Manoranjan

आता शिल्पाकडे 'गूड न्यूज'

2011-12-15T12:15:00.000-08:00

मिस वर्ल्ड ऐश्वर्या राय-बच्चन हीने यावर्षी कन्यारत्नाला जन्म दिल्यानंतर, पुढल्या वर्षी २०१२ मध्ये बॉलिवूड सेन्सेशन शिल्पा शेट्टीकडे पाळणा हलणार आहे. उद्योगपती राज कुंद्रा यांच्याशी विवाह केलेली शिल्पा सध्या गरोदर असून येत्या मे महिन्यात ती बाळाला जन्म देईल. शिल्पाच्या या बातमीमुळे सध्या कुंद्रा कुटुंबामध्ये आनंदाचे वातावरण आहे. प्रत्येकजण शिल्पाची काळजी घेत असून, स्वतः राज कुंद्रा जास्तीत जास्त वेळ शिल्पासोबत राहण्याचा प्रयत्न करत आहेत. खरंतर याआधीही एकदा शिल्पा गरोदर होती. पण काही कारणामुळे तिचा गर्भपात झाला होता. त्यामुळे यावेळी शिल्पा आणि कुंद्रा कुटुंबीय विशेष काळजी घेत आहेत. तिला अधिकाधिक आराम मिळावा आणि तिचे डोहाळे पुरवण्यासाठी जय्यत तयारी करण्यात आली आहे. ती स्वतः नियमित योगाभ्यास करणार आणि फिटनेसची काळजी घेणारी आहे. त्यामुळे गरोदरपणाच्या या काळातही ती आवश्यक तो व्यायाम नियमित करत आहे. तसेच या नाजूक काळात फार बाहेर न फिरण्याचीही ती काळजी घेते आहे. शिल्पा-राज कुंद्रा यांची आधीपासून मैत्री होती. अनेक दिवस एकमेकांच्या प्रेमात घालवल्यानंतर २२ नोव्हेंबर २००९ रोजी ते विवाहबद्ध झाले होते. त्यांच्या या प्रेमाला आता एक अंकुर फुलणार असून, प्रेक्षक पुन्हा एकदा 'मामा' बनणार आहेत.

आमीरच्या मुलाचे नाव 'आझाद'

2011-12-15T12:14:00.001-08:00

सिने अभिनेता आमीर खान आणि दिग्दर्शिका किरण राव या बॉलिवूडमधील सेलिब्रिटी दाम्पत्याने गेल्या १ डिसेंबरला जन्माला आलेल्या आपल्या पुत्राचे आझाद राव खान असे नामकरण केले आहे. आमीरने आपल्या फेसबुक पेजवर मुलाच्या नावाची घोषणा केली.
हाय मित्रांनो, मला कळवण्यास अत्यंत आनंद होत आहे की, अखेर आम्ही आमच्या लहानग्या बाळाचे नाव ठरवले आहे... आझाद ! आझाद राव खान. मी किरणला नाव ठेवण्याची संधी दिली आणि तिने माझे पणजोबा, ज्येष्ठ स्वातंत्र्यसैनिक मौलाना आझाद यांच्या नावावरून त्याचे आझाद असे नाव ठेवले. आझाद म्हणजे स्वतंत्र किंवा मुक्त. आम्हाला शुभेच्छा आणि आशीर्वाद देणा-या सर्वांचे आभार... आणि हे सांगण्याची गरजच नाही की आम्ही किती आनंदी आहोत ते.. खूप खूप स्नेह... अशा शब्दांत आमीरने फेसबुकवरून बाळाच्या नावाची घोषणा केली.

अष्टपैलू आशाताई !!!

