मावळ जनसंवाद

नाणे मावळात पाण्याअभावी भातपिके करपली; शेतकरी संकटात.....

2026-10-17T10:39:16.121+05:30

मावळ जनसंवाद, दि. १२ (वार्ताहर) : मावळ तालुक्यातील नाणे मावळ परिसरात पाण्याअभावी भातपिके करपू लागल्याने शेतकरी वर्ग चिंतेत सापडला आहे. मोठ्या कष्टाने, खर्च करून आणि वर्षभराच्या उत्पन्नाची आशा ठेवून उभे केलेले भातपीक डोळ्यांदेखत करपू लागल्याने बळीराजासमोर आर्थिक संकट उभे राहण्याची भीती व्यक्त होत आहे.
मावळ तालुका भातशेतीसाठी प्रसिद्ध असून, परिसरातील अनेक शेतकऱ्यांचा उदरनिर्वाह भातपिकावर अवलंबून आहे. पावसाळ्यात शेताची मशागत, भातलागवड, खते, औषधे आणि मजुरी यांसाठी शेतकऱ्यांना मोठा खर्च करावा लागतो. मात्र, पिकांना आवश्यक वेळी पाणी मिळाले नाही, तर केलेल्या मेहनतीवर पाणी फिरण्याची शक्यता निर्माण होते.

सध्या पाण्याअभावी भातपिके करपण्याची परिस्थिती निर्माण झाल्याने शेतकरी हवालदिल झाले आहेत. शेतीच्या वाढत्या खर्चामुळे आधीच आर्थिक अडचणींचा सामना करणाऱ्या शेतकऱ्यांना पिकांच्या नुकसानीची चिंता सतावत आहे. भातपीक चांगले आले, तर कुटुंबाचा उदरनिर्वाह आणि वर्षभराचा खर्च भागेल, या अपेक्षेने शेतकरी शेतीत मेहनत घेत असतात. मात्र, पाण्याच्या कमतरतेमुळे पीक धोक्यात आल्यास त्यांच्या उत्पन्नावर मोठा परिणाम होऊ शकतो.

या पार्श्वभूमीवर संबंधित कृषी विभाग आणि प्रशासनाने नाणे मावळ परिसरातील भातशेतीची प्रत्यक्ष पाहणी करून परिस्थितीचा आढावा घ्यावा. पाण्याची उपलब्धता तपासून आवश्यक उपाययोजना कराव्यात, तसेच बाधित शेतकऱ्यांना योग्य मार्गदर्शन करावे, अशी अपेक्षा व्यक्त होत आहे.

शेतकऱ्यांच्या कष्टाचे मोल जपण्यासाठी आणि भातपीक वाचवण्यासाठी प्रशासनाने तातडीने लक्ष द्यावे, अशी मागणी शेतकरी वर्गातून होत आहे.

मुसळधार पावसामुळे वीज गायब; महिलांच्या हातात पुन्हा जाते, मावळ तालुक्यात ग्रामीण संस्कृतीचा जिवंत वारसा

2026-07-08T17:34:27.681+05:30

मावळ जनसंवाद, दि. ८ :-

मावळ तालुक्यात गेल्या अनेक दिवसांपासून सुरू असलेल्या मुसळधार पावसामुळे जनजीवन पूर्णपणे विस्कळीत झाले आहे. डोंगर-दऱ्यांमधून वाहणारे ओढे-नाले दुथडी भरून वाहत असून अनेक ठिकाणी रस्ते पाण्याखाली गेले आहेत. गावागावांत चिखलाचे साम्राज्य पसरले असून नागरिकांना दैनंदिन कामकाजासाठी मोठ्या अडचणींचा सामना करावा लागत आहे. त्यातच वारंवार खंडित होणाऱ्या वीजपुरवठ्यामुळे ग्रामीण भागातील परिस्थिती आणखी बिकट झाली आहे. काही गावांमध्ये अनेक तास, तर काही ठिकाणी सलग दोन-दोन, तीन-तीन दिवस वीज नसल्याने नागरिक अक्षरशः त्रस्त झाले आहेत.

वीज नसल्यामुळे पीठ गिरण्या बंद पडल्या असून घरगुती वापरासाठी धान्य दळण्याचा प्रश्न निर्माण झाला आहे. त्यामुळे अनेक वर्षांपासून अडगळीत पडलेले जाते पुन्हा बाहेर काढण्यात आले आहे. आधुनिक युगात हरवलेला जातेचा घुर्र... घुर्र... आवाज पुन्हा गावोगावी ऐकू येत असून, महिलांना मोठ्या कष्टाने हाताने धान्य दळावे लागत आहे. एका बाजूला मुसळधार पाऊस आणि दुसऱ्या बाजूला वीजेचा लपंडाव, अशा दुहेरी संकटातही ग्रामीण महिला आपल्या कुटुंबासाठी अहोरात्र मेहनत घेत असल्याचे चित्र पाहायला मिळत आहे.

पूर्वी प्रत्येक घरात जाते असायचे. पहाटेच्या वेळी महिला एकत्र बसून धान्य दळत असत. जाते फिरवताना ओव्या म्हणणे, गप्पागोष्टी करणे आणि श्रमातून आनंद शोधणे ही ग्रामीण संस्कृतीची ओळख होती. जातेवर दळलेले पीठ चविष्ट, पौष्टिक आणि नैसर्गिक असल्यामुळे त्याला विशेष महत्त्व होते. काळ बदलला, गिरण्या आणि आधुनिक यंत्रसामग्री आली आणि जाते अडगळीत पडले. मात्र आज निसर्गाच्या संकटाने पुन्हा एकदा या पारंपरिक साधनाचे महत्त्व अधोरेखित केले आहे.

मावळ तालुक्यातील अनेक भागांमध्ये वारंवार वीजपुरवठा खंडित होत असल्याने केवळ धान्य दळण्याचेच नव्हे, तर पिण्याच्या पाण्याचा पुरवठा, मोबाईल नेटवर्क, विद्यार्थ्यांचा अभ्यास, शेतीची कामे, दुग्धव्यवसाय आणि इतर दैनंदिन व्यवहारही ठप्प होत आहेत. मोबाईल चार्ज नसल्याने अनेक गावांचा संपर्क तुटत असून नागरिकांना मोठ्या गैरसोयीचा सामना करावा लागत आहे.

महावितरणकडे वारंवार तक्रारी करूनही वीजपुरवठा सुरळीत होत नसल्याने ग्रामस्थांमध्ये तीव्र नाराजी व्यक्त केली जात आहे. पावसाळ्यापूर्वी वीज यंत्रणेची योग्य देखभाल झाली असती, तर नागरिकांना इतका त्रास सहन करावा लागला नसता, अशी भावना ग्रामस्थांनी व्यक्त केली. पावसाळ्यात ग्रामीण भागात अखंडित वीजपुरवठा करण्यासाठी तातडीने उपाययोजना कराव्यात, अशी मागणी नागरिकांकडून होत आहे.

मुसळधार पावसाच्या संकटात महिलांनी पुन्हा हातात जाते घेतले असून, संकटाच्या काळातही ग्रामीण संस्कृती, कष्ट, स्वावलंबन आणि परंपरेचा वारसा आजही जिवंत असल्याचे हे चित्र मावळ तालुक्यात पाहायला मिळत आहे. आधुनिक युगात विस्मृतीत गेलेले जाते आज पुन्हा ग्रामीण जीवनाचा अविभाज्य भाग बनले असून, "जुनं ते सोनं" या म्हणीची प्रचिती पुन्हा एकदा मावळच्या मातीतून अनुभवायला मिळत आहे.

ट्रान्सफॉर्मर चोरीमुळे महिनाभर शेतीपंप बंद; शेतकऱ्यांची पिके धोक्यात, महावितरणच्या कारभाराविरोधात संताप...

