welcome To Puthiyavan

சிறிலங்காவின் நிகழ்ச்சி நிரலுக்குள் தீபம் தொலைக்காட்சி சென்று கொண்டிருக்கிறதா?

2011-06-26T10:49:00.000-07:00

நெருக்கடிமிகுந்த வேளையில் புலம்பெயர்தேசங்களில் புதிய பரிமானத்தோடு விடுதலைப் போராட்டத்தை சர்வதேச ரீதியில் வீச்சாக்க வேண்டியது இன்றைய புலம்பெயர் மக்களின் தலையாய கடமையாகும்.
இதனை நிறைவேற்றுவதற்கு தமிழ் தேசியவாதிகள் மிக மும்முரமாக தமது பணியை ஆற்றிக் கொண்டிருக்கும் இக்கணத்தில் சில தமிழ் ஊடகங்கள் தமிழீழத் தேசியச் செயற்பாட்டுக்குக் குந்தகம் விளைவிக்க கூடியவகையிலும், எதிர்மாறான கருத்துருவாக்கங்களை ஏற்படுத்தக் கூடியதுமான நிகழ்ச்சிகளை நடாத்தி தமிழ் உணர்வாளர்களின் மனங்களை காயப்படுத்தும் செயற்பாடுகளில் ஈடுபட்டுக்கொண்டிருப்பது இந்நிறுவனங்களுக்கு ஆரோக்கியமானதல்ல.

கடந்த சில மாதங்களாக தமிழீழத் தேசியத்திற்கு விரோதமான அல்லது குந்தகம் விளைவிக்க கூடியதும்,எமது தேசிய விடுதலைப் போராட்டத்தை இழிவுபடுத்தி மாவீரர்களைக் கொச்சைப்படுத்தும் வகையில் தீபம் தொலைக்காட்சி சேவையில் திரு.அனஸ்ந அவர்களின் “கேள்விநேரம்” நிகழ்ச்சி அமைந்து காணப்படுவதையிட்டு ஈழமக்கள் அதிருப்தியும், ஆத்திரமும் கொண்டுள்ளனர் என்பது யதார்த்தம்.

தமிழீழ விடுதலைப் போராட்டத்திற்கு எமது மக்கள் கொடுத்தவிலை மிக மிக அதிகம். தமிழீழத் தேசியக்கொடியைத் தாங்கி அந்தக் கொடியின் கீழ் எமது உன்னத இலட்சியத்திற்காக வீழ்ந்த 40,000 மேற்பட்ட மாவீரர்களின் தியாகங்களை மறந்து தமிழீழத் தேசியக்கொடி தேவைதானா என்ற கேள்வி எழுவதே பச்சைத் துரோகம். அப்படியிருக்கையில் தீபம் ரீவி நிகழ்ச்சியில் தேசியக்கொடியை நாம் பயன்படுத்த வேண்டுமா என்ற கேள்வி நேர விவாத நிகழ்ச்சியை தேசவிரோதக் கும்பலைச் (கொன்சென்ரைன், சங்கர்) சேர்ந்தவர்களை அழைத்து ஓரணியில் இவர்களையும், மறு அணியில் விடையமறியாதவரையும் இருத்தி இரண்டு அணிகளாக வைத்து நடாத்துவதை என்னவென்று சொல்ல?

இந்த நிகழ்ச்சியில் பங்குபற்றிய தேசவிரோதக் கும்பலைச் சேர்ந்த குட்டி எனப்படும் சங்கர் கடந்த சில தினங்களுக்கு முன்னர் நியூமோல்டன் பகுதியில் நடமாடியதைக் கண்ணுற்ற ஒரு தேசிய உணர்வாளர் அவரை அணுகி இதுபற்றி விவாதித்தபோது சங்கர் அவர்கள் மாவீரர்களைக் கொச்சைப்படுத்தும் விதமாக தகாத வார்த்தைகளைப் பிரயோகித்தமையால் அங்கு குழுமிய ஈழமக்கள் ஆத்திரமுற்று அவரை நையப்புடைத்ததாக லண்டன் தகவல்கள் தெரிவிக்கின்றன.

இச்சம்பவத்தையடுத்து தீபம் தொலைக்காட்சியின் அனுசரனையுடன் இலங்கை தூதரகத்தின் ஏற்பாட்டில் சம்பவம் நிகழ்ந்த இடத்தில் சில சிங்கள இனவாதிகளும் தேசவிரோதக் கும்பலைச் சேர்ந்தவர்களும் கொன்சென்ரைன் தலைமையில் தமிழீழத் தேசியச் செயற்பாடுகளை முடக்கும் நோக்குடனான துண்டுப்பிரசுர விநியோக விளம்பரத்தை இன்று (26.06.11) மேற்கொண்டிருப்பது புலம்பெயர் மக்களை உணர்வுகளை சீண்டிப்பார்க்கும் நடவடிக்கையாகவே பார்க்க முடிகின்றது.

ஒரு தனிநபர் செய்கின்ற தவறுகள் நிறுவனத்தைச் சார்ந்ததல்லத்தான். ஆனால் ஊடகத்தினூடாக தனிநபர் செய்கின்ற தேசியவிரோதக் கருத்துக்களை ஆதரிப்பதும், அதற்காக வக்காளத்து வாங்குவதும் நிறுவனம் தன்னுடைய எண்ணக்கருத்துக்களையே தனிநபர் என்ற போர்வையில் வெளியிடுகின்றதா? என்ற கேள்வி எழுவது நியாயமானதே.

மேலும் இலங்கைப் பொருட்களை பகீஸ்கரிக்கும்படி அக்ற்நவ் (ஆCT ணோW) அமைப்பும், புலம்பெயர் இளையோர் அமைப்பும், மக்களும் இதற்காகவே தனியான போராட்டங்களை நடாத்திக்கொண்டிருக்கும் இந்த வேளையில் இலங்கையரசின் யடலொக் நிறுவனத்தின் தொலைபேசி இணைப்புக்களை விஸ் மொபைல் (Vஇழ்ழ் Mஒபிலெ) என்ற பெயரில் புலம்பெயர் தேசங்களில் வழங்கும் விநியோகிஸ்தர்களாக தீபம் தொலைக்காட்சி நிறுவனம் இருப்பது தமிழீழத் தேசியமக்களின் தேசிய அபிலாசைகளுக்கு புறம்பானதாக அமைந்து காணப்படுகின்றது. எனவே இவ்விடயங்கள் சார்பாக தீபம் ரீவி நிறுவனத்திடம் கேள்வி கேட்க வேண்டிய பொறுப்பு புலம்பெயர் மக்களிடம் உள்ளது. அதேபோல இதற்கான விளக்கத்தை தீபம் தொலைக்காட்சி நிறுவனம் தருமா???? மக்களே சிந்தியுங்கள், செயற்படுங்கள்.
உயர்வு தளத்துக்கு வந்த மின்னஞ்சலையே மேலே இணைத்துள்ளோம் என்பதை தெரிவித்துக்கொள்கிறோம்.

பிரிஸ்ரலில் நடைபெறும் இலங்கை இங்கிலாந்து கிரிக்கெட் போட்டிகளுக்கு எதிராக தமிழ் இளையோர் போராட்டம்!

2011-06-26T03:39:00.000-07:00

பிரித்தானிய பிரிஸ்ரல் மைதானத்தில் இன்று நடைபெறும் இலங்கை இங்கிலாந்து அணிகளுக்கிடையிலான கிரிக்கெட் போட்டிக்கு எதிராக தமிழ் இளையோர்கள் போராட்டம் நடத்தி வருகின்றனர்.
ஆளும் மஹிந்த அரசாங்கத்தின் மாத்தறை மாவட்ட பாரளுமன்ற உறுப்பினராக உள்ள இலங்கை கிரிக்கெட் வீரர் சனத் ஜெயசூரிய, இன்று சனிக்கிழமை பிரித்தானியா பிரிஸ்ரலில் நடக்கும் ஆட்டத்தில் இலங்கை அணியில் இணைந்து கொள்கிறார்.
Embed
" type="text">
இதனைக் கடுமையாக எதிர்த்து தமிழ் இளையோர்கள் ஆர்ப்பாட்டத்தில் ஈடுபட்டுள்ளனர். இவ்வார்ப்பாட்டத்தின் போது தமிழ் இளையோரினால் துண்டுப் பிரசுரமும் விநியோகிக்கப்பட்டுள்ளது.
இத் துண்டு பிரசுரத்தினை மக்கள் ஆர்வத்துடன் பார்த்து தங்களது உணர்வினையும் வெளிபடுதியுள்ளனர்.
சனல் 4 தொலைக்காட்சியில் வெளியான கொலைக்களத்தை தாம் பார்த்து அதிர்ந்து போனதாகவும் அதில் இறந்த, பாதிக்கப்பட்ட அப்பாவி தமிழ் மக்களுக்கு தமது அனுதாபத்தினை வெளிப்படுத்துவதாகவும் தெரிவித்தனர்.
தொடர்ந்தும் இப்படியான அழுத்தங்களினால் சர்வதேசத்தின் முன் சிங்கள அரசின் உண்மையான முகத்தினை வெளிகாட்ட முடியும் என இளையோர் அமைப்பினர் தெரிவித்துள்ளனர்.
தொடர்ந்தும் இவ்வெதிர்ப்பு ஆர்ப்பாட்டத்திற்கு தமிழ் மக்களின் ஆதரவை வழங்குமாறும் கேட்டுக்கொண்டுள்ளனர்.

ஐ.நா செயற்படுவதற்கு நிர்ப்பந்திக்கும் 'சிறிலங்காவின் கொலைக்களம்'

2011-06-23T10:24:00.000-07:00

'சிகுறிப்பிட்ட இந்த ஆவணப்படம் திரையடப்பட்ட பின்னர் இடம்பெற்ற கலந்துரையாடலின் போது, இந்தக் ஆவணப்படத்தினைப் பார்க்கும் போது கருத்திலெடுக்கக்கூடிய குறித்த சில வன்முறைகள் இடம்பெற்றிருக்க்கூடும் என பாலித கோகன்ன ஏற்றுக்கொள்ளவேண்டிய நிலைக்குத் தள்ளப்பட்டிருந்தார்.

இவ்வாாறு அனைத்துலக மன்னிப்பு சபையின் இணையத் தளத்தில் அதன் ஐநாவுக்கான பணியகத்தின் தலைமையாளர் எழுதியுள்ளார். [By José Luis Díaz, Head of Amnesty International’s United Nations Office] அதனை 'புதினப்பலகை'க்காக [www.puthinappalakai.com] மொழியாக்கம் செய்தவர் தி.வண்ணமதி.

றிலங்காவின் கொலைக்களம்' என்ற சனல்-4 தொலைக்காட்சியின் விபரணப்படத்தினை நியூயோர்க்கில் அமைந்திருக்கும் அனைத்துலக மன்னிப்புச்சபையின் ஐ.நா பணியகத்தில்
திரையிடுவதற்கு நாங்கள் தயாராகிக்கொண்டிருந்த வேளையில் அங்கு அதனைப் பார்ப்பதற்காகக் கூடியவர்களது அளவுக்கு அதிகமான எண்ணிக்கைதான் எங்களுக்குக் கவலையினைத் தந்தது.

ஐ.நா தலைமையகத்தில் ஊடகவியலாளர்களுக்காக இந்த ஆவணப்படம் திரையிடப்படுவதற்கு ஏற்பாடாகியிருந்தபோதும் ஐ.நா பொதுச்சபையில் பான் கீ மூனின் இரண்டாவது பதவிக்காலம் தொடர்பான வாக்களிப்பு இடம்பெறவுள்ளநிலையில் இந்த நிகழ்வு நிறுத்தமானது.

மன்னிப்புச்சபையின் நியூயோர்க் செயலகத்தில் இந்த ஆவணப்படத்தினைப் பார்ப்பதற்காக திரண்டிருந்த பெருந்திரளான பார்வையாளர்களைப் பொறுத்தவரையில் அவர்கள் இவ்வளவு காத்திரமான விடயங்கள் ஆவணப்படுத்தப்பட்டிருக்கும் என எதிர்பார்க்கவில்லை.

2009ம் ஆண்டு சிறிலங்காவினது இறுதிப் போரின் போது இடம்பெற்ற சம்பவங்கள் இந்த ஆவணப்படத்தில் சிறப்பாக ஆவணப்படுத்தப்பட்டிருக்கிறது. கடந்த வாரம் பிரித்தானியாவில் சணல் -4 தொலைக்காட்சியில் ஒளிபரப்பாகிய இந்த ஆவணப்படம் பின்னர் அதனது இணையத்தளத்திலும் வெளியிடப்பட்டிருந்தது.

இருப்பினும் இந்த ஆவணப்படத்தினைப் பார்ப்பதற்குத் திரண்டிருந்தவர்களில் எவருமே நெஞ்சைத் தொடுகின்ற, பயங்கரமான, தாங்கவேமுடியாத காட்சிகளைத் பார்ப்பதற்குத் தயாராக இருக்கவில்லை.

பொதுமக்கள் வேண்டுமேன்றே இலக்குவைக்கப்படும், கைதிகள் சுட்டுக்கொலைசெய்யப்படும் இந்தக் காட்சிகளை பாதிக்கப்பட்டவர்களும் ஏன் இந்தக் குற்றங்களைப் புரிந்தவர்களும்தான் ஒளிப்பதிவு செய்து வைத்திருந்தனர்.

ஆவணப்படம் திரையிடப்பட்டபோது இராசதந்திரிகள், மனித உரிமைப் பணியாளர்கள் மற்றும் ஊடகவியலாளர்களை உள்ளடக்கிய இந்தப் பார்வையாளர்கள் மத்தியிலிருந்து எந்தச் சத்தமும் எழவில்லை, ஏன் இதன்போது எவருமே தங்களது கைத்தொலைபேசி மீதான விரல் விளையாட்டிலும் ஈடுபடவில்லை.

ஐ.நாவிற்கான சிறிலங்காவினது தூதுவரும் அவரது துணைத் தூதுவரும்தான் இந்த ஆவணப்படம் தொடர்பாகப் பதிலளிப்பதற்குப் பதிலாக ஏதோ குறிப்பெடுத்துக்கொண்டிருந்தார்கள். இவர்களது கிறுக்கல் சத்தம்தான் கேட்டுக்கொண்டிருந்தது.

கலாநிதி பாலித கோகன்ன மற்றும் மேஜர் ஜெனரல் சவேந்திர சில்வாவின் தலைமையிலான 15 உறுப்பினர்களைக் கொண்ட குழுவொன்று இந்த ஆவணப்படத்தினை பார்ப்பதற்காக வந்திருந்தனர்.

போர் இடம்பெற்ற காலப்பகுதியில் சிறிலங்கா இராணுவத்தின் 58வது படைப்பிரிவின் தளபதியாகச் செயற்பட்ட சவேந்திர சில்வாவின் படமும் இந்த ஆவணப்படத்தில் காட்சிப்படுத்தப்பட்டிருந்தது. சரணடைவதற்கு வந்த விடுதலைப் புலிகளின் தலைவர்களைச் சுட்டுக்கொலைசெய்தாக இவர் மீது குற்றம் சுமத்தப்பட்டிருக்கிறது.

இந்த ஆவணப்படத்திற்காக சிறிலங்கா அரசாங்கத்தின் பதில் விசித்திரமானது. லிபியாவிலும் சூடானிலும் இடம்பெற்றதைப் போலல்லாமல் சிறிலங்காவினது விடயத்தில் பொறுப்புச்சொல்லும் செயன்முறையினை முன்னெடுப்பதற்காக அனைத்துலக சமூகம் இதுவரை எந்த நடவடிக்கையினையும் எடுக்காதமையானது சிறிலங்காவில் எந்தப் பிரச்சினையும் இடம்பெறவில்லை என்பதையே காட்டுகிறது என சிறிலங்கா அரசாங்கத்தின் இந்தப் பிரதிநிதிகள் வாதிடுகிறார்கள்.

ஆனால், கையடக்கத் தொலைபேசிகள் வாயிலாகவும் ஒளிப்படக்கருவிகள் ஊடாகவும் எடுக்கப்பட்டிருக்கும் காட்சிகள் மற்றும் ஐக்கிய நாடுகள் சபை, அனைத்துலக மன்னிப்புச்சபை உள்ளிட்ட அமைப்புகளினால் வெளியிடப்பட்டிருக்கும் ஆவணங்கள் என்பன உண்மையில் அங்கு இடம்பெற்றது என்ன என்பதை வெளிப்படையாகக் காட்டுகிறது.

