KRISHNA'S చెప్పు దెబ్బలు-పూలదండలు

ఆనంద్ లాగా చెస్ ఆడాలని ఆనంద్ కి సలహా ఇచ్చిన పెద్ద మనిషి

2013-11-15T00:02:00.000+05:30

విశ్వనాధన్ ఆనంద్ ప్రపంచ జూనియర్ చాంపియన్ షిప్ గెలిచి భారత దేశపు మొట్టమొదటి గ్రాండ్ మాస్టర్ అయ్యాక సీనియర్ స్థాయిలో చదరంగపు ప్రపంచంలో తన ముద్ర వేస్తున్న రోజులలో విమానంలో ఆయనకి ఒక సహ ప్రయాణీకుడు తారస పడ్డాడు. ఇప్పటిలాగా ఆప్పట్లో మీడియా లేదు, హిందూ లాంటి ఏవో కొన్ని వార్తా పత్రికలు మినహాయించే చదరంగాన్ని పెద్దగా కవరేజీ లెదు. అంచేత ఆనంద్ మొహం చాలా మందికి పరిచయం లేక పోవటాన అతనికి తాను మట్లాడుతున్నది ఎవరో తెలియకుండానే మాటలు కలిపాడు.

స్వతహాగా రిజర్వుడ్ అయిన అనంద్ అతనితో పెద్దగా కలివిడిగా మాట్లాడలేదు. ఒకటి రెండు మాటలయ్యాక "ఏం చేస్తుంటావ్ బాబూ?" అని ఆనంద్ ని అడిగాడు ఆ వ్యక్తి. "చెస్ ఆడుతాను" అని బదులిచ్చాడు ఆనంద్.

"చెస్ ఆడితే ఆనంద్ లాగా ఆడాలి. అప్పుడే ఉపయోగం ఉంటుంది. అలా ఆడలేకపోతే ఇంకేదైనా చూసుకో బాబూ" అని ఒక ఉచిత సలహా పడేశాడు ఆ పెద్ద మనిషి.

"అలాగే. థాంక్స్" అని ఆనంద్ తన చేతిలొ ఉన్న పుస్తకంలొ తల దూర్చి తప్పించుకున్నాడు విషీ.

కొన్నాళ్ళ తరువాత ఒక పత్రికకి ఇచ్చిన ఇంటర్వ్యూలో ఆనంద్ ఈ సంఘటనని వెల్లడించాడు.

అటో చార్జీ కన్నా తక్కువ ఖర్చుతో అంగారక గ్రహ యాత్ర చేస్తున్న ISRO

2013-11-07T04:24:00.001+05:30

మొత్తానికి మన వాళ్ళ అంగారక గ్రహ యాత్ర మంగళయాన్ రాకెట్ విజయవంతంగా దూసుకెళ్ళింది. అయితే ఇది అంగారక గ్రహాన్ని చేరాలంటే మరో పది నెలలు పడుతుంది. అప్పుడే ఈ ప్రయోగం విజయవంతం అని చెప్పగలం. అసలే పేదరికంలో కొట్టుమిట్టాడుతూ ప్రజలందరికీ సరిగా ఆహారం అందించలేని మనకు ఇవి అవసరమా అని కోంతమంది చేసే విమర్శల సంగతి అటుంచితే మనవాళ్ళు సాధించిన ఈ విజయాన్ని అభినందించకుండా ఉండలేం.

ఈ ప్రయోగానికి సంభందించిన ఖర్చునీ, ఈ రాకెట్ వెళ్ళే దూరాన్నీ చూస్తే మన శాస్త్రవేత్తలు చాలా తక్కువ ఖర్చుతో ఈ విజయాన్ని సాధించారని చెప్పెక తప్పదు. దాదాపుగా 80 కోట్ల కిలోమీటర్ల దూరం ప్రయాణించే ఈ రాకెట్ ప్రయోగానికి అయిన ఖర్చు 450 కోట్ల రూపాయలు. అంటే ఒక కిలోమీటర్ ప్రయాణానికి ఆరు రూపాయల కన్నా తక్కువ. ఇది ఆటో చార్జీ కన్నా తక్కువే!

అవినీతి మచ్చ కడిగిపారేయడానికి సీనియా గాంధీ గారికి పెద రాయుడు మార్గం

2013-09-02T04:46:00.001+05:30

ఇప్పటికే కాంగ్రెస్ ప్రభుత్వం లెక్కకు మించిన అవినీతిలో కుంభకోణాలతో సతమతయి పోతూ ఉంది. మరొక వైపు బీజేపీ పార్టీ మోడీని తమ ప్రధాని అబ్యర్ధిగా దాదాపుగా ప్రకటించినట్లే. ఈ పరిస్థితిలో ప్రజల వద్దకు వెళ్ళి ఓట్లడగాలంటే మొహం చెల్లని స్థితిలో కాంగీయులు ఉన్నారు.

ఈ విషమ పరిస్థితి నుంచి తప్పించుకొని యువరాజు రాహుల్ గాంధీని గద్దె మీద కూర్చోబెట్టాలంటే రాజ మాత సోనియా గాంధీ గారికి ఒక చక్కని మార్గం పెదరాయుడు మార్గం ఉంది. పెదరాయుడు సినిమాలో గ్రామానికి పెద్దగా తీర్పులు చెప్పే వ్యక్తి స్వయానా తన తమ్ముడు పైన వచ్చిన అభియోగానికి శిక్షగా అతని కుటుంబాన్ని గ్రామం నుంచి వెలి వేస్తాడు. తమ్ముడు తన వాడయినా ధర్మం ధర్మమే అనేది ఆయన సిద్ధాంతం.

ఇలాంటిదే ఒక ఉదాహరణ మహా భారతంలో కూడా ఉంది. సంజయుడు ద్రుతరాష్ట్రుడికి నీతి బోధిస్తూ ఒక కుటుంబం కోసం ఒక వ్యక్తినీ, గ్రామం కోసం కుటుంబాన్ని, రాజ్యం కోసం గ్రామాన్ని వదిలి పెట్టాలని చెప్తాడు. ఇప్పుడు అదే సిద్ధాంతాన్ని అనుసరించి అవినీతిలో కూరుకుపోయిన అల్లుడు రాబర్ట్ వాద్రాకి కూతురు చేత విడాకులు ఇప్పించి అతనితొ బంధం తెంచి వేసుకుంటే రేపు ఎన్నికల వేళ నీతికీ, న్యాయానికీ కట్టుబడి స్వయానా అల్లుడినే కాదనుకున్న ఉన్నత, ఉత్తమ కుటుంబం మాది సోనియా రాహుల్ బాబు ధైర్యంగా ప్రజల లోకి వెళ్ళ వచ్చు.

ఎవరయినా దీనిని చదివిన కాంగ్రెస్ వాళ్ళు ఈ విషయాన్ని అమ్మ గారితో విన్నవించి చూడండి.ఏమయినా ఫలితం ఉంటుందేమో చూద్దాం.

సమయం చాలని బిజీరాయుళ్ళు ఈ ఒక్క యోగాసనం వేసినా చాలు

2013-07-28T23:23:00.000+05:30

యోగా వల్ల అనేక లాభాలు ఉన్నాయన్నది నేడు ప్రపంచం అంతా అంగీకరించిన విషయం. అందువల్లనే నేడు పాశ్చాత్య ప్రపంచంలో ఇబ్బడి ముబ్బడిగా యోగా శిక్షణ కేంద్రాలు వెలుస్తున్నాయి. అంతే కాక వెన్నునొప్పిని తగ్గించడానికి యోగా ఉపయోగపడుతుంది అని అమెరికన్ స్పైన్ అసోసియేషన్ శాస్త్రీయంగా కూడా ధృవీకరించింది.

అయితే ఇన్ని ఉపయోగాలు అందించే యోగాని సాధన చేయడాన్ని తప్పించుకోవడానికి చాలా మంది చెప్పే సాకు సమయం లేదు అని. రోజుకి కేవలం అర గంట వెచ్చిస్తే సరిపోయేదానికి కూడా సమయం చాలని బిజీ రాయుళ్ళు కేవలం ఓ అయిదు నిముషాలు వెచ్చించి సర్వాంగ ఆసనం ఒక్కటి వేస్తే చాలు. శరీరంలోని దాదాపు అన్ని భాగాలనీ ప్రభావితం చేస్తుంది ఈ ఆసనం.

వెల్లకిలా పడుకొని నిముషం పాటు కాళ్ళూ, చేతులూ ఆడించి వార్మ్ అప్ చేసి ఈ ఆసనం చేయవచ్చు. ఇందులో కాళ్ళు రెండు పైకెత్తి, నడుము భాగాన్ని రెండు చేతులతో సపోర్ట్ చేస్తూ కాళ్ళని వీలయినంత వరకూ లంబ కోణంలోకి తీసుకు వచ్చే ప్రయత్నం చేయాలి.

అలా చేశాక చేతులు క్రమేపీ కిందికి జరుపుతూ శరీరాన్ని పైకి ఎత్తే ప్రయత్నం చేయాలి. ఇప్పుడు దృష్టి కాలి బొటన వేళ్ళ మీద నిలిపి వీలయినంత సేపు ఆసన స్థితిలో ఉండి ఆ పిమ్మట మెల్లిగా పూర్వ స్థితిలోకి రావాలి.

ఈ ఆసనం వెన్నెముకని ఫ్లెక్సిబుల్‌గా ఉంచుతుంది. తలకి, మెదడుకీ రక్త ప్రసరణ పెంచుతుంది, థైరాయిడ్ సమస్యలని తగ్గిస్తుంది, కాళ్ళ వాపులనీ, వేరికోస్ వెయిన్స్‌నీ తగ్గిస్తుంది. అంతే కాకుండా శరీరాన్ని యవ్వనంగా ఉంచుతుంది.

ప్రతి రోజూ కనీసం అయిదు సార్లు ఈ ఆసనం వేసినా సరిపోతుంది.
దీని వల్ల యోగా మీద ఆసక్తి పెరిగి ఆసనాల సంఖ్యని, సమయాన్ని క్రమేపీ పెంచుకుంటూ పోతే మరీ మంచిది.

టెస్ట్ మ్యాచ్‌లో ఒక్క రోజులో రెండు హ్యాట్రిక్స్ నమోదు చేసిన బౌలర్

2013-05-29T00:25:00.001+05:30

మూడు బంతుల్లో ముగ్గురు బ్యాట్స్ మెన్‌ని వరుసగా అవుట్ చేసి హ్యాట్రిక్ నమోదు చేసుకోవడమనేది ప్రతి బౌలర్‌కీ కలగా ఉంటుంది. అయితే ఇది ఎప్పుడో కానీ సాధ్యం కాదు. అందునా అత్యుత్తమ శ్రేణి క్రీడాకారులు అడే టెస్ట్ మ్యాచ్ స్థాయిలో మరీ కష్టం. ఇద్దరు అవుటయ్యాక తరువత వచ్చే బ్యాట్స్ మన్ తన కున్న స్కిల్ అంతా ఉపయోగించి కనీసం ఆ ఒక్క బంతికీ అవుటవకుండా బయట పడాలని ప్రయత్నిస్తాడు. అలాగే ప్రత్యర్థి కెప్టెన్ కూడా తన జట్టులోని మెరికల్లాంటి ఫీల్డర్స్‌ని బ్యాట్స్‌మన్ చుట్టూ మొహరింపజేసి ఆ మూడో బంతికి వికెట్ తీయాలని ప్రయత్నిస్తాడు. హ్యాట్రిక్ ఇంత కష్టమైన విషయం కాబట్టే దానికి ఒక ప్రత్యేక గుర్తింపు ఉంది.

