http://mullaimukaam.blogspot.com/

அமைச்சர் டக்ளஸ் தேவானந்தா அவர்கள் 08.02.2012ம் திகதி கலந்து கொண்ட சில நிகழ்வுகளின் வீடியோ தொகுப்பு.!...

noreply@blogger.com (JKR) — Fri, 10 Feb 2012 17:48:00 +0000

ஈழ மக்கள் ஜனநாயகக் கட்சியின் செயலாளர் நாயகமும் பாரம்பரிய கைத்தொழில்கள் மற்றும் சிறுதொழில் முயற்சி அபிவிருத்தி அமைச்சருமான டக்ளஸ் தேவானந்தா அவர்கள் 08.02.2012ம் திகதி கலந்து கொண்ட சில நிகழ்வுகளின் வீடியோ தொகுப்பு இணைக்கப்பட்டுள்ளது.

தொண்டர்களிடம் ஜெ. கேட்கும் பிறந்த நாள் பரிசு.. 40க்கு 40!

noreply@blogger.com (JKR) — Fri, 10 Feb 2012 16:55:00 +0000

தனது பிறந்தநாளின்போது ஆடம்பர நிகழ்ச்சிகளை நடத்த வேண்டாம் என்றும், பிறந்தநாளையொட்டி தன்னை சந்திக்க வர வேண்டாம் என்றும் அதிமுகவினருக்கு முதல்வர் ஜெயலலிதா வேண்டுகோள் விடுத்துள்ளார்.
மேலும் வரும் மக்களவை தேர்தலில் 40 தொகுதிகளிலும் அதிமுக வெற்றி ஒன்றுதான் தொண்டர்கள் எனக்கு அளிக்கும் இணையில்லா பரிசாக இருக்கும் என்று அவர் கூறியுள்ளார். அவர் வெளியிட்டுள்ள அறிக்கையில், ஆயுளின் பெருமை ஆண்டுகளில் இல்லை, வாழும் முறையில் தான் இருக்கிறது என்பதில் பூரண நம்பிக்கை கொண்டே எனது பொதுவாழ்வை மேற்கொண்டு வருகிறேன் என்பதை தமிழக மக்களும், புரட்சித் தலைவர் எம்.ஜி.ஆரின் ரத்தத்தின் ரத்தமான என் தொண்டர்களும் நன்கு அறிவீர்கள். புரட்சித் தலைவர் எம்.ஜி.ஆர். உயிரோடு இருந்தவரை, அவர் தன்னுடைய பிறந்த நாளை ஒரு போதும் கொண்டாடியது கிடையாது. அன்றைய தினம் யாரையும் அவர் சந்திக்கவும் மாட்டார். புரட்சித் தலைவரால், அதிமுக கொள்கை பரப்புச் செயலாளராக நான் நியமிக்கப்பட்ட பிறகு தான் புரட்சித் தலைவரிடம் அனுமதி பெற்று, அவரது பிறந்த நாள் பொதுக்கூட்டங்களை நடத்தும் வழக்கத்தை முதன் முதலாகத் தொடங்கினேன். அப்போதும் கூட, அந்த பிறந்த நாள் கொண்டாட்டங்களில் நம் புரட்சித் தலைவர் எம்.ஜி.ஆர். ஒரு போதும் கலந்து கொண்டது கிடையாது. அது போலவே உங்கள் அன்புச் சகோதரியாகிய நானும் அவர் நடந்த பாதையில், அவரின் பாதச் சுவட்டில் பயணிப்பதிலேயே எல்லையில்லா மகிழ்ச்சி அடைகிறேன். எனவே, என்னுடைய பிறந்த நாளன்று யாரும் என்னை சந்திக்க முயற்சி செய்ய வேண்டாம் என்று அன்புடன் கேட்டுக் கொள்கிறேன். அதே வேளையில், எனது பிறந்த நாளையொட்டி ஆடம்பர விழாக்களைத் தவிர்த்து, கட்சி தொண்டர்கள் அவரவர் சக்திக்கேற்ப ஏழை-எளிய மக்களுக்கு இயன்ற உதவிகளை செய்தால், அந்நிகழ்வுகள் பயன்பெறுவோரையும் மகிழ்விக்கும், இம்மண்ணில் தமிழக மக்களுக்காக உழைத்திடும் பெரு வாய்ப்பு பெற்ற என்னையும் அது மேலும் உற்சாகப்படுத்தும் என்பதை அன்போடு தெரிவித்துக் கொள்கிறேன். இதற்கு மாறாக, கட்சி தொண்டர்கள் யாரேனும் பிரம்மாண்ட விழாக்களையோ, அவசியமற்ற ஆடம்பரத்தையோ கொண்டு நிகழ்ச்சிகளை நடத்தினால் அது என்னை வருத்தப்படுத்துமே தவிர ஒரு போதும் திருப்திபடுத்தாது. எளிமையோடும், எளியோருக்கு உதவிடும் நல்ல நோக்கத்தோடும் நடத்தப்படும் நிகழ்ச்சிகள் மூலம் என் அன்புக்குரிய கட்சி கண்மணிகளால் பயன்பெறும் வறியவர்களின் முகத்தில் படரும் புன்னகை ஒன்றே நம்மையும், நம் ஒப்பில்லா இயக்கத்தையும் ஆராதிக்கின்ற நிகழ்வாக அமையும் என்பதை கட்சி தொண்டர்கள் உணர்ந்து செயல்பட வேண்டும். கடந்த மைனாரிட்டி திமுக ஆட்சிக் காலத்தில் அலைவரிசை பணத்தை களம் இறக்கி நாள்தோறும் அவர்கள் நடத்திய ஆடம்பர விழாக்களும், அவசியமற்ற படாடோபங்களும் மக்களை முகம் சுளிக்க வைத்ததோடு, கடந்த சட்டமன்ற பொதுத் தேர்தலில் திமுகவின் படுதோல்விக்கு அவர்களின் அந்த ஆடம்பரங்களும் ஒரு காரணமாயின என்பதை நாம் கருத்தில் கொள்ள வேண்டும். அதிமுக ஆட்சி அமைந்து ஏறத்தாழ ஒன்பது மாதங்களை தொட்டு விட்ட நிலையிலும் இன்று வரை எந்த ஒரு ஆடம்பர நிகழ்ச்சிகளையும் நடத்தாமல், அரசு திட்டங்களைக் கூட காணொளிக் காட்சிகளின் மூலமே துவக்கி வைத்தும், மக்களின் வரிப் பணத்தை துளியும் வீணடிக்காத நம் கழக அரசின் எளிமையையே, கழக கண்மணிகளாகிய நீங்களும் முன் மாதிரியாகக் கொண்டு எனது பிறந்த நாள் நிகழ்ச்சிகளை இல்லார்க்கு உதவுகின்ற நன்னாளாக கடைபிடித்திட வேண்டும் என்று வேண்டுகிறேன். அதே வேளையில், வரும் நாடாளுமன்ற மக்கள் அவை பொதுத் தேர்தலில் 40 தொகுதிகளிலும் கழகத்தின் வெற்றி ஒன்று தான் என் கண்மணிகளாகிய நீங்கள் எனக்கு தருகின்ற இணையில்லா பரிசாக இருக்கும் என்பதை இப்போதே நீங்கள் உணர்ந்து வெற்றிக் கனி கொய்திட விவேகத்தோடு விரைந்திடுங்கள் என்றும் அன்புடன் கேட்டுக் கொள்கிறேன். அண்ணா நாமம் வாழ்க!, புரட்சித் தலைவர் நாமம் வாழ்க! இவ்வாறு ஜெயலலிதா தனது அறிக்கையில் கூறியுள்ளார்.

சவூதி சிறையில் இலங்கைப் பெண் தற்கொலை

noreply@blogger.com (JKR) — Fri, 10 Feb 2012 16:42:00 +0000

சவூதி அரேபியாவின் மலாஸ் பெண்கள் சிறைச்சாலையில் கைதியொருவர் தற்கொலை செய்துகொண்டுள்ளதாக றியாத்திலுள்ள இலங்கைத் தூதரகம் தெரிவிததுள்ளது.
இந்திக பண்டார என்பவரே இவ்வாறு தற்கொலை செய்துள்ளார். மற்றொரு இலங்கையரை கொலை செய்த குற்றச்சாட்டில் இவர் கைது செய்யப்பட்டிருந்தார். இவரின் சடலத்தை பொறுப்பேற்பது தொடர்பாக குடும்ப அங்கத்தவர்களிடமிருந்து பதிலை எதிர்பார்த்து காத்துள்ளதாக இலங்கைத் தூதரகம் தெரிவித்துள்ளது. இறந்தவர் இல. 117பீ. மாகந்த, மடபாத்த, பிலியந்தல எனும் முகவரியைச் சேர்ந்தவர் எனத் தெரிவிக்கப்பட்டுள்ளது.

