கூத்தாநல்லூர் முஸ்லிம்கள்

அமெரிக்காவுக்கு ஈரான் பதிலடி - இஸ்ரேலில் போர் பதட்டம்

2012-02-19T23:05:00.000+05:30

மத்திய தரைக்கடலில் அமெரிக்காவுக்கு பதிலடி கொடுக்க 2 போர்க்கப்பல்களை ஈரான் நிறுத்தியுள்ளது. இதனால் இஸ்ரேலில் போர் பதட்டம் ஏற்பட்டுள்ளது.

ஈரான் அணு உற்பத்தியை பெறுக்குவதற்கு அமெரிக்கா, இஸ்ரேல் மற்றும் ஐரோப்பிய நாடுகள் எதிர்ப்பு தெரிவித்து வருகின்றன. அணு ஆயுதம் தயாரிக்க அவற்றை பயன்படுத்து வதாக குற்றம் சாட்டுகின்றனர். அதை ஈரான் மறுத்துள்ளது. மின் உற்பத்தியை செய்யவே அணு உலைகள் பயன்படுத்த படுவதாக கூறி வருகிறது.

இருந்தாலும் ஈரான் மீது உள்ள அச்சத்தில் அமெரிக்கா தனது 2-வது போர்க்கப்பலை அனுப்பி வைத்துள்ளது. இதற்கு பதிலடி கொடுக்கும் வகையில் ஈரான் தனது 2 போர்க்கப்பல்களை மத்திய தரைக்கடலில் நிலை நிறுத்தியுள்ளது. அவை சூயஸ் கால்வாயை கடந்து சென்றன.

இந்த தகவலை ஈரான் கப்பற்படை கமாண்டர் அட்மிரல் ஹபிபுல்லா சயாரி தெரிவித்துள்ளார். அனால் எதனை போர்க்கப்பல்களை மத்திய தரைக்கடலில் நிலை நிறுத்த பட்டுள்ளன என தெரிவிக்கவில்லை.

இஸ்லாமிய குடியரசு நாடுகளின் பாதுகாப்பு காகத்தான் ஈரானின் போர்க்கப்பல்கள் மத்திய தரைக்கடலில் நிறுத்த பட்டுள்ளன. அவை சமாதானம் மற்றும் நட்பு ஆகியவற்றை வலியுறுத்தவே அங்கு செல்கின்றன. போர் நடத்துவதற்காக அல்ல என்றும் அவர் தெரிவித்துள்ளார்.

இதே நேரத்தில் இஸ்ரேலில் போர் பதட்டம் நிலவுகிறது. ஈரான் தனது அணு ஆயுதம் மூலம் தங்கள் நாட்டை தாக்க திட்டம் வைத்துள்ளதாக இஸ்ரேல் ராணுவ மந்திரி இகுட் பராக் தெரிவித்துள்ளார்.

இந்நிலையில் ஈரான் மீது தாக்குதல் நடத்தினால் பயங்கரமான விளைவுகள் ஏற்படும் என, ஐந்து நாள் பயணமாக ஜப்பான் வந்துள்ள இஸ்ரேல் ராணுவ அமைச்சர் இகுட் பராக்கிடம் ஜப்பான் பிரதமர் நோடா எச்சரிக்கை விடுத்துள்ளார்.

அணு ஆயுதம் தாங்கிய கப்பலை ஈரான் எல்லையில் நிறுத்தியது அமெரிக்கா !

2012-02-19T22:56:00.000+05:30

ஈரானில் அணுஆயுதங்கள் தயாரிக்கப்படுவதாக அமெரிக்கா மற்றும் ஐரோப்பிய நாடுகள் குற்றம்சாட்டி வருகின்றன. இதை ஈரான் மறுத்துள்ளது. மின் உற்பத்திக்காக அணு உலைகள் பயன்படுத்தப்பட்டு வருவதாக தெரிவித்துள்ளது. அதை நம்ப மறுக்கும் அமெரிக்கா மற்றும் ஐரோப்பிய நாடுகள் ஈரான் மீது பொருளாதார தடைவிதித்துள்ளன. இதற்கு எதிர்ப்பு தெரிவிக்கும் வகையில் அரபு நாடுகளில் இருந்து புறப்படும் எண்ணை கப்பல்கள் ஸ்ரெய்ட் ஆப் ஹோர்மீஸ் துறைமுகம் வழியாக செல்ல ஈரான் மறைமுக தடைவிதித்தது. இங்கு அடிக்கடி கடலில் போர் ஒத்திகை நடத்தி வருகிறது. இது அமெரிக்காவுக்கு கடும் ஆத்திரத்தை ஏற்படுத்தி உள்ளது.

எனவே, விமானம் தாங்கி போர்க்கப்பலை அரபு வளைகுடா பகுதிக்கு அனுப்பியது. பெரும்பாலான ஐரோப்பிய நாடுகளுக்கு ஈரானில் இருந்து தான் கச்சா எண்ணை ஏற்றுமதி செய்யப்படுகிறது.

இதற்கிடையே, போர்ச்சுக்கல், இத்தாலி, கிரீஸ் மற்றும் ஸ்பெயின் ஆகிய 6 நாடுகளுக்கு வழங்கப்படும் கச்சா எண்ணை சப்ளையை நிறுத்த போவதாக ஈரான் மிரட்டல் விடுத்துள்ளது. இது விரைவில் அமல்படுத்தப்பட உள்ளது. அனைத்துக்கும் மேலாக அதிநவீன அணு தொழில் நுட்பத்தை ஈரான் அறிவித்துள்ளது. இது அமெரிக்கா மற்றும் ஐரோப்பிய நாடுகளை அதிர்ச்சியில் ஆழ்த் தியுள்ளது. இந்த தொழில் நுட்பத்தின் மூலம் தனது நட்பு நாடான இஸ்ரேல் மீது ஈரான் தாக்குதல் நடத்த திட்டமிட்டுள்ளதாக அமெரிக்கா கருதுகிறது. எனவே, இஸ்ரேலின் பாதுகாப்புக்காக தனது ஆபிரகாம் லிங்கன் என்ற விமானம் தாங்கி போர்க் கப்பலை ஸ்ரெய்ட் ஆப் ஹோர்ம்ஸ் துறைமுகம் பகுதிக்கு அனுப்பி உள்ளது.

இந்த போர்க்கப்பலில் அணு ஆயுதங்கள் உள்ளன. இது ஸ்ரெய்ட்ஸ் ஆப் ஹோர்ம்ஸ் துறைமுகத்தில் இருந்து 21 கடல் மைல் தொலைவில் நிலை நிறுத்தப்பட்டுள்ளது. அதன் அருகே 2 கடல் மைல் தூரத்தில்தான் ஈரான் கப்பற்படை படகுகள் ரோந்து சுற்றி வருகின்றன. இதனால், அங்கு போர் பதற்றம் நிலவுகிறது. அமெரிக் காவும், ஈரானுக்கும் போருக்கு தயாராக உள்ளதால் அப் பகுதியில் பரபரப்பு ஏற்பட்டுள்ளது.

IFF நடத்திய ஆரோக்கியமான வாழ்க்கையே! மகிழ்ச்சியான வாழ்க்கை! நிகழ்ச்சி

2012-02-19T22:16:00.001+05:30

இந்தியா ஃபிரெடர்னிட்டி ஃபோரம் (IFF) ஜித்தா கிளை நடத்திய ஆரோக்கியமான வாழ்க்கையே!மகிழ்ச்சியான வாழ்கை! நிகழ்ச்சி ஷெனையா ARIFCO கேம்பில் நேற்றைய தினம் நடைபெற்றது.

ஆரோக்கியம் தொடர்பான தகவல்களை மருத்துவ ரீதியாக சகோதரர் அல்-அமான் பவர்பாயிண்ட் காட்சிகளின் (presentation) மூலம் தொகுத்தளித்தார்.

இதையடுத்து குர்-ஆன் மற்றும் ஹதீஸின் பார்வையில் சகோதரர் ஷேக் அப்துல்லா அவர்கள் “இஸ்லாத்தின் பார்வையில் ஆரோக்கியம்” என்ற தலைப்பில் உரையாற்றினார்.

இந்நிகழ்ச்சியின் முத்தாய்ப்பாக யோகா மாஸ்டர் சிராஜ், மக்கள் அன்றாட வாழ்க்கையில் பேண வேண்டிய உடற்பயிற்சிகளை (ஆசனங்களை) சகோதரர் நௌஷாத் உதவியுடன் செய்து காட்டினார்.

முன்னதாக நிகழ்ச்சியினை திருமறைக் குர்-ஆன் வசனங்களை ஓதி சகோதரர் ஷேக் அப்துல்லா துவக்கி வைத்தார். சகோதரர் முஹம்மது அப்பாஸ் அவர்கள் வரவேற்புரையாற்றினார். ஐ.எப்.எப்.இந்தியா ஃபிரெடர்னிட்டி ஃபோரம்(IFF) ஆற்றி வரும் பல்வேறு மக்கள் நலத்திட்ட பணிகளை அதன் செயலாளர் சகோதரர் முஹம்மது அப்பாஸ் விவரித்தார். சகோதரர் சுல்தான் நன்றி உரை நிகழ்த்தினார்.

இந்நிகழ்ச்சியில் ஏராளமான மக்கள் கலந்துகொண்டு பயனடைந்தனர்.

INTJ முயற்சியால் சங் பரிவார் சூழ்ச்சி தடுக்கப்பட்டது!

2012-02-19T21:55:00.001+05:30

சமுதாயப் பெண்களை காதல் என்கிற பெயரில் வளைத்து அவர்களை மதம் மாற்றும் செயலுக்கு ஊக்கமும் உதவித் தொகையும் வழங்கும் இந்துத்துவ அமைப்புகளின் சூழ்ச்சிக்கு தொடர்ந்து நம் பெண்கள் பலியாகி வருகின்றனர். நம்மால் இயன்ற அளவு பிரசாரத்தின் மூலமும் கண்காணிப்பு மூலமும் இதை தடுத்து வருகிறோம்.! இந்திய தவ்ஹீத் ஜமாஅத் கடந்த ஆண்டு காதலர் தினத்தன்று கடற்கரையில் பிரச்சாரத்திற்கு சென்ற போது பிடிபட்ட 10 முஸ்லிம் பெண்களில் 9 பேர் முஸ்லிம் அல்லாதவர்களுடன் வந்திருப்பது தெரிந்து சமுதாயம் அதிர்ந்து போனது.

அதே போன்று அவர்களை திருமணம் செய்யும் பெண்கள் இஸ்லாமிய பெயர் மற்றும் அடையாளங்களோடு பத்திரிகை அடித்து பகிரங்கமாக முஸ்லிம்கள் அதிகம் நிறைந்த பகுதிகளிலேயே இந்த திருமணங்களை நடத்தும் நிலை சமிபத்தில் அதிகமாகி உள்ளது. இது வேண்டுமென்றே நம்மை வம்புக்கிழுத்து நம் உணர்வுகளை சீண்டி பார்க்கும் செயலாக உள்ளது.

இது போன்ற ஒரு திருமண வரவேற்பு பத்திரிகை நமது கைகளில் கிடைத்தது. திருவல்லிக்கேணி பகுதியில் உள்ள அந்தப் பெண்ணின் பெற்றோரை கிளை நிர்வாகிகள் அணுகி விசாரித்த போது அவர்கள் நாங்கள் தலை முழுகி விட்டோம் எங்கள் பேச்சை கேட்காமல் இது நடக்கிறது என சொன்னார்கள்.

பெற்றோர் சம்மதம் இல்லாத நிலையில் இது வேண்டும் என்றே வம்புக்கிழுக்கும் நோக்குடன் முஸ்லிம்கள் அதிகம் வாழும் , பெண்ணின் பெற்றோர் வாழும் பகுதியில் மண்டபத்தை தேர்ந்தெடுத்து சீண்டிப் பார்க்கும் இந்துத்துவா முயற்சி என அறிந்து மண்டப நிர்வாகியிடம் இந்த நிகழ்ச்சி நடந்தால் பிரச்னை ஏற்படும் என எச்சரித்தும் பலனின்றி போனதால் இந்திய தவ்ஹீத் ஜமாஅத் தென் சென்னை மற்றும் திருவல்லிக்கேணி நிர்வாகிகள் ஜாம் பஜார் காவல் நிலைய ஆய்வாளருக்கும் உதவி ஆணையருக்கும் புகார் அளித்து இதை தடுத்து நிறுத்த கோரிக்கை விடுக்கப் பட்டது.

மேலும் நீங்கள் இதில் நடவடிக்கை எடுக்கவில்லையாயின் மாபெரும் சட்டம் ஒழுங்கு பிரச்சனையை சந்திக்க நேரிடும் என உளவுத்துறை அதிகாரிகளிடத்தில் சொன்னதை அடுத்து உளவுத்துறை அதிகாரிகள் சம்பந்தப் பட்ட வீட்டிற்க்கே நேரே சென்று பிரச்சனையின் தீவிரத்தை எடுத்து சொல்லி, இந்த நிகழ்ச்சி நடந்தால் மிகப் பெரும் சட்டம் ஒழுங்கு பிரச்னை ஏற்பட வாய்ப்புள்ளது.

ஆகையால் நீங்கள் வேறு பகுதியில் வைத்துக் கொள்ளுங்கள் ! என அதிகாரிகள் கூறியுள்ளனர். கழுத்தில் புது தாலியும் நெற்றியில் குங்குமமும் வைத்திருந்த அந்தப் பெண்ணிடம் பேசிய அதிகாரிகள் "நீ எப்போது இந்துவை திருமணம் செய்து விட்டாயோ அப்போதே நீ சட்டப்படி உன் பெயர் மாற்றி அந்தப் பெயரில் பத்திரிகை அடித்து நடத்துவது தான் முறையாகும்" என எடுத்து சொல்லியதன் பெயரில் இந்த நிகழ்ச்சி நிறுத்தப்பட்டு சம்பந்தப்பட்ட மண்டப வாசலில் அதற்கான அறிவிப்பும் எழுதி வைக்கப்பட்டது. இந்துத்வாவின் குழப்பத்தை முறியடிக்க இந்திய தவ்ஹீத் ஜமாஅத் செய்த முயற்சியை பகுதி மக்கள் வெகுவாக பாராட்டினர். அல்ஹம்துலில்லாஹ்!

