http://mullaimukaam.blogspot.com/

ரணில் விக்ரமசிங்க ஜனாதிபதிக்கு ஆதரவு: ஸ்ரீலால் லக்திலக்க

noreply@blogger.com (Anonymous) — Wed, 01 May 2013 07:43:00 +0000

எதிர்க்கட்சித் தலைவர் ரணில் விக்ரமசிங்க ஜனாதிபதி மஹிந்த ராஜபக்ஷவிற்கு ஆதரவாகவே செயற்பட்டு வருவதாக மேல் மாகாணசபை உறுப்பினர் ஸ்ரீலால் லக்திலக்க குற்றம் சுமத்தியுள்ளார்.
அரசாங்கத்திற்கும் ரணில் விக்ரமசிங்கவிற்கும் இடையில் நெருங்கிய தொடர்பு காணப்படுவதாகவும், இதனால் கட்சியை வெற்றிப்பாதைக்கு இட்டுச் செல்வதில் நெருக்கடி நிலைமைகள் காணப்படுவதாகவும் அவர் குறிப்பிட்டுள்ளார். நிறைவேற்று அதிகாரம் நிலவி வரும் நாடுகளில் ஊழல் மோசடிகள் அதிகமாக இடம்பெற்று வருவதாகக் குறிப்பிட்டுள்ளார். நிறைவேற்று அதிகார ஜனாதிபதி முறைமையை இல்லாதொழிக்க அனைத்து தரப்பினரும் ஒத்துழைப்பு வழங்க வேண்டுமென அவர் தெரிவித்துள்ளார். சிறுபான்மை மக்களுக்கு ஆதரவளிப்பதன் மூலம் ஜனாதிபதித் தேர்தலில் வெற்றிகொள்ள முடியும் என ரணில் கருதுவதாகக் குறிப்பிட்டுள்ளார். சிங்கள பௌத்த வாக்குகளின் ஒத்துழைப்பின்றி ஜனாதிபதித் தேர்தலில் வெற்றியீட்ட முடியாது என அவர் சுட்டிக்காட்டியுள்ளார். -->

இன முரண்பாடுகளை களைவதற்கு வெளிநாட்டு தலையீடு இன்றி தீர்வு காண முடியும் : ஜீ.எல்.பீரிஸ்

noreply@blogger.com (Anonymous) — Wed, 01 May 2013 07:39:00 +0000

இ ன முரண்பாடுகளை களைவதற்கு வெளிநாட்டு தலையீடு இன்றி தீர்வு காண முடியும் என வெளிவிவகார அமைச்சர் ஜீ.எல்.பீரிஸ் தெரிவித்துள்ளார். நாட்டு மக்களிடையே இன ஐக்கியத்தை கட்டியெழுப்ப உள்நாட்டு பொறிமுறைமைகள் காணப்படுவதாகக் குறிப்பிட்டுள்ளார்.
உள்நாட்டு விவகாரங்களில் வெளிநாட்டு சக்திகளின் தலையீடு பாதக விளைவுகளையே அதிகம் ஏற்படுத்தும் என அவர் சுட்டிக்காட்டியுள்ளார்.லக்ஸ்மன் கதிர்காமர் நிறுவனத்தில் நடைபெற்ற நிகழ்வு ஒன்றில் உரையாற்றிய போது அவர் இதனைக் குறிப்பிட்டுள்ளார். ஏனைய நாடுகளின் உள்விவகாரங்கள் குறித்து இலங்கை தலையீடு செய்வதிலi;ல என அவர் தெரிவித்துள்ளார். வெளிநாட்டு ராஜதந்திரிகள் இலங்கையின் உள்விவகாரங்களில் தலையீடு செய்வது விரும்பத்தகாதது என அவர் சுட்டிக்காட்டியுள்ளார். -->

கருத்து முரண்பாடுகளை கூட்டமைப்பு தீர்த்துக்கொள்ளவேண்டும்: ரணில்

noreply@blogger.com (Anonymous) — Wed, 01 May 2013 07:35:00 +0000

தமிழ்த்தேசியக் கூட்டமைப்பிலுள்ள கட்சிகளின் தலைவர்களுடன் ஐக்கிய தேசியக்கட்சியின் தலைவர் ரணில் விக்ரமசிங்க யாழ்ப்பாணத்தில் சந்தித்து பேச்சுவார்த்தை நடத்தியுள்ளார். வடமாகாண சபைத்தேர்தலுக்கு முன்னர் இந்த கட்சிகள் தமக்குள் இருக்கின்ற கருத்து முரண்பாடுகளை தீர்த்துக்கொள்ளவேண்டும் என அவர் இந்த சந்திப்பின் போது கேட்டுக்கொண்டதாக தெரிவிக்கப்படுகின்றது. ரணில் விக்ரமசிங்க யாழ்ப்பாணத்தில் முதலில் ஈழ மக்கள் புரட்சிகர விடுதலை முன்னணியின் நாடாளுமன்ற உறுப்பினர் சுரேஷ்பிரேம சந்திரனை சந்தித்து பேச்சுவார்த்தை நடத்தினார். அதன் பின்னர் தமிழரசு கட்சியின் சிரேஷட உறுப்பினரும் நாடாளுமன்ற உறுப்பினருமான மாவை சேனாதிராஜாவை சந்தித்து கலந்துரையாடினார் என்று ஐக்கிய தேசியக்கட்சியின் நாடாளுமன்ற உறுப்பினர் ரவி கருணாநாயக்க தெரிவித்தார். 'சில விடயங்களில் கருத்து வேறுபாடுகள் இருப்பதனை அவர்கள் யாவரும் ஒத்துக்கொள்கின்றனர்'இருப்பினும் இவர்கள் பிளவுப்படவில்லை. ஆனால் அரசாங்கம் பிரிவை ஏற்படுத்த முயற்சிக்கின்றது என்றார். இதேவேளை வடக்கிலுள்ள சிவில் சமூக அமைப்புகளின் பிரதிநிதிகள் தமிழ்த்தேசியக் கூட்டமைப்பிலுள்ள ஐந்து கட்சிகளின் தலைவர்களை மே மாதம் 11 மற்றும் 12 ஆம் திகதிகளில் சந்திக்கவுள்ளனர். தமிழ்த்தேசியக் கூட்டமைக்குள் ஒற்றுமையை கொண்டுவரும் நோக்கிலேயே இந்த கூட்டங்களை சிவில் அமைப்புகள் ஒழுங்கு செய்துள்ளன என்று தெரிவிக்கப்படுகின்றது. -->

சட்டம் ஒழுங்கை நிலைநாட்டுவதில் இலங்கை கூடுதல் முனைப்பு காட்ட வேண்டும்: அமெரிக்கா

noreply@blogger.com (Anonymous) — Wed, 01 May 2013 07:30:00 +0000

ச ட்டம் ஒழுங்கை நிலைநாட்டுவதில் இலங்கை கூடுதல் முனைப்பு காட்ட வேண்டுமென அமெரிக்கா அறிவித்துள்ளது. சட்டம் ஒழுங்கு மற்றும் கருத்துச் சுதந்திரம் போன்றன தொடர்பில் அமெரிக்கா உன்னிப்பாக அவதானித்து வருவதாகக் குறிப்பிட்டுள்ளது.
ஊடக நிறுவனங்கள் ஊடகவியலாளர்கள் மீது தாக்குதல் நடத்தப்பட்ட சம்பவங்கள் தொடர்பில் நியாயமான விசாரணைகள் நடத்தப்பட வேண்டுமென அமெரிக்க ராஜாங்கத் திணைக்களப் பிரதிப் பேச்சாளர் பெற்றிக் வென்ட்ரல் தெரிவித்துள்ளார். கருத்துச் சுதந்திரத்தை உறுதிப்படுத்துவதற்கான அரசாங்கத்தின் அர்ப்பணிப்பு வெளிப்படுத்தப்பட வேண்டுமென அவர் வலியுறுத்தியுள்ளார். உதயன் பத்திரிகை மீதான தாக்குதல், பி.பி.சீ தமிழ்சேவை முடக்கம் உள்ளிட்ட பல்வேறு சம்பவங்கள் குறித்து சுட்டிக்காட்டியுள்ளார். கருத்துச் சுதந்திரத்தை உறுதி செய்ய இலங்கை அரசாங்கம் கவனம் செலுத்த வேண்டுமென அவர் வலியுறுத்தியுள்ளார். -->

வடக்கில் முஸ்லிம், சிங்கள மீள்குடியேற்றம்; த.தே.கூ இனரீதியாக சிந்திக்கிறது: விமல்

noreply@blogger.com (Anonymous) — Wed, 01 May 2013 06:48:00 +0000

வ'டக்கில் பரம்பரை பரம்பரையாக வாழ்ந்து வந்த முஸ்லிம்;, சிங்கள மக்களை விடுதலைப் புலிகள் வடக்கில் இருந்து விரட்டியடித்தனர். சமாதான சூழ்நிலை ஏற்பட்டு இடம்பெயர்ந்து வாழும் அம்மக்களை அரசாங்கம் மீளகுடியேற்ற முற்படும்பொழுது தமிழ்த் தேசிய கூட்டமைப்பினர் இதனை இன ரீதியாக சிந்திக்கின்றனர்' என்று வீடமைப்பு நிர்மாணத்துறை அமைச்சர் விமல் வீரவன்ச தெரிவித்தார். கொழும்பு மாவட்டத்தில் வாழும் 1000 வறிய குடும்பங்களுக்கு 175 மில்லியன் ரூபா நிதியினை வீடமைப்புக் கடனாக வழங்கி வைக்கும் வைபவம், பிலியந்தலை மத்திய மகா வித்தியாலயத்தில் நேற்று முன்தினம் திங்கட்கிழமை இடம்பெற்றது. இதில் கலந்துகொண்டு உரையாற்றும் போதே அமைச்சர் விமல் வீரவன்ச மேற்கண்டவாறு தெரிவித்தார். அங்கு தொடர்ந்து உரையாற்றிய அமைச்சர் மேலும் கூறியதாவது, தமிழ் மக்களுக்கு மட்டுமே வட மாகாணம் பூர்வீக நிலம் என தமிழ்த் தேசிய கூட்டமைப்பினர் சொந்தம் கொண்டாடுகின்றனர். அதுமட்டுமல்லாமல் அவர்களது அரசியல் இலாபத்திற்காகவே தமிழ் மக்களை தூண்டி ஆர்ப்பாட்டம் செய்கின்றனர். காலத்திற்கு காலம் தேர்தல்கள் வரும்போது அவர்களின் நிகழ்ச்சி நிரலில் இன ரீதியன செயற்பாடுகள் இடம்பிடிக்கின்றன. ஆனால் வடக்கில் வாழும் தமிழ் மக்கள் மேல் மாகாணத்தில் எந்தப் பகுதிக்கும் சென்று குடியேறி வாழக்கூடிய சமாதான சூழலை அரசு ஏற்படுத்தியுள்ளது. ஏன் வடக்கில் மட்டும் 20 வருடங்களுக்கு முன் பரம்பரை பரம்பரையாக வாழ்ந்து வந்த மக்களை மீளக்குடியேற்றும் போது இவர்கள் இன ரீதியாகச் சிந்தித்து இன குரோதங்களை மீண்டும் தமிழ் மக்களிடையே தூவி ஆர்ப்பாட்டம் நடத்துகின்றனர்?. அமெரிக்க தூதுவர் அண்மையில் கொழும்பு, காலி முகத்திடலில் குப்பை பொறுக்கும் காட்சிகள் ஊடகங்களில் வெளியிடப்பட்டன. அவர் அவருக்குரிய வரம்புக்குள் நில்லாமல் அவர் கிழக்கு மாகாணத்தில் உள்ள முஸ்லீம் முக்கிய உறுப்பினர்களை கொழும்புக்கு அழைத்து இரகசிய பேச்சுவார்த்தை நடத்துகின்றார். மேலும் அவர் கிழக்கு மாகாணத்தில் வாழும் மக்களை பிரிப்பதற்கே துணை போகின்றார். கிழக்கு மாகணாத்தில் உள்ள மாகணசபையில் உள்ள ஆட்சியை பிரித்து தமிழ்த் தேசிய கூட்டமைப்பின் கூட்டாச்சியை ஏற்படுத்துவதற்கு முயலுகின்றார். அதே போன்று வட மாகாண சபையிலும் தமிழ்த் தேசிய கூட்டமைப்பின் ஆட்சியை கொண்டுவருவதற்கும் அமேரிக்கா தூதுவர் செயல்படுகின்றார். இந்த நாட்டை முழுமையாள குப்பை மேடாக்குவதற்கே அவர் முயற்சித்து வருகின்றார். நிதியமைச்சின் செயலாளர் டி.பி.ஜயசுந்தர மின்சார கட்டண அதிகரிப்பின் புதிய வரைபு திட்டத்தினை உருவாக்கியவர். ஜயசுந்தர போன்றவர்களுக்கு ஏழை மக்களின் பசி பட்டினி விளங்குவதில்லை. இம்மக்கள் பற்றி ஒரு சிறிதளவேனும் அன்பு கருணை இல்லாதவர்கள். இந்த மின் கட்டண அதிகரிப்பை மீள்மாற்றம் செய்து குறைந்த வீட்டுப் பாவனையாளர்களான ஏழை மக்களுக்கு நன்மை பயக்கக்கூடிய வகையில் மிண் கட்டணம் மறுபரிசீலனை செய்யப்பட வேண்டும். ஏழை மக்களுக்கு நன்மை பயக்கூடியதொரு திட்டத்தினை ஐனாதிபதி மஹிந்த ராஜபக்ஷ கருத்திற்கொண்டு மே தினத்தில் அறிவிப்பார் என எதிர்பார்ப்பதகாவும் அமைச்சர் விமல் வீரவன்ச மேலும் தெரிவித்தார் -->

