Sporti Shqiptar - Sporti Sot - Lajmet E Fundit Nga Sporti...

Kush gabon shkarkohet

2016-01-09T11:45:00.002+01:00

Roma dhe Milan do ta luajnë derbin e javës në Serie A, ndeshje që mund t’i kushtojë me shkarkim ndonjërit nga trajnerët e të dyja skuadrave.

Rudi Garcia i Romës dhe Sinisa Mihajlovic i Milanit janë para një detyre shumë të rëndësishme në përballje me njëri tjetrin.

Trajneri serb i Milanit, Sinisa Mihajlovic e ka pranuar se ai ose Garcia mund të shkarkohen.

“Është e vështirë për të dyja skuadra dhe për të dy trajnerët. Unë e njoh ambientin roman dhe faktikisht mendoj se Roma rrezikon më shumë”.

“Atyre i duhet me çdo kusht fitorja për të dalë nga një moment i vështirë. Edhe ne luajmë për shumë gjëra në këtë ndeshje”.

“Unë dhe Garcia jemi dy pistolerë që vihen përballë njëri-tjetrit. Është një duel, ai që gabon shkarkohet”, përfundoi trajneri i Milanit. /Telegrafi/

Manaj me një ofertë të re

2016-01-09T11:44:00.002+01:00

Sulmuesi i talentuar shqiptar, Rey Manaj mund të largohet nga Interi gjatë këtij afati kalimtar.

Talenti nga Lushnja nuk ka pasur minutazhë të mjaftueshme tek ‘Neroazzurrët’, dhe pritet të huazohet për të fituar përvojë.

Sias asaj që ka raportuar ‘Sky Sport’, së fundmi në garë për 18-vjeçarin është futur skuadra italiane Bologna.

Mbetet të shihet nëse Interi do të lejoi huazimin e tij te Bologna apo tek ndodnjë skuadër tjetër.

Kujtojmë që për shërbimet e tij interesim ka shfaqur edhe Frosinone dhe Panathinaikos. /Telegrafi/

UEFA parashikon shkëlqimin e Shaqirit në 'Euro 2016'

2016-01-09T11:36:00.002+01:00

Mesfushori kosovar Xherdan Shaqiri shihet si njëri prej yjeve të mundshëm që do të paraqiten gjatë këtij viti në "Euro 2016". Kështu shkruan të premten uebfaqja zyrtare e UEFA-s.

UEFA e vlerëson Shaqirin si një mesfushor të frikshëm për kundërshtarët dhe parashikon rritje të formës së tij në Premier League, ku aktivizohet me Stoke Cityn, transmeton Koha Ditore.

Ai vlerësohet si ylli kryesor i Përfaqësueses së Zvicrës, e cila në "Euro 2016" në kuadër të Grupit A, do të ketë punë me Shqipërinë, Rumaninë dhe Francën.

Shaqiri 24-vjeçar, para fillimit të këtij edicioni u transferua te Stoke City, kurse më herët karrierë ka bërë edhe tek Interi, Bayern Muencheni e Baseli.

Prandelli: Vendi i Buffonit, i sigurt

2013-11-09T15:37:00.000+01:00

Trajneri i Italisë, Cesare Prandelli, ka qartësuar se pa marrë parasysh se çfarë ndodh, Gianluigi Buffon do të jetë portieri i parë i Italisë.

Pozita e Buffonit në kombëtare u vë në dyshim pas disa paraqitjeve jo bindëse të tij në muajt e parë në Serie A, por Prandelli është shumë i sigurt.

“Unë kurrë nuk do të dyshoja te Buffoni. Ai do të jetë portieri jonë i parë për Botëror. Pikë”.

“Unë jam i bindur se personaliteti i tij, karizma e tij dhe dëshira e tij që të konsiderohet më i miri në botë do të jenë armë shumë efektive”.