2026-06-03T11:43:46.000+05:30

plz See the 01 attachment

नाणे मावळ, दि. १ :-

ट्रान्सफॉर्मर चोरीमुळे महिनाभर शेतीपंप बंद; शेतकऱ्यांची पिके धोक्यात, महावितरणच्या कारभाराविरोधात संताप

मावळ तालुक्यातील बुधवडी, वाडीवळे, कांब्रे आणि वळक या गावांतील शेतकऱ्यांच्या शेतीपंपांना वीजपुरवठा करणारा ट्रान्सफॉर्मर अज्ञात चोरट्यांनी चोरी करून नेल्याने गेल्या महिनाभरापासून परिसरातील शेतकऱ्यांना गंभीर अडचणींचा सामना करावा लागत आहे. ट्रान्सफॉर्मर चोरी गेल्यानंतर संबंधित भागातील शेतीपंपांचा वीजपुरवठा पूर्णपणे खंडित झाला असून शेतकऱ्यांच्या शेतातील उभी पिके पाण्याअभावी वाळण्याच्या मार्गावर आहेत.

या घटनेनंतर शेतकऱ्यांनी अनेक वेळा महावितरणच्या कामशेत कार्यालयात लेखी व तोंडी तक्रारी केल्या. मात्र तक्रारींना महिनाभराचा कालावधी उलटूनही नवीन ट्रान्सफॉर्मर बसविण्यात आलेला नाही. त्यामुळे शेतकऱ्यांमध्ये तीव्र नाराजी आणि संतापाचे वातावरण निर्माण झाले आहे.

सध्या खरीप हंगामाची सुरुवात झाली असून अनेक शेतकऱ्यांनी मोठ्या खर्चाने भात पेरणी केली आहे. बियाणे, खत, मशागत आणि मजुरी यासाठी हजारो रुपये खर्च करूनही पाण्याअभावी पिकांचे मोठे नुकसान होण्याची भीती निर्माण झाली आहे. शेतीपंप बंद असल्यामुळे विहिरी आणि बोअरवेलमधील पाणी शेतात पोहोचत नसून शेतकऱ्यांची चिंता दिवसेंदिवस वाढत आहे.

विशेष म्हणजे, ट्रान्सफॉर्मर चोरीस गेल्यानंतर तातडीने पर्यायी व्यवस्था करणे अपेक्षित असताना महावितरण प्रशासनाकडून कोणतीही ठोस कार्यवाही होत नसल्याचा आरोप शेतकरी करत आहेत. वारंवार पाठपुरावा करूनही केवळ आश्वासने दिली जात असून प्रत्यक्षात नवीन डीपी बसविण्याचे काम सुरू झालेले नाही. त्यामुळे शेतकऱ्यांचे आर्थिक नुकसान वाढत असून आगामी हंगामही संकटात सापडण्याची शक्यता व्यक्त केली जात आहे.

बुधवडी, वाडीवळे, कांब्रे आणि वळक परिसरातील शेतकऱ्यांनी महावितरणच्या वरिष्ठ अधिकाऱ्यांनी या प्रकरणात तात्काळ लक्ष घालून नवीन ट्रान्सफॉर्मर बसवावा, शेतीपंपांचा वीजपुरवठा पूर्ववत करावा आणि शेतकऱ्यांचे होणारे नुकसान टाळावे, अशी मागणी केली आहे. अन्यथा तीव्र आंदोलन छेडण्याचा इशाराही शेतकऱ्यांनी दिला आहे.

परिसरातील शेतकरी आता प्रशासनाच्या तातडीच्या निर्णयाकडे आशेने पाहत आहेत.

नाणे मावळ :- श्री. अतुल तुकाराम चोपडे पाटील

मो. ९८२३९३५४२४

मावळात मुहूर्त फक्त नावालाच पारंपरिक पद्धतीने साधेपणात पार पडतात विवाह सोहळे...

2026-03-10T18:17:51.245+05:30

मावळात मुहूर्त फक्त नावालाच

पारंपरिक पद्धतीने साधेपणात पार पडतात विवाह सोहळे

नाणे मावळ, दि. १० :

मावळ तालुक्यातील अनेक गावांमध्ये लग्नासाठी मुहूर्त पाहण्याची प्रथा केवळ नावालाच असल्याचे चित्र दिसून येते. इतर भागात लग्नासाठी ठराविक वेळ आणि मुहूर्त पाहूनच विवाह लावण्याची परंपरा असली, तरी मावळ भागात वधू-वर पक्षाच्या सोयीप्रमाणे आणि गावातील वडीलधाऱ्या मंडळींच्या उपस्थितीत विवाह सोहळे पार पडतात.

लग्नासाठी मुहूर्त ठरवला जातो, मात्र त्या क्षणालाच विवाह लावला पाहिजे अशी सक्ती येथे नसते. काही वेळा अर्धा ते पाऊण तास उशीर झाला तरी गावातील मंडळींच्या उपस्थितीत शांतपणे आणि पारंपरिक पद्धतीने विवाह सोहळा पार पाडला जातो.

मावळातील ग्रामीण भागात अनेक वर्षांपासून साधेपणाने आणि पारंपरिक पद्धतीने विवाह लावण्याची परंपरा जपली जात आहे. लग्नाच्या वेळेच्या बंधनापेक्षा कुटुंबातील सदस्य, नातेवाईक आणि गावकरी एकत्र येऊन आनंदात विवाह सोहळा पार पाडण्याला अधिक महत्त्व दिले जाते.

या परंपरेमुळे विवाह सोहळे साधेपणाने आणि कमी खर्चात पार पडतात, असे स्थानिक नागरिकांचे म्हणणे आहे. बदलत्या काळातही मावळ भागातील ही पारंपरिक पद्धत आजही कायम असल्याचे दिसून येत आहे

संपर्क :

श्री. अतुल तुकाराम चोपडे पाटील

मो. ९८२३९३५४२४

“आमच्या दादांच्या लग्नाला यायचं हं”

2026-02-26T10:59:25.200+05:30

मावळ जनसंवाद

“आमच्या दादांच्या लग्नाला यायचं हं” — बदलत्या काळात लग्नपत्रिकेची परंपरा हरवत चालली

“आमच्या दादांच्या/ताई यांच्या लग्नाला यायचं हं” हा शब्दप्रयोग पूर्वी प्रत्येक लग्नपत्रिकेतील जिव्हाळ्याचा आणि आपुलकीचा भाग असायचा. लग्नपत्रिका घेऊन घराघरात जाऊन नातेवाईक, मित्रपरिवार आणि गावकऱ्यांना प्रत्यक्ष निमंत्रण दिले जायचे. त्या पत्रिकांवर विविध देव-देवतांचे फोटो, शुभचिन्हे, स्वस्तिक, मंगल कलश यांसह कुटुंबातील ज्येष्ठ, मानकरी आणि नातेवाईकांची नावे सन्मानाने छापली जात असत. विशेष म्हणजे पत्रिकेवर आपले नाव असल्यामुळे संबंधित मंडळी आवर्जून लग्नाला उपस्थित राहत आणि त्या समारंभाची शोभा वाढवत असत.

मात्र, कोरोना काळानंतर या परंपरेत मोठा बदल झाला आहे. सध्या लग्नपत्रिकेचे स्वरूप बदलून व्हॉट्सअ‍ॅप स्टेटस, सोशल मीडिया पोस्ट आणि डिजिटल बॅनरवर निमंत्रण दिले जात आहे. डिजिटल निमंत्रणामध्ये सर्वांची नावे समाविष्ट नसतात, तसेच प्रत्यक्ष भेटून निमंत्रण देण्याची परंपराही कमी झाली आहे. त्यामुळे पूर्वीप्रमाणे लग्नसमारंभात मोठ्या प्रमाणावर गर्दी दिसून येत नसल्याची खंत अनेक नागरिक व्यक्त करत आहेत.

तंत्रज्ञानामुळे निमंत्रण देणे सोयीचे झाले असले तरी पारंपरिक लग्नपत्रिकेमधील आपुलकी, मान-सन्मान आणि “लग्नाला यायचं हं” हा प्रेमळ आग्रह आजही अनेकांच्या मनात कायम असल्याचे चित्र दिसून येत आहे.

