காயலாங்கடை

"வரலாற்று பொக்கிஷம்" புத்தக வெளியீட்டுவிழா.

2010-11-23T23:19:00.000+05:30

காயல்பட்டணத்தில் நவம்பர் 18 (ஹிஜ்ரி 1431,துல்ஹாஜ் பிறை11) கே.டி.எம்.தெரு சீதக்காதி நூலக வளாகத்தில் வைத்து வரலாற்று பொக்கிஷம் என்ற தனி பிரதி நூல் வெளிடப்பட்டது.இதன் தொகுப்பு ஆசிரியர் ஏ.எல்.எஸ்.என்ற லெப்பை சாஹிப் அவர்கள்.இந்நூலை ஏ.எல்.எஸ்.அவர்கள் மூன்று ஆண்டுகளாக அரும்பாடுபட்டு செய்திகளையும் ,அரிய புகைப்படங்களையும் சேகரித்து நூலாக வெளியிட்டுள்ளார்.

மூஸா ஹாஜி அவர்கள் நூலை வெளியிட S.T.கமால் அவர்கள் பெற்றுகொள்கிறார்கள்.அருகில் நூல் ஆசிரியர் ஏ.எல்.எஸ்.அவர்கள்.

இந்நூலின் ஆசிரியர் ஏ.எல்.எஸ். அவர்கள் E.அஹமது அவர்களுக்கு நூலில் உள்ள செய்திகளையும் புகைபடங்களையும் விளக்குகிறார்.(இடமிருந்து.S.T.கமால்,E.அஹ்மத்,S.H.நியாஸ்,மற்றும் A.L.S)

நிகழ்ச்சியில் கலந்துகொண்டவர்களில் ஒரு பகுதி

ஜப்பான் முஹம்மத் முகைதீன் பொன்னாடை போர்த்த A.L.S.அவர்கள் பெற்றுகொள்கிறார்.

இந்த வெளியீட்டு விழாவிற்கு தாயிம்பள்ளியுடைய செயலாளர் எம்.அஹமது அவர்கள் தலைமை வகித்தார்கள்,பள்ளியின் முன்னால் தலைவர் எஸ்.மூசா ஹாஜி அவர்கள் இந்நூலை வெளியிட,எஸ்.டி.கமால் அவர்கள் பெற்றுக்கொண்டார்கள்.வாழ்த்துரை A.R.தாஹா ஹாஜி வழங்கினார்கள்,நிகழ்ச்சி தொகுப்பு சீதக்காதி நூலகத்தின் பொருளாளர் S.H.நியாஸ் அவர்கள் நிகழ்த்தினார்கள்.நிகழ்ச்சி இறுதியில் ஜப்பான் முஹம்மது முகைதீன் அவர்கள் இந்நூலின் ஆசிரியர் ஏ.எல்.எஸ்.அவர்களுக்கு பொன்னாடை போர்த்தினார்கள்.இறுதியில் நன்றியுரையுடன் இவ் எளிய நிகழ்ச்சி நிறையுற்றது.

இறைவன் நாடினால் விரைவில் இந்நூலின் விமர்சனம் வெளியிடப்படும்.

ஒரு சர்வதேச மாநாடு

2010-11-19T17:43:00.002+05:30

மனிதர்களில் உயர்ந்தோர்,தாழ்ந்தோர்,உயர்குலத்தோர்,இழிகுலத்தோர்,

உயர் ஜாதி,கீழ் ஜாதி என்று கற்பித்து பிரிந்தும்,பிழந்து,பிழவுபட்டுக்

கிடக்கும் இவ்வுலகில்,மனிதா!! உன்னில் உயர்ந்தவன்,தாழ்ந்தவன்

என்ற வித்தியாசம் ஒன்றும் இல்லை நீங்கள் அனைவரும் ஒரு தாய்

மக்கள் என்றுசொன்னது மட்டும் இல்லாமல் செயல்படுத்தியும் காட்டிக்

கொண்டு இருக்கும் மாநாடு;வெள்ளையர் கறுப்பரை விடவோ,கறுப்பர்

வெள்ளையரை விடவோ உயர்ந்தவர் இல்லை என்று முழங்கிய

மாநாடு;ஏழை,பணக்காரர் வித்தியாசம் பார்க்காத மாநாடு,அது தான்

சத்தமே இல்லாமல் நடந்த சர்வதேச மாநாடான புனித ஹஜ்.

மனிதர்களே!! நீங்கள் உங்கள் இறைவனை அஞ்சிக்கொள்ளுங்கள்.அவன்

எத்தகையவன் என்றால்,அவன் தான் உங்களை ஒரே ஆத்மாவிலிருந்து

படைத்தான்,அதிலிருந்து அதற்கு துணையைப் படைத்தான்.இன்னும் அவ்

விருவரிலிருந்து அநேக ஆண்களையும்,பெண்களையும் பரவச்செய்தான்...

அல்-குர்ஆன்- 4 : 1

"மக்களே! அறிந்து கொள்ளுங்கள!. உங்கள் இறைவன் ஒருவனே!உங்கள்

தந்தையும் ஒருவரே! இறையச்சம் கொண்டோரைத்தவிர,அரபிகள் அஜமி

(அரபியல்லாதார்) களை விட உயர்ந்தோருமல்ல.அதுபோல் அஜமிகள்

அரபிகளைவிட உயர்ந்தோரு மல்ல. வெள்ளை நிறத்தவர் கறுப்பு நிறத்த

வரை விடவோ, கறுப்பு நிறத்தவர் வெள்ளை நிறத்தை விடவோ சிறந்தோரு

மல்ல. அனைவரும் ஆதமுடைய மக்களே! அந்த ஆதம் மண்ணால் படைக்

கப்பட்டவரே. (ஜாதித்திமிர், நிறத்திமிர், குலத்திமிர் அனைத்தையும் இதோ

எனது காலில் போட்டு மிதிக்கிறேன்.)"

முஹம்மது நபி அவர்களின் இறுதி ஹஜ் சொற்பொழிவு.

நூல்- புஹாரி,முஸ்லிம்.

எத்தனையோ மதங்களும்,இசங்களும், மனிதர்களில் ஏற்றத் தாழ்வு

களில்லை என்று சொல்லத்தான் செய்கின்றன ஆனால் அவை செயல்

படுத்திக்காட்டுவதில் தோற்று விட்டன.ஆனால் சொல்லிலும்

செயலிலும் மேலோங்கி நிற்கும் இந்த இஸ்லாம் அச்சகோதரத்துவத்தை

செயல் படுத்திக்காட்டவே ஹஜ் என்னும் சர்வதேச மாநாட்டை

முஸ்லிம்களுக்கு ஐந்தாவது கடமையாக்கியது.

இந்த மாநாட்டில் மேற்கத்திய வெள்ளையரும்,ஆப்ரிக்க கருப்பரும்,

மங்கோலிய முகம்கொண்ட நாட்டவர்களும்,அழகில் உயர்ந்த

எகிப்தியர்களும் இன்னும் பல இனத்தவர்களும்,செல்வசீமான்களும்,

ஏழை எளியவர்களும் எந்தவித பாகுபாடுமில்லாமல் தைக்கப்படாத

இரண்டு வெண்ணிற உடைகளை அணிந்து

"லெப்பைக் அல்லாஹும்ம லெப்பைக்,லெப்பைக்

லாஷரீக்கலக லெப்பைக்,இன்னல்ஹம்த வன்னிஃமத

லகவல்முல்க் லாஷரிக்கலக்"

( நான் உன்னிடத்தில் ஆஜராகிவிட்டேன் ! யா அல்லாஹ் ! நான் ஆஜராகி

விட்டேன் .நான் வந்துவிட்டேன்.உனக்கு இணை துணை கிடையாது; நான்

(உன்னிடம்) வந்து விட்டேன்.யால்லாஹ்! உண்மையாக அனைத்து

அருட்பாக்கியமும்,புகழும் உனக்கே உரியவை.அனைத்துலகின் அதிபதியும்

நீயே ! உனக்கு இணை துணை யாருமில்லை.) என்று முழங்கி

இறைவனை கண்ணியப்படுத்துகிறார்கள்.

மாநாட்டு காட்சிகள் சில......

புகைப்பட உதவி :- அரப் நியூஸ்

தியாகத் திருநாள் நல்வாழ்த்துக்கள்

2010-11-15T13:17:00.001+05:30

என் இனிய தியாகத்திருநாள் வாழ்த்துக்கள்.

இந்த தியாகத் திருநாள் உங்கள் அனைவருக்கும் மகிழ்ச்சி
பொங்கிவழிய இறைவனை வேண்டுகிறேன்..............

இந்தப்பதிப்பு வெறும் வாழ்த்துகளுடன் முடிவுறாமல்,இப்பெருநாளை பற்றிய

சில நினைவுட்டல்களும் உங்கள் பார்வைக்கு.........

பெருநாள் தொழகையை திறந்த வெளிதிடல்களில் நிறைவேற்றுங்கள்.

ஹஜ் பெருநாள் தொழுகைக்கு சென்றுவிட்டு வந்தபின்பே நீங்கள் காலை

உணவை உண்ணுங்கள்.

பெருநாள் தொழுகைக்கு செல்வதற்கு ஒரு வழியாகவும்,தொழுகை முடிந்து வரும்போது மற்றொரு வழியாகவும் வாருங்கள்.

பெருநாள் தொழுகையை நிறைவேற்றிய பின்பே நீங்கள் உங்கள் குர்பானி

பிராணியை இறைவனுக்காக பலியிடுங்கள்.

பெருநாளில் உங்கள் உறவினர்கள்,நண்பர்கள் மற்றும் தெரிந்தவர்கள்

அனைவருக்கும் வாழ்த்துக்களையும்,இனிப்புக்களையும் பரிமாறிக்

கொள்ளுங்கள்.

பெருநாள் தக்பீரை துல்ஹஜ் 9 இரவு மக்ரிபிருக்கு பின் துவங்கி துல்ஹஜ் 12 அஸர் தொழுகை வரை ஒவ்வொரு தொழுகைக்கு பின்னரும் சொல்லுங்கள்.

தக்பீர் இப்படி சொல்லுங்கள் அல்லாஹுஅக்பர், அல்லாஹுஅக்பர், அல்லாஹுஅக்பர், லாயிலாஹா இல்லல்லாஹு அல்லாஹுஅக்பர், அல்லாஹுஅக்பர் வலிள்ளஹில்ஹம்து.

உறவினர்களுடன் ஒட்டிவாழுங்கள், வெட்டிவாழாதீர்கள்

2010-11-14T16:39:00.001+05:30

இன்றைய பரபரப்பான உலகில் உறவினர்கள் என்று சொன்னாலே

நம்மவர்கள் தலையில் காலடிக்க ஓடுகிறார்கள்.ஏதோ நாம் உண்டு நம்

மனைவி,குழந்தைகள் உண்டு என்று வாழவிரும்புகிறார்கள்.ஏன் தங்கள்

பெற்றோர்,அண்ணன் மற்றும் தங்கைகளை கூட உறவினர்களாக மதிப்ப

தில்லை."என் அண்ணனுடன் எனக்கு பல வருடங்களாக பேச்சுவார்த்தை

இல்லை, என் தங்கையுடன் பத்து வருடங்களாக ஒட்டும் இல்லை உறவும்

இல்லை என்று பெருமையாகவே சொல்லிகொள்பவர்களும் சிலர் உண்டு".