வெளிநாடுகளுக்குப் போவது வீண்வேலை: முரளிதரன்

noreply@blogger.com (JKR) — Fri, 10 Feb 2012 15:47:00 +0000

வெளிநாடுகளுக்குப் போவது என்பது ஒரு வீண்வேலை. அவற்றை எல்லாம் விடுத்து நம் நாட்டில் நன்றாக சுயதொழில்களை மேற்கொள்ளலாம். நம்மவர்கள் எதிலும் கௌரவம் பார்ப்பவர்களாகத்தான் உள்ளார்கள். வெளிநாட்டுக்குப் போயும் இங்கு கஷ்டப்படுவது போல்தான் அங்கேயும் பல கஷ்டங்களைப்படுகின்றனர்' என மீள்குடியேற்றப் பிரதி அமைச்சர் விநாயகமூர்த்தி முரளிதரன் தெரிவித்துள்ளார். மட்டக்களப்பு வவுணதீவு பிரதேச செயலகத்தில் இலங்கைக்கான தேசிய சிறுவர் நிதியத்தின் அனுசரணையுடன் தேசிய இளைஞர் சேவை மன்றத்தினால் நேற்று வியாழக்கிழமை நடத்தப்பட்ட இளைஞர், யுவதிகளுக்கான சைக்கிள்கள் வழங்கும் நிகழ்வில் பிரதம அதிதியாக கலந்து கொண்டு உரையாற்றுகையிலேயே அவர் இவ்வாறு கூறினார்.
அங்கு அவர் தொடர்ந்து உரையாற்றுகையில், '30 வருடகாலம் சண்டை பிடித்தோம். அதில் எந்த பிரயோசனமும் இல்லை. அதனால் அந்த யுத்தத்தினை நான் தான் நிறுத்தினேன். இல்லையேல் தற்போது பச்சை ரீசேட் போட்டுள்ளவர்கள் இன்னுமொரு பச்சை ரவுசரை போட்டுக்கொண்டு ஆளுக்கொரு துவக்கோடு நின்றிருப்போம். இது எல்லாவற்றையும் பார்த்துவிட்டு இந்த யுத்தம் வேண்டாம் என்று நானே கூறினேன். தற்போது இருக்கின்ற பாரிய பிரச்சினை என்னவென்றால் வேலைவாய்ப்பு பிரச்சினையாகும். மட்டக்களப்பு மாவட்டத்தில் மட்டும் சுமார் 1,800 பட்டதாரிகள் உள்ளனர். கிழக்கில் 2,800 இற்கும் மேலும் வடகிழக்கில் 8,000 பட்டதாரிகளும் உள்ளனர். இதனைவிட க.பொ.த. சாதாரண, உயர்தரம் படித்தவர்கள் அநேகம்பேர் வேலை இல்லாமல் உள்ளனர். இவைகள் அனைத்தும் கடந்த 30 வருடகால யுத்தம் தந்த சுமைகளாகும். கடந்த யுத்தத்தில் பல பெறுமதியான உயிரிழப்பு, சொத்து இழப்பு, எத்தனையோ பிள்ளைகள் தந்தை, தாய் இல்லாமல் தவிக்கின்றார்கள். இளைஞர், யுவதிகளுக்கு வேலைவாய்ப்பு இல்லை என்றெல்லாம் பாரிய பிரச்சினைகளையே எமது மக்கள் எதிர்நோக்குகின்றார்கள். இவற்றை எல்லாம் மையப்படுத்தித்தான் வவுணதீவுப் பிரதேசத்தினைத் தெரிவு செய்து 120 இலட்சம் ரூபா நிதி செலவில் இத்திட்டம் நடைமுறைப்படுத்தப்படுகின்றது. கனரக வாகன ஓட்டுனர் பயிற்சி, கணினிப் பயிற்சி போன்றவற்றுக்கு இவ் அமைப்பு முக்கியத்துவம் கொடுத்து இளைஞர், யுவதிகளை ஊக்கப்படுத்தியுள்ளார்கள். சாதாரணமாக கனரக வாகன சாரதிகள் 40 தொடக்கம் 50 ஆயிரம் ரூபா வேதனம் மாதாந்தம் பெறுகின்றார்கள். தற்போது எழுந்துள்ள வேலையில்லாப் பிரச்சினைக்கு இதுபோன்ற கைத்தொழில்களையும் சுயதொழில்களையும் மேற்கொள்ள வேண்டும். ஏனெனில் அரசாங்கத்திடம் அனைவருக்கும் தொழில் வழங்குவதற்கு பணம் இல்லை. பணம் இருந்தாலும் ஒரே நேரத்தில் அனைவருக்கும் தொழில் வழங்க முடியாது. அதனைக் கட்டம் கட்டமாகத்தான் மேற்கொள்ளமுடியும். மட்டக்களப்பில் அனைத்து அரசசார்பற்ற நிறுவனங்களையும் ஒன்றிணைத்து நான்தான் செயற்பட்டு வருகின்றேன். அதில் மக்கள் மத்தியில் சுயதொழில், கைத்தொழில் போன்றவற்றை ஊக்கப்படுத்தும் நடைமுறைகளை மேற்கொள்ளவுள்ளோம். மட்டக்களப்பு மாவட்டத்தில் தற்போது விவசாயம் மேலோங்கி காணப்படுகின்றது. மீன்பிடி, கால்நடை வளர்ப்பு, சுற்றுலாத்துறை என்பன வளர்ச்சியடைந்துள்ளன. தற்போது 2,000 இளைஞர்கள் பாசிக்குடா, கல்குடா போன்ற பகுதிகளில் சுற்றுலாத்துறையை மையப்படுத்தி வேலை செய்கின்றார்கள். நம்மவர்கள் எதிலும் கௌரவம் பார்ப்பவர்களாகத்தான் உள்ளார்கள். வெளிநாட்டுக்குப் போயும் இங்கு கஷ்டப்படுவதுபோல் தான் அங்கேயும் பல கஷ்டங்களைப்படுகின்றார்கள். வெளிநாடுகளுக்குப் போவது என்பது ஒரு வீண்வேலை. அவற்றையெல்லாம் விடுத்து நம் நாட்டில் நன்றாக சுயதொழில்களை மேற்கொள்ளலாம். யுத்த காலத்தில் வவுணதீவுப் பாலத்தினால் போகமுடியாது. இளைஞர்கள், யுவதிகள் நடமாட முடியாது. தொழிலுக்குப் போனவர்கள் திரும்பி வரமாட்டார் என பல கஷ்டங்களை நம்மக்கள் அனுபவித்தனர். இவைகள் தற்போது இல்லை. நமக்கு என்று ஓர் அரசியல் அதிகாரம் உள்ளது. அதற்காக காணி அதிகாரம், பொலிஸ் அதிகாரம் நமக்கு எதற்குத் தேவை? நம் மக்களுக்கு அபிவிருத்தித்தான். நீங்கள் யோசிப்பீர்கள் 'என்னடா அம்மான் காணி பொலிஸ் அதிகாரங்கள் தேவையில்லை என்று அறிக்கைகள் விடுறார்' என்று. அது கிடைக்கப் போவதுமில்லை. ஆனால் தமிழ் தேசியக் கூட்டமைப்பு எல்லாம் தற்போது கத்துவார்கள். இதனால் எந்தவித பயனுமில்லை. காணி என்றால் அது உரிய பிரதேச செயலாளருக்குத்தான் சொந்தம். நமது தமிழ் பிரதேசத்தில் தமிழ் பிரதேச செயலாளர்கள் தான் உள்ளார்கள். அவரிடம் கூறினால் அவர் யாருக்கும் காணியை கொடுக்கமாட்டார். இதனை விடுத்து நமது இளைஞர், யுவதிகளுக்கு தொழில்வாய்ப்பு சுயதொழில்கள் பற்றி யாரும் கதைக்கின்றார்களா. இல்லை மட்டக்களப்பு மாவட்டத்தில் ஆறரைக் கோடி ரூபா செலவில், 22 பாடசாலைகள் புனரமைக்கப்படுகின்றன. கடந்த 2011ஆம் ஆண்டில் மட்டக்களப்பு மாவட்டத்தில் 93 கிராமங்களுக்கு மின்சாரம் வழங்கினோம். இவ்வருடத்தில் மாவட்டத்தில் 95 சதவீதத்திற்கு மக்களின் மின்சாரத் தேவையைப் பூர்த்தி செய்யவுள்ளளோம். 11 ஆயிரம் மில்லியன் ரூபா செலவில் வவுணதீவில் நீர் சுத்திகரிப்பு நிலையத்தினை நிறுவியுள்ளோம். இதனால் மூன்று இலட்சம் மக்கள் நன்மையடைகின்றார்கள். சைல்ட் பண் நிறுவனம் மட்டக்களப்பில் கடந்த 6,7,வருடகாலமாக மிகவும் திறம்பட இயங்கிக்கொண்டு வருகின்றது. வவுணதீவுப் பிரதேசத்தில் 7 சதவீதமானவர்கள்தான் அரசாங்கத் தொழிலில் உள்ளனர். ஏனையவர்கள் கூலித்தொழிலிலும் விவசாயத்திலும் ஈடுபடுகின்றனர். அரசாங்கம் என்னிடம் அபிவிருத்திக்குழு தலைவராக நான் வகிக்கக்கூடிய இடத்தினைத் தெரிவுசெய்து தருமாறு கோட்டபோது அதற்கு நான் வவுணதீவு, பட்டிப்பளை, வெல்லாவெளி ஆகிய பிரதேசங்களைத்தான் தெரிவுசெய்தேன். ஏனெனில், இந்தப் படுவான்கரைப் பிரதேசம் கடந்த காலங்களில் மிகவும் யுத்தத்தினால் பாதிக்கப்பட்ட பிரதேசமாகும். இதனை அனைவரும் இணைந்து கட்டியெழுப்ப வேண்டும். இந்த அபிவிருத்திகள் கட்டம் கட்டமாகத்தான் நடைபெற்று வருகின்றன. தற்போது மட்டக்களப்பு மாவட்டத்தில் வீதிகள் புனரமைப்பு, பாலங்கள் கட்டுதல், வீட்டுத் திட்டங்கள், போக்குவரத்து வசதிகள், வைத்தியசாலைகள் புனரமைப்பு இவைகள் அனைத்தும் மேற்கொள்ளப்பட்டு வருகின்றன. 30 வருடகால இழப்பை மிகக் குறுகிய காலத்தில் அபிவிருத்தி செய்துவிட முடியாது. கடந்த இரண்டு வருடத்தில் மட்டக்களப்பு மாவட்டம் பாரிய அபிவிருத்தியைக் கண்டுள்ளது. அரசு வட கிழக்கிற்குத்தான் அதிகளவு நிதியினை ஒதுக்கியுள்ளது. இதனைப் பயன்படுத்தி நமது பகுதியை அபிவிருத்தியடையச் செய்வோம்' எனக் கூறினார். இந்நிகழ்வில் இளைஞர் சேவை மன்றத்தின் உதவிப் பணிப்பாளர் ஏ.ஜே.கபூர், பிரதேச செயலாளர், என்.வில்வரெத்தினம், இலங்கைக்கான சிறுவர் நிதியத்தின் மட்டக்களப்பு பிராந்தியப் பணிப்பாளர் வேணாட் பிரகாஸ் கிராம சேவை அதிகாரிகள், இளைஞர், யுவதிகள் என பலர் கலந்து கொண்டனர்.

மனித உரிமை திட்டத்துக்கு விசேட உபகுழு _

noreply@blogger.com (JKR) — Fri, 10 Feb 2012 15:23:00 +0000

ஐ.நா. மனித உரிமைகள் பேரவையின் சவால்கள் மாத்திரமல்ல சர்வதேசத்தில் இலங்கைக்கு எதிராகக் காணப்படும் தவறான புரிந்துணர்வுகளை சீர்செய்து கொள்வதற்குமாக ஆறு அமைச்சர்கள் அடங்கிய விசேட உபகுழுவொன்றை அரசாங்கம் அமைத்துள்ளது. இக்குழுவானது தேசியளவில் மனித உரிமை மேம்பாட்டுத் திட்டங்;களை முன்னெடுக்கும் என்று அமைச்சரவை பேச்சாளரும் சுற்றாடல் அமைச்சருமான அநுர பிரியதர்~ன யாப்பா தெரிவித்தார்.
நல்லிணக்க ஆணைக்குழுவின் பரிந்துரைகளை நடைமுறைப்படுத்த அத்துறைசார் பொறுப்புள்ள அமைச்சுகளுக்கு பணிக்கப்பட்டுள்ளது. விரைவில் தேசிய நல்லிணக்கத்துக்கான துறைகளில் மாற்றங்களை உணர முடியும். மனித உரிமைகள் தொடர்பான தேசிய திட்டங்களை நடைமுறைப்படுத்த அரசாங்கம் மேலதிகமாக ஆறு பேர் அடங்கிய உபகுழுவொன்றை அமைத்துள்ளது. இக்குழுவில் அமைச்சர்களான நிமல் சிறிபால டி சில்வா, பசில் ராஜபக்~, ஜீ.எல். பீரிஸ், மஹிந்த சமரசிங்க, அநுரபிரியதர்சன யாப்பா மற்றும் டிலான் பெரேரா ஆகியோர் உள்ளடக்கப்பட்டுள்ளனர். ___

சவேந்திர சில்வாவுக்கு எதிரான நியூயோர்க் நீதிமன்ற வழக்கு தள்ளுபடி

noreply@blogger.com (JKR) — Fri, 10 Feb 2012 15:00:00 +0000

ஐ.நாவுக்கான இலங்கையின் பிரதி நிரந்தர வதிவிடப் பிரதிநிதியான மேஜர் ஜெனரல் சவேந்திர சில்வாவுக்கு எதிராக அமெரிக்க நீதிமன்றத்தில் தமிழீழ விடுதலைப் புலிகளின் கிழக்கு மாகாண முன்னாள் தளபதி ரமேஷின் மனைவி வத்சலாவினால் தாக்கல் செய்யப்பட்ட வழக்கு தள்ளுபடி செய்யப்பட்டுள்ளது.
2009ஆம் ஆண்டு இறுதிக்கட்ட யுத்தத்தின்போது இலங்கை இராணுவத்தின் 58ஆவது படைப்பிரிவின் தளபதியாக விளங்கிய மேஜர் ஜெனரல் சவேந்திர சில்வாவிடமிருந்து நஷ்ட ஈடுகோரி இவ்வழக்கை தாக்கல் செய்திருந்தார். இது தொடர்பாக கடந்த செப்டெம்பர் மாதம் சவேந்திர சில்வாவுக்கு நீதிமன்றத்தால் அழைப்பாணை விடுக்கப்பட்டிருந்தது. எனினும், ஐ.நாவுக்கான இலங்கையின் பிரதி நிரந்தர வதிவிடப் பிரதிநிதியாக பணியாற்றும் மேஜர் ஜெனரல் சவேந்திர சில்வாவுக்கு ராஜதந்திர பாதுகாப்பு உள்ளது எனவும் அவரை விசாரிக்க தமக்கு அதிகாரம் இல்லையெனவும் நியூயோர்க் மாவட்ட நீதிபதி ஜே.போல் ஒட்கென் நேற்றுமுன்தினம் புதன்கிழமை தெரிவித்து, இம்மனுவை தள்ளுபடி செய்துள்ளார்.

