Calm-Sojourner

Krismas nghahhlelhawm

2011-11-12T05:28:00.007+05:30

Pawl sawm zirlai te class room mipa ho thutna tlar thumna kilber a banghnaih chet a thu mamawia chu chawhnu lam a second period a Mizo paper-II an zir mek lai chuan enge a ngaihtuahna awm tih a bul a thu a thian te chuan an hriatpui lo na in an zirtirtupa Pu Liana chuan a rawn hmu fuh hlauh thung a. "Lallianmawi, enge i ngaihtuah? i zirlaibu kha en rawh" ti a a rawn koh tak ah chuan thuawih takin a zirlaibu chu a bih chhunzawm ve mai bawk a. An zirtirtu pa chuan "Lehkha in zir that duh loh chuan nakinah sikul chhak ngaw hnuai ah te khian in la kal chang a la awm ang a, sikul kawt leh hmun hma te hi in la thlir chang ni a la awm ngei ang a, chutih hunah chuan tuna in ding leh vei a thu te leh he classroom chhung a in zirpui te hmel hi mitthla in in la hmu ang a, kha tih hun lai ka lo zir tha lo kha chu aw in la ti vawng vawng mai ang" tih thu a sawi chhunzawm zat a. Class a zo a, mamawia te thian ho pawh an tih dan pangngai in class period inkar reilo te chhung zirtirtu dang lo kal hma si hun rei lo te awl awm ah chuan sikul zun in lam ah zunram thiar turin an chhuak nghal bawk a. An chhuah pah chuan kawngka bul hnaih a thu an classmate hmeichhe thenkhat thu te chu chhaih pahin "in zir peih bik lutuk" tih pahin an zirlai bu dawhkan chung a inkeu sa a an lo dah chu an khup sak pah bawk a. Hmeichhe ho lah chuan huat en a en lem lo in "in van uang tak" tiin an lo thlir liam hlawm a.

Chawhnu lam last period an zo a sikul dar vawi thum a rawn rik chuan nikhat atana an class a zo ta a, sikul an bang a, zirlai naupang mamawia te rawlthar rilru pu chho tan chuan haw pahin an hma kal an sikul kalpui hmeichhia hmeltha an tih deuh deuh te chu an hnunga kal pahin an chhaih fiam haw zawm zat a. Chutiang anga inchhaih pawh nise an kar ah in huat leh in ngei em em awm lovin kumtluan in hun an hmang tlang thin a. Sikul khat a kal ho tih tak ah an in pawh em em zawk a ni. Mamawia te ang mi zakzum deuh lam tan pawh thiante zar ah a hu hova awm nikhua chuan a mal a an chhaih ngam lem loh hmeichhe ho pawh in la pa takin an chhaih ve ngam mai thin a ni. Sikul ah programme pawimawh a awm chang in hall ah an lut khawm a, hmeichhia leh mipa a hrang in an thu thap a, mamawia te thian ho pawh hmeichhia leh mipa a hrangin thu mahse an vei ruk deuh te tlar zawn ah kher thut an tum fo mai. Tumkhat phei chu an tlar hnung lam a awl duai a, mahse an lo vei ve em em hmeichhe ho kha tlar laihawl lam ah an thut avangin an zawn ah kher thut an duh ve si avangin an sikula rawn lut thar an ai a naupang zawk zirlai thenkhat te chu a hnung a thutna awl lam a thu tur a an hnawh phei tum te pawh a awm hial kha.

Mamawia te thianho tan chuan an sikul chu an khawvel a ni a, khawvel ah an zirtirtu te aia zirtirtu tha dang ang awm thei chuang lo a. An thian ho hian teachers' common room a an zirtirtute designation leh qualification intar te chu en lo pawhin an sawi par par thei a, an zirtirtute ai a degree neitha khawvel ah hian awm thei chuangin an ngai ngai lo hial a ni. Mamawia te thian ho tan chuan chu sikul ah chuan kumkhaw nun hman pawh tul se an hreh hauh lo in a rinawm rum rum a ni. An tan chuan chutih lai na na chuan an sikul compound ah chuan an lungawina zawng zawng a awm ti ila kan sawi sual lo ang. Table tennis khelhna room ah lah an sikul a pawlsang ber an nih tawh avangin an han luh ve tawh phawt chuan an aia naupang zawk ten an lo kian sap sap thin si a, chu tluka midang ten an lo zahderna hmun chu la tawng ngai hek lo, an tan chuan chu bak a nuam khawvel dang a awm tak tak thei lo a ni.

Tunah kum sawmhnih a liam ta a, Mamawia pawh a pa in a boral san lai kha chuan pawlsawm chauh a la zir a, a nu in a la dampui avangin chuti tehchiam in harsatna leh lungkham dang em em a la nei lo. Vanduaina in a kalsan lo nge, Pre-University course zir a Aizawl a awm bo hlan in a nu duhtak chuan nat lawk awm em em lovin zankhat mitchhin tawkin a lo awm loh san leh zel tak ah chuan zirna pawh chhunzawm thei ta lovin a naute enkawl turin an In chhung rorelna chu a ma kut ah a lo awm ta a. Vanduai kar ah an vannei a, a patea nupui neilo tlangval senior in amah leh a naute ho chu a la uap hlawm zawk a. A patea ho hian an khua ah dawr siam in mite khawngaihna zar ah harsa lutuk lo leh midang pur buai lovin chhungkua an enkawl chho thei ve zel a.

Kum tawp lam a ni a, thlasik boruak in an khua zotlang sang tak a awm chu an rawn chim tawh a. Mamawia pawh a nau te ho in sikul an chawl tawh avangin a dawr nghah ai an lo nghah chhawk ve thei tawh a, chumi chu remchang ah la chuan thlasik thing tuah tur phur turin a tei chhuak a. Mamawia te hian gas (LPG) pawh mite duhsakna zar ah neih na a rei ve tawh a, thingphurh ngai lovin eirawng an bawl tam tawh zawk a, mahse thlasik tak tak ah chuan tapchhak a meilum chhem loh chuan an khua ah chuan thlasik tawrhchhuah a har avangin an sikul lo kalna thin chhak lawk a ramhnuai ah chuan thing phurh tur a fawm ta a. A thingphurh tur a fawm ngah tawh a, mahse in lam haw ta nghal mai lo chuan thlasik boruak romei zam riai kar ah chuan a thing phurh haw na tur em intiang khat thap tawh chu thingfak in a kam ding te te a, a piah deuh lawk mual ah chuan thlasik khaw chuan turin a kalsan hrih ta phawt a.

An sikul kal lai pawh a work experience class atana thing an lo put fo na hmun ngaw sir a mualpawng sang deuh et hmun a thleng a, ngawpui hnuaia awm hnim te chu thlasik daifim in a lo nan hnawng dep hlawm a, thing kar a ni eng lo lut chuan a rawn chhun tle sep sep hlawm a, tlangsam par a lo vul chiai tawh hlawm a, ral leh lam nikang lam ah lah nihawi par (Mamawia te chuan "Masi par" an ti kher thin) a lo vul eng tuar tawh bawk a, ramhnuai hnim leh pangpar te a han hmuh chuan tuma hrilhfiah chawp ngai lovin "masi" a hnai ta a ni tih a hrethiam nghal mai a. Chu a awmna tlang pawng atang chuan khawtlang lam a hawi a romei chhum in tlangdung a lo bawh paw chiai a, a piah leh deuh ah hmuifang tlang a lo in phah cham ruai bawk a. Sava hram mawi tak tak ten chu ngawchhung chu an awi a, a piah deuh a naupang sava veh in a chhak thingkung a sava fu lai an rawn perh vanga sava fu lai thlawk darh lai a hmuh te pawh chu a tan thil thar a ni lo, an naupan lai a an lo tih ve thin tawh tho kha a ni.

Mahni chauh a khua a thlir vang vang lai chuan ral hla deuh a ball beng sawt ri ni awm tak hi a lo ri leh thin a, chu a thawm ri hriat chu tute nge maw an tih le ti a a han thlir thlak nak chuan eng dang ni lovin an sikul hlui a zirlai naupang te chuan kumtawp a an neih thin annual sports an neih lai a lo ni a, ball beng ri a hriat chu volley ball an beng ri a lo ni a. A bul thingkung sang vak lo lawn nuam tak ah chuan a han lawn kang a, a thil hmuh chu an sikul hlui kawt tual ah chuan zirlai te leh an zirtirtute chu a ngai te te in an sikul uniform nen inkhel en in an lo au dual dual a. Mamawia mitthla ah chuan an sikul kal lai a thian te hmel a lo lang ta nghal zut zut a, chu chang a ni lo, a mah vanga sikul kal nuam a tih thin em em, sikul a rawn kal lo chang a a ruk a hreawm a lo tih ve em em thin 'hmeichhia' pawh a lo lang! Mahse chung zawng zawng chu atan chuan hmanlai a ni tawh a, an zirtirtupa in hman an class a sawi "chutih hunah chuan lehkha in zir that loh chuan...." tih a sawi kha a beng ah a rawn ri thar leh a, mahse a thatchhiat vang ni lovin an chhungkaw awmdan in a zir tak loh em vang a chu a khawthlirna atanga chu thil chu lo irh chuak a ni tih chu khawvel hian hriatpui lo mahse Mamawia tan chuan sawifiah ngai lovin a chhanna dik tak a awm si.

Chu hmun atang chuan rei pawh awm rei chi niin a hre lo a, a em nghahna hmun ah chuan a phei ta sawk sawk a, a in tan a thing phurh chu phur chung in in lam panin a haw ta a, a haw kawngah chuan an in kawng a in pakhat Pu Mazuala te in a kal pelh lai chuan chhun pachang ah tape recorder a lo zai vawng vawng a "Lungkim ten ka han dawn vel a, lunglam ka vai hrilh ka hai mang e, nunhlui mual hlui liam hnu te auh ruai ka nuam mang e...vanglai nun aw hlimlai ni,.lungrual te a zaitin kan vawr lai te, suihlung rual a lengza thin kha, khawi an tuan che u maw? A then rihsang mualliam in, a then lenna tlang dang si maw? vanglai nun aw, kir zai an rel si lo....." tih C.Lalrinmawia hla kher a lo ni nen Mamawia tan chuan thing phurh rit nen a ruka lunglen tawrh a na duh kher mai. Tunge a ngaih ber a hre lo a, mahse a rilru chuan an sikul kal lai a a thiante nen an infiam nak nak lai te, vawiin a a khawthlir lai a hmuh ang a sikul sports ni a nuam an tih thin zia te a mitthla ah a lo lang uar uar a, mi pakhat pawh hriat chhuah a nei, mahse, chu nu chu a thian te lo chuan tuman an hriat pui lo.

An in a thleng dawn hnai tih ah an veng kawn lai tak ah chuan MST (Mizoram State Transport) bus Aizawl atangin a lo thleng ve chiah bawk a, a thingphurh lai chu a siam rem pah in nghawngkawl a chhip a a phurh mek chu a dar ah a dahthla in bus ah chuan tute nge lo haw tih hriat tum in a hawi chhuak a, bus ding lai atanga lo chhuk nu ngei mai chu hmanah chuan sikul classroom khat ah an zir ho thin kha a ni si a. A ni zawng khawpui a awm ta na na chu a vun leh hmelhmang pawh a lo dang zo ta........Mamawia hnathawh kawr leh nghawngkawl nen a em phur uai chung a lo kal mek tan chuan "e i lo haw a ni maw?" va tih te pawh a rilru chuan a chak, mahse, biak ngam a va har em! A hmu lo der ta ringawt a. Chu nula chuan amah chu a rawn hmu chu niin air bag puar deuh ak chung chuan Mamawi chu rawn ko ta lauh lauh a. Mamawia chu phur leh zak ru deuh in a ding det a, chu nula Aizawl a lehkhazir a awm MST bus a rawn haw chu hman ah chuan sikul kal nuam a tih chhan kha a ni thin a ni. Mamawia a koh avang a zak ru deuh a lo ding chu rawn bia in "Kumin urlawk zan chu dawr khar hma la chuan thian te rawn sawm la, kan in ah hmang ho ila, sikul kan kal ho lai te kan sawi ang a.." a rawn ti a.................. Mamawia tan chuan kum dang zawng ai a "Masi (Krismas)" nghahhlelhawm a va ni bik em.

Weekend at Nagarjuna Sagar

2011-06-14T04:25:00.009+05:30

Nagarjuna Sagar Dam boating dock

After long plans me and my campus Mizo friends had a weekend programme in Nagarjuna Sagar, which is one of the famous dam and tourist places in Andhra Pradesh. As our tour operator told us to leave by early morning we left our campus at 6:51am by hiring two cabs, we had short break in Udipi Hotel for breakfast. Then we proceeded again and reached Nagarjuna Sagar launch station by 10:59am. While traveling such a long distance place we could have more fun by listening Mizo songs on all the way. On the dam station ticket counter we were encountered with the tourist staff as they could not recognized us Indians, they demanded more bucks for foreigners. This kind of usual non recognition of differences in looks is not new for us, in almost every tourists places in Hyderabad too they demanded us foreigner entry fees. But when they saw our Electoral Voter's Identification Card they could recognized us that we are Indian citizens too. Those poor tourist staffs might not even heard the names of Mizoram which is one the northeastern states in India. I did not blamed these tourist official staffs (Archaeological Survey of India staff) in their weaknesses in general knowledge but they needed to revive their geography or social studies courses that they had learned in school days, so that they will recollect back their knowledge as India has several states and UTs and the people are also not looking alike by having different faces and complexions.

Nagarjuna Sagar Left dam site

Our trip in Nagarjuna Sagar was quite good, we enjoyed so many things and places. Let the pictures now show how much we enjoyed!