“Ai e di se me një gabim shumë lehtë gjendet në mes të uraganit”, ka thënë Prandelli. /Telegrafi/

Mourinho i frustruar me Hazardin

2013-11-09T15:36:00.000+01:00

Bosi i Chelseat, Jose Mourinho, ka pranuar se ai është plotësisht i pakënaqur me Hazardin dhe udhëtimin e tij të dielën e kaluar në Lille.

Hazard shkoi në Lille për t’i vizituar miqt dhe familjarët e tij, por Mourinho nuk i kishte dhënë leje për këtë dhe tani portugezi është tejet nervoz në anësorin.

“Kur keni dy ditë më vonë një ndeshje ju nuk largoheni nga shtëpia dhe nuk e ndërpreni pushimin derisa është ndonjë arsye e veçantë familjare”.

“Të shkosh t’i vizitosh miqt në një ndeshje nuk është arsye që të largohesh. Ai nuk më tregoi. Unë e kam mësuar këtë kur e pashë vet në televizor, kur filloi ajo ndeshje dhe ai bëri me duar në kamerë”.

“Ai shkoi në një vend tjetër që nuk është dashur ta bëj dhe më pas e humbi edhe pasaportën që do të thotë se nuk u kthye në kohë për stërvitje. Kjo ishte e papranueshme për mua”.

“Ai kërkoi falje dhe unë u pajtova me atë. Nuk kam dashur ta dënoj e as ndonjë gjë tjetër. Thjesht nuk më pëlqeu sepse kemi ndeshje të ngjeshura dhe duhet t’i fitojmë të gjitha”, ka thënë Mourinho. /Telegrafi/

Valmiri, ky Ibra i ri (Video)

2013-11-09T15:32:00.003+01:00

Suedia U/17 e ka fituar vendin e tretë në kampionatin botëror dhe më meritori për këtë ishte askush tjetër pos Valmir Berishës.

Supertalenti shqiptar që mbron ngjyrat e Suedisë ka shfaqur paraqitje inspiruese në disa ndeshje gjatë këtij kampionati.

Berisha shënoi shtatë gola në këtë kampionat, por shkëlqeu në ndeshjen për vendin e tretë ndaj Argjentinës, të cilës ia dha tri copa.

Ai u shpall golashënuesi më i mirë i këtij kampionati duke rrëmbyer këpucën e artë.

Hettriku i tij ua ka kujtuar njerëzve Zlatan Ibrahimovicin, dhe Valmiri tashmë në Suedi shihet si zëvëndësues i tij.

Në ndeshjen për vendin e tretë që Suedia e fitoi me rezultat 4-1 u paraqit edhe talenti tjetër i ri shqiptar, Gentrit Çitaku.

Benitez: Pres fitore ndaj Juves

2013-11-09T15:31:00.001+01:00

Menaxheri i Napolit, Rafa Benitez, thotë se ka shumë respekt për Juventusin, por se pret paraqitje shumë të fortë nga djemt e tij.

Ekipet do të përballen me njëra-tjetrën të dielën mbrëma dhe Benitez pret tri pikë nga ajo përballje.

“Nuk është e lehtë të luash çdo tri ditë, pasi që nuk kemi pasur shumë kohë për të punuar në stërvitje”.

“Unë pres paraqitje të fortë, pasi që dua që të shoh mendjet dhe zemrat e lojtarëve të mi. Juventusi është shumë i fortë, që është arsyeja pse na duhet qëndrueshmëri dhe intensitet në lojë. Ne do të tentojmë t’i ndalim dhe t’i mposhtim”.

