ತೆರದ ಮನಸಿನ ಪುಟಗಳು

ಕಠಿಣ ಶ್ರಮ ಮತ್ತು ಪ್ರಾಮಾಣಿಕ ಯತ್ನವಿಲ್ಲದೆ ಕಾರ್ಯ...

2025-03-10T10:09:00.000+05:30

ಯಥಾ ಏಕೇನ ಹಸ್ತೇನ ತಾಲಿಕಾ ನ ಸಂಪ್ರಪದ್ಯತೆ|
ತಥೋದ್ಯಮ ಪರಿತ್ಯಕ್ತ ಕರ್ಮಂ ನೋತ್ಪಾದ್ಯತೆ ಫಲಂ||

ಒಂದು ಹಸ್ತವು ಚಪ್ಪಾಳೆಯನ್ನು ಉತ್ಪಾದಿಸದು. ಅಂತೆಯೇ, ಕಠಿಣ ಮತ್ತು ಪ್ರಾಮಾಣಿಕ ಯತ್ನವಿಲ್ಲದ ಕಾರ್ಯ

ಒಂದಿಷ್ಟು ಕೃತಜ್ಞತೆ ಸಲ್ಲಿಸಿ ನಿರಾಳಲಾಗಲು ಬಯಸುತ್ತೇನೆ!!!

2025-02-24T14:36:00.000+05:30

ಇಂದು ಅದ್ಯಾಕೋ ಮನಸು ತುಂಬಿ ಬಂದಿದೆ...ಅದರ ಕಾರಣಕರ್ತರಿಗೆ ಒಂದಿಷ್ಟು ಕೃತಜ್ಞತೆ ಸಲ್ಲಿಸಿ ನಿರಾಳಲಾಗಲು ಬಯಸುತ್ತೇನೆ.

ಮೊದಲನೆಯ ಕೃತಜ್ಞತೆ ನನ್ನೊಡೆಯ ಶ್ರೀರಾಮ ಮತ್ತವನ ಬಂಟ ಹನುಮನಿಗೆ!
ಬದುಕಿನ ಪಥಗಳು ಮರುಭೂಮಿಯಾಗಿದ್ದರೂ ಅಲ್ಲಲ್ಲಿ ಓಯಸಿಸ್‍ಗಳನ್ನು ಸೃಷ್ಟಿಸಿ, ದಾರಿ ತಪ್ಪದಂತೆ ಹಲವು ಬಾರಿ ಕೈಹಿಡಿದು ನಡೆಸಿ, ಮರಳು ದಿಬ್ಬಗಳಲ್ಲಿ ಕಾಲುಗಳು ಹೂತುಹೋದಾಗ ಎತ್ತಿಕೊಂಡೇ ನಡೆದವನಿಗೆ ಮತ್ತೊಮ್ಮೆ ಶತಶತ ಪ್ರಣಾಮಗಳು!

ಇಂದು ಅಪರಾಹ್ನ ಕ್ಯಾಂಪ್ ಮುಗಿದು ಮನೆಯ ಕಡೆ ಧಾವಿಸುತ್ತಿದ್ದವಳಿಗೆ ಅನಿರೀಕ್ಷಿತವಾಗಿ ಗಿರಿಯವರಿಂದ ಲಿಫ್ಟ್ ಸಿಕ್ಕಿತು. ಹೊಟ್ಟೆಯಲ್ಲಿ ಇಲಿಗಳ ಹಾರಾಟ, ತಲೆಯ ಮೇಲೆ ಸುಡುವ ಬಿಸಿಲು... ಇವೆಲ್ಲದರಿಂದಲೂ ಪಾರಾಗಿ ಬೇಗ ಮನೆ ಮುಟ್ಟಿದೆ. ಆತ್ಮೀಯ ಗಿರಿ ಕಾಮತ್ ಅವರಿಗೂ ಹಾಗೂ ಅವರಿಗೆ ಪ್ರೇರಣೆ ನೀಡಿದ ನನ್ನೊಡೆಯನಿಗೂ ವಂದನೆಗಳು!