குறிப்பிட்ட இந்த ஆவணப்படம் திரையடப்பட்ட பின்னர் இடம்பெற்ற கலந்துரையாடலின் போது, இந்தக் ஆவணப்படத்தினைப் பார்க்கும் போது கருத்திலெடுக்கக்கூடிய குறித்த சில வன்முறைகள் இடம்பெற்றிருக்க்கூடும் என பாலித கோகன்ன ஏற்றுக்கொள்ளவேண்டிய நிலைக்குத் தள்ளப்பட்டிருந்தார்.

இங்கு இவர் சற்று விட்டுக்கொடுப்புடன் செயற்பட்டிருக்கிறார் போலத் தெரிகிறது. இருப்பினும் சிறிலங்காவினது வரலாற்றில் ஏற்படுத்தப்பட்ட போலியான விசாரணை ஆணைக்குழுக்கள் மற்றும் 'கற்றுக்கொண்ட பாடங்கள் மற்றும் நல்லிணக்க ஆணைக்குழு' ஆகியவற்றின் பின்னணியில்தான் கோகன்னவின் இந்தக் கருத்தினை நாம் நோக்கவேண்டும்.

இது இவ்வாறிருக்க, ஐ.நாவின் செயலாளர் நாயகம் பான் கீ மூன் தனது இரண்டாவது பதவிக்காலத்தினை ஆரம்பித்திருக்கிறார். இந்த நிலையில் சிறிலங்காவினது போரின் இறுதி நாட்களில் இடம்பெற்றது எதுவோ அதற்கான பொறுப்புச்சொல்லும் பொறிமுறை தொடர்பாக தனக்கு ஆலோசனை வழங்குவதற்காக பான் கீ மூன் அமைத்திருந்த வல்லுநர்கள் குழுவின் அறிக்கையில் குறிப்பிடப்பட்டிருந்த பரிந்துரைகளை இனியாவது நடைமுறைப்படுத்துவார் என நம்புவோம்.

வல்லுநர்கள் குழுவின் அறிக்கையினை பல்வேறுபட்ட நாடுகளும் வரவேற்றிருந்தமை இங்கு குறிப்பிடத்தக்கது.

பொய்க் குற்றச்சாட்டு அறிக்கைகளைப் படிக்க நேரமில்லை - கோத்தாபய ராஜபக்ச

2011-04-15T23:31:00.000-07:00

விடுதலைப் புலிகளுக்கு எதிரான போரின் இறுதிக் கட்டத்தில் மனிதஉரிமைகளை மீறியதாக சுமத்தப்படும் குற்றச்சாட்டுகள் குறித்து சிறிலங்கா அரசாங்கம் ஒருபோதும் கவலைப்படப் போவதில்லை என்று கூறியுள்ளார் சிறிலங்காவின் பாதுகாப்புச் செயலர் கோத்தாபய ராஜபக்ச.

சிறிலங்காவின் அரச ஊடகம் ஒன்றுக்கு கருத்து வெளியிட்ட போதே அவர் இவ்வாறு கூறியுள்ளார்.

“விடுதலைப் புலிகளுக்கு எதிரான போரின் போது அரசபடைகள் மனிதஉரிமை சட்டங்களுக்கு அமையவே செயற்பட்டிருந்தனர்.

போரின் இறுதிக்கட்டத்தில் இடம்பெற்ற சம்பவங்கள் எதையும் சிறிலங்கா அரசாங்கம் மறைக்கவில்லை.

நாட்டை மீளக்கட்டியெழுப்புதல், புலிகளின் நிர்வாகத்தின் கீழ் இருந்து பாதிக்கப்பட்ட தமிழர்களுக்கு வசதிகளைச் செய்து கொடுத்தல் என்று சிறிலங்கா அரசுக்கு பல்வேறு முக்கிய வேலைகள் உள்ளன.

இந்தநிலையில் அனைத்துலக மனிதஉரிமை அமைப்புகளின் பொய்யான குற்றச்சாட்டுகள் அடங்கிய அறிக்கைகளைப் படித்துக் கொண்டிருக்க எனக்கு நேரமில்லை.

இது போன்ற அறிக்கைகள் காலத்துக்குக் காலம் வருவது தான்" என்றும் அவர் மேலும் கூறியுள்ளார்.

எஸ்.வி. சேகர் - கராத்தே தியாகராஜன் மற்றும் பலர் காங்கிரஸ் கட்சியிலிருந்து நீக்கம்: தங்கபாலு

2011-04-14T01:41:00.000-07:00

காங்கிரஸ் வேட்பாளர் தேர்வில் தங்கபாலுக்கு எதிர்ப்புகள் கிளம்பின.
மயிலாப்பூர் தொகுதியில் அவர் போட்டியிடுவதை கண்டித்தும் போராட்டங்கள் நடந்தன. இந்த நிலையில் காங்கிரஸ் கட்சியின் அதிகாரப்பூர்வமான வேட்பாளர்களுக்கு எதிராகவும் எதிர்க்கட்சிகளுக்கு சாதகமாகவும் நடந்து கொண்டதாக 19 பேரை காங்கிரஸ் கட்சியில் இருந்து நீக்குவதாக தங்கபாலு அறிவித்துள்ளார்.

நீக்கப்பட்டவர்கள் விவரம் வருமாறு:- முன்னாள் துணைமேயர் கராத்தே தியாகராஜன், நடிகர் எஸ்.வி. சேகர், மா.முத்துசாமி, கவுன்சிலர்கள் மங்களராஜ், செங்கை செல்லப்பன், சாந்தி சம்பந்தம், இளைஞர் காங்கிரசை சேர்ந்த டி. விஜயசேகர், ஜேம்ஸ் ஜி. பிரகாஷ், ரஞ்சன்குமார், ஆர்.வி. ரஞ்சித்குமார், ஜே. சுரேஷ், சக்திவேல், ஜவகர் பாபு, மாணவர் காங்கிரசை சேர்ந்த கமல், பவன் குமார், பட்டுக்கோட்டையை சேர்ந்த ஏ.ஆர்.எம். கோவிந்த ராஜன், எஸ். திருஞானம், கே.ஆர். நாடிமுத்து, வில்லிவாக்கம் சாந்தகுமார்.

காங்கிரஸ் கட்சி உறுப்பினர்கள் இவர்களுடன் கட்சி ரீதியாக எவ்வித தொடர்பும் வைத்துக் கொள்ளக்கூடாது என்று தங்கபாலு கூறியுள்ளார். கட்சியில் இருந்து நீக்கப்பட்ட எஸ்.வி. சேகரும், கராத்தே தியாகராஜனும் மயிலாப்பூர் தொகுதியில் போட்டியிட டிக்கெட் கேட்டவர்கள் என்பது குறிப்பிடத்தக்கது. ஆனால் தங்கபாலு மனைவிக்கு அங்கு சீட் கிடைத்தது. பிறகு அவரது வேட்பு மனு தள்ளுபடியானதால் மாற்று வேட்பாளராக வேட்பு மனுதாக்கல் செய்து இருந்த தங்கபாலு அதிகாரப்பூர்வ வேட்பாளரானார்.

காங்கிரசில் இருந்து நீக்க தங்கபாலுக்கு அதிகாரம் இல்லை என்று எஸ்.வி. சேகரும், கராத்தே தியாகராஜனும் அறிவித்து உள்ளனர்.

அன்னை பார்வதி அம்மாளின் ஈமச் சாம்பல் கடலோடு சங்கமம்! (வீடியோ இணைப்பு)

2011-03-23T10:28:00.001-07:00

தமிழீழ விடுதலைப் புலிகளின் தலைவர் வேலுப்பிள்ளை பிரபாகரனின் தாயார் பார்வதி அம்மாவின் ஈமச் சாம்பல் வீர முழக்கம் விண்ணை முட்ட கடலோடு கரைக்கும் நிகழ்வு நேற்று பழ நெடுமாறன் தலைமையில் சென்னையில் நடைபெற்றது.

அமரர் பார்வதி அம்பாளின் 31ஆவது நினைவு நாளை ஒட்டி அன்னையாரின் ஈமச்சாம்பலை, மலர் தூவி கடலில் கலக்கும் நிகழ்வு நேற்று மாலை 6 மணியளவில் சென்னை கண்ணகி சிலை எதிரில் உள்ள கடற்கரையில் நடைபெற்றது.

இந்நிகழ்விற்குத் தலைமையேற்றிருந்தார் ஐயா பழ நெடுமாறன். வைகோ, காசியானந்தன்ன,நடராசன் தியாகு உட்பட பல்வேறு அரசியல் தலைவர்களும், மன்சூரலிகான், கௌதமன் உட்பட திரையுலகப் பிரபலங்களும் இதில் கலந்து கொண்டனர்.

நாம் தமிழர் உட்பட பல்வேறு அரசியல் கட்சியைச் சார்ந்த பல்லாயிரக் கணக்கான தொண்டர்களும் இதில் கலந்து கொண்டு அன்னைக்கு வீர வணக்க அஞ்சலி செலுத்தினர்.

மாலை 5.30 மணிக்கு தாயாரின் ஈமச் சாம்பலுடன் நெடுமாறன் வைகோ ஆகியோர் கண்ணகி சிலைக்கு வந்து சேர்ந்தவுடன் அங்கு கூடியிருந்தோரின் வீரமுழக்கம் கடற்கரை எங்கும் எட்டு திக்கும் எதிரொலித்தது.

அங்கிருந்து ஐயா நெடுமாறன் அன்னையின் ஈமச் சாம்பலை ஏந்தி வர சிறிது தூரத்திற்கு பிறகு அவரிடம் இருந்து வைகோ பெற்று கொண்டார். அரை மணி நேர நடை பயணத்திற்கு பிறகு வங்கக் கடலில் வீரமுழக்கம் விண்ணை முட்ட தாயாரின் ஈமச் சாம்பல் மலர் தூவி கடலில் கரைக்கப்பட்டது.

புலம்பெயர் நாடுகளில் உள்ள 20 தமிழர்களை கைது செய்ய அரசு பகீரதப் பிரயத்தனம்!

2011-02-01T11:02:00.000-08:00

திங்கட்கிழமை, 31 ஜனவரி 2011 02:25 .புலம்பெயர் நாடுகளில் வாழும் தமிழீழ விடுதலைப் புலிகள் இயக்க ஆதரவுச் செயல்பாட்டாளர்கள் என்று கூறப்படும் 20 பேரை கைது செய்ய அரசு நடவடிக்கை எடுத்துள்ளது.

நீதிமன்ற உத்தரவின் பேரில் இண்டபோல் பொலிஸார் மூலமாக இவர்களை மடக்கிப் பிடிக்கும் செயல்பாடுகள் முடுக்கி விடப்பட்டுள்ளன.

20 பேரினதும் பெயர், விபரம் ஆகியன வருமாறு:-

* வி.கிருபாகரன் - பிரான்ஸ்
* எனா பரராஜசிங்கம் - ஆஸ்திரேலியா
* ஆரூரன் - ஆஸ்திரேலியா
* வசந்தி பிரான்ஸிஸ் - நோர்வே
* ஜெயலட்சுமி - மலேசியா
* எம். பாஸ்கரமூர்த்தி - ஜேர்மனி
* ஜெயபாலன் - டென்மார்க்
* சசிலா - கனடா
* ரி.சரோஜா - இத்தாலி
* நாகலிங்கம் - ஜேர்மனி
* ரவி - சுவீடன்
* கே. சிதம்பரம் - கனடா
* கே.பிரேம் - பிரான்ஸ்
* வசந்த நாராயன் - பிரித்தானியா
* ராஜன் - ஜேர்மனி
* பி. எல்பேட் - சுவிற்சலாந்து
* எஸ். மகேஸ்வரன் மூர்த்தி - ஹோலந்து
* எஸ். ஜீவநாதன் - சுவிற்சலாந்து
* கரிகாலன் - மலேசியா
* சேவியர் - கனடா

ஆசிரியர் குறிப்பு: பொலிஸாரால் நீதிமன்றத்தில் தாக்கல் செய்யப்பட்ட மனுவில் இருந்தவாறே பெயர்கள் பிரசுரம் ஆகி உள்ளன என்பதை தமிழ். சி.என்.என் வாசகர்களுக்குத் தெரியத் தருகின்றோம்.

http://www.tamilcnn....7734&Itemid=410

ராஜபட்சே ஒரு நாட்டின் அதிபரல்ல, ஓர் இனத்தைப் படுகொலை செய்த கொலைவெறியன்

2011-01-24T13:23:00.000-08:00

உலகின் எந்த நாட்டிலும் நடமாடமுடியாதபடி சிங்கள இனவெறியன் ராஜபட்சேவை விரட்டி விரட்டி அடிக்கும் புலம்பெயர் தமிழ்ச் சொந்தங்களுக்கு நாம் தமிழர் கட்சி நன்றி கலந்த வணக்கத்தைத் தெரிவித்துக் கொள்கிறது. இந்தியா முதலான எல்லா நாடுகளிடமிருந்தும் ஆயுதம் வாங்கி, எங்கள் சொந்தங்கள் ஒருலட்சம் பேரைக் கொன்று குவித்தவன் அந்தக் கொலைவெறியன். இன்று அந்த இனவெறியனால் எந்த நாட்டுக்கும் போகமுடியாத நிலை.

லண்டனிலிருந்து அமெரிக்கா வரை, ராஜபட்சேவை ஒரு விரும்பத்தகாத விருந்தாளியாகக் கருதும் அளவுக்கு ஒன்றரை ஆண்டுகளில் நிலைமை தலைகீழாக மாறிவிட்டது. அந்த அளவுக்கு வலுவான போராட்டங்களை நடத்தி வரலாறு படைத்திருக்கும் எங்கள் புலம்பெயர் சொந்தங்கள் ஒவ்வொருவரையும் வரலாறு வாழ்த்தும்.

ராஜபட்சே என்கிற அந்த கொடுங்கோலன், சொந்த நாட்டின் மக்கள் மீதே விமானக் குண்டுவீச்சு நடத்தியவன் - பச்சைக் குழந்தைகளைக் கூட கொன்று குவித்தவன் - பல ஆயிரம் அப்பாவிகளைப் பட்டினி போட்டே சாகடித்தவன் - மிகக்கொடிய நச்சு ஆயுதங்களையும் ரசாயனக் குண்டுகளையும் ஈவிரக்கமில்லாமல் பயன்படுத்தியவன் - எங்கள் தமிழ்ச் சகோதரிகள் கதறக் கதறப் பாலியல் வன்முறைக்கு உட்படுத்தப் பட்டதற்கு முழுமுதல் காரணகர்த்தா. அந்தக் கொடுமையாளன் செல்கிற இடத்திலெல்லாம், தமிழ் மக்கள் விழிப்போடும் உறுதியோடும் நின்று போராடுவதைப் பார்க்கும் போது, எங்கள் இனம் எத்தகைய அழிவிலிருந்தும் மீண்டு எழும் என்ற நம்பிக்கை ஏற்பட்டிருக்கிறது.

வீரத் தமிழ்மகன் முத்துக்குமார் உடல் தகனம் செய்யப்பட்ட மறுநாள், கடும் குளிரையும் கொட்டுகிற பனியையும் பொருட்படுத்தாமல், தேசியத் தலைவர் அண்ணன் பிரபாகரன் படத்தை ஒரு கையிலும், தம்பி முத்துக்குமார் படத்தை மறுகையிலும் ஏந்தியபடி லண்டன் தேம்ஸ் நதிக்கரையில் ஒன்றேகால் லட்சம் இளைஞர்கள் திரண்டார்கள். ஈழப் போராட்டத்தை முன்னெடுத்துச் செல்வதில் முன்னணியில் இருக்கும் கனடாவிலும், பிரான்ஸ் முதலான ஐரோப்பிய நாடுகளிலும், லட்சக்கணக்கான இளைஞர்கள், இளம்பெண்கள் திரண்டார்கள். எங்கள் தேசியத் தலைவர் பிராபகரன் என்கிற பதாகைகளை ஏந்தி வந்தார்கள். ஈழப்போராட்டம் அடுத்த தலைமுறையின் கைக்கு வந்துவிட்டது என்பது அப்போதே உறுதியாகிவிட்டது.