இறை நம்பிக்கை உள்ளவர்களும் இதில் விதிவிலக்கல்ல.

ஆனால் நமது பதிப்பின் நோக்கம் இதை சுட்டி காட்டுவது அல்ல. இப்படி

உறவுகளை வெட்டிவாழ்பவர்களில் பெரும்பான்மையினர் அவர்கள் வெட்டி

வாழும் உறவுகளுடன் ஒட்டி வாழ விரும்பிக்கொண்டுதான் இருக்கிறார்கள்

என்பதை தான்.ஆனால் அதற்கு தடையாக அவர்களுடைய ஈகோ என்னும்

தன்முனைப்பு (அகங்காரம்) இருக்கிறது என்பதுதான் நிதர்சனம். இவரை

கேட்டால் நான் ஏன் முதலில் பேசவேண்டும் அவர்தானே முதலில்

என்னிடம் சண்டை இட்டுக்கொண்டார் எனவே அவர் என்னிடம் முதலில்

பேசட்டும் என்று இவரும்.அவரை கேட்டால் நான் ஊரில் முக்கிய

அந்தஸ்தில் உள்ளவன் நான் எப்படி முதலில் இறங்கிப்போய் அவனிடம்

பேசமுடியும் என்று அவரும், ஆக இருவரும் ஒருவருக்கொருவர்

அவர்களின் மனதில் உள்ள ஈகோவுடன் இன்னும் பல வருடங்களாக

முகத்தை திருப்பிக்கொண்டு வாழ்வார்கள்.இதில் உள்ள வேடிக்கை

என்னவென்றால் இவர்கள் பேசாமல் இருந்த காலத்தை விடபேச

நினைத்தும் ஈகோவினால் பேசாமல் இருக்கும் கால அளவு தான் மிக

அதிகமாக இருக்கும்.

எனக்கு தெரிந்த சில சகோதரர்கள் இப்படி தான் பல வருடங்களாக ஒட்டும்

இல்லை உறவும் இல்லை என்று இருந்தவர்கள் ஒரு சில மூன்றாவது நபர்

தலையிட்டு சமாதனப்படுத்தியதால் இன்று ஒட்டி உறவாடிவருகின்றனர்.

இதில் இன்னும் சிலரோ எத்தனை பேர்தான் சமாதானத்திற்கு வந்து இவர்

களை ஒட்டவைக்க நினைத்தாலும் வெட்டியேதான் நிற்போம் என்று

கொள்கையாக இருக்கிறார்கள்.இப்படிபட்ட பூனைக்கு மணிகட்டுவது யார்

என்று ஏங்கி இருக்கும் வேளையில் தான்....................

இதே இலக்கை கையில் எடுத்துக்கொண்டு ஒரு ஆலிம் (அறிஞர்)[இவர் அல்

ஜாமிஉல் அஷ்ஹர் என்னும் ஜூம்மா பள்ளியினுடைய கத்தீப் (சொற்பொழி

வாளர்)] களம் இறங்கினார்.அவர் சொற்பொழிவு ஆற்றும் வெள்ளிக்கிழமை

தொழுகை மேடையில் தொடர்ச்சியாக இரண்டு வார சொற்பொழிவில்

(சொற்பொழிவை செவியேற்க இங்கு கிளிக் செய்யவும் ஜூம்மா1, ஜும்மா2 )

அவர் குர்ஆனிலிருந்தும்,நபிமொழிகளிலிருந்தும், இது போன்ற செயல்கள்

தவறு என்று ஆணித்தரமான ஆதாரங்களை கொட்டி மேற்படி ஆட்களின்

இறைஅச்சத்தில் படிந்த தூசியை தட்டிவிட்டார்.அவர் நிகழ்த்திய உரையை

கேட்ட உறவை முறித்து வாழும் சகோதரர்கள் ஒவ்வொருவரும் கத்தீப்

(சொற்பொழிவாளர்) நம்குடும்ப பிரச்சனையை எப்படியோ தெரிந்து

கொண்டுதான் பேசுகிறார் என்று எண்ணும் அளவு பலவிதமாக அலசினார்.

அவ்வுரையை கேட்ட எனக்கும் என் நண்பர்களுக்கும் திருப்திகிடைத்தது.

முதல் வார சொற்பொழிவுக்கு பின்னரே எத்தனையோ சகோதரர்கள் தங்கள்

விட்டுப்போன உறவுகளை புதுப்பித்துக்கொண்டார்கள் என்று பரவலாக

செய்திவந்தது (அல்ஹம்துலில்லாஹ்) இறைவனுக்கே எல்லாபுகழும்.

இரண்டாவது வாரசொற்பொழிவிலும் தொடர்ந்தது அவர் பிரச்சாரம்.இதற்கு

பின்னரும் பல சகோதரர்கள் தங்கள் விட்டுப்போன உறவை புதுப்பித்துக்

கொண்டனர்.இது நடந்து சில நாட்களுக்கு பின்னர் அந்த அறிஞரை

சந்தித்து உரையாடும் வாய்ப்புக்கிடைத்தது.அப்பொழுது அந்த சொற்பொழிவு

களுக்கு பின்னர் ஊர் நிலவரம் எப்படி இருக்கிறது என்று கேட்டேன்.அதற்கு

அவர் அந்த சொற்பொழிவுக்கு பின்னர் அவருக்கு வந்த தொலைபேசிகளை

பற்றி சொன்னார்.எத்தனையோ சகோதரர்கள் தொடர்பு கொண்டு நானும்

என் சகோதரரும் பல வருடங்களாக பேச்சுவார்த்தை இல்லாமல்

இருந்தோம் உங்கள் உரைக்கு பின்னர் இருவரும் ஒன்று சேர்ந்து

கொண்டோம் அதற்காக உங்களுக்கு நன்றி என்றும்,நானும் என்

சம்மந்தியும் பல வருடங்களாக ஒட்டுமில்லை உறவுமில்லை என்று

இருந்தோம் ஆனால் உங்கள் உரையை கேட்டுவிட்டு நாங்கள் போட்டி

போட்டு ஒருவருக்கொருவர் ஸலாம் சொல்லி இணைந்துவிட்டோம்.

அதற்காக உங்களுக்கு நன்றி சொல்லிக்கொள்கிறோம் என்றும்,இன்னும்

சில குடும்பங்கள் இணைந்து ஒருவர் மற்றவர்களுக்கு விருந்து உபச்சாரம்

எல்லாம் செய்து கொண்டதாகவும் சொல்லி நன்றி தெரிவித்துக்

கொண்டுள்ளதாகவும், இப்படியாக பல தொலைபேசிகள் வந்ததாக

சொன்னார் அது மிகவும் நெகிழ்ச்சியாக இருந்தது.

சிந்திக்க சில நபிமொழிகள் :-

தமது வாழ்வாதாரம் விசாலமாக்கப்படுவதும்,வாழ்நாள் நீட்டிக்கப்படுவதும்

யாருக்கு மகிழ்ச்சி அளிக்குமோ அவர் தமது உறவை பேணி வாழட்டும்.

என்று முஹம்மது நபி(ஸல்) சொன்னார்கள்.

அறிவிப்பாளர்: அபூஹுரைரா (ரலி)

நூல்: புகாரி.

உறவு (இறையருளின்) ஒரு கிளையாகும்.ஆகவே "அதனுடன் யார் ஒட்டி

வாழ்கின்றாரோ அவருடன் நானும் ஒட்டி உறவு பாராட்டுவேன்.அதை யார்

வெட்டிக் கொள்கிறாரோ அவருடன் நானும் வெட்டிக் கொள்வேன்" (என்று

உறவைப் படைத்த போது இறைவன் சொன்னான்).என்று முஹம்மது நபி

(ஸல்) அவர்கள் கூறினார்கள்.

அறிவிப்பாளர்: அன்னை ஆயிஷா (ரலி)

நூல்: புகாரி.

அல்லாஹ்விடம் உங்களில் சிறந்தவர் யார் என்றால் உங்களுக்குள் முதலில்

ஸலாம் சொல்பவர்(அவர் உங்களை விட்டு முகத்தை திருப்பிக்கொண்டு

சென்றாலும்)

நூல்: திர்மிதி.

குறிப்பு:- இதை படிக்கும் நீங்களும் இது போன்ற உறவை முறித்துக்கொண்டு

ஆனால் சேர்ந்துக் கொள்வதற்கு தயாராக இருக்கும் உங்களின் உறவினர்கள்

மற்றும் நண்பர் களையும் உங்களின் தலைஈட்டினால் சேர்த்துவைத்து

இறைவனிடம் நன்மைகளை பெற்றுக்கொள்ளுங்கள்.

-----------------------------------------------------------------------------------------------------------

வருந்துகிறேன்....

மடிக்கணினியில் ஏற்பட்ட சில தொழில் நுட்ப கோளாறின் காரணமாக சில

மாதங்களாக பதிவு ஒன்றும் போடாமல் இருந்தமைக்கு வருந்துகிறேன்.

-----------------------------------------------------------------------------------------------------------

சுதந்திரம் தேடிக்கொடுத்த தேச பிதா

2010-10-02T13:39:00.003+05:30

நம் தேசத் தந்தை மகாத்மா காந்தியின் 142 ஆம் பிறந்த நாளான இன்று,

அவரை பற்றிய பதிப்பாக, எங்கள் ஊரில் காந்திஜி அவர்களின் நினைவாக

அமைக்கப்பட்டுள்ள தோரணவளைவை பற்றியும், அதில்எழுதப்பட்டுள்ள

காந்திஜியின் பொன்மொழிகளையும் உங்களுடன் பகிர்ந்துக்கொள்கிறேன்.

மாகத்மா காந்தி நினைவு தோரனவளைவு

ஒரு குடியரசு தினத்தன்று இரவு காந்திஜி நினைவு தோரணவாயில்

நீங்கள் படத்தில் காணும் இந்த தோரணவளைவானது.மகாத்மாகாந்தியின்

நினைவாக காயல்பட்டணத்தில் உள்ள எல்.கே.எஸ். குடும்பத்தினரால்

கட்டப்பட்டு , 23-07-1956 இல் அன்றைய தமிழ் நாட்டின் முதலமைச்சராக

இருந்த திரு.K.காமராஜர் அவர்களால் திறந்து வைக்கப்பட்டது. அந்த

தோரனவாயிலின் மேல் காந்திஜி அவர்களின் பொன்மொழிகள்

பொறிக்கப்பட்டுள்ளது. அவைகளை கீழே காணலாம்.

கடவுள் ஒருவனே என்று நான் நம்புகிறேன், அதனால் மனித சமூகம்

முழுவதுமே ஒன்றுதான் என்று நான் நம்புகிறேன்.

நான் தெய்வ நம்பிக்கை கொண்டவன். பிரார்த்தனை பண்ணுகிறவன்.

என்னைத் துண்டு துண்டாக வெட்டினாலும் கடவுள் இல்லை என்று

சொல்லாமல் கடவுள் இருக்கிறான் என்று சொல்லத்தக்க பலத்தை

எனக்கு அவன் கொடுப்பான்.

கிராமம் அழிந்தால் இந்தியா அழியும்.........

சத்தியத்தின் வழியில் தைரிய முள்ளவர்கள் செல்ல முடியும்,

கோழைகள் செல்ல முடியாது.

துவேஷம் ஒழித்தவனுக்கு ஆயுதமே தேவை இல்லை.