बांबूच्या सुपांऐवजी प्लास्टिकच्या सुपांना ग्रामीण भागात वाढती पसंती....

2026-02-02T23:15:00.000+05:30

मावळ जनसंवाद: पूर्वी घरामध्ये भात, कडधान्य, तांदूळ निवडण्यासाठी तसेच भाजी निवडणे, वाहतूक करणे, धान्य नेसणे अशा विविध घरगुती कामांसाठी बांबूपासून बनवलेल्या सुपांचा (चलनी/चाळणीसारख्या भांड्यांचा) मोठ्या प्रमाणावर वापर केला जायचा. हे सूप स्थानिक कारागिरांकडून हाताने तयार केले जात आणि टिकाऊ, पर्यावरणपूरक असल्याने ग्रामीण संस्कृतीचा एक अविभाज्य भाग होते.

मात्र गेल्या काही वर्षांपासून पारंपरिक बांबूच्या सुपांऐवजी प्लास्टिकच्या सुपांना मागणी वाढू लागली आहे.

बाजारात सहज उपलब्ध होणारे, हलके आणि स्वस्त असे प्लास्टिकचे सूप आता अनेक ग्रामीण घरांमध्ये वापरले जात आहे.

बांबूच्या सुपांच्या तुलनेत या प्लास्टिक सुपांचे आयुष्य कमी असले तरी त्यांची स्वस्त किंमत आणि सहज धुवता येण्याची सोय यामुळे अनेक गृहिणींकडून त्यांना पसंती मिळत आहे.

तथापि, या बदलामुळे ग्रामीण भागातील बांबू कारागिरांच्या उपजीविकेवर परिणाम होत असल्याचेही समोर येत आहे. पर्यावरण तज्ज्ञांनी मात्र या पारंपरिक वस्तूंचे महत्त्व जपण्यासाठी आणि प्लास्टिक वापर कमी करण्यासाठी जनजागृती करण्याचे आवाहन केले आहे.

2026-02-02T23:09:54.035+05:30

plz See the ०1 attachments

नाणे मावळ, दि.1:-

गोल्डन ग्लेड्स च्या विद्यार्थ्यांना सहलीत इतिहास, संस्कृतीचा अनुभव

शिक्षण म्हणजे केवळ वर्गातील पुस्तकापुरते मर्यादित नसून, प्रत्यक्ष अनुभवातून ज्ञान प्राप्त करणे हेच होय. या उददेशाने गोल्डन ग्लेडस माध्यमिक विदयालय, करंजगाव यांच्या वतीने यंदा रविवारी एक अत्यंत सुंदर, प्रेरणादायी व संस्मरणीय अशी शैक्षणिक सहल आयोजित करण्यात आली. करंजगाव ते किल्ले रायगड अशा प्रकारे अतिशय नियोजनबद्ध, सुरक्षित आणि आनंददायी पद्धतीने ही सहल पार

पड़ली. ही सहल म्हणजे केवळ प्रवास नव्हता, तर ती इतिहास, संस्कृती, निसर्ग,

शिस्त, सहकार्य आणि राष्ट्रप्रेम यांचा जिवंत अनुभव होता. सहलीचे प्रमुख

अनिल सातकर यांच्या कुशल नेतृत्वाखाली आणि विद्यालयाच्या सर्व

शिक्षकवृंदाच्या मोलाच्या सहकार्यामुळे ही सहल यशस्वी ठरली. किल्ले रायगड हा छत्रपती शिवाजी महाराजांच्या पराक्रमाचा, स्वराज्याच्या संकल्पनेचा आणि भारतीय इतिहासातील सुवर्णकाळाचा साक्षीदार आहे. रायगडावर पाऊल ठेवताच त्यांच्या चेहन्यावर कुतूहल, अभिमान स्पष्ट दिसत होता. राजदरबार, होळीचा माळ, जगदीश्वर मंदिर, महाराजांची समाधी, बाजारपेठ अशा ऐतिहासिक स्थळांना भेट देताना विद्यार्थांना केिवळ माहितीच मिळाली नाही, तर इतिहास जिवंतपणे

अनुभवण्याची संधी मिळाली अशी माहिती सहल प्रमुख अनिल सातकर

यांनी दिली.

या सहलीदरम्यान विद्यार्थ्यानी अतिशय शिस्तबद्ध व जबाबदार वर्तन केले.

शिक्षकांच्या सूचनांचे पालन, वेळेचे भान, स्वच्छता आणि परस्पर सहकार्य

यामुळे सहल अधिक सुखद ठरली. ही बाब विद्यालयासाठी अत्यंत

अभिमानास्पद आहे. समूहभावना जोपासली. सहलीदरम्यान कोणताही

अनुचित प्रकार घडला नाही, याचे श्रेय विद्याथ्थ्याच्या सुसंस्कृत वागणुकीला

आणि शिक्षकांच्या सतर्कतेला जाते. विदयाथ्र्यांनी एकमेकांना मदत केली,

मोठ्यांचा आदर राखला अशी माहिती विद्यालयाचे मुख्याध्यापक बापूराव

नवले यांनी दिली.

सहलीदरम्यान सुरक्षित, शिस्तबद्ध, जबाबदारीपूर्वक प्रवास झाला. वाटेत सात्विक, स्वच्छ, पौष्टिक जेवणाचा आस्वाद सर्व विद्यार्थ्यांनी घेतला. सहलीच्या यशासाठी परिश्रम घेतलेल्या सर्व शिक्षकवृंदाचे, एसटी डेपोच्या वाहनचालकांचे, कर्मचाच्यांचे विद्यालयाच्या वतीने आभार मानण्यात आले.

रायगड : स्वराज्याची राजधानी किल्ले रायगड पाहण्याचा अनुभव विद्यार्थ्यांनी घेतला.

नाणे मावळ :- श्री.अतुल तुकाराम चोपडे पाटील :- ९८२३९३५४२४

मावळ तालुक्यात महिलांचे कष्ट कायम; इंधनासाठी अजूनही डोक्यावरून लाकूड वाहतूक

2026-01-01T16:27:09.418+05:30

मावळ जनसंवाद, दि. 14 :

मावळ तालुक्यातील दुर्गम व डोंगराळ भागामध्ये आजही अनेक गावांमध्ये महिलांना घरातील स्वयंपाकासाठी लागणाऱ्या इंधनासाठी जंगलात जावे लागत आहे. शासनाच्या विविध योजना, गॅस कनेक्शन व पर्यायी इंधन उपलब्ध असूनही प्रत्यक्षात अनेक कुटुंबे अजूनही पारंपरिक चुलीवरच अवलंबून असल्याचे चित्र दिसून येत आहे.

मावळ परिसरात पहाटेपासूनच महिला लहान-मोठी लाकडे गोळा करण्यासाठी जंगलात जातात. अनेक किलोमीटर अंतर चालत जाऊन डोक्यावरून जड लाकडांचे ओझे वाहून घरी आणावे लागते. यामुळे त्यांच्या आरोग्यावर विपरीत परिणाम होत असून मान, पाठ व कंबरेच्या दुखण्याचे प्रमाण वाढले आहे.

पावसाळा, उन्हाळा किंवा थंडी कोणताही ऋतू असो, या महिलांचे कष्ट कमी झालेले नाहीत. काही ठिकाणी रस्त्यांची सोय नसल्याने तसेच आर्थिक अडचणीमुळे गॅस सिलिंडर भरणे परवडत नसल्याचे महिलांकडून सांगण्यात येत आहे.

स्थानिक नागरिकांनी व सामाजिक कार्यकर्त्यांनी प्रशासनाकडे मागणी केली आहे की, या भागात उज्ज्वला गॅस योजना प्रभावीपणे राबवावी, तसेच पर्यायी इंधनाची सोय करून महिलांना या कष्टातून मुक्त करावे. महिलांच्या सक्षमीकरणासाठी आणि आरोग्याच्या दृष्टीने ही बाब गांभीर्याने घेण्याची गरज असल्याचे मत व्यक्त होत आहे.

