இன்னும் சொல்வேன்...............

மலையாளிக் களவானிகள்!

2014-05-08T18:41:00.002+04:00

லைசன்ஸ் எடுப்பதற்கான முஸ்தீபுகள் அமீரகத்தை பொறுத்த வரை ராணுவ நடவடிக்கை போல.! நிறைய தடைதாண்டல்கள் உண்டு. ஒரு வழியாக தப்பிப் பிழைத்து, இறுதிப் படிக்கு வந்துவிட்டேன். அடுத்தது, குறைந்தது 10 மணித்தியாலங்கள் , வீதியில் ஒரு ட்ரைனர் உதவியுடன் ஓடிப் பழகிய பின்னர், இறுதிச் சோதனை.

எனது துரதிஷ்டம் , எனது பயிற்றுவிப்பாளர் மலையாளி! வெள்ளிக்கிழமைகளில் ஒவ்வொரு அதிகாலையும் 2 மணித்தியாலங்கள் ஓடிப் பழகுவது என தீர்மானித்து முதல் வெள்ளிக்கிழமை தொடங்கினேன். மலையாளிகள் பற்றிய எனது கண்ணோட்டத்தை மாற்றும் எந்த ஒரு வாய்ப்பையும் அவன் வழங்கவே இல்லை.

ஆமாம்! என்னை எப்போதும் அதைரியப்படுத்துவதிலேயே அவன் குறியாகவிருந்தான். எதற்கு இதைச் செய்கின்றான் என குழம்பிய எனக்கு விடை அடுத்த கிழமை கிடைத்தது.
பாஸாக பொலிஸ் இருக்கு 4000 திர்ஹம் குடுத்தா கன்பர்ம் பாஸ் என்றவாறு தொடங்கினான். அது சரி,! என்றவாறு ஆர்வமில்லாமல் வண்டி ஓடிக் கொண்டிருந்தேன்.

அவன் விடுவதாய் இல்லை. ரீ.வி விளம்பரம் போல 5 நிமிடங்களுக்கு ஒரு முறை இதையே திருப்பித் திருப்பி சொல்லிக் கொண்டிருந்தான். பொறுக்காமல், சரி லைசன்ஸ் கிடைக்காதுவிட்டால் அந்த 4000 திர்ஹம் என்ன ஆகும்? எனக் கேட்டேன். இப்போது அவனுக்கு மகிழ்ச்சி, வலைக்குள் இரை சிக்கியது என எண்ணியிருப்பான். 80% பாஸ்தான், அப்பிடி கிடைக்காவிட்டால் பைசா வை திருப்பித் தந்துவிடுவேன் என்றான். அதாவது, எனது அவ நம்பிக்கையினை மூலதனமாக்கி அவன் நோகாமல் 4000 திர்ஹம் சுருட்ட முனைவது தெளிவாக விளங்கியது.

டேய் @#$#%#!!! மலையாளி! எங்கடா இதெல்லாம் படிச்சிக்கு வாறயல் என எண்ணிக் கொண்டே,

" சேட்டன் நாட்டுல எங்க படிச்ச?" என்றேன் கொச்சை தமிழ் + மலையாளத்தில்..
தொடர்பில்லாமல் ஏன் இதைக் கேட்கின்றான் என குழம்பிக் கொண்டே, ஏதோ ஹை ஸ்கூல என சொன்னான்.

" அங்க போய் விசாரிச்சுப் பார், அந்த ஸ்கூல் ஹெட்மாஸ்டர் அக்கரைப்பற்றானா இருப்பான்" என்றேன் முகத்தை கடுமையாக்கிக் கொண்டே..

"எந்தா?? எந்தா.. ?" என்றான் புரியாமல்.

தலையை திருப்பாமல் வீதியினை கூர்ந்து பார்த்தவாறு அக்ஸிலேட்டரை கொஞ்சம் அழுத்தினேன்...

பிரம்பைக் கொடுத்து...

2014-04-20T09:36:00.001+04:00

அலுத்துக் களைத்து அறை நோக்கி நகர்ந்து கொண்டிருந்தேன்.. இருப்பது 6 வது மாடியில் என்பதால், படிக்கட்டுகளைப் பற்றி எப்போதும் எண்ணிப்பார்ப்பதில்லை. (உடம்பு இளைத்தால் என்ன ஆவது!! ) பல நேரங்களில் லிப்டிற்குள் இடம் பிடிப்பதென்பது அக்கரைப்பற்று கல்முனை பஸ்ஸில் சீட் கிடைப்பது போல ரொம்ப அபூர்வம். ஆனால், இன்று ஏனோ யாரும் இல்லை. தனியனாக லிப்டினை எதிர்நோக்கி நின்று கொண்டிருந்தேன்.

வாய் பிளந்து நின்ற லிப்டில் ஏறி, கதவை மூட முயலும் போது, மூச்சிரைக்க இரைக்க ஒரு நடுவயது மதிக்கத்தக்க நபர், கைகளை ஆட்டியவாறு வாயில் பக்கம் இருந்து லிப்டினை நோக்கி ஓடி வந்து கொண்டிருந்தார். பார்க்கும் போது, பாவமாக இருந்ததால், லிப்டினை மூடாமல் அதன் விசையினை அவருக்காக அழுத்திக் கொண்டிருந்தேன். அடடா! நமக்கும் ஒரு பொதுச்சேவை செய்ய வாய்ப்புக் கிடைத்திருக்கின்றதே என்ற எண்ணம் இன்னும் நெஞ்சை விம்மச் செய்திருந்தது.

அருகில் வந்தவர், கைகளில் வைத்திருந்த பொதி ஒன்றினை அவசரத்தில் தவறவிட்டார். உள்ளிருந்த ஐந்தாறு ஆப்பிள்களும் அங்கொன்றும் இங்கொன்றுமாக சிதற, அதைப் பொறுக்கி எடுப்பதில் மும்மூரமாக இருந்தார். உண்மையில் அவருக்காக காத்திருந்த அந்த நேரத்தில் நான் எனது அறையை சென்ற‌டைந்திருக்கலாம் ஆனாலும், இன்றைக்கு இந்தப் பொதுச்சேவைக்கான வாய்ப்பை தவறவிடுவதில்லை என்ற பிடிவாதத்தில் இன்னும் அவருக்காக லிப்டினை திறந்தவாறே வைத்திருந்தேன்.

ஒருவழியாக, லிப்டினுள் ," மிக்க நன்றி " என்றவாறு பிரவேசித்தவர் , லிப்டின் 1 ஐ அழுத்திவிட்டு என்னைப் பார்த்து சிரித்தார். நானும், உள்ளே அழுதுகொண்டே லேசாக சிரித்தேன். பக்கத்தில் நின்ற பொதுச்சேவை சத்தமாக நக்கலுடன் எகத்தாளமிட்டுச் சிரித்துக் கொண்டிருந்தது எனக்கு தெளிவாக கேட்டது.

மான் கராத்தே..!

2014-04-08T08:54:00.005+04:00

மான் கராத்தே என்பது தற்காப்புக் கலையின் கடைசிப்படி. அனைத்து தற்காப்பு முயற்சிகளும் எதிரியிடம் பலிக்காத போது, மான் கராத்தே தான் கை கொடுக்கும். மான் கராத்தே அனைவருக்கும் கைவந்த தற்காப்பு கலைதான். ஏனைய தற்காப்பு கலைகள் போல இதற்கு விஷேட ஆற்றல்கள் பெரிதாக ஒன்றும் தேவை இல்லை. கொஞ்சம் மெலிந்த , கால்கள் நீண்டவர்களுக்கு இத் தற்காப்பு கலை ஒரு வரப்பிரசாதம்.

அதோடு மற்ற தற்காப்புக் கலைகள் போல இதற்குரிய செய்ன்முறைகளும் கஷ்டமில்லை. எதிரியின் தாக்குதல் சமாளிக்க முடியமால் உக்கிரமாகும் போது, மான் கராத்தே கை கொடுக்கும். அதன் செயன்முறைகள் பின் வருமாறு,

1. நான்கைந்து அடிகள் பின்வாங்குங்கள்
2.செருப்பை கைகளில் எடுக்கமுடியுமானால் சிறப்பு
3.மூச்சை இழுத்துப் பிடித்துக் கொண்டு ஓட வேண்டியதுதான்...

கை கொடுங்கள்... மான் கராத்தே வில் நீங்கள் கை தேர்ந்துவிட்டீர்கள்

பின் குறிப்பு (1): இதில், 2 செய்ய முடியாவிட்டாலும் பிரச்சனை இல்லை. அது, அனுபவத்தில்தான் கைவரப் பெறும். நான்கு ஐந்து முறை மான் கராத்தே வினை பிரயோகிகும் போதுதான் இது உங்களுக்கு கைகூடும். ஆகவே செருப்பை எடுப்பதில் கவனமாக இருந்தீர்கள் என்றால்.. உங்களுக்கு மான் கராத்தே கைகூட நாளாகலாம்.

பின் குறிப்பு (2) : நீங்க சிவ கார்த்திகேயனை தேடி வந்திருந்தீங்கன்னா அதுக்கு கம்பனி பொறுப்பேற்காது.. சாரி...

ஏய் நீ ரொம்ப அழுக்கா இருக்கே!

2012-12-23T09:49:00.000+04:00

முழுவதும் மீசை ,தாடி , கர கர என குரல்கள் என கேட்டுக் கொண்டிருந்த எங்களது அலுவலகத்திற்கு புதிதாக ஒரு குயில் கூவ வந்திருந்தது. ஆகா……. இருந்த வாலிப வயோதிப அன்பர்கள் அனைவருக்கும் ஏக குஷி! அது ஏனோ தெரியவில்லை. பால் ஈர்ப்பு என்பது எப்போதும் ஆண்களுக்கு கொஞ்சம் அதிகமோ என பல தடவைகளில் எண்ணியதுண்டு.

அவள் – 25 வயதுக்குள் இருக்கும். அழகியும் இல்லை, சுமாராகவும் இல்லை. பொறுத்துக் கொள்ளலாம் ;). இருப்புக்கட்டுப்பாட்டு பிரிவிற்கு (Inventory Control) வந்திருந்தாள் – மும்பையை சேர்ந்தவள். நுனி நாக்கு ஆங்கிலமும், அதிகாரமும் கொஞ்சம் தூக்கலாக இருந்தன. ஆனாலும், ரசிகர்கள் குறைந்த மாதிரி தெரியவில்லை. அதிலும், சிலர் தீவிர விசிறியாக அல்லது விசிறியாக்கப்பட்டிருந்தனர். அந்த தீவிர விசிறிக்கூட்டத்தில் ஒருவர் எனது நண்பர். நண்பர் காணும் போதெல்லாம், அவளைப்பற்றிய துதிபாடல்களை பாடிக்கொண்டே இருந்தார். அதற்கு இன்னும் ஒரு காரணம் அவளின் மேசைக்கு பக்கத்து மேசைக்காரர் நண்பர். இது எங்கு போய் முடியப்போகின்றதோ என்ற எண்ணம் எனக்கு.

கடந்த சிலவாரங்களில் நண்பரிடம் துதி குறைந்திருந்தது ஆச்சரியமாக இருந்தது. இன்னும் கூர்ந்து கவனித்ததில் முன்பெல்லாம் எதற்கெடுத்தாலும் கதைக்க சந்த்தர்ப்பம் பார்த்திருக்கும் நண்பர் இப்போது சுவாரசியம் இன்றி இருப்பதும் புரிந்தது. ஆச்சரியம்! என்னவென்று கேட்டுவிடவேண்டும். ! பணி முடிந்து போகும் போது மெதுவாக பேச்சுக் கொடுத்தேன்.

“பிறகு எப்படி போகுது கரெனுடனான வேலைகள்?” என்றவாறு கண்ணடித்தேன். ( அவள் பெயர் - கரென்)

நண்பர் கொஞ்சம் பதட்டப்பட்டது போல பிரமை தட்டியது. சுதாரித்துக் கொண்டே,,

“இல்லை ச்சும்மாதான் கேட்டேன்” என்றேன்.
கொஞ்சம் ரிலாக்ஸ் ஆனவர், கொஞ்ச குழப்பமான முகத்துடன் என்னை உற்றுப் பார்த்தார். எதையோ சொல்ல முயற்சித்து முடியாமல் விழுங்குகின்றர் என விளங்கியது.

அதோடு அதை முடித்துவிட்டு நகரத்தொடங்கினோம்.
கொஞ்சநேரத்தின் பின் ஏதோ விழித்துக் கொண்டவர் போல,

“ அவள் எப்போதும் பெர்பியூமுடனே திரிகின்றாள்” என்றார்.

இப்போதுதான் கதையினை ஆரம்பிக்கின்றார் என எண்ணிக்கொண்டு மெதுவாக திரும்பிப்பார்த்தேன்.

“அதனாலென்ன? , அவள் நாகரீகமான பெண். அதானால் இருக்கும்” இது நான்.

சொல்லிமுடிக்கு முன்,, “ ஆனால் உடுத்திருக்கும் ஜீன்ஸ் க்கு எதற்கு பெர்பியூம்?” சடாரென அவரிடமிருந்து வந்து விழுந்த வார்த்தைகளின் அர்த்தம் புரியாமல் குழம்பினேன்.