உலகில் அபின் உற்பத்தியைப்போல், ஆயுத உற்பத்தியையும்

கட்டுப்படுத்த வேண்டும். உலகின் துன்பத்திற்கு அபினை விட

ஆயுதமே பெருங்காரணமாக இருந்திருக்கிறது.

உலகத்திலுள்ள எல்லா சக்திகளையும் விட ஆத்ம சக்தியே பலம்

மிகுந்தது.அதை அழிக்கவோ அல்லது எதிர்த்து நிற்கவோ

எவராலும் முடியாது.

தாய்நாடே நமது இலச்சியம் என்று வாழ்ந்தால்தான் நீங்களும்

வாழ்ந்தவர்கலாவீர்கள்.

நோயால் சாகிரவர்களை விட பயத்தால் சாகிரவர்களின்

எண்ணிக்கைஅதிகம். ஆதலின் பயத்தை விட்டொழியுங்கள்.

எளியவர்களை ஒடுக்கும் பாவத்தில் முழ்கியிருக்குமட்டும் நாம்

விலங்குகளை விட மேலானவர்களல்ல.

உழைப்பின்றி உன்கின்றவர்களை திருடர்கலேன்ருதான் அழைக்க

வேண்டும்.

எந்தவொரு வாலிபன் தன் திருமணத்திற்கு வரதட்சணை கொடுக்க

வேண்டுமென்று நிபந்தனை ஏற்படுத்துகிறானோ அவன், தான் கற்ற

கல்விக்கும், தன் நாட்டிற்குகும் இழுக்கு ஏற்படுத்துவதுடன்,

பெண்மைக்கு அவமானஞ் செய்தவனாகிறான்.

என் எதிரியைப் பாம்பு கடித்தால் அவனுடைய உயிரைக் காக்க அந்த

விஷத்தை நான் உறுஞ்சி எடுப்பேன்.

கடவுள் நம்முடைய கற்பனா சிருஷ்டி என்று சிலர் கருதுகிறார்கள்.

அவர்கள் கருத்து உண்மையென்றால் அப்புறம் உலகத்தில்

எதுவுமே உண்மையன்று.

அதிகமாய் துன்பம் அனுபவிக்கக் கூடியவன் அதிகமாய்ச் சேவை

செய்யக்கூடும்.

ஒருதலைச் சார்பு உடையவனும், கோபம் உள்ளவனும்

உண்மையை ஒருநாளும் அறிய முடியாது.

நல்லவர்களும்,பரிசுத்தமானவர்களும் அடங்கிய கூட்டத்தையே

நீங்கள் நாட வேண்டும்.

செய்திகள் உதவி - காஹிர் ஷேக்.

காந்திஜீயின் குழந்தை பருவம்

சிறுவர் பருவம்

வாலிப பருவம்

தடியுடன் காந்திஜி

ராட்டு சுற்றும் காந்திஜி

ஒரு இலவச சுற்றுபயணம்

2010-09-28T16:38:00.008+05:30

ஒரு பழமையான கடலோர நகரம் என்ற பதிப்பின் மூலம் நாம்

காயல்பட்டனத்தின் ஆரம்ப வரலாறை பார்த்தோம்.இந்த பதிப்பில்

உங்களுக்கு நான் காயல்பட்டனத்தை சுற்றி காண்பிக்கிறேன்.

இவ்வூர் பெரும்பான்மையாக இஸ்லாமிய மக்களை கொண்டது.

மேலும் இவ்வூரை பற்றிய ஒரு கூடுதல் தகவல் என்னவென்றால்,

இங்கு காவல் நிலையம் கிடையாது, திரையரங்குகள் கிடையாது,

டாஸ்மாக்குகள் கிடையாது.

காயல்பட்டணம் உங்களை அன்போடு வரவேற்கிறது

மகாத்மா காந்தி நினைவு வளைவு

இது தான் காயல்பட்டனத்தின் நுழைவுவாயில். இது காந்தியின்
நினைவாக கட்டப்பட்டு ஒரு சுதந்திரதினத்தில் திறக்கப்பட்டுள்ளது.
இன்னும் இதைப்பற்றிய அதிகமான் தகவலை சேகரித்துக்கொண்டு
இருக்கிறேன். (இறைவன் நாடினால் விரைவில் பதியப்படும்)

ஐக்கிய விளையாட்டு சங்கம்

இந்த ஐக்கிய விளையாட்டு சங்கம் 1955 ஆம் ஆண்டு முதல்
ஆரம்பமாகி நடந்து வருகிறது. 1974 ஆம் ஆண்டு முதல் இங்கு
தேசியஅளவில் "மௌலானா அபுல்கலாம் ஆசாத் கோப்பை"
கால்பந்து விளையாட்டு வருடா வருடம் சிறப்பாக நடந்து வருகிறது.
இது மட்டும் அல்லாமல் டென்னிஸ்,பேட்மிடேன் போன்ற
விளையாட்டு மைதானமும் இதனுள் உள்ளது.

பேருந்து நிலையம்

காயல் மெடிக்கல் டிரஸ்ட்

இந்த காயல் மெடிக்கல் டிரஸ்ட் என்ற மருத்துவமனையானது 1990 ஆம்
ஆண்டு துவங்கப்பட்டு நல்ல முறையில் நடந்து வருகிறது.மேலும் இங்கு
ஏழை எளிய மக்களுக்கு இலவச சிகிச்சைகளும்,கட்டண சலுகைகளும்
செய்யப்பட்டு வருகிறது.

கடற்கரை பூங்கா

கடற்கரை

இந்த எழில்மிகு கடற்கரை எங்கள் ஊருக்கு இறைவன் கொடுத்த

அருட்கொடையாகும். மாலை நேரங்களில் கடற்கரை மணலில் அமர்ந்து
கொண்டு நண்பர்களுடனோ, குடும்பத்துடனோ பேசுவதற்கும்,அரட்டை

அடிப்பதற்கும். தனிமையில் அமர்ந்து சிந்திப்பதற்கும் மன மகிழ்ச்சியான
இடமாக விளங்கிவருகிறது. இந்த பறந்து விரிந்த கடற்கரை மணல்பரப்பு
மெரினாவை நினைவுபடுத்துவதாக இருக்கும். இதை நான் சொல்ல
வில்லை, ஒருமுறை ஊருக்கு வந்திருந்த முன்னால் முதல் அமைச்சர்
திரு.ராஜாஜி அவர்கள் இந்த கடற்கரையை பார்த்துவிட்டு சென்னை
மெரினாவிற்கு நிகராக இதுவும் இயற்கை அழகுடன் திகழ்வதாக
வர்ணித்துள்ளார்.

நான்கு, ஐந்து வருடங்களுக்கு முன் MLA நிதி மூலமாக இங்கு பூங்கா
கட்டப்பட்டு இந்த கடற்கரையை சுற்றுல்லா கடற்கரையாக அரசு
மாற்றியது. அன்றுமுதல் இங்கு மற்ற ஊர்மக்களின் வருகையும் அதிக
மாகியது. மக்கள் அதிகமானதால் அவர்களின் கவனக்குறைவால் சில

இடங்கள் கூளமும், குப்பையுமாக காட்சியளிக்கிறது. இந்த பிரச்சனை
யிளிருந்து கடற்கரையை பாதுகாப்பதற்காக சில மதங்களுக்கு முன்
ஊரில் உள்ள சிலர் ஒன்றிணைந்து காயல்பட்டனம் கடற்கரை
பயனாளிகள் சங்கம் (kayalpatanam beach user association) என்ற ஒரு சங்க
த்தை நிருவி கடற்கரையின் சுத்தத்திற்கும், சுகாதாரத்திற்கும் பாதுகாப்
பான பல நடவடிக்கைகளை எடுத்து வருகின்றனர்.

பெரிய குத்பா பள்ளி

இது ஊரில் கட்டப்பட்ட இரண்டாவது பள்ளியாகும், இது கி.பி 843 ஆம்
ஆண்டு காயல்படனத்திற்கு இரண்டாம் கட்டமாக குடியேறிய எகிப்தி
யர்களால்   கட்டப்பட்டு, கி.பி 1336 ஆம் ஆண்டு இங்கு மூன்றாம் கட்டமாக
குடியேறிய அரேபியர்களால்  புணர்நிர்மாணம் செய்யப்பட்டது.

நீங்கள் கீழ்காணும் பள்ளிகள் காயல்பட்டனத்து மற்ற பள்ளிகளாகும்.
இப்புகைபடத்தில் இல்லாத பள்ளிகளும் உள்ளது. முடிந்தால் அவை
களையும்   விரைவில் காணலாம்.

அப்பா பள்ளி

கொடிமர சிறு நைனார் பள்ளி

புது பள்ளி

மஹ்லரா

அல் ஜாமிஉல் அஸ்ஹர் ஜும்மா பள்ளி

ஆறாம் பள்ளி

அஹமது நைனா பள்ளி

அருஸியா பள்ளி

இரட்டை குளத்து பள்ளி

கே.எம். டி. பள்ளி

காட்டும் மொஹுதூம் பள்ளி

கோமான் மொட்டையார் பள்ளி

குருவித்துறை பள்ளி

மரைக்கார் பள்ளி

செய்ஹுஹுசைன் பள்ளி

பிலால் பள்ளி

தாயும் பள்ளி

இவைகள் மிக சில இடங்களே, இன்னும் அதிகமான இடங்கள்
காண்பதற்கு உள்ளது. மேலும் இங்குள்ள கலாச்சாரங்களில் சில
வித்தியாசமானதாகவும், வியப்பானதாகவும் காணலாம்.

உதாரணத்திற்கு: தெருக்களில் பெண்கள் செல்வதற்காக ஒவ்வொரு
வீட்டிற்கும் இடையிலும் முடுக்குகள் (சந்துக்கள்) அமைத்திருக்கும்.
அடுத்து திருமணமான ஆண் பெண்வீட்டில் வாழும் ஒரு கலாச்சாரமும்
இங்குள்ளது. இவைகளும் விரைவில் பதியப்படும்.

ஒரு பழமையான கடலோர நகரம்

2010-09-21T10:22:00.001+05:30

காயல்பட்டனம் என்ற கடற்கரை நகரமானது வங்காள விரிகுடா கடலின்

தெற்கு கரையில் உள்ளது. இந்நகரம் மிக பழமைவாய்ந்த வரலாற்றை
கொண்டது .

இவ்வூர் தமிழ்நாட்டின் தெற்கே தூத்துக்குடி மாவட்டத்தில், திருச்செந்தூர்

எனும் ஊருக்கு 8 கி.மீ. தெற்கிலும், தூத்துக்குடிக்கு 32 கி.மீ. தொலைவிலும் கடலோரமாக அமைந்துள்ளது.இந்நகரம் தோன்றி ஏறத்தாழ ஐந்தாயிரம்

ஆண்டுகள் ஆகிவிட்டது என்று இந்நகரில் கிடைக்கப்பெற்ற தொல்
பொருள் ஆய்வுகள் தெரிவிக்கின்றன.

பண்டைகால இலக்கியங்கள், கல்வெட்டுகளில் வகுதை,பெத்திர மாணி
க்கப் பட்டணம், தென்காயல் போன்ற பல்வேறு பெயர்களால் இன்றைய காயல்பட்டனம் குறிப்பிடப்பட்டிருக்கின்றது. இன்னும் இது கபடபுரம்
என்ற பெயரில் இரண்டாம் தமிழ்சங்கத்தின் தலைநகரமாகவும்
விளங்கியுள்ளது.