అయితే ఒకే రోజు రెండు హ్యాట్రిక్స్ సాధిస్తే అది ఇంకెంత ప్రత్యేకమో చెప్పక్కర్లేదు కదా! క్రికెట్ చరిత్రలో ఇప్పటి వరకూ ఈ అరుదైన ఘనత సాధించిన బౌలర్ ఒక్కడే ఉన్నాడు. అతను జిమ్మీ మాథ్యూస్ అనే ఆస్ట్రేలియన్ ఆటగాడు. 1912 మే28 న సౌత్ ఆఫ్రికాతో జరిగిన మ్యాచ్‌లో అతను ఈ అరుదైఅన్ ఘనత సాధించాడు. సౌత్ ఆఫ్రికా మొదటి ఇన్నింగ్స్‌లో చివరి మూడు వికెట్లు తీసుకున్న ఈ బౌలర్, ఫాలో ఆన్ ఆడిన తరువాత రెండవ ఇన్నింగ్స్‌లో తన రెండవ హ్యాట్రిక్ కూడా అదే రోజు నమోదు చేశాడు.

ఇందులో మరొక చెప్పుకోదగ్గ ప్రత్యేకత ఏమంటే జిమ్మీ తీసుకున్న ఆరు వికెట్లలో మరొకరి పాత్ర లేదు. ఇద్దరిని క్లీన్ బౌల్డ్ చేసి, ఇద్దరిని ఎల్బీడబ్ల్యుగా, మరిద్దరిని కాట్ అండ్ బౌల్డ్ రూపంలో అవుట్ చేశాడు.
అయితే ఇంత అరుదయిన ఫీట్ సాధించిన ఈ మ్యాచ్ తరువాత మ్యాథ్యూస్ మరొక టెస్ట్ మ్యాచ్ ఆడకుండనే అతని కెరీర్ ముగిసిపోవడం ఎవరికీ అర్ధం కాని విషయం.

నా సెల్ ఫోన్ కెమెరాలో బందీలయిన హిమాలయాలు (Mighty Himalayas in my Mobile) Photos

2013-05-11T01:40:00.000+05:30

గత వారం మనాలీ వెళ్ళినప్పుడు నేను నా Sony Xperia Z ఫోన్ కెమెరాతో తీసిన ఫోటొలు ఇవి. అన్నీ కూడా ఆటో మోడ్ వాడి తీసినవే. స్పెషల్ ఎఫెక్ట్స్ కానీ టెక్నిక్స్ కానీ ఏమీ లేవు.

ఈ ఫోటో మేము దిగిన మౌంటెన్ టాప్ హోటల్ టెర్రాస్ నుంచి తీసింది. శీతాకాలంలో ఆ టెర్రాస్ పైన కూడా మంచు నిండి పోయి ఉంటుందని ఆ హోటల్ స్టాఫ్ చెప్పారు. మా రూము కిటికీలోంచి కూడ మంచుతో కప్పబడిన హిమాలయాలు దర్శనమిచ్చాయి. నిప్పుల కొలిమిలోనుండి వెళ్ళిన మాకు ఆ శీతల వాతావరణం బాగా నచ్చింది.

ఈ ఫోటొ కూడా పైన ఉన్న ఫోటో తీసిన చోట తీసిందే, కొంచెం జూమ్ చేశానంతే.

ఇది రోహ్‌తాంగ్ పాస్‌కి వెళ్ళే దారిలోని గులాబా అన్న చోట ఉన్న స్నో పాయింట్. రోహ్‌తాంగ్ పాస్‌కి వెళ్ళే దారిని మే రెండవ వారంలో తెరుస్తారట. అంచేత పర్యాటకులు ఈ స్నోపాయింట్‌లోనే మంచులో ఆడుకోవడం, సరదాగా స్కీయింగ్ చేయడం చెస్తారు.

స్నో పాయింట్‌లో కూర్చుని చూస్తే ఎదురుగా కనిపించే శిఖరం ఇది.

మనాలీకి కొంచెం దూరంలో ఉన్న సోలాంగ్ వ్యాలీలో కేబుల్ కారు ఎక్కి ఈ శిఖరం మీదికి చేరుకోవచ్చు.

కోట్ల ఆస్తితో పిల్లనిచ్చిన మామగారిమీద సుబ్రావ్ ఎందుకు అలిగాడంటే .........(ఒక జోకు)

2013-02-07T23:44:00.002+05:30

అల్లుడు అలక పాన్పు ఎక్కాడని తెలియగానే పరంధామం ఆశ్చర్యపోయాడు. తన ఒక్కగానొక్క కూతురు, ఆస్తి పాస్తులు, లక్షల కట్నం అంతా ఇచ్చిన తరువాత అల్లుడికి ఏం తక్కువయ్యిందని అలక పూనాడో ఆయనకి అర్ధం కాలేదు. అస్సలు సుబ్రావ్ ఆయనకి అల్లుడు అయిన విధమే ఒక విచిత్రం. అదేమంటే......

ఇంజనీరింగ్ పూర్తి చేసి, బెంగుళూరులో సాఫ్ట్ వేర్ కంపెనీలో ఉద్యోగం చేస్తున్న సుబ్రావ్ ఒకసారి పండగకని సెలవు పెట్టి తన ఊరొచ్చాడు. పిసినారిగా పేరున్న సుబ్రావ్ కూడా ఊరిలో పొద్దు పోక సినిమాకి వెళ్దామని బయలు దేరాడు. ఊరిలో ఉన్న ఒకే ఒక హాలు బుకింగ్ కౌంటర్‌లో తల పెట్టి "టిక్కెట్ ఎంత?" అనడిగాడు. ఆ టాకీస్‌కి ఓనర్, టికెట్ అమ్మేవాడు ఒకడే. అతను పిసినారి పరంధామం. టిక్కెట్ కౌంటర్‌లో ఎవరినయినా పెడితే వాడు మోసం చేస్తాడేమోనన్న భయంతో, ఇంత పనికి మళ్ళీ ఇంకొకడు ఎందుకు అన్న భావంతో ఆ పని కూడా తనే చేసేవాడు.

"కుర్చీ పది రూపాయలు, బెంచి అయిదు రూపాయలు, నేల మూడు రూపాయలు" అని చెప్పాడు పరంధామం. "సరే, బెంచి టికెట్ ఒకటి కావాలి. ఇచ్చే రేటు చెప్పు" అన్నాడు సుబ్రావ్. తన జీవితంలో సినిమా టికెట్‌ని బేరమాడేవాడిని తొలిసారిగా చూసిన ఆనందంలో అహ నా పెళ్లంట సినిమాలో ఎండు పుల్లలు ఏరుకుంటున్న రాజేంద్ర ప్రసాద్‌ని చూసినప్పుడు కోట శ్రీనివాస రావుకి కలిగిన అనుభూతి కలిగింది పరంధామానికి. సినిమా టికెట్ ఫిక్సెడ్ అని సుబ్రావ్‌కి నచ్చజెప్పి బెంచి టికెట్ ఇచ్చి పంపాడు.

లైట్లు ఆరిపోయి న్యూస్ రీల్ వస్తుండగా పైన ఎప్పుడో తిరగడం మానేసి అలంకార ప్రాయంగా ఉన్న ఒక సీలింగ్ ఫ్యాను జారి సరిగా సుబ్రావ్ నెత్తి మీద పడింది. కెవ్వుమని అతను అరిచిన అరుపుకి ఊరు ఊరంతా ఉలిక్కి పడింది. పరుగెత్తుకు వచ్చిన పరంధామం పక్క వీధిలో ఉన్న ఆరెమ్పీ డాక్టర్ దగ్గర సుబ్రావ్‌కి చికిత్స చేయించాడు. ఆ క్రమంలో సుబ్రావ్ తాలుకు పుట్టు పుర్వోత్తరాలు తెలుసుకొని అతను తమ కులం వాడేనని గ్రహించి అతనిలో తన ఒక్కగానొక్క కూతురుకి మొగుడ్ని చూశాడు. అంతేకాక సినిమా టికెట్ కోసం బేరమాడ గలిగిన అతని పొదుపరి స్వభావానికి ముగ్ధుడయి సుబ్రావ్ తల్లి తండ్రులతో మాట్లాడాడు.

ఒక్కగానొక్క కూతురు, పరంధామానికి హాలు గాక ఒక రైస్ మిల్లు ఓ యాభయి ఎకరాల మాగాణి, పాతిక ఎకరాల మామిడి తోట ఉన్నందువల్ల, అమ్మాయి కూడా చక్కగా ఉన్నందువల్ల సంబంధం కుదిరిపోయింది. బంధువులలో ముఖ్యమయిన వాళ్లనే పిలిచి ఆర్భాటాలేవి పెట్టుకోకుండా పొదుపుగా పెళ్ళి జరిపించి కార్యమ్ గదిలొకి అల్లుడిని పంపిస్తే ఇలా అలక వహించాడు సుబ్రావ్.
.........................
"అల్లుడూ, ఏమి తక్కువయిందని అలిగావు తండ్రీ?" అని చేతులు పట్టుకున్నాడు పరంధామం.

"మామ గారూ, మీరు నాకు కట్నమిచ్చారు, ఆస్తి నా పేరు మీద రాశారు. అంతా బాగా ఉంది కానీ, ఆ రోజు నేను సినిమా చూడ్డానికి మీకు అయిదు రూపాయలిచ్చి బెంచి టికెట్ కొన్నాను కదా. అసలు సినిమా మొదలవకుండానే నా నెత్తిన ఫ్యాన్ పడింది కదా?" అన్నాడు సుబ్రావ్.

"నిజమే బాబూ. అందువల్లనే కదా నేను నిన్ను చూసింది. ఈ పెళ్ళి జరిగిందీనూ?"

"అయితే నేను సినిమా చూడలేదు కాబట్టి ఆ అయిదు రూపాయలు నాకు వెనక్కి రావాలి కదా. మరి మీరు ఇచ్చారా?" అన్నాడు సుబ్రావ్

ఒరిజినల్ చంద్రముఖి (లక లక లేదు)

2013-02-06T00:32:00.002+05:30

తెలుగు తమిళ బాషల్లో వచ్చిన చంద్రముఖి ఎంత పెద్ద హిట్టో చెప్పాల్సిన పని లేదు. బాబా సినిమా దెబ్బకి కుదేలయిన రజనీ కాంత్‌కి కొత్త ఊఫు ఇచ్చింది పి.వాసు దర్శకత్వంలో వచ్చిన ఈ సినిమా. కన్నడంలో ఆప్త మిత్ర పేరుతో, బెంగాలీలో రాజ మహల్ పేరుతో, హిందీలొ భూల్ భులయ్యా పేరుతో రీమేక్ అయి అన్ని చోట్లా విజయం సాధించింది. అయితే ఈ సినిమాకి మాతృక 1993లో మళయాళంలో నిర్మితమయిన మణిచిత్రతాళ్ అన్న సినిమా. దీనికి దర్శకుడు ఫాజిల్. నాగార్జున హీరోగా, నగ్మా హీరోయిన్‌గా వచ్చిన కిల్లర్ సినిమా దర్శకుడిగా తెలుగు ప్రేక్షకులకి కూడా ఈయన పరిచితుడు.