எமது மக்களுக்கான அரசியல் தீர்வை ஜனாதிபதி மகிந்த ராஜபக்ச தலைமையிலான அரசிடமிருந்து பெற்றுக் கொள்ள முடியும்! - அமைச்சர் டக்ளஸ் தேவானந்தா

noreply@blogger.com (JKR) — Thu, 09 Feb 2012 19:08:00 +0000

சாவகச்சேரி வைத்தியசாலையில் புதிதாக அமைக்கப்பட்ட விடுதி கட்டடத் தொகுதி மற்றும் வைத்தியர்களது விடுதி என்பவற்றைத் திறந்து வைக்கும் வைபவத்தில் உரையாற்றிய பாரம்பரிய கைத்தொழில்கள் மற்றும் சிறுதொழில் முயற்சி அபிவிருத்தி அமைச்சர் டக்ளஸ் தேவானந்தா அவர்கள் இம்மாவடட்டத்தின் அபிவிருத்தி தொடர்பில் அதிக அக்கறையும் அன்பும் கொண்டுள்ள ஜனாதிபதி அவர்கள் அடிக்கடி இப்பகுதிக்கு விஜயம் மேற்கொள்ளவுள்ளதாகவும் இதேபோன்று அமைச்சர்களும் வருகை தருவதாகவும் இந்நிலை முன்னர் ஒருபோதும் இருந்ததில்லை என்றும் சுட்டிக் காட்டினார்.
அரசியல் வாதிகள் சிலர் இங்கு மக்களின் பிரச்சினைகளை தீராப் பிரச்சினையாக்கிக் கொண்டு அதில் தமது அரசியலை நடத்த விரும்புகின்றனர் என்பதுடன் தமிழ் மக்களுக்கான அரசியல் தீர்வினை ஜனாதிபதி மகிந்த ராஜபக்ச அவர்கள் தலைமையிலான இந்த அரசிடமிருந்து பெற்றுக்கொள்ள முடியும் என்றும் தாம் நம்புவதாகவும் குறிப்பிட்டார். அத்துடன் பலமுள்ள அரசினால்தான் மக்களுடைய பிரச்சினைக்குத் தீர்வு காண முடியும் என்பதுடன் அந்த வகையில்தான் நாடாளுமன்றத் தெரிவுக் குழுவுக்கு 06 மாத கால அவகாசம் வழங்கி ஜனாதிபதி மகிந்த ராஜபக்ச அவர்கள் தற்போது அதனை ஆரம்பித்துள்ள நிலையில் இந்த சந்தர்ப்பத்தை அனைத்துத் தரப்பினரும் சரியாகப் பயன்படுத்திக் கொள்ள வேண்டும் என்றும் வேண்டுகோள் விடுத்துள்ளார். அமைச்சர் டக்ளஸ் தேவானந்தா அவர்கள் தனது உரையில் மேலும் தெரிவித்ததாவது எமது அரசியல் வரலாற்றில் ஒரு காலத்தில் இந்த நாட்டின் ஜனாதிபதியாக இருந்தாலும் சரி அன்றி ஆட்சியதிகாரத்தில் இருக்கும் எவராயினும் சரி கொழும்பில் இருந்து யாழ் நோக்கி அல்லது வடக்கு நோக்கி வருவதென்றால் அது ஒரு அதிசயமான நிகழ்வாகவே இருக்கும். ஆனாலும் எமது ஐனாதிபதி அவர்கள் இப்போது வட பகுதி தமிழ் மக்களை சந்திப்பதற்காக இங்கு அடிக்கடி வந்து போகின்றார். அதற்கு காரணம் அவர் தமிழ் மக்கள் மீது கொண்டிருக்கும் அக்கறையும் பற்றுதலுமேயாகும். இவ்வாறு இன்று வந்திருக்கும் அவரை தமிழ் மக்களின் சார்பாக நேசக்கரம் நீட்டி வரவேற்கின்றேன். வலிமையுள்ளவரால் மட்டுமே அரசியலுரிமைப் பிரச்சினைக்கு தீர்வு காண முடியும். பலமுள்ள அரசாங்கத்தால் மட்டுமே அரசியலுரிமைப் பிரச்சினை முதற்கொண்டு அiனைத்துப் பிரச்சினைக்கும் தீர்வு காண முடியும். இந்த நாட்டில் அழிவு யுத்தத்தை முடிவிற்குக் கொண்டு வந்திருக்கும் ஜனாதிபதி மகிந்த ராஜபக்ச அவர்களால் மட்டுமே நாம் விரும்பும் அரசியல் தீர்வையும் இங்கு நடைமுறைப்படுத்த முடியம். அண்மையில் பகவான்சிங் என்ற பத்திரிகையாளர் தமிழ் நாட்டில் இருந்து இங்கு வந்திருந்தார். அவர் தமிழ் நாடு திரும்பியதும் இந்திய ஊடகங்களுக்கு ஒரு செய்தியை தெரிவித்திருந்தார். ஜனாதிபதி மகிந்த ராஜபக்ச அவர்களால் தமிழ் மக்களுக்கான அரசியலுரிமைப் பிரச்சினைக்குத் தீர்வு காண முடியவில்லை என்றால் இனி எக்காலத்திலும் எந்த ஜனாதிபதியாலும் தீர்வு காண முடியாது என அவர் தெரிவித்திருக்கிறார். இதுதான் உண்மை.. ஆகவே ஜனாதிபதி மகிந்த ராஜபக்ச அவர்களது ஆட்சிக் காலத்தையும், ஜனாதிபதி அவர்களையும் அனைத்து தமிழ்த் தலைமைகளும் அரசியலுரிமைப் பிரச்சினைத் தீர்வுக்காக சரியான முறையில் பயன்படுத்த வேண்டும். யுத்தத்திற்கு பிந்திய சூழலில் அவசரகாலச்சட்டம் நீக்கப்பட்டிருக்கிறது. மீள் குடியேற்றங்கள் மேற்கொள்ளப்பட்டிருக்கின்றன. பத்தாயிரத்திற்கும் அதிகமான முன்னாள் புலிகள் இயக்க உறுப்பினர்கள் விடுவிக்கப்பட்டிருக்கிறார்கள். அழிவடைந்த எமது பிரதேசங்களை நோக்கி அபிவிருத்திப் பணிகள் முன்னெடுக்கப்பட்டு வருpகின்றன. இவ்வாறு அரசாங்கத்தால் நடத்தி முடிக்கப்பட்ட இன்னமும் நடந்து கொண்டிருக்கும் பணிகளை தமிழ்த் தேசியக் கூட்டமைப்பினர் வரவேற்பதில்லை. நன்றி கூட தெரிவிப்பதில்லை. காரணம் அவர்களது சுயலாப அரசியல். எமது மக்கள் முகம் கொடுக்கும் பிரச்சினைகள் தீரக்கப்படக்கூடாது என்பது அவர்களது விருப்பம். அவ்வாறு தீர்க்கப்பட்டுவிட்டால் அதை பகிரங்கப்படுத்தவோ அன்றி வரவேற்கவோ அவர்களுக்கு விருப்பம் இல்லை. இந்நிலையில் நான் தமிழ் மக்கள் சார்பாக ஜனாதிபதி அவர்களுக்கு நன்றி தெரிவிக்கின்றேன். ஓர் அரசாங்கம் ஆற்றுகின்ற பணிகளை வரவேற்று, நன்றி தெரிவிக்க கற்றுக்கொள்ள வேண்டும். அதன் ஊடாகவே இன்னமும் ஆற்ற வேண்டிய பணிகளை அரசாங்கம் ஆற்றுவதற்கான உற்சாகத்தை வழங்க முடியும். ஊக்குவிப்பை வழங்க முடியும். அரசாங்கத்துடன் இணக்கமாகப் பேசியே அரசியலுரிமைப் பிரச்சினைக்குத் தீர்வு காண முடியும். அதற்காகவே நாம் அரசாங்கத்துடன் உறவுகளைப் பலப்படுத்திக் கொண்டு தமிழ் மக்களின் உரிமைக்கும் குரல் கொடுத்து வருகின்றோம். நாமும் நினைத்திருந்தால் அரசாங்கத்தை எதிர்ப்பது போல் பாசாங்கு செய்து கொண்டிருக்கலாம். வீர வசனங்களைப் பேசிக்கொண்டிருக்கலாம். ஏதிர்ப்பு அரசியலை நடத்திக் கொண்டிருக்கலாம். அதன் மூலம் எமது மக்களுக்காக எதை நாம் பெற முடியும். ஆகவே யாருடன் பேசி அனைத்து பிரச்சினைகளுக்கும் தீர்வு காண முடியுமோ, அந்த அரசாங்கத்துடனேயே நாம் இணக்கமாகப் பேசி வருகின்றோம். நாம் எடுத்துக்கொண்ட இந்த நிலைப்பாடு காரணமாக நாம் பல தூற்றுதல்களை இழிச்சொற்களைத் தாங்கி நிற்கிறோம். தமிழ் பேசும் மக்களுக்காக நாம் எந்த தூற்றுதல்களையும் தாங்கி நிற்கத் தயார். ஜனாதிபதி மகிந்த ராஜபக்ச அவர்களது உறுதியான ஆட்சியின் கீழ் தமிழ் மக்களுக்கான அரசியல் தீர்வை நாம் பெற்றுக்கொடுக்காத வரை நாம் ஓயப்போவதில்லை. நாடாளுமன்ற தெரிவுக்குழுவில் தமிழ்த் தேசியக் கூட்டமைப்பும் அங்கம் வகிக்க வேண்டும். என்பதையோ நாம் தொடர்ந்தும் வலியுறுத்தி வருகின்றோம். 13 வது திருத்தச்சட்டத்திற்கு மேலும் அதிகாரங்களை வழங்கி அரசியலுரிமை பிரச்சினைக்குத் தீர்வு காண தயார் என்று ஜனாதிபதி அவர்கள் இந்திய வெளிவிவகார அமைச்சர் கிஷ்ணா அவர்களுக்கு வாக்குறுதி அளித்துள்ளார். நிச்சயம் அந்த வாக்குறுதிகள் நிறைவேற்றப்படும் என்றும் அமைச்சர் டக்ளஸ் தேவானந்தா அவர்கள் தெரிவித்தமை குறிப்பிடத்தக்கது.

