பெருமளவில் ஓடும் ஆற்று நீரில் கலக்கும்போது அதன் பெயர் "சாய்க்கடை"என்பது மாறித் "தீர்த்தம்" என்று ஆகிவிடும். அதுபோலக், குலத்தால் சிறப்பு இல்லாதவரும் நல்ல மாண்பு மிக்க நல்லவரைச் சேர்ந்து குன்று போல் உயர்ந்து செம்மாந்து நல்லவர் என்று நிற்பர்.

ஒண்கதிர் வான்மதியும் சேர்தலால் ஓங்கிய

அங்கண் விசும்பின் முயலும் தொழுப்படூஉம்;

குன்றிய சீர்மைய ராயினும் சீர்பெறுவர்,

குன்றன்னார் கேண்மை கொளின். 176

நிலாவில் முயல் போன்ற நிழல் களங்கம் இருக்கிறது. நிலாவைத் தொழுவோர் அந்த முயல் களங்கத்தையும் தொழுவர்.அதுபோல, தன்னளவில் சீர்மை குன்றியவர் ஆனாலும் சீர்மையில் குன்று போன்றவர் நட்பினைப் பெறுவாரேயானால், அவர் சிறப்பினைத் தாமும் பெறுவர்.

கொல்லை யிரும்புனத்துக் குற்றி யடைந்தபுல்

ஒல்காவே யாகும் உழவ ருழுபடைக்கு;

மெல்லியரே யாயினும் நற்சார்வு சார்ந்தார்மேற்

செல்லாவாம் செற்றார் சினம். 178

புனத்தில் நிற்கும், மரம் வெட்டிய குத்துக் கட்டைக்கு "குற்றி" என்று பெயர். உழவர் நிலத்ததை உழும்போது அந்தக் குற்றியின் ஓரமாக முளைத்திருக்கும் புல்லானது உழும் மாடு விலகிச் செல்வதால் உழவரின் கலப்பை நாவில் அகப்படாமல் தப்பித்துக்கொள்ளும். அதுபோல, மென்மையானவரே ஆயினும் நல்லவரைச் சேர்ந்திருப்பவர்களின் மேல் மென்மையானவர் மீது கொண்ட சினம் செல்லுபடி ஆகாது.

நிலநலத்தால் நந்திய நெல்லேயோல் தத்தங்

குலநலத்தால் ஆகுவர் சான்றோர்; - கலநலத்தைத்

தீவளி சென்று சிதைத்தாங்குச் சான்றாண்மை

தீயினஞ் சேரக் கெடும். 179

நில வளத்தால் நெல் செழிக்கும். அதுபோலச் சான்றோர் தம் குலத்தின் நலத்தால் தோன்றுவர். கடலில் செல்லும் கப்பலின் நலத்தைச் சூறாவளி தாக்கிச் சிதைக்கும். அதுபோலத் தீயவர் இனத்தோடு சேர்ந்தால் சான்றாண்மை கெட்டுப்போகும்.

பழமொழி நானூறு – வாழ்வியல் அறம்

2025-12-08T16:20:00.002+05:30

பழமொழி நானூறு அதன் சிறப்புப் பாயிரத்தையும், கடவுள் வணக்கத்தையும் சேர்த்து நாலடியால் அமைந்த நானூற்றொரு (401) பாடல்களைக் கொண்ட நீதிநூலாகும். சங்கம் மருவிய காலத் தமிழ் நூல் தொகுப்பான பதினெண் கீழ்க்கணக்கு நூல்களுள் ஒன்றான இது முன்றுறையர் அல்லது முன்றுறை அரையனார் என்னும் சமண முனிவரால் இயற்றப்பட்டது. இதன் ஒவ்வொரு பாட்டின் இறுதியிலும் ஒரு பழமொழி சார்ந்த நீதி கூறப்படுவதால் பழமொழி நானூறு என்ற பெயர் பெற்றுள்ளது. இந்த நூலின் காலம் கி.பி 4 ஆம் நூற்றாண்டு என்று கருதப்படுகிறது.

தன்னை அறியும் தலைவன்

பொற்பவும் பொல்லாதனவும் புனைந்(து) இருந்தார்

சொற்பெய்(து) உணர்த்துதல் வேண்டுமோ? - விற்கீழ்

அரிபாய் பரந்தகன்ற கண்ணாய்! அறியும்

பெரி(து)ஆள் பவனே பெரிது. 82

பொன் போல் நன்மை பயப்பனவற்றையும், பொல்லாதனவற்றையும்..

செய்துகொண்டு வாழ்பவரை அவர்கள் பேசும் சொற்களால் மட்டுந்தான் அறிந்துகொள்ள முடியுமா?

புருவ வில்லின் கீழ் செவ்வரி பரந்து அகன்று விளங்கும் கண்ணை உடையவளே!

பெரிதும் அவரைக் கையாளும் பெரியவர் தாமே உணர்ந்துகொள்வார்.

பெரிதைப் பெரியவரே அறிவார் - பழமொழி

வரி பெறும் முறை

பொருத்தம் அழியாத பூந் தண் தார் மன்னர்

அருத்தம், அடி நிழலாரை வருத்தாது,

கொண்டாரும் போலாதே, கோடல்! அது அன்றோ,

வண்டு தாது உண்டுவிடல். -242

பொருத்தம் அழியாத பூந் தண் தார் மன்னர் அருத்தம், அடி நிழலாரை வருத்தாது, கொண்டாரும் போலாதே, கோடல்! அது அன்றோ, வண்டு தாது உண்டுவிடல்.

ஆட்சிக்கு உரிய பொருத்தம் அழியாத மன்னர்

குளுமைக்குப் பூ மாலை சூடிய மன்னர்

செல்வம் சேர்க்க வேண்டும்.

அவன் அடி நிழலில் வாழ்பவர் வருந்தாமல் வரி வாங்கிச் சேர்க்க வேண்டும்.

பிடுங்கிக்கொள்பவர் போலக் கொள்ளக்கூடாது.

அப்படி செய்வதானது

வண்டானது பூவில் தேன் உள்ளபோது உண்பது போலவும், தேன் இல்லாத பூக்களை விலக்கிவிடுவதும் போன்றதாகும்.

இம்மை மறுமை இன்பம்

ஈனுலகத்துஆயின், இசை பெறூஉம்; அஃது இறந்து,

ஏனுலகத்துஆயின், இனிது, அதூஉம்; தான் ஒருவன்

நாள்வாயும் நல் அறம் செய்வாற்கு இரண்டு உலகும்

வேள் வாய் கவட்டை நெறி -360

அறஞ் செய்கின்ற ஒருவன் ஈனுலகத்தாயின் இசை பெறும் இவ்வுலகின் திறத்து ஆராய்வோமாயின் புகழினைப் பெறுவான் இவ்வுலகினின்றும் நீங்கி மறுமை யுலகத்தின்கண் சென்றானாயின் அவ்வுலகமும் இனிதாக ஆகும். (ஆதலின்) நாள்தோறும் நன்மையைப் பயக்கும் அறங்களைச் செய்கின்றவனுக்கு இரண்டுலபிலும் இன்பமும் கவட்டை நெறியின்கண் உளவாகிய கலியாணங்களைப் போலும்.

இம்மை மறுமை இன்பங்களை அறம் எய்துவித்தலால், அதனை நாள்தோறும் செய்க.

அறம் செய்க

மாய்வதன் முன்னே வகைப்பட்ட நல்வினையை

ஆய்வின்றிச் செய்யாதார் பின்னை வழிநினைந்து

நோய்காண் பொழுதின் அறம்செய்வார்க் காணாமை

நாய்காணின் கல்காணா வாறு. -261

மாய்வதன் முன்னே, வகைப்பட்ட நல் வினையை ஆய்வு இன்றிச் செய்யாதார், பின்னை வழி நினைந்து, நோய் காண் பொழுதின், அறம் செய்வார்க் காணாமை, நாய் காணின் கல் காணாவாறு.

நல்வினை என்னும் நற்செயல் செய்யவேண்டிய ஒன்றாக வகைப்பட்டுக் கிடக்கிறது.

ஒருவன் தான் இறப்பதற்கு முன்னர் செய்தாக வேண்டும்.

அதனால் பயன் கிட்டுமா கிட்டாதா என்று ஆராயாமல் செய்ய வேண்டும்.

நோயால் வருந்தும் காலத்தில் அறம் செய்வாரைப் காணமுடியாது.

நோய் இல்லாமல் இருக்கும்போதே செய்திருக்கலாமே என்று வருந்துவாரைக் காண்கிறோம்.

இது எப்படி இருக்கிறது என்றால்,

நாயைக் கண்டால் கல்லைக் காணவில்லை

கல்லைக் கண்டால் நாயைக் காணவில்லை

என்பது போல் இருக்கிறது.

வறுமையில் செம்மை

மடங்கப் பசிப்பினும் மாண்புடை யாளர்

தொடங்கிப் பிறருடைமை மேவார் - குடம்பை

மடலொடு புள்கலாம் மால்கடல் சேர்ப்ப

கடலொடு காட்டொட்டல் இல்.

மடங்கப் பசிப்பினும், மாண்புடையாளர், தொடங்கிப் பிறர் உடைமை மேவார்; குடம்பை மடலொடு புள் கலாம் மால் கடல் சேர்ப்ப! கடலொடு காட்டு ஒட்டல் இல்.

தாழை மரத்தில் இருக்கும் கூட்டில் பறவைகள் சண்டையிட்டுகொள்ளும் இருண்ட கடல் சூழ்ந்த சேர்ப்பு நிலத்தின் வேந்தனே!

கடலில் துரும்பு ஒட்டாது. அதுபோல,

உடல் முழுவதும் செயலற்று மடங்குமாறு பசித்தாலும் மாண்பு உடையவர் பிறர் உடைமைகளை விரும்ப மாட்டார்கள். எண்ணவும் தொடங்க மாட்டார்கள்.

அருள் உரிமை - ஆசிய ஜோதி - கவிமணி தேசிக விநாயகம் பிள்ளை

2025-09-23T15:01:00.003+05:30

2. அருள் உரிமை

தேவதத்தன் அன்னப்புள்ளை எய்தல்

கவிமணி தேசிக விநாயகம் பிள்ளை குமரி மாவட்டத்திலுள்ள தேரூரில் வாழ்ந்த புகழ்பெற்ற கவிஞராவார். எட்வின் அர்னால்டின் ‘Light of Asia’ என்ற நூலைத் தழுவி தமிழில், ஆசிய ஜோதி என்ற நூலை எழுதினார். கௌதம புத்தரின் வரலாற்றையும் அவர்தம் கொள்கைகளையும் விளக்குவதாக இந்நூல் திகழ்கிறது.

விழுமியம் - கருணை

அருள் என்றால் இரக்கம் என்று பொருள் மனிதாபிமானம், ஜீவகாருண்யம், உயிரிரக்கம், கண்ணோட்டம் எனப் பலவாறு இதனை அழைக்கிறோம். இப்பாடலில் அன்னப் பறவையை எய்த தேவதத்தன் அது தனக்குச் சொந்தம் என்கிறான். சித்தார்த்தரோ அப்பறவை இறக்கவில்லை உயிருடன் உள்ளது அது தனக்குச் சொந்தம் என்றார். இருவரின் நோக்கம் என்ன என்று உரைக்கும் இக்கவிதை நிறைவாக இரக்கம் அதாவது அருள் உடையவர்களுக்கே இந்த அன்னப்பறவை சொந்தம் என்று முடிவாகிறது.

உலகம் முழுதும் ஒருகுடை யின்கீழ்
ஆளும் அண்ணல் அரண்மனை யருகில்
மலர்ந்த மலர்கள் மணமிக வீசப்
பொறிவண்டு.ஆடும் பூம்பொழில் மீது,
வடதிசை இமய மாமலை அமர்ந்த (5)
வாழிடம் நோக்கி, வளரும் அன்பால்
உருகிய உள்ளம் ஒழுகிய தென்னப்
பாடியே அன்னப் பறவைகள் வான
வீதி வழியே விரைந்து சென்றன.
செல்வது கண்டு, தேவ தத்தன் - (10)
அரசிளங் குமரற்கு அண்டிய உறவினன்
வில்லினை வளைத்து வெய்யதோர் பாணம்
எய்து நின்றனன்! எய்தஅப் பாணம்
முதன்முதலாக முன்னர்ச் சென்ற
அன்னப் பறவையின் அதன்சிறை யதனில் (15)
படவே: ரத்தம் பாயப் பறவையும்
தளர்ந்து சுருண்டு தரைவில் விழுந்தது.

அரண்மனைக்கு அருகில் ஒரு பூந்தோட்டத்தில் பூக்கள் மணம் வீச, வண்டுகள் ரீங்காரமிட அழகான சோலை, இமயமலை பகுதியிலிருந்து தன்னுடைய சொந்த இருப்பிடத்தை நோக்கி அன்னப்பறவைகள் கூட்டம் அப்படியே வானத்தில் பறந்து சென்றன. அதை சித்தார்த்தன் பார்த்துக்கொண்டிருந்தார். அப்போது, அந்த சித்தார்த்தனுக்கு உறவினனான தேவதத்தன் என்ற ஒரு அரசளங்குமரன் தன்னோட வில்லை வளைத்து எய்த அம்பு அன்னப்பறவைக் கூட்டத்தில் முதலில் பறந்த போயிட்டு அன்னப்பறவை மேல் தைதத்து. அப்பறவை ரத்தம் சொட்ட சொட்ட துடிதுடித்து, சித்தார்த்தன் முன் தரையில் சுருண்டு விழுந்தது.

சித்தார்த்தன் அதை எடுத்தல்

விழுந்த அப்பறவை, மேனி முழுதும்
ஒழுகி ஓடும் உதிரம் புரளத்
துள்ளித் துள்ளித் துடிப்பது கண்டு, (20)
சிந்தை கனிந்து, திருமா மன்னரின்,
செவ்வக் குமாரன் சித்தார்த் தன்போய்,
மலர்ந்து விரியா வாழைக் குருத்தினும்
தண்ணிய கரங்களால் தாங்கி எடுத்து,

மடியில் வைத்து மார்போடு அணைத்துத் (25)
தழுவித் தழுவித் தளர்ச்சி நீக்கினன்.
அப்பால்,
இடக்கையிற் பறவையை ஏந்தி, அம்பினை
வலக்கை யதனால் வாங்கி, வடிந்த
உதிரம் மாற்றி, உறுத்திய புண்ணில் (30)
தேனும் தளிரும் சேர்த்துப் பிசைந்து
பூசியே வருத்தம் போக்கினன்,ஆங்கே
இத்தனை அன்பு காட்டினன் எனினும்
அவன்,
நோவு நொம்பலம் நோயின் தன்னம (35)
இந்நாள் வரையிலும் யாதுஎன அறியான்.
ஆதலின்,
பறவையின் மீது பாய்ந்த அம்பின்
முனையைத் தனது முழங்கை யதனில்
அமுக்கிப் பார்த்தனன்; 'ஐயோ!" என்றனன்; (40)
பரித்து பின்னும் பறவையை எடுத்துத்
தாயினும் இரங்கித் தழுவி அணைத்தனன்.