ఈ మళయాళ సినిమాలో సురేష్ గోపి, శోభన ముఖ్య పాత్ర ధారులు. సైకియాట్రిస్టుగా మళయాళ సూపర్ స్టార్ మోహన్ లాల్ నటించాడు. ఇందులో మోహన్ లాల్ పాత్ర సహాయ నటుడుగానే ఉంటుంది. ఈ సినిమాలో జమీందారు పాత్ర లక లక శబ్ధం చేయదు. ఈ సినిమాలో నటనకు శోభనకి జాతీయ అవార్డు వచ్చింది. ఈ సినిమా ఆత్మ రాగం పేరిట తెలుగులో డబ్ అయింది. అంతగా ఆడలేదు. తరువాత పి.వాసు దీనిని ఆప్త మిత్ర పేరుతో కన్నడంలో విష్ణు వర్ధన్ హీరోగా తీసి హిట్ కొట్టాడు. దానిని చూపించి రజనీ కాంత్‌ని తమిళ సినిమాకి ఒప్పించాడు. అయితే ఈ కన్నడ, తమిళ, తెలుగు వెర్షన్లలో సైకియాట్రిస్టు పాత్ర నిడివి బాగా పెరిగింది. తిరిగి హిందీలో మాత్రం మళయాళ మాతృకననుసరించి తీశారు.
మళయాళంలో సినిమాకి కథకుడు మధు ముట్టం. కానీ కన్నడ, తమిళ సినిమాలకి కథకుడిగా పి.వాసు పేరు ఉంటుంది. ఆ విషయమ్మీద మధు ముట్టం కోర్టుకి ఎక్కడంతో హిందీలో కథకుడిగా ఆయన పేరు వేశారు. మణిచిత్రతాళ్ సినిమాకి రెండవ యూనిట్ దర్శకుడిగా ప్రియదర్శన్ పని చేశాడు. కన్నడంలో సౌందర్యకి, తమిళంలో జ్యోతికకి ఈ సినిమా ఉత్తమ నటి అవార్డు తెచ్చిపెట్టింది.

కేరళలో మూడు వందల రోజులు ఆడిన ఈ సినిమా అప్పట్లో అయిదు కోట్ల షేర్ వసూలు చేసి రికార్డు సృష్టించింది. ఈ సినిమా విడుదల అయి రెండు దశాబ్ధాలు గడిచినా కేరళలో ఆసియా నెట్ చానల్ ఈ సినిమాని ప్రతి సంవత్సరం కనీసం పది సార్లు అయినా వేస్తుంది. టీవీలో ఈ సినిమా వచ్చిన ప్రతి సారీ టీఆర్‌పీ రేటింగ్‌లో అగ్రస్థానంలో నిలుస్తుంది. యూట్యూబ్‌లో రెండు గంటలా ముప్పయి ఆరు నిముషాల నిడివి ఉన్న ఈ సినిమా ఇంగ్లీష్ సబ్ టైటిల్స్‌తో దొరుకుతుంది.https://www.youtube.com/watch?v=qdp4xudz958 టైముంటే చూడండి. బావుంటుంది.

Google తో ఈ గమ్మత్తులు చేసి చూడండి

2013-02-04T01:31:00.000+05:30

Google space bar లో Do a Barrel Roll అని టైప్ చేసి Enter నొక్కండి. ఏం జరుగుతుందో చూడండి.

Google ని వెనకనుంచి అంటే elgooG అని టైప్ చేసి Enter నొక్కి చూడండి.

Google space bar లో Zerg Rush అని టైప్ చేసి Enter నొక్కి రెండు నిముషాలు చూడండి.

Google space bar లో Funny Google అని టైప్ చేసి వచ్చిన మొదటి లింక్ ఓపెన్ చేయండి. అప్పుడు వచ్చిన బాక్స్‌లో మీ పేరు టైప్ చేసి Enter నొక్కండి. Google స్థానంలో ఆవే రంగుల్లో మీ పేరు వస్తుంది.

1942లో పోలీసు స్టేషన్ ముందు వందే మాతర నినాదం చేసి తప్పించుకున్న సుబ్రావ్ కథ (కామెడి)

2013-02-02T17:00:00.000+05:30

1942. మహాత్మా గాంధీ ఇచ్చిన క్విట్ ఇండియా పిలుపు నందుకొని అందరు భారతీయులూ స్వాతంత్ర్య ఉద్యమంలో దూకి పరాయి పాలనకి వ్యతిరేకంగా పోరాడుతున్న రోజులు. ఉద్యమ తీవ్ర రూపం చూసి బ్రిటీషు వారు బెంబేలెత్తిపోయి తమ అణచివేతని తీవ్రతరం చేశారు. అయినా ఉద్యమం ఏమాత్రం చల్లారలేదు. వందే మాతరం అన్నది భారతీయులకి రణ నినాదమయింది.

అలాంటి రోజుల్లోనూ సుబ్బారావు తన పనేమిటో తాను చూసుకోవడమె కానీ ఇలాంటి పనులకి దూరంగా ఉన్నాడు. తానొక్కడు పోరాటం చేసినంత మాత్రాన స్వాతంత్ర్యం ఒకరోజు ముందు రావడం కానీ, తాను చేయనంత మాత్రాన ఒకరోజు ఆలస్యంగా రావడం కానీ ఉండదని నమ్మిన అతగాడు తాను, తన చిల్లరకొట్టు, భార్యా బిడ్డలూ లోకంగా గడిపేవాడు.

అలాంటి వాడు కూడా ఒక రోజు వీధిలో వెళ్తూ పోలీసు స్టేషన్‌ని, అక్కడ కాపలాగా ఉన్నబ్రిటీషు పోలీసులని చూసి ఆవేశపడి పోయాడు. ఆవేశంతో రెచ్చి పోయి ముందూ వెనకా ఆలోచన లేకుండా పిడికిలి బిగించి "వందే మాతరం" అని గొంతెత్తి అరిచాడు. ఆ కేక విని అయిదారు మంది పోలీసులు బిలా బిలా పరుగెత్తుకొచ్చి, "ఏంట్రా కూశావ్?" అనరిచారు. పోలీసులని వాళ్ళ చేతుల్లో లాఠీలు, తుపాకులనీ చూశాక సుబ్బారావుకి ఆవేశం ఒక్కసారిగా దిగిపోయింది.

"అబ్బెబ్బే, ఏం లేద్సార్. ఆ పక్కన పోతున్న సపోటా పండ్లు అమ్మే వాడిని వంద ఏ మాత్రం? అనడిగానంతే" అని జవాబిచ్చాడు. దానితో ఆ పోలీసులు మన వాడిని వదిలేసి స్టేషన్‌లోకి వెళ్ళిపోవడంతో బతుకు జీవుడా అని ఊపిరి పీల్చుకొని వెళ్ళి తన చిల్లర కొట్టులో కూర్చున్నాడు. ఆ తరువాత 1947 ఆగష్టు 16 వరకూ ఆ దారిలో నడవనే లేదు మన సుబ్రావ్.

ఈ వృద్ధ కన్యలతో పెట్టుకుంటే మటాషే

2013-02-01T00:07:00.001+05:30

మానవ జీవితంలో గృహస్థ దశ అతి ముఖ్యమయినది. అందుకే ఏ వయసు ముచ్చట ఆ వయసులో తీరాలి అంటారు. పెళ్ళి చేసుకొని ఒక భాగస్వామితో, ఆ తరువాత పిల్లలతో వేగడం వల్ల ఇచ్చి పుచ్చుకోవడం, అవసరమయినపుడు అధికారం చెలాయించడం, కొన్ని సార్లు తలొగ్గడం ఇలాంటివన్నీ అలవాటు అవుతాయి. కానీ కొంతమంది జీవితాలలో ఇది జరగదు. కొన్ని కారణాల చేత కానీ, ఏవో ఆదర్శాలు, ఆశయాలను సాధించాలన్న ప్రయత్నంలో కానీ భాగస్వామి తోడు లేకుండా ఒంటరి ప్రాయాణాలు చేస్తుంటారు కొందరు. వీరికి తమ మాటే చెల్లుబాటు కావాలన్న భావం ఉంటుంది. తాము నమ్మిన వాటి కోసం, తమ మాట చెల్లించుకోవడం కోసం ఎంత దాకా అయినా పోతారు వీరు.

కొన్ని సార్లు ఇది సమాజాన్ని బాగు పరుస్తుంది. ఆది శంకరాచార్య, స్వామి వివేకానంద లాంటి వారు ఈ కోవలోకి వస్తారు. వీరి వల్ల ప్రపంచం మరింత మెరుగు పడడమే కాకుండా వీరు పదిమందికీ ఆదర్శంగా నిలుస్తారు. మరికొన్ని సార్లు ఇలాంటి వారు నిరంకుశులుగా తయారవుతారు. ఆఫీసులో పై అధికారులుగా ఉంటే తమ కింద ఉద్యోగులని వేపుకు తినడం, ఏడిపించడం చేస్తూ ఉంటారు. కొంపదీసి వీరి చేతికి అధికారం వస్తే ఇంతే సంగతులు.

ఈ రెండవ కేటగిరీలోని మగవారి కన్నా ఆడవారితో ఎక్కువ ఇబ్బంది ఉంటుందేమోనని నా అభిప్రాయం. ఉదాహరణకి అటల్ బీహారీ వాజ్‌పేయీ, నరేంద్ర మోడీలని తీసుకుంటే వీరికి పెళ్ళీ పెటాకులూ లేవు, సంసార జంజాటం లేదు కాబట్టి తమ వారికి దోచి పెట్టాలన్న తాపత్రయం లేక ఉన్నంతలో మంచి పాలకులుగా, ముఖ్యంగా అవినీతి మచ్చ అంటకుండా పాలించారు.

అదే ఆడవారిని తీసుకుంటే నేను మోనార్క్‌ని అన్నట్టు నియంతలు, నిరంకుశంగా ఉంటారేమోనని అనిపిస్తూంది. ఇందుకు రెందు మంచి ఉదాహరణలు మమతా బెనర్జీ, జయలలిత. తన మీద కార్టూనులు వేసినందుకు ఒక లెక్చరర్‌ని జైలులో పెట్టింది మమతా దీదీ. ఒక టీవీ టాక్‌షోలో ఇబ్బందికరమయిన ప్రశ్నలు వేసినందుకు ఒక విద్యార్ధిని మీద కోప్పడి వాక్ అవుట్ చేసింది.

అలాగే మాయావతి కూడా. రాష్ట్రం దివాళా తీస్తున్నా తాననుకున్నట్లు తన విగ్రహాలు, తమ చిహ్నమైన ఏనుగు విగ్రహాలు రాష్ట్రమంతా పెట్టించి తన మాటే తనకు వేదం కానీ మరేమీ పట్టదని చూపించింది.

