රොකියගෙ ජීවිතය

ඉදිරියේදී තිරගත වීමට නියමත නැරබිය යුතුම සුපිරි චිත්‍රපට පෙළක් ............. Must see upcomming movis

2011-06-02T10:46:00.000-07:00

ලියන්න දෙයක් හොයාගන්න නැතිම තැන කට්ටියට ඉස්සරහට බලන්න තියෙන සුපිරි චිත්‍රපට කිහිපයක් ගැන දැනුවත් කරන්න හිතුවා, මුලිනම් ඒකෙන පටන් ගමු.

01.The Hangover Part II (2011) -

මේක ගැන ඉතින් අමුතුවෙන් කියන්න ඕනේ නෑනේ .. මේකේ මුල් කොටස බලපු අය දන්නවා ඇති, Doug ගේ විවාහයට ඉස්සෙල්ල යාලුවන්න දෙන්න අරගෙන යන Hangover එකේදී වෙන අමුතු සිද්දි ටික ......අසාමාන්‍ය විදියට හිනා නොගියත් මමනම් බලපු විකට චිත්‍රපට වලින් තත්විකම කතාවක් අඩංගු චිත්‍රපටයක් කියලා කියන්න පුළුවන් .

නමුත් මේකේ දෙවෙනි කොටසේදී Stu ගේ විවාහයට සහභාගී වීමට මේ යාලුවේ කණ්ඩායමම තායිලන්තය කරා යනවා . දැනට ලබා තියෙන ආදායම් වාර්තා දැක්කහම හිතෙනවා මේකනම් අනිවා මුල් ඒක වගේම හොඳ ඇති කියලා

02. Pirates of the Caribbean: On Stranger Tides (2011)

Pirates of the Caribbean චිත්‍රපට මාලාවේ හතරවැන්න. මෙම චිත්‍රපටය ගැනනම් ඉතින් අයෙත් කියන්න දෙයක් නෑනේ. නොබලපු කෙනෙක් හොයාගන්නත් අමාරුයි. ලිපිය ලියන අවස්ථාවේත් මෙම චිත්‍රපටය සතියේ වැඩිම ආදායම් ලබන චිත්‍රපට ගොන්නේ තුන්වන ස්තානයෙයි පසුවෙන්නේ.

03. Conan the Barbarian (2011)

කොමික්ස් ආශ්‍රිත චිත්‍රපට බල්ලන්න ආස අයට.තාමත් හිතාගන්න බෑ Jason Momoa මෙහි Conan ගේ චරිතයට තෝරා ගත්ත එකට. නමුත් මෙයත් කාටුන් ඒක වගේම හොඳ හිට් එකක් වෙයි කියලා හිතනවා.

04. Harry Potter and the Deathly Hallows: Part 2 (2011)

මේක ගැනනම් හැම කෙනෙක්ම දන්නවනේ. Harry Potter චිත්‍රපට මාලාවේ අට වැනි චිත්‍රපටය.

05. Cowboys & Aliens (2011)

මේකනම් තිරගත වන දවසට මමත් පුද්ගලිකව ඇඟිලි ගැන ගැන ඉන්නේ. පසුගිය ජේම්ස් බොන්ඩ් චිත්‍රපට මාලාවේ බොන්ඩ් ගේ චරිතයට පණ පෙවූ සම්මානනීය නළු Daniel Craig විසිනි. පිටසක්වලින් පැමිණෙන මොහු ගම්මානය බේරාගැනීමට දරන උත්සාහය මෙහි කතා තේමාව වෙනවා

06. Captain America: The First Avenger

කාලයක් තිස්සේ කාටුන් සහ කොමික්ස් පොත් තුලින් සුපිරි වීරයා "කැප්ටන් ඇමරිකා" මෙවර ප්‍රථම වරට සිනමා නිර්මාණයක් ලෙස ඉදිරි මාස කිහිපය තුල එළිදැක්වීමට නියමිතයි. දෙවන ලෝක යුද්දයේදී ජර්මානු ප්‍රහාර හමුවේ අයිස් කුට්ටියක් තුල අභිරහස්ව සිරවී සිටින මෙම වීරයා අද, එනම් වර්තමානයේ ඇමරිකානු විද්‍යාඥන් පිරිසක් විසින් සොයා ගනු ලබනවා. මෙහි Steve Rogers නොහොත් Captain America චරිතයට පනපොවන්නේ Chris Evans විසිනි. මතක ඇතිනේ Fantastic Four චිත්‍රපට මාලාවේ ෆයර් මෑන්,

07. Kung Fu Panda 2 (2011)

මෙය ලොකු පොඩි කා අතරත් ආදරයට පත්වුන Kung Fu Panda චිත්‍රපටයේ දෙවැනි කොටසයි. මුල් කොටස වගේම 'පූ' ගේ අතේ මේ ගමේ අනාගතය පැවතෙනවා. අලුත්ම ආයුදයක් සමඟ පැමිණෙන සතුරු බලවේගයකට එරෙහිව 'පූ" ඇතුළු යාලුවෝ කණ්ඩායම සටන්වදින අයුරුයි මෙහි කතා තේමාව වෙන්නේ. Jack Black, Angelina Jolie, Jackie Chan, Lucy Liu, යන සුපිරි නළු නිලි කණ්ඩායමක් තමයි මෙහි හඬකැවීමෙන් සම්බන්ද වෙන්නේ

08. X-Men: First Class (2011)

මුලින් තිරගත වුනු X-Men චිත්‍රපට මාලාවේ කතා වලට වඩා ටිකක් විතර වෙනස් කතාවක් රැගත් චිත්‍රපටයක් තමයි, X-Men: First Class කියන්නේ. X-Men කණ්ඩායමේ නායක Charles Xavier සහ Magneto ගේ තරුණ කාලය සහ මෙම කණ්ඩායම්තුල ඔවුන් ආරම්භක සමජකයින් ඇතුළු කතාවක් තමයි මෙහි අඩංගු වන්නේ. මෙහි Charles Xavier ගේ චරිතයට පණ පොවන්නේ Golden Globe ඇතුළු සම්මාන සඳහා නිර්දේශවුණු තරුණ නළු James McAvoy විසිනි.

09. The Amazing Spider-Man (2012)

මෙයනම් ලබන වසරේ තිරගතවීමට නියමිත චිත්‍රපටයක්. තවමත් නිෂ්පාදන අවදියේ පවතින මෙහි කතාව ගැන වැඩියමක් දන්නේ නෑ. නමුත් පසුගිය 'Spider-Man' චිත්‍රපට මාලාවේ ප්‍රධාන චරිත වලින් දායකවුනු Tobey Maguire සහ Kirsten Dunst වෙනුවට නවක නළු නිලි පිරිසක් තොරගනිමනම් දැනට චිත්‍රපට විචාරකයින්ගේ දැඩි දෝෂාදර්පනයට හේතුවෙලා තියෙනවා. මමත් හිතා ගත්ත Kirsten Dunst නැත්තන් මෙකනක් බලන්නේ නෑ කියලා.

10. Johnny English Reborn (2011)

Mr. Bean මාලාව තුලින් ජනප්‍රිය වූ සුප්‍රසිද්ධ නළු Rowan Atkinson ප්‍රදාන රංගනයෙන් දායකවුනු Johnny English චිත්‍රපටයේ දෙවැනි කොටස ලෙසටයි මෙයත් තිරගතවීමට නියමිත. මෙවර ඔහු චීන අගමැති ඝාතනය කිරීමට තනන රහස් ඝාතන කල්ලියකට එරෙහිව සටන් වදිනවා. Mr. Bean ට ආසා කරන අය නොවරදවා බැලිය යුතු චිත්‍රපටයක් මේක.

11. Super 8 (2011)

ඔස්කාර් සම්මාන ඇතුළු සම්මාන රැසක් දිනු සුපිරි නිෂ්පාදක Steven Spielberg විසින් නිෂ්පාදිත නවතම සිනමා නිර්මාණයයි ගේ Super 8 කියන්නේ. අභිරහස් ලෙස සිදුවන දුම්රිය අනතුරක් වට තමයි මෙම කතාව දිවයන්නේ. මෙහි ප්‍රදාන චරිත සඳහා අවුරුදු දහයත් පහලවත් අතර ළමා පිරිසක් එකතුවෙලා තියෙනවා. කවදත් අමුතුම ආකාරයේ කතා තේමාවන් රැගත් චිත්‍රපට ගෙනෙන, Steven Spielberg ගේ මෙම නිර්මානයත් ඉදිරි මාසයේදී තිරගතවීමට නියමිතයි.

12. Green Lantern (2011)

මෙයත් කොමික්ස් පොත් කියවන්නන් අතර මතකයේ රැඳුණු චරිතයක් වටා නිර්මාණය වී තියෙනවා.DC කොමික්ස්ගේ නිර්මාණයක් වන මෙහි කතා තේමාව වන්නේ පෘතුවියට සමාන වෙනත් ග්‍රහ ලෝකයක ඇතිවන ගැටුමකදී mystical green මුදුව පෘතුවියේ වෙසෙන Hal Jordan හට ලැබෙනවා. එයින් පසු ඔහු Green Lantern ලෙස වී ග්‍රහ ලොව බේරාගැනීමට සටන් කරනවා. මෙහි Green Lantern ගේ චරිතයට පණ පොවන්නේ මතකයේ රන්දුනු නිම්න කිහිපයකටම දායකවුනු Ryan Reynolds විසිනි.

13. Bad Teacher (2011)

මෙයත් මෙම සමර් සීසන් එක තුලදී එලි දක්වන විකට චිත්‍රපට වලින් එකක්. සුපිරි නිලි Cameron Diaz මෙහි ප්‍රදාන චරිතය, ගුරුවරියක් ලෙස මෙහෙයවනවා. Cameron Diaz කියන්න ඕනේ නෑ නේ. අය මෙතෙක් රංගනයට දායකවුනු චිත්‍රපට සිල්ල වගේ ඉතා හොඳින් තිරගතවී තියෙනවා. මෙහි පෙරදසුන් බැලුවනම් හිතයි බලනවද නැද්ද කියලා

14. Transformers: Dark of the Moon

මෙය Transformers චිත්‍රපට පෙලේ තුන්වන චිත්‍රපටයයි. ප්‍රේක්ෂකයන් වඩාත් බලාපොරොත්තු රඳවාගෙන ඉන්න චිත්‍රපටයක් කියුවොත් මා නිවැරදියි. මේ කතාවෙනම් හඳ මත ඇති Transformers වරුනට අයත් කඩාවැටුණු යානාවක් වැටි කතාව ගලායන්නේ. මෙහිදී කොයි කවුරුත් කතා බහ වන කාරණයක් තමයි, මුල් චිත්‍රපට දෙකේදී ප්‍රදාන නිලියට පණ පොවනු ලැබූ සුරුපිනිය Megan Fox මෙම කොටසේදී නොමැතිවීම. Megan Fox නම කියා තියෙන්නේ මෙම Transformers චිත්‍රපටයේ අද්‍යක්ෂවන Michael Bay සමඟ වැඩ කිරීමට ඉතා අපහසු බැවින් , අය මෙම තුන්වැනි කොටසට සම්බන්දවිම ප්‍රතික්ෂේප කෙරු බවයි.

15. Cars 2 (2011)

මෙයත්, ඩිස්නි චිත්‍රපට සමාගම විසින් 2006 වසරේ තිරගත වුනු Cars චිත්‍රපටයේ දෙවන කොටසයි. මටනම් මුල් කොටස මතක නෑ. කොහොම උනත් හෙන ආසාවෙන් බැලුවා කියලනම් කොන්දට මතකයි. ඒ නිසාම තමයි මෙම චිත්‍රපට ගොඩට මෙයත් තෝරා ගත්තේ. මෙයටත් Owen Wilson ඇතුළු සුප්‍රසිද්ද නළු නිලි පිරිසක් හන්දකවිමෙන් දායක වෙනවා.

16. The Adventures of Tintin: The Secret of the Unicorn (2011)

තව පොඩ්ඩෙන් මේකත් අමතක වෙනවා. කලින් සඳහන් කල Steven Spielberg ගේ ප්‍රථම ඇනිමේෂන් චිත්‍රපටයයි මේ. ලංකාව ඇතුළු මුළු ලෝකය පුරා ප්‍රචලිත ටින් ටින් ගේ චරිතය වැටි මෙම කතාව නිර්මාණය වී ඇත්තේ. මෙහි Tintin ලෙස හඬ කැවීමට සම්බන්ද වී තියෙන්නේ Jamie Bell නම්වූ බ්‍රිතාන්‍ය ජාතික තරුණයි. කාටුන් එකේ මෙන්ම , මෙහිත් කැප්ටන් හැඩොක්, තොම්සන් දෙපල, ස්නොවී කට්ටියම ඉන්නවා.

දිලුම් මේ ඔබ ගැනම නෙමෙයි

2011-05-21T03:59:00.000-07:00

'Social and Ethical Issues in Information Systems ' මෙය උපාධි අවසන් වසරේ පසුවන මට හමුවන එක් විශයකි. මෙම මොඩියුලයේ මූලිකව කතා කරන එක් කරුනක් තමයි 'සමාජ අඩවි' තුලින් ලෝකයා සහ තරුන පරම්පරාවට වී තිබෙන සහ වෙමින් පවතින විනාශය. එහිදී මූලිකව, ෆේස්බුක්, ට්විටර්, සහ බ්ලොග් ගන කරුනු කාරනා කතා කරනනු ලබයි. අවසානයේ අප විසින් අදාල කරුනු සංක්ෂිප්ත කර වර්තාමය ලේකනයක් සැකසිය යුතුයි. දැන් මට ඒ වාර්තාමය ලේකනය ඇතුලු දේ කිරීමට කාලය එලඹ ඇත. මේ සියල්ල අවසන් කිරීමට මා හට ඇත්තෙ තවත් මාස කිහිපයක් පමනක් නිසායි. නමුත් මීට අදාලව මා විසින් මාස ගනනක සිට විශ්ලේෂනය කල එකතු කල, කිසිම තොරතුරක් මා හිතට එකඟව මට මේ සඳහා ඇතුලත් කිරීමට නොහැකියි. ගැටලුව, මේ සියල්ල ක්ෂනයකින් වෙනස් වුනේ කෙසේද යන්නත් නොවෙයි. මන්ද රටතුල සහ ලොව තුල සිදුවෙන අපරාද බොහෝමයකට අද මෙම සමාජ අඩවි තුලින් වක්‍රව හෝ බලපෑමක් අතිවීමයි. එයට අප රට තුල සිදුවූ යම් යම් සිදුවීම් ඔබ අප, නොදන්නවා නොවෙයි.

මේ සියලුදේ සිදුවෙමින් පවතින මොහොතකදී දිලුම්ගේ මරනය ආරන්චි විය. ඒ විගසම ෆේස්බුක්, ගූගල් බස්, ට්විටර් සහ බ්ලොග් තුල ලහි ලහියේ දිලුම් ගැන ශෝක ප්‍රකාශ ඇතුලු නොයෙක් මාදිලියේ කියුම් සහ ගුණ වර්නනා ඉතා කෙටි කාලයදී පිටු ගනනින් ඉතිරී යන සැටි දැනගන්න ලැබුනි. ජීවිත්යේ කිසිම දිනක හමුවී හෝ කිසිම දිනක චැට් එකක් මා ඔහු සමග දොඩා නැත. ඔහුගේ බ්ලොගයටද මා ගියේ කිහිපවරක් පමනි. ඔහු වෙනුවෙන් අරමුදල් රැස්කිරීමට අප සයිබර් අවකාශයේ සොඳුරු සම්පන්න මිනිසුන් එක්වී කල කිසිඳු වැඩකටයුත්තකට මට සහභාගී වීමට නොහැකි විය. බොහෝවිට එයට හේතුව මම ලංකාව තුල නොසිටීම යන කාරනාව වුනත් මා සිත එය විශ්වාස කිරීමට ඉඩ නොදුන්නේය. මන්ද
මෙය කියවන ඔබට උනත් හිතෙයි, යකෝ උබ මොන රටේ හිටියත් අවංකවම දෙයක් කරන්න ඕනෙනම්, ඒක කරන්න බැරි කමක් නෑ කියා.

මෙන්න මේ සිදුවීම දාමය තුලිනුයි හිතට එකඟවම සිතුනේ, අප වෙසෙන ලංකාව තුල කොතරම් සුන්දර සහ හැඟීම් බවින් යුතු මානුෂීය පරම්පරාවක් මේ සයිබර් අවකාශය තුල සිටීද කියා. මානුෂීය පරම්පරාවක් කියා මා සඳහන් කලේ අප පරම්පරාව මෙය වුනත් ඉදිරි පරම්පරාව මෙයම අනුගමනය කරයිදෝ යන සැකය මතයි.
අවුරුදු උත්සව සන්විධානය කර ඒවාට සම්භන්ද වීම, විනෝද සවාරි යෑමට එක්වීම, බොරු බේගල් ඇද දැමීමට තැන තැන සෙට් වීම, කාලය කාදමන රෙඩියෝ වලට සෙට් වීම, හුදෙක් ඕනෑම තරුන පිරිසක් විසින් ඉතා සන්තෝෂයෙන් කරන සහ සහභාගී වෙන කටයු වේ. ඒවාට සම්භන්ද වීමට කොතරම් දුරක් ගෙවා පැමිනීමට අවශ්‍යද යන්න මේ පිරිස් මහලොකු ගැටලුවක් කර නොගනියි.
මන්ද මේ සියල්ල්ම තරුන සිතේ කික් එකට අනිවාර්ය දේවල් වීමයි. නමුත් කිසිදා නොදැක්ක සහ හැබැයින් කිසි දිනක කතා නොකල එකෙකුගේ ජීවිතයක් බේරා ගැනීමේ මෙහෙයුමකට එකෙකුට නොදෙවෙනි ලෙස සහභාගී වීම, ඔහුගේ සැපදුක් නිතිපතා සොයා බැලීම, අවම වශයෙන් ජාලයේ වල්පල් කතා කරන විටකදී, මචන් දැන් ඉලන්දාරියාගෙ තත්වෙ කොහොමද කියා අහන්නවත් මේ පරම්පරාවෙ එවුනට මතක්විය.එමෙන්ම එකෙක්වත් එන්නෙ නැත්තන් මම තනියම හරි මලගෙදර යනවා කියා කියන්න තරම් ශක්තියක් ආවේ, ඒ මේ පරම්පරාවේ එවුන් හැමදාම පල්ලි පන්සල් නොගියත් තමුගෙ හිත් තුල මනුස්සකමේ ගුණය තිබුන නිසාම විය හැකිය. මේ හැම දෙනෙකුම ඉලන්දාරියා නොහොත් දිලුම්ව දැනගත්තේ මේ සමාජ අඩවි වලට පින්සිඳු වෙන්නය. යුරෝපය ඇතුලු බටහිර රටවලට මෙවන් පරාම්පරාවන් හුදෙක්ම විහිලුවක් උනත්, මෙවැනි පරම්පරාවක් රට තුල සීටීම රටට ආඩබරයකි.

ඊයෙ (20/05/2011) දිනයේ මා හට දිලුම්ගෙ මුහුන, මුල්ම සහ අවසන් වරට දැකගැනීමට හැකිවිය. දිලුම්ගේ මවගෙන් ඇසින් වැටෙනා කඳුලු බිදු දෙස අප එකෙකුටවත් කෙලින් බැලීමට නොහැකි විය. වරෙක ඇය "අනේ පුතේ දිලුම් ඔයාලගෙ අවුරුදු උත්සවයට ගිහිල්ලා ඇවිල්ලා හිටියේ හරි සන්තෝසෙන් පුතේ" කියා හඬා වැලපුනේය. මවකට දැනෙන දුක කෙතරම්ද කියා එදින මා සාක්ෂි දැරුවේය. එදින මා ඇතුලු දහ දෙනෙකුගෙන් පමන මරණයට සහභාගී වූ පිරිස අප විසින් සක්කරනු ලැබූ බැනර් ලෙහා එල්ලවීමට යන මොහොතේ තැන තැන කසු කුසු හඬ ඇතිවිය. මරණයට පැමින සිටි තවත් සමහරෙක් ඇස් පොඩිකරමින් අප විසින් එල්ලීමට ගත් බැනර් එල්ලන්නටත් කලින්ම කියවීමට උත්සාහ කිරන බව මට වැටහුනි. මරණාධාර සමිති, පාසල් සමිති, පලාත් මහ ඇමති ඇතුලු පුද්ගලයින්ගේ අනුග්‍රාහකයින් විසින් එල්ලා තිබුනු විශාල බැනර් නොතිබුනාම නොවෙයි. නමුත් ලංකාවේ කිසිම මරණ ගෙදරක දැකගැනීමට නොහැකි අනුග්‍රාහක භවතුන් පෙලක් ඒ බැනර් තුල දැකගැනීමට හැකිවිය. එනම්, "බ්ලොග් සහෘදයින් යන වචන පෙලයි". පැමින සිටියවුන්ට එය කුතුහලයක් වුවේය. වරෙක තරුනයෙකු පැමින "ඔය අයියලා අක්කලා, අර බ්ලොග් ලියන කට්ටිය නේද? ඇතුලට ඇවිල්ලා ඉඳගන්න" කියා කීවේය. අප සැමගේ සිත තුල නිහතමානී ආඩම්බරයක් ඇතිවුන බව මා දනිමි. රටේ බොහෝ පලාත් නියෝජනය කරමින් අප පරම්පරාවෙ සොඳුරු සයිබර් මිනිසුන් ඊයේ මෙන්ම අදත් පැමිනෙන බව මා දනිමි.

රටේ පුවත්පත් ඇතුලු විද්යුත් මාධ්‍යට එකම ඇස් දෙකින් හොඳ පැත්තට වඩා නරක පැත්ත පෙනෙයි. එමෙන්ම එයින් නරක පැත්ත උවුන්ට මාකට් කර ගැනීමට ඉතා ලේසිය. කිසි දිනෙක කිසිම කෙනෙකු ලංකාව තුල සමාජ අඩවි තුලින් රට තුල තරුන පරම්පරාව යහපත් සමාජීය කරනය වීමක් වී ඇති බව කතා කල නොමැති මාතෘකාවක් විය. එම යහපත් සමාජීයකරනය හොවා දැක්වීමට මෙම දිලුම්ගේ සිදුවීම එක් සාක්ෂියක් පමනි. මෙවැනි සාක්ෂි වැඩිවෙත්වා. එවිට එකා එකා මේ ගැන කසු කුසු කිරීමට පටන්න් ගනී. එවිට එකා එකා අප අනුකරනය කිරීමට පටන් ගනී. එවිට සමාජය තුල යහපත් සහ සංවේදී සිත් ඇත්තෝ වැඩිවේවි.

තවද, බ්ලොග් අවකාෂයේ මනුස්සකම නම් මුතු යාකල "ඉලංදාරියා" වූ දිලුම් ගේ පැතුමක් මල් පලගන්වන්න පුලුවන් නම් අකාලයේ පරවූ ඒ සුවඳ මලට උපහාරයක් වේවි.
~"සොයුර ඔබට නිවන් සුව පතමි"~

ලාබයි ලාබයි ඇන්රොයිඩ් (Android) මොබයිල් ලාබයි .......