ಅಮ್ಮನ ಮನೆಯಲ್ಲಿದ್ದ ಬೀಗದ ಕೈ ತೆಗೆದುಕೊಳ್ಳಲು ಹೊರಟವಳಿಗೆ ಮೃಷ್ಟಾನ್ನ ಭೋಜನ ಕಾದಿತ್ತು! ಅಮ್ಮ ತಟ್ಟೆ ಹಾಕಿ, ನನಗೋಸ್ಕರ ತಯಾರಿಸಿದ ಬಾಳೆಕಾಯಿ ಉಪ್ಕರಿ, ಸೋರೆಕಾಯಿ ಹುಳಿ, ಮೆಣಸಿನ ಬೋಂಡ, ಕ್ಯಾಬೆಜ್ ಅಂಬಡೆ....ವ್ಹಾ...ತುಂಬಾ ದಿನಗಳ ನಂತರ ಸುಗ್ರಾಸ ಭೋಜನ ಬಡಿಸಿದರು! ಕೆಲಸ ಮಾಡಿ ಇಳಿದು ಹೋಗಿರುವೆನೆಂದು ಅಮ್ಮನಿಗೆ ಆತಂಕ... ಗಂಜಿನೀರಿನಲ್ಲಿ ಉಪ್ಪು, ತುಪ್ಪ ಹಾಕಿ ಕುಡಿಯಲು ಆಗ್ರಹ. ಧನ್ಯೋಸ್ಮಿ!!!
ಅಮ್ಮನಿಗೆ ನನ್ನ ತಮ್ಮಂದಿರ ಮೇಲೆ ಹೆಚ್ಚು ಪ್ರೀತಿ ಎಂದು ನನಗಿತ್ತು ಒಂದಿಷ್ಟು ಮುನಿಸು. ತುಂಟ ತಮ್ಮ ಮತ್ತು ಕಲಿಯಲು ಒಂದಿಷ್ಟು ಹಿಂದೆಯಿದ್ದ ತಮ್ಮಂದಿರ ನಿಭಾಯಿಸುತ್ತ ಅಂತಹುದೇನಿಲ್ಲದ ನನ್ನ ಬಗ್ಗೆ ನಿರಾತಂಕವಾಗಿದ್ದಳು ನನ್ನಮ್ಮ. ನನಗಾದರೋ ಅಮ್ಮನ ಪ್ರೀತಿಯಲ್ಲಿ ಸಿಂಹಪಾಲು ಬೇಕಿತ್ತು..ಆ ಸಣ್ಣ ಪ್ರಾಯದಲ್ಲಿ ಅಮ್ಮನ ಕಷ್ಟಗಳು ನಮಗೆ ಅರ್ಥವಾಗುತ್ತಿರಲಿಲ್ಲ. ಆದರೆ ಈಗ ನನ್ನ ಪಾಲಿಗೆ ಅಮ್ಮನ ಪ್ರೀತಿಯ ಸಿಂಹಪಾಲೇ ದೊರಕುತ್ತಿದೆ! ೪೩ ವರ್ಷದ ಮಗಳಿಗೆ ಕೈತುತ್ತು ನೀಡಲೂ ತಯಾರಿದ್ದಾಳೆ ಅಮ್ಮ. ಇಂತಹ ಅಮ್ಮನನ್ನು ಪಡೆದ ನಾನು ಧನ್ಯಳು. ಅಮ್ಮ, ನೀನಿಲ್ಲದ ಬದುಕು ಊಹಿಸುವುದೂ ಕಷ್ಟ. ಅಮ್ಮನ ಬಳಿ ನಾನು ಅವಳ ಋಣ ತೀರಿಸುವ ಬಗ್ಗೆ ಮಾತಾಡಿದರೆ ಆಕೆಗೆ ಸಿಟ್ಟೇ ಬರುತ್ತದೆ. ಅವಳದು ಒಂದೇ ಮಾತು- “ತಾಯಿ, ಮಕ್ಕಳ ಮಧ್ಯೆ ಋಣದ ಮಾತು ಎಂದೂ ಬರುವುದಿಲ್ಲ”. ಸರಿಯಮ್ಮ, ಆದರೆ ನನ್ನ ಆಶಯ ಏನೆಂದು ಕೇಳಿ. ಮುಂದಿನ ಜನ್ಮದಲ್ಲಿ ನೀವು ನನ್ನ ಮಗಳಾಗಿ ಹುಟ್ಟಬೇಕು!

