தமிழ் இலக்கணம்..........

noreply@blogger.com (Asokan) — Mon, 03 Aug 2015 12:32:00 +0000

தமிழ் எண்கள்

தமிழ் எண்களின் எழுத்துருக்கள்

எதிர்நிலையணி

noreply@blogger.com (Asokan) — Wed, 24 Jul 2013 07:31:00 +0000

அஃதாவது உபமேனத்திற்கு குறைவுதோன்றச் சொல்லுதலாம், இது உவமையணிக்கு எதிரியதாய் நிற்றலின் அப்பெயர்த்து.இதனை வடநூலார் பிரதீபாலங்கார மென்பர்.இவ்வணி ஐந்து வகைப்படும்.

1.உலகத்தில் உவமானமாய்ப் பிரசித்தமாக வழங்குகின்ற பொருளை உவமேயமாக்கிச் சொல்லுதல்.

உதாரணம்

அதிர்கடல்சூழ் வையத் தணங்குமுகம் போல
மதியஞ் செயுமே மகிழ்.

2.அவ்ர்ணியத்தை உவமேயமாகக் காட்டி வர்ணியத்தை இகழ்தல்.

உதாரணம்

பொன்செருக்கை மாற்றமெழிற் பூவை திருமுகமே
உன்செருக்குப் போது மொழிகவினிக்-கொன்செருக்கு
மிக்கமக ரக்கடற்பூ மிக்கண் மகிழ்செயலால்
ஒக்கு மதியு முனை

3.வர்ணியத்தை உவமேயமாகக் காட்டி அவர்ணியத்தை இகழ்தல்.

உதாரணம்

ஆற்ற லுறுகொலையி லாரெனுக்கொப் பென்றந்தோ
கூற்றுவனநீ வீண்செருக்குக் கொள்கின்றாய்-சாற்றுவள்கேள்
வெண்டிரைசூழ் ஞால மிசையொனக்கொப் பாகவே
ஒண்டொடிதன் நீள்விழியு முண்டு

4.வர்ணியத்தோடு அவர்ணியத்திற்கு ஒப்புமை இன்றெனச் சொல்லுதல்.

உதாரணம்

இறைவி மதுரமொழிக் கிண்ணமுதொப் பாமென்
றறைவ தபவாத மாம்.

5.உவமானத்தை வீண் என்று சொல்லுதல்.

உதாரணம்

செங்கயற்க ணாயுன் றிருமுகத்தைப் பார்ப்பவர்க்குப்
பங்கயத்தா லுண்டோ பயன்

இயைபையின்மையணி

noreply@blogger.com (Asokan) — Tue, 23 Jul 2013 07:49:00 +0000

இயைபையின்மையணி

ஒரு வாக்கியத்துக்குள் ஒரு பொருளையே உவமானமாகவும் உவமேயமகவும் சொல்வதற்கு இயைபையின்மையணி என்று பெயர்.இதனை அந் ந வயாலங்க்கார என்றும் பொது நீங்க்குவமை எனவும் வசங்க்குவர்.

உதாரணம்

தேனே யனையமொழிச் சேயிழையாள் செவ்வியினாற்
றனே யுவமை தனக்கு.

இதில் இப்பொருளுக்கு ஒப்பான இரண்டாவது ஒன்றில்லை என்பது கருத்து.

உருவக அணி

noreply@blogger.com (Asokan) — Tue, 23 Jul 2013 07:07:00 +0000

உருவக அணி என்பது அதுதான் இது என உறுதிப் படுத்திக் கூறுவது. உவமை அணியின் மறுதலை

எடுத்துக்காட்டு

இதுதான் அது.
அவளின் முகம்தான் சந்திரன்

* பச்சை மாமலை போல் மேனி - இது உவமை அணி.
* மையோ மாமலையோ மறிகடலோ - இது உருவக அணி

இதில் கண்ணனை மை, மாமலை, மறிகடல் என உருவகிக்கப் படுகிறது. மை போன்ற மேனி என்று சொல்லியிருந்தால் இது ஒரு உவமையணி. ஆனால் மையோ என்னும் போது அவன் மேனிதான் மை என்று சொல்லியாயிற்று. இது உருவக அணி.

* உவமை அணி - மதிமுகம் (மதி போன்ற முகம்)
* உருவக அணி - முகமதி (முகம்தான் மதி)

* உவமை அணி - புலி போன்ற வீரன் வந்தான்
* உருவக அணி - புலி வந்தான்

* உவமை அணி - மலர்க்கை (மலர் போன்ற கை)
* உருவக அணி - கைமலர் (கைகள்தான் மலர்)

* உவமை அணி - வேல்விழி (வேல் போன்ற விழி)
* உருவக அணி - விழி வேல் (விழிதான் வேல்)

அஃதாவது உவமேயத்தில் உவமானத்தை ஒற்றுமையினாலாவது அதன் செய்கையினாலாவது ஆரோபித்தலாம்.

இதனை வட நூலார் ரூபகாலங்க்காரமென்பர்.ஆரோபாவமேன்பது உவமேயம் உவமானங்களின் அபேத புணர்ச்சி.
இவ்வணி ஒற்றுமையுருவகம் ,அதன் செய்கையுருவகம் என இரு வகைப்படும்.இவற்றை வட நூலார் அபேத ரூபகமென்றும் தாத்ரூப்யமாகவென்றுங் கூறுவர்.

அவ்விரண்டும் மிகை,குறை,அவையின்மை என்பவைகளான் மும்மூன்றாகும் .

1.மிகையொற்றுமையுருவகம்

உதாராணம்

உயர்புகழ்நங் கோனா முருவுடைய மாறன்

நயவழகை நாடுமென் கண்.

இதில்,மாறனுக்கு உவமை மிகையாகச் சொல்லப் பட்டது.

2.குறை யொற்றுமையுருவகம்

உதாராணம்

எல்லோரு மேத்துபுக ழேந்தலிவ னெற்றிவிழி

இல்லாத சங்கரனே யாம்.

இதில்,சங்கரனுக்கு நெற்றிக்கண் உவமை குறைவாகச் சொல்லப் பட்டது.

3.அவையிலொற்றுமையுருவகம்

உதாராணம்

பவக்கடல் கடந்துமுத்தியங் கரையிற்

படர்பவர் திகைப்பேற நோக்கித்

தவக்கலனடத்த வளர்ந்தேழு சோண

சைலனே கயிலைநா யகனே .

இதில் கடல் முதலியவை மிகை குறைவின்றிச் சமமாக சொல்லப்பட்டது.

4.மிகையதன்செய்கையுருவகம்

உதாராணம்

மங்கை வதன மதியங் களங்க்கமுடைத்

திங்களைமிக் கொள் செயும்

இதில் முகமதிக்கு களங்க்மில்லாமை அதிகமாகச் சொல்லப்பட்டது.ஈண்டு முகமதியென்பதற்குச சந்திரனது செய்கையுடைய முகமென்பது பொருள்.

5.குறையதன்செய்கையுருவகம்

உதாராணம்

போருதிரைசேர் தண்பாற் புணரிபிற வாவே
றேருதிருவிம் மாதென் றுணர்

இதில் இத்திருவுக்குப் பாற்கடலிற் பிறத்தல் குறைவாகச் சொல்லப்பட்டது.

6.அவையள்தான் செய்கையுருவகம்

உதாராணம்

இம்மான் முகமதியே யின்பு செயமாதனால்
அம்மா மதிப்பயனென் னாம்

இதில் முகமதி மிகை குறைவின்றிச் சமமாக சொல்லப்பட்டது.

உவமையணி

noreply@blogger.com (Asokan) — Tue, 23 Jul 2013 07:06:00 +0000

தமிழிலக்கணத்தில், உவமையணி என்பது கூறக் கருதிய பொருளை நன்கு தெரிந்த ஒன்றைக் காட்டி விளக்குவது. ஒரு பொருளை இன்னொரு பொருளுடன் ஒப்பிட்டு அழகு படுத்திக் கூறுவது. தெரியாத பொருளைக் காட்ட தெரிந்த பொருளைச் சொல்லி விளக்குவது

உவமையணியில் உவமானம் ,உவமேயம், உவமை உருபுகள் ஆகிய மூன்றும் வெளிப்படையாக வரும். இவைகளோடு பொதுத்தன்மையும் இருக்கும்.

உவமானம் - ஒப்பிடக் கொண்டு வந்த பொருள்
உவமேயம் - ஒப்பிட எம்மிடமுள்ள பொருள்
உவமை உருபுகள்- உதாரணம்: போன்ற, போல, நிகர்த்த, உடைய, ஒப்ப, அன்ன, அனைய
பொதுத்தன்மை - இரண்டுக்கும் உள்ள தன்மை(சந்திரன் போல முகம். இங்கு சந்திரன் உவமானம். முகம் உவமேயம். இதில் சந்திரனின் வடிவம், அழகு, வட்டம், குளிர்மை போன்றவை பொதுத்தன்மை).

சான்று:
"அகழ்வாரைத் தாங்கும் நிலம்போலத் தம்மை
இகழ்வார்ப் பொறுத்தல் தலை"

இங்கு,
உவமானம்: அகழ்வாரைத் தாங்கும் நிலம்
உவமேயம்: தம்மை இகழ்வார்ப் பொறுத்தல்
உவமை உருபு: போல

இலக்கண புத்தகங்கள்

noreply@blogger.com (Asokan) — Thu, 18 Nov 2010 10:43:00 +0000

நண்பர்களே என்னால் தொடர்ந்து பதிவிட முடியாத காரணத்தால் இலக்கணம் பற்றி அறிய முனைவோருக்கு உதவிட சில புத்தகங்களின் இணைப்பை இங்கு வழங்குகிறேன்.

1.அணியிலக்கணம்
2.இலக்கணக் குறிப்பு
3.இலக்கண விதிகள்
4.இலக்கண விளக்கம்
5.அரசுப் பாடநூல்
6.நன்னூல் விளக்கம்

நன்றி.

சொல்-பெயர்ச்சொல் பகுதி 2

noreply@blogger.com (Asokan) — Fri, 30 Apr 2010 06:37:00 +0000

அஃறிணைப் பெயர்கள்

து விகுதி பெற்று வருவன-ஒருமை (அது,இது,உது,அஃது,இஃது,உஃது,எது,யாது,ஏது,குறியது,நெடியது)

அ,ஐ விகுதி பெற்று வருவன-பன்மை
(அவை,இவை,உவை,எவை,யாவை,பிற,மற்றையன,நல்லவை,தீயவை)

ஒருமிக்கும் பன்மைக்கும் பொதுவானவை

கள் விகுதி பெற்று உதாரணம் பசுக்கள்-பசு

வினை முடிவால்

உதாரணம்:
யானை வந்தது-ஒருமை
யானை வந்தன-பன்மை

எண்ணுப் பெயர்களை அடைமொழியாகக் கொண்டு

உதாரணம்: ஒரு யானை,பத்து யானை, இரண்டு ஆடு,பத்து ஆடு
அஃறிணைப் பெயர்களிலும் சிலவற்றில் ஆண் பெண் பகுப்பு உண்டு அவற்றுள் சில் இங்கு காண்போம்.
ஆண் - பெண்
களிறு-பிடி
கலை-பிணை
எருது-பசு
சேவல்-பேடு
கடுவன் -பெட்டை
மேற்கூறிய விளக்கங்கள் மூலம் அஃறிணைப் பெயர்களைப் பற்றி அறிந்து கொண்டோம்.இனி தொல்காப்பிய விளக்கத்தை காண்போம்.

அது இது உது என வரூஉம் பெயரும்

அவை முத லாகிய ஆய்தப் பெயரும்

அவை இவை உவை என வரூஉம் பெயரும்

அவை முதலாகிய வகரப் பெயரும்

யாது யாவை என்னும் பெயரும்

ஆவயின் மூன்றொடு அப் பதினைந்தும்

பாலறி வந்த அஃறினைப் பெயரே.