2011-05-16T03:00:00.000-07:00

හුඟ කාලෙකින් තමයි බ්ලොග් එක පැත්තේ ආවේ. අද හුඟක් දෙනා කතා කරන දෙයක් තමයි මෙ ඇන්ඩ්‍රොයිඩ් මොබයිල් ෆෝන් ගැන. දැනට ඇපල් මොබයිල් එකක් භාවිතා කරන මටත් මේ අන්ඩ්‍රොයිඩ් කියන්නෙ මොකද්ද කියලා දැනගන්න හුඟක් ලොකු ආසාවක් තිබුනා. ඇන්ඩ්‍රොයිඩ් කියන්නෙ ගූගල් සමාගම යටතේ තියන, දැනට ඉතා සීග්‍රයෙන්ම ව්‍යාප්ත වෙමින් පවතින, හුදෙක්ම මොබයිල් ෆෝන් සඳහා භාවිතා කරන මෙහෙයුම් පද්දතියක්. විකිපීඩියාවෙ කියන විදියට නම් "The Android operating system is the world's best-selling Smartphone platform"! අනේ මන්දා ඇත්තද කියලා. ඒත් ඇන්ඩ්‍රොයිඩ් එක්ක ජීවත් වෙන අපේ කාලිංගයි, මලින්තයි නමි ඕක අනිවා සනාත කරනවා. හැබැයි මයික්‍රොසොෆ්ට් සමාගම විසින් අලුතින් හදුන්වා දුන්න "මොබයිල් වින්ඩෝස් 7" දුරකතන මෙහෙයුම් පද්දතියත් එක්ක මේ බව පොඩ්ඩක් වෙනස් වෙලාදෝ කියලා හිතෙනවා. ඒක ගැන වෙන දවසක කතා කරමුකෝ. කරුමෙකට මටනම් තාම ඔය ඇන්ඩොයිඩ් එකක අයිතිකරුවෙකු වෙන්න වාසනාව ලැබිලා නෑ. මොකද ඕවා මේ නොකියා ෆෝන් වගෙ රුපියල් 10,000 කට වගේ ගන්න නෑනෙ. ආයෙ ඉතින් හිටපු තැනම ජොබ් එකට යනකල් "නෝ එනි අදර් මොබායිල්" ! ඒත් යාලුවන් අරගත්ත ඇන්ඩ්‍රොයිඩ් මොබයිල් කීපයක්ම අත පත ගාන්නනම් අවස්තාව ලැබිලා තියෙනවා.

අද මම කියන්නෙ ආතේ තියන ගානට , අන්ඩ්‍රොයිඩ් මේනියාවෙන් පෙලෙන අයට ලාබෙට ගන්න පුලුවන් ඇන්ඩ්‍රොයිඩ් මොබයිල් ටිකක් ගැන විස්තරයි. මුලින්ම කියන්නම් ඉන්දියානු නිෂ්පාදන දෙකක් ගැනම. මේ මොබයිල් දෙකම මම පුද්ගලිකවම පරිහරනය කරලා තියෙන මොබයිල් දෙකක්. ඒ වගේම මේ නිෂ්පාදන දෙක තමයි දැනට ලෝකයේ අඩුම මිලට තියෙන ඇන්ඩ්‍රොයිඩ් ඇතුලත් දුරකතන දෙක.

01.) ඉන්දියානු දුරකතන සමාගමක් වන Spice විසින් හඳුන්වා දුන්න - Mi-310.

මුලින්ම මේ Spice සමාගම ගැන කියනවනම්, මට හිතෙනවා ඔවුන් අනාගතේ දුරකතනා නිෂ්පාදන කරුවන් අතර හොඳ නමක් ඇති කර ගනී කියලා. එහෙම කියන්න මූලිකම හේතුව තමයි ඔවුන්, ඔවුන්ටම ආවේනික අලුත්ම නිමාවක් යටතේ දුරකතන වෙලඳපලට නිකුත් කිරීම. මම එහෙම කියන්නෙ ඔවුන් මෑතකදී නිකුත් කරපු මොබයිල් ප්‍රොජෙක්ටරයක් සහිත දුරකතනය (Spice - M-9000) නිසායි. දන්න තරමින් ඔවුන් තමයි මේ හපන්කම මුලින්ම ලෝක වෙලඳපලට දැක්වුවේ. දුරකතනය තුල හුඟක් අඩුපාඩුකම් තිබුනත් ඔවුන්ගේ නව නිර්මානීය ගුනය මේ දුරකතානාය තුලින් හොඳින් පෙන්වනු ලැබුවා.

මොවුන්ගේ නවතමා ඇන්ඩ්‍රොයිඩ් මොබායිල් එක ගැන කියනවනම්, මමනම් හිතන්නෙ මුදලේ හැටියට ගන්න පුලුවන් හොඳම දුරකතනය මේ Mi-310 වෙන්න ඇති. මුලින් කියුවා වගේ මේ ඩුරකතනය මට පුද්ගලිකාවම පරිහරනය කරන්න අවස්තාව ලැබිලා තියෙනවා. මෙය මිලදී ගන්න වැයවෙලා තියෙන්නෙ ඉන්දියානු රුපියල් 7,550.00 වගේ මුදලක්. ශ්‍රී ලංකා මුදලින් නම්, රුපියාල් 18,800.00 වගේ මුදලක්. මේ දුරකතනයේ ගුනාංග ගැන කියනවනම්, මුදලේ වටිනාකමත් එක්ක බලනකොට මට දැනට පාවිච්චි කරපු හොඳම ටච් ස්ක්‍රීන් එක සහිත මොබයිල් එකක කියලා බය නැතුව කියන්න පුලුවන්. මම දැනට භාවිතා කරන අයි ෆෝන් එකේ මට්ටමටම මේ ටච් ස්ක්‍රීන් එක හොඳ මට්ටමක තියෙනවා කියලා කියුවොත් විස්වාස කරන්න පුලුවන්ද ? එච්චරම වේගවත් නැති උනාත්, අකමැත්තෙන් හරි ඒක විස්වාස කරන්න වෙනවා. මේ දුරකතනය මල්ටි ටච් ( එකවර ස්ක්‍රීන් එකේ ස්තාන දෙකක් ටච් කිරීම) සඳහා සහය දක්වනවා. ඒ වගේම ඔටෝ රොටේටින් සඳහාද සහයා දක්වනවා. මේ ඔටෝ රොටේටින් ගැන කතා කරනාකොට අපි නොකියා ස්මාර්ට් ෆෝන් දුරකාතන වලදී මුහුන දෙන ලේට් රොටේටින් ( ඒ කියන්නෙ දුරකතය සිරස් අතට තියලා , තිරස් අතට ගත්තහාම , දුරකාතනයේ ස්ක්‍රීන් එක වෙනස් වෙලාඅ පොසිෂන් එකට එන්න හැට පැයක් යන එක) ගතිය හොඳින් මග හැරලා තියෙනවා. දුරකාතනය සිරස් , තිරස් අයුරින් වෙනස් කරන විට ඉතා ඉක්මනින් ස‍්ක්‍රීන් එක වෙනස් වෙනවා.

අනිත් විශේෂ දේවල් තමයි මෙය HSDPA, 7.2 Mbps සඳහා සහය දක්වන අතරතුර ,Wi-Fi hotspot සේවාවෙන්ද යුක්තයි. ඒ කියන්නෙ දුරකතනයේ සිම් පත මගින් දුරකතනය ලබා ගන්නා 3G සේවාව Wi-Fi සඳහා සහය දක්වන ලැප්ටොප් ඇතුලු ඩිවයිස් 10 කට එකවර ඉන්ටර්නෙට් සේවාව ලබාදීමේ හැකියාව.

අනිත් කාරනාය තමයි මේ දුරකතනය තුල ක්‍රියාත්මක වෙන දැනට බහුලවම ඇන්ඩ්‍රොයිඩ් දුරකතාන තුල භාවිතා වෙන Android OS, v2.2 (Froyo) කියන මෙහෙයුම් පද්දතිය. දැනට ඇපල් iPhone එකක් භාවිතා කරන මම මේතරම් අඩු මුදලකටා තියෙන ඉන්දියානු නිෂ්පාදනයක් තුල ඇන්ඩ්‍රොයිඩ් කොතරම් කොඳින් ක්‍රියාත්මක වෙනවද වෙනවද කියලා අවංකවම ටිකක් පුදුම උනා. එතරම් වේගවත් සහ වර්නවත්. අනෙත් කාරනාව තමයි මම දැනට ඇපල් දුරකාතන තුල පමානක් දැක්ක (සමහර විට මේ වෙනකොට වෙනත් දුරකතන තුලත් ඇති) Proximity sensor for auto turn-off කියන ගුණාංගය. ඒ කියන්නෙ අපි දුරකාත ඇමතුමකට පිලිතුරු දීමක් කාරන අවස්තාවෙ දුරකතනය කනට ලංකරන විට, දුරකතනයේ ඩිස්ප්ලේ ලයිට් නිවී යෑම. ඒ මගින් බැටරිය හොඳින් ඉතුරු කිරීමක් කර ගන්න පුලුවන්. සඳහන් කරපු ගුණාන්ග වලට අමාතරම මෙය 16GB මෙමරි දක්වා සහය දක්වනවා.

මෙහි මම දකින එකම අවාසිය තමයි 2mpxl කැමරාව. ඒ ගැනනම් සෑහීමකට පත්වෙන්න බෑ. ඒත් රුපියල් 18,000 කට වගේ තියන දුරකාටනායකින් අපිට තවත් දේවල් බලාපොරොත්තු වෙන්න පුලුවන්ද?. අනෙත් කාරනය තමයි මෙහි නිමාව, දැනට බොහෝවිට දකින්න තියන ප්ලාස්ටික් ආවර්නය වෙනුවට සවිමත් මෙටල් ආවරනයක් තමයි මෙ මොබයිල් එකට භාවිතා කරලා තියෙන්නෙ. ඒ නිසාම දුරකතනයේ සවිමත් භාවය ඉතා හොඳ මට්ටමක තියෙනවා. මේ දුරකතනයේ වැඩිදුර තොරතුරු දැනගන්න මෙන්න මේ ලින්ක් එකට යාන්න . වෙලාවක් තිබුනොත් මේ දුරකතනයේ youtube වීඩියෝ එකකුත් අප්ලෝඩ් කරන්නම්. මේ දුරකතනය ලංකාවෙ වෙලඳපලේ තියෙනවද කියලනම් හරියාටම දන්නෙ නෑ. ඉන්දියාවෙ ඉඳලා එන කෙනෙක්ගෙ අතේ ගෙන්න ගන්නවා මිසක්, තැපෑලෙන්නම් ගෙන්න ගන්න එප, අනිවා රුපියල් 10,000 කවත් ටැක්ස් එකක් කන්න වෙයි. ආහ් තව දෙයක් ...... මේකත් එක්ක නොමිලේම ලෙදර් පවුච් එකකුත් දෙනවා. ඒකත් සුපිරි. නිල වෙබ් අඩවිය - http://www.spicecorp.in

02.) Micromax - Andro A60

මෙකනම් දැනට ඉන්දියාව තුල නැගී එන දුරකතන නිෂ්පාදන සමාගමක් වන Micromax හි නවතම නිකුතුවක්. අඟල් 2.80කින් යුතු තිරයක් සහිත මේ දුරකතානයේ මිල ගැන කියනවනම් ඉන්දියාඅනු රුපියල් 6,600.00 පමන වෙනවා. ඒ කියන්නෙ ලංකාවෙ මුදලින් රුපියල් 16,500ක් විතර. මේ දුරකතනය ගැනනම් එතරම් දරට සෑහීමකට පත්වෙන්න බෑ. නමුත් මුදලෙ හැටියට නරකමත්ම නෑ. ඇන්ඩ්‍රොයිඩ් එක්ක ටිකක් සෙල්ලම් කරලා කරකවලා කඩලා බිඳලා , අනිත් පැත්ත හරවලා බලලා ටිකක් ඉගෙන ගන්න නම් කියාපු ෆෝන් එක. මේකෙනම් 3.2mpxl කැමරාවක් තියනවා කියලා තිබුනට , කැමරාවනම් සෑහෙන්න දුරට අවුල්. ඒ වගේම 32GB මෙමරි දක්වා සහය දක්වනවා. ඒ වගේම HSDPA, 7.2 Mbps සඳහා සහය දක්වනවා. Android OS, v2.1 (Eclair) කියන මෙහෙයුම් පද්දතිය තාමයි මේ දුරකාතනය තුල ක්‍රියාත්මක වෙන්නෙ.

අඩු මුදලකට ගන්න පුලුවන් මෙන්න මේ ඇන්ඩ්‍රොයිඩ් ගැනත් වෙලාවක් තිබ්බොත් ගිහිල්ලා බලන්න

Acer BeTouch E110
Samsung I5503 Galaxy 5
LG Optimus GT540
Samsung Galaxy 3 (I5801)
HTC Tattoo

මගේ මෝටර් බයිසිකල් ජීවිතේ සහ ...... අලුතින්ම ගත් YAMAHA FZ ගැන යමක් !

2011-02-04T23:07:00.000-08:00

ලංකාවට ආවත් හරි බ්ලොග් එක පැත්ත පලාතේ එන්නවත් බැරිවුනා! හේතුනම් එමටයි ! ආයෙ නම් යන්න අදහසක් නැහැ!
දැන් ලංකාවට ඇවිල්ල මාසයක් විතර පහුවුනානේ. බ්ලොග් එකේ Draft වල ලියන්න පටන්ගත්ත ලිපි කෑලිනම් හෙන ගොඩක් තියෙනවා. පුලුවන් වෙලාවක ඒවත් සම්පූර්ණ කරන්න හිතාගෙන ඉන්නවා.

අද ලියන්න හිතුවේ මගේ මේ තක්වා දුර පාවිච්චි කරපු මෝරට් බයිසිකල් ගැනයි ! ඒකට හේතුව වෙන්නෙ මම අලුතින්ම ගත්ත යමහා යතුරු පැදියෙ රෙජිස්ටර් එක පෙරේදා ඇවිල්ල තිබුනා. මගේ ජීවිතේට මෝටර් බයිසිකල් කොච්චර දුරට සමීපද කියතොත් මම දැනට බයික් 8 ක් විතර පොඩි කාලෙ ඉඳලම පැදලා තියෙනවා. ඒ තාත්තගෙ සහ මගේ බයිසිකල් එකතුවන්. දැන් තාත්තටනම් කාර් එකක් තියෙන නිසා බයිසිකල් පදින්නෙ නෑ. නමුත් මට නම් බයිසිකලය තරම් සුපිරි වාහනයක් තවත් නෑ.

මගේ බයිසිකල් ආගමනය වෙන්නෙ 2000 වසරේදී එතකොට අපේ ගෙදර HONDA CD 125 Benly යක් තිබුනා. ඕකෙන් තමයි මුලින්ම බයිසිකල් පැදිල්ල ඉගෙන ගත්තෙ. මේක ඇවිල්ල ඩබල් සයිලන්සර් තියෙන මගේ ඒ කාලෙ වයසට ටිකක් හාම්බාන් කරන්න අමාරු බර බයිසිකලයක් . පේනවනේ පල්ලහා පිංතූරෙ.

හැබැයි බයිසිකලේ කොච්චර බර වුනත් මම මගේ ලයිසන් එක ගන්න 2001 වසරේදී අට ගැහුවෙන් ඔන්න ඔය බයිසිකලේ. කට්ටිය "චැලි" වලින් අට ගාහනකොට මම ඕකෙන් අට ගැහුවා. ඊට පස්සෙ HONDA CN125, Suzuki GN125, Hyosung cruiser 125 වගේ බයික් ගෙදර තිබුනා. ඒ අතරින් මගේ ආසම එක තමයි Hyosung cruiser 125 එක. මේක හරියට Harley-Davidson බයික් එකක විදියට තමයි හදලා තිබුනේ. ඔය තියෙන්නෙ පහල පිංතුරෙ.

ඊට පස්සෙනම් Yamaha TZR වගේ බයික් මටම කියලා පාවිච්චි කෙරුවා. ඒකත් මම දැනට පැදලා තියෙන ආසම බයික් එකක්. නමුත් ඉන්ධන පිරිමැස්ස අතින් ගත්තහම ඔය මම දැනට සඳහන් කරලා තීයෙන හැම බයික් එකක්ම පැට්‍රල් ලීටරේකට අඩුම තරමෙ කිලෝමීටර් 20ක් 25ක් වත් වැඩකරන්නෙ නෑ.

දෙමවුපියන්ගෙන් සංවර්ධනය වෙන කාලෙ පැට්‍රල් ගහන එක එච්චර ගැටලුවක් නොවුනට ජොබක් කරන කාලේ ඕය පැට්‍රල් ප්‍රශ්නෙ ලොකු අවුලක් වුනා. ඒ නිවාම තමයි ඉන්දියන් බයික් පදින්න හිත හදා ගත්තෙ. 2006 දී තමයි මටම කියලා මගේ සල්ලි වලින් Bajaj 125 එකක් ගත්තෙ. ඔය වගේ TVS Apache 150, වගේ බයික් වල මුල් අයිතිකරුවෙක් වෙලා හිටියා.
ලංකාවෙන් ගියාට පස්සෙනම් ලෝකෙ දැනට තියෙන හොඳම බයික් පදින්න අවස්තාව ලැබුනා. ඒ අතරින්, HONDA CBR 400RR , HONDA CBR900RR Fireblade, Suzuki GS500F සහ Harley වර්ගයට අයත් බයික් පදින්න අවස්තාව ලැබුනා.

ලංකාවට ඇවිල්ල්ලත් ගන්න බයික් එක මොකද්ද කියලා ලොකු ප්‍රශ්නයක් තිබුනා. ඒ වෙනකොට තමයි YAMAHA වලින් අලුත් බයික් මොඩල් ටිකක් එලියට දාලා තිබුනෙ. ඒ එක්කම YAMAHA R15 එකක් ගන්න එක මගේ ඔලුවෙ තිබ්බ ලොකුම ආසාවක්. ඒ 153cc ඇන්ජිම සහ ඉන්දියාවේ නිශ්පාදිත නිසා ඉන්ධන පිරිමැස්ම ඒ කියන්නෙ ලීටරයකට 35Km කට වැඩිය ගමන් කිරීමේ හැකියාව මෙය සතුව ඇති නිසායි. ඔය පහලින් දාලා තියෙන්නෙ ඒකෙ පිංතූරයක්.

ඒක ලංකාවෙ AMW එකේ විකුනුම් මිල විදියට රුපියල් ලක්ෂ 4.25 කට වැඩිය මුදලක් වුනා. නමුත් අවාසනාවකට මම ලංකාවට එන කාලෙදී ඔවුන් ඒ බයික් එක ලංකාවට ගෙන්වන එක සම්පූර්ණයෙන්ම නවත්තලයි තිබුනෙ. ඒ වැඩි වියදමක් නිසා ලංකාවෙ ඒක විකිනීම අපහසු නිසා.

ඊට පස්සෙ ‍YAMAHA සතුව තිබුනේ FZ කියන මාදිලියට අයත් ස්පෝර්ට් නේකඩ් වර්ගයට අයත් යතුරුපැදි මාදිලියයි. අවසානයේ එය ගැනීමට තීරනය කෙරුවා. මෙහි අවසන් මිල රුපියල් 240,000/- විදිහටයි සටහන් වුනේ. මේ තියෙන්නෙ බයික් එකේ තාක්ශනික විස්තර ටිකක්.

Engine type             Air-cooled, 4-stroke, SOHC, 2-valve
Displacement         153.0cc
Bore & Stroke       58.0 × 57.9mm
Compression ratio 9.5:1
Maximum output     14PS / 7500 rpm
Maximum torque    14 N.m / 6000 rpm
Starting method      Electric start/Kick start (optional)
Lubrication type     Electric start/Kick start (optional)
Fuel Supply           BS26
Clutch type          Multiplate wet type
Ignition type        C.D.I. with 3 dimension digital
Primary/secondary reduction ratio     3.409 / 2.857
Transmission type     Return type 5-speed

මේ තියෙන්නෙ අද ගත්ත බයිසිකලේ පිංතූර ටිකක්. තාම නම්බර් ප්ලේට් එකනම් ඇවිල්ල්ල නෑ.

මේකත් ඉතින් දවස් කීයකටද කියලා කියන්න බෑ.

ඇපල්, iPhone, Apps Haking සහ iOS ගැන නොදන්න අයට සරලින්

2010-12-01T08:48:00.000-08:00

මේ ලිපිය සෑහෙන්න කාලයක් තිස්සෙ ලියනවා කියලා හිතාගෙන හිටපු ලිපියක්. දැන්නම් iPhone එක අරගෙන මාස තුනක් විතර ඇති. ඇත්තටම හිතාගෙන ගියෙනම් iPhone 4G එකක් ගන්න තමයි , නමුත් මොබයිල් ෆෝන් එකකට රුපියල් අනූ දාහක් වගේ ගානක් වියදම් කරන එක මහ මෝඩ වැඩක් කියලා හිතුනා. ඒ නිසා ලද දෙයින් සතුටු වෙයන් කියලා, 3Gs එකක් ගත්තා. කැමරාව සහ ප්‍රොසසර් එකේ වේගය ඇරුනහම මේ 4G සහ 3GS වල ලොකු වෙනසක් නෑ. මම මේ ලිපිය ලියන්න හිතුවෙ මගේ පම්පෝරිය ගහන්න නෙමෙයි, ඉගෙන ගත්ත දේවල් ටිකක් කට්ටියත් එක්ක බෙදා ගන්න. මොකද මේ දුරකතනය ටිකක් ගානින් වැඩි එකක් නිසා මෙය වැඩිපුර අතපත ගාන්න හම්බෙන්නෙ නෑ. ඒ නිසාම මේහි තියෙන විශේෂත්වය ගැන බොහෝ දෙනෙක් දන්නෙ නෑ. සමහර අය මේ ගැන නොදන්න කමටම මීටත් වඩා මිලෙන් වැඩි දුරකතන ගන්නවා. මුලින්ම මේ iPhone වලදි හඳුන්වන OS ගැන එහෙමත් නැත්තන් firmware එක ගැන පොඩ්ඩක් හොයලා බලමු. සාමාන්‍යන් අපි Nokia හෝ SE හෝ වෙනත් ජංගම දුරකතනයකදී නම් මේ OS එක upgrade කරන කතා ඇහෙන්නෙ නෑ. එහෙම කතාවක් ඇහුනත් upgrade එකක් කරන්නෙ කීයෙන් කී දෙනාද !(විශේෂයෙන් සඳහන් කරන්න ඕනෙ මම මේ කතා කරන්නෙ smart phone ගැන නෙමෙයි .පසුව ඒ ගැන පැහැදිලි විස්තරයක් කරන්නම්). නමුත් iPhone එකකදි මේ OS එක එහෙම නැත්තන් firmware එකට විශේෂ තැනක් හිමි වෙනවා. සාමාන්‍යන් මේ OS එකක් 350-400mb ත් අතර ප්‍රමානයක් ගන්නවා. දැනට නිකුත්වී තියෙන අලුත්ම සංස්කරණය තමයි iOS 4.2 කියලා කියන්නෙ. ඒ වගේම අපිට කැමති වෙලාවක iTune හරහා මේ OS එක upgrade හෝ downgrade කර ගන්න පුලුවන්. බොහෝ වෙලාවට හුඟ දෙනෙක් මේ සඳහා භාවිතා කරන්නෙ customized firmware තමයි. මන්ද අපි බොහෝ දෙනෙක් භාවිතා කරන්නෙ ඔරිජිනල් dealer with orginal sim නෙමෙයි නිසා. ඒකත් හරියට අපි අර පිටකොටුවෙන් හරි ටොරන්ට් එකකින් හරි හොරට ගහපු වින්ඩෝස් සීඩි එකක් ගෙදර පරිගණකයට දානවා වගේ. වෙනසකට තියෙන්නෙ මේ දාන්නෙ ජංගම දුරකතනයකට නිසා. customized firmware එකක් කොහොමද දාන්නෙ කියලා මම පසුගිය ලිපියකින් කියලා දුන්න මතක ඇතිනෙ. නොබලපු කට්ටිටිය මෙතනින් ගිහිල්ල ඒකත් කියවලා දැනුමක් ගන්න.

මේ එක්කම සිංහල සහ iPhone දක්වන සහයෝගය සඳහන් කරන්න ඕනෙ. පසුගිය, එනම් iOS 4.0 වලට පෙර සංස්කරණ වලදී සිංහල සිංහල සහයෝගය දැක්වුවෙ නෑ. නමුත් iOS 4.0 සිට අපිට තවදුරටත් සිංහල සහයෝග දැක්වීම ගැන තවදුරටත් කරදර වෙන්න ඕනෙ නෑ. මන්ද iOS එකත් එක්කම සිංහල යුනිකෝඩ් සහය දැක්වීමත් අපිට හිමිවෙනවා. මෙය ඇත්තටම Apple විසින් කරපු ඉතා වටිනා දෙයක්. මන්ද ලංකාවේ 80% කටත් වඩා වැඩි පිරිසක් භාවිතා කරන Nokiaහර මේ සිංහල යුනිකෝඩ් සහය දැක්වීම තාමත් කරන්න බැරිවෙලා තියෙනවා. iOS 4.0 සහ iOS 4.1 වලදී මේ සිංහල rendering පොඩි , පොඩි අඩුපාඩු තිබුනත් iOS 4.2 වලදී මේ හැම දේකටම පිලිතුරු සපයමින් ඔවුන් 100% ක් සිංහල සහයෝග දක්වන OS එකක් ඔවුන් අපිට ලබාදීලා තියෙනවා. දිනපතා සිංහල බ්ලොග් වගේ කියවන මම වගේ කෙනෙක්ටනම් ඒක වටිනා දෙයක්.