சித்தார்த்தன் விரைந்து சென்று தன் மென்மையான கரங்களால் தாங்கி எடுத்து தன் மார்புடன் அணைத்துக்கொண்டார். தழுவித் தழுவி அந்த பறவையினுடைய வருத்தத்தைப் போக்கினார். இடக்கையில அந்த அன்னப்பறவையை ஏந்தி அதன்மேல் பாய்ந்த அம்பை வலக்கையில் எடுத்தார். ரத்தம் பெருகி ஓடியது கண்டு வருந்தி அந்தப் புண்ணில் தேனும் தளிரும் சேர்த்துப் பிசைந்து மருந்து பூசி அன்னப்பறவையின் வருத்தம் போக்கினார். வருத்தம், துன்பம், வலி ஏதும் அறியாத சித்தார்த்தன் அந்த பறவையின் மீது இருந்தது அம்பின் முனையை எடுத்து தன்னுடைய முழங்கையில வச்சு அமுக்கி பார்த்து ஐயோ என்று வருந்தினார். பிறகு இந்த வலியை இப்பறவை எவ்வாறு தாங்கும் என்று மேலும் தாய் குழந்தையைத் தாங்குவதுபோல இரக்கத்துடன் தழுவினார்.

சேவகன் பறவையைக் கேட்டல்

சிறிது நேரம் சென்றபின்,
அங்கோர் சேவகன் வந்து தெண்டனிட்டு, 'எங்கள்
அரச குமரன்ஓர் அன்னப் பறவையை (45)
எய்து வீழ்த்தினன்; வீழ்ந்த இடமும்
மலர்மிரு ரோஜா வனமிது வேயாம்;
யாதும் தாமத மின்றி அவனிடம்
அன்னப் பறவையை அனுப்பிடு மாறுஇங்கு
என்னை உன்பால் ஏவினன்" என்றனன் (50)

சேவகன் மொழிஎலாம் சித்தார்த்தன் கேட்டு, இயம்பிய மறுமொழி இயம்பக் கேண்மின்:

சிறிது நேரத்துக்குப் பின் சேவகன் வந்து இந்த சித்தார்த்தன் காலடியில் விழுந்து வணங்கி, ஐயா எங்கள் அரசகுமரன் தேவதத்தன் ஒரு அன்னப்பறவையை எய்து வீழ்த்தினார். அது விழுந்த இடம் நீங்க இருக்கக்கூடிய இந்த ரோஜா வனம் தான். தாமதமின்றி அந்த அன்னப்பறவையை பெற்றுவருமாறு என்னை அனுப்பினான். அதைக்கேட்ட உயிர்களின் மீது அன்பு கொண்ட சித்தார்த்தனின் மறுமொழி சொன்னார்.

சித்தார்த்தன் மறுமொழி

‘எய்த அம்பினால் -பறவை
இறந்து வீழ்ந்திடுமேல்,
எய்த வர்க்காகும் -உரிமை;
யாதும் ஐயமில்லை.

நீண்ட சிறகினிலே-விசைதான்
நின்றி ருப்பதல்லால்,
மாண்ட தில்லை அன்னம்-உயிர்த்து
வாழு கின்றதப்பா!

சந்தேகம் வேண்டாம்-அதனைத்
தரமு டியாதப்பா!
எந்த உயிரையும்-காப்பது
என் கடமையப்பா!"

தேவதத்தன் எய்த அம்பினால் இந்த பறவை இறந்து விழுந்திருந்தால் அப்பறவை அம்பு செலுத்தியவருக்கு தான் சொந்தம். அதில் சந்தேகமில்லை. ஆனால் அந்த தேவதத்தன் விட்ட அம்பு இந்த பறவையின் சிறகில் பட்டு நின்றது. இந்த அன்னப்பறவை சாகவில்லை. இன்னும் உயிருடன் உள்ளது. சந்தேகமே வேண்டாம். அதை தர முடியாது. எந்த உயிரையும் காக்க வேண்டியது என்னுடைய கடமை என்று சேவகனிடம் சித்தார்த்தன் சொன்னார்.

தேவதத்தன் கூறுதல்

சாற்றும் உரைகேட்டுத்-தேவ
தத்தனும் ஓடிவந்து,
சீற்றம் எழுந்தவனாய்-நின்று
செப்பும் மொழியிதுவாம்;

"மடிய நேர்ந்தாலும் உயிர்த்து
வாழ நேர்த்தாலும்,
படியில் வீழ்ந்திடுமேல் - பறவை
பாணம் எய்ந்தவர்க்காம்.

என்கை அம்பினால் - விழுந்த
இப்ப றவையினை,
சங்கை இல்லாமவ்-இங்கே
தந்திடுவாய், ஐயா!"

இவர்கள் பேசும் உரைகேட்டு தேவதத்தன் அங்கு வந்து. கோபத்துடன் சித்தார்த்தனைப் பார்த்து, செத்து போனாலும் சரி உயிரோட இருந்தாலும் சரி இந்த நிலத்தில் விழுந்த இந்த பறவை, யார் அம்பு எய்தார்களோ அவர்களுக்குத்தான் சொந்தம் என்று அப்பறவையைத் தன்னிடம் தருமாறு கேட்டான்.

சித்தார்த்தன் மறுமொழி

சொன்ன மொழிகேட்டான்-ஐயன்
துன்பம் மிக அடைந்தாள்;
அன்னப் பறவையினைக்-கண்னத்தோடு
அணைத்து வைத்துக்கொண்டான் 8

பாரில் உயிரையெல்லாம் - அருளால்
பாது காக்கவந்தோன்,
சீரிய நன்மொழிகள் - உள்ளம்
தெளிந்து கூறுகின்றான்: 9

"இல்லை இல்லையையா! - பறவை
என்பறவை ஐயா!
வல்லடி வழக்கு—நீயும்
வளர்க்க வேண்டாம், ஐயா! 10

தொல்லுலகமெல்லாம் - அருளால்
சொந்த மாக்கவந்தேன்;
வெல்லும் பொருள்களில்-முதலில்
வென்ற பொருளிதாம், 11

எம்ம னிதருமே-உளத்தில்
இரக்க முற்றிடயான்.
செம்மை நெறியினை-நன்கு
தெரிந்து கூறிடுவேன்.

துன்பம் அண்டாமல்--அதனைத்
துரத்தி ஓட்டிடுவேன்;
இன்பம் இவ்வுலகில் - நிலைக்க
என்றும் வென்றிடுவேன்! 13

மனிதர் மட்டுமல்ல-உலகில்
வாழும் எவ்வுயிரும்,
இனிய வாழ்வடையும் வழியை
இனிது காட்டிடுவேன், 14

என்னு ரைகளைநீ - மறுக்கின்,
இன்றே இப்பொழுதே,
மன்னும் நீதிமன்றம்- ஏறி
வழக்கு ரைப்போம், ஐயா" 15

தேவதத்தன் சொன்ன மொழி கேட்டு மிகத் துன்பம் அடைந்த சித்தார்த்தன் அன்னப்பறவையைத் தன் கன்னத்துடன் அனைத்து வைத்துக்கொண்டார். இந்த உலகத்தில் இருக்கக்கூடிய உயிர்களை எல்லாம் கருணையால் பாதுகாக்க வந்த சித்தார்த்தன் சிறந்த நல்ல மொழிகளால் உள்ளம் தெளிந்து பேச ஆரம்பிக்கிறார். இல்லை ஐயா பறவை என் பறவை. மேலும் மேலும் பேசவேண்டாம் வம்பு வளர்க்க வேண்டாம். இந்த பழமையான உலகத்தை எல்லாம் கருணையினால் பாதுகாக்க வந்தவன் நான். நான் வென்ற பொருள்களிலேயே முதலில் வென்ற பொருள் இந்த அன்னப்பறவைதான். எல்லா மனிதருமே மனதில் இரக்கத்தோடு வாழ்வதற்கான நல்ல வழியை தெரிந்து நான் உனக்கு சொல்றேன். துன்பங்கள் நீங்கி இன்பம் இவ்வுலகில் நிலைக்கும் வழியை நான் காட்டுவேன். என் பேச்சை மறுத்தால் இன்றே இப்போதே நீதி மன்றம் சென்று வழக்குரைப்போம் என்று சித்தார்த்தன் தேவதத்தனிடம் உரைத்தார்

நீதிமன்றம் அடைதல்

இருவரும் அப்பால் இசையா ராகி,
அறநூல் கற்றோர் அறிவிற் பெரியோர்,
நடுநிலை நீதி நன்கு கண்டோர்
கூடிய மன்றில் குறைகொண்டு ஏகினர். (5)

ஏகவே,
வழுவற இருதலை வழக்கும் கேட்டு,
மன்றுளோர் தம்முள் வாதம் செய்தனர்;
இதுவே நீதியென்று இயம்பினர் சிலரே;
அதுவே நீதியென்று அறைந்தனர் சிலரே;
யாதும் துணியாது இருந்தனர் சிலரே; (10)
முடிவில்,

இந்நாள் வரையிலும் எவருமே அறியாப்
புலமை மிக்க புரோகிதன் ஒருவன்.
எழுந்து நின்று, யாவரும் கேட்க, 16

அறநூல்களைக் கற்று அறிவில் தெளிந்தோர் உள்ள நீதி மன்றத்தை அடைந்தனர். இருவரின் கருத்துகளையும் கேட்ட சிலர் சித்தார்த்தனுக்கு ஆதரவாகவும் இன்னும் சிலர் தேவதத்தனுக்கு தான் அந்த பறவை சொந்தம் என்றும் கூறுகின்றனர், சிலர் ஏதும் சொல்லாமல் அமைதியாக இருந்தனர். அப்போது அதுவரை எவரும் அறியாத புலமை மிக்க வேதங்களை ஓதும் புரோகிதன் ஒருவன் வந்து யாவரும் கேட்குமாறு பேசினான்.

புரோகிதன் கூறுதல்

'உயிரைக் கொன்றிடவே -முயலும்
ஒருவ னுக்கு அந்த
உயிரின் மேலேதும் - உரிமை
உண்டோ? கூறும் ஐயா! 17

உயிரைக் காப்பவனே- என்றும்
உயிர்க்கு உடையவனாம்;
அயர்வு வேண்டாம், ஐயா!-இதுவே
அறநூல் விதி ஐயா! 18

இன்னும் வீண்வாதம் -பேசி
இருப்பதேன்! ஐயா!
அன்னம் சித்தார்த்தன்-பொருளாம்
ஐய மில்லை, ஐயா' 19

உயிரை கொல்ல முயற்சிக்கும் ஒருவனுக்கு அந்த உயிரின் மேல் எந்த உரிமையுமே கிடையாது. உயிரை காப்பவன் எவனோ அவனுக்குதான் அந்த உயிர் சொந்தம். அதனால் சந்தேகமே வேண்டாம். இதுதான் அறநூல் காட்டும் விதி. இன்னும் வீண்வாதம் பேச வேண்டாம். இந்த அன்னப்பறவை சித்தார்த்தனுக்குதான் சொந்தம் அதில் ஐயமில்லை என்றார் புரோகிதர்.

என்று நீதி எடுத்துண ரச்செய்து
மன்றி லிருந்து மாய் மாக
மறைந்து போயினன்; மறையும் அந்நேரம்,
பையர வொன்று பதுங்கி அவ்வழி
ஊர்ந்து செல்வதை ஒருவன் கண்டனன்,
இற்சில காலை தேவரும் இந்த
வடிவந் தாங் வருவதுண்டு என்பரால்!
யாதோ உண்மை? யாவரே அறிவார்? 20

நீதி உரைத்த புரோகிதர், அந்த நீதிமன்றத்திலிருந்து மாயமா மறைந்துபோனார். அந்நேரம் அந்த வழியாக ஒரு பாம்பு ஒன்று ஊர்ந்து போறத அங்கு இருப்போர் யாவரும் பார்த்தனர். சில நேரங்களில் தேவர்கள் இதுபோல வேறு வடிவம் தாங்கி வருவார்கள் யாருக்குத் தெரியும் என்று பேசிக்கொண்டனர்.

அன்பிலார் எல்லாம் தமக்குரியர் அன்புடையார்

என்பும் உரியர் பிறர்க்கு என்ற திருவள்ளுவரின் கருத்துக்கு ஏற்ப உலகத்து உயிர்கள் யாவும் அன்புடையவர்களுக்கே சொந்தம் என்ற கருத்து இக்கவிதை வழியாகப் புலனாகிறது.

வணக்கம் வள்ளுவ! - ஈரோடு தமிழன்பன் I Vanakkam Valluva

2025-09-07T08:26:00.006+05:30

ஈரோடு தமிழன்பன் அவர்கள், கவிஞர், சிறுகதை ஆசிரியர், புதின ஆசிரியர். நாடக ஆசிரியர், சொற்பொழிவாளர் எனப் பன்முக ஆளுமைகளைக் கொண்டவர். சென்னைத் தொலைக்காட்சி நிலையத்தில் செய்தி வாசிப்பாளராகப் பணியாற்றியவர். தமிழ்நாடு அரசின் இயல், இசை, நாடக மன்றத்தின் நிர்வாகக் குழு உறுப்பினராகவும், தமிழ்நாடு அரசின் அறிவியல் தமிழ் மன்றத்தின் உறுப்பினராகவும் பணியாற்றி உள்ளார். வணக்கம் வள்ளுவ நூலிற்காக 2004 ஆம் ஆண்டு சாகித்ய அகாதெமி விருது பெற்றுள்ளார்.

நவில்தொறும் நயம் தரும் நூலான திருக்குறளுக்கு எண்ணிலடங்கா உரைகள் வந்தாலும் திருவள்ளுவரின் கருத்தை அவரவர் அறிவிற்கேற்ப வாசிப்பவர்கள் புரிந்துகொள்ள இயலும். ஈரோடு தமிழன்பன் அவர்களின் கவிதை திருக்குறள் குறித்த ஆழமான பார்வையின் வெளிப்பாடாக அமைகிறது.

