ФОРМУЛА 1

2026 ГН САД: ТРКАТА НИЗ ФОТОГРАФИИ

2026-10-29T20:52:55.031+01:00

ЦЕЛОСНАТА ГАЛЕРИЈА ЌЕ БИДЕ ДОСТАПНА НАСКОРО...

КИМИ ДОМИНИРА ВО ОСТИН, СЕГА Е НА ЧЕКОР ДО ТИТУЛАТА

2026-10-25T20:13:04.302+01:00

Кими Антонели и Мерцедес АМГ одржаа маестрален час по брзина и стратегија на Големата Награда на САД.

Ил Бамбино не направи грешки и стигна до негова деветта победа во Формула 1, што го става на само еден чекор од шампионската титула, благодарение на осмото место на Џорџ Расел и четвртото место на Луис Хамилтон. Чарлс Леклер го победи Макс Ферстапен за второто место.

ПРИДРУЖЕТЕ НИ СЕ ВО НАШИТЕ ВАЈБЕР И ТЕЛЕГРАМ ГРУПИ, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

ВАЈБЕР - КЛИК ТУКА ЗА ДА СЕ ПРИДРУЖИТЕ

ТЕЛЕГРАМ - КЛИК ТУКА ДА СЕ ПРИДРУЖИТЕ

Кими направи точно она што требаше да го направи. Исто како и вчера, кога ја обезбеди пол позицијата, 20-годишникот беше извонреден и на денешната трка.

Младиот Италијанец имаше добар старт и покрај тоа што беше на жолти гуми, опкружен со возачи на црвените гуми.

Откако ја одбрани првата позиција по првиот свиок, тој направи значителна разлика помеѓу себе и своите ривали и ја олесни стратегијата на Мерцедес АМГ во услови на закани од Ред Бул и Ферари.

Тоа беше настап достоен за шампион. Тоа не се случи тука и ќе мора да почека на следната трка во Мексико.

Луис Хамилтон успеа да стигне само до четвртото, а Џорџ Расел до осмото место. Ова значи дека Кими Антонели сега има предност од 123 поени пред својот тимски колега и 124 пред британецот во Ферари.

Со уште 125 бода во игра, Ил Бамбино треба само да заврши деветти во Мексико за да ја освои титулата, без да се грижи за резултатите на своите ривали. Тоа е практично готова работа.

Ландо Норис заврши петти, пред Исак Хаџар, Оскар Пјастри и Џорџ Расел. Лиам Лосон и Пјер Гасли го комплетираа поредокот кој носи поени.

"Беше одличен викенд, беше убаво да се заврши со победа", изјави Антонели за Скај Ф1. "Навистина сум среќен. Успеав да имам одличен старт, а потоa успеавме да стигнеме доста далеку со првиот сет гуми, и после тоа беше јасно дека ќе направиме еден пит-стоп, па сум задоволен од она што го направивме."

"Беше одличен викенд и му се заблагодарувам на целиот тим затоа што одлично ја вршат работата, особено во обидот да го разберат овој пакет надградби. Сега ќе се обидеме да ја завршиме сезоната на високо ниво."

"Како можам да ја освојам титулата во Мексико? Веќе знам, веќе знам, но, не сакам да зборувам за тоа. Додека не заврши, не е завршено."

"Би било прекрасно да ја обезбедам титулата на највисокот скалило, со уште еден добар резултат, а потоа да уживам во остатокот од сезоната."

Па, ајде да видиме дали следниот викенд, на 1 ноември, Андреа Кими Антонели, ќе ја врати Италија на врвот на Формула 1 шампионатот, 73 години по успехот на Алберто Аскари во 1953 година со Ферари.

ДЕН ЗА ТРКА, НАЈАВА НА АМЕРИКАНСКОТО ГРАН ПРИ

2026-10-25T18:19:29.501+01:00

Следуваат шест трки за седум недели, ако се одржат сите настани од 2026 Ф1 календарот. Распоредот е интензивен, но познат и совршено соодветен за крајот на сезоната.

Ноември обично не е највозбудливиот месец во годината, но со пет трки за еден месец, ќе помине брзо. Потоа има една трка во декември за крај на сезоната.

Три трки по ред, Остин, Мексико Сити и Сао Пауло, потоа кратка пауза со можност за враќање во Европа и средување на болидите, а потоа уште три последователни трки, Лас Вегас, Катар и Абу Даби.

ПРИДРУЖЕТЕ НИ СЕ ВО НАШИТЕ ВАЈБЕР И ТЕЛЕГРАМ ГРУПИ, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

ВАЈБЕР - КЛИК ТУКА ЗА ДА СЕ ПРИДРУЖИТЕ

ТЕЛЕГРАМ - КЛИК ТУКА ДА СЕ ПРИДРУЖИТЕ

СТРИМ ОД ТРКАТА, 21:00 MK, ЌЕ БИДЕ ПОСТИРАН НА ВООБИЧАЕНИОТ НАЧИН НА НАШИОТ БЛОГ, КАКО И ВО НАШИТЕ ВАЈБЕР И ТЕЛЕГРАМ ГРУПИ.

Повеќе тимови ги донесоа своите најнови надградби во Остин, па да видиме дали тоа ќе се одрази на пласманот на табелата. Тимовите ќе продолжат да работат на своите болиди и да тестираат нови елементи до самиот крај, бидејќи прописите остануваат во голема мера непроменети во 2027 година.

Антонели веќе тестираше прототип на новиот болид во Сингапур, и ова наскоро ќе стане норма за сите тимови, доколку буџетот дозволува.

Повеќе нема интриги во борбата за титулите кај возачите и констукторите. Останува само да дознаеме во која трка Кими Антонели ќе стане најмладиот шампион во историјата на Формула 1, а Мерцедес АМГ ќе го освои деветтиот Шампионат на конструктори, израмнувајќи го рекордот на Вилијамс.

Но, постои интрига во борбата за победа во трките, кои се покажуваат како навистина интересни оваа година.

Организаторите на трката во Остин активно експериментираат со формати. Оваа година тркачкиот викенд се одвива по стандардниот формат, без спринт, а така ќе биде и следната сезона.

Трката во Остин ќе се одржи по 14-ти пат оваа година. Цените на билетите за Остин се значително пониски отколку на другите две американски трки.

Формула 1 стекна силна публика во Тексас, а многумина уживаат и во атмосферата на музички фестивал околу патеката. Трибините нема да бидат празни, но каубојските шапки на подиумот не се ништо ново.

Патеката на Америка (Circuit of the Americas-COTA) е првиот објект во САД наменски изграден за Формула 1 трки.

Херман Тилке дизајнираше ултра-модерен комплекс кој ги има обележјата на Тексас, но и копии на најпознатите свиоци од останатите Ф1 патеки.

Главни нејзини карактеристики се природните промени во елевацијата, вклучувајќи ја 40 метарската нагорнина кон првиот свиок (BIG RED) кој е главното обележје на патеката.

Потегот од третиот до деветиот свиок претставува низа од брзи свиоци кои потсетуваат на Maggots-Becketts-Chapel од Силверстоун или Esses во Сузука.

Втората половина од техничкиот дел na кругот, завршува со низа на бавни свиоци кои потсетуваат на Хокенхајм.

Главна знаменитост во комплексот на оваа патека е 25-катната Кула за набљудување.

Во 2017 година беше одлучено квалификациите да се одложат за два часа поради концерт, но оттогаш тоа стана традиција, па така ова е еден од ретките настани кога квалификациите и трката започнуваат во разлика од два-три часа.

Една од очигледните слаби точки на патеката на Америка е нерамниот и абразивен асфалт. Карактеристиките на тлото се такви што е невозможно да се обезбеди нејзината долгорочна стабилност.

На некои места може да се издигне или да пропадне, што предизвикува појава на брановидни нерамнини на асфалтот.

Организаторите ја реасфалтираат патеката, зајакнувајќи некои области со бетонска основа, но признаа дека е невозможно целосно да се реши овој проблем.

Според инженерите на Пирели, на трката за Големата Награда на САД, која се состои од 56 круга, можни се голем број различни стратегии без значајни недостатоци, т.е. сите се блиски во однос на вкупното време на трката.

Започнување на првиот стинт на жолтите гуми и нивно успешно менаџирање до прозорец за застанување во бокс помеѓу 21-тиот и 27-тиот круг овозможува едно застанување, ако потоа се премине на белите гуми, C2.

За да се искористи подобриот грип и почетни перформанси, трката може да се започне на црвените гуми, а во овој случај нивната замена со бели гуми треба да се случи помеѓу 20 и 26-от круг.

Но, две застанувања се подеднакво ефикасни со употреба на црвените и жолтите гуми. Старт на црвени гуми, а потоа префрлање на жолти помеѓу 16 и 22-от круг.

Тимовите потоа можат да одлучат дали повторно да ги користат жолтите гуми за последниот стинт, или да го продолжат средниот стинт и да ја користат дополнителната брзина на црвените гуми во последните кругови.

Едно застанување во бокс со употреба само на жолти и црвени гуми би барало исклучително прецизно управување со деградацијата на гумите и може да ризикува компромитирање на перформансите.

Возачите ќе мора да обрнат големо внимание на два надворешни фактори што ги отежнуваат условите за возење, а тоа се налетите на ветер и нерамниот асфалт.

Првиот фактор го зголемува ризикот од блокирање на тркалата при сопирање и затоа потенцијално може да го намали работниот прозорец на гумите.

Нерамниот асфалт наместо тоа може да предизвика микро-лизгање, што ја зголемува температурата на гумите и со тоа се зголемува термичката деградација.

Дарио Марафуски, Пирели: "На тренинг сесиите, C4 смешата (црвени гуми) ја потврди предноста во перформансите во однос на C3 (жолти гуми) во однос на грипот и времето по круг. Фактор што обезбедува јасна диференцијација помеѓу достапните опции."

"Сепак, при возење со тркачко темпо, двете помеки смеши се покажаа како многу блиски, зголемувајќи го бројот на стратешки сценарија достапни за тимовите."

"Симулациите покажуваат дека стратегијата со едeн пит-стоп останува најефикасното решение во однос на вкупното време на трката. Комбинацијата црвени-жолти гуми може да ја изберат повеќе од еден тим со цел да се максимизира предноста на грипот што ја нуди гумата со црвена лента."