Nagarjuna Sagar Launch Station

Nagarjuna Sagar dam lagoon

enjoying local made boat by paying Rs.40 each

birds also enjoying nagarjuna sagar dam

a boat that lead to hope island in Nagarjuna Sagar dam

inside the boat

dam view from boat

view from boat

a boat leaving hope island to main station

hope island (Nagarjuna Konda) view from boat

Nagarjuna Konda Island

Nagarjuna Sagar dam

dock at Nagarjuna Konda Island

Nagarjuna Konda Museum

Great Bath place, and the signboard shows crocodile dive zone

Island canteen

Buddha Statue at Nagarjuna Konda Island

Remains of Simhala Vihara(Monastery) circa 3rd Cent A.D

main dock in Nagarjuna sagar dam


Nagarjuna Sagar dam front site view

Nature view from Ettipotala Waterfalls area

Ettipotala Waterfalls 10 kms drives from Nagarjuna Sagar

Ettipotala waterfalls

rock structure in Kirshna river belt

Nagarjuna Sagar dam

Time to say bye bye now, we will miss it!

Luah loh lungdi nei lo awm tak ang maw?

2011-06-03T04:49:00.009+05:30

Lalhmingliana office bang chuan kar khat dawn fur khawcheng kara tlai lama khua rawn tha thut chu a thian that em vangin thingpui in pah in tukverh lam hawi chuan khua a thlir vang vang a. A awmpui pa chuan thut khawmna pindan lamah in leng a neih thu a rawn hrilh hnu chuan a phei ve nghal mai bawk a. A in leng te chuan an khaw High School kum 50 tlinna Golden Jubilee lawmna a khuallian tur a an rawn sawm chu lo niin. Amah Hminga sawm tur chuan tuna a hnathawhna atanga darkar 5 dawna a hla atang a ruahsur hnuai an rawn sawm chu hnial chi niin a hre lova, a remchan tur thu in a lo thlah ta hlawm a.

Kar khat aliam hnu chuan a bial chhunga High School pakhat Golden Jubilee lawmna hun hman pui tur chuan a driver nen chuan zing hma tak ah an in khalh chhuak ve ta a. Motor a chuan pah chuan Hminga chuan a thusawi tur ngaihtuahin a ngawi vang vang a, kawng chanve vel an tlan tawh tih ah chuan a driver chuan Hminga chu car tape play a dil ta a, a lo rem ti ve mai bawk a. Chumi tuk a a driver hla play chu ngaihtuah lem lovin a a thusawi tur leh an kalna tur programme vel ringawt a rilru ah awm a, mahse hla pakhat chuan a ngaihtuahna a la peng ta zak mai. Chu hla chuan a nunhlui a hriatchhuah tir a, a lehkhazir lai te, thianhlui te hmel te a mitthla ah lo lang, kum tam tak a lo ngaihtuah duh ngai tawh lo hmel hlui a rawn lang tel ta uar uar mai. A thinlung a hneh ngang aniang a driver hnen ah chuan a play nawn tir leh ta hial a. An kalna tur khua hi kum 14 hmalam khan a chanchin a lo hre ve fo tawh thin reng a ni.

Hminga rilru ah thil dang reng a leng thei tawh lo, Aizawl a lehkha zir tur a awm tirhin an Sikul ah hmelhriat pawh nei lova a awm lai a amah lo be pawp a lo kawmnel tu hmasa ber nu kha he Sikul atang hian matric a pass chhuak tih hrilh nawn leh a ngai chuang lo. Hminga kha thingtlang rawlthar tih tak ah, khawpui ah sikul a lut ve a, mi inthlahrung chi a lo ni bawk nen tumah pawh kawmnel ngam lovin a awm ve tawp a, chawlhlawk lain Thani leh a thiannu ten a ngawi reng a lo thu an rawn be pawp kha a ni a. Khami ni atang khan Thani chu atan thiantha a ni tan a, kha sikul a an kal ho chhung khan a hu ho leh fianrial deuh te pawh in hun an hmang liam dun ve nasa thin a ni.

Thani kha a pa hnathawh na thingtlang ah Pawl 10 zirin he khaw High School atang ngei hian Matric a pass chhuak tih tunhma lam khan Hminga hnen ah a lo sawi tawh a, khang hun lai khan Hminga tan chu khua chuan awmzia a nei em em ngai lo. Mahse, Thani nen an inkawm ngeih tawlh tawlh a chu khaw high school chanchin chu a hre zing ta khawp mai. Khawpui atanga thingtlanga insawn thut Thani tan chuan sawi tur a tam lo thei lo bawk a ni. Hminga nen an inkawm ngeih em avangin College pawh hmun khat ah an la kal dun zel a. B.Sc 2^nd Year an zir dun laiin Thani chu a chhung ten Ludhiana ah B.Sc (Agri) zir turin an kal tir ta daih a. A awm tirh chuan lehkha te pawh an in thawn ve zak zak thin a ni. Hminga pawh B.Sc a zova an khaw bul sikul ah zirtirtu turin an sawm a, an chhungkua an awmtheih vak bik loh avangin a nu leh pa thu zawmin a thawk ve ta daih a.

Hminga pawh sikul chawlh lai den chhen in MCS exam a tum ve avangin Aizawl a kal a, Bara Bazar ah lehkhabu vel a lo en lai chuan kum 2 zet a lo hmuh tawh loh Thani nen an in hmu leh hlawl a, inkawm ngeih tak lo ni tawh thin kha in hmu khat ta chu in zah na deuh a lo awm tawh a sawi tur an haihchham dun ve khawp mai. Thani chuan karleh mai a an zirna hmun ah Project report pe tur a chhuk leh tur thu hrilhin remchang a an In a leng turin a hrilh a. Hminga chuan chumi zan chuan Thani te In ah chuan a va leng a, mahse veng kar a hlat tham deuh avang in rei pawh a leng thei ta lova. Chumi zan chu Thani nen a mumal tak a an inhmuh hnuhnun ber a ni ta bawk.

A kum leh ah chuan a pate a ten In an sak lai a lo ni bawk vangin Hminga pawh Aizawl ah result nghah pahin a cham hrih a, dawr atangin a patea fa te pahnih nen cement an zawn laiin Thani leh a thian pakhat dawr danga thil an lei lai a hmu a, mahse hnathawh kawr paw chuai nen a va biak buai a tim ve deuh a vangin a kal pel ta mai a. Khami ni a Thani a hmu leh kher kha chuan a thinlung a awm fo thin thil a rawn chawk nung leh chiang kher mai. Tlangval inthlahrung leh ze zawi chi Hminga chuan chu thil rawn irh thar leh chu a ngai te te in a ngawihbo pui leh ta thova. A vannei a result a lo chhuak a ti hian kum 6 chuang zet chu BDO hna thawk in a lo awm ve ta chu a ni a. Tumkhat chu an Department thil ah training an neih tumin Thani nau Remi nen Aizawl ah an in hmu a, a u Thani’n pasal a neih dawn thu leh sawmna card pawh an sem chhuah tan tawh thu a hrilh a. Khami ni khan Hminga khan Remi sawmna kha ngaipawimawh in Thani te In ah khan peng kawi ve ta se Thani mi nupui la ni lo kha hmuh na hun a la nei ve ngei awm si a.

Hminga te putu pawh an kalna tur khua an thleng dawn hnai ta, khaw luh dawn hnaih ah zunram thiarin an ding zawk a. An car tape chuan ‘tawnmang em ni lunglem ka nei lo, ka hawi vel a ka tawng silo…zun leng erawh a cham tang lai ah…’ tih hla a la rawn sa ve mek bawk a. Chumi tum a zinkawng chuan Thani a hriat chhuah tir a, mahse hrechhuak turin thian an nih bak Thani bulah thildang reng sawi a nei chuang bawk silo. Mahse Hminga hian sawi ngam ta se chuan Thani awmdan thin atanga chhutin a haw dawn miah si lova. Thani sikul lo kal chhuah tawhna thin hmun ngei a kal tur chu phurna leh zamna in a rawn tuam a, a ma hriattur tawk lek a zawiin “hmm…luah loh lungdi nei lo awm tak ang maw?" tiin a phunsap a, motor ah chuan a lawn leh ta a…..

Hringnun hi!

2011-06-01T17:28:00.004+05:30

Hringnun hi a then tan chuan tahna, a then tan nuihna, a then tan chuan khawvawt tuar na, a then tan ruahsur a, a then tan khawlum tuarna...........a then tan chuan inbumna mai anih laiin a then tan chuan a 'thar zel thin a ropui e i rinawmna' te pawh an lo ti ve tho bawk..a then tan a tuarna ni bawk si thin hi.........hringnun hi zawng a hrilhfiah a harsa a ni e. Hringnun hrilhfiah tur hian tumah an upa tawk thei lova an naupang ber thei lo bawk, mahni chan leh tawn apiang hian hrilhfiahna thar min siam a...... hringnun hi a lo kim lo a nih ber hi mawle...tlai khaw thimin min nang a, mahse zing ah khawvar engmawi tak kan hmu leh thin....kumhlun tur reng awm lohna hmun ah hian kumhlun tur in suangtuahna erawh kan din si thin..........famkim hek lo hian famkim nun chu kan ngai lawi si........hrethiam famkim reng tung chhova kal hringfa zingah hian awm tak maw?

Fanghma tuaitirte a chhawl min thuai...

2011-04-08T04:39:00.011+05:30

Thian fel deuh pakhat in youtube.com a Aizawl Thakthing veng YMA zaipawl te hla sak 'fanghma tuaitirte a chhawl min thuai' tih hla hi min kawhhmuh a, ka'n ngaithla chhin a an satute an zaithiam mai bak ah hian hla tha tak a lo ni a, a hla hian hmanlai Mizo nun a phawk chhuak tha hle in ka hria. A hla hi tu phuah nge tih ka hre thei mai lova, a phuahtu hian hmanlai Mizo nunphung a bikin lo lam a an hnathawh dan kimchang leh chung kar a nula leh tlangval te khawsak zia pawh a tarlang kim thawkhat viau a ni.

Hlothlo lai

Hmanlai Mizo nun ah khan chhungkaw tin deuhthaw in eizawn nan lo neih bak hna dang an thawk lem lova, an nitin hun chu lo a feh in an hmang ral thin a ni. Kawl a nichhuak chhiar a chhun nisa a hlothlo thin tan chuan an lo vau hnaih a thingbuk hlim te kha an chawlhhahdamna hmun pawimawh ber pakhat a ni thin a ni. Ni a lo sa a, rim taka hlo an thlawh karah khan hmalai chawlh a lo hun chuan nisa tlan sanin thingbuk hlim an bel thin a ni. He hla ah pawh hian a sawi chiang khawp mai, an thlawhlai a Pang thingkung chu sawi langin, van a ni a dul loh chang chuan an chawlhna ber a nih thin avangin chu thingkung chu vul reng turin an ngen a ni. Chu thingkung zar peng thuam ah te chu mihring te mai bak ah sava tinreng te pawn chawlhahdam nan an rawn pan khawm thin a ni. (Ka thlawhlai pangpui chu fam lul suh..fam lul suh, ka bel ang che vanzawl ni dul loh changin, Awi maw va tin reng..va tin reng an kaina thuam liai luai...)

Nileng in hlo an thlo a, tlai lam khua alo her ta a, vau ah sava an rawn hram leh tan ta nak nak a, chung te chuan tlailam boruak ani ta tih an rawn hrilh tan thin a ni. Chung sava hram te an hriat chuan haw hun a hnai dawn chho tan a, mahse an hlothlawh a la laklawh deuh avangin sava hram mawi tak tak ten tlai khua a ni tawh tih rawn hriattir mahse an hma hlen phawt lova haw erawh an duh ngai lo a ni. Chu mai bak ah an ral leh lama lo hran a feh midang te pawn an haw ta tih entirnan haw pahin an la rawn koh loh avang chuan haw a la hun bik lo ni ah an ngai thin a ni. Hman lai khan an ri leh lo dang a feh te an haw sup sup tawh hnu an lawmte hlo lo la thlawh pui bik kha an chindan phung a ni ngai lova, chutiang tih chu hawihawm lohna chikhat ah pawh an ngai thin hial reng a ni. (Berhva ten hawngah mi sawm em ni?...mi sawm em ni?, kan la tiam lo hmatiang kan hlen hrih dawn e, Awi maw mi u an. mi u an... min au lo e saw ral ah..awi maw saw ral ah...saw ral ah...)

Mizo hlothlo lai

Tichuan an hlothlawh hma te an hlen tak hnu chuan lo atanga haw turin an in peih ta a, hetiang hun tak hi nu leh tlangval inngaizawng te tan a hun pawimawh leh an nghahlelh em em thin hun 'inchhawlthuai' nan a hun remchang chu a ni. Hmalai Mizo nula leh tlangval inngaizawng te kha lo pakhat ah an feh ho reng thei thin lova, an feh ho theih hun chu 'lawm rawih ni' deuh chauh hi a ni awm e. Chhunlam ah manhi lo ve ve ah fehin nileng in in hmu lo mahse a haw hma sa zawk zawk nula leh tlangval te khan an ngaihzawng te lo peng hnimbuk kar ah 'ka hmangaih em em ka lo haw san ta mai che, hei hi i tan ka lo hnuchhiah e' tih entirnan thlai thar - fanghma leh thlai rah dang remchang apiang te an lo thukru thin a, chu chu a tu emaw zawk zawk khan an han zawng a an ngaihzawn ten an lo 'chhawlthuai na' thlai rah an hmuh veleh an ngaihzawng pa/nu chu a haw tawh tih an hrethei thin a ni. Tunlai hun ang hi ni ta se nula leh tlangval ten an ngaihzawng te tan a gift items dawr atanga an thil lei an in present tawn thin ang hi a ni thei mai awm e. Hetianga an 'in chhawlthuaina' hi midangin lo hmu ve palh ta pawh nise a hma zan lamah "in lo pengah ka haw hmasak zawk chuan ka lo chhawlthuai dawn che nia" tih thuchah an dawng ve a nih lem loh chuan an in laksak mai mai ngai lo a ni.

Feh hawng

Hetiang a an 'inchhawlthuaina' fanghma hi a dawngtu tan chuan a tluka thil dawn nuam leh thil hlu dang a awm thei bik chuang lo. Chu fanghma no (a tuai tir) chu tuman a chi atan an hmang ngai lo a, mahse, a lo dahtu (an mahni lo chhawlthuaitu) kha an tan chuan khawvel a mi pawimawh ber an nih tlat avangin chu fangma chu la no deuh ta pawh nise a chi atan dah an chak a, a dahtu in hmangaihna thinlung nen a a lo dah anih tlat avang chuan vanneih palh hlauh chuan a chi atan hmang pawh nise a to theih an ring ta hial thin a ni. (Fanghma tuai tir te a chhawl min thuai..chawl min thuai, chang lo mahse a chi ah dah ka nuam e, Awi maw vanneih thil thu ah a to mah na....)