இப்போதும், லண்டனில், கொட்டுகிற பனியில் நனைந்தபடி ராஜபட்சேவை விரட்ட ஆயிரக்கணக்கில் திரண்ட இளைஞர்கள், உலகெங்குமுள்ள தமிழ்ச் சொந்தங்களுக்கு தெளிவான பாதையைக் காட்டியிருக்கிறார்கள். ஒன்று சேர்ந்து உறுதியுடன் நின்றால் எதையும் சாதிக்க முடியும் என்பதை நிரூபித்ததோடு, 'ராஜபட்சே ஒரு நாட்டின் அதிபரல்ல, ஓர் இனத்தைப் படுகொலை செய்த கொலைவெறியன்' என்பதை சர்வதேச அளவில் நிலைநிறுத்தியும் உள்ளார்கள்.

ராஜபட்சேவை மட்டுமில்லாமல் இனப்படுகொலைக்குக் காரணமான ஒவ்வொருவரையும் குற்றவாளிக் கூண்டில் நிறுத்தும் கடமை நம் ஒவ்வொருவருக்கும் இருக்கிறது. அந்தக் கடமையை நிறைவேற்றாவிட்டால் வாகரையிலிருந்து முள்ளிவாய்க்கால் வரை விரட்டி விரட்டிக் கொல்லப்பட்ட நமது சொந்தங்களுக்கு நியாயம் கிடைக்காது. அந்தக் கடமை முடியும்வரை, மெய்வருத்தம் பாரோம், கண் துஞ்சோம், அஞ்சோம் - என்று உறுதியேற்போம்.

அன்புடன்

சீமான்

ஆசிரியரின் திருமணத்திற்கு பாடசாலை விடுமுறை

2011-01-22T10:54:00.000-08:00

அட்டன் கல்வி வலயத்துக்கு உட்பட்ட கினிகத்தேனை சிங்கள மகா வித்தியாலயத்தில் சேவையாற்றுகின்ற ஆசிரியர் ஒருவரின் திருமணத்தினை முன்னிட்டு பாடசாலைக்கு இன்று விடுமுறை வழங்கப்பட்டுள்ளதாக எமது செய்தியாளர் தெரிவிக்கின்றார்.

எனவே இவ்விடயம் தொடர்பில் உரிய விசாரணைகளை மேற்கொள்ளுமாறு பெற்றோர் கோரிக்கை விடுத்துள்ளனர். ஆசிரியரின் திருமணத்திற்காக இந்தப்பாடசாலையை இன்று மூடுவதற்கு அட்டன் கல்வி வலயத்தின் மேலதிக கல்விப்பணிப்பாளர் ஒருவர் அனுமதி வழங்கியிருந்ததாக தகவல்கள் தெரிவிக்கின்றன.

இந்த நிலையில் இவ்விடயம் தொடர்பாக அட்டன் வலயக்கல்விப்பணிப்பாளர் எம்.ரெங்கராஜியிடம் தொடர்பு கொண்டு கேட்ட போது ஆசிரியர் ஒருவரின் திருமணத்திற்காக பாடசாலைக்கு விடுமுறை வழங்கமுடியாது என்றும் குறிப்பிட்ட பாடசாலைக்கு விடுமுறை வழங்கப்பட்ட நாளுக்குப் பதிலாக பிறிதொரு நாளில் பாடசாலையை நடத்துவதற்கு குறிப்பிட்ட பாடசாலையின் அதிபருக்கு அறிவிக்கப்பட்டுள்ளதாகவும் தெரிவித்தார்.

இதே வேளை மேற்படி சம்பவம் தொடர்பில் விசாரணை ஒன்று மேற்கொள்ளப் படவுள்ளதாகவும் அறிவிக்கப்பட்டுள்ளது.

போர்க் குற்றங்கள்: மீண்டும் சிக்கலில் சிறிலங்கா அதிபர்

2011-01-21T11:07:00.001-08:00

சிறிலங்காவினது அதிபர் மகிந்த ராஜபக்ச தனிப்பட்ட பயணமாக அமெரிக்காவிற்குப் பயணமாகிறார் என்ற செய்தி வெளிவந்திருக்கும் நிலையில், சிறிலங்காவில் இடம்பெற்றதாகக் கூறப்படும் போர்க் குற்றங்கள் மற்றும் சித்திரவதைகள் தொடர்பாக மனித உரிமை அமைப்புக்கள் மீண்டும் குரலெழுப்பியிருக்கின்றன.

போரின் இறுதி நாட்களில் சிறிலங்கா இராணுவத்தினரும் விடுதலைப் புலிகளும் போர்க் குற்றங்களில் ஈடுபட்டார்கள் எனக் குற்றம் சுமத்தப்படுகிறது. சிறிலங்காவினது முப்படைகளின் தளபதியாக அதிபர் மகிந்த ராஜபக்சவே இருக்கிறார்.

அனைத்துலக சட்டத்திற்கு அமைய, தங்களுக்குக் கீழ் செயற்படும் இராணுவத்தினர் இதுபோன்ற போர்க் குற்றங்களில் ஈடுபட்டிருந்ததை அதன் தளபதி அறிந்திருந்தால் அனைத்துலக சட்டங்களுக்கு அமைய அந்தத் தளபதியினை நீதியின் முன் நிறுத்தமுடியும் என அனைத்துலக மன்னிப்புச் சபை கூறுகிறது.

"நீதிக்குப் புறம்பான கொலைகள், துன்புறுத்தல் மற்றும் கட்டாய காணாமல்போதல் போன்ற மனித உரிமை மீறல்கள் மற்றும் போர்க் குற்றங்களில் ஈடுபட்டவர்கள் யாரோ அவர்களுக்கு எதிரான சட்ட முன்னெடுப்புக்களைச் அனைத்துலக சட்டங்களின் அடிப்படையில் முன்னெடுக்கவேண்டிய கடப்பாடு அமெரிக்காவுக்கு உள்ளது" என அனைத்துலக மன்னிப்புச் சபையின் ஆசிய பசுபிக் பிராந்தியத்திற்கான பணிப்பாளர் சாம் சறீபி [Sam Zarifi] கூறுகிறார்.

சிறிலங்காவினது அதிபர் மகிந்த ராஜபக்ச தனிப்பட்ட பயணமாக அமெரிக்காவிற்கு வந்திருக்கிறார் என்பதை அமெரிக்காவிலுள்ள சிறிலங்காவினது தூதரகத்தின் பேச்சாளரால் உறுதிப்படுத்த இயலவில்லை.

சிறிலங்காவில் போரின் இறுதி நாட்களில் இடம்பெற்ற சம்பவங்கள் தொடர்பாக தனக்கு ஆலோசனை வழங்குவதற்காக ஐ.நா செயலாளர் நாயகம் பான் கீ மூன் அவர்கள் வல்லுநர்கள் குழு ஒன்றை அமைத்திருக்கிறார்.

தற்கொலைத் தாக்குதல்களை முன்னெடுத்ததோடு சிறுவர்களையும் படையில் இணைத்துவந்த தமிழீழ விடுதலைப் புலிகள் அமைப்பினை அமெரிக்க இராஜாங்கத் திணைக்களம் பயங்கரவாத அமைப்பாகப் பட்டியலிட்டிருக்கிறது.

"சிறிலங்கா இராணுவம் மற்றும் விடுதலைப் புலிகள் போன்ற ஆயுதக்குழுக்களின் கைகளில் சிக்கி தாங்கள் கடுமையான துன்பமடைந்தமைக்கு காரணமானவர்கள் யாரோ அவர்களுக்கு எதிரான நடவடிக்கைகள் முன்னெடுக்கப்படவேண்டும் என பாதிக்கப்பட்டவர்கள் கோருகிறார்கள்" என்கிறார் சாம் சறீபி.

கடந்த ஆண்டின் இறுதியில் பிரித்தானியாவிற்கு பயணம் செய்திருந்த சிறிலங்காவினது அதிபர் ராஜபக்சவின் பயணம் இடைநடுவில் குழப்பமடைந்தமை குறிப்பிடத்தக்கது.

பிரித்தானியா வாழ் தமிழர்கள் கடுமையான எதிர்ப்புப் போராட்டங்களை மேற்கொள்ளலாம் என்ற அச்சத்தின் காரணமாக அதிபர் மகிந்த ஒக்ஸ்போட் யூனியனில் ஆற்றவிருந்த உரை நிறுத்தம் செய்யப்பட்டிருந்தது.

2009ம் ஆண்டு மே மாதம் விடுதலைப் புலிகளின் தலைவர் கொல்லப்பட்டதைத் தொடர்ந்து சிறிலங்காவில் பல பத்தாண்டுகளாகத் தொடர்ந்த போர் முடிவுக்கு வந்ததோடு விடுதலைப் புலிகள் அமைப்பினது செயற்பாடுகளும் முற்றுப் பெற்றன.

போரின் இறுதி மாதங்களில் மோதல்கள் உக்கிரமடைந்து காணப்பட்டன. போரின் இறுதிக் கட்டத்தில் மாத்திரம் இராணுவத்தினால் 40,000 பொதுமக்கள் கொல்லப்பட்டதாகக் தகவல்கள் வெளிவந்திருக்கின்றன.

சிறிலங்காவில் இடம்பெற்ற போர்க் குற்றங்களுக்கு அந்த நாட்டின் அதிபர் மகிந்த ராஜபக்சவும் அப்போதைய இராணுவத் தளபதி சரத் பொன்சேகாவும் அரசாங்கத்தின் மூத்த அதிகாரிகளுமே பொறுப்பு என அப்போதைய அமெரிக்கத் தூதுவர் பிறற்றிக்கா பூட்டினிஸ் அமெரிக்க இராசாங்கத் திணைக்களத்திற்கு எழுதியிருந்ததாக அண்மையில் விக்கிலீக்ஸ் வெளியிட்டிருந்த அமெரிக்காவின் இரகசியத் தகவல்களில் குறிப்பிடப்பட்டிருக்கிறது.

"நாட்டினது அதிபர் ராஜபக்ச, உயர் பதவிகளில் இருக்கும் அவரது சகோதரர்கள் மற்றும் முன்னாள் இராணுவத் தளபதி சரத் போன்சேகா ஆகியோர் உள்ளிட்ட நாட்டினது முக்கிய சிவில் மற்றும் இராணுவத் தலைவர்களே இடம்பெற்றதாகக் கூறப்படும் போர்க் குற்றங்கள் மற்றும் மனித உரிமை மீறல்களுக்குப் பொறுப்பு. தனது படைவீரர்களும் மூத்த அதிகாரிகளும் மேற்கொண்டதாகக் கூறப்படும் இதுபோன்ற குற்றச்செயல்களுக்கு ஆட்சியிலிருக்கும் அரசாங்கம் சுதந்திரமான விசாரணைகளை மேற்கொள்ளுவதற்கு துணியாதமைதான் வரலாறு" என 2010 சனவரி 15ம் நாளன்று அமெரிக்கத் தூதர் அனுப்பிய இரகசியச் செய்தியில் குறிப்பிடப்பட்டிருக்கிறது.

சிறிலங்காவில் இடம்பெற்றதாகக் கூறப்படும் மனித உரிமை மீறல்கள் மற்றும் போர்க் குற்றங்களை விசாரணை செய்யும் முனைப்புக்கள் மந்தகதியில் இருப்பதற்கு இதுதான் காரணம் என அவர் கூறியிருந்தார்.

போர்குற்றவாளி மகிந்தவை கைது செய்யக் கோரி ரொரன்ரோவில் ஆர்ப்பாட்டப்போராட்டம்

2011-01-20T16:16:00.000-08:00

தனிப்பட்ட விஐயமாக அமெரிக்கா வருகைதந்துள்ள சர்வதேச போர்குற்றவாளி சிறீலங்கா சனாதிபதி மகிந்த ராஐபக்சவை உடன் கைது செய்யக்கோரி ரொரன்ரோவில் அமைந்துள்ள அமெரிக்க துணைத்தூதராலயம் முன்பாக ஆர்ப்பாட்ட போராட்டம் ஒன்றை கனடியத் தமிழர் தேசிய அவை ஒழுங்கமைத்துள்ளது.

இவ்வாறு பிரித்தானியாவிற்கு தனிப்பட்ட விஐயமாக சென்ற போது பிரித்தானிய உறவுகள் மேற்கொண்ட தொடர் மக்கள் மயப்படுத்தப்பட்ட மற்றும் சட்ட நடவடிக்கைகளால் மகிந்தா பிரித்தானியாவை விட்டே ஒடியது எம் நினைவில் பசுமையாகவே உள்ளது.

இது எமது தருணம். அமெரிக்க உறவுகள் ஒழுங்கமைப்புகளை அறியத்தரும் வரை எமது களத்தைத் திறப்போம். வாருங்கள் பெரும் எண்ணிக்கையில் வாருங்கள். கொலை வெறியனைக் கூண்டில் ஏற்றுவோம். சர்வதேச மன்னிப்புச் சபையும் அமெரிக்காவில் கைது செய்து போர் குற்ற விசாரணையை வலியுறுத்தியுள்ள நிலையில் நாமும் வலியுறுத்துவோம்.

இடம்:        அமெரிக்க துணைத்தூதரலாயம், ரோரன்ரோ
360 University Avenue. (Subway: St. Patrick)
காலம்:    வெள்ளிக்கிழமை, சனவரி 20, 2011
நேரம்:     பிற்பகல் 2 மணிமுதல், மாலை 7 மணிவரை

ரோரன்ரொவில் நாம் மூட்டும் நீதிவேண்டிய தீ, அமெரிக்கா முழுமையாகப் பரவட்டும்
அலைகடலென வாரீர்.. அது எங்கள் களம்.. நீதிவேண்டிய போர்க்களம்..

மேலதிக தொடர்புகளுக்கு: கனடியத் தமிழர் தேசிய அவை - 1-866-263-8622 begin_of_the_skype_highlighting              1-866-263-8622

பிரபாகரன்! மகிழ்ச்சி செய்தி!

2011-01-20T16:12:00.000-08:00

"விடுதலைப்புலிகள் தலைவர் வேலுப்பிள்ளை பிரபாகரன் உயிருடன் இருக்கிறாரா? இல்லையா?' என்கிற கேள்வி உலகம் முழுவதும் உள்ள தமிழர்களின் கேள்வியாக உள்ளது. தமிழகத்திற்கு வரும் டக்ளஸ் தேவானந்தாவின் ஆட்கள், ""பிரபாகரனா? அவர் இறந்து ஒரு வருடத்திற்கு மேலாகிவிட்டது. ராஜீவ்காந்தி கொலை வழக்கில் குற்றவாளியான அவர் இறந்துவிட்டார் என இறப்புச் சான்றிதழை இலங்கை அரசிடமிருந்து பெற்று சி.பி.ஐ. தாக்கல் செய்துவிட்டது'' என எகத்தாளமாக பதில் சொல்கிறார்கள்.

தமிழகத்தில் உள்ள ஈழ ஆதரவு தலைவர்களான நெடுமாறனும், வைகோவும், ""பிரபாகரன் உயிருடன் இருக்கிறார்'' என்று ஓங்கி அடித்துச் சொல்கிறார்கள்.

இந்நிலையில் பிரபாகரனைப் பற்றிய தகவல்களுடன் ஒரு பெண்ணும் ஒரு ஆணும் தமிழகத்தைச் சேர்ந்த ஒரு இயக்கத் தலைவரை சந்தித்துப் பேசியிருக்கிறார்கள் என்கிற ரகசிய தகவல் நமக்கு வர... உடனடியாக புலனாய்வில் இறங்கினோம். அந்தச் சந்திப்பு நடந்த இடம் சென்னையில் உள்ள அண்ணா சர்வதேச விமான நிலையம் என்றதும், அங்கு பல நிலைகளில் வேலை செய்யும் ஊழியர்களையும், ஈழ ஆதரவு பிரமுகர்களையும் தொடர்பு கொண்டோம்.

""சுமார் இருபத்தைந்து நாட்களுக்கு முன்பு கொங்கு மண்டலமான சேலம், ஈரோடு பகுதியைச் சேர்ந்த ஈழ ஆதரவு தலைவர் ஒருவர் சென்னை சர்வதேச விமான நிலையத்திற்கு வந்திருக்கிறார். இலங்கையிலிருந்து விமானத்தில் வந்திருந்த ஒரு பெண்ணையும் ஆணையும் விமான நிலையத்திலிருந்து அழைத்துக்கொண்டு போய் பேசினார். அந்தப் பெண் நடுத்தர வயதைச் சேர்ந்தவர். அவருடன் வந்தஆணிற்கு இரண்டு கைகளும் இல்லை. ஏதோ ஒரு வெடிகுண்டுத் தாக்குதலில் அந்த நபர் கைகளை இழந்திருப்பார் என பார்க்கும்போது தெரிந்தது.