"Белите гуми сепак остануваат валидна опција за вториот дел, без оглед на тоа дали трката ќе се започне со црвени или жолти. Рана неутрализација на трката би можела да ги охрабри тимовите да го завршат остатокот од трката на C2 (бели гуми)."

"Доколку деградацијата се покаже поголема од очекуваната, стратегијата со двa пит-стопа базирана на секвенца црвени-жолти-црвени гуми би можела да стане привлечна опција."

"Временската разлика во споредба со стратегијата со едно запирање во бокс останува релативно мала, но позицијата на патеката и потенцијалното влијание на сообраќајот исто така мора да се земат предвид."

"На крајот на краиштата, еволуцијата на условите на патеката и температурата на асфалтот ќе бидат клучни фактори што ќе ги одредат изборите што ќе ги направат тимовите."

Во петокот и саботата беше топло и суво во Остин, а истото важи и за денес.

Возачите ќе го започнат загревачкиот круг во 14:00 часот по локално време, до кога воздухот ќе се загрее до 27 степени со повремена облачност, југоисточен ветер и налети на ветер со 20км/ч.

На трката за Големата награда на САД во Остин, тројца возачи се соочуваат со казни.

Габриел Бортолето доби историски рекордна казна од вкупно 80 места на гридот. Тимот на Ауди му ги замени речиси сите возможни елементи на ПЕ, со што автоматски е испратен на последното место на стартот.

Франко Колапинто доби казна од 10 места поради инсталирање на четврта електронска контролна единица, што го спушта на 21-вата позиција.

Арвид Линдблад доби казна од 5 места поради користење на шести мотор со внатрешно согорување сезонава, па наместо од П9, ќе стартува од П14.

Дополнително, Ленс Строл ќе мора да ја започне трката од пит-линијата поради модификации на амортизацијата и замена на моторни делови направени во услови на пломбирани болиди.

2026 ГН САД: САБОТА НИЗ ФОТОГРАФИИ

2026-10-25T13:46:40.162+01:00

КИМИ СО МАГИЧЕН КРУГ ГО ПОБЕДИ ФЕРСТАПЕН ЗА ПОЛ ПОЗИЦИЈАТА

2026-10-24T21:24:57.809+02:00

Кими Антонели сака што поскоро да стане шампион.

Младиот Италијанец се враќа на Пол позицијата, негова прва по Белгија, на трката за Големата Награда на Соединетите Држави. Тој го победи Макс Ферстапен, а утре ја има својата прва меч-топка.

Неговиот прв круг во Q3 беше неверојатно брз, хируршки прецизен, а неговите ривали не успеаја да возвратат. Тој повторно направи значителна разлика во однос на Расел, а уништувањето на Џорџ во рамките на тимот продолжува.

Исак Хаџар за малку ќе го победеше Макс, па слободно можеме да заклучиме дека Холанѓанецот не успеа да го извлече максимумот од својот болидот. Што се случи при неговиот втор брз круг?!? Како и да е, ќе има добра битка за Победата, но се зависи од стартот и редоследот по првиот круг.

Што се однесува до Ферари, па, сите веќе добро се изнасмеаја на нивна сметка. Делумно оправдано, делумно неоправдано во овој случај. Луис Хамилотон се подобри половина секунда во однос на Q2 времето за П5, но Чарлс Леклер беше побавен во Q3. Да се подобреше барем две десетинки, ќе беше на Пол.

Јасно е дека им недостасува тој завршен чекор. Сега сè зависи од нивното тркачко темпо и од тоа дали нивните стратези ќе успеат да ги менаџираат возачите, за да не си пречат еден на друг.

Впечатливо е колку брзо се променија работите. Не така одамна, со вакви стартни позиции, ќе очекувавме Чарлс и Луис да бидат во водство уште пред првиот свиок.

Слабо издание на Мекларен. Веројатно немаа потенцијал за Пол позиција, но сепак, реализацијата беше прилично бледа. Се чини дека тимот тргнал во погрешна насока во развојот на болидот.

Одлична работа за Рејсинг Булс, кои сега се петтиот најдобар тим. Најдобриот мотор на гридот многу им помага. Добра тимска игра, Лиам Лосон не постави време за да не го победи тимскот колега, кој има казна од пет стартни места.

Хулкенберг, од друга страна, не успеа да го извлече максимумот за Ауди, едноставно не успеа да состави еден чист круг. Сега ќе му треба силен старт, сличен на оној што го имаше во Сингапур.

Прилично слаб настап на Хас, а за Вилијамс вистинска катастрофа.

Формула 1 се враќа во акција со трката за Големата Награда на Соединетите Држави, која започнува во 21:00 часот по Македонско време. Се надеваме дека веќе ги наместивме часовниците на новото зимско сметање на времето.

ПРИДРУЖЕТЕ НИ СЕ ВО НАШАТА ВАЈБЕР ГРУПА, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

КЛИК ТУКА ЗА ДА СЕ ПРИДРУЖИТЕ

СТРИМОВИТЕ ЌЕ БИДАТ ПОСТИРАНИ НА ВООБИЧАЕНИОТ НАЧИН, ВО НАШИТЕ ВАЈБЕР И ТЕЛЕГРАМ ГРУПИ.

ФЕРАРИ ДОМИНИРА, ПРВ ФАВОРИТ ЗА ПОЛ ВО ОСТИН

2026-10-24T19:14:28.107+02:00

Ферари повторно најбрз и на третиот тренинг во Остин, но овој пат, Луис Хамилтон беше нивниот најбрз возач. Добар настап на Британецот, по вчерашните проблеми

Чарлс Леклер заврши трет, но откако неговиот најбрз круг, што повторно ќе го пласираше на првото место, беше поништен поради непочитување на границите на патеката.

Макс Ферстапен се смести помеѓу двата возачи на Ферари, колку за да имаме поинтересна битка за Пол позицијата. Следуваа возачите на Мерцедес АМГ, Антонели повторно пред тимскиот колега, но речиси половина секунда зад најбрзото време на Ферари.

Италијанецот беше уште еден возач на кого му беше избришано најдоброто време поради надминување на границите на патеката. Проблемот кој може да се покаже како одлучувачки во битката за што подобра стартна позиција.

Следно на програмата се Квалификациите, закажани за 23:00 часот по Македонско време каде ќе биде одреден стартниот редослед за неделната трка, која започнува во 21:00 MK.

Не заборавајте вечерва треба да ги поместите стрелките на часовниците еден час поназад.

ПРИДРУЖЕТЕ НИ СЕ ВО НАШАТА ВАЈБЕР ГРУПА, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

КЛИК ТУКА ЗА ДА СЕ ПРИДРУЖИТЕ

СТРИМОВИТЕ ЌЕ БИДАТ ПОСТИРАНИ НА ВООБИЧАЕНИОТ НАЧИН, ВО НАШИТЕ ВАЈБЕР И ТЕЛЕГРАМ ГРУПИ.

По две тренинг сесии во кои доминираше Чарлс Леклер, третата почна да открива повеќе за претендентите за Пол позиција.

Патеката во Остин е целосно сува, а температурата е 38 степени Целзиусови. Овој пат немаше многу брзање за излегување на патеката.

Серџо Перез беше првиот што го стори тоа, а по него следеа Габриел Бортолето и Франко Колапинто. Мексиканецот го имаше првото забележано време со 1:39.880.

По мирните први десет минути, некои од водечките тимови се одлучија за старт на акцијата. Луис Хамилтон стартуваше со црвени гуми и брзо се искачи на првото место со време од 1:36.716.

Макс Ферстапен го подобри тоа време на 1:35.702, додека Чарлс Леклер заостануваше две десетинки. И двајцата беа на жолти гуми и јасно ги победија возачите на Мекларен и Мерцедес АМГ, кои беа на црвени гуми.

По многу подобрувања, Леклер беше најбрз со 1:35.127 во првите стинтови, користејќи ги жолтите гуми, победувајќи ги Хамилтон за две десетинки и Антонели за три. Ферстапен, Норис и Пјастри беа следни во поредокот.

Со помалку од 20 минути до крајот на сесијата, црвените гуми станаа примарна опција за вторите излегувања на патеката, и секако следуваа побрзи времиња.

Возачите на Мерцедес АМГ беа првите со најбрзата смеша на Пирели, а Антонели се искачи на првото место, но неговото време подоцна беше избришано.

Кратко потоа, Луис Хамилтон постигна време од 1:34.893, победувајќи ги Макс Ферстапен и Чарлс Леклер за околу две десетинки.

Возачите на Мерцедес АМГ и Мекларен се обидоа да ги стигнат, но тоа беше доволно само за да се пласираат во топ 3.

На крајот, времето на Хамилтон беше најбрзо во сесијата, пред Ферстапен, Леклер, Антонели, Расел и Пјастри.

Нико Хулкенберг беше изненадувањето на денот, победувајќи го Ландо Норис и завршувајќи седми. Пјер Гасли и Исак Хаџар ги комплетираа најбрзите десет возачи.

2026 ГН САД: ПЕТОК НИЗ ФОТОГРАФИИ

2026-10-24T19:12:45.928+02:00

ЛЕКЛЕР НАЈБРЗ СО НАДГРАДЕНИОТ ФЕРАРИ

2026-10-23T21:14:30.049+02:00

Чарлс Леклер повторно беше најбрз и на втората тренинг сесија за Големата Награда на САД.

Моначанецот и неговото ажурирано Ферари се покажуваат добро во Остин, победувајќи ги Кими Антонели за 42 илјадити делови од секундата и Макс Ферстапен за близу две десетинки.

Формула 1 се враќа во акција во 19:30 часот со саботниот тренинг и повторно во 23:00 часот по Македонско време за квалификациите каде ќе биде одреден стартниот редослед за неделната трка.

ПРИДРУЖЕТЕ НИ СЕ ВО НАШАТА ВАЈБЕР ГРУПА, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

КЛИК ТУКА ЗА ДА СЕ ПРИДРУЖИТЕ

СТРИМОВИТЕ ЌЕ БИДАТ ПОСТИРАНИ НА ВООБИЧАЕНИОТ НАЧИН, ВО НАШИТЕ ВАЈБЕР И ТЕЛЕГРАМ ГРУПИ.

По првата тренинг сесија со Чарлс Леклер на чело, втората започна со целосно сув асфалт и температура од 43 степени.

Исто како и на првиот тренинг, немаше време за губење. Пјер Гасли беше првиот што излезе на патеката кога семафорот се вклучи зелено, а многу возачи го следеа.