He hla hi ngun tak a han ngaihthlak vang vang hian hmanlai Mizo nunphung-an lo nei a hlo an tlawh thin dan mai bak ah nula leh tlangval in ngaizawng te nun tarlanna hla tha tak a ni. Sawi uar deuh te chuan sawi ta se tunlai tawngkam takin "hmanlai Mizo nula leh tlangval romance a ni e" an ti ta hial ve ang!

SUKOON 2011

2011-03-31T01:01:00.004+05:30

The much awaited festival in our campus SUKOON 2011 was held during 24-27 March 2011. 'Sukoon' is an annual students festival organized by the Students' Union, University of Hyderabad. Stalls and entertainment programmes were opened by afternoon till late midnight in the Sukoon arena. Giant wheel riding, camel riding, horse riding momo, cotton candy, ice cream, columbus riding, air riffle shooting, ghazal night, classical music night, rock concert, cultural show, biryani, University T-Shirt design, DJ Night, treasure hunt, poetry writing competition, painting competition, miss contests, quiz competition, dance competition etc etc are the main features of Sukoon festival.

Sukoon pictures:


Ghazal Night at Open Dais

momo

Dept. of Fine Arts Stall

Telangana Photo Exibition

Gian wheel ride

Camel riding

T-Shirt stall

Book stall

Telegu singers performing at Open Dais

Telegu singers

rock show

Telegu rock band

rock show

Avial Band from Kerala

audience at the open dais

audience at rock concert

DJ Night

musical night

open dais

musical show


sukoon spirits!

I can't upload all the pics here, if you want to see more pics click the following links:

1.SUKOON 2011-Day One pics

2.SUKOON 2011-Day Two pics

3.SUKOON 2011-Day Three pics

4.SUKOON 2011-Day Four pics
5.SUKOON 2011

When the sun sets in Osman Sagar lake

2011-03-19T00:40:00.003+05:30

Osman sagar is popularly known as Gandipet, it is an artificial lake in the outskirt of Hyderabad. Wikipedia given the details: "Osman sagar was created by damming the Musi River in 1920, for providing drinking water source for Hyderabad, and also saving the city from floods, on the lines of which Hyderabad suffered in 1908. It was during the reign of The Last Nizam of Hyderabad, Osman Ali Khan, hence the lake known as Osman sagar'.

Apart from the beautiful surroundings of this lake, it is also a nice place for sun set view. Some of the pictures that i have taken in this mind refreshing lake are:

"Just beyond the sunset
Waits someone so fair
Just beyond the sunset
All alone they wait there
Their hair is golden
The colour of the sand
Their eyes sparkle in the night
Like diamonds in your hand"

- David Harris (1966)

-hope you enjoy the sun set view!-

Zaipawl kan ti ta sa sa....

2011-02-25T06:38:00.004+05:30

US President Barack Obama India ram a lo kal khan 8 November 2010 zan a President Pratibha Patil in Presidential banquet Rashtrapati Bhavan a buatsaih ah khan kan hmarchhak unaute zing a mi Shillong Chamber Choir zai tur a sawm an ni a. An zai hma a NDTV Studio a an hlasak tur an lo sak lawk na video ka lo en ve a, an zai ngaihthlak a nuam in an chhuanawm hle mai. Shillong Chamber Choir te zai ka ngaihthlak hnu a ka rilru a thil lo awm ta daih chu Mizo nula leh tlangval te hetiang hian kan zai ve thei tih hi a ni. An zai hi an chhuanawm ka ti a, mahse Mizo zaipawl kan lo ngaithlak ve tawh thin leh music video kan neih ve te tam tak te ai erawh chuan an thiamna bik ka hre chuang bik miah lo thung. Mahse an ni hi ngatinge heti tak a India ram mai bak ah khawvel hmun dang atang pawh a hriat an hlawh bik ni ang le? A chhanna chu an ni zawngin a ngaihna an hria a, an thiamna(talent) chu eizawnnan an hmang mai a ni. Kan ram ka thlir a, kan veng/kan khua/kan kohhran/kan branch YMA zaipawl etc., ah pawh han in zir ngun deuh se an ni ai mah a zaithiam zawk tur leh thleng sang thei zawk tur an kat nuk in ka suangtuah pha ve thin a ni.

http://www.treorchymalechoir.com/perform/tonic.htm

Mahse...!

Suangtuahna chuan chung hial chu thleng thin mahse a tak ram ah chuan kan zaithiam te thlen chin erawh chuan eizawnna atana hman tlak tak kawng a la dai pha si lo a ni. Local channel a en tur a music video mawi tak tak leh ngaithlak nuam tak tak chu kan Mizo zaithiam te ah hian an tam ve ta khawp mai. Mizo te chu zai ngaina hnam, chhiat leh thatni ah pawh zai tellova thil ti thei lo, mi panga paruk awm tawh na ah chuan guitar perh thiam hla han la mai thei leh mi zai rual a tenor emaw contralto a lo zawm ve thei mai an awm deuh zel ti ila, kan sawi sual tam lovang. Rimawi pawh kan ngaina tlang, keini ang zaithiam uk lo pawh hian a ngaihthlak lam chu kan peih khawp mai. Lung a han len fuh chang te phei chuan kei ni ang duang pawh hian a kel rawl a kel rawlin Mizo zai mai bakah tupuiral lam hla te, khawchhak leh vai hla thlengin kan luanliam pui ve chang te pawh a awm leh khauh thin. A bikin Mizo thalai te hi han ti ti ila khawvel a zaithiam lar chin ngat phei chu hriat nei reng reng lo an awm lo tawp ang. Zai kan ngaina a, zaithiam kan lawm a, zai leh rimawi hmangin kan inkawm khawm thin a nih hi. Chuti taka zai leh rimawi ngaina hnam chu khawvel hriat khawp a larchhuak erawh vanduai thlak takin kan la awm hrih lo a ni.

Dawnchiang deuh ang u!

Kohhran Thalai (KTP/TKP/SAY/PYD etc.) active deuh tan chuan tih fuh chang phei chuan chawlhkar tin deuh thaw zaipawl hla zir tur a awm thin a ni. Zaipawl chi hrang hrang pawh kan ngah na rawh-Kohhran zaipawl, bial zaipawl, central choir, Synod Choir, BCM choir, YMA zaipawl, Sub.Hqtr zaipawl etc. kan ti, zaipawl tin deuh thaw khawpui leh thingtlang lam thlengin mahni a pualin music video pawh kan nei deuh zel. Heti khawp a kan ram thalai ten kan buaipui leh ngaihsan zaipawl hi Biak In emaw programme danga vawi hnih khat kan sak thin mai bak ah hian a hman tangkai dan a awm thei dawn lawm ni le? Kan Khasi unau te chuan ti hian khawvel a ramropui ber ti a an sawi mek US President te nupa hma zaipawl hla sa in an dingchhuak tawh si a. Chu chang a ni lova zaipawl atang hian sum tam tak leh hmingthanna hial pawh an hlawh chhuak a ni. Kan ram ah a bikin kohhran thalai zaipawl te hi a kalphung tlem a ti danglamin kohhran a zai mai bakah hian a sum leh pai hlawh chhuak zawnga kal pui theih dan a awm thei ve tho angem le? Dik tak a sawi chuan thil dang tih thulh hial khawpin hlazir leh inbuatsaih nan kan hun te kan hmang awllo tho si a, hetianga kan hun kan hman tak rau rau ah chuan tunlai khawvel mi ten eizawnpui tlak (professional) tur hawi zawng a thil an kalpui mek lam hawi a ke kan pen ve a hun ta khawp mai.

Huang zauh hlek angai ang!

Mizoram a zaipawl tha kan neih te hi a tam ber chu kohhran behchhan a kohhran mal zaipawl emaw bial zaipawl etc te an ni tlangpui a kan hlasak thin pawh Pathian fakna atana zir leh hlan thin kan ni. Shillong chamber choir te hlasak hi en ta ila, keinin a Pastor/Kohhran Upa te sunna hla atan a kan hman thin saphla 'Deep river, my home is Jordan' tih hla a Mizotawnga 'Jordan lui ral ah ka In a awm' tih atanga bul tanin a tawp lam chuan Pathian fakna lam hawi reng reng lo Hindi film hla 'Ye Dosti' tih hla te an han remkhawm kha a ni a, hetiang hla remkhawm chu keini tan sak a theih loh ta nghal pang mai. Pathian fakna hla leh hla lenglawng te remkhawmin kan zaipawl te hian sa ve ta ngat se kohhran mipui kan phun mur mur anga, kan Pastor te leh Upa ten an chungchang ngaihtuah turin committee an koh nghal rum rum duh mai awm asin. Chutiang chu kan huam chin leh kan dinhmun a ni si a kohhran zaipawl ngau ngau chuan khawvel hmun dang ringlo mite zing ah chuan hralh a kal dawn bawk si lo. YMA zaipawl anih lahin tlawmngaia thawh chhuah anih loh chuan a fuhber bawk si lo.

Ti hian ti ta ila!

Khawtin/Vengtin ah hian solfa thiam zaipawl conductor atan hman tlak em em mi pahnih pathum an awm deuh vek awm e, chutiang mi thiam te chuan zaipawl han ho vel chu an harsat lo tlangpui thin a, chungte chuan an veng chhunga zaithiam leh zaipawl a tel awm mi te chu an hre thei viau bawk. An ni hian hma la in kohhran/YMA etc zaipawl tibuai chuang si lovin 'zaipawl' din ve ta mai se, an hlasak tur pawh hla lenglawng leh a tul chuan lengzem hla thleng a sa thei turin zir ta se, a hun leh hmun mil tur zelin hla nei thei thin ta bawk se. Entirnan, sawrkar programme ah chuan 'Vande mataram' atanga 'Kan zotlang ram nuam' tih te sa turin thiam ta se, MNF ho programme ah chuan "Aw zoram aw kan zoram' tih pawh lo sa ta lawng lawng se, Congress programme a lo nih hun ah "Vaipawl min ti maw, vai buhfai ei theuh theuh' tih te pawh sa ta mai se,. Pawlho inkhawmpui, birthday leh chhungkaw pual deuh bik thil tih na ah a neitute hla duh ang sa thei mai turin in buatsaih ta thin bawk se, tunlai ah mi an changkang tawh a sap tihdan a enge maw ni pawimawh bik a zaipawl hranpa hmanga mipui han awih tlei vel duh pawh an awm ve nual in a rinawm. Kolkata ah zai atul chuan 'Bengali hla' zir mai se, Guwahati ah zai atul chuan 'Assamese hla' chutiang zelin an ngaithlatu tur mipui te ngainat theih tur an thlang thiam ang a, an tan zaina tur a awm thei zel ang. Tichuan hlazir a tul pawhin sum lakluhna te a lo awm chuan nu leh pa te an phun lem lovang a, an phun lo mai nilovin sum lak luh an lo neih that deuh phei chuan an phur pui zawk ang a, zaipawl member te vengchhunga nu leh pa ten an phur pui chuan an tan thil tih a lo awlsam ang a, nu hovin tan han la tak tak se zaina tur an hmu awllo mai tur asin.

Zaipawl a lo changtlung tak ah chuan ramchhung mai bak ah rampawn lamah pawh intihsiakna a chhuak ve thei mai turin an lo in buatsaih tawh ang a, tichuan Shillong Chamber Choir te ang hian khawi emaw lai a Talent Show na hmun a an tel a tul pawn "ka chhungten kal an phal lo" tih a awm lovang ang a, an kal thei lovang tih mawlh an hlau tawh zawk mai dawn a ni. Vengchhung a mi pa/nu chinchang hria leh hawiharh saptawng leh vaitawng pawh harsat lem lo thil tih dan thiam bawksi Manager tur an hmuh theih hlauh phei chuan a tluk a awm thei lovang. Tichuan, ULiana te, Umawii te, Mami leh Mama te ho tunhma a LPS, ZONET etc chauhva an music video kan lo hmuh thin ten kawlvalenchham atanga Mizoram mipui te hnenah 'kar leh lawk hi final a ni tawh dawn a khawngaihtakin sms hmangin chumi kha mi number ah chuan min lo vote ve dawn nia' an rawn tih hun ah chuan Shillong Chamber Choir chauh ni lo India hmarchhak atang hian zaithiam zawk midang an lo awm a ni tih khawvel hian a takin a lo ngaithla ve tawh dawn a ni. Hmana thenawm vel an hlazir kan hriat thin Mizo nula leh tlangval zaipawl thiam tak tak ten khawvel music producer hming thang tak tak te nen a contract an sign hunah meuh chuan keini ang duang Doh-ray-me pawh lam dik ve hlei thei lo tan pawh zaipawl ngaina tak hnam Mizo kan nih thu tal hi sawi a nuam ngawt ang le.

-------------------------------
Zaipawl leh zai lama chhuan tur nei eih lo in hetiang thu te ka'n ziak ve tak vak mai chu, at so na chikhat anih loh chuan thahnem ngaihna kawngkhat ah lo ngaih ve mai chi a ni awm e! Kohhran leh tlawmngai pawl hminga zaipawl neih sawiselna nilovin a kawngdang a awm ve thei lawm ni tih thahnemngaihna zawk in he thu hi ziak a ni e.- Lalzarzoa.