சுமார் 30 நிமிடங்கள் அந்த பிரமுகருடன் பேசிக்கொண்டிருந்த அவர்கள், அதன்பிறகு மேற்கத்திய நாடுகளுக்குப் போகும் விமானத்தில் ஏறிப் பறந்தார்கள்.

பொதுவாக இலங்கையிலிருந்து வரும் விமானங்களை சிறப்பாக கண்காணிப்பதற் கெனவே ஏர்போர்ட்டில் சுற்றி வரும் மத்திய உளவுத்துறையும், அயல்நாடுகளில் துப்பறியும் "ரா' அமைப்பும் இந்தச் சந்திப்பைப் பற்றி மிகவும் லேட்டாகத்தான் கண்டுபிடித்தார்கள். அவர்கள் போய் இலங்கை விமானப் பயணி களின் லிஸ்ட்டை செக் செய்தார்கள். அதற்குள் வந்தவர்கள் பறந்துவிட்டார்கள். அந்தச் சந்திப்பு பற்றிய விபரங்களை அறிய தமிழகம், இலங்கை என அவர்கள் களம் புகுந்த பிறகுதான் அந்தச் சந்திப்பு வெளியுலகத்திற்குத் தெரிய ஆரம்பித் தது'' என்கிறது விமான நிலைய வட்டாரங்கள்.

இந்தியாவின் இரு பெரும் புலனாய்வு நிறுவனங்களுக்குப் போட்டியாக நாம் நமது தேடலை விரிவுபடுத்தி னோம். ஒரு பெரிய பொக்கிஷமே நமக்கு விடையாகக் கிடைத்தது.

ஈழ யுத்தத்தில் மிகப் பிரபலமான பெயர் ரூபன். இவர் இலங்கை ராணுவ விமானப் படைக்குப் போட்டியாக, விடுதலைப் புலிகளின் விமானத்தை இயக்கியவர். இலங்கை ராணுவத்துடன் நடை பெற்ற மோதலில் இவர் மரணமடைந்து மாவீரர் ஆகிவிட்டார்.

அவரது பெயரிலேயே இன்னொருவர் இருந்தார். அவர் சின்னரூபன் என அழைக்கப் பட்டார். தனது அன்புக்குப் பாத்திரமான சின்னரூபனை பிரபாகரன் மெய்க்காவல் படையில் இணைத்துக் கொண்டார்.

முள்ளிவாய்க்கால் படுகொலைகள் நடைபெற்றுக்கொண்டிருந்த யுத்தத்தின் இறுதி நாட்களில் சின்னரூபன் என்ன ஆனார்? என தேடிய சொந்த பந்தங்களிடம் தெளிவாகவே சின்னரூபன்... ""நான் தமிழீழக் கனவை நினை வாக்க மேதகு தலைவர் பிரபாகரன் அவர்களுடன் தப்பித்துச் சென்றுகொண்டிருக்கிறேன். என்னை யாரும் தேடவேண்டாம். என்னோடு தொடர்பு கொள்ளவும் வேண்டாம்'' என்றார்.

சின்னரூபனின் பதிலைக் கேட்ட உறவினர்களுக்கு ஏகப்பட்ட சந்தோஷம். "அடுத்தகட்ட போராட்டத்திற்கு வலுசேர்க்க தலைவர் பயணம் செய்கிறார். அவருடன் சின்னரூபனும் செல்கிறார்' என்கிற சந்தோஷத்திற்குப் பிறகு அவரிடமிருந்து அவர்களுக்கு எந்தத் தொடர்புமில்லை.

கடந்த மாதம் சின்னரூபனிடமிருந்து ஒரு செய்தி அவர்களுக்கு வந்திருக்கிறது. அதன் தொடர்ச்சியாக ஒரு ரகசியமான இடத்தில் சின்னரூபனை அவர்கள் சந்தித்திருக் கிறார்கள். "தலைவரும் நலம், நானும் நலம். சூழல் கூடி வரும் போது தலைவர் வெளி யே வருவார்' என ரூபன் சொன்ன செய்தி யைக் கேட்டு ஆனந்தக் கூத்தாடியிருக்கிறார்கள்.

அந்தத் தகவலை தமிழகத்திற்கு சொல்லிவிட்டு மேற்கத்திய நாடு ஒன்றுக்கு தப்பிச் சென்றுவிட்டார்கள். அவர்கள் சின்னரூபனின் அக்காவும், மற்றொரு ஆண் உறவினரும். முள்ளிவாய்க்கால் போரின் போது அவர்கள் சின்னரூபனுடன் தொடர்பிலேயே இருந்தவர்கள். அந்தப் போரில் காயம்பட்டவர்கள்.

இத்தனை கடுமையான தாக்குதல்கள், காயங்கள் இவைகளுக்கு நடுவே வேறு நாட்டிற்கு தப்பித்துப் போகும் சூழலிலும், நல்ல செய்தியை உலகம் அறியட்டும் என அந்த நம்பிக்கைக்குரிய தலைவரை மட்டும் சந்தித்துவிட்டுச் சென்றிருக் கிறார்கள்.

தமிழீழ வானத்தில் விடியலின் வெளிச்ச ரேகைகள் படரத் தொடங்கியிருக்கின்றன.

விடை சொல்வாரா விஜயகாந்த்?

2011-01-10T00:54:00.001-08:00

''நாங்க விஜயகாந்த் கட்சியில் இருந்து வர் றோம். வர்ற ஞாயித்துக்கிழமை, மக்கள் உரிமை மீட்பு மாநில மாநாடு சேலத்தில் நடக்குது. நீங்க எல்லோரும் குடும்பத்தோட அவசியம் வரணும்...'' - என்றபடி ஒரு தட்டில் மாநாட்டு அழைப்பிதழ், மஞ்சள், குங்குமம், பூ வைத்து சென்ட்டிமென்ட்டாகக் கொடுக்கிறார். கூடவே, ''பூவும் பொட்டோட நீங்க நீண்ட ஆயுளுடன் நல்லா இருக்கணும்...'' என்று வாழ்த்திவிட்டுச் செல்கிறார் உமா.

சேலத்தில் இப்படி வீடு வீடாகப்போய் சென்டிமென்ட் சென்ட் தெளிப்பவர், சேலம் மேற்கு மாவட்ட மகளிர் அணி செயலாளர் உமாராஜ்!

மாநாடு பரபரப்பு இப்போதே கூத்தாடுகிறது. குறிப்பாக, நாமக்கல் செல்லும் தேசிய நெடுஞ்சாலையில் இருக்கும் வீராசாமிபுதூர் கிராமமே திருவிழாக் கோலத் தில் களை கட்டியிருக்கிறது. மாநாட்டுக்கான முழுப் பொறுப்புகளையும் சேலம் கிழக்கு மாவட்ட அழகாபுரம் மோகன்ராஜ், மேற்கு மாவட்ட பார்த்தீபன், மாநகர் மாவட்ட ராதாகிருஷ்ணன் ஆகிய மூன்று மாவட்ட செயலாளர்களிடம் விஜயகாந்த் ஒப்படைத்திருக்கிறார். அவர்களும் இணைபிரியாமல் வேலை பார்த்து வருகிறார்கள்.

மூவர் சார்பாக அழகாபுரம் மோகன்ராஜ் நம்மிடம் பேசினார். ''பெரிய பொறுப்பை எங்களை நம்பி கேப்டன் ஒப்படைச்சிருக்கார். அதை சிறப்பா நடத்தி முடிக்கிற வரைக்கும் எங்களுக்குத் தூக்கமே கிடையாது. மாநாட்டால் பொதுமக்களுக்கும், போக்குவரத்துக்கும் எந்த இடையூறும் வரக்கூடாதுன்னு ரொம்ப கவனமா இருக்கோம். டூ-வீலர், கார், பஸ்னு எல்லாத்துக்கும் தனித்தனியா பார்க்கிங் வசதி... பெண்களுக்குத் தனி நுழைவாயில் அமைச்சிருக்கோம். திறந்த வெளியில்தான் மாநாடு நடக்கப் போகுது. எந்தக் கட்சி அரசியல் மாநாடு நடத்தினாலும் கொக்கி போட்டு கரன்ட் எடுப்பதைத்தான் கலாசாரமாக வெச்சிருக்காங்க. ஆனா, இதுக்கு முழுக்க முழுக்க ஜெனரேட்டர்தான் பயன்படுத்துவோம்.

மாநாடு முடிஞ்சு ஊருக்குக் கிளம்பும் தொண்டர்கள் ஒவ்வொருவருக்கும் எலுமிச்சை சாதம், புளி சாதம், தயிர் சாதம் அடங்கிய பாக்ஸ் கொடுக்கப் போறோம். இப்படி 25 லட்சம் பேருக்குத் தயார் பண்ணப் போறோம். நாங்க ஃபிளக்ஸ் வெச்சா மட்டும் மூணு நாளைக்கு முன்னாடிதான் வைக்கணும். மாநாடு முடிஞ்சு ரெண்டு நாளில் எடுத்துடணும்னு ஆயிரத்தெட்டு கண்டிஷன் போடுறாங்க. மூணு மாசத்துக்கு முன்னாடி கருணாநிதி சேலத்துக்கு வந்தப்ப வெச்ச ஃபிளக்ஸ் பேனர்கள் இன்னும் பல இடங்களில் அப்படியே இருக்குது. அதை போலீஸ் கண்டுக்க மாட்டாங்க. ஆடட்டும்... எவ்வளவு நாளைக்கு? நாங்களும் பார்த்துக்குறோம்!'' என்று தெம்பாகச் சொல்லிச் சிரித்தார்.

மகளிர் அணிச் செயலாளர் உமாராஜை சந்தித்துக் கேட்டோம். ''18-ல் இருந்து 22 வயசுக்குள்ள இருக்கும் இளம் பெண்கள் 500 பேரை தொண்டர் படைக்காகத் தேர்வு பண்ணி இருக்கோம். அவங்க பெரும்பாலும் கல்லூரி மாணவிகள். 'தொண்டர் படைக்கு விருப்பம் இருப்பவர்கள் வரலாம்’னு நாங்க சொன்னதும், கல்லூரி மாணவிகள்தான் அதிகம் வந்தாங்க. இந்தப் படைப் பெண்களுக்கு யூனிஃபார்ம் கொடுக்க போ றோம். அவங்களுக்குப் பயிற்சி கொடுத்து மாநாட்டுக்கு வரும் பெண்களை ஒழுங்குபடுத்தும் வேலையை இவங்கதான் பார்க்கப் போறாங்க.

சாதி, மத, கட்சி பேதமில்லாம ஒவ்வொரு வீட்டுக்கும் போய் மஞ்சள், குங்குமம், பூ கொடுத்து மாநாட்டுக்கு நாங்க கூப்பிடுற துக்கு, நல்ல வரவேற்பு இருக்கிறது. நிச்சயமா இந்த மாநாட்டுல மகளிர் அணியோட பங்கு ரொம்பவே அதிகமா இருக்கும்...'' என்றார் பூரிப்பாக.

பிரேமலதா விஜயகாந்த் கடந்த 4-ம் தேதி மாநாட்டுத் திடலைப் பார்வையிட வந்திருந்தார். அவரிடம் பேசினோம். ''9-ம் தேதி மதியம் 1.31-க்கு மாநாட்டுத் திடலில் கேப்டன் கொடியேற்றி வைப்பார். பிறகு கலை நிகழ்ச்சிகள் நடக்கும். கூட்டணியைப் பற்றி தலைவர் என்ன சொல்லப் போறாருன்னு ஒட்டுமொத்த இந்தியாவுமே எதிர்பார்த்துட்டு இருக்கு. அப்படிப்பட்ட அதிர்ச்சியான முக்கிய முடிவை தலைவர் அறிவிப்பார். தலைவர் எடுக்கும் எந்த முடிவும் தன்னிச்சையானது கிடையாது. தே.மு.தி.க-வின் ஒவ்வொரு தொண்டனையும் கருத்துக் கேட்டு, அவர்களின் விருப்பத்துக்கு ஏற்ப எடுக்கப்படும் முடிவுதான். அதனால்தான் கூட்டணிபற்றிய அறிவிப்பை ஓர் அறைக்குள் உட்கார்ந்து அறிவிக்காமல், தொண்டர்களின் மத்தியில் அறிவிக்கப் போகிறார் கேப்டன். 2005-ல் நாங்கள் மதுரையில் நடத்திய மாநாட்டை ஒட்டுமொத்த தமிழகமே திரும்பிப் பார்த்தது. சேலத்தில் நடக்கப் போற மாநாடு, அரசியலில் திருப்புமுனையை உண்டாக்கப் போகும் மாநாடு என்பதால், இந்திய அளவில் எதிர்பார்ப்பு உள்ளது!'' என்றார் நம்பிக்கையாக.

அ.தி.மு.க., கொங்கு நாடு முன்னேற்றக் கழகம் ஆகியவற்றைச் சேர்ந்த நிர்வாகிகள் சிலர் சத்தமில்லாமல் மாநாட்டுக்குத் தேவையான உதவிகளை செய்து கொண்டிருக்கிறார்கள். எல்லாம் கூட்டணி நம்பிக்கையில்தான்!

- கே.ராஜாதிருவேங்கடம்

படங்கள்: எம்.விஜயகுமார்

விஜய்யின் 'காவலன்'... தியேட்டர் உரிமையாளர்கள் - விநியோகஸ்தர்கள் மோதல்!

2011-01-10T00:51:00.001-08:00

காவலன் படத்தால் தியேட்டர் உரிமையாளர்கள் - விநியோகஸ்தர்கள் இடையே பிரச்னை ஏற்பட்டுள்ளது.

நடிகர் விஜய் நடித்து வெளிவர இருக்கும் திரைப்படம் 'காவலன்'. பொங்கலன்று வெளிவர இருக்கிறது. இதனை அடுத்து திருச்சியில் அவசரமாக தியேட்டர் உரிமையாளர்கள் சங்கத்தினரின் கூட்டம் நடைபெற்றது. சுறா படத்தின் தோல்விக்கு விஜய் பணம் கொடுக்காததால் காவலன் படத்திற்கு ஒத்துழைப்பு அளிக்க போவதில்லை என்று அறிவித்துள்ளனர். அதுமட்டுமல்லாது, அப்படத்தின் பைனான்சியர்களும் தாங்கள் அளித்த பணத்துக்கு இன்னும் செட்டில் செய்யவில்லை என்று தகவலும் வெளியாகியுள்ளது.

இதன் இடையே விநியோகஸ்தர் சங்க தலைவர் கலைப்புலி ஜி.சேகரன் அறிக்கை ஒன்றை வெளியிட்டுள்ளார்.

அந்த அறிக்கையில், 'தமிழ் திரைப்பட தொழிலில் பிரச்னைகளை தோற்றுவிக்கும் விதமாக திருச்சியில் தமிழ்நாடு திரையரங்கு உரிமையாளர்கள் சங்கம் கொடுத்த அறிக்கையை தமிழ்நாடு விநியோகஸ்தர்கள் சங்கம் வன்மையாக கண்டிக்கிறது. தொழில் என்றால் நஷ்டமும் உண்டு. லாபமும் உண்டு. யாரையும் கட்டாயப்படுத்தி பொருளை விற்க முடியாது. அப்படி விற்றால் அது வியாபாரமாகாது. இஷ்டப்பட்டுத்தான் வியாபாரங்கள் நடக்கின்றன. லாபம் எனக்கு. நஷ்டம் உனக்கு என்று கோரிக்கை வைப்பது தொழில் அடிப்படையை தகர்க்கும் செயல்.

தயாரிப்பாளர்கள் படத்தை எம்.ஜி. முறையிலோ அவுட்ரேட் முறையிலோ வாங்கவேண்டும் என்று கட்டாயப்படுத்தி விற்க முடியாது. விநியோகஸ்தர்களும் அதே முறையில் வாங்கும்படி தியேட்டர் உரிமையாளர்களை மிரட்டுவது இல்லை. நஷ்டம் ஏற்பட்டதாக தியேட்டர் உரிமையாளர்கள் பணத்தை திருப்பி கேட்பதுபோல் ரசிகர்களும் படம் பிடிக்கவில்லை என பணத்தை திருப்பிக்கேட்டால் நீங்கள் கொடுப்பீர்களா? காவலன் திரைப்படம் வாயிலாக எங்கள் விநியோகஸ்தர் ஆஸ்கார் ரவிச்சந்திரனுக்கு எதிரான முரண்பாடான அறிக்கை கொடுப்பதை இனியும் நாங்கள் பொறுக்க முடியாது.