“Ata kanë shumë fuqi dhe Antonio Conte e di se ata janë favoritë për Scudetto. Duke marrë parasysh këtë, duhet të luajmë të relaksuar me besim në cilësitë tona”, u shpreh Benitez. /Telegrafi/

Upss, kujdes ku e fut dorën! (Video)

2013-11-09T15:28:00.000+01:00

Kamerat shpesh herë xhirojnë skena kurioze në shkallët e stadiumit, por në Meksikë ka ndodhur më shumë se kaq, transmeton Asport.com. I mërzitur nga ndeshja mes Monarcas dhe Atlas, një tifoz e ka parë të arsyeshme që ta prek gjoksin e të dashurës së tij. E gjithë kjo u transmetua direkt në TV. /Fish Media/

Moyes: Nuk pata nevojë për Ozilin

2013-11-09T15:26:00.001+01:00

Menaxheri i Manchester United, David Moyes, nuk ka tentuar të transferojë Mesut Ozilin, pasi siç thotë ai nuk ka pasur nevojë për të. Gjermani është besuar se ka pasur kontakte me Unitedin para se Arsenali ta transferonte atë në mënyrë sensacionale, por Moyes mohon të jetë mposhtur nga Topçinjtë ashtu sikurse nga gjysma e Evropës në gjahun për një top mesfushor. “Ne nuk kemi qenë as pranë blerjes së tij, por diçka ka pasur në të kaluarën”. “Ne nuk kemi nevojë për një lojtar të tillë. Unë nuk kam thënë se ka qenë interesim, thjesht ka qenë një ide”. “Ne kemi Rooneyn dhe kemi lojtarë tjerë që luajnë në të pozitë kështu që nuk është një lojtar që na duht. Ne kemi kërkuar lojtarë në pozicione tjera”, ka deklaruar Moyes.

Messi, i shkëlqyeshëm edhe në vizatim (Video)

2013-11-09T15:24:00.004+01:00

Lionel Messi është padyshim futbollisti më i mirë në botë. Lëvizjet e tij magjike janë kënaqësi për secilin tifoz që e pëlqen futbollin. Mirëpo, që ylli argjentinas të shkëlqente edhe në një vizatim, këtë nuk e dinim. Por, një vizatim fantastik i postuar në Youtube tregon shumëçka rreth aftësive të Messit, jo vetëm në fushën e blertë. Ndiqeni këtë art. /Fish Media/

Tevez tregon shkathtësinë mahnitëse (Video)

2013-11-09T15:23:00.001+01:00

Carlos Tevez e ka fituar një tjetër ‘çmim’ në mesin e shumë mirënjohjeve që ka marrë deri më tani gjatë karrierës së tij të suksesshme si futbollist. Sulmuesi i Juventusit ka triumfuar në garën e ‘Skills Series’ nga Bwin, duke mposhtur bashkëlojtarët, Fernando Llorente, Andrea Barzagli dhe Fabio Quagliarella, në një shteg me pengesa. Yjet e Juventusit shfaqën aftësitë e tyre teknike në kontrollimin e topit, driblime dhe goditje të sakta, ku Tevez doli në krye. Ylli argjentinas iu bashkua Juventusit gjatë afatit kalimtar të verës nga Manchester City edhe ka shkëlqyer me paraqitjet e deritashme në Serie A duke u shndërruar në titullar të padiskutueshëm në sulmin e skuadrës së trajnerit Antonio Conte. Kjo video mund t’ua tregoj arsyen. /Fish Media/

Xavi: Stili i Barcës, i paprekshëm

2013-11-08T20:26:00.000+01:00

Mesfushori i Barcelonës, Xavi, ka thënë se filozofia e futbollit të klubit është e paprekshme, përkundër faktit se Gerardo Martino po ndikon në mënyrën e lojës së tyre.

Kampioni i La Ligas nuk di për humbje në La Liga që prej se Gerardo Martino e zëvëndësoi Tito Vilanovan, por këtë Martino e ka bërë me një ndikim të tij që për shumë ka prishur futbollin e bukur për sy të Barcelonës.

Sidoqoftë, me këto pohime nuk pajtohet Xavi.

“Filozofia e ekipit është e paprekshme dhe e panegociueshme. Nuk ka debate të brendshme për këtë. Ne e dimë se sip o luajmë dhe kemi ide të qarta”.