පහලින් තියෙන්නෙ මම දැනට බාවිතා කරම iOS 4.0 වලදී සිංහල වල තත්වය

මේ තියෙන්නෙ රුවන් විසින් භාවිතා කරන නවතම iOS 4.2 තුල සිංහල වල තත්වය.

ඇත්තටම ඇපල් iPhone එකක් කියන්නෙ Life Style ජංගම දුරකථනයක්. ඒ කියන්නෙ අපේ එදිනෙදා ජීවිතයේ බොහෝ වැඩකටයුතු වලට මේ දුරකතනය අපිට පිහිට වෙනවා. මේ අපිට පිහිටවෙන වැඩසටහන් අපිට iPhone App එකක් විදියට සරලව හඳුන්වන්න පුලුවන්.

පහතින් දැක්වෙන්නෙ දුරකතන ඔස්සේ Apps Store එකට පිවිසුන විට මුල් පිටුව දිස්වෙන ආකාරයයි

මේ වගේ වැඩසටහන් එහෙම නැත්තන් Apps (ඇප්ස්) දැනට 200000 ක් පමාන දැනට Apps Store එක තුලින් ලබා ගන්න හැකියාව තියෙනවා . මේ හැම එකක්ම දුරකතන තිරයේ දෙතුන් පාරක් ඇඟිලි පුරුක එහා මෙහා කරලා පහසුවෙන් බාගත කරගන්න පුලුවන්. මේ හැම ඇප් එකක්ම ගබඩා කරලා තියෙන තැන අපි හඳුන්වන්නෙ App Store එක විදියටයි. මේ App Store එකට පරිගණකය තුලින් පිවිසෙන්න iTunes මෘදුකාන්ගය අපේ පරිගණකය තුල පිහිටා ගන්න ඕනෙ. හැබැයි මේ Apps ලැබෙන්නෙ නිකන් නෙමෙයි. ඒ App එකේ වටිනා කම මත අපි ඔවුන් නියම කරන මුදලක් අපි ඒ App එක බාගත කිරීමට ගෙවීමට සිදු වෙනවා. නමුත් ගෙවීමක් සිදු නොකර බාගන්න පුලුවන් App තියෙනවා. නමුත් ඒවා බොහෝ විට Demo vertion වගේ එකකට සීමා වෙනවා. උදාහරනයකට ගත්තොත් අලුතින්ම නිකුත්වුනු Need for Speed - Hot Pursuit එකට ඩොලර් $ 4.99 ක වගේ මුදලක් ගෙවීමට සිදු වෙනවා.මෙතනදි අපිට සම්පූර්න ගේම් එකම ලැබෙන නිසා මමනම් හිතන්නෙ ඒක බොහොම සාදාරන මුදලක්. මන්ද මේකට අයිති PS3 එක හෝ Xbox 360 එක ගන්න ගියානම් අපිට $ 50 ක් වගේ ගානක් ගෙවන්න සිද්ද වෙනවා.

පහතින් දැක්වෙන්නෙ එම පිටුවම පරිගණකයේ iTunes හරහා බාගත කිරීමට යෑමේදී ලැබෙන ආකාරයයි

ඔය පහතින් තියෙන්නෙ මගේ ප්‍රියතම Guitar Rock2 Game එක iPhone එකෙන් play කරපු හැටි.

ඔය වගේ දැනට වෙලඳපලට නිකුත්වී තියෙන සෑම games එකක්ම මේ App store එක හරහා අපේ iPhone එකට බාගත කර ගන්න පුලුවන්. Game විතරක් බොහෝ ජනප්‍රිය පොත් උනත් කිසිම කරදරයකින් තොරව බාගත කරන්න පුලුවන්. ඒ වගේම දැනට අපි කා අතරෙත් ජන්ප්‍රිය VLC වගේ ප්ලේයර් එකක් උනත් අපිට මේ App Store එක හරහා අපේ iPhone එකට බාගත කරලා දැනට අපි පරිගණකය තුල බාවිතා කරන .divx, .avi, .mpeg, .flv , .wmv, .mkv වගේ ඕනෑම වීඩියෝවක් කිසිම අයුරකින් කන්වර්ට් එකකින් තොරව ඉතා පහසුවෙන් iPhone එකට කේබල් එක තුලින් iTunes හරහා දුරකතනයට ඇතුලත් කරන්න පමනයි තියෙන්නෙ. විශේෂම කාරනය වෙන්නෙ අපි පරගණකයේ නරඹන1080px වගේ HD වගේ වීඩියෝවක් උනත් කිසිම කන්වර්ට් එකකින් තොරව කිසි ගැටලුවක් නොමැතිව දුරකතනයෙන් නරඹන්න පුලුවන් වීමයි. VLC වගේ ප්ලේයර් එක නම් අපිට නොමිලේම බාගත කරගන්න පුලුවන් Apps Store එක හරහා.

දැන් මම කියලා දෙන්න යන්නෙ සල්ලි සතයක්වත් නොගෙවා තමන් කැමතිම App එකක් iPhone එකට බාගත කරගන්න විදියක් ගැන. මේ App එක අපි කැමතිම $ 10 ක් වගේ වටිනාකමකින් යුත් ගේම් එකක් වෙන්න පුලුවන්, නැත්තන් පොත්ක් වෙන්න පුලුවන් , නැත්තම් ප්ලේයර් එකක් වෙන්න පුලුවන්, නමුත් කිසිම ගැටලුවකින් තොරව අපිට මේක සතයක් වත් නොගෙවා බාගත හරගන්න පුලුවන්. විශේෂයෙන් කියන්න ඕනෙ, මේහෙම වැඩ කරන එකනම් හොඳ දෙයක් නෙමෙයි. නමුත් ඔයාලගේ දැනුමට තමයි මේක බෙදාගන්න හිතුවෙ. මේ tool එකට අපි කියන්නෙ “Installous” කියල.

“Installous” ස්තාපිත කිරීම.

* මුලින්ම අපේ iPhone එක jailbreak කරගන්න ඕනෙ. මේක කරන හැටි අපේ කාලින්ග සහෝදරයගෙ බ්ලොග් එකෙත් තිබුන නිසා මම මේ ගැන වැඩිදුර සඳහනක් කරන්න යන්නෙ නෑ.

* iPhone එක jailbreak කෙරුවයින් පසුව දුරකතනයේ තියෙන Cydia කියන වැඩසටහන ක්‍රියාත්මක කරන්න ඕනෙ. හැබැයි මේ හැම දේම ක්‍රියාත්මක කරන්න අපිට අන්තර්ජාලය වුවමනා වෙනවා. විශේෂයෙන්ම WiFi වගේ සම්බන්ද තාවයක් තියෙනවනම් හුඟක් හොඳයි.

* ඉන් පසුව එහි ඇති "Manage" කියන මෙනුවෙන් "Sources" කියන පිටුවට ඇතුලු වෙන්න

* පිටුවේ දකුණුපස ඉහල ඇති "Edit" කොටසට ගොස් "Add" කියන බොත්තමට එන්න.

* ඉන්පසුව දුරකතන තිරයේ දිස්වෙන url එක ලබාදීමට "http://cydia.hackulo.us" ලෙස එහි සඳහන් කරන්න. පසුව "Add Source" බොත්තම ක්‍රියාත්මක කරන්න.

* දැන් නැවතත් "Manage" බොත්තම තුලින්, "Sources" පිටුවට යන්න. ඔබ පෙර සඳහන් කල ක්‍රියාවලිය හරියට කෙරුවනම් "Hackulo.us" ලෙස එම තිරයේ දිස්වෙනවා ඔබට දැකගන්න පුලුවන් වෙයි. "Hackulo.us" මත ක්ලික් කරන්න.

* පිටුව ඇතුලට ගියායින් අනතුරුව දකින්න පුලුවන් වේවි, Hackulous Security නම්වූ මෙනුවක්. එය ක්ලික් කරන්න.

* දැන් එම පිටුවේ එහල දකුණු පස ඇති "Install" බොත්තම ක්‍රියාත්මක කරන්න. (මම මීට පෙර මෙය ස්ථාපිත කරල තිබුන නිසා මගේ දුරකතනයේ මෙය දිස්වන්නෙ Modify ලෙසයි)

* දැන් "Installous" වැඩසටහන අපේ දුරකතනය තුල ස්ථාපිත වීම ආරම්භ කරනු ලබයි. ටික වෙලාවකින් පසුව දුරකතනය Restart වෙයි.

* හරියට මේ පියවර අනුගමනය කෙරුවනම් "Installous" වැඩසටහන ඔබේ iPhone එහේ තිරයේ දිස්වේවි.

මේ "Installous" වැඩසටහන ගැන යමක් කියනවනම්, ඇත්තටම මෙයින් කරන්නෙ කලින් crack කරනු ලැබූ Apps Rapidshare, mediafire වගේ තැන්වල upload කරලා මේ "Installous" වැඩසටහන තුලින් .ipa එක බාගත කිරීමට සලස්වා දීමයි. හැබයි ඉතින් Apps Store එකෙන් නිකුත්වුනු App එකක් මේ "Installous" එකට එන්න දින දෙක තුනක් යනවා.

මේ තියෙන්නෙ දැනට මා විසින් "Installous" මගින් බාගත කර තියෙන Apps ටිකක්.

ඔය පහලින් තියෙන්නෙ මම දැනට භාවිතා කරන Social Networking Apps ටික

දැනට Apple iPhone එකට එකතුවී තියෙන හොඳම තරඟ කරුවා තමයි Android OS එක ඇතුලත් දුරකථන! එයිනුත් අංගසම්පූර්ණ Android දුරකතනයක් විදියට මමනම් දකින්නෙ Google සමාගම HTC සමඟ එකතුන නිකුත් කල Nexusජංගම දුරකතනය තමයි. දැන් එහිත් දෙවෙනි Google නවතම දුරකතනය Samsung සමාගමත් එක්ක එකතුව නොබෝ දිනකින් වෙලඳපලට නිකුත් කරන්න නියමිතව තියෙනවා. ඒ ගැනත් ඉදිරි ලිපියකින් ඔබව දැනුවත් කරන්න පොරොන්දු වෙනවා.

නිමාවක් නොමැති කතාවක් - 7 කොටස

2010-09-22T06:54:00.000-07:00

ඔන්න ටික කාලෙකට ලියන්න බැරිවේලා මිස් වෙලා තිබුන කතාවෙ තව කොටසක් අද ලියන්න හිතුවා. හුඟක් දෙනා මේ කෙ අලුත් කොටසක් දාන්නෙ කවදද කියලා අහලා තිබුනා. ඒ හැම දෙනාටමයි කමෙන්ට් එකකින් හරි අදහස් දැක්වීමක් කරපු හැමදෙනාටම පුද කරන ගමන් ඔන්න අලුත් කොටස බලන්නයි තියෙන්නෙ. ඊලඟ කොටසත් පුලුවන් ඉක්මනට දාන්න මම උපරිම උත්සාහ කරනවා.

නිමාවක් නොමැති කතාවක් - 7 කොටස

මගේ ඇස් ඒ ලස්සන හටහඬට පිලිතුරු දීමට සැරසෙනකොටම ඒ දිලිසෙන ඇස් දෙකේ දිස්නෙට මගේ හදවතට ගැස්සිලා ගියා.

තෙහාන්, එදා මම ගිය වාහනෙන් ඔයාට මඩ වැදුන එකට මට සමාවෙන්න. මගේ මල්ලි කියුවා ඔයාල ඉස්කෝලෙදි එයාට හුඟක් උදවු කෙරුවා කියලා. මල්ලිට දැන් හුඟක් සනීපයි. ඔයාල හැම කෙනෙක්ටම ස්තූතියි එදා ඒ වෙලාවෙ මල්ලිව බේර ගත්ත එකට. මම යන්නම්.

ගතවුනේ විනාඩි පහකටත් අඩු කාලයක්. කාට්ටියම මගේ මූණ දිහා බලාගෙන ඉන්නවා.

ටික වෙලාවක් යනකල් කිසිම කෙනෙක් කතා කෙරුවෙ නෑ. මචන් මොනවා වුනත් අහින්සක කෙල්ලෙක් බන්. නැත්තන් ලඟටම ඇවිල්ලා සමාවෙන්න කියලා යයිද? සුපුරුදු පරිදි මදුරයා කාන්තාව සඳහා හඬ අවදි කරන්න ගත්තා. අනේ පලයන් බන් යන්න ! ඔය කෙල්ලන්ගෙ හැටි ඔහොම තමයි. ජොලියට මොනා හරි වැඩක් කරලා බොරුවට සමාව ගන්නවා. කෙල්ලො දිරවන්නෙ නැති රිද්මයා ඒකට උත්තර දුන්නා. ජැකා ඒ ගැන කිසිම දෙයක් කතා කෙරුවෙ නෑ.

ගෙදර ගිහිල්ලා කලුවගෙ ටියුට් එකක් පෙරලගෙන ගනන් ටිකක් හදන්න හැදුවත් හිතේ අවුලක්ද ගතේ අවුලක් නිසාද මන්දා ටියුට් එකේ තියෙන එක ගානක්වත් පැය ගානක් ගිහිල්ලත් හදා ගන්න බැරිවුනා. "මොකද මේ කොලේ කටු ගගා ඉන්නෙ." නංගි තේකත් අරගෙන කාමරේට ඇවිල්ලා. "මේ නංගෝ ... අපි දැන් මෙහෙම කටු ගගා, කටු කකා හිටියට අනාගතේ අපි තමයි ඉන්ජිනේරුවෝ"..........

- ඔවු ඔවු ඔහොම එකම ගාන පැය ගානක් කටු ගගා ඉන්නකොට ඉන්ජිනේරුවොම වෙයි.

- ඔයා කොහොමද දන්නෙ මම එකම ගාන කටු ගගා ඉන්නවා කියලා.

- ඇයි දැන් මම මේ කාමරේට පැය දෙකකට ඉස්සෙල්ලා ඇවිල්ලා තේක තියලා යනකොටත් ඔය පිටුවමයි පෙරලගෙන හිටියෙ. තාමත් ඒ පිටුවමයි. මොකද මේ තියලා ගිය තේකවත් බීලා නෑ. මොකද වෙලා තියෙන්නෙ, අදත් අර කොල්ලොවත් ගහ ගන්න ආවද ?

- නෑ නෑ එහෙම එකක් නෙමෙයි අද මට අර එදා මඩ පාරක් ගහගෙන ගිය හෙල්ලව හම්බුනා.

- හම්බුනා කියුවෙ ?

- හම්බුනා කියුවෙ, පංති ඇරිලා යනකොට ඒ කෙල්ල ඇවිල්ලා සමා වෙන්න කියලා ගියා.

- ආ ............... ඒකයි මේ .......... මොකද කෙල්ල ලස්සනද ? සත්ව කරුනාවක්වත් පහල උනාද ? දුන්නෙන් එහෙම විද්දෙ නෑ නෙ.!

- මේ මේ යනවා යනවා ඔය කෝප්පෙත් අරගෙන කාමරෙන්. එනවා මෙතන දුන්නෙන් විද්ද කතා අහන්න. නංගිලා ඉන්න ඕනෙ නංගිලා විදියට.

නංගි මොනදේ කියුවත් මගේ ඕනෙම දේකට පුංචිකාලෙ ඉඳලම සහයෝගය දෙනවා. මගේ අතපසු වෙච්ච නෝට්ස් හිටන් එයා ලියලා දුන්න අවස්තා හුඟක් තිබුනා.

----*----

"නැගිටපන් නැගිටපන්. මොකද බන් මේ එලි වෙනකල් නිදා ගන්නෙ ! "

උදේ පාන්දරම මදුරයා ඇවිලා තිබුනා අපේ ගෙදරට.

- අපෝ නිවාඩු දවසකවත් උබලට පොඩ්ඩක් වැඩිපුර නිදා ගන්න බැරිද බන් ........ ගෙවල් තෙමෙනවා වගේ උදේ පාන්දරම මෙහෙට කඩා පාත් වෙන්නෙ ?

- ඊයෙ හවස අපේ ගෙදරට මාතර නැන්දලගෙ සෙට් එක කඩා පාත් උනා බන්. මගේ කාමරෙත් අර යක්ස පැටවු ටිකට දෙන්න උනා. ඒකයි මේ උදේ පාන්දරම මෙහෙ ආවෙ. රිද්මයත් අද ගෙදර නෑ කියුවා.

- හරි හරි එහෙනම් වරෙන් වරෙන් උදේ පාන්දරම ගනන් හදන්න, අද ජැකත් අම්මත් එක්ක අයියව බලන්න කැම්පස් එකට යනවා කියුවා.

- ගනන් හදමු බන් පස්සෙ, අද හමීඩියා එකෙන් ලිබර්ටි එකේ ලොබියෙ සේල් එකක් දාලා තියෙනවා , ඒකට පොඩ්ඩක් ඔලුව දාල එන්න වරෙන් යන්න.

- ඔබට ඇඳුම් ගන්නවා තියා බස් එකේ යන්නවත් සල්ලි තියනවද ? මම ලඟනම් පුතෝ මේ මාසෙ පංති සල්ලි වලට මහා භාන්ඩාගාරයෙන් අනුමත වෙච්ච සල්ලි විතරයි තියෙන්නෙ !

- හරි හරි බන්. අපි හැමදාම හිඟන්නො නෙමෙයි, අද මට අපේ අක්කගෙන් කාලෙකට පස්සෙ ඩොලර් ටිකක් අනුමත උනා.

- ඔවු ඔවු , උබ ඔය ඇඳන් ඉන්න හම්පඩ පාට ගිය ඩෙනිම දැකල අක්කටම දුක හිතිලා, උබට ඇඳුම් ගන්න සල්ලි දෙන්න ඇති. මම වොෂ් එකක් දාගෙන එනකම් පුලුවන්නම් අර ඉස්සරහට ගිහිල්ලා අපේ තාත්තත් එක්ක පත්තරේ බලපන්.
දෙන්නත් එක්ක කොහෙද මේ උදේට කන්නෙත් නැතුව යන්න හදන්නෙ ?

- නෑ අම්මෙ මේ මදුරට කොහෙන්ද මන්ද සේල් එකක් ගැන කනට වැටිලා. සයිස් ඉවරවෙයි කියලා ඉක්මනට යන්න ඕනෙලු. මැගෙත් හැබැයි මේ ඩෙනිම දැන් නිල් පාට එක සුදු වෙලා තියෙන්නෙ, බැරි වෙයිද තාත්තගෙන් ලෝන් එකක් දා ගන්න.

- ලෝන් ? දැන් ඔය ගත්ත ලෝන් කවදද දුන්නෙ ?

- ඔහොම කියුවට ඔන්න බලපන් උඹලගෙ අම්ම අංකල්ගෙන් මොනරෙක් අරගෙන උබට දෙන්නෙ නැද්ද කියලා !
ඇහෙන නොඇසෙන ගානට මදුරයා එහෙම කියපු දේ අනුමත කරමින් අම්මා ඇවිල්ලා සල්ලි දීලා ඉක්මනට ගෙදර එන්න කියලා ගියා.

කොල්ලුපිටිය හංදියෙන් බැස්ස අපි දෙන්න මුලින්ම ගියෙ ඉන්දුසිලෝන් එකෙන් තෝසෙ පාරක් දාන්න. තෝසෙපාර දාලා ලිබටියට ඇතුලු වෙනවත් එක්කම මදුරයා මගේ උරිස්සෙන් ඇද්දා

- මචන් මචන් අර මඩ කේස් එකේ කෙල්ල නේද අතන සෙවන් ටු සෙවන් එකේ ඉඳගෙන ඉන්නෙ.

ඔවු ඒ දීපතිමත් ඇස් දෙක දැකපු ගමන්ම මට ඇයව හඳුන ගන්න පුලුවන් වුනා.

- මචන් පේන විදියටනම් ඒ මේසෙ වෙන කවුරුත් නෑ වගේ . මෙතන උගුඩුවා වගේ ඒ කෙල්ල දිහා කන්ඩ වගේ බලා ගෙන ඉන්නෙ නැතුව ලඟට ගිහිල්ලා කතා කරලා වරෙන්, මම සේල් එකට යනවා.

මම ලඟට යනකල්ම ඇය මාව නොදැක්ක නිසා, මාව දැකීමෙන් ඇයගේ මුහුන තුල වෙනසක් ඇතිවුනා. වෙනසක් කියුවට එය ටිකක් භය ගතියක් සහ තරමක් තැති ගතියකින් යුතු වෙනසක් .

- මොකද මේ මාව දැකලා භය වෙලා. කොහෙද මේ උදෙන්ම තනියම මේ පැත්තෙ ඇවිල්ලා.

- කොහොමද තෙහාන් ! මම අයියත් එක්ක එයාට පොඩි බඩු වගයක් ගන්න මේ පැත්තට ආවා.

- ඔයා කොහොමද මගෙ නම දන්නෙ ?

- මල්ලි තමයි කියුවෙ !

- එහෙනම් මටත් ඔයාගෙ නම මල්ලිගෙන්ද අහගන්න වෙන්නෙ ? දැන් මල්ලිගෙ සනීප තත්වෙ එහෙම කොහොමද ?

- මගේ නම දිශාරා . මල්ලිටනම් දැන් හොඳයි එයා සඳුදා ඉඳලා ආයෙත් ඉස්කෝලෙ එයි.

- අයියලා එනවද කොහෙද තෙහාන් මම යනවා.

ක්ශනයකින් එතැනට පැමිනි ඇයගේ අයියා සහ තවත් මිත්‍රයකු යැයි සිතිය හැකි කෙනෙකු සමඟ ඇය නික්මුනි.

...................... ###

ඒ කාලෙ කෙල්ලෙක් පස්සෙ ගිහිල්ල අපිට වෙච්ච වැඩක්

2010-09-14T22:21:00.000-07:00

මේක මම මැරතන් බ්ලොග් එකට කාලෙකට ඉස්සල්ලා ලියපු ලිපියක්. හුඟ දෙනෙක්ට කියවන්න එක්ක මම මෙතන දාන්න හිතුවා.

ඒ කාලෙ කියුවෙ ඉතින් මේක අපොස උ/පෙ කරන කාලෙ වෙච්ච දෙයක්. අපි නුගේගොඩ ක්ලාස් යන කාලෙ ඉතින් කොලබ බාලිකා විදුහලක බාලිකාවක් ගැන අපේ සෙට් එකේ එකෙක්ට පොඩ්ඩක් හිත ගිහිල්ල තිබුනා. ඉතින් හැම දාම ක්ලාස් ඉවර උනාම මේකා අර කෙල්ල පස්සෙ යනවා, මේකගෙ පස්සෙ අපි යනවා. එක දවසක් මේ කෙල්ලගෙන අපේ එකා කෙමිස්ට්‍රි පොතක් ඉල්ලන්න කියලා හිතාගෙන බස් එකේදි කතා කරලා. අපිත් ඉතින් බසෙකේ පස්සට වෙලා වැඩේ බලාගෙන ....