कोंडीवडे, नाणे मावळ : छकडी स्पर्धेत ‘भारत–बगिरा’ बैलजोडीला ‘घाटाचा राजा’ किताब

2026-01-01T16:27:03.873+05:30

मावळ जनसंवाद, दि.21:-ग्रामदेवतेच्या यात्रेनिमित्त कोंडीवडे (नाणे मावळ) येथे पारंपरिक थाटामाटात आयोजित करण्यात आलेल्या छकडी स्पर्धेला गावकऱ्यांचा आणि परिसरातील नागरिकांचा मोठा प्रतिसाद लाभला. मावळ तालुक्याच्या परंपरेला साजेश्या या स्पर्धेमध्ये विविध तगड्या आणि सजवलेल्या बैलजोड्यांनी उत्साहपूर्ण सहभाग नोंदवला.

तीव्र स्पर्धेत आपल्या दमदार धावणीने सर्वांचे लक्ष वेधून घेत ‘भारत–बगिरा’ या बैलजोडीने अप्रतिम कामगिरी करत ‘घाटाचा राजा’ हा प्रतिष्ठेचा किताब पटकावला. स्पर्धेदरम्यान मैदानावर प्रेक्षकांनी टाळ्यांच्या गजरात या बैलजोडीचे विशेष कौतुक केले.

छकडी स्पर्धेमुळे यात्रेला पारंपरिक रंग, उत्साह आणि स्पर्धेची रोमांचकता लाभली. गावातील तसेच बाहेरील बैलधनी, शौकिन आणि प्रेक्षकांनी मोठ्या संख्येने सहभाग नोंदवत स्पर्धेला भरभरून प्रतिसाद दिला.

नाणे मावळ :- श्री.अतुल तुकाराम चोपडे पाटील :- ९८२३९३५४२४

संक्रांतीच्या दिवसांत डोंबाऱ्याच्या खेळातून जपली जाते गावची श्रद्धा आणि परंपरा...

2026-01-01T16:26:00.000+05:30

मावळ जनसंवाद, दि. १ :

आपल्या गावाकडं संक्रांती जवळ आली की एक वेगळंच चित्र दिसायला लागतं. डोंबाऱ्याचा खेळ पाहिला की सण आल्याची चाहूल लागते. ही परंपरा आजही काही खेडेगावांमध्ये श्रद्धेने आणि कष्टाने जपली जात आहे.

या खेळात एक महिला डोक्यावर पेटी घेऊन गावात फिरताना दिसते. त्या पेटीमध्ये देवाचा फोटो ठेवलेला असतो. गावकरी त्या देवापुढं नमस्कार करून श्रद्धेने तांदूळ, डाळ, तेल तर कधी थोडे पैसे देतात. महिलेकडे एक पारंपरिक वाद्य असते, ते वाजवत ती गावभर फिरते आणि काखेत पिशवी घेतलेली असते.

तिच्यासोबत एक पुरुष असतो. त्याच्या हातात चाबूक असतो. अंगावर कपडे नसून फक्त कमरेला रंगीबेरंगी कापडाच्या रिबिनी बांधलेल्या असतात. ही जोडी गावोगावी फिरत पाच ते सहा किलोमीटर अंतर पायी पार करते. मिळालेल्या धान्याच्या आणि पैशाच्या आधारावरच त्यांचा संसार चालतो.

आजचा काळ बदलला असला, तरी या लोकांच्या जीवनात अजूनही परंपरेचं आणि श्रद्धेचं महत्त्व टिकून आहे. डोंबाऱ्याचा खेळ म्हणजे फक्त करमणूक नाही, तर गरिबीशी झुंज देत जपलेली संस्कृती आहे. अशा परंपरा टिकल्या तरच आपल्या गावची ओळख आणि संस्कार पुढच्या पिढीपर्यंत पोहोचतील, अशी भावना गावकऱ्यांतून व्यक्त होत आहे.

प्रतिनिधी — श्री. अतुल तुकाराम चोपडे पाटील

नाणे मावळ

📞 संपर्क : ९८२३९३५४२४

ग्रामदैवत श्री काळभैरवनाथ उत्सव पार पडला...

2025-11-22T21:57:18.087+05:30

मावळ जनसंवाद, दि. 23 :–

ग्रामदैवत श्री काळभैरवनाथ उत्सवाच्या निमित्ताने कोंडीवडे (नामा) येथे दि. 21 नोव्हेंबर 2025 व 22 नोव्हेंबर 2025 रोजी दोन दिवसीय धार्मिक, सांस्कृतिक आणि लोककला महोत्सवाचे आयोजन करण्यात आले. ढोल–ताशांच्या गजरात, लेझीम पथकांच्या तालावर आणि भक्तांच्या "जय भैरवनाथ" जयघोषात श्री भैरवनाथ देवाची पालखी भव्य मिरवणुकीसह काढण्यात आली. या पालखी सोहळ्याने गावात भक्ती, आनंद आणि उत्साहाचे वातावरण निर्माण झाले.

यात्रेमध्ये विविध खेळणी दुकाने, रेवड्या, भेळ, आइसक्रीम, ज्यूस आदी स्टॉल्समुळे जत्रेला चैतन्य प्राप्त झाले. लहानांपासून मोठ्यांपर्यंत सर्वांनीच जत्रेमध्ये उत्साहाने सहभाग घेतला.

उत्सवाचे मुख्य आकर्षण म्हणजे अखंड महाराष्ट्रात लोकप्रिय असलेले सोमनाथ कलापथक, सडवली यांचे “रंगीत संगीत भजनी भारुड” कार्यक्रम. दोन दिवस चाललेल्या या सादरीकरणांमध्ये प्रभावी भारुड, सामाजिक संदेशांनी युक्त व विविध लोकपरंपरांचे दर्शन घडवणारी गाणी सादर करण्यात आली.

विशेष म्हणजे मावळ तालुक्यातील बैलगाडी शर्यतींना असलेले ऐतिहासिक व सांस्कृतिक महत्त्व लक्षात घेऊन कलापथकाने त्यांच्या लोककला सादरीकरणात “पाटलांचा बैलगाडा” यांसारखी मावळच्या संस्कृतीची ओळख जपणारी गाणी सादर केली. या गाण्यांनी उपस्थित प्रेक्षकांमध्ये विशेष उत्साह निर्माण केला आणि पारंपरिक मावळी संस्कृतीची झलक अनुभवायला मिळाली.

लहान मुलांमध्ये “स्टिंग” एनर्जी ड्रिंकचे वाढते आकर्षण; आरोग्यास धोका!पालकांनी घ्यावी खबरदारी — नाणे मावळ परिसरात मुलांमध्ये वाढते सेवन

2025-11-14T08:41:00.000+05:30

मावळ जनसंवाद:-अलीकडच्या काळात बाजारात सहज उपलब्ध होणारे “स्टिंग” हे एनर्जी ड्रिंक लहान मुलांमध्ये आकर्षणाचे केंद्र बनले आहे. रंगीत बाटली, गोड चव आणि जाहिरातींचा प्रभाव यामुळे शाळकरी मुले हे पेय पिण्यास प्रवृत्त होत आहेत. तथापि, आरोग्य तज्ज्ञांच्या मते, अशा एनर्जी ड्रिंकमध्ये असलेले जास्त प्रमाणातील कॅफिन, साखर आणि कृत्रिम पदार्थ लहान मुलांच्या आरोग्यास घातक ठरू शकतात. दीर्घकाळ याचे सेवन केल्यास हृदयाचे विकार, निद्रानाश, तसेच तणाववाढ होण्याची शक्यता व्यक्त करण्यात येत आहे.

नाणे मावळ परिसरात काही शाळकरी मुले हे पेय नियमितपणे घेत असल्याचे निदर्शनास आले आहे. त्यामुळे पालकांनी आणि शाळांनी तत्काळ खबरदारी घेऊन मुलांमध्ये या ड्रिंकबाबत जागरूकता निर्माण करावी, अशी मागणी स्थानिक नागरिकांकडून होत आहे.