காயல்படனத்தில் கிடைக்கப்பெற்ற மிக பழமையான மண்பாண்டங்கள்

இந்த நகரத்தின் வரலாற்றில் இங்குள்ள கடற்கரை மிக முக்கிய இடத்தை
பெறுகிறது. எந்த அளவு என்றால் இந்நகரம் உருவாக காரணமே !! இக்
கடக்கரைதான். எனவே இந்நகர மக்களின் வாழ்க்கையோடு இக்கடற்
கரை பின்னிப்பினைந்துக்கொண்டிருக்கிறது.

முற்காலத்தில் இந்நகரில் ஒரு பெரிய துறைமுகம் இருந்துவந்துள்ளது.
மேலும் முத்துகுளிப்பிலும்  இந்நகரம் சிறந்து விளங்கியுள்ளது. இத்துறை
முகத்திற்கு அரேபியா,கிரேக்கம், ரோம் மற்றும் சீனாவிலிருந்தும் வியா
பார போக்குவரத்துக்கள் இருந்துள்ளது. அதற்கான பற்பலசான்றுகள் இங்கு
காணகிடைகின்றன. அரேபியாவில் இஸ்லாம் உதிப்பதற்கு முன்பே
(முஹம்மது நபி தமது இஸ்லாமிய பிரச்சாரத்தை துவங்குவதற்கு
முன்பே) இந்நகர துறைமுகத்துடன் அரேபியர்கள்  வியாபார தொடர்பு
வைத்திருந்துள்ளனர். அரேபியாவிலிருந்து குதிரைகள்   மற்றும் பல
பொருள்கள் இறக்குமதிசெய்யப்பட்டு.இங்கிருந்து முத்துக்கள் ஏற்றுமதி செய்யப்பட்டுவந்துள்ளது (அதற்கு எடுத்துக்காட்டாக இன்றும் இவ்வூரில்
பரிமார் தெரு என்று   ஒரு தெரு உள்ளது, பரி என்றால் குதிரை, மார்
என்றால் மாற்றம் அல்லது வியாபாரம்).

இப்னு பதுதா

மார்கோபோலோ

ரசிதுதீன்

பயணர்களான மார்கோ போலோ, இப்னு பதுதா, அப்துல்லா வசைப்,

ரஷிதுதீன் (பெர்சிய வரலாறு ஆசிரியர் ) போன்றவர்கள் இந்நகருக்கு

வருகைதந்துள்ளனர். இவர்களுடைய குறிப்பேட்டில் இந்நகரை பற்றிய
செய்திகளை குறிப்பிட்டுள்ளனர்.

மார்கோபோலோ வருகையின்போது காயல்படன வரைபடம் அமைப்பு

இந்நகரில் இஸ்லாமியர்கள் குடியேற்றமானது 7 வது நூற்றாண்டிலிருந்தே
துவங்கிவிட்டது. முஸ்லிம்கள் மூன்று கட்டங்களாக இந்நகரில் குடியேறி
யுள்ளனர்.

முதலாவது குடியேற்றம்

இஸ்லாத்தின் முதல் கலிபா ஹஜ்ரத் அபூபக்கர் ரலியல்லாஹு அன்ஹு
அவர்கள் காலத்தில் கி.பி. 633-ல் மாலிக் இப்னு தீனார் தலைமையில்
இஸ்லாத்தை பரப்ப ஒரு குழு கடல் மார்க்கமாக கேரளா வந்துசேர்ந்தது.
அதில் ஒரு பகுதியினர் காயல்பட்டணம் வந்து குடியேறி கடற்கரை
யோரமாக ஒரு பள்ளியைக் கட்டினர். இந்த கடற்கரை பள்ளிதான் இந்தியா
வின் இரண்டாவது பள்ளியும், தமிழ்நாட்டின் முதல்பள்ளியுமாகும்.
(தற்போது இப்பள்ளி கோசுமறை பகுதி அருகே புதையுண்டுள்ளது).
அப்பள்ளியின் அருகிலேயே இக்குழுவினர் குடியேறி வாழ்ந்து வந்தனர்.
பின்னர் கடலேறி இப்பகுதி புதையுண்டுவிட்டது.

இரண்டாவது குடியேற்றம்:

கி.பி;. 842ல் எகிப்து தலைநகர் கெய்ரோவில் கலீபா 'அல்வாதிக்' ஆட்சி
காலத்தில் இஸ்லாத்தின் முதல் கலிபாவான அபூபக்கர் அவர்கள் வம்சா
வழியைச் சார்ந்த முஹம்மது கல்ஜி அவர்கள் தலைமையில் ஒரு
குழுவினர் எகிப்தில் இஸ்லாத்திற்கு மாற்றமான முஃதஜிலா கொள்
கையை ஏற்க மறுத்து ஈமானை (இறைநம்பிக்கையை) காத்திட
ஹிஜ்ரத் எனும் நாடுதுறப்பு செய்து கடல் மார்க்கமாக ஜயவீர ராஜ
காரு வேந்தர் காலத்தில் காயல்பட்டணம் வந்து சேர்ந்தனர். இவர்கள்
இந்நகரில் கி.பி. 843ல் ஜும்ஆ பெரிய பள்ளியை கட்டினர்.

பெரிய குத்பா பள்ளி

மூன்றாவது குடியேற்றம்:

முஹம்மது நபி அவர்கள் வம்சாவழியைச் சார்ந்த சுல்தான் ஜமாலுத்தீன்
அவர்கள் தலைமையில் பாண்டிய மன்னன் சுந்தர பாண்டிய தேவன்
ஆட்சி காலமான கி.பி.1284 (ஹிஜ்ரி737) ல் காயலில் வந்து குடியேறினார்.
இச் சமயத்தில் எகிப்தை முகம்மதிப்னு கலாவூன் ஆட்சி செய்திருந்தார்.
இவர்கள் ஜும்ஆ பெரிய பள்ளியை பிரமாண்டமாக விரிவுபடுத்தி கட்டி
னர். சுல்தான் ஜமாலுத்தீன் அவர்கள் பரம்பரையினர் பிரபுக்கள் என்று
அழைக்கப்படுகின்றனர்.(இன்னும் பிரபுக்கள் குடும்பத்தினர் இந்நகரில் வசித்துவருகின்றனர்)

மன்னர் அவர்கள், அரபி முஸ்லிம்கள்பால் மிகவும் அன்புடையவராக
இருந்தார். வியாபாரத்தில் பல சௌகரியங்கள் செய்து கொடுத்ததுடன்
நாட்டின் நிர்வாகத்திலும் பங்களித்தார். செய்யிது ஜமாலுத்தீன் அவர்
களின் சகோதரர் தகியுத்தீன் பாண்டிய மன்னரின் முதலமைச்சராக
நியமிக்கப்பட்டார். இவருக்குப்பின் இவரது மகன் ஸிராஜுத்தீனுக்கும்,
பின் அவரது பேரன் நிஜாமுத்தீனுக்கும் அப்பதவிகள் கிடைத்தது. சுந்தர
பாண்டிய தேவன் கி.பி. 1293ல் காலமான பின் செல்வாக்குடன் திகழ்ந்த
சுல்தான் செய்யிது ஜமாலுத்தீன் பாண்டிய நாட்டின் மன்னரானார். இச்
சமயத்தில் காயல்பட்டணம் அவரின் தலைநகரமாக விளங்கியது. அவர்
கி.பி.1306 (ஹிஜ்ரி706)ல் காலமானார்.

ஆதாரங்கள்:-

1) An extract from The Travels of Marco Polo, Volume 2, by Marco Polo and Rustichello
of Pisa, et al, Edited by Henry Yule and Henri Cordier. (Marco Polo was a Venetian explorer
(now Italy) who lived between 1254 and 1324)
2) Translation of TAZJIYATU-L AMS�R WA TAJRIYATU-L �S�R - written by Abdullah
Wassaf - reportedly around 1300 AD. Extracts are taken from the book The History of
India, as Told by Its Own Historians: The Muhammadan Period written by Henry Miers
Elliot, John Dowson.
3) Translation of J�MI'U-T TAW�R�KH - written by Rashiduddin - reportedly around
1310 AD. Extracts are taken from the book The History of India, as Told by Its Own
Historians: The Muhammadan Period written by Henry Miers Elliot, John Dowson.
4) Discovery of india by Pandit Jawaharlal Nehru.
5) History of Tinnevelly by Bishop Caldwell.

இந்நகரம் பழமை பழமை வாய்ந்ததற்கு எடுத்துகாட்டாக இன்னும் இங்கு
பல பழமையான பள்ளிவாசல்கள் உள்ளன. (விரைவில் காயல்படன
பள்ளிகளின் நிழல் படங்களை இங்கு காணலாம்). இன்னும் இந்நகரின் சில அமைப்புக்கள் எகிப்து கலாச்சாரத்தை ஒட்டியதாக உள்ளது. இப்பழம்
பெரும் நகரில் உள்ள பல சுவாரிஸ்யமான செய்திகளை அடுத்தடுத்த
பதிப்புகளில் காணலாம்.

இணைப்புச்செய்தி:-

காயபட்டனம் என்ற பெயர் இவ்வூருக்கு வர இரண்டு காரணங்கள்
சொல்லப்படுகிறது. ஒன்று இவ்வூரின் அருகில் ஆறு (தாமிரபரணி)
கடலில் கலப்பதால் காயல் என்றும், கடல்சார்ந்த ஊர் என்பதால்
பட்டணம் என்றும், "காயல்பட்டணம்".ஆனதாக ஒரு செய்தியும்.

எகிப்தின் கெய்ரோ (அரபியில் காஹிரா) என்னும் இடத்திலிருந்து இவ்
வூருக்கு வந்து குடியேறிய மக்கள் இவ்வூரை அரபியில் "காஹிர்பதன்"
என்று (பதன் என்றால் அரபியில் பட்டணம்)அழைத்துவந்ததாகவும்
அதுவே காலஓட்டத்தில் மருவி "காயல்பட்டணம்" ஆனதாகவும் இன்
னொரு செய்தியும் இங்கு சொல்லப்படுகின்றது. (இப்னு பதுதாவின்
குறிப்பில்)

கத்தார் டூ காயல்

2010-09-15T00:40:00.001+05:30

ஸ்ஸ்ஸ்யப்பா............ ஒரு வழியாக ஊருக்கு வந்துவிட்டேன்.

ஜூன் மாசமே ஊருக்கு வரவேண்டியது.ஊருக்கு கிளம்புவதற்காக எல்லா

பொருள்களும் கட்டி தயார் பண்ணியாச்சி, விமானபயண சீட்டெல்லாம்

கூட வந்திடிச்சி, ஊருக்குபோக மூன்றே நாள்கள் இருக்கும் தருவாயில்.