Беа користени различни смеши, иако жолтата гума беше претпочитаната опција. Додека Гасли го постави најбрзото време со 1:38.716, Макс Ферстапен веднаш го следеше со 1:36.581, што веќе беше брзо за прв обид. Возачите на Мерцедес АМГ беа две и три десетинки од секундата зад нив, а останатите беа подалеку.

Времињата по кругови започнаа значително да се намалуваат. Додека Ферстапен стана првиот што падна под 1:35, со 1:35.934, Расел беше само една десетинка од секундата зад него, а Норис, и покрај тоа што користеше потврда смеша, беше четири десетинки зад него.

Следеше Антонели со 1:36.216 и се искачи на третото место. Првата третина од сесијата заврши со овие времиња. Исак Хаџар беше петти, пред Чарлс Леклер, Габриел Бортолето, Арвид Линдблад, Луис Хамилтон и Франко Колапинто.

Во втората третина, најмеката смеша, т.е. црвените гуми го зазедоа централното место, а времињата по кругови се намалија.

Во тој момент, Чарлс Леклер се појави со време од 1:35.291, надминувајќи го Ферстапен за 189 илјадити делови од секундата, а Расел за половина секунда, но времето на Џорџ подоцна беше избришано.

Неколку минути подоцна, Кими Антонели постави време од 1:35.333, приближувајќи се многу блиску до Леклер, само 42 илјадити делови од секундата зад него, но ниту овој пат никој не можеше да го победи возачот од Монако.

Ферстапен заврши трет, пред Хамилтон, Пјастри и Расел. Лиам Лосон беше најдобар од останатите, завршувајќи седми, пред Ландо Норис и Исак Хаџар.

Откако беа завршени квалификациските симулации, тимовите се фокусираа на долги стинтови како подготовка за неделната трка, па така времињата останаа непроменети до крајот на сесијата.

ЛЕКЛЕР ГО ПОБЕДИ МАКС НА ПРВИОТ ТРЕНИНГ ВО ОСТИН, ТЕКСАС

2026-10-23T19:23:38.853+02:00

Чарлс Леклер беше најбрз на првата тренинг сесија за Големата Награда на САД.

Моначанецот, со ажурираниот болид на Ферари, го победи Макс Ферстапен за 84 илјадити делови од секундата и Ландо Норис за две десетинки.

Формула 1 се враќа во акција во 23:00 часот по Македонско време, за кога е закажан почеток на вториот тренинг.

ПРИДРУЖЕТЕ НИ СЕ ВО НАШАТА ВАЈБЕР ГРУПА, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

КЛИК ТУКА ЗА ДА СЕ ПРИДРУЖИТЕ

СТРИМОВИТЕ ЌЕ БИДАТ ПОСТИРАНИ НА ВООБИЧАЕНИОТ НАЧИН, ВО НАШИТЕ ВАЈБЕР И ТЕЛЕГРАМ ГРУПИ.

По Големата награда на Сингапур на која победник беше Макс Ферстапен, Формула 1 го започна тркачкиот викенд во Остин со прва тренинг сесија.

Акцијата стартуваше на сув асфалт и температура од 40 степени. Иако Франко Колапинто и Габриел Бортолето беа првите што излегоа на патеката, Оливер Берман го забележа првото време со 1:41.965.

Немаше време за губење, па сите возачи брзо се најдоа на патеката. Сите беа на бели и жолти гуми. Ландо Норис, на жолтите гуми, брзо го презеде водството со 1:38.715. Чарлс Леклер, на истите гуми, заостануваше четири десетинки, додека Џорџ Расел, на бели гуми, заостануваше половина секунда.

Од самиот почеток, потенцијалот за подобрување беше огромен. Времето на Ландо Норис од 1:38... лесно се намали на 1:37..., па дури и на 1:36...

Возачите на Ферари се менуваа на врвот, последно Луис Хамилтон со 1:36.761 го победи Чарлс Леклер за само 74 илјадити делови од секундата. Возачите на Мерцедес АМГ беа четири десетинки од секундата побавни со белите гуми.

Како што сесијата се приближуваше кон својата половина, црвените гуми беа во центарот на вниманието, а времињата по круг природно се намалија.

Во тој момент, болидите на Вилијамс беа единствените без поставено време.

Чарлс Леклер, со време од 1:36.052, го презеде водството на црвените гуми, по него следеше Ферстапен со 84 илјадитинки заостанување, а трет беше Ландо Норис со заостанување од две десетинки. Антонели, Хамилтон, Расел и Пјастри беа зад нив.

Макс дури успеа да се спушти на 1:35.860, но неговото време беше избришано поради надминување на границите на патеката.

На крајот, времето на Леклер не можеше да се подобри, па Моначанецот ја заврши сесијата на врвот, пред Ферстапен, Норис и Расел. Антонели, Хамилтон и Пјастри ја комплетираа водечката група, сите во разлика од седум десетинки еден од друг.

Во меѓувреме, Габриел Бортолето беше најдобар од останатите, а возачите на Рејсинг Булс го заокружија топ 10 редоследот.

ПРИЈАВЕНИ НОВИТЕТИ ЗА ОСТИН

2026 ГН САД: ФОТО НАЈАВА НА ВИКЕНДОТ

2026-10-23T19:18:32.314+02:00

2026 ГН СИНГАПУР: ТРКАТА НИЗ ФОТОГРАФИИ

2026-10-20T20:28:09.794+02:00

МАКС ГО ДОБИ ФЕРАРИ НА СТАРТОТ И КОНЕЧНО ТРИУМФИРАШЕ ВО СИНГАПУР

2026-10-11T12:08:35.291+02:00

Макс Ферстапен ја заврши својата работа на стартот од Големата Награда на Сингапур, обезбедувајќи ја својата втора последователна победа.

На улична патека, каде што престигнувањето е тешко изводливо, стартот е секогаш клучен. Ферстапен повторно не баш со најдобар старт, но сопираше подобро од Леклер во првиот свиок.

Кога ја одбрани првата позиција, го наметна своето темпо за конечно да стигне до победа на Марина Беј.

ПРИДРУЖЕТЕ НИ СЕ ВО НАШИТЕ ВАЈБЕР И ТЕЛЕГРАМ ГРУПИ, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

ВАЈБЕР - КЛИК ТУКА ЗА ДА СЕ ПРИДРУЖИТЕ

ТЕЛЕГРАМ - КЛИК ТУКА ДА СЕ ПРИДРУЖИТЕ

Холанѓанецот ја забележа 73-та победа во Формула 1, прва во Сингапур, со седум секунди разлика пред Чарлс Леклер.

Кими Антонели го надмудри Ландо Норис во завршните фази и повторно се искачи на подиумот, зголемувајќи ја својата предност пред тимскиот колега.

Џорџ Расел успеа да стигне само до деветтото место, па разликата меѓу нив сега е 102 поени.

Луис Хамилтон, со погрешна стратегија, заврши шести, зад возачите на Мекларен. Лиам Лосон, со одличен старт и добро темпо, беше најдобриот од останатите на седмата позиција.

Нико Хулкенберг успеа да се одбрани од Џорџ Расел, кој беше со подобар болид и посвежи гуми во последните кругови, и го обезбеди осмото место.

Последниот поен му припадна на Исак Хаџар, кој исто така имаше напорен кам-бек по стартот од пит-линијата.

Формула 1 се враќа во акција за две недели во Остин, за Големата Награда на САД. Во Тексас, се враќаме на вечерните термини за преноси. Квалификациите ќе се одржат во 23:00 во сабота, додека трката ќе започне во недела во 21 часот по Македонско време.

ДЕН ЗА ТРКА, НАЈАВА НА ГН СИНГАПУР

2026-10-11T11:48:43.805+02:00

Големата Награда на Сингапур е завршница на првата од трите последователни есенски стинтови на трки.

Следевме интересна трка во Баку, имавме дожд во Сепанг, а следува ноќна трка на патеката Марина Беј. Во обид да се зголеми интересот, овогодинешниот настан беше одлучено да се одржи во спринт форматот.

Од воведувањето на овој формат, некои велат дека е несоодветен за патеки каде што претекнувањето е тешко, додека други веруваат дека спринтот додава интрига и спектакл. Што мислите вие?

ПРИДРУЖЕТЕ НИ СЕ ВО НАШИТЕ ВАЈБЕР И ТЕЛЕГРАМ ГРУПИ, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

ВАЈБЕР - КЛИК ТУКА ЗА ДА СЕ ПРИДРУЖИТЕ

ТЕЛЕГРАМ - КЛИК ТУКА ДА СЕ ПРИДРУЖИТЕ

СТРИМ ОД ТРКАТА, 14:00 МК, ЌЕ БИДЕ ПОСТИРАН НА ВООБИЧАЕНИОТ НАЧИН НА НАШИОТ БЛОГ, КАКО И ВО НАШИТЕ ВАЈБЕР И ТЕЛЕГРАМ ГРУПИ.

Оваа година во Сингапур дождот ги замачка реалните согледувања и додаде интрига, а во 2027 година ќе гледаме Спринт во Монако. Две патеки каде престигнувањето се смета за тешко изводливо.

Куала Лумпур и Сингапур се оддалечени нешто повеќе од 350 километри, а Валтери Ботас го помина растојанието со велосипед, кој се покажа повеќе изджлив од болидот на Кадилак.

Минатата година, тимот на Мекларен ја освои шампионската Титула кај конструкторите во Сингапур.

На почетокот на сезоната, многумина беа уверени дека и овогодинешниот шампионат ќе биде одлучен рано, бидејќи тимот на Мерцедес АМГ победи на шест трки по ред, но подоцна нивните ривали се подобрија.

Сепак, теоретски, Мерцедес АМГ би можел да го освои Шампионатот на конструктори на следната трка во Остин, но тоа е малку веројатно.

Значи, засега ќе мора да почекаме и да видиме за титулите.

Ставовите кон Големата награда на Сингапур се менуваа со текот на годините. Првично, настанот предизвика вистински интерес. Првата ноќна трка во историјата на Формула 1, неверојатно спектакуларните телевизиски снимки од блескавиот град и предизвикувачката патека.

Но, како што годините минуваа, стана јасно дека престигнувањето во Сингапур е фундаментално невозможно, дека два часа на топлина и висока влажност стануваат мака за возачите, кои беа принудени да поминуваат 19 свиоци по круг, претходно имаше 23, без надеж дека ќе ја подобрат својата позиција и без правци на кои можат да се одморат.