அது இது உது என வரும் பெயர்களும்,அஃது இஃது உஃது என வரும் பெயர்களும், அவை இவை உவை என வரும் பெயரும், அவ் இவ் உவ் என வரும் பெயரும், யாது,யா யாவை எனும் பெயரும் பால் விளங்குமாறு வந்த அஃறிணைப் பெயர்களாகும்.

பல்ல பலசில என்னும் பெயரும்

உள்ள இல்ல என்னும் பெயரும்

வினைப்பெயர்க் கிளவியும் பண்புகொள் பெயரும்

இனைத்தெனக் கிளக்கும் எண்ணுக் குறிப் பெயரும்

ஒப்பின் ஆகி பெயர்நிலை உள்பட

அப்பால் ஒன்பதும் அவற்றோடன்ன.

பல்ல பல சில இல்ல என்பனவும்,வருவது போன்ற வினைப் பெயரும்,கரியது போன்ற பண்புகொள் பெயரும்,பத்து போன்ற எண்ணுப் பெயரும் ,பொன்னானது போன்ற ஒப்புப் பெயரும் பாலை உணர்த்தி நிற்கும் அஃறிணைப் பெயர்களாகும்.

கள்ளொடு சிவனும் அவ்வியற் பெயரே

கொள்வழி உடைய பலவறி சொற்கே

கள் என்னும் விகுதியோடு இணையும் தன்மையுள்ள பெயர்கள் அவற்றிடம் சேர்ந்தவிடத்துப் பலவறிச் சொல்லாம்.

அன்ன பிறவும் அஃறினை மருங்கில்

பன்மையும் ஒருமையும் பாலறி வந்த

என்ன பெயரும் அகத்திணை யவ்வே.

மேற்கூறப்பட்ட பெயர் போன்று பிற பெயர்களும் அஃறிணையிடத்துப் பன்மையும் ஒருமையுமாகிய பால் விளங்குமாறு வருகின்ற எல்லாப் பெயர்களும் அஃறிணைக்கு உரியனவாம்.

தெரிநிலை உடைய அஃறிணை இயற்பெயர்

ஒருமையும் பன்மையும் வினையொடு வரினே.

தெளிவாக உணரப்படுகின்ற அஃறிணை இயற்பெயர் பன்மை விகுதியுடன் புணராது,அதற்குரிய வினையோடு வருமிடத்து,ஒருமை பன்மையை உணர்த்தும்.

சொல் வகைகள்-பெயர்ச் சொல் பகுதி 1

noreply@blogger.com (Asokan) — Tue, 27 Apr 2010 15:59:00 +0000

பெயரை உணர்த்தும் சொல் பெயர்ச்சொல் எனப்படும்.

பெயர்ச்சொற்கள் உயர் திணைக்கு வருவனவும்,அஃறிணைக்கு வருவனவும்,பொதுத் திணைக்கு வருவனவும் என மூன்று வகைப்படும்.

பெயரெனப் படுபவை தெரியுங் காலை

உயர் திணைக்கு உரிமையும் அஃறிணைக்கு உரிமையும்

ஆயிரு திணைக்கும் ஒன்ன உரிமையும்

அம்மூ வுருபின் தோன்ற லாறே -தொல்காப்பியம்

உயர் திணை ஆண்பால்,பெண்பால்,பலவின்பால் என மூன்று வகைப்படும். அஃறிணை ஒன்றன்பால்,பலவின்பால் என இரு வகைப்படும்.இவை ஐந்தும் படர்க்கைச் சொற்களாகும்.தன்மை ,முன்னிலை சொற்களில் பாற் பாகுபாடு இல்லை.அவை ஒருமை,பன்மை மட்டுமே குறிக்கும்.

இவற்றில் ஆண்பால்,பெண்பால் மற்றும் பலவின் பால் சொற்களைப்பற்றி தொல்காப்பியத்தில் கூறியுள்ளதை இங்கு காண்போம்.இதன் பொருள் தங்களுக்கு எளிதாக விளங்கும் என எண்ணுகிறேன்.தெரியாதவர்கள் பாடல்களின் இறுதியில் காணவும்

அவன்இவன் உவனென வரூஉம் பெயர்களும்

அவள் இவள் உவள் என வரூஉம் பெயர்களும்

அவர் இவர் உவர் என வரூஉம் பெயர்களும்

யான் யாம் நாம் என வரூஉம் பெயர்களும்

யாவன் யாவள் யாவர் என்னும்

ஆவயின் அம்மூன்றொடு அப்பதினைந்தும்

பாலறி வந்த உயர்திணைப் பெயர்களே.

ஆண்மை அடுத்த மகன்என் கிளவியும்

பெண்மை அடுத்த மகள்என் கிளவியும்

பெண்மை அடுத்த இகர இறுதியும்

நம்ஊர்ந்து வரூஉம் இகார ஐகாரமும்

முறைமை சுட்டா மகனும் மகளும்

மாந்தர் மக்கள் என்னும் பெயரும்

ஆடூஉ மகடூஉ ஆயிரு பெயரும்

சுட்டு முதலாகிய அன்னும் ஆனும்

அவை முதலாகிய பெண்டுஎன் ஆனும்

அவை முதலாகிய பெண்டுஎன் கிளவியும்

ஒப்பொடு வரூஉம் கிளவியொடு தொகைஇ

அப்பதினைந்தும் அவ்ற்றோ ரன்ன.

எல்லாரும் என்னும் பெயர்நிலைக் கிளவியும்

எல்லீரும் என்னும் பெயர்நிலைக் கிளவியும்

பெண்மை அடுத்த மகளென் கிளவியும்

அன்ன இயல என்மனார் புலவர்.

நிலப்பெயர் குடிப்பெயர் குழுவின் பெயரே

வினைப்பெயர் உடைப்பெயர் பண்புகோள் பெயரே

பல்லோர் குறித்த முறைநிலைப் பெயரே

பல்லோர் குறித்த திணை நிலைப் பெயரே

கூடிவரும் வழக்கின் ஆடியற்பெயரே

இன்றி இவரென்னும்எண்ணியற் பெயரொடு

அன்றி அனைத்தும் அவற்றியல் பினவே.

அன்ன பிறவும் உயர்திணை மருங்கில்

பன்மையும் ஒருமையும் பாலறி வந்த

என்ன பெயரும் அத்திணை யவ்வே.

மேற்கண்ட பாடல்களின் மூலம் அறியப்படுவது யாதெனின்,

அவன்,இவன்,உவன் ,அவள், இவள், உவள், அவர் ,இவர்,உவர், யான் யாம்,யாவர்,நாம் ,யாவன் ,யாவள் ஆகிய பதினைந்து சொற்களும் பாலை உணர்த்தும் உயர்திணைப் பெயர்களாம்.

ஆண்மகன்,பெண்மகள்,பெண்டாட்டி, நம்பி, நங்கை, மகன், மகள்,மாந்தர், மக்கள்,ஆடூஉ,மகடூஉ, அவ்வாளன்,அம்மாட்டன், அப்பெண்டு,பொன்னன்னான் இப்பதினைந்தும் அத்தன்மையாகவே பாலை வெளிப்படையாக உணர்த்தும் உயர்திணைப் பெயர்களாம்.

எல்லாரும்,எல்லீரும்,பெண்மகள் மூன்றும் பாலுணர்த்தும் உயர்திணைப் பெயர்களாம்.

சோழியன் போன்ற நிலப்பெயரும்,மலையமான் போன்ற குடிப்பெயரும், அவையத்தார் போன்ற குழுவின் பெயரும், சொல்வார் போன்ற வினைப் பெயரும், வெற்பன் போன்ற உடைப் பெயரும், கரியான் போன்ற பண்புகொள் பெயரும், பெருங்கையர் போன்ற சினை நிலைப் பெயரும், ஆயர் போன்ற திணை நிலைப் பெயரும், பட்டி புத்திரர் போன்ற ஆடியற்பெயரும், ஒருவர் முதலிய எண்ணியற் பெயரும் ஆகிய எல்லாம், பாலை உணர்த்தும் உயர் திணைப் பெயர்களாம்.

மேற்கூறப்பட்ட போன்றவான பெயர்களும் உயர்திணையிடத்துப் பன்மையாகவும்,ஒருமையாகவும்பாலை உணர்த்தி வரும் எல்லாப் பெயரும் உயர்திணைப் பெயராம்.மீண்டும் சந்திப்போம்.

யாப்பிலக்கணம்-பா வகைகள் பகுதி 1

noreply@blogger.com (Asokan) — Sun, 25 Apr 2010 05:40:00 +0000

அடிகள் இரண்டு முதலியவற்றை அடுக்கிக் கூறுவது பா எனப்படும்.பா வெண்பா,ஆசிரியப்பா,கலிப்பா,வஞ்சிப்பா என நான்கு வகைப்படும்.

1.வெண்பா

வெண்பா வகையில் ஒவ்வொரு பாடலும் இரண்டு முதல் பன்னிரண்டு அடிகள் வரைக் கொண்டிருக்கும்.இவ்வகையில் அமைந்த நூல்களில் குறிப்பிடத்தக்கவை திருக்குறள்,நாலடி நானூறு,முத்தொள்ளாயிரம் ,நீதி வெண்பா ,நளவெண்பா ,திருப்பாவை,திருவெம்பாவை முதலியன.இவற்றைத் தவிர, பலவகையான வெண்பாக்களில் அமைந்துள்ள பழைய மற்றும் புதிய தமிழ் நூல்கள்
ஏராளமானவை.

வெண்பா குறள் வெண்பா , சிந்தியல் வெண்பா ,நேரிசை வெண்பா ,இன்னிசை வெண்பா ,பஃறொடை வெண்பா ,சவலை வெண்பா என ஆறு வகைப்படும்.

அ)குறள் வெண்பா

இவ்வெண்பாவிற்கு நான் விளக்கம் சொல்லவே தேவையில்லை. ஆம் இவ்வெண்பாவில் அமைந்த திருக்குறள் அதன் பெருமையை சொல்லும்.இரண்டு அடிகளால் ஆன வெண்பா குறள் வெண்பாவாகும்.இதற்கு உதாரணமாக 1330 குறட்பாக்களும்.

ஆ) சிந்தியல் வெண்பா

இது மூன்று அடிகள் மட்டுமே கொண்டிருக்கும். இவற்றில் முதல் இரண்டு அடிகள் ஒவ்வொன்றும் நான்கு சீர்களைக் கொண்டு அமைந்திருக்கும். இவ்வாறு நான்கு சீர்களைக் கொண்டுள்ள அடிகள் அளவடி என அழைக்கப்படுகின்றன. சிந்தியல் வெண்பாவின் மூன்றாவது அடி, சிந்தடி என அழக்கப்படும், மூன்று சீர்களைக் கொண்ட அடியாக இருக்கும்.

சிந்தியல் வெண்பாக்களில் இரண்டு வகைகள் உண்டு. அவை,

1.இன்னிசை சிந்தியல் வெண்பா

2.நேரிசை சிந்தியல் வெண்பா

இ) நேரிசை வெண்பா

இங்கே காணவும்

நேரிசை வெண்பா

ஈ) இன்னிசை வெண்பா

இன்னிசை வெண்பா

உ)பஃறொடை வெண்பா

பஃறொடை வெண்பா

யாப்பிலக்கணம்-தொடை

noreply@blogger.com (Asokan) — Fri, 23 Apr 2010 15:38:00 +0000

தொடை

தொடை என்பது தொடுக்கப்படுவது எனப் பொருள்படும்.மலர்களைத் தொடுப்பது போலவே சீர்களிலும்,அடிகளிலும் மோனை முதலியன அமையத் தொடுப்பது தொடையாகும். பாவின் ஓசையின்பத்திற்கும் சிறப்பிற்கும் இத்தொடை உறுப்பு வேண்டுவதாகும்.’தொடையற்ற மொழி நடையற்றுப் போகும்’ என்பது பழமொழியாகும்.