ඉතින් මිනිහා ටිකක් ලැජ්ජාකාරයා නිසා ලඟට්ටම ගිහිල්ල සීට් එකේ ඉඳගෙන ඉන්න අර කෙල්ලගෙන් " මේ ඔයාගෙ අද ක්ලාස් එකේ පොත දෙනවද , අපි අද ක්ලාස් එන්න පොඩ්ඩක් පරක්කු උනා " කියලා කියුවා. ඔන්න මේ මනුස්සයා පොතත් නැතුව අපි ලඟට ආවා. හැබැයි බස් එකෙන් බහිනකල්ම මිනිහා නෝ-කතා, නෝ-සිනා, අපිත් ඉතින් අහන්න ගියෙ නෑ. එදායින් පස්සෙ මූ ඒ කෙල්ලගෙ පස්සෙන් යනවා තියා, ඒ කෙල්ල ගැන කතා කලේවත් නෑ. ටික දවසකට පස්සෙ තමයි අපිට උනේ මොකද්ද කියලා තේරුම් ගියේ. "මචන් ඒ කෙල්ලගෙ කටහඬ හරියට පිරිමි මිනිහෙක්ගෙ කටහඬක් වගේ . මට ඇත්තටම කොල්ලෙද්ද කෙල්ලෙක්ද කියාලා ඒ කටහඬින් හිතා ගන්න බැරි උනා".

අපි කට්ටියටම ඉස්කෝලෙන් අවුට් වෙනකල්ම ඕක මතක් කරලා හිනා වෙන එක අන්තිමට පුරුද්දක් උනා. තාමත් ඉස්කෝලෙ පරන සෙට් එක සෙට් උනාම ඔය කතාව අමතක නොවෙන කතාවක්

ඇපල් ෆොන් එකෙන් වැට පැනිල්ල සහ මගේ නැවත සයිබර් ආගමනය

2010-08-30T23:04:00.000-07:00

කට්ටියට මාව මතකද දන්නෙ නෑ. ඔන්න දිගු නිහැඬ්යාවකින් පසුව නැවතත් බ්ලොග් ලියවිල්ලට පය තබන්නයි හදන්නෙ. මුලින්ම සමාවෙන්න ඕනෙ, ගිය වතාවෙ කට්ටියටම නොකියා අතුරු දහන් වෙලා හිටපු එකට. දන්නෙ නැද්ද ඉතින් අර හැඳි මිටේ තරමට මොලේ තියන අය හිඳා තමයි ඒ වැඩෙත් උනේ.

ටික කාලෙකින් පස්සෙ අපේ සහෝදර බ්ලොග් අඩවි දිහා බැලුවහම පෙනුන කාරනයක් තමයි. හුඟක් වැදගත් සහ කාලයක් ආසාවෙන් කියවපු හුඟක් බ්ලොග් අඩවි පේන තෙක්මානයක නොතිබුනු එක. ඒ වෙනුවට බ්ලොග් වලින් කොහොමද සල්ලි හොයන්නෙ, බ්ලොග් එකට මේ ගැජට් එක දාන්නෙ කොහොමද , බ්ල්ලාලා බ්ල්ලාලා බ්ල්ලාලා .... වගේ බ්ලොග් ටිකක් තමයි ඉතුරු වෙලා තියනවා දැක්කෙ. විශේෂයෙන්ම ඉතා වැදගත් තාක්ෂණික ලිපි, කාලීන ලිපි, දේශපාලන ලිපි ලියූ සහෝදර බ්ලොග් කරුවන්ගේ බ්ලොග් ලිපි බොහෝ කාලයකින් අලුත් වී තිබුනෙ නෑ. මම හිතන්නෙ වැඩ වැඩි කම නිසාම වෙන්න ඇති. කොහොම උනත් බ්ලොග් ලියන නවක මුහුනු ටිකකුත් දැකගන්න ලැබුනා. සමහරුන්ගේ බ්ලොග් ගැන නම් හුඟක් සතුටුයි. නමුත් තවත් සමහරුන් ඉතින් අර ඇඩ් දාලා සල්ලි හම්බකරන්න හිතාගෙන කිසිම වැඩකට නැති බ්ලොග් කෙරුවාවකුත් පටන් අරගෙන තියෙනවා.

හරි බෝරින් කරන්නෙ නැතුව අද ලියන්න ගිය ලිපිය ගැන පටන් ගමුකො එහෙනම්.

ඇපල් ෆෝන් කතන්දරය

ඇත්තටම මේ වැඩේ ගැන ඔයාලත් එක්ක බෙදාගන්න කිතුවෙ, මේක මටම ලැබුනු හොඳ අද්දැකීමක් නිසයි.
මගේ යාලුවෙක්ට ලඟදි දවසක Apple IPhone එකක් ලැබුනා. ඒක මැලේෂියා වල ඉඳලා ලැබුන එකක්. ටික දවසක් පාවිච්චි කරමින් ඉන්නකොට මිනිහා පන්ඩිත වැඩක් කරන්න ගියා. ඒ තමයි ඇපල් සමාගම Iphone 4 ත් සමඟ සමගාමීව අලුතින් නිකුත් කෙරූ iOS4 එකට අප්ඩේට් කරන්න යෑම. අන්තිමට අප්ඩේට් කරලා ඉවර වෙනවත් සමඟම කිසිම දෙයක් කරන්න බැරි ලොක් වෙච්ච ෆෝන් කෑල්ලක් තමයි ඉතුරු වුනේ. මිනිහා එච්චර පොරක් නොවුනත් ඉතින් දන්න සෙල්ලම් ඔක්කොම දාලා බැලුවා. බැරිම තැන තමයි ඉතින් මිනිහා මගේ පිහිට පැතුවෙ.
මමත් ඉතින් ඇපල් කන්න දන්නවා උනාට ඇපල් ෆෝන් හදන්න දන්නෙ නෑනෙ. වැඩේ මුල ඉඳලම පටන් ගත්තා. සුපුරුදු පරිදි ගූගල් දෙවියගෙ පිහිට පැතුවා. ඊට ඉස්සෙල්ලා පොඩ්ඩක් මතකයේ තිබුනා කාලින්ග සහෝදරයගෙ බ්ලොග් එකේ iphone එකට සිංහල දාන හැටි කියලා තිබුන ලිපිය. හීනෙන් වගේ මතකෙ තිබ්බ ඒකෙ Jailbreak කරනවිදිය ගැන විස්තරයක් දාලා තියනවා කියලා. මුල සිට අගට කියවලා ලිපියට අනුව blackra1n කියන ටූල් එක බාගත කර ගත්තා. ලිපියෙ තියන විදියටම පියවරෙන් පියවර කෙරුවත් හරි ගියේ නෑ. ඊට අමතරව youtube එකෙත් ටුයුටෝරියල් ටිකක් බැලුවා. කිසිම දෙයක් හරි යන්නෙ නෑ.

හැම දෙයක්ම පැත්තට දාලා වැඩේට අලුතින් බැස්සා. ෆෝරම් ටිකකට ගිහිල්ලා බලද්දි තමයි වෙලා තියෙන සන් සිද්දිය තේරුනේ.
ඇත්තටම iphone සඳහා අලුතින් නිකුත් කෙරුනු iOS4 කියන මෙහෙයුම් පද්දතියට තවමත් Jailbreak කරන්න පුලුවන් තරම් විදියේ වැඩසටහනක් ඉදිරිපත් කරලා නෑ (ඔන්න වැඩකාරයෙන් ඉන්නවනම් කරන්න හොඳම එක්සසයිස් එක.). මොකද මේ ios4 කියන මෙහෙයුම් පද්දතිය හදනහොට ඇපල් සමාගම මේ jailbreak කිරීමට වැට බැඳිම සඳහා සෑහෙන්න මහන්සියක් වෙලා තියනවා කියන්න පුලුවන්. ඒ මෙහෙයුම සෑහෙන දුරට සාර්ථකයි කියලා කියන්නත් පුලුවන්. මොකද මේ OS3.*.* එකෙන් iOS4 එකට අප්ග්‍රේඩ් කරන්න ගිහිල්ලා අමාරුවෙ වැටුනු අය තොග ගානට ඉන්නවා. ඒ කිසිම කෙනෙක්ට සාර්ථකයි කියන්න පුලුවන් තරම් හොඳ විසඳුමක් ලැබිලා තිබ්බෙ නැ. බලන් යනකොට මගේ යාලුව විතරක්ම නෙමෙයි ඇපල් මුදලාලි අමාරුවෙ වට්ටලා තියෙන්නෙ :)` . හැබැයි ඉතින් දින ගනනාවක් කට්ට කාලා මේ අවුල මට ගොඩ දාගන්න පුලුවන් වුනා. මම ගොඩ දැම්මා කියුවට 99% ක්ම වැඩේ කෙරුවෙ මෙහෙ මාත් එක්ක එකම ඩිපාර්ට්මන්ට් එකේ වැඩකරන සර්ෆුදීන් කියන මිත්‍රයා තමයි. ඔහු ඉන්දියානු ජාතිකයෙක්. මේ වගේ වැඩ වලට හරි දස්සයා.

දැන් වැඩේ ගොඩ දාගත්ත හැටි පියවරෙන් පියවර කියලා දෙන්න තමයි දැන් හදන්නෙ.
ඊට ඉස්සෙලා කියන්න ඕනෙ වැඩේ සාර්ථක වෙන්න ඉස්සෙල්ල මෙන්න මේ දේවලුත් ට්‍රයි කරලා බෑලුවා.

1. මුලින්ම blackra1n කියන ටූල් එකෙන් ෆෝන් එක බුට් කරන්න දාලා වරු ගානක් බලාගෙන හිටියා. ටික වෙලාවක් ගියාට පස්සෙ තමයි තේරුනේ iOS4 එකට blackra1n එකෙන් කිසිම හානියක් කරන්න බැරි බව.

2.දැන් ෆෝන් එක iOS4 එකට අප්ග්‍රේඩ් වෙලා තියන නිසා cracked OS3.* එකක් බාගත කරලා os4 එකේ ඉඳලා os3.* එකට downgrade කරන්න බැලුවා. ඒකට අපේ keyboard එකෙ shift key එක ඔබාගෙනම අපි බාගත්ත os3.* එකේ පාත් එක දුන්නනම් හරි. ඒත් අවාසනාවකට ඒකත් ඇපල් මුදලාලිට මාට්ටු වුනා. (මේ වැඩේට කියන්නෙ DFU (Direct Firmware Upgrade) mode එක තුලින් ඩවුන්ග්‍රේඩ කිරිම කියලයි)
තව ඉතින් ඔය නානාප්‍රකාර ඒවා දාලා බැලුවා. හරි ගියෙ නැත.

ඔය පහලින් දාලා තියෙන්නෙ ෆෝන් එක දැන් ( ඒ කියන්නෙ ලොක් වෙලා තියෙන ) අවස්තාවෙදි ගත්තා පිංතූරයක්.

අපි දැන් බලමු මේක සාර්ථක කර ගන්න මොනවද කරන්නෙ කියලා.

1. මුලින්ම Redsn0w කියන කුඩා මෘදුකාංගය බාගත කරගන්න ඕනෙ මෙන්න ඒකට ලින්ක් එක.

2. ඊට පස්සෙ iOS 4.0.2 කියන firmware එක බාගත කරන්න ඕනෙ. මෙන්න ඒකට ලින්ක් එක. මගේ යාලුවා මුලින් iOS 4.0.2 එක ස්ථාපිත කරලා තිබුන නිසා මට ඒක අවශ්‍ය උනේ නෑ. ඒ ෆයිල් එක (iPhone1,2_4.0.2_8A400_Restore.ipsw) කියන විදියට තමයි සේවු වෙන්නෙ. ඒ වගේම iOS 4 කියන firmware එකත් බාගැනීම කලගත යුතුයි. මෙන්න ඒකට ලින්ක් එක. ඒක සේවු වෙන්නෙ (iPhone1,2_4.0_8A293_Restore.ipsw). කිඅයන නමිනුයි.

3. අර මම මුලින් බාගන්න කියපු Redsn0w කියන zip file එක extract කරගන්න. ඒ xtract කර ගත්ත ෆෝල්ඩරයටම අර අපි මුලින් බාගත කල (iPhone1,2_4.0.2_8A400_Restore.ipsw) firmware එකයි, (iPhone1,2_4.0_8A293_Restore.ipsw) කියන firmware එකයි කොපි කර ගන්න. කොහොමහරි මේ ෆයිල් තුනම එක ෆෝල්ඩරයක තියනවනම් හුඟක් හොඳයි. පහත රූපසටහන වගේ.

4. ඊලඟට ෆෝන් එක පරිගණකයට සම්බන්ද කරන්න කේබලය හරහා. එවිට Itune එක ඔබේ ෆෝන් එක හඳුනා ගනීවි.

දැන් මම කියන්න හදන්නෙ අපේ ඇපල් ෆෝන් එකේ තියන නවතම සංස්කරනයක් ඉවත් කරලා පරන සංස්කරනයක් දාගන්න හැටියි. කෙටියෙන් කියනවනම් මේකට අපි Downgrades කරනවා කියලා කියනවා. ඒ වගේම මේ ආකාරයෙන්ම ඔබට පුලුවන් මැනුවලි OS එකක් ඇපල් ෆෝන් එකට ස්ථාපිත කරගන්න.

5. වම් පැත්තෙ තියන මෙනුවෙන් ඩිවයිස් කියන එක තෝරලා ඔබේ iphone එක තෝරා ගන්න. දැන් පරිගණකයේ Shift key එක ඔබන ගමන්ම itune එකේ ඇති 'Restore' button එක ඔබන්න.

6. දැන් අපි මුලින් බාගත කරපු iOS 4.0.2 firmware file (iPhone1,2_4.0.2_8A400_Restore.ipsw) කියන ෆයිල් එකේ පාත් එක ලබා දෙන්න. ටික වෙලාවකින් නවතම සංස්කරනය වන iOS 4.0.2 firmware ෆොන් එකට ස්ථාපිත වෙයි.

7. හරි දැන් ඔය හැම එකක්ම පැත්තකින් තියලා අර අපි මුලින් බාගත්ත Redsn0w කියන application එක ඩබල් ක්ලික් කරන්න. ටික වෙලාවකින් corresponding IPSW file සිලෙක්ට් කරන්න කියලාඅ කියයි. එවිට අපි කලින් බාගත්ත iOS 4.0 firmware file (iPhone1,2_4.0_8A293_Restore.ipsw) එකේ පාත් එක ලබා දෙන්න. බැරි වෙලාවත් ඔබ OS 4.0.2 කියන ෆයිල් එක මේකට ලබා දුන්නොත් "Unable to recognize specified IPSW" කියලා මැසේජ් එකක් එයි.

9. Redsn0w ඇප්ලිකේෂන් එක firmware එක verify කිරීමෙන් අනතුරුව "Next" ඔබන්න

10. Redsn0w එක තුලින් jailbreak කිරීමට අවශ්‍ය දත්තා සූදානම් කිරීමට ආරම්භ කරයි.

11. මීලඟට පැමිනෙන වින්ඩෝවේදී පහත රූපයේ සටහන් කර ඇති පරිදි චෙක් බොක්ස් ලකුනු කර 'Next' බොත්තම ඔබන්න

12. මීලඟ පිඅයවරේදී "switch OFF your iPhone 3G and plug it to the computer." කියා මැසේජ් එකක් එයි. එවිට iphone එක off කලරා පරිගනකයට කේබලය හරහා සම්බන්ද කරන්න.

13. දැන් තමයි ටිකක් ඉවසීමෙන් කල යුතු හරිය. අපේ ඊලඟ පියවර සඳහා DFU mode එකට අපේ ෆෝන් එක දා ගන්න ඕනෙ. ඒක කරන්නෙ මෙහෙමයි.

iphone එකේ පවර් බටන් එක තප්පර 2ක් තද කරගෙන ඉන්න.

එහෙම පවර් බටන් එක තද කරගෙන ඉන්න ගමන්ම තත්පර දෙකකට පසුව i phone එකේ හෝම් (Home) බටන් එක තත්පට 10ක් අල්ලගෙන ඉන්න.

දැන් තප්පර 10කට පසුව Power button එක අතාරින්න නමුත් ෆෝන් එක බූට් වෙනකල් Home button එක අතාරින්න එපා.

14. තත්පර 20ක් වගේ ඇතුලත ෆෝන් එක බූට් වෙයි.

15. ඉන් පසුව Redsn0w ඇප්ලිකේෂන් එක මගින් අලුත් RAM disk සහ kernel uploading වීමක් සිදු කරයි.

16. ටික වේලාවකින් පසුව පහත වින්ඩෝව ලැබුනු පසු විනාඩි පහක් වගේ කාලයක් Finish කියන බටන් එක ඔබන්නෙ නැතුව ඉන්න.

17. මේ ක්‍රියාව අතරතුර මෙන්න මේ වගේ තිරයක් ෆෝන් එකෙන් දැක ගන්න පුලුවන් වෙයි.

විනාඩි 5 කින් වගේ ෆෝන් එක ඔටෝ රී-බූට් වෙයි.

# ඔන්න දැන් තියෙනවා ඇපට් සමාගම නිකුත් කල නවතම iphone සංස්කරනය ඇතුලත් ෆෝන් එකක්.

\\ ගැටලු එහෙම තියෙනවනම් අහන්න. මේ ක්‍රියාව එක පාරෙන්ම හරියන එකක් නෑ සමහර විට. නමුත් උත්සාහ කරලා බලන්න.

ලිපියේ අදහස් දැක්වීමේදී අතිවූ දෙබසින් පසුව මෙය දමමි.

**අපි දැනට භාවිතා කරන නව සංස්කරනයකින් (firmware) අපිට අවශ්‍ය විටක itunes භාවිතයෙන් downgrade කිරීමේ හැකියාව ඇත.
ඒ සඳහා http://bit.ly/doUID5 වීඩියෝ පටය උදවු කර ගන්න පුලුවන්.

නිමාවක් නොමැති කතාවක් - 6 කොටස

2010-04-29T02:51:00.000-07:00

සමාවෙන්න ඕනෙ මේ කොටස දාන්න ටිකක් පරක්කු වෙච්ච එක ගැන. මොකද පහුගිය දිනවල අතේ තිබ්බ අලුවත් එක්ක කතා ලියන්න තරම් මානසිකත්වයක් තිබුනෙ නෑ.

නිමාවක් නොමැති කතාවක් - 6 කොටස

ඉස්කෝලෙ යන්න වේලාසනින් නැගිටින්න ඕනෙ නැති හින්දා ටිකක් පරක්කු වෙලා නැගිටලා, අම්මා අහපු ප්‍රශ්ණ වලටත් සාර්ථක ලෙස පිලිතුරු සපයා මම ජැකාලගෙ ගෙදර ගියා.

- මේ ගමන උබට යන්නම ඕනෙද බන් ?
මම ජැකගෙන් ඇහුවෙ නිකමට හරි ජැකාගෙ තීරනය වෙනස් වෙලාද කියලා බලන්න, ඌ දාපු බැල්මෙන්ම මට තේරුන අද මූ ඉස්පිරිතාලෙ ගිහිල්ලම තමයි නතර වෙන්නෙ කියලා.
- මචන් මේ දවස්වල මටනම් මහා භාන්ඩාගාරයෙන් ප්‍රතිපාදන පාස් වෙන්නෙ නෑ, උබ ලඟ තියනව නේද දවසේ ගතමනාවට ප්‍රතිපාදන!
හරි හරි බන් මම ඊයෙ අම්මගෙන් ගානක් ඉල්ල ගත්තා! ඒකෙන් ගැටගහගමු.

"මචන් උබ ඇතුලට පලයන් මම මේ හරියෙන් ඉන්නම්." ඉස්පිරිතාලේ ගේට්ටුව ලඟදි මම එහෙම කියුවෙ ඇයි කියලා මටම හිතා ගන්න බෑ. ඒත් අර කෙල්ල ඔතන හිටියොත් කියලා මට ජැකාට කියන්න ලැජ්ජාවක් තිබුනා.ඌ මගේ පොඩි කාලේ ඉඳලම ඉන්න යාලුවා නිසාම ඒක ඌට තේරුම් ගින නිසා වෙන්න ඕනෙ , ඒ ගැන කිසිම කතාවක් නැතුව වෝඩ් නම්බර් එක අහගෙන ඌ කෙලින්ම ගියෙ.

මම මේ ලෝකෙ දැකලා තියන ලස්සනම ඇස් දෙක තියෙන්නෙ කාටද කියලා ඇහුවොත් මම දෙන පිලිතුර කුමක් වේද? ගතවූවේ විනාඩි 10 ක් වැනි කාලයකි , ඒ ඇස් වලට හිමි කාරිය මම ඉන්න තැනින් කැන්ටිමට ගියා. මට ඇය ඉන්න තැනට යන්න උවමනාඅවක් නොතිබුනත්, මම එතනට මටත් නොදැනිම ගියෙ ඇයි කියලා මටවත් හිතාගන්න බැරුව ගියා.
- ඔයාලට සල්ලි වාහන තිබුනයි කියලා පාරෙ යන අපිට මඩ ගහගෙන යන්න කියලා ඔයාගෙ තාත්තද කියලා දුන්නෙ.?. අඳුන ගත්ත නිසාද මන්දා මම දිහා බලලා ආයෙත් බිම බලාගත්තා.
- මට වාහන ඩ්‍රයිව් කරන්න තාම ලයිෂන් නෑ.
ගතවූයේ ස්වල්ප මොහොනතකි. ඇය එතනින් වේගයෙන් රෝහල පැත්තට ගියා.

- "දැන්නම් පොඩි එකාට සෑහෙන්න හොඳයි මචන්". ඒත් එක්කම එතන්ට ආපු ජැකා මට පිටට තට්ටුවක් දාන ගමන් කියුවා.
වෙච්ච දේ ගැන ජැකාට නොකියන්න තීරනය කෙරුවෙ, ඌට මේක කියුවොත් ඌ හිතයි මම මේ කෙල්ලට ට්‍රයි කියලා.

******
මොකද තමුන් දෙන්නා ඊයෙ ඉස්කෝලෙ ආවෙ නැත්තෙ. ඊයෙ ටෙස්ට් එකෙන් මට තමුන් දෙන්නට බිංදුව දානවා ඇරෙන්න වෙන දෙන්න ලකුණක් නෑ.
- "මොකද්ද බං මේ කරුමේ, කියන හත්තිලව්වක් කෙළ ගහලා කියන්න එපැයි මෙතන අපිව නාවන්නෙ නැතුව". ජැකා හිමීට කුරු කුරු ගානවා.අපේ රසායන විද්‍යාව උගන්වන ආරියවන්ශ සර්ට දැන් අවුරුදු 50 කටත් කිට්ටුයි. සාමාන්‍යයෙන් කෙමිස්ට්‍රි පීරියෙඩ් එකේදී කවුරුත්ම පංතියෙ ඉදිරිපෙල අසුන් වල ඉන්න කැමති නෑ.ඒ මුකුත් හින්දා නෙමෙයි. සර්ගෙ කටින් මදි නොකියන්න ඉස්සරහා ඉන්න අයව තෙමන නිසයි.
ඉන්ටර්වල් එකේදි කැන්ටිමට ගිහාම වෙනදට දකින අපත මූණු ටික අතුරුදහන් වෙලා තිබුනා. ඒ මේ වෙනකොටත් A/L විභාගය පටන් අරගෙන තිබුන නිසයි.
- මචන් අද ත්ලක් සර්ගෙ ක්ලාස් යනවා නේද ? ඔවු ඔවු මොකා නැතත් ඉතින් ජැකානම් යයි. ඒකත් හොඳයි මූ නිශාදිව බලන්න නිසා හරි පන්ති කට් කරන්නෙ නැතුව යන එක. මූගෙ අම්මට එහෙම නිශාදි ගැන කියුවනම් මූට නිශාදිව දැන්ම බන්දලා දීලා මූගෙන් නිශාදි ලවුවලා ඔක්කොම වැඩ ටික ගනී. යකෝ මදුර මට උබ හිතන තරම් පිස්සුවක් නෑ බන් නිශාදි ගැන.
- ආහ් ඒක තමයි උබ මේ බැන්ඩේජ් එකකුත් තාම ඔලුවෙ තියාගෙන බැරිමරගාතෙ පංති යන්න හදන්නෙ.
- එකට ඉන්න අපිටත් උබ කොලේ වහනවනේ. රිද්මයත් කතාවට පොහොර දැම්මා.