ಚಿಕ್ಕಂದಿನಿಂದಲೂ ಚಿತ್ರಕಲೆ ಮತ್ತು ಸಾಹಿತ್ಯದ ಸೆಳೆತವಿತ್ತು. ಬರೆಯುತ್ತಿದ್ದ ಬರಹಗಳು ಕಸದ ಬುಟ್ಟಿ ಸೇರುತ್ತಿದ್ದವು, ಇಲ್ಲವೇ ನನ್ನೊಡಲಲ್ಲಿಯೇ ಸಾವನ್ನಪ್ಪುತ್ತಿದ್ದವು. ೨೦೧೧ರ ಕೃಷ್ಣಾಷ್ಟಮಿಯಂದು ಹುಟ್ಟಿದ ಕವನವನ್ನು ಧೈರ್ಯದಿಂದ ಸಂಪದದಲ್ಲಿ ಹಾಕಿದೆ. ಕಾಗುಣಿತದ ತಪ್ಪುಗಳನ್ನು ಹಿತವಚನದಿಂದಲೇ ತಿದ್ದಿದ ಗುರು ಹಿರಿಯರೆಲ್ಲರಿಗೂ ಕೃತಜ್ಞತೆಗಳು!

ನನ್ನೆಲ್ಲಾ ಚಟುವಟಿಕೆಗಳನ್ನು, ಬರಹಗಳನ್ನು ಇಷ್ಟಪಡುವ ನನ್ನ ಬ್ಲಾಗ್ ಬಂಧುಗಳಿಗೂ, ಫೇಸ್ ಬುಕ್ ಮಿತ್ರರಿಗೂ ಕೋಟಿ ಕೋಟಿ ನಮನ!

ನನ್ನಲ್ಲಿ ವಿಶ್ವಾಸವಿಟ್ಟು, ನನ್ನನ್ನು ತಮ್ಮ ಕ್ಯಾಂಪಿನಲ್ಲಿ, ತಮ್ಮ ಚಟುವಟಿಕೆಗಳಲ್ಲಿ ಪಾಲುದಾರಳನ್ನಾಗಿ ಮಾಡಿದ ಆರ್. ಎಕ್ಸ್ ಯಜಮಾನಿಯರಾದ ವಂದನಾ ನಾಯಕ್, ಗಾಯತ್ರಿ ಭಟ್ ಮತ್ತು ಲಿಟ್ಲ್ ಅಬಿಯ ಒಡತಿ ರೇಶ್ಮಾ ಬಾಳಿಗಾ ಅವರೆಲ್ಲರಿಗೂ ನನ್ನ ಹೃದಯಪೂರ್ವಕ ಕೃತಜ್ಞತೆಗಳು!

ಯೋಗಾಯೋಗ!

2025-02-24T14:31:00.001+05:30

ಪಶ್ಚಿಮ ಘಟ್ಟಗಳ ನೋಟ!

2021-10-07T22:22:00.008+05:30

ಹೀಗೆ ಒಲವಿನೊಂದಿಗೆ ಅಂತರಂಗ ನಿವೇದನೆ!

2021-10-07T22:05:00.000+05:30

ಒಲವೇ,

ಬೆಂಕಿಯ ಹೊಳೆಯುವ ಬಣ್ಣಕ್ಕೆ

ಮರುಳಾಗದೆ ಇರಲಾಗುವುದೇ

ಎಲ್ಲರಂತೆ ನಾನೂ

ಹಾಗೆಂದು ನಾ ಪಾತರಗಿತ್ತಿಯಲ್ಲವಲ್ಲ

ಒಮ್ಮೆ ಕೈ ಸುಟ್ಟುಕೊಂಡೆಯಷ್ಟೆ!