திரைப்பட புகைவண்டி தடம் புரளாமல் ஓட துணை புரிய வேண்டுமேயின்றி தடம் புரள காரணமாக இருக்கக்கூடாது என்பதை சொல்லிக் கொள்ள விரும்புகிறோம்," என்று அவர் கூறியுள்ளார்.

காவலன் படத்தின் மூலம் தியேட்டர் உரிமையாளர்கள், விநியோகஸ்தர்கள் இடையே பிரச்னை ஏற்பட்டு உள்ள நிலையில், பொங்கல் அன்று காவலன் வெளிவருமா என்ற கேள்வி எழுந்துள்ளது.

அதேவேளையில், நடிகர் விஜய் தனது வேலாயுதம் படத்தில் பிஸியாக இருக்கிறார்.

விஜய் ரசிகர்களுக்கு பொங்கல் வைக்க காவலன் வருவரா?

யாழ் உரும்பிராயிலும் ஒருவர் கடத்தல்-மக்கள் அச்சம்

2011-01-02T04:07:00.000-08:00

புத்தாண்டு தினத்தில் உரும்பிராயில் ஒருவர் காணமற்போயுள்ளார் என கோப்பாய் பொலிஸில் முறைப்பாடு செய்யப்பட்டுள்ளது.இச் சம்பவம் பற்றி மேலும் தெரியவருவதாவது, சிவகுல வீதி, உரும்பிராய் மேற்கு, உரும்பிராயைச் சேர்ந்த ஓட்டோ சாரதியான சோதிநாதன் கோபிநாத் (வயது – 27),என்பவரே நேற்று காணமற் போய்யுள்ளார் என கோப்பாய் பொலிஸில் இன்று முறைப்பாடு செய்யப்பட்டுள்ளது.

புத்தாண்டு தினத்தன்று அதிகாலை 7.30 மணியளவில் ஒரு தொலைபேசி அழைப்பு வந்ததாகவும்,அதனைத் தொடர்ந்து தனக்கு ஒரு HIRE வந்திருப்பதாகவும், உடனே போய்ட்டு வருவதாகவும் கூறிய கோபிநாத் இன்றுவரை வீடு திரும்பவில்லை. கோபிநாத் வீடு திரும்பாததை அடுத்து, அவரது மனைவி இன்று கிராம அலுவலரின் கவனத்திற்கு கொண்டு வந்ததை தொடர்ந்து, கிராம அலுவலரின் அறிவுறுத்தலிற்கமைய தனது கணவர் காணமற் போயுள்ளார் என கோப்பாய் பொலிஸ் நிலையத்தில் இன்று முறைப்பாடு செய்துள்ளார் என எமது யாழ் செய்தியாளர் தெரிவித்தார். கோபிநாத் ஒரு பிள்ளையின் தந்தையாவார்.

யாழ்ப்பாணத்தில் குற்றச்செயல்கள் அதிகரிப்பு

2010-12-31T01:30:00.000-08:00

இலங்கையின் யாழ் குடாநாட்டில் கடந்த ஒருமாதமாகக் கொலைகள் மற்றும் குற்றச்செயல்கள் அதிகரித்திருப்பதாகக் கூறப்படுகின்றது. இதனால் அங்குள்ள மக்கள் அச்சத்தில் வாழ்க்கை நடத்தவேண்டிய சூழ்நிலை ஏற்பட்டிருப்பதாகப் பலரும் கூறுகின்றார்கள். பல இடங்களிலும் இரவு வேளைகளில் கொள்ளைகள் இடம்பெற்று வருவதுடன் கடந்த மூன்றுவார காலப்பகுதியில் இந்துமதக் குருக்கள் ஒருவர், கல்வித்துறை அதிகாரி, ஒரு வியாபாரி என மூவர் அடுத்தடுத்துக் கொலை செய்யப்பட்டிருக்கின்றார்கள்.

இந்தக் கொலைகள் யாரால் என்ன காரணத்திற்காக ஏன் செய்யப்படுகின்றது என தெரியாமல் மக்கள் அச்சத்தில் உறைந்து போயுள்ளதாக யாழ் மாநகரசபையின் முன்ளாள் ஆணையாளராகிய சி.வி.கே.சிவஞானம் கூறுகின்றார். இதனால் தங்களுக்கும் இந்த நிலைமை ஏற்பட்டுவிடுமோ என்று மக்கள் அஞ்சியஞ்சி சீவிக்க வேண்டிய நிலைமை உருவாகியிருப்பதாகவும் அவர் குறிப்பிடுகின்றார்.

கொலைகள் கொள்ளைகள் தொடர்பாக பொலிசார் விசாரணைகளை மேற்கொண்டுள்ளதுடன், இராணுவத்தினரும் வீதிகளில் இரவு நேர ரோந்து நடவடிக்கைகளை அதிகரித்துள்ளார்கள்.

இருப்பினும் பெண்கள் நகைகள் அணிந்து வெளியில் செல்லமுடியாத நிலைமையும் வீடுகளில் அச்சத்துடனேயே இருக்க வேண்டியும் ஏற்பட்டிருப்பதாகக் குடும்பப் பெண்கள் தெரிவிக்கின்றார்கள்.

யாழ் குடாநாட்டில் தோன்றியிருக்கின்ற யுத்த காலத்தைப் போன்ற பதட்டநிலைமையைத் தணித்து அமைதிஏற்படுவதற்கு அரசாங்கம் உறுதியான நடவடிக்கைகளை எடுக்க வேண்டும் என பலரும் கோரிக்கை விடுத்துள்ளார்கள்.

இதற்கிடையே, யாழ்ப்பாணத்தில் இவ்வாறு தொடர்ச்சியாக குற்றச்செயல்கள் நடைபெற்று வருவது கவலையளிப்பதாக உள்ளது என ஆளும் கூட்டணியின் முக்கிய கட்சியான சிறிலங்கா சுதந்திர கட்சியின் உபதலைவர்களில் ஒருவரும், மீள்குடியேற்றத்துறை துணை அமைச்சருமான கருணா என்கிற விநாயகமூர்த்தி முரளிதரன் தெரிவித்தார்.

விடுவிக்கப்பட்ட முன்னாள் போராளிகள் பலர் விசாரணை என்ற பெயரில் கைதாகும் சம்பவங்கள் வன்னியில் அதிகரிப்பு

2010-12-27T10:00:00.000-08:00

புனர்வாழ்வளிக்கப்பட்டதாக கூறப்பட்டு விடுவிக்கப்பட்ட விடுதலைப்புலிகளின் முன்னாள் போராளிகள் பலர் விசாரணைக்கென்றும் காரணம் கூறப்படாமலும் கைதுசெய்யப்படும் சம்பவங்கள் அண்மைக்காலமாக அதிகரித்திருக்கின்றன.
யுத்தகாலத்திலும் யுத்தத்திற்குப் பின்னரும் சரணடைந்த பல போராளிகள் புனர்வாழ்வு முகாம்களில் தடுத்து வைக்கப்பட்டிருந்தனர் பின்னர் இவர்கள் நல்லெண்ண அடிப்படையில் விடுவிக்கப்பட்டனர்.

எனினும் இவ்வாறு விடுவிக்கப்பட்டவர்கள் சிலர் தம்மை அடையாளம் காட்டிக்கொள்ளாத சிலரால் விசாரணைக்கென்றும் சில சமயங்களில் காரணம் எதுவும் கூறப்படாமலும் அழைத்துச் செல்லப்படுகின்றனர்.

இவ்வாறான சம்பவங்கள் கடந்தகாலத்தில் கிளிநொச்சி, முல்லைத்தீவு மாவட்டங்களில் சில இடங்களில் நடந்திருந்தது. தற்போது இவ்வாறான சம்பவங்கள் யாழ்.மாவட்டத்திலும் அதிகரித்திருக்கின்றது.

கடந்த 2 வாரங்களிற்குள் மட்டும் யாழ்ப்பாணத்தில் சுமார் 20 பேர் வரையில் இவ்வாறு விசாரிக்கப்பட்டுள்ளனர். மேலும் கிளிநொச்சி, முல்லைத்தீவு மாவட்டங்களில் இன்னமும் பலர் தமது இருப்பிடத்திற்கருகில் உள்ள படைமுகாம்களில் கையெழுத்திடுகின்றனர்.

சினிமா கூத்தாடிகளுக்கு அரசியல்வாதியால் ஏற்படும் பயன் என்ன? சிந்தியுங்கள்...

2010-12-25T02:00:00.000-08:00

என் நிகழ்கால இளைய வயது நண்பர்களும்,,

சம வயது நண்பர்களும் என்னிடம் கேட்கும் ஒரு கேள்வி..

கருணாநிதி,,

எம்.ஜி.ஆர்,,

ஜெயலலிதா,,

என்று யார் முதல்வராக இருந்தாலும் திரைப்பட நடிகர் நடிகைகளுக்கு

முக்கியத்துவம் கொடுத்து.. அவர்களுக்கு சலுகை கொடுத்து .. திட்டங்களை

நனடமுறைப்படுத்துவது ஏன்? என்பதுதான்..

அவர்களுக்கான இலவச வீட்டுமனை,,

இலவச வீடு கட்டிக் கொடுக்கும் திட்டம்,,

ஓய்வூதியத்திட்டம்,,

அரசின் பரிசுகள்,,

நடிகைகள் ஆபாசமாக உடையணிந்து வரும்,,

வண்ண வண்ண விளக்குகளின் நடுவே ஆபாசமாக ஆடும் ஆட்டங்கள் இடம்பெறும்

நிகழ்வுகளில் பங்குபெற்று...

அவர்களை பாராட்டிப் பேசுவது..

வாழ்நாள் சாதனையாளர் விருது...

தளபதி.. புரட்சிநாயகன்.. புரட்சிக்கலைஞர்.. கலைஇளவரசன்..

என நடிகர்களையும்..

இதற்கு சற்றும் குறையாத வகையில் நடிகைகளையும் அடைமொழியோடு பாராட்டுவது...

அவர்களின் பிறந்தநாளில் வாழ்த்துவது..

பொங்கல்.. விடுதலை நாள் போன்ற நாட்களில்.. இந்த கூத்தாடிகளை வைத்து

முன்னிலைப்படுத்தி.. எல்லா அரசியல் வாதிகளின் தொலைக்காட்சிகளும்..

கூத்தடிப்பது..

இப்படி திரை உலக கூத்தாடிகளை முன்னிலைப்படுத்தி நம் ஆளும் கட்சியும்

எதிர்க்கட்சிகளும் போட்டி போட்டுக்கொண்டு மக்களிடையே அவர்களைக்

கொண்டுசெல்ல வேண்டிய அவசியம் என்ன?

விபச்சாரம் என்பது என்ன?

அதுபற்றி எனக்கு எப்பவுமே ஒரு கருத்து உண்டு..

வயிற்றுப் பசிக்காக இரவில் காமப்பசி தீர்க்கும் தொழிலாளிகள் பற்றிய ஒரு

அனுதாபம் உண்டு.. பெண்களை கைதுசெய்யும் காவல்துறை.. அவளோடு படுத்த

காமுகனை விபச்சாரன் என்று அடையாளப்படுத்தி கைது செய்வதில்லை...

அவை பற்றியவை பல ஆய்வுகளுக்கு உட்பட்டவை..

ஆனால்

தன் உடையாலோ.. நடையாலோ.. பாவனையாலோ.. பிறரின் மனதில் காம உணர்வைத்

தூண்டும் எவனும் விபச்சாரனே,, எவளும் விபச்சாரியே.. இது இன்றைய

நடிகைகள்,, நடிகர்கள் அனைவருக்கும் பொருந்தும் என்பதில் யாருக்கும்

மாற்றுக் கருத்து இருக்காது என்று நம்புகிறேன்.

இப்படி நடிகர்கள்,, நடிகைகள்,, விபச்சாரம்,,அரசியல்கட்சிகள் என ஒரு

வரிசைப்படுத்தவேண்டிய அவசியம் ஏன்?

ஒரு மனிதன் பிறந்தது முதல் உண்ணும் உணவு ஏழாகப் பிரிந்து...

ஏழாவது பிரிவாக வரும் (ஆண்களானால் விந்து அல்லது பெண்களானால் நாதம்

என்பதாகி) பொருள்…

அவர்கள் பருவம் எய்தும் முன் மூளைக் கட்டுமானப் பொருளாக இருந்து...

பருவம் எய்தியபின் அது உடலில் ஒரு இரசாயன மாற்றத்தை உண்டுபண்ணி..

ஆணை பெண்ணை நோக்கியும்.. பெண்ணை ஆணை நோக்கியும் ஈர்க்கும் ஒரு நிலைக்கு

கொண்டு வருகிறது..

{(இந்த வகையில் உருவாகும் விந்து அல்லது நாதமானது..

ஆள் பார்த்து அமைவது இல்லை..

மனைவியை இழந்த விதவனாக இருந்தாலும்..

கணவனை இழந்த விதவையாக இருந்தாலும்..

உடலுக்குள் சென்ற உணவின் ஏழாவது தாதுவாக வந்து கொண்டேதான் இருக்கும்..

எனவே விதவனோ விதவையோ மறுமணம் செய்து கொண்டு வாழ்வது.. தனிமனித

ஒழுக்கத்திற்கும்.. சமூக ஒழுக்கத்திற்கும் நல்லது என்பது உறுதி.)}

இந்த மாறுதல் வந்தவுடனேயே யாரும் காமம் கொண்டு அலைவதில்லை..

பாரம்பரியமாக தொடந்துவரும் வாழ்க்கைமுறை,,,

நடப்பு உலகின் தேவை கருதி தன்னை படிப்பாளியாக உயர்த்திக்கொள்ள..

நல்ல வேலை வாய்ப்புகளைத் தேடிக்கொள்ள..

என்று பல தேவைகளினால் உந்தப்பட்டு...

கவனத்தை சிந்திப்பதிலும்.. சீர்மைபெறுவதிலும் இருக்கும் இளைஞனுக்கு.. ஒரு

கட்டத்தில் வாழ்க்கை பற்றிய சிந்தனை வருகிற்து

தன்வாழ்க்கை

தன்னைச் சார்ந்தவர் வாழ்க்கை

சமூக வாழ்க்கை

நாட்டு நடப்பு

உலகின்போக்கு

என்று விரிந்த சிந்தனை வரும்பொழுது அவன் சிந்திக்க ஆரம்பிக்கிறான்.

சிந்திக்க ஆரம்பித்த புத்தன்.. மகாவீரர்.. திருவள்ளுவர் போன்றோர் ஞானிகளாயினர்..

அதே வேளையில் சமூகத்தில் காணும் ஏற்றத்தாழ்வுகளை காணும் பலர் மனதில்

ஏற்படும் முற்போக்கு சிந்தனையால் பெரியாராகவோ.. காமராசராகவோ..

ஜீவாவாகவோ.. உருவெடுத்து மக்களை ஈர்த்து மதவாதபேர்வழிகளை ஊழல்பேர்வழிககளை

எதிர்த்து இயக்கம் கண்டு பார்ப்பண பனியாக்களை ஒழிக்க பாடுபடலாம்..

அல்லது இவர்களைத் திருத்த வன்முறை மட்டுமே சாத்தியம் என்றெண்ணி பகத்சிங்

போன்ற தோழர்களாக உருவாகலாம்

இப்படி இளைஞர்கள் உருவானால்,,

அது ஆளும் கட்சியினருக்கு தலைவலியாக உருவெடுக்கும் என்ற நோக்கத்தின் காரணமாக..

அப்படியான கிளர்ந்தெளும் எண்ணம் கொண்ட இளைஞர்களோ.. மக்களோ உருவாகிவிடக்

கூடாது என்பதற்காக..

அவர்களை..

அவர்களது எண்ணங்களை...

வேறுதிசையில் திருப்பிவிட..

அவர்களது உடலில் ஏற்படும் வாலிப இராசயன மாற்றங்களுக்கு ஏற்ப…

சினிமா என்ற நல்லதொரு விஞ்ஞான ஊடகத்தில் காமக் கூத்தாடிகளை மிகைப்படுத்தி..