ඉස්කෝලෙ ඉවරවෙලා සම්මාදම් එකතු කරලා අරියභවන් එකෙන් තෝසෙ පාරකුත් බඩට දාගෙනම හතර දෙනාම තිලක් සර්ගෙ කෙමෙස්ට්‍රි පංතියනට යනකොට විනාඩි 15ක් විතර පරක්කු වෙලා. පංතියට යනවත් එක්කම ලාවට සු .................... පාරක් දානව.
- මේ කෙහෙල්මල් තෝසෙ කෑමකට සෙට් වෙච්ච නිසා නොමිලේ අතුරුපසට හෙන චාටර් සූ ....... පාරකුත් කන්න උනා. ජැකා මදුරයගේ මූන දිහා කන්න වගේ බලාගෙන කියුවා.
- ආහ් හරි බන්, ඔච්චර උබට මලපනින්නෙ උබේ මල් කුමාරි උබට සූ ... දැම්මෙ නෑනෙ.
- මේ මේ ....... පංතියට පරක්කු වෙලා ආවා මදිවට සර්ගෙන්, ඉල්ලගෙන තවත් චාටර් කන්නද යන්නෙ. උබලා දෙන්නා කටවහගෙන දැන්වත් පාඩම අහගනින්ලකො.

- අපි පංතියට පරක්කු වෙලා ආපුනිසා අපිට ඉඳගන්න ලැබුනේ ඉදිරිපෙල අසුන් වලයි. ඒ නිසාම පංතිය ඉවර වෙච්ච ගමන්ම අපිට එලියට බහින්න උනා. අදත් ඉතින් පුරුදු පරිදිම ජැකා වෙනුවෙන් අපි කන කට්ට කනවද අපි නැත්තන් මූගෙ අසනීප තත්වෙ ගැන හිතලා අදට විතරක් අපි මාරු වෙලා යනවද?. හැමදාම වැඩේට සප් එක දෙන මදුරයා ජැකා දිහා බලාගෙන ඇහුවා.
- පොඩ්ඩක් වෙලා ඉඳලා බලමුකෝ, නැත්තන් මූට අද නින්ද යන එකක් නෑනෙ.
විනාඩි 10ක් හිටියා, 15ක් හිටියා නිශාදි එන පාටක් නෑ.
- මචන් මමනම් අද නිශාදිව පංතියෙදිවත් දැක්කෙ නෑ. අද පංති ආවෙ නැද්ද දන්නෙ නෑ. එහෙම පංති ඇවිල්ලා නැත්තන් අපි මෙතන්ට වෙලා නිකන් කට්ට කන එකේ තේරුමක් නෑනෙ. ඒකනිසා අපි අද යමු මචන්. සාමාන්‍යන් මම කියන දේකට ජැකා එකඟවෙන නිසා කට්ටියම බස් හෝල්ට් එකට යන්න හදනකොටම,
"ජීවන්ත" ! කියා හුරු පුරුදු හඬක් පිටිපස්සෙන් අහුනා.

නිමාවක් නොමැති කතාවක් - 5 කොටස

2010-04-29T02:47:00.000-07:00

මේ කොටස මීට පෙර පොස්ට් කරලා තිබුනත්. මේ ඩොමේන් නේම් වෙන්ස් කරන්න යෑමෙන් ඒ 5වැනි කොටස අතුරුදහන් වෙලා තැති බවින් නැවතත් එය පෝස්ට් කරමි

නිමාවක් නොමැති කතාවක් - 5 කොටස

ගිහාන් මල්ලිත් එක්ක ටික වෙලාවක් කතා කර කර ඉන්නකොට එතනට පැමිනි අමුත්තා නිසා මාව ගල් ගැහිලා ගියා.
අමුතා කියලා කියුවට ඊට මැදිවියේ පසුවෙන කාන්තාවක් සහ, තරුණ වයසේ පසුවන කෙල්ලො දෙනෙක් අයිති වෙනවා.
නෑ නෑ මේ එයා වෙන්න බෑ.
- මචන් මේ අරය බන් !
- කවුද බන් !

- ඇයි යකෝ මම අර කියුවෙ.
- කවුද බන් ! මොකාද ?

- අර එදා මට මඩ ගහගෙන ගිය කෙල්ල බන් !
- කොයි එක්කෙනාද ?
- මචන් පිස්සුනම් කෙලින්න හදන්න එපා. මෙතන නම් ඔය කෙල්ලට බනින්න යන්න එපා. බලපන් ඒ මූන දැක්කහම හිතක් හදාගෙන බනින්න පුලුවන්ද කියලා. අනිත් එක මේක හොස්පිටල් එකක්.
මදුරයගෙ කතාවෙත් ඇත්තක් තියෙනවා.

ආපු කට්ටියට ගිහාන් මල්ලිත් එක්ක කතා කරන්න දීලා අපි පැත්තකට උනා. ටික වෙලාවට පස්සෙ ගිහාන් මල්ලිගෙ අම්මා කියලා අනුමාන කල හැකි මැදි වයසෙ පසුවන කාන්තාවක් අපිත් එක්ක කතා කරන්න ගත්තා.
- ඔය පුතාලත් ගිහාන්ගෙ ඉස්කෝලෙ ඉගෙන ගන්න අය නේද ?
අපි ඔලුව වැනුවේ, කියන්න වචන ගලපගන්න ටිකක් අමාරු වෙලා හිටිය නිසා වෙන්න ඇති. මොකද මේ සිදුවෙලා තියෙන හැම දේකටම අපෙත් සම්බන්දයක් තියන නිසා.

බලන්න පුතා මේ ලමයා මේ වෙච්ච දේ ගැන කිසිම දෙයක් කියන්නෙ නෑ නෙ. පුතාලවත් දන්නවද මේ ගැන මොනවා හරි දෙයක්? මේ සිද්දිය වෙන්න දවස් දෙක තුනකට ඉස්සෙල්ල මේ ලමයා ඉස්කෝලෙ ඉඳලා එනකොටත් කාත් එක්ක හරි ගහගෙන තුවාල කරගෙන ආවා. ඒත් අපිත් එක්ක කිසිම දෙයක් කියන්නෙ නෑ.
මමයි මදුරයයි, රිද්මයයි මූනට මූන බලා ගත්තා.
- ඇත්තටම ඇන්ටි මේක ඉස්කෝලෙට සම්බන්ද දෙයක් වෙන්න බෑ. අපිනම් මේ ගැන කිසිම දෙයක් දන්නෙ නෑ.
රිද්මයා කියපු බොරුව, හරි ගස්සලා කියන්න මට ඕනෙ කමක් තිබුනත්, වෙලාවෙ හැටියට ඇත්ත දේ කියන්න ගියොත් එහෙම ඇය තවත් කලබල වෙන නිසා සිද්දවෙච්ච් දේ නොකියා ඉන්න එකම හොඳයි.
- මචන් මෙතන තවත් වෙලා ඉන්න ගියොත් ඇන්ටි රහස් පොලිස්සියෙන් වගේ අපෙන් ප්‍රශ්ණ කරන්න ගනියි. ඒක නිසා මෙතනින් හිමීට ලිස්සන එක තමයි නුවනට හුරු.
- අනිවා ! මෙතන හිටියොත් අපිට ඉල්ලගෙන කන්නයි වෙන්නෙ.

නලල අගට වැටිලා තියෙන කෙස් රොදෙන් මුහුණ හරියටම නොපෙනෙන නිසා මට ඒ මුහුන දිහා බලන්න ඉතා ඕනෙ කමක් ඇතිවුනා. එදා දැක්ක මුතු කැට වගේ දිලිසෙන ඇස් දෙකයි මම ඉස්සරහා ඉන්න කෙනාගෙ මේ ඇස් දෙකයි, දෙකම එකයි. ඒ නිසා මේ එයාම වෙන්න ඕනෙ. නමුත් මේ වගේ අහිංසක මූනක් තියෙන කෙල්ලෙක්ට අරවගේ නපුරු විදියට පාරෙ ඉන්න මනුස්සයෙක්ට මඩ ගහගෙන යන්න පුලුවන්ද !
මනීශ .... , යකෝ මනීශ ! කොහෙද බන් උබ ඉන්නෙ. !
මදුරයගෙ කෑ ගැහිල්ලට මාව පියවි ලෝකෙට ආවා.
- මේ උබ බනින මගුලක් හොස්පිට්ල් එකෙන් එලියෙදි බැනපන්.

ඒ එක්කම අපි තුන්දෙනා ගිහාන් මල්ලි ඉන්න තැනට ගියා.
"ගිහාන් මල්ලි අපි ගිහිල්ලා එන්නම්. අපි ඉස්කෝලෙන් ආවෙ ඉක්මනටම එනවයි කියලයි. අපි ගිහින් එන්නම් ඇන්ටි." - මදුරයා කියුවා

ෂික් විතරක් මේ කෙල්ල නෙමෙයිනෙ ඔලුවක් උස්සලා බලන්නෙ.
තියෙන ආඩම්බරකම, විහිලුවකටවත් අපි දිහා බැලුවෙ නෑ නෙ.
මම කාගෙවත් නමක් නොකියම අර කෙල්ල දිහා බලාගෙනම "අපි එහෙනම් ගිහිල්ලා එන්නම්" කියලා කියුවා.
චික් මේ කෙල්ලටනම් කිසිම හිතක් පපුවක් නෑ. මම නිකන් නෝන්ඩි උනා. ඒ කෙල්ල ඔලුවවත් උස්සල අපි දිහා බැලුවෙ නෑ.
ඇන්ටිත් නිකන් අමුතු බැල්මක් මා දිහා දැම්මා.
අපි තුන් දෙනා ගොලුවො වගේ හොස්පිට්ල් එකෙන් එලියට ආවා.
මචන් උබට ෂුවර්ද ඒ කෙල්ලමයි මේ ඇවිල්ලා ඉන්නෙ කියලා. මටනම් හිතාගන්නවත් බෑ, මේවගේ අහින්සක මූණක් තියෙන කෙල්ලෙක් ඒ වගේ බලු වැඩක් කරයි කියලා. අනිත් එක තමයි එතන හිටපු කෙල්ලො දෙන්නා ගිහාන් මල්ලිගෙ කවුද දන්නෙ නෑ.

- "මේ ඒක නෙමෙයි බන් ! අපි මේක ජැකාට කියනවද ?, මොනවා උනත් අර පාහරයො පොඩි එකාට කරලා තියෙන්නෙ මහ බලුම බලු වෙඩ. හැබැයි ජැකාට කියුවොත් අපිටත් ගිහාන් මලයා ඉන්න ඉස්පිරිතාලෙම එහා පැත්තෙ ඇඳක කකුලක් අතක් එල්ලගෙන ඉන්න පුලුවන්."
- "මොනවා උනත් අපි අද ජැකාගෙ ගෙදර ගිහාම මේ ගැන ඌට කියමු. නැත්තන් යන එන මගකදි අපිවත් සුදු වෑන් එකකින් එහෙම උස්සගෙන ගියොත්, අද තියෙන තත්වෙ උඩ අපේ අම්මලාට පොලිසි තියා උසාවි යන්නත් බෑ. "
"මනීශ ! උබ මොන ලෝකෙද බන් ඉන්නෙ ? අපේ කතාවට සම්මදමක් දෙන්නෙ නැද්ද උබ ?" මදුරයයි රිද්මයයි කියපු කිසිම දෙයක් මම අහගෙන හිටියෙ නෑ. ඕනෙ ඒත් එ බව උන්ට නොපෙන්වල කෝකටත් තෛලය වගේ " උබලා කියපු විදියට කරමු " කියලා ෂේප් උත්තරයක් දුන්නා.

අඩෝ ! උබ ඉස්කෝලෙ නොගිහින් ඉන්නෙ නිදා ගන්නද ! නැගිටපන් නැගිටපන්, උබ ඊයෙ රෑ ඉඳල නේද මේ නිදාගෙන ඉන්නෙ. උබ නිදාගෙන ඉන්න හැටි දැක්කම මටත් හිතෙනවා කොහෙ හරි තුවාලයක් කරගෙන හොඳට ගෙදරට වෙලා නිදා ගන්න.
මම ඉස්කෝලෙ ඉවරවෙලා ගෙදර ගිහාම ජැකා නිදාගෙන ඉන්න විදිය දැකලා ඉබේටම කියවුනා.
- නෑ බන් මේ කෙහෙල්මල් තුවාලෙ නිසා පොතක් පත්තරයක් තියා ටීවී එකක් වත් බලන්න බෑ.

මම ගිහන් මල්ලිගෙ සිද්දියයි, මඩ කෙල්ලගෙ සිද්දියයි, ඔක්කොම අකුරක් නැතුව ජැකාගෙ කනේ තිබ්බා. වෙච්ච වැඩේ ගැන ජකාට තියෙන්නෙ දුකකට වැඩිය පාලනය කරගන්න බැරි තරහක්.
- උබ එනවද හෙට මාත් එක්ක පොඩි එකාව බලන්න යන්න හොස්පිට්ල් එකට.
- ඒත් බන් ඔය තුවාලෙත් තියාගෙන උබ හොස්පිට්ල් යන එක එච්චර නුවනට හුරු නෑ.
- උබගෙ බණ පැත්තකින් තියලා කියපන් උබ හෙට ඌව බලන්න යන්න එනවද කියලා.
හරි හරි එහෙනම් හෙට ඉස්කෝලෙ යන එකත් පැත්තකින් තියලා ඉස්පිරිතාලෙ බඩගාමුකෝ. ජැකාගෙ කතාවට එකග වෙන්න වෙච්ච නිසා, අපි පහුවෙනිදා ආයෙත් හොස්පිට්ල් එකට ගියා.

මෙතුවක් කල් මාවිසින් නිමැවුනි සිංහල උපසිරසි සහිත චිත්‍රපට

2010-04-27T06:30:00.000-07:00

Burning Bright (2010)

Next Sinhala Subtitle Movie - ####

---------------------------------------------------------------------------------------------------------------

SALT (2010) - ඇය කවුරුන් වුනත් ඇය අති දක්ෂ ගැහැනියයකි.

චිත්‍රපටය මෙතනින් බාගන්න

---------------------------------------------------------------------------------------------------------------

The Book of Eli (2010) | ලෝක විනාශයකින් පසුව නැවතත් සුන්දර ලොවක් බිහිකිරීමට සටන්වදින වීරයෙකුගේ කතාවක් [සිංහල උපසිරැසි සමඟින්]

චිත්‍රපටය මෙතනින් බාගන්න

---------------------------------------------------------------------------------------------------------------

My Name Is Khan (2010) | උසස් රසවින්දනයක් උදෙසා! [සිංහල උපසිරැසි සහිතව]-

චිත්‍රපටය මෙතනින් බාගන්න

---------------------------------------------------------------------------------------------------------------

Merry Madagascar (2009) - කට්ටිය ආයෙත් වැඩේට බැහැලා [ සිංහල උපසිරසි සමඟ]

සිංහල උපසිරසි මෙතනින් බාගන්න

Torrent එක මෙතනින් බාගන්න

---------------------------------------------------------------------------------------------------------------

Fantastic Mr. Fox (2009) | ඔස්කාර් සම්මානයකට නිර්දේශිත චිත්‍රපටයක් [සිංහල උපසිරැසි සහිතව]

චිත්‍රපටය මෙතනින් බාගන්න

---------------------------------------------------------------------------------------------------------------

The Collector (2009) | ත්‍රාසය, භීතිය සහ රුධිරය වැගුරුනු එකතු කිරීමක්.. [සිංහල උපසිරැසි සහිතව]

චිත්‍රපටය මෙතනින් බාගන්න

---------------------------------------------------------------------------------------------------------------

Phobia 2 (2009) | ඇත්තටම ඔබටත් බිය දැනෙනවද? [සිංහල උපසිරැසි සහිතව]

චිත්‍රපටය මෙතනින් බාගන්න

යාලුවගේ මගුල

2010-04-11T21:55:00.000-07:00

අද ආවෙනම් කතා ලියන්න නෙමෙයි. අද උදේ පාන්දරම නැගිටින්නත් ඉස්සෙල්ලා මට දුරකථන ඇමතුමක් ආවා. නිදි මරගාතේ ෆෝන් එක අරගෙන බලනකොට ලංකාවෙන් තමයි කෝල් එක ඇවිල්ලා තිබුනේ. ඉතින් බොහොම අමාරුවෙන් "හලෝ" කියනවත් එක්කම මාව මීට අවුරුදු 5 කට හෝ 6 කට පෙර අතීතයකට අරගෙන ගියා. ඔහු මගේ මගේ පාසල් මිතුරෙක්.

කතාව කෙටියෙන් මේකයි. ඒ කාලේ පාසල් ජීවිතය සුන්දරයි කියලා අමුතුවෙන් කියන්න ඕනෙ නෑනෙ. ඒක හැම දෙනාම දැන්නවා. දැනිලා තිබුනා. මගේ ඉස්කෝලෙ බාරව කරයුතු කෙරුවෙ බ්‍රදර්ස්ලා (brothers) යි. අපේ ඉස්කෝලෙට එක තාප්පෙකින් වෙන් වෙලා තමයි තවත් ජනප්‍රිය පාසලක් (convent) එකක් තිබුනේ. මෙහෙම කියනකොට ඔක්කොමල්ලම දන්නව දැන් මොකද්ද කියලා ඉස්කෝලෙ. මගේ යාලුව පොඩි කාලෙ ඉඳලම ඉස්කෝලෙ ගියෙ ස්කූල් වෑන් එකෙන් තමයි. ඒත් O/L වලින් පස්සෙ මිනිහා අමුතුම පුද්ගලයෙක් උනා. අර මම කියපු බාලිකා පාසලේ බාලිකාවකට මේ මනුස්සයට හිත ගියා. අපේ ඉස්කෝලෙ දැඩි නීති නිසා, මේ වගේ දේවල් ගැන හිතන එකත් බොහෝ අය නතර කරල තිබුනෙ. මගේ යාලුවත් ඉස්කෝලෙ විනයට බොහොම ලැදි, පාසල තුල හොඳ නමක් තිබ්බ, ගුරුවරුන්ගේ හොඳ ලමයා යන කීර්ති නාමය රැගත් කොලුවෙක්. නමුත් මේ කෙල්ල ඔලුවට ගිය දවසෙ ඉඳලා මිනිහගෙ හැසිරීම ටිකක් අමුතු වුනා. දින චර්‍යාව වෙනස් වුනා. ආහ් මේ කෙල්ලව මගේ යාලුවට මුන ගැහිලා තියෙන්නෙ ඒ කාලෙ O\L ක්ලාස් එකකදියි. මගේ යාලුවා සාමාන්‍යන් කෙල්ලෙක් දිහා ඇහැක් ඇරලා බලන්නෙ නැති එකෙක් නිසා. ඒ කාලෙ මේ සිද්දිය පිලිබඳව යාලුවො වෙච්ච අපිටත් පුදුමයක් තිබුනා.

කොහොමහරි, මගේ යාලුවා O\L වලින් ඉතා ඉහල රිසාල්ට් එකක් ගත්තා. මගේ මතකයේ විදියට අපේ පංතියෙ වැඩිම රිසාල්ට් එක තිබුනෙ එයාට. පොඩි කාලෙ ඉඳලම, මෙඩිකල් ෆැකල්ටි එකට යන්න තමයි මිනිහට සෑහෙන්න ආසාවක් තිබුනේ. ඒ නිසාම එයාට bio sciences කරන්න පුලුවන් උනා. නමුත් අපි හැමෝම පුදුම කරවලා මිනිහා ගියා කොමර්ස් කරන්න. හේතුව උනේ අර බාලිකාවිය මේ වන විටත් කොමර්ස් පන්ති පටන් අරගෙන තිබ්බ නිසයි. අපි පුලුවන් තරම් උත්සාහ කෙරුවත් මේක තේරුම් කරල දෙන්න ඒක හරියට ගඟට ඉනි කැපුවා වගේ උනා. හැබැයි පුදුමේ කියන්නෙ මේක තාමත් one side love එකක්. තාම මේක අර කෙල්ලගෙ මූණට මුන ගැහිලවත් නෑ. කොටිම්ම කියනවනම් මිනිහා ස්කූල් වැන් එකේ යන එක නැවැත්තුවා. අපි පුලුවන් විදියට උත්සාහ කෙරුවා මේ කෙල්ලත් එක්ක අපේ එකාට කතා කරන්න අවස්තාවක් ලබලා දෙන්න. ඒත් ඒක හරිගියෙ නෑ. අපි A\L වලදි පංති දෙකකට වැටුන හින්දා මුන ගැහෙන එක ටිකක් අඩු උනා. ඒත් ඉස්කෝලෙ ඉන්ටවල් එකේදි එහෙම ඉතින් ඔය ගැන යාලුවගෙන් විමසන්න අමතක කෙරුවෙ නෑ. කොහොම උනත් A\L ලියලා අවසානය වන තෙක්ම මේක අර කෙල්ලත් එක්ක වචනයක්වත් කතා කරලා තිබ්බෙ නෑ. ඊට පස්සෙනම් වුන කිසිම දෙයක් දන්නෙ නෑ.

නමුත් අද ආපු දුරකතන ඇමතුම මේ හැම දේම පුදුම කෙරුවා. මගේ යාලුවා දැන් කොලඹ ප්‍රසිද්ද පුද්ගලික බැංකුවක ass. Manager කෙනෙක් විදියට වැඩ කරනවාලු. ඉතින් මම අර පරන සිද්දිය අමතක කරන්න බැරි නිසා කෙල්ල ගැන ඇහුවා. ඒ දුන්න උත්තරෙන් මාව පුදුම උනා. ඒ තමයි මිනිහා ලබන මාසෙ බඳිනවලු ඒ කෙල්ලව. මගේ ගෙදරට කෝල් කරලා තියෙන්න මාව දෙවෙනි මනමාලයට ගන්න සුදුසු තත්වෙක තියෙනවද කියලා අහන්නයි. ඔන්න ඕකයි අද "දවසේ කතාව". මට හිතුනේ මුන් දෙන්න ගිය ආත්මෙ ඉඳලම පතාගෙන ඉන්න ඇතියි කියලයි. නමුත් ඉතින් අවාසනාවට මට ඌගෙ දෙවෙනි මනමාලය වෙන්න වෙන්නෙ නෑ. මොකද මට තව මාස 4ක් විතර යනකම් ලංකාවට යන්න නිවාඩු ගන්න ලැබෙන්නෙ නෑ. ඒත් ඉතින් මගේ යාලුවට සුබ අනාගතයක් සහ හොඳ පවුල් ජීවිතයක් ගත කරන්න ලැබේවායි කියල තමයි ප්‍රාර්තනා කරන්න තියෙන්නෙ.

නිමාවක් නොමැති කතාවක් - 4 කොටස

2010-04-03T07:45:00.000-07:00

මේ දවස්වල වැඩ ගොඩාක් බදාගෙන කරනවනෙ. හන්තාන ලිනක්ස් එකට අදාල පොඩි ලිපි වගයක් හදනවා, ඒ වගේම සිංහල ඔෆිස් මිහුණතට අදාලවත් පොඩි පොඩි පරිවර්ථන වගයක් කරගෙන යනවා. ඒත් එක්කම යලුවෙක්ගෙ හොටෙල් එකකට වෙබ් සයිට් එකකුත් හදවනා. ඔය දේවල් වලට අමතරව ඔෆිස් එකෙත් මේ දවස්වල ටිකක් වැඩ වැඩියි. ආහ් ඒ අස්සෙ දුකාගෙ 100 වැනි පෝස්ට් එක නිමිත්තෙන් දුන්න පාටියටත් අපි ගියානෙ.ඔන්න ඔය හේතු නිසයි මේ කතාව ටිකක් ලියන එක පරක්කු උනේ. (වෙන හේතුවක්නම් ඇත්තෙම නෑ.)
ඉතින් මගේ හිතාදර සෙනෙහෙවන්ත බ්ලොග් කියවන්නෙනි, තරහා නැතුව මේ කොටසත් කියවලා කමෙන්ටුවක් දාලා යන්න. පුලුවන් අය ඉතින් මූණු පොතේ තාප්පෙ මේ ලිපිය දාලා සහයෝගයක් ලබා දුන්නට අපි ඔන්න තරහ එහෙම වෙන්නෙ නෑ.