குருதி தோய்ந்த இவ்வரலாற்று நாளில், பரிதி துடைத்தெழுவோம் வாரீர்

noreply@blogger.com (Anonymous) — Wed, 01 May 2013 06:38:00 +0000

அழிவுகளுக்குப் பிந்திய எமது மண்ணில் அமைதி நிலை வலுப்பெற்று வரும் நிலையில், உழைக்கும் மக்களின் உன்னத தினத்தில், அம்மக்களின் ஒளிமயமான எதிர்கால நலன்காக்க தொடர்ந்தும் நாம் உறுதியுடன் உழைப்போம் என ஈழ மக்கள் ஜனநாயகக் கட்சியின் செயலாளர் நாயகமும், பாரம்பரிய கைத்தொழில்கள் மற்றும் சிறுதொழில் முயற்சி அபிவிருத்தி அமைச்சருமான டக்ளஸ் தேவானந்தா அவர்கள் தெரிவித்துள்ளார்.
இவ்வருட உழைக்கும் மக்களின் தினத்தையொட்டி விடுத்திருக்கும் செய்தியில் அமைச்சர் அவர்கள் மேலும் தெரிவிக்கையில், உழைக்கும் எமது மக்களை ஒதுக்கிவிடாமல், தொடர்ந்தும் அவர்களுடன் இருந்து, அம்மக்களது நலன்களுக்காக நாம் உழைத்துக் கொண்டிருக்கிறோம். உழைக்கும் மக்கள் இருக்கும் வரையில்தான் இந்த உலகம் சுழன்று கொண்டிருக்கிறது. அம் மக்களது குரலாகவே எமது குரலும் தொடர்ந்து ஒலித்துக் கொண்டிருப்பது மாத்திரமல்லாது, உழைக்கும் மக்களின் உரிமைகளைப் பாதுகாப்பதிலும் மேலும் உரிமைகளைப் பெற்றுக் கொடுப்பதிலும் நாம் வெற்றி கண்டு வருகிறோம். கடந்த கால அழிவு யுத்தமானது எமது உழைக்கும் மக்களுக்கும் பாரிய பாதிப்புக்களையும் அழிவுகளையுமே கொண்டுவந்திருந்தது. ஆனால், இன்று அந்நிலை மாற்றப்பட்டு ஓர் அமைதிச் சூழல் வளர்ச்சி பெற்று வருகிறது. வளரும் இந்த அமைதிச் சூழலை பாதுகாப்பதுடன் எமது உரிமைகளையும் பெற்றவாறு அதனை வளர்த்தெடுப்பதே எமது நோக்கமாக அமைய வேண்டும். அதனை விடுத்து வெறுமனே உரிமை, உரிமை என கோஷங்களை மட்டும் வீராவேசமாக எழுப்பி, எமது மக்களின் உணர்வுகளைத் தூண்டி அதன்மூலம் சுய அரசியல் இலாபம் தேட முயன்று வரும் சமூக விரோதச் சக்திகளுக்கு எடுபட்டு, இருப்பதையும் இழந்து, பெற வேண்டியவற்றையும் இழந்து, எமது மக்கள் மீண்டும் கடந்த கால பின்னடைவுக்குள் விழுந்து விடக் கூடாது. எனவே, கிடைக்கும் சந்தர்ப்பங்களை நாம் சரிவரப் பயன்படுத்தி, கிடைத்தவற்றை பாதுகாத்து, கிடைக்க வேண்டிய அனைத்தையும் பெற்றுக் கொள்ள ஓரணி திரண்டு உழைக்க முன்வருமாறு இன்றைய உழைப்பாளர் தினத்தில் எமது மக்களுக்கு நான் அழைப்பு விடுக்கின்றேன். முயற்சித்தால் இயலாதது எதுவுமில்லை, அந்த முயற்சி நடைமுறைச் சாத்தியமாக முன்னெடுக்கப்படும் பட்சத்தில் எமது உரிமைகள் அனைத்தும் தாமாக வெல்லப்படும் என்பது உறுதி! குருதி தோய்ந்த இவ் வரலாற்று நாளில், பரிதி துடைத் தெழுவோம் வாரீர்! வெறும் வாய் வார்த்தைகளால் அன்றி! சிறந்த செயற்பாடுகளின் மூலம்! உறவுக்குக் கரம் கொடுத்து உரிமைக்குக் குரல் கொடுத்து வரும் நாம் -உழைப்பாளர்களுடன் என்றும் கரம் கோர்த்தே வருகின்றோம் ! -->

819 இலங்கைப் புகலிடக் கோரிக்கையாளர்கள் பலவந்தமாக நாடு கடத்தல்

noreply@blogger.com (Anonymous) — Tue, 30 Apr 2013 08:03:00 +0000

அ வுஸ்திரேலியாலிருந்து 819 இலங்கைப் புகலிடக் கோரிக்கையாளர்கள் பலவந்தமான முறையில் நாடு கடத்தப்பட்டுள்ளதாகத் தெரிவிக்கப்படுகிறது. கடந்த ஆகஸ்ட் மாதம் 13ஆம் திகதி முதல் இதுவரையில் 1029 பேர் நாடு கடத்தப்பட்டுள்ளனர்.
புலம்பெயர் தமிழர்களின் ஒத்துழைப்புடன் அதிக எண்ணிக்கையிலானவர்கள் அவுஸ்திரேலியாவில் புகலிடம் பெற்றுக்கொள்ள முயற்சிப்பதாகத் தெரிவிக்கப்படுகிறது. போலியான முறையில் சட்டவிரோதமாக நாட்டுக்குள் பிரவேசிப்போரை நாடு கடத்த தொடர்ச்சியாக நடவடிக்கை எடுக்கப்படும் என அவுஸ்திரேலியா அறிவித்துள்ளது. போலி புகலிடக் கோரிக்கையாளர்களுக்கு எதிராக கடுமையான சட்டங்கள் தொடர்ந்தும் அமுலில் இருக்கும் என தெரிவித்துள்ளது. அவுஸ்திரேலியாவிற்குள் பிரவேசிக்கும் இலங்கைப் புகலிடக் கோரிக்கையாளர்களுக்கு புலம்பெயர் தமிழர்களின் வலுவான ஆதரவு காணப்படுவதாகக் குறிப்பிடப்படுகிறது. எவ்வாறெனினும், அரசாங்கத்தின் குடிவரவுக் கொள்கைகளில் அழுத்தங்களை ஏற்படுத்த முடியாது என அவுஸ்திரேலியா சுட்டிக்காட்டியுள்ளது. இதேவேளை, அவுஸ்திரேலியாவிற்கு சட்டவிரோதமாக செல்வோரை தடுக்க தீவிர கண்காணி;ப்புப் பணிகள் மேற்கொள்ளப்பட்டுள்ளதாக இலங்கை அரசாங்கம் அறிவித்துள்ளது. 2012 ஜனவரி மாதம் முதல் 2013 ஏப்ரல் மாதம் வரையில் சட்டவிரோதமாக படகு மூலம் அவுஸ்திரேலியா செல்ல முற்பட்ட 3286 பேர் கைது செய்யப்பட்டுள்ளனர் -->

அரசாங்கத்திற்கு எதிரான கருத்துக்களை வெளியிடுவோர் அடக்குமுறைக்கு உட்படுத்தப்படுகின்றனர்: சர்வதேச மன்னிப்புச் சபை

noreply@blogger.com (Anonymous) — Tue, 30 Apr 2013 06:59:00 +0000

அரசாங்கத்திற்கு எதிரான கருத்துக்களை வெளியிடுவோர் அடக்குமுறைக்கு உட்படுத்தப்பட்டு வருவதாக சர்வதேச மன்னிப்புச் சபை வெளியிட்டுள்ள அறிக்கையில் குறிப்பிடப்பட்டுள்ளது. அச்சுறுத்தல்கள், தாக்குதல்கள், எச்சரிக்கைகள், தடுத்து வைத்தல் உள்ளிட்ட பல்வேறு வழிகளில் மாற்றுக் கருத்துக்களையும் விமர்சனங்களையும் வெளியிடுவோர் அடக்குமுறைக்கு உட்படுத்தப்படுவதாக தெரிவித்துள்ளது. 'மாற்றுக்கருத்துக்கள் மீதான தாக்குதல்" என்ற தலைப்பில் இந்த அறிக்கை வெளியிடப்பட்டுள்ளது. ஊடகவியாளர்கள், நீதித்துறையைச் சேர்ந்தவர்கள், சட்டத்தரணிகள், மனித உரிமை செயற்பாட்டாளர்கள் மற்றும் எதிர்க்கட்சி அரசியல்வாதிகள் போன்றோர் இவ்வாறு அடக்குமுறைக்கு உட்படுத்தப்படுவதாகத் தெரிவிக்கப்பட்டுள்ளது. மாற்றுக் கருத்துக்களை வெளியிடுவோர் மீது வன்முறையான அடக்குமுறைகள் பிரயோகிக்கப்படுவதாக சர்வதேச மன்னிப்புச் சபையின் ஆசிய பசுபிக் பிராந்திய வலய பிரதிப் பணிப்பாளர் பொலி ட்ரஸ்கொட் தெரிவித்துள்ளார். கடந்த சில ஆண்டுகளாக விமர்சனப் பாங்கான கருத்துக்களின் வீழ்ச்சியை அவதானித்து வருவதாகக் குறிப்பிட்டுள்ளார். அரசாங்கத்திற்கு எதிராக கருத்துக்களை வெளியிட அதிகமானவர்கள் அஞ்சுவதாகத் தெரிவித்துள்ளார். தமிழீழ விடுதலைப் புலிகள் தோற்கடிக்கப்பட்டதனைத் தொடர்ந்து அரசாங்கம் அதிகாரத்தை விஸ்தரித்து கொள்வதில் கூடுதல் கவனம் செலுத்தி வருவதாகக் குறிப்பிட்டுள்ளார். பொதுநலவாய நாடுகள் தலைவர்கள் அமர்வு நடைபெறுவதற்கு முன்னதாக நாட்டின் மனித உரிமை நிலைமைகளை மேம்படுத்துமாறு உலக நாடுகள் இலங்கைக்கு அழுத்தம் கொடுக்க வேண்டுமென அவர் வலியுறுத்தியுள்ளார். யுத்தக் குற்றச் செயல்கள் தொடர்பிலான குற்றச்சாட்டுக்கள் தொடர்பில் இதுவரையில் காத்திரமான விசாரணைகள் நடத்தப்படவில்லை என அவர் குறிப்பிட்டுள்ளார். சர்வதேச சட்டங்களுக்கு அமைய நம்பகமானதும், நியாயமானதுமான வகையில் விசாரணைகளை நடாத்த அரசாங்கம் தவறியுள்ளது என அவர் குற்றம் சுமத்தியுள்ளார். -->