“Ne kemi filozofi të qartë: të luajmë futboll atraktiv, të luajmë shumë mirë në sulm dhe t’i arrijmë synimet. Ne kurrë nuk kemi menduar për ndryshim stili”, ka thënë Xavi. /Telegrafi/

Mourinho: Kritikat forcojnë lojtarët

2013-11-08T19:54:00.003+01:00

Trajneri i Chelseat, Jose Mourinho, thotë se ai nuk dëshiron t’i frikësojë lojtarët kur i kritikon, por thotë se ai ka pasur të drejtë t’i kritikojë pas ndeshjes ndaj Newcastle.

Mourinho reagoi shumë ashpër ndaj ekipit pas disfatës në St. James park dhe thotë se këto reagime i bëjnë lojtarët më të fuqishëm.

“Humbja nga Evertoni ishte pasojë e asaj që futbolli mund të jetë. Humbja ndaj Baselit ishte po ashtu e çuditshme”.

“Ndaj Newcastle kisha ndjesinë se nuk kemi qenë të mirë nga minuta e parë. Kështu që për lojtarët që kanë punuar për herë të parë me mua ndoshta kam qenë tejet nervoz”.

“Unë nuk dua të jem i frikshëm, unë thjesht dua që të kem ndikim në mentalitetin e tyre, t’i bëj më të fortë dhe më profesional. Kështu, synimet e mia nuk janë t’i frikësoj, por t’i bëj më të fortë”, ka thënë Mourinho. /Telegrafi/

Nuk ka ultimatum për Allegrin

2013-11-08T19:54:00.000+01:00

Bosi i Milanit, Massimiliano Allegri, nuk do të rrezikojë punën e tij në ndeshjen ndaj Chievos të dielën, gjithnjë sipas zëvëndëspresidentit të klubit, Adriano Gallianit.

“Ndeshja ndaj Chievos është e rëndësishme pasi që jemi prapa në renditje, por nuk është ndeshja o jetë o vdekje për Allegrin”.

“Qëllimi i klubit është që të përfundojë sezonin me Allegrin në stol edhe pse secili trajner duhet që të dijë të menaxhojë ligjin e rezultateve”.

“Sidoqoftë, nuk ka ultimatum për Allegrin. Nëse pësojmë me rezultat 22-0 atëherë do të mendoja për shkarkim, por nuk më pëlqen të flas për të ardhmen”.

“E përsëris, ndeshja në Verona është me rëndësi për shkak ta tabelës, por nuk do të jetë ndeshja e fundit në histori të futbollit”, ka deklaruar Galliani.

Galliani nuk ka dashur të përgjigjet për akuzat e Barbara Berlusconit që ka kritikuar mënyrën e menaxhimit të klubit. /Telegrafi/

Xherdan Shaqiri, mashkulli i vitit 2013

2013-11-08T19:51:00.002+01:00

Magazina e njohur e showbizit “GQ” e ka vlerësuar futbollistin kosovar Xherdan Shaqiri si mashkullin e vitit 2013. Këtë çmim “GQ” iu ka ndarë dy futbollistëve, Xherdan Shaqirit dhe Claudio Pizarros. Shaqiri është shprehur shumë i lumtur me këtë çmim. “Nuk e kam pritur këtë çmim. Për mua është një befasi e mirë për të cilën i jam falënderues të gjithëve”, ka thënë Shaqiri.

‘Fenomenin’ e quan Cristiano Ronaldo (Video)

2013-11-08T19:50:00.003+01:00

Një gafë qesharake është regjistruar tek Ministrja e Sportit të Francës, Valerie Fourneyron. Ministrja franceze ishte e pranishme në një prezantim për Kupën e Botës në Ambasadën franceze ne Brazil. Në prezantimin e bërë, znj. Fourneyron e quajti fenomenin me emrin Cristiano Ronaldo. Pas këstij momenti ajo o korrigjua për gabimin e bërë duke filluar të qeshë.