விழுமியம் - வாழ்வியல் நெறி

வண்ணங்களுக்கு அப்பால் போய்

எப்படி

எண்ண முடிந்தது உன்னால்?

என்று திருவள்ளுவரிடம் கவிஞர் கேட்கிறார். மனிதர்களின் நிறங்களைப் பார்த்து உயர்வு, தாழ்வு கருதும் இச்சமூகத்தில் மனிதர்கள் மட்டுமல்ல உயிர்கள் யாவும் பொது, பிறப்பொக்கும் எல்லா உயிர்க்கும்… என்ற வள்ளுவரின் கருத்தே கவிஞரின் கேள்விக்குக் காரணமாக இருக்கவேண்டும்

ஓசை ஒலிகள் காணாத எல்லையில்

போய்

எப்படி உன்னால்

வார்த்தைகள் தேடும் பொருளை

வாரிக் கொண்டுவர முடிந்தது?

குறளில் இடம்பெறும் ஒவ்வொரு சொல்லும் ஒன்றை ஒன்று வெல்வதாகவே உள்ளது பயனிலாத சொல் என்று ஏதும் இல்லை. பொருள் பொதிந்த வார்த்தைகளாக எப்படி உன்னால் தேர்ந்தெடுத்து எழுத முடிந்தது என்று வியக்கிறார்.

தமிழ்க் கிண்ணத்தில்

உலகத்தை எப்படி

நிரப்பி வைத்தாய்?

தமிழுக்குக் கதி என்று கம்பனையும் திருவள்ளுவரையும் சொல்வதுண்டு. தமிழுக்கு அடையாளமான திருக்குறளில் உலகில் மனிதர்கள் வாழத்தேவையான அத்தனை கருத்துகளும் செறிந்துள்ளன அதனையே இவ்வாறு எண்ணிப் பார்க்கிறார்.

காலம்

உன் கருத்துக்களின் சந்திப்பில்

தனது

கோடுகளைக் கரைத்து விட்டது

திருவள்ளுவர் வாழ்ந்த காலத்திற்கு மட்டுமல்ல நாம் வாழும் காலத்திற்கு மட்டுமல்ல எதிர்காலத்திற்கும் மனிதர்கள் நல்வாழ்வு வாழத் தேவையான நற்கருத்துகளைக் கொண்ட நூல் திருக்குறள் என்பதால் காலம் உன் கருத்துகளில் தனது கோடுகளைக் கரைத்துவிட்டது என்றார்.

மானுட ஆன்மிகத்தை முன்மொழிந்த

உன்னைச்

சமய ஆன்மிகம்

தழுவ முடியாமல்

தள்ளி நின்று தவித்தது

உலகப் பொதுமறை எனக் கொண்டாடப்படும் திருக்குறள் தனிப்பட்ட கடவுள், மதம் என சில குறிப்பிட்ட மக்களுக்கான ஆன்மீகத்தைப் பேசாமல் மனிதர்கள் யாவருக்குமான ஆன்மீகத்தைப் பேசியதால் எந்த சமயமும் தனிப்பட்ட உரிமையாக்கிக் கொள்ளமுடியவில்லை என்கிறார்.

இலக்கணம் தவறிய கடவுளர்கள்

உன்

இரண்டடிக்குள் வந்து

தங்களைத்

திருத்திக் கொள்ளும் முன்

மாசு கழுவி

மானுடரை மன்றத்துள்

முந்தி இருக்கச் செய்தாய்

கடவுள் யார்? கடவுளுக்கான இலக்கணம் என்ன? என்றெல்லாம் விவாதம் ஒருபக்கம் நடந்துகொண்டிருக்க. சில கடவுளர் அதற்கான இலக்கணங்களுடன் இருக்கிறார்களா என்று ஆராய்ந்துகொண்டிருக்க திருக்குறள் படித்தவர்கள், குற்றமில்லாத நன்மக்களாக வாழும் நல்வழியைக் காட்டினாய் என்று புகழ்ந்துரைக்கிறார்.

இல்லறக் கதவுகளைத்

திறந்து வந்த

துறவற ஞானிகள்

வேள்வி நெருப்பில்

ஊருக்கு அருள் சமைத்தனர்

பதம் பார்த்துச் சொல்ல

பக்கத்திலேயே

உட்கார வைத்தனர் உன்னை

இல்லறம் துறவறம் இரண்டிலும் எது அறம் என்று பேசினாய்.

மழித்தலும் நீட்டலும் வேண்டா உலகம்

பழித்தது ஒழித்து விடின். (280)

தோற்றத்தைவிட பற்றற்று வாழ்வதே உயர்ந்தது என்று சொன்னதால் இல்லறத்தையும் துறவறத்தையும் நன்கறிந்து மக்கள் வாழும் வகைசெய்தாய் என்று பாராட்டுகிறார்.

போதி மாதவன்

உன் சிந்தனைக்குள் புகுந்து

தானும் சிந்தித்தான்

பற்றுக பற்றற்றான் பற்றினை அப்பற்றைப்

பற்றுக பற்று விடற்கு. (350)

யாதனின் யாதனின் நீங்கியான் நோதல்

அதனின் அதனின் இலன். ( 341)

என்ற கருத்துகளையே புத்தரும் உரைத்தார் என சுட்டிக்காட்டுகிறார்

உண்மை உடை தரித்த

பொய்ப் பொருள்கள்

மெய்ப் பொருள்கள் காணும்

அறிவிடமிருந்து அகலும் வேளை

மங்கிய குரலில் மன்னிப்புக் கேட்டன

எப்பொருளையும் தோற்றத்தை மட்டும் காணாமல் உண்மைக் காண்

யாரிடம் கேட்டாலும் உண்மையை ஆராய்ந்து அறிவதே அறிவு என மெய்பொருளுக்கும் அறிவுடைமைக்கும் வேறுபாட்டை உரைத்த திருவள்ளுவரின் அறிவு நுட்பத்தை எடுத்துரைக்கிறார். திருக்குறள் கற்றோர் பொய்ப்பொருள்களை இனம்காண்பர் என்பது கவிஞர் கருத்து.

விருஷப தேவரின் மவுனத்தைப்

பெருக்காத இரத்தப் பெருக்கிற்கு அப்பால்

இருந்த

உயிர்க்குலத்தின் உதடுகளில்

உட்கார்ந்து உச்சரித்தாய்

கருவறைகளில்

சமத்துவ சாசனம் வரைந்து உன்

வார்த்தைகள்

நியாய வாசம் வீசின

தராசு முள்களை மழுங்கடித்த

மனு தர்மத் தட்டுகளில்

மனிதச் சதைகளை எடைபோடும்

சந்தைக்குள் சந்தேகங்களின்

எடை கனத்தது

கொல்லாமை, கள் உண்ணாமை போன்ற சமண சமயக் கருத்துகளும் திருக்குறளில் உண்டு. மனு தர்ம சாத்திரங்களைப் போல மனிதர்களைப் பாகுபாடு கருதாமல் செயற்கரிய செய்வார் பெரியர் சிறியர்

செயற்கரிய செய்கலா தார். (26) என்று உரைத்த திருவள்ளுவரின் மாண்பை எண்ணிப்பார்க்கிறார். திருக்குறள் படித்தவர்கள் மனிதர்களுக்குள் பாகுபாடு தேவையா என்று சிந்திப்பார்கள் என்பதை உணர்த்தியுள்ளார்.

வழிபாடுகளையும் வரிகளையும்

வற்புறுத்திய தெய்வ பிம்பங்களிலிருந்து

மன்னர்களை உரித்தெடுத்தாய்

முறைசெய்து காப்பாற்றும் மன்னவன் மக்கட்கு

இறையென்று வைக்கப் படும்.(388)

என்று இறை மாட்சியில் இறைவன் என்பவன் அரசன் என்ற சிந்தனைப் பகுத்துணர்த்துகிறார்.

அரசர்களின் இதயங்களில் இருந்து

ஆணையிட்டுக் கொண்டிருந்த

அதிகாரங்களை அப்புறப்படுத்தி விட்டு

மக்களை அங்கு நீ அமர வைத்தாய்!

காட்சிக் கெளியன் கடுஞ்சொல்லன் அல்லனேல்

மீக்கூறும் மன்னன் நிலம். (386)

என்று மக்கள் நலனே மன்னர் கடன் என்றாய்.

பாதி அச்சமும் பாதி வெட்கமுமாய்க்

குடிமக்கள்

அரசர்கள் செங்கோலைத் தமது

விரலோரத்தை அனுப்பித்

தொட்டுப் பார்த்தனர்

செங்கோன்மை, கொடுங்கோன்மை, வெருவந்த செய்யாமை போன்ற அதிகாரங்களில் மன்னருக்கும் மக்களுக்குமான உறவை எடுத்துரைத்தாய்..

படையால் கிடைப்பதைவிட நல்லாட்சியால் கிடைப்பதே வெற்றி என்று புரியவைத்தாய்.

மன்னர்களின்

வாளை, வேலை, கோட்டை,

கொத்தளத்தைத்

தூக்கிக்கொண்டலைந்த வார்த்தைகள்

மக்களை இரக்கத்தை, நீதி நேர்மையைத்

தோள்களில் சுமந்தன

அரசர்களைப் பற்றி எழுதுவதே இலக்கியம் என்று அரசர்களின் வீரம், கொடை பேசிய இலக்கியங்களுக்கு நடுவே மக்களையும், இரக்கதையும், நீதியையும் நேர்மையையும் பேசிய திருவள்ளுவரின் உள்ளத்தை சுட்டிக்காட்டுகிறார்.

மக்கள் தலைக்குமேல் உன் குறட்பா

குடை பிடித்தது

மன்னர்கள் நினைவுக்குள் பெருகியது

நிழல் வெள்ளம்

மக்கள் குறள் காட்டும் அறவழி வாழ்ந்ததும், அரசர்கள் மக்களிடம் கருணையுடன் நடந்துகொள்ளவேண்டும் என்ற நினைவுடன் ஆட்சிசெய்ததும் குறள் காட்டும் தமிழகமாக கண்முன் விரிகிறது.

அறங்களைப் பேசிய நீயே

காதலர் கண்களில் மலரும்

கவிதைகளுக்கு

அர்த்தம் சொல்ல முற்பட்டது

விந்தைதான்

அறத்தையும் பொருளையும் பேசிய திருவள்ளுவர் இன்பத்துப்பாலில் காதலர்களின் களவு, கற்பு பற்றி பேசியதை எண்ணி வியக்கிறார்.

அனிச்சமும் அன்னத்தின் தூவியும் மாதர்

அடிக்கு நெருஞ்சிப் பழம். (1120)

செல்லாமை உண்டேல் எனக்குரை மற்றுநின்

வல்வரவு வாழ்வார்க் குரை.(1151)

என்ற குறள்களை நோக்கும்போது ஈரோடு தமிழன்பன் கூறியதில் வியப்பென்ன என்று தோன்றுகிறது.

ஒரு சொல்லுக்கும்

மறு சொல்லுக்கும்

இடையே

ஒரு நூறு வானத்திற்கும்

ஒரு நூறு கடலுக்கும்

இடம் வைத்திருக்கும் உன் நூலின்....

இன்பத்துப் பாலில்

தமிழ்த்தாய் தனது கன்னிமைக் காலத்துக்

கனவுகளை ஆசையோடு அள்ளிக்

கொள்கிறாள்!

அணுவைத் துளைத்தேழ் கடலைப் புகட்டிக்
குறுகத் தறித்த குறள் என்று ஔவையார் குறளைப் பற்றி கூறியது போல சொற்சுருக்கமும் பொருட்பெருக்கமும் கொண்ட நூல் திருக்குறள் என்பதையும் அதில் இன்பத்துப்பால் தமிழ்த்தாயின் இளமைப் பருவத்தைக் காட்சிப்படுத்துவதாகவும் நயம்பட உரைத்துள்ளார்.

தொல்காப்பிய வாசற்படி விட்டிறங்கிய

கைக்கிளை

நீ பார்த்த பார்வையில்

நூற்பாவுக்குள் ஓடி நுழைந்து

வேர்வை துடைத்துக் கொண்டது.

கைக்கிளை என்பது தலைவன் அல்லது தலைவி ஆகிய இருவரில் ஒருவரிடத்தில் மட்டும் தோன்றும் ஒருதலைக் காமத்தைக் குறிக்கும்.

கைக்கிளை ஒழுக்கம் சிறுபான்மையோர் ஒழுக்கம் என்றும் அன்பின் ஐந்தினைகளுள் வாராது என்றும் கருதிய நிலையில், திருக்குறளில் ஒருதலைக் காதலைத் தவறு என்று வள்ளுவர் குறிப்பிடவில்லை என்பதால் ஒருதலைக் காதலைப் பெருமையாகப் பேசியதால் கைக்கிளை வேர்வை துடைத்துக் கொண்டதாகக் குறிப்பிடுகிறார்.

கைக்கிளையின்

கைகளைப் பற்றிக் கொண்டு

விசாரித்த பெருந்திணை

கைவிட்டுவிட்டது

குறட்பாவுள் இடம் கேட்டுக் கோரிக்கை

வைப்பதை.

பொருந்தாக் காமமான பெருந்திணையைப் பற்றி திருவள்ளுவர் பேசவில்லை என்பதால் பெருந்திணை குறளில் இடம்கேட்பதை விட்டுவிட்டதாக மொழிகிறார்.

பரத்தையர் பார்வை விழுந்து

காமத்துப்பால் திரிந்து போகாமல் நீ

பாதுகாத்தது சரிதான்; ஆனால்

வரைவின் மகளிர், பெண்வழிச் சேறல்

பற்றியெல்லாம் நீ பேசியவை சரியா?

இருமனமுடைய விலைமகளிர், கள், சூது ஆகியன தீயோர் வழி என்று பரத்தையர் பற்றிய திருவள்ளுவரின் சிந்தனைகள் ஏற்கத்தக்கதாக இருந்தாலும்.

பெண்ணேவல் செய்தொழுகும் ஆண்மையின் நாணுடைப்

பெண்ணே பெருமை உடைத்து. (907)

போன்ற சில குறள்களில் ஆணாதிக்க சிந்தனை வெளிப்படுவதையும் சுட்டிக்காட்டுகிறார். சில கேள்விகள் இருந்தாலும் அவர் அவ்வாறு கூறியதற்கு அவர் வாழ்ந்து சூழலும் ஒரு காரணமாக இருக்கலாம் என்று புரிந்துகொள்ளமுடிகிறது.

இப்படி.

வினாக்கள் எம்மிடம் இருந்தாலும்

எப்படிக் கேட்பது உன்னை?