'என்று தணியும் இந்த மின்சார தாகம்?'': விஜயகாந்த்

noreply@blogger.com (JKR) — Thu, 09 Feb 2012 18:55:00 +0000

தமிழகத்தில் ''என்று தணியும் இந்த மின்சார தாகம்'' என்ற புதிய முழக்கம் எங்கும் ஒலிக்கிறது. ஜெயலலிதா தலைமையிலான அரசு இதை உணருமா? மக்களுக்கு பரிகாரம் விரைவில் கிடைக்குமா? என்று தேமுதிக தலைவர் விஜயகாந்த் கேள்வி எழுப்பியுள்ளார்.
அவர் விடுத்துள்ள அறிக்கையில், தமிழகத்தில் எப்போது மின்சாரம் வரும், எப்போது போகும் என்ற நிலை தான் உள்ளது. விவசாயத்திற்கு மின்சாரம் கிடைக்கவில்லை. பின்னர், மகசூலை எப்படி அதிகரிக்க முடியும்?. தினசரி 8 மணி நேரம் அறிவிக்கப்படாத மின்வெட்டு என்று சொன்னாலும், அது பல மணி நேரம் நீடிக்கிறது என்பதுதான் உண்மை. சிறு, குறுந்தொழில் பாதுகாப்பு நலச்சங்கத் தலைவர் மின்வெட்டால் தினமும் ரூபாய் 400 கோடிக்கு உற்பத்திக்கு இழப்பு என்று அறிக்கை தருகிறார். கடனை வாங்கி விவசாயத்திலோ, தொழிலிலோ முதலீடு செய்து விட்டு மக்கள் தவிக்கின்றனர். பள்ளிக்கூடப் பிள்ளைகள் படிப்பதில் இருந்து, கோடிக்கணக்கான ரூபாய் முதலீடு செய்து தொழில்களை துவங்கி விட்டு மின்சாரம் இல்லாமல் அனைத்து தரப்பினரும் திகைக்கின்ற அளவில் பரிதாப நிலைதான் ஏற்பட்டுள்ளது. அண்டை மாநிலங்களில் இருந்தும், அன்னிய நாடுகளில் இருந்தும் தமிழ்நாட்டில் மூலதனம் போட்டு தொழில்களை துவங்குவதற்கு கூட மின்சாரப் பற்றாக்குறையால் தயங்குகின்றனர். ஏற்கனவே தமிழ்நாட்டில் உள்ள தொழில்களை விரிவாக்கம் செய்பவர்கள் கூட வேறு மாநிலங்களுக்கு செல்லும் நிலைமை ஏற்பட்டுள்ளது. இதனால் இளைஞர்களுக்கு வேலையில்லாத் திண்டாட்டம் நாளும் பெருகி வருகிறது. கடந்த ஆகஸ்ட் முதல் மின்வெட்டே இருக்காது என்று முதல்வர் கூறினார். இப்போது அவர் அடுத்த ஜூன் மாதம் முதல் படிப்படியாக மின்பற்றாக்குறை நீக்கப்படும் என்று அறிவித்துள்ளார். மின்சாரமே கிடைக்காத சூழ்நிலையில் மின்சாரக் கட்டணத்தை அபரிமிதமாக உயர்த்துவதற்கு ஜெயலலிதா அரசு பரிந்துரைத்துள்ளது. தமிழ்நாடு மின்சார ஒழுங்குமுறை ஆணையம் இதுபற்றி பொது மக்களிடம் கருத்து கேட்கிறது. கருத்துக் கேட்பு கூட்டங்களில் பொது மக்கள் ஆவேசப்படுவதும், அதிகாரிகள் பொது மக்களை சந்திக்க பயப்படுவதும், போலீஸ் காவலை வைத்துக் கொண்டுதான் பொது மக்கள் குறை கேட்கும் கூட்டங்களை நடத்த வேண்டி உள்ளது என்பதும் இன்றுள்ள தத்ரூபமான நிலைமை. ''என்று தணியும் இந்த மின்சார தாகம்'' என்ற புதிய முழக்கம் எங்கும் ஒலிக்கிறது. ஜெயலலிதா தலைமையிலான அரசு இதை உணருமா? மக்களுக்கு பரிகாரம் விரைவில் கிடைக்குமா? இவ்வாறு விஜயகாந்த் தனது அறிக்கையில் குறிப்பிட்டுள்ளார்.

ஆட்டுக்கும் மானுக்கும் காதலர் தினத்தில் திருமணம்

noreply@blogger.com (JKR) — Thu, 09 Feb 2012 16:22:00 +0000

சீனாவில் உள்ள மிருகக்காட்சி சாலையொன்று காதலர் தினத்தில் செம்மறி ஆடொன்றுக்கும் மான் ஒன்றுக்கும் திருமணம் செய்து வைப்பதற்கான ஏற்பாடுகளை செய்து வருகிறது. சீனாவின் தென்மேற்குப் பகுதியிலுள்ள குன்மிங் நகரில் அமைந்துள்ள யுனான் மிருகக்காட்சி சாலையிலே இந்த விநோத திருமணத்திற்கான ஏற்பாடுகள் செய்யப்பட்டுள்ளன. மேற்படி மிருகக்காட்சிசாலையின் பராமரிப்பாளர் ஒருவர் இது குறித்து தெரிவிக்கையில்,
சுன்ஸி என பெயரிடப்பட்ட பெண் மானும் சாங்மோ என பெயரிடப்பட்ட ஆண்; செம்மறி ஆடும் எப்போதும் ஒன்றிணைந்தே இருக்கும். அவற்றை பிரிக்க முடியாது. அவை இரண்டும் ஒன்றையொன்று மிகவும் நேசிக்கின்றன' எனக் கூறினார். இந்த இரு மிருகங்களையும் பிரிப்பதற்கு ஒரு தடவை ஊழியர்கள் முயற்சித்தனர். அப்போது பெண் மான் ஆட்டுடன் மீண்டும் இணையும் முயற்சியில் வேலியில் மாட்டிக்கொண்டதால் மேற்படி ஆடு கடும் ஆவேசமடைந்ததாக ஊழியர்கள் தெரிவித்துள்ளனர். 'ஆரம்பத்தில், நாங்கள் அவை இரண்டையும் பிரிப்பதா வேண்டாமா என பெரும் குழப்பத்தில் இருந்தோம். ஆனால் அவை இரண்டின் ஈர்ப்பு தன்மையும், உண்மையான காதலும் எங்களது எண்ணத்தை மாற்றிவிட்டது' எனவும் மேற்படி மிருகக்காட்சிசாலையின் முகாமையாளர் லீ லீ தெரிவித்துள்ளார். 'தற்போது நாங்கள் அவ்விலங்குகள் இரண்டிற்கும் திருமணம் செய்து வைக்கவுள்ளோம். இந்த திருமண நிகழ்வை பார்வையிடுபவர்களுக்காக 500 டிக்கட்டுகள் ஏற்பாடு செய்யப்பட்டுள்ளன. இதேவேளை, இத்திருமணத்தையொட்டி டீசேர்ட், கோப்பைகள் முதலான நினைவுப் பொருட்களும் விநியோகிப்பதற்கு தயார் படுத்தப்பட்டுள்ளன' எனவும் அவர் தெரிவித்தார்.

10 கிலோகிராம் நிறையுடைய வெடிபொருட்கள் மீட்பு

noreply@blogger.com (JKR) — Thu, 09 Feb 2012 16:12:00 +0000

கொட்டதெனியாவ பகுதியிலுள்ள பனகல தோட்டத்தில் கைவிடப்பட்ட கிணறொன்றிலிருந்து 10 கிலோகிராம் நிறையுடைய சி – 4ரக வெடிபொருட்கள் நேற்று புதன்கிழமை மாலை பொலிஸாரினால் கைப்பற்றப்பட்டுள்ளன.
குறித்த கிணற்றை துப்பரவு செய்த தோட்ட மக்கள், அக்கிணற்றில் வயருடன் பையொன்றில் சந்தேகத்திற்கிடமான பொருள் இருப்பதைக் கண்டு பொலிஸாருக்கு தகவல் வழங்கினர். இதனைத் தொடர்ந்து மிரிகம விமானப்படைப் பிரிவினர் இக்குண்டை செயலிழக்க வைத்தனர். நீர் உட்புகாத பெட்டி ஒன்றினுள் இக்குண்டு மின்கலத்துடன் பொருத்தப்பட்டிருந்ததாகவும் பொலிஸார் கூறினர்

நஷீட்டின் பாதுகாப்பு தொடர்பில் கேட்டறிந்தார் ஜனாதிபதி மஹிந்த

noreply@blogger.com (JKR) — Thu, 09 Feb 2012 14:55:00 +0000

ஜனாதிபதி மஹிந்த ராஜபக்ஷ, பதவி விலகியுள்ள மாலைதீவின் முன்னாள் ஜனாதிபதி மொஹமட் நஷீட்டுடன் தொடர்பு கொண்டு அவரது பாதுகாப்பு நிலைமைகள் தொடர்பில் கேட்டறிந்துள்ளதாக ஜனாதிபதி செயலக வட்டாரங்கள் தெரிவிக்கின்றன.
மாலைதீவின் முன்னாள் ஜனாதிபதி மொஹமட் நஷீட்டை கைது செய்யுமாறு அந்நாட்டு குற்றவியல் நீதிமன்றம் உத்தரவு பிறப்பித்ததையடுத்தே ஜனாதிபதி மஹிந்த ராஜபக்ஷ தொலைபேசியில் தொடர்பு கொண்டுள்ளதாகத் தெரிவிக்கப்படுகின்றது.

சம்பந்தனுக்கு எழுதிய கடிதத்திற்கு பதில் கிடைக்கவில்லை: முதலமைச்சர் சந்திரகாந்தன் கவலை