Real Madridi, klubi më i popullarizuar në Spanjë

2013-11-08T19:49:00.003+01:00

Real Madridi është klubi me më së shumti fansa në Spanjë, ka bërë të ditur një studim i bërë nga Association of Research for Media Companies (AIMC). Pra, gjiganti madrilen ka më së shumti fansa në Spanjë, kurse Barcelona shet më së shumti fanella. Sipas AIMC, futbolli vazhdon të jetë sporti më popullor në këtë vend, kurse Real Madridi u zgjodh ekipi më i mbështetur nga 23.8% e njerëzve. Në pozitën e parë gjendet Barcelona me 18.2%, kurse Atlético de Madrid me 3.7%. Në pozitën e katërt gjendet Valencia (3.1%) dhe Athletic de Bilbao i pesti (2.7%). /Fish Media/

Mascherano: Barca kritikohet padrejtësisht

2013-11-08T15:26:00.004+01:00

Mbrojtësi i Barcelonës, Javier Mascherano, mendon se klubi katalanas po kritikohet pa të tregojnë këtë sezon.

“Ne jemi në krye të La Liga, ne kemi kaluar në 16-shen e Ligës së Kampionëve, ne kemi fituar Superkupën e Spanjës. Ne po bëjmë disa gjëra si duhet...”.

“Njerëzit duhet të zgjohen. Ne nuk po bëjmë gjithçka gabim, edhe pse jemi të vetëdijshëm se në disa sfera duhet të përmirësohemi”.

“Stili i kësaj skuadre vendoset nga lojtarë si Xavi, Iniesta, Fabragas dhe Busquets, të cilët kurrë nuk luajnë me topa të gjatë pasi ata nuk e dinë si ta bëjnë këtë dhe kurrë nuk e kanë provuar atë”.

“Pyetja është nëse ne duhet ta ndryshojmë veten ca, ashtu që skuadrat të mund të gjejnë zgjidhje tjera dhe të kërkojnë alternativa”, ka thënë Mascherano për Barca TV. /Telegrafi/

Tjetër ndërhyrje për Schweinin

2013-11-08T15:26:00.000+01:00

Bayern Munich do të jetë pa shërbimet e Bastian Schweinsteiger për një kohë, derisa mesfushori pritet t’i nënshtrohet një ndërhyrjeje në gju.

Mesfushori 29-vjeçar i ishte nënshtruar ndërhyrjes në gjurin e djathtë gjatë verës, por problemi është rishfaqur dhe ai tash do të duhet të operohet edhe njëherë.

“Pas disa kontrolleve mjekësore në javët e fundit, ne kemi diagnostikuar një kockëzim progresiv post-operativ në zonën rreth gjurit të Bastian Schweinsteiger”.

“Kjo shkakton tendonit (pezmatim të pejzave) për shkak të stresit mekanik”, ka zbuluar mjeku i Bayernit, Hans-Wilhelm Muller-Wohlfahrt.

Vetë lojtari është shprehur se lëndimi i kishte shkaktuar shumë dhimbje dhe se shpreson që operacioni i dytë do ta largojë problemin përgjithmonë. /Telegrafi/

Buffon: Largimi i Cavanit nuk e ka dobësuar Napolin

2013-11-08T15:25:00.003+01:00

Portieri i Juventusit, Gianluigi Buffon, beson se largimi i Edinson Cavanit drejt Paris Saint-Germain gjatë afatit kalimtar veror nuk e ka dobësuar Napolin.

Dy gjigantët italianë do të përballen gjatë vikendit në San Paolo dhe Buffon mendon se ata do të kenë përballë të njërën skuadër kualitativ si ajo e vitit të kaluar.

“Në përgjithësi, skuadra e Rafa Benitez është më e fuqishme dhe më me përvojë se vitin e kaluar”.

“Largimi i Cavanit mund të kishte pasur ndikim nëse ata do të kishin sjellë dikë me kualitet më të vogël”.