Успехот на ноќна трка е забележан, па сега, имаме пет настани во календарот кои се одржуваат под вештачко осветлување и изгледаат не помалку импресивно, а тркањето на некои од нив е многу поспектакуларно, како на пример, ризичната Џеда и уште поживописниот Лас Вегас.

Викендот во Сингапур е обично интересен до крајот на квалификациите, кои се навистина интензивни и битката за што подобра стартна позиција е многу блиска.

Сепак, со новата генерација на болиди, кои не се знае кога ќе посакаат да направат нешто спротивно на волјата на возачот, може да се надеваме на добра и интересна трка, чиј почеток е закажан за 14 часот по Македонско време.

Блиските бариери, исто како во Монте Карло, бараат целосна фокусираност и концентрација од возачите за време на целиот тркачки викенд.

Според самите возачи, моќното осветлување овозможува таква видливост на патеката која е подобра отколку на дневните трки, бидејќи не постои отсјајот на сонцето.

Искрите од подот на болидите, издувните пламени и усвитените дискови на сопирачките обезбедуваат глетка што поминува незабележано во дневните часови.

Времето во Сингапур е жешко, а како додатно отежнување е и големата влажност на воздухот. Затоа колку што трката во Сингапур се вози навечер од естетски причини и прилагодување со Европската саатница, тоа е и најдоброто време за возачите и публиката.

Од Пирели за претстојната трка за Големата Награда на Сингапур ги донесоа трите најмеки смеши во понудата С3, С4 и С5. Со оглед на комплексноста за претекнување на патеката, тимовите внимателно ќе ги проценат опциите за да добијат стратегиска предност.

За оваа трка, неопходно е да се земе предвид високата веројатност за појава на безбедносното возило, што може да го промени текот на трката.

Ако остане суво, од Пирели најавуваат дека најдобрата стратегија за денешната трка треба да биде со едно застанување во бокс.

Ова може да вклучува старт на црвените гуми и нивна промена помеѓу 26 и 32 круг, а за финиш на трката возачите да се префрлат на жолтите гуми.

Доколку црвените гуми се трошат повеќе од предвиденото, нивната замена би се случила помеѓу 23-29 круг, за трката да се заврши на белите гуми.

Алтернатива би било, на стартот, да се вози на жолтите гуми од 25 до 31 круг, пред да се премине на бели.

Постојат голем број на добро познати надворешни фактори кои често влијаат на стратегијата во Сингапур. На секоја трка што се одржува во Марина Беј има најмалку едно излегување на безбедносниот автомобил, но и временските услови може да играат голема улога.

Дарио Марафуски, Пирели: "Условите со кои се соочија возачите за време на спринтот беа предизвикувачки бидејќи дождот зафати само дел од патеката, оставајќи ја едната половина многу влажна, додека другата веќе се сушеше."

"Гумите за променливи услови, интермедија, користени на стартот, останаа на болидите сè до финишот и покажаа извонредно конзистентни перформанси во текот на целото растојание, и покрај тоа што во завршната фаза условите на патеката се приближија до употреба на гуми за суво."

"Управувањето со температурата на гумите беше клучен фактор, особено во последните кругови, но севкупното трошење на гумите остана целосно под контрола."

"За време на квалификациите, на патеката сè уште имаше влажни делови, што резултираше со услови кои не беа идеални. Тимовите применија различни пристапи при подготовката на црвените гуми."

"Некои одлучија да извозат дополнителен круг за подготовка за да ги доведат гумите до нивниот оптимален работен опсег, како што направи Мерцедес АМГ во третиот квалификациски дел, иако тоа не донесе значителна предност во однос на ривалите кои избраа веднаш да нападнат со брз круг."

"Уште еднаш се покажа дека управувањето со гумите е суштински дел од целокупниот пакет, тесно поврзан како со карактеристиките на болидот, така и со стилот на возење на возачот."

"Според нас, црвените гуми претставуваат најинтересна опција за старт на трката, врз која големо влијание би можеле да имаат евентуалните периоди со безбедносно возило."

"Повисокото ниво на грип што го нудат црвените гуми во почетната фаза би требало да ги направи претпочитан избор за повеќето возачи, плус тие би можеле да се обидат да го продолжат првиот стинт, потпомогнати од ниското ниво на деградација, додека чекаат поволен момент за неутрализација на трката."

"За вториот дел од трката, жолтите и белите гуми нудат релативно слични перформанси, иако C4 смешата (жолти гуми) би можела да обезбеди предност во однос на грипот."

"Во моментов, стратегијата со две застанувања во боксот изгледа малку веројатна, бидејќи се проценува дека е за околу десет секунди побавна од достапните алтернативи со едно застанување."

Во петокот, возачите работеа на сув асфалт, во саботата врнеше преку ден, но не се очекуваат врнежи за време на трката.

Дождот ќе врне во текот на денот, бришејќи слој од истрошена гума, но ќе престане до 18:00 часот по локално време. Сонцето ќе зајде во 18:54 часот, а во 20:00 часот по локално време, возачите треба да го започнат кругот за загревање.

Дотогаш, воздухот ќе се олади на 28°C со слаб источен/југоисточен ветер. Веројатноста за врнежи за време на трката не е поголема од 20%.

2026 ГН СИНГАПУР: САБОТА НИЗ ФОТОГРАФИИ

2026-10-10T21:39:59.895+02:00

ФЕРАРИ ИЗГЛЕДАШЕ НЕДОПИРЛИВО, НО МАКС СО СОВРШЕН КРУГ КОГА Е НАЈПОТРЕБНО

2026-10-10T14:02:31.802+02:00

Макс Ферстапен е на добар пат за беспрекорна трка за Големата Награда на Сингапур.

По извонредниот настап вчера и победата во Спринтот утрово, тој ја обезбеди и Пол позицијата, победувајќи го Чарлс Леклер за 54 илјадитинки и Луис Хамилтон за десетинка.

Формула 1 се враќа на патеката утре во 14 часот со 17-та трка за оваа година. Секако доколку не врне силен дожд. Следете не за сите потенцијални измени!

ПРИДРУЖЕТЕ НИ СЕ ВО НАШАТА ВАЈБЕР ГРУПА, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

КЛИК ТУКА ЗА ДА СЕ ПРИДРУЖИТЕ

СТРИМОВИТЕ ЌЕ БИДАТ ПОСТИРАНИ НА ВООБИЧАЕНИОТ НАЧИН, ВО НАШИТЕ ВАЈБЕР И ТЕЛЕГРАМ ГРУПИ.

Макс Ферстапен сега има 50 Пол позиции во Формула 1, негова прва во Сингапур, и тоа го постигна со максимизирање на целосниот негов потенцијал во Q3 сесијата.

Хамилтон беше најбрз во првите две сесии, но четирикратниот шампион повторно изваде повеќе од лимитот на својот Ред Бул и тесно ги победи возачите на Ферари.

Кими Антонели беше помалку од две десетинки зад Макс и ја освои четвртата стартна позиција, пред Ландо Норис, Џорџ Расел и Оскар Пјастри.

Исак Хаџар имаше проблеми со болидот, па осмото место му припадна на Пјер Гасли, кој ги победи возачите на Рејсинг Булс.

По спринт во влажни услови и со победа за Макс Ферстапен, квалификациите започнаа со целосно сув асфалт и температура од 42 степени.

На почетокот на Q1 сесијата немаше време за губење. Многу возачи се собраа на излезот од пит-линијата, чекајќи да се вклучи зеленото светло на семафорот.

Нико Хулкенберг беше предводник. Почетните времиња не беа многу брзи поради двата периоди на развеани жолти знамиња. Естебан Окон и Ленс Строл беа блиску до тоа да ги погодат бариерите на почетокот од сесијата.

Прв кој постави вистински конкурентен круг беше Луис Хамилтон, со време од 1:33.311. Возачите на Мекларен стартуваа со време од 1:34...

Ландо Норис, во својот шести круг со користени црвени гуми, постави време од 1:32.775 за да го преземе водството, но Луис Хамилтон со нови гуми намали на 1:32.680.

Луис Хамилтон, во последните моменти од сесијата, дополнително го подобри своето време на 1:32.429 и ја заврши сесијата на врвот на табелата, пред Чарлс Леклер и Ландо Норис.

Зад нив, битката за влез во Q2 беше многу блиска, а Фернандо Алонсо на крајот го пропушти натамошниот пласман за 54 илјадити делови од секундата. Истата разлика со која Макс го победи Леклер за пол позицијата.

Другите елиминирани возачи беа: Алекс Албон, Ленс Строл, возачите на Кадилак и Исак Хаџар. Возачот на Ред Бул имаше проблеми со болидот во текот на целата сесија и не можеше да постави време.

За Q2 сесијата, температурата на патеката падна на 40 степени Целзиусови.

Во овој случај, возачите на Мерцедес АМГ беа првите што излегоа на патеката, проследени од долга редица возачи, сите на нови црвени гуми.

Џорџ Расел стартуваше со време од 1:32.323, а Кими Антонели со 1:32.165. Кога сите главни претенденти се појавија на патеката, единствениот што можеше да го подобри Антонели беше Луис Хамилтон, со 1:31.766, додека Макс Ферстапен се смести помеѓу Мерцедесите со 1:32.292.

Возачите на Мекларен и Чарлс Леклер беа шест десетинки од секундата зад лидерот. Дуото на Рејсинг Булс првично се позиционираше како најдобри од останатите.

Во напорните последни неколку минути, Луис Хамилтон намали на 1:31.529 и ја заврши сесијата на првото место, пред Макс Верстапен и Ландо Норис.

Британецот во Ферари беше единствениот возач кој се подобруваше со секое ново излегување на патеката, а со тоа сите го сметаа за главен конкурент за пол позицијата.

За финалниот сегмент не се квалификуваа: Хулкенберг, Берман, Окон, Саинц Јр., Бортолето и Колапинто, кој имаше близок контакт со заштитните бариери на излезот од 17-от свиок.

Како и секогаш Q3 сесијата е битка на најбрзите десет возачи кои се борат за првите пет стартни реда. Овој пат температурата на асфалтот беше 41 степен Целзиусов.

Во оваа прилика, Лиам Лосон и Арвид Линдблад мораа да ја започнат сесијата со користени црвени гуми, додека останатите користеа нов сет.