නිමාවක් නොමැති කතාවක් - 4 කොටස

පන්තියට ආපු සෝමපාල සර් අරුන්ට අපෙන් සමාව ගන්න කියලා කියුවා. පන්ති කාමරය දැඩි ලෙස නිහඬයි. සර්ගෙ කටහඬ දැඩි වුනා. උඹලා මේක මෙතනින් ඉවර කෙරුවෙ නැත්තම් උඹලා එකෙක්ට්වත් මේ ඉස්කෝලෙන් ඒ ලෙවල් ලියන්න මම ඉඩ තියන්නෙවත් මේ ඉස්කෝලෙ පැත්ත පලාතෙ පස් පාගන්නවත් ඉඩ තියන්නෙ නෑ. සෝමපාල සර් විශ්‍රාම යන වයසේ පසුවූවත් කොපමන දැඩි පුද්ගලයෙක් වුවත් ඒ කටහඬට සැලෙන බව නිසැකයි." හරි හරි මේක මෙතනින් ඉවරයි. අවුලක් හිතන්න එපා". නිහඬතාවය බිඳමින් උන්ගෙන් එකෙකු කීය. සෝමපාඅල සර්ට වුවත් ඒ වචන වලින් සෑහීමකට පත්වෙන්න සුදූඋනා.

"මචන් මටනම් අද ක්ලාස් යන්න බෑ. මේවා ඇඳගෙන අද ක්ලාස් ගියොත් එහෙම මට නිශාදිගෙන් හැන්ගි හැන්ගි තමයි ඉන්න වෙන්නෙ." ජැකා සද්දෙ පොඩ්ඩක් අඩු කරලා කියුවා. නිශාදි කියන්නෙ අපි නුගේගොඩ රොටරියෙ රජාකරුනා සර්ගෙ කෙමිස්ට්‍රි පන්තියන්න පටන් ගත්ත දවස්වල ඉඳලා ඇස ගැටුන කෙල්ලෙක්. කෙල්ලගෙ තියන චාම් බව නිසාද මන්දා ජැකා මේ කෙල්ල ගැන මොනවදෝ හිතාගෙන හිටියා. හැබැයි ඉතින් දැන් අපි පන්ති යන්න පටන් අරගෙන අවුරුද්දකටත් කිට්ටු වෙන්න ආවත් තාමත් මුන් දෙන්න එකට මුනගැහිලා කතාවත් කරල නෑ.ජැකා මොනදේටත් වැඩ්ඩා උනාට කෙල්ලෙක් ඉස්සරහදි ඌට කිසිම දෙයක් කර ගන්න බෑ. ලඟට ගියත්,එක්කො කකුල් වෙවුලනවා, එහෙම නැත්තන් දිව පැටලෙනවා. ඉතින් මේවගේ වැඩ වලට ඉන්න එක්ස්පර්ට්ම එකා තමයි මදුරයා. ඌගෙ උදවුවෙන් තමයි නිශාදිට ඇසගැටෙන මානයටවත් ජැකාව අරගෙන යන්න පුලුවන් වෙන්නෙ.

අද ඉල්ලගෙන කාපු වලිය නිසා අපි කට්ටියගෙම යුනිෆෝම් ගන්න දෙයක් නැතිනිසා කට්ටියම තීරනය කෙරුවා ක්ලාස් නොගිහින් ඉන්න.
මචන් මටනම් අරුන්ව සත පහකට විශ්වාස නෑ බන්. "අරුන් ටික සෝමපාල සර් ඉස්සරහ එහෙම කියුවට, අපිට අම්බානකට නෙලයිද දන්නෙ නෑ බන්." - මොනා උනත් මලින්දයගෙ බය තාම පහව ගිහිල්ල නෑ වගෙයි. උඹලා බය වෙන්න එපා. ආයෙ උන්ට ඒ පාට් දාන්න හම්බෙන්නෙ නෑ. එහෙම සීන් එකකට ආවොත් ඉතින් අපිත් ඒ විදියටම උන්ට සලකමු. ජැකා කියන දෙයක් නොකර ඉන්න එකෙක් නෙමෙයි. ඒ නිසා කවුරුවත් ඒ කතාවට උත්තර දෙන්න ගියෙ නෑ. "ඒත් මචන් මේක ගයන්ත අය්යලට කියන්න යන්නනම් එපා. එහෙම උනොත් මේක සෑහෙන්න දුර දිය යයි. අනිත් එක මේව අපේ ගෙවල් වලට ගියොත් එහෙම ,හෙනම අවුලක්". මම එහෙම කියුවෙ බයටද නැත්තන් වෙන මොකකට හරිද කියලා කියන්න මටවත් හරියට තේරෙන්නෙ නෑ.කොහොමහරි කට්ටිය වැඩිය කතා බහක් නැතුවම ස්කූල් බස් එකෙන්ම ගෙවල් වලට ගියා.

අම්මට පෙන්නෙ නැති වෙන්න ෂේප් එකේ ගෙදර ඇවිල්ල ඇඳුම් ටික හෝදලා දැම්මා. අම්බානකට ගුටිකාලා ඉන්න නිසා ගෙදර අයට වැඩිය මූණ පෙන්නන්න ගියේ නෑ. හවස්වරුවෙ කාමරෙන් එලියටවත් යන්නෙ නැතුව ගනන් ටිකක් හැදුවා. ඒත් රෑ නිදා ගන්න ගිය වෙලාවෙ ඉඳලම ඔලුව පුපුරන්න තරම් රිදෙනවා.අම්මට කියන්නත් බෑ. ගුටිකාලා හතරැස් වෙලා තියෙන මූණ දැක්කහම රටේ නැති ප්‍රශ්න අහනවා. ඊටත් වැඩිය ඉහල දෙපාර්තුමේන්තුවට එහෙම මේක අම්ම කියුවොත් එහෙම. ඒ හැම දේම හිතලා හිමීට නංගිගෙන් පැනඩෝල් එකක් ඉල්ලගන්න ගියා. අම්මට හපන් නංගි ! මෙයත් ප්‍රශ්ණ අහනවා අහනවා ඉවරයක් නෑ. අපි දෙන්නා අතරෙ සාමාන්‍යන් රහස් නැති නිසා මම මුල ඉඳලම විස්තරේ කියුවා. එයා ලඟ තිබුනු ඕඩි කොලෝන් ටිකකින් ඔලුව අතගාලා පැනඩෝල් එකත් බීලා ඇඳට ආවා. උදේ පාන්දරම අම්ම කෑ ගහනවා මට කෝල් එකක් කියලා!. "මචන් උබට අවුලක් නෑ නේද ?" ඒ ජැකාගෙ කටහඬ! නෑ බන්. ඊයෙ රෑ ටිකක් අවුලෙන් හිටියෙ. ඒත් දැන් හරි. අද උඹ ඉස්කෝලෙ ඉන්නෙ ස්කූල් බස් එකේද ?"

- නෑ බන් මගේ ඇහැ ලඟ වෙච්ච තුවාලෙ ටිකක් වැඩි වෙලා වගේ මම අද ඉස්කෝලෙ එන්න වෙන්නෙ නෑ.

ඉස්කෝලෙ ඉවරවෙලා මදුරයයි, රිද්මයයි, මමයි කට්ටියම ජැකාලගෙ ගෙදර ගියා. ඌව දැක්කා විතරයි අපිත් හොල්මන් වෙලා ගියා.තුවාලෙ ලේ කැටියක් වෙලා ඔක්කොම ලේ ඇතුලෙ පිරිලා ඒක කුරුම්බැටියක සයිස් එකට ලොකුවෙලා, ඌට හරියට ඒ ඇහැත් ඇරගන්න බෑ. ජැකාගෙ ගෙදර ඉන්නෙ අම්මයි අක්කයි විතරයි. තාත්තා හදිසි හෘද්‍යාබාදයකින් මියගිහිල්ල දැනට අවුරුදු 2ක් පමන වෙනාවා. අක්කා දැනට පේරාදෙනය විශ්වවිද්‍යාලයේ දෙවැනි වසරේ ඉගෙන ගන්නවා. අම්මා රිච්වේ ලාමා රෝහලේ හෙඳ වරියක් විදියට රැකියාව කරනු ලැබුවා. ඒ නිසාම ජැකා දවසේ වැඩි කාලයක්ම ගතකෙරුවෙ අපේ ගෙදරයි. ජැකාගෙ අම්මත් මේ වෙලාවෙ ගෙදර අනෑ. ඒ නිසා අපි තීරනය කෙරුවා ජැකාව ලඟ තියෙන ඩිස්පැන්සරියකට ගෙනියන්න. තුවාලෙ ටිකක් බරපතල නිසා ඔපරේෂන් එකක් කරන්න වෙයි කියලා කියුවා. ඩොක්ටර් ලියුමක් ලියලා දුන්නා ඔපරේෂන් එකට. අපි ජැකාගෙ අපි ආයෙත්ගෙදර එනකොට ජැකාගෙ අම්මත් ගෙදර ඇවිල්ලා. ප්‍රශ්න වැලක් ඇහුවට පස්සෙ අපි ජැකාවා ඉස්පිරිතලෙට දාලා ඇතුල් කෙරුවා. අපි යනකොට ටිකක් හවස් වෙලා තිබුන නිසා, ඊලඟ දවසෙ තමයි ඔපරේශන් එක තිබුනේ.

අපි හවස ගෙදර යනකොට ජැකාව අම්මා ගෙදර එක්කරගෙන ඇවිල්ල තිබුනා. "ලොකු අවුලක් නෙමෙයි නිසා ඔපරේශන් එකට පස්සෙ ගෙදර යන්න පුලුවන් කියලා ඩොකා කියුව බන්" !"මේ ඒක නෙමෙයි බන්, උබට දැන් ක්ලාස් ගිහිල්ලා නිශාදිව බලන්න වෙන්නෙ, හරියට අර දොස්තර හොඳහිත කාටුන් එකේ ඉන්න "චවු චවු" වගේ එක ඇහැක් වැහෙන්න කලු රෙදි කෑල්ලක් තියාගෙන තමයි". මදුරයගෙ කතාවට සෙට් එකටම හිනා ගියා.මොන හේතුවක් නිසාද මන්දා අපි මේ අවුරුද්ද තිස්සෙම එකම දවසක්වත් කෙමිස්ට්‍රි ක්ලාස් එක මිස් කරලා නෑ. මදුරයා විතරක් නෙමෙයි අපි හැමෝම දන්නවා ජැකා කකුලක් කඩා ගත්තත් තනි කකුලෙන් හරි කෙමිස්ට්‍රි ක්ලාස් එකටනම් යනවා කියලා.

ජැකත් දවසක් දෙකක් ඉස්කෝලෙ එන්නෙ නෑ කියපු නිසා මදුරයයි, මමයි, රිදිමයයි ස්කූල් බස් එකේම ගියා. නමුත් ඉස්කෝලෙට ගියාට පස්සෙ කනට වැටුන නිවුස් එකනම් එච්චර හොඳ නිවුස් එකක් නෙමෙයි. ඒ තමයි එදා අපි අරුන්ගෙන් බේරගත්ත පොඩි එකාට බරපතල විදියට පරදීමක් වෙලා. ඉස්කෝලෙ එන ගමන් තමයි මේ දේ වෙලා තියෙන්නෙ. මේ දේ කරපු එවුන් කවුද කියලා මුලු ඉස්කෝලෙම දැනගෙන හිටියත්, එකෙක්වත් ඒක ගැන කතා කරන්නවත් ගියෙ නෑ. හවස ක්ලාස් තියෙන හින්දා, අපිට පොඩි එකාව බලන්න යන්න විදියක් තිබුනෙ නෑ. එච්චර ඉස්කෝලෙදි ඇහැට දැක පුරුදු පොඩි එකෙක් නොවුනත්, අපි හොඳටම දැනගෙන හිටියා අරුන්ට අපිට ගහන්න බැරි කමට මේ පොඩි එකාට මේ දේ කෙරුවා කියලා.

ඊලඟ දවසෙ ඉස්කෝලෙට ආවට පස්සෙ දැනගන්න ලැබුනා පන්තියෙ කට්ටියක් පොඩි එකාව බලලා ඇවිල්ලා කියලා. විස්තර වල හැටියට පොඩි එකාට දරුනු තුවාල තියෙනවලු. සෝමපාල සර්ගෙ විශේෂ අවසරයක් අරගෙන අපි 12.00ට ඉස්කෝලෙන් එලියට ඇවිල්ල කෙලින්ම මහ රෝහලට ගියා. සමීරයා හරියටම වෝඩ් නම්බර් එක කියපු නිසා, අපිට වෝඩ් එක හොයා ගන්න එච්චර අමාරු වුනේ නෑ. මදුරයා ගිහාන් මල්ලිව ඈත ඉඳලම අඳුර ගත්ත නිසා, අපි කෙල්ලිම එතනට ගියා. වෙලාව හරියටම 12.30 නිසා තාම කවුරුත් ඇවිල්ලා හිටියෙ නෑ. පොඩි එකාටනම් සෑහෙන්න තුවාලයි. "හොඳ වෙලාවට මචන් ජැකාව අපි එක්කරගෙන ආවෙ නැත්තෙ ! නැත්තන් මේ අහින්සක පොඩි එකාට අර වල් බල්ලෝ කරලා තියෙන දේ දැක්කනම් ඕකා මොන මගුලක් මෙතන කරයිද දන්නෙ නෑ. ගිහාන් මල්ලිත් එක්ක ටික වෙලාවක් කතා කර කර ඉන්නකොට එතනට පැමිනි අමුත්තා නිසා ........................

ඉතිරිය පසුවට ~

පින්තූරය ඉස්සුවෙ කාගෙවත් බ්ලොග් එකකින් එහෙම නෙමෙයි !

නිමාවක් නොමැති කතාවක් - 3 කොටස

2010-03-28T01:08:00.000-07:00

ආයෙත් පාරක් කියන්න ඕනෙ ... මේක මට වෙච්ච කතාවක් නම් නෙමෙයි. එහෙම කියන්නෙ ගොඩක් අය මගෙන් මේක මට වෙච්ච දෙයක් නේද කියලා අහන නිසයි.

නිමාවක් නොමැති කතාවක් - 3 කොටස

මේක ඉතින් සාම්ප්‍රදායිකව එන බොරුවක් උනත්, මඩ පාරෙ හැටියට තාත්ව්ක බවක් තියෙනවා කියලා හිතලා, බොරුව කියන්න පටන් ගත්තා.
"සර් මේකයි උනේ ........ අද මම එන ගමන් බස් එක කැඩුනා. ඉතින් පිරිමි කට්ටිය ඔක්කොමල්ලා බැහැලා බස් එක ස්ටාර්ට් කරගන්න තල්ලුවක් දුන්නා. ඒ එක්කම ඉස්සරහින් ගිය කාර් එකක්මඩ පාරකුත් දාගෙනම ගියා මගේ කලිසමටම හරියට ඒම් කරලා. කොහොම උනත් බස් එක ස්ටාර්ට් උනේ නෑ. ඉතින් ඊලඟ බස් එක එනකල් ඉඳලා තමයි ආවෙ. ඒක නිසා තමයි ටිකක් පරක්කු උනේ." සර්ගෙ මූන බලාගෙන බොරුවක් කියන එකත් ලේසි පහසු වැඩක් නෙමෙයි. කොහොම උනත් ඉස්කෝලෙ ඇතුලත මගේ චරිත සහතිකය ටිකක් යහපත් අවදියක තිබුන නිසාද කොහෙද සර්, මුරකරුට කියුවා ගේට් එක අරින්න කියලා. පිටි පස්සෙ පංතියෙ ප්රි ෆෙක්ට්ලා සෙට් එකනම් කින්ඩියට වගේ හිනා වෙනවා. මොනා කරන්නද මම අද නැගිටලා තියෙන්නෙ රාහු කාලය ලබනකොටමද කොහෙද !.
ඉක්මනටම පංතියට ගියා.

ෆිසික්ස් සර් උදෙන්ම බෝඩ් එක පිරෙන්න ගනන් හදනවා. ෂේප් එකේ පංතියටත් ආවා. "මේ පංතියට එන වෙලාවද ?" කලිසමේ මඩ පාර දැක්ක නිසාද කොහෙද සර් වැඩිය මුකුත් කියුවෙ නෑ.හැබැයි පන්තියෙ එවුන්නම් චාටර් විදියට හිනා වෙනවා. පුදුමයක අරුමය රිදිමයයි, ජැකයි, දෙන්නම ඉස්කෝලෙ ඇවිල්ලනේ. මම රිද්මයා ලඟින් ඇවිල්ලා ඉඳගත්තා. "උඹ කීයටද මචන් බස් එකට නැග්ගෙ ?" - නෑ බන්, වැස්සක් තිබ්බ නිසා මම අද ස්කූල් බස් එකේ ආවේ. බලාගෙන යනකොට කොහෙවත් යන කෙල්ලෙක් නිසා මම විතරයි කටු කාල තියෙන්නෙ.මොකද බන් ඔච්චර කලිසමී මඩ ? උඹ මඩ වලක පීනන්නවත් ඉගෙන ගන්න ගියාද - ඒක හෙන චාටර් කතාවක් මචන් !, ඒත් එක්කම ෆිසික්ස් පීරියඩ් එකත් ඉවර උනා.
සර් ගියා විතරයි ජැකයි දන්ඩයි දෙන්නම ඇවිල්ල කලිසම් කතාව ගැන අහනවා. ඒ අස්සෙ ප්‍රසන්නයා කෑ ගහනවා, අද මැත්ස් සර් නෑ කියලා. ඊලඟට තියෙන්නෙ මැත්ස් පීරියඩ් එක.

අපේ නීත්‍යානුකූල ඉන්ටර්වල් එක තිබුනේ පස්වැනි පීරියඩ් එකෙන් පස්සෙ උනත්, අපි දෙවැනි පීරියඩ් එක ඉවර වෙනකොටම ගෙදරින් ගෙනාපු හැම කෑමක්ම කාලා ඉවර වෙනවා. ඒ අතරින් රිද්මයගෙ බත් එකට විශේෂ තැනක් හිමිවෙනවා. ඉතින් කට්ටියම දැන් ඒ බත් එකට සෙට් වුනා. සෙට් උනා කියුවට ඉතින් බත් එක දිගාරිනවා විතරයි, බිත්තර, මස් මාලු එහෙම තියෙනවනම් එක පාරට අතුරුදහන් වෙනවා. අතිමේට අයිතිකාරයටත් කටක්වත් කන්න ඉතුරුවෙන්නෙ බොහොම කලාතුරකින් තමයි. ඒ උනාට ඉතින් ඔෆීෂියල් ඉන්ටර්වෙල් එකෙදී කට්ටිය කැන්ටිමෙන් සහයෝගීව කටයුතු කරලා ආමාශය සමාන කරගන්නව.කෑමෙන් පසු කට්ටියක් ෆිසික්ස් ප්‍රැක්ටිකල් වලට ගියා. කට්ටියක් ලයිබ්‍රියට ගියා. මමයි මදුරයයි, ජැකයි, රිද්මයයි පන්තියෙ ඉතුරු උනා.

කට්ටියටම කලිසමේ කතාව කියල ඉවර උනා විතරයි හිනා වෙන්න පටන් ගත්තා. හැබැයි උන් කියපු එක දේකින් මගේ හිතට පොඩි සැනසුමක් ආවා. ඒ තමයි ජැකා කියුවා " අපි ඔය කෙල්ලට කොඳ වැඩක් දෙමු මචන් " කියලා. අපේ කන්ඩායමේ ඉන්න අමාරුකාරයා තමයි ජැකා. යාලුවෝ වෙනුවෙන් ඌ පණ උනත් දෙන්න ලෑස්තියි. හැබැයි ඉතින් එක වෙලාවකට නාහෙට අහන්නෙ නෑ.මම එහෙම කියන්නෙ ඇයි කියලා කතාවෙ ඉස්සරහට තේරෙයි. කොහොමහරි පීරියඩ් දෙක තුනකින් පස්සෙ ඉන්ටර්වල් එකේ ආමාශයෙ ඉතුරුවෙච්ච හරිය පුරවගන්න අදහසින් කැන්ටිම පැත්ට යනකොට මේ අවුරුද්දෙ උසස්පෙල කරන්න ඉන්න කට්ටියගෙ කැත වැඩක් දැකලා අපි කට්ටියම එතන නත උනා. කැන්ටිමට එන පොඩි එවුන්ගෙන් කප්පන් ගන්න එක ඉස්කෝලෙ අලුත් දෙයක් නොවුනත්, එදා දැක්කෙ ඊට වැඩිය ටිකක් බරපතල දෙයක්. ඒ තමයි පොඩි එකෙක්ට ගහලා සල්ලි ගන්න තරම් මුන් අපාගතයො වීමයි.ජැකා එතන්ට යනකොටත් හත වසරෙ හරි අට වසරෙ හරි පොඩි එකෙක්ට මේ නරුමයෝ ටික වට කරගෙන, පොඩි එකාත් හොඳටම අඬනවා. මොකද්ද මචන් ඔය පොඩි එකෙක්ව තියාගෙන බයිට් කරන එකේ තේරුම, උබලට කන්න සල්ලි නැත්තන් නොකා ඉඳපල්ලා මේ පොඩි එකාගෙ සල්ලි ගන්නෙ නැතුව. ජැකා කියලා ඉවරවෙනවත් එක්කම පොඩි එකාට "සටාස්" ගාලා කම්බුල හරහා පාරක් වැදුනා. "ඇයි යකෝ උඹ මොනවා කරන්නද ? ඕනෙනම් ඌට කරපු දේම උබටත් කරන එක මහ ලොකු දෙයක් නෙමෙයි". වැඩේ යන්නෙ හොඳ පැත්තකට නෙමෙයි කියලා තීරුන නිසා අපිත් කෝකටත් කියලා ලඟට ගියා. සාමාන්‍යන් උන් කරන කියන කිසිම දෙයකට ඉස්කෝලෙ කිසිම එකෙක් ඔලුව දාන්නෙ නෑ. ඒ සමහරවිට උන්ගෙන් ගොඩක් එවුන් ඉස්කෝලෙ රගර් ටීම් එකට සෙල්ලන් කරන නිසා වෙන්න ඇති. කොහොමහරි කියලා කට ගන්න හම්බුනේ නෑ ජැකා උන්ගෙ එකෙක්ට දකුණු අත මිටිමොලවලා මූණට පාරක් ගැහුවා.ඒත් එක්කම මමයි මදුරයයි, රිද්මයි මැද්දට පැන්නෙ අපේ එකාව බේර ගන්න උනත්, උන් අපිටත් අම්බානකට නෙලන්න ගත්තා. අපිත් පුලුවන් විදියට ඉගෙන ගත්ත සියලු සාස්තරේ දාලා ගහන්න ගියත් මගේ ඔලුව හරහා, හරිය මෝල් ගහකින් ගැහුවා වගේ පාරක් නිසා මම ඇදගෙන වැටුනා. ඒ එක්කම බිම පෙරලගෙන මටයි මදුරයටයි එකෙක් ගහනවා. මම අර කලින් කියපු හේතුව නිසා ලඟපාත හිටපු කෙනෙක්වත් මේකට අත දාන්න ආවෙ නෑ.!#~! දඩෝන්ග් !#~! , ඒ සද්දෙන් හැම දෙයක්ම එක මොහොතකින් නතර උනා.