கொழும்பில் கடத்தப்பட்ட வர்ததகர் ஹாலி- எலை பாழடைந்த வீட்டிலிருந்து மீட்பு

noreply@blogger.com (Anonymous) — Tue, 30 Apr 2013 06:27:00 +0000

ஒ ன்றரை கோடி ரூபா கப்பம் கோரி கொழும்பில் கடத்தப்பட்டு கொழும்பு வர்த்தகர் கைகள் கட்டப்பட்ட நிலையில் ஹாலி எலையில் பாழடைந்த வீடொன்றிலிருந்து மீட்கப்பட்டுள்ளார். அத்துடன் கடத்தலுடன் தொடர்புடையவர்களென்ற சந்தேகத்தின் பேரில் மூவரைக் கைது செய்திருப்பதாக பதுளை குற்றத்தடுப்புப் பிரிவு பொலிஸார் தெரிவித்துள்ளனர். கடந்த 22 ஆம் திகதி கடத்தப்பட்ட மேற்படி வர்த்தகர் ஒரு வாரம் தடுத்து வைக்கப்பட்டிருந்த நிலையில் கடந்த 28 ஆம் திகதி ஞாயிற்றுக்கிழமை மீட்கப்பட்டுள்ளார். இராணுவத்திலிருந்து தப்பிச் சென்ற ஒருவருக்கும் கொழும்பிலுள்ள பொலிஸ் பயிற்சி முகாம் அதிகாரி ஒருவருக்கும் கடத்தலுடன் நெருங்கிய தொடர்பு இருப்பதாக பொலிஸ் விசாரணைகளில் இருந்து தெரியவந்துள்ளது. இதேவேளை, ஹாலி-எலை, மஹவத்தை எனுமிடத்தைச் சேர்ந்த 22, 28 மற்றும் 29 வயதுடைய மேலும் மூவர் இந்த கடத்தலுடன் தொடர்புபட்டிருப்பதாகவும் அவர்கள் மூவரும் கைது செய்யப்பட்டிருப்பதாகவும் பொலிஸார் தெரிவித்துள்ளனர். கடந்த 22 ஆம் திகதி திங்கட்கிழமை கொழும்பு பேலியகொடைக்கு மரண வீடொன்றுக்குச் சென்ற மேற்படி இரும்பு வியாபாரியான வர்த்தகர் கை, கால் கட்டப்பட்ட நிலையில் கடத்தப்பட்டுள்ளார். கடத்தப்பட்ட வர்த்தகர் ஹாலி-எலை, ஹுணுகலை எனுமிடத்தில் பாழடைந்த வீடொன்றில் அடைத்து க்ைகப்பட்டிருந்துள்ளார். இதன் பின்னர் வர்த்தகரின் மனைவிக்கு தொலைபேசி அழைப்பினை ஏற்படுத்திய கடத்தல்காரர்கள் கணவரை விடுவிக்க வேண்டுமானால் ஒன்றரை கோடி ரூபா ரொக்கமாகத் தருமாறு கோரியுள்ளனர். அந்தளவு பெரிய தொகை தம்மிடம் இல்லையெனத் தெரிவித்த வர்த்தகரின் மனைவியிடம் 10 இலட்சம் ரூபா கடத்தல்காரர்களால் கோரப்பட்டுள்ளது. இதனையடுத்து எட்டு இலட்சம் ரூபாவுக்கான காசோலை ஒன்று வர்த்தகரின் மனைவியால் கடத்தல்காரர்களுக்கு நுகேகொடையில் வைத்து வழங்கப்பட்டதாகவும் தெரிய வந்துள்ளதாக பொலிஸார் தெரிவித்தனர். இதேவேளை, கடத்தலின் பிரதான தந்திரதாரிகள் என சந்தேகிக்கப்படுகின்றவர்களையும் கைது செய்வதற்கான நடவடிக்கைகள் மேற்கொள்ளப்பட்டு வருவதாக பதுளை மாவட்ட பிரதிப் பொலிஸ் மா அதிபர் ஆர்.எம். லத்தீப் தெரிவித்துள்ளார். -->

30 ஆயிரம் கருத்தடை ஊசி மருந்தின் பின்னணி குறித்து ஆராய வேண்டும்: பொதுபலசேனா வலியுறுத்தல்

noreply@blogger.com (Anonymous) — Tue, 30 Apr 2013 06:12:00 +0000

பாகிஸ்தானிலிருந்து இறக்குமதி செய்யப்பட்ட கிழங்குக் கொள்கலன்களில் 30,000 கருத்தடை ஊசி மருந்து கண்டுபிடிக்கப்பட்டுள்ளதானது பாரதூரமான விடயமாகும்.
எனவே இதன் பின்னணியில் யார்? எந்த அமைப்பு உள்ளது என்பது தொடர்பில் பாதுகாப்பு அமைச்சர் உடனடியாக விசாரணைகளை ஆரம்பிக்க வேண்டுமென பொதுபலசேனா கோரிக்கை விடுத்துள்ளது. இல்லாவிட்டால் சிங்கள இனத்தை அழிக்கும் சதித்திட்டம் வெற்றி பெற்று விடுமென்று அவ் அமைப்பு எச்சரிக்கை விடுத்துள்ளது. இது தொடர்பாக பொதுபலசேனாவின் நிறைவேற்றுக் குழு உறுப்பினர் லிலந்த விதானகே மேலும் தெரிவிக்கையில், இக்கிழங்குக் கொள்கலன்களை பாகிஸ்தானியர் ஒருவரே இறக்குமதி செய்துள்ளார். அதற்குள்ளேயே 30000 கருத்தடை ஊசி மருந்துகள் கொண்டு வரப்பட்டமையை சுங்கத் திணைக்களம் கண்டுபிடித்துள்ளது. இதற்கு முன்னரும் இவ்வாறு கருத்தடை மருந்துகள் இங்கு கொண்டு வரப்பட்டிருக்கலாம். சிங்கள இனத்தை அழிப்பதற்கும் இனப்பெருக்கத்தை குறைப்பதற்கும் மிகவும் சூட்சுமமாக சதித்திட்டங்கள் முன்னெடுக்கப்படுவதை நாம் வெளியிட்டோம். ஆனால் அரசாங்கமோ அல்லது வேறு எவரும் கண்டுகொள்ளவில்லை. இன்று அது நிரூபணமாகியுள்ளது. எனவே இந்தக் கருத்தடை மருந்து ஊசிகள் எந்த மருந்தகத்திற்காக கொண்டு வரப்பட்டது. இதன் பின்னணியில் உள்ள அமைப்பு எது? பாகிஸ்தானிய பிரஜை யாருக்காக இதனை கிழங்குக் கொள்கலன்களில் மறைத்துக் கொண்டு வந்தார். என்பது தொடர்பில் உளவுப் பிரிவினர் இரகசிய பொலிஸார் விசாரணைகளை ஆரம்பிக்க வேண்டும். பாதுகாப்பு அமைச்சும் இது தொடர்பில் அதிக கவனம் செலுத்தி இச் சதியின் சூழ்ச்சிக்காரர்கள் யாரென்பதை கண்டுபிடிக்க வேண்டும். இல்லாவிட்டால் சிங்கள இனம் அழிவதை தடுக்க முடியாது. வெறுமனே பாகிஸ்தான் பிரஜைக்கு தண்டப்பணம் அறவிட்டு விடுதலை செய்வதால் எதிர்காலங்களிலும் இவ் ஆபத்து தொடர்ந்த வண்ணமே இருக்குமென்றும் லிலந்த விதானகே தெரிவித்தார். -->

'இலங்கையின் மீன் ஏற்றுமதிக்கு எதிராக தடை விதிக்க தீர்மானம்'

noreply@blogger.com (Anonymous) — Tue, 30 Apr 2013 06:07:00 +0000

இ லங்கை கடல் தொழிலாளர்களால் மேற்கொள்ளப்படுவதாக கூறப்படும் சட்டவிரோதமான கட்டுப்பாடில்லாத களவான மீன்பிடித்தல் காரணமாக இலங்கையின் மீன் ஏற்றுமதிக்கு எதிராக தடைகளை விதிப்பது தொடர்பாக ஐரோப்பிய நாடாளுமன்றம் யூன் 26 இல் தீர்மானிக்கவுள்ளது என அதிகாரிகள் கூறினர். ஆயினும், இந்த பிரச்சினைகள் தொடர்பாக பல நல்ல நடவடிக்கைகள் மேற்கொள்ளப்பட்டு இருப்பதனால் மீன்பிடி அமைச்சு நல்ல முடிவை எதிர்பார்த்துள்ளது என்று மீன்பிடித்துறை அமைச்சு அறிவித்துள்ளது. சட்டவிரோதமான, கட்டுப்பாடில்லாத வகையில் களவாக மீன்பிடித்தல் தொடர்பாக, ஐரோப்பிய ஒன்றியம் கடந்த வருடம் இலங்கைக்கு மஞ்சள் எச்சரிக்கை விடுத்ததன் பின்னர் இவற்றை கட்டுப்படுத்த பல நடவடிக்கைகளை எடுத்ததாக மீன்பிடித்தொழில் அமைச்சர் ராஜித்த சேனாரத்ன தெரிவித்தார். மீன் பிடிப்பதற்காக சர்வதேச கடலில் களவாக நுழையும் 11 இலங்கை படகுகள் பற்றி ஐரோப்பிய ஒன்றியம் முறையிட்டுள்ளதாகவும் அவர் கூறினார். சர்வதேச கடலில் மீன் பிடித்தலுக்கு கடுமையான தண்டனை வழங்கும் வகையில் சட்டங்கள் திருத்தப்படவுள்ளன என்றும் அவர் கூறினார். 22 பில்லியன் பெறுமதியான மீன் உற்பத்திகளை ஆண்டுதோறும் ஐரோப்பிய ஒன்றியம் இலங்கையிலிருந்து கொள்வனவு செய்துவருகின்றது. சட்டவிரோதமான, கட்டுப்பாட்டில்லாத களவான மீன்பிடித்தல், மீன் வளத்தை அருகச்செய்கின்றது. கடல்வாழ் உயிரினங்களின் வாழ்விடத்தை அழிக்கின்றது. போட்டித்தன்மையை திரிபுபடுத்துகின்றது. அத்துடன் குறிப்பாக அபிவிருத்தியடைந்துவரும் நாடுகளிலுள்ள கரையோர சமூகங்களின் வாழ்வாதாரத்தை பலவீனப்படுத்துகின்றது என்றும் அவர் சொன்னார். சட்டவிரோத மீன்பிடியினால் இலாபமடைய காரணமாகவுள்ள சட்டத்தின் குறைபாடுகளை நீக்க ஐரோப்பிய ஒன்றியம் கடுமையாக உழைக்கின்றது என்றும் அவர் கூறினார். -->

யானை தாக்கி இருவர் பலி

noreply@blogger.com (Anonymous) — Mon, 29 Apr 2013 06:29:00 +0000

திருக்கோவில், சாகாமம் - பெரியதளாவாய் வயல் பிரதேசத்தில் வேளாண்மைக்கு காவலுக்கு இருந்த ஒருவர் யானை தாக்கி உயிரிழந்துள்ளார். இந்த சம்பவம் நேற்று ஞாயிற்றுக்கிழமை இரவு இடம்பெற்றுள்ளது என திருக்கோவில் பொலிஸார் தெரிவித்தனர். இந்த சம்பவத்தில் விநாயகபுரம் முதலாம் பிரிவு கிருஷ்ணா வீதியைச் சேர்ந்த 58 வயதுடைய விவசாயியான சாமித்தம்பி பழனிவேல் என்பவரே உயிரிழந்துள்ளார் இந்த வயல் பிரதேசத்திற்கு வழமை போல் வேளாண்மை காவலுக்காக சம்பவ தினமான நேற்று மாலை சென்று காவலில் ஈடுபட்டுக்கொண்டிருந்தபோது இரவு திடீரென வந்த காட்டு யானை தாக்கியதில் சம்பவ இடத்திலே இவர் உயிரிழந்துள்ளார். உயிரிழந்தவரின் சடலம் திருக்கோவில் மாவட்ட வைத்தியசாலையில் ஒப்படைக்கப்பட்டுள்ளது என பொலிஸார் தெரிவித்தனர் இதேவேளை, ஏறாவூர் பொலிஸ் பிரிவுக்குட்பட்ட கோப்பாவெளி எனும் பிரதேசத்தில் காட்டு யானை தாக்கியதில் ஒருவர் உயிரிழந்துள்ளார். போரதீவுப்பற்று பிரதேசத்தின் பலாச்சோலைக் கிராமத்தினை சேர்ந்த 71 வயதுடைய சாமித்தம்பி சரவணமுத்து எனபவரே உயிரிழந்துள்ளார். இன்று திங்கட்கிழமை அதிகாலை மூன்று மணியளவில கால்நடைகளை கட்டிவிட்டு அருகிலுள்ள குடிசையில்; குறித்த நபர் நித்திரை செய்துள்ளார். அவ்வேளையில் வந்த காட்டு யானை இவரை தாக்கியுள்ளது. இதனால் படுகாயமடைந்த இவர், கரடியநாறு வைத்தியசாலையல் அனுமதிக்கப்பட்டு பின்னர் மட்டக்களப்பு போதனா வைத்தியசாலைக்கு மாற்றப்பட்டார். எனினும் சிகிச்சை பலனின்றி உயிழிழந்துள்ளதாக உறவினர்கள் தெரிவித்தனர். -->