“Megjithatë, dallimi nuk ndjehet kur ju sillni dikë si Higuain. Ai ka aftësi të ndryshme, por është i njëjtë në kualitet”, ka thënë Buffon për Corriere dello Sport. /Telegrafi/

Iniesta debuton në botën e filmit (Video)

2013-11-08T15:24:00.003+01:00

Ylli i Barcelonës dhe i Spanjës, Andrés Iniesta pritet ta nis një profesion të ri, atë të aktorit. Mesfushori spanjoll do të marrë pjesë në komedinë e Santi Amodeos ‘Who killed Bambi?’ (Kush e vrau Bambin?). Filmi do të shfaqet më 15 nëntor. Filmi ka të bëjë me dy miq të rinj, të cilët gjenden në një telashe të pazakontë kur e gjejnë shefin e kompanisë së tyre gjysmë të zhveshur në një veturë të prishur. Tash u takon atyre që ta gjejnë mënyrën se si ta dërgojnë atë në shtëpi në mënyrë të sigurt dhe të shëndoshë. Për t’i shtuar të qeshurat, njëri nga shokët është i martuar me vajzën e ‘bossit’ të tyre. Kjo ishte një pjesë e tematikës së filmit, të cilin shpresojmë ta keni mundësinë që ta shihni në të ardhmen… /Fish Media/

Messi shënon kosh me… kokë (Video)

2013-11-08T15:23:00.003+01:00

Lionel Messi nuk di të luajë vetëm futboll. Ylli argjentinas i ka shfaqur aftësitë e tij edhe një sport tjetër. Po flasim për basketbollin, ku 26 vjeçari u tregua i suksesshëm duke shënuar kosh me… kokë. Ai në fakt po luante me Mascheranon duke ia kaluar njëri tjetrit topin me kokë, ndërsa në fund futbollisti më i mirë në botë u tregua i saktë dhe shënoi. /Fish Media/

Neymar, kërcimtar gjysmë i zhveshur (Video)

2013-11-08T13:14:00.003+01:00

Ylli brazilian Neymar e ka postuar në rrjetin social Instagram këtë video, ku shihet duke vallëzuar gjysmë i zhveshur, me të brendshmet me ngjyrë të verdhë, kaltër dhe gjelbër, në reklamën e re. Njëjtë kishte vepruar ditë më parë edhe ylli portugez, Cristiano Ronaldo, që e zbuloi linjën e tij të veshjeve të brendshme. /Fish Media/

Balotelli largohet nga Milani?

2013-11-08T13:13:00.004+01:00

Mario Balotelli do të largohet nga Milani në merkaton e janarit.

Ky është lajmi i bujshëm që publikon ‘Corriere dello Sport’, gazeta që ka zbuluar planin e klubit kuqezi që kërkon ta shesë sulmuesin e kombëtares italiane tek Paris Saint Germain.

Sipas gazetës sportive, Milani do të mbushë arkat me 30 milionë euro dhe jo vetëm kaq. Objektivi i vërtetë është të largohen të gjithë lojtarët që kanë menaxher Mino Raiolën.

Kjo do të thotë se në listën e shitjes janë edhe Abate, Niang e Robinho.SC.dpuf

Bufon, ende më i miri në botë

2013-11-08T12:23:00.003+01:00

Agjenti i Gigi Buffon mendon se numri 1 i Juventusit vazhdon të jetë portieri më i mirë në botë.

Buffon është kritikuar për paraqitjet e tij këtë sezon, por Silvano Martina mendon ndryshe për klientin e tij.

“Buffon ende është më i miri në botë dhe një gabim nuk mund t’i rrënojë kualitetet e tij”,

“Pepe Reina është një portier i rëndësishëm i cili është siguruar që Napolit të mos i mungojë Morgan De Sanctis, por unë mendoj se, me gjithë respektin, Buffon është superior ndaj çdokujt tjetër”, ka thënë Martina për Radio Crc. /Telegrafi/