Aizawl Christmas Bazar

2010-12-21T14:04:00.004+05:30

Christmas season is the most crowded period in Aizawl Market.
Pictures taken at Dt.20th December 2010 (Monday)

"Lalpian hun pangpar a vul leh ta,

Thinlai mu hnu lunglen a kai tho ve"

MERRY CHRISTMAS TO YOU ALL

Krismas zunzam leh kan nun

2010-11-03T01:49:00.015+05:30

Pic-Tlangsam par
(Tlangsam a par chuan Krismas a hnai ta kan ti thin)

Mizo ten Favang awllen lai kan tih September thla a ral a, Khuangchawi thla (October) chawhnu lam aral dawn meuh chuan kan rilru ah hian enge maw zun hian min phuar tan a, rilru in a pianna lam min vei tan tir thin. Sahmulphah thla (November) kan chuangkai a boruak a lo vawt tan nen thla chanve a lo nih tawh chuan kan hlasak leh ngaihthlak duhzawng pawh “Kum Sul liamhnu kan nun ngaihlai tho leh thin” tih anih loh pawn tunlai mi te chuan “O Holy Night” tih te hian awmzia a nei ruih tawh zel a ni. He hunpui lo thleng tur hian kan nun a nghawng a- Pitar Putar, Nu leh Pa, Nula Tlangval, Tleirawl/Rawlthar leh Naupang chenin kan nghakhlel thin. Suangtuahna leh ngaihtuahna pawhin atam zawkin a taka kan la hmuh loh leh kal ngai miah lohna ram Bethlehem tlangpui chu min ngaihtir a, chu hmun chuan kan lung a len thin a nih hi!

Mizo Kristian te tan hian Krismas hi Kristiante ni pawimawh dang- Good Friday leh Easter Sunday ai mah hian ngaihpawimawh leh nghahhlelh a hlawh zawk ti ila kan sawi sual em bik lo mai thei a ni. Ram chhung a awm te mai bakah Mizoram pawn lamah hlei hlei hian he Krismas lo thleng tur hi Mizofate nunah hian awmzia a nei nasa em aw tih pawh ngaihtuah theih tak a ni. Phairam emaw khawi hmunah pawh Mizo leh Mizo inhmuh tawh chuan kan inbiakna ah pawh “Krismas ah haw i tum em?”, “Khawnge Krismas i hman dawn?”, “Krismas ah in chawl dawn em?” tih te hi kan zawhna leh chhanna dawn tam ber pawl a ni thin a ni. Mizoram chhung ah pawh a dang chuang love, mitin rilru ah engemaw ti talin Krismas hian zunzam a nei thin. Khawpui lamah Krismas lo thleng tur avang hian Bazar hmun te kal pawh harsa khawpin a tawt a, sumdawng ten hralh tam loh hlauin an hman hlela, mipui lam lahin lei loh hlauin kan buai bawk. Thingtlang leh tlema hmun kil deuh zawk ah pawh a dang chuang lo ramhnuai leh khampang vel a nihawi par eng chiai te, kawngsir a tlangsam par te chen hian Krismas zun an keng tel thin. Mahni khua atanga khawpui lama dawrpui kai turin Bus leh Sumo ticket indaih loh hial khawp a awm hun chu Krismas hunlai hi a ni thin. Thenawm a tape recorder nei tha deuh ten Siampuii Sailo zai an tih rik vau vau losul feh haw paha hriat chang te hian ngaih hi a tha veng veng tawh mai thin a ni. Kan nghahlelh dan leh hmuah dan chu engpawh lo nita se chanchintha kan dawn hnu hian Krismas hun ang em em a Zofate thinlug hmun khat a min chen tir thei tu a tam lo ngawt ang le?

Engvang nge maw ni heti tak hian mitin thinglungah awmzia a neih ni le? Achhanna ah chuan eng thildang nilovin he hun lo awmtirtu leh a neitu ber Lal Isua a lo pian khan mitin huap anih tlat vang a ni. Khawvel mihring te zingah hman atanga tunlai hun thleng hian mihausa leh mirethei kan cheng za a, kan dinhmun a in chen loh avangin mirethei zawk ten mihausa te kan awt a, mihausa tam takin mirethei te an hnuai chhiah bawk thin a ni. Chutiang dinhmun in ang lo taka cheng mihringte zingah chuan a hnuai zawk a tang mirethei te pawn an ta neih theih turin Pathian fapa chuan hmun ropui leh hmun nuam zawk pawh thlang lovin hmun tlawm leh hmun reh ah he khawvel chhandam tur hian a piang ta zawk a ni.

Lal lo piang Lal Isua hi a pianna hmun a tlawm em vang in mirethei te tan chauhva lo piang bik a ni chuang lo. A pian hnu lawk a amah chibai buk tute kha mihausa leh mi thiltithei zinga mi Khawchhak mifingte leh hnahnuai hnung zawk thawk berampute an ni. Hei hian Lal Isua hi mi hausa leh mi rethei te tan pawh a huapzo zia leh mitin tan a lo piang a nih zia min ngaihtuah tir thei a ni. Khawvel chhandam tura lo piang si dinhmun tlawm leh hreawm zawk a bul a rawn tanna hian kan tan entawn tur leh zir tur tha tak a rawn siam ani.

Tunlai hun atang pawh in thlir ta ila Lal Isua hian a pian tirh atang hian hmun ropui leh hmun sang zawk rawn thlang ta se Mizo Kristian te hian kan changpha ve ngut angem le? Khawvel pum chu sawi loh India ram ah pawh state kilkhawr ber pawl ah kan awm a, chutah kan retheih em avangin sawrkar laipuiin special category state ah min dah in central sawrkar sum hmangin kan nung ve tawk tawk a ni si a. Amaherawh chu mi hausa leh mi thiltithei zawk te tan chauhva lo piang anih tlat loh avang hian, mi ngaih pawh a hnam tlem leh hriat lar pawh hlawh zo lo Mizo Kristiante hian inti ta tu takin "Aw Bethlehem ka ngai a che, Berampute ram tuanna Serafim ten zai an vawrna chu Ka Lal pianna i lo ni" tiin thlasik rim a nam tirh atanga Krismas a lo thlen thleng in Lal Isua pianna hian kan lung a len thin a nih hi. Chhangban leh kurtai mai bakah a neinung deuh fate tan barbecue an tih ang chi thlenga thlasik khawvawt hnuai ah pawh hlim taka kumpui sul min thlah liamtir thin tu chu he ‘Kri-si-Masi’ ngei hi a lo ni e.

"Aw a va mawi em! he ni lawmawm hun tawi te hi, kan vannei em em lawmna ni kan tawng leh ta, lungrual takin hlimzai i vawr ang u, i lungngaihna chu puan ang hlip rawh" tiin hla Pu Rokunga'n a lo phuah ngaihthlak chang te thlasik khawvawt pawh hmachhawn a huphurhawm lo zo vek thin. Kar hla a leng rual duh tak te u "Masi" hman nuam vek u le!

Christmas Ruai

(He thuziak hi Hyderabad Mizo Christian Fellowship chanchinbu GILEAD ah Nov 2009 khan tih chhuah a ni tawh)

Sikni Eng

2010-10-12T03:43:00.011+05:30

Sikul a kan zir thin Lalzuia Colney ziah 'Sikni Eng' tih ah khan Mizoram a Mizo ten thlasik hun kan hman dan te, thlasik leh Krismas hun in hmeh zia te ngaihnawm takin a ziak a. Thlasik a ni a Mizo loneituten lo lama an hnatul tak kar a Krismas hunpui lo thleng tur theihtawp a an ur thin dan a ziah te a lo ngaihnawm ngawt mai. Kha thuziak ah khan ka la hriatreng chu urlawk ni a ni a khawchhung a kawlhawk lo thlawk ri lunglen thlak zia te, nu leh pa ho lo lam kal haw in khawchhung an luh rual in In kawt a mithenkhat in chhangban an den na sum a an chhang den an tihbuak var lo awm chiai te an rawn hmuh thu te, mitin in sikni eng mawi tak hnuai a hun an hman dan a hrang hrang a ngaihnawm tak a a ziah kan zir thin lai khan tiang em em hian lung a la ti leng ang tih kan zir tel si lo! Khang hun lai te kha ngaihtuah let in kum tam a lo liam ve ta reng mai, thlasik khua lo thleng leh tan mawlh hian a ni thil hriatchhuah loh loh tur nunhlui liam tawh te min hriatchhuah tir leh thin!

'Sikni Eng' tih chu mithiam ten sawi ta se Mizotawng a 'thlasik ni'/'thlasik khua' tih sawifiahna hlathu tawngkam (poetical word) a ni e tiin an sawifiah mai awm e. He 'thlasik ni' hi a lawm Mizo tlangval a hnu a IFS nita Pu K.C Lalvunga(L) 'Zikpuii Pa' ti a ka hriatlar tak zawk khan Shillong a lehkha a zir laiin a lung a ti leng ve ngang a niang 'Sikni Eng' tih hla hi a rawn phuah chhuah tak hial ni. Chu Shillong thlasik rim nam vawt ruih tawh hnuai atang chuan hlathu hmangin mawi lutukin thlasik khua 'Sikni Eng' chu nula hmeltha ber pawhin i mawina hi a tluk pha lo che a lo ti vawng vawng a nih kha, chu aia uar leh zualin pangpar mawina zawng zawng pawh hi nangmah vang a la ti ta deuh deuh. A mawi ngang aniang sap ho khawl tha ber ber pawh khuan nang ang a mawi hian thil an la siam chhuak lo ti a he 'thlasik ni eng' mawina hi a lo phuahchhuak hial kha a dem awm lem love. A mawina hi sawichhuah thiam mai aiin a taka tawn hian chhungril zun ril tak a keng tel tlat alawm.

Zikpuii Pa duhthusam ang kha nei thei ila kei ngial pawh hian ka thlang fo thin in ka ring. Thlasik rim a lo nam a, hma lawk ah Krismas hunpui in min hmuak a rilru hi engemawni hian min mawlh a sawifiah thiam hleihtheih loh zun hian min uap tlat thin. Rilru ah tunhma nunhlui a lo lang a, mitthla ah tu tu te hmel te pawh a rawn lang uai uai a....mahse koh let theih a ni tawh lo....hun in a liam pui tawh si...mahse...'sikni eng' zunzam vang hian rilru ah erawh an lo thar leh thin a nih hi. Amah Zikpuii Pa hlathu ang hian lunglenna thlarau in min pawl chang te hi chuan sava te nen a nun in thleng a an mahni ang mai a hla te khua a thlawk bovin khawvel lungkham na awm lohna hmun a duhtawk a nun hman a chakawm thin. Pu K.C.Lalvunga hian he thlasik zun hi a hrechiang thawkhat aniang 'Nang ni i ni ngei ang Lal Isua pawh khan pianna hun atan a rawn thlan chat che ni' a lo ti hial.

Keini 'Sikni Eng' ve te pawh kha a lem chuang lo, Sikul kan chawl a ramhnuai ah kan kal a tlangsam par leh kawihthuang par kawngsir ah kan kal pel a chungte erawh chuan Lal Pian hun a hnai tih min hrilhfiah thin. Khampang a nihawi par eng chiai te khan 'Krismas ruai theh' min ti chak a, Masi hman na tur thing phurh te kha min ti phur zual thin a nih kha. Khua a ro a tui hna a lo tlem a inbualfai a peihawm lova, taksa a rawn chat a....mahse kan phunnawi lo, Krismas a hnai tih kan hria a.....engmah in chhungril nun hlimna kha pawlh dal thei tak tak thin lo. Thiante Aizawl kal haw in thawmhnaw thar leh thil thar dang an rawn hawn te khan mahni ta ni miah lo kha a neitu ang mai khan kan lawm a kan ngaihhlu in kan phur pui thin. Khang hun lai tak te kha aw kan rilru ava lo thianghlimin chhungril ah in insikna leh elrelna kan tih te hian hmun a chang ngai lo. Thlasik khaw ro hnuai a hnahchhawl hmang a motor lem chang a kan tlan khuk pui rum rum lai te khan he hringnun buaithlak tak hi mahni theih tawk a hmachhawn a la tul ve dawn tih te kan hre pha der silo........he thlasik khua hian zunzam ken tel a lo va ngah tak em! Nguntaka ngaihtuah let leh changte hian Krismas chauh nilovin kumtawp sikul chawlh atanga kumthar sikul luh leh hmazawng a thlasik khua chuan a hlimtaka nun kan hman dan thin te kha fang let leh thei ta hlauh ni ta ila......Savate anga nun inthleng pawh kan chak bik chuang awm love! Zikpuii Pa 'Sikni Eng' hi lo zir chiang ve teh u, a phuah fuh kher a sin!

SIKNI ENG
-Zikpuii Pa

1. Kumsul lamang alo her chang hian,
Sikni eng mawi a rawn thlen leh ta,
Zingtian lenkawl leh ram loh lentu;
Thingsiri zar tin an mawi mang e,
Thlir ve u khawvel mawi na hi,
Nungcha rawl leh partin hian;
Siamtu famkim zia an tar,
Hringmi leng hian dawn thiam ve maw?

2. Tleitir sakhmelin a cho lo che,
Partin mawi na pawh i zar anni,
Sappui thil tin tuah rem thiam pawh hian;
Nang anga rawng mawi an bang ngailo,
Aw khawvel mawina sikni eng;
Ka fak seng lawng che lungmawla'n,
Nang hi ini ve ang,
Remna lalfa pawh khan a rawn pan.

3. Thinlai afan nunhlui mualliam hnu,
Thinlai darthlaleng a’n a lo lang,
Suihlung lengin khuatin hawi ila;
Chuan ka nuam lentu zothing tin dir,
Sirva len thiam nun in thlengin;
Khawvel taksa lungkham pelin,
Chuan ka nuam ram loh lentu,
Zingtian sikni eng mawi lawmin.

Charminar

2010-09-06T04:36:00.007+05:30

Since 2004 i am staying in this 'City of Pearls' (Hyderabad) many many things happened in my life, some are good to unforgettable while some are also not too good to be remembered. When we were in little kids i knew 'Charminar' but it was famous cigratte brand name in India! My dreams never see i will be there in this famous historical place with any of my siblings. After many years gone by now i often visit this place with our guests and friends, i have many pictures too. But my last visit will be most memorable one, as my brother had a chance to visit Hyderabad to attend national programme from his office. Amidst their tight scheduled we could have a little good time to visit Charminar and nearby shopping street. It may not be a great thing for other but for me it will be memorable one when you see your brother trying to capture 'Charminar' pics with his camera and tasting the famous mouth watering 'Hyderabad Haleem' and 'Hyderabad Biryani". To be frank, you will realised it is a real opportunity that you never have visitors from your family members nor any of your blood relatives where you are staying in the city more than four years. Out of many famous places there in Hyderabad city 'Charminar' will occupy one of the important places in my memory lines!

Charminar pic taken by bro. Lalthlanthanga

Traditional taste!

2010-07-21T04:55:00.010+05:30

This 'Kumkhal'/'Umkhal' (walnuts) picture reminded me of our childhood days, in early morning me and my bothers often hurriedly rush to our neighbouring house where Pu Chalbuanga's cows will left 'kumkhal' as usual. Unlike the present times we hardly have other options of ready made eatable things from shops, we the village kids mostly depended on forest and other natural products. Many many things have changed now, we may find various ready made eatable things even in rural areas also but in sometimes my kind of taste could not avoid like this kind of natural products!

Pu Buanga Dictionay defines:
um-khal, (same as kumkhal.) n. the name of a tree and its edible fruit the stone of which looks like a three-lobed walnut. The kernel resembles an almond in flavour and is eaten as a nut. Where the tree grows the fruit is found on the ground in large quantities. Cows are extremely fond of these windfalls-ejecting the stones or seeds from their mouths in numbers when they are chewing the cud after feasting upon them. (Elæocarpus robustus. Wenger.)

Picture taken in January 2010 at Sialsuk forest, Mizoram, India.

Mizo Celebs pics etc...

2010-07-06T04:45:00.032+05:30

I am interested in photography but i am not professional photographer, and whenever i use my camera i hardly take pictures of celebrities and their stuffs. Even though i am such kind of a person who usually clicking landscapes and scenery pics, certain occasions gave me chances to click the pictures of some of the celebrities in Mizoram, they all are well known singer, musician, dancer, sportsman, etc. Here are the gallery:-

* click the pictures to enlarge

Mami Varte @Zarkawt Recreation Centre, Aizawl

Mami Varte @Zarkawt Recreation Centre,Aizawl

Teenskillz @Zarkawt Recreation Centre, Aizawl

David Z.Hmar (Dream Hunter) @ Tourist Lodge, Chaltlang, Aizawl

Maruata, C.Dina & Pu Pachhunga (Hranghlui zaithiam) @ Tourist Lodge, Chaltlang, Aizawl

Michael M.Sailo @ High School Field, Zarkawt, Aizawl

Michael M.Sailo @ Zarkawt Recreation Centre, Aizawl

Mimi Renthlei @ Zarkawt Recreation Centre, Aizawl

Mary L.Sailo @ Zarkawt Recreation Centre, Aizawl

S.Malsawmtluanga (Mama) @ High School Field, Aizawl

Lallawmzuali Khiangte @ Tourist Lodge, Chaltlang, Aizawl

Jess Beyond @ Tourist Lodge, Chaltlang, Aizawl

Zofate Mamawh Zirtirna Dik

2010-06-18T05:45:00.008+05:30

High Sikul a Mizo subject ah khan ‘Ze Nghet’ tih kan zir thin a, a ziaktu ka hre chiah tawh lova mahse zirtirnei tha tak ani tih erawh ka hrereng thin. Mizo te hi kan nunphung ah hian nawlpui a lak in mi pangngai fe fe a ngaih te pawh hi rin ai hian kan pan ru leh tlat thin. Hei hian kawng tam tak ah kan nihtur min nih tir lovin min ti hnufum ve fo thin a ni.

Sakhuana lam thir ila a hnampum deuh thaw a Kristian ni si hi mahni lawina Kohhran leh thurin pawh hre mang barh lo, mahni kohhran inrelbawl dan leh kalphung pawh mumal a hre lo kan ni nawk zel. Tunnai lawk khan thian pahnih hnen atangin text message tum hnih ngawt ka dawng a “Lal Isua a lo kal leh dawn, he thu hi i thian mi panga hnen ah tal i thawn darh tur a ni, i thawn darh loh chuan kum nga chhung i chungah vanduaina leh hnuingil lohna a thleg ang a, i thil tih tumah i tluang thei lovang, i thawn darh erawh chuan naktuk atang pawn i thil tih tumah hlawhtlinna i dawng nghal thei ang, he thu hi ngainep suh, Pathian aw i hnar thei lovang, i thu dawn hi Kerala Biak In pakhat atanga lo kal a ni e” tih a ni a. Min rawn thawn tu pakhat hnenah chuan “Hlauthawng duh suh Bible ah sms in lo inthawn darh rawh u, in thawn darh loh chuan.. .. tih sawi a awm pawh ka hre lo, kan rinna te hi Pathian duh dan ani em tih ngaihtuah zawk la i buai lovang” tiin ka thawn let a, a hnu leh a mi chu chhan let chi ah pawh ka ngai zui duh ta lo. Min rawn thawn tut e hi zirna lamah pawh mi pangngai tak vantlang chunglam ti a sawi theih anni si a, an buaina a ho mang e aw ka ti mai a. Ngaihtuahna ah chuan anni pawh hetiang in a ti buai a nih chuan mipui nawlpui chu kan la ngaihtuah awm mange tih hi erawh a awm reng mai.

He ka sms dawn ka thawn darh ve loh avang hian Lal Isua lo kal lehna ka ngainep in ka ring lo tih na lam ni lovin, Pathian thu kan lak dan leh engemaw hlek a kan lo buai ve ngawt zel zawk hi ani ka buaina zawk chu. Lal Isua chu a lo kal leh ngei dawn tih hi ka ring nghet bur chutah chuan ka sms ka thawn darh loh vanga ka chunga vanduaina a lo thlen ka ring lo hul hual a, ka thawn darh vanga vanneihna ka chan thut pawh ka beisei chuang hauh lo. Bible thu hi ka rinna atan a him tawk a, a bak zirtirna dang hi chuan kei rinna chak lo ve tak hi min tibuai em em lo. Mahse, engatinge a nawlpui hian tlema boruak thar leh thu dangdai a lo thlen chang te hian kan buai fo mai le? Chhan hrang hrang sawi tur a awm teuh thei ang, keimah ah erawh chuan Mizo te hi a nawlpuiin thil kan chik tak tak peih lova, thudik/thuchiang zawk hre turin kan bel chiang peih lova chu ai chuan mi sawi/midang tih chhut chiang mang hlei lovin kan lo pawm pui ve ngawt zel niin a hriat.

Nguntakin chhut ila, kan hnamin Kristianna kan pawm chak dan lutuk te hi mihring rilru a chhut chuan a ngaihthat thlak loh mah mah zawk ni te hian a hriat thin. Missionary an lo kal a kum 100 em pawh a vei hma in za ah za kan hmin duak mai anih kha. Thlarau thianghlim hnathawh anih chuan sawi phak rual loh ah dah tha ila. Mahse, kan nihphung dik tak a lang chiangin a hriat tho mai. Heti taka rilru chak thenawmpa/thiante tih anih chuan a phuk a phak pawh hre lova zui ve mai thin kan nih vang hi a niang vawiin thlenga sakhua na lamah pawh rinna leh zirtirna hrang hrang ten min chhem awn leh dual dual mai thin a, kohhran leh pawl hrang hrang te kan tam em em mai ni.

Sakhuana lam chauh loh pawh thil dang kan nitin nunphung hrang hrang ah te kan ze ngheh loh zia leh kan la dawrawm zia te pawh sawi tur tam tak a awm teuh mai. Tunhnai hian chhiarpui (Census) neih mek a ni a, Mizoram hmun tam tak ah he chhiarpui ah hian tel duh lo an awm thu te hriat a ni. An tel duh loh chhan lah chu sakawlh nen a in lai chinna nei an hriat vang a ni awm e. A awlsam zawngin sawi ila he 'National Population Register (NPR)' ah hian 'Unique Identification Number (UID)' hmangin sawrkar in khua leh tui te min chhianchhiah a duh a, India ram a awm khua leh tui kan nih avangin ram venhimnan leh dan lova rawn lut ru thin te chhuichhuah a awlsam zawk na tur atan te a tangkang beisei vangin sum tam tak sengin buatsaih a ni a, chu chu ania lawm tia lo zawm ve mai awm tak kha kan sawi sakawlh zo ta vek mai a ni. Sakawlh a lo nita anih chuan India ram ah chauh sakawlh a awm dawn te pawh a ni mahna. Hman deuh lawk ah khan European Union pawisa hman tur ‘EURO' chu kan hmu sakawlh tawh bawk a, rual u deuh te sawi danin tunhma lam deuh khan Food & Civil Supply dept in ‘ration card’ an siam dawn tum pawh in an sawi sakawlh viau a ni awm e! Khawvel Kristian te zingah hian Sakawlh hmu hnem ber te pawh kan ni mai ang tih a hlauhthawn awm thin mang e.

Heng kan hlauhthawn thin leh kan buaina tam zawk hi chu nguntakin ngaihtuahna hmang ila, enge a nih a engvanga lo awm nge tih ngaihtuah in zir chiang thin ila chuan kan buaina tam tak hi chu kan pumpelh ngei ang. Keimahni in kan hrethiam lo anih pawn a hre awm leh rawn awm chi te zawtfiah ta thin ila kan buai ve hluai thin lem lovang. Mizo te hian ze nghet kan neih theih nan leh a phawvuak a kan buaina tam tak laka kan him theih nan chuan subject/discipline hrang hrang mithiam zawk leh hawiharh zawk te hi kut kuangkuah a thu mai mai thei an ni lo. A hrelo zawk te hnena zirtirna dik leh thudik zawk hrilh hriat a kawng dik kawhhmuh hi mitin hian kan tih tur ah ngai ila hma kan sawn ngei ang.

Tunhnai a sawkawlh kan hlauh em em pawh hi chanchinbu lamah leh TV lamah te a nihna tak sawifiah chu kan tlem leh viau si ang. Vanglaini website ah kan en chhin a 'Unique Identification Number (UID)' sawifiahna lam chu hmuh tur a vang pharh mai. Ka sawi tum tak zawk chu kan nitin chanchinbu sem chhuah tam berah pawh hmuh tur a awm mang loh lai hian a diklo zawk sawitu lam erawh chuan khawtin leh vengtin an dap leh lawi awm si a tih hi a ni. A hrechiang zawk leh thiam zawk te khawnge an awm tak ang le? An hriat loh vanga an hnampui te an buai lai hian sawifiah tum chuang lovin an uipui tui lian thlir ve mai mai tihna ani ang. Heng hunah tak hian alawm Mizoram hian mithiam kutchawl hi a ngah lutuk a pawina thin chu. Ngaihnep na lam nilovin a dik zawng a ziak/sawi peih ho lah tapchhak ti ti thiam kan tih ang chi thiamna sang nei lem lo hi a tam ber kan la ni bawk si, an thawhrimna leh an taimak na erawh ka ngaisang em em tho.

Mizo fate hian tunlai thil thleng leh a boruak awm dan ang zel a zirtirna dik pe thei tur mi thiam kan mamawh tak zet. Kan mithiam neih te lah hian an hnampui te tana nitin a kan nunphung a kan mamawh zirtirna tha pek tih lam ai chuan kutkuang kuah a awm a thlatin hlawh lak a material world lam a rual pawl em em nih bak hi rahbi min la sawn tir thei hrih bawk si lo. Chutih rualin Mizo mipui tam zawk hi mahni pawh a in zir fing zo lo kan ni bawk si, heti ringawt a kan kal anih chuan kan hnam hian puitlin lam aiin hniam lam a pan zel zawk ang. Mithiam zawk te zirtirna dik pe turin in tawmna puk atang khan lo zuang chhuak tawh rawh u le!

I zun leng ngaih kei zawng parte a ral thei lo....

2010-05-14T03:15:00.030+05:30

Thu leh hla lam thiam hawt lo leh insit tak chungin Pu Laltanpuia hlaphuah “I am dun ang” tih hla hi bihchiang ve mauh teh ang. Chumi hma in a phuahtupa chanchin sawi hmasa lawk ila: He hla phuahtu Laltanpuia(L) hi kum 1914 ah Sialsuk ah piangin hla engemaw zat a phuah a, a hlaphuah dang pakhat “Kan ram hi kan ram a ni” tih phei chu Mizo hnamin zalenna a sual lai vel a lar tanin a hnuthlengin Mizo National Front Party te inthlan hlapui a ni thin a ni. Pu Tanpuia pianphung hi ngo lam leh pa te lo tak a ni a, tlangval lai a mi lungleng hlaphuah thiam ni tawh in nupui fanau te neiin a tu leh fate nen Sialsuk ah a seilian a ni. A pianpui unau te zinga mi hriat lar te chu hlaphuah thiam Pi Romani(L) leh Pu James Dokhuma (Padma Shree)(L) te hi an ni.

Pic. Pu Tanpuia'n "Aw Sialkhawpui ka pianna hmun a tih chu"

Putar kum 83 mi a ni tawh a Dt.8 April 1997 khan a fanu pasal nei tawh Pi Chuhthangi te In a leng tur leh Sialsuk Gov't. Middle School-I a MUP Day lawmna hun hmang tur anga in sawiin an in a chhuahsan a, chumi tlai lamah ah chuan a chenpui a fapa Pu Laltina fate chuan “A pu chu a lo haw har tawh hle mai a” tiin a rawn haw hun tur nghakhlel takin an lo thlir a. Zanriah ei hun ah pawh an pu chu a lo haw ta mai silova a lenna, an ni Pi Chuhthangi te in ah chaw a ei nghal mai tur ah ngaiin zanriah an ei san ta a. Zan a rei ta deuh a a leng chu a rawn haw tak mai loh avangin a chanchin an va ngaichang a, a lenna atang in a haw tawh an lo ti bawk si, tumah rengin a awmna chin an hre ta hauh lo mai. An thenawm khawveng leh chhungkhat laina ho in punin an zawng ta a, an In awmna Chaihte tlang pang letliam a A.H & Vety Deparment Quarter hlui rauhsan tawh batthlar ah chuan Zoram ro hlu hlaphuah thiam mai pawh ni lo, Mizo kaihnem thluk ngei a, Mizo irawm chhuak lengzem hla phuahtu hmasaber a chhal ngam Pu Laltanpuia taksa chu hmuh a ni a, mahse bawihsawm tu pawh nei lovin chu putar hlaphuah thiam chuan khawvel a lo chhuahsan hman tawh a ni!

A thih dan hi a khawngaih thlakin a lainatawm hle a, a thihchhan han puh mai tur a vang a, vengsir mi kal pawh loh hmun a thi a nih avangin khawtlang mipui te rindan chuan a leng haw lam hian an In panin Chaihte tlang pang ah hian a lawn chho a, a hah lutuk chu a taksa lo chak vak tawh bawk si lo nen lungphu chawlin a thi ta mai ni a rin a ni.

Pic. Sialsuk Br.YMA in chawimawina thuziak an pek

Pu Laltanpuia hlaphuah ‘I am dun ang’ tih hi “Aw Sialkhawpui” tih te pawn hriat lar a hlawh viau a ni. He hla chang hmasaber ah hian a pianna khua Sialsuk chu “Aw Sialkhawpui ka pianna hmun, ka seilenna tlang liai luai” ti a bul tan in chu khua a tlangval tam tak awm zing ah chuan he hlaphuah tu hian tluk loh neiin a in hria a, a han in ngaihtuah vang vang thin pawhin a chan tawk a lungawi pui thei ngang lo aniang “Turnipui lenkawl engruai hnuai ah ka hawi vel a, zaleng an tam ka cho rual si loh sum tual ah, chantawk hmel di ka vai lung reng a awi thei lo” ti hial reng a ni.

Pic. Pu Tanpuia(L) chenna In

A hla chang hnih na ah hian chu tlangval lung reng awi thei lo chuan a rilru a a vei em em a lung ti leng tu ni bawk chu a rawn sawi chhuak ta phawng mai. Chu a lunglenna chu sawi fiah thiam a har a ti a, mahse a lung len a bang chuang silo, a duhthusam ah chuan a vei em em chuan a mah rawn duh ve se a lungawi em em dawn si a, a tihngaihna hre lo chuan chunglam a hawi a vanah thla a lo de a, thla a bial chuan rei lo te a ral leh mai thin a ni si a, mahse a he nu a duhna hi chuan ral ni reng a nei thei lo. “Sawichiam a har hril thiam a har, leng zawng a leng ngei e, ka lam sul ang lo hawi la nau ang tah ka bang nang e, chhawrthlapui zawng a ral thei chung leh lam sangah I zun leng ngaih kei zawng parte a ral thei lo.”

Pic. Awmhar Champion hovin a ralna an pek

Sialkhawpui val chu a beidawng ta deuh a niang e, tih vak ngaihna awm silo beidawng takin a tan a beidawnna leh tahna thlen tu ni turin chu nula chu a lo seilian niin a hria a, Pathian zara dam reng tur a duhsakna hlan mai bak tih thei dang neiin a in hre ta lo a ni. Chu nu lakah chuan beiseina nei ngam lo mahse pasal nei mai tur chuan a phal chuang bawk silo, mi In a pasal nei a a awm bo daih ai chuan tlangval dangte pawn lo rimin mahse pawi a ti tawh lo, chang pha lo mahse la nula reng turin a duh a ni. “Saisen nau ang tah nan chunnun nemten a chawi lian che, kumtluang tui ang dam reng la biak lai chung Pathian zarah, chhim hlei runah awmhar mi chun i chan ai chuan, dawn tam val leng karah nui rih la biang note.”

Pic. Pu Tanpuia(L) te In kawngka lu chunga in tar

A tawp a tawp ah zawng a thinlung luahtu nula chuan pasal nei a ta nge nge aniang duhthusam bak chan reng a nei ta lo. A ui lutuk chuan lo kir leh turin a duh a, zan a thla eng hnuai a tuma dip dal lova damchhung hun hman ral pui turin a la beisei ta cheu a nih chu. Sialkhawpui tlangval hian a phu loh nula hi a vei nghet hle zawng a lo nih hi! “Chhawrthla pui leh siar hmingthang chawngmawi pui eng hnuai ah, zantiang laikhum zal lo ten lam ang lo let leh la, damchhung tawite tawnmang chang tur hi han dawn la, kan lenlai en chim loh parte i am dun ang.”

A hla ngaithla duh tan heng ah te hian a awm e: Mp3 , Video

SUKOON 2010

2010-04-13T02:05:00.020+05:30

SUKOON is an annual students festival organized by Students' Union, University of Hyderabad. One friend of mine told me that 'Sukoon' is Urdu word means 'contented' or 'peaceful happiness/ satisfaction'. Due to some conflicts in campus students politics the so called 'SUKOON' could not be held in last year. The two main parties in campus -SFI and ABVP always misunderstood each other in organizing SUKOON festival, so many internal political fight (poster war, physical attack, boycott of organizing committee, etc.) happened in this year also. After such a long wait and the prevailing rumours intruded our campus SUKOON 2010 came into reality at 7-10, April. It was held under a peaceful and enthusiastic manner, many thanks goes to organizing committee!

Here are some pictures of SUKOON 2010:

SUKOON decoration, Open Dias

Mehandi

Orchestra night, Open Dias

Audience enjoying orchestra night

University T-Shirt selling stall

Sukoon stalls

Rock Night

DJ Night

UoH students enjoying DJ night

DJ night-Students enjoying DJ-Ajay's music

Open Dias 'Rock Night'

Live Rock show!

Lets rock!

Audience@Rock night

Rock Night!@open dias

During SUKOON 2010 many stalls and entertainment services were available in our campus. The most inspiring stall to me was Louis Braille Stall by Visually Challenged Students, they displayed many interesting tools and instruments for visually challenged students. He is(see pic) the one who kindly demonstrated to me about the Chess Board for Blind. Though he could not see anything in his eyes but he didn't misplaced any of the single 16 pieces. I really appreciated his great work!

More pictures of SUKOON 2010 can be seen at:
SUKOON 2010@Photobucket
SUKOON 2010(day two)@photoblog
SUKOON 2010(Day three)@photoblog

Jerusalem Zion Khawpui- Suakliana

2010-03-30T05:00:00.007+05:30

Good Friday dawn hnaih vel hian Mizo hla a thluk nem deuh, lengkhawm zai lam hian lung a ti leng ve tlat thin. Chung zingah chuan Mizo hlaphuahtu zing a mi Pu Suakliana(1901-1970) hla phuah a tuarna lam hla 'Jerusalem Zion Khawpui' tih hian Good Friday boruak ah min chen tir fo mai. A hla thunawn ah hian khawvel a hnam hrang hrang leh mi chi hrang hrang te hi "Lal Isua tuarna' hian a bo a bang awm lovin min huam tel vek a, tumah kan dang tak tak love" tiin a sawi a. Chu tluka inpekna thuk leh tawrhna nasa chu he khawvel a mihring piang chhuak tawh zing ah hian kum 2010.A.D. kan chuan kai hnu meuh pawh hian an la awm ngai lo. An awm thei tawh ngai bawk hek lovang. Lal Isuan kan tana a tawrhna hi kei ang misual tan hian lo sawi nep chi a ni hauh lo!

Good Friday present atan a hla thu(lyrics) leh video hei le!

JERUSALEM ZION KHAWPUI
Phuahtu: Suakliana

1. Jerusalem Zion khawpui chu thlir teh u,
Aw mi an tam, beramno Lal lennan hmun a awm lo;
Aw lungngaihna leh lawmna Kalvari tlang a lo lang e.

Thunawn:
Aw hnam zawng zawng leh chi tin tawng tin hi,
Vanlal nau ang a tahna Kalvari ah an dang chuang lo ve;
An dang chuang love chitin tawngtin hi,
Vanlal nau ang a tahna Kalvari ah an dang chuang lo ve.

2.Jerusalem khawpui thar nuam chu thlir teh u,
Aw mi an tam beramno lal lenna hmun mawi ah chuan;
Aw Kalvari ah Pathian khawngaihna dawn a tul mange.

3.Haleluia! hrilthiam ila Haleluia!
Aw hmangaihna dai chuang ngailo nunna parmawi;
Sawithiam awm maw hrilh thiam awm tak ang maw Aw hmangaihna hi.

Ka Pa in an hun lai a Good Friday an hman dan min hrilh ka la hriatreng chu Good Friday Ni hian Kohhran Nu hovin Biak In maicham leh pulpit ah leh a remchang laiah puandum an zar a, an tap hawm hawm thin a ni awm e. Chubakah Lal Isua thihna sun nan khawpumin an hriat theih turin darkhuang an vaw ri thin a ni awm e. Kan Mizo Kristian hmasa te khan Good Friday hi an hriatthiam ang tawkin a takin tawrhna tak tak nen an lo hmang thin niin a hriat. Chutianga hman chu a tha ber anih leh nih loh lam chu ka hre chuang lova, mahse hetia Mizote Kristian kan nih hnu hian kan hmandan leh lawmdan tam tak hi chu a danglam ve telh telh niin a hriat ve theih.

Mizo khawtlang in a mitthi kan sun thin dan anga pawndum leh darkhuang te nen a an lo hman thin lai khan Mizo takin Lal Isua thihna hun an lo hmang a, an rilru tak tak in an tuarpui ngei ka ring. Hetiang ang tak hi a lawm kan hnam nun mila Kristianna kalpui hian kan thinlung ah a fiah deuh zawk ka beisei ve thin. Tunlai hun ah chuan hmanlai angin puandum leh darkhuang nena Biak In vela lo phusak chiam chu a rem tawh lem lo, mahse kan thusawi leh in zirtirna/in kawhhmuhna lamah te hian kan Mizo khawtlang kalphung mil zawnga kan sawifiah theih chuan kan thinlungah awmzia a nei thuk zawk ngei ang.

Clock Tower

2010-03-09T02:44:00.007+05:30

Pathianni inkhawm kal lam leh haw lam hian Clock Tower, Secunderabad-a mi hi kan tlan pel ziah thin a, Hyderabad Mizo te inkhawmna Biak In(Centenary Baptist Church) bul lawk a awm anih avangin Ricksaw driver nen a in dawr angaih chang pawh hian "near clock tower' tih hi kan lam ri zing thin khawp mai. Pathianni inkhawm a kan tlan pelh zin teh reng nen hian 'Clock Tower' chanchin erawh ka lo hre ngai mang hauh lo thung.

Internet lamah a chanchin kan google zuai zuai a tiang deuh hian mithiam ten an lo ziak a:- Khawvel ah hian Clock Tower an hman hmasak ber chu Tower of the Winds, Athen ami a ni awm e. (A chanchin hre chiang duh tan hetah hian click mai tur a ni e-Clock Tower history). Clock Tower an sak/siam thinna chhan hi alo ngaihnawm khawp mai. Kum zabi 12 hmalam kha chuan mi zawng zawngin sana an la nei lova, sana nei chhun chu tlem te anni awm e, kum zabi 18 hmalam ah pawh mahni In a sana kawl chu tlem te an la ni a. Tunlai angin sana neih mai mai te awlsam hek lo khawpui hmun laili lai emaw a remchang lai ah sana lian(Clock Tower) hi an siam thin a, darkar bi in a ri thin a, khawpui a mi cheng ten sana an neih vek loh avangin chumi ri mil chuan an hun an lo vawng ve mai thin a ni, thil tangkai tak a lo a ni. Sana lian chumi hun awm vel ah a lo rik chuan an tih tur hun (zing thawh hun, chaw ei hun, hnathawh hun, zanriah ei hun, mut hun etc.) an hriat theih phah thin a lo ni. Tin, khawpui a cheng ten darzat an hriat duh chuan a hmun ah an va kal chilh a an en mai thin a, sana pakhat kha mi tam tak in an hmangtangkai thin alo nih chu. Clock Tower an siam chhan hi khawpui cheimawina satliah mai mai atan alo ni lo tawp mai!

Clock Tower, Secunderabad a mi hi a chanchin ka hre thui lo khawp mai a, internet lamah lah hmuh tur avang. Ka hmuh chhun ah chuan hetiang hian an ziak: He clock tower project hi kum 1896 ah zawh ani tawh a, mahse a kum leh 1897, February 1, khan British sawrkar aiawh a ram awptu(Resident) Sir Trevor John Chichele Plowden in a a hawng tih bak chu a chanchin han chhui mai tur avang khawp mai. (He tih hunlai hi Sir Trevor-a fanu Pamela leh Winston Churchill te in ngaihzawn lai vel a ni). Engpawh nise hman leh vawiin thleng hian khawpui ti mawi tu leh mi te hlut a la hlawh reng a ni.

SMS JOKES:) part-II

2010-02-21T05:45:00.007+05:30

A ho viau nang a ka tui lak lawh tlat, a tharin sms jokes part-II siam leh mai ang!

*Pa Pakhat pawh kha a thinrim hian khua ahmu lo thin a a thianten an kai thin!

*Sakeibaknei vawi-3 a hram hian enge thleng dawn an tih kha?..........Tom & Jerry a chhuak dawn!

*Tlangval pahnih pawh hian Anganwadi an rawk ve ringawt a ruk tur a lo awm leh mang silova naupang in bukna ah te an in buk dun vel ta mai mai a...

*'Krismas kawrmawi' tih hla a naupang te in "min lei tir rawh Rs.10/-" in atih khan dawrkai pa kha a tap a. A chhan i hria em?....................A lakna pawh a hlep pha dawn lo a:)

*Rawngbawlpui duhtak, Chibai le, keini KTP te chuan sum tuak nan naktuk zanah kan rawn bual dawn che a, khawngaih a lo leng chhuak lo turin kan ngen a che.

*Pa pakhat phunchiar pawh kha Biak In sermon a ngaithla ve a: Thusawitu khan "Vanram ah chuan Lalluukhum kan khum vek tawh ang" a tih lai te khan, "Lallukhum pawh a nih loh chu, Vantlang lukhum anih chu" lo ti vel a. "Pathian dinglam ah kan thu ang" a tih lai te khan "Kan va tlar thui awm pat pat ve" lo ti leh hram..phun peih ve mai mai!

*An khaw mipui kha an lerh lutuk a, an ar khuang te pawh in "Lungrun" an ti ngawih ngawih zel.

*K.S pakhat retired tawh pawh hian a fate hnen ah "Kan in hi mu chunga ka thawh chhuah vek a nih hi" lo ti vel ham ham mawle.

*I baptisma channna certificate i tih bo avangin tun chawlhni lo awm tur ah hian i nu leh pa ten an pawm che ang a Pastor in Biak In ah a hlan tha leh dawn che:)

*An chakai khawrh kha a vang lutuk a, a tawp ah lungpui lian deuh hi an kar phawk a, chakai te takte chauh hi a lo awm a, an beidawng tihngaihna hre lo chuan "Mama, khawnge i chhungte?" an ti ta vel mai mai.

*Nizan dar8 vel khan Lunglei Theiriat veng ah Pu Liansiama'n a nupui Pi Thangmawii chu ngawirenga pan phei in chemte 1.5ft a seiin vawkchaw a va chanpui.

*Nang hi min duhsak thin a, min ngaipawimawh thin in ka thil sawi apiang min tihhlawhtlin sak thin tih ka theihnghilh ngai lo, khawngaih takin i hman lo viau anih loh chuan thil pakhat min tih sak lawk turin ka ngen a che, i tan chuan thil harsa tak a ni lo ang tih pawh ka hria.....KA MSG HI LO DELETE LAWK TEH!ha ha

*Nula pakhat awmtha duh lo lutuk pawh kha a nu leh pa ten an hau a, "Mami hei a hmingin kohhran hruaitute kan ni ve si a, i awm dan hi a zahthlak zo zai ta, mi tin mi tang i kawp a, khawhawi ngaihna pawh kan hre lo" an ti a, Nula chuan "anih chuan... ka la thu lang tal ang":) hrat ve khawp mai!

*Ral atang a lan dan chuan chu pa chu thawm a va rawn nei nasa deuh ve an lo ti rilru a.. a lo hnai zel a, hnim te chu a rawn pal phei buan buan tawh a, a hmel lah a sen tawn tawn a, biak ngam mai hmel pawh a pu lo, a thlan in a bual huh nuaih tawh a, a kal chak dan lah mihring pangngai ke pen a ni lo. Ngam leh ngam lovin hlauthawng tak chungin "thianpa khawnge i kal dawn?" an lo ti a...Aw teng chhuaiin " Ka ek a chhuak lutuk tawh!" a ti vin hlur mawle! I nih duh hmel!?:)

*...iiiiiiiiiiiiii-electric bill pe tur in tlar lai lem a nih hi.

*®- Ar a bawm chhunga a awmlai lem.

* ~ - Anil Kapoor a hmuihmul lem a nih hi!

* Pa pakhat zamawh sawi hrat deuh pawh kha nula tleirawl rual ho hian an ning lutuk a tumkhat chu kawngah an tawk thut a an hmuh veleh zamawh a sawi ang tih an hlau lutuk khan an tlan chhiat san nghal a, an zinga tlanmuang ber chu va umpha in a man bet a 'a hrilh nghal mawlh mawlh mawle" hrat ve triah triah!

*Pa pakhat damlo pawh kha a an khirh mai mai khawp a chhungten an tah laih laih a, a fate chuan "Ka pa enge ei chak te i nei em, engpawh nise kan ngaihtuah vek ang, i duh duh sawi rawh" an ti a. Muang changin thei leh thei lovin a rawn in let a zawi sap in "Sakei chek ka ei chak!" a rawn ti hram mawle.

*Tuichhunga lut chi ho Oxygen bur nena inthuam tap ho hi TV ah a hmu a, lo la hmu ngai hek lo thosikap ho tui ah an tla amaw te a ti vel:)

*Khawtlang tangrual: An veng tlangval pakhat B.A exam lai te kha an veng kawn ah Big Screen in an lo en vel.

*###########-Sairang a relkawng lo lut tur an sawi an sawi thin lem a nih hi.

*An veng ah khan nuthlawi easy ve deuh a awm a, tlangval pakhat hian a easy tih an sawi hria in beisei tawkin a va leng ve a, bul han tan mai dan thiam hek lo, a thiam tawpin a thut hnaih ve a, thil hrilh tur che ka nei a ti ve sa sa , nuthlawi chuan " enge ni ta, nang meuhin in min rawn len chilh tak hial chu?" tiin a zawt let a, chu tlangval chuan "Englo a nia, ka sawi pawp mai ang, i sihhnip(easy) lutuk an tia" a tih mauh chu. Hlawhtling lo chiang mai mai!

*An sikul a drawing subject- a zawhna kha chhan a har awm mai mai asin- 'Mi pakhat hur ngawih ngawih lai lem ziak rawh' tih te a nia.!!

SMS JOKES:)

2010-02-02T17:02:00.003+05:30

Mizoram leh Northeast India- hmun hrang hrang ah Mobile phone operator ten unlimited sms offer an siam miau si a. Karhla atangin thian ten sms nuihzathlak deuh te, nuihzathlak vak lo te, a chang chuan ninawm deuh te min thawn zut mai si a, he lam kan awmna Hyderabad lamah pawh unlimited sms pack lo awm ve zel nen ka inbox a khat zo tawh blog lamah hian dahtha tawh mai ang, ho viau mahse post tur dang avang hrih emai!

*In ban phar ru, misual kan nih hi. Mipa hmeltha ding lamah, hmeichhe hmeltha veilamah. Hmelchhe ho kha alaiah kal ru. Hey, nang sms chhiar mek kha a laia ah kal ve nghal rawh!

*Pa Pakhat love letter ziah dan: Dearest, Thuami, Min hmangaih em? Yes( ) or No ( ) Tick rawh. Peka i lo pe leh mai dawn nia.

*What do you usually say after sex? I LOVE YOU? wrong! THAT WAS GREAT? Wrong again! I LOVE IT? Wrong again! The answer is Khawnge ka kekawrte a awm?

*Always send good sms 2 others...so that when you die, people will remember you by saying " Mawl ve heihui na a, message chu bei nalh ve phian thin sin mawle:D

*Rape is not a crime....#its....# its # a..."Surprise Sex!"

*Thingpuidawr pakhat a an menu te: Chawkan upon bal, Telhawng with fried Aidusentil, vegetarian saum bawl, Sawhthing thukphum, Berul a laia baibing dah!!

*Wife-"Remove my skirt", Husband-"Ok", Wife-"now remove my panty", Husband-"ok", Wife-"take off my bra first", Husband-"ok, ok..i'm doing it", Wife-"next time, never wear my clothes".

*Mi pakhat pawh kha Pathian nen khan an inpawh awm asin, a chawei dawn te hian chunglam enzeuh pahin "ei a nia aw" te a ti vel!

*Khawvel ramnuam leh changkang leh eng anga thianghlim ah pawh kal mahla..A ruka i ek a chhuah chuan nuam i ti tak tak chuang lovang:)

*Bible ah khan "Mahni ta chuah en lovin midang ta pawh en ve rawh u" ati a. I ta kha ka lo en ve dawn a mi? I phal lo chuan Pathian thu awih lo ini mai:-)

*What is globalisation? Ans-Diana's Death.. because this involves an English princess with an Egyptian boyfriend in a German car driven by a Dutch driver crashes in a France Tunnel while being chased by Italian paparazzi on Japanese bikes, treated by Portuguese doctor with Brazilian medicine..this sms is sent by Indian genius on a Chinese phone smuggled by a Pakistani via Nepal..finally this is read by an Indian who looks like a Mongolian but a Mizo!:)

*Naupang pakhat hian apa hnenah "Ka Pa" atia, a ko zawi deuh nge ni, apa khan a hre pha silova engtin mah achhang lo!

*No mawi tak chhung ah pawh thihna tur a awm thei a. Rose pawrmawi tak pawhin min tina thei hling a pai si. Kumtluang par pawhin kumtluang a daih zo lo a, chuailopar meuh pawh a chuai thin na khawvel ah hian Hmangaihna tawngkam thlum takah pawh inbumna a awm thin...chuvangin i hma hun lo thleng turah hian chhiatna laka i fihlim thieh nan i mutdawn ah action 'themthainu mawng tawlh, mawng tawlh' tih kha lo sa thin ang che..

*Mothar pakhat pawh chaweia an awmkhawm thap laiin a pasal hnen ah ka rin aiin i zang daih a ti:)

*You are Great, Outstanding, Realistic, Intelligent, Loveable, Adorable...in short GORILA..ha ha

*∑..changpat lem anih hi! khua a ro a a thi aniang!

*Nula leh tlangval inngaizawng pawh kha an inhmangaih lutuk a..nikhat chu lui ah an kal dun a, an kalna chu a hla bawn tawp....an thlen hunah ka lo hrilh leh ang che!

*..... Ø, fanghmir panga in lungpui an panlai anih hi:)

* Aruka star tu deuh che an awm a, i no. min dil min dil a, ka lo pe mai asin, amah chu hmeltha ve tak ani a, tha i ti ve tho ang, pawi i ti em lovang chu tih hi inthawnkual vel mai mai anuam tawp:)

*Tlangval pakhat pawh kha a bialnu nen chance an nei dun hmasak ber in a zei lo lutuk a, a bialnu inringlo lai a MAWNG SUZI vel:)

*Hmai pahnih nei an tih ang hi inih ka ring lo, achhan chu hmai pahnih chu neila tuna i hmai zawk kha i vuah duh ka ring lo:)

*Life is very ho, sometimes we piang, we seilian, we rilruna, we awmngaihna hrelo, we have natna, we die, heaven kai dawn hlauh chuan a zia, bak zawng ho lutuk engmah nilo:)

*I tello chuan nikhat hi nileng a ni a, darkar khat hi minute 60 ani a, kumkhat hi ni 365 ani a, karkhat pawh hi ni 7 a ni a, minute khat pawh hi second 60 ani a, a rei asin!

*Tlangval pakhat sual lutuk pawh kha a pa thinrimin "I sual emai ka Pa pawh min ti tawh suh" a ti a, a tuk ah an in tukverh ah ava dak a chhungte chuan chaw an lo ei mek a, a pa lam hawi chuan "Pu Chala chu iva bar lian ve" te a va ti vel, sual thiam khawp mai:)

Advance Christmas hi enge a nih chiah le?

2009-11-23T04:55:00.008+05:30

HMCF executive committee meeting in ‘Advance Christmas Programme’ hman a rawt avangin vawiin hian Twin Cities (Hyderabad leh Secunderabad) a awm Mizo ten ‘Advance Christmas’ hlim takin kan hmang thei a ni. Vawiin a kan hun hman ‘Advance Christmas’ kan tih lai tak hi enge a nih chiah ngaihtuah ho dawn teh ang u. Kum tin Krismas a hnaih tawh chuan Mizoram chhung ah a ni emaw Mizoram pawn ah pawh awm ila a bikin thalai tamna ah chuan ‘Advance Christmas’ hun hman hi kan tihdan phung pangngai ah a ngaih theih tawh hial awm e. A hming (term) ‘Advance Christmas’ hi saptawng ni mahse kan tan chuan a mikhual tawh lova a awmzia leh nihphung pawh inhrilhfiah hran pawh kan ngai tawh lo. He hunah hian enge tih tur a enge kan tih thin chu kan thinlungah a chiang sa tawh a ni. Chuti taka kan hman lar leh kan tihdan phung pangngai ang hial a kan ngaih ‘Advance Christmas’ hi engtik lai atangin nge Mizo te hian kan hman tan a a hming hi tu phuah chhuah ni ta ang le?

‘Advance Christmas’ hi enge a nih chiah? tih hi in zawt ta ila in ngaihtuah buai miah lovin “Krismas lo thleng tur urlawkna leh chumi atana inbuatsaih lawkna” tiin emaw “Krismas a thlen hma a lo lawm lawkna” tih te in emaw kan sawi ngei ang. Kan tawng ani silova heti tak hian Mizo te hian kan hmang uarin kan sawi ri tam si a ‘Advance Christmas’ hi enge a nih chiah hriat tumin internet lam ah te han en lah hian chhanna mumal hmuh tur a van gem em lawi si. Search engine lar google ah meuh pawh a hrilhfiahna lam hawi hmuh tur a vang khawp mai, mak ve mai mai chu ‘Advance Christmas’ ti a zawn chuan a chhanna ah pawh Mizo website/weblog a lang nasa khawp mai. Heng te avang hian ‘Advance Christmas’ tih tawngkam hi Mizo saptawng thiamte chher chhuah emaw Mizo te duan chhuah a ni thei mai angem? tih hi ngaihtuah theih tak a ni.

He tawngkam ‘Advance Christmas’ tih hi sapram lamah te an hmang ve ngai em tih te ngaihtuahna ah a awm a, vanneihthlak deuhvin United Kingdom-a awm mek Mizo pakhat Cambridge University a lehkhazir lai ka be pawp hlauh a, a ni in a sawi dan chuan Krismas lawmna programme an siam thin ah ‘Advance Chrismas’ tih kher hi chu a tawngkam lamah chuan an sawi rik a hriat ngai lo thu in min chhang a ni.

U.K. tih loh khawvel hmun dang ah te ‘Advance Chrismas’ tih tawngkam hi an hmang thin em tih erawh han zawh mai tur ka hriat loh avangin chiang takin ka sawi thei lo thung. Amaherawhchu hmang thin nise internet lamah te pawh a hrilhfiahna emaw a kalphung sawina hmuh tur awm awm tak a ni a, hmuhtur mumal a awm lo viau mai. A ang teuh deuh ber chu ‘Advent Christmas’ tih hi a ni a, ‘Advent’ tih chu Latin tawng niin ‘thil lo thleng mek’ (a coming or arrival) tih na a ni mai awm e. Khawthlang rama Advent Christmas an hman thin lo chhuah chhan chu a mawl thei ang ber a sawi chuan Pathian in mihringte a hmangaih em khawvel a ah lo kal in mihringte hnenah a rawn cheng a, chu avang chuan hlim tak a lawm hi kan tih tur a ni tih rilru pu in an hmang thin a ni. Advent Christmas hi kumtin Krismas ni a thlen hma Pathianni vawi 4-n atanga hman tan niin urlawk zan(24 Dec) ah tawp thin a ni. An hun hman dan leh lawmdan kalphung hi Good Friday leh Easter Sunday dawn a khawtlang lama ringtuten ‘Lent’ an hman thin ang deuh hian Lal Isua tan a chawnghei leh Krismas lo thleng tur a atan a in serh hranna lam hawi a ni.

Mizo te’n a ‘Advance Chrismas’ kan tih ah erawh hi chuan chutianga hun hman emaw Krismas thleng daiha tur programme inchhunzawm chho zat- chumi ni ah chuan chu chu tih tur ani a, a tuk ah chumi lam hawi a programme hman chhunzawm tur tih ang chi emaw inkaihhruaina engmah kan siam ngai chuang leh lawi bawk si lova. Nguntaka ngaihtuah in ‘Advance Chrismas’ tih tawngkam a kan sawi thin hi kan tawng ni lo mahse kan hman dan leh a kalphung hi a Mizo ta riau in a hriat theih! A tawngkam a kan sawi anga programme siam leh hun hmang hi khawvel hmun danga Kristiante pawh an tam lo viau mai thei a ni.

A grammar zawng a chhutin a dik nge dik lo tih lam chu kan zawhna ni lo se, ngaihtuahna ti zauvah ‘Advance Chrismas’ tih loh pawh hian hming dangin ‘Pre-Christmas Celebration’ tih te, ‘Pre-Christmas Meeting’, etc. tih te pawh an hmang thin bawk. Kei ni tan chuan ‘Advance Chrismas’ chu nikhat emaw zankhat atana Krismas lo urlawk na atana programme kan siam hi a ni mai tiin a tawi zawngin kan sawi thei awm e. ‘Advance Chrismas’ tih chuan keini Mizo te thinlung ah hian inhrilhfiah leh chuan pawh angai tawh chuang lova enge a nih hi a chiangsa em em tawh a ni! Chuvangin ‘Advance Chrismas’ tih hi kan tawng em chu ni lo mahse Mizo Kristian te “concept/conceptual term”a ni ve mai ti ila a pawmawm thei khawp ang. Nang enge i ngaihdan ni ve le?

(He thuziak hi HMCF Chanchinbu GILEAD 22 Nov 2009 a chhuah atana ka ziak a ni ve e!)

Because of APJ...

2009-11-16T03:10:00.005+05:30

Pic- Dr.APJ Abdul Kalam and Dr.Sayeed Hasnain(VC U0H)

I was woken up early in the morning(not exactly) as I got a telephone call from HCL Business executive who called to tell me that that his technicians would repair my laptop wi-fi hardware. After few hours, the HCL technicians dropped in to my room but our hostel power line had gone off so nothing could be done! Another gentleman, along with myself who was also having wi-fi problem and the two HCL Technicians decided to move our work to MH-C where my two colleagues were waiting for us. As power line could not be retrieved even in Men’s Hostel –C, we the four laptop wi-fi hardware victims, proceeded to our University Library where we would have power supply and internet facilities. Our technicians started their works but it could not be finished within an hour so we ended up spending the whole day in the library premises. When we got back our laptop, it was already 4:30 P.M. so we had our untimely lunch at shopping complex. I hurriedly went down to my room and took bath as quickly as possible. Then, I hurriedly proceeded to the DST Auditorium to see our Former President of India, Dr. APJ Abdul Kalam who had come to our campus as a Chief Guest at the University Achiever's Award and Inauguration of Centre for Nanotechnology, University of Hyderabad.

Pic-Crowd outside DST Auditorium

Pic-Crowd shouted to open the doors

When I reached to the DST Auditorium it was already crowded. The policemen and security guard were in line all the way, I opened my camera and entered inside the gate, the guards on duty gestured me to stand in the queue that had already been formed, but as I could not find a space for myself in the line I headed towards the ladies line where I hoped I could capture APJ’s pictures as he arrived. Unexpectedly, the Police chief came to me and angrily asked me “What do you want?” Before I could reply his constables hastily pushed me by the arms and brought me back to the crowd. I lost my cool and shouted to the constables, not that it made any sense! One Khaki walla spoke in Hindi and gave me a good scolding, I requested him not to speak in Hindi as I couldn’t understand but he said, “This is Bharaat and you have to understand!” I can’t help it if I don’t understand! I looked at him and said, “This is our university; do not push me like this!” But then he was not listening to me at all. The crowds watched us as my face got red with anger and my heart beat turned to full speed. It was my first time clash with a policeman in a public place. Though it was a bad experience, I now realize the rudeness and loutishness of Cyberabad Policemen. It’s OK, they’re just doing their duty, I do not blame them but it will always be a bad memory and an unforgettable experience of my life!!

Pic- the doors are opened at last!

Pic-Dr.APJ Abdul Kalam

My point is- if the Police Inspector had asked me properly my intentions or the reason why I was standing in the corner side things would not have gone wrong, his constables as well would never have disgracefully forced me back to the crowd. I am just an innocent Student of the campus, before this incident I never thought that policemen could be such big idiots! Luckily, I am educated enough to salute VVIP and respect national leaders. I feel very sorry for those Policemen who misconceived us with Naxalites or fucking terrorists, we are just university students not barbarians. Do the Policemen have the rights to interfere wildly like they did to an innocent person? I pray for those blatant Policemen so they may use their rights and propagate their duties in a right way.

Pic-Inside the auditorium

The VVIP then arrived, due to security reasons all the auditorium doors were locked inside but the crowd started shouting asking the guards to open the door. At last, we entered the auditorium. All the doors were fully crowded but by chance I was able to enter through the right door so I could finally click Dr.APJ Abdul Kalam’s pictures live! His speech was simple yet interesting, lovely and memorable. It sounded simple but transcended a deep echo in our hearts. He talked about nano technology, he talked about the fact that peacock feathers could never change color even if it fell from its body. It may be used for any purpose. He said that its originality could not be washed away and that was a simple example of nano technology. I am not from a science background and am not interested in science and technology but because of APJ now I came to understand what nano technology is. Thank you Sir!

Another memories from Mizoram

2009-10-07T03:34:00.014+05:30

Last time I've posted some pictures from my home place -Mizoram that were exclusively taken by me. But now the following landscape pictures are mostly taken by my elder and younger brothers. I am very glad to them because whenever they go out with camera they used to capture some beautiful pictures/scenery as much as they can and save it in hard disc for me as usual i often brought back to hostel when my vocation ended. Here are the landscape pictures have a nice view:-

**click the pics for larger view**

Pic.1-View from Hmuifang tlang

Pic.2 Fog during winter

Pic.3 Fog ceiling Samlukhai Village

Pic-4. Fog over Changte River

Pic.5. Last sunset in 2008, Sialsuk Village

Pic-6. Batling tlang, Sialsuk village

Pic. 7. Way to Lunglei nearby Sialsuk village (newly constructed under World Bank Road Project)

Pic-8. Cultivation(jhumming) Hut

Pic.9. Grazing Cattle

Pic.10. Ariel view of Sialsuk Village from Hmuifang tlang

Pic.11. Sunset when everyone set to welcome new year 2009

Pic.12. We used to say 'highest road in Mizoram' Hmuifang tlang

Kan Sikul

2009-09-17T06:56:00.007+05:30

Pic-Sialsuk High School

Kum 1952 a din kan khaw High School hi uluk takin "Sialsuk Government High School, Sialsuk" kan ti deuh kher thin! MSLC kan pass ve a, phur takin admission ti turin H/S office Pa Thana Office tukverh te lo in hawng ah chuan kan Transfer Certificate leh chhungten admission fee tur min pek pawisa kan pe lut ve a, kan khua a zirna in sangber a lut tur kan ni ve ta a, kan hlim zia tak kha aw! Kan khaw High Sikul ah hian kum thum ka lut a, kan luh tan tirh kum chuan kan pawl ah pawh a te pawl ka ni a, kan thianho kha kan intiat tlan deuh avangin kan zitirtirtu ten chawlhlawk hun lai leh sikul ban pah a thil ti turin min tir fo mai.

Pic- Sialsuk H/S view from chaihte tlang

Hmundang sikul ang lo takin Student Union ti lovin Student Council kan nei a, kan hruaitu ten 6 July ah Council day ruai nen ngei a hmanpui min duh thin avangin zirlai te kha thiam ang tawk tawkin kan inhlawh thin a, sikul chawlh ni leh kar lak ah zirtirtute chawlh an dil a, mi thingzai thiar te, lei laih te, thingtuah tur te la in kan hnatlang thin a. Khuaihnuai rama thingzai kan thiar tum chuan kan lo la te viau aniang kan thian ho 5/6 vel khan thingzai 1(3X4) kan zawn a kawng a chho deuh nen kan hahpui ve khawp mai. Chhun chaw hmeh atan dal leh sangha tin chhumpawlh kan hmeh thin a, kan tlai pui em em thin. Chaw ei kham ah fiamthu thiam deuh leh tlem a u deuh te an in kap tawn kan nui dur dur thin a, ban dawn ah hming lamna hun kan nei leh a a kallo te kha chu pawisa chawi ngei a ngai thin. Council day a lo thleng ta kan nghahhlelh em em a nih avangin uniform ha lovin mahni thawmhnaw neih that ber kan ha chhuak a, pawl riat naupang ho kha chu new comer kan nih avangin ruai theh na tur bungbel leh tui chawi vel kha kan tih tur a ni tawp a, programme hlimawm tak kan hmang thin. Zu in phal loh ni mahse kan ute deuh lo inti tlangval deuh chin ho thenkhat te kha council day hman zawh tuk vel ah chuan Sikul atanga kar 1/2 suspend an tawk ve fo mai. Malzai(solo), Drama, Debate leh quiz hlimawm tak te kan nei thin a, a hun lai chuan a tluk awm thei pawn ka hre bik lo, a lo nuam thin a ni.

Pic-Sialsuk H/S view from Hall tlang

Exam dawn a lo ni a thut dan tur kan zirtirtu ten an han siam fel a, zirlai ho kha min han thut chhin tir vel a, kan thut pui tur te hmeichhia emaw kan nel vak lo te an nih chuan nuam lo ve duh tak a ni. Zirtawpni chawhnu ah W.E hun a nih thin avangin SUPW(Socialy Useful Productive Wok) kan hmang thin a, thlanmual kawng siam that, thlanmual sam fai te, sikul hung na tur thingtuai leh palban emaw mau te kan pu thin bawk. Tumkhat Kan Headmaster Pu.Ralkapa hovin Sialsuk Field sir ah tuiluan kawr tur kan siam tha, DDK-Aizawl ah Kut hnathawk tute pual in Basmati buh chungchang an rawn sawi hi kan en fuh pek a, hna kan thawh pah chuan "basmati" kan ti chhen a, kan hotupa meuh pawn a tawp lamah chuan "basmati" a rawn ti ve ta a, kan hlimpui khawp mai.

Pic-view from teachers' common room

Infiamna lam ah erawh kan pawlpui ten volleyball an ben peih em em laiin keini thian ho ve kha chu Annual Sports kan nei dawn tum ni ta in ka hria kan Sir pakhatin kan tet deuh vang nge ni Hmeichhia team 1 nen a volleyball ah in tum tir min tum a, keini thianho khan beng ve ngam ta lo chuan sikul hnung lamah kan tlan chhe nasa mai, infiamna lam kan ti mi lo tlang a ni e.

Pic-Sialsuk H/S step and canteen

Student council hruaitu thlan tum a zara(ka thianpa ka hmingpui) nen a nominate a tel miah lo mipakhat hming kan ziak lui hram te kha kan lo hoh zia ti lang tu pakhat chu a ni ve a ni. Kan Sikul kawt ah hian lungme deuh chang lutuk lo hi a awm a, tah chuan Tluangtea'n uluk takin motor kawng a siam thin a, keinin ram chin kan lo insem ve a, mahni pual a lem mah nise ram ka neih ve hmasak pawl a ni ang! a hming ah pawh "Kutudu" kan tih tak nghe nghe kha! Dangdai thin khawp mai. Thing kan put tuma Tlangkhamphei Lunglian hmun a K.Siama'n "Butter ka chawm tawh" a rawn ti chhuak ringawt te kha tun thleng hian engvanga rawn sawi chhuak ngawt nge a ni tih kan la hre chhuak zo chuang lo!

Pic-Teachers' common room

Hnehzauva kawrlum hma a 'O-Zell, O-Zell, O-Zell' tih in ziak te, Hualdinga Jacket a 'Nissin' tih inziak a awm vang mai a "Nissin" ti a kan chhaih a a huat ve ngawt thu te, Tesawma T-Shirt hm a "No Problem" tih inziak te kha mitthla ah a la cham reng mai. Biakvela kawr hma inziak DIDAS tih nita in ka hria chumi hminga amah kan koh ngawt thin lai te kha aw! thildang inziak thenkhat te chu "natural heart" tih te, "Comfortable" tih te kha ka mitthla ah ala cham thei nia. Kan nun kha lo mawlmang in lo ho thin viau mahse kan zirtirtute an fel a, vawiin thleng hian he sikul a ka lut thei hi vannei ka la in ti tho tho, an mi zirtir na vang liau liau tun hun thleng hian zirna te chhunzawm theiin ka la awm ve a ni tih hi sawi telh talh ka duh.

Pic- Cl-Viii kan nih lai kan classroom thin

Tun apangin khang hun lai kan ti ve tan chu a nia, ka pawlpui te a bikin ka thiante ti teh ang-Zara(Chhunrawl Weekly Editor), Tluangtea(BD Student, ATC), K.Siama( New Atlantis School), Biakvela(Sir), Hnehzauva, Tezuala(Electronics expert), Muansanga(Pee-Doh), Hmuaka(Nupui sun) te nen phei kha chuan tun thleng hian hmun hran hran ah awm mah ila, kan thinlung theuh hi ala in hlat tak tak thei lo. NCC kan parade lai te, CATC kan kal tum te, Study Camp te pawh sawi tur ala tam mai phur a chhuah leh thut leh la chhunzawm ang!!

Pic- H/S a chung rawng an hnawih hma