உங்கள் கண் முன்னே ஒரு தீமை நடந்தால் கரம் கொண்டு தடுங்கள், இயலவில்லை என்றால் நாவால் தடுங்கள் -நபி மொழி

SDPI பேரணியில் போலீஸ் அராஜகம் – தடியடி, கைது

2012-02-18T20:08:00.001+05:30

சோசியல் டெமோக்ரேடிக் பார்டி ஆஃப் இந்தியா கட்சி உறுப்பினர்கள் மீது சுமத்திய தேசத்துரோக வழக்கை வாபஸ்பெறக் கோரி SDPI நடத்திய தலைமைச் செயலகத்தை நோக்கிய பேரணியில் போலீஸ் அராஜகம்.

SDPI உறுப்பினர்கள் மீது போலீஸ் நடத்திய தடியடியில் ஏராளமான உறுப்பினர்களுக்கும், போலீசாருக்கும் காயமேற்பட்டது. இன்று காலை 12.20 மணியளவில் இச்சம்பவம் நடந்துள்ளது.

கேரள மாநில தலைநகர் திருவனந்தபுரத்தில் உள்ள தியாகிகள் மண்டபத்தில் இருந்து பேரணி துவங்கியது. துவக்க உரைக்கு பின்னர் சிறிய அளவில் போலீசாருக்கும், SDPI உறுப்பினர்கள் இடையே தள்ளு. முள்ளு நிகழ்ந்தது. இதனைத் தவிர வேறு எந்த பிரச்சனையும் இல்லாத சூழலில் போலீசார் திடீரென தடியடி நடத்த துவங்கினர். பின்னர் தண்ணீரை பீச்சி, கண்ணீர் புகையை பிரயோகித்தனர். பேரணியில் இருந்து கலைந்து சென்ற SDPI உறுப்பினர்களை தேடிப்பிடித்து தாக்கிய போலீசார் அவர்களை கைது செய்தனர்.

ஈரானிடம் கச்சா எண்ணெய் வாங்காதே! – யூத அமைப்பு மிரட்டல்

2012-02-18T20:04:00.000+05:30

ஈரானிடம் இருந்து கச்சா எண்ணெயை இந்தியா வாங்க கூடாது என்று அமெரிக்கன் ஜீவிஸ் கம்யூனிட்டி (AJC) என்ற யூத அமைப்பு மிரட்டல் விடுத்துள்ளது. அமெரிக்காவிற்கான இந்திய தூதர் நிருபமராவுக்கு இவ்வமைப்பு மிரட்டல் கடிதம் ஒன்றை எழுதியுள்ளது.

அமெரிக்கா மற்றும் ஐரோப்பிய நாடுகளின் வற்புறுத்தலையும் மீறி இந்தியா ஈரானிடமிருந்து கச்சா எண்ணெயை இறக்குமதிச்செய்வதை தொடர முடிவெடுத்துள்ளது.இந்நிலையில் யூத அமைப்பு விடுத்துள்ள மிரட்டல் கடிதத்தில்,’மேற்காசியாவில் ஈரானை தவிர வேறு எந்த நாட்டிடம் இருந்தும் இந்தியா கச்சா எண்ணெயை இறக்குமதி செய்யலாம்’ என்று ஆலோசனை வழங்கியுள்ளது.இந்தியாவின் முடிவு அணுசக்தி திட்டத்திற்கு எதிராக ஈரானின் மீது அமெரிக்கா மற்றும் ஐரோப்பிய நாடுகள் மேற்கொண்டுவரும் முயற்சிகளுக்கு தடையாக மாறும் என யூத அமைப்பான எ.ஜெ.சி கூறுகிறது.இந்தியாவின் முடிவில் ஆச்சரியமும், கவலையும் ஏற்பட்டுள்ளதாக எ.ஜெ.சியின் தலைவர் ராபர்ட் எல்மான், செயல் இயக்குநர் டேவிட் ஹாரிஸ் ஆகியோர் இணைந்து எழுதியுள்ள கடிதத்தில் குறிப்பிட்டுள்ளனர்.

இந்தியாவில் இருந்து வர்த்தக குழு விரைவில் டெஹ்ரானுக்கு செல்லும் என்றும் வர்த்தக செயலாளர் ராகுல் குல்லரின் அறிக்கையை தொடர்ந்து இக்கடிதம் எழுதப்பட்டுள்ளது.தங்களின் கவலையை உடனடியாக இந்திய அரசுக்கு தெரியப்படுத்தவேண்டும் என்றும், இதனைக்குறித்து நிருபமாராவுடன் விரிவான பேச்சுவார்த்தை நடத்த விரும்புவதாகவும் அவ்வமைப்பு எழுதிய கடிதத்தில் குறிப்பிட்டுள்ளது.

ஈரான் மீதான தாக்குதலை பாகிஸ்தான் ஆதரிக்காது – சர்தாரி

2012-02-18T19:59:00.000+05:30

ஈரான் மீதான ராணுவ நடவடிக்கையை ஆதரிக்கமாட்டோம் என்று பாகிஸ்தான் அதிபர் ஆசிஃப் அலி சர்தாரி அறிவித்துள்ளார். ஏதேனும் சர்வதேச நிர்பந்தங்களுக்கு அடி பணிந்து ஈரானுடனான உறவு சீர்குலைய அனுமதிக்கமாட்டோம் என்று அவர் கூறினார்.

ஈரான் அதிபர் மஹ்மூத் அஹ்மத் நஜாத், ஆப்கானிஸ்தான் அதிபர் ஹமீத் கர்ஸாய் ஆகியோருடன் சேர்ந்து நடத்திய கூட்டு பத்திரிகையாளர்கள் சந்திப்பில் கலந்துகொண்டார் சர்தாரி.

ஈரானுக்கு எதிராக அமெரிக்கா-இஸ்ரேலின் முயற்சிகள் புதிய தளத்தை அடைந்த சூழலில் சர்தாரியின் அறிக்கை வெளியாகியுள்ளது. பல்வேறு நாடுகளில் இஸ்ரேலிய தூதர்களை குறிவைத்து நடந்த தாக்குதலுக்கு காரணம் ஈரான் என்று இஸ்ரேல் குற்றம் சாட்டி வருகிறது. முன்பு ஈராக்கை தாக்குவதற்கு முன்னோடியாக நடந்தது போன்ற மனரீதியான போர் என்று பொதுவாக கருதப்படுகிறது.

ஈரானுடன் சேர்ந்து நடைமுறைப்படுத்த திட்டமிட்டுள்ள எரிவாயு பைப்லைன் திட்டத்தை நிறைவுச்செய்வோம் என்று சர்தாரி கூறியுள்ளார். தினமும் 21.5 லட்சம் க்யூபிக் மீட்டர் எரிவாயுவை ஈரானில் இருந்து பைப்லைன் வழியாக இறக்குமதிச் செய்ய பாகிஸ்தான் முடிவுச்செய்துள்ளது.

பாகிஸ்தானின் எரிபொருள் தட்டுப்பாட்டை சீர் செய்ய பாகிஸ்தான் மேற்கொண்டுள்ள இத்திட்டத்திற்கு எதிராக அமெரிக்கா கடுமையாக அழுத்தம் கொடுத்து வருகிறது. அமெரிக்காவின் நிர்பந்தத்திற்கு அடி பணிந்து இந்தியா இத்திட்டத்தை முடக்கி உள்ளது

டெல்லி, ஜார்ஜியா தாக்குதல்களில் பங்கில்லை – ஹிஸ்புல்லாஹ்

2012-02-18T19:56:00.000+05:30

இந்தியாவிலும், ஜார்ஜியாவிலும் இஸ்ரேல் தூதர்களை குறிவைத்து நடத்தப்பட்டதாக கூறப்படும் தாக்குதல்களில் பங்கில்லை என்று ஹிஸ்புல்லாஹ் போராளி இயக்க தலைவர் ஹஸன் நஸ்ருல்லாஹ் கூறியுள்ளார்.

அதேவேளையில், இஸ்ரேல் கொலைச் செய்த ஹிஸ்புல்லாஹ் கமாண்டர் இமாத் முக்னியின் உயிருக்காக பழிவாங்குவோம் என்று நஸ்ருல்லாஹ் மீண்டும் உறுதிபட தெரிவித்துள்ளார்.

முக்னியின் நான்காம் ஆண்டு நினைவு தினத்தில் நடந்த பேரணியில் கலந்துகொண்டு உரைநிகழ்த்தினார் நஸ்ருல்லாஹ்.

‘நாங்கள் பழியை தீர்க்கப்போவது இஸ்ரேலிய ராணுவ வீரர்களிடமோ, தூதர்களிடமோ அல்ல. இது அந்த மாபெரும் தலைவரின்(முக்னி) உயிர்தியாகத்தை சிறுமைப்படுத்துவதற்கு சமமாகும். நாங்கள் யாரை குறிவைத்துள்ளோம் என்பதை இஸ்ரேலுக்கு நன்றாக தெரியும். அவர்கள் தற்பொழுது பலத்த பாதுகாப்பில் உள்ளனர். ஆனால், ஹிஸ்புல்லாஹ் உறுப்பினர்களின் நரம்புகளில் குருதி ஓடுவது நின்றுவிடவில்லை என்றால் முக்னியின் உயிருக்கு அழகாக பழிவாங்கும் தினம் வந்தே தீரும்!’ என்று நஸ்ருல்லாஹ் கூறினார்.

முன்னாள் இஃவான் தலைவருக்கு யூசுஃப் அல் கர்ளாவி ஆதரவு

2012-02-18T19:53:00.000+05:30

முஸ்லிம் சகோதரத்துவ இயக்கத்தின் (இஃவானுல் முஸ்லிமூன்) முன்னாள் தலைவர் அப்துல் முனீம் அப்துல் ஃபத்தாஹ் எகிப்து அதிபர் தேர்தலில் போட்டியிட மிகவும் தகுதியான நபர் என்று உலக புகழ்பெற்ற இஸ்லாமிய மார்க்க அறிஞர் ஷேக் டாக்டர் யூசுஃப் அல் கர்ளாவி கருத்து தெரிவித்துள்ளார்.

இது தனது தனிப்பட்ட கருத்து என்றும், இஃவானுல் முஸ்லிமூனுக்கு மாறுபட்ட கருத்து இருக்கலாம் என்றும் கர்ளாவி கூறினார். ஒரு நாளிதழுக்கு அளித்த பேட்டியில் கர்ளாவி இதனை தெரிவித்துள்ளார். மே மாதம் இறுதியில் எகிப்தில் அதிபர் தேர்தல் நடைபெறும் என்று எகிப்தின் அல் அஹ்ராம் பத்திரிகை நேற்று முன்தினம் செய்தி வெளியிட்டிருந்தது.

அதிபர் தேர்தலில் சொந்த வேட்பாளர்களை நிறுத்துவதில்லை என்று இஃவானுல் முஸ்லிமூன் ஏற்கனவே அறிவித்துள்ளது. ஏதேனும் இஸ்லாமிய வாதிகளுக்கு அதிபர் தேர்தலில் ஆதரவு அளிக்கமாட்டோம் என்றும் அவ்வமைப்பு கூறியது. எகிப்தை இஸ்லாமிய கட்சிகள் கைப்பற்ற முயலுகின்றன என்ற பீதி கிளம்புவதை தடுக்கவே இத்தகையதொரு முடிவை இஃவான் எடுத்துள்ளதாக கருதப்படுகிறது. ஆகையால் ஷேக் கர்ளாவியின் கருத்தை அவர்கள் ஏற்றுக்கொள்வார்களா? என்பது சந்தேகமே. ஷேக் கர்ளாவி இஃவானுல் முஸ்லிமூன் இயக்கத்தின் முன்னாள் உறுப்பினர் ஆவார்.

போலீஸின் சதித்திட்டத்தை முறியடித்த பாட்லா ஹவுஸ் மக்கள்

2012-02-18T19:46:00.001+05:30

போலி என்கவுண்டரில் அப்பாவி முஸ்லிம் மாணவர்கள் கொலைச் செய்யப்பட்டு பீதி மாறாத பாட்லா ஹவுஸில் நிரபராதிகளான அப்பாவி இளைஞர்களை நள்ளிரவு ஆபரேசன் மூலம் கடத்த முயன்ற டெல்லி போலீசாரின் சதித்திட்டத்தை பொதுமக்கள் முறியடித்து ஜாமிஆ நகர் காவல் நிலையத்தில் போலீசாரை ஒப்படைத்து 25-க்கும் மேற்பட்ட இளைஞர்களை விடுவித்துள்ள சம்பவம் பரபரப்பை ஏற்படுத்தியுள்ளது.

நள்ளிரவில் சட்டம்-ஒழுங்கு பிரச்சனையாக மாறிய இச்சம்பவத்தில் இருந்து தலை தப்புவதற்காக டெல்லி போலீஸ் தலைமை எட்டு போலீசாரை சஸ்பெண்ட் செய்து உத்தரவிட்டுள்ளது.

வியாழக்கிழமை அதிகாலை 1 மணிக்கு சர்ச்சையை கிளப்பிய பாட்லா ஹவுஸ் போலி என்கவுண்டர் சம்பவத்தை நினைவுக் கூறும் வகையில் நாடகீய சம்பவங்களுக்கு பாட்லா ஹவுஸ் சாட்சியம் வகித்தது.

பாட்லா ஹவுஸின் நஃபீஸ் சாலையில் போலீஸ் வேனில் வந்த பெண் போலீஸ் உள்ளிட்ட போலீஸ் குழு முன்னரே திட்டமிட்டது போல சில வீடுகளில் கதவை உடைத்துக்கொண்டு நுழைந்து இளைஞர்களை கைது செய்தனர்.

“நீங்கள் எல்லோரும் பங்களாதேஷை சார்ந்தவர்களா?” என கேள்வி எழுப்பி 25க்கும் மேற்பட்ட இளைஞர்களை பிடித்து போலீஸ் வேனில் ஏற்றிய வேளையில், சத்தம் கேட்டு அக்கம் பக்கத்தில் உள்ளவர்கள் சிலர் ஓடி வந்தனர். முதலில் வந்த சிலர் அருகிலுள்ள மஸ்ஜிதில் நுழைந்து மைக்கில், “போலீஸ் நமது பகுதியை சுற்றி வளைத்து நிரபராதிகளை பிடித்துச் செல்கிறார்கள்” என உரக்க சத்தமிட்டு கூறியதை கேட்டு மக்கள் வெளியே வந்து போலீஸ் வேனை சூழ்ந்தனர்.