ఇక తాను ప్రధాని పదవిమీద కన్నేసి ఉండగా చిదంబరం ప్రధాని అయితే చూడాలని ఉంది అన్నందుకూ, విశ్వరూపం సినిమా శాటిలైట్ హక్కులు తన చానల్‌కి ఇవ్వకుండా తన ప్రత్యర్ధి చానల్‌కి ఇచ్చినందుకూ కమల్ హసన్‌నీ, ఆయన సినిమాని పురచ్చి తలైవి ఏ విధంగా చెడుగుడు ఆడేస్తుందో చూస్తూనే ఉన్నాం కదా!

ఈ టాపిక్ పైన ఎవరయినా సైకాలజిస్టులు పరిశోధన చెస్తే బావుంటుందేమో.

శ్రీ వెంకటేశ్వర జూలాజికల్ పార్క్, తిరుపతి ఫోటోలు

2013-01-29T23:11:00.003+05:30

తిరుపతిలో అలిపిరికి సమీపంలో ఉంది శ్రీ వెంకటేశ్వర జూలాజికల్ పార్క్. మన రాష్ట్రంలో హైదరాబాద్, విశాఖ పట్టణం తరువాత ఉన్న మూడవ జూ ఇది. వారంలో మంగళవారం సెలవు. నూట యాభయి రూపాయలు టిక్కెట్‌తో ఇక్క డ కారులో నేరుగా లోపలికి వెళ్ళవచ్చు. ఇందులో పక్షుల విభాగంలో తెల్ల నెమలితో బాటు అనేక రకాల పక్షులు ఉన్నాయి. పులుల విభాగంలో తెల్ల పులి కూడా ఉంది. లయన్ సఫారీ ఉంటుంది. ఇరవై అయిదు రూపాయల టిక్కెట్‌మీద ఇరవై సీట్లున్న వాన్‌లో తీసుకు వెళ్తారు. చుట్టూ ఇనుప ఫెన్సింగ్ ఉన్న విశాలమైన ఎన్‌క్లోజర్‌లో సింహాలు ఉంటాయి. మేము వెళ్ళినప్పుడు మధ్యాహ్నం వేళ కాబట్టి అన్నీ సింహాలు చెట్ల నీడలో పడుకొని తూగుతూ ఉన్నాయి. మేము పది సింహాలు చూడగలిగాము.

భయ పడకు. మనం కుక్కలం, మనుషులం కాదు.

2013-01-19T00:20:00.000+05:30

ఒక ఆడ కుక్క ఒక రాత్రి వేళ బయటకి వచ్చింది. దానిని కొన్ని మగ కుక్కలు చూశాయి. ఆ మగ కుక్కల గుంపుని చూసిన ఆడ కుక్క మనసులో డిల్లీ గ్యాంగ్ రేప్ ఘటన మెదిలింది. దానితో అది భయంతో వణికి పోయింది.

ఆ కుక్క భయాన్ని గమనించిన ఒక మగ కుక్క దాని దగ్గరికి వచ్చి ఇలా అంది:

"భయ పడకు. మనం కుక్కలం, మనుషులం కాదు."

నమ్మి తీరాలి అందమైన ఈ పువ్వులు మనుషులే! PHOTOS

2012-12-26T23:25:00.000+05:30

జాగ్రత్తగా గమనించండి ఈ పుష్పాలలో రెక్కలు, కాడలు అన్నీ మనుషులే!

బహుళ జాతి కంపెనీల దాడి నుంచి మనని మనం ఇలా కాపాడుకోవచ్చు

2012-12-26T10:22:00.000+05:30

బహుళ జాతి కంపెనీలు చాపకింద నీరులా విస్తరించి జాతి సంపదని, దేశ వనరులనీ దోచుకొంటున్నాయన్నది ఏమాత్రం ఆలోచనా శక్తి ఉన్న వారయినా ఒప్పుకొనే సత్యం. బాగా బలిసిన ఈ కంపెనీలతో పోరాటం చేయడం అంత తేలిక కాదు, అందరివల్లా అయ్యే పని కూడా కాదు. అయితే వ్యక్తిగతంగా వీటితో పోరాటం కాకపోయినా ఈ కంపెనీల దోపిడీ బారి నుండి ఎవరికి వారు కొంత మేరకయినా తప్పించుకొనే ప్రయత్నం చేయవచ్చు.

ముందుగా అందరి జేబులకి చిల్లు పెట్టి ఆరోగ్యానికి చిచ్చు పెడుతున్నవి శీతల పానీయాలు. "మా డ్రింకుతో దాహాం తీర్చుకోండి: అని "భుజాయే ప్యాస్" అని బాగా ఎండన పడి చెమటలు కక్కుతున్న మోడల్స్ ఈ డ్రింకులు తాగి దాహం తీరి చల్లబడుతున్న ప్రకటనలు చూపించి ఇవి దాహాన్ని తీర్చే పానీయాలుగా చూపించి డబ్బులు కొట్టేస్తుంటారు. కానీ ఆలోచిస్తే బాగా దాహం వేసినప్పుడు ఈ కార్బొనేటెడ్ డ్రింక్స్ దాహాన్ని తీర్చవు, సరికదా నాలుక మీద నోటిలోనూ తడిని తగ్గించి అవి మరింత ఎండిపోయేలా చేసి దాహాన్ని పెంచుతాయి. ఎండన పడి వచ్చినప్పుడు చల్లని నీటిలో నిమ్మకాయ, కొంచెం ఉప్పు వేసుకొని తాగడాన్ని మించిన పని మరొకటి ఉండదు. లేదంటే లేత కొబ్బరికాయ నీటిని మించినా పానీయం మరొకటి ఉండదు.

ఏ సినిమా హాల్లోనో పిల్లల కోసం ఇవి కొనడం వేరే సంగతి. ఎండల్లో దాహాన్ని తీర్చే మాట శుద్ధ అబద్ధం. ఇక ఈ పానీయాల్లో ఉండే క్రిమి సంహార మందుల గురించి అందరికీ తెలిసే ఉంటుంది. వీటీవల్ల కలిగేమరో అనర్ధమేమిటంటే ఇవి ఎముకల్లో కాల్షియాన్ని తగ్గించి అవి మెత్త బడేలా చేస్తాయి.

"మీ పళ్ళు తలతలా మెరిసి పోవాలంటే క్రిస్టల్స్ ఉన్న మా పేస్టు వాడండి" అని ఆకర్షణీయంగా రంగుల్లో మెరిసి పోయే పేస్టు చూపుతారు. అయితే అందులో ఎన్ని క్రిస్టల్స్ ఉన్నా బ్రష్ చేసి నీళ్ళతో కడుక్కున్నాక పళ్ల మీద నుంచి రాలిపావలసిందే. పళ్ళ ఆరోగ్యానికీ, వాటి మిలమిలకీ రోజుకి రెండు సార్లు బ్రష్ చేసుకోవడం, ప్రతి సారీ కనీసం రెండు సార్లు బ్రష్ చేసుకోవడం ఒకటే మార్గం. అది బ్లాక్ అండ్ వైట్ పేస్టా మల్టి కలరా అన్నది ముఖ్యం కాదు. మామూలు తెల్ల పేస్ట్ వాడినా సరిగా వాడితే పళ్ళు తెల్లగా ఆరోగ్యంగా ఉంటాయి.

"నీ సబ్బు స్లోనా" అని ఒక పిల్లవాడు తన స్నేహితుడిని అడుగుతాడు ఆ పిల్ల వాడు ఎక్కువ సేపు చేతులు కడుక్కోవాలి అని చెప్పినప్పుడు. లైఫ్ బాయ్ హ్యాండ్ వాష్ లిక్విడ్ పదో పదిహేనో సెకన్లలో 95% సూక్ష్మజీవులని తొలగిస్తుంది ఆ ప్రకటన సారాంశం. కానీ ఇది పచ్చి అబద్ధం. ఆపరేషన్లు చెసే ముందు సర్జన్లు ఒకసారి సబ్బుతో ఒకట్రెండు నిముషాలు చేతులు కడుక్కున్నాక 10% అయోడిన్‌తో రెండు నిముషాలు కడుక్కొని ఆ తరువాత స్టెరీలియమ్ అన్న లిక్విడ్‌తో వాష్ చేసుకొని అప్పుడు స్పిరిట్ చేతుల మీద పొసుకుంటారు. ఇలా చేసినా అది 95% నుంచి 99% వరకే సూక్ష్మ జీవులని తొలగిస్తుంది అని ఎముకలు, కీళ్ళు, గుండె లాంటి ఆపరేషన్లలో చేతులకి రెండు జతల గ్లవ్స్ వేసుకుంటారు. అంచేత ఈ ఖరీదయిన హాండ్ వాష్ లిక్విడ్ చేసే పని మామూలు సబ్బుతో కొంచెం తాపీగా చేతులు కడుక్కొంటే ఆ సబ్బు కూడా చేస్తుంది.

మూర్ఖత్వం రాక్షసత్వం కలగలిసిన నేల

2012-12-23T17:13:00.000+05:30

పాకిస్తాన్‌లోని కరాచికి ఉత్తరాన దాడు జిల్లాలోని సీట గ్రామంలోని ఒక మసీదులో ఈ గురువారం ఉదయాన ప్రార్ధనలకోసం వచ్చిన వారికి ఖురాన్‌లోని కొన్ని కాగితాలు తగలబడి కనిపించాయి. మరెక్కడయినా అయితే అది అంతగా చెప్పుకోవలసిన విషయం కాదు కానీ పాకిస్తాన్‌లో దైవ దూషణ(Blasphemy) చట్తం ప్రకారం అది చాలా పెద్ద నేరం. ఆ రాత్రి ఆ మసీదులో ఒక యాత్రికుడు విశ్రాంతి తీసుకున్నాడు. అతను తప్ప మరెవ్వరూ ఆ మసీదులో లేరని ఆ మసీదు ఇమామ్ చెప్పాడు. దానితో అక్కడ గుమి కూడిన ప్రజలు అతన్ని తీసుకెళ్ళి పోలీసు స్టేషనులో అప్పగించారు. ఎక్కడయినా నాగరిక సమాజంలో ఇక్కడితో ఆ జనం బాధ్యత ముగిసి పోలీసుల విచారణ మొదలవుతుంది.

అయితే అది పాకిస్తాన్. రాతియుగం మనుషులు నాగరికులుగా చెలామణి అవుతున్న నేల. పోలీసు స్టేషన్‌లో ఆ మనిషిని అప్పగించిన కొన్ని గంటల్లోనే అక్కడ ఒక గుంపు చేరి అతన్ని బయటకి లాక్కు వచ్చి కొట్టి చంపారు. ఆ పైన పెట్రోలు పోసి కాల్చి చంపారు. ఇదంతా అతను ఖురాన్‌ని కాల్చి ఉంటాడేమోనన్న అనుమానంతోనే. నిజంగా కాల్చడం ఎవరూ చూడలేదు.