திடீர்னு  மேனேஜர் வந்து "இன்னும் ஒரு மாதம் நான் விடுமுறையை
செல்லும் நாளை நீடிப்பு செய்துவிட்டதாக சொல்லிவிட்டார்.அப்புறம்
என்ன? சரி ஒரு மாசம் தானே என்று பழையபடி என்னுடைய மனசை தேற்றிக்கொண்டு பணிசெய்ய ஆரம்பித்து விட்டேன். ஆனா  ஊருல
இருந்து தங்ஸ் டெரர்ராகி போனில் என்னிடம் கன்னாபின்னான்னு
திட்டிரிட்சி! (நல்லவேலை திட்டினது என்னையில்ல என் மேனஜரை!!).
மீண்டும் ஒரு மாசம் கழித்து விட்ட பின்னர் நான் ஊருக்கு கிளம்பும்
நேரத்துல பார்த்து என் டிபார்ட்மென்ட்  "தலை" ஊருக்கு அவசர வேலையா
போயிட்டதுனாலே திரும்பவும் ஒரு மாசம் இருக்க வேண்டியதா
போயிடுச்சி. இதுல காண்டாகி போன தங்ஸ் இதுக்கு  மேலே நீங்க ஊருக்கு
வர்றேன் போர்றேன்னு  சொல்லிக்கிட்டு போன் பண்ணா....இருக்குது உங்களுக்கு! என்று மிரட்டிடிச்சி. எப்போ நீங்க விமானநிலையத்திற்கு போயி போடிங்பாஸ் போட்டுட்டு போன் பண்ணுறீங்களோ அப்பத்தான்
நீங்க ஊருக்கு வருவதா நம்புவேன்னு கடுப்பா சொல்லிடிச்சி. இப்படி ஒரு வழியா தட்டுதடுமாறி ஊருக்கு வந்து சேந்துட்டேன் (அப்போ இது
சரித்திரம் தானே.....அதான் எழுதுறேன்).

விமானநிலையம்

ஊருக்கு வருவது தாமதம் ஆனதாலே குழந்தையுக்கு வாங்கிய உடை

களையும், நோன்பிற்கு வேண்டிய திண்பண்ட வகைராக்களையும்

கார்கோவில் அனுப்பினேன்.அவ்வளவு சுறுசுறுப்பான கார்கோ(?) நான்

ஊருக்கு வந்த பின்புதான் வந்து சேர்ந்தது. (இதுக்கு நான் கையிலேயே
கொண்டு வந்திருப்பேன்).

உள்குத்து.......

இந்த கார்கோ சேவை தமிழ் நாட்டுகாரர்களிடம் இருக்கும் வரை இது

மாதிரியான பிரச்சனைகள் கிடையாது.ஆனால் இன்று நம்ம சேட்டன்

மார்கள் கார்கோ தொழிலை அபேஸ் பண்ணிய பிறகுதான் இப்பிரச்சனை

களெல்லாம்.

இந்த முறை ஈத் பெருநாள் உலக முழுவதும்(எனக்கு தெரிந்தவரை) ஒரே

நாளில் வந்தது மிக மகிழ்ச்சியாக இருந்தது. முக்கியமாக எனக்கு, ஏன்னா

நான் உலகத்தில் எங்கு முதல் பிறை தென்பட்டாலும் (ஆதாரபூர்வமான

தகவல் கிடைக்கும் தருவாயில்) பெருநாள் கொண்டாடும் கொள்கையை

சரி என கண்டு செயல்படுத்துபவன். ஆனால் என் வீட்டில் தங்ஸ் மற்றும்

அம்மாவும் வட்டாரத்தில் பிறைகானப்பட்டால் தான் (தமிழ்நாடு தவ்ஹிது ஜமாஅத் கொள்கை ) பெருநாள் கொண்டாடுவார்கள். இந்தமுறை எல்லோ

ருக்கும் ஒரே நாளில் வந்ததால் எனக்கு பெருநாள் உணவு கிடைத்தது.

கடந்தவருடம் நான் ஒருநாள் முன்னால் பெருநாள் கொண்டாடினேன்

அந்த நாள் வீட்டில் தங்ஸ் மற்றும் அம்மாவும் நோன்பு வைத்திருந்த

தால் எனக்காக ஒன்றும் சமைக்கவில்லை. நான் அங்கு இங்கு அல்லாடி

கடைசியாக என்னுடைய அக்கா வீட்டிற்கு சென்று சாப்பிட வேண்டியதா
போயிடுச்சி ( நல்லவேலையா அவர்கள் என்னுடைய கொள்கையில்
உள்ளவர்களாக இருந்தார்கள்).

பெருநாள் தொழுகை (காயல்பட்டனம் கடற்கரை)

பெருநாள் சொற்பொழிவு (காயல்பட்டனம் கடற்கரை )

இந்தமுறை பெருநாளில் தங்ஸ்உடைய டிபார்ட்மென்டிளிருந்து ஒரு சிறிய ரோலை செய்யலாமென்று துணிந்து இறங்கினேன் (அதாங்க

சமையல்). சகோதரி பாயிஷா காதருக்கு என் மனமார்ந்த நன்றிகளை

சொல்லிக்கொள்கிறேன். ஏனென்றால் என் இனிய இல்லத்தில் சகோதரி

கொடுத்திருந்த சமையல் குறிப்பான அஹனிகறியை செய்து தங்ஸ்இடம்
பாராட்டு பெற்றேன்.

காயல்பட்டனம் கடற்கரை(பெருநாள் மாலை காட்சி)

இந்தமுறை பெருநாள் எல்லோருக்கும் சேர்ந்துவந்ததால் எங்கள் ஊர்
கடற்கரையில்  பெருநாள்தொழுகை கூட்டம் மிக சிறப்பாக இருந்தது.
பெருநாள் மாலையும் கடற்கரை கலைகட்டியது (காயல்படன  கடற்
கரையை பற்றி தனி பதிப்பு விரைவில் எதிர்பாருங்கள்).

ஊருக்கு வந்ததிலிருந்து சரியாக பதிப்புகள் போடுவதில்லை என்றும்,
ஈத் வாழ்த்து கூட போடவில்லை என்று திரு.ஹரி அவர்கள்
கமான்ட்சில்   கலாய்திருக்கிறார். தயவுசெய்து மன்னித்துக்கொள்ளவும்,
கொஞ்சம் பிஸி..(வேலையே இல்லாதவனுக்கு  நேரம் இல்லையாம்)
இனி இதுபோல் பதிவு போட  நேரம்கடத்தமாட்டேன்.பெருநாள் வாழ்த்து
தானங்கே சொல்லணும்........இதோ சொல்லிடுறேன்.

பெருநாள் வாழ்த்துக்கள்

கடைக்கு வரும் வாடிக்கையாளர்கள் அனைவருக்கும் என் இதயம்
கனிந்த "காலம் கடந்த" பெருநாள் வாழ்த்துக்கள்.
(இவ்வளவு காலதாமதமான வாழ்த்து சொன்ன ஒரே ஆளு நான்தான்னு
நினைக்கிறேன்).

டம்ளரை கீழே வைத்துவிட்டீர்களா?

2010-09-03T17:47:00.001+05:30

இதற்கு முந்தியபதிப்பில்  நான் குறிப்பிட்ட இரண்டுவகையினரில்
முதலாவது வகையினர், இவர்கள் தங்களிடம்முள்ள கவலையால் சரியாக
எதையும் செய்யாது எப்பவுமே சோகமான முகத்துடனோ,கன்னத்தில் கைவைத்துக்கொண்டோ  இருப்பவர்களுக்காக இந்த சிறிய கதை .

இந்த கதை ஒரு நண்பர் அனுப்பிய மின்அஞ்சலின் தமிழாக்கம்.
இந்த சிறிய கதை,உங்களுக்கு மிக பெரிய நம்பிக்கையை  கொடுக்கலாம்.

ஒரு ஆசிரியர் தனது  வகுப்பறைக்கு ஒரு டம்ளர் தண்ணீருடன்
வருகிறார். அவர் அந்த வகுப்பு மாணவர்களிடம் அந்த டம்ளரை
காட்டி இது என்ன எடை இருக்கும் என்று கேட்கிறார்.

அதற்கு அந்த மாணவர்கள் 50 gms.....,100 gms.....,150 gms....,என்றும்
பல பதில்களை சொல்கிறார்கள்.

பிறகு அந்த ஆசிரியர் சொல்கிறார் எனக்கும் இதன் எடை தெரியாது
அதை நான் தூக்கும் வரை ஆனால் என் கேள்வி இதுவல்ல
நான் இதை சில நிமிடங்கள் இப்படியே கையில் வைத்துக்கொண்டு
இருந்தால் என்னவாகும் என்கிறார்.

அதற்கு அங்குள்ள மாணவர்கள் ஒன்றும் ஆகாது என்கிறார்கள்.

அப்படி என்றால் இதை ஒரு மணிநேரத்திற்கு மேல் கையில்
வைத்துக்கொண்டு இருந்தால்...என்று ஆசிரியர் கேட்கிறார்.

அதற்கு அம்மாணவர்கள் உங்கள் கைவலிக்ககூடும்  என்கின்றனர்.

சரி இப்பொழுது நான் இதை நாள்  முழுவதும் இப்படியே வைத்துக்கொண்டு
இருந்தால் என்னவாகும் என்று ஆசிரியர் கேட்க.

அதற்கு ஒரு மாணவர் உங்கள் தோள்பட்டை வலி எடுக்ககூடும்,
உங்களுடைய கை தசை இறுக்கம் ஏற்படலாம்,பிறகு கையை முடக்கி
(பெரல்ய்சிஸ்)கூடவிடலாம்.அதனால் உடனே உங்களை
மருத்துவமனையில் சேர்க்க நேரும் என்று கூறுகின்றான்.

அதற்கு மற்ற மாணவர்கள் சிரிக்கின்றார்கள்.

ஆனால் ஆசிரியர் அந்த மாணவனை பார்த்து மிக சரியாக கூறினாய்
என்கிறார்.மீண்டும் அந்த ஆசிரியர் கேட்கிறார் இத்தனையும் நான் செய்த
பின்பு இந்த டம்ளர் தண்ணீரின்  எடையில் ஏதும் மாற்றம் ஏற்படுமா?

அதற்கு யாரும் பதில் சொல்லாமல் இருக்கிறார்கள்.

அப்புறம் ஏன் இந்த கைவலியும்,தசை இறுக்கத்தையும் தாங்கிக்கொண்டு
இதை நான் பிடித்துக்கொண்டு இருக்கவேண்டும் என்று ஆசிரியர் கேட்கிறார்.

அதற்கு மாணவர்கள் ஏதும் புரியாதவர்களாக குழப்பமடைகிறார்கள்.

இந்த வலிகளில் இருந்து என்னை விடுவித்துக்கொள்ள நான் என்ன செய்யவேண்டும் என்று ஆசிரியர் கேட்கிறார்.

டம்ளரை நீங்கள் கீழே வைத்துவிடவேண்டும் என்று ஒரு மாணவன்
சொல்கிறான்.

மிகச்சரியாக சொன்னாய் என்று ஆசிரியர் கூறுகிறார்.

மேலும் அவர் கூறுகிறார் வாழ்க்கையில் உள்ள பிரச்சனைகளும் இதை
போல்தான்.அதை சில நிமிடங்கள் தலையில்வைத்துவிட்டு
கீழேவைத்துவிட்டால் அவை சரியாக இருக்கும்.அதையே அதிகமான
நேரங்கள் வைத்து யோசித்து கொண்டும்,கவலைப்பட்டுக்கொண்டும்
இருந்தால் அதுவே நமக்கு வலியாகமாறும்.இன்னும் தொடர்ச்சியாக
வாழ்க்கை முழுவதும்  அதனை பிடித்துகொண்டுருந்தால் அது அவனுக்கு
பெரும் பாதிப்பை உண்டுபண்ணிவிடும்.அவனை அது முடக்கிவிடும். அவனால் வேறெதுவும் செய்யமுடியாது.