painting

2021-07-18T19:54:00.001+05:30

painting

2021-07-18T19:53:00.001+05:30

ಪುಷ್ಪವಲ್ಲಿ

2020-07-10T22:05:00.001+05:30

ಮಂಕುತಿಮ್ಮನ ಗೆರೆಗಳು-2

2019-12-29T10:25:00.001+05:30

ತನ್ನ ಶಕ್ತಿಯನಳೆದು, ತನ್ನ ಗುಣಗಳ ಬಗೆದು।

ಸನ್ನಿವೇಶದ ಸೂಕ್ಷ್ಮವರಿತು ಧೃತಿದಳೆದು।।

ತನ್ನ ಕರ್ತವ್ಯ ಪರಧಿಯ ಮೀರದುಜ್ಜುಗಿಸೆ।

ಪುಣ್ಯಶಾಲಿಯ ಪಾಡು॥-ಮಂಕುತಿಮ್ಮ

ಮಂಕುತಿಮ್ಮನಿಗೊಂದಿಷ್ಟು ಗೆರೆಗಳು...

2019-12-29T10:11:00.003+05:30

ತತ್ವಸಾಕ್ಷಾತ್ಕಾರ ಚಿತ್ತಶುದ್ದಿಯಿನಹುದು।

ಚಿತ್ತಶೋಧನೆ ಮತಿಚಮತ್ಕಾರವಲ್ಲ।|

ಬಿತ್ತರದ ಲೋಕಪರಿಪಾಕದಿಂ ಸತ್ಕರ್ಮ|

ಸಕ್ತಿಯಿಂ ಶುದ್ಧತೆಯೂ-ಮಂಕುತಿಮ್ಮ।।

ಇದೇ ಆಗಸದಡಿ

2019-05-14T20:58:00.001+05:30

ಒಲವೇ,

ನನ್ನ ಮುಗುಳ್ನಗೆ ಕಾಣುವುದೇ ನಿನಗೆ

ನಾವಿಬ್ಬರೂ ಈಗಲೂ ಇದೇ ಆಗಸದಡಿಯಲ್ಲೇ ಇದ್ದೇವಲ್ಲವೇ

ಮತ್ತೆ ಮರಳಿದೆ ಒಲವು

2019-05-14T20:52:00.005+05:30

ಒಲವೇ,

ಒಂದಲ್ಲಒಂದುದಿನ

ಮರಳಲೇಬೇಕಲ್ಲವೇ

ಅಲ್ಲೇ ನನ್ನನಿನ್ನ

ಭೇಟಿ, ಆಗದೇ

ಪಥ..

2018-06-01T22:35:00.000+05:30

ಒಲವೇ,

ನಿನ್ನದೀ ಪಥವು, ಕೇವಲ ನಿನ್ನದು

ಅವರಿವರು ಜತೆ ಕೊಡಬಹುದೇನೋ ಒಂದಿಷ್ಟು ದೂರ

ಕೈ ಹಿಡಿದು ಮತ್ತೊಂದಿಷ್ಟು ದೂರ..

ಕೊನೆಗೂ ನಿನ್ನ ಪಥ ನೀನೇ ಕ್ರಮಿಸಬೇಕು ನೋಡು!

-ರೂಮಿ (ಭಾವಾನುವಾದ)

ಜಿಂದಗಿ ಪ್ಯಾರಕಾ ಗೀತ ಹೈ!

2018-06-01T22:10:00.000+05:30

ಜಿಂದಗಿ ಪ್ಯಾರಕಾ ಗೀತ ಹೈ!