தொடை ஐந்து வகைப்படும்.அவை மோனைத் தொடை,எதுகைத் தொடை,முரண் தொடை
,

இயைபுத் தொடை,அளபெடுத்தொடை என்பனவாம்.

1.மோனைத்தொடை

செய்யுளில் முதலெழுத்து ஒன்றி வருவது மோனை எனப்படும்.

அடிமோனை

தன்நெஞ் சறிவது பொய்யற்க பொய்த்தபின்

தன்நெஞ்சே தன்னைச் சுடும்

இவ்வாறு அடிகளில் முதலெழுத்து ஒன்றி வருவது அடிமோனையாகும்.

சீர் மோனை

துப்பார்க்குத் துப்பாய துப்பாக்கித் துப்பாற்கு

இவ்வாறு சீர்கள் தோறும் முதலெழுத்து ஒன்றி வருவது சீர் மோனையாகும். இதனை வழிமோனை எனவும் வழங்குவர்.

இனமோனை

மோனைக்கு முதலெழுத்தேயன்று அதற்குரிய இனவெழுத்துக்கும் ஒன்றிவருவது இனமோனை எனப்படும்.இதனை கிளை மோனை எனவும் வழங்குவர்.

இனமோனையாக வரும் எழுத்துக்கள்

உயிரெழுத்துக்கள்

அ,ஆ,ஐ,ஔ -ஓரினம்

இ,ஈ,எ,ஏ -ஓரினம்

உ.ஊ,ஒ,ஓ -ஓரினம்

உயிர்மெய்யெழுத்து

ஞ,ந -ஓரினம்

ம,வ -ஓரினம்

த,ச -ஓரினம்

உதாரணங்கள்

மனத்தொடு வாய்மை மொழியின்
சாதனத்தோடு தச்சர்
மாநிதி வருந்தித்தேடி
ஐந்தவித்தான் ஆற்றல் அகல்விசும்பு

மோனைத்தொடை அடிமோனை, இணைமோனை, பொழிப்பு மோனை, ஒரூஉ மோனை,கூழை மோனை,மேற்கதுவாய் மோனை,கீழ்க்கதுவாய் மோனை,முற்று மோனை என எட்டு வகைப்படும்.இதில் அடிமோனை தவிரவுள்ள ஏழும் சீர்மோனை வகைகளாகும்.

1.அடிமோனை

அடிதோறும் வரும் முதற்சீரின் முத்லெழுத்து ஒன்றி வருவது அடிமோனையாகும்.

உள்ளத்தாற் பொய்யா தொழுகின் உலகத்தார்

உள்ளத்துள் எல்லாம் உளன்

2.இணைமோனை

ஓரடியில் முதலிரு சீர்களிலும் வருவது இணைமோனையாகும்.

கடிந்த கடிந்தொரார் செய்தார்க்கு அவைதாம்

முடிந்தாலும் பீழை தரும்.

3.பொழிப்பு மோனை

ஓரடியில் முதற்சீரிலும் மூன்றாம் சீரிலும் மோனை வருவது பொழிப்பு மோனையாகும்.

புனையா ஓவியம் போல் நிற்றலும்

4.ஒரூஉ மோனை

ஓரடியில் முதற்சீரிலும் மூன்றாம் சீரிலும் மோனை வருவது ஒரூஉ மோனையாகும்.

பொய்ம்மையும் வாய்மை இடத்த புரைதீர்ந்த

நன்மை பயக்கு மெனின்.

5.கூழை மோனை

ஓரடியில் முதல் மூன்று சீர்களிளும் மோனை வருவது கூழை மோனையாகும்.

தானம் தவமிரண்டும் தங்கா வியனுலகம்

வானம் வழங்கா தெனின்.

6.மேற்கதுவாய் மோனை

ஓரடியில் முதல்,மூன்றாம்,நான்காம் சீர்களில் வரும் மோனை மேற்கதுவாய் மோனையாகும்.

வானின்று உலகம் வழங்கி வருதலால்

தானமிழ்தம் என்றுணர் பாரற்று

7.கீழ்க்கதுவாய் மோனை

ஓரடியில் முதல்,இரண்டாம்,நான்காம் சீர்களில் மோனை வருவது கீழ்க்கதுவாய் மோனையாகும்.

இருள்சேர் இருவினையும் சேரா இறைவன்

பொருள்சேர் புகழ்புரிந்தார் மாட்டு.

8.முற்று மோனை

ஓரடியில் நான்கு சீர்களிலும் வரும் மோனை முற்று மோனையாகும்.

பெற்றோர்பெறின் பெறுவர் பெண்டிர் பெருஞ்சிறப்புப்

புத்தேனிர் வாழும் உலகு

2.எதுகைத்தொடை

தானம் தவமிரண்டும் தங்கா வியனுலகம்

வானம் வழங்கா தெனின்

இக்குறட்பாவின் இரண்டடிகளிலும் முதற்சீரின் இரண்டாம் எழுத்து ஒன்றி வருகிறது.முதலெழுத்து அளவாதிருக்க,இரண்டாம் எழுத்து ஒன்றி வருவது எதுகைத் தொடையாகும்.இவ்வறு அடிதோறும் எதுகை அமைந்து வருவது அடியெதுகையாகும்.

சீர் தோறும் எதுகை அமைந்து வருவது சீர் எதுகையாகும். உதாரணம்

சொல்லுக சொல்லிற் பயனுடைய சொல்லற்க

எதுகைத் தொடையும் அடியெதுகை,இணையெதுகை,பொழிப்பெதுகை,ஒரூஉ எதுகை,கூழை எதுகை,மேற்கதுவாய் எதுகை,கீழ்க்கதுவாய் எதுகை,முற்றெதுகை என எட்டு வகைப்படும்.

1.அடி எதுகை

கடிந்த கடிந்தொரார் செய்தாற்கு அவைதாம்

முடிந்தாலும் பீழை தரும்.

இவ்வாறு அடிகள் தோறும் உள்ள முதற்சீரில் உள்ள முதலெழுத்து அளவொத்திருக்க இரண்டாம் எழுத்து ஒற்றி வருவது அடி எதுகையாகும்.

2.இணை எதுகை

ஓரடியில் முத்லிரு சீர்களிலும் வரும் எதுகை இணை எதுகையாகும்.

பொய்யாமை பொய்யாமை ஆற்றின் அறம்பிற

செய்யாமை செய்யாமை நன்று

3.பொழிப்பெதுகை

ஓரடியில் முதலாவது மற்றும் மூன்றாவது சீர்களில் வரும் எதுகை பொழிப்பெதுகையாகும்.

தோன்றின் புகழொடு தோன்றுக அஃதிலார்

தோன்றலின் தோன்றாமை நன்று.

4.ஒரூஉ எதுகை

ஓரடியில் முதற்சீர் மற்றும் நான்காம் சீர்களில் வரும் எதுகை ஒரூஉ எதுகையாகும்.

துணைநலம் ஆக்கம் தரூஉம் வினைநலம்

வேண்டிய தெல்லாம் தரும்.

5.கூழையெதுகை

ஓரடியில் முதற்சீர்,இரண்டாம் சீர் மற்றும் மூன்றாம் சீர்களில் வரும் எதுகை கூழை எதுகையாகும்.

பற்றுக பற்றற்றான் பற்றினை அப்பற்றைப்

பற்றுக பற்றி விடற்கு.

6.மேற்கதுவாய் எதுகை

ஓரடியில் முதற்சீர் ,மூன்றாம் சீர்,நான்காம் சீர்களில் வரும் எதுகை மேற்கதுவாய் எதுகையாகும்.

அழக்கொண்ட எல்லாம் அழப்போம் இழப்பினும்

பிற்பயக்கும் நற்பா லவை.

7.கீழ்க்கதுவாய் எதுகை

ஓரடியில் முதற்சீர்,இரண்டாம் சீர்,நான்காம் சீர்களில் வரும் எதுகை கீழ்க்கதுவாய் எதுகையாகும்.

ஒழுக்கம் விழுப்பம் தரலான் ஒழுக்கம்

உயிரினும் ஓம்ப்ப் படும்.

8.முற்றெதுகை

ஓரடியிலுள்ள நான்கு சீர்களிலும் வரும் எதுகை முற்றெதுகையாகும்.

துப்பார்க்குத் துப்பாய துப்பாக்கித் துப்பார்க்குத்

துப்பாய தூஉம் மழை.

3.முரண் தொடை

முற்பகல் செய்யின் பிற்பகல் விளையும்

இத்தொடரில் முன்,பின் என சொற்கள் முரண்பட்டு அமைந்துள்ளன.இவ்வாறு அடிகளிலோ,சீர்களிலோ சொல்லோ பொருளோ முரண்பட்டு அமைவது முரண் தொடையாகும்.

முரண் தொடை அடி முரண்,இணை முரண்,பொழிப்பு முரண்,ஒரூஉ முரண்,கூழை முரண்,மேற்கதுவாய் முரண்,கீழ்க்கதுவாய் முரண்,முற்று முரண் என எட்டு வகைப்படும்.

1.அடி முரண்

கெடுப்பதூஉம் கெட்டார்க்குச் சார்வாய் மற்றாங்கே

எடுப்பதூஉம் எல்லாம் மழை.

அடிதோறும் முதற்சொல் முரண்பட்த் தொடுப்பது அடித்தொடையாகும்

2.இணை முரண்

பொய்ம்மையும் வாய்மை இடத்த புரைதீர்ந்த

நன்மை பயக்கு மெனின்.

இவ்வாறு ஓரடியில் முதல் இரு சீர்களயும் முரண்படத் தொகுப்பது இணை முரணாகும்.

3.பொழிப்பு முரண்

செல்விருந்து ஓம்பி வருவிருந்து பார்த்திருப்பான்

நல்விருந்து வானத் தவற்கு

ஓரடியில் முதல் மற்றும் மூன்றாவது சீர்களில் முரண் அமைவது.

4.ஒரூஉ முரண்

புறந்த்தூய்மை நீரன் அமையும் அகந்த்தூய்மை

வாய்மையாற் காணப் படும்

ஓரடியில் முதல் மற்றும் நான்காவது சீர்களில் அமையும் முரண்.

5.கூழை முரண்

கருமிடற்றன் செஞ்சடையன் வெண்ணீற்றன்

இவ்வாறு ஓரடியில் முதற்சீர்,இரண்டாம் சீர்,மூன்றாம் சீர்களில் அமையும் முரண்.

6.மேற்கதுவாய் முரண்

வெண்வளைத் தோளும் சேயரிக் கருங்கண்ணும்

இவ்வாறு ஓரடியில் முதற்சீர்,மூன்றாம் சீர் மற்றும் நான்காம் சீர்களில் முரண் அமைவது மேற்கதுவாய் முரணாகும்.

7.கீழ்க்கதுவாய் முரண்

இருக்கையும் நிலையும் ஏந்தழில் இயக்கமும்

இவ்வாறு ஓரடியில் முதல்,இரண்டு மற்றும் நான்காம் சீர்களில் அமையும் முரண் கீழ்க்கதுவாய் முரணாகும்.

8.முற்றும் முரண்

துவர்வாய்த் தீஞ்சொல்லும் உவந்தெனன் முனியாது

இவ்வாறு ஓரடியில் உள்ள அனைத்து சீர்களையும் முரண்பட்த் தொகுப்பது முற்று முரணாகும்.