அவர் என்னையே பார்த்துக் கொண்டிருந்தார். கண்களில் ஒருவித விசமம் பரவிக்கிடந்தது.
திடீரென பல்ப் எரிந்தது. இதழோரத்தில் புன்னகை ஒன்று எட்டிநிற்க அவரைப்பார்த்தேன். எனக்காக காத்திருந்தவர் போல பெரும் சத்தத்துடன் சிரிக்க தொடங்கினார். நானும் கலந்து கொண்டேன்…

இப்போதெல்லாம், பெர்பியூம் விசிறும் சத்தங்கள் – புன்னகையினை தந்து கொண்டிருக்கின்றன ;)

பேஸ்புக்கில் கலக்கும் சூப்ப்ர ஸ்டார்!

2012-08-27T18:05:00.000+04:00

என்ன ஆச்சரியமாக இருக்குதா? உண்மைதான். நம்ம தலைவரின் ஸ்டைலினை வைத்து நிறைய கெப்ஸன்கள் இப்போது பேஸ்புக்கில் வலம் வர ஆரம்பித்துள்ளன. எல்லாம் ரசிக்கும் படி உள்ளதோடு. நகைச்சுவையாகவும் இருக்கின்றன.

தலைவா!! YOU ARE GREAT……..

எனக்கு பிடித்த சில உங்கள் பார்வைக்கு..

கண்ணா உன்னால முடியாது. ரொம்ப வாலாட்டினா அமெரிக்கா கூட ஜூஜூபி....

ஹா..ஹா கண்ணா நீ மட்டுமில்ல ரொம்ப பேர நான் ஆசிர்வதிச்சிருக்கேன். WWE பசங்கல்லாம் யாருன்னு நெனச்ச?

இது ச்சும்மா!! பொரி உருண்டைக்கு...டோன்ட் டச்!!

ஹா..ஹா யாருக்கிட்ட லோக்கல் ட்ரைனா? கேட்டேல்ல.. ரோமிங் சார்ஜ் அப்ளையாகும்டா

அது என் நாய் புரியுதா?

தலைவா !!! யூ ஆர் கிரேட்

விஜய் டீவியின் ஜூனியர் சுப்பர் சிங்கர் : முன்தீர்மானங்களுடன் நகர்கின்றதா? ( எனது பார்வையில் )

2012-08-18T11:58:00.000+04:00

அழுதுவடிக்கும் சீரியல் கொடுமைகளை தாண்டி விஜய் டீவி வேறுபட்ட பல நிகழ்ச்சிகளை தருவதால் அதன் நிகழ்ச்சிகளில் எப்போதும் பரீட்சயம் உண்டு. முக்கியமாக – ஜூனியர் சுப்பர் சிங்கர் மற்றும் நீயா நானா?

இரு நிகழ்ச்சிகளும் முன்பிருந்ததை விட தற்போது வேறுபாதையில் செல்வது போல இதன் நெடுங்கால பார்வையாளர்களுக்கு தோன்றக்கூடிய சாத்தியங்கள் இப்போது தென்பட ஆரம்பித்துள்ளன. அத்லும் சுப்பர் சிங்கர் ஜூனியர் 3 ன் நிகழ்வுகள் அந்நிகழ்ச்சி மீதான எனது தனிப்பட்ட பற்றினை குறைத்துக் கொண்டே வருவதாக படுகின்றது. இது என்னைப் போன்ற பலரின் கருத்தாகவும் இருப்பதை அவதானிக்க முடிகின்றது.

டொப் 10 போட்டியாளர்கள் தற்போது 7 ஆக குறைந்துள்ளனர். ஆனால் ஒவ்வொரு முறையும் வெளியேற்றப்படுகின்ற போட்டியாளர்கள் இருப்பவர்களை விட சிறப்பாக பாடக் கூடியவர்கள் என்பது எனது தனிப்பட்ட அபிப்பிராயம்.

- ஆஜித்
- ரக்சிதா
- செபி
- அகிலேஷ் போன்ற

நல்ல திறமை உள்ள குழந்தைகள் தட்டிக்கழிக்கப்பட்டு யாரோ ஒருவருக்காக இப்போது இந்நிகழ்ச்சி கொண்டு செல்லப்படுவதாக எண்ணத் தோன்றுகின்றது.

ஆஜித் – அந்த சிறுவன் பாடுவது மட்டுமல்ல அவனது ஸ்டைல் அங்க சைஅவுகள் என அனித்தும் ரசிக்கும் படி இருக்கும். தனிப்பட்ட வகையில் எனக்கு மிக பிடித்த இவன் நடுவர்களால் போட்டியிலிருந்து வெளியாற்றப்பட்டதற்கு காரணம் பாடல் வரிகள் மற்ந்து போனதே! பாடுகின்ற திறமை என்பது குரல்வளம், மற்றும் இன்ன பிற சங்கீதத்துடன் தொடர்பான சமாச்சாரங்கள்தானே அதில் மனனமும் வருகின்றதா? என்ற கேள்வி, இவனது வெளியேற்றத்தின் போது எனக்குள் எழுந்தது. அதேவேளை, பாடும் போது வரி மறந்து மூச்சுவிட்டு பாடிய அஞ்சனா இன்னும் போட்டியில்! ஆஜித்தின் “போ நீ போ..” பாடல் இன்னும் இந்நிகழ்ச்சியில் ஒரு மகுடம். ஆனால் அவன் இன்று போட்டியில் இல்லை!

அதே போல ரக்சிதா! சிறப்பாக பாடிய சிறுமி. இன்று போட்டியில் இல்லை. சொல்லப்படுகின்ற காரணம் ½ மார்க் கம்மியாம்! டொப் 10 க்குள் வரக் கூடிய அனைத்து திறமையும் தகுதியும் இருந்தும் செபிக்கு அந்த வாய்ப்பு மறுக்கப்பட்டது. தட்டையாக பாடிக்கொண்டிருக்கும் கவுதம் உள்ளே வர அனுமதிக்கப்பட்டார். கௌதத்துடன் ஒப்பிடும் போது ஆஜித் எவ்வளவோ திறமைசாலி!

அகிலேஷ் – மேடைக் கூச்சமற்ற சிறுவன். அவனது பாடல்களில் தெரிகின்ற உற்சாகம் வேறு யார் பாடும் போதும் வருவதில்லை. அவன் வெளியேற்றப்பட்டமைக்கும் நடுவர்கள் எதையோ காரணமாக சப்பைக் கட்டு கட்டினர்.

இப்போது உள்ள போட்டியாளர்களில், நடுவர்களின் அருள் பார்வை எப்போதும் ஒருவரை நோக்கியே இருக்கின்றது. அது பிரகதி. அவருக்கு சாக்லேட் அடைமழையாக பொழிகின்றது. அதோடு மட்டும் நின்றுவிடாமல் பாராட்டு மழை. அப்ப்ப்ப்ப்ப்ப்பா!! நடுவர்கள் - அவரை மட்டும் பாராட்டுவதோடு நிற்காமல் அவரது அம்மாவையும் பாராட்டி தள்ளுகின்றார்கள். இது பார்ப்பதற்கும் கொஞ்சம் வித்தியாசமாக தெரிகின்றது, சுப்பர் சிங்கரில் மற்ற குழந்தைகள் பிரதான நிகழ்ச்சிக்கு வருமுன்னர் பல்வேறு தடகளை தாண்ட வேண்டி இருக்க, இவர் மட்டும் திடீரென சுப்பர் சிங்கருக்குள் முளைத்தார். அதாவது எந்தவித முதற்கட்ட சோதனைகளும் இன்றி.. அன்றிலிருந்து இன்று வரை இவருக்கான இடத்தினை நடுவர்கள் எப்போதும் உறுதிப்படுத்திக் கொண்டே வருகின்றனர், இது நடுவர்கள் மட்டுமன்றி இந்த நிகழ்ச்சி மீதான நடுநிலையினைப் பற்றிய கேள்வியிஅனி எழுப்புகின்றது. இவருக்கு மட்டுமான முன்னுரிமைக்கு என்ன காரணம்? நடுவர்கள் வாய்கிழிய புகழும் அளவிற்கு இவரிடம் பாடும் திறமை உள்ளதா??

தற்போது உள்ளதில் யாழினி மற்றும் சுகன்யாவுடன் ஜெயந்த் ஆகியோர் இறுதிச்சுற்று வரை செல்லும் தகுதியுடன் தெரிகின்றனர். ஆனாலும் யாழினியின் திறமைகள் நடுவர்களால் முற்றுமுழுதாக அங்கீகரிக்கப்படவில்லையோ என்ற எண்ணம் அவர்களின் கருத்துக்கள், அடிக்கடி அந்த்க்குழந்தை டேஞ்சர் சோனுக்குள் வருவதை வைத்து எண்ண தோன்றுகின்றது.

இப்போது இந்நிகழ்ச்சி – முன்மொழியப்பட்ட யாரோ ஒருவருக்கு ஜூனியர் சுப்பர் சிங்கர் பட்டத்தினை கொடுக்க நடாத்தப்படுகின்ற ஒரு செட்டப் கேம் போலவே எனது பார்வைக்கு படுகின்றது.

ஆளில்லா கடையில் டீ ஆத்த நடைபெறும் சண்டைகள் : மாகாண சபைத் தேர்தல் எனது பார்வையில்

2012-08-09T11:48:00.001+04:00

தேர்தல் என்றால் ஒருவித திருவிழா மனநிலையே பெரும்பாலான நம்மவர்களிடம் காணப்படுகின்றது. அதற்கு காரணம் என எனக்கு தோன்றுவது. மாறி மாறி வாரி இறைக்கப்படும் அவதூறுகள கேட்பதில் உள்ள ஆர்வமும் வேடிக்கை பார்க்கும் மனநிலையும்தான். இது தவிர்த்து எமக்குள் இன்னும் பரவலான ஒரு அரசியல் பார்வை வந்துவிடவில்லை.

சிலர் ஏற்கனவே முடிவெடுத்து வைத்துவிட்ட வேட்பாளருக்கான வாக்கை இடுகின்றனர். இது அவர்களின் கொள்கைகளுக்கோ கட்சிப்பற்றுதலோ அல்லாமல் அதையும் தாண்டி இன்னபிற தேவைகளாக இருக்கலாம். மேலும் சிலர் யாருக்கு வாக்களிப்பது என்ற தீர்மானம் இன்றி இடுகின்றனர். எப்படி பார்த்தாலும் இனம், சமூகம் சார் கொள்கைகள் அபிவிருத்தி மற்றும் இன்ன பிற சமாச்சாரங்களுக்காக வாக்களிப்பதும் அதை முன்னிறுத்தி வேட்பாளர்கள் வாக்கு கேட்பதும் இப்போது மிக குறைந்தே விட்டது. அதற்கான அரசியல் நாகரீகத்திற்குள் நாம் நுழைய இன்னும் பல நூற்றாண்டுகள் ஆகலாம்.

மாற்றுக்கட்ட்சி / கருத்தினரி மதிப்பதோ அவர்களின் விவாதங்களுக்கு குற்றச்சாட்டுகளுக்கு நேர்மையாக பதில் அளிப்பதற்கோ எந்த ஒரு தரப்பும் தயாராக இல்லை. அதற்கு பதிலாக அனைவரும் கையில் எடுப்பது வன்முறையும் அவதூறுகளும்தான். இதன் போது தமது கொள்கைகள் மற்றும் தமது அபிவிருத்தி மற்றும் ஏனைய திட்டங்கள் பற்றிய விளக்கங்களை வசதியாக அனைத்து தரப்பு வேட்பாளர்களும் மறந்து விடுகின்றனர். அதனை வாக்காளரகளும் பெரிதாக இப்போது அலட்டிக் கொள்வதில்லை. தேர்தல் என்பது அவர்களை பொறுத்த வரையில் ஒரு திருவிழா போல.. முடிந்ததும் வென்றவர்கள் அவர்களின் பணிகளை பார்க்க போய்விடுவார்கள் நாம் நமது கவலைகளுடன் இருக்க வேண்டியதுதான்.

தேர்தல் கால வாக்குறுதிகள் பற்றிய எமது மதிப்பீடு உலகறிந்த ரகசியம். அதன் ஆயுள் தேர்தல் முடியும் வரை மட்டுமே. ஆனாலும் நாம் அதை அறிவதில் ஆர்வத்துடன்தான் இருக்கின்றோம். ஆனால் இப்போது நடைபெறுகின்ற மாகாண சபைத்தேர்தலில் வாக்குறுதிகள் குறைவாகவே இருக்கின்றது. இருந்தும் சுவாரசியங்களுக்கு பஞ்சமில்லை.

முஸ்லிம்கள் மீதான் நெருக்குவாரங்கள் கூடி உள்ள இத்தருணத்தில் கிழக்கு மாகாணசபைக்கான தேர்தல் உணர்வுரீதியிலான ஒரு உந்தலுக்கு மக்களை தள்ளுவதில் முனைப்பாக இருக்கின்றது. இதில் அனைத்து கட்சிகளும் வேட்பாளர்களும் சிறப்பாகவே பங்கெடுக்கின்றனர்.! ஈழத்தமிழர் விவகாரம் எப்படி தமிழக அரசியல்வாதிகளுக்கான திருவோடு போல இருக்கின்றதோ, அதிலிருந்து கொஞ்சமும் குறையாத வகையில் பள்ளி ஆக்கிரமிப்பு விவகாரம் மாகாணசபைத் தேர்தலில் எமது கட்சிகளால் கையாளப்படுகின்றது.