அவை எவ்வளவு  முக்கியமான பிரச்சனையாக  இருந்தாலும் சரியே!!
அவை எவ்வளவு சவாலான பிரச்சனையானாலும் சரியே!!நாம்
செய்யவேண்டியது அந்த நாளின் இறுதியில் தூங்குவதற்கு முன்னால்
நம்முடைய டம்ளரை (கவலைகளை)கீழே வைத்துவிட வேண்டும்.
இப்படி நீங்கள் செய்தால்   ஒவ்வொரு நாளும் நீங்கள் படுக்கையில்
இருந்து எழும்போது புத்துணர்வுடனும்,ஆரோக்யத்துடனும் எழுவீர்கள்.
எவ்வளவு பெரிய சவாலையும் எளிதாக எதிர்கொள்வீர்கள்.

"அதனால் இன்று முதல் உங்கள் அலுவலத்தைவிட்டு வெளியேறும்
பொழுது உங்கள் டம்ளரை கீழேவைக்கமறந்து விடாதீர்."

தூக்கத்தை துரத்தும் துயரம்

2010-08-30T00:55:00.002+05:30

இன்று யாரைக்கேட்டாலும் மனசு சரி இல்லை,சரியா தூக்கம் வர
வில்லை என்று சொல்வது இயல்பாகிவிட்டது. சிலரை பார்த்தால்
எந்நேரமும் முகத்தை உம்ம்மென்று...கவலையாக வைத்துக்கொண்டு
விட்டத்தையே பார்த்துக்கொண்டு இருப்பார்கள். என்னவென்று கேட்டால்
குடும்ப கஷ்டம் தங்கச்சிக்கு கல்யாணம் பண்ணனும், அம்மாவிற்கு
ஆப்ரேஷன் பண்ணனும் என்று ஏதாவது சொல்வார்கள் (ஆனால்
அதற்கான வழியை தேடமாட்டார்கள்)

இன்னும் சிலர் எல்லா வசதிகளும் இருக்கும் ஆனால் அவர்களுக்கு

உடலில் எதாவது சிறிய நோய் வந்துவிட்டால் கூட உடனே மரணபயம்
வந்துவிடும் இரவெல்லாம் தூங்கமாட்டார்கள். டெண்சனாகவே
இருப்பார்கள்.

இப்படிதான் நான் வேலைபார்க்கும் இடத்தில் ஒரு  நண்பர் இருந்தார்
அவர் ஒரு நாள் "சும்மா இருந்தவன் சொரிந்து கெட்ட  கதையாக!" கம்பெனி கிளினிக்கிற்கு சென்று கொலஸ்ட்ரால் சோதனை செய்துக்
கொண்டார். அந்த சோதனையில் அவருக்கு  HDL என்னும் கொலஸ்ட்ரால்
கொஞ்சம் அதிகமாக இருப்பதாக தெரிந்தது. அதற்கு  டாக்டர் கொஞ்சம்
அசைவ உணவை கட்டுப்படுத்த சொன்னார். அன்றில் இருந்து
அசைவத்தை விட்டுவிட்டார் வெறும் சைவஉணவு மட்டுமே  சாப்பிட்டார். சிலநாள்களுக்கு பின் மீண்டும் கொலஸ்ட்ரால் சோதனை செய்தார். அதில்
நல்ல கொலஸ்ட்ராலும் குறைந்துவிட்டது என்று  சொல்லிவிட்டார்கள்.
அன்று முதல் அவருடைய இரவு தூக்கம் போய்விட்டது. ஏதேதோ எண்ண  தொடங்கிவிட்டார் ஒரு வகையான பயம் அவருக்கு
வந்துவிட்டது. இரேவெல்லாம் தூக்கம் வருவதில்லை என்று
சொல்லுவார்.

ஒரு நாள் திடீர்ரென்று இரவு நெஞ்சிவலிப்பதாக போன் பண்ணுகிறார்.
நண்பர்கள் அவரை ஹாஸ்பிடலுக்கு கூட்டிசென்று ECG சோதனை

செய்துபார்த்தால் எல்லாம் நார்மலாக இருக்கிறது என்று டாக்டர்

சொல்லி அனுப்பிவிட்டார். ஆனால் அவருக்கு அதில் திருப்தி இல்லை,

அடுத்தநாள் வேறொரு மருத்துவமனைக்கு செல்வோம் என்று
கூப்பிடுகிறார், அதுபோல் இன்னொரு மருத்துவமனைக்கும் சென்று

சோதனைசெய்து பார்த்தால் எல்லாம் நார்மலாகத்தான் இருக்கிறது
என்று சொல்லுகிறார்கள், அப்பொழுதும் அவர் நம்பிக்கை கொள்ள
வில்லை. மீண்டும் இரவு முழுவதும் தூக்கம் இல்லாமல் கஷ்டப்

படுவதாக கூறுவார். இது போலவே இரண்டு மூன்றுமுறை செய்தார்.
அடுத்து கொஞ்ச நாள்களுக்கு பின் இரவில் தூங்கும்போது திடீர்ரென்று
மூச்சி விட முடியாமல் திணறுவதாக சொல்ல ஆரம்பித்தார்.

ஒருநாள் அதிகமாக மூச்சி திணறுவதாக சொன்னதால் அவரை
ஹாஸ்பிடலில் சேர்த்தோம்.ECG எடுத்தார்கள், இரவு முழுவதும்
அப்ஜர்வேசன் செய்தார்கள். பிறகு ஒன்றும் இல்லை உங்களுக்கு வெறும்

மனபிரம்மை என்றுசொல்லி வீட்டிற்கு அனுப்பிவிட்டார்கள்.
இத்தனைக்கு பிறகும் அவரின் மனசு திருந்துவதாக இல்லை மீண்டும்
பழைய பல்லவியையே பாடினார்.

அடுத்து அவரை ஒரு மனநிலைமருத்துவரிடம் கூட்டி சென்றோம். அந்த

மருத்துவர் இது வெறும் பயம் தான் என்றார். அவர் அவருக்கு சில
பயிற்சியும், சில மாத்திரைகளையும் கொடுத்து இதை தொடந்து சாப்பிட
சொன்னார். ஒரு வழியாக பிரச்சனை முடிந்தது என்று பார்த்தால்.
திரும்பியும் ஆரம்பித்துவிட்டார். என்னவென்று கேட்டால் மனநிலை

மருத்துவர் கொடுத்த மாத்திரையை சாப்பிடுவதை நிறுத்திவிட்டேன்
என்று சொல்லுகிறார். ஏன் என்றால் அது பழக்கமாகிவிடும்என்று
சொல்லுகிறார். இதற்குமேல் இவர் இங்கு  இருந்தால் சரிபட்டுவராது
என்று கொஞ்சநாள் ஊருக்கு போய்வாருங்கள் என்று அனுப்பிவைத்து
விட்டோம்.

ஊரில் குடும்பத்துடன் இருந்துவிட்டு கொஞ்சம் பரவாயில்லை என்று.
திரும்பவும்  விடுமுறை முடிந்துவந்தார். பிறகும் அவர் செயலில் மாற்றம்
இல்லை.(அவர் நல்ல சம்பளம் வாங்கிக்கொண்டு இருந்தவர்
OIL and GAS செக்டாரில் சம்பளத்தில் குறை இருக்காது என்பது
அனைவருக்கும் தெரிந்ததே) அனைத்தையும் விட்டுவிட்டு அடுத்த
ஒரேவாரத்தில் வேலையை ரிசைன் செய்துவிட்டு சென்றுவிட்டார்.
இத்தனைக்கும் அவர்   பத்துவருட கல்ப் அனுபவம் உள்ளவர்.
இப்பொழுதும் ஊரில் இருக்கிறார்.

இதேபோல் இன்னொரு நண்பர் அவருக்கு இந்தளவு பாதிப்பு இல்லை
என்றாலும் அவரும் இதே மரண பயம் உள்ளவர் தான். இவருக்கு
சாதரணமாக பிரஷ்சர் சோதனை செய்யப்போனாலும் இவருடைய பயத்தால் நார்மலாக இருந்தவரின் பிரஷ்சர் அதிகமாகிவிடும். இப்படி
தான் ஒரு நாள் வருடம் ஒரு முறை செய்யப்படும் உடல் சோதனையில்
இவருக்கு பிரஷ்சர் அதிகமாக இருந்ததால் இவரை மருத்துவர் அட்மிட்
ஆக சொல்லிவிட்டார். பிறகு இவருடைய கதையை மருத்துவரிடம்
சொன்னபிறகு புரிந்து கொண்டு அவரை ரிலக்ஸ் ஆகுமாறு செய்து
பிறகு பிரஷ்சர் சோதனை செய்யப்பட்டதும் நார்மலாக இருந்தது.
இதுபோன்றவர்கள் எல்லாம் ஏன் தங்கள் மனசை கட்டு படுத்துவதில்லை
என்று தெரியவில்லை. இவர்களுக்கு நமக்கு தெரிந்த மனசை கட்டுபடுத்தும் முறைகளை சொன்னாலும் அவர்கள் அதை ஒழுங்காக பின்பற்றுவதில்லை.
யோகா,தியானம் போன்றவைகளையும் சரியாக தொடர்ந்து செய்வது
கிடையாது. இதுவே இவர்களுடைய இத்தனை பாதிப்பிற்கு காரணம்.

இதுபோன்றவர்களை இந்த பாதிப்பில் இருந்து விடுவிக்க எனக்கு தெரிந்த
சில யோசனைகளை அடுத்தடுத்த பதிப்புகளில் கூறலாம் என்று
எண்ணுகிறேன்.

குர்ஆனின் பாகத்தை எளிதில் தேட வாருங்கள் !!!

2010-08-22T23:40:00.001+05:30

"மேலும் குர்ஆனை தெளிவாகவும், நிறுத்தி நிறுத்தியும்  ஓதுவீராக!"
                                                                                                                 அல்குர்ஆன்-73:2

ரமலான் மாதம் குர்ஆன் இறங்கிய மாதம் எனவே இந்த மாதத்தில்
முஸ்லிம்கள் குர்ஆனை  அதிகம் அதிகம் ஓதுவது வழக்கம்.சிலர்
இம்மாதத்தில் ஒருமுறை குர்ஆனை ஓதிமுடிப்பார்கள்,சிலர்
இருமுறை,இன்னும் சிலர் பலமுறை என்று இம்மாதத்தில்
குர்ஆனை ஒதிவருவார்கள்.(நானெல்லாம் இதில் முதல்வகை
முட்டிமோதி ஒரு முறைதான் ) அவர்களுக்காக இந்த சிறிய பதிவு.
இதில் எப்படி குர்ஆனின் 30 பாகங்களின் பக்கத்தையும் எளிதில்
கண்டுபிடிப்பது என்பதை பற்றி பார்போம்.(இது மதினா அல்-முனவ்வரா
வெளியீடு Standard size குர்ஆனிற்கு மட்டுமே பொருந்தும்)

மதினா முனவ்வரா வெளியீடு குர்ஆன்

நன்றாக கவனியுங்கள்.

திருக்குர் ஆனில் மொத்தம் 30 பாகம்(ஜுஷ்ஷுக்கள்) உள்ளது.