4.இயைபுத் தொடை

கொண்டல் கோபுரம் அண்டையில் கூடும்

கொடிகள் வானம் படிதர மூடும்

கண்ட பேரண்டத் தண்டலை நாடும்

கனக முன்றில் அனம்விளை யாடும்

மேற்கண்ட பாடலடிகளின் இறுதியில் ஒரே ஒலி தரும் கூடும்,மூடும்,நாடும்,ஆடும் எனும் சொற்கள் அமைந்துள்ளன.இவ்வாறு அமைவது இயைபுத் தொடையாகும்.

செய்யுளின் அடிகளிலோ சீர்களிலோ இறுதி எழுத்தோ,சீரோ,அசையோ ஒன்றி வருவது இயைபுத் தொடை எனப்படும்.

5.அளபெடைத் தொடை

செய்யுளில் சீர்கள் அளபெடுத்து வருவது அளபெடைத் தொடையாகும்.

யாப்பிலக்கணம்-தளை,தொடை

noreply@blogger.com (Asokan) — Thu, 22 Apr 2010 08:48:00 +0000

தளை

சீர்கள் ஒன்றோடொன்று கட்டுப்பட்டு நிற்கும் நிலை,தளை எனப்படும். நின்ற சீரின் ஈற்றசையும் வருஞ்சீரின் முதலசையும் ஒன்றியும் ஒன்றாமலும் வருவது தளை எனப்படும்.நின்ற சீரின் ஈற்றசையும் வருஞ்சீரின் முதலசையும் நேர் முன் நேராகவும் நிரை முன் நிரையாகவும் வருவது ஒன்றுவதெனப்படும்.நின்ற சீரின் ஈற்றசையும் வருஞ்சீரின் முதலசையும் நேர் நிரையாகவும்,நிரை நேராகவும் வருவது ஒன்றாதெனப்படும்.

உல/கினில் - ஒழு/க்கம்

நிரை/நிரை - நிரை/நேர் ஒன்றி வந்தது

சீ/லம் -என்/னும்

நேர்/நேர் -நேர்/நேர்

னி/யிரு -முந்/நீர்

நிரை+நேர் -நிரை+நேர் ஒன்றாமல் வந்த்து

கெட்/ட -பொரு/ளின்

நேர்+நேர் -நிரை+நேர்

தளை ஏழு வகைப்படும் அவை,

நேரொன்றாசிரியத்தளை -மா முன் நேர்
நிரையொன்றாசிரியத்தளை -விள முன் நிரை
இயற்சீர் வெண்டளை -மா முன் நிரை,விள முன் நேர்
வெண்சீர் வெண்டளை -காய் முன் நேர்
கலித்தளை -காய் முன் நிரை
ஒன்றிய வஞ்சித்தளை -கனி முன் நிரை
ஒன்றாத வஞ்சித்தளை -கனி முன் நேர்

தளை	விதி	உதாரணம்
நேரொன்றாசிரியத்தளை	மா முன் நேர்	வங்/கம்-தன்/னொடும்
		நேர்+நேர்-நேர்/நிரை
		தேமா
நிரையொன்றாசிரியத்தளை	விள முன் நிரை	பசிப்/பிணி-கறு/கென
		நிரை+நிரை-நிரை+நிரை
		கருவிளம் (நின்ற சீர்)
இயற்சீர் வெண்டளை	மா முன் நிரை,விள முன் நேர்	பூம்பு/கார் போற்று/தும்
		நேர்+நிரை-நேர்+நிரை
		ஓங்/கிப் பரந்/தெழு
		நேர்+நேர்-நிரை+நிரை
வெண்சீர் வெண்டளை	காய் முன் நேர்	நெடுங்/கட/லும்-தன்/நீர்/மை
		நிரை+நிரை+நேர்-நேர்+நேர்+நேர்
		கருவிள்ங்காய்
கலித்தளை	காய் முன் நிரை	நீ/ரா/ருங்-கட/லுடுத்/த
		நேர்+நேர்+நேர்-நிரை+நிரை+நேர்
		தேமாங்காய்
ஒன்றிய வஞ்சித்தளை	கனி முன் நிரை	தண்/டாம/ரைத்-தனி/மலர்/மிசை
		நேர்+நேர்+நிரை-நிரை+நிரை+நேர்
		தேமாங்கனி
ஒன்றாத வஞ்சித்தளை	கனி முன் நேர்	கா/னில்/வளர்-கா/ராப்/போல்
		நேர்+நேர்+நிரை-நேர்+நேர்+நேர்
		தேமாங்கனி

அடி

சீர்கள் பல அடுத்து நடப்பது அடியாகும்.அது ஐந்து வகைப்படும்.அவை குறளடி,சிந்தடி,அளவடி,நெடிலடி,கழிநெடிலடி என்பனவாகும்.

1.குறளடி

இரண்டு சீர்களாலான அடி குறளடியாகும்.

உதாரணம் பொன்செய் மன்றில்வாழ் இதில் ஓரடியால் இரு சீர்கள் மட்டும் அமைந்திருப்பதைக் காணலாம்.

2.சிந்தடி

மூன்று சீர்களாலான அடி சிந்தடியாகும்.

உதாரணம் வாய்மையால் காணப்படும். வெண்பாவின் ஈற்றடி சிந்தடியாய் இருப்பதைக் காண்க.

3.அளவடி

நான்கு சீர்களால் அமையும் அடி அளவடியாகும்.இதனை நேரடி எனவும் வழங்குவர்.

உதாரணம்:ஆதிரை யிட்டெனள் ஆருயிர் மருந்தென்

அளவடி,வெண்பா ஆசிரியப்பா,கலிப்பாக்களில் அமைந்து வருவதைக் காண்க.

4.நெடிலடி

ஐந்து சீர்களாலான அடி நெடிலடியாகும்.

உதாரணம்:வையம் ஏழுடை மன்னவன் அவ்வுரை வழங்க

4.கழிநெடிலடி

ஐந்துக்கும் மேற்பட்ட சீர்களாலானது கழினெடிலடியாகும்.

உதாரணம்:

நின்றவூர்ப் பூச லன்பன் நெடிதுநாள் நினைந்து செய்த-அறுசீர்க் கழிநெடிலடி

நாட்டொடு சேராத தனிபோக உரிமை

நடவாதங் கினியென்று நாமறிதல் பெருமை.-எண்சீர்க் கழி நெடிலடி

யாப்பிலக்கணம்-சீர்

noreply@blogger.com (Asokan) — Wed, 21 Apr 2010 10:07:00 +0000

சீர்

இருவகை அசைகளும் தனித்தோ இணைந்தோ அமைவது சீர் எனப்படும்.அஃது ஓரசைச் சீர்,ஈரசைச் சீர் ,மூவசைச் சீர் ,நான்கசைச் சீர் என நான்கு வகைப்படும்.

ஓரசைச்சீர்

வெண்பாவின் ஈற்றில் நேரசை நிரையசையுள் ஏதேனும் ஒன்று தனித்து நின்று சீராய் அமையும்.அவை அசைச்சீர் எனப்படும்.அவற்றிற்கு வாய்ப்பாடு நாள்(ஓரசை நேர்) , மலர்(ஓரசை நிறை) என்பனவாம்

ஏரின் உழாஅர் உழவர் புயலென்னும்

வாரி வளம்குன்றிக் கால்

கால்-நேர்-நாள்(வாய்ப்பாடு)

மனத்தொடு வாய்மை மொழியின் தவத்தொடு

தானம் செய்வாரின் தலை

தலை-நிரை-மலர்(வாய்ப்பாடு)

இவ்வாறு இலக்கண முறைப்படி,வெண்பாவின் ஈற்றில் ஒரு நேரசையாகவோ நிரையசையாகவோ தனித்து வந்தால் அவற்றிற்கு முறையே நாள்,மலர் என வாய்ப்பாடு கூற வேண்டும்.

ஆய்வுச்செய்தி

திருக்குறளில் 174 குறட்பாக்களின் ஈற்றுச்சீர் நாள் வாய்ப்பாட்டிலும்,665 குறட்பாக்களின் ஈற்றுச் சீர் மலர் வாய்ப்பாட்டினுலும் அமைந்துள்ளது என திருக்குறள் பதின்கவனகர் திரு.இராமய்யா அவர்கள் கூறுகிறார்.

காசு,பிறப்பு

பொய்யாமை பொய்யாமை ஆற்றின் அறம்பெற

செய்யாமை செய்யமை நன்று.

எல்லா விளக்கும் விளக்கல்ல சான்றோர்க்குப்

பொய்யா விளக்கே விளக்கு

நன்று-நன்/று-நேர்பு

விளக்கு-விளக்/கு-நிரைபு

இவ்வாறு வெண்பாவின் ஈற்றில் நேரசை,நிரையசையாக தனித்து வருவதோடு மட்டுமல்லாமல் நேர்பு,நிரைபு என குற்றியலுகர வாய்ப்பாட்டுச் சீர்களும் அமைவதுண்டு.

முதலசை நேர் நேர்பு எனவும்,முதலிசை நிரை நிரைபு எனவும் வழங்கப்படுகிறது.நேர்பு-காசு,நிரைபு-பிறப்பு

ஈரசைச் சீர்

நேர், நிரை என்னும் அசைகள் இரண்டிரண்டாக இணைந்து வரும் சீர்கள் ஈரசை சீராகும்.ஈரசைச்சீர் மாச்சீர் இரண்டும்,விளச்சீர் இரண்டுமாய் நான்கும் ஆசிரியப் பாவிற்குரியனவாகும்.இவை இயற்சீர் எனவும் ஆசிரிய உரிச்சீர் எனவும் வழஙப்படும்.

மூவசைச்சீர்

மாவின முன்னா காய்கனி உடையபின்

வெண்பா வஞ்சி யுரிச்சீர் ஆமே

ஈரசைச் சீர் நான்கனோடும் ,நேரசை நிரையசை இரண்டினையும் தனித் தனியாக இறுதியில் இணைத்தால் மூவசைச்சீர் எட்டாகும்.அவற்றுள் காய் என முடிபவை நான்கும்,கனி என முடிபவை நான்கும் உள்ளன.

காய்ச்சீர் நான்கிலும் நேரசை ஈற்றசையாக வரும்.இச்சீர்கள் வெண்பாவிற்குரியதால் வெண்பாவுரிச்சீர் எனவும் வழங்கப்படும்.

கனிச்சீர் நான்கிலும் நிரையசை ஈற்றசையாக வரும்.இச்சீர்கள் வஞ்சிப் பாவிற்குரியதால் வஞ்சியுரிச்சீர் எனவும் வழங்குவர்.

நான்கசைச்சீர்

மூவசைச் சீருடன் நேரசை, நிரையசைகளை இறுதியில் சேர்த்தால் நாலசைச்சீர் பதினாறாம்.இதை பொதுச்சீர் எனவும் வழங்குவர்.

இதில் நேரீற்றுப் பொதுச்சீர் எட்டும்,னிரையீற்றுப் பொதுச்சீர் எட்டும் உள்ளன.