ரணில் – மன்னார் ஆயர் சந்திப்பு

noreply@blogger.com (Anonymous) — Mon, 29 Apr 2013 06:21:00 +0000

ம ன்னாருக்காண விஜயத்தை மேற்கொண்டுள்ள எதிர்க்கட்சித் தலைவர் ரணில் விக்கிரமசிங்க தலைமையிலான ஐக்கிய தேசிய கட்சி குழுவினர் இன்று ஞாயிற்றுக்கிழமை மன்னார் ஆயர் இல்லத்திற்கு விஜயம் செய்தனர். இதன்போது, மன்னார் மறைமாவட்ட ஆயர் இராயப்பு ஜோசேப்பை சந்தித்து கலந்துரையாடியுள்ளனர். இதன்போது மன்னார் நகர சபை, மன்னார் பிஜைகள் குழு, தேசிய மீனவ ஒத்துழைப்பு பேரவை, காணாமல் போன உறவுகளை தேடும் குடும்பங்களின் அமைப்பு ஆகியவற்றின் பிரதிநிதிகளும் காணாமல் போனவர்களின் உறவினர்களும் கலந்துகொண்டனர். இதன்போது பல தரப்பட்ட விடயங்கள் ஆராயப்பட்ட நிலையில் மன்னார் மற்றும் வவுனியா ஆகிய மாவட்டங்களில் காணாமல் போனதாக கூறப்படும் சுமார் 472 பேருடைய விபரங்கள் காணாமல் போன உறவுகளை தேடும் குடும்பங்களின் அமைப்பின் தலைவி எதிர்க்கட்சித்தலைவர் ரணில் விக்கிரமசிங்கவிடம் கையளித்தார். குறித்த சந்திப்பின் போது மன்னார் மறைமாவட்ட ஆயர் இராயப்பு ஜோசேப்பு, மன்னார் மறை மாவட்ட குருமுதல்வர் அன்டனி விக்டர் சோசை, ஐக்கிய தேசிய கட்சியின் நாடாளுமன்ற உறுப்பினர்களான ஜயலத் ஜயவர்த்தனா, ரவி கருநாநாயக்க, திஸ்ஸ அத்தநாயக்க, கொழும்பு மேயர் ஏ.ஜே.எம்.முசம்மில் மேல் மாகாண சபை உறுப்பினர் முஜிபுர் ரஹ்மான் ஆகியோரும் கலந்துகொண்டனர். இதேவேளை, எதிர்க்கட்சித்தலைவர் ரணில் விக்கிரமசிங்க தலைமையிலான ஐக்கிய தேசிய கட்சியின் முக்கியஸ்தர்கள் முஸ்ஸிம் மத பிரமுகர்களை சந்தித்து கலந்துரையாடினர். இதனைத் தொடர்ந்து மன்னார் நகர சபை மண்டபத்தில் பொதுக்கூட்டம் இடம்பெற்றது. இதன்போது மீனவ சங்க பிரதிநிதிகள், விவசாய அமைப்புக்கள், மாதர் மற்றும் கிராம சங்க பிரதிநிதிகள், வர்த்தகர்கள் என பல நூற்றுக்கணக்கானோர் கலந்துகொண்டனர். இதன்போது மன்னார் மாவட்டத்தில் உள்ள மீனவர்கள், விவசாயிகள் எதிர்நோக்குகின்ற பிரச்சினைகள் தொடர்பாக குறித்த குழுவினருக்கு தெரியப்படுத்தினர். -->

அரசியல் தீர்வு விடயத்தில் ஆளும் கட்சியும் கூட்டமைப்பும் தனித்து பேசுவதில் அர்த்தமில்லை : பஷில்

noreply@blogger.com (Anonymous) — Mon, 29 Apr 2013 06:13:00 +0000

இனப்பிரச்சினைக்கான அரசியல் தீர்வு விடயத்தில் ஆளும் கட்சியும் தமிழ்த் தேசியக் கூட்டமைப்பும் தனித்துப் பேச்சுவார்த்தைகளை நடத்துவதில் எவ்விதமான அர்த்தமும் இல்லை. அரசியல் தீர்வைக் காண்பதற்கான இணக்கப்பாடு என்பது சகல கட்சிகளிடமும் இருந்துவரவேண்டியது அவசியமாகும். எனவே அனைத்துக் கட்சிகளும் பங்குகொள்ளக்கூடிய பாராளுமன்றத் தெரிவுக்குழுவுக்கு வருவதே கூட்டமைப்புக்கு தற்போது உள்ள ஒரே தெரிவாகும் என்று ஸ்ரீலங்கா சுதந்திரக் கட்சியின் தேசிய அமைப்பாளரும் பொருளாதார அபிவிருத்தி அமைச்சருமான பஷில் ராஜபக்ஷ தெரிவித்தார். வேண்டுமானால் நானும் கூட்டமைப்பின் தலைவர் சம்பந்தனும் பேச்சுவார்த்தைகளை நடத்தலாம். ஆனால் அந்தப் பேச்சுக்கள் தீர்மானங்களை எடுக்கக்கூடியதாக அமையாது. காரணம் இரண்டு கட்சிகள் பேச்சு நடத்தியோ இரண்டு நபர்கள் பேச்சு நடத்தியோ அரசியல் தீர்வுக்கான இணக்கப்பாட்டை அடைய முடியாது. இதற்கான ஆணையை மக்கள் வழங்கவில்லை என்றும் அவர் குறிப்பிட்டார். ஒற்றையாட்சி முறைமையின் கீழ் கீழ் மட்டத்துக்கு அதிகாரத்தை வழங்குவதற்கு எமது அரசாங்கம் தயாராகவே இருக்கின்றது. எந்தவொரு செயற்பாடானாலும் அது மஹிந்த சிந்தனைக்கு மக்கள் அளித்த ஆணையின் பிரகாரமே முன்னெடுக்கப்படும் என்றும் அமைச்சர் கூறினார். அரசியல் தீர்வுக்கான பேச்சுவார்த்தைகள் தொடர்பில் தற்போது ஏற்பட்டுள்ள நிலைமைக்கு அரசாங்கமே முழுப் பொறுப்பையும் ஏற்கவேண்டும் என்று கடந்த வெள்ளிக்கிழமை தமிழ்த் தேசியக் கூட்டமைப்பின் தலைவர் இரா. சம்பந்தன் தெரிவித்திருந்தமை தொடர்பில் கருத்து வெளியிடுகையிலேயே அவர் மேற்கண்டவாறு குறிப்பிட்டார். இது தொடர்பில் அமைச்சர் பஷில் ராஜபக்ஷ மேலும் குறிப்பிடுகையில், அந்த வகையில் தமிழ்த் தேசியக் கூட்டமைப்புக்கு பிரச்சினைக்கு அரசியல் தீர்வுகாணவேண்டும் என்ற தேவை இருந்தால் அவர்களே பேச்சுக்கு வரவேண்டும். அரசியல் தீர்வு காண்பதற்கான பாராளுமன்றத் தெரிவுக்குழுவில் கூட்டமைப்பு இடம்பெறவேண்டும். இதன் மூலமே தீர்வு என்பது சாத்தியமாகும். அதனை விடுத்து தமிழ்த் தேசியக் கூட்டமைப்பு அரசாங்கத்துக்கு எவ்வாறான நிபந்தனையையும் விதிக்க முடியாது. அதேபோன்று நாங்கள் கூட்டமைப்புக்கு எவ்விதமான வாக்குறுதிகளை வழங்கவும் முடியாது. வழங்கவும் மாட்டோம். அவ்வாறு நிபந்தனைகளை ஏற்பதற்கோ அல்லது வாக்குறுதிகளை வழங்குவதற்கோ அரசாங்கத்துக்கு மக்கள் ஆணையை வழங்கவில்லை. மஹிந்த சிந்தனையின் பிரகாரம் அவ்வாறு செய்யவும் முடியாது. ஏனெனில் மக்கள் எங்களுக்கே ஆணை வழங்கியுள்ளனர். தமிழ்த் தேசியக் கூட்டமைப்பு ஆதரவளித்த சரத் பொன்சேகாவை மக்கள் நிராகரித்துவிட்டனர். தீர்வுவேண்டுமாயின் கூட்டமைப்பு தெரிவுக்குழுவுக்கு வரவேண்டியது அவசியமாகும். ஜனநாயக ரீதியில் அனைத்துக் கட்சிகளினதும் பங்களிப்புடனும் தீர்வை நோக்கிச் செல்ல நாங்கள் தயாராக இருக்கின்றோம். ஆனால் அதற்கு இருகட்சிப் பேச்சுக்கள் பயனுடையதாக அமையாது. வேண்டுமானால் நானும் கூட்டமைப்பின் தலைவர் சம்பந்தனும் பேச்சுவார்த்தை நடத்தலாம். ஆனால் அந்தப் பேச்சுக்கள் தீர்மானங்களை எடுக்கக்கூடியதாக அமையாது. காரணம் இரண்டு கட்சிகள் பேச்சு நடத்தியோ இரண்டு நபர்கள் பேச்சு நடத்தியோ அரசியல் தீர்வுக்கான இணக்கப்பாட்டை அடைய முடியாது. ஆளும் கட்சியும் கூட்டமைப்பும் இருதரப்பு பேச்சுவார்ததைகளை நடத்தலாம். ஆனால் அது தீர்வு தொடர்பான எந்த தீர்மானத்தையும் எடுப்பதற்கு உதவியாக அமையாது. அதனால்தான் தெரிவுக்குழுவுக்கு வருமாறு கோரிக்கை விடுக்கின்றோம். அரசாங்கத்தை பொறுத்தவரை ஒரு விடயத்தில் உறுதியாக இருக்கின்றது. அதாவது ஒற்றையாட்சி முறைமையின் கீழ் , கீழ் மட்டத்துக்கு அதிகாரத்தை வழங்குவதற்கு எமது அரசாங்கம் தயாராகவே இருக்கின்றது. எந்தவொரு செயற்பாடானாலும் அது மஹிந்த சிந்தனைக்கு மக்கள் அளித்த ஆணையின் பிரகாரமே முன்னெடுக்கப்படும். அரசியல் தீர்வு என்பது அரசியலமைப்பு மாற்றங்களுடன் தொடர்புபட்டதாகும். எனவே அரசியலமைப்பில் மாற்றங்களை செய்யவேண்டுமாயின் அது பாராளுமன்றத்தினால் மட்டுமே முடியும். அப்படிப்பார்க்கும்போது பாராளுமன்றத் தெரிவுக்குழுவே இருக்கின்ற ஒரே தெரிவாகும். இதேவேளை, எமது அரசாங்கத்தின் செயற்பாடுகள் காரணமாக இலங்கைப் பிரச்சினை சர்வதேசமயப்படுத்தப்படவில்லை. மாறாக திம்புப் பேச்சுவார்த்தை முதலே இந்தப்பிரச்சினை சர்வதேசமயமாகிவிட்டது. அதுமட்டுமன்றி இந்தியாவின் தலையீடு மற்றும் நோர்வேயில் பேச்சுவார்த்தை என விடயம் சர்வதேசமயப்படுத்தப்பட்டது. எமது அரசாங்கம் பதவிக்கு வரும்போது இலங்கையில் இணைத்தலைமை நாடுகள் மற்றும் போர்நிறுத்தக் கண்காணிப்பு குழு என்பன இருந்தன. நாமே அவற்றை நிறுத்தினோம். அத்துடன் சர்வதேசமயப்படுத்தலை எமது அரசாங்கமே குறைத்தது எந்தவொரு நாடும் தலையிடாத நிலைமையை எமது அரசாங்கமே உருவாக்கியது என்றார். -->

வாள்வெட்டுக்கு இலக்காகி கடற் படையினர் பலி

noreply@blogger.com (Anonymous) — Mon, 29 Apr 2013 06:03:00 +0000

இனந்தெரியாத நபர் ஒருவரின் வாள்வெட்டுக்கு இலக்காகி கடற்படை வீரரொருவர் உயிரிழந்துள்ளார்.இந்த சம்பவம் யாழ். அனலைதீவு நான்காம் வட்டாரத்தில் நேற்று ஞாயிற்றுக்கிழமை மாலை இடம்பெற்றுள்ளது.
இந்த சம்பவத்தில் படுகாயமடைந்த கடற் படை வீரர் அனலைதீவு கடற்படை வைத்தியசாலையில் அனுமதிக்கப்பட்;டார். எனினும் சிகிச்சை பலன் இன்றி உயிரிழந்தார் என தெரிவிக்கப்படுகிறது. இது தொடர்பாக மேலதிக விசாரணைகளை அனலைதீவு பொலிஸார் மேற்கொண்டு வருகின்றனர். -->