Во својот прв обид, Макс Ферстапен го повтори она што го направи вчера и го презеде водството со време од 1:31.373, пред Хамилтон, Антонели, Леклер и Норис.

Џорџ Расел беше шести, Оскар Пјастри на седмото и Лиам Лосон на осмото. Пјер Гасли го престигна Арвид Линдблад во борбата за деветтото место.

Летечкиот Холанѓанец не можеше да се подобри во последниот брз круг, но неговото претходно време беше доволно за да ја обезбеди својата 50-та пол позиција во Формула 1, прва во Сингапур.

Хамилтон, исто така, не успеа да го подобри своето време од првиот обид и беше поместен на третата позиција од Чарлс Леклер, кој беше само 54 илјадити делови од секундата зад времето за пол позицијата.

Кими Антонели беше четврти, а Ландо Норис петти. Џорџ Расел заврши шести, но утре ќе стартува од последниот ред, откако го победи Оскар Пјастри. Пјер Гасли успеа да биде побрз од возачите на Рејсинг Булс за да ја обезбеди осмата позиција.

МАКС ПОБЕДНИК НА СПРИНТОТ, РАСЕЛ ВО БАРИЕРИТЕ, СУДИР НА ДВАТА МЕКЛАРЕНИ

2026-10-10T00:29:17.482+02:00

Макс Ферстапен конечно ја почувствува победничката атмосфера на патеката Марина Беј со првото место на влажниот асфал за денешниот Спринт за Големата Награда на Сингапур.

Луис Хамилтон, со одличен старт, беше единствената закана за Ферстапен, но мораше да се задоволи со второто место, додека Чарлс Леклер се искачи на последното место на подиумот.

ПРИДРУЖЕТЕ НИ СЕ ВО НАШАТА ВАЈБЕР ГРУПА, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

КЛИК ТУКА ЗА ДА СЕ ПРИДРУЖИТЕ

СТРИМОВИТЕ ЌЕ БИДАТ ПОСТИРАНИ НА ВООБИЧАЕНИОТ НАЧИН, ВО НАШИТЕ ВАЈБЕР И ТЕЛЕГРАМ ГРУПИ.

Дождот го одложи стартот, а условите беа тешки, едниот дел од патеката беше многу влажен, а другиот сув. Во тие околности, Расел и Хамилтон имаа одлични стартови и ги освоија првото и третото место, соодветно.

Џорџ на крајот од првиот круг, помина над белата линија во последниот свиок, изгуби контрола над болидот и заврши во заштитните бариери покрај патеката. Тоа беше крај на Спринтот за Британецот, а БВ излезе на патеката.

Ова му даде крилја на Ферстапен и по периодот со безбедносното возило, тој го постави своето темпо и го победи Хамилтон за да ја забележи својата четиринаесетта Спринт победа во Формула 1.

Чарлс Леклер заврши трет, а Кими Антонели го наследи четвртото место по судирот меѓу болидите на Мекларен во последниот круг. Ќе има доста дискусии во тимот на Мекларен.

Лиам Лосон заврши петти, пред Оливер Берман и Нико Хулкенберг. Ландо Норис беше осми, за последниот поен, но тој и Хулк се под истрага на стјуардите и може да ги изгубат своите места во поени.

За прв пат во историјата, Големата Награда на Сингапур се вози во спринт формат. Макс Ферстапен ја покажа својата класа на Спринт квалификациите и ја освои првата позиција, пред Џорџ Расел, Чарлс Леклер.

За да биде уште поголема драматичноста, дождот се појави 15 минути пред почетокот на Спринт, а по половина час доцнење, сите возачи мораа да стартуваат со интермедија гумите на Пирели.

Патеката беше многу влажна во некои делови, но практично сува во други. По два загревачки круга, имавме старт од место.

Џорџ Расел имаше одличен старт и му го одзеде првото место на Макс Ферстапен во првиот свиок, додека Луис Хамилтон беше извонреден и се искачи на третото место, пред Оскар Пјастри, Ландо Норис и Кими Антонели.

Веднаш на крајот од првиот круг се случија првите инциденти. Лидерот, Џорџ Расел, ја изгуби контролата врз својот Мерцедес АМГ во последниот свиок и удри во бариерите.

Ленс Строл исто така имаше контакт со Серџо Перез и се повлече. Безбедносното возило излезе на патеката, период во кој откажаа болидите на Исак Хаџар и Франко Колапинто.

Рестартирањето се случи во 7-миот круг, а Макс Ферстапен го направи својот потег во совршен момент за да добие неколку десетинки од секундата пред Луис Хамилтон.

Зад нив, Оливер Берман се нафрли врз Пјер Гасли и го престигна Французинот со прекрасен маневар. Во меѓувреме, Алекс Албон влезе во боксот, а и Бортолето и Ботас се откажаа.

Иако Ферстапен изгради предност од над една секунда во однос на Хамилтон, возачот на Ферари се врати во игра во деветтиот круг и се приближи до девет десетинки од секундата.

Видливоста и подготвеноста за преземање ризици влегуваа во игра. Леклер, возачите на Мекларен, Антонели и Лосон ги следеа. Хулкенберг и Гасли исто така имаа свои подеми и падови.

По половина од Спринтот, по 11-тиот круг, разликата помеѓу Макс и Луис почна да се зголемува. Холанѓанецот го забрза темпото и ја проби бариерата од две секунди во 12-тиот круг.

Норис беше веднаш зад својот тимски колега и изгледаше желен да нападне. Патеката почна да се суши, иако останаа некои многу влажни делови.

Втората половина од Спринтот не беше толку возбудлива. Патеката не беше погодна за гуми за суво, а возачите тоа јасно го ставија до знаење преку тимските радија.

Макс поставуваше жестоко темпо и дури успеа да ја зголеми разликата нешто над пет секунди пред Хамилтон во 16-тиот круг.

Не беше толку возбудливо, сè до последниот круг. Додека Ферстапен беше на пат кон победа, а Хамилтон кон второто место, Леклер формираше воз со возачите на Мекларен и Антонели зад себе.

Во таа ситуација, Ландо Норис се обиде да го престигне Оскар Пјастри од внатрешната страна на петтиот свиок, но дојде до контакт и двајцата се извртеа на патеката. Тоа беше крај за Австралијанецот, а Британецот падна на осмото место.

Кими Антонели среќно до четвртото место, додека возачите од средината на поредокот имаше голема корист од целиот хаос, при што Лиам Лосон заврши петти, Оливер Берман шести, а Нико Хулкенберг седми.

Ландо Норис заврши осми, но тој и Хулк се под истрага на стјуардите.

2026 ГН СИНГАПУР: ПЕТОК НИЗ ФОТОГРАФИИ

2026-10-10T00:27:24.428+02:00

МАКС НАЈБРЗ НА СПРИНТ КВАЛИФИКАЦИИТЕ ВО СИНГАПУР

2026-10-09T13:39:50.974+02:00

Макс Ферстапен одржа уште еден мајсторска лекција на патеката Марина Беј во Сингапур, во блиски, но контраверзни спринт квалификации.

Холанѓанецот се појави од нигде никаде и со единствениот брз круг во SQ3, го победи времето на Џорџ Расел за една и Чарлс Леклер за две десетинки.

Формула 1 се враќа во акција утре, сабота, 10 октомври 2026 година, со Спринтот и вистинските квалификации, закажани за 11:00 и 15:00 часот по Македонско време, соодветно.

ПРИДРУЖЕТЕ НИ СЕ ВО НАШАТА ВАЈБЕР ГРУПА, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

КЛИК ТУКА ЗА ДА СЕ ПРИДРУЖИТЕ

СТРИМОВИТЕ ЌЕ БИДАТ ПОСТИРАНИ НА ВООБИЧАЕНИОТ НАЧИН, ВО НАШИТЕ ВАЈБЕР И ТЕЛЕГРАМ ГРУПИ.

Макс Ферстапен не ги проба црвените гуми на тренинг сесијата и не сакаше да направи два брзи круга на нив ниту на SQ3.

Полн со самодоверба, четирикратниот шампион се обиде со еден круг и успеа да ги победи сите за да ја освои првата позиција за утрешниот Спринт.

Џорџ Расел заврши повеќе од половина секунда пред својот тимски колега и ја освои втората позиција, додека Чарлс Леклер заврши трет пред возачите на Мекларен и Луис Хамилтон.

Кими Антонели не можеше повеќе од седмото најбрзо време, само пред Лиам Лосон со болидот на Рејсинг Булс.

Исак Хаџар и Пјер Гасли го комплетираа поредокот на најбрзите десет возачи. Нивните времиња беа избришани поради излегување надвор од границите на патеката.

По една тренинг сесија во која доминираше Џорџ Расел, со новиот мотор на Мерцедес во неговиот болид, Спринт квалификациите започнаа со сув асфалт и температура од 44 степени.

Немаше време за губење на стартот од SQ1 сесијата, во која задолжително е користење на жолтите гуми на Пирели. Возачите на Кадилак беа првите што излегоа на патеката, а првото забележано време беше 1:49.342 од Серџо Перез.

Додека некои возачи се одлучија за два круга загревање на гумите, Луис Хамилтон стартуваше директно со 1:33.748.

Во меѓувреме, Серџо Перез имаше контакт со заштитните бариери во неговиот втор круг. Мексиканецот успеа да продолжи, но со оштетено предно крило под неговиот болид остави многу карбонски остатоци по патеката.

Како последица имавме развејување на црвените знамиња и стопирање на сесијата со останати нешто над шест минути до финиш.

До тој момент, само пет возачи имаа поставено репрезентативно време, и тоа Хамилтон, Гасли, Алонсо, Колапинто и Строл.

Кога сесијата продолжи времињата се намалија. На крајот, Макс Ферстапен постави време од 1:33.477 и беше најбрз, пред Леклер, Расел и Хамилтон.

Понатаму, во чудни последни неколку минути со мерењето на времињата, Фернандо Алонсо се пласираше во SQ2, а елиминирани беа: Арвид Линдблад, Ленс Строл, Алекс Албон, Серџо Перез, Валтери Ботас и Карлос Саинц Јр..

Почетокот на SQ2 сесијата беше одложен поради проблеми со мерењето на времињата, а имало и човечка грешка при активирање. деактивирање на модот за претекнување по црвеното знаме.