இசையைத் தூக்கிலே போட்டவர்களோடு

பாடல், விவாதம் நடத்தச் சம்மதிக்குமா?

என்று உன்னிடம் பல கேள்விகள் இருந்தாலும் அதைக் கேட்க எங்களுக்கு என்ன தகுதியிருக்கிறது. நீ சொன்ன எதை நாங்கள் பின்பற்றிவருகிறோம். அதனால் எங்களிடம் பேச உனக்கு எப்படித் தோன்றும் என்பதை இசையைத் தூக்கிலிட்டவர்களுடன் பாடல் விவாதம் நடத்த சம்மதிக்குமா என்று கேட்கிறார்.

உன் இரண்டடிகளில்

வேர்வைத்து வளர்ந்த வெளிச்சம்

சூரியனில், நிலாவில், நட்சத்திரங்களில்

வளர்கிறது

எங்கள் வாழ்க்கையிலும்

வளர்கிறது என்று

எப்போது நாங்கள் சொல்வோமோ?

என்றாலும் திருக்குறள் தந்த ஞானச் சுடர் மனித குல வளர்ச்சியில் மிகப்பெரியது என்பதை நன்றியுடன் எடுத்தியம்புகிறார்.

தம்மின்தம் மக்கள் அறிவுடைமை மாநிலத்து

மன்னுயிர்க் கெல்லாம் இனிது. (68)

என்று திருக்குறளின் வெளிச்சம் சூரியன், நிலவு, நட்சத்திரங்களில் வளர்கிறது என்று மனிதகுல வளர்ச்சியில் திருவள்ளுவருக்கு செலுத்தவேண்டியை நன்றியை எப்படி செலுத்துவது எனறு திகைத்து நிற்கிறார்.

உன் கண்களில்

குளித்தெழுந்த ஈரம்

பனியில், மழையில்,

கவிதைகளில் இருக்கிறது.

எங்கள் உள்ளங்களில்

இருக்கிறது என்று

எப்போது நாங்கள் சொல்வோமோ?

அன்பிலார் எல்லாம் தமக்குரியர் அன்புடையார்

என்பும் உரியர் பிறர்க்கு. (72) என்றும்,

மனித வடித்தோடு மட்டுமின்றி மனிதத்தன்மையோடு வாழ வழிகாட்டிய திருக்குறளின் சிந்தனைகளால் மனித உள்ளங்கள் இன்னும் ஈரத்துடன் உள்ளது என்று நன்றி கூறுகிறார் ஈரோடு தமிழன்பன்.

திருக்குறள் பெரிய மொழி மாதிரி நுண் பயிற்சி-Thirukkural Large Language Model (LLM) Fine-tuning

2025-08-31T09:10:00.004+05:30

நவில்தொறும் நயம் தரும் நூல் திருக்குறள். அதனால் கற்போரின் அறிவுக்கேற்ப புதிய புதிய சிந்தனைகளைத் தருகிறது. இன்றைய செயற்கை நுண்ணறிவு வளர்ச்சியால், பல வடிவங்களில் இணையத்தில் தரவுகளாக இந்நூல் கிடைக்கின்றது. திருக்குறளின் மூல பாடம், உரை தொடர்பான விளக்கங்களை உரை, ஒலி, காணொலி, குறுஞ்செயலி, சொல்லடைவு, தொடரடைவு வடிவிலும் பெறமுடிகிறது. திருக்குறள் ஏஐ என்ற தளம் ஒரு தேடுபொறிபோல செயல்படுகிறது. சாட் ஜி.பி.டி, ஜெமினி போன்ற செயற்கை நுண்ணறிவு உரையாடிகள் வழியாக குறள் விளக்கங்களைப் படங்களாகவும், காணொலிகளாகவும் உருவாக்கமுடிகிறது. என்றாலும் பதில்களின் துல்லியத்தன்மை, நம்பகத்தன்மை குறைவாகவே உள்ளது. இச்சூழலில் LLM என அழைக்கப்படும் பெரிய மொழி மாதிரிகளை திருக்குறளுக்கென நுட்பமாக வடிவமைத்தல் மற்றும் அவற்றுக்கான நுண்பயிற்சியளித்தல் காலத்தின் தேவையாகிறது.

திருக்குறள்- பெரிய மொழி மாதிரிகள், நுண்பயிற்சி

பொதுவான LLM மாதிரிகள், இணையத்தில் உள்ள பல்லாயிரக்கணக்கான தரவுகளைக் கொண்டு பயிற்சி பெற்றிருக்கும். சாட் ஜிபிடி, ஜெமினி போன்ற உரையாடிகள் இலவசம், கட்டணம் என இருநிலைகளில் பயன்படுத்தப்படுகின்றன. அதற்கேற்ப தேடல் முடிவுகளும் வேறுபடுகின்றன. ஜெமினி உரையாடி, ஜூலை 10-2025 தேதி வரையிலான தரவுகளைத் தமிழில் வைத்திருப்பதாக குறிப்பிடுகிறது. ஆனால், திருக்குறள் போன்ற ஒரு குறிப்பிட்ட துறை சார்ந்த, ஆழமான அறவியல் கருத்துகளைக் கொண்ட ஒரு இலக்கியத்தைப் புரிந்துகொள்ளவும், அதிலிருந்து துல்லியமான பதில்களை உருவாக்கவும் இதுவரை உள்ள தரவுகள் போதுமானவை அல்ல. ”LLM-கள் மனித மொழியைப் புரிந்துகொண்டு, அதைப் பகுப்பாய்வு செய்து, உகந்த பதில்களை உருவாக்கும் திறன் கொண்டவை. இவை Pretraining மற்றும் Fine-Tuning போன்ற செயல்முறைகள் மூலம் பயிற்சி பெறுகின்றன” (என்கிறார் கணியம் தமிழரசன் (2025). அதனால் திருக்குறளுக்கென பெரிய மொழி மாதிரிகளை உருவாக்கி ஜெமினி போன்ற உரையாடிகளுக்கு நுண்பயிற்சி (Fine-tuning) செய்வதன் மூலம், இக்கருவிகள் வழியாக திருக்குறள் தொடர்பான துல்லியமான பதில்களைப் பெறமுடியும்.

விரிதரவு (Corpus)

இயற்கை மொழி செயலாக்கத்தில் (Natural Language Processing - NLP), விரிதரவு (Corpus) என்பது ஒரு பெரிய, கட்டமைக்கப்பட்ட மொழித் தரவுத் தொகுப்பாகும். இது மொழியியல் ஆய்வுகளுக்கும், மொழி மாதிரிகளைப் பயிற்றுவிப்பதற்கும் பயன்படுத்தப்படுகிறது. விரிதரவு, மூல உரை (Plain Corpus) மற்றும் இலக்கண, மொழியியல் விவரங்கள் கொண்ட விரிதரவு (Tagged Corpus) என இருவகைப்படும். திறந்த மூல உரிமத்துடன் கிடைக்கும் தரவுகள் பெரிதும் மூல உரை விரிதரவாகவே உள்ளன. அதனால் திருக்குறளுக்கான, இலக்கண, மொழியியல் விளக்கத்துடன் கூடிய தரவுகளை உருவாக்கவேண்டிய தேவை உள்ளது.

1. பெரிய மொழி மாதிரி விளக்கம் -Large Language Model (LLM)

பெரிய மொழி மாதிரி என்பது ஒரு வகை செயற்கை நுண்ணறிவு ஆகும். இது இணையத்தில் உள்ள பல்வேறு உரைத் தரவுகளைப் (Text data) பயிற்சி செய்வதன் மூலம் மொழி பற்றிய ஆழமான புரிதலைப் பெறுகிறது. “மனித மொழியைப் புரிந்துகொள்ளவும், உருவாக்கவும் பயிற்சி பெற்ற ஆழமான கற்றல் (Deep Learning) நுட்பங்களைப் பயன்படுத்தி வடிவமைக்கப்பட்ட கணினி நிரலாகும்”

என்ற விளக்கம் விக்கிப்பீடியாவில் உள்ளது. திருக்குறளை, இலக்கணம் மற்றும் மொழியியல் பகுப்பாய்வு அடிப்படையில் பெரிய மொழி மாதிரியாக உருவாக்கி நுண்பயிற்சி வழங்கினால் மேலும் துல்லியமான தேடல் முடிவுகளைப் பெறமுடியும்.

2. தரவுத் தயாரிப்பு (Data Preparation)

குறள் எண், மூலபாடம், சொல் பகுப்பாய்வு, அதிகார விளக்கம், தொடர்புடைய அரிகாரங்கள், இணைச் சொற்கள், உரை விளக்கம்1,2, ஆங்கில உரை, உணர்வுப் பகுப்பாய்வு, குறள் தொடர்பான கேள்வி பதில், படம் மற்றும் காணொலி தொடர்பான குறிச்சொற்கள், விலங்கு, பறவை, தாவரங்கள் தொடர்புடைய குறள்கள், மையக்கருத்து, பயன்பாட்டுச் சூழல், உவமை தொடர்பான செய்திகள் என மிகப்பெரிய அளவிலான தரவுகளை உருவாக்குதல் வேண்டும். இத்தரவுகளை கூகுள் விரிதாள், அல்லது எம்.எஸ். விரிதாளிலில் உருவாக்கி CSV கோப்பு வடிவில் சேமிக்கவேண்டும்.பிறகு JSONL வடிவில் மாற்றிக்கொள்ளலாம். திருக்குறளுக்கான பெரிய மொழி மாதிரித் தரவுகளுள், செல்வகுமாரின் தரவு குறிப்பிடத்தக்கதாக உள்ளது. இதில்,

“இந்த dataset JSONL (JSON Lines) format-ல் உள்ளது. ஒவ்வொரு திருக்குறளுக்கும் அதன் பல்வேறு உரைகள் சேர்த்து கொடுக்கப்பட்டுள்ளன. திருக்குறளை chat-style question-answer format-ஆக fine-tune செய்யலாம்“என்ற குறிப்புடன் இத்தரவு உள்ளது. மேலும், திறந்த மூல உரிமத்துடன் திருக்குறளுக்கான பல தரவுகள் உருவாக்கப்பட்டிருந்தாலும் திருக்குறளின் ஆழமான கருத்துகளை வெளிப்படுத்த மேலும் பல நுட்பங்களுடன் மொழி மாதிரிகளை உருவாக்கவேண்டும்.

3. தரவு முன் செயலாக்கம் (Data preprocessing)

தரவுகளில் எழுத்துப் பிழைகள், இலக்கணப் பிழைகள், அல்லது கருத்துப் பிழைகள் இருந்தால் அவற்றைச் சரிசெய்யவேண்டும். “தரவை சுத்தம் செய்து, ஒழுங்கமைத்து பயிற்சிக்கு ஏற்றவாறு மாற்றவேண்டும். தரவு முன் செயலாக்கத்தின் முக்கிய நோக்கம் தரவின் தரத்தை மேம்படுத்துவது“(ஜெயஸ்ரீ சுவாமிநாதன்,2024) என்று செயற்கை நுண்ணறிவு நூல் குறிப்பிடுகிறது.

4. சொல் பகுப்பு (Tokenization) அணுகுமுறைகள்

இலக்கண, மொழியியல் அடிப்படையிலான சொல் பகுப்பு நுண்பயிற்சிக்கு ஏற்றதாகும். பெரிய உரைத் தொகுப்பை, சிறிய, தனித்தனி அலகுகளாகப் பிரித்து வழங்குவதால் பெரிய மொழி மாதிரிகள் எளிதில் புரிந்துகொள்ளும். நுண் பயிற்சியில் சொல்பகுப்பு என்பது LLM-க்கு மனித மொழியைப் புரிந்துகொள்ள உதவும் ஒரு பாலமாகும். ”சொல் பகுப்பு சரியாக இருந்தால், (Parts of Speech -POS Tagging) விதி அடிப்படையிலான பகுப்பாய்வுக்கும் இயந்திரக் கற்றலுக்கும் எளிமையாக இருக்கும்“என்பார் ரீமா தெரசா(2024). மொழி தெரியாத ஒருவருக்கு உடலசைவு மொழி அவரின் கருத்தை வெளிப்படுத்த எவ்வளவு துணைபுரிகிறதோ அதுபோல சொல் பகுப்பு நேர்த்தியாக இருந்தால் நுண்பயிற்சிக்குப் பின் துல்லியமான முடிவுகளைப் பெறமுடியும்.

5. பயிற்சிக்கான மாதிரியைத் தேர்ந்தெடுத்தல்

ஜெமினி API, OpenAI chat models, Llama 2 போன்ற பல மொழி மாதிரிகள் உள்ளன. “கூகுள் ஏஐ ஸ்டுடியோ“ 6 (Application Programming Interface) மேம்படுத்துநர்கள், ஆற்றல்வாய்ந்த பெரிய மொழி மாதிரிகளை அணுகி, தங்கள் சொந்தப் பயன்பாடுகள், சேவைகள் மற்றும் தயாரிப்புகளில் ஒருங்கிணைக்க உதவுகிறது. உரை உள்ளீட்டிற்கு மட்டுமல்லாமல், படங்கள், ஒலி போன்ற உள்ளீடுகளுக்கும் பதிலளிக்கும் திறன், மொழிபெய்ப்புத் திறன் திருக்குறள் நுண்பயிற்சிக்குப் பெரிதும் உதவும்.

6. நுண்பயிற்சி செயல்முறை (Fine-tuning Process)

“கூகுள் கிளவுடின் வெர்டெக்ஸ் AI என்பது ஜெனரேட்டிவ் AI ஐ உருவாக்குவதற்கும் பயன்படுத்துவதற்கும் முழுமையாக நிர்வகிக்கப்படும், ஒருங்கிணைந்த AI மேம்பாட்டு தளமாகும்“ (கிளவுட் கூகுள்,2025) gemini-2.5-flash, gemini-2.5-pro போன்ற மாதிரிகளில் ஒன்றைத் தேர்ந்தெடுக்கலாம். Generative AI Studio சென்று, "Tune Model" அல்லது "Create a Custom Model" போன்ற விருப்பத்தைத் தேர்ந்தெடுத்து நுண்பயிற்சி வழங்கலாம். பயிற்சி முடிந்ததும், புதிய நுண் பயிற்சி செய்யப்பட்ட மாதிரி வெர்டெக்ஸ் AI இல் கிடைக்கும். நுண்பயிற்சி வழங்கியபின் சரிபார்ப்புத் தரவுத் தொகுப்பைக் (validation dataset) கொண்டு மதிப்பீடு செய்யவேண்டும். பிறகு அதில் உள்ள குறைகளை நீக்கி மேம்படுத்தவேண்டும்.