சீர் வகைகளும் அதன் வாய்ப்பாடுகளும்

வ.எண்	சீர் வகை/அசை	வாய்ப்பாடு	துணைப்பெயர்கள்
1	ஓரசைச்சீர்
	நேர்	நாள்
	நிரை	மலர்
	நேர்பு	காசு
	நிரைபு	பிறப்பு

2	ஈரசைச்சீர் (ஆசிரியவுரிச்சீர்)
	நேர்+நேர்	நேர்மா	மாச்சீர்
	நிரை+நேர்	நிரைமா
	நிரை+நிரை	கருவிளம்	விளச்சீர்
	நேர்+நிரை	கூவிளம்

3	மூவசைச்சீர்
	நேர்+நேர்+நேர்	தேமாங்காய்	காய்ச்சீர் (வெண்பாயுரிச்சீர்)
	நிரை+நேர்+நேர்	புளிமாங்காய்
	நிரை+நிரை+நேர்	கருவிள்ங்காய்
	நேர்+நிரை+நேர்	கூவிளங்காய்
	நேர்+நேர்+நிரை	தேமாங்கனி	கனிச்சீர் (வஞ்சியுரிச்சீர்)
	நிரை+நேர்+நிரை	புளிமாங்கனி
	நிரை+நிரை+நிரை	கருவிளங்கனி
	நேர்+நிரை+நிரை	கூவிளங்கனி
4	நாலசைச்சீர்(பொதுச்சீர்)
	நேர்+நேர்+நேர்+நேர்	தேமாந்தன்பூ	பூச்சீர்(நேரீற்றுப் பொதுச்சீர்)
	நிரை+நேர்+நேர்+நேர்	புளிமாந்தன்பூ
	நிரை+நிரை+நேர்+நேர்	கருவிளந்தன்பூ
	நேர்+நிரை+நேர்+நேர்	கூவிளந்தன்பூ
	நேர்+நேர்+நிரை+நேர்	தேமநறும்பூ
	நிரை+நேர்+நிரை+நேர்	புளிமாநறும்பூ
	நிரை+நிரை+நிரை+நேர்	கருவிளந்றும்பூ
	நேர்+நிரை+நிரை+நேர்	கூவிள்நறும்பூ
	நேர்+நேர்+நேர்+நிரை	தேமாந்த்தண்ணிழல்	நிழற்சீர் (நிரையீற்றுப் பொதுச்சீர்)
	நிரை+நேர்+நேர்+நிரை	புளிமாந்த்தண்ணிழல்
	நிரை+நிரை+நேர்+நிரை	கருவிழந்த்தண்ணிழல்
	நேர்+நிரை+நேர்+நிரை	கூவிளந்த்தண்ணிழல்
	நேர்+நேர்+நிரை+நிரை	தேமாநறுனிழல்
	நிரை+நேர்+நிரை+நிரை	புளிமாநறுநிழல்
	நிரை+நிரை+நிரை+நிரை	கருவிளநறுனிழல்
	நேர்+நிரை+நிரை+நிரை	கூவிளநறுநிழல்

கலிப்பாவிற்கென தனிச்சீர் இல்லை.மாச்சீர்,விளச்சீர்,காய்ச்சீர்,கனிச்சீர் இவையே விரவி வரும்.னாலசைச்சீர் வஞ்சிப்பாவில் வரும்.வெண்பாவில் நாலசைச்சீர் வாரா. ஆசிரியப்பா,கலிப்பா ஆகியவற்றுள் குற்றுகரம் வந்தாலொழிய நாலசைச்சீர் வாரா.

யாப்பிலக்கணம்-எழுத்து,அசை

noreply@blogger.com (Asokan) — Wed, 21 Apr 2010 09:52:00 +0000

எழுத்து

எழுத்திலக்கணத்தில் சொல்லப்பட்ட அனைத்து எழுத்துக்களும் யாப்பிற்கும் கொள்ளப்படும். உயிரெழுத்து .மெய்யெழுத்து, உயிர்மெய்யெழுத்து ,ஆய்த எழுத்து எனக் கூறப்படும் தமிழ் எழுத்துக்கள் யாப்பிலக்கணத்தில் குறில்,னெடில்,ஒற்று (மெய்) என மூன்று வகைகளாக அசைக்கு உறுப்புகளாக அமைந்துள்ளன.

வானம்

வா-நெடில்

ன-குறில்

ம்-ஒற்று

அசை

குறில்,நெடில்,ஒற்று என்னும் எழுத்துக்களால் அசைக்கப்படுவது (கட்டப் படுவது) அசை எனப்படும்.அது நேரசை,நிரையசை என இருவகைப்படும்.

குறிலே நெடிலே குறிலிணை ஏனைக் குறில் நெடிலே

நெறியே வரினும் நிறைந்தொற்றெடுப்பினும் நேர்நிரை என்ற்றி-காரிகை

நேரசை

ப -தனிக்குறில்

பா -தனி நெடில்

பல் -குறிலொற்று

பால் -நெடிலொற்று

குறில் தனித்தும் ஒற்றெடுத்தும்,நெடில் தனித்தும் ஒற்றெடுத்தும் வருவது நேரசையாகும்.

வாழ்க -வாழ்/க

வாழ் -நெடிலொற்று

க -தனிக்குறில் நேரசை

நாடு -நா/டு

நா -தனி நெடில்

டு -தனிக்குறில் நேரசை

தனிக்குறில் சொல்லின் முதலில் வந்து நேரசையாகாது.சொல்லிற்கு முதலில் வரும் குறில் அடுத்து ஒற்று வந்தால் மட்டுமே நேரசையாகும் (பட்டம்-பட்/டம்).நெடிலுக்குப் பின்னும்,ஒற்றுக்குப் பின்னும் வரும் ,தனிக்குறில் நேரசையாகும் (ஆ/று,கல்/வி).நெடில் எவ்விட்த்தும் தனித்து வரினும் ஒற்றெடுத்து வரினும் நேரசையாகும் (நா/டு,வாழ்/க).

நிரையசை

கனி-குறிலிணை

நிலா-குறில் நெடில்

அறம்-குறிலிணை ஒற்று

புலால்-குறில் நெடில் ஒற்று

குறில் இணைந்தும் ,ஒற்றெடுத்தும்,குறில் நெடில் இணைந்தும் அவை ஒற்றெடுத்தும் வருவது நிரை இசையாகும்.

சுடுகதிர் -சுடு/கதிர்

சுடு -குறிலிணை

கதிர் -குறிலிணை ஒற்று நிரையசை

துழாவினார் -துழா/வினார்

துழா -குறில் நெடில்

வினார் -குறில் நெடிலொற்று நிரையசை

ஒற்றெழுத்து தனி அலகு பெறாது.அது முன்னர் உள்ள எழுத்தோடு சேர்ந்து ஒலிக்கும்.ஈரொற்று எழுத்துக்கள் சேர்ந்து வரினும் ஒன்றாகவே கொள்ள வேண்டும்.

விக்கிபீடியா பக்கங்களிலிருந்து நாம் எளிதாக அறிந்து கொள்ள கீழ்க்காணும் அட்டவணையைப் பாருங்கள்.

முதல் எழுத்து	இரண்டாம் எழுத்து	மூன்றாம் எழுத்து	எடுத்துக்காட்டு
குறில்	-	-	அ, க
நெடில்	-	-	ஆ, பூ
குறில்	ஒற்று	-	அன், விண்
நெடில்	ஒற்று	-	ஆள், தீர்
குறில்	குறில்	-	அடி, மன
குறில்	நெடில்	-	அடா, புகா
குறில்	குறில்	ஒற்று	அடர், திகில்
குறில்	நெடில்	ஒற்று	அதால், தொழார்

மேற்கண்டவற்றுள் முதல் நான்கும் நேரசை என்றும் ஏனையவை நிரையசை என்றும் குறிப்பிடப்படுகின்றன.மேலும் அசை பிரிப்பதைப் பற்றி விரிவாக காண விக்கிபீடியாவின் இப்பக்கத்திற்கு செல்லவும். http://ta.wikipedia.org/wiki/%E0%AE%85%E0%AE%9A%E0%AF%88

யாப்பிலக்கணம்-அறிமுகம்

noreply@blogger.com (Asokan) — Wed, 21 Apr 2010 09:33:00 +0000

செய்யுளுக்கு உரிய உறுப்புகளைக்(எழுத்து,அசை,சீர்,தளை,அடி,தொடை) கொண்டு செய்யுள் இயற்றும் இலக்கணத்தைக் கூறுவது யாப்பிலக்கணமாகும்.

எழுத்துக்களைத் தனித்தோ அல்லது இணைத்தோ ஒலிப்பதை அசைத்தல் அல்லது இசைத்தல் என்பர்.அசையாவது நேரசை நிரையசை என இரு வகைப்படும்.பல அசைகள் சேர்ந்து அமைவது சீர் ஆகும்.சீர்கள் ஒன்றோடு ஒன்று கட்டி நிற்பதை தளை என்பர்.பல சீர்கள் ஒன்றுடன் ஒன்று பொருந்த அமைவது அடி எனப்படும்.சீர்களிலும் அடிகளிலும் எதுகை மோனை அமையத் தொடுப்பதை தொடை என வழங்குவர்.அடிகள் இரண்டு முதலியவற்றை அடுக்கிக் கூறுவது பா எனப்படும்.இனி வரும் பதிவுகளில் செய்யுளின் உறுப்புகளைப் பற்றி விரிவாகக் காண்போம்.

அணியிலக்கணம்-சொல்லணி

noreply@blogger.com (Asokan) — Sun, 18 Apr 2010 07:07:00 +0000

சொல்லணி	துணை வகைகள்
சேர்வணி	1.பொருளணிச் சேர்வை
	2.சொல்லணிச் சேர்வை
	3.சொற்பொருட் சேர்வை
கவையணி	1.உறுப்புறுப்புக் கலவை
	2.நிகர்தலைமைக் கவிதை
	3.ஐயக் கலவை
	4.ஒரு தொடர்ப் பொருட் கலவை

அணியிலக்கணம்-அறிமுகம் மற்றும் வகைகள்

noreply@blogger.com (Asokan) — Sun, 18 Apr 2010 07:01:00 +0000

அணி என்பதற்கு அழகு என்பது பொருள்-செய்யுளில் அமைந்திருக்கும் சொல்லழகு,பொருளழகு முதலியவற்றை வரையறுத்துக் கூறுவது அணியிலக்கணமாகும்.
1	பொருளணி	உவமையணி முதலாக ஏதுவணி வரைக்கும் நூறு வகைகள்
2	சொல்லணி	சேர்வணி,கலவையணி என இரு வகைப்படும்

வ.எண்	பொருளணி	துணை வகைகள்
1	உவமையணி	1.விரியுவமை
		2.தொகையுவமை

2	இயைபையின்மையணி

3	புகழ்பொருளுவமயணி

4	எதிர்னிலையணி

5	உருவக அணி	1.மிகையொற்றுமையுருவகம்
		2.குறையொற்றுமையுருவகம்
		3.அவையிலொற்றுமை யுருவகம்
		4.மிகையிதன் செய்கையுருவகம்
		5.குறையதன் செய்கையுருவகம்
		6.அவையிலதன் செய்கையுருவகம்

6	திரிபணி

7	பலபடப் புனைவணி

8	நினைப்பணி

9	மயக்கவணி

10	ஐயவணி

11	ஒழிப்பணி	1.வெற்றொழிப்பு
		2.காரணவொழிப்பு
		3.வேறுபட்டொழிப்பு
		4.மயக்கவொழிப்பு
		5.வல்லோரொழிப்பு
		6.வஞ்சகவொழிப்பு

12	தற்குறிப்பணி	1.பொருட்டற்குறிப்பணி
		2.விரிபுலப் பொருட்டற்குறிப்பணி
		3.தொகுபல பொருட்டற்குறிப்பு
		4.உளபுல்வேதுத்தற்குறிப்பு
		5.இயல்புலவேதுத்தற்குறிப்பு
		6.உளப்புலப் பயன்றற்குறிப்பு
		7.இல்புலப் பயன்றற்குறிப்பு

13	உயர்வு நவிற்சியணி	1.உருவகவுயர்வு நவிற்சி
		2.ஒழிப்பு நவிற்சியணி
		3.பிரினிலையுயர்வு நவிற்சியணி
		4.தொடர்புயர்வு நவிற்சி
		5.முறையிலர்வு நவிற்சி
		6.விரைவுயர்வு நவிற்சி
		7.மிகையுயர்வு நவிற்சி

14	ஒப்புமைக் கூட்டவணி	1.புனைவுனியொப்புமைக் கூட்டவணி
		2.புனைவிலியொப்புமைக் கூட்டவணி