Асфалтот во овој случај беше 43 степени Целзиусови. Сите возачи брзо се вратија на патеката и повторно сите на задолжително нов сет на жолтите гуми.

Макс Ферстапен беше првиот што излезе и стартуваше со 1:32.724. Три возачи, тие на Ферари и Ландо Норис, го надминаа Холанѓанецот уште во првиот обид. Чарлс Леклер беше најбрз со време од 1:32.457, а по него следеа Хамилтон и Норис.

Леклер успеа да го намали своето време уште повеќе, на 1:32.246, и ја заврши сесијата на врвот, следен од Хамилтон, Норис и Расел кои мораа да се подобрат во последните фази за да избегнат елиминација.

Крај на Франко Колапинто беше првиот што беше елиминиран, покрај Нико Хилкенберг, Оливер Берман, Габриел Бортолето, Фернандо Алонсо и Естебан Окон.

Асфалтот за SQ3 сесијата се врати на температурата од 44 степени Целзиусови. Време беше за последната битка за првиот стартен ред, овој пат задолжително на нов сет црвени гуми. Преостантите возачи се обидоа да ги пронајдат крајните граници на нивните болиди на Марина Беј.

Леклер, возачите на Мекларен и Мерцедес АМГ се одлучија за ран старт и две возења со најмеката смеша, останатите се решија за само еден брз круг.

Меѓу нив, Моначанецот беше најбрз, победувајќи го Норис за 19 илјадити делови од секундата. Сепак, Макс Ферстапен денес повторно го покажа своето мајсторство.

И покрај тоа што не ги испроба црвените гуми на тренинг сесијата и со само еден обид во SQ3, четирикратниот шампион постави време од 1:31.156, кое се покажа како недостижно за останатите ривали.

Џорџ Расел и Чарлс Леклер се подобрија во својот втор обид, но успеаја да се пласираат само на второто и третото место на табелата, соодветно.

Пјастри беше четврти, пред Норис, Хамилтон и Антонели. Најбрзите десет возачи ги комплетираа Лосон, Хаџар и Гасли.

ЏОРЏ РАСЕЛ СЕ СНАЈДЕ НАЈДОБРО НА МАРИНА БЕЈ

2026-10-09T00:21:43.541+02:00

Џорџ Расел беше најбрзиот возач на првата и единствена тренинг сесија за Големата Награда на Сингапур.

Возачите беа во доста голем микс на пневматици, па имавме шаренило од времиња и сектори.

Британецот го победи Чарлс Леклер за речиси две и Ландо Норис за речиси три десетинки.

ПРИДРУЖЕТЕ НИ СЕ ВО НАШАТА ВАЈБЕР ГРУПА, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

КЛИК ТУКА ЗА ДА СЕ ПРИДРУЖИТЕ

СТРИМОВИТЕ ОД СПРИНТ КВАЛИФИКАЦИИТЕ, 14:30 MK, ЌЕ БИДАТ ПОСТИРАНИ НА ВООБИЧАЕНИОТ НАЧИН, ВО НАШИТЕ ВАЈБЕР И ТЕЛЕГРАМ ГРУПИ.

По Големата Награда на Бахреин, возена во Малезија, на која Макс Ферстапен и Ред Бул триумфираа за прв пат оваа година, Големата Награда на Сингапур започна со единствената тренинг сесија.

Патеката беше сува, доста валкана, а температурата беше 53 степени Целзиусови. Секако, немаше време за губење. Многу возачи се собраа пред излезот од пит-линијата и чекаа да се вклучи зеленото светло, а возачите на Алпин беа предводници.

Франко Колапинто ја отвори сесијата со време од 1:41.011. Освен возачите на Кадилак, кои беа на жолти гуми, остантите започнаа со најтврдата смеша на Пирели.

Некои возачи започнаа со времиња во опсег од 1:37, додека други започнаа со 1:36... Макс Ферстапен постави време од 1:35.641 за почеток.

Набрзо, многу возачи, сите осум од водечките тимови, имаа времиња во опсег од 1:35. Некои од нив, како Ландо Норис и Џорџ Расел, дури и се осмелија да стигнат до 1:34, а возачот на Мекларен постави време од 1:34.367.

По половината од сесијата, неколку возачи имаа времиња во опсег од 1:33. Меѓу нив, Кими Антонели беше најбрз со 1:33.830, а зад него беа Леклер со 0.34 и Расел 0.56 заостанување.

Во последните 12 минути од сесијата, жолтите и црвените гуми беа во центарот на вниманието, па времињата по круг драматично се променија во тој последен четврт час.

Ферари, Мекларен, Кадилак и Расел се одлучија за црвените гуми, останатите останаа на жолти гуми. На крајот, во последните минути со широк спектар на смеши, имавме и многу разновидни сектори.

Џорџ Расел постави време од 1:32.274 и ја заврши сесијата на врвот, следен од Чарлс Леклер на 198 илјадити и Ландо Норис на 273 илјадити.

Времето на Ландо е доста чудно, бидејќи изгуби повеќе од половина секунда од своите ривали во првиот сектор, но потоа го обои вториот сектор во виолетова боја и на крајот заврши помалку од три десетинки од секундата зад Расел.

Ферари, исто така, покажа мешани времиња во секторите, што значи дека ќе имаме неизвесни Спринт квалификации. Луис Хамилтон заврши четврти, а Оскар Пјастри петти, додека Макс Ферстапен ги победи Кими Антонели и Исак Хаџар и беше најбрз со жолтите гуми.

Пјер Гасли и Лиам Лосон го комплетираа пласманот на најбрзите десет возачи.

2026 ГН СИНГАПУР: ФОТО НАЈАВА НА ВИКЕНДОТ

2026-10-09T00:02:42.213+02:00

МАКС: ДОЗВОЛЕТЕ МИ ДА БИДАМ ЗАПАМЕТЕН ТАКОВ КАКО ШТО СУМ

2026-10-08T20:08:35.403+02:00

Претстојната трка за Големата Награда на Сингапур ќе биде 250-тиот старт во Формула 1 за Макс Ферстапен.

За за да го одбележи овој настан, официјалната веб-страница на шампионатот објави избор од одговорите на четирикратниот шампион на прашања од фановите.

Прашањата опфаќаа широк спектар на теми, не само трки.

- Кој е најдобриот совет што некогаш сте го добиле бидејќи ви помага во различни области од животот?

Макс Ферстапен: Само биди свој! И биди реален. Мислам дека тоа е најважниот совет.

- Трката во Сао Пауло во 2024 година беше доказ за чиста храброст: што мислевте при тие брзини при речиси нулта видливост? Беше една од најдобрите трки досега…

Макс Ферстапен: Мојата друга трка во 2016 година во Сао Паоло беше веројатно уште полоша во однос на видливоста. Но, тренираме многу за да се тркаме на ваков дожд.

Се согласувам дека видливоста понекогаш може да остави многу простор за посакување, но сите се на еднаква основа и едноставно треба да знаете како да се справите.

Но, секако, тоа беше луда трка и многу е важно што ја победив.

- Дали имате некое хоби со кое сте се занимавале и со кое сте се изненадиле себеси?

Макс Ферстапен: Почнав да играм падел тенис пред неколку години, иако никогаш претходно не сум играл спорт со рекет. Никогаш не очекував да се навикнам, но навистина уживам.

- Како нов татко, кој е вашиот омилен дел од ова искуство?

Макс Ферстапен: Мислам дека самото поминување време со мојата ќерка, гледањето како расте, самото знаење дека таа е мојата мала ќерка. Тоа дефинитивно е она што најмногу ми се допаѓа.

- Ако сите шампионски возачи беа заглавени на некој аеродром преку ноќ, кој би се справил со проблемот? Кој би го влошил? И каде би биле вие во таа ситуација?

Макс Ферстапен: Кој ќе го реши овој проблем? Јас ќе го направам тоа! Кој го влошува? Не знам, ајде да се обидеме да не заглавиме на аеродромите. А ако тоа се случи, тоа е веќе прилично лоша ситуација. Што може да биде полошо? И каде ќе бидам јас? Па, ќе бидам меѓу оние што се заглавени на овој аеродром!

- Доколку не бевте во Ф1 возач, која професија ќе ја избравте?

Макс Ферстапен: Мислам дека сè уште ќе работев во мотоспортот. Да не бев постигнал успех во Формула 1, веројатно ќе станев менаџер или едноставно ќе советував млади, талентирани возачи.

- Кои вредности ги сметате за најважни, кои ви помагаат и во Формула 1 и во животот?

Макс Ферстапен: Се обидувам да останам смирен колку што е можно повеќе, да не обрнувам внимание на глупости, како што се социјалните медиуми... Само се обидувам да живеам нормален живот, да комуницирам со луѓето со кои сакам да комуницирам и да уживам во сè.

- Кое е вашето омилено јадење?

Макс Ферстапен: Доматна супа и карпачо од говедско месо.

- Со кои возачи најтешко сте се справиле во текот на вашата кариера, и на патеката и надвор од неа?

Макс Ферстапен: Тешко е да се избере само еден. Секако, има многу одлични возачи во Формула 1, но имав и одлични ривали во картинг трките. Учите многу од вашите колеги како што напредувате.

Мислам дека генерално, кога стекнувате искуство работејќи со колегите, мора да надминете разни предизвици, бидејќи другите возачи секогаш ви се ривали. Тешко е да се именува само еден.

- Дали ви недостига времето кога бевте тимски колега со Даниел Рикиардо?

Макс Ферстапен: Секако дека ми недостига! Даниел е одличен човек и сè уште малку разговараме. Дефинитивно беше многу интересен и забавен период во мојата кариера и кога ќе се сретнеме, имаме многу за паметење и смеење.

- Како сакате да се опуштите по тркачкиот викенд?

Макс Ферстапен: Веројатно мојот омилен начин да се опуштам е да се вратам дома и да поминувам време со моето семејство, со моите деца и да се обидам да размислувам за трките што е можно помалку.

- Дали имаше моменти во текот на вашата кариера кога ја изгубивте надежта? Ако е така, како се справивте?

Макс Ферстапен: Не, немаше. Она што го велам е дека едноставно мора да продолжите да работите и да се движите кон вашата цел, иако тоа не е секогаш права линија и не е секогаш тренд нагоре.

Ако сте страствени за она што го правите, тогаш само продолжете, и некои денови дефинитивно ќе бидат подобри од другите.

- Какво наследство сакате да оставите?