పాకిస్తాన్‌లో దైవ దూషణ(Blasphemy) చట్టాలు చాలా అనాగరిక మైనవి. ఆ మధ్య డౌన్ సిండ్రోమ్‌ వల్ల బుద్ధి మాంద్యంతో బాధ పడుతున్న రింషా మాసిహ్ అనే 14 సంవత్సరాల క్రిస్టియన్ అమ్మాయి తన నోట్ బుక్‌లో ఖురాన్ గురించి రాసిన కాగితాలని చింపి వేసిందని పొరుగున ఒక మత పెద్ద కేసు పెడితే ఆ బాలికని జైలులో పెట్టారు. అయితే తరువాత కేసు పెట్టిన పెద్దే ఆ పని చేశాడని, తమ కాలనీ నుంచి క్రిస్టియన్స్ అందరినీ తరిమి వేయడానికె అతను ఆ పని చేశాడని వెల్లదయి ఆ కేసు కొట్టేశారు. అయితే నేటికీ ఆ అమ్మాయి కుటుంబం తమ మునుపటి నివాసానికి పోవడానికి భయపడుతోంది. "అక్కడికి పోతె మమ్మల్ని ఖచ్చితంగా చంపేస్తారు" అంటారు వాళ్ళు. అది నిజమని అధికారులకి కూడా తెలుసు. అయినా ఎవరూ ఏమీ చేయలేని పరిస్థితి.

దాదాపు అన్ని ఇలాంటి కేసుల్లో దైవ దూషణ అభియోగం మోపబడ్డ వారికి, ఆ అభియోగం మోపిన వారికీ గతంలో గొడవలు ఉంటాయి. ఆ నెపం మీద తమకు కోపం ఉన్న వారి మీద ఈ అభియోగాలు మోపి వారు శిక్షకు గురయ్యేలా చేస్తారు. లేదంటే ఈ చట్టం కింద నేరం మోపబడే మరొక తరగతి క్రిస్టియన్లు. ఎవరయినా తమ ప్రాంతంలో ఉండే క్రిస్టియన్లు అక్కడి నుంచి పారిపోయేలా చేయడానికి ఈ చట్టాన్ని వాడుకుంటారు.

బ్రిటీషు వారి కాలంలో మత కలహాలు రాకుండా చూడడానికి పెట్టిన ఈ చట్టం స్వాతంత్ర్యం తరువాత భారత దేశంలో తీసివేయబడ్డా పాకిస్తాన్‌లో కొనసాగింది. జియా ఉల్ హక్ పాక్ అధ్యక్షుడిగా ఉన్న రోజుల్లో ఈ చట్టానికి మరింత పదును పెట్టి అమానుషంగా తయారు చేశాడు. ఆ తరువాత కాలంలో క్రమేపీ ఇది మరింత భయంకరంగా తయారయింది.

గతంలో ఈ చట్టం మీద విమర్శలు చేసినందుకు పంజాబ్(పాకిస్తాన్ లోనిది) గవర్నర్ సల్మాన్ తసీర్‌ని ఆయన వ్యక్తిగత అంగ రక్షకుడు కాల్చి చంపాడు. ఆ తరువాత రెండు నెలలకి ఇదే విషయమ్ మీద పాకిస్తాన్ మైనారిటీ శాఖ మంత్రిగా ఉన్న షాబాజ్ భట్టి అనే క్రిస్టియన్ కూడా హత్యకి గురయ్యాడు. కొంచెం ఆలోచించే వారిని భయపెట్టే సంగతి ఏమిటంటే ఈ రెండు హత్యలు చేసిన వారిని ఆ ప్రజలు హీరోలుగా చూడడం.

డిల్లీ గ్యాంగ్ రేప్ నిందితులని శిక్షించకూడదు

2012-12-21T23:12:00.001+05:30

అవును వాళ్ళకి శిక్ష పడకూడదు. ఒక వేళ శిక్ష పడితే ఏం పడుతుంది. ఏడాదో, రెండేళ్ళో మహా అయితే ఏ మూడు నాలుగేళ్ళో జైలు. అంతే. ఆ రాక్షసులు జరిపిన అమానుష హింసకి అది సరిపోతుందా? నిస్సందేహంగా సరిపోదు. అంతకు మించి శిక్ష వేయడానికి మన చట్టం ఒప్పుకోదు. అయితే వాళ్ళని ఏం చేయాలి. కాల్చి పారేయాలి. ఆ మధ్య అమ్మాయిల మీద ఆసిడ్ దాడి ఘటనలో వై ఎస్ రాజ శేఖర్ రెడ్డి తీసుకొన్న నిర్ణయాన్ని షీలా దీక్షిత్ కూడా తీసుకొని వాళ్ళని కాల్చి పారేయమని పొలీసులకు చెప్పాలి.

దానికి ఓ చిన్న పిట్టకథ అల్లి మీడియాకి చెప్పవచ్చు. నిందితులని కోర్టుకి తీసుకెళ్ళే సమయంలో పోలీసుల దగ్గరున్న తుపాకులు లాక్కుని దాడి చేయడానికి ప్రయత్నించారని, ఆత్మ రక్షణ కోసం కాల్పులు జరపగా అందులో వాళ్ళు మరణించారని చెబితే ఏ ఒక్కరు, చివరికి ఆ చండాలుర కుటుంబ సభ్యులు కూడా నోరెత్తరు.

వీళ్ళకి ఇది తగిన శిక్షేనా? అవును నిస్సందేహంగా! ఈ వెధవలు చేసింది మామూలు అత్యాచారం కాదు. చాలా పాశవికంగా హింసకి గురి చేశారు ఆమెని. చిన్న పేగు మొత్తం ఆ దాడిలో గాయపడి, కుళ్ళిపోతే డాక్టర్లు దానిని పూర్తిగా తొలగించి వేశారు. అత్యాచారం కేసుల్లో ఎప్పుడూ ఇంత హింస చూడలేదని ఆమెకి వైద్యం చేసే డాక్టర్లు చెప్పారు.

కన్నుకి కన్ను అన్నది ఆటవిక న్యాయం కదా? అయితే కానివ్వండి. నాగరీక న్యాయం పని చేయనప్పుడు ఆటవిక న్యాయమే సరయినది. అయినా న్యాయం, చట్టం అనేవి మనుషులకి వర్తిస్తాయి కానీ జంతువులకి కాదు. ఇలా నిందితులని చంపడం ఈ సమస్యకి పరిష్కారమా? కాకపోవచ్చు. మగవారి మైండ్ సెట్ మార్చి, సమాజంలో ఆడవారికి భయం లేకుండా చేసే ఒక బృహత్తర కార్యక్రమం మొదలుపెట్టి దాన్ని విజయవంతంగా పూర్తి చేసే ప్రోగ్రాం ఒక పక్కన ఎవరయినా చేసేవరకూ ఇలాంటి కౄర మృగాలని ఏరి పారేస్తూ ఉంటే అది ఏ ఒక్క మగ పశువునయినా భయ పెట్టి, ఆడదాని మీద చేయి వేయడానికి భయపడేలా చేసి ఒక్క మానభంగాన్ని అయినా నిరోధించగలిగితే ఈ నిందితుల చావు మంచి ఘటనే కదా?

లెబనాన్‌లో రేపిస్టులకి విధించే శిక్షలు ఇవి

కొంత మంది చెబుతున్నట్లు వృషణాలు కోయడమో, పురుషాంగాన్ని కోసేయడమో వీరికి తగిన శిక్ష కాదు. అది వీరిలో రాక్షసత్వాన్ని మరింత పెంచి వీళ్లని ఇమ్కా పశువులని చేసి వీరిలో హింసా ప్రవృత్తిని ఎక్కువ చేస్తుంది. అప్పుడు వీరివల్ల సమాజానికి మరింత హాని జరుగుతుంది. అది మంచిది కాదు. నూట ఇరవై కోట్ల జనాభా ఉన్న మన దేశానికి అయిదు మంది చావు వల్ల వచ్చిన నష్టం ఏమీ లేదని వీరిని కాల్చి పారేయడం ఒక్కటే పరిష్కారం. కనీసం ఇప్పటికి.

2000 MP ఫోటోలో ఎవరెస్టు అందాలను చూడండి

2012-12-20T23:40:00.004+05:30

2000 mega pixels ఫోటోలో ఎవరెస్ట్ అందాలను బంధించిన ఈ ఫోటోలో ఎర్ర వృత్తంలో శిఖరాన్ని అధిరోహిస్తున్న వారిని, పసుపు వృత్తంలో బేస్ కాంపునీ చూడవచ్చు.

మీ ఓపికని బట్టి జూమ్ చేసుకొని ఈ అద్భుతమైన శిఖరంలో ఇంకా ఎన్నో అందాలని చూడవచ్చు. పూర్తి ఇంటరాక్టివ్ ఫోటో కోసం ఈ లింకుని క్లిక్ చేయండి.

https://s3.amazonaws.com/Gigapans/EBC_Pumori_050112_8bit_FLAT/EBC_Pumori_050112_8bit_FLAT.html

పిచ్ గురించ్ అంత రగడ ఎందుకురా పిచ్చి నా ---------

2012-12-11T05:34:00.000+05:30

పిఛ్ గురించి ఈసారి జరిగినంత రగడ గతంలో ఎప్పుడూ జరగలేదేమోననిపిస్తోంది. అయితే ఈ రగడ భారత్ చేతిలో ఓడిపోయిన పర్యాటక జట్టు కెప్టెన్ నుండి కాక మన కెప్టెన్ దగ్గరనుండి కావడం ఇందులో విశేషం. క్రికెట్ జట్టు కెప్టెన్ అంటే మన దేశంలో శ్రీ మహా విష్ణువు పదకొండవ అవతారంతో సమానం. కాబట్టి అతను ఏం కోరితే అదల్లా దక్కడం ఇక్కడ ఆనవాయితీ. జట్టులో కోరుకున్న ఆటగాళ్ళు, మైదానంలో తనకు నచ్చిన పిచ్ ఇవన్నీ అలా వస్తూ ఉంటాయి. ఇంగ్లాండ్‌తో జరిగిన మొదటి మ్యాచ్‌లో మన స్పిన్నర్లు రెచ్చిపోవడంతో, ముంబాయిలో జరిగిన రెండవ మ్యాచ్‌కి కూడా స్పిన్ పిచ్ కావాలని పట్టు బట్టాడు ధోని. "మొదటి రోజు, మొదటి గంటా కాదు, మొదటి బంతి నుండే స్పిన్‌కి అనుకూలంగా ఉండి, మూడు రోజుల్లో ఫలితం వచ్చే పిచ్ కావాలి" అన్నది క్యూరేటర్‌కి అయ్యగారి అల్టిమేటమ్. అయ్యగారు కోరిన విధంగా పిచ్ రెడీ అయింది. ఫలితం కూడా మూడు రోజులా ఒక్క గంటలో వచ్చేసింది. కానీ గెలిచింది ధోని అండ్ కో కాదు, కుక్ సేన గెలిచింది. పిచ్ స్పిన్‌కి అనుకూలంగా ఉండాలని అడిగాడే కానీ, ప్రత్యర్ధి జట్టులో ఎవరూ స్పిన్నర్లు ఉండకూడదు అన్న నిబంధన పెట్టడం మర్చిపోయాడు బాస్. దానితో మన స్పిన్నర్ల కన్నా అవతలి జట్టులోని పనేసార్, స్వాన్‌లు పిచ్ అనుకూలించడంతో రెచ్చి పోయి బంతిని మెలికలు తిప్పడంతో మన వాళ్ళు చేతులెత్తేశారు.