“நாங்கள் டெல்லி பங்களாதேஷ் போலீஸ் பிரிவைச் சார்ந்தவர்கள். இவர்கள் பங்களாதேஷைச் சார்ந்தவர்கள் என்ற தகவல் கிடைத்ததால் கைது செய்தோம்” என்று போலீசார் விளக்கம் அளித்தனர். ஆனால், வேனில் அடைக்கப்பட்ட இளைஞர்கள், “போலீஸ் கூறுவது தவறு” என கூறி தாங்கள் இந்திய குடிமகன் என்பதை நிரூபிக்கும் இந்திய பாஸ்போர்ட்டுகள், தேர்தல் கமிஷன் வழங்கியுள்ள அடையாள அட்டைகள் ஆகியவற்றை காண்பித்தனர்.

இதனைத் தொடர்ந்து டெல்லி போலீசின் ஒரு பிரிவு ஏற்கனவே திட்டமிட்ட சதித்திட்டம் தான் இளைஞர்களை பிடித்த சம்பவம் என்பது மக்களுக்கு புரிந்தது. இளைஞர்கள் அனைவரும், பீகாரில் இருந்து பல வருடங்களுக்கு முன்னர் டெல்லிக்கு வந்தவர்கள் என்பதும், அவர்களில் பெரும்பாலோர் தர்பங்கா பகுதியைச் சார்ந்தவர்கள் என்பதும் நிரூபணமானது.

பின்னர் ஜாமிஆ நகர் போலீஸ் ஸ்டேசனில் பொதுமக்கள் தொடர்புகொண்ட பொழுது, இத்தகையதொரு ஆபரேசன் குறித்து எங்களுக்கு தெரியாது என்று தெரிவித்தனர். இதனால் ஆவேசமடைந்த மக்கள் போலீசாரையும், கைது செய்யப்பட்ட இளைஞர்களையும் அழைத்துக்கொண்டு ஜாமிஆ நகர் போலீஸ் ஸ்டேசனுக்கு சென்றனர். போலீஸ் கைது செய்தவர்களை பாட்லா ஹவுஸ் பகுதி மக்களிடம் ஒப்படைத்த ஜாமிஆ போலீஸ் ஸ்டேசன் அதிகாரிகள், வெளியிலிருந்து வந்து இளைஞர்களை அநியாயமாக கைது செய்த போலீஸாரின் நடவடிக்கையை குறித்து மேலதிகாரிகளுக்கு புகார் அளிப்பதாக உறுதி அளித்தனர்.

தொடர்ந்து அதிகாலை மூன்றரை மணியளவில் போலீஸ் ஸ்டேசனில் திரண்டிருந்த மக்கள் வீடு திரும்பினர். சில மணிநேரங்களில் எட்டு போலீசாரை சஸ்பெண்ட் செய்த உத்தரவை பாட்லாஹவுஸ் பகுதி மக்களிடம் போலீசார் தெரிவித்தனர்.

இரண்டு தினங்களுக்கு முன்பு இஸ்ரேல் தூதரக கார் குண்டுவெடிப்பு சம்பவம் தொடர்பான விசாரணையின் பெயரால் அப்பாவி இளைஞர்களை கைது செய்ய போலீஸ் நடத்திய முயற்சியை பாட்லா ஹவுஸ் மக்கள் முறியடித்துள்ளனர்.

ஆரோகியமான மக்கள் வலிமையான தேசம் துவக்க நிகழ்ச்சி

2012-02-14T14:51:00.001+05:30

ஆரோகியமான மக்கள் வலிமையான தேசம் விழிப்புணர்வு பிரச்சாரத்தின் தமிழகத்தின் துவக்க நிகழ்ச்சி கோவையில் நடைபெற்றது.

பாப்புலர் ப்ரண்ட் ஆப் இந்தியா வருடந்தோரும் நடத்தும் ஆரோக்கியமான மக்கள் வலிமையான தேசம் என்ற தலைப்பில் தேசிய அளவில் (February 10 – 20) நடைபெற உள்ள விழிப்புணர்வு பிரச்சாரத்தின் தமிழகத்தின் துவக்க நிகழ்ச்சி கோவையில் நடைபெற்றது. இதற்கு மாநில செயற்குழு உறுப்பினர் அஹ்மத் பக்ருதின் தலைமையில் மாவட்ட தலைவர் ராஜா உசேன் வரவேற்புரை வழகினார் சிறப்பு விருந்தினராக மாநில தலைவர் இஸ்மாயில் அவர்கள், கோவை மாநகர மேயர் செ. மா. வேலுச்சாமி அவர்கள் மற்றும் கோவை அரசு மருத்துவ மனை சிவப்ரகாசம் அவர்கள் பங்கு பெற்றனர். பெரும் திரளான மக்கள் கலந்து கொண்டனர். இந்நிகழ்ச்சியில் யோகா வகுப்பும் நடைபெற்றது .

தமிழ மக்களே உஷாராக இருங்கள்!

2012-02-11T16:24:00.000+05:30

இது தமிழக மக்களை மிரட்டுவதற்காக எழுதப்பட்ட கட்டுரை அல்ல, மாறாக இன்றைய காலச்சூழ்நிலைகளை உண்ணிப்பாக கவனித்து, இன்றைய அரசாங்கத்தின் செயல்பாடுகளை உற்று நோக்கிய பின்னர் தமிழக மக்களுக்கு ஒரு விழிப்புணர்வை ஏற்படுத்துவதற்காகவே இந்த சிறு கட்டுரை.

இந்திய சுதந்திர போராட்டத்தின் போது தமிழக மக்களின் பங்களிப்பை அவ்வளவு எளிதில் இந்திய வரலாற்றிலிருந்து விலக்கி வைத்து விட முடியாது. இந்திய சுதந்திர போராட்டத்தின் போது ஜாதி, மத பேதமின்றி தேசத்தின் சுதந்திரத்திற்காய் இன்னுயிர் நீத்தவர்கள் ஏராளாம். கான் சாஹிப் (மருதநாயகம்), கட்டபொம்மன், வ.ஊ. சிதம்பரனார், மருது சகோதரர்கள் என அடுக்கிக்கொண்டே போகலாம். அதே போன்று தமிழகத்தை மிகப்பெரும் சக்தியாக மாற்றிய அமைத்த பெருமை தந்தை பெரியாருக்கும் உண்டு. தீண்டாமைக்கொள்கையை தகர்த்தெரிய, பார்ப்பணிய மத வெறியை மாய்ப்பதற்கு தமிழக மக்களை மடமைத்தனத்திலிருந்து விடுவிக்க அறும்பாடுபட்டவர் தந்தை பெரியாராவார்.

திராவிடக்கழகம் உருவாக்கப்பட்டு தமிழகத்தில் வேரூன்றி இருந்தகாலத்தில் பார்ப்பண வெறியர்களால் தங்களது ஆரியக்கொள்கையை தமிழகத்தில் தடம் பதிக்க முடியாமல் தவித்தனர். தந்தை பெரியார் காலத்தின் போதும் சரி அதன் பின்னர் திராவிடக்கட்சிகள் உருவாக்கப்பட்ட பின்பும் சரி ஆரியர்களால் பெரிய அளவில் தமிழகத்தில் கால் பதிக்க இயலவில்லை.

தமிழகத்தை பொறுத்தவரை மற்ற மாநிலங்களைக்காட்டிலும் அதிக அளவில் மதக்கலவரங்களோ, குண்டுவெடிப்புகளோ, தீவிரவாத தாக்குதல்களோ நடைபெற்றதில்லை. இதற்கான காரணத்தை உற்று கவனிக்கும் போது ஃபாசிஸ பயங்கரவாதிகளின் செயல்பாடுகள் தமிழகத்தில் குறைந்து காணப்படுவதால் தான் என்று தெளிவாக புலப்படுகிறது.

தமிழக வரலாற்றில் ஒரு சில இடங்களில் நடைபெற்ற அசம்பாவித சம்பவங்களை காணும் போது தேச விரோதிகளான சங்கப்பரிவார கும்பல்களின் கைவரிசை தான் அதில் பதிந்து இருக்கிறது. மண்டைக்காடு கலவரமாகட்டும், கோயமுத்தூர் கலவரமாகட்டு, தென்காசி குண்டுவெடிப்பு சம்பவமாகட்டு இவை அனைத்திலுமே சங்கப்பரிவார ஃபாசிஸ்டுகளின் ஈடுபாடுகள் இருந்திருக்கிறது.

ஆர்.எஸ்.எஸ், இந்து முன்னனி, பா.ஜ.க, இந்து மக்கள் கட்சி போன்றவர்கள் தமிழகத்தில் செல்லா காசாகிப்போயிருந்தாலும் தமிழகத்தில் தங்களது பாதங்களை பதிப்பதே அவர்களுக்கு பெரும் சவலாக இருந்தது. அதற்கான கால அவகாசம் தற்போது அவர்களுக்கு கிட்டியுள்ளதோ என்று எண்ணும் அளவிற்கு தற்போது தமிழகத்தை ஆட்சி செய்து வரும் ஜெயலலிதாவின் செயல்பாடுகள் அமைந்துள்ளது. சமீபத்தில் பத்திரிக்கையில் வெளிவந்த செய்தியை வைத்தும், ஜெயலலிதா பதவியேற்பு விழாவின் போது சம்பந்தமே இல்லாமல் குஜராத் முதலமைச்சர் நரேந்திர மோடியை வரவழைத்ததும், ஃபாசிஸ சிந்தனை கொண்ட பிராமண வெறியனான "துக்ளக்" சோவிற்கு தலையாட்டுவதை பார்க்கும்போது ஃபாசிஸ பயங்கரவாதிகளுக்கு தமிழகத்தில் கால்பதிக்க அவகாசத்தை முதல்வர் ஏற்படுத்தி கொடுத்திருப்பதாகவே தோன்றுகிறது.

தற்போது இந்த ஐந்து வருடகாலகட்டத்தை நன்கு பயன்படுத்திக்கொண்ட ஆர்.எஸ்.எஸ் தமிழகத்தில் மிகப்பெரும் நிகழ்ச்சிற்கு ஏற்பாடு செய்திருப்பது தெரியவருகிறது. குமரி மாவட்டத்தில் சீருடை அணிந்து 25,000 உறுப்பினர்கள் என மொத்தம் 1 லட்சம் பேர் கூடுகின்ற "ப்ராந்த சாங்கிக்" என்னும் நிகழ்ச்சிற்கு ஏற்பாடு செய்திருக்கிறது ஆர்.எஸ்.எஸ். இதற்கு அவர்களின் சர்சங்சாலக்கான மோகன் பகவத் பங்கேற்க இருக்கிறாராம். இவை அனைத்தையும் பார்க்கும்போது ஜெயலலிதா ஆட்சி செய்ய இருக்கும் இந்த ஐந்து வருடக்காலத்தை இறுதி அவகாசமாக ஆர்.எஸ்.எஸ் ஊழியர்கள் தமிகத்தில் உறுப்பினர் சேர்க்கும் பணியில் ஈடுபட்டுள்ளனர்.

இவர்களை நாம் அனுமதித்தால் அமைதிப் பூங்காவாக இருக்கின்ற தமிழகத்தில் அமைதியின்மை ஏற்படும் அபாயம் இருக்கிறது. எனவே உஷாராக இருந்து கொள்ளுங்கள் என கேட்டுக்கொள்கிறோம்.

சங்கரன்கோவில் கலவரம் பாசிஸ்டுகளின் திட்டமிட்ட சதி : PFI

2012-02-11T16:19:00.000+05:30

நெல்லை மாவட்டத்தில் (மேற்கு) சங்கரன்கோவில் கழுகுமலை ரோட்டில் முஸ்லிம்கள் மற்றும் தலித்கள் அதிகளவில் வசித்து வருகின்றனர். நட்புணர்வோடும், சுமூகமாகவும் வாழ்ந்து வரும் இவர்கள் மத்தியில் பகையை ஏற்படுத்த வேண்டும் என்று திட்டமிட்டு சில சமூக விரோத விஷமிகள் சமீபகாலமாக பிரச்சனைகளை ஏற்படுத்தி வந்துள்ளனர். அதன் ஒரு பகுதியாகத்தான் நேற்று (07.02.2012) தலித்கள் பகுதியில் நடந்த கோவில் திருவிழாவின் ஊர்வலம் கழுகுமலை ரோடு பள்ளிவாசல் அருகே வரும்போது ஊர்வலத்தில் இருந்த விஷமிகள் சிலர் பள்ளிவாசலின் உள்ளே செருப்புக்களை வீசியும், வெடிகளை வெடித்தும் பிரச்சனை செய்து விட்டு சென்றுள்ளனர். இதனைப் பார்த்த முஸ்ளிம்கள் காவல்துறையினரிடம் புகார் கொடுத்துள்ளனர். பிரச்சனையின் தீவிரத்தை உணராத காவல் துறையினரோ சில காவலர்களை மட்டும் சம்பவ இடத்திற்கு அனுப்பியுள்ளனர்.

பின்னர் மீண்டும் அந்த பகுதிக்கு ஊர்வலத்தினர் வரும்போது பிரச்சனை செய்துள்ளனர். அதனை தடுக்க வந்த காவல்துறையினரையும் தாக்கிவிட்டு பிரச்சனையை தொடரவே இருதரப்பிலும் மோதல் ஏற்பட்டுள்ளது. மோதல் கலவரமாக மாறி இருதரப்பிலும் நூற்றுக்கணக்கானோர் கூடி தாக்குதலில் ஈடுபட்டதோடு கண்ணில் பட்ட வாகனங்களை அடித்து நொறுக்கி தீயும் வைத்துள்ளனர்.

சில மணி நேரம் நீடித்த கலவரம் எஸ்.பி தலைமையிலான போலீஸ் படை வந்து கண்ணீர் புகை குண்டுகளை வீசிய பின்பு கட்டுக்குள் வந்துள்ளது. கலவரத்தில் திட்டமிட்டே முஸ்லிம்களின் கடைகள், வீடுகள் மற்றும் வாகனங்கள் சூறையாடப்பட்டு தீக்கரையாக்கப்பட்டுள்ளது.

இதனை பார்க்கும் பொழுது முஸ்லிம்களுக்கு எதிராக கலவரத்தை ஏற்படுத்த வேண்டும் என்று திட்டமிட்டே ஒரு குழு செயல்பட்டுள்ளது தெளிவாகின்றது.

நெல்லை மாவட்டம் மேற்கு பகுதியில் கலவரத்தை ஏற்படுத்த ஃபாசிஸ்டுகள் அவ்வப்போது முயன்று வருவதும், கடந்த காலங்களில் தென்காசியில் முஸ்லிம்கள் போன்று போலி தாடி, தொப்பி வைத்து குண்டு வைத்து கலவரம் ஏற்படுத்த முயன்றதும் குறிப்பிடத்தக்கது.