7. தனிப்பட்ட தேடுபொறி (CSE)

மேற்கண்ட செயல்முறைகள் கட்டணத்துடனும் அதிகமான தொழில்நுட்ப சிக்கல்களுடனும் மேற்கொள்ளப்படும் என்பதால் வலைப்பதிவு, இணையதளம் போன்ற தளங்களில், வலைத்தள உரிமையாளர் தங்கள் தளத்தில் கூகிளின் தேடல் தொழில்நுட்பத்தைப் பயன்படுத்தி தனிப்பயனாக்கப்பட்ட தேடுபொறியைச் சேர்க்க அனுமதிக்கும் ஒரு சேவை உள்ளது. “(Google Custom Search Engine - CSE)“ (Google Custom Search Engine,2025) நாம் விரும்பும் இணையதளத்தில் திருக்குறள் போன்ற குறிப்பிட்ட பக்கங்களை பெரிய மொழி மாதிரிக்கான தரவுகளுடன் பக்கங்களாக உருவாக்கி அந்த பக்கங்களின் முகவரி மற்றும் முதன்மைப் பக்க முகவரியை கூகுள் தனிப்பயனாக்க தேடுபொறிப் பக்கத்தில் இணைத்து அதன் தேடல் பெட்டியை விரும்பும் இணையதளத்தில் இணைக்கவேண்டும். குறிப்பாக பார்வையாளர்கள் தேடும்போது நாம் குறிப்பிட்ட பக்கங்களுக்கு முன்னுரிமை வழங்கவேண்டும் என்று தேர்ந்தெடுத்தால் ஓரளவுக்குத் துல்லியமான உரைத் தேடல் முடிவுகளைப் பெறமுடியும். இவ்வாறு திருக்குறளுக்கான தரவுகளை உள்ளீடுசெய்து தனிப்பயனாக்கப்பட்ட தேடுபொறி, “வேர்களைத்தேடி“ (https://www.gunathamizh.com/) என்ற தளத்தில் வெளியிடப்பட்டுள்ளது. ஆனால் படம் உருவாக்குதல், வீடியோ உருவாக்குதல், கவிதை, கதை உருவாக்குதல் என பல்லூடகம் சார்ந்த முடிவுகளைப் பெற இந்த நுட்பம் போதுமானதல்ல.

8. பயன்கள், தடைகள்,எதிர்காலம் (Gen AI, AI Agent)

திருக்குறளுக்கென தனிப்பட்ட பெரிய மொழி மாதிரியை உருவாக்கினால், திருக்குறள் தொடர்பான துல்லியமான செய்திகளை, எழுத்து வடிவில் கதையாகவே, கவிதையாகவோ பெறமுடியும். திருக்குறள் செயற்கை நுண்ணறிவு உரையாடி, படம் உருவாக்கம், காணொலி உருவாக்கம், விளையாட்டு உருவாக்கம், கேள்வி பதில் உருவாக்கம், அதிகாரத்தின் சுருக்கமான கருத்து, குறளில் இடம்பெறும் உணர்வுகளை அறிதல், மொழிபெயர்ப்பு என பல பயன்களைப் பெறமுடியும்.

இலக்கண, மொழியியல் அடிப்படையிலான சொல் பகுப்பாய்வு, பல்வேறு உரைகளில் நடுநிலையுடன் சரியான உரையைத் தேர்ந்தெடுத்தல், வெகுளி, கேண்மை போன்ற பொருள் மாறிய, வழக்கொழிந்த சொற்களுக்கு இணையான சொற்களைப் பரிந்துரை செய்தல், உரைத் தரவுகள் மட்டுமின்றி ஒலி, படம், காணொலி உருவாக்குதலுக்கேற்ற தரவுகளை உருவாக்குதலில் அச்சுவடிவில் உள்ள பல நூல்களை ஒருங்குறியாக மாற்றுதல் மதிப்பீடு செய்யப்பட்ட படைப்பாக்கப் பொதும அடிப்படையிலான தரவுகளைப் பெறுதல் பெரிய தடையாக உள்ளது.

எதிர்காலத்தில் திருக்குறளுக்கென தனியான தேடுபொறி, உரையாடி, திருக்குறளுக்கென மெய்நிகர் ஆசிரியர் அல்லது கற்பித்தல் உதவியாளர் என பல வியக்கத்தக்க செயற்கை நுண்ணறிவுக் கருவிகளை உருவாக்கமுடியும்.

நிறைவுரை

திருக்குறளுக்குப் பல்வேறு உரைகள் காலந்தோறும் எழுதப்பட்டுள்ளன. ஒரு குறளுக்கு பல்வேறு விளக்கங்கள் உள்ளன. இந்நூலில் உள்ள பல சொற்கள் வழக்கொழிந்துவிட்டன. மதச்சார்பற்ற நூல் என்பதைக் கருத்தில் கொண்டு திருக்குறளுக்கான பெரிய மொழி மாதிரியை உருவாக்குதலில் சில தடைகள் இருந்தாலும் திட்டமிட்டு உருவாக்கினால் தமிழ் மொழியின் பெருமையை உலகறியும் என்பது மட்டுமின்றி மனிதகுலம் பயன்பெறும்.

குறிச்சொற்கள்

திருக்குறள், பெரிய மொழி மாதிரி, இயற்கை மொழி செயலாக்கம், நுண்பயிற்சி, செயற்கை நுண்ணறிவு, (Natural Language Processing - NLP), Large Language Model (LLM), Fine-tuning), Artificial Intelligence, Gen AI

References

1. தமிழரசன்,(2025, February 6). LLM-களின் கட்டமைப்பு மற்றும் செயல்பாடு. கணியம். Retrieved from http://kaniyam.com/large-language-models-workings-in-tamil/

2. பெரிய மொழி மாதிரி,. Retrieved August 01, 2025, from https://ta.wikipedia.org/wiki/பெரிய_மொழி_மாதிரி

3. செல்வக்குமார்துரைப்பாண்டியன், திருக்குறள் Dataset. Retrieved August 01, 2025, from https://huggingface.co/datasets/Selvakumarduraipandian/Thirukural

4. ஜெயஸ்ரீ சுவாமிநாதன். (April, 2024) p60. செயற்கை நுண்ணறிவு எதிர்காலத்தை வடிவமைக்கும் நண்பன் (I ed.). Chennai: NCBH.

5. Reema Thareja, Artificial Intelligence. Classical AI. 2023, p365.

6. ஏஐ ஸ்டுடியோ கூகுள். Retrieved from (2025)https://aistudio.google.com/

7. கிளவுட் கூகுள். Retrieved 2025, from (2025). https://cloud.google.com/vertex-ai

8. கூகுள் தனிப்பயன் தேடுபொறி,Google Custom Search Engine - CSE. Retrieved 2025, from https://programmablesearchengine.google.com/about/

9. வேர்களைத்தேடி, Retrieved from (2025) https://www.gunathamizh.com/p/blog-page_8.html

(29.08.2025 அன்று கோயம்புத்தூர் பி.எஸ்.ஜி கிருஷ்ணம்மாள் மகளிர் கல்லூரியில் தமிழ் அநிதத்துடன் இணைந்து நடத்திய தமிழ் செயற்கை நுண்ணறிவு 2025 கல்வியியல் மாநாட்டில் வழங்கிய கட்டுரை)

நன்றி

மலையாளக் காற்று - சிற்பி

2025-08-19T10:39:00.007+05:30

சிற்பி பாலசுப்பிரமணியம் அவர்கள் கவிஞர், மொழிபெயர்ப்பாளர், பேராசிரியர், இதழாசிரியர் என பன்முகத் திறன்கொண்டவர். பாரதியார் பல்கலைக்கழகத்தில் தமிழ்த்துறைத் தலைவராகப் பணியாற்றியவர். அக்கினி சாட்சி நாவலுக்காகவும், ஒரு கிராமத்து நதி என்ற கவிதை நூலுக்காகவும் என இருமுறை சாகித்திய அகாதமி விருது பெற்றவர். தமிழக அரசின் பாவேந்தர் விருது, கபிலர் விருது, எனப் பல விருதுகள் பெற்றவர்.

பண்டைய சேரநாடே இன்றைய கேரளம். கேரளம், தமிழகத்துக்குப் பலவளங்களைத் தந்துள்ளது. தமிழகத்துக்கும் கேரளத்துக்குமான உறவை நினைவுகொள்வதாகவும், கேரளத்தின் கொடைகளைப் பட்டியலிடுவதாகவும் இக்கவிதை அமைகிறது. காற்றுக்கு ஏது மொழி. இங்கு மலையாளக் காற்று என்பது குறியீடாக அமைகிறது.

‘’காற்றே வா

மலையாளக் காற்றே வா

இளங்காலைப் போதில்

தெருவே மணக்கவரும் பூக்காரிபோல்

வாசனை நடைபோட்டு வா

இளம்காலைப் பொழுதில் தெருவே மணம் வீசும்படி பூக்களைச் சுமந்து வருகிற பூக்காரி போல நல்ல வாசனையோடு நடைபோட்டு வா’ என்று மலையாள இலக்கியத்தை, நட்பை, வளத்தை வரவேற்கிறார்.

தாய்வீடு வரும் செல்வமகள் உனக்கு

அடையா நெடுங்கதவாய்த்

திறந்தே கிடக்கும்

பாலக்காட்டுக் கணவாய்

மலையாளத்திற்குத் தாய் தமிழ்மொழி என்பதால், ‘தாய்வீடு வரும் மகளே உனக்கு எங்கள் அடைக்கப்படாத நீண்ட கதவுகள் திறந்தே இருக்கும்’ என்று மலையாளம் என்ற மகளை அழைக்கிறார். (கணவாய் என்ற சொல்லுக்கு மலைப்பாதை என்று பொருள்.)

அரபிக் கடலின் நீலச் சுரங்கத்தில்

புதையல் எடுத்து

திமிரோடு கரையணைக்கும்

அலைச்சுகத்தை அள்ளிவா

சங்கம்புழைக் கவிதைகள் போல்

அடர்ந்து செறிந்த தேக்குமரக் காடுகளின்

தோளில் உராய்ந்து வா

தென்னை மரங்களைக் கதகளி ஆடவிட்டு

மிளகுக் கொடிகளோடு கண்ணாமூச்சி ஆடிவா

அரபிக்கடலின் நீலச்சுரங்கத்தில் வளமாகிய புதையலை எடுத்து கரையில் சேர்க்கும் அலைகளின் சுகத்தை மலையாளக்காற்றே எடுத்துக்கொண்டு வா!

பிரபல மலையாளக்கவிஞர் சங்கம்புழைக் கிருஷ்ணப்பிள்ளையின் கவிதைகள் அடர்த்தியான பொருள் செறிவு உடையவை இதனை அடர்ந்த தேக்குமரக்காடுகளுக்கு உவமையாக்கி காற்றே நீ அந்த காடுகளின் தோளில் உராய்ந்து வா என்கிறார்

கேரளாவில் தென்னைமரங்களும் மிளகும் வளம்பெருக்குகின்றன.மேலும் கதகளி அங்கு சிறந்த நடனம் எனவே

‘’ தென்னை மரங்களைக் கதகளி ஆடவிட்டு மிளகுக்கொடிகளோடு

கண்ணாமூச்சி ஆடிவா’’என்றும்

பச்சைக் கிளிகளைப் போல்

பலா இலைகள் பறக்கவும்

மஞ்சள் கிளிகளைப் போல்

தாழம்பூக்கள் சிறகடிக்கவும்

விந்தைகள் செய்யும் மோகினி வா

பச்சைக்கிளிகளைப்போன்ற பலா மர இலைகள் உதிர்ந்து பறக்கவும் மஞ்சள் கிளிகளைப்போன்ற தாழம்பூக்களைச் சிதற அடித்தவாறும் காற்றே நீ விந்தை செய்யும் மோகினியைப்போல வா என்றும் கூறுகிறார். (மோகினி, யட்சி போன்ற பெண்தெய்வ நம்பிக்கை கேரளத்தில் மிகுதி.)

கோடையில்

குருவாயூர்ச் சந்தனம் ஆவதும்

குளிர் காலத்தில்

காதலியின் பெருந்தனம் ஆவதும்

உன் வாடிக்கை

இங்கே தமிழகத்தில் கோடைக்காலமாக இருக்கும்போது கேரளத்தில் உள்ள குருவாயூர்க்கோயிலில் தரும் சந்தனம்போல மலையாளக்காற்று இங்கு குளிர்ச்சியாக வீசும். அதேபொழுது இங்கே குளிர்காலமாக இருக்கும்போது மலையாளக்காற்று காதலியுடன் சேர்ந்திருப்பதுபோன்ற இன்பம் தரும். எனவே எக்காலத்திலும் சுகம்தரும் காற்றே அது உன் வழக்கமான வாடிக்கை என்று கூறுகிறார்.

ஆடி மாதம் (உன் கற்கடக மாதம்)

தமிழ்நாடே வெயிலில் கிறங்கும்

அப்போது உன் தோளிலிருந்து

எம் கணவாய் வாசலில்

முகில் தங்கம் இறங்கும்

அது உன் கால வர்ஷம்...

ஆடிமாதத்தில் (கேரளாவில் கற்கடக மாதம்) தமிழ்நாடே வெயிலில் மயங்குகின்ற காலத்தில் உன் மலையாகிய தோள்களில் இருந்து மேகங்களாகிய தங்கம் எங்கள் கணவாயில் இறங்கும் அதுதான் நீ காலத்தில் வழங்கும் மழை!

பாலக்காட்டு மணியின்

மிருதங்க ஆவர்த்தனமாக

எரிமேலிப் பேட்டைத் துள்ளலாக

பளிங்கு மழைப் பந்து

விளையாடி வருகிறாய்

தாகித்த எங்கள் மண்ணுக்கு

அம்பலபுழைப் பால் பாயசமாகிறாய்

பாலக்காட்டு மணியுடைய மிருதங்க ஓசைபோல, எரிமேலிப் பேட்டை துள்ளல் போல (இது அங்குள்ள பழங்குடியினரின் அரக்கி மகிசி கொலை குறித்த சடங்கு நடனம், துள்ளல் என்பது மகிழ்ச்சியில் ஆடுவது.) மழையாகிய பந்தை காற்றே நீ விளையாடி வருகிறாய்! இதனால் தண்ணீர் தாகத்தில் உள்ள எங்கள் மண்ணுக்கு அம்பலப்புழை கோயிலில் தரும் பால்பாயசம் போல ஆகிறாய்!

என்னென்ன கொண்டு

வந்தனை காற்றே!