කලින් මුන් බලෙන් සල්ලි ගන්න ගිය පොඩි එකා, මට බිම පෙරලගන ගහපු එකාට, පරන කැඩිච්ච ඩෙස් කකුලකින් ඌගෙ කොන්දටම ගහලා. ඌ කෑ ගහගෙන ඇදගෙන වැටුනා. ඒත් එක්කම පන්තියෙ අනිත් එවුන් සෝමපාල සරුත් එක්ක අපි ඉන්න තැනට ඇවිල්ලා අපිව පන්තියට අරගෙන යන්න කියලා කියුවා. පන්තියට ආවා විතරයි මම එහෙම්මම ඩෙස් එකට ඔලුව තියා ගත්තා වැදිච්ච පාර නිවා ඔලුව හොල්ලන්නවත් බෑ වගෙයි. ඒත් එක්කම ජැකත් මගේ ලඟට ඇවිල්ලා, උඹට අමාරුද කියලා ඇහුවා. ඌගෙ ඇහැට උඩින් ලේත් එනවා.
ඒක තමයි ජැකාගෙ තියන විශේෂත්වය. මට කොච්චර අමාරු උනත් මම ඒක පෙන්නන්න ගියෙ නෑ. මට එච්චර අවුලක් නෑ බන්. කෝ මදුරයයි, රිද්මයයි? උන් දෙන්නට එච්චර අවුලක් නෑ. උන් කැන්ටිමට ගියා අයිස් අරගෙන එන්න උබගෙ ඔලුවට තියන්න.
- උබට පිස්සුද බන්, මට ඇති අමාරුවක් නෑ. උන් දෙන්නට මගුල් කරන්නෙ නැතුව එන්න කියපන්. මට ආපු තරහට කියවුනා. මචන් මනීශ මට සමාවෙයන් බන් ! මම දාගත්ත බාල්දිය නිසා උබලටත් ගුටි කන්න උනා.
- පිස්සුද බන් ඒක අවුලක් නෑ. කොහොම උනත් ගුටි කාලා හරි මට උන්ගෙ එකෙක්ට හරි මතක හිටින්න පාරක් ගහන්න හම්බුනු එකම ලොකු දෙයක්. කොහොමත් උන්ට මේ පොඩි එවුන් කන්න ගේන සල්ලි බලහත්කාරයෙන් අරගන්න දෙන්න බෑ.
"අද හවසට අර යක්කු ටික අපිට අම්බානකට නෙලන්නලු බන් ඉන්නෙ." මදුරයයි, රිද්මයයි කියාගෙනම ආවා. මමත් ඒ දේ එහෙමම වෙනවා කියලා දන්න නිසා උත්තරයක් නොදීම හිටියා. ඒත් ඒ කතාව ජැකා මොනවදෝ කියන්න කට ඇරියා විතරයි. සෝමපාල සර් එක්ක කාඩ්බෝඩ් වීරයො ටික පන්තියෙ ඇතුලට ආවා.

අනේ මන්දා ඉතුරු ටිකත් ලියනවද නැද්ද කියලා !

නිමාවක් නොමැති කතාවක් - 2 කොටස

2010-03-23T20:58:00.000-07:00

නිමාවක් නොමැති කතාවක් - 1 කොටස බැලුවෙ නැති අයට මෙන්න ලින්ක් එක.

කට්ටිය දාලා තිබ්බ කමෙන්ට් වල හැටියට ලියන එක දිගටම කරන්න ඕනෙ කියලා හිතුවා. හැබැයි ඉතින් මහා ලොකුවටනම් ලියන්න බෑ. මොකද ඉතින් ඔෆිස් එකේ වැඩ ටිකත් ෂේප් එකේ කරගන්න ඕනෙනෙ.

නිමාවක් නොමැති කතාවක් - 2 කොටස

අද ඉස්කෝලෙ යන අදහස අතැරලා තිබ්බ මම බස් හෝල්ට් එකට ආවේ අර කෙල්ලට හොඳ දෙකක් කියන්න හිතාගෙනයි. නමුත් ඉතින් හෝල්ට් එකට ආවා විතරයි ගාට ගාට ආපු ප්‍රයිවට් බස් එකක් නැවැත්තුවා. හෝල්ට් එකේ හිටපු කට්ටියම නැග්ගා. මට බස් එකට නගින්න උවමනාවක් තිබ්බෙ නැතත්, අර කෙල්ලට හොඳ එකක් කියන්නෙ නැතුව අද මට නින්ද යන්නෙ නෑ කියලා මම දන්න නිසාම මටත් නොදැනිම මමත් බස් එකට නැග්ගා.

බස් එකට නැග්ග ගමන්ම මගේ කැමරාව දාලා බැලුවා කෙල්ල කොහෙද කියලා. මගේ ඇස් වල දුර පෙනීම හොඳ නිසා, කෙල්ලගෙ පින්තූරෙනම් ෆොටෝ කොපියක් ගහලා ඔලුවෙ සේවු කරගත්තා වගේ තමයි. ඒත් කෙල්ලනම් පේන්නනම් නෑ. මේ කෙල්ල කොහෙටද රහත් වුනේ........ . ඒ අස්සෙ කොන්දා කෑ ගහනවා ඉස්සරහටයි, පස්සටයි යන්න කියලා, ඇති සෙනගකුත් නෑ. කලිසමේ එක පැත්තක් සුදු පාටයි, මඩ වතුර පාර වැදිච්ච අනිත් පැත්ත දුඹුරු පාටයි. ඒක දැකලා ඉන්න සෙනග ටිකත් මම දිහා හරියට අමුතු සතෙක් දිහා බලනවා වගේ බලනවා. ඒ අස්සෙ බස් එකේ අන්තිම සීට් එකේ ඉන්න කෙල්ලො කට්ටියකුත් කින්ඩියට වගේ බලලා මොනවදෝ කියනවා. ෂික් විතරක්…. ඒ පැත්ත බලන්නත් ලැජ්ජයි. වෙලාව හොඳ නම් ජැකා හරි රිද්මයා හරි මේ බස් එකට ඉස්සරහ හෝල්ට් එකකින් නගින්න ඕනෙ. එහෙනම් ඉතින් මේ කෙල්ලො ටිකට ඉස්කෝලෙ ලන්ගින් බහිනකල්ම අපේ ජැකා නෝන්ඩිය දානවා. ඒ උනාට මට ඉන්නෙ වැස්සක් තියා හිරි පොදයක් ගැහුවත් ඉස්කෝලෙ නොගිහින් ගෙදර ඉන්න යාලුවො සෙට් එකක් නෙ. බස් එකට නැග්ග එකේ ආයෙත් ගෙදර යන්නත් බෑ. ජැකයි, රිද්මයයි බස් එකට නගින හෝල්ට් එකත් පහු උනා. උන්දෙන්නත් මම හිතුවා වගේම අද ඉස්කෝලෙ යන්නෙ නෑ වගේ.මම හිටගෙන ඉන්න තැනින්ම සීට් එකක්නම් හිස් උනා ....... ඒත් ඉඳගන්න ගියොත් කෙල්ලව මිස් වෙන් වෙයිද! ඒත් ඉතින් හිටගෙන ඉඳලා ඇඩ් එක වෙනවට වැඩිය හොඳයිනෙ ඉඳගෙනම ඩිටෙක්ටිව් වැඩේට බහින එක.

එහා පැත්තෙ ඉඳගෙන ඉන්න ඇන්ටිත් මඩ පාර දිහා ෂේප් එකේ බලනවා. මොනා කරන්නද ඉල්ලගෙන කාපු පරිප්පුවක්නෙ ඉතින් මේක කියලා හිතාගෙන පොඩ්ඩක් ඇස පියා ගත්තා.

ඊයෙ ටිකක් රෑ වෙනකල් පාඩම් කරපු නිසාද, වැස්සටද දන්නෙ නෑ, දන්නෙම නැතුව නින්ද ගිහිල්ලා. ඇහැරිලා බලනකොට දෙහිවලත් පහුවෙලා. වෙලාවත් 8.30ත් වෙලා. රියදුරු දෑතට දෙවි පිහිටයි කියලා ඩ්‍රයිවර් මහත්තයත් ඇඟට පතට නොදැනී, වැස්ස නිසා ඇතිවෙලා තිබ්බ ට්‍රැෆික් එකේ හිමීට බස් එක එලවගෙන යනවා. බස් එක ට්‍රැෆික් එකට අහුවෙලා තිබ්බ නිසා දඩි බිඩි ගාලා, යන බස් එකෙන්ම එලියට පැනගත්තා. ආයෙත් පාරෙන් එහා පැත්තට පැනලා බස් එකකින් යාන්තම් නමය වෙනකොට ඉස්කෝලෙ ගේට්ටුව ලඟට ආව.

අද ගේට් එක ලඟ ඉන්නෙ මගේ පංතියෙ ඉන්න ශිෂ්‍ය නායක කොල්ලො ටික නිසා බය වෙන්න දෙයක් නෑ. කොහොමහරි ගේට්ටුවෙන් ඇතුලට පැනගන්න පුලුවන් වෙනවා. මේ අවුරුද්දෙ උසස් පෙල කරන අයියලා සෙට් එක හිටියොත්නම් ඉතින් ගේමක් ඇදගෙනම තමයි ඇතුලට යන්න වෙන්නෙ.

අදනම් නැගිටලා තියෙන්නෙ ඇඳේ කෝකටත් නැති පැත්තකින්ද කොහෙද, සෝමපාල සර් ගේට්ටුව ලඟ ශිෂ්‍ය නායක කට්ටියත් එක්ක කතාවක්. සෝමපාල සර් තමයි අපේ ඉස්කෝලෙ විනය බාරව ඉන්න කෙනා. මොන මරුමූස් කොල්ලෙක් උනත් සෝමපාල සර් ඉස්සරහ සද්ද කරන්නෙ නෑ. ඒ තරම් සර්ට ගරු කරනවා. ගරු කරනවා නෙමෙයි සර්ට තියන බයට. සර්ට තරහා ගිහාම සර් දිහා කෙලින් බලන්නත් බයයි.

ෂේප් එකේ පිටිපස්සෙ ගේට්ටුවෙන් ඇතුලට බඩගානවා කියලා හිතාගෙන පිටිපස්සට අඩියක් තිබ්බ විතරයි, "තෙහාන් ! මොකද හොරා පොලිස් කරනවද? " සද්දෙ ආවෙ ගේට්ටුව පැත්තෙන්. හිතුවා වගේම ඇස් ලොකු කරගෙන සෝමපාල සර් ගේට්ටුව ලඟ. මොකද ඔරලෝසුවෙ වෙලාව නැවතිලාද, නැත්තන් උදේ පාන්දරම කෙල්ලෙක් පස්සෙන්වත් ගියාද?
සර් හරියට අන්ජනම් බලනවා වගේ කොහොමද මම කෙල්ලෙක් පස්සෙ ගිය සීන් එක ගැන දන්නෙ ! දෙන්න උත්තරයකුත් නෑ. ඒ එක්කම සර් මගේ කලිසමේ මඩ ගෑවිලා තියනවා දැක්කා. වහාම ක්‍රියාත්මක උනු මම දුන්නා තැනට ගැලපෙන, අල්ලෙ පැලවෙන බොරුවක්.

-තියන තත්වෙ හැටියට ඊලඟ කොටසත් ලියන්නම වෙයි වගේ. !

නිමාවක් නොමැති කතාවක් - 1 කොටස

2010-03-23T00:09:00.000-07:00

ලියන්න හිතුවා කතාවක්. මේක මට වෙලා තියෙන එකක්වත්, වෙන්න යන එකක්වත්, නම් නෙමෙයි. හිතට එන දේවල් එක්ක ලියන්න හිතුන දෙයක්.වැඩි විස්තර ඕනෙ නෑනෙ. ඔන්න එහෙනම් අද මුල්ම කොටසෙ ඉඳලා කතාව ලියන්න පටන් ගන්නවා.

--1 කොටස--

ගෙදරින් එලියට බැහැලා බස් හෝල්ට් එකට එන්නවත් හම්බුනේ නැ, දාරනිපාත වැස්සක් පටන් ගත්තා. තෙමෙනවා ඇරෙන්න වෙන කරන්න කිසිම දෙයක් ඇත්තෙ නෑ. මේ වෙලාවට තමයි අම්මා කට කැඩෙනකම් කුඩයක් අරගෙන යන්න කියලා කියන කියන කතාව මතක් උනේ. කොහෙද මේ කාලෙදි කුඩයක් අරගෙන යන්න තියෙන ලැජ්ජාවට වැඩිය තෙමෙන එක හොඳයිනෙ. අනන්තවත් අම්මා වැස්ස දවසට ඔන්න ඔයටික නම් කියන්න අමතක කෙරුවෙ නෑ. තෙමිච්ච කුකුලා වගේ ඉස්කෝලෙ යන්නත් බෑ. මොනා කරන්නද ලඟ තියෙන කාඩේක නැවතුනා. විනාඩි පහක් හිටියා, විනාඩි දහයක් හිටියා, වැස්සනම් නතර කරන පාටක් නෑ. එන්න එන්නම තද කරනවා විතරයි. වැඩේ හරියන පාටක් නෑ. ආයෙත් හැරිලා ගෙදර යන්න තමයි වෙන්නෙ. ගෙදර යන්නත් වැස්ස ටිකක් හරි පායන කල් ඉන්න ඕනෙ.

ඉස්කෝලෙ යන කොල්ලො නම් බේතකටවත් පේන තෙක්මානයක නෑ. නමුත් ඉතින් කාන්තා පාක්ෂික කට්ටියනම් කුඩ අරගෙන ලතාවකට යනවා. ඔය අතරෙ මම වැස්සට නැවතුන කඩේ ලඟින් ඉතා වේගයෙන් ගිය රතු පැහැති කාර් එක, පාරේ ගලාගෙන යන වතුර පාහර දෙබා කරගෙන යනවත් සමඟම ඒ වතුර පාර මම ඇඳගෙන ඉන්න සුදු කලිසමට වැදෙනවත් එක්කම තමයි මාව පියවි ලෝකයට ආවෙ. කාර් එක ක්ෂණයකින් මා ඉන්න තැනින් මීටර් 500ක් විතර පාරින් එහා පස නැවැත්වුවා. සුදු ගවුමින් යුත් කොන්ඩ කරල් දෙක ගොතලා පිට මැද්දට දාලා පොත් මිටියක් අතට ගත් කෙල්ලෙක් කාර් එකෙන් බැස්සා. කෙල්ල කොච්චර ලස්සන වුනත් මට දැන් ඇඟේ මාලු නටනවා. වැස්ස දවස්වල බොහොම අමාරුවෙන් අපේ අම්ම වේලලා තිබ්බ කලිසම හා හා පුරා කියලා සතියෙ පලවැනි දවසේ ඇන්දා විතරයි. කොහෙන්ද මන්දා පාත්වෙච්ච කෙල්ලෙක් ආපු කාර් එකකින් මඩ වතුර පාරින් විනාස කරලා දැම්මා.

ඔය අතරෙ එහා ගෙදර ඉන්න නිශාන්ත අයියත් වැඩට යන්න කුඩේකුත් ඉහලගෙන මම ඉන්න කඩේ ඉස්සරහින් ගියා. වහා ක්‍රියාත්මක වුනු මම නිශාන්ත් අයියට කියලාඅ බස් හෝල්ට් එකට ගෙනල්ල ඇරලව ගත්තා. අද ඉස්කෝලෙ යන අදහස අතැරලා තිබ්බ මම බස් හෝල්ට් එකට ආවේ අර කෙල්ලට හොඳ දෙකක් කියන්න හිතාගෙනයි. නමුත් ඉතින් හෝල්ට් එකට ආවා විතරයි .............

--ඉතුරු ටිකත් ලියන්න හිතුනොත් ලියන්නම්

අදට ඇති . පටන් ගත්තා විතරයිනෙ .......

අලුත ගෙනා මනමාලි

2010-03-12T20:06:00.000-08:00

මට පොඩි දොලදුකක් ආවනෙ, PSP එකක් ගන්න. ඒකට පහුගිය කාලෙ හිතේ සහ ජීවිතේ ඇතිවුන අවුල් සහගත දේවලුත් ටිකක් දුරට බලපෑවා. හිතගෙන හිටියෙනම් iPod Touch එකක් ගන්න නමුත් අන්තිම මොහොතෙ තීරනය වෙනස් වුනා. වැඩට traveling කරනකොට ඉතින් මිකම්ම නිකක් උඩ බලාගෙන එනවට වැඩිය ගෙදර හාර්ඩ් එක පිරෙන්න බාගෙන ඉන්න ඒත් බලන්න වෙලාව නැතිව තියන ෆිල්ම් එකක් එනගමන් බල බල එන්න පුලුවන්නම් කොච්චර දෙයක්ද ! ඔන්න ඕව හිතලා තමයි PSP Go එකක් ගන්න අන්තිමේටම අදහස් කෙරුවෙ.

මේ PSP Go කියන්න ගිය වසරේ , ඒ කියන්නෙ 2009 වසරේ නොවැම්බර් මාසයේදී එලිදැක්වූ අලුත්ම PSP version එකයි. මෙයට පරන PSP එකේ නොතිබුන සුවිශේෂී විශේෂාංග රැසක් එකතුවී තිබෙනවා. ඒ අතරින් Wi-Fi, Bluetooth, PlayStation 3 connectivity, internal 16GB HDD, වැනි දේවල් එකතුවී තියෙනවා. Bluetooth මගින් HSDPA හෝ 3G පහසුකමින් යුත් මොබයිල් එකක් හරහා PSP Go එකෙන් අන්තර්ජාලයා හා සම්බන්දවිය හැකියි. ඒ වගේම Wi-Fi මගිනුත් ඉතා හොඳ අන්තර්ජාල සම්බන්දතාවක් ලබා ගන්න පුලුවන්. ඒ වගේම අන්තර්ජාලය සම්බන්දවූ පසු, එමගින් Skype වැනි වැඩසටහන් මගින් voice chatting වැනි පහසුකම ලාබාගන්න පුලුවන්. මෙහි අභ්‍යන්තරවම සකසා ඇති මයික් එක ගැනනම් සඳහනක් කරන්නම ඕනෙ. මොකද ඒකෙ තියන සංවේදී තාවයට ඉතා කුඩා සද්දයක් උනත් ඇසෙන විදියේ උසස් නිමාවක් තියෙනවා.

වීඩියෝ ගැන කියනවනම්, PSP Go එක 1080HD යන උපරිම පැහැදිලිතාවයෙන් යුත් වීඩියෝ සඳහා සහයෝගීතාවය දක්වනවා.

ඒ වැගේම Audio ගැනත් යමක් සඳහන් කරන්න ඕනෙ. ගොඩක් අය කියනවා, IPod Touch එකත් එක්ක සංසන්දනය කරනකොට PSP Go එකේ Audio කොලිටියි එච්චරම හොඳනෑ කියලා. නමුත් මේ උපාන්ග දෙකම ඒ කියන්නෙ Ipod Touch එකයි PSP Go එකක් දෙකම බාවිතා කරපු පුද්ගලයෙක් විදියට මම කියන්නෙ sony bass reflex earphone එකක් PSP Go එකට සම්බන්ද කරගත්තනම්, වෙනමම ලෝකෙක ජීවත්වෙනවා වගේ දැනේවි.

අනිත් කාරනය තමයි Games. පරන PSP එකේ mini CD වැටියකින් තමයි අපිට games දාන්න පුලුවන් උනේ. නමුත් දැන් තාක්ශනය දියුනු කරලා Apple I store වගේම Sony PSP games store මගින් ගේම්ස් බාගත කරගැනීමේ පහසුකම තියෙනවා.

කියන්න දේවල්නම් ගොඩක් තියෙනවා නමුත් වෙලාව නෑ. මේටික ලියුවෙත් බොහොම අමාරුවෙන්. ඔය පලින් තියෙන්නෙ මගේ අලුත් මනමාලි තමයි. ලංකාවෙ මුදලින් නම් PSP Go එකට විතරක් රුපියල් 30,000ක් විතර ගියා. Sony bass reflex earphone එකටත් රුපියල් 2,500ක් විතර ගියා.

Manufacturer - Sony Computer Entertainment
Product family - PlayStation
Type - Handheld game console
Generation - Seventh
Retail availability - NA/EU October 1, 2009, JP November 1, 2009
Media - Digital distribution
CPU - MIPS 333 MHz[3]
Storage capacity - Memory Stick Micro, 16GB of internal flash memory
Memory 64 MB RAM
Display - 480 x 272 pixels with 16.8 million colours, 16:9 widescreen TFT LCD, 3.8 in (97 mm)
Controller input - Sixaxis, DualShock 3 (optional)[4]
Connectivity - Wi-Fi 802.11b, USB 2.0 via Media Go Software, Bluetooth 3.0, PlayStation 3
Online services - PlayStation Network
Predecessor - PSP-3000 (concurrent)

බහරේන් සිට සවුදිය දක්වා දිවෙන 27KM දිග පුදුම පාලමක මැද කෘතීම දූපත ගැන මේසේ ලියමි.

2010-02-13T20:38:00.000-08:00

අද සින්ඩියෙ ආදර වන්තයින් උදෙසා ලියවෙන ලිපි ගොඩයි. හැබැයි මමනම් ලියන්න හදන්නෙ ඒකට සම්බන්ද ලිපියක්නම් නෙමෙයි.

සිකුරාදා අපිට ඉතින් නිවාඩු දවසනේ. මාරම කම්මැලි නිසා යාලුවොත් එක්ක පොඩ්ඩක් එලියට යන්න හිතුවා. මොකද මේ දවස්වල එලියෙ කාලගුණෙත් නියමයි. මතක ඇතිනේ, දැනට දින දෙක තුනකට ඉස්සෙල්ල 7.5 ට විතර අඩුවෙලා තිබ්බත් දැන් දැන් ඒ තත්වෙ හොඳ වීගෙන එනවා. ඉතින් යන්න ලඟපාත තැනක් වෙන්නත් ඕනෙ නිසා අපි ගියා සවුදි වල ඉඳලා බහරේන් දක්වා ඉදිකරලා තියෙන පාලම බලන්න. ගමනට මාත් එක්ක තව යාලුවො දෙන්නෙක් සහබාගී වුනා. ඔවුන් දෙදෙනාම මීට පෙර මෙය නරබලා තියෙනවා. මම තමයි ඉතින් මැජික් එකක් බලන්න යනවා වගේ වාහනේට නැගලා පාලම බලන්න යන්න පිටත් වුනේ.

මේ පාලම බලන්න යන ගමන් මම ඉතින් මගේ ලැප් එකෙන් පොඩ්ඩක් සෝදිසි කරලා බැලුවා මේ පාලම ගැන විස්තර, මේක ඉදිකරලා තියෙන්නෙ 26th November 1986 දිනයේදියි. ඒ සවුදි රජයේ සහ බහරේන් රජයේ මිත්‍රත්වයක් වශයෙනුයි. පාලමේ මුලු දිග 28Km වෙනවා. ඒ අතරින් මේ පාලම හරි මැද ඔවුන් පස් වලින් ගොඩකරගත් කෘතීම දූපතක් සාදා එය රටවල් දෙක අතර දේශ සීමාව කරගෙන තියෙනවා. ඉතින් ඔන්න ඔය විස්තර ටිකත් බලාගෙන ගමන ගියා. කොහොමහරි ගමන යනකොට මෙම පාලම ඈතට දිස්වෙනකොටයි තේරුනේ මේකෙ තියන විශ්මයජනකත්වය. ඈතට පේන්නෙ, හරියට කෙලවරක් නොමැති පාලමක් වගෙයි.

මේ තියෙන්නෙ ඈතට දිස්වෙන අයුරියි.

* ඊට පස්සෙ සවුදියට සහ බහරේන් රටට අයත් විශාල tower දෙකක් තියෙනවා. ඒක උඩටත් නැග්ග ඉතින් අපි.

මේ තියෙන්නෙ අපි දැන් නැගපු tower එකයි.

ඔන්න ඉතින් දැන් මේකෙ උඩටත් නැග්ගයි කියමුකෝ. මටනම් ඇත්තටම විස්තර කරන්න බැරි තරම් ලස්සනයි. මේ වගේ දර්ශනයක් අපිට සාමාන්‍යන් දකින්න ලැබෙන්නෙ, ගුවන්යනයක් landing & take-off කරනකොට විතරයි.
ඔය යටින් දාලා තියෙන්නෙ ඔය tower එකේ ඉහලම තට්ටුවෙ ඉඳලා ගත්ත පින්තූර් කිහිපයක්.

* අපි ආවෙ ඔය පහලින් තියන පින්තූරෙ පාලමෙන් තමයි.

* ඔය පහලිත් තියෙන්නෙ බහරේන් දක්වා දිවෙන පාලමයි. ඇත්තටම ඒකෙ කෙලවරක් නම් පේන්නෙ නෑ. ඒක තමයි විශ්මය ගනකත්වය. වෙලාවකට හිතෙනවා.මේව කොහොම මිනිස්සු හැදුවද කියලා.

* ඔය පහලින් ඉන්නෙනම් මේ බ්ලොග් එක ලියන මනුස්සයා.