noreply@blogger.com (JKR) — Thu, 09 Feb 2012 13:56:00 +0000

தமிழ்த் தேசியக்கூட்டமைப்பின் தலைவர் இரா. சம்பந்தனுக்கு கடந்த தான் அனுப்பிய கடிதத்திற்கு இதுவரை தனக்கு உத்தியோகபூர்வமாக பதில் கிடைக்கவில்லை என கிழக்கு மாகாண முதலமைச்சரும் தமிழ் மக்கள் விடுதலைப் புலிகள் கட்சியின் தலைவருமான சிவநேசதுரை சந்திரகாந்தன் கவலை தெரிவித்துள்ளார்.
நேற்று செவ்வாய்க்கிழமை வவுணதீவில் சுமார் இரண்டரைக் கோடி ரூபா செலவில் அமைக்கப்படவுள்ள இரண்டு வீதிகளின் நிர்மாணப் பணிகளை ஆரம்பித்துவைத்து உரையாற்றும்போதே அவர் இவ்வாறு தெரிவித்தார். அங்கு தொடர்ந்து உரையாற்றிய முதலமைச்சர் சந்திரகாந்தன் மேலும் கூறியதாவது: 'இந்த அரசாங்கம் மக்களுக்கு ஒன்றும்செய்யவில்லை, வடகிழக்கு பிரித்துவைத்துள்ளது என பல கருத்துக்கள் சொல்லப்படுகின்றன. இவற்றினை மக்கள் நம்பக்கூடாது. அண்மைக்காலமாக பெரும் புரளியொன்று உலாவருகின்றது, வடக்கு கிழக்கு இணைப்பை பிள்ளையான் ஏற்றுக்கொண்டுவிட்டார். தமிழ் தேசிய கூட்டமைப்புடன் இணையப் போகின்றார்' என பல்வேறுபட்ட கருத்துக்கள் உலா வருகின்றன. அரசியல் ரீதியாக சிந்திக்கும் நீங்கள் நன்கு சிந்திக்கவேண்டும். நான் சம்பந்தன் ஐயா அவர்களுக்கு கடிதம் ஒன்று எழுதியிருந்தேன். இந்த ஆண்டில் முதலாம் திகதி முதல் கடிதமாக கையெழுத்திட்டு அந்த கடிதத்தை எழுதியிருந்தேன். அந்த கடிதத்தில் வடக்கு கிழக்கு இணைப்பு தவிர்ந்த ஏனைய அதிகார பகிர்வு தொடர்பில் உங்களோடு கலந்துரையாட தயாராக இருக்கின்றேன். குறிப்பாக பலவீனப்பட்டுள்ள சமூகத்தின் அபிவிருத்தி தொடர்பிலும் மாகாணசபை அதிகாரம் தொடர்பிலும் உங்களுடன் கலந்துரையாடவும் உங்களுக்கு உதவிபுரிவேன் என சொல்லியிருந்தேன். கடந்த காலத்தில் கிழக்கு மாகாணத்தை ஏற்றுக்கொள்ளவில்லை. கிழக்கு மாகாணசபையை ஏற்றுக்கொள்ளவில்லை. கிழக்கு மக்களை மதிக்கவில்லை. என்னிடம் கூட பேசவில்லையென்ற கவலையைக்கூட சொல்லியிருந்தேன். அவர்கள் அந்த கடிதத்தை எவ்வாறு எடுத்துக்கொண்டார்கள் என்று புரியவில்லை. அந்த கடிதத்தை மதித்து உடனடியாக பதிலளிக்கவில்லையென்ற கவலை எங்களிடம் இருக்கின்றது. இதை நான் ஏன ;கூறுகின்றேன் என்றால் எங்களின் மக்களிடம் கடந்த காலத்தில் ஒரு கவலையிருந்தது ஏன் நாங்கள் அவர்களுடன் பேசிப்பார்த்தால் என்ன என்று. நாங்கள் தொலைபேசியில் பேசிப்பார்த்தோம் நேரில் பேசிப் பார்த்தோம் எந்தவிதமான பதிலும் இல்லை. கடிதம் எழுதிப்பார்த்தோம், ஒரு மாதத்தை தாண்டியுள்ளபோதிலும் எதுவித பதிலும் கிடைக்கவில்லை என்றால் தொடர்ந்து இவர்களுடன் தொங்கிக்கொண்டிருக்க முடியாது. நேற்று நாடாளுளுமன்ற உறுப்பினர் சிறிதரன் அவர்கள் ஒரு கருத்தை சொல்லியிருந்தார். அவர்கள் பிரதேசவாதம் பேசுபவர்கள் அவர்களுடன் பேசமுடியாது என்று. சம்பந்தன் ஐயா பேசலாம் என்ற ஒரு கருத்தை சொல்லியிருக்கின்றார். சுரேஸ் பிரேமச்சந்திரன் ஒரு கருத்தை சொல்லியிருக்கின்றார். அரியநேத்திரன் ஒரு கருத்தை சொல்லியிருக்கின்றார். எவ்வாறு இருந்தாலும் அவர்களிடம் இருந்து ஆக்கபூர்வமான உத்தியோகபூர்வமான பதில் கிடைத்த பின்னரே மேற்கொண்டு எங்களால் நடவடிக்கையெடுக்க முடியும். எது எப்படியிருந்தாலும் நாங்கள் கூறும் ஒரு விடயம் வடக்கு கிழக்கு இணைப்பு தொடர்பில் தற்போது பேசுவதால் எதுவித பிரயோசனமும் ஏற்படப்போவதில்லை. அதனை பேசவேண்டிய தேவையும் தற்போது இல்லை. வடக்கையும் கிழக்கையும் இணைப்பதால் எமக்கு என்ன நன்மை? அவர்கள் சொல்வதுபோல அதிகாரப்பகிர்வுதான் மக்களுக்கு தேவையென்றால் எங்களைப் பொறுத்தவரையில் கிழக்கு மாகாணம் பிரிந்திருப்பதானது ஒரு அதிகாரப்பகிர்வு முறைமையாகவே உள்ளது. கடந்த காலத்தில் நாடாளுமன்ற உறுப்பினர் என்னை வேடுவ இனத்தை சேர்ந்தவன் என தெரிவித்துள்ளார். நான் அவ்வாறு இருந்தால் அது குறித்து பெருமைப்படுகின்றேன். அவர்;களின் கட்சியும் சொல்லும் விடயம் நாங்கள் இலங்கையின் ஆதிக்குடிகள் என்று. இங்கு ஆதிக்குடிகள் என்பவர்கள் வேடுவப்பரம்பரையினர். அதில் இருந்து வந்தவன் என்றால், இந்த இனத்தின் சொந்தக்காரன் நான். இந்த இனம் தொடர்பில் சிந்திப்பதற்கும் முடிவெடுப்பதற்கும் துணிவுள்ள ஒரு தகைமையுள்ள மனிதனாக நான் இருக்கின்றேன் என்பதில் பெருமையடைகின்றேன். எனவே, தேவையற்ற விடயங்களை பேசுவதை விடுத்து மக்கள் நலன் சார்ந்த விடயங்களை பேசும்போது நாங்களும் பேச முன்வருவோம். அதனைவிடுத்து நாங்கள் பலவீனப்பட்டுள்ளோம். வாக்கு பெறுவதற்காக நாங்கள் பேசவருகின்றோம் என்ற சாக்குப்போக்குகளை தள்ளிவிட்டு ஆக்கபூர்வமாக சிந்திக்கவேண்டும். 1989 ஆண்டு காலப்பகுதியில் இலங்கை -இந்திய ஒப்பந்தத்தை ஏற்றுக்கொண்டிருந்தால் முள்ளியவாய்க்கால் உட்பட இங்கு நடந்த சம்பவங்கள் பலவற்றை நிறுத்தியிருக்கலாம். இலட்சக்கணக்கான உயிர்களை பலிகொள்ளப்பட்டுள்ள, ஆயிரக்கணக்கான இளைஞர்கள் சிறைகளில் வாடிக்கொண்டிருக்கும் நேரத்தில் இன்று அதிகார பகிர்வுபற்றி பேசுகின்றனர். எனவே காலம் கடந்த ஞானம் வந்திருக்கின்றது என்று கூறும் சுரேஸ் பிரேமச்சந்திரன் போன்றவர்கள்தான் திரும்பிப்பார்க்க வேண்டும். எங்களுக்கு அவ்வாறு இல்லை. நாங்கள் யாருக்கும் துரோகியல்ல. மட்டக்களப்பு கிழக்கு மாகாண மக்கள் நாங்கள் துரோகியென்று நினைக்க முடியாது. உங்களுக்காக தொடர்ந்து செயற்படுவோம். வடக்கு கிழக்கு இணைப்பினால் நட்டப்படப்போவது கிழக்கு மக்கள் தான். கிழக்கில் தமிழர்கள் முஸ்லிம்கள் சிங்களவர்கள் வாழ்கின்றார்கள். வடக்கு கிழக்கோடு சேர்த்து பெரும்பான்னை தமிழர்கள் என்றால் கிழக்கிலுள்ள முஸ்லிம்களும் சிங்களவர்களும் சேர்ந்தால் கிழக்கு மாகாணத்தை நாம் எவ்வாறு சொந்தமாக மாற்றுவது? எங்களுக்கு இப்போது தான் ஓரளவு நன்மைகள் வரத் தொடங்கியுள்ளது. அபிவிருத்திப் பணிகள் நடந்துகொண்டிருக்கின்றன. மாறிவரும் உலகில் கல்வியறிவு கணணியறிவு அற்ற பிள்ளைகள் எதிர்காலத்தில் கஷ்டங்களை எதிர்நோக்குவர். உலகமயமாதல் எல்லாவிடயங்களிலும் தாக்கம் செலுத்திக்கொண்டிருக்கிறது. பொருளாதார வளர்ச்சியோடு நாடு கட்டியெழுப்பப்படும்போது நாங்கள் அதில் கவனம் செலுத்தாது இருந்தால் பலமிழந்து விடுவோம். மக்கள் யதார்த்தத்தை விளங்கிக்கொள்ள வேண்டும். வடக்கோடு கிழக்கு இணைக்கப்படும்போது ஒரு இணக்கப்பாட்டு அரசியலை மேற்கொள்வதற்கான திட்டங்கள் எதுவும் அவர்களிடம் இல்லை. எங்களுக்கு சிறுபான்மை மக்களின் அதிகாரப் பகிர்வில் நலிவடைந்த மக்களின் அரசியல் பிரச்சனைகளை கதைப்பதற்கு உரிமையுள்ளது. எங்கள் மாகாணத்தை பாதுகாத்து பொருளாதார ரீதியாக கட்டியெழுப்பி உச்சப் பயனை அடைவது எங்கள் பொறுப்பாகும். வடக்கோடு ஒப்பிடும்போது கிழக்கு மாகாணம் பிரமாண்டமான வளங்களை கொண்ட மாகாணமாகும்.'

சங்கரன்கோவில் அருகே கலவரம்: 2 எஸ்.ஐ.க்கள் படுகாயம்-போலீஸ் துப்பாக்கி சூடு

noreply@blogger.com (JKR) — Wed, 08 Feb 2012 19:12:00 +0000

ச ங்கரன்கோவிலில் இரு தரப்பினருக்கு இடையே ஏற்பட்ட மோதல் கலவரமாக வெடித்தது. இதில் 2 சப்-இன்ஸ்பெக்டர்கள் படுகாயம் அடைந்தனர். போலீசார் கண்ணீர்ப் புகைகுண்டு, துப்பாக்கிச்சூடு நடத்தி கலவரக்காரர்களை கலைந்து போகச் செய்தனர்.
நெல்லை மாவட்டம் சங்கரன்கோவில் காமராஜர் நகர், காந்தி நகர், கழுகுமலை சாலை ஆகிய பகுதிகளில் உள்ள காளியம்மன், உச்சிமாகாளியம்மன் மற்றும் அம்மன் கோவில்களில் தை மாத கொடை விழா நேற்று தொடங்கியது. இதையொட்டி மாலை 6 மணிக்கு காமராஜர் நகரைச் சேர்ந்த மக்கள் தீர்த்த நீர் எடுத்துக் கொண்டு ஊர்வலமாக கழுகுமலை சாலை வழியாக வந்து கொண்டிருந்தனர். அங்குள்ள பெரியபள்ளிவாசல் அருகே ஊர்வலம் வந்தபோது பள்ளிவாசலை நோக்கி செருப்பு வீசப்பட்டதாகக் கூறப்படுகிறது. அப்போது தொழுகை முடிந்து வெளியே வந்தவர்கள் இதனை பார்த்தனர். இதற்கு எதிர்ப்பு தெரிவித்த அவர்கள் பள்ளிவாசல் முன்பு திரண்டனர். இது குறித்து தகவல் அறிந்து சம்பவ இடத்திற்கு வந்த போலீசார் இருதரப்பினரிடமும் பேச்சுவார்த்தை நடத்தினர். இந்நிலையில் அதே சமயம் காந்தி நகர் காளியம்மன் கோவில், உச்சிமாகாளியம்மன் கோவில் ஆகிய கோவில்களைச் சேர்ந்த பக்தர்கள் தீர்த்த நீர் எடுத்துக் கொண்டு வந்தனர். அப்போது அங்கு வந்த சிலர் அவர்கள் எடுத்து வந்த பூஜைக்குரிய தாம்பூலங்களை எட்டி உதைத்தனர். இதில் இருதரப்பினருக்கும் இடையே மோதல் ஏற்பட்டது. ஒருவரை ஒருவர் கல்வீசி தாக்கிக் கொண்டனர். அங்கிருந்த கடைகள், லாரி, ஆட்டோக்கள அடித்து நொருக்கப்பட்டன. இதில் சங்கரன்கோவில் டவுன் சப்-இன்ஸ்பெக்டர் சுதா, சொக்கலிங்கம் ஆகியோர் படுகாயம் அடைந்தனர். மேலும் கடைகள், கார்கள் கொளுத்தப்பட்டன. இருதரப்பைச் சேர்ந்த ஆயிரக்கணக்கானோர் இருபுறமும் திரண்டு நின்றதால் பரபரப்பு ஏற்பட்டது. இதனால் கலவரம் தீவிரமடைந்தது. சொற்ப அளவிலேயே இருந்த போலீசாரால் கலவரத்தைக் கட்டுப்படுத்த முடியவில்லை. இதனால் அவர்கள் சங்கரன்கோவில் தேர் அருகே நின்று வேடிக்கை பார்த்துக் கொண்டிருந்தனர். கலவர தகவல் கிடைத்து அங்கு வந்த தீயணைப்பு துறையினர் உள்ளே செல்ல முடியாததால் அவர்களும் அங்கேயே நின்றனர். இரவு 10 மணிக்கு டிஐஜி வரதராஜு, நெல்லை எஸ்பி விஜயேந்திர பிதாரி ஆகியோர் சம்பவ இடத்திற்கு வந்தனர். இரு தரப்பினரும் தாக்குதலை நிறுத்தும்படி ஒலி பெருக்கியில் தெரிவித்தும் கலவரக்காரர்கள் இதனை கண்டுகொள்ளவில்லை. இதனால் வானத்தை நோக்கி துப்பாக்கிச்சூடு நடத்தப்பட்டது. அப்படியும் கலவரம் கட்டுக்குள் வராததால் போலீசார் கண்ணீர்ப் புகைகுண்டுகளை வீசினர். இதையடுத்து கலவரக்காரர்கள் நாலா பக்கமும் சிதறி ஓடினர். இதனால் சங்கரன்கோவிலில் போக்குவரத்து நிறுத்தப்பட்டது. அங்கு பதற்றமான சூழல் நிலவுவதால் பலத்த போலீஸ் பாதுகாப்பு போடப்பட்டுள்ளது. இந்த சம்பவம் தொடர்பாக இரு தரப்பையும் சேர்ந்த 19 பேர் கைது செய்யப்பட்டுள்ளனர்.