கூத்தாடிகளுக்காக மன்றம் அமைத்தல்..

அவர்களுக்கு கோவில்கட்டுதல்...

அவ்ர்களின் படம் வெளியாகும் அன்று கட்டவுட்டுக்கு பால் ஊற்ற ஊக்கப்படுத்தல்..

அவர்கள் நடித்த படம் நன்றாக ஓட அலகு குத்தவைத்தல்.. பால்குடம் எடுக்க வைத்தல்..

நடிகையின் எச்சில்பட்ட சோடா நீரை அண்டாவில் கலக்கி ஆயிரக்கணக்காணோரை அந்த

நீரைக் குடித்து இனம்புரியா முட்டாளாக்குதல்..

அதை தங்களின் செய்திகளில் வெளியிட்டு நாட்டில் உள்ள எல்லா இளைஞர்களையும்

அந்த முட்டாள்தனத்திற்கு தயார் செய்தல்....

இப்படியாக கடவுளுக்கு இணையான வகையில் கூத்தாடிகளை முன்னிலைப்ப்டுத்தி…

சாதி,, மதம்,, கடவுள்,, என்கிற‌

மூடநம்பிக்ககு இணையாக இன்னொரு நிலையை உருவாக்கிவிட்டார்கள்..

இதில் அடிமையாகிவிட்ட இளைஞர்கள் எந்தஒரு விழிப்புணர்வும்

பெறமாட்டாட்டார்கள் என்ற நம்பிக்கையில்..

அரசியல்வாதிகள்

ஊழல்செய்யலாம்..

ஊரை அடித்து உலையில் போடலாம்..

சக இன மனிதன் சாகடிக்கப்படும் போது,, பதவிக்காக அலையலாம்...

இன்றைய நாட்டு நிலை அப்படித்தானே இருக்கிறது..

திருப்பெரும்புதூர் நோக்கியா விசக்கசிவில் என்ன நடந்தது?

இயந்திரத்தில் சிக்கிய பெண்ணுக்கு ஏற்பட்ட கதி என்ன?

அந்த செய்தியை அமுக்கியதில் ஆளும் கட்சியின் தொழிற்சங்க தொடர்பு என்ன?

இதை எதிர்க் கட்சிகள் கண்டு கொள்ளாதது ஏன்?

என்பது பற்றியெல்லாம் இளையதலைமுறையினர் சிந்திக்காதது ஏன்?

நாட்டில் நடைபெறும் எந்த் ஊழலையும்.. திருட்டையும் கண்டு சினம் கொள்ளாதது ஏன்?

எவனுக்கு தெறியும்..

நடிகையின் தொடையிலிருந்து அவளது மற்ற சங்கதிகள் பற்றி இன்றைய இளைஞர்கள்

அறிந்திருக்கும் அளவுக்கு வேறு எதுவும் தெறியாது..

ஒவ்வொரு கட்சிக்கும் அடையாளமாய் ஒவ்வொரு ஊழல்..

நாட்டில் மதக்கலவரம்.. சாதிக்கலவரம்.. தூண்டி அரசியல் பண்ணும் அயோக்கியர்கள்..

இப்படியாக நாட்டையே நாசம் செய்யும் எத்தனை அவலங்கள் நடைபெற்று வருகின்றன..

ஊழல் செய்யாத கட்சி எதாவது இருக்கின்றதா?

இல்லை என்றால் ஒரு புது ஊழலற்ற இயக்கத்தை கட்டும் வல்லமை இளையதலைமுறைக்கு

வராமல் போனது ஏன்?

சினிமா நடிகர்கள்,, நடிகைகள்,, பற்றி பேசிப் பேசி மகிழும் மாணவ

மாணவியர்,, இளைஞர்கள்,, இளைஞிகள் எத்தனை பேர் சமூக அவலம் பற்றி பேசி

கவலைப்படுகிறார்கள்..

சிந்தியுங்கள் தோழர்களே.. அரசியல்வாதிகளுக்கு சினிமாக் கூத்தாடிகள்

எதற்கு பயன்படுகிறார்கள்..

சினிமா கூத்தாடிகளுக்கு அரசியல்வாதியால் ஏற்படும் பயன் என்ன? சிந்தியுங்கள்...

இந்திய உளவுத்துறையின் சூழ்ச்சிவலையை அறுத்தெறிவோம் - அரிமாவளவன்

2010-12-23T01:11:00.000-08:00

இந்திய உளவுத்துறையின் சூழ்ச்சிவலையை அறுத்தெறிவோம்! அரிமாவளவன்
பழைய உத்திகளை இவர்கள் கைவிடுவதாக இல்லை!
அடுக்கடுக்கான ஊழல் குற்றச்சாட்டுகளால் நிலை தடுமாறிப் போயிருக்கும் காங்கிரசு மற்றும் தி.மு.க. கூட்டணிக்கு எதைத் தின்றால் பித்தம் தீரும் என்று அலைகிறார்கள்!

கார்கில் போராட்ட வீரர்களுக்கு ஒதுக்கிய வீடுகளை ஒதுக்கீடு செய்ததில் ஊழல், காமன்வெல்த் போட்டிகள் நடத்துவதில் ஊழல் செய்து உலக நாடுகள் முன்னால் தலைக்குனிவை ஏற்படுத்தியது அடுத்து! ஸ்பெக்ட்ரம் ஊழல் வரலாறு காணாத ஒரு லட்சத்து 76 ஆயிரம் கோடி ஊழல்! கங்கை காவிரியை இணைக்க ஒரு லட்சம் கோடிதான் தேவைப்படும் என்றார்கள்! ராசாவும் மந்திரிகளும் ஏப்பம் விட்டது அதற்கும் மேலே! வீட்டுமனைப் பட்டா ஒதுக்கீட்டில் கருணாநிதி செய்த அடுத்த ஊழல் அம்பலமானது! ராடியாவின் உரையாடல்கள் ஊடகத்தில் வந்தபோது இந்த நாட்டின் மக்களாட்சி என்பது எப்படி நாசமாகிக் கிடக்கிறது என்று அம்பலப்பட்டுவிட்டது! இப்படி நாறிப் புடை நாற்றமெடுக்கும் நிலையில், “இந்தச் சட்டமன்றத் தேர்தலும் வந்து தொலைக்கிறதே” என்று ஆட்சியாளர்களுக்கு குறிப்பாக தி.மு.க. காங்கிரசுக்குக் கவலையோ கவலை!

“மன்மோகன் சிங், சோனியா கோந்தி, கருணாநிதியை விடுதலைப்புலிகள் கொல்லச் சதி” என்று தலைப்பிட்டு ஊடகங்களை உசுப்பேத்தியது உளவுத்துறை! “சரி, யாரோயோ போட்டுத் தள்ளிவிட்டு புலிகள் மீது பழியைப் போடப் போகிறார்கள்! அந்தக் கையோட தமிழ்நாட்டில் எழுந்துவரும் தமிழின எழுச்சியின்மீதும் ஒரு ஏவுதல் படலத்தைத் தொடரலாம்” என்று போட்ட கணக்கை தமிழர்கள் சரியாகப் புரிந்து கொண்டு ஆப்பு வைத்துவிட்டார்கள்!

நினைவு இருக்கிறதா? விழுப்புரம் அருகில் தண்டவாளத்தில் குண்டு வைத்துத் தகர்த்து, அதன் அருகில் மடிப்பு கலையாத தாளைப் போட்டு, விசாரணைக்கு அதிகாரிகள் போகும் முன்னரே சென்னையிலுள்ள காவல் அதிகாரி இதில் மாவோயிஸ்டுகளுக்குத் தொடர்பு இல்லை என்று அறிக்கைவிட எங்கப்பன் குதிருக்குள்ளே இல்லை என்கிற பாணியில் அசிங்கப்பட்டு அம்பலப்பட்டு போனது அவர்கள் காரியம்! தமிழ்த் தேசிய அமைப்புகளை ஒடுக்க இப்படி குண்டக்க மண்டக்க என்று பழைய பாணி அரசியலை புது அச்சு போட்டு உளவுத்துறை விற்கத்தான் பார்க்கிறது! ஆனால் தற்போது அது போணியாக மறுக்கிறது!

மன்மோகன்சிங், சோனியாகோந்தி, கருணாநிதி மீது விடுதலைப் புலிகள் மட்டும் அல்ல ஒட்டுமொத்தத் தமிழினமே கடும் சினம் கொண்டிருக்கிறது என்பதை அனைவரும் அறிவர். அதை உளவுத்துறையும் இந்த செய்திப் பரப்பலின் வழியாக ஒத்துக் கொண்டிருக்கிறது மகிழ்ச்சிதான்! அதைத் திசைதிருப்பும் அவர்களது முயற்சி நமநமத்துப் போனவுடன் திரைக்கதை வசன கர்த்தாவை மாற்றி இப்போது புதுச் சரடு விடுகிறார்கள்.

“போர் உச்ச கட்டத்தை நெருங்கியபோது பயங்கர ஆயுதங்களுடன் புலிகளில் பலர் தப்பி விட்டனர் என்றும் அவர்களுக்கு தாவுத் இப்ராகிம் தொடர்பு இருப்பதாகவும், அவர் உதவியுடன் பொட்டுஅம்மான் உட்பட புலிகளில் பலர் தப்பி அயல்நாடுகளுக்குப் போனதாகவும், இறுதிக்கட்டப் போருக்குப் பின்னரும் பதுங்கியிருந்த புலிகள் தப்பித்துப் போய்விட்டனர் என்றும் புதுக் கதையும் புது முடிச்சும் போடுகிறார்கள்.

விடுதலைப்புலிகள் இருக்கிறார்களா? எங்கே இருக்கிறார்கள்? என்பது உலகமே வியந்து எதிர்நோக்கியிருக்கும் வினாக்கள் என்பதில் இரு கருத்துக்களுக்கு இடமில்லை! ஆனால், அந்தச் சந்தில் சிந்து பாட உளவுத்துறை புதுக்கதை புனைந்திருப்பதற்குக் காரணம் இல்லாமலா இருக்கும்?

1. இலங்கையின் இராசபக்சே அரசு போர்க்குற்றச்சாட்டு நெருக்கடியில் தத்தளித்துக் கொண்டிருக்கிறது!

2, இந்தியாவின் காங்கிரசு அரசு ஊழல் குற்றச்சாட்டு நெருக்கடியில் வெந்துகொண்டிருக்கிறது!

3. தமிழ்நாட்டின் தி.மு.க அரசு ஊழல் குற்றச்சாட்டு நெருக்கடியிலும் கருணாநிதி குடும்ப அரசியல் நெருக்கடியிலும் ஊசலாடுகிறது!

4. வெங்காயமும் விலைவாசி ஏற்றமும் மக்களைக் கடுப்பின் உச்சியில் வைத்திருக்கிறது! சரத்பவார், மிகச் சாவகாசமாக, “மூன்று வாரங்கள் கழித்துத்தான் விலை இறங்கும்” என்கிறார்.

5. விக்கிலீக்ஸ் அம்பலப்படுத்தும் செய்திகள், ராடியா உரையாடல் பதிவுகள், மத்தியப் புலனாய்வுத் துறையின் திடீர் செயற்பாடுகள் போன்றன மக்கள் மனதில் தீவிரக் கருத்துருவாக்கத்தை ஏற்படுத்தியிருக்கிறது!

6. இவை எல்லாவற்றிற்கும் மேலாக தமிழரின் தனிநாட்டுக் போராட்டம் என்பது ஞாயமானதே என்று உலக நாடுகள் உணரத் தொடங்கியிருக்கின்றன! தமிழ்நாட்டுக்குள் திராவிட இந்திய எதிர்ப்பு என்பது கால்கொள்ளத் தொடங்கிவிட்டது!

ஒரே கல்லில் இந்த ஆறு மாங்காய்களையும் அடிக்க உளவுத்துறை தலையைப் பிய்த்துக் கொள்கிறது! இத்தனைக் கிடுக்கிப் பிடியிலிருந்தும் இந்தக் கட்சிகளையும் தனிமாந்தர்களையும் விடுவிக்க வேண்டுமானால் மிகப் பயங்கரமான ஒரு கொலையையோ, குண்டுவெடிப்பையோ அல்லது மிகுந்த அதிர்ச்சியூட்டக்கூடிய நிகழ்வையோ நடத்தினால்தான் மக்களைத் திசை திருப்ப முடியும் என்பது இவர்களின் கணக்கு!

இனி பொது அறிவுக்கு சில எளிய வினாக்களைத் தொடுப்போம்!

ஒட்டு மொத்தத் தமிழினமும் விடுதலைப் புலிகளின் போராட்டக் காரணங்களை இன்று ஏற்று ஆதரிக்கிற நிலையில் புலிகள் வன்முறை வழியில் அதிரடி செய்து ஆதரவை இழக்க விரும்புவார்களா? அவ்வளவு அறிவு கெட்டவர்களா அவர்கள்?

இன்று உலக நாடுகள் பல விடுதலைப் புலிகளின் போராட்டத்தையும், தமிழரின் வாழ்வுரிமை, அவர்களின் தனியாட்சி உரிமை, தமிழருக்கு எதிரான சிங்களப் பேரினவாதம் போன்றவற்றைத் தெள்ளத் தெளிவாக உணர்ந்து வருகிற சூழுலில் ஆயுத வழிப் பாதைக்குத் திடுதிப்பென்று திரும்புவார்களா?

சிங்கள இனவெறியர்களின் போர் வெறித் தாண்டவம் என்பது உலக வரலாற்றில் மிகப் பெரிய கொடூரமான மாந்த உரிமை மீறல் என்று உலகே இன்று அதிர்ந்து, புரிந்து வரும் நிலையில் விடுதலைப் புலிகள் அதைக் கெடுக்கும் விதமாக வன்முறைப் பாதையில் இறங்குவார்களா?

சிங்கள இந்திய திராவிடக் கூட்டு தமிழருக்கு எதிராக மாபெரும் தவறுகளையும் மிகப்பெரியப் போர்க்குற்றங்களையும் இழைத்துவிட்டு இன்று அதன் விளைவுகளை அறுக்கத் தொடங்கியிருக்கிறது! இதை புலிகள் கெடுக்க விரும்புவார்களா?

“அறத்தின் வாழ்வுதனைச் சூது கவ்வும்! அறமே வெல்லும்” என்பது முதியோர் வாக்கு!

உலகெங்கும் வாழும் தமிழர்கள் விழிப்படையவேண்டும்! உளவுத்துறையின் சூழ்ச்சி வலைகளை அறுத்தெரியுங்கள்! நம்மவர் நல்லவர் அனைவரிடமும் உண்மைகளைச் சொல்லி எச்சரித்து வையுங்கள்!

பிள்ளையானை கைதுசெய்ய குற்றவியல் பிரிவுக்கு அனுப்புங்கள் மின்னஞ்சல்

2010-12-23T01:05:00.000-08:00

தற்போது டென்மார்க்கில் தங்கியுள்ள ஆயுததாரி பிள்ளையானை உடனே கைதுசெய்யுமாறு, டென்மார்க் தமிழர் பேரவை அரசாங்கத்துக்கு கோரிக்கை விடுத்துள்ளது.

இதற்கு பலம்சேர்க்கும் வகையில், புலம்பெயர் தமிழர்கள் அனைவரும் உடனடியாக கீழ்காணும் டென்மார்க் சர்வதேசக் குற்றவியல் பிரிவுக்கு மின்னஞ்சலை அல்லது தொலைநகலை(FAX) அனுப்புமாறு டென்மார்க் தமிழர் பேரவை தமிழர்களுக்கு அவசர கோரிக்கை விடுக்கிறது.

அதற்கான மின்னஞ்சல் முகவரியும், தொலைநகல் இலக்கங்களும் கீழே இணைக்கப்பட்டுள்ளது. எவ்வளவு மின்னஞ்சல்கள் மற்றும் பாக்ஸ் செல்கிறதோ, அவ்வளவு விரைவாக டென்மார்க் அரசு விரைந்துசெயல்படும்.