ரோமானியர்களோடு கைகோத்து

அன்றொரு காலம்

வெள்ளியும் தங்கமும்

விதைத்துப் போனாய்

என்னென்ன கொண்டுவந்தாய் காற்றே! ரோமானியர்களின் பாய்மரப்படகுகளோடு கைகோர்த்து ஒருகாலத்தில் வெள்ளியும் தங்கமும் இங்கே விதைத்தாய்!

விம்மியழும் தேவகியைக்

குலசேகரப் பெருமாளோடு

கூட்டிக் கொண்டு வந்தாய்

சேரமான் பெருமாளின்

ஈரச் சொற்களால்

ஆதியுலா நடத்தினாய்

பன்னிரு ஆழ்வார்களுள் ஒருவரான குலசேகர ஆழ்வார் பெருமாள்திருமொழி பாடியவர். தேவகி புலம்பல் என்ற பாடலில் கண்ணனைப் பெற்ற தேவகி தான் அவனை வளர்க்க முடியவில்லையே, யசோதை அப்பேற்றினைப்பெற்றாளே என்று புலம்பி அழுத பாங்கினை பாடியுள்ளார்.இதனையே,

‘’விம்மி அழும் தேவகியைக் குலசேகரப்பெருமானோடு கூட்டிக்கொண்டு வந்தாய்’’ என்று கூறுகிறார்.

மேலும்,சேரமான் பெருமாள் நாயானர் 63 நாயன்மார்களுள் ஒருவர்.சேர அரசமரபினர். இவருடைய திருக்கையிலாய ஞானவுலா என்ற நூலைத்தான் ஆதி உலா என்பார்கள். இதைத்தான் ‘’ஈரச்சொற்கள்(கருணை மிகுந்தவை) கொண்டு ஆதி உலா நடத்தினாய்’’ என்கிறார்.

காட்டு யானையின் தந்தம் போல்

தத்துவக் கூர்மைபூத்த

சங்கரனை இடுப்புப் பிள்ளையாய்

எடுத்து வந்தாய்

கேரளத்து யானையின் கூர்மையான தந்தம் போன்ற கூர்த்த தத்துவ அறிவு மிக்க ஆதிசங்கரர் அவர்களை குழந்தையாய் இருக்கும்போதே தமிழகத்துக்குக் கொண்டு வந்தாய்!

சாதி இருட்டைத் தகர்த்த

கேரளத்து ஞாயிறு

ஸ்ரீ நாராயண குருவின்

தேவாரங்களோடு

திருவாசகங்களோடு

குருவின் ஆத்மதரிசனக் கண்ணாடியாய்

மலையாளக் கவிதையில் பிரதிஷ்டையான

குமாரன் ஆசானின் சிம்மகர்ஜனையையும்

ஏந்தி வந்து தந்தாய்

தமிழகத்தில் தந்தை பெரியாரைப் பகுத்தறிவுப் பகலவன் என்போம், கேரளத்து ஞாயிறு என்று கொண்டாப்பட்டவர் நாராயண குரு இவர், அங்கு சாதிய இருட்டைப் போக்கியவர் அவர் தேவாரப் பதிகங்களும் பாடியுள்ளார். ஸ்ரீ நாராயணகுருவின் முதன்மைச் சீடரானகுமரன் ஆசானின் கவிதைகள் குருவின் ஆத்மதரிசன கண்ணாடி போல் திகழ்ந்தன. அந்த சிங்க கர்சனையையும் தமிழகத்துக்குத் தந்தாய்! என்கிறார்.

நீலக்கடலோரம்

கருத்தம்மா அழுதகுரல்

காயம் சுமந்து வந்தாய்

மனப்புண் தழும்பாகக்

கனராக கந்தருவன்

ஏசுதாஸ் சிந்தும்

இசையமுதில் கரைந்து கரைந்தெம்மைக்

காணாமல் போக வைத்தாய்

மலையாள இலக்கியத்தில் தகழிசிவசங்கரம்பிள்ளை எழுதிய செம்மீன் நாவல் குறிப்பிடத்தக்கது.அது தமிழிலும் மொழிபெயர்க்கப்பட்டுள்ளது. அதில் வரும் கருத்தம்மா என்ற பெண் கடற்கரையோரம் தன்காதலனோடு இறந்துகிடப்பாள் அந்தக்கண்ணீர்க்கதையைக் குறிப்பிட்டே நீலக்கடலரம் கருத்தம்மா அழுதகுரல் காயம் சுமந்துவந்தாய்’’ என்கிறார்.

ஏசுதாஸ் என்ற மலையாளப்பாடகர் தமிழ்த் திரைப்படப் பாடல்களைப் பாடி புகழ்பெற்றவர். அவரைத் தமிழகத்துக்குத்தந்து கனராக கந்தருவன்போன்ற அவருடைய இசையமுதில் கரைந்து கரைந்து எங்களைக்காணாமல் போகவைத்தாய்!

வைகை பெருகிவரப்

பெரியாற்றில் தேங்கி நின்றாய்

கோவை களைப்பாறச்

சிறுவானியால் விசிறினாய்

பரம்பிக்குளத்தால் நெஞ்சில்

பச்சை பிடிக்க வைத்தாய்

எங்கள் வைகை நதி பெருகிவரும்போது பெரியாற்றில்(முல்லைப்பெரியாறு அணையில் ) நீ தேங்கி நின்றாய்! கோயம்புத்தூர் களைப்பாறுவதற்கு சிறுவானிநதியால் விசிறினாய்,பரம்பிக்குளம் என்ற நீர்நிலையால் எங்கள் நெஞ்சில் பச்சை(வளம்,அன்பு) பிடிக்க வைத்தாய்! இத்தனையும் செய்தாய் மலையாளப்பூங்காற்றே! என்ன கைமாறு செய்தோம்?

இத்தனையும் செய்தாய்

மலையாளப் பூங்காற்றே!

என்ன கைம்மாறு செய்தோம்?

நீ வரும்

கணவாய்ப் பாதையில்

உன்னை வரவேற்கப்

பளிங்குக்கல் பதித்து

அதன் மேல்

பட்டு விரித்தது போல்

ஓர் இளம் நதியை - ஆழியாற்றை

அன்போடு அனுப்பி வைத்தோம்.

அதிசயம் பார்...

நல்லோர்க்குச் செய்த உபகாரம்

பன்மடங்கு பெருகுமென்பார்...

உனக்காக விரித்த நடை பாவாடை

அந்தச் சின்னஞ்சிறு நதி

கேரளத்தின் சரித்திரத்துச் சீதனமாய்க்

கலைநதியாய்க் குலதனமாய்ப்

பாரதப் புழையாயிற்று.

மலையாளக்காற்றே நீ வரும் வழியில் உன்னை வரவேற்க பளிங்குக்கல் பதித்து அதன்மேல் பட்டு விரித்தது போன்ற ஓர் இளம் நதியை ஆழியாற்றை அனுப்பி வைத்தோம். அதிசயம் பார், நல்லோர்க்குச்செய்த சிறு உதவி பல மடங்கு பெருகும் என்பார்கள், உனக்காக விரித்த அந்த நடைபாவாடை (நடந்துசெல்லும் கம்பளவிரிப்பு)யாகிய அந்த ஆழியாறு கேரளத்தின் சரித்திரச் சீதனமாய்,கலை வளர்த்த நதியாய், காலம் காலமாய் வந்த குலத்தின் செல்வமாய் பாரதப்புழை ஆயிற்று என்கின்றார்.

வள்ளுவன் சொன்னது போல்

தினைத் துணை நன்றியைப்

பனைத் துணை ஆக்கினாய்

வாழ்க நீ

மலையாளக் காற்றே!’’

‘’தினைத்துணை நன்றி செயினும் பனைத்துணையாக்

கொள்வர் பயன் தெரிவார்’’

என்ற குறளை எடுத்தாண்டு,

வாழ்க நீ மலையாளக்காற்றே!’’ என்று கவிதையை நிறைவு செய்கிறார்

சிந்து நதியின் மிசை நிலவினிலே என்ற பாடலில், சிங்களத் தீவினுக்கோர் பாலமமைப்போம் என்று பாடினார் மகாகவி பாரதி, கவிஞர் சிற்பி அவர்கள் கவிதையால் தமிழகத்துக்கும் கேரளத்துக்கும் பாலம் அமைத்துள்ளார்.

மனத்தூய்மை - சான்றோர் சிந்தனை - வானொலி உரை

2025-08-09T17:06:00.001+05:30

மனம் போன போக்கெல்லாம் போகவேண்டாம்

வஞ்சனைகள் செய்வாரோடு இணங்கவேண்டாம்.

நெஞ்சாரப் பொய்தன்னைச் சொல்லவேண்டாம் என்கிறது உலகநீதி

மனமது செம்மையானால் மந்திரம் செபிக்க வேண்டா என்றார் அகத்தியர்

சிந்தை தெளிவாக்கு என்று பாடிய பாரதி

பேயாய் உழலுஞ் சிறுமனமே!

பேணாய் என்சொல் இன்று முதல் நீயா ஒன்றும் நாடாதே

நினது தலைவன் யானேகாண் என்று பாடியுள்ளார்

உள்ளம் பெரும் கோயில் ஊன் உடம்பு ஆலயம் என்றார் திருமூலர்.
(வள்ளல் பிரானார்க்கு வாய் கோபுர வாசல்
தெள்ளத் தெளிந்தார்க்குச் சீவன் சிவலிங்கம்
கள்ளப் புலன் ஐந்தும் காளா மணிவிளக்கே)

மனிதனின் உள்ளம் ஒரு கோயிலைப் போன்றது, அங்கு இறைவன் உறைகிறான். எனவே, உள்ளத்தை தூய்மையாகவும், நேர்மறை எண்ணங்களுடனும் வைத்துக்கொள்ள வேண்டும். மனம் அழுக்காக கள்ளத்தன்மை கொண்ட புலன்கள் ஐந்தும் பெரும்பங்காற்றுகின்றன என்பதை உணரவேண்டும்.

மனிதனின் குற்றங்களில் பெரும்பாலானவை அவனது நாவிலிருந்துதான்

பிறக்கின்றன என்றார் நபிகள் நாயகம்.

மனதில் தோன்றாமல் நாவில் பிறக்காது என்பதை உணரவேண்டும்.

அடல்வேண்டும் ஐந்தன் புலத்தை விடல்வேண்டும்

வேண்டிய எல்லாம் ஒருங்கு. - 343

ஆசைகளை வெல்ல ஐம்புலன்களை அடக்கவேண்டும்,

சினத்தையும், மனத்தையும் ஆளத்தெரியாதவரை யாவரும்வெல்வர் என்ற திருவள்ளுவர்,

நீங்கான் வெகுளி நிறையிலன் எஞ்ஞான்றும்

யாங்கணும் யார்க்கும் எளிது. ( 864)

_{எனைத்தானும் எஞ்ஞான்றும் யார்க்கும் மனத்தானாம்}

_{மாணாசெய் யாமை தலை -317}

யார்க்கும், எப்போதும் சிறிதும் மனதளவிலும் தீமை செய்யாதே

மனத்து உளதுபோலக் காட்டி ஒருவற்கு
இனத்துளது ஆகும் அறிவு.( 454)
அறிவு மனம் சார்ந்ததல்ல, சேரும் கூட்டம் சார்ந்தது என்றார்.

கடவுளுக்கு அஞ்சுவோர், சட்டத்துக்கு அஞ்சுவோர், பழிச்சொல்லுக்கு அஞ்சுவோர், தன் மனசாட்சிக்கு அஞ்சுவோர் எதற்கும் அஞ்சாதவர்கள் என்று மனிதர்களை வகைப்படுத்தலாம்

தாங்கள் செய்யும் தீச்செயல்களை நேரடியாகப் பார்த்தவர்கள் இல்லை என்று நெஞ்சறியச் செய்த கொடிய செயல்களை மற்றவர்களிடமிருந்து மறைத்துவைத்தாலும், அவர்கள் மனம் அதை நன்கறியுமாதலால் அதனைக் காட்டிலும் வேறு சான்று தேவையில்லை! எனக் கலித்தொகை(125)

உரைக்கிறது.

மனசாட்சிக்கு அஞ்சுவோர்,

தன்நெஞ்சு அறிவது பொய்யற்க பொய்த்தபின்
தன்நெஞ்சே தன்னைச் சுடும். (293) என்பதை அறிவார்கள் இதே கருத்தை கண்ணதாசன்,

ஒன்றே சொல்வார், ஒன்றே செய்வார் உள்ளத்தில் உள்ளது அமைதி என்று பாடினார்.

பொய் சொன்னால் அதை மறைக்க இன்னொரு பொய் சொல்லவேண்டும்.

உண்மை சொன்னால் அதை எப்போதும் மாற்றிச் சொல்ல வேண்டிய தேவையிருக்காது, குற்ற உணர்வும் தோன்றாது. அதனால் தான்,

(மனத்துக்கண் மாசிலன் ஆதல் அனைத்து அறன்
ஆகுல நீர பிற. -34)
மனதளவில் குற்றமின்றிஇருத்தலே அறங்களுள் சிறந்த அறம் என்றார் திருவள்ளுவர்

பகை, பொறாமை ஆகியவற்றை நீ வெளியிட்டால், அவை வட்டியும் முதலுமாக மீண்டும் உன்னிடமே திரும்பி வந்து சேர்ந்துவிடும் என்றார் விவேகானந்தர்.

எதை விதைக்கிறோமோ அதையே அறுவடை செய்வோம்

பிறர்க்கின்னா முற்பகல் செய்யின் தமக்குஇன்னா

பிற்பகல் தாமே வரும்.( 319)

பிறர்க்கு முற்பகல் செய்யும் தீமை, நமக்கு பிற்பகல் தாமே வரும்

அதனால் மனதில் எதிர்மறை எண்ணங்கள் தோன்றாமல் பார்த்துக்கொள்ளவேண்டும்.

மனதில் தோன்றும் குற்றங்கள் பல,

ஆசை, பொய், சினம், பொறாமை, தீமை, அச்சம் எனப் பல.

ஆசையே துன்பத்துக்குக் காரணம்! என்றார் புத்தர்.

மனதில் தோன்றும் குற்றங்களுக்கெல்லாம் விதையாவது ஆசையே..