निगडी ते जगन्नाथ पुरी—चार सायकलिस्टचा १८५० किलोमीटरचा अद्भुत प्रवास!

2025-11-14T08:39:57.883+05:30

मावळ जनसंवाद:

दि.21:-

निगडीतील भक्तीशक्ती चौकातून २ नोव्हेंबरला पहाटे निघालेल्या युवराज पाटील, आनंद गुंजाळ, अजय दरेकर आणि राघव पांडा या चार सायकलिस्टनी सेल्फ सपोर्ट पद्धतीने तब्बल १८५० किमीचा पुणे–जगन्नाथ पुरी हा लांब आणि आव्हानात्मक प्रवास यशस्वीरीत्या पूर्ण केला. कोणतीही सपोर्ट व्हॅन नाही, फक्त सायकल आणि त्यावरच ठेवलेलं १२–१४ किलोचं आवश्यक सामान—याच्या बळावर त्यांनी ही कठीण मोहीम साध्य केली.

पहिल्याच दिवशी २३० किमी पार करत त्यांनी मोहोळ गाठलं आणि पुढचा प्रवास मोहोळ–बसवकल्याण–हैदराबाद–खमाम–कोयालगुडेम–श्रीकाकुलम–छत्रपूर अशा मार्गाने करत अखेर ९व्या दिवशी श्री जगन्नाथ पुरी धामात प्रवेश केला. या सफरीत त्यांनी महाराष्ट्र, कर्नाटक, तेलंगणा, आंध्र प्रदेश आणि ओडिशा अशी पाच राज्ये ओलांडली.

पावसाचा मारा, तळपणारं ऊन, उलट दिशेचा वारा, पंक्चर, रस्त्यांच्या अडचणी—चॅलेंजेस भरपूर होती; पण श्रद्धा, जिद्द आणि एकमेकांचे सहकार्य यांच्या जोरावर ते सातत्याने पुढे सरकत राहिले. “पुरीत पोहोचताच थकवा विसरला; मनाला एक वेगळी ऊर्जा मिळाली,” असं या सायकलिस्टनी सांगितलं.

प्रवासादरम्यान त्यांनी “झाडे लावा”, “पाणी वाचवा”, “बेटी बचाव” यांसारखे सामाजिक संदेश देत स्थानिकांशी संवाद साधला. यापूर्वीही या टीमने पुणे–कन्याकुमारी, पुणे–सोमनाथ, उज्जैन, ओंकारेश्वर, घृष्णेश्वर, त्र्यंबकेश्वर अशा अनेक धार्मिक राईड्स केल्या आहेत.

त्यांच्यासाठी “पुरी धाम राईड” ही केवळ अंतर जिंकण्याची स्पर्धा नव्हती; तर ती होती शारीरिक ताकद, मानसिक स्थैर्य आणि आध्यात्मिक अनुभवाचा त्रिवेणी संगम.

नाणे (मावळ) येथे आठवडाभरापासून ठेवलेला कंटेनर ठरत आहे अपघाताचे कारण

2025-11-08T16:16:05.222+05:30

मावळ जनसंवाद:- मावळ तालुक्यातील नाणे गावात गेल्या आठवड्यात रस्त्याच्या कडेला एक मोठा कंटेनर ठेवण्यात आला आहे. या कंटेनरमुळे रस्ता अरुंद झाला असून, समोरून येणारी वाहने दिसत नसल्याने वाहतुकीस अडथळा निर्माण झाला आहे.

दरम्यान, संबंधित रस्त्यावर खोल खड्डे पडलेले असल्याने वाहनचालकांना मोठा त्रास सहन करावा लागत आहे. रस्ता उंच-खोल असल्यामुळे किंवा खड्डा चुकविताना वाहनचालकांचा तोल जाऊन कंटेनरला धडकण्याची शक्यता वाढली आहे. त्यामुळे कोणत्याही क्षणी मोठा अपघात होण्याचा धोका निर्माण झाला आहे.

स्थानिक नागरिकांनी प्रशासनाचे लक्ष या गंभीर समस्येकडे वेधत तातडीने कंटेनर हटवून रस्त्यावरील खड्ड्यांची दुरुस्ती करण्याची मागणी केली आहे.

भात कापणीच्या कामाला वेग..

2025-10-23T22:33:00.000+05:30

मावळ जनसंवाद:- कित्येक दिवसांच्या प्रतीक्षेनंतर पावसाने विश्रांती घेतल्यामुळे नाणे मावळ परिसरामध्ये भात कापणीच्या कामाला वेग आला आहे. त्यामुळे सर्व शेतकरी कापणीच्या कामामध्ये मग्न झाले आहेत.

अरबी समुद्रात निर्माण झालेल्या वादळसदृश्य परिस्थितीमुळे भात कापणीच्या वेळेलाच नेमका काही दिवस पावसाने संततधार सुरू केल्यामुळे मोठ्या प्रमाणात भात शेतीचे नुकसान झाले होते. त्यामुळे पाऊस थांबण्याची प्रतीक्षा शेतकऱ्यांना निर्माण झाली होती, परंतु गेले आठवड्यानंतर पावसाने विश्रांती घेतल्यामुळे शेतकऱ्यांनी भात कापणीच्या कामाला सुरुवात केली.

त्यामुळे शेतकऱ्यांमध्ये सध्या आनंदाचे वातावरण असून कापणीच्या कामाला वेग आला आहे. त्यामुळे सकाळच्या सत्रामध्ये भातकापणी करून सायंकाळच्या वेळी पेंड्या बांधून झोडणीकरिता शेतकरी सज्ज झाले आहेत.

कोंडीवडे ना. मा. परिसरामध्ये पावसाने विश्रांती घेतल्यामुळे कापणीच्या कामाला वेग आला असून शेतातील भात कापून सुकण्यासाठी असे पसरवण्यात आले आहे.

नाणे मावळात निसर्गाची सोनसळी बहार – पर्यटकांच्या स्वागतासाठी सजलेली डोंगरकपारे

2025-10-09T23:09:00.008+05:30

मावळ जनसंवाद:- नाणे मावळ (ता. मावळ ) – नाणे मावळ परिसर सध्या निसर्गाच्या सौंदर्याने नटलेला आहे. पावसाळ्यानंतर डोंगर कपाऱ्यांमध्ये, पडीक रानांमध्ये आणि रस्त्यालगतच्या पठारांवर जणू निसर्गाने पिवळसर सोन्याची शालच अंथरली आहे. हिरव्यागार पार्श्वभूमीवर पिवळी फुले डोलताना पाहणे म्हणजे डोळ्यांसाठी पर्वणीच! या भागात सर्वत्र कवळा वनस्पतीची लहान लहान पिवळी फुले नजरेस पडतात.

वाऱ्यावर हलणारी ही फुले जणू एखाद्या रुपवान स्त्रीच्या डोलणाऱ्या साडीची आठवण करून देतात. वातावरणात पसरलेला वाऱ्याचा मंद स्पर्श, फुलांवरून घळणारे पावसाचे थेंब आणि त्यावर चमकणारे दवबिंदू यामुळे हा परिसर स्वप्नवत भासतो. या भागात केवळ फुलांनीच नव्हे, तर विविध प्रकारच्या रानभाज्या, औषधी वनस्पती आणि रंगीबेरंगी फुलपाखरांनी देखील पर्यटकांचे लक्ष वेधून घेतले आहे. काही ठिकाणी क्वचितच दिसणारी ही फुलांची बहार या परिसरात सहजपणे अनुभवता येते.सप्टेंबर आणि ऑक्टोबर हे महिने निसर्गप्रेमींना नाणे मावळात भेट देण्यासाठी सर्वोत्तम मानले जातात. याच काळात डोंगरांच्या कडेकपाऱ्यांतून उतरणारा सूर्य, लखलखीत दवबिंदू, हिरव्यागार पानांवरून घसरत जाणारे पाण्याचे थेंब आणि पिवळ्या-हिरव्या रंगांची निसर्गचित्रे मनाला मंत्रमुग्ध करतात.