வடபிராந்தியத்துக்கான மின்சார சபையின் பொதுமுகாமையாளர் அலுவலக் கட்டிடத்திற்கான அடிக்கல் நாட்டும் நிகழ்வு!

noreply@blogger.com (JKR) — Wed, 08 Feb 2012 17:56:00 +0000

இலங்கை மின்சார சபையின் வடபிராந்தியத்துக்கான பொதுமுகாமையாளர் அலுவலக் கட்டிடத்திற்கான அடிக்கல்லை பாரம்பரிய கைத்தொழில்கள் மற்றும் சிறுதொழில் முயற்சி அபிவிருத்தி அமைச்சர் டக்ளஸ் தேவானந்தா அவர்களும் மின்சக்தி எரிசக்தி அமைச்சர் பாட்டலி சம்பிக்க ரணவக்க அவர்களும் இணைந்து நாட்டி வைத்தனர். (படங்கள் இணைக்கப்பட்டுள்ளன)
யாழ்ப்பாணம் பழைய பூங்கா வளாகத்தில் புதிதாக அமையப் பெறவுள்ள கட்டிடத்திற்கான அடிக்கல் இன்றைய தினம் நாட்டி வைக்கப்பட்டது. முன்பதாக அமைச்சர்களான டக்ளஸ் தேவானந்தா பாட்டலி சம்பிக்க ரணவக்க உள்ளிட்ட அதிதிகள் பிரதான வாயிலிருந்து நிகழ்விடத்திற்கு மங்கள வாத்தியம் சகிதம் அழைத்து வரப்பட்டனர். மங்கள விளக்கேற்றி வைக்கப்பட்டு சிறப்பு பூசை வழிபாடுகளைத் தொடர்ந்து அமையப்பெறவுள்ள புதிய கட்டிடத்திற்கான அடிக்கல்லை அமைச்சர்கள் இருவரும் நாட்டி வைத்ததுடன் பெயர்ப் பலைகையினையும் திரைநீக்கம் செய்து வைத்தனர். 150 மில்லியன் ரூபா செலவில் 04 மாடிகளைக் கொண்டதாக இப்புதிய கட்டிடம் அமையப் பெறவுள்ளதுடன் இதற்கான பூர்வாங்க வேலைகள் யாவும் உடனடியாக ஆரம்பிக்கப்படவுள்ளன. இந்நிகழ்வில் ஈ.பி.டி.பி. பாராளுமன்ற உறுப்பினர்களான முருகேசு சந்திரகுமார் சில்வேஸ்திரி அலென்ரின் (உதயன்) யாழ் மாநகர முதல்வர் திருமதி யோகேஸ்வரி பற்குணராஜா யாழ் அரச அதிபர் திருமதி இமெல்டா சுகுமார் உள்ளிட்ட மின்சக்தி எரிசக்தி அமைச்சின் துறைசாhந்த அதிகாரிகள் பலரும் கலந்து கொண்டனர். கடந்த 05ம் திகதி வடபகுதிக்கான விஜயத்தை மேற்கொண்ட மின்சக்தி அமைச்சர் வவுனியா கிளிநொச்சி முல்லைத்தீவு மன்னார் மற்றும் யாழ்ப்பாணம் ஆகிய மாவட்டங்களில் 735 மில்லியன் ரூபா செலவில் மின்சாரத் திட்டங்களை ஆரம்பித்து வைத்துள்ளமை குறிப்பிடத்தக்கது.

42 முன்னாள் போராளிகள் பெற்றோரிடம் ஒப்படைப்பு

noreply@blogger.com (JKR) — Wed, 08 Feb 2012 16:16:00 +0000

பு னர்வாழ்வளிக்கப்பட்ட விடுதலை புலிகள் இயக்க முன்னாள் உறுப்பினர்கள் 42 பேர் இன்று புதன்கிழமை தேசத்துக்கு மகுடம் கண்காட்சிகூட பிரதான மேடையில் வைத்து பெற்றோரிடம் ஒப்படைக்கப்பட்டனர்.
இந்நிகழ்வில், சிறைச்சாலைகள் மற்றும் மறுசீரமைப்புத்துறை அமைச்சர் சந்திரசிரி கஜதீர, அமைச்சர் எஸ்.எம்.சந்திரசேன, பிரதி அமைச்சர் டபிள்யூ.பீ.ஏக்கநாயக்க, சிறைச்சாலைகள் மற்றும் மறுசீரமைப்புத்துறை அமைச்சின் செயலாளர் ஏ.திஸாநாயக்க, புனர்வாழ்வு ஆணையாளர் சந்தன ராஜகுரு, சிறைச்சாலைகள் ஆணையாளர் டபிள்யூ.பீ.கொடிப்புலி உட்பட்ட பலரும் கலந்துகொண்டனர்.

சரத் பொன்சேகா அனைத்து அரசியல் கைதிகளின் அடையாளம்" _

noreply@blogger.com (JKR) — Wed, 08 Feb 2012 15:39:00 +0000

ச ரத் பொன்சேகாவை அடைத்து வைத்து அரசாங்கம் அரசியல் செய்கிறது. அவரது சிறைவாழ்க்கை அனைத்து அரசியல் கைதிகளின் சிறை வாழ்க்கைக்கு அடையாளமாகத் திகழ்கிறது என ஜனநாயக மக்கள் முன்னணியின் தலைவர் மனோ கணேசன் தெரிவித்தார்.
சரத் பொன்சேகாவை விடுதலை செய்யுமாறு கோரி இன்று கொழும்பில் நடைபெற்ற ஆர்ப்பாட்டத்தில் கலந்துகொண்டு உரையாற்றிய போது, இவ்வாறு தெரிவித்த அவர் மேலும் கூறியதாவது, இன்று எமக்கு நீதிமன்ற ஆணையை பொலிஸார் அறிவித்துள்ளனர். நாம் நீதிமன்ற நடவடிக்கைகளுக்குத் தடை போடுகிறோம் என குற்றஞ்சாட்டப்படுகிறது. நாம் நீதிமன்றத்தை மதிப்பவர்கள். நீதியின் ஆட்சியை வேண்டி நிற்கும் நாம் நீதிமன்ற நடவடிக்கைகளுக்கு தடை போடுவோமா? இந்த அரசாங்கம்தான் நாட்டில் ஜனநாயகத்திற்கு தடை போட்டுள்ளது. இந்த அரசாங்கம்தான் நாட்டில் மக்களின் சுதந்திர வாழ்க்கைக்குத் தடை போட்டுள்ளது. இந்த அரசாங்கம்தான் நாட்டில் நல்லாட்சிக்குத் தடை போட்டுள்ளது. இந்த அரசாங்கம்தான் நாட்டில் நீதியின் ஆட்சிக்கு தடை போட்டுள்ளது. எங்களை நீதிமன்றத்தில் நிறுத்தினால் இதை எடுத்துக் கூறுவோம். சரத் பொன்சேகாவுக்கு 40 இலட்சத்திற்கு மேற்பட்டவர்கள் வாக்களித்தார்கள். இன்று அவர்கள் அனைவரும் அவரை விடுதலை செய்யச் சொல்லிக் கேட்கிறார்கள். அவருக்கு வாக்களிக்காதவர்களும் அவரின் விடுதலைக்காக இன்று குரல் கொடுக்கிறார்கள். சிங்கள மக்களுடன், தேசிய பிரச்சினைகளில் நாம் கைகோர்ப்போம். சரத் பொன்சேகாவின் விடுதலைக் கோஷத்தில் தமிழ் மக்களையும் நாம் இணைக்கின்றோம். அதன் அடையாளமாகவே நான் இங்கு நிற்கின்றேன். அது மாத்திரம் அல்ல, நானும், நண்பர் விக்கிரமபாகுவும் சரத் பொன்சேகாவை அனைத்து தமிழ் அரசியல் கைதிகளின் சிறை வாழ்க்கை தொடர்பிலான அடையாளமாகவே நாம் பார்க்கின்றோம். எப்படி சரத் பொன்சேகாவை விடுதலை செய்வதற்கான இயக்கம் சிங்கள, தமிழ், முஸ்லிம் மக்களின் இணைந்த இயக்கமாக இருக்கின்றதோ, அதுபோல் தமிழ் அரசியல் கைதிகளின் விடுதலை தொடர்பான இயக்கமும் ஒரு தேசிய இயக்கமாக மாறவேண்டும். விக்கிரமபாகு கருணாரத்ன அனோமா பொன்சேகா அலரி மாளிகை வாசலுக்கு சென்று மன்னிப்புக் கடிதம் கொடுத்தால் மன்னிப்பு கிடைக்கும். அத்துடன் அரச சுகபோகங்களும் கிடைக்கும். பதவிகளும், வரப்பிரசாதங்களும் கிடைக்கும். ஆனால், அவர் அதைச் செய்யவில்லை. அதை நாம் மதிக்கின்றோம். சரத் பொன்சேகா விடுதலை செய்யப்பட வேண்டும். அதுபோல் அனைத்து தமிழ் அரசியல் கைதிகளும் விடுவிக்கப்படவேண்டும். நாம் இதை வலியுறுத்துகின்றோம். கைதிகள் விடுதலை தொடர்பில் ஒவ்வொருவரும் ஒவ்வொரு வழியில் செயல்படலாம். இது எமது வழி. நானும் மனோ கணேசனும் சரத் பொன்சேகாவுடன் சேர்த்து தமிழ்க் கைதிகள் விவகாரத்தையும் தேசிய இயக்கமாக மாற்ற முயற்சி செய்கிறோம். சரத் பொன்சேகாவிற்கு தமிழ் மக்களும் வாக்களித்துள்ளார்கள். வடக்கில், கிழக்கில், மேற்கில் வாக்களித்தார்கள். எனவே தமிழ், கைதிகள் தொடர்பில் கவனம் செலுத்தும் கடமை சரத் பொன்சேகாவிற்கு விடுதலை வேண்டி நிற்பவர்களுக்கும் இருக்கிறது. ___

திருநெல்வேலியில் இளைஞர்கள் மீது வாள்வெட்டு; இருவர் காயம்; 2பேர் கைது

noreply@blogger.com (JKR) — Wed, 08 Feb 2012 15:01:00 +0000

யாழ். திருநெல்வேலி சந்தைப்பகுதியில் இன்று காலை இளைஞர்கள் மீது வாளினால் வெட்டிக் காயப்படுத்திய இருவர் கைது செய்யப்பட்டுள்ளனர் என்று கோப்பாய் பொலிஸார் தெரிவித்தனர்.
மோட்டர் சைக்கிளில் வந்த இருவர் சமாரியாக சந்தைப்பகுதியில் நின்ற இரு இளைஞர்களை துரத்தித் துரத்தி வாளால் வெட்டியுள்ளனர். வாள் வெட்டுக் காயங்களுக்கு இலக்கான அவ்விரு இளைஞர்களும் யாழ். போதனா வைத்தியசாலையில் அனுமதிக்கப்பட்டுள்ளனர் என்றும் பொலிஸார் குறிப்பிட்டனர். வாளால் இளைஞர்களை வெட்டிக் காயப்படுத்திய இரு இளைஞர்கள் கோப்பாய் பொலிஸ் நிலையத்தில் தடுத்து வைக்கப்பட்டு விசாரிக்கப்பட்டு வருவதாக கோப்பாய் பொலிஸார் மேலும் தெரிவித்தனர்.