பள்ளிகள் மீதான தாக்குதலை கண்டித்தும் அதை எதிர்ப்பதாகவும் முஸ்லிம்கள் தமது வாக்குகளை தமக்கே இடவேண்டும் என்று பிராச்சாரம் செய்கின்ற முஸ்லிம் காங்கிரஸ் - மத்தியில் இன்னும் ஆளும் கட்சியின் கூட்டாளியாகவே இருக்கின்றது, இதோடு நில்லாமல் மாகண்சபை தேர்தலின் பின் அரசுடனே கூட்டு வைக்கப்போவதாகவும் அறிவித்திருக்கின்றது. நடைபெறுகின்ற பள்ளி ஆக்கிரமிப்பிற்கு அரசே காரணம் என குற்றஞ்சாட்டிக் கொண்டு அரசுடன் இணைந்தே இருப்போம் அவர்களையே தொடர்ந்து ஆதரிப்போம் என கூறுகின்ற அரசியல் சாணாக்கியம் எந்த வகையில் சாரும் என எனக்கு தோன்றவில்லை. இது மக்களை உணர்ச்சிவயப்படுத்தி வாக்குகளை பெற மேற்கொள்ளப்படுகின்ற வியாபர யுக்தி போன்றே தெரிகின்றது.

மறுபக்கம் அதே பள்ளிகள் மீதான தாக்குதல்களுக்கும் அரசுக்கும் எந்த ஒரு தொடர்பும் இல்லை என நிரூபிக்க பிரயத்தனப்பட்டுக்கொண்டிருக்கும் ஆளும் தரப்பு முஸ்லிம் கட்சிகள். தாக்குதல் நடைபெற்ற காலங்களில் எல்லாம் மௌனியாக இருந்த அமைச்சர் அதா உல்லா தற்போது அது தொடர்பில் வாயினை திறந்துள்ளார். அதுவும் தேர்தலுக்காக. எதிரணியினர் இதை வைத்து நிறைய வாக்குகளை பெற்றுவிடுவார்களோ என்ற அச்சம்தான் இதற்கு காரணமாக இருக்க வேண்டும்.

மற்றொரு புறம் இத்தேர்தல் பலருக்கு தமது அரசியல் ஸ்திரத்தினை உறுதிப்படுத்த ஒர் களமாக இருக்கின்றது. கொள்கைகள் சமூக நோக்கு என்பனவற்றை பின்தள்ளி, இன்ரு கிழக்கு மாகாண சபைத்தேர்தலில் முன் நிற்பது இதுதான் என அடித்துக் கூறலாம். அதற்கு வாக்காளர்கள் எனும் வாடிக்கையாளர்களை கவர பல்வேறு சந்தைப்படுத்தல் யுக்திகளும் விளம்பரங்களும் வெவ்வேறு வடிவங்களில் ஒவ்வொரு நாளும் அரங்கேறிக் கொண்டே இருக்கின்றன.

இவ்வளவு களேபரங்களுக்கும் இடையில் நடைபெறுகின்ற இம்மாகாண சபைத் தேர்தல் அந்தளவிற்கு முக்கியமானதா என்ற கேள்விக்கு விடை தேடி சென்றால். கிடைப்பெதன்னவோ இல்லை என்றுதான்.

13வது யாப்புச் சீர்திருத்ததின் பிரகாரம் கொணரப்பட்ட இந்த மாகாணசபை முறைமை இனப்பிரச்சினைக்கான ஒரு தீர்வாகவே முதலில் முன்வைக்கப்பட்டது. ஆனால் பிரச்சினைக்குரிய இரு மாகாணங்களிலும் இம்முறைமை வெற்றியளிக்கவில்லை. பெரிதாக இப் 13 வது சீர்திருத்தத்தில் பிரஸ்தாபிக்கப்படும் காணி மற்றும் போலிஸ் அதிகாரங்கள் இன்னும் வழங்கப்படாமை பெரியளவில் பேசப்பட்டாலும் மற்றொரு தரப்பில் அவ்வதிகாரங்கள் கூட வெவ்வேறு வழிகளில் ஜனாதிபதியினால் கட்டுப்படுத்தப்படக்குட்டிய சரத்துக்களை கொண்டிருப்பதால், அதை மாகாணசபைகள் பெற்றாலும் சொல்லிக்கொள்ளும் படியாக ஒன்றையும் சாதிக்க முடியாது என்று விளக்குகின்றனர். அது ஒரு வகையில் உண்மையே!

13வது சீர்திருத்தத்தில் மாகாண சபைகளுக்கு வழங்கப்பட்டுள்ள காணி அதிகாரங்கள் தொடர்பான சரத்துக்கள் பின்வருமாறு உள்ளன

அரச காணிகள் – இலங்கை அரசாங்கத்திற்கு தேவையான காணிகள் எவ்வித மட்டுப்பாடுமின்றி தேசிய அரசாங்கம் பயன்படுத்தும்.
மாகாண சபை காணிகள் – மாகாண சபைகளின் நோக்கங்களுக்காக தேவைப்படும் காணிகளை பெறுவது தொடர்பாக இது விளக்குகின்றது. அதாவது, மாகாண சபைகளின் தேவைக்காக பயன்படும் காணிகளின் பயன்பாட்டுத் திட்டம் தேசிய கொள்கைக்கு இணங்க உருவாக்கப்பட வேண்டியது மாகாண சபைகளின் முதன்மைப் பணியாகும். இவ்வாறான திட்டங்களில் காணியை பயன்படுத்துவதற்கான மதியுரையினை ஜனாதிபதியே வழங்குவார்
அரச காணிகளின் பயன்பாடு தொடர்பான கொள்கைகளை உருவாக்குவதற்கான அதிகாரம் கொண்டுள்ள, ஒரு தேசிய காணி ஆணைக்குழு நிறுவப்படல் வேண்டும்
மாகாணங்களுக்கிடையிலான நீர்ப்பாசன, காணி அபிவிருத்தித் திட்டங்கள் – இதன் கீழ் முடிவெடுக்கும் அதிகாரம் தேசிய அரசாங்கத்தாலே நிறைவேற்றப்படும். உதாரணமாக, மகாவலி அபிவிருத்தித் திட்டம் அரசாங்கத்தின் தேசிய திட்டமாகவே இருக்கும். இத்திட்டத்தின் மூலம் காணியையும், காணிகளைப் பெறவிருப்போரையும் தெரிவு செய்வதற்கான தத்துவங்களை இலங்கை அரசாங்கமே மேற்கொள்ளும். இவற்றை நடைமுறைப்படுத்தும் பங்கினை மாகாண சபைகள் மேற்கொள்ளும். குறிப்பாக, காணி தேவையானோரை இனங்கண்டு தெரிவுசெய்யும் பணி மாத்திரம் மாகாண சபைக்கு வழங்கப்படுள்ளது

இச்சரத்துக்கள் எழுத்தில் இருந்தாலும் இன்னும் நடைமுறைக்கு வரவில்லை. வந்தாலும் எதுவும் ஆகப்போவதில்லை என்பதும் இச்சரத்துக்கள் மூலம் தெளிவாகின்றது.

ஆகவே மாகாணசபை என்பது அதிகாரங்களற்ற ஒரு அமைப்பு பெயரளவிலான இந்த சபைக்கான தேர்தல் அதன் உரிய நோக்கத்தினை புறக்கணித்து இன்ன பிற தேவைகளுக்காகவும் , பலரின் மறைமுக நிகழ்ச்சி நிரலுக்காகவும் பெரிய ஒரு விடயமாகவும், சிறுபான்மை மக்களின் இருத்தல் மற்றும் உரிமைகளுக்கான ஒரு வாய்ப்பாகவும் உருவகப்படுத்தப்படுகின்றது. ஆனால் இது ஒன்றும் நடைபெற போவதில்லை என்பது அனைவருக்கும் தெரியும் அதற்கு கலைந்த கிழக்கு மாகாண சபையே சாட்சி.

ஆனாலும் நாம் சண்டை இட்டுக் கொண்டிருக்கின்றோம் ஆளில்லா கடையில் டீ ஆத்த!

வித்தியாசமான விளம்பரம் : தமிழை தமிழுக்கு மொழிபெயருங்கள்

2012-07-01T16:42:00.001+04:00

கீழுள்ள விளம்பரம், இலங்கையின் பிரபல தமிழ் பத்திரிகை ஒன்றில் வெளி வந்த வேலை வாய்ப்புக்கான அறிவித்தல். இதில் உள்ளது புரிகிறதா என முகப் புத்தகத்தில் நண்பர் ஒருவர் வினவினார். முயற்சி செய்து தமிழை தமிழுக்கே மொழி பெயர்த்திருக்கின்றேன். பாருங்கள்.

தமிழை தமிழுக்கே மொழிபெயர்த்த முதல் ஆள் நான்தான் என நாளைய வரலாறு சொல்லட்டும்.

மேல் மாகாண கைத்தொழில் அபிவிருத்தி சபை
வேலைத் திட்ட அதிகாரி பதவிக்காக இணைத்துக் கொள்ளல்.

காகித கைக்குட்டை உற்பத்தி தொடர்பான பயிற்சியையும், அனுபவத்தையும் பெற்றிருத்தல்.
காகித கைக்குட்டை உற்பத்திக்கான இயந்திரங்களை இயக்குதல் மற்றும் பராமரித்தல் தொடர்பான அறிவும் அனுபவத்தினையும் கொண்டிருத்தல்.
காகித கைக்குட்டைகளை மூலப் பொருளாக கொண்ட உற்பத்திகளை உற்பத்தி செய்யும் திறன் மற்றும் அது தொடர்பான பயிற்சி அளிக்கும் திறனை கொண்டிருத்தல்.
கல்விப் பொது தராதர உயர் தர பரீட்சையில் சித்தி பெற்றிருக்க வேண்டும். விஞ்ஞான பாடம் தொடர்பாக அதிக கவனம் செலுத்தப்படும்.
சிறந்த சுக தேகியாக இருத்தல்

உங்களால் தயாரிக்கப்பட்ட விண்ணப்ப படிவத்தினை சுயவிபரக் கோவையுடன் இணைத்து
2012.06.21 ஆம் திகதிக்கு முன்னர் கீழ் காட்டப்பட்டுள்ள முகவரிக்கு அனுப்பி வைக்கவும்

தலைவர் : மேல் மாகாண கைத் தொழில் அபிவிருத்தி சபை, காகித கைக்குட்டை திட்டம். இலக்கம் :4 தசாரத மாவத்தை, கொட்டாவ, நுகேகொடை.

தொடர்புகளுக்கு : 0114936121. 0716037430

( எப்பா!!!!!!!!!! ஆப்பிள் ஜூஸ் ஒன்னு சொல்லுப்பா.......ஸ்ஸ்ஸ்ஸ்ஸ்ஸ்ஸ்ஸ்ஸ்ஸ்ஸ்ஸ்ஸ்ஸ்ஸ்பா..)

விகாரமாகிக் கொண்டிருக்கும் மனிதமும். மனதுகளும்.

2012-06-30T18:04:00.000+04:00

பாலர் வகுப்பிலிருந்து படித்து வந்த வாழ்க்கை சமூகம் பற்றிய கற்பிதங்கள், நிஜமான உலகில் பிரவேசித்ததில் இருந்து கொஞ்சம் கொஞ்சமாக தேய்ந்து கொண்டே வருகின்றது. அதிலும் இன்றிருக்கும் நிலை இன்னும் பயமாக இருக்கின்றது. மனங்களின் விகாரங்கள் காலையில் கண் விழித்ததில் இருந்து பல்வேறு வடிவங்களில் உலவிக்கொண்டே இருக்கின்றன.

செய்திகளை புரட்டினால், மனசு இன்னும் சுருங்கிப் போய் இருக்கும் கவலைகளுடன் உலகம் பற்றிய சிறிய ஒரு வருத்தமும் தொற்றுவதை தவிர்க்க இயலவில்லை. அந்த வருத்தமும் சொந்த கவலை ஒன்று வரும்போது இல்லாமலே போய் விடும்.

மரணம் பற்றிய எமது நிலை இன்று வியப்பளிப்பதாகவே இருக்கின்றது. நான் சாவிற்கு அஞ்சுபவனில்லை என்பது வீரமா என்பது பற்றி எனக்கு மாற்று கருத்துக்கள் நிறைய உண்டு. மரணத்திற்கு நீ அஞ்ச வேண்டும். நித்தியமாக நாம் யாரும் வாழ வரவில்லை. நாள் குறிப்பிடாமல் நிச்சயிக்கப்பட்ட மரணம் எங்கோ எமது வழிப்பயணத்தில் எம்மை சந்திக்கலாம். நமக்கும் அதற்குமான தூரம் பற்றி எந்த ஒரு தகவலும் எம்மிடம் இல்லை. இதோ நான் கூட அதை அண்மித்திருக்கலாம். யாரறிவார்?

“ என் மரண நாட்காட்டியில் இன்றொரு நாள் கிழிக்கப்படுகின்றது”

என்று ஒரு கவிஞன் சொல்கின்றான்.

இதுதான் எமக்குள்ள வாழ்வு, எமது பயணம் நேராக செல்வது அதை நோக்கித்தான். செல்லுகின்ற வழிகளில் நாம் இறைத்துச் செல்வது நல்லவையாக இருக்கட்டுமே! அது நல்லவையாக இருக்க வேண்டும் என்றால் எமக்கு மரணம் பற்றிய பயம் இருக்க வேண்டும். என்றாவது அதை நான் சந்திப்பேன் என்ற நினைவு படுத்தல் இன்னும் நம்மை சீராக்கும் என்பது எனது எண்ணம்.

மரணத்திற்கான மரியாதையினை எப்போதும் நாம் கொடுக்க வேண்டியது அவசியம். அது – ஒரு சிறந்த ஆசான். ஒவ்வொரு மரணச் செய்திகளும் எமக்கான எச்சரிக்கை. இருக்கும் காலங்களில் நாம் செய்ய வேண்டிய சமூக கடமைகள் தொடர்பான அலாரம்.