Макс Ферстапен: Хм, какво наследство сакам да оставам? Мислам дека ако луѓето ме паметат како отворена и искрена личност која секогаш била своја, која не се обидувала да биде како никој друг... Нека ме паметат каков што сум, тоа е најважното нешто за мене.

- Доколку имавте можност да поканите кој било легендарен Ф1 возач на вечера и да разговарате за мотоспортот или само за животот, кој би бил тоа?

Макс Ферстапен: Никогаш не сум имал такви желби, не сакам да се дружам со познати личности. Само сакам да поминувам време со пријателите и семејството секогаш кога е можно, а вечера во такво друштво би била најдобрата работа во секој случај!

Само со луѓе што ги сакаш, со кои се чувствуваш добро, со кои можеш добро да се смееш. И не би сакал дури ни да седнам на маса со некој што не го познавам.

- Ако можевте да му дадете еден совет на Макс Ферстапен кога беше сè уште многу млад, што би бил тој?

Макс Ферстапен: Не би рекол ништо. Само би го оставил да си го живее животот, да ги помине и добрите и лошите страни, бидејќи на крајот на краиштата, сè тоа му помага да стане подобар човек, и професионално и како личност. Ако знаев сè однапред, животот веројатно би бил многу здодевен.

2026 ГН БАХРЕИН: ТРКАТА НИЗ ФОТОГРАФИИ

2026-10-08T19:16:38.825+02:00

МАКС ШОУ НА СЕПАНГ, ПРВА ПОБЕДА ОВАА СЕЗОНА

2026-10-03T23:17:51.005+02:00

Макс Ферстапен и Ред Бул одржаа маестрален час на влажно/сувата Голема Награда на Бахреин, возена во Малезија, за да ја обезбедат првата победа во оваа 2026 сезона.

И покрај лошиот старт, Холанѓанецот успеа да ги престигне возачите на Мерцедес АМГ во тешки услови на почетокот од трката и се врати на победничките патеки.

ПРИДРУЖЕТЕ НИ СЕ ВО НАШАТА ВАЈБЕР ГРУПА, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

КЛИК ТУКА ЗА ДА СЕ ПРИДРУЖИТЕ

НЕМА ПАУЗА, ВЕДНАШ СЛЕДУВА ГН СИНГАПУР. БИДЕТЕ ТЕК ВО НАЈНОВИТЕ ИНФОРМАЦИИ И ПРЕКУ НАШАТА ФБ СТРАНИЦА.

Беше луда трка од почеток до крај. Прво, пороен дожд пред почетокот и надреална епизода кога болидите почнаа да откажуваат поради софтверски проблем во формацискиот круг, а потоа излегувањето на безбедносното возило речиси сè преврте наопаку.

Ферстапен, сепак, се покажа поконзистентен од кој било друг во сите услови, и влажни и суви, за да ја обезбеди својата 72-ра победа во Формула 1, демонстрирајќи жестока брзина во текот на целата трка.

Ова беше прва победа на Ред Бул оваа година и, секако, прва за Ред Бул како производител на погонски единици.

По дефектот на болиодот на Џорџ Расел, Кими Антонели и Луис Хамилтон го комплетираа подиумот, а Чарлс Леклер и Исак Хаџар завршија зад првите тројца.

Фернандо Алонсо заслужува посебно споменување. И покрај лошата почетна стратегија, избирајќи гуми за суво, кога патеката беше посоодветна за интермедија, тој имаше одлично тркачко темпо и успеа да ја финишира трката на осмото место, одбранувајќи се од Ландо Норис во последниот круг. Спектакуларно за болидот на Астон Мартин.

Шеснаесетта трка од 2026 сезоната во Формула 1 шампионатот. Можеби најневообичаената во годината, бидејќи е Голема Награда на Бахреин, но се одржува во Сепанг, Малезија.

Ако работите веќе не беа доволно хаотични, пороен дожд се појави пред почетокот на трката, предизвикувајќи 40-минутно одложување.

Макс Ферстапен и Луис Хамилтон во првиот ред. Задолжително за гледање.

Првите незгодности се случија во формацискиот круг. Исак Хаџар, на пример, излета од патеката, без последици, и мораше да мине низ чакалот.

Кратко потоа, Ред Булот на Макс Ферстапен не сакаше да забрза, а потоа следеа повеќе возачи со истиот проблем, од кои Луис Хамилтон изгледаше како да има најголеми проблеми.

Софтверот на болидите не можеше да се справи со конфликтна ситуација. Затоа тркачкиот директор ја прекина постапката за старт и трката беше стопирана.

Изјавата на ФИА: "За време на формацискиот круг пред Големата Награда на Бахреин во Малезија имавме невидена комбинација од ниска брзина на моторот, услови на низок грип, поставки за управување со енергијата на влажна површина и конфигурацијата на секторот на патеката Сепанг предизвика неочекувано губење на моќноста кај неколку болиди."

"Како резултат на тоа, техничкиот оддел на ФИА го отстрани ограничувањето на енергијата во засегнатите сектори преку ажурирање на софтверот дистрибуирано до сите тимови за време на откажаниот старт, дозволувајќи им на тимовите да ги направат потребните прилагодувања на погонската единица пред почетокот на трката."

"Овој проблем не беше откриен ниту од ФИА ниту од тимовите за време на тест сесиите или за време на останатите формациски кругови."

"ФИА, заедно со тимовите и производителите на погонски единици, ќе продолжи со темелна анализа на проблемот."

Едно е сигурно, да се избегне понатамошен срам за Ф1, мора итно да се најде корективна мерка што ќе избегне понатамошни слични непријатности, со оглед дека овој тип на погонска единица е предодреден да трае во Ф1 барем до крајот на 2029 година.

Освен ако денешната катастрофа не ја забрза дискусијата за рано повторно воведување на многу посакуваните V8 мотори.

Моравме да чекаме до 10:33 часот по Македонско време за нов обид да се започне трката, време кога патеката почна да изгледа како да ќе се исуши, иако сè уште беше влажна.

Всушност, неколку возачи ја напуштија пит-линијата со гуми за суво време, и тоа: Хамилтон, Леклер, Гасли, Бортолето, Хулкенберг, Берман, Ботас, Перез, Колапинто, Норис, Пјастри, Алонсо и Строл. Остатокот од возачите се одлучија да останат на интермедија зелените гуми.

Патеката беше тешка, а Гасли беше првиот што излета од патеката без последици. По два формациски круга, време беше за старт на трката, со широк спектар на избрани гуми.

Стартот, и покрај временските услови и различните гуми, беше многу чист. Возачите на Мерцедес АМГ започнаа како ракети, а Кими Антонели се искачи на чело, пред Џорџ Расел и Макс Ферстапен.

Лиам Лосон доби многу позиции за да се искачи на четвртото место, пред Исак Хаџар и Карлос Саинц Јр.! Возачите со имтермедија гуми брзо се префрлија во горниот дел, додека сите што ги избраа гумите за суво паднаа во долниот дел на табелата.

Брзо стана јасно дека интермедија гуми беа вистинскиот избор. За само четири круга, Ландо Норис, најдобро пласираниот возач на гуми за суво, беше 48 секунди зад лидерот.

Топ 3 битката беше доста возбудлива. Макс Ферстапен го започна својот напад во шестиот круг. Четирикратниот шампион ја забележа слабоста на Џорџ Расел во првиот свиок и изврши совршено престигнување за второто место во четвртиот, заостанувајќи две секунди зад Антонели.

Патеката се сушеше побавно од очекуваното, а возачите на гуми за суво не можеа да го искористат нивниот потенцијал. Макс брзо ја намали разликата од две секунди во однос на Антонели и набрзо го започна својот напад.

Во деветтиот круг го направи својот прв обид, но беше неуспешен. Во тој момент, Валтери Ботас излета од патеката, со што се појави безбедносното возило. Сите со интермедија гуми добија шанса да ги заменат со гуми за сува патеката.

Рестартирањето се случи во 13-тиот круг, а Макс Ферстапен реагираше најбрзо. Холанѓанецот, на црвени гуми, се обиде да го претекне Антонели, на жолти гуми, околу надворешната страна од првиот свиок, но повторно не можеше да го помине, па претекнувањето беше успешно спроведено на излез од четвриот свиок.

Бранејќи се од неизбежното, Италијанецот изгуби позиција и од Расел. Хаџар се држеше пред Лосон, Окон и Линдблад.

Макс Ферстапен успеа да создаде предност од повеќе од една секунда пред Џорџ Расел, спречувајќи го да го активира модот за престигнување.

Во меѓувреме, водечките тимови ја искористија својата супериорност за да се искачуваат низ гридот. Пјастри, Хамилтон, Норис и Леклер брзо добиваа позиции. Најзабележителен беше Луис, кој имаше одлично темпо со своето Ферари.

Ферстапен не само што ја зголемуваше предноста пред возачите на Мерцедес АМГ, туку се чинеше дека Антонели има подобро темпо во однос на тимскиот колега пред себе.

Во 21-от круг, Кими Антонели го престигна Џорџ Расел во вториот свиок и се искачи на второто место, но веќе беше речиси пет секунди зад лидерот.

Хаџар заостануваше шест секунди, а Луис Хамилтон сега беше петти. Пјастри напредуваше низ гридот, но помалку ефикасно од седумкратниот шампион.

Неколку круга откако Антонели го престигна Расел, стана јасно дека Ферстапен има подобро темпо од двајцата. Италијанецот, всушност, се обиде до крајните граници на својот болид да напредува, а кога се прави тоа следуваат грешки, ако не е се направено совршено.

Резултат беше грешка во последниот свиок, удирајќи во столбчето на влез од боксевите. Па така, во 26-от круг, четирикратниот шампион веќе имаше водство од речиси осум секунди пред Кими и повеќе од девет пред Џорџ.

Вторите влегувања по нови гуми започна во 29-от круг. Чарлс Леклер, Арвид Линдблад и Ленс Строл беа први, а потоа следеа Естебан Окон, Лиам Лосон. Исак Хаџар, Луис Хамилтон и Фернандо Алонсо се упатија по нови гуми во 33-от круг, а веќе следниот круг им се приклучија и Џорџ Расел и Нико Хулкенберг.

Поредокот на трката остана непроменет. Со оглед на тоа што Ферстапен се оддалечи, а и меѓу возачите на Мерцедес АМГ имаше безбедна разлика, највозбудливите битки беа за четвртото место, помеѓу Хаџар и Хамилтон, и тие за пласман во поени.