முதல் உதாரணம்.

உங்களுக்கு 5வது  பாகத்தை குர்ஆனில் எடுக்க வேண்டும் என்றால்.
5வது பாகம் என்பதால் 5 இல் ஒன்றை கழிக்கவும் 5-1=4 கிடைக்கும்
அத்துடன் 2ஐ பெருக்கவும் 4x2=8 வரும்.அந்த 8ற்கு பின் 2ஐ
சேர்த்துக்கொள்ளுங்கள் 82.இப்பொழுது நீங்கள் குர்ஆனில் 82வது
பக்கத்தை எடுத்தால் அதில் உங்களுக்கு 5வது பாகம் கிடைக்கும்.

இரண்டாவது உதாரணம்

நமக்கு 10வது பாகத்திற்கு போகவேண்டும் என்றால்.10-1=9,பிறகு
அத்துடன் 2ஐ பெருக்க வேண்டும் 9x2=18,அடுத்து அத்துடன் 2ஐ
சேர்க்க வேண்டும் 182.இப்போது நீங்கள் குர்ஆனில் 182ஆம் பக்கத்திற்கு போனால் உங்களுக்கு 10வது பாகம் கிடைக்கும்.

இது போல் உங்களுக்கு தேவையான பாகத்தை இந்த கணக்கு படி
கண்டுபிடித்து சென்றால் நீங்கள் தேடும் பாகத்தின் பக்கத்தை எளிதில்
காணலாம்.

(குறிப்பு :-கிடைக்கும் ரிசல்ட்இல்  உள்ள பக்கத்தில் ஆரம்பத்திலோ அல்லது
முடிவிலோ நமக்கு தேவையான பாகத்தின் தொடக்கத்தை காணலாம்)

வளைகுடா நாடுகளும் ரமலானும்

2010-08-17T22:03:00.004+05:30

அரபு நாடுகளை பொறுத்தவரை ரமலான் என்பது ஒரு மகிழ்ச்சி தரும்
மாதமாக இருக்கிறது.அது அந்த நாட்டவர்களானாலும் சரி,
வெளிநாட்டவர்களுக்கும் சரி......ரமலான் பிறந்து விட்டால் மகிழ்ச்சிதான்.

அம்மாதத்தில் நகரங்கள் எல்லாம் அழகு படுத்த படுகிறது,கடைகளில்
எல்லாம் விலை சலுகை (Offers)அறிவிக்கப்படுகிறது.செல்பேசிகள் கட்டண
சலுகை கொடுக்கப்படுகிறது. வேலை நேரங்கள் எட்டு மணி நேரத்தில்
இருந்து ஆறு மணி நேரமாக குறைக்கப்படுகிறது.நோன்பு திறப்பதற்காக
பல நிறுவங்கள் உணவு பலகாரங்களை தங்களிடம் வேலை
செய்பவர்களுக்கு விநியோகிக்கின்றன

ஒரு ஷாப்பிங் காம்ப்ளெக்ஸ்

மேலும் இம்மாதத்தில் இங்கு இரவு பகலாகவும்,பகல் இரவாகவும்
காட்சியளிக்கிறது. அது எப்படி என்றால் காலை நேரங்களில்

கடைகள் பெரும்பாலும் திறப்பதில்லை நோன்பு திறந்ததிலிருந்து

துவங்கி இரவில் அதிகமான நேரம் வரை திறந்துவைக்கின்றனர்.

அந்நேரங்களில் எங்கு பார்த்தாலும் மக்கள் வெள்ளமாக

காட்சியளிக்கின்றனர்.

இப்தார் கூடாரம்
இதையெல்லாம் விட சிறப்பம்சம் என்னவேன்ன்றால் ரமலான்
வந்துவிட்டால் அந்நாட்டு அரசோ அல்லது சில தனியார்நிறுவங்களோ
ஒன்றிணைத்து நோன்பு திறப்பதற்காக கூடாரம் (Ifthaar tent)
அமைகின்றனர்.அதில் நோன்பு திறக்கும் நேரத்தில் பேரிச்சம்பழம்,மற்ற
பழவகைகள்.குளிர்பானங்கள்,தண்ணீர் பாட்டில்கள் போன்றவை
விநியோகிக்கப்படுகின்றது மேலும் அரபு உணவுகளும் (கப்ஷா,மஜ்பூஸ்)
பெரிய பெரிய தாம்பூலத்தில்வைத்து வியோகிக்கப்படுகிறது.

இப்தார்

கப்ஸா எனும் அரேபியா உணவு

ஒவ்வொரு தாம்பூலத்திலும் ஐந்து அல்லது ஆறு பேர்கள் இருந்து உணவு
அறுந்தவைக்கப்படுகின்றனர்.இவ்வாறு அது தனியார் நிறுவன கூடாரமாக
இருந்தால் ஒவ்வொரு அரபு குடும்பம்களும் அவர்களுடைய தகுதிக்கேற்ப
ஒருநாளோ இரண்டு நாள்களோ செலவிடுகின்றனர்.

ஈத் தொழுகை

ஈத் எனும் பெருநாள் வந்துவிட்டால் நகரங்கள் அனைத்தும் லைட்டுகளால்
அலங்கரிக்கபடுகின்றது,நகரமே கோலாகாலப்படுகிறது.மேலும்
ஈத்திற்காக 5 அல்லது 6 நாள்கள் விடுமுறை விடப்பட்டுகின்றது.

இந்த விடுமுறையில்தான் என்னைபோன்றவர்கள் நண்பர்களையோ,

உறவினர்களையோ காணபடையெடுப்பது உண்டு எனவே அந்நேரம்
டேக்சியும் பஸ்சும் கிடைக்காமல் மக்கள் அல்லோலப்படுவதுண்டு.
இவ்வாறு வளைகுடாவின் ரமலான் மாதத்தை பற்றி சொல்லிக்கொண்டே
போகலாம்..............

என் அனுபவத்துளிகள்........

நான் சவுதியில் இருந்தபோது ஒரு நாள் கம்பெனி வேலையாக
அல்கோபர் நகரத்திற்கு நானும் என்னுடன் சேர்ந்த சில நண்பர்களும்
காரில் சென்று கொண்டுருந்தோம்.நோன்பு திறக்கும் நேரம் மிக நெருங்கி விட்டது என்ன செய்வது என்று தெரியவில்லை வண்டியை நிறுத்தி
கடைகளுக்கும் செல்லவும் வழி இல்லை கடைகள் எல்லாம் மூடி
இருக்கின்றன,பின்பு வண்டி ஒரு சிக்னலில் நின்றது என்ன ஒரு
ஆச்சரியம் திடீர்ரென்று தோன்றிய ஒரு அரபி மற்றும் அவருடைய
மகன்களும் ரெடியாக கையில் வைத்திருந்த நோன்பு திறப்பதற்கான
தண்ணீர்,பேரிச்சம்பழம்,இன்னும் கேக்குவகைகள் எல்லாவற்றையும்
ஒவ்வொரு கவரிலும் வைத்து அந்த சிக்னலில் நிற்கும் அனைத்து
வண்டிகளுக்கும் கொடுத்துக்கொண்டு இருந்தனர்.நல்லவேளை அவை
எங்களுக்கும் கிடைத்தது.எனவே எந்த கஷ்டம் இன்றி நோன்பு திறக்க
முடிந்தது.இந்த நிகழ்ச்சி மூலம் அவர்களின்  ~~கொடைபண்பு~~ விருந்தோம்பல்
பண்பு விளங்கியது.
_____________________________________________________________
ரமலான் வந்துவிட்டால் அரபு சிறுவர்களின் சேட்டைகள் தாங்கமுடியாது.
இரவு தொழுகையுக்கு வந்து மஸ்ஜித் உள்ளேயே கோஷ்டி மோதல்கள்
நடத்துவார்கள் தொழுகையில் நிற்கும் மற்ற சிறுவர்களை சீண்டிவிட்டு
ஓடிவிடுவார்கள் இதுபோன்ற குறும்பு செயல்களை செய்து
கொண்டுருப்பார்கள்.இன்னும் சில சிறுவர்கள் சாலையில்தனியாக
நின்றுகொண்டுருக்கும் கார்களை ஓட்டிக்கொண்டு சென்றுவிடுவார்கள்.
அப்படிதான் யான்புவில் என் உறவினருடைய நண்பர் ஒருவர்
தன்னுடைய காரை  இரவு தனது வீட்டிற்குமுன் நிறுத்திவிட்டு
சென்றிரிக்கிறார் .மறுநாள் காலையில் வேலைக்கு செல்வதற்காக காரை எடுக்க வீட்டிலிருந்து வெளியில்வந்து பார்த்தல் காரை காணவில்லை
என்ன செய்வது என்று புரியாமல் எனது உறவினருக்கு போன்செய்து
அவருடன் அவருடைய காரில் ஒவ்வொரு சாலையாக
தேடிச்சென்றுகிறார்கள்.இறுதியாக அந்தக்கார் ஒரு பாலைவன
வனாந்தாரத்தில் அனாதையாக பெட்ரோல் இல்லாமல் கிடந்திருக்கிறது(அதாவது அச்சிறுவர்கள் பெட்ரோல் இருக்கும் வரை வண்டியை ஓட்டிவிட்டு பெட்ரோல் முடிந்ததும் அங்கேயே விட்டுவிட்டு
சென்றிருக்கிறார்கள்) பிறகு வண்டிக்கு பெட்ரோல் ஊற்றி
எடுத்துவந்துள்ளனர்.அன்றுமுதல் அந்த காரின் உரிமையாளர்
காரின் ஷ்டீரிங்கிற்கும் பூட்டுபோட ஆரம்பித்துவிட்டார்.
________________________________________________________
ஒரு ரமலானில் கத்தரில் உள்ள அல்கோர் எனும் இடத்தில்
நோன்புதிறப்பதற்காக நண்பர்களுடன் இப்தார் கூடாரத்திற்கு
சென்றிருந்தோம்.அன்று விநியோகிக்கப்படும் உணவு கொஞ்சம்
பற்றாக்குறை ஆனதாக ஒரு புரளியானது,அதை அறிந்த சில நோன்பு
திறக்க வந்திருந்த  வங்கதேசக்காரர்கள்(Bangali)தங்களுக்கு சாப்பாடு கிடைக்காமல்
போய்விடும் என்று எண்ணி அங்கு விநியோகிக்கப்பட்டுகொண்டிருந்த
சாப்பாடு தாம்புலத்தை தங்களுக்கு வைக்க வேண்டி அத்தாம்பூலத்தை
பிடித்து தொங்கிய காட்சி சரியான நகைசுவையானது.

குறிப்பு:-சம்பவம் படிப்பதற்காக சுவையேற்றப்பட்டுள்ளது.

சுதந்திர காற்று

2010-08-15T01:01:00.005+05:30

ஒரு 70,80 வருடங்கள் பின்னோக்கி சென்றுபாருங்கள் !!!

அந்தோ!!!!என்ன நடக்கிறது,தினம் தினம் வீதியில் கொடூரங்கள்........
வெள்ளையனே வெளியேறு என்ற கோஷங்களுக்கு இடையில் ஆங்கிலேய
காவலர்களால் தாக்கப்பட்ட தியாகிகளின் மரண ஓலங்கள்.சிறை எங்கும்
தியாகிகளின் கால்தடங்கள்.ஐயகோ!!வெள்ளையனுக்கு அடிமைகளாக நாம்.