இன்றைய எமது இளம் தலைமுறையோ இது தொடர்பில் எவ்வகையான பார்வையினை கொண்டிருக்கின்றது என்பது அண்மையில் நடந்த ஒரு சம்பவத்தில் இருந்து புரிய கூடியதாக இருந்தது. அக்கரைப்பற்றில் நடந்த ஒரு கோர விபத்து ஒன்றில் பலியான சகோதரர் ஒருவரின் உடலினை விபத்து நடந்த இடத்தில் வைத்து படம் பிடித்து சமூக வலைத்தளங்கள் முழுவதும் நமது சகோதரர்கள் பரப்பிக் கொண்டிருக்கின்றனர். எத்தனை கவலைக்குரிய விசயம்? மரணித்தவர் யாராக இருக்கட்டும். எப்படியாவது இருக்கட்டும். அதை படம் பிடித்து இணையத் தளங்களில் பரப்புகின்ற அளவிற்கு மனிதம் தொலைந்து விட்டதா? மார்க்கத்தை விடுங்கள் ஒரு மரணத்தினை எப்படி உள்வாங்க வேண்டும் என்ற அடிப்படை கூட தெரியாத சமூகமாக நாங்கள் மாறிக் கொண்டிருக்கின்றோமா? இது எத்தனை பயங்கரமான ஒரு சமிக்ஞை.

எங்கு என்ன நடந்தாலும் வேடிக்கை பார்ப்பது எமது உதிரத்தில் ஒட்டிய என்றாலும். இது போன்ற நிகழ்வுகளின் போது எம்மை நாமே கேள்வி கேட்டு கொள்ளாமல், புகைப்படம் எடுத்து இணையத்தில் பரப்புகின்ற காரியங்களில் ஈடுபடுகின்றோமே! நம்மை என்ன பெயர் கொண்டு அழைப்பது நண்பர்களே?

மரணம் பற்றிய நினைவு நம்மிடத்தில் இல்லாமலே போய்விட்டது. அதற்கான ஊர்ஜிதங்களை இது போன்ற சம்பவங்களும் நமக்கு சொல்லிக் காட்டுகின்றன. இதற்காக ஒவ்வொரு நாளும் மரணத்தை எண்ணி அஞ்சி வாழ வேண்டியதில்லை. எனக்கும் உண்டு என்ற எண்ணத்தில் வாழ்ந்தாலே போதுமானது.

அந்த விபத்து தொடர்பான படங்களை இடுகின்ற போது, அதற்கு பேஸ்புக் போன்ற இணையத்தளங்களில் LIKE இடுகின்ற நண்பர்களின் மனநிலை பற்றி எண்ணுகின்ற போது இன்னும் ஒருவித அசூசை வந்து ஒட்டிக் கொள்கின்றது.

நண்பர்களே பயந்து கொள்ளுங்கள், வாழ்க்கை தருகின்ற பாடங்களுக்கான பரீட்சைத் தாள்களும் விடைகளும் மரணம் எனும் ஆசிரியர் கையிலேயே உள்ளது.

7500 ரூபாய்களில் குடும்பம் நடத்த அமைச்சரின் வழியில் ஒரு டிப்ஸ்

2012-04-03T09:20:00.000+04:00

கல்வி அமைச்சர் பந்துல குணவர்த்தன அவர்கள், 3 பேர் குடும்பம் ஒன்றுக்கு மாசத்திற்கான செலவுகளை மேற்கொள்ள 7500.00 இலங்கை ரூபாய்கள் போதும் என தெரிவித்த கருத்து இப்போது இலங்கையின் அனைத்து மட்டங்களிலும் பரவலாக பேசப்பட்டு வருகின்றது.

விலைவாசி கிடு கிடு என ஏறிக் கொண்டிருக்கும் இந்த வேளையில் 7500.00 ரூபாய்கள் மூன்று பேர் உள்ள குடும்பத்துக்கு போதும் என ஒரு கல்வி அமைச்சர். முன்னாள் பொருளியல் ஆசிரியர் கூறுகின்றார் என்றால் அதில் ஏதோ அர்த்தம் இருக்கத்தான் செய்யும் என அனைவரும் புரிந்து கொள்ள் வேண்டும். அதை விட்டு அவரை கேலி செய்வது, 7500 க்கு அவரை குடும்பம் நடத்த சொல்றது எல்லாம் நாகரீகம் அல்ல.

7500 ரூபாய்க்கு மாசத்தினை ஒட்ட அவர் என்ன நம்மை போல சாதாரண, வேலையற்ற நாட்டுக் குடிமகனா? இலங்கையின் அரச எந்திரத்தின் முக்கிய கடையாணி அவர். அதோடு அவருக்கு எத்தனையோ ராச காரியங்கள் இருக்கும்…

இருக்கட்டும்! அமைச்சர் சொன்ன 7500 ரூபாய்க்குள் எப்படி ஒரு மாத்தத்தினை ஓட்டுவது எனப்பார்ப்போம்.

குடும்ப உறுப்பினர்கள் : 3 பேர்
மூன்று வேளை உணவாக பாண் ( Bread ) மாத்திரம் உண்ண வேண்டும். பாண் தொண்டைக்குள் சிக்கினால் தண்ணி குடிக்கலாம் அதுவும் கிணற்று தண்ணீர்.

ஒரு வேளைக்கு ஒரு நபருக்கு : ½ பாண்
மூன்று வேளைக்கு ஒரு நபருக்கு (3 x ½ ) : 1½ பாண்,
மூன்று பேருக்கு ஒரு நாளைக்கு (1½ x 3 ) : 4½ பாண் தேவை.
ஒரு பாணுக்கு 55.00 ரூபாய்கள்.
ஒரு நாளைக்கு (55.00 x 4½) : 247.50 ரூபாய்கள் தேவை.
30 நாட்களுக்கு ( 247.5 x 30 ) 7,425.00 ரூபாய்கள்.
ஆகவே உணவுக்கான மொத்த செலவு : 7,425.00 ரூபாய்கள்
மீதி உள்ள 75.00 ரூபாய்களில் நீங்கள் 25.00 ரூபாய்களை சேமித்து கொள்ளலாம். மீதி 50.00 ரூபாய்களை ஏனைய தேவைகளுக்கு பயன்படுத்திக் கொள்ளுங்கள்.

மாதத்தில் 31 நாள் வந்தால் என்ன செய்வது என நீங்கள் கேட்டால், நான் சுலபமாக அமைச்சர் அதைப்பற்றி சொல்லவில்லை என சொல்லலாம். ஆனால், எனது தனிப்பட்ட ஆலோசனை. அன்றைய நாளை விரதமிருந்து முடித்துக் கொண்டால், நன்மைக்கு நன்மையுமாச்சு! நாளும் கழிஞ்சிடும்.

இனி இலங்கையும் வல்லரசுதான்……………….

மூங்கிலால் செய்த பரண்கள்..

2012-03-01T19:11:00.002+04:00

எப்போதும் போல் இன்னும் நிறைகின்றது

பரணின் மீதான பாரங்கள்.

இறக்கி வைக்கும் ஒன்றினை தாண்டி,

ஏறும் எண்ணிக்கை மடங்காகி போக.

எப்போதும் அது தன்னை கிள்ளிக் கொள்ளும்

எப்போதும் அது சிரித்துக் கொள்ளும்

இன்னும் உடையாமல் இருப்பதை எண்ணி.

பாரங்கள் பற்றிய கவலைகள் ஒரு போதும் தீண்டாதிருக்க,

கனவுகளோடு பேசிக்கொள்ளும்.

கனதி தாங்கி வளையும் பரண்கள்

இன்னும் சுமப்பதையே சிந்திக்கின்றன.

உடைகின்ற வலிமை அதற்கில்லை என்ற,

பாரங்களின் நம்பிக்கை ஒரு போதும் பொய்ப்பதில்லை.

மூங்கிலாய் மாறுகின்ற பரண்களை எப்போதும்

அவன் சுமப்பவர்களுக்கே தருகின்றான்.

அனைத்துக்கும் நன்றி அவனுக்கும்,

அது சுமக்கும் சுமைகளுக்கும்.

நீங்களும் வெல்லலாம் ஒரு கேடி!!! கேள்விகள் இதோ!

2012-03-01T17:34:00.002+04:00

நம்மவர்களுக்கு ஒலக அறிவு மத்த அறிவு என என்னென்ன அறிவு இருக்கோ எல்லா அறிவையும் தட்டி கொட்டி கொட்டி தொறந்து பார்க்க நம்ம சூர்யா குதிச்சிருக்காரு. என்னா கேள்வி!! என்னா கேள்வி!! ச்சும்மா பார்க்கும் போதே புல்லரிக்குதே!

இனி ஒவ்வொரு தமிழனும் பிரிட்டானிக்கா கலைக்களஞ்சியத்தோடதான் உலாவ வரும் போல கிடக்கு. என்னவோ போடா மாதவா!!!!

ஆரம்பிக்கும் போது கொடுத்த பில்டப்பு எல்லாம் டப்புக்குத்தான்னு இப்பதானே புரியுது. பைசாதான் மேட்டர் னாலும் அதுக்கு இப்படியா மொளகா அரைக்கிறது?

இது இன்னொரு வகையில் சூர்யாவின் மீது இருக்கின்ற அபிமானத்தை குறைத்துவிடுமோ என்றும் அஞ்சக்கிடக்கின்றது. “சிகரம் அறக்கட்டளை” அது இது என ஒரு மாற்று பிம்பம் சூர்யா பற்றி இருக்கும் என்னைப்போன்ற சாதாரண ரசிகர்களுக்கு. இந்நிகழ்ச்சி கொஞ்சம் அல்ல நிறைய அதிர்ச்சிதான்.

நீங்களும் வெல்லலாம் ஒரு கோடி – கவனமா கீழே உள்ள கேள்விகளைப் பார்த்து, விடைகளை சரியா தயார் பண்ணிக்கோங்கோ மக்கள்ஸ், விடை தெரியாட்டி, பக்கத்துல இருக்கிற லைப்ரரி/ வெப்சைட்/ என தேவையான எல்லா வளங்களையும் பயன்படுத்த தயங்க வேண்டாம். வாழ்த்துக்கள் இனி ஒரு கேடி.. சே!! Sorry… கோடி உங்களுக்குத்தான். ))

திரைப்படத்தின் பெயர் ஒழுங்கு படுத்த சொல்றாரு . இதுக்கு நீங்க பிரிட்டானிக்கா வால்யூம் மூணுல 7 வது சாப்டர ரெஃபர் பண்ணனும்

சே! இதுக்குத்தான் சொல்றது, அனிமல் ப்ளானட் பாரு .. பாரு ன்னு இப்ப கர்சிக்கிற எது ன்னு யாருக்கிட்ட கேப்பேன்!! எங்க பக்கத்து வீட்டு பொடிசு சொல்லுது - சிங்கம் னு. ம்ஹூம்... இத நம்ப நான் ஒன்னும் முட்டாப்பயலா? சூர்யா சாருக்கே தெரியல.. ஏன் அம்மாம் பெரிய விஜய் டீவிக்கே தெரியல இந்த பொடிசுக்கு தெரிஞ்சிருமாக்கும்!!

நாம எல்லாத்துலயும் சொதப்புவோம் னு இத கேட்டிருப்பனுகளோ, அஞ்சாவதா - மேற்கூறிய அனைத்தும் னு ஒரு ஆப்சன் வச்சிருக்கலாம்

என்னத்த சொல்ல!! எங்க ஊர்ல எல்லாம் கால் தீபாவளிதான் இப்பல்லாம். பெற்றோல் விற்கிற வெலைக்கு வெற என்ன செய்றதாம்!!

மெதுவடை ன்னு ஒரு பண்டிகை நாங்க கொண்டார்ரோம் சார் ! இது சலாமியா தேசத்துல வருசத்துல ஒவ்வொரு மாசமும் நடக்கும்.

கேள்விகளை கவனமா பார்த்து விடைகளை அவசரம் இல்லாம நிதானமா கண்டுபிடிங்கோ மக்கள்ஸ்!

Gulliver's Travels - நேற்றைய மாலைப் பொழுதில்

2011-12-31T10:34:00.001+04:00

நேற்றைய விடுமுறையினை சினிமாவுடன் கழிப்பதென முடிவெடுத்த பின், காணக்கிடைத்த படம் - Gulliver's Travels. வித்தியாசமான ஒரு திரைப்பட அனுபவம். அதுவும் பழைய நினைவுகளுடன் பார்க்க வேண்டியதாகிவிட்டது.

பாடசாலைக்கால நினைவுகளும் இதன் கூட ஒட்டிக்கொண்டது இன்னும் சுவாரசியம். ஆங்கில இலக்கியத்தில் அப்போதைய பாடத்திட்டத்தில் ஒரு பாடம் Gulliver's Travels. அது மூலக்கதை.

ஆனால், 2010ல் வெளியான இந்த திரைப்படம் வேறுவிதமான அனுபவத்தினை எனக்கு தந்தது. ஒரு கொண்டாட்ட மனநிலையுடன் இருக்கும் அந்த நாயகன் தொடர்பான ஈர்ப்பு அவரது மற்ற திரைப்படங்களையும் பார்க்க தூண்டுகின்றது. உண்மையில் மிக அருமை. அதுதான் அவரின் இயல்போ என சில தடவைகளில் எண்ண தோன்றுகின்றது.