पर्यटनाच्या दृष्टीने या भागात मोठी शक्यता असून शासनाने लक्ष दिल्यास नाणे मावळ पर्यटन नकाशावर ठळकपणे झळकू शकते. येथे येणाऱ्या पर्यटकांना निसर्गाची मुक्त हस्ते उधळण अनुभवता येते, ज्यात सौंदर्य, शांती आणि समाधान यांचा त्रिवेणी संगम आहे. नाणे मावळ हा खरोखरच निसर्गाचा अमोल ठेवा आहे!

रस्त्यात मोठमोठे खड्डे; वाहनचालक त्रस्त, अपघातांची शक्यता वाढली...

2025-10-04T22:22:00.007+05:30

मावळ जनसंवाद:- नाणे मावलातील मुख्य रस्त्यांवर मोठमोठे खड्डे पडल्यामुळे नागरिकांचे हाल होत आहेत. पावसामुळे खड्ड्यांचे प्रमाण वाढले असून, या खड्ड्यांमुळे वाहनचालकांना मोठ्या अडचणींना सामोरे जावे लागत आहे.
कामशेत-जाभवली या परिसरात रस्त्याची अवस्था अत्यंत खराब झाली आहे. दररोज शेकडो वाहने या रस्त्यावरून धावतात. मात्र खड्ड्यांमुळे वाहतूक कोंडी, वाहनांचे नुकसान आणि अपघातांची शक्यता वाढली आहे.

स्थानिक नागरिकांनी प्रशासनाकडे वारंवार तक्रार करूनही अद्याप कोणतीही ठोस कारवाई झालेली नाही. "रोजच एखादा दुचाकीस्वार घसरतो. रात्रीच्या वेळी तर या खड्ड्यांचे भय अधिकच वाढते," असे स्थानिक रहिवासी संतोष विष्णू गायकवाड यांनी सांगितले.

2025-10-02T16:04:00.000+05:30

गोल्डनचे जेष्ठ व आदर्श शिक्षक धावणे सर यांचा गौरव, २७ वर्षांच्या सेवेनंतर सेवानिवृत्ती

2025-10-02T15:38:00.007+05:30

मावळ जनसंवाद:- करंजगाव (ता. मावळ) – गोल्डन ग्लेडस एज्युकेशन सोसायटी संचलित गोल्डन ग्लेडस माध्यमिक विद्यालय, करंजगाव येथील जेष्ठ शिक्षक आणि माजी मुख्याध्यापक श्री.शंकर रामचंद्र धावणे सर यांचा गौरव करण्यात आला. २७ वर्षांच्या प्रदीर्घ सेवेनंतर ते सेवानिवृत्त झाले असून, संस्थेचे ते पहिले सेवानिवृत्त कर्मचारी ठरले आहेत.धावणे सरांनी शाळेच्या जडणघडणीत एक कुशल अभियंता आणि कार्यतत्पर शिक्षक म्हणून मोलाचे योगदान दिले. त्यांनी शाळेला मान्यता मिळवून देण्यासाठी अथक प्रयत्न केले आणि जून १९९८ पासून ६ जानेवारी २००१ पर्यंत मुख्याध्यापक म्हणून कार्य केले. त्यानंतर त्यांनी सहशिक्षक म्हणून कार्य करताना विद्यार्थ्यांमध्ये शिक्षणाची गोडी निर्माण केली.गणितावरील प्रभुत्व, अध्यात्मिक अभिरुची, आणि आधुनिक ज्ञानाची ओढ यामुळे ते शिक्षकांमध्ये आदरणीय स्थान मिळवून गेले. त्यांचे स्पष्टवक्तेपणा, परखड विचार आणि करडी शिस्त ही त्यांची वेगळी ओळख ठरली. विद्यार्थ्यांसाठी ते हक्काचे मार्गदर्शक ठरले, तर सहकाऱ्यांसाठी प्रेरणादायी व्यक्तिमत्त्व. धावणे सरांना त्यांच्या कार्याची पावती म्हणून २०२१ साली राज्यस्तरीय आदर्श शिक्षक पुरस्कारही प्राप्त झाला होता.शाळेच्या वाढीसाठी आणि विद्यार्थ्यांच्या सर्वांगीण विकासासाठी त्यांनी दिलेले योगदान अत्यंत मोलाचे आहे. त्यांच्या मार्गदर्शनाखाली घडलेले असंख्य विद्यार्थी आज देश-विदेशात यशस्वी जीवन जगत आहेत.

सर्व आजी व माजी विद्यार्थी गोल्डन ग्लेड्स माध्यमिक विद्यालय

करंजगाव धावणे सरांना मानपत्र देताना ठीपलेले फोटो

२९ सप्टेंबर २०२५ रोजी शाळेच्या वतीने त्यांना सन्मानपत्र देऊन गौरविण्यात आले. या वेळी सर्व आजी-माजी विद्यार्थी आणि शिक्षकांनी त्यांच्याविषयी कृतज्ञता व्यक्त केली. “धावणे सर शाळेत असोत वा नसोत, ते आमच्या हृदयात सदैव असतील. त्यांचे जीवन यशोगंधाने दरवळत राहो,” अशा शुभेच्छा उपस्थितांनी दिल्या.

झांज-लेझीम व्हाया लेसर-डीजेचा आव्वाज उत्सवाचे स्वरूप बदलले; इव्हेंटमुळे डेकोरेशनचाच साज लोपली जातेय पारंपरिकता

2025-09-05T21:11:00.003+05:30

मावळ जनसंवाद:- गणेश उत्सव हा उत्सव दिवसेंदिवस बदलू लागला असून पारंपरिकता लोप पावताना दिसत आहे. लोकमान्य बाळ गंगाधर टिळक यांनी गणेशोत्सव हा भक्तिभावाने लोकांनी एकत्रित येऊन तो साजरा करावा यासाठी सुरू केला. अगदी 9० च्या दशकापर्यंत झांज-लेझीम ढोल ताश हे शिवकालीन चित्त थरारक कसरतीचे आयोजन होऊन जनजागृतीचे देखावे सादर केले जायचे गेल्या २० वर्षात मात्र याची जागा लेसर शो आणि डीजेच्या आवाजाने घेतली आहे. बाप्पांसाठी आता डेकोरेशनच्या माध्यमातून इव्हेंटचे साज होत आहेत.

(घरगुती डेकोरेशन ६ ते २० हजारांपर्यंत...

गणेश उत्सवाचे दिवसेंदिवस महत्व वाढत आहे. यातूनच घरगुती डेकोरेशनचे मार्केटमध्ये शेकडो फंडे आहेत यातूनच जन्म झाला असून घरगुती डेकोरेशन करून देण्यासाठी कमीत कमी 6000 आणि डिमांड चांगल्या प्रतीचे मोठे डेकोरेशन करायचे झाल्यास वीस हजार रुपयापर्यंत खर्च येत आहे या डेकोरेशन मध्ये प्रामुख्याने विविध प्रकारचे कापड प्लास्टिक पाईप लोखंडी लाकडी पाईप त्यांच्या स्ट्रक्चर कृत्रिम फुलांच्या माळा लाइटिंग माळा लाइटिंग झुंबर या प्रामुख्याने समावेश होतो यंदाच्या वर्षी वेगवेगळ्या फुलांमध्ये लाईट यांचा समावेश होत आहे हे सर्व डेकोरेशन करण्यासाठी साधारण ३ ते ५ तास लागतात.)

पूजा साहित्य व वस्तूंनी बाप्पा झाकोळले...