ఏదో ఒకసారి అలా అయింది కానీ మళ్ళీ అలా జరగదులే అన్న ధైర్యంతో కలకత్తాలో జరిగే మూడవ మ్యాచ్‌కి కూడా తనకి నచ్చినట్లుగానే పిచ్ ఉండాలని ఆర్డరేశాడు ధోనీ భాయ్. అయితే ఈసారి ఇక్కడున్న క్యూరేటర్ ప్రబీర్ ముఖర్జీ ఎన్నో యుద్ధములనారితేరిన ఎనభై మూడేళ్ళ భీష్ముడు. సాక్షాత్తూ సౌరవ్ గంగూలీ కెప్టెన్‌గా ఉన్నప్పుడే అతనికి లొంగలేదు. ఎవ్వరి మాటా వినని సీతయ్య టైపు. అభిమానులు అయిదు రోజులు మ్యాచ్ చూడాలని టికెట్లు కొంటారు. వాళ్ళని అలరించేలా పిచ్ ఉండాలి కానీ, మూడు రోజుల్లో ఫలితాన్ని తేల్చి పారేసేలా కాదు అన్నది ఈయన ఫిలాసఫీ. అయితే ఈ సారి సారధి గంగూలీ కాదని ధోనీ అని మర్చిపోయాడు ఈ పెద్దాయన. బిసిసిఐ అధ్యక్షుల వారి యాజమాన్యంలో ఉన్న చెన్నయ్ ఐపీఎల్ జట్టుకి కూడా ధోనీయే కెప్టెన్ అనీ అతన్ని దేశంలో క్రికెట్‌కి సంబంధించిన అందరూ కొత్త అల్లుడిలాగా చూసుకోవాలన్న ఇంగిత ఙానం కూడా ఈ పెద్దాయనకి లేకపోయింది. ధోనీ ఆఙని ఈయన తిరస్కరించడంతో ఈయన్ని పక్కన పెట్టి మరొక క్యూరేటర్‌ని తెప్పించారు క్రికెట్ పెద్దలు. దానితో తిక్క రేగిన ప్రబీర్ ముఖర్జీ ఒక నెల సెలవు పెట్టి వెళ్ళిపోయాడు. ఈ మొత్తం వ్యవహారం మీడియకి ఎక్కి కంపు కావడంతో మళ్ళీ ముఖర్జీని బ్రతిమిలాడి మైదానంలోకి తీసుకొచ్చి, పిచ్ మాత్రం కొత్త క్యూరేటర్ ఆధ్వర్యంలో ధోనీ కోరినట్లుగానే తయారు చేయించారు. అయితే మ్యాచ్ ముగిశాక "కోరుకున్న పిచ్ దొరికినది, మ్యాచ్ పోయినది" అయ్యింది ధోని పరిస్థితి.

ఇప్పుడు ఈ సిరీస్‌లో మరొక్క మ్యాచ్ మాత్రం మిగిలి ఉంది. కనీసం దానిలో అయినా గెలిచి సిరీస్ సమం చేయాలి ధోని గ్యాంగ్. ఫాస్ట్ బౌలింగ్, స్పిన్, బ్యాటింగ్ ఇలా దేనికి అనుకూలించే పిచ్ అయినా గెలుస్తామన్న నమ్మకం లేదు కాబట్టి, ఈ నాలుగో మ్యాచ్‌లో గెలవడానికి ధోనీ కొన్ని కొత్త డిమాండ్లు ముందుకి తీసుకు రావొచ్చు.

౧.ఈ మ్యాచ్‌కి రెండు పిచ్‌లు ఉండాలి. ఒకటి పూర్తి బ్యాటింగ్‌కి అనుకూలంగా ఉండాలి. దాని మీద భారత జట్టు బ్యాటింగ్ చేయాలి. ఇక ఇంగ్లాండ్ జట్టు బ్యాటింగ్ చేసేటప్పుడు దాని పక్కన మరొక స్ట్రిప్ రెడీ చేసి దాన్ని పూర్తిగా బౌలీంగ్‌కి అనుకూలించేలా చేయాలి.
౨. ప్రత్యర్ధి జట్టు బ్యాటింగ్ చేసే సమయంలో మైదానం అంతా ఇసుకతో నింపాలి. దానివల్ల బంతి బౌండరీని చేరుకోకుండా ఉంటుంది. మన వాళ్ళు బ్యాటింగ్‌కి వచ్చినప్పుడు ఆ ఇసుక తీసేసి, గ్రౌండ్‌లోని గడ్డి అంతా కత్తిరించి బంతి మెరుపులా బౌండరీ వైపు దుసుకెళ్ళేలాగా చేయవచ్చు.
౩. గల్లీ క్రికెట్ ఆడే పిల్లలు కొన్ని సార్లు రెండు సార్లు అవుటయితే కానీ అవుట్ కాదు అన్న రూల్ పెట్టుకుంటారు. అది మన వాళ్ళకి వర్తింపచేయాలి. అంటే ఇంగ్లాండ్ బౌలర్లు మనల్ని ఆలౌట్ చేయాలంటే ఒక్కో ఇన్నింగ్స్‌లో ఇరవై వికెట్లు తీయాలన్నమాట.

ధోనీ భయ్యా ఈ కోర్కెల లిస్టు శ్రీనివాసన్ గారికి పంపించు. ఎలాగోలా ఆయన వీటిని ఇంప్లిమెంట్ చేస్తారు. ఆల్ ది బెస్ట్.

THE CURSE OF JAGAN MOHAN REDDY

2012-12-09T00:21:00.001+05:30

1922లో లార్డ్ హోవార్డ్ కార్టర్ టుటాన్‌ఖామున్ పిరమిడ్‌లోని మమ్మీని పెట్టిన శవపేటికని తెరిచినప్పుడు చాలామంది ఆ మమ్మీని తెరిస్తే ప్రమాదాలు ఎదుర్కోవలసి వస్తుందని, ఆ మమ్మీ తన శాపాన్ని ఆ తెరిచిన వారిమీద ప్రయోగిస్తుందని భయపెట్టినా ఆ పురావస్తు శాస్త్రవేత్త భయపడలేదు. అయితే ఆయనకి ఏమీ కాకపోయినా ఆయన బృందంలోని కొంతమంది అనూహ్యంగా మరణించడమో ప్రమాదాలకి గురికావడమో జరిగింది. The Curse of Tutankhamun అని దీనిని వర్ణిస్తారు.

అలాగే The Curse of Hope Diamond అని మరొకటి ఉంది. దక్షిణ భారతదేశంలోని ఒక గుడిలో సీతమ్మ విగ్రహాన్ని ధ్వంసం చేసి అందులోనుండి ఈ హోప్ వజ్రాన్ని ఒక ఫ్రెంచి దేశీయుడు తీసుకెళ్ళాడు. దీన్ని ఒక రష్యన్ ప్రభువుకి అమ్మిన కొన్నాళ్ళకే అతన్ని వేట కుక్కలు చంపేశాయి. ఈ వజ్రాన్ని కొన్న ఆ రష్యన్ ప్రభువు కూడా అకాల మరణం పాలయ్యాడు. అటు పిమ్మట దీన్ని చేజిక్కించుకొని తన కిరీటంలో అలంకరించుకొన్న ఫ్రెంచి రాజు పదహారవ లూయీ, అతని భార్య మేరీ అంటోనెట్‌లు ఫ్రెంచి విప్లవంలో గిలొటిన్ ద్వారా దాఋణంగా చంపబడ్డారు.

ఇప్పుడు మన రాష్ట్రంలో కూడా ఇలాంటిదే The Curse of Jagan Mohan Reddy అని ఒకటి నడుస్తుందని జగన్ వీరాభిమాని చెప్పుకొచ్చాడు. అంతే కాదు అందుకు సమర్ధనగా కొన్ని ఉదాహరణలు కూడా చెప్పాడు. మొదటగా జగన్ పైన కేసు వేసిన శంకర్ రావు అత్యంత అవమానకర పరిస్థితుల్లో మంత్రివర్గం నుంచి డిస్మిస్ చేయబడ్డాడు. సాధారణంగా ఎవరినైనా మంత్రివర్గం నుండి తొలగించాలంటే ఆ విషయం చెప్పి వారి చేతనే గౌరవప్రదంగా రాజీనామా చేయించి సాగనంపుతారు. కానీ శంకర్ రావుని సస్పెండ్ చేసి పారేశారు.

తరువాత జగన్ పైన తీవ్ర విమర్శలు చేసి కడప పార్లమెంట్ స్థానానికి జగన్‌తో పోటీ పడ్డ డీఎల్ రవీంద్రా రెడ్డి, మంత్రిగా అధికారంలో ఉండీ డిపాజిట్ దక్కించుకోలేక పోవడమే కాకుండా, తన స్వంత అసెంబ్లీ సెగ్మెంట్‌లో కూడా మెజారిటీ తెచ్చుకోలేకపోయాడు.

ఇక బొత్సా సత్యనారాయణ జగన్ మీద, వైఎస్ విజయమ్మ మీద ఇద్దరి మీద తీవ్ర స్థాయిలో విరుచుకు పడ్డాడు. ఆయన మద్యం కుంభకోణంలో ఇరుక్కొని సీఎంతో కాళ్ళ బేరానికొచ్చి బయట పడ్డాడు.

జగన్ మీద కేసు పెట్టిన వారిలో మరొక ముఖ్యమైన వ్యక్తి తెలుగు దేశం నాయకుడు ఎర్రన్నాయుడు కారు ప్రమాదానికి గురయి ఏకంగా ఈ లోకం నుండే సెలవు తీసుకున్నాడు.

జగన్ మీద తీవ్ర స్థాయిలో విమర్శలు గుప్పించి, ఆయన పైకి ఒంటికాలి మీద లేచిన మరొక వ్యక్తి నెల్లూరు ఎమ్మెల్యే ఆనం వివేకానంద రెడ్డి. వైఎస్ ఉన్నప్పుడు ఆయనకి వీర విధేయులుగా ఉండేవారు ఆనం సోదరులు. ఆ తరువాత వీరిలో పెద్ద వాడైన సింహపురి సోగ్గాడు వివేకా జగన్ పైన తీవ్రమైన స్థాయిలో విమర్శలు చేశాడు. ఆయన ఇప్పుడు అనారోగ్యంతో హైదరాబాద్‌లోని ఒక కాస్పిటల్‌లో చికిత్స తీసుకొంటున్నారు. వివరాలు బయటకి రాకపోయినా ఎముకలకి చంబంధించిన కాన్సర్ అనీ ఒక వారం రోజుల్లో చికిత్స కోసం విదేశాలకి తరలించే అవకాశం ఉందనీ సమాచారం.

కాబట్టి ఇప్పుడు జగన్ వ్యతిరేకులు జాగ్రత్తగా ఉండాలేమో?!

శభాష్ కిరణ్ కుమార్ రెడ్డి

2012-12-03T23:24:00.001+05:30

హైదరాబాద్ పాత బస్తీలో ఎంఐఎం వాళ్ళు ఆడింది ఆట పాడింది పాటగా చాలాకాలంగా సాగుతూ వస్తుంది. రాష్ట్రంలో మైనారిటీ ఓట్లన్నీ వీళ్ళ కనుసన్నల్లో ఉంటాయన్న తప్పుడు అభిప్రాయంతో పాలకులు వీరి అడుగులకు మడుగులు ఒత్తారు. కాంగ్రెస్ పార్టీ దీనిని ఎక్కువగా చేసింది. ఇక రాజ శేఖర్ రెడ్డి సీఎం అయ్యాక వీరికి అడ్డూ అదుపూ లేకుండా పోయింది. ఎన్ని కబ్జాలు చేసినా దందాలు చేసినా ఏమీ అనకుండా చట్టాన్ని, న్యాయ వ్యవస్థనీ అదుపు చేశారు పాలకులు.