2011-12-14T04:16:00.000-08:00

पार्श्वगायनाच्या या सुवर्णमयी वाटचालीत आशाताईंच्या प्रतिभेनेच त्यांच्यासमोरचे अडथळे दूर केले. कठीण परिस्थिती हळूहळू बदलत गेली आणि ती त्यांच्या अनुकूल होत गेली. या त्यांच्या अवस्थेशी संबंधित गाणीही आहेत. ही गाणी आजही तितकीच टवटवीत आहेत. त्यांची भावावस्था सांगणारी आहेत. आशा भोसलेंनी १९४७ मध्ये पार्श्वगायन हे व्यवसाय म्हणून स्वीकारले, त्यावेळी लता मंगेशकरांनी आपले पाय या क्षेत्रात घट्ट रोवले होते. त्यामुळेच आशाताईंना पाय रोवणे सोपे नव्हते. म्हणूनच आपले स्वरपंख विस्तारण्यापूर्वीच आशाताईंनी ठरवले होते, की दिदीची नक्कल करायची नाही. मग त्यांनी स्वतंत्र शैलीत गायन सुरू केले. हा सारा काळ संघर्षाचा होता. सुरवातीला त्यांना एक्स्ट्रा कलाकार, नर्तकी, सहनायिका यांना आपला आवाज द्यावा लागला. पण त्यातही त्यांनी वेगळेपण जपले. हळूहळू हा आवाज संगीताच्या क्षेत्रात स्थिरावला आणि नंतर तर त्याने रा्ज्य केले. हेलन यांना दिलेला आशास्वर नंतर वहिदा रहमान, नूतन, मीनाकुमारी या बड्या नायिकांचा आवाज बनला.
आशाताईंचा स्वर कॅबरे आणि मुजरे करणार्‍यांच्या तोंडातून काढून नायिकांच्या ओठी सजविण्याचे श्रेय जाते ठेक्यांचे बादशाह ओ. पी. नय्यर यांना. त्यांनीच आशाताईंमधील 'आशा' जागवली. शमशाद बेगम, गीता दत्त यांच्यानंतर 'आशा' हे त्यांचे नवे फाईंड होते. त्यांनी हा स्वर असा बहरवला की हा स्वर दंतकथा बनला आहे. मदनमोहन यांचे संगीत जसे लतामय आहे, तसेच ओपींचे संगीत आशामय आहे.
बर्मन पिता-पुत्रांचेही आशाताईंच्या गुणांना पैलू पाडण्यात मोठे योगदान आहे. 'पेईंग गेस्ट' नंतर एस.डी. बर्मन यांचे लतादिदींशी वाजले. त्यानंतर मग त्यांनी आशाला निवडले. बर्मनदादांकडे आशाताईंनी अवीट गोडीची गाणी गायली. त्याचवेळी बड्या नायिकांनाही त्यांचा स्वर मिळाला. शैलेंद्रची अर्थपूर्ण गीतेही आशाताईंनी अतिशय उत्कटतेने लोकांपर्यंत पोहोचवली. 'तिसरी मंझील'नंतर आशा व आर. डी. बर्मन ही जोडी जमली. या जोडीने तर धमाल केली.
महान संगीतकार शंकर-जयकिशन या जोडीतील शंकर यांच्याशीही लतादिदींचा वाद झाला. मग शंकर यांचे संगीत दिग्दर्शन असलेल्या चित्रपटात गाणे दिदींनी बंद केले. म्हणूनच 'मेरा नाम जोकर' मध्ये लताचे एकही गाणे नाही. त्याचवेळी शंकर यांनी आशा यांचा आवाजाचा अतिशय योग्य वापर केला. सी. रामचंद्र (अण्णा) व लता यांची जोडी तुटल्यानंतर अण्णा संगीत क्षेत्रात फार काळ टिकू शकले नाहीत. पण 'आशा' व 'नवरंग' या चित्रपटात त्यांनी आशाताईंच्या आवाजाचा उपयोग केला. तो अतिशय प्रभावी ठरला.
त्याचवेळी रॉयल्टीच्या मुद्यावरून लता व रफी यांच्यातही काही मतभेद झाले. मग दोघांनी एकमेकांबरोबर गाणे बंद केले. सर्वच संगीतकार वैतागले. कारण लता-रफी हे युगल स्वर अजरामर समीकरण होतं. मग सगळ्या संगीतकारांनी रफी आणि आशा हे नवे समीकरण तयार केले. आशाताईंनी या संधीचा पुरेपूर फायदा उठवला. आशाताईंच्या जीवनातील हा टर्निंग पॉईंट ठरला. विशेष म्हणजे रफीबरोबर सर्वाधिक गाणी आशाताईंनी गायली आहेत.
बड्या बॅनर्सपैकी बी. आर. फिल्म्सने आशाला संगीताच्या शिखरावर पोहोचविण्यासाठी महत्त्वाची मदत केली. 'धूल का फूल' यामधून आशाची स्वरयात्रा प्रारंभ झाली. मग 'गुमराह', 'साधना', 'धर्मपुत्र', 'हमराज' व 'वक्त' या गाजलेल्या चित्रपटात आशाताईंचा स्वर आहे. बी. आर. चोपडांमुळे आशाताईंनी साहिर लुधियानवींसारख्या सिद्धहस्त कवींच्या रचना गाण्यास मिळाल्या. एन. दत्ता व रवी या संगीतकारांची गाणीही आशाताईंनी अजरामर केली.