மகிந்த அரசில் அங்கம் வகிக்கும் ஆயுததாரி பிள்ளையான் பல படுகொலைகள், கடத்தல், கப்பம்பெறல் மற்றும் கற்பழிப்புகளில் ஈடுபட்டவர் என்பது யாவரும் அறிந்ததே. தற்போது உள்ள சூழ்நிலையில் சாட்சியங்கள் சொல்வோரும், மற்றும் ஆதாரங்களை வைத்திருப்போரும் உடனடியாக டென்மார் தமிழர்பேரவைக்கு கைகொடுக்குமாறு அவ்வமைப்பு வேண்டுகோள் விடுக்கிறது. அத்தோடு நின்றுவிடாமல் ஒவ்வொரு தமிழர்களும் கீழ்காணும் மின்னஞ்சல் முகவரிக்கு ஈமெயிலையும் அனுபுவதோடு, பாக்ஸ் இலக்கத்துக்கு உங்களாலான கடிதத்தை எழுதி உடனே அனுப்பிவைக்குமாறு வேண்டப்படுகின்றனர்.

மகிந்த பிரித்தானியா வந்தபோது தமிழர்கள் பொங்கி எழுந்து பெருவாரியாகச் செயற்பட்டனர். ஆனால் குறைந்த அளவில் டென்மார்க்கில் தமிழர்கள் வாழ்வதால் டென்மார்க் தமிழர் பேரவைக்கு மற்றைய நாடுகளில் வாழும் தமிழர்கள் முன்வந்து உதவவேண்டும் என்றும் கேட்டுக்கொள்ளப்படுகின்றது.

Tel: 0045 33 30 72 50

Fax : 0045 33 30 72 70

Email : sico@ankl.dk

உதயநிதிக்காக விட்டுக்கொடுக்கிறேன்-கமல் அறிவிப்பு

2010-12-22T01:52:00.000-08:00

மன்மதன் அம்பு படத்தில் கமல் எழுதிப் பாடிய கவிதை ஒன்று இந்துக்கள் மத்தியில் சலசலப்பை ஏற்படுத்தியது. திரிஷாவும் கமலும் கவிதையை படிக்க, படிப்பதற்கேற்ப பின்னணியில் இசை சேர்க்கப்பட்டிருக்கும். இந்தத் தமிழ்க் கவிதையை அழுத்தம் திருத்தமாக உச்சரிக்க திரிஷாவின் மெனக்கெடல் ரொம்ப அதிகமாம். ஆனால் இந்தப் பாடல் படத்தில் இல்லை என கமல்ஹாசன் இப்போது சொல்லியிருக்கிறார்.

கடற்கரை தோறும் காலையும் மாலையும்

தொந்தி கணபதிகள் திரிவது கண்டேன்...

முற்றும் துறந்து மங்கையரோடு

அம்மணத் துறவிகள் கூடிடக் கண்டேன்... என்ற வரிகள் கவிதையில் இடம் பெற்றிருப்பதும்

ஸ்ரீ வரலட்சுமி நமஸ்துதே! என்று சொல்லி கவிதையை முடித்திருப்பதாலும் இந்து அமைப்புகள் இந்தப் பாடலுக்கு எதிர்ப்பு தெரிவித்தனர். இந்தப் பாடல் படத்தில் இடம்பெறக் கூடாது என்றும் கண்டனம் தெரிவிக்கப்பட்டது. ஆனால் இந்தப் பாடலில் எந்தப் பிரச்சனையும் இல்லை என்று சென்சார் போர்டும் சொல்லிவிட்டது. இருந்தாலும் படத்தில் இருந்து பாடலை நீக்குவது என முடிவு செய்திருக்கிறார் கமல். அதற்கு காரணம் தயாரிப்பாளர் உதயநிதி ஸ்டாலின் என்றும் அவர் சொல்லியிருக்கிறார்.

இது பற்றி அவர் தெரிவித்திருப்பது...

என் இனிய ரசிகர்கள் அனைவருக்கும் வணக்கம்,

மன்மதன் அம்பு சினிமா படத்தில் நான் எழுதிப் பாடிய பாடல் ஒன்று இந்துக்களின் மனதை புண்படுத்துவதாக வந்த செய்தி பரவலாக கிளம்பியதை நான் அறிவேன். இதை தணிக்கை செய்த குழு இப்பாடலில் புண்படுத்தக் கூடிய வரிகள் எதுவும் இல்லாததால் அதை அனுமதித்தனர். தொலைக்காட்சியிலும் மும்முறை ஒலிபரப்பப்பட்டு வரவேற்பை பெற்றப் பாடல். இதுவே எனது நிறுவனமாக இருந்தால் கண்டிப்பாய் அந்த வரிகளை நிஜ ஆன்மீக வாதிகளை புண்படுத்தாது என்ற நம்பிக்கையுடன், சென்சார் சான்றிதழ் சகிதம் வெளியிட்டிருப்பேன். இது ரெட் ஜெயன்ட் மூவிஸ் படம். திரு.உதயநிதி ஸ்டாலின் படம் என்பதாலும், எல்லோரும், எம்மதத்தவரும் படம் காண வர வேண்டும் என்ற எண்ணத்தில், பல கோடி பேர் ஏற்கெனவே பார்த்து ரசித்த பாடலாக இருந்த போதிலும் இப்பாடல் காட்சியை நாங்களே முன் வந்து நீக்குகிறோம்.

என் குடும்பத்தில் வைணவரும், சைவரும், இஸ்லாமியரும், கிருத்துவரும் இருக்கின்றனர். அவர்களில் பலர் என்னைப்போல் அல்ல, தெய்வ விசுவாசிகள். நான் பகுத்தறிவு வாதி அது அவ்வாறாகவே இருந்து வருகிறது அதுவாகவே திகழும்.

மன்மதன் அம்பு வியாபாரம். அதுவும் மற்றவர் செய்யும் வியாபாரம். இதில் நான் வெறும் கலை ஊழியன் மட்டுமே. அரசியல் வாதிகளின் இடையூறு எனக்கு புதிதல்ல. மதமும், அரசியலும் கலந்த இந்தச் சிக்கலில் நல் ரசிகன் பலியாகாதிருக்கவும், அனைவரும் கண்டு ரசிக்கவும் இந்த முடிவு எடுக்கப்படுகிறது. மற்றபடி பகுத்தறியும் பாடலில் என் தேடல் தொடரும். அதில் மக்கள் அன்பிற்கும் நிறைய இடம் உண்டு.

அசினுக்கு எதிராக காவலனை புறக்கணிக்க உலகத் தமிழரிடம் கோரிக்கை

2010-12-22T01:48:00.000-08:00

விஜய், அசின் நடிப்பில் உருவாகி விரைவில் வெளிவரவிருக்கும் 'காவலன்' திரைப்படத்தை தமிழ்மக்கள் புறக்கணிக்க

புலம் பெயர் தமிழ்மக்களிடம் கோரப்பட்டுள்ளது. இது தொடர்பில் வெளியிடப்பட்டிருக்கும் பிரசுரத்தில்;

அன்பார்ந்த உலகத் தமிழ் மக்களே...

வெகு விரைவில் வெளிவர இருக்கும் விஜய் அசின் நடித்த காவலன் படத்தை உலகமெங்கும் புறக்கணிக்குமாறு உரிமையோடு வேண்டும் அதே நேரம் அதற்கான வலுவான காரணங்களையும் முன்வைக்க விரும்புகின்றோம்.

முதலில் படப்பிடிப்புக்கு மட்டுமே இலங்கை சென்றேன் என்றார் அசின் பின்பு போரினால் பாதிக்கப்பட்டவர்களுக்கு உதவி செய்யவே சென்றேன் என பல்டியடித்தார்.

எல்லாவற்றையும் விட கொடுமையான விடயம் எதுவெனில் ஒருவருக்கு கண் சிகிச்சை முடிந்த பின் நீங்கள் முதலில் யாரை பார்க்க விரும்புகின்றீர்கள் என கேட்ட கேள்விக்கு நான் அசினை மட்டுமே பார்க்க விரும்புகின்றேன் என அவர் கூறியதாக அசின் பேட்டிகளில் கூறினார்.

இதில் இருந்து சிங்களம் செய்ய நினைக்கும் பரப்புரை என்னவென்று உங்களுக்கு புரிந்திருக்க வேண்டும்.
ஆம் தமிழினத்தை அனைத்து விதமான போதைக்குள்ளும் வைத்திருக்க விரும்பும் சிங்களம் தன் முதற் பார்வையே நடிகைமேல்தான் இருக்க வேண்டும் எனும் அளவுக்கு தமிழர்கள் சினிமா பைத்தியங்கள் எனவும் அதை விடுதலைப்புலிகள் தடுத்ததாகவும் பிரச்சாரங்கள் செய்கின்றார்கள்.

இது ஒரு நடிகைக்கு எதிரான பிரச்சாரம் அல்ல பேரினவதாத்தின் தந்திரத்திற்கு எதிரான பிரச்சாரம்.

சற்று யோசித்துப் பாருங்கள் பல பல கோடிகள் திட்டங்களோடும் உதவிகளோடும் சென்ற இந்திய குழுவோடு கூட [ திருமாவளவன், கனிமொழி, பாலு போன்றோர் சென்ற போது ] ஜனாதிபதியோ அல்லது பிரதமரே ஏன் முதலமைச்சர்கூட அவர்களோடு செல்லவில்லை.

ஆனால் இந்திய அளவில் கூட புகழ் பெறாத ஒரு நடிகையோடு அவர் சென்ற இடம் முளுவதும் அந்த நாட்டின் முதற் பெண் அதாவது ஜனாதிபதியின் மனைவி உடன் சென்று வந்ததன் மர்மம் என்ன?.

அசினோடு சென்ற சல்மான் கானுக்கோ அல்லது உண்மையில் உதவிகள் செய்த விவேக் ஓபராய்க்கோ கூட இந்த கவுரவங்கள் வழங்கப்படவில்லை.

அதோடு அசினால் சிகிச்சை அளிக்கப்பட்டவர்கள் என கூறப்படுவோர்க்கு 10க்கும் மேற்பட்டவர்களுக்கு முளுமையாக கண் பார்வை பறிக்கப்பட்டுள்ளது சிகிச்சை எனும் பெயரால். சிறு வலி என்றாலும் கால்களை அகற்றியும் கைகளை அகற்றியும் தமிழர்களை முடவர்களாக்கியுள்ளது சிங்கள அரசு.

இவைகள் அனைத்தும் சிங்கள அரசால் திட்டமிட்டு நடத்தப்படும் இன அழிப்பு நடவடிக்கையே தவிர வேறில்லை. அதற்கு துணைபோகும் அனைவரையும் புறக்கணிப்போம்.

இப்பட புறக்கணிப்பு ஒரு பாடமாக அனைவருக்கும் அமைய வேண்டும். ஏற்கனவே பல கடிதங்ளை தமிழ் நாட்டின் பல திரைப்பட சங்கங்களுக்கு அனுப்பியிருந்தோம் அசின் மன்னிப்பு கோருவார் என அவர்களால் சொல்லப்பட்டாலும் இதுவரை அப்படி எதுவும் நிகழவில்லை மாறாக மேலும் திமிராகவே காணப்பட்டார் அசின் உதவி செய்யவே சென்றேன் என்றவர் இயக்குனர் படப்பிடிப்பு இலங்கையில் வைத்ததற்கு நான் மன்னிப்பு கோர மாட்டேன் என்றார்.

படப்பிடிப்புக்கு செல்பவர்களுக்கு ஜனாதிபதியின் மனைவியே உதவி செய்வரா? ஆச்சரியமான நாடுதான் இலங்கை. இலங்கை அரசின் ஊதுகுழல்கள் அனைவரையும் துடைத்தெறிவோம் - எனத் தெரிவிக்கப்பட்டிருக்கிறது.

நன்றி

கலைஞரை எதிர்த்து சீமான்?

2010-12-15T00:15:00.000-08:00

தன் மீதான தேசியப்பாதுகாப்பு சட்டத்தை உடைத்து விட்டு விடுதலையாகியிருக்கிற ’நாம் தமிழர் ‘இயக்கத்தின் தலைமை ஒருங்கிணைப்பாளர் சீமான், அரசியல் ரீதியாக அடுத்தக்கட்ட நகர்வுகள் குறித்து தீவிரமாக திட்டமிட்டுக்கொண்டிருக்கிறார்.

தேசிய பாதுகாப்பு சட்டத்தில் சீமானை அடைத்தது செல்லாது என்று உயர் நீதிமன்றம் தீர்ப்பளித்ததை தொடர்ந்து 10-ந்தேதி காலையில் சீமான் விடுதலை யாகிறார் என்கிற செய்தி பரவியதும் தமிழகம் முழுவது மிருந்தும் ஆயிரக்கணக்கில் நாம் தமிழர் இயக்கத்தினர் வேலூர் சிறையை முற்றுகையிட்டனர். ஆனால் நீதிமன்ற உத்தரவை எடுத்து வரும் வழக்கறிஞர்களின் தாமதத்தால் சீமான் விடுதலையாவது தள்ளிக்கொண்டே போனது. நேரம் செல்ல செல்ல... கொட்டும் மழையிலும் இயக்கத்தினரின் எண்ணிக்கை அதிகரித்தபடியே இருந்தன. கூட்டம் கட்டுக்கடங்காமல் அதிகரித்ததால், சிறைக்குள் நுழைய முயற்சித்தனர். சிறை நிர்வாகம் அனுமதிக்க மறுத்தது. இதனால் அரசுக்கு எதிராக முழக்கங்களை ஆவேசமாக எழுப்பினர்.

இந்நிலையில், சீமானை வரவேற்க வந்திருந்த திருச்சி வேலுச்சாமி, கொளத்தூர் மணி, பேராசிரியர் தீரன், தமிழ்முழக்கம் சாகுல் அமீது, இயக்குனர் கௌதமன் ஆகியோரை மட்டும் உள்ளே அனுமதித்தனர் சிறைத்துறையினர். நீதிமன்ற உத்தரவை மதியம் 1 மணிக்கு வழக்கறிஞர் சந்திரசேகரன் கொண்டு வர, சிறைத்துறை நடைமுறைகள் அவசரம் அவசரமாக முடிக்கப்பட்டு மதியம் 1.30-க்கு வெளியே வந்தார் சீமான்.

""இந்த சிறைக்குள் உள்ளே போனபோது எப்படி கம்பீரத்துடன் போனதோ அதே கம்பீரத்துடன் வெளியே வருகிறது எங்கள் புலி. இனிதான் எதிரிகளுக்கு கிலி'' என்று உரத்து குரல் கொடுத்தனர் இயக்கத்தினர். சீமான் முகத்தை பார்த்ததும் இயக்கத்தினரின் ஆரவாரம் விண்ணை அதிரவைத்தது... பட்டாசுகளும் குத்துப்பாட்டுகளும் நடனங்களும் வெடித்து கிளம்பின.

இந்த ஆரவாரங்களுக்கு மத்தியில் சீமானிடம், இயக்குனர் பாலா வந்திருப்பதைச் சொல்ல, ""அய்யோ.. அவன் எதுக்கு இங்கெல்லாம் வந்துகிட்டு..''’என்று அவர் சொல்லிக்கொண்டிருக்கும் போதே.. பாலா வந்துவிட.. பாலாவை கட்டிப்பிடித்து முத்தம் தந்து நன்றி தெரிவித்தார்.

பத்திரிகையாளர்களிடம் பேசிய சீமான்,’’""என் மீது இரண்டு முறை தேசிய பாதுகாப்பு சட்டம் பாய்ந்துள்ளது. இரண் டையும் உடைத்துவிட்டு வெளியே வந்துள் ளேன். இரண்டு முறையும் விதிகளை புறக்கணித்துத்தான் இந்த சட்டத்தை என்மீது பிரயோகித்துள்ளனர். என்னை அழிப்பதற் காக சட்டத்தை தவறாக பயன்படுத்தியுள்ளது தமிழக அரசு. இதனால் என் இயக்கப் பணி, தொழில் எல்லாம் பாதிக்கப்பட்டிருப்பதால் அரசு மீது வழக்குப் போடலாமென இருக்கிறேன். தேர்தலில் நான் போட்டியிடமாட்டேன்''’ என்றவரிடம் "கலைஞரை எதிர்த்து நீங்கள் பொது வேட்பாளராக நிறுத்தப்படவிருக்கிறீர்கள் என்று உங்கள் கட்சியினர் கூறுகிறார்களே?'’ என்றதற்கு, ’""அப்படியும் நடக்கலாம்''’’என்று இயல்பாக சீமான் கூற.. அங்கு திடீர் பரபரப்பு ஏற்பட்டது. சீமானின் அந்த பதிலால் நாம் தமிழர் இயக்கத்தினரும் ஏக உற்சாகம் காட்டினார்கள்.