குள்ள மனிதர்களின் உலகில் அவர் செய்கின்ற அடாவடிகள், குறும்புகள் என அனைத்தும் ரசிக்கும் படி இருந்தன. அதிலும், பிரபலமான அனைத்து திரைப்படக்கதைகளையும் தனது கதை என சொல்லி அந்த சிறிய மனிதர்களை நம்ப வைப்பதையும். அதே போல் அந்த திரப்படங்களுக்கு தனது பெயரினை ஒத்தவாறு தலைப்பிட்டு திரையிடுகின்ற நகைச்சுவை அபாரம். Avatar க்கு Gavatar.. )) அது மட்டுமன்றி அவர்களுக்கு I Pad னை G pad என எல்லாம் அதகளப்படுத்துகின்றார்.

சிறிய மனிதர்களையும் Gulliver னையும் உயர அளவிடையில் காட்சிப்படுத்துகின்ற இடங்கள் மிக அருமை. அனிமேசன் காட்சிகளில் எந்த ஒரு செயற்கைத்தனமும் தெரியவில்லை. மிக நேர்த்தியாக உழைத்திருக்கின்றனர். என்னை அசத்திய ஒரு காட்சி – உயரமான தூண் ஒன்றில் அந்த சிறிய மனிதர்கள் மூட்டைகளை ஏற்றுகின்றனர். இன்னொருவர் அதை எங்கோ கொட்டுகின்றார். காட்சி பின்னோக்கி செல்லுகின்ற போதுதான் தெரிகின்றது. அது காபி மெசின் என்பது. மிக அருமையான காட்சியமைப்புக்கள்.

காட்சியனுபவம் தாண்டியும் அதன் உள்ளே மெல்லியதாக சொல்லப்பட்டுள்ள காதல். அந்த சிறிய தேசத்து இளவரசிக்கும் அவளின் காதலனுக்கும் இடையிலாகட்டும் Gulliver க்கும் காதலிக்கும் இடையிலான காதலுமாகட்டும் , ரசிக்கும் படி இருந்தது. தனது குள்ள நண்பனுக்கு காதல் டிப்ஸ்களை அள்ளி வழங்கும் இடங்கள் நகைச்சுவையாக இருந்தன.

உண்மையில் Gulliver's Travels மிக அருமையான ஒரு காட்சியனுபவத்தினை எனக்கு நேற்று அளித்தது.

நீங்களும் காண : http://torrentbutler.eu/38745-gulliver-s-travels

விலைக்கழிவு வழங்கும் இணைய தளங்கள்..

2011-12-28T19:42:00.002+04:00

சந்தை விலையினை விட குறைந்த விலையில் பொருட்கள் சேவைகள் கிடைக்கின்ற போது யாராவது வேண்டாம் என்பார்களா? அதைத்தானே மக்கள் நாள்தோறும் தேடிக் கொண்டிருக்கின்றனர். அது மட்டும் இல்லாமல் நுகர்வோரின் இந்த மனநிலையினை வைத்துக் கொண்டுதானே நிறுவனங்கள் “ விலக்கழிவு” “ “தள்ளுபடி விற்பனை” “இரண்டு வாங்கினால் ஒன்று இலவசம் “என்றெல்லாம் கூறிக்கொண்டு நுகர்வோரை கவர்ந்திழுக்கின்றன.

இவ்வாறான நடவடிக்கைகள் நுகர்வோரின் மனநிலையுடன் தொடர்புடையதாகவே இருக்கின்றது. குறைந்த விலையில் கிடைக்கின்றதே என்ற காரணம் ஒன்றே நுகர்வோரினை தேவை இல்லாத சந்தர்ப்பங்களைக் கூட தேவைக்குரியதாக மாற்றிவிடுகின்றது. இதுவே நிறுவனங்களின் வெற்றி என்றே கூறலாம்.

அமீரகத்திலும் மற்றைய மத்திய கிழக்கு நாடுகளில் உள்ளவர்களும் இவ்வகையான சந்தர்ப்பங்களை நிச்சயம் சந்தித்தே இருப்பார்கள். அதுவும் ஆசிய நாட்டவர்களுக்கு நாட்டுக்கு போகின்ற போது பொருட்கள் கொள்வனவென்பது எழுதப்படாத விதி. அவ்வாறான வேளைகளில் இது வெற்றியளிக்கும். இது பெரும்பாலும் பண்டங்கள் சார் விலைக் கழிவோ தள்ளுபடியோ வாகவே இருக்கும்.

அதே வேளை, சேவை சார்ந்த விலைக் கழிவுகளை பெறுகின்றதற்கான வழிவகைகள் ஏதாவது இருக்கின்றதா என்பதை பார்த்தால். இருக்கின்றது. அதற்கான வழிமுறைகளை தர , பெற, இப்போது இணையத் தளங்கள் பல வந்துவிட்டன. இதில் சேவைகள் மட்டுமன்றி பொருட்களுக்கான விலைக்கழிவு கூப்பன்களும் கிடைக்கப் பெறுகின்றன.

அமீரகத்தினை பொறுத்தவரையில் இவ்வாறான விலைக் கழிவுக் கூப்பன்களை விற்கும் பிரபலமான இணையத்தளங்கள் பல உள்ளன. அவை நிறுவனங்களிடமிருந்து அவர்களின் பொருட்கள் சேவைகளுக்கான விலைக் கழிவினை பெற்று தமது பயனர்களுக்கு அளிக்கின்றது.

இதன் மூலம், நிறுவனம் புதிய நுகர்வாளர்களைப் பெறுவதோடு, அவர்களை நிரந்தர வாடிக்கையாளராக்குவதற்கான வாய்ப்பினையும் பெற்றுக் கொள்கின்றது.

இது போன்ற விலைக்கழிவு கூப்பன்கள் பெரும்பாலும் உணவகங்களுக்கான விலைக்கழிவாகவோ அல்லது ஒன்றிற்கு ஒன்று இலவசம் என்பது போலவோ இருக்கும். அது மட்டுமன்றி, ஒப்பனைபடுத்தல், மஸாஜ் சேவைகள் என்பவற்றிற்கும் இவ்வாறான விலைக் கழிவினை இவை வழங்குகின்றன. இதில் உள்ள தந்திரம் என்னவென்றால், ஏனைய நுகர்வுப் பண்டங்களுக்கு விலை குறிப்பது போல, சேவைகளுக்கு விலை இட முடியாது என்பதே!.

இதன் நம்பகத் தன்மை மற்றும் பண பரிவர்த்தனைகள் தொடர்பில் எந்த ஒரு மோசடியோ, வழ்க்களோ இது வரைக்கும் இங்கு நான் கேள்விப் படவில்லை. கடனட்டைகள் மூலம் பணம் செலுத்தும் வசதிகள் இருப்பதால் இது போன்ற கேள்விகள் எழ வாய்ப்பிருக்கின்றது. அதை உறுதி செய்ய, இந்த வகையான சேவையினைத் தரும் இணைய தளம் ஒன்றில் இருந்து,

AED9.00 க்கான கரும்பு ஜூஸ் கேன் ஒன்றினை AED 3.00 ற்கு கொள்வனவு செய்தேன். ( காசு போனாலும் மூணு திர்ஹம்தானே!!)

அதிலிருந்து இன்றுவரைக்கும் பல உணவகங்களுக்கான விலைக்கழிவு கூப்பன்கள், கையடக்க தொலைபேசி, போன்ற இலத்திரனியல் சாதனங்களுக்கான கூப்பன்களும் கொள்வனவு செய்து உபயோகித்திருக்கின்றேன்.

அனுபவத்தில் சொல்வதென்றால், உணவகங்களுக்கான் கூப்பன்களை பெறுவதில் மிக்க நன்மையும் லாபமும் உண்டு. சில உயர்தட்டு உணவகங்களுக்கு நாம் செல்ல இது போன்ற விலைக்கழிவு கூப்பங்களும் ஓரளவுக்கு உதவி செய்யத்தான் செய்கின்றது.

அதே போல், இது ஐக்கிய அரபு ராச்சியத்தில் மட்டுமன்றி பல்வேறு நகரங்களிலும் இச்சேவை உள்ளது.

விரும்புபவர்கள் இணைய தளங்களில் தேடி இச்சேவையினை தரும் தளங்களை கண்டு அதன் நம்பகத்தன்மைகளை நன்றாக விசாரணை செய்து அதன் சேவைகளை அனுபவியுங்கள்.

கவுஜை எழுதப் போறேன்.. நான் கவுஜை எழுத போறேன்……

2011-12-28T10:05:00.001+04:00

அண்ணா, நான் கவுஜை எழுத போறேன்

நீயுமா?????

அதென்ன நீயுமா?

இல்லடா, எல்லாரும் தொடங்கிட்டாங்களே நீயுமா ன்னு கேட்டேன்.

அதுல என்ன இருக்கு நானும் எழுதத்தான் போறேன்

என்ன மாதிரி கவிதை எழுதப் போறாய்?

இதெல்லாம் ஒரு மேட்டரா? மானே தேனே ன்னு போட்டு கீழ கீழ எழுதினா கவுஜை.

போடாங்க்…………

அப்போ???

டேய் கவுஜை னா.. வாசிக்கிறவன் தலைய பிச்சிக்கணும்.. ஏதோ இருட்டுக்க இருக்கிற பீல் வரணும்.. அதான் கவுஜ..

ஓ……..!! அது நமக்கு வராதே!!!!!!!

அப்ப நீ சரிப்பட்டு வரமாட்டே!!

இல்ல.. நான் எழுதியே ஆகுவேன்…….. ம்ம்… சரி .. நான் நம்ம TR மாதிரி ட்ரை பண்ண போறேன்..

கிழிஞ்சிடும்….டேய் தம்பி அதெல்லாம் வேணாம்.. நெறைய படி, பொறகு கவுஜை எழுத ட்ரை பண்ணு என்ன?

ஏன் +2 போதாதாண்ணா?

ஐயோ!!!!!!!!!!!!

பாரதிய பார்……….

யாருண்ணா அது, என்ன படம் நடிச்சிருக்காரு…….

@@#@##$#@$^&!!!!!!!!!!!!!!!!#$%^

எஸ்ரா சொல்லித் தரும் நாவல்கள்..

2011-12-26T17:57:00.001+04:00

நாட்டிற்கு சென்று திரும்புகின்ற ஒவ்வொரு தடவைகளும், கையில் கிடைக்கும் நூற்களினை காவிக்க்கொண்டு வருவது பழக்கமாகிவிட்டது. அலுவலகத்திலும் சரி, அறையிலும் சரி நேரம் கிடக்கின்ற போது வாசித்து முடித்துவிடுவேன். சில புத்தகங்கள் அலுப்பினை தந்தால் அதை மூடி வைத்து விட்டு, எப்போதாவது மீண்டும் திறப்பது வழக்கம். சில் நூற்கள் சுவாரசியமாக இருக்கும் கையோடு காவிச்சென்று கொண்டே இருக்க தோன்றும்.

அண்மையில் அப்படி வாசித்த ஒரு நாவல் – “கிழவனும் கடலும்” மீனோடு போராடும் அந்த முதிய மனிதன் பற்றிய சிந்தனைகளும் அது தொடர்பான விவரணங்களும் எங்கோ என் வாழ்க்கையின் சில இடங்களுக்குள்ளும் பொருந்திப் போவது போல ஒரு பிரம்மை. தமிழில் மிக அருமையாக பெயர்க்கப்பட்டுள்ளது. ஆசிரியர்களின் பெயர் நினைவில் இல்லை(.

அலுவலகத்தில், பிரயாணத்தில், அறையில் என ஒரு வாரம் முழுவதுமாக அந்த நாவல்தான். பக்கங்கள் குறைவென்றாலும் கிடைக்கின்ற கால இடைவெளியினைப் பொறுத்துத்தானே வாசிக்க முடியும். இது வரை அந்த நாவலின் பாதிப்பினை விட்டு என்னால் மீண்டு வர முடியவில்லை.

இது இப்படி இருக்க, இப்போது தொடங்கி இருக்கும் வாசிப்பு –

“ நம் காலத்து நாவல்கள்” – எஸ் ரா அவர்களின், உலக இலக்கியங்களில் முக்கிய இடம் பிடித்த நாவல்கள் பற்றிய அறிமுகங்கள். மிக அருமையான விளக்கங்களுடன் இருக்கின்றன.

Les Misérables பற்றிய வர்ணனை அதன் பின்னணி என ஆரம்பிக்கும் முதலாவது அத்தியாயம். தொடர்ச்சியான வாசிப்பனுபவத்திற்கு என்னை தயார்படுத்துவதாகவே உணர்கின்றேன். விக்டர் ஹியூகோ பற்றிய தேடல் எஸ் ரா மூலமாக ஆரம்பமாகியுள்ளது.

இதன் முதன்மையாக, இந்நாவலினை தழுவி வந்துள்ள திரைப்படத்தினை தரவிறக்கும் முடிவில் இருக்கின்றேன். 1998ல் வந்துள்ள வர்ண திரைப்படத்தினை காணலாம். கறுப்பு வெள்ளையில் ஏதோ ஒரு விதமான சோகம் படர்ந்திருப்பது போன்ற உண்ரவு எனக்கு அடிக்கடி உண்டாவதால் அதை பார்ப்பதில் இருந்து எப்போதும் தவிர்த்தே வந்துள்ளேன்.