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಲುಬೇಕು|

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಲುಬೇಕು|

ಈ ಬದುಕು ನೋವಿನ ಆಗರವು

ನಗುನಗುತಲೇ ಪಾಗರ ದಾಟಬೇಕು||

ಈ ಬದುಕೊಂದು ಅನುಭೂತಿ

ಭಗ್ನ ಮನಕೊಂದು ಆಶಾದೀಪ್ತಿ|

ಈ ಬದುಕೊಂದು ಅನುಭೂತಿ

ಭಗ್ನ ಮನಕೊಂದು ಆಶಾದೀಪ್ತಿ|

ಈ ಬದುಕೊಂದು ಪರವೂರು

ಕಾಲನಾಣತಿಯಂತೆ ಮರಳಲೇಬೇಕು||

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಬೇಕು||

ಈ ಬದುಕಿಗೊಂದಿಷ್ಟೂ ನಿಷ್ಠೆಯಿಲ್ಲ ಆದರೂ ಏನಂತೆ

ನಮ್ಮವರೆಲ್ಲ ಆಗ್ರಹವನೆದುರಿಸುವೆನು ಛಲದಿಂದಲೇ|

ಈ ಬದುಕಿಗೊಂದಿಷ್ಟೂ ನಿಷ್ಠೆಯಿಲ್ಲ ಆದರೂ ಏನಂತೆ

ನಮ್ಮವರೆಲ್ಲ ಆಗ್ರಹವನೆದುರಿಸುವೆನು ಛಲದಿಂದಲೇ|

ನಮ್ಮಿಬ್ಬರ ಕೈಗಳು ಬೆಸೆಯದಿದ್ದರೇನಂತೆ

ಮನದ ಬೆಸುಗೆಗೆ ತಡೆಯಿಲ್ಲವಂತೆ||

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಲುಬೇಕು||

ಈ ಬದುಕೊಂದು ಮಂದಸ್ಮಿತೆಯಂತೆ

ನೋವಿನ ಅಸ್ಮಿತೆಯೂ ಹೌದಂತೆ|

ಈ ಬದುಕೊಂದು ಮಂದಸ್ಮಿತೆಯಂತೆ

ನೋವಿನ ಅಸ್ಮಿತೆಯೂ ಹೌದಂತೆ|

ಈ ಬದುಕೊಂದು ಅತಿಥಿಯಂತೆ

ಒಡೆಯನಿಗೆ ಮರಳಿ ಒಪ್ಪಿಸಲೇಬೇಕಂತೆ||

ಈ ಬದುಕೊಂದು ಒಲವಿನ ಗೀತೆ

ತಾಳ ಮೇಳದಲಿ ಹಾಡಲುಬೇಕು||

ಈ ಬದುಕು ನೋವಿನ ಆಗರವು

ನಗುನಗುತಲೇ ಪಾಗರ ದಾಟಬೇಕು||

ನೀ ಎದುರಾಗುವ, ಹಾಗೆಯೇ ಮರೆಯಾಗುವ ಘಳಿಗೆ!

2018-05-31T20:36:00.000+05:30

ಒಲವೇ,

ಹೀಗೊಂದು ಥಟ್ಟನೆ ನೀನೆದುರಾಗುವ

ಹಾಗೆಯೇ ಮರೆಯಾಗುವ ಘಳಿಗೆ

ಕೈ ಮುಷ್ಟಿಯೊಳಗಿನ ಮರಳಿನಂತೆ

ಕಣ್ತೆರೆದಂತೆ ಮಾಯವಾಗುವ ಕನಸಿನಂತೆ

ಸೆರೆ ಹಿಡಿಯಲು ಅಸಾಧ್ಯವನೋ…

ಬೆನ್ನಾಯಿಸಿ ನಿಟ್ಟುಸಿರು ಹೊರದೂಡುತ್ತ

ರೆಪ್ಪೆ ಮುಚ್ಚಿದರೆ ಮುಗುಳ್ನಗುವ

ನಿನ್ನ ವದನ ನನ್ನೆದುರಲ್ಲಿ…

ಅರಿವು

2017-12-03T21:09:00.002+05:30

ಚಂದದ ಪದಗಳು...

2017-10-01T22:07:00.002+05:30

The wonderful words
------------------------------

Never let a thought shrivel and die
For want of a way to say it
For English is a wonderful game
And all of you can play it.

All that you do is match the words
To the brightest thoughts in your head
So that they come out clear and true
And handsomely groomed and fed-
For many of the loveliest things
Have never yet been said.

Words are the food and dress of thought
They give its body and swing
And everyone’s longing today to hear
Some fresh and beautiful thing:
But only words can free a thought
From its prison behind your eyes
May be your mind is holding now
A marvellous new surprise!