15	பின்வரு விளக்கணி	1.சொற்பின்வரு விளக்கணி
		2.பொருட்பின்வரு விளக்கணி
		3.சொற்பொருட் பின்வரு நிலையணி

16	தொடர் முழுதுவமையணி	1.நிகர் தொடர் முழுதுவமை
		2.முரண்டொடர் முழுதுவமை

17	எடுத்துக் காட்டுவமையணி	1.நிகரெடுத்துக் காட்டுவமையணி
		2.முரணெடுத்துக் காட்டுவமையணி

18	காட்சியணி	1.வாக்கியப் பொருட்காட்சி
		2.பதப் பொருட்காட்சி
		3.பொருட்காட்சி

19	வேற்றுமையணி

20	உடனிகழ்ச்சியணி

21	இன்மை நவிற்சியணி

22	சுருங்கச் சொல்லணி

23	கருத்துடையடையணி

24	கருத்துடையடை கொளியணி

25	பல்பொருட் சொற்றொடரணி	1.புனைவுளிப் பல்பொருட் சொற்றொடர்
		2.புனைவிலிப் பல்பொருட் சொற்றொடர்
		3.இருமைப் பல்பொருட் சொற்றொடர்

26	புனைவிலி புகழ்ச்சியணி	1.ஒப்புமைப் புனைவிலி புகழ்ச்சி
		2.பொதுப் புனைவிலிப் புகழ்ச்சி
		3.சிறப்புப் புனைவிலிப் புகழ்ச்சி
		4.காரணப் புனைவிலிப் புகழ்ச்சி
		5.காரியப் புனைவிலாப் புகழ்ச்சி

27	புனைவுளி விளைவணி

28	பிறிதிநவிற்சியணி

29	வஞ்சப் புகழ்ச்சியணி

30	வஞ்சப் பழிப்பணி

31	எதிர்மறையணி

32	முரண் விளைந்தழ்வணி

33	பிறிதாராய்ச்சியணி

34	காரணவாராய்ச்சியணி

35	தொடர்பின்மையணி

36	கூடாமையணி

37	தகுதியின்மையணி

38	தகுதியணி

39	வியப்பணி

40	பெருமையணி

41	சிறுமையணி

42	ஒன்ற்ற்கொன்றுதவியணி

43	சிறப்பு நிலையணி

44	மற்றதற்காக்காலணி

45	காரணமாலையணி

46	ஒற்றைமணி மாலையணி

47	மாலை விளக்கணி

48	மேன்மேலுயர்ச்சியணி

49	நிரனிறையணி

50	முறையிற்படர்ச்சியணி

51	மாற்று நிலையணி

52	ஒழித்துக் காட்டணி

53	உழற்சியணி

54	கூட்டவணி

55	வினைமுதல் விளக்கணி

56	எளிதின் முடிபணி

57	விறல்கோளணி

58	தொடர் நிலைச் செய்யுட்பொருட் பேரணி

59	தொடர்னிலச் செய்யுட் பொருள் குறியணி	1.வாக்கியப் பொருட் செய்யுட் குறி
		2.பதப் பொருட்செய்யுட் குறி
		3.இருமைச் செய்யுட்குறி

60	மலர்ச்சியணி

61	கற்றோர் நவிற்சியணி

62	உய்த்துணர்வணி

63	பொய்த்தற்குறிப்பணி

64	வளப்பு நிலையணி

65	இன்பவணி

66	துன்பவணி

67	அகமலர்ச்சியணி

68	இகழ்ச்சியணி

69	வேண்டலணி

70	இலேசவணி

71	குறிநிலையணி

72	அரதனமாலையணி

73	பிறிதின் குணம் பெறலணி

74	தொல்லுறுப் பெறலணி

75	பிறிதின் குணம் பெறாமையணி

76	தன்குணமிகையணி

77	மறைவணி

78	பொதுமையணி

79	மறையாமையணி

80	சிறப்பணி

81	இறையணி	1.மறைப்பு இறை
		2.வியப்பு இறை

82	நூட்பவணி

83	கரவு வெளிப்படுப்பணி

84	வஞ்ச நவிற்சியணி

85	குறிப்பு நவிற்சியணி

86	வெளிப்படை நவிற்சியணி

87	யுக்தியணி

88	உலக வழக்கு நவிற்சியணி

89	வல்லோர் நவிற்சியணி

90	மடங்கு நவிற்சியணி

91	தன்மை நவிற்சியணி

92	நிகழ்வினை நவிற்சியணி

93	வீறுகோளணி

94	மிகுதி நவிற்சியணி

95	பிரிநிலை நவிற்சியணி

96	விலக்கணி

97	விதியணி

98	வேற்றுப் பொருள் வைப்பணி

99	விளக்கணி

100	ஏதுவணி

அணியிலக்கணம்-அறிமுகம் மற்றும் வகைகள்

noreply@blogger.com (Asokan) — Sun, 18 Apr 2010 07:00:00 +0000

அணி வகைகள்
அணி என்பதற்கு அழகு என்பது பொருள்-செய்யுளில் அமைந்திருக்கும் சொல்லழகு,பொருளழகு முதலியவற்றை வரையறுத்துக் கூறுவது அணியிலக்கணமாகும்.
1	பொருளணி	உவமையணி முதலாக ஏதுவணி வரைக்கும் நூறு வகைகள்
2	சொல்லணி	சேர்வணி,கலவையணி என இரு வகைப்படும்


வ.எண்	பொருளணி	துணை வகைகள்	சொல்லணி	துணை வகைகள்
1	உவமையணி	1.விரியுவமை	சேர்வணி	1.பொருளணிச் சேர்வை
		2.தொகையுவமை		2.சொல்லணிச் சேர்வை
				3.சொற்பொருட் சேர்வை
2	இயைபையின்மையணி		கலவையணி	1.உறுப்புறுப்புக் கலவை
				2.நிகர்தலைமைக் கவிதை
3	புகழ்பொருளுவமயணி			3.ஐயக் கலவை
				4.ஒரு தொடர்ப் பொருட் கலவை
4	எதிர்னிலையணி

5	உருவக அணி	1.மிகையொற்றுமையுருவகம்
		2.குறையொற்றுமையுருவகம்
		3.அவையிலொற்றுமை யுருவகம்
		4.மிகையிதன் செய்கையுருவகம்
		5.குறையதன் செய்கையுருவகம்
		6.அவையிலதன் செய்கையுருவகம்

6	திரிபணி

7	பலபடப் புனைவணி

8	நினைப்பணி

9	மயக்கவணி

10	ஐயவணி

11	ஒழிப்பணி	1.வெற்றொழிப்பு
		2.காரணவொழிப்பு
		3.வேறுபட்டொழிப்பு
		4.மயக்கவொழிப்பு
		5.வல்லோரொழிப்பு
		6.வஞ்சகவொழிப்பு

12	தற்குறிப்பணி	1.பொருட்டற்குறிப்பணி
		2.விரிபுலப் பொருட்டற்குறிப்பணி
		3.தொகுபல பொருட்டற்குறிப்பு
		4.உளபுல்வேதுத்தற்குறிப்பு
		5.இயல்புலவேதுத்தற்குறிப்பு
		6.உளப்புலப் பயன்றற்குறிப்பு
		7.இல்புலப் பயன்றற்குறிப்பு

13	உயர்வு நவிற்சியணி	1.உருவகவுயர்வு நவிற்சி
		2.ஒழிப்பு நவிற்சியணி
		3.பிரினிலையுயர்வு நவிற்சியணி
		4.தொடர்புயர்வு நவிற்சி
		5.முறையிலர்வு நவிற்சி
		6.விரைவுயர்வு நவிற்சி
		7.மிகையுயர்வு நவிற்சி

14	ஒப்புமைக் கூட்டவணி	1.புனைவுனியொப்புமைக் கூட்டவணி
		2.புனைவிலியொப்புமைக் கூட்டவணி

15	பின்வரு விளக்கணி	1.சொற்பின்வரு விளக்கணி
		2.பொருட்பின்வரு விளக்கணி
		3.சொற்பொருட் பின்வரு நிலையணி

16	தொடர் முழுதுவமையணி	1.நிகர் தொடர் முழுதுவமை
		2.முரண்டொடர் முழுதுவமை

17	எடுத்துக் காட்டுவமையணி	1.நிகரெடுத்துக் காட்டுவமையணி
		2.முரணெடுத்துக் காட்டுவமையணி

18	காட்சியணி	1.வாக்கியப் பொருட்காட்சி
		2.பதப் பொருட்காட்சி
		3.பொருட்காட்சி

19	வேற்றுமையணி

20	உடனிகழ்ச்சியணி

21	இன்மை நவிற்சியணி

22	சுருங்கச் சொல்லணி

23	கருத்துடையடையணி

24	கருத்துடையடை கொளியணி

25	பல்பொருட் சொற்றொடரணி	1.புனைவுளிப் பல்பொருட் சொற்றொடர்
		2.புனைவிலிப் பல்பொருட் சொற்றொடர்
		3.இருமைப் பல்பொருட் சொற்றொடர்

26	புனைவிலி புகழ்ச்சியணி	1.ஒப்புமைப் புனைவிலி புகழ்ச்சி
		2.பொதுப் புனைவிலிப் புகழ்ச்சி
		3.சிறப்புப் புனைவிலிப் புகழ்ச்சி
		4.காரணப் புனைவிலிப் புகழ்ச்சி
		5.காரியப் புனைவிலாப் புகழ்ச்சி

27	புனைவுளி விளைவணி

28	பிறிதிநவிற்சியணி

29	வஞ்சப் புகழ்ச்சியணி

30	வஞ்சப் பழிப்பணி

31	எதிர்மறையணி

32	முரண் விளைந்தழ்வணி

33	பிறிதாராய்ச்சியணி

34	காரணவாராய்ச்சியணி

35	தொடர்பின்மையணி

36	கூடாமையணி

37	தகுதியின்மையணி

38	தகுதியணி

39	வியப்பணி

40	பெருமையணி

41	சிறுமையணி

42	ஒன்ற்ற்கொன்றுதவியணி

43	சிறப்பு நிலையணி

44	மற்றதற்காக்காலணி

45	காரணமாலையணி

46	ஒற்றைமணி மாலையணி

47	மாலை விளக்கணி

48	மேன்மேலுயர்ச்சியணி

49	நிரனிறையணி

50	முறையிற்படர்ச்சியணி

51	மாற்று நிலையணி

52	ஒழித்துக் காட்டணி

53	உழற்சியணி

54	கூட்டவணி

55	வினைமுதல் விளக்கணி

56	எளிதின் முடிபணி

57	விறல்கோளணி

58	தொடர் நிலைச் செய்யுட்பொருட் பேரணி

59	தொடர்னிலச் செய்யுட் பொருள் குறியணி	1.வாக்கியப் பொருட் செய்யுட் குறி
		2.பதப் பொருட்செய்யுட் குறி
		3.இருமைச் செய்யுட்குறி

60	மலர்ச்சியணி

61	கற்றோர் நவிற்சியணி

62	உய்த்துணர்வணி

63	பொய்த்தற்குறிப்பணி

64	வளப்பு நிலையணி

65	இன்பவணி

66	துன்பவணி

67	அகமலர்ச்சியணி

68	இகழ்ச்சியணி

69	வேண்டலணி

70	இலேசவணி

71	குறிநிலையணி

72	அரதனமாலையணி

73	பிறிதின் குணம் பெறலணி

74	தொல்லுறுப் பெறலணி

75	பிறிதின் குணம் பெறாமையணி

76	தன்குணமிகையணி

77	மறைவணி

78	பொதுமையணி

79	மறையாமையணி

80	சிறப்பணி

81	இறையணி	1.மறைப்பு இறை
		2.வியப்பு இறை

82	நூட்பவணி

83	கரவு வெளிப்படுப்பணி

84	வஞ்ச நவிற்சியணி

85	குறிப்பு நவிற்சியணி

86	வெளிப்படை நவிற்சியணி

87	யுக்தியணி

88	உலக வழக்கு நவிற்சியணி

89	வல்லோர் நவிற்சியணி

90	மடங்கு நவிற்சியணி

91	தன்மை நவிற்சியணி

92	நிகழ்வினை நவிற்சியணி

93	வீறுகோளணி

94	மிகுதி நவிற்சியணி

95	பிரிநிலை நவிற்சியணி

96	விலக்கணி

97	விதியணி

98	வேற்றுப் பொருள் வைப்பணி

99	விளக்கணி

100	ஏதுவணி

எழுத்து-பிறக்குமிடம்

noreply@blogger.com (Asokan) — Sat, 17 Apr 2010 05:20:00 +0000

சொல்-அறிமுகம்,வகைகள்

noreply@blogger.com (Asokan) — Sat, 17 Apr 2010 05:00:00 +0000

சொல் என்பது ஏதொன்றையும் சுருக்கமாய்க் குறிக்கும் அடிப்படை மொழிக் கூறு. சொல் என்றாலே தமிழில் சிறியது என்றும் பொருள் படுவது. உலகில் உள்ள மிகப்பெரும்பாலான மொழிகளில் சொற்களைக் கோர்த்து ஒரு சொற்றொடர் வழி ஒரு கருத்தோ செய்தியோ தெரிவிக்கப் படுகின்றது. சொல் என்பது ஒரெழுத்தாலோ, பலவெழுத்துக்களாலோ ஆக்கப்பட்டு ஒரு பொருளைத் தரும் மொழிக்கூறு. சொல்லைக் கிளவி, பதம்,மொழி என்றும் கூறுவது உண்டு.