తస్లీమా నస్రీన్‌ని టీవీ కెమెరాల సాక్షిగా దాడి చేసి గాయపరచినా, గత ఎన్నికల సమయంలో సాక్షాత్తూ ఎంపీ అయి ఉండి చేతిలో కర్ర పట్టుకొని పోలింగ్ బూత్ వద్ద తమకు వ్యతిరేకంగా ఓట్లేస్తారేమో అన్న అనుమానంతో ఓటర్లని అసదుద్దీన్ ఒవైసీ చితక బాదడం అన్ని చానళ్ళ కెమెరాలు చూపించినా ఏమీ పీకలేకపోయారు.

ఇప్పుడు కనీసం కొన్నాళ్ళ వరకూ అయినా ఈ దురవస్థకు అడ్డుకట్ట పడిందేమో అనిపిస్తోంది ఆది వారం శాసన సభలో ఎంఐఎం సభ్యుడు అక్బరుద్దీన్‌కి ముఖ్యమంత్రి కిరణ్ కుమార్ రెడ్డికీ నడుమ సాగిన వాగ్వాదాన్ని పరిశీలిస్తే. ఎలాగూ వాళ్ళు తమ జట్టు వదిలి జగన్ చంకనెక్కడానికి సిద్ధం అయిపోయారని తెలిసి పోయింది కాబట్టి, ఊడిపోయినదానికోసం పాకులాడ్డం ఎందుకు అనుకున్నాడేమో కిరణ్ మాటకు మాట బదులిచ్చాడు.

రేపు జగన్ పక్షాన బరిలోకి దిగి అధికారం చేపట్టి మళ్ళీ తమ హవా కొనసగించే అవకాశం ఉన్నా కనీసం అంత వరకూ అయినా ఈ ఎంఐఎం ఆగడాలకు చెక్ పడుతుందేమో చూడాలి.

ధోనీ చిన్నప్పుడు మీ టీచర్ నీకు ఈ నీతి వాక్యాలు చెప్పలేదా?

2012-11-28T00:38:00.001+05:30

ప్రతి ప్రాధమిక పాఠశాలలోనూ పిల్లలకి బోధించే నీతి వాక్యాలలో చెరపకురా చెడేవు, ఎవరు తీసిన గొయ్యిలో వారే పడతారు అన్నవి ఖచ్చితంగా ఉంటాయి. అయితే భారత క్రికెట్ జట్టు కెప్టెన్ మహేంద్ర సింగ్ ధోనీ చదువుకున్న స్కూలులో ఇవి చెప్పినట్లు లేదు. అలా చెప్పి ఉంటే ముంబయిలో నిన్న ముగిసిన రెండవ టెస్ట్ మ్యాచ్‌లో మన వాళ్ళు అంత దారుణంగా దెబ్బ తిని ఉండే వాళ్ళు కాదేమో.

ముంబయిలో పిచ్ తయారు చేసే క్యూరేటర్‌కి స్పిన్ మ్యాచ్ కావాలని ధోనీ ఆర్డరేశాడు. మొదటి మ్యాచ్‌లో మన వారి స్పిన్ ఎదుర్కోలేక ఇంగ్లాండ్ బ్యాట్స్ మెన్ తంటాలు పడ్డం చూసి అతను అలా అడిగాడు పాపం. మొదటి రోజు. మొదటి ఓవర్ కాదు మొదటి బంతి నుంచే పిచ్ మీద స్పిన్ తిరగాలని అయ్య గారు శాసించారు. భారత జట్టు కెప్టెన్, అందునా కపిల్, గంగూలీలా కాకుండా బీసీసీఐకి బాగా ఇష్టమైన కెప్టెన్ అలా కోరితే ఆఫ్ట్రాల్ ఒక క్యూరేటర్ కాదన గలడా?

మామూలుగా టెస్ట్ మ్యాచ్ పిచ్ అంటే మొదట్లో ఫాస్ట్ బౌలింగ్‌కి అనువుగా ఉండాలి. అంచేతనే అన్ని జట్లు ఫాస్ట్ బౌలింగ్‌ని సమర్ధంగా ఎదుర్కొని మొదటి ఒకటి రెండు గంటలు అవుటవకుండా ఆడగలిగే టెక్నిక్ ఉన్న వారినే ఓపెనింగ్ స్లాట్‌కి ఎంపిక చేస్తాయి. సునీల్ గవాస్కర్, జెఫ్ మార్ష్, డేవిడ్ బూన్, గార్డన్ గ్రీనిడ్జ్ ఇలా బాగా పేరు మోసిన ఓపెనర్లందరూ ఫాస్ట్ బౌలింగ్ ఆడడంలో సిద్ధ హస్తులయి ఉంటారు. తరువాత ఆట కొనసాగే కొద్దీ పిచ్ బ్యాటింగ్‌కి అనుకూలించి చివరి ఒకటిన్నర రెండు రోజుల్లో పిచ్ మీద పగుళ్ళు ఏర్పడి స్పిన్‌కి అనుకూలంగా మారుతుంది. ఆ స్థితిలో స్పిన్నర్లు రెచ్చి పోతుంటారు. ఇక ముంబయి మ్యాచ్ విషయానికొస్తే ధోనీ టాస్ గెలిచి బ్యాటింగ్ ఎంచుకున్నప్పుడు మ్యాచ్ గెలిచేశానని అనుకొని ఉంటాడు. ఎందుకంటే చివరి ఇన్నింగ్స్ ఆడేది ఇంగ్లాండ్ కాబట్టి, వాళ్ళు మనవారి స్పిన్ బౌలింగ్‌ని తట్టుకొని నిలబడలేరని ఇక తనకి జయమ్ము నిశ్చయమ్ము అనుకొని ఉంటాడు.

కానీ జరిగింది అందుకు విరుద్ధంగా ఉంది. చెరపకురా చెడేవు అన్నట్టు తాను తీసికున్న స్పిన్ పిచ్ గుంతలో తనే పడ్డాడు ధోనీ భాయ్. ఇంగ్లండ్ జట్టులోని పానేసార్, స్వాన్‌లు వేసిన బంతులు మెలికల్ తిరుగుటుంటే పిచ్ మీద మిరకల్ జరిగి మన వాళ్ళు అయ్యయ్యో అంటూ దెబ్బ తిని ఓటమి పాలయ్యారు.

ఇతరుల తప్పులనుంచి పాఠాలు నేర్చుకొనేవాడు ఉత్తముడు, తన తప్పుల నుంచి నేర్చుకునేవాడు మధ్యముడు, అసలు పాఠాలు నేర్చుకోలేనివాడు అథముడు అని ఇంకొక నీతి కూడా ఉంది. ఇప్పుడు కొలకత్తాలొ జరగబోయే మూడో మ్యాచ్‌కి కూడా స్పిన్ పిచ్ కావాలని పట్టు పడుతూ తాను కనీసం మధ్యముండ అని కూడ అనిపించుకోలేక, అధముండ అని నిరూపించుకోబోతున్నాడు మహీ.

ఓట్ల జడి వాన కురిపించే స్కాము శ్రీ పథకం

2012-11-25T05:47:00.000+05:30

రాజ శేఖర్ రెడ్డి ఎన్నికలలో గెలిచి రెండవసారి అధికారంలోకి రావడానికి ఆరోగ్యశ్రీ పథకం చాలా ఉపయోగపడిందని అందరూ ఒప్పుకుంటారు. ఈ పథకం ద్వారా లాభపడ్డవాళ్ళే కాకుండా వారి చుట్టుపక్క కుటుంబాలవారిమీద కూడా దీని ప్రభావం బాగా పని చేసింది. ఇందులో మరొక గొప్పతనం ఏమిటంటే ఈ పథకం వల్ల ప్రజారోగ్య వ్యవస్థ దెబ్బతిని పొయినా అది ఎవరికీ కనిపించక పోవడం. ఎన్నికలలో ఎలాంటి పథకాలే ఓట్లు రాలుస్తాయి. ఆరోగ్య శ్రీలో లాభపడ్డవారిలో పోలింగ్ బూత్ దాకా వెళ్ళి ఓట్లు వేసే వాళ్ళే ఎక్కువ మంది ఉంటారు. హైటెక్ సిటీలూ, ఐటీ కంపెనీలూ తీసుకొస్తే వాటి వల్ల లాభ పడ్డ వాళ్ళెవరూ వెళ్ళి క్యూలో నించుని ఓటేసే శ్రమ తీసుకోరు.

ఇలా ఓట్లు రాల్చే మహత్తర పథకమే నేను చెప్పబోతున్న స్కాముశ్రీ. ఇది అధికారంలో లేకుండా, అధికారంలోకి రావాలని తపన పడే వారి కన్నా ఆల్రెడీ అధికారంలో ఉండి ఎన్నికలను ఎదుర్కోబోతున్న వారికి బాగా ఉపయోగపడుతుంది. దిన్ని శ్రద్ధగా చదివి ఆచరిస్తే కిరణ్ కుమార్ రెడ్డి మళ్ళీ పీఠం ఎక్కడం (సోనియమ్మ ఎక్కనిస్తే) ఖాయం.

పొద్దున్న లేచి పేపర్ తెరిస్తే, న్యూస్ చానల్ పెడితే ప్రతి రోజూ ఏదో ఒక స్కామ్ కనపడుతూ ఉంటుంది. ప్రతి రోజూ scam of the day అని పత్రికలు ఒక కాలమ్ పెట్టాల్సిన పరిస్థితి ఉంది. అంతా స్కాము మయం, ఈ జగమంతా స్కాము మయం అని శ్రీరామదాసు సినిమాలో పాట ట్యూనులో పాడుకోవలసి వస్తూంది. మద్యం దుకాణాలు, ఇసుక మాఫియా, గనుల కుంభకోణాలు, టూజీ స్పెక్ట్రం, బొగ్గు గనుల వేలం ఇలా జిల్లాల, రాష్ట్రాల, దేశం లెవెల్లో వివిధ స్థాయిల్లో స్కాములు బయట పడుతూ ఉన్నాయి.

అయితే జాగ్రత్తగా గమనిస్తే జనం ఈ స్కాములని చూసి నాయకులని అసహ్యించుకోవడం లేదు. ఒక చిన్న స్కామైనా చేయడానికి తమకు చాన్స్ లేదే అని బాధ పడే వాళ్ళే ఎక్కువ మంది ఉంటారు. నేతనైనా కాకపోతిని స్కాము ఒక్కటి చేయగా అనుకొనే వాళ్ళే ఎక్కువమంది ఉంటారు. ఇలా స్కాములు చేయడానికి అవకాశం, అధికారం లేని సాధారణ ఓటర్లకు స్కాములు చేసే అవకాశం కల్పించడమే ఈ స్కాముశ్రీ లక్ష్యం.