எனவே தான் சகோதரத்துவத்துடன் வாழ்ந்து வரும் தலித் - முஸ்லிம்கள் மத்தியில் பகையை ஏற்படுத்தி கலவரத்தை ஏற்படுத்த திட்டமிட்டுள்ளனரோ என்ற சந்தேகம் வலுவாக ஏற்பட்டுள்ளது. எனவே தமிழக அரசு மற்றும் காவல்துறை இது விஷயத்தில் அதீத சிரத்தை எடுத்து கலவரக்காரர்கள் மீது கடுமையான நடவடிக்கை மேற்கொள்ள வேண்டும் என பாப்புலர் ஃப்ரண்ட் ஆஃப் இந்தியாவின் மாநிலத் தலை ஏ.எஸ் இஸ்மாயில் தமிழக முதல்வர் அவர்களை கேட்டுக்கொண்டார்.

மேலும் தலித்கள் மற்றும் தலித் இளைஞர்கள் ஃபாசிஸ்டுகளின் வஞ்சக எண்ணத்திற்கு பலியாகி விடக்கூடாது என்றும், இது விஷயத்தில் கவனம் செலுத்தி முஸ்லிம் - தலித் ஒற்றுமையை பலப்படுத்த முஸ்லிம் மற்றும் தலித் தலைவர்கள் தேவையான நடவடிக்கைகளை மேற்கொள்ள வேண்டும் எனவும் பாப்புலர் ஃப்ரண்டின் மாநில தலைவர் ஏ.எஸ் இஸ்மாயில் கேட்டுக்கொண்டதுடன் கலவரத்தில் பாதிக்கப்பட்டோருக்கு தகுந்த இழப்பீடு வழங்க வழிவகை செய்ய வேண்டும் எனவும் தமிழக அரசை கேட்டுக்கொண்டார்.

அரசியல் சட்ட திருத்தத்திற்கு முயற்சிப்போம் – குவைத் இஸ்லாமிஸ்டுகள்

2012-02-11T16:14:00.000+05:30

குவைத்தின் ஆட்சி இஸ்லாமிய சட்டத்திட்டங்களின் அடிப்படையில் அமையும் வகையில் அரசியல் சட்டத்தை திருத்த முயற்சிப்போம் என பாராளுமன்ற தேர்தலில் பெரும்பான்மையை பெற்றுள்ள இஸ்லாமியவாதிகள் அறிவித்துள்ளனர். நேற்று முன் தினம் நடந்த இஸ்லாமியவாதிகளின் கூட்டத்தில் இம்முடிவு எடுக்கப்பட்டதாக பாராளுமன்ற உறுப்பினர் முஹம்மது ஹாயிஃப் அறிவித்துள்ளார்.

“இஸ்லாமே சட்ட நிர்ணயத்தின் முக்கிய அடிப்படை” என்ற அரசியல் சட்டத்தின் 2-வது பிரிவை “இஸ்லாம் மட்டுமே சட்டநிர்ணயத்தின் அடிப்படை” என திருத்தம் செய்ய முயற்சிப்போம் என இஸ்லாமியவாதிகள் கூறுகின்றனர். ஆனால், தற்போதைய சூழலில் இந்த சட்ட திருத்தம் நிறைவேற வாய்ப்பு குறைவாகும்.

50 உறுப்பினர்களை கொண்ட பாராளுமன்றத்தில் இஸ்லாமியவாதிகளின் எண்ணிக்கை 34 ஆகும். ஆனால், அரசியல் சட்டத்தை திருத்த 3இல் இரண்டு பகுதி ஆதரவு தேவை. 13 உறுப்பினர்களை கொண்ட அமைச்சரவை அமுலுக்கு வரும் வேளையில் பாராளுமன்ற உறுப்பினர்களின் எண்ணிக்கை 63 ஆகும். அவ்வேளையில் இஸ்லாமியவாதிகளுக்கு பெரும்பான்மை இருந்தாலும், 3-இல் 2 பகுதி ஆதரவு கிடைப்பது கடினமே. மேலும் பாராளுமன்றம் சட்ட திருத்தத்தை நிறைவேற்றினாலும், குவைத் அமீர் கையெழுத்திட்டால் தான் சட்ட திருத்தம் அமுலுக்கு வரும். இப்பிரச்சனைகள் இஸ்லாமிய வாதிகளின் நல்லெண்ணத்திற்கு தடையாக மாறும் என கருதப்படுகிறது.

தடைக்கு பதில் தடை: ஈரான்

2012-01-30T22:18:00.002+05:30

ஐரோப்பிய யூனியனின் தடைக்கு பதிலாக தடை விதிப்போம் என ஈரான் எச்சரித்துள்ளது.

அணுசக்தி திட்டத்தை ஈரான் கைவிடாததை கண்டித்து ஈரானில் இருந்து கச்சா எண்ணெயை இறக்குமதிச் செய்வதை வருகிற ஜூலை மாதத்தில் பெருமளவில் குறைக்க ஐரோப்பிய யூனியன் தீர்மானித்தது.

இதற்கு பதிலடியாக ஐரோப்பிய யூனியன் நாடுகளுக்கு கச்சா எண்ணெயை வழங்குவதை முற்றிலும் நிறுத்தும் நடவடிக்கையை உடனடியாக அமுல்படுத்த தயங்கமாட்டோம் என ஈரான் எச்சரிக்கை விடுத்துள்ளது.

இன்று நடைபெறும் பாராளுமன்ற கூட்டத்தில் இவ்விவகாரம் தொடர்பாக விவாதிக்கப்படும் என ஈரான் அதிகாரிகள் தெரிவித்துள்ளனர். ஐரோப்பிய யூனியனின் தடையின் காரணமாக அதிகமான இழப்பு ஐரோப்பிய நாடுகளுக்குதான் ஏற்படும் என ஈரான் அதிபர் அஹ்மத் நஜாத் தெரிவித்துள்ளார்.

இஸ்லாமிய இயக்கத்தலைவர்களின் ஒன்று கூடல்

2012-01-30T22:06:00.000+05:30

பாப்புலர் ஃப்ரண்ட் ஆஃப் இந்தியா சார்பாக முஸ்லிம்களின் இடஒதுக்கீட்டிற்கான கலந்தாலோசனை கூட்டம் நேற்று மாலை சென்னையில் வைத்து நடைபெற்றது. இந்நிகழ்ச்சியில் சமூகப் பிரமுகர்கள் மற்றும் சகோதர இயக்கங்களின் நிர்வாகிகள் பலரும் கலந்து கொண்டு தங்களுடைய கருத்துக்களை பரிமாறிக்கொண்டனர்.

"முஸ்லிம்களுக்கான இட ஒதுக்கீடு" பல ஆண்டுகளாக இதற்காக அனைத்து முஸ்லிம் இயக்கங்களும் தங்களால் இயன்ற அளவும் போராட்டங்களை நடத்தி வந்திருக்கின்றனர். இதனால் வரை முஸ்லிம்களுக்கு இட ஒதுக்கீடு என்பது ஒரு கனவாக இருந்தாலும் தற்போது மத்திய அரசு முஸ்லிம்களுக்கு மத்தியில் இடஒதுக்கீட்டை வழங்குவது என முடிவெடுத்துள்ளது. இத்துனை நாள் அமைதி காத்துக்கொண்டு தற்போது பல மாநிலங்களில் தேர்தல் நடைபெறுவதையொட்டி இத்தகைய அறிக்கையை அரசியல் லாபத்திற்காக மத்திய அரசு வெளியிட்டிருந்தாலும், முஸ்லிம்களுக்கு இடஒதுக்கீடு வழங்கலாம் என்ற நிலைக்காவது வந்திருப்பதை பாராட்டுவதில் தவறில்லை.

தமிழகத்தை பொறுத்தவரை தற்போது 3.5% இடஒதுக்கிடு அமலில் இருந்தாலும் வழங்கப்பட்ட இந்த சதவீதம் போதுமானதல்ல என்றும் தற்போது ஆட்சி செய்து வரும் மாநில அரசு தங்களுடைய தேர்தல் அறிக்கையில் முஸ்லிம்களுக்கான இட ஒதுக்கீடு அதிகரிக்கப்படும் என்று வாக்குறுதி அளித்திருக்கின்ற வேலையில் முஸ்லிம்களுக்கான இடஒதுக்கீட்டினை உடனே அமுல்படுத்த வேண்டும் என்ற கோரிக்கையை முன்வைத்து பாப்புலர் ஃப்ரண்ட் ஆஃப் இந்தியா சார்பாக வருகின்ற ஏப்ரல் மாதம் 22ஆம் தேதி அன்று கோவை, சென்னை, மதுரை, தஞ்சை, நெல்லை ஆகிய ஐந்து மாவட்டங்களில் மாபெரும் பேரணி மற்றும் ஆர்ப்பாட்டங்கள் நடைபெற இருக்கிறது.

அதற்கும் முன்பு தமிழகத்தில் முஸ்லிம்களுக்கு எத்துனை சதவீதம் இடஒதுக்கீடு வழங்கப்படவேண்டும் என்ற கோரிக்கையை அனைத்து முஸ்லிம் இயக்கங்களும் ஒன்றினைந்து தீர்மானித்து மாநில அரசை வலியுறுத்த வேண்டும் என்ற அடிப்படையில் பாப்புலர் ஃப்ரண்ட் ஆஃப் இந்தியா அனைத்து சமுதாய தலைவர்களையும் அழைத்து ஆலோசனைக்கூட்டத்திற்கு ஏற்பாடு செய்திருந்தது. இக்கூட்டத்திற்கு பாப்புலர் ஃப்ரண்ட் ஆஃப் இந்தியாவின் தமிழக தலைவர் ஏ.எஸ்.இஸ்மாயில் அவர்கள் தலைமை தாங்கினார். பொதுச்செயலாளர் முஹம்மது காலித் அவர்கள் வரவேற்புரை நிகழ்த்தினார். இடஒதுக்கீடு தொடர்பான விரிவான தொகுப்பை தேசிய துணைத்தலைவர் முஹம்மது அலி ஜின்னா அவர்கள் வழங்கினார். சமூக தலைவர்கள் அனைவரும் ஆலோசனை செய்து ஒத்த கருத்து ஏற்பட வேண்டும் என்ற உயரிய எண்ணத்தில் ஒன்று கூடிய இந்நிகழ்ச்சி சிறப்பானதாக அமைந்தது.

இறுதியாக பாப்புலர் ஃப்ரண்டின் மாநில செயலாளர் ஷேக் முஹம்மது அன்சாரி நன்றியுரை கூறினார்.

எஸ்.டி.பி.ஐயின் மாநில தலைவர் தெஹ்லான் பாகவி

இஸ்லாமிய தொண்டு இயக்கத்தின் தலைவர் ஜனாப் ஏ.கே. ஹனீஃபா


தமுமுகவின் மாநில செயலாளர் ஜனாப் ஹமீது

மறுமலர்ச்சி முஸ்லிம் லீக்கின் தலைவர் அ.ச உமர் ஃபாரூக்

ஆல் இந்தியா இமாம்ஸ் கவுன்சிலின் தலைவர் செய்யது இபுராஹிம் உஸ்மானி

ஐக்கிய சமாதானப்பேரவையின் தலைவர் ஹாமித் பக்ரி மன்பஈ

கேம்பஸ் ஃப்ரண்ட் ஆஃப் இந்தியாவின் தலைவர் முஹம்மது ஷாஃபி

வெல்ஃபேர் பார்ட்டி ஆஃப் இந்தியாவின் தலைவர் ஜனாப் சிக்கந்தர்

இந்திய தவ்ஹீத் ஜமாத்தின் மாநில துணைத்தலைவர் ஜனாப் முனீர்

NCHRO-வின் மாநில செயற்குழு உறுப்பினர் வழக்கறிஞர் அப்துல் காதர்

ஹிந்துத்துவா பயங்கரவாதத்தின் ரத்த சாட்சி பழனிபாபா!

2012-01-28T21:56:00.002+05:30

இன்று (28.01.2011) மனிதநேய போராளி பழனிபாபா வீரமரணம் அடைந்த நாள். அரசியல் தளத்தில் தாழ்த்தப்பட்ட, ஒடுக்கப்பட்ட மற்றும் இஸ்லாமிய மக்களை மிகப்பெரிய அளவில் அணிதிரட்டியவர் பழனிபாபா இவரது இயற்பெயர் அஹமது அலி என்பதாகும்.

இவர் கல்லூரி படிப்பை முடித்து முதுகலை மற்றும் முனைவர் (Phd.,) பட்டம் பெற்றவர். இவர் ஆயிரக்கணக்கான மேடைகளில் புயலென அழகான அற்புதமான புள்ளி விபரங்களுடன் பேசி பாதிக்கப்பட்ட, ஒடுக்கப்பட்ட மக்களின் எழுச்சிக்கு வித்திட்டார். பாபா தனது வாழ்நாளில் பேசிய மொத்தக் கூட்டங்களின் எண்ணிக்கை 13201 ஆகும்.

ஆங்கிலத்தில் நல்ல பாண்டியத்தியம், அறிவுக்கூர்மை, இதனால் எம்.ஜி. இராமச்சந்திரன் அவர்களுக்கு நண்பராக இருந்து தமிழகத்தின் தலைமைச் செயலகத்தை ஒரு கலக்கு கலக்கியவர். இந்து பாஸிஸம், தமிழகத்தில் "தேசியம்" என்ற வடிவிலும், 'நாட்டுப்பற்று' என்ற போர்வையில் தலையெடுத்த போது அதற்கு தக்கபதில் அளித்தார்.

ராமகோபாலன் போன்ற ஹிந்துத்துவா பயங்கரவாதிகள் ஹிந்து முஸ்லிம் ஒற்றுமையை குலைக்க கீழ்த்தரமான பிரசுரங்களையும், புத்தகங்களையும் வெளியிட்டு வந்தனர். ஆர்.எஸ்.எஸ். மற்றும் ராமகோபாலன் வகைறாக்கள் கீழ்த்தரமான மேடை பேச்சுக்கள் மூலம் ஹிந்து முஸ்லிம் ஒற்றுமையை கெடுத்து மதகலவரங்களை உண்டாக்கும் விதத்தில் பேசிவந்தனர். அதற்க்கு பாபா ஆங்கிலத்தில் அரசியல் நிர்ணயச்சட்டம்; வரலாற்று நூல்கள் ஆகியவற்றிலிருந்து ஆணித்தரமாக மேற்கொள்காட்டி மறுப்பு தெரிவித்தார்.