4 கட்சிகள் இணைந்து 'த.தே.கூ'வை பதிவுசெய்ய தீர்மானம் நிறைவேற்றம்

noreply@blogger.com (Anonymous) — Mon, 29 Apr 2013 05:56:00 +0000

தமிழர் விடுதலைக் கூட்டணி, ஈ.பி.ஆர்.எல்.எப், புளோட் மற்றும் டெலோ ஆகிய நான்கு கட்சிகளும் இணைந்து 'தமிழ் தேசியக் கூட்டமைப்பு' என்ற பெயரில் ஒரு புரிந்துணர்வு ஒப்பந்தத்தை ஏற்படுத்தி அதன் அடிப்படையில் ஒரு முன்னணிக் கட்சியாக பதிவுசெய்ய நடவடிக்கை எடுக்க வேண்டும் என டெலோ மாநாட்டில் தீர்மானம் நிறைவேற்றப்பட்டுள்ளது. தமிழ் தேசியக் கூட்டமைப்பை பதிவு செய்யும் நடவடிக்கைகள் முன்னெடுக்கப்படாவிடின் இந்த நடவடிக்கை முன்னெடுக்கப்பட வேண்டும் என்று மேற்படி மாநாட்டில் வலியுறுத்தப்பட்டுள்ளது. நேற்று சனிக்கிழமை மாலை திருகோணமலையில் நடைபெற்ற தமிழ் ஈழ விடுதலை இயக்கத்தின் (டெலோ) மாநாட்டின் போதே இந்த தீர்மானம் நிறைவேற்றப்பட்டுள்ளது. தமிழ் ஈழ விடுதலை இயக்கத்தின் தலைவரும் நாடாளுமன்ற உறுப்பினருமான செல்வம் அடைக்கலநாதன் தலைமையில் நடைபெற்ற இந்த மத்திய குழு கூட்டத்தில் கட்சியின் மத்திய குழு உறுப்பினர்கள் பலரும் கலந்துகொண்டனர். இங்கு இடம்பெற்ற கூட்டத்தினைத் தொடர்ந்து மத்திய குழுவினால் தீர்மானிக்கப்பட்ட விடயங்கள் வெளியிடப்பட்டன. அத்தீர்மானங்கள் பின்வருமாறு, • தமிழ் மக்களின் அபிலாஷைகளை நிறைவேற்றுவதற்காக உழைக்கக்கூடிய அரசியல் கட்சிகள், தமிழ் தேசிய கூட்டமைப்பு என்ற பெயரில் இயங்கி வந்தாலும் இலங்கை தேர்தல் திணைக்களத்தில் ஒரு அரசியல் முன்னணியாகவோ தனி அரசியல் கட்சியாகவோ பதிவு செய்யப்படவில்லை. • பதிவு செய்வதற்கான இழுபறி நிலைகளை நீக்குவதற்கு மன்னார் இராஜப்பு ஜோசப் ஆண்டகை தலைமையிலான புத்திஜீவிகள், சிவில் சமூகம் எடுக்கும் முயற்சிகளுக்கு பூரண ஆதரவை வழங்குவது எனவும் இலங்கை தமிழரசுக் கட்சியுடன் தமிழ் ஈழ விடுதலை இயக்கம் நேரடி பேச்சுவார்த்தைகளை நடத்தி சுமுக நிலைகளை எட்டுவதற்காக முழு முயற்சிகளை எடுக்க வேண்டும். • ஏனைய கட்சிகளான தமிழர் விடுதலைக் கூட்டணி, ஈ.பி.ஆர்.எல்.எப், புளோட் ஆகிய கட்சிகளுடன் ஒற்றுமையை பலப்படுத்த முழு முயற்சிகள் இரு வாரங்களுக்குள் எடுக்கப்பட வேண்டும். • இந்த முயற்சிகள் வெற்றிபெறமுடியாத சூழ்நிலையேற்படுமிடத்து இதுவரை இணக்கம் கண்டுள்ள தமிழர் விடுதலைக் கூட்டணி, ஈ.பி.ஆர்.எல்.எப், புளோட், டெலோ ஆகிய நான்கு கட்சிகளும் இணைந்து தமிழ் தேசிய கூட்டமைப்பு என்ற பெயரில் ஒரு புரிந்துணர்வு ஒப்பந்தத்தின் அடிப்படையில் விரைவில் ஒரு முன்னணியாக, தனி அரசியல் கட்சியாக பதிவு செய்யப்பட வேண்டும். • தமிழ் தேசிய கூட்டமைப்பு பதிவு செய்யப்பட்டதன் பின்னர் இதில் சேர விரும்பும் தமிழ் மக்களின் அபிலாஷைகளை வெளிப்படுத்தக்கூடிய ஏனைய கட்சிகளையும் இணைத்து தமிழர்களின் அபிலாஷைகளை நிறைவேற்றும் தீர்வொன்றை வென்றெடுக்க வேண்டும்' என்ற தீர்மானங்கள் நிறைவேற்றப்பட்டன. -->

இராணுவ முகாம்களோ பொலிஸ் நிலையங்களோ பொதுமக்களின் காட்சி கூடங்கள் அல்ல

noreply@blogger.com (Anonymous) — Sat, 27 Apr 2013 08:32:00 +0000

இராணுவ முகாம்களோ பொலிஸ் நிலையங்களோ பொதுமக்களின் காட்சி கூடங்கள் அல்ல. எவ்விதமான முன் அறிவித்தலோ அனுமதியோ பெற்றுக் கொள்ளாமையினாலேயே எதிர்க்கட்சித் தலைவர் ரணில் விக்கிரமசிங்க உள்ளிட்ட குழுவினர் வலிகாமம் வடக்கு மாவிட்டபுரம் நுழைவாயிலில் வைத்து திருப்பி அனுப்பப்பட்டனர் என்று இராணுவ தலைமையகம் அறிவித்துள்ளது. இது குறித்து இராணுவப் பேச்சாளர் பிரிகேடியர் ருவன் வணிகசூரிய கூறுகையில், கடந்த வியாழக்கிழமை எதிர்க்கட்சி தலைவர் ரணில் விக்கிரமசிங்க உள்ளிட்ட குழுவினர் யாழ்ப்பாணத்திற்கு விஜயம் செய்தனர். இவர்கள் பலாலி விமான நிலையம் ஊடாகவே யாழ்ப்பாணத்திற்கு வந்தனர். இதன் போது எதிர்க்கட்சித் தலைவர் உள்ளிட்ட குழுவினருக்கு எவ்விதமான இடையூறுகளும் ஏற்படவில்லை. ஏனென்றால் அது பொதுமக்களுக்காக அனுமதிக்கப்பட்டுள்ளது. ஆனால் இக்குழுவினர் மாவிட்டபுரம் முகாமிற்கு அருகில் வாகன தொடரணியை நிறுத்தி முகாமிற்குள் செல்ல முற்பட்டுள்ளனர். இதற்கு கடமையிலிருந்த இராணுவ அதிகாரிகள் அனுமதிக்கவில்லை. ஏனெனில் இராணுவ முகாமிற்குள் அனுமதியின்றி செல்ல முடியாது என்பதால் இதன் போது அங்குள்ள இராணுவ அதிகாரிகளுடன் எதிர்க்கட்சி குழுவினர் வாக்குவாதப்பட்டுள்ளனர். உலகத்தில் எந்தவொரு நாட்டிலுமே அனுமதியின்றி இராணுவ முகாமிற்குள் செல்ல முடியாது. ஏனெனில் இராணுவ முகாமோ பொலிஸ் நிலையமோ பொதுமக்களின் காட்சி கூடங்கள் அல்ல என்று கூறினார்.

அரசியலில் சூழ்நிலைக் கைதியாக உள்ளேன்: ஹக்கீம்

noreply@blogger.com (Anonymous) — Sat, 27 Apr 2013 08:23:00 +0000

Fஅரசியலில் ஒரு சூழ்நிலைக் கைதிகளாகவே நாங்கள் தற்போது இருக்கின்றோம். இந்த நேரத்தில் நாங்கள் எடுக்கும் முடிவுகள் சரியானதாகவே இருக்க வேண்டும். நாங்கள் தனித்துவமாக முடிவினை எடுக்கும் காலம் வரும். அக்காலம் வருவதற்கு நீண்ட காலம் எடுக்காது' என்று நீதி அமைச்சரும் முஸ்லிம் காங்கிரஸ் கட்சியின் தலைவருமாக ரவூப் ஹக்கீம் தெரிவித்தார். யாழ்ப்பாணத்துக்கான விஜயத்தை மேற்கொண்டுள்ள நீதி அமைச்சர், யாழில் நடைபெற்ற தந்தை செல்வாவின் நினைவு தினத்தில் கலந்துகொண்டு உரையாற்றும் போதே மேற்கண்டவாறு குறிப்பிட்டார். அங்கு தொடர்ந்து உரையாற்றிய அவர் மேலும் கூறியதாவது, 'தந்தை செல்வா அனைத்து இனங்களையும் அரவணைத்து தனது போராட்டத்தை முன்னெடுத்தார் சாத்தியமானவற்றை சாதித்துக்காட்ட வேண்டும் என்பதில் அவர் குறியாக இருந்தார். கிழக்கு மாகாண சபைத் தேர்தலில் முஸ்லிம் காங்கிரஸ் எடுத்த முடிவு பற்றி நான் இங்கு தெளிவு படுத்தவேண்டும். 'தனிமரம் தோப்பாகாது' என்பதை நாங்கள் புரிந்துகொண்டு இந்த முடிவை எடுத்திருக்கின்றோம். இதற்காக தமிழ் மக்கள் எங்களை வஞ்சிக்க துணிய மாட்டார்கள் என்று நம்புகின்றேன். இந்த நாட்டில் நாங்கள் தற்போது சூழ்நிலைக் கைதிகளாகவே இருந்து வருகின்றோம். இந்த சூழ்நிலையில் நாங்கள் சரியென நினைத்து எடுக்கும் முடிவுகளும் பிழையானதாக அமையும். அதேபோல பிழை என்று நினைத்து எடுக்கும் முடிவுகளும் சிலவேளை சரியானதாக அமையும். 'தனிமரம் தோப்பாகாது' இதனையே நன்கு உணர்ந்தவர்காளாகவே இந்த கிழக்கு மாகாண சபைத் தேர்தலில் இவ்வாறானதொரு முடிவை எடுக்க நேர்ந்தது. இதற்காக தமிழ் மக்கள் எங்களை வஞ்சிக்க துணிய மாட்டார்கள் என்று நம்புகின்றேன். இன்று தென்னிலங்கையில் யுத்திற்கு பின்னரான வெற்றிக்களிப்பில் மோசமான அரசியல் பிரச்சினைகளுக்கு முஸ்லிம் சமூகம் முகம்கொடுத்து வருகின்றது. காவி உடை தரித்தவர்களினால் முஸ்லிம் சமூகத்தின் மீது தாக்குதல் நடத்தப்பட்டு இனத்துவேசம் கக்கப்படுகின்றது. இதனை சமாளித்துப் போகலாம் என்ற உப்புச் சப்பற்ற அணுகுமுறையே இன்று காணப்படுகின்றது. எமக்கெதிராக தூரோங்கங்களும் கழுத்தறுப்புக்களும் நடந்துகொண்டு தான் இருக்கின்றன. இவற்றின் மத்தியில் தான் எமது அரசியல் பயணம் தொடர்கின்றது. இவ்வாறான இந்த பிரச்சினைகளுக்கு விரைவில் சரியான முடிவு ஒன்றை எடுப்போம். தற்போது தமிழ் தேசிய மக்கள் முன்னணியின் தலைவர் கஜேந்திரகுமார் பொன்னம்பலம் வடக்கு மாகாண சபைத் தேர்தலைப் புறக்கணிக்குமாறு தெரிவித்துள்ளார். கடந்த காலத்தில் தமிழ் மக்கள் தேர்தல்களைப் புறக்கணித்ததால் ஏற்பட்ட பிரச்சினைகளை நன்கு விளங்கிக்கொள்ள வேண்டும் இந்த தவறை தமிழ் தேசியக் கூட்டமைப்பினர் விடமாட்டார்கள் என்று எதிர்பார்க்கின்றேன். அத்துடன் 1983ஆம் ஆண்டு தமிழ் மக்களுக்கு தென்னிலங்கையில் நடைபெற்ற இனக்கலவரம் ஒரு மாறாத வடுவாக இருப்பதைப் போல 1990ஆம் ஆண்டு யாழில் இருந்து வெளியேற்றப்பட்டமை என்றைக்கும் மாறாத வடுவாகவே இருக்கின்றது. தமிழ் இயக்கங்களிடையே போதியளவு அரசியல் தன்மை இல்லாமையினால் தான் இந்த வன்முறைகள் இடம்பெற்று விடுதலைப் புலிகள் இயக்கம் ஏற்படுத்திய பிரிவினைவாதத்தினால் தான் தமிழ் மக்கள் மத்தியில் முஸ்லிம் மக்கள் மத்தியில் ஒரு அச்ச உணர்வு ஏற்படுதப்பட்டது. தற்போது இந்த நிலை மாற்றப்பட்டு வருகின்றது. தமிழ் தேசியக் கூட்டமைப்பின் தலைவர் இரா சம்மந்தன் இரு சமூகங்களிடமும் ஒன்றுமை ஏற்பட வேண்டும் என்று வலியுறுத்தி வருகின்றார். அத்துடன் இரு சமூகங்களும் ஒற்றுமையை வெளிப்படுத்தி தந்தை செல்வாவின் தடம்பதித்து புதிய யுகம் படைப்போம்' என்று அவர் கேட்டுக்கொண்டார். -->