ஆரா இயற்கை அவாநீப்பின் அந்நிலையே

பேரா இயற்கை தரும்.( 370)

ஆசையற்ற நிலையே பேரின்ப நிலை

பொய்யாமை பொய்யாமை ஆற்றின் அறம்பிற

செய்யாமை செய்யாமை நன்று.( 297)

உண்மை பேசுவது அறம் செய்வதைவிட உயர்ந்தது

நகையும் உவகையும் கொல்லும் சினத்தின்

பகையும் உளவோ பிற. ( 304)

சிரிப்பையும், மகிழ்ச்சியையும் கொல்வதால் சினமே பெரும்பகை

அழுக்காறு எனஒரு பாவி திருச்செற்றுத்

தீயுழி உய்த்து விடும். ( 168)

பொறாமை என்ற பாவி ஒருவனின் செல்வத்தை அழித்துக் கெடுக்கும்

என்றார் திருவள்ளுவர்.

இன்னா செய்தாரை ஒறுத்தல் அவர்

நாண நன்னயம் செய்துவிடல்- 314(வள்ளுவர்)

இன்னா செய்தாருக்கும் அவர் வெட்கப்படும்படி இனிய செய்,

அவர் உனக்கு செய்த தீமையையும்,

நீ அவருக்கு செய்த நன்மையையும் மனதில் தூக்கி சுமக்காதே மறந்து விடு என்றார் திருவள்ளுவர். இதையே பாரதி,

பகைவனுக் கருள்வாய்-நன்னெஞ்சே! என்றார்.

மனதில் தோன்றும் குற்றங்களை நீக்கும் போது மனித வடிவில் மட்டுமின்றி மனிதப் பண்போடும் வையத்தில் வாழ்வாங்கு வாழலாம்.

அரம்போலும் கூர்மைய ரேனும் மரம்போல்வர்

மக்கட்பண்பு இல்லா தவர். ( 997)

அரம்போன்ற கூர்மையான அறிவுடையவராக இருந்தாலும் மக்கட் பண்புமின்றிப் பயனில்லை என்பதை உணரவேண்டும்.

ஒரு அரசனுக்கு ஒரு ஏழையைப் பார்த்துப் வியப்பு! நாம் எல்லா செல்வங்களோடும் மகிழ்ச்சியின்றி இருக்கிறோம். ஆனால் இவன் எந்த செல்வங்களும் இன்றி நம்மைவிட மிகவும் மகிழ்வாக இருக்கிறானே என்று. ஒருநாள் தன் அமைச்சரை அழைத்து இவன் மகிழ்வு எங்கு இருக்கிறது என்று கண்டுபிடிக்கவேண்டும் என்றார். அமைச்சர், 99 பொற்காசுகளை ஒரு பையில் கட்டி அவன் வீட்டு வாசலில் போட்டுவிட்டார். மறுநாள் காலையில் எழுந்து வந்த ஏழை அந்தப் பையைப் பார்த்து வியந்து போனான். சுற்றும் முற்றும் பார்த்துவிட்டு அதை எடுத்து வீட்டுக்குள் சென்று எண்ணிப்பார்த்தான். ஒரு காசு குறைந்தது. அன்றிலிருந்து அவனது உறக்கம்போனது, மகிழ்வு போனது! எப்போதும் தன் மடியிலேயே அந்தப் பையை வைத்துக்கொண்டு வீட்டையே சுற்றிச் சுற்றிவந்தான்.

இந்த ஏழையின் தூக்கத்தையும், மகிழ்வையும் பறித்த கவலைகள் இரண்டு, இந்தப் பணத்துக்குச் சொந்தம் கொண்டாடி யாராவது வந்துவிடுவார்களோ? தொலைந்த அந்த 100வது காசு எங்கே?

அமைச்சர் அரசனிடம் சொன்னார். மன்னா, “இந்த ஏழையிடம் இல்லாமையில் இருந்த மகிழ்ச்சி, இருப்பில் இல்லாமல் போனது! இவன் தன்னிடம் இருப்பதைப் பற்றி மகிழ்ச்சியடையாமல் இல்லாததைத் தேடித் தன் மகிழ்ச்சியைத் தொலைத்துவிட்டான்” என்று. மனத்தூய்மை உள்ளவர்களிடம் உள்ள மன நிறைவும், மகிழ்ச்சியும், சிரிப்பும் மனத்தூய்மை இல்லாதவர்களிடம் இருப்பதில்லை. அதனால் தான்,

நகல்வல்லர் அல்லார்க்கு மாயிரு ஞாலம் பகலும்பாற் பட்டன்று இருள். 999

சிரிக்கும் பண்பில்லாதவர்களுக்குப் பகலும் இரவு போன்றதே என்றார் திருவள்ளுவர்.

மனத்தூய்மை இல்லாதவர்களின் மனம் பலவீனமாகிவிடும். பலவீனமான மனதுடையவர்களே போதைப் பழக்கங்களுக்கு எளிதில் அடிமையாகிவிடுவார்கள். அதனால் அவர்கள் பலமடைவதாகக் கற்பனை செய்துகொள்வார்கள்.

குற்றம் என்று தெரிந்தும் பலர் மனமறிந்து தவறுகளைத் தொடர்ந்து செய்வதுண்டு. அத்தகைய மனிதர்களைக் கண்டு அவர்களின் புலன்களே சிரிக்கும் என்றார் திருவள்ளுவர்,

வஞ்ச மனத்தான் படிற்றொழுக்கம் பூதங்கள்
ஐந்தும் அகத்தே நகும்.( 271 ) என்றார்.

மனத்தூய்மையின் முதிர்ந்த நிலை சுயநலமின்மை, உயிர்கள் மீது அன்பு செலுத்துதல், பகுத்துஉண்டு பல்உயிர் ஓம்புதல் நூலோர் தொகுத்தவற்றுள் எல்லாம் தலை (322)

பகுத்துண்டு வாழ்வதே நூலோர் தொகுத்தவற்றுள் தலையானது என்றார் திருவள்ளுவர்.

_{இரந்தும் உயிர்வாழ்தல்
வேண்டின் பரந்து}_{கெடுக உலகியற்றி யான். ( 1062) என்றார்,}

தனியொரு மனிதனுக்கு உணவில்லை எனில் இந்த ஜகத்தினை அழித்திடுவோம் என்றார் பாரதி

வாடிய பயிரைக் கண்டபோதெல்லாம் வாடினேன் என்றார் வள்ளலார்

இவர்கள் மனத்தூய்மையின் அடையாளங்களாவர்.

மரங்களில் தாவும் குரங்கு, கிளை விட்டுக் கிளை தாவுவது போல மனமும் ஒன்றை விட்டு இன்னொன்று என்று தாவிக்கொண்டே இருக்கும்.

கோபம், பொறாமை, கவலை, ஆசை போன்ற எண்ணங்களால் கலங்கிய நீரைப் போன்ற மனதைத் தூய்மைப்படுத்தவே துறவிகளும் தவம் செய்தனர். கலங்கிய நீரில் மண் அடியில் படிந்தபின் நீர் தெளிவடைவது போல, நம் மனதில் கலந்த எதிர்மறையான சிந்தனைகள் மனதின் ஆழத்தில் படிந்து நேர்மறையான சிந்தனைகள் வளரும்போது மனம் தூய்மையாகும்.

தவம் என்பதும் துறவு என்பதும் தோற்றத்தில் இல்லை. மனதைக் கட்டுப்படுத்துவதில் உள்ளது. மனமறிந்து தவறுசெய்யக்கூடாது, என்பதை,

வானுயர் தோற்றம் எவன் செய்யும் தன்நெஞ்சம் தானறி குற்றப் படின். ( 272) என்றார் திருவள்ளுவர்.

மனதைத் தூய்மைப்படுத்த பல வழிகள் உள்ளன. தெளிவான மற்றும் நேர்மறையான மனநிலைக்குக் கொண்டு செல்ல,

மனதை ஒருமுகப்படுத்தி, எண்ண ஓட்டங்களைக் கவனித்தல், நிகழ்காலத்தில் கவனம் செலுத்துதல், எதிர்மறையான எண்ணங்களை நீக்குதல், சுயநலம் நீக்குதல், உயிர்களிடத்தில் அன்பு செலுத்துதல். புத்தக வாசிப்பு என பல வழிமுறைகளால் மனதைத் தூய்மைப் படுத்தலாம்.

இந்திரனுக்குரிய அமிழ்தம் கிடைத்தாலும்,

அது இனிமையானது என்று தனித்து உண்ண மாட்டர்கள்

யாரையும் வெறுக்க மாட்டார்கள்

சோம்பலின்றிச் செயல்படுவார்கள்

பிறர் அஞ்சுவதற்குத் தாமும் அஞ்சுவார்கள்

புகழ்வரும் என்றால் தம் உயிரையே வேண்டுமானாலும் கொடுப்பர்கள்!

பழிவரும் என்றால் உலகம் முழுவதும் கிடைப்பதானாலும் ஏற்றுக் கொள்ள மாட்டார்கள்! மனம் தளர மாட்டார்கள்!

இத்தகைய சிறப்புடையவர்களாகித் தமக்காக உழைக்காமல், பிறர்க்காக உழைப்பவர்கள் இருப்பதால்தான் இவ்வுலகம் இயங்கிக்கொண்டிருக்கிறது என்கிறது ஒரு புறானூற்றுப் பாடல்.

சொர்க்கம்! நரகம்! இரண்டும் எங்கோ இல்லை …
நம் நேர்மறை, எதிர்மறை எண்ணங்களாலேயே இவ்விரண்டும் தீர்மானிக்கப்படுகின்றன.
அழுக்காறு அவாவெகுளி இன்னாச்சொல் நான்கும்

இழுக்கா இயன்றது அறம். 35 புறம்தூய்மை நீரான் அமையும் அகம்தூய்மை
வாய்மையான் காணப் படும் (298) என்றார் திருவள்ளுவர்

பொறாமை, பேராசை, கோபம், கடுஞ்சொல்லைத் தவிர்த்து நம் உடலை நீரால் தூய்மைப்படுத்துவது போல அகத்தை உண்மையால் தூய்மைப்படுத்தி சான்றோர் காட்டும் வழியில் மனத்தூய்மையோடு மண் பயனுற வாழ்வோம்.

முனைவர் இரா.குணசீலன்

தமிழ் இணைப்பேராசிரியர்

பி.எஸ்.ஜி கலை அறிவியல் கல்லூரி

கோயம்புத்தூர்

9524439008

வாய்ப்பு - சான்றோர் சிந்தனை - வானொலி உரை

2025-08-08T16:15:00.002+05:30

வாய்ப்பு என்றவுடன் பலருக்கும் வேலை, வாய்ப்பு தொழில் வாய்ப்பு தான் நினைவுக்கு வரும் ஆனால் இவை இரண்டையும் தாண்டி நிறைய வாய்ப்புகள் நம்மைச் சுற்றி இருக்கின்றன…

காலையில் சூரியன் தோன்றுவதையும் மாலையில் மறைவதையும் பார்க்க எத்தனையோ பேர் காத்திருக்கிறார்கள். நிலவை, நட்சத்திரங்களை, வானவில்லை இயற்கையின் ஒவ்வொரு அசைவுகளையும் காண்பதற்காகக் காத்திருப்பவர்கள் இயற்கையை ரசிக்கும் வாய்ப்பைப் பெறுகிறார்கள். அவர்களில் சிலர் கவிஞராகலாம், ஓவியராகலாம், நிழற்படக்கலைஞராகலாம்.

பொழுதுபோக்குக்காக விளையாடுவோர் பலர். சிலர் விளையாட்டுதான் தம் வாழ்க்கை என்று அதில் உள்ள வாய்ப்பை உணர்ந்து விளையாட்டில் புகழ்பெறுகிறார்கள்.

பொருள் தேடுகிறேன், பிள்ளைகளின் கனவுகளுக்காக உழைக்கிறேன், அவர்கள் ஆசைப்பட்டதை வாங்கிக்கொடுக்கிறேன் என்று பொருள் தேடுவோரில்

எத்தனை பேருக்கு பிள்ளைகளோடு நேரம் ஒதுக்க வாய்ப்புக் கிடைத்திருக்கிறது.

இவ்வாறு நம்மைச் சுற்றி பல வாய்ப்புகள் உள்ளன.

பொதுவாக மனிதர்களை, வாய்ப்பில்லை என வாடுவோர், வாய்ப்புகளைத் தேடுவோர், வாய்ப்புகளை உருவாக்கிக்கொள்வோர் என மூன்று வகையாகப் பகுக்கலாம்.

சுடர்மிகும் அறிவுடன் படைத்துவிட்டாய்.

வல்லமை தாராயோ, - இந்த
மாநிலம் பயனுற வாழ்வதற்கே? என்று பாடிய பாரதி

விசையுறு பந்தினைப்போல் - உள்ளம்
வேண்டியபடி செலும் உடல்கேட்டேன்,

என்று பாடியுள்ளார்.

ஆம் உள்ளம் சொல்வதை யாவர்க்கும் உடல் கேட்பதில்லை..

சிலர் உடல் குறைபாடுகளால் தனக்கு வாய்ப்பு கிடைப்பதில்லை என்று புலம்புவதுண்டு.

(பொறியின்மை யார்க்கும் பழியன்று அறிவறிந்து
ஆள்வினை இன்மை பழி. (618)
உடல் உறுப்புக் குறைகள் குறைகளல்ல, அறிய முயலாமயே குறை என்றார் திருவள்ளுவர்.

எல்லா பிரச்சனைகளுக்குள்ளும் வாய்ப்பு உள்ளது
எல்லா வாய்ப்புகளுக்குள்ளும் பிரச்சனை உள்ளது.

வெற்றிபெற்றவர்களின் வெற்றிக்குப் பின்னால்

விதி அல்லது அதிஷ்டம் இருக்கும் என்று நம்பும் பலர்

முயற்சியும் உழைப்பும் இருக்கலாம் என்பதை உணர்வதில்லை..

(ஆகூழால் தோன்றும் அசைவின்மை கைப்பொருள்

போகூழால் தோன்றும் மடி. ( 371)

நல்விதி முயற்சியினையும், தீயவிதி சோம்பலையும் தரும் என்ற திருவள்ளுவரின் சிந்தனையை ஆழ்ந்து நோக்கவேண்டும்.

முயற்சி ஒருவனுக்கு வாய்ப்பையும், சோம்பல் ஒருவனுக்கு ஏமாற்றத்தையும் தரும் என்பதை உணரவேண்டும்.

நீண்ட கால முயற்சியும், தொடர்ந்த உழைப்பும் உள்ள பலருக்கும் பெரிய வாய்ப்புகள் வரவில்லை என்றால் அவர்கள் காலத்தையும் இடத்தையும் சரியாகப் பயன்படுத்தவில்லை என்று பொருள்.