இவருடைய பேச்சுக்கள் ஹிந்து மக்களையும் சிந்திக்க வைத்தது. பழனிபாபாவின் பேச்சுக்களைக் காரணங்காட்டி அவரைப் பலமுறை கைது செய்தார்கள். இவரது பேச்சுக்களால் பயங்கரவாதி ராமகோபாலனின் மதவெறி பிரச்சாரம் தமிழகத்தில் எடுபடாமல் போனது. தங்களது மதவெறி பிரச்சாரத்துக்கு தொடர்ந்து பழனி பாபா இடையூறாக இருப்பதை கண்ட ஹிந்து பயங்கரவாதிகள் அவரை கொல்ல சதித்திட்டம் தீட்டினர். இதை திறம்பட செய்து முடிக்கும் பணி ஆர்.எஸ்.எஸ். பயங்கரவாத இயக்கத்திடம் ஒப்படைக்கப்பட்டது.

ஆர்.எஸ்.எஸ். பயங்கரவாத இயக்கம் இந்தியாவில் மூன்று முறை தடை செய்யப்பட்ட ஒரு இயக்கம். அதன் உறுப்பினர்களுக்கு சாஹா என்னும் கடுமையான உடல் மற்றும் ஆயுத பயிற்ச்சியும் அத்தோடு துப்பாக்கி சுடும் பயிற்ச்சியும் கொடுக்கப்படுகிறது. ஆர்.எஸ்.எஸ். இயக்கம் தங்கள் இயக்கத்தின் கொலைகாரர்களை தயாரிப்பதற்கு என்றே பயிற்சி பாசறைகளை நடத்துகிறது. அதில் இவர்கள் மாடுகளை கத்தியால் குத்தி வெட்டி கொல்வார்கள். அப்போதுதான் இரத்தத்தின் மீது உள்ள பயம் போகும் என்று.

இதுமட்டும் அல்ல ஆர்.எஸ்.எஸ். இயக்கம் ஒரு சிறந்த உளவுத்துறையையும் தன்னகத்தே கொண்டது. இவர்களது உளவுதுறையை இஸ்ரேலின் மொசாதுக்கு ஒப்பிடுகிறார்கள். அதன் அடிப்படையில் பழனி பாபாவை கொலை செய்யும் திட்டம் தமிழக ஹிந்துத்துவா பயங்கரவாதிகளால் தீட்டப்பட்டு கேரளத்து ஆர்.எஸ்.எஸ். இயக்கத்தினரிடம் ஒப்படைக்கப்பட்டது. பழனிபாபா வழக்கமாக போகும் இடம், அவரது அன்றாட அலுவல்கள் குறித்து தமிழக ஆர்.எஸ்.எஸ். உளவுத்துறையை சேர்ந்தவர்களால் ஒரு தகவல் எடுக்கப்பட்டு அது கேரளத்து ஆர்.எஸ்.எஸ். காரர்களிடம் ஒப்படைக்கப்பட்டது.

தங்களுக்கு கொடுக்கப்பட்ட உளவு தகவல்கள் அடிப்படையில் கேரளத்தை சேர்ந்த ஆர்.எஸ்.எஸ். காரர்கள் ஒரு வெள்ளை நிற அம்பாசிடர் காரில் தமிழகம் வந்து சந்தர்பத்திர்க்காக காத்திருந்தனர். 1997 ஜனவரி 28 ந் தேதி தனது சகோதரி மகன் ஹூசைனுடன் நோன்பு திறந்து விட்டு அவரை 7:30 மணியளவில் வீட்டுக்கு அனுப்பியவுடன், பொள்ளாச்சி பேருந்து நிலையத்திற்கு பின்னால் தனது நண்பர் தனபால் வீட்டிற்கு சென்றார். அவருடன் பேசிக் கொண்டிருந்த பாபா பின்னர் சுமார் 9:30 மணிக்கு அங்கிருந்து வெளியே வந்து, தனது ஜீப்பில் ஏறி அமர்ந்தார்.

அப்போது ஏதோ விசாரிக்க வந்தவன் போல் வந்த ஆர்.எஸ்.எஸ். தீவிரவாதி ஒருவன் கோடாரியால் பாபாவின் வயிற்றில் வெட்டினான் பாபாவின் குடல் சரிந்தது. உடனே மற்றவர்களும் வந்து அவரை கழுத்திலும், முகத்திலுமாக 18 வெட்டுகள் வெட்டினார்கள். அவர் அந்த இடத்திலேயே வீரமரணம் அடைந்தார். அவரை கொன்ற ஆர்.எஸ்.எஸ். வெறியர்கள் அங்கிருந்து தப்பித்து சென்றனர். பழனி பாபாவின் படுகொலை ஆர்.எஸ்.எஸ். ஹிந்துத்துவா இயக்கத்தின் கோர முகத்தையும் அவர்களது அண்டை மாநில தொடர்புகளையும் தமிழ் மக்களுக்கு வெளிச்சம் போட்டு காட்டியது.

இந்துத்துவாவின் அனைத்து செயல்பாடுகளுக்கும் பிராமணர்களே காரணமாக இருந்ததை வெளிப்படுத்தியதால் பழனிபாபா கொலை செய்யப்பட்டார். பாபா கோரமாகக் கொலைச் செய்யப்பட்ட அன்றும், அவர் ஒரு இந்து நண்பரின் வீட்டிலிருந்தே புறப்பட்டிருக்கின்றார். இது அவர் ஓர் யதார்த்தவாதி என்பதையே எடுத்துக் காட்டுகின்றது.

அண்ணன் தம்பிகளாக, மாமன் மச்சான் களாக உறவு சொல்லி பழகிவந்த ஹிந்து முஸ்லிம் ஒற்றுமைக்கு வெட்டு வைக்கும் வேலையை ஹிந்துத்துவா மீண்டும் மீண்டும் தமிழகத்தில் செய்து வருகிறது. வட இந்தியாவில் இவர்களது சூழ்ச்சிக்கு மக்கள் பலியானாலும் தமிழகம் இன்றுவரை அதில் இருந்து தப்பித்தே வந்துள்ளது. ஹிந்து முஸ்லிம் ஒற்றுமைக்காக தன் இன்னுயிரை கொடுத்த தியாகி பழனி பாபா அவர்களை தமிழ் மக்கள் ஜாதி மதங்களை கடந்து மதிக்கிறார்கள்.

முஸ்லிம் சகோதரத்துவ இயக்கத்திற்கு மாபெரும் வெற்றி

2012-01-25T09:17:00.004+05:30

பண்டைய நாகரீகத்தின் தொட்டில்களில் ஒன்று எகிப்து. நைல் நதி, நாகரீகம் தோன்றி வளர்ந்த பூமி. அரபுகளின் வரலாற்றிலும், நபிமார்களின் வரலாற்றிலும் எகிப்துக்கு தனி இடம் உண்டு.

எகிப்தில் 40 ஆண்டு காலத்திற்கும் மேலாக சர்வாதிகார ஆட்சி செய்த ஹோஸ்னி முபாரக்கை மக்கள் புரட்சி வீழ்த்தியது. அரபு வசந்தத்தின் மல்லிகைக் காற்று அங்கு வீசத் தொடங்கியது.

அமெரிக்க மற்றும் இஸ்ரேலின் ஏஜெண்டாக செயல்பட்டு எகிப்து மக்களின் தன்மானத்தையும், அரபுகளின் வீரத்தையும் அடமானம் வைத்த துரோகியை வீழ்த்திய எகிப்து மக்கள் ஜனநாயக வழியில் தேர்தலை சந்தித்தனர்.

எகிப்தில் நெறிசார்ந்த கொள்கைகளுக்காகவும், ஜனநாயகத்திற்காகவும் நீண்ட காலம் போராடிய மக்கள் செல்வாக்கு பெற்ற இக்வானுல் முஸ்லிமீன் (முஸ்லிம் சகோதரத்துவ இயக்கம்) அமைப்பின் அரசியல் பிரிவான விடுதலை மற்றும் நீதிக்கட்சி (FJP) தேர்தலில் பங்கேற்றது.

எகிப்து புரட்சியை வழிநடத்தியதில் இவ்வியக் கத்திற்கு முக்கியப் பங்குண்டு. தேர்தல் பிரச்சாரத்தில் இக்கட்சிக்கு மக்களிடையே செல்வாக்கு அதிகரித்ததைத் தொடர்ந்து அமெரிக்கா தனது நிலைபாட்டை மாற்றும் அளவுக்கு குலைநடுங்கியது. இக்வானுல் முஸ்லி மீன் இயக்கத்துடனான தனது அணுகுமுறையை மாற்றியது.

பல கட்டங்களாக நடைபெற்ற தேர்தலின் முடிவில் இக்வானுல் முஸ்லிமீன் அரசியல் பிரிவான விடுதலை மற்றும் நீதிக்கட்சி மொத்தமுள்ள 498 இடங்களில் 235 இடங்களை வென்று சாதனைப் புரிந்துள்ளது. அதாவது பதிவான வாக்குகளில் 47 சதவீதத்தை இக்கட்சி பெற்றுள்ளது. இதற்கு அடுத்த இடத்தை குர்ஆன்&ஹதீஸ் பிரச்சாரத்தை பின்னணியாகக் கொண்ட அந்நூர் கட்சி பெற்றுள்ளது. இக்கட்சி க்கு 121 இடங்கள் கிடைத்துள்ளது.

கொள்கையளவிலும், புரிந்துணர்வு அடிப்படையிலும் இருகட்சிகளும் நெருக்க மானவை என்பதால் இக்கட்சிகள் இணைந்து ஆட்சி அமைக்க திட்டமிட்டுள்ளன.

நீண்ட நெடுங்காலமாக எகிப்து மக்கள் முபாரக்கின் கொடுங்கோல் ஆட்சியால் தங்களின் அடிப்படை மார்க்க உரிமைகளை இழந்து தவித்தனர். தாடி வைத்திருந்தால் கூட அவர்கள் உளவு அமைப்புகளால் கண்காணிக் கப்பட்டனர்.மேற்கத்திய சாக்கடைகளின் கலாச் சாரச் சீரழிவுகளால் எகிப்தின் பாரம்பரியப் பண்பாடுகள் நொறுக்கப்பட்டன.

இன்று எகிப்தியர்கள் தங்களின் விருப்பங் களையும், மனோநிலையையும் உலகிற்கு தெளிவாக தேர்தல் மூலம் விளக்கியுள்ளனர்.அங்கு கொள்கைகளுக்காகவும், மக்கள் உரிமைகளுக்காகவும் போராடிய ஹசனுல் பன்னா, இப்னு தைமிய்யா போன்ற சான்றோர் களின் தியாகங்களுக்கு காலம் கடந்து எகிப்து மக்கள் அங்கீகாரம் அளித்துள்ளனர்.

அங்கு விரைவில் சபாநாயகர் தேர்தல் நடைபெற உள்ளது. விடுதலை மற்றும் நீதிக் கட்சியைச் சேர்ந்த முகம்மது சாத் அல் கடாட்னி சபாநாயகராகத் தேர்ந்தெடுக்கப்பட உள்ளார். விரைவில் அங்கு அதிபர் பதவிக்கான தேர்தலும் நடைபெற உள்ளது. அதிலும் இக்கூட்டணியே வெற்றிபெறும் என கருத்துக் கணிப்புகள் கூறுகின்றன.

இனிதான் எகிப்தின் புதிய ஆட்சியாளர்களுக்கு சவால்கள் காத்திருக்கின்றன. 40 ஆண்டுகால பண்பாட்டுச் சீரழிவிலிருந்தும், பொருளாதாரப் பின்னடைவிலிருந்தும் எகிப்தைத் தூக்கி நிறுத்த வேண்டிய கடும் பணிகள் காத்திருக்கின்றன. மேலும், பாலஸ்தீனத்தின் மேற்கு கரை எகிப்தின் எல்லையில் உள்ளதால் பாலஸ்தீனத்துடனான அதன் புதிய உறவு இஸ்ரேலுக்கு எரிச்சலை ஏற்படுத்தக்கூடும்.

எகிப்தில் ஏற்பட்டுள்ள அரசியல் மாற்றம் பாலஸ்தீனப் போராளிகளுக்கும், மக்களுக்கும் புதிய உத்வேகத்தை அளித்துள்ளது.

எதிர்காலத்தில் அமெரிக்கா எகிப்துடன் நேசமாக இருக்க முயன்றாலும், இஸ்ரேல் அதற்கு தடையாகவே இருக்கும். எனவே எகிப்தின் புதிய அரசு உணர்ச்சிவசப் படாமல், உலகில் ஏற்பட்டுள்ள புதிய அரசியல் நிகழ்வு களுக்கேற்ப ராஜதந்திரமாக தங்களது வெளியுறவுக் கொள்கையை அமைக்க வேண்டும். இவ்விஷயத்தில் தற்போதைய துருக்கியின் நிலையைப் பின்பற்றலாம்.

காரணம், தனது ஏஜெண் டான முபாரக் இல்லாத எகிப்தை இஸ்ரேலால் ஜீரணிக்க முடியவில்லை. உடனடியாக எகிப்துடன் போரில் ஈடுபட்டு எகிப்தை மிரட்டிப் பணியவைக்கும் அதிரடியிலும் அது இறங்கக்கூடும். வலிய வம்பிழுக்கும் சண்டித்தனத்தையும் செய்யக் கூடும்.

இந்த அபாயத்தை கவனத்தில் கொண்டு இவ்விஷயத் தில் எகிப்து எச்சரிக்கையாக அணுகவேண்டும். எகிப்தின் புதிய ஆட்சியாளர்களால் மத்திய கிழக்கில் புதிய போர் பதற்றம் உருவாகியுள்ளது என்ற பிரச்சாரத்தை இஸ்ரேல் தொடங்கிட வாய்ப்பினை கொடுத்துவிடக் கூடாது.

அடுத்த ஐந்தாண்டுகளுக்கு எகிப்து மக்களின் வாழ்க்கைத்தரத்தை மேம்படுத்துவதற்கும், ராணுவத்தை இஸ்ரேலுக்கு நிகராக உருவாக்கு வதற்கும் எகிப்தின் புதிய ஆட்சியாளர்கள் திட்டங்களைத் தீட்டவேண்டும்.