உப்பு சத்யாகிரகம்

முதல் சுதந்திரக்கொடி ஏற்றப்படுகிறது

முதல் சுதந்திர விழா

மாவீரன் திப்புசுல்தானின் வீரதீர போராட்டத்தை பொறுக்கமுடியாத

ஆங்கிலேயர் அவனை துக்கிலிட்டுவிட்டு அவன் குடும்பம் முழுவதும் நாடு நாடுகடத்தபடுகிறார்கள் ,கட்டபொம்மனின் வெள்ளையன் எதிர்ப்பால்

தூக்கில் இடப்படுகிறான் ,கிலபாத் இயக்கத்தவர்களும்  தூக்கில் இடப்படுகிறார்கள் ,ஜாலியன்வாலாபாக் படுகொலை நடக்கிறது,கேரளா
மாப்பிள்ளைமார்களுக்கு   நாடுகடத்தல் மற்றும் தூக்கில் இடப்படுகிறார்கள்,
வேலூர் சிப்பாய் கலகத்தவர்களும்   தூக்கில் இடப்படுகிறார்கள்,உப்பு
சத்தியாகிரகம் நடத்தியவர்கள் மீது தாக்குதல்  நடத்தபடுகிறது,
வெள்ளையனுக்கு எதிராக கப்பல்கட்டிய வா.வு.சி.க்கு செக்கிழுக்கும்
தண்டனை கொடுக்கப்படுகிறது,இந்திய தேசிய ராணுவத்தை நடத்திய
நேதாஜி நாடுகடத்தபடுகிறார்,இப்படி நீண்டுக்கொண்டு இருக்கிறது இந்த பட்டியல்..............

இதுபோல் எத்தனையோ தியாகத்திற்கு பின்...........எத்தனையோ கொடுமைகளுக்கு பின்........எத்தனையோ அவலங்களுக்கு பின்.........
சுதந்திரம் என்ற காற்றை நம்மை நுகரசெய்து விட்டு சென்றார்கள்
நம் தியாகிகள்.

70,80ஆண்டுகளுக்கு  பின் இன்று நாம் மகிழ்ச்சியாக உலாவருகிறோம் .
இன்று நமக்கு வாழ்வதற்கு  சுதந்திரம்,பேசுவதற்கு சுதந்திரம்,எழுத
சுதந்திரம் என்று இத்தனை சுதந்திரங்கள்.இத்தனையும் கொண்டு
நம் சுதந்திர நாட்டை காக்கின்றோமா?

இலஞ்சங்கள்,அரசியல்வாதிகளின் கொள்ளைகள்,வரி எய்ப்புக்கள்,
கொலைகள்,கொள்ளைகள் என நாம் பெற்ற சுதந்திரத்தை பேணமறந்தும்,
நம் முன்னோர்களின் தியாகத்தை மறந்தும் வாழ்ந்து வருகிறோம்.இந்த
நிலை தொடருமானால் நம் வல்லரசு கனவு என்பது நம் பத்து
தலைமுறைக்கு பின்னாலும் கனவாகவேதான் தொடரும் என்பதில்
சிறிதும் மாற்றம் இல்லை.எனவே இந்த 64 வது சுதந்திர தினத்தை
முன்னிட்டு நாம் நமக்குள்ளே சபதம் எடுத்துக்கொள்வோம்.

"என் தாய்நாட்டின் நலத்திற்காக உழைப்பேன்,
என் நாட்டு மக்கள் அனைவரையும் உயர்வு தாழ்வு பார்க்காமல் சமமாக
நடத்துவேன்,
இலஞ்ச லாவண்யத்தின் பக்கம் செல்லமாட்டேன்,
கொலை,கொள்ளை போன்ற நாச வேலைகளை செய்யமாட்டேன்"

தியாகத்தின் மீது வளர்ந்த சுதந்திரத்தை பேணி காப்போம்.

உங்கள் அனைவருக்கும் இனிய 64 வது சுதந்திர தின நல்வாழ்த்துக்கள்

ருசிக்க தெரிந்தவர்

2010-08-11T21:56:00.000+05:30

இரண்டாவது பதிப்பின்  மூலம் உங்களை சந்திப்பதில் மகிழ்ச்சி.......

என்னுடைய குடும்பத்தில் குழந்தைகள் பட்டாளம்  கொஞ்சம் அதிகம்(ஹலோ........தப்பா நினைக்காதிக்க நான் என் அக்கா,அண்ணன்,தங்கச்சி,
மாமா,மச்சி எல்லோரின் குடும்பத்தையும் சேர்த்து சொல்றேன்)
அந்த குட்டி வாண்டுகளின் சேட்டைகளை பார்த்தால் ஐ...யோ!!!!!!!!!!சொல்லிமாலாது.அது நமக்கு கொஞ்சம் தொந்தரவை கொடுத்தாலும்
அவைகள் ரசிக்கும் படியாகவும்  இருக்கும். அப்படியான குறும்பு சேட்டைகளில் சிலவற்றை உங்களுடன் பகிர்ந்து கொள்ள
விரும்புகிறேன்.

   அதில் முதலாவது  ஒரு நான்கு வயது வாண்டுவின் லீலை,இவரை
கொஞ்சம் கவனகுறைவா விட்டுவிட்டா போதும் உடனே பஸ்
பின்னாடியே ஓடுறது, இல்லன்னா கல்லதூக்கி அடிக்கிறது இது போன்ற
கைவண்ணம் கட்டுவது இவரின் வாடிக்கை எனவே இவனின் தொந்தரவு
தாங்கமுடியாமல் இவனின் அம்மா வீட்டுக்குள் அடைத்து வைத்துவிட்டு சாயங்காலம் ஆனால் அக்கம் பக்கத்து  வீட்டாருடன் பேசி அரட்டை
அடிக்க சென்று விடுவது வழக்கம்.இதுபோல் வீட்டில் அடைக்கபட்ட ஒரு
நாள் சாயங்காலம் இவர்(அதான்  நம்ம  கதாநாயகன்) ஒரு நாற்காலியை
இழுத்து அலமாரி அடுத்து போட்டு அதன்மேல் ஏறி அலமாரியில் உள்ள
சாமான்களை உருட்ட ஆரம்பித்திருக்கிறார் அது கொஞ்சம் போரடிக்கவே.
அப்புறம் அங்கு இருந்த யூகலிப்டஸ் தைலத்தின் பாட்டிலை திறந்து பதம் பார்த்துவிட்டார் (அதான் குடித்து விட்டார்)அது அவனுக்கு வாயும்,
வயுரும் எறியவே சத்தமிட்டு அழ ஆரம்பித்துவிட்டான்.உடனே ஓடி
வந்த அவனுடைய தாயாரும் மற்றும் அக்கம் பக்கத்தில் உள்ளவர்களும்
அங்கு திறந்து கிடந்த பாட்டில்லை பார்த்து விட்டு பையன் பதம்
பார்த்ததை புரிந்து கொண்டு மருத்துவமனைக்கு கொண்டு ஓடினார்கள்.
பின்பு இறைவனின் உதவியால் ஆபத்தில் இருந்து டாக்டர் காப்பாற்றினார்.
அதன் பிறகு எல்லாம் சரி ஆனா பின் தன் தாயாரிடம் கேட்டான்
பாருங்க...... ஒரு சந்தேகம்.

"உம்மா நான் அலமாரி மேலே இருந்த எல்லாத்தையும்(அவன் குறிப்பிடும்
எல்லாத்தையும் என்பது ink,ஷாம்பூ,எண்ணை) குடிச்சி பார்த்தம்..மா!
ஆனா இதுமட்டும் ரெம்ப உரப்பா(காரம்மா)இருந்திச்சி ஏன்....ம்மா?"

அப்புறம் தான் தெருஞ்சிது  இவருக்கு தினசரி தொழிலே இதுதான் என்று.
அடுத்து என்னா அவரு வீட்டு காவலில் இருந்து விடுதலை பெற்றார்.

மீண்டும் வாண்டுகளின் ராஜ்ஜியம் தொடரும்.............................

குறிப்பு:-சம்பவம் படிப்பதற்காக சுவை ஏற்றப்பட்டுள்ளது

கடை திறப்புவிழா

2010-08-09T00:59:00.001+05:30

கடை திறப்பு விழாவிற்கு வந்திருக்கும்அனைவரையும் வருக வருக என
வரவேற்கிறேன்.இனிப்பு எடுத்துக்குங்க..........

         நண்பர்களே!பல  கடைகளுக்கு  கஸ்டமரா மட்டுமே  இருந்து வந்த
எனக்கு திடீர்னு ஏன் நம்ம சொந்தகடை திறக்ககூடாதுன்னு  ஒரு எண்ணம்
வந்துச்சி.,இருந்தாலும் நம்ம மண்டைல அவ்வளவு சரக்கு ஒன்னும்
இல்லியே எதைகாட்டி கஸ்டமரை வளச்சிபோட முடுயுமுண்டு ஒரே
குழப்ப்ப்பமா இருந்துச்சி.அப்புறம் ஒரு வகையா மனசை தேத்திட்டு
கடையை விரிப்போமுண்டு துணிஞ்சி முதலை(பயப்படாதீங்க இந்த
முதலை கடிக்காது)போட்டுட்டேன்.ஏக இறைவன்தான் இதைஅபிவிருத்தி
ஆக்கி வைக்க வேண்டுமுண்டு பிரார்த்திக்கிறேன்.

     அப்புறம் என்னோட சொந்தஊரு தூத்துக்குடி மாவட்டத்தில் இருக்குற
காயல்பட்டினம் என்கிற(குக்கிராமம்முண்டு........ சொல்லுவேன்னு
நினைக்காதிங்க அது) ஒரு நகராட்சி.எங்கஊர்காரனுக அதிகமான ஆள்கள்
பழைய இரும்புதொழிலை ஒரு காலத்துல பண்ணிக்கிட்டு இருந்ததாலதான்
பழைய இரும்பு கடைகளுக்கு காயலாங்கடை...... காயலாங்கடைன்னு
பெயர்வந்ததா சொல்லப்படுது(ஆதாரம் எல்லாம்கேக்கக்கூடாது) .
அதனாலதான் என்னுடைய வலைபதிவிற்கு  காயலாங்கடைன்னு
பெயர் வச்சிட்டேன்.

       அதுக்காக நீங்க, எல்லாமே பழைய சரக்குதான் இங்க  இருக்குன்னு
தப்பா எடை போட்டுறாதிங்க (ஏன்னா எடை போடுறது எங்க வேலை)
ஏதோ என்னோட தகுதிக்கு ஏண்ட அளவு சரக்கை போட்டு வியாபாரம் தொடங்க இருக்கிறேன்.அதுக்கு இங்க வந்திக்கிற  எல்லோரும் உங்கள்
ஆதரவை தரும்மாறு பணிவுடன் கேட்டுக்கொள்கிறேன்.
(ஆ....ஹா அரசியல்வாதி அளவுக்கு போயுருச்சே!) அப்படியே
பின்னுட்டள்ள ஒரு சொடுக்கு சொடுக்கி  கமாண்ட்ஸ் போட்டுட்டு
போகுமாறு கேட்டுக்கொள்கிறேன்.(இறைவன் நாடினால்) விரைவில்
நல்ல நல்ல சரக்கை இந்த கடையில் நீங்கள் எதிர்பார்க்கலாம்.....