गणेश बाप्पांची मूर्ती घरची असो वा सार्वजनिक मंडळातील असो मूर्तीसोबत त्यांच्यावर साज चढवण्यासाठी सुमारे 50 हून अधिक वस्तूचे रेलचेल असते प्रामुख्याने पूजा करण्यासाठी पूजेची थाळी कलर्स मोदक कापूर दिवे फुले दूर्वा अगरबत्ती हळदी कुंकू नारळ रांगोळी समई निरांजणे पंचारती वाती फुलवाती आरतीसाठी तबक तूप लावण्यासाठी स्टॅन्ड विड्याची पाने सुट्टे पैसे सुपारी फळे नैवेद्य जानवे अक्षता उपरणे चौरंग पाठ रुमाल केवड्याचे पान गुळ खोबरे आणि प्रसाद या वस्तू लागतात याशिवाय डेकोरेशन साठी लागणाऱ्या वस्तूमध्ये सजावटीसाठी विविध रंगाचे आणि आकाराचे कागद कापड दिवे माळा माळा तोरण फुले थर्माकोलच्या अनेक वस्तू कृत्रिम फुले वेली छत मंडप अशा विविध प्रकारच्या वस्तूचा समावेश आहे याशिवाय सध्या गणपतीच्या मूर्तीसाठी फेटा व धोतीचा मोठी क्रेझ वाढले आहे.

डीजे १५ हजारांपासून ७० हजारांपर्यंत...

गणपती आगमन मिरवणूक व विसर्जन मिरवणुकीमध्ये डीजेला राज्यभरात मागणी आहे आगमन मिरवणुकीसाठी 15000 रुपये तर विसरण्यासाठी 70000 पर्यंत चार्जेस घेतले जात आहे यामध्ये दोन बेस एक टॉप ची परवानगी असल्याने त्यानुसार खर्च घेतला जातो नवीन मागणीनुसार गाणे लावून आरजे मिरवणुकीचा तिरकवत असतो या वेळी डीजे चालकांना किंवा सात माणसे लागतात दरम्यान स्पीकरची सुमारे 25 सून अधिक प्रकार आहे यामध्ये चायनामेड प्रेशर हा आकरनक कर्कक्ष असून या त्यामुळे डीजेला विरोधात होत असल्याने डीजे चालकांचे म्हणणे आहे. मिरवणुकीमा लेसर भी ला वात असती वेगवेगची लाईट यामुळे नुसता सार्वया बेराचा आहे. इनाही आजहीर या न्ही शिकागों हा लायटिंगला मागणी आहे. १० हापासूरसाग चंदीचे तीन-तेरा वाजले जात आहेत.

उसावर करपा व मावा रोगाचा प्रादुर्भाव

2025-09-05T21:10:00.001+05:30

मावळ जनसंवाद:- मावळ तालुक्यात शेतकऱ्यांना प्रथमच जूनपासून ओल्या दुष्काळजन्य परिस्थितीचा सामना करावा लागत आहे. सततचा पाऊस, बदलत्या हवामानामुळे उसावर करपा व मावा रोगाचा प्रादुर्भाव वाढला आहे. परिणामी नदीकाठासह सर्वच ठिकाणची ऊसपिके अडचणीत आहेत. गतवर्षी पाण्याअभावी व चालू हंगामात अतिपाण्यामुळे ऊस उत्पादन जवळपास २५ ते ३० टक्क्यांनी घटण्याची शक्यता वर्तवली जात आहे. परिणामी या घटीचा फटका ऊस उत्पादकांसह साखर कारखान्यांनाही बसणार आहे. मावळ तालुक्यात मे पासूनच अवकाळी, वळीव, मान्सूनपूर्व व मान्सून असा जवळपास साडेतीन महिने व आजअखेर पावसाने मुक्काम हलवलेला नाही. शेतात पाणी साठून राहिल्याने भात पिके काही ठिकाणी धोक्यात आली आहे.तर सर्वच पिकांची वाढ खुंटली. नाणे मावळात लाभक्षेत्रात मोठ्या प्रमाणात घेतले जाणारे ऊसपीकही सततच्या पावसाने व वातावरणातील बदल व वाढत असलेल्या करपा रोगाच्या थैमानाने बाधित झाले आहे. परिणामी उसासह साखरेचे उत्पादन घटण्याबरोबरच कारखान्यांना उसासाठी तारेवरची कसरत करावी लागणार असल्याची शक्यता वर्तवली जात आहे.

आता मावळ तालुक्यात ऊस हेच मुख्य पीक झाले आहे. सुरुवातीला ऊसपिके जोमात होती. शेतकरी समाधानी होते. मात्र अतिपावसामुळे आंतरमशागती झाल्या नाहीत. पाणी साचून राहिल्याने औषध फवारणी व रासायनिक खतांचा वापरही करता आलेला नाही. याचा परिणामी ऊसवाढीवर झाला आहे. शिवाय वातावरणातील बदलामुळे करपा व मावा रोगांचा प्रादुर्भाव होत आहे.

नाणे गेट ते जांभवली मुख्य रस्ता सापडला खड्ड्यांच्या विळख्यात....!

2025-08-10T20:41:00.000+05:30

मावळ जनसंवाद:- नाणे गेट ते जांभवली दरम्यानचा मुख्य रस्ता सध्या खड्ड्यांच्या विळख्यात सापडला. रस्त्याची अवस्था अक्षरशः मृत्यूचा सापळा बनली. खोल खड्‌ड्यांमुळे वाहनचालकांना जीव मुठीत धरून प्रवास करावा लागत आहे. या मार्गावरील अपघातांचे प्रमाण दिवसेंदिवस वाढत असून प्रशासनाच्या दुर्लक्षामुळे नागरिकांत नाराजी पसरली आहे.सदरील मार्गावरून दररोज शेकडो वाहने, पर्यटक, शालेय वाहने, शेतकरी, व्यापारी, यांचा या रस्त्यावरून नेहमीच वावर असतो.

मात्र रस्त्यावरील मोठ्या खड्‌ड्यांमुळे प्रवास अडचणीचा व धोकादायक बनला आहे.विशेषतः पावसाच्या दिवसांत खड्डे पाण्याने भरल्याने अपघातांची शक्यता दुपटीने वाढली.मात्र रस्त्याची दयनीय अवस्था पाहता मोटार वाहन चालकांनाही खड्डे चुकविता येत नाहीत. परिणामी अनेक दुचाकी घसरणाऱ्या घटना घडल्या असून प्रवाशांना किरकोळ व गंभीर दुखापतींचा सामना करावा लागला आहे. अपघातांमुळे शालेय विद्यार्थी, वृध्द, महिला यांचे हाल होत आहेत. नाणे गेट ते जांभवली या रस्त्याचे दरम्यान तातडीने डांबरीकरण करावे, तसेच सर्व प्रथम खड्ड्यांवर तात्पुरती भर घालून वाहतुकीस सुलभता मिळवावी, अशी मागणी नागरिकांनी केली आहे.

(काही ठिकाणी अर्धवट डांबरीकरण,अथवा सिमेंट काँक्रिटीकरण प्रशासनाचे दुर्लक्ष नाणे गेट ते जांभवली दरम्यानचे डांबरीकरण पूर्ण झाले असले तरी नाणे गेट ते जाभवली दरम्यानचा काही ठिकाणीचा रस्ता अजूनही उखडलेल्या अवस्थेत आहे. चिखल, खड्डे आणि अपूर्ण कामामुळे या मार्गावरून जाणे म्हणजे संकटाला निमंत्रण देण्यासारखे आहे. नागरिकांचे म्हणणे आहे की, हे अर्धवट डांबरीकरण, सिमेंट काँक्रेट म्हणजेच प्रशासनाच्या ढिसाळ नियोजनाचे जिवंत उदाहरण आहे.)

नाणे नाणे मावळातील डोंगराने पांघरला हिरवा शालू कडेकपारीसह शेतशिवारे बहरली; बांधारे, ओढे खळखळले...!