-Mary O'Neill

ತಡೆಯಲಾಗಲಿಲ್ಲ ಈ ಕವನ ಕಣ್ಣಿಗೆ ಬಿದ್ದಾಗ, ಬರೆಸಿಯೇ ಬಿಟ್ಟಿತು ಭಾವಾನುವಾದ.

ಚಂದದ ಪದಗಳಾಗಿ ಹೊಮ್ಮಲಿ ಭಾವಗಳು!
------------------------------------

ಒಣಗಿ, ಮುದುಡಿ, ಗತವಾಗದಿರಲಿ ಭಾವಗಳು
ಹೇಗೆ ವ್ಯಕ್ತಪಡಿಸಲೆಂದು ಕಾಡದಿರಲಿ
ಅದ್ಭುತ ಪದಗಳಿವೆ ನಮ್ಮ ಭಾಷೆಯಲಿ
ಮತ್ತು ನೀನೊಮ್ಮೆ ಆಡಿ ನೋಡಂತೆ

ಹೊಂದಿಸಿ ನೋಡಂತೆ ಪದಗಳನು ಮತ್ತು
ನಿನ್ನೊಳಗಿನ ಅನುಭೂತಿಯನು ಒಂದಕ್ಕೊಂದು
ದಿಟ ಮತ್ತು ಸ್ಫುಟ ಭಾವ ಪದಗಳಲಿ ಪ್ರತಿಫಲನ
ಹೇಳದೆ ಉಳಿದು ಮನದೊಳಗೆ ಕಾಡುವ ಮಾತುಗಳು
ಸಿಂಗಾರಗೊಂಡು ಹೊರಡುವವು ಭಾವತುಂಬಿ

ಪದಗಳು ಭಾವಗಳ ಗ್ರಾಸ, ಉಡುಗೆಯೂ
ಒಡಲಲಿ ತುಂಬಿ ಭಾವ ಓಲಾಟ ತೋರುವವು
ತವಕವಿದೆ ಎಲ್ಲರಿಗೂ ಎಲ್ಲರಿಂದಲೂ ಕೇಳಲಿ
ಚಂದ ಚೈತನ್ಯಭರಿತ ಮಾತುಗಳು

ಪದಗಳೇ ಬಿಡುಗಡೆ ನೀಡುವುದು
ಕಣ್ಣೊಳಗೆ ಕಟ್ಟಿಹಾಕಿದ ಭಾವಗಳಿಗೆ
ಭಾವವೊಂದು ಹುಟ್ಟಿರಬೇಕು ಮನದೊಳಗೆ
ಕೌತಕ, ಹೊಸ ಅಚ್ಚರಿಯನೀಯುವ!

ಒಲವೇ, ನಿನ್ನನರಿಯುವ ಯತ್ನದಲಿ...

2017-09-28T09:24:00.000+05:30

ಒಲವೇ,

ನಿನ್ನರಿಯುವ ಯತ್ನದಲಿ ನಾ ನನ್ನರಿತೆ..
ನನ್ನೊಳಗಡಗಿರುವ ನಿನ್ನ ಬೆಂಬೆತ್ತಿದವಳ
ಒಳಮುಖ ನಡೆಯಲಿ ದಿವ್ಯಾನುಭವದ ಪ್ರಾಪ್ತಿ
ನೀನೇ ಪುಟವಿಟ್ಟ ಕನ್ನಡಿಯಲ್ಲಿ ಬಿಂಬ
ಈಗ ಎಲ್ಲವೂ ಸ್ಫುಟ ಮತ್ತು ಪರಿಶುದ್ಧ!

-ಪ್ರೇರಣೆ ರೂಮಿ

ಕಬೀರ-ದೋಹಾ! ಅನುವಾದ

2017-07-16T20:35:00.001+05:30

ರಭಸದಿ ತಿರುಗುತಿದೆ ಬೀಸುಗಲ್ಲು, ಕಬೀರನ ಕಣ್ಣಲ್ಲಿ ನೀರು

ಅಯ್ಯೋ, ದ್ವಂದ್ವ ಚಕ್ರಗಳೆಯಡೆಯಲಿ ಬದುಕು ನುಚ್ಚುನೂರು!