சொற்கள் அடிப்படையில் பெயர்ச்சொல்,வினைச்சொல் என்று இரண்டே வகை என்றும் பிற சொல் வகைகள் (உரிச்சொல்,இடைச்சொல் முதலியன) இவை இரண்டிலிருந்து மருவி வருவனவே என்றும் கூறப்பட்டுள்ளது.

தமிழில் ஓர் எழுத்தும் பொருள் தர வல்லது. காட்டாக கை, தை, மை, வா, போ. இவ்வகைச்சொற்களுக்கு ஓரெழுத்து ஒருமொழி என்று பெயர்.

எல்லாச் சொல்லும் பொருள் குறித்தனவே

பொருண்மை தெரிதலும் சொன்மை தெரிதலும்

சொல்லின் ஆகும் என்மனார் புலவர்

சொலெனப் படுப பெயரே வினை என்று

ஆயிரண் டென்ப அறிந்திசி னோரே

இடைச்சொற் கிளவியும் உரிச்சொற்கிளவியும்

அவற்றுவழி மருங்கில் தோன்றும் என்ப -தொல்காப்பியம்

எழுத்து-சார்பெழுத்துக்கள் பகுதி 6

noreply@blogger.com (Asokan) — Fri, 16 Apr 2010 05:59:00 +0000

7.ஐகாரக் குறுக்கம்

ஐகாரக் குறுக்கம் என்பது, ஐகாரம் தனக்குரிய இரண்டு
மாத்திரையிலிருந்து குறைந்து ஒன்றரை மாத்திரையாகவும் ஒரு மாத்திரையாகவும்
ஒலிப்பது.

ஐகாரம் + குறுக்கம் = ஐகாரக்குறுக்கம்.
எ.கா:

ஐந்து	- ஐகாரம் மொழிக்கு முதலில்	- 1 1/2 மாத்திரை
வளையல்	- ஐகாரம் மொழிக்கு இடையில்	- 1 மாத்திரை
மலை	- ஐகாரம் மொழிக்கு கடையில்	- 1 மாத்திரை

ஐகாரம் தன்னைச் சுட்டிக் கூறும்பொழுதே இரண்டு மாத்திரையளவு ஒலிக்கும்.
மொழிக்கு முதல், இடை, கடை ஆகிய இடங்களில் வரும்பொழுது, மொழிக்கு முதலில்
ஒன்றரை மாத்திரையகவும், இடை மற்றும் கடையில் ஒரு மாத்திரையகவும் குறைந்து
ஒலிக்கும். இவ்வாறு குரைந்தொலிப்பதே ஐகாரக் குறுக்கமாகும்
8.ஔகாரக் குறுக்கம்
ஔகாரம் தன்னைச் சுட்டிக் கூறும்போது மட்டுமே இரண்டு மாத்திரையளவு ஒலிக்கும். மொழிக்கு முதலில் வரும்போது ஒன்ற்ரை மாத்திரை அளவே ஒலிக்கும். இதுவே ஔகாரக் குறுக்கம் ஆகும்.

தன் சுட்டு அளபு ஒழி ஐ மூ வழி உம்
நையும் ஔ உம் முதல் அற்று ஆகும்

எ.கா:

ஔவை

மேற்கண்ட எடுத்துக்காட்டில் மொழிக்கு முதலில் வந்த்துள்ள 'ஔ' தனக்குறிய இரெண்டு மாத்திரையிலிடுந்து ஒன்றரை மாத்திரையளவே ஒலிப்பதை காணலாம்.
9.மகரக் குறுக்கம்

"ம்" என்னும் எழுத்து தனக்குரிய அரை மாத்திரையிலிருந்து கால் மாத்திரையாகக் குறைந்து ஒலிப்பது மகரக் குறுக்கம் எனப்படும்.
மகரம் + குறுக்கம் = மகரக்குறுக்கம்

செய்யுள் இறுதிப் போலி மொழிவயின்<br />னகார மகாரம் ஈர் ஒற்றாகும்-தொல்காப்பியம்

செய்யுளில் ’போலும்,மருளும்’ என்னும் சொற்களில் உள்ள ஈற்றயல் எழுத்துக்களில் உள்ள உகரம் கெட்டு போல்ம்.மருள்ம் என்றாகி போன்ம்,மருண்ம் எனத் திரியும்.அவ்வாறு திரிந்த ‘ன’கர, ‘ண’கரங்களுக்கு முன் உள்ள ‘ம’கரம் தனக்குரிய அளவினின்று அரை மாத்திரை அளவு குறைந்து ஒலிக்கும்.

வரும் வண்டி

தரும் வளவன்

மேற்கண்ட எடுத்துக்காட்டுகளில் நிலைமொழியீற்றில் மகரமும் வருமொழி முதலில் வகரமும் உள்ளன. இது போல "நிலைமொழியீற்றில் மகரம் இருந்து வகர முதல் மொழியோடு புணரும் போது நிலைமொழியீற்றிலுள்ள மகரம் கால் மாத்திரையளவே ஒலிக்கும்". இது ஒரு வகை மகரக்குறுக்கம்

ண ன முன் உம் வஃகான் மிசை உம் ம குறுகும்-நன்னூல்

10.ஆய்தக்குறுக்கம்

ஆய்தக்குறுக்கம் என்பது ஆய்த எழுத்து தனக்குரிய அரை மாத்திரையில் இருந்து கால் மாத்திரையாகக் குறைந்து ஒலிப்பதாகும். ஆய்தம் + குறுக்கம் = ஆய்தக் குறுக்கம்.

எ.கா.: முள் + தீது = முஃடீது
மேற்கண்ட எடுத்துக்காட்டில், நிலைமொழியில் தனிக்குறிலின்கீழ் வரும் ளகரம் தகர முதன் மொழியோடு புணரும் பொழுது ஆய்தாமாக மாறியுள்ளது. அவ்வாறு மாறிய ஆய்தம் தனக்குரிய அரை மாத்திரையில் இருந்து கால் மாத்திரையாகக் குறைந்து ஒலிப்பதை காணலாம். இதுவே ஆய்தக் குறுக்கமாகும்

ல ள ஈற்று இயைபின் ஆம் ஆய்தம் அஃகும்-நன்னூல்

எழுத்துக்களின் கால அளவுகள்

noreply@blogger.com (Asokan) — Fri, 16 Apr 2010 02:56:00 +0000

குறில் எழுத்துக்களின் ஒலி அளவு ஒரு மாத்திரை அளவினதாகக் கொள்ளப்படுகின்றது. இதன் அடிப்படையில் நெடில் எழுத்துக்களின் கால அளவு இரண்டு மாத்திரைகளாகவும், மெய்யெழுத்துக்களின் கால அளவு அரை மாத்திரைகளாகவும் உள்ளன. உயிர்மெய்க் குறில்களினதும், உயிர்மெய் நெடில்களினதும் கால அளவுகளும், முறையே ஒரு மாத்திரையாகவும், இரண்டு மாத்திரைகளாகவும் உள்ளன.

எழுத்து-சார்பெழுத்துக்கள் பகுதி 4

noreply@blogger.com (Asokan) — Wed, 14 Apr 2010 08:53:00 +0000

5.உயிரெளபடை

புலவர்கள் தாம் இயற்றும் செய்யுள்களில் ஓசை குறையும்போது ,அவ்விடத்திலுள்ள எழுத்தோடு இன எழுத்தை சேர்த்து செய்யுளை நிறைவு செய்வர்.இதற்கு அளபெடை என்று பெயர்.அதாவது இருக்கும் அளவைக் காட்டிலும் மிகுந்து ஒலிக்கச் செய்வது அளபெடையாகும்.

உயிரெழுத்தைக் கொண்டு ஓசையை நிறைவு செய்தால் அதனை உயிரெளபடை எனவும் மெய்யெழுத்தைக் கொண்டு ஓசையை நிறைவு செய்தால் அதனை ஒற்றெளபடை எனவும் வழங்குவர்.

உயிரெளபடை மூன்று வகைப்படும்.அவை

1.செய்யுளிசை அளபெடை

ஏரின் உழாஅர் உழவர் புயலென்னும்

வாரி வளங்குன்றிக் கால்

இக்குறட்பாவில் உழாஅர் என்னும் சொல் அளபெடுத்து வந்துள்ளது.உழார் என்பது இயல்பான சொல்.இது செய்யுளின் இடையில் வந்து ஓரசையாகி ஓசை குறைந்து நிற்கிறது.இதனை நிறைவு செய்ய சொல்லின் இடையில் உள்ள ஆ என்னும் எழுத்து தனக்குரிய இரண்டு மாத்திரை அளவினின்று மிகுந்து ஒலிக்கிறது.இதற்கு அடையாளமாக இவ்வெழுத்தின் இனமான அ என்னும் குறிலெழுத்து குறிக்கப்ப்டுள்ளது.

இவ்வாறு செய்யுளில் ஓசையை னிறைவு செய்வதன் பொருட்டு ,சொல்லின் முதல்,இடை,கடையில் உயிர்நெடில் எழுத்துக்கள் அளபெடுத்து வருவது செய்யுளிசை அளபெடையாகும்.இதை இசை நிறை அளபெடை எனவும் வழங்குவர்.

ஓஒதல்வேண்டும்-முதலில் அளபெடுத்துள்ளது

தொழாஅர்-இடை

நடுவொரீஇ-கடை

2.இன்னிசை அளபெடை

கெடுப்பதூஉம் கெட்டார்க்குச் சார்வமாய்மற் றாங்கே

எடுப்பதூஉம் எல்லாம் மழை

இக் குறளில் 'கெடுப்பதும்', 'எடுப்பதும்' என்று இருந்தாலும் ஓசை குறைவதில்லை (தளையும் தட்டுவதில்லை) ஆயினும் இனிய ஓசை தருவதற்காக 'கெடுப்பதும்', 'எடுப்பதும்' என்பவற்றில் உள்ள 'து' என்ற உயிர்மெய்க்குறில் 'தூ' என்று நெடிலாகி 'தூஉ' என அளபெடுத்து நிற்கிறது.இவ்வாறு செய்யுளில் ஓசை குறையாதவிடத்தும் இனிய ஓசை தருவதற்காக உயிர்க் குறில் நெடிலாக மாறி அளபெடுப்பது இன்னிசை அளபெடையாகும்.