Фернандо Алонсо во 40-тиот круг го престигна Линдблад и се искачи на десеттото место. Неговата главна закана за тој последен поен беше Нико Хулкенберг, кој беше на понови црвени гуми и исто така брзо го помина Арвид.

Во 43-от круг следеше период на ВБВ, кога Вилијамсот на Алекс Албон заглави на излезот од вториот свиок. Макс Ферстапен, возачите на Ферари, како и Франко Колапинто, Карлос Саинц Јр., Арвид Линдблад и Ленс Строл го искористија ова за да направат застанувања во боксот.

Макс првично излезе помеѓу возачите на Мерцедес АМГ, зад Антонели, пред Расел, но и тие влегоа во бокс еден круг подоцна, сè уште под виртуелното безбедносно возило. Исак Хаџар го следеше нивниот пример.

Изненадувачки, во 46-от круг, беше воведено безбедносното возило, па и другите возачи влегоа во бокс по нови гуми. И тоа не беше крај на случувањата.

Одеднаш, во 50-от круг, откажа болидот на Џорџ Расел па Британецот беше принуден да го паркира на крајот од стартно/целниот правец.

Ландо Норис имаше момент на невнимание, загледувајќи се во болидот на Мерцедес АМГ, за малку ќе се судреше со Оскар Пјасти на влез во првиот свиок, па мораше да излезе надвор од патеката, минувајќи низ чакалот покрај патеката.

Британецот падна на единаесеттото место, зад Арвид Линдблад. Затоа, Фернандо Алонсо доби две места и беше на осмата позиција пред рестартот, кој се случи во 52-риот круг, четири круга до финишот.

Макс повторно беше фокусиран и брзо се одвои на врвот за да ја обезбеди својата 72-ра победа во Формула 1. Денес беше неприкосновен и изгледаше како да нема конкуренција за победата и покрај целиот хаос.

Кими Антонели заврши втор, а возачите на Ферари успеаја да го престигнат Хаџар во последните кругови, со што Хамилтон се искачи на последното скалило на победничкиот подиумот, а Леклер се најде на четвртото место.

Оскар Пјастри го обезбеди шестото место, а Лиам Лосон беше најдобар од останатите на седмото место.

Фернандо Алонсо со маестрален успех за Астон Мартин и нови четири поени за осмото место, успевајќи да го задржи Мекларенот на Ландо Норис зад себе. Арвид Линдблад го обезбеди последниот достапен поен.

НАЈАВА НА ГОЛЕМАТА НАГРАДА НА БАХРЕИН

2026-10-03T23:13:07.213+02:00

Ќе биде многу интересно да се види враќањето на Сепанг, особено во необичните околности на домаќинство на Ф1 трка во друга земја.

Ова се случило многу пати во историјата, но во малку поинакви форми. Големата Награда на Швајцарија во 1982 година се одржа во Дижон, Франција.

Големата награда на Луксембург во 1997 и 1998 година се одржа на Нирбургринг, Германија, а Имола, Италија, беше домаќин на Големата Награда на Сан Марино од 1981 до 2006 година.

ПРИДРУЖЕТЕ НИ СЕ ВО НАШИТЕ ВАЈБЕР И ТЕЛЕГРАМ ГРУПИ, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

ВАЈБЕР - КЛИК ТУКА ЗА ДА СЕ ПРИДРУЖИТЕ

ТЕЛЕГРАМ - КЛИК ТУКА ДА СЕ ПРИДРУЖИТЕ

СТРИМ ОД ТРКАТА, 09:00 MK, ЌЕ БИДЕ ПОСТИРАН НА ВООБИЧАЕНИОТ НАЧИН НА НАШИОТ БЛОГ, КАКО И ВО НАШИТЕ ВАЈБЕР И ТЕЛЕГРАМ ГРУПИ.

Изнајмување на патека во друга земја за домаќин на национално Гран При во средина на сезоната е уникатен случај. Патем, оваа идеја би можела понатаму да се развива!

Замислете некој да инвестира во изградба на патека во Македонија придружена со луксузни хотели, концертни места и можност за промена на нејзината конфигурација за да се разликува секоја трка. Катарци, Бахреинци повелете!!!

Изнајмувачот однапред специфицира колку маневри за престигнување сака да има неговата трка, промена на конфигурацијата, во кое време од денот сака да биде сом поставување рефлектори и како сака да се вика сето тоа.

Потоа ги префрла парите и, на одреден ден, ги собира гостите за нивното Гран При. Оваа недела во Сепанг ќе биде нешто слично. Гледачите со веќе купени билети се носат со чартер летови и храна, и пијалоци, и Формула 1. Добро де може да каснат и нешто наше, не е толку лошо.

И ќе се пушти химна пред почетокот. Да видиме чија ќе биде на Бахреин или Малезија? По логиката на нештата треба да биде химната на Бахреин, само малку ќе биде чудно што се наоѓаме во Малезија.

Со патеката во Малезија започна ерата на Херман Тилке.

Сепанг беше изграденa за неверојатни 14 месеци и кога на 9 март 1999 година беше свечено отворена, се сметаше за револуционерна патека со модерни капацитети и уникатен дизајн.

Двата долги правци проследени со остри кривини се потписот на оваа патека.

Ширината на патеката овозможува бројни можности за престигнување, но максималната брзина што може да се постигне на правците се ограничува, бидејќи тимовите ја жртвуваат сировата брзина за аеродинамичниот грип и добар баланс на болидот низ свиоците.

Тоа предизвикува исклучително високи оптоварувања на гумите, дополнето со силното притискање на сопирачките во 17 проценти од еден круг и високите температури.

Малезиското ГП се одржуваше на крајот од септември, веднаш по ноќната трка во Сингапур. Оваа година поради ситуацијата на блискиот исток и неможноста Бахреин да организира трка на домашен терен, патеката Сепанг беше избрана за домаќин на овој настан.

Жештината го прави викендот многу исцрпувачки за возачите, но исто така и за погонските единици на болидите. Екстремната топлина значи дека ладењето на истата може да биде проблематично.

Поројните дождови се честа појава во Малезија, што може да доведе до неочекуван расплет на трката и викендот воопшто, но досега дождот иако најавен го нема никаде.

Тоа беше особено видливо во 2009 година, кога директорот на трката беше принуден да ја заврши по само 31 круг поради поплавената патека.

Со тоа ФИА се реши на возачите кои беа во топ 10 пласманот да им додели само по половина поени, за прв пат по 1991 Австралиското ГП, кога беа комплетирани само 14 круга од трката.

Сепанг е еден вид на домашна патека за Мерцедес АМГ, но по 19 организирани трки Малезиската влада од 2018 година одлучи да не биде домаќин на Формула 1.

Трката за Големата Награда на Бахреин која се состои од 56 круга и Пирели предвидува најмалку две застанувања во бокс за промена на гумите.

На хартија, комбинациите жолти-бели-бели и црвени-бели-бели изгледаат како едни од најконкурентните.

Сепак, постојат и специфични ситуации, како оние на Ферстапен и Леклер, кои имаат на располагање само по еден комплет бели гуми и затоа можеби ќе разгледаат поинакви пристапи, со поголемо користење на црвени и жолти гуми, или дури и разгледување на стратегии со три застанувања во боксот.

Во такво сценарио, опсегот на можности станува многу поширок, со пократки стинтови и поголема флексибилност.

Од друга страна, малку е веројатно дека ќе видиме стратегии со едно застанување, кои на хартија не нудат предност во однос на вкупното време на трката на патека каде што претекнувањето е можно на повеќе места.

Конечно, останува и елементот на неизвесност поврзан со временските услови, со можност за дожд што би можел да влијае на стратешките одлуки на тимовите.

Дарио Марафуски, Пирели: "Условите на патеката постепено се подобруваа во текот на денот, овозможувајќи ѝ на најмеката смеша да понуди многу конкурентни перформанси во квалификациите."

"И покрај тоа, времињата по круг останаа значително побавни од оние предвидени со симулациите, што укажува на тоа дека еволуцијата на патеката не беше доволна за да се надомести разликата."

"Во обидот веднаш да се извлече максималниот потенцијал од црвените гуми, нејзиното трошење значеше дека по првиот брз круг не можеа да се извозат други конкурентни кругови."

"Тренинг сесиите покажаа дека оваа смеша може да одржи прифатливо ниво на конзистентност во трка, доколку постепено се доведе до соодветниот работен опсег во текот на воведните кругови."

"Оваа карактеристика би можела да биде особено важна за трката, со оглед на бројот на комплети црвени гуми што ги зачуваа неколку тима."

"Трката за Големата Награда на Бахреин изгледа особено интересна од стратешка гледна точка. Повеќето возачи имаат на располагање два комплета бели гуми, што би требало да претставува солидна опција за подолгите стинтови, благодарение на нивната поголема термичка отпорност и помалото трошење во споредба со помеките смеши."

Сепанг е одлична патека. Извонредна. Првото комплетно архитектонско дело на Херман Тилке и, според мислењето на многумина, неговото најуспешно.

Трката во Малезија речиси секогаш била една од најспектакуларните и не секогаш ја добивале фаворитите. Возачите се поделени во две приближно еднакви групи. Десет од нив веќе се тркале во Сепанг, а дванаесет ќе дојдат за прв пат.

Претекнувањето е лесно во Сепанг, а тимовите претпочитаат да користат агресивна стратегија, знаејќи дека возачите имаат добри шанси да се пробијат низ сообраќајот.

Асфалтот не се променил многу од последната трка, а како ќе се покаже со гумите за 2026 година, останува да се види.

Додадете ја топлината, високата влажност и прогнозата за дневни грмотевици, и ја добивате совршената комбинација на варијабли за возбудлива трка.

Треба да биде забавна трка, што е секогаш добредојдена промена пред Сингапур.

Сите сесии во петок и сабота се одржаа на сува патека, но можни се грмотевици за време на трката.

Возачите ќе го започнат кругот за загревање во 15:00 часот по локално време.

Дотогаш, температурата ќе се искачи на 30 степени Целзиусови, со облачно небо и југозападни ветрови. Веројатноста за врнежи, моментално се проценува на од 49% за почетокот и 22% кон крајот на трката.

2026 ГН БАХРЕИН: САБОТА НИЗ ФОТОГРАФИИ

2026-10-03T20:58:11.493+02:00