வெள்ளவத்தை தொடர்மாடியில் தீ: இருவர் உயிரிழப்பு

noreply@blogger.com (JKR) — Wed, 08 Feb 2012 14:51:00 +0000

வெள்ளவத்தை 37 ஆவது ஒழுங்கையில் அமைந்துள்ள தொடர்மாடி மனை ஒன்றில் இன்று அதிகாலை ஏற்பட்ட தீவிபத்தில் 4 ஆவது மாடியில் உள்ள வீடொன்று எரிந்து பாரிய சேதம் ஏற்பட்டுள்ளது. குறித்த வீட்டிலிருந்த வயோதிபர் ஒருவரும் யுவதி ஒருவரும் மீட்கப்பட்டனர். எனினும் அவர்களின் உயிரைக் காக்க முடியவில்லை என்று பொலிஸ் ஊடக பேச்சாளர் அஜித் ரோஹன தெரிவித்தார்.
இலங்கையைப் பிறப்பிடமாகக் கொண்ட அமெரிக்கப் பிரஜையான பி. கே. சத்தியநாதன் (வயது68), கிளிநொச்சியைச் சேர்ந்த ஷர்மிளா பாலசுப்பிரமணியம் (வயது 32) ஆகியோரே சம்பவத்தில் உயிரிழந்துள்ளதாக வெள்ளவத்தை பொலிஸ் நிலைய குற்றத் தடுப்புப் பிரிவினர் எமது செய்திப்பிரிவுக்குத் தெரித்தனர். உயிரிழந்தவர்களின் சடலங்கள் கொழும்பு தேசிய வைத்தியசாலையிலும் களுபோவில ஆதார வைத்தியசாலையிலும் வைக்கப்பட்டுள்ளன. வீட்டுக்கு தீ வைத்துவிட்டு அவர்கள் இருவரும் தற்கொலை செய்திருக்கலாம் என பொலிஸார் சந்தேகிக்கின்றனர். குறித்த மாடி வீட்டில் வெடிக்காத நிலையில் மூன்று காஸ் சிலிண்டர்களும் மீட்கப்பட்டுள்ளதாக தகவல்கள் கூறுகின்றன. இவற்றை அவர்களே வைத்திருக்கலாம் என்றும் அவை வெடித்திருக்கும் பட்சத்தில் பாரிய அனர்த்தம் ஏற்பட்டிருக்கும் என்றும் பொலிஸார் சந்தேகம் தெரிவிக்கின்றனர். வெள்ளவத்தை 37 ஆவது ஒழுங்கையில் அமைந்துள்ள டொரன்டோ சதுக்க தொடர்மாடி மனையிலேயே இந்தத் தீ அனர்த்தம் ஏற்பட்டுள்ளது. குறித்த தொடர்மாடியில் சுமார் எழுபத்தைந்து குடும்பங்கள் வசித்து வருவதுடன் வீடுகள் வாடகைக்கு வழங்கப்படுவதும் வழக்கமாகும். சம்பவதினம் அதிகாலை 2 மணியளவில் நான்காவது மாடியில் தீப்பிடித்ததையடுத்து எங்கும் புகை மண்டலமாக காட்சியளித்தது. ஸ்தலத்துக்கு விரைந்த பொலிஸாரும் தீயணைப்புப் படையினரும் உடனடியாக தீயை கட்டுப்பாட்டுக்குள் கொண்டுவந்து தொடர் மாடியில் உள்ள மக்களை பாதுகாப்பாக வெளியேற்றியுள்ளனர். ___

இலங்கையை வென்றது இந்தியா

noreply@blogger.com (JKR) — Wed, 08 Feb 2012 14:19:00 +0000

அ வுஸ்திரேலியாவில் நடைபெறும் கொமன்வெல்த் பாங்க் (சி.பீ.) கிண்ணத்திற்கன முக்கோண கிரிக்கெட் தொடரின் இரண்டாவது போட்டியில் இலங்கை அணியை இந்திய அணி 4 விக்கெட்டுளால் வென்றது.
பேர்த் நகரில் நடைபெற்ற இப்போட்டியில் முதலில் துடுப்பெடுத்தாடிய இலங்கை அணி 50 ஓவர்களில் 8 விக்கெட் இழப்பிற்கு 233 ஓட்டங்களைப் பெற்றது. பதிலுக்குத் துடுப்பெடுத்தாடிய இந்திய அணி 46.4 ஓவர்களில் 6 விக்கெட்டுகளை மாத்திரம் இழந்து வெற்றி இலக்கை அடைந்தது. வீரட் கோலி 77 ஓட்டங்களைப் பெற்ற நிலையில் ரன் அவுட் ஆனார். சச்சின் டெண்டுல்கர் 44 ஓட்டங்களையும் ரோஹித் சர்மா 24 ஓட்டங்களையும் பெற்றனர். ரவீந்திர ஜடேஜா ஆட்டமிழக்காமல் 24 ஓட்டங்களையும் ரவிச்சந்திரன் அஸ்வின் ஆட்டமிழக்காமல் 30 ஓட்டங்களையும் பெற்றனர். இலங்கைப் பந்துவீச்சாளர்களில் ஏஞ்சலோ மத்திவ்ஸ் 31 ஓட்டங்களுக்கு 2 விக்கெட்டுகளை வீழ்த்தினார். திசேர பெரேரா 37 ஓட்டங்களுக்கு ஒரு விக்கெட்டையும் தம்மிக்க பிரசாத் 47 ஓட்டங்களுக்கு ஒரு விக்கெட்டையும் லஷித் மாலிங்க 49 ஓட்டங்களுக்கு ஒரு விக்கெட்டையும் வீழ்த்தினர். இத்தொடரில் தனது இரண்டாவது போட்டியில் விளையாடிய இந்தியா முதல்வெற்றியைப் பெற்றுள்ளது. இலங்கை அணி இத்தொடரில் விளையாடிய முதலாவது போட்டி இதுவாகும். இத்தொடரின் ஆரம்பச் சுற்றில் ஒவ்வொரு அணியும் ஏனைய இரு அணிகளை தலா 4 தடவை எதிர்த்தாடவுள்ளமை குறிப்பிடத்தக்கது.

ஜனாதிபதி அவர்கள் யாழில் கலந்து கொண்ட நிகழ்வுகளின் வீடியோ தொகுப்பு.!...

noreply@blogger.com (JKR) — Tue, 07 Feb 2012 17:51:00 +0000

பாரம்பரிய கைத்தொழில்கள் மற்றும் சிறுதொழில் முயற்சி அபிவிருத்தி அமைச்சர் டக்ளஸ் தேவானந்தா அவர்களின் அழைப்பை ஏற்று யாழ் விஜயம் மேற்கொண்ட ஜனாதிபதி அவர்கள் 06.02.2012ம் திகதி கலந்து கொண்ட நிகழ்வுகளின் வீடியோ தொகுப்பு இணைக்கப்பட்டுள்ளது.

நாட்டில் பேரினவாத கடும்போக்கு தொடர்ந்தால் சர்வதேசத்தின் தலையீடுகளைத் தவிர்க்க முடியாது' _

noreply@blogger.com (JKR) — Tue, 07 Feb 2012 16:39:00 +0000

நாட்டில் பேரினவாத கடும் போக்கு தொடருமானால் சர்வதேச நாடுகளின் தலையீடுகளை தடுக்க முடியாது என்று புளொட் அமைப்பின் தலைவர் தர்மலிங்கம் சித்தார்த்தன் தெரிவித்தார்.
ஜனாதிபதி மஹிந்த ராஜபக்ஷவிற்கு 18 இலட்சத்திற்கும் மேலதிகமான மக்கள் ஆதரவு கிடைத்துள்ளது. எனவே தமிழ் மக்களின் பிரச்சினைக்கு தடங்கலின்றி தீர்வை வழங்க முடியுமென்றும் அவர் சுட்டிக்காட்டியுள்ளார். நல்லிணக்க ஆணைக்குழுவின் பரிந்துரைகள் அமுல் செய்யப்படக் கூடாதென அரசாங்கத்தின் பங்காளிக் கட்சியான ஜாதிகஹெல உறுமய கூறியிருப்பது தொடர்பாக கருத்து தெரிவிக்கையிலேயே புளொட் அமைப்பின் தலைவர் த.சித்தார்த்தன் இவ்வாறு தெரிவித்தார். இது தொடர்பாக அவர் மேலும் தெரிவித்ததாவது, நல்லிணக்க ஆணைக்குழுவின் அறிக்கையானது பக்கச் சார்பில்லாது அனைத்து தரப்பினரது தவறுகளையும் சுட்டிக்காட்டியுள்ளதோடு அதற்கான பரிந்துரைகளையும் வழங்கியுள்ளது. ஜனாதிபதியே நல்லிணக்க ஆணைக்குழுவை நியமித்தார். எனவே இதன் பரிந்துரைகளை நடைமுறைப்படுத்த வேண்டியது கட்டாயமாகும். எனவே பேரினவாத கடும் போக்காளர்களின் பிடிக்குள் ஜனாதிபதி சிக்கிவிடலாகாது. அவ்வாறு சிக்குவாரானால் பாதிக்கப்பட்ட தமிழ் மக்கள் சர்வதேசத்தின் உதவியை கோரும் நிலைக்கு தள்ளப்படுவார்கள். இது தவிர்க்க முடியாத தார்மீகக் கட்டாயமாகும். இவ்வாறானதோர் சூழ்நிலையில் நாட்டுக்குள் சர்வதேசத்தின் தலையீடுகளை அதிகரிக்கும் அப்போது சர்வதேசம் தலையிடுகிறதே எனக் கூச்சலிடுவதால் பலனில்லை. எனவே நாமாகவே எமது பிழைகளை திருத்திக் கொள்ள வேண்டும். விசேடமாக ஜனாதிபதிக்கு 18 இலட்சத்திற்கும் மேலான மக்கள் ஆதரவு உள்ளது. மூன்றிலிரண்டு பெரும் பான்மை கொண்ட அரசாங்கமும் உள்ளது. இதனால் தைரியமாக பேரினவாதிகளுக்கு அஞ்சாமல் தமிழ் மக்களின் பிரச்சினைகளுக்கு தீர்வு வழங்க முடியும். அதேபோன்று நல்லிணக்க ஆணைக் குழுவின் பரிந்துரைகளையும் நடைமுறைப்படுத்த முடியும். பரிந்துரைகளை நடைமுறைப்படுத்தும் போது விசேடமாக உயிரிழந்தவர்கள் மற்றும் பாதிக்கப்பட்டோர் தொடர்பில் அதிக கவனம் செலுத்தப்பட வேண்டும். அவர்களுக்கு நஷ்ட ஈடுகள் நிவாரணங்களை வழங்குவதற்கு முன்னுரிமை வழங்கப்பட வேண்டும். தொடர்ந்தும் பேரினவாத கடும் போக்காளர்களுக்கு அஞ்சி பிரச்சினைகளை தீர்க்காவிட்டால் சமாதானம் தொலைந்து போகும். நாடு அதே இடத்திலேயே இருக்கும் பொருளாதார அபிவிருத்தியை நோக்கி நகராது என்றார். ___

விஜயகாந்த்துடன் 'அண்ணன், தம்பியா' பழகிய இப்ராகிம் ராவுத்தர் அதிமுகவில் இணைந்தார்!