ದಪ್ಪ ದಪ್ಪ ಗ್ರಂಥಗಳನು ಅರೆದು ಮಿದುಳಿಗೆ ತಿಕ್ಕಿದರೂ ಆಗಲಿಲ್ಲ ಪಂಡಿತ

ಅರಿತರೆ ಸಾಕಿತ್ತು, ಒಲವೆಂಬ ಮೂರು ಅಕ್ಷರಗಳ ಮಹಿಮೆ ಕಿಂಚಿತ್!

ಒಲವಿನ ಮತ್ತೊಂದು ನಡೆ...ಆಕಾಶವಾಣಿ ಮಂಗಳೂರು

2017-06-18T18:48:00.000+05:30

ಮತ್ತೆ ಮತ್ತೆ ಮಾರ್ದನಿಸುವೆ!

2017-05-24T22:09:00.003+05:30

ಒಲವೇ,

ನನಗಿದರ ಅರಿವಿದೆ ಕಣೋ,

ನೀನೊಂದು ಮಹಾ ಪರ್ವತ

ಮತ್ತು ನಿನ್ನ ಕರೆದಾಗಲೆಲ್ಲ

ಮತ್ತೆ ಮತ್ತೆ ಮಾರ್ದನಿಸುವೆ!

ಒಲವು ಮತ್ತು ತಿರುವಿನ ಹಾದಿ!

2017-05-24T22:07:00.001+05:30

ಒಲವೇ,

ತಿರುವಿನ ಹಾದಿಯಲಿ ನಾವು ಎದುರುಬದುರಾದೆವು

ನಮ್ಮ ಹೆಜ್ಜೆಗಳು ಸದ್ದಿಲ್ಲದೆ ಜತೆಗೂಡಿದವು.

ಅದೊಂದು ದಿನ ಹಾದಿ ಕವಲೊಡೆಯಿತು,

ಮತ್ತು ಛಾಯೆಗಳು ಅಲ್ಲೇ ಉಳಿದವು!

ಮೊದಲ ಮಣ್ಣಿನ ಘಮಲು- ನಿನ್ನಿರುವಿನ ಸುಳಿವು!

2017-05-22T21:31:00.002+05:30

ಒಲವೇ,

ಅಂದೊಮ್ಮೆ ಹುಡುಕುತ್ತ ನಿನ್ನ

ಅಲೆಯುತ್ತಿದೆ

ಹಾದಿ ಬೀದಿ, ತಿರುವು ಕವಲು

ಅರಸುತ್ತಿದ್ದೆ

ಬೆಟ್ಟ-ಗುಡ್ಡ, ಗುಡಿ-ಗೋಪುರ

ಲೆಕ್ಕ ಮರೆತು ಹೋಗಿದೆ!

ತಿರುವಿ ಹಾಕಿದ ಹೊತ್ತಗೆಗಳ ಪುಟಗಳು,

ಆಲಿಸಿದ ಮಸ್ತಕಗಳ ಮಾತುಗಳು;

ಸೋತು ಕೈ ಚೆಲ್ಲಿ ಕುಳಿತ

ನನ್ನ ನಾಸಿಕದೊಳಗೆ ನುಸುಳಿದ

ಆಗ ತಾನೆ ಸುರಿದ ಮಳೆಗೆ

ಆರ್ದ್ರವಾದ ಮಣ್ಣಿನ ಘಮಲು

ಅದೇ ನಿನ್ನಿರುವಿನ ಸುಳಿವು!

ಇರಲಿ ಹೀಗೆ ಅನುರಾಗದ ಹೊನಲು!

2017-05-22T21:29:00.001+05:30

ಒಲವೇ,

ತಿಳಿದಿರುವವರು ಹೇಳುತ್ತಿರುವರು

ಮುಗಿಯದ ಹಾದಿಯಂತೆ ಈ ಬದುಕು

ಆದರೇನಂತೆ

ಕೊನೆಯ ತನಕ ಇರಲು

ನಿನ್ನೀ ಅನುರಾಗದ ಹೊನಲು!

ಬಾಲ್ಕನಿ!

2017-05-21T22:51:00.000+05:30