దీనిలో క్షేత్ర స్థాయిలో స్కాము మిత్రలు ఉంటారు. వీళ్ళు ఇంటింటికీ వెళ్ళి ఆ ఓటర్ల గురించిన వివరాలు నమోదు చేస్తారు. ఆ వివరాలను స్టడీ చేయడానికి ఆ పై స్థాయిలో స్కాము కోఆర్డినేటర్లు, స్కాము జీఎంలూ ఇలా నానా స్థాయి ఆఫీసర్లు ఉంటారు. ఈ ఉద్యోగాలు అన్నీ రాజీవ్ యువ కిరణాల కింద లెక్కేస్తే ఆ పథకం కూడా గట్టెక్కుతుంది. ఈ స్టడీ పూర్తయ్యాక ఒక్కో తెల్ల కార్డు కుటుంబానికీ కొంత స్కాము చేసే అవకాశం వస్తుంది. అలాగే ఎక్కడేక్కడ స్కాములు చేసే వీలుందో పరిశీలించే విభాగం మరొకటి పెట్టి అందులో నానా స్థాయి అధికారులని నియమిస్తే అదొక ఉద్యోగాలు పుట్టించే విభాగం అవుతుంది.

స్కాముల కోసం గనులు, పోరంబోకు స్థలాలు, ఇసుక రీచ్‌లు, ప్రాజెక్టులు, నీటి కాలువలు ఉండనే ఉన్నాయి. అవి చాలక పొతే ఉన్న తారు రోడ్లు తవ్వే పనులు ఇవ్వచ్చు. ఆ పిదప ఆ రోడ్ల స్థానంలో సిమెంటు రోడ్లు వేయించవచ్చు.

ఈ స్కాము శ్రీ వల్ల అధికారంలో ఉన్న వారికి అనేక ప్రయోజనాలు ఉంటాయి. ప్రజలందరికీ ఏదో రూపంలో డబ్బు అందుతుంది కాబట్టి వాళ్ళు సంతోషంగా ఉంటారు. మహా నేత అన్న బిరుదు తగిలించుకోవచ్చు. బతికుండగానే ప్రతి ఊరిలో, కూడలిలో విగ్రహాలు పెట్టుకోవచ్చు. పాలనలో దొర్లే తప్పులు ప్రతిపక్షాలు ఎత్తి చూపించినా పట్టించుకునే తీరికా ఓపిక జనానికి ఉండదు. అది గాక అందరూ స్కాముల్లో భాగస్వాములు అవుతారు కాబట్టి నేతలు చేసే బడా స్కాములని ఎవరూ పట్టించుకోరు. అప్పుడు దర్జాగా ఖజానాని దోచిపారేసి తరువాత వచ్చే ఎన్నికలలో కొంత ఖర్చు పెట్టి మళ్ళీ అధికారం చేజిక్కించుకోవచ్చు.

కిరణ్ కుమార్ రెడ్డి గారూ దీని మీద కొంత మనసుపెట్టి ఆలోచించండి మరి.

సవితా బాబీని తగులుకోబోతున్న రామ్ గోపాల్ వర్మ

2012-11-24T23:22:00.000+05:30

గత కొన్నేళ్ళుగా సరయిన హిట్ లేక విజయం కోసం మొహం వాచిపోయిన రామ్ గోపాల్ వర్మకి అర్జంటుగా ఒక సూపర్ హిట్ కావాలి. హిందీలో లాభం లేదని తెలుగులోకి వచ్చి కామెడీ పండిదామని అనుకుంటే అప్పల్రాజు ట్రాజెడీనే మిగిల్చాడు. ఎన్నాళ్ళుగానో తనకి కలిసివచ్చిన మాఫియా కూడా తనని ఆదుకోకపోయేసరికి రూటు మార్చి ఫాక్షన్ డైరెక్షన్‌లో పోయినా కలిసి రాలేదు. ఇలా లాభం లేదని తనకి ఇష్ట దైవాలయిన భూతాలని ఆశ్రయించినా వర్మ గారికి కలిసిరాలేదు.

దానితో ఈ సారి ఎలాగయినా హిట్టు కొట్టాలన్న పట్టుదలతో ఇంటర్‌నెట్‌లో సంచలనం రేకెత్తించి బ్యాన్‌కి గురయిన శృంగార గృహిణి సవితా బాబీ మీద సినిమా తీయాలని డిసైడయ్యాడు వర్మ.

గత కొన్ని సంవత్సరాలుగా savitabhabhi.com అన్న సైట్‌లో తన శృంగార కార్యకలాపాలతో ప్రతి రోజూ లక్షలాది మందిని ఆకర్షించి అనేక బాషల్లోకి అనువదించబడ్డ కామిక్ కేరక్టర్ ఈ సవిత. ఈమెకి పెళ్లయి భర్త ఉంటాడు. అయినా సరయిన తృప్తి లేక తనకి నచ్చిన వారితో శృంగార సాగరంలో తేలియాడుతూ ఉంటుంది. శుద్ధంగా చీరకట్టు, బొట్టుతో అచ్చమయిన భారత నారిలా కనిపించే ఈమె బ్రాలు అమ్మడానికి వచ్చిన సేల్స్ మాన్‌తో, భర్త కొలీగ్‌తో, వీదిలో క్రికెట్ ఆడుతూ బాల్ ఇంట్లో పడితే దాని కోసం వచ్చిన ఇద్దరు కుర్రాళ్ళతో ఇలా అనేక మందితో జల్సా చేస్తూ ఉంటుంది. ఆ విషయాలన్నీ ఆ సైట్‌లో కామిక్ సీరియల్‌గా వచ్చేవి.

భారతీయ సంస్కృతిని ఈ కామిక్ నాశనం చేస్తూందని రాజకీయ నాయకులు పార్లమెంట్‌లో గోల చేసి ఆ సైట్‌ని నిషేధించారు. అయినా నెట్‌లో ఈ ఆంటీ సాహసాలు ఇప్పటికీ చూడొచ్చు. ఇక్కడ బ్యాన్ చేశాక ఈమె తన అడ్రస్ ఆస్ట్రేలియాకి మార్చి kirtu.com అన్న సైట్‌లో తన హవా అప్రతిహతంగా కనసాగిస్తూ ఉంది. అన్నట్టు ఈ బాబీకి ఫేస్‌బుక్‌లో కూడా అకౌంట్ ఉంది. www.facebook.com/BhabhiSavita.

ఈ సెక్సీ ఆంటీ మీద వర్మ గారి చూపు పడింది. తనని పరాజయాల పరంపర నుంచి తప్పించే శక్తి ఈ బాబీకె ఉందని డిసైడైన వర్మ ఇప్పుడు ఈమె గురించిన సినిమాకి స్క్రిప్టు రెడీ చేసుకుంటున్నాడు. అప్పల్రాజు లాంటి కామెడీ సినిమాలో ఒక పాటలో డాన్సర్ తొడల మధ్య, రొమ్ముల మీద కెమెరా పెట్టి అందాలని తెర మీద ఆరబోసిన వర్మ ఇప్పుడు సవిత బాబీ అందాలని విప్పి చూపించబోతున్నాడు. వర్మ ఏం చూపించమంటే అంత కన్నా ఎక్కువగా చూపించడానికి రెడీగా ఉండే రోజ్లిన్ ఖాన్‌ని సవితా బాబీ పాత్రలో ప్లాన్ చేస్తున్నాడట వర్మ. అయితే బాలీవుడ్ కథనాల ప్రకారం వర్మ ఈ సినిమాకి నిర్మాతగా మాత్రమే ఉంటాడట. తన శిబిరంలోని ఒక శిష్యుడికి దర్శకత్వ బాధ్యత అప్పగిస్తాడట.

ఫ్లాపుల పరంపరనుంచి వర్మ గారిని సవితా బాబీ, రోజ్లిన్ ఖాన్‌లు బయట పడేస్తారేమో వేచి చూద్దాం.

హిందుత్వాన్ని, రాముడి తత్వాన్నీ బద్ధలు కొట్టడం ఈ పింజారీ వెధవల వల్ల అవుతుందా?

2012-11-15T04:34:00.000+05:30

దీపావళి రోజు నేను ఊహించినట్లే టీవీ9 వాళ్ళు ఒక నరకాసురుడి భక్తుడినీ ఒక హిందుత్వ వాదినీ పిలిచి చర్చ పెట్టారు. పోయిన సంవత్సరం కూడా ఇదే చానల్‌లో ఇదీ చర్చ చూశాను కాబట్టి ఈ సారి కూడా ఈ పెంట ఉంటుంది అని నేను ఊహించింది నిజమయింది. మొన్నామధ్య ఒక చానల్‌లో రావణాసురుడి భక్తుడు ఇన్నయ్య అనే మేధావి రావణుడు, శూర్పణఖ అసలయిన పూజ్యనీయులనీ, రాముడు, లక్ష్మణుడు గర్హనీయులనీ నోరు పారేసుకోవడం చూశాక ఈ సారి ఈ పింజారీ మూక నరకాసురుడిని నెత్తికెత్తుకోవడం నాకు ఆశ్చర్యమనిపించలేదు.

ఈ చర్చలో పాల్గొన్న నరకాసురుడి భక్తుడి పేరు తెలియలేదు కానీ అతగాడు చేసిన వాదన వింటే మాత్రం దిమ్మ తిరిగి మైండ్ బ్లాంక్ అయింది. "నరకాసురుడు మా తండ్రి, మా తాత, మా ముత్తాత. అతడిని కృష్ణుడు అన్యాయంగా, ఆడదాన్ని అడ్డు పెట్టుకొని వధించాడు. ఈ అన్యాయాన్ని మేం ఖండిస్తున్నాం. అందుకే ఈ దీపావళిని దీపాలు వెలిగించి సంబరంగా జరుపుకోము. ఇది మా దృష్టిలో ఒక దుర్దినం" అంటాడు ఈ అభినవ అసురుడు.

మరొక సందర్భంలో హిందుత్వాన్నే తప్పు అని, హిందుత్వ తత్వం ఆర్యులు ద్రావిడుల మీద బలవంతంగా రుద్దిన మతం అని దాన్ని బద్దలు కొట్టడమే తమ లక్ష్యం అని అవేశ పడిపోయాడు. ఆ వెంటనే రాముడి ప్రస్తావన రాగానే మళ్ళీ ఈ ప్రభుద్దుడికి ఎక్కడో కాలింది. రాముడు కూడా మోసగాడేనని, రాముడి తత్వాన్ని కూడా బద్ధలు కొట్టేస్తామని బీరాలు పోయాడు. ఇంకాస్త ఉంటే ఇంకా ఏమేం బద్ధలు కొట్టేవాడోకానీ, అదృష్టం కొద్దీ సమయం మించిపోయి యాంకరు పాప ఆ చర్చకి మంగళం పాడింది.

కుక్క మూతి పిందెల్లాంటి ఈ పింజారీ వెధవలకి హిందుత్వం నచ్చదు, హిందూ దేవుళ్ళు, దేవతలు నచ్చరు. జనాలు అందరూ పాపులని, గొర్రెల మందలనీ ప్రవచించే బోధనలు ఇంపుగా ఉంటాయి. వేల సంవత్సరాల చరిత్ర ఉన్న సనాతన హిందూ ధర్మాన్ని ఈ నేలనుండి పెకళించడం ఈ పింజారీ, కుక్క మూతి పిందెల వల్ల ఏం అవుతుంది. వీరి భ్రమ కానీ!