கார் மேல அமர்ந்தபடியே கிளம்பிய சீமான், வேலூரில் இருந்த பெரியார் சிலை, அம்பேத்கர் சிலை, எம்.ஜி.ஆர்.சிலை என வரிசையாக மாலை அணிவித்துவிட்டு வேலூர் நகர சாலைகளில் வலம் வந்தார். அவரது காருக்கு பின்னால் 200-க்கும் மேற் பட்ட வாகனங்கள் அணிவகுத்தன. இந்த வாகன அணிவகுப்பு போக்குவரத்து நெரிசலில் சிக்கிகொள் ளாமல் இருக்கும்படி போக்குவரத்தை நெறிப்படுத் தினர் காவல்துறையினர். அது மட்டுமல்லாது... வேலூர் அண்ணாசாலை என்பது ஒரு வழிப்பாதை யாக இருக்கிறது. முக்கிய அரசியல் பிரமுகர்கள் யாரேனும் முன்கூட்டி அறிவிப்பு செய்து விட்டு வேலூருக்கு வரும் பட்சத்தில் இந்த சாலை இரு வழிப் பாதையாக திறந்துவிடப்படும். சீமானுக்காக இந்த சாலையை இரு வழிப் பாதையாக சில நிமிடங்கள் மாற்றி அமைத்தனர் போலீஸார்.

சீமானை வரவேற்க வந்த நாம் தமிழர்கள் சிலரை மடக்கிப் பேசினோம். திருவாரூரை சேர்ந்த கவிஞர் தென்றல் சந்திரசேகர்,’""தமிழக மீனவர்களின் நலனுக்காக சிங்கள மீனவர்களை எச்சரித்த சீமானை இந்த அரசு சிறைப்படுத்தியது. அதனை முறியடித்து வெளியே வந்துள்ள சீமானின் விடு தலை... எதிரிகளுக்கு மரண அடி'' என்றார் ஆவேச மாக. புதுக்கோட்டையிலிருந்து வந்திருந்த ஜெயசீலன்,’’""தமிழினத்துக்காக போராடும் தமிழின, தமிழ்த்தேசிய உணர்வாளர்களை தேசிய பாதுகாப்பு சட்டத்தில் கைது செய்யவேண்டும் என பார்ப்பன- வட இந்திய ஊடகங்கள் பாய்கின்றன. அதற்கு இங்குள்ள அரசும் அடிபணிந்து விடுவதுதான் சீமானின் கைது. இது போன்ற செயல்களால் இந்த அரசுக்குதான் கெட்டப்பெயர்''’’என்றார்.

வேலூரிலிருந்து சென்னை நோக்கிப் புறப் பட்ட சீமானுக்கு வழி நெடுகிலும் பலத்த வரவேற்பு கொடுக்கப்பட்டது. இரவு 9.50-க்கு சென்னை வளசரவாக்கத்தில் உள்ள தனது அலுவலகத்துக்கு வந்தார் சீமான். அங்கேயும் ஆயிரக்கணக்கில் நாம் தமிழர் இயக்கத்தினர் திரண்டிருந்தனர். எல்லோரும் சீமானை கட்டிப்பிடித்து தங்களின் மகிழ்வை தெரிவித்துக்கொண்டனர். திடீரென்று அங்கு ஒரு பொதுக்கூட்டம் போல ஏற்பாடு செய்ய.. இயக்கத்தினர் அனைவரும் அப்படியே உட்கார்ந்தனர். சீமான் உள்ளிட்டவர்கள் அமர சேர்கள் போடப்பட்டன. மைக் வரவழைக் கப்பட்டது.

முதலில் பேசிய பேராசிரியர் தீரன்,’""பாண்டிய மன்னனிடம் ஆக்ரோஷமாக நீதி கேட்ட கண்ணகி மாதிரி, சென்னை உயர் நீதிமனறத்தில் போராடி வெற்றிப்பெற்று வெளியே வந்துள்ளார் சீமான். இனி தமிழின துரோகிகளுக்கு எதிரான அரசியலை சீமான் வலிமையாக முன்னெடுக்க வேண்டும்'' என்றார். அடுத்து பேசிய திருச்சி வேலுச்சாமி, ""வேலூர் சிறை என்பது நிரந் தரம். அதில் உள்ளே போய் வருபவர்கள்தான் மாறுவார்கள். நேற்றும் இன்றும் அந்த சிறை சீமானுக்கு சொந்தமாக இருந்தது. நாளை மற்றவர்கள் போகும் நிலை உருவாகும்''’’என்று துவக்கி அரசை கடுமையாக விமர்சித்தார்.

இதனையடுத்து மைக் பிடித்த சீமான், ""உண்மையை நாம் பேசினால்... சட்டத்தை தங்க ளுக்கு சாதகமாக பயன்படுத்துகிறார்கள். அதற்குத் தான் ஆட்சி மாற்றம் கூடாது... அரசியல் மாற்றம் வேண்டுமென்கிறோம். அந்த அரசியல் மாற்றத்தை நாம் கொண்டுவருவோம். இந்த தேர்தலில் காங் கிரஸையும் காங்கிரஸோடு கூட்டணி வைத்துள்ள தி.மு.க.வையும் ஒழிப்பதுதான் நமது கொள்கை யாகும்''’’என்று ஆரம்பித்த சீமான்,’""தேசிய கட்சின்னு பீத்திக்கொள்கிற காங்கிரஸே... உனக்கு தைரியமிருந்தா இந்த முறை தேர்தலில் தனித்து போட்டியிடு பார்க்கலாம். பீகாரிலாவது 4 சீட்டு கிடைச்சது. இங்கு அதுவும் கிடைக்காது. 234 தொகுதியிலும் தனித்துப் போட்டியிடு. உன்னை எதிர்த்து எமது இயக்கத் தோழர்கள் களமிறங்குவார்கள்.

யார் வெற்றி பெறுகிறார்கள்னு பார்த்துவிடலாம். வெற்றி பெறுவது கிடக்கட்டும்டா.... நாம் தமிழர் இயக்கத்தை விட ஒரு வாக்கு அதிகம் வாங்கிவிடு.... நாங்கள் அரசியல் பேசுவதையே விட்டுவிடுகிறோம். தனிச்சு போட்டியிட உனக்கு தைரியம் இருக்காது... உன்னை தூக்கி சுமக்கிறதுக்குன்னேதான் கருணாநிதி யும் ஜெயலலிதாவும் இருக்காங்களே.... அவங்க கிட்ட 80 சீட்டு வாங்கி.... எல்லாத்துலயும் ஜெயிக்க வேணாம். 8 சீட்டு ஜெயிக்க முடியுமா? ஜெயித்துக்காட்டு பாக்க லாம்''’’என்று ஒரு பிடிபிடித்த சீமான், காங்கிரசுக்கு எதிரான விமர்சனத்தை காட்டமாக வெளிப்படுத்தி னார். ஒவ்வொரு வார்த்தைக்கும் ஆர்ப்பரித்தனர் இளைஞர்கள். சீமானின் முழக்கமும் நாம் தமிழர் இயக்கத்தினரின் ஆவேசமும் அந்த இரவு நேரத்தில் அந்த பகுதியை அதிர வைத்தது. கூட்டம் முடிந்த பிறகு நள்ளிரவு 2 மணி வரை இயக்கத்தினருடன் அளவளாவி விட்டுத்தான் படுக்க சென்றார் சீமான். இவர்களிடம் பேசும் போது,’’""நமது இலக்கு என்பது 2016 தான். ஆனால் இந்த தேர்தலில் தமிழினப் பகைவர்களை தோற்கடிப்பதுதான் நமது இலக்காக இருக்க வேண்டும்.

நமக்கான அரசியலும் நாம் தமிழரிடம் வரும். அப்போது 2016-ல் நாம் தமிழர் இயக்கம் தான் தமிழகத்தின் அரசியல் சக்தி’’என்றவர் தொடர்ந்து பேசும்போது, ""நாம் ஊருக்கு ஊர் கூட்டம் போட்டு அர சியல் பேசினால் மட்டும் நமது இலக்கை அடைய முடியாது. முதலில் உனது (இளை ஞர்கள்) அரசியலை உன் குடும்பத்தில் இருந்து துவக்கு. உனது அப்பாவும் அம்மா வும் அண்ணன் தம்பிகளும் ஆளாளுக்கு ஒரு அரசியல் கட்சியில் இருந்து கொண்டு நீ மட்டும் நாம் தமிழர் இயக்கத்தில் இருந்தால்... நமக்கான அரசியலை வென்றெடுக்க முடியாது. அதனால் குடும்பத்தை அரசியல்மயப்படுத்து.

இதற்கான கால கட்டம் நமக்கு தேவை. அந்த கால கட்டம்தான் 2016.. குடும்பத்தையும் தெருவையும் ஊரையும் நாம் அரசியல்மயப்படுத்திக்கொண்டே... எதிர் வருகிற தேர்தல்களிலெல்லாம் தமிழின பகைவர்களை தோற்கடித்து விட்டால்... அரசியலில் எதிரிகளின் எண்ணிக்கை குறையும். அதை செய்யத்தான் வரும் தேர்தலை பயன்படுத்த வேண்டும்'' என்று நாம் தமிழர் இயக்கத்தின் அடுத்தக்கட்ட அரசியலை போதித்தார் சீமான்.

முதல்வர் கலைஞரை எதிர்த்து பொதுவேட்பாளராக நிறுத்தப்படுவார் என்கிற கருத்து பற்றி நாம் தமிழர் இயக்கத் தின் முன்னோடிகளிடம் கேட்டபோது,’’ ""இந்த முறை தேர்தலில் சீமான் நிற்க மாட்டார். ஆனால் பொதுவேட்பாளராக அவர் களமிறங்க வெண்டுமென்பது 90 சதவீத இயக்கத்தினரின் கொள்கை முடிவாக இருக்கிறது. இது குறித்து அவர் இன்னும் தெளிவாக முடிவெடுக்கவில்லைங்கிறதுதான் யதார்த்த உண்மை'' என்கிறனர்.

-இளையசெல்வன், ராஜா

உலக தமிழர்களுக்கு கனடா நாம் தமிழர் கட்சியின் வேண்டுகோள்

2010-12-14T00:01:00.001-08:00

எம் உறவுகளுக்கு ஓர் அன்பான வேண்டுகோள்!

தென் இந்திய தமிழகத்தில் கடந்த மே 18ம் திகதி ஆரம்பிக்கப்பட்ட மக்கள் ஜனநாயக இயக்கம் உலகம் வாழ் புலம் பெயர்ந்த ஈழத் தமிழினத்திலும் வியாபித்துள்ளது. இவ்வியக்கம் தற்பொழுது தமிழகத்தில் ஒரு அரசியற் கட்சியாகவும் பதிவு செய்யப்பட்டுள்ளது.

இக் கட்சி கனடாவிலும் புலம்பெயர் ஈழத்தமிழர்களின் பெருமளவான ஆதரவையும் பெற்றிருக்கின்றது. சென்ற ஆண்டு மே மாதத்தில் நடை பெற்ற மனித உரிமை மீறல்கள் இனப்படுகொலைகளுக்கு எதிரான குற்றங்களை நாங்கள் மிகவும் வன்மையாக கண்டிக்கின்றோம். அதே நேரம் ஐக்கிய நாடுகள் சபையால் பரிந்துரை செய்யப்பட்ட போர்க்குற்ற ஆணைக் குழுவிற்கு உலகத்தமிழ் மக்கள் அனைவரும் இம்மாதம் 15ம் திகதிக்கு முன்னர் உங்கள் மின் அஞ்சல் மூலமாக போர்க்குற்ற விசாரணை மிக அவசியம் என்றும், சர்வதேச நீதிமன்றம் சுயாதீனமாக போர்க்குற்ற வாளிகளை விசாரணை செய்யவேண்டும் என்றும் வலியுறுத்துகின்றோம்.

மின் அஞ்சல் அனுப்ப வேண்டிய முகவரி:

e-mail: panelofexpertsregistry@un.org மூலம் உங்கள் சொந்த முகவரி போன்ற விபரங்களோடு உடனடியாக அனுப்பிவையுங்கள். அத்தாட்ச்சிப்படங்கள் சாட்சியங்களுடனும் மற்றும் பொதுவான போர்க்குற்ற விபரங்களுடனும் இக்கடிதங்களை அனுப்பி வைத்து உங்கள் வரலாற்று கடமையையும் செய்து வைப்ப்பீர்கள் என எதிர் பார்க்கின்றோம்.

நன்றி

நாம் தமிழர் கட்சி – கனடா

சிங்கள இனவெறியன் ராஜபக்சே : திருமாவளவன் ஆவேசம்

2010-12-13T04:04:00.000-08:00

இலங்கையில் தமிழ் மொழியில் பாடப்பட்டுவந்த தேசிய கீதத்திற்கு அனுமதி மறுத்துள்ளது அந்நாட்டு அரசு. இது குறித்து விடுதலை சிறுத்தைகள் கட்சி தலைவர் தொல்.திருமாவளவன்,

’’இலங்கைத்தீவில் தமிழினமும் சிங்கள இனமும் இருபெரும் தேசிய இனங்களாக வாழ்ந்து வந்தாலும் சிங்கள இனத்திற்கு மூத்த இனமாக வாழ்ந்து வருவது தமிழினம்தான் என்பது வரலாற்று உண்மையாகும். எனினும் ஆங்கிலேயன் ஆட்சிக்கு பிறகு சிங்ளவன் கைகளில் ஆட்சியதிகாரம் ஒப்படைக்கப்பட்டதனால் ஒட்டுமொத்த இலங்கைத் தீவையே சிங்கள நாடு என அறிவிக்கும் வகையில் சிங்கள இனவெறியர்கள் தொடர்ந்து முயற்சித்து வருகின்றனர்.

அதன் விளைவாக தமிழ்த்தேசிய இனம் தங்களை ஒரு தேசிய இனமாக அங்கீகரிக்க வேண்டுமென்றும் தங்கள் அடர்த்தியாக வசிக்கும் வடக்கு-கிழக்கு பகுதிகளை தங்களின் தாயகமாக அங்கீகரிக்க வேண்டும் என்றும் தங்களை தாங்களே ஆண்டுகொள்ள அரசுரிமை வேண்டுமென்றும் கடந்த 50 ஆண்டுகளாக அறவழியினும் ஆயுதவழியிலும் போராடி வருகின்றனர்.

இதனால் லட்சக்கணக்கான தமிழர்கள் உயிரிழக்கவும், லட்சக்கணக்கான தமிழர்கள் அகதிகளாய் புலம் பெயரவும் வேண்டிய நெருக்கடிகள் ஏற்பட்டுள்ளன.

இவ்வாறான சூழலில் சிங்கள இனவெறியன் ராஜபக்சே தமிழ் தேசிய கீதம் பாடுவதற்கு இலங்கைத் தீவில் அனுமதி இல்லை என்று அறிவிப்பு செய்திருப்பதோடு, சிங்களர்கள் பெரும்பான்மையாக வாழ்வதாகவும், அதாவது இலங்கை சிங்களருக்கே உரியதாகவும் அறிவிப்புச் செய்திருப்பதை விடுதலை சிறுத்தைகள் மிக வன்மையாக கண்டிக்கிறது.

ஒரு நாட்டில் இரு தேசிய கீதங்களா என்ற கேள்வியை எழுப்பும் ராஜபக்சே, ஒரே நாட்டில் இரு தேசிய இனங்கள் வாழும் வரலாற்று உண்மையை மூடி மறைக்க முயல்கிறார். சிங்களப் பேரினவாதிகளின் இந்த மேலாதிக்க வெறியைக் கண்டிக்கவும், தமிழினத்தின் உரிமைகள் ஒவ்வொன்றாகப் பறிபோவதைத் தடுக்கவும் இந்திய அரசு உள்ளிட்ட சர்வதேச சமூகம் முன் வரவேண்டும் என்று விடுதலை சிறுத்தைகள் வேண்டுகோள் விடுக்கிறது.

ராஜபக்சேவின் இனவாத பாசிசப்போக்குகளில் இருந்து தமிழனத்தையும் தமிழீழத்தையும் மீட்டெடுக்க தமிழ்நாட்டு தமிழர்கள் உள்ளிட்ட உலக தமிழர்கள் யாவரும் ஒருங்கிணைந்து போராட உறுதியேற்போம்’’என்று தெரிவித்துள்ளார்.