Les Misérables நாவலின் தமிழாக்கம் ‘ குற்றமும் தண்டனையும்” என மொழிபெயர்க்கப்பட்டுள்ளது என்பதோடு அந்த நாவலின் அளவினை எஸ்ரா விவரிக்கின்றதைப் பார்த்தால், வாசிக்கும் ஆர்வத்தினை தாண்டிய இன்ன பிற சூழ்நிலைகள் , அதற்கான சாத்தியங்கள் இப்போது மிக குறைவே என்பதை சொல்லுகின்றன. ஓடியாடி ஓய்ந்த வேளைகளில் வாசிக்க இருக்கட்டுமே- உயிரோடிருந்தால் ))

ஒவ்வொரு நாவல் பற்றிய எஸ்ராவின் விவரணைகள் அந்நாவலின் மீதான காதலை தூண்டுவதோடு, அது பற்றிய தேடலினையும் கூட்டுகின்றது. இனி ஒவ்வொரு நாவல் பற்றிய அவரின் விளக்கங்களோடு, அந்நாவலினையும் படித்து விடுவது அல்லது அதை தழுவி வந்துள்ள திரைப்படங்களினை பார்ப்பது என்ற முடிவுடன் இப்போது ஆரம்பிக்கின்றேன்.

முதலில் - Les Misérables.. இது ஏதோ புது விதமாக இருக்கும் போல இருக்கின்றது. பார்ப்போம் ))

அடுத்த வருடமாவது முயற்சித்துப் பார்க்கலாம்..

2011-12-25T18:48:00.002+04:00

Health:
1. Drink plenty of water
2. Eat breakfast like a king, lunch like a prince and dinner like a beggar
3. Eat more foods that grow on trees and plants, and eat less food that is manufactured in plants
4. Live with the 3 E's -- Energy, Enthusiasm, and Empathy
5. Make time for prayer
6. Play more games
7. Read more books than you did in 2010
8. Sit in silence for at least 10 minutes each day
9. Sleep for 7 hours
10. Take a 10-30 minutes’ walk every day and.....while you walk - SMILE!

Personality:
11. Don't compare your life to others'. You have no idea what their journey is all about.
12. Don't have negative thoughts or things you cannot control. Instead invest your energy in the positive present moment.
13. Don't overdo ;keep your limits
14. Don't take yourself so seriously ;no one else does
15. Don't waste your precious energy on gossip
16.. Dream more while you are awake
17. Envy is a waste of time. You already have all you need..
18. Forget issues of the past. Don't remind your partner with his/her mistakes of the past. That will ruin your present happiness.
19. Life is too short to waste time hating anyone. Don't hate others.
20. Make peace with your past so it won't spoil the present
21. No one is in charge of your happiness except you
22. Realize that life is a school and you are here to learn. Problems are simply part of the curriculum that appear and fade away like algebra class but the lessons you learn will last a lifetime.
23. Smile and laugh more.
24. You don't have to win every argument. Agree to disagree.

Community:

25. Call your family often
26. Each day give something good to others
27. Forgive everyone for everything
28. Spend time with people over the age of 70 & under the age of 6 .
29. Try to make at least three people smile each day
30. What other people think of you is none of your business
31. Your job won't take care of you when you are sick. Your family and friends will. Stay in touch.

Life:
32. Do the right things
33. Get rid of anything that isn't useful, beautiful or joyful
34. GOD heals everything
35. However good or bad a situation is, it will change
36. No matter how you feel, get up, dress up and show up
37. The best is yet to come
38. When you awake alive in the morning, thank GOD for it
39. Your Inner most is always happy. So, be happy.

- மின்னஞ்சலில் வந்தது -

வாசகனாய் இருப்பதில் உள்ள அவஸ்தைகள்

2011-12-25T16:47:00.001+04:00

வாசிப்பில் கிடைக்கும் அனுபவம் புதிய தலைமுறைக்கு கிட்டவே இல்லை என்பதை விட, அவர்கள் அதை நிராகரித்தே விடுகின்றனர். ஏன் வளர்ந்தவர்களும் கூடத்தான்.

எமது வாசிப்பின் எல்லை ஒரு சினிமா செய்தியுடனோ, அல்லது அது சார் கிசு கிசுக் களுடனோ… அதையும் தாண்டி என்றால் ஒரு கற்பழிப்பு செய்தி பற்றிய சுவாரசியத்துடனோ முடிந்து விடுகின்றது.

இதில் உள்ள இன்னொரு பிரச்சினை என்னவென்றால், உண்மையான வாசகர்களை கண்டு கொள்வது மிக அரிதாக போய்விட்டது. அன்கொன்றும் இங்கொன்றுமாக இருக்கின்ற அவர்கள் தனித் தீவு போலாகிவிட்டனர்.

சினிமா கிசு கிசுக்களை பகிரவோ, அதை விவாதிக்கவோ தயாராகின்ற நண்பர்கள், ஒரு நூல் பற்றி அதன் வாசிப்பனுபவம் பற்றி கேட்பதற்கோ விவாதிப்பதற்கோ தயாராகுவதில்லை. அது பற்றிய சிறிய அனுபவங்கள் கூட இல்லாமல்தான் இருக்கின்றனர். அந்த வகையில் ஒத்த ரசனை கொண்டவர்களை இலகுவாக இனங்கண்டு அஹ்டு பற்றிய விடயங்களை மேலும் விவாதிப்பது போல, தீவிர வாசக நண்பர்களை காண்பது இப்போது மிக அரிதாகிவிட்டது.

திரைப்படங்களின் வெளியீடு பற்றிய செய்திகள், தினங்களில் காட்டுகின்றா அக்கறையினை வேறு நூற்களில் காட்டுகின்ற நண்பர்களை இது வரை நான் சந்தித்ததில்லை. ஒரு குழாமில் அது தொடர்பில் ஏதாவது பேச முனைந்தால், எல்லோரும் ஏதோ வேற்று கிரக வாசிகள் போல நம்மை நோக்குவார்கள். அதன் பின் நாம் மட்டும் தனித்து விடப்பட்ட உணர்வுடன் இருந்து தொலைக்க வேண்டியிருக்கும்.

இதிலும் இன்னொரு அவலம், ஒரு நூல் பற்றிய சுவாரசியத்தினை யாரிடமாவது பகிராவிட்டால் தலை வெடித்துவிடும் என்ற நிலையில், ஓரளவுக்காவது தேறுவான் என நினைக்கும் நண்பனிடம் போய் சொல்லுவோம். அவனோ, சிதம்பர சக்கரத்தை பேய் பார்ப்பது போல பார்ப்பானே ஒரு பார்வை!!!!!!!!!! எங்காவது போய் முட்டிக் கொள்ளத்தான் தோன்றும்.

இதை விடுங்கள், என்னிடம், ஆனந்தவிகடன் தினசரியா எனக் கேட்ட நண்பன் கூட இருக்கின்றான். சினிமா சார் ஒரு ஜனரஞ்சக பத்திரிகை தொடர்பான எமது அறிதல் இந்தளவுக்கே இருக்கின்றது.

தீவிர வாசகனாய் இருப்பதில் இன்னும் இன்னும் எத்தனையோ அவஸ்தைகள், இன்னல்கள் இருந்தும் அதை தொடர காரணம் – விடமுடியவில்லை என்பதுதான், அது ஒரு போதை – மீள முடியாத போதை. இதை வாசகர்கள் ஒத்துக் கொள்வார்கள்.

அமீரக பிரம்மச்சாரியின் புலம்பல்கள்..

2011-12-24T13:26:00.003+04:00

வேலை வேலை என அப்போதும் அலைந்து கொண்டிருக்கும் இந்த இயந்திர உலகில், தனிக்கட்டைகளுக்கான ( அதாங்க பிரம்ம்ச்சாரி) மரியாதை கொஞ்ச குறைவுதான்..

அதிலும் அமீரகத்தில்.. வெவ்வேறு வகையான பிரச்சினைகளை ஒவ்வொரு நாளும் சந்தித்தே ஆகவேண்டும். அதில் பிரதானம் – வீடு/அறை. தங்குவதற்கான அறைகள் தேடுவதில் உள்ள சிரமங்களை இங்குள்ள நண்பர்களிடம் கேட்டால் கதை கதையாக சொல்லுவார்கள். அந்தளவிற்கு கடினமான காரியம் அது. அதிலும் தொள்ளாயிரத்து தொண்ணூற்றெட்டு அனுசரிப்புக்கள் இருக்கும்.

பழைய அறை,சமைக்க அனுமதி இல்லை. விருந்தினருக்கு தடா, டீவி சத்தம் / பாத் ரூம் டைமிங்க், பின்னிரவு வருகை தடா………. என பல பல.. பட்டியலிட்டால் அது டெலிபோன் டிரக்ரி போல போய்விடும்.அதனால் இத்தோடு விட்டுவிடலாம்.

அதிலும் தற்போது, அமீரகத்தில் பிரம்மச்சாரிகளின் குடியிருப்புக்கள் மீது அந்நாட்டு அரசாங்கத்தின் வெம்பார்வையும் விழுந்துள்ளது. மரத்தால் விழுந்தவனை மாடேறி மிதித்த மாதிரி.. நிறைய நிறைய கட்டுப்பாடுகள் அந்நாட்டு மாநகர சபைகளினால் நிறைவேற்றப்பட்டுக் கொண்டிருக்கின்றன.

கொஞ்சமாவது பொருளாதார ரீதியில் தம்மை முன்னிறுத்த முனையும் எம்மை போன்ற ஆசியர்கள் சிக்கனம் என்பதை எப்போதும் முன்னிலைப்படுத்தியே வாழ்வதற்கு பழக்கப்படுத்திக்கொண்டுள்ளனர். அதன்படி, போக்குவரத்து செலவு, ரூம் வாடகை என்பவற்றினை எவ்வளவுக்கு எவ்வளவு குறைக்க முடியுமோ அவ்வளவிற்கு குறைக்க முயற்சித்துக் கொண்டிருக்கின்றனர். அதன் விளைவு, ஒரே அறையினை பலர் சேர்ந்து பயன்படுத்துதல். இதனால் கொடுக்கின்ற வாடகை தனிநபர் செலவில் குறைய வரும். ஆனால் தற்போது, அதில் அரசு கை வைத்துள்ளது. ஒரு அறையில் நான்கிற்கு மேற்பட்டோர் தங்க முடியாது என கட்டுப்பாடு விதிக்கப்பட்டுள்ளது. இதற்கு காரணமும் நம்மவர்களே,

1. சுத்தம் என்றால் என்ன விலை எனக் கேட்கும் பாகிஸ்தானிகள் / பங்காளிகள்

2. ஒரே அறையில் 10 பேருக்கு மேற்கூட தங்கும் மலையாளிகள்.

பலவிதமான காரணங்களினால், தீ விபத்துக்கள், மற்றும் இட நெருக்கடி மூலம் ஏற்படும் இன்னொரன்ன அசௌகரியங்களினால் அரசு இந்த முடிவினை எடுத்திருக்கின்றது.

ஆனால், இதன் பிரதான காரணமாக இருப்பதென்னவோ, செயற்கைத்தனமாக அதிகரிக்கப்பட்டுள்ள வாடகைதான் என சொல்லலாம். குளியலறையுடன் கூடிய ஒரு அறை 3,500.00 திர்ஹம்களில் இருந்து 5,000.00 திர்ஹம்கள் வரை நான் வசிக்கும் அபுதாபி நகரில் வடகைக்கு விடப்படுகின்றது. இவ்வறைகள் அனேகமாக ப்ளாட்களின் பகுதிகளாகத்தான் இருக்கும். நான்கு பேருக்கு மேல் தங்க அனுமதி இல்லை. அதாவது வாடகையின் பகிரும் விகிதம் ¼ ஆக மட்டுறுத்தப்பட்டுள்ளது. இது ஓரளவு நல்ல நிலையில் உள்ள ப்ளாட்டுக்கள்.

ஆனால் இந்தளவு வாடகை கொடுத்து இருக்க முடியாதவர்கள் என்ன செய்வார்கள்? இதே விலையில் கிடைக்கும் வசதி குறைச்சலான இடங்களில் குடியேறுகின்றனர் – ஆறுக்கு மேற்பட்டவர்களாக. இதன் போதுதான் மேற்சொன்ன விடயங்கள் நடந்தேறுகின்றன.

இருப்பிடம் என்பதன் அத்தியவசிய தேவையினை கருத்திற்கொண்டு செயற்கைத் தனமாக விலை ஏற்றப்படுவதை கட்டுப்படுத்தும் மார்க்கங்கள் எதனையும் இன்னும் இங்கு காணக்கிடைக்கவில்லை. அதற்கு மாற்றாக பிழைக்க வந்த சாதாரணர்களின் மீதே மேலும் பிடிகள் இறுக்கப்படுகின்றன.

இதனால், பல பிரம்மச்சாரிகளின் இயல்பு வாழ்க்கை இப்போது அமீரகத்தில் பாதிக்கப்பட்டுள்ளது.

அதிக இட நெருக்கடி, சீரின்மை மற்றும், ஒரு அறைக்குள் அனுமதிக்கப்பட்ட 4 பேரினை விட அதிகமான குடியிருப்பாளர்கள் என இனங்காணப்பட்டால், அந்த கட்டிட உரிமையாளர்களுக்கும், குடியிருப்பாளர்களுக்கும் அறிவித்தல் விடுக்கப்படுகின்றது. அது புறக்கணிக்கப்படுகின்ற போது, மாநகர சபை அக்குடியிருப்புக்கான மின், நீர் வசதி என்பவற்றை முன்னறிவிப்பு எதுவும் இன்றி நிறுத்தி விடுகின்றது.

இனி என்ன?? வெளியேற வேண்டியதுதான்.. மீண்டும் ஓட்டம். உடைமைகளை அள்ளிக் கொண்டு மீண்டும் தேடல் படலம். நல்ல ஒரு இடம் குறைந்த விலையில் கிடைக்காதா என்ற அவாவுடன் தேடித் திரிய வேண்டியதுதான்.