இத்தகைய நிதானமான போக்குகள் எகிப்தின் எதிர்காலத்திற்கு நல்லது. காரணம், இஸ்ரேலுக்கு எதிராக ஈரான் இப்போது மல்லுகட்டுவது போல் எகிப்தால் களமிறங்க முடியாது. எகிப்திடம் அந்த அளவுக்கு வலுவான ராணுவமோ மற்றும் தொழில்நுட்பங்களோ இல்லை.

அரபு லீக், உலக இஸ்லாமியக் கூட்டமைப்பு (OIC) மற்றும் அமெரிக்க&இஸ்ரேலிய எதிர்ப்பு நாடுகளுடன் வலுவான உறவை ஏற்படுத்திக் கொள்வது அதன் உடனடி பணியாக உள்ளது. மேலும் எகிப்தில் உள்ள கிறித்தவர்கள் உள்ளிட்ட சிறுபான்மை மக்களின் உரிமைகளையும், பாதுகாப்பையும் புதிய அரசு உறுதி செய்ய வேண்டும். அவர்களின் மகிழ்ச்சியில்தான் எகிப்தின் வலுவான எதிர்காலம் உள்ளது என்பதையும் புதிய ஆட்சியாளர்கள் மறந்துவிடக் கூடாது.
இவர்களால் கொடுங்கோல் ஆட்சியை வீழ்த்த முடிந்திருக்கிறது. ஆனால் நல்லதொரு ஆட்சியை வழிநடத்த தெரியவில்லை என்ற விமர்சனத்திற்கு ஆளாகக் கூடாது.

எகிப்தில் ஏற்பட்டுள்ள ஜனநாயக மாற்றம் அனைத்து அரபு நாடுகளிலும் பரவி, வெற்றிபெற வேண்டுமெனில், எகிப்தில் அமையும் புதிய ஆட்சியின் செயல்பாடுகள் அதற்கு முன் உதாரணமாக இருக்க வேண்டும் என உலகம் எதிர்ப்பார்க்கிறது. மாறாக, அவசர கோலத்தில் செயல்படுவார்களேயானால் புரட்சியின் பயன்கள் அர்த்தமற்றதாகி விடும்.

எம்.தமிமுன் அன்சாரி

வஞ்சிக்கப்பட்ட சமூக மக்களின் "அரசியல் எழுச்சி நாள்"

2012-01-25T09:07:00.000+05:30

இலட்சியவாதிக்கு அழிவுண்டு! இலட்சியத்திற்கு அல்ல!!

சமூக புரட்சியாளர் அல்ஹாஜ் பழனிபாபா அவர்களின் 15வது நினைவேந்தல் நிகழ்ச்சி மற்றும் ஒடுக்கப்பட்டோர் அரசியல் எழுச்சி நாள் பொதுக்கூட்டம்

நாள் : 28 - 01 - 2012, சனிக்கிழமை

நேரம் : மாலை 6 மணி

இடம் : காயிதே மில்லத் அரிசி ஆலை திடல்

புது ஆயங்குடி, பழனி (திண்டுக்கல் மாவட்டம்)

தலைமை : K.M. சரீப்

தலைவர், தமிழக மக்கள் ஜனநாயக கட்சி

முன்னிலை : A.அப்துல் ரஹ்மான் (எ) சின்னத்தம்பி

துணைத்தலைவர், தமிழக மக்கள் ஜனநாயக கட்சி

M.நஜ்முதீன்

பொருளாளர், தமிழக மக்கள் ஜனநாயக கட்சி

வரவேற்புரை : சே.ஜெ. உமர்கயான்,

இளைஞர் அணி செயலாளர், தமிழக மக்கள் ஜனநாயக கட்சி

சிறப்புரை

தொல். திருமாவளவன் M.P, தலைவர், விடுதலை சிறுத்தைகள்

சகோதரர் தெஹ்லான் பாக்கவி, மாநில தலைவர், இந்திய சமூக ஜனநாயக கட்சி

சகோதரர் M.அப்துல் ரஹ்மான் M.P , இந்திய யூனியன் முஸ்லிம் லீக்

M.நடராஜன், தலைவர், தாத்தா இரட்டைமலை சினிவாசன் பேரவை

சகோதரர் ஆளூர் ஷாநவாஸ், பத்திரிக்கையாளர்

A.K.ராஜன், வெளியீட்டுச் செயலாளர்

மற்றும் பலர்

நன்றியுரை : A. காஜா மைதீன், மாவட்ட தலைவர்

தமிழக மக்கள் ஜனநாயக கட்சி

சமூக ஆர்வலர்களே, நல்லிணக்கத்தை பேணுபவர்களே, சமுதாய சொந்தகளே அனைவரும் வாரீர், வாரீர், வாரீர்.....

ஈரான் மீது தாக்குதல் நடத்த அமெரிக்காவை இஸ்ரேல் வலியுறுத்தல்

2012-01-25T08:56:00.000+05:30

ஈரானின் அணு உற்பத்தி நிலையங்களை குறி வைத்து, தாக்குதல் நடத்தி அழிக்கப் போவதாக இஸ்ரேல் திடீரென அறிவித்தது. இதனால், அமெரிக்கா உட்பட உலக நாடுகள் அதிர்ச்சி அடைந்துள்ளன. ஈரான் தொடர்ந்து அணுஆயுதங்களை தயாரித்து குவித்து வருவதாக அமெரிக்கா உட்பட மேற் கத்திய நாடுகள் குற்றம் சாட்டி வருகின்றன. ஈரான் மீது பொருளாதார தடைகளும் விதிக்கப்பட்டன. ஆனால், ஆக்கப்பூர்வ பயன்பாட்டுக்காக மட்டுமே அணுசக்தி உற்பத்தி செய்யப்படுவதாக ஈரான் தொடர்ந்து கூறி வந்தது. இந்த நிலையில், சமீப காலமாக அண்டை நாடுகளான இஸ்ரேல் & ஈரான் இடையே மோதல் வெடித்துள்ளது.

அணு உற்பத்தியை உடனடியாக நிறுத்த தவறினால் ஈரான் மீது தாக்குதல் நடத்த வேண்டும் என்று அமெரிக்காவை இஸ்ரேல் வலியுறுத்தியது. இந்த ஆண்டு இறுதியில் அமெரிக்க அதிபர் தேர்தல் நடக்கவுள்ளது. அதில் மீண்டும் வெற்றி பெற அமெரிக்க வாழ் இஸ்ரேலியர் களின் ஆதரவு தேவைப் படும் நிலையில், அதிபர் ஒபாமாவுக்கு நெருக்கடி ஏற்பட்டது.

இதற்கிடையே, ஈரானின் அணு உற்பத்தி நிலையங்கள் மீது தாக்குதலை தொடங்க அமெரிக்காவுக்கு 12 மணி நேர கெடுவை இஸ்ரேல் நேற்று விடுத்தது. அது தவறும் பட்சத்தில் தன்னிச்சையாக தாக்குதல் நடத்தப் போவதாகவும் எச்சரித்துள்ளது. அமெரிக்க முப்படை இணை தலைவரான ஜெனரல் மார்ட்டினிடம் இஸ்ரேல் ராணுவ அமைச் சர் எகுத் பாரக் இதை தெரிவித்ததாக தகவல்கள் வெளியாகியுள்ளன. இதனால், அமெரிக்கா அதிர்ச்சி அடைந்துள்ளது. 60 ஆண்டு கால நெருங்கிய நட்பு நாடான இஸ்ரேல், தன்னிச்சையாக ஈரான் மீது தாக்குதல் நடத்த எச்சரிக்கை விடுத்துள்ளதால் அதிபர் ஒபாமா அதிர்ச்சி அடைந்ததாக வெள்ளை மாளிகை வட்டாரங்கள் தெரிவித்தன.

எகிப்து பாராளுமன்றம் கூடியது

2012-01-25T08:49:00.000+05:30

இஸ்லாமிய கட்சிகளுக்கு பெரும்பான்மை கிடைத்துள்ள தேர்தலை தொடர்ந்து எகிப்து பாராளுமன்றத்தின் கீழ்சபையான மக்கள் அவை நேற்று முதன் முறையாக கூடியது.

ஹுஸ்னி முபாரக் பதவியில் இருந்து வெளியேற காரணமான ஜனநாயக போராட்டத்திற்கு பிறகு நடந்த தேர்தலில் தேர்ந்தெடுக்கப்பட்ட புதிய பாராளுமன்றம் புரட்சியில் கொல்லப்பட்டவர்களுக்கு பிரார்த்தனை புரிந்துவிட்டு நடவடிக்கைகளை துவக்கியது. உறுப்பினர்கள் அனைவரும் பதவி பிரமாணம் எடுத்துக்கொண்டனர்.

498 உறுப்பினர்களை கொண்ட அவையில் மூத்த உறுப்பினர் வஃபத் கட்சியின் மஹ்மூத் அல் ஸகா தற்காலிக சபாநாயகராக வீற்றிருந்து பாராளுமன்ற நடவடிக்கைகளுக்கு தலைமை வகித்தார். புதிய சபாநாயகராக இஃவானுல் முஸ்லிமீனின் அரசியல் கட்சியான ஃப்ரீடம் அண்ட் ஜஸ்டிஸ் கட்சியின் (FJP) உறுப்பினர் ஸஅத் அல் கதாத்னி தேர்ந்தெடுக்கப்பட்டார்.

பாராளுமன்றத்தில் மிகப்பெரிய கட்சியான 235 உறுப்பினர்களைக் கொண்ட எஃப்.ஜெ.பி சபாநாயகர் பதவிக்கான போட்டியில் கதாத்னியை முன்மொழிந்தது. சபாநாயகருடன், அரசியல் சாசனத்தை உருவாக்கும் 100 உறுப்பினர்களைக் கொண்ட அவையை தேர்வுச்செய்வதும் கீழ் சபையின் பணியாகும்.

ஜூனில் நடைபெறவிருக்கும் அதிபர் தேர்தலுக்கு முன்பாக பாராளுமன்ற குழு தயாரிக்கும் புதிய அரசியல் சாசன சட்டத்திற்கு அங்கீகாரம் பெற மக்கள் விருப்ப வாக்கெடுப்பு நடைபெறும்.

பாக்.கொடியேற்றிய கயவர்களை கண்டுபிடித்த Blogger..!

2012-01-09T22:57:00.004+05:30

ஒரு நிறுவனத்தில் Appreciation Letters-ஐ விட Warning Letters அதிகரித்து விட்டால், அது அந்த நிறுவனத்துக்கு நல்லதல்ல. அதேபோல, ஒரு சமூகத்தில் பரஸ்பர பாராட்டுக்களும், நன்றியரிதல்களும் குறைந்து கண்டன குரல்களே மிகுதியாயின் அது அமைதி குலைந்த சமூகமாகி விடும். எனவே, இங்கே சிலரை அவர்களின் நேரிய நற்செயல்களுக்காக நன்றியோடு பாராட்ட இருக்கிறோம் சகோ..!

புத்தாண்டு தினத்தன்று கர்நாடகா-பீஜப்பூர் மாவட்டம், சிந்தகி என்ற ஊரில் அரசு வட்டாட்சியார் அலுவலகம் உட்பட பல அலுவலகங்கள் உள்ள ஒரு வளாகத்தில் பாகிஸ்தான் கொடி ஏற்றப்பட்டு பறந்து கொண்டிருக்க... உடனே, அந்த ஊரில் பதட்டம்..!

பிஜேபி, ஸ்ரீ ராம் சேனை உட்பட்ட தடை செய்யப்படவேண்டிய அனைத்து RSS-சங்பரிவாரங்களின் ஆதரவோடு... கடைய(உ)டைப்பு, கட்டுப்பாடற்ற ஊர்வலம், விஷமகோஷம், வன்முறை முழக்கம், வெறியாட்டம், தீவைத்தல், வாகனங்களை சேதப்படுத்துதல், சாலை மறியல், தர்ணா, போக்குவரத்து நிறுத்தம், பள்ளி கல்லூரி கட்டாய விடுமுறை, அலுவலகம் மூடல், அப்பாவி மக்கள் அவதியுறல், மாமூல் வாழ்க்கை பாதிப்பு, கலவரம், லத்தி சார்ஜ், பந்த்... எல்லாமே ஜெகஜ்ஜோதியாக அடுத்தடுத்து திட்டமிட்டபடி மக்கள் விரோத செயல்கள் அரங்கேறின. பாகிஸ்தான் கொடியை ஏற்றியதாக வழக்கம்போலவே முஸ்லிம்கள் இவர்களால் 'சந்தேகிக்கப்பட்டு'(?) தூற்றப்பட்டனர். உடனே கொடி ஏற்றியவர்களை கைது செய்ய கலவரக்காரர்களால் காவல் துறையினரிடம் கோரப்பட்டது..!!!

ஆனால், கயவர்களை கண்டுபிடித்து... கைது செய்தவுடன், அவர்களிடம் பேச்சு மூச்சை காணவில்லை..! அதுவரை அப்படி குதித்தவர்கள் அடங்கிப்போய் ஓடி ஒளிந்து உட்கார்ந்து விட்டார்கள். அது மட்டுமல்ல, "நான் இல்லை நீதான்..." "...இல்லை ...இல்லை ...நீ தான்..!" "உனக்கும் எனக்கும் சம்பந்தமே இல்லையே..!" "நீ யார்..?" என்று நேற்றுவரை ஒன்றாக இருந்து கத்தியவர்கள்... தமக்குள் இன்று சண்டை போட்டுக்கொள்ள ஆரம்பித்து விட்டனர்..!

'இஸ்மாயில்' என்று கையில் பச்சை குத்தி காந்தியை சுட்டுக்கொன்ற கோட்சே காலத்தில் இருந்தே... இப்படி முஸ்லிம்கள் மீது பழிபோட்டு அப்பாவி மக்களிடம் ஹிந்துத்வா மதவெறியூட்டி... கொலைக்களம் காணத்துடிக்கும் ஈவிரக்கமற்ற இந்த பயங்கரவாதிகளுக்கு கண்டனப்பதிவு போடுவதை விட, இந்த உண்மையை மூன்றே நாளில் கண்டுபிடித்தோரை பாராட்டி பதிவுபோடுவதே இப்போது மிக முக்கியம்..!

இதற்கு முன் இரண்டு பிளாஷ்பேக்ஸ் பார்த்து விடுவோம்..!