මේකෙන් බහින්නම් ඉතින් හිත දුන්නෙම නෑ. ඒත් ඉතින් මොනවා කරන්නද.
ඔන්න එහෙමයි රටවල් දෙකක් යා කෙරෙන යෝධ පාලමක් මැද්දෙ තියෙන කෘතීම දූපතක කතාව ඉවර උනේ.

මෙන්න මේ ලින්ක් එකෙන් වැඩි විස්තර හොයා ගත්තෙ.

7.5 හේ සීතලයි vehicle computer එකයි, අලුත් ගැජට් එකයි තවත් කතායි

2010-02-08T04:26:00.000-08:00

කියන්න කතා ගොඩයි. දන්නවනෙ මේ දින වල තියෙන කාලගුණය . ලෝකෙටම අවුලක් වෙලා තියෙන්නෙ. එහෙන් වොෂින්ටන් නගරයත් මුලුමනින් අයිස් වෙලා. ඉතින් ඔය කෙරුවාව හින්දම මෙහෙත් දැන් උදේට 7.5 °C වගේ තත්වෙක වෙලා තමයි තියෙන්නෙ. උදේට නැගිටිනකොට ඉතින් දෙයියෝ සිහිකරලා මේ රටවල් වලට ආයු වඩලා තමයි නැගිටින්නෙ. ඒ නැගිට්ටත් හැමදාම විනාඩි දහයක් හරි විස්සක් හරි පරක්කු වෙලා තමයි ඔෆිස් එකට යන්නෙ. ඒක එහෙමයි කියමුකො. ඔෆිස් එකෙත් මේ දවස් වල මෙලෝ රහක් නෑ. අරක වැඩ කරන්නෙ නෑ. මේ වැඩසටහන වැඩකරන්නෙ නෑ. ලෙඩ ගොඩයි. මමනම් ඉතින් මේ දවස්වල මොන සක්කරයා තියා සක්කරයගෙ මල්ලි වයිමා ආවත් හොඳ කෝපි කෝප්පයක් දාගෙන පැයක් දෙකක් ඉඳලා තමයි වැඩට බහින්නෙ. බහින්නෙ කියල කියුවෙ අපේ IT room එක තියෙන්නෙ උඩම තට්ටුවෙ නිසා.

ඔය හැම දෙයක්ම අස්සෙ මට ලස්සන වැඩක්ට මාට්ටු වෙන්න සිද්ද වුනා. අපේ කම්පැනියෙ IT එකේ වෙනම ඉන්ජිනේරු මහත්තයෙක් ඉන්නවා vehicle computers වල නෙට්වර්ක් සම්බන්දව ක්‍රියා කරන්න. vehicle computer කියලා කියුවේ පරිගනකයේ වැඩසටහන් ආදාරයෙන් වාහන වල දෝෂ සොයා ගන්න computers වලටයි. මෙහෙ හැම දෙයක්ම කෙරෙන්නෙ ඔය විදියටනෙ. ඉතින් අපේ කොම්පැනියටත් අනුබද්දව මේ වගේ ක්‍රියාවලි වෙනව. හොඳම වැඩේ කියන්නෙ මේ වැඩේ කරන එවුන් දෙන්නම මේ දිනවල නැහැ. එකෙක් Vacation ගිහිල්ලා. සහයට ඩැනීත් උණ ගැනිලා වැඩට එන්නෙ නෑ. සාමාන්‍යයෙන් මේ වගේ දෙයක් වෙන්නෙ බොහොම දුලඹවයි. ඉතින් අවාසනාවත්ත් ලෙස ඔය නෙට්වර්ක් එකට අදාලව අවුලක් වුනා. ඉතින් වැඩේ බාර වුනේ ......... වෙන කාටවත් නෙමෙයි මේ බ්ලොග් එක ලියන කෙනාටයි. මම ඉතින් වැඩ කෙරුවට ඔය vehicle computers ද මොකද්ද කියන ඒව සම්බන්දව මෙලෝ රහක් දන්නෙ නෑ. නමුත් ඉතින් නෝන්ඩි වෙන්නයි , එන මාසේ Salary increment එකකුත් ලැබීමට නියමිතව තියෙන නිසා වැඩේට බැස්සා. හරියට වැඩ කරන එකකුයි අල වෙච්ච එකයි ලඟ තියාගෙන දවස් දෙකක් විතර වටේ ගියා. එම වැඩසටහන ක්‍රියා කිරීමට අදාල ෆයිල්ස් ටිකක් මිසින් වෙලා තිබුනා. කොහොමහරි මෙම වැඩසටහන් අපිට නැවට ස්තාපිත කරන්න ක්‍රමයකුත් තිබුනෙ නෑ. ඒ හින්ද අල එකේ උපරිම අලයක් වුනා. කොහොමහරි වැඩේ බොහොම අමාරුවෙන් ගොඩ දාගත්තා, දින දෙකක ප්‍රතිපලයක් වෂයෙන්. ඒ වගේම අර increment ද මොකද්ද කියන එකත් හිතුවට වැඩිය හම්බුනා. මෙන්න මේක තමයි අල වෙච්ච පරිගණකය.

ඔන්න ඔය විදියටයි ඒ කතාව ඉවර වුනේ. ඒ අස්සෙ තව උහුලන්නම බැරි වැඩක් උනානෙ. ඒ තමයි මගේ සියලුම මතක ධාරිතාවන් පිරී යෑම. මතක ධාරිතාවන් කියල කියුවේ මගේ ලැප් එකට අයත් 320 GB, externel Hard disk එකට අදාල 1 TB මතකය වගේම, ඔෆිස් එකේ තියෙන කොම්පියුටරේ 500 GB එකෙන් 380 වක්ම පිරී යාමයි. කාරනය සෑහෙන්න බරපතලයි. මොකද මම දිනකට චිත්‍රපටි 3ක් හෝ 4ක් අනිවාර්‍යයෙන්ම බානවා. ඒ තරම්ම චිත්‍රපටි සඳහා ඇබ්බැහි වූවෙක්. ඒ බව ඉතින් බයිස්කෝප් අඩවියෙ මම ලියන ලිපි කියවන අයට නම් තේරෙනවා ඇති. කොහොමත් දවසේ පැය විසි හතරෙන් අවම වශයෙන් පැය පහක් ඔය වැඩේට මම වෙන් කරනවා. නැතුව ඉතින් මේ නන්නාදුනන රටවල් වන මොන අහවල් දෙයක් කරන්නද ! ඉතින් ලඟදි බාපු Avatar එකයි තව චිත්‍රපටි ටිකකුයි බාන්න දානකොටයි දැනුනෙ මේ ආනිසන්සෙ වෙලා කියලා. මොනා කරන්නද, තියන සල්ලි ටිකත් අරගෙන ගියා එදා රැම කඩේ. 1TB HD එකක් ගනන් කඩවල් දෙක තුනකින් අහනකොට එක මුදලාලි මහත්තයෙක් කියුවා, externel Hard disk එකක් ගන්න වෙලා media drive එකක්ම අරගෙන ඒකට sata HD එකක් දාගන්න කියලා.ඒකෙන් ටීවී එකට එහෙම ගහලා ෆිල්ම් බලන්න පුලුවන් කියුවා. තව සිංදු අහන්නත් පුලුවන් කියුවා. තව ගොඩක් දේවල් කියුවා. මමත් ඉතින් හාවා වගේ අහගෙන ඉඳලා ඇහුවා Game ගහන්නත් පුලුවන්ද කියලා. ඒපාර මිනිහා කියුවා ඒවනම් කරන්න බෑ කියලා. ගේම් ගහන්න බැරි නිසා ඉතින් තව කීයක් හරි අඩුකරලා දෙන්න කියුවා. කොහොම හරි මුදලාලියගෙ දක්ෂතාවයටද, මගෙ නුවනක්කාර කමකටද මන්ද මම externel Hard disk එකක් වෙනුවට media drive එකක් එක්ක 1 TB sata HD එකකුත් ගත්තා. ගෙදර ඇවිල්ලා ඉතින් කාටුන් එකක් දාල TV එකටත් ගහලා බැලුවා. හිතුවට වැඩිය හොඳ කොලිටියට තියෙනවා. ඔය පහලින් තියෙන්නෙ ඒ ගත්ත ගැජට් එක තමයි.

හිතුවට වැඩිය කතාව දික් උනාද කොහෙද, මේ දිනවල ඉතින් මේ සිංහල උපසිරැසි ගැන්වීමේ මහජන සේවයකුත් කරගෙන යනවනෙ. ඒක හින්දා ටිකක් වැඩ වැඩියි. අද ඉතින් රොයිලිගෙ සිංහල සබ් එකත් එක්ක ඇවේටර් TV එකට දාලා කස්ටිය එක්ක බලන්න ඉන්නෙ. නමුත් මම හිතන්නෙ නෑ, මේ ගැජට් එකට සිංහල සබ් දිරවයි කියලා. හරියට වැඩ කෙරුවොත් ඒ බව ඊලඟ ලිපියෙන් කියන්නම්.

Avatare (2009) - ලොවම දෙවනත්කල විශ්මිත නිර්මානය

2010-02-04T03:17:00.000-08:00

-
-
-
ඔන්න කට්ටිය බලාගෙන හිටපු Avatar ෆිල්ම් එකේ හොඳ පිටපතක් අද උදේ නිකුත් උනා.
මේකගැන මගේ යාලුවෙකුගේ බ්ලොග් එකක මුලින්ම දාල තියෙනවා මම දැක්කා.
යාලුවා තාම සින්ඩියෙ රෙජිස්ටර් වෙලා නැති නිසා මම ලින්ක් එක මේකෙ දාන්නම්

බාගන්න ඕනෙ අය මේකෙන් බාගන්න

http://chithrapatiya.blogspot.com/2010/02/avatare-2009.html

බ්ලොගයේ ආරම්භය

2010-01-30T21:50:00.000-08:00

මීට දින කිහිපයකට පෙර මගේ ටිකක් ලඟින් නෑදෑ වෙන මල්ලියෙක්ගෙන් කෝල් එකක් ආවා. මිනිහා කරන පරිගණක පඨමාලාවෙ ප්‍රොජෙක්ට් එකක් හදන්න ඕනෙලු, පොඩි හෙල්ප් එකක් දෙනවද ඒක කරන්න මාතෘකාවක් තෝර ගන්න කියලා. ඉතින් මමත් ටිකක් හිතල බලලා කියුවා එහෙනම් "බ්ලොග්" ගැන තොරතුරු ටිකක් හොයාගෙන ඒ ගැන ලියන්න කියලා. ඉතින් මිනිහා මේක හදලා අද උදේ මට email කරලා තිබ්බා වැරදි අඩුපාඩු තියෙනවනම් හදලා දෙන්න කියලා. ඇත්තටම කියනවනම් මම නොදන්න කරුනුත් ඒකෙ ගොඩක් තිබුනා. ඒකෙ බ්ලොගර් ගැන තිබ්බ පොඩි සටහනක් තමයි මම ඔය දාලා තියෙන්නෙ.

අද ලෝකයේ බ්ලොග් ලිවීම බාල මහලු කොයි, කා අතරත් ජනප්‍රිය දෙයක්. එයට ඔවුන් blogger, wordpress, joomla වගේ සේවාවන් බහුලව බාවිතා කරනවා. නමුත් දැනට ලෝකයේ වැඩිම දෙනෙක්බ්ලොග් සෑදීමට බාවිතා කරන්නෙ ගූගල් විසින් නොමිලේ ලබාදෙන බ්ලොගර් අඩවියයි. මේ ඒ පිලිබඳ විස්තර ටිකක්.

බ්ලොගර් සේවාව මුලින්ම ආරම්භ කරල තියෙන්නෙ Pyra Labs කියන සමාගම විසින් 1999 අගෝස්තු විසිතුන් වෙනිදායි. ඒක තමයි බ්ලොගින්වලට මුලින්ම හදපු ටූල් එකක් වුනේ ඒ කාලයේදි.

Blogger.com 1999 දී

Blogger.com 2000 දී

2003 වසරේදී මෙය ගූගල් සම සමාගමක් ලෙස ඔවුන් පවරා ගනු ලැබුවා. ඒ වගේම ඔවුන් මෙයට Image uploading (via Picasa) , comments, drag and drop widgets, individual archieve pages for posts වගේ අමතර දේවල් යෙදීමට පහසු වෙන විදියට සකස්කරනු ලැබුවා.

Blogger.com 2004 දී

මමනම් හිතන්නෙ මේ නොමිලේ ලබාදෙන බ්ලොගර් , වර්ඩ්ප්‍රෙස් වැනි සේවාවන් නිසා අද බ්ලොග් කෙරුවාව සෑහෙන්න ජන‍ප්‍රිය මට්ටමකට පැමිනිලා තියෙනවා.

මොකද හිතන්නෙ මිනිහ පාස් වෙයි නෙද මේක දීලා ?

ලස්සන වැම්පයර්ස් ලගෙ කතාවක් !

2010-01-23T01:22:00.000-08:00

මට අද ඔෆිස් එකේ වැඩ ටිකක් අඩු නිසා මම දැනට බලන ටෙලි කතා වලින් එකක් ගැන ලියන්න හිතුනා. මෙකෙ නම "The Vampire Diaries" මේකෙ කතාව වෙන්නෙ හදිස්සියේම පාසලකට පැමිනෙන තරුණයෙකු වටායි. ඔහු Vampire කෙනෙක්!. හරියට අර Twilight ෆිල්ම් එකේ වගේ. මම ඉතින් බැලුවොත් බලන්නෙ යක්කු නැත්තන් හොල්මන් තියන ඒවමනෙ. ඒ බව බයිස්කෝප් සයිට් එකේ මම දාලා තියන ලිපි කියවන අයට තේරෙනව ඇති. හැබැයි ඒකට හේතුව නම් මටත් තේරෙන්නෙ නැ. සමහර විට ලංකාවෙන් ඇත් වෙලා මෙහෙ ඉන්න යක්කුත් එක්ක ජීවත් වෙන නිසා වෙන්න ඇති.

මේක එහෙම Vampires ල ඉන්න කතාවක් උනාට මේකෙ ඇතුලෙ ඉතා ලස්සන ආදර කතාවක් තියෙනවා. ඕගොල්ලන්ටත් මුල් කොටස බැලුවොත් ඒ බව තේරෙයි. මේ ටෙලි කතා මාලාව මගේ හිත් ගන්න එක හේතුවක් තමයි මෙහි රංගනයෙන් දායක වෙන්නන් තම උපරිමයෙන් මීට සහයෝගය දීල තියෙනව. ඒ වගේම ඉන්න කස්ටියත් හරිම ලස්සනයි (විශේෂයෙන්ම කාන්තා පක්ෂිකයන්). මෙය විශ්වවිද්‍යාලයක ඉගෙන ගන්න තරුණ තරුණියන් වටා යන කතාවක් නිසා කතාව අපේ වයසට හරියන විදියට හරි ගිහිල්ල තියෙනව.

දැනට මේක IMDB වල 7.7/10 වැනි රේටින්ග් එකක් පවත්වගෙන යනවා. මේකෙ දැනට විකාශනය වෙලා තියෙන්න කොටස් 11 යි.මමනම් කොටස් 11 ම බැලුව.මේක මෙහෙනම් විකාශනය වෙන්නෙ සිකුරාදා. දැන් ඉතින් ඊලඟ සිකුරාදා එනකන් දැන් ඉන්න බැරුව ඉන්නෙ.

බලන්න කැමති කෙනෙක් ඉන්නවනම් isohunt එකෙන් දැනට විකාශය වුනු සියලු කොටස් වල ටොරන්ට් ගොනු බාගත කරගන්න පුලුවන්.

ගෙදර ඉඳම්ම 3D ෆිල්ම් බලන්න පුලුවන්ද ?

2010-01-21T00:05:00.000-08:00

මේක මට ආපු ලොකු ප්‍රශ්නයක්. මොකද මේ දිනවල ආදායම් වාර්තා තබමින් තිරගත වෙන Avater චිත්‍රපටය, 3D ක් නිසා මටත් ඕනෙ උනා මේක ගෙදරදි අපිට 3D ආකාරයෙන්ම බලන්න පුලුවන්ද කියල. මොකද මේක සිනමා ශාලාවෙදි බලපු මගේ යාලුවො එහෙම කියුවෙ මේක 3D සහිත සිනමා ශාලාවකින් බලනකොට හරියටම තේරුනේ හරියට "පැන්ඩෝරා" කැලේ ඉන්නව වගේ කියලයි. දැන් අහන්න එපා මමත් ඇයි යාලුවොත් එක්කම සිනම ශාලවකට ගිහිල්ල මේක බැලුවෙ නැත්තෙ කියලා.

ඉතින් මම මේක ගැන පොඩ්ඩක් සොයල බැලුවා ගොදරදී මේ 3D විදියට අපිට බලන්න පුලුවන්ද කියල.
මට දැනගන්න ලැබුන විදියට අපේ තියන නිකම් DVD player එකකින් සහ නිකන් LCD TV එකකින් මේක කරන්න බැහැ.මේකට Blu-ray Disk දාවනය කරන්න පුලුවන් player එකක් ඕනෙ. ඒ වගේම මෙයට 1080 HD TV එකකුත් උවමනා වෙනව. නමුත් මේ Blu-ray players සාමාන්ය players වලට වැඩිය මිලෙන් ඉතා වැඩියි. තව මෙය සඳහාම වෙන්වුනු කන්නාඩි විශේෂයකුත් පැලඳිය යුතුයි. ඒ වගේම මේක බලනකොට අපිට හොඳින්ම මේය 3D විලාශයෙන් බලන්නනම්,

TV එකේ brightness ටිකක් වැඩි කර ගන්න ඕනෙ. මොකද අපි පලඳින කන්නාඩි යුගලයේ ඇති red/blue lenses, brightness වැඩි අවස්තාවේදි හොඳින් pictures ග්‍රහනය කර ගැනීම.
පුලුවන් තරම් අඳුරේ මෙය බලන්න ඕනෙ.ඒකෙන්අපේ ඇස් තුල ඇතිවෙන double-vision කියන එක අඩුකර ගන්න පුලුවන්
අනිතෙක TV එකට ටිකක් ලන්වෙලා මෙය නැරන්බීම.

ඉතින් මේ මොන දේ කරන්නත් ඉස්සෙල්ලම Blu-ray player එකක් ගන්න එපැයි. දැන් ඉඳලම ඒකට සල්ලි එකතු කරන්න ගන්න ඕනෙ. එතකොට Avater එකේ Blu-ray පිටපතක් ආපු කාලෙකට බලන්න පුලුවන්.
වැඩි විස්තර ඕනෙ අයට මෙන්න මේක වැදගත් වේවි.

මගේ සිංහල උපසිරැසි කෙරුවාව !

2010-01-19T21:07:00.000-08:00

ඔන්න දෙයියනේ කියල හදපු මුල්ම සිංහල උපසිරස ෆිල්ම් එක අද ජන්ජාලෙට දාල තියෙනව. ඒක දකිනකොටනම් සැහෙන්න සතුටුයි. මොකද මේ වැඩේ පටන්ගත්තෙ හිතේ තිබ්බ ලොකු ආසාවකට. මොකද ඔෆිස් එකන් එලියට ඇවිල්ල මේ වැඩේ කරන්න ගිහාම වෙන කිසිම දෙයක් කරන්න වෙන්නෙ නැ. හැබැයි ඉතින් සබ් වලින් 90% විතරම හැදුවෙ ඔෆිස් එකේදි video & sub සන්සන්ධනාත්මකව ගැලපීම විතරයි ගෙදරදි කෙරුවෙ . ඒක නිසා මගේ පූර්ණ ගවුරවය මම වැඩ කරන තැනට හිමිවිය යුතුයි (ඒකෙ ලොක්කො එහෙම දන්නවනම් මගේ තට්ටෙ පලයි).

කොහොම උනත් ආසාවට පටන් ගත්තට ලයින් 100ක් විතර කරගෙන එනකොටනම් වැඩේ එපා වුනා. දමල ගහලා වෙන වැඩක් කරන්නයි හිතුනෙ. නමුත් ඉතින් වැඩක් පටන් ගත්තොත් කොහොමහරි ඉවර කරන පුරුද්ද නිසා කොහොමහරි කෙරුව. අනිත් එක තමයි මේක තායි ෆිල්ම් එකක් නිසා තායි අදහස ඉංග්‍රීසි අදහසට හරවල ඒක තමයි මට සිංහලට හරවන්න උනේ. ඒක ලේසි නැහැ. මොකද සිංහල කතාකරන භාෂාවට ගැලපෙනම වචන හොයන්න සැහෙන්න කට්ටක් කන්න වුනා. ඒ වෙලාවට ලැබුනු මගේ සහෝදරියගේ සහයත් මතක් කරන්න ඕනෙ. කොහොමහරි මේකට හිතපු තරම් දවසක් ගියෙ නැ. දින හතරක් ඇතුලත් වැඩේ කරල ඉවර වෙන්න පුලුවන් වුනා. ඒ ඉතින් ඔෆිස් එකේ පූර්ණ සහයෝගයට පින් සිද්ද වෙන්න තමයි.

ඒ අතින් අපේ රොයිලි සහෝදරය කරන කැපකිරීම ගැන අපි හොඳ ඇගයීමක් දෙන්න ඕනෙ. ඔහු තමයි මේකෙ පුරෝගාමියා. ඔහුගේ දයිර්යමත් කිරීමත් මට ලොකු පිටුවහලක් වුනා.ඒ වගේම අපේ බයිස්කෝප් එකේ Umesh Leelasena සහ Isira Gunathilake කන කට්ටට ස්තූති කරන්න ඕනෙ. ඉදිරියටත් හොඳ ෆිල්ම් වලට සබ් දාන්න හිතාගෙන ඉන්නව. කැමති ෆිල්ම් එකක් එහෙම තිබ්බොත් mail එකක් එවන්න.

මෙන්න මේකෙන් කැමති කස්ටියට ෆිල්ම් එකයි, සිංහල උපසිරසියි බාගත කර ගන්න පුලුවන්.

Phobia 2 (2009) | ඇත්තටම ඔබටත් බිය දැනෙනවද? [සිංහල උපසිරැසි සහිතව]

RealOne Player උබුන්තු තුල ස්ථාපනය කිරීම.

2010-01-12T04:26:00.000-08:00

කස්ටියම දන්නවනේ ඉතින් මම උබුන්තු වලට අලුත් කියලා. උබුන්තු දාගත්ත දවසෙ ඉඳල මට නැති ප්‍රශ්නයක් නැ. හදිස්සියෙවත් අපේ සාකුන්තලව වගේ ඔන්ලයින් ඉන්නව දැක්කොත් ඉතින් ප්‍රශ්න වැලම අහනව. (ලඟදිනම් හමු වුනේ නැත.)
උබුන්තුවල රහස් සොයා යන ගමනෙදි මට පොඩි බඩගින්නක් ආවා, උබුන්තු වලට RealOne Player එක දාගන්න. කරුමෙට ලිනක්ස් ගැන දන්න කිසිම එක්කෙනෙක් මාර්ගගත (online) වෙලා හිටියෙ නැ ඒ වෙලාවෙ.
ඔන්න ඉතින් ගුගල් දේවතාවියගෙ පිහිටින් බ්ලොග් එකක් හම්බෙලා වැඩේ ගොඩ දාගත්ත.

කෙරුවෙ මෙන්න මෙහෙමයි.

1. මුලින්ම Riyal Player එකට අදාල ලිනක්ස් ෆයිල් එක බාගත්තා.

2. terminal එක අරගෙන sudo +x RealPlayer11GOLD.bin කියල ටයිප් කෙරුව. පාස්වර්ඩ් එක දෙන්න ඇහුවොත්.

3. දැන් sudo "./RealPlayer11GOLD.bin" කියලා ටයිප් කරන්නෙ.

එවිට ස්ථාපිත කිරීම ආරම්භ කරයි. install path එක අහන වෙලාවට Enter key එක ඔබන්න.
වැඩේ ඉවර වුනාම "F" key එක ඔබන්න.

ඔන්න දැන් වැඩේ හරි.
RealOne Player එක open කරන්න ....... Applications ->Sound & Video ->Real Player 11.

ඔන්න ඕකයි මහලොකු වැඩේ.