வெளிநாட்டு வாழ்க்கை எப்போதும் நாடோடி வாழ்க்கைக்கு சமாந்தரமான அனுபவத்தை தந்து கொண்டே இருக்கின்றது. ))

( படங்கள் : Gulfnews மற்றும் Google.. )

போட்டிருக்கிற இமேஜ் முதற்கொண்டா காப்பி அடிப்பீங்க.....

2011-12-19T11:26:00.000+04:00

அதேதான்.. பதிவு திருட்டு..

நாமளே, யாரும் இல்லாத டீக்கடையில டீ ஆத்திக்கு இருக்கோம். அதுக்குள்ளேயே திருடினா எப்பிடி பாஸ்? பிச்சைப் பாத்திரத்துக்குள்ள சைத்தான் புகுந்த மாதிரின்னு ஊருல சொல்லுவாய்ங்க அதுதான் நடந்துக்கு இருக்கு இங்க..

இதுல என்ன காமெடின்னா, ஒரு எழுத்து பிசகாமல் அப்படியே காப்பி பண்ணி போடுறது சரி, ஆனா இங்க – நான் போட்டிருக்கின்ற அதே படங்களையும் காப்பி பண்ணியிருக்காரு நண்பர் ஒருவர். ஹா…ஹா.. என்னா கொடுமை இது சரவணா???

பண்றதுதான் பண்றமே, அதை கொஞ்சம் மாற்றித்தான் போடக்கூடாதா? எதுக்கும் நீங்களும் பார்த்துக்கோங்கோ மக்களே உங்க பதிவுகளும் அவரின் வலைப்பூவில் இருக்கலாம். அதை நீங்க ரொம்ப ஈசியா தெரிஞ்சிக்கலாம். உங்க ப்ளாக்ல இருக்கிற இமேஜ் அவர்ர ப்ளாக் தெரிஞ்சா கொஞ்சம் செக் பண்ணிக்கோங்க..

எப்பா, ராசா.. நான் தனிப்பட்ட முறையில கொமண்ட் போட்டாலோ, செய்தி அனுப்பினாலோ பதில் சொல்றாய் இல்ல. இதப் பார்த்தாவது திருந்திக்கோ கண்ணு!!

2010 May ல் நான் எழுதிய பதிவு :

http://www.sarhoon.com/2010/05/blog-post_29.html

அவரின் ப்ளக்கில் உள்ள எனது பதிவு :

http://appakuttypvs.blogspot.com/2011/12/blog-post_3185.html

2010ல் மே ல் மின்னஞ்சலில் வந்ததை அப்படியே போட்டது ( நாமளே காப்பி பண்றோம், அதையே இவனுங்க அப்படியே ஈயடிச்சான் கொப்பி பண்றானுங்க..)

http://www.sarhoon.com/2010/05/25.html

அவரின் ப்ளக்கில் உள்ள எனது பதிவு :

http://appakuttypvs.blogspot.com/2011/12/25.html

இன்னும் இருக்கலாம் தேட நேரமில்லை. நீங்களும் பார்த்துக்கோங்க நண்பர்ஸ்..

மனுசன் வேறு மலையாளி வேறு….

2011-12-17T18:05:00.002+04:00

மத்திய கிழக்கு நாடுகளுக்கு வந்தவர்கள் அனைவருக்கும் மலையாளிகளுடன் பழகும் வாய்ப்பு விரும்பியோ விரும்பாமலோ கிடைத்தே தீரும். பெரும்பான்மை இங்கு அவர்கள்தானே!! மலையாளிகள் என்றால் கொஞ்சம் எச்சரிக்கையும் எரிச்சலும் பெரும்பான்மையாக தோன்றுவதை ஆரம்ப காலங்களில் ஆச்சரியத்துடன் பார்த்திருந்தாலும், போகப் போக அதற்கான காரணங்கள் பிடிபடத் தொடங்கியது.

எப்படி உங்க கூட நெருங்கி பழகினாலும், அவன் தனியே அவனுக்கென்று ஒரு அஜென்டா வச்சிருப்பான். அதுல உங்களுக்கு ஆப்படிக்குற ஐடியாவும் இருக்கும்.
எப்படித்தான் அவனுங்களுக்குள்ள அடிச்சிக்கிட்டாலும் புடிச்சிக்கிட்டாலும், வாய்ப்புக்களை அவனுகளை தாண்டி வெளியே போக விடாமல் பார்த்துக் கொள்ளுவானுகள்.
மன்னராட்சிக்கும் மலையாளிகளுக்கும் நல்ல ஒற்றுமை. சத்தியமாங்க!! நம்புங்க!! எப்படீன்னா, 40 வருசம் வேலை செஞ்சிட்டு கம்பனிய விட்டு போகும் போது, அவனின் வாரிசு, வாரிசின் வாரிசு என அனைவரும் அங்கு இருப்பாங்க.
குடிப்பதற்கு செலவளிக்கும் பணத்தில் 1/5 பங்கே சாப்பிட செலவழிப்பான். கடலை உருண்டை மட்டுக்கு அரிசி ( அதுக்கு பேர் மோட்டா, மத்தி மீன், ஒரு பீன்ஸ் சுண்டல். போதும் )
நொறுக்குத் தீனியோ, தேனீரோ வேண்டு மென்றால் வாய் கூசாமல் கேட்பான் மலையாளி நண்பன். அதே நேரம், தனியாகவே அவன் சாப்பிடுவான்.
தான் முன்னேற வேண்டுமென்றால், யாரையும் எதையும் போட்டுக் கொடுக்கவோ, கூட்டிக்கொடுக்கவோ பின் நிற்பதில்லை.
தெரியாத விடயத்தையும் தெரிந்தது போல சுத்த எனக்கு தெரிந்து இவனுகள்தான் பெஸ்ட். அதுவும் ஒரு வாரம் முன்பு நாம சொன்னதையே நமக்கு புது விசயம் போல சொல்லுவானுகள்
தாய் மொழி தமிழாக இருப்பதால்தான் நான் இன்னும் எங்க அலுவலகத்தில் மீதமா இருக்கேன். மத்த எல்லோரையும் மென்னு துப்பிட்டானுங்க. எனக்கு கேட்காத மாதிரி என்னையும் கழுவி இருக்காமலா போயிடுவானுங்க..
தனிமனித புகழ்ச்சியில் இவனுகளை அடிச்சிக்க ஆளே இல்ல. மனுசன் விழுந்தான் என்டா அத்தோட அவன் காலி.
ஆபிசில புடிகொடுக்காம இருக்கிறவங்கள எதிலாவது மாட்டிவிட வைக்கிறத ஒரு ப்ராஜக்ட்டாவே செய்வானுங்க.. அது தண்ணி, இல்ல பொம்புள ன்னு எதுவாவும் இருக்கலாம்.
வெட்கம் எங்கிறது ஒரு கடுகளவுக்கும் இருக்காதுப்பா.. அவன் காரியம் முடியணும்னா நீங்க என்னதான் திட்டினாலும், எவ்வளவு எறங்கி கேவலப் படுத்தினாலும். ம்ஹூம்… நோ ப்ரொப்ளம்.. ஆனா ஒனக்கு இருக்குடி ஆப்பு,

இப்பிடி இன்னும் எவ்வளவோ இருக்குப்பா… இவனுங்களோட நின்னு ஜெயிச்சா, எங்கேயும் எதிலையும் ஜெயிச்சிடலாம் மக்கள்ஸ்..))

இனித்த பெருநாட்கள்

2011-11-03T17:33:00.000+04:00

இன்னும் பசுமைகள் நிறைந்தே உள்ளன

பெருநாட்களின் நினைவுகளில்,

அதிகாலை தொடங்கும் குளியலுடன்,

தொட்டுத்தொட்டே தேய்ந்த புத்தாடைகள் சரசரக்க

மருதாணிக் கைகளுடன் அம்மா தரும் பட்சணங்கள் பெருநாளை வாசமாக்கும்.

புதிய பத்து ரூபாய் நோட்டொன்று அப்பாவிடமிருந்து

அடுத்த கணம் முதல் உலகில் நாந்தான் பணக்காரன்.

ஊதல்கள் தேடி, துபாக்கிகள் தேடி கடைத்தெருக்களில் கால்கள் அலையும்

கூடவே பத்து ரூபாயின் பெருமை சொல்லி..

பகல் உணவு – மகிழ்வுடனும் வீட்டுச்சேவல் பிரிந்த சோகத்துடனும் முடிய

மாமா வீடு தேடி ஓடுவோம் – இன்னொரு பத்து

இறுதியில் அதுவும் சர்பத், சாக்லேட் என முடிந்து போக…

கைகள் வெறுமையாக மனசு வழியும் மகிழ்வோடு,

மறுநாள் பாடசாலை செல்வோம் பை நிறைய பெருநாள் கதைகளோடு..

அனைத்து பதிவுலக நண்பர்களுக்கும் இனிய ஹஜ்ஜுப்பெருநாள் வாழ்த்துக்கள்!!

எங்களூர் நூலகத்தை இழந்துவிட்டது.

2011-11-02T19:31:00.001+04:00

நூலகங்கள் உலகினை திறந்துவிடும் சாளரங்கள்.

இப்போ அடிக்கடி நூலகம் பற்றி கதைக்கப்படுவதாலோ என்னவோ, எனக்கு எனது பழைய கால நினைவுகள் வந்துவிட்டன.

எங்களூர் நூலகம்,

கல்கியில் இருந்து சாண்டில்யன் வரை தெனாலி தொடங்கி அப்புசாமி கிழவர் வரை எனக்கு அறிமுகம் செய்தது. எங்களூர் நூலகம்தான். தந்தையின் கை பிடித்து நூலகம் சென்ற போது 10 வயதுதான். அன்றிலிருந்து இன்று வரை எங்களூர் நூலகத்தின் மீது ஒரு தீராக்காதல்.

இப்போதும் விடுமுறைக்கு ஊர் செல்லுகின்ற ஒவ்வொரு தடவையும் அங்கு சென்றுதான் வருவேன்.

அன்று மூன்று அறைகளை கொண்ட ஒரு வீட்டில்தான் எங்களூர் நூலகம் இருந்தது. முன் மண்டபம் பத்திரிகைகள். ஒரு அறை இரவல் புத்தக அறை. மற்றையது உசாத்துணைப் பகுதி. எப்போதும் நிறைந்து வழியும் பத்திரிகைப்பகுதியினைத் தாண்டித்தான், மற்ற பகுதிகளுக்கு செல்ல வேண்டும்.

அப்போதிருந்த நூலகர் ஒரு புத்தக பிரியர். நினைவு தெரிந்த நாட்களில் எப்போதும் அவரது கையில், கல்கியின் பொன்னியின் செல்வனோ, வியாச பாரதமோ இருக்கும். அவரது சிறிய கண்ணாடி அறைக்குள் எப்போதும் அதனோடே இருப்பது போல எனக்கு ஒரு பிரமை,

ஒவ்வொரு கால கட்டத்திலும் எங்களூர் நூலகம் எனக்கு வெவ்வேறு வர்சன்களாக பயன்பட்டன. ஆரம்பத்தில் சிறுவர் நூற்கள், வாண்டுமாமா நூற்களில் தொடங்கி ராணி காமிக்ஸ் வரை கிடையாய் கிடப்பேன். வருட இறுதிகளில் பழைய இதழ்களை விற்பனைக்கு வைப்பார்கள், கெஞ்சிக் கூத்தாடி எப்படியாவது கோகுலம், அம்புலிமாமா என வாங்கிவிடுவேன். அந்த உலகின் ரம்யங்கள் ரொம்ப அழகானவை.

அதைத்தாண்டி வந்த போது, பட்டப்படிப்பு பாடசாலைத் தேவைகள் அந்தந்த நூலகங்களில் நிறைவேறினாலும், மாலை நேரப் பொழுதை இனிமையாக்க எங்களூர் நூலகம்தான் எனக்கு துணை. குளம் சார்ந்த ஒரு பகுதியில் அமைவிடம் என்பதால் எப்போதும் ஒரு வித அமைதி சூழ்ந்திருக்கும். பழகிய முகங்கள். தொடர்ந்து வரும் நண்பர்கள் என வாசிகசாலையுடன் தொடர்புடையதாகவே சில நட்புக்களும் அமைந்துவிடும்.

தினசரி பத்திரிகைகளுக்கான கைப்பற்றல்களுக்கு நிறைய போட்டி நடக்கும். அன்றைய பத்திரிகை வந்தவுடன் முதன்முதலாக பிரிப்பதில் உள்ள ஒரு மகிழ்ச்சி… அது அனுபவித்தால்த்தான் தெரியும்.!

நூலகங்களின் நடைமுறைகள் அப்போதெல்லாம் மிக இறுக்கமாக எங்களூர் வாசிகசாலையில் பின்பற்றப்பட்டன. அமைதி!! என்பது எப்போதும் குடி கொண்ட ஒன்றாக இருக்கும். கதிரைகளைக் கூட இழுக்கத் தயங்கும் நண்பர்கள் கூட இருந்தனர். அதோடு , படித்த நூலகர், ஊழியர்கள் புத்தகங்களின் அருமை பற்றி அறிந்திருந்தனர்.