பிளாஷ்பேக் -1 :P.கண்ணப்பன்

தென்காசி RSS அலுவலக குண்டு வெடிப்பு தொடர்பாக உடனடியாக சந்தேகத்தின் பேரில், தலைப்புச் செய்தியில் "இஸ்லாமிய(?) பயங்கரவாதிகள்" கைது செய்யப் பட்டிருக்க, அந்த வழக்கை தன் கையில் எடுத்து... திறம்பட துப்பறிந்து..."தங்கள் அலுவலகத்தில் தாங்களே வெடி குண்டு வைத்துக் கொண்டார்கள், இந்த RSS பயங்கரவாதிகள்" என்ற உண்மையை வெளிக்கொணர்ந்த அன்றைய திருநெல்வேலி DIG (பின்னர், மதுரையில் IG) P.கண்ணப்பன் IPS மற்றும் அவருடைய டீமை தமிழ் முஸ்லிம்கள் மறந்திருக்க வாய்ப்பில்லை. "முஸ்லிம்கள் என்றாலே பயங்கரவாதிகள்" என்ற புனையப்பட்ட அவப்பெயரை முதலில் நீக்கியவர். ஆனாலும், இந்திய ஊடகங்கள் இதை துணுக்குச் செய்தியாகக்கூட பகிராமல் மறைத்தன.!

பிளாஷ்பேக் -2 :ஹேமந்த் கார்கரே

இன்றைய தேதியில் இந்தியாவில் உள்ள எந்த ஒரு முஸ்லிமும் இவரை தெரியாமலோ, தெரிந்தோர் மறந்து போயிருக்கவோ வாய்ப்பே இல்லை..! நான் உட்பட இன்று இந்தியாவில் உள்ள ஒவ்வொரு முஸ்லிமும் தலை நிமிர்ந்து தனக்கான குடி யுரிமையுடன் ஜம்பமாக பயங்கரவாதத்தை எதிர்த்து அவைகளுக்கு தடைகோரி பதிவில் எழுத- பொது வெளியில் பேச- முடிகிறது என்றால்... பற்பல குண்டுவெடிப்பு வழக்கில் ஏற்கனவே "இஸ்லாமிய(?) பயங்கரவாதிகள்" சந்தேகத்தின் பேரில் தலைப்புச் செய்தியில் கைது செய்யப் பட்டிருந்தும், அனுதினமும் வந்த காவிகளின் கொலை மிரட்டல்களை பொருட் படுத்தாது அந்த வழக்குகளில் உண்மையை வெளிக் கொணர்ந்த இவரின் நேர்மையான உயிர்க்கு அஞ்சா உழைப்பே காரணம். இவரை நம் நாட்டிற்கு சரியான நேரத்தில் ஈந்த இறைவனுக்கே புகழனைத்தும்.

இவர்கள் போல இன்னும் நிறைய நேர்மையான அதிகாரிகளை நம் நாட்டிற்கு தரச்சொல்லி, இறைவனிடம் நாம் பிரார்த்தித்து உள்ளோம் சகோ..! இவர்கள் போல கர்நாடகா-பீஜப்பூர் சம்பவத்தில் இன்னும் சிலரை காண்கிறோம்.

இந்த பாகிஸ்தானிய கொடியேற்று சம்பவம் நடந்த நான்காவது நாள் அதிகாலை (வெறும் மூனே நாள்தான் துப்பு துலக்கல்) "ஹிந்துத்துவ-RSS-சங்பரிவார கும்பலில் ஒன்றான 'ஸ்ரீ ராம் சேனா' வினர்தான் குற்றவாளிகள்" என்று கண்டு பிடிக்கப்பட்டது... நிச்சயமாக ஒரு மிகப்பெரிய சாதனை அல்லவா..?

இதை நிகழ்த்தியவர்கள் பற்றி... இவர்களை ஃபோகஸ் பண்ணி பாராட்டி, தட்டிக்கொடுத்து புகழ்ந்து பேச, ஃபோட்டோ போட்டு எழுத ஏனோ கிட்டத்தட்ட எவருமே முன்வர வில்லை..! அதனால் என்ன..? நாம் எதற்கு பிளாக் வைத்து இருக்கிறோம்..? தனிப்பதிவு போட்டு பாராட்டுவோம்..! போதாக்குறைக்கு அவர் ஒரு பதிவர் (Blogger) வேறு..! விட்டு விடுவோமா..?

மங்களூர் பஃப் மற்றும் காதலர் தின தாக்குதலுக்கு பெயர்போன 'ஸ்ரீ ராம் சேனா'வின் மாணவர் அணி தலைவனான Rakesh Siddaramiah Mutt (19) என்பவனும், அவனோடு படிக்கும் அவ்வமைப்பின் கல்லூரி மாணவர்கள் Sunil Madiwalappa (18), Anil Kumar (18), Parashuram Ashok (20), Rohit Eshwar (18), Mallanagouda Vijaykumar (18) 5 பேரும் ( இதில் ஈடுபட்ட Arun Vaghmore (20) என்பவன் தப்பிவிட்டான்... தேடப்படும் இவன் மட்டும் இன்னும் பிடிபட வில்லை)....மொத்தம் ஏழு பேர் சேர்ந்து... இரவில் அங்கே கொடியை ஏற்றிவிட்டு காலையில் வந்து நல்லவர்கள் போல கொடியை ஏற்றியவர்களை உடனே கண்டுபிடித்து கைது செய்யக்கோரி கோஷம்போட்டு பாகிஸ்தான் கொடியை எரித்து கலவரம் செய்து இருக்கின்றனர்..!

முதலில் அந்த ஜனவரி 1 இரவில் அந்த அலுவலக வளாகத்தில் இரவு அரைமணி நேரம் (3:30-4:00) ஒரு இருசக்கர மோட்டார் வாகனம் நிறுத்தப்பட்டு இருந்ததுதான் முதல் துப்பு. அதை கண்ட ஐ விட்னஸ் சொன்ன தகவலின்படி... அந்த வாகனத்துக்கு சொந்தக்காரனை, வேறொரு இடத்தில் பார்த்த அந்த ஐ விட்னஸ் அவனை அடையாளம் காட்ட... அவனை அணுகி விசாரிக்கும் போது தெரியவந்தது என்னவெனில்... பைக் சொந்தக்காரனான இவனும் இவன் நண்பனும் பிஜப்பூரில் புத்தாண்டு இரவு கொண்டாட்டங்கள் முடிந்து நள்ளிரவில் திரும்பும்போது தம் நண்பர்களை அந்த அரசு அலுவலக வளாகத்தில் சந்தித்ததாக தெரிவித்தனர். கூடவே அவர்கள் செய்த காரியமும் இவர்கள் மூலம் வெளிவந்து விட்டது. இவர்களின் மூலம் மற்ற நண்பர்கள் கண்டறிந்து சுற்றி வளைத்து பிடிக்கப்பட்டனர். தப்பிவிட்ட ஒருவன் மட்டும் இன்னும் சிக்கவில்லை. தாசில்தார் அலுவலகத்தில் ஏற்றப்பட்ட பாகிஸ்தான் கொடி சுனில் வீட்டில் தான் செய்யப்பட்டுள்ளது என்பது விசாரணையில் தெரிய வந்துள்ளது..! புதன்கிழமை, ஜனவரி 4 ம் தேதி அதிகாலை மற்ற அனைவரும் கைது செய்யப்பட்டனர்.

பொதுவாக முஜாகிதீன், சிமி, தொய்பா, கொய்தா என்று அனானி ஈமெயிலை ஆதாரமாக குற்றம் சாட்டி சந்தேகத்தின் பேரில் 'தடா பொடா' என்று கைது செய்யப்படுபவர்கள் கூட, தங்கள் முகங்களை கைகளால் மறைக்க இயலாதவாறு பின்னால் கட்டப்பட்டு செய்தியாளர்களிடம் முகம் நிமிண்டி காட்டப்படுவது நாம் அறிந்ததே..!

பாக்.கொடி ஏற்றிய ஸ்ரீராம் சேனாவின் 'பர்தா' அணிந்த கேடிகள்

ஆனால், இங்கே... சாட்சி, ஆதாரத்துடன் அகப்பட்டு குற்றத்தை ஒப்புக்கொண்ட பின்னரும் கூட... இவர்களுக்கு முகத்தை மறைக்க பிரான்ஸ் நாட்டில் தடை செய்யப்பட்ட முகம் மறைக்கும் புருகா-நிகாப் சலுகைகள் எல்லாம் தரப்பட்டுள்ளன..! சபாஷ்..! இந்த "புதிய மாற்றத்தை" நாம் வரவேற்போம். அதேநேரம்... நாளை ஒருநாள்... 'குற்றவாளிகள்' என்று நீதிமன்றம் தீர்பளித்த பின்னராவது இவர்களின் முகத்தை "நடுநிலை(?) ஊடகங்கள்" நமக்கு காட்டுவார்கள் என்று நம்புவோம்..!

"ஒரு பக்கம், நாங்கள் குற்றவாளிகள் அல்ல... RSS தான் குற்றவாளி" என்று கூறும் ஸ்ரீ ராம் சேனாவின் தலைவர் பிரமோத் முத்தாலிக்கிற்கு கொடுக்கப்படும் முக்கியத்துவம் கூடவா இந்த உண்மையை கண்டுபிடித்த சாதனையாளர்களுக்கு இல்லை..? அவனுக்கெல்லாம் பக்கம் பக்கமாக அத்தனை ஃபோட்டோக்கள் கூகுளில் உள்ளன..! ஹேமந்த் கார்கரேவின் வாரிசுகளான இவர்களுக்கு ஒரே ஒரு போட்டோ எடுப்பதற்குள்...அப்பப்பா 2 நாளாக நான் பட்ட பாடு..! அவர்கள் ஒருவரல்ல சகோ..! 5 பேர் கொண்ட டீம்..! இந்த ஐந்து பேரில், அதன் டீம் தலைவர்தான் சாதனையாளரான நம் பதிவர்..! கடைசியில், அவரின் ப்ளாக் ப்ரோஃபைல் போட்டாதான் எனக்கு கிடைத்தது..! நியூசில் அல்ல..!

அவர்.... பீஜப்பூர் மாவட்ட SP,  Dr. D.C. ராஜப்பா IPS
(பிற்சேர்க்கை) மேலேயுள்ள ப்ளாக் ப்ரோஃபைல் லிங்க் இதுதான்....
http://www.blogger.com/profile/09631126950354305286
(பிற்சேர்க்கை) இந்த ப்ரோஃபைளில் உள்ள அவரின் ப்ளாக் முகவரி இதுதான்....
http://bijapurpolicenews.blogspot.com/

இவர்தான் ஒரு  "special investigation team"  ஒன்றை தன்னுடைய DSP - முத்துராஜ் தலைமையில் உடனடியாக ஏற்படுத்தி... அதில் DCIB Police Inspector சித்தேஷ்வர், CPI சிதம்பர்மற்றும் PSI பாபகவுடா படில் ஆகியோரை இணைத்தார். இவர்கள்தான் எவ்வித உயிரிழப்புகளும் இன்றி கலவரத்தையும் கட்டுப்படுத்தி, பந்தையும் அமைதியாக நடக்க அனுமதித்து, இதன் மூலம்முஸ்லிம்கள் மீது தேசத்துரோக பழிபோட்டு, அப்பாவி இந்து மக்களை தூண்டிவிட்டு பெரிய அளவில் மதக்கலவரத்தை கர்நாடகாவில் ஹிந்துத்துவா தீவிரவாதிகள் திட்டமிட்டிருந்ததை முறியடித்தும் உள்ளனர்.

நம் நாட்டில் இவரை/இவர் டீமை எவரும் கண்டு கொள்ளா விட்டாலும் கூட... தான் உண்டாக்கிய தன் டீமுக்கு தானே ரூ.10,000 வெகுமதி வழங்கி கவுரவித்தும் உள்ளார்.

நம் சக பதிவரான... இவருக்கு நம் பாராட்டுக்களை மகிழ்வோடு தெரிவிப்போம் சகோ..!

Well done, Bijappur  SP, Dr. D.C. RAJAPPA & team..!

அவர் ஊடக பேட்டியில் சொன்னது.......

"Rakesh is the Sindhagi unit president of Sene's student wing and the other accused are its members. They are all students in various colleges of Sindhagi and Bijapur. Their aim was to create communal unrest and gain advantage for their campaign" Rajappa said.

Rajappa said: "The accused have confessed...They were planning to shift base to Goa for a few days by mid- January. They had stitched the Pakistani flag at an accomplice's house in Sindhagi.Investigations are on to find out if other Sene leaders are involved." He said the accused conspired for a week before hoisting the flag on the night of December 31.

They returned the following morning and staged their demonstration, pelting stones at a government- owned bus. "Their motive was clear: hoist the flag, create unrest and take mileage by protesting against the incident," Rajappa said.

Read more at: http://indiatoday.intoday.in/story/sri-ram-sene-activists-pakistani-flag/1/167409.html

Thanks to these news sources for references.....

http://www.daijiworld.com/news/news_disp.asp?n_id=126207 (Sindhagi Town Tense as Pak. Flag Hoisted)

http://mangaloretoday.com/mt/index.php?action=headlines&type=2572 (special investigation team)

http://indiatoday.intoday.in/story/sri-ram-sene-activists-pakistani-flag/1/167409.html

http://www.megamedianews.in/index.php/44924/gang-of-7-in-rama-sene-hoisted-the-pak-flag-6-arrested-one-absconds/

அப்புறம் ஒரு கேள்வி..!

இந்த சம்பவம் பற்றிய செய்திகளை ஜனவரி 2 மற்றும் 3 ம் தேதிகளில் நிறைய தமிழ் & ஆங்கில தளங்களில் நான் படித்த போது அங்கேயெல்லாம் தவறாமல் நான் பார்த்த சில பின்னூட்டங்களின் கருத்து என்னவென்றால்... "பாகிஸ்தான் கொடியை நம் நாட்டில் ஏற்றிய இந்த தேசத்துரோத முஸ்லிம்களை உடனே பிடித்து பாகிஸ்தானுக்கு பார்சல் கட்டி பார்டருக்கு அந்தப்புறம் தூக்கி வீசிவிடவேண்டும்" என்பதுதான்..!

ஆனால், இந்திய முஸ்லிம்களை பாகிஸ்தானுக்கு விரட்டும் தீயோரின் சூழ்ச்சியில் மீண்டும் மீண்டும் மண்..! போகாதோரை கலவரம் ஆரம்பித்து இனச்சுத்திகரிப்பு செய்யும் பயங்கரவாத சூழ்ச்சியும் செத்தது..! அல்ஹம்துலில்லாஹ்..!