பகல்வெல்லும் கூகையைக் காக்கை இகல்வெல்லும்
வேந்தர்க்கு வேண்டும் பொழுது. 481
ஆந்தை, காக்கையின் வலிமையைக் காலமே முடிவுசெய்கிறது

நெடும்புனலுள் வெல்லும் முதலை அடும்புனலின்
நீங்கின் அதனைப் பிற. 495
முதலையின் வலிமையும் அது வாழும் இடம் சார்ந்தே அமையும்

எனத் திருவள்ளுவர் காலம், இடம் அறிந்து செயல்படவேண்டும் என உரைத்துள்ளார். அதனால்,

கொக்கொக்க கூம்பும் பருவத்து மற்றதன்
குத்தொக்க சீர்த்த இடத்து. 490

நற்காலம் வரும்வரை கொக்கைப்போலக் காத்திரு

எய்தற் கரியது இயைந்தக்கால் அந்நிலையே
செய்தற் கரிய செயல். 489
அரிய செயலை உரிய காலத்தில் செய் என்ற திருவள்ளுவரின் வழிகாட்டுதலைப் பின்பற்றவேண்டும்,

பெற்றோர், ஆசிரியர், உறவினர்கள், நண்பர்கள் என யார் வழியாக வேண்டுமானாலும் வாய்ப்பு வரும். கிடைத்த வாய்ப்பை சரியாகப் பயன்படுத்தி திறமையை வெளிப்படுத்தவேண்டும். திறமையாளர்கள் தடைகளை எண்ணித் தயங்கமாட்டார்கள் அடிபணிந்தும் வாழ மாட்டார்கள். பணிவு வேறு தாழ்வு வேறு என்பதை அவர்கள் உணர்வார்கள்.

மரத்தை வெட்டிக் கொள்ளும் தச்சர்கள் பெற்ற சிறுவர்கள் தம் மழுவோடு காட்டிற்குச் சென்றால் அங்குள்ள மரங்கள் எப்படி அவர்களுக்கு உடனே வேண்டுமாறு பயன்படுமோ அப்படி எத்திசை சென்றாலும் அத்திசையில் சோறு கிடைக்கும் என்று ஔவையார் பாடியுள்ளார்.

⁽^{மரங்கொல்
தச்சன் மைவல் சிறாஅர்}^{மழுவுடைக் காட்டகத்து அற்றே}^;^{எத்திசைச் செலினும்}^,^{அத்திசைச் சோறே.“}^{புறநானூறு-}^206,^{பாடியவர்:
ஔவையார். பாடப்பட்டோன்: அதியமான் நெடுமான் அஞ்சி.}⁾

பலர் தம் திறமையை உணராமல், பிறருக்குக் கிடைக்கும் வாய்ப்பைப் பார்த்துப் பொறாமைப்படுவதுண்டு.

(பிறப்பொக்கும் எல்லா உயிர்க்கும் சிறப்பொவ்வா

செய்தொழில் வேற்றுமை யான். ( 972)

எவ்வுயிர்க்கும் பிறப்பு பொதுவானது, செயலே பெருமை தரும் என்றார் திருவள்ளுவர்.

வான் குருவியின் கூடு வல்லரக்குத் தொல்கறையான்

தேன்சிலம்பி யாவருக்கும் செய்யரிதால் – யாம் பெரிதும்

வல்லோமே என்று வலிமை சொல் வேண்டாங்காண்

எல்லார்க்கும் ஒவ்வான்று எளிது. ஔவையார்

தூக்கணாங்குருவியின் கூடு, குளவிகள் கட்டுகின்ற அரக்குக் கூடு, கரையானின் புற்று, தேனீக்களின் கூடு, சிலந்தியின் வலை யாவும் தனித்தன்மையின் சான்றுகள். இவ்வுயிரினங்களுக்கு இவைசெய்யும் செயல் எளிது. பிற உயிர்களுக்கு இச்செயல் செய்தல் அரிது. அதனால் எல்லார்க்கும் ஒவ்வான்று எளிது என்றார் ஔவையார்.

சிலர், வெற்றி பெற்றவர்களைப் பார்த்து, இவர்களின் திறமையை வெளிப்படுத்த நல்வாய்ப்பு கிடைத்தது, எனக்குக் கிடைக்கவில்லை என்று மனதில் எண்ணிக்கொள்வதுண்டு.

புகழ்பட வாழாதார் தம்நோவார் தம்மை

இகழ்வாரை நோவது எவன். 237

புகழுக்கும் ஏனை இகழுக்கும் காரணம் அவரவரே என்ற திருவள்ளுவரின் கருத்தையும்,

தீதும் நன்றும் பிறர் தர வாராது என்ற கணியன் பூங்குன்றனாரின் சிந்தனையை உணரவேண்டும்.

நாம் அனைவரும் ஒரே அளவு திறமை பெற்றவர்கள் இல்லை. ஆனால், நம் திறமையை வளர்த்துக்கொள்ள ஒரே அளவு வாய்ப்புகளைப் பெற்றிருக்கிறோம் என்றார் அப்துல்கலாம்

கலைத் திறமை, விளையாட்டுத் திறமை என பலவகையான திறமைகள் உள்ளன.

ஆய கலைகள் அறுபத்து நான்கு என்பது தமிழர் மரபு

படித்த படிப்புக்கு ஏற்ற வேலை செய்வோர் பலர் உண்டு.

தம் திறமையால் வாழ்வில் உயர்ந்தவர்கள் பலர் உண்டு.

கிடைத்த வேலை செய்பவர்களுக்குக் கிடைக்காத மன நிறைவு

பிடித்த வேலை செய்பவர்களுக்குக் கிடைக்கும்.

திறமை தானாக வராது; நாம்தான் வளர்த்துக் கொள்ள வேண்டும்.

வாய்ப்பைச் சரியாகப் பயன்படுத்திக்கொள்பவர்களையே திறமையாளர்கள் என்கிறோம்.

கைவேல் களிற்றொடு போக்கி வருபவன்

மெய்வேல் பறியா நகும்.(774) என்றொரு திருக்குறள் உண்டு.

போர்க்களத்தில், தான் கையில் ஏந்திய வேலை ஒரு யானைமேல் எய்து துரத்திவிட்ட வீரன், தன் மேல் தைத்த வேல் கண்டு வருந்தாமல் மகிழ்ந்து சிரித்தான். இந்த வீரன் இழந்த வாய்ப்பைப் பற்றிக் கவலைப்படவில்லை. கிடைத்த வாய்ப்பை எண்ணி மகிழ்ந்தான்.

ஒரு நாளில் எட்டுத் தேர் செய்யும் தச்சன், ஒரு மாதம் முயன்று செய்த ஓர் தேர்க்காலுக்கு ஒப்பானவன்! என்று அதியமானை ஔவையார் பாடியதாக ஒரு புறநானூற்றுப் பாடல் உண்டு. அந்தத் தேர்க்கால் எத்தகு வலிமையுடையதாகவும், கலை உணர்வுடனும் செய்யப்பட்டிருக்கும் என்பதை நாம் சிந்திக்கவேண்டும். எட்டுதேர் செய்யும் வாய்ப்பிருந்தும் ஒரு தேர்ச்சக்கரம் மட்டும் செய்வது எத்தகு சிறப்புடையதோ, அதுபோன்றது நாம் தேர்ந்தெடுக்கும் வாய்ப்புகள்.

பல வாய்ப்புகள் வந்தாலும் அதில் மிகச்சிறந்த வாய்ப்பைத் தேர்ந்தெடுப்பது திறமையின் அடையாளமாகும்.

கான முயலெய்த அம்பினில் யானை

பிழைத்தவேல் ஏந்தல் இனிது 772

முயலை எய்த அம்பைவிட, யானையைத் தவறவிட்ட வேல் சிறந்தது.

பெரிய முயற்சி, பெரிய இலக்கு பெரிய வெற்றிக்கு வழி வகுக்கும்.

பெரிய இலக்கை நோக்கிப் பயணிப்பவர்கள் சின்னச்சின்ன வாய்ப்புகளைக் கண்டு மனம் தடுமாறி தம் இலக்கைத் தவறவிடுவதுண்டு.

(*போரில், நீ முந்திச் செல்க என்று ஏவாது தான் முந்திச் சென்ற வேந்தன் இப்போது மிகவும் இன்னாதவன் ஆயினன். நீ போ என்று என்னைச் சொல்லாமல், தான் முந்திச் சென்று எமக்கு முன்மாதிரியாக இருந்தாலும் தனக்கு இந்த வாய்ப்பை அளிக்கவில்லையே என்று வருந்தும் வீரனைப் பற்றி புறநானூற்றில் ஆலியார் என்ற புலவர் குறிப்பிட்டுள்ளார்.)

வாயப்பைப் பெறும் வழிகள்,

· அதிகாலை விழித்தல், புத்துணர்ச்சியுடன் அந்த நாளைத் தொடங்குதல்,

· வாய்ப்பு வந்து எப்போது நம் கதவைத் தட்டுவது,

வாய்பின் கதவை நாம் தட்டுவோம் என்று தன்னம்பிக்கையுடன் ஒவ்வொரு மணித்துளிகளையும் எதிர்கொள்பவர்களை வாய்ப்பு பின்தொடர்ந்துவரும்.

ஆக்கம் அதர்வினாய்ச் செல்லும் அசைவிலா

ஊக்க முடையா னுழை. 594

· ஊக்கமுடையவரிடம் செல்லும் வழிகேட்டு செல்வம் வந்து சேரும் என்றார் திருவள்ளுவர்.

· கூர்ந்து கவனிப்பது, சிந்திப்பது, திறந்த மனதுடன் இருப்பது வாய்ப்புகளை இனம் கண்டுகொள்ளும் வழியாகும்.

· வாய்ப்பு கிடைத்துவிட்டால் தயக்கமின்றி அதைச் சரியாகப் பயன்படுத்திக்கொள்ளும் அறிவு, திறன், விடாமுயற்சி போன்றவற்றை வளர்த்துக்கொள்ளவேண்டும்.

· சில மணித்துளிகளில் வாய்ப்பை நழுவவிட்ட பலரும் இன்னும் கொஞ்சம் முயற்சித்திருக்கலாம், இன்னும் கொஞ்சம் சிந்தித்திருக்கலாம், இன்னும் கொஞ்சம் பொறுமையாக இருந்திருக்கலாம், இன்னும் கொஞ்சம் திட்டமிட்டிருக்கலாம் என வருந்துவதுண்டு.

· சில நேரங்களில் தோல்விகள் கூட புதிய வாய்ப்புகளுக்கான கதவுகளைத் திறக்கும். ஒவ்வொரு தோல்வியும் ஒரு பாடம், அது முயற்சியின் அடையாளம், அடுத்த வாய்ப்பை சிறப்பாகப் பயன்படுத்த உதவும்.

· வாய்ப்புகள் வரும்போது நாம் தயாராக இருக்க வேண்டும். அதற்குத் தொடர்ந்து கற்றுக்கொள்வதும், நம் திறமைகளை வளர்த்துக்கொள்வதும் அவசியம்.

· தடைகளுக்கும் வாய்ப்புக்கும் இடையே சிறிய வித்தியாசம் உள்ளது என்பதைப் புரிந்துகொண்டு இரண்டையும் தங்களுக்கு சாதகமாக மாற்றிக்கொள்ளக்கூடியவர்கள் வெற்றிபெறுகிறார்கள்.

· பல வாய்ப்புகள் வரும் போது எந்த வாய்ப்பைத் தேர்ந்தெடுப்பது என்பதில் சிலர் சரியான முடிவெடுப்பார்கள், சிலர் பிறர் சொல்லும் கருத்துகளில் தவறான முடிவெடுத்து நல்ல வாய்ப்பை இழந்து விடுவதுண்டு.

தகுதியும் திறமையும் கொண்டவர்கள் வாய்ப்புக்காகக் காத்திருக்க மாட்டார்கள், வாய்ப்புகளைத் தேடிச் செல்வார்கள் என்பதை,

வருகவென வேண்டும் வரிசை யோர்க்கே
பெரிதே உலகம், பேணுநர் பலரே (- புறநானூறு - 07 ) என்ற பெருஞ்சித்திரனாரின்

சிந்தனையை உணர்வோம் தன்னம்பிக்கையுடன் வாய்ப்புகளை எதிர்கொள்வோம்.

வேர்களைத்தேடி........

மொழிபெயர்ப்பு வினாடி வினா

கணினி அறிமுகம் -2 - தட்டச்சு, வலைப்பதிவு, குறுஞ்செயலி, வலைப்பதிவு

சீவகசிந்தாமணி - நாமகள் இலம்பகம் - வினாடிவினா

மணிமேகலை - வஞ்சிமாநகர் புக்க காதை - வினாடி வினா

கணினி அறிமுகம் -1

கணினி மென்பொருள்கள் மற்றும் இயக்கமுறைமைகள்: 30 முக்கிய MCQ வினாக்கள்

சிலப்பதிகாரம் வினாடி வினா

சிலப்பதிகாரம் வினாடிவினா

சூழ்நிலைகள் I சான்றோர் சிந்தனை I வானொலி உரை I

திருக்குறள் தொடரடைவும் விரிதரவும்

திருக்குறள் எண், சொல் தேடல்

தற்புகழ்ச்சி- சான்றோர் சிந்தனை - வானொலி உரை

மக்களே போல்வர் - சான்றோர் சிந்தனை - வானொலி உரை

தமிழ் கற்றல் கற்பித்தலில் இயற்றறிவு நுட்பங்கள்

மதிப்புகள் - சான்றோர் சிந்தனை - வானொலி உரை

கற்றது ஒழுகு - சான்றோர் சிந்தனை - வானொலி உரை

திருக்குறள் – மருந்து அதிகாரம் நோட்புக் எல்.எம் வழி ஓர் ஆய்வு

திருக்குறள் – உணர்வுப் பகுப்பாய்வு

இன்னா நாற்பது -கூடா நீதி

ஆசிரியர் திறன் மேம்பாட்டு பயிற்சி

நாலடியார் - நல்லினம் சேர்தல்

பழமொழி நானூறு – வாழ்வியல் அறம்

அருள் உரிமை - ஆசிய ஜோதி - கவிமணி தேசிக விநாயகம் பிள்ளை

வணக்கம் வள்ளுவ! - ஈரோடு தமிழன்பன் I Vanakkam Valluva

திருக்குறள் பெரிய மொழி மாதிரி நுண் பயிற்சி-Thirukkural Large Language Model (LLM) Fine-tuning

References

மலையாளக் காற்று - சிற்பி

மனத்தூய்மை - சான்றோர் சிந்தனை - வானொலி உரை

வாய்ப்பு - சான்றோர் சிந்தனை - வானொலி உரை