ஆனால், சென்ற முறை ஊரிற்கு சென்ற போது தவறாமல் செல்லும் எங்களூர் வாசிகசாலைக்கு சென்றேன். இப்போது இடம்மாறி மாநகராட்சி கட்டடத்தின் ஒரு மூலையில் தற்காலிகமாக இயங்கிக்கொண்டிருந்தது. மிக மெலிந்து போய்விட்டது. பழைய பார்த்து பழகிய முகங்கள் ஒன்றுமில்லை. ஒரு மீன் சந்தை போல எல்லோரும் கதைத்துக் கொண்டிருந்தனர். நூலகனும் ( ர் போட மனதில்லை..) யாரோ ஒருவருடன் கதையளந்து கொண்டிருந்தான்.

புதிய ஊழியர்கள். எங்களூர் அரசியல் வாதியின் சிபாரிசில் நியமனம் பெற்றவர்களாம். அனைவரும் அவருக்காக அடிதடி அரசியல் செய்ததற்கு அவர் கொடுத்த பரிசு – நூலக உத்தியோகத்தர் பதவி! எவ்வளவு பாரிய முரண். நிச்சயமாக அனைவருக்கும், நூலகமும் நூற்களும் இங்குதான் அவர்களுக்கு அறிமுகமாயிருக்கும் என்பது எனக்கு உறுதி.

நிறைய நேரம் நிற்க முடியவில்லை. திரும்பிவிட்டேன்.

எங்களூர் நூலகத்தை இழந்துவிட்டது...

ஒரு பிரம்மச்சாரியின் விபரீத ஆசை...

2011-11-01T17:59:00.000+04:00

திடீரென அன்று ஒரு விபரீத ஆசை ஒன்று தோன்றியது.

தோசை!!!!!!

ஆமாம் தோசை சப்பிட வேண்டும், அதுவும் நானே சுட்டு சாப்பிட வேண்டும்.

இதில் என்ன விபரீதம் என நீங்கள் யோசிக்கலாம். அபுதாபியில் பிரம்மச்சரியாக கண்டதையும் தின்று, ருசி மறந்து, பசிக்காக மட்டும் உண்டு வாழும் ஒரு ஆத்மாவுக்கு இது விபரீத ஆசை இல்லாமல் வேறென்ன??

ஆனா, நாமெல்லாம் ஓடுற ரயில ஒத்தக்கையால அதுவும் இடக்கையால நிறுத்தின ஆட்கள் அல்லாவா? விடுவமா!!!!!

ஒரு சுப யோக சுப தினமான வியாழன் இரவு, “ ஆபரேசன் ஒப் தோசை “ ஆரம்பமானது.

என்னவென்றாலும் நான் மட்டும்தானே. அதான் கோதாவில் குதித்தாயிற்று. தோசை சுட அடுப்பு சட்டி முக்கியமாக நெருப்பு என்பன தேவை என்ற அடிப்படை அறிவு ( ??? ) இருந்ததாலும், அவை கிடைக்கக்கூடியதாக இருப்பதால், தோசைக்கு வேறு என்ன தேவை என மூளையினை கசக்கியதில், தோசை மாவு என்று அசரீரி ஒலித்தது.

தோசை மாவு வாங்க, சுப்பர் மார்க்கட்டிற்குள் நுழைந்தால், இன்னும் குழப்பம். வகை வகையா, மாவுகள் எது தோசைக்கு என்பதை யாரிடம் கேட்பது?? தலையினை பிய்க்க தொடங்கும் போது, மார்க்கட் ஊழியர் வந்துவிட்டார். அவரிடம் இப்போ எந்த பாசையில கேட்பது என்ற பிரச்சினை. அனேகமாக அந்த மனிதர் இந்திக்காரராக இருக்க வேண்டும். எனது தோசை ஆசையில் ஹிந்தி ஒரு வில்லனா? என எண்ணிக்கொண்டே, எனது ஹிந்தி அறிவினை சபித்துக்கொண்டேன்.

“ கியா சாப்? “ என்றவரிடம். எனக்கு சொல்ல பதில் இல்லை.

பின்ன தோசை மாவு வேண்டும் என்பதை ஹிந்தியில் சொல்ல தெரிய வேண்டுமே. ஒரு வழியாக கையால் காலால் நடனமாடி புரியவைத்தபோது, அவன் சிம்பிளா, “ஹா! தோசா” என்றான்.

அடப்பாவி, இதச்சொல்லவா இவ்வளவு ரிஸ்க் எடுத்தாய் என்ற அவன் கேவலப்பார்வைக்கு பதில் தராமல், தோசை மாவுடன் நடையினை கட்டினேன்.

தோச மாவு ரெடி, தோசக்கல், அடுப்பு எல்லாம் ரெடி, இனி ஆட்டம் ஆரம்பம். அபுதாபியே உறங்கிக்கொண்டிருக்கும் ஒரு வெள்ளிக்கிழமை அதிகாலை 10 மணிக்கு ( இங்க வெள்ளி என்றால் இப்பிடித்தான் ) எனது தோசை சுடும் படலம் ஆரம்பமானது.

வீட்டில் அம்மா தோசை சுடுவதை பார்த்திருக்கின்றேன் என்ற தகுதியினை விட வேறென்ன தகுதி எனக்கு வேண்டும் – இந்த தோசையினை சுடுவதற்கு. என்ற வேகத்தில் சட்டியினை பற்ற வைத்தாயிற்று. மாவும் ரெடி. இனி ஆரம்பிக்க வேண்டியதுதான். என்ன தைரியமா தொடங்கினாலும் கை கொஞ்சம் வெட வெடப்பதை தடுக்க முடியல. ஆனாலும் விர்ரதா இல்ல.. இன்னைக்கு தோசையா நானா? எனப்பார்த்து விடுவது என்ற முடிவுடன், முதலாவது கரண்டி மாவினை எடுத்து கல்லில் விட்டேன்.

ஏதோ பரீட்சை முடிவுக்கு காத்திருக்கும் ஒரு மாணவனின் படபடப்பு.

ஸ்ஸ்ஸ்ஸ்ஸ்ஸ்ஸ்ஸ்ஸ்ஸ்… என்ற இசையுடன் மாவு தோசக்கல்லுடன் கதை பேசியது.. “சக்ஸஸ்.” மனதுக்குள் கூவிக்கொண்டேன். நிகழப்போகும் விபரீதம் புரியாமல்..

ஊற்றிய மாவு வட்டம் போலவும் இல்லாமல் .. வேறு எந்தவொரு வடிவம் போலும் இல்லாமல் யூகிக்கவே மிக கஸ்டமான ஒரு வடிவில் இருந்தது. சரி மாவு தோசையாகிவிட்டது என்ற முடிவில் கரண்டியினை விட்டு அதை வெளியே எடுக்க முயற்சித்தேன்… ரொம்ப ரொம்ப ஐக்கியம் போல.. கல்லுடன் எனது முதல் தோசை ஒட்டிக்கொண்டது.

அடடா. முதல் முயற்சி தோல்வியில் முடிவதா என்ற பதை பதைப்பு தொற்றிக்கொள்ள, தோசையினையும் கல்லினையும் பிரித்துவிடுவது என்ற முடிவில் ஒரு தமிழ் சினிமா வில்லனாகிவிட்டேன்.

கரண்டியினை விட்டு ஒரு எத்து எத்தியதில் பாதி தோசை முன் சுவரில் அப்பிக்கொண்டது. ஊற்றிய மாவு அதிகம் அதுதான் பிரச்சினை என ஒரு வழியாக சமாதானப்பட்டுக்கொண்டு, மீதியினையும் கழற்றி முடித்து, ரெண்டாவது ஆட்டத்திற்கு தயாரானேன்.

மாவினை கலந்து கரண்டியில் அள்ளும் போது, அறையில் இருந்து,

“ மச்சான் டைம் போயிட்டு, பள்ளிக்கு போகணும், குளிக்காம அங்க என்னடா பண்றாய்?” கத்திக் கொண்டிருந்தான் நண்பன்

அவ்வ்வ்வ்வ்வ்வ்வ்வ்வ் .. அதுக்குள்ள ரைம் போயிட்டா!!!!!!!

ஒன்ன கூட முழுசா தோசையா பாக்கல்லியேடா!!!!!!

என்ன கொடுமை இது!!

இனி என்னத்த செஞ்சி.. என்னத்த..

நெடிய பெருமூச்சோடு, மீதி மாவினை, இனி தோசை சுடுவதென்றால் ஒரு நாள் லீவெடுத்துத்தான் சுடுவது என்ற உறுதியோடு தூக்கி கடாசிவிட்டு , பள்ளிக்கு போக தயாரானேன்.

அன்றைய பகல் பொழுது வழமை போல, பக்கத்து மலையாள சேட்டன் கடை சோற்றோடு இனிதே(!@!#@#@#!#$@$#) முடிந்தது.

7,000,000,000 : நீருக்காக சண்டையிட தயாராகுங்கள்..

2011-10-31T16:08:00.000+04:00

இன்றிலிருந்து உலகின் சனத்தொகை இதுதான்- 700 கோடி!!! ஒவ்வொரு முறையும் சனத்தொகை கோடிகளைக் கடக்கின்ற தருணங்களில், அனைவரும் பேசுகின்ற விடயங்கள்,

வளப்பற்றாக்குறை.

இதோ இப்போதும் ஆரம்பித்துவிட்டது. இன்றைய நாளிதழ்கள் அனைத்தினை திறந்தாலும் இதுவே செய்தி / தலைப்பு புள்ளிவிபரங்கள் , படங்கள், எதிர்வு கூறல்கள் ,அறிஞர்களின் கருத்துக்கள் என அமர்க்களப்படுகின்றது. இவை எல்லாம் ஒரு வித திருவிழா மூட் போல, இரு தினங்களுக்கு பின் அனைத்தும் மறந்து அவரவர் அன்றாட தலையிடிகளுக்குள் அடங்கிவிடுவோம்.

வளப்பற்றாக்குறை தொடர்பான கவலை நமக்குள் மிக மிக குறைவாகவே இருக்கின்றது. அதற்கு காரணம். வளம் தொடர்பான நமது கண்ணோட்டம். தண்ணீர் ஒரு வளம் என்றால், நமது ஊர்களில் என்ன சொல்லுவார்கள்?? சிரிப்பார்கள். ஆனால் உண்மையில் இப்போது மிக முக்கியமாக பேசப்படும் வளப்பற்றாகுறைகளில் நீர்வளம் தொடர்பான பிரச்சினைகள் முதன்மை பெறுகின்றன. உலக சுகாதார நிறுவனத்தின் அறிக்கையின் படி,

நீர் வளப்பற்றாக்குறையினால் உலகில் உள்ள சனத்தொகையில் மூவருக்கு ஒருவர் பாதிக்கபடுகின்றனர்.
கிட்டத்தட்ட 1.2 Billion உலக சனத்தொகையினர் நீரினை பெற்றுக்கொள்வதில் பௌதீகரீதியான சிக்கல்களை எதிர்நோக்குகின்றனர்.
அபிவிருத்தி அடைந்த நாடுகளில் வாழும் உலக சனத்தொகையின் காற்பங்கு மக்கள், அங்குள்ள, சீரற்ற உட்கட்டுமானங்களினாலும், இன்ன பிற குறைபாடுகளினாலும் நீரினை பெறுவதில் சிரமங்களை எதிர்நோக்குகின்றனர்.
மேலும், சுத்திகரிக்கப்படாத , சுகாதாரமற்ற் நீரினை குடிநீராக பயன்படுத்துவதால் பல்வேறு நோய்களுக்கும் மக்கள் உள்ளாகின்றனர்.என உலக சுகாதார தாபனம் சுட்டிக்காட்டுகின்றது.

மேலும் சுகாதாரமற்ற நீரினை அதிகமான மக்கள் குடிநீராக பயன்படுத்துவதாகவும் உலக சுகாதார நிறுவனம் சுட்டிக்காட்டுகின்றது. சூடானில் 12.3 மில்லியன் மக்கள் இவ்வாறான நீரினையே பயன்படுத்துவதாக சுட்டிக்காட்டப்படுகின்றது.

சுத்தமான குடிநீரினை பெற இப்போது உலக நாடுகள் பல்வேறு திட்டங்களையும் நிடியினையும் செலவிட்டு வருகின்றன. இஸ்ரேல் சிங்கப்பூர் அமெரிக்கா போன்ற நாடுகள் வடிகட்டல் செயன்முறக்கான பெரிய கூடங்களை நிறுவி தமது நீர் வள நெருக்கடிக்கான குறைந்தளவான மாற்றீடுகளை பெறமுயற்சிக்கின்றன. இதே போல் இந்தியா சீனா போன்ற நாடுகளும் இவ்வாறான செயன்முறைகளில் கவனம் செலுத்தி வருவதோடு சிறியளவில் தமது செயற்திட்டங்களை நடைமுறைப்படுத்தி வருகின்றமையும் குறிப்பிடத்தக்கது.

இவற்றுக்கான மூல காரணம் வளத்தட்டுப்பாடே,

கிணற்றிலிருந்து சும்மாதானே கிடைக்குது என நாம் எண்ணிக்கொண்டால் அது மிக தவறு. அதுவும் ஒரு வளம் என்பதை புரிந்து இனி வரும் நாட்களில் சிக்கனாமாக செலவளிப்போம்.

எனவே தோழர்களே நீரின் முக்கியம் உணர்ந்து நிறைய விரயமாக்காமல் , சேமிக்க முயல்வோம்~~~

இனி வரும் காலங்கள் யுத்தங்களுக்கான காரணம் எண்ணை என்பதை தாண்டி நீராக இருக்கலாம் என யாரோ சொன்னது நினைவு கூரத்தக்கது.

நன்றி – WHO , Wikipedia .Google