3சொல்லிசை அளபெடை

குடிதழீஇக் கோலோச்சும் மாநில மன்னன்

அடிதழீஇ நிற்கும் உலகு

இக்குறட்பாவில் தழீ என்றிருப்பினும் ஓசை குறைவதில்லை.ஆனால் தழீ என்னும் சொல் தழுவுதல் என்னும் பொருள் தரும் பெயர்ச்சொல்லாகும்.அச்சொல் தழீஇ என அளபெடுத்து தழுவி எனும் வினையெச்ச சொல்லாயிற்று.இவ்வாறு செய்யுளில் ஓசை குறையாத இடத்தும் ஒரு சொல் வினையெச்சப் பொருளாவதற்கு அளபெடுப்பது சொல்லிசை அளபெடை எனப்பெயர்.
6.ஒற்றளபெடை
ஒற்றளபெடை என்பது ஒற்றெழுத்து தனக்குரிய அரை மாத்திரையிலிருந்து நீண்டொலிப்பதாகும்.
ஒற்று + அளபெடை = ஒற்றளபெடை
செய்யுளில் ஓசை குறையுமிடத்து அதனை நிறைவு செய்ய மெய்யெழுத்துகளில் ங், ஞ், ண், ந், ம், ன், வ், ய், ல் ,ள் என்பனவும் ஆய்தமும் மொழிக்கு இடை, கடை ஆகிய இடங்களில் குறிற்கீழும் குறிலிணையின் கீழும் அளபெடுக்கும். இதுவே ஒற்றளபெடை ஆகும்.

எ.கா:

வெஃஃகு வார்க்கில்லை	குறிற்கீழ் இடை
கண்ண் கருவிளை	குறிற்கீழ் கடை
கலங்ங்கு நெஞ்ச்மிலை	குறிலிணைகீழ் இடை
மடங்ங் கலந்த மன்னே	குறிலிணைகீழ் கடை

மேற்கண்ட எடுத்துக்காட்டுகளில் ஒற்றெழுத்து அளபெடுத்துள்ளதை கானலாம்.
ஒற்றெழுத்து அளபெடுத்துள்ளதைக் காட்ட அவ்வெழுத்தினையடுத்து அதே எழுத்து எழுதப்படும்.

எழுத்து-சார்பெழுத்துக்கள் பகுதி 3

noreply@blogger.com (Asokan) — Wed, 14 Apr 2010 08:22:00 +0000

4.குற்றியலிகரம்

நிலைமொழியின் ஈற்றெழுத்து குற்றியலுகரமாகவும் வருமொழியின் முதலெழுத்து யகரமாகவும் இருந்தால், அவையிரண்டும் புணரும்போது நிலைமொழி ஈற்றிலுள்ள குற்றியலுகரம் இகரமாகத் திரியும். அவ்வாறு திரிந்த இகரம் அரை மாத்திரையளவே ஒலிக்கும். அவ்வாறு குறைந்தொலிக்கும் இகரம் குற்றியலிகரம் ஆகும்.

குறுமை + இயல் + இகரம் = குற்றியலிகரம்

(குறுகிய ஓசையுடைய இகரம்)

எ.கா:

நாடு + யாது -> நாடியாது

கொக்கு + யாது -> கொக்கியாது

மேற்கண்ட எடுத்துக்காட்டுகளில், நிலைமொழியின் ஈற்றெழுத்து குற்றியலுகரம். வருமொழியின் முதலெழுத்து யகரம். இவையிரண்டும் புணரும்போது குற்றியலுகரம் இகரமாகத் திரிந்து, அரை மாத்திரையளவாக ஒலிப்பதை காணலாம்

நன்னூலிலிருந்து

யகரம் வர குறள் உ திரி இகரம் உம்
அசைச்சொல் மியாவின் இகரம் உம் குறிய

கேண்மியா,சென்மியா

மேலே உள்ள சொற்களில் மியா என்பது அசைச்சொல்.இதில் மி என்னும் எழுத்து

தனக்குரிய மாத்திரை அளவிலேயே ஒலிக்கும்.

(கேண்மியா=கேள்+மியா=நீ கேள்,சென்மியா=செல்+மியா=நீ செல்)இங்கு மியா

என்னும் சொல் செய்யுளில் பொருளின்றி அசைச்சொல்லாக,முன்னிலை இடத்தில்

வந்துள்ளது.இங்கு மியாவில் உள்ள இகரம் குறைந்து குற்றியலிகரமாயிற்று.

எழுத்து-சார்பெழுத்து பகுதி 2

noreply@blogger.com (Asokan) — Wed, 14 Apr 2010 08:02:00 +0000

இன்று குற்றியலுகரம் பற்றி காண்போம்.

குற்றியலுகரம் என்பது ஒரு தமிழ்ச் சொல்லில் உள்ள உகரம் ஏறிய வல்லின எழுத்து (எ.கா கு, சு, டு, து) சொல்லின் கடைசி எழுத்தாக வரும் பொழுது, மற்ற குறில் உயிர்மெய் எழுத்துக்கள் (எ.கா: ற, கி, பெ, ) போல் ஒரு மாத்திரை அல்லாமல் அரை மாத்திரை அளவேயாகக் குறைந்து ஒலிக்கும் வரையறை கொண்டது.

இதனையே வேறு விதமாகச் சொல்வதென்றால், தனி நெடிலுடனோ, பல எழுத்துகளைத் தொடர்ந்தோ சொல்லுக்கு இறுதியில் வல்லின மெய்யோடு சேர்ந்து வரும் உகரம், தனக்குரிய ஒரு மாத்திரையிலிருந்து குறைந்து அரை மாத்திரையளவே ஒலிக்கும். குற்றியலுகரம் என்பது அவ்வாறு குறைந்தொலிக்கும் உகரமாகும்.

குற்றியலுகரம் = குறுமை + இயல் + உகரம்

(குறுகிய ஓசையுடைய உகரம்)

எ.கா:

நாடு என்னும் தமிழ்ச் சொல்லில், கடைசியில் வரும் டு என்னும் எழுத்து (உகரம் ஏறிய ட் என்னும் வல்லின எழுத்து), தன் இயல்பான ஒரு மாத்திரை அளவு நீட்டிக்காமல், அரை மாத்திரை அளவே ஒலிக்கும். இதில் தனி நெடிலுடன், வல்லின மெய்யோடு (ட்) சேர்ந்த உகரம் (டு)வந்துள்ளதைப் பார்க்கலாம். இவ்வுகரம் அரை மாத்திரையளவே ஒலிப்பதை காணலாம்.

பந்து என்னும் சொல்லில் கடைசியாக உள்ள து என்னும் எழுத்து அரை மாத்திரை அளவே ஒலிக்கும். இதில் பல் எழுத்துகளைத் தொடர்ந்து இறுதியில் வல்லின மெய்யோடு (த்) சேர்ந்த உகரம் (து)வந்துள்ளது. இவ்வுகரம் அரை மாத்திரையளவே ஒலிப்பதை காணலாம்.

இதே போல பருப்பு, சிறப்பு, நேற்று, வேட்டு, பேச்சு, கொடுக்கு, மத்து போன்றசொற்களில் கடைசியில் வரும் உகரம் ஏறிய வல்லின மெய்கள் குற்றியலுகரம் ஆகும்.

மேற்கண்ட எடுத்துக்காட்டுகளில், குறைந்து ஒலிக்கும் உகரமே குற்றியலுகரம்.

குற்றியலுகரம் ஆறு வகைப்படும். அவை

1.நெடிற்றொடர்க் குற்றியலுகரம்

உதாரணம்:-

பாகு, வீசு, காடு, காது, கோபு, ஆறு

மேற்கண்ட இரண்டெழுத்துச் சொற்களில் நெட்டெழுத்தைத் தொடர்ந்து வந்த வல்லின மெய்யின் மீது ஏறி நிற்கும் உகரம் தனக்குறிய ஒரு மாத்திரையிலிருந்து அரை மாத்திரை குறைந்து ஒலிக்கிறது. இதற்கு "நெடிற்றொடர்க் குற்றியலுகரம்" என்று பெயர்.

2.ஆய்தத் தொடர்க் குற்றியலுகரம்

எஃகு,கஃசு,அஃது

இச்சொற்களில் வல்லின மெய்களை ஊர்ந்து வந்த உகரம் ஆய்த எழுத்தைத் தொடர்ந்து ஈற்றில் குறைந்து ஒலிப்பதால் குற்றியலுகரமாயிற்று.இவ்வாறு ஆய்த எழுத்தைத் தொடர்ந்து வருவது ஆய்தத் தொடர்க் குற்றியலுகரமாகும்.

3.உயிர்த்தொடர்க் குற்றியலுகரம்

அழகு,அரசு பண்பாடு,உனது,உருபு,பாலாறு

இச்சொற்களில் வல்லின மெய்களை ஊர்ந்து வந்த உகரம்(கு,சு,டு,து,பு,று) உயிரெழுத்தைத் தொடர்ந்து (ழ்+அ=ழ, ர்+அ=ர, ப்+ஆ=பா, ன்+அ=ன, ர்+உ=ரு. ல்+ஆ=லா) ஈற்றில் குறைந்து ஒலிப்பதினால் குற்றியலுகரமாயிற்று.இவ்வறு உயிரெழுத்தைத் தொடர்ந்து வருவது உயிர்த்தொடர்க் குற்றியலுகரமாகும்.

4.வன்றொடர்க் குற்றியலுகரம்

நாக்கு,கச்சு,பாட்டு,பத்து,உப்பு,பற்று

இச்சொற்களில் வல்லின மெய்களை ஊர்ந்து வந்த உகரம்(கு,சு,டு,து,பு,று) வல்லின மெய்யெழுத்துக்களைத் தொடர்ந்து (க்.ச்,ட்,த்,ப்,ற்) ஈற்றில் குறைந்து ஒலிப்பதினால் குற்றியலுகரமாயிற்று.இவ்வாறு வல்லின மெய்யெழுத்துக்களைத் தொடர்ந்து வருவது வன்றொடர்க் குற்றியலுகரமாகும்.

5.மென்றொடர்க் குற்றியலுகரம்

தெங்கு,மஞ்சு,வண்டு,பந்து,கம்பு,கன்று

இச்சொற்களில் வல்லின மெய்களை ஊர்ந்து வந்த உகரம்(கு,சு,டு,து,பு,று) மெல்லின மெய்யெழுத்துக்களைத் தொடர்ந்து (ங்,ஞ்,ண்,ந்,ம்,ன்) ஈற்றில் குறைந்து ஒலிப்பதினால் குற்றியலுகரமாயிற்று.இவ்வாறு மெல்லின மெய்யெழுத்துக்களைத் தொடர்ந்து வருவது மென்றொடர்க் குற்றியலுகரமாகும்.

6.இடைத்தொடர்க் குற்றியலுகரம்

செய்து,சார்பு,சால்பு,மூழ்கு

இச்சொற்களில் வல்லின மெய்களை ஊர்ந்து வந்த உகரம்(கு,சு,டு,து,பு,று) இடையின மெய்யெழுத்துக்களைத் தொடர்ந்து (ய்,ர்,ல்,வ்,ழ்,ள்) ஈற்றில் அமைந்து குறைந்து ஒலிப்பதினால் குற்றியலுகரமாயிற்று.இவ்வாறு இடையின மெய்யெழுத்துக்களைத் தொடர்ந்து வருவது இடைத்தொடர்க் குற்றியலுகரமாகும்.

பொதுவான விதி நன்னூலிலிருந்து,

புத்தாண்டு நல்வாழ்த்துக்கள்

noreply@blogger.com (Asokan) — Wed, 14 Apr 2010 06:52:00 +0000