ஆஸி. வரும் இலங்கையர்கள் திருப்பி அனுப்பப்படுவர்: கோனர்

noreply@blogger.com (Anonymous) — Sat, 27 Apr 2013 08:16:00 +0000

அ கதி அந்தஸ்து கோரி அவுஸ்திரேலியாவுக்கு பிரவேசிக்கும் இலங்கையர்களுக்கு அகதி அந்தஸ்துக்கான தகமைகள் இல்லாவிடின் அவர்கள் திருப்பி அனுப்பப்படுவார்கள் என்று அந்நாட்டு அரசாங்கம் அறிவித்துள்ளது. அகதிகளாக அவுஸ்திரேலியா வருவோர், குடிவரவு குடியகழ்வு அதிகாரிகளால் விசாரணை செய்யப்படும் போது அகதிகளுக்கான விதிமுறைகளுக்கு ஏற்ப தகுதியுடையவர்கள் இல்லையெனின் திருப்பி அனுப்பப்படுவர் என்று அவுஸ்திரேலிய குடியுரிமை அமைச்சர் ப்ரெண்டன் ஓ கோனர் தெரிவித்தார். இது தொடர்பில் அவர் வெளியிட்டுள்ள அறிக்கையின்படி, '25 அகதிகளைக் கொண்ட ஒரு குழு மிக அண்மையில் இலங்கைக்கு திருப்பி அனுப்பப்பட்டதாக' சுட்டிக்காட்டியுள்ளார். அவர்களது தகுதியின்மை குறித்து அறிவித்தும் அகதி விதிமுறைகளுக்கமைய அவர்களுக்கு புகலிடம் கோரும் தகுதி இருக்கவில்லை என்றும் அவர் குறிப்பிட்டுள்ளார். அத்துடன், இங்கிருக்க அவர்களுக்கு விசாவும் இல்லை என்று சுட்டிக்காட்டியுள்ள கோனர், கடந்த வருடம் ஓகஸ்ட் முதல் இலங்கைக்கு திருப்பி அனுப்பப்பட்டோர் எண்ணிக்கை 1029 ஆகும் என்றும் சுட்டிக்காட்டியுள்ளார். இவர்களில் 89பேர் அவர்களின் சுயவிருப்பின் பேரில் சென்றனர் என்றும் இந்த சட்டவிரோத குடியேற்றத்துக்கு துணைபோகும் முகவர்களைக் கண்டறிந்து நடவடிக்கை எடுக்கப்படும் என்றும் குறிப்பிட்டுள்ளார். தோடர்ந்தும் சட்டவிரோதமாக அவுஸ்திரேலியா வருபவர்கள், நவுறு மற்றும் மனுஷ் தீவுகளில் மட்டுமே தங்கவைக்கப்படுவம் என்றும் அவுஸ்திரேலிய குடியுரிமை அமைச்சர் தனது அறிக்கையில் மேலும் சுட்டிக்காட்டியுள்ளார். -->

அரசாங்கம் கூட்டமைப்பு மீது குற்றம் சுமத்தாது தனது தவறை உணர்ந்து தீர்வை வழங்க வேண்டும் : சம்பந்தன் எம்.பி.

noreply@blogger.com (Anonymous) — Sat, 27 Apr 2013 06:36:00 +0000

இ லங்கையின் தேசிய பிரச்சினை சர்வதேச ரீதியில் சென்றமைக்கு உள்நாட்டில் பிரச்சினை தீர்க்கப்படாமையே காரணமாகும். அத்துடன் அரசு- கூட்டமைப்பு பேச்சுக்கள் தடைப்பட்டுள்ள தற்போதைய நிலைமைக்கு அரசாங்கமே பொறுப்பாகும் என்று தமிழ்த் தேசியக் கூட்டமைப்பின் தலைவரும் பாராளுமன்ற உறுப்பினருமான இரா. சம்பந்தன் வேண்டுகோள் விடுத்தார்.
கொழும்பு பம்பலப்பிட்டி புதிய கதிரேசன் மண்டபத்தில் இன்று வெள்ளிக்கிழமை இடம்பெற்ற தந்தை செல்வா நினைவுப்பேருரையில் கலந்துகொண்டு தலைமை உரையாற்றுகையிலேயே அவர் மேற்கண்டவாறு தெரிவித்தார். இங்கு அவர் மேலும் உரையாற்றுகையில், தமிழ், முஸ்லிம் மற்றும் மலையக மக்களின் உரிமைகளுக்கு எங்கு எப்போது அநீதி இழைக்கப்பட்டதோ அதற்காக குரல் கொடுத்து வாதாடிய ஒப்பற்ற தலைவர் தந்தை செல்வா. தமிழ் மக்களுக்கு பேச்சுவார்த்தையின் மூலமே தீர்வை பெற்றுக்கொடுக்கும் வகையில் சத்தியாக்கிரகம் மற்றும் அகிம்சை வழியில் பல போராட்டங்களை மேற்கொண்டார். ஒருபோதும் பயங்கரவாதத்தை அவர் விரும்பவில்லை. அவரது தலைமையில் தமிழினம் இருக்கும் போது தமிழர்களுக்கு எதிராக பல வன்முறைகள் கட்டவிழ்த்து விடப்பட்டாலும் உறுதியுடனும் நேர்மையுடம் தனது அகிம்சை போரட்டத்தை முன்னெடுத்தார். கொடுத்த வாக்குறுதிகளை நிறைவேற்றுவதிலும் பிரச்சினைகளை பேச்சுக்கள் மூலம் தீர்ப்பதிலும் உறுதியுடன் செயல்பட்டார். பண்டாரநாயக்க மற்றும் டட்லி சேனாநாயக்க போன்ற பெரும் சிங்களத் தலைவர்களுடன் முக்கிய ஒப்பந்தங்களை மேற்கொண்டார். இருப்பினும் தமிழ் மக்களின் அடிப்படை உரிமைகளை அவர் ஒருபோதும் விட்டுக்கொடுக்கவில்லை. உரிமைகளட விடயத்தில் அவர் மிகவும் உறுதியாக செயல்பட்டார். இந்நிலையில் ஆயுதப்போராட்டமும் வன்முறையும் தந்தை செல்வா மறைந்த பின்னரே ஆரம்பமாகின. இவ்வாறு ஆரம்பித்த போராட்டம் பல வடுக்களையும் கொடுத்து விட்டு கடந்த 2009 ஆம் ஆண்டு முடிவுக்கு வந்தது. இச் சூழலில் பேச்சுவார்த்தை மூலம் பிரச்சினைக்கு தீர்வுகாண்பதற்கு நல்லதொரு சந்தர்ப்பம் ஏற்பட்டது. தமிழ்த் தேசியக் கூட்டமைப்பு ஐக்கிய பிரிக்கப்படாத இலங்கைக்குள் பேச்சுவார்த்தை மூலம், நியாயமான நடைமுறைப்படுத்தக் கூடிய, நிலைநிற்கக் கூடிய அரசியல் தீர்வுக்கு தயாராகவேயுள்ளது. அந்தவகையில் நாம் இலங்கை அரசுடன் கடந்த 2011 ஆம் ஆண்டுமுதல் பேச்சுவார்த்தையில் ஈடுபட்டுவந்தோம். நாம் எழுத்து மூலம் பிரிக்கப்படாத இலங்கைக்குள் தீர்வைத்தருமாறு பிரேரணையை முன்வைத்தோம். அதற்கு அரசாங்கம் கடந்த 2011 ஆம் ஆண்டு மார்ச் மாதம் பதில் தருவதாக வாக்குறுதியளித்தது. இன்னும் அதற்கான பதில் அரசாங்கத்திடமிருந்து வரவில்லை. பேச்சுவார்த்தையில் பல உடன்பாடுகள் ஏற்பட்டன. அவையெல்லாம் அதில் பதிவு செய்யப்பட்டுள்ளன. இதேவேளை, நாம் எமது கொள்கையிலும் கோட்பாட்டிலும் உறுதியாய் இருப்போம். இதிலிருந்து எப்போதும் விலகமாட்டோம். இதேவேளை, கடந்த 2012 ஆம் ஆண்டு தை மாதம் 17ஆம் 18ஆம் மற்றும் 19ஆம் திகதிகளில் இடம்பெற்ற பேச்சுவார்த்தைக்கு அரசாங்கம் சமூகம் தராது பேச்சுவார்த்தையை குழப்பிவிட்டது. அரசாங்கம் இதற்கு பூரண ஒத்துழைப்புத் தரவில்லை. தற்போதைய நிலைக்கு அரசாங்கமே பொறுப்பு என்பதை நாம் பகிரங்கமாக தெரிவிக்கின்றோம். அதற்கு முக்கிய காரணம் அரசாங்கம் ஒரே குரலில் பேசுவதில்லை. முரண்பட்ட கருத்துக்களையே முன்வைக்கின்றது. இந்நிலையில் நீண்ட கால பிரச்சினை தீர்க்கப்படவில்லை. இதையடுத்து நீண்ட கால ஆயுதப் போராட்டம் முடிவுக்கு வந்த நிலையிலும் இப்பிரச்சினை தீர்க்கப்படவில்லை. அதையடுத்தே எமது நாட்டின் தேசிய பிரச்சினை சர்வதேச ரீதிக்கு சென்றது. எமது நாட்டுக்குள் பேசித் தீர்க்கப்பட வேண்டிய பிரச்சினை தீர்க்கப்படவில்லை. அதனை எல்லோரும் குறிப்பாக அரசாங்கமும் உணர வேண்டும். இதைவிடுத்து தமிழ்த் தேசியக் கூட்டமைப்பு மீது குற்றம் சுமத்தி எவ்வித பயனும் இல்லை. அரசாங்கம் தனது பிழையை உணர்ந்து பிரச்சினையை தீர்க்க முன்வர வேண்டும். நிரந்தர சமாதானம் ஏற்படக் கூடியவகையில் அரசியல் தீர்வைக்காண நாம் தயாராகவேயுள்ளோம். அதற்கு நாம் ஒருபோதும் பின்னிற்கமாட்டோம். இதேவேளை, தமிழ்த் தேசியக் கூட்டமைப்பு தொடர்பாக ஊடகங்களில் பல தவறான செய்திகள் வெளிவருகின்றன. அந்தவகையில் தமிழ்த் தேசியக் கூட்டமைப்பு நல்லதொரு ஜனநாயகக் கட்சி. எமக்குள் எவ்வித பிரச்சினையும் இல்லை. சுயமரியாதையுடன் கண்ணியமாக வாழ, அபிலாஷைகளை அடைய நாம் முழுமையாக செயற்பட்டுவருகின்றோம். தொடர்ந்தும் நாம் செயற்படுவோம். தற்போது உள்ரீதியாக கட்சிகளுக்கிடையில் சில முரண்பாடுகள் உள்ளன. அவற்றுக்கு தீர்வைக் காண கடுமையான முயற்சியில் ஈடுபட்டுவருகின்றோம். அதை வெகு விரைவில் காண்போம். -->

பொதுநலவாய மாநாட்டை இலங்கையில் நடத்தும் முடிவில் மாற்றமில்லை: ஷர்மா

noreply@blogger.com (Anonymous) — Sat, 27 Apr 2013 06:30:00 +0000

பொதுநலவாய மாநாட்டை இலங்கையில் நடத்தும் முடிவில் மாற்றமில்லை என்று பொதுநலவாய அமைப்பின் செயலகம் அறிவித்துள்ளது. லண்டனில் இன்று நடைபெற்ற ஊடகவியலாளர் சந்திப்பின்போது, பொதுநலவாய அமைப்பின் தலைமைச் செயலாளர் கமலேஷ் ஷர்மா இந்த தீர்மானத்தை அறிவித்துள்ளார். 2013ஆம் ஆண்டு பொதுநலவாய மாநாட்டை இலங்கையில் நடத்தக்கூடாது என்று பல்வேறு மனித உரிமை அமைப்புகளும் புலம்பெயர் தமிழர் பிரதிநிதிகளும் கோரிக்கை விடுத்துவந்தனர். இந்த நிலையிலேயே தமது முடிவில் மாற்றமில்லை என்று பொதுநலவாய அமைப்பின் செயலகம் அறிவித்துள்ளது. பொதுநலவாய மாநாடு நடத்தப்படும் இடத்தை இலங்கையிலிருந்து மாற்றுமாறு வலியுறுத்தி லண்டனிலுள்ள புலம்பெயர் தமிழர்கள், பொதுநலவாய அமைப்பின் செயலகத்துக்கு முன்பாக ஆர்ப்பாட்டத்தில் ஈடுபட்டுள்ளனர். இந்நிலையில், இந்த அறிவிப்பும் விடுக்கப்பட்டுள்ளது. பொதுநலவாய அமைப்பின் 23ஆவது மாநாடு, இலங்கையில் எதிர்வரும் நவம்பர் 15 திகதி முதல் 17ஆம் திகதி வரையான காலப்பகுதியில் நடைபெறவுள்ளமை குறிப்பிடத்தக்கது. -->

யாழ். ஊடக அமையம் நிறுவப்பட்டமை பாராட்டத்தக்கது - அமைச்சர் டக்ளஸ் தேவானந்தா

noreply@blogger.com (Anonymous) — Fri, 26 Apr 2013 18:34:00 +0000

யாழ். ஊடக அமையம் நிறுவப்பட்டமை பாராட்டத்தக்கது என்றும் அதன் நோக்கம் சரியானதாகவும், நேர்மையானதாகவும் இருக்க வேண்டுமென்பதுடன் ஊடகங்களும், ஊடகவியலாளர்களும் பக்கசார்பின்றி உண்மைச் செய்திகளை வெளியிடுவதே முக்கியமானது என்றும் ஈழ மக்கள் ஜனநாயகக் கட்சியின் செயலாளர் நாயகமும், அமைச்சருமான டக்ளஸ் தேவானந்தா அவர்கள் சுட்டிக்காட்டியுள்ளார். (படங்கள் இணைக்கப்பட்டுள்ளன)
யாழ்ப்பாணம் இராசாவின் தோட்டம் வீதியிலமைந்துள்ள யாழ்.ஊடக அமையத்தில் இன்றைய தினம் இடம்பெற்ற ஊடகவியலாளர்களுடனான கலந்துரையாடலின் போதே அவர் இவ்வாறு தெரிவித்துள்ளார்.

அவர் மேலும் தெரிவிக்கையில், ஊடகங்கள் பலப்படுத்தப்பட வேண்டுமென்பதுடன் அவை உண்மை மற்றும் நேர்மையான வழியில் பயணிக்கும் பட்சத்தில் அவற்றுக்கு முழுமையான பங்களிப்பை வழங்கத் தயாராகவுள்ளேன் .

அத்துடன் அமையத்தின் நோக்கம் சரியானதாகவும், நேர்மையானதாகவும் இருக்க வேண்டுமென்பதுடன் இதற்கென ஒழுக்கநெறிக் கோவை அமைத்து செயற்பட வேண்டுமென்பதுடன் உண்மைச் செய்திகளை துறைசார்ந்தோரிடம் கேட்டறிந்து வெளிக்கொணர்வது ஊடகங்களின் முக்கிய பணியாகவுள்ளதுடன், அதைவிடுத்து நடக்காததொன்றை திரிபுபடுத்தி பொய்ச்செய்திகளை வெளியிட வேண்டாமெனக் கேட்டுக் கொண்ட அமைச்சர் அவர்கள், மக்கள் தமது கருத்து, பேச்சு, தொழில் உள்ளிட்ட சகல விடயங்களிலும் சுதந்திரமாக செயற்படவேண்டுமெனவும் தெரிவித்தார்.

அத்துடன் அவ்வப்போது ஏற்படும் பிரச்சினைகளுக்கு தீர்வு காணவேண்டிய பொறுப்பு ஊடகங்களுக்கு உண்டென்றும், அதனை தூண்டவேண்டாமென்றும் கடந்த காலங்களில் ஊடகங்கள் மற்றும் ஊடகவியலாளர்கள் எதிர்நோக்கிய இடர்பாடுகள் பிரச்சினைகள் மற்றும் தீர்வுகள் குறித்தும் தெளிவுபடுத்தினார்.

இதேவேளை, யாழ்.பண்ணைப் பகுதியை மெருகூட்டி அழகுபடுத்துவது தமது நீண்டகால கனவு என்றும் அது தற்போது நிறைவேறி வருகின்றமை மகிழ்ச்சியளிப்பதாகவும், இதேபோன்று சங்கிலியன் தோப்பை மீளச் செழுமைப்படுத்துவது தொடர்பிலும் கவனம் செலுத்தப்படும் எனவும் தெரிவித்தார்.

யாழ்ப்பாணத்திற்கான ரயில் சேவையின் முக்கியத்துவம் குறித்து ஊடகவியலாளர்களின் கருத்துக்களையும் அமைச்சர் அவர்கள் கேட்டறிந்து கொண்டார்.

இதனிடையே ஈழ மக்கள் ஜனநாயகக் கட்சி (ஈ.பி.டி.பி) தொடர்பில் ஊடகங்களில் வெளிவரும் அவதூறான செய்திகள் தொடர்பில் தாம் துறைசார்ந்தோரிடம் பகிரங்கமாக விவாதிக்க தயாராகயிருப்பதாகவும், எமது கொள்கைகளை நாம் வெளிப்படையாகவே வெளியிட்டு வருகின்றோம் என்றும் ஈ.பி.டி.பி தப்புச் செய்தால் உண்மையை நிரூபித்து செய்திகளை வெளியிடுங்கள் என்றும் கட்சி தவறு செய்யும் பட்சத்தில் அதற்கு பொறுப்பெடுத்து நிச்சயம் நடவடிக்கை எடுக்கப்படுமென்றும் தெரிவித்தார்.

யாழ்.ஊடகவியலாளர்களுக்கு அடையாள அட்டைகளைப் பெற்றுக் கொடுப்பது, ஊடக அமையத்துக்கென நிரந்தரக் கட்டிடம் அமைப்பது தொடர்பிலும் கவனம் செலுத்தப்பட்;டதுடன் அதற்கேற்ப நடவடிக்கைகளும் முன்னெடுக்கப்படுமென்றும் அமைச்சர் டக்ளஸ் தேவானந்தா அவர்கள் தெரிவித்தார்.

இதன்போது ஈ.பி.டி.பியின் முன்னாள் பாராளுமன்ற உறுப்பினர் தவராசா உடனிருந்தார்.

-->

கே.பி., தயா, மாஸ்டர் போராட்டத்தை காட்டிக் கொடுத்தவர்கள் என்பதால் தமிழ் மக்கள் அவர்களுக்கு வாக்களிக்கமாட்டார்கள்: வசந்த பண்டார

noreply@blogger.com (Anonymous) — Fri, 26 Apr 2013 08:46:00 +0000

பிரபாகரன் சிறந்த போராளி. போராட்டத்தை காட்டிக் கொடுக்கவில்லை. ஆனால் கே.பி., தயா, மாஸ்டர் போராட்டத்தை காட்டிக் கொடுத்தவர்கள். எனவே தமிழ் மக்கள் ஒரு போதும் அவர்களுக்கு வாக்களிக்கமாட்டார்கள் என்று தேசப்பற்றுள்ள தேசிய இயக்கத்தின் பொதுச் செயலாளர் டாக்டர் வசந்த பண்டார தெரிவித்தார்.
இது தொடர்பாக டாக்டர் வசந்த பண்டார மேலும் தெரிவிக்கையில், பொலிஸ் காணி அதிகாரங்களை ரத்து செய்துவிட்டே வட மாகாண சபை தேர்தலை நடத்த வேண்டும். இல்லாவிட்டால் தேர்தலை நாம் எதிர்ப்போம். அத்தோடு இத் தேர்தலை நடத்தினால் அமைச்சர்கள் சிலர் அரசை விட்டு வெளியேறுவார்கள். இதுவே அரசாங்கத்திற்கு சாவு மணியாக அமையும் . அதேவேளை கே.பி., தயா மாஸ்டர் போன்றோரை வடமாகாண சபைத் தேர்தலில் களமிறக்கி எப்படியாவது வெற்றி பெற வேண்டுமென நினைப்பது அரசாங்கத்தின் முட்டாள் தனத்தை வெளிப்படுத்துகிறது. ஏனென்றால் தமிழ் மக்கள் இவர்களை ஏற்றுக்கொள்ள மாட்டார்கள் நிராகரிப்பார்கள். பிரபாகரனின் பிரிவினை வாதத்தை நாம் ஏற்றுக் கொள்ளவில்லை. அரசியல் ரீதியாக பிரபாகரனை எதிர்க்கின்றோம். ஆனால் ஒரு போராளி என்ற ரீதியில் பிரபாகரன் போராட்டத்தை காட்டிக் கொடுக்கவில்லை. கே.பி., தயா மாஸ்டர் போன்றோர் பணத்துக்காக போராட்டத்தை காட்டிக் கொடுத்தவர்கள். எனவே தமிழ் மக்கள் இவர்களை ஆதரிக்கமாட்டார்கள் நிராகரிப்பார்கள். இத் தேர்தலில் கள்ள வாக்குகளை போட்டு எப்படியாவது வெற்றி பெற அரசாங்கம் முயற்சித்தால் அது சர்வதேச ரீதியில் பெரும் நெருக்கடிகளை தோற்றுவிக்கும். ஏனென்றால் இலங்கை வரலாற்றில் என்றுமில்லாதவாறு சர்வதேச கண்காணிப்பாளர்கள் அதிகளவில் கலந்து கொள்வார்கள். மறைமுகமான ரீதியிலும் சர்வதேச கண்காணிப்பு முடக்கி விடப்படும். இவ்வாறானதோர் சூழ்நிலையில் தமிழ் தேசிய கூட்டமைப்பின் வெற்றி உறுதியாகும். அதன் பின்னர் கூட்டமைப்பு ஈழத்திற்கான போராட்டத்தை மீண்டும் ஆரம்பிக்கும். மாகாண சபைக்கு பொலிஸ் காணி அதிகாரங்களை வழங்க வேண்டுமெனக் கோரி நீதிமன்றம் செல்லும். எனவே வட மாகாண சபை தேர்தலை நடத்துவது மீண்டும் பிரிவினைவாதத்திற்கு ஊக்க மருந்து வழங்கப்படுவதாகவே அமையும். யுத்தம் முடிந்து 4 வருடங்கள் கழிந்த போதும் வட பகுதியில் சீனித் தொழிற்சாலையோ சீமெந்து உற்பத்தி தொழிற்சாலையோ அல்லது வேறெந்த தொழிற்சாலைகளோ ஆரம்பிக்கப்படவில்லை. இதுவரையில் புகையிரதப் பாதையும் போடப்படவில்லை. இளைஞர், யுவதிகளுக்கு வேலைவாய்ப்புக்கள் இல்லை. எம் மக்களது உற்பத்திகளுக்கு சந்தை வாய்ப்புக்கள் ஏற்படுத்திக் கொடுக்கவில்லை. எனவே தமிழ் மக்கள் அரசாங்கத்திற்கு ஒரு போதும் வாக்களிக்க மாட்டார்கள் என்றார். -->

வீரவன்சவின் நிலைப்பாட்டுக்கு ஜனாதிபதி செவிசாய்த்தால் போர்க்கொடி தூக்குவோம்: திஸ்ஸவிதாரண

noreply@blogger.com (Anonymous) — Fri, 26 Apr 2013 08:42:00 +0000

வடமாகாண சபை தேர்தல் தொடர்பில் அமைச்சர் விமல் வீரவன்ச போன்றவர்களின் நிலைப்பாட்டிற்கு அரசாங்கம் முக்கியத்துவம் அளித்தால் ஆளும் கட்சியின் உள்ள இடதுசாரிகள் போர்க்கொடி தூக்குவோம். 13 ஆவது திருத்தச்சட்டத்தை இல்லாதொழிக்க கூடாது என்பதனை ஜனாதிபதியிடம் கண்டிப்பாகவே கூறியுள்ளோம் என்று அமைச்சர் திஸ்ஸ விதாரண தெரிவித்தார். வடக்கில் காணிகள், உரிமைகள் உள்ளவர்களுக்கே வழங்கப்பட வேண்டும். மக்கள் காணிகளில் இராணுவம் நிலை கொண்டிருப்பதும் அரச காணிகளில் பொதுமக்கள் இருப்பதும் அனுமதிக்க முடியாது. எவ்வாறாயினும் நிலையான தீர்வொன்றிற்காக அனைத்து தரப்புகளும் விட்டுக் கொடுப்புடன் செயற்படுவதே முக்கியமானது என்றும் அவர் குறிப்பிட்டார். இது தொடர்பில் அமைச்சர் திஸ்ஸ விதாரண தொடர்ந்தும் கூறுகையில், 13 ஆவது திருத்த சட்டத்தை இல்லாதொழிக்கும் நிலைப்பாட்டில் அரசாங்கம் இல்லை. அமைச்சர் விமல் வீரவன்ச போன்றவர்களின் நிலைப்பாடுகள் அரசாங்கத்தின் கொள்கையாக கொள்ள முடியாது. எவ்வாறாயினும் எதிர்வரும் செப்டெம்பர் மாதத்தில் வடமாகாண சபை தேர்தலை அரசாங்கம் நடத்த திட்டமிட்டுள்ளது. இதன் போது தற்போது காணப்படுகின்ற மாகாண சபை முறைமையில் எவ்விதமான மாற்றங்களும் ஏற்படாது. நிரந்தர அரசியல் தீர்வொன்றிற்காக சகல தரப்பினரும் ஒற்றுமையாக செயற்பட வேண்டியது கட்டாயமாகும். குறிப்பாக தமிழ்த் தேசியக் கூட்டமைப்பு அரச தரப்பினருடன் பேச்சுவார்த்தைகளை முன்னெடுக்க வேண்டும். அவ்வாறு இல்லையென்றால் கிடைக்கப் பெற்ற சந்தர்ப்பங்கள் வீணடிக்கப்பட்டு விடும். ஆளும் கட்சியில் உள்ள இடதுசாரி கொள்கையுடையவர்கள் என்ற வகையில் எமது நிலைப்பாட்டை ஜனாதிபதிக்கு மிக தெளிவாக கூறியுள்ளோம். குறிப்பாக 13 ஆவது திருத்தச் சட்டத்தை ரத்துச் செய்வதோ அதிகாரங்களை குறைப்பதோ இடம்பெறக் கூடாது என்பதை கண்டிப்பாக வலியுறுத்தியுள்ளோம். வடக்கில் ஏனைய பகுதியைப் போன்று சுமுகமான சூழலை ஏற்படுத்த தேவையான நடவடிக்கைகள் உறுதிப்பட வேண்டும். தற்போது காணிகள் தொடர்பில் மக்கள் ஆர்ப்பாட்டத்தில் ஈடுபடுகின்றனர். இதற்கு உடனடி தீர்வு அவசியம் எனக் கூறினார். -->

வடக்கில் மட்டும் அல்ல தெற்கிலும் தேவையின் நிமித்தம் காணிகளை சுவிகரிக்கப்படுகின்றது: பஷில்

noreply@blogger.com (Anonymous) — Fri, 26 Apr 2013 08:33:00 +0000

அரசாங்கம் வடக்கில் மட்டும் அல்ல தெற்கிலும் தேவையின் நிமித்ததம் காணிகளை சுவிகரித்துவருகின்றது. வீதிகளை நிர்மாணிக்கும்போதும் அபிவிருத்தி வேலைத்திட்டங்களை கொண்டு நடத்தும்போதும் இவ்வாறு காணிகளை பெறவேண்டிய தேவை அரசாங்கத்துக்கு இருக்கின்றது. அதனை விடுத்து வடக்கில் மட்டும் விசேடமாக அரசாங்கம் காணிகளை பெறுவதாக யாரும் எண்ணக்கூடாது என்று பொருளாதார அபிவிருத்தி அமைச்சரும் ஸ்ரீலங்கா சுதந்திரக் கட்சியின் தேசிய அமைப்பாளருமான பஷில் ராஜபக்ஷ தெரிவித்தார்.
சுயாதீன ஆணைக்குழுக்களை நியமிக்குமாறு கோருவதன் மூலம் வடக்குத் தேர்தலை தாமதப்படுத்தும் முயற்சியில் எதிர்க்கட்சிகள் இறங்கியுள்ளமை தெளிவாகின்றது. மேலும் வடக்குத் தேர்தலுக்கு வெளிநாட்டுக் கண்காணிப்பாளர்களை நியமிக்கவேண்டுமா? இல்லையா என்பதனை தேர்தல்கள் ஆணையாளரே தீர்மானிக்கவேண்டும். இது தொடர்பில் அரசாங்கம் தீர்மானம் எடுக்க முடியாது என்றும் அவர் கூறினார். வடக்கில் காணிகளை அரசாங்கம் அபகரிப்பதாக தமிழ்த் தேசியக் கூட்டமைப்பு முன்வைத்துள்ள குற்றச்சாட்டுக்கள் மற்றும் வடக்குத் தேர்தலுக்கு முன்னர் சுயாதீன ஆணைக்குழுக்களை நியமிக்கவேண்டும் என்று எதிர்க்கட்சிகள் கோரியுள்ளமை போன்றவை தொடர்பில் கருத்து வெளியிடுகையிலேயே அவர் மேற்கண்டவாறு குறிப்பிட்டார். வடக்குத் தேர்தலுக்கு முன்னர் சுயாதீன பொலிஸ் மற்றும் சுயாதீன தேர்தல் ஆணைக்குழுக்களை நியமிக்கவேண்டும் என்றும் வடக்குத் தேர்தலை கண்காணிக்க வெளிநாட்டுக் கண்காணிப்பாளர்களை வரவழைக்கவேண்டும் என்றும் ஐக்கிய தேசிய கட்சியும் தமிழ்த் தேசியக் கூட்டமைப்பும் கோரியுள்ளன. இந்நிலையில் பொருளாதார அபிவிருத்தி அமைச்சர் பஷில் ராஜபக்ஷ இந்த விடயம் குறித்து மேலும் குறிப்பிடுகையில் பொதுவாக எதிர்க்கட்சிகள் தேர்தலின் பின்னரே தோல்விக்கான காரணங்களை அடுக்கிகொண்டு செல்வது வழக்கம். ஆனால் வட மாகாண சபைத் தேர்தலை பொறுத்தமட்டில் எதிர்க்கட்சிகள் தற்போதே காரணங்களை தேடுவதற்கு ஆரம்பித்துள்ளன. வடக்குத் தேர்தல் நடைபெறுவதே சந்தேகம் என்று ஆரம்பத்தில் கூறிவந்தனர். உண்மையில் அனைத்து மீள்குடியேற்றங்களை செய்துவிட்டே வடக்குத் தேர்தலை நடத்தவேண்டும் என்றே நானும் தனிப்பட்ட முறையில் கருதினேன். ஆனால் வடக்குத் தேர்தலை செப்டெம்பர் மாதம் நடத்தவேண்டும் என்று ஜனாதிபதி தீர்மானித்துவிட்டார். எனவே வட மாகாண சபைத் தேர்தலை நடத்துவதற்கு நடவடிக்கைகள் எடுக்கப்பட்டுள்ளன. ஆனால் தற்போது எதிர்க்கட்சிகள் சுயாதீன ஆணைக்குழுக்களை நியமிக்குமாறு நிபந்தனைகளை விதிப்பதன் மூலம் வட மாகாண சபைத் தேர்தலை தாமதிக்க முயற்சிப்பதாகவே தெரிகின்றது. ஜனாதிபதித் தேர்தலையும் பாராளுமன்றத் தேர்தலையும் வடக்கில் நடத்த முடியுமானால் ஏன் மாகாண சபைத் தேர்தலை நடத்த முடியாது? என்று கேள்வியெழுப்பிய எதிர்க்கட்சிகள் இன்று வடக்குத் தேர்தலுக்கு முன்னர் அதனை நியமியுங்கள் இதனை நியமியுங்கள் என்று நிபந்தனை முன்வைப்பது தேர்தலை தாமதப்படுத்தும் நோக்கிலேயே என்பது தெளிவாகின்றது. இதேவேளை வடக்குத் தேர்தலுக்கு வெளிநாட்டுக் கண்காணிப்பாளர்களை நியமிக்கவேண்டுமா? இல்லையா என்பதனை தேர்தல்கள் ஆணையாளரே தீர்மானிக்கவேண்டும். இது தொடர்பில் அரசாங்கம் தீர்மானம் எடுக்க முடியாது. ஆனால் வடக்குத் தேர்தலுக்கு கண்காணிப்பாளர்களை ஈடுபடுத்துவது குறித்து தேர்தல் ஆணையாளர் ஆளும் ஐக்கிய மக்கள் சுதந்திர முன்னணியின் அபிப்பிராயத்தை கேட்டால் அதன்போது எமது யோசனையை வழங்க தயாராக இருக்கின்றோம். எது எவ்வாறெனினும் உலகில் எந்தவொரு நாட்டிலும் மாகாணத்தின் தேர்தல் ஒன்றை கண்காணிக்க வெளிநாட்டுக் கண்காணிப்பாளர்கள் ஈடுபடுத்தப்படுவதில்லை. தேசிய மட்டத் தேர்தல்களுக்கே இவ்வாறு சில வேளைகளில் கண்காணிப்புகள் மேற்கொள்ளப்படும். வடக்கில் காணிகள் பெறப்படுவதாக குற்றம் சுமத்தப்படுகின்றது. வடக்கில் காணி பெறப்படுவது தொடர்பில் பாதிக்கப்படுகின்றவர்கள் முறைப்பாடு செய்யலாம். அவ்வாறு செய்தால் அவர்களுக்கான நட்டஈடுகள் மற்றும் நிவாரணங்களை வழங்க அரசாங்கம் நடவடிக்கை எடுக்கும். மேலும் அரசாங்கம் வடக்கில் மட்டும் அல்ல தெற்கிலும் தேவையின் நிமித்ததம் காணிகளை சுவிகரித்துவருகின்றது. வீதிகளை நிர்மாணிக்கும்போதும் அபிவிருத்தி வேலைத்திட்டங்களை கொண்டு நடத்தும்போதும் இவ்வாறு காணிகளை பெறவேண்டிய தேவை அரசாங்கத்துக்கு இருக்கின்றது. வீதி நிர்மாணம் எனும்போது இவ்வாறு காணிகளை பெறுவது வழக்கமாகும். அவற்றுக்கு உரிமையாளர்களுக்கு உரிய நிவாரணம் வழங்கப்படும். மற்றும் அபிவிருத்தி வேலைத்திட்டங்களுக்காகவும் காணிகள் பெறப்படும். தெற்கு அதிகவேக வீதிக்காக எத்தனையோ காணிகள் பெறப்பட்டன. அவற்றுக்கு தேவையான நிவாரணங்கள் வழங்கப்பட்டன. தற்போது வடக்குக்கான அதிவேக வீதி நிர்மாணிக்கப்படவுள்ளது. அதற்கு கம்பஹா மாவட்டத்தில் அதிக காணிகள் பெறப்பட்டுள்ளன. அதனை விடுத்து வடக்கில் மட்டும் விசேடமாக அரசாங்கம் காணிகளை பெறமுயற்சிப்பதாக எண்ணக்கூடாது. வீதிகளை நிர்மாணிக்கும்போதும் அபிவிருத்தி வேலைத்திட்டங்களை கொண்டு நடத்தும்போது காணிகள் பெறப்படும். அரசாங்கம் வடக்கில் மட்டும் காணிகளை சுவிகரிப்பதாக எண்ணக்கூடாது. தேவையின் நிமித்தம் நாட்டின் அனைத்துப் பகுதிகளிலும் காணிகள் பெறப்படும். அவ்வாறு இடம்பெற்றும் வருகின்றது என்றார். -->