"दम मारो दम' अंधारमय चित्रपट नसून रोमांचक आहे - बिपाशा

2011-12-14T04:07:00.000-08:00

"दम मारो दम' हा चित्रपट देशातील अंमली पदार्थांचे जाळे व त्या विश्‍वातील संकटांवर आधारित असून अतिशय फॅशनेबल व रोमांचक चित्रपट आहे, असे अभिनेत्री बिपाशा बसूने म्हटले आहे.
बिपाशा म्हणाली, "दम मारो दम' हा चित्रपट देशातील अंमली पदार्थांचे जाळे व त्या विश्‍वातील संकटांवर आधारित असून अतिशय फॅशनेबल व रोमांचक चित्रपट आहे. "ड्रग्जवर आधारित असलेल्या या चित्रपटात अनेक सत्य घटनांचा वापर करण्यात आला आहे. परंतु, "दम मारो दम' हा अंधारमय चित्रपट नसून खूपच रोमांचक चित्रपट आहे. चित्रपटाचा विषय खूपच चांगल्या पद्धतीने मांडण्यात आला आहे.
चित्रपटाचे चित्रीकरण गोव्यात झाले असून, बिपाशा बसू, राणा दग्गुबती, प्रतीक बब्बर व अभिषेक बच्चन यांच्या चित्रपटात भूमिका आहेत.

'आयफा' पुरस्कारांसाठी अभिनेत्यांमध्ये चढाओढ!

2011-12-14T04:01:00.000-08:00

यंदाच्या 'इंटरनॅशनल इंडियन फिल्म फेस्टिव्हल पुरस्कार' (आयफा)मध्ये सर्वोत्कृष्ट अभिनेत्याच्या पुरस्कारासाठी चांगलीच चढाओढ लागली असून, सर्वोत्कृष्ट अभिनेत्याच्या श्रेणीमध्ये हृतिक रोशन (गुजारीश), सलमान (दबंग), अजय देवगण (वन्स अपॉन अ टाइम इन मुंबई) आणि शाहरुख खान (माय नेम इज खान) यांच्या नावाचा समावेश आहे. चित्रपटसृष्टीतील या दिग्गज अभिनेत्यांमध्ये रणबीर कपूर (राजनीती) या एकमेव युवा अभिनेत्याला नामांकन प्राप्त झाले आहे.
हा आयफा पुरस्कार सोहळा २३ ते २५ जूनदरम्यान टोरँटोमध्ये आयोजित करण्यात येणार आहे. सर्वश्रेक्त अभिनेत्रीचा पुरस्कार मिळविणार्‍या प्रमुख दावेदारांच्या यादीमध्ये ऐश्वर्या रॉय बच्चन (गुजारीश), करिना कपूर (गोलमाल-३), विद्या बालन (इश्किया), कॅटरिना कैफ (राजनीती) आणि अनुष्का शर्मा (बँड बाजा बारात) यांना नामांकित केले आहे.
सर्वश्रेक्त दिग्दर्शकाच्या यादीमध्ये संजय लीला भंसाली आणि करण जोहरसह मनीष शर्मा (बँड बाजा बारात), विक्रमादित्य मोटवानी (उडान), अभिनव कश्यप (दबंग) आणि मिलन लुथरिया (वन्स अपॉन अ टाइम इन मुंबई) यांच्या नावांचा समावेश आहे.