சரியான ஆதாரம், நிஜமான சாட்சி என்று ஏதும் இல்லாவிட்டாலும் ஊடகம் ஏற்படுத்திவிட்ட மாயையினால் 'பயங்கரவாதி' என்று மக்கள் மனதில் நன்கு பதியப்பட்டுவிட்ட அப்சல் குருவுக்கு... பெருவாரியான இந்திய மக்கள் ஆசைக்கிணங்க தூக்கு தண்டனை அளிக்கப்பட்டது போல.......
இந்தியமக்களான அந்த பெருவாரியான பின்னூட்டவாதிகளின் ஆசைக்கிணங்க... இந்த பச்சைக்கொடியேற்றிய காவிகள் ஏழு பேரையும் உடனே பார்ஸல் கட்டி இந்திய-பாகிஸ்தான் எல்லையோர இரும்பு முள் வேலிக்கு அந்தப்பக்கம் நைசாக ராவோடு ராவா தூக்கி கடாசி விட வேண்டும்..!

இவர்கள் மீது, இப்படி ஒரு நீதி மன்ற தீர்ப்பு வந்தால் எனக்கு ஓகே..! உங்களுக்கும் ஓகே தானே சகோ...?

அதிமுகவினரை ஆத்திரமூட்டிய நக்கீரன் கட்டுரை?

2012-01-07T22:44:00.000+05:30

"மாட்டுக்கறி சாப்பிடும் மாமி நான்" என்று முதலமைச்சர் ஜெயலலிதா கூறியதாக நக்கீரனில் வெளியான செய்தியே அதிமுகவினரை ஆத்திரமடைய வைத்து, அதன் அலுவலகம் மீது தாக்குதலை நடத்த வைத்துள்ளது.

சசிகலா போயஸ் தோட்டத்திலிருந்து வெளியேற்றப்பட்ட நிலையில், அண்மையில் நடைபெற்ற அதிமுக பொதுக் குழு கூட்டத்திற்கு பின்னர் ஜெயலலிதா, கட்சியின் முன்னணி நிர்வாகிகளை அழைத்து ஆலோசனை நடத்தியதாக கூறி, இன்று வெளியான நக்கீரன் வாரம் இருமுறை ஏட்டில் இடம்பெற்ற கட்டுரை ஒன்றில் கீழ்க்கண்டவாறு கூறப்பட்டிருந்தது. :

"ஜெ.வுட‌ன் ஆலோசனை‌யி‌ல் ஈடுப‌ட்டவ‌ர்க‌ளி‌ன் பே‌ச்சு, ச‌சிகலா ‌விவகார‌ம் ப‌ற்‌றி‌த் ‌‌திரு‌ம்‌பியு‌ள்ளது. அதை ‌விரு‌ம்பாத ஜெய‌ல‌லிதா, ''அதை‌ப்ப‌ற்‌றி பேசா‌தீ‌ங்க.ந‌ா‌ன் தவறான ‌விதையை ‌விதை‌ச்‌சி‌ட்டு ‌விஷ‌த்தை அறுவடை ப‌ண்‌‌ணி‌க்‌கி‌ட்டிரு‌க்கே‌ன்'' எ‌ன்று சொ‌ல்‌லி‌வி‌ட்டு, கலைஞ‌ர் ‌மீது‌ம், ‌வீரம‌ணி ‌மீது‌ம் கோப‌த்தை‌த் ‌திரு‌ப்‌பி‌‌யிரு‌க்‌கிறா‌ர்.

''இவ‌ங்க இர‌ண்டு பேரு‌ம்,எ‌ன் கூட இரு‌க்‌கிறவ‌ங்களை ம‌யிலா‌ப்பூ‌ர் மாஃ‌பியா‌ன்னு ‌பிர‌ச்சார‌ம் ப‌ண்ணுறா‌ங்க.அதாவது நா‌ன் மா‌மியா‌ம்.. எ‌ன் கூட இரு‌க்‌கிறவ‌ங்க மா‌மி‌க‌ள் அ‌திகமு‌ள்ள ம‌யிலா‌ப்பூ‌ர் மாஃ‌பியாவா‌ம். இ‌ந்த ‌விம‌ர்சன‌ம் எ‌ம்‌ஜிஆ‌ர் கால‌த்‌திலேயே க‌ட்‌சி‌க்கு‌ள்ளே வ‌ந்தது.அ‌ப்ப அவ‌ர் எ‌ன்ன சொ‌ன்றா‌ர் தெ‌ரியுமா?''எ‌ன்று ‌த‌ன் மு‌ன்னே இரு‌ந்தவ‌ர்களை‌க் கே‌‌ட்டு‌வி‌ட்டு,அ‌ந்த ச‌‌ம்ப‌வ‌த்தை ‌விள‌க்க ஆர‌ம்‌பி‌த்‌திரு‌க்‌கிறா‌ர் ஜெய‌ல‌லிதா.

''நா‌ன் அர‌சியலு‌க்கு நுழை‌ஞ்ச நேரம் அது.எ‌‌ம்‌ஜிஆ‌ர் எ‌ன்னை‌க் கூ‌ப்‌பி‌ட்டு, இ‌னி த‌ன்னால ஊ‌ர்ஊரா சு‌ற்ற முடியாது‌ன்னு‌ம், கருணா‌நி‌தி‌க்கு‌ப் போ‌ட்டியா ஜான‌கியை கொ‌ண்டு வர முடியாது‌ன்னு‌ம் சொ‌ல்‌லி,அ‌ம்முதா‌ன் ச‌ரியான ஆ‌ள்னு எ‌ன்னை‌க் கா‌ட்டி,க‌ட்‌சி ‌நி‌ர்வா‌கி‌க‌ள் ‌கி‌ட்டே சொ‌ன்னா‌ர்.

அதோடு, கொ‌ள்கை பர‌ப்பு‌ச் செயலாள‌ர் பத‌வியையு‌ம் கொடு‌த்தா‌ர். கே.ஏ.கே., எ‌ஸ்.டிஎ‌ஸ். போ‌ன்றவ‌ங்க கடுமையா எ‌தி‌ர்‌த்தா‌ங்க. அ‌ப்ப பொ‌ன்னைய‌ன் இரு‌ந்தாரு.அவரு, 'ந‌ம்ம க‌‌ட்‌சியு‌ம் ‌திரா‌விட இய‌க்க‌ம்‌ங்‌கிற அடையாள‌த்தோடு இரு‌க்கு.இ‌தனோட கொ‌ள்கையை பர‌ப்ப ஒரு ‌பிரா‌மினை ‌நிய‌மி‌க்‌‌கிறது ச‌ரியா இரு‌க்காது'‌ன்னு சொ‌ன்னா‌ர்.

அ‌ப்ப எ‌ம்‌ஜிஆ‌ர் 'நீ‌ங்க அ‌ம்முவை ‌பிரா‌மி‌ன்னு ‌நினை‌க்‌கி‌றீ‌ங்களா? பிரா‌மி‌ன்னா குழை‌ஞ்சு குழை‌ஞ்சு பே‌சி கா‌ரிய‌ம் சா‌தி‌ப்பா‌ங்க. அ‌ம்மு எதையு‌ம் ப‌ட்ப‌ட்டு‌ன்னு நே‌ரில‌் பே‌சிடு‌ம்.

அ‌ப்புற‌ம்,இ‌ங்கே இரு‌க்‌கிற ‌நீ‌ங்க யாரு‌ம் மா‌ட்டு‌க்க‌றி சா‌ப்‌பி‌ட்டிரு‌க்க மா‌ட்டீ‌ங்க. ஆனா, அ‌ம்மு ‌ஸ்பெ‌ன்ச‌ரி‌லிரு‌ந்து ‌ஸ்பெஷ‌ல் ‌பீஃ‌ப் வா‌ங்‌கி என‌க்கு சமை‌ச்‌சி‌க் கொடு‌த்‌திரு‌க்கு. நா‌ன்தா‌ன் பழ‌க்க‌மி‌ல்லாததால அதை சா‌ப்‌பிடலை.மா‌ட்டு‌க்க‌றி சா‌ப்‌பிடுற அ‌ம்முவை எ‌ப்படி ‌பிரா‌மி‌ன்னு நினை‌க்‌கி‌றீ‌‌‌ங்க'‌ன்னு சொ‌ன்னா‌ர்.

இ‌‌ன்னைக‌்கு கருணா‌நி‌தியு‌ம்,‌வீரம‌ணியு‌ம் நா‌ன் ‌பிரா‌மி‌ன்னு‌ம் எ‌ன் கூட இரு‌க்‌கிறவ‌ங்களை ம‌யிலா‌ப்பூ‌ர் மாஃ‌பியா‌ன்னு‌ம் சொ‌ல்றா‌ங்க''எ‌ன்றபடி ச‌ி‌ரி‌த்‌திரு‌க்‌கிறா‌ர்"

நக்கீரன் வெளியிட்ட மேற்கூறிய செய்தியே அதிமுகவினரை ஆத்திரமூட்டி, அந்த அலுவலகம் மீது தாக்குதல் நடத்த வைத்துள்ளது.

அரசு அலுவலகத்தில் பாக்.கொடி: 6 ஹிந்துத்துவா தீவிரவாதிகள் கை

2012-01-07T18:51:00.000+05:30

கர்நாடகா மாநிலம் சிந்தகியில் அரசு அலுவலகத்தின் முன்னால் உள்ள கொடி மரத்தில் பாகிஸ்தான் கொடியை ஏற்றியது தொடர்பாக ஆறு ஹிந்துத்துவா தீவிரவாதிகளை போலீசார் கைது செய்துள்ளனர்.

கைது செய்யப்பட்டவர்கள் ஸ்ரீராமசேனா ஹிந்துத்துவா தீவிரவாத இயக்கத்தின் மாணவர் பிரிவை சார்ந்தவர்கள் ஆவர். பிஜாப்பூர் மாவட்ட தலைநகரில் இருந்து 60 கி.மீ தொலைவில் உள்ள சிந்தகி நகரத்தில் உள்ள தாசில்தார் அலுவலகம் உள்ளிட்ட அரசு அலுவலகங்கள் அமைந்துள்ள மினி விதானசவுதா என்று அழைக்கப்படும் வளாகத்தில் புதுவருட தினத்தில் பாக்.கொடி ஏற்றப்பட்டிருந்தது. இச்சம்பவத்தை தொடர்ந்து ஹிந்துத்துவா அமைப்புகள் கண்டனம் தெரிவித்து களமிறங்கின.

பாகிஸ்தான் கொடியை ஏற்றியதன் பின்னணியில் முஸ்லிம்கள் தாம் என குற்றம் சாட்டி கபட வேடதாரிகளான ஹிந்துத்துவா அமைப்பினர் போராட்டம் நடத்தினர். மேலும் பாக்.கொடி ஏற்றியதை கண்டித்து அப்பகுதியில் வி.ஹெச்.பி, பஜ்ரங்தள் உள்ளிட்ட ஹிந்துத்துவா தீவிரவாத அமைப்புகள் முழு அடைப்பையும் நடத்தின. இச்சம்பவத்தின் மூலம் அரசியல் ஆதாயம் தேட முயன்ற பா.ஜ.க, கொடி ஏற்றப்பட்ட இடத்தை சுத்தப்படுத்தும் நிகழ்ச்சிகளையும் நடத்தியது.

பிஜாப்பூர் நகரத்தில் 3 ஆண்டுகளுக்கு முன்பும் இதைப் போன்றதொரு சம்பவம் நிகழ்ந்துள்ளது. ஆனால், குற்றவாளிகள் மீது போலீசார் எவ்வித நடவடிக்கையும் எடுக்கவில்லை என ஊர்மக்கள் சுட்டிக்காட்டுகின்றனர்.

தடை ஏற்படுத்தினால் ஹோர்முஸ் கடல் வழியை மூடுவோம்-ஈரான் எச்சரிக்கை

2011-12-30T20:35:00.002+05:30

அணுசக்தி திட்டத்தின் பெயரால் மேற்கத்திய நாடுகள் ஈரான் மீது தடைகளை திணித்தால் வளைகுடா நாடுகளின் முக்கிய எண்ணெய் ஏற்றுமதி வழியான ஹோர்முஸ் கடல் பகுதியை மூடுவோம் என ஈரான் எச்சரிக்கை விடுத்துள்ளது.ஈரான் துணை அதிபர் அலி ராஹிமி இந்த எச்சரிக்கையை அமெரிக்கா உள்ளிட்ட மேற்கத்திய நாடுகளுக்கு விடுத்துள்ளார்.இச்செய்தியை அதிகாரப்பூர்வ செய்தி நிறுவனமான இர்னா வெளியிட்டுள்ளது.

கடல்வழியை மூடுவது எளிதானது என ஈரான் கடற்படை தலைமைத்தளபதி அட்மிரல் ஹபீபுல்லாஹ் ஸயரி கூறினார்.ஹோர்முஸ் கடல் வழி அருகே ஈரான் கடற்படை போர் ஒத்திகை நடத்தியபிறகு இந்த அறிவிப்பு வெளியாகி உள்ளது குறிப்பிடத்தக்கது.

வளைகுடா பகுதியில் எண்ணெய் உற்பத்திச்செய்யும் நாடுகளான பஹ்ரைன், குவைத், சவூதி அரேபியா, யு.ஏ.இ, கத்தர் ஆகிய நாடுகள் எண்ணெய் ஏற்றுமதிக்கு ஹோர்முஸ் கடல் வழியை நாடுகின்றன.உலகிலேயே கடல் வழியிலான எண்ணெய் வர்த்தகத்தின் 40 சதவீதமும் ஹோர்முஸ் வழியாகத்தான் நடைபெறுகிறது.ஆகையால் இப்பாதையை மூடினால் பெரும் எண்ணெய் நெருக்கடி உருவாகும்.

அணுஆயுதங்கள் தயாரிப்பதாக குற்றம் சாட்டி அமெரிக்காவும், மேற்கத்திய நாடுகளும் ஈரானின் எண்ணெய் துறை மீது தடையை ஏற்படுத்துவதற்கான முயற்சிகளை மேற்கொண்டுள்ள வேளையில் ஈரானும் கடும் நடவடிக்கைகளை எடுப்பதற்கு தயாராகியுள்ளது.கடற்படை ஒத்திகை என்பது ஈரான் வழக்கமாக நடத்துவதுதான் என்றாலும், இம்முறை ராணுவத்தின் சக்தியை பிரகடனப்படுத்தும்விதமாக இந்த ஒத்திகை அமைந்தது.