noreply@blogger.com (JKR) — Tue, 07 Feb 2012 16:28:00 +0000

வி ஜயகாந்த்தின் சிறு வயது முதல் உற்ற தோழனாக விளங்கி, விஜயகாந்த் திருமணத்திற்குப் பிறகு அவரை விட்டு ஓரம் கட்டப்பட்ட இப்ராகிம் ராவுத்தர் இன்று அதிமுகவில் இணைந்தார்.
விஜயகாந்த்தும், இப்ராகிம் ராவுத்தரும் மதுரையில் சிறு வயது முதலே நெருங்கிய நண்பர்களாக இருந்தவர்கள். விஜயகாந்த சென்னைக்கு வந்து நடிகராக முயன்றபோது அவருக்கு துணையாக இருந்தவர் ராவுத்தர். விஜயகாந்த்தின் வளர்ச்சியி்ல் ஆனந்தம் கண்டவர். விஜயகாந்த்துக்காக பலரிடமும் போய் நடிக்க வாய்ப்பு கேட்டு பாடுபட்டவர். விஜயகாந்த்தை வைத்துப் பல படங்களையும் தயாரித்தார். இவர்களது நட்பு அந்தக் காலத்தில் பெரும் ஆச்சரியமாகப் பேசப்பட்டது. அப்படி ராவுத்தர் பேச்சை விஜயகாந்த் தட்ட மாட்டார், விஜயகாந்த் பேச்சை ராவுத்தர் தட்ட மாட்டார். இந்த நட்புக்கும் பின்னர் பங்கம் வந்தது. விஜயகாந்த்துக்கு திருமணமான பின்னர் படிப்படியாக ராவுத்தர் ஓரம் கட்டப்பட்டார். ஒரு கட்டத்தில் ஒரேயடியாக ராவுத்தரவை விட்டுப் பிரிந்து விட்டார் விஜயகாந்த். இவர்களது பிரிவுக்கு என்ன காரணம் என்பது சத்தியமாக இதுவரை யாருக்குமே தெரியவில்லை. கடந்த பல வருடங்களாகவே அமைதியாக இருந்து வருகிறார் ராவுத்தர். படத் தயாரிப்பிலும் ஈடுபடுவதில்லை. இடையில் சில காலம் காங்கிரஸில் இருந்தார் ராவுத்தர். ஆனாலும் ஆக்டிவாக அவர் எதிலும் ஈடுபடாமல் இருந்து வந்தார். இந்த நிலையில் சமீபத்தில் ராவுத்தரும், நடிகர் வடிவேலுவும் திடீரென சந்தித்துப் பேசியதாகவும், இருவரும் அதிமுகவில் சேர திட்டமிட்டுள்ளதாகவும் தகவல்கள் வெளியாகின. இருப்பினும் அப்படி எதுவும் நடக்கவில்லை. இவர்களை அதிமுகவுக்குக் கொண்டு வரும் வேலையில் நடிகர் ராதாரவி இருப்பதாகவும் கூறப்பட்டது. இந்த நிலையில் இன்று ராவுத்தர் அதிமுகவில் வந்து இணைந்தார். ராவுத்தரின் அதிமுக வருகை, விஜயகாந்த்தை குறி வைத்தா அல்லது தற்செயலானதா என்பது தெரியவில்லை. தே.மு.தி.க. நிர்வாகிகளும் அ.தி.மு.கவில் இணைந்தனர்: முதல்வர் ஜெயலலிதாவை சந்தித்து தன்னை முறைப்படி அதிமுகவில் இணைத்துக் கொண்டார் இப்ராகிம் ராவுத்தர். இந்த நிகழ்ச்சி அதிமுக தலைமைக் கழகத்தில் இன்று நடந்தது. ராவுத்தர் தவிர ஆயிரத்திற்கும் மேற்பட்ட தேமுதிகவினரும் ஜெயலலிதாவைச் சந்தித்து தங்களை கட்சியில் இணைத்துக் கொண்டனர். அவர்களில் முக்கியமானவர் சென்னை மாநகராட்சித் தேர்தலில் மேயர் வேட்பாளராகப் போட்டியிட்ட வேல்முருகன் ஆவார். மேலும் தேமுதிக மாநில தேர்தல் பிரிவு செயலாளர் ஜெகவீரபாண்டியன், மாநில மருத்துவர் அணி செயலாளர் டாக்டர் பாரி, திருவண்ணாமலை மாவட்டச் செயலாளர் ஜெய்சந்த் ஜேக்கப் உள்ளிட்டோரும் இன்று அதிமுகவில் இணைந்த தேமுதிகவினரில் முக்கியமான சிலர் ஆவர். குயிலியும் வந்தார்: இதேபோல நடிகை குயிலியும் முதல்வர் ஜெயலலிதா முன்னிலையில் தன்னை அதிமுகவில் இணைத்துக் கொண்டார். கடந்த காலங்களில் இவர் திமுக தரப்புக்கு நெருக்கமாக நடந்து கொண்டவர் என்பது நினைவிருக்கலாம். இணைந்தவர்களின் நம்பிக்கை வீண் போகாது: ஜெயலலிதா அதிமுகவினல் இணைந்தவர்கள் மத்தியில் முதல்வர் ஜெயலலிதா பேசுகையில், அதிமுகவில் இணைய வந்துள்ள உங்கள் அனைவரையும் வருக வருக என வரவேற்கிறேன். குறிப்பாக இத்தனை பெண்களும், இளைஞர்களும் தங்களை கட்சியில் இணைத்துக் கொள்வதை காணும் போது மட்டற்ற மகிழ்ச்சி அடைகிறேன். எத்தகைய நம்பிக்கையுடன் அ.தி.மு.கவில் இணைய வந்து உள்ளீர்களோ அந்த நம்பிக்கை வீண் போகாது. உங்கள் அனைவருக்கும் மிகவும் ஒளிமயமான எதிர்காலம் அமைய நல்வாழ்த்துக்களை தெரிவித்துக் கொள்கிறேன் என்றார்.

ஊடக அமைச்சர் விபத்தில் சிக்கினார்

noreply@blogger.com (JKR) — Tue, 07 Feb 2012 15:19:00 +0000

அ வுஸ்திரேலியாவில் இடம்பெற்ற எதிர்பாராத விபத்துச் சம்பவம் ஒன்றில் ஊடகத்துறை அமைச்சரும் அமைச்சரவைப் பேச்சாளருமான கெஹெலிய ரம்புக்வெல காயமடைந்துள்ளதாக தெரியவருகிறது.
விபத்தில் காயமடைந்த அமைச்சர் கெஹெலிய ரம்புக்வெல வைத்தியசாலையில் சிகிச்சை பெற்றுவருவதாகவும் அந்தச் செய்தியில் கூறப்பட்டுள்ளது. எனினும், இந்த விபத்து எங்கே/ எப்போது? நிகழ்ந்தது என்ற தகவல்கள் ஏதும் உடன் வரவில்லை. ___

ஷிரந்தி ராஜபக்ஷ பயணித்த வாகனம் விபத்தில் : சாரதிகளிடம் தீவிர விசாரணை _

noreply@blogger.com (JKR) — Tue, 07 Feb 2012 15:08:00 +0000

முதற் பெண்மணி ஷிரந்தி ராஜபக்ஷவை ஏற்றிக்கொண்டு பயணித்த வாகன அணி விபத்துக்குள்ளான சம்பவம் தொடர்பில் சாரதிகளிடம் விசாரணைகள் மேற்கொள்ளப்பட்டுள்ளதாகப் பொலிஸ் வட்டாரங்கள் தெரிவித்தன.
இந்த விபத்துச் சம்பவத்தில் முதற்பெண்மனி ஷிரந்தி ராஜபக்ஷ எந்தவிதமான காயமுமின்றி பாதுகாப்பாக மீட்கப்பட்டார். அத்துடன் அவர் செல்லவேண்டிய இடத்துக்கும் அழைத்துச் செல்லப்பட்டார். நேற்று அதிகாலை கொழும்பு-கண்டி வீதி, பிலிமத்தலாவ பகுதியிலுள்ள நானுஓயா பாலத்தடியில் இச்சம்பவம் இடம்பெற்றுள்ளது. குறித்த வாகனம் பாரிய சேதமடைந்துள்ளதாகத் தெரிவிக்கப்படுகின்றது. முதற்பெண்மணியை ஏற்றிக்கொண்டு விரைந்த வாகன அணியின் முன்னால் சென்ற சாரதி எதிர்முனையில் வந்த வாகனத்துடன் விபத்துக்குள்ளாவதைத் தவிர்க்கும் வகையில் பிரேக்கை அழுத்தியதையடுத்து ஒன்றன் பின் ஒன்றாக வாகனங்கள் மோதுண்டதாகத் தெரிவிக்கப்படுகின்றது. கண்டியில் பாடசாலை நிகழ்வொன்றில் பங்கேற்க முதற்பெண்மணி ஷிரந்தி ராஜபக்ஷ சென்றதாகக் கூறப்படுகிறது. இவ்விபத்தில் இராணுவ வீரரொருவரும் பெண் அதிகாரியொருவரும் காயமடைந்ததாகத் தகவல்கள் வெளியாகியுள்ளன. இச்சம்பவத்தைத் தொடரந்து விபத்துக்குள்ளான வாகனங்கள் பேராதனை பொலிஸ் நிலையத்திற்குக் கொண்டுசெல்லப்பட்டதுடன் விசாரணைகளும் இடம்பெற்று வருகின்றன. குறித்த வாகன அணி விபத்துக்களைத் தவிர்க்கும் வகையில் வாகனத்தைச் செலுத்தக்கூடிய வல்லமை உள்ளதா என்பது தொடர்பிலேயே விசாரணைகள் மேற்கொள்ளப்பட்டுள்ளன. ___

பாலியல் உறவுகொண்டு, விபசார நடவடிக்கைகளை முறியடிக்கும் விபசார இன்ஸ்பெக்டர் பதவி

noreply@blogger.com (JKR) — Tue, 07 Feb 2012 14:49:00 +0000

அவுஸ்திரேலியாவைச் சேர்ந்த தனியார் புலனாய்வுத்துறை நிறுவனமொன்று 'விபசார இன்ஸ்பெக்டர்' பதவிகளுக்கு ஆட்களை திரட்டுவதற்காக விளம்பரமொன்றை வெளியிட்டுள்ளது. சட்டவிரோத விபசார விடுதிகளுக்கு எதிரான நடவடிக்கைகளுக்காக நியூசௌத் வேல்ஸ் மாநிலத்தின் உள்ளூராட்சி மன்றங்களுக்கு உதவுவதற்கே இவ்வாறு ஆட்கள் திரட்டப்படுகின்றனர்.
சிட்னியில் உள்ள லியோன்ஸ்வூட் புலனாய்வு மற்றும் தடவியல் குழுவே சஞ்சிகையொன்றில் இந்த விபசார முறியடிப்பு புலனாய்வாளர்களுக்கான விளம்பரத்தை பிரசுரித்துள்ளது. இந்த விபாசார இன்ஸ்பெக்டர்கள் ஒரு வடத்திற்கு சுமார் 90 லட்சம் இலங்கை ரூபாவை ஊதியமாக பெற முடியும். விண்ணப்பதாரிகள் திருமணமாகாதவர்களாகவும் இருக்கவேண்டும். அத்துடன் இவர்கள் விபசாரத்தில் ஈடுபவடுபவர்கள் பாதுகாப்பான பாலியல் உறவுகொள்வதற்கும் தயாராக இருக்கவேண்டும். பின்னர், இந்தவிபசார நடவடிக்கைகள் குறித்து நீதிமன்றில் சாட்சியம் அளிக்க வேண்டும் என இப்புலனாய்வாளர்கள் எதிர்பார்க்கப்படுகின்றனர் என விளம்பரத்தில் குறிப்பிடப்பட்டுள்ளது. இதுக் குறித்து லியொன்ஸ்வூட் நிறுவன முகாமையாளர் லச்லன் ஜேர்விஸ் தெரிவிக்கையில், இந்த தொழலில் ஈடுபடுவர்கள் சந்தேகத்திடகிடமான சட்டவிரோத முறையில் விபாசார விடுதிகளுக்குச் செல்வதுடன் அங்கு பாலியல் சேவைகள் இடம்பெறுகின்றன என்பதற்கு ஆதாரங்களை திரட்ட வேண்டும் எனத் தெரிவித்துள்ளார். 'இத்தொழில் சில வேலைகள் பாலியல் நடவடிக்கைகளில் பங்குபற்றவும் வேண்டியிருக்கும். ஏனெனில் அதனூடாக உறுதியான ஆதாரங்களைப் பெற்றுக்கொள்ள முடியும்' என அவர் தெரிவித்துள்ளார். சிட்டினியில் உள்ள தொழிலற்றவர்களுக்கு மத்தியில் இவ்விளம்பரம் பிரபல்யமடைந்துள்ளது. இதுவரை எமக்கு டஸன் கணக்கிலான விண்ணப்பங்கள் கிடைத்துள்ளன. இது சிட்னியல் தொழிலை எதிர்பார்த்துள்ளோரிடையே பிரபலமான தொழிலாகும். இது ஆண்களுக்கு மிகவும் பொருத்தமான தொழில்' என அவர் மேலும் தெரிவித்துள்ளார்.