मुन्नी परत बदनाम होणार !

2011-12-14T03:49:00.000-08:00

तुम्ही हे कबूल करा किंवा नका पण ‘दबंग’च्या सफलतेत मुन्नीचा पण योगदान आहे. या गाण्यात मलायकाने फारच मादक नृत्य केल्यामुळे लोकांनी मुन्नीसाठी हे चित्रपट दोन-तीन वेळा बघितला.
आता ‘दबंग 2’ची जबाबदारी अरबाज खानच्या हातात आहे. सूत्रांनी दिलेल्या वृत्तानुसार चुलबुल पांडेसोबत मुन्नी परत एकदा दबंगच्या सीक्वलमध्ये दिसणार आहे. मुन्नी बदनाम हुई... सारखेच एक गीत दबंगच्या सीक्वलमध्ये ठेवले जातील. चित्रपट आता गावात नव्हे तर शहरात चित्रवण्यात येईल, म्हणून मुन्नीचे रूप थोडे वेगळे दिसेल, पण तिचे लटके-झटके तसेच राहतील.
अरबाजला ‘दबंग 2’ची सुरवात मुन्नीवर चित्रवण्यात जाणाऱ्या गीतापासून सुरू करायचे आहे. असे ऐकण्यात आले की त्याने बऱ्याच संगीतकारांना गाण्याची धून तयार करण्यास सांगितले आहे. सर्वांनाच अरबाज मियाँ ऐकतील आणि त्याला जे आवडेल तेच तो आपल्या बायकोवर अर्थात चित्रपटाची निर्माती म्हणजे मलायकावर चित्रवणार आहे. म्हणजे परत एकवेळा मुन्नी बदनाम होईल.

कतरीना आऊट, अनुष्का इन!

2011-12-14T03:44:00.000-08:00

अयान मुखर्जी आपल्या येणाऱ्या चित्रपटात रणवीर कपूरबरोबर कतरीनाला घेण्यास इच्छुक आहे. कतरीनाला कथाही पसंत पडली आणि तिने चित्रपटासाठी आपली हमी ही होकारही दिला होता पण आता कतरीनाने आपला विचार बदलला असून ती रणवीर सोबत काम करण्यास इच्छुक नाही आहे. म्हणून आता चर्चा अशी आहे की तिच्या जागेवर अनुष्काला घेण्यात आले आहे.

सूत्रांनी दिलेल्या वृत्तानुसार कतरीना आता तिच्या आणि रणवीरच्या संबंधांबद्दल लोकांना बोलायची संधी देत नसून तिने रणवीर सोबत काम करण्यास नकार दिला आहे.

कतरीनाच्या या निर्णयावर अयान आश्चर्यचकित झाले. ऐन मोक्यावर त्याच्यासाठी नवीन अभिनेत्रीचा शोध लावणे फारच अवघड होते, बऱ्याच नावांचा विचार करून त्याने अनुष्का शर्मा घेण्याचा निर्णय घेतला. सद्या अनुष्का आपल्या डेटस एडजस्ट करण्यात लागली आहे कारण तिच्या नवीन चित्रपटाची शूटिंग सुरू होणार आहे पण तिला रणवीर कपूरबरोबर काम करण्याची संधीही मुकायची नाही आहे. अनुष्काकडून होकार मिळाल्यानंतरच तिच्या नावाची घोषणा करण्यात येईल.