2025-08-10T20:35:00.010+05:30

मावळ जनसंवाद:- मावळ तालुक्यात यंदा मोठ्या प्रमाणात पाऊस झाला असून सतत पडत असलेल्या पावसामुळे काही शेतकऱ्यांच्या पेरण्या अथवा भात लागवड अजून देखील झालेली नाही सतत पडत असलेल्या पावसामुळे काही शेतकरी बांधवांना पेरण्या करण्यासाठी मोठ्या प्रमाणात अडथळा निर्माण झाला आहे दुसरी गोष्ट काही ठिकाणी भात रोपे ही पूर्णपणे पाण्याखाली गेले आहे. नाणे मावळात पावसाची रिमझीम सुरूच असल्याने काही ठिकाणी भातरोपे हे पीक जोमात आहेत. नाणे मावळातील असणारे बंधारे अथवा ओडे नाले हे खळखळून वाहू लागले आहेत. कडेकपारीसह शेतशिवारे बहरली असल्याने अवघ्या नाणे मावळ्याने हिरवा शालू पांघरल्याचा भास होत आहे.यावर्षी पावसाळा लवकर सुरू झाल्याने काही ठिकाणी खरीप पेरण्यांना पूरक ठरला. बहुतांशी भागात पावसाने जोरदार हजेरी लावून काही शेतकऱ्यांची पावसाची प्रतीक्षा संपवली.

काही शेतकरी सतत पडत असलेल्या पावसामुळे हातबल झालेला आहे. शेतकऱ्यांनी पावसाच्या ओलीवर लगबगीने खरीप हंगामातील खरीपाची पेरणी पूर्ण केली. पेरणी सततच्या सरींमुळे शेतकरी उभ्या पिकातील तदरम्यान, मावळ तालुक्यात सततच्या रिमझिम तर कधी जोराच्या पावसाने माळरान, डोंगर रांगा हिरव्या शालूने नटल्या आहेत. वन खात्याच्या अखत्यारीत असणाऱ्या क्षेत्रातील वृक्षांना ही पावसाने झळाळी आली आहे. नाणे मावळाला वरदान असलेली इंद्रायणी नदी पात्रात सोडलेले पाणी व अधूनमधून बरसणारा पाऊस यामुळे नाणे मावळ पुन्हा पाणीदार होण्याचे स्वप्न साकारत आहे. परिणामी नाणे मावळातील काही गावांमध्ये एप्रिल मे महिन्यात पाणी नसते आणि हे पाणी आणण्यासाठी वन वन करावी लागते. यंदा मावळ तालुक्यामध्ये मोठ्या प्रमाणात पाऊस पडल्यामुळे एप्रिल मे महिन्यातील दुष्काळी गावांना कलंक काहीसा पुसला जाईल अशा अंदाजाने सामान्य नागरिक सुखावले आहेत. पेरणीनंतर पावसाने ओढ दिल्यावर भौगोलिक विषमतेबरोबरच पर्जन्यमानही विस्कळीत झाल्याने शेतकऱ्यांमध्ये धास्तीचे वातावरण होते; मात्र सततच्या रिमझिम तर कधी मोठ्या पावसाने पशुपालकांमध्येही उत्साहाचे वातावरण आहे.

कांब्रे ते कोंडीवडे ना.मा रस्त्याची अत्यंत दुरवस्था...!

2025-08-10T20:25:00.007+05:30

मावळ जनसंवाद:- कोंडीवडे ना.मा (नाणे मावळ) येथील कांब्रे ते कोंडीवडे ना.मा या रस्त्याची अत्यंत दुरवस्था झाली आहे. रस्त्यावर ठिकठिकाणी खड्डे पडले आहेत, काही ठिकाणी रस्ता खचला असून, पावसामुळे या खड्क्यांमध्ये पाणी साचत आहे. यामुळे वाहनचालकांना मोठा मनस्ताप सहन करावा लागत आहे. या मार्गावर वाहनचालकांना जीवघेणी कसरत करत वाहने चालवावी लागत आहेत. सार्वजनिक बांधकाम विभागाने याकडे त्वरित लक्ष देऊल रस्त्याची दुरुस्ती करावी, अशी मागणी ग्रामस्थ, वाहन चालकांमधून जोर धरू लागली आहे.

विशेषतः कांब्रे ते कोंडीवडे ना.मा या दरम्यान रस्त्याची अवस्था विकट झाली आहे. या रस्त्यावरून वाहतूक मोठ्या प्रमाणात असते. शाळकरी विद्यार्थी, नोकरदार, शेतकरी मोठ्या संख्येने या रस्त्यावरून ये-जा करीत असतात. रस्त्यावरील खड्डे चुकवताना वाहनचालकांना तारेवरची कसरत करावी लागते. पावसाळ्यात रात्रीच्या वेळी खड्ड्यांचा अंदाज न आल्याने अपघाताची शक्यता वाढली आहे. चारा घेऊन येणाऱ्या शेतकऱ्यांसाठी हा रस्ता डोकेदुखी ठरला आहे. संबंधित विभागाने या गंभीर समस्येकडे त्वरित लक्ष देऊन रस्त्याच्या दुरुस्तीचे काम हाती घ्यावे. जेणेकरून संभाव्य अपघात टाळता येतील, अशी मागणी करण्यात येत आहे.

नाणे रेंजसाठी डोंगर, झाडासह मोठ्या इमारतीचा आसरा नाणे मावळ विभागातील स्थानिकांना मनस्ताप; कामांचा होतो खोळंबा...!

2025-08-10T20:16:00.006+05:30

मावळ जनसंवाद:- नाणे मावळ परिसरात वोडाफोन अन्य कंपन्यांची रेंज केवळ घरावर गेल्यानंतरच घेत आहे. अनेकदा मोठे झाड, इमारतीचा आसरा घ्यावा लागत आहे. अभ्यासासाठी अनेकदा गावाबाहेरील ज्या ठिकाणी रेंज त्या ठिकाणी धाव घ्यावी लागत आहे. सध्या स्थितीला कोणत्याही मोबाईल कंपनीची रेज आवस्थित येत नाही रेंज येण्यासाठी डोंगर टेकडीवर अथवा उंच ठिकाणे जावे लागत आहे. काही ठिकाणी घराच्या टेरेस वर मुले एकत्र बसून मोबाईलवर शालेय विद्यार्थी अभ्यास करताना दिसत आहे.तर काही व्यक्ती इतरांचे संपर्क होण्यासाठी फोन वरती चर्चा करताना दिसत आहे. मागील काही वर्षात शासनाच्या विविध योजना ह्या मोबाईल लिंक करण्यात आलेला आहे. त्यासाठी मोबाईल हा कंपल्सरी अनिवार्य आहे. रेंज नसल्यामुळे अन्न वस्त्र निवारा या मूलभूत गरजा निर्माण करण्यासाठी अडथळा होत आहे त्याला कारण म्हणजे रेंज ही वस्तुस्थिती असून ह्याकडे प्रशासनाने लक्ष देणे गरजेचे आहे.रेंज नसल्यामुळे स्थानिकांशी संपर्कात आजही मोठी कसरत करावी लागते.विविध मोबाईल कंपन्या शहरी भागाप्रमाणेच ग्रामीण विभागात प्रशासनाला अनेक प्रकारच्या योजनस दाखवून आकर्षित केले जात आहे. मागील चार वर्षापासून नाणे मावळ ही मोठी समस्या निर्माण झाली आहे.काही ठिकाणी दोन किलोमीतर अंतरापर्यंत येत आहे. यापुढे येत नाही. ही वस्तुस्थिती आहे. (रेंज येत नसल्यामुळे जास्त दिवसाचे महागडे रिचार्ज मारावे लागत आहे.त्या मुळे महिन्याबरचे रिचार्ज वाया जात आहे.शिवाय रिचार्ज किंमत तीस दिवसाची ३०१ एवढे असून तीही सर्वसामान्यांना परवडत नाही. प्रशासनाने नाणे मावळातील विविध गावांमध्ये ज्या ठिकाणी रेंज येत नाही त्या ठिकाणी त्वरित मोबाईल टॉवर उभारण्याची स्थानिकांची मागणी आहे.