Velicham Students

ஏழைகளின் உயர்கல்விக்கான பொதுநல வழக்கில் வெற்றி… மகிழ்ச்சியை உம்மோடு பகிர்ந்து கொள்கிறோம்….

2012-10-16T07:42:00.001-07:00

கடந்த ஆகஸ்ட் மாதம் 16ம் தேதி சென்னை உயர்நீதி மன்றத்தில் இரு பொதுநல வழக்குகளை வெளிச்சம் பதிவு செய்த இரு வழக்குகளில் ஒரு வழக்கில் வெளிச்சம் வெற்றி பெற்றுள்ளது.. என்பதை தங்களுக்கு மகிழ்ச்சியுடன் தெரிவித்து கொள்வதோடு…. வழக்கில் வெற்றிக்கான நிமிடங்களையும், அனுபவங்களையும் உங்களோடு பகிர்ந்து கொள்வதில் மகிழ்ச்சியாக கருதுகிறோம்.

வழக்குகள் விபரம்:

முதல்தலைமுறை மாணவர்களின் கல்விக்கான வழக்கு ஒன்று,மற்றொன்று தாழ்த்தப்பட்ட மாணவர்களுக்கான உயர்கல்விக்கான வழக்கு. இந்த இரு வழக்குகளிலும் வழக்கறிஞரி வைக்காமல், எங்களின் கல்வித்தாய் வெளிச்சம் செரின் அவர்கள் வாதாடினார். இதை முதல் வெற்றி எனும் பதிவில் தங்களுக்கு தெரிவித்திருந்தோம்.. (படிக்க: முதல்வெற்றி).. மற்றும் (படிக்க: வழக்கு குறித்த முழு விபரத்தையும் )

திருப்பங்களை கொண்டு வந்த எமது வாதங்கள்;

இந்த வழக்குகளில் தாழ்த்தப்பட்ட மாணவர்களுக்கான கல்விக்கட்டணத்தை அரசே ஏற்கும் எனும் அரசாணையை செயல்படுத்த கோரிய இரண்டாவது வழக்கில்.. ஆகஸ்ட் 28ம் தேதி தமிழ்நாடு ஆதிதிராவிடர் நலத்துறை எதிர்வாதம் செய்தது. அப்போது தமிழகத்திலுள்ள கல்லூரிகள் அரசாணை எண் 6ஐ ஏற்றுக்கொள்ள மறுப்பதாகவும் எடுத்துரைத்தனர்.

இதை மறுத்த வெளிச்சம் செரின் அவர்கள், அரசாங்கத்தின் ஆணையை மக்களாட்சி நடக்கும் இந்த ஜனநாயக நாட்டில் அரசாணையை தனியார் நிறுவனங்கள் ஏற்க மறுக்கிறது என்பதை எந்த சாதாரண மனிதனும் ஏற்கமாட்டான். இது ஜனநாயத்திற்கான அச்சுறுத்தல் இந்த நிலை நீடித்தால் கல்வி வியாபாரமான இந்த சூழலில், அரசாங்கத்தை இந்த தனியார் நிறுவனங்கள் மிரட்ட்டக்கூடும் என வாதிட்டோம்.

இதை ஏற்றுக்கொண்ட தலைமை நீதிபதி.இக்பால் அவர்கள், பதிலளிக்க அரசுக்கு நோட்டீஸ் அனுப்பினார். நீதி மன்றத்தில் பதிலளிக்க தடுமாறிய அரசு தரப்பு சுற்றறிக்கையை அனைத்து தனியார் சுயநிதிகல்லூரிகளுக்கும் அனுப்பியது. இதையடுத்து நீதிமன்றத்தில் நடந்த வாத, பிரதிவாதங்களுக்கு இடையே எமது கோரிக்கையான தெளிவான அரசாணை வெளியிட வேண்டும் எனும் வாதத்தை ஏற்றுக்கொண்ட நீதியரசர் தெளிவான அரசு அரசாணை வெளியிட வேண்டும் என உத்தரவிட்டார்.

அதன்படி 1.09.2012 அன்று அரசாணை எண்: 92 ஐ அரசு வெளியிட்டுள்ளது அதில், வெளிச்சம் மனுவில் குறிப்பிட்டது போல, 11வது அறிவுறுத்தலில், நீதிபதி என்.வி. பாலசுப்பிரமனியன் கமிட்டி வரையறுத்த, கல்லூரிக்கட்டணங்களை எந்த கல்லூரியும், வசூலிக்கக்கூடாது, மேலும் முதல்தலைமுறை மாணவர்ளுக்கு கல்விக்கட்டணத்தை அரசிடமிருந்து பெறுவதை போன்று தாழ்த்தப்பட்ட மற்றும் பழங்குடியின மாணவர்களுக்கான கட்டணத்தை அரசே வழங்கும் என அறிவுறுத்தப்பட்டுள்ளதுதான்.. எங்களுக்கு பெரும் மகிழ்ச்சியை கொடுக்கிறது..

அந்த மகிழ்ச்சியை தங்களிடம் பகிர்ந்து கொள்வதோடு…. இந்த அரசாணையையும் தங்கள் பார்வைக்கு சமர்ப்பிக்கிறோம்.. இந்த ஆணையை பல மாணவர்களின் கல்விகாக பரவலாக்குங்கள்..உங்கள் நண்பர்களோடு பகிர்ந்து கொள்ளுங்கள்..

இந்த வழக்கின் வெற்றிக்காக நீங்கள் கொடுத்த வழிகாட்டுதலும், ஊக்கமும் தான் எங்களை இன்னும் பலமடங்கு பயணப்பட வைக்கிறது… அதே நம்பிக்கையில் தான்… முதல்தலை முறை மாணவர்களின் உயர்கல்விக்கான பொதுநல வழக்கில் வெற்றி பெற உழைக்க்கிறோம்.. அந்த வெற்றிச்செய்தியை உங்களுடன் விரைவில் பகிர்ந்து கொள்வோம்..

நன்றியுடன்

வெளிச்சம் மாணவர்கள்

(கல்வி என்பது கடைச் சரக்கல்ல… அது ஒரு சமூக மாற்றத்திற்கான ஆயுதம் )

அரசாணையின் அனைத்து பக்களையும் பார்க்க படத்தை கிளிக் செய்யுங்கள்

SUMMARY :

Won Poor Students Higher education Public Litigation Case…

Velicham is a movement which helps the first generation poor students or their higher education. We helped more than 700 students for making them as an engineer, doctor, teacher etc., During this year, more than 300 application came us for asking help for their higher education.

As per the Tamilnadu government ordered on April 16, 2010. That order for the government will reimburse the education costs of a college student if he comes from a family which has never had a graduate.

According to GO No.6, the govt will pay the fees on behalf of the students to the institutions from 2012 onwards. Students who got admission through management quota and govt quota in private colleges are also eligible for this scholarship.

But the colleges insist on the full payment of the fee at the time of admission. Due to their family economical status, most of the students are not able to pay full fee at the time of admission. This results in several students are not able to use this scholarship to pursue in their higher education.

We spoke to the colleges and requested to admit the students in their respective courses without demanding the fees mentioned in fee structure list fixed by the government appointed “fee fixing committee for self-financing institutions and mentioned about the said GO. But they are informed that they have not received any such Govt orders.

So we have filed two Public Litigation cases in the Chennai High court on August 16, 2012. We wanted the court to direct the institutions to admit students without insisting on full payment initially. On August 28, 2012 counter party said that the Tamilnadu Adi Dravidar and Tribal welfare Department didn’t send any circular to the colleges. But that department sent a circular mentioned that not to collect fee from SC/ST/Converted Christians on August 24, 2012. We brought this news to the court’s notice.

Finally we won one of our cases is for SC/ST/Converted Christian students. High court gave a direction stated that the Government and other authorities not to insist on payment of fees at the time of admission and to know about the government orders to the students, a copy of the same has to be displayed in the notice board. Our another case is for first generation student is going on. We will win this case too for helping them for their higher studies.

With regards

Velicham

கலங்காதிரு மணமே!

2012-09-25T10:08:00.001-07:00

உறவுகளே!

வணக்கம், அவள் விகடன் இதழில் வாரம் ஒரு சிறப்பு விருந்தினர் சொல்லும் கருத்துக்களை தொலைபேசியில் இலவசமாக கேட்கலாம்..

இந்த வாரம் கலங்காதிரு மணமே எனும் தலைப்பில் வெளிச்சம் அமைப்பின் தலைவர்- வெளிச்சம் ஷெரின்…

அறிவை காதலிக்க தொடங்கினா ஒவ்வொரு முயற்சியும் சக்ஸஸ் தான். போன்ற தன்னம்பிக்கை விசயங்களை குறித்து பேசுகிறார்… ஜஸ்ட் டையல் பண்ணுங்க 044-6680 8024…

எங்களுக்காக மூனு நிமிசம் ஒதுக்குங்க….என்ன தான் சொல்லுறாங்கண்ணு கேளுங்க..

நன்றியுடன்

வெளிச்சம் மாணவர்கள்

வழக்கின் முதல் வெற்றி..

2012-09-15T07:52:00.001-07:00

வழக்கின் முதல் வெற்றி..

வெளிச்சம் அமைப்பு கடந்த சிலவாரங்களுக்கு முன் சென்னை உயர்நீதி மன்றத்தில் முதல் தலை முறை மாணவர்களின் உயர்கல்விக்காகவும்,

தாழ்த்தப்பட்ட மற்றும் பழங்குடியின மாணவர்களின் உயர்கல்வி கட்டணத்தை அரசே ஏற்கும் எனும் தமிழக அரசின் ஆணை எண் 6யை வலியுறுத்தியும், மேற்கண்ட இரண்டு பொதுநல வழக்குகளை தொடுத்துள்ளதையும்,

இந்த வழக்கில் எங்கள் அமைப்பின் தலைவர் திருமதி வெளிச்சம் செரின் வழக்கறிஞர் வைக்காமல் வாதாடியதையும்,..

எமது வாதத்தை கேட்டுக்கொண்ட தலைமை நீதிபதி இக்பால், நீதிபதி சிவஞானம் ஆகியோர் மனுக்கள் மீது தமிழக அரசு 2 வாரங்களுக்குள் பதில் மனு தாக்கல் செய்யுமாறு நோட்டீஸ் அனுப்ப உத்தரவிட்டுள்ளதையும், , இந்த பதிவின் மூலம் தெரிவித்து இருந்தோம்… படிக்க கட்டுரை: ஏழைகளின் உயர்கல்விக்காக உயர்நீதிமன்றத்தில் வழக்கறிஞர் வைக்காமல் வாதாடும் வெளிச்சம் செரின்.

இந்த வழக்கில் தற்போது தமிழக ஆதிதிராவிட நலத்துறை தமிழகத்தில் உள்ள கல்லூரிகளுக்கு 24.08.2012 அன்று ஒரு சுற்றறிக்கையை அனுப்பியுள்ளதாக தெரிவித்துள்ளது. அந்த சுற்றறிக்கையில் தங்கள் கல்லூரியில் பயிலும் தாழ்த்தப்பட்ட மாணவர்களின் கல்விக்கட்டணத்தை மாணவர்களிடமிருந்து வசூலிக்ககூடாது எனவும், அரசாணை எண் 6 மற்றும் இந்த சுற்றறிக்கைகளை மாணவர்களின் பார்வையில் படும்படி அறிவிப்பு பழலகையில் வைக்கும்படி சுற்றறிக்கையில் குறிப்பிடப்பட்டுள்ளது ஆனால் எந்த கல்லூரியும் இந்த ஆணையை மாணவர்களுக்கு தெரியும் படி வெளியிடவில்லை. அதனால் தங்களுக்கு எமது வெற்றியை தெரிவித்துக்கொள்ளும் இதே நேரத்தில்..

உங்களுக்கு தெரிந்த தாழ்த்தப்பட்ட பழங்குடியின மாணவர்களிடம்

சொல்லி இந்த ஆணையை கல்லூரிகளிடம் கொடுத்து கட்டண விலக்கு கோரும்படி அவர்களுக்கு எடுத்துச்சொல்லி அவர்களின் கல்விக்கு உதவுங்கள்…

இன்னும் வழக்கு நடந்து கொண்டிருக்கிறது.. அதிரடிகள் தொடரும்..

இந்த வழக்கிழும்,முதல்தலைமுறை மாணவர்களின் கல்விக்கான வழக்கிழும் உங்கள் ஆதரவோடு, ஏழைகளின் உயர்கல்விக்காக தொடர்ந்து போராடுகிறோம்..

நன்றியுடன்

வெளிச்சம் மாணவர்கள்

சத்துணவு இல்லாமல் சாகும் குழந்தைகள்- இந்தியாவை தலைகுனிய வைத்த யுனிசெப்..

2012-09-14T01:45:00.002-07:00

பெண்கள் வாழ தகுதியற்ற நாடு இந்தியா என உலகநாடுகள் மத்தியில் அவமானப்பட்டோம்.. அடுத்ததாக சத்துணவு இல்லாமல் இந்தியாவில்தான் அதிகமாக குழந்தைகள் இறக்கிறது எனும் அதிர்ச்சியையும், தலைகுனிவையும் கொடுடத்திருக்கிறது 2012 ம் ஆண்டிற்கான ஐ.நாவின் யுனிச்செப் நிறுவனத்தின் Child Mortality Estimates அறிக்கை.

அரசு மருத்துவமனைகளில் குழந்தைகளை எலிகள் குதறிய சம்பவம் அறங்கேறிய அவலம் எம்தேசத்தை தாண்டி வேறெந்த நாட்டிலும் இல்லை.

2012 ம் ஆண்டிற்காக (Child Mortality Estimates ) அறிக்கையில் சொல்லப்பட்டுள்ள அதிர்ச்சியான உண்மைகள்:

2012 ம் ஆண்டிற்காக Child Mortality Estimates அறிக்கையை யுனிசெப் வெளியிட்டது. உலகத்தில் போதிய சத்துணவின்றி ஒவ்வொரு நாளும் 5 வயதிற்குட்பட்ட 19,000 குழந்தைகள் உயிரிழக்கிறார்கள் எனவும்,

உலகிலேயே இந்தியா, நைஜீரியா, காங்கோ, பாகிஸ்தான், சீனா ஆகிய 5 நாடுகளில் மட்டும்தான் குழந்தைகள் இறப்பு விகிதம் அதிகமாக உள்ளது. குறிப்பாக மற்ற நான்கு நாடுகளை விடவும் அளவிற்கு அதிகமாக உணவு தானியங்களை கையிருப்பு வைத்துக்கொண்டு, அவற்றை மட்கிப் போக செய்துகொண்டிருக்கும் இந்தியாவில்தான் குழந்தை இறப்பு விகிதம் உலகத்திலேயே அதிகமாக உள்ளது என குறிப்பிட்டுள்ளது..

இந்தியாவில் மரணமடைந்த குழந்தைகள் எண்ணிக்கை:

2011ம் ஆண்டில் மட்டும் போதிய அடிப்படை வசதியும், சத்துணவும் இல்லாமல் உடல்நிலை பாதிக்கப்பட்டு இந்தியாவில் மட்டும் சுமார் 15.55 லட்சம் குழந்தைகள் உயிரிழந்துள்ளனர் என்று அந்த அறிக்கையில் தெரிவிக்கப்பட்டுள்ளது. நைஜீரியாவில் 7.56 லட்சம் குழந்தைகளும், காங்கோவில் 4.65 லட்சம் குழந்தைகளும், மற்றும் பாகிஸ்தானில் 3.52 லட்சம் குழந்தைகளும் உயிரிழந்துள்ளனர். மக்கள் தொகை அதிகமுள்ள சீனாவில் 2.49 லட்சம் குழந்தைகள் உயிரிழந்துள்ளனர்.

குழந்தைகள் இறப்பிற்கான காரணங்கள்:

உலக அளவில் குழந்தைகளுக்கு மரணம் ஏற்படுத்தும் காரணிகளாக ஐந்தினை யுனிசெப் பட்டியலிட்டுள்ளது. குறைப்பிரசவத்தினால் 14 சதவிகிதம் பேறும், டயாரியாவினால் 11 சதவிகிதம் பேரும், மலேரியாவினால் 7 சதவிகிதம் பேரும் எதிர்பாராத நோய்களினால் 9 சதவிகிதம் குழந்தைகளும் உயிரிழக்கின்றனர்.

பல லட்சம் கோடிகளை ஊழல் செய்து பதுக்கி வைத்திருக்கும் அரசியல்வாதிகள் வாழும் இந்தியாவில் போதிய சத்துணவும், அடிப்படை வசதிகளும் இல்லாமல் பல லட்சக் கணக்கில் குழந்தைகள் இறப்பதை தடுக்க முடியாது.

இந்தியாவில் குழந்தைகள் மரணிப்பதை தடுக்கவேண்டுமெனில் நாட்டின் உணவுக்கிடங்குகளில் அபரிமிதமாக அடுக்கி வைக்கப்பட்டிருக்கும் உணவுப் பொருட்களை சீராக விநியோகித்தாலே போதும் செய்யுமா அரசு..

குழந்தைகள் என்பது வெறும் உயிர்மட்டுமல்ல… இந்த தேசத்தின் எதிர்காலம்.

- வெளிச்சம் நந்தினி

கல்லூரி தேர்தலையும் கலவரமாகவே மாற்றியது யார்? – சென்னை மாநில கல்லூரி தேர்தல் சொல்லும் பாடம்

2012-09-06T10:14:00.001-07:00

பல தலைவர்களை உருவாகிய வரலாறு கொண்ட சென்னை மாநில கல்லூரி மாணவர் பேரவை தேர்தலில் கத்திக்குத்து கலவரம் என செய்தி நமக்கு கிடைத்த சில நிமிடங்கள் அதிலிருந்து மீளவே முடியவில்லை..

ஜனநாயகம் எனும் வார்த்தையை காப்பதற்காக கொண்டுவரப்பட்ட இந்த தேர்தல் முறைக்காக எத்தனையோ பேர் இரவு பகல் பாராமல் கஸ்டப்பட்டிருப்பார்கள். அதையெல்லாம் இளைய தலைமுறை தெரிந்து கொள்ளக்கூடாது என நினைக்கும் நேற்றைய மாணவர்களும் இன்றைய தலைவர்களுமாக இருக்கிறவர்களே இதற்கு காரணம் எனலாம்.

காலத்தை கொஞ்சம் பின்னோக்கி தள்ளிபாருங்கள். சென்னை டாக்டர் அம்பேத்கர் சட்டக்கல்லூரியில் படித்த வைகோ, தேர்தலில் வெற்றி பெற்றார். திமுகவின் தலைமை பொறுப்பேற்கும் அளவுக்கு வளர்ந்தவர் இன்று மதிமுக எனும் அரசியல் இயக்கத்தை நடத்தி வருகிறார். மேலும் அதே கல்லூரியில் நடந்த ராதாரவி போட்டியிட்டபோது வன்முறை வெடித்தது, அதுவே கடைசி தேர்தல்.

இந்தி எதிர்ப்பு போராட்டத்திற்கு மாணவர்கள் தேவைப்பட்டார்கள் ஆனால் அதன்பிறகு மாணவர்கள் போராடவே கூடாது என எம்மை ஆண்டவர்கள் நினைப்பதுபோல், தங்களை தலைவர்களாக்கிய கல்லூரி தேர்தல்களை அரசியலாக்கினார்கள் அரசியல்வாதிகள்.

கடந்த 2000ல் திருச்சி ஈவேரா கல்லூரி தேர்தலில் ஒரு மாணவர் வெட்டி கொல்லப்பட்டபோது, இந்த தேர்தல் தமிழகமெங்கும் பேசப்பட்டது அதன்பிறகு தேர்தல் குறித்து எந்த பேச்சும் இல்லை.

இப்போதும் கூட சென்னையில் உள்ள கிருஸ்டியன் கல்லூரி, நியூ கல்லூரி, ஜெயின் கல்லூரி போன்ற கல்லூரிகளில் மாணவர் சங்க தேர்தல் நடக்கிறது. அந்த மாணவ பிரதிநிதிகள் மாணவர்களுக்கும் கல்லூரி நிர்வாகத்திற்கு பாலமாக இருக்கவேண்டும்.. ஆனால் இவர்கள் அரசியல் வாதிகளை பார்த்து கற்றுக்க்கொண்ட பந்தாவை கல்லூரியில் காட்டுவதால் பிரச்சனை ஆரம்பமாகிறது. ( இந்த வருடம் நியூ கல்லூரியில் நடந்து முடிந்த மாணவர்கள் தமிழகத்தின் முக்கிய தலைவர்களை சந்தித்தார்கள் அப்ப அடுத்த வருசத்துல இருந்து இங்கேயும் பிரச்சனை வரலாம் என்கிறார்கள் ஆளும்கட்சியினர், ஏனெனில் ராணிமேரி கல்லூரியில் நடந்த போராட்டங்களை கொச்சை படுத்தியவர்கள் தான் இவர்கள்)

கல்லூரி தேர்தலும் பொது தேர்தலும்..

கோட்டர்,பிரியாணி, பணம் என மாறுப்போன பொதுதேர்தல் முறைபோல, ஏரியா பாலிடிக்ஸ், ரூட் பாலிடிக்ஸ், டிப்பார்ட் மெண்ட் பாலிடிக்ஸ் இருக்கும், குறிப்பா ஹாஸ்டல் என்றால் டிஸ்டிக்ட் பாலிடிக்ஸ் என இடைத்தேர்தல் கணக்கான ஆயிரம் பிரச்சனைகள் வலம் வரும் கல்லூரிதேர்தல்களில்..

சென்னை கடற்கரை சாலையில் உள்ள மாநில கல்லூரி மாணவர் பேரவை தேர்தல் என்பது பல தலைவர்களை உருவாகிய கவரலாறு கொண்ட கல்லூரி.

இங்கேயும் ரூட் பிரச்சனை அடிக்கடி இருக்கிறது. சிலவருடங்களுக்கு முன்னால் போலீஸாரால் சுட்டுக்கொல்லப்பட்ட அயோத்தியா குப்பம் வீரமணி தீர்மானிக்கும் சிலர் கல்லூரி தேர்தலில்ல் வெற்றி பெற்றார்கள் என்பது பலருக்கு தெரியும்.

ஆனால் இந்த வன்முறை இன்று நேற்று திணிக்கப்பட்டதல்ல. மாணவர் சமூகத்தின் போராட்ட குணத்தை அழிப்பதற்காக புகுத்தப்பட்டது. விதையாய் விழுந்து இன்றூ கத்தி குத்துவரை மரமாய் வளர்ந்து நிற்கிறது.

கடந்த 31-ந்தேதி நடந்த தேர்தலில் மொத்தம் உள்ள 2106 வாக்குகளில் ஞானகார்த்திக் 1487 வாக்குகள் பெற்று மாணவர் ஞானகார்த்திக் தலைவராக வெற்றி பெற்றார். அவரை எதிர்த்து போட்டியிட்ட ஜெயகிருஷ்ணன் தோல்வி அடைந்தார்.

தேர்தல் முடிவு அறிவிக்கப்பட்டதும் வெற்றி பெற்ற ஞானகார்த்திக் ஆதரவு மாணவர்கள் வெற்றியை கொண்டாடினர். இதை பொறுத்து கொள்ளாத தோல்வியடைந்த மாணவர் ஜெயகிருஸ்ணனின் ஆதரவாளர்கள் கல்வீச்சு நடத்தினர். பதில் தாக்குதல் தொடரவே, கடந்த 1 முதல் 4ம் தேதி வரை கல்லூரிக்கு விடுமுறை அறிவிக்கப்பட்டது.

இந்நிலையில் 4.9.12 அன்று காலை தடுப்பு சுவர் மீது ஏறி குதித்த சில மாணவர்கள் கல்லூரிக்குள் எதையோல் ஒளித்து வைப்பதை பாதுகாப்பு பணியில் இருந்த போலீசார் கவனித்து, அவர்களை சோதித்தபோது 5 பட்டாக்கத்திகள் இருந்தது. கத்திகளை போலீஸார் பறிமுதல் செய்தனர்.

நேற்று பெருங்களத்தூரை சேர்ந்த மாணவி செவ்வந்தி உடல்நலமின்றி இறந்ததால் கல்லூரிக்கு விடுப்பு அளிக்கப்பட்டது. தகவல் தெரியாமல் வழக்கம்போல மாணவர்கள் கல்லூரிக்கு வந்தனர். விடுமுறை என்று தெரிந்து வீடுகளுக்கு புறப்பட்டனர். அப்போது தேர்தலில் தோற்ற கோஷ்டிக்கும் வெற்றி பெற்ற கோஷ்டிக்கும் வாய்த்தகராறு ஏற்பட்டது. அதுவே கைகலப்பாகி மோதலானது. மறியலில் ஈடுபட மாணவர்கள் சிலர் முயன்றனர். பாதுகாப்பு பணியிலிருந்த போலீசார் அவர்களை கல்லூரிக்குள் அனுப்பினர். அங்கிருந்து வெளியே வந்த சில மாணவர்கள் சாலையோர கடைகளில் இருந்த கரும்பு, குச்சிகளை கொண்டு எதிர் கோஷ்டியினரை தாக்க தயாரானார்கள். ஆனால் ஏற்கனவே மறைத்து வைத்த (போலீஸாரின் கண்ணில் படாத கத்திகளை ) கொண்டு குத்தியதில் ஒரு மாணவர் கத்தி குத்து விழுந்தது. மேலும் 2 பேர் காயமடைந்தனர்.

மாணவர்கள் கையில் பேனாவிற்கு பதிலாக கத்தி வந்ததற்கு யார் பொறுப்பு..

எம்புள்ள படிக்கும்னு கஸ்டப்படும் பெற்றோர்கள் நிச்சயமில்லை.. எல்லாம் பாழாபோன அரசியல்தான்…

தொகுப்பு: வெளிச்சம்-நந்தினி.

( மாணவர்கள் வன்முறையல்லாத அரசியல்வாதிளாகவும், மக்கள் நலனுக்காக மாணவர்கள் போராட வேண்டும் என்பதுதான் வெளிச்சம் அமைப்பின் கொள்கைகளில் ஒன்று )

ஏழைகளின் உயர்கல்விக்காக உயர்நீதிமன்றத்தில் வழக்கறிஞர் வைக்காமல் வாதாடும் வெளிச்சம் செரின்

2012-09-05T07:32:00.000-07:00

இன்று காலையில் இயல்பாக செய்தித்தாள வாசித்த உங்கள் கண்ணில் இந்த செய்திகள் பட்டிருக்கலாம்.. இவைகள் வெறும் செய்திகள் மட்டுமில்லை. பலநூறு வருடமாக கல்விக்காக ஏங்கும் எழைகளின், முதல்தலைமுறையினரின் வலிகள்…

நமது வெளிச்சம் அமைப்பு இன்று தமிழகத்தில் அமலில் இருக்கும் முதல் தலை முறை மாணவர்களின் உயர்கல்விக்கான கட்டணத்தை அரசே ஏற்கும் ஆணை பல்வேறு பிரச்சனைகளை சந்தித்திருக்கிறது. குறிப்பாக தமிழகம் முழுவதும் பிரச்சாரப்பயணம், சென்னை வீதிகளில் உண்டியல் ஏந்தியது போன்றவை. வெளிச்சம் அமைப்பின் மாணவர்கள் உண்டியல் ஏந்தியபோது பல்வேறு விதமான அவமானங்களை சுமந்தோம் ஆனால் அந்த அவமானங்களுக்கு வெகுமதியாக முதல் தலைமுறை ஏழை மாணவர்களின் கல்விக்கட்டணத்தை அரசே ஏற்கும் ஆணை வெளியானது.. Read

இந்தவிசயம் இப்போது பல்லாயிரக்காணக்கான மாணவர்கள் பயன்பெருகிறார்கள். அதில் எத்தனைபேருக்கு இந்தஆணை வெளிச்சம் அமைப்பின் போராட்டத்தால்தான் கிடைத்தது என எத்தனை மாணவர்களுக்கு தெரியும் பரவாயில்லை..

இந்த வருடம் பாலசுப்பிரமணியன் கமிட்டி உயர்த்திய, கல்வி கட்டணத்தை ஏற்காமல் ஏற்கனவே வழங்கப்பட்ட உதவிதொகையை மட்டும் தமிழக அரசு வழங்கியுள்ளது. இதனால் பல்லாயிரங்கணக்கான முதல்தலைமுறை மாணவர்கள் மீதி பணம் கட்டமுடியாமல் தவிக்கும் நிலை ஏற்பட்டுள்ளது. இதற்காக தமிழக நலனுக்காக போராடுவதாக சொல்லிக்கொள்ளுகிற அசியல்வாதிகள் யாரும் இதற்காக பேசவோ, இதற்காக அறிக்கை விடவோ இல்லை ஏனெனில் அவர்களுக்கு மாணவர்களின் நலனில் அக்கறையில்லை எனலாம்.

அதேபோன்று கடந்த ஆண்டு அறிவிக்கப்பட்ட தாழ்த்தப்பட்ட மற்றும் பழங்குடியின மாணவர்களின் உயர்கல்விக்கட்டணத்தை அரசே ஏற்கும் எனும் தமிழக அரசின் ஆணைபடி கல்விக்கட்டணத்தை அந்த் வருடத்தின் கடைசியில் பணமாக திருப்பி தராமல் முதல்தலைமுறை மாணவர்களுக்கு முதலில் கல்விக்கட்டண சலுகை வழங்குவதுபோல் தாழ்த்தப்பட்ட மற்றும் பழங்குடியின மாணவர்களின் உயர்கல்விக்கட்டணத்தை தரவேண்டும் என்று தமிழகத்தில் பல அமைப்புகள் குரல் கொடுத்து வந்தது.

மேற்கண்ட இரண்டு பிரச்சனைக்கும் வெளிச்சம் தீர்வு காண முயற்சி செய்து வந்த நீதி மன்றத்தை நாட திட்டம்மிட்டோம். அதன்படி சென்னை உயர்நீதி மன்றத்தில் இரண்டு பொதுநல வழக்கை தாக்கல் செய்தோம். வழக்கறிஞர் வைத்து வாதிட நினைத்தபோது எங்களிடம் அதற்காக பணம் உதவி ஏதுமில்லை. அந்த நேரத்தில் தான் ஏன் வழக்கை நாமே நடத்தக்கூடாது என நினைத்தோம்.

கடந்த வாரம் தனித்தனியே பதிவு செய்யப்பட்ட வழக்கில் தாழ்த்தப்பட்டவர்களுக்கான வழக்கு விசாரணைக்கு வந்தது..

எம்மை நோக்கி கேள்விக்கணைகளை வீசிய தலைமை நீதியரசர் இக்பால் அவர்கள், ஏன் இதை பொதுநல வழக்காக பதிவு செய்ய அவசியம் என்ன என்றார்… கீழ்கண்ட அட்டவணையின் அடிப்படையில் கடந்த வருடம் கல்லூரில் சேர்ந்துள்ள தாழ்த்தப்பட்ட மாணவர்களின் வாழ்க்கைக்காக இந்த வழக்கை ஏற்றுக்கொள்ள வேண்டும் என வாதிட்டோம்.

Number of Seats available on TNEA 2011 counseling

College	OC	BCM	BC	MBC	SCA	SC	ST	Total
Anna University	2347	265	2005	1517	227	1143	77	7581
Govt Aided	1404	160	1201	915	139	686	46	4551
Self-financing	39092	4419	33438	25252	3789	18932	1264	126186
Total	42831	4844	36644	27684	4155	20761	1387	138318

Category Reservation

Under category reservation the following percentage of seats are alloted for each category.

Category	OC	BC	BCM	MBC & DC	SC	SCA	ST
Total-100%	31%	26.50%	3.5%	20%	15%	3%	1%

(OC - Open Competition; Backward Class - 26.50%; Backward Class Muslim - 3.50%; Most Backward Class & Denotified Communities - 20%; Scheduled Caste - 15%; Scheduled Caste (Arunthathiyars) - 3%; Scheduled Tribes - 1%)

நமது வாததை ஏற்றுக்கொண்ட நீதியரசர் தமிழக அரசை ஐந்து தினங்களுக்குள் பதிலளிக்க உத்தரவிட்டுள்ளார். அதே போல்

முதல்தலைமுறை பட்டதாரி மாணவர்களிடம் கல்வி நிறுவனங்கள் முன்னதாகவே கட்டணம் வசூலிப்பதை எதிர்த்து தொடரப்பட்ட வழக்கில் ,

கல்லூரிகளில் சேருவதற்கே கஷ்டப்படும் மாணவர்களுக்காகத்தான் இந்த உதவியை அரசு செய்து வருகிறது. ஆனால், பணத்தை மாணவர் சேர்க்கையின்போதே கட்ட வேண்டும் என்று பல கல்லூரிகள் நிர்பந்தம் செய்கின்றன. இதன் மூலம் ஏழை மாணவர்கள் கல்லூரிகளில் சேர முடியாத நிலை ஏற்பட்டுள்ளது. எனவே, முதல் தலைமுறை மாணவர்களுக்கு கல்வி நிறுவனங்கள் சேர்க்கையின்போது கட்டணம் வசூலிக்கக் கூடாது என்று உத்தரவிட வேண்டும் என வாதிட்டோம்..

இந்த மனுக்கள் தலைமை நீதிபதி இக்பால், நீதிபதி சிவஞானம் முன்னிலையில் விசாரணைக்கு வந்தது. வழக்கை விசாரித்த நீதிபதிகள் இந்த மனுக்கள் மீது தமிழக அரசு 2 வாரங்களுக்குள் பதில் மனு தாக்கல் செய்யுமாறு நோட்டீஸ் அனுப்ப உத்தரவிட்டனர்.

மேலோட்டமாக பார்த்தால் இது இவை வெறும் வழக்காக தெரியும்.. ஆனால் பல்லாயிரம் கணக்கான மாணவர்களின் வாழ்க்கையில் உயர்கல்வி கிடைக்க செய்யும் நீதிபோராட்டம்…

உங்களை போன்ற உறவுகள் இருக்கிறீகள் எனும் நம்பிக்கையில் தான் ஒற்றை பெண்மணியாக வெளிச்சம் செரின் நீதிமன்றத்தில் வழக்காடுகிறார்.

எம்மோடு பயணிக்கும் உறவுகளே… !

(பெட்டிசன் பிரிப்பரேசன் போன்ற வழக்கு செலவுக்கு உதவுங்கள்)..

உதவிதொகைகளுக்கான வழக்கம் போல அதற்கான ரசீது தங்களுக்கு அனுப்பி வைக்கப்படும்)

உதவ நினைத்தால் velicham.students@gmail.com க்கு ஒரு மெயில் போடுங்கள்…

நன்றியுடன்

வெளிச்சம் மாணவர்கள்

உங்களுக்கு ஏழைகளின் கல்விக்கு ஏதவாவது வகையில் உதவ விருப்பமா? ..................……… கிளிக் செய்யுங்கள்.

English:

‘Colleges create hurdles in students getting fee-waiver’

The Tamil Nadu government's schemes to reimburse education costs of first generation college-goers from poor families and SC/ST students is being undermined by educational institutions, two PILs filed in the Madras high court said.

The first bench comprising Chief Justice M Y Eqbal and Justice T S Sivagnanam, before whom the PILs filed by D Sherin Asha of service organization Velicham came for hearing, issued notices to the state government and several educational institutions.

In the first petition, Asha said that the government came out with an order on April 16, 2010 providing for reimbursement of education costs of a college student if he hails from a family which has never had a graduate. It implied that his tuition fees would be borne by the government, which would make the payment to the educational institution concerned.

Asha pointed out that the order whittled down the government's intention by stating that the entire amount would not be reimbursed and said the fee was not being paid during admission. While colleges insist on the full payment of the fee at the time of admission, the government pays the sum only later. This delay results in several beneficiaries failing to avail themselves of the scheme, she said. She wanted the court to direct the authorities to pay the sum at the time of admission itself or direct the institutions to admit students without insisting on full payment initially.

In the second PIL, Asha named seven students, who had to pay a fee from Rs 30,000 to Rs 3.36 lakh for their engineering and medical courses. Though these students are eligible for reimbursements, they are unable to join the courses because the institutions said that they would be allowed only upon payment of full amount.

ஈழ மாணவி இந்திராணியின் உயர்கல்விக்கு உதவுங்கள்...

2012-09-02T20:34:00.002-07:00

என்னுடைய பெயர் ர.இந்திராணி, ஈழத்திலுள்ள கிளிநொச்சி ஜெயபுரம்தான் எனக்கு சொந்த ஊர். 1990ம் ஆண்டு போரின் காரணமாக அகதிகளாய் தமிழகத்திற்கு வந்தோம். தமிழகம் வந்த எங்களுக்கு புதுக்கோட்டை மாவட்டத்திலுள்ள லேனா விளக்கு முகாமில் இடம் ஒதுக்கினார்கள். ஈழத்தில் சொந்த நிலத்தில் தலைநிமிர்ந்து வாழ்ந்த நாங்கள் முகாம்களில் அடைக்கப்பட்டோம். எங்கள் முகாமில் மொத்தம் 315 குடும்பங்கள் வசிக்கிறார்கள்.

வாழ்வதற்ககே கஸ்டப்படும் நாங்கள் படிப்பதற்காக பட்ட துயரங்களை சொல்ல வார்த்தையில்லை. எல்லோரும் பெயின்ட் அடிக்கும் வேலைக்கும் சென்று அதில் சம்பாதிக்கும் பணத்தில் குடும்பம் நடத்தவே முடியாத நிலை தொடர்ந்தது.

2ம் உலகத்தமிழ் அமைப்பு மாநாட்டில் பேசும் இந்திராணி

அந்த சமயத்தில் ஈழத்தின் இறுதிகட்ட போரில், என்ன நடக்கிறது என்று தெரியாமல் தவித்த நிலையில் எனது சித்தப்பா,மாமா,அக்கா ஆகிய மூவரையும் இழந்தோம். ஒரு பக்கம் உயிரிழப்புகள் இன்னொரு பக்கம் படிப்பு என கஸ்டத்தை உணர்ந்து படித்த நான் , கடியாப்பட்டியில் உள்ள உலகப்பர் மேல்நிலைப் பள்ளியில் படித்து 12ம் வகுப்பில் 1200க்கு 802 மதிப்பெண் பெற்றேன்.

வறுமையின் காரணமாக குடும்பத்தில் யாரும் படிக்கவில்லை என்பதால் . நான் கல்லூரி படிப்பதற்கு ஏகப்பட்ட நெருக்கடிகள். ஒரு வழியாக புதுக்கோட்டை மாவட்டம் ஆலங்குடியில் உள்ள அற்புதா கலை & அறிவியல் கல்லூரியில் இளநிலை வணிகவியல்(B.com) சேர்ந்து படித்தேன். தினசரி கல்லூரிக்கு போய்வருவதற்கு கூட வசதியில்லாமல் படித்தும், கல்லூரியில் முதல் வகுப்பில் தேர்ச்சி பெற்றேன்.

படித்து தணிக்கையாளர் (Auditor) ஆகவேண்டும் என்பதுதான் என் ஆசை.

என் ஆசையை பெற்றோர்களிடம் சொன்னபோது உன்னை படிக்க வைக்க முடியாது வீட்டோடு இரு என்று என்னை திட்டினார்கள். அப்போதுதான் எனக்கு வெளிச்சம் அமைப்பை பற்றி கேள்விப்பட்டேன். அவர்களோடு தொடர்பு கொண்டு என் கனவை சொல்லி அழுதேன்.

நான் இப்போது சென்னை எழும்பூரில் உள்ள ICWAI – SOUTHERN INDIA REGIONAL COUNCIL ICW படித்து வருகிறேன்.

நன்றியுடன்

ர.இந்திராணி

இந்த ஈழ மாணவியின் கல்விக்கு உதவுங்கள்…

நீங்கள் உதவ நினைத்தால் இந்த மின்னஞ்சலில் velicham.students@gmail.com தொடர்பு கொள்ளுங்கள்..

இது போன்ற ஏழை மாணவர்களின் கல்விக்கு உதவிட : https://spreadsheets.google.com/viewform?formkey=dFR0MFJtbllsNUNrRk9CTG82ZlJxOWc6MQ

'அவுட்டிங் போறீயா? வீட்டுல மாப்பிள்ளை பார்க்க வக்கில்லையா ? என கேவலபடுத்திய பேராசிரியர், தற்கொலை செய்துகொண்ட வைதீஸ்வரி... அரசியல்வாதியுன் கல்லூரியில் அரங்கேறிய கொடூரம்

2012-07-29T05:02:00.000-07:00

செங்கல்பட்டு அருகே படாளம் பகுதி யில் அமைந்து உள்ளது கற்பக விநாயகா பொறியியல் மற்றும் தொழில்நுட்பக் கல்லூரி. இந்தக் கல்லூரியின் நிறுவனர் முன்னாள் அ.தி.மு.க. அமைச்சர் ரகுபதி. இப்போது இவர் தி.மு.க.வில் இருக்கிறார். அவரது மகன் அண்ணாமலை, இந்தக் கல்லூரியின் நிர்வாக இயக்குனர். இந்தக் கல்லூரியின் மாடியில் இருந்து குதித்து ஒரு மாணவி தற்கொலை செய்துகொள்ளவே... அரசியல் மற்றும் மாணவர்கள் வட்டாரத்தில் அதிர்ச்சி நிலவுகிறது.

திருவண்ணாமலை அருகே உள்ள வாழவச்சனூரைச் சேர்ந்த வைதீஸ்வரி, கல்லூரியில் இரண்டாம் ஆண்டு இ.சி.இ. படித்து வந்தார். வழக்கம் போல வார விடுமுறைக்கு தனது வீட்டுக்கு வந்த வைதீஸ்வரி, 22-ம் தேதி ஞாயிறு இரவு மீண்டும் ஹாஸ்டலுக்குத் திரும்பினார். இவர்தான், அடுத்த நாள் இரவு 8.30 மணிக்கு ஹாஸ்டலில் உள்ள ஐந்தாவது மாடியில் இருந்து குதித்து, தற்கொலை செய்துகொண்டார். உடனே சென்னை அரசு மருத்துவமனையில் அட்மிட் செய்யப்பட்ட வைதீஸ்வரி, சிகிச்சை பலன் இன்றி 24-ம் தேதி இறந்துபோனார்.

சோகத்தில் இருந்த வைதீஸ்வரியின் தந்தை ராமசாமியிடம் பேசினோம். ''ஞாயிற்றுக் கிழமை மதியம் வீட்டில் இருந்து வைதீஸ்வரி ஹாஸ்டலுக்குக் கிளம்பிப் போச்சு. ஹாஸ்ட லுக்குப் போய்ச் சேரும்போது ராத்திரி ஆயிடுச்சு போல. மறுநாள், கூடப்படிக்கறவங்க முன்னாடிவெச்சு, லேட்டா வந்ததாச் சொல்லி வைதீஸ்வரியைத் தகாத வார்த்தைகளால் திட்டி இருக்காங்க. அதைத் தாங்க முடியாத வைதீஸ்வரி மாடியில இருந்து குதிச்சதா சொல்றாங்க. அவ்வளவு அசிங்கமாத் திட்டினவங்களுக்கு, எங்ககிட்ட ஒரு வார்த்தை சொல்லணும்னு தோணலையா? இப்படி அநியாயமா என் பொண்ணைக் கொன்னுப்புட்டாங்களே...'' என்றார் கண்களில் நீர் கோர்க்க.

அவருடைய புகாரின் பேரில் வைதீஸ்வரியைத் திட்டிய பேராசிரியர்கள் கார்த்திகா மற்றும் ஜோஸ் மிராண்டா ஆகியோர் மீது வழக்குப் பதிவு செய்துள் ளனர் படாளம் போலீஸார்.

கல்லூரி மாணவிகள் சிலரிடம் பேசியபோது, ''வைதீஸ்வரி ஹாஸ்டலுக்கு வந்து சேர லேட்டாயி டுச்சுன்றது உண்மைதான். வெளியே யார்கூடவோ சுத்திட்டு வந்ததுதான் காரணம்னு மேடம் அவங் களாவே முடிவு பண்ணிட்டாங்க. அடுத்த நாள் காலேஜ்ல எல்லா மாணவர்களையும் வைச்சுக்கிட்டு அசிங்க அசிங்கமாத் திட்டினாங்க. காது கூசும் அளவுக்குத் திட்டினதால்தான் வேதனை தாங்க முடியாம தற்கொலை செஞ்சுக்கிட்டா'' என்றனர்.

வைதீஸ்வரியின் தற்கொலை கல்லூரி மாணவர்களைக் கொதிக்கவைக்க... போராடும் சூழல் எழுந்தது. உடனே மாணவர்களை ஆடிட்டோரியம் வரவழைத்து கல்லூரி நிர்வாகத்தினர் பேச்சுவார்த்தை நடத்தினார்கள். ''வைதீஸ்வரி இறப்புக்குக் காரணமான ஆசிரியர்களை உடனடியாகக் கைது செய்ய வேண்டும். அவர்கள் மீது நிர்வாக ரீதியான நடவடிக்கை எடுக்க வேண்டும்'' என்ற கோரிக்கை வைத்தனர் மாணவர்கள்.

அவர்களுடன் காவல் துறையினர் பேச்சுவார்த்தை நடத்தினர். ''மாணவர்களை கண்டிக்க வேண்டிய பொறுப்பு ஆசிரியர்களுக்கு உள்ளது. ஏதாவது தப்பு நடந்துவிட்டால் அவங்களைத்தானே கேட்பாங்க? நீங்க சொல்வது போலத் தகாத வார்த்தைகளால் பேசியது உண்மையாக இருந்தால், நிச்சயம் நடவடிக்கை எடுப்போம்'' என்றார் டி.எஸ்.பி. ஸ்ரீதேவி. ''சில ஆசிரியர்கள் பேசுறது சகிக்க முடியலை. 'அவுட்டிங் போறீயா? எவன்கூட போற? உங்க வீட்டுல மாப்பிள்ளை பார்க்கத் தெம்பில்லைன்னு எவனையாவது புடிச்சுக்கிட்டு வான்னு அனுப்பிட்டாங்களா?’னு கேட்கிறாங்க. ஒரு பொண்ணுகிட்ட இப்படியா எல்லா ஸ்டூடன்ட் முன்னாடியும் பேசுவாங்க?'' என்று கொதித்தனர் மாணவிகள். அதனால் கல்லூரிக்கு ஒரு வாரம் விடுமுறை அளித்து நிலைமையை சமாளித்து இருக்கிறார்கள்.

ஒரு சிலரைக் காப்பாற்றுவதற்காக ஒரு கல்வி நிறுவனம் தனது பெயரைக் கெடுத்துக்கொள்ளக் கூடாது. நியாயமான நடவடிக்கையை சம்பந்தப்பட்டவர்கள் மீது எடுப்பதன் மூலமாக மட்டுமே இந்தக் களங்கம் துடைக்கப்படும். மாணவர்களைக் கையாள்வதில் ஆசிரியர்களுக்கு இன்னமும் நிறையப் பக்குவம் தேவை. அதைக் கற்றுக்கொடுப்பது யாரோ?

- பா.ஜெயவேல்

படங்கள்: முத்யாலாஸ்ரீ ஜெகன்நாத்

நன்றி: ஜூனியர்விகடன்

உங்கள் குழந்தைகள் பத்திரம்- குழந்தைகள் சீரழிக்கப்படுவது குறித்து வெளியான ஆனந்தவிகடன் கட்டுரை

2012-07-27T00:34:00.001-07:00

சென்னை வண்ணாரப்பேட்டையைச் சேர்ந்த 77 வயது சோமசுந்தரம் சிறையில் அடைக்கப்பட்டார். காரணம், மூன்று சிறுமிகளுக்கு ஆபாசப் படத்தை டி.வி-யில் போட்டுக் காட்டி, பிறகு பாலியல் பலாத்காரம் செய்தார் சோமசுந்தரம்.

பெரம்பலூர் மாவட்டம், அகரம்சீகூரில் உள்ள தனியார் மேல்நிலைப் பள்ளியின் ஒன்பதாம் வகுப்பு மாணவனான பரத்ராஜ் செய்த சின்ன தவறுக்காக அந்த மாணவனை மூன்று ஆசிரியர்கள் சேர்ந்து சிறுநீரைக் குடிக்கச் சொல்லி சித்ரவதை செய்திருக்கிறார்கள்!

கோவை பள்ளி ஒன்றில் இரட்டைச் சடை போடாமல் பள்ளிக்குச் சென்ற ஐந்தாம் வகுப்புமாணவியின் தலைமுடியை வெட்டிவிட்டு, முட்டி போடச் சொன்னார் உடற்கல்வி ஆசிரியை.

தி.மு.க-வின் பெரம்பலூர் முன்னாள் எம்.எல்.ஏ. ராஜ்குமார் வீட்டில் கொத்தடிமையாக இருந்தவர் சிறுமி சத்யா. ஆறு மாதங்களுக்கு முன் பூப்பெய்திய சத்யா தொடர் வல்லுறவு காரணமாக எட்டு நாட்கள் சுய நினைவு இல்லாமல் இருந்து வலியும் வேதனையும் மிகுந்து இறந்திருக்கிறார். சம்பந்தப்பட்ட குற்றவாளிகளைக் காப்பாற்ற சத்யாவின் உடலில் இருந்த விந்தணுக்களை அகற்றி காயங்களை மறைக்கச் சில மருத்துவர்கள் முயன்றிருக்கின்றனர்.

கடந்த சில வாரங்களில் மட்டும் பத்திரிகைகளில் பதிவான குழந்தைகளுக்கு எதிரான வன்முறைச் செய்திகள் இவை!

இந்தியாவின் மக்கள்தொகையில் 40 சதவிகிதம் குழந்தைகள்தான். அதாவது சுமார் 44 கோடி குழந்தைகள் இருக்கிறார் கள். குழந்தைகள் தினம் கொண்டாடும் தேசத்தில், இன்று மிக மோசமாக சிதைக்கப்படுபவர்கள் குழந்தைகள்தான்!

இந்தியாவில் குழந்தைகள் மீது நடத்தப்படும் வன்முறைகளில் முக்கியமானவை... வகுப்பறை வன்முறை, பாலியல் வன்முறை, குழந்தைத் தொழிலாளர் வன்முறை, குழந்தைகளைக் கடத்திக் குற்றவாளிகளாக் கும் வன்முறை.

வகுப்பறை வன்முறைகள்

வலி உண்டாக்கக் கூடிய அல்லது காயப்படுத்தும் உள்நோக்கத்துடன் குழந் தைகளிடம் பேசுவதும் தண்டிப்பதும் வகுப்பறை வன்முறைதான். வகுப்பறைக்கு உள்ளேயோ, வெளியேயோ தனி நபராகவோ அல்லது சில பேர் இணைந்தோ உடல்,மன ரீதியாகக் குழந்தைகளைத் துன்புறுத்துவது தான் பல பள்ளிகளில் நடக்கிறது. ''கல்வி உரிமைச் சட்டப்படி வகுப்பறையில் எந்தக் குழந்தையையும் முட்டாள், மக்கு என்றெல்லாம் திட்டக் கூடாது. அப்பா, அம்மாவின் தொழில்குறித்து இழிவாகப் பேசக் கூடாது. சான்றிதழ்களில் மட்டுமே சாதி குறிப்பிடப்பட வேண்டும். வகுப்புஅறையில் எந்த மாணவனிடமும் 'நீ என்ன சாதி?’ என்று கேட்கக் கூடாது. பள்ளிக் கட்டணம் செலுத்தவில்லை என்று எந்த மாணவனையும் அவமானப்படுத்தக் கூடாது. எட்டாம் வகுப்பு வரை ஒரு மாணவனை ஃபெயில் ஆக்கக் கூடாது என்றால், ஃபெயில் ஆகாத அளவுக்கு மாணவனைப் படிப்பில் முன்னேற்ற வேண்டும் என்று அர்த்தம்.

அதைவிடுத்துக் கண்டுகொள்ளாமல் இருப்பதல்ல, ஓர் ஆசிரியரின் பொறுப்பு. ஆனால், நம் சமூகத்தில் உள்ள நிலைமை என்ன?

சமூகத்தில் நம்மில் பலர் நினைப்பதுபோல ஆசிரியர் பணி ஒன்றும் அத்தனை சுலபமானது அல்ல. கிட்டத்தட்ட எதிர்காலச் சமூகத்தையே கட்டமைக்க வேண்டிய கடமை ஆசிரியர்களுக்கு உண்டு. கிராமப்புறங்களில் பள்ளியில் படிக்கும் ஒரு மாணவிக்குக் குழந்தைத் திருமணம் நடந்தால், அதைத் தடுக்க வேண்டிய பொறுப்பும்கூட அந்த மாணவி பயிலும் பள்ளியின் தலைமை ஆசிரியருக்கும் மற்ற ஆசிரியர்களுக்கும் உண்டு. இத்தனை பொறுப்புகளை அரசியல் சட்டமே கட்டாயமாக்கி இருக்கிறது. தன் கடமையில் இருந்து மீறுவது, மன உளைச்சலை ஏற்படுத்துவது, அத்துமீறுவது என ஆசிரியர் செயல்பட்டால் 17(ஆ) சட்டப்படி ஆசிரியரை சஸ்பெண்ட் அல்லது பணிநீக்கம் செய்யலாம். ஆனால், நிஜத்தில் நடப்பது என்ன? பல வன்முறை களை ஆசிரியர்கள்தான் நடத்துகின்றனர்'' என்கிறார் எழுத்தாளரும் கல்வியாளருமான 'ஆயிஷா’ நடராஜன்.

ஆசிரியர்கள் செய்யும் தவறுகளை மாவட்டக் கல்வி அதிகாரி, கூடுதல் கல்வி அலுவலர், வட்டாட்சியர், மாவட்ட ஆட்சியர் போன்றவர்களிடம் சொல்லலாம். மெட்ரிக் பள்ளி என்றால் மாவட்ட மெட்ரிக் பள்ளி ஆய்வாளரிடம் புகார் தெரிவிக்கலாம். இப்படி அளிக்கப்படும் புகார்கள் மீது சம்பந்தப்பட்ட அதிகாரிகள் 48 மணி நேரத்தில் விசாரணை செய்ய வேண்டும்.

குழந்தைத் தொழிலாளர் வன்முறை

அரசு பல உத்தரவாதங்களைத் தந்தாலும் 66 ஆண்டு கால சுதந்திர இந்தியாவில் குழந்தைத் தொழிலாளர் முறையை ஒழித்தபாடில்லை. குழந்தை உழைப்பு சம்பந்தப்பட்ட வீட்டுக்கு அவமானம் இல்லை; ஒரு நாட்டுக்கே அவமானம்.

''எந்தக் கொள்கையானாலும் திட்டமா னாலும் அதில் குழந்தைகளைக் கவனத்தில் கொள்ளாமல் உருவாக்கப்படுமானால் அவை அரைகுறையாக இருக்குமே தவிர, முழுமையானதாக இருக்காது. குழந்தைகள் எப்படித் தொழிலாளர்கள் ஆகிறார்கள்? 'ஸ்லம்லஸ் சென்னை’, 'விஷன் 2020’ என்று கவர்ச்சிகரமான திட்டங்களைச் சொல்லி மக்களை அப்புறப்படுத்தும்போது குழந்தை கள் படிப்பதை நிறுத்திவிட்டுத் தொழிலாளர் களாகின்றனர். நெல் விளையும் பூமியை பிளாட் போட்டு விற்பதால் சென்னை, திருப்பூர், பெங்களூரு எனத் திசையெங்கும் செல்பவர்கள் குழந்தைகளோடு அல்லல் படுகிறார்கள். பிழைப்புக்காகக் குழந்தை களும் வேலை செய்ய வேண்டிய கட்டா யம் ஏற்படுகிறது'' என்கிறார் குழந்தை உழைப்பு எதிர்ப்புப் பிரசார இயக்கத் தலைவர் தேவநேயன்.

''குழந்தைத் தொழிலாளர்களைத் தடைசெய்வதற்கான சட்டங்கள் சரியாகச் செயல்படுத்தாததால்தான் அனைத்துப் பணி இடங்களிலும் குழந்தைகளைக் கடுமையான பணிகளில் ஈடுபடுத்துவது தொடர்ந்து நடந்துகொண்டு இருக்கிறது. கடந்த 10 ஆண்டுகளில் மட்டும் தொழிலா ளர் துறை நடத்திய ஆய்வில் 1.07 லட்சம் குழந்தைத் தொழிலாளர்கள் பணிகளில் ஈடுபடுத்தப்பட்டது கண்டுபிடிக்கப்பட் டது. ஆனால், இதன் விளைவு என்ன? குழந்தைத் தொழிலாளர்கள் பெருகிக்கொண்டுதான் இருக்கிறார்கள். இன்னும் சொல்லப்போனால், கூலிரீதியாகவும் அவர்கள் கடுமையாகச் சுரண்டப்படுகிறார்கள்'' என்கிறார் தேவநேயன்.

பாலியல் வன்முறைகள்

இந்தியாவில் உள்ள ஐந்தில் மூன்று குழந்தைகள் பாலியல் வன்முறைக்கு ஆளாகின்றன என்றால், நீங்கள் அதிர்ச்சி அடையலாம். ஆனால், அதுதான் உண்மை.

''தனக்குப் பிரியமானவர் தன் கன்னத்தைச் செல்லமாகக் கிள்ளுவதையோ, தலையில் தட்டிக் கொடுப்பதையோ, மடியில் அமர்த்திக்கொண்டு கதை சொல்வதையோ எல்லாக் குழந்தைகளுமே விரும்புவார்கள். இந்த விருப்பத்தைத்தான் குழந்தைகளுக்குப் பிரியமானவர்களே அவர்களை வேட்டையாடப் பயன்படுத்திக்கொள்கின்றனர்'' என்கிறார் வாழ்வியல் பயிற்சியாளர் ஷெரின்.

''பாலியல் கொடுமைக்கு உள்ளான குழந்தைகள் அந்தக் கசப்பான அனுபவத்தை மனதின் ஆழத்தில் புதைத்து மறக்கவே முயல்வார்கள். அழிக்க முடியாத அருவ ருக்கத்தக்க கறை தங்கள் மீது படிந்து விட்டதாகவே அவர்கள் உணர்வார்கள். இதனால் பெற்றோரின் அன்பை இழந்து விடுவோமோ என்று ஏகமாகப் பயப்படுவார்கள். அதேசமயம், தான் பாலியல் கொடுமைக்குஆளாக் கப்பட்டதை வெளியே சொன்னால், அதை மற்ற வர்கள் நம்புவார்களா என்ற குழப்பமும் அவர் களை அலைக்கழிக்கும். ஏனெனில், குழந்தை களுக்கு எப்போதுமே அன்பும் அரவணைப்பும் தேவைப்படும்.

இத்தகைய சூழலில் நாம் செய்ய வேண்டியது என்ன? குழந்தையின் முழு நம்பிக்கைக்கு நாம் பாத்திரமாக வேண்டும். நடந்ததைச் சொல்வதில் தவறே இல்லை என்று குழந்தையிடம் வலியுறுத்திச் சொல்ல வேண்டும். குழந்தை சொல்வதை முழுவதும் நம்ப வேண்டும். நடந்தவற்றுக்கு குழந்தை எந்த வகையிலும் பொறுப்பல்ல என்பதை ஆணித்தரமாகக் கூற வேண்டும். இவை போக, பல தடுப்பு நடவடிக்கைகளும் தேவை. குழந்தைகளுக்குச் சிறு வயதில் இருந்தே தற்காப்பு விவரங்களையும் அவர்களது உடலைத் தொடுவதற்கு யாருக்கும் உரிமை இல்லை என்பதையும் மனதில் பதியவைக்க வேண்டும். வன்மத்தோடு யார் நெருங்கினாலும் சத்தம் போடுவது, கத்துவது, ஹேர்பின்னால் குத்துவது என்று தன் எதிர்ப்பைத் தைரியமாக வெளிப்படுத்தப் பழக்க வேண்டும்.

இதில் கல்வி நிலையங்களுக்கும் பெரும் பொறுப்பு உண்டு. ஆனால், இப்போது எல்லாம் அந்த சரணாலயங்களிலேயே குழந்தைகள் வேட்டையாடப்படும் கொடூரத்தை எங்கு சென்று சொல்வது?'' என்கிறார் ஷெரின் காட்டமாக.

குழந்தைகள் கடத்தல், வன்முறைகள்

தனி மனித விரோதத்திலும், பழிவாங்க வேண்டும் என்ற எண்ணத்திலும் பணத்துக்காகவும் குழந்தைகள் கடத்தப்படுவது அடுத்த அதிர்ச்சி. இதுகுறித்து வழக்கறிஞர் அஜிதா பேசுகிறார்: ''ஆயுத வியாபாரம், போதைப்பொருள் கடத்தல், குழந்தைக் கடத்தல் என்ற மூன்று குற்றங்களும் உலக அளவிலான பெரிய குற்றங்களாகக் கருதப்படுகின்றன. இந்தியா, பர்மா, வங்க தேசம் உள்ளிட்ட தெற்காசிய நாடுகளில் குழந்தைகள் அதிகம் கடத்தப்படுகின்றனர். இப்படிக் கடத்தப்படும் குழந்தைகளைச் சூதாட வைத்தல், பிச்சை எடுக்கவைத்தல், பாலியல் தொழிலுக்கு உட்படுத்தல் என்று பல்வேறு குற்றங்கள் செய்து வியாபாரப் பொருளாக்கிவிடுகின் றனர். வசதியானவர்களின் பிள்ளை களைவிட அதிகம் கேள்வி கேட்காத, வறுமை நிலையில் உள்ள குழந்தை களே கடத்தப்படுகின்றனர். கல்வி யிலும் பொருளாதார நிலையிலும் மாற்றம் உண்டாவது மட்டுமே இந் நிலையில் மாற்றத்தை உண்டாக்கும். 18 வயதுக்கு உட்பட்ட 63 சதவிகிதக் குழந்தைகளுக்குத் திருமணம் நடப்பதால் சிறு வயதில் குழந்தை பெற்றுக்கொள்வது, அடிப்பது, மிதிப்பது என்று 53 சதவிகிதம் குடும்ப வன்முறைகள் நடக்கின்றன.

தற்போது குழந்தைகளுக்கு எதிரான குற்றங்கள் குறித்த முழுமையான சட்டம் நடைமுறையில் இல்லை. குழந்தைகளுக்கு எதிரான குற்றங்கள் தடுப்புச் சட்டம் நகல் வடிவில் விவாதிக்கப்பட்டு வருகிறது. அது முழு வடிவம் பெற்றால் குழந்தைகள் மீது வன்முறை நிகழ்த்துபவர்களுக் குக் கடுமையான தண்டனைகள் வழங்கப்படும். தற்போது பாலியல் வன்முறை செய்யும் நபருக்கு ஏழு ஆண்டுகள் வரை சிறைத் தண்டனையும் பாலியல் வன்புணர்ச்சி செய்து கொலை செய்யும் நபருக்கு மரணதண்டனை வரைக்கும் தண்டனைகள் தரப்படுகின்றன. ஆனால், இதில் பல சட்டச் சிக்கல்கள் இருப் பதால் பல குற்றவாளிகள் எளிதாகத் தப்பித்துக்கொள்கின்றனர். எனவே, 'என் நாட்டில் வாழும் எந்த ஒரு குழந்தையும் எந்த விதத்திலும் பாதிக் கப்படாது’ என்பதை அரசியல் தீர்மானமாக நிறைவேற்ற வேண்டும். அப்போதுதான் சட்டங்கள் முழுமையாக வேலை செய்யும்!'' என்கிறார் அஜிதா தீர்க்கமாக.

குழந்தைகளுக்கான மனநல மருத்துவர் சாரதா சீனிவாசன் குழந்தைகளுக்குத் தர வேண்டிய பயிற்சிகள் குறித்துப் பேசுகிறார்:

''குழந்தைகள் தங்களுக்கு என்ன நடந்தாலும் அதைத் தாயிடமோ, தந்தையிடமோ வெளிப்படையாகச் சொல்லும் சூழல் வீட்டில் வேண்டும். தொடக்கப் பள்ளிகளிலேயே உடல் அங்கங்கள்குறித்த தெளிவை ஏற் படுத்த வேண்டும். உடலமைப்பை வரைந்து காட்டி அந்த இடங்களில் யாராவது தவறாகத் தொட்டால் உதவி என்று கத்தச் சொல்லலாம். அந்த இடத்தைவிட்டு ஓடிவரச் சொல்லிக் கொடுக்கலாம்.

நீச்சல் குளத்துக்குக் குழந்தைகள் சென்றால் அதிக கவனம் செலுத்த வேண்டும். கோச், டிரைவர் உள்ளிட்ட அத்தனை பேரும் எப்படிப் பழகுகிறார்கள் என்பதைப் பெற்றோர் கண்காணிக்க வேண்டும். குழந்தையுடன் பெற்றோர் அவசியம் சென்று வர வேண்டும்.

காரில் டிரைவரை நம்பி குழந்தையை அனுப்பக் கூடாது. அம்மாவோ, அப்பாவோ குழந்தையைப் பள்ளியில் விட்டு வர வேண்டும். ஆட்டோ, வேனில் குழந்தையைப் பள்ளிக்கு அனுப்புபவர்கள் டிரைவருடைய செல்போன் எண், முகவரி உள்ளிட்ட அனைத்து விவரங்களையும் தெரிந்துவைத்திருக்க வேண்டும்.

பள்ளியிலோ, வெளியிலோ குழந்தைகளைக் குழுவாகச் செல்ல அறிவுறுத்த வேண்டும். தனியாகச் செல்ல அனுமதிக்கக் கூடாது'' என்கிறார்:

இவை எல்லாம் எங்கோ தூர தேசத்தில், முகம் அறியாக் குழந்தைகளுக்கு நிகழும் கொடுமைகள் என்று நினைக்காதீர்கள். உங்களுக்கு அருகில்... ஏன் உங்கள் வீட்டிலேயே இருக்கும் குழந்தையும் இந்தக் கொடுமைக்கு ஆளாகி இருக்கலாம். இப்படியான சூழ்நிலைகளைக் குழந்தைகளுக்குப் புரியவைத்து, அவர்களை அதை எதிர்கொள்ளப் பழக்குவது பெற்றோரின் மிக முக்கியமான கடமை. ஏனெனில், பெரும்பாலான குற்றங்களில் சம்பந்தப்பட்டு இருப்பவர்கள் குழந்தைகளின் மிக நெருங்கிய உறவினர்தான். எனவே, குழந்தைகள் வன்முறை குறித்த விழிப்பு உணர்வு பெற்றோர்களுக்குத்தான் இப்போதைய அதிஅவசியத் தேவை!

-க.நாகப்பன்

ஓவியங்கள் : பாலமுருகன்

நன்றி: ஆனந்த விகடன்.1.08.10

நான்காம் வகுப்பு சிறுமியை... பத்தாம் வகுப்பு மாணவன்! சொல்லவும் கூசும் கொடூரம்

2012-07-26T01:35:00.000-07:00

வாழ்வை மேம்படுத்த உதவும் அறிவியல் கண்டுபிடிப்புகளை ஆக்கபூர்வமாக அன்றி அழிவுப்பாதைக்குப் பயன் படுத்தினால் என்னவாகும் என்பதற்கு மறுபடி ஓர் உதாரணம். இந்தமுறை பரிதாப இலக்கு ஒரு மாணவி!

திண்டுக்கல் மாவட்டம் வேடசந்தூர் அருகே உள்ளது தென்னம்பட்டி கிராமம். இங்குள்ள அரசு தொடக்கப்பள்ளியில் நான்காம் வகுப்பு படிக்கிறாள் ஒன்பது வயதான பார்வதி (பெயர் மாற்றப்பட்டு உள்ளது). அதே ஊரில் உள்ள மற்றொரு அரசுப் பள்ளியில் 10-ம் வகுப்பு படிக்கிறான் ரவி (பெயர் மாற்றப்பட்டு உள்ளது). . கடந்த 21-ம் தேதி, பார்வதியை பலாத்காரம் செய்ததாக ரவி கைது செய்யப்பட... அதிர்ந்து நிற்கிறது திண்டுக்கல் வட்டாரம்!

மருத்துவப் பரிசோதனைக்காக வடமதுரை அனைத்து மகளிர் காவல்நிலையத்தில் மலங்க, மலங்க விழித்தபடி காத்திருந்த சிறுமி பார்வதியிடம் பேசினோம்.

''அண்ணே... நான் நாலாப்பு படிக்கிறேன். அன்னிக்கி ஆய் உக்கார்றதுக்காக அந்தப் பக்கமா போனேன். அப்ப அந்த அண்ணா வந்துச்சு. ' உன்னை கூப்புட்டு வரச்சொன்னாங்க’ன்னு கூப்புட்டுச்சு. நான் வர மாட்டேன்னுட்டேன். உடனே, என்னை அடிச்சு இழுத்துட்டுப் போச்சு. நான் அழுதுகிட்டே சத்தம் போட்டேன்.. உடனே அந்த அண்ணன் கர்ச்சீப்பை எடுத்து என் வாயில் வெச்சு அமுக்கிடுச்சு. 'நான் சொல்றபடி கேக்கலைன்னா கொன்னுடுவேன்'னு கழுத்தைப் பிடிச்சு அமுக்கிச்சு. அப்புறம் என் துணிகளை...'' (அதற்கு மேல் சொல்வதற்கு அந்தக் குழந்தைக்கும் தெளிவில்லை... கேட்க நமக்கும் தெம்பில்லை) என்றபடி அழத் தொடங்கினாள் பார்வதி.

அந்தச் சிறுமியே தொடர்ந்தாள்.

''கர்ச்சீப் கீழே விழுந்ததும் நான் கத்துனதைக் கேட்டு விறகு வெட்ட வந்தவங்க ஓடி வந்தாங்க. உடனேஅந்த அண்ணா டவுசரை தலையில மாட்டிக்கிட்டு ஓடிடுச்சு. நான் வீட்டுக்கு வந்து அம்மாகிட்ட சொன்னேன்'' என்றபடியே நினைவுகள் தந்த நடுக்கத்தோடு தன் தாயாரை அணைத்துக் கொண்டாள்.

சிறுமியின் தாய் ஈஸ்வரி, ''நாங்க அன்னாடு கூலிக்குப் போனாதாங்க கஞ்சி. எங்களுக்கு ரெண்டு பொட்டப் புள்ளைங்க. இவதான் மூத்தவ. டவுனுபள்ளிக்கூடத்துல படிக்க வெக்க வசதியில்லாம உள்ளூர்ல படிக்க வெச்சோம். நாலாப்பு படிக்கிற பிள்ளையை இப்படி செஞ்சிப் புட்டானே... இவ தலையெழுத்து... எந்த தப்பும் பண்ணாம இந்த வயசுலயே போலீஸ், கோர்ட்னு அலைஞ்சு இன்னும் அவமானப்பட வேண்டியதாப் போச்சு'' என்றபடி தலையில் அடித்துக் கொண்டு கதறினார்.

இந்த வழக்கு தொடர்பாக நம்மிடம் பேசிய வடமதுரை அனைத்து மகளிர் காவல்நிலைய இன்ஸ்பெக்டர் கீதா, ''இந்த பிரச்னைக்குக் காரணமான அந்தப் பையன் இப்ப சீர்திருத்தப் பள்ளிக்குப் போயிட்டான். இதுக்கெல்லாம் காரணமே செல்போன்தான். அந்த ஊர்ல இருக்குற சில பசங்களோட செல்போன்ல ஆபாசப் படங்களை பார்ப்பானாம். அன்னிக்கும் அப்படி ஒரு படத்தைப் பாத்துட்டு இருந்தப்பதான், இந்தப் பிள்ளையைப் பார்த்திருக்கான். உணர்ச்சி வேகத்தில் இப்படிக் கேவலமா நடந்துக்கிட்டான். விசாரணை செய்றப்ப இதைத்தான் சொல்லிச் சொல்லி அழறான். 'இனிமே அசிங்கமான படத்தைப் பாக்க மாட்டேன். இப்படி நடந்துக்க மாட்டேன்'னு கதறி குமிச்சான். அவனைப் பெத்தவங்களும் தப்பு செஞ்சவன் தண்டனையை அனுபவிக்கட்டும்னு கோபத்தில் போயிட்டாங்க. எத்தனை பேருக்கு எவ்வளவு அவமானம், வேதனை பாருங்க'' என்றார்.

அறியாத வயதிலேயே இதுபோன்ற பாலியல் குற்றங்களில் ஈடுபடத் தூண்டுவது குறித்து மனநல மருத்துவர் அன்னராஜிடம் கேட்டோம். ''இன்டர்நெட்டில் கொட்டிக்கிடக்கும் குப்பைகள்தான் முக்கியக் காரணம். அவற்றையும் மொபைல் போன்கள் மூலம் பரிமாறிக் கொள்ளும் அசிங்கங்களையும் பார்க்கும்போது, வயது வித்தியாசம் இல்லாமல் வக்கிர எண்ணங்கள் தூண்டப்படுவது இயற்கைதான்.

வயதில், வலிமையில் குறைந்த பெண்ணாக இருப்பதால் வெளியே சொல்ல மாட்டாள் என்ற தைரியத்தில் இந்தத் தவறை செய்து இருக்கிறான் அந்தப் பையன். அந்தப் பெண் குழந்தைக்கு உடனடியாக உளவியல் ரீதியான சிகிச்சை அளிக்கா விட்டால் வாழ்க்கை முழுவதும் கூட இந்தப் பாதிப்பு மனதைவிட்டு அகலாது.

அந்தப் பையனுக்கும் உளவியல் சிகிச்சை அவசியம். இல்லா விட்டால் எதிர்காலத்தில் குற்ற உணர்வும், சீர்திருத்தப் பள்ளியின் சூழலும் அவனை மிகப்பெரிய குற்றவாளியாக மாற்றிவிடும் வாய்ப்பு உண்டு. பொதுவாகவே செல்போன், இன்டர்நெட் போன்றவற்றைப் பயன்படுத்தும் குழந்தைகளின் பெற்றோர்கள் மிகவும் கவனத்துடன் இருந்தாக வேண்டும். பள்ளிகளிலும் உளவியல் ஆரோக்கியம் தொடர்பான விழிப்பு உணர்வை தொடர்ந்து ஏற்படுத்த வேண்டும். இல்லையென்றால், கட்டவிழ்ந்து கிடக்கும் அறிவியல் வளர்ச்சியால் இளம் சமுதாயத்துக்கு கெடுதலே அதிகம் மிஞ்சும்'' என்றார்.

வரங்களே சாபங்களாக மாறாதிருக்க, கூடுதல் கவனம் தேவைதானே!

- ஆர்.குமரேசன்

படங்கள்: வி.சிவக்குமார்

நன்றி: ஜூனியர் விகடன். 29 ஜூலை 2012

செக்ஸ் தரகர்கள் பிடியில் மாணவ மாணவிகள்... 23 மாணவிகளை காப்பாற்றிய வெளிச்சம்

2012-07-25T22:14:00.000-07:00

இந்த பிரச்சனையை பற்றி நாங்கள் எதையும் எழுத போவதில்லை... இதை பாருங்கள் வலிகள் நிறைந்த வேதனை உங்களுக்கு தெரியும்.. உங்கள் வீட்டில் யாராவது ரகசியமாக போன் பேசுகிறார்களா......... உடனே கவனியுங்கள்...

சரி: வீடியோ, பத்திரிக்கை செய்திகளை பாருங்கள்..

நன்றி: புதிய தலைமுறை தொலைக்காட்சி

நன்றி: விஜய் டிவி நடந்தது என்ன

நன்றி: நக்கீரன்

நன்றி: மீடியா வாய்ஸ்

காதலியை விபசாரத்தில் தள்ளிய கொடுமை – செல்போனில் பேசி பல பெண்களை சீரழித்த 8 பேரை காவல்துறை கைது செய்ததன் பின்னனியில் வெளிச்சம்- விழிப்புணர்வு கட்டுரை

2012-07-11T18:38:00.000-07:00

உங்கள் வீட்டில் யாராவது யாருக்கும் தெரியாமல் போனில் திருட்டுதனமாக பேசுகிறார்களா?... இல்லை அவர்களின் நடவடிக்கைகளில் உங்களுக்கு சந்தேகம் ஏற்படுகிறதா? இந்த கட்டுரையை தவறாமல் படிங்க:

ஒரு வருடத்திற்கு முன்னால் வேலூர் மாவட்டம் ராணிப்பேட்டையை சேர்ந்த 17 வயது அனுவின் (பெயர் மாற்றப்பட்டுள்ளது)

தன்னுடைய போனுக்கு வந்த ராங்க் காலை நீங்க யாருங்க என பேச்சி விட்டு ராங்க் கால் என சொல்லிவிட்டு போனை துண்டித்து விட்டார். அதற்கு அடுத்த நாளும் அந்த கால் இவர் துண்டித்து விடுகிறார்.. ஒரு கட்டத்தில் எதிர் முனையில் பேசிய நபர் நைசாக பேசி… அந்த பெண்ணை காதலிப்பதாக சொல்லியிருக்கிறார். காதல் கண்ணை மறக்கும் என்பதுபோல் பெற்றவர்களின் கண்ணீரை மறைந்து விட்டு ராஜுடன் போனில் பேசினார்.

ஒரு கட்டத்தில் உன்னை பார்க்காமல் என்னால் இருக்க முடியவில்லை எனும் நிலைக்கு தள்ளப்பட்ட அனு, வீட்டில் இருப்பது கஸ்டமாக இருக்கிறது நீ வந்து என்னை பொண்ணு கேளு என சொல்ல, எங்க வீட்டில் ஒரே கொஞ்சம் பிரச்சனையா இருக்கு, வேணா நீ வந்துடு நான் உன்னை கல்யாணம் பண்ணிக்கிட்டு காப்பாத்துறேன் என்னை நம்பி வா என அழைக்க, காதலன் பேச்சில் மயங்கிய அனு வீட்டை விட்டு வந்து விடுகிறார்…..

· காதலியாக இருந்து விபச்சாரியாக மாற்றப்பட்ட அனு அனுபவித்த கொடுமை……..
· இப்படியே பல பெண்களை சீரழித்த 9 பேரை கைது செய்ததன் பின்னனியில் வெளிச்சம் ….
· செல்போனால் சீரழியும் இளைஞர்கள் மற்றும் இளம்பெண்களை காப்பாற்ற என்ன செய்ய போகிறோம்

தொடர்ந்து பார்க்க: புதிய தலைமுறை தொலைக்காட்சியில் வெளியான பதிவை..

நன்றி; புதிய தலைமுறை மற்றும், ஸ்டார் விஜய் தொலைக்காட்சியின் நடந்தது என்ன குழுவினருக்கும்

-வெளிச்சம் நந்தினி

பள்ளிக்கல்வியில் கிரேட் சிஸ்டம் எப்படி இருக்கிறது

2012-06-17T02:56:00.000-07:00

பள்ளிப்படிப்பு கடினமாக இருக்கக் கூடாது. புரிந்து படிக்க வேண்டும். கற்பிக்கும் முறையில் இது போன்ற எளிமையை கொண்டு வருவது குறித்து ஆய்வு செய்ய, கடந்த 1986ம் ஆண்டு பேராசிரியர் யஷ்பால் தலைமையில் குழு அமைக்கப்பட்டது. அந்த குழுவின் பரிந்துரைக்கு ஏற்ப �சுமையற்ற கற்றல்� முறை ஏற்கப்பட்டது. இதையொட்டி தேசிய கல்விக் கொள்கை தயாரிக்கப்பட்டது.

அதற்கு பிறகு 2005ம் ஆண்டு தேசிய கலைத்திட்ட வடிவமைப்பு வெளியிடப்பட்டது. மேலும் தரமான கல்விக்காக பல்வேறு கல்விக் குழுக்கள் படிப்படியாக அமைக்கப்பட்டன. இவற்றின் வழிகாட்டுதல்கள், பரிந்துரைகள் ஆகியவற்றின் அடிப்படையில் இப்போது �தொடர் மற்றும் முழுமையான மதிப்பீட்டு முறை�(சிசிஇ) தமிழக பள்ளிகளில் நுழைந்துள்ளது. மனப்பாடம் செய்யும் முறை மெல்ல மெல்ல மறைந்து மாணவர்கள் தாங்களே பகுத்தாய்வு செய்து கொள்ள தயாராகி வருகின்றனர்.

ஒவ்வொரு குழந்தையின் உள்ளார்ந்த ஆற்றலை வெளியில் கொண்டு வருவது, அவர்களை முழுமையான ஆளுமை உள்ளவர்களாக மாற்றுவது ஆகியவற்றுக்கு இந்த மதிப்பீட்டு முறை துணையாக இருக்கும். இந்த ஆண்டில் (2012&2013) 1 முதல் 8ம் வகுப்புகளுக்கு இந்த முறை அமலாக்கப்பட்டுள்ளது. மாணவர்களின் மன அழுத்தம் இதனால் குறையும். தேர்வு பயம் நீங்கும். தொடர் மதிப்பீட்டு முறையில், கல்வி சார்ந்த மற்றும் அதனுடன் இணைந்த செயல்பாடுகள் அனைத்தும் மதிப்பீட்டுக்கு எடுத்துக் கொள்ளப்படும்.

ஏ1 முதல் இ1 வரை

ஒவ்வொரு பருவத்திலும் மாணவர்களின் கற்றல் அனுபவம், தரம் ஆகியவற்றை அடிப்படையாக கொண்டு தரப்புள்ளிகள்( கிரேடு) வழங்கப்படும். இதன்படி 91&100 மதிப்பெண்கள் எடுக்கும் மாணவர்களுக்கு �ஏ1� கிரேடு வழங்கப்படும். தரப்புள்ளியாக �10�புள்ளிகள் வழங்கப்படும். இறுதியாக 21&32 மதிப்பெண்கள் எடுப்போர் �இ1� கிரேடு பெறுவார்கள். தரப்புள்ளிகள் இதற்கு கிடையாது. தரப்புள்ளிகள் பெறாதவர்கள் கற்றலில் மேம்பாடு அடையவில்லை என்று எடுத்துக் கொள்ளப்படுவார்கள். அதவாது அவர் தேறாதவர் என்று கருதப்படுவார்.

இந்த கிரேடு வழங்கும் முறை கடந்த 2 ஆண்டுகளுக்கு முன்பே சிபிஎஸ்இ பள்ளிகளில் கொண்டு வரப்பட்டது. முதலில் 1 முதல் 9ம் வகுப்பு வரை கொண்டு வரப்பட்டது. பிறகு உயர் வகுப்புகளுக்கும் இந்த முறை கொண்டு வரப்பட்டது. இது மாணவர்கள் இடையே வரவேற்பை பெற்றுள்ளது. இப்போது தமிழக மாநில கல்வி முறையிலும் இது கொண்டு வரப்பட்டிருக்கிறது.

மாணவர்களுக்கு மகிழ்ச்சி

நான்கு கல்வி முறைகளை கலைக்கப்பட்டு சமச்சீரான கல்வி முறையில் இப்போது மாணவர்கள் பயணிக்க தொடங்கிவிட்டனர். அதற்கான பாடங்கள் அனைத்தும் தரமாக மாற்றப்பட்டுள்ளன. ஏற்கெனவே இருந்த கருப்பு வெள்ளை பாடப்புத்தகம் ஒழிந்தது. இப்போது எல்லாமே கலர்தான். பாடங்களில் முக்கிய வரிகள் கலரில் இடம் பெற்றுள்ளன. அது தொடர்பான விளக்கப் படங்கள் உள்ளது உள்ளதுபோல அப்படியே போட்டோவாக கொடுக்கப்பட்டுள்ளது. இது மாணவர்களிடையே பெரும் வரவேற்பை பெற்றுள்ளது. அறிவியல் பாடப்புத்தகத்தில் இடம் பெற்றுள்ள படங்கள் மாணவர்களுக்கு பிரமிப்பை ஏற்படுத்தியுள்ளன. செல்கள், பாக்டீரியாக்கள், நோய்களை உருவாக்கும் நுண்ணிய கிருமிகள் ஆகியவை பல வண்ணங்களில் பெரிய அளவில் அச்சிடப்பட்டுள்ளன. இதை புத்தகத்தில் பார்க்கும் மாணவர்கள் நுண்ணோக்கியை தேடி ஓட வேண்டிய அவசியம் இருக்காது. அதைவிட இனிப்பான விஷயம் என்னவென்றால், ஒரு கல்வி ஆண்டு, மூன்று பருவங்களாக பிரிக்கப்பட்டு, அதற்கு ஏற்ப பாடப்புத்தகங்களும் மூன்றாக பிரிக்கப்பட்டுள்ளன. ஒன்று அல்லது இரண்டு புத்தகங்களில் ஒரு பருவத்தின் அனைத்து பாடங்களும் அடக்கமாகிவிட்டன. இதனால் புத்தகச் சுமையும் இப்போது குறைந்துள்ளது. இப்போது மாணவர்களுக்கு வழங்கப்பட்டுள்ள புத்தகங்களுக்கும் வரவேற்பு உள்ளது.

படிப்பு திறன் அதிகரிப்பு

தேசிய மற்றும் சர்வதேச அளவில் நடத்தப்பட்ட ஆய்வுகளின் படி மாணவர்களின் புத்தகச் சுமை அவர்களின் எடையில் 10 முதல் 15 சதவீதத்துக்கு மேல் இருக்கக் கூடாது. இதை கருத்தில் கொண்டு இந்த கல்வி ஆண்டில் 1&5 வகுப்புகளுக்கு ஒரே புத்தகமாகவும், 6&8 வகுப்புகளுக்கு இரண்டு புத்தகமாக அதாவது தமிழ், ஆங்கிலம் அடங்கியது ஒரு புத்தகமாகவும், கணக்கு, அறிவியல், சமூக அறிவியல் ஆகியவை சேர்த்து ஒரு புத்தகமாகவும் அச்சிடப்பட்டுள்ளது. இதன் மூலம் உடல் ரீதியான உபாதைகளான தசை மற்றும் எலும்பு சார்ந்த நோய்களில் இருந்து குழந்தைகள் பாதுகாக்கப்படுவார்கள்.

அரசுப் பள்ளிகளில் ஏற்படுத்தப்பட்டுள்ள கணினி வசதிகள், ஸ்மார்ட் கிளாஸ், ஆங்கில மொழி லேப், கணக்கு லேப், உள்ளிட்ட வசதிகள் அரசுப் பள்ளிகளில் வந்துள்ளதால் மாணவர்களே ஆர்வமாக படிக்கும் நிலை ஏற்பட்டுள்ளது. அதே போல தனியார் பள்ளிகளிலும் கட்டணம், அடிப்படை வசதிகள் ஆகியவை குறித்து அரசு தரப்பில் கவனம் செலுத்துவதால் தனியார் பள்ளிகளில் படிக்கும் மாணவர்களும் திறமையாக கல்வி கற்கும் சூழல் ஏற்பட்டுள்ளது. தனியார் பள்ளிகளிலும் ஸ்மார்ட் கிளாஸ் மற்றும் வீடியோ மற்றும் கான்பரன்சிங் மூலம் பாடங்களை படிக்கும் வசதிகள் செய்யப்பட்டுள்ளன. இதுவும் மாணவர்களின் கற்கும் திறனை அதிகரித்துள்ளது. இவை தவிர கல்வியில் பின் தங்கிய ஒன்றியங்கள் 44ல் அரசு தரப்பில் 44 மாதிரி பள்ளிகள் ஏற்படுத்தப்பட்டு அதில் ஆங்கில வழிக் கல்வியும் அறிமுகம் செய்யப்பட்டன. இந்த பள்ளிகள் தொடங்கிய உடனே அத்தனையிலும் மாணவர்கள் சேர்ந்துவிட்டனர். அதனால் மேலும் மாதிரிப் பள்ளிகள் திறக்க வேண்டிய நிலை ஏற்பட்டுள்ளது. கூடுதலாக மாதிரிப் பள்ளிகளை திறக்க மத்திய அரசும் அனுமதி அளித்ததுடன் இந்த ஆண்டு மட்டும் அதற்காக ஸி135 கோடி வரை நிதி ஒதுக்கியுள்ளது. இதனால் கிராம மாணவர்கள் ஆங்கிலம் கற்று வருகின்றனர் என்பதே மாணவர்களின் திறமைக்கு சான்றாக உள்ளது.

தமிழகத்தை பாருங்க! சொல்கிறார் கபில்சிபல்

டெல்லியில் கடந்த மாதம் 29 மற்றும் 30ம் தேதிகளில் இந்தியாவில் அனைவருக்கும் கல்வி தொடர்பாக கருத்தரங்கு நடந்தது. அதில் ஆசிரியர்கள் கல்வி கற்பித்தல் தொடர்பான கொள்கைகளை வகுத்தல் குறித்து பல்வேறு கருத்தாளர்கள் பேசினர். அதில் மத்திய மனித வள மேம்பாட்டுத்துறை அமைச்சர் கபில் சிபல் கலந்து கொண்டார். அவர் அந்த கருத்தரங்கில்பேசும் போது, தமிழகத்தில் தற்போது அறிமுகம் செய்துள்ள சமச்சீர் கல்வி முறை சிறப்பாக உள்ளது என்று குறிப்பிட்டு, தமிழகத்தை பின்பற்ற வேண்டும் என்றும் தெரிவித்தார்.

இது தவிர முன்னாள் என்சிஇஆர்டி இயக்குநர் குப்தா, தமிழகத்தில் தற்போதுள்ள சமச்சீர் கல்விக்கான அனைத்து பாடப்புத்தகங்களையும் படித்து ஆய்வு செய்தார். ஆய்வின் முடிவில் தமிழகத்தின் பாடப்புத்தகங்கள் அனைத்தும் பிரமாதம் என்று தெரிவித்துள்ளார். குறிப்பாக தமிழகத்தில் தற்போது நடைமுறையில் உள்ள 10ம் வகுப்பு கணக்கு பாடங்களை மிகவும் புகழ்ந்து தள்ளியுள்ளார். மேலும், இந்த பாடங்களை படிக்கின்ற தமிழக மாணவர்களின் திறமை மற்ற மாநிலத்தைவிட நன்றாக உள்ளதாவும் தெரிவித்துள்ளார். இதுவே நமது தமிழக கல்வி முறைக்கும், மாணவர்களின் திறமைக்கும் சான்றாக எடுத்துக் கொள்ளலாம்

-வே.புகழேந்தி

நன்றி: தினகரன்.17.6.12

சன்டே சந்தோசத்தை இழக்கும் மாணவர்கள்

2012-06-16T18:45:00.000-07:00

” நெடு நாள் திரு முருகா

நித்தம் நித்தம்
இந்தெழவா?
இந்த வாத்தியாரு சாவாரா?
என் வயித்தெரிச்சல் தீராதா?”

என்ற ஒரு பழைய பாடலை எங்கள் தமிழாசிரியர் திருஞானம் அய்யா அவர்கள் அடிக்கடி கூறக் கேட்டிருக்கிறோம்.

அவர் மாணவராயிருந்த காலத்தில் அதிக நெருக்கடி கொடுக்கும் ஆசிரியர்களைப் பார்த்து மாணவர்கள் இப்படித்தான் பாடுவார்கள் என்றும், மிக நீண்ட செய்யுளை மனப்பாடம் செய்து வரச் சொல்லும் தன்னைப் பார்த்தும் அநேகமாக நாங்களும் இப்படித்தான் பாடுவோம் என்றும் சிரித்துக் கொண்டே சொல்வார்.

“எனக்கு சாவைத் தரச் சொல்லி முருகனிடம் இறைஞ்சினாலும் சரி, பாடலை மட்டும் அவசியம் மனப்பாடம் செய்துவிட்டு வாருங்கள்” என்று எங்களிடம் கறப்பதில் கறாராக இருப்பார்.

ஆக, படிக்கச் சொல்லியோ, அல்லது ஒழுக்க நெறி முறைகளில் அதிக நெருக்கடி கொடுக்கிறவராகவோ இருக்கும் ஆசிரியரை ஏதாவது செய் என்று இறைவனிடம் இறைஞ்சுகிற மாதிரி அமைந்துள்ள இந்தப் பாடலுக்கு வயது எப்படியும் ஓரிரு நூற்றாண்டுகள் இருக்கும்.

எந்தத் தன்னடக்கமும் இல்லாமல் எந்த இடத்திலும் என்னால் ஆகச் சிறந்த ஆசிரியர்களுள் என் தந்தையும் ஒருவர் என்பதை உரத்தக் குரலில் சொல்ல முடியும்.எங்கள் கிராமமான கடவூரில் இன்று இத்தனை பேர் நன்கு படித்து வளமாக இருக்கிறோம் எனில் அதில் அவரது பங்களிப்பும் நிச்சயம் இருக்கிறது. சினிமாவில் பார்ப்பது போல் எங்களூரைச் சுற்றிஎட்டுப் பட்டிகள் உள்ளன. இந்த எட்டுப் பட்டிகளிலும் பணி ஓய்வு பெற்ற இருபத்தி ஐந்து ஆண்டுகளுக்குப் பிறகும் இன்றும் அவர் எட்டாம் வகுப்பு ஆசிரியர் என்றே அறியப் பட்டும் அழைக்கப் பட்டும் வருகிறார்.

இன்னமும் எங்கள் வீட்டுக்கு “எட்டாம் வகுப்பு சார் வீடு” என்பதுதான் அடையாளம்.

இப்படி இன்றளவும் நாங்களே கூச்சப் படுகிற அளவுக்குக் கொண்டாடப் படுகிற என் அப்பா சாக வேண்டும் என்று அவரது மாணவர் ஒருவர் எங்கள் ஊரில் உள்ள கருணைகிரிப் பெருமாள் கோவிலில் தேங்காய் உடைத்து மனமுருகி வேண்டியிருக்கிறார். அப்படி வேண்டிக் கொண்ட கருப்பசாமி அண்ணன் இன்றைக்கும் எங்கள் ஊரில் மளிகைக் கடை வைத்திருக்கிறார்.

இது நடந்த போது நான் பிறந்திருக்கவே இல்லை என்று அப்பா அடிக்கடி சொல்வார். எனில் இது நடந்து குறைந்த பட்சம் ஐம்பது ஆண்டுகளாவது கடந்திருக்கும்.

ஆசிரியர் மாணவர் உறவு என்பது எப்போதுமே இப்படித்தான் இருந்திருக்கிறது. கடுமையாக நெருக்கடி கொடுக்கும் ஆசிரியர் செத்துத் தொலைத்தால்தான் நாம் நிம்மதியாக இருக்க முடியும் எனில் அப்படியே ஆகட்டும் என்று இறைவனிடம் வேண்டிக்கொள்ளும் மனப்பான்மை புதிதல்லதான்.

என்ன, அப்போதெல்லாம் வாதியாரு சாக வேண்டும் என்று வேண்டி விட்டோமே என்று அந்த மாணாவர் வருத்தப் படும் போது “விடுப்பா நான் என்ன அதனால செத்தா போயிட்டேன் “ என்று ஆற்றுப் படுத்த அந்த ஆசிரியரும் இருந்திருப்பார்.

இன்று ஆயிரம்தான் இர்ஃபான் வருத்தப் பட்டாலும், அழுது புரண்டு அரற்றினாலும் அவனை அள்ளி அணைத்து ஆற்றுப் படுத்த அவனது ஆசிரியை உமா உயிரோடு இல்லை என்பதுதான் வித்தியாசம்.

என்ன நடந்தது? எப்படி நடந்தது? என்பது குறித்து கூட தெளிவான தகவல்கள் கிடைக்கவில்லை. அவர் ஒரு அறிவியல் ஆசிரியரா? இல்லை இந்தி ஆசிரியரா? என்பதற்கும் நம்மிடம் தெளிவான பதில் எதுவும் நம்மிடம் இல்லை. அவர் அறிவியலில் Phd முடித்தவர் என்று சொல்கிறார்கள். அது உண்மை எனில் அவர் ஏன் இந்தி வகுப்பெடுக்க வேண்டும் என்ற கேள்வி இயல்பாகவே துருத்துகிறது.

உணர்ச்சி வசப்படுவதோ, அவசரப் படுவதோ அறவே தவிர்க்கப் பட வேண்டும். ஏற்கனவே நார் நாராய்க் கிழிந்து கிடக்கும் ஆசிரியர் மாணவர் உறவு நிலையை இது மேலும் மோசமாக்கி விடும் என்பதை உணர வேண்டும்.

ஒன்பதாம் வகுப்பு படிக்கும் ஒரு குழந்தையை தனது ஆசிரியைக்கு எதிராகவே கொலை வாளை சுழற்ற வைத்தது எது?

சத்தியமாய் நம்பலாம், ஒழுங்காகப் படித்து வாழ்க்கையில் உயரச் சொன்ன ஆசிரியையே குத்திக் குத்திக் கொன்று தொலைத்திருக்கிறோமே என்று எஞ்சிய வாழ் நாளெல்லாம் அந்தப் பிள்ளை நிம்மதியற்று அழுவானே. அவனது ஆயுட்கால அழுகைக்கு எது காரணம்?

தகாத சேர்க்கை, சினிமா, ஊடகங்கள் என்று பல்வேறு காரணங்கள் ஒன்றன் பின் ஒன்றாக அடுக்கப் படுகின்றன. இதில் உண்மை இல்லாமல் இல்லை. ஆனாலும் கல்விக் கூடங்களிலிருந்த கல்வி சந்தைக்கு கடத்தப் பட்டு, மாணவனை சான்றோனாக்குவது, மனிதப் படுத்துவது என்கிற கல்வியின் உயரிய செயல் திட்டத்திலிருந்து அவனை மதிப்பெண்களை அறுவடை செய்யும் அறுவை எந்திரமாக மாற்றுவது என்கிற நிலைக்கு கல்வியை தனியார் மயம் உந்தித் தள்ளிய நொடியில் இதற்கான விதை விதைக்கப் பட்டதாகக் கொள்ள வேண்டும்.

கொஞ்சம் மனசாட்சியோடு யோசித்துப் பார்ப்போம்,

தான் கொலை செய்யப் படுமளவிற்கு உமா அப்படி என்ன தவறு செய்தார்? அல்லது பத்துப் பதினைந்து முறை கத்தியால் குத்துமளவிற்கு உமா மேல் இர்ஃபானுக்கு என்ன தனிப்பட்ட கோவம்?

நன்கு படிக்கச் சொன்னார். அதில் கொஞ்சம் கடுமை காட்டியிருக்கிறார். அவன் ஒத்துழைக்காத போது அவனது பெற்றோரின் கவனத்திற்கு இதைக் கொண்டு போயிருக்கிறார். இத்தகைய நெருக்கடிகள் ஒரு கொலைக்கான நியாயமான காரணங்கள் தானா?

பிள்ளைகளது படிப்பில் அக்கறை காட்டிக் கொள்வதாக கருதிக் கொண்டிருக்கும் பெற்றோர்கள் தங்களது பிள்ளைகளின் நிரலைஎப்படி அமைக்கிறார்கள்?

அதிகாலை நான்கு மணிக்கு அலாரம் வைத்து எழுப்பி “படி” என்கிறார்கள். ஆறு மணிக்கு தனிப் பயிற்சி. அப்புறம் வீட்டிற்குப் போய் அவசர அவசரமாய் புட்டுப் போட்டுக் கொண்டு பள்ளிக்கு பாய்ச்சல். சிறப்பு வகுப்பு, பிறகு வகுப்புகள். மாலை சிறப்பு வகுப்பு, பிறகு மீண்டும் தனிப் பயிற்சி, பிறகு வீட்டிற்கு வந்தும் படிப்பு.

இதைப் படிக்கும் போதே நமக்கு தலை சுற்றி ஒரு எரிச்சல் வருகிறதே, அந்தப் பிள்ளைகளுக்கு எப்படி இருக்கும்?

பழைய கட்டமைப்பில் மதிப்பெண் தேர்ச்சி விழுக்காடு எல்லாம் பிரதானமில்லை. இதெல்லாம் பிரதானமில்லாமல் இருந்த போது வகுப்பறைகளில் கற்றல் கற்பித்தல் நடை பெற்றது. மதிப்பெண் பிரதானமான பிறகு கற்றலும், கற்பித்தலும் ஏறத்தாழ வழக்கொழிந்து போய் மனப்பாடம் செய்ய வைப்பதும் எழுதி வாங்குவதுமே பிரதானமாகிப் போனது.

கற்றல் ஒரு மாணவனுக்கு சிறகைத் தரும். மனப்பாடம் ஒரு வித தளர்ச்சியைத் தரும். கற்றலும் கற்பித்தலும் நடக்கும் போது மாணவனுக்குப் புரிய வேண்டும் என்றத் தேவை இருந்தது. கற்றல் கற்பித்தலில் மாணவன் ஒரு பொருட்டான இடத்தைப் பெற்றான். மனப்பாடம் என்று வரும் போது இயந்திரமாகிப் போனான்.

இது இயல்பாகவே மாணவர்களிடம் ஒரு ஒவ்வாமையை, கோவத்தை கொண்டு வந்து சேர்த்திருக்கிறது. நூறு டிகிரிக்கு வரும் வரை எப்படி நீரின் கொதி செயல் வெளியே தெரியாதோ அப்படித்தான் இதுவும். பெற்றோர் மீது, ஆசிரியர்கள் மீது, கல்விக் கட்டமைப்பின் மீது ஒரு வித கோவத்தை விதைத்து வைத்திருக்கிறது.

அதன் முதல் பலி உமா. ஆனால் கொஞ்சம் பொருப்போடு அணுகினால் இந்த மோசமான கல்விக் கட்டமைப்பின்பால் உள்ள மாணவக் கோவத்தின் முதல் பலி உமாவும் இர்ஃபானும்.

இதை இர்ஃபான் என்ற மாணவனின் கோவமாகப் பார்த்தால் நாம் தோற்போம். இது ஒவ்வொரு மாணவனுக்குள்ளும் இருக்கும் கோவத்தின் பிரதிபலிப்பு.

அன்றைய இந்தி வகுப்பிற்கு இர்ஃபான்தான் முதல் ஆளாக வந்திருக்கிறான். அவனை ஒரு புன்னகையோடு உமா வரவேற்றிருந்தால் ஒருக்கால் உமா இன்று உயிரோடு இருந்திருப்பதற்கும் ஒரு பெரு வாய்ப்புண்டு என்று மாதவராஜ் சொல்வதை மிகுந்த கவனத்தோடு பரிசீலிக்க வேண்டும்.
எதிர் பார்க்குமளவிற்கு தேர்ச்சி விழுக்காட்டையோ, மதிப்பெண்களையோ, அறுவடை செய்து தராவிட்டால் சுயநிதிப் பள்ளி ஆசிரியர்களுக்கு பணிப் பாதுகாப்பில்லை.

இப்படிச் சொல்வதால் அரசு பள்ளி மற்றும் அரசு உதவி பெறும் பள்ளி ஆசிரியர்களின் நிலைமை ஆரோக்கியமானது என்று இல்லை. இப்பள்ளிகளை சேர்ந்த தலைமை ஆசிரியர்கள் முன்பெல்லாம் தனது பதவி காலத்திற்குள் ஒரு பத்து அல்லது பன்னிரண்டு தலைமை ஆசிரியர் கூட்டங்களை சந்தித்திருப்பார்கள். ஆனால் இப்போதோ ஒரு மாதத்திற்கு மூன்று வருகிறது.

தலைமை ஆசிரியர் கூட்டமென்றால் தொடங்கியது முதல் முடிக்கும் வரை தேர்ச்சி விழுக்காடு தேர்ச்சி விழுக்காடு தேர்ச்சி விழுக்காடுதான்.

சமீபத்தில் நடந்த ஒரு தலைமை ஆசிரியர் கூட்டத்தில் ஒரு முதன்மைக் கல்வி அலுவலர் பேசியதைக் கேட்டால் இது விளங்கும். தேர்வெழுதி நேரடியாக அதிகாரியாக வந்தவர் அவர். எவ்வளவுதான் இரக்கமற்று கூட்டிச் சொன்னாலும் முப்பத்தி ஐந்துக்குமேல் இருக்காது. அந்தக் கூட்டத்தில் இருந்த தலமை ஆசிரியர்களின் சராசரி வயதை எவ்வளவுதான் பெருந்தன்மையோடு சொன்னாலும் ஐம்பத்தி நான்கிற்கு குறையாது. அவர் பேசினார்,

”தேர்ச்சி விழுக்காடு மட்டும் குறைந்தது பந்தாடிடுவேன் ஆமாம்.” தேர்ச்சி விழுக்காடே இலக்கு என்றானபின் எந்த வயதுக்காரரை எந்த வயதுக்காரர் எப்படி பேசுகிறார் பாருங்கள்.

அவரை எதிர்த்து எதுவும் செய்ய இயலாத தலைமை ஆசிரியர்கள் அடுத்த நாள் ஆசிரியர் கூட்டத்தை கூட்டி கொந்தளித்து தங்களது காயத்துக்கு களிம்பு தடவிக் கொள்கிறார்கள்.

இப்போது ஆசிரியர்களுக்கு அதை வகுப்பறையில் இறக்கி வைக்க வேண்டிய தேவை ஏற்படுகிறது. இந்த இறுக்கம்தான் அவர் எதிர்பார்க்காத ஒரு தருணத்தில் ஒரு மாணவன் சிரித்து விட்டால் “என்னடா இளிப்பு” என்று எரிந்து விழ வைக்கிறது. பிள்ளைகளின் சிரிப்பைக் கூட ரசிக்க விடாமல் நோகச் செய்கிறது இந்தக் கல்விக் கட்டமைப்பு.

பையனுக்குப் புரிகிறதோ இல்லையோ எதையாவது செய்து பெரும்பகுதி மாணவர்கள் ஆயிரத்தி நூறுக்கு குறையாமல் மதிப்பெண்களை எடுத்துவிட வைக்க வேண்டும் என்ற நெருக்கடியிலோ, அல்லது எல்லோரையும் தேர்ச்சி பெற வைத்து விட வேண்டும் என்ற நெருக்கடியிலோதான் தாயாய் தகப்பனாய் நடக்க இயலாமல் சர்க்கஸ் ரிங் மாஸ்டர்களாய் மாற வேண்டிய நிர்ப்பந்தத்திற்கு ஆசிரியர்கள் ஆளாகிறார்கள்.

இந்தப் புள்ளியில்தான் ஆசிரியருக்கும் மாணவனுக்கும் இடையே இருந்த ஒரு பெயர் தெரியாத பந்தம் அறுந்து போனது.

நாட்டில் உள்ள எல்லா மாணவர்களும் நிறைய மதிப் பெண்கள் பெற்றுவிட வேண்டும் என்கிற அக்கறையிலா சுய நிதிப் பள்ளி தாளாளர்கள் இது விசயத்தில் இவ்வளவு அக்கறை காட்டுகிறார்கள்? சத்தியமாய் இல்லை. அப்போதுதான் அவருக்கு சேர்க்கையும் கல்லாவும் வழியும்.

கல்லாவும் கல்வியும் கை கோர்த்த இந்த நொடிதான் சபிக்கப் பட்ட நொடி எனலாம்.

மனிதப் படுத்தவும் சான்றோனாக்கவும் ஆசிரியர் காட்டிய கடுமைக்கும், தனது பணியை தக்க வைத்துக் கொள்ளவும் முதலாளியின் கல்லாவை வழியச் செய்யவும் ஆசிரியர் காட்டும் கடுமைக்கும் நிறைய வித்தியாசம் இருக்கிறது.

இந்த இரண்டாவது வகைக் கடுமைதான் இன்றைய ஆசிரியர் மாணவர் உறவின் விரிசலுக்கானக் காரணம்.

மட்டுமல்ல, அப்போதெல்லாம் எதையும் கடந்து தங்களை ஆசுவாசப் படுத்திக் கொள்ள மாணவனுக்கு வாய்ப்பு இருந்தது. விளையாட நேரமிருந்தது. இப்போதோ அப்படியல்ல கந்தர்வன் பெண்களின் அவஸ்தைக் குறித்து இப்படிச் சொல்வார்,

“ நாளும் கிழமையும்
நலிந்தோர்க்கில்லை
ஞாயிற்றுக் கிழமையும்
பெண்களுக்கில்லை” என்று.

இதை கொஞ்சம் மாற்றி மாணவர்களின் அவஸ்தையோடு பொருத்தி இப்படிச் சொல்லலாம்

” நாளும் கிழமையும்
நலிந்தோர்க்கில்லை
ஞாயிற்றுக் கிழமையும்
மாணவர்க்கில்லை “ என்று.

கம்பியில் நடக்க வேண்டிய தருணமிது. ஒரு நூல் சலனப் பட்டு சாய்ந்தாலும் அது மாணவர்களுக்கும் ஆசிரியகளுக்கும் இடையே பகைமையை உண்டாக்கும்.

அழகான, ஒன்றுமறியாத, இரண்டு குழந்தைகள் அன்பான அம்மாவை இழந்து அநாதைகளாய் தவிக்கும் சோகம் ஒரு புறமெனில், ஒரு குழந்தையை உயிரோடு பறி கொடுத்து தவிக்கும் குடும்பம் இன்னொரு புறம்.

போதும்,

இனி ஒரு முடிவுக்கு வரவேண்டும்.

தேர்வுகளை மையப் படுத்தாத, மனித மாண்புகளை மையப் படுத்தக் கூடிய , மாணவர்களின் குறும்பை குதூகலத்தை அங்கீகரிக்கிற கல்விக் கட்டமைப்பும், லாப நோக்கில் குழந்தைகளை இயந்திரங்களாக மாற்றக் கூடிய சந்தையிலிருந்து கல்வியைப் பொதுப் படுத்தவும் வேண்டும்.

ஆசிரியர்கள், பெற்றோர்கள், மாணவர்கள், மாணவர் மற்றும் சமூக அமைப்புகள் அடிக்கடிக் கூடி அக்கறையோடு விவாதிக்க முன்வர வேண்டும்.

பெரும்பான்மை வகுப்பறைகளில் ஆசிரியர் இறுக்கத்தோடு நுழைகிறார். மாணவர்கள் இறுக்கத்தோடு எழுந்து நின்று வணங்குகிறார்கள். இறுக்கத்தோடே நகர்கிறது வகுப்பு. முடிந்ததும் மாணவர்கள் இறுக்கத்தோடே வெளியேறும் ஆசிரியரை அதை விட இறுக்கத்தோடு வழி அனுப்பி வைக்கிறார்கள். இனி அடுத்ததாய் இறுக்கத்தோடு வரப்போகும் ஆசிரியரை எழுந்து நின்று வரவேற்க இறுக்கத்தோடு தவம் இருக்கிறார்கள்.

ஆசிரியர்களும் மாணவர்களும் ஒரு புன்னகையோடு வகுப்பினைத் தொடங்கி ஒரு புன்னகையோடு அதை நிறைவு செய்யும் வகையில் கல்வி கட்டமைக்கப் பட வேண்டும்.

நன்றி ; “ காக்கைச் சிறகினிலே”

நன்றி: திரு.இரா.எட்வின் அவர்களின் வலைத்தளத்தில் ஞாயிறு மாணவர்க்கு இல்லை எனும் தலைப்பில்ம வெளியான கட்டுரை

உங்க பிள்ளைகளை நாமக்கல் பள்ளிகளில் சேர்க்க போறீங்களா?

2012-06-12T19:30:00.001-07:00

பத்தாம் வகுப்பு தேர்வு முடிவு வெளிவந்தவுடனும் அடுத்து வந்த இரண்டு நாட்களிலும் செய்தித் தாள்களைப் பார்த்தவர்கள் சற்றே கவலையுற்றிருக்கலாம். காரணம் நாமக்கல் மாவட்டத்தைச் சேர்ந்த சில பள்ளிகளின் விளம்பரம்.

1150க்கு மேல், 1100க்கு மேல், மெடிக்கல் கட் ஆஃப்பில் இத்தனை, பொறியியல் கட் ஆஃப்பில் இத்தனை என மாணவர்களின் புகைப்படங்களோடு முழுப் பக்கத்தையும் ஆக்ரமித்து பல பள்ளிகள் விளம்பரப் படுத்தி இருந்தன. இவர்களே அனைத்து முக்கிய கல்லூரிகளையும் பிடித்து விடுவார்களே? என்ற கவலை பலருக்கும் வந்திருக்கும்.

ஆஹா பேசாமல் இந்தப் பள்ளிகளில் நம் குழந்தைகளை சேர்த்து விட்டால் நல்ல மார்க் எடுத்து நல்ல கல்லூரி கிடைத்து லைப்பில் செட்டில் ஆகி விடுவார்கள் நம் பிள்ளைகள் என்று கருதும் சராசரி பெற்றோர்களுக்கு சில தகவல்களை தெரிவிக்கவே இந்த பதிவு.

இந்த விளம்பரங்களிலேயே ஒரு ஆஃபரையும் நீங்கள் கவனித்து இருக்கலாம். பத்தாம் வகுப்பில் 485/500 க்கு மேல் எடுத்தவர்களுக்கும், இரண்டு பாடங்களில் செண்டம் எடுத்தவர்களுக்கும் பள்ளிகட்டணம், விடுதி கட்டணம் கிடையாது என்பதே அது. (இந்தளவு மதிப்பெண் எடுத்திருந்தால் அல்லது இரண்டு பாடங்களில் செண்டம் எடுத்திருந்தால் அவர்கள் நியர் பெர்பெக்ட் மார்க் டேக்கிங் மெஷின் ஆகவே இருப்பார்கள். அவர்களை மதிப்பெண் வாங்க வைப்பது எளிது)

பின் 450க்கு மேல் எடுப்பவர்களுக்கும் சலுகை உண்டு. இப்படி சேரும் மாணவர்களை முதல் முன்று செக்‌ஷன்களில் வைத்துக் கொள்வார்கள். பின் இப்பள்ளிகளின் ரிசல்டால் கவரப்பட்டு சேரும் ஆயிரம் மாணவர்களை பின் உள்ள பத்து பதினைந்து செக்‌ஷன்களில் அடைத்து வைத்துக் கொள்வார்கள்.

பல ஆண்டு அனுபவம் உள்ள ஆசிரியர்களின் நேரடி கவனிப்பு அந்த முதல் மூன்று செக்‌ஷன்களுக்கே. அந்த பையன்களே பின் செய்திதாள் விளம்பரத்தையும் அலங்கரிப்பார்கள்.

மற்ற பையன்கள் அனைவரும் 100ல் இருந்து 160 வரை மட்டுமே கட்டாஃப் மார்க் எடுப்பார்கள். பெற்றோர்கள் இந்த உண்மை அறியாமல் தங்கள் பையன்களை திட்டி சித்திரவதைப் படுத்துவார்கள்.

இந்த ஆண்டு எனக்குத் தெரிந்த பையன்களே பத்து பேர் வரையில் நாமக்கல் பள்ளிகளில் படித்து 800 மதிப்பெண்களுடன் திரும்பியிருக்கிறார்கள். இதை அவர்கள் இங்கிருந்தே எடுத்திருக்கலாம்.

சரி இந்தப் பள்ளிகள் எப்படி வளர்ச்சியடைந்தன?

இதற்கும் 84ல் சுயநிதிப் பொறியியல் கல்லூரிகளின் தோற்றத்திற்கும் நெருங்கிய சம்பந்தம் உண்டு. எம்ஜியார் ஆட்சிக்காலத்தில் தொழிற்கல்வி பயில இண்டர்வியு முறை ஒழிக்கப்பட்டு நுழைவுத்தேர்வு முறை கொண்டு வரப் பட்டது. அதன் பின்னரே மதிப்பெண் மோகம் எல்லாருக்கும் பரவியது.

80களின் மத்தியில் பல மாவட்டங்களில் தலைசிறந்த பள்ளிகள் என்றால் மூன்று நான்குதான் இருந்தன. அவை பெரும்பாலும் அரசு உதவி பெற்று வந்த பள்ளிகள். அவற்றில் குறைந்த அளவே மாணவர் சேர்க்கைக்கு வாய்ப்பிருந்தது. எனவே அவை பத்தாம் வகுப்பில் 400க்கு மேல் எடுத்தால் தான் பிளஸ் 1 முதல் குரூப் என்று அறிவித்தன. அதே பள்ளியில் படித்து 399 எடுத்த பையன் வேறு வழியில்லாமல் அரசுப் பள்ளிக்கோ அல்லது வேறு தனியார் பள்ளிக்கோ செல்ல வேண்டியிருந்தது. இவை மாணவர்களை மன ரீதியில் பாதிப்புக்குள்ளாக்கியது.

இதன்பின் பல தனியார் மெட்ரிகுலேஷன் பள்ளிகள் பிளஸ் 1 படிப்பிற்கு இடங்களை அதிகரித்தன. ஆனால் அவை அடிமாட்டு விலைக்கு ஆசிரியர்களை நியமித்ததால் எதிர்பார்த்த மதிப்பெண்களை அவர்களால் பெற்றுத்தர முடியவில்லை.

இந்நிலையில் நாமக்கல் மாவட்டத்தில் தனியாரால் ஆரம்பிக்கப்பட்ட பள்ளிகள் ஆசிரியர்களுக்கு நல்ல சம்பளம், துணை விடுதி காப்பாளர் கூட மிக தகுதி வாய்ந்த ஆசிரியர் என்று களமிறங்கின. போதாக்குறைக்கு விடைத்தாள் திருத்தக்கூட தனி ஆசிரியர்கள். அவர்கள் பொதுத்தேர்வில் எம்முறையில் திருத்துவார்களோ அதே முறையில் திருத்தி மாணவர்களின் சாதக பாதகங்களையும் எழுதித்தருவார்கள். இதனால் பலரும் தங்கள் பிள்ளைகளை இங்கே சேர்ப்பதில் மிகவும் ஆர்வம் காட்டினார்கள்.

சரி அவ்வளவு தானே? முடிஞ்சா மார்க் எடுக்கட்டும். இல்லையின்னா நன்கொடை கொடுத்துக்குறோம். இதுக்கு ஏன் ஒரு பதிவு என்று கேட்கலாம். இவர்கள் மாணவர்களை படிக்க வைக்கும் முறை ஆபத்தானது. அதனால் தான் இந்த புலம்பலே.

நான் பனிரெண்டாம் வகுப்பு வரை சிற்றூரிலேயே வசித்து வந்தேன். கல்லூரியில் முதலாமாண்டு படிக்கும்போது, என் தந்தையின் பணிஉயர்வு மற்றும் இட மாறுதல் காரணமாக மாவட்டத்தலைநகர் ஒன்றிற்கு இடம் பெயர்ந்தோம். நாங்கள் குடியிருந்த வீட்டின் உரிமையாளர் கீழ் வீட்டிலும், மாடியில் நாங்களும். ஓனரின் மகன் பிளஸ் ஒன் படித்துக் கொண்டிருந்தான். ஒரு நாள் டியூசனில் இருந்து வந்தவன் 138 மார்க் எடுத்துட்டேன், என வீட்டில் சலம்பிக் கொண்டிருந்தான்.

பின் அவனிடம் விசாரித்தபோது இயற்பியலுக்கு டியூசன் செல்வதாகவும், பிளஸ் டூ பாடத்தை இந்த ஆண்டே படிப்பதாகவும் கூறினான். காலையில் நடந்த இயற்பியல் பொதுத் தேர்வின் வினாத்தாளுக்கு மதியம் 2-5 தேர்வு எழுதியதாகவும் அதில் 138/150 என்றும் கூறினான். பின்னர் இந்த விடுமுறையில் கணித டியூசன் என்றும், பள்ளி தொடங்கிய பின் வேதியியலில் கவனம் செலுத்தப் போவதாகவும் கூறினான். இது எனக்கு 91ல் கடும் அதிர்ச்சி. ஆனால் இன்று சர்வ சாதாரணம். அப்போது கிராமத்தில் பிளஸ் 1 பாடத்தை மாங்கு மாங்கு என்று படிப்பவனின் கதி?

பின்னர்தான் தெரிந்தது 9ஆம் வகுப்பிலேயே பத்தாம் வகுப்பு பாடங்களையும், 11ல் 12ஐயும் முடிக்கும் வசதி.

இதனால் என்ன நஷ்டம்?

ஒன்பதாம் வகுப்பில் வேதியியல், இயற்பியல் பகுதிகளை நன்கு படித்தால் அது நல்ல அடித்தளத்தைக் கொடுக்கும். அதே போலவே 11லிலும். அதைவிட முக்கியம் 11ஆம் வகுப்பில் படிக்கும் கணிதம். இண்டக்ரேஷன், டிஃப்ரனிசியேஷன், பார்சியல் டிஃப்ரனிசியேஷன், மேட்ரிக்ஸ் போன்றவற்றில் அடித்தளமே இருக்காது 11ஆம் வகுப்பை ஸ்கிப் செய்வதால்.

சரி அதாவது தொலையட்டும், பிளஸ் 2 பாடமாவது சரியாக படிக்கிறார்களா? என்று பார்த்தால் அதுவும் இல்லை. பெற்றோர் ஆசிரியர் கழகம் வெளியிடும் நோட்ஸ், மாதிரி வினாத்தாள், பொதுத்தேர்வில் கேட்கப்படும் கேள்விகள் எந்தப் பகுதியில் இருந்து கேட்கப்படும் என்பதைச் சொல்லும் புளு பிரிண்ட் இவற்றைக் கருத்தில் கொண்டே படிக்கிறார்கள்.

திருக்குறள் படித்தால் நாலடியார் தேவையில்லை என்பது போன்ற பெர்முடேஷன் காம்பினேஷனிலேயே மாணவர்கள் படிக்கிறார்கள். இயற்பியல், கணிதத்தில் இப்படி குறிப்பிட்ட பகுதியை மட்டுமே படிப்பதால் இவர்களின் பேஸ்மெண்ட் படு வீக்காக இருக்கிறது.

புளூபிரிண்ட் படி படித்து மார்க் எடுத்து வருபவர்களால் பொறியியலில் சிறப்பாக படிக்க முடியாது. அங்கும் வந்து மார்க் எடுக்கும் படி படித்து ஏதாவது மென்பொருள் நிறுவனத்தில் ஐக்கியமாகி விடுகிறார்கள். கோர் இண்ட்ஸ்ட்ரீஸ் என்று சொல்லப்படும் நிறுவனங்களில் இவர்களின் பங்கு மிகக் குறைவே. நல்ல திறமை வாய்ந்த பொறியாளர்கள் உருவாவதை இம்மாதிரி பள்ளிகள் தடுக்கின்றன என்றே சொல்ல வேண்டும்.

அதனால் தான் கேட், ஐ ஈ எஸ் போன்ற தேர்வுகளில் தமிழக மாணவர்களின் தேர்ச்சி விகிதம் குறைந்து கொண்டே வருகிறது. டி ஆர் டி ஓ, ஐ எஸ் ஆர் ஓ போன்றவற்றில் கேரள, ஆந்திர மாணவர்களின் பங்கு அதிகரித்துக் கொண்டே வருகிறது.

எனக்குத் தெரிந்த பையன் ஒருவன், பத்தாம் வகுப்பில் 412 மதிப்பெண்கள் எடுத்தான். அவன் பெற்றோரும் மூன்று லட்சம் வரை செலவு செய்து நாமக்கல்லில் படிக்க வைத்தார்கள்.

தொடர்ந்து குறைவான மதிப்பெண்களியே அவன் பெற்று வந்தான். தேர்வு நேரத்தில் டென்ஷன், உடல்நிலை சரியில்லை என காரணங்கள் சொல்லி வந்தான். பிளஸ் 2 அரையாண்டுத் தேர்வில் நான்கு பாடங்களில் பெயில். காரணம் கேட்டு பெற்றோர் அங்கு விரைந்த போது, அங்கே நூற்றுக்கும் அதிகமான பெற்றோர்களை அதே குறையுடன் அங்கே பார்த்தனர்.

அவன் 11 ஆம் வகுப்பு சேரும் போது தெருவே அவனை எதிர்பார்தது. பெற்றோர், உறவினர் எதிர்பார்ப்பு அவன் சுமையைக் கூட்டியது. அங்கே இணக்கமான சூழல் இல்லாத காரணத்தால் அவனால் பிரகாசிக்க முடியவில்லை. அது தாழ்வு மனப்பான்மையைக் கொடுத்தது. மனச் சிதைவுக்கு ஆளாக்கியது. பின் அந்த பெற்றோர் மூன்று மாதம் விடுப்பு எடுத்து, அங்கே வாடகைக்கு வீடு பிடித்து, அவனை அமைதிப்படுத்தி தேர்வு எழுத வைத்தனர். 700 மதிப்பெண்களுடன் அவன் திரும்பியிருக்கிறான். இப்போது அவன் வயது நண்பர்களுடன் பழக மனத்தடை. சிறிது சிறிதாக இயல்பாகி வருகிறான்.

இப்படி எத்தனை பேர்?

நன்றி திரு.முரளிகண்ணன்

திரு. முரளிக்கண்ணன்அவர்கள் எழுதிய நாமக்கல் பள்ளிகளின் மறுபக்கம் எனும் தலைப்பில் வெளியான கட்டுரையைவெளியிட்டுள்ளோம்.

அரசு பள்ளியில் தாழ்த்தப்பட்ட மாணவனை சேர்த்ததால் ஆத்திரம். , பள்ளிக்கு வராத 130 மாணவர்கள்

2012-06-12T00:31:00.002-07:00

அரசு பள்ளியில் தாழ்த்தப்பட்ட மாணவனை சேர்த்த காரணத்தால், ஆத்திரமடைந்த (சாதி) வெறிப்பிடித்த பெற்றோர்கள் 130 மாணவர்களை பள்ளிக்கு அனுப்பாத சம்பவம் கொடுமை அரங்கேறியுள்ளது..

திருவண்ணாமலை அடுத்த ஆடையூர் கிராமத்தில் ஊராட்சி ஒன்றிய நடுநிலைப்பள்ளியில் 77 மாணவிகள் உள்பட 135 பேர் படிக்கின்றனர். கடந்த 6ம் தேதி ஆடையூர் பகுதியில் வசிக்கும் தாழ்த்தப்பட்ட இனைத்தை சேர்ந்த குமார் என்பவர் தனது மகன்களான சதீஷை 6ம் வகுப்பிலும், முத்துராஜை 1ம் வகுப்பிலும் சேர்த்துள்ளார். இன்று காலை வழக்கம்போல் பள்ளி திறக்கப்பட்டது. தலைமை ஆசிரியர் முகமது உஸ்மான் உள்பட 6 ஆசிரியர்கள் பள்ளிக்கு வந்தனர். மாணவர்களுக்காக சத்துணவும் தயாரிக்கும் பணி நடந்தது. ஆனால், சதீஷ், முத்துராஜ் உள்பட 5 மாணவர்கள் மட்டுமே பள்ளிக்கு வந்தனர். மற்ற 130 மாணவர்கள் வரவில்லை.

இதையடுத்து காலை 10 மணியளவில் ஆடையூர் கிராமத்தை சேர்ந்த 50க்கும் மேற்ப்பட்ட உயர்சாதியினர் ஒன்றாக, திரண்டு பள்ளிக்கு வந்து தலைமை ஆசிரியரான முகமது உஸ்மானிடம், ‘‘தாழ்த்தப்பட்ட சாதியை சேர்ந்த சதீஷ், முத்துராஜ் ஆகியோரை எப்படி நீங்கள் பள்ளியில் சேர்க்கலாம். அவர்களுக்கு ஆதிதிராவிட நலப்பள்ளி இருக்கிறதே! இந்த மாணவர்களை அந்த பள்ளியில் அவர்களை சேர்த்திருக்கலாமே’’ என தகராறு செய்தனர்.

ஆனால் தலைமை ஆசிரியர் முகமது உஸ்மான் , ‘‘பள்ளியில் சேருவதற்கு ஜாதி, மதம் எதுவும் தடையில்லை. எல்லா பிரிவு மாணவர்களும் சேர்ப்பதுதான் எங்களது கடமை’’ என கூறினார். ஆனால் அந்த கும்பல் திருப்தி அடையாமல் தொடர்ந்து பிரச்சனையில் ஈடுபட்டனர்.

தகவலையறிந்த தி.மலை தாலுகா போலீசார் தி.மலை கலெக்டர் விஜய் பிங்ளேவுக்கு தெரிவிக்கப்பட்டது. அவரது உத்தரவின் பேரில் தி.மலை தாசில்தார் ரவிச்சந்திரன் உடனடியாக பள்ளிக்கு சென்று விசாரணை நடத்தினார். விசாரணை அறிக்கையை கலெக்டரிடம் அளிப்பதாக தாசில்தார் தெரிவித்தார்.

அங்கிருந்த தாழ்த்தப்பட்டவர்கள் சமச்சீர் கல்விங்குறாங்க, சரிசமங்குறாங்க… சுதந்திரமடைஞ்சி இத்தனை வருசத்துல எங்கல பள்ளிக்கூடடத்துல சேரக்கூடாதுன்னு சொல்லுறது என்ன நியாயம் சாமி என்றார்கள் ஏதுமறியாதவர்களாய்..

அப்படின்னா எங்க இருக்கு சம (ச்சீர்) கல்வி….

திருவண்ணாமலையிலிருந்து வெளிச்சம் மாரி

Summary :

If the addition of a low caste boy in school, and high-caste parents refuse to send 130 students in Thiruvannamalai District Adaiyur Village..

குமுதம் சிநேகிதி இதழில் வெளிச்சம்

2012-06-11T02:11:00.000-07:00

வெளிச்சம் மாணவர்களின் வணக்கங்கள்,

இன்று வெளியான குமுதம் சிநேகிதி இதழின் 12ம் ஆண்டு சிறப்பிதழில் வெளிச்சம் அமைப்பின் குறித்த கட்டுரை வெளியாகியுள்ளது.. இந்த கட்டுரையை படித்து பாருங்கள், எமது பணி குறித்து விமர்சியுங்கள்….

ஏனெனில் இது எங்களுக்கான பணியல்ல சமூகத்திற்கானது

விமர்சனங்கள் வரவேற்கப்படுகிறது

எதிர்பார்ப்புடன்

வெளிச்சம் மாணவர்கள்

மற்றவர்களுக்கு நல்லது செய்ய நினைப்பவரா நீங்கள்!

ஜொஞ்சம் கிளிக் செய்யுங்கள் :.................................................................................

பள்ளி கழிப்பறையை சுத்தம் செய்த மாணவர்கள்

2012-06-08T19:43:00.000-07:00

கோபி அருகே பள்ளி மாணவர்களை கழிப்பறையை சுத்தம் செய்ய வைத்த அரசு நடுநிலைப் பள்ளி தலைமையாசிரியர் மீது பெற்றேர்கள் கடும் அதிருப்தி தெரிவித்துள்ளனர்.

கோபி அருகே உள்ள நம்பியூரில் ஊராட்சி ஒன்றிய நடுநிலைப் பள்ளி செயல்படுகிறது. சுமார் 200க்கும் மேற்பட்ட மாணவர்கள் பயின்று வரும் இப்பள்ளி தலைமையாசிரியராக சுப்பையன் என்பவரும், பத்துக்கும் மேற்பட்ட ஆசிரியர்களும் பணிபுரிகின்றனர்.

இந்நிலையில் நேற்று வழக்கம் போல் பள்ளிக்கு மாணவர்கள் வந்தனர். பள்ளி வளாகத்தில் கிடந்த குப்பைகளை மாணவர்களை கொண்டு 2 ஆசிரியர்கள் மேற்பார்வையில் அகற்றினர்.

இதனையடுத்து மாணவர்கள் அப்பகுதியில் கிடந்த கல் மண், செடி இலைகளை அள்ளி சென்று வெளியில் கொட்டினர். கழிப்பறையையும் மாணவர்கள் சுத்தம் செய்ததாக தகவல் வெளியாகி உள்ளது.

இதுகுறித்து பள்ளி தலைமையாசிரியர் சுப்பையனிடம் கேட்ட போது, பள்ளி விடுமுறை முடிந்து மீண்டும் தொடங்கும் போது பள்ளியை சுத்தமாக வைத்திருக்க கல்வித் துறை அலுவலகங்கள் உத்தரவிடுகின்றன. இதற்கு போதிய பணியாளர்கள் இல்லாததாலும் போதிய நிதி இல்லாததாலும் மாணவர்களை வைத்து சுத்தம் செய்ய வேண்டியுள்ளது என்றார்.

கடுமையான வெயில் நேரத்தில் மாணவர்களை வேலை வாங்கிய தலைமையாசிரியரின் செயலைக் கண்டு அதிர்ச்சியடைந்த அப்பகுதி மக்கள் உரிய நடவடிக்கை எடுக்க வேண்டும் என்றும் கோரிக்கை விடுத்துள்ளனர். இச்சம்பவத்தை அறிந்த பெற்றோர்களும் பள்ளி நிர்வாகத்தின் மீது அதிருப்தி தெரிவித்துள்ளனர்.

ஆபாசப் பேச்சு கேட்க வா! இளசுகளைக் கெடுக்கும் செல்போன் நட்பு

2012-06-08T19:23:00.000-07:00

தேசிய நெடுஞ்சாலையில் பெண்களை நிறுத்திவைத்து, ஜொள்ளர்களிடம் இருந்து பணத்தையும் நகையையும் அபேஸ் செய்யும் வழிப்பறிக் கொள்ளையர்களைப் பற்றி நிறையவே கேள்விப்பட்டு இருப்பீர்கள். அதே வழியில்தான் இப்போது பணம் பறிக்கின்றன, சில செல்போன் நிறுவனங்கள்!

புதுப்புது ஐடியாக்களில் காசைக் கறப்பதில் செல்போன் நிறுவனங்களுக்கு இடையே பெரிய வித்தியாசம் எதுவும் கிடையாது. ஒரு நிறுவனம் ஏதாவது ஒரு புதிய திட்டத்தை அறிவித்தால், அடுத்த சில நாட்களிலே மற்ற நிறுவனங்களும் அதே திட்டத்தை, வேறு பெயரில் அறிமுகம் செய்துவிடும். அந்த வகையில் இப்போது இளைஞர்களைக் குறிவைத்துக் காசைக் கறக்கும் புதிய திட்டத்தின் பெயர், 'நட்பு வட்டம்.’

இந்தக் கட்டுரையைப் படிக்கும் உங்களுக்கு, இந்த நட்பு வட்டம் குறித்து ஏற்கெனவே எஸ்.எம்.எஸ். வந்து இருக்கலாம். அல்லது விரைவில் வரும். உங்களுக்கு அறிமுகம் இல்லாத எண்ணில் இருந்து சம்பந்தமே இல்லாமல் எஸ்.எம்.எஸ். வரும். அந்தக் குறுந்தகவலை நீங்கள் கண்டுகொள்ளவில்லை என்றாலும் தொடர்ந்து வந்துகொண்டே இருக்கும். என்றாவது ஒரு நாள் ஆர்வக்கோளாறில் பதில் அனுப்பிவிட்டால், உடனே உங்களுக்கு 13 இலக்கங்கள்கொண்ட ஓர் அடையாள எண் வழங்குவார்கள். இந்த நேரத்தில் உங்கள் பில்லில் 30 ரூபாய் ஏறி இருக்கும். அதன்பிறகு, உங்களுக்கு ஏராளமான மிஸ்டு கால்கள் வரத் தொடங்கும். அந்த எண்களுக்கு நிச்சயமாக நீங்கள் டயல் செய்வீர்கள். அப்போது எதிர்முனையில் ஸ்வீட் வாய்ஸில் ஒரு பெண் கொஞ்சுவார்.

நீங்கள் என்ன கேள்வி கேட்டாலும், உங்கள் உணர்ச்சிகளைத் தூண்டுவதுமாதிரி மென்மையாகப் பதில் சொல்வார். நீங்கள் நாகரிகம் மறந்து ஆபாசமாகப் பேசினாலும் அவர் கண்டுகொள்ள மாட்டார். எதற்காகவும் கோபப்பட மாட்டார். நீங்கள் கேட்கும் அத்தனை கேள்விகளுக்கும் செக்ஸியாகப் பதில் வந்துகொண்டே இருக்கும். நீங்கள் உடனே சுதாரித்து உங்கள் செல்போன் இணைப்பைத் துண்டிக்கவில்லை என்றால், உங்கள் கணக்கில் பணம் எகிறிக்கொண்டே இருக்கும்.

வழக்கமாக ஏதாவது ஓர் எண்ணுக்கு நீங்கள் அழைத்தால், எதிர்முனையில் இணைப்பு கிடைத்த பிறகுதான் மீட்டர் ஓடும். ஆனால் இந்தத் திட்டத்தில் மட்டும், நீங்கள் டயல் செய்த உடனே மீட்டர் ஓடத் தொடங்கும். ஒரு நிமிடத்துக்கு இரண்டு ரூபாய் கட்டணம். எஸ்.எம்.எஸ். கொடுப் பதற்குக் கட்டணம் ஒரு ரூபாய். வெவ்வேறு எண்களில் இருந்து மிஸ்டு கால் வரும். எடுக்கவும் முடியாது, எடுக்காமல் இருக்கவும் முடியாது என்று தடுமாறி ஏமாறுபவர்கள் அதிகம்.

இந்த நட்பு வட்டார சீட்டிங் குறித்து ஏராளமான நபர்கள் ஏகப்பட்ட பணத்தைத் தொலைத்து, நமக்குப் புகார் அனுப்பிக்கொண்டே இருந்தார்கள். களம் இறங்கினோம்.

வெளிநாடுகளில் ஒரு காலத்தில் கொடிகட்டிப் பறந்த 'செக்ஸ் கால்’ என்பதைத்தான் 'நட்பு வட்டம்’ என்ற பெயரில் செல்போன் நிறுவனங்கள் இங்கு களம் இறக்கி உள்ளனவாம். நட்பு வட்டப் பெண்கள் பேசும் அத்தனையும் அதிர்ச்சி ரகம்!

காலர் 1 - மேலூர் அமுதா:

ஆரம்பத்தில் சாதாரணமாகப் பேசியவர், தனது பெயர் சசிகலா, வயது 22 என்று முதல் தூண்டிலைப் போட்டார். அடுத்தடுத்து இரண்டு நாட்கள் பேசியபோது, கொஞ்சம் கொஞ்சமாகப் புதுப்புதுத் தகவல்களைச் சொல்லி ஆர்வத்தைத் தூண்டினார். அதன் பிறகு நம்மைப் பற்றி அறிமுகம் செய்து உண்மையைக் கேட்டோம். மிகவும் தயக்கத்துக்குப் பிறகு பேசினார். ''என் நிஜப் பேர் அமுதா. எனக்கு 38 வயசாச்சு சார். ஏற்கெனவே கல்யாணம் ஆன ஒருத்தனுக்கு விஷயம் தெரியாமக் கழுத்தை நீட்டிட்டேன். ஒரு புள்ளையக் குடுத்துட்டுப் போயிட்டான். கிடைச்ச வேலைகளுக்குப் போய் என் புள்ளையையும், என்னோட அம்மாவையும் காப்பாத்திட்டு வந்தேன். அப்போ எனக்குத் தெரிஞ்சவங்கதான் இந்த ஸ்கீம்ல சேர்த்துவிட்டாங்க. தினமும் நெறைய போன் வருது. சின்னச் சின்னப் பசங்கல்லாம் நேரம் காலம் பாக்காமக் கூப்பிடுறாங்க. நேத்து ராத்திரி எட்டாம் வகுப்பு படிக்கிறேன்னு சொன்ன ஒரு பையன், 'ஏய்... எங்கிட்ட வர்றியா? அஞ்சாயிரம் ரூபா தர்றேன்’னு சொல்றான். இதெல்லாம் எம் புள்ளைங்க மாதிரி இருப்பாங்க. ஆனா ஏதேதோ பேசுறாங்க.....'' என்று கதறினார்.

''எங்களுக்கு மாசத்துக்கு 500 ரூபாய்க்கு ரீசார்ஜ் செய்றாங்க. நிஜப் பேரையும் எங்க செல்போன் நம்பரையும் யாருகிட்டேயும் கொடுக்கக் கூடாது. எப்படிப் பேசுறதுன்னு சொல்லிக் கொடுப்பாங்க. மாசத்துக்கு 3,500 ரூபா சம்பளம் குடுக்குறாங்க. தமிழ்நாடு மட்டும் இல்லே சார்... பாம்பே, டெல்லியில இருந்து எல்லாம் பேசுறாங்க. நெறையப் பேரு பணம் அனுப்புறேன்னு அட்ரஸ் வாங்குறாங்க, ஆனா அதோட அவ்வளவுதான். எனக்கு இந்த நம்பர் குடுத்த மேடம்கிட்ட இந்த விஷயத்தைச் சொன்னேன். 'கம்பெனி ரூல்ஸ் படி உன் அட்ரஸை யாருகிட்டயும் கொடுக்கக் கூடாது. இந்தத் தடவை மன்னிச்சுடுறேன்’னு சொல்லிட்டாங்க. இப்போதான் பேங்க்ல அக்கவுன்ட் ஆரம்பிச்சிருக்கேன். இனிமே, மாசாமாசம் அதுல சம்பளம் போடுவாங்களாம்'' என்றார் அப்பாவியாக!

காலர் 2 - ஸ்ரீரங்கம் பிரியா:

தொடர்ந்து 10 நாட்கள் பேசிய பிறகும், இவரிடம் இருந்து உண்மையைப் பெற முடியவில்லை. அதன் பிறகு செல்போன் நிறுவனத்தில் இருந்து நாம் பேசுவதாகவும், செக் செய்வதற்காகத்தான் இத்தனை நாட்கள் பேசியதாகவும், மிகத் திறமையாக வாடிக்கையாளர்களைச் சமாளிப்பதாகச் சொல்லிப் பாராட்டினோம். ''மாதச் சம்பளம் 5,000 சரியாகக் கிடைக்கிறதா?'' என்று கேட்டதும், ''அய்யய்யோ... 3,500தான் தர்றாங்க'' என்று அலறினார். இரண்டு குழந்தைகளையும் சென்னையில் இருக்கும் அம்மா வீட்டில் விட்டுவிட்டு, கணவனுடன் ஸ்ரீரங்கத்தில் இருக்கிறார். கணவனுக்குத் தெரிந்தேதான் இந்த நட்பு வட்டத்தில் பேசுகிறாராம் பிரியா. கணவர் வீட்டில் இல்லாத நேரத்தில் மட்டும் படுசெக்ஸியாகப் பேசுவாராம். பணம் கிடைப்பதைவிட, இப்படிப் பேசுவது எனக்கு ரொம்பப் பிடிச்சிருக்கு என்கிறார் பிரியா!

காலர் 3 - ரம்யா, கல்லூரி மாணவி:

முதலில் தன் பெயரை ரேவதி என்று கூறியவர், நீண்ட முயற்சிக்குப் பிறகு உண்மையைச் சொல்ல ஆரம்பித்தார். இவரது பேர் நட்பு வட்டத்தில் மிகப் பிரபலமாம். எந்த நேரமும் செல்போனும் கையுமாகவே அலைவதால் வீட்டிலும் ஏக அர்ச்சனை. இந்த வட்டத்தில் சேர்ந்ததில் இருந்து கல்லூரி வகுப்புகளை அதிகமாகப் புறக்கணித்து வருகிறாராம். ''காலர்ஸ்கிட்ட நான் சொல்றது எல்லாமே பொய்தாங்க. உங்ககிட்ட மட்டும்தான் என் பேரையும், மதுரையில இருக்கேன்னு உண்மையும் சொல்லி இருக்கேன். செக்ஸியாப் பேசுற துக்கு ஆரம்பத்துல ரொம்பத் தயக்கமா இருந்துச்சு. என் ஃபிரண்ட்தான் ட்ரெய்னிங் குடுத்தா. அவ ரொம்ப நல்லாப் பேசுவா. இப்போ அவளையே மிஞ்சுற அளவுக்கு நான் பேசப் பழகிட்டேன். இப்போ இது எனக்கு ஒரு போதை மாதிரி ஆயிடுச்சு'' என்று அப்பாவியாகச் சொல்கிறார்.

நட்பு வட்ட எண்களில் தொடர்பு கொண்டு இன்னும் நிறையப் பெண்களிடம் பேசினோம். அதில், பலர் பேசியதை அச்சில் ஏற்றவே முடியாது. அந்த அளவுக்கு படுக்கையறைப் பேச்சு. பள்ளி மற்றும் கல்லூரி மாணவிகள்தான் அதிக அளவில் இந்த நட்பு வட்டத்துக்குள் வருகிறார்கள்.

இதுபோன்ற ஆபாசப் பேச்சு வியாபாரத்துக்குத் தடை விதிக்க முடியாதா? சென்னை சைபர் கிரைம் கூடுதல் உதவி கமிஷனர் சுதாகரைச் சந்தித்தோம். ''வேல்யூ ஆடட் சர்வீஸ் என்ற பெயரில் செல்போன் நிறுவனங்கள் இதுபோன்ற பல சேவைகளைச் செய்துவருகின்றன. ஆனால், இந்த சேவை அதிர்ச்சியாக இருக்கிறது. இதில் பாதிக்கப்பட்டவர்கள் புகார் கொடுத்தால், உடனே நடவடிக்கை எடுக்கத் தயாராக இருக்கிறோம்'' என்றார்.

சட்டப்படி இதைத் தடுக்க என்ன வழி? பதில் சொல்கிறார் வழக்கறிஞர் சுந்தர்ராஜன். ''இந்த சேவை குறித்து பலர் எங்களிடம் முறையிட்டு உள்ளனர். நிச்சயமாக இது தடை செய்யப்பட வேண்டிய சேவை. ஆனால், செல்போன் நிறுவனங்கள் எந்த மாதிரியான சேவைகள் எல்லாம் வழங்கலாம் என்று 'டிராய்’ விதிமுறை எதுவும் வகுக்கவில்லை. அதனால், இந்த சேவையில் பணத்தைத் தொலைத்தவர்கள் டிராய் மற்றும் போலீஸில் புகார் செய்ய வேண்டும். இதுபோலத்தான், மார்க்கெட்டிங் எஸ்.எம்.எஸ். சேவையும் இருந்தது. தொடர்ந்து ஏராளமான புகார்கள் வந்த பிறகுதான், டிராய் தனது சாட்டையைச் சொடுக்கியது. ஒரு காலத்தில் வெளிநாட்டு தொலைபேசி எண்ணைக் கொடுத்து, 'செக்ஸ் கால்’ என்று நாளிதழ்களில் ஏராளமான விளம்பரங்கள் வரும். அதைப்போலத்தான், இந்த சேவையை செல்போன் நிறுவனங்கள் தொடங்கிவிட்டன. பாதிக்கப்பட்டவர்கள் டிராய்க்கு இ-மெயிலில் புகார் அனுப்பிக்கொண்டே இருக்க வேண்டும்'' என்றார்.

கோடிகளில் கொழிக்கும் செல்போன் நிறுவனங் கள், சில கோடி ரூபாய் லாபத்துக்காக இப்படி இளைய தலைமுறையைச் சீரழிப்பது நியாயமா?

- தேவதத்தன்

சாராயம் விற்ற பள்ளிக்கூட மாணவர்கள் கைது

2012-06-04T06:51:00.001-07:00

சேலம் ஆத்தூருக்கு அருகிலுள்ள தலைவாசலுக்கு பக்கத்திலுள்ள சதாசிவபுரம், சாத்தாப்பாடி கிராமத்துக்குள் மப்டி வேசத்தில் நுழைந்த போலீஸார் ஊரை விட்டு திரும்பும் போது, போலீஸார் அதிர்ச்சியில் கிளம்பியுள்ளனர். நூறு மில்லி, ஐம்பது மில்லி என்ற அளவுகளில் பாலிதீன் பைகளில் கட்டப்பட்ட ஐந்து லிட்டர் அளவுள்ள கள்ளச் சாராயத்தோடு பள்ளிக்கூட்ட மாணவர்களையும் அள்ளிச்சென்றதுதான் அதிர்ச்சியான செய்தி..

சேலம் மாவட்டத்திலுள்ள தலைவாசல் காவல் நிலைய எல்லையிலுள்ள கிராமங்கள் மிகவும் பிந்தங்கிய பகுதியாகவே காணப்படுகிறது. இங்குள்ள பல கிராமங்கள் நகரங்களில் இருந்து வெகு தூரத்திலிருப்பதால், பலகிராமங்களில் கள்ள சாராயம் சாதரணமாக விற்கப்படுவது வழக்கம்.

அவ்வபோது மதுவிலக்கு ஒழிப்பு பிரிவு காவலர்கள், சாதாரண உடையில் சென்று கிராமங்களில் சோதனை நடத்தி சாராயம் விற்பவர்களை கைது செய்துவருவது வழக்கம்.

நேற்று ஞாயிற்று கிழமை காலை, அப்படிதான் மப்டி போலீஸார் தலைவாசல் பகுதியிலுள்ள சதாசிவபுரம், சாத்தாப்பாடி ரோந்து சென்றபோது. போலீஸாரை பார்த்து சதாசிவபுரம் கிராமத்தின் எல்லையிலிருக்கும் முள் புதரில் இருந்து இரண்டு மாணவர்கள் எழுந்து ஓடியபோது போலீஸார் சந்தேகத்துடன் அவர்களை துரத்தி பிடித்தபோது, அவர்களிடம் நூறு மில்லி, ஐம்பது மில்லி என்ற அளவுகளில் பாலிதீன் பைகளில் கட்டப்பட்ட ஐந்து லிட்டர் அளவுள்ள கள்ளச் சாராயத்தை பறிமுதல் செய்ததோடு அவர்களிடம் விசாரணை செய்தபோது, பத்தாம் வகுப்பு தேர்வு எழுதி ரிசல்டுக்குகாக காத்திருக்கும் ராஜவேல் என்பவரின் மகன் ராஜசேகரும், ஆறாம் வகுப்பு முடித்து ஏழாம் வகுப்பிற்கு செல்லும் மாணவன் தனபாலும் சதாசிவபுரம் கிராமத்தை சேர்ந்தவர்கள் என்பதும், இந்த இருவருக்கும் தினமும் நூறு ரூபாய் பணம் கொடுப்பதாக ஆசைகாட்டி, மாணவர்களை சாராயம் விற்க ஏற்பாடு செய்த 22 வயதான அருள் என்கிற கள்ளச்சாராய வியாபாரி என்பாது தெரிந்தது.

ஊரெல்லாம் டாஸ்மார்க் கடையை திறந்து வைத்து அப்பனை எல்லாம் குடிகாரர்களாக்கிய அரசாங்கம்..

எங்களை இன்னும் என்ன செய்ய போகிறது

-வெளிச்சம் அகஸ்தியா.

படிப்பு செலவிற்காக மாங்காய் பறிக்க போனீங்களே!.. தர்மபுரி லாரி விபத்தில் பலியான 6 மாணவர்களின் கருகிபோன கல்விக்கனவு..

2012-05-29T06:12:00.000-07:00

பள்ளிக்கூட விடுமுறை நாட்கள் என்பது பணக்காரர்களுக்கு ஹாலிடேவாக இருக்கலாம் ஆனால் ஏழை மாணவர்களுக்கு அப்பா அம்மாவிற்கு ஒத்தாசை செய்ய அல்லது படிப்பு செலவிற்கு பணம் சம்பாதிக்கவே விடுமுறை நாட்கள் என்பது எழுதப்படாத விதியாகவே உள்ளது.

அப்படிதான் படிப்பு செலவிற்காக வேலைக்கு போன 5 மாணவர்களை பாடையில் ஏற்றியிருக்கிறது கடந்த 27 அன்று தருமபுரி மாவட்டம், பாலக்கோடு அருகே நடந்த மாங்காய் லோடு ஏற்றிய லாரி விபத்து.

இந்த விபத்து பலிகொண்ட 12 பேரில் 5 பேர் பள்ளி மற்றும் கல்லூரி மாணவர்கள் என்பதும் காயமடைந்தவர்களில் 12 பேர் பள்ளி மற்றும் கல்லூரி மாணவர்கள் என்பதுதான் பரிதாபம்.

தற்போது வெளியிடப்பட்ட பன்னிரெண்டாம் வகுப்பு தேர்வு முடிவுகளிலும், கல்வி அறிவில் பின்தங்கியுள்ள மாவட்டமாக விளங்கும் தர்மபுரி மாவட்டத்தில் ,கிராமங்களில் உள்ள பலரும் பெங்களூர் மற்றும் வெளியூர்களில் கூலி வேலை செய்துவருகிறார்கள். சிறுவர் முதல் பெரியவர்கள் வரை அனைவருமே உழைப்பை மட்டுமே நம்பி இருப்பவர்களாக காணப்படுகிறார்கள்.

குடும்பத்தில் பெரியவர்களின் வருமானம் போதுமானதாக இல்லாத நிலையில் இங்கு காணப்படுவதால், பள்ளிக்கூட குழந்தைகள் படிப்பு செலவுக்காக விடுமுறை நாட்களில் மாங்காய் பறிக்கும் வேலைக்கு சென்று சம்பாதித்து வருவது வழக்கம்.

இதன் மூலம் இந்த மாங்காய் காய்க்கும் சீசன் பருவத்தில் மாணவர்கள் ஒவ்வொருவரும் ரூ. 5 ஆயிரம் முதல் ரூ.10 ஆயிரம் வரை சம்பாதித்து, அந்த பணத்தை கொண்டு பள்ளி, கல்லூரி செலவுக்கு பயன்படுத்தி வந்திருக்கிறார்கள். ஆனால் சில பெற்றோர்கள் தங்கள் பிள்ளைகளை வேலைக்கு செல்லவேண்டாம் என்றாலும், அதை கேட்காமல் மாணவர்கள் தங்களுடன் படிக்கும் சக மாணவர்களுடன் சேர்ந்து வேலைக்கு சென்றுவிடுவார்கள். அப்படிதான் அந்தோணி, ஞான சவுந்தரரும் சினேகிதமாக வேலைக்கு சென்றார்கள்.

ஆனால் கடந்த 27.05.2012 அன்றும் பள்ளி, கல்லூரி மாணவ மாணவிகள் மாங்காய் பறிக்கும் வேலைக்கு சென்றுவிட்டு லாரியில் ஏற்றப்பட்ட லாரியிலேயே வீடு திரும்பும் போது, மலைப்பாதையில், லாரி கவிழ்ந்ததால் 20வதுக்கும் மேற்ப்பட்ட கூலி தொழிலாளர்கள் சிக்கி பலியானார்கள்.

தினமும் செய்தித்தாள்களிலும், தொலைக்காட்சிகளிலும், விபத்துக்களால் கொத்து கொத்தாக உயிர்கள் பலியாவதை படித்தோ, பார்த்தோ பலகிப்போன நமக்கு, இந்த மாங்காய் லாரி கவிழ்ந்த செய்தி உங்களுக்கு கிடைத்ததும் அப்படிதான் நகர்ந்திருப்பீர்கள்..

ஆனால் அந்த பலிகளின் பட்டியலில் பள்ளி மாணவி சோனியா காந்தி, மாணவர்கள் அந்தோணி, ஞான சவுந்தர் மற்றும் கல்லூரி மாணவிகள் செல்வி, உமா ஆகியோர் இறந்துள்ளனர் என்பதுதான் நெஞ்சை உருக்கும் பரிதாபம். அதில் பலியான செல்வி கிருஷ்ணகிரி அரசு கல்லூரியில் பி.ஏ முடித்துவிட்டு இப்போது பி.எட் படித்து வருகிறார். மேலும் உமா கிருஷ்ணகிரி அரசு மகளீர் கல்லூரியில் பி.பி.ஏ படித்து வருகிறார். சோனியாகாந்தி, அந்தோணி, ஞானசவுந்தர் ஆகிய மூவரும் கதிரிபுரம் அரசு பள்ளியில் ஒன்பதாம் வகுப்பு படித்துவருகிறார்கள்.

மேலும் படுகாயம் அடைந்துள்ள 31 நபர்களில் அருண், மாரிமுத்து, ராஜசேகர், அருள், செல்வன், கார்த்திக், சக்திவேல் ஆகிய ஏழு மாணவர்களும், சிவரஞ்சனி, பவித்ரா, சத்தியா, ஷாலினி, சரண்யா ஆகிய ஐந்து மாணவிகளும் பத்து மற்றும் பனிரெண்டாம் வகுப்பு படித்து வருகிறார்கள் என்பது குறிப்பிடத்தக்கது.

வட்டாம்பட்டியை சேர்ந்த கல்லூரி மாணவியான உமாவுக்கு இன்னும் திருமணம் ஆகாத காரணத்தால், அவர்கள் குல வழக்கப்படி உமாவின் உடல் ஊர் எல்லையில் வைத்து அந்த பெண்ணின் தாய்மாமன் முறையில் உள்ளவர்கள் வாழை மரத்துக்கு தாலி கட்டிய பின்னர்தான் வீட்டுக்கு எடுத்து செல்லப்பட்டு பின்னர், கிராம வழக்கபடி வீட்டில் நடத்தப்படும் சடங்குகள் நடத்தி முடிக்கப்பட்டு முறைப்படி அங்குள்ள மயானத்தில் கொண்டு போய் எரியூட்டப்பட்டதோடு கருகிபோனது ஏழை மாணவர்களின் கனவுகள்…

பதில் சொல்லப்போவது யார்?

உயர்கல்வி எங்கள் உரிமை

நன்றியுடன்

வெளிச்சம் மாணவர்கள்.

நீங்களும் மற்றவர்களுக்கு உதவ நினைக்கிறீர்களா?

இங்கே கிளிக் செய்யுங்கள்: ...........................................................................

பாலியல் கல்வி கிடைக்காததால் பாழாகும் மாணவர்கள்-கோகுலம் கதிர் மாத இதழில் வெளியான கட்டுரை

2012-05-25T03:10:00.000-07:00

கோகுலம் கதிர் மாத இதழ் மே மாத இதழில் வெளியான பாலியல் கல்வி கிடைக்காததால் பாழாகும் மாணவர்கள் எனும் தலைப்பில் வெளியான கட்டுரையை உங்கள் பார்வைக்கு வைக்கிறோம்..

தமிழகத்தில் உள்ள மாணவர்கள் படும் பாட்டை விளக்கிய கட்டுரையில் பட்டணத்து மாணவர்களை விட கிராமத்து மாணவர்கள் அதிகமாக பாதிக்கப்பட்டிருப்பது தெரிகிறது. குறிப்பாக பல மாணவிகளை ஆசிரியர்களும், பெற்றெடுத்த அப்பாவுமே கற்பழித்த கொடுமை அரங்கேறியுள்ளது எனும் கொடுமையை வெளிக்கொண்டு வந்த கட்டுரையை சமர்ப்பிக்கிறோம்..

நன்றியுடன்

வெளிச்சம் மாணவர்கள்

நீங்களும் மற்றவர்களுக்கு உதவ நினைக்கிறீர்களா?

இங்கே கிளிக் செய்யுங்கள்: ...........................................................................

Deterioration of sexual education for students

(Our President Velicham Sherin interview on GOKULAM KATHIR monthly magazine)

Gokulam Monthly Magazine, published in the May issue of sexual education for radiation because of the deterioration of the students are entitled to your view, published in the article ..

The deterioration of the students explained in this article, this problem than urban students, rural students is said to suffer the most. Spoiled, especially by teachers, students, dad raped daughter to uncover a great many have read the article ..

With thanks

Velicham Students

If you like Join with Us : Just Click ...........................................................................

+2 ரிசல்ட் மார்கே தான் வாழ்க்கையா? –இல்லை தேர்வில் தோல்வி அடைந்தோம் இன்று சாதனையாளர்களாக இருக்கிறோம்- நக்கீரனில் விளக்கிய வெளிச்சம்...

2012-05-22T23:44:00.000-07:00

உறவுகளே! இன்று வெளியான நக்கீரன் வார இதழில் வெளியான கட்டுரையில், நேற்று வெளியிடப்பட்ட +2 ரிசல்ட்டில் அதிக மார்க் எடுத்த பிள்ளைகள் சாதனையாளர்களாகவும், மார்க் எடுக்காதவர்கள் உருப்பிட மாட்டார்கள் எனும் மாயை உருவாகியுள்ளது இதை உடைப்பதற்காக பன்னிரெண்டாம் வகுப்பில் தோல்வி அடைந்தவர்கள் இன்று சாதனையாளர்களாக இருக்கிறார்கள் என்பதை வெளிச்சம், நக்கீரன் வார இதழில் விளக்கியுள்ளது.....

இந்த கட்டுரையை குறைந்த மார்க் வாங்கி திட்டு வாங்கி தூக்கமிழந்த பல்லாயிரங்கணக்கான மாணவ- மாணவியர் வாழ்க்கைக்கு சமர்ப்பிக்கிறோம்...

தவறாமல் படிங்க:

நன்றியுடன்

வெளிச்சம் மாணவர்கள்..

தூக்குதண்டனை கைதிகளான முருகன், பேரறிவாளன் +2 தேர்வில் அதிக மதிபெண் பெற்று சாதனை

2012-05-22T19:30:00.000-07:00

தமிழகத்தில் 12வது பொதுத்தேர்வு முடிவுகள் வெளியிடப்பட்டுள்ளது. இதில் நாமக்கல் தனியார் மேல்நிலைப்பள்ளிகள் முதல் 4 இடங்களையும் தட்டிச்சென்றன. எஸ்.கே.வி. பள்ளி மாணவி சுஷ்மிதா முதலிடம் பிடித்தார்.

இந்த பெற்றி பெரிய வெற்றியாக தமிழகத்தில் கொண்டாடப்பட்டாலும்... நமக்கு இதில் உடன்பாடில்லை...

இந்த கல்வி முறையில் நமக்கு உடன்பாடில்லை என்றாலும், எந்த வசதியுமில்லாமல் குடிசைகளில் சிமிலி விளக்கில் படித்து நல்ல மார்க் வாங்கினால் அவர்கள்தான் வெற்றியாளர்களாக வெளிச்சம் கருதுகிறது.

அந்த வகையில் வேலூர் மத்திய சிறையில் உள்ள ராஜீவ்காந்தி கொலை வழக்கில் குற்றம் சாட்டப்பட்ட தூக்குதண்டனை கைதியான முருகன், பேரறிவாளன் இருவரும் இந்த ஆண்டு தனித்தேர்வராக சிறையில் இருந்தபடியே படித்து 12வது தேர்வு எழுதினர்.

வணிகவியல் பாடத்திட்டத்தை முதல்நிலை பாடமாக எடுத்து தேர்வு எழுதியிருந்தார்கள். தேர்வு முடிவுகளை ஆவலோடு எதிர்பார்த்துக்கொண்டு இருந்தார்கள். நேற்று தேர்வு முடிவுகளை அவர்களுக்கு சிறை அதிகாரிகள் தெரிவித்தனர்.

பேரறிவாளன் மதிப்பெண் விபரம்:

தமிழில் 185, ஆங்கிலத்தில் 169, வரலாறு 183, பொருளாதாரம் 182, வணிகவியல் 198, அக்கவுண்டன்சி 179 என மொத்தம் 1096 மார்க் எடுத்துள்ளார்.

முருகன் மதிப்பெண் விபரம்:

986 மார்க் எடுத்து வெற்றி பெற்றுள்ளார். இதில் முருகன் வணிகவியல் பாடத்திட்டத்தில் 200க்கு 200 மார்க் எடுத்து வெற்றி பெற்றுள்ளார்.

இவர்களைப்போல் சிறையில் இருந்தபடி தேர்வு எழுதிய மேலும் 4 கைதிகள் தேர்ச்சி பெற்றுள்ளனர்.

இதில் மகிழ்ச்சியான விசயம்ம் என்ன வெனில் சிறை தண்டனை கைதியான பேரறிவாளன், அங்குள்ள படிக்காதவர்களுக்கு ஆசிரியரைபோல் பாடங்களை நடத்தி வருகிறார் என்பது குறிப்பிடதக்கது.

வாழ்த்துங்கள் இவர்களை...

எதிர்பார்த்த மதிப்பெண் கிடைக்காததால் தேர்ச்சி பெற்ற மாணவி தீக்குளிப்பு

2012-05-22T09:18:00.000-07:00

12 ம் வகுப்பு தேர்வு முடிவுகள் இன்று வெளியிடப்பட்டத்தில் இருந்து மனசுக்குள்ள ஒரு வித பயமிருந்து கொண்டே இருந்தது, அப்படியான பயம் பேரதிர்ச்சியானது.

ஆம் பிளஸ்டூவில் தேர்ச்சி அடைந்தாலும் மதிப்பெண்கள் குறைவாக பெற்றதால் கடும் வருத்தமடைந்த மாணவி ஒருவர் தீக்குளித்து விட்டதுதான் நமது அதிர்ச்சிக்கு காரணம்.

பரமக்குடி அரசு பெண்கள் மேல்நிலைப்பள்ளியில் படித்த ஷர்மிளா என்பவரும் பிளஸ்டூ தேர்வு எழுதியிருந்தார்.

இன்று காலை ரிசல்ட்டைப் பார்த்த அவர் அதிர்ச்சி அடைந்தார். பரீட்சையில் அவர் தேர்வடைந்திருந்தாலும், 711 மதிப்பெண்கள் மட்டுமே பெற்றதால் கடும் வருத்தமும், ஏமாற்றமும் அடைந்தார்.

இதையடுத்து வீட்டுக்கு விரைந்து வந்த அவர் தீக்குளித்து விட்டார். உடல் கருகிய நிலையில் அவரை உடனடியாக மதுரைக்குக் கொண்டு சென்று அரசு மருத்துவமனையில் அவருக்கு தீவிர சிகிச்சை